Text

ff. 1b–392a · 782 folio sides

  1. 1b

    shes rab kyi pha rol tu phyin pa khri brgyad stong pa/ bam po bzhi bcu/ rtsa gcig po// / de nas bcom ldan 'das la/ lha'i dbang po brgya byin gyis

  2. 2a

    'di skad ces gsol to/ / bcom ldan 'das shes rab kyi pha rol tu phyin pa ni shin tu dben pa nyid kyi slad du/ shes rab kyi pha rol tu phyin pa 'di ni zab pa/ mthong bar dka' ba/ khong du chud par dka' ba/ brtag mi nus pa rtog ga'i spyod pa ma lags pa/ zhib mi brtags pa'i mkhas pa dang /

  3. 2b

    mdzangs pas rig par bgyi ba'i bar dag lags te/ bcom ldan 'das gang dag shes rab kyi pha rol tu phyin pa zab mo 'di nyan pa dang / 'dzin pa dang / 'chang ba dang / klog pa dang / kun chub par bgyid pa dang / de bzhin nyid du sgrub par bgyid cing / bla na med pa yang dag par rdzogs pa'i byang chub mngon par rdzogs par sangs rgyas kyi bar dusems dang sems las byung ba'i chos gzhan dag gi skabs mi 'byed pa de dag ni/ dge ba'i rtsa ba ngan ngon dang / ldan pa ma lags so// bcom ldan 'das kyis bka' stsal pa/ ko'u shi ka da de bzhin ni// de de bzhin te/ ko'u

  4. 3a

    shi ka gang dag shes rab kyi pha rol tu phyin pa zab mo 'di nyan pa dang / 'dzin pa dang / 'chang ba dang / klog pa dang / kun chub par byed pa dang / de bzhin nyid du sgrub par byed cing / bla na med pa yang dag par rdzogs pa'i byang chub mngon par rdzogs par sangs rgyas kyi bar du/ sems dang sems las byung ba'i chos gzhan dag gi skabs mi 'byed pa de dag ni/ dge ba'i rtsa ba ngan don dang ldan pa ma yin no/ / ko'u shi ka 'di ji snyam du sems/ 'dzam bu'i gling gi sems can gang dag ji snyed pa de dag thams cad dge ba bcu'i las kyi lam dang ldan par gyur cing / bsam gtan bzhi dang / tshad med pa bzhi dang // gzugs med pa'i snyoms par 'jug pa bzhi dang ldan par gyur la/ rigs kyi bu'am/ rigs kyi bu mo la la zhig kyang / shes rab kyi pha rol tu phyin pa zab mo 'di

  5. 3b

    'dzin pa dang / 'chang ba dang / klog pa dang / kun chub par byed/ bzung zhing bcangs la/ bklags shing kun chub par byas nas kyang / de bzhin nyid du sgrub par byed na/ ko'u shi ka dge ba'i rtsa ba de la dge ba'i rtsa ba snga ma des ni brgya'i char yang nye bar mi 'gro'o/ / stong gi cha dang / 'bum gyi cha dang / bye ba phrag 'bum gyi char yang nye bar mi 'gro'o// grangs dang / cha dang / 'grang ba dang / de pa dang / rgyur yang nye bar mi 'gro'o// de nas dge slong zhig gis/ lha'i dbang po brgya byin la 'di skad ces smras so// ko'u shi ka rigs kyi bu 'am/ rigs kyi bu mo gang dag g.yeng ba med pa'i sems kyis/ shes rab kyi pha rol tu phyin pa zab mo 'dzin pa dang / 'chang / zhing klog la kun chub par byed pa dang / de bzhin nyid du sgrub par byed cing / bla na med pa yang dag par rdzogs pa'i byang chub mngon par rdzogs par sangs rgyas kyi bar du sems dang sems las byung ba'i chos gzhan dag gi skabs mi 'byed pa de dag gis ni/ 'dzam bu'i gling gi sems can rnams dge ba bcu'i las kyi lam dang ldan par gyur pa dang / bsam gtan bzhi dang ldan pa dang / tshad med pa bzhi dang ldan pa dang / gzugs med pa'i snyoms par 'jug pa bzhi dang ldan pa dang / mngon par shes pa lnga dang ldan pa de dag zil gyis gnon pa yin no// de skad ces smras pa dang / lha'i dbang po brgya byin gyis/ dge slong de la 'di skad ces smras so/ / dge slong byang chub sems dpa' sems dpa' chen po des sems bskyed pa gcig gis kyang / 'dzam bu'i gling gi sems can dge ba bcu'i las kyi lam dang ldan pa dang / bsam gtan bzhi dang ldan pa

  6. 4a

    dag da pa nga u pa dang / gan 'ad pa'i rloms pa sa rgyul pa na na pa dang / mdo pa shes pa na pa de nas / shes sa ma na ma 'dzin pa dang / nang ba d+mang / klog pa dang / kun chub pa skyed pa dang / bzung zhing bcangasas/ bklags shing kun chub par byas nas kyang / de bzhin nyid du sgrub par skyed pa de dag gis lha mos kyang ci nos te/ lha dang / mi dang / lham na du bcas pa'i 'jig rten zil gyis non par 'gyur bas/ byang chub sems dpa' sems dpa' chen po rnams kyis ni/ lha dang / mi dang / lha ma yin du bcas pa'i 'jig rten zil gyis non par 'gyur ro// byang chub sems dpa' sems dpa' chen po rnams kyis/ lha dang / mi dang / lha ma yin du bcas pa'i 'jig rten nyi tshe zil gyis non par 'gyur bar yang ma zad de/ byang chub sems dpa' sems dpa' chen po rnams kyis ni rgyun du zhugs pa rnams dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas gang ji snyed pa de dag thams cad kyang zil gyis non par 'gyur ro// rgyun du zhugs pa rnams dang / rang sangs rgyas kyi bar dag nyi tsher yang ma zad de/ byang chub sems dpa' sems dpa' chen po rnams kyis ni/ byang chub sems dpa' sems dpa' chen po gang dag sbyin pa'i pha rol tu phyin pa la spyod pa thabs la mkhas pa dang mi ldan zhing / shes rab kyi pha rol tu phyin pa dang bral ba de dag thams cad kyang zil gyis non par 'gyur ro// gang dag sbyin pa'i pha rol tu phyin pa la spyod pa

  7. 4b

    dag nyi tsher yang ma zad de/ byang chub sems dpa' chen po rnams kyis ni/ byang chub sems dpa' sems dpa' chen po gang dag tshul khrims kyi pha rol tu phyin pa la spyod pa thabs la mkhas pa dang mi ldan zhing / shes rab kyi pha rol tu phyin pa dang bral ba de dag kyang zil gyis non par 'gyur ro// gang dag tshul khrims kyi pha rol tu phyin pa la spyod pa nyi tsher yang ma zad de/ byang chub sems dpa' sems dpa' chen po rnams kyis ni/ byang chub sems dpa' sems dpa' chen po gang dag bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la spyod pa thabs la mkhas pa dang mi ldan zhing / shes rab kyi pha rol tu phyin pa dang bral ba de dag kyang zil gyis non par 'gyur te/ byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa la spyod pa de dag ni lha dang / mi dang / lha ma yin du bcas pa'i 'jig rten zil gyis non par mi nus so// byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa la spyod pa ni/ ri sa bstan pa'i shes rab kyi pha rol tu phyin pa'i rjes su 'jug pa ste/ byang chub sems dpa' sems dpa' chen po de dag ni/ rnam pa thams cad mkhyen pa nyid kyi gdung rgyun mi 'chad par byed par gnas pa yin no/ / byang chub sems dpa' sems dpa' chen po de dag ni/ de bzhin gshegs pa ring du mi byed pa yin no// byang chub sems

  8. 5a

    dpa' sems dpa' chen po de ltar sgrub pa de dag ni/ byang chub kyi snying po las ldog par mi 'gyur ro// byang chub sems dpa' sems dpa' chen po de dag ni/ sems can bying pa rnams 'don par 'dod pa yin no/ / byang chub sems dpa' sems dpa' chen po de ltar slob pa de dag ni/ byang chub sems dpa'i bslab pa la slob pa ste/ nyan thos kyi bslab pa la slob pa ma yin no/ / rang sangs rgyas kyi bslab pa la slob pa ma yin no// de ltar slob pa'i byang chub sems dpa' sems dpa' chen po'i drung du rgyal po chen po bzhi dag kyang 'gro bar sems shing 'ongs nas kyang 'di skad du skyen par slobs shig/ myur du slobs shig/ lhung bzed bzhi po 'di dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang bzhes pa yin pas// khyod byang chub kyi snying po la 'dug ste/ bla na med pa yang dag par rdzogs pa'i byang chub mngon par rdzogs par sangs rgyas nas kyang blang bar bya ba yin no zhes smra bar 'gyur ro// byang chub sems dpa' sems dpa' chen po shes rab kyi pha rol tu phyin pa la de ltar spyod pa'i drung du rgyal po chen po bzhi po dag kyang rgyal chen bzhi'i ris kyi lha'i bu rnams dang lhan cig 'gro bar sems so/ / kho bo'ang sum du rtsa gsum pa'i lha'i bu rnams dang lhan cig 'gro bar sems so/ / lha'i bu rab 'thab bral yang 'thab bral ba'i lha'i bu rnams dang lhan cig 'gro bar sems so// lha'i bu yongs su dga' ldan yang

  9. 5b

    dga' ldan gyi lha'i bu rnams dang lhan cig 'gro bar sems so/ / de bzhin du lha'i bu rab 'phrul dga' dang / lha'i bu dbang sgyur dang / mi mjed kyi bdag po tshangs pa'ang tshangs ris kyi lha bu rnams dang lhan cig 'gro bar sems so/ / de bzhin du lha'i bu 'od gsal yang 'od gsal gyi lha'i bu rnams dang lhan cig 'gro bar sems so// de bzhin du dge rgyas dang / 'bras bu che ba dang / mi che dang / mi gdung dang / shin tu mthong dang / gya nom snang dang / gnas gtsang ma'i ris kyi bar gyi lha'i bu rnams kyang 'gro bar sems so// byang chub sems dpa' sems dpa' chen po gang shes rab kyi rol tu phyin pa zab mo 'di la spyod pa de la ni/ de bzhin gshegs pa dgra bcom pa yang dag par rdzogs pa'i sangs rgyas rnams kyang rtag tu dgongs par 'gyur ro// byang chub sems dpa' sems dpa' chen po gang de ltar shes rab kyi pha rol tu phyin pa zab mo 'di la spyod pa de'i lus la ni/ 'jig rten pa'i sdug bsngal gzhan gyis gnod par bya ba gang ji snyed cig lus la 'byung bar 'gyur ba de dag kyang / thams cad kyi thams cad rnam pa thams cad kyi thams cad du 'byung bar mi 'gyur ro// dge slong 'di ni byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa de'i tshe/ 'di'i yon tan yin no// de'i lus la 'dus pa las gyur pa'i nad gang ji snyed pa 'di lta ste/ mig nad dang / rna nad dang / sna ba nad dang / lce nad dang / so nad dang / lus

  10. 6a

    kyi nad dang / sems kyi nad gang ji snyed pa de dag thams cad kyang 'byung bar mi 'gyur te/ de'ang byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa'i tshe/ 'di'i yon tan du shes par bya ba yin no// de nas tshe dang ldan pa kun dga' bo 'di snyam du sems te/ ci lha'i dbang po brgya byin 'di bdag rang gi spobs pas shes rab kyi pha rol tu phyin pa ston tam/ 'on te sangs rgyas kyi mthus ston snyam mo// de nas lha'i dbang po brgya byin gyis/ tshe dang ldan pa kun dga' bo'i sems kyis yongs su rtog pa sems kyis shes nas/ tshe dang ldan pa kun dga' bo la 'di skad ces smras so// btsun pa kun dga' bo 'di ltar kho bo shes rab kyi pha rol tu phyin pa ston pa 'di ni sangs rgyas kyi mthu yin par rig par bya'o// de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo de de bzhin no// de de bzhin te/ 'di ltar lha'i dbang po brgya byin 'di shes rab kyi pha rol tu phyin pa ston pa de ni de bzhin gshegs pa'i mthu yin no/ / de ni de bzhin gshegs pa'i byin gyi rlabs yin no// kun dga' bo gang gi tshe/ byang chub sems dpa' sems dpa' chen po shes rab kyi pha nga kyi 'i mi pa / / khyi ro tshan pa pa rnam kyi byed dang / shes kyi tshu 'i rnam pa ma/ samakyis canam kyi chen gyi sa kyi

  11. 6b

    can de dag thams cad 'di snyam du/ ci byang chub sems dpa' sems dpa' chen po 'di yang dag pa'i mtha' mngon sum du byed par 'gyur zhing / yang dag pa'i mtha' mngon sum du byas nas/ rgyun du zhugs pa'i 'bras bu mngon sum du byed par 'gyur ram/ lan cig phyir 'ong ba'i 'bras bu'am/ phyir mi 'ong ba'i 'bras bu 'am/ dgra bcom pa nyid mngon sum du byed par 'gyur ram/ rang byang chub thob par 'gyur ram/ 'on te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam du the tsom skye bar 'gyur ro// kun dga' bo gzhan yang gang gi tshe/ byang chub sems dpa' sems dpa' chen po shes rab kyi pha rol tu phyin pa dang ma bral bar gyur pa de'i tshe/ bdud sdig can mya ngan gyi zug rngus zug par 'gyur ro// kun dga' bo gzhan yang bdud sdig can gyis byang chub sems dpa' sems dpa' chen po spa bkong bar bya ba dang / spu zing zhes byed par 'gyur ba dang / sems zhum par 'gyur ba dang / rnam pa thams cad mkhyen pa nyid yid la byed par sems bskyed pa gcig tsam yang rnam par g.yeng bar bya ba'i phyir/ kar mda' gtong zhing 'jigs pa skyed par byed do// de nas bcom ldan 'das la/ tshe dang ldan pa kun dga' la 'di skad ces gsol to/ / bcom ldan 'das kyi byang chub sems dpa' sems dpa' chen po thams cad kyi drung du bdud sdig can ma po 'cham pa'i bsam pas mchi mar 'gyur lags sam/ bcom ldan 'das

  12. 7a

    kyis bka' stsal pa/ kun dga' bo byang chub sems dpa' sems dpa' chen po thams cad kyi drung du bdud sdig can mtho 'tsham pa'i bsam pas 'ong ba yin te/ kun dga' bo byang chub sems dpa' sems dpa' chen po kha cig gi drung du ni bdud sdig can mtho 'tsham pa'i bsam pas 'ong bar 'gyur ro/ / kha cig gi drung du ni 'ong bar mi 'gyur ro// kun dga' bos gsol pa/ bcom ldan 'das byang chub sems dpa' sems dpa' chen po ji lta bu dag gi drung du bdud sdig can mtho 'tsham pa'i bsam pas mchi bar 'gyur lags/ ji lta bu dag gi drung du ni mchi bar mi 'gyur lags bcom ldan 'das kyis bka' stsal pa/ kun dga' bo byang chub sems dpa' sems dpa' chen po gang dag sngon gyi mthar yang / shes rab kyi pha rol tu phyin pa zab mo 'di bshad pa na/ sems mos par ma gyur pa de dag gi drung du ni bdud sdig can mtho 'tsham pa'i bsam pas 'ong bar 'gyur ro/ / kun dga' bo gzhan yang byang chub sems dpa' sems dpa' chen po gang dag shes rab kyi pha rol tu phyin pa zab mo 'di bshad pa na/ 'di shes rab kyi pha rol tu phyin pa yin nam/ 'on te 'di shes rab kyi pha rol tu phyin pa ma yin snyam du the tsom za bar gyur na/ kun dga' bo byang chub sems dpa' sems dpa' chen po de dag gi drung du yang bdud sdig can mtho 'tsham pa'i bsam pas 'ong bar 'gyur ro/ / kun dga' bo gzhan yang byang chub sems dpa' sems dpa' chen po dge ba'i bshes gnyen dag dang bral bar

  13. 7b

    gyur na/ des dge ba'i bshes gnyen dag mi mthong bas/ shes rab kyi pha rol tu phyin pa zab mo 'di mi thos so// ma thos na mi shes pas ji ltar shes rab kyi pha rol tu phyin pa 'di bsgom par bya zhes de bzhin nyid du sgrub par mi byed do/ / kun dga' bo gzhan yang byang chub sems dpa' sems dpa' chen po shes rab kyi pha rol tu phyin pa dang bral na/ dam pa ma yin pa'i chos yongs su 'dzin par byed de/ kun dga' bo byang chub sems dpa' sems dpa' chen po de la'ang bdud sdig can gyis glags rnyed par 'gyur ro// kun dga' bo gzhan yang shes rab kyi pha rol tu phyin pa dang bral ba'i byang chub sems dpa' dam pa ma yin pa'i chos kyi bsngags pa brjod na/ de la bdud sdig can 'di snyam du gang dam pa ma yin pa'i chos kyi bsngags pa brjod pa 'di ni bdag gi grogs yin te/ gang dam pa ma yin pa'i chos kyi bsngags pa brjod pa de ni/ byang chub sems dpa'i theg pa mang po dag gi nang nas bdag gi grogs su rnyed pa yin te/ byang chub sems dpa'i theg pa pa'i gang zag gang yin pa de dag kyang 'di lta ste/ sa gnyis po nyan thos kyi sa 'am/ rang sangs rgyas kyi sa dag la gnas par 'gyur bas na/ 'di ni bdag gi bsam pa yongs su rdzogs par byed pa yin no snyam du sems so// kun dga' bo gzhan yang byang chub sems dpa' sems dpa' chen po ji lta bu dag la bdud sdig can gyis glags rnyed par 'gyur zhe na/ byang chub sems dpa' gang shes rab kyi pha rol tu phyin pa zab mo 'di bshad pa na/ 'di skad du shes rab

  14. 8a

    kyi pha rol tu phyin pa 'di ni zab pas na/ khyod kyis shes rab kyi pha rol tu phyin pa zab mo 'di mnyan pa dang / bshad pa dang / gzung ba dang / klog pa dang / kun chub par bya ba dang / yongs su rdzogs par bya ste ci rung / ngas kyang da dung 'di'i gting ma rnyed na/ khyod kyis lha rnyed par gal 'gyur zhes zer na/ kun dga' bo byang chub sems dpa' sems dpa' chen po de la'ang bdud sdig can gyis glags rnyed par 'gyur ro/ / kun dga' bo gzhan yang gang gi tshe/ byang chub sems dpa' sems dpa' chen po gzhan dag la rlom sems su byed de/ kho bo ni sbyin pa'i pha rol tu phyin pa la spyod pa yin gyis/ khyod ni sbyin pa'i pha rol tu phyin pa la spyod pa ma yin no// de bzhin du sbyar te/ kho bo ni shes rab kyi pha rol tu phyin pa'i bar la spyod pa yin gyi/ khyod ni shes rab kyi pha rol tu phyin pa la spyod pa ma yin no zhes rlom sems su byed na/ kun dga' mo byang chub sems dpa' de la'ang bdud sdig can gyis glags rnyed par 'gyur ro// kun dga' bo gzhan yang gang gi tshe/ byang chub sems dpa' sems dpa' chen po bdag la bstod par sems na/ de'i tshe bdud sdig can dga' ba dang / mgu ba dang / yi rangs pa dang / rab tu dga' ba dang / dga' ba dang yid bde ba skye bar 'gyur te/ kun dga' bo byang chub sems dpa' sems dpa' chen po de la'ang bdud sdig can gyis glags rnyed par 'gyur ro// kun dga' bo gzhan yang gang gi tshe/ byang chub sems

  15. 8b

    dpa'i ming smos sam/ rus smos te/ yongs su bsgrags nas/ ming smos pa 'am/ rus smos pa des/ de las gzhan pa'i byang chub sems dpa' des dge ba'i chos can dag la rlom sems su byed cing / bdag bstod par byed/ gnan sdod par byed la/ byir mi ldog pa'i byang chub sems dpa' sems dpa' chen po rnams kyi rnam pa dang / rtags dang / mtshan ma gang yin pa'i yon tan de dag kyang de la med la/ de rnam pa dang / rtags dang / mtshan ma de dag med bzhin du/ nyon mongs pa skyed cing bdag la bstod par byed/ gzhan la smod par byed de/ ji ltar kho bo byang chub sems dpa'i theg pa dang / byang chub sems dpa'i rigs la yang dag par snang ba ltar/ khyod ni byang chub sems dpa'i theg pa dang / byang chub sems dpa'i rigs la yang dag par mi snang ngo zhes de des/ byang chub sems dpa'i theg pa'i gang zag rnams la brnyas shing smod par byed na/ de la bdud sdig can 'di snyam du bdag gi gnas kyang stongs par mi 'gyur la/ sems can dmyal ba chen po dang / dud 'gro'i skye gnas dang / gshin rje'i 'jig rten dang / yi dgas kyi yul dag kyang shin tu 'phel bar 'gyur ro snyam du sems shing / bdud sdig can gyis ci nas kyang byang chub sems dpa' de'i tshig gzung bar 'os par 'gyur ba de lta de ltar byin gyis rlob par byed do/ / de'i tshig gzung bar 'os pa de la 'gro ba mang po dag kyang mnyan par bya bar sems te/ de dag gis de la mnyan

  16. 9a

    cing dad par bya bar bsam pas/ de dag gis de mthong ba na mthun par byed do// de dag gis de mthong nas rjes su mthun par spyod cing / de dag de bzhin nyid du slob par 'gyur ro/ / de bzhin nyid du slob cing / de bzhin nyid du sgrub pas nyon mongs pa 'phel bar 'gyur te/ de ltar de dag sems phyin ci log tu gyur pas lus dang / ngag dang / yid kyi las gang dang gang brtsams pa de dag thams cad kyang mi 'dod pa dang / mi sdug pa dang / yid du mi 'ong ba nyid du 'gyur te/ de ltar sems can dmyal ba chen po dag kyang 'phel bar 'gyur ro// dud 'gro'i skye gnas dang / gshin rje'i 'jig rten dang / yi dgas kyi yul yang 'phel bar 'gyur ro// bdud kyi gnas kyang 'phel bar 'gyur te/ kun dga' bo don gyi dbang de mthong bas na/ bdud sdig can yi rangs pa dang / rab tu dga' ba dang / dga' ba dang yid bde ba skye bar 'gyur ro// kun dga' bo gzhan yang gal te byang chub sems dpa'i theg pa pa'i gang zag nyan thos kyi theg pa pa'i gang zag dang/ lhan cig rtsod par byed na/ de la bdud sdig can 'di snyam du/ a la la rigs kyi bu 'di dag ni rnam pa thams cad mkhyen pa nyid ring du byed pa yin te/ 'di dag ni rnam pa thams cad mkhyen pa nyid dang nye bar mi 'gyur ro/ / de ci'i phyir zhe na/ 'thab mo dang / mtshang 'dru ba dang / 'thab pa dang / rtsod pa 'di dag ni rnam pa thams cad mkhyen pa nyid kyi lam ma yin gyi/ 'di ni sems can dmyal ba'i lam yin

  17. 9b

    la/ 'di ni dud 'gro'i skye gnas dang / gshin rje'i 'jig rten gyi lam yin te/ rnam pa thams cad mkhyen pa nyid kyi lam ma yin pa'i phyir ro snyam mo// kun dga' bo gzhan yang byang chu sems dpa'i theg pa pa'i gang zag gal te byang chub sems dpa'i theg pa pa'i gang zag gzhan dang 'thab mo dang / mtshang 'dru ba dang / 'thab pa dang / rtsod pa dag byed par gyur na/ de la bdud sdig can 'di snyam du 'di gnyis ni rnam pa thams cad mkhyen pa nyid ring du byed pa yin te/ 'di gnyis ni bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ro// de ci'i phyir zhe na/ 'di ltar gang rigs kyi / 'di dag rtsom pa 'di ni rnam pa thams cad mkhyen pa nyid kyi lam ma yin te/ gang rigs kyi bu 'di dag rtsom pa 'di ni sems can dmyal ba'i lam dang / dud 'gro'i skye gnas kyi lam dang / gshin rje'i 'jig rten gyi lam yin pa'i phyir ro snyam mo/ / kun dga' bo gzhan yang gal te byang chub sems dpa' lung ma bstan pa zhig lung bstan pa'i byang chub sems dpa' la gnod sems kyi sems skyed par byed cing / 'thab mo dang / 'khrug long dang / mtshang 'dru ba dang / rtsod pa dang / 'gyed par byed la/ gal te des rnam pa thams cad mkhyen pa nyid yongs su ma btang na/ des ji snyed du 'thab mo dang / mtshang 'dru ba dang / 'thab pa dang / rtsod par bya ba'i sems bskyed pa de snyed kyi bskal par des go cha bgo bar bya dgos so// de skad ces bka' stsal pa dang / bcom ldan

  18. 10a

    'das la/ tshe dang ldan pa kun dga' bos 'di skad ces gsol to// bcom ldan 'das sems bskyed pa de dag la nges par 'byung ba ma mchis sam/ 'on te de snyed kyi bskal pa kho nar go cha bgo bar bgyi 'tshal lags/ de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo ngas ni nyan thos kyi theg pa pa rnams dang / rang sangs rgyas kyi theg pa pa rnams dang / byang chub sems dpa'i theg pa pa'i gang zag rnams nges par 'byung ba dang bcas pa'i chos ston te/ kun dga' bo de la byang chub sems dpa'i theg pa pa'i gang zag byang chub sems dpa'i theg pa pa'i gang zag la 'thab pa dang / rtsod pa dang / khro ba dang / spyo bar byed cing / 'thab cing rtsod la/ khros shing spyos nas kyang 'chags par mi byed par mdud par 'dzin cing bag la nyal bas gnas par byed na/ kun dga' bo gang zag de la ni nges par 'byung ba yod par nga mi smra ste/ gang zag des ni gal te rnam pa thams cad mkhyen pa nyid mi gtong na de snyed kyi bskal par gdon mi za bar go cha bgo bar bya dgos so/ / kun dga' bo gzhan yang byang chub sems dpa' sems dpa' chen pos 'thab cing rtsod la/ khros shing smyos nas kyang 'chags par byed cing / bag la nyal bas mi gnas te/ bdag gis ni thob par bya ba nyes par thob ste/ bdag gis sems can thams cad kyi sdug bsngal bsal dgos na/ smras pa la bdag gis phyir smras pa

  19. 10b

    pa dang / 'di ltar bdag sems can thams cad kyi zab par gyur par bya dgos na/ bdag gzhan la mi snyan par smra zhing phyir zlog na ni mi tshal gyis/ bdag gis de ltar mi bya bar bdag lug ltar sprugs parabya/ zhing mi smra bar bya'o// bdag gis lhag pa'i bsam pa dkrug par mi bya ste/ bdag bla na med pa yang dag par rdzogs pa'i byang chub mngon par rdzogs par sangs rgyas nas kyang / sems can 'di dag yongs su mya ngan las bzla bar bya dgos na/ de dag nyid la bdag gnod sems skyed pa dang / de dag nyid la bdag 'khrug par byed pa ni mi tshul gyis/ bdag gis de dag la gnod sems mi bskyed cing / bdag gis de dag la dkrug par mi bya'o zhes phyin chad kyang sdom pa 'dzin par byed na/ kun dga' bo byang chub sems dpa' sems dpa' chen po de ni nges par 'byung ba dang bcas pa yin no zhes nga smra ste/ de la ni bdud sdig can gyis glags rnyed par mi 'gyur ro/ / kun dga' bo gzhan yang byang chub sems dpa' sems dpa' chen po nyan thos kyi theg pa pa'i gang zag rnams dang lhan cig gnas par mi bya'o// gal te gnas na'ang gang la'ang gnod sems kyi sems bskyed par mi bya'o// de ci'i phyir zhe na/ 'di ltar gang gi phyir 'di dag la gnod sems bskyed pa'am/ 'khrug par bya ba ni bdag la rigs pa ma yin pa'i phyir ro/ / de ci'i phyir zhe na/ 'di ltar de dag ni bdag bla na med pa yang dag par rdzogs pa'i byang chub mngon par rdzogs par sangs rgyas nas/ sdug bsngal thams cad las yongs su thar

  20. 11a

    par bya dgos pa'i phyir ro snyam mo/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das byang chub sems dpa' sems dpa' chen pos byang chub sems dpa'i theg pa pa'i gang zag rnams kyi drung du ji ltar gnas par bgyi lags/ bcom ldan 'das kyis bka' stsal pa/ kun dga' bo byang chub sems dpa' sems dpa' chen pos ston pa la ji lta ba bzhin du/ byang chub sems dpa'i theg pa pa'i gang zag rnams kyi drung du gnas par bya'o// de ci'i phyir zhe na/ 'di ni bdag gi grogs yin te/ theg pa gcig la zhugs pa yin zhing / 'dis ji ltar bslab par bya ba de ltar bdag gis kyang bslab par bya dgos la/ 'dis gang la bslab par bya ba'i sbyin pa'i pha rol tu phyin pa dang / rnam pa thams cad mkhyen pa nyid kyi bar de la bdag gis kyang bslab par bya dgos pa'i phyir ro// gal te 'di rnam pa thams cad mkhyen pa nyid dang ldan pa'i yid la byed pa dag dang bral bas 'dres par gnas na/ bdag gis de la bslab par mi bya'i gal te byang chub sems dpa' sems dpa' chen po 'di rnam pa thams cad mkhyen pa nyid dang ldan pa'i yid la byed pa dag dang ma bral bar gnas na/ bdag gis kyang de bzhin du gnas par bya'o snyam ste/ de ltar slob pa'i byang chub sems dpa' sems dpa' chen po ni bslab pa mnyam pa yin no// shes rab kyi pha rol tu phyin pa khri brgyad stong pa las/ bslab pa mnyam

  21. 11b

    pa'i le'u zhes bya ste lnga bcu rtsa drug pa'o/ / / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen pos mnyam pa nyid gang la bslab par bgyi ba'i byang chub sems dpa' sems dpa' chen po rnams kyi mnyam pa nyid gang lags/ bcom ldan 'das kyis bka' stsal pa/ rab 'byor nang stong pa nyid dang / de bzhin du sbyar te/ dngos po med pa'i ngo bo nyid stong pa nyid kyi bar ni byang chub sems dpa' sems dpa' chen po rnams kyi mnyam pa nyid yin no// gzugs ni gzugs kyis stong ngo / / tshor ba dang / 'du shes dang / 'du byed rnams dang / rnam par shes pa ni rnam par shes pas stong ngo // de bzhin du byang chub kyi bar du'ang byang chub kyis stong ste/ rab 'byor de ni byang chub sems dpa' sems dpa' chen po rnams kyi mnyam pa nyid yin te/ mnyam pa nyid de la gnas nas byang chub sems dpa' sems dpa' chen po rnams/ bla na med pa yang dag par rdzogs pa'i byang chub mngon par rdzogs par 'tshang rgya'o/ / rab 'byor gyis gsol pa/ bcom ldan 'das ci byang chub sems dpa' sems dpa' chen po gzugs bas par bgyi ba'i slad du slob na/ rnam pa thams cad mkhyen pa nyid la slob pa lags sam/ gzugs 'dod chags dang bral bar bgyi ba'i slad du slob na/ rnam pa thams cad mkhyen pa nyid la slob pa lags sam/ gzugs 'gog pa'i slad du slob na/ rnam pa thams/

  22. 12a

    cad mthen pa nyid la slob pa lags sam/ gzugs skye ba ma mchis pa'i slad du slob na/ rnam pa thams cad mkhyen pa nyid la slob pa lags sam/ de bzhin du so so yang dag par rig pa bzhi'i bar dag bas par bgyi ba'i slad du slob na/ rnam pa thams cad mkhyen pa nyid la slob pa lags sam/ de bzhin du so so yang dag par rig pa bzhi skye ba ma mchis pa'i bar du slob na/ rnam pa thams cad mkhyen pa nyid la slob pa lags sam/ tshor ba dang / 'du shes dang / 'du byed rnams dang / rnam par shes pa bas par bgyi ba'i slad du slob na/ rnam pa thams cad mkhyen pa nyid la slob pa lags sam/ skye ba ma mchis pa'i bar gyi slad du slob na/ rnam pa thams cad mkhyen pa nyid la slob pa lags sam/ byang chub kyi bar du bas par bgyid pa dang / 'dod chags dang bral ba dang / 'gog pa dang / skye ba ma mchis pa'i bar du slob na/ rnam pa thams cad mkhyen pa nyid la slob pa lags sam/ de bzhin du thams cad la'ang rgya cher sbyar bar bgyi'o// de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor gang yang khyod 'di skad du gang gzugs zad par bya ba'i phyir slob na rnam pa thams cad mkhyen pa nyid la slob pa yin nam/ skye ba med pa'i phyir slob na rnam pa thams cad mkhyen pa nyid la slob pa yin nam/ tshor ba dang / 'du shes dang / 'du byed rnams dang / rnam par shes pa

  23. 12b

    zad par bya ba'i phyir sleb na/ rnam pa thams cad mkhyen pa nyid la slob pa yin nam/ skye ba med pa'i phyir spong na/ rnam pa thams cad mkhyen pa nyid la slob pa yin nam/ byang chub kyi bar du zad par bya ba dang / 'dod chags dang bral ba dang / 'gog pa dang / skye ba med pa'i phyir slob na/ rnam pa thams cad mkhyen pa nyid la slob pa yin nam/ de bzhin du thams cad la'ang rgya cher sbyar bar bya'o zhes zer ba ni/ rab 'byor 'di ji snyam du sems/ gzugs kyi de bzhin nyid gang yin pa dang / tshor ba dang / 'du shes dang / 'du byed rnams dang / rnam par shes pa'i de bzhin nyid dang / de bzhin du sbyar te/ byang chub kyi bar gyi de bzhin nyid gang yin pa dang / de bzhin gshegs pa'i de bzhin nyid gang yin pa'i de bzhin nyid gang gis/ de bzhin gshegs par gdags pa'i de bzhin nyid de la zad pa 'am/ 'gag pa 'am/ 'bri bar 'gyur ba yod snyam mam/ rab 'byor gyis gsol pa/ bcom ldan 'das de ni ma lags so// bde bar gshegs pa de ni ma lags so// bcom ldan 'das kyis bka' stsal pa/ rab 'byor de ltar slob pa'i byang chub sems dpa' sems dpa' chen po ni de bzhin nyid la slob cing rnam pa thams cad mkhyen pa nyid la slob pa yin te/ 6rab 'byor de ltar slob pa'i byang chub sems dpa' sems dpa' chen po ni pha rol tu phyin pa drug po dag la slob pa yin no/ / dran pa nye bar gzhag pa rnams dang / de bzhin du sbyar te/ sangs rgyas kyi chos de bzhin nyid la zad pa 'am/ 'gag pa 'am/ 'bri bar 'gyur ba'ang med do//

  24. 13a

    ma 'dres pa bco brgyad kyi bar dang / rnam pa thams cad mkhyen pa nyid kyi bar la slob pa yin no// rab 'byor de ltar slob pa'i byang chub sems dpa' sems dpa' chen po ni pha rol tu phyin pa'i bslab pa thams cad kyi pha rol tu phyin pa rjes su thob par 'gyur ro/ / rab 'byor de ltar slob pa'i byang chub sems dpa' sems dpa' chen po ni/ bdud dam/ bdud kyi rigs kyi lha rnams kyis thul bar mi nus pa yin no/ / rab 'byor de ltar slob pa'i byang sems dpa' sems dpa' chen po ni myur ba nyid du phyir mi ldog pa rjes su 'thob par 'gyur ro// rab 'byor de ltar slob pa'i byang chub sems dpa' sems dpa' chen po ni rang gi la de bzhin gshegs pa'i spyod yul la spyod pa yin no/ / rab 'byor de ltar slob pa'i byang chub sems dpa' sems dpa' chen po ni mun pa med par byed pa'i chos rnams la spyod pa yin no/ / rab 'byor de ltar slob pa'i byang chub sems dpa' sems dpa' chen po ni sangs rgyas kyi zhing yongs su dag par byed pa'i chos rnams la spyod pa yin no// rab 'byor de ltar slob pa'i byang chub sems dpa' sems dpa' chen po ni byams pa chen po la slob pa yin/ snying rje chen po la slob pa yin/ sangs rgyas kyi zhing yongs su dag par bya ba'i phyir slob pa yin/ sems can rnams yongs su smin par bya ba dag la slob pa yin no/ / rab 'byor de ltar slob pa'i byang chub sems dpa' sems dpa' chen po ni lan gsum du bzlas te/ chos kyi 'khor lo rnam pa bcu gnyis su

  25. 13b

    bskor ba'i phyir slob pa yin no/ / rab 'byor de ltar slob pa'i byang chub sems dpa' sems dpa' chen po ni sems can rnams yongs su mya ngan las bzla bar bya'o zhes slob pa yin no// rab 'byor de ltar mo pa'i byang chub sems dpa' sems dpa' chen po ni de bzhin gshegs pa'i gdung rgun mi 'chad par bya ba'i phyir slob pa yin no/ / rab 'byor de ltar slob pa'i byang chub sems dpa' sems dpa' chen po ni 'chi pa med pa'i sgo rnam par dbye bar bya'o zhes slob pa yin/ 'dus ma byas kyi khams yang dag par bstan par bya'o zhes slob pa yin te/ rab 'byor sems can dman pa rnams kyis ni bslab pa 'di la slob par mi nus so/ / byang chub sems dpa' sems dpa' chen po gang bslab pa 'di la slob pa de ni/ sems can thams cad 'khor ba las 'don par 'dod pa yin te/ rab 'byor de ltar slob pa'i byang chub sems dpa' sems dpa' chen po ni sems can dmyal bar mi skye'o/ / dud 'gro'i skye gnas dang / gshin rje'i 'jig rten dang / yul mtha' 'khob rnams su mi skye'o/ / gdol ba'i rigs su mi skye'o// zhar bar mi 'gyur/ 'theng por mi 'gyur/ 'on par mi 'gyur/ lba ba can du mi 'gyur/ gzhogs byed bskams par mi 'gyur/ dbang po ma tshang bar mi 'gyur te/ dbang po yongs su rdzogs par 'gyur zhing / yongs su ma rdzogs par mi 'gyur ro// srog gcod par mi 'gyur/ log par lta ba'i bar du mi 'gyur

  26. 14a

    ro/ / log pa'i 'tsho bas 'tsho bar mi 'gyur ro// yang dag pa ma yin pas yongs su 'dzin par mi byed do// tshul khrims 'chal par mi 'gyur ro// tshul khrims 'chal pa yongs su 'dzin par mi byed do/ / rab 'byor de ltar slob pa'i byang chub sems dpa' sems dpa' chen po ni lha tshe ring po rnams kyi nang du skye bar mi 'gyur ro// de ci'i phyir zhe na/ thabs la mkhas pa gang dang ldan pas/ byang chub sems dpa' sems dpa' chen po bsam gtan rnams la snyoms par 'jug pa dang / tshad med pa rnams la snyoms par 'jug pa dang / gzugs med pa'i snyoms par 'jug pa rnams la snyoms par 'jug kyang / bsam gtan rnams dang / tshad med pa rnams dang / gzugs med pa'i snyoms par 'jug pa rnams kyi dbang gis mi skye ba'i thabs la mkhas pa de la yod pa'i phyir ro/ / rab 'byor de ltar slob pa'i byang chub sems dpa' sems dpa' chen po ni/ 'di lta ste/ nyan thos dang / rang sangs rgyas kyi sa yongs su dag pas/ sangs rgyas kyi chos thams cad kyi stobs yongs su dag pa rtogs par 'gyur ro// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad rang bzhin gyis yongs su dag pa lags na/ byang chub sems dpa' sems dpa' chen pos chos gang zhig gi yongs su dag pa

  27. 14b

    rtogs par 'gyur lags/ bcom ldan 'das kyis bka' stsal pa/ rab 'byor de de bzhin te/ de de bzhin no// ji skad smras pa bzhin te/ rab 'byor chos thams cad ni rang bzhin gyis yongs su dag pa ste/ rab 'byor de ltar chos thams cad yongs su dag pa la/ byang chub sems dpa' sems dpa' chen po shes rab kyi pha rol tu phyin pa la spyod pa'i mi num mi 'gong ba gang yin pa de ni/ rab 'byor byang chub sems dpa' sems dpa' chen po'i shes rab kyi pha rol tu phyin pa yin na/ byis pa so so'i skye bo rnams kyis chos nyid de mi shes mi mthong bas// sems can de dag gi don du byang chub sems dpa' sems dpa' chen po sbyin pa'i pha rol tu phyin pa la spyod cing / shes rab kyi pha rol tu phyin pa'i bar la spyod do// rab 'byor chos thams cad la de ltar spyod pa'i byang chub sems dpa' sems dpa' chen po ni/ stobs dang mi 'jigs pa rjes su 'thob par 'gyur ro// rab 'byor de ltar slob pa'i byang chub sems dpa' sems dpa' chen po ni/ sems can thams cad kyi sems kyi spyod pa rnam par g.yo ba'i pha rol tu 'gro ba yin no// rab 'byor 'di lta ste/ dper nas chen po'i phyogs dag na/ gang na 'dzam bu'i chu bo'i gser gyis le sbram dang dngul dag 'byung bar 'gyur ba ni nyung ngo / / rab 'byor de bzhin du sems can gang dag 'di lta ste/ shes rab kyi pha rol tu phyin pa'i bslab pa 'di la slob pa de dag ni nyung gi/ sems

  28. 15a

    can gang dag can thos kyis 'am/ rang sangs rgyas kyi sa la gnas pa de dag ni de bas ches mang ngo // rab 'byor 'dis ste/ dper na sems can gang dga' khor lo gyur ba'i rgyal por 'gyur ba'i las yang dag par blangs te gnas pa de dag ni nyung gi/ sems can gang dag khams kyi rgyal por 'gyur ba'i las yang dag par blangs te gnas pa de dag ni ches mang ngo // rab 'byor de bzhin du sems can gang dag rnam pa thams cad mkhyen pa nyid kyi lam 'di la yang dag par zhugs pa de dag ni nyung gi/ sems can gang dag nyan thos dang / rang sangs rgyas kyi lam du yang dag par zhugs pa de dag ni ches mang ngo / / rab 'byor byang chub sems dpa' sems dpa' chen po gang dag bla na med pa yang dag par rdzogs pa'i byang chub la yang dag par zhugs pa de dag pas kyang / byang chub sems dpa' sems dpa' chen po gang dag de bzhin nyid la sgrub pa dag ches mang ngo // de bas kyang gang dag nyan thos dang / rang sangs rgyas nyid la gnas par 'gyur ba ni ches mang ngo / / rab 'byor byang chub sems dpa'i theg pa pa'i rigs kyi bu gang dag shes rab kyi pha rol tu phyin pa la gnas shing / phyir mi ldog pa'i sa gnod par 'gyur ba de dag pas ni/ gang dag phyir mi ldog pa'i sa gnon par mi 'gyur ba dag ches mang ngo // rab 'byor de lta bas na byang chub sems dpa' sems dpa' chen po phyir mi ldog pa'i sa 'thob par 'dod pa dang /

  29. 15b

    phyir mi ldog pa'i sar bzang bar chud par 'dod pas shes rab kyi pha rol tu phyin pa zab mo 'di nyid la bslab par bya'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ ser sna dang ldan pa'i sems mi skyed do// 'chal pa'i tshul khrims dang ldan pa'i sems mi skyed do// 'khrug pa dang ldan pa'i sems mi skyed do/ / le lo dang ldan pa'i sems mi skyed do// rnam par g.yeng ba dang ldan pa'i sems mi skyed do// 'chal pa'i shes rab dang ldan pa'i sems mi skyed do// 'dod chags dang ldan pa'i sems mi skyed do/ / zhe sdang dang ldan pa'i sems mi skyed do// gti mug dang ldan pa'i sems mi skyed do// za ba dang ldan pa'i sems mi skyed do// gzugs dang ldan pa'i sems mi skyed do// tshor ba dang / 'du shes dang / 'du byed rnams dang / rnam par shes pa dang ldan pa'i sems mi skyed do// de bzhin du sbyar te/ byang chub kyi bar dang ldan pa'i sems mi skyed do// de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa ni/ chos gang yang mi dmigs te/ mi dmigs pa'i chos gang la'ang sems skyed par mi byed pa'i phyir ro/ / rab 'byor de ltar shes rab kyi pha rol tu phyin pa zab mo 'di la spyod pa'i byang chub sems dpa' sems dpa' chen pos ni pha rol tu phyin pa drug po thams cad

  30. 16a

    yang dag par bzung ba yin no/ / pha rol tu phyin pa thams cad yang dag par bsgrubs pa yin no// pha rol tu phyin pa thams cad kyi rjes su song ba yin no// de ci'i phyir zhe na/ rab 'byor 'di ltar pha rol tu phyin pa thams cad ni shes rab kyi pha rol tu phyin pa zab mo 'di'i nang du 'dus pa'i phyir ro// rab 'byor 'di lta ste/ dper na lta bar gyur pa drug cu rtsa gnyis po dag ni 'jig tshogs la lta ba'i nang du 'dus so/ / rab 'byor de bzhin du pha rol tu phyin pa thams cad kyang shes rab kyi pha rol tu phyin pa zab mo 'di'i nang du 'dus so// rab 'byor 'di lta ste/ dper na mi 'chi ba'i dus byas pa'i srog gi dbang po 'gags na dbang po thams cad kyang 'gags par 'gyur ro// rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa la/ pha rol tu phyin pa thams cad rjes su song ba yin no// rab 'byor de lta bas na byang chub sems dpa' sems dpa' chen po pha rol tu phyin pa thams cad kyi pha rol tu 'gro bar 'dod pas/ shes rab kyi pha rol tu phyin pa zab mo 'di la bslab par bya'o// rab 'byor byang chub sems dpa' sems dpa' chen po shes rab kyi pha rol tu phyin pa zab mo 'di la slob pa ni/ sems can thams cad kyi mchog tu 'gyur bar slob pa yin no// rab 'byor 'di ji snyam du sems/ stong gsum gyi stong chen po'i 'jig rten gyi khams na sems can gang dag

  31. 16b

    'khod pa de dag mang ba yin snyam mam/ gsol pa/ bcom ldan 'das 'dzam bu'i gling gi sems can nyid kyang mang ba lags na/ gang dag stong gsum gyi stong chen po'i 'jig rten gyi khams kyi sems can rnams lta smos kyang ci 'tshal te mang ba lags so/ / bde bar gshegs pa mang ba lags so// bka' stsal pa/ rab 'byor stong gsum gyi stong chen po'i 'jig rten gyi khams na sems can gang dag ji snyed pa de dag thams cad snga phyi med par mi'i lus thob nas/ bla na med pa yang dag par rdzogs pa'i byang chub mngon par rdzogs par sangs rgyas par gyur la/ byang chub sems dpa' sems dpa' chen po zhig gis ji srid 'tsho ba'i bar du/ de bzhin gshegs pa dgra bcom pa yang dag par rdzogs pa'i sangs rgyas de dag thams cad re re la na bza' dang / bshos dang / gzims cha dang / gdan dang / snyun gyi gsos sman dang / yo byad dag gis bsnyen bkur byas na/ rab 'byor 'di ji snyam du sems/ byang chub sems dpa' sems dpa' chen po de bzhi de las bsod nams mang du bskyed par 'gyur snyam mam/ gsol pa/ bcom ldan 'das mang lags so// bde bar gshegs pa mang lags so// bcom ldan 'das kyis bka' stsal pa/ rab 'byor de bas kyang rigs kyi bu 'am/ rigs kyi bu mo gang shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / kun chub par byed pa dang / tshul bzhin du ying

  32. 17a

    la byed pa de dag ches bsod nams mang du bskyed par 'gyur ro/ / de ci'i phyir zhe na/ rab 'byor 'di ltar byang chub sems dpa' sems dpa' chen po rnams kyi shes rab kyi pha rol tu phyin pa ni/ bla na med pa yang dag par rdzogs pa'i byang chub sgrub pa'i don chen po byed pa'i phyir ro// rab 'byor de lta bas na byang chub sems dpa' sems dpa' chen po sems can thams cad kyi bla na med par 'gyur bar 'dod pa dang / sems can mgon med pa rnams kyi mgon du 'gyur bar 'dod pa dang / skyabs med pa rnams kyi skyabs su 'gyur bar 'dod pa dang / dpung gnyen med pa rnams kyi dpung gnyen du 'gyur bar 'dod pa dang / mun pa can rnams kyi sgron mar 'gyur bar 'dod pa dang / sangs rgyas nyid rjes su thob par 'dod pa dang / sangs rgyas kyi yul du phyin par 'dod pa dang / sangs rgyas kyi rnam par rol pas rnam par rtse bar 'dod pa dang / sangs rgyas kyi seng ge'i sgra sgrog par 'dod pa dang / sangs rgyas kyi rnga bo che brdung bar 'dod pa dang / sangs rgyas dung 'bud par 'dod pa dang / sangs rgyas kyi 'bel ba'i gtam zer bar 'dod pas/ shes rab kyi pha rol tu phyin pa zab mo 'di nyid la de ltar bslab par bya'o// de ci'i phyir zhe na/ rab 'byor/ shes rab kyi pha rol tu phyin pa la slob pa'i byang chub sems dpa' sems dpa' chen pos ni/ phun sum tshogs pa gang thob par bya ba de dag las mi 'thob pa gang yang med pa'i phyir ro//

  33. 17b

    rab 'byor gyis gsol pa/ bcom ldan 'das ci nyan thos kyi phun sum tshogs pa'ang des thob par bgyi lags sam/ bcom ldan 'das rang sangs rgyas kyi phun sum tshogs pa'ang des thob par bgyi lags sam/ bcom ldan 'das kyis bka' stsal pa/ rab 'byor nyan thos kyi phun sum tshogs pa'ang des thob par bya zhing / rang sangs rgyas kyi phun sum tshogs pa'ang des thob par bya mod kyi/ de la gnas par mi bya/ brten par mi bya ste/ shes pa dang mthong bas rnam par bltas nas shin tu 'da' bar bya ste/ byang chub sems dpa'i skyon med pa la 'jug par bya'o// rab 'byor de ltar slob pa'i byang chub sems dpa' sems dpa' chen po ni/ rnam pa thams cad mkhyen pa nyid dang nye bar gyur pa yin te/ bla na med pa yang dag par rdzogs pa'i byang chub mngon par rdzogs par 'tshang rgya'o/ / de ltar slob pa'i byang chub sems dpa' sems dpa' chen po ni/ lha dang / mi dang / lha ma yin du bcas pa'i 'jig rten gyi sbyin pa'i gnas su gyur pa yin te/ rab 'byor de ltar slob pa'i byang chub sems dpa' sems dpa' chen po ni/ gang dag de las gzhan pa'i sbyin pa'i gnas nyan thos dang / rang sangs rgyas gang ji snyed pa de dag thams cad zil gyis mnan cing // rnam pa thams cad mkhyen pa nyid dang nye bar gyur pa yin no// rab 'byor de ltar slob pa'i byang chub sems dpa' sems dpa' chen po ni/ shes rab kyi pha rol tu phyin pa mi gtong zhing / shes rab

  34. 18a

    kyi pha rol tu phyin pa la spyod de/ shes rab kyi pha rol tu phyin pa dang ma bral ba yin no// rab 'byor de ltar shes rab kyi pha rol tu phyin pa zab mo 'di la spyod pa'i byang chub sems dpa' sems dpa' chen po ni/ rnam pa thams cad mkhyen pa nyid las yongs su mi nyams pa'i chos can du rig par bya ste/ nyan thos kyi sa dang / rang sangs rgyas kyis ring du byed cing / bla na med pa yang dag par rdzogs pa'i byang chub dang nye bar gyur pa yin no// gal te de 'di snyam du 'di ni shes rab kyi pha rol tu phyin pa'o// shes rab kyi pha rol tu phyin pa 'di la shes rab kyi pha rol tu phyin pa 'dis rnam pa thams cad mkhyen pa nyid bsgrub par bya'o snyam du sems te/ gal te de de ltar kun tu shes par byed na/ shes rab kyi pha rol tu phyin pa la spyod pa ma yin no// gal te 'di ni shes rab kyi pha rol tu phyin pa'o/ / shes rab kyi pha rol tu phyin pa 'dri na yod do zhes bya bar kun tu shes pa med de/ gang gi shes rab kyi pha rol tu phyin par 'gyur ba dang / gang gis shes rab kyi pha rol tu phyin par 'gyur ba dang / gang shes rab kyi pha rol tu phyin pas nges par 'byung zhing / bla na med pa yang dag par rdzogs pa'i byang chub mngon par 'tshang rgya ba de lta bu'ang mi shes mi mthong la/ gal te yang de 'di snyam du chos kyi dbyings dang / de bzhin nyid dang / yang dag pa'i mtha' gnas pa'i phyir/ 'di ni shes rab kyi pha rol tu phyin pa'ang ma yin/ 'di la shes rab kyi pha rol tu phyin pa yod

  35. 18b

    pa'ang ma yin/ shes rab kyi pha rol tu phyin pa 'dis chos gang yang nges par 'byung bar 'gyur ba'ang med do snyam du sems na/ rab 'byor de ltar spyod pa'i byang chub sems dpa' sems dpa' chen po ni/ shes rab kyi pha rol tu phyin pa la spyod pa yin no// shes rab kyi pha rol tu phyin pa khri brgyad stong pa las/ spyod pa'i le'u zhes bya ste lnga bcu rtsa bdun pa'o// / de nas lha'i dbang po brgya byin 'di snyam du sems te/ 'di la byang chub sems dpa' sems dpa' chen po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / de bzhin du sbyar te/ sangs rgyas kyi chos ma 'dres pa bco brgyad kyi bar dag la spyod pas kyang / sems can thams cad zil gyis non par 'gyur na/ gang bla na med pa yang dag par rdzogs pa'i byang chub mngon par rdzogs par sangs rgyas pas lta smos kyang ci dgos/ sems can gang dag rnam pa thams cad mkhyen pa nyid la sems 'jug pa de dag kyang rnyed pa legs par rnyed cing / 'tsho ba legs par 'tsho ba yin na/ gang dag bla na med pa yang dag par rdzogs pa'i byang chub tu sems bskyed par dag lta smos kyang ci dgos te/ sems can gang dag bla na med pa yang dag par rdzogs pa'i byang chub tu sems bskyed pa de dag ni 'dod par bya ba yin no// sems can gang dag gis bla na med pa yang dag par

  36. 19a

    rdzogs pa'i byang chub tu sems bskyed pa de dag kyang 'dod par bya ba yin no snyam nas/ de nas lha'i dbang po brgya byin gyis/ me tog mnang rang dag blangs na bcom ldan 'das ga la ba der song ste phyin pa dang / me tog man da ra ba de dag gis/ de bzhin gshegs pa dgra bcom pa yang dag par rdzogs pa'i sangs rgyas la gtor to// mngon par gtor to/ / mngon par rab tu gtor to// gtor/ mngon par gtor/ mngon par rab tu gtor nas kyang / tshig 'di skad ces smras so// dge ba'i rtsa ba 'dis byang chub sems dpa'i theg pa pa'i gang zag/ gang dag bla na med pa yang dag par rdzogs pa'i byang chub la dmigs pa de dag la/ sangs rgyas kyi chos rnams yongs su rdzogs par gyur cig/ rnam pa thams cad mkhyen pa nyid kyi chos rnams yongs su rdzogs par gyur cig/ rang byung ba'i chos 'di dag nyid kyang yongs su rdzogs par gyur cig/ 'dis zag pa med pa'i chos rnams kyang yongs su rdzogs par gyur cig/ bcom ldan 'das bdag ni byang chub sems dpa' theg pa pa'i gang zag/ gang bla na med pa yang dag par rdzogs pa'i byang chub la yang dag par zhugs pa/ bla na med pa yang dag par rdzogs pa'i byang chub las slar ldog par 'gyur bar sems bskyed pa 'ga' tsam yang sems skye ba ma mchis lags so/ / bcom ldan 'das bdag ni byang chub sems dpa' sems dpa' chen po bang dag byang chub las slar ldog cing / nyan thos

  37. 19b

    sam/ rang sangs rgyas su 'gyur bar sems skye ba ma mchis te/ gzhan du na lha dang / mi dang / lha ma yin du bcas pa'i 'jig rten gyi don dang / sman pa dang / bde bar 'tshal ba'i byang chub sems dpa' dag ni/ da ltar 'khor ba na rgyu ba'i sdug bsngal 'di dag mthong nas 'di ltar sems skyed par bgyid de/ bdag brgal nas ma brgal ba'i sems can rnams ji ltar bsgral bar bgyi/ bdag grol nas ma grol ba'i sems can rnams ji ltar dgrol bar bgyi/ bdag dbugs phyin nas dbugs ma phyin pa'i sems can rnams ji ltar dbugs dbyung bar bgyi/ bdag yongs su mya ngan las 'das nas yongs su mya ngan las ma 'das pa'i sems can rnams ji ltar yongs su mya ngan las bzla bar bgyi zhes/ bla na med pa yang dag par rdzogs pa'i byang chub tu 'dun pa skyed par bgyid cing / bla na med pa yang dag par rdzogs pa'i byang chub tu smon lam rgya chen po dag kyang 'debs par bgyid lags so/ / bcom ldan 'das rigs kyi bu 'am/ rigs kyi bu mo gang gis theg pa la gsar du zhugs pa'i byang chub sems dpa' sems dpa' chen po rnams kyi sems bskyed pa la rjes su yi rang bar bgyid pa dang / yun ring du spyad pa'i byang chub sems dpa' sems dpa' chen po rnams kyi sems bskyed pa la rjes su yi rang bar bgyid pa dang / phyir mi ldog pa'i byang chub sems dpa' sems dpa' chen po rnams kyi sems bskyed pa la rjes su yi sar bgyid pa dang / skye ba gcig gis thogs pa'i byang chub sems dpa' sems dpa' chen po rnams kyi sems bskyed pa la rjes su

  38. 20a

    yi rang bar bgyid pa de dag gis dge ba'i rtsa ba ji tsam zhig skyed par 'gyur lags/ de skad ces gsol pa dang / bcom ldan 'das kyis/ lha'i dbang po brgya byin la 'di skad ces bka' stsal to/ / ko'u shi ka gling chen po bzhi pa'i 'jig rten gyi khams ni srang la gzhal bas tshad gzung du rung yang srid kyi/ rjes su yi rang ba'i mod las byung ba'i sems bskyed pa de dag gi bsod nams kyi tshad ni de lta ma yin no/ / ko'u shi ka stong gsum gyi stong chen po'i 'jig rten gyi khams ni srang la gzhal bas tshad gzung du rung yang srid kyi/ rjes su yi rang ba'i mod las byung ba'i sems bskyed pa de dag gi bsod nams kyi tshad ni de lta ma yin no/ / ko'u shi ka stong gsum gyi stong chen po'i 'jig rten gyi khams kyi rgya mtsho chen po dag ni skra'i rtse mo brgyar gshegs pa'i rtse mos/ chu'i thigs pa re re na sa bcu zhing tshad gzung du rung yang srid kyi/ rjes su yi rang ba'i mod las byung ba'i sems bskyed pa de dag gi bsod nams kyi tshad ni de lta ma yin no// de skad ces bka' stsal pa dang // bcom ldan 'das la/ lha'i dbang po brgya byin gyis 'di skad ces gsol to// bcom ldan 'das sems can gang dag sems bskyed pa de dag la rjes su yi rang bar mi 'gyur ba de dag ni bdud kyis byin gyis brlabs pa lags so/ / bcom ldan 'das sems can gang dag sems bskyed pa de dag la rjes su yi rang bar mi 'gyur ba de dag ni bdud kyi phyogs lags so// bcom ldan 'das sems can gang dag sems bskyed pa de dag la rjes su

  39. 20b

    yi rang bar mi 'gyur ba de dag ni bdud kyi gnas nas shi 'phos pa lags so/ / de ci'i slad du zhe na/ bcom ldan 'das sems can gang dag sems bskyed pa de dag la rjes su yi rang ba mngon par sgrub cing / za na/ med pa yang dag par rdzogs pa'i byang chub tu yongs su sngo bar bgyid pa de dag ni bdud kyi gnas rnam par 'jig par bgyid pa lags pa'i slad du'o// bcom ldan 'das gang dag gis bla na med pa yang dag par rdzogs pa'i byang chub tu sems bskyed par 'gyur ba'i sems bskyed pa de dag la ni rjes su yi rang bar bgyi lags so/ / gang dag gis sangs rgyas yongs su ma btang ba dang / chos yongs su ma btang ba dang / dge 'dun yongs su ma btang ba de dag gis kyang sems bskyed pa 'di dag la rjes su yi rang bar bgyi'o// de dag gis rjes su yi rang nas kyang ci nas kyang gnyis kyi 'du shes su 'gyur ba ma mchis pa dang / gnyis ma lags pa'i 'du shes su 'gyur ba ma mchis pa de ltar/ bla na med pa yang dag par rdzogs pa'i byang chub tu yongs su bsngo bar bgyi'o// bcom ldan 'das kyis bka' stsal pa/ ko'u shi ka de de bzhin te/ de de bzhin no// ji skad smras pa de bzhin te/ ko'u shi ka gang sems bskyed pa de la rjes su yid rang ba de dag ni mur ba nyid du de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur zhing / mnyes par byas nas kyang thugs byung bar byed par mi 'gyur ro// de ltar sems bskyed pa la rjes su yi rang ba'i mod las byung ba'i dge ba'i rtsa ba de dag ni gang dang gang du skyes

  40. 21a

    pa de dang der yang bsti stang du bya bar 'gyur/ bla mar bya ba dang / ri mor bya ba dang / mchod pa bya bar 'gyur ro// nam du'ang gzugs yid du mi 'ong ba mthong bar mi 'gyur/ sgra yid du mi 'ong ba thos par mi 'gyur/ dri yid du mi 'ong ba tshor bar mi 'gyur/ ro yid du mi 'ong ba myong bar mi 'gyur/ reg yid du mi 'ong ba reg par mi 'gyur/ chos yid du mi 'ong ba rnam par shes par mi 'gyur ro/ / nam du'ang sangs rgyas bcom ldan 'das rnams dang 'bral bar mi 'gyur zhing / sangs rgyas kyi zhing nas sangs rgyas kyi zhing du 'gro bar 'gyur te/ sangs rgyas bcom ldan 'das de dag la'ang bsnyen bkur byed par 'gyur zhing / dge ba'i rtsa ba bskyed par yang 'gyur ro// de ci'i phyir zhe na/ ko'u shi ka 'di ltar rigs kyi bu dang / rigs kyi bu mo de dag gis theg pa lags du zhugs pa'i byang chub sems dpa' sems dpa' chen po grangs med pa dag gi dge ba'i rtsa ba rnams la rjes su yi rang bar byas shing / bla na med pa yang par rdzogs pa'i byang chub tu yongs su bsngos pa dang / sa dang po la gnas pa rnams dang / sa gnyis pa la gnas pa rnams dang / sa bcu pa'i bar la gnas pa rnams kyi dge ba'i rtsa ba la rjes su yi rang bar byas pa dang / skye ba gcig gis thogs pa'i bar gyi byang chub sems dpa' sems dpa' chen po rnams kyi dge ba'i rtsa ba dag la rjes su yi rang bar byas shing / bla na med pa yang dag par rdzogs pa'i byang chub tu yongs su bsngos pa'i phyir ro// de dag

  41. 21b

    dge ba'i rtsa ba rnam par 'phel ba de dag gis bla na med pa yang dag par rdzogs pa'i byang chub dang nye bar 'gyur ro/ / de dag bla na med pa yang dag par rdzogs pa'i byang chub mngon par rdzogs par sangs rgyas nas kyang / sems can tshad med grangs med dpag tu med pa gang dag yongs su mya ngan las 'da' bar byed par 'gyur te/ ko'u shi ka rnam grangs des ni rigs kyi bu dang / rigs kyi bu mo de dag gis sems dang po bskyed pa'i byang chub sems dpa' sems dpa' chen po rnams kyi dge ba'i rtsa ba de dag la rjes su yi rang zhing / bla na med pa yang dag par rdzogs pa'i byang chub tu yongs su bsngo bar bya ste/ ci nas kyang sems de la'ang ma yin zhing / sems gzhan la'ang ma yin pa de ltar yongs su bsngo bar bya'o// byang chub sems dpa' sems dpa' chen po spyad pa spyod pa rnams dang / phyir mi ldog pa rnams dang / skye ba gcig gis thogs pa rnams kyi dge ba'i rtsa ba de dag la rjes su yi rang zhing / bla na med pa yang dag par rdzogs pa'i byang chub tu yongs su bsngo bar bya ste/ ci nas kyang sems de la'ang ma yin zhing / sems gzhan la'ang ma yin pa de ltar yongs su bsngo bar bya'o// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ji ltar na sgra ma lta bu'i sems bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de skad ces gsol pa dang / bcom ldan 'das kyis/ tshe dang

  42. 22a

    ldan pa rab 'byor la 'di skad ces bka' stsal to/ / rab 'byor 'di ji snyam du sems/ sgyu ma lta bu'i sems de khyod kyis yang dag par rjes su mthong snyam mam/ gsol pa/ bcom ldan 'das de ni ma lags te/ bcom ldan 'das bdag gis ni sgyu ma dang sgyu ma lta bu'i sems kyang yang dag par rjes su ma mthong lags so// bka' stsal pa/ rab 'byor 'di ji snyam du sems/ gang la sgyu ma dang sgyu ma lta bu'i sems khyod kyis yang dag par rjes su ma mthong ba'i sems gang yin pa de/ bla na med pa yang dag par rdzogs pa'i byang chub mngon par rdzogs par 'tshang rgya snyam mam/ gsol pa/ bcom ldan 'das de ni ma lags so// bka' stsal pa/ rab 'byor 'di ji snyam du sems/ sgyu ma dang sgyu ma lta bu'i sems las gzhan pa'i chos gang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba yang dag par rjes su mthong snyam mam/ gsol pa/ bcom ldan 'das de ni ma lags te/ bcom ldan 'das bdag gis ni sgyu ma dang sgyu ma lta bu'i sems las gzhan pa'i chos gang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i chos de yang dag par rjes su ma mthong lags te/ bcom ldan 'das bdag gis chos gzhan yang dag par rjes su ma mthong na/ chos gang zhig mchis shes bgyi ba 'am/ ma mchis shes bgyi bar nye bar bstan par bgyi/ chos gang shin tu dben pa de ni

  43. 22b

    mchis pa 'am/ ma mchis par mi 'gyur lags te/ chos gang shin tu dben pa de ni bla na med pa yang dag par rdzogs pa'i byang chub mngon par rdzogs par mtshang rgya bar mi 'gyur lags/ mchis pa ma lags pa'i chos kyang bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur lags so/ / de ci'i slad du zhe na/ bcom ldan 'das 'di ltar gang kun nas nyon mongs par 'gyur ba 'am/ rnam par byang bar 'gyur ba'i chos de dag thams cad ni ma mchis shing mi dmigs pa'i slad du'o// de ci'i slad du zhe na/ bcom ldan 'das 'di ltar shes rab kyi pha rol tu phyin pa'ang shin tu dben pa lags na/ de bzhin du sbyin pa'i pha rol tu phyin pa'i bar du'ang shin tu dben pa lags shing / de bzhin du byang chub kyi bar du'ang shin tu dben pa lags pa'i slad du ste/ chos gang shin tu dben pa de ni bsgom par bgyi ba'ang ma lags/ rnam par gzhig par bgyi ba'ang ma lags so// shes rab kyi pha rol tu phyin pa ni shin tu dben pa'i slad du chos gang yang sgrub par mi bgyid lags te/ shes rab kyi pha rol tu phyin pa shin tu dben pa lags na/ byang chub sems dpa' sems dpa' chen po shes rab kyi pha rol tu phyin pa la brten nas/ bla na med pa yang dag par rdzogs pa'i byang chub mngon par rdzogs par 'tshang rgya bar yang ji ltar 'gyur/ bla na med pa yang dag par rdzogs pa'i byang chub kyang shin tu dben pa lags na/ ji ltar dben pas dben pa rjes su rtogs

  44. 23a

    par 'gyur lags/ / de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor legs so legs so/ / rab 'byor de de bzhin no// de de bzhin te/ rab 'byor shes rab kyi pha rol tu phyin pa ni shin tu dben pa yin no// bsam gtan gyi pha rol tu phyin pa'ang shin tu dben pa yin no/ / rab 'byor de bzhin du sbyar te/ tshul khrims kyi pha rol tu phyin pa dang / sbyin pa'i pha rol tu phyin pa'i bar du'ang shin tu dben pa yin no// byang chub kyang shin tu dben pa yin no// rnam pa thams cad mkhyen pa nyid kyi bar du'ang shin tu dben pa yin te/ rab 'byor ji ltar shes rab kyi pha rol tu phyin pa shin tu dben pa dang / rnam pa thams cad mkhyen pa nyid kyi bar du shin tu dben pa de ltar/ bla na med pa yang dag par rdzogs pa'i byang chub mngon par rdzogs par 'tshang rgya ba'ang dben pa yin no// rab 'byor gal te shes rab kyi pha rol phyin pa shin tu dben par ma gyur la/ de bzhin du sbyar te/ rnam pa thams cad mkhyen pa nyid kyi bar du'ang shin tu dben par ma gyur na/ de ni shes rab kyi pha rol tu phyin par yang mi 'gyur la/ rnam pa thams cad mkhyen pa nyid kyi bar du'ang mi 'gyur ro/ / rab 'byor de lta bas na ji ltar shes rab kyi pha rol tu phyin pa shin tu dben pa dang / rnam pa thams cad mkhyen pa nyid kyi bar du shin tu dben pa de ltar/ rab 'byor

  45. 23b

    shes rab kyi pha rol tu phyin pa la brten nas/ bla na med pa yang dag par rdzogs pa'i byang chub mngon par 'tshang rgya ba ma yin la/ dben pas kyang dben pa mngon par rdzogs par 'tshang mi rgya yang / mngon par rdzogs par 'tshang yang rgya ste shes rab kyi pha rol tu phyin pa la ma brten pa yang bla na med pa yang dag par rdzogs pa'i byang chub mngon par rdzogs par 'tshang mi rgya'o/ / rab 'byor gyis gsol pa/ bcom ldan 'das byang chub sems dpa' sems dpa' chen po ni don zab mo la spyod pa lags so// bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor byang chub sems dpa' sems dpa' chen po ni don zab mo dag la spyod pa yin no// rab 'byor byang chub sems dpa' sems dpa' chen po gang don zab mo la spyod kyang / 'di lta ste/ don de dang / nyan thos kyi sa dang / rang sangs rgyas kyis mngon sum du mi byed pa ni dka' ba byed pa yin no// rab 'byor gyis gsol pa/ bcom ldan 'das bdag gis bcom ldan 'das kyis gsungs pa'i don 'tshal ba ltar na/ byang chub sems dpa' sems dpa' chen po ni dka' ba bgyid pa ma lags so// de ci'i slad du zhe na/ bcom ldan 'das bdag 'di ltar gang mngon sum du bgyid pa'i don de'ang dmigs su ma mchis la/ gang gis mngon sum du bgyi ba'i shes rab kyi pha rol tu phyin pa de'ang dmigs su ma mchis shing / gang mngon sum du bgyid pa'i chos de'ang

  46. 24a

    dmigs su ma mchis pa'i slad du'o/ / bcom ldan 'das chos thams cad dmigs su mchis na/ gang mngon sum du bgyis nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur pa'i don gang mngon sum du bgyi bar 'gyur/ shes rab kyi pha rol tu phyin pa gang mngon sum du bgyi bar 'gyur/ chos gang mngon sum du bgyi bar 'gyur// bcom ldan 'das mi dmigs par spyod pa 'di ni byang chub sems dpa'i spyod pa lags te/ de la spyod pa'i byang chub sems dpa' sems dpa' chen po ni/ chos thams cad la mun pa ma mchis pa rjes su thob pa lags so/ / bcom ldan 'das gal te de skad bstan pa na/ byang chub sems dpa' sems dpa' chen po'i sems mi zhum mi 'gong zhing / mi skrag/ mi dngang / dngang bar mi 'gyur/ nabacom ldan 'das de ltar spyod pa'i byang chub sems dpa' sems dpa' chen po ni/ shes rab kyi pha rol tu phyin pa la spyod pa lags te/ des ni mtshan ma'ang yang dag par rjes su mi mthong / shes rab kyi pha rol tu phyin pa'ang yang dag par rjes su mi mthong / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bgyi ba'ang yang dag par rjes su mi mthong lags te/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa de ni/ 'di snyam du nyan thos kyi sa 'am/ rang sangs rgyas kyis ni

  47. 24b

    bdag dang ring la/ rnam pa thams cad mkhyen pa nyid ni bdag dang nye'o snyam du mi sems lags so// bcom ldan 'das 'di lta ste/ dper bgyi na nam mkha' la ni 'di snyam du bdag ni la la dang nye'o// la la dang ni ring ngo snyam du mi sems lags so// de ci'i slad du zhe na/ bcom ldan 'das nam mkha' la ni bye brag ma mchis la/ bcom ldan 'das nam mkha' la ni rnam par rtog pa ma mchis pa'i slad du'o/ / bcom ldan 'das de bzhin du shes rab kyi pha rol tu phyin pa'ang 'di snyam du nyan thos kyi sa 'am/ rang sangs rgyas kyi sa ni bdag dang ring la/ bla na med pa yang dkar rdzogs pa'i byang chub ni nye'o snyam du mi sems lags so/ / de ci'i slad du zhe na/ bcom ldan 'das shes rab kyi pha rol tu phyin pa ni rnam par rtog pa ma mchis pa'i slad du'o// bcom ldan 'das 'di lta ste/ dper bgyin sgyu ma'i skyes bu 'di snyam du sgyu ma dang ni bdag ring la/ sgyu ma mkhan dang ni nye'o zhe'am/ skye bo'i tshogs 'dus pa ni bdag dang nye'o zhe'am/ ring ngo zhes bgyi bar mi sems lags so// de ci'i slad du zhe na/ bcom ldan 'das sgyu ma'i skyes bu la ni rnam par rtog pa ma mchis pa'i slad du'o/ / bcom ldan 'das de bzhin du shes rab kyi pha rol tu phyin pa'ang 'di snyam du nyan thos kyi sa 'am/ rang sangs rgyas kyi sa ni bdag dang ring la/ bla na med pa yang dag par rdzogs pa'i byang chub ni bdag dang nye'o snyam du mi sems lags so// bcom ldan 'das 'di lta ste/ dper bgyi na gzugs brnyan ni 'di snyam du dmigs pa gang gis gzugs

  48. 25a

    bstan byung ba de ni bdag dang / me song ngam/ snod kyicha ba der ma byung ba dag gu dang ring ba'o snyam du mi sems lags so// deci'i mang du nan/ bcom ldan 'das brnyan ni rnam par rtog pa ma mchis pa lags pa'i slad du'o/ / bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la'ang 'di snyam du nyan thos kyi sa 'am/ rang sangs rgyas kyi sa ni bdag dang ring la/ bla na med pa yang dag par rdzogs pa'i byang chub ni bdag dang nye'o snyam du mi sems lags so// de ci'i slad du zhe na/ bcom ldan 'das shes rab kyi pha rol tu phyin pa'ang rtog pa ma mchis pa'i slad du'o/ / bcom ldan 'das shes rab kyi pha rol tu phyin pa la ni sdug pa 'am/ mi sdug pa ma mchis lags so// de ci'i slad du zhe na/ de la gang sdug pa 'am/ mi sdug par 'gyur ba'i rang bzhin dmigs su ma mchis pa'i slad du'o// bcom ldan 'das 'di lta ste/ dper bgyi na de bzhin gshegs pa dgra bcom pa yang dag par rdzogs pa'i sangs rgyas la ni sdug pa 'am/ mi sdug par 'gyur ba gang yang mi mnga' lags so// bcom ldan 'das de bzhin du shes rab kyi pha rol tu phyin pa la'ang sdug pa 'am/ mi sdug par 'gyur ba gang yang ma mchis lags so/ / bcom ldan 'das 'di lta ste/ dper bgyi na de bzhin gshegs pa dgra bcom pa yang dag par rdzogs pa'i sangs rgyas kyis ni rnam par rtog pa thams cad spangs pa lags

  49. 25b

    so/ / bcom ldan 'das de bzhin du shes rab kyi pha rol tu phyin pa'ang rnam par rtog pa ma mchis pa'i slad du rnam par rtog pa thams cad spangs pa lags so// bcom ldan 'das 'di lta ste/ dper bgyi na de bzhin gshegs pa'i sprul pa ni 'di snyam du nyan thos kyi sa 'am/ rang sangs rgyas kyi sa ni bdag dang ring la/ bla na med pa yang dag par rdzogs pa'i byang chub ni bdag dang nye ba'o snyam du mi sems lags so/ / de ci'i slad du zhe na/ bcom ldan 'das de bzhin gshegs pa dang / de bzhin gshegs pa'i sprul pa la ni rnam par rtog pa mi mnga' ba'i slad du'o// bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'ang 'di snyam du nyan thos kyi sa 'am/ rang sangs rgyas kyi sa ni bdag dang ring la/ bla na med pa yang dag par rdzogs pa'i byang chub ni bdag dang nye ba'o snyam du mi sems lags so/ / bcom ldan 'das 'di lta ste/ dper bgyi na de bzhin gshegs pas sprul pa zhig sprul pa mdzad na/ de ni gang gi slad du sprul pa de'i bgyi ba bgyid kyang / sprul pa de mi rtog rnam par mi rtog lags so// bcom ldan 'das de bzhin du shes rab kyi pha rol tu phyin pa'ang bgyi ba gang gis slad du bsgom pa'i bgyi ba de bgyid kyang // shes rab kyi pha rol tu phyin pa de ni mi rtog rnam par mi rtog lags so// bcom ldan 'das 'di lta ste/ dper bgyi na shing mkhan nam/ shing mkhan gyi slob ma mkhas pa zhig gis/ bud med kyi gzugs

  50. 26a

    sam/ skyes pa'i gzugs sam/ glang po che'i gzugs sam/ glang gi gzugs kyi 'khrul 'khor zhig sbyar bar gyur na/ 'khrul 'khor de bgyi ba gang gi slad du bgyis pa'i bgyib de bgyid kyang / 'khrul 'khor de ni mi rtog rnam par mi rtog lags so// bcom ldan 'das de bzhin du shes rab kyi pha rol tu phyin pa'ang bgyi ba gang gi slad du bsgom pa bgyi ba'i bgyi ba de bgyid kyang // shes rab kyi pha rol tu phyin pa de ni mi rtog rnam par mi rtog lags so// de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor ci shes rab kyi pha rol tu phyin pa 'ba' zhig mi rtog rnam par mi rtog pa yin nam/ 'on te bsam gtan gyi pha rol tu phyin pa'ang mi rtog rnam par mi rtog pa yin la/ sbyin pa'i pha rol tu phyin pa'i bar yang mi rtog rnam par mi rtog pa yin/ rab 'byor gyis smras pa/ tshe dang ldan pa shA ri'i bu sbyin pa'i pha rol tu phyin pa'i bar yang mi rtog rnam par mi rtog pa yin no// shA ri'i bus smras pa/ tshe dang ldan pa rab 'byor 'o na ci gzugs kyang mi rtog rnam par mi rtog pa yin la/ tshor ba dang / 'du shes dang / 'du byed rnams dang / rnam par shes pa'ang mi rtog rnam par mi rtog pa yin nam/ tshe dang ldan pa rab 'byor ci mig kyang mi rtog rnam par mi rtog pa yin la/ rna ba dang / sna dang / lce dang / lus dang / yid kyang mi rtog rnam par mi rtog pa yin nam/ tshe dang ldan pa rab 'byor ci gzugs kyang

  51. 26b

    mi rtog rnam par mi rtog pa yin la/ sgra dang / dri dang / ro dang / reg pa dang / chos kyang mi rtog rnam par mi rtog pa yin nam/ mig gi rnam par shes pa dang / yid kyi rnam par shes pa'i bar dang // mig gi 'dus te reg pa dang / yid kyi 'dus te reg pa'i bar dang / mig gi 'dus te reg pa'i rkyen las byung ba'i tshor ba dang / yid kyi 'dus te reg pa'i rkyen las byung ba'i tshor ba'ang mi rtog rnam par mi rtog pa yin nam/ tshe dang ldan pa rab 'byor ci bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang mi rtog rnam par mi rtog pa yin nam/ dran pa nye bar gzhag pa rnams dang / de bzhin du sbyar te/ 'phags pa'i lam yan lag brgyad pa'i bar dang / stong pa nyid dang / mtshan ma med pa dang / smon pa med pa'i ting nge 'dzin kyang mi rtog rnam par mi rtog pa yin nam/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po'ang mi rtog rnam par mi rtog pa yin nam/ sangs rgyas kyi chos ma 'dres pa bco brgyad kyi bar dang / sangs rgyas kyang mi rtog rnam par mi rtog pa yin nam/ byang chub kyang mi rtog rnam par mi rtog pa yin nam/ 'dus byas kyi khams dang / 'dus ma byas kyi khams kyang mi rtog rnam par mi rtog pa yin nam/ rab 'byor gyis smras pa/ tshe dang ldan pa shA ri'i bu chos thams cad kyang mi rtog rnam par mi rtog

  52. 27a

    pa yin no/ / shA ri'i bus smras pa/ tshe dang ldan pa rab 'byor gal te chos thams cad mi rtog rnam par mi rtog pa yin na/ sems can dmyal ba dang / dud 'gro'i skye gnas dang / gshin rje'i 'jig rten dang / lha dang / mi'i 'gro ba lngar 'khor ba zhes tha dad du dbye ba 'di ci las gyur/ rgyun du zhugs pa dang / sangs rgyas bcom ldan 'das rnams kyi byang chub ces bya ba'i bar du rab tu dbye ba'ang ci las gyur/ de skad ces smras pa dang / tshe dang ldan pa rab 'byor gyis/ tshe dang ldan pa shA ri'i bu la 'di skad ces smras so// tshe dang ldan pa shA ri'i bu sems can 'di dag ni phyin ci log las byung ba'i lus dang / ngag dang / yid kyi las mngon par 'du byed de/ gzhi de las 'dun pa'i rtsa ba las byung ba'i las kyi rnam par smin pa yongs su 'dzin cing mngon par sgrub par byed do/ / yongs su bzung bas rnam par rtog pa las byung ba'i sems can dmyal ba dang / dud 'gro'i skye gnas dang / gshin rje'i 'jig rten dang / lha dang / mi'i 'gro ba dag mngon par sgrub par byed do/ / tshe dang ldan pa shA ri'i bu gang yang khyod 'di skad du rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas zhes rab tu dbye ba'ang ci las gyur/ sangs rgyas bcom ldan 'das shes bya ba'i bar du rab tu dbye ba'ang ci las gyur ces zer ba ni/ tshe dang ldan pa shA ri'i bu rgyun du zhugs pa dang /

  53. 27b

    rgyun du zhugs pa'i 'bras bu ni rnam par mi rtog pas rab tu phye ba yin la/ dgra bcom pa nyid kyi bar dang / rang sangs rgyas nyid dang / rang byang chub kyang rnam par mi rtog pas rab tu phye ba yin no// sangs rgyas kyang rnam par mi rtog pas rab tu phye ba yin la/ byang chub kyang rnam par mi rtog pas rab tu phye ba yin no// tshe dang ldan pa shA ri'i bu de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bcom ldan 'das de dag kyang rnam par rtog pa mi mnga' ba/ rnam par rtog pa dang bral ba/ rnam par rtog pa spangs pa yin la/ de bzhin du ma byon pa rnams kyang rnam par rtog pa spong bar 'gyur zhing / tshe dang ldan pa shA ri'i bu da ltar byung ba'i dus kyi sangs rgyas bcom ldan 'das gang dag da ltar phyogs bcu'i 'jig rten gyi khams dag na/ bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas bcom ldan 'das de dag kyang rnam par rtog pa mi mnga' ba/ rnam par rtog pa dang bral ba/ rnam par rtog pa spangs pa yin te/ tshe dang ldan pa shA ri'i bu rnam grangs des na/ 'di ltar rnam par mi rtog pa'i de bzhin nyid dang / yang dag pa'i mtha'i de bzhin nyid dang / chos kyi dbyings kyi de bzhin nyid tshad mar byas nas/ chos thams cad rnam par rtog pa med par rig par bya'o// tshe dang ldan pa shA ri'i bu byang chub sems dpa' sems dpa' chen pos de ltar rnam

  54. 28a

    par mi rtog pa'i shes rab kyi pha rol tu phyin pa la spyad par bya ste/ rnam par mi rtog pa'i shes rab kyi pha rol tu phyin pa la spyad na/ rnam par mi rtog pa'i chos rnams mngon par rdzogs par 'tshang rgya bar 'gyur ro/ / shes rab kyi pha rol tu phyin pa khri brgyad stong pa las/ rnam par mi rtog pa bstan pa'i dpe brjod pa'i le'u zhes bya ste lnga bcu rtsa brgyad pa'o// shes rab kyi pha rol tu phyin pa khri brgyad stong pa bam po bzhi bcu rtsa gnyis pa// de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor kye ma byang chub sems dpa' sems dpa' chen po gang shes rab kyi pha rol tu phyin pa 'di la spyod pa de ni snying po la spyod pa yin no// kye ma byang chub sems dpa' sems dpa' chen po de ni snying po la spyod pa yin no/ / de skad ces smras pa dang / tshe dang ldan pa rab 'byor gyis/ tshe dang ldan pa shA ri'i bu la 'di skad ces smras so// tshe dang ldan pa shA ri'i bu kye ma byang chub sems dpa' sems dpa' chen po gang shes rab kyi pha rol tu phyin pa la spyod pa de ni snying po med pa la spyod pa yin no/ / de ci'i phyir zhe na/ tshe dang ldan pa shA ri'i bu 'di ltar shes rab kyi pha rol tu phyin pa dang / rnam pa thams cad mkhyen pa nyid kyi bar ni snying po med pa yin pa'i phyir ro/ / de ci'i phyir zhe na/ tshe dang ldan pa shA ri'i bu 'di ltar byang chub sems dpa' sems dpa' chen po shes rab kyi pha rol tu phyin pa la spyod pas snying

  55. 28b

    po med pa nyid kyang mi dmigs/ yang dag par rjes su mi mthong na snying po dmigs par lta ga la 'gyur/ de bzhin du sbyar te/ rnam pa thams cad mkhyen pa nyid kyi bar yang snying po med pa yin na/ snying po dmigs par lta ga la 'gyur ba'i phyir ro// de nas 'dod pa na spyod pa dang / gzugs na spyod pa'i lha'i bu rab tu mang po dag 'di snyam du sems te/ rigs kyi bu 'am/ rigs kyi bu mo gang dag gis bla na med pa yang dag par rdzogs pa'i byang chub tu sems bskyed par gyur pa de dag dang / gang dag ji skad bstan pa'i shes rab kyi pha rol tu phyin pa zab mo 'di la spyod pa dang / don de la spyod kyang gang mngon sum du byas pas nyan thos kyi sa 'am/ rang sangs rgyas kyi sa la gnas par 'gyur ba'i yang dag pa'i mtha' mngon sum du mi byed pa de dag ni phyag bya bar 'os pa yin te/ rnam grangs des na byang chub sems dpa' sems dpa' chen po gang dag chos 'di dag mnyam pa nyid du mngon sum du mi byed pa de dag ni phyag bya bar 'os pa yin no snyam mo/ / de nas tshe dang ldan pa rab 'byor gyis/ lha'i bu de dag la 'di skad ces smras so// lha'i bu dag byang chub sems dpa' sems dpa' chen po rnams la/ gang mngon sum du byas pas nyan thos kyi sa 'am/ rang sangs rgyas kyi/ sa la gnas par 'gyur ba'i chos de dag mnyam pa nyid du mngon sum du mi byed pa ni dka' ba ma yin gyi/ lha'i bu dag de dag gis sems can grangs med dpag tu med pa dag yongs su mya ngan las bzla

  56. 29a

    bar bya'o zhes go mchen po bgos la/ gang gdul bar bya ba'i sems can de dag kyang shin tu mi dmigs pa ni dka' ba yin te/ lha'i bu dag de ltar spyod pa'i byang chub sems dpa' sems dpa' chen po ni/ sems can thams cad gdul bar bya'o zhes bla na med pa yang dag par rdzogs pa'i byang chub la yang dag par zhugs pa yin no// gang sems can rnams gdul bar bya'o snyam du sems pa de ni nam mkha' gdul bar bya'o snyam du sems pa yin no/ / de ci'i phyir zhe na/ nam mkha' dben pa'i phyir/ sems can dben par blta ba dang / nam mkha' stong pa'i phyir/ sems can stong par blta ba dang / nam mkha' snying po med pa'i phyir/ sems can snying po med par blta ba dang / nam mkha' gsog yin pa'i phyir/ sems can gsog yin par blta ba'i phyir te/ kye lha'i bu dag rnam grangs des na byang chub sems dpa' sems dpa' chen po gang sems can med pa rnams kyi ched du go cha gyon par byed pa de dag ni dka' ba byed pa yin no/ / lha'i bu dag gang sems can rnams kyi ched du go cha bgo bar sems pa de ni nam mkha' dang rtsod par 'dod pa ste/ byang chub sems dpa' sems dpa' chen pos ni go cha de yang bgos la/ gang gi don du go cha bgos pa'i sems can de dag kyang mi dmigs so/ / de ci'i phyir zhe na/ sems can dben pa'i phyir/ go cha dben par lta ba'i phyir te/ gal te de skad bstan pa na byang chub sems dpa' sems dpa' chen po'i sems zhum par

  57. 29b

    mi 'gyur na/ shes rab kyi pha rol tu phyin pa la spyod pa yin no// de ci'i phyir zhe na/ gzugs dben pa'i phyir/ sems can dben par blta ba dang / tshor ba dang / 'du shes dang / 'du byed rnams dang / rnam par shes pa dben pa'i phyir/ sems can dben pa dang / gzugs dben pa'i phyir/ pha rol tu phyin pa rnams dben pa dang / de bzhin du sbyar te/ gzugs dben pa'i phyir/ rnam pa thams cad mkhyen pa nyid kyi bar du dben pa'i phyir ro/ / gal te chos thams cad dben pa nyid du bstan pa na/ byang chub sems dpa' sems dpa' chen po'i sems mi zhum mi 'gong zhing / mi skrag/ mi dngang la/ dngang bar mi 'gyur na/ byang chub sems dpa' sems dpa' chen po shes rab kyi pha rol tu phyin pa la spyod pa yin no// bcom ldan 'das kyis bka' stsal pa/ rab 'byor ci'i phyir byang chub sems dpa' sems dpa' chen po shes rab kyi pha rol tu phyin pa la zhum par mi 'gyur ba yin/ rab 'byor gyis gsol pa/ bcom ldan 'das ma mchis pa'i slad du/ byang chub sems dpa' sems dpa' chen po shes rab kyi pha rol tu phyin pa la zhum par mi 'gyur lags so/ / bcom ldan 'das dben pa dang / zhi ba dang / ma skyes pa'i slad du/ byang chub sems dpa' sems dpa' chen po shes rab kyi pha rol tu phyin pa la zhum par mi 'gyur lags te/ bcom ldan 'das de'i slad du/ byang chub sems dpa' sems dpa' chen po shes rab kyi pha rol tu phyin pa la zhum par mi

  58. 30a

    'gyur lags so/ / de ci'i slad du zhe na/ bcom ldan 'das 'di ltar gang zhum par 'gyur ba dang / gang gis zhum par 'gyur ba dang / gang la num par 'gyur ba'i chos de dag thams cad ma mchis shing mi dmigs pa'i slad du'o/ / bcom ldan 'das gal te de skad bstan pa na byang chub sems dpa' sems dpa' chen po zhum pa ma mchis shing / mi skrag la mi zhum mi 'god/ mi skrag/ mi dngang zhing dngang bar mi 'gyur na/ shes rab kyi pha rol tu phyin pa la spyod pa lags so// de ci'i slad du zhe na/ bcom ldan 'das 'di ltar gang zhum par 'gyur ba dang / gang gis zhum par 'gyur pa dang / gang la zhum par 'gyur ba'i chos de dag thams cad dmigs su ma mchis pa'i slad du ste/ bcom ldan 'das byang chub sems dpa' sems dpa' chen po gang de ltar shes rab kyi pha rol tu phyin pa la spyod pa ni/ dbang po dang bcas pa'i lha rnams dang / tshangs pa dang bcas pa dang / skye dgu bdag po dang bcas pa'i lha rnams kyis phyag bgyi ba lags so// de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po gang de ltar shes rab kyi rol tu phyin pa la spyod pa ni/ dbang po dang bcas pa'i lha rnams dang / tshangs pa dang bcas pa dang / skye dgu'i bdag po dang bcas pa'i lha rnams nyi tshes phyag bya bar yang ma

  59. 30b

    zad kyi/ rab 'byor byang chub sems dpa' sems dpa' chen po gang shes rab kyi pha rol tu phyin pa la de ltar spyod pa de la ni/ kha dog las shin tu 'das pa'i lha'i bu dge rgyas pa rnams dang / 'bras bu che ba rnams dang / gnas gtsang ma'i ris kyi bar gyi lha'i bu gang yin pa de dag gis kyang phyag bya ba yin no// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa de la ni/ de bzhin gshegs pa dgra bcom pa yang dag par rdzogs pa'i sangs rgyas gang dag 'jig rten gyi khams grangs med dpag tu med pa dag na bzhugs te/ tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang / byang chub sems dpa' sems dpa' chen po 'di ni shes rab kyi pha rol tu phyin pa la spyod pa yin no// bsam gtan gyi pha rol tu phyin pa yongs su rdzogs par byed pa yin no// de bzhin du sbyar te/ rnam pa thams cad mkhyen pa nyid kyi bar du yongs su rdzogs par 'gyur ba yin no zhes dgongs par 'gyur ro/ / rab 'byor byang chub sems dpa' sems dpa' chen po gang shes rab kyi pha rol tu phyin pa la spyod cing / sangs rgyas bcom ldan 'das rnams kyis dgongs pa'i byang chub sems dpa' sems dpa' chen po de ni sangs rgyas nyid du zhugs pa yin par gzung bar bya'o/ / rab 'byor 'jig rten gyi khams gang+gA'i klung gi bye ma snyed dag na/ sems can ji snyed pa de dag thams cad bdud sdig

  60. 31a

    can sha stag tu gyur la/ bdud sdig can re res kyang bdud sdig can de snyed cig mngon par sprul kyang / de dag thams cad kyis byang chub sems dpa' sems dpa' chen po shes rab kyi pha rol tu phyin pa la spyod pa la bar chad bya bar mi nus so/ / rab 'byor chos gnyis dang ldan pa'i byang chub sems dpa' sems dpa' chen po ni bdud sdig can rnams kyis mi thul ba yin te/ gnyis gang zhe na/ des chos thams cad la stong pa nyid du rnam par bltas pa dang / des sems can thams cad yongs su ma gtang ba yin te/ rab 'byor chos gnyis po de dag dang ldan pa'i byang chub sems dpa' sems dpa' chen po ni bdud sdig can rnams kyis mi thul ba yin no/ / rab 'byor gzhan yang chos gnyis dang ldan pa'i byang chub sems dpa' sems dpa' chen po shes rab kyi pha rol tu phyin pa la spyod pa ni/ bdud sdig can rnams kyis mi thul ba yin te/ gnyis gang zhe na/ ji skad smras pa de bzhin du byed pa dang / sangs rgyas bcom ldan 'das kyis dgongs pa yin te/ rab 'byor chos gnyis po de dag dang ldan pa'i byang chub sems dpa' sems dpa' chen po shes rab kyi pha rol tu phyin pa la spyod pa ni/ bdud sdig can rnams kyis mi thul ba yin no// rab 'byor de ltar spyod pa'i byang chub sems dpa' sems dpa' chen po'i drung du lha'i bu rnams kyang bsnyen bkur bya ba dang / yongs su zhu ba dang / yongs su dri ba'i phyir nye bar 'gro bar sems shing / rigs kyi

  61. 31b

    khyod ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de lta bas na rigs kyi bu khyod 'di lta ste/ stong pa nyid kyis gnas pa dang / mtshan ma med pas gnas pa dang / smon pa med pas gnas pa'i gnas pa de dag gis gnas par gyis shig/ de ci'i phyir zhe na/ rigs kyi bu khyod gnas pa de dag gis gnas na/ sems can mgon med pa rnams kyi mgon du 'gyur ba dang / sems can skyabs med pa rnams kyi skyabs su 'gyur ba dang / sems can rten med pa rnams kyi rten du 'gyur pa dang / sems can dpung gnyen med pa rnams kyi dpung gnyen du 'gyur ba dang / sems can gnas med pa rnams kyi gnas su 'gyur pa dang / sems can gling med pa rnams kyi gling du 'gyur ba dang / sems can mun par gyur pa rnams kyi snang bar 'gyur ba'i phyir ro zhes spro ba skyed par 'gyur ro/ / de ci'i phyir zhe na/ shes rab kyi pha rol tu phyin pa'i gnas pa 'dis gnas pa'i byang chub sems dpa' sems dpa' chen po la ni/ 'jig rten gyi khams grangs med dpag tu med pa dag na bzhugs te/ tsho zhing gzhes pa'i sangs rgyas bcom ldan 'das gang dag dge slong gi dge 'dun gyis yongs su bskor ba'i sangs rgyas bcom ldan 'das de dag kyang / byang chub sems dpa' sems dpa' chen po gang shes rab kyi pha rol tu phyin pa la de ltar spyod cing / 'di lta ste/ shes rab kyi pha rol tu phyin pa'i yon tan gyi yo byad de dag dang ldan pa'i byang chub sems dpa' sems dpa'

  62. 32a

    chen po de dag gi ming dang rigs yongs su brjod pa'i tshul gyis chos ston cing / ched du brjod pa'ang ched du brjod par mdzad pa'i phyir ro// rab 'byor 'di lta ste/ dper na da ltar ngabyang chub sems dpa' sems dpa' chen po rin po che tog gi ming yongs su brjod pa'i tshul gyis chos ston cing / ched du brjod pa'ang ched du brjod pa dang / byang chub sems dpa' sems dpa' chen po gtsug tor can gyi ming yongs su brjod pa'i tshul gyis chos ston cing / ched du brjod pa'ang ched du brjod pa dang / nga byang chub sems dpa' sems dpa' chen po gang dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i drung du tshangs par spyad pa spyod cing / shes rab kyi pha rol tu phyin pa 'di dang ma bral ba'i byang chub sems dpa' sems dpa' chen po de dag gi ming yongs su brjod pa'i tshul gyis chos ston cing / ched du brjod pa'ang ched du brjod pa bzhin no// rab 'byor shar phyogs na sangs rgyas bcom ldan 'das gang dag bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag kyang / de na byang chub sems dpa' sems dpa' chen po gang dag/ 'di ltar tshangs par spyad pa spyod pa de dag la dga' bar mdzad pa'i tshul gyis chos ston cing / ched du brjod pa'ang ched du brjod pa mdzad do// de bzhin du lho dang / nub dang / byang dang / steng dang / 'og dang / phyogs mtshams kyi 'jig rten gyi khams

  63. 32b

    dag na/ sangs rgyas bcom ldan 'das gang dag bzhugs te 'tsho zhing gzhes la/ chos kyang ston pa'i sangs rgyas bcom ldan 'das de dag kyang / de na byang chub sems dpa' sems dpa' chen po gang dag tshangs par spyad pa spyod cing / shes rab kyi pha rol tu phyin pa 'di dang ma bral ba de dag la dga' bar mdzad pa'i tshul gyis chos ston cing / ched du brjod pa'ang ched du brjod par mdzad do// rab 'byor byang chub sems dpa' sems dpa' chen po gang dag sems dang po bskyed pa nas gzung ste/ byang chub kyi lam yongs su rdzogs par byed pa dang / rnam pa thams cad mkhyen pa nyid thob par byed pa'i bar de dag la'ang / sangs rgyas bcom ldan 'das rnams kyis dga' bar mdzad pa'i tshul gyis chos ston cing / ched du brjod pa'ang ched du brjod pa mdzad do// de ci'i phyir zhe na/ rab 'byor byang chub sems dpa' sems dpa' chen po gang dag de ltar sangs rgyas kyi tshul rgyun mi gcad pa'i phyir zhugs pa dag ni dka' ba byed pa yin pa'i phyir ro/ / de skad ces bka' stsal pa dang // bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das sangs rgyas bcom ldan 'das de dag/ byang chub sems dpa' sems dpa' chen po slar ldog pa 'am/ slar mi ldog pa gang dag gi ming yongs su brjod cing dga' bar mdzad pa'i tshul gyis chos ston par mdzad lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di/

  64. 33a

    skad ces bka' stsal to// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa gang dag phyir mi ldog pa dag kyang yod/ byang chub sems dpa' sems dpa' chen po shes rab kyi pha rol tu phyin pa la spyod pa lung ma bstan pa dag kyang yod de/ de dag la sangs rgyas bcom ldan 'das de dag dga' bar mdzad pa'i tshul gyis chos ston cing / ched du brjod pa'ang ched du brjod pa mdzad do// rab 'byor gyis gsol pa/ bcom ldan 'das de dag gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang dag byang chub sems dpa'i spyad pa spyod pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i rjes su slob pa'i tshul gyis spyod pa de dag ni/ rab 'byor phyir mi ldog pa'i byang chub sems dpa' sems dpa' chen po yin te/ de dag la sangs rgyas bcom ldan 'das de dag dga' bar mdzad pa'i tshul gyis chos ston cing / ched du brjod pa'ang ched du brjod par mdzad do/ / rab 'byor byang chub sems dpa' sems dpa' chen po gang dag/ byang chub sems dpa' sems dpa' chen po rin po che tog gi rjes su slob pa'i tshul gyis byang chub sems dpa'i spyad pa spyod pa de dag la'ang / sangs rgyas bcom ldan 'das de dag dga' bar mdzad pa'i tshul gyis chos ston cing / ched du brjod pa'ang ched du brjod par mdzad do//

  65. 33b

    rab 'byor gzhan yang byang chub sems dpa' sems dpa' chen po gang dag/ shes rab kyi pha rol tu phyin pa la spyod cing / chos thams cad skye ba med par mos kyang / mi skye ba'i chos la bzod pa ma thob pa dag dang / chos thams cad stong pa zhes bya bar mos kyang / mi skye ba'i chos la bzod pa ma thob pa dag dang / chos thams cad zhi ba zhes bya bar mos pa dang / chos thams cad 'dod chags dang bral ba zhes bya ba dang / gsog ces bya ba dang / ya ma brla zhes bya ba dang / snying po med pa zhes bya bar mos kyang / mi skye ba'i chos la bzod pa ma thob pa'i byang chub sems dpa' sems dpa' chen po de dag la/ rab 'byor sangs rgyas bcom ldan 'das de dag dga' bar mdzad pa'i tshul gyis chos ston cing / ched du brjod pa'ang ched du brjod pa mdzad do// rab 'byor sangs rgyas bcom ldan 'das rnams kyis/ byang chub sems dpa' sems dpa' chen po gang dag gi ming yongs su brjod pa'i tshul gyis chos ston pa dang / dga' bar mdzad pa'i tshul gyis chos ston cing / ched du brjod pa'ang ched du brjod par mdzad pa'i byang chub sems dpa' sems dpa' chen po de dag ni/ rab 'byor nyan thos kyi sa dang / rang sangs rgyas kyis yongs su spangs shing // bla na med pa yang dag par rdzogs pa'i byang chub tu lung bstan par gyur pa yin no// rab 'byor sangs rgyas bcom ldan 'das rnams kyis/ byang chub sems dpa' sems dpa' chen po gang dag/

  66. 34a

    shes rab kyi pha rol tu phyin pa la spyod pa dag gi ming yongs su brjod pa'i tshul gyis chos ston cing / ched du brjod pa'ang ched du brjod par mdzad pa'i byang chub sems dpa' sems dpa' chen po de dag ni phyir mi ldog pa nyid la gnas par 'gyur zhing / de la gnas nas rnam pa thams cad mkhyen pa nyid thob par 'gyur ro// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa zab mo thos nas/ 'di ni de bzhin gshegs pa dgra bcom pa yang dag par rdzogs pa'i sangs rgyas kyis ji skad gsungs pa de bzhin no zhes nem nur med cing the tsom mi za la rmongs par mi 'gyur na/ des ni phyis kyang de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa dang / byang chub sems dpa'i theg pa pa'i rigs kyi bu de dag las 'di nyid rgya cher thos par 'gyur te/ byang chub sems dpa'i theg pa pa'i rigs kyi bu de'ang / shes rab kyi pha rol tu phyin pa 'di la mos par 'gyur zhing / shes rab kyi pha rol tu phyin pa zab mo 'di la mos pa na/ 'di ni de bzhin gshegs pas ji skad gsungs pa bzhin no zhes mos shing / phyir mi ldog pa nyid la gnas par 'gyur te/ rab 'byor shes rab kyi pha rol tu phyin pa thos pa'ang / byang chub sems dpa' sems dpa' chen po rnams la de ltar gces spras byed pa yin na/ gang mos shing mos nas kyang de bzhin nyid du gnas shing / de bzhin nyid du

  67. 34b

    sgrub par byed pa dang / de bzhin nyid du gnas shing / de bzhin nyid du bsgrubs nas/ rnam pa thams cad mkhyen pa nyid la gnas par 'gyur ba lta spos kyang ci dgos/ rab 'byor gyis gsol pa/ bcom ldan 'das gang de bzhin nyid du gnas shing / de bzhin nyid du bsgrubs na/ chos gang yang dmigs par mi 'gyur ba lags/ ji ltar rnam pa thams cad mkhyen pa nyid la gnas par 'gyur pa lags/ bcom ldan 'das de bzhin gshegs pa'i sprul pa zhes bgyi ba'i chos gang yang dmigs su ma mchis na/ su zhig de bzhin nyid la gnas par 'gyur/ su zhig de bzhin nyid la gnas nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ su zhig de bzhin nyid la gnas nas chos ston par 'gyur te/ de bzhin nyid kyang dmigs su ma mchis lags na/ su zhig de bzhin nyid la nas par 'gyur ba dang / de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / de bzhin nyid la gnas nas chos ston par 'gyur ba lta smos kyang ci 'tshal te/ de ni gnas ma mchis lags so// de skad ces gsol pa dang // bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor gang khyod 'di skad du de bzhin gshegs pa'i sprul pa zhes bgyi ba'i chos gang yang ma mchis na/ su zhig de bzhin nyid la gnas par

  68. 35a

    'gyur/ su zhig de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ su zhig de bzhin nyid la gnas nas chos ston par 'gyur te/ de bzhin nyid kyang dmigs su ma mchis lags na/ su zhig de bzhin nyid la gnas pa dang / de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / de bzhin nyid la gnas nas chos ston par 'gyur ba lta smos kyang ci 'tshal te/ de ni gnas ma mchis lags so zhes zer ba ni/ rab 'byor de de bzhin te/ de bzhin no// ji skad smras pa de bzhin te/ rab 'byor de bzhin nyid ma gtogs par chos gang yang dmigs su med na/ gang zhig de bzhin nyid la gnas pa dang / gang zhig de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / gang zhig de bzhin nyid la gnas nas chos ston par 'gyur te/ de bzhin nyid kyang dmigs su med nagang de bzhin nyid la gnas par 'gyur ba dang / de bzhin du sbyar te/ de bzhin nyid la gnas nas chos ston par 'gyur ba'i bar dag lta ci smos te/ de ni gnas med do// de ci'i phyir zhe na/ rab 'byor de bzhin gshegs pa rnams byung yang rung / de bzhin gshegs pa rnams ma byung yang rung ste/ de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang /

  69. 35b

    chos kyi dbyings dang / chos kyi gnas pa nyid dang / chos skyon med pa nyid dang / yang dag pa'i mtha' 'di ni gnas pa nyid kyi phyir te/ rab 'byor gang de bzhin nyid de la gnas pa'ang med/ de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'ang med/ de bzhin nyid la gnas par 'gyur ba'ang su'ang med do// de ci'i phyir zhe na 'di ltar de bzhin nyid de la ni gang de bzhin nyid la gnas par 'gyur ba dang / gang de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur pa dang / gang de bzhin nyid la gnas nas chos ston par 'gyur pa dmigs su med pa'i phyir te/ de ltar de bzhin nyid kyang dmigs su med pas/ de la skye ba'ang dmigs su med/ 'jig pa'ang med// gnas pa'ang med/ gzhan du 'gyur ba'ang med de/ de'i phyir chos de la skye ba dmigs su med pa dang / 'jig pa med pa dang / gnas pa med pa dang / gzhan du 'gyur ba med pas na/ su zhig/ de dag la gnas par 'gyur/ su zhig de dag la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ su zhig de la gnas nas chos ston par 'gyur te/ de ni gnas med do// de nas bcom ldan 'das la/ lha'i dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa 'di ni zab pa lags te/

  70. 36a

    bcom ldan 'das byang chub sems dpa' sems dpa' chen po gang dag/ bla na med pa yang dag pa rdzogs pa'i byang chub mngon par rdzogs par 'tshang rgya bar 'tshal ba de dag ni dka' ba bgyid pa lags so/ / de ci'i slad du zhe na/ bcom ldan 'das gang yang de bzhin nyid la gnas pa su'ang ma mchis shing / bla na med pa yang dag par rdzogs pa'i byang chub mngon par rdzogs par 'tshang rgya ba'ang gang yang ma mchis la/ chos ston pa'ang gang yang ma mchis kyang / de la zhum par yang mi 'gyur/ de la nem nur kyang mi bgyid/ rmongs par yang mi 'gyur ba'i slad du'o// de nas tshe dang ldan pa rab 'byor gyis/ lha'i dbang po brgya byin la 'di skad ces smras so// ko'u shi ka gang khyod 'di skad du byang chub sems dpa' sems dpa' chen po gang dag chos zab mo 'di rnams la nem nur med cing rmongs pa med pa ni/ dka' ba byed pa yin no zhes zer ba ni/ ko'u shi ka chos thams cad stong pa yin pas na/ de la su zhig nem nur ram rmongs par 'gyur/ de smad ces smras pa dang / lha'i dbang po brgya byin gyis/ gnas brtan rab 'byo pa 'di skad ces smras so// gnas btan rab 'byor ni gang ci ston nga / de thams cad stong pa nyid las brtsams shing ston te/ cila'ang chags pa med do// 'di lta ste/ dper na mda' nam mkha' la 'phangs pa ni gang du'ang chags pa med do// de bzhin du gnas brtan rab 'byor gyis chos bstan pa'ang gang du'ang chags

  71. 36b

    pa med do/ / shes rab kyi pha rol tu phyin pa khri brgyad stong pa las/ chags pa med pa'i le'u zhes bya ste lnga bcu rtsa dgu pa'o// / de nas bcom ldan 'das la/ lha'i dbang brgya byin gyis 'di skad ces gsol to/ / bcom ldan 'das bdag gis de skad spras shing de skad bstan pa/ bcom ldan 'das kyis gsungs pa'i rjes su smra zhing / chos smra ba dang / chos dang rjes su 'thun pa'i chos yang dag par rjod pa lags sam/ bcom ldan 'das kyis bka' stsal pa/ ko'u shi ka gang khyod kyis de skad smras shing de skad bstan pa ni/ de bzhin gshegs pas gsungs pa'i rjes su smra zhing / chos smra ba dang / chos dang rjes su 'thun pa'i chos brjod pa yin no// brgya byin gyis gsol pa/ bcom ldan 'das ji tsam du gnas brtan rab 'byor gyis spobs pa de thams cad ni stong pa nyid las brtsams shing spobs pa dang / mtshan ma ma mchis pa dang / smon pa ma mchis pa las brtsams shing spobs pa dang / dran pa nye bar gzhag pa rnams dang / byang chub kyi bar las brtsams shing spobs pa ste/ ngo mtshar lags so// de skad ces gsol pa dang / bcom ldan 'das kyis/ lha'i dbang po brgya byin la 'di skad ces bka' stsal to// ko'u shi ka rab 'byor 'di ni stong pa nyid kyis gnas pa na/ sbyin pa'i pha rol tu phyin pa nyid kyang mi dmigs na/ gang dag sbyin pa'i pha rol tu phyin pa la spyod pa lta smos kyang ci dgos/ de bzhin du sbyar te/

  72. 37a

    shes rab kyi pha rol tu phyin pa nyid kyang mi dmigs na/ gang dag shes rab kyi pha rol tu phyin pa la spyod pa lta smos kyang ci dgos/ dran pa nye bar gzhag pa rnams kyang mi dmigs na/ gang dag dran pa nye bar gzhag pa rnams sgom pa lta smos kyang ci dgos/ de bzhin du sbyar te/ lam nyid kyi bar yang mi dmigs na/ gang dag lam sgom par 'gyur ba lta smos kyang ci dgos/ de bzhin du sbyar te/ bsam gtan dang / tshad med pa dang / rnam par thar pa dang / ting nge 'dzin dang / snyoms par 'jug pa nyid kyang mi dmigs na/ gang dag bsam gtan dang / tshad med pa dang // rnam par thar pa dang / ting nge 'dzin dang / snyoms par 'jug pa sgom pa lta smos kyang ci dgos/ stobs rnams nyid kyang mi dmigs na/ gang dag stobs rnams la sgom pa lta smos kyang ci dgos// mi 'jigs pa rnams nyid kyang mi dmigs na/ gang dag mi 'jigs pa rnams mngon par sgrub pa lta smos kyang ci dgos/ so so yang dag par rig pa rnams nyid kyang mi dmigs na/ gang dag so so yang dag par rig pa rnams mngon par sgrub pa lta smos kyang ci dgos/ byams pa chen po nyid kyang mi dmigs na/ gang dag byams pa chen po la gnas par 'gyur ba lta smos kyang ci dgos/ snying rje chen po nyid kyang mi dmigs na/ gang dag snying rje chen po la gnas par 'gyur pa lta smos kyang ci dgos/ sangs rgyas kyi chos ma 'dres pa rnams nyid kyang mi dmigs na/ gang dag sangs rgyas kyi chos ma 'dres

  73. 37b

    pa rnams mngon par sgrub pa lta smos kyang ci dgos/ byang chub nyid kyang mi dmigs na/ gang dag byang chub mngon par rdzogs par 'tshang rgya bar 'gyur ba lta smos kyang ci dgos/ rnam pa thams cad mkhyen pa nyid kyang mi dmigs na/ gang dag rnam pa thams cad mkhyen pa nyid thob par 'gyur ba lta smos kyang ci dgos/ de bzhin gshegs pa nyid kyang mi dmigs na/ gang dag de bzhin gshegs par 'gyur ba lta smos kyang ci dgos/ skye ba med pa nyid kyang mi dmigs na/ gang dag skye ba med pa mngon sum du byed par 'gyur pa lta smos kyang ci dgos/ mtshan rnams nyid kyang mi dmigs na/ gang dag gi lus la mtshan rnams 'byung bar 'gyur ba lta smos kyang ci dgos/ dpe byad bzang po rnams nyid kyang mi dmigs na/ gang gi lus la dpe byad bzang po rnams 'byung bar 'gyur ba lta smos kyang ci dgos/ de ci'i phyir zhe na/ ko'u shi ka dge slong rab 'byor ni chos thams cad dben pa la gnas pa yin la/ ko'u shi ka dge slong rab 'byor ni dmigs pa med pa la gnas pa dang / stong pa nyid la gnas pa dang / mtshan ma med pa la gnas pa dang / smon pa med pa la gnas pa yin pa'i phyir ro// ko'u shi ka dge slong rab 'byor gyi gnas pa ni de lta bu yin te/ ko'u shi ka dge slong rab 'byor gyi gnas pa gang yin pa de ni/ byang chub sems dpa' sems dpa' chen po shes rab kyi pha rol tu phyin pa la spyod pa'i gnas pa'i brgya'i char yang nye bar mi 'gro'o// stong gi char yang nye bar

  74. 38a

    mi 'gro'o/ / 'bum gyi char yang nye bar mi 'gro'o// bye ba phrag 'bum gyi char yang nye bar mi 'gro'o// grangs dang / cha dang / bzang ba dang / dpe dang / rgyur yang nye bar mi 'gro'o/ / de ci'i phyir zhe na/ de bzhin gshegs pa'i gnas pa ma gtogs par/ byang chub sems dpa' sems dpa' chen po shes rab kyi pha rol tu phyin pa la spyod pa'i gnas pa gang yin pa de dang / nyan thos dang / rang sangs rgyas rnams kyi gnas pa gang yin pa de dag gi nang na/ byang chub sems dpa' sems dpa' chen po shes rab kyi pha rol tu phyin pa la spyod pa'i gnas pa gang yin pa de ni mchog ces bya ba dang / thu bo dang / khyad par du 'phags pa dang / rab dang / rab mchog dang / gya nom pa dang / bla na med pa dang / gong na med pa zhes bya ba yin pa'i phyir ro// ko'u shi ka de lta bas na byang chub sems dpa' sems dpa' chen po sems can thams cad kyi mchog tu 'gyur bar 'dod pas/ 'di lta ste/ shes rab kyi pha rol tu phyin pas gnas pa'i gnas pa 'di nyid kyis gnas par bya'o/ / de ci'i phyir zhe na/ ko'u shi ka shes rab kyi pha rol tu phyin pa 'di la spyod pa'i byang chub sems dpa' sems dpa' chen po ni/ nyan thos dang rang sangs rgyas kyi sa las 'da' zhing / byang chub sems dpa'i skyon med pa la 'jug pa dang / sangs rgyas kyi chos thams cad yongs su rdzogs par byas nas/ rnam pa thams cad mkhyen pa nyid thob pa dang / rnam pa thams cad

  75. 38b

    mkhyen pa nyid thob nas kyang / de bzhin gshegs pa dgra bcom pa yang dag par rdzogs pa'i sangs rgyas kyi bag chags dang / mtshams sbyor ba dang / nyon mongs pa thams cad spangs pa 'thob par 'gyur ba'i phyir ro/ / de nas 'khor de nyid las sum cu rtsa gsum pa'i lha rnams kyis/ me tog man da rab dag zangs nas/ bcom ldan 'das la gtor to// mngon par gtor to/ mngon par rab tu gtor to// dge slong drug stong yang stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ka la ba de logs su thal mo sbyar ba btud nas/ mig mi 'dzums par phyag 'tshal bar gyur to// sangs rgyas kyi mthus de dag gi snyim pa me tog man da ra bdag gis rab tu gang bar gyur nas/ me tog mnang rab de dag gis/ de bzhin gshegs pa dgra bcom pa yang dag par rdzogs pa'i sangs rgyas la gtor to// mngon par gtor to// mngon par rab tu gtor to// de dag gis gtor/ mngon par gtor/ mngon par rab tu gtor ba'i tshe/ tshig 'di skad du bcom ldan 'das dge ba'i rtsa ba 'dis/ bdag cag gang nyan thos dang rang sangs rgyas thams cad kyi gnas ma lags pa'i gnas pa dam pa 'dis gnas par gyur cig ces kyang smras so/ / de nas bcom ldan 'das kyis/ dge slong de dag gi bsam pa thugs su chud nas de'i tshe 'dzum pa mdzad do// 'di ni sangs rgyas

  76. 39a

    bcom ldan 'das rnams kyi chos nyid de/ gang gi tshe bcom ldan 'das 'dzum pa mdzad pa na/ bcom ldan 'das kyi zhal gyi sgo nas 'od zer kha dog du ma/ kha dog sna tshogs 'di lta ste/ sngon po dang / ser po dang / dmar po dang / dkar po dang / btsod ka dang / shes dang / dngul gyi kha dog lta bu byung bar gyur te/ de dag gis stong gsum gyi stong chen po'i 'jig rten khams snang bar khyab par byas nas slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub par gyur to// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis/ rkyen ma mchis par 'dzum pa mi mdzad lags na/ bcom ldan 'das 'dzum pa mdzad pa'i rgyu ni gang lags/ rkyen ni gang lags/ de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo dge slong drug stong po 'di dag ni bskal pa skar ma lta bu zhes bya ba la/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/

  77. 39b

    me tog gton du zhes bya ba'i de bzhin gshegs pa du bcom pa yang dag par rdzogs pa'i sangs rgyas sha stag tu 'gyur ro// kun dga' pho de bzhin gshegs sa dgra bcom pa yang dag par rdzogs pa sangs rgyas me tog gtor ba zhes bya ba de dag gi dge slong gi dge 'dun yang mtshungs par 'gyur ro/ / sangs rgyas kyi zhing yang mtshungs par 'gyur ro// tshe'i tshad kyang lo stong du mtshungs par 'gyur ro/ / de dag gang dang gang nas mngon par 'byung bar 'gyur zhing / mngon par byung nas rab tu 'byung ba dang / gang dang gang du rab tu byung ste gnas par 'gyur ba de dang de dag tu me tog kha dog snga pa'i char dag kyang rab tu 'bab par 'gyur ro/ / kun dga' bo de lta bas na gnas pa dam pas gnas par 'dod pa'i byang chub sems dpa' sems dpa' chen pos kyang / shes rab kyi pha rol tu phyin pa la spyad par bya'o/ / de bzhin gshegs pa'i gnas pas gnas par 'dod pa'i byang chub sems dpa' sems dpa' chen pos kyang / shes rab kyi pha rol tu phyin pa la spyad par bya'o// kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di la spyod pa'i rigs kyi bu 'am/ rigs kyi bu mo des 'di ltar bdag ni mi'i nang nas shi 'phos te 'dir skyes pa'am/ dga' ldan gyi lha'i ris nas shi 'phos nas 'dir skyes pa yin te/ mi rnams las shes rab kyi pha rol tu phyin pa zab mo 'di rgya cher thos par gyur pa 'am/ dga' ldan gyi ris kyi lha rnams

  78. 40a

    las shes rab kyi pha rol tu phyin pa zab mo 'di rgya cher thos par gyur pa yin no zhes nges par rtogs par bya'o/ / kun dga' bo byang chub sems dpa' sems dpa' chen po gang shes rab kyi pha rol tu phyin pa za ba mo 'di la spyod pa de dag ni/ de bzhin gshegs pas rnam par gzigs par gyur pa yin no// kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di nyan pa dang / thos nas kyang 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / byang chub sems dpa'i theg pa pa'i gang zag rnams la'ang shes rab kyi pha rol tu phyin pa zab mo 'di rjes su ston par byed na/ kun dga' bo byang chub sems dpa'i theg pa pa'i rigs kyi bu dang / rigs kyi bu mo de dag gis 'di snyam du bdag cag gis ni/ de bzhin gshegs pa dgra bcom pa yang dag par rdzogs pa'i sangs rgyas rnams las/ shes rab kyi pha rol tu phyin pa zab mo 'di thos shing / bzung ba dang / bcangs pa dang / bklags pa dang / kun chub par byas shing / de bzhin gshegs pa dgra bcom pa yang dag par rdzogs pa'i sangs rgyas de dag las dge ba'i rtsa ba bskyed par gyur pa yin no// zhes nges par rtogs par bya'o// kun dga' bo rigs kyi bu dang / rigs kyi bu mo de dag gis 'di snyam du bdag cag gis ni/ nyan thos rnams las dge ba'i rtsa ba bskyed pa ma yin zhing / nyan thos//

  79. 40b

    rnams las shes rab kyi pha rol tu phyin pa zab mo 'di thos pa ma yin no zhes bya bar rig par bya'o// kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di nyan pa dang / 'dzin pa dang / 'chang ba dang / klog pa dang / kun chub par byed cing / don dang / chos dang / tshul las rjes su rtogs par byed na/ kun dga' bo rigs kyi bu 'am/ rigs kyi bu mo de dag gis 'di ltar bdag cag ni de bzhin gshegs pa dgra bcom pa yang dag par rdzogs pa'i sangs rgyas mngon sum du gyur pa yin no zhes nges par rtogs par bya'o// kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di bshad pa thos nas/ mi spong mi smod cing dad pa thob par 'gyur na/ kun dga' bo rigs kyi bu 'am/ rigs kyi bu mo des ni sngon gyi rgyal ba la bya ba lhag par byas shing / dge ba'i rtsa ba bskyed pa dang / dge ba'i bshes gnyen gyis yongs su zin pa yin par rig par bya'o// kun dga' bo rigs kyi bu 'am/ rigs kyi bu mo gang gis de bzhin gshegs pa dgra bcom pa yang dag par rdzogs pa'i sangs rgyas las dge ba'i rtsa ba bskyed pa'ang nyan thos nyid dam/ rang sangs rgyas nyid dam/ sangs rgyas nyid du 'gyur bar mi slu mod kyi/ kun dga' bo byang chub sems dpa' sems dpa' chen po sbyin pa'i pha rol tu phyin pa la spyod pa dang / de bzhin du sbyar te/ rnam pa thams cad mkhyen pa nyid kyi bar la

  80. 41a

    spyad pas legs par rtogs par bya'o/ / kun dga' bo byang chub sems dpa' sems dpa'i chen po sbyin pa'i pha rol tu phyin pa la spyod pa dang / de bzhin du sbyar te/ rnam pa thams cad mkhyen pa nyid kyi bar la spyod pas legs par rtogs par byas pa ni nyan thos nyid dam/ rang sangs rgyas nyid la gnas par mi 'gyur ro// kun dga' bo de lta bas na ngas shes rab kyi pha rol tu phyin pa zab mo 'di khyod la yongs su gtad do/ / kun dga' bo gal te ngas chos gang dag bstan pa rnams las/ shes rab kyi pha rol tu phyin pa ma gtogs pa'i chos bstan pa de dag thams cad khyod kyis bzung zhing kun chub par byas nas/ de'i 'og tu chud gsan cing / de'i 'og tu spangs par gyur kyang / kun dga' bo nga de tsam gyi tshod kyis ni khyod la skyon du mi brtsi'i/ kun dga' bo gal te khyod kyis shes rab kyi/ pha rol tu phyin pa zab mo 'di bzung nas tshig gcig tsam yang chud gzan par gyur na/ kun dga' bo de tsam gyis ni ngas khyod la skyon du brtsi'o// kun dga' bo gal te khyod kyis shes rab kyi pha rol tu phyin pa zab mo 'di bzung nas/ de'i 'og tu chud ma gzan ma bor na/ kun dga' bo de ni ngas khyod la skyon du mi brtsi ste/ kun dga' bo ngas shes rab kyi pha rol tu phyin pa zab mo 'di ni khyod la yongs su gtad kyis ci nas kyang zung zhig/ chongs shig/ kun chub par gyis shig/ rtag tu yid la gyis shig/ legs par gzung ba dang / legs par bcang bar gyis shig/ yi ge dang / tshig dang / tshig 'bru legs par

  81. 41b

    rdzogs pa dang / nges pa'i tshig legs par zin par gyis shig/ kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de ni/ 'das pa dang / ma byon pa dang / da ltar byung ba'i sangs rgyas bcom ldan 'das kyi byang chub kun gzung bar 'gyur ro// kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di 'dzin pa dang / rjes su yongs su 'dzin pa des ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub rjes su yongs su gzung bar 'gyur ro/ / kun dga' bo rigs kyi bu 'am/ rigs kyi bu mo gang la la da ltar nga la mngon sum du me tog gam/ spos sam/ me tog 'phreng ngam/ bdug pa 'am/ byug pa 'am/ phye ma 'am/ gos sam/ gdugs sam/ rgyal mtshan nam/ ba dan dag gis bsti stang du byed pa dang / bla mar byed pa dang / ri mo byed pa dang / mchod pa byed par 'dod pa de dag gis kyang / shes rab kyi pha rol tu phyin pa zab mo 'di gzung bar bya/ bcang bar bya/ bklag par bya/ kun chub par bya'o// bzung zhing bcangs la/ bklags shing kun chub par byas nas kyang / me tog dang / spos dang / bdug pa dang / me tog 'phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis shes rab kyi pha rol tu phyin pa zab mo

  82. 42a

    'di la bsti stang du bya/ bla mar bya/ ri mor bya/ mchod par bya'o// shes rab kyi pha rol tu phyin pa la bsti stang du byed/ bla mar byed/ ri mor byed/ mchod par byed pa des ni/ nga'ang mchod pa yin la/ 'das pa dang / ma byon pa dang / da ltar byung ba'i sangs rgyas bcom ldan 'das rnams la'ang mchod pa byas pa yin no// kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di bshad pa la gus pa dang / dga' ba dang / dad pa skyed par 'gyur ba des ni/ 'das pa dang / ma byon pa dang / da ltar byung ba'i sangs rgyas bcom ldan rnam la gus pa dang / dga' ba dang / dad pa dang / ri mo bskyed pa yin no// kun dga' bo gal te khyod nga la dga' ba dang / yid du 'ong ba dang / yongs su mi gtong ba de ltar khyod kyis shes rab kyi pha rol tu phyin pa zab mo 'di la dga' ba dang / yid du 'ong ba dang / yongs su mi gtang bar gyis la/ ci nas kyang khyod kyis shes rab kyi pha rol tu phyin pa zab mo 'di'i tshig gcig tsam yang chud ma zos par gyis shig/ kun dga' bo ngas khyod la shes rab kyi pha rol tu phyin pa zab mo 'di yongs su gdams pa las brtsams te/ mang du smras pa yang / kun dga' bo mdor na ji ltar nga khyod kyi ston// pa yin pa de ltar shes rab kyi pha rol tu phyin pa zab mo 'di'ang khyod kyi ston pa yin gyis/ kun dga' bo de lta bas na ngas shes rab kyi pha rol tu phyin pa 'di yongs su gtad pa tshad med pas khyod la yongs

  83. 42b

    su gtad do/ / kun dga' bo de lta bas na ngas lha dang / mi dang / lha ma yin du bcas pa'i 'jig rten yang sbran te/ gang gis sangs rgyas yongs su ma btang ba dang / chos yongs su ma btang ba dang / dge 'dun yongs su ma btang ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub yongs su ma btang ba des/ shes rab kyi pha rol tu phyin pa zab mo 'di yongs su mi gtang bar bya ste/ 'di ni ngas rjes su bstan pa yin no// kun dga' bo rigs kyi bu 'am/ rigs kyi bu mo gang la la shes rab kyi pha rol tu phyin pa zab mo 'di 'dzin pa dang 'chang ba dang / klog pa dang / kun chub par byed pa dang / tshul bzhin du yid la byed pa dang / gzhan dag la yang shes rab kyi pha rol tu phyin pa zab mo 'di rnam grangs du mar rgya cher yang dag par ston par byed pa dang / rjod pa dang / 'chad pa dang / shes par byed pa dang / rab tu gzhog pa dang / rnam par 'grel pa dang / rnam par 'byed pa dang / gsal bar 'byed na/ kun dga' bo rigs kyi bu dang / rigs kyi bu mo de dag ni myur du bla na med pa yang dag par rdzogs pa'i byang chub mngon par rdzogs par 'tshang rgya zhing / rnam pa thams cad mkhyen pa nyid dang yang nye bar gyur pa yin no// de ci'i phyir zhe na/ kun dga' bo sangs rgyas bcom ldan 'das rnams kyi bla na med pa yang dag par rdzogs pa'i byang chub ni/ shes rab kyi pha rol tu phyin pa las nges par byung ba yin te/ kun dga' bo de

  84. 43a

    b zhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang / shes rab kyi pha rol tu phyin pa las nges par byung ba yin la/ kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang / kun dga' bo shes rab kyi pha rol tu phyin pa la nges par 'byung ba yin zhing / kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag da ltar shar phyogs dang / lho dang / nub dang / byang dang / 'og dang / steng dang / phyogs mtshams dag na bzhugs pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang / kun dga' bo shes rab kyi pha rol tu phyin pa las nges par skyes pa'i phyir ro// kun dga' b o de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas pha rol tu phyin pa drug po 'di dag la bslab par bya'o/ / de ci'i phyir zhe na/ kun dga' bo 'di ltar 'di lta ste/ pha rol tu phyin pa drug po 'di dag ni byang chub sems dpa' sems dpa' chen po rnams skyed par byed pa yin pa'i phyir ro// kun dga'

  85. 43b

    bo byang chub sems dpa' sems dpa' chen po gang dag pha rol tu phyin pa drug la slob pa de dag thams cad ni/ bla na med pa yang dag par rdzogs pa'i byang chutu nges par 'byung bar 'gyur te/ kun dga' bo de lta bas na pha rol tu phyin pa drug po 'di dag rgya cher yongs su gtad pa yin no/ / de ci'i phyir zhe na/ kun dga' bo 'di lta ste/ shes rab kyi pha rol tu phyin pa'i mdzod 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod yin te/ de ni mi zad pa'i mdzod yin pa'i phyir ro// kun dga' bo de bzhin gshegs pa dgra bcom pa yang dag rdzogs pa'i sangs rgyas gang dag shar dang / lho dang / nub dang / byang dang / 'og dang / steng dang / phyogs mtshams kyi 'jig rten gyi khams dag na bzhugs te 'tsho zhing gzhes la/ chos kyang ston pa'i sangs rgyas bcom ldan 'das de dag kyang // shes rab kyi pha rol tu phyin pa'i mdzod 'di nyid las chos ston pa mdzad do// kun dga' bo 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag zung bar gyur pa de dag kyang / pha rol tu phyin pa drug po 'di nyid la bslabs nas bla na med pa yang dag par rdzogs pa'i byang chub mngon par rdzogs sangs rgyas so// kun dga' bo gang dag ma 'ongs pa'i dus na 'byung bar 'gyur pa'i de bzhin gshegs pa dgra bcom pa yang dag par rdzogs pa'i sangs rgyas de dag kyang / pha rol tu phyin pa drug po 'di dag nyid la bslabs nas bla na med pa yang dag par rdzogs pa'i kha rab ma

  86. 44a

    par 'tshang rgya zhing chos kyang ston par 'gyur ro/ / kun dga' bo 'das pa dang / ma byon pa dang / da ltar byung ba'i sangs rgyas bcom ldan 'das rnams kyi nyan thos gang dag ji snyed pa de dag thams cad kyang / shes rab kyi pha rol tu phyin pa 'di nyid la bslabs nas yongs su mya ngan las 'das so// yongs su mya ngan las 'da' bar 'gyur ro// yongs su mya ngan las 'da' 'o// kun dga' bo gal te khyod kyis nyan thos kyi theg pa pa'i gang zag rnams la nyan thos kyi sa las brtsams te chos bstan par gyur la/ chos bstan pa des stong gsum gyi stong chen po'i 'jig rten gyi khams kyi sems can de dag thams cad kyis dgra bcom pa nyid mngon sum du byas par gyur kyang / de tsam gyis ni khyod kyis nga'i nyan thos kyis nyan thos kyi bya ba byas par gyur pa ma yin gyi/ kun dga' bo gal te khyod kyis byang chub sems dpa' sems dpa' chen po rnams la/ shes rab kyi pha rol tu phyin pa dang ldan pa'i tshig gcig tsam rab tu bstan na/ de ni nyan thos khyod kyis nga mnyes par byas shing / nyan thos kyis nyan thos kyi bya ba byas pa yin no/ / kun dga' bo 'di ji snyam du sems/ chos bstan pa snga ma des stong gsum gyi stong chen po'i 'jig rten gyi khams na/ sems can gang ji snyed pa de dag thams cad snga phyi med par mi'i lus thob nas/ dgra bcom pa nyid mngon sum du byas par gyur na/ dgra bcom pa de dag gi sbyin pa las byung ba'i bsod nams bya ba'i dngos po gang yin pa dang / tshul khrims las byung ba 'i

  87. 44b

    bsod nams bya ba'i dngos po gang yin pa dang / bsgom pa las byung ba'i bsod nams bya ba'i dngos po gang yin pa'i bsod nams bya ba'i dngos po de dag mang ba yin snyam mam/ gsol pa/ bcom ldan 'das mang lag so/ / bde bar gshegs pa mang lags so// bka' stsal pa/ kun dga' bo de bas kyang nyan thos kyi theg pa pa'i gang zag gang+gA byang chub sems dpa' sems dpa' chen po la tha na nyim gcig tsam shes rab kyi pha rol tu phyin pa dang ldan pa'i chos ston par byed na/ de'i bsod nams ches mang du skyed par 'gyur ro// kun dga' bo nyi ma gcig lta zhog gi/ kun dga' bo gal te nyi ma phyed dam kun dga' bo nyi ma phyed lta'ang zhog gi/ gal te snga dro gcig tsam mam/ kun dga' bo snga dro gcig tsam lta'ang zhog gi/ gal te chu tshod gcig tsam gyi bar ram/ kun dga' bo chu tshod gcig tsam gyi bar lta'ang zhog gi/ gal te nyan thos kyi theg pa pa'i gang zag gang gis byang chub sems dpa' sems dpa' chen po la skad cig gam/ thang cig gam/ yud tsam zhig gi bar du shes rab kyi pha rol tu phyin pa dang ldan pa'i chos bstan par gyur na/ kun dga' bo de ni de bas ches bsod nams mang du skyed par 'gyur te/ des na nyan thos kyi theg pa pa dang / rang sangs rgyas kyi theg pa pa thams cad kyi dge ba'i rtsa ba zil gyis non par 'gyur ro/ / kun dga' bo gal te byang chub sems dpa' sems dpa' chen pos/ byang chub sems dpa'i theg pa pa'i gang zag rnams la tha na nyi ma gcig gam/ nyi ma phyed dam/ snga 'dro 'am/

  88. 45a

    chu tshod gcig tsam gyi bar ram/ skad cig gam/ thang cig gam/ yud tsam zhig shes rab kyi pha rol tu phyin pa dang ldan pa'i chos bstan par gyur na/ kun dga' bo byang chub sems dpa' sems dpa' chen po des ni nyan thos kyi theg pa dang / rang sangs rgyas kyi theg pa pa'i gang zag thams cad kyi dge ba'i rtsa ba zil gyis non par 'gyur ro// de ci'i phyir zhe na/ 'di ltar de ni bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar 'dod la/ gzhan dag kyang bla na med pa yang dag par rdzogs pa'i byang chub yang dag par 'dzin du 'jug cing / yang dag par ston pa dang / yang dag par gzengs bstod pa dang / 'dzud pa dang / rab tu 'god par byed pa'i phyir ro// kun dga' bo de ltar byang chub sems dpa' sems dpa' chen po pha rol tu phyin pa drug la spyod pa dang / dran pa nye bar gzhag pa rnams la spyod pa dang / lam gyi rnam pa shes pa nyid kyi bar la spyod cing / dge ba'i rtsa ba rnams kyis rnam par 'phel ba gang gi phyir/ bla na med pa yang dag par rdzogs pa'i byang chub las yongs su nyams par 'gyur ba ni gnas ma yin/ skabs ma yin te/ de ni gnas med do// shes rab kyi pha rol tu phyin pa 'di bstan pa na/ bcom ldan 'das kyis 'khor bzhi po dang / lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyi mdun du 'di lta bu'i rdzu 'phrul mngon par

  89. 45b

    'du mdzad pa mngon par mdzad de/ 'di lta bu'i rdzu 'phrul mngon par 'du mdzad pa mngon par mdzad pas/ 'khor de dag gis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa/ dge slong gi dge 'dun gyis yongs su bskor cing / dge slong gi dge 'dun gyis mdun gyis bstas la/ 'khor rgya mtsho mi 'khrugs pa thams cad kyang dgra bcom pa/ zag pa zad pa/ nyon mongs pa med pa/ dbang dang ldan gyur pa/ sems shin tu rnam par grol ba/ shes rab shi tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyi dbang gi dam pa'i pha rol tu son pa sha stag dang / byang chub sems dpa'i theg pa pa'i gang zag rnams la chos ston pa mthong bar gyur to// de nas bcom ldan 'das kyis rdzu 'phrul de phyir bsdus te/ rdzu 'phrul de bsdus pa dang / 'khor bzhi po de dang / nyan thos kyi theg pa pa'i gang zag dang / rang sangs rgyas kyi theg pa pa'i gang zag la sogs pa thams cad kyis/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'ang ma mthong / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing de'ang ma mthong / sangs

  90. 46a

    rgyas la sogs pa dge slong gi dge 'dun de dag kyang mig gi dbang por spyod yul du mi snang bar gyur to/ / de ci'i phyir zhe na/ de bzhin gshegs pas rdzu 'phrul mngon par 'du mdzad/ pa slar bsdu ba mdzad pas de'i phyir ma mthong ngo // de nas bcom ldan 'das kyis/ tshe dang ldan pa kun dga' bo la bka pa/ kun dga' bo khyod kyis de bzhin gshegs pa mi 'khrugs pa'i sangs rgyas kyi zhing de dang / de bzhin gshegs pa mi 'khrugs pa de dang / dge slong gi dge 'dun de dang / byang chub sems dpa'i dge 'dun de dag mthong ngam/ gsol pa/ bcom ldan 'das sangs rgyas kyi zhing de dang / de bzhin gshegs pa de dang / dge slong gi dge 'dun de dang / byang chub sems dpa'i dge 'dun de dag ni mig lam du'ang mi gda' lags so// bka' stsal pa/ kun dka' bo de bzhin du chos thams cad kyang mig lam du mi snang ba yin te/ chos la chos mi snang ngo // chos kyis chos mi snang ngo // ji ltar de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang / nyan thos de dag dang / byang chub sems dpa'i theg pa pa'i gang zag de dag dang / sangs rgyas kyi zhing de mig lam du mi snang ba de bzhin du/ kun dga' bo chos thams cad kyang mig lam du mi snang ba yin te/ chos kyis chos mi mthong ngo // chos kyis chos kun mi shes te/ kun dga' bo chos thams cad ni shes pa med pa/ mthong ba med pa/ bya ba la mthu med pa yin no//

  91. 46b

    de ci'i phyir zhe na/ kun dga' bo chos thams cad ni snying po med pa'i phyir g.yo ba med pa dang / gzung ba med pa yin te/ kun dga' bo chos thams cad g.yo ba med pa dang / gzung ba med pas na bsam gyis mi khyab pa yin te/ kun dga' bo chos thams cad ni sgyu ma'i skyes bu ltar rig pa med pa'i phyir ro// kun dga' bo de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa yin te/ chos gang la'ang mngon par zhen pa med pa yin no// kun dga' bo de ltar slob pa'i byang chub sems dpa' sems dpa' chen po ni shes rab kyi pha rol tu phyin pa la slob pa yin te/ kun dga' bo pha rol tu phyin pa thams cad thob par 'dod pa'i byang chub sems dpa' sems dpa' chen pos kyang / shes rab kyi pha rol tu phyin pa la bslab par bya ste/ de ltar slob pa ni mchog ces bya'o/ / thu bo zhes bya'o// rab ces bya'o// rab mchog ces bya'o// gya nom pa zhes bya'o// bla na med pa dang / gong na med pa zhes bya ste/ 'jig rten thams cad la phan pa dang / 'jig rten thams cad la bde ba dang / mgon med pa rnams kyi mgon byed pa dang / sangs rgyas kyis rjes su gnang ba dang / sangs rgyas kyis bsngags pa yin te/ de la gnas nas de bzhin gshegs pa dgra bcom pa yang dag par rdzogs pa'i sangs rgyas rnams kyis/ stong gsum gyi stong chen po'i 'jig rten gyi khams 'di phyag g.yas pas gyen du gteg cing yang slar ba 'og kyang / sems can de dag gis

  92. 47a

    'di ltar stong gsum gyi stong chen po'i 'jig rten gyi khams 'di gyen du bteg pa'am/ phyir gzhag pa'ang mi shes so// de ci'i phyir zhe na/ kun dga' bo sangs rgyas/ bcom ldan 'das rnams kyang / shes rab kyi pha rol tu phyin pa 'di nyid la bslabs nas 'das pa dang / ma 'ongs pa dang / da ltar byung ba'i chos rnams la chags pa mi mnga' ba'i ye shes gzigs pa skyes pa'i phyir ro/ / kun dga' bo bslab pa gang ji snyed yod pa'i bslab pa de dag thams cad kyi nang na/ shes rab kyi pha rol tu phyin pa'i bslab pa 'di ni mchog ces bya'o// thu bo dang / rab dang / rab mchog dang / gya nom pa dang / bla na med pa dang / gong na med pa zhes bya'o// kun dga' bo gang shes rab kyi pha rol tu phyin pa'i tshad dam/ mtha' gzung bar sems pa de ni nam mkha'i tshad dam/ mtha' gzung bar sems par 'ang // de ci'i phyir zhe na/ kun dga' bo shes rab kyi pha rol tu phyin pa ni tshad med pa'i phyir ro// kun dga' 'ongs ni shes rab kyi pha rol tu phyin pa'i tshad ma bstan te/ kun dga' bo ming gi tshogs dang / tshig gi tshogs dang / yi ge'i tshogs dag la ni tshad gzung du yod kyi/ shes rab kyi pha rol tu phyin pa la ni tshad gzung du med do// de skad ces bka' stsal pa dang / bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ci'i slad du/ shes rab kyi pha rol tu phyin pa dpag tu ma mchis shing gzhal du ma mchis

  93. 47b

    pa lags/ bcom ldan 'das kyis bka' stsal pa/ kun dga' bo mi zad pa'i phyir/ shes rab kyi pha rol tu phyin pa tshad med pa yin no// kun dga' bo dben pa'i phyir/ shes rab kyi pha rol tu phyin pa tshad med pa yin no/ / kun dga' bo 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa de dag kyang / shes rab kyi pha rol tu phyin pa 'di nyid kyis rab tu bskyed pa yin yang / shes rab kyi pha rol tu phyin pa ni zad par ma gyur to// kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag kyang / shes rab kyi pha rol tu phyin pa 'di nyid kyis rab tu skyed par 'gyur yang / shes rab kyi pha rol tu phyin pa ni zad par mi 'gyur ro// kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag da ltar phyogs bcu'i 'jig rten gyi khams dag na bzhugs te/ 'tsho zhing gzhes pa'i sangs rgyas bcom ldan 'das de dag kyang / shes rab kyi pha rol tu phyin pa 'di nyid kyis rab tu bskyed kyang / shes rab kyi pha rol tu phyin pa ni ma zad mi zad zad par mi 'gyur ro// de ci'i phyir zhe na/ kun dga' bo gang shes rab kyi pha rol tu phyin pa zad par bya bar 'dod pa de ni/ nam mkha' zad par bya bar 'dod du zad de/ shes rab kyi pha rol tu phyin pa ni ma zad mi zad zad par mi 'gyur la/ de bzhin du sbyar te/ bsam gtan gyi pha rol

  94. 48a

    tu phyin pa dang / sbyin pa'i pha rol tu phyin pa'i bar yang ma zad mi yad zad par mi 'gyur zhing / de bzhin du sbyar te/ rnam pa thams cad mkhyen pa nyid kyi bar yang ma zad mi zang zad par mi 'gyur te/ chos de dag la ni skye ba med la/ chos gang dag la skye ba med pa de dag la zad par 'gyur ba med pa'i phyir ro// de nas bcom ldan 'das kyis zhal gyi sgo nas ljags kyi dbang po phyung te/ zhal gyi dkyil 'khor thams cad ljags kyi dbang pos kun tu khebs par mdzad nas/ tshe dang ldan pa kun dga' bo la bka' stsal pa/ kun dga' bo 'di ji snyam du sems/ ljags kyi dbang po 'di lta bu dang ldan pa log par gsung zhing gzhan du gsung bar 'gyur snyam mam/ kun dga' bos gsol pa/ bcom ldan 'das de ni ma lags so// bde bar gshegs pa de ni ma lags so/ / bcom ldan 'das kyis bka' stsal pa/ kun dga' bo de lta bas na shes rab kyi pha rol tu phyin pa 'di 'khor bzhi po dag la rgya cher ston cig/ shod cig/ khod cig/ rab tu khod cig/ rnam par phye zhig/ gsal bar gyis shig/ yang dag par rab tu ston cig/ kun dga' bo nyan thos kyi theg pa pa dang / rang sangs rgyas kyi theg pa pa dang / byang chub sems dpa'i theg pa pa'i gang zag rnams kyis gang la bslab par bya ba'i chos thams cad/ shes rab kyi pha rol tu phyin pa zab mo 'di nyid las rgya cher bstan te/ de la ji skad bstan pa de bzhin du slob na/

  95. 48b

    rang rang gi sa dag la gnas par 'gyur ro// kun dga' bo shes rab kyi pha rol tu phyin pa zab mo 'di ni yi ge thams cad la 'jug go// yi ge med pa thams cad la 'jug go// kun dga' bo shes rab tu pha rol tu phyin pa zab mo 'di ni gzungs kyi sgo gang dag la/ byang chub sems dpa' sems dpa' chen pos bslab par bya ba'i gzungs thams cad kyi sgo yin te/ gzungs de dag 'dzin pa'i byang chub sems dpa' sems dpa' chen po rnams ni spobs pa dang / so so yang dag par rig pa thams cad thob par 'gyur ro// kun dga' bo shes rab kyi pha rol tu phyin pa 'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos kyi mdzod mi zad pa yin par rig par ngas bstan to// kun dga' bo de lta bas na mos par bya zhing khong du chud par bya ste/ gang shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / kun chub par byed pa des ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub gzung bar 'gyur ro/ / kun dga' bo shes rab kyi pha rol tu phyin pa 'di ni gzungs yin par ngas bstan te/ khyod kyis shes rab kyi pha rol tu phyin pa'i gzungs 'di gzung na chos thams cad gzung bar 'gyur ro/ / shes rab kyi pha rol tu phyin pa khri brgyad stong pa las/ yongs su gtad pa'i le'u zhes bya ste drug cu pa'o// // shes rab kyi pha rol tu phyin pa khri

  96. 49a

    brgyad stong pa bam po bani bcu rtsa gsum pa/ / de nas tshe dang ldan pa rab 'byor 'di snyam du sems te/ kye ma de bzhin gshegs pa rnams kyi byang chub 'dzin zab ste/ bdag gis de bzhin gshegs pa la zhu gor ma chag go snyam mo// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa mi zad pa lags sam/ bka' stsal pa/ rab 'byor nam mkha' mi zad pa'i phyir/ shes rab kyi pha rol tu phyin pa mi zad do// gsol pa/ bcom ldan 'das shes rab kyi pha rol tu phyin pa ji ltar mngon par bsgrub par bgyi/ bka' stsal pa/ rab 'byor gzugs mi zad pa'i phyir/ shes rab kyi pha rol tu phyin pa mngon par bsgrub par bya'o// rab 'byor tshor ba dang / 'du shes dang / 'du byed rnams dang / rnam par shes pa mi zad pa'i phyir/ shes rab kyi pha rol tu phyin pa mngon par bsgrub par bya'o// rab 'byor sbyin pa'i pha rol tu phyin pa mi zad pa'i phyir/ shes rab kyi pha rol tu phyin pa mngon par bsgrub par bya'o// de bzhin du sbyar te/ rab 'byor rnam pa thams cad mkhyen pa nyid kyi bar du mi zad pa'i phyir/ shes rab kyi pha rol tu phyin pa mngon par bsgrub par bya'o/ / rab 'byor gzugs dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par

  97. 49b

    par bya'o/ / tshor ba dang / nam mkha' mi med pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// 'du shes dang / rnam sa mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// 'du byed rnams dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor rnam par shes pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor phung po rnams dang / nam mkha' mi zad pas/ byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ / de bzhin du khams dang / nam mkha' mi zad pa dang / skye mched dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor rten cing 'brel par 'byung ba dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor ma rig pa dang / nam mkha' mi zad pas/ byang chub sems dpa' sems dpa' chen pos/ shes rab

  98. 50a

    kyi pha rol tu phyin pa mngon par bsgrub par bya'o/ / rab 'byor 'du byed dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o/ / rab 'byor rnam par shes pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o/ / rab 'byor ming dang gzugs dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o/ / rab 'byor skye mched drug dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o/ / rab 'byor reg pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor tshor ba dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor sred pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor len pa dang / nam mkha' mi zad pas/

  99. 50b

    byang chub sems dpa' sems dpa' chen pos/ shes rab kyi pha rol tu phyin pa mngon pa bsgrub par bya'o// rab 'byor srid pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor skye ba dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya ste/ rab 'byor de ltar byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o// rab 'byor shes rab kyi pha rol tu phyin pa 'di ni byang chub sems dpa' sems dpa' chen po'i rten cing 'brel par 'byung ba la rnam par lta ba dang / thog ma dang tha ma rnam par spangs pa la rnam par lta ba yin no// de ltar rten cing 'brel par 'byung ba la rnam par lta ba de ni/ byang chub sems dpa' sems dpa' chen po byang chub kyi snying po la 'dug pa'i ma 'dres pa'i chos yin te/ rten cing 'brel par 'byung ba la de ltar lta bas ni/ rnam pa thams cad mkhyen pa nyid kyi ye shes

  100. 51a

    thob par 'gyur ro/ / rab 'byor byang chub sems dpa' sems dpa' chen po// shes rab kyi pha rol tu phyin pa la spyod pa gang la la nam mkha' ltar mi zad pa mngon par bsgrub pa'i tshul 'dis rten cing 'brel par 'byung ba la rnam par lta ba de ni/ nyan thos kyi sa 'am/ rang sangs rgyas kyi sa la gnas par mi 'gyur te/ de ni bla na med pa yang dag par rdzogs pa'i byang chub la gnas par 'gyur ro/ / rigs kyi bu 'am/ rigs kyi bu mo 'am/ byang chub sems dpa'i theg pa pa gang la la phyir ldog par 'gyur na/ des ni shes rab kyi pha rol tu phyin pa yid la byed pa la ma brten pas phyir ldog pa yin te/ rab 'byor des na byang chub sems dpa' sems dpa' chen po shes rab kyi pha rol tu phyin pa la spyod pas/ ji ltar nam mkha' ltar mi zad pa mngon par bsgrubs pas/ rten cing 'brel par 'byung ba la rnam par blta bar bya ba dang / mngon par bsgrub par bya bar mi shes so// rab 'byor byang chub sems dpa'i theg pa pa'i gang zag la la phyir ldog pa de dag ni thabs la mkhas pa 'di la ma brten pas/ bla na med pa yang dag par rdzogs pa'i byang chub las phyir ldog par 'gyur ro// rab 'byor byang chub sems dpa' sems dpa' chen po gang dag/ bla na med pa yang dag par rdzogs pa'i byang chub las phyir mi ldog pa de dag ni/ shes rab kyi pha rol tu phyin pa 'di la brten cing tha

  101. 51b

    la mkhas pa'i phyir/ bla na med pa yang dag par rdzogs pa'i byang chub las phyir mi ldog go// de ltar na byang chub sems dpa' sems dpa' chen po shes rab kyi pha rol tu phyin pa la spyod pas/ nam mkha' ltar mi zad pa mngon par bsgrubs pas/ shes rab kyi pha rol tu phyin pa la rnam par blta bar bya/ mngon par bsgrub par bya'o// rab 'byor byang chub sems dpa' sems dpa' chen po/ rten cing 'brel par 'byung ba la de ltar rnam par lta bas ni du med par skye ba'i chos gang yang mi mthong ngo // 'gag pa rtag pa'i chos gang yang yang dag par rjes su mi mthong ngo / / chos gang yang bdag tu yang dag par rjes su mi mthong zhing / sems can dang / srog dang / skye ba po dang / shed las skyes pa dang / shed bu dang / gso ba dang / gang zag dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / mthong ba po dang / rtag pa dang / mi rtag pa dang / sdug bsngal ba dang / bde ba dang / bdag dang / bdag med pa dang / zhi ba dang / ma zhi ba ma yin par yang dag par rjes su mi mthong ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ rten cing 'brel par 'byung ba la de ltar rnam par blta bar bya'o// rab 'byor gang gi tshe/ byang chub sems

  102. 52a

    dpa' sems dpa' chen po shes rab kyi pha rol tu phyin pa la spyod pa'i tshe/ gzugs rtag pa 'am/ mi rtag pa 'am/ bde ba'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo // de bzhin du sbyar te/ rnam pa thams cad mkhyen pa nyid kyi bar du rtag pa 'am/ mi rtag pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo // rab 'byor gang gi tshe/ byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ byang chub sems dpa' sems dpa' chen po shes rab kyi pha rol tu phyin pa la spyod pas/ shes rab kyi pha rol tu phyin bapa yang dag par rjes su mi mthong la/ gang gis shes rlab kyi phyin pa mthong ba'i chos de'ang yang dag par rjes su mi mthong ngo // bsam gtan gyi pha rol tu phyin pa dang / sbyin pa'i pha rol tu phyin pa'i bar du'ang de bzhin no/ / de bzhin du sbyar te/ byang chub kyi bar du'ang yang dag par rjes su mi mthong la/ chos gang gis byang chub mthong ba'i chos de'ang yang dag par rjes su mi mthong ste/ rab 'byor byang chub sems dpa' sems dpa' chen pos de ltar chos thams cad mi dmigs pas/ shes rab kyi pha rol tu phyin pa la spyad par bya'o// rab 'byor gang gi tshe/ byang chub sems

  103. 52b

    dpa' sems dpa' chen po chos thams cad mi dmigs par shes rab kyi pha rol tu phyin pa la spyod pa de'i tshe/ bdud sdig can mya ngan gyi zug rngu dang ldan par 'gyur te/ rab 'byor dper na mi pha ma shin mya ngan gyi zug rngu dang ldan par 'gyur zhing / mya ngan gyi zug rngu chen po dang ldan par 'gyur ro// rab 'byor de bzhin du byang chub sems dpa' sems dpa' chen po/ shes rab kyi pha rol tu phyin pa la spyod pa chos thams cad mi dmigs pa na/ bdud sdig can mya ngan gyi zug rngu chen po dang ldan par 'gyur ro// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das bdud sdig can gcig pu zhig mya ngan gyi zug rngu chen po dang ldan par 'gyur lags sam/ 'on te stong gsum gyi stong chen po'i 'jig rten gyi khams na gnas pa gang lags pa'i bdud sdig can de dag thams cad kyang mya ngan gyi zug rngu chen po dang ldan par 'gyur zhing / rang rang gi stan la dga' bar mi 'gyur lags/ bcom ldan 'das kyi bka' stsal pa/ rab 'byor byang chub sems dpa' sems dpa' chen po gang gi tshe/ shes rab kyi pha rol tu phyin pa'i gnas pa dang ma bral bar gyur pa'i ma/ stong gsum gyi stong chen po'i 'jig rten gyi khams na bdud sdig can gang dag gnas pa de dag thams cad mya ngan gyi zug rngu mi bzad pa dang ldan par 'gyur te/ rang rang gi stan la mi dga' bar

  104. 53a

    'gyur ro/ / byang chub sems dpa' sems dpa' chen po de ltar gnas pa la ni lha dang / mi dang / lha ma yin du bcas pa'i 'jig rten gyis bzung nas btse ba'i blags mi rnyed do/ / rab 'byor de lta bas na byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol tu phyin pa'i gnas pas gnas par bya'o/ / byang chub sems dpa' sems dpa' chen po shes rab kyi pha rol tu phyin pa'i gnas pas gnas pa'i sbyin pa'i pha rol tu phyin pa bsgom pa yongs su rdzogs par 'gyur ro/ / de bzhin du sbyar te/ bsam gtan gyi pha rol tu phyin pa bsgom pa'i bar du yongs su rdzogs par 'gyur ro// byang chub sems dpa' sems dpa' chen po shes rab kyi pha rol tu phyin pa la spyod pa'i pha rol tu phyin pa thams cad bsgom pa yongs su rdzogs par 'gyur ro/ / de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa' sems dpa' chen po/ shes rab kyi pha rol tu phyin pa la spyod pa'i sbyin pa'i pha rol tu phyin pa bsgom pa ji ltar yongs su rdzogs par 'gyur ba lags/ tshul khrims kyi pha rol tu phyin pa bsgom pa ji ltar yongs su rdzogs par 'gyur pa lags/ de bzhin du shes rab kyi pha rol tu phyin pa bsgom pa'i bar du ji ltar yongs

  105. 53b

    su rdzogs par 'gyur ba lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la byang chub sems dpa' sems dpa' chen po sbyin pa sbyin pa na/ rnam pa thams cad mkhyen pa nyid du yongs su bsngo zhing sbyin pa sbyin par byed de/ rab 'byor de ltar na byang chub sems dpa' sems dpa' chen po'i sbyin pa'i pha rol tu phyin pa bsgom pa yongs su rdzogs par 'gyur ro/ / rab 'byor 'di la byang chub sems dpa' sems dpa' chen po tshul khrims srung ba na/ rnam pa thams cad mkhyen pa nyid du yongs su bsngo zhing tshul khrims srung bar byed de/ rab 'byor de ltar na byang chub sems dpa' sems dpa' chen po'i tshul khrims kyi pha rol tu phyin pa bsgom pa yongs su rdzogs par 'gyur ro/ / rab 'byor 'di la byang chub sems dpa' sems dpa' chen po bzod pa sgrub pa na/ rnam pa thams cad mkhyen pa nyid du yongs su sngo zhing bzod pa sgom par byed de/ rab 'byor de ltar na byang chub sems dpa' sems dpa' chen po'i bzod pa'i pha rol tu phyin pa bsgom pa yongs su rdzogs par 'gyur ro/ / rab 'byor byang chub sems dpa' sems dpa' chen po brtson 'grus rtsom pa'i brtson 'grus kyi pha rol tu phyin pa ji ltar yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po brtson 'grus rtsom pa na/ rnam pa thams cad mkhyen

  106. 54a

    pa nyid du yongs su sngo zhing brtson 'grus rtsom par byed de/ rab 'byor de ltar na byang chub sems dpa' sems dpa' chen po'i brtson 'grus kyi pha rol tu phyin pa bsgom pa yongs su rdzogs par 'gyur ro/ / rab 'byor 'di la byang chub sems dpa' sems dpa' chen po bsam gtan sgrub pa na/ rnam pa thams cad mkhyen pa nyid du yongs su sngo zhing bsam gtan de dag sgrub par byed de/ rab 'byor de ltar na byang chub sems dpa' sems dpa' chen po'i bsam gtan gyi pha rol tu phyin pa bsgom pa yongs su rdzogs par 'gyur ro// rab 'byor byang chub sems dpa' sems dpa' chen po'i shes rab kyi pha rol tu phyin pa bsgom pa ji ltar yongs su rdzogs pa 'gyur zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa sgom pa na/ shes rab kyi pha rol tu phyin pa de dag rnam pa thams cad mkhyen pa nyid du yongs su sngo zhing shes rab sgom par byed de/ rab 'byor de ltar na byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ / de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa' sems dpa' chen po sbyin pa'i pha rol tu phyin pa la gnas pa/ ji ltar tshul khrims kyi pha rol tu phyin pa yongs su 'dzin pa lags/ bcom

  107. 54b

    ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa sbyin zhing rnam pa thams cad mkhyen pa nyid du yongs su sngo ba na/ sems can thams cad la byams pa'i lus kyi las nye bar gnas pa yin/ sems can thams cad la byams pa'i ngag gi las dang / byams pa'i yid kyi las nye bar gnas pa yin te/ de'i tshe byang chub sems dpa' sems dpa' chen po tshul khrims kyi pha rol tu phyin pa yongs su 'dzin pa yin no/ / rab byor gyis gsol pa/ bcom ldan 'das byang chub sems dpa' sems dpa' chen po sbyin pa'i pha rol tu phyin pa la gnas pa/ ji ltar bzod pa'i pha rol tu phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa sbyin pa na len pa po de dag gshe ba'am/ spyo ba 'am/ tshogs par mi 'byung ba'i rtsub mo kun tu 'byin kyang / de dag la kun nas mnar sems mi byed de/ rab 'byor de ltar na byang chub sems dpo'i sems dpa' chen po sbyin pa'i pha rol tu phyin pa la gnas pa/ bzod pa'i pha rol tu phyin pa yongs su 'dzin pa yin no// gsol pa/ bcom ldan 'das drang sems dpa' sems dpa' chen po sbyin pa'i pha rol tu phyin pa la gnas pa/ ji ltar brtsod 'grus kyi pha rol tu phyin pa yongs su 'dzin pa lags/ bka' stsal pa/ rab 'byor byang chub sems

  108. 55a

    dpa' sems dpa' chen po sbyin pa sbyin pa na len pa po de dag gshe ba 'am/ spyo ba 'am/ tshogs par mi dbyung ba'i tshig rtsub mo kun tu 'byin na/ de la gshe ba 'am/ spyo ba'am/ tshogs par mi dbyung ba'i tshig rtsub mo kun tu 'byin kyang / sbyin pa'i blo kho na 'byung zhing yongs su gtong ba'i blo kho na 'byung bar 'gyur te/ bdag gis sbyin pa sbyin pa nyid du bya'i/ bdag gis mi sbyin par mi bya'o snyam na/ de la lus dang sems kyi brtson 'grus yang dag par skyed par byed de/ rab 'byor de ltar na byang chub sems dpa' sems dpa' chen po sbyin pa'i pha rol tu byin pa la gnas pa/ brtson 'grus kyi pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po sbyin pa'i pha rol tu phyin pa la gnas pa/ ji ltar bsam gtan gyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sbyin pa sbyin zhing sbyin pa yongs su gtong ba/ rnam pa thams cad mkhyen pa nyid du yongs su sngo bar byed pa'i sems kyis/ nyan thos kyi sa 'am/ rang sangs rgyas kyi sar yongs su mi bsngo'i/ rnams thams cad mkhyen pa nyid la dmigs pa kho nas sems gnas te/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas

  109. 55b

    ba/ bsam gtan gyi pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po sbyin pa'i pha rol tu phyin pa la gnas pa/ ji ltar shes rab kyi pha rol tu phyin pa yongs su 'dzin pa lags/ bka' stsal pa/ rab 'byor 'dil byang chub sems dpa' sems dpa' chen po sbyin pa sbyin zhing spyir ba 'ongasasu gtong ba/ sbyin pa la sgyu ma lta bu'i blo kho nas rtag tu nye bar gnas shing / sbyin pa des kyang sems can gang la'ang phan pa 'am/ gnod par 'gyur bar mi mthong ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la spyod pa/ shes rab kyi pha rol tu phyin pa yongs su 'dzin pa yin no// shes rab kyi pha rol tu phyin pa khri brgyad stong pa las/ mi zad pa'i le'u zhes bya ba ste drug cu rtsa gcig pa'o/ / // de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems chen po tshul khrims kyi pha rol tu phyin pa la gnas pa/ ji ltar sbyin pa'i pha rol tu phyin pa yongs su 'dzin pa lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor 'di la byang chub sems dpa' sems dpa' chen po/ tshul khrims kyi pha rol tu phyin pa la gnas pa/ lus dang / ngag dang /

  110. 56a

    sems kyi sdom pa gang yin pa'i sdom pa des nyan thos kyi sa 'am/ rang sangs rgyas kyis mchog tu 'dzin par mi byed cing // de tshul khrims kyi pha rol tu phyin pa la gnas nas/ sems can rnams kyi srog gcod par mi byed do// ma byin par len par mi byed do// 'dod pa la log par g.yem par mi byed do// rdzun gyi tshig mi smra'o// tshig rtsub mo mi smra'o// phra ma'i tshig mi smra'o/ / tshig 'khyal pa mi smra'o// brnab sems can du mi 'gyur ro// gnod sems kyi sems dang ldan par mi 'gyur ro// log par lta bar mi 'gyur ro// de tshul khrims kyi pha rol tu phyin pa de la gnas nas/ sbyin pa gang sbyin yang rung / zas 'dod pa rnams la ni zas/ skom 'dod pa rnams la ni skom/ spos 'dod pa rnams la ni spos/ bzhon pa 'dod pa rnams la ni bzhon pa/ gos 'dod pa rnams la ni gos/ me tog 'phreng 'dod pa rnams la ni me tog 'phreng / byug pa 'dod pa rnams la ni byug pa/ mal cha 'dod pa rnams la ni mal cha/ rten 'dod pa rnams la ni rten/ mar me 'dod pa rnams la ni mar me/ yo byad 'dod pa rnams la ni yo byad nas mi'i yo byad ci'ang rung ba dag sbyin par byed do// sbyin pa de'ang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ yongs su bsngo ba de lta bu de nyan thos kyi sa 'am/ rang sangs rgyas kyi sar yongs su sngo bar mi byed do// rab 'byor de ltar

  111. 56b

    na byang chub sems dpa' sems dpa' chen po tshul khrims kyi pha rol tu phyin pa la spyod pa/ sbyin pa'i pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po tshul khrims kyi pha rol tu phyin pa la gnas pa/ ji ltar bzod pa'i pha rol tu phyin pa yongs su 'dzin pa lags/ bka' stsal pa/ rab 'byor byang chub sems dpa' sems dpa' chen po gang tshul khrims kyi pha rol tu phyin pa la gnas pa'i yan lag dang / nying lag thams cad sems can thams cad kyis bcad de dong na/ der byang chub sems dpa' sems dpa' chen po'i sems bskyed pa gcig tsam yang rnam par 'khrug par mi 'gyur zhing / tshig pa za bar mi 'gyur la/ gnod sems 'byung bar mi 'gyur gyi/ gzhan du na de 'di snyam du sems te/ 'di ltar sems can thams cad kyis yan lag dang / nying lag bcad de dong ba ni bdag gis rnyed pa legs par rnyed do snyam ste/ rab 'byor de ltar na byang chub sems sems dpa' sems dpa' chen po/ tshul khrims kyi pha rol tu phyin pa la gnas pa'i bzod pa'i pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po/ tshul khrims kyi pha rol tu phyin pa la gnas pa/ ji ltar brtson 'grus kyi pha rol tu phyin pa yongs su 'dzin pa lags/ bka' stsal pa/ rab 'byor

  112. 57a

    byang chub sems dpa' sems dpa' chen po/ sems can thams cad bdag gis 'khor ba las bsgral te/ bdud rtsi'i dbyings su dgod par bya'o zhes lus dang sems kyi brtson 'grus mi gtong ste/ rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas pa/ brtson 'grus kyi pha rol tu phyin pa yongs su 'dzin pa yin no/ / gsol pa/ bcom ldan 'das byang chub sems dpa' sems dpa' chen po tshul khrims kyi pha rol tu 'phyin pa la gnas pa/ ji ltar bsam gtan gyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po/ bsam gtan dang po bsgrubs nas gnas shing / bsam gtan gnyis pa dang / gsum pa dang / bzhi pa bsgrubs nas gnas par byed de/ nyan thos kyi sa 'am/ rang sangs rgyas kyi sa la'ang lhag par mi dmigs la/ gzhan du na 'di snyam du sems te/ bdag ting nge 'dzin gyi pha rol tu phyin pa 'di la gnas nas/ sems can thams cad 'khor ba las bsgral bar bya'o snyam ste/ rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas pa/ bsam gtan gyi pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po chus

  113. 57b

    khrims kyi pha rol tu phyin pa la gnas pa/ ji ltar shes rab kyi pha rol tu phyin pa yongs su 'dzin pa lags/ bka' stsal pa/ rab 'byor 'dri la byang chub sems dpa' sems dpa' chen po tshul khrims kyi pha rol tu phyin pa la gnas pa/ chos thams cad de bzhin nyid las mi 'da' ba ma gtogs par chos gang la'ang 'dus byas su mi mthong / 'dus ma byas su mi mthong / dngos po 'dus byas su mi mthong / dngos po med pa 'dus ma byas su mi mthong / mtshan ma 'dus byas su mi mthong / mtshan ma med pa 'dus ma byas su mi mthong / chos gang la'ang yod pa 'am/ med par mi mthong ngo / / shes rab kyi pha rol tu phyin pa de dang / thabs mkhas pas kyang nyan thos kyi sa 'am/ rang sangs rgyas kyi sar ltung bar mi 'gyur te/ rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas pa/ shes rab kyi pha rol tu phyin pa yong su 'dzin pa yin no// rab 'byor gyis gsol pa/ bcom ldan 'das byang chub sems dpa' sems dpa' chen po bzod pa'i pha rol tu phyin pa la gnas pa/ ji ltar sbyin pa'i pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du/ sems can thams cad kyis gshes sam/ spyos sam/ yan lag dang nying lag rnams

  114. 58a

    bcad par gyur na/ de la byang chub sems dpa' sems dpa' chen po/ bzod pa'i pha rol tu phyin pa la gnas pa 'di snyam du sems te/ bdag gini sems can 'ang dag la sbyin pa spyir bar byil bdag gis mi sbyin par ni mi bya'o snyam ste/ de sems can de dag la zas 'dod pa rnams la ni zas sbyin par byed do// skom 'dod pa rnams la ni skom sbyin par byed do// de bzhin du sbyar te/ mi'i yo byad ci'ang rung ba'i bar du sbyin par byed la/ des dge ba'i rtsa ba de sems can thams cad dang thun mong du byas te/ rnam pa thams cad mkhyen pa nyid du yongs su sngo bar byed la/ de ci nas kyang su zhig yongs su sngo bar byed pa 'am/ ci zhig yongs su sngo bar byed pa 'am/ gang du yongs su sngo bar byed par 'gyur ba'i blo rnam pa gsum du mi 'jug par yongs su bsngo ba de ltar yongs su sngo bar byed de/ rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas pa/ sbyin pa'i pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po bzod pa'i pha rol tu phyin pa la gnas pa/ ji ltar tshul khrims kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du/ sems can 'ga' tsam yang srog dang bral

  115. 58b

    bar mi byed cing / ma byin par mi len to// de bzhin du sbyar te/ log par lta ba'i bar du mi 'gyur ro// nyan thos dang / rang sangs rgyas kyi sa la'ang de'i sems mi 'jug go// dge ba'i rtsa ba de dag kyang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo bar byed la/ de gang du yongs su sngo bar byed pa'i bar du ci nas blo rnam pa gsum du mi 'jug pa de ltar yongs su bsngo ste/ rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas pa/ tshul khrims kyi pha rol tu phyin pa yongs su 'dzin pa yin gsol pa/ bcom ldan 'das byang chub sems dpa' sems dpa' chen po bzod pa'i pha rol tu phyin pa la gnas pa/ ji ltar brtson 'grus kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol tu phyin pa la gnas pa/ 'di ltar bdag dpag tshad gcig tu song ngam/ dpag tshad brgya 'am/ dpag tshad stong ngam/ 'jig rten gyi khams gcig gam/ 'jig rten gyi khams bye ba phrag stong du song la/ der tha na sems can gcig tsam yang bslab pa'i gzhi dag la gzhag par bya'o// du zhugs pa'i 'bras bu'am/ dgra bcom pa nyid dam/ rang byang chub nyid kyi bar du dgod par bya zhing / bla na med pa yang dag par rdzogs pa'i byang chub tu dgod par bya'o zhes/ brtson 'grus yang

  116. 59a

    dag par skyed par byed de/ dge ba'i rtsa ba de dag kyang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas pa/ brtson 'grus kyi pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po bzod pa'i pha rol tu phyin pa la gnas pa/ ji ltar bsam gtan gyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol tu phyin pa la gnas pa/ 'dod pa dag las dben pa/ sdig pa mi dge ba'i chos rnams las dben pa nas/ de bzhin du sbyar te/ bsam gtan bzhi pa'i bar du bsgrubs te gnas so// sems dang sems las byung ba'i chos dge ba dang ldan pa ci dang ci byung ba rnams kyang / rnam pa thams cad mkhyen pa nyid du yongs su sngo bar byed de/ de'i tshe yang ci nas bsam gtan rnams dang / bsam gtan gyi yan lag rnams mi dmigs pa de lta bur yongs su sngo bar byed de/ rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas pa/ bsam gtan gyi pha rol tu phyin pa yongs su 'dzin pa yin no// gsol pa/ bcom ldan 'das

  117. 59b

    byang chub sems dpa' sems dpa' chen po bzod pa'i pha rol tu phyin pa la gnas pa/ ji ltar shes rab kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po/ bzod pa'i pha rol tu phyin pa la gnas pa de'i tshe/ chos rnams la dben pa'i rnam pa 'am/ zhi ba'i rnam pa 'am/ zad pa'i rnam par chos kyi rjes su blta bar gnas la/ chos nyid de yang byang chub kyi snying po la 'dug gi bar du mngon sum du mi byed de/ der 'dug nas kyang rnam pa thams cad mkhyen pa nyid thob par 'gyur ro// de las langs nas kyang chos kyi 'khor lo skor bar byed de/ rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas/ shes rab kyi pha rol tu phyin pa yongs su 'dzin pa yin te/ ci nas 'dzin pa'ang med/ dor ba'ang med pa de ltar yongs su 'dzin to// gsol pa/ bcom ldan 'das byang chub sems dpa' sems dpa' chen po brtson 'grus kyi pha rol tu phyin pa la gnas pa/ ji ltar sbyin pa'i pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol tu phyin pa la gnas pa/ bdag gi nges pa kho nar bla na med pa yang dag par rdzogs pa'i byang chub mngon par rdzogs par 'tshang rgya bar bya'i/ bdag gis bla na med pa yang

  118. 60a

    dag par rdzogs pa'i byang chub mngon par rdzogs par 'chang mi rmya bar bya'o snyam nas/ lus dang sems kyi brtson 'grus mi gtong ste/ sems can rnams kyi ched du dpag tshad gcig gam/ dpag tshad brgya'am/ dpag tshad stong ngam/ 'jig rten gyi khams gcig gam/ 'jig rten gyi khams bye ba 'am/ 'jig rten gyi khams bye ba phrag 'bum du song nas/ brtson 'grus kyi pha rol tu phyin pa la gnas te/ tha na sems can gcig tsam yang byang chub la 'jog par byed do// byang chub sems dpa'i theg pa pa'i gang zag ma rnyed na'ang / nyan thos kyi theg pa pa'i gang zag nyan thos nyid la 'jog par byed do/ / rang sangs rgyas kyi theg pa pa'i gang zag rang sangs rgyas nyid la 'jog par byed do// za na sems can gcig tsam yang dge ba bcu'i las kyi lam yang dag par 'dzin du 'jug ste/ des chos kyi sbyin pa de byin nas/ zang zing gi sbyin pas sems can rnams tshim par byed do// des dge ba'i rtsa ba de dag nyan thos kyi sa 'am/ rang sangs rgyas kyi sar yongs su sngo bar mi byed kyi/ gzhan du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa/ sbyin pa'i pha rol tu phyin pa yongs su 'dzin pa yin no// gsol pa/ bcom

  119. 60b

    ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa/ tshul khrims kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du/ bdag kyang srog gcod pa spong bar byed la/ gzhan yang srog gcod pa spong ba yang dag par 'dzin du 'jug cing / srog gcod pa spong ba'i bsngags pa'ang rjod la/ gzhan gang dag srog gcod pa spong ba de dag gi bsngags pa'ang rjod cing rjes su dga' bar byed do// de bzhin du sbyar te/ bdag kyang log par lta ba'i bar du spong bar byed la/ gzhan yang log par lta ba spong ba yang dag par 'dzin du 'jug cing / log par lta ba spong ba'i bsngags pa'ang rjod la/ gzhan gang dag log par lta ba spong ba de dag gi bsngags pa'ang rjod cing rjes su dga' bar byed do/ / tshul khrims kyi pha rol tu phyin pa des 'dod pa'i khams don du mi gnyer/ gzugs kyi khams dang / gzugs med pa'i khams don du mi gnyer/ nyan thos kyi sa don du mi gnyer/ rang sangs rgyas kyi sa don du mi gnyer gyi/ gzhan du na dge ba'i rtsa ba de dag sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ ci nas kyang su zhig yongs su bsngo ba dang / ci zhig yongs su sngo ba dang / gang du yongs su bsngo ba'i blo rnam pa

  120. 61a

    gsum mi 'byung ba de ltar yongs su sngo bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa/ tshul khrim kyi pha rol tu phyin pa yongs su 'dzin pa yin no/ / gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa bzod pa'i phyi rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du/ gal te mir gyur pa 'am/ mi ma yin par gyur pa'i bar dag gis/ sems rnam par 'khrugs par byas sam/ yan lag dang nying lag bcad cing khyer te dong yang / de la byang chub sems dpa' sems dpa' chen po brtson 'grus kyi pha rol tu phyin pa la gnas pa ni 'di snyam du/ 'dis bdag las bcad pa 'am/ gtungs pa 'am/ phrogs so snyam du mi sems te/ gzhan dun de 'di snyam du gang dag gi don du bdag gi lus yongs su grub pa de dag nyid 'dir 'ongs te/ bdag gi yan lag dang / nying lag dag gtubs shing khyer te dong ba na/ bdag gis rnyed pa legs par rnyed do snyam du sems shing / des ni chos nyid kyi rang bzhin yang legs par yid la byas pa yin te/ dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi sngo'i/ gnan

  121. 61b

    du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa/ bzod pa'i pha rol tu phyin pa yongs su 'dzin pa yin no// gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa/ bsam gtan gyi pha rol tu phyin pa yangs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas so/ / bsam gtan bzhi pa'i bar dang / byams pa dang / gtang snyoms kyi bar dang / 'du shes med 'du shes med min skye mched kyi bar dag bsgrubs shing gnas te/ de bsam gtan dang / tshad med pa dang / bzugs med pa'i snyoms par 'jug pa de dag gi rnam par smin pa yongs su mi 'dzin gyi/ gzhan du na gang du sems can thams cad kyi don bya ba'i phyir de dag tu skye zhing / des sems can de dag pha rol tu phyin pa drug po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin

  122. 62a

    pa dang / bsam gtan gyi pha rol tu phyin pa dang / shes rab kyi pha rol tu phyin pa dag gi yongs su smin par byed cing / sangs rgyas bcom ldan 'das rnams la bsnyen bkur bya ba dang / dge ba'i rtsa ba dag bskyed pa'i phyir/ sangs rgyas kyi zhing nas sangs rgyas kyi zhing dag tu'ang 'gro bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa/ bsam gtan gyi pha rol tu phyin pa yongs su 'dzin pa yin no// gsol pa/ bcom ldan 'das ji lta na byang chub sems dpa' sems dpa' chen po brtson 'grus kyi pha rol tu phyin pa la gnas pa/ shes rab kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol tu phyin pa la gnas pa/ sbyin pa'i pha rol tu phyin pa rdzas dang / dngos po dang / mtshan mar yang dag par rjes su mi mthong ngo // bsam gtan gyi pha rol tu phyin pa'i bar du rdzas dang / dngos po dang / mtshan mar yang dag par rjes su mi mthong ngo // de bzhin du sbyar te/ dran pa nye bar gzhag pa rnams kyi bar dang / rnam pa thams cad mkhyen pa nyid kyi bar du rdzas dang / dngos po dang / mtshan mar yang dag par rjes su mi mthong ngo // des chos thams cad rdzas su yang dag par rjes su mi mthong ngo // dngos po dang / mtshan mar yang dag par rjes su mi mthong ste/

  123. 62b

    de ni chos gang la'ang gnas par mi byed cing / ji skad smras pa de bzhin du byed pa yin te/ rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas pa/ shes rab kyi pha rol tu phyin pa yongs su 'dzin pa yin no// gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ sbyin pa'i pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas shing dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas so// de bzhin du sbyar te/ 'du shes med 'du shes med min skye mched kyi bar du bsgrubs te gnas so// de bsam gtan gyi pha rol tu phyin pa de la gnas shing / rnam par g.yeng ba med pa'i sems kyis/ sems can de dag la mang zing gi sbyin pa dang / chos kyi sbyin pa sbyin par byed do// de bdag kyang mang zing gi sbyin pa dang / chos kyi sbyin pa sbyin par byed la/ gzhan dag kyang zang zing gi sbyin pa dang / chos kyi sbyin pa yang dag par 'dzin du 'jug cing / zang zing gi sbyin pa dang / chos kyi sbyin pa'i bsngags pa'ang rjod la/ gzhan gang dag zang zing gi sbyin pa dang / chos kyi sbyin pa dag sbyin par byed pa de dag gi bsngags pa'ang rjod cing

  124. 63a

    rjes su dga' bar byed de/ dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi sngo'i/ gzhan du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ sbyin pa'i pha rol tu phyin pa yongs su 'dzin pa yin no// gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ tshul khrims kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol tu phyin pa la gnas pa/ 'dod chags dang ldan pa'i sems mi bskyed/ zhe sdang dang ldan pa dang / gti mug dang ldan pa'i sems mi bskyed/ rnam par tshe ba dang ldan pa'i sems mi bskyed de/ gzhan du na rnam pa thams cad mkhyen pa nyid dang ldan pa'i yid la byed pa dag gis gnas shing / dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi sngo'i/ gzhan du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ rab 'byor de ltar na byang chub sems dpa' sems dpa' chen po bsam gtan gyi pha

  125. 63b

    rol tu phyin pa la gnas pa/ tshul khrims kyi pha rol tu phyin pa yongs su 'dzin pa yin no// gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ bzod pa'i pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol tu phyin pa la gnas pa/ gzugs la lbu ba rdos pa lta bur so sor rtog go// tshor ba la chu'i chu bur lta bar so sor rtog go/ 'du shes la smig rgyu lta bur so sor rtog go// 'du byed rnams la chu shing lta bur so sor rtog go/ rnam par shes pa la sgyu ma lta bur so sor rtog go/ de de ltar phung po lnga la so sor rtog pa na/ snying po med pa'i 'du shes nye bar gnas te/ de de ltar so sor rtog pa na yan lag dang nying lag dag bcag kyang 'di snyam du gcod par byed pa ni su yin/ tshor ba ni su'i yin/ 'du shes ni su'i yin/ 'du byed rnams ni su'i yin/ rnam par shes pa ni su'i yin snyam du sems/ de de ltar so sor rtog pa na/ khro bar 'gyur ba dag kyang 'di snyam du gang la khro ba dang / spyo ba byas pas gnod sems skye ba'i khro ba dang / gshe bar byed pa 'di la su zhig yod snyam du sems te/ rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ bzod pa'i pha rol tu phyin pa yongs su 'dzin pa yin no// gsol pa/ bcom ldan

  126. 64a

    'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ brtson 'grus kyi pha rol tu phyin pa yongs su 'dzin pa lags bka' stsal pa/ rab 'byor de la byang chub sems dpa' sems dpa' chen po/ 'dod pa dag las dben pa/ sdig pa mi dge ba'i chos rnams las dben pa dang / de bzhin du sbyar te/ bsam gtan bzhi pa'i bar dag bsgrubs te gnas so/ / de bsam gtan dang / bsam gtan gyi yan lag rnams la'ang mtshan mar mi 'dzin te/ de de ltar mnyam par gzhag pa'i sems kyis rdzu 'phrul gyi bya ba rnam pa du ma nyams su myong bar byed pa dag rgya cher sbyar bar bya'o/ / lha'i rna ba'i khams kyis lha dang mi rnams kyi sgra dag kyang thos so// sems can gzhan dag dang / gang zag gzhan rnams kyi yongs su rtog pa dag kyang sems kyis kun tu shes so/ / de bzhin du sbyar te/ bla na med pa'i sems kyi bar la'ang / bla na med pa'i sems su yang dag pa ji lta ba bzhin du rab tu shes so// sngon gyi gnas rnam pa du ma rjes su dran pa dag kyang rgya cher sbyar bar bya'o/ / lha'i mig rnam par dag pa mi las shin tu 'das pa'i bar gyis de bzhin du sbyar te/ sems can rnams las ji ltar bsags pa bzhin du dran pa nye bar 'gro ba'i bar dag kyang mthong ngo / / de mngon par shes pa lnga po de dag la gnas nas/ sangs rgyas bcom ldan 'das dgal bsnyen bkur bya ba dang / dge ba'i rtsa ba bskyed pa dang / sems can rnams

  127. 64b

    yongs su smin par bya ba dang / sangs rgyas kyi zhing yongs su dag par bya ba'i phyir/ sangs rgyas kyi zhing nas sangs rgyas kyi zhing du'ang 'gro ste/ dge ba'i rtsa ba de dag nyan thos kyi sa 'am/ rang sangs rgyas kyi sar yongs su mi spro'i/ gnan du na sems can thams ca dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ brtson 'grus kyi pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po bsam gtan gyi pha rol tu phyin pa la gnas pa/ ji ltar shes rab kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems sems dpa' chen po bsam gtan gyi pha rol tu phyin pa la gnas pa/ gzugs mi dmigs so// tshor ba dang / 'du shes dang / 'du byed rnams dang / rnam par shes pa mi dmigs so// sbyin pa'i pha rol tu phyin pa mi dmigs so/ / tshul khrims kyi pha rol tu phyin pa mi dmigs so// bzod pa'i pha rol tu phyin pa mi dmigs so// brtson 'grus kyi pha rol tu phyin pa mi dmigs so// bsam gtan gyi / pha rol tu phyin pa mi dmigs so// shes rab kyi pha rol tu phyin pa mi dmigs so// dran pa nye bar gnag pa rnams mi dmigs so// yang dag par spong ba rnams mi dmigs so// de bzhin du sbyar te/

  128. 65a

    rnam pa thams cad mkhyen pa nyid kyi bar du mi dmigs so// 'dus byas kyi khams mi dmigs so// 'dus ma byas kyi khams mi dmigs so// mi dmigs pas na mngon par 'du mi byed do/ / mngon par 'du mi byed pas na skye bar mi byed/ 'gag par mi byed do// de ci'i phyir zhe na/ rab 'byor 'di ltar de bzhin gshegs pa rnams byung yang rung / de bzhin gshegs pa rnams ma byung yang rung / chos rnams kyi chos kyi chos nyid 'di ni gnas pa nyid dang / chos gnas pa 'di ni gnas pa nyid dang / chos kyi dbyings kyang gnas pa nyid yin pas/ de la ni skye ba med cing 'gag pa med pa'i phyir/ de ni rnam par g.yeng ba med pa'i sems kyis rnam pa thams cad mkhyen pa nyid dang ldan pa'i yid la byed pa dag dang ma thal bar gnas pa yin te/ rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas pa/ shes rab kyi pha rol tu phyin pa yongs su 'dzin pa yin no// gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas pa/ sbyin pa'i pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ chos thams cad stong par yang dag par rjes su mthong ngo // gsol pa/ bcom ldan 'das ji ltar

  129. 65b

    na byang chub sems dpa' sems dpa' chen pos chos thams cad stong par yang dag par rjes su mthong ba lags/ bka' stsal pa/ rab 'byor 'di la byang chub sems dpa' sems dpa' chen po/ shes rab kyi pha rol tu phyin pa la spyod pa/ nang stong pa nyid la nang stong pa nyid ces bya bar mi dmigs so// phyi stong pa nyid la phyi stong pa nyid ces bya bar mi dmigs so// phyi nang stong pa nyid la phyi nang stong pa nyid ces bya bar mi dmigs so/ / stong pa nyid stong pa nyid dang / de bzhin du sbyar te/ dngos po med pa'i ngo bo nyid stong pa nyid kyi bar la/ dngos po med pa'i ngo bo nyid stong pa nyid ces bya bar mi dmigs so// byang chub sems dpa' sems dpa' chen po de stong pa nyid bcu bzhi po de dag la gnas nas/ gzugs stong zhes bya ba 'am/ mi stong zhes bya bar mi dmigs so// tshor ba dang / 'du shes dang / 'du byed rnams dang / rnam par shes pa stong zhes bya ba 'am/ mi stong zhes bya bar mi dmigs so// dran pa nye bar gzhag pa rnams dang / yang dag par spong ba rnams dang / de bzhin du sbyar te/ byang chub kyi bar du'ang stong zhes bya ba 'am/ mi stong zhes bya bar mi dmigs so// 'dus byas kyi khams dang / 'dus ma byas kyi khams stong zhes bya ba 'am/ mi stong zhes bya bar mi dmigs so// byang chub sems dpa' sems dpa' chen po de shes rab kyi pha rol tu phyin pa 'di la spyod cing / sbyin pa dag gtong bar byed de/ zas sam/ skom mam/ gos sam/ banon pa 'am/ mal cha'am/ stan nam/ mi'i yo byad gang

  130. 66a

    yang rung ba'i bar du sbyin par byed kyang / des sbyin pa de'ang stong par yang dag par rjes su mthong la/ gang sbyin par byed pa dang / gang la sbyin par bya bar de'ang stong par yang dag par mthong ste/ de la ser sna'i sems sam/ kun tu 'dzin pa'i sems ngag gi sgo skabs med do// de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa la spyod pa/ sems dang po bskyed pa nas gzung ste/ byang chub kyi snying po la 'dug gi bar du rnam par rtog pa de dag thams cad mi 'byung ba'i phyir ro// ji ltar de bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs pa'i byang chub tu mngon par sangs rgyas pa la ser sna'i thugs sam/ kun tu 'dzin pa'i thugs mi 'byung ba de bzhin du/ byang chub sems dpa' sems dpa' chen po/ shes rab kyi pha rol tu phyin pa la spyod pa la ni ser sna'i sems sam/ kun tu 'dzin pa'i sems med pas na/ 'di lta ste/ shes rab kyi pha rol tu phyin pa 'di nyid byang chub sems dpa' sems dpa' chen po rnams kyi ston pa yin te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas pa/ sbyin pa'i pha rol tu phyin pa yongs su 'dzin pa yin no// / gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas pa/ tshul khrims kyi pha rol tu phyin pa yongs su 'dzin pa lags/ bka'

  131. 66b

    stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas pa/ nyan thos dang rang sangs rgyas kyi sems dag gi skabs mi 'byed do// de ci'i phyir zhe na/ 'di ltar des nyan thos dang rang sangs rgyas kyi sa'ang mi dmigs la/ gang gis nyan thos kyi sa 'am/ rang sangs rgyas kyi sar yongs su sngo bar byed pa'i sems de'ang mi dmigs pa'i phyir ro// de sems dang po bskyed pa nas bzung ste/ byang chub kyi snying po la 'dug gi bar du srog gcod pa spang ba'i phyir sems skyed par byed de/ bdag kyang srog gcod pa spong bar byed la/ srog gcod pa spong ba'i bsngags pa'ang rjod cing / gzhan dag kyang srog gcod pa spong ba yang dag par 'dzin du 'jug la/ gzhan gang dag srog gcod pa spong ba de dag gi bsngags pa'ang rjod cing rjes su dga' bar byed do// bdag kyang log par lta ba'i bar du spang ba'i phyir sems bskyed cing / log par lta ba spong bar byed la/ gzhan dag kyang log par lta ba spong ba yang dag par 'dzin du 'jug cing / log par lta ba spong ba'i bsngags pa'ang rjod la/ gzhan gang dag los lab spong ba de dag gi bsngags pa'ang rjod cing rjes su dga' bar byed de/ tshul khrims des nyan thos nyid dam/ rang sangs rgyas nyid dam/ sangs rgyas nyid dam/ chos gang la'ang chags pa med nangag la lta smos kyang ci dgos te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas pa/ tshul khrims kyi pha rol tu phyin pa

  132. 67a

    / yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la gnas pa/ ji ltar ba'od pa'i pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas pa la rjes su mthun pa'i bzod pa skye zhing / de 'di snyam du 'di la chos gang yang 'byung ba 'am/ 'gag pa 'am/ skye ba 'am/ 'chi ba 'am/ khro ba'am/ spyo ba 'am/ gcad pa 'am/ gtubs pa 'am/ brdeg pa 'am/ dgag par bya ba med do snyam nas/ de sems dang po bskyed pa nas bzung ste/ byang chub kyi snying po la 'dug gi bar du/ gal te sems can thams cad drung du lhags nas khro bar byed dam/ spro bar byed dam/ bong ba'am/ dbyug pa 'am/ mtshon cha 'am/ lag cha dag gis brdeg gam/ gcod dam/ 'bigs par byed kyang de la 'di snyam du/ kye ma chos rnams kyi chos nyid la ni khro ba 'am/ spyo ba 'am/ gcad pa'am/ gtubs pa 'am/ brdeg pa'i chos gang yang dmigs su med do snyam du sems te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas pa/ bzod pa'i pha rol tu phyin pa yongs su 'dzin pa yin no/ / gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la gnas pa/ ji ltar brtson 'grus

  133. 67b

    kyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas pa/ thabs la mkhas pa dang ldan pas rdzu 'phrul gyi rang pa bzhi la gnas te/ lus dang sems kyi brtson 'grus bskyed nas/ 'jig rten gyi khams su'ang song / 'jig rten gyi khams brgyar yang song / 'jig rten gyi khams 'bum phrag bye ma snyed du'ang song nas/ sems can rnams la chos ston cing / sbyin pa'i pha rol tu phyin pa la dgod par byed do// de bzhin du sbyar te/ shes rab kyi pha rol tu phyin pa'i bar la'ang 'god par byed do// byang chub kyi phyogs kyi chos rnams la'ang 'god par byed do// rgyun du zhugs pa'i 'bras bu la'ang 'god par byed do// de bzhin du sbyar te/ rang byang chub kyi bar la'ang 'god par byed do// bla na med pa yang dag par rdzogs pa'i byang chub kyi bar la'ang 'god par byed do/ / ci nas kyang 'dus byas kyi khams la'ang mi 'god/ 'dus ma byas kyi khams la'ang mi 'god pa de ltar 'god par byed do// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas pa/ brtson 'grus kyi pha rol tu phyin pa yongs su 'dzin pa yin no// gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la gnas pa/ ji ltar bsam gtan gyi pha rol tu phyin pa yongs su 'dzin pa lags/ bka' stsal pa/ rab 'byor 'di la byang chub sems

  134. 68a

    dpa' sems dpa' chen po shes rab kyi pha rol tu phyin pa la gnas pa/ de bzhin gshegs pa'i ting nge 'dzin ma gtog par/ nyan thos kyi ting nge 'dzin tam/ rang sangs rgyas kyi ting nge 'dzin tam/ ting nge 'dzin gzhan gang ji snyed pa de dag thams cad la snyoms par 'jug cing ldang ngo // ting nge 'dzin de dag la gnas nas/ rnam par thar pa brgyad po dag la lugs dang 'thun pa dang / lugs dang mi mthun par snyoms par 'jug cing ldang ste/ rgyad gang zhe na/ rab 'byor 'di la byang chub sems dpa' sems dpa' chen pos/ gzugs can gzugs rnams la lta ba 'di ni rnam par thar pa dang po'o/ / nang gzugs med par 'du shes pas/ phyi rol gyi gzugs rnams la lta ba 'di ni rnam par thar pa gnyis pa'o// sdug pa'i rnam par thar pa lus kyis mngon sum du byas te bsgrubs nas gnas pa 'di ni rnam par thar pa gsum pa'o/ / de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam 'kha' mtha' yas skye mched bsgrubs te gnas pa 'di ni rnam par thar pa bzhi pa'o// de rnam pa thams cad du nam mkha' mtha' las skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas pa 'di ni rnam par thar pa lnga pa'o// de rnam pa thams cad du rnam

  135. 68b

    shes mtha' yas skye mched las yang dag par 'das te ci'ang med do snyam nas/ ci'ang med pa'i skye mched bsgrubs te gnas pa 'di ni rnam par thar pa drug pa'o// de rnam pa thams cad du ci'ang med pa'i skye mched las yang dag par 'das nas/ 'dus shes med 'du shes med min skye mched bsgrubs te gnas pa 'di ni rnam par thar pa bdun pa'o// de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa lus kyis mngon du byas nas bsgrubs te gnas pa 'di ni rnam par thar pa brgyad pa ste/ rnam par thar pa brgyad de dag la lugs dang 'thun pa dang / lugs dang mi mthun par snyoms par 'jug cing ldang ngo // mthar gyis gnas pa'i snyoms par 'jug pa dgu po dag la'ang lugs dang 'thun pa dang / lugs dang mi mthun par snyoms par 'jug cing ldang ste/ dgu gang zhe na/ rab 'byor 'di la byang chub sems dpa' sems dpa' chen pos/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas pa dang / de bzhin du sbyar te/ bsam gtan bzhi pa'i bar du bsgrubs te gnas pa dang / 'du shes med 'du shes med min skye mched las yang dag par 'das te/ 'du shes dang / tshor ba 'gog pa bsgrubs nas gnas pa'i bar dag ste/ mthar gyis gnas pa'i snyoms par 'jug pa dgu po de dag la

  136. 69a

    lugs dang mthun pa dang / lugs dang mi mthun par snyoms par 'jug cing ldang ngo // des de ltar rnam par thar pa brgyad po de de dag dang / mthar gyis gnas pa'i snyoms par 'jug pa dgu po de dag rnam par dbye ba byas nas/ seng ge rnam par bsgyings pa zhes bya ba'i ting nge 'dzin la snyoms par 'jug go/ rab 'byor byang chub sems dpa' sems dpa' chen po'i ting nge 'dzin seng ge rnam par bsgyings pa gang zhe na/ rab 'byor 'di la byang chub sems dpa' sems dpa' chen po/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas pa dang / 'du shes dang / tshor ba 'gog pa'i bar dag bsgrubs te gnas pa dang / 'gog pa'i snyoms par 'jug pa las langs nas/ 'du shes med 'du shes med min skye mched bsgrubs te gnas pa dang / 'du shes med 'du shes med min skye mched las langs nas/ bas gtan dang po'i bar dag bsgrubs te gnas pa yin no/ / des de ltar seng ge rnam par bsgyings pa'i ting nge 'dzin de rnam par dbye ba byas nas/ thod rgal gyi ting nge 'dzin la snyoms par 'jug go// rab 'byor byang chub sems dpa' sems dpa' chen po'i ting nge 'dzin thod rgal gang zhe na/ rab 'byor 'di la byang chub sems dpa' sems dpa' chen pos/ 'dod pa dag las dbyen pa/ sdig pa mi dge

  137. 69b

    ba'i chos rnams las dben pa/ rtog pa dang bcas / dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te nanas pa dang / bsam gta / po las langs nas/ de bzhin du sbyar te/ 'du shes med 'du shes med min skye mched kyi bar dag bsgrubs te gnas pa dang / 'du shes med 'du shes maud min skye mched las langs nas/ 'dra shes dang / tshor ba 'gog pa la snyoms par 'jug pa dang / 'gog pa'i snyoms par 'jug pa las langs nas/ bsam gtan gnyis pa la snyoms par 'jug pa dang / bsam gtan gnyis pa las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ bsam gtan gsum pa la snyoms par 'jug pa dang / bsam gsum pa las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ bsam gtan bzhi pa la snyoms par 'jug pa dang / bsam gtan bzhi la las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ nam mkha' mtha' yas skye mched la sgoms par 'jug pa dang / nam mkha' mtha' yas skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ rnam

  138. 70a

    shes mtha' yas skye mched la snyoms par 'jug pa dang / rnam shes mtha' yas skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ ci'ang med pa'i skye mched la snyoms par 'jug pa dang / ci'ang med pa'i skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ 'du shes med 'du shes med min skye mched la snyoms par 'jug pa dang / 'du shes med 'du shes med min skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ 'du shes med 'du shes med min skye mched la snyoms par 'jug pa dang / 'du shes med 'du shes med min skye mched las langs nas/ mnyam par ma zhag pa'i sems su 'bab pa dang / mnyam par ma bzhag pa'i sems las 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ mnyam par ma bzhag pa'i sems la gnas pa dang / mnyam par ma bzhag pa'i sems las/ 'du shes med 'du shes med min skye mched la snyoms par 'jug pa dang / 'du shes med 'du shes med min skye mched las langs nas/ mnyam par ma bzhag pa'i sems la gnas pa dang /

  139. 70b

    mnyam par ma banag pa'i sems las/ ci 'ang med pa'i skye mched la snyoms par 'jug pa dang / ci'ang med pa'i skye mched kyi snyoms par 'jug pa las langs nas/ mnyam par ma bzhag pa'i sems la gnas pa dang / mnyam par ma bzhag pa'i sems las/ rnam shes mtha' yas skye mched la snyoms par 'jug pa dang / rnam shes mtha' yas skye mched las langs nas/ mnyam par ma bzhag pa'i sems su 'bab pa dang / mnyam par ma bzhag pa'i sems las/ nam mkha' mtha' yas skye mched la snyoms par 'jug pa dang / nam mkha' mtha' yas skye mched kyi snyoms par 'jug pa las langs nas/ mnyam par ma bzhag pa'i sems su 'bab pa dang / mnyam par ma bzhag pa'i sems las/ bsam gtan bzhi pa la snyoms par 'jug pa dang / bsam gtan bzhi pa las langs nas/ mnyam par ma bzhag pa'i sems la gnas pa dang / mnyam par ma bzhag pa'i sems las/ bsam gtan gsum pa la snyoms par 'jug pa dang / bsam gtan gsum pa las langs nas/ mnyam par ma bzhag pa'i sems la gnas pa dang / mnyam par ma bzhag pa'i sems las/ bsam gtan gnyis pa la snyoms par 'jug pa dang / bsam gtan gnyis pa las langs nas/ mnyam par ma bzhag pa'i sems la gnas pa dang / mnyam par ma banag pa'i sems las/ bsam gtan dang po la snyoms par 'jug pa dang / bsam

  140. 71a

    gtan dang po las langs nas/ mnyam par ma bzhag pa ni sems la gnas pa ste/ de bod rnal gyi ting nge 'dzin de la gnas nas chos thams cad mnyam pa nyid thob bo// @ 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas pa/ bsam gtan gyi pha rol tu phyin pa yongs su 'dzin pa yin no// shes rab kyi pha rol tu phyin pa khri brgyad stong pa las/ thod rgal du 'jug pa'i le'u zhes bya ste drug cu rtsa gnyis pa'o// / shes rab kyi pha rol tu phyin pa khri brgyad stong pa bam po bzhi bcu rtsa bzhi pa/ de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' chen po gang thabs la mkhas pa de lta bu dang ldan pa de/ yun ring po ji srid cig nas yang dag par zhugs pa lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po gang thabs la mkhas pa de lta bu dang ldan pa de ni/ bskal pa bye ba khrag khrig grangs med pa nas yang dag par zhugs pa yin no// gsol pa/ bcom ldan 'das byang chub sems dpa' sems dpa' chen po gang thabs la mkhas pa de lta bu dang ldan pa des/ sangs rgyas bcom ldan 'das ji snyed cig la bsnyen bkur bgyis pa lags/ bka' stsal pa/ rab 'byor byang chub

  141. 71b

    sems dpa' sems dpa' chen po gang thabs la mkhas pa de lta bu dang ldan pa de ni/ sangs rgyas bcom ldan 'das gang+gA'i klung gi bye ma snyed dag la bsnyen bkur byas par rig par bya'o// gsol pa/ bcom ldan 'das byang chub sems dpa' sems dpa' chen po gang thabs ya mkhas pa de lta bu dang ldan pa des dge ba'i rtsa ba ji tsam zhig bskrun pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po des ni sems dang po bskyed pa nas bzung ste/ yongs su rdzogs par ma byas pa'i sbyin pa'i pha rol tu phyin pa gang yang med do// des yongs su rdzogs par ma byas pa'i tshul khrims kyi pha rol tu phyin pa gang yang med do/ / bzod pa'i pha rol tu phyin pa gang yang med do// brtson 'grus kyi pha rol tu phyin pa gang yang med do// bsam gtan gyi pha rol tu phyin pa gang yang med do/ / byang chub sems dpa' sems dpa' chen po gang thabs la mkhas pa de lta bu dang ldan pa des yongs su rdzogs par ma byas pa'i shes rab kyi pha rol tu phyin pa gang yang med do/ / gsol pa/ bcom ldan 'das byang chub sems dpa' sems dpa' chen po gang dag thabs la mkhas pa de lta bu dang ldan pa de dag ni ngo mtshar lags so// bka' stsal pa/ rab 'byor de de bzhin no// de de bzhin te/ byang chub sems dpa' sems dpa' chen po gang dag thabs la mkhas pa de lta bu dang ldan pa de dag ni ngo mtshar to// rab 'byor 'di lta ste/ dper na nyi ma

  142. 72a

    dkyil 'khor dang / zla ba'i dkyil 'khor ni gling bzhir snang bar byed la/ gling bzhi dang 'thun par 'gro zhing 'thun par 'khor ro// rab 'byor de bzhin du shes rab kyi pha rol tu phyin pa yang pha rol tu phyin pa lnga po dag la las byed la/ pha rol tu phyin pa lnga dang 'thun par 'gro zhing 'thun par 'jug ste/ shes rab kyi pha rol tu phyin pa dang ma bral na/ pha rol tu phyin pa lnga po de dag kyang pha rol tu phyin pa'i ming thob kyi/ shes rab kyi pha rol tu phyin pa dang bral na/ pha rol tu phyin pa lnga po dag gis pha rol tu phyin pa'i ming mi 'thob bo// rab 'byor 'di lta ste/ dper na 'khor los sgyur ba'i rgyal po ni rin po che sna bdun dang bral nas/ 'khor los sgyur ba'i rgyal po zhes bya ba'i ming mi 'thob bo// rab 'byor de bzhin du pha rol tu phyin pa lnga po dag kyang shes rab kyi pha rol tu phyin pa dang bral na/ pha rol tu phyin pa zhes bya ba'i ming mi 'thob bo// rab 'byor 'di lta ste/ dper na khyim bdag med pa'i bud med dag ni g.yon can dag gis tshugs par sla'o// rab 'byor de bzhin du pha rol tu phyin pa lnga po dag kyang shes rab kyi pha rol tu phyin pa dang bral na/ bdud dam bdud kyi rigs kyi lha rnams kyis thul bar sla'o// shes rab kyi pha rol tu phyin pa dang ma bral na/ pha rol tu phyin pa lnga po dag bdud dam bdud kyi rigs kyi lha rnams kyis mi thul ba yin gyi/ shes rab kyi pha rol tu phyin pa dang bral na/ pha rol tu phyin pa lnga po dag kyang bdud dam bdud kyi ris kyi lha rnams kyis don du gnyer bar bya ba yin no//

  143. 72b

    rab 'byor 'di lta ste/ dper na g.yul ngor 'gro ba'i skyes bu go cha thams cad bgos pa ni g.yul ngor zhugs pa'i tshe/ 'thab bla'i rgyal po 'am/ phyir rgol ba rnams sam/ dgra bo dag gis mi thul torab 'byor de bzhin du pha rol tu phyin pa lnga po dag kyang shes rab kyi pha rol tu phyin pa dang ma bral na/ bdud dam/ bdud kyi rigs kyi lha rnams sam/ gang zag lhag pa'i nga rgyal can rnams sam/ byang chub sems dpa' gdol pa'i bar dag gis thul bar dka' zhing / pha rol tu phyin pa lnga po dag mi thul bar 'gyur ro// rab 'byor 'di lta ste/ dper na khams kyi rgyal po rnams ni 'khor lo sgyur ba'i rgyal po'i rjes su 'thun par byed de/ nang nub nang nub cing rim gro bya ba'i don du 'dong bar byed do// rab 'byor de bzhin du pha rol tu phyin pa lnga po dag kyang / shes rab kyi pha rol tu phyin pas yongs su zin na/ rnam pa thams cad mkhyen pa nyid ga la ba der 'thun par 'dong ngo / / rab 'byor 'di lta ste/ dper na chu bran gang ji snyed pa de dag thams cad ni gang+gA'i klung ga la ba de logs su rjes su 'bab cing / gang+gA'i klung dang lhan cig tu rgya mtsho chen por 'bab bo/ / rab 'byor de bzhin du pha rol tu phyin pa lnga po dag kyang shes rab kyi pha rol tu phyin pas yongs su zin na/ rnam pa thams cad mkhyen pa nyid ga la ba de logs su 'thun par 'dod por rab 'byor 'di lta ste/ dper na skyes bu'i lag pa g.yas pa ni bya ba thams cad byed do// rab 'byor shes rab kyi pha rol tu phyin pa'ang de bzhin du blta ste/ pha rol tu phyin pa lnga po dag ni lag pa g.yon pa

  144. 73a

    ji lta ba de bzhin du blta'o/ / rab 'byor 'di lta ste/ dper na chu bran rnams kyi chu gang yin pa dang / chu klung chen po rnams kyi chu gang yin pa de dag ni rgya mtsho chen por zhugs na ro gcig par 'gyur ro/ / rab 'byor de bzhin du pha rol tu phyin pa lnga po dag kyang / shes rab kyi pha rol tu phyin pas yongs su zin cing / rnam pa thams cad mkhyen pa nyid ga la ba der 'thun par zhugs na/ pha rol tu phyin pa zhes bya ba'i ming 'thob bo// rab 'byor 'di lta ste/ dper na 'khor los sgyur ba'i rgyal po'i 'khor lo rin po che ni dpung gi tshogs yan lag bzhi pa'i mdun du 'gro zhing gnas la/ gang du 'khor lo sgyur ba'i rgyal po zas kyi don du gnas pa der/ 'khor lo sgyur ba'i rgyal po'i dpung gi tshogs rnams tshims par byed kyang / 'khor lo rin po che de ni gnas nas g.yo ba med do// rab 'byor de bzhin du shes rab kyi pha rol tu phyin pa'ang pha rol tu phyin pa lnga po 'di dag yongs su 'dren par byed la/ rnam pa thams cad mkhyen pa nyid ga la ba de logs su 'gro zhing / der gnas par 'gyur la/ der gnas pa na gnas de las 'da' bar yang mi 'gyur ro/ / rab 'byor 'di lta ste/ dper na 'khor lo sbyar ba'i rgyal po'i 'khor lo rin po che de dang / blon po rin po che de dang / khyim bdag rin po che de dang / btsun mo rin po che de dang / nor bu rin po che de dang / glang po rin po che de dang / rta rin po che de ni dpung gi tshogs yan lag bzhi pa'i mdun du 'gro'o// rab 'byor de bzhin du shes rab kyi pha rol tu phyin pa'ang

  145. 73b

    pha rol tu phyin pa lnga po 'di dag gi mdun du 'gro'o/ / mdun du song nas kyang rnam pa thams cad mkhyen pa nyid ga la ba der gnas te/ shes rab kyi pha rol tu phyin pa 'di snyam du sbyin pa'i pha rol tu phyin pa ni bdag gi rjes su 'brang ngo / / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa ni bdag gi rjes su 'brang ngo snyam du mi sems so/ / sbyin pa'i pha rol tu phyin pa'ang 'di snyam du bdag ni shes rab kyi pha rol tu phyin pa'i rjes su 'brang ngo snyam du mi sems so// de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa'ang 'di snyam du bdag ni shes rab kyi pha rol tu phyin pa'i rjes su 'brang ngo snyam du mi sems so// de ci'i phyir zhe na/ 'di ltar de dag ni rang bzhin gyis nus pa cung zad kyang med la/ rang bzhin gyis stong zhing / gsob dang / smig rgyu lta bu yin pa'i phyir ro// de nas bcom 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad rang bzhin gyis stong pa lags na/ byang chub sems dpa' sems dpa' chen po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa

  146. 74a

    la spyod pa/ ji ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po pha rol tu phyin pa drug la spyod pa 'di snyam du/ kye ma 'jig rten gnas pa 'di ni sems phyin ci log tu gyur pa ste/ de ni thabs la mi mkhas pas 'khor ba las yongs su thar par mi nus kyis/ bdag gis sems can de dag gi don du sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyad par bya'o snyam du sems shing / de sems can de dag nyid kyi don du phyi dang nang gi dngos po rnams yongs su gtong bar byed do/ / de yongs su gtong bar byed pa na 'di snyam du bdag gis ci'ang btang ba med do// de ci'i phyir zhe na/ 'di ltar dngos po 'di dag ni rang bzhin gyis stong pa yin pa'i phyir ro snyam du sems te/ rab 'byor de ltar nye bar rtog pa'i byang chub sems dpa' sems dpa' chen po ni sbyin pa'i pha rol tu phyin pa yongs su rdzogs par byed pa yin no// de sems can de dag nyid kyi don du 'chal pa'i tshul khrims kyi skabs mi 'byed do/ / de ci'i phyir zhe na/ 'di ltar bdag bla na med pa yang dag par rdzogs pa'i byang chub la yang dag par zhugs la srog gcod par byed pa dang / log par lta bar gyur pa'i bar dang / 6

  147. 74b

    thos kyi sa 'am/ rang sangs rgyas kyi sa don du gnyer bar byed pa ni bdag gis mi bya'o snyam du sems pa'i phyir te/ rab 'byor de ltar nye bar rtog pa'i byang chub sems dpa' sems dpa' chen po ni tshul khrims kyi pha rol tu phyin pa la spyod pa yin no/ / de sems can de dag nyid kyi don du 'khrug pa'i sems 'ga' tsam yang skyed par mi byed do// rab 'byor de ltar nye bar rtog pa'i byang chub sems dpa' sems dpa' chen po ni bzod pa'i pha rol tu phyin pa la spyod pa yin no/ / de sems can de dag nyid kyi don du bla na med pa yang dag par rdzogs pa'i byang chub mngon par rdzogs par sangs rgyas par gyur gyi bar du le lo'i sems skyed par mi byed de/ rab 'byor de ltar nye bar rtog pa'i byang chub sems dpa' sems dpa' chen po ni brtson 'grus kyi pha rol tu phyin pa la spyod pa yin no// de sems can de dag nyid kyi don du bla na med pa yang dag par rdzogs pa'i byang chub mngon par rdzogs par sangs rgyas par gyur kyi bar du sems rnam par g.yeng bar mi byed de/ rab 'byor de ltar nye bar rtog pa'i byang chub sems dpa' sems dpa' chen po ni bsams gtan gyi pha rol tu phyin pa la spyod pa yin no/ / de sems can de dag nyid kyi don du bla na med pa yang dag par rdzogs pa'i byang chub mngon par rdzogs par sangs rgyas par gyur kyi bar du// nam du'ang shes rab kyi pha rol tu phyin pa dang 'bral bar mi byed do// de ci'i phyir zhe na/ shes rab kyi pha rol tu phyin pa la ma zhugs par gzhan gyis sems can yongs su smin par bya mi nus so snyam du sems

  148. 75a

    pa'i phyir te/ rab 'byor de ltar nye bar rtog pa'i byang chub sems dpa' sems dpa' chen pa ni shes rab gyi pha rol tu phyin pa la spyod pa yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te pha rol tu phyin pa rnams la tha dad pa ma mchis na/ ci'i slad du shes rab kyi pha rol tu phyin pa 'di pha rol tu phyin pa lnga po dag gi mchog ces bgyi/ gtso bo dang / thu bo dang / rab dang / rab mchog dang / gya nom pa dang / bla na ma mchis pa dang / gong nam mchis pa dang / mi mnyam pa dang mnyam pa zhes bgyi lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rab 'byor pha rol tu phyin pa rnams la ni tha dad pa cung zad kyang med do/ / gal te shes rab kyi pha rol tu phyin pa med na/ pha rol tu phyin pa lnga po 'di dag gis pha rol tu phyin pa zhes bya ba'i ming mi 'thob kyi/ rab 'byor shes rab kyi pha rol tu phyin pa la brten nas/ pha rol tu phyin pa lnga po 'di dag pha rol tu phyin pa zhes bya ba'i ming 'thob bo// rab 'byor 'di lta ste/ dper na lus rnam pa tha dad pa dag ni mi'i rgyal po rirab kyi drung du phyin na/ lus de dag kha dog gcig tu 'gyur ro// rab 'byor de bzhin du pha rol tu phyin pa lnga po dag kyang shes rab kyi pha rol tu phyin pa la brten na pha rol tu phyin pa zhes bya ba'i ming 'thob cing /

  149. 75b

    de dag rnam pa thams cad mkhyen pa nyid du zhugs pa ni kha dog gcig tu 'gyur te/ 'di ni sbyin pa'i pha rol tu phyin pa zhes bya ba dang / de bzhin du sbyar te/ 'di ni shes rab kyi pha rol tu phyin pa'o zhes bya ba'i bar bye brag gang yang med do/ / de ci'i phyir zhe na/ 'di ltar de dag gang la ngo bo nyid med pas/ de'i phyir bye brag med do// gsol pa/ bcom ldan 'das gal te don gyi rjes su zhugs pa la chos gang yang bye brag gam/ tha dad du bgyi ba ma mchis na/ ci'i slad du shes rab kyi pha rol tu phyin pa 'di pha rol tu phyin pa lnga po de dag gi mchog ces bgyi/ gtso bo dang / thu bo dang / rab dang / rab mchog dang / gya nom pa dang / bla na ma mchis pa dang / gong na ma mchis pa dang / mi mnyam pa dang mnyam pa zhes bgyi lags/ bka' stsal pa/ rab 'byor de de bzhin no// de de bzhin te/ don gyi rjes su zhugs pa la ni chos gang yang bye brag gam/ tha dad du bya ba med mod kyi/ 'on kyang sems can rnams 'khor ba las yongs su thar par bya ba'i don du 'jig rten gyi tha snyad dang brda tsam gyi phyir/ sbyin pa'i pha rol tu phyin pa zhes btags pa'ang yod do/ / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa zhes btags pa'ang yod do/ / sems can de dag la'ang skye ba med/ 'chi ba med 'chi 'pho med/ 'byung ba med de/ sems can med pa'i phyir chos thams cad med par rig

  150. 76a

    par bya'o/ / rab 'byor de'i phyir shes rab kyi pha rol tu phyin pa ni/ pha rol tu phyin pa lnga po de dag gi mchog ces bya'o// gtso bo dang / thu bo dang / rab dang / rab mchog dang // gya nom pa dang / bla na med pa dang / gong na med pa dang / mi mnyam pa dang mnyam pa zhes bya'o// rab 'byor 'di lta ste/ dper na bud med rin po che ni 'dzam bu'i gling gi bud med gang ji snyed pa de dag gi nang na mchog ces bya ba dang / mi mnyam pa dang mnyam pa'i bar zhes bya'o// rab 'byor de bzhin du shes rab kyi pha rol tu phyin pa'ang / pha rol tu phyin pa lnga po de dag gi cho ga ces bya ba dang / mi mnyam pa dang mnyam pa'i bar zhes bya'o/ / gsol pa/ bcom ldan 'das ci las dgongs nas shes rab kyi pha rol tu phyin pa ni mchog ces bya'o// mi mnyam pa dang mnyam pa'i bar zhes bya'o zhes gsungs lags/ bka' stsal pa/ rab 'byor 'di ltar shes rab kyi pha rol tu phyin pa 'di ni dge ba'i chos thams cad yongs su bzung nas/ rnam pa thams cad mkhyen pa nyid ga la ba der mi gnas pa'i tshul gyis gnas par 'gyur ba'i phyir ro/ / gsol pa/ bcom ldan 'das ci shes rab kyi pha rol tu phyin pa chos gang yang yongs su 'dzin pa 'am/ gtong bar bgyid lags sam/ bka' stsal par rab 'byor de ni ma yin te/ rab 'byor shes rab kyi pha rol tu phyin pa chos gang yang yongs su 'dzin pa 'am/ gtong bar mi byed do// de ci'i phyir zhe na/ rab 'byor 'di ltar chos thams cad ma

  151. 76b

    bzung ma btang ba'i phyir ro/ / gsol pa/ bcom ldan 'das shes rab kyi pha rol tu phyin pas chos gang dag yongs su ma bzung ma btang ba lags/ bka' stsal pa/ rab 'byor shes rab kyi pha rol tu phyin pa ni gzugs mi 'dzin mi gtong ngo / / de bzhin du sbyar te/ byang chub kyi bar du mi 'dzin mi gtong ngo // gsol pa/ bcom ldan 'das ji ltar na gzugs yongs su ma bzung ma btang ba lags/ bka' stsal pa/ rab 'byor gang gzugs yid la mi byed cing / byang chub kyi bar du yid la mi byed pa de ni gzugs yongs su mi 'dzin pa yin no// gsol pa/ bcom ldan 'das gal te gzugs yid la mi bgyi zhing / rnam pa thams cad mkhyen pa nyid kyi bar du yid la mi bgyi na/ bcom ldan 'das gzugs yid la ma bgyis shing / rnam pa thams cad mkhyen pa nyid kyi bar du yid la ma bgyis par/ ji ltar dge ba'i rtsa ba dag rnam par 'phel bar 'gyur lags/ dge ba'i rtsa ba dag rnam par ma 'phel na/ ji ltar pha rol tu phyin pa rnams yongs su rdzogs par 'gyur lags/ pha rol tu phyin pa rnams yongs su ma rdzogs na/ ji ltar rnam pa thams cad mkhyen pa nyid thob par 'gyur lags/ bka' stsal pa/ rab 'byor gang gi tshe/ byang chub sems dpa' sems dpa' chen po gzugs yid la mi byed pa dang / de bzhin du sbyar te/ byang chub kyi bar du yid la mi byed pa de'i tshe/ byang chub sems dpa' sems dpa' chen po dge ba'i

  152. 77a

    rtsa ba rnam par 'phel zhing / rnam pa thams cad mkhyen pa nyid kyi bar du thob par 'gyur ro// de ci'i phyir zhe na/ gzugs yid lam byas shing / byang chub kyi bar du yid la mabyas na/ mngon par rdzogs par 'tshang rgya bar 'gyur ba'i phyir ro// gsol pa/ bcom ldan 'das ci'i slad du 'di ltar gzugs yid la ma bgyis shing / byang chub kyi bar du yid la ma bgyis na/ rnam pa thams cad mkhyen pa nyid thob par 'gyur lags/ bka' stsal pa/ rab 'byor yid la byed pas ni 'dod pa'i khams sam/ gzugs kyi khams sam/ gzugs med pa'i khams su'ang sbyor bar 'gyur la/ yid la ma byas na gang la'ang sbyor bar mi 'gyur te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pas/ chos gang la'ang mi sbyor bar bya'o// gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la de ltar spyod pa gang la gnas par mi 'gyur ba lags/ bka' stsal pa/ rab 'byor de ltar spyod pa'i byang chub sems dpa' sems dpa' chen po ni gzugs la mi gnas so/ / rnam pa thams cad mkhyen pa nyid kyi bar la mi gnas so// gsol pa/ bcom ldan 'das ci'i slad du gzugs la mi gnas shing / byang chub kyi bar la mi gnas pa lags/ bka' stsal pa/ mngon par zhen pa med pa'i phyir gang la'ang mi gnas so// de ci'i phyir zhe na/ 'di ltar des gang la mngon par

  153. 77b

    zhen pa zhe bya ba 'am/ gnas pa zhes bya ba'i chos de yang dag par rjes su mi mthong ba'i phyir te/ rab 'byor de ltar na byang chub sems dpa' sems dpa' chen po ni/ mngon par zhen pa med pa'i tshul gyis shes rab kyi pha rol tu phyin pa la spyod pa yin no/ / rab 'byor gal te byang chub sems dpa' sems dpa' chen po 'di snyam du gang de ltar sgom pa dang / gang de ltar spyod pa de ni shes rab kyi pha rol tu phyin pa la bsgoms pa yin no/ / de ni shes rab kyi pha rol tu phyin pa la sgom pa yin pas/ bdag kyang shes rab kyi pha rol tu phyin pa la spyod pa yin/ bdag kyang shes rab kyi pha rol tu phyin pa la sgom pa yin no snyam du sems shing / gal te de ltar kun tu shes par byed na/ de ni shes rab kyi pha rol tu phyin pa thag ring du byed pa yin no// gang shes rab kyi pha rol tu phyin pa las ring du gyur pa de ni/ sbyin pa'i pha rol tu phyin pa las ring du gyur pa yin no/ / de bzhin du sbyar te/ rnam pa thams cad mkhyen pa nyid kyi bar las ring du gyur pa yin no// de ci'i phyir zhe na/ shes rab kyi pha rol tu phyin pa ni chos gang la'ang mngon par zhen pa med la shes rab kyi pha rol tu phyin pa la'ang mngon par zhen pa gang yang med pa'i phyir ro/ / de ci'i phyir zhe na/ 'di ltar gang la mngon par zhen pa zhes bya ba'i ngo bo nyid med pa'i phyir ro// rab 'byor gal te byang chub sems dpa' sems dpa' chen po shes rab kyi pha rol tu phyin pa la kun tu shes par byed na/ byang chub sems dpa' sems dpa' chen po de ni shes rab kyi pha rol tu phyin pa las nyams par 'gyur

  154. 78a

    ro gang shes rab kyi pha rol tu phyin pa las nyams pa de ni chos thams cad las nyams pa yin no/ / gal te yang de 'di snyam du sems/ shes rab kyi pha rol tu phyin pa ni/ pha rol tu phyin pa lnga po dag yongs su 'dzin pa yin no// rnam pa thams cad mkhyen pa nyid kyi bar du yongs su 'dzin pa yin no snyam na/ byang chub sems dpa' sems dpa' chen po de ni/ shes rab kyi pha rol tu phyin pa las nyams pa yin te/ shes rab kyi pha rol tu phyin pa dang bral bas ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi nus so/ / gal te yang de 'di snyam du shes rab kyi pha rol tu phyin pa 'di la gnas pa ni/ bla na med pa yang dag par rdzogs pa'i byang chub tu lung bstan par 'gyur ro snyam na/ byang chub sems dpa' sems dpa' chen po de ni shes rab kyi pha rol tu phyin pa las nyams pa yin te/ shes rab kyi pha rol tu phyin pa las nyams pa ni/ bla na med pa yang dag par rdzogs pa'i byang chub tu lung bstan par 'gyur ba med do/ / gal te yang de 'di snyam du shes rab kyi pha rol tu phyin pa 'di la gnas te/ sbyin pa'i pha rol tu phyin pa mngon par bsgrub par bya'o// snying rje chen po'i bar du mngon par bsgrub par bya'o snyam na/ byang chub sems dpa' sems dpa' chen po de ni shes rab kyi pha rol tu phyin pa 'di las nyams pa yin no// de ci'i phyir zhe na/ shes rab kyi pha rol tu phyin

  155. 78b

    ba las nyams pas ni/ sbyin pa'i pha rol tu phyin pa mngon par bsgrub par mi nus la/ snying rje chen po'i bar dag kyang mngon par bsgrub par mi nus pa'i phyir ro// gal te yang de 'di snyam du b zhin gshegs pas ni chos thams cad yongs su ma bzung bar bdag nyid mngon par rdzogs par sangs rgyas so/ / mngon par rdzogs par sangs rgyas nas kyang bstan to// bshad do// rab tu bshad do snyam na/ byang chub sems dpa' sems dpa' chen po de ni shes rab kyi pha rol tu phyin pa las nyam pa yin no// de ci'i phyir zhe na/ de bzhin gshegs pas chos gang yang mngon par rdzog par sangs rgyas pa med pa'i phyir ro/ / de ci'i phyir zhe na/ 'di ltar des mthong ba'i chos kyang mi dmigs na/ chos gang mngon par rdzogs par 'tshang rgya bar 'gyur bar lta smos kyang ci dgos te/ de ni gnas pa'i phyir ro// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ji ltar na byang chub sems dpa' sems dpa' chen po/ shes rab kyi pha rol tu phyin pa la spyod pa'i skyon 'di dag ma mchis par 'gyur ba lags/ bka' stsal pa/ rab 'byor gang gi tshe/ byang chub sems dpa' sems dpa' chen po shes rab kyi pha rol tu phyin pa la spyod pa ni/ 'di ltar chos thams cad ni chags pa med pa dang yongs su gzung ba med pa ste/ chags pa med pa dang yongs su gzung ba med pa

  156. 79a

    chos la ni/ / mngon par rdzogs par 'tshab rgya bar 'gyur pa'i chos gang yang med do zhes kun tu shes shing / gal te de ltar spyod na shes rab kyi pha rol tu phyin pa la spyod pa yin no// gal te de ltar yongs su ma bzung ba'i chos la mngon par zhen na/ byang chub sems dpa' sems dpa' chen po shes rab kyi pha rol tu phyin pa dang bral ba yin no// de ci'i phyir zhe na/ shes rab kyi pha rol tu phyin pa ni mngon par zhen pas brjod par bya ba ma yin pa'i phyir ro/ / gsol pa/ bcom ldan 'das ci shes rab kyi pha rol tu phyin pa/ shes rab kyi pha rol tu phyin pa dang ma bral ba lags sam/ sbyin pa'i pha rol tu phyin pa'i bar yang / sbyin pa'i pha rol tu phyin pa dang ma bral ba lags sam/ rnam pa thams cad mkhyen pa nyid kyi bar yang / rnam pa thams cad mkhyen pa nyid kyi bar dang ma bral ba lags sam/ bcom ldan 'das 'di ltar shes rab kyi pha rol tu phyin pa/ shes rab kyi pha rol tu phyin pa dang ma bral ba lags/ rnam pa thams cad mkhyen pa nyid kyi bar yang / rnam pa thams cad mkhyen pa nyid dang ma bral ba lags na/ 'o na ji ltar shes rab kyi pha rol tu phyin pa mngon par bsgrub par bgyi/ ji ltar sbyin pa'i pha rol tu phyin pa dang / rnam pa thams cad mkhyen pa nyid kyi bar dag mngon par bsgrub par bgyi lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu

  157. 79b

    phyin pa la spyod pa ni/ gzugs la mngon par zhen pa med de/ 'di ni gzugs so// 'di'i gzugs so zhes bya bar mngon par zhen pa med do// chos thams cad kyi bar la'ang de bzhin du sbyar ro// gzugs rtag pa'am/ mi rtag pa 'am/ bde ba'am/ sdug bsngal ba 'am/ bdag gam/ bdag med pa'am/ zhi ba 'am/ ma zhi ba 'am/ stong pa'am/ mi stong pa 'am/ dben pa 'am/ mi dben pa zhes bya bar mngon par zhen pa med do// rnam pa thams cad mkhyen pa nyid kyi bar dag la'ang de bzhin du sbyar bar bya'o// de ci'i phyir zhe na/ rang bzhin med pa'i chos la ni rtag pa zhes bya ba 'am/ mi rtag pa zhes bya ba 'am/ bde zhes bya ba 'am/ sdug bsngal zhes bya ba 'am/ bdag ces bya ba 'am/ bdag med ces bya ba 'am/ zhi zhes bya ba 'am/ ma zhi zhes bya ba 'am/ stong zhes bya ba 'am/ mi stong zhes bya ba 'am/ dben zhes bya ba'am/ mi dben zhes bya bar mngon par bsgrub par mi nus te/ rang bzhin ni rang bzhin gyis stong zhes bya b.ramangon par bsgrub par mi nus pa'i phyir ro/ / rab 'byor byang chub sems dpa' sems dpa' chen po de ltar shes rab kyi pha rol tu phyin pa la spyod pa dang / de bzhin du sbyar te/ sbyin pa'i pha rol tu phyin pa'i bar la spo pa de ni rnam pa thams cad mkhyen pa nyid la gnas par 'gyur ro/ / rab 'byor 'di lta ste/ dper na 'khor lo sgyur ba'i rgyal po'i dpung gi tshogs yan lag bzhi pa ni/ 'khor lo sgyur ba'i rgyal

  158. 80a

    po gang dang gang du 'gro ba de dang der dpung gi tshogs yan lag bzhi pa'ang 'gro bar 'gyur ro/ / de bzhin dupha rol tu phyin pa lnga po 'di dag kyang / shes rab kyi pha rol tu phyin pa gang dang gang du 'gro ba de dang der pha rol tu phyin pa lnga po 'di dag kyang 'gro zhing / rnam pa thams cad mkhyen pa nyid ga la ba der gnas par 'gyur ro// rab 'byor 'di lta ste/ dper na kha lo sgyur ba ni rta bzhi pa'i shing rta la zhon nas lam mnyam pa nas 'gro'o/ / de bzhin du shes rab kyi pha rol tu phyin pa'ang / pha rol tu phyin pa lnga po 'di dag gi kha lo sgyur zhing / lam mnyam pa nas rnam pa thams cad mkhyen pa nyid ga la ba der 'gro'o/ / gsol pa/ bcom ldan 'das byang chub sems dpa' sems dpa' chen po rnams kyi lam ni gang lags/ lam ma lags pa ni gang lags/ bka' stsal pa/ rab 'byor nyan thos kyi lam ni byang chub sems dpa' sems dpa' chen po rnams kyi lam ma yin pa'o// rang sangs rgyas kyi lam ni byang chub sems dpa' sems dpa' chen po rnams kyi lam ma yin pa'o/ / rnam pa thams cad mkhyen pa nyid kyi lam ni lam yin te/ rab 'byor byang chub sems dpa' sems dpa' chen po rnams kyi lam ni de yin no// lam ma yin pa ni de yin no// gsol pa/ bcom ldan 'das de ltar shes rab kyi pha rol tu phyin pa 'di ni lam lags so// 'di ni lam ma lags so zhes ston pa ni/ byang chub sems dpa' sems dpa' chen po rnams kyi don

  159. 80b

    chen po'i slad du nye bar gnas pa lags so/ / bcom ldan 'das kyis bka' stsal pa/ rab 'byor de de bzhin no// de de bzhin te/ shes rab kyi pha rol tu phyin pa 'di lam dang lam ma yin pa ston pa ni/ byang chub sems dpa' sems dpa' chen po rnams kyi don chen po'i phyir nye bar gnas pa yin zhing / sems can dpag tu med pa rnams kyi don du nye bar gnas pa yin te/ sems can grangs med pa rnams kyi don du nye bar gnas kyang / rab 'byor shes rab kyi pha rol tu phyin pa ni ci'ang ston par mi byed de/ gzugs yongs su mi 'dzin cing / tshor ba dang / 'du shes dang / 'du byed rnams dang / rnam par shes pa yongs su mi 'dzin te/ nyan thos kyi sa dang / rang sangs rgyas kyis yongs su gzung ba'i phyir nye bar gnas pa ma yin no// shes rab kyi pha rol tu phyin pa 'di ni byang chub sems dpa' sems dpa' chen po/ bla na med pa yang dag par rdzogs pa'i byang chub tu yongs su 'dren pa yin gyi/ nyan thos dang rang sangs rgyas kyi sa dag tu yongs su 'dren pa ma yin te/ rnam pa thams cad mkhyen pa nyid thob par byed pa yin no// de ltar shes rab kyi pha rol tu phyin pa 'di ni chos gnas pa nyid tshad mar byas nas/ chos gang yang skyed pa ma yin// 'gog pa ma yin no// gsol pa/ bcom ldan 'das gal te shes rab kyi pha rol tu phyin pa chos gang yang skyed pa ma lags/ 'gog pa ma lags na/ byang chub sems dpa' sems

  160. 81a

    dpa' chen po shes rab kyi pha rol tu phyin pa la spyod pas/ ji ltar sbyin pa stsal bar bgyi/ ji ltar tshul khrims bsrung bar bgyi/ ji ltar bzod pa bsgom par bgyi/ ji ltar brtson 'grus brtsam par bgyi/ ji ltar bsam gtan la snyoms par 'jug par bgyi// ji ltar shes rab bsgom par bgyi lags/ bcom ldan 'das kyis bka' stsal pa/ rab 'byor rnam pa thams cad mkhyen pa nyid du dmigs te/ sbyin pa sbyin par bya'o// rnam pa thams cad mkhyen pa nyid du dmigs te/ tshul khrims bsrung bar bya'o// rnam pa thams cad mkhyen pa nyid du dmigs te/ bzod pa bsgom par bya'o// rnam pa thams cad mkhyen pa nyid du dmigs te/ brtson 'grus brtsam par bya'o// rnam pa thams cad mkhyen pa nyid du dmigs te/ ting nge 'dzin la snyoms par jug par bya'o/ / rnam pa thams cad mkhyen pa nyid du dmigs te/ shes rab bsgom par bya zhing / dge ba'i rtsa ba de dag kyang sems can thams cad dang thun mong du byas la/ bla na med pa yang dag par rdzogs pa'i byang chub tu yongs su bsngo bar bya ste/ de ltar byang chub sems dpa' sems dpa' chen po'i dge ba'i rtsa ba de dag bla na med pa yang dag par rdzogs pa'i byang chub tu yongs su bsngos na/ pha rol tu phyin pa drug bsgom pa yongs su rdzogs par 'gyur ro// byang chub sems dpa' sems dpa' chen po'i byams pa bsgom pa'i bar du yong su rdzogs par 'gyur ro// rnam pa thams

  161. 81b

    cad mkhyen pa nyid bsgom pa'i bar du yongs su rdzogs par 'gyur ro/ / byang chub sems dpa' sems dpa' chen po gang la la pha rol tu phyin pa drug dang ma bral ba de ni/ rnam pa thams cad mkhyen pa nyid dang ma bral ba yin no/ / rab 'byor de lta bas na byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ pha rol tu phyin pa drug la bslab par bya'o// pha rol tu phyin pa drug la spyad par bya'o// pha rol tu phyin pa drug la spyod pa'i byang chub sems dpa' sems dpa' chen po ni/ dge ba'i rtsa ba thams cad yongs su rdzogs par byas nas/ rnam pa thams cad mkhyen pa nyid thob par 'gyur ro// rab 'byor de lta bas na byang chub sems dpa' sems dpa' chen pos/ pha rol tu phyin pa drug la brtson par bya'o/ / gsol pa/ bcom ldan 'das byang chub sems dpa' sems dpa' chen pos/ ji ltar pha rol tu phyin pa drug la brtson par bgyi/ bka' stsal pa/ rab 'byor 'di la byang chub sems dpa' sems dpa' chen pos/ ji ltar gzugs ni ldan pa'ang ma yin/ mi ldan pa'ang ma yin no// tshor ba dang / 'du shes dang / 'du byed rnams dang / rnam par shes pa ni ldan pa'ang ma yin/ mi ldan pa'ang ma yin no// de bzhin du rnam pa thams cad mkhyen pa nyid kyi bar du'ang ldan pa'ang ma yin/ mi ldan pa'ang ma yin no zhes so sor brtag

  162. 82a

    par bya ste/ rab 'byor byang chub sems dpa' sems dpa' chen pos/ de ltar pha rol tu phyin pa drug la brtson par bya'o// rab 'byor gzhan yang byang chub sems dpa' sems dpa' chen pos/ gzugs la gnas par bya'o zhes brtson par mi bya'o// rnam par shes pa'i bar la gnas par bya'o// zhes brtson par mi bya'o// rnam pa thams cad mkhyen pa nyid kyi bar la gnas par bya'o zhes brtson par mi bya'o/ / de ci'i phyir zhe na/ gzugs ni gang la'ang mi gnas la/ rnam pa thams cad mkhyen pa nyid kyi bar yang gang la'ang mi gnas pa'i phyir te/ de ltar byang chub sems dpa' sems dpa' chen pos mi gnas pa'i tshul gyis/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o// rab 'byor 'di lta ste/ dper na mi zhig shing a mra'i 'bras bu dag gam/ shing pa na sa'i 'bras bu dag za 'dod par gyur na/ des a mra'i 'bras bu 'am/ pa na sa'i 'bras bu dag bskyed par bya'o/ / bskyed nas kyang dus dus su chu bcu par bya'o// yur ma yur bar bya'o// de'i rim gyis yal ga 'gel cing 'phel bar gyur pa na/ tshogs pa rnyed pa a mra'i 'bras bu dag gam/ na sa'i 'bras bu dag 'byor cing tshogs par 'gyur bas/ de a mra'i 'bras bu dag gam/ pan sa'i 'bras bu dag za bar 'gyur ro// rab 'byor de bzhin du byang chub sems dpa' sems

  163. 82b

    dpa' chen po/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang / pha rol tu phyin pa drug la bslabs nas sems can rnams sbyin pas rjes su gzung bar bya'o/ / tshul khrims dang / bzod pa dang / brtson 'grus dang / ting nge 'dzin dang / shes rab kyis rjes su gzung bar bya zhing / sems can rnams 'khor ba las yongs su dgrol bar bya'o/ / rab 'byor de lta bas na byang chub sems dpa' sems dpa' chen po/ gzhan gyi dring mi 'jog par 'azo bar 'dod pa dang / sangs rgyas kyi zhing yongs su dag par bya bar 'dod pa dang / byang chub kyi snying po la 'dug par 'dod pa dang / chos kyi 'khor lo bskor bar 'dod pas pha rol tu phyin pa drug la bslab par bya'o// gsol pa/ bcom ldan 'das shes rab kyi pha rol tu phyin pas shes rab kyi pha rol tu phyin pa la bslab par bya'o zhes gsungs lags sam/ bka' stsal pa/ rab 'byor shes rab kyi pha rol tu phyin pas shes rab kyi pha rol tu phyin pa la bslab par bya'o zhes nga smra'o/ / chos thams cad la dbang ba bsgom pa thob par 'dod pas/ shes rab kyi pha rol tu phyin pa la bslab par bya'o zhes nga smra'o/ / de ci'i phyir zhe na/ shes rab kyi pha rol tu phyin pa 'di ni chos thams cad la dbang du gyur pa thob par byed cing / shes rab kyi pha rol tu phyin pa 'di ni chos thams cad kyi sgo

  164. 83a

    yin pa'i phyir ro/ / rab 'byor 'di lta ste/ dper na rgya mtsho chen po ni chu klung thams cad kyi sgo yin la/ chu klung dang chu thams cad kyang rgya mtsho chen por zhugs na ro gcig tu 'gyur ro/ / rab 'byor de bzhin du shes rab kyi pha rol tu phyin pa'ang chos thams cad kyi sgo yin te/ chos thams cad kyang shA rab kyi pha rol tu phyin pas rnam par phyen shes rab kyi pha rol tu phyin par 'gyur ro/ / rab 'byor de lta bas na nyan thos kyi theg pa pa dang / rang sangs rgyas kyi theg pa pa'i gang zag rnams dang / byang chub sems dpa'i theg pa pa'i gang zag rnams kyis kyang / shes rab kyi pha rol tu phyin pa 'di nyid la bslab par bya'o/ / de lta bas na byang chub sems dpa' sems dpa' chen pos sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa nyid la bslab par bya zhing / rnam pa thams cad mkhyen pa nyid kyi bar la'ang bslab par bya'o/ / rab 'byor 'di lta ste/ dper na 'phong gi slob dpon lag tshod la 'bab pa'i gzhu thogs pa ni phyir rgol ba rnams sam/ dgra bo rnams kyis thub par dka' 'o/ / rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'ang / bdud dam/ bdud kyi ris kyi lha rnams kyis thub par dka' 'o//

  165. 83b

    rab 'byor de lta bas na byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol tu phyin pa la bslab par bya'o/ / shes rab kyi pha rol tu phyin pa la spyod pa de la ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyang dgongs pabapa mdzad do/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das sangs rgyas bcom ldan 'das rnams/ ji ltar byang chub sems dpa' sems dpa' chen po sbyin pa'i pha rol tu phyin pa la spyod pa la gongs pa mdzad/ ji ltar byang chub sems dpa' sems dpa' chen po tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa la dgongs pa mdzad/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la sangs rgyas bcom ldan 'das rnams ni/ byang chub sems dpa' sems dpa' chen po shes rab kyi pha rol tu phyin pa la spyod pa la dgongs pa mdzad de/ ci nas kyang sbyin pa dang / tshul khrims dang /

  166. 84a

    bzod pa dang / brtson 'grus dang / bsam gtan dang / shes rab mi dmigs shing / de ltar mi dmigs par byang chub sems dpa' sems dpa' chen po la dgod pa mdzad do/ / de bzhin du rnam pa thams cad mkhyen pa nyid kyi bar la'ang rgya cher sbyar bar bya'o// rab 'byor gzhan yang sangs rgyas bcom ldan 'das rnams ni/ byang chub sems dpa' sems dpa' chen po la gzugs su dgongs pa mi mdzad do/ / rnam pa thams cad mkhyen pa nyid kyi bar du dgongs pa mi mdzad do// gsol pa/ bcom ldan 'das gnas mang po la slob par 'tshal ba'i byang chub sems dpa' sems dpa' chen pos ni gang la'ang bslab par mi bgyi lags so/ / bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor gnas mang po la slob par 'dod pa'i byang chub sems dpa' sems dpa' chen pos ni gang la'ang bslab par mi bya'o/ / de ci'i phyir zhe na/ 'di ltar byang chub sems dpa' sems dpa' chen pos gang la bslab par bya ba'i chos de dag dmigs su med pa'i phyir ro/ / de nas bcom ldan 'das ma/ tshe dang ldan pa rab 'byor gyis 'di skad ces gsol to// bcom ldan 'das gang de bzhin gshegs pas chos 'di dag mdo dang rgyas par bka' stsal lags na/ de la byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs

  167. 84b

    par 'tshang rgya bar 'tshal bas/ pha rol tu phyin pa drug po 'di dag mdo dang rgyas par kun chub par bgyi'o// g.yar thon shin tu byung ba'i bar du bgyi'o// g.yar thon shin tu byung bar bgyis nas kyang / yid kyi rjes su brtag par bgyi ste/ ci nas kyang sems dang sems las byung ba'i chos rnams mi 'jug pa de ltar rjes su brtag par bgyi'o// bcom ldan 'das kyis bka' stsal pa/ rab 'byor de de bzhin no// de de bzhin te/ pha rol tu phyin pa drug po mdo dang rgyas par bstan pa 'di dag la slob pa'i byang chub sems dpa' sems dpa' chen po ni/ chos thams cad kyi mdo dang rgyas pa shes par 'gyur ro/ / gsol pa/ bcom ldan 'das ji ltar na byang chub sems dpa' sems dpa' chen pos chos thams cad kyi mdo dang rgyas pa 'tshal bar 'gyur ba lags/ bka' stsal pa/ rab 'byor gzugs sam/ tshor ba 'am/ 'du shes sam/ 'du byed rnams sam/ rnam par shes pa'i de bzhin nyid shes shing rnam pa thams cad mkhyen pa nyid kyi bar gyi de bzhin nyid shes na/ chos thams cad kyi mdo dang rgyas pa shes par 'gyur ro// gsol pa/ bcom ldan 'das gzugs kyi de bzhin nyid ji lta bu lags/ bka' stsal pa/ rab 'byor de bzhin nyid gang la skye ba med pa dang / 'jig pa med pa dang / gnas pa med pa dang / gzhan du 'gyur ba med pa de ni gzugs kyi de bzhin nyid yin te/ de la byang chub sems dpa' sems dpa' chen po

  168. 85a

    rnams kyis bslab par bya'o/ / yang dag pa'i mtha' shes na chos thams cad kyi mdo dang rgyas pa shes par 'gyur ro// gsol pa/ bcom ldan 'das yang dag par mtha' de gang lags/ bka' stsal pa/ rab 'byor mtha' med pa ni yang dag pa'i mtha' ste/ mtha' de la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ / byang chub sems dpa' sems dpa' chen pos chos kyi dbyings shes na/ chos thams cad kyi mdo dang rgyas pa shes par 'gyur ro// gsol pa/ bcom ldan 'das chos kyi dbyings gang lags/ bka' stsal pa/ rab 'byor dbyings med pa ni chos kyi dbyings te/ chos kyi dbyings de la ni chad pa med cing yongs su chad pa med de/ byang chub sems dpa' sems dpa' chen pos de ltar chos kyi dbyings shes na/ chos thams cad kyi mdo dang rgyas pa shes par 'gyur ro// gsol pa/ bcom ldan 'das ji ltar chos thams cad kyi mdo dang rgyas pa 'tshal bar bgyi/ bka' stsal pa/ rab 'byor ji ltar chos thams cad ldan pa'ang ma yin/ mi ldan pa'ang ma yin pa de ltar shes par bya'o// gsol pa/ bcom ldan 'das chos gang dag ldan pa'ang ma lags/ mi ldan pa'ang ma lags pa de dag kyang gang lags/ bka' stsal pa/ rab 'byor gzugs ni ldan pa'ang ma yin/ mi ldan pa'ang ma yin no// tshor ba dang

  169. 85b

    'du shes dang / 'du byed rnams dang / rnam par shes pa ni ldan pa'ang ma yin/ mi ldan pa'ang ma yin no// de bzhin du sbyar te/ 'du byas kyi khams dang / 'du ma byas kyi khams kyi bar du'ang ldan pa'ang ma yin/ mi ldan pa'ang ma yin no// de ci'i phyir zhe na/ gang ldan pa'am/ mi ldan par 'gyur pa'i rang bzhin med la/ gang rang bzhin med pa de ni dngos po med pa yin pas dngos po med pa ni dngos po med pa dang ldan pa'ang ma yin/ mi ldan pa'ang ma yin pa'i phyir te/ chos thams cad kyang de ltar shes par bya'o// rab 'byor 'di ni byang chub sems dpa' sems dpa' chen po rnams kyi mngon par bsdus pa yin te/ rab 'byor pha rol tu phyin pa mngon par bsdus pa 'di la ni las dang po pa'i byang chub sems dpa' sems dpa' chen pos kyang bslab par bya'o// sa bcu po dag la gnas pa'i bar gyis kyang mngon par bsdus pa 'di la bslab par bya'o/ / rab 'byor mngon par bsdus pa 'di la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ / gsol pa/ bcom ldan 'das 'di ni byang chub sems dpa' sems dpa' chen po dbang po rnon po'i 'jug pa lags so// bka' stsal pa/ rab 'byor 'di ni byang chub sems dpa' sems dpa' chen po dbang po rtul po'i 'jug pa'ang yin no/ / 'di ni dbang po 'bring dang / dbang po mnyam par ma bzhag pa'i 'jug pa'ang yin te/ 'di ni slob par 'dod pa'i byang chub sems

  170. 86a

    dpa' sems dpa' chen po gang gi'ang 'jug pa ma yin pa ma yin no/ / 'di ni le lo can gyi 'jug pa ma yin zhing / 'di ni brtson 'grus zhan pa dang / brjed ngas pa dang / sems rnam par g.yengs pa'i 'jug pa ma yin gyi/ 'di ni brtson 'grus brtsams pa dang / le lo med pa dang / dran pa nye bar gzhag pa'i 'jug pa yin no// 'di ni phyir mi ldog pa'i sa la slob par 'dod pa dang / rnam pa thams cad mkhyen pa nyid thob par 'dod pa'i 'jug pa yin no// gal te ji skad bstan pa'i shes rab kyi pha rol tu phyin pa la slob cing / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la slob pa ni rnam pa thams cad mkhyen pa nyid thob par 'gyur ro/ / byang chub sems dpa' sems dpa' chen po shes rab kyi pha rol tu phyin pa la spyod pa la/ bdud kyi las gang dag ci byung yang rung ste/ byung ma thag nyid du rab tu zhi bar 'gyur ro/ / de lta bas na thabs la mkhas pa yongs su gzung bar 'dod pa'i byang chub sems dpa' sems dpa' chen pos/ shes rab kyi pha rol tu phyin pa la bslab par bya'o// rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa dang / shes rab kyi pha rol tu phyin pa la sgom pa dang / shes rab kyi pha rol tu phyin pa la brtson par byed pa de'i tshe

  171. 86b

    'jig rten gyi khams grangs med pa dag na/ sangs rgyas bcom ldan 'das gang dag bzhugs te 'tsho zhing gzhes pa'i sangs rgyas bcom ldan 'das de dag kyang / byang chub sems dpa' sems dpa' chen po shes rab kyi pha rol tu phyin pa la spyod pa de la dgongs pa mdzad do/ / de ci'i phyir zhe na/ 'di lta ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyang / pha rol tu phyin pa drug po 'di las nges par 'byung ba'i phyir ro// rab 'byor de lta bas na byang chub sems dpa' sems dpa' chen po shes rab kyi pha rol tu phyin pa la spyod pas/ 'di ltar bdag gis kyang 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gang dag brnyes pa'i chos de dag thob par 'gyur ro snyam du re bar bya'o// rab 'byor byang chub sems dpa' sems dpa' chen po shes rab kyi pha rol tu phyin pa la spyod pas de ltar brtson par bya'o/ / de ltar brtson pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'chang rgya bar 'gyur ro/ / rab 'byor de lta bas na byang chub sems dpa' sems dpa' chen po rnam pa thams cad mkhyen pa nyid yid la bya ba dang mi 'bral bar bya'o/ / rab 'byor gal te byang chub sems dpa' sems dpa' chen po de ltar shes rab kyi pha rol tu phyin pa la spyod pa'i tshe/ za na se gol gtogs pa tsam zhig shes rab

  172. 87a

    kyi pha rol tu phyin pa bsgom par gyur na/ byang chub sems dpa' sems dpa' chen po de ni ches bsod nams mang du skyed par 'gyur gyi/ gang gis stong gsum gyi stong chen po'i 'jig rten gyi khams su gtogs pa'i sems can de dag sbyin pas tshim par byas pa dang / tshul khrims la bkod pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la bkod pa dang / rgyun du zhugs pa'i 'bras bu la bkod pa dang / dgra bcom pa nyid kyi bar la bkod pa dang / rang byang chub la bkod pa de lta ma yin te/ gang se gol gtogs pa tsam zhig shes rab kyi pha rol tu phyin pa zab mo 'di sgom na de nyid bsod nams ches mang du skyed par 'gyur ro// de ci'i phyir zhe na/ sbyin pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / rgyun du zhugs pa'i 'bras bu dang / rang byang chub kyi bar dag ni 'di las nges par skyes pa yin la/ gang dag phyogs bcu'i 'jig rten gyi khams dag na bzhugs te 'tsho zhing gzhes pa'i sangs rgyas bcom ldan 'das de dag kyang / shes rab kyi pha rol tu phyin pa 'di nyid las nges par 'byung zhing / gang dag 'das pa dang / ma byon pa dang / da ltar byung ba'i sangs rgyas bcom ldan 'das de dag kyang / shes rab kyi pha rol tu phyin pa 'di nyid kyis rab tu phye ba yin pa'i

  173. 87b

    phyir ro/ / rab 'byor gzhan yang gang la la zhig gis yud tsam mam/ nyin gcig gas/ nyi ma brgya'am/ lo'am/ lo brgya'am/ bskal pa'am/ bskal pa las lhag pa 'am/ bskal pa grangs med pa'i bar du/ rnam pa thams cad mkhyen pa nyid dang ldan pa'i yid la byed pa dag gis/ shes rab kyi pha rol tu phyin pa zab mo 'di sgom par byed na/ de nyid ches bsod/ nams mang du skyed par 'gyur gyi/ gang gis 'jig rten gyi khams gang+gA'i klung gi bye ma snyed du gtogs pa'i sems can rnams sbyin pa la bkod pa dang / rang byang chub kyi bar la bkod pa ni de lta ma yin no/ / de ci'i phyir zhe na/ gang gis 'di ni sbyin pa las byung ba'i bsod nams bya ba'i dngos por btags pa dang / rang byang chub kyi bar du btags pa'i sangs rgyas bcom ldan 'das de dag kyang 'di las nges par 'byung ba'i phyir ro/ / byang chub sems dpa' sems dpa' chen po gang de ltar ji skad bstan pa'i shes rab kyi pha rol tu phyin pa 'di la gnas pa'i byang chub sems dpa' sems dpa' chen po de ni phyir mi ldog pa yin par rig par bya'o/ / byang chub sems dpa' sems dpa' chen po de ni de bzhin gshegs pas dgongs pa yin par rig par bya'o// byang chub sems dpa' sems dpa' chen po gang thabs la mkhas pa 'di dang ldan pa de ni/ sangs rgyas bye ba khrag khrig 'bum phrag mang po la bsnyen bkur byas pa yin par rig par bya'o// byang chub sems dpa' sems dpa'

  174. 88a

    chen po de ni dge ba'i rtsa ba bskyed pa yin par rig par bya'o/ / byang chub sems dpa' sems dpa' chen po de ni dge ba'i bshes gnyen gyis yongs su zin pa yin par rig par bya'o/ / byang chub sems dpa' sems dpa' chen po de ni pha rol tu phyin pa drug gi spyod pa spyad pa yin par rig par bya'o// byang chub sems dpa' sems dpa' chen po de ni stong pa nyid bcu bzhi po dag bsgoms shing bsams pa yin par rig par bya'o/ / de bzhin du sbyar te/ byang chub sems dpa' sems dpa' chen po de ni so so yang dag par rig pa bzhi'i bar dag bsgoms pa yin par rig par bya'o/ / byang chub sems dpa' sems dpa' chen po de ni mngon par shes pa drug dang ldan pa dang / byang chub sems dpa' sems dpa' chen po de ni gzhon nur gyur pa yin pa dang / byang chub sems dpa' sems dpa' chen po de ni bsam pa yongs su rdzogs pa yin par rig par bya'o/ / byang chub sems dpa' sems dpa' chen po de ni sangs rgyas rnams dang mi 'bral ba dang / dge ba'i rtsa ba rnams dang mi 'bral ba dang / sangs rgyas kyi ning dang mi 'bral ba dang / spobs pa mi chod pa dang / gzungs thob pa yin par rig par bya'o// byang chub sems dpa' sems dpa' chen po de ni gzugs phun sum tshogs pa yin par rig par bya'o/ / byang chub sems dpa' de ni lung bstan pa dang ldan pa yin par rig par bya'o// byang chub sems dpa' de ni bsams bzhin du srid par skye ba

  175. 88b

    yin par rig par bya'o/ / byang chub sems dpa' de ni rnam pa la 'jug mkhas pa dang / brjod pa la mkhas pa yin par rig par bya'o/ byang chub sems dpa' de ni yi ge med pa la 'jug par mkhas pa dang / brjod pa la mkhas pa yin par rig par bya'o// byang chub sems dpa' de ni gcig gi tshig bla dgas la mkhas pa dang / mang po'i tshig bla dgas la mkhas pa dang / bud med kyi tshig bla dgas la mkhas pa dang / skyes pa'i tshig bla dgas la mkhas pa dang / gzugs la mkhas pa dang / rnam par shes pa'i bar la mkhas pa dang / de bzhin du sbyar te/ mya ngan las 'das pa'i bar la mkhas pa dang / chos kyi dbyings la mkhas pa dang / mtshan nyid la mkhas pa dang / 'dus byas kyi mtshan nyid la mkhas pa dang / mtshan nyid med pa la mkhas pa dang / dngos po la mkhas pa dang / dngos po med pa la mkhas pa dang / rang gi ngo bo la mkhas pa dang / gzhan gyi ngo bo la mkhas pa dang / sbyor ba la mkhas pa dang / 'bral ba la mkhas pa dang / mtshungs par ldan pa dang / mtshungs par ldan pa ma yin pa la mkhas pa dang / mtshungs par ldan pa'ang ma yin/ mtshungs par mi ldan pa'ang ma yin pa la mkhas pa dang / de bzhin nyid la mkhas pa dang / ma nor ba de bzhin nyid la mkhas pa dang / gzhan ma yin pa de bzhin nyid la mkhas pa dang / chos kyi dbyings la mkhas pa dang / chos skyon med pa la mkhas pa dang / rgyu rkyen la mkhas pa dang / rgyu rkyen med pa la mkhas pa dang / phung po la mkhas

  176. 89a

    pa dang / khams la mkhas pa dang / skye mched la mkhas pa dang / bden pa la mkhas pa dang / rten cing 'brel par 'byung ba la mkhas pa dang / bsam gtan la mkhas pa dang / tshad med pa la mkhas pa dang / gzugs med pa'i snyoms par 'jug pa la mkhas pa dang / pha rol tu phyin drug la mkhas pa dang / dran pa nye bar gzhag pa bzhi la mkhas pa dang / rnam pa thams cad mkhyen pa nyid kyi bar la mkhas pa dang / 'dus byas kyi khams la mkhas pa dang / 'dus ma byas kyi khams la mkhas pa dang / khams la mkhas pa dang / khams med pa la mkhas pa dang / gzugs yid la bya ba la mkhas pa dang / rnam par shes pa'i bar du yid la bya ba la mkhas pa dang / de bzhin du sbyar te/ rnam pa thams cad mkhyen pa nyid kyi bar du yid la bya ba la mkhas pa dang / gzugs ni gzugs kyis stong ngo zhes bya ba la mkhas pa dang / rnam par shes pa'i bar ni rnam par shes pas stong ngo zhes bya ba la mkhas pa dang / byang chub kyi bar ni byang chub kyis stong ngo zhes bya ba la mkhas pa dang / shin tu sbyangs pa'i lam la mkhas pa dang / shin tu sbyangs pa ma yin pa'i lam la mkhas pa dang / skye ba dang 'gag pa la mkhas pa dang / gnas pa las gzhan du 'gyur ba la mkhas pa dang / 'dod chags la mkhas pa dang / zhe sdang la mkhas pa dang / gti mug la mkhas pa dang / 'dod chags med pa la mkhas pa dang / zhe sdang med pa mkhas pa dang / gti mug med pa la mkhas pa dang / lta ba

  177. 89b

    la mkhas pa dang / lta ba ma yin pa la mkhas pa dang / log par lta ba la mkhas pa dang / log par lta ba ma yin pa la mkhas pa dang / de bzhin du sbyar te/ lta ba'i rnam pa thams cad kyi bar la mkhas pa dang / ming la mkhas pa dang / ming dang gzugs la mkhas pa dang / dmigs pa la mkhas pa dang / bdag po la mkhas pa dang / rnam pa la mkhas pa dang / mtshan nyid la mkhas pa dang / sdug bsngal la mkhas pa dang / kun 'byung ba la mkhas pa dang / 'gog pa la mkhas pa dang / lam la mkhas pa dang / sems can dmyal ba la mkhas pa dang / dud 'gro'i skye gnas la mkhas pa dang / gshin rje'i 'jig rten la mkhas pa dang / sems can dmyal ba'i lam la mkhas pa dang / dud 'gro'i skye gnas kyi lam la mkhas pa dang / gshin rje'i 'jig rten gyi lam la mkhas pa dang / mi la mkhas pa dang / mi'i lam la mkhas pa dang / lha la mkhas pa dang / lha'i lam la mkhas pa dang / rgyun du zhugs pa'i 'bras bu la mkhas pa dang / rgyun du zhugs pa'i 'bras bu'i lam la mkhas pa dang / lan cig phyir 'ong ba'i 'bras bu la mkhas pa dang / lan cig phyir 'ong ba'i 'bras bu'i lam la mkhas pa dang / phyir mi 'ong ba'i 'bras bu la mkhas pa dang / phyir mi 'ong ba'i 'bras bu'i lam la mkhas pa dang / dgra bcom pa nyid kyi 'bras bu la mkhas pa dang / dgra bcom pa nyid kyi 'bras bu'i lam la mkhas pa dang / rang byang chub la mkhas pa dang / rang byang

  178. 90a

    chub kyi lam la mkhas pa dang / lam gyi rnam pa shes pa nyid la mkhas pa dang / lam gyi rnam pa shes pa nyid kyi lam la mkhas pa dang / rnam pa thams cad mkhyen pa nyid la mas pa dang / rnam pa tham cad mkhyen pa nyid kyi lam la mkhas pa dang / dbang po la mkhas pa dang / dbang po yongs su rdzogs pa la mkhas pa dang / shes rab myur ba la mkhas pa dang / shes rab rno ba la mkhas pa dang / shes rab mgyogs pa la mkhas pa dang / nges par 'byed pa'i shes rab la mkhas pa dang / shes rab yangs pa la mkhas pa dang / shes rab mnyam pa med pa la mkhas pa dang / 'das pa'i dus la mkhas pa dang / ma 'ongs pa'i dus la mkhas pa dang / da ltar byung ba'i dus la mkhas pa dang / thabs la mkhas pa dang / sems kyi bsam pa la mkhas pa dang / lhag pa'i bsam pa la mkhas pa dang / don la mkhas pa dang / tshig 'bru la mkhas pa dang / theg pa gsum rnam par dgod pa la mkhas pa ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa dang / shes rab kyi pha rol tu phyin pa mngon par bsgrub pa dang / shes rab kyi pha rol tu phyin pa la bsgom pa'i phan yon ni de dag yin par rig par bya'o/ / // shes rab kyi pha rol tu phyin pa khri brkyang stong pa bam po bzhi bcu rtsa lnga pa// / gsol pa/ bcom ldan 'das byang chub sems

  179. 90b

    dpa' sems dpa' chen po ji ltar shes rab kyi pha rol tu phyin pa la spyad par bgyi/ ji ltar shes rab kyi pha rol tu phyin pa mngon par bsgrub par bgyi/ ji ltar shes rab kyi pha rol tu phyinapa bsgom par bgyi lags/ bcom ldan 'das kyis bka' stsal pa/ rab 'byor gzugs zhi ba dang / gzugs ya ma brla dang / gzugs gsogs dang / gzugs snying po med pas shes rab kyi pha rol tu phyin pa la spyad par bya'o/ / tshor ba dang / 'du shes dang / 'du byed rnams dang / rnam par shes pa zhi pa dang / rnam par shes pa la ma brla dang / rnam par shes pa gsog dang / rnam par shes pa snying po med pas shes rab kyi pha rol tu phyin pa la spyad par bya'o/ / gang yang 'di skad du ji ltar shes rab kyi pha rol tu phyin pa mngon par bsgrub par bgyi zhes zer ba ni/ nam mkha' ltar stong pa nyid mngon par bsgrub pas shes rab kyi pha rol tu phyin pa mngon par bsgrub par bya'o/ / gang yang 'di skad du ji ltar shes rab kyi pha rol tu phyin pa bsgom par bgyi zhes zer ba ni/ nam mkha' ltar stong pa nyid bsgom pas shes rab kyi pha rol tu phyin pa bsgom par bya'o/ / gsol pa/ bcom ldan 'das byang chub sems dpa' sems dpa' chen pos/ shes rab kyi pha rol tu phyin pa la yun ring por ji cig tu spyad na shes rab kyi pha rol tu phyin pa la spyod pa lags/ bcom ldan 'das kyis bka' stsal pa/ rab 'byor sems dang po bskyed pa nas bzung ste/ byang chub kyi snying po

  180. 91a

    la 'dug gi bar du shes rab kyi pha yong tu phyin pa la spyad par bya'o/ / de ltar mngon par bsgrub par bya'o// de ltar bsgom par bya'o// gsol pa/ bcom ldan 'das kyi sems kyin+dan ma chad cing ma bral bar rjes su 'brel pas spyad par bgyi lags sam/ bka' stsal pa/ rab 'byor yid la byed pa gzhan dag gi go skabs mi dbye bar shes rab kyi pha rol tu phyin pa la spyad par bya'o// rnam pa thams cad mkhyen pa nyid yid la byed pa mi dor bar shes rab kyi pha rol tu phyin pa la spyad par bya zhing / shes rab kyi pha rol tu phyin pa mngon par bsgrub par bya/ shes rab kyi pha rol tu phyin pa bsgom par bya ste/ ci nas kyang sems dang sems las byung ba'i chos rnams mi rgyu ba de ltar shes rab kyi pha rol tu phyin pa la spyad par bya'o// de ltar mngon par bsgrub par bya'o// de ltar bsgom par bya'o// gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa la spyad pa dang / shes rab kyi pha rol tu phyin pa mngon par bsgrubs pa dang / shes rab kyi pha rol tu phyin pa bsgoms pas/ rnam pa thams cad mkhyen pa nyid thob par 'gyur lags sam/ bka' stsal pa/ rab 'byor de ni ma yin no// gsol pa/ bcom ldan 'das 'o nam bsgoms pas lags sam/ bka' stsal pa/ rab 'byor de ni ma yin no// gsol pa/ bcom ldan 'das 'o na bsgoms kyang bsgoms la/ ma bsgoms kyang ma bsgoms pas lags sam/ bka'

  181. 91b

    sprul pa/ rab 'byor de ni ma yin no// gsol pa/ bcom ldan 'das 'o na bsgoms pa'ang ma lags/ ma bsgoms pa'ang ma lags pas lags sam/ bka' stsam pa/ rab 'byor de ni yin no/ / gsol pa/ bcom 'das 'o na ji ltar rnam pa thams cad mkhyen pa nyid thob par 'gyur lags/ bka' stsal pa/ rab 'byor de bzhin nyid ji lta ba bzhin du'o// gsol pa/ de bzhin nyid ji lta bu lags/ bka' stsal pa/ yang dag pa'i mtha' ji lta ba bzhin no// gsol pa/ yang dag pa'i mtha' ji lta bu lags/ bka' stsal pa/ chos kyi dbyings ji lta ba bzhin no// gsol pa/ chos kyi dbyings ji lta bu lags/ bka' stsal pa/ bdag gi khams ji lta ba dang / sems can gyi khams ji lta ba dang / srog gi khams ji lta ba dang / gang zag gi khams ji lta ba bzhin no// gsol pa/ bcom ldan 'das bdag gi khams dang / gang zag gi khams kyi bar dag ji lta bu lags/ bka' stsal pa/ rab 'byor 'di ji snyam du sems/ bdag gam sems can dag dmigs su yod snyam mam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor bdag gam sems can dmigs su med na/ ji ltar sems can gyi khams gdags par bya ste/ rab 'byor de ltar sems can du 'dogs par mi byed/ shes rab kyi pha rol tu phyin par yang 'dogs par mi byed/ chos thams cad du'ang 'dogs par mi byed na/

  182. 92a

    rnam pa thams cad mkhyen pa nyid thob par 'gyur ro// gsol pa/ bcom ldan 'das ci shes rab kyi pha rol tu phyin par gdags su ma mchis pa lags sam/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa'ang gdags su ma mchis pa lags sam/ sbyin pa'i pha rol tu phyin pa'ang gdags su ma mchis pa lags sam/ bcom ldan 'das kyis bka' stsal pa/ rab 'byor shes rab kyi pha rol tu phyin pa ni gdags su med pa yin no// 'dus byas sam/ 'dus ma byas sam/ nyan thos kyi chos sam/ rang sangs rgyas kyi chos sam/ chos thams cad kyi bar dag kyang gdags su med pa yin no// gsol pa/ bcom ldan 'das gal te chos thams cad gdags su ma mchis pa lags na/ bcom ldan 'das ci'i slad du sems can dmyal ba gdags su mchis par gyur/ dud 'gro'i skye gnas gdags su mchis par gyur/ gshin rje'i 'jig rten gdags su mchis par 'gyur/ mi dang lha gdags su mchis par gyur/ rgyun du zhugs pa dang / dgra bcom pa nyid kyi bar dang / rang sangs rgyas dang / bla na med pa yang dag par rdzogs pa'i sangs rgyas gdags su mchis par gyur lags/ bcom ldan 'das kyis bka' stsal pa/ rab 'byor 'di ji snyam du sems/ sems can du gdags pa dmigs su yod snyam mam/ gsol pa/ bcom

  183. 92b

    ldan 'das de ni ma lags so/ / bka' stsal pa/ rab 'byor sems can dmigs su med na/ sems can dmyal ba dang / dud 'gro'i skye gnas dang / gshin rje'i 'jig rten dang / lha dang / mi dang / rgyun du zhugs pa dang / dgra bcom pa'i bar dang / rang sangs rgyas dang / yang dag par rdzogs pa'i sangs rgyas kyi bar dag ji ltar gdags par bya ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ de ltar gdags su med pa'i chos rnams la bslab par bya'o// gsol pa/ bcom ldan 'das 'o na byang chub sems dpa' sems dpa' chen po/ shes rab kyi pha rol tu phyin pa la spyod pas gzugs la bslab par bgyi lags sam/ tshor ba dang / 'du shes dang / 'du byed rnams dang / rnam par shes pa la bslab par bgyi lags sam/ rnam pa thams cad mkhyen pa nyid kyi bar la bslab par bgyi lags sam/ bka' stsal pa/ rab 'byor gzugs la dor ba med pa dang / bsnan pa med par bslab par bya'o// rnam pa thams cad mkhyen pa nyid kyi bar la dor ba med pa dang / bsnan pa med par bslab par bya'o// gsol pa/ bcom ldan 'das ji ltar dor ba ma mchis pa dang / bsnan pa ma mchis par rnam pa thams cad mkhyen pa nyid kyi bar la bslab par bgyi lags/ bka' stsal pa/ rab 'byor skye ba med pa dang / 'gag pa med par bslab par bya'o// gsol pa/ bcom ldan 'das ji ltar gzugs la skye ba

  184. 93a

    ma mchis pa dang / 'gag pa ma mchis par bslab par bgyi/ bcom ldan 'das ji ltar rnam pa thams cad mkhyen pa nyid kyi bar la skye ba ma mchis pa dang / 'gag pa ma mchis par bslab par bgyi lags/ bka' stsal pa/ mngon par 'du bya ba med par te/ 'du byed rnams bsgom par yang mi bya/ gzhig par yang mi bya bar bslab par bya'o// gsol pa/ bcom ldan 'das ji ltar mngon par 'du bgyi ba ma mchis par bslab par bgyi lags/ bka' stsal pa/ rab 'byor chos rnams rang gi mtshan nyid kyis stong par mthong bas mngon par 'du bya ba med pa la bslab par bya'o/ / gsol pa/ bcom ldan 'das chos thams cad rang gi mtshan nyid kyis stong par ji ltar bslab par bgyi lags/ bka' stsal pa/ rab 'byor gzugs ni gzugs kyis stong par blta'o/ / tshor ba ni tshor bas stong par blta'o// 'du shes ni 'du shes kyis stong par blta'o// 'du byed rnams ni 'du byed rnams kyis stong par blta'o// rnam par shes pa ni rnam par shes pas stong par blta'o/ / mig gi ni mig gi stong par blta'o// yid kyi bar ni yid kyis stong par blta'o// nang stong pa nyid ni nang stong pa nyid kyis stong par blta'o/ / rang gi mtshan nyid stong pa nyid kyi bar ni rang gi mtshan nyid stong pa nyid kyis stong par blta'o// bsam gtan rnams ni bsam gtan rnams kyis stong par blta'o// 'gog pa'i

  185. 93b

    snyoms par 'jug pa'i bar ni 'gog pa'i snyoms par 'jug pas stong par blta'o/ / dran pa nye bar gzhag pa rnams ni dran pa nye bar gzhag pa rnams kyis stong par blta'o// byang chub kyi bar ni byang chub kyi bar gyis stong par blta ste/ rab 'byor byang chub sems dpa' sems dpa' chen pos de ltar rang gi mtshan nyid kyis stong pa'i chos thams cad la bslab par bya'o// gsol pa/ bcom ldan 'das gal te gzugs ni gzugs kyis stong / byang chub kyi bar yang byang chub kyis stong lags na/ bcom ldan 'das 'o na byang chub sems dpa' sems dpa' chen po/ shes rab kyi pha rol tu phyin pa la spyod par ji ltar 'gyur lags/ bka' stsal pa/ rab 'byor spyod pa med pa ni byang chub sems dpa' sems dpa' chen po shes rab kyi pha rol tu phyin pa la spyod pa yin no/ / gsol pa/ bcom ldan 'das ci'i slad du spyod pa ma mchis pa shes rab kyi pha rol tu phyin pa la spyod pa lags/ bka' stsal pa/ rab 'byor 'di ltar des shes rab kyi pha rol tu phyin pa mi dmigs/ byang chub sems dpa' yang mi dmigs/ spyod pa'ang mi dmigs/ gang la spyod pa dang / gang gis spyod pa dang / gang du spyod pa de'ang mi dmigs te/ rab 'byor gang la spyod pa de dag thams cad mi dmigs pa de ni/ byang chub sems dpa' sems dpa' chen pos shes rab kyi pha rol tu phyin pa'i spyod pa yin no// gsol pa/ bcom ldan 'das gal te spyod pa ma mchis pa/

  186. 94a

    shes rab kyi pha rol tu phyin pa la spyod pa lags na/ bcom ldan 'das 'o na las dang po pa'i byang chub sems dpa' sems dpa' chen pos/ shes rab kyi pha rol tu phyin pa ladza ltar spyad par bgyi/ bka' stsal pa/ rab 'byor 'di la las dang po pa'i byang chub sems dpa' sems dpa' chen pos sems dang po bskyed pa nas bzung ste/ de ltar mi dmigs pa'i tshul gyis chos thams cad la bslab par bya zhing / des sbyin pa sbyin pa na/ mi dmigs pa'i tshul gyis sbyin pa sbyin par bya'o// tshul khrims srung ba na/ mi dmigs pa'i tshul gyis tshul khrims bsrung bar bya'o/ / bzod pa sgrub pa na/ mi dmigs pa'i tshul gyis bzod pa bsgrub par bya'o// brtson 'grus rtsom pa na/ mi dmigs pa'i tshul gyis brtson 'grus brtsam par bya'o/ / ting nge 'dzin la snyoms par 'jug pa na/ mi dmigs pa'i tshul gyis ting nge 'dzin la snyoms par 'jug par bya'o// shes rab sgom pa na/ mi dmigs pa'i tshul gyis shes rab bsgom par bya ste/ rnam pa thams cad mkhyen pa nyid kyi bar du'ang de bzhin no// gsol pa/ bcom ldan 'das ji tsam gyis na mi dmigs par 'gyur/ ji tsam gyis na dmigs par 'gyur lags/ bka' stsal pa/ ji tsam du gnyis yod pa de tsam du dmigs pa ste/ gnyis su med pa ni mi dmigs pa'o// gsol pa/ bcom ldan 'das gnyis shes bgyi ba gang lags/

  187. 94b

    bka' stsal pa/ mig dang gzugs kyi bar dang / yid dang chos kyi bar dang / byang chub dang sangs rgyas kyi bar du ste/ rab 'byor de ni gnyis so// gsol pa/ bcom ldan 'das gnyis su ma mchis pa gang lags/ bka' stsal pa/ mig dang gzugs kyi bar du med pa dang / yid dang chos rnams kyi bar du med pa dang / byang chub dang sangs rgyas kyi bar du med pa ste/ rab 'byor de ni gnyis su med pa'o/ / gsol pa/ bcom ldan 'das ci dmigs su ma mchis pa mi dmigs pa lags sam/ 'on te dmigs su mchis pa mi dmigs lags/ bka' stsal pa/ rab 'byor dmigs su yod pas mi dmigs pa'ang ma yin/ dmigs su med pas mi dmigs pa'ang ma yin mod kyi/ rab 'byor 'on kyang dmigs su yod pa dang / dmigs su med pa mnyam pa nyid ni dmigs su med pa yin te/ rab 'byor byang chub sems dpa' sems dpa' chen pos de ltar dmigs pa dang / dmigs pa med pa mnyam pa nyid la bslab par bya'o// de ltar slob pa'i byang chub sems dpa' sems dpa' chen po ni shes rab kyi pha rol tu phyin pa la dmigs pa med par 'gyur ro/ / gsol pa/ bcom ldan 'das gal te byang chub sems dpa' sems dpa' chen bo/ shes rab kyi pha rol tu phyin pa la spyod pa dmigs pa la mi chags shing / mi dmigs pa la'ang mi chags pa lags na/ bcom ldan 'das byang chub sems dpa' sems dpa' chen po shes

  188. 95a

    rab kyi pha rol tu phyin pa la spyod pas/ ji ltar sa nas sa yongs su rdzogs par bgyi/ sa nas sa yongs su rdzogs par bgyis nas kyang / ji ltar rnam pa thams cad mkhyen pa nyid thob par bgyi lags/ bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa ni/ dmigs pa la gnas shing sa nas sa yongs su rdzogs par mi byed de/ byang chub sems dpa' sems dpa' chen po shes rab kyi pha rol tu phyin pa la spyod pas/ dmigs pa la gnas nas sa nas sa yongs su rdzogs par byed mi nus so// de ci'i phyir zhe na/ rab 'byor shes rab kyi pha rol tu phyin pa'ang dmigs su med la/ byang chub kyang dmigs su med cing / gang shes rab kyi pha rol tu phyin pa la spyod pa de'ang dmigs su med pa'i phyir te/ rab 'byor byang chub sems dpa' sems dpa' chen pos/ de ltar shes rab kyi pha rol tu phyin pa la bslab par bya'o// gsol pa/ bcom ldan 'das gal te shes rab kyi pha rol tu phyin pa'ang dmigs su ma mchis/ byang chub kyang dmigs su ma mchis/ gang byang chub kyi slad du spyod pa de'ang dmigs su ma mchis lags na/ 'o na byang chub sems dpa' sems dpa' chen po shes rab kyi pha rom can pas tshu pas/ ji bo nyid dang bral ba'i chos thams cad la 'don gzugs so// 'don dor ba'o// 'di na 'du shes so// 'don 'du byed rnams so// 'dzin rnam par shes pa'o/

  189. 95b

    ni byang chub kyi bar ro zhes ji ltar rab tu rnam par dbye bar bgyi lags/ bka' stsal pa/ rab 'byor shes rab kyi pha rol tu phyin pa la spyod pa'i byang chub sems dpa' sems dpa' chen po ni ji ltar byas pas gzugs dmigs pa dang / rnam par shes pa'i bar du dmigs pa dang / byang chub kyi bar du dmigs par 'gyur ba de ltar chos rnams la rab tu rnam par 'byed par mi byed do// gsol pa/ bcom ldan 'das gal te byang chub sems dpa' sems dpa' chen po/ shes rab kyi pha rol tu phyin pa la spyod pa gzugs kyang mi dmigs/ rnam par shes pa'i bar du'ang mi dmigs/ byang chub kyi bar du'ang mi dmigs lags na/ 'o na ji ltar sbyin pa'i pha rol tu phyin pa yongs su rdzogs par bgyis shing / byang chub sems dpa'i skyon ma mchis par 'jug par 'gyur/ byang chub sems dpa'i skyon ma mchis par zhugs nas kyang sangs rgyas kyi zhing yongs su dag par bgyid par 'gyur lags/ sangs rgyas kyi zhing yongs su dag par bgyis nas kyang sems can rnams yongs su smin par bgyid par 'gyur lags/ sems can rnams yongs su smin par bgyis nas kyang rnam pa thams cad mkhyen pa nyid thob par 'gyur lags/ rnam pa thams cad mkhyen pa nyid rjes su thob nas kyang chos kyi 'khor lo bskor bar 'gyur lags/ chos kyi 'khor lo bskor nas kyang sangs rgyas kyi mdzad pa bgyid par 'gyur lags/ sangs rgyas kyi mdzad pa bgyis nas kyang sems

  190. 96a

    can rnams 'khor ba las yongs su thar par bgyid par 'gyur lags/ bka' stsal pa/ rab 'byor byang chub sems dpa' sems dpa' chen po ni gzugs kyi ched du shes rab kyi pha rol tu phyin pa la mi spyod do/ / byang chub kyi bar gyi ched du shes rab kyi pha rol tu phyin pa la mi spyod do// gsol pa/ bcom ldan 'das 'on gang gi ched du byang chub sems dpa' sems dpa' chen po shes rab kyi pha rol tu phyin pa la spyod pa lags/ bka' stsal pa/ byang chub sems dpa' sems dpa' chen po ni gang gi ched du'ang shes rab kyi pha rol tu phyin pa la spyod par mi byed do/ / de ci'i phyir zhe na/ rab 'byor 'di ltar chos thams cad ni ma byas pa/ chos thams cad ni 'gyur ba med pa ste/ shes rab kyi pha rol tu phyin pa de'ang ma byas pa dang / 'gyur pa med pa yin la/ byang chub kyang ma byas pa dang / 'gyur ba med pa yin zhing / byang chub sems dpa' yang ma byas pa dang / 'gyur ba med pa yin pa'i phyir te/ rab 'byor de ltar byang chub sems dpa' sems dpa' chen pos ma byas pa dang / 'gyur pa med pa'i tshul gyis/ shes rab kyi pha rol tu phyin pa la spyad par bya'o// gsol pa/ bcom ldan 'das gal te chos thams cad ma bgyis pa dang / 'gyur ba ma mchis pa lags na/ bcom ldan 'das 'o na ji ltar theg pa gsum po nyan thos kyi theg pa dang / rang sangs rgyas kyi theg pa dang / sangs rgyas kyi theg pa 'di dag rnam

  191. 96b

    par dgod par 'gyur lags/ bka' stsal pa/ rab 'byor ma byas pa dang / 'gyur pa med pa'i chos rnams la ni rnam par dgod pa gang yang dmigs su med do// mngon par 'dus byas pa dang / mngon par bsags pa'i chos rnams la ni rnam par dgod pa dmigs su yod do// de ci'i phyir zhe na/ 'di ltar byis pa so so'i skye bo thos pa dang mi ldan pa ni phung po lnga la mngon par zhen te/ gzugs kyi phung po la mngon par zhen par byed/ rnam par shes pa'i phung po'i bar la mngon par zhen par byed/ rnam pa thams cad mkhyen pa nyid kyi bar la mngon par zhen par byed/ gzugs la rlom sems su byed/ gzugs la dmigs par byed/ byang chub kyi bar la rlom sems su byed/ byang chub kyi bar du dmigs par byed pa'i phyir te/ de 'di snyam du bdag ni byang chub mngon par rdzogs par 'tshang rgya bar 'gyur ro/ / bdag gis sems can rnams 'khor ba las yongs su thar par bya'o snyam du sems so// de ci'i phyir zhe na/ rab 'byor 'di ltar gzugs dang / byang chub kyi bar gang yin pa dag ni sangs rgyas rnams kyi spyan lngas kyang ma dmigs na/ skyes bu blun po sangs rgyas la skur pa 'debs pa de dag ni/ sems can rnams 'khor ba las yongs su thar par bya bar 'dod pa'i phyir ro/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das

  192. 97a

    g al te de bzhin gshegs pa dgra bcom pa yang dag par rdzogs pa'i sangs rgyas kyi spyan lngas kyang sems can gang dag 'khor ba las yongs su thar par bgyi ba dag ma dmigs lags na/ 'o na da bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas nas/ ji ltar sems can rnams yang dag pa nyid du nges pa dang / log pa nyid du nges pa dang / ma nges pa'i phung po gsum du lung bstan pa mdzad lags/ bka' stsal pa/ rab 'byor ngas ni bla na med pa yang dag par rdzogs pa'i byang chub mngon par rdzogs par sangs rgyas nas/ yang dag pa nyid du nges pa 'am/ log pa nyid du nges pa 'am/ ma nges pa'i sems can 'ga' yang ma dmigs mod kyi/ rab 'byor 'on kyang sems can rdzas med pa la rdzas su 'du shes pa 'di dag ngas 'jig rten gyi tha snyad du yang dag pa ma yin pa la 'dzin pa de las bzlog gi/ don dam par ni ma yin no// gsol pa/ bcom ldan 'das de bzhin gshegs pas don/ dam pa la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas lags sam/ bka' stsal pa/ rab 'byor de ni ma yin no// gsol pa/ 'o na rdzu 'phrul gyi rnam grangs la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas lags sam/ bka' stsal pa/ de ni ma yin no// gsol pa/ bcom

  193. 97b

    ldan 'das gal te don dam pa la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas pa'ang ma lags la/ rdzu 'phrul gyi rnam grangs la bzhugs te// bla na med pa yang dag par rdzogs pa'i byang chub mngon par rdzogs par sangs rgyas pa'ang ma lags na/ bcom ldan 'das 'o na de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs ma rgyas pa'am/ gcig tu mi 'gyur lags grang / bka' stsal pa/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs ma rgyas pa ma yin te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas mod kyi/ de ni 'dus byas kyi khams sam/ 'dus ma byas kyi khams gang la'ang gnas pa ma yin no// rab 'byor 'di lta ste/ dper na de bzhin gshegs pa'i sprul pa ni 'dus byas kyi khams sam/ 'dus ma byas kyi khams gang la'ang mi gnas mod kyi/ 'on kyang de bzhin gshegs pa'i sprul pa de 'gro ba dang / 'ong ba dang / sdod pa dang / 'dug pa'ang yod la/ de sbyin pa'i pha rol tu phyin pa la spyod pa dang /

  194. 98a

    tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang / bsam gtan bzhi bsgrubs te gnas pa dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dran pa nye bar gzhag pa bzhi dang / 'phags pa'i lam yan lag brgyad pa'i khar la sgom pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / nang stong pa nyid dang / rang gi mtshan nyid stong pa nyid kyi bar dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po la sgom zhing chos kyi 'khor lo skor bar gyur la/ sprul pa des kyang sems can dpag tu med pa dag sprul nas phung po gsum du lung bstan par gyur na/ rab 'byor 'di ji snyam du sems/ sprul pa des sems can 'ga' yang phung po gsum du lung bstan pa yod snyam mam/ gsol pa/ bcom ldan 'das de ni lags so// bka' stsal pa/ rab 'byor de bzhin du de bzhin gshegs pas chos thams cad sprul pa lta bur mkhyen te/ sprul pa lta bur mkhyen nas sems can gang yang btul ba med do// rab 'byor

  195. 98b

    de ltar byang chub sems dpa' sems dpa' chen pos de bzhin gshegs pa'i sprul pa ji lta ba bzhin du/ shes rab kyi pha rol tu phyin pa la bsgom par bya'o// gsol pa/ bcom ldan 'das gal te chos thams cad sprul pa lta bu lags na/ bcom ldan 'das de bzhin gshegs pa dang sprul pa la bye brag ni ci mchis/ tha dad du bgyi ba ci mchis/ dgongs pa ni gang lags de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor de bzhin gshegs pa dang / de bzhin gshegs pa'i sprul pa de bye brag ci'ang med de/ tha dad du bya ba ci'ang mi dmigs so// rab 'byor de bzhin gshegs pa dang / de bzhin gshegs pa'i sprul pa ni bye brag med do// de ci'i phyir zhe na/ 'di ltar de bzhin gshegs pa 'phrin las gang mdzad pa de ni sprul pa'ang byed pa'i phyir ro/ / gsol pa/ bcom ldan 'das ci de bzhin gshegs pa mi bzhugs na/ de bzhin gshegs pa'i sprul pa sug las bgyid lags/ bka' stsal pa/ rab 'byor byed do// gsol pa/ bcom ldan 'das de bzhin gshegs pa mi bzhugs na/ de bzhin gshegs pa'i sprul pa sug las ji ltar bgyid lags/ bka' stsal pa/ rab 'byor 'di lta ste/ dper na de bzhin gshegs pa blo gros zhi bas byang chub sems dpa' ma dmigs nas/ sprul pa sprul nas yongs su mya ngan las 'das so//

  196. 99a

    sprul pa des kyang phyin bskal pa las lhag par sangs rgyas kyi bya ba byas te/ des phyis byang chub sems dpa' lung bstan nas yongs su mya ngan las 'das so zhes skye bo rnams kyis kun tu shes kyang / sprul pa la ni skye ba'ang med/ yongs su mya ngan las 'das pa'ang med de/ rab 'byor de ltar byang chub sems dpa' sems dpa' chen pos 'di lta ste/ chos thams cad sprul pa lta bur mos par bya zhing / shes rab kyi pha rol tu phyin pa la spyad par bya'o// gsol pa/ bcom ldan 'das gal te sprul pa dang de bzhin gshegs pa la bye brag ma mchis na/ sbyin pa yongs su sbyor bar yang ji ltar 'gyur lags/ bcom ldan 'das sems can gang dag gis de bzhin gshegs pa la yon phul ba de dag ni/ phung po'i lhag ma mchis pa'i rgyu ngan las 'das pa'i dbyings su yongs su mya ngan las 'da' bar 'gyur gyi bar du nam yang bas par mi 'gyur lags na/ bcom ldan 'das de bzhin du sems can gang dag gis sprul pa la yon phul ba de dag kyang phung po'i lhag ma mchis pa'i mya ngan las 'das pa'i dbyings su yongs su mya ngan las 'das par gyur kyi bar du nam yang bas par mi 'gyur ba lags sam/ bcom ldan 'das kyis bka' stsal pa/ rab 'byor chos nyid gang gis de bzhin gshegs pa lha dang bcas pa'i 'jigs rten sbyin pa'i gnas su gyur pa'i chos nyid de nyid kyi sprul pa'ang lha dang bcas pa'i 'jig rten

  197. 99b

    gyi sbyin pa'i gnas su gyur pa yin no/ / rab 'byor de bzhin gshegs pa la yon phul ba lta'ang zhog/ de bzhin gshegs pa'i sprul pa la yon phul blta'ang nog gi/ rab 'byor rigs kyi bu 'am/ rigs kyi bu mo gang la la zhig gis byams pa dang ldan pas de bzhin gshegs pa yid la byed na/ de dag thams cad ni dge ba'i rtsa ba de'i mthar ma phyin par sdu bsngal gyi mthar phyin par 'gyur ro/ / rab 'byor byams pa dang ldan pas yid la byed pa lha'ang nog gi/ rigs kyi bu 'am/ rigs kyi bu mo gang la la zhig gis de bzhin gshegs pa yid la byas shing nam mkha' la mi tog pas 'thor na/ de dag thams cad kyang dge ba'i rtsa ba de'i mthar ma phyin par sdug bsngal gyi mthar phyin par 'gyur ro// rab 'byor byams pa dang ldan pas yid la byed pa lta'ang zhog/ nam mal la me tog snyim pas 'thor ba lta'ang zhog gi/ rab 'byor rigs kyi bu 'am/ rigs kyi bu mo gang la la zhig sangs rgyas la phyag 'tshal bar byed na/ de dag thams cad kyang rim gyis sdug bsngal gyi mthar phyin par 'gyur te/ rab 'byor de ltar de bzhin gshegs pa la yon phul ba ni de ltar mthu che ba dang / de ltar phan yon che ba yin te/ rab 'byor rnam grangs des na 'di ltar chos rnams kyi chos nyid tshad mar byas na/ de bzhin gshegs pa dang / de bzhin gshegs pa'i sprul pa la bye brag cung zad kyang med par rig par bya ste/ rab 'byor byang chub sems dpa' sems dpa' chen

  198. 100a

    pos de ltar shes rab kyi pha rol tu phyin pa la spyad par bya'o/ / chos rnams kyi chos nyid la bcugs nas chos nyid de'ang rnam par dkrug par mi byAste/ 'di ni shes rab kyi rol tu phyin pa'o/ / 'di ni shes rab kyi pha rol tu phyin pa'i chos nyid do zhes rnam par dkrug par mi bya'o// chos thams cad kyi bar dag la'ang de bzhin du sbyar bar bya'o// gsol pa/ bcom ldan 'das gal te chos rnams kyi chos nyid rnam par dkrug par mi bgyi ba lags na/ bcom ldan 'das gang gi slad du de bzhin gshegs pas 'di ni gzugs so// 'di ni rnam par shes pa'i bar ro zhes bgyi ba dang / de bzhin du nang dang phyi'i chos rnams kyang bka' stsal/ de bzhin du dge ba dang / mi dge ba dang / zag pa dang bcas pa dang / zag pa ma mchis pa dang / 'jig rten pa dang / 'jig rten las 'das pa dang / thun mong dang / thun mong ma lags pa dang / 'dus byas dang / 'dus ma byas kyi chos rnams kyang bka' stsal te rnam par dkrug par mdzad na/ de'i slad du bcom ldan 'das kyi chos rnams kyi chos nyid rnam par dkrugs par ma gyur lags sam/ bka' stsal pa/ rab 'byor de ni ma yin te/ ngas ni ji ltar gnan dag gis khong du chud par 'gyur zhes ming dang mtshan mas chos rnams kyi chos nyid bstan te/ chos rnams brjod par zad kyi/ chos rnams kyi chos nyid rnam par dkrugs pa ni ma yin no// gsol pa/

  199. 100b

    bcom ldan 'das gal te gzhan dag gis khong du chud par bgyi ba'i slad du/ bcom ldan 'das kyis ming dang mtshan mas chos rnams kyi chos nyid bstan te/ chos rnams brjod pa mdzad na/ bcom ldan 'das ming ma ma mchis pa dang / mtshan ma mchis pa'i chos rnams ji ltar ming dang mtshan mas rjod pa mdzad lags/ bka' stsal pa/ rab 'byor brjod pa ni ming dang mtshan ma la mngon par zhen pa ma yin gyi/ rab 'byor gzhan du na sdug bsngal nyid brjod par zad de/ ming dang mtshan ma la mngon par zhen pa med do// rab 'byor de bzhin gshegs pa dang / de bzhin gshegs pa'i nyan thos ni ming dang mtshan ma la mngon par zhen pa med do/ / rab 'byor gal te ming la ming mngon par zhen par 'gyur ram/ mtshan ma la mtshan ma mngon par zhen par 'gyur na ni/ stong pa nyid kyang stong pa nyid la mngon par zhen par 'gyur la/ mtshan ma med pa'ang mtshan ma med pa la mngon par zhen par 'gyur/ smon pa med pa'ang smon pa med pa la mngon par zhen par 'gyur/ de bzhin nyid kyang de bzhin nyid la mngon par non par 'gyur/ yang dag pa'i mtha' yang yang dag pa'i mtha' la mngon par zhen par 'gyur/ chos kyi dbyings kyang chos kyi dbyings la mngon par zhen par 'gyur/ 'dus ma byas kyang 'dus ma byas la mngon par zhen par 'gyur ba zhig na/ rab 'byor 'di ltar chos thams cad ni ming tsam du med pas/ de dag ming tsam la gnas par mi 'gyur te/ rab 'byor byang chub

  200. 101a

    sems dpa' sems dpa' chen pos de ltar ming dang mtshan ma tsam la gnas te/ shes rab kyi pha rol tu phyin pa la spyad par bya'ing / de la'ang mngon par zhen par mi bya'o/ / gsol pa/ bcom ldan 'das gal te chos thams cad ming dang mtshan ma tsam du bas pa lags na/ 'o na byang chub sems dpa' sems dpa' chen pos gang gi ched du byang chub tu sems skyed par bgyid cing / byang chub tu sems bskyed nas kyang 'du byed sna tshogs rnam pa du ma nyams su myong bar 'gyur ba dang / byang chub sems dpa'i spyad pa spyod cing sbyin pa stsol ba dang / tshul khrims srung ba dang / bzod pa sgrub pa dang / brtson 'grus rtsom pa dang / ting nge 'dzin la snyoms par 'jug pa dang / shes rab sgom pa dang / stong pa nyid la sgom pa dang / bsam gtan dang / tshad ma mchis pa dang / gzugs ma mchis pa'i snyoms par 'jug pa rnams la gnas pa dang / dran pa nye bar gzhag pa rnams la gnas pa dang / yang dag par spong ba rnams la gnas pa dang / rnam par thar pa'i sgo stong pa nyid dang / mtshan ma ma mchis pa dang / smon pa ma mchis pa la gnas pa dang / de bzhin gshegs pa'i stobs bcu la gnas pa dang / snying rje chen po'i bar dag yongs su rdzogs par bgyid pa lags/ bcom ldan 'das kyis bka' stsal pa/ rab 'byor khyod gang 'di skad du gal te chos thams cad ming dang mtshan ma tsam du bas na/

  201. 101b

    'o na byang chub sems dpa' sems dpa' chen po gang gi ched du byang chub sems dpa'i spyad pa spyod par bgyid ces zer ba ni/ rab 'byor 'di ltar 'dus byas 'di dag thams cad ming dang mtshan ma tsam du zad la/ ming dang mtshan ma de dag kyang ming dang mtshan ma stong ste/ de'i tshe byang chub sems dpa' sems dpa' chen po byang chub sems dpa'i spad pa spyod cing / rnam pa thams cad mkhyen pa nyid thob par byed do/ / rnam pa thams cad mkhyen pa nyid thob nas kyang chos kyi 'khor lo skor bar byed la/ chos kyi 'khor lo bskor nas kyang sems can rnams theg pa gsum po dag gis yongs su mya ngan las 'da' bar byed kyang / ming dang mtshan ma de dag skye ba'ang med/ 'jig pa'ang med/ gnas pa'ang med/ gnas pa las gzhan du 'gyur pa'ang med cing mi dmigs so/ / gsol pa/ bcom ldan 'das rnam pa thams cad mkhyen pa nyid la rnam pa thams cad mkhyen pa nyid ces gsung lags sam/ bcom ldan 'das kyi bka' stsal pa/ rab 'byor rnam pa thams cad mkhyen pa nyid la rnam pa thams cad mkhyen pa nyid ces nga smra'o/ / gsol pa/ bcom ldan 'das de bzhin gshegs pas thams cad shes pa nyid kyang bka' stsal cing / de bzhin gshegs pas lam gyi rnam pa shes pa nyid mdor yang bka' stsal la/ de bzhin gshegs pas rnam pa thams cad mkhyen pa nyid kyang bka' stsal lags na/ bcom ldan 'das thams cad mkhyen pa nyid

  202. 102a

    gsum po 'di dag la bye brag ni ci mchis/ tha dad du bgyi ba ci mchis lags/ bcom ldan 'das kyis bka' stsal pa/ rab 'byor thams cad shes pa nyid ni nyan thos dang rang sangs rgyas thams cad kyi'o/ / rab 'byor lam gyi rnam pa shes pa nyid ni byang chub sems dpa' sems dpa' chen po rnams kyi'o// rab 'byor rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas rnams kyi'o/ / gsol pa/ bcom ldan 'das ci'i slad du rnam pa thams cad mkhyen pa nyid ni de bzhin gshegs pa rnams kyi lags/ ci'i slad du lam gyi rnam pa shes pa nyid ni byang chub sems dpa' sems dpa' chen po rnams kyi lags/ ci'i slad du thams cad shes pa nyid ni nyan thos dang rang sangs rgyas rnams kyi lags/ bcom ldan 'das kyis bka' stsal pa/ rab 'byor phyi nang chos gang dag ji snyed pa de dag thams cad ni nyan thos dang rang sangs rgyas kyis kyang shes la/ lam thams cad dang / rnam pa thams cad ni ma yin pa'i phyir ro// rab 'byor gang yang khyod 'di skad du bcom ldan 'das ci'i slad du lam gyi rnam pa shes pa nyid byang chub sems dpa' sems dpa' chen po rnams kyi lags shes zer ba ni/ rab 'byor byang chub sems dpa' sems dpa' chen pos ni lam thams cad bskyed par bya zhing / lam thams cad shes par bya dgos te/ nyan thos dang rang sangs rgyas kyi lam gang

  203. 102b

    yin pa dang / byang chub sems dpa'i lam gang yin pa'i lam de dag kyang yongs su rdzogs par bya dgos la/ lam de dag gis lam gyi bya ba byed kyang yang dag pa'i mtha' rtogs par ni mi byed do// gsol pa/ bcom ldan 'das ci byang chub sems dpa' sems dpa' chen pos/ sangs rgyas kyi lam yongs su rdzogs par mi bgyi zhing / des yang dag pa'i mtha' yang mngon sum du mi bgyid lags sam/ bka' stsal pa/ rab 'byor byang chub sems dpa' sems dpa' chen po des/ sangs rgyas kyi zhing yongs su dag par ma byas shing / sems can rnams yongs su smin par ma byas par yang dag pa'i mtha' mngon sum du mi bya'o/ / gsol pa/ bcom ldan 'das ci byang chub sems dpa' sems dpa' chen pos lam la gnas te/ yang dag pa'i mtha' mngon sum du bgyi lags sam/ bka' stsal pa/ de ni ma yin no// gsol pa/ bcom ldan 'das 'o na lam lags pa la gnas te lags sam/ bka' stsal pa/ de ni ma yin no// gsol pa/ bcom ldan 'das 'o na lam dang lam ma lags pa la gnas te lags sam/ bcom ldan 'das kyis bka' stsal pa/ de ni ma yin no// gsol pa/ bcom ldan 'das 'o na lam yang ma lags/ lam ma lags pa'ang ma lags pa la gnas te lags sam/ bcom ldan 'das kyis bka' stsal pa/ de ni ma yin no// gsol pa/ bcom ldan 'das 'o na ji ltar na byang chub sems dpa' sems

  204. 103a

    dpa' chen pos/ yang dag pa'i mtha' mngon sum du bgyi lags/ bka' stsal pa/ rab 'byor 'di ji snyam du sems/ khyod lam la gnas te/ len pa med par rag pa rnams las sems rnam par grol snyam mas/ rab 'byor gyis gsol pa/ bcom ldan 'das de ni ma lags so// bka' stsal pa/ 'o na lam ma yin pa la gnas te 'am/ rab 'byor gyis gsol pa/ de ni ma lags so// bka' stsal pa/ 'o na lam dang lam ma yin pa la gnas te 'am/ rab 'byor gyis gsol pa/ bcom ldan 'das de ni ma lags so// bka' stsal pa/ 'o na khyod lam yang sa yin/ lam ma yin pa'ang ma yin pa la gnas te/ len pa med par zag pa rnams las sems rnam par grol lam/ rab 'byor gyis gsol pa/ bcom ldan 'das de ni ma lags te/ bcom ldan 'das bdag ni gang la gnas te yang zag pa rnams las sems rnam par grol ba ma lags kyi/ bcom ldan 'das bdag gi sems ni ji ltar gang la'ang mi gnas pas sems rnam par grol lags so// bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos kyang ci la'ang mi gnas par yang dag pa'i mtha' mngon sum du bya'o// rab 'byor gang yang rnam pa thams cad mkhyen pa nyid rnam pa thams cad mkhyen pa nyid ces bya ba ni rnam pa gcig gis rnam pa thams cad mkhyen pa nyid ces bya ba ste/ 'di ltar zhi ba'i rnam pas so// rab 'byor yang rnam pa gang dag

  205. 103b

    dang / rtags gang dag dang / mtshan ma gang dag gis chos rnams stong zhes bya bar rjod pa'i rnam pa de dag dang / rtags de dag dang / mtshan ma de dag thams cad de bzhin gshegs pas thugs su chud pas/ de'i phyir rnam pa thams cad mkhyen pa nyid ces bya'o// gsol pa/ bcom ldan 'das thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid gang lags pa'i thams cad mkhyen pa nyid gsum po 'di dag las/ 'di'i spong ba ni lhag ma dang bcas pa'o// 'di'i spong ba ni lhag ma ma mchis pa'o zhes bgyi bar nyon mongs pa spang ba la tha dad du bgyi @pa mchis lags sam/ bka' stsal pa/ rab 'byor nyon mongs pa spang ba la ni tha dad pa med mod kyi/ de bzhin gshegs pa ni bag chags kyi mtshams sbyor ba thams cad spangs pa yin no// can thos dang rang sangs rgyas ni bag chags kyi mtshams sbyor ba thams cad spangs pa ma yin no/ / gsol pa/ bcom ldan 'das rnam pa thams cad mkhyen pa nyid ma thob par nyon mongs pa spangs pa 'dus ma byas bgyis lags sam/ bka' stsal pa/ rab 'byor de de bzhin no// gsol pa/ bcom ldan 'das 'dus ma bgyis la bye brag dmigs su mchis lags sam/ bcom ldan 'das kyis bka' stsal pa/ rab 'byor de ni ma yin te/ 'dus ma byas la ni bye brag dmigs su med do// gsol pa/ bcom ldan 'das gal te 'dus ma bgyis la bye brag dmigs su ma mchis na/ ci'i slad/

  206. 104a

    du bcom ldan 'das kyis 'di skad ces 'di ni bag chags kyi mtshams sbyor ba spangs pa yin no// 'di ni bag chags kyi mtshams sbyor ba spangs pa ma yin no zhes bka' stsal pa lags/ bka' stsal pa/ rab 'byor bag chags kyi mtshams sbyor ba ni nyon mongs pa ma yin te/ nyan thos dang rang sangs rgyas de dag la 'dod chags dang / zhe sdang dang / gti mug dag dang bral ba'ang yod mod kyi/ lus kyi 'gyur ba'ang 'byung ste/ de dag ni byis pa so so'i skye bo rnams la'ang gnod par mi 'gyur la/ nyan thos rnams la'ang ma yin te/ de dag ni de bzhin gshegs pa la mi mnga' 'o/ / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te lam yang dngos po ma mchis la/ mya ngan las 'das pa'ang dngos po ma mchis na/ ci'i slad du 'di ni rgyun du zhugs pa'o// 'di ni lan cig phyir 'ong ba'o// 'di ni phyir mi 'ong ba'o// 'di ni dgra bcom pa'o// 'di ni rang sangs rgyas so zhes bshad lags/ bcom ldan 'das kyis bka' stsal pa/ rab 'byor rgyun du zhugs pa gang yin pa dang / de bzhin gshegs pa dgra bcom pa yang dag par rdzogs pa'i sangs rgyas kyi bar gang yin pa de dag thams cad ni 'dus ma byas kyis rab tu phye ba yin no/ / gsol pa/ bcom ldan 'das ci 'dus ma bgyis de 'di ni rgyun du zhugs pa'o// 'di ni de bzhin gshegs pa dgra bcom pa yang

  207. 104b

    dag par rdzogs pa'i sangs rgyas kyi bar dag lags so zhes rab tu 'byed par bgyid lags sam/ bka' stsal pa/ rab 'byor 'dus ma byas ni rab tu 'byed par mi byed mod kyi/ 'on kyang 'jig rten kyi tha snyad tshad mar byas te brjod par zad kyi/ don dam par ni rab tu dbye bar mi nus so// de ci'i phyir zhe na/ de ltar 'di la tshig gi lam gyis gdags su med pa'i phyir ro// gsol pa/ bcom ldan 'das phyi ma'i mtha' ji ltar gdags lags/ bka' stsal pa/ rab 'byor 'jig rten gyi tha snyad tshad mar byas te/ gang dang gang dag gis mtha' chad pa de dang de dag la phyi ma'i mthar gdags kyi/ don dam par ni ma yin no// gsol pa/ bcom ldan 'das chos thams cad rang gi mtshan nyid kyis stong pa la/ sngon gyi mtha' yang mi dmigs na/ phyi ma'i mtha' lta smos kyang ci 'tshal/ bcom ldan 'das kyis bka' stsal pa/ rab 'byor de de bzhin no// de de bzhin te/ chos thams cad rang gi mtshan nyid kyis stong pa la sngon gyi mtha' yang mi dmigs na/ phyi ma'i mtha' lta smos kyang ci dgos te/ de ni gnas med do// rab 'byor 'on kyang sems can gang dag gis chos thams cad rang gi mtshan nyid kyis stong par mi shes pa de dag la 'di ni sngon gyi mtha' 'o// 'di ni phyi ma'i mtha' 'o zhes bstan pa zad kyi/ rab 'byor rang gi mtshan nyid kyis stong pa'i chos rnams la ni sngon gyi mtha' dang / phyi ma'i mtha' dmigs su med de/ rab 'byor byang chub sems dpa' sems dpa' chen pos/ de ltar rang gi mtshan

  208. 105a

    nyid kyis stong pa'i chos rnams kyis shes rab kyi pha rol tu phyin pa la spyad par bya'o/ / rang gis tshan nyid kyis stong pa'i chos rnams la spyod pa ni nang ngas/ phyi'am/ 'dus byas/ sam/ 'dus ma byas sam/ nyan thos kyi chos rnams sam/ rang sangs rgyas kyi chos rnams sam/ gang la'ang mngon par zhen par mi 'gyur ro// de skad ces bka' stsal pa dang / bcom ldan 'da' la/ tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa/ shes rab kyi pha rol tu phyin pa zhes bgyi na/ bcom ldan 'das ci'i slad du shes rab kyi pha rol tu phyin pa zhes bgyi lags/ bka' stsal pa/ rab 'byor shes rab kyi pha rol tu phyin pa 'di ni chos thams cad kyi pha rol dam pa ste/ de'i phyir shes rab kyi pha rol tu phyin pa zhes bya'o/ / rab 'byor yang shes rab kyi pha rol tu phyin pa 'dis/ nyan thos dang / rang sangs rgyas thams cad dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas thams cad chos thams cad kyi pha rol tu son pas na/ de'i phyir shes rab kyi pha rol tu phyin pa zhes bya'o// rab 'byor yang don dam par chos thams cad dbyer med pa'i don gang yin pa de/ shes rab kyi pha rol tu phyin pa 'dis de bzhin gshegs pa rnams kyi mngon par rdzogs par sangs rgyas te/ de'i phyir shes rab kyi pha rol tu phyin pa zhes bya'o// rab 'byor yang shes rab

  209. 105b

    kyi pha rol tu phyin pa 'dir de bzhin nyid kyang chud/ yang dag pa'i mtha' yang chud/ chos kyi dbyings kyang chud pas/ de'i phyir shes rab kyi pha rol tu phyin pa zhes bya'o// rab 'byor yang shes rab kyi rol phyin pa 'ang na mos gang dang yang ldan pa'ang ma yin/ mi ldan pa 'ang ma yin/ bstan du yod pa 'am/ bstan du med pa 'am/ thogs pa dang bcas pa 'am/ thogs pa med pa'abyam yin no/ de ci'i phyir zhe na/ 'di ltar shes rab kyi pha rol tu phyin pa 'di ni gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'i phyir ro// rab 'byor yang shes rab kyi pha rol tu phyin pa 'di ni chos thams cad la spyod par byed cing / spobs pa thams cad dang / snang ba thams cad sbyin par byed pa ste/ rab 'byor byang chub sems dpa' sems dpa' chen po rnams kyi/ shes rab kyi pha rol tu phyin pa 'di ni bdud dam/ bdud kyi ris kyi lha rnams dang / nyan thos dang rang sangs rgyas kyi theg pa pa'i gang zag rnams kyis mi chod de/ shes rab kyi pha rol tu phyin pa 'di ni gzhan mu stegs can phyir rgol ba'i bar dag gis kyang chod par mi nus so/ / de ci'i phyir zhe na/ rab 'byor 'di ltar spyod par byed pa gang yin pa dang / gang gi spyad pa dang / spyad pa gang yin pa de dag thams cad shes rab kyi pha rol tu phyin pa la mi dmigs pa'i phyir te/ rab 'byor byang chub sems dpa' sems dpa' chen pos/ de ltar shes rab kyi pha rol tu phyin pa 'di

  210. 106a

    'aldan pa / sa kyi gam byu sa sems dpa sems dpa sa kya na pa 'don / A / 'di lta ste/ mi rtag pa'i don la spyad par bya'o// sdug bsngal gyi don la spyad par bya'o// bdag med pa'i don la spyad par bya'o// sdug bsngal shes pa'i don dang / kun 'byung ba shes pa'i don dang // 'gog pa shes pa'i don dang / lam shes pa'i don dang / zad pa shes pa'i don dang / mi skye ba shes pa'i don la spyad par bya'o// chos shes pa'i don dang / rjes su rtogs pa shes pa'i don dang / kun rdzob shes pa'i don dang / yongs su 'dris pa shes pa'i don dang / sgra ji bzhin pa shes pa'i don dang / yang dag pa ji bzhin shes pa'i don la spyad par bya ste/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa'i don la/ don dang tshul gyis spyad par bya'o// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te shes rab kyi pha rol tu phyin pa zab mo 'di la/ don dang don ma lags pa dmigs su ma mchis pa lags na/ bcom ldan 'das byang chub sems dpa' sems dpa' chen pos/ ji ltar shes rab kyi pha rol tu phyin pa'i don la spyad par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po/

  211. 106b

    shes rab kyi pha rol tu phyin pa zab mo'i don la spyod pas 'di ltar spyad par bya ste/ 'dod chags bdag gi don ce'am/ bdag la gnod pa zhes bya bar spyad par mi bya'o// zhe sdang bdag gi don ce'am/ bdag la gnod pa zhes bya bar spyad par mi bya'o/ / gti mug bdag gi don ce 'am/ bdag la gnod pa zhes bya bar spyad par mi bya'o// 'dod chags dang / zhe sdang dang / gti mug bdag gi don ce 'am/ bdag la gnod pa zhes bya bar spyad par mi bya'o/ / log par lta ba bdag gi don ce'am/ bdag la gnod pa zhes bya bar spyad par mi bya'o// lta bar gyur pa thams cad kyi bar du bdag gi don ce'am/ bdag gnod pa zhes bya bar spyad par mi bya'o/ / de ci'i phyir zhe na/ 'dod chags dang / zhe sdang dang / gti mug gi de bzhin nyid ni gang la'ang don kyang mi byed la/ gnod pa'ang mi byed pa dang / lta ba'i rnam pa'i de bzhin nyid kyang gang la'ang don kyang mi byed la/ gnod pa'ang mi byed pa'i phyir ro// gzugs bdag gi don ces spyad par mi bya'o// gzugs bdag la gnod pa zhes spyad par mi bya'o// rnam par shes pa'i bar du bdag gi don ces spyad par mi bya'o/ / rnam par shes pa bdag la gnod pa zhes spyad par mi bya'o// de bzhin du sbyar te/ byang chub kyi bar du bdag gi don ces spyad par mi bya'o// byang chub bdag la gnod pa zhes spyad par mi bya'o/ / de ci'i phyir zhe na/ rab 'byor de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas/ gang don tam gnod pa 'ga'

  212. 107a

    yang ma dmigs pa'i phyir ro/ / rab 'byor gzhan yang de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid dang / chos gnas pa nyid dang / chos skyon med pa nyid dang / chos kyi dbyings gnas pa 'di ni gang la'ang don dang gnod pa ci'ang mi byed de/ rab 'byor byang chub sems dpa' sems dpa' chen pos de ltar don dang gnod pa rnam par spangs te/ shes rab kyi pha rol tu phyin pa la spyad par bya'o// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ci'i slad du shes rab kyi pha rol tu phyin pa don kyang mi bgyid/ gnod pa'ang mi bgyid pa lags/ bcom ldan 'das kyis bka' stsal pa/ rab 'byor 'di ltar shes rab kyi pha rol tu phyin pa ni 'dus byas dang / 'dus ma byas kyi chos gang yang mi byed pas/ rab 'byor de'i phyir shes rab kyi pha rol tu phyin pa ni gang la'ang don dang gnod pa mi byed do// gsol pa/ bcom ldan 'das 'dus ma bgyis sangs rgyas rnams dang / sangs rgyas kyi nyan thos 'phags pa thams cad kyi don ma lags sam/ bka' stsal pa/ rab 'byor 'dus ma byas ni sangs rgyas rnams dang / sangs rgyas kyi nyan thos 'phags pa rnams kyi don yin mod kyi/ gang la'ang phan pa 'am/ gnod par nye bar gnas pa ma yin no// rab 'byor 'di lta ste/ dper na nam mkha'i de bzhin nyid ni gang la'ang phan pa 'am/

  213. 107b

    gnod par nye bar gnas pa ma yin no// rab 'byor de bzhin du byang chub sems dpa' sems dpa' chen po'i shes rab kyi pha rol tu phyin pa'ang gang la'ang phan pa 'am/ gnod par nye bar gnas pa ma yin no/ / gsol pa/ bcom ldan 'das byang chub sems dpa' sems dpa' chen pos/ 'dus ma byas kyi shes rab kyi pha rol tu phyin pa la slabs nas/ rnam pa thams cad mkhyen pa nyid thob par mi 'gyur lags sam/ bcom ldan 'das kyis bka' stsal pa/ rab 'byor de de bzhin te/ de de bzhin no// byang chub sems dpa' sems dpa' chen pos/ 'dus ma byas kyi shes rab kyi pha rol tu phyin pa zab mo 'di la bslabs nas/ rnam pa thams cad mkhyen pa nyid thob par 'gyur te/ gnyis kyi tshul gyis ni ma yin no// gsol pa/ bcom ldan 'das ci gnyis su ma mchis pa'i chos kyis gnyis su ma mchis pa'i chos thob lags sam/ bka' stsal pa/ rab 'byor de ni ma yin no// gsol pa/ bcom ldan 'das 'o na gnyis su mchis pa'i chos kyis gnyis su ma mchis pa'i chos thob lags sam/ bka' stsal pa/ rab 'byor de ni ma yin no// gsol pa/ bcom ldan 'das 'o na gnyis su mchis pa'i chos kyi sa gnyis su ma mchis pa'i chos thob lags sam/ bka' stsal pa/ rab 'byor de ni ma yin no// gsol pa/ bcom ldan 'das 'o na ji ltar thob par 'gyur lags/ bka' stsal pa/ rab 'byor gang gi phyir gnyis kyi chos sam/ gnyis su med

  214. 108a

    pa'i chos kyang mi dmigs na/ de ltar dmigs su med pa'i tshul gyis rnam pa thams cad mkhyen pa nyid thob par 'gyur ro// shes rab kyi pha rol tu phyin pa khri brgyad stong pa las/ chos gnyis kyi nub mang po'i le'u zhes bya ste drug cu rtsa gsum pa'o// / 'phags pa shes rab kyi pha rol tu phyin pa khri brgyad stong pa bam po bzhi bcu rtsa drug pa/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa ni zab lags so// / bcom ldan 'das byang chub sems dpa' sems dpa' chen po/ gang dag bla na med pa yang dag par rdzogs pa'i byang chub la yang dag par zhugs pa de dag ni sems can yang mi dmigs la/ sems can du gdags pa'ang mi dmigs pa dang / sems can rnams kyi ched du bla na med pa yang dag par rdzogs pa'i byang chub la yang dag par zhugs pas dka' ba bgyid pa lags so// bcom ldan 'das 'di lta ste/ dper bgyi na mi la la zhig gis nam mkha' rten ma mchis pa la yal ga gel ba bskyed par 'tshal ba de bzhin du/ byang chub sems dpa' sems dpa' chen po ni sems can rnams kyi ched du rnam pa thams cad mkhyen pa nyid thob par 'tshal ba lags so/ / bcom ldan 'das kyis bka' stsal pa/ rab 'byor de de bzhin no// de de bzhin te/ byang chub sems dpa' gang

  215. 108b

    sems can rnams kyi ched du/ rnam pa thams cad mkhyen pa nyid la 'jug cing / rnam pa thams cad mkhyen pa nyid de rtogs nas kyang / sems can thams cad chags pa las yongs su grol bar byed pa de dag ni dka' ba byed pa yin no/ / rab 'byor dper na mi zhig yal ga gel ba bskyed par 'dod la/ mi des yal ga gel ba de'i rtsa ba'ang mi shes/ yal ga'i mdo dang / lo ma dang / me tog kyang mi shes bzhin du des yal gagel ba de'i sdong bu bskyed de/ bskyed nas kyang dus dus su srung zhing chus bran te/ rim gyis sdong bu de'i yal ga'ang phun sum tshogs par gyur/ lo ma'ang phun sum tshogs par gyur// me tog kyang phun sum tshogs par gyur/ 'bras bu'ang phun sum tshogs par gyur nas/ de sdong bu de'i lo ma rnams la spyod de/ rab 'byor de bzhin du byang chub sems dpa' sems dpa' chen po/ sems can thams cad kyi ched du bla na med pa yang dag par rdzogs pa'i byang chub la zhugs pa de'ang rim gyis pha rol tu phyin pa drug po dag la spyod cing / rnam pa thams cad mkhyen pa nyid thob par gyur te/ lo ma dang / me tog dang / 'bras bu lta bur sems can thams cad kyi 'tsho bar 'gyur ro// rab 'byor de la byang chub sems dpa'i lo ma lta bu la brten nas sems can rnams ngan song gsum po dag las yongs su grol bar 'gyur ro/ / byang chub sems dpa'i me tog lta bu la brten nas/ sems can rnams rgyal rigs shing sA la chen po lta bu dag dang / bram ze'i rigs shing sA la chen po lta bu

  216. 109a

    dag dang / khyim bdag gi rigs shing sA la chen po lta bu dag dang / rgyal chen bzhi'i rigs kyi lha rnams kyi nang du skye ba nas/ 'dus shes med 'du shes med min skye mched kyi bar gyi lha rnams kyi nang du skye bar 'gyur ro/ / de bzhin du byang chub sems dpa' sems dpa' chen pos rnam pa thams cad mkhyen pa nyid thob nas/ sems can de dag rgyun du zhugs pa'i 'bras bu la 'god par byed do/ / lan cig phyir 'ong ba'i 'bras bu la 'god par byed do// phyir mi 'ong ba'i 'bras bu la 'god par byed do// dgra bcom pa nyid la 'god par byed do// rang byang chub la 'god par byed do/ / byang chub sems dpa' sems dpa' chen po de la brten nas rnam pa thams cad mkhyen pa nyid thob par 'gyur ro// rnam pa thams cad mkhyen pa nyid thob nas kyang lo ma dang / me tog dang / 'bras bu lta bur sems can thams cad kyi 'tsho bar 'gyur ro// gang dag de la yon dbul ba de dag thams cad kyang theg pa gsum po 'di lta ste/ nyan thos kyi theg pa 'am/ rang sangs rgyas kyi theg pa 'am/ theg pa chen pos rim gyis yongs su mya ngan las 'da' bar 'gyur zhing / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de la sems can yang mi dmigs shing / sems can du gdags pa'ang med la/ sems can de dag kyang bdag tu 'dzin pa las yongs su grol bar byed do// rab 'byor byang chub sems dpa' sems

  217. 109b

    dpa' chen pos/ gang dag gi ched du bdag gis rnam pa thams cad mkhyen pa nyid thob par bya ba'i sems can nam/ sems can du gdags pa ci'ang 'di na mi dmigs so// zhes de ltar shes rab kyi pha rol tu phyin pa la bslab par bya'o/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po ni/ de bzhin gshegs pa nyid lags par rig par bgyi'o// de ci'i slad du zhe na/ bcom ldan 'das 'di ltar byang chub sems dpa' sems dpa' chen po la brten nas/ sems can dmyal ba thams cad rgyun chad par 'gyur/ dud 'gro'i skye gnas thams cad rgyun chad par 'gyur/ gshin rje'i 'jig rten thams cad rgyun chad par 'gyur/ mi khom pa thams cad rgyun chad par 'gyur/ dbul po thams cad rgyun chad par 'gyur/ dman pa'i 'gro ba thams cad rgyun chad par 'gyur/ 'dod pa'i khams thams cad rgyun chad par 'gyur/ gzugs kyi khams thams cad rgyun chad par 'gyur/ gzugs med pa'i khams thams cad rgyun chad par 'gyur ba'i slad du'o// bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor byang chub sems dpa' sems dpa' chen po ni/ de bzhin gshegs pa nyid yin par rig par bya'o// de ci'i phyir zhe na/

  218. 110a

    rab 'byor gal te byang chub sems dpa' sems dpa' chen po ni/ bla na med pa yang dag par rdzogs pa'i byang chub la ma zhugs na/ 'das pa dang / ma byon pa dang / ltar byung ba'i sangs rgyas bcom ldan 'das rnams/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur zhing / rang sangs rgyas rnams 'jig rten du 'byung bar mi 'gyur/ dgra bcom pa rnams 'jig rten du 'byung bar mi 'gyur/ rgyun du zhugs pa'i bar dag 'jig rten du 'byung bar mi 'gyur/ sems can dmyal ba'i bar dag rgyun chad par mi 'gyur/ 'dod pa'i khams dang / gzugs kyi khams dang / gzugs med pa'i khams kyi bar dag rgyun chad par mi 'gyur ba'i phyir ro// rab 'byor yang byang chub sems dpa' sems dpa' chen po ni/ de bzhin gshegs pa nyid lags par rig par bya'o zhes gang smras pa ni/ rab 'byor de de bzhin no// de de bzhin te/ byang chub sems dpa' sems dpa' chen po ni/ de bzhin gshegs pa nyid yin par rig par bya'o/ / de ci'i phyir zhe na/ rab 'byor de bzhin nyid gang gis/ de bzhin gshegs par gdags pa'i de bzhin nyid de nyid kyis rang sangs rgyas su gdags pa dang / de bzhin nyid de nyid kyis 'phags pa thams cad gdags pa dang / de bzhin nyid de nyid kyis gzugs su gdags pa dang / de bzhin nyid de nyid kyis rnam par shes pa'i bar du gdags pa dang / de bzhin nyid de nyid kyis

  219. 110b

    'dus byas kyi khams dang / 'dus ma byas kyi khams kyi bar du gdags pa dang / de bzhin nyid de nyid kyis sems can thams cad kyi de bzhin nyid dang / de bzhin gshegs pa'i de bzhin nyid gdags pa'i phyir ro/ / rab 'byor ci'i phyir de bzhin nyid de bzhin nyid ces bya zhe na/ byang chub sems dpa' sems dpa' chen po de bzhin nyid 'di la gnas nas rnam pa thams cad mkhyen pa nyid thob par 'gyur te/ de bas na de bzhin nyid ces bya'o/ / rab 'byor rnam grangs des na de bzhin nyid tshad mar byas te/ byang chub sems dpa' sems dpa' chen po ni/ de bzhin gshegs pa nyid yin par rig par bya ste/ rab 'byor byang chub sems dpa' sems dpa' chen pos/ de bzhin nyid kyi shes rab kyi pha rol tu phyin pa la de ltar bslab par bya'o// rab 'byor byang chub sems dpa' sems dpa' chen pos/ de bzhin nyid kyi shes rab kyi pha rol tu phyin pa la bslabs na/ sems can thams cad kyi dbang po la mkhas par 'gyur zhing / dbang po yongs su rdzogs par bya ba la mkhas pa thob par 'gyur ro// sems can rnams kyi las bdag gir bya ba'ang shes par 'gyur ro/ / sems can rnams kyi las bdag gir bya ba shes na/ smon nas shes pa yongs su rdzogs par 'gyur ro// smon nas shes pa yongs su rdzogs na/ dus gsum shes pa rnam par dag par byed par 'gyur ro/ / dus gsum shes pa rnam par sbyangs nas/ byang chub sems dpa'i spyad pa spyod cing / sems can rnams kyi don byed par 'gyur ro// sems can rnams kyi don byed na/ sangs rgyas kyi zhing yongs su dag par

  220. 111a

    'gyur ro/ / sangs rgyas kyi zhing yongs su sbyangs na/ rnam pa thams cad mkhyen pa nyid thob par 'gyur ro// rnam pa thams cad mkhyen pa nyid thob na/ chos kyi 'khor lo bskor ba 'gyur ro/ / chos kyi 'khor lo bskor nas/ sems can rnams theg pa gsum po dag la rab tu 'god par 'gyur ro// sems can rnams theg pa gsum po dag la bkod nas/ phung po lhag ma med pa'i mya ngan las 'das pa'i dbyings su yongs su mya ngan las bzla bar 'gyur te/ rab 'byor de ltar byang chub sems dpa' sems dpa' chen pos yon tan dang phan yon thams cad mthong bas/ bdag kyang bla na med pa yang dag par rdzogs pa'i byang chub tu sems bskyed par bya zhing / gzhan yang bla na med pa yang dag par rdzogs pa'i byang chub tu sems bskyed du gzhug par bya'o// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa zab mo 'di la spyod pa de dag ni lha dang / mi dang / lha ma yin du bcas pa'i 'jig rten gyis phyag bgyi ba'i gnas lags so// bka' stsal pa/ rab 'byor de de bzhin no// de de bzhin te/ ji skad smras pa bzhin te/ byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa zab mo 'di la spyod pa de dag ni lha dang / mi dang / lha ma yin du bcas pa'i 'jig rten gyis phyag

  221. 111b

    bya ba'i gnas yin no/ / gsol pa/ bcom ldan 'das sems dang po bskyed pa'i byang chub sems dpa' sems dpa' chen po dang / sems can thams cad kyi ched du bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba de bsod nams ji tsam zhig bskyed par 'gyur lags/ de skad ces gsol pa dang // bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor stong gi 'jig rten gyi khams na sems can ji snyed pa de dag thams cad nyan thos kyi sa la gnas par gyur tam/ rang sangs rgyas kyi sa la gnas par gyur na/ ci sems can de dag bsod nams mang du skyed dam/ gsol pa/ bcom ldan 'das mang lags so// bde bar gshegs pa mang lags so// bcom ldan 'das dpag tu ma mchis lags so// bde bar gshegs pa tshad ma mchis lags so/ / bka' stsal pa/ rab 'byor stong gi 'jig rten gyi khams su gtogs pa'i sems can nyan thos kyi theg pa pa 'am/ rang sangs rgyas kyi theg pa pa rnams kyi bsod nams bya ba'i dngos po gang yin pa dang / sems dang po bskyed pa'i byang chub sems dpa' sems dpa' chen po'i bsod nams bya ba'i dngos po gang yin pa 'di gnyis la/ stong gi 'jig rten gyi khams kyi nyan thos kyi theg pa pa 'am/ rang sangs rgyas kyi theg pa pa rnams kyi bsod nams bya ba'i dngos po des ni/ sems dang po bskyed pa'i byang chub sems dpa' sems dpa' chen po'i bsod nams bya ba'i

  222. 112a

    dngos po de'i brgya'i char yang nye bar mi 'gro ba nas/ bye ba phrag 'bum gyi bar gyi char yang nye bar mi 'gro'o// de ci'i phyir zhe na/ nyan thos dang / rang sangs rgyas kyi theg pa pa rnams ni byang chub sems dpa' las byung ba yin gyi/ byang chub sems dpa' sems dpa' chen po rnams ni nyan thos dang / rang sangs rgyas las byung ba ma yin pa'i phyir ro// de bzhin du sbyar te/ stong gsum gyi stong chen po'i 'jig rten gyi khams na/ sems can nyan thos dang / rang sangs rgyas kyi theg pa pa ji snyed pa de dag thams cad ni sems dang po bskyed pa'i byang chub sems dpa' sems dpa' chen po de dag gi bsod nams kyi bye ba 'bum gi cha'i bar du rang nye bar mi 'gro'o/ / rab 'byor stong gsum gyi stong chen po'i 'jig rten gyi khams kyi sems can nyan thos dang rang sangs rgyas kyi theg pa pa rnams lta zhog gi/ rab 'byor gal te stong gsum gyi stong chen po'i 'jig rten gyi khams na/ sems can gang dag 'khod pa de dag thams cad dkar po rnam par mthong ba'i sa la gnas par gyur kyang / de dag gi bsod nams gang yin pa des ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du rang nye bar mi 'gro'o/ / dkar po rnam par mthong ba'i sa la gnas pa rnams lta zhog gi/ gal te stong gsum gyi stong chen po'i 'jig rten gyi khams su gtogs pa'i sems can de dag thams cad rigs kyi sa la gnas par gyur kyang / de dag gi bsod nams gang yin pa des

  223. 112b

    ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du'ang nye bar mi 'gro'o/ / de bzhin du sbyar te/ brgyad pa'i sa dang / mthong pa'i sa dang / bsrabs pa'i sa dang / 'dod chags dang bral ba'i sa dang / byas pa rtog pa can gyi sa dang / rang sangs rgyas kyi sa'i bar du zhugs par gyur kyang / de dag gi bsod nams gang yin pa des ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du'ang nye bar mi 'gro'o/ / rab 'byor gal te stong gsum gyi stong chen po'i 'jig rten gyi khams na/ sems can gang dag 'khod pa de dag thams cad byang chub sems dpa'i skyon med pa la zhugs par gyur kyang / de dag gi bsod nams gang yin pa des ni byang chub la zhugs pa'i / byang chub sems dpa'i bsod nams kyi bye ba phrag 'bum gyi cha'i bar du'ang nye bar mi 'gro'o// rab 'byor gal te stong gsum gyi stong chen po'i 'jig rten gyi khams na/ sems can gang dag 'khod pa de dag thams cad byang chub la zhugs par gyur kyang / de dag gi bsod nams gang yin pa des ni de bzhin gshegs pa dgra bcom pa yang dag par rdzogs pa'i sangs rgyas kyi bsod nams kyi bye ba zag khrig phrag 'bum gyi cha'i bar du'ang nye bar mi 'gro zhing / rgyu dang dpe'i bar du'ang nye bar mi 'gro'o// gsol pa/ bcom ldan 'das sems dang po bskyed pa'i byang chub sems dpa'

  224. 113a

    sems dpa' chen pos ci zhig yid la bgyi lags/ bka' stsal pa/ rab 'byor sems dang po bskyed pa'i byang chub sems dpa' sems dpa' chen pos rnam pa thams cad mkhyen pa nyid yid la bya'o/ / gsol pa/ bcom ldan 'das rnam pa thams cad mkhyen pa nyid kyi dngos po ni ji lta bu zhig lags/ dmigs pa ni ci zhig lags/ dbang bgyid pa ni gang lags/ rnam pa ni ci zhig lags/ mtshan nyid ni gang lags/ bka' stsal pa/ rab 'byor rnam pa thams cad mkhyen pa nyid ces bya ba ni dngos po med pa/ mtshan nyid med pa/ mtshan ma med pa/ lhun gyis grub pa/ skye ba med pa/ 'byung ba med pa'o// rab 'byor khyod kyis 'di skad du rnam pa thams cad mkhyen pa nyid kyi dmigs pa ni ci zhig lags/ dbang bgyid pa ni gang lags/ rnam pa ni ci zhig lags/ mtshan nyid ni gang lags zhes zer ba la/ rab 'byor rnam pa thams cad mkhyen pa nyid kyi dmigs pa ni dngos po med pa'o// dbang byed pa ni dran pa'o// rnam pa ni zhi ba'o// mtshan nyid ni mtshan nyid med pa ste/ rab 'byor rnam pa thams cad mkhyen pa nyid kyi dmigs pa ni de yin no// dbang byed pa ni de yin no// rnam pa ni de yin no// mtshan nyid ni de yin no// gsol pa/ bcom ldan 'das ci rnam pa thams cad mkhyen pa nyid kho na dngos po ma mchis pa lags sam/ 'on te gzugs kyang dngos po ma mchis shing / tshor ba dang / 'du shes dang / 'du byed

  225. 113b

    rnams dang / rnam par shes pa'ang dngos po ma mchis pa lags sam/ de bzhin du nang dang / phyi'i chos rnams kyang dngos po ma mchis pa lags sam/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang / dga' ba chen po dang / btang snyoms chen po dang / mngon par shes pa dang po dang / mngon par shes pa gnyis pa dang / gsum pa dang / bzhi pa dang / lnga pa dang / drug pa dang / 'dus byas kyi khams dang / 'dus ma byas kyi khams kyang dngos po ma mchis pa lags sam// bcom ldan 'das kyis bka' stsal pa/ rab 'byor rnam pa thams cad mkhyen pa nyid kyang dngos po med do/ / gzugs dang / tshor ba dang / 'du shes dang / 'du byed rnams dang / rnam par shes pa'ang dngos po med do// 'dus byas kyi khams dang / 'dus

  226. 114a

    ma byas kyi khams kyi bar du'ang dngos po med do/ / de ci'i phyir zhe na/ rab 'byor rnam pa thams cad mkhyen pa nyid de la ngo bo nyid med de/ rab 'byor gang la ngo bo nyid med pa de ni dngos po med pa'i phyir ro/ / gsol pa/ bcom ldan 'das ci'i slad du rnam pa thams cad mkhyen pa nyid ngo bo nyid ma mchis pa lags/ bka' stsal pa/ rab 'byor 'dus pa las byung ba'i ngo bo nyid med de/ gang la 'dus pa las byung ba'i ngo bo nyid med pa de dngos po med pa'o// rab 'byor rnam grangs des na chos thams cad dngos po med pa'i ngo bo nyid do// rab 'byor yang chos thams cad ni stong pa'i ngo bo nyid do// / chos thams cad ni mtshan ma med pa dang / smon pa med pa'i ngo bo nyid do// rab 'byor yang chos thams cad ni bzhin nyid kyi ngo bo nyid do// chos thams cad ni yang dag pa'i mtha'i ngo bo nyid do// chos thams cad ni chos kyi dbyings kyi ngo bo nyid do/ / rab 'byor rnam grangs des kyang chos thams cad ni dngos po med pa'i ngo bo nyid du de ltar rig par bya'o// de skad ces bka' stsal pa dang // bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad dngos po ma mchis pa'i ngo bo nyid lags na/ sems dang po bskyed pa'i byang chub sems dpa' sems dpa' chen po thabs la mkhas pa gang dang ldan pas/ sbyin pa'i pha rol tu phyin pa la spyod cing / sangs rgyas kyi zhing yongs su dag par bgyid la/ sems can rnams kyang yongs su smin par

  227. 114b

    bgyid/ ji ltar tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / ji ltar shes rab kyi pha rol tu phyin pa dang / bsam gtan dang po nas/ bsam gtan bzhi pa'i bar dang / byams pa nas/ btang snyoms kyi bar dang / nam mkha' mtha' yas skye mched nas/ 'du shes med 'du shes med min skye mched kyi bar gyi snyoms par 'jug pa dang / nang stong pa nyid nas/ rang gi mtshan nyid stong pa nyid kyi bar dang / dran pa nye bar gzhag pa rnams nas/ 'phags pa'i lam yan lag brgyad pa'i bar dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jig pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / snying rje chen po dang / rnamapa thams cad mkhyen pa nyid la spyod cing / sangs rgyas kyi zhing yongs su dag par bgyid la/ sems can rnams kyang yongs su smin par bgyid pa lags/ bcom ldan 'das kyis bka' stsal pa/ rab 'byor dngos po med pa'i ngo bo nyid kyi chos rnams la'ang yongs su 'dris par byed cing / sangs rgyas kyi zhing yang yongs su dag par byed la/ sems can rnams kyang yongs su smin par byed de/

  228. 115a

    sangs rgyas kyi zhing de dang / sems can de dag kyang dngos po med pa'i ngo bo nyid du shes pa gang yin pa de ni/ byang chub sems dpa' sems dpa' chen po'i thabs la mkhas pa yin/ par rig par bya ste/ byang chub sems dpa' sems dpa' chen po de ni/ sbyin pa'i pha rol tu phyin pa la spyod cing / byang chub kyi lam yongs su 'dris par byed do// tshul khrims kyi pha rol tu phyin pa la spyod cing / byang chub kyi lam yongs su 'dris par byed do// bzod pa'i pha rol tu phyin pa la spyod cing / byang chub kyi lam yongs su 'dris par byed do// brtson 'grus kyi pha rol tu phyin pa la spyod cing / byang chub kyi lam yongs su 'dris par byed do// bsam gtan gyi pha rol tu phyin pa la spyod cing / byang chub kyi lam yongs su 'dris par byed do// shes rab kyi pha rol tu phyin pa la spyod cing / byang chub kyi lam yongs su 'dris par byed do/ / de bzhin du sbyar te/ rnam pa thams cad mkhyen pa nyid kyi bar la spyod cing / byang chub kyi lam yongs su 'dris par byed la/ byang chub kyi lam de'ang dngos po med pa'i ngo bo nyid du shes so/ / rab 'byor byang chub sems dpa' sems dpa' chen po/ pha rol tu phyin pa drug po dag la spyod pa de ji srid du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos 'dres pa bco brgyad dang / byams pa chen po dang / snying rje chen po dang / rnam pa thams cad mkhyen pa nyid kyi ye shes dang ldan par

  229. 115b

    ma gyur pa de srid du/ byang chub kyi lam yongs su 'dris par mi byed do// rab 'byor 'di dag ni byang chub kyi lam yin te/ de byang chub kyi lam 'di dag gis pha rol tu phyin parnams sa sa rdzogs par byed do/ / pha rol tu phyin pa rnams yongs su rdzogs par byas nas/ skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro// de'i tshe de 'a chags dang // mtshams sbyor ba dang / nyon mongs pa thams cad mi skye ba'i spong bas spong bar 'gyur ro// des sangs rgyas kyi spyan gyis stong gsum gyi stong chen po'i 'jig rten gyi khams la rnam par ltas na/ dngos po med par yang mi dmigs na/ dngos por lta ci smos/ rab 'byor byang chub sems dpa' sems dpa' chen pos/ de ltar dngos po med pa'i ngo bo nyid kyi chos thams cad la/ shes rab kyi pha rol tu phyin pa la spyad par bya'o/ / rab 'byor dngos po'ang mi dmigs na/ dngos po med pa lta ci smos te/ de'ang byang chub sems dpa' sems dpa' chen po'i thabs la mkhas pa yin no/ 'byor byang chub sems dpa' sems dpa' chen po de ni/ shes rab kyi pha rol tu phyin pa la spyod cing sbyin pa sbyin par byed de/ de sbyin pa de sbyin pa na rnam par mi rtog cing mtshan mar mi byed de/ dngas po dang dngos po med pa'i tshul du yid la mi byed do/ / len pa por yang rnam par mi rtog cing / mtshan mar mi byed de/ dngos po dang dngos po med pa'i tshul du yid la mi byed do// sbyin pa por yang rnam

  230. 116a

    par mi rtog cing / mtshan mar mi byed de/ dngos po dang dngos po med pa'i tshul du yid la mi byed do// byang chub kyi sems de'ang mi dmigs shing / mtshan mar mi byed la/ dmigs par mi byed de/ yang dag par rjes su mi mthong ngo // shes rab kyi pha rol tu phyin pa'i bar du'ang dngos po dang dngos po med pa'i tshul du rnam par mi rtog cing / mtshan mar mi byed do// rnam pa thams cad mkhyen pa nyid kyi bar du'ang dngos po dang dngos po med pa'i tshul du yid la mi byed cing / rnam par mi rtog la/ yid la mi byed do// bla na med pa yang dag par rdzogs pa'i byang chub kyi bar du'ang dmigs par mi byed cing / mtshan mar mi byed do// gang mngon par rdzogs par 'tshang rgya ba 'am/ gang mngon par rdzogs par 'tshang rgya bar bya ba 'am/ gang gis mngon par rdzogs par 'tshang rgya ba de'ang dngos po dang dngos po med pa'i tshul gyis yongs su rtogs par mi byed do/ / de ci'i phyir zhe na/ 'di ltar chos thams cad ni dngos po med pa'i ngo bo nyid de/ dngos po med pa de'ang sangs rgyas rnams dang / nyan thos rnams dang / rang sangs rgyas rnams kyis ma byas shing / chos thams cad ni 'gyur ba med pa ste/ byed pa po dang bral ba'i phyir ro// gsol pa/ bcom ldan 'das chos rnams chos rnams nyid dang bral ba lags sam/ bcom ldan 'das kyis bka' stsal pa/ rab 'byor de de bzhin no// de de bzhin te/ chos rnams ni chos rnams dang bral ba yin no//

  231. 116b

    gsol pa/ bcom ldan 'das gal te chos rnams kho na chos rnams dang bral ba lags na/ bral ba'i chos kyis bral ba'i chos dngos po mchis pa 'am/ dngos po ma mchis par ji ltar 'tshal bar rung ste/ dngos po ma mchis pa'i chos kyis kyang dngos po mchis pa'i chos 'tshal bar mi rung la/ dngos po mchis pa'i chos kyis kyang dngos po ma mchis pa'i chos 'tshal bar mi rung / dngos po ma mchis pa'i chos kyis kyang dngos po ma mchis pa'i chos 'tshal bar mi rung la/ dngos po mchis pa'i chos kyi kyang dngos po mchis pa'i chos 'tshal bar mi rung lags na/ de ltar ma 'tshal ba'i chos thams cad la dngos po mchis shes bgyi ba 'am/ dngos po ma mchis shes bgyi bar byang chub sems dpa' sems dpa' chen po ston par ga la 'gyur/ bcom ldan 'das kyis bka' stsal pa/ byang chub sems dpa' sems dpa' chen po ni/ 'jig rten gyi kun rdzob bzung ste/ dngos po yod pa zhes bya ba 'am/ dngos po med pa zhes bya ba ston gyis/ don dam par ni ma yin no/ / gsol pa/ bcom ldan 'das ci 'jig rten gyi kun rdzob kyang gzhan zhig lags la/ don dam pa'ang gzhan zhig lags sam/ bka' stsal pa/ rab 'byor 'jig kyi kun rdzob kyang gzhan ma yin la/ don dam pa'ang gzhan ma yin te/ 'jig rten gyi kun rdzob kyi de bzhin nyid gang yin pa de nyid don dam pa'i de bzhin nyid yin na/ de bzhin nyid de sems

  232. 117a

    dag gis mi shes shing ma mthong bas/ de dag gi phyir byang chub sems dpa' 'jig rten gyi kun rdzob kyi dngos po yod pa'am/ dngos po med pa zhes bya ba ston te/ rab 'byor yang sems can 'di dag ni phung po lnga po 'di dag la dngos por 'du shes shing / dngos po med par mi shis te/ ji ltar byas na dngos po med pa rtogs par 'gyur zhig gu snyam nas/ de dag gi don du chos rnams rab tu 'byed pa'i phyir de ltar ston par byed de/ rab 'byor byang chub sems dpa' sems dpa' chen po de ltar shes rab kyi pha rol tu phyin pa la spyad par bya'o// shes rab kyi pha rol tu phyin pa khri brgyad stong pa las/ yang dag par bstan pa'i le'u zhes bya ste drug cu rtsa bzhi pa'o// // de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa'i spyod pa byang chub sems dpa'i spyod pa zhes bgyi na/ bcom ldan 'das byang chub sems dpa'i spyod pa zhes bgyi ba de gang gi tshig bla dgas lags/ bka' stsal pa/ rab 'byor byang chub sems dpa'i spyod pa zhes bya ba de ni byang chub kyi phyir spyod pa ste/ de'i phyir byang chub sems dpa'i spyod pa zhes bya'o// gsol pa/ bcom ldan 'das byang chub sems dpa' sems dpa' chen po'i byang chub kyi spyod pa de gang la spyod pa lags/ bcom ldan 'das kyis bka' stsal pa/ gzugs stong ngo zhes spyod pa dang / tshor ba dang /

  233. 117b

    'du shes dang / 'du byed rnams dang / rnam par shes pa stong ngo zhes spyod pa dang / de bzhin du khams rnams dang / skye mched rnams dang / nang dang phyi'i chos rnams stong ngo zhes spyod pa dang / sbyin par pha rol tu phyin pa stong ngo zhes spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa stong ngo zhes spyod pa dang / nang stong pa nyid stong ngo zhes spyod pa dang / phyi stong pa nyid stong ngo zhes spyod pa dang / phyi nang stong pa nyid stong ngo zhes spyod pa dang / de bzhin du sbyar te/ rang gi mtshan nyid stong pa nyid kyi bar du stong ngo zhes spyod pa dang / bsam gtan dang po dang / gnyis pa dang / gsum pa dang / bani pa stong ngo zhes spyod pa dang / byams pa dang / snying rje dang / dga' ba dang / btang snyoms stong ngo/ zhes spyod pa dang / nam mkha' mtha' yas skye mched dang / rnam shes mtha' yas skye mched dang / ci'ang med pa'i skye mched dang / 'du shes med 'du shes med min skye mched stong ngo zhes spyod pa dang / dran pa nye bar gzhag pa sa ni stong ngo zhes spyod pa dang / yang dag par spong ba bzhi stong ngo zhes spyod pa dang / rdzu 'phrul gyi rkang pa bzhi stong ngo zhes spyod pa dang / dbang po lnga stong ngo zhes spyod pa dang / stobs lnga stong ngo zhes spyod pa dang / byang chub kyi yan lag bdun stong ngo zhes spyod pa dang / 'phags pa'i lam yan lags brgyad pa stong ngo zhes spyod pa dang / rnam par thar pa'i sgo stong pa nyid dang / mtshan ma med pa dang / smon

  234. 118a

    pa med pa dang / snyoms par 'jug pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'das pa bco brgyad dang / rnam pa thams cad mkhyen pa nyid kyi bar du stong ngo zhes spyod pa dang / sangs rgyas kyi zhing yongs su dag par bya ba stong ngo zhes spyod pa dang / sems can yongs su smin par bya ba stong ngo zhes spyod pa dang / spobs pa rnams stong ngo zhes spyod pa dang / yi ge bsgrub pa stong ngo zhes spyod pa dang / yi ge rnams la 'jug pa stong ngo zhes spyod pa dang / yi ge rnams med pa la 'jug pa stong ngo zhes spyod pa dang / gzugs stong ngo zhes spyod pa dang / 'dus byas kyi khams stong ngo zhes spyod pa dang / 'dus ma byas kyi khams stong ngo zhes spyod pa ste/ ci nas byang chub la gnyis su mi 'byed pa de ltar rjes su spyod do// rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na byang chub kyi phyir spyod pa yin no// de skad ces bka' stsal pa dang // bcom ldan 'das la/ tshe da ldan pa rab 'byor gyis 'di skad ces gsol to// bcom ldan 'das sangs rgyas shes bgyi na/ bcom ldan 'das sangs rgyas shes bgyi ba de gang gi tshig bla dgas lags/ bcom ldan 'das kyis bka' stsal pa/ rab 'byor yang dag pa'i don ni sangs rgyas shes bya'o// rab 'byor la sa la ga pa'i chos mngon par rdzogs par sangs rgyas pas na/ de'i phyir sangs rgyas shes bya'o// rab 'byor yang des yang dag pa'i

  235. 118b

    don rtogs pas na/ de'i phyir sangs rgyas shes bya'o// rab 'byor yang chos thams cad yang dag pa ji lta ba bzhin du mngon par rdzogs par sangs rgyas pas na/ de'i phyir sangs rgyas shes bya'o// gsol pa/ bcom ldan 'das byang chub ces bgyi na/ byang chub ces bgyi ba de gang gi tshig tha dgas lags/ bka' stsal pa/ rab 'byor byang chub ces bya ba ni stong pa nyid kyi tshig bla dgas so// de ni de bzhin nyid kyi tshig bla dgas so/ / de ni yang dag pa'i mtha'i tshig bla dgas so// de ni chos kyi dbyings kyi tshig bla dgas so// rab 'byor yang byang chub ces bya ba de ni ming tsam gyi tshig bla dgas so// rab 'byor yang byang chub kyi don ni yang dag pa'i don to// rab 'byor yang byang chub ni de bzhin nyid dang / ma nor ba de bzhin nyid dang / gzhan ma yin pa de bzhin nyid dang / gzhan ma yin pa'i rang bzhin te/ de'i phyir byang chub ces bya'o// rab 'byor yang byang chub de ni chos thams cad ming dang mtshan ma tsam du rtogs par byed pa ste/ de'i phyir byang chub ces bya'o// rab 'byor des na sangs rgyas bcom ldan 'das rnams kyi byang chub ste/ de'i phyir byang chub ces bya'o// rab 'byor yang byang chub de ni sangs rgyas bcom ldan 'das rnams kyis mngon par rdzogs par sangs rgyas pas na/ de'i phyir byang chub ces bya'o/ / de skad ces bka' stsal pa dang // bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems

  236. 119a

    dpa' chen po gang byang chub 'di la spyod pa de ni pha rol tu phyin pa drug la spyod pa dang / rnam pa thams cad mkhyen pa nyid kyi bar la spyod pa lags na/ de'i dge ba'i rtsa ba gang bsags pa'am/ 'grib pa 'am/ nyams pa 'am/ 'phel ba'am/ skye ba 'am/ 'gag pa'am/ kun nas nyon mongs pa'am/ rnam par byang bar 'gyur ba lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po gang byang chub 'di la spyod pa pha rol tu phyin pa drug la spyod pa dang / rnams pa thams cad mkhyen pa nyid kyi bar la spyod pa de ni/ chos gang yang bsags pa'i phyir ram/ 'grib par bya ba'i phyir ram/ nyams par bya ba'i phyir ram/ 'phel bar bya ba'i phyir ram/ bskyed par bya ba'i phyir ram/ dgag par bya ba'i phyir ram/ kun nas nyon mongs par bya ba'i phyir ram/ rnam par byang bar bya ba'i phyir mi spyod do// de ci'i phyir zhe na/ rab 'byor byang chub sems dpa' sems dpa' chen po/ shes rab kyi pha rol tu phyin pa la spyod pa'i byang chub ni bsags pa'i phyir ram/ 'grib par bya ba'i phyir ram/ nyams par bya ba'i phyir ram/ 'phel bar bya ba'i phyir ram/ bskyed par bya ba'i phyir ram/ dgag par bya ba'i phyir ram/ kun nas nyon mongs par bya ba'i phyir ram/ rnam par byang bar bya ba'i phyir dmigs pa'i tshul gyis nye bar gnas pa ma yin pa'i phyir ro//

  237. 119b

    gsol pa/ bcom ldan 'das gal te byang chub sems dpa' sems dpa' chen po/ shes rab kyi pha rol tu phyin pa la spyod pa'i byang chub chos gang la'ang dmigs pa'i tshul gyis nye bar gnas pa ma lags na/ byang chub sems dpa' sems dpa' chen po shes rab kyi pha rol tu phyin pa spyod de ji ltar sbyin pa'i pha rol tu phyin pa yongs su 'dzin pa dang / de bzhin du ji ltar shes rab kyi pha rol tu phyin pa'i bar du yongs su 'dzin pa lags/ ji ltar na nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod pa lags/ bsam gtan rnams dang / tshad med pa rnams dang / gzugs med pa'i snyoms par 'jug pa rnams la spyod pa lags/ dran pa nye bar gzhag pa rnams la spyod pa nas/ 'phags pa'i lam yan lag brgyad pa'i bar la spyod pa lags/ rnam par thar pa'i sgo stong pa nyid dang / mtshan ma med pa dang / smon pa med pa la spyod pa dang / de bzhin gshegs pa'i stobs bcu'i bar la spyod pa dang / snying rje chen po'i bar la spyod pa lags/ ji ltar na byang chub sems dpa'i sa bcu po dag la spyod pa dang / nyan thos dang rang sangs rgyas kyi sa las shin tu 'da' ba dang / byang chub sems dpa'i skyon ma mchis pa 'jug pa lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor byang chub sems dpa' sems dpa' chen po// byang chub sems dpa'i spyad pa spyod pa na gnyis kyi tshul gyis sbyin pa'i pha rol tu phyin pa

  238. 120a

    la mi spyod do/ / de bzhin du sbyar te/ gnyis kyi tshul gyis shes rab kyi pha rol tu phyin pa'i bar la mi spyod do// gnyis kyi tshul gyi rnam pa thams cad mkhyen pa nyid kyi bar la mi spyod do/ / rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa'i pha rol tu phyin pa yongs su 'dzin pa dang / shes rab kyi pha rol tu phyin pa phyir du langs sumaji 'tshan no/ / ma pa thams cad mazed panyin gyi ba du'angathab par 'gyur / @#/ sa ma dus gas te gnyis kyi chul kyis sbyin ma phyin pa la mi spyod la/ de bzhin du gnyis kyi tshul gyis rnam pa thams cad mkhyen pa nyid kyi bar la mi spyod lags na/ ji ltar byang chub sems dpa' sems dpa' chen po sems dang po bskyed pa nas nye/ bar bzung ste/ dge ba'i rtsa ba rnams kyis rnam par 'phel bar 'gyur zhing / sems bskyed pa tha ma'i bar du ji ltar dge ba'i rtsa ba rnams kyis rnam par 'phel bar 'gyur lags/ de skra ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor gang dag gnyis la spyod pa de dag ni dge ba'i rtsa ba rnams kyis rnam par 'phel bar mi 'gyur ro// de ci'i phyir zhe na/ rab 'byor gnyis la rten pa ni byis pa so so'i skye bo thams cad de/ de dag ni dge ba'i rtsa ba rnams kyis rnam par 'phel bar mi 'gyur ro// byang chub sems dpa' ni gnyis la mi spyod

  239. 120b

    pas sems dang po bskyed pa nas bzung ste/ dge ba'i chos rnams kyis rnam par 'phel bar 'gyur zhing / sems bskyed pa tha ma'i bar du dge ba'i chos rnams kyis rnam par 'phel bar 'gyur te/ de'i dge ba'i rtsa ba de dag ni lha dang / mi dang / lha ma yin du bcas pa'i 'jig rten gyis zil gyis gnan par mi nus so// mi dge ba gang dag gis zil gyis gnan par gyur pa ni/ nyan thos kyi sa 'am rang sangs rgyas kyi sar lhung bar 'gyur zhing / mi dge ba'i rtsa ba gzhan dag gis kyang 'phrog par 'gyur ro// de dag gis phrogs pas sbyin pa'i pha rol tu phyin pa la spyod pa na/ dge ba'i rtsa ba rnams kyis rnam par 'phel bar mi 'gyur ba nas/ rnam pa thams cad mkhyen pa nyid kyi bar la spyod pa na dge ba'i rtsa ba rnams kyis rnam par 'phel bar mi 'gyur te/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la spyad par bya'o/ / gsol pa/ bcom ldan 'das ci byang chub sems dpa' sems dpa' chen po dge ba'i rtsa ba rnams kyi slad du/ shes rab kyi pha rol tu phyin pa la spyod lags sam/ bka' stsal pa/ rab 'byor de ni ma yin te/ rab 'byor byang chub sems dpa' sems dpa' chen po ni dge ba'i rtsa ba rnams kyi phyir shes rab kyi pha rol tu phyin pa la spyod pa ma yin la/ mi dge ba'i rtsa ba rnams kyi phyir yang shes rab kyi pha rol tu phyin pa la spyod pa ma yin mod kyi/ 'on kyang sangs rgyas bcom ldan 'das rnams la

  240. 121a

    bsnyen bkur ma byas sam/ dge ba'i rtsa ba rnams yongs su rdzogs par ma byas sam/ dge ba'i bshes gnyen dag gis yongs su ma zin par yang byang chub sems dpa' sems dpa' chen pos/ rnam pa thams cad mkhyen pa nyid thob par mi nus so// gsol pa/ bcom ldan 'das byang chub sems dpa' sems dpa' chen po ji ltar sangs rgyas bcom ldan 'das rnams la bsnyen bkur bgyi ba dang / dge ba'i rtsa ba yongs su rdzogs par bgyid pa dang / dge ba'i bshes gnyen gyis yongs su zin pas/ ji ltar rnam pa thams cad mkhyen pa nyid thob par 'gyur/ / bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ de bzhin gshegs pa dgra bcom pa yang dag par rdzogs pa'i sangs rgyas rnams la bsnyen bkur byed cing / sangs rgyas bcom ldan 'das de dag gis mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos sde dang / gtan la bab par bstan pa'i sde bstan pa gang yin pa de dag thams cad yongs su 'dzin to// bzung nus kyang tshigs gis yongs su 'dris par byas nas yid kyi rjes su rtogs par byed la/ lta bas shin tu

  241. 121b

    rtog par byed cing / gzungs thob par ro// gzungs thob nas kyang so so yang dag par rig pa skyed do// so so yang dag par rig pa bskyed nas/ de che brjes nas kyang rnam pa thams cad mkhyen pa nyid thob kyi bar du nams kyang chos de dag chud za bar mi 'gyur ro/ / der de bzhin gshegs pa dgra bcom pa yang dag par rdzogs pa'i sangs rgyas de dag la dge ba'i rtsa ba dag skyed par byed de/ dge ba'i rtsa ba de dag gis yongs su zin pas gzhan yang ngan song rnams dang mi khom pa rnams su mi skye zhing / dge ba'i rtsa ba de dag gis kyang yongs su zin pas/ dge ba'i rtsa ba de dag gis kyang bsam pa gang gis sangs rgyas kyi zhing yongs su dag par byed pa dang / sems can rnams yongs su smin par byed pa'i bsam pa rnam par dag pa yongs su 'dzin par 'gyur ro// dge ba'i rtsa ba de dag yongs su bzung bas kyang / dge ba'i bshes gnyen rnams dang / sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos gang dag sangs rgyas kyi theg pa'i bsngags pa brjod pa rnams dang nams kyang 'bral bar mi 'gyur ro/ / rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ de ltar sangs rgyas bcom ldan 'das rnams la bsnyen bku/ byas shing / dge ba'i rtsa ba yongs su gzung bar bya ste/ dge ba'i bshes gnyen rnams la'ang brten par bya'o// shes rab kyi pha rol tu phyin pa khri brgyad stong pa las/ dge ba'i bshes gnyen la /

  242. 122a

    pa dang / bsten pa dang / bsnyen bkur bya ba'i thabs kyi le'u zhes bya ste drug surtsa lnga pa'o// / de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa' sems dpa' chen po gang sangs rgyas bcom ldan 'das rnams la bsnyen bkur mi bgyid cing / dge ba'i rtsa ba dag kyang mi skyed la/ dge ba'i bshes gnyen gyis kyang yongs su ma zin pa'i byang chub sems dpa' sems dpa' chen po de/ rnam pa thams cad mkhyen pa nyid thob par mi 'gyur lags sam/ bcom ldan 'das kyis bka' stsal pa/ rab 'byor byang chub sems dpa' chen po sangs rgyas bcom ldan 'das rnams la bsnyen bkur ma byas la/ dge ba'i rtsa ba rnams ma bskyed cing / dge ba'i bshes gnyen dag/ gis yongs su ma zin pa ni/ rnam pa thams cad mkhyen pa nyid thob par mi 'gyur ro// de ci'i phyir zhe na/ sangs rgyas bcom ldan 'das rnams la'ang bsnyen bkur byas shing / dge ba'i rtsa ba rnams kyang bskyed la/ dge ba'i bshes gnyen langs brten du zin kyang / da dung rnam pa thams cad mkhyen pa nyid thob par mi nus na/ sangs rgyas bcom ldan 'das rnams la bsnyen bkur ma byas shing / dge ba'i rtsa ba rnams yongs su rdzogs par ma byas la/ dge ba'i bshes gnyen dag la ma brten par rnam pa thams cad mkhyen pa nyid thob pa lta ci smos te/ de ni gnas med do// rab 'byor de bas

  243. 122b

    na byang chub sems dpa' sems dpa' sems dpa' chen pos/ sangs rgyas bcom ldan 'das rnams la bsnyen bkur bya/ dge ba'i rtsa ba rnams bskyed par bya/ dge ba'i bshes gnyen rnams la brten par bya'o/ / gsol pa/ bcom ldan 'das ci'i slad du byang chub sems dpa' sems dpa' chen pos sangs rgyas bcom ldan 'das rnams la bsnyen bkur bgyis shing / dge ba'i rtsa ba rnams kyang bskyed la/ dge ba'i bshes gnyen rnams la brten kyang / rnam pa thams cad mkhyen pa nyid thob par mi 'gyur lags/ bka' stsal pa/ thabs la mkhas pa dang bral ba'i phyir te/ des sangs rgyas bcom ldan 'das de dag las thabs de ma thos la/ dge ba'i rtsa ba de dag kyang ma bskyed de/ dge ba'i bshes gnyen gang dag de la thabs ston pa'i dge ba'i bshes gnyen de dag la'ang ma brten pa'i phyir ro/ / gsol pa/ bcom ldan 'das thabs la mkhas pa gang dag dang ldan na/ byang chub sems dpa' sems dpa' chen pos rnam pa thams cad mkhyen pa nyid thob par 'gyur ba'i thabs la mkhas par gyur pa gang lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la byang chub sems dpa' sems dpa' chen po ni sems dang po bskyed pa nas bzung ste/ sbyin pa'i pha rol tu phyin pa spyod pa na/ rnam pa thams cad mkhyen pa nyid dang ldan pa'i yid la byed pa dag gis sangs rgyas bcom ldan

  244. 123a

    'das rnams dang / rang sangs rgyas rnams dang / nyan thos rnams dang / mir gyur pa rnams dang / mi ma yin du gyur pa rnamal sbyin pa sbyin par byed do// de rnam pa thams cad mkhyen pa nyid dang ldan pa'i yid la byed pa dag dang ldan pas/ de sbyin pa la'ang sbyin pa'i 'du shes su mi 'gyur/ len pa po la'ang len pa po'i 'du shes su mi 'gyur/ sbyin pa po la'ang sbyin pa po'i 'du shes su mi 'gyur ro/ / de ci'i phyir zhe na/ 'di ltar de ni chos thams cad rang gi mtshan nyid kyis stong pa dang / yongs su ma grub pa dang / mngon par ma grub par mthong la/ chos rnams kyi chos kyi mtshan nyid la'ang 'jug cing / chos thams cad byed pa'i mthu med cing mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pas dge ba'i rtsa ba rnams kyis 'phel bar 'gyur ro/ / de dge ba'i rtsa ba rnams kyis rnam par 'phel na/ sbyin pa'i pha rol tu phyin pa la spyod do// sbyin pa'i pha rol tu phyin pa la spyod na/ sems can rnams yongs su smin par byed cing / sangs rgyas kyi zhing yang yongs su dag par byed la/ 'khor ba na sbyin pa'i 'bras bu yongs su longs spyod pa gang yin pa'i sbyin pa'i 'bras bu la'ang mi re ste/ gzhan du na sems cad yongs su bskyab pa dang / sems can yongs su dgrol ba'i phyir/ sbyin pa'i pha rol tu phyin pa la spyod do// shes rab kyi pha rol tu phyin pa khri brgyad stong pa las/ thabs la mkhas pa bstan pa'i le'u zhes bya ste drug cu rtsa drug

  245. 123b

    pa'o/ / rjerab 'byor gzhan yang byang chub sems dpa' sems dpa' chen po ni/ tshul khrims kyi pha rol tu phyin pa la spyod pa na/ sems dang po bskyed pa nas bzung ste/ rnam pa thams cad mkhyen pa nyid dang ldan pa'i yid la byed pa dag gis tshul khrims de srung ste/ de 'dod chags kyi sems dang / zhe sdang dang / gti mug dang / bag la nyal ba dang / kun nas ldang ba dang / byang chub la bgegs byed pa'i mi dge ba'i rtsa ba'i chos gang yang rung ba 'di lta ste/ ser sna dang / 'chal pa'i tshul khrims dang / 'khrug pa'i sems dang / le lo'i sems dang / dman pa'i sems dang / 'khrul pa'i sems dang / 'chal pa'i shes rab kyi sems dang / nga rgyal dang / brnyas pa dang / lhag pa'i nga rgyal lam/ nga'o snyam pa'i nga rgyal lam/ nyan thos dang rang sangs rgyas kyi sems kyis sgrib par mi 'gyur ro/ / de ci'i phyir zhe na/ 'di ltar de chos thams cad rang gi mtshan nyid kyis stong par shes shing / chos thams cad ma byung ba dang / yongs su ma grub pa dang / mngon par ma grub par mthong la/ chos rnams kyi chos kyi mtshan nyid la 'jug ste/ chos thams cad byed pa'i mthu med cing / mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pa'i byang chub sems dpa' sems dpa' chen po de ni/ dge ba'i rtsa bdag gis rnam par 'phel bar 'gyur ro// de dge ba'i rtsa ba rnams kyis rnam par 'phel na/ tshul khrims kyi pha rol tu phyin pa la spyod do//

  246. 124a

    tshul khrims kyi pha rol tu phyin pa la spyod na/ sems can rnams yongs su smin par byed cing / sangs rgyas kyi zhing yang yongs su dag par byed la/ 'khor ba na tshul khrims kyi 'bras bu yongs su longs spyad pa gang yin pa'i tshul khrims kyi 'bras bu la'ang mi re ste/ gzhan du na sems can rjes su gsung ba dang / sems can la mi gnod pa dang / sems can la phan par 'dod nga'i phyir/ tshul khrims kyi pha rol tu phyin pa la spyod do// shes rab kyi pha rol tu phyin pa khri brgyad stong pa las/ tshul khrims kyi le'u zhes bya ste drug cu rtsa bdun pa'o// // de bzhin du bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la spyod pa la'ang sbyar bar bya'o// rab 'byor gzhan yang byang chub sems dpa' sems dpa' chen po ni/ shes rab kyi pha rol tu phyin pa la spyod pa na/ sems dang po bskyed pa nas bzung ste/ rnam pa thams cad mkhyen pa nyid dang ldan pa'i yid la byed pa dag gis shes rab sgom par byed de/ de la 'dod chags kyi sems nas/ nyan thos dang rang sangs rgyas kyi bar gyi sems kyis sgrib par mi 'gyur ro// de ci'i phyir zhe na/ rab 'byor 'di ltar des chos thams cad rang gi mtshan nyid kyis stong par shes shing / chos thams cad ma byung ba dang / yongs su ma grub pa dang / mngon par ma grub par mthong la/ chos thams cad kyi chos kyi mtshan nyid la 'jug ste/

  247. 124b

    chos thams cad byed pa la mthu med cing mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pa de ni dge ba'i rtsa ba dag gis rnam par 'phel bar 'gyur ro// de dge ba'i rtsa ba rnams kyis rnam par 'phel na/ shes rab kyi pha rol tu phyin pa la spyod do// de shes rab kyi pha rol tu phyin pa la spyod na/ sems can rnams kyang yongs su smin par byed cing / sangs rgyas kyi zhing yang yongs su dag par byed la/ 'khor ba na shes rab kyi 'bras bu yongs su longs spyad pa gang yin pa'i shes rab kyi 'bras bu la'ang mi re ste/ gzhan du na sems can yongs su bskyab pa dang / sems can yongs su dgrol ba'i phyir shes rab kyi pha rol tu phyin pa la spyod do// shes rab kyi pha rol tu phyin pa khri brgyad stong pa las/ rnam par 'phel ba'i le'u zhes bya ste drug cu rtsa brgyad pa'o/ / // rab 'byor gzhan yang byang chub sems dpa' sems dpa' chen po ni/ bsam gtan dang po la snyoms par 'jug pa nas/ bsam gtan bzhi pa'i bar du snyoms par 'jug/ tshad med pa rnams la snyoms par 'jug/ gzugs med snyoms par 'jug pa rnams la snyoms par 'jug la/ rnam par smin pa'ang yongs su mi 'dzin to// de ci'i phyir zhen/ 'di ltar de ni thabs la mkhas pa gang dang ldan na/ bsam gtan rnams dang / tshad med pa rnams dang / gzugs med pa'i snyoms par 'jug pa rnams rang gi mtshan nyid kyis stong par shes

  248. 125a

    pa nas/ mngon par ma grub pa'i bar du shes pa'i thabs la mkhas pa dang ldan pa'i phyir ro// rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ sems dang po skyed pa nas bzung ste/ thabs la mkhas pa dang ldan pas mthong ba dang bsgom pas spong ba'i lam la spyod kyang / rgyun du zhugs pa'i 'bras bu'ang thob par mi byed do/ / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyang thob par mi byed do// de ci'i phyir zhe na/ 'di ltar des chos thams cad rang gi mtshan nyid kyis stong par shes la/ byang chub kyi phyogs kyi chos de dag la'ang spyod cing / nyan thos dang rang sangs rgyas kyi sa las kyang 'da' ba'i phyir te/ rab 'byor 'di ni byang chub sems dpa' sems dpa' chen po'i mi skye ba'i chos rnams la bzod pa yin no// rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ rnam par thar pa brgyad la snyoms par 'jug cing / mthar gyis gnas pa'i snyoms par 'jug pa dgu la'ang snyoms par 'jug la/ rgyun du zhugs pa'i 'bras bu'ang thob par mi 'gyur zhing / dgra bcom pa nyid kyi bar du'ang thob par mi 'gyur ro// de ci'i phyir zhe na/ 'di ltar des chos thams cad rang gi mtshan nyid kyis stong par shes

  249. 125b

    pa nas/ chos thams cad mngon par ma grub pa'i bar du shes pa'i phyir ro// rab 'byor gzhan yang byang chub sems dpa' sems dpa' chen po ni/ de bzhin gshegs pa'i stong bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / snying rje chen po la'ang 'dris par byed la/ sangs rgyas kyi zhing yang yongs su dag par ma byas shing / sems can rnams yongs su smin par ma byas kyi bar du'ang rnam pa thams cad mkhyen pa nyid thob par mi byed de/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa la spyad par bya'o/ / // 'phags pa shes rab kyi pha rol tu phyin pa khri brgyad stong pa bam po bzhi bcu rtsa bdun pa// / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po gang de ltar chos zab mo rnams la spyod cing / rnam par smin pa'ang len par mi bgyid pa ni/ blo'i mchog dang ldan pa lags so// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor de de bzhin no// de de bzhin te/ rab 'byor byang chub sems dpa' sems dpa' chen po gang de ltar chos zab mo rnams la spyod cing

  250. 126a

    rnam par smin pa'ang len par mi byed pa ni blo'i mchog dang ldan pa yin no/ / de ci'i phyir zhe na/ rab 'byor 'di ltar byang chub sems dpa' sems dpa' chen po ni ngo bo nyid las mi g.yo ba'i phyir ro/ / gsol pa/ bcom ldan 'das ngo bo nyid gang las mi g.yo ba lags/ bka' stsal pa/ dngos po med pa las mi g.yo'o// rab 'byor khyod 'di skad du ngo bo nyid gang las mi g.yo ba lags shes zer ba ni/ gzugs kyi ngo bo nyid las mi g.yo'o// tshor ba dang / 'du shes dang / 'du byed rnams dang / rnam par shes pa'i ngo bo nyid las mi g.yo'o// sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ngo bo nyid las mi g.yo'o// bsam gtan rnams dang / mtshad med pa rnams dang / gzugs med pa'i snyoms par 'jug pa rnams kyi ngo bo nyid las mi g.yo'o// dran pa nye bar gzhag pa rnams dang / 'phags pa'i lam yan lag brgyad pa'i bar gyi ngo nyid las mi g.yo'o/ / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / snying rje chen po'i bar gyi ngo bo nyid las mi g.yo'o// de ci'i phyir zhe na/ rab 'byor 'di ltar chos 'di dag gi ngo bo nyid gang yin pa de ni dngos po med pa'i phyir ro/ / rab 'byor dngos po med pas ni dngos po med pa mngon par rdzogs par 'tshang rgya bar mi nus so// gsol pa/ bcom ldan 'das ci

  251. 126b

    dngos pos dngos po ma mchis pa mngon par rdzogs par 'tshang rgya bar rngo thog lags sam/ bka' stsal pa/ rab 'byor de ni ma yin no// gsol pa/ bcom ldan 'das ci dngos po ma mchis pas dngos po mngon par rdzogs par 'tshang rgya bar bgyi bar nus lags sam/ bka' stsal pa/ rab 'byor de ni ma yin no// gsol pa/ bcom ldan 'das ci dngos pos dngos po mngon par rdzogs par 'tshang rgya bar bgyi par nus lags sam/ bka' stsal pa/ rab 'byor de ni ma yin no// gsol pa/ bcom ldan 'das dngos po ma mchis pas dngos po ma mchis pa mngon par rdzogs par 'tshang rgya bar bgyi bar nus lags sam/ bka' stsal pa/ rab 'byor de ni ma yin no// gsol pa/ bcom ldan 'das gal te dngos po ma mchis pas kyang dngos po mngon par mi rtogs shing / dngos pos kyang dngos po ma mchis pa mngos par mi rtogs la/ dngos po ma mchis pas kyang dngos po ma mchis pa mngon par mi rtogs shing / dngos pos kyang dngos po mngon par rtogs pa ma lags na/ 'o na ni thob pa'ang ma mchis/ mngon par rtogs pa 'ang mchis par mi 'gyur lags sam/ bka' stsal pa/ rab 'byor mngon par rtogs pa ni yod mod kyi/ mngon par bsgrub pa 'di bzhis ni ma yin no// gsol pa/ bcom ldan 'das 'on mngon par rtogs pa ji lta bu zhig lags/ bka' stsal pa/ ji ltar dngos po'ang ma yin zhing / dngos po med pa'ang ma yin pa de ltar mnyam pa nyid du mthong ba ni mngon par rtogs pa ste/ spros pa med cing spros pa dang bral ba'i

  252. 127a

    phyir/ gang la spros pa de dag med pa de la su ni mngon par rtogs pa yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa' sems dpa' chen po'i spros pa gang lags/ bka' stsal pa/ rab 'byor gzugs rtag ces bya ba dang / mi rtag ces bya ba ni byang chub sems dpa'i spros pa'o/ / tshor ba dang / 'du shes dang / 'du byed rnams dang / rnam par shes pa rtag ces bya ba dang / mi rtag ces bya ba ni byang chub sems dpa'i spros pa'o// gzugs bde zhes bya ba dang // sdug bsngal zhes bya ba ni byang chub sems dpa'i spros pa'o// tshor ba dang / 'du shes dang / 'du byed rnams dang / rnam par shes pa bde zhes bya ba dang / sdug bsngal zhes bya ba ni byang chub sems dpa'i spros pa'o/ / gzugs bdag yod ces bya ba dang / bdag med ces bya ba ni byang chub sems dpa'i spros pa'o// tshor ba dang / 'du shes dang / 'du byed rnams dang / rnam par shes pa bdag yod ces bya ba dang / bdag med ces bya ba ni byang chub sems dpa'i spros pa'o// gzugs zhi zhes bya ba dang / ma zhi zhes bya ba ni byang chub sems dpa'i spros pa'o// tshor ba dang / 'du shes dang / 'du byed rnams dang / rnam par shes pa zhi zhes bya ba dang / ma zhi zhes bya ba ni byang chub sems dpa'i spros pa'o// gzugs yongs su shes par bya ba yin zhes bya ba dang / yongs su shes par bya ba ma yin zhes bya ba ni byang chub sems

  253. 127b

    dpa'i spros pa'o/ / tshor ba dang / 'du shes dang / 'du byed rnams dang / rnam par shes pa yongs su shes par bya ba yin zhes bya ba dang / yongs su shes par bya ba ma yin zhes bya ba ni byang chub sems dpa'i spros pa'o/ / sdu bsngal 'phags pa'i bden pa yongs su shes par bya ba yin zhes bya ba ni spros pa'o// kun 'byung ba spang bar bya ba yin zhes bya ba ni spros pa'o// 'gog pa mngon sum du bya ba yin zhes bya ba ni spros pa'o/ / lam bsgom par bya ba yin zhes bya ba ni spros pa'o// bsam gtan pa ni bsgom par bya ba yin zhes bya ba ni spros pa'o// tshad med pa bzhi bsgom par bya ba yin zhes bya ba ni spros pa'o// gzugs med pa'i snyoms par 'jug pa bzhi bsgom par bya ba yin zhes bya ba ni spros pa'o/ / dran pa nye bar gzhag pa bani dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa bsgom par bya ba yin zhes bya ba ni spros pa'o// rnam par thar pa'o sgo stong pa nyid dang / mtshan ma med pa dang / sngon pa med pa bsgom par bya ba yin zhes bya ba ni spros pa'o/ / rnam par thar pa brgyad dang / mthar gyis gnas pa'i snyoms par dgu bsgom par bya ba yin zhes bya ba ni spros pa'o// rgyun du zhugs pa'i 'bras bu dang / lan cig phyin 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub las 'da' bar bya'o zhes bya ba ni spros pa'o// byang chub sems dpa'i sa bcu

  254. 128a

    yongs su rdzogs par bya'o zhes bya ba ni spros pa'o/ / byang chub sems dpa'i skyon med pa la 'jug par bya'o zhes bya ba ni spros pa'o// sangs rgyas kyi zhing yongs su dag par bya'o/ zhes bya ba ni spros pa'o// sems can rnams yongs su smin par bya'o zhes bya ba ni spros pa'o// de bzhin gshegs pa'i stobs bcu bskyed par bya'o zhes bya ba ni spros pa'o// mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su rdzogs par bya'o zhes bya ba ni spros pa'o// rnam pa thams cad mkhyen pa nyid thob par bya'o zhes bya ba ni spros pa'o/ / bag chags kyi mtshams sbyor ba thams cad spang bar bya'o zhes bya ba ni spros pa'o// de lta bas na byang chub sems dpa' sems dpa' chen po shes rab kyi pha rol tu phyin pa la spyod pa ni spros par bya ba ma yin pa spros par mi byed de/ gzugs rtag pa'am/ mi rtag pa zhes spros par bya ba ma yin pa spros par mi byed do// tshor ba dang / 'du shes dang / 'du byed rnams dang / rnam par shes pa rnams rtag pa'am/ mi rtag pa zhes spros par bya ba ma yin pa spros par mi byed do// rnam pa thams cad mkhyen pa nyid thob par bya'o snyam pa'i bar du spros par bya ba ma yin pa spros par mi byed do/ / de ci'i phyir zhe na/ ngo bo nyid kyis ni ngo bo nyid spros par mi byed cing / dngos po med pas kyang dngos po spros par mi byed la/ ngo bo nyid dang dngos po med pa ma matogs par yang gang gis spros par byed

  255. 128b

    pa dang / gang spros par byed pa dang / cis spros par bya ba dang / gang la spros par bya ba gzhan ci'ang mi dmigs te/ rab 'byor de bas na gzugs nas/ rnam par shes pa'i bar du spros pa med cing / byang chub kyi bar du spros pa med pa ste/ rab 'byor byang chub sems dpa' sems dpa' chen pos spros pa med pa'i shes rab kyi pha rol tu phyin pa la de ltar spyad par bya'o// gsol pa/ bcom ldan 'das byang chub sems dpa' sems dpa' chen po/ shes rab kyi pha rol tu phyin pa la spyod pas chos thams cad spros pa ma mchis par ji ltar blta bar bgyi lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor gzugs nas/ rnam par shes pa'i bar gyi ngo bo nyid med do// rnam pa thams cad mkhyen pa nyid kyi bar gyi ngo bo nyid med do/ / gang la ngo bo nyid med pa de la spros pa med do// rab 'byor de'i phyir na gzugs nas/ rnam par shes pa'i bar du spros pa med do// de bzhin du sbyar te/ rnam pa thams cad mkhyen pa nyid kyi bar du spros pa med do/ / rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyad pa ni/ byang chub sems dpa'i skyon med pa la 'jug go// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos gang la'ang ngo bo nyid dmigs su ma mchis na/

  256. 129a

    / ci byang chub sems dpa' sems dpa' chen pos nyan thos kyi lam mam/ rang sangs rgyas kyi lam mam/ sangs rgyas kyi lam mam/ lam gang gis byang chub sems dpa'i skyon ma mchis pa la 'jug par 'gyur ba lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po ni nyan thos kyi lam dang / rang sangs rgyas kyi lam dang / sangs rgyas kyi lam gyis byang chub sems dpa'i skyon med pa la mi 'jug mod kyi/ 'on kyang rab 'byor byang chub sems dpa' sems dpa' chen po ni lam thams cad la bslabs nas/ byang chub sems dpa'i skyon med pa la 'jug go/ rab 'byor 'di lta ste/ dper na dgra bcom pas lam thams cad la bslabs nas yang dag pa nyid skyon med pa la 'jug mod kyi/ ji srid du lam gyi 'bras bu ma bskyed pa de srid du lam gyi skad cig la dgra bcom pa'i 'bras bu thob par mi 'gyur ro// rab 'byor de bzhin du byang chub sems dpa' sems dpa' chen po'ang ngam thams cad bskyed nas/ byang chub sems dpa'i skyon med pa la 'jug mod kyi/ rdo rje lta bu'i ting nge 'dzin ma thob kyi bar du/ rnam pa thams cad mkhyen pa nyid thob par mi 'gyur te/ des skad cig gcig dang ldan pa'i shes rab kyis rnam pa thams cad mkhyen pa nyid thob par mi 'gyur ro// de skad ces bka' stsal pa dang /

  257. 129b

    bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te byang chub sems dpa' sems dpa' chen po lam thams cad yongs su rdzogs par bgyis nas/ byang chub sems dpa'i skyon ma mchis pa la 'jug na/ bcom ldan 'das de lta lags na ni/ brgyad pa'i lam yang gzhan kho nar 'gyur la/ rgyun du zhugs pa'i lam yang gzhan/ lan cig phyir 'ong ba la zhugs pa'i lam yang gzhan/ lan cig phyir 'ong ba'i lam yang gzhan/ phyir mi 'ong ba la zhugs pa'i lam yang gzhan/ phyir mi 'ong ba'i lam yang gzhan/ dgra bcom pa la zhugs pa'i lam yang gzhan/ dgra bcom pa'i lam yang gzhan/ rang sangs rgyas kyi lam yang gzhan/ de bzhin gshegs pa dgra bcom pa yang dag par rdzogs pa'i sangs rgyas kyi lam yang gzhan du mi 'gyur lags sam/ bcom ldan 'das gal te lam de dag phan tshun tha dad par gyur na/ byang chub sems dpa' sems dpa' chen pos ji ltar lam thams cad yongs su rdzogs par bgyis nas/ byang chub sems dpa'i skyon ma mchis pa la 'jug par 'gyur ba lags/ bcom ldan 'das gal te byang chub sems dpa' sems dpa' chen pos lam thams cad yongs su rdzogs par bgyi 'tshal bar gyur na/ bcom ldan 'das byang chub sems dpa' sems dpa' chen po sa lam thams cad bskyed pas brgyad par mi 'gyur lags grang /

  258. 130a

    mthong ba'i lam bskyed pas rgyun du zhugs par mi 'gyur lags grang / bsgom pa'i lam bskyed pas lan cig phyir 'ong ba la zhugs pa dang / lan cig phyir 'ong bar mi 'gyur lags grang / dgra bcom pa'i bar du'ang mi 'gyur lags grang / rang sangs rgyas kyi lam bskyed pas rang sangs rgyas su mi 'gyur lags grang / bcom ldan 'das byang chub sems dpa' sems dpa' chen pos brgyad pa'i lam bskyed pas brgyad par 'gyur ba'am/ brgyad par gyur nas byang chub sems dpa'i skyon ma mchis pa la 'jug pa de ni gnas ma mchis shing skabs ma lags te/ de ni gnas ma mchis lags so// byang chub sems dpa'i skyon ma mchis pa la zhugs nas/ rnam pa thams cad mkhyen pa nyid thob par mi 'gyur zhes bgyi ba de ni gnas ma mchis lags so/ / de bzhin du rgyun du zhugs pa'i 'bras bu thob pa dang / dgra bcom pa nyid thob pa dang / rang byang chub kyi bar du thob nas/ byang chub sems dpa'i skyon ma mchis pa la 'jug ces bgyi ba de ni gnas ma mchis lags so/ / byang chub sems dpa'i skyon ma mchis pa la zhugs nas/ rnam pa thams cad mkhyen pa nyid thob par mi 'gyur zhes bgyi ba de ni gnas ma mchis lags na/ bcom ldan 'das ji ltar bdag gis byang chub sems dpa' sems dpa' chen pos lam thams cad bskyed nas/ byang chub sems dpa'i skyon ma mchis pa la 'jug pa dang / byang chub sems dpa'i

  259. 130b

    skyon ma mchis pa la zhugs nas/ rnam pa thams cad mkhyen pa nyid thob cing / bag chags kyi mtshams sbyor ba thams cad spong bar 'tshal bar bgyi lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rab 'byor byang chub sems dpa' sems dpa' chen po brgyad par gyur la/ rgyun du zhugs pa'i 'bras bu thob nas lam thams cad bskyed de/ byang chub sems dpa'i skyon med pa la 'jug ces bya ba ni gnas med de/ skabs ma yin zhing de ni gnas med do// byang chub sems dpa'i skyon med pa la zhugs nas/ rnam pa thams cad mkhyen pa nyid thob par mi 'gyur zhes bya ba de ni gnas med do// rab 'byor yang byang chub sems dpa' sems dpa' chen po ni sems dang po bskyed pa nas bzung ste/ pha rol tu phyin pa drug la spyod pa na/ shes pa dang mthong bas sa brgyad po dag la rnam par bltas nas 'da' bar byed do// brgyad gang zhe na/ 'di lta ste/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa ste/ 'di ni sar bstan pa yin no/ / des shes pa dang mthong bas sa brgyad po de dag las 'das par byas nas/ byang chub sems dpa'i skyon med pa la 'jug go/ byang chub sems dpa'i skyon med pa la zhugs nas/ rnam pa thams cad

  260. 131a

    mkhyen pa nyid kyi ye shes kyis nyon mongs pa dang / bag chags dang / mtshams sbyor ba thams cad spong ngo // rab 'byor de la brgyad pa'i shes pa gang yin pa de ni byang chub sems dpa'i bzod pa'o/ / rgyun du zhugs pa'i shes pa dang / spong ba gang yin pa de ni byang chub sems dpa'i bzod pa'o// lan cig phyir 'ong ba'i shes pa dang / spong ba gang yin pa de ni byang chub sems dpa'i bzod pa'o/ / phyir mi 'ong ba'i shes pa dang / spong ba gang yin pa de ni byang chub sems dpa'i bzod pa'o// dgra bcom pa'i shes pa dang / spong ba gang yin pa de ni byang chub sems dpa'i bzod pa'o// rang sangs rgyas kyi shes pa dang / spong ba gang yin pa de ni byang chub sems dpa'i bzod pa'o// byang chub sems dpas ni nyan thos dang rang sangs rgyas thams cad kyi lam de dag thams cad yongs su rdzogs par byas nas/ lam gyi rnam pa nyid kyi shes pas byang chub sems dpa'i skyon med pa la 'jug go/ byang chub sems dpa'i skyon med pa la zhugs nas/ rnam pa thams cad mkhyen pa nyid kyi ye shes kyis/ bag chags kyi mtshams sbyor ba dang nyon mongs pa thams cad spong ste/ rab 'byor de ltar byang chub sems dpa' sems dpa' chen po lam thams cad yongs su rdzogs par byas nas/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ / bla na med pa yang dag par rdzogs pa'i byang chub mngon par rdzogs par sangs rgyas nas/ 'bras bu ltar sems can

  261. 131b

    thams cad kyi 'tsho bar 'gyur ro/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das nyan thos kyi lam dang rang sangs rgyas kyi lam dang / sangs rgyas kyi lam bcom ldan 'das kyis gsungs pa'i lam gang lags pa 'di dag las/ bcom ldan 'das lam gyi rnam pa shes pa nyid kyi lam gang lags/ bka' stsal pa/ rab 'byor 'di la byang chub sems dpa' sems dpa' chen pos lam gyi rnam pa shes pa nyid rnam par dag pa bskyed par bya'o// rab 'byor de la lam gyi rnam pa shes pa nyid rnam par dag pa ni 'di yin te/ rnam pa gang dang gang dag dang / mtshan ma gang dang gang dag dang / rtags gang dang gang dag gis lam gyi rnam pa shes pa nyid dag par 'gyur ba'i rnam pa de dang de dag dang / mtshan ma de dang de dag dang / rtags de dang de dag byang chub sems dpa' sems dpa' chen pos mngon par rdzogs par rtogs par bya'o// mngon par rdzogs par rtogs nas kyang / gzhan gdul ba'i phyir ci nas pha rol gyi khong du chud par gzhan dag la brjod par bya/ bstan par bya/ bshad par bya/ gdags par bya/ dgod par bya'o// de la skad dang / brda dang / sgra gang gis stong gsum gyi stong chen po'i 'jig rten gyi khams dbyangs kyis go bar 'gyur ba'i skad dang / brda dang / sba thams cad byang chub sems dpa' sems dpa' chen pos bsgrub par bya ste/ brag cha lta bur rtogs par ba pa'i

  262. 132a

    phyir bsgrub par bya'o/ / rab 'byor de lta bas na rnam grangs des kyang / byang chub sems dpa' sems chen pos lam gyi rnam pa shes pa nyid yongs su rdzogs par bya'o// lam gyi rnam pa shes pa nyid yongs su rdzogs par byas nas/ sems can rnams kyi bsam pa shes par bya'o// sems can dmyal ba'i sems can rnams kyi lam yang shes par bya'o// rgyu'ang shes par bya/ 'bras bu'ang shes par bya ste/ sems can dmyal ba'i lam de las bzlog par bya/ rgyu las kyang bzlog par bya/ 'bras bu las kyang bzlog par bya'o// de bzhin du dud 'gro'i skye gnas kyi lam las kyang bzlog par bya/ rgyu las kyang bzlog par bya/ 'bras bu las kyang bzlog par bya'o// mi 'am ci rnams dang / lto 'phye chen po rnams dang / klu rnams dang / gnod sbyin rnams dang / mi rnams kyi lam yang shes par bya/ rgyu'ang shes par bya/ 'bras bu'ang shes par bya'o// lha rnams kyi lam yang shes par bya/ rgyu'ang shes par bya/ 'bras bu'ang shes par bya'o// tshangs pa'i lam yang shes par bya/ rgyu'ang shes par bya/ 'bras bu'ang shes par bya'o// 'od gsal ba rnams dang / dge rgyas pa rnams dang / 'bras bu che ba rnams dang / 'du shes med pa rnams dang / mi che ba rnams dang / mi gdung ba rnams dang / 'og min gyi lha rnams kyi lam yang shes par bya/ rgyu'ang shes par bya/ 'bras bu'ang shes par bya'o// nam mkha' mtha' yas skye mched drim par 'gro

  263. 132b

    pa'i lha rnams kyi lam yang shes par bya/ rgyu'ang shes par bya/ 'bras bu'ang shes par bya'o// 'du shes med 'du shes med min skye mched du nye bar 'gro ba'i bar gyi lha rnams kyi lam yang shes par bya/ rgyu'ang shes par bya/ 'bras bu'ang shes par bya'o// dran pa nye bar gzhag pa bzhi shes par bya/ yang dag par spong ba ba ni shes par bya/ rdzu 'phrul gyi rkang pa ba ni shes par bya/ dbang po lnga shes par bya/ stobs lnga shes par bya/ byang chub kyi yan lag bdun shes par bya/ 'phags pa'i lam yan lag brgyad pa shes par bya/ rnam par thar pa'i sgo stong pa nyid shes par bya/ rnam par thar pa'i sgo mtshan ma med pa shes par bya/ rnam par thar pa'i blo smon pa med pa shes par bya/ de bzhin gshegs pa'i stobs bcu shes par bya/ mi 'jigs pa ba ni shes par bya/ so so yang dag par rig pa bzhi shes par bya/ sangs rgyas kyi chos ma 'dres pa bco brgyad shes par bya/ snying rje chen po shes par bya'o// lam de dag gis kyang sems can rgyun du zhugs pa'i 'bras su la dgod par bya ba gang yin pa de dag ni/ rgyun du zhugs pa'i 'bras bu la dgod do// dgra bcom pa nyid kyi bar la dgod par bya ba gang yin pa de dag ni/ dgra bcom pa nyid mi dgod do// rang byang chub la dgod par bya ba gang yin pa de dag ni rang byang chub la dgod do// byang chub la dgod par bya ba gang yin pa de dag ni/ byang chub la 'god de/ rab 'byor 'di ni byang chub sems dpa'

  264. 133a

    sems dpa' chen po lam gyi rnam pa shes pa nyid yin te/ byang chub sems dpa' sems dpa' chen pos de la bslabs nas sems can gyi bsam pa la 'jug go/ sems can gyi bsam pa la zhugs nas ci nas de'i chos bstan pa chud mi za zhing / don yod par 'gyur pa de lta bur chos ston to// de ci'i phyir zhe na/ 'di ltar de ni pha rol gyi dbang po mchog dang mchog ma yin pa shes pa shin tu bye brag phyed cing / shin tu rtogs pa yin pa'i phyir te/ des ni sems can rnams kyi 'gro ba dang / 'ong ba dang / 'chi 'pho dang / skye ba yang dag pa ji lta ba bzhin du shes so// rab 'byor byang chub kyi phyogs kyi chos gang dag la/ byang chub sems dpa' sems dpa' chen po rnams kyis bslab par bya ba dang / nyan thos rnams dang rang sangs rgyas rnams kyis bslab par bya ba'i lam thams cad ni/ shes rab kyi pha rol tu phyin pa 'di'i nang du 'dus pas na/ byang chub sems dpa' sems dpa' chen pos shes rab kyi pha rol tu phyin pa la bslab par bya'o// de skad ces bka' stsal pa dang/ bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te byang chub kyi phyogs kyi chos rnams gang lags pa dang / byang chub gang lags pa'i chos de dag ldan pa'ang ma lags/ mi ldan pa'ang ma lags la/ gzugs can yang ma lags/ bstan du'ang ma mchis/ thogs pa'ang ma mchis te/ 'di ltar mtshan nyid ma mchis par mtshan nyid gcig sa lags

  265. 133b

    na/ bcom ldan 'das byang chub kyi phyogs kyi chos rnams ji ltar byang chub bsgrub par 'gyur/ bcom ldan 'das ldan pa'ang ma lags/ mi ldan pa'ang ma lags/ gzugs can yang ma lags/ bstan du'ang ma mchis/ thogs pa'ang ma mchis te/ 'di ltar mtshan nyid ma mchis par mtshan nyid gcig pa'i chos gang la'ang sgrub pa 'am/ 'jig par bgyid pa ma lags so// bcom ldan 'das dper bgyi na nam mkha' ni chos gang la'ang sgrub pa ma lags shing / 'jig par bgyid pa ma lags so// bcom ldan 'das de bzhin du chos thams cad rang gi mtshan nyid kyis stong pa ni/ chos gang yang sgrub pa ma lags shing / 'jig par bgyid pa ma lags so// bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor rang gi mtshan nyid kyis stong pa'i chos rnams ni chos gang gi sgrub pa 'am/ 'jig par byed pa ma yin no// rab 'byor sems can gang dag rang gi mtshan nyid kyis stong pa'i chos mi shes pa de dag gi phyir byang chub kyi phyogs kyi chos 'di dag ni byang chub sgrub pa yin no zhes bstan to/ / rab 'byor gzhan yang gzugs gang yin pa dang / tshor ba gang yin pa dang / 'du shes gang yin pa dang / 'du byed rnams gang yin pa dang / rnam par shes pa gang yin pa dang / sbyin pa'i pha rol tu phyin pa gang yin pa dang / shes rab kyi pha rol tu phyin pa'i bar gang yin pa dang / nang stong pa nyid gang yin pa dang / phyi stong pa nyid

  266. 134a

    gang yin pa dang / rang gi mtshan nyid stong pa nyid kyi bar gang yin pa dang / bsam gtan gang yin pa dang / 'du shes med 'du shes med min gyi skye mched kyi snyoms par 'jug pa'i bar gang yin pa dang / dran pa nye bar gzhag pa gang yin pa dang / 'phags pa'i lam yan lag brgyad pa'i bar gang yin pa dang / rnam par thar pa'i sgo gsum gang yin pa dang / rnam par thar pa brgyad gang yin pa dang / mthar gyis gnas pa'i snyoms par 'jug pa dgu gang yin pa dang / de bzhin gshegs pa'i stobs bcu'i bar du gang yin pa dang / mi 'jigs pa bzhi gang yin pa dang / so so yang dag par rig pa bzhi gang yin pa dang / sangs rgyas kyi chos ma 'dres pa bco brgyad gang yin pa dang / snying rje chen po gang yin pa dang / rnam pa thams cad mkhyen pa nyid kyi bar gang yin pa'i chos de dag thams cad ni/ 'phags pa'i chos 'dul ba 'di la ldan pa'ang ma yin/ mi ldan pa'ang ma yin zhing / gzugs can yang ma yin pa/ bstan du med pa/ thogs pa med pa/ 'di ltar mtshan nyid med par mtshan nyid gcig pa yin te/ de dag ni de bzhin gshegs pas sems can thams cad gzud pa'i phyir/ 'jig rten gyi tha snyad kyis tha snyad du 'dogs par mdzad kyi/ don dam par ni ma yin no/ / rab 'byor de la byang chub sems dpa' sems dpa' chen pos ni thams cad la'ang shes pa dang mthong bas bslab par bya'o// de la shes pa dang mthong bas ji lta ba bzhin du bslabs pas chos

  267. 134b

    kha cig ni rtogs par bya/ chos kha cig ni rtogs par mi bya'o// gsol pa/ bcom ldan 'das byang chub sems dpa' sems dpa' chen pos shes pa dang mthong bas bslabs nas rtogs par bgyi ba'i chos rnams ni gang lags/ rtogs par mi bgyi ba'i chos rnams ni gang lags/ bka' stsal pa/ rab 'byor nyan thos dang rang sangs rgyas kyis ni shes pa dang mthong pas rtogs par bya ba ma yin pa'o/ / rnam pa thams cad mkhyen pa nyid kyi ye shes kyis ni/ chos thams cad rnam pa thams cad du rtogs par bya ste/ rab 'byor byang chub sems dpa' sems dpa' chen pos de ltar 'phags pa'i chos 'dul ba shes rab kyi pha rol tu phyin pa 'di la bslab par bya'o/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das 'phags pa'i chos 'dul ba 'phags pa'i chos 'dul ba zhes bgyi na/ bcom ldan 'das 'phags pa'i chos 'dul ba ni gang lags/ bcom ldan 'das ji tsam gyis na 'phags pa'i chos 'dul ba zhe bgyi/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la nyan thos dang / rang sangs rgyas dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams ni/ 'dod chags dang ldan pa'ang

  268. 135a

    ma yin mi ldan pa'ang ma yin no/ / zhe sdang dang ldan pa'ang ma yin/ mi ldan pa'ang ma yin no// gti mug dang ldan pa'ang ma yin/ mi ldan pa'ang ma yin no// 'jig tshogs la lta ba dang ldan pa'ang ma yin/ mi ldan pa'ang ma yin no// the tsom dang ldan pa'ang ma yin/ mi ldan pa'ang ma yin no// tshul khrims dang brtul zhugs mchog tu 'dzin pa dang ldan pa'ang ma yin// mi ldan pa'ang ma yin no// 'dod pa'i 'dod chags dang / gnod sems dang ldan pa'ang ma yin/ mi ldan pa'ang ma yin no// gzugs kyi 'dod chags dang / gzugs med pa'i 'dod chags dang ldan pa'ang ma yin/ mi ldan pa'ang ma yin no// ma rig pa dang ldan pa'ang ma yin/ mi ldan pa'ang ma yin no// rgod pa dang ldan pa'ang ma yin/ mi ldan pa'ang ma yin no// bsam gtan dang po dang ldan pa'ang ma yin// mi ldan pa'ang ma yin no// bsam gtan bzhi pa'i bar dang ldan pa'ang ma yin/ mi ldan pa'ang ma yin no// byams pa dang ldan pa'ang ma yin/ mi ldan pa'ang ma yin no// snying rje dang ldan pa'ang ma yin// mi ldan pa'ang ma yin no// dga' ba dang ldan pa'ang ma yin/ mi ldan pa'ang ma yin no// btang snyoms dang ldan pa'ang ma yin/ mi ldan pa'ang ma yin no// 'du shes med 'du shes med min skye mched kyi bar dang ldan pa'ang ma yin/ mi ldan pa'ang ma yin no// dran pa nye bar gzhag pa bzhi dang / snying rje chen po'i bar dang ldan pa'ang ma yin/ mi ldan pa'ang ma yin no// 'dus byas kyi khams dang 'dus ma byas

  269. 135b

    kyi khams dang ldan pa'ang ma yin/ mi ldan pa'ang ma yin no// de ci'i phyir ne na/ 'di ltar chos de dag thams cad ni gzugs can ma yin zhing / bstan du med la/ thogs pa med cing / 'di ltar mtshan nyid med par mtshan nyid gcig pa'i phyir ro/ / gzugs can ma yin pa de dag ni gzugs can ma yin pa dang lhan cig ldan pa'ang ma yin/ mi ldan pa'ang ma yin no// bstan du med pa rnams ni bstan du med pa dang ldan cig ldan pa'ang ma yin/ mi ldan pa'ang ma yin no// thogs pa med pa rnams ni thogs pa med pa dang lhan cig ldan pa'ang ma yin/ mi ldan pa'ang ma yin no// mtshan nyid gcig pa rnams ni mtshan nyid gcig pa dang lhan cig ldan pa'ang ma yin/ mi ldan pa'ang ma yin no// mtshan nyid med pa rnams ni mtshan nyid med pa dang lhan cig ldan pa'ang ma yin/ mi ldan pa'ang ma yin no// rab 'byor gang la byang chub sems dpa' sems dpa' chen po rnams kyis bslab par bya ba'i byang chub sems dpa' sems dpa' chen po rnams kyi 'di ltar mtshan nyid med par mtshan nyid gcig pa'i rol tu phyin pa 'di ni/ gzugs med cing bstan du med la/ thogs pa med pa ste/ de la des bslabs na chos gang gis mtshan nyid kyang mi dmigs so// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gzugs kyi mtshan nyid la bslab par mi bgyi zhing / tshor ba dang / 'du shes dang / 'dra

  270. 136a

    skyed rnams dang / rnam par shes pa'i mtshan nyid la bslab par mi bgyi/ mig dang / rna ba dang / sna dang / kye dang / lus dang / mid kyi mtshan nyid la bslab sar mi ba gyi/ gzugs dang / sgra dang / dri dang / ro dang / reg bya dang / chos kyi mtshan nyid la bslab par mi bgyi/ sa'i khams dang / chu'i khams dang / me'i khams dang / rlung gi khams dang / nam mkha'i khams dang rnam par shes pa'i khams kyi mtshan nyid la bslab par mi bgyi/ sbyin pa'i pha rol tu phyin pa'i mtshan nyid la bslab par mi bgyi/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i mtshan nyid la bslab par mi bgyi/ nang stong pa nyid kyi mtshan nyid la bslab par mi bgyi/ de bzhin du dngos po med pa'i ngo bo nyid stong pa nyid kyi bar gyi mtshan nyid la bslab par mi bgyi/ bsam gtan dang po'i mtshan nyid la bslab par mi bgyi/ bsam gtan bzhi pa'i bar gyi mtshan nyid la bslab par mi bgyi/ byams pa'i mtshan nyid la bslab par mi bgyi/ snying rje dang / dga' ba dang / btang snyoms kyi mtshan nyid la bslab par mi bgyi/ nam mkha' mtha' yas skye mched kyi mtshan nyid la bslab par mi bgyi/ 'du shes med 'du shes med min skye mched kyi bar gyi mtshan nyid la bslab par mi bgyi/ dran pa nye bar gzhag pa bzhi'i mtshan nyid la bslab par mi bgyi/ 'phags pa'i lam yan

  271. 136b

    lag brgyad pa'i bar gyi mtshan nyid la bslab par mi bgyi/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin gyi mtshan nyid la bslab par mi bgyi/ rnam par thar pa'i sgo rnams kyi snyoms par 'jug pa'i mtshan nyid la bslab par mi bgyi/ de bzhin gshegs pa'i stobs bcu'i mtshan nyid la bslab par mi bgyi/ mi 'jigs pa bzhi'i mtshan nyid la bslab par mi bgyi/ so so yang dag par rig pa bzhi'i mtshan nyid la bslab par mi bgyi/ sangs rgyas kyi chos ma 'dres pa bco brgyad kyi mtshan nyid la bslab par mi bgyi/ snying rje chen po'i mtshan nyid la bslab par mi bgyi/ sdug bsngal 'phags pa'i bden pa'i mtshan nyid la bslab par mi bgyi/ kun 'byung ba dang / 'gog pa dang / lam 'phags pa'i bden pa'i mtshan nyid la bslab par mi bgyi/ rten cing 'brel par 'byung ba lugs su 'byung ba 'am lugs su mi 'byung ba'i mtshan nyid la bslab par mi bgyi/ 'dus byas kyi khams kyi mtshan nyid la bslab par mi bgyi/ 'dus ma byas kyi khams kyi mtshan nyid la bslab par mi bgyi lags sam/ bcom ldan 'das gal te chos de dag gi mtshan nyid la bslab par mi bgyi zhing / 'du byed kyi mtshan nyid la bslab par mi bgyi na/ bcom ldan 'das byang chub sems dpa' sems dpa' chen pos chos kyi mtshan nyid dang / 'du byed kyi mtshan nyid la ma bslabs par nyan thos dang rang sangs rgyas kyi sa las 'da' bar ji ltar 'gyur lags/ nyan thos dang rang sangs rgyas

  272. 137a

    k yis las sa 'das par yang byang chub sems dang mi byon ma mchis sa la'i ltar 'jug par 'gyur la byang chub sems dpa'i skyon ma mdzes pa sas nus sa par ma nas thams cad mkhyen pa nyid thob par ji ltar 'gyur lags/ rnam pa thams cad mkhyen pa nyid ma thob par yang chos kyi 'khor ba skor bar ji ltar 'gyur lags/ chos kyi 'khor lo ma bskor bar yang nyan thos kyi theg pa 'am/ rang sangs rgyas kyi theg pa 'am/ theg pa chen pos sems can rnams 'khor ba las yongs su dgrol bar ji ltar 'gyur lags/ de skad ces gsol pa dang bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor gal te chos 'ga' zhig gi mtshan nyid yod par gyur na ni/ mtshan nyid de la byang chub sems dpas bslab par bya ba zhig na/ rab 'byor 'di ltar chos thams cad ni mtshan nyid med pa/ gzugs can ma yin pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pas/ de'i phyir byang chub sems dpa' sems dpa' chen pos mtshan nyid de dag la'ang bslab par mi bya/ mtshan nyid med pa rnams la'ang bslab par mi bya'o// de ci'i phyir zhe na/ rab 'byor snga na mtshan nyid yod la/ phyis mtshan nyid med par gyur pa ma yin pa'i phyir ro// rab 'byor 'di ltar de dag ni snga nas kyang mtshan nyid med la/ da ltar yang mtshan nyid med pa ste/ de'i

  273. 137b

    phyir byang chub sems dpa' sems dpa' chen pos mtshan nyid rnams la'ang bslam par miH/ mtshan nyid med pa rnams la'ang bslab par mi bya'o// de ci'i phyir zhen/ rab 'byor de bzhin gshegs pa rnams byung yang rung / de bzhin gshegs pa rnams ma byung yang rung ste/ mtshan nyid kyi khams de ni gnas pa nyid yin pa'i phyir ro// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad mtshan nyid ma mchis shing / mtshan nyid tha dad pa'ang ma lags la/ mtshan nyid gcig pa'ang ma lags na/ bcom ldan 'das byang chub sems dpa' sems dpa' chen po ji ltar shes rab kyi pha rol tu phyin pa la sgom par 'gyur/ bcom ldan 'das shes rab kyi pha rol tu phyin pa ma bsgoms par ni/ byang chub sems dpa' sems dpa' chen pos nyan thos dang rang sangs rgyas kyi sa las 'da' bar mi nus lags so// nyan thos dang rang sangs rgyas kyi sa las ma 'das par yang byang chub sems dpa' chen pos byang chub sems dpa'i skyon ma mchis pa la 'jug par mi nus la/ byang chub sems dpa'i skyon ma mchis pa la ma zhugs par yang mi skye ba'i chos la bzod pa bskyed par mi nus lags so/ / mi skye ba'i chos la bzod pa ma bskyed par yang mngon par shes pa bskyed par mi nus la/ byang chub sems dpa' sems dpa' chen pos mngon par shes pa ma bskyed par yang

  274. 138a

    sangs rgyas kyi zhing yongs su dag par bgyi ba dang / sems can rnams yongs su phyin par bgyid par mi nus lags so// sangs rgyas kyi ning yongs su dag par ma bcas la/ sems can rnams yongs su smin par ma bgyis par yang rnam pa thams cad mkhyen pa nyid thob par mi nus la/ rnam pa thams cad mkhyen pa nyid ma thob par yang chos kyi 'khor lo bskor bar mi nus lags so/ / chos kyi 'khor lo ma bskor bar yang sems can rnams rgyun du zhugs pa'i 'bras su la dgod par mi rus la/ lan cig phyir 'ong ba'i 'bras bu la'ang dgod par mi nus phyir mi 'ong ba'i 'bras bu la'ang dgod par mi nus dgra bcom pa nyid la'ang dgod par mi nus/ rang byang chub la'ang dgod par mi nus bla na med pa yang dag par rdzogs pa'i byang chub la'ang dgod par mi nus lags so/ / sbyin pa las byung ba'i bsod nams bgyi ba'i dngos po la'ang sems can rnams dgod par mi nus/ tshul khrims las byung ba'i bsod nams bgyi ba'i dngos po la'ang dgod par mi nus/ bsgom pa las byung ba'i bsod nams bgyi ba'i dngos po la'ang dgod par mi nus lags so// de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor de de bzhin no// de de bzhin te/ rab 'byor chos thams cad ni mtshan nyid med de/ mtshan nyid tha dad pa ma yin la/ mtshan nyid

  275. 138b

    gcig pa'ang ma yin te/ rab 'byor mtshan nyid med pa la sgom pa ni/ byang chub sems dpa' sems dpa' chen po'i shes rab kyi pha rol tu phyin pa la sgom pa yin no// gsol pa/ bcom ldan 'das ji ltar na mtshan nyid ma mchis pa la sgom pa shes rab kyi pha rol tu phyin pa la sgom pa lags/ bka' stsal pa/ rab 'byor chos thams cad la sgom pa rnam par 'jig pa de ni/ shes rab kyi pha rol tu phyin pa la sgom pa'o/ / gsol pa/ bcom ldan 'das chos thams cad la sgom pa rnam par 'jig pa ji ltar shes rab kyi pha rol tu phyin pa la sgom pa lags/ bka' stsal pa/ gzugs la sgom pa rnam par 'jig pa ni/ shes rab kyi pha rol tu phyin pa la sgom pa'o// tshor ba dang / 'du shes dang / 'du byed rnams dang / rnam par shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// mig la sgom pa rnam par 'jig pa ni/ shes rab kyi pha rol tu phyin pa la sgom pa'o// rna ba dang / sA dang / lce dang / lus dang / yid la sgom pa rnam par 'jig pa ni/ shes rab kyi pha rol tu phyin pa la sgom pa'o// gzugs la sgom pa rnam par 'jig pa ni/ shes rab kyi pha rol tu phyin pa la sgom pa'o// sgra dang / dri dang / ro dang / reg bya dang / chos la sgom pa rnam par 'jig pa ni/ shes rab kyi pha rol tu phyin pa la sgom pa'o// blang ba la sgom pa rnam par 'jig pa ni/ shes rab kyi

  276. 139a

    rol tu phyin pa la sgom pa'o/ / dor ba la sgom pa rnam par 'jig pa ni/ shes rab kyi pha rol tu phyin pa la sgom pa'o// bsam gtan dang po la sgom pa rnam par 'jig pa ni/ shes rab kyi pha rol tu phyin pa la sgom pa'o// bsam gtan gnyis pa dang / gsum pa dang / bzhi pa la sgom pa rnam par 'jig pa ni/ shes rab kyi pha rol tu phyin pa la sgom pa'o// byams pa la sgom pa rnam par 'jig pa ni/ shes rab kyi pha rol tu phyin pa la sgom pa'o// snying rje dang / dga' ba dang / btang snyoms la sgom pa rnam par 'jig pa ni/ shes rab kyi pha rol tu phyin pa la sgom pa'o/ / nam mkha' mtha' yas skye mched la sgom pa rnam par 'jig pa ni/ shes rab kyi pha rol tu phyin pa la sgom pa'o// rnam shes mtha' yas skye mched la sgom pa rnam par 'jig pa ni/ shes rab kyi pha rol tu phyin pa la sgom pa'o/ / ci'ang med pa'i skye mched la sgom pa rnam par 'jig pa ni/ shes rab kyi pha rol tu phyin pa la sgom pa'o// 'du shes med 'du shes med min skye mched la sgom pa rnam par 'jig pa ni/ shes rab kyi pha rol tu phyin pa la sgom pa'o// sangs rgyas rjes su dran pa la sgom pa rnam par 'jig pa ni/ shes rab kyi pha rol tu phyin pa la sgom pa'o// chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / dbugs rngub pa dang 'byung ba rjes su dran pa dang

  277. 139b

    ba rjes su dran pa dang / lus su gtogs pa rjes su dran pa la sgom pa rnam par 'jig pa ni/ shes rab kyi pha rol tu phyin pa la sgom pa'o// mi rtag pa'i 'du shes dang / sdug bsngal ba'i 'du shes dang / bdag med pa'i 'du shes la sgom pa rnam par 'jig pa ni/ shes rab kyi pha rol tu phyin pa la sgom pa'o// rten cing 'brel par 'byung ba la sgom pa rnam par 'jig pa ni/ shes rab kyi pha rol tu phyin pab la sgom pa'o/ / bdag tu 'du shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// sems can du 'du shes pa dang / srog tu 'du shes pa dang / skye ba por 'du shes pa dang / shed las skyes par 'du shes pa dang / shed bur 'du shes pa dang / gso bar 'du shes pa dang / gang zag tu 'du shes pa dang / byed pa por 'du shes pa dang / byed du 'jug pa por 'du shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// rtag pa'i 'du shes dang / sdug pa'i 'du shes dang / bde ba'i 'du shes dang / bdag gi 'du shes la sgom pa rnam par 'jig pa ni/ shes rab kyi pha rol tu phyin pa la sgom pa'o// dran pa nye bar gzhag pa la sgom pa rnam par 'jig pa ni/ shes rab kyi pha rol tu phyin pa la sgom pa'o// yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa sgom pa rnam par 'jig pa ni/ shes rab kyi pha

  278. 140a

    / rol tu phyin pa la sgom pa'o// stong pa nyid kyi ting nge 'dzin la sgom pa rnam par 'jig pa ni/ shes rab kyi pha rol tu phyin pa la sgom pa'o// mtshan ma med pa'i ting nge 'dzin pa bya rnam par 'jig pa ni/ shes rab kyi pha rol tu phyin pa la sgom pa'o// smon pa med pa'i ting nge 'dzin la sgom pa rnam par 'jig pa ni/ shes rab kyi pha rol tu phyin pa la sgom pa'o// rnam par thar pa brgyad la sgom pa rnam par 'jig pa ni/ shes rab kyi pha rol tu phyin pa la sgom pa'o// mthar gyis gnas pa'i snyoms par 'jug pa dgu la sgom pa rnam par 'jig pa ni/ shes rab kyi pha rol tu phyin pa la sgom pa'o/ / rtog pa dang bcas pa dang dpyod pa dang bcas pa'i ting nge 'dzin dang / rtog pa med pa dang dpyod pa med pa'i ting nge 'dzin la sgom pa rnam par 'jig pa ni/ shes rab kyi pha rol tu phyin pa la sgom pa'o/ / sdug bsngal 'phags pa'i bden pa la sgom pa rnam par 'jig pa ni/ shes rab kyi pha rol tu phyin pa la sgom pa'o// kun 'byung ba dang / 'gog pa dang / lam 'phags pa'i bden pa la sgom pa rnam par 'jig pa ni/ shes rab kyi pha rol tu phyin pa la sgom pa'o// sdug bsngal shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// kun 'byung shes mal sgom pa rnam par 'jig pa ni/ shes rab kyi pha rol tu phyin pa la sgom pa'o// 'gog pa shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// lam

  279. 140b

    shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// med pa shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// mi skye ba shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// chos shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// rjes su rtogs pa shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// kun rdzob shes pa la sgom pa rnam par 'dzin pa ni/ shes rab kyi pha rol tu phyin pa la sgom pa'o// 'dris pa shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// sgra ji bzhin pa shes pa la sgom pa rnam par 'jig pa ni/ shes rab kyi pha rol tu phyin pa la sgom pa'o// sbyin pa'i pha rol tu phyin pa la sgom pa rnam par 'jig pa ni/ shes rab kyi pha rol tu phyin pa la sgom pa'o// tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la sgom pa rnam par 'jig pa ni/ shes rab kyi pha rol tu phyin pa la sgom pa'o// nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / de bzhin du sbyar te/ dngos po med pa'i ngo bo nyid stong pa nyid kyi bar la sgom pa rnam

  280. 141a

    par 'jig pa ni/ shes rab kyi pha rol tu phyin pa la skom pa'o// de bzhin gshegs pa'i stobs bcul sgom pa rnam par 'jig pa ni/ shes rab kyi pha rol tu phyin pa la sgom pa'o// mi 'jig pa bzhi la sgom pa rnam par 'jig pa ni/ shes rab kyi pha rol tu phyin pa la sgom pa'o// so so yang dag par rig pa bzhi la sgom pa rnam par 'jig pa ni/ shes rab kyi pha rol tu phyin pa la sgom pa'o/ / sangs rgyas kyi chos ma 'dres pa bco brgyad la sgom pa rnam par 'jig pa ni/ shes rab kyi pha rol tu phyin pa la sgom pa'o// snying rje chen po la sgom pa rnam par 'jig pa ni/ shes rab kyi pha rol tu phyin pa la sgom pa'o/ / rgyun du zhugs pa'i 'bras bu la sgom pa rnam par 'jig pa ni/ shes rab kyi pha rol tu phyin pa la sgom pa'o// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la sgom pa rnam par 'jig pa ni/ shes rab kyi pha rol tu phyin pa la sgom pa'o// rang byang chub la sgom pa rnam par 'jig pa ni/ shes rab kyi pha rol tu phyin pa la sgom pa'o// rnam pa thams cad mkhyen pa nyid la skom pa rnam par 'jig pa ni/ shes rab kyi pha rol tu phyin pa la sgom pa'o// bag chags kyi mtshams sbyor ba thams cad spong ba la sgom pa rnam par 'jig pa ni/ shes rab kyi pha rol tu phyin pa la sgom pa'o/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gzugs la

  281. 141b

    sgom pa rnam par 'jig pa ni/ ji ltar shes rab kyi pha rol tu phyin pa la sgom pa lags/ de bzhin du bag chags kyi mtshams sbyor ba thams cad spong ba'i bar la sgom pa rnam par 'jig pa ni/ ji ltar shes rab kyi pha rol tu phyin pa la sgom pa lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la byang chub sems dpa' sems dpa' chen po shes rab kyi pha rol tu phyin pa spyod pa na/ gzugs dngos po yod ces bya bar mi sgom mo// tshor ba dang / 'du shes dang / 'du byed rnams dang / rnam par shes pa dngos po yod ces bya bar mi sgom mo// de ci'i phyir zhe na/ rab 'byor dngos por 'du shes pa ni/ shes rab kyi pha rol tu phyin pa sgom pa med cing / de bzhin du sbyar te/ rnam pa thams cad mkhyen pa nyid kyi bar du dngos por 'du shes pa la ni/ shes rab kyi pha rol tu phyin pa sgom pa med pa'i phyir ro// 'dod chags dang / zhe sdang dang // gti mug dngos po yod ces bya bar mi sgom mo// bag la nyal ba dang / kun nas dkris pa dngos po yod ces bya bar mi sgom mo// de ci'i phyir zhe na/ rab 'byor dngos por 'du shes pa la ni/ sbyin pa'i pha rol tu phyin pa sgom pa med cing / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /

  282. 142a

    shes rab kyi pha rol tu phyin pa sgom pa'ang med pa'i phyir// de ci'i phyir zhe na/ rab 'byor 'di ltar de dngos po la chags kyi/ de sbyin pa dang / tshul khrims dang bzod pa dang / brtson 'grus dang / bsam gtan dang / shes rab la ni chags par mi byed pa'i phyir ro// gang dngos po la 'di ni nga'o zhes bya bar mtha' gnyis la chags pa de la ni thar papa med do/ / rab 'byor dngos por 'du shes pa la ni/ dran pa nye bar gzhag pa sgom pa dang / yang dag par spong ba sgom pa dang / rdzu 'phrul gyi rkang pa sgom pa dang / dbang po sgom pa dang / stobs sgom pa dang / byang chub kyi yan lag skom pa dang / lam sgom pa dang / stong pa nyid sgom pa dang / mtshan ma med pa sgom pa dang / smon pa med pa sgom pa med do// de bzhin du sbyar te/ rnam pa thams cad mkhyen pa nyid kyi bar du sgom pa med do/ / de ci'i phyir zhe na/ rab 'byor 'di ltar de dngos po la chags pa'i phyir ro// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das dngos po ni gang lags/ dngos po ma mchis pa ni gang lags/ bcom ldan 'das kyis bka' stsal pa/ rab 'byor gnyis ni dngos po'o// gnyis med pa ni dngos po med pa'o// gsol pa/ bcom ldan 'das gnyis gang lags/ bka' stsal pa/ rab 'byor gzugs su 'du shes pa

  283. 142b

    ni gnyis so/ / tshor bar 'du shes pa dang / 'du shes su 'du shes pa dang / 'du byed rnams su 'du shes pa dang / rnam par shes par 'du shes pa dang / mig tu 'du shes pa dang / sid pu du/ shes pa'i bar dang / gzugs su 'du shes pa nas/ chos su 'du shes pa'i bar dang / de bzhin du sbyar te/ sangs rgyas su 'du shes pa dang / byang chub tu 'du shes pa dang / 'dus byas kyi khams su 'du shes pa dang / 'dus ma byas kyi khams su 'du shes pa dang / rab 'byor 'du shes ji snyed pa thams cad dang / 'du shes med pa ji snyed pa de dag thams cad ni gnyis so// / ji tsam du gnyis yod pa de tsam du dngos po yin no// ji tsam du dngos po yod pa de tsam du 'du byed do// ji tsam du 'du byed yod pa de tsam du sems can rnams skye ba dang / rga ba dang / na ba dang 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su mi 'grol lo// rab 'byor rnam grangs des na/ khyod kyis gnyis kyi 'du shes can la ni sbyin pa med do// tshul khrims med do// bzod pa med do// brtson 'grus med do// bsam gtan med do// shes rab med do// lam med do/ / mngon par rtogs pa med do// tha na 'thun pa'i bzod pa'ang med na/ gzugs yongs su shes pa nas/ rnam par shes pa'i bar du yongasu shes pa lhag la yod ces de ltar rig

  284. 143a

    par bya ste/ rnam pa thams cad mkhyen pa nyid shes pa'i bar du'ang de bzhin du sbyar ro// gang la lam sgom pa med pa de la ni/ rgyun du zhugs pa'i 'bras bu nas/ dgra bcom pa nyid kyi bar dang / rang byang chub dang / bag chags kyi mtshams sbyor ba thams cad spong ba'i bar du'ang ga la yod/ shes rab kyi pha rol tu phyin pa khri brgyad stong pa las/ lam sgom pa bstan pa'i le'u zhes bya ste drug cu rtsa dgu pa'o/ / // de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te dngos po'i 'du shes la 'thun pa'i bzod pa'ang ma mchis na/ thob pa lta ga la mchis/ mngon par rtogs pa lta ga la mchis te ma mchis ra ci dngos po ma mchis pa'i 'du shes cad la 'thun pa'i bzod pa mchis lags sam/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa dang / byang chub sems dpa'i sa dang / lam sgom pa mchis lags sam/ lam sgom pa la rten nas/ nyan thos dang ldan pa 'am/ rang sangs rgyas dang ldan pa'i nyon mongs pa rnams kyang spong bar 'gyur lags sam/ nyon mongs pa de dag gis bsgribs ni ni byang chub sems dpa'i skyon ma

  285. 143b

    mchis pa la 'jug par yang mi 'gyur/ byang chub sems dpa'i skyon ma mchis pa la ma zhugs par yang rnam pa thams cad mkhyen pa nyid thob par mi 'gyur/ rnam pa thams cad mkhyen pa nyid mthob par yang bag chags kyi mtshams sbyor ba dang / nyon mongs pa thams cad spong bar mi 'gyur lags so// bcom ldan 'das gal te chos 'ga' tsam la gnas pa dang skye ba'ang ma mchis na mi chos ma bskyed pa de dag gis rnam pa thams cad mkhyen pa nyid thob par yang mi nus lags so/ / de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor de de bzhin no// de de bzhin te/ dngos po med pa'i 'du shes can la ni 'thun pa'i bzod pa'ang med do// de bzhin du sbyar te/ bag chags kyi mtshams sbyor ba thams cad spong ba'i bar du med do/ / gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa la spyod pa la dngos po'i 'du shes sam/ dngos po ma mchis pa'i 'du shes sam/ gzugs kyi 'du shes nas/ rnam par shes pa'i 'du shes kyi bar ram/ rnam pa thams cad mkhyen pa nyid kyi bar gyi 'du shes sam/ 'dod chags kyi 'du shes sam/ 'dod chags spong ba'i 'du shes sam/ zhe sdang gi 'du shes sam/ zhe sdang spong ba'i 'du shes sam/ gti mug gi 'du shes sam/ gti

  286. 144a

    mug spong ba'i 'du shes sam/ ma rig pa'i 'du shes sam/ ma rig pa spong ba'i 'du shes sam/ 'du byed kyi 'du shes sam/ 'du byed spong ba'i 'du shes sa ra/ rnam par shes pa'i 'du shes sam/ rnam par shes pa spong ba'i 'du shes sam/ ming dang gzugs kyi 'du shes sa pa/ ming dang gzugs spong ba'i 'du shes sam/ skye mched drug gi 'du shes sam/ skye mched drug spong ba'i 'du shes sam/ reg pa'i 'du shes sam/ reg pa spong ba'i 'du shes sam/ tshor ba'i 'du shes sam/ tshor ba spong ba'i 'du shes sam// sred pa'i 'du shes sam/ sred pa spong ba'i 'du shes sam/ len pa'i 'du shes sam/ len pa spong ba'i 'du shes sam/ srid pa'i 'du shes sam/ srid pa spong ba'i 'du shes sam/ skye ba'i 'du shes sam/ skye ba spong ba'i 'du shes sam/ rga shi'i 'du shes sam/ rga shi spong ba'i 'du shes sam/ mya ngan dang / smre sngags 'dod pa dang / sdug bsngal ba dang / yid mi bde ba dang / 'khrug pa'i 'du shes sam/ mya ngar dang / smre sngags 'don pa dang / sdug bsngal ba dang / yid mi bde ba dang / 'khrug pa spong ba'i 'du shes sam/ sdug bsngal gyi 'du shes sam/ sdug bsngal spong ba'i 'du shes sam/ kun 'byung ba'i 'du shes sam/ kun 'byung ba spong ba'i 'du shes sam/ 'gog pa'i 'du shes sam/ 'gog pa mngon sum du bgyid pa'i 'du shes

  287. 144b

    sar/ lam gyi 'du shes sam/ lam sgom pa'i 'du shes sam/ de bzhin du rnam pa thams cad mkhyen pa nyid kyi bar gyi 'du shes sam/ bag chags kyi mtshams sbyor ba thams cad spong ba'i 'du shes mchis lags sam/ bcom ldan 'das kyis bka' stsal pa/ rab 'byor de ni ma yin te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod ba la ni/ chos gang la'ang dngos po'i 'du shes sam/ dngos po med pa'i 'du shes med do// rab 'byor gang la dngos po'i 'du shes med pa dang / dngos po med pa'i 'du shes kyang med pa de ni/ byang chub sems dpa' sems dpa' chen po'i 'thun pa'i bzod pa yin no// gang la dngos po'i 'du shes med pa dang / dngos po med pa'i 'du shes kyang med pa de ni/ de'i lam sgom pa yin no/ / gang la dngos po'i 'du shes med pa dang / dngos po med pa'i 'du shes kyang med pa de ni de'i 'bras bu yin no// rab 'byor byang chub sems dpa' sems dpa' chen po'i lam ri dngos po med pa'o/ / dngos po med pa rtogs pa ni dngos po med pa ste/ rab 'byor rnam grangs des kyang chos thams cad ni dngos po med pa'i ngo bo nyid du de ltar rig par bya'o// / / 'phags pa shes rab kyi pha rol tu phyin pa khri brgyad stong pa 'am po bzhi bcu rtsa brgyad pa// / de skad ces bka' stsal ba dang / bcom ldan 'das la/ tshe dang lda

  288. 145a

    pa rab 'byor gyis 'di skad ces gsol to/ / bcom ldan 'das gal te chos thams cad dngos po ma mchis pa'i ngo bo nyid lags da/ bcom ldan 'das chos thams cad dngos po ma mchis pa'i ngo bo nyid du de bzhin gshegs pas ji ltar mngon par rdzogs par sangs rgyas la/ gang dag mngon par rdzogs par sangs rgyas pas chos thams cad kyi yul la mnga' brnyes par gyur/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la nga sngon pha rol tu phyin pa drug po dag la byang chub sems dpa'i spyad pa spyod pa'i tshe/ 'dod pa dag las dben pa/ sdig to mi dge ba'i chos rnams las dben pa nas/ bsam gtan bzhi pa'i bar du bsgrubs te nas la/ ngas bsam gtan dang / bsam gtan gyi yan lag de dag gi mtshan ma bzung yang / bsam gtan dang / bsam gtan gyi yan lag de dag gis rlom sems su ma byas/ bsam gtan rnams kyi ro myang ba ma byas/ bsam gtan rnams la dmigs par ma byas shing / nga bsam gtan de dag gi rnam pa yongs su dag pa la snyoms par zhugs nas/ rdzu 'phrul bya ba mngon sum du bya ba'i phyir sems mngon par gzhol bar byas so/ / lha'i rna ba'i shes pa mngon sum du bya ba dang / sems kyi rnam grangs shes pa mngon sum du bya ba dang / sngon gyi gnas rjes su dran pa'i

  289. 145b

    shes pa mngon sum du bya ba dang / lha'i mig gi shes pa mngon sum du bya ba'i phyir sems mngon par gzhol bar byas te/ ngas mngon sum du bya ba de dag gi mtshan ma bzung yang / mngon par shes pade dag gis rlom sems su ma byas/ ro myang ba ma byas/ dmigs pa ma byas te/ nga mngon par shes pa de dag la nam mkha' lta bur mthong bas snyoms par zhugs so// rab 'gyu ngas skad cig gcig dang ldan pa'i shes rab kyis 'di ni sdug bsngal yin no/ / 'di ni sdug bsngal kun 'byung ba yin no// 'di ni sdug bsngal 'gog pa yin no// 'di ni sdug bsngal 'gog par 'gro ba'i lam yin no/ / zhes bla na med pa yang dag par rdzogs pa'i byang chub mngon par sangs rgyas nas/ de bzhin gshegs pa'i stobs bcu dang ldan zhing / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang ldan pas sems can rnams phung po gsum du lung ston to// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das de bzhi gshegs pa dgra bcom pa yang dag par rdzogs pa'i sangs rgyas kyis dngos po ma mchis pa'i ngo bo nyid kyi bsam gtan bzhi ji ltar bskyed lags/ dngos po ma mchis pa'i ngo bo nyid kyi mngon par shes pa drug ji ltar bskyed lags/ sems can ma mchis pa

  290. 146a

    yang sems can rnams phung po gsum du ji ltar lung bstan lags/ de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor gal te 'dod pa rnams sam/ sdig pa mi dge ba'i chos rnams kyi ngo bo nyid cig yod par gyur tar/ rang gi dngos po'am/ gzhan gyi dngos po zhig yod par gyur na ni/ rab 'byor nga sngon byang chub sems dpa'i spyad pa spyod pa'i tshe/ 'dod pa rnams dngos po med pa'i ngo bo nyid dang / sdig pa mi dge ba'i chos rnams dngos po med pa'i ngo bo nyid du rtogs nas/ bsam gtan dang po bsgrubs te gnas par mi 'gyur ba zhig na/ rab 'byor 'di ltar 'dod pa rnams dang / sdig pa mi dge ba'i chos rnam la dngos po 'am/ dngos po med pa 'am/ rang gi dngos po 'am/ gzhan gyi dngos po med de/ gzhan du na dngos po med pa'i ngo bo nyid kho na yin pas/ de'i phyirang sngon byang chub sems dpa'i spyad pa spyod pa'i tshe/ 'dod pa dag las dben pa/ sdig pa mi dge ba'i chos rnams las dber pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba cad bsam gtan dang po bsgrubs te gnas par gyur to/ / bsam gtan bzhi pa'i bar du'ang de bzhin du sbyar bar bya'o// rab 'byor gal te mngon par shes pa rnams dngos po 'am/ gzhan gyi dngos po zhen

  291. 146b

    yin par gyur na ni/ rab 'byor ngas mngon par shes pa thams cad dngos po med pa'i ngo bo nyid du rtogs nas/ bla na med pa yang dag par rdzogs pa'i byang chub mngon par rdzogs par 'tshang rgya par mi 'gyur ba zhig na/ rab 'byor 'di ltar mngon par shes pa thams cad la dngos po med de/ rang gi dngos po dang gzhan gyi dngos po med la/ gzhan du da dngos po med pa'i ngo bopo nyid kho na yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas kyis mngon par shes pa thams cad dngos po med pa'i ngo bo nyid du thugs su chud nas/ bla na med pa yang dag par rdzogs pa'i byang chub mngon par rdzogs par sangs rgyas so// de skad ces bka' stsal pa dang // bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te byang chub sems dpa' sems dpa' chen pos/ chos thams cad dngos po ma mchis pa'i ngo bo nyid la bsam gtan bzhi dang mngon par shes pa lngas bla na med pa yang dag par rdzogs pa'i byang chub mngon par rdzogs par 'tshang rgya bar gyur na/ bcom ldan 'das chos thams cad dngos po ma mchis pa'i ngo bo nyid la/ byang chub sems dpa' sems dpa' chen po'i mthar gyis bgyi 'a dang / mthar gyis bslab pa dang / mthar gyis bsgrub pa gang gis bla na med pa yang dag par rdzogs

  292. 147a

    pa'i byang chub mngon par rdzogs par 'tshang rgya bar 'gyur ba'i mthar gyis bgyi ba dang / mthar gyis bslab pa dang / mthar gyis bsgrub pa ji ltar mchis par 'gyur lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la byang chub sems dpa' sems dpa' chen pos/ thog ma nyid du sangs rgyas bcom ldan 'das rnams dang / byang chub sems dpa' sangs rgyas mang po la bsnyen bkur byed byed pa rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun du zhugs pa rnams las sangs rgyas bcom ldan 'das rnams kyi dngos po med pa'i ngo bo nyid dang / rang sangs rgyas rnams kyi dngos po med pa'i ngo bo nyid dang / dgra bcom pa rnams kyi dngos po med pa'i ngo bo nyid dang / phyir mi 'ong ba rnams kyi dngos po med pa'i ngo bo nyid dang / lan cig phyir 'ong ba rnams kyi dngos po med pa'i ngo bo nyid dang / rgyun du zhugs pa rnams kyi dngos po med pa'i ngo bo nyid dang / 'phags pa thams cad kyi dngos po med pa'i ngo bo nyid dang / tha na 'du byed thams cad kyi ngo bo nyid sgra'i rtse mo'i cha'i gnas tsam yang med do zhes thos par gyur la/ thos nas kyang byang chub sems dpa' sems dpa' chen po de 'di snyam du/ gal te sangs rgyas bcom ldan 'das rnams dang /

  293. 147b

    rgyun du zhugs pa'i bar du dngos po med pa'i ngo bo nyid yin la/ gal te bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur yang rung / gal te mngon par rdzogs par 'tshang rgya bar mi 'gyur yang rung ste/ chos thams cad ni dngos po med pa'i ngo bo nyid kho na'o// bdag bla na med pa yang dag par rdzogs pa'i byang chub mngon par rdzogs par 'tshang rgyan ni/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can dngos po'i 'du shes la gnas pa thams cad dngos po med pa'i ngo bo nyid la dgod par bya'o snyam sems te/ rab 'byor byang chub sems dpa' sems dpa' chen po de sems can thams cad yongs su mya ngan las bzla ba'i phyir/ bla na med pa yang dag par rdzogs pa'i byang chub la yang dag par 'jug go/ de sngon gyi byang chub sems dpa' sems dpa' chen po rnams kyi gang la bslabs nas/ bla na med pa yang dag par rdzogs pa'i byang chub mngon par rdzogs par sangs rgyas pa'i mthar gyis bya ba dang / mthar gyis brlab pa dang / mthar gyis bsgrub pa rtsom par byed do// de thog ma nyid du pha rol tu phyin pa drug la slob ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha

  294. 148a

    rol tu phyin pa la bslab par bya'o/ / de sbyin pa'i pha rol tu phyin pa la slob pa na/ bdag nyid kyang sbyin pa sbyin par byed la/ gzhan dag kyang sbyin pa la 'god cing / sbyin pa'i bsngags pa'ang rjod la/ gzhan gang dag sbyin pa sbyin par byed pa de dag gi bsngags pa'ang brjod cing rjes su dga' bar byed de/ de sbyin pa la goms pa des longs spyod kyi phung po chen po thob par 'gyur ro/ / de ser sna dang bral ba'i sems kyis sbyin pa sbyin par byed de/ zas 'dod pa la ni zas/ skom 'dod pa la ni skom/ bzhon pa 'dod pa la ni bzhon pa/ gos 'dod pa la ni gos spos 'dod pa la ni spros/ me tog 'phreng 'dod pa la ni me tog 'phreng / byug pa 'dod pa la ni byug pa/ mal cha 'dod pa la ni mal cha/ rgyab rten 'dod pa la ni rgyab rten/ gnas 'dod pa la ni gnas mar me 'dod pa la ni mar me/ mi'i yo byad ci'ang rung ba dag sbyin par byed de/ de sbyin pa de nyid kyi tshul khrims kyi phung po srung bar byed cing / sbyin pa de nyid dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas/ nyan thos dang rang sangs rgyas kyi sa la 'da' bar 'gyur ro// nyan thos dang rang sangs rgyas kyi sa las 'das nas kyang / byang chub sems dpa'i skyon med pa la 'jug go// byang chub sems dpa'i skyon med pa la zhugs nas kyang / sangs rgyas kyi zhing yongs su dag par byed cing / sems cad rnams kyang yongs

  295. 148b

    su smin par byed do/ / de nas rnam pa thams cad mkhyen pa nyid thob par 'gyur te/ chos kyi 'khor lo skor bar 'gyur ro// chos kyi 'khor lo bskor nas sems can rnams theg pa gsum la 'god cing / 'khor ba las yongs su grol bar byed do// rab 'byor de ltar na byang chub sems dpa' sems dpa' chen po'i sbyin pas mthar gyis bya ba yod de/ bya ba de dag thams cad kyang mi dmigs so// de ci'i phyir zhe na/ 'di ltar de'i ngo bo nyid med pa'i phyir ro// rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ bdag nyid kyang tshul khrims kyi pha rol tu phyin pa la spyod la/ gzhan dag kyang tshul khrims kyi pha rol tu phyin pa yang dag par 'dzin du 'jug go// de bzhin du rjes su dga' bar byed ces bya ba'i bar du sbyar ro// de tshul khrims des lha'i che ba nyid dang / mi'i che ba nyid kyang thob par 'gyur te/ de sems can dbul po rnams la nor sbyin par byed do// byin nas kyang tshul khrims la 'god par byed/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la 'god par byed do// de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des/ nyan thos dang rang sangs rgyas kyi sa las 'da' bar 'gyur ro// 'das ras kyang tshul khrims kyi phung po nas/ rnam par

  296. 149a

    grol ba'i ye shes mthong ba'i phung po'i bar de nyid kyis byang chub sems dpa'i skyon med pa la 'jug ste/ de bzhin du sems can rnams 'khor ba las yongs su grol bar byed pa'i bar du sbyar ro/ / rab 'byor de ltar na byang chub sems dpa' sems dpa' chen po'i tshul khrims kyis mthar gyis bya ba yod de/ bya ba de dag thams cad kyang mi dmigs so// de ci'i phyir zhe na/ 'di ltar de'i ngo bo nyid med pa'i phyir ro/ / rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ bdag nyid kyang bzod pa'i pha rol tu phyin pa la spyod cing / gzhan dag kyang bzod pa'i pha ro tu phyin pa yang dag par 'dzin du 'jug go// de bzhin du rjes su dga' bar byed pa'i bar du sbyar ro// de bzod pa'i pha rol tu phyin pa la spyod pa na/ sems can rnams sbyin pas tshim par byed/ tshul khrims la 'god par byed/ ting nge 'dzin la 'god par byed pa nas/ rnam par grol ba'i ye shes mthong ba'i bar la 'god par byed do// de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des/ nyan thos kyis sa dang rang sangs rgyas kyi sa las 'da' bar 'gyur ro/ / nyan thos dang rang sangs rgyas kyi sa las 'das nas/ byang chub thob par 'gyur ba'i bar du de bzhin du sbyar ro// rab 'byor gzhan yang

  297. 149b

    byang chub sems dpa' sems dpa' chen po ni/ bdag nyid kyang dge ba'i chos rnams la brtson par byed la/ gzhan dag kyang brtson 'grus yang dag par 'dzin du 'jug ste/ de bzhin du rjes su dga' bar byed pa'i bar du sbyar ro/ / de'i ngo bo nyid med pa'i bar du'ang de bzhin du sbyar ro// rab 'byor gzhan yang byang chub sems dpa' sems dpa' chen po ni/ bdag nyid kyang bsam gtan la snyoms par 'jug cing / tshad med pa rnams dang / gzugs med pa'i snyoms par 'jug pa rnams la snyoms par 'jug la/ gzhan dag kyang gzugs med pa'i snyoms par 'jug pa'i bar dag la 'god par byed cing / bsam gtan dang / tshad med pa dang / gzugs med pa'i snyoms par 'jug pa rnams kyi bsngags pa'ang rjod par byed do// gzhan gang dag bsam gtan dang / tshad med pa dang / gzugs med pa'i snyoms par 'jug pa rnams la snyoms par 'jug pa gang yin pa de dag gi bsngags pa'i rjod par byed pa nas/ rjes su dga' bar byed pa'i bar du de bzhin du sbyar ro/ / de bsam gtan de dag dang / tshad med pa dang / gzugs med pa'i snyoms par 'jug pa de dag la gnas nas/ sems can rnams sbyin pas tshim par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed/ rnam par grol ba la 'god

  298. 150a

    par byed/ rnam par grol ba'i ye shes bzong ba la 'god par byed do// de rnam par grol ba'i ye shes mthong ba dang ldan pa des/ nya thos dang rang sangs rgyas kyi sa las 'da' bar 'gyur ro/ / 'das nas kyang rnam par grol ba'i ye shes mthong ba des/ byang chub sems dpa'i skyon med pa la 'jug pa dang / rnam pa thams cad mkhyen pa nyid thob pa nas/ de'i ngo bo nyid med pa'i bar du de bzhin du sngar ro// rab 'byor gzhan yang byang chub sems dpa' sems dpa' chen po na sems dang po bskyed pa nas bzung ste/ shes rab kyi pha rol tu phyin pa la spyod cing / sems can rnams sbyin pas tshim par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed/ rnam par grol ba la 'god par byed/ rnam par grol ba'i ye shes mthong ba la 'god par byed do// de shes rab kyi pha rol tu phyin pa la spyod pan/ bdag nyid kyang sbyin pa sbyin par byed/ tshul khrims srung bar byed/ bzod pa sgrub par byed/ brtson 'grus rtsom par byed/ bsam gtan la snyoms par 'jug par byed/ shes rab sgom par byed la/ gzhan dag kyang sbyin pa la 'god par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/

  299. 150b

    shes rab la 'god par byed pa nas/ rjes su dga' bar byed pa'i bar du sbyar ro// de sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa de dang / thabs la mkhas pa dang ldan pas nyan thos dang rang sangs rgyas kyi sa las 'das te/ byang chub sems dpa'i skyon med pa la 'jug pa dang / bla na med pa yang dag par rdzogs pa'i byang chub mngon par rdzogs par sangs rgyas pa nas/ de'i ngo bo nyid med pa'i bar du sbyar ro// rab 'byor de ltar na byang chub sems dpa' sems dpa' chen po'i mthar gyis bya ba dang / mthar gyis bslab pa dang / mthar gyis bsgrub pa'ang yod do// // rab 'byor gzhan yang byang chub sems dpa' sems dpa' chen po ni mthar gyis bya ba dang / mthar gyis bslang ba dang / mthar gyis bsgrub pa la slob ste/ sems dang po bskyed pa nas/ rnam pa thams cad mkhyen pa nyid dang ldan pa'i yid la byed pa dag gis chos thams cad dngos po med pa'i ngo bo nyid du mos te/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa sgom mo// rab 'byor byang chub sems dpa' sems dpa' chen po sangs rgyas rjes su dran pa ji ltar bsgom zhe na/ rang 'byor

  300. 151a

    'di la byang chub sems dpa' sems dpa' chen po ni/ de bzhin gshegs pa dgra bcom pa yang dag par rdzogs pa'i sangs rgyas la gzugs su yid la mi byed do// tshor ba dang / 'du shes dang / 'du byed rnams dang / rnam par shes par yid la mi byed do// de ci'i phyir zhe na/ 'di ltar gzugs la ngo bo nyid med de/ gang la ngo bo nyid med pa de ni dngos po med la/ tshor ba dang / 'du shes dang / 'du byed rnams dang / rnam par shes pa'i ngo bo nyid med de/ gang la ngo bo nyid med pa de ni dngos po med pa'i phyir ro// de bas na sangs rgyas rjes su dran pa ni dran par bya ba ma yin zhing / yid la bya ba pa yin no/ / rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni/ skyes bu chen po'i mtshan sum cu rtsa gnyis su yid la mi bya'o// sku gser gyi kha dog can du yid la mi bya'o/ / 'od 'dom gang bar yid la mi bya'o// dpe byad bzang po brgyad cu'i tshul gyis yid la mi bya'o// de ci'i phyir zhe na/ 'di ltar sku de la ngo bo nyid med do// gang la ngo bo nyid med pa de la dngos po med pa'i phyir ro/ / de bas na sangs rgyas rjes su dran pa ri dran par bya ba ma yin zhing / yid la bya ba ma yin no// rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni/ tshul khrims kyi phung por yid la mi bya'o// ting nge 'dzin gyi phung por yid la mi bya'o// shes rab kyi phung por yid la mi bya'o// rnam par grol ba'i phung por

  301. 151b

    yid la mi bya'o/ / rnam par grol ba'i ye shes mthong ba'i phung por yid la mi bya'o// de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro// de bas na sangs rgyas rjes su dran pa ni dran par bya ba ma yin zhing / yid la bya ba ma yin no// rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni/ de bzhin gshegs pa'i stobs bcur yid la mi bya'o/ / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad du yid la mi bya'o// de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro// de bas na sangs rgyas rjes su dran pa ni dran par bya ba ma yin zhing / yid la bya ba ma yin no// rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni/ rten cing 'brel par 'byung bar yid la mi bya'o// de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro/ / de bas na sangs rgyas rjes su dran pa ni dran par bya ba ma yin zhing / yid la bya ba ma yin no// rab 'byor byang chub sems dpa' sems dpa' chen po shes rab kyi pha rol tu phyin pa la spyod pas de ltar sangs rgyas yid la bya'o/ / de ltar na byang chub sems dpa' sems dpa' chen po'i mthar gyis bya ba dang / mthar gyis bslab pa dang / mthar gyis 'jug pa'ang yod

  302. 152a

    de/ mthar gyis bslab pa 'di la slob cing / mthar gyis bslab pa dang / mthar gyis 'jug pa la slob pa na/ dngos po med pa'i ngo bo nyid kyi tshul gyis dran pa nye bar gzhag pa bzhi yongs su rdzogs par byed/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par byed/ rnam pa thams cad mkhyen pa nyid kyi ye shes kyi bar du yongs su rdzogs par byed do/ / des chos thams cad dngos po med pa'i ngo bo nyid kho nar mngon par rdzogs par 'tshang rgya ste/ de la ngo bo nyid kyi 'du shes sam/ dngos po med pa'i 'du shes med do// rab 'byor byang chub sems dpa' sems dpa' chen pos chos rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas/ dge ba'i chos rnams yid la mi bya'o// mi dge ba'i chos rnams dang / lung du bstan du yod pa dang / lung du ma bstan pa dang / 'jig rten pa rnams dang / 'jig rten las 'das pa rnams dang / 'phags pa rnams dang / 'phags pa ma yin pa rnams dang / zag pa dang bcas pa rnams dang / zag pa med pa rnams dang / 'dod pa'i khams su gtogs pa rnams dang / gzugs kyi khams su gtogs pa

  303. 152b

    rnams dang / gzugs med pa'i khams su gtogs pa rnams dang / ma gtogs pa rnams dang / 'dus byas kyi chos rnams dang / 'dus ma byas kyi chos rnams yid la mi bya'o// de ci'i phyir zhe na/ 'di ltar chos de dag la ngo bo nyid med de/ gang la ngo bo nyid med pa de ni dngos po med pa'i phyir ro// de bas na chos rjes su dran pa ni dran par bya ba ma yin zhing / yid la bya ba ma yin no// dngos po med pa'i ngo bo nyid kyi tshul gyis chos kyi dbyings 'di la bslabs na/ rnam pa thams cad mkhyen pa nyid kyi bar du thob par 'gyur ro// des chos rnams dngos po med pa kho nar mngon par rdzogs par sangs rgyas par gyur te/ de la dngos po'i 'du shes sam/ dngos po med pa'i 'du shes med do// rab 'byor byang chub sems dpa' sems dpa' chen pos chos rjes su dran pa de ltar bsgom par bya ste/ de la ni dran pa'i chos phra rab tsam yang med na/ dran pa dang bral ba lta ci smos// rab 'byor byang chub sems dpa' sems dpa' chen pos dge 'dun rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas dge 'dun rjes su dran par bya ste/ bcom ldan 'das kyi nyan thos kyi dge 'dun skyes bu zung bzhi dang / skyes bu gang zag ya brgyad gang yin pa de dag gi ngo bo nyid med de/ skyes bu zung bzhi dang / skyes bu gang zag ya brgyad po de dag ni ngo bo nyid med cing / dngos po med pa'i ngo bo nyid kyis

  304. 153a

    phye ba yin te/ de ni dngos po med pa nyid du yid la b+ha ste/ rnam pa thams cad mkhyen pa nyid thob pa nas/ dge 'dun rjes su dran pa ni dran par bya ba ma yin zhing yid la bya ba ma yin shi bar du sbyar ro/ / rab 'byor byang chub sems dpa' sems dpa' chen pos dge 'dun rjes su dran pa de ltar bsgom par bya ste/ de la ni dran pa'i chos phra rab tsam yang med do// rab 'byor byang chub sems dpa' sems dpa' chen pos tshul khrims rjes su dran pa ji ltar bsgom zhen/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni sems dang po bskyed pa nas bzung ste/ skyon med pa dang / ma nyams pa dang / ma 'dres pa dang / nag nog med pa dang / dbang 'byor pa dang / mkhas pas bsngags pa dang / shin tu rdzogs pa dang / ting nge 'dzin du 'gyur ba'i tshul khrims la zhugs nas/ tshul khrims de dngos po med pa'i ngo bo nyid du yid la byed de/ de la dran pa'i las phra rab tsam yang med pa de lta bur yid la byed do// rnam pa thams cad mkhyen pa nyid thob par 'gyur ba'i bar du sbyar te/ de la dngos po'i 'du shes sam/ dngos po med pa'i 'du shes med do// rab 'byor byang chub sems dpa' sems dpa' chen po shes rab kyi pha rol tu phyin pa la spyod pas gtong ba rjes su dran pa ji ltar yid la bya zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas/ dngos po med pa'i ngo bo nyid kyi tshul gyis

  305. 153b

    zang zing gtong ba 'am/ chos gtong ba rjes su dran par bya ste/ gtong ba des sbyin no snyam pa'am/ mi sbyin no snyam pa 'am/ yongs su gtong ngo snyam pa 'am/ yongs su mi gtong ngo ngo snyam du sems bskyed par mi bya'o/ / yan lag dang nying lag rnams yongs su gtong bar yang sems bskyed par mi bya'o// de ci'i phyir zhe na/ 'di ltar de la ngo bo nyid med pa'i phyir te/ de ltar de gtong brjes su dran pa la spyod pa yin no/ / de ltar slob na rnam pa thams cad mkhyen pa nyid kyi bar du rim gyis thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas gtong ba rjes su dran pa de ltar yid la bya'o/ / rab 'byor byang chub sems dpa' sems dpa' chen po shes rab kyi pha rol tu phyin pa la spyod pas lha rjes su dran pa ji ltar yid la bya zhe na rab 'byor 'di la byang chub sems dpa' sems dpa' chen pos rgyun du zhugs pa/ rgyal chen bzhi'i ris kyi lha rnams kyi nang du skyes pa dag dang / gzhan 'phrul dbang byed kyi bar gyi lha rnams kyi nang du skyes pa'i lha de dag dngos po med pa'i ngo bo nyid kyi tshul gyis yid la bya'o/ / de ci'i phyir zhe na/ de dag la ngo bo nyid med de/ gang la ngo bo nyid med pa de ni dngos po med pa'i phyir ro// de bas na dngos po med pa'i ngo bo nyid kyi tshul gyis lha de dag de ltar yid la bya'o/ / de la dran pa'i las phra rab tsam yang med de/ de ltar yid la byed cing / rim gyis rnam pa thams cad mkhyen pa nyid kyi bar du yid la byed par 'gyur ro//

  306. 154a

    rnam pa thams cad mkhyen pa nyid kyi bar du thob par 'gyur ro// rab 'byor gzhan yang gzugs na spyod pa dang / gzugs med pa na spyod pa'i lha phyir mi 'ong ba gang yin pa de dag dngos po med pa'i ngo bo nyid du yid la byed do/ / de ci'i phyir zhe na/ de dag la ngo bo nyid med de/ gang la ngo bo nyid med pa de ni dngos po med pa'i phyir te/ de bas na dngos po med pa'i ngo bo nyid kyi tshul gyis lha de dag rjes su dran par bya ste/ rnam pa thams cad mkhyen pa nyid thob par 'gyur ba'i bar du de bzhin du sbyar ro/ / rab 'byor byang chub sems dpa' sems dpa' chen pos rjes su dran pa drug po dag de ltar yid la bya'o// rab 'byor de ltar na byang chub sems dpa' sems dpa' chen po rjes su dran pa drug yid la byed pa'i mthar gyis bya ba'ang yod/ mthar gyis bslab pa dang / mthar gyis 'jug pa'ang yod do// rab 'byor gzhan yang byang chub sems dpa' chen po mthar gyis bya ba dang / mthar gyis bslab pa dang / mthar gyis bsgrub pa yongs su rdzogs par 'dod pa/ dngos po med pa'i ngo bo nyid kyi tshul gyis nang stong pa nyid la bslab par bya'o// rang gi mtshan nyid stong pa nyid kyi bar la bslab par bya'o/ / dran pa nye bar gzhag pa bzhi la bslab par bya'o// de bzhin du sbyar te/ snying rje chen po'i bar la bslab par bya'o// de de ltar byang chub kyi lam la

  307. 154b

    slob na/ dngos po med pa'i ngo bo nyid kyi chos rnams mngon par rdzogs par 'tshang rgya bar 'gyur te/ de la ni dran pa'i las phra rab tsam yang med na/ gzugs lta ci smos/ rnam pa thams cad mkhyen pa nyid kyi ye shes kyi bar lta ga la yod de/ de ni gnas med do// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i mthar gyis bya ba yod/ mthar gyis bslab pa dang / mthar gyis bsgrub pa'ang yod la/ de la ni sems kyi spyod pa'i bya ba dang / sems kyi spyod pa'i bslab pa dang / sems kyi spyod pa'i lam yang med do// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad dngos po ma mchis pa'i ngo bo nyid lags na/ 'o na ni gzugs kyang ma mchis/ rnam par shes pa'i bar du'ang ma mchis/ phung po rnams kyang ma mchis/ khams rnams kyang ma mchis/ skye mched rnams kyang ma mchis/ dran pa nye bar gzhag pa rnams kyang ma mchis pa de bzhin du/ rnam pa thams cad mkhyen pa nyid ye shes kyi bar du'ang ma mchis/ sangs rgyas kyang ma mchis/ chos kyang ma mchis/ dge 'dun yang ma mchis/ lam yang ma mchis/ 'bras bu'ang ma mchis/ kun nas nyon mongs pa'ang ma mchis/ rnam par byang ba'ang ma mchis/ thob pa'ang ma mchis/ mngon par rtogs

  308. 155a

    pa'ang ma mchis par 'gyur ba lags so/ / de bzhin du chos thams cad kyi bar du'ang ma mchis par 'gyur lags so// de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor dngos po med pa'i ngo bo nyid kyi chos thams cad la yod pa'am/ med pa dmigs su yod snyam mam/ gsol pa/ bcom ldan 'das de ni ma lags te/ dngos po med pa'i ngo bo nyid kyi chos thams cad la ni mchis pa 'am/ ma mchis pa mi dmigs lags so// bka' stsal pa/ rab 'byor gal te chos thams cad dngos po med pa'i ngo bo nyid yin na/ de'i phyir ji ltar gzugs med pa dang / rnam par shes pa'i bar du med pa dang / thob pa med pa dang / mngon par rtogs pa med pa'i bar du de bzhin du sbyar te/ de lta bur ji ltar 'gyur/ de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das bdag ni chos 'di dag la yid gnyis mi 'tshal/ the tshom mi 'tshal lags yod kyi/ 'on kyang ma 'ongs pa'i dus na sems can khyim pa rnams dang / rab tu byung ba rnams dang / nyan thos kyi theg pa pa rnams dang / rang sangs rgyas kyi theg pa pa rnams dang / byang chub sems dpa'i theg pa pa rnams 'di skad du gal te chos thams cad dngos po med pa'i ngo bo nyid yin na/ dngos po med pa'i ngo bo nyid kyi chos thams cad la 'dir su zhig kun nas nyon

  309. 155b

    phongs pa 'am/ rnam par byang bar 'gyur zhes mchis par 'gyur te/ de dag kun nas nyon mongs pa dang rnam par byang ba ma 'tshal nas/ tshul khrims nyams par 'gyur/ lta ba nyams par 'gyur/ spyod pa nyams par 'gyur te/ tshul khrims nyams pa dang / lta ba nyams pa dang / spyod pa nyams pa de dag ni sems can dmyal ba'i 'gro ba dang / dud 'gro'i 'gro ba dang / gshin rje'i 'jig rten gyi 'gro ba 'am/ 'gro ba gsum po dag las gang yang rung ba gcig tu mchi bar 'tshal bar bgyi lagasaso// bcom ldan 'das bdag gis ni ma 'ongs pa'i dog pa 'di mthong bas/ de bzhin gshegs pa dgra bcom pa yang dag par rdzogs pa'i sangs rgyas la don 'di nyid zhus pa lags te/ bcom ldan 'das bdag ni chos de dag la yid gnyis mi 'tshal/ the tshom mi 'tshal lags so// bcom ldan 'das kyis bka' stsal pa/ de de bzhin no// de de bzhin te/ khyod kyis ji skad smras pa de bzhin no// shes rab kyi pha rol tu phyin pa khri brgyad stong pa las/ mthar gyis bya ba dang / bslab pa dang / bsgrub pa bstan pa'i le'u zhes bya ste bdud cu pa'o// // de nas yang bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te/ chos thams cad dngos po ma mchis pa'i ngo bo nyid lags na/ bcom ldan 'das don ci zhig mthong nas/ byang chub sems dpa' sems dpa' chen po sems can rnams kyi don gyi slad du/ bla na med

  310. 156a

    pa yang dag par rdzogs pa'i byang chub la zhugs lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni/ chos thams cad dngos po med pa'i ngo bo nyid ji lta ba de kho na bzhin du/ bla na med pa yang dag par rdzogs pa'i byang chub la 'jug go/ de ci'i phyir zhe na/ rab 'byor dmigs pa ni tha chad yin te/ dmigs pa'i 'du shes can la ni thob pa'ang med/ mngon par rtogs pa'ang med/ bla na med pa yang dag par rdzogs pa'i byang chub kyang med do// gsol pa/ bcol ldan 'das ci dmigs su ma mchis pa la thob pa 'am/ mngon par rtogs pa 'am/ bla na med pa yang dag par rdzogs pa'i byang chub mchis pa lags sam/ bka' stsal pa/ rab 'byor chos kyi dbyings rnam par mi 'khrug pa'i phyir mi dmigs pa nyid thob pa yin/ mi dmigs pa nyid mngon par rtogs pa yin/ mi dmigs pa nyid bla na med pa yang dag par rdzogs pa'i byang chub yin no// mi dmigs pa nyid thob pa'am/ mngon par rtogs pa 'am/ bla na med pa yang dag par rdzogs pa'i byang chub par 'dod pa gang yin pa de ni/ chos kyi dbyings rnam par 'khrug par 'dod du zad do// gsol pa/ bcom ldan 'das gal te dmigs su ma mchis pa la thob pa ma mchis/ mngon par rtogs pa ma mchis/ bla na med pa yang dag par rdzogs pa'i byang chub ma mchis shing / dmigs su ma mchis pa nyid thob pa lags/ dmigs

  311. 156b

    su ma mchis pa nyid mngon par rtogs pa lags/ dmigs su ma mchis pa nyid bla na med pa yang dag par rdzogs pa'i byang chub lags na/ bcom ldan 'das byang chub sems dpa' sems dpa' chen po'i sa dang po ga la mchis/ gnyis pa'ang ga la mchis/ bcu pa'i bar du'ang ga la mchis/ mi skye ba'i chos la bzod pa'ang ga la mchis/ rnam par smin pa las byung ba'i chos gang dag la gnas nas/ sems can rnams yongs su smin par bgyid pa dang / sangs rgyas kyi zhing yongs su dag par bgyid pa dang / sangs rgyas bcom ldan 'das rnams la zhal zas dang / btung ba dang / na bza' dang / chibs pa dang / spos dang / me tog dang / 'phreng ba dang / gzims cha dang / ba dan dang / mar me dang / mi'i phun sum tshogs pa dag gis bsnyen bkur bgyid la/ de'i de dag kyang rgyun chad par mi 'gyur te/ yongs su mya ngan las 'das pa'i sku gdung rnams kyi bar dang / nyan thos rnams la rnam par smin par bgyid kyang bas par mi 'gyur ba'i rnam par smin pa las byung ba'i mngon par shes pa'ang ga la mchis/ rnam par smin pa las byung ba'i sbyin pa'ang ga la mchis/ rnam par smin pa las byung ba'i tshul khrims kyang ga la mchis/ rnam par smin pa las byung ba'i bzod pa'ang ga la mchis/ rnam par smin pa las byung ba'i brtson 'grus kyang ga la mchis/ rnam par smin pa las byung ba'i ting nge 'dzin kyang ga la

  312. 157a

    mchis/ rnam par smin pa las byung ba'i shes rab kyang ga la mchis/ de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor gang gi phyir dmigs su med pa de nyid kyi phyir sa dang po nas/ sa bcu pa'i bar dag yod do// de nyid kyi phyir dge ba'i rtsa ba gang dag gis sems can rnams kyi don byed pa nas/ yongs su mya ngan las 'das pa'i bar du'ang mchod pa 'byung ba'i rnam par smin pa las byung ba'i mngon par shes pa lnga yod do// de nyid kyi phyir rnam par smin pa las byung ba'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab yod do// de nyid kyi phyir rnam par smin pa las byung ba'i dge ba'i rtsa ba dag yod do// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das dmigs su ma mchis pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa rnams la bye brag ni ci zhig mchis/ tha dad du bgyi ba ni ci zhig mchis/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor dmigs su med pa'i sbyin pa dang / mngon par shes pa rnams kyi bar la ni tha dad du bya ba ci'ang med do// rab

  313. 157b

    'byor gos pa med pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa de dag ni tha dad du bgyi bar bstan to// gsol pa/ bcom ldan 'das gos pa ma mchis pa'i sbyin pa nas/ mngon par shes pa'i bar du ji ltar tha dad du bgyi bar bstan/ bka' stsal pa/ rab 'byor 'di la byang chub sems dpa' sems dpa' chen po ni/ shes rab kyi pha rol tu phyin pa la spyod pa na/ sbyin par bya ba'ang mi dmigs/ len pa po'ang mi dmigs/ sbyin pa po'ang mi dmigs/ sbyin pa'ang mi dmigs par sbyin pa sbyin par byed do/ / tshul khrims mi dmigs par tshul khrims srung bar byed do// bzod pa mi dmigs par bzod pa skyed par byed do// brtson 'grus mi dmigs par brtson 'grus rtsom par byed do/ / ting nge 'dzin mi dmigs par ting nge 'dzin la snyoms par 'jug par byed do// shes rab mi dmigs par shes rab sgom par byed do// mngon par shes pa rnams mi dmigs par mngon par shes pa rnams la spyod do/ / dran pa nye bar gzhag pa rnams mi dmigs par dran pa nye bar gzhag pa rnams sgom par byed do// 'phags pa'i lam yan lag brgyad pa'i bar du sgom par byed do/ / ting nge 'dzin gsum po stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin gyi bar du mi dmigs par sgom par byed

  314. 158a

    do/ / sems can mi dmigs par sems can rnams yongs su smin par byed do// sangs rgyas kyi zhing mi dmigs par sangs rgyas kyi ning yongs su dag par byed do// sangs rgyas kyi chos rnams mi dmigs par byang chub mngon par rdzogs par 'tshang rgya bar byed do// rab 'byor de ltar na byang chub sems dpa' sems dpa' chen po ni dmigs su med ba'i shes rab kyi pha rol tu phyin pa la spyod do/ / rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/ bdud dam bdud kyi rigs kyi lha rnams kyis tshugs par dka' 'o// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa na/ ji ltar sems gcig gis pha rol tu phyin pa drug yongs su 'dzin par bgyid/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ji ltar yongs su 'dzin

  315. 158b

    par bgyid/ rnam par thar pa'i sgo gsum dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bco brgyad dang / skyes bu chen po'i mtshan sum cu rtsa gnyis dang / dpe byad bzang po brgyad cu ji ltar yongs su 'dzin par bgyid/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa dang/ sbyin pa gang sbyin yang rung ste/ sbyin pa de shes rab kyi pha rol tu phyin pas yongs su zin pa ste/ gzhan du ma yin no/ / tshul khrims gang srung ba dang / bzod pa gang sgom pa dang / brtson 'grus gang rtsom pa dang / ting nge 'dzin gang la snyoms par 'jug kyang rung ste/ de dag shes rab kyi pha rol tu phyin pas yongs su zin pa ste/ gzhan du ma yin no// bsam gtan gang dag la snyoms par 'jug pa de dag kyang shes rab kyi pha rol tu phyin pas yongs su zin pa ste/ gzhan du ma yin no// tshad med pa gang dag la snyoms par 'jug pa de dag kyang shes rab kyi pha rol tu phyir bas yongs su zir pa ste/ gzhan du ma yin no// gzugs med pa'i snyoms par 'jug pa gang dag la snyoms par 'jug pa de dag kyang shes rab kyi pha rol tu phyin pas yongs su rin pa ste/ gzhan du ma yin no// dran pa nye bar gzhag pa gang dag sgom pa nas de bzhin du sbyar te/ dpe byad bzang po brgyad cu'i

  316. 159a

    bar de dag kyang shes rab kyi pha rol tu phyin pas yongs su zin pa ste/ gzhan du ma yin no// de skad ces bka' stsal pa dang / bcom ldan 'das la/ tshe dang ldan/ pa rab 'byor gyis 'di skad ces gsol to// bcom ldan 'das shes rab kyi pha rol tu phyin pas yongs su zin pa'i byang chub sems dpa' sems dpa' chen pos sems gcig gis pha rol tu phyin pa drug ji ltar yongs su 'dzin lags/ de bzhin du dpe byad bzang po brgyad cu'i bar du ji ltar yongs su 'dzin lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa gang sbyin pa de shes rab kyi pha rol tu phyin pas yongs su zin pa de ni gnyis kyi 'du shes can du mi 'gyur ro// tshul khrims gang srung ba de la gnyis kyi 'du shes can du mi 'gyur ro/ / bzod pa gang sgom pa de la gnyis kyi 'du shes can du mi 'gyur ro// brtson 'grus gang rtson pa de la gnyis kyi 'du shes can du mi 'gyur ro// ting nge 'dzin gang la snyoms bar zhugs pa de la gnyis kyi 'du shes can du mi 'gyur ro/ / de bzhin du sbyar te/ dpe byad bzang po brgyad cu'i bar du mngon par sgrub pa de la gnyis kyi 'du shes can du mi 'gyur ro// gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa na/ ji ltar sbyin pa sbyin yang de la gnyis kyi 'du shes can du'ang mi

  317. 159b

    'gyur ba lags/ de bzhin du dpe byad bzang po brgyad cu'i bar du'ang mngon par sgrub la/ de la gnyis kyi 'du shes can du'ang mi 'gyur ba lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa la/ sbyin pa'i pha rol tu phyin pa yongs su rdzogs par byed cing / des sbyin pa'i pha rol tu phyin pa de'i nang du pha rol tu phyin pa drug po thams cad 'du bar shes par byas nas sbyin pa sbyin par byed do/ / de bzhin du byang chub kyi phyogs kyi chos thams cad yongs su rdzogs par byed cing / lam gyi bar gyi nang der pha rol tu/ phyin pa drug po thams cad 'dus par byas te/ lam sgom par byed do// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa na/ de gang gi tshe sbyin pa sbyin pa na zag pa med pa'i sems de la gnas nas sbyin pa sbyin par byed do/ / de bag pa med pa'i sems de la gnas te/ bdag gis su zhig la sbyin par bya/ ci zhig sbyin par bya/ su zhig sbyin par byed snyam pa'i mtshan ma'ang yang dag par rjes su mi mthong ngo / / de mtshan ma dang bral ba'i sems dang / zag pa dang bral ba dang / sred pa dang bral ba dang / ma rig pa dang bral ba'i sems kyis sbyin pa sbyin par byed de/ des sems de'ang mi mthong la/ des sbyin pa de'ang yang dag par rjes su mi mthong / chos thams cad kyi bar du'ang yang dag par rjes su mi mthong ngo // rab

  318. 160a

    'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa na/ mtshan ma dang bral ba'i sems kyis tshul khrims srung ste/ tshul khrims de'ang yang dag par rjes su mi mthong / chos thams cad kyi bar du'ang yang dag par rjes su mi mthong ngo // mtshan ma dang bral ba'i sems kyis bzod pa sgom ste/ bzod pa de'ang yang dag par rjes su mi mthong / chos thams cad kyi bar du'ang yang dag par rjes su mi mthong / sangs rgyas kyi chos de dag kyang yang dag par rjes su mi mthong ngo // mtshan ma dang bral ba'i sems kyis brtson 'grus rtsom par byed de/ brtson 'grus de'ang yang dag par rjes su mi mthong / chos thams cad kyi bar du'ang yang dag par rjes su mi mthong ngo // mtshan ma dang bral ba'i sems kyis ting nge 'dzin la snyoms par 'jug ste/ ting nge 'dzin de'ang yang dag par rjes su mi mthong la/ sangs rgyas kyi chos thams cad kyi bar du'ang yongs su rdzogs par byed de/ de dag kyang yang dag par rjes su mi mthong ngo / / mtshan ma dang bral ba'i sems kyis shes rab sgom par byed de/ sangs rgyas kyi chos thams cad kyi bar du'ang de bzhin du sbyar ro// mtshan ma dang bral ba'i sems kyis dran pa nye bar gzhag ba bzhi sgom par byed pa nas/ dpe byad babang po brgyad cu'i bar du mngon par sgrub ste/ de bzhin du sbyar bar bya'o// gsol pa/ bcom ldan 'das mtshan ma ma mchis shing / mngon par 'ja

  319. 160b

    bgyid pa ma mchis pa'i chos rnams la/ ji ltar sbyin pa'i pha rol tu phyin pa yongs su rdzogs par 'gyur lags/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ji ltar yongs su rdzogs par 'gyur lags/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ji ltar yongs su rdzogs par 'gyur lags/ stong pa nyid dang / mtshan ma med pa dang / smon pa med pa'i ting nge 'dzin ji ltar yongs su rdzogs par 'gyur lags/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ji ltar yongs su rdzogs par 'gyur lags/ de skad ces gsol pa dang // bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ mtshan ma dang bral ba'i sems kyis sbyin pa sbyin par byed de/ zas 'dod pa rnams la ni zas nas/ mi'i yo byad gang ci'ang rung ba'i bar du sbyin par byed do// nang gi yan lag dang / nying lag rnams sam/ phyi rol gyi chung ma dang /

  320. 161a

    bu dang / bu mo dang / rgyal srid rnams brgyan cing spong ba rnams la sbyin par byed do// la la zhig der 'ongs nas de la 'di skad du/ khyod kyi sbyin pa 'di lta bu byin pa 'di ltar phan pa med pa 'dis ci zhig bya zhes zer na/ byang chub sems dpa' sems dpa' chen po shes rab kyi pha rol tu phyin pa la spyod pa de 'di snyam du sems te/ sems can 'di dag 'di skad du/ khyod kyi sbyin pa mi brtan pa byin pa 'dis ci zhig bya zhes gshe mod kyi/ 'on kyang bdag gis ni sbyin pa sbyin par bya'i/ bdag gis sbyin pa mi sbyin par mi bya'o snyam mo// des sbyin pa de'ang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo bar byed de/ des yongs su sngo ba na ci nas mtshan ma'ang yang dag par rjes su mi mthong ba de lta bu'i tshul gyis yongs su sngo bar byed de/ bdag gis ci zhig sbyin par bya/ gang la sbyin par bya/ su zhig sbyin par byed/ gang du yongs su bsngo bar bya/ ci zhig yongs su bsngo bar bya/ gang gis yongs su bsngo bar bya ba dang / gang du phyin nas bla na med pa yang dag par rdzogs pa'i byang chub tu yongs su bsngo ba'i dngos po de'ang des yang dag par rjes su mi mthong ngo // de ci'i phyir zhe na/ nang stong pa nyid kyis stong pa dang / phyi stong pa nyid kyis stong pa dang / phyi nang stong pa nyid kyis stong pa dang / stong pa nyid stong pa nyid kyis stong pa dang / de bzhin du sbyar te/ rang gi mtshan nyid stong pa nyid kyi bar

  321. 161b

    gyis stong pa'i phyir ro/ / des gang du yongs su bsngo bar 'gyur/ ci zhig yongs su bsngo bar 'gyur/ gang gis yongs su bsngo bar 'gyur zhes de ltar mthong ste/ de ltar yongs su bsngos na/ legs par yongs su bsngos pa yin te/ de ni sems can rnams yongs su smin par byed pa dang / sangs rgyas kyi zhing yongs su 'dzin pa dang / sbyin pa'i pha rol tu phyin pa yongs su rdzogs par byed pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / byang chub kyi phyogs kyi chos sum cu rtsa bdun gyi bar dag dang / stong pa nyid dang / mtshan ma med pa dang / smon pa med pa'i ting nge 'dzin dang / sangs rgyas kyi chos ma 'dres pa bco brgyad kyi bar dag yongs su rdzogs par byed de/ rnam par smin pa'ang 'dzin par mi byed do// rab 'byor 'di lta ste/ dper na gzhan 'phrul dbang byed kyi lha rnams ni yo byad phun sum tshogs pa thams cad bsams pa tsam gyis 'grub par 'gyur ro/ / rab 'byor de bzhin du byang chub sems dpa' sems dpa' chen po'i yo byad thams cad kyang bsams pa tsam gyis yongs su rdzogs par 'gyur ro// / des yod byang phun sum tshogs pa des sangs rgyas bcom ldan 'das rnams la'ang bsnyen bkur byed la/ lha dang / mi dang / lha ma yin du bcas pa'i 'jig rten yang tshim par byed do// des sems can

  322. 162a

    de dag sbyin pas bsdus nas/ thabs la mkhas pas theg pa gsum la 'god par byed do// rab 'byor byang chub sems dpa' sems dpa' chen po shes rab kyi pha rol tu phyin pa/ la spyod pa na/ de ltar sbyin pa'i pha rol tu phyin pa yongs su rdzogs par byed do// rab 'byor byang chub sems dpa' sems dpa' chen po ji ltar tshul khrims kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ tshul khrims kyi pha rol tu phyin pa yongs su rdzogs par byed de/ des 'phags pa zag pa med pa lam du gtogs pa'i chos nyid kyis thob pa'i tshul khrims thob par 'gyur ro// de'i tshul khrims de'ang ma nyams shing skyon med la/ ma 'dres pa dang / ma 'chol ba dang / dbang 'byor pa dang / nag nog med pa dang / shin tu rdzogs pa dang / mkhas pas bsngags pa yin no// de tshul khrims des chos gang dag la'ang mchog tu 'dzin par mi byed de/ gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ skyes bu chen po'i mtshan sum cu rtsa gnyis sam/ rgyal rigs shing sA la chen po lta bu 'am/ tham ze'i rigs shing sA la chen po lta bu 'am/ khyim bdag gi rigs shing sA la chen po lta bu'am/ rgyal chen bzhi'i ris kyi lha 'am/ sum cu rtsa gsum pa'am/ 'thab bral las/ dga' ldan nam/

  323. 162b

    'phrul dga' 'am/ gzhan 'phrul dbang byed dam/ tshangs ris sam/ tshangs pa'i mdun na 'don pa 'am/ tshangs 'khor ram/ 'od chung ngang/ tshad med 'od dam/ 'od gsal lam/ dge chung ngam/ tshad med dge 'am/ dge rgyas sam/ 'bras bu che ba 'am/ 'du shes med pa'i sems can nam/ mi che ba 'am/ mi gdung ba 'am/ gya nom snang ba 'am/ shin tu mthong ngam/ 'og min nam/ nam mkha'i mtha' yas skye mched dam/ rnam shes mtha' yas skye mched dam/ ci'ang med pa'i skye mched dam/ 'du shes med 'du shes med min skye mched dam/ rgyun du zhugs pa'i 'bras bu 'am// lan cig phyir 'ong ba'i 'bras bu 'am/ phyir mi 'ong 'i 'bras bu 'am/ dgra bcom pa nyid dam/ rang byang chub bam/ 'khor los sgyur ba'i rgyal srid dam/ rgyal srid la dbang byed pa la'ang mchog tu 'dzin par mi byed do// gzhan du na sems can thams cad dang thun mong du byas nas/ mtshan ma med pa dang / dmigs su med pa dang / gnyis su med pas 'jig rten gyi tha snyad kyis rnam pa thams cad mkhyen pa nyid du yongs su sngo bar byed kyi don dam par ni ma yin no/ / tshul khrims kyi pha rol tu phyin pa yongs su rdzogs pa de dang / thabs la mkhas pa des bsam gtan bzhi ro myang ba med pa'i tshul gyis skyed par byed do// lha'i mig rnam par smid pa las byung ba gang gis shar phyogs na sangs rgyas bcom ldan 'das gang dag bzhugs te 'tsho zhing gzhes pa de dag mthong la/ de'i mthong ba de'ang bla na med pa yang dag par rdzogs pa'i byang chub

  324. 163a

    mngon par rdzogs par sangs ma rgyas kyi bar du chud za bar mi 'gyur ba dang / lho dang / nub dang / byang dang / phyogs mtshams kyi 'jig rten gyi khams dag ra sangs rgyas bcom ldan 'das gang dag bzhugs te 'tsho zhing gzhes pa de dag kyang mthong la/ nam bla na med pa yang dag par rdzogs pa'i byang chub ngon par rdzog par sangs ma rgyas kyi bar du de'i mthong ba de chud za bar mi 'gyur ba'i lha'i mig mngon par sgrub par byed do/ / lha'i rna ba rnam par dag pa mi'i las 'das pas sangs rgyas bcom ldan 'das de dag gsung ba'i sgra'ang thos te/ thos pa des nam bdag dang gzhan gyi dor ma byas kyi bar du/ thos pa de chud za bar mi 'gyur ro// sems kyi rnam grangs shes pas ni/ sangs rgyas bcom ldan 'das de dag gi dgongs pa sems kyis shes te/ sems kyi rnam grangs shes pa des sems can rnams kyi don byed do/ / sngon gyi gnas rjes su dran pa'i shes pas ni las gang byas pas las de chud za bar mi 'gyur ba'i sngon gyi las ston par byed do// zag pa zad pa shes pas ni sems cad rnams rgyun du zhugs pa'i 'bras bu la 'god par byed pa nas/ dgra bcom pa nyid kyi bar du 'god par byed/ rang byang chub la 'god par byed/ bla na med pa'i byang chub la 'god par byed de/ sems can rnams dge ba'i chos gang dang gang la 'jug nus pa de dang de la 'god par byed do/ / rab 'byor de ltar na byang chub sems dpa' sems dpa' chen po mtshan ma dang bral ba'i sems kyis tshul khrims kyi

  325. 163b

    pha rol tu phyin pa yongs su rdzogs par byed do/ / / shes rab kyi pha rol tu phyin pa khri brgyad stong pa bam po bzhi bcu rtsa dgu pa// rab 'byor byang chub sems dpa' sems dpa' chen pos mtshan ma med pa dang / rtsol ba med pa dang / dmigs su med pa dang / mngon par 'du byed pa med pa'i chos rnams la/ ji ltar bzod pa'i pha rol tu phyin pa yongs su rdzogs par byed ce na/ de sems dang po bskyed pa nas bzung ste/ byang chub kyi snying po la 'dug gi bar du sems can thams cad lhags te/ bong ba dang / dbyug pa dang / mtshon chas bsnun kyang de la byang chub sems dpa' sems dpa' chen pos 'khrug pa'i sems bskyed pa gcig tsam 'byung ba'i skabs kyang dbye bar mi bya'o/ / de la byang chub sems dpa' sems dpa' chen pos bzod pa gnyis bsgom par bya ste/ gnyis gang zhe na/ sems can thams cad kyis gshe ba dang / spyo ba dang / bong ba dang / dbyug pa dang / mtshon chas snun pa gang yin pa bzod par bya ba/ dang / mi skye ba'i chos rnams la bzod pa bskyed pa gang yin pa'o// de la spyos shing brgyad dam/ bong ba dang / dbyug pa dang / mtshon chas snun na/ byang chub sems dpa' sems dpa' chen pos 'di ltar brtag par bya ste/ bdag la su zhig gshe zhing brgyad la/ bong ba dang / dbyug pa dang / mtshon chas snun par byed ces des chos rnams kyi ngo bo nyid la brtag par bya ste/ de rnams kyi

  326. 164a

    ngo bo nyid la rtog pa na chos rnams nyid kyang mi dmigs na/ chos rnams kyi ngo bo nyid lta ga la yod de/ de ltar chos kyi ngo bo nyid la rtog pa na 'di snyam du sems te/ nga la gcod pa 'am/ 'bigs pa su yin snyam mo// de de ltar chos kyi ngo bo nyid la rtog pa na/ mi skye ba'i chos la bzod pa thob par 'gyur ro// de la mi skye ba'i chos la bzod pa gang zhe na/ nyon mongs pa mi skye ba nyid dang shes pa gcad du med pa nyid do/ / bzod pa 'di gnyis la gnas nas bsam gtan bzhi yongs su rdzogs par byed do// tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / 'phags pa'i lam yan lag brgyad pa'i bar dang / rnam par thar pa'i sgo gsum dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su rdzogs par byed do// de 'phags pa zag pa med pa'i 'jig rten las 'das pa'i chos nyan thos dang rang sangs rgyas rnams dang thun mong ma yin pa de dag la gnas nas/ 'phags pa'i mngon par shes pa yongs su rdzogs par byed do// mngon par shes pa de dag yongs su rdzogs par byas nas/ mngon par shes pa de dag la gnas te/ lha'i mig rnam par dag pas shar phyogs kyi sangs rgyas bcom ldan 'das rnams mthong ngo // mthong nas kyang sangs rgyas rjes su dran pa thob par

  327. 164b

    'gyur te/ bla na med pa yang dag par rdzogs pa'i byang chub mngon par rdzogs par sangs rgyas kyi bar du/ de'i sangs rgyas rjes su drad pa rgyun mi 'chad par 'byung bar 'gyur ro// phyogs mtshams kyi bar du'ang de bzhin no/ / lha'i rna ba'i khams kyis sangs rgyas bcom ldan 'das de dag gis gang gsungs pa de dag thams cad 'dzin par byed do// bzung nas kyang de bzhin nyid du sgrub par byed de/ sems can rnams la'ang de bzhin nyid du chos ston par byed do// sangs rgyas bcom ldan 'das de dag gi thugs kyang sems kyis shes so// des sems kyi rnam grangs shes pa des/ sems can thams cad kyi sems kyang sems kyis shes te/ sems can thams cad kyi sems shes nas kyang de bzhin nyid du chos ston to// sngon gyi gnas rjes su dran pa shes pas ni sems can de dag gi dge ba'i rtsa ba shes te/ sngon gyi dge ba'i rtsa ba des dga' bar byed cing yang dag par 'dzin du 'jug go// zag pa zad pa shes pas ni sems can de dag theg pa gsum po dag dag la 'dzud par byed/ 'god par byed do/ / rab 'byor byang chub sems dpa' sems dpa' chen po shes rab kyi pha rol tu phyin pa la spyod pa de thabs la mkhas pa'i sems can rnams kyang yongs su smin par byas/ sangs rgyas kyi zhing yongs su dag par byas nas/ rnam pa thams cad mkhyen pa nyid la spyod cing / rnam pa thams cad mkhyen pa nyid yongs su rdzogs par bya ste/ bla na med pa yang dag par rdzogs pa'i byang chub

  328. 165a

    mngon par rdzogs par sangs rgyas nas/ chos kyi 'khor lo skor bar 'gyur ro// rab 'byor de ltar dbyang chub sems dpa' sems dpa' chen po shes rab kyi pha rol tu phyin pa la spyod pa'i bzod pa'i pha rol tu phyin pa yongs su rdzogs par 'gyur ro/ / rab 'byor byang chub sems dpa' sems dpa' chen po mtshan ma med pa dang / rtsol ba med pa dang / dmigs su med pa dang / mngon par 'du byed pa med pa'i chos rnams la/ ji ltar brtson 'grus kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ lus kyi brtson 'grus dang yang ldan la/ sems kyi brtson dang yang ldan te/ de bas na bsam gtan dang po la snyoms par zhugs nas gnas so// bsam gtan bzhi pa'i bar la snyoms par zhugs te gnas so/ / de bsam gtan bzhi pa la snyoms par zhugs nas rdzu 'phrul bya ba du ma dag nyams su myong ste/ nyi ma dang zla ba gnyis ka la'ang lag pas nyug go// de lus kyi brtson 'grus de dang ldan pas shar phyogs kyi 'jig rten gyi khams 'bum phrag du ma dag na/ sangs rgyas bcom ldan 'das gang dag bzhugs pa de dag gi drung du rdzu 'phrul gyis song nas/ sangs rgyas bcom ldan 'das de dag la na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byed do// de'i gos dang zhal zas de dag kyang

  329. 165b

    bla na med pa yang dag par rdzogs pa'i byang chub mngon par rdzogs par sangs rgyas kyi bar du zad par mi 'gyur ro/ / mngon par rdzogs par sangs rgyas nas kyang lha dang / mi dang / lha ma yin gyi 'jig rten gos dang zas kyis bde ba dang ldan par byed do/ / de nas yongs su mya ngan las 'das pa'i sku gdung dag la'ang mchod pa 'byung bar 'gyur ro// rdzu 'phrul mngon par 'du byed pa de nyid kyis song nas// sangs rgyas bcom ldan 'das de dag las chos thos par 'gyur ro/ / ci thos pa rnams kyang bla na med pa yang dag par rdzogs pa'i byang chub tu mngon par rdzogs par sangs rgyas kyi bar du'ang nams kyang chud za bar mi 'gyur te/ rnam pa thams cad mkhyen pa nyid la spyod cing / sems can rnams kyang yongs su smin par byed/ sangs rgyas kyi zhing yang yongs su 'dzin par byed do// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa/ lus kyi brtson 'grus dang ldan pas brtson 'grus kyi pha rol tu phyin pa yongs su rdzogs par byed do// rab 'byor byang chub sems dpa' sems dpa' chen po sems kyi brtson 'grus 'phags pa/ zag pa med pa/ lam dang / lam gyi yan lag tu gtogs pa dang ldan pas/ ji ltar brtson 'grus kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ lus kyi brtson 'grus dang ldan pas lus kyi las mi dge ba'i skabs mi byed do// ngag gi las mi

  330. 166a

    dge ba'i skabs mi byed do/ / rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag yod ce bya ba 'am/ bdag med ces bya ba 'am/ 'dus byas shes bya ba 'am/ 'dus pa byas shes bya ba 'am/ 'dod pa'i khams shes bya ba 'am/ gzugs kyi khams shes bya ba 'am/ gzugs med pa'i khams shes bya ba 'am/ zag pa dang bcas pa'i khams shes bya ba 'am/ zag pa med pa'i khams shes bya ba 'am/ bsam gtan dang po zhes bya ba 'am/ bsam gtan bzhi pa'i bar zhes bya ba 'am/ byams pa zhes bya ba'am/ snying rje zhes bya ba 'am/ dga' ba zhes bya ba 'am/ btang snyoms shes bya ba 'am/ nam mkha' mtha' yas skye mched ces bya ba 'am/ 'du shes med 'du shes med mir skye mched kyi bar zhes bya ba 'am/ dran pa nye bar gzhag pa rnams shes bya ba 'am/ yang dag par spong ba rnams shes bya ba 'am/ rdzu 'phrul gyi rkang pa rnams shes bya ba 'am/ dbang po rnams shes bya ba 'am/ stobs rnams shes bya ba 'am/ byang chub kyi yan lag rnams shes bya ba 'am/ 'phags pa'i lam yan lag brgyad pa zhes bya ba 'am/ stong pa nyid ces bya ba 'am/ mtshan ma med pa zhes bya ba 'am/ spor pa med pa zhes bya bar mchog tu 'dzin par mi byed do/ / sangs rgyas kyi chos rnams kyi bar du rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag

  331. 166b

    yod pa zhes bya ba 'am/ bdag med pa zhes bya bar mchog tu 'dzin par mi byed do// rgyun du zhugs pa'i 'bras bu zhes bya ba'am/ lan cig phyir 'ong ba'i 'bras bu zhes bya ba 'am/ phyir mi 'ong ba'i 'bras bu zhes bya ba'am/ dgra bcom pa nyid ces bya ba 'am/ rang byang chub ces bya ba 'am/ de bzhin du sbyar te/ rgyun du zhugs pa zhes bya ba nas/ rang sangs rgyas shes bya ba'i bar dang / byang chub sems dpa' zhes bya bar mchog tu 'dzin par mi byed do/ / sems can 'di dag ni mthong bas rab tu phye ba'o// sems can 'di dag ni bsrubs pas rab tu phye ba'o// sems can 'di dag tha ma'i cha dang 'thun pas rab tu phye ba'o/ / 'di dag ni gong ma'i cha dang 'thun pas rab tu phye ba'o// 'di dag ni rang sangs rgyas nyid kyis rab tu phye ba'o// 'di dag ni lam gyi rnam pa shes pa nyid kyis rab tu phye ba'o zhes de ltar yang mchog tu 'dzin par mi byed do/ / de ci'i phyir zhe na/ 'di ltar ngo bo nyid gang gis rab tu dbye ba'i ngo bo nyid de dag la med pa'i phyir ro// de sems kyi brtson 'grus de dang ldan pas 'chi khar yang sems can rnams kyi don byed la/ sems can de dag kyang mi dmigs so// brtson 'grus kyi pha rol tu phyin pa'ang yongs su rdzogs par byed la/ brtson 'grus kyi pha rol tu phyin pa de'ang mi dmigs so/ / sangs rgyas kyi chos rnams kyi bar du'ang yongs su rdzogs par byed la/ sangs rgyas kyi chos de dag kyang mi dmigs so// sangs rgyas kyi zhing yang yongs su dag par byed

  332. 167a

    la/ sangs rgyas kyi zhing de'ang mi dmigs so// de lus dang sems kyi brtson 'grus de dang ldan pas dge ba'i chos thams cad kyang yongs su 'dzin la/ de dag la'ang chags par/ mi byed de/ de chags pa med pas sangs rgyas kyi zhing nas sangs rgyas kyi zhing du 'gro zhing / 'jig rten gyi khams nas 'jig rten gyi khams su 'gro ste/ sems can rnams kyi don byed cing / 'phrul gyi cho 'phrul gang dang gang rnam par sprul par 'dod pas/ rdzu 'phrul gyi cho 'phrul de dang de rnam par sprul par byed de/ yang na ni me tog gi char 'bebs so// yang na ni spos 'gyed par byed do// yang na ni 'brug sgra sgrogs par byed do// yang na ni glu dbyangs sgrogs par byed do// yang na ni sa g.yo bar byed do// yang na ni rin po che sna bdun gyi sa gzhi ston par byed do// yang na ni mun nag gi sems can rnams kyi ched du bdag nyid las 'od 'byin par byed do/ / yang na ni spos gtong bar byed do// yang na ni srog gcod pa med pa'i mchod sbyin byed do// yang na ni sems can mtha' yas pa lam la 'dzud par byed do/ / srog gcod pa las zlog par byed pa nas/ log par lta ba'i bar dag las zlog par byed do// kha cig la ni sbyin pas phan 'dogs par byed do// kha cig la ni tshul khrims kyis phan 'dogs par byed do/ / kha cig gi don du ni yan lag dang nying lag yongs su gtongs par byed do// kha cig la ni bu dang chung ma yongs su gtong bar byed do// kha cig

  333. 167b

    la ni rgyal srid/ kha cig gi don du ni ngag nyid yongs su gtong bar byed de/ thabra gang dang gang gis sems can rnams kyi don byar rung ba'i thabs de dang des sems can rnams kyi don byed do// 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa/ sems kyi brtson 'grus dang ldan pas ming med pa dang / mtshan ma med pa'i chos rnams la gnas nas/ brtson 'grus kyi pha rol tu phyin pa yongs su rdzogs par byed do// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ ming med pa dang / mtshan ma med pa'i chos rnams la gnas nas/ ji ltar ting nge 'dzin gyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ de bzhin gshegs pa'i ting nge 'dzin ma gtogs par ting nge 'dzin thams cad yongs su rdzogs par byed de/ de 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas so/ / bsam gtan bzhi pa'i bar du bsgrubs te gnas so// de byams pa dang ldan pa'i sems dang / btang snyoms dang ldan pa'i bar gyi sems kyis 'jig rten thams cad kyi bar du khyab par

  334. 168a

    bsgrubs te gnas so/ / 'du shes med 'du shes med min skye mched kyi bar du bsgrubs te gnas so// de ting nge 'dzin gyi pha rol tu phyin pa de las rnam par thar pa brgyad la lugs dang lugs ma yin pa la snyoms par 'jug cing ldang bar yang byed do/ / mthar gyis gnas pa'i snyoms par 'jug pa dgu dang / stong pa nyid kyi ting nge 'dzin bsgrubs te gnas so// mtshan ma med pa'i ting nge 'dzin dang / smon pa med pa'i ting nge 'dzin bsgrubs te gnas so// bar chad med pa'i ting 'dzin bsgrubs te gnas so// mngon par 'phags pa'i ting nge 'dzin dang / yang dag pa'i ting nge 'dzin dang / rdo rje lta bu'i ting nge 'dzin bsgrubs te gnas so// de ting nge 'dzin gyi pha rol tu phyin pa 'di la gnas nas/ byang chub kyi phyogs kyi chos sum cu rtsa bdun bsgrubs te gnas so/ / de ting nge 'dzin gyi pha rol tu phyin pa 'di la gnas nas/ lam gyi rnam pa shes pa nyid kyi ye shes kyis lam gyi rnam pa shes pa nyid kyi nang du ting nge 'dzin gyi tshogs rnams 'dus par byas nas/ dkar po rnam par mthong ba'i sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa las 'das nas/ byang chub sems dpa'i skyon med pa la 'jug ste/ sangs rgyas kyi sa yongs su rdzogs par byed do// de de dag la spyod kyang bar ma dor

  335. 168b

    'bras bu thob par mi 'gyur ro/ / de ting nge 'dzin gyi pha rol tu phyin pa 'di la gnas nas/ sangs rgyas kyi zhing nas sangs rgyas kyi zhing du 'gro zhing / sangs rgyas bcom ldan 'das rnams la bsnyen bkur byed do/ / de sangs rgyas bcom ldan 'das la bsnyen bkur byed pas/ sangs rgyas bcom ldan 'das de dag las dge ba'i rtsa ba bskyed de/ sangs rgyas kyi zhing yongs su dag par byed do// 'jig rten gyi khams nas 'jig rten gyi khams su 'gro ste/ sems can rnams kyi don byed do// der sems can kha cig la ni sbyin pas par 'dogs so// kha cig la ni tshul khrims kyis/ kha cig la ni ting nge 'dzin gyis/ kha cig la ni shes rab kyis/ kha cig la ni rnam par grol bas/ kha cig la ni rnam par grol ba'i ye shes mthong bas phan 'dogs so// kha cig ni rgyun du zhugs pa'i 'bras bu la 'god do/ / de bzhin du sbyar te/ kha cig ni dgra bcom pa nyid kyi bar la 'god do// kha cig ni rang byang chub la 'god do// dge ba'i chos gang dang gang gis sems can rnams 'bogs par 'gyur ba de dang de la sbyor bar byed do/ / de ting nge 'dzin gyi pha rol tu phyin pa 'di la gnas nas/ gzungs kyi sgo thams cad sgrub par byed do// so so yang dag par rig pa bzhi thob par 'gyur ro// rnam par smin pa las byung ba'i mngon par shes pa rnams kyang thob par 'gyur ro// de nams kyang ma'i mngal du skye bar mi 'gyur/ rnams kyang 'dod pa la rten par mi 'gyur/ de skye ba gang yang

  336. 169a

    yongs su mi 'dzin pa med la/ skye ba'i skyon gyis kyang gos par mi 'gyur ro// de ci'i phyir zhe na/ 'di ltar des chos thams cad sgyu ma lta bur legs par mthong ba'i phyir ro// des 'du byed thams cad sgyu ma lta bur rtogs nas/ sems can thams cad kyi don byed kyang / de la sems can dang sems can du gdags pa'ang mi dmigs so// des chos thams cad mi dmigs pas sems can thams cad 'jig rten gyi tha snyad kyis mi dmigs pa nyid la 'god par byed de/ don dam par ni ma yin no// de ting nge 'dzin gyi pha rol tu phyin pa 'di la gnas nas/ bsam gtan dang / rnam par thar pa dang / snyoms par 'jug pa thams cad la spyod de/ bla na med pa yang dag par rdzogs pa'i byang chub yongs su rdzogs par ma gyur kyi bar du/ nams kyang ting nge 'dzin gyi pha rol tu phyin pa dang bral bar mi 'gyur ro/ / de ting nge 'dzin gyi pha rol tu phyin pa 'di la gnas nas/ rnam pa thams cad mkhyen pa nyid mngon par sgrub par byed de/ de la gnas nas bag chags kyi mtshams sbyor ba thams cad spong bar byed do// bag chags kyi mtshams sbyor ba thams cad spangs nas/ bdag dang gzhan gyi don byed do// bdag dang gzhan gyi don byas pas m+b+ha dang / mi dang / lha ma min du bcas pa'i 'jig rten gyi sbyin gnas su 'gyur ro/ / rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa/ mtshar ma med pa'i ting nge 'dzin gyi pha rol tu phyin pa yongs su rdzogs par byed do//

  337. 169b

    rab 'byor byang chub sems dpa' sems dpa' chen po mtshan pa med pa'i chos rnams la ji ltar shes rab kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ chos gang yang yod pa nyid dam/ yongs su grub pa nyid du yang dag par rjes su ma mthong ste/ des gzugs la yod pa nyid dam/ yongs su grub pa nyid yang dag par rjes su mi mthong ngo // rnam par shes pa'i bar la yod pa nyid dam/ yongs su grub pa nyid yang dag par rjes su mi mthong ngo // gzugs kyi skye ba yang dag par rjes su mi mthong ngo / / rnam par shes pa'i bar gyi skye ba yang dag par rjes su mi mthong ngo // des gzugs kyi skye ba yang dag par rjes su mi mthong la/ rnam par shes pa'i bar gyi skye ba yang dag par rjes su mi mthong bas/ gzugs kyi skye ba'i sgo yang dag par rjes su mi mthong ngo // rnam par shes pa'i bar gyi skye ba'i sgo yang dag par rjes su mi mthong ngo // gzugs kyi bsags pa yang dag par rjes su mi mthong ngo / / rnam par shes pa'i bar gyi bsags pa yang dag par rjes su mi mthong ngo // de bzhin du zag pa dang bcas pa dang / zag pa med pa thams cad kyi bar gyi skye ba'i sgo yang dag par rjes su mi mthong ste/ gsob nyid dang / gsog nyid dang / snying po med pa nyid du mthong ngo // de de ltar rtog pa na gzugs kyi ngo bo nyid mi dmigs so// de bzhin du sbyar te/ zag pa dang bcas

  338. 170a

    pa dang / zag pa med pa'i chos rnams kyi bar du mi dmigs te/ de shes rab kyi pha rol tu phyin pa la spyod pa na/ chos thams cadas dngos po med pa'i ngo bo nyid du mos so// de de ltar mos la/ nang stong pa nyid la spyod cing / rang gi mtshan nyid stong pa nyid kyi bar la spyod na/ chos gang la'ang zhen par mi 'gyur te/ gzugs sam/ tshor ba 'am/ 'du shes sam/ 'du byed rnams sam/ rnam par shes pa'am/ de bzhin du sbyar te/ byang chub kyi bar gyi chos gang la'ang mngon par zhen par mi 'gyur ro// de dngos po med pa'i ngo bo nyid kyi shes rab kyi pha rol tu byin pa la spyod pa na/ byang chub kyi lam yongs su rdzogs par byed de/ 'di lta ste/ pha rol tu phyin pa drug dang / byang chub kyi phyogs kyi chos rnams kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / dpe byad bzang po brgyad cu yongs su rdzogs par byed do// de rnam par smin pa'i chos byang chub sems dpa'i lam la gnas nas/ pha rol tu phyin pa drug dang / byang chub kyi phyogs kyi chos sum cu rtsa bdun yongs su rdzogs shing / rnam par smin pa las byung ba'i mngon par shes pa rnams yongs su rdzogs par gyur na/ sems can gang dag sbyin pas bsdu bar bya ba de dag ni sbyin pas sdud par byed do// gang dag tshul khrims kyis bsdu bar bya ba dang / gang

  339. 170b

    dag ting nge 'dzin gyis bsdu bar bya ba dang / gang dag shes rab kyis bsdu bar bya ba dang / gang dag rnam par grol bas bsdu bar bya ba dang / gang dag rnam par grol ba'i ye shes mthong bas bsdu bar bya ba de dag ni/ rnam par grol ba'i ye shes mthong bas sdud par byed do// gang dag rgyun du zhugs pa'i 'bras bu la dgod par bya ba de dag ni/ rgyun du zhugs pa'i 'bras bu la 'god par byed do// gang dag lan cig phyir 'ong ba'i 'bras bu la 'god par bya ba dang / gang dag phyir mi 'ong ba'i 'bras bu la 'god par bya ba dang / gang dag dgra bcom pa nyid la dgod par bya ba dang / gang dag rang byang chub la dgod par bya ba dang / gang dag byang chub la dgod par bya ba de dag ni/ byang chub la 'god par byed de/ thams cad la'ang de bzhin du sbyar bar bya'o// de rdzu 'phrul gyi bya ba rnam pa du ma dag byed cing / 'jig rten gyi khams gang+gA'i klung gi bye ma snyed dag tu 'gro ste/ 'dod na 'jig rten gyi khams de dag tu rin po che ji lta bu 'dod pa de lta bu'i rin po che dag mngon par sprul nas sems can rnams kyi bsam pa yongs su rdzogs par byed de/ sems can rnams kyi bsam pa yongs su rdzogs par byed cing / 'jig rten gyi khams nas 'jig rten gyi khams su 'gro'o// des 'jig rten gyi khams de dag mthong nas/ sangs rgyas kyi zhing yongs su 'dzin par byed de/ gzhan 'phrul dbang byed kyi lha rnams kyi longs spyod dang / yongs su spyod pa ci 'dra ba dag dang / sangs rgyas kyi zhing gzhan dag

  340. 171a

    na yongs su tshol ba med pa gang yin pa de lta bu'i longs spyod dang / yongs su spyad pa dag kyang der 'byung bar 'gyur ro// de rnam par smin pa las byung ba'i sbyin pa'i pha rol tu phyin pa dang / tshul khrims kyi pha rol tu phyin pa dang / shes rab kyi pha rol tu phyin pa'i bar dag dang / rnam par smin pa las byung ba'i mngon par shes pa rnams dang / rnam par smin pa las byung ba'i byang chub kyi lam gang yin pa des lam gyi rnam pa shes pa nyid la spyod pa na/ thams cad kyi pha rol tu phyin nas/ rnam pa thams cad mkhyen pa nyid thob par 'gyur ro// gal te ji tsam du gzugs yongs su mi 'dzin cing / rnam par shes pa'i bar dang / chos thams cad kyi bar du yongs su mi 'dzin te/ dge ba 'am/ mi dge ba 'am/ 'jig rten pa 'am/ 'jig rten las 'das pa 'am/ zag pa dang bcas pa 'am/ zag pa med pa'am/ 'dus byas sam/ 'dus ma byas yongs su mi 'dzin pa de ni bla na med pa yang dag par rdzogs pa'i byang chub mngon par rdzogs par sangs rgyas nas/ yang de'i sangs rgyas kyi zhing na longs spyod dang / yongs su spyad pa thams cad yongs su 'dzin pa med par 'gyur ro// de ci'i phyir zhe na/ 'di ltar chos thams cad ni dmigs su med pa'i tshul yin pa'i phyir ro// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan ma med pa'i tshul gyis shes rab kyi pha rol tu phyin pa yongs su rdzogs par byed do// shes

  341. 171b

    rab kyi pha rol tu phyin pa khri brgyad stong pa las/ mtshan ma med pa dang / dmigs su med pa'i chos nyid kyi le'u zhes bya ste bdud cu rtsa gcig pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ji ltar na byang chub sems dpa'i mtshan ma ma mchis pa dang / rtsol ba ma mchis pa dang / ma 'dres pa dang / rang gi mtshan nyid kyis stong pa'i chos rnams la pha rol tu phyin pa drug po/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa bsgom pa ji ltar yongs su rdzogs par 'gyur lags/ zag pa ma mchis pa'i chos 'di dag la ji ltar tha dad du bgyi ba gdags lags/ 'di dag la tha dad du bya ba ji ltar mchis lags/ sbyin pa'i pha rol tu phyin pa shes rab kyi pha rol tu phyin pa'i nang du 'dus pa lags/ tshul khrims dang / bzod pa dang / brtson 'grus dang / bsam gtan gyi pha rol tu phyin pa ji ltar shes rab kyi pha rol tu phyin pa'i nang du 'dus pa lags/ bcom ldan 'das mtshan nyid ma mchis pa'i chos 'di ltar mtshan nyid ma mchis par mtshan nyid gcig pa'i chos rnams la ji ltar tha dad du bgyi ba gdags par 'gyur lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad

  342. 172a

    ces bka' stsal to/ / rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam lta bu'i phung po lnga po dag la gnas te sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la snyoms par 'jug par byed/ shes rab sgom par byed do// brag cha lta bu'i nye bar len pa'i phung po lnga po dag la gnas te sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la snyoms par 'jug par byed/ shes rab sgom par byed do// mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po lnga po dag la gnas te sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ ting nge 'dzin la snyoms par 'jug par byed/ shes rab sgom par byed do// phung po lnga po de dag ni rmi lam lta bu ste/ mtshan nyid med pa'o/ / phung po lnga po dag ni brag cha lta bu dang / mig yor lta bu dang / sgyu ma lta bu dang / sprul pa lta bu ste/ mtshan nyid med pa'o// de ci'i phyir zhe na/ zil ma la ni ngo bo nyid ci'ang med la/ brag cha dang mig sor dang / smig rgyu dang / sgyu ma dang / sprul pa la ni ngo ba nyid ci'ang med pa'i phyir ro// gang la ngo bo nyid meng ba de la ni mtshan nyid med do// gang la mtshan nyid med pa de de 'di ltar mtshan nyid med par

  343. 172b

    mtshan nyid gcig go/ rab 'byor de bas na rnam grangs des kyang khyod kyis sbyin pa mtshan nyid med pa dang / sbyin pa po mtshan nyid med pa dang / len pa po mtshan nyid med par de ltar rig par bya'o// gang gis deltar shes nas sbyin pa sbyin par byed pa de ni sbyin pa'i pha rol tu phyin pa yongs su rdzogs par byed do/ / de sbyin pa'i pha rol tu phyin pa yongs su rdzogs par byed na/ tshul khrims kyi pha rol tu phyin pa las ldog par mi 'gyur ro/ / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa las ldog par mi 'gyur ro// depha rol tu phyin pa drug po 'di dag la gnas nas/ bsam gtan bzhi yongs su rdzogs par byed do// tshad med pa bzhi yongs su rdzogs par byed do// gzugs med pa'i snyoms par 'jug pa bzhi yongs su rdzogs par byed do/ / dran pa nye bar gzhag pa bzhi yongs su rdzogs par byed do// yang dag par spong ba bzhi yongs su rdzogs par byed do// rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag 'dun dang / 'phags pa'i lam yan lag brgyad pa dang / nang stong pa nyid dang / de bzhin du sbyar te/ rang gi mtshan nyid stong pa nyid kyi bar du yongs su rdzogs par byed do/ / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin mongs su rdzogs par byed do// rnam par thar pa brgyad dang / mthar gyis gnas

  344. 173a

    pa'i snyoms par 'jug pa dgu dang / mngon par shes pa lnga yongs su rdzogs par byed do// gzungs kyi sgo lnga brgya yongs su rdzogs par byed do// de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su rdzogs par byed do// de rnam par smin pa las byung ba'i 'phags pa zag pa med pa'i chos 'di dag la gnas te/ shar phyogs kyi 'jig rten gyi khams dag tu rdzu 'phrul gyis song nas/ sangs rgyas bcom ldan 'das rnams la bsnyen bkur byed de/ sangs rgyas bcom ldan 'das de dag la rim gro'ang byed do/ / der longs spyod dag gis sems can rnams kyi don yang byed do// der sems can gang dag sbyin pas bsdu bar bya ba de dag ni sbyin pas sdud par byed do/ / gang dag tshul khrims kyis bsdu bar bya ba de dag ni tshul khrims kyis sdud par byed do// gang dag bzod pas bsdu bar bya ba de dag ni bzod pas sdud par byed do// gang dag brtson 'grus kyi sa bsdu bar bya ba de dag ni brtson 'grus kyis sdud par byed do/ / gang dag ting nge 'dzin gyis bsdu bar bya ba de dag ni ting nge 'dzin gyis sdud par byed do// gang dag shes rab kyis bsdu bar bya ba de dag ni shes rab kyis sdud par byed do/ / dge ba'i chos thams cad kyis bsdu bar bya ba'i bar gang yin pa de dag ni dge ba'i chos thams cad kyis sdud par byed de/ de dge ba'i chos de dag dang ldan pas 'khor ba'ang len

  345. 173b

    par byed la/ 'khor ba na yod pa'i sdug bsngal rnams kyis kyang gos par mi 'gyur ro// sems can rnams kyi ched du lha dang mi'i phun sum tshogs pa dag kyang 'dzin par byed de/ phun sum tshogs pa de dag gis sems can de dag la phan 'dogs par byed do/ / des mtshan ma med pa'i chos rnams rtogs pas/ rgyun du zhugs pa'i 'bras bu'ang shes la/ de la gnas par yang mi byed do// lan cig phyir 'ong ba'i 'bras bu'ang shes la/ de la gnas par yang mi byed do// phyir mi 'ong ba'i 'bras bu'ang shes la/ de la gnas par yang mi byed do// dgra bcom pa nyid kyang shes la// de la gnas par yang mi byed do/ / rang byang chub kyang shes la/ de la gnas par yang mi byed do// de ci'i phyir zhe na/ 'di ltar des thams cad rtogs nas/ nyan thos dang rang sangs rgyas thams cad dang thun mong ma yin pa rnam pa thams cad mkhyen pa nyid thob par bya dgos pa'i phyir ro/ / rab 'byor de ltar na byang chub sems dpa' sems dpa' chen pos chos thams cad mtshan nyid med par rtogs na/ pha rol tu phyin pa drug po dag mtshan nyid med par shes la/ sangs rgyas kyi chos thams cad kyi bar du'ang mtshan nyid med par shes so// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam lta bu'i nye bar len pa'i phung po lnga po dag la gnas nas/ tshul khrims kyi pha rol tu phyin pa yongs su

  346. 174a

    rdzogs par byed do/ / brag cha lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga po dag la gnas te tshul khrims kyi pha rol tu phyin pa yongs su rdzogs par byed do/ / des rmi lam lta bu'i nye bar len pa'i phung po lnga po dag rtogs la/ brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po lnga po dag kyang rtogs nas/ mtshan nyid med pa'i tshul khrims kyi pha rol tu phyin pa ma nyams pa dang / skyon med pa dang / ma 'dres pa dang / mi 'chol ba dang / dag nog med pa dang / dbang 'byor pa dang / mkhas pas bsngags pa dang / shin tu rdzogs pa dang / 'phags pa zag pa med pa'i lam du gtogs pa yongs su rdzogs par byed de/ de la gnas nas/ yang dag par blang ba brda can gyi tshul khrims dang / chos nyid kyis thob pa'i tshul khrims dang / sdom pa'i tshul khrims dang / rnam par rig byed kyi tshul khrims dang / yang dag pa'i spyod pa'i tshul khrims srung ngo // de tshul khrims de lta bu dag dang ldan yang / 'dis bdag rgyal rigs shing sA la chen po lta bu dag dang skal ba mnyam par skye bar gyur cing ces 'am/ bram ze'i rigs shing sA la chen po lta bu dag dang / khyim bdag gi rigs shing sA la chen po lta bu dag dang skal ba mnyam par skye bar gyur cig ce 'am/ 'khor lo sgyur ba'i rgyal po

  347. 174b

    'am/ khams kyi rgyal por gyur cig ce'i mo// rgyal cher bzhi'i ris kyi lha rnams dang skal ba mnyam par skye bar gyur ce'am de su macu rtsa gsum pa'i lha rnams sam/ 'thab bral ba rnams sam/ dga' ldan pa rnams sam/ 'phrul dga' ba rnams sam/ gzhan 'phrul dbang byed kyi lha rnams dang skal ba mnyam par skye bar gyur cig ce 'am/ rgyun du zhugs pa'i 'bras bu thob par gyur cig ce 'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas thob par gyur cig ces mchog tu 'dzin par mi byed do// de ci'i phyir zhe na/ rab 'byor 'di ltar chos thams cad 'di lta ste/ dngos po med pa'i ngo bo nyid kyi mtshan nyid pas/ mtshan nyid med par mtshan nyid gcig pa'i phyir ro// mtshan nyid med pa'i chos kyis ni mtshan nyid med pa'i chos thob par mi 'gyur ro/ / mtshan nyid tha dad pa'i chos kyis kyang / mtshan nyid tha dad ba'i chos thob par mi 'gyur ro// mtshan nyid tha dad pa 'am/ mtshan nyid med pa'i chos rnams kyis kyang / mtshan nyid tha dad pa'am/ mtshan nyid med pa'i chos rnams thob par mi 'gyur ro// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan nyid med pa'i tshul khrims kyi pha rol tu phyin pa yongs su rdzogs par byed do/ / mtshan nyid med pa'i tshul khrims kyi pha rol tu phyin pa yongs su rdzogs par byas nas/ byang chub sems pa'i skyon med pa la 'jug go// byang chub sems dpa'i

  348. 175a

    skyon med pa la zhugs te/ mi skye ba'i chos la bzod pa thob nas/ lam gyi rnam par shes pa nyid la spyod cing / rnam par smin pa las byung ba'i mngon par shes pa rnams thob la/ gzungs kyi sgo lnga brgya la gnas nas/ so so yang dag par rig pa bzhi thob ste/ sangs rgyas kyi zhing nas sangs rgyas kyi zhing du 'gro zhing / sangs rgyas bcom ldan 'das rnams la'ang bsnyen bkur byed/ sems can rnams kyang yongs su smin par byed/ sangs rgyas kyi zhing yang yongs su 'dzin par byed do// de 'khor ba'i 'gro ba lngar yang 'khor la/ 'khor ba na spyod pa'i las rnams kyi rnam par smin pas kyang gos par mi 'gyur ro/ / 'di lta ste/ dper na sprul pa ni 'gro ba dang / 'greng ba dang / 'dug pa dang / nyal bar yang byed la/ de la 'gro ba dang / 'ong ba dang / gnas pa dang / 'dug pa dang / nyal ba'ang med de/ de ni sems can gyi don yang byed la/ sem can dang sem can du mdu ba'ang mi dmigs so// 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas ni bla na med pa yang par rdzogs pa'i byang chub mngon par rdzogs par sangs rgyas nas chos kyi 'khor lo bskor te/ sems can tshad med pa dag btul nas/ theg pa gnyis kyis yongs su mya ngan las bzlas kyang byang chub sems dpa' gang bla na med pa yang dag par rdzogs pa'i byang chub tu lung bstan pa 'ga' yang ma mthong nas/ des de'i tshe'i 'du byed bor te/ sprul pa sprul nas phung po lhag ma med pa'i mya ngan las 'das pa'i

  349. 175b

    dbyings su yongs su mya ngan las 'das so/ / rab 'byor sprul pa des kyang bskal pa 'das kyi bar du/ byang chub sems dpar bla na med pa yang dag par rdzogs pa'i byang chub tu lung bstan nas yongs su mya nga las 'das te/ sprul pa de la'ang gzugs sam/ tshor ba'am/ 'du shes sam/ 'du byed rnams sam/ rnam par shes pa'i dngos po ci'i'ang mi dmigs so// rab 'byor de bzhin du byang chub sems dpa' sems dpa' chen po'ang sems can dang / sem can du gdags pa'ang mi dmigs la/ sems can rnams kyi don kyang byed do// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ tshul khrims kyi pha rol tu phyin pa gang yongs su rdzogs na/ chos thams cad nang du 'dus par 'gyur ba yongs su rdzogs par byed do// rab 'byor gzhan yang byang chub sems dpa' chen po shes rab kyi pha rol tu phyin pa la spyod pa ni/ rmi lam lta bu'i nye bar len pa'i phung po lnga po dag dang / zag cha lta bu dang / mig yor lta bu dang / smig rgyu lta bu dang / sgyu ma zhwa 'u dang / sprul pa lta bu'i nye bar len pa'i phung po lnga po dag la gnas nas/ mtshan nyid med pa'i bzod pa'i pha rol tu phyin pa yongs su rdzogs par byed do// rab 'byor 'di la byang chub sems dpa' sems dpa' chen pos/ mtshan nyid med pa'i nye bar len pa'i phung po dag la gnas nas/ bzod pa'i pha rol tu phyin pa ji ltar yongs su rdzogs par byed ce na/ rab 'byor 'di la byang chub sems dpa'

  350. 176a

    sems dpa' chen po bzod pa rnam pa gnyis kyis bzod pa'i pha rol tu phyin pa yongs su rdzogs par byed de/ gnyis gang zhe na/ byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du skabs der/ sems can thams cad lhags nas spyos sam/ brgyad dam/ tshogs par mi dbyung ba 'am/ tshig rtsub po brjod kyang rung bong ba dang / dbyug pa dang / mtshon gyis bsnun kyang rung ste/ de la byang chub sems dpa' sems dpa' chen po bzod pa'i pha rol tu phyin pa yongs su rdzogs par byed 'dod pas/ su zhig bdag la spyo bar byed ce'am/ brgyad par byed ce'am/ tshogs par mi dbyung ba 'am/ tshig rtsub po rjod par byed ce 'am/ bong ba dang / dbyug pa dang / mtshon chas snun par byed ces 'khrug pab dang ldan pa'i sems gcig tsam yang bskyed par mi bya'o/ / de ci'i phyir zhe na/ 'di ltar chos thams cad mtshan nyid med par bzod na/ de la su zhig bdag la spro bar byed ce'am/ brgyad par byed ce'am/ tshogs par mi dbyung ba 'am/ tshig rtsub po rjod par byed ce'am/ bong ba dang / dbyug pa dang / mtshon chas snun par byed ces bya ba byung bar ga la 'gyur te/ de de ltar rtog na bzod pa'i pha rol tu phyin pa yongs su rdzogs par byed pa yin no/ / de bzod pa'i pha rol tu phyin pa yongs su rdzogs par byas pa de na/ mi skye ba'i chos la bzod pa thob par 'gyur ro// de skad ces bka' stsal pa

  351. 176b

    dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das mi skye ba'i chos la bzod pa ni ci zhig lags/ 'di'i tshad ni ji tsam zhig lags/ shes pa ni gang lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor chos phra rab tsam yang skye ba med pa de ni mi skye ba'i chos can zhes bya'o/ / de la bzod pa gang yin pa de ni shes pa zhes bya ste/ shes pa des mi skye ba'i chos la bzod pa thob bo// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das nyan thos rnams dang / rang sangs rgyas rnams kyi mi skye ba'i chos la bzod pa gang lags pa dang / byang chub sems dpa' sems dpa' chen po'i bzod pa gang lags pa'i bzod pa 'di gnyis la tha dad du bgyi ba ci zhig mchis lags/ de skad ces gsol pa dang / bcom ldan 'das kyi sa/ tshe dang ldan pa rab 'byor la 'di skad ces bka' stsal to/ / rab 'byor rgyun du zhugs pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o// lan cig phyir 'ong ba'i shes ba gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o// phyir mi 'ong ba'i shes pa gang yin pa dang / spong ba gang yin pa de ni byang chub sems dpa'

  352. 177a

    sems dpa' chen po'i bzod pa'o/ / dgra bcom pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o// rang sangs rgyas kyi shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa ste/ rab 'byor nyan thos dang / rang sangs rgyas kyi bzod pa dang / byang chub sems dpa'i bzod pa tha dad du bya ba ni de yin no/ / rab 'byor byang chub sems dpa' sems dpa' chen po de ni bzod pa 'di lta bu dang ldan pas/ nyan thos dang rang sangs rgyas thams cad zil gyis gnon to/ / de rnam par smin pa las byung ba'i mi skye ba'i chos la bzod pa la gnas nas/ byang chub sems dpa'i lam la spyod cing / lam gyi rnam pa shes pa nyid yongs su rdzogs par byed do/ / de yongs su rdzogs na byang chub kyi phyogs kyi chos sum cu rtsa bdun dang / stong pa nyid dang / mtshan ma med pa dang / smon pa med pa'i ting nge 'dzin dang bral bar mi 'gyur ro/ / de mngon par shes pa lnga dang yang bral bar mi 'gyur ro// de mngon par shes pa lnga po de dag dang ma bral bas/ sems can rnams kyang yongs su smin par byed/ sangs rgyas kyi zhing yang yongs su dag par byed do/ / des sems can rnams kyang yongs su smin par byas shing / sangs rgyas kyi zhing yang yongs su dag par byas nas/ skad cig gcig dang ldan pa'i shes rab kyis

  353. 177b

    rnam pa thams cad mkhyen pa nyid thob par 'gyur ro/ / rab 'byor de ltar na byang chub sems dpa' sems dpa' chen po mtshan nyid med pa'i bzod pa'i pha rol tu phyin pa yongs su rdzogs par byed do// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam lta bu'i nye bar len pa'i phung po lnga po dag la gnas shing / sprul pa lta bu'i bar gyi nye bar len pa'i phung po lnga po dag la gnas nas/ mtshan nyid med pa'i lus dang sems kyis brtson 'grus rtsom par byed de/ de lus kyi brtson 'grus kyis rdzu 'phrul mngon par sgrub cing / phyogs bcu'i 'jig rten gyi khams dag tu song nas/ sangs rgyas bcom ldan 'das rnams la bsnyen bkur byed cing / sems can rnams kyi don byed do// de lus kyi brtson 'grus des sems can rnams yongs su smin par byas nas/ theg pa gsum po dag la 'god par byed do// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni mtshan nyid med pa'i brtson 'grus kyi pha rol tu phyin pa yongs su rdzogs par byed do/ / de sems kyi brtson 'grus zag pa med pa'i lam dang lam du gtogs pas brtson 'grus kyi pha rol tu phyin pa yongs su rdzogs par byed de/ der ni 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag 'dun

  354. 178a

    dang / 'phags pa'i lam yan lag brgyad pa dang / rnam par thar pa'i sgo gsum dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gangs pa'i snyoms par 'jug pa dgu dang / de bzhin gshegs pa'i stobs bcu dang / pi 'jigs pa bzhi dang / so so yang dag par rig pa bzhi dang / / sangs rgyas kyi chos ma 'dres pa bco brgyad dang / dge ba'i chos thams cad 'dus te byang chub sems dpa' sems dpa' chen po de la spyod pas/ rnam pa thams cad mkhyen pa nyid yongs su rdzogs par bya'o/ / de yongs su rdzogs ni bag chags kyi mtshams sbyor ba thams cad spong bar 'gyur ro// de spangs shing mtshan nyid med pa yongs su grub pa yongs su rdzogs la snyoms par 'jug pa'i mthu bsgrubs nas chos kyi 'khor lo lar gsum du bzlas te/ rnam pa bcu gnyis su bskor bskor bar 'gyur te/ de bskor bas stong gsum gyi stong chen po'i 'jig rten gyi khams rnam pa drug tu g.yo bar 'gyur/ rab tu g.yo bar 'gyur/ kun tu rab tu g.yo bar 'gyur/ 'gul bar 'gyur/ rab tu 'gul bar 'gyur/ kun tu rab tu 'gul bar 'gyur/ ldeg par 'gyur// rab tu ldeg par 'gyur/ kun tu rab tu ldeg par 'gyur zhing / stong gsum gyi stong chen po'i 'jig rten gyi khams thams cad snang bas khyab par 'gyur ro// de bzhin

  355. 178b

    gshegs pa dgra bcom pa yang dag par rdzogs pa'i sangs rgyas de las sgra skad 'byung bar 'gyur te/ des sgra thos par byed do// stong gsum gyi stong chen po'i 'jig rter gyi khams de na/ sems can gang dag 'khod pa de dag gis kyang sgra de thos par 'gyur te/ de dag thams cad theg pa gsum po dag la nges par 'gyur ro// rab 'byor byang chub sems dpa' sems dpa' chen po'i brtson 'grus kyi pha rol tu phyin pa ni de ltar gces spras byed pa yin te/ brtson 'grus kyi pha rol tu phyin pa 'di la gnas nas/ byang chub sems dpa' sems dpa' chen pos sangs rgyas kyi chos thams cad yongs su rdzogs te/ rnam pa thams cad mkhyen pa nyid thob bo// // 'phags pa shes rab kyi pha rol tu phyin pa khri brgyad stong pa bam po lnga bcu pa// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam lta bu'i nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed do/ / sprul pa lta bu'i bar gyi nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed do// rab 'byor byang chub sems sems dpa' chen pos ji ltar rmi lam lta bu nas/ sprul pa lta bu'i bar gyi bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed ce na/ rab 'byor 'di

  356. 179a

    la byang chub sems dpa' sems dpa' chen po shes rab kyi pha rol tu phyin pa la spyod pa ni/ bsam gtan dang po bsgrubs te gnas pa das/ bsam gtar bzhi pa'i bar du bsgrubs te gnas so/ / byams pa dang / snying rje dang / dga' ba dang / btang snyoms dang / nam mkha' mtha' yas skye mched nas/ 'du shes med 'du shes med min skye mched kyi bar du bsgrubs te gnas so/ / stong pa nyid dang / mtshan ma med pa dang / smon pa med pa'i ting nge 'dzin sgom par byed do// de bzhin gshegs pa'i ting nge 'dzin dang / klog lta bu'i ting nge 'dzin dang yang dag pa'i ting nge 'dzin dang / rdo rje lta bu'i ting nge 'dzin ma gtogs par/ ting nge 'dzin gang yang rung ba/ nyan thos kyi ting nge 'dzin tam/ rang sangs rgyas kyi ting nge 'dzin tam/ ting nge 'dzin gyi tshogs gzhan gang yang rung ba de dag thams cad lus kyis khyab par byas nas bsgrubs te gnas la/ ting nge 'dzin de dag dang / ting nge 'dzin gyi 'bras bu'ang myong bar mi byed do// de ci'i phyir zhe na/ 'di ltar byang chub sems dpa' sems dpa' chen po des ting nge 'dzin gyi mtshan nyid dngos po med pa'i ngo bo nyid du shes pa'i phyir te/ ji ltar mtshan nyid med pa'i chos kyis mtshan nyid med pa'i chos kyi ro myong bar mi byed cing / dngos po med pas dngos po med pa'i ro myong bar mi byed de/ de ro myong bar mi byed pas na ting nge 'dzin gang gi dbang gis kyang / 'dod pa'i khams sam/ gzugs kyi khams

  357. 179b

    sam/ gzugs med pa'i khams su skye bar mi 'gyur ro// de ci'i phyir zhe na/ 'di ltar des khams de dag mi dmigs la/ gang snyoms par 'jug pa dang / cis snyoms par 'jug pa de'ang mi dmigs pa'i phyir ro/ / nges pa dmigs pas mtshan nyid med pa'i ting nge 'dzin gyi pha rol tu phyin pa yongs su rdzogs par byed de/ ting nge 'dzin gyi pha rol tu phyin pa des nyan thos dang rang sangs rgyas kyi sa las 'da' bar 'gyur ro/ / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po ji ltar mtshan nyid ma mchis pa'i ting nge 'dzin gyi pha rol tu phyin pa yongs su rdzogs par bgyis shing / nyan thos dang rang sangs rgyas kyi sa las 'da' bar 'gyur lags/ bka' stsal pa/ rab 'di ltar byang chub sems dpa' sems dpa' chen pos/ nang stong pa nyid la legs par bslabs shing / rang gi mtshan nyid stong pa nyid kyi bar dag la legs par bslabs pas na/ nang stong pa nyid 'di la rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ rnam pa thams cad mkhyen pa nyid kyi bar gang la gnas par bya ba'i chos gang yang mi dmigs so/ / stong pa nyid de'ang stong ste/ de stong pa nyid de dag gis nyan thos dang rang sangs rgyas kyi sa las 'das nas/ byang

  358. 180a

    chub sems dpa'i skyon med pa la 'jug go/ / gsol ba/ bcom ldan 'das byang chub sems dpa'i skyon ni gang lags/ skyon ma mchis pa ni gang lags/ bka' stsal pa/ rab 'byor dmigs pa thams cad ni byang chub sems dpa' sems dpa' chen po'i skyon yin no// dmigs pa med pa thams cad ni skyon med pa yin no// gsol pa/ bcom ldan 'das dmigs pa ni gang lags/ dmigs pa ma mchis pa ni gang lags/ bka' stsal pa/ rab 'byor gzugs ni byang chub sems dpa' sems dpa' chen po'i dmigs pa yin no/ / tshor ba dang / 'du shes dang / 'du byed rnams dang / rnam par shes pa ni byang chub sems dpa' sems dpa' chen po'i dmigs pa yin no// mig dang / gzugs dang / rna ba dang / s+tha dang / sna dang / dri dang / lce dang / ro dang / lus dang / reg dang / yid dang / chos rnams ni byang chub sems dpa' sems dpa' chen po'i dmigs pa yin no/ / de bzhin du sbyar te/ rnam pa thams cad mkhyen pa nyid kyi bar du dmigags pa ni skyon no// rab 'byor skyon med pa ni gang la gzugs nas/ rnam pa thams cad mkhyen pa nyid kyi bar gyi chos 'di dag gi brjod pa'ang mi dmigs pa yin no/ / de ci'i phyir zhe na/ rab 'byor 'di ltar gzugs kyi ngo bo nyid ni dmigs su med do// gzugs kyi ngo bo nyid gang yin pa

  359. 180b

    de ni dngos po med cing brjod du med do/ / rnam pa thams cad mkhyen pa nyid kyi bar gyi ngo bo nyid gang yin pa de ni dngos po med de brjod du med do// rab 'byor 'di ni byang chub sems dpa' sems dpa' chen po'i skyon med pa yin te/ byang chub sems dpa' sems dpa' chen po de ni skyon med pa la zhugs nas/ ting nge 'dzin thams cad yongs su rdzogs par yang byed la/ snyoms par 'jug pa'i dbang gis kyang skye bar mi 'gyur na/ 'dod chags dang / zhe sdang dang / gti mug gis mi skye ba lta ci smos te/ de la gnas nas las gang mngon par 'dus byas pas/ bsam gtan bzhi las gang yang rung bar skye bar 'gyur ba'i las de mngon par 'du byed pa de ni gnas med do// gzhan du sgyu ma lta bu'i chos rnams la gnas nas sems can rnams kyi don kyang byed la/ sems can yang mi dmigs/ sgyu ma'ang mi dmigs so// des mi dmigs par sems can rnams yongs su smin par byed la/ sangs rgyas kyi zhing yang yongs su 'dzin par byed do/ / rab 'byor de ltar na byang chub sems dpa' sems dpa' chen po ting nge 'dzin gyi pha rol tu phyin pa yongs su rdzogs par byas nas/ 'di lta ste/ dmigs su med pa'i 'khor lo'i chos kyi 'khor lo'i bar du skor bar byed do/ / rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ chos thams cad rmim

  360. 181a

    lta bur yongs su shes shing / chos thams cad brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bur yongs su shes so// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa/ ji ltar chos thams cad rmi lam lta bur yongs su 'tshal cing / chos thams cad sprul pa lta bu'i bar du yongs su 'tshal ba lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam rmi ba ma yin/ rmi lam rmi ba po'ang ma yin no// brag cha thos pa ma yin/ brag cha nyan pa po'ang ma yin no// mig yor mthong ba ma yin/ mig lor mthong ba po'ang ma yin no// smig rgyu mthong ba ma yin/ smig rgyu mthong ba po'ang ma yin no// sgyu ma mthong ba ma yin/ sgyu ma mthong ba po'ang ma yin no// sprul pa mthong ba ma yin/ sprul pa mthong ba po'ang ma yin no// de ci'i phyir zhe na/ 'di ltar rmi lam dang / brag cha dang / mig yor dang / smig rgyu dang / sgyu ma dang / sprul pa ni phyin ci log yin la/ byis pa so so'i skye bo rnams kyi phyin ci log yin te/ dgra bcom pa ni rmi lam rmib ma yin/ rmil ma rmi ba po ma yin zhing / sprul pa'i bar du mthong ba'ang ma yin/ sprul pa mthong ba po'ang ma yin la/ 8

  361. 181b

    bzhir du sbyar te/ rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas kyang rmi lam rmi ba ma yin/ rmi lam rmi 'pho'ang ma yin zhing / sprul pa'i bar du mthong ba'ang ma yin/ sprul pa mthong ba po'ang ma yin pa'i phyir ro// de ci'i phyir zhe na/ 'di ltar chos thams cad ni dngos po med pa'i ngo bo nyid de/ ma skyes pa dang yod pa ma yin pa'i phyir ro/ / dngos po med pa'i ngo bo nyid dang / yongs su ma grub pa gang yin pa de dag la/ byang chub sems dpa' sems dpa' chen po shes rab kyi pha rol tu phyin pa la spyod pa/ dngos po'i 'du shes can nam/ yongs su grub pa'i 'du shes can du ji ltar 'gyur te/ de ni gnas med do// de ci'i phyir zhe na/ gal te chos 'ga' zhig la dngos po 'am/ yongs su grub pa 'am/ yod pa zhig tu gyur na/ de ni shes rab kyi pha rol tu phyin pa ma yin pa'i phyir ro// rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ gzugs la chags pa med cing / rnam par shes pa'i bar la chags pa med do// 'dod pa'i khams la chags pa med do// gzugs kyi khams la chags pa med do// gzugs med pa'i khams la chags pa med do/ / bsam gtan dang / rnam par thar pa dang / snyoms par 'jug pa rnams la chags pa med do// dran pa nye bar gzhag pa bzhi la chags pa med pa nas/ byang chub kyi phyogs

  362. 182a

    kyi chos sum cu rtsa bdun gyi bar dag la chags pa med do/ / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzi la chags pad do/ sbyir ba'i pha rol tu phyin pa la chags pa med do// de bzhin du sbyar te/ tshul khrims dang / bzod pa dang / brtson 'grus dang / bsam gtan dang / shes rab kyi pha rol phyin pa la chags babyed do/ / de shes rab kyi pha rol tu phyin pa la spyod pa nas dang po yongs su rdzogs par byed de/ de la'ang 'dun pa'i 'dod chags mi skyed do// de ci'i phyir zhe na/ 'di ltar des sa de ba dmigs na/ 'dun pa'i 'dod chags skyed par ji ltar 'gyur/ de bzhin du sa bcu pa'i bar du yongs su rdzogs par byed de/ de la'ang 'dun pa'i 'dod chags mi skyed do// de ci'i phyir zhe na/ 'di ltar des sa de ma dmigs na/ de la 'dun pa'i 'dod chags skyed par ji ltar 'gyur/ de shes rab kyi pha rol tu phyin pa la spyod bzhin du/ shes rab kyi pha rol tu phyin pa de mi dmigs so// de mi dmigs ba'i shes rab kyi pha rol tu phyin pa la spyod pa na/ chos thams cad shes rab kyi pha rol tu phyin pa de'i nang du 'dus par mthong la/ chos de dag kyang mi dmigs so// de ci'i phyir zhe na/ 'di ltar chos de dag dang / shes rab kyi pha rol tu phyin pa de gnyis med de gnyis su dbyer med pa'i phyir ro// de ci'i phyir zhe na/ 'di ltar chos de dag la tha dad pa ci'ang med de/ chos kyi dbyings

  363. 182b

    bstan pa dang / de bzhin nyid bstan pa dang / yang dag pa'i mtha' bstan pa'i tshul gyis/ chos thams cad tha dad pa ma yin pa'i phyir ro// gsol pa/ bcom ldan 'das gal te chos thams cad dbyer pa mchis pa lags na/ dge ba dang / mi dge ba'i chos rnams ji ltar bstar lags/ 'jig rten pa dang / 'jig rten las 'das pa'i chos rnams ji ltar bstan lags/ zag pa dang bcas pa dang / zag pa ma mchis pa'i chos rnams ji ltar bstan lags/ 'dus byas dang / 'dus ma byas kyi chos rnams ji ltar bstan lags/ bka' stsal pa/ rab 'byor 'di ji snyam du sems/ ci chos rnams kyi chos nyid de la 'dus byas sam/ 'dus ma byas sam/ rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ byang chub bam/ sangs rgyas kyi byang chub kyi chos 'ga' tsam gyi brjod pa yod snyam mam/ gsol pa/ bcom ldan 'das de ni ma mchis lags so/ / bka' stsal pa/ rab 'byor de bas na rnam grangs des kyang khyod kyi chos thams cad tha dad pa ma yin pa dang / chos thams cad mtshan nyid med pa dang / skye ba med pa dang / 'gag pa med par de ltar rig par bya'o// rab 'byor nga sngon byang chub sems dpa'i spyad pa spyod pa na/ gzugs shes bya ba 'am/ tshor ba zhes bya ba 'am/ 'du shes zhes

  364. 183a

    bya ba 'am/ 'du byed rnams shes bya ba 'am/ rnam par shes pa zhes bya ba'am/ 'dus byas shes bya ba'am/ 'dus byas shes bya ba'i bar ram/ rgyun du chags pa 'bras bu zhes bya bar ram/ byang chub ces bya ba'i bar du chos 'ga' tsam gyi ngo bo nyid kyang ma dmigs so// rab 'byor de ltar na byang chub sems dpa' sem dpa' chen po shes rab kyi pha rol tu phyin pa la spyod pas sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas kyi bar du mi dmigs pa'i tshul gyis/ chos thams cad kyi ngo bo nyid la mkhas par bya'o/ / chos thams cad kyi ngo bo nyid la mkhas pa'i byang chub sems dpa' sems dpa' chen po ni/ byang chub kyi lam yang yongs su rdzogs par byed/ sems can rnams kyang yongs su smin par byed/ sangs rgyas kyi zhing yang yongs su 'dzin par byed do// de la gnas nas bla na med pa yang dag par rdzogs pa'i byang chub mngon par rdzogs par sangs rgyas te/ ci nas sems can rnams btul nas/ srid pa gsum du kun nas nyon mongs par mi 'gyur ba de ltar 'dul bar byed do// rab 'byor de ltar byang chub sems dpa' sems dpa' chen pos mtshan nyid med pa'i tshul gyis/ shes rab kyi pha rol tu phyin pa la bslab par bya'o// shes rab kyi pha rol tu phyin pa khri brgyad stong pa las/ mtshan nyid med pa bstan pa'i le'u zhes bya ste bdun cu rtsa gnyis pa'o//

  365. 183b

    / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das chos thams cad rmi lam lta bu dang / dngos po ma mchis pa dang / dngos po ma mchis pa'i ngo bo nyid dang / rang gi mtshan nyid kyis stong pa la/ 'di dag ni dge ba'o// 'di dag ni mi dge bso 'di dag ni 'jig rten pa'o// 'di dag ni 'jig rten las 'das pa'o// 'di dag ni zag pa dang bcas pa'o/ / 'di dag ni zag pa ma mchis pa'o// 'di dag ni 'dus byas so// 'di dag ni 'dus ma byas so// 'di dag ni rgyun du zhugs pa'i 'bras bu mngon sum du byed par 'gyur ba'o/ / 'di dag ni lan cig phyir 'ong ba'i 'bras bu mngon sum du byed par 'gyur ba'o// 'di dag ni phyir mi 'ong ba'i 'bras bu mngon sum du byed par 'gyur ba'o// 'di dag ni dgra bcom pa nyid mngon sum du byed par 'gyur ba'o/ / 'di dag ni rang byang chub mngon sum du byed par 'gyur ba'o// 'di dag ni bla na med pa yang dag par rdzogs pa'i byang chub tu 'gyur ba'o zhes ji ltar gzhag par 'gyur lags/ de bzhin du brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu dang / dngos po ma mchis pa dang / dngos po ma mchis pa'i ngo bo nyid dang / rang gi mtshan nyid kyis spong ba'i chos rnams la bla na med pa yang dag par rdzogs pa'i byang chub kyi bar du 'gyur bar ji ltar rnam par gzhag par 'gyur lags/ de skad

  366. 184a

    ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la byis pa sa sor skye bo thos pa dang mi ldan pa / ni/ rmi lam yang dmigs so// rmil ma thib po'ang dmigs so// sgrub pa'i bar du'ang dmigs so// sprul pa mthong ba po'ang dmigs so// de si lam yang dmigs la// rmi lam rmib po dmigs ba nas/ sprul pa'i bar du'ang dmigs la/ sprul pa mthong ba po'ang dmigs pas/ lus dang / ngag dang / yid kyis mi dge ba'i 'du byed rnams kyang mngon par 'du byed do// lus dang / ngag dang / yid kyis dge ba'i 'du byed rnams kyang mngon par 'du byed do// lus dang / ngag dang / yid kyis bsod nams dang / bsod nams ma yin pa dang / mi g.yo ba'i 'du byed rnams kyang mngon pa 'du byed do/ / de bas na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtha' las 'das pa stong pa nyid dang / thog ma dang tha ma med pa stong pa nyid de/ stong pa nyid 'di gnyis la gnas nas/ sems can rnams la khams gsum pa 'di stong po zhes chos ston par byed de/ 'di la gzugs sam/ tshor ba 'am/ 'du shes sam/ 'du byed rnams sam rnam par shes pa 'am/ phung po rnams sam/ khams rnams sam/ skye mched rnams med do// 'di dag ni rmi lam po// 'di dag ni brag cha'o// 'di dag ni mig sor ro// 'di dag ni sdig rgyun/

  367. 184b

    'di dag ni sgyu ma'o// 'di dag ni sprul pa ste/ 'di la phung po dang / khams rnams dang / skye mched rnams med do// 'di la ni rmi lam dang / rmi lam rmib po dang / zag cha dang / brag cha thos pa po dang / mig yor dang / mig yor mthong ba po dang / smig rgyu dang / smig rgyu mthong ba po dang / sgyu ma dang / sgyu ma mthong ba po dang / sprul pa dang / sprul pa mthong ba po med de/ chos 'di dag thams cad ni dngos po med pa dang / dngos po med pa'i ngo bo nyid kho na yin na/ khyod ni phung po rnams med pa la phung por 'du shes par 'gyur/ khams rnams med pa la khams su 'du shes par gyur/ skye mched rnams med pa la skye mched du 'du shes par gyur la/ chos 'di dag thams cad ni rten cing 'brel par 'byung ba dang / phyin cig log las skyes pa dang / las kyi rnam par smin pas yongs su zin na/ khyed ci'i phyir dngos po med pa'i chos rnams la dngos po'i 'du shes skyed ces ston par byed de/ de bas na byang chub sems dpa' sems dpa' chen po shes rab kyi pha rol tu phyin pa la spyod pa ni/ thabs la mkhas pas sems can ser sna can gang yin pa de dag ni ser sna las bzlog nas/ sbyin pa'i pha rol tu phyin pa la sbyor bar byed do// de dag gi sbyin pa yongs su gtong ba de'ang longs spyod chen por 'gyur ro/ / des de dag de las bskyod nas/ tshul khrims la 'god par byed de/ de dag gis tshul khrims yang dag par blangs pa de'ang mtho ris su skye bar 'gyur ro//

  368. 185a

    de las bskyod nas kyang / ting nge 'dzin la sbyor bar byed de/ de dag gi ting nge 'dzir des kyang / tshangs pa'i 'jig rten du skye bar 'gyur ro// de bzhin du bsam gangan dang / po las/ bsam gtan gnyis pa/ bsam gtan gnyis pa las/ bsam gtan gsum pa/ bsam gtan gsum pa las/ bsam gtan bzhi pa/ bsam gtan bzhi pa las/ nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci'ang med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa la sbyor bar byed do/ / des sbyin pa dang sbyin pa'i 'bras bu de las kyang rnam grangs du mas bskyod nas/ phung po'i lhag ma med pa'i rgyu ngan las 'das pa'i dbyings su 'dul bar byed/ 'dzud par byed/ 'god par byed do// des tshul khrims dang tshul khrims kyi 'bras bu de las kyang rnam grangs du mas bskyod nas/ phung po'i lhag ma med pa'i mya ngan las 'das pa'i dbyings su 'dul bar byed/ 'dzud par byed/ 'gong par byed do// des snyoms par 'jug pa dang snyoms par 'jug pa'i 'bras bu de dag las kyang rnam grangs du mas bskyod nas/ phung po'i lhag ma med pa'i mya ngan las 'das pa'i dbyings su 'dul bar byed/ 'dzud par byed/ 'god par byed do// de bzhin du drar pa nye bar gzhag pa

  369. 185b

    bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jig pa bzhi dang / so so/ yang dag par rig pa bzhi dang / sangs rgyas kyi chos ma 'dres pa bco brgyad dag la 'dul bar byed/ 'dzud par byed de/ 'god par byed do// de zag pa med pa'i chos gzugs med pa/ bstan du med ba/ thogs pa med pa de dag gis rgyun du zhugs pa'i 'bras bu don du gnyer ba gang yin pa de dag ni/ rgyun du zhugs pa'i 'bras bu la 'god do// lan cig phyir 'ong ba'i 'bras bu don du gnyer ba gang yin pa de dag ni/ lan cig phyir 'ong ba'i 'bras bu la 'god do// phyir mi 'ong ba'i 'bras bu don du gnyer ba gang yin pa de dag ni/ phyir mi 'ong ba'i 'bras bu la 'god do// dgra bcom pa nyid don du gnyer ba gang yin pa de dag ni/ dgra bcom pa nyid la 'god do// rang byang chub don du gnyer ba gang yin pa de dag ni/ rang byang chub la 'god do// bla na med pa yang dag par rdzogs pa'i byang chub don du gnyer ba gang yin pa de dag la ni/ byang chub kyi lam rjod par byed/ ston par byed/ yang dag par gzengs bstong par byed/ yang dag par rab tu dga' bar byed/ 'god par byed do//

  370. 186a

    de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa 'di ltar dngos po ma mchis pa'i ngo bo nyid kyi chos rnams dang / mtha' las 'das pa stong pa nyid dang / thog ma dang tha ma med pa stong pa nyid kyi chos rnams la/ 'di dag ni dge ba'i chos so// 'di dag ni mi dge ba'i chos so// 'di dag ni zag pa dang bcas pa'i chos so// 'di dag ni zag pa med pa'i chos so// 'di dag ni 'dus byas kyi chos so// 'di dag ni 'dus ma byas kyi chos so// zhes bya bar rnam par 'jog par bgyid pa 'di ni ngo mtshar rmad du byung ba'i chos lags so// de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rab 'byor shes rab kyi pha rol tu phyin pa zab mo 'di la spyod pa/ chos rnam par 'jog par byed pa 'di ni byang chub sems dpa' sems dpa' chen po'i ngo mtshar rmad du byung ba'i chos yin no// rab 'byor gal te khyod kyis byang chub sems dpa' sems dpa' chen po'i ngo mtshar mang du byung ba'i chos shes na ni/ de'i phyir nyan thos dang rang sangs rgyas thams cad kyis kyang byang chub sems dpa' sems dpa' chen po la lan du pan gdags par

  371. 186b

    slab pa yin la/ khyed thams cad kyis kyang byang chub sems dpa' sems dpa' chen po la chos dang ldan pas zil gyis gnan par mi nus so// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po'i ngo mtshar rmad du byung ba'i chos gang nyan thos dang rang sangs rgyas rnams la ma mchis pa de gang lags bcom ldan 'das kyis bka' stsal pa/ rab 'byor de'i phyir legs par nyon la rab tu yid la zung zhig dang bshad par bya'o// rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ rnam par smin pa las byung ba'i pha rol tu phyin pa drug po dag la gnas shing / mngon par shes pa lnga dang / byang chub kyi phyogs kyi chos sum cu rtsa bdun dang / gzungs kyi sgo rnams dang / so so yang dag par rig pa bzhi la gnas nas phyogs bcu'i 'jig rten gyi khams dag tu song ste/ de dag tu sems can gang dag sbyin pas phan gdags par bya ba de dag la ni sbyin pas phan 'dogs so/ / gang dag tshul khrims kyis phan gdags par bya ba dang / gang dag bzod pas phan gdags par bya ba dang / gang dag brtson 'grus kyis phan gdags par bya ba dang / gang dag bsam gtan gyis phan gdags par bya ba dang / gang dag shes rab kyis phar gdags par bya ba de dag la ni shes rab kyi sa pan 'dogs so// gang

  372. 187a

    dag bsam gtan dang pos phan gdags par bya ba dang / gang dag bsam gtan gnyis pas phan gdags par bya ba dang / gang dag bsam gtan gsum pas pha na gdags par bya ba dang / gang dag bsam gtan bzhi pa sa phan gdags par bya ba dang / gang dag nam mkha' mtha' yas skye mched kyi snyoms par 'jug pas phan gdags par bya ba dang / gang dag 'du shes med 'du shes med min skye mched kyi snyoms par 'jug pa'i bar gyis pan gdags par bya ba de dag la ni/ 'du shes med 'du shes med min skye mched kyi snyoms par 'jug pas phan 'dogs so/ / gang dag byams pas phan gdags par bya ba de dag la ni byams pas phan 'dogs so// gang dag snying rjes par gdags par bya ba dang / gang dag dga' bas phan gdags par bya ba dang / gang dag btang snyoms kyi sa pan gdags par bya ba dang / gang dag dran pa nye bar gzhag pa bzhis phan gdags par bya ba dang / gang dag yang dag par spong ba bzhis phan gdags bar bya ba dang / gang dag rdzu 'phrul gyi rkang pa bzhis phan gdags par bya ba dang / gang dag dbang po lngas phan gdags par bya ba dang / gang dag stobs lngas phan gdags par bya ba dang gang dag byang chu kyi yan lag bdun gyis phan gdags par bya ba dang / gang dag 'phags pa'i lam yan lag brgyad pas phan gdags par bya ba dang / gang dag stong pa nyid kyi ting nge 'dzin gyis

  373. 187b

    phan gdags par bya ba dang / gang dag mtshan ma med pa'i ting nge 'dzin gyis phan gdags par bya ba dang / gang dag smon pa med pa'i ting nge 'dzin gyis pan gdags par bya ba de dag la ni smon pa med pa'i ting nge 'dzin gyis phan 'dogs so/ / gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar sbyin pas sems can rnams la phan 'dogs pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa sbyin pa sbyin par byed de/ zas 'dod pa rnams la ni zas/ skom 'dod pa rnams la ni skom/ bzhon pa dang / me tog 'phreng dang / byug pa dang / spos dang / gos dang / mal cha dang / stan dang / mi'i yo byad ci'ang rung ba'i bar du sbyin par byed de/ de bzhin gshegs pa dgra bcom pa yang dag par rdzogs pa'i sangs rgyas la ji ltar 'bul ba de bzhin du/ rang sangs rgyas rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun du zhugs pa rnams dang / yang dag par song ba rnams dang / yang dag par zhugs pa rnams la'ang de bzhin no/ / mir gyur pa rnams la'ang de bzhin no// dud 'gro'i skye gnas pa rnams la'ang de bzhin te/ thams cad la'ang tha dad du dbye ba med par sbyin pa sbyin par byed do// de ci'i phyir zhe

  374. 188a

    na/ 'di ltar chos thams cad tha dad pa med par rtogs pa'i phyir/ tha dad pa med par sbyin pa sbyin par byed do// tha dad pa med par sbyin pa byin pas// tha dad pa med pa'i chos 'di lta ste/ rnam pa thams cad mkhyen pa nyid thob par 'gyur ro// rab 'byor gal te byang chub sems dpa' sems dpa' chen pos/ dud 'gro'i skye gnas su skyes pa'i srog chags mthong na/ 'di snyam du bdag gi sbyin gnas ni yang dag par rdzogs pa'i sangs rgyas yin gyi/ dud 'gro'i skye gnas su skyes pa ni ma yin no snyam du sems na/ byang chub sems dpa'i chos ma yin no/ / de ci'i phyir zhe na/ byang chub sems dpa' sems dpa' chen po byang chub tu sems bskyed nas/ de ltar bla na med pa yang dag par rdzogs pa'i byang chub tu yang dag par zhugs pa la sems can 'di dag la ni bdag gis sbyin pas pan gdags par bya'o/ / 'di dag la ni phan gdags par mi bya'o zhes bya ba med pa'i phyir ro// sbyin pas par gdags pa de dag kyang rgyal rigs shing sA la chen po lta bu dag tu skye bar 'gyur/ bram ze'i rigs shing sA la chen po lta bu dag dang / khyim bdag gi rigs shing sA la chen po lta bu dag tu skye bar 'gyur te/ sbyin pas phan gdags pade nyis kyis/ / de dag theg pa gsum podag gi rim gyis phung po'i lhag ma med pa'i myangang las 'das pa'i dbyings su yongs su mya ngan las 'da' bar yang 'gyur ro// gal te byang chub sems dpa'

  375. 188b

    sems dpa' chen po la skye bo mang pos gsang bar gsol ba btab na/ des 'khrug pa med pa'i sems kyis skye bo mang po de dag la nges par sbyin par bya'i/ sbyin nam mi sbyin snyam pa'i sems gzhan bskyed par mi bya'o/ / de ci'i phyir zhe na/ 'di ltar skye bo mang po de dag gi don du bla na med pa yang dag par rdzogs pa'i byang chub la yang dag par zhugs pa'i phyir ro// gal te de ltar rtogs par byed na ni sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / dgra bcom pa rnams dang / slob pa rnams dang / lha dang / mi dang / lha ma yin du bcas pa'i 'jig rten gyis kyang / khyod sems can thams cad kyi skyabs dang / gnas dang / mgon dang / dpung gnyen bya bar sus ma longs shes spang bar 'gyur ro// rab 'byor gzhan yang gal te byang chub sems dpa' sems dpa' chen po shes rab kyi pha rol tu phyin pa la spyod pa la mir gyur pa rnams sam/ mi ma yin par gyur pa rnams kyis yan lag dang nyid lag rnams blangs sbyin nam mi sbyin snyam pa'i sems cig shos bskyed par mi bya'o/ / de ci'i phyir zhe na/ 'di ltar byang chub sems dpa' sems dpa' chen pos ngas lus 'dis sems can rnams kyi ngor bya'o snyam sems can rnams kyi don du bsams bzhin du lus yongs su gzung ba'i phyir te/ des 'di ltar gang dag gi phyir bdag gis lus blangs pa de dag gis ma blangs bzhin du khyer te 'gro bar 'dod

  376. 189a

    cig ces sems bskyed par bya ste/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar bslab par bya'o// rab 'byor gzhan yang byang chub sems dpa' sems dpa' chen pos slong ba mthong na/ chos thams cad kyi ngo bo nyid ni mi dmigs na/ su zhig sbyin par byed/ su la sbyin par byed ces/ ci zhig sbyin par byed ces de ltar sems bskyed par bya'o/ / de ci'i phyir zhe na/ 'di ltar chos 'di dag ri shin tu stong pa'i phyir te/ stong pa nyid ni su la'ang sbyin par mi byed/ len par mi byed do// rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ 'di lta ste/ nang stong pa nyid dang / phyi stong pa nyid dang / phyi nang stong pa nyid nas/ de bzhin du sbyar te/ rang gi mtshan nyid stong pa nyid kyi bar dag la de ltar bslab par bya'o// de stong pa nyid de dag la gnas nas sbyin pa sbyin par byed pas/ de'i sbyin pa'i pha rol tu phyin pa rtag tu rgyun mi 'chad par yongs su rdzogs par 'gyur ro/ / de sbyin pa'i pha rol tu phyin pa yongs su rdzogs pas/ nang dang phyi'i chos rnams bcad cing gtubs kyang / 'di snyam du su zhig nga la gcod cing gtub par byed snyam du mi sems so/ / rab 'byor 'di langs sangs rgyas kyi spyan gyis rnam par bltas na/ shar phyogs kyi 'jig rten gyi khams gang+gA'i klung gi bye ma snyed dag na/ byang chub sems dpa'

  377. 189b

    sems dpa' chen po dag bsams bzhin du sems can dmyal ba chen por song ste/ sems can dmyal ba'i sdug bsngal de dag/ zhi bar byas nas/ cho 'phrul rnam pa gsum po rdzu 'phrul gyi cho 'phrul dang / kun rjod pa'i cho 'phrul dang / rjes su bstan pa'i cho 'phrul gyis sems can dmyal ba pa'i sems can de dag la chos ston te/ de dag gi rdzu 'phrul gyi cho 'phrul gyis sems can dmyal ba'i sdug bsngal zhi bar byas nas/ kun rjod pa'i cho 'phrul dang / rjes su bstan pa'i cho 'phrul gyis chos ston par byed pa dang / byang chub sems dpa' de dag byams pa chen po dang / snying rje chen po dang / dga' ba chen po dang / btang snyoms chen pos kyang chos ston par byed pa dang / de nas sems can dmyal ba pa'i sems can de dag byang chub sems dpa' de dag la sems dang bar gyur nas/ sems can dmyal ba de dag ras thar par 'gyur ba dang / sems can dmyal ba de dag nas thar nas/ theg pa gsum po dag gis rim gyis sdug bsngal mthar byed pa dag mthong ngo // lho dang nub dang / byang dang / steng dang / 'og dang / phyogs mtshams kyi 'jig rten gyi khams rngams su'ang de bzhin du sbyar ro// rab 'byor 'di la ngas sangs rgyas kyi sman gyis rnam par bltas nas/ 'jig rten gyi khams gang+gA'i klung gi bye ma snyed dag na/ byang chub sems dpa' sems dpa' chen po dag sangs rgyas bcom ldan 'das rnams la bsnyen bkur byed de/ sangs rgyas bcom ldan 'das la byang

  378. 190a

    chub sems dpa' sems dpa' chen po de dag gis dad pa drag pos yid du mi 'ong bas ma yin gyis/ yid du 'ong ba dang / mi dga' bas ma yin gyis/ dga' ba dang / ma gus pas ma yin gyis/ gus pas bsnyen bkur byed do// sangs rgyas bcom ldan 'das de dag gis chos gang dag bstan pa de dag kyang / byang chub sems dpa' sems dpa' chen po de dag gis 'dzin par byed do/ / bzung nas 'chang bar byed de/ bla na med pa yang dag par rdzogs pa'i byang chub mngon par rdzogs par sangs rgyas kyi bar du/ nams kyang chud gzon par mi byed pa dag mthong ngo / / lho dang / phyogs mtshams kyi 'jig rten gyi khams kyi bar du'ang de bzhin no// rab 'byor 'di la ngas sangs rgyas kyi spyan gyis rnam par bltas na/ 'jig rten gyi khams gang+gA'i klung gi bye ma snyed dag na/ byang chub sems dpa' sems dpa' chen po dag sems can dud 'gro'i skye gnas su skyes pa de dag gi don du bdag nyid kyang yongs su gtong bar byed// der byang chub sems dpa' sems dpa' chen po dag gis yan lag dang nying lag gtubs nas phyogs dang phyogs mtshams dag tu gtong bar byed/ sems can dud 'gro'i skye gnas su skyes pa de dag gis kyang / byang chub sems dpa' dag gi sha rnams zos nas/ byang chub sems dpa' de dag la byams pa thob par 'gyur te/ de dag byams pa thob pa des dud 'gro'i skye gnas de nas

  379. 190b

    thar par 'gyur la/ thar nas kyang sangs rgyas bcom ldan ma ma mnyes par byed de/ de dag sangs rgyas bcom ldan 'das de dag la bsnyen bsgyur byed cing / sangs rgyas bcom ldan 'das de dag las chos kyang nyan la/ chos de dag pa nyan nas de bzhin du sgrub par byed de/ de dag theg pa gsum po nyan thos kyi theg pa 'am/ rang sangs rgyas kyi theg pa'am/ sangs rgyas kyi theg pas rim gyis phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ba dag mthong ngo / / rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu sems skyed par byed cing / bskyed nas kyang de bzhin nyid du sgrub ma/ de bzhin nyid du phung po'i lhag ma med pa'i mya ngan las 'das pa'i dbyings su'ang yongs su mya ngan las 'da' bar 'gyur ba de dag ni gces spras byed pa yin no/ / rab 'byor gzhan yang 'di la ngas sangs rgyas kyi spyan gyis rnam par bltas na/ 'jig rten gyi khams gang+gA'i klung gi bye ma snyed dag na/ byang chub sems dpa' sems dpa' chen po dag sems can yi dgas kyi yul na 'khod pa rnams kyi yi dgas kyi sdug bsngal rnams sel bar byed de/ ser sna spang ba'i phyir yang chos ston la/ de nas de dag byang chub sems dpa' sems dpa' chen po de dag la byams pa'i sems skyed par byed de/ de dag dge ba'i rtsa ba des yi dwags kyi skye gnas nas

  380. 191a

    thar par 'gyur zhing / thar nas kyang phung po'i lhag ma med pa'i mya ngan las 'das pa'i dbyings su yongs su mya ngan las 'das kyi bar du nams kyang sangs rgyas bcom ldan 'das rnams dang bral bar mi 'gyur ba dag mthong ngo / / rab 'byor de ltar na byang chub sems dpa' sems dpa' chen po snying rje chen po la gnas pa ni/ 'di lta ste/ yongs su mya ngan las bzla ba'i phyir sems can thams cad kyi don du nye bar gnas pa yin no/ / rab 'byor gzhan yang 'di la ngas sangs rgyas kyi spyan gyis rnam par bltas na/ byang chub sems dpa' sems dpa' chen po dag rgyal chen bzhi'i ris kyi lha rnams la chos ston pa dang / sum cu rtsa gsum pa rnams dang / 'thab bral ba rnams dang / 'phrul dga' ba rnams dang / gzhan 'phrul dbang byed kyi lha rnams la chos ston te/ lha'i bu de dag gis byang chub sems dpa' sems dpa' chen po de dag las chos thos nas/ theg pa gsum po dag gis rim gyis yongs su mya ngan las 'das pa dang / yongs su mya ngan las 'da' ba dang / yongs su mya ngan las 'da' bar 'gyur ba dang / rab 'byor de ni lha'i bu gang dag 'dod pa'i yon tan lnga rgyas pa dag gis lhag par myos pa de dag gi gzhal med khang 'bar bar byas nas/ grogs po dag 'du byed thams cad ni mi rtag pa yin na/ su zhig 'du byed rnams la yid rton cing 'dug ces chos ston pa dag mthong ngo // rab 'byor gzhan yang 'di la

  381. 191b

    ngas sangs rgyas kyi spyan gyis rnam par bltas na/ byang chub sems dpa' sems dpa' chen po dag 'jig rten gyi khams gang+gA'i klung gi bye ma snyed dag na/ su dag bram ze'i lta ba la mngon par zhen pa de dag la/ kye grogs po dag chos thams cad stong pa la ji ltar lta ba skyed/ chos thams cad gsob dang gsog yin pa la ji ltar lta ba skyed ces/ lta ba de dag las 'byed pa dag mthong ngo/ / rab 'byor de ltar byang chub sems dpa' sems dpa' chen po dag snying rje chen po la gnas nas/ sems can rnams la chos ston te/ rab 'byor 'di ni byang chub sems dpa' sems dpa' chen po rnams kyi ngo mtshar rmad du byung ba'i chos yin no/ / rab 'byor 'di la ngas sangs rgyas kyi spyan gyis rnam par bltas na/ shar phyogs kyi 'jig rten gyi khams gang+gA'i klung gi bye ma snyed dag na/ byang chub sems dpa' sems dpa' chen po dag gis mi rnams bsdu ba'i dngos po bzhis sdud par byed de/ bzhi gang zhe na/ sbyin pa dang / snyan par smra ba dang / don spyod pa dang / don 'thun pas sdud par byed do/ / rab 'byor byang chub sems dpa' sems dpa' chen po ji ltar sbyin pas sems can rnams sdud par byed ce na/ rab 'byor 'di la byang chub sems dpa' sems dpa' chen pos/ 'di lta ste/ zang zing gi sbyin pa dang / chos kyi sbyin pa dang / sbyin pa rnam pa gnyis kyis sems can rnams sdud par byed do// rab 'byor byang chub sems dpa' sems dpa' chen pos sbyin pas

  382. 192a

    ji ltar sems can rnams sdud par byed ce na/ rab 'byor 'di la byang chub sems dpa' sems dpa' chen pos gser ram/ dngul lam/ nor bu 'am/ mu tig gam baiDUR+Ya 'am/ dung ngam/ man shel la ma/ byi ru 'am/ zas sam/ skom mam/ gos sam/ bzhon pa 'am/ mal cha'am/ stan nam/ spos sam/ me tog 'phreng ngam/ mar me 'am/ skyes pa'am/ bud med dam/ rta 'am/ ba lang ngam/ glang po che'am/ bdag gi sha sbyin par byed pa na/ 'di skad du kye mi dag tshur shog/ khyed ci 'dod pa bzhin du khyed nyid kyi dang 'dra bar bsam pa bzang pos dogs pa med par khyer te deng zhig ces sgra sgrogs par byed do/ / des sbyin pa de byin nas/ sems can de dag sangs rgyas la skyabs su 'gro bar byed/ chos la skyabs su 'gro bar byed// dge 'dun la skyabs su 'gro bar byed de/ la la dag ni bslab pa'i gzhi lnga 'dzin du 'jug go// la la dag ni gso sbyong dag gi yan lag brgyad yang dag par 'dzin du 'jug go// la la dag ni dge ba bcu'i las kyi lam la 'god par byed do/ / la la dag ni bsam gtan dang po nas/ 'du shes med 'du shes med min skye mched kyi snyoms par 'jug pa'i bar du 'dzin du 'jug go/ la la dag ni byams pa dang / snying rje dang / dga' ba dang / btang snyoms yang dag par 'dzin du 'jug go/ la la dag ni sangs rgyas rjes su dran pa dang / chos rjes su dran pa dang / dge 'dun rjes

  383. 192b

    su dran pa dang / tshul khrims rjes su dran pa dang / gtong ba rjes su dran pa dang / lnga rjes su dran pa dang / la la dag ni lus la so sor rtog pa mi sdug pa'i 'du shes la sogs pa la sbyor ro// lal dag ni rnam par dag pa la/ la la dag ni dran pa nye bar gzhag pa bzhi la/ la la dag ni yang dag par spong ba bzhi la/ la la dag ni rdzu 'phrul gyi rkang pa bzhi la/ la la dag ni dbang polnga la/ la la dag ni stobs lnga la/ la la dag ni byang chub kyi yan lag bdun la/ la la dag ni 'phags pa'i lam yan lag brgyad pa la/ la la dag ni rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin la/ la la ngag ni rnam par thar pa brgyad la/ la la dag ni mthar gyis gnas pa'i snyoms par 'jug pa dgu la/ la la dag ni de bzhin gshegs ba'i stobs bcu dang / mi 'jigs pa bzhi dang / so so yang dag par rig pa bzhi la/ la la dag ni byams pa chen po la/ la la dag ni snying rje chen po la/ la la dag ni sangs rgyas kyi chos ma 'dres pababaco brgyad la/ la la dag ni skyes bu chen po'i mtshan cu rtsa gnyis la/ la la dag ni dpe byad bzang po brgyad cu la/ la la dag ni rgyun du zhugs pa'i 'bras bu la/ la la dag ni lan cig phyir 'ong ba'i 'bras bu la/ la la dag ni phyir mi 'ong ba'i 'bras bu la/ kha la dag ni dgra bcom pa nyid la/ la la dag ni rang byang chub la/ la la dag ni bla na med pa yang dag par rdzogs pa'i byang chub la sbyor bar byed

  384. 193a

    do/ / rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pa dang ldan pas zang zing gi sbyin pa byed nas grub pa dang bde ba rgya chen po la 'god par byed do/ / rab 'byor 'di ni byang chub sems dpa' sems dpa' chen po'i ngo mtshar rmad du byung ba'i chos yin no// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos kyi sbyin pas ji ltar phar 'dogs she na/ rab 'byor chos kyi sbyin pa ni 'di gnyis te/ gnyis gang zhe na/ 'jig rten pa dang / 'jig rten las 'das pa'o// rab 'byor 'jig rten pa'i chos kyi sbyin pa gang zhe na/ 'jig rten pa'i chos rnams brjod pa dang / bstan pa dang / bshad pa gang yin pa ste/ 'di lta/ ste/ mi sdug pa bstan pa'i le'u las byung ba dang / bsam gtan bzhi dang / tshangs pa'i gnas bzhi dang / gzugs med pa'i snyoms par 'jug pa'i bar dag dang / so so'i skye bo dang thun mong ba'i 'jig rten gyi chos gang yang rung ba rnams te/ de la 'jig rten pa'i chos kyi sbyin pa zhes bya'o// rab 'byor byang chub sems dpa' sems dpa' chen po de ni 'jig rten gyi chos kyi sbyin pa 'di byin nas/ rnam grangs du mas yang dag par blangs pa de las 'byed par byed do// des phye nas thabs la mkhas pas 'phags pa'i chos rnams dang / 'phags pa'i chos rnams kyi 'bras bu la 'god par byed do//

  385. 193b

    'phags pa'i chos rnams dang / 'phags pa'i chos rnams kyi 'bras bu gang zhen/ rab 'byor 'phags pa'i chos rnams shes bya ba ni/ byang chub kyi phyogs kyi chos sum cu rtsa bdun dang / rnam par thar pa'i sgo gsum yin no/ / 'phags pa'i chos rnams kyi 'bras bu ni rgyun du zhugs pa'i 'bras bu dang / dgra bcom pa nyid kyi bar dag yin no// rab 'byor yang byang chub sems dpa' sems dpa' chen po'i 'phags pa'i chos rnams ni/ rgyun du zhugs pa'i 'bras bu zhes pa nas/ dgra bcom pa nyid ces pa'i bar dang / byang chub kyi phyogs kyi chos sum cu rtsa bdun zhes pa'i bar dang / de bzhin gshegs pa'i stobs bcu zhes pa'i bar dang / byams pa chen po zhes pa dang / snying rje chen po zhes pa dang / dga' ba chen po zhes pa dang / btang snyoms chen po zhes pa'i bar dang / gzhan yang rnam pa thams cad mkhyen pa nyid kyi ye shes ma gtogs par/ gang dag 'jig rten pa dang / 'jig rten las 'das pa'i chos rnams dang / zag pa dang bcas pa dang / zag pa med pa rnams dang / 'dus byas dang / 'dus ma byas kyi chos rnams te/ 'di dag ni byang chub sems dpa' sems dpa' chen po'i 'phags pa'i chos rnams zhes bya'o/ / byang chub sems dpa' sems dpa' chen po'i 'phags pa'i chos rnams kyi 'bras bu gang zhe na/ bag chags kyi mtshams sbyor ba thams cad spong ba 'di ni byang chub sems

  386. 194a

    dpa' sems dpa' chen po'i 'phags pa'i chos rnams kyi 'bras bu zhes bya'o/ / de nas bcom ldan 'das su/ tshe dang ldan pa rab 'byor gyis 'di skad ces gsol / / bcom ldan 'das ci byang chub sems dpa' sems dpa' chen pos rnam pa thams cad mkhyen pa nyid thob par 'gyur lags sa pa/ bcom ldan 'das kyis bka' stsal ba/ rab 'byor de bzhin no/ / de de bzhin te/ rab 'byor byang chub sems dpa' sems dpa' chen pos rnam pa thams cad mkhyen pa nyid thob par 'gyur ro// gsol pa/ bcom ldan 'das 'o na byang chub sems dpa' sems dpa' chen po dang / de bzhin gshegs par tha dad du bgyi ba ci mchis/ bka' stsal pa/ tha dad du bya ba yod de/ tha dad du bya ba gang zhe na/ byang chub sems dpa' sems dpa' chen po ni rnam pa thams cad mkhyen pa nyid thob par 'gyur ba yin la/ de bzhin gshegs pa ni ye shes thob pa zhes bya'o// de ci'i phyir zhe na/ gang la gnas nas chos thams cad tha dad rudu dbyer med pa thob pa la/ byang chub sems dpa' sems dang / de bzhin gshegs pa dgra bcom pa yang dag par rdzogs pa'i sangs rgyas tha dad par dmigs pa med pa'i phyir ro// rab 'byor 'di ni byang chub sems dpa' sems dpa' chen po'i 'jig rten pa'i chos kyi sbyin pa yin te/ de la brten na 'jig rten las 'das pa'i chos kyi sbyin pa 'byung ngo // rab 'byor de ltar byang chub sems

  387. 194b

    dpa' sems dpa' chen pos sems can rnams 'jig rten pa'i chos kyi sbyin pa la btsud nas/ thabs la mkhas pas rnam pa thams cad mkhyen pa nyid kyi bar la 'god par byed do// rab 'byor byang chub sems dpa' sems dpa' chen po rnams kyi 'jig rten las 'das pa'i chos kyi sbyin pa byis pa so so'i skye bo rnams dang thun mong ma yin pa gang zhe na/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / zad par gyi skye mched bcu dang / zil gyis gnon pa'i skye mched brgyad dang / nyon mongs pa med pa dang / smon gnas shes pa dang / mngon par shes pa drug dang / shin tu yongs su dag pa bzhi dang / dbang bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / bsrung ba med pa gsum dang / dran pa nye bar gzhag pa gsum dang / bsnyel ba mi mnga' ba'i chos nyid dang / bag chags kyi sgrib pa spangs pa dang / thugs rje chen po dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid dang

  388. 195a

    skyes bu chen po'i mtshan sum cu rtsa gnyis dang / dpe byad bzang po brgyad cu dang / gzungs kyi sgo lnga brgyad dang / ting nge 'dzin gyi sgo rnams te/ de dag ni 'jig rten pa ma yin pa/ 'jig rten las 'das pa'i chos kyi sbyin pa zhes bya'o// rab 'byor de la dran pa nye bar gzhag pa bzhi gang zhe na/ 'di lta ste/ rtun pa shes bzhin can dran pa dang ldan pas/ 'jig rten gyi brnab sems dang / yid mi bde ba rnam par bsal nas/ rang gi lus la lus kyi rjes su lta zhing gnas pa dang / rtun pa shes bzhin can dran pa dang ldan pas/ 'jig rten gyi brnab sems dang / yid mi bde ba rnam par bsal nas/ phyi'i lus la lus kyi rjes su lta zhing gnas pa dang / rtun pa shes bzhin can dran pa dang ldan pas/ 'jig rten gyi brnab sems dang / yid mi bde ba rnam par bsal nas/ nang dang phyi'i lus la lus kyi rjes su lta zhing gnas pa dang / lus la 'byung bar rjes su lta zhing gnas pa dang / lus la 'jig par rjes su lta zhing gnas pa dang / lus la 'byung ba dang 'jig par rjes su lta zhing gnas pa dang / lus la mi gnas par gnas shing 'jig rten du gang yang nye bar len pa med pa dang / tshor bdang / sems dang / chos rnams la'ang de bzhin du sbyar bar bya'o// rab 'byor yang dag par spong ba rnams gang zhe na/ sdig pa mi dge ba'i chos ma bskyed pa rnams mi bskyed pa'i

  389. 195b

    phyir 'dun pa bskyed pa dang / sdig pa mi dge ba'i chos skyes pa rnams spang ba'i phyir 'dun pa bskyed pa dang / dge ba'i chos ma bskyed pa rnams bskyed pa'i phyir 'dun pa bskyed pa dang / dge ba'i chos skyes pa rnams gnas pa dang / phyir zhing 'byung ba dang / nyams par mi 'gyur ba dang / yongs su rdzogs par bya ba'i phyir 'dun pa bskyed pa'o// rab 'byor rdzu 'phrul gyi rkang pa rnams gang zhe na/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems dang / brtson 'grus dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ / rab 'byor dbang po lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de dag ni dbang po lnga zhes bya'o// rab 'byor stobs lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi thabs dang / shes rab kyi stobs te/ de dag ni stobs lnga zhes bya'o// rab 'byor byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang

  390. 196a

    dag byang chub kyi yan lag dang / btang snyoms yang dag byang chub kyi yan lag ste/ de dag ni byang chub kyi yan lag bdun zhes bya'o// rab 'byor 'phags pa'i lam yan lag brgyad pa gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'di ni 'phags pa'i lam yan lag brgyad pa zhes bya'o// rab 'byor de la ting nge 'dzin gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to// de la stong pa nyid kyi ting nge 'dzin gang zhe na/ stong pa'i rnams pa dang / dben pa'i rnam pas sems rtse gcig pa gang yin pa ste/ de ni stong pa nyid kyi ting nge 'dzin ces bya'o// mtshan ma med pa'i ting nge 'dzin gang zhe na/ zhi ba'i rnam pa dang / mtshan ma med pa'i rnam pas sems rtse gcig pa gang yin pa ste/ de ni mtshan ma med pa'i ti nge 'dzin ces bya'o/ / smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam pas sems rtse gcig pa gang yin pa ste/ de ni smon pa med pa'i ting nge 'dzin ces bya'o/ / rab 'byor rnam par thar pa brgyad gang zhen/ gzugs can gzugs rnams la lta ba 'di ni rnam par thar pa dang po'o// nang gzugs med par 'du shes pas phyi rol gyi gzugs rnams

  391. 196b

    la lta ba 'di ni rnam par thar pa gnyis pa'o/ / sdug pa'i rnam par thar pa lus kyis mngon sum du byas te bsgrubs nas gnas pa 'di ni rnam par thar pa gsum pa'o// de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkha' mtha' yas skye mched bsgrubs te gnas pa dang / 'du shes med 'du shes med min skye mched kyi bar dag bsgrubs te gnas pa dang / de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa lus kyis mngon du byas nas bsgrubs te gnas pa'i bar dag ste/ de dag ni rnam par thar pa brgyad ces bya'o// rab 'byor mthar gyis gnas pa'i snyoms par 'jug pa dgu gang zhe na/ 'di la kha cig 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas pa dang / de bzhin du bsam gtan gnyis pa dang / gsum pa dang / bzhi pa'i bar dag bsgrubs te gnas pa dang / 'du shes med 'du shes med min skye mched kyi bar dag bsgrubs te gnas pa dang / rnam pa thams cad du 'du shes med 'du shes med min skye

  392. 197a

    mched las yang dag par 'das te/ 'du shes dang tshor ba 'gog pa bsgrubs nas gnas pa ste/ de dag ni mthar gyis gnas pa'i snyoms par 'jug pa dgu zhes bya'o// / de la zad par gyi skye mched bcu gang zhe na/ dad par sa dang / zad par chu dang / zad par me dang / zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par rnam par shes pa dang / zad par nam mkha' ste/ de dag ni zad par gyi skye mched bcu zhes bya'o// de la zil gyis gnon pa'i skye mched brgyad gang zhe na/ nang gzugs su 'du shes pas/ phyi rol gyi gzugs chung ngu kha dog bzang po dang / kha dog ngan pa rnams la lta zhing / gzugs de dag zil gyis mnan nas shes/ zil gyis mnan nas mthong ste/ de lta bur 'du shes par 'gyur ba 'di ni zil gyis gnon pa'i skye mched dang po'o// nang gzugs med par 'du shes pas/ phyi rol gyi gzugs chen por gyur pa/ kha dog bzang po dang / kha dog ngan pa rnams la lta zhing / gzugs de'ang zil gyis mnan nas shes/ zil gyis mnan nas mthong ste/ de lta bur 'du shes par 'gyur ba 'di ni zil gyis gnod pa'i skye mched gnyis pa'o/ / nang gzugs med par 'du shes pas/ phyi rol gyi gzugs sngon po// kha dog sngon po/ sngon po lta bur ston pa/ 'od sngon po 'byung ba rnams la lta ste/ dper mthar pa'i

  393. 197b

    me tog gam/ yul wA rA NA si'i ras phun sum tshogs pa sngon po/ kha dog sngon po/ sngon po lta bur ston pa/ 'od sngon po 'byung ba/ de bzhin du nang gzugs med par 'du shes pas/ rol gyi gzugs sngon po/ kha dog sngon po/ sngon po lta bur ston pa/ 'od sngon po 'byung ba rnams la lta ba 'di ni zil gyis gnon pa'i skye mched gsum pa'o// rang gzugs med par 'du shes bas/ phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la lta ste/ dper na dong ka'i me tog gam/ yul wA rA NA si'i ras phun sum tshogs pa ser po/ kha dog ser po/ ser po lta bur ston pa/ 'od ser po 'byung ba/ de bzhin du nang gzugs med par 'du shes pas/ phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la lta ba 'di ni zil gyis gnon pa'i skye mched bzhi pa'o// dang gzugs med par 'du shes pas/ phyi rol gyi gzugs dmar po/ dog dmar po/ dmar po lta bur ston pa/ 'od dmar po 'byung ba rnams la lta ste/ dper na ban du 'dzi ba ka'i me tog gam/ yul wA rA NA si'i ras phun sum tshogs pa dmar po/ kha dog dmar po/ / dmar po lta bur ston pa/ 'od dmar po 'byung / de bzhin du nang gzugs med par 'du shes pas/ byi rol gyi gzugs dmar po// kha dog dmar po// dmar pol

  394. 198a

    skor bya/ 'od dmar po 'byung ba rnams la lta ba 'di ni zil gyis gnon pa'i skye mched lnga pa'o// nang gzugs med par 'du shes pas/ phyi rol gyi gzugs dkar po// khadog dkar po/ dkar po lta bur ston pa/ 'od dkar po 'byung ba rnams la lta ste/ dper na skar ma pa wa sangs kyi mdog dkar po/ kha dog dkar po/ dkar po lta bur ston pa/ 'od dkar po 'byung ba de bzhin du/ nang gzugs med par 'du shes pas/ phyi rol gyi gzugs dkar po/ kha dog dkar po/ dkar po lta bur ston pa/ 'od dkar po 'byung ba rnams la lta ba 'di ni zil gyis gnon pa'i skye mched drug pa'o/ / de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed bas/ nam mkha' mtha' yas so snyam nas/ nam mkha' mtha' yas skye mched bsgrubs te gnas pa 'di ni zil gyis gnon pa'i skye mched bdun pa'o// de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas pa 'di ni zil gyis gnon pa'i skye mched brgyad pa ste/ de dag ni zil gyis gnon pa'i skye mched brgyad ces bya'o// // shes rab kyi pha rol tu phyin pa 'phags pa khri brgyad stong pa bam po lnga bcu rtsa gcig pa/

  395. 198b

    de la nyon mongs pa med pa gang zhe na/ bsapa gtan la gnas nas/ byang chub sems dpa' sems dpa' chen po'i gnas pa/ sems cad gzhan dag dang / gang zag gzhan dag gi ca mongs pa mi skye bar ting nge 'dzin gang gis 'grub pa de ni nyon mongs pa med pa zhes bya'o/ / de la smon gnas shes pa gang zhe na/ bsam gtan gnas te/ 'di shes par bya'o snyam nas byang chub sems dpa' dus gsum gyi shes pa 'am/ shes bya gang dang gang shes par 'dod par gyur pa de la yid kyis smon par byed cing / ting nge 'dzin de las langs nas de'i smon lam de 'grub cing / shes bya de'ang shes pa de ni smon gnas shes pa zhes bya'o// de la mngon par shes pa drug gang zhe na/ rdzu 'phrul gyi mngon par shes pa dang / lha'i mig gi mngon par shes ba dang / lha'i rna ba'i mngon par shes pa dang / pha rol gyi sems shes pa'i mngon par shes pa dang / sngon gyi gnas rjes su dran pa'i mngon par shes pa dang / zag pa zad pa'i mngon par shes pa ste/ drug po de dag go// de la yongs su dag pa bzhi gang zhe na/ gnas yongs su dag pa dang / dmigs pa yongs su dag pa dang / thugs yongs su dag pa dang / mkhyen pa yongs su dag pa ste/ bzhi po de dag go// de la dbang bcu gang zhe na/ tshe la dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang

  396. 199a

    dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba ste/ bcu po de dag go/ rab 'byor de bzhin gshegs pa'i stobs bcu gang zhe na/ gnas la'ang gnas su yang dag pa ji lta ba bzhin du rab tu mkhyen cing / gnas ma yin pa la'ang gnas pa ma yin par yang dag pa ji lta ba bzhin du rab tu mkhyen pa dang / 'das pa dang / ma 'ongs pa dang / da ltar byung ba'i las rnams dang / las yang dag par blangs pa rnams kyi rnam par smin pa gnas kyi rnam pa dang / rgyu'i rnam par yang dag pa ji lta ba bzhin du rab tu mkhyen pa dang / 'jig rten gnas pa khams du ma dang / khams sna tshogs pa yang dag pa ji lta ba bzhin du rab tu mkhyen pa dang / sems can gzhan dag dang / gang zag gzhan rnams kyi 'dun pa du ma dang / mos pa sna tshogs pa yang dag pa ji lta ba bzhin du rab tu mkhyen pa dang / sems can gzhan dag dang / gang zag gzhan rnams kyi dbang po mchog dang mchog ma yin pa shes pa yang dag pa ji lta ba bzhin du rab tu mkhyen pa dang / kun tu 'gro ba'i lam yang dag pa ji lta ba bzhin du rab tu mkhyen pa dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang /

  397. 199b

    ldang ba thams cad yang dag pa ji lta ba bzhin du rab tu mkhyen pa dang / sngon gyi gnas rnam pa du ba rjes su dran te/ des tshe rabs gcig kyang rjes su dran pa nas/ sngon gyi gnas rnam pa du ma rjes su dran pa'i bar dag kyang rnam pa dang bcas/ yul phyogs dang bcas par rjes su dran pa dang / lha'i mig rnam par dag pa mi las 'das pas/ sems can 'chi 'pho dang skye ba dag kyang gzigs te/ sems can gang dag lus dang / ngag dang / yid kyis nyes par spyod pa dang ldan pa log par lta ba dang / 'phags pa rnams la skur pa 'debs pa dag rgyud dang rkyen des lus zhig ste/ shi ba'i 'og tu ngan song ngan 'gro leg par ltung ba dag tu skye ba dang / sems can gang dag lus dang / ngag dang / yid kyis legs par spyod pa dang ldan pa yang dag par lta ba dang / 'phags pa rnams la skur pa mi 'debs pa dag rgyu des lus zhig nas bde 'gro mtho ris kyi lha'i nang du skye ba dag kyang gzigs la/ des lha'i mig rnam par dag pa mi las shin tu 'das pas/ sems can 'chi 'pho dang / skye ba dang / kha dog bzang ba dang / kha dog ngan pa dang / bde 'gro dang / ngan 'gro dag tu ji lta ba bzhin du nye bar 'gro ba dag kyang yang dag pa ji lta ba bzhin du rab tu mkhyen pa dang / zag pa rnams zad pas zag med cing sems rnam par grol ba dang / shes rab rnam par grol ba dag kyang yang dag pa ji

  398. 200a

    lta ba bzhin du rab tu mkhyen pa ste/ de dag ni de bzhin gshegs pa'i stobs bcu zhes bya'o// rab 'byor de bzhin gshegs pa'i mi 'jigs pa bzhi gang zhe na nga yang dag par rdzogs pa'i sangs rgyas so zhes dam bcas na/ kye ma de la chos 'di rnams mngon par rdzog par sangs ma rgyas so zhes/ lha dang bcas pa dang / bdud dang bcas pa dang / tshangs pa dang bcas pa dang / dge sbyongs dang bram zer bcas pa'i skye dgu'i 'jig rten na chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ rgyu de yang dag par rjes su ma mthong bas/ bde ba thob cing bag tsha ba med pa thob la/ mi 'jigs pa thob ste gnas kyis/ khyu mchog rlabs po che'i gnas su dam bca' 'o// 'khor gyi nang du seng ge'i sgra yang dag par bsgrag go/ / tshangs pa'i 'khor lo dge sbyong ngam/ bram ze 'am/ lha 'am/ bdud ngam/ tshangs pa 'am/ su'ang rung bas chos dang 'thun par 'jig rten du bskor bar mi nus pa bdag gis bskor bar bya'o zhes bya ba dang / de bzhin du sbyar te/ nga zag pa zad do zhes dam bcas na/ de la khyod kyis zag pa 'di dag ma zad do zhes chos dang 'thun par bdag la rgol ba med pa dang / ngas gang dag bar du gcod pa'i chos su gsungs pa de dag bstan kyang / bar du gcod par mi 'gyur ro zhes chos dang 'thun par bdag la rgol ba med pa dang / ngas gang sdug bsngal yang

  399. 200b

    dag par zad par byed pa/ nges par 'byin par byed pa'i lam du gsungs pa de bsten kyang / sdug bsngal yang dag par zad par mi 'gyur ro zhes/ lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten na chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ rgyu de yang dag par rjes su ma mthong bas/ bde ba thob cing bag tsha ba med pa thob la/ mi 'jigs pa thob ste gnas kyis/ khyu mchog rlabs po che'i gnas su dam bca' 'o// 'khor gyi nang du seng ge'i sgra yang dag par bsgrag go/ / tshangs pa'i 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ su'ang rung bas/ chos dang 'thun par 'jig rten du bskor bar mi nus pa bdag gis bskor bar bya'o zhes bya ba ste/ de dag ni mi 'jigs pa bzhi zhes bya'o// rab 'byor de bzhin gshegs pa'i so so yang dag par rig pa bzhi gang zhe na/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// de dag kyang gang zhen/ don la dmigs pa dang / chos la dmigs pa dang / nges pa'i tshig la dmigs pa dang / spobs pa la dmigs pa dag go// rab 'byor de bzhin gshegs pa'i bsrung

  400. 201a

    ba med pa gsum gang zhe na/ de bzhin gshegs pa'i sku'i spyod pa yongs su dag ste/ de bzhin gshegs pa la sku'i spyod pa yongs su ma dag pa mi mnga' bas/ gzhan la la zhig gis shes su 'ong ngo zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa dang po'o// de bzhin gshegs pa'i gsung gi spyod pa yongs su dag ste/ de bzhin gshegs pa la gsung gi spyod pa yongs su ma dag pa mi mnga' bas/ gzhan la la zhig gis shes su 'ong ngo zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa gnyis pa'o// de bzhin gshegs pa'i thugs kyi spod pa yongs su dag ste/ de bzhin gshegs pa la thugs kyi spyod pa yongs su ma dag pa mi mnga' bas/ gzhan la la zhig gis shes su 'ong ngo zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa gsum pa'o// de la de bzhin gshegs pa'i dran pa nye bar gzhag pa gsum gang zhe na/ de bzhin gshegs pa'i chos ston pa'i tshe/ kha cig rna blags te gus par nyan cing / bka' nyan par sems nye bar 'jog la/ chos kyi rjes su 'thun pa'i chos la nan tan byed na'ang / des de bzhin gshegs pa dgyes par mi 'gyur/ yid bde bar mi 'gyur/ thugs yeng yeng por mi 'gyur te/ 'di ni dran pa nye bar gzhag pa dang po'o// kha cig rna mi blag

  401. 201b

    gus par mi nyan cing / bka' nyan pa'i sems nye bar mi 'jog la/ chos kyi rjes su 'thun pa'i chos la nan tan mi byed na'ang / des de bzhin gshegs pa kun nas mnar sems su mi 'gyur/ bzod par mi 'gyur/ thugs mi ches par mi 'gyur te/ 'di ni dran pa nye bar gzhag pa gnyis pa'o// kha cig rna blags te gus par nyan cing / bka' nyan pa'i sems nye bar 'jog la/ chos kyi rjes su 'thun pa'i chos la nan tan du byed/ kha cig rna mi blag/ gus par mi nyan cing / bka' nyan pa'i sems nye bar mi 'jog la/ chos kyi rjes su 'thun pa'i chos la nan tan mi byed na'ang des de bzhin gshegs pa dgyes pa 'am/ kun nas mnar sems gnyis su mi 'gyur te/ thams cad du dran pa dang ldan zhing mkhyen bzhin du btang snyoms su gnas pa 'di ni dran pa nye bar gzhag pa gsum pa'o/ / de la de bzhin gshegs pa'i bsnyel ba mi mnga' ba'i chos nyid gang zhe na/ gang gis sangs rgyas bcom ldan 'das rnams don yod pa'i chos ston pa'i phyir/ sems can thams cad kye don mdzad pa la dus las mi yol ba ste/ 'di ni bsnyel ba mi mnga' ba'i chos nyid ces bya'o// de la de bzhin gshegs pa'i bag chags kyi sgrib pa spangs pa gang zhe na/ nyan thos dang rang sangs rgyas thams cad ni nyon mongs pa rnams spangs kyang de dag la lus kyi 'gyur ba dag 'byung gi/ de bzhin gshegs pa la ni de dag mi mnga' ste/ de dag ni bag chags kyi sgrib pa spangs pa zhes

  402. 202a

    bya'o/ / de la de bzhin gshegs pa'i thugs rje chen po gang zhe na/ de bzhin gshegs pa'i thugs rje chen po gang dang ldan pas 'jig rten gyi brda nye bar bzung ste/ dge ba'i rtsa ba la gzigs pa'i phyir/ dus thams cad du nyin lan gsum mtshan lan gsum 'jig rten la rtog pa mdzad pa ste/ yang sangs rgyas bcom ldan 'das rnams kyi thugs rje chen po sems can mtha' yas pa yongs su smin par bya ba la gzigs pa rtag tu 'byung ba 'di ni thugs rje chen po zhes bya'o/ / rab 'byor de la sangs rgyas kyi chos ma 'dres pa bco brgyad gang zhe na/ bla na med pa yang dag par rdzogs pa'i byang chub mngon par rdzogs par sangs rgyas kyi bar du/ bar der de bzhin gshegs pa la 'khrul pa med pa dang / ca co med pa dang / bsnyel ba med pa dang / sems mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pab nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / lus kyi las thams cad ye shes sngon du 'gro zhing / ye shes kyi rjes su 'brang ba dang / ngag gi las thams cad ye shes sngon du 'gro zhing / ye shes kyi rjes su 'brang ba dang / yid kyi las thams cad ye shes sngon du 'gro zhing / ye shes kyi rjes su

  403. 202b

    'brang ba dang / 'das pa'i dus la ma chags ma thogs pa'i ye shes mthong ba 'jug pa dang / ma 'ong ba'i dus la ma chags ma thogs pa'i ye shes mthong ba 'jug pa dang / da ltar byung ba'i dus la ma chags ma thogs pa'i ye shes mthong ba 'jug pa ste/ de dag ni sangs rgyas kyi chos ma 'dres pa bco brgyad ces bya'o// rab 'byor de bzhin gshegs pa'i rnam pa thams cad mkhyen pa nyid gang zhe na/ gang gi dmigs pa ni dngos po med pa/ dbang byed pa ni dran pa/ rnam pa ni zhi ba/ mtshan nyid ni mtshan nyid med pa ste/ de rnam pa thams cad mkhyen pa nyid ces bya'o// rab 'byor de la de bzhin gshegs pa'i skyes bu chen po'i mtshan sum cu rtsa gnyis gang zhe na/ phyag dang zhabs kyi mthil 'khor lo'i mtshan dang ldan pa dang / zhabs shin tu gnas pa dang / phyag dang zhabs dra bas 'brel ba dang / phyag dang zhabs 'jam zhing gzhon sha chags pa dang / bdun mtho ba dang / sor mo ring ba dang / rting pa yangs pa dang / sku che zhing drang ba dang / zhabs 'bar 'bur med pa dang / sku'i spu gyen du phyogs pa dang / byin pa ri dgas e n+ya ya'i lta bu dang / phyag sbom zhing ring ba dang / mdoms kyi sba ba sbubs su nub pa dang // mdog gser 'dra ba dang / pags pa srab pa dang / s+phu re re nas skye zhing g.yas su 'khyil ba dang / zhal la mdzod bu'i mtshan mnga' ba dang / ro stong seng ge'i 'dra ba dang / dpung mgo legs par grub pa dang / thal gong rgyas pa dang /

  404. 203a

    ro bro ba mkhyen pa dang / shing n+ya gro d+ha ltar chu zheng gab pa dang / dbu gtsug tor dang ldan pa dang / ljags ring zhing srab pa dang / tshangs pa'i dbyangs dang / 'gram pa seng ge'i ltabu dang / choms shin tu dkar ba dang / tshems mnyam pa dang / tshems thags bzang ba dang / tshems bzhi bcu mnga' ba dang / spyan mthon mthing dang / ba'i rdzi ma lta bu rnams so// de la de bzhin gshegs pa'i phyag dang zhabs kyi mthil dag la/ 'khor lo'i rtsibs stong dang ldan pa mu khyud can lte ba dang bcas pa rnam pa thams cad yongs su rdzogs pa/ 'di lta ste/ dper na rus pa 'am/ bsol gzugs su brkos pa lta bu dag mnga' bas na/ phyag dang zhabs 'khor lo'i mtshan dang ldan pa yin no// zhabs kyi mthil gnyis mnyam par sa la 'jog cing zhabs zhum pa med pas na/ zhabs shin tu gnas pa min no// ngang pa'i rgyal po ltar phyag dang zhabs kyi sor mo dra bas 'brel bas na/ phyag dang zhabs dra bas 'brel ba yin no// shing bal gyi 'da' ba ltar phyag dang zhabs 'dzam zhing gzhon sha chags la snyil bas na/ phyag dang zhabs gzhon sha chags pa yin no// phyag dang zhabs kyi bol gnyis dang / dpung mgo gnyis dang / lhag pa'i phyogs mtho bas na/ bdun mtho ba yin no// phyag dang zhabs kyi sor mo ring bas na/ sor mo ring ba yin no// zhabs kyi rting pa che bas na/ rting pa yangs pa yin no//

  405. 203b

    khru bdun du 'phags pas dang zhing sku mi lo bas na/ sku che zhing drang ba yin no// pus mo'i ljang dang long bu shin tu mi mngon pas na/ zhabs 'bar 'brur med pa yin no// spug yas phyogs su drus por 'khyil cing gyen du phyogs pas na/ sku'i spu gyen du phyogs pa yin no// byin pa ri dgas e n+ya ya'i byin pa dang / mda' rgyu'i snying po ltar byin gyis zlum pas na/ byin pa ri dgas e n+ya yo'i lta bu yin no/ / phyag sbom zhing ring ba'i phyir ma btud kyang phyag gis pus mo sleb pas na/ phyag sbom zhing ring ba yin no// glang po dang rta cang shes ltar gsang ba'i gnas shin tu mdzes par sbubs su nub pas/ mdoms kyi sba ba sbubs su nub pa yin no// gser shin tu sbyangs pa'i mdog 'dra bas na/ mdog gser dang 'dra ba yin no// pags pa gser dang dngul shin tu yongs su sbyangs pa ltar 'jam zhing sku la rdul gyis mi gos pas na/ pags pa srab pa yin no// spu shin tu 'gyes shing gcig pu gnyis ma yin pas na/ spu re re nas skye zhing g.yas su 'khyil ba yin no// me tog kun da dang / zla ba dang / ba'i 'o ma dang / ba mo'i mdog ltar dkar zhing / nyi ma dang zla ba brgya pas kyang shin tu 'phags par 'od gsal ba'i mdzod pus smin mtshams legs par brgyan pas na/ zhal la mdzod bu'i mtshan mnga' ba yin no// sku'i stong phel ka che bas na/ ro stod seng ge'i 'dra ba yin no// mgur zlum zhing khyil ler 'dug pas na/ dpung mgo legs par grub pa

  406. 204a

    yin no/ / gser gyi glegs ma shin tu rnam par byis pa lta bus mthong ka shin tu rgyas pas na/ thal gong rgyas pa yin no// ljags rlung dang / mkhris pa dang / bad kan gyis nyams pa mi mnga' zhing / ro thams cad so sor rnam par rig pa dang 'thun par rnam par rig pas na/ ro bro ba mkhyen pa yin no// sku'i khrun dang 'dom gyi tshad du mnyam pas na/ shing n+ya gro d+ha ltar chu zheng gab pa yin no/ / dbu'i gtsug tor zlum zhing lhag la g.yas su 'khyil ba dang ldan zhing / dbu legs par grub cing blta na sdug pas na/ dbu gtsug tor dang ldan pa yin no// ut+pal dmar po'i 'dab ma'i mdog dang 'dra zhing yangs pas na/ ljag ring zhing srab pa yin no// dbyig gi snying po dang / bya ka la bing ka lta bu'i gsung mnga' bas na tshangs pa'i dbyangs yin no// me long gi dkyil 'khor ltar shin tu legs par grub cing / zlum la rgyas shing blta na sdug la mkhrang bas na/ 'gram pa seng ge'i lta bu yin no// me tog kun da dang / zla ba dang / dung gi bcag 'phro ltar shin tu dkar ba'i tshems mnga' bas na/ tshems shin tu dkar ba yin no// tshems mtho dman med pas na/ tshems mnyam pa yin no// tshems mtshams mdod pas na/ tshems thags bzang ba yin no// tshems bla 'og lhag chad med cing mnyam pas na/ tshems bzhi bcu mngar ba yin no// dkar gnag gi phyogs ma 'dres shing shin tu rnam par dag la/ dmar po'i rgyud dang ma 'dres pas na/ spyan mthon

  407. 204b

    mthing yin no/ / spyan gyi rdzi ma bla 'og legs par gzhol zhing ma 'dzings pas na/ de bzhin gshegs pa'i spyan gyi rdzi ma lta bu yin no// de la bla ma rnams la bsu bskyal dang / chos nyan pa dang / me tog 'phreng 'bul ba dang / gtsug lag khang dang / mchod rten la sogs pa'i gar du 'gro ba dang / g.yog 'khor gyi sbyin pa byas pas na/ phyag dang zhabs mthil 'khor lo'i mtshan dang ldan par 'gyur te/ de ni g.yog 'khor shin tu mang ba'i snga ltas yin no// yi dam la brtan pas na/ zhabs shin tu gnas par 'gyur te/ de ni mi g.yo ba'i snga ltas yin no// bsdu ba'i dngos po bzhi po sbyin dang / snyan par smra ba dang / don spyod pa dang / don 'thun pa dag kun tu bsten pas na/ phyag dang zhabs dra bas 'brel par gyur te/ de ni myur du 'du ba'i snga ltas yin no// bza' ba dang / btung ba dang / bldag pa dang / bca' ba bsod pa dag gi sbyin pa byas pas na/ phyag dang zhabs 'jam zhing gzhon sha chags pa dang / bdun mtho bar 'gyur te/ de gnyis ni bza' ba dang / btung ba dang / bldag pa dang / bca' ba dang / bsod pa dag 'thob pa'i snga ltas yin no// gsad pa las thar par byas pa dang / bza' ba dang btung ba la sogs pa byin pas srog gi rim gro byas pa dang / srog gcod pa spangs pa kun tu bsten pas na/ sor mo ring ba dang / rting pa yangs pa dang / sku che zhing drang bar gyur te/ de dag ni sku tshe ring ba'i lha lta sa yin no/

  408. 205a

    dge ba'i chos yang dag par blangs pa dang bzung ba rnams mngon par spel cing / yongs su 'grib par ma byas pas na/ zhabs 'bar 'bur med pa dang / sku'i spu gyen du phyogs par gyur te/ de gnyis ni chos yongs su mi nyams pa'i snga ltas yin no// bzo'i las dang rig pa'i gnas rnams gus par byas shing byin pa dang blangs pas na/ byin pa ri dgas e n+ya ya'i lta bur gyur te/ de ni myur du 'dzin pa'i snga ltas yin no// bdog cing yod pa'i nor blangs na med ces mi zer zhing byin pas na/ phyag sbom zhing ring bar gyur te/ de ni dbang sbyin zhing 'dul bar byed ba'i snga ltas yin no/ / mdza' bshes dang / gnyen 'dab dang / gnyen phan tshun 'brel ba dag gi dbyen ma byas shing / bye bar gyur pa dag bsdums pa dang / tshangs par spyod pa yang dag par blangs pa dang / gsang ba'i tshig bsrungs pas na/ mdoms kyi sba ba sbubs su nub par gyur te/ de ni sras mang ba'i snga ltas yin no// stan dang / gos dang / bgo ba rnams dang / khang bzangs dang / gzhal med khang dang / gnas bzang po dag gi sbyin pa byas pas na/ mdog gser 'dra ba dang / pags pa srab par gyur te/ de gnyis ni stan dang / gos dang / bgo ba rnams dang / kha bzangs dang / gzhal med khang dang / gnas bzang po dag 'thob pa'i snga ltas yin no// 'du 'dzi spangs pa dang / mkhan po dang / slob dpon dang / pha ma dang / phu nu la sogs pa bla ma

  409. 205b

    rnams ji ltar rigs pa'i gnas su bkod cing rim gro byas pa dang / sbyin pa byin pa dang / mgu bar byas pas na/ s+phu re re nas skye zhing g.yas su 'khyil ba dang / zhal la mdzod spu'i mtshan mnga' bar gyur te/ de gnyis ni zla med pa'i snga ltas yin no// mu cor mi smra zhing / gzhan la mi smod pa dang / snyan par smra ba dang / legs par smra ba la rjes su 'thun par byed pa dang / seng ge'i sgra dang 'thun par smra bas na/ ro stod seng ge'i 'dra ba dang / dpung mgo legs par grub par gyur te/ de gnyis ni mi choms pa'i sA ltas yin no// nad pa rnams la rtsi dang / g.yog 'khor dang / sman dang / 'thun pa'i kha zas byin zhing rim gro byas pas nas/ thal gong rgyas pa dang / ro bro bar mkhyen par gyur te/ de gnyis ni gnod pa mi mnga' ba'i snga ltas yin no/ / kun dga' ra ba dang / 'dun sa dang / bsil khang dang / khron pa dang / bgrod dka' bar zam pa gdags pa dang / kha zas dang / me tog 'phreng ba dang / gtsug lag khang dang / 'dug gnas la sogs pa bya ba la thog mar 'gro zhing / gzhan dag kyang spro ba bskyed pa dang / gzhan dag la lhag par byin pas na/ shing n+ya gro d+ha ltar chu zheng gab pa dang / dbu gtsug tor dang ldan par gyur te/ de gnyis ni mnga' dbang chen po bsnyes pa'i snga ltas yin no// yun ring po nas 'jam zhing snyan pa dang / mnyen pa'i tshig brjod pas na/ lhag ring zhing srab pa dang

  410. 206a

    tshangs pa'i dbyangs dang ldan par gyur te/ de gnyis ni gsung gi lam yan lag lnga dang ldan pa'i dbyangs brnyes pa'i snga ltas yin no// gsung gi lam yan lag lnga dang ldan ba'i dbyangs ni/ kun tu shes par bya zhing rnam par rig par bya ba dang / mnyam par 'os shing mi mthun pa med pa dang / zab cing dbyangs rjes su 'byung ba dang / mi tshugs shing rnar snyan pa dang / ma 'khrugs shing gsal ba'o// yun ring po nas tshig 'khyal pa spangs shing dus su smra bas na/ 'gram pa seng ge'i lta bur gyur te/ de ni tshig btsun pa'i snga ltas yin no// rim gro byed pa dang / brnyas pa med pa dang / 'tsho ba yongs su dag pas na/ tshems shin tu dkar ba dang / tshems mnyam par gyur te/ de gnyis ni 'khor snga nas bsags pa'i snga ltas yin no// yun ring po nas bden zhing phra ma med par spyad pas na/ tshems thags bzang ba dang / tshems bzhi bcu mnga' bar gyur te/ de gnyis ni 'khor mi phyed pa'i snga ltas yin no// rgyud pa dang / smod par bar byed pa la'ang chags pa dang sdang ba med cing rmongs pa med pa'i mig gis nges par rtogs pas na/ spyan mthon mthing dang / ba'i rdzi ma ltar gyur te/ de gnyis ni kun nas mdzes pa'i snga ltas yin no/ / rab 'byor de dag ni de bzhin gshegs pa'i skyes bu chen po'i mtshan sum cu rtsa gnyis yin te/ de dag gi rang bzhin gyi 'od kyis stong gsum gyi stong chen po'i 'jig rten gyi khams dang /

  411. 206b

    bzhed na 'jig rten gyi khams grangs med pa dag kyang snang bas khyab par mdzad do// de bzhin gshegs pa sems can rnams la thugs brtse bas 'od 'dom gang tsam du byin gyis rlob par mdzad do/ / gal te bcom ldan 'das kyis 'od 'dom gang bar byin gyis ma brlabs su zin na/ rang bzhin gyis 'od kyi zil gyis non par gyur pas/ nyi ma dang zla ba dag gi 'od kyang mngon par mi 'gyur la/ zla ba dang / zla ba phyed dang / dus tshigs dang / lo khyud kor dag kyang yod par mi 'gyur ro// rang bzhin gyis sgra dpyad kyis kyang stong gsum gyi stong chen po'i 'jig rten gyi khams mngon par go bar mdzad do/ / bzhed na gnyis dang / gsum dang / bzhi dang / ji snyed du snang bas khyab par 'gyur ba de snyed du dbyangs kyis mngon par go bar yang mdzad do// rab 'byor de la de bzhin gshegs pa'i dpe byad bzang po brgyad cu gang zhe na/ 'di lta ste/ sangs rgyas bcom ldan 'das rnams ni mngon par 'du byed pa thams cad la ma chags pa'i thugs mnga' bas na/ sem mo zangs kyi mdog lta bu yin no/ / sangs rgyas bcom ldan 'das rnams ni gnyen 'dab la byams pa bzhin du/ sems can la phan pa dang bde bar dgongs pa'i thugs mnga' bas na/ sen mo mdog snum pa yin no/ / sangs rgyas bcom ldan 'das rnams ni rigs mtho ba'i rgyud du skyes pas na/ sen mo mtho ba yin no// sangs rgyas bcom ldan 'das rnams ni tshul la kha na ma tho ba med

  412. 207a

    pas na/ sor mo rnams zlum pa yin no// sangs rgyas bcom ldan 'das rnams ni dge ba'i rtsa ba rgya chen por bsags pas na/ sor mo rnams rgyas pa yin no// sangs rgyas bcom ldan 'das rnams ni dge ba'i rtsa ba dag rim gyis yang dag par bsgrubs pas na/ sor mo rnams byin gyis phra ba yin no// sangs rgyas bcom ldan 'das rnams ni sku dang / gsung dang / thugs kyi 'phrin las kyi mtha' dang / 'tsho ba dag shin tu dben pas na/ rtsa mi mngon pa yin no// sangs rgyas bcom ldan 'ad sa rnams ni nyon mongs pa'i mdud pa 'grol bar mdzad pas na/ rtsa mdud med pa yin no/ / sangs rgyas bcom ldan 'das rnams ni chos kyi dgongs pa shim tu dben pas na/ long bu mi mngon pa yin no// sangs rgyas bcom ldan 'das rnams ni mi mnyam pa thams cad las 'grol bar mdzad pas na/ zhabs mi mnyam pa med pa yin no// sangs rgyas bcom ldan 'das rnams ni mi'i seng ge yin pas na/ seng ge'i stabs su gshegs pa yin no// sangs rgyas bcom ldan 'das rnams ni mi'i glang po chen po yin pas na/ glang po che'i stabs su gshegs pa yin no// sangs rgyas bcom ldan rnams ni ngang pa'i rgyal po ltar nam mkha' la bzhud pas na/ ngang pa'i stabs su gshegs pa yin no// sangs rgyas bcom ldan 'das rnams ni skyes bu'i khyu mchog yin pas na/ khyu mchog gi stabs su gshegs pa yin no// sangs

  413. 207b

    rgyas bcom ldan 'das rnams ni 'thun pa'i lam mnga' bas na/ g.yas phyogs su ldog cing gshegs pa yin no// sangs rgyas bcom ldan 'das rnams ni blta na mdzes pas na/ mdzes par gshegs pa yin no/ / sangs rgyas bcom ldan 'das rnams ni rtag tu thugs yon po mi mnga' bas na/ ma yo bar gshegs pa yin no// sangs rgyas bcom ldan 'das rnams ni tshul rnam par dag pa'i yon tan ston pas na/ sku'i 'khril bag chags pa yin no// sangs rgyas bcom ldan 'das rnams ni sdig pa'i chos rnams shin tu sbyangs pas na/ sku byi dor byas pa lta bu yin no// / sangs rgyas bcom ldan 'das rnams ni chos rim gyis ston pas na/ sku rim par 'tsham pa yin no// sangs rgyas bcom ldan 'das rnams ni sku dang / gsung dang / thugs shin tu gtsang bas nasku gtsang ba yin no/ / sangs rgyas bcom ldan 'das rnams ni rang bzhin gyis thugs 'jam pa dang ldan pas na/ sku 'jam pa yin no// sangs rgyas bcom ldan 'das rnams ni rang bzhin gyis thugs rnam par dag pas na/ sku rnam par dag pa yin no// sangs rgyas bcom ldan 'das rnams ni chos 'dul ba shin tu yongs su rdzogs pas na/ mtshan yongs su rdzogs pa yin sangs rgyas bcom ldan 'das rnams ni yangs shing mdzes pa'i yon tan gsung bas na/ sku kho lag yangs shing bzang ba yin no// sangs rgyas bcom ldan 'das rnams ni sems can

  414. 208a

    thams cad la thugs mnyam pas na/ gom pa snyoms pa yin no// sangs rgyas bcom ldan 'das rnams ni shin tu 'jam pa'i chos ston pas na/ shin tu gzhon mdog can yin no/ / sangs rgyas bcom ldan 'das rnams ni rtag tu zhum pa med pa'i thugs mnga' bas na/ sku zhum pa med pa yin no// sangs rgyas bcom ldan 'das rnams ni mi dge ba'i rtsa ba rnams byang bas na/ sku rgyas pa yin no// sangs rgyas bcom ldan 'das rnams ni yang 'byung ba'i srid par mtshams sbyor ba zad pas na/ sku shin tu gribs pa yin no// sangs rgyas bcom ldan 'das rnams ni rten cing 'brel par 'byung ba'i yan lag dang nying lag rnams shin tu legs par ston pas na/ yan lag dang nying lag shin tu rnam par 'byes pa yin no// sangs rgyas bcom ldan 'das rnams ni gzigs pa shin tu rnam par dag pas na/ gzigs pa rab rib med cing rnam par dag pa yin no// sangs rgyas bcom ldan 'das rnams ni tshul dang ldan pa'i slob ma mnga' bas na/ dku zlum pa yin no// sangs rgyas bcom ldan 'das rnams ni 'khor ba'i skyon rnams rab tu sbyangs pas na/ dku skabs phyin pa yin no// sangs rgyas bcom ldan 'das rnams ni nga rgyal gyi rtse mo bcom pas na/ dku ma rnyongs pa yin no// sangs rgyas bcom ldan 'das rnams ni chos zad par byed pa rnam par zlog pas na/ phyal phyang nge ba yin no// sangs

  415. 208b

    rgyas bcom ldan 'das rnams ni chos shin tu zab mo rnams thugs su chud pas na/ lte ba zab pa yin no// sangs rgyas bcom ldan 'das rnams ni 'thun par 'dzin par zhugs pa'i slob ma mnga' bas na/ lte ba g.yas phyogs su 'khyil ba yin no// sangs rgyas bcom ldan 'das rnams ni slob ma kun nas mdzes pa'i dge 'dun mnga' bas na/ kun nas mdzes pa yin no// sangs rgyas bcom ldan 'das rnams ni/ thugs shin tu gtsang bstan/ gur nas spyod pa gtsang ba yin no// sangs rgyas bcom ldan 'das rnams ni chos 'dul ba rlag po ston pa dang bral bas na/ la sme ba dang gnag bag med pa yin no// sangs rgyas bcom ldan 'das rnams ni shing bal ltar yang ba'i lus thob par gyur pa'i chos ston pas na/ phyag shing bal ltar shin tu 'jam pa yin// no// sangs rgyas bcom ldan 'das rnams ni gnyen 'dab dang / skye bo phal po che la snyoms par byams pas dge sbyong chen po yin pas na/ phyag gi ri mo mdangs yod pa yin no// sangs rgyas bcom ldan 'das rnams ni shin tu zab cing brtan par gnas pas na/ phyag gi ri mo zab pa yin no// sangs rgyas bcom ldan 'das rnams ni bzod pa rgya chen po'i chos ston pas na/ phyag gi ri mo ring ba yin no// sangs rgyas bcom ldan 'das rnams ni ha cang phal che ba ma yin pa'i bslab pa'i gzhi 'cha' bas na/ zhal ha cang yang mi ring ba yin no// sangs rgyas bcom

  416. 209a

    ldan 'das rnams ni 'jig rten thams cad gzugs brnyan lta bur ston pas na/ zhal la gzugs kyi gzugs brnyan snang ba yin no// sangs rgyas bcom ldan 'das rnams ni 'jam pa sngon du gtong zhing 'dul bas na/ ljags mnyen pa yin no// sangs rgyas bcom ldan 'das rnams ni yon tan cha phra ba'i tshogs pa dang ldan pas na/ ljags srab pa yin no/ / sangs rgyas bcom ldan 'das rnams ni byis pa'i skye bo chags pa can rnams gting dpag dka' ba'i chos kyis 'dul bar mdzad pas na/ ljags dmar ba yin no// sangs rgyas bcom ldan 'das rnams ni glang po che'i nga ro dang / 'brug gi sgra lta bus bsnyengs pa mi mnga' bas na/ glang po che'i nga ro dang / 'brug gi sgra dang ldan pa yin no// sangs rgyas bcom ldan 'das rnams ni snyan cing mnyen la 'jam par smra ba'i slob ma mnga' bas na/ gsung snyan cing mnyen la 'jam pa yin no// sangs rgyas bcom ldan 'das rnams ni srid pa kun tu sbyor ba las log pas na/ mche ba zlum pa yin no// sangs rgyas bcom ldan 'das rnams ni skye bo rnon po 'dul ba la mkhas pas na/ mche ba rno ba yin no// sangs rgyas bcom ldan 'das rnams ni chos 'dul ba mchog tu dkar bas na/ mche ba dkar ba yin no// sangs rgyas bcom ldan 'das rnams ni cha mnyam pa'i sa la bzhugs pas na/ mche ba mnyam pa yin no// sangs rgyas

  417. 209b

    bcom ldan 'das rnams ni mngon par rtogs pa rim gyis ston pas na/ mche ba byin gyis phra ba yin no// sangs rgyas bcom lda ni rnams ni shes rab kyi ri mthon po la bzhugs pas na/ shangs mtho ba yin no// sangs rgyas bcom ldan 'das rnams ni 'dul ba'i skye bo gtsang ba mnga' bas na/ shangs gtsang ba yin no// sangs rgyas bcom ldan 'das rnams ni gzigs pa rnam par dag pas na/ spyan rnam par dag pa yin no// sangs rgyas bcom ldan 'das rnams ni sangs rgyas kyi chos shin tu yangs pa dang ldan pas na/ spyan yangs pa yin no// sangs rgyas bcom ldan 'das rnams ni sems can gyi tshogs shin tu bsags pas na/ rdzi ma sdug pa yin no// sangs rgyas bcom ldan 'das rnams ni lha dang / lha ma yin dang / mi'i nang na chung mig dkar gnag 'byes shing / pad+ma'i 'dab ma rangs pa lta bu dang ldan pa'i mchog rnams kyis mngon par dga' bar byas shing bstod pas na/ spyan dkar nag 'byes shing pad+ma'i 'dab ma rangs pa lta bu yin no/ / sa d+yas bcom ldan 'das rnams ni rtag tu yangs pa ston pas na/ sprin tshugs ring ba yin no// sangs rgyas bcom ldan 'das rnams ni 'jam pos 'dul ba la mkhas pas na/ smin ma 'jam pa yin no// sangs rgyas bcom ldan 'das rnams ni kun nas skyon mkhyen pas na/ smin ma'i spu mnyam pa yin no// sangs

  418. 210a

    bcom ldan 'das rnams ni dge ba'i rtsa ba'i snum gyis skye bo rgyud sdum pa rnam par 'dul bar mdzad pas na/ sprin ma snum pa yin no// sangs rgyas bcom ldan 'das rnams ni chos mchog tu yangs pa ston pas na/ snyan shal sdug cing ring ba yin no// sangs rgyas bcom ldan 'das rnams ni nyon mongs pa'i g.yul las rgyal bas na/ snyan mnyam pa yin no// / sangs rgyas bcom ldan 'das rnams ni sems kyi rgyud ma nyams pa'i sems 'dul bar mdzad pas na/ snyan gyi dbang po ma nyams pa yin no// sangs rgyas bcos ldan 'das rnams ni lta bar gyur pa thams cad rnam par spangs pas na/ dpral ba legs par 'byes pa yin no// sangs rgyas bcom ldan 'das rnams ni dge sbyong dang / bram ze dang / phas kyi rgol ba rnams rab tu bcom pas na/ dpral ba dbyes che ba yin no// sangs rgyas bcom ldan 'das rnams ni smon lam dam pa shin tu yongs su rdzogs pas na/ dbu shin tu rgyas pa yin no// sangs rgyas bcom ldan 'das rnams ni yul la bung ba ltar dga' ba rnam par bzlog pas na/ dbu skra bung ba ltar gnag pa yin no// sangs rgyas bcom ldan 'das rnams ni mthong ba dang sgom pas spang bar bya ba'i bag la nyal rnams spangs pas na/ dbu skra stug pa yin no// sangs rgyas bcom ldan 'das rnams ni dgongs pa 'jam pas bstan pa'i snying po thugs su chud pas na/ dbu skra 'jam pa

  419. 210b

    yin no/ / sangs rgyas bcom ldan 'das rnams ni rtag tu ma 'khrugs pa'i thugs mnga' bas na/ dbu skra mi 'dzing ba yin no// sangs rgyas bcom ldan 'das rnams ni rtag tu mi brlang ba'i gsung mnga' bas na/ dbu skra mig shor ba yin no// sangs rgyas bcom ldan 'das rnams ni byang chub kyi yan lag gi spos kyi me tog gis skye bo rnams la 'thun par bsgrubs pas na/ dbu skra dri zhim pa yin no/ / sangs rgyas bcom ldan 'das rnams ni phyag dang zhabs kyi mthil dpal be'u dang / bkra shis dang / g.yu drung 'khyil bas brgyan pa ste/ rab 'byor de dag ni de bzhin gshegs pa'i sku la mnga' ba'i dpe byad bzang po brgyad cu yin no/ / rab 'byor byang chub sems dpa' sems dpa' chen po ni/ de ltar sbyin pa gnyis po zang zing gi sbyin pa dang / chos kyi sbyin pa dag gis sems can rnams yang dag par sdud par byed de/ rab 'byor de ni byang chub sems dpa' sems dpa' chen po'i ngo mtshar rmad du byung ba'i chos yin no// rab 'byor ji ltar byang chub sems dpa' sems dpa' chen pos snyan par smra bas sems can rnams yang dag par sdud ce na/ rab 'byor 'di la byang chub sems dpa' sems dpa' chen pos pha rol byin pa drug pa dag gis sems can rnams yang dag par sdung bar byed de/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang

  420. 211a

    'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / pha rol tu phyin pa drug po de dag gis byang chub sems dpa' sems dpa' chen pos snyan par smra bas sems can rnams sdud par byed do/ / de ci'i phyir zhe na/ pha rol tu phyin pa drug po de dag gis dge ba'i chos thams cad bsdus pa'i phyir ro// rab 'byor ji ltar na byang chub sems dpa' sems dpa' chen po don spyod pas sems can rnams sdud ce na/ pha rol tu phyin pa drug po de dag nyid kyis/ 'di lta ste/ sbyin pa dang / snyan par smra ba dang / don spyod pa dang / don 'thun pas sems can rnams yun ring po nas bsdus pa yin no// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ byang chub sems dpa' sems dpa' chen po rnams la 'di skad du 'doms shing rjes su ston te/ rigs kyi bu dag tshur shog/ khyed cag yi ge mngon par bsgrub pa/ la mkhas par gyis shig/ yi ge gcig la mkhas par gyis shig/ yi ge gnyis la mkhas par gyis shig/ yi ge bzhi bcu rtsa lnga'i bar dag la mkhas par gyis shig/ yi ge gcig/ gis thams cad 'grib pa dang ldan par rjes su rtogs par gyis shig/ yi ge gnyis kyis thams cad 'grib pa dang ldan par rjes su rtogs par gyis shig/ yi ge gsum gyis thams

  421. 211b

    cad 'grib pa dang ldan par rjes su rtogs par gyis shig/ yi ge bzhi bcu rtsa lnga'i bar dag gis thams cad 'grib pa dang ldan par rjes su rtogs par gyis shig/ yi ge gcig tu yi ge bzhi bcu / rtsa lnga 'dus par sgoms shig/ yi ge bzhi bcu rtsa lnga rnams su yi ge gcig 'dus par sgoms shig ces 'doms par byed de/ rab 'byor byang chub sems dpa' sems dpa' chen po de ni yi ge gcig la mkhas pa yin no/ / yi ge bzhi bcu rtsa lnga'i bar dag la mkhas pa yin no// yi ge gcig tu yi ge bzhi bcu rtsa lnga 'dus par bsgom pa la mkhas pa yin no// yi ge bzhi bcu rtsa lnga rnams su yi ge gcig 'dus par bsgom pa la mkhas pa yin te/ yi ge mngon par bsgrub pa la mkhas par byas nas/ yi ge med pa mngon par sgrub pa la mkhas pa yin no// rab 'byor 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas ni/ chos la mkhas pa dang / yi ge la mkhas pa yin te/ de chos la mkhas pa dang / yi ge la mkhas pas chos ston te/ yi ge rnams kyis yi ge med pa'i chos ston pa bzhin no// rab 'byor chos de ni yi ge med pa'i rnam par sprul pa'o// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te mtha' las 'das pa dang / thog ma dang tha ma ma mchis pa stong pa nyid kyi slad du/ sems can yang gtan dmigs su ma

  422. 212a

    mchis la/ chos kyang dmigs su ma mchis shing / chos kyi rang bzhin yang dmigs su ma mchis lags na/ bcom ldan 'das 'o na ji ltar byang chub sems dpa' sems dpa' chen po rnam par smin pa las byung ba'i shes rab kyi pha rol tu phyin pa la spyod pa dang / ting nge 'dzin gyi pha rol tu phyin pa la spyod pa dang / brtson 'grus kyi pha rol tu phyin pa la spyod pa dang / bzod pa'i pha rol tu phyin pa la spyod pa dang / tshul khrims kyi pha rol tu phyin pa la spyod pa dang / smin pa'i pha rol tu phyin pa la spyod pa dang / bsam gtan bzhi la spyod pa dang / tshad med pa bzhi la spyod pa dang / gzugs med pa'i snyoms par 'jug pa bzhi la spyod pa dang / byang chub kyi phyogs kyi chos sum cu rtsa bdun la spyod pa dang / stong pa nyid bcu bzhi la spyod pa dang / mtshan ma med ba dang / smon pa med pa la spyod pa dang / ting nge 'dzin rnams la spyod pa dang / rnam par thar pa brgyad la spyod pa dang / mthar gyis gnas pa'i snyoms par 'jug pa dgu la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / rnam par smin pa las byung ba'i mngon par shes pa drug la spyod pa dang / ji ltar sems can rnams la chos ston par bgyid lags/ de dag ni sems can dang sems

  423. 212b

    can du gdags pa'ang dmigs su ma mchis lags te/ sems can dang sems can du gdags pa dmigs su ma mchis pas/ gzugs kyang dmigs su ma mchis la/ rnam par shes pa'i bar du'ang dmigs su ma mchis/ pha rol tu phyin pa drug kyang dmigs su ma mchis la/ de bzhin du dpe byad bzang po brgyad cu dang / sangs rgyas kyi chos ma 'dres pa bco brgyad kyi bar dag kyang dmigs su ma mchis lags so/ / sems can dang sems can du gdags pa dmigs su ma mchis pa de la ni/ gzugs kyang ma mchis la/ de bzhin du dpe byad bzang po brgyad cu'i bar dag kyang ma mchis lags so// dpe byad bzang po brgyad cu'i bar dag ma mchis lags na/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod pa ji ltar sems can rnams la chos ston par 'gyur te/ bcom ldan 'das byang chub sems dpa' sems dpa' chen po de sems can rnams mchis pa ma lags pa'i chos rnams la yang dag par 'dzin du stsol cing / phyin ci log la sbyor bar bgyid pa 'am/ gcig tu mi 'gyur lags grang / de ci'i slad du zhe na/ bcom ldan 'das 'di ltar byang chub sems dpa' sems dpa' chen po shes rab kyi pha rol tu phyin pa la spyod pa/ byang chub sems dpa'i nyid kyang mi dmigs na/ byang chub kyi phyogs kyi chos rnams lta smos kyang ci 'tshal lags/ de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal

  424. 213a

    to/ / rab 'byor de de bzhin te/ de de bzhin no// ji skad smras pa de bzhin te/ rab 'byor sems can dmigs su med pas nang stong pa nyid du rig par bya'o// phyi stong pa nyid du rig par bya'o/ / phyi nang stong pa nyid du rig par bya'o// de bzhin du sbyar te/ dngos po med pa'i ngo bo nyid stong pa nyid kyi bar du rig par bya'o// phung po stong pa nyid du rig par bya'o// khams stong pa nyid du rig par bya'o/ / skye mched stong pa nyid du rig par bya'o// rten cing 'brel par 'byung ba stong pa nyid du rig par bya'o// bdag stong pa nyid dang / sems can stong pa nyid dang / srog stong pa nyid dang / skye ba po stong pa nyid dang / shed las skyes pa stong pa nyid dang / gang zag stong pa nyid dang / gso ba stong pa nyid dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang mthong ba po stong pa nyid du rig par bya'o// de bzhin du sbyar te/ bsam gtan stong pa nyid du rig par bya'o// tshad med pa stong pa nyid dang / gzugs med pa'i snyoms par 'jug pa stong pa nyid dang / dran pa nye bar gzhag pa stong pa nyid du rig par bya'o// byang chub kyi phyogs kyi chos sum cu rtsa bdun gyi bar dag stong pa nyid du rig par bya'o/ / stong pa nyid stong pa nyid du rig par bya'o// mtshan ma med pa dang smon pa med pa stong pa nyid du rig par bya'o// de bzhin du sbyar te/ rnam par thar pa brgyad stong pa

  425. 213b

    nyid dang / mthar gyis gnas pa'i snyoms par 'jug pa dgu stong pa nyid dang / de bzhin gshegs pa'i stobs bcu stong pa nyid dang / mi 'jigs pa bzhi stong pa nyid dang / so so yang dag par rig pa bzhi stong pa nyid dang / sangs rgyas kyi chos ma 'dres pa bco brgyad stong pa nyid du rig par bya'o// rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub stong pa nyid du rig par bya'o// byang chub sems dpa'i sa stong pa nyid du rig par bya'o// sangs rgyas kyi zhing stong pa nyid du rig par bya'o// byang chub stong pa nyid du rig par bya'o/ / rab 'byor de ltar byang chub sems dpa' sems dpa' chen pos chos de dag thams cad stong par mthong nas/ phyin ci log tu gyur pa'i sems can rnams la chos ston te/ ci nas kyang stong pa nyid de dag tu phyir mi ldog pa de ltar chos ston to// des chos thams cad sgrib pa med par yang dag par rjes su mthong ste/ chos gang yang 'khrug par mi byed cing gnyis su mi 'byed par yang dag pa ji lta ba bzhin du chos ston par byed do/ / rab 'byor 'di lta ste/ dper na de bzhin gshegs pa'i sprul pa zhig gis sprul pa bye ba phrag du ma mngon par sprul nas/ kha cig ni sbyin pa la bkod/ kha cig ni tshul khrims la bkod cing / de bzhin du sbyar te/ kha cig ni bzod pa la/ kha cig ni brtson 'grus la/ kha cig ni ting nge 'dzin la/ kha cig ni

  426. 214a

    shes rab la/ kha cig ni bsam gtan rnams la/ kha cig ni tshad med pa rnams la/ kha cig ni gzugs med pa'i snyoms par 'jug pa rnams la/ kha cig ni dran pa nye bar gzhag pa rnams la/ kha cig ni 'phags pa'i lam yan lag brgyad pa'i bar dag la/ kha cig ni rnam pa thams cad mkhyen pa nyid kyi bar dag la bkod/ kha cig ni rgyun du zhugs pa'i 'bras bu la bkod/ kha cig ni byang chub kyi bar dag la bkod na/ rab 'byor de ji snyam du sems/ sprul pa des chos gang yang rnam par phye ba yod snyam mam gsol pa/ bcom ldan 'das de ni ma lags so// bka' stsal pa/ rab 'byor rnam grangs des ji ltar byang chub sems dpa' sems dpa' chen po shes rab kyi pha rol tu phyin pa la spyod pa sems can rnams la chos ston te/ ma bcings ma grol ba'i tshul gyis de dag phyin ci log rnams las rnam par grol bar byed cing / de dag yang dag pa ji lta ba la 'god pa de ltar rig par bya'o/ / de ci'i phyir zhe na/ rab 'byor 'di ltar gzugs ni ma bcings ma grol ba yin la/ tshor ba dang / 'du shes dang / 'du byed rnams dang / rnam par shes pa'ang ma bcings ma grol ba yin te/ gzugs kyi ma bcings ma grol ba nyid gang yin pa de gzugs ma yin la/ tshor ba dang / 'du shes dang / 'du byed

  427. 214b

    rnams dang / rnam par shes pa'i ma bcings ma grol ba nyid gang yin pa de'ang rnam par shes pa ma yin zhing / 'dus byas dang / 'dus ma byas kyi chos rnams kyi bar gyi ma bcings ma grol ba nyid gang yin pa de'ang / 'dus byas dang // 'dus ma byas kyi chos rnams ma yin pa'i phyir ro// de ci'i phyir zhe na/ rab 'byor 'di ltar gzugs dang // rnam par shes pa'i bar dag dang / 'dus byas dang / 'dus ma byas kyi bar gyi chos rnams ni shin tu rnam par dag pa'i phyir ro// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos ston kyang sems can du dmigs pa'ang med do// byang chub sems dpa' sems dpa' chen po ni chos thams cad mi dmigs pa'i tshul gyis gnas te/ de'ang gzugs stong zhes bya bar mi dmigs pa'i tshul dang / rnam par shes pa'i bar du stong zhes bya bar mi dmigs pa'i tshul dang / 'dus byas dang / 'dus ma byas kyi chos rnams kyi bar dag stong zhes bya bar mi dmigs pa'i tshul gyis gnas te/ 'dus byas dang / 'dus ma byas kyi chos rnams ni gang du'ang gnas pa med do/ / de ci'i phyir zhe na/ 'di ltar 'di dag gang la gnas par gyur pa'i ngo bo nyid med pas na/ dngos po med pa'ang dngos po med pa la mi gnas la/

  428. 215a

    rang gi dngos po'ang dngos po med pa la mi gnas shing / gzhan gyi dngos po'ang dngos med pa 'am/ rang gi dngos po la mi gnas pa'i phyir ro// de ci'i phyir zhe na/ rab 'byor 'di ltar de dag thams cad ni dmigs su med de/ gang dmigs su med pa de ni gang la'ang gnas par mi 'gyur ba'i phyir te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pas chos de dag thams cad stong pa nyid du sgom ste/ rab 'byor byang chub sems dpa' sems dpa' chen po de ltar shes rab kyi pha rol tu phyin pa la spyod pa ni/ sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / nyan thos rnams dang / 'phags pa thams cad la nyes par byas pa ma yin no// de ci'i phyir zhe na/ rab 'byor 'di ltar sangs rgyas bcom ldan 'das de dag dang / byang chub sems dpa' rnams dang / rang sangs rgyas rnams dang / nyan thos rnams kyi kyang chos rnams kyi chos nyid 'di nyid / rtogs te/ rtogs nas kyang sems can rnams la chos ston cing / chos rnams kyi chos nyid de las kyang mi 'da' ste/ chos kyi dbyings kyang 'da' ba med la/ de bzhin nyid dang yang dag pa'i mtha' yang 'da' ba med pa'i phyir ro/ / de ci'i phyir zhe na/ rab 'byor 'di ltar de dag la gang 'da' bar 'gyur ba'i rang bzhin med pa'i phyir ro// / shes rab kyi

  429. 215b

    rol tu phyin pa 'phags pa khri brgyad stong pa bam po lnga bcu rtsa gnyis pa/ / / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad gsol to/ / bcom ldan 'das gal te chos kyi dbyings la 'da' ba ma mchis shing / de bzhin nyid dang yang dag pa'i mtha' la'ang 'da' ba pa mchis na/ bcom ldan 'das 'o na ci gzugs kyang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan pa zhig lags sam/ rnam par shes pa'ang gzhan la/ 'dus byas dang / 'dus byas kyi chos rnams dang / 'jig rten pa dang / 'jig rten las 'das pa dang / zag pa dang bcas pa dang / zag pa ma mchis pa'i chos rnams kyang gzhan pa zhig lags sam/ bka' stsal pa/ rab 'byor de ni ma yin te/ gzugs kyang gzhan ma yin la/ chos kyi dbyings kyang gzhan ma yin no// de bzhin nyid kyang gzhan ma yin la/ yang dag pa'i mtha' yang gzhan ma yin no// rnam par shes pa'ang gzhan ma yin la/ chos thams cad kyi bar yang gzhan ma yin no// chos kyi dbyings kyang gzhan ma yin no// de bzhin nyid dang yang dag pa'i mtha' yang gzhan ma yin la/ deskad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te gzugs kyang gzhan ma lags shing / chos kyi

  430. 216a

    dbyings kyang gzhan ma lags la/ rnam par shes pa'i bar yang gzhan ma lags/ 'dus byas dang / 'dus ma byas kyi chos rnams kyi bar yang gzhan ma lags de bzhin du chos kyi dbyings kyi bar yang gzhan ma lags na/ bcom ldan 'das 'o na nag po'i chos rnams kyi rnam par smin pa nag po ni sems can dmyal ba dang / dud 'gro'i skye gnas dang / gshin rje'i 'jig rten lags so zhes bgyi ba dang / dkar po'i chos rnams kyi rnam par smin pa dkar po ni lha dang mi rnams lags so zhes bgyi ba dang / dkar nag gi chos rnams kyi rnam par smin pa dkar nag gis ni bde ba dang sdug bsngal 'dres ma lags so zhes bgyi ba dang / mi gnag cing dkar po'i chos rnams kyi rnam par smin pa mi gnag cing dkar ba ni rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub lags so zhes bgyi bar rnam par bkod par ji ltar 'gyur lags/ / de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor kun rdzob kyi bden pa nye bar gzung ste/ 'bras bu rnam par dgod pa bstan par zad kyi/ don dam pa'i bden par ni 'bras bu rnam par dgod pa bstan par mi nus so// de ci'i phyir zhe na/

  431. 216b

    'di lta ste/ ming dang gzugs de skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir/ chos de ni rnam par rtog pa med cing bsnyad du med pa ste/ de ni mtha' las 'das pa stong pa nyid dang / thog ma dang tha ma med pa stong pa nyid do// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te kun rdzob kyi bden pa nye bar bzung ste/ 'bras bu rnam par dgod pa mchis kyi/ don dam par ma mchis pa lags na/ bcom ldan 'das 'o na byis pa so so'i skye bo thams cad kyang rgyun du zhug pa'i 'bras bur mi 'gyur lags sam/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub tu mi 'gyur lags sam/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor ci byis pa so so'i skye bo rnams kyis kun rdzob kyi bden pa'am/ don dam pa'i bden pa shes sam/ 'o na ni de dag la'ang rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi 'bras bu rnam par 'god pa yod par yang 'gyur te/

  432. 217a

    gal te kun rdzob kyi bden pa 'am/ don dam pa'i bden pa zhes bya bar shes na ni/ byis pa so so'i skye bo zhes bya ba'i grangs su'ang mi 'gro ba zhig na/ 'di ltar de dag la yongs su shes pa med de/ de'i phyir de dag la rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / tha na med pa yang dag par rdzogs pa'i byang chub kyi 'bras bu rnam par 'god pa dag kyang med do/ / rab 'byor 'di ltar byis pa so so'i skye bo rnams la ni lam yang med la/ lam rnam par gzhag pa'ang med/ lam sgom pa'ang med na/ byis pa so so'i skye bo rnams la 'bras bu rnam par 'god pa lta yod par 'gyur re skan/ 'phags pa'i gang zag rnams la ni lam yang yod la/ lam rnam par gzhag pa'ang yod/ lam sgom pa'ang yod pas na 'bras bu rnam par 'god pa'ang yod do// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ci lam bsgoms pas 'bras bu 'byung zhing // 'bras bu thob par 'gyur lags sam/ bka' stsal pa/ rab 'byor de ni ma yin te/ lam bsgoms pas 'bras bu 'byung bar mi 'gyur zhing / 'bras bu thob par yang mi 'gyur ro// rab 'byor lam ma bsgoms par yang 'bras bu thob par mi 'gyur te/ lam gyis kyang 'bras bu ma thob la/ lam ma yin

  433. 217b

    pas kyang ma yin zhing / lam la mi gnas par yang ma yin te/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la 'bras bu rnam par 'god par byed de/ chos kyi dbyings la tshar gcad pa'i tshul gyis 'bras bu rnam par 'god pa ma yin no// bcom ldan lnga gal te 'dus byas kyi khams sam/ 'dus ma byas kyi khams la char gcad pas 'bras bu rnam par 'god pa ma mchis par gyur na/ bcom ldan 'das kyis 'di ni kun tu sbyor ba gsum spangs pa'i phyir/ rgyun du zhugs pa'i 'bras bu yin no// 'di ni 'dod pa'i 'dod chags dang gnod sems bsrabs pa'i phyir/ lan cig phyir 'ong ba'i 'bras bu yin no// 'di ni 'dod pa spong pa'i cha dang 'thun pa'i kun tu sbyor ba rnams spangs pa'i phyir phyir mi 'ong ba'i 'bras bu yin no/ / 'di ni gong ma'i cha dang 'thun pa'i kun tu sbyor ba lnga spangs pa'i phyir/ dgra bcom pa nyid yin no// kun tu 'byung ba'i chos gang ci'ang rung ba de dag thams cad 'gog pa'i chos can yin no/ / zhes bya ba ni rang byang chub yin no// bag chags kyi mtshams sbyor ba rnams spangs pa'i phyir/ yang dag par rdzogs pa'i byang chub yin no zhes bka' stsal na/ bcom ldan 'das 'dus byas dang / 'dus ma byas kyi chos rnams la char gcad pas 'bras bu rnam par 'god pa med do zhes/ bcom ldan 'das kyis bka' stsal pa de

  434. 218a

    bdag gis ji ltar 'tshal bar bgyi/ bcom ldan 'das kyis bka' stsal pa/ rab 'byor ci rgyun du zhugs pa'i 'bras bu 'am/ lan cig phyir 'ong ba'i 'bras bu'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ yang dag par rdzog pa'i byang chub 'dus byas yin nam/ 'on te 'dus ma byas pa yin/ gsol pa/ bcom ldan 'das de ni 'dus ma bgyis lags so/ / bde bar gshegs pa 'dus ma bgyis lags so// bcom ldan 'das kyis bka' stsal pa/ rab 'byor ci 'dus ma byas kyi chos la char gcad pa'o// dam/ gsol pa/ bcom ldan 'das de ni ma lags so// bka' stsal pa/ rab 'byor ci gang gi tshe/ rigs kyi bu 'am/ rigs kyi bu mos 'dus byas dang / 'dus pa byas kyi chos rnams 'di lta ste/ mtshan nyid med par mtshan nyid gcig tu rtogs pa de'i tshe/ 'dus byas sam/ 'dus ma byas kyi chos gang la'ang char gcod par byed dam/ gsol pa/ bcom ldan 'das de ni ma lags so/ / bka' stsal pa/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni nang stong pa nyid nas// rang gi mtshan nyid stong pa nyid kyi bar gyi tshul gyis char gcad pa med pa'i phyir/ sems can rnams la chos ston to// de sbyin ba'i pha rol tu phyin ba 'am/ tshul khrims kyi pha rol tu phyin pa'am/ bzod pa'i pha rol tu

  435. 218b

    byin pa'am/ brtson 'grus kyi pha rol tu phyin pa'am/ bsam gtan gyi pha rol tu phyin pa'am/ shes rab kyi pha rol tu phyin pa'am/ bsam gtan dang po nas/ bsam gtan bzhi pa'i bar ram// byams pa'am/ snying rje 'am/ dga' ba 'am/ btang snyoms sam/ 'du shed med 'du shes med min skye mched kyi bar ram/ dran pa nye bar gzhag pa rnams sam/ 'phags pa'i lam yan lag brgyad pa'i bar ram/ rnam pa thams cad mkhyen pa nyid kyi bar gyi chos gang la'ang bdag nyid kyang mngon par zhen par mi byed la/ gzhan yang mngon par zhen par mi byed do// de mngon par zhen pa med pas gang la'ang chags pa med cing / 'di lta ste/ dper na de bzhin gshegs pa'i sprul pa ni sbyin pa'ang sbyin par byed la/ sems can thams cad yongs su mya ngan las 'da' ba'i don ma gtogs par sbyin pa'i 'bras bu la'ang chags pa med cing / sbyin pa'i 'bras bu'ang nyams su myong bar mi 'gyur ro// pha rol tu phyin pa drug gi bar dag dang / zag pa dang bcas pa dang / zag pa med pa'i chos rnams kyi bar dang / 'jig rten pa dang / 'jig rten las 'das pa dang / 'dus byas dang / 'dus ma byas kyi chos rnams gang la'ang mi gnas so// rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'ang chos thams cad la'ang spyod la/ chos gang la'ang mi gnas shing chags pa med do// de ci'i phyir zhe na/ 'di

  436. 219a

    star des chos rnams kyi chos kyi mtshan nyid legs par rtogs pa'i phyir ro/ / shes rab kyi pha rol tu phyin pa khri brjid stong pa las/ mtshan dang / dpe byad bzang po dang / yi ge mngon par bsgrub pa bstan pa'i le'u zhes bya ste bdun cu rtsa gsum pa'o// / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ji ltar byang chub sems dpa' sems dpa' chen pos chos rnams kyi chos kyi mtshan nyid legs par rtogs pa lags/ bka' stsal pa/ rab 'byor dper na sprul pa 'dod chags dang / zhe sdang dang / gti mug la kun tu spyod pa med pa dang / gzugs la kun tu spyod pa med pa dang / rnam par shes pa'i bar la kun tu spyod pa med pa dang / de bzhin du nang dang phyi'i chos rnams la kun tu spyod pa med pa dang / bag la nyal ba dang / kun nas ldang ba rnams la kun tu spyod pa med pa dang / zag pa dang bcas pa dang / zag pa med pa'i chos rnams la kun tu spyod pa med pa dang / 'jig rten pa dang / 'jig rten las 'das pa dang / 'dus byas dang / 'dus ma byas kyi chos rnams la kun tu spyod pa med pa dang / lam la kun tu spyod pa med pa dang 'bras bu rnams la kun tu spyod pa med pa de ltar rab 'byor chos rnams kyi chos kyi tshul legs par rtogs pa yin no/ / gsol pa/ bcom ldan 'das sprul pa'i lam bsgom pa ji lta bu lags/

  437. 219b

    bka' stsal pa/ rab 'byor lam bsgom pa gang la brten nas/ kun nas nyon mongs par yang mi 'gyur zhing / rnam par byang bar yang mi 'gyur la/ 'gro ba lnga'i 'khor ba na'ang mi snang ba yin no/ / gsol pa/ bcom ldan 'das ji ltar byang chub sems dpa' sems dpa' chen pos dngos po ma mchis pa'i chos thams cad rtogs pa lags/ bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa'i sprul pa dang dngos po 'ga' zhig la brten nas/ kun nas nyon mongs par 'gyur ba'am/ rnam par byang bar 'gyur ba'i dngos po gang yang dmigs su yod snyam mam/ gsol pa/ bcom ldan 'das de ni ma lags te/ bcom ldan 'das de bzhin gshegs pa'i sprul pa la ni dngos po 'ga' zhig la brten nas/ kun nas nyon mongs par 'gyur ba 'am/ rnam par byang bar 'gyur ba 'am/ 'gro ba lnga'i 'khor ba na gda' ba'i dngos po gang yang ma mchis lags so// bka' stsal pa/ rab 'byor de ltar na chos rnams kyi chos kyi tshul legs par rtogs pa yin no/ / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das kyi gzugs thams cad de bzhin gshegs pa'i sprul pa lta bu lags sam/ tshor ba thams cad dang / 'du shes thams cad dang / 'du byed thams cad dang / rnam par shes pa thams cad

  438. 220a

    kyang de bzhin gshegs pa'i sprul pa lta bu lags sam/ bka' stsal pa/ rab 'byor gzugs thams cad de bzhin gshegs pa'i sbrul la d+ha bu yin no// tshor ba thams cad dang / 'du shes thams cad dang / 'du byed thams cad dang / rnam par shes pa thams cad kyang de bzhin gshegs pa'i sprul pa lta bya min no// gsol pa/ bcom ldan gal te chos thams cad sprul pa lta bu lags na/ sprul pa la ni gzugs ma mchis/ tshor ba ma mchis/ 'du shes ma mchis/ 'du byed rnams ma mchis/ rnam par shes pa ma mchis/ kun nas nyon mongs ba ma mchis/ rnam par byang ba ma mchis shing gang las sems can rnams yongs su thar par bgyi ba'i 'gro ba lnga'i 'khor ba'ang ma mchis lags na/ 'o na ji ltar byang chub sems dpa' sems dpa' chen po'i skyes bu'i mthur 'gyur ba lags/ bcom ldan 'das kyis bka' stsal pa/ rab 'byor 'di ji snyam du sems/ byang chub sems dpa' sems dpa' chen pos sngon byang chub sems dpa'i spyad pa spyod pa na/ gang sems can dmyal ba'am/ dud 'gro'i skye gnas sam/ gshin rje'i 'jig rten num/ mi 'ab/ lha dag las yongs su thar par bya ba'i sems can 'gar yang dmigs snyam mam/ gsol pa/ bcom ldan 'das de ni ma lags so// bka' stsal pa/ rab 'byor de de bzhin no// de de bzhin te/ byang chub sems dpa' sems dpa' chen pos/

  439. 220b

    gang khams gsum nas yongs su thar par bya ba'i sems can 'ga' yang mi dmigs so// de ci'i phyir zhe na/ 'di ltar des chos thams cad smra ba lta bu dang sprul pa lta bur shes shing mthong la/ rnam par rig pa'i phyir ro// gsol pa/ bcom ldan 'das gal te byang chub sems dpa' sems dpa' chen pos chos thams cad sgyu ma lta bu dang sprul pa lta bur 'tshal cing mthong la/ rnam par rig lags na/ byang chub sems dpa' sems dpa' chen po gang gi don du/ pha rol tu phyin pa drug dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / byang chub kyi phyogs kyi chos sum cu rtsa bdun dang / byang chub kyi lam la spyod cing / sangs rgyas kyi zhing yongs su dag par bgyid pa dang / sems can rnams yongs su smin par bgyid lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor gal te sems cad rnams rang rang gis chos thams cad rmi lam lta bu dang sprul pa lta bur shes su zin na ni/ byang chub sems dpa' sems dpa' chen po'ang sems can rnams kyi don du bskal pa grangs med par byang chub sems dpa'i spyad pa mi spyod pa zhig na/ rab 'byor 'di ltar sems can rnams rang rang gis chos thams cad rmi lam lta bu dang sprul pa lta bur mi shes te/ de'i phyir byang chub sems dpa' sems

  440. 221a

    dpa' chen pa bskal pamangs med par hrInA pa d+hAg pa ts+tsha ts+tshad+ha/ kyims can rnams pa sa sbyin par byed/ sbrus rgyas kyi zhing yongasas drug par byedas de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad rmi lam lta bu dang / mig mor wA bu dang / sgyu ma lta bu dang / mig rgyu lta bu dang / sprul pa lta bu lags na/ bcom ldan 'das sems can rnams kyang ci la gnas na/ byang chub sems dpa' sems dpa' chen po shes rab kyi pha rol phyin pa la spyod pas/ gang las spyod par bgyid lags/ bcom ldan 'das kyis bka' stsal pa/ rab 'byor sems can rnams ni yod pa ma yin pa'i ming dang mtshan ma dag la gnas pa na/ byang chub sems dpa' sems dpa' chen po shes rab kyi pha rol tu phyin pa la spyod pas/ de dag gi ming dang mtshan ma las spyod par byed do// de nas bcom ldan 'das la// tshe dang ldan pa rab 'byor gyis 'di skad ces gsol to/ / bcom ldan 'das ming ni gang lags/ mtshan ma ni gang lags/ bcom ldan 'das kyis bka' stsal pa/ rab 'byor 'di lta ste/ ming zhes bya ba dang / mtshan ma zhes bya ba ni glo bur du ming btags pa ste/ 'di lta ste/ ming zhes bya ba 'am/ mtshan ma zhes bya ba 'am/ gzugs shes bya ba 'am/ rnam par shes pa'i bar zhes bya ba

  441. 221b

    'am/ bud med ces bya ba 'am/ skyes pa zhes bya ba 'am/ khye'u zhes bya ba 'am/ bu mo zhes bya ba 'am/ sems can dmyal ba zhes bya ba 'am/ dud 'gro'i skye gnas pa zhes bya ba 'am// gshin rje'i 'jig rten pa zhes bya ba 'am/ lha zhes bya ba'am/ mi zhes bya ba 'am/ 'dus byas kyi chos shes bya ba 'am/ 'dus ma byas kyi chos shes bya ba 'am/ rgyun du zhugs pa'i 'bras bu zhes bya ba 'am/ lan cig phyir 'ong ba'i 'bras bu zhes bya ba 'am/ phyir mi 'ong ba'i 'bras bu zhes bya ba 'am/ dgra bcom pa nyid ces bya ba 'am/ rang sangs rgyas shes bya ba 'am yang dag par rdzogs pa'i sangs rgyas shes bya ba de dag ni bcos mar ming du btags pa'o/ / rab 'byor chos thams cad kyi rang bzhin ni ming ste/ gzhol ba'i phyir ro// 'dus byas thams cad ni ming tsam du zad na/ byis pa so so'i skye bo rnams de la chags pas/ de dag byang chub sems dpa' sems dpa' chen po shes rab kyi pha rol tu phyin pa la smod pa thabs la mkhas pas 'di skad du ming 'di ni yongs su rtogs pa kun nas bskyed pa yin pas rang bzhin gyis stong zhing / dngos po med pa la khyed cag yod pa ma yin par yongs su rtogs pas chags par ma byed cig/ mkhas pa rnams ni chos stong pa dag la mngon par zhen par mi byed do zhes kun nas 'bral bar byed de/ rab 'byor byang chub sems dpa' sems dpa' chen po shes rab kyi pha rol tu

  442. 222a

    phyin pa la spyod pa/ thabs la mkhas pas de ltar sems can rnams la chos ston par byed do// rab 'byor mtshan ma gang zhen/ rab 'byor gnyis po 'di dag gang la byis pa so so'i skye bo rnams chags par 'gyur ba'i mtshan ma ste/ gnyis gang zhe na/ gzugs kyi mtshan ma dang / gzugs med pa'i mtshan pa'o// rab 'byor de la gzugs kyi mtshan ma gang zhe na/ rab 'byor gzugs gang ci'ang rung ste/ rags pa 'am/ za ba 'am/ bzang ba'am/ ngan pa dag ste/ gang skad cig pa'i chos de dag thams cad la yongs su rtog pas 'dzin par byed pa de ni gzugs kyi mtshan ma zhes bya'o/ / gzugs med pa'i mtshan ma gang zhe na/ gzugs med pa'i chos gang ci'ang rung ste/ mtshan mar gzung zhing yongs su btags pa las nyon mongs pa skye ba de ni gzugs med pa'i mtshan ma zhes bya'o/ / de la byis pa so so'i skye bo rnams chags pas na/ byang chub sems dpa' sems dpa' chen po shes rab kyi pha rol tu byin pa la spyod pa thabs la mkhas pas de dag mtshan pa de dang phral nas/ mtshan ma med pa'i dngos po la 'jug cing 'god par byed de/ ci nas kyang 'di ni mtshan ma'o// 'di ni mtshan ma med pa'o zhes gnyis su mi ltung ba de ltar 'dzud cing de ltar 'god par byed do/ / rab 'byor byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas

  443. 222b

    bas/ de ltar sems can rnams mtshan ma dang phral nas/ mtshan ma med pa'i dbyings la 'dzud cing 'god par byed do// de ras bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos 'di dag thams cad de tsam du bas te/ 'di ltar mtshan ma ma mchis pa tsam du bas pa lags na/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa/ ji ltar bdag kyang dge ba'i chos rnams kyis bye brag tu 'bogs par 'gyur la/ gzhan dag kyang dge ba'i chos rnams kyis bye brag tu 'bogs pa la 'god par bgyid pa dang / sa nas sa yongs su rdzogs par bgyid cing / sems can rnams kyang de dag nyid la sbyor bar 'gying lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor gal te mtshan ma dngos po zhig yin te/ dngos po med pa ma yin par gyur na ni/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa de dge ba'i chos rnams kyis khyad par 'thob par mi 'gyur la/ gzhan dag kyang khyad par 'thob pa la 'god par ma 'gyur ba zhig na/ rab 'byor 'di ltar mtshan ma ni dngos po ma yin zhing dngos po med de/ rab 'byor de'i phyir byang chub sems dpa' sems dpa' chen po shes rab kyi pha rol tu phyin pa la spyod

  444. 223a

    pa mtshan ma med pa'i tshul gyis bsam gtan gyi pha rol tu phyin pa yongs su rdzogs par byed do/ / mtshan ma med pa'i tshul gyis brtson 'grus kyi pha rol tu phyin pa mongs su rdzogs par byed do/ / de bzhin du sbyar te/ mtshan ma med pa'i tshul gyis bzod pa'i pha rol tu phyin pa yongs su rdzogs par byed do// tshul khrims kyi pha rol tu phyin pa yongs su rdzogs par byed / / sbyin pa'i pha rol tu phyin pa yongs su rdzogs par byed do// tshad med pa rnams dang / gzugs med pa'i snyoms par 'jug pa rnams dang / dran pa nye bar gzhag pa rnams yongs su rdzogs par byed do/ / 'phags pa'i lam yan lag brgyad pa'i bar dag yongs su rdzogs par byed do// nang stong pa nyid yongs su rdzogs par byed do// phyi stong pa nyid yongs su rdzogs par byed do/ / phyi nang stong pa nyid yongs su rdzogs par byed do// de bzhin du sbyar te/ mtshan ma med pa'i tshul gyis dngos po med pa'i ngo bo nyid stong pa nyid kyi bar dag yongs su rdzogs par byed do// rnam par thar pa rnams yongs su rdzogs par byed do// mthar gyis gnas pa'i snyoms par 'jug pa rnams yongs su rdzogs par byed do// de bzhin du sbyar te/ mtshan ma med pa'i tshul gyis de bzhin gshegs pa'i stobs bcu yongs su rdzogs par byed do/ / sangs rgyas kyi chos ma 'dres pa bco brgyad kyi bar dag yongs su rdzogs par byed de/ des dge ba'i chos de dag

  445. 223b

    yongs su rdzogs par byas nas/ mtshan ma med pa'i tshul gyis gzhan dag kyang dge ba'i chos de dag la sbyor bar byed do// rab 'byor gal te chos rnams la tha na skra'i rtse mo'i cha shas bzhag pa tsam gyi mtshan ma zhig yod par gyur na'ang / rab 'byor byang chub sems dpa' sems dpa' chen po shes rab kyi pha rol tu phyin pa la spong ba/ mtshan ma med pa dang / dran pa med pa dang / yid la byed pa med pas chos rnams mngon par rdzogs par 'tshang rgya bar yang mi 'gyur la/ sems can rnams kyang zag pa med pa'i chos rnams la de bzhin nyid du 'god par yang mi 'gyur ba zhig na/ rab 'byor 'di ltar chos thams cad ni zag pa med cing / mtshan ma med pa dang / dran pa med pa dang / yid la byed pa med pa yin te/ rab 'byor de'i phyir byang chub sems dpa' sems dpa' chen po shes rab kyi pha rol tu phyin pa la spyod pa zag pa med pa'i chos rnams kyis sems can thams cad kyi don byed do/ / de nas bcom ldan 'das la tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad mtshan ma ma mchis shing // dran pa ma mchis la/ yid la bgyid pa ma mchis pa lags na/ bcom ldan 'das 'o na 'di dag ni zag pa dang bcas pa'i chos so// 'di dag ni zag pa med pa'i chos so// 'di dag ni thun mong gi chos so// 'di dag ni thun mong ma

  446. 224a

    yin pa'i chos so/ / 'di dag ni nyan thos kyi chos so// 'di dag ni rang sangs rgyas kyi chos so// 'di dag ni byang chub sems dpa'i chos so// 'di dag ni sangs rgyas kyi chos so zhes bgyi bar ji ltar bgrang bar bgyi lags/ de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di ji snyam du sems/ mtshan ma med pa'ang gzhan la/ nyan thos kyi chos rnams kyang gzhan zhig yin snyam mam/ gsol pa/ bcom ldan 'das der ma lags so// bka' stsal pa/ rab 'byor 'di ji snyam du sems/ mtshan ma med pa'ang gzhan la/ rang sangs rgyas kyi chos rnams kyang gzhan zhig yin snyam mam/ mtshan ma med pa'ang gzhan la/ byang chub sems dpa'i chos rnams kyang gzhan zhig yin snyam mam/ mtshan ma med pa'ang gzhan la/ sangs rgyas kyi chos rnams kyang gzhan zhig yin snyam mam/ gsol pa/ bcom ldan 'das de ni ma lags so/ / bka' stsal pa/ rab 'byor 'o na mtshan pa med pa nyid rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams yin nam/ gsol pa/ bcom ldan 'das de de lta lags so// bka' stsal pa/

  447. 224b

    rab 'byor rnam grangs des kyang 'di ltar chos thams cad ni mtshan ma med par rig par bya ste/ rab 'byor mtshan ma med pa'i chos de dag thams cad la slob pa'i byang chub sems dpa' sems dpa' chen po ni dge ba'i chos thams cad kyi rnam par 'phel bar 'gyur te/ 'di lta ste/ pha rol tu phyin pa drug dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / sangs rgyas kyi chos thams cad kyi bar dag gis rnam par 'phel bar 'gyur ro// de ci'i phyir zhe na/ 'di ltar byang chub sems dpa' sems dpa' chen pos ni stong pa nyid dang / mtshan ma med pa dang / smon pa med pa'i chos rnams la bslab par bya ba ma gtogs par/ bslab par bya ba gzhan med pa'i phyir ro// de ci'i phyir zhe na/ rab 'byor rnam par thar pa'i sgo gsum po 'dir dge ba'i chos thams cad 'dus pa'i phyir te/ 'di ltar rang gi mtshan nyid stong pa nyid ni rnam par thar pa'i sgo stong pa nyid yin no/ / mtshan ma dang bral ba ni rnam par thar pa'i sgo mtshan ma med pa yin no// mngon par 'du byed pa med pa ni rnam par thar pa'i sgo smon pa med pa yin te/ rnam par thar pa'i

  448. 225a

    blo gsum po de dag la slob pa'i byang chub sems dpa' sems dpa' chen po de ni phung po lnga la slob pa yin/ skye mched bcu gnyis la slob pa yin/ khams bco brgyad slothob yin/ gzugs med pa'i snyoms par 'jug pa bzhi la slob pa yin/ 'phags pa'i bden pa bzhi la skyob pa yin/ rten cing 'brel par 'byung ba yan lag bcu gnyis la slob pa yin/ nang stong pa nyid la slob pa yin/ phyi stong pa nyid la slob pa yin/ phyi nang stong pa nyid la slob pa yin/ dngos po med pa'i ngo bo nyid stong pa nyid kyi bar la slob pa yin/ de bzhin du sbyar te/ rol tu phyin pa drug la slob pa yin/ dran pa nye bar gzhag pa bzhi la slob pa yin/ 'phags pa'i lam yan lag brgyad pa'i bar la slob pa yin/ de bzhin gshegs pa'i stobs bcu la slob ba yin/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la slob pa yin no// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar nye bar len pa'i phung po lnga po dag la slob pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ gzugs rab tu shes te/ gzugs ji ltar skye ba dang /

  449. 225b

    gzugs ji ltar 'gag pa dang / gzugs kyi de bzhin nyid gang yin pa'ang rab tu shes so// gzugs ji ltar rab tu shes she na/ 'di lta ste/ dper na dbu ba rdos pa la snying po med bde bzhin du/ gzugs kyang shes shin tu gse chags dang / shin tu gsong ldong dang / shin tu snying po med par rab tu shes so// gzugs kyi skye ba ji ltar rab tu shes she na// gzugs ni ga nas 'o'ongo ba med la/ gzug ni gang du'ang 'gro ba med pas/ gang nas kyang mi 'ong/ gang du'ang mi 'gro ba de ltar gzugs kyi skye ba rab tu shes so// rab 'byor gang nas kyang ma 'ongs/ gang du'ang ma song ba de ltar gzugs kyi skye ba dang 'jig pa rab tu shes so/ / gzugs kyi de bzhin nyid ji ltar rab tu shes she na/ de bzhin nyid la skye ba med pa dang / 'gag pa med pa dang / 'ong ba med pa dang / 'gro ba med pa dang / kun nas nyon mongs pa med pa dang / rnam par byang ba med pa dang / 'phel ba med pa dang / 'grib pa med pa de ltar de bzhin nyid rab tu shes so// rab 'byor gzhan yang de bzhin nyid ni ma nor ba de bzhin nyid yin te/ de'i phyir de bzhin nyid ces bya'o// de la log pa nyid med pas/ de'i phyir yang de bzhin nyid ces bya ste/ de ltar gzugs kyi de bzhin nyid rab tu shes so// tshor ba ji ltar rab tu shes/ / tshor ba'i skye ba ji ltar rab tu shes/ tshor ba'i 'jig pa ji ltar rab tu shes/ tshor ba'i de bzhin nyid ji ltar rab tu shes she na/ 'di lta ste/ dper na chu'i chu bur gyi skye ba dang 'jig pa gsog

  450. 226a

    tu 'jug pa de ltar tshor ba rab tu shes so/ / de gang nas kyang 'ong ba med cing / gang du'ang 'gro ba med pa med pa de ltar tshor ba'i skye ba dang 'jig pa rab tu shes so// tshor ba'i de bzhin nyid ji ltar rab tu shes she na/ de bzhin nyid de ni ma nor ba de bzhin nyid de/ de ltar tshor ba'i de bzhin nyid rab tu shes so// 'du shes ji ltar rab tu shes she na/ 'di lta ste/ dper na smig rgyu'i tshogs la chu shin tu dmigs su med pa de ltar 'du shes rab tu shes so// de gang nas kyang 'ong ba med cing / gang du'ang 'gro ba med pa de ltar 'du shes kyi skye ba dang 'jig pa rab tu shes so/ / 'du shes kyi de bzhin nyid ji ltar rab tu shes she na/ tshor ba'i de bzhin nyid ji lta ba de ltar 'du shes kyi de bzhin nyid rab tu shes so// 'du byed rnams ji ltar rab tu shes she na/ 'di lta ste/ dper na chu shing shun pa so sor phye na ni snying po mi dmigs pa de ltar 'du byed rnams rab tu shes so// 'du byed rnams kyi skye ba dang 'jig pa ji ltar rab tu shes she na/ de gang nas kyang 'ong ba med cing / gang du'ang 'gro ba med pa de ltar 'du byed rnams kyi skye ba dang 'jig pa rab tu shes so// 'du byed rnams kyi de bzhin nyid ji ltar rab tu shes she na/ tshor ba'i de bzhin nyid ji lta ba de ltar 'du byed rnams kyi de bzhin nyid rab tu shes so// rnam par shes pa ji ltar rab tu shes she na/ 'di lta ste/ dper na sgyu ma mkhan

  451. 226b

    gyis sprul pa'i dpung gi tshogs yan lag bzhi pa ji lta ba de ltar rnam par shes pa rab tu shes so/ / de gang nas kyang 'ong ba med cing / gang du'ang 'gro ba med pa de ltar rnam par shes pa'i skye ba dang 'jig pa rab tu shes so/ / rnam par shes pa'i de bzhin nyid ji ltar rab tu shes she na/ tshor ba'i de bzhin nyid ji lta ba de ltar rnam par shes pa'i de bzhin nyid rab tu shes te/ de ltar na rnam par shes pa'i de bzhin nyid rab tu shes pa yin no/ / khams rnams ji ltar shes she na/ mig gi khams ni mig gi khams kyi ngo bo nyid kyis stong pa de ltar mig gi khams rab tu shes so/ / gzugs kyi khams ji ltar shes she na/ gzugs kyi khams ni gzugs kyi khams kyi ngo bo nyid kyis stong pa de ltar gzugs kyi khams rab tu shes so// mig gi rnam par shes pa'i khams ji ltar rab tu shes she na/ mig gi rnam par shes pa'i khams ni mig gi rnam par shes pa'i khams kyi ngo bo nyid kyis stong pa de ltar mig gi rnam par shes pa'i khams rab tu shes so/ / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang ro'i khams dang / lce'i rnam par ba'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams ji ltar rab tu shes she na/

  452. 227a

    yid kyi khams ni yid kyi khams kyi ngo bo nyid kyis stong pa de ltar yid kyi khams rab tu shes so// chos kyi khams ji ltar rab tu shes she na/ chos kyi khams ni chos kyi khams kyi ngo bo nyid kyis stong pa de ltar chos kyi khams rab tu shes so/ / yid kyi rnam par shes pa'i khams ji ltar rab tu shes she na/ yid kyi rnam par shes pa'i khams ni yid kyi rnam par shes pa'i khams kyi ngo bo nyid kyis stong pa de ltar yid kyi rnam par shes pa'i khams rab tu shes te/ de ltar na khams bco brgyad rab tu shes pa yin no// skye mched rnams ji ltar rab tu shes she na/ nang gi skye mched rnams ni na ci skye mched rnams kyi stong la/ phyi'i skyed mched rnams ni phyi'i skyed mched rnams kyis stong pa de ltar skye mched rnams rab tu shes so// 'phags pa'i bden pa rnams ji ltar rab tu shes she na/ sdug bsngal 'phags pa'i bden pa rab tu shes pa dang / kun 'byung ba dang / 'gog pa dang / lam 'phags pa'i bden pa rab tu shes pa'o/ / sdug bsngal 'phags pa'i bden par ji ltar rab tu shes she na/ sdug bsngal du rab tu shes pa dang / bden par rab tu shes pa dang / 'phags pa rnams kyi bden pa'o zhes rab tu shes laganyis las rnam par grol zhing / gnyis ma yin pa ni 'phags pa'i bden pa yin par rab tu shes pa ste/ kun 'byung ba'ang de bzhin/ 'gog pa'ang de bzhin/ sdug bsngal 'gog par

  453. 227b

    'gro ba'i lam yang de bzhin du 'phags pa'i bden par rab tu shes so/ / sdug bsngal gyi de bzhin nyid ji ltar rab tu shes she na/ sdug bsngal gyi de bzhin nyid ni de bzhin nyid yin pa de ltar sdug bsngal/ gyi de bzhin nyid rab tu shes te/ de bzhin du kun 'byung ba dang / 'gog pa dang / lam gyi de bzhin nyid kyang rab tu shes so// rten cing 'brel par 'byung ba ji ltar rab tu shes she na/ rten cing 'brel par 'byung ba ni skye ba med par rab tu shes so/ / de bzhin du rten cing 'brel bar 'byung ba 'gag pa med pa dang / chad pa med pa dang / rtag pa med pa dang / don gcig pa ma yin pa dang / don tha dad pa ma yin pa dang / 'ong ba med pa dang / 'gro ba med pa dang / spros pa med pa dang / zhi bar rab tu shes so// de nas bcom ldan 'das la/ tshe dang ldan ba rab 'byor gyis 'di skad ces gsol to/ / bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa phan tshun tha dad pa'i chos de dag de ltar rab tu 'tshal na/ bcom ldan 'das 'o na des chos kyi dbyings rnam par dkrugs par mi 'gyur lags sam/ bcom ldan 'das kyis bka' stsal pa/ rab 'byor gal te chos kyi dbyings su ma gtogs pa'i chos gzhan 'ga' zhig dmigs su yod na ni/ rnam par dkrugs par yang 'gyur na/ rab 'byor chos kyi dbyings su ma gtogs pa gang dmigs pas/ chos

  454. 228a

    kyi dbyings rnam par 'khrugs par 'gyur ba'i chos gzhan ni gang yang dmigs su med do/ / de ci'i phyir zhe na/ rab 'byor chos kyi dbyings su ma gtogs pa'i chos gzhan ni/ de bzhin gshegs pa'am/ de bzhin gshegs pa'i nyan thos rnams kyis kyang / gang yang ma dmigs pa'i phyir te/ ma dmigs pas na/ chos kyi dbyings su ma gtogs pa'i chos gzhan 'ga' tsam zhig dmigs su yod do zhes 'dogs par mi byed de/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ de ltar chos kyi dbyings la bslab par bya'o// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub ses dpa' sems dpa' chen po chos kyi dbyings la slob pas gang la bslabs pa lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor chos kyi dbyings la bslabs pa'i byang chub sems dpa' sems dpa' chen po ni chos thams cad la bslabs pa yin no// de ci'i phyir zhe na/ rab 'byor 'di ltar chos thams cad ni chos kyi dbyings yin pa'i phyir ro/ / gsol pa/ bcom ldan 'das ci'i slad du chos thams cad chos kyi dbyings lags/ bka' stsal pa/ rab 'byor 'di ltar de bzhin gshegs pa

  455. 228b

    rnams byung yang+gA rbad/ de bzhin gshegs pa rnams ma byung ya rlung / rgyas nan gyi dbyings 'di ni sher med pa'i tshul gyis gnas pa ste/ rab 'byor chos kyi dbyings de 'du 'di lta dge ba dang / mi dge ba dang / 'dus byas dang / 'dus ma byas kyi bar gyi chos thams cad yin te/ rab 'byor de ltar na byang chub sems dpa' sems dpa' chen po shes rab kyi pha rol tu byin pa la spyod pas/ chos kyi dbyings la bslabs na chos thams cad la bslabs pa yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad chos kyi dbyings lags na/ bcom ldan 'das 'o na byang chub sems dpa' sems dpa' chen pos shes rab kyi pha rol tu phyin pa la ji ltar bslab par bgyi/ de bzhin du ji ltar bsam gtan gyi pha rol tu phyin pa la bslab par bgyi/ ji ltar brtson 'grus kyi pha rol tu phyin pa la bslab par bgyi/ ji ltar bzod pa'i pha rol tu phyin pa la bslab par bgyi/ ji ltar tshul khrims kyi pha rol tu phyin pa la bslab par bgyi/ ji ltar sbyin pa'i pha rol tu phyin pa la bslab par bgyi/ de bzhin du ji ltar byang chub sems dpa' sems dpa' chen pos bsam gtan dang po la bslab par bgyi/ ji ltar bsam gtan gnyis pa dang / bsam gtan gsum pa dang / bsam gtan bzhi pa la bslab par

  456. 229a

    bgyi/ de bzhin du ji ltar byams pa la bslab par bgyi/ ji ltar snying rje dang / dga' ba dang / btang snyoms la bslab par bgyi/ de bzhin du ji ltar nam mkha' mtha' las skye mched dang / 'du shes med 'du shes med min skye mched kyi bar la bslab par bgyi/ de bzhin du ji ltar dran pa nye bar gzhag pa rnams la bslab par 'gyi/ de bzhin du ji ltar yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la bslab par bgyi/ ji ltar stong pa nyid la bslab par bgyi/ ji ltar mtshan ma med pa dang / smon pa med pa la bslab par bgyi/ ji ltar rnam par thar pa brgyad la bslab par bgyi/ ji ltar snyoms par 'jug pa rnams la bslab par bgyi/ de bzhin du ji ltar de bzhin gshegs pa'i stobs bcu la bslab par bgyi/ ji ltar mi 'jigs pa bzhi dang / so sa yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la bslab par bgyi/ ji ltar mngon par shes pa drug dang skyes bu chen po'i mtshan sum cu rtsa gnyis bsgrub pa'i slad du bslab par bgyi/ ji ltar dpe byad bzang po brgyad cu bsgrub par bgyi ba'i slad du bslab par bgyi/ ji ltar rgyal rigs shing

  457. 229b

    sA la chen po lta bu dag tu skye bar bgyi ba'i slad du bslab par bgyi/ ji ltar bram ze'i rigs shing sA la chen po lta bu dag tu skye bar bgyi ba'i slad du bslab par bgyi/ ji ltar khyim bdag gi rigs shing sA la chen po lta bu dag tu skye bar bgyi ba'i slad du bslab par bgyi/ ji ltar rgyal chen bzhi'i ris kyi lha rnams kyi nang du skye bar bgyi ba'i slad du bslab par bgyi/ ji ltar sum cu rtsa gsum pa'i lha rnams kyi nang du skye bar bgyi ba'i slad du bslab par bgyi/ ji ltar 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs ris kyi lha rnams dang / tshangs pa'i mdun na 'don dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / 'bras bu che dang / 'du shes ma mchis pa'i sems can rnams kyi nang du skye bar bgyi ba'i slad du bslab par bgyi/ ji ltar der mi skye bar bgyi ba'i spang du bslab par bgyi/ ji ltar gnas gtsang ma mi che ba dang / mi gdung ba dang / shin tu mthong ba dang / gya nom snang dang / 'og min gyi lha rnams kyi nang du skye bar bgyi ba'i slad du bslab par bgyiji ltar nam mkha' mtha' yas skye mched dang / 'du shes med 'du shes med min skye mched kyi bar dag la bslab par bgyi/ ji ltar sems dang po bskyed pa la bslab par bgyi/

  458. 230a

    lhur gnyis pa dang / gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa dang / sems bskyed pa bcu pa la bslab par bgyi/ ji ltar nyan thos kyi sa la bslab par bgyi/ ji ltar rang sangs rgyas kyi sa la bslab par bgyi/ ji ltar byang chub sems dpa'i sa la bslab par bgyi/ ji ltar sems can yongs su smin par bgyi ba la bslab par bgyi/ ji ltar sangs rgyas kyi zhing yongs su dag par bgyi ba la bslab par bgyi/ ji ltar gzungs kyi sgo thams cad la bslab par bgyi ji ltar ting nge 'dzin gyi sgo thams cad la bslab par bgyi/ ji ltar gang la bslab pas chos thams cad rnam pa thams cad du 'tshal bar 'gyur ba'i byang chub kyi lam la bslab par bgyi/ bcom ldan 'das chos kyi dbyings la ni rnam par rtog pa de dag ma mchis te/ bcom ldan 'das de'i slad du byang chub sems dpa' sems dpa' chen po phyin ci log gi spyod pa 'am/ ma spros pa spros par bgyid par mi 'gyur lags grang / de ci'i slad du zhe na/ bcom ldan 'das chos kyi dbyings la ni rnam par rtog pa de dag ma mchis pa'i slad du ste/ gzugs kyang chos kyi dbyings ma lags/ tshor ba dang / 'du shes dang / 'du byed rnams dang / rnam par shes pa'ang chos kyi dbyings ma lags la/ gzugs

  459. 230b

    las gud na'ang chos kyi dbyings ma mchis/ tshor ba dang / 'du shes dang / 'du byed rnams dang / rnam par shes pa las gud na'ang chos kyi dbyings ma mchis te/ gzugs nyid kyang chos kyi dbyings lags la/ chos kyi dbyings nyid kyang gzugs lags so// rnam par shes pa'i bar nyid kyang chos kyi dbyings lags la/ chos kyi dbyings nyid kyang rnam par shes pa lags so/ / ji ltar nang gi chos bsgres pa de bzhin du/ chos thams cad la'ang sbyar bar bgyi'o// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor de de bzhin te/ de de bzhin no// ji skad smras pa bzhin te/ rab 'byor gzugs nyid chos kyi dbyings so// tshor ba dang / 'du shes dang / 'du byed rnams dang / rnam par shes pa nyid kyang chos kyi dbyings so// chos kyi dbyings nyid kyang gzugs so// chos kyi dbyings nyid kyang tshor ba dang / 'du shes dang / 'du byed rnams dang / rnam par shes pa ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ gal te chos kyi dbyings su ma gtogs pa'i chos 'ga' zhig mthong na ni/ bla na med pa yang dag par rdzogs pa'i byang chub la gnas par yang mi 'gyur ba zhig na/ 'di ltar chos thams

  460. 231a

    cad chos kyi dbyings yin te/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ chos thams cad chos kyi dbyings su yang dag pa ji lta ba bzhin du rab tu shes so/ / byang chub sems dpa' sems dpa' chen po shes rab kyi pha rol tu phyin pa la spyod pa/ chos de dag thams cad chos kyi dbyings su yang dag ba ji lta ba bzhin du rab tu shes nas kyang / ming med pa'i chos rnams la 'di ni gzugs so// 'di ni tshor ba'o// 'di ni 'du shes so// 'di ni 'du byed rnams so// 'di ni rnam par shes pa'o zhes bya ba dang / de bzhin du sbyar te/ 'di ni byang chub bo zhes bya ba'i bar du ming dang brdas ston par byed do// rab 'byor 'di lta ste/ dper na sgyu ma mkhan nam/ sgyu ma mkhan gyi slob ma mkhas pa zhig gis rdzas kyi rnam pa gang yang rung ba zhig la byin gyis brlabs na/ gzugs rnam pa sna tshogs 'di lta ste/ bud med kyi gzugs sam/ skyes pa'i gzugs sam/ glang po che'i gzugs sam/ rta'i gzugs sam/ glang gi gzugs sam/ skyed mos tshal lam/ kun dga'i ra ba nyams dga' ba dag gam/ chu klung nyams dga' ba dag gam/ rdzing bu nyams dga' ba dag nye bar ston te/ der gding ba dang ro dbyangs sna tshogs bting ba dag kyang nye bar bstan nas/ me tog dang / me tog 'greng gi yon tan dang

  461. 231b

    bza' ba dang / bca' ba dag kyang kun tu bstan/ glu dbyangs dang rol mo mang pos skye bo dga' bar byed pa dag kyang kun tu bstan nas/ sbyin pa sbyin par byed pa'am/ tshul khrims srung ba 'am/ bzod pa sgrub pa 'am/ brtson 'grus rtsom pa 'am/ ting nge 'dzin gyi rnam par rtse ba 'am/ shes rab sgom par byed pa'am// des der rnam pa de lta bu ngag gis rgyal rigs shing sA la chen po lta bu dag gam/ bram ze'i rigs shing sA la chen po lta bu dag gam/ khyim bdag gi rigs shing sA la chen po lta bu dag kyang bstan tam rgyal chen bzhi'i ris kyi lha dag bstan tam/ ri rab bstan tam/ sum cu rtsa gsum pa'i lha dag bstan tam/ 'thab bram lam/ dga' ldan nam/ 'phrul dga' 'am/ gzhan 'phrul dbang byed kyi lha dag bstan tam/ gzugs med pa 'am/ 'du shes med 'du shes med min skye mched du nye bar 'gro ba'i bar gyi lha dag bstan tam/ rgyun du zhugs pa'am/ lan cig phyir 'ong ba 'am/ phyir mi 'ong ba 'am/ dgra bcom pa'am/ rang sangs rgyas gang yin pa de dag bstan tam/ byang chub sems dpa' sems dpa' chen po gang dag sems dang po bskyed pa nas bzung ste/ sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang // brtson

  462. 232a

    'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang / sa dang po la spyod pa dang / bcu pa'i bar la spyod pa dang / byang chub sems dpa'i skyon med pa la 'jug pa dang / mngon par shes pa rnams mngon par sgrub cing / de dag gis rnam par rtse ba dang // sems can rnams yongs su smin par byed pa dang / sangs rgyas kyi zhing yongs su dag par byed pa dang / bsam gtan dang / rnam par thar pa dang / ting nge 'dzin dang / snyoms pabar 'jug pa dag gis rnam par rtse ba dang / yan lag dang nying lag dag yongs su gtong ba dang / dka' ba spyod pa dang / 'jig rten gyi khams snang bar byed pa dang / de bzhin gshegs pa'i stobs bcu sgrub par byed pa dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po mngon par bsgru pa dag bstan tam/ sangs rgyas kyi sku'i yan lag dang nying lag thams cad yongs su rdzogs pa dag bstan na/ de la sems can byis pa'i rang bzhin can dag ni/ 'di snyam du kye ma mi 'dis ci tsam du 'di lta ste/ gzugs rnam pa sna tshogs dag dang / de bzhin du sbyar te/ sangs rgyas kyi sku'i bar dag bstan pas/ skye bo 'di dag yang dag par 'dzin cing /

  463. 232b

    nas kyang mdzes dgu sha sngags byed pa ni shin tu legs par bslabs pa yin no snyam du shes so// de nas mi gang dag mkhas pa'i rang bzhin can gsal zhing yid gzhungs la/ gzugs de dag la spyod pa dang ldan pa de dag ni'i snyam du 'di la chos gang yang dmigs su med na/ mi 'dis yod pa ma yin pa'i chos rnams kyis skye bo'i tshogs 'di dag dga' bar byed pa dang // 'di ltar 'di ni de dag la skye bo 'di dag ni rdzas med pa la rdzas su 'du shes pa yin no snyam pa'i shes pa 'byung ba ni ngo mtshar rmad du byung ba'i chos yin no snyam mo// rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'ang / chos kyi dbyings su ma gtogs pa'i chos gzhan gang yang mi mthong na/ shes rab kyi pha rol tu phyin pa la spyod pa la sem can dang sems can du gdags pa'ang mi dmigs mod kyi/ de thabs la mkhas pa dang ldan pas bdag kyang sbyin pa sbyin par byed la/ gzhan dag kyang sbyin pa la sbyor bar byed cing / sbyin pa'i bsngags pa'ang brjod la/ gzhan gang dag sbyin pa sbyin par byed pa de dag gi bsngags pa'ang rjod cing / rjes su dga' bar byed / / bdag kyang tshul khrims srung bar byed/ bdag kyang bzod pa sgom par byed/ bdag kyang brtson 'grus rtsom par byed/ bdag kyang bsam gtan la mnyam par 'jog

  464. 233a

    par byed/ bdag kyang shes rab sgom par byed la/ gzhan dag kyang shes rab la sbyor bar byed cing / shes rab kyi bsngags pa'ang brjod la/ gzhan gang dag shes rab sgom par byed pa de dag gi bsngags pa'ang rjod cing / rjes su dga' bar byed do// de bzhin du sbyar te/ bdag kyang dge ba bcu'i las kyi lam yang dag par 'dzin la gzhan dag kyang dge ba bcu'i las kyi lam yang dag par 'dzin du 'jug cing / rjes su dga' ba'i bar du byed do// bdag kyang bslab pa'i gzhi lnga yang dag par 'dzin par byed cing // rjes su dga' ba'i bar du byed do/ / bdag kyang yan lag brgyad dang ldan pa'i gso sbyong la gnas par byed cing / rjes su dga' ba'i bar du byed do// bdag kyang bsam gtan dang po dang / bsam gtan bzhi pa'i bar dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / 'du shes med 'du shes med min skye mched kyi bar dag bsgrubs te gnas shing / rjes su dga' ba'i bar du byed do// bdag kyang dran pa nye bar gzhag pa rnams dang / 'phags pa'i lam yan lag brgyad pa'i bar dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin

  465. 233b

    gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / skyes bu chen po'i mtshan sum cu rtsa gnyis dang / dpe byad bzang po brgyad cu sgom zhing rjes su dga' ba'i bar du byed do// rab 'byor gal te chos kyi dbyings sngon ji lta bar phyis kyang de bzhin ma yin la bar dag tu'ang de bzhin ma yin du zin na ni/ byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas chos kyi dbyings rjod pa dang sems can yongs su smin par byed pa dang / sangs rgyas kyi zhing yongs su dag par byed par mi 'gyur ba zhig na/ rab 'byor 'di ltar chos kyi dbyings ni sngon ji lta bar phyis kyang de bzhin la/ bar du'ang de bzhin te/ rab 'byor de'i phyir byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas/ sems can rnams kyi don du byang chub sems dpa'i spyad pa spyod par byed do/ / shes rab kyi pha rol tu phyin pa khri brgyad stong pa las/ chos thams cad mnyam pa nyid du bstan pa'i le'u zhes bya ste 'dun cu rtsa bzhi pa'o/ / // de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te sems can

  466. 234a

    shin tu dmigs su ma mchis la/ sems can du gdags pa'ang ma mchis na/ gang gi don du byang chub sems dpa' sems dpa' chen po shes rab kyi rol tu phyin pa la spyod par bgyid lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po ni/ yang dag pa'i mtha' tshang mar byas nas shes rab kyi pha rol tu phyin pa la spyod do// rab 'byor gal te yang dag pa'i mtha' yang gzhan la/ sems can gyi mtha' yang gzhan pa zhig yin na ni/ byang chub sems dpa' sems dpa' chen po shes rab kyi pha rol tu phyin pa la spyod par yang mi 'gyur ba zhig na/ rab 'byor 'di ltar yang dag pa'i mtha' yang gzhan ma yin la/ sems can gyi mtha' yang gzhan ma yin te/ de'i phyir byang chub sems dpa' sems dpa' chen po sems can rnams kyi don du shes rab kyi pha rol tu phyin pa la spyod par byed do/ / rab 'byor byang chub sems dpa' sems dpa' chen po shes rab kyi pha rol tu phyin pa la spyod pa yang dag pa'i mtha' rnam par 'khrug pa med pas/ sems can rnams yang dag pa'i mtha' la 'god par byed do/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan

  467. 234b

    'das gal te yang dag pa'i mtha' nyid kyang sems can gyi mtha' lags na/ 'o na ji ltar yang dag pa'i mtha' la yang dag pa'i mtha' gnas par 'gyur lags/ bcom ldan 'das gal te yang dag pa'i mtha' la yang dag pa'i mtha' gnas par 'gyur na ri/ de ltar na ngo bo nyid la ngo bo nyid gnas par 'gyur te/ bcom ldan 'das ngo bo nyid la ngo bo nyid gnas pa ni ma mchis lags na/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar sems can gyi mtha' yang dag pa'i mtha' la 'god par bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor yang dag pa'i mtha' yang yang dag pa'i mtha' la mi gnas la/ ngo bo nyid kyang ngo bo nyid la mi gnas mod kyi/ rab 'byor 'on kyang byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sems can gyi mtha' yang dag pa'i mtha' la 'god cing / yang dag pa'i mtha' rnam par 'khrug par yang mi byed de/ rab 'byor de ltar na yang dag pa'i mtha' yang gzhan ma yin la/ sems can gyi mtha' yang gzhan ma yin te/ yang dag pa'i mtha' dang sems can gyi mtha' 'di ni gnyis su med de gnyis su byar med cing tha mi dad de gcad du med do// de skad ces bka' stsal pa dang / bcom ldan 'das

  468. 235a

    la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pa gang dang ldan pas/ sems can rnams yang dag pa'i mtha' la 'god kyang / yang dag pa'i mtha' rnam par 'khrug par yang mi bgyid pa'i byang chub sems dpa' sems dpa' chen po'i thabs la mkhas pa de gang lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa sems dang po bskyed pa nas gzung ste/ sems can rnams sbyin pa'i pha rol tu phyin pa la 'god par byed do/ / sbyin pa'i pha rol tu phyin pa la bkod nas kyang / sbyin pa de sngon gyi mtha' dang / phyi ma'i mtha' dang / dbus ston par byed de/ ji ltar sbyin pa 'di'i sngon gyi mtha' yang stong la/ phyi mo'i mtha' yang stong zhing / dbus kyang stong pa de bzhin du/ sbyin pa 'di'ang stong ngo // sbyin pa'i 'bras bu'ang stong ngo // sbyin bdag kyang stong ngo // len pa po'ang stong ste/ rigs kyi bu de ltar dadon de dag thams cad ni yang dag pa'i mtha' la yod pa ma yin gyis/ sbyin pa'ang gzhan la/ sbyin pa'i

  469. 235b

    'bras bu'ang gzhan no snyam du ma sems shig/ sbyin bdag kyang gzhan la/ len pa po'ang gzhan no snyam du ma sems shig/ rigs kyi bu khyod gang gi tshe/ sbyin pa'ang gzhan la/ sbyin pa'i 'bras bu'ang gzhan no snyam du mi sems la/ sbyin bdag kyang gzhan la/ len pa po'ang gzhan no snyam du mi sems bde'i tshe/ khyod kyi sbyin pa 'di ni gnyis ka la bdud rtsir 'gyur te/ bdud rtsi'i 'bras bu dang / bdud rtsi'i mtha' sbyin par byed kyis/ khyed sbyin pa 'dis gzugs yongs su ma 'dzin cig/ tshor ba dang / 'du shes dang / 'du byed rnams dang / rnam par shes pa yongs su ma 'dzin cig/ de ci'i phyir zhe na/ 'di ltar khyod kyi sbyin pa 'di ni sbyin pa'i ngo bo nyid kyis stong / 'bras bu de'ang 'bras bu'i ngo bo nyid kyis stong / sbyin bdag kyang sbyin bdag gi ngo bo nyid kyis stong / len pa po'ang len pa po'i ngo bo nyid kyis stong pas na/ stong pa nyid la ni sbyin pa'ang dmigs su med la/ sbyin pa'i 'bras bu dang / sbyin bdag dang / len pa po'ang dmigs su med pa'i phyir ro// de ci'i phyir zhe na/ 'di ltar chos de dag ni ngo bo nyid kyis shin tu stong pa'i phyir ro/ zhes ston to// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sems can

  470. 236a

    rnams tshul khrims la rab tu 'god de/ rigs kyi bu tshur shog/ khyod kyis srog gcod pa spongs la/ srog gcod pa las phyir ldog par gyis shig de bzhin du sbyar te/ khyod kyis log par lta ba'i bar du spongs la/ log par lta ba las phyir ldog par gyis shig/ rigs kyi bu chos 'di dag thams cad la ji lta ba khyod kyis yongs su brtags pa de lta bu'i rang bzhin gang yang med kyis/ rigs kyi bu chos 'di dag la gang srog gcad par bya ba'i srog chags dang / gang gis srog gcad par bya ba'i chos de dag gang yin zhes nye bar rtogs shig/ log par lta ba'i bar la'ang de bzhin du sbyar bar bya'o zhes ston te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pa de lta bu dang ldan pas sems can rnams yongs su smin par byed cing / sbyin pa dang tshul khrims kyi 'bras bu'ang ston la/ sbyin pa'i 'bras bu dang / tshul khrims kyi 'bras bu de'ang ngo bo nyid kyis stong par bstan pas/ rigs kyi bu des sbyin pa'i 'bras bu dang / tshul khrims kyi 'bras bu de dag 'bras bu'i ngo bo nyid kyis stong par rig nas/ de la mngon par zhen par mi byed do// mngon par zhen pa med pas rnam par g.yeng ba med pa bskyed nas shes rab skyed par byed do// shes rab des bag la nyal dang / kun

  471. 236b

    ldang ba thams cad spangs nas/ phung po lhag pa med pa'i mya ngan las 'das pa'i dbyings su yongs su mya ngan las 'das te/ de'ang 'jig rten gyi tha snyad min dgyi/ don dam par ni ma yin no/ / de ci'i phyir zhe na/ stong pa nyid la ni gang yongs su mya ngan las 'da' ba'am/ gang yongs su mya ngan las 'das pa'i chos gang yang dmigs su med pa'i phyir te/ gzhan du na de'i yongs su mya ngan las 'das pa de ni/ 'di lta ste/ mtha' las 'das pa stong pa nyid yin no// // shes rab kyi pha rol tu phyin pa 'phags pa khri brgyad stong pa bam po lnga bcu rtsa gsum pa/ / // rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ sems can gzhan rnams dang / gang zag gzhan dag phan tshun 'khrug cing gnod sems su gyur pa dag mthong na/ 'di skad du 'doms shing rjes su ston par byed do// rigs kyi bu tshur shog/ gang khyed gnod sems su byed pa'i chos de dag thams cad ni rang bzhin gyis stong pa yin gyis/ khyed cag bzod pa sgrubs shig/ bzod pa sgoms shig/ dang du len pa'i rang bzhin can du gyis shig/ kye gang la gnod sems su bya ba dang / gang gnod sems su byed pa dang / gang gis gnod sems su byed pa'i chos de dag thams cad rang bzhin gyis stong pa nyid du nye bar rtogs shig/ rang bzhin

  472. 237a

    gyis stong pa gang yin pa de ni nam yang mi stong par mi 'gyur te/ de ni de bzhin gshegs pa rnams kyis ma mdzad/ rang sangs rgyas rnams dang / nyan thos rnams dang / byang chub sems dpa' rnams dang / lha rnams dang / klu rnams dang / gnod sbyin rnams dang / dri za rnams dang / mi 'am ci rnams dang / lto 'phye chen po rnams dang / rgyal chen bzhi'i ris kyi lha rnams dang / gzhan 'phrul dbang byed kyi bar gyi lha rnams dang / tshangs pa rnams dang / dge rgyas kyi bar dag dang / gnas gtsang ma rnams dang / 'du shes med 'du shes med min skye mched du nye bar 'gro ba'i bar dag gis kyang ma byas te/ rigs kyi bu gang la gnod sems su bya ba dang / gang gnod sems su byed pa dang / gang gis gnod sems su byed pa'i chos de dag thams cad rang bzhin gyis stong pa nyid yin par nye bar rtogs shig dang / stong pa nyid ni gang la'ang gnod sems su byed par mi 'gyur ro zhes/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas de ltar sems can rnams rang bzhin gyis stong pa nyid la sbyor bar byed cing / rgyu dang 'bras bu la'ang sbyor bar byed do// rang bzhin gyis stong pa nyid la sbyor ba na/ rim gyis bla na med pa yang dag par rdzogs pa'i

  473. 237b

    byang chub la yang dag par dga' bar byed/ yang dag par 'dzin du 'jug par byed/ 'god par byed de/ de'ang 'jig rten gyi tha snyad yin gyi/ don dam par ni ma yin no// de ci'i phyir zhe na/ rang bzhin gyis stong pa nyid la ni gang thob par bya ba dang / gang thob par byed pa dang / gang gis thob par byed pa'i chos de dag thams cad dmigs su med pa'i phyir ro/ / rab 'byor sems can rnams kyi don du byang chub sems dpa' sems dpa' chen po yang dag pa'i mtha' gang shes rab kyi pha rol tu phyin pa la spyod pa 'di ni/ rang bzhin gyis stong pa nyid yin te/ de la ni sems can yang mi dmigs/ sems can du gdags pa'ang mi dmigs so// de ci'i phyir zhe na/ chos thams cad ni sems can gyis dben pa'i phyir ro/ / rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ sems can brtson 'grus zhan bdag mthong na thabs la mkhas pas lus dang sems kyi brtson 'grus yang dag par 'dzin du 'jug ste/ rigs kyi bu rang bzhin stong pa nyid la ni gang la zhum par 'gyur ba dang / gang zhum par 'gyur ba dang / gang gis zhum par 'gyur ba'i chos gang yang yod pa ma yin te/ chos de dag thams cad ni rang bzhin gyis stong pa nyid las rnam

  474. 238a

    par mi 'da' ba yin gyis/ khyod lus dang sems kyi brtson 'grus bskyed cing le lo spangs la/ 'di lta ste/ dge ba'i chos sbyin pa'am/ tshul khrims sam/ bzod pa'am/ brtson 'grus sam/ ting nge 'dzin tam/ shes rab bam/ bsam gtan dang / rnam par thar pa dang / ting nge 'dzin dang / snyoms par 'jug pa rnams sam dran pa nye bar gzhag pa rnams sam/ 'phags pa'i lam yan lag brgyad pa'i bar dag gam/ stong pa nyid dam/ mtshan ma med pa 'am/ smon pa med pa 'am/ sangs rgyas kyi chos thams cad kyi bar dag la brtson par gyis shig/ rigs kyi bu stong pa nyid kyis chos de dag sgrib pa med par ltos shig dang / sgrib pa med pa'i chos rnams la zhum par 'gyur ba gang yang med do zhes/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas de ltar sems can rnams rang bzhin gyis stong pa nyid yang dag par 'dzin du 'jug cing / 'dzud la 'god par byed de/ ci nas kyang gnyis su med pa de ltar 'god par byed do// de ci'i phyir zhe na/ rang bzhin gyis stong pa nyid ni gnyis su med cing gnyis su byar med de/ gnyis su med pa la ni zhum par 'gyur ba gang yang med pa'i phyir ro// rab 'byor gzhan yang byang chub sems dpa' sems

  475. 238b

    dpa' chen po shes rab kyi pha rol tu phyin pa la spyod pa/ sems can rnams rang bzhin gyis stong pa nyid kyi brtson 'grus la 'doms shing rjes su ston par byed de/ rigs kyi bu tshur shog/ sbyin pa'am/ tshul khrims sam/ bzod pa 'am/ brtson 'grus sa ma/ ting nge 'dzin tam/ shes rab bam/ dran pa nye bar gzhag pa rnams sam/ 'phags pa'i lam yan lag brgyad pa'i bar ram/ bsam gtan dang / rnam par thar pa dang / ting nge 'dzin dang / snyoms par 'jug pa rnams sam/ de bzhin gshegs pa'i stobs bcu 'am/ mi 'jigs pa bzhi 'am/ so so yang dag par rig pa bzhi 'am/ byams pa chen po 'am/ snying rje chen po 'am/ sangs rgyas kyi chos ma 'dres pa bco brgyad kyi bar dag la brtson par gyis la/ chos de dag la gnyis su'ang yid la ma byed cig/ gnyis ma yin par yang yid la ma byed cig/ de ci'i phyir zhe na/ chos de dag thams cad ni rang bzhin gyis stong ba ste/ rang bzhin gyis stong pa la ni gnyis dang gnyis ma yin par yid la bya ba med pa'i phyir ro zhes/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas byang chub sems dpa'i spyad pa spyod pa na sems can rnams yongs su smin par byed de/ yongs su smin par byas nas kyang / rim gyis rgyun du zhugs

  476. 239a

    pa'i 'bras bu la 'god par byed/ lan cig phyir 'ong ba'i 'bras bu la 'god par byed/ phyir mi 'ong ba'i 'bras bu la 'god par byed// dgra bcom pa nyid la 'god par byed/ rang byang chub la 'god par byed cing / bla na med pa yang dag par rdzogs pa'i byang chub la'ang 'god par byed do// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sems can rnams kyi don byed cing / ting nge 'dzin sgom pa la 'jug par byed de/ rigs kyi bu tshur shog/ khyod rnam par g.yeng ba'i 'du shes su'ang ma byed par ting nge 'dzin sgoms shig/ de ci'i phyir zhe na/ chos de dag thams cad ni rang bzhin gyis stong pa ste/ rang bzhin gyis stong pa nyid la ni gang rnam par g.yeng ba 'am/ rtse gcig tu bya ba'i chos gang yang dmigs su med pa'i phyir te/ khyod ting nge 'dzin 'di la gnas shing / rang bzhin gyis stong pa nyid la spyod na/ lus sam/ ngag gam/ yid kyi dge ba'i chos gang ci byed kyang rung ste/ sbyin pa gtong ngam/ tshul khrims srung ngam/ bzod pa sgrub bam/ brtson 'grus rtsom mam/ ting nge 'dzin la snyoms par 'jug gam/ shes rab sgom mam/ dran pa nye bar gzhag pa rnams la spyod dam/ 'phags pa'i lam yan

  477. 239b

    lag brgyad pa'i bar dag sgom mam/ rnam par thar pa'i sgo rnams sam/ ting nge 'dzin rnams sam/ snyoms par 'jug pa rnams sam/ de bzhin gshegs pa'i stobs bcu 'am/ mi 'jigs pa bzhi 'am/ so so yang dag par rig pa bzhi 'am/ byams pa chen po 'am/ snying rje chen po 'am/ sangs rgyas kyi chos ma 'dres pa bco brgyad dam/ skyes bu chen po'i mtshan sum cu rtsa gnyis sam/ dpe byad bzang po brgyad cu 'am/ nyan thos kyi lam mar/ rang sangs rgyas kyi lam mam/ byang chub sems dpa'i lam mam/ sangs rgyas kyi lam mam/ rgyun du zhugs pa'i 'bras bu 'am/ lan cig phyir 'ong ba'i 'bras bu'am/ phyir mi 'ong ba'i 'bras bu 'am/ dgra bcom pa nyid dma'arang byang chub bam/ rnam pa thams cad mkhyen pa nyid sgom mam/ sems can yongs su smin par byed dam/ sangs rgyas kyi zhing yongs su dag par byed kyang rung ste/ khyod kyis dge ba'i chos de dag tshegs chung ngus grub par 'gyur ro zhes/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sems can rnams kyi don byed de/ sems dang po bskyed pa nas gzung ste/ nam du'ang bya ba ma yin pa mi byed par dge ba ci yin zhes tshol zhing / rtag tu rgyun mi 'chad par sangs rgyas

  478. 240a

    bcom ldan 'das rnams la bsnyen bkur bya ba'i phyir/ sangs rgyas kyi zhing nas sangs rgyas kyi zhing du 'gro'o// sangs rgyas bcom ldan 'das de dag las chos gang thos pa de'ang bla na med pa yang dag par rdzogs pa'i byang chub mngon par rdzogs par sangs rgyas kyi bar du tshe rabs brjes su zin kyang / nam du'ang chud mi za bar 'gyur zhing / rtag tu gzungs 'thob pa'am/ lus kyi dbang po 'am/ ngag gi dbang po 'am/ yid kyi dbang po'ang rung ste/ dbang po rtul bar mi 'gyur ro// de ci'i phyir zhe na/ 'di ltar des rtag tu rgyun mi 'chad par rnam pa thams cad mkhyen pa nyid shin tu bsgoms pa'i phyir te/ des rnam pa thams cad mkhyen pa nyid shin tu bsgoms pa des/ lam thams cad kyang shin/ tu bsgoms pa yin te/ nyan thos kyi lam mam/ rang sangs rgyas kyi lam mam/ byang chub sems dpa'i lam mam/ sangs rgyas kyi lam dag kyang shin tu bsgoms pa yin no// mngon par shes pa gang dag byang chub sems dpa' sems dpa' chen po la chud mi za ba'i tshul gyis phan par 'gyur ba de dag kyang shin tu bsgoms pa yin te/ de rnam par smin pa las byung ba'i mngon par shes pa de dag la gnas nas sems can rnams kyi don byed do/ / 'gro ba lnga'i 'khor ba na 'khor yang yongs su nyams par mi 'gyur te/ rab 'byor de ltar byang

  479. 240b

    chub sems dpa' sems dpa' chen po shes rab kyi pha rol tu phyin pa la spyod pa rang bzhin gyis stong pa nyid la gnas te sems can rnams kyi don byed do/ / rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa rang bzhin gyis stong pa nyid la gnas nas/ thabs la mkhas pas sems can rnams kyi don byed de/ de shes rab kyi pha rol tu phyin pa shin tu bsgoms pas/ sems can rnams la 'di skad 'doms shing rjes su ston par byed de/ rigs kyi bu tshur shog/ khyod lus sam/ ngag gam/ yid kyis las gang byed kyang rung ste/ de dag thams cad rang bzhin gyis stong pa nyid du so sor rtogs shig dang / khyod kyi las de dag bdud rtsir 'gyur zhing // bdud rtsi'i 'bras bu dang / bdud rtsi'i mthar 'gyur te/ rang bzhin gyis stong pa nyid la ni gang mngon par zhen pa 'am/ yongs su nyams par 'gyur ba'i chos gang yang dmigs su med do/ / de ci'i phyir zhe na/ rang bzhin gyis stong pa nyid ni yongs su nyams par mi 'gyur la/ rang bzhin gyis stong pa nyid las yongs su nyams par 'gyur ba'i chos gang yang med pa'i phyir ro/ / de ci'i phyir zhe na/ 'di ltar rang bzhin gyis stong pa nyid ni dngos po'ang ma yin/ dngos po med pa'ang ma yin pa'i phyir te/ dngos po med pa'i ngo bo nyid kyi

  480. 241a

    chos rnams las ci zhig yongs su nyams par 'gyur zhes/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa de ltar sems can rnams la 'doms shing rjes su ston par byed de/ rang bzhin gyis stong pa nyid la 'dzud par byed do// de de ltar 'doms shing / de ltar rjes su ston pa dang / rang bzhin gyis stong pa nyid la 'dzud par byed pa'i tshe/ nam du'ang bya ba ma yin pa mi byed de/ de bdag kyang rtag par rgyun du dge ba bcu'i las kyi lam yang dag par 'dzin par byed la gzhan dag kyang dge ba bcu'i las kyi lam yang dag par 'dzin du 'jug go/ de bzhin du bdag kyang bslab pa'i gzhi lnga dang / yan lag brgyad dang ldan pa'i gso sbyong gi bar dag la gnas par byed la/ gzhan dag kyang yang dag par 'dzin du 'jug go/ bdag kyang bsam gtan dang po la snyoms par 'jug la/ gzhan dag kyang bsam gautan dang po la snyoms par 'jug pa yang dag par 'dzin du 'jug go/ / bdag kyang bsam gtan bzhi pa'i bar dag la snyoms par 'jug la/ gzhan dag kyang bsam gtan bzhi pa'i bar dag la snyoms par 'jug pa yang dag par 'dzin du 'jug go/ de bdag kyang rtag par rgyun du byams pa la gnas pa yin zhing / gzhan dag kyang rtag par rgyun du byams pa bsgom pa yang

  481. 241b

    dag par 'dzin du 'jug go/ / bdag kyang btang snyoms kyi bar dag sgom la/ gzhan dag kyang btang snyoms kyi bar dag bsgom pa yang dag par 'dzin du 'jug go// bdag kyang 'du shes rer 'du shes med min skye mched kyi snyoms par 'jug pa'i bar dag la snyoms par 'jug la/ gzhan dag kyang 'du shes med 'du shes med min skye mched kyi snyoms par 'jug pa la snyoms par 'jug pa yang dag par 'dzin du 'jug go/ / bdag kyang dran pa nye bar gzhag pa bzhi la sgom la/ gzhan dag kyang dran pa nye bar gzhag pa bzhi bsgom pa yang dag par 'dzin du 'jug ste/ 'dul zhing 'dzud la 'god par byed do// bdag kyang 'phags pa'i lam yan lag brgyad pa'i bar dag skom la/ gzhan dag kyang 'phags pa'i lam yan lag brgyad pa'i bar dag bsgom pa yang dag par 'dzin du 'jug go/ / bdag kyang de bzhin gshegs pa'i stobs bcu la slob la/ gzhan dag kyang de bzhin gshegs pa'i stobs bcu la bslab pa yang dag par 'dzin du 'jug ste/ 'dul zhing 'dzud la 'god par byed do// bdag kyang dpe byad bzang po brgyad cu'i bar dag la sgrub pa la slob la/ gzhan dag kyang dpe byad bzang po brgyad cu bsgrub pa yang dag par 'dzin du 'jug ste/ 'dul zhing 'dzud la 'god par byed do// bdag kyang rgyun du zhugs pa'i 'bras bu la shes pa skyed cing / de la gnas par yang mi byed la/ gzhar dag

  482. 242a

    kyang rgyun du zhugs pa'i 'bras bu'i shes pa la 'god par byed do/ / bdag kyang dgra bcom pa nyid kyi bar dag gi shes pa skyed cing / de la gnas par mi byed la gzhan dag kyang dag kyang dgra bcom pa nyid kyi shes pa la 'god par byed do/ / bdag kyang rang byang chub kyi shes pa skyed cing / de la gnas par mi byed la/ gzhan dag kyang rang byang chub kyi shes pa la 'dul zhing 'dzud de 'god par byed do/ / bdag kyang bla na med pa yang dag par rdzogs pa'i byang chub kyi lam skyed par byed la/ gzhan dag kyang lam de la 'angoms shing rjes su ston pa dang / 'dul zhing 'dzud de 'god par byed do// rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas nam du'ang bya ba ma yin pa mi byed do/ / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad rang bzhin gyis stong pa lags na/ rang bzhin gyis stong pa nyid la ni sems can yang mi dmigs/ chos dang lam yang mi dmigs na/ bcom ldan 'das ji ltar byang chub sems dpa' sems dpa' chen po rnam pa thams cad mkhyen pa nyid la gnas par 'gyur lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to//

  483. 242b

    rab 'byor de de bzhin te/ de de bzhin no// ji skad smras pa de bzhin te/ chos thams cad ni rang bzhin gyis stong pa nyid yin te/ rang bzhin gyis stong pa nyid la ni sems can yang dmigs su med/ chos dang lam yang dmigs su med do// rab 'byor gal te chos thams cad rang bzhin gyis stong pa ma yin na ni/ byang chub sems dpa' sems dpa' chen po rang bzhin gyis stong pa nyid la gnas te/ bla na med pa yang dag par rdzogs pa'i byang chub mngon par rdzogs par sangs rgyas nas/ rang bzhin gyis stong pa nyid kyi chos ston par yang mi 'gyur ba zhig na/ rab 'byor gzugs ni rang bzhin gyis stong la/ rab 'byor tshor ba dang / 'du shes dang / 'du byed rnams dang / rnam par shes pa'ang rang bzhin gyis stong sangs rgyas kyi chos ma 'dres pa bco brgyad kyi bar dag kyang rang bzhin gyis stong / dpe byad bzang po brgyad cu'ang rang bzhin gyis stong / de bzhin du sbyar te/ rnam pa thams cad mkhyen pa nyid dang / bag chags kyi mtshams sbyor ba thams cad spangs pa'i bar dag kyang rang bzhin gyis stong ste/ rab 'byor gang gi phyir chos thams cad rang bzhin gyis stong pab de'i phyir/ byang chub sems dpa' sems dpa' chen po shes rab kyi pha rol tu phyin pa la spyod pa phung po lnga po dag rang bzhin gyis stong zhes bya bar chos ston to// skye mched

  484. 243a

    bcu gnyis dang / khams bco brgyad rang bzhin gyis stong zhes bya bar chos ston to// bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / de bzhin du sbyar te/ 'phags pa'i lam yan lag brgyad pa'i bar dag rang bzhin gyis stong zhes bya bar chos ston to/ / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang / dpe byad bzang po brgyad cu'i bar dag rang bzhin gyis stong ngo zhes bya bar chos ston to/ / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid dang / bag chags kyi mtshams sbyor ba thams cad spangs pa'i bar dag kyang rang bzhin gyis stong ngo zhes bya bar chos ston to/ / rab 'byor gal te nang stong pa nyid rang bzhin gyis stong pa ma yin na ni/ byang chub sems dpa' sems dpa' chen po chos thams cad rang bzhin gyis stong ngo zhes bya

  485. 243b

    bar chos ston par mi 'gyur la/ de bzhin du phyi stong pa nyid dang / phyi nang stong pa nyid dang / de bzhin du sbyar te/ dngos po med pa'i ngo bo nyid stong pa nyid kyi bar dag rang bzhin gyis stong pa ma yin na ni/ byang chub sems dpa' sems dpa' chen po chos thams cad rang bzhin gyis stong zhes bya bar chos ston par yang mi 'gyur te/ de'i phyir rang bzhin stong pa nyid kyang bshig par 'gyur ba zhig na/ rang bzhin gyis stong pa nyid ni 'jig par yang mi 'gyur zhing / ther zug tu gnas pa'ang ma yin te/ phyis med par 'gyur ba ma yin no// de ci'i phyir zhe na/ de ni yul na mi gnas/ phyogs na mi gnas shing / de ni gang nas kyang 'ong ba ma yin/ gang du'ang 'gro ba ma yin pa'i phyir ro// de ni chos gnas pa nyid yin te/ de la ni 'phel ba 'am/ 'grib pa 'am/ sogs pa'am/ 'jig pa 'am/ skye ba 'am/ 'gag pa 'am/ kun nas nyon mongs pa 'am/ rnam par byang ba'i chos gang yang dmigs su med do/ / de ni chos rnams kyi rang bzhin yin te/ de la gnas nas byang chub sems dpa' sems dpa' chen po rnams bla na med pa yang dag par rdzogs pa'i byang chub la gnas kyang / chos gang yang 'jig par yang dag par rjes su mi mthong ngo // chos thams cad ni gnas pa med cing / 'jig pa med pa ste/ de ni chos rnams kyi chos gnas

  486. 244a

    pa nyid yin no/ / de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ chos thams cad rang bzhin gyis stong par mthong bas bla na med pa yang dag par rdzogs pa'i byang chub las phyir mi ldog go/ / de ci'i phyir zhe na/ 'di ltar des chos gang la 'ong sgrib pa'ang yang dag par rjes su mi mthong ste/ des chos thams cad sgrib pa med par yang dag par rjes su mi mthong ba'i phyir ro// de ni 'di ltar rang bzhin gyis stong pa nyid de la bdag mi dmigs shing / bdag tu gdags pa'ang ni dmigs la/ sems can dang / srog dang / skye ba po dang / shed las skyes pa dang / shed bu dang / gso ba po dang / gang zag dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / shes pa po dang / mthong ba po'ang mi dmigs/ mthong ba por gdags pa'ang mi dmigs/ gzugs dang tshor ba dang / 'du shes dang / 'du byed rnams dang / rnam par shes pa'ang mi dmigs/ rnam par shes par gdags pa'ang mi dmigs/ de bzhin du nang dang phyi'i chos rnams kyang mi dmigs/ dpe byad bzang po brgyad cu'i bar dag kyang mi dmigs/ dpe byad bzang po brgyad cur gdags pa'ang mi dmigs na/ bla na med pa yang dag par

  487. 244b

    rdzogs pa'i byang chub la the tsom za bar 'gyur ba lta ga la yod/ / rab 'byor 'di lta ste/ dper na de bzhin gshegs pa'i sprul pas sprul pa'i dge slong ngam/ dge slong ma 'am/ dge bsnyen nam/ dge bsnyen ma zhig la/ bskal pa khrag khrig snyed du rgyun ma chad par chos bstan par gyur na/ rab 'byor 'di ji snyam du sems/ sprul pa de dag la rgyun du zhugs pa'i 'bras bu 'thob pa dang / lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid 'thob pa 'am/ rang byang chub bam/ bla na med pa yang dag par rdzogs pa'i byang chub 'thob pa'i skal ba yod snyam mam/ / gsol pa/ bcom ldan 'das de ni ma lags so// de ci'i slad du zhe na/ 'di ltar de dag la dngos po ma mchis pa'i slad du'o/ / bcom ldan 'das kyis bka' stsal pa/ rab 'byor de de bzhin te/ de de bzhin no// chos thams cad dngos po med pa la/ byang chub sems dpa' sems dpa' chen pos gang zhig rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu dang / dgra bcom pa nyid dam/ rang byang chub bam/ bla na med pa yang dag par rdzogs pa'i byang chub la gzud par bya ba'i sems can yang gang zhig yod de/ gzhan du na phyin ci log gis kun nas dkris pa'i skye dgu rnams

  488. 245a

    phyin ci log med pa la 'dzud cing 'gog par byed do/ / rtog pa'i rgyu 'thun pa ma yin pa'i phyir/ byin ci log gang yin pa de nyid phyin ci log ma yin pa ste/ rtog pa mang cing phyin ci log med pa'o/ / gang la phyin ci log med pa de la ni bdag med do// sems can med do// shes pa po dang / mthong ba po'i bar dag med do// de la ni gzugs med do// tshor ba med do// 'du shes med do// 'du byed rnams med do// rnam par shes pa med do// de bzhin du sbyar te/ byang chub kyi bar dag med do// gang la bdag med pa dang shes pa po dang / mthong ba po'i bar dag med pa dang / gzugs med pa dang / tshor ba med pa dang / 'du shes med pa dang / 'du byed rnams med pa dang / rnam par shes pa med pa dang / byang chub kyi bar dag med pa de ni rang bzhin gyis stong pa nyid yin te/ de la gnas nas byang chub sems dpa' sems dpa' chen po shes rab kyi pha rol tu phyin pa la spyod cing / sems can phyin ci log tu gyur pa rnams sems can gyi 'du shes las grol bar byed do// gzugs kyi 'du shes dang / gzugs med pa'i 'du shes kyi bar dag las grol bar byed do/ / de bzhin du sbyar te/ zag pa dang bcas pa dang / zag pa med pa'i chos rnams las rnam par grol bar byed do// zag pa med pa'i chos gang yin pa de dag kyang / 'di lta ste//

  489. 245b

    dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / gzugs med pa'i snyoms par 'jug pa bzhi dang / sangs rgyas kyi chos ma 'dres pa bco brgyad kyi bar dag ste/ de'ang de la don dam pa ji lta ba bzhin du ni ma yin no/ / de ltar 'dus ma byas dang / ma skyes pa dang / dngos po med pa dang / 'byung ba med pa de ni rang bzhin gyis stong pa nyid yin no// de ni sangs rgyas bcom ldan 'das rnams kyi byang chub yin te/ de la bdag med do// sems can med do// shes pa po dang / mthong ba po'i bar dag med do// gzugs med do// tshor ba med do// 'du shes med do// 'du byed rnams med do// rnam par shes pa med do// de bzhin du sbyar te/ dpe byad bzang po brgyad cu'i bar dag med do// byang chub sems dpa' sems dpa' chen po ni rang bzhin gyis stong pa nyid de yongs su shes par bya ba'i don ma gtogs par/ lam gyi don du bla na med pa yang dag par rdzogs pa'i byang chub la gnas par mi byed do/ / gang rang bzhin gyis stong pa nyid de'ang sngon gyi mtha' yang ma bzhin gyis stong pa nyid yin la/ de ni phyi ma'i mtha' dang / dbus su'ang rang bzhin gyis stong pa nyid yin te/ de ni

  490. 246a

    nam yang rang bzhin gyis mi stong pa nyid ma yin no/ / de lta bas na byang chub sems dpa' sems dpa' chen po rang bzhin gyis stong pa nyid kyi pha rol tu phyin pa la gnas nas/ sems can rnams sems can du 'du shes pa dang / 'du shes thams cad las dgrol ba'i phyir lam gyi rnam pa shes pa nyid la spyod par byed do// de lam gyi rnam par shes pa nyid la spyod pa'i tshe/ 'di lta ste/ nyan thos kyi lam dang / rang sangs rgyas kyi lam dang / byang chub sems dpa'i lam dang / lam thams cad la'ang spyod pa yin no/ / rab 'byor byang chub sems dpa' sems dpa' chen po des lam thams cad yongs su rdzogs par byas nas/ sems can rnams yongs su smin par byas shing sangs rgyas kyi zhing yongs su dag par byas te/ tshe'i 'du byed byin gyis brlabs nas/ bla na med pa yang dag par rdzogs pa'i byang chub mngon par rdzogs par 'tshang rgya'o// de bla na med pa yang dag par rdzogs pa'i byang chub mngon par rdzogs par sangs rgyas nas kyang sangs rgyas kyi tshul rgyun mi gcod de/ 'di lta ste/ rang bzhin gyis stong pa nyid 'di ni/ sangs rgyas bcom ldan 'das rnams kyi sangs rgyas kyi tshul yin no// rab 'byor sangs rgyas bcom ldan 'das gang dag 'das pa'i dus na byung bar gyur pa'i sangs rgyas bcom ldan

  491. 246b

    'das de dag gi sangs rgyas kyi tshul yang 'di lta ste/ rang bzhin gyis stong pa nyid 'di yin no// sangs rgyas bcom ldan 'das gang dag ma 'ongs pa'i dus na 'byung bar 'gyur ba rnams dang sangs rgyas bcom ldan 'das gang dag da ltar phyogs bcu'i 'jig rten gyi khams na bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag gi sangs rgyas kyi tshul yang 'di lta ste/ rang bzhin gyis stong pa nyid 'di yin te/ rang bzhin gyis stong pa nyid ni sangs rgyas bcom ldan 'das rnams las byung ba ma gtogs par/ gzhan las 'jig rten du 'byung bar mi 'gyur bas na/ byang chub sems dpa' sems dpa' chen pos ji ltar spyod na rnam pa thams cad mkhyen pa nyid las yongs su nyams par mi 'gyur ba de ltar rang bzhin gyis stong pa nyid kyi pha rol tu phyin pa la spyad par bya'o/ / rab 'byor gyis gsol pa/ bcom ldan 'das de ltar byang chub sems dpa' sems dpa' chen po dag rang bzhin gyis stong pa nyid la spyod la/ gzugs kyang gzhan zhing / rang bzhin gyis stong pa nyid kyang gzhan ma lags/ tshor ba'ang gzhan/ 'du shes kyang gzhan/ 'du byed rnams kyang gzhan/ rnam par shes pa'ang gzhan zhing / rang bzhin gyis stong pa nyid kyang gzhan ma lags la/ de bzhin du sangs rgyas kyi chos thams cad dang / byang chub kyi bar dag kyang gzhan zhing

  492. 247a

    rang bzhin gyis stong pa nyid kyang gzhan ma lags te/ gzugs nyid kyang rang bzhin gyis stong pa nyid lags la/ rang bzhin gyis stong pa nyid kyang gzugs lags shing / byang chub kyi bar nyid kyang rang bzhin gyis stong pa nyid lags la/ rang bzhin gyis stong pa nyid kyang byang chub lags par/ rang bzhin gyis stong pa nyid de'ang rnam par 'khrugs par mi bgyid ba de ni ngo mtshar lags so/ / de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor gal te gzugs kyang gzhan la/ / rang bzhin gyis stong pa nyid kyang gzhan/ tshor ba dang / 'du shes dang / 'du byed rnams dang / rnam par shes pa'ang gzhan la/ rang bzhin gyis stong pa nyid kyang gzhan zhing / de bzhin du sbyar te/ byang chub kyi bar yang gzhan la/ rang bzhin gyis stong pa nyid kyang gzhan zhig yin par gyur na ni// rab 'byor byang chub sems dpa' sems dpa' chen pos/ gzugs rnam pa thams cad mkhyen pa nyid du mngon par rdzogs par 'tshang rgya bar mi 'gyur la/ tshor ba dang / 'du shes dang / 'du byed rnams dang / rnam par shes pa'ang rnam pa thams cad mkhyen pa nyid du mngon par rdzogs par 'tshang rgya bar mi 'gyur la/ byang chub kyi bar dag kyang rnam pa thams cad mkhyen pa nyid du mngon par rdzogs

  493. 247b

    par 'tshang rgya bar mi 'gyur ba zhig na/ rab 'byor 'di ltar gzugs nyid kyang rang bzhin gyis stong pa nyid yin la/ rang bzhin gyis stong pa nyid kyang gzugs yin/ tshor ba dang / 'du shes dang / 'du byed rnams dang / rnam par shes pa'ang rang bzhin gyis stong pa nyid yin la/ rang bzhin gyis stong pa nyid kyang rnam par shes pa nyid yin/ byang chub kyi bar dag kyang rang bzhin gyis stong pa nyid yin la/ rang bzhin gyis stong pa nyid kyang byang chub nyid yin te/ de'i phyir rab 'byor byang chub sems dpa' sems dpa' chen pos gzugs rang bzhin gyis stong par rig nas/ gzugs rnam pa thams cad mkhyen pa nyid du mngon par rdzogs par 'tshang rgya bar 'gyur ro// byang chub kyi bar du'ang rang bzhin gyis stong par rig nas/ byang chub nyid rnam pa thams cad mkhyen pa nyid du mngon par rdzogs par 'tshang rgya bar 'gyur ro/ / de ci'i phyir zhe na/ rang bzhin gyis stong pa nyid la ni rnam par 'jig pa 'am/ ther zug tu gnas pa 'am/ 'jig par 'gyur ba'i chos gang yang med pa'i phyir ro// gzhan du na lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze'i skye dgu dang bcas pa'i 'jig rten gyis gzugs yang dag pa ji lta ba bzhin du rab tu mi shes so/ / tshor ba dang / 'du shes dang / 'du byed rnams dang / rnam

  494. 248a

    par shes pa yang dag pa ji lta ba bzhin du rab tu mi shes so/ / rab tu mi shes pas byis pa so so'i skye bo rnams gzugs la mngon par zhen to// tshor ba dang / 'du shes dang / 'du byed rnams dang / rnam par shes pa la mngon par zhen to// gzugs la mngon par zhen cing / tshor ba dang / 'du shes dang / 'du byed rnams dang / rnam par shes pa la mngon par zhen nas/ ngar 'dzin pa dang / nga yir 'dzin pa dag la spyod par byed do// de dag ngar 'dzin pa dang // nga yir 'dzin pa dag la mngon par zhen nas kyang nang dang phyi'i dngos po rnams la mngon par zhen to/ / mngon par zhen nas kyang skye ba'i skye mched dag tu gzugs dang / tshor ba dang / 'du shes dang / 'du byed rnams dang / rnam par shes pa yongs su 'dzin par byed do/ / de dag ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su mi 'grol zhing / 'gro ba lnga'i 'khor ba las kyang yongs su mi thar ro// de'i phyir byang chub sems dpa' sems dpa' chen po rang bzhin gyis stong pa nyid kyi pha rol tu phyin pa la gnas nas stong ngo zhes bya ba 'am/ mi stong zhes bya bar gzugs rnam par 'khrugs par mi byed do// stong ngo zhes bya ba 'am/ mi stong zhes bya bar/

  495. 248b

    tshor ba dang / 'du shes dang / 'du byed rnams dang / rnam par shes pa rnam par 'khrugs par mi byed do// de bzhin du sbyar te/ stong zhes bya ba 'am/ mi stong zhes bya bar byang chub kyi bar du rnam par 'khrugs par mi byed do/ / de ci'i phyir zhe na/ 'di ni gzugs so// 'di ni stong pa nyid do// zhes gzugs kyi stong pa nyid rnam par 'khrugs par mi byed cing / 'di ni rnam par shes pa'i bar ro/ / 'di ni rnam par shes pa'i stong pa nyid do// de bzhin du sbyar te/ 'di ni byang chub kyi bar ro// 'di ni rang bzhin gyis stong pa nyid do// zhes rnam par 'khrugs par mi byed pa'i phyir ro/ / rab 'byor 'di lta ste/ dper na nam mkhas ni nam mkha' rnam par 'khrugs par mi byed de/ nang gi nam mkhas kyang phyi rol gyi nam mkha' rnam par 'khrugs par mi byed la/ phyi rol gyi nam mkhas kyang nang gi nam mkha' rnam par 'khrugs par mi byed do// rab 'byor de bzhin du rang bzhin stong pa nyid kyis kyang gzugs rnam par 'khrugs par mi byed la/ gzugs kyis kyang stong pa nyid rnam par 'khrugs par mi byed do// stong pa nyid kyis kyang tshor ba dang / 'du shes dang / 'du byed rnams dang / rnam par shes pa rnam par 'khrugs par mi byed la/ rnam par shes pas kyang stong pa nyid rnam par 'khrugs par mi byed do// stong pa nyid kyis kyang byang chub kyi bar du rnam par 'khrugs

  496. 249a

    par mi byed la/ byang chub kyi bar gyis kyang stong pa nyid rnam par 'khrugs par mi byed do// de ci'i phyir zhe na/ de dag la 'di ni gzugs so// 'di ni stong pa nyid do zhes bya ba dang / 'di ni tshor ba dang / 'du shes dang / 'du byed rnams dang / rnam par shes pa'o// 'di ni stong pa nyid do// de bzhin du sbyar te/ 'di ni byang chub kyi bar ro/ / 'di ni stong pa nyid do// zhes gang rnam par 'khrugs par byed pa de lta bu'i ngo bo nyid med pa'i phyir ro// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad dbyer ma mchis pa lags na/ bcom ldan 'das 'o na byang chub sems dpa' sems dpa' chen po/ bdag bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o zhes gang la yang dag par zhugs pa lags/ bcom ldan 'das byang chub ni gnyis su dbyer ma mchis pa lags te/ gnyis su 'byed pas ni bla na med pa yang dag par rdzogs pa'i byang chub mngon par rdzogs par 'tshang rgya bar mi nus lags so// bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor byang chub ni gnyis la spyod pa ma yin te/ byang chub ni gnyis su med cing gnyis

  497. 249b

    su dbyer med do/ / rab 'byor byang chub sems dpa' sems dpa' chen po'i byang chub 'di ni byang chub sems dpa' 'o// 'di ni byang chub sems dpa'i byang chub bo zhes byang chub la gnyis su dbye bas mi spyod do/ / byang chub sems dpa' sems dpa' chen po'i byang chub ni gzug la mi spyod do// tshor ba dang / 'du shes dang / 'du byed rnams dang / rnam par shes pa la mi spyod do/ / byang chub kyi bar la mi spyod do// de ci'i phyir zhe na/ byang chub la ni bdag ces bya ba'i sgra med de/ bdag gzugs la spyod do zhes bya ba dang / tshor ba dang / 'du shes dang / 'du byed rnams dang / rnam par shes pa la spyod do zhes bya ba dang / byang chub kyi bar la spyod do zhes bya ba'i sgra med pa yin te/ byang chub sems dpa' sems dpa' chen po'i byang chub ni 'dzin pa la'ang mi spod/ 'dzin pa med pa la'ang mi spyod pa'i phyir ro// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldani 'das gal te byang chub sems dpa' sems dpa' chen po'i byang chub 'dzin pa la'ang mi spyod/ 'dzin pa ma mchis pa la'ang mi spyod pa lags na/ 'o na byang chub sems dpa' sems dpa' chen po'i byang chub gang la spyod pa lags/ bcom ldan 'das kyis bka' stsal pa/ rab 'byor 'di ji snyam du sems/ de bzhin

  498. 250a

    gshegs pa'i sprul pa'i byang chub 'dzin pa'am/ 'dzin pa med pa gang zhig la spyod snyam mam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems/ dgra bcom pa'i rmi lam gyi blo 'dzin pa 'am/ 'dzin pa med pa gang zhig la spyod snyam mam/ gsol pa/ bcom ldan 'das de ni ma lags te/ dgra bcom pa la g.yar lam yang gtan ma mchis lags na/ de'i g.yar lam gyi blo 'dzin pa 'am/ 'dzin pa ma mchis pa la spyod par 'gyur/ ba lta ga la mchis/ bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po'i byang chub kyang 'dzin pa 'am/ 'dzin pa med pa la mi spyod do/ / de skad ces bka' stsal ba dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te byang chub sems dpa' sems dpa' chen po'i byang chub 'dzin pa la mi spyod/ 'dzin pa ma mchis pa la'ang mi spyod/ gzugs la'ang mi spyod/ rnam pa thams cad mkhyen pa nyid kyi bar la'ang mi spyod lags na/ bcom ldan 'das 'o na ji ltar byang chub sems dpa' sems dpa' chen po pha rol tu phyin pa drug la spyad nas/ sa bcu dang / byang chub kyi phyogs kyi chos sum cu rtsa bdun dang / stong

  499. 250b

    pa nyid bcu bzhi dang / rnam par thar pa'i sgo gsum dang / bsam gtan rnams dang / rnam par thar pa rnams dang / snyoms par 'jug pa rnams la spyod cing / de bzhin gshegs pa'i stobs bcu dang / dpe byad bzang po brgyad cu'i bar dag bsgrubs te mngon par shes pa lnga la gnas nas/ sa bcu yongs su rdzogs par bgyis shing / byang chub sems dpa'i skyon ma mchis pa la zhugs nas/ sangs rgyas kyi zhing yongs su dag par bgyis shing / sems can rnams yongs su smin par bgyis te/ rnam pa thams cad mkhyen pa nyid mngon par rdzogs par 'tshang rgya bar 'gyur lags/ bcom ldan 'das pha rol tu phyin pa drug la ma spyad/ sa bcu la ma gnas/ mngon par shes pa lnga'i bar dag la ma gnas/ byang chub sems dpa'i skyon ma mchis pa la ma zhugs/ sangs rgyas kyi zhing yongs su dag par ma bgyis/ sems can rnams yongs su smin par ma bgyis par ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi nus lags so/ / bcom ldan 'das kyis bka' stsal pa/ rab 'byor de de bzhin te/ de de bzhin no// ji skad smras pa de bzhin te/ sa bcu la ma gnas shing / pha rol tu phyin pa drug dang / dge ba'i chos thams cad kyi bar dag yongs su rdzogs par ma byas par/ bla na med pa yang dag par rdzogs

  500. 251a

    pa'i byang chub mngon par rdzogs par 'tshang rgya bar mi nus kyi/ rab 'byor sa bcu yongs su rdzogs par byas shing / pha rol tu phyin pa drug dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / 'phags pa'i lam yan lag brgyad pa'i bar dang / rnam par thar pa'i sgo gsum po stong pa nyid dang / mtshan ma med pa dang / smon pa med pa dang / dpe byad bzang po brgyad cu'i bar dag dang / bsnyel ba mi mnga' ba'i chos nyid dang / rtag tu btang snyoms su gnas pa dag yongs su rdzogs par byas na/ rnam pa thams cad mkhyen pa nyid thob par nus so// rab 'byor gzugs kyi rang bzhin la gnas shing / tshor ba dang / 'du shes dang / 'du byed rnams dang / rnam par shes pa'i rang bzhin la gnas la/ byang chub kyi bar gyi rang bzhin la gnas na/ rnam pa thams cad mkhyen pa nyid thob par nus so// rang bzhin de'ang nye bar zhi ba ste/ de ni chos gang yang sogs pa 'am/ 'bri ba 'am/ skye ba 'am/ 'gog pa'am/ kun nas nyon mongs pa 'am/ rnam par byang ba 'am/ thob pa 'am/ mngon par rtogs par mi byed do// rab 'byor de'ang 'jig rten gyi tha snyad kyis btags pa'i chos nyid nye bar bzung nas/ byang chub sems dpa' sems dpa' chen po

  501. 251b

    bla na med pa yang dag par rdzogs pa'i byang chub mngon par rdzogs par 'tshang rgya bar zad kyi/ don dam par ni de la gzugs sam/ byang chub kyi bar ram/ gang byang chub la spyod pa gang yang med de/ chos de dag thams cad ni 'jig rter TI tha snyad kyis btags par 'ad kyi/ don dam par ni ma yin no// rab 'byor byang chub sems dpa' sems dpa' chematsham sems dang po bskyed pa nas gzung ste/ byang chub kyi phyir spyod pa na sems de dang / sems can dang / byang chub dang / byang chub sems dpa' dag mi dmigs so// rab 'byor 'di ji snyam du sems/ gang gi tshe rab 'byor khyod kyis 'jigs tshogs la lta ba spang ba'i phyir/ dbang po rnams thob pa'am/ bar chad med pa'i ting nge 'dzin tam/ rgyun tu zhugs pa'i 'bras bu thob pa ma/ lan cig phyir 'ong ba'i 'bras bu thob bam/ phyir mi 'ong ba'i 'bras bu thob bam/ dgra bcom pa nyid thob par gyur pa'i de'i tshe/ rmi lam mam/ sems sam/ lam mam/ 'bras bu dmigs snyam mam/ gsol pa/ bcom ldan 'das de ni ma lags so// bka' stsal pa/ rab 'byor 'o na ji ltar rab 'byor gyis dgra bcom pa nyid thob bo zhes shes pa brda sprad par gyur/ gsol pa/ bcom ldan 'das 'jig rten gyi tha snyad bzung ste shes pa brda sprad lags so// bka' stsal pa/ rab 'byor de bzhin du

  502. 252a

    byang chub sems dpa' yang 'jig rte gyi tha snyad kyis btags pa yin no/ / gzugs kyang 'jig rten gyi tha snyad kyis btags pa yin no// tshor ba dang / 'du shes dang / 'du byed rnams dang / rnam par shes pa'ang 'jig rten gyi tha snyad kyis btags pa yin no// rnam pa thams cad mkhyen pa nyid kyi bar dag kyang 'jig rten gyi tha snyad kyis btags pa yin te/ byang chub sems dpa' sems dpa' chen pos ni chos rnams kyi rang bzhin gyis stong pa nyid nye bar bzung na/ byang chub gang la sogs pa 'am/ 'bri bar byed pa 'am/ phan 'dogs pa'am/ gnod par byed pa'i chos gang yang mi dmigs te/ chos rnams kyi rang bzhin de'ang ma dmigs na/ sems dang po bskyed pa dmigs par 'gyur ba dang / sems bskyed pa bcu pa'i bar dag dang / pha rol tu phyin pa drug dang / byang chub kyi phyogs kyi chos sum cu rtsa bdun gyi bar dag dmigs par 'a/ ba dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / sangs rgyas kyi chos rnams kyi bar dag dmigs par 'gyur/ ba lta ci smos te/ de ni gnas med do// rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub la spyad cing / bla na med pa

  503. 252b

    yang dag par rdzogs pa'i byang chub mngon par rdzogs par sangs rgyas nas sems can rnams kyi dor byed do/ / shes rab kyi pha rol tu phyin pa khri brgyad stong pa las/ mi 'khrugs pa bstan pa'i le'u zhes bya ste bdun cu rtsa lnga pa'o/ / // de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te byang chub sems dpa' sems dpa' chen pos pha rol tu phyin pa drug dang / byang chub kyi phyogs kyi chos sum cu rtsa bdun dang / de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la spyod cing / stong pa nyid bcu bzhi dang / byang chub kyi lam yongs su rdzogs par bgyis kyang / bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba ma mchis lags na/ bcom ldan 'das ji ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sbyin pa'i pha rol tu phyin pa la spyod cing / sbyin pa'ang mi dmigs/ sbyin pa

  504. 253a

    dag dang / len pa po'ang mi dmigs shing / de las gzhan pa'i chos rnams la'ang mi spyod pa'i tshe/ byang chub sems dpa' sems dpa' chen po byang chub kyi lam thob par 'gyur te/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de bzhin du pha rol tu phyin pa lnga po dag dang / sangs rgyas kyi chos ma 'dres pa bco brgyad kyi bar dag la sbyar bar bya'o// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar byang chub kyi lam la brtson par bgyid lags/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu 'di ltar byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas/ gzugs la sbyor bar mi byed/ 'byed par mi byed do// de ci'i phyir zhe na/ shA ri'i bu 'di ltar gzugs la gang sbyar bar bya ba 'am/ dbye bar bya ba'i ngo bo nyid med pa'i phyir ro// rnam par shes pa'i bar la'ang sbyor bar mi byed

  505. 253b

    'byed par mi byed do/ / de ci'i phyir zhen/ 'di ltar rnam par shes pa la gang sbyar bar bya ba'am/ dbye bar bya ba'i ngo bo nyid med pa'i phyir ro// sbyin pa'i pha rol tu phyin pa la sbyor ra ts+tshe'abyed par mi byed du/ / de ci'i phyir zhe na/ 'di sar de la gang sbyar bar bya ba'am/ dbye bar bya ba'i jam nyid med pa'i phyir ra// pha rol tu phyin pa dang / rgyas kyi chos pa 'dres pa bco brgyad kyi bar dgala'ang sbyar b.ragasol pa/ bcom ldan 'das gal te chos gang la'ang gang sbyar bar 'gyi ba 'am/ dbye ba gyi ba'i bzang ma mchis zhugs na/ ldan byang chub sems dpa' sems dpa' chen pos/ grangal brda' ba bgyi mi shes rab kyi pha rol tu byin padis mang par 'a gyu lagasashes rab kyi pha rol tu phyin pa lam bslabs par ni/ byang chub sems dpa' sems dpa' chen pos blan med pa yang dag par rdzogs pa'i byang chub mngon par rdzogs rgya bar minamasags sa/ / 'bra pa/ shA ri'i bzhin/ ra bzhinan// gang smras pa bzhin te/ sa gyi rab tu phyin pa las ma b yang chub sems dpa'i sems dpa' chen pos tha med pa sang dag par rdzogs pa'i byang chub mang par rdzogs pa'i batshang rgya bar mi nus te/ de' thabs la mkhas pas sem gyi

  506. 254a

    thabs la mi mkhas pas ni ma yin no/ / shA ri'i bu gal te byang chub sems dpa' sems dpa' chen po shes rab kyi pha rol tu phyin pa la spyod pa/ chos 'ga' zhig gi rang bzhin dmigs na ni/ de dag 'dzin par yang 'gyur ba zhig na/ ci ste mi dmigs na go 'di ni shes rab kyi pha rol tu phyin pa'o// 'di ni bsam gtan gyi pha rol tu phyin pa'o/ / 'di ni brtson 'grus kyi pha rol tu phyin pa'o// 'di ni bzod pa'i pha rol tu phyin pa'o// 'di ni tshul khrims kyi pha rol tu phyin pa'o// 'di ni sbyin pa'i pha rol tu phyin pa'o// / 'di ni gzugs so// 'di ni rnam par shes pa'i bar dag go// 'di ni sangs rgyas kyi chos rnams kyi bar dag go zhes bya bar ci zhig 'dzin par 'gyur te/ byang chub kyi bar dag kyang dmigs su med na/ de ci zhig 'dzin par 'gyur/ shA ri'i bu shes rab kyi pha rol tu phyin pa ni gzung du med pa ste/ sangs rgyas chos rnams kyi bar dag kyang gzung du med pa yin no/ / shA ri'i bu pha rol tu phyin pa 'di ni 'dzin pa med pa'i pha rol tu phyin pa ste/ 'di ltar shes rab kyi pha rol tu phyin pa'o// de la byang chub sems dpa' sems dpa' chen pos bslab par bya ste/ de la slob pa'i byang chub sems dpa' sems dpa' chen po ni/ slob pa'ang mi dmigs na/ byang chub lta ci smos shes rab kyi pha rol tu phyin pa'ang

  507. 254b

    lta ci smos/ byang chub sems dpa'i chos rnams lta'ang ci smos/ sangs rgyas kyi chos rnams kyi bar yang lta ci smos/ rang sangs rgyas kyi chos rnams dang / nyan thos kyi chos rnams dang / so so'i skye bo'i chos rnams lta'ang ci smos/ de ci'i phyir zhe na/ shA ri'i bu 'di ltar chos gang la'ang ngo bo nyid med pa'i phyir te/ de ltar ngo bo nyid med pa'i chos thams cad la ni/ so so skye bo'i chos rnams kyang gang zhig yin/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas kyi chos rnams dang / dgra bcom pa nyid dang / rang byang chub dang / byang chub sems dpa' dang / yang dag par rdzogs pa'i sangs rgyas kyang gang zhig yin na// gal te gang zag de dag dmigs su med na/ chos gang dag gis 'di ni so so'i skye bo'o// 'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bya bar brjod pa'i chos de dag kyang 'byung bar ga la 'gyur/ gsol ba/ bcom ldan 'das chos thams cad dngos po ma mchis pa la/ 'di ni so so'i skye bo'i chos lags so/ / 'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag lags so zhes bgyi ba gang nas 'byung zhing mchis par 'gyur lags

  508. 255a

    de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu ci gzugs la ji ltar byis pa so so'i skye bo mngon par zhen par gyur pa de lta bu'i dngos po yod par gyur tam/ yod par 'gyur ram/ gsol pa/ bcom ldan 'das so so'i skye bo bslang ba'i sems kyis gzugs so zhes mngon par zhen pa ma gtogs par de ni ma mchis lags so/ / bka' stsal pa/ shA ri'i bu ci tshor ba dang / 'du shes dang / 'du byed rnams dang / rnam par shes pa la ji ltar byis pa so so'i skye bo mngon par zhen par gyur pa de lta bu'i dngos po yod par gyur tam/ yod par 'gyur ram/ de bzhin du sbyar te/ shA ri'i bu 'di ji snyam du sems/ sangs rgyas kyi chos thams cad kyi bar dag la ji ltar byis pa so so'i skye bo mngon par zhen par gyur pa de lta bu'i dngos po yod par gyur tam/ yod par 'gyur ram/ gsol pa/ bcom ldan 'das so so'i skye bo bslad pa'i sems kyis rnam par shes pa'i bar dag dang / sangs rgyas kyi chos rnams kyi bar dag la dngos por rtog pa ma gtogs par de ni ma mchis lags so/ / bcom ldan 'das kyis bka' stsal pa/ shA ri'i bu de de bzhin no// de de bzhin te/ so so'i skye bo ni smad pa'i sems kyis dngos po

  509. 255b

    med pa'i chos rnams la dngos por rtog ste/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas chos de dag thams cad dngos po med par mthong nas/ bla na med pa yang dag par rdzogs pa'i byang chub la zhugs so// de skad ces bka' stsal pa dang / bcom ldan 'das la/ tshe dang ldan pa shA ri'i bus 'di skad ces gsol to/ / bcom ldan 'das thabs la mkhas pa gang gis/ byang chub sems dpa' sems dpa' chen po chos thams cad dngos po ma mchis par yang dag par rjes su mthong nas/ bla na med pa yang dag par rdzogs pa'i byang chub la zhugs pa'i byang chub sems dpa' sems dpa' chen po thabs la mkhas pa de gang lags/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu 'di la byang chub sems dpa' sems dpa' chen po shes rab kyi pha ro phyin pa la spyod pa/ dngos po gang la khong khro bar 'gyur ba dang / gang la khong khro bas zhum par 'gyur ba dang / zhum nas sgyid lug par 'gyur ba dang / sgying lug nas le lor 'gyur ba chos kyi dngos po gang yang yang dag par rjes su mi mthong ste/ shA ri'i bu 'di ltar sems can bdag tu rmongs pa dag phung po rnams shes bya ba 'am/ khams rnams shes bya ba 'am

  510. 256a

    skye mched rnams shes bya bar mngon par zhen pa ma gtogs par chos thams cad ni dngos po med pa dang / srog med pa dang / srog dang bral ba dang / dngos po med pa'i ngo bo nyid dang / rang bzhin gyis stong pa nyid dang / rang gi mtshan nyid stong pa nyid yin te/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ chos thams cad dngos po med pa'i ngo bo nyid dang / rang bzhin gyis stong pa dang / rang gi mtshan nyid stong pa nyid du yang dag par rjes su mthong nas/ lus sgyu ma mkhan lta bur byin gyis brlabs shing / sems can rnams la chos ston par byed de/ sems can gang dag ser sna dang ldan pa de dag la ni sbyin pa'i gtam byed do// sems can tshul khrims 'chal pa rnams la ni tshul khrims kyi gtam byed do/ / sems can gnod sems kyi sems dang ldan pa rnams la ni bzod pa'i gtam byed do// sems can le lo can rnams la ni brtson 'grus kyi gtam byed do/ / sems can sems rnam par g.yeng ba rnams la ni ting nge 'dzin gyi gtam byed do// sems can shes rab 'chal pa rnams la ni shes rab kyi gtam byed do// des gang gi tshe sems can rnams sbyin pa la bkod par gyur pa dang / shes rab kyi bar la bkod par gyur pa de'i tshe/ sems can de dag la gtam gang gis rgyun du zhugs pa'i 'bras bu tho

  511. 256b

    par 'gyur ba dang / dgra bcom pa nyid kyi bar dag thob par 'gyur ba dang / rang byang chub thob par 'gyur ba dang / rnam pa thams cad mkhyen pa nyid kyi bar dag thob par 'gyur ba'i gtam 'phags shing nges par 'byin pa dag kyang byed do/ / de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa/ gang gis sems can ma mchis shing / mchis pa ma lags pa dag sbyin pa la rab tu 'god par bgyid cing / shes rab kyi pha rol tu phyin pa'i bar dag la rab tu 'god par bgyid kyi steng du/ bka' mchid gang gis rgyun du zhugs pa'i 'bras bu thob pa dang / rnam pa thams cad mkhyen pa nyid kyi bar dag thob par 'gyur ba'i bka' mchid 'phags shing nges par 'byin pa dag bgyid na/ ji ltar dmigs pa ma mchis par 'gyur lags/ de skad ces gsol pa dang / bcom ldan 'das kyi/ tshe dang ldan pa shA ri'i bu la 'di skad ces bka' stsal to// shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa la ni dmigs pa 'ga' yang med do/ / de ci'i phyir zhe na/ 'di ltar byang chub sems dpa' sems dpa' chen po shes rab kyi pha rol tu phyin pa la spyod pa des ni/ kun rdzob kyi brdas tha snyar

  512. 257a

    'dogs pa ma gtogs par sems can gang yang mi dmigs pa'i phyir ro/ / shA ri'i bu de la byang chub sems dpa' sems dpa' chen po ni bden pa gnyis la gnas te/ sems can rnams la chos ston par byed kyang / shA ri'i bu bden pa gnyis po dag la ni sems can du dmigs pa'ang med/ sems can du gdags pa'ang med mod kyi/ 'on kyang byang chub sems dpa' sems dpa' chen po thabs mkhas pas shes rab kyi pha rol tu phyin pa la spyod pa/ sems can rnams la chos ston cing / des sems can de dag kyang tshe 'di nyid la bdag tu'ang mi dmigs na/ gang thob par 'gyur ba dang / gang gis thob par 'gyur ba dag lta smos kyang ci dgos te/ shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa ni/ de ltar thabs la mkhas pas sems can rnams la chos ston par byed do// de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ / bcom ldan 'das a la la/ 'di lta ste/ byang chub sems dpa' sems dpa' chen pos chos gang yang gcig pa 'am tha dad pa 'am/ so so bar yang mi dmigs la/ go cha gang 'tshal bas 'dod pa'i khams na'ang mi ganga'/ gzugs kyi khams na'ang mi ganga'/ gzugs ma mchis pa'i khams

  513. 257b

    na'ang mi gda'/ 'dus byas kyi khams na'ang mi gda'/ 'dus ma byas kyi khams na'ang mi 'da'/ sems can rnams khams gsum nas yongs su thar par bgyid kyang / sems can dang sems can du btags pa'ang mi dmigs pa de lta bu'i go cha 'tshal ba de ni/ bcom ldan 'das spro ba che ba lags so// sems can du gdags pa ma mchis pas sems can ma bcings ma grol la/ sems can ma bcings ma grol bas/ kun nas nyon mongs pa ma mchis shing / rnam par byang ba ma mchis lags so// kun nas nyon mongs pa ma mchis la/ rnam par byang ba ma mchis pas/ 'gro ba'i bye brag kyang ma mchis lags so// 'gro ba'i bye brag ma mchis pa la ni las kyang ma mchis nyon mongs pa rnams kyang ma mchis lags so/ / las ma mchis shing / nyon mongs pa ma mchis pa la ni rnam par smin pa gang gis bdag gam/ sems can dag 'gro ba lnga'i 'khor ba na gda' bar 'gyur ba'i rnam par smin pa mchis par yang ga la 'gyur lags/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to/ / shA ri'i bu de de bzhin te/ de de bzhin no// ji skad smras pa de bzhin te/ shA ri'i bu gal te sems can zhig sngon yod par gyur la/ byis med par gyur na ni/ de'i phyir

  514. 258a

    de ltar sngon yod par gyur la/ byis med par 'gyur ro zhes/ byang chub sems dpa' dang / de bzhin gshegs pa la'ang skyon du 'gyur zhing / 'gro ba lnga'i 'khor pa'ang sngon dngos po yod par gyur la/ phyis dngos po med par gyur na ri de'ang sbyor du 'gyur ba zhig na/ shA ri'i bu 'di ltar de bzhin gshegs pa rnams byung yang rung // de bzhin gshegs pa rnams ma byung yang rung ste/ chos rnams kyi chos nyid dang / de bzhin nyid dang / ma nor ba de bzhin nyid 'di ni gnas pa ste/ de la bdag kyang med/ sems can yang med// srog kyang med/ gang zag kyang med/ byed pa po'ang med/ byed du 'jug pa po'ang med na/ de la gzugs lta ga la yod/ tshor ba dang / 'du shes dang / 'du byed rnams lta'ang ga la yod/ rnam par shes pa lta'ang ga la yod de/ med cings yod pa ma yin pa'i chos de dag la gang las sems can rnams yongs su thar par bya ba'i 'gro ba lnga'i 'khor ba lta'ang yod par ga la 'gyur te/ shA ri'i bu de'i phyir chos 'di dag ni de ltar rang bzhin gyis stong pa nyid yin no// de la byang chub sems dpa' sems dpa' chen po/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams las thos nas/ bla na med pa yang dag par rdzogs pa'i byang chub la zhugs te/ gang la byis pa so so'i skye bo

  515. 258b

    phyin ci log gis rmongs par gyur pa rnams mngon par zhen par gyur pa ma gtogs par nus pa'i chos kyi ngo bo nyid gang yang dmigs su med do/ / byang chub sems dpa' sems dpa' med po ni de ltar go cha gang bgos pas/ bla na med pa yang dag par rdzogs pa'i byang chub las phyir mi ldog pa dang / bdag gis bla na med pa yang dag par rdzogs pa'i byang chub mngon par rdzogs par 'tshang rgya bar mi bya'i/ bdag gis ni bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam pa dang / mngon par rdzogs par sangs rgyas nas kyang don gang gis sems can rnams phyin ci log las yongs su thar par 'gyur ba de lta bu'i chos kyis sems can rnams kyi don bya'o zhes de lta bu'i go cha bgos pa yin no/ / shA ri'i bu 'di lta ste/ dper na sgyu ma mkhan gyis sprul pa'i mi zhig gis/ srog chags bye ba khrag khrig 'bum phrag mang po dag cig sprul nas/ des sprul pa de dag la bza' ba dang bca'/ ba nyams su bsod pa mang po dag stobs shing tshim par byed de/ bstabs shing tshim par byas nas kyang / bdag gis ni bsod nams mang du spel to// bdag gis ri bsod nams mang du spel to zhes mched du brjod pa ched du rjod par byed na/ shA ri'i bu 'di ji snyam du sems/ de la bstabs shing tshim par byas pa gang yang yod snyam mam/ gsol pa

  516. 259a

    bcom ldan 'das de ni ma lags so/ / bka' stsal pa/ shA ri'i bu de bzhin du byang chub sems dpa' sems dpa' chen po'ang sems dang po bskyed nas bzung ste/ pha rol tu phyin pa drug la spyod pa dang / bsam gtan bzhi la spyod pa dang / tshad med pa bzhi la spyod pa dang / gzugs med pa'i snyoms par 'jug pa bzhi spyod pa dang / dran pa nye bar gzhag pa bzhi la spyod pa dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la spyod pa dang / stong pa nyid bcu bzhi dang / mtshan ma med pa dang / smon pa med pa'i ting nge 'dzin dang bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi par/ sangs rgyas kyi chos ma 'dres pa bco brgyad la spyod cing / byang chub kyi yongs su sbyong ba na/ sangs rgyas kyi zhing yongs su dag par byed cing / sems can rnams yongs su smin par byed kyang / gang dmigs nas gdul bar bya ba'i sems can pa yang mi dmigs so/ / / 'phags pa shes rab kyi pha rol tu phyin pa khri brgyad stong pa bam po lnga bcu rtsa bzhi pa/ benas bcom ldan

  517. 259b

    'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chan pas gang la spyad yongs su sa par bya ba dang / sangs rgyas kyi zhing yongs su dag par bgyi ba'i byang chub sems dpa' sems dpa' chen po'i lam gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor 'di la byang chub sems dpa' sems dpa' chen po ni sems dang po bskyed pa nas gzung ste/ sbyin pa'i pha rol tu phyin pa la spyod par byed/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod par byed/ sangs rgyas kyi chos ma 'dres pa bco brgyad kyi bar dag la spyod par byed cing / sems can rnams kyang yongs su smin par byed/ sangs rgyas kyi zhing yang yongs su dag par byed do// gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la spyod pa/ sems can rnams yongs su smin par bgyid pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi

  518. 260a

    pha rol tu phyin pa la spyod pa/ sems can rnams la sbyin pa sbyin par byed de/ sbyin pa byin nas kyang 'di ltar 'doms shing rjes su ston te/ rigs kyi bu dag 'di la sbyin pa la sbyin par 'dzin pas 'dzin par ma byed cig/ sbyin pa la sbyin par 'dzin pas lus gang mngon par grub pas sdug bsngal mang po nyams su myong bar 'gyur ba'i lus dag mngon par 'grub par ma byed cig/ rigs kyi bu dag 'di la don dam par na sbyin pa'ang med/ sbyin bdag kyang med/ len pa po'ang med de/ chos de gsum ni rang bzhin gyis stong pas na/ rang bzhin gyis stong pa'i chos ni len par mi byed la/ rang bzhin gyis stong pa nyid la ni gzung ba'ang med do zhes/ rab 'byor byang chub sems dpa' sems dpa' chen po sbyin pa'i pha rol tu phyin pa la spyod cing / de ltar sems can rnams la sbyin pa sbyin par byed kyang / de la sbyin pa'ang mi dmigs// sprin bdag kyang mi dmigs len pa po'ang mi dmigs so/ / de ni mi dmigs pa'i pha rol tu phyin pa ste/ 'di ltar sbyin pa'i pha rol tu phyin pa'o// de chos gsum po de dag thams cad mi dmigs pas rab 'byor byang chub sems dpa' sems dpa' chen po sbyin pa'i pha rol tu phyin pa la spyod cing / sems can rnams yongs su smin par byed de/ sems can rnams rgyun

  519. 260b

    du zhugs pa'i 'bras bu la sbyor bar byed do/ / de bzhin du sbyar te/ bla na med pa yang dag par rdzogs pa'i byang chub kyi bar dag la sbyor bar byed de/ rab 'byor byang chub sems sems dpa' chen po sbyin pa'i pha rol tu phyin pa la spyod cing / sems can rnams yongs su smin par byed de/ de bdag kyang sbyin pa sbyin par byed la/ gzhan dag kyang sbyin pa yang dag par 'dzin du 'jug cing / sbyin pa'i bsngags pa'ang rjod la/ gzhan gang dag sbyin pa sbyin par byed pa de dag gi bsngags pa'ang rjod cing rjes su dga' bar byed do// byang chub sems dpa' sems dpa' chen po sbyin pa de lta bu byin nas/ rgyal rigs shing sA la chen po lta bu dag dang skal ba mnyam par skye'o// bram ze'i rigs shing sA la chen po lta bu dag dang skal ba mnyam par skye'o/ / khyim bdag gi rigs shing sA la chen po lta bu dag dang skal ba mnyam par skye'o// khams kyi rgyal por 'gyur ba 'am/ 'khor lo sgyur ba'i rgyal por 'gyur ba'am/ 'khor lo sgyur ba'i rgyal srid thob nas kyang / des sems can rnams bsdu ba'i dngos po bzhis sdud par byed de/ bzhi gang zhe na/ sbyin pa dang snyan par smra ba dang / don spyod pa dang / don 'thun pa dag gis sdud par byed do// des sems can de dag sbyin pas bsdus nas rim gyis tshul khrims la 'god par byed do//

  520. 261a

    ting nge 'dzin dang / shes rab dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa ne par gzhag pa bzhi dang / byang chub kyi phyogs kyi chos sum cu rtsa bdun gyi bar dag dang / stong pa nyid dang / mtshan ma med pa dang / smon pa med pa'i ting nge 'dzin la 'god par byed do// yang dag pa nyid kyi skyon med pa la 'jug par byed do/ / dgra bcom pa nyid dang / rang byang chub kyi bar dag dang / bla na med pa yang dag par rdzogs pa'i byang chub kyi bar dag yang dag par 'dzin du 'jug go/ / kye skyes bu dag bla na med pa yang dag par rdzogs pa'i byang chub ni mngon par rdzogs par 'tshang rgya bar mi dka' ste/ phyin ci log gis rmongs pa'i sems kyis pa rtogs pa ma rtogs par/ gang la sems can rnams chags pa'i chos gang yang ngo bo nyid kyis yod pa ma yin gyis/ de'i phyir khyed cag gis phyin ci log tu 'dzin pa thams cad spongs la bdag kyang 'khor ba las thar bar gyis shig/ gzhan dag kyang thar par gyis shig/ de ltar khyed cag gis bdag cag kyang don che bar gyis la/ gzhan dag kyang don chen po la sbyor bar gyis shig ces/ rab 'byor de ltar byang chub sems dpa' sems dpa' chen pos sbyin pa'i pha rol tu phyin pa la spyad par bya ste/ de ltar spyod pa'i tshe sems dang po bskyed pa nas

  521. 261b

    bzung ste/ gzhan yang ngan song du mi ltung ba dang / nam yang 'khor lo sgyur ba'i rgyal po mi byed par mi 'gyur ba de ltar spyod do// de ci'i phyir zhe na/ sa bon ci 'dra ba 'bras bu de'ang de 'dra ba'i phyir ro/ / 'khor lo sgyur ba de'i drung du slong mo pa gang dag lhags na/ 'khor lo sgyur ba'i rgyal po de 'di snyam du sems te/ bdag gis 'khor lo sgyur ba'i rgyal srid yongs su bzung ba ni/ sems can rnams kyi don ma gtogs par/ gzhan gyi phyir ma yin no snyam nas/ de 'di skad du gang ci 'dod pa de dag khyed cag la byin zin gyis/ de'i phyir de ni khyed kyi yin gyi/ nga'i ma yin no// nga ni nang gi gzugs 'di'ang don du gnyer ba ma yin na/ gzhan dag lta ci smos te/ ngas sems can thams cad kyi don du 'khor ba yongs su bzung ba la gtogs par/ nga ni 'khor ba don du gnyer ba ma yin no zhes zer te/ de snying rje bas snying rje chen po yongs su rdzogs par byas nas/ ji tsam du snying rje chen po yongs su rdzogs par byas shing / sems can rnams kyi don byed kyang ming dang / btags pa dang / brdas tha snyad 'dogs pa ma gtogs par/ gang dag yongs su rdzogs par 'gyur pa de lta bu'i sems can dag mi dmigs te/ tha snyad de'ang brag cha lta bur tha snyad med par rig par bya'o// rab 'byor byang chub sems dpa' sems dpa' chen pos ji ltar spyad pas

  522. 262a

    sems can rnams la rdzas yongs su gtong bar mi 'gyur ba ci'ang med de/ cher na bdag gi sha dag kyang yongs su gtong bar byed na/ yo byad gang dag gis sems can rnams 'khor ba las yongs su thar par bya ba'i phyir/ phyi rol gyi yo byad dag lta smos kyang mi dgos pa de ltar sbyin pa'i pha rol tu phyin pa la spang bar bya'o// gsol pa/ bcom ldan 'das yo byad de dag gang lags/ bka' stsal pa/ rab 'byor yo byad de dag kyang gang zhe na/ 'di lta ste/ sbyin pa'i pha rol tu phyin pa ni yo byad do// tshul khrims kyi pha rol tu phyin pa ni yo byad do// bzod pa'i pha rol tu phyin pa ni yo byad do// brtson 'grus kyi pha rol tu phyin pa ni yo byad do// bsam gtan gyi pha rol tu phyin pa ni yo byad do/ / shes rab kyi pha rol tu phyin pa ni yo byad do// sangs rgyas kyi chos ma 'dres pa bco brgyad kyi bar dag ni yo byad do// de dag ni yo byad yin te/ yo byad de dag gis phan btags pa'i sems can rnams ni 'khor ba las yongs su thar par 'gyur ro/ / rab 'byor gzhan yang byang chub sems dpa' sems dpa' chen po spyir ba'i pha rol tu phyin pa la gnas nas/ sems can rnams la sbyin pa sbyin par byed pa'i tshe/ tshig 'di skad ces rjod do// rigs kyi bu dag tshur shog/ ngas khyed cag zas dang / skom dang

  523. 262b

    gos dang / yo byad gang yang rung ba'i b.rag gis brel ba med par byas/ khyed cag tshul khrims srungs shig/ khyed cag zas sam/ skom mam/ rin po che sna bdun gyi bar dag gam/ gang gis 'phongs nas tshul khrims 'chal par byed pa de dag ngas brel ba med par byas/ khyed cag ci nas kyang tshul khrims kyi sdom pa la gnas nas/ theg pa gsum po nyan thos kyi theg pa'am/ rang sangs rgyas kyi theg pa 'am/ rnam pa thams cad mkhyen pa nyid kyi theg pa chen po gang yang rung bas/ rim gyis sdug bsngal gyi mthar phyin par gyis shig ces/ rab 'byor byang chub sems dpa' sems dpa' chen po sbyin pa'i pha rol tu phyin pa la gnas nas/ de ltar tshul khrims kyi pha rol tu phyin pas sems can rnams sdud par byed do/ / rab 'byor gzhan yang byang chub sems dpa' sems dpa' chen po sbyin pa'i pha rol tu phyin pa la gnas nas/ sems can gang dag 'khrug pa dang / gnod sems kyi sems dang ldan pa'i sems can de dag la tshig 'di skad ces brjod de/ rigs kyi bu dag khyed cag rgyu gang gis 'phongs nas/ 'khrugs par byed pa 'am/ gnod sems su byed pa 'am/ skyon 'dogs par byed pa'i zas sam/ skom mam/ yo byad gang yang rung ba'i bar dag nga las long zhig dang / ngas khyed cag 'phongs pa med

  524. 263a

    par byas/ de'i phyir khyed cag 'khrug pa dang / gnod sems su ma byed cig/ nga'ang khyed kyi yin la/ khyed kyang nga'i yin te/ nga la 'dogs pa de'ang khyed kyi yin gyis/ su la ci dgos pa dag long zhig dang / ngas khyed cag zas dang / skom dang / gos dang / yo byad gang yang rung ba'i bar dag gis 'phongs pa med par byas/ ci nas kyang khyed cag khro ba dang gnod sems kyi dbang du mi 'gyur bar gyis shig ces/ de ltar byang chub sems dpa' sems dpa' chen po sbyin pa'i pha rol tu phyin pa la gnas nas/ sems can de dag bzod pa la sbyor bar byed de/ khyed cag gang gi phyir khro ba skye bar 'gyur ba de ni snying po med pa ste/ de la ni dngos po gang yang med do// khrod de ni yang dag pa ma yin par yongs su btags pa ste/ khyed cag gang gi phyir mngon par chags pa dang / 'khrug pa dang / gnod sems su byed cing / mngon par chags pa dang / 'khrug pa dang / gnod sems su gyur nas kyang dbyig pas brdeg pa dang / mtshon gyis 'debs shing // gcig gis gcig srog dang 'bral bar byed pa de la ni dngos po gang yang med do/ / de'i phyir khyed cag yang dag pa ma yin pa kun tu rtog pas 'khrug par gyur nas/ sems can dmyal bar ltung bar 'gyur ba 'am/ dud 'gro'i skye gnas sam/ gshin rje'i

  525. 263b

    'jig rten nam/ de las gzhan pa'i ngan 'gro dag tu ltung bar 'gyur te/ der khyed cag sdug bsngal mi bzad pa/ rtsub pa/ tsha ba bdag gi tshor ba myong bar 'gyur gyis/ kye skyes bu ngag las gang yongs su bzung bas mir skye ba'ang thob par mi 'gyur na/ sangs rgyas 'byung ba dang phrad par 'gyur ba lta smos su'ang med pa de lta bu'i dngos po med pa'i chos rnams kyi don gyi las yongs su ma 'dzin cig/ kye skyes bu dag sangs rgyas 'byung ba ni rnyed par dka' 'o// mir skye ba'ang rnyed par dka'i dal ba 'di chud gzan par ma byed cig/ mi khom par gyur cing gsor mi rung bar gyur ta re zhes de ltar byang chub sems dpa' sems dpa' chen po bdag kyang bzod pa sgrub par byed la/ gzhan dag kyang bzod pa la sbyor bar byed cig/ bzod pa'i bsngags pa'ang rjod la/ gzhan gang dag bzod pa sgom pa de dag gi bsngags pa'ang rjod cing rjes su dga' bar byed do// des sems can de dag bzod pa la sbyar cing / bzod pa la dkod nas theg pa gsum gyi rim gyis yongs su mya ngan las 'da' bar byed de/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas nas sems can rnams bzod pa la sbyor ba yin no/ / rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spod cing / sems

  526. 264a

    can rnams brtson 'grus kyi pha rol tu phyin pa la sbyor bar byed ce na/ rab 'byor 'di la byang chub sems dpa' sems dpa' chen pos sems can le lo can dag mthong na/ 'di skad du sems can khyed cag ci'i phyir le lo byed ces 'doms par byed do// de dag 'di skad du rkyen dang mi ldan pa'i phyir ro zhes zer na/ byang chub sems dpa' sems dpa' chen po sbyin pa'i pha rol tu phyin pa la spong pa/ sems can de dag la 'di skad du/ kye skyes bu dag ngas gang khyed cag la sbyin pa'i rkyen tar/ tshul khrims kyi rkyen tam/ bzod pa'i rkyen tam/ brtson 'grus kyi rkyen tam/ rnam pa gzhan gang dag gis brtson 'grus rtsom par 'gyur ba de dag thams cad nye bar bsgrub par byas/ khyed cag brtson 'grus rtsoms shig ces zer te/ der sems can de dag byang chub sems dpa' sems dpa' chen po de'i yo byad de dag gis lus dang sems kyi brtson 'grus rtsom par byed de/ de dag lus dang sems kyi brtson 'grus dang ldan pas/ dge ba'i chos thams cad yongs su rdzogs par byed do// dge ba'i chos de dag gis 'phags pa zag pa med pa'i chos thams cad sgom par byed do/ / de dag bsgoms pas rgyun du zhugs pa'i 'bras bu thob par 'gyur ro// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur

  527. 264b

    ro/ / rang byang chub thob par 'gyur ro// bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa/ sems can rnams brtson 'grus kyi pha rol tu phyin pa la sbyor ba yin no// rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod pa/ sems can rnams bsam gtan gyi pha rol tu phyin pa la sbyor bar byed pa yin zhe na/ rab 'byor 'di la byang chub sems dpa' sems dpa' chen pos sems can sems rnam par g.yengs pa dag mthong na/ 'di skad du kye skyes bu dag khyed cag ci'i phyir bsam gtan la snyoms par mi 'jug ces 'doms par byed do/ / de dag 'di skad du rkyen dang mi ldan pa'i phyir ro zhes zer na/ byang chub sems dpa' sems dpa' chen po sbyin pa'i pha rol tu phyin pa la spyod pa sems can de dag la 'di skad du/ kye skyes bu dag ngas khyed cag rkyen gang dag gis 'di ni nang ngo / / 'di ni phyi rol lo// 'di ni nang dang phyi rol lo zhes rnam par rtog par mi 'gyur ba de lta bu'i rkyen dag nye bar bsgrub par bya'o zhes zer te/ der byang chub sems dpa' sems dpa' chen po des sems can de dag la rkyen gang dang gang dag gis rnam par rtog par mi 'gyur ba de lta bu'i rkyen dag nye bar sgrub par byed do// des

  528. 265a

    sems can de dag rnam par rtog pa'i rgyun chad nas bsam gtan dang po bsgrubs te gnas so/ / bsam gtan gnyis pa dang / gsum pa dang / bzhi pa bsgrubs te gnas so/ / byams pa dang / snying rje dang / dga' ba dang / btang snyoms dag la snyoms par 'jug go// de dag bsam gtan de dag dang / tshad med pa de dag gis 'phags pa'i lam yan lag brgyad pa'i bar dag sgom par byed do/ / de dag bsgoms nas theg pa gsum po dag gis rim gyis yongs su mya ngan las 'da' bar 'gyur ro// de dag las kha cig ni bla na med pa yang dag par rdzogs pa'i byang chub mngon par rdzogs par sangs rgyas kyi bar du byang chub kyi lam las yongs su mi nyams te/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa/ sems can rnams ting nge 'dzin gyi pha rol tu phyin pa la sbyor bar byed pa yin no// rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod pa/ sems can rnams shes rab kyi pha rol tu phyin pas yongs su sdud pa yin zhe na/ rab 'byor 'di la byang chub sems dpa' sems dpa' chen pos sems can shes rab 'chal pa dag mthong na/ 'di skad du kye sems can dag khyed cag ci'i phyir shes rab kyi pha rol tu phyin pa sgom par

  529. 265b

    mi byed ces 'doms shing rjes su ston par byed do/ / de dag 'di skad du rkyen dang mi ldan pa'i phyir ro zhes zer na/ byang chub sems dpa' sems dpa' chen po sbyin pa'i pha rol tu phyin pa la gnas te/ sems can de dag la 'di skad du/ kye sems can dag nga las yo byad dag long zhig/ nga las yo byad dag blangs nas kyang sbyin pa byin cig/ tshul khrims srungs shig/ bzod/ ba sgrubs shig/ brtson 'grus rtsoms shig/ bsam gtan sgoms shig/ rnam pa de dag yongs su rdzogs nas kyang 'di ltar shes rab kyi pha rol tu phyin pa sgom pa la bdag gam sems can nam/ srog gam/ gso ba 'am/ gang zag gam/ shes pa po dang / mthong ba po dang / byed pa po'i bar dag gam/ 'dod pa'i khams sam/ gzugs kyi khams sam/ gzugs med pa'i khams sam/ pha rol tu phyin pa drug gam/ byang chub kyi phyogs kyi chos sum cu rtsa bdun nam/ rgyu ni zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub bam/ gang dmigs par 'gyur ba'i chos gang yang yod dam/ tshol cig ces 'doms shing rjes su ston to// byang chub sems dpa' sems dpa' chen po shes rab kyi pha rol tu phyin pa la spod pa ni/ gang la

  530. 266a

    dmigs shing mngon par zhen par 'gyur ba'i chos gang yang mi dmigs so/ / de mngon par zhen pa med pas/ chos gang yang skye ba'am/ 'gag pa 'am kun nas nyon mongs pa 'am/ rnam par byang bar yang dag par rjes su mi mthong ngo // des de dag yang dag par rjes su ma mthong bas/ 'di ni sems can dmyal ba pa'o// 'di ni dung 'gro'i skye gnas pa'o/ / 'di ni gshin rje'i 'jig rten pa'o// 'di ni lha ma yin gyi ris so// 'di ni lha'o// 'di ni mi'o// 'di ni tshul khrims dang ldan pa'o// 'di ni tshul khrims 'chal pa'o/ / 'di ni rgyun du zhugs pa'o// 'di ni lan cig phyir 'ong ba'o// 'di ni phyir mi 'ong ba'o// 'di ni dgra bcom pa'o// 'di ni rang sangs rgyas so// 'di ni de bzhin gshegs pa dgra bcom pa yang dag par rdzogs pa'i sangs rgyas so zhes bya bar rnam par mi rtog ste/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa/ sems can rnams shes rab kyi pha rol tu phyin pa la yongs su sdud par byed pa yin no// rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la gnas/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang

  531. 266b

    shes rab kyi pha rol tu phyin pa la gnas nas/ byang chub kyi phyogs kyi chos sum cu rtsa bdun gyi bar dag yongs su 'dzin par byed ce na/ rab 'byor 'di la byang chub sems dpa' sems dpa' chen pos sems can rnams la yo byad dag sbyin par byed de/ yo byad de dag gis yongs su bsdus pa'i sems can rnams ni dran pa nye bar gzhag pa bzhi sgom par byed do// yang dag par spong ba bzhi sgom par byed do// rdzu 'phrul gyi rkang pa bzhi sgom par byed do// dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dag sgom par byed do/ / lam des yongs su zin par gyur pa ni 'khor ba ji snyed pa las yongs su thar par 'gyur te/ rab 'byor de ltar byang chub sems dpa' sems dpa' chen po 'phags pa zag pa med pa'i chos rnams kyis sems can rnams yongs su 'dzin par byed pa yin no/ / rab 'byor gzhan yang byang chub sems dpa' sems dpa' chen po sbyin pa'i pha rol tu phyin pa la spyod pa/ sems can mgon med pa/ sdug bsngal ba/ zas dang skom gyis 'phongs pa dag mthong na/ 'di ltar yongs su smin par byed de/ rigs kyi bu dag tshur shog/ khyed cag nga las zas dang / skom dang / gos dang / bzhon pa dang / mal cha dang / stan dang / spos dang /

  532. 267a

    me tog 'phreng dang / byug pa dang / rin po che sna bdun dang / yo byad gang yang rung ba'i bar dag long la/ sems can rnams la phan thogs shig dang / de ni khyed cag la yun ring po'i don dang / phan pa dang / bde bar 'gyur ro// 'di ni nga'i don yin gyi/ khyed cag gi ma yin no snyam du bsam par mi bya bar/ 'di ni bdag gis yun ring po nas sems can rnams kyi don du bsgrubs pa yin no snyam du/ de ltar khyed kyis bdag gis rang gi yin no snyam du sems la/ sems can rnams la sbyin pa byin cig/ sbyin pa des kyang tshul khrims la sbyor cig/ bzod pa la sbyor cig/ brtson 'grus la sbyor cig/ bsam gtan la sbyor cig/ shes rab la sbyor cig/ byang chub kyi phyogs kyi chos sum cu rtsa bdun gyi bar dag la sbyor cig/ de tsam gyis chog par ma 'dzin par gong du 'phags pa'i chos zag pa med pa rnams la'ang khod cig/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la khod cig ces/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas ji ltar yongs su smin par byas pas/ sems can rnams

  533. 267b

    ngan song gsum po dag las yongs su thar par 'gyur ba dang / 'khor ba thams cad kyi bar dag las yongs su thar par 'gyur ba de ltar sems can rnams yongs su smin par bya'o/ / rab 'byor gzhan yang byang chub sems dpa' sems dpa' chen po tshul khrims kyi pha rol tu phyin pa la gnas te/ 'di ltar sems can rnams yongs su smin par bya'o/ / rigs kyi bu dag tshur shog/ khyed cag zas sam/ skom mam/ mi'i yo byad gang yang rung ba'i bar dag gis 'phongs nas/ tshul khrims 'chal par byed pa'i yo byad de dag ngas nye bar bsgrub par bya'o zhes/ des sems can de dag tshul khrims kyi pha rol tu phyin pa la bkod nas kyang / phan gdags pa ji lta bus phan gdag sa bas dge ba bcu'i las kyi lam yang dag par len par 'gyur zhing / tshul khrims ma ral ba dang / tshul khrims nag nog med par gyur pa de dag tshul khrims kyi sdom pa la gnas par 'gyur ba de lta bu'i phan gdags pas phan 'dogs par byed de/ pha rol tu phyin pa drug gi bar dag la'ang de bzhin du sbyar bar bya'o// shes rab kyi pha rol tu phyin pa khri brgyad gong ba las/ sems can yongs su smin par bya ba'i go cha'i le'u zhes bya ste 'dun cu rtsa drug pa'o// / de nas tshe dang ldan pa rab 'byor 'di snyam du

  534. 268a

    sems te/ gang la gnas nas byang chub sems dpa' sems dpa' chen pog/ de lta bu'i go cha bgo bar bya ba'i byang chub sems dpa' sems dpa' chen po'i lam de gang yin snyam mo/ de nas bcom ldan 'das kyis/ tshe dang ldan pa rab 'byor gyi sems kyis rtog pa thugs kyis mkhyen nas/ tshe dang ldan pa rab 'byor la 'di skad ces bka' stsal to/ / rab 'byor pha rol tu byin pa drug ni byang chub sems dpa' sems dpa' chen po'i lam mo// byang chub kyi phyogs kyi chos sum cu rtsa bdun ni byang chub sems dpa' sems dpa' chen po'i lam mo/ / stong pa nyid bcu bzhi dang / mthar gyis gnas pa'i snyoms par 'jug pa dgu dang / rnam par thar pa brgyad dang / de bzhin gshegs pa'i stobs bcu dang / sangs rgyas kyi chos ma 'dres pa bco brgyad ni byang chub sems dpa' sems dpa' chen po'i lam mo// rab 'byor gzhan yang chos thams cad ni byang chub sems dpa' sems dpa' chen po'i lam yin no/ / rab 'byor 'di ji snyam du sems/ gang la byang chub sems dpa' sems dpa' chen pos bslab par mi bya ba dang / gang la ma bslabs pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i chos 'ga' zhig yod snyam na/ rab 'byor gang la byang chub sems dpa' sems dpa'

  535. 268b

    chen pos bslab par mi bya ba dang / byang chub sems dpa' sems dpa' chen pos chos thams cad la ma bslabs par rnam pa thams cad mkhyen pa nyid 'thob par nus pa'i chos ni gang yang med do/ / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad stong pa lags na/ byang chub sems dpa' sems dpa' chen pos chos thams cad la ji ltar bslab par bgyi ste/ bcom ldan 'das 'di snyed cig ko zhe 'am/ 'di dag go zhe 'am chos 'di dag ni 'jig rten pa 'am/ 'jig rten las 'das pa 'am/ zag pa dang bcas pa'am/ zag pa med pa 'am/ 'dus byas sam/ 'dus ma byas sam/ ma sa skye bo'i chos sam/ dgra bcom pa'i chos sam/ rang sangs rgyas kyi chos lags so zhes bgyis na/ ma spros pa spros par bgyid pa'am/ gcig tu mi 'gyur lags sam/ deskad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ chos thams cad ni stong pa yin no/ / rab 'byor gal te chos thams cad stong pa ma yin du zin na ni/ byang chub sems dpa' sems dpa' chen po bla ma med pa yang dag par rdzogs pa'i

  536. 269a

    chub mngon par rdzogs par 'tshang mi rgya bar 'gyur ba zhig na/ rab 'byor 'di ltar chos thams cad ni stong pa yin te/ de'i phyir byang chub sems dpa' sems dpa' chen po bla na med pa yang dag par rdzogs pa'i byang chub mngon par 'tshang rgya bar 'gyur ro/ / rab 'byor yang gang khyod 'di skad du gal te chos thams cad stong pa lags na/ ji ltar byang chub sems dpa' sems dpa' chen pos 'di snyed cig go zhe 'am/ 'di dag go zhe'am/ so so'i skye bo'i chos sam/ dgra bcom pa'i chos sam/ rang sangs rgyas kyi chos shes bgyi ba'i bar du ltar chos rnams tha dad du bgyid ces zer ba ni/ rab 'gyur ci sems can 'di dag gis chos thams cad stong ba'o zhes bya bar shes sam/ gal kI de lar shes nin byang chub sems dpa' sems dpa' chen po'ang chos thams cad la bslabs nas/ rnam pa thams cad mkhyen pa nyid 'thob par mi 'gyur ba zhig na// rab 'byor 'ad ltar sems can 'di/ ngag gis chos thams cad stong pa'o zhes bya bar mi shes te/ de'i phyir byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ chos thams cad rnam par gzhag pa byas shing sems can rnams la chos ston par byed do// rab 'byor de la byang chub sems dpa' sems dpa' chen po byang chub kyi

  537. 269b

    lam la spyod pas/ thog ma nyid nas 'di ltar 'di la mngon par 'du byed pa ma gtogs par/ gang rang gi ngo bo nyid kyis dmigs par 'gyur ba'i chos gang yang med do snyam du nye bar brtag/ bar bya'o// de ltar chos de dag gi rang bzhin la nye bar rtog pa na/ pha rol tu phyin pa rnams sapa/ byang chub kyi phyogs kyi chos sum cu rtsa bdun nam/ rgyun du zhugs pa'i 'bras bu'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub bam/ chos gang la'ang mngon par zhen pa med do/ / de ci'i phyir zhe na/ 'di ltar chos thams cad ni chos thams cad kyi ngo bo nyid kyis stong la/ stong pa nyid ni stong pa nyid la mngon par zhen par mi byed de/ stong pa nyid kyang dmigs su med na/ stong pa nyid kyis stong pa nyid la mngon par zhen pa lta'ang smos kyang mi dgos pa'i phyir te/ rab 'byor byang chub sems dpa' sems dpa' chen po ni de ltar chos thams cad la mngon par zhen pa med par gnas so/ / de bslab pa de la gnas kyang sems can 'di ci la spyod ce na/ sems can thams cad kyi spyod pa la rnam par lta zhing med pa la 'dzin pa yin no snyam nas/ de la byang chub sems dpa' sems dpa' chen po 'di snyam du sems te/ kye ma bdag gis sems can 'di dag yod pa ma

  538. 270a

    yin pa la 'dzin pa las legs par thar bar bya'o snyam nas/ de thabs la mkhas pas shes rab kyi pha rol tu phyin pa la gnas shing / 'di skad du sems can dag tshur shog/ khyed cag sbyin pa byin cig dang / des khyed cag longs spyod dag gis mi brel bar 'gyur ro// longs spyod de dag gis kyang rlom sems su ma byed cig/ de la snying po gang yang med do zhes 'doms par byed do/ / de bzhin du tshul khrims srungs la/ tshul khrims des des kyang rlom sems su ma byed cig/ de la snying po gang yang med do zhes tshul khrims la 'doms bar byed do/ / de bzhin du bzod pa dang / de bzhin du brtson 'grus dang / de bzhin du ting nge 'dzin la snyoms par zhugs shig/ de bzhin du shes rab sgoms shig/ shes rab des kyang rlom sems su ma byed cig/ de la snying po gang yang med do zhes 'doms par byed do// de bzhin du rgyun du zhugs pa'i 'bras bu dang / de bzhin du lan cig phyir 'ong ba'i 'bras bu dang / de bzhin du phyir mi 'ong ba'i 'bras bu dang / de bzhin du dgra bcom pa nyid dang / de bzhin du rang byang chub dang / de bzhin du sangs rgyas kyi chos thams cad kyi bar dag sboms la/ chos de dag gis kyang rlom sems su ma byed cig/ de la snying po gang yang med do zhes 'doms par byed de/ de ltar 'doms shing rjes su ston par byed

  539. 270b

    bas byang chub kyi lam la spyod kyang / chos gang la'ang mngon par zhen pa med do// de ci'i phyir zhe na/ chos thams cad ni mngon par zhen pa med pa ste/ stong pa nyid kyi rang bzhin bar gzung na/ de la gang gis mngon par zhen par 'gyur ba de lta bu'i ngo bo nyid med pa'i phyir ro// rab 'byor de ltar byang chub sems dpa' sems dpa' chen po byang chub kyi lam la spyod kyang / gang la'ang mi gnas te/ de gnas pa med pa'i tshul gyis sbyin pa'i pha rol tu phyin pa la spyod kyang de la mi gnas so// tshul khrims kyi pha rol tu phyin pa la spyod kyang de la mi gnas so/ / bzod pa'i pha rol tu phyin pa la spyod kyang de la mi gnas so// brtson 'grus kyi pha rol tu phyin pa la spyod kyang de la mi gnas so// bsam gtan gyi pha rol tu phyin pa la spyod kyang de la mi gnas so/ / shes rab kyi pha rol tu phyin pa la spyod kyang de la mi gnas so// de bsam gtan dang po la snyoms par 'jug kyang de la mi gnas so// de ci'i phyir zhe na/ 'di ltar bsam gtan dang po ni bsam gtan gyi ngo bo nyid kyis stong la/ gang snyoms par 'jug pa de'ang stong zhing / rnam pa gang dag gis snyoms par 'jug pa'i rnam pa de dag kyang stong pa'i phyir ro/ / de bzhin du bsam gtan gnyis pa dang / bsam gtan gsum pa dang / bsam gtan bzhi pa'i bar dang / de bzhin du byams pa dang

  540. 271a

    snying rje dang / dga' ba dang / btang snyoms dang / gzugs med pa'i snyoms par 'jug pa'i bar dag dang / rnam par thar pa brgyad dang / mthar gyis gnas pa'i snyoms par 'jug pa dgu dang / rgyun du zhugs pa'i 'bras bu thob kyang de la mi gnas so// lan cig phyir 'ong ba'i 'bras bu thob kyang de la mi gnas so// phyir mi 'ong ba'i 'bras bu thob kyang de la mi gnas so/ / dgra bcom pa nyid thob kyang de la mi gnas so// rang sangs rgyas kyis thob kyang de la mi gnas so// rab 'byor gyis gsol pa/ bcom ldan 'das ci'i slad du mi gnas lags/ bka' stsal pa/ rab 'byor rnam pa gnyis kyis mi gnas te/ gnyis gang zhe na/ 'bras bu de dag la gang la gnas pa 'gyur ba dang gang gi gnas par 'gyur ba dang / gang gnas par 'gyur ba'i ngo bo nyid med pa dang / bla na med pa yang dag par rdzogs pa'i byang chub mngon par rdzogs par sangs rgyas kyi bar du de tsam gyis chog par mi 'dzin par/ bdag gis rgyun du zhugs pa'i 'bras bu thob par mi bya ba ma yin te/ bdag gis rgyun du zhugs pa'i 'bras bu thob nas kyang de la gnas par mi bya'o// bdag gis rang sangs rgyas kyi sa'i bar dag thob par mi bya ba ma yin te/ bdag gis rang sangs rgyas kyi sa'i bar dag thob kyang de la gnas par mi bya'o// de ci'i phyir zhe na/ 'di ltar bdag

  541. 271b

    gis sems dang po bskyed phyin chad bla na med pa yang dag par rdzogs pa'i byang chub ma gtogs par sems gzhan ma bskyed do snyam du sems pa'i phyir ro/ / de ci'i phyir zhe na/ 'di ltar byang chub sems dpa' sems dpa' chen po des sems dang po bskyed byin chad bla na med pa yang dag par rdzogs pa'i byang chub ma gtogs par sems gzhan ma bskyed la/ de bzhin du byang chub sems dpa'i skyon med pa la zhugs pa nas bzung ste/ sa bcu'i bar du'ang sems rnam par g.yeng ba med cing / bla na med pa yang dag par rdzogs pa'i byang chub ma gtogs par sems gzhan 'ga' yang ma bskyed pa'i phyir ro/ / rab 'byor byang chub sems dpa' sems dpa' chen po des ji tsam du lus dang / ngag dang / yid kyi rtul bar byed pa'ang byang chub kyi sems las gzhan ma yin te/ byang chub sems dpa' sems dpa' chen po byang chub kyi sems la gnas shing / yid rnam par mi g.yeng bar byang chub kyi lam skyed par byed do// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad skye ba ma mchis pa lags na/ bcom ldan 'das 'o na ji ltar byang chub sems dpa' chen po byang chub kyi lam skyed par bgyid lags/ de skad ces gsol pa dang / bcom ldan 'das kyi/ tshe dang ldan pa rab

  542. 272a

    'byor la 'di skad ces bka' stsal to/ / rab 'byor de de bzhin no// de de bzhin te/ rab 'byor chos thams cad ni ma skyes pa ste/ de' ji lta bu zhe na/ gang dag mngon par 'du mi byed pa de dag la ni chos thams cad ma skyes pa yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos gnas pa nyid de ni gnas pa ma lags sam/ bka' stsal pa/ rab 'byor de de bzhin no// de de bzhin te/ de bzhin gshegs pa rnams byung yang rung / de bzhin gshegs pa rnams ma byung yang chos rnams kyi chos gnas pa nyid de ni gnas pa yin mod kyi/ gang dag gis chos gnas pa nyid de mi shes pa de dag gi don du byang chub sems dpa' sems dpa chen po byang chub kyi lam skyed par byed cing / lam des sems can rnams 'khor ba las yongs su thar par byed do// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das ci skyes par gyur pa'i lam gyis byang chub thob par 'gyur lags sam/ bka' stsal pa/ de ni ma yin no// gsol

  543. 272b

    pa/ bcom ldan 'das 'o nas skyes par gyur pa'i lam gyis byang chub thob par 'gyur lags sam/ bka' stsal pa/ de ni ma yin no// gsol pa/ bcom ldan 'das 'o na skyes kyang skyes la/ ma skyes kyang ma skyes par gyur pa'i lam gyis byang chub thob par 'gyur lags sam/ bka' stsal pa/ de ni ma yin no// gsol pa/ bcom ldan 'das 'o na skyes pa'ang ma lags/ ma skyes pa'ang ma lags par gyur pa'i lam gyis byang chub thob par 'gyur lags sam/ bka' stsal pa/ de ni ma yin no// gsol pa/ bcom ldan 'das 'o na ji ltar byang chub thob par 'gyur lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor byang chub ni lam gyis kyang mi 'thob la/ lam ma yin pas kyang ma yin te/ byang chub nyid kyang lam mo// lam nyid kyang byang chub bo// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te byang chub nyid kyang lam lags la/ lam nyid kyang byang chub lags na/ 'o na byang chub sems dpa' sems dpa' chen pos byang chub thob lags pa nyid du mi 'gyur lags sam/ 'o na skyes bu chen po'i mtshan sum cu rtsa gnyis dang / de bzhin gshegs pa'i stobs

  544. 273a

    bcu dang / mi 'jigs pa bzhi dang / so so yang dag par rig pa bzhi dang / tshad med pa bzhi dang / gzugs med pa'i snyoms par 'jug pa bzhi dang / sangs rgyas kyi chos ma 'dres pa bco brgyad kyi bar dag gis/ de bzhin gshegs pa dgra bcom pa yang dag par rdzogs pa'i sangs rgyas lags so zhes kyang ci'i slad du bstan lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor ji ji snyam du sems/ sangs rgyas kyis byang chub 'thob snyam ma ma/ gsol pa/ bcom ldan 'das de ni ma lags te/ sangs rgyas nyid kyang byang chub lags la/ byang chub nyid kyang sangs rgyas lags pas/ sangs rgyas kyis byang chub mi thob lags so/ / bka' stsal pa/ rab 'byor gang yang khyod 'di skad du/ 'o na byang chub sems dpa' sems dpa' chen pos byang chub thob lags pa 'am/ gcig tu mi 'gyur lags sam zhes zer ba ni/ rab 'byor 'di la byang chub sems dpa' sems dpa' chen po ni/ pha rol tu phyin pa drug yongs su rdzogs par byas shing / byang chub kyi phyogs kyi chos sum cu rtsa bdun yongs su rdzogs par byas nas/ de bzhin gshegs pa'i bstobs bcu dang / mi 'jigs pa bzhi dang / so so yang dag par rig pa bzhi dang

  545. 273b

    sangs rgyas kyi chos ma 'dres pa bco brgyad yongs su rdzogs par byas te/ rdo rje lta bu'i ting nge 'dzin dang / sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya ste/ bla na med pa yang dag par rdzogs pa'i byang chub mngon par rdzogs par sangs rgyas phyin chad de bzhin gshegs pa zhes brjod de/ chos thams cad mkhyen cing / chos thams cad gzigs pas na/ de'i phyir thams cad mkhyen pa zhes bya'o// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad rang bzhin gyis dben pa lags na/ bcom ldan 'das 'o na ji ltar byang chub sems dpa' sems dpa' chen po'i sangs rgyas kyi zhing yongs su dag par 'gyid lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor 'di la byang chub sems dpa' sems dpa' chen po sems dang po bskyed pa nas bzung ste/ bdag dang gzhan gyi lus kyi gnas ngan len pa dang / ngag gi gnas ngan len pa dang / yid kyi gnas ngan len yongs su sbyong bar byed cing / yongs su dag pa'i chos de dag gis sangs rgyas kyi zhing yongs su dag par byed do// de skad ces bka' stsal

  546. 274a

    pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po'i lus kyi gnas ngan len ni gang lags/ ngag gi gnas ngan len ni gang lags/ yid kyi gnas ngan len ni gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor lus kyi las mi dge ba 'di lta ste/ srog gcod pa dang // ma byin par len pa dang / 'dod pa la log par g.yem pa dang / ngag gi las ma dge ba brdzun du slab dang / za ma dang / ngag rtsub po dang tshig 'khyal par smra ba dang / yid kyi las mi dges rna ba sems da / da sems dang / log par lta ba gang yin pa de ni/ byang chub sems dpa' sems dpa' chen po'i lus kyi gnas ngan len yin no// de ni ngag gi gnas ngan len yin no// de ni yid kyi gnas ngan len yin te/ byang chub sems dpa' sems dpa' chen po ni/ bdag dang gzhan gyi lus dang / ngag dang / yid kyi gnas ngan len de dag yongs su spong zhing / sangs rgyas kyi zhing yongs su dag par byed do// rab 'byor gzhan yang ser sna'i sems gang yin pa de ni/ byang chub sems dpa' sems dpa' chen po'i yod

  547. 274b

    kyi gnas ngan len yin no/ / 'chal pa'i tshul khrims kyi sems dang / 'khrug pa'i sems dang / le lo'i sems dang / rnam par g.yeng ba'i sems dang / mnyam par ma bzhag pa'i sems dang / 'chal ba'i shes rab kyi sems gang yin pa de'ang / byang chub sems dpa' sems dpa' chen po'i yid gnas ngan len yin no// rab 'byor gzhan yang tshul khrims yongs su ma dag pa gang yin pa de'ang / byang chub sems dpa' sems dpa' chen po'i yid kyi gnas ngan len yin no// rab 'byor gzhan yang dran pa nye bar gzhag pa bzhi dang bral ba gang yin pa de'ang / byang chub sems dpa' sems dpa' chen po'i yid kyi gnas ngan len yin no// de bzhin du yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang bral ba gang yin pa de'ang / byang chub sems dpa' sems dpa' chen po'i yid kyi gnas ngan len yin no/ / rab 'byor gzhan yang rgyun du zhugs pa'i 'bras bu mngon sum du byed cing / de la dga' ba gang yin pa de'ang / byang chub sems dpa' sems dpa' chen po'i/

  548. 275a

    yid kyi gnas ngan len yin no// dgra bcom pa nyid dang / rang byang chub kyi bar dag mngon sum du byed cing / de la dga' ba gang yin pa de'ang / byang chub sems dpa' sems dpa' chen po'i yid kyi gnas ngan len yin no/ / rab 'byor gzhan yang gzugs su 'du shes pa ni gnas ngan len yin no// tshor ba dang / 'du shes dang / 'du byed rnams dang / rnam par shes par 'du shes pa ni gnas ngan len yin no// mig tu 'du shes pa ni gnas ngan len yin no// rna ba dang / sna dang / lce dang // lus dang / yid du 'du shes pa ni gnas ngan len yin no// bud med du 'du shes pa ni gnas ngan len yin no// skyes par 'du shes pa ni gnas ngan len yin no// 'dod pa'i khams su 'du shes pa dang / gzugs kyi khams su 'du shes pa dang / gzugs med pa'i khams su 'du shes pa dang / dge bar 'du shes pa dang / mi dge bar 'du shes pa dang / 'dus byas su 'du shes pa dang / 'dus ma byas su 'du shes pa gang yin pa de'ang / rab 'byor byang chub sems dpa' sems dpa' chen po'i lus kyi gnas ngan len yin no// ngag gi gnas ngan len yin no// yid kyi gnas ngan len yin no// des gnas ngan len de dag thams cad rnam par spangs nas/ bdag kyang sbyin pa sbyin par byed cing / gzhan

  549. 275b

    dag kyang sbyin pa yang dag par 'dzin du 'jug ste/ de zas 'dod pa rnams la ni zas sbyin par byed/ skom 'dod pa rnams la ni skom sbyin par byed/ yo byad 'dod pa rnams la ni yo byad gang yang rung ba'i bar dag sbyin par byed la/ gzhan dag kyang yo byad de dag nyid la rab tu 'god cing / yang dag par 'dzin du du 'jug ste/ dge ba'i rtsa ba de'ang sems can thams cad dang thun mong du byas nas/ sangs rgyas kyi zhing yongs su dag par bya ba'i phyir yongs su sngo bar byed de/ tshul khrims dang / bzod pa dang / brtson 'grus dang / bsam gtan dang / shes rab dag la'ang de bzhin du sbyar bar bya'o// de bdag kyang stong gsum gyi stong chen po'i 'jig rten gyi khams rin po che sna bdun gyis yongs su bkang ste/ dkon mchog gsum gyi phyir sbyin pa sbyin par byed la/ gzhan dag kyang de nyid yang dag par 'dzin du 'jug cing / dge ba'i rtsa ba 'dis sangs rgyas kyi zhing rin po che sna bdun las grub par gyur cig ces de ltar yongs su sngo bar byed do/ / rab 'byor gzhan yang byang chub sems dpa' sems dpa' chen po sangs rgyas rnams sam/ sangs rgyas kyi mchod rten dag gi drung du lha'i sil snyan ngag dkrol bar byed cing / de 'di ltar dge ba'i rtsa ba 'dis bdag gi sangs rgyas kyi zhing du lnga'i sil snyan gyi sgra yid du 'ong ba dag rtag tu rgyun mi 'chad par 'byung bar gyur cig ces yongs su snga

  550. 276a

    par byed do/ / rab 'byor gzhan yang byang chub sems dpa' sems dpa' chen pos stong gsum gyi stong chen po'i 'jig rten khams m+b+ha'i spos kyis yongs su bkang ste/ sangs rgyas rnams sam/ sangs rgyas kyi mchod rten dag la 'bul zhing / de 'di ltar dge ba'i rtsa ba 'dis bdag gi sangs rgyas kyi zhing der lha'i spos dag 'byung bar gyur cig ces yongs su sngo bar byed do/ / rab 'byor gzhan yang byang chub sems dpa' sems dpa' chen pos/ de bzhin gshegs pa rnams dang / de bzhin gshegs pa'i nyan thos rnams la zhal bas ro brgya dang ldan pa dga'abul zhing / de 'di ltar dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i nyan thos rnams kyi kha zas ro brgya dang ldan pa dag 'byor par gyur cig ces yongs su sngo bar byed do/ / rab 'byor gzhan yang byang chub sems dpa' sems dpa' chen pos de bzhin gshegs pa rnams dang / de bzhin gshegs pa'i nyan thos rnams dang / de bzhin gshegs pa'i sku gzugs rnams dang / de bzhin gshegs pa'i mchod rten dag la lha'i byug pa dag 'bul zhing / de 'di ltar dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i

  551. 276b

    sangs rgyas kyi zhing de'i sems can rnams lha'i reg pa phun sum tshogs pa dang ldan par gyur cig ces yongs su sngo bar byed do/ / rab 'byor gzhan yang byang chub sems dpa' sems dpa' chen po 'di snyam du sems te/ yid la bsam pa tsam gyis sangs rgyas rnams dang / sangs rgyas kyi nyan thos rnams dang / sems can thams cad la 'dod pa'i yon tan lnga po gzugs dang / sgra dang / dri dang / ro dang / reg pa yid du 'ong ba dag 'bul bar gyur cig snyam du sems shing / de dag phul nas kyang de 'di l hultar dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i nyan thos kyi dge 'dun thams cad dang sems can thams kyis yid la bsams pa tsam gyis 'dod pa'i yon tan lnga po gzugs dang / sgra dang / dri dang / ro dang / reg bya yid du 'ong ba dag 'byung bar gyur cig ces yongs su sngo bar byed do/ / rab 'byor gzhan yang byang chub sems dpa' sems dpa' chen po bdag dang sems can thams cad lhan cig 'grogs te/ sangs rgyas rnams dang sangs rgyas kyi nyan thos rnams la 'dod pa'i yon tan lnga po gzugs dang / sgra dang / dri dang / ro dang / reg bya yid du 'ong ba'i sbyin pa dag 'bul bar byed

  552. 277a

    do/ / rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa 'di snyam du sems te/ 'di ltar bdag kyang bsam gtan dang po la snyoms par 'jug par bya'o// gzhan dag kyang bsam gtan dang po la gzud par bya'o// de bzhin du bsam gtan bzhi pa'i bar dag la'ang dgod par bya'o/ / byams pa dang / snying rje dang / dga' ba dang / btang snyoms dang / byang chub kyi phyogs kyi chos sum cu rtsa bdun gyi bar dag la dgod par bya'o snyam du sems shing / de 'di snyam du dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i sems can thams cad sbyin pa gnyis dang mi 'bral bar gyur cig/ bsam gtan bzhi dang mi 'bral bar gyur cig/ tshad med pa bzhi dang mi 'bral bar gyur cig/ byang chub kyi phyogs kyi chos sum cu rtsa bdun dang mi 'bral bar gyur cig ces/ rab 'byor de ltar byang chub sems dpa' sems dpa' chen po sangs rgyas kyi zhing yongs su dag par byed de/ de ji srid du bsam pa de dag thams cad yongs su rdzogs par ma gyur pa de srid kyi bar du bla na med pa yang dag par rdzogs pa'i byang chub mngon par rdzogs par 'tshang rgya bar mi byed de/ de bdag kyang dge ba'i chos

  553. 277b

    thams cad dang ldan pa yin la/ sems can de dag kyang dge ba'i chos rnams dang ldan par byed do// de dag kyang gzugs bzang ba yin la/ sems can gang dag byang chub sems dpa' sems dpa' chen po des yongs su smin par byas pa de dag kyang gzugs bzang ba yin te/ de dag 'di lta ste/ bsod nams kyis yongs su zin pa'i phyir gzugs bzang ba dang / blta na sdug pa dang / mdzes pa'i lus de mngon par sgrub par byed do// rab 'byor byang chub sems dpa' sems dpa' chen po ni de ltar sangs rgyas kyi zhing yongs su dag par byed de/ ci nas kyang ngan song gsum po dag tu gdags pa'ang 'byung bar mi 'gyur ba dang / lta ba'i rnam par gdags pa'ang 'byung bar mi 'gyur ba dang / 'dod chags dang / zhe sdang dang / gti mug tu gdags pa'ang 'byung bar mi 'gyur ba dang / skyes pa dang bud med ces bya ba'i ming yang 'byung bar mi 'gyur ba dang / zag pa gnyis pa dag gi ming yang 'byung bar mi 'gyur ba dang / mi rtag pa dang / sdug bsngal ba dang / bdag tu gdags pa'ang 'byung bar mi 'gyur ba dang / yongs su 'dzin par gdags pa'ang 'byung bar mi 'gyur ba dang / ngar 'dzin pa dang / nga yir 'dzin par gdags pa'ang 'byung bar mi 'gyur ba dang / rjes su chags pa dang / kun nas ldang bar gdags pa'ang 'byung bar mi 'gyur

  554. 278a

    ba dang / byin ci log tu ga dgras pa 'du 'byung bar mi 'gyur ba dang / 'bras bu rnam par gzhag par gdugs pa'ang 'byung bar mi 'gyur zhing / gzhan na/ stong pa nyid dang / mtshan ma med pa dang / smon pa med pa'i ting nge 'dzin gyi sgra 'byung ba dang / sems can de dag 'di ltar phyi dang nang gi ngo bo rnams gtong 'dod pa'i sgra 'byung bar 'gyur ba dang / shing rlung gis bskyod pa dag dang / phyi dang nang gi chos rnams las 'di lta ste/ stong pa nyid dang / mtshan ma med pa dang / smon pa med pa'i sgra 'byung bar 'gyur ba dang / skye ba med pa dang 'gag pa med pa'i sgra 'byung bar 'gyur ba dang / chos de dag gi ngo bo nyid ji lta ba de lta bu'i sgra 'byung bar 'gyur ba dang / chos thams cad chos thams cad kyis stong zhes bya ba dang / chos de dag gi ngo bo nyid ji lta ba de lta bu'i sgra 'byung bar 'gyur ba dang / de bzhin gshegs pa rnams byung yang rung / de bzhin gshegs pa rnams ma byung yang rung ste/ chos thams cad ni chos thams cad kyis stong ngo // gang stong pa de la ni mtshan ma med do// gang mtshan ma med pa de la ni smon pa med do zhes bya bar chos ston pa'i sgra 'byung bar 'gyur ba dang nyin par ram/ mtshan mo 'am/ 'greng ngam/ 'dug gis/ nyal lam/ 'chag kyang rung / de lta bu'i chos bstan pa'i sgra 'byung bar 'gyur ba de ltar sangs rgyas kyi zhing yongs

  555. 278b

    su dag par byed do/ / sangs rgyas kyi zhing der sran med pa yang dag par rdzogs pa'i byang chub mngon par rdzogs par sangs rgyas pa'i de bzhin gshegs pa dgra bcom pa yang dag par rdzogs pa'i sangs rgyas de la ni/ phyogs bcu'i 'jig rten gyi khams kyi sangs rgyas bcom ldan 'das gang ji snyed pa de dag thams cad kyang bsngags brjod par 'gyur ro// sems can gang dag gis de bzhin gshegs pa de'i bsngags pa dang mtshan zos pa de dag thams cad kyang bla na med pa yang dag par rdzogs pa'i byang chub tu nges par 'gyur ro/ / de bzhin gshegs pa dgra bcom pa yang dag par rdzogs pa'i sangs rgyas des chos bstan pa de la sems can 'ga' yang 'di chos yin nam/ 'di chos ma yin snyam du the tsom za bar mi 'gyur ro// de ci'i phyir zhe na/ chos thams cad kyi chos nyid gang yin pa de la ni chos ma yin pa gang yang med de/ de dag thams cad ni chos yin pa'i phyir ro// de la sems can gang dag mi dge ba'i rtsa bas zin cing / sangs rgyas rnams dang / sangs rgyas kyi nyan thos rnams la dge ba'i rtsa ba ma bskyed pa/ mi dge ba'i grogs pos yongs su zin pa/ bdag tu lta ba kun tu 'dzin pa/ lta bar gyur pa thams cad kyi bar dag kun tu 'dzin pa dang / rtag pa dang chad pa'i mtha' dag la gnas pa dang / log par 'dzin pas zin pa dang / yang dag par rdzogs pa'i sangs rgyas ma yin pa la ni yang dag par

  556. 279a

    rdzogs pa'i sangs rgyas su 'du shes la/ yang dag par rdzogs pa'i sangs rgyas la ni yang dag par rdzogs pa'i sangs rgyas ma yin par 'du shes pa de dag ni/ chos ma yin pa la ni chos su smra/ chos la ni chos ma yin par smra zhing / de dag chos spong bar byed do// de dag gis chos spangs nas lus zhig ste/ shi ba'i 'og tu ngan song ngan 'gro log par lhung ba sems can dmyal ba dag tu skye bar 'gyur te/ de la sangs rgyas bcom ldan 'das de dag bla na med pa yang dag par rdzogs pa'i byang chub mngon par rdzogs par sangs rgyas nas 'khor bar gtogs pa'i sems can de dag ngan song dang lta bar gyur pa de dag las grol bar mdzad do/ / bkrol nas kyang nges pa'i phung po la 'god par mdzad do// der bkod pa de dag ni phyin chad ngan song rnams su skye bar mi 'gyur ro/ / rab 'byor de ltar byang chub sems dpa' sems dpa' chen po sangs rgyas kyi zhing yongs su dag par byed do// yongs su dag pa'i sems can rnams ni 'jig rten pa'i chos rnams sam/ 'jig rten las 'das pa'i chos rnams sam/ zag pa dang bcas pa'i chos rnams sam/ zag pa med pa'i chos rnams sam/ 'dus byas kyi chos rnams sam/ 'dus ma byas kyi chos gang la'ang gnas par mi 'gyur te/ thams cad kyang bla na med pa yang dag par rdzogs pa'i byang chub kyi bar du nges par 'gyur ro// shes

  557. 279b

    rab kyi pha rol tu phyin pa khri brgyad stong pa las/ sangs rgyas kyi zhing yongs su dag pa bstan pa'i le'u zhes bya ste bdun sum 'dun pa'o// / shes rab pha rol tu phyin pa khri brgyad stong pa bam po lnga bcu rtsa lnga pa/ / / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ci byang chub sems dpa' sems dpa' chen po nges pa zhes bgyi 'am/ 'on te ma nges pa zhes bgyi legs/ bcom ldan 'das kyis bka' stsal pa/ rab 'byor byang chub sems dpa' sems dpa' chen po nges pa yin te/ ma nges pa ma yin no// gsol pa/ bcom ldan 'das nyan thos kyi phung po'am/ rang sangs rgyas kyi phung po 'am/ phung po gang du nges pa lags/ bka' stsal pa/ rab 'byor byang chub sems dpa' sems dpa' chen po ni/ nyan thos kyi phung po'am/ rang sangs rgyas kyi phung por nges pa ma yin gyi/ rab 'byor byang chub sems dpa' sems dpa' chen po ni sangs rgyas kyi phung por nges pa yin no/ / gsol pa/ bcom ldan 'das ci byang chub sems dpa' sems dpa' chen po sems dang po bskyed pa nges pa lags sam/ 'on te phyir mi ldog pa'am/ 'on te srid pa tha ma pa nges pa zhes bgyi lags/ bka' stsal pa/ rab 'byor byang chub sems dpa' sems dpa' chen

  558. 280a

    po sems dang po bskyed pa'ang nges pa yin no/ / phyir mi ldog pa'ang nges pa yin no// srid pa pham pa'ang nges pa yin no// gsol pa/ bcom ldan 'das ci byang chub sems dpa' sems dpa' chen po nges par gyur pa ngan song rnams su skye bar 'gyur lags sam/ bka' stsal pa/ rab 'byor byang chub sems dpa' sems dpa' chen po nges par gyur pa ni ngan song rnams su skye bar mi 'gyur ro/ / rab 'byor 'di ji snyam du sems brgyad pa 'am/ rgyun du zhugs pa 'am/ lan cig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas ngan song rnams su skye bar 'gyur snyam mam/ gsol pa/ bcom ldan 'das de ni ma lags so// bka' stsal pa/ rab 'byor de bzhin du byang chub sems dpa' sems dpa' chen po nges par 'gyur ba'ang ngan song rnams su skye bar mi 'gyur ro// rab 'byor byang chub sems dpa' sems dpa' chen po gang sems dang po bskyed pa nas gzung ste/ sbyin pa sbyin pa dang / tshul khrims srung ba dang / bzod pa sgrub pa dang / brtson 'grus rtsom pa dang / bsam gtan la snyoms par 'jug pa dang / shes rab sgom pa dang / sems can thams cad la byams pa dang / snying rje dang / dga' ba dang / btang snyoms sgom zhing / mi dge ba'i chos

  559. 280b

    thams cad spong ba'i don du gnas pa de ngan song rnams su skye bar 'gyur ba de ni gnas med do/ / lha tshe ring po rnams kyi nang du skye bar 'gyur ba de ni gnas med do// gang na dge ba'i rtsa ba rnams mi spyod pa dang / luka ltar zhugs par 'gyur ba'i yul rnams su skye bar 'gyur ba de ni gnas med do// chom kun pa dang / wa klo dang / yul mtha' 'kho tu skye bar 'gyur ba gnas med do/ / log par lta ba'i khyim dag tu skye bar 'gyur ba de ni gnas med do// gang na sangs rgyas kyi sgra med pa dang / chos kyi sgra med pa dang / dge 'dun gyi sgra med pa de lta bur skye bar 'gyur ba de ni gnas med do/ / byed pa med pa'i lta ba rnams la 'dun par 'gyur ba de ni gnas med do// rab 'byor yang byang chub sems dpa' sems dpa' chen po sems dang po bskyed pa nas gzung ste/ lhag pa'i bsam pas bla na med pa yang dag par rdzogs pa'i byang chub la zhugs pa mi dge ba bcu'i las kyi lam la spyod par 'gyur ba de ni gnas med do// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te nges pa'i byang chub sems dpa' sems dpa chen po dge ba'i rtsa ba de lta bu dang ldan pa'ang 'di lta ste/ mi mthun pa'i gnas rnams su skye bar mi 'gyur ba lags na/ gang de bzhin gshegs pa nyid kyis dud 'gro'i 'gro bar skyes pa'i

  560. 281a

    @rabs bstan na/ de'i tshe dge ba'i rtsa ba de dag gang du mchis lags de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor byang chub sems dpa' sems dpa' chen po ni mi dge ba'i lus kyis dud 'gro'i 'gro bar skye ba ma yin mod kyi/ lus gang dang gang gis sems can rnams kyi don du 'gyur ba de lta bu'i lus thabs la mkhas pas bsams bzhin du sems can rnams kyi don du yongs su 'dzin par byed do/ / rab 'byor thabs la mkhas pa gang dang ldan na/ byang chub sems dpa' sems dpa' chen po dud 'gro'i skye gnas su skyes shing / gang dag de gsad pa'i phyir rgyal bar byed na/ de dag bla na med pa'i bzod pa yang dag par 'dzin du 'jug pa dang 'dul zhing 'god par byed de/ de sems can de nyid kyi don du bdag gis lus yongs su gtong zhing / sems can de dag la rnam par mtho 'tsham pa mi byed pa de lta bu'i mangs la mkhas pa/ dgra bcom pa dag dang / rang sangs rgyas dag la yod dam/ rab 'byor rnam grangs des kyang 'di ltar byang chub sems dpa' sems dpa' chen po ni sems can rnams kyi don dang / bla na med pa yang dag par rdzogs pa'i byang chub kyi phyir snying rje chen po yongs su rdzogs par byed cing / dud 'gro'i skye gnas su skye bar byed kyang dud 'gror

  561. 281b

    rgya gnas su 'gro ba'i nyes pas mi gos par rig par bya'o/ / de skad ces bka' stsal pa/ bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po dge ba'i chos gang dag la gnas shing / de lta bu'i lus yongs su 'dzin par bgyid lags/ de skad ces gsol pa dang / bcom ldan 'das kyis/ tshe dang ldan par rab 'byor la 'di skad ces bka' stsal to// rab 'byor gang byang chub sems dpa' sems dpa' chen pos yongs su rdzogs par mi bya ba'i dge ba'i chos de lta bu'ang gang zhig yod de/ dge ba'i chos thams cad yongs su rdzogs pa ni bla na med pa yang dag par rdzogs pa'i byang chub ste/ de'i phyir byang chub sems dpa' sems dpa' chen pos sems dang po bskyed pa nas bzung ste/ byang chub kyi snying po la 'dug gi bar du yongs su rdzogs par mi bya ba'i dge ba'i chos gang yang med do/ / dge ba'i chos de dgra yongs su rdzogs par ma byas par/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur te/ de ni gnas med do/ / rab 'byor de lta bas na byang chub sems dpa' sems dpa' chen pos sems dang po bskyed phyin chad/ dge ba'i chos thams cad yongs su rdzogs par bya ba la

  562. 282a

    bslab par bya ste/ de la bslabs na rnam pa thams cad mkhyen pa nyid rjes su 'thob cing / bag chags kyi mtshams sbyor ba thams cad spong bar 'gyur ro// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po chos dkar po dang ldan pa'i phags pa zag pa ma mchis pa'i las kyis/ ji ltar ngan song rnams sam/ dud 'gro'i skye gnas dag tu skye bar 'gyur lags/ bka' srul pa/ rab 'byor ci de bzhin gshegs pa 'phags shing zag pa med pa ma yin nam/ gsol pa/ bcom ldan 'das de de lha lags so// bde bar gshegs pa de de ltalha lags so/ / de bzhin gshegs pa ni 'phags shing zag pa mi mnga' ba lags so// bka' stsal pa/ rab 'byor ci de bzhin gshegs pa dud 'gro'i skye gnas su gtogs ba'i srog chags su mngon par sprul pa mdzad cing / der mngon par sprul nas kyang / sangs rgyas kyi mdzad pa mi mdzad dam/ gsol pa/ bcom ldan 'das mdzad lags so// bka' stsal pa/ rab 'byor de ci'i phyir na de bzhin gshegs pa dud 'gro'i skye gnas par 'gyur ram/ gsol pa/ bcom ldan 'das de ni ma lags so// bka'

  563. 282b

    stsal pa/ rab 'byor ci de bzhin gshegs pas dud 'gro'i skye gnas pa'i sdug bsngal nyams su myong bar 'gyur ram/ gsol pa/ bcom ldan 'das de ni ma lags so// bka' stsal pa/ rab 'byor de bzhin du byang chub sems dpa' sems dpa' chen po'ang 'phags pa'i chos dkar po zag pa med pa dang ldan yang / bsams bzhin du de lta bu'i lus yongs su 'dzin par byed cing / lus des ci rigs ci tshul du sems can rnams yongs su smin par byed do// rab 'byor 'di ji snyam du sems dgra bcom pas sprus pa zhig mngon par sprul na/ sprul pa de dgra bcom pa'i las byed cing las des gzhan dag dga' ba skyed par 'gyur snyam ma mya/ gsol pa/ bcom ldan 'das de de wA lags so/ / bka' stsal pa/ rab 'byor de bzhin du byang chub sems dpa' sems dpa' chen po'ang 'phags pa'i chos dkar po zag pa med pa dang ldan yang / de lta bu'i lus yongs su 'dzin te/ lus des sems can rnams kyi don byed kyang / lus de lta bu des sdug bsngal ba'ang med la/ sdug bsngal gyi tshor ba nyams su myong bar 'gyur ba'ang med do/ / rab 'byor 'di ji snyam du sems sgyu ma mkhan gyi sgyu ma'i glang po che'i gzugs sam/ tsa'i gzugs sem baglang gi gzugs dag 'askur ta ma

  564. 283a

    srog chags kyi gzugs rnam pa sna tshogs gzhan dag bstan na/ de la glang po cher 'gyur ba 'am/ rtar 'gyur ba 'am/ bgrang du 'gyur ba 'am/ srog chags kyi rigs rnam pa sna tshogs gzhan dag tu 'gyur ba yod snyam mam/ gsol pa/ bcom ldan 'das de ni ma mchis lags so// bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos dkar po zag pa med pa dang ldan yang / bsams bzhin du de lta bu'i lus nye bar ston te/ lus de dag gis sems can rnams kyi don byed kyang / sdug bsngal gyi tshor ba de lta bu nyams su myong ba med do// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das byang chub sems dpa' sems dpa' chen po gang de ltar 'phags pa'i ye shes zag pa ma mchis pa de lta bu dang ldan zhing / lus gang dang gang gis sems can rnams kyi don bgyi bar rngo thogs pa de dag de lta bu'i lus yongs su 'dzin par byed pa ni thabs la mkhas pa che ba lags so/ / bcom ldan 'das dkar po'i phyogs kyi chos gang dag la gnas na/ byang chub sems dpa' sems dpa' chen po thabs la mkhas pa de lta bu dag bgyid kyang / las de dang des gos par mi 'gyur ba lags/ bka' stsal pa/ rab 'byor byang chub sems dpa'

  565. 283b

    sems dpa' chen po ni shes rab kyi pha rol tu phyin pa la gnas nas thabs la mkhas pa de lta bu dang ldan pa yin te/ thabs la mkhas pa de lta bu dang ldan pas shar dang / lho dang nub dang / byang dang / phyogs mtshams kyi 'jig rten gyi khams gang+gA'i klung gi bye ma snyed dag tu sems can rnams kyi don byed kyang / des de la reg par 'gyur ba ci'ang med de de ci'i phyir zhe na/ 'di ltar byang chub sems dpa' sems dpa' chen po des gang reg par 'gyur ba 'am/ gang gis reg par 'gyur ba 'am/ gang la reg par 'gyur ba'i chos de dag thams cad mi dmigs pa'i phyir ro/ / de ci'i phyir zhe na/ 'di ltar chos gsum po de dag thams cad ni ngo bo nyid kyis stong pas na/ stong pa nyid ni stong pa nyid la reg par mi byed la/ stong pa nyid ni chos gang la'ang reg par mi byed cing / stong pa nyid kyang reg par bya ba ma yin pa'i phyir ro// de ci'i phyir zhe na/ 'di ltar rang bzhin gyis stong pa nyid la ni stong pa nyid dmigs su med ba'i phyir ro/ / rab 'byor de ni mi dmigs pa stong pa nyid yin te/ de la gnas nas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya'o/ / gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa kho na la gnas shing / chos gzhan dag

  566. 284a

    la ma lags sam/ bka' stsal pa/ rab 'byor chos gang shes rab kyi pha rol tu phyin par ma 'dus pa de yod dam/ gsol pa/ bcom ldan 'das gal te shes rab kyi pha rol tu phyin pa ngo bo nyid kyis stong pa lags na/ ji ltar chos thams cad shes rab kyi pha rol tu phyin par 'dus pa lags/ bcom ldan 'das stong pa nyid la ni 'dus pa dang ma 'dus pa'i chos gang yang ma mchis lags so/ / bka' stsal pa/ rab 'byor chos thams cad ni chos thams cad kyis stong pas/ stong pa nyid du chos thams cad ma 'dus pa med do/ / gsol pa/ bcom ldan 'das chos thams cad ni chos thams cad kyis stong pa lags so// bka' stsal pa/ rab 'byor gal te chos thams cad ni chos thams cad kyis stong pa yin na/ chos thams cad stong pa nyid du 'dus pa ma yin nam/ gsol pa/ bcom ldan 'das de ni de lta lags so// bka' stsal pa/ rab 'byor rnam grangs des na 'di ltar byang chub sems dpa' sems dpa' chen po shes rab kyi pha rol tu phyin pa la gnas nas/ thabs la mkhas pa de lta bu 'di byed par rig par bya'o// de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa/

  567. 284b

    chos thams cad stong pa nyid la gnas te mngon par shes pa gang la gnas na/ shar phyogs kyi 'jig rten gyi khams gang+gA'i klung gi bye ma snyed dag tu mchis shing / 'jig rten gyi khams dag na sangs rgyas bcom ldan 'das gang dag bzhugs te 'tsho zhing gzhes la/ chos kyang ston pa de dag la bsnyen bkur 'gyid cing chos nyan po dang / der sangs rgyas bcom ldan 'das de dag las dge ba'i rtsa ba bskrun par 'gyur ba'i mngon par shes pa'i pha rol tu phyin pa mngon par bsgrubs pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ shar phyogs kyi 'jig rten gyi khams gang+gA'i klung gi bye ma snyed po gang yin pa de dag thams cad kyang ngo bo nyid kyis stong la/ de dag na sangs rgyas bcom ldan 'das gang dag bzhugs pa'i sangs rgyas bcom ldan 'das de dag kyang ngo bo nyid kyis stong zhing / ming dang brdar btags pa bzung ste bstan pa ma gtogs pa thams cad kyang ngo bo nyid kyis stong par mthong ngo // gal te 'jig rten gyi khams de dag ngo bo nyid kyis stong pa ma yin la/ sangs rgyas bcom ldan 'das de dag kyang ngo bo nyid kyis stong pa ma yin zhing / btags pa'i spyod pa de dag kyang ngo bo nyid kyis stong

  568. 285a

    pa ma yin na ni/ de ltar na nyi tshe ba'i stong pa nyid du 'gyur ba zhig na/ 'di ltar nyi tshe ba'i stong pa nyid dmigs su med de/ de'i phyir chos thams cad ni chos thams cad kyis stong pa yin te/ de'i phyir byang chub sems dpa' sems dpa' chen po thabs la mkhas pas shes rab kyi pha rol tu phyin pa la spyod pa/ mngon par shes pa'i pha rol tu phyin pa mngon par sgrub par byed de/ mngon par shes pa de la gnas nas lha'i mig dang / lha'i rna ba dang / rdzu 'phrul gyi bya ba dang / pha rol gyi sems shes pa dang / sngon gyi skye ba rjes su dran pa dang / 'chi 'a pho dang skye ba shes pa mngon par sgrub par byed de/ mngon par shes pa med par ni byang chub sems dpa' sems dpa' chen pos bla na med pa yang dag par rdzogs pa'i byang chub mngon par 'tshang rgya bar mi nus te/ de'i phyir byang chub sems dpa' sems dpa' chen po'i byang chub ni mngon par shes pa'i pha rol tu phyin pa 'dir 'dus pas/ mngon par shes pa de dag nyid las byang chub btsal bar bya'o// de tshol ba na lha'i mig gis bdag gis kyang dge ba'i chos thams cad mthong la/ gzhan dag kyang dge ba'i chos thams cad la sbyor bar byed kyang / dge ba'i chos de dag thams cad la ni dngos por mngon par zhen pa med do// de ci'i phyir zhe na/ 'di ltar dge ba'i chos

  569. 285b

    de dag thams cad ni ngo bo nyid kyis stong pas na/ stong pa nyid ni gang la'ang mngon par zhen pa med la/ stong pa nyid la ni ro myang bar bya ba med pas/ de la mngon par zhen/ pa med cing ro myang bar bya ba med pa'i phyir ro// de'i phyir byang chub sems dpa' sems dpa' chen po shes rab kyi pha rol tu phyin pa la spyod pa lha'i mig mngon par sgrub bo// lha'i mig des chos thams cad kyang stong pa nyid du mthong ste/ byang chub sems dpa' sems dpa' chen po de chos nyid de la gnas shing / lus su gang bskyed pas sems can rnams la chos ston par 'gyur ba de lta bu'i lus skyed par mi byed de/ sems can nam sems can du btags pa'ang dmigs su med do zhes mi dmigs pa'i tshul gyis/ byang chub sems dpa' sems dpa' chen po mngon par shes pa'i pha rol tu phyin pa mngon par sgrub ste/ mngon par shes pa de dag gis mngon par shes pas gang dag bya ba'i chos de dag byed de// byang chub sems dpa' sems dpa' chen po de lha'i mig rnam par dag pa mi las shin tu 'das pas/ shar dang / lho dang / nub dang / byang dang / phyogs mtshams rnams dang / 'og dang / steng gi phyogs kyi 'jig rten gyi khams dag kyang mthong ngo // de rdzu 'phrul gyis de dag tu song zhing sbyin pa'am/ tshul khrims sam/

  570. 286a

    bzod pa 'am/ brtson 'grus sam/ bsam gtan nam/ shes rab bam/ byang chub kyi phyogs kyi chos sum cu rtsa 'dun nam bsam gtan nam/ rnam par thar pa dang / ting nge 'dzin dang / snyoms par 'jug pa rnams sam/ nyan thos kyi chos rnams sam/ rang sangs rgyas kyi chos rnams sam/ byang chub sems dpa'i chos rnams sam/ sangs rgyas kyi chos rnams kyis sems can de dag gi bya ba byed do// de la sem can ser sna can gang yin pa de// dag la 'di skad du chos ston te/ sbyin pa byin cig/ dbul ba ni sdug bsngal ba ste/ dbul pos ni bdag gi don kyang bya bar mi nus na/ gzhan gyi don lha smos kyang ci dgos te/ de'i phyir khyed cag sbyin pa byin la/ bdag kyang bde bar gyis shig/ gzhan yang bde bar gyis shig/ dbul bas zil gyis non cing nying sha nying gis zos te/ ngan song gsum bopo dag las mi thar par gyur ta re zhes chos ston to/ / sems can tshul khrims 'chal pa gang yin pa de dag la ni 'di skad du chos ston te/ kye skyes bu dag tshul khrims 'chal pa ni sdug bsngal ba ste/ tshul khrims 'chal pas ni bdag gi don kyang bya bar mi nus na/ gzhan gyi don lta ci smos te/ tshul khrims 'chal pa'i rnam par smin pa ni/ sems can dmyal ba dang / dud

  571. 286b

    'gro'i skye gnas dang / gshin rje'i 'jig rten yin te/ de'i phyir khyed cag ngan song gsum po dag tu lhung na/ bdag kyang 'byin par mi nus na/ gzhan dag lta ci smos kyis/ de'i phyir khyed cag gis 'chal pa'i tshul khrims kyi sems 'ga' tsam gyi go skabs kyang ma dbye zhig/ phyis 'gyod par gyur ta re zhes chos ston to// sems can gang dag phan tshun 'khrug cing gnod sems su byed pa de dag la ni 'di skad du chos ston te/ / kye skyes bu dag khyed cag gcig la gcig 'khrugs par ma byed cig/ sems 'khrugs par gyur pa la ni dge ba'i chos 'ga' yang 'byung bar mi 'gyur te/ de'i phyir khyed cag phan tshun 'khrug cing gnod sems su byed na/ sems can dmyal ba dang / dud 'gro'i skye gnas dang / gshin rje'i 'jig rten du lhung ba'i gnas yin gyis/ de bas na khyed cag gis khro ba dang / 'khrug pa'i sems dang / gnod sems 'ga' yang bskyed par mi bya na/ mi dge ba'i sems gzhan dag gi go/ skabs dbye ba lta smos kyang ci dgos shes chos ston to// de bzhin du sbyar te/ sems can le lo can gang yin pa de dag ni brtson 'grus la sbyor bar byed do// sems rnam par g.yengs pa gang yin pa de dag ni ting nge 'dzin la sbyor bar byed do/ / shes rab 'chal pa gang yin pa de dag ni shes rab la sbyor bar byed do// 'dod chags la spyod pa gang yin pa de dag ni mi

  572. 287a

    sdug pa sgom pa la sbyor bar byed do/ / lam ngan par zhugs pa de dag ni lam du 'dzud par byed do// nyan thos kyi lam mam/ rang sangs rgyas kyi lam mam/ sangs rgyas kyi lam la sbyor bar byed de/ khyed cag gang la mngon par zhen pa'i chos de dag thams cad ni ngo bo nyid kyis stong pa'o// ngo bo nyid kyis stong pa'i chos rnams la ni mngon par zhen par bya mi nus te/ stong pa nyid la ni mngon par zhen pa med do zhes de dag la de ltar chos ston to// rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa mngon par shes pa rnams la gnas shing / sems can rnams kyi don byed do// rab 'byor byang chub sems dpa' sems dpa' chen po ni mngon par shes pa rnams la mi gnas par/ sems can rnams la chos ston pa'am/ lam log par zhugs pa'i sems can rnams lam du mdzud par mi nus te/ de ni gnas med do// rab 'byor 'di lte ste/ dper na bya 'dab ma med pas ni nam mkha' la 'phur bar mi nus so// rab 'byor de bzhin du byang chub sems dpa' sems dpa' chen po'ang mngon par shes pa rnams la ma brten par sems can rnams la chos ston par mi nus so/ / rab 'byor de lta bas na byang chub sems dpa' sems dpa' chen po shes rab kyi pha rol tu phyin pa la spyod pas mngon par

  573. 287b

    shes pa rnams mngon par bsgrub par bya ste/ de mngon par shes pa mngon par bsgrubs pa de dag gis sems can gyi don bya bar 'dod pa gang yin pa de dag bde blag tu byed do// des lha'i mig gis 'jig rten gyi khams gang+gA'i klung gi bye ma snyed dag kyang mthong ngo // de dag tu sems can gang dag skyes pa de dag kyang mthong ngo // des de dag mthong nas kyang rdzu 'phrul gyis de dag tu song nas/ sems can de dag gi sems sems kyis shes par byed do// shes par byas nas kyang 'di ltar sbyin pa'i gtam mam/ tshul khrims kyi gtam mam/ 'phags pa'i bden pa'i gtam mam/ yongs su mya ngan las 'das pa'i bar gyi chos ston par byed do// des lha'i rna bas mi dang mi ma yin pa dag gi sgra'ang thos so/ / shar phyogs kyi 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang dag chos ston pa de dag kyang lha'i rna bas thos so// thos nas kyang de bzhin nyid du 'dzin par byed do// de bzhin nyid du gzung nas kyang sems can rnams la sbyin pa'i gtam mam/ mya ngan las 'das pa'i bar dag gi gtam gyis chos ston par byed do/ / de sems kyi rnam grangs shes pa shin tu rnam par dag pa dang ldan pa yin te/ de sems kyi rnam grangs shes pa des sems can rnams kyi sems shes par byas

  574. 288a

    shing de dag la 'di ltar sbyin pa'i gtam mam/ yongs su mya ngan las 'das pa'i bar gyi gtam dag gis chos ston par byed do// de bdag dang gzhan dag gi sngon gyi gnas rnam pa du ma rjes su dran te/ de sngon gyi gnas rjes su dran pa'i shes pa des/ 'di ltar sngon de bzhin gshegs pa dgra bcom pa yang dag par rdzogs pa'i sangs rgyas mtshan 'di zhes bya ba nyan thos kyi dge 'dun dang bcas pa 'di snyed cig byung ngo zhes bya ba'ang rab tu shes so/ / de na sems can gang dag sngon gyi gnas rjes su dran pa la mos pa de dag la'ang 'di ltar sbyin pa'i gtam mam/ yongs su mya ngan las 'das pa'i bar gyi gtam dag gis chos ston par byed do// de rdzu 'phrul gyis 'jig rten gyi khams rnam pa du mar song nas/ sangs rgyas bcom ldan 'das rnams la bsnyen bkur byed cing / der sangs rgyas bcom ldan 'das de dag las dge ba'i rtsa ba skyed par byed do/ / dge ba'i rtsa ba bskyed nas kyang 'jig rten gyi khams de nyid du phyir 'ong bar byed do// de zag pa zad pa shes pa shin tu rnam par dag pa dang ldan pa yin te/ de zag pa zad pa mngon sum du bya ba'i shes pa shin tu rnam par dag pa des/ sems can rnams la 'di ltar sbyin pa'i gtam mam/ yongs su mya ngan las 'das pa'i bar gyi

  575. 288b

    gtam gyis chos ston par byed do/ / rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas mngon par shes pa mngon par bsgrub par bya ste/ mngon par shes pa shin tu 'dris pa de dag gis lus gang dang gang 'dzin par 'dod pa'i lus de dang de yongs su 'dzin par byed kyang / de la bde ba 'am/ sdug bsngal ba 'am/ yid bde ba 'am/ yi mi bde ba 'byung bar mi 'gyur te/ rjes su chags pa 'am/ khong khro bar yang mi 'gyur ro// rab 'byor 'di lta ste/ dper na de bzhin gshegs pas sprul pa'i skyes bu ni bya ba thams cad byed kyang / de la bde ba 'am/ sdug bsngal bas gos par mi 'gyur ro// rab 'byor de bzhin du byang chub sems dpa' sems dpa' chen po'ang shes rab kyi pha rol tu phyin pa la gnas te/ mngon par shes pas rnam par rtse zhing / phyogs bcu'i 'jig rten gyi khams gang+gA'i klung gi bye ma snyed dag tu mos pa ji lta ba bzhin du chos ston kyang bde/ ba 'am/ sdug bsngal bas gos par mi 'gyur ro// rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ ji ltar mngon par shes pas rnam par rtses na sangs rgyas kyi zhing yongs su dag par 'gyur ba dang / sems can rnams yongs su smin par 'gyur ba de ltar mngon par shes pas rnam par rtse zhing sgom par

  576. 289a

    bya'o/ / rab 'byor byang chub sems dpa' sems dpa' chen pos ni/ sangs rgyas kyi zhing yongs su dag par ma byas/ sems can rnams yongs su smin par ma byas par/ bla na med pa yang dag par rdzogs pa'i byang chub mngon par rdzogs par 'tshang rgya bar mi nus so// de ci'i phyir zhe na/ rab 'byor byang chub sems dpa' sems dpa' chen po'i byang chub kyi yan lag yongs su ma rdzogs pa la ni bla na med pa yang dag par rdzogs pa'i byang chub med pa'i phyir ro/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen pos gang dag yongs su rdzogs par bgyis na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i byang chub sems dpa' sems dpa' chen po'i byang chub kyi yan lag de dag gang lags de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor dge ba'i chos thams cad ni byang chub sems dpa' sems dpa' chen po'i byang chub kyi yan lag yin no/ / gsol pa/ bcom ldan 'das dge ba'i chos gang dag gis bla na med pa yang dag par rdzogs pa'i byang chub mngon

  577. 289b

    par rdzogs par 'tshang rgya bar 'gyur ba'i chos de dag gang lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor sems dang po bskyed pa nas bzung ste sbyin pa'i pha rol tu phyin pa la spyod kyang / de la rnam par mi rtog pa gang yin pa de ni dge ba'i chos yin no// ji ltar sbyin pa la rnam par mi rtog ce na/ ngo bo nyid kyis stong pa nyid kyi phyir 'di ni sbyin pa'o zhes sbyin par rnam par mi rtog pa dang / 'di la sbyin par bya'o zhes bya ba dang / bdag gis sbyin par bya'o/ zhes gsum po de dag la rnam par mi rtog pa ste/ sbyin pa'i pha rol tu phyin pa des bdag kyang 'khor ba las sgrol zhing gzhan yang sgrol bar byed do// rab 'byor dag pa'i chos de dag ni byang chub sems dpa' sems dpa' chen po'i bla na med pa yang dag par rdzogs pa'i byang chub kyi lam yin te/ lam des 'das pa dang / ma 'ongs pa dang / da ltar byung ba'i byang chub sems dpa' sems dpa' chen po rnams 'khor ba las brgal to/ / rgal lo// rgal bar 'gyur ro// de bzhin du tshul khrims dang // bzod pa dang / brtson 'grus dang / bsam gtan dang / shes rab kyi pha rol tu phyin pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa

  578. 290a

    bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags ba'i lam yan la brgyad pa dang / rnam par thar pa'i sgo gsum dang / stong pa nyid bcu bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / gzungs kyi sgo rnams dang / ting nge 'dzin gyi sgo rnams dang / so so yang dag par rig pa rnams dang / sangs rgyas kyi chos ma 'dres pa bco brgyad kyi bar dag dang / dge ba'i chos byang chub kyi lam ji snyed pa de dag ni byang chub sems dpa' sems dpa' chen pos yongs su rdzogs par bya ba yin te/ byang chub sems dpa' sems dpa' chen pos de dag yongs su rdzogs par byas na rnam pa thams cad mkhyen pa nyid rjes su 'thob cing / de thob nas chos kyi 'khor lo skor bar 'gyur ro// shes rab kyi pha rol tu phyin pa khri brgyad stong pa las/ sangs rgyas kyi zhing yongs su dag par bya ba'i thabs la mkhas pa bstan pa zhes bya ba'i le'u ste bdun cu rtsa brgyad pa'o// // de nas bcom ldan 'das la/ tshe dang ldan pa rab 'byor gyi 'di skad ces gsol to// bcom ldan 'das gal te chos de dag byang chub sems dpa'i chos lags na/ bcom ldan 'das 'o na sangs rgyas

  579. 290b

    kyi chos rnams ni gang lags/ bcom ldan 'das kyis bka' stsal pa/ rab 'byor khyod gang yang 'di skad du gal te chos de dag byang chub sems dpa'i chos lags na/ 'o na sangs rgyas kyi chos rnams ni gang lags shes zer ba ni/ rab 'byor byang chub sems dpa'i chos de dag nyid sangs rgyas kyi chos kyang yin te/ gang gi tshe chos de dag rnam pa thams cad du mngon par rdzogs par sangs rgyas shing / rnam pa thams cad mkhyen pa nyid thob pa'i tshe/ de'i bag chags kyi mtshams sbyor ba thams cad spang bar byed do// byang chub sems dpa' sems dpa' chen po ni de dag mngon par rdzogs par 'tshang rgya bar byed kyi/ de bzhin gshegs pa dgra bcom pa yang dag par rdzogs pa'i sangs rgyas kyis ni skad cig gcig dang ldan pa'i shes rab kyis chos thams cad mngon par rdzogs par sangs rgyas pas/ rab 'byor byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas la ni khyad par de yod do/ / rab 'byor 'di lta ste/ dper na zhugs pa'ang gzhan la/ 'bras bu la gnas pa'ang gzhan mod kyi/ 'on kyang de gnyis ka'ang gang zag mchog ma yin par mi 'gyur ro/ / rab 'byor de bzhin du byang chub sems dpa' sems dpa' chen po ni bar chad med pa'i lam la gnas pa yin gyi/ de bzhin gshegs pa dgra

  580. 291a

    bcom pa yang dag par rdzogs pa'i sangs rgyas ni chos thams cad la sgrib pa med pa'i ye shes brnyes pa ste/ rab 'byor byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas kyi khyad par ni de yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad rang gi mtshan nyid kyi stong pa lags na/ rang gi mtshan nyid kyis stong pa'i chos rnams la ni/ 'di ni sems can dmyal ba'o// 'di ni dud 'gro'i skye gnas pa'o// 'di ni gshin rje'i 'jig rten pa'o// 'di ni lha'o// 'di ni mi'o// 'di ni rigs kyi sa'o/ / 'di ni brgyad pa'o// 'di ni rgyun du zhugs pa'o// 'di ni lan cig phyir 'ong ba'o// 'di ni phyir mi 'ong ba'o// 'di ni dgra bcom pa'o// 'di ni ring sangs rgyas so/ / 'di ni byang chub sems dpa'o// 'di ni de bzhin gshegs pa dgra bcom pa yang dag par rdzogs pa'i sangs rgyas lags so zhes bgyi ba'i bye brag dang tha dad du bgyi ba ji ltar dmigs par 'gyur lags/ bcom ldan 'das ji ltar gang zag de dag dmigs su ma mchis pa de bzhin du las kyang dmigs su ma mchis la/ ji ltar las

  581. 291b

    dmigs su ma mchis pa de bzhin du rnam par smin pa'ang dmigs su ma mchis pa lags so/ / de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor de de bzhin te/ de de bzhin no// ji skad smras pa bzhin te/ rang gi mtshan nyid kyis stong pa'i chos thams cad la ni las dang las kyi rnam par smin pa'ang dmigs su med do/ / gang dag gis chos rnams rang gi mtshan nyid kyis stong par mi shes pa de dag ni nyes par spyod pa'am/ legs par spyod pa 'am/ zag pa dang bcas pa 'am/ zag pa med pa'i las dag mngon par 'du byed do// de dag nyes par spyad pa'i las kyis ni ngan song gsum po dag tu lhung ngo // legs par spyad pa'i las kyis ni lha dang mi rnams kyi nang du skye'o/ / dge ba'i las skyon med pas ni gzugs kyi khams dang / gzugs med pa'i khams dag tu skye'o// de la byang chub sems dpa' sems dpa' chen po ni sbyin pa'i pha rol tu phyin pa la spyod/ sangs rgyas kyi chos ma 'dres pa bco brgyad kyi bar dag la spyod cing / skyon med pa'i spyod pas byang chub sems dpa'i chos de dag skyed par byed do/ / de dag bskyed nas kyang rdo rje lta bu'i ting nge 'dzin byang chub kyi yan lag gi 'khor dang ldan pa la snyoms par zhugs shing / bla na med pa

  582. 292a

    yang dag par rdzogs pa'i byang chub mngon par rdzogs par 'tshang rgya'o/ / mngon par rdzogs par sangs rgyas nas kyang sems can rnams kyi don byed do// don byas pas des kyang chud za bar mi 'gyur te/ chud za bar mi 'gyur bas phyin chad 'gro ba lnga'i 'khor bar skye bar mi 'gyur ro// de skad ces bka' stsal pa dang / bcom ldan 'das latshe dang ldan pa rab 'byor gyis 'di skad ces gsol to/ / bcom ldan 'das ci bcom ldan 'das kyis bla na med pa yang dag par rdzogs pa'i byang chub mngon par rdzogs par sangs rgyas nas/ 'gro ba lnga'i 'khor ba dmigs lags sam/ bka' stsal pa/ rab 'byor ni ni ma yin no// gsol pa/ bcom ldan 'das ci de bzhin gshegs pas chos nag po'am/ dkar po 'am/ dkar gnag gam/ dkar po'ang ma lags/ nag po'ang ma lags pa dag dmigs lags sam/ bka' stsal pa/ rab 'byor de ni ma yin no/ / gsol pa/ bcom ldan 'das gal te ma dmigs lags na/ 'o na ji ltar sems can dmyal ba dang / dud 'gro'i skye gnas dang / gshin rje'i 'jig rten du gdags pa mdzad ji ltar lha dang mi rnams su gdags pa mdzad/ ji ltar rgyun du zhugs par gdags pa mdzad/ ji ltar lan cig phyir 'ong ba dang / phyir mi 'ong ba dang / dgra bcom pa

  583. 292b

    nyid dang / rang sangs rgyas su gdags pa mdzad/ ji ltar byang chub sems dpar gdags pa mdzad/ ji ltar de bzhin gshegs pa dgra bcom pa yang dag par rdzogs pa'i sangs rgyas su gdags pa mdzad lags/ / bka' stsal pa/ rab 'byor ci sems can 'di dag gis chos rnam rang gi mtshan nyid kyis stong par shes sam/ gsol pa/ bcom ldan 'das de ni ma lags so/ / bka' stsal pa/ rab 'byor gal te sems can 'di dag gis 'di ltar chos thams cad rang gi mtshan nyid kyis stong ngo zhes bya bar shes na ni/ byang chub sems dpa' sems dpa' chen po'ang bla na med pa yang dag par rdzogs pa'i byang chub la 'jug par mi 'gyur la/ bla na med pa yang dag par rdzogs pa'i byang chub la zhugs par ma gyur na ni/ sems can rnams kyang ngan song gsum po dag dang / 'gro ba lnga'i 'khor ba'i bar las thar par mi byed pa zhig na/ rab 'byor 'di ltar sems can 'di dag gis chos thams cad rang gi mtshan nyid kyis stong par mi shes la/ mi shes pas de dag ngan song gsum po dag dang / 'gro ba lnga'i bar gyi 'khor ba las ma thar te/ de'i phyir byang chub sems dpa' sems dpa' chen pos kyang / sangs rgyas bcom ldan 'das de dag las chos thams cad rang gi mtshan nyid kyis stong zhes bya bar thos nas/ sems can rnams kyi don du bla na

  584. 293a

    med pa yang dag par rdzogs pa'i byang chub la 'jug go/ chos 'di dag ni ji ltar byis pa so so'i skye bo rnams mngon par zhen par gyur ba de ltar yod pa ma yin na/ sems can 'di dag ni med cing yod pa ma yin pa'i chos rnams la rang gis brtags shing dmigs nas sems can med pa la sems can du 'du shes so// gzugs med pa la gzugs su 'du shes so/ / tshor ba dang / 'du shes dang / 'du byed rnams dang / rnam par shes pa med pa la rnam par shes par 'du shes shing / 'dus byas dang 'dus ma byas kyi chos rnams kyi bar dag med cing yod pa ma yin pa la rnam par brtags pas/ phyin ci log rnams kyis sems bslad par gyur pa dag/ lus dang / ngag dang / yid kyi las mngon par 'du byed pas/ de dag 'gro ba lnga'i 'khor ba las yongs su mi thar ro// de'i phyir byang chub sems dpa' sems dpa' chen pos shes rab kyi pha rol tu phyin par dge ba'i chos thams cad 'dus par byas nas spyod cing / byang chub sems dpa'i spyad pa spyod do// de la spyod cing bla na med pa yang dag par rdzogs pa'i byang chub mngon par rdzogs par 'tshang rgya'o/ / mngon par rdzogs par sangs rgyas nas kyang / sems can rnams 'gro ba lnga'i 'khor po las thar par byed do// de skad ces bka' stsal ba dang / bcom ldan

  585. 293b

    'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad rang gi mtshan nyid kyis stong pa lags na/ bcom ldan 'das 'on ji ltar byang chub sems dpa' sems dpa' chen po bla na med pa yang dag par rdzogs byang chub mngon par rdzogs par sangs rgyas nas/ sems can rnams 'gro ba lnga'i 'khor ba las yongs su thar par bgyid lags/ de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la 'phags pa'i bden pa bzhi po sdug bsngal ba dang sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam dag ston to// 'chad do// 'god do// 'jog go// 'phags pa'i bden pa bzhi po der ni dge ba'i chos byang chub kyi phyogs gang ji snyed pa thams cad 'dus te/ byang chub kyi phyogs kyi chos de dag gis ni dkon mchog gsum po dag kyang rnam par 'jog par 'gyur te/ gsum gang zhe na/ 'di lta ste/ sangs rgyas dkon mchog dang / chos dkon mchog dang / dge 'dun dkon mchog ste/ dkon mchog gsum po de dag byung bas sems can

  586. 294a

    rnams 'gro ba lnga'i 'khor ba las yongs su thar par 'gyur ro/ / de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das ci sdug bsngal 'tshal bas sems can rnams yongs su mya ngan las 'da' bar 'gyur lags sam/ 'on te sdug bsngal gyis yongs su mya ngan las 'da' bar 'gyur lags/ sdug bsngal kun 'byung ba 'tshal bas yongs su mya ngan las 'da' bar 'gyur lags sam/ 'on te sdug bsngal kun 'byung bas yongs su mya ngan las 'da' bar 'gyur lags/ sdug bsngal 'gog pa 'tshal bas yongs su mya ngan las 'da' bar 'gyur lag sam/ 'on te sdug bsngal 'gog pas yongs su mya ngan las 'da' bar 'gyur lags/ sdug bsngal 'gog par 'gro ba'i lam 'tshal bas yongs su mya ngan las 'da' bar 'gyur lags sam 'on te sdug bsngal 'gog par 'gro ba'i lam gyis yongs su mya ngan las 'da' bar 'gyur lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor sdug bsngal shes pas kyang yongs su mya ngan las 'das par mi 'gyur la/ sdug bsngal gyis kyang ma yin no// sdug bsngal kun 'byung ba shes pas kyang ma yin la

  587. 294b

    sdug bsngal kun 'byung bas kyang ma yin no/ / sdug bsngal 'gog pa shes pas kyang ma yin la/ sdug bsngal 'gog pas kyang ma yin no// sdug bsngal 'gog par 'gro ba'i lam shes pas kyang yongs su mya ngan las 'da' bar mi 'gyur la/ sdug bsngal 'gog par 'gro ba'i lam gyis kyang ma yin te/ rab 'byor 'phags pa'i bden pa rnams kyi mnyam pa nyid gang yin pa des yongs su mya ngan las 'da' bar 'gyur ro zhes nga smra'i sdug bsngal shes pas kyang yongs su mya ngan las 'da' bar mi 'gyur la/ sdug bsngal gyis kyang ma yin no/ / sdug bsngal kun 'byung ba shes pas kyang ma yin la/ sdug bsngal kun 'byung bas kyang ma yin no// sdug bsngal 'gog pa shes pas kyang ma yin la/ sdug bsngal 'gog pas kyang ma yin no/ / sdug bsngal 'gog par 'gro ba'i lam shes pas kyang ma yin la/ sdug bsngal 'gog par 'gro ba'i lam gyis kyang ma yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das 'phags pa'i bden pa bzhi po dag gi mnyam pa nyid de gang lags/ bka' stsal ba/ rab 'byor gang la sdug bsngal yang med/ sdug bsngal shes pa'ang med pa dang / gang la ku 'byung ba'ang med/ kun 'byung shes

  588. 295a

    pa'ang med pa dang / gang la 'gog pa'ang med/ 'gog pa shes pa'ang med pa dang / gang la lam yang med/ lam shes pa'ang med pa yin no// rab 'byor yang 'phags pa'i bden pa bzhi po de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos skyon med pa nyid dang / chos gnas pa nyid gang yin pa de ni de bzhin gshesas pa rnams byung yang rung / de bzhin gshegs pa rnams ma byung yang rung ste/ chos kyi dbyings nyid du gnas pa yin la/ 'di ltar chos kyi dbyings ni bsnyel ba mi mnga' ba'i chos nyid dang / yongs su mi nyams pa'i chos nyid du 'gyur ba yin no// de la byang chub sems dpa' sems dpa' chen po shes rab kyi pha rol tu phyin pa la spyod pa/ ci nas kyang bden pa rtogs par bya ba'i don du bden pa rtogs par bya ba la spyod do// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa la ji ltar spyod na/ bden pa rtogs pa'i don du spyod pa lags/ ji ltar spyad na ni bden pa rtogs par 'gyur lags/ rtogs nas ji ltar de bzhin nyid du bsgrub par 'gyur

  589. 295b

    lags ji ltar bsgrubs na nyan thos kyi sar mi ltung zhing / / rang sangs rgyas kyi sar yang mi snang la/ byang chub sems dpa'i skyon ma mchis pa la 'jug pa lags de skad ces gsol ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen pos gang gi mtha' mi mthong ba'i chos de med do/ / gang gi tshe ma mthong ba de'i tshe chos gang yang mi dmigs so// mi dmigs pas chos thams cad stong par mthong ste/ gang dag bden par gtogs pa 'am/ gang dag bden par ma gtogs pa'i chos de dag thams cad kyang stong par mthong ngo // des de ltar mthong bas byang chub sems dpa'i skyon med pa la zhugs shing / rigs kyi sa la gnas pa yin no// byang chub sems dpa' de rigs kyi sa la gnas nas/ rtse mor ltung ba gang gis nyan thos sam/ rang sangs rgyas kyi sar lhung bar 'gyur ba'i rtse mor lhung bar mi 'gyur ro/ / byang chub sems dpa' de rigs kyis de la gnas nas/ bsam gtan bzhi skyed par byed do// tshad med pa bzhi dang gzugs med pa'i snyoms par 'jug pa bzhi skyed par byed do/ / de zhi gnas kyis de la gnas shing / chos thams cad rab tu rnam par 'byed par byed do// 'phags pa'i bden pa

  590. 296a

    bzhi'ang rtogs par byed do/ / de sdug bsngal yongs su shes kyang / sdug bsngal la dmigs pa'i sems mi skyed do// kun 'byung ba spong bar byed kyang kun 'byung ba la dmigs pa'i sems mi skyed do/ / 'gog pa mngon sum du byed kyang / 'gog pa mngon sum du bya ba la dmigs pa'i sems mi skyed do// lam sgom par byed kyang lam la dmigs pa'i sems mi skyed de/ gzhan du na byang chub la gzhol ba'i sems kyis chos thams cad yang dag pa ji lta ba bzhin du mthong bar byed do// gsol pa/ bcom ldan 'das chos thams cad kyi yang dag pa ji lta ba bzhin zhes bgyi ba gang lags bka' stsal pa/ rab 'byor chos thams cad stong pa nyid du mthong ba'o// gsol pa bcom ldan 'das ji ltar na chos thams cad stong pa nyid du mthong ba lags/ bka' stsal pa/ rab 'byor 'di ltar chos thams cad rang gi mtshan nyid kyis stong pa nyid du mthong ba ste/ des de lta bu'i lhag mthong des chos thams cad stong pa'o zhes bya bar rnam par lta'ang / ngo bo nyid gang la gnas nas byang chub mngon par rdzogs par 'tshang rgya bar gyur pa de lta bu'i dro ba nyid gang yang yang dag par rjes su mi mthong ngo / / gsol ba/ bcom ldan 'das de lta lags na/ dngos po ma mchis pa ni byang chub lags par 'gyur lags so//

  591. 296b

    bka' stsal pa/ rab 'byor de de bzhin te/ de de bzhin no// ji skad smras pa de bzhin te/ rab 'byor dngos po med pa ni byang chub ste/ de ni sangs rgyas kyis ma mdzad/ rang sangs rgyas kyis ma byas/ dgra bcom pas ma byas/ gang dag byang chuba'adi la spyod pa'i byang chub sems dpa' sems dpa' chen po de dag gis kyang ma byas te/ gzhan du na sems can rnams kyis yang dag pa ji lta ba bzhin du mi shes mi mthong bas/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sems can rnams la chos ston par byed do/ / shes rab kyi pha rol tu phyin pa khri brgyad stong pa las/ dngos po med pa'i ngo bo nyid bstan ba'i le'u zhes bya ste bdun cu rtsa dgu pa'o/ / // de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad dngos po ma mchis pa'i ngo bo nyid lags te/ de dag sangs rgyas kyis kyang ma mdzad/ rang sangs rgyas kyis kyang ma bgyis/ dgra bcom pa dang phyir mi 'ong ba dang / lan cig phyir 'ong ba dang / rgyun du zhugs pas kyang ma bgyis/ gang dag byang chub 'di'i slad du spyod pa'i byang chub sems dpa' sems dpa' chen po de dag

  592. 297a

    gis kyang ma bgyis lags na/ bcom ldan 'das 'o na ci'i slad du chos 'di dag la/ 'di dag ni sems can dmyal ba pa'o// 'di dag ni dud 'gro'i skye gnas pa'o/ / 'di dag ni gshin rje'i 'jig rten pa'o// 'di dag ni lha'o// 'di dag ni ma'o// las 'di dag gis ni sems can dmyal ba rnams su 'chi'o// 'dis ni dud 'gro'i skye gnas rnams su'o/ / 'dis ni gshin rje'i 'jig rten rnams su'o// 'dis ni lha rnams su'o// 'dis ni mi rnams su'o// 'dis ni tshangs ris rnams su'o// 'dis ni 'du shes med 'du shes med min skye mched du nye bar 'gro ba'i bar gyi lha rnams su mchi'o// las 'dis ni rgyun du zhugs pa rnams su'o// las 'di ni rang sangs rgyas kyi bar dag tu'o/ / las 'dis ni byang chub sems dpa' rnams su'o// las 'dis ni de bzhin gshegs pa dgra bcom pa yang dag par rdzogs pa'i sangs rgyas rnams su 'gyur ro zhes bgyi bar tha dad du dbye ba 'am/ rnam par dgod pa dag mchis par 'gyur lags/ bcom ldan 'das dngos po ma mchis pa la ni bgyi ba gang gis sems can dmyal bar mchi ba 'am/ dud 'gro'i skye gnas sam/ gshin rje'i 'jig rten nam/ mi 'am/ lha 'am/ 'du shes med 'du shes med min skye mched kyi bar dag tu mchis

  593. 297b

    par 'gyur ba 'am/ rgyun du zhugs pa'i 'bras bu 'thob par 'gyur ba 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dang / rang byang chub 'thob par 'gyur ba 'am/ byang chub sems dpa' 'thob pa 'am/ byang chub kyi lam la spyod par 'gyur ba 'am/ rnam pa thams cad mkhyen pa nyid 'thob par 'gyur ba 'am/ de thob nas kyang sems can rnams 'khor ba las yongs su thar par 'gyur ba'i bgyi ba de lta bu gang yang ma mchis lags so// de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor de de bzhin te/ de de bzhin no// ji skad smras pa bzhin te/ rab 'byor dngos po med pa la ni las kyang med/ bya ba'ang med/ 'bras bu'ang med na/ byis pa so so'i skye bo thos pa dang mi ldan pa/ 'phags pa'i chos rnams la mi mkhas pa rnams kyis chos rnams dngos po med pa'i ngo bo nyid du mi shes te/ de dag phyin ci log gis kun nas bslang ba'i sems kyis/ las rnam pa sna tshogs mngon par 'du byed pas/ de dag gi lus 'di lta bu dag mngon par 'grub ste/ sems can dmyal ba 'am/ dud 'gro'i skye gnas sam/ gshin rje'i 'jig rten nam/ lha 'am/ mi 'am/ 'du shes med

  594. 298a

    'du shes med min skye mched du nye bar 'gro ba'i bar gyi lus dag mngon par 'gruba'o/ / dngos po med pa la ni las kyang med/ bya ba'ang med/ 'bras su'ang med de/ dngos po med pa gang yin pa de ni dngos po med pa nyid do// rab 'byor khyod gang yang 'di skad du dngos po ma mchis pa lan bgyi ba gang gis rgyun du zhugs pa'i 'bras bu'i bar dag 'thob par 'gyur ba 'am/ dgra bcom pa nyid dam/ rang byang chub kyi bar dag 'thob par 'gyur ba 'am/ byang chub sems dpa' sems dpa' chen po'i lam gyi rnam pa shes pa nyid la spyod par 'gyur ba'am/ de bzhin gshegs pa dgra bcom pa yang dag par rdzogs pa'i sangs rgyas kyi rnam pa thams cad mkhyen pa nyid thob par 'gyur ba'am/ de thob nas kyang sems can rnams 'khor ba las yongs su thar par 'gyur ba'i bgyi ba de lta bu gang yang ma mchis lags so zhes zer ba ni/ rab 'byor 'di ji snyam du sems/ lam dngos po med pa ma yin nam/ rgyun du zhugs pa'i 'bras bu'ang dngos po med pa ma yin nam/ lan cig phyir 'ong ba'i 'bras bu'ang dngos po med pa ma yin nam/ phyir mi 'ong ba'i 'bras bu'ang dngos po med pa ma yin nam/ dgra bcom pa nyid kyang dngos po med pa ma yin nam/ rang byang chub kyang dngos po med pa ma yin nam/ lam gyi rnam pa shes pa nyid kyang dngos po med pa

  595. 298b

    ma yin nam/ rnam pa thams cad mkhyen pa nyid kyi bar yang dngos po med pa ma yin snyam mam/ gsol pa/ bcom ldan 'das lam ni dngos po ma mchis pa lags so// rnam pa thams cad mkhyen pa nyid kyi bar dag kyang dngos po ma mchis pa lags so// bka' stsal pa/ rab 'byor 'o na ci dngos po med pa'i chos kyis dngos po med pa'i chos thob par 'gyur snyam mam/ gsol pa/ bcom ldan 'das de ni ma lags so// bka' stsal pa/ rab 'byor de lta bas na dngos po med pa gang yin pa dang / lam gang yin pa'i chos de gnyis ni ldan pa'ang ma yin/ mi ldan pa'ang ma yin/ gzugs med pa/ bstan du med pa/ thogs pa med pa ste// 'di ltar mtshan nyid med par mtshan nyid gcig pa'o/ / rab 'byor de'i phyir byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas/ sems can phyin ci log bzhis phung po lnga dag la mngon par zhen cing / mi rtag pa la rtag par 'du shes pa dang / sdug bsngal la bde bar 'du shes pa dang / bdag med pa la bdag tu 'du shes pa dang / mi sdug pa la sdug par 'du shes shing / dngos po la mngon par zhen pa dag dngos po las rnam par 'byed par byed do// de skad ces bka' stsal pa dang / bcom

  596. 299a

    ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ci byis pa so so'i skye bo rnams gang la gnas nas/ dngos po zhes mngon par zhen par gyur pa'i dngos po 'byung ba'am/ 'byung ba de bzhin nyid dang / ma nor ba de bzhin nyid ces bgyi ba de lta bu mchis lags sam/ gal te ma mchis na ni las gang gis 'gro ba lnga'i 'khor ba las yongs su thar par mi 'gyur ba de lta bu'i las kyang ji ltar mngon par 'du bgyid par 'gyur lags/ bka' stsal pa/ rab 'byor phyin ci log ma gtogs par las gang la gnas na/ byis pa so so'i skye bo rnams las kyang mngon par 'du byed pa'i dngos po ni/ tha na sna'i rtse mo'i cha shas bzhag pa tsam yang med do// rab 'byor de'i phyir ci nas kyang don 'di nyid rgya cher yongs su rdzogs par bya ba dang / mkhas pas shes par bya ba'i phyir khyod la dpes bshad par bya'o// rab 'byor 'di dza/ snyam du sems rmi lam rmi ba gang la gnas nas 'dod pa lnga'i yon tan dag gis dga' mgur spyod par 'gyur na/ rmi lam rmi ba'i dngos po de lta bu 'ga' zhig yod snyam mam/ gsol pa/ bcom ldan 'das rmi lam nyid kyang mi dmigs legs na/ rmi lam rmi ba gang la gnas nas 'dod pa lnga'i yon tan dag gis dga' mgur spyod par 'gyur ba'i dngos

  597. 299b

    po lta ga la mchis lags/ bka' stsal pa/ rab 'byor 'di ji snyam du sems/ gang dag rmi lam lta bu ma yin pa'i 'dus byas sam/ 'dus ma byas sam zag pa dang bcas pa 'am/ zag pa med pa'i chos 'ga' zhig yod snyam sam/ gsol pa/ bcom ldan 'das gang dag rmi lam lta bu ma lags pa'i 'dus byas sam 'dus ma byas sam/ zag pa dang bcas pa'am/ zag pa ma mchis pa'i chos ni 'ga' yang ma mchis lags so// bka' stsal ba/ rab 'byor 'di ji snyam du sems/ mi lam la 'gro ba lnga'i 'khor ba yod snyam mam/ gsol pa/ bcom ldan 'das de ni ma lags so// bka' stsal pa/ rab 'byor 'di jo snyam du sems rmi lam la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam mam/ gsol pa/ bcom ldan 'das de ni ma lags so// bcom ldan 'das chos de ni dngos po ma mchis shing / gdags su ma mchis pa ste/ brjod pa dang / tshig dang yig 'bru thams cad kyis gdags par bgyi ba ma lags so/ / // 'phags pa shes rab kyi pha rol tu phyin pa khri brgyad spong ba bam po lnga bcu rtsa

  598. 300a

    drug pa/ / bcom ldan 'das kyi bka' stsal pa/ rab 'byor 'di ji snyam du sems me long gi dkyil 'khor la gzugs brnyan snang bkang yin pa de la las gang yang mngon par 'dus byas pasasems can dmyal byar 'gro ba'am/ dradan 'gro'i skye gnas sam/ gshin d+ha'i 'jig rten nas/ wA bas/ mir 'gro bar 'gyur ba'i las mngon par 'du byed pa 'ga' zhig yod snyam ma ma gsol pa/ bcom ldan 'das de ni ma lags te/ bcom ldan 'das gzugs brnyan de ni byis pa so so'i skye bo rnams la slu ba ma gtogs par/ de nyid kyang dngos po ma mchis pa lags na/ de la las gang mngon par 'dus bgyis pas/ sems can dmyal bar mchis pa 'am/ dud 'gro'i skye gnas sam/ gshin rje'i 'jig rten nam/ lha 'am/ mir mchi bar 'gyur ba'i las mngon par 'du bgyid pa lta ga la mchis lags/ bka' stsal pa rab 'byor 'di ji snyam du sems/ de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam mam/ gsol pa/ bcom ldan 'das de ni ma lags te/ bcom ldan 'das gzugs brnyan de nyid kyang dngos po ma mchis pa lags na/ de la lam

  599. 300b

    bsgom pa gang la bsten nas/ kun nas nyon mongs par yang sa 'gyur la/ rnam par byang byar yang mi 'gyur ba'i lam bsgos pa lta bug la mchis lags/ bka' stsal pa// rab 'byor 'di ji snyam du sems/ chu klung dang / sman ljongs dang / nags thibs po dang / rI khrod dang / bya skyibs dag nas zag cha 'byung byar gyur na brag cha de la las gang mngon par 'dus byas pas/ sems can dmyal bar 'gro ba 'am/ dud 'gro'i skye gnas sam/ gshin rje'i 'jig rten du 'gro ba 'am/ rnams sam/ 'dod pa na spyod pa'i lha rnams sam/ gzugs na spyod pa'i lha rnams sam/ 'du shes med 'du shes med min skye mched kyi bar gyi lha rnams su 'gro bar 'gyur ba'i las mngon par 'du byed pa 'ga' zhig yod snyam mam/ gsol ba/ bcom ldan 'das de ni ma lags te/ bcom ldan 'das brag cha de nyid kyang dngos po ma mchis pa lags na/ las gang mngon par 'dus bgyis pas/ sems can dmyal bar mchi ba 'am/ dud 'gro'i skye gnas sam/ gshin rje'i 'jig rten du mchi ba 'am/ mi 'am/ 'dod pa na spyod pa'i lha rnams sam/ gzugs na spyod pa'i lha rnams sam/ gzugs ma mchis pa na spyod pa 'du shes med 'du shes med

  600. 301a

    min skye mched kyi bar gyi lha rnams su mchis par 'gyur ba'i las mngon par 'du bgyid pa lta ga la mchis lags/ bka' stsal pa/ rab 'byor 'ad snyam du sems brag cha de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam mam/ gsol pa/ bcom ldan 'das brag cha de nyid kyang gtan ma mchis lags na/ de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa lha ga la mchis lags/ bka' stsal pa/ rab 'byor 'di ji snyam du sems/ smig rgyu la chu med par chur 'du shes pa dang / klung med pa la klung du shes pa dang / grong khyer med par grong khyer du 'du shes pa dang / skyed mos tshal med par skyed mos tshal du 'du shes par 'gyur ba gang yin de la las gang mngon par 'dus byas pas/ sems can dmyal bar 'gro ba 'am/ 'du shes med 'du shes med min skyed mched kyi bar dag tu 'gro bar 'gyur ba'i las mngon par 'du byed pa 'ga' zhig yod snyam mam/ gsol pa/ bcom ldan 'das 'du shes phyin ci log tu gyur pa dang / mig 'khrul pa ma gtogs par/ smig rgyu la ni chab kyang ma mchis la

  601. 301b

    klung yang ma mchis/ grong khyer yang ma mchis/ skyed mos tshal yang ma mchis lags na/ de la las gang mngon par 'dus bgyis pas/ sems can dmyal bar mchis pa 'am/ 'du shes med 'du shes med min skye mched kyi bar dag tu mchis par 'gyur ba'i las mngon par 'du bgyid pa lta ga la mchis lags/ bka' stsal pa/ rab 'byor 'di ji snyam du sems/ 'du shes phyin ci log tu gyur pa de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'gag zhig yod snyam mam/ gsol pa/ bcom ldan 'das 'du shes phyin ci log tu gyur pa'ang gtan ma mchis lags na/ de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa lta ga la mchis lags/ bka' stsal pa/ rab 'byor 'di ji snyam du sems/ sgyu ma mkhan gyi sgyu ma sna tshogs dag cig mngon par sprul te/ glang po che'i tshogs sam/ rta'i tshogs sam/ glang gi tshogs sa ma/ dpung bu chung gi tshogs sam/ shing rta'i tshogs sam/ bud med kyi gzugs sam/ skyes pa'i gzugs dag cig mngon par sprul na/ sgyu ma'i tshogs

  602. 302a

    de dag la las gang mngon par 'dus byas pas/ sems can dmyal bar 'gro ba 'am/ 'du shes med 'du shes med min skye marnyed kyi bar dag tu 'gro bar 'gyur ba'i las mngon par 'du byed pa 'ga' zhig yod snyam mam/ gsol pa/ bcom ldan 'das de ni ma lags te/ bcom ldan 'das sgyu ma de la ni gang la gnas nas mngon par 'du bgyid par 'gyur ba'i dngos po tha na skra'i rtse mo'i cha shas bzhag pa tsam yang ma mchis lags na/ de la las gang mngon par 'dus bgyis pas/ sems can dmyal bar mchi ba 'am/ 'du shes med 'du shes med min skye mched kyi bar dag tu mchis par 'gyur ba'i las mngon par 'du bgyid pa lta ga la mchis lags// bka' stsal pa/ rab 'byor 'di ji snyam du sems/ sgyu ma de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam mam/ gsol bya/ bcom ldan 'das de ni ma lags te/ bcom ldan 'das sgyu ma de nyid kyang dngos po ma mchis pa lags na/ de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa lha ka la mchis lags/ bka' stsal

  603. 302b

    pa rab 'byor 'di ji snyam du sems/ de bzhin gshegs pa'i sprul pas sprul pa gzhan zhig mngon par sprul na/ sprul pa dal las gang mngon par 'dus byas pas sems can dmyal bar 'gro ba 'am/ 'du shes med 'du shes med mini skye mchod kyi bar dag tu 'gro bar 'gyur ba'i las mngon par 'du byed pa 'ga' zhig yod snyam mam gsol pa/ bcom ldan 'das de ni ma lags te/ bcom ldan 'das sprul pa de nyid kyang dngos po ma mchis pa lags na/ de la las gang mngon par 'dus bgyis pas// sems can dmyal bar mchi ba 'am/ 'du shes med 'du shes med min skye mched kyi bar dag tu mchi bar 'gyur ba'i las mngon par 'du bgyid pa lta ga la mchis lags bka' stsal pa/ rab 'byor 'di ji snyam du sems/ sprul pa de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam mim/ gsol pa/ bcom ldan 'das de ni ma lags so// bka' stsal pa/ rab 'byor 'di rje snyam du sems de la kun nas nyon mongs par 'gyur ba 'am/ rnam par byang bar yang 'gyur ba 'ga' zhig yod snyam mam/ gsol pa/ bcom ldan 'das 'ga'

  604. 303a

    yang ma mchis lags so/ / bka' stsal pa/ rab 'byor ji ltar kun nas nyon mongs par 'gyur ba 'ga' yang med cing / rnam par byang bar 'gyur ba 'ga' yang med pa de bzhin du/ kun nas nyon mongs pa'ang med la/ rnam par byang ba'ang med do// de ci'i phyir zhe na/ gang dag ngar 'dzin pa dang / nga yir 'dzin pa la gnas pa'i sems can rnams ni kun nas nyon mongs pa 'am/ rnam par byang bar 'gyur gyi/ yang dag pa mthong ba ni kun nas nyon mongs pa 'am/ rnam par byang bar mi 'gyur ba'i phyir te/ ji ltar yang dag pa mthong nas nyon mongs par mi 'gyur zhing / rnam par byang bar mi 'gyur ba de bzhin du/ kun nas nyon mongs pa'ang med la/ rnam par byang ba'ang med do/ / shes rab kyi pha rol tu phyin pa khri brgyad stong pa las/ kun nas nyon mongs pa dang / rnam par byang ba med pa'i le'u ste brgyad cu pa'o// / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das yang dag pa mthong ba la/ kun nas nyon mongs par 'gyur ba ma mchis shing rnam par byang bar 'gyur ba ma mchis pa bzhin du/ yang dag pa ma mthong ba la'ang kun nas nyon mongs par 'gyur ba ma mchis shing / rnam par byang bar 'gyur ba ma mchis te/ bcom

  605. 303b

    ldan 'das 'di ltar chos thams cad ni dngos po ma mchis pa'i ngo bo nyid lags pas/ dngos po ma mchis pa la'ang kun nas nyon mongs pa ma mchis shing / rnam par byang ba ma mchis la/ bcom ldan 'das dngos po la'ang kun nas nyon mongs pa ma mchis shing / rnam par byang ba ma mchis te/ bcom ldan 'das ngo bo nyid la'ang kun nas nyon mongs pa ma mchis shing / rnam par byang ba ma mchis la/ bcom ldan 'das dngos po ma mchis pa'i ngo bo nyid la'ang kun nas nyon mongs pa ma mchis shing / rnam par byang ba ma mchis lags na/ 'o na bcom ldan 'das kyis rnam par byang ba bka' stsal pa de ji lta bu lags/ bka' stsal pa/ rab 'byor 'di ltar chos thams cad kyi mnyam pa nyid gang yin pa de ni/ ngas rnam par byang bar gsungs so// gsol pa/ bcom ldan 'das chos thams cad kyi mnyam pa nyid de gang lags/ bka' stsal pa/ rab 'byor de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / de bzhin gshegs pa rnams byung yang rung / de bzhin gshegs pa rnams ma byung yang rung ste/ chos gnas pa nyid dang / chos kyi dbyings de bzhin nyid du gnas pa de ni/ 'di lta ste/ chos kyi dbyings yin te/ rab

  606. 304a

    'byor de ni rnam par byang ba zhes bya'o/ / rab 'byor de ni 'jig rten gyi tha snyad kyis brjod par zad kyi/ brjod du med cing 'jig rten gyi tha snyad dang bral ba ste ngag dang / sgra dang / tshig gi lam thams cad kyis brjod du med pa yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad sgyu ma lta bu dang / rmi lam lta bu dang / brag cha lta bu dang / mig yor lta bu dang / gzugs brnyan lta bu dang / spug rgyu lta bu dang / dri za'i grong khyer lta bu dang / sprul pa lta bu lags na/ 'o na ji ltar byang chub sems dpa' sems dpa' chen po sgyu ma lta bu dang / sprul pa lta bu'i bar gyi chos dngos po ma mchis shing / rdzas ma mchis pa dag la/ bdag gis sbyin pa'i pha rol tu phyin pa yongs su rdzogs par bgyi'o// shes rab kyi pha rol tu phyin pa'i bar du yongs su rdzogs par bgyi'o/ / de bzhin du thabs la mkhas pa'i pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa dang / mngon par shes pa'i pha rol tu phyin pa yongs su rdzogs par bgyi'o// bsam gtan bzhi la snyoms par 'jug par bgyi'o// tshad med pa bzhi dang gzugs med pa'i snyoms par 'jug pa

  607. 304b

    bzhi yongs su rdzogs par bgyi'o/ / dran pa nye bar gzhag pa bzhi la bsgom par bgyi'o// 'phags pa'i lam yan lag brgyad pa'i bar dag la bsgom par bgyi'o// rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byam pa chen po dang / snying rje chen po dang / spobs pa chen po dang / gzungs kyi sgo rnams thob par bgyi'o// sangs rgyas kyis chos ma 'dres pa bco brgyad kyi bar dag yongs su rdzogs par bgyi'o/ / skyes bu chen po'i mtshan sum bcu rtsa gnyis dang / dpe byad bzang po brgyad cu'i bar dag thob par bgyi'o// stong gsum gyi stong chen po'i 'jig rten gyi khams dag snang bas khyab par bgyid pa'i 'od tshad ma mchis pa dag yongs su rdzogs par bgyi'o/ / phyogs bcu'i 'jig rten gyi khams kyi sems can rnams kyi sems kyis rtog pa sems kyis yongs su 'tshal bar bgyis nas/ dbyangs gcig gis mos pa ji lta ba bzhin du chos ston par 'gyur ba'i tshangs pa'i dbyangs yongs su rdzogs par bgyi'o// zhes bla na med pa yang dag par rdzogs pa'i byang chub tu sems skyed par bgyid lags/ bka' stsal ba/ rab 'byor 'di ji snyam du sems/ gang de dag khyod kyis brjod pa'i chos de dag sgyu ma

  608. 305a

    lta bu dang / rmi lam lta bu dang / brag cha lta bu dang / mig yor lta bu dang / gzugs brnyan lta bu dang / thig rgyu lta bu dang / dri za'i grong khyer lha bu dang / sprul pa lta bu ma yin snyam mam/ de skad ces bka' stsal ba dang / bcom ldan 'das la/ tshe dang ldan pa rab 'byor gyi 'di skad ces gsol to// bcom ldan 'das gal te chos de dag sgyu ma lta bu dang / rmi lam lta bu dang / sprul pa lta bu'i bar dag lags na/ bcom ldan 'das 'o na ji ltar sgyu ma lta bu dang / rmi lam lta bu dang / sprul pa lta bu'i bar gyi chos rnams la/ byang chub sems dpa' sems dpa' chen po shes rab kyi pha rol tu phyin pa la spyod par bgyid lags/ bcom ldan 'das sgyu ma lta bu dang rmi lam lta bu dang / sprul pa lta bu'i bar dag ni yang dag pa ma lags te/ bcom ldan 'das yang dag pa ma lags pas ni/ sbyin pa'i pha rol tu phyin pa la spyod pa dang / shes rab kyi pha rol tu phyin pa'i bar dag la spyod pa dang / byang chub kyi phyogs kyi chos sum cu rtsa bdun gyi bar dag la spad par yang rngo mi thogs la/ de bzhin du yang dag pa ma lags pas ni/ sangs rgyas kyi chos ma 'dres pa bco brgyad kyi bar dag la spyad cing / rnam pa thams cad mkhyen po nyid mngon par rdzogs par 'tshang rgya bar rngo mi thogs

  609. 305b

    lags so/ / de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rab 'byor yang dag pa ma yin pas ni sbyin pa'i pha rol tu phyin pa la spyad pa dang / shes rab kyi pha rol tu phyin pa'i bar la spyad pa dang / yang dag pa ma yin pas ni sangs rgyas kyi chos ma 'dres pa bco brgyad kyi bar dag la sprad cing / bla na med pa yang dag par rdzogs pa'i byang chub mngon par rdzogs par 'tshang rgya bar mi nus so/ / rab 'byor 'di ji snyam du sems/ sbyin pa'i pha rol tu phyin pa bla na med pa yang dag par rdzogs pa'i byang chub mngon par rdzogs par 'tshang rgya snyam mam/ shes rab kyi pha rol tu phyin pa'i bar dag bla na med po yang dag par rdzogs pa'i byang chub mngon par rdzogs par 'tshang rgya snyam mam/ byang chub kyi phyogs kyi chos sum cu rtsa bdun dang stong pa nyid bcu bzhi dang / / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa rnams dang / gzungs kyi sgo rnams dang / stong pa nyid dang / mtshan ma med pa dang / smon pa med pa dang / mngon par shes pa rnams

  610. 306a

    dang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco/ brgyad kyi bar dag bla na med pa yang dag par rdzogs pa'i byang chub mngon par rdzogs par 'tshang rgya snyam sam/ gsol pa/ bcom ldan 'das de ni ma lags so// bka' stsal pa/ rab 'byor de de bzhin no// de de bzhin te/ rab 'byor smin pa'i pha rol tu phyin pa ni bla na med pa yang dag par rdzogs pa'i byang chub mngon par rdzogs par 'tshang mi rgya'o// sangs rgyas kyi chos ma 'dres pa bco brgyad kyi bar dag kyang bla na med pa yang dag par rdzogs pa'i byang chub mngon par rdzogs par 'tshang mi rgya'o/ / de ci'i phyir zhe na/ rab 'byor 'di ltar chos de dag thams cad ni mngon par 'dus byas pa dang bsam pa ste/ mngon par 'dus byas pa dang bsams pa'i chos rnams kyis ni rnam pa thams cad mkhyen pa nyid rjes su thob par mi nus pa'i phyir ro// rab 'byor 'on kyang chos de dag thams cad ni lam sgrub pa dang / lam skyed par byed pa yin gyi/ 'bras bu thob par byed pa ni ma yin no// chos de dag gi skye ba med pa dang / 'gag pa med pa gang yin pa de ni mtshan nyid med pa'ang de yin te/ de lta bas na byang chub sems dpa' sems dpa' chen po sems dang po bskyed pa nas bzung ste/ dge ba'i chos sbyin pa'i pha rol tu phyin

  611. 306b

    pa 'am/ shes rab kyi pha rol tu phyin pa'i byar dag gam/ sangs rgyas kyi chos ma 'dres pa bco brgyad kyi bar dag kam/ dge ba'i chos gang dang gang rtsom yang rung ste/ de dag thams cad sgyu ma lta bur rab tu shes so// sbyin pa'i pha rol tu phyin pa dang / shes rab kyi pha rol tu phyin pa'i bar dag dang / sangs rgyas kyi chos ma 'dres pa bco brgyad kyi bar gyi chos de dag yongs su rdzogs par ma byas par/ sems can yongs su smin par bya ba 'am/ rnam pa thams cad mkhyen pa nyid thob par mi nus pas/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa dge ba'i chos gang ci rtsom yang rung ste/ de dag thams cad rmi lam lta bur rab tu shes so// sprul pa lta bu'i bar du rab tu shes so/ / de shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid kyi bar du rmi lam lta bur rab tu shes so// sprul pa lta bu'i bar du rab tu shes so/ / sems can de dag kyang rmi lam lta bu la spyod do zhes bya bar rab tu shes so// sprul pa lta bu'i bar dag la spyod do zhes bya bar rab tu shes te/ de'i phyir byang chub sems dpa' sems dpa' chen po shes rab kyi pha rol tu phyin pa la spong ba sgyu ma lta bu'i chos rnams dngos po med par 'dzin te/ de ltar gzung zhing rnam pa thams cad mkhyen pa nyid rjes su

  612. 307a

    thob par byed do/ / sprul pa lta bu'i bar gyi chos rnams dngos po med par 'dzin te/ de ltar gzung zhing rnam pa thams cad mkhyen pa nyid thob par byed do// sbyin pa'i pha rol tu phyin pa gzung du med cing / shes rab kyi pha rol tu phyin pa'i byar yang gzung du med la/ sangs rgyas kyi chos ma 'dres pa bco brgyad kyi bar dag kyang gzung du med pas/ de'i phyir byang chub sems dpa' sems dpa' chen pos chos thams cad gzung du med par rig par byas shing / bla na med pa yang dag par rdzogs pa'i byang chub la 'jug par byed do/ / de ci'i phyir zhe na/ 'di ltar chos thams cad ni rmi lam lta bu dang / sprul pa lta bu'i bar dag gzung du med cing dngos po med pa ste/ sems can thams cad kyis chos de dag mi shes mi mthong ba ma gtogs par/ gzung du med pa'i chos kyis gzung du med pa'i chos thob par mi nus pa'i phyir ro// de'i phyir byang chub sems dpa' sems dpa' chen po sems can thams cad kyi don du bla na med pa yang dag par rdzogs pa'i byang chub la 'jug par byed do/ / de skyems dang po bskyed pa nas bzung ste/ sbyin pa gang ci sbyin yang rung // de dag thams cad sems can rnams kyi don du gtong ngo // tshul khrims gang ci srung ba dang / bzod pa gang ci sgom pa dang / brtson

  613. 307b

    'grus gang ci rtsom pa dang / ting nge 'dzin gang la snyoms par 'jug pa dang / shes rab gang ci sgom yang rung ste/ de dag thams cad sems can rnams kyi don du sgom gyi// bdag gi don du ni ma yin no// byang chub sems dpa' sems dpa' chen po ni sems can rnams kyi don ma gtogs par/ bla na med pa yang dag par rdzogs pa'i byang chub la mi 'jug ste/ de shes rab kyi pha rol tu phyin pa la spyod pa'i tshe/ sems can gang dag sems can med pa la sems can du 'du shes par gnas pa dang / bdag med pa la bdag tu 'dra shes par gnas pa dang / skye ba po dang / shed bu dang / shed las skyes pa dang / srog dang / gso ba dang / skyes bu dang / gang zag dang / byed pa po dang / tshor ba po dang / byed du 'jug pa po dang / slong ba po dang / kun nas slong ba po dang / shes pa po dang / mthong ba po'i bar dag med pa la mthong ba po'i 'du shes su gnas pa'i sems can de dag/ byang chub sems dpa' sems dpa' chen po shes rab kyi pha rol tu phyin pa la spyod pas phyin ci log dag las rnam par 'grel bar byed do// phyin ci log dag las rnam par bkrol nas kyang 'chi 'pho med pa'i dbyings su 'god par byed do// der bkod nas kyang kun tu 'byung ba 'di dag mi 'byung mi rgyu ste/ bdag

  614. 308a

    gi 'du shes kun tu 'byung ba 'am/ byed pa po'i 'du shes kun tu 'byung ba'i bar dag kun tu mi 'byung ste/ de g.yo ba dang / 'gul ba dang / rlom sems dang / spros pa de dag thams cad btang nas/ spros pa med pa'i sems kyis rdzogs par byas te mang du gnas so// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pa des/ bdag kyang chos gang la'ang mngon par zhen pa med la/ sems can thams cad kyang mngon par zhen pa med pa la rab tu 'god par byed do/ / de'ang 'jig rten gyi tha snyad yin gyi/ don dam par ni ma yin no// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das de bzhin gshegs pas chos gang mngon par rdzogs par sangs rgyas pa de/ ci 'jig rten gyi tha snyad du mngon par rdzogs par sangs rgyas lags sam/ 'on te don dam par lags/ bka' stsal pa/ rab 'byor de bzhin gshegs pas chos 'di bstan to// de bzhin gshegs pas chos 'di mngon par rdzogs par sangs rgyas so zhes bya ba ni 'jig rten gyi tha snyad kyis tha snyad du btags pa ste/ de la ni chos 'dis chos 'di lta bu zhig mngon par rdzogs

  615. 308b

    par sangs rgyas so zhes bya ba gang yang dmigs su med do/ / de ci 'byor zhe na/ chos 'dis chos 'di lta bu zhig mngon par rdzogs par sangs rgyas so zhes bya ba ni dmigs pa skye/ gnyis kyis ni 'thob pa dang / mngon par rtogs par 'gyur ba gang yang med pa'i phyir ro// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te gnyis kyis 'thob pa dang / mngon par rtogs par mi 'gyur lags na// 'o na ci gnyis su ma mchis pa 'thob pa dang mngon par rtogs par 'gyur lags sam/ bka' stsal pa/ rab 'byor gnyis kyis kyang mngon par rtogs par mi 'gyur la/ gnyis su med pas kyang mngon par rtogs par mi 'gyur te/ gang la gnyis kyang med la/ gnyis ma yin pa'ang med pa de ni 'dir mngon par rtogs pa yin no// de ci'i phyir zhe na// 'di ni mngon par rtogs pa'o/ / 'dis ni mngon par rtogs so zhes bya bya gang yin pa de ni spros pa'o// chos mnyam pa nyid la ni spros pa med de/ spros pa med pa ni chos mnyam pa nyid yin pa'i phyir ro// gsol pa/ bcom ldan 'das chos dngos po ma mchis pa'i ngo bo nyid rnams la chos mnyam pa nyid ces bgyi ba gang zhig mchis lags/ bka' stsal pa/ rab 'byor gang la dngos po med pa dang /

  616. 309a

    ngo bo nyid med pa dang / yongs su brjod pa med pa de ni 'di ltar mnyam pa nyid yin te/ chos mnyam pa nyid ni brjod par bya ba ma yin no// chos mnyam pa nyid ma gtogs par yang chos gang yang dmigs su med de/ chos mnyam pa nyid ni chos thams cad las shin tu 'das pa yin no// chos mnyam pa nyid ni byis pa 'am/ 'phags pa gang gi rten dang gnas kyang ma yin no/ / gsol pa/ bcom ldan 'das ci chos mnyam pa nyid po de/ de bzhin gshegs pa'i yul yang ma lags sam/ bka' stsal pa/ rab 'byor chos mnyam pa nyid ni 'phags pa thams cad kyi yul ma yin te/ rgyun du zhugs pa rnams sam/ lan cig phyir 'ong ba rnams sam/ phyir mi 'ong ba rnams sam dgra bcom pa rnams sam/ rang sangs rgyas rnams sam/ byang chub sems dpa' rnams sam/ de bzhin gshegs pa rnams kyi yul yang ma yin no// gsol pa/ bcom ldan 'das/ de bzhin gshegs pa dgra bcom pa yang dgra par rdzogs pa'i byang chub chos thams cad kyi yul la mnga' sbyar ba ma lags sam/ bka' stsal pa rab 'byor gal te chos mnyam pa nyid kyang gzhan la/ de bzhin gshegs pa dgra bcom pa yang dag par rdzogs pa'i byang chub kyang gzhan pa zhig yin na ni/ de bzhin gshegs pa

  617. 309b

    dgra bcom pa yang dag par rdzogs pa'i sangs rgyas chos thams cad kyi yul la mnga' sgyur bar yang 'gyur ba zhig na/ rab 'byor byis pa so so'i skye bo rnams kyi mnyam pa nyid gang yin pa dang / dad pas rjes su 'brang ba dang / chos kyis rjes su 'brang ba rnams kyi mnyam pa nyid gang yin pa de dang // rgyun du zhugs pa rnams kyi mnyam pa nyid gang yin pa dang / de bzhin du sbyar te/ lan cig phyir 'ong ba rnams sam/ phyir mi 'ong ba rnams sam/ dgra bcom pa rnams sam// rang sangs rgyas rnams kyi mnyam pa nyid gang yin pa dang / / de bzhin gshegs pa dgra bcom pa yang dag par rdzogs pa'i sangs rgyas rnams kyi mnyam pa nyid gang yin pa de mnyam pa nyid dang mnyam pa nyid la ni tha dad du bya ba cung zad kyang med do/ / so so'i skye bo rnams kyi mnyam pa nyid gang yin pa dang / 'phags pa thams cad kyi mnyam pa nyid gang yin pa de ni mnyam pa nyid gcig pa ste/ mnyam pa nyid gcig bya la de ni so so'i skye bo'o/ / 'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bya bar gnyis su med de/ mnyam pa nyid la ni 'di na so so'i skye bo'o/ / 'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dgago zhes bya bar chos de dag thams cad dmigs su med do// de skad ces bka'

  618. 310a

    stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad mnyam pa nyid la 'di ni so so'i skye bo'o/ / 'di ni rgyun du zhugs pa'o// 'di ni rang sangs rgyas kyi bar dag go// 'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bgyi ba'i chos de dag thams cad dmigs su ma mchis pa lags na/ de ni byis pa so so'i skye bo rnams dang / dad pas rjes su 'brang ba rnams dang / chos kyi rjes su 'brang ba rnams dang / rgyun du zhugs pa rnams dang / lan cig phyir 'ong ba rnams dang / phyir ma 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams la'ang byed brag ma mchis par 'gyur/ lags so// bka' stsal pa/ rab 'byor de de bzhin no// de de bzhin te/ chos mnyam pa nyid la ni byis pa so so'i skye bo rnams dang // de bzhin gshegs pa dgra bcom pa yang dag par rdzogs pa'i sangs rgyas rnams kyi bar dag la bye brag med do/ / gsol pa/ bcom ldan 'das gal te chos mnyam pa nyid la byis pa so so'i skye bo rnams dang / dad pas

  619. 310b

    rjes su 'brang ba rnams dang / de bzhin gshegs pa dgra bcom pa yang dag par rdzogs pa'i sangs rgyas kyi bar dag la bye brag ma mchis lags na/ bcom ldan 'das 'o na gang las dkon mchog gsum po/ sangs rgyas dkon mchog dang / chos dkon mchog dang / dge 'dun dkon mchog 'jig rten du 'byung bar 'gyur lags/ bka' stsal pa/ rab 'byor 'di ji snyam du sems/ sangs rgyas dkon mchog kyang gzhan la/ chos dkon mchog kyang gzhan zhig/ dge 'dun dkon mchog kyang gzhan yin la/ chos mnyam pa nyid kyang gzhan zhig yin snyam mam/ de skad ces bka' stsal pa dang / bcom ldan 'das la// tshe dang ldan pa rab 'byor gyis 'di skad ces gsol to// bcom ldan 'das bdag gis bcom ldan 'das kyis gsungs pa'i don 'tshal ba ltar na/ sangs rgyas dkon mchog kyang gzhan la/ chos dkon mchog kyang gzhan zhig/ dge 'dun dkon mchog kyang gzhan la/ chos mnyam pa nyid kyang gzhan ma lags kyi/ bcom ldan 'das sangs rgyas dkon mchog gang lags pa dang / chos dkon mchog gang lags pa dang / dge 'dun dkon mchog gang lags pa dang / chos mnyam pa nyid gang lags pa'i chos de dag thams cad ni ldan pa'ang ma lags/ mi ldan pa'ang ma lags gzugs ma

  620. 311a

    mchis pa/ bstan du ma mchis pa/ thog pa ma mchis pa ste/ 'di ltar mtshan nyid ma mchis par mtshan nyid gcig pa lags na/ mtshan nyid ma mchis pa'i chos rnams la 'di ni so so'i skye bo'o/ / 'di ni rgyun du zhugs pa'o// 'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes/ bcom ldan 'das kyis rnam par dgod pa mdzad pa 'di tsi las byung lags/ de skad ces gsel ba dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyis byang chub mngon par rdzogs par sangs rgyas par ma gyur la/ mngon par rdzogs par songs ma rgyas te/ chos rnams rnam par dgod par ma mdzad na/ sems can dmyal ba yod par mngon nam/ dud 'gro'i skye gnas dang / gshin rje'i 'jig rten dang / lha dang / mi dang / rgyal chen bzhi'i ris kyi lha dang / gzhan 'phrul dbang byed kyi bar dag dang / tshangs ris dang / 'du shes med 'du shes med min skye mched kyi snyoms par 'jug pa'i bar dag dang / dran pa nye bar gzhag pa rnams dang / 'phags pa'i lam yan lag brgyad pa'i bar dag dang / nang stong

  621. 311b

    pa nyid dang / de bzhin du sbyar te/ dngos po med pa'i ngo bo nyid stong pa nyid kyi bar dag dang / sangs rgyas kyi chos ma 'dres pa bco brgyad kyi bar dag yod par mngon snyamamam/ gsol pa/ bcom ldan 'das de ni ma lags so// bka' stsal pa/ rab 'byor de lta bas na gang chos mnyam pa nyid las kyang mi g.yo la/ chos rnams rnam par 'god pa'ang mdzad pa de de bzhin gshegs pa'i skyes bu'i mthu yin no/ / de nas bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das ci lags/ ji ltar de bzhin gshegs pa chos mnyam pa nyid las mi g.yo ba de bzhin du/ so so'i skye bo rnams dang // rang sangs rgyas kyi bar dag kyang / chos mnyam pa nyid las mi g.yo ba lags sam/ de bzhin du byang chub sems dpa' rnams kyang / chos mnyam pa nyid las mi g.yo ba lags sam/ bka' stsal pa rab 'byor de de bzhin no/ / de de bzhin te/ rab 'byor chos thams cad ni chos mnyam pa nyid las migayo'o// chos mnyam pa nyid las mi 'da' 'o// de ci'i phyir zhen/ 'di ltar de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin nyid dang / ma nor ba de bzhin nyid dang / gzhan ma yin pade

  622. 312a

    bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' gang yin pa de nyid so so'i skye bo rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' yin la/ de nyid dad pas rjes su 'brang ba rnams dang / chos kyi rjes su 'brang ba rnams dang / brgyad pa rnams dang / rgyun du zhugs pa rnams dang / lan cig phyir 'ong ba rnam dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' yin te/ de dag thams cad ni chos mnyam pa nyid las mi 'da' ba'i phyir ro// de ci'i phyir zhe na/ de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' ni de nyid yin te/ de dag las chos

  623. 312b

    mnyam pa nyid ces bya ba gzhan gang yang med pa'i phyir ro/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das gal te chos thams cad kyi mnyam pa nyid gang lags pa de nyid so so'i skye bo rnams kyi chos nyid kyang de nyid lags la/ rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi chos nyid kyang de nyid lags na/ bcom ldan 'das 'di lta ste/ gzugs dang / tshor ba dang / 'du shes dang / 'du byed rnams dang / rnam par shes pa gang lags pa de dag ni mtshan nyid tha dad pa lags te/ gzugs kyi chos nyid kyang gzhan la/ tshor ba'i yang gzhan/ 'du shes kyi'ang gzhan 'du byed rnams kyi'i nga gzhan/ rnam par shes pa'i chos nyid kyang gzhan/ mig gi chos nyid kyang gzhan/ rna ba dang / sna dang / lce dang / lus dang / yid kyi chos nyid kyang gzhan/ gzugs kyi chos nyid kyang gzhan/ sgra dang / dri dang / ro dang / reg bya dang / chos rnams kyi chos nyid kyang gzhan/ sa'i khams kyi chos nyid kyang gzhan/ chu'i khams kyi'ang

  624. 313a

    gzhan/ me'i khams kyi'ang gzhan/ rlung gi khams kyi'ang gzhan// nam mkha'i khams kyi'ang gzhan/ rnam par shes pa'i khams kyi chos nyid kyang gzhan/ 'dod chags dang / zhe sdang dang / gtig mug rnams kyi chos nyid kyang gzhan// lta bar gyur pa rnams kyi'ang gzhan/ bsam gtan rnams kyi'ang gzhan tshad med pa rnams kyi'ang gzhan/ gzugs med pa'i snyoms par 'jug pa rnams kyi'ang gzhan// dran pa nye bar gzhag pa rnams kyi'ing gzhan/ 'phags pa'i lam yan lag brgyad pa'i bar dag gi'ang gzhan/ stong pa nyid kyi'ang gzhan/ mtshan ma med pa'i yang gzhan/ smon pa med pa'i yang gzhan/ nang stong pa nyid kyi'ang gzhan/ dngos po med pa'i ngo nyid stong pa nyid kyi bar dag gi'ang gzhan/ rnam par thar pa rnams kyi'ang gzhan/ snyoms par 'jug pa rnams kyi'ang gzhan/ stobs rnams kyi'ang gzhan/ mi 'jigs pa rnams kyi'ang gzhan/ so so yang dag par rig pa rnams kyi'ang gzhan/ sangs rgyas kyi chos ma 'dres pa bco brgyad kyi chos nyid kyang gzhan/ 'dus byas kyi khams kyi'ang gzhan/ 'dus ma byas kyi khams kyi chos nyid kyang gzhan pa lags na/ bcom ldan 'das de ltar mtshan nyid tha dad pa'i chos rnams kyi chos nyid kyi mtshan nyid gcig par ji ltar 'gyur lags/

  625. 313b

    ji ltar byang chub sems dpa' sems dpa' chen po shes rab kyi pha rol tu phyin pa la spyod pa de la gnas nas/ chos rnams tha dad du bgyid lags// chos rnams tha dad du ma bgyis par ni/ byang chub sems dpa' sems dpa' chen pos shes rab kyi pha rol tu phyin pa la spyod par yang rngo mi thogs lags na/ bcom ldan 'das ji ltar byang chub sems dpa' sems dpa' chen po shes rab kyi pha rol tu phyin pa la spyod pa sa nas sar 'phar zhing / byang chub sems dpa'i skyon ma mchis pa la 'jug pa lags/ byang chub sems dpa'i skyon ma mchis pa la zhugs nas kyang / nyan thos dang rang sangs rgyas kyi sa las shin tu 'da' bar bgyid pa lags/ shin tu 'das nas kyang shes rab kyi pha rol tu phyin pa dag yongs su rdzogs par bgyid pa lags/ byang chub sems dpa' sems dpa' chen po mngon par shes pa de dag gis rnam par rtse ba na/ sbyin pa'i pha rol tu phyin pa yongs su rdzogs par bgyid pa lags// ting nge 'dzin gyi pha rol tu phyin pa'i bar du yongs su rdzogs par bgyid pa lags/ rnam par rtse zhing sangs rgyas kyi zhing nas sangs rgyas kyi zhing du mchi ba lags/ sangs rgyas bcom ldan 'das rnams la bsnyen bkur bgyid cing / / de dag las dge ba'i rtsa bskrun par bgyid pa lags/ dge ba'i rtsa ba des kyang sems can rnams yongs su smin par bgyid pa dang /

  626. 314a

    sangs rgyas kyi zhing yongs su dag par bgyid pa lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor khyod gang 'di skad du gal te khyod gang chos thams cad kyi chos nyid gang lags pa de nyid so so'i skye bo rnams kyi chos nyid kyang de nyid lags la/ de bzhin gshegs pa dgra bcom pa yang dag par rdzogs pa'i sangs rgyas rnams kyi chos nyid kyang de nyid lags na/ mtshan nyid tha dad pa'i chos rnams kyi chos nyid mtshan gcig par ji ltar rigs shes zer ba ni/ rab 'byor 'di ji snyam du sems/ gzugs kyi chos nyid gang yin pa de'ang stong pa nyid ma yin snyam mam/ de bzhin gshegs pa'i bar gyi chos nyid gang yin pa de'ang stong pa nyid ma yin snyam mam/ gsol pa/ bcom ldan 'das stong pa nyid lags so// bka' stsal pa/ rab 'byor 'o na ci stong pa nyid la gang gzugs kyi mtshan nyid tha dad pa 'am/ rnam par shes pa'i bar gyi mtshan nyid tha dad pa 'am/ de bzhin gshegs pa'i mtshan nyid kyi bar ram/ mtshan nyid tha dad pa'i chos shig dmigs su yod snyam mam/ gsol pa/ bcom ldan 'das de ni ma lags so// bka' stsal pa/ rab 'byor rnam grangs 'dis 'di ltar chos rnams kyi chos nyid gang yin pa de la'ang so so'i skye bo med la/ so so'i skye bo las gud

  627. 314b

    na'ang de med do/ / de la'ang de bzhin gshegs pa'i bar dag med la/ de bzhin gshegs pa las gud na'ang de med par rig par bya'o// gsol pa/ bcom ldan 'das ci chos nyid de 'dus bgyis pa lags sam/ 'on te 'dus ma bgyis pa lags/ bka' stsal pa/ rab 'byor de ni 'dus byas kyang ma yin la/ 'dus ma byas kyang ma yin te/ 'dus byas las gud na'ang 'dus ma byas dmigs su med la/ 'dus ma byas las gud na'ang 'dus byas dmigs su med de/ rab 'byor de lta bas na 'dus byas kyi khyams gang yin pa dang / 'dus ma byas kyi khams gang yin pa'i chos de gnyis ni ldan pa'ang ma yin/ mi ldan pa'ang ma yin/ gzugs med pa/ bstan du med pa/ thogs pa med pa ste// 'di ltar mtshan nyid med par mtshan nyid gcig pa'o// de dag kyang de bzhin gshegs pas 'jig rten gyi tha snyad gyis brjod par zad kyi/ don dam par ni ma yin te/ don dam par ni lus kyi 'du byed dam/ ngag gi 'du byed dam/ yid kyi 'du byed gang yang med la/ lus kyi 'du byed dang / ngag gi 'du byed dang / yid kyi 'du byed las gud na'ang don dam pa dmigs su med de/ 'dus byas dang / 'dus ma byas kyi chos de dag gi mnyam pa nyid gang yin pa de ni don dam pa yin no// de'i phyir byang chub sems dpa'

  628. 315a

    sems dpa' chen po shes rab kyi pha rol tu phyin pa la spyod pa don dam pa lngas kyang migayol/ byang chub sems dpa'i bya ba dag kyang byed do// shes rab kyi pha rol tu phyin pa khri brgyad stong pa las/ don dam pa'i rnal 'byor gyi le'u sgo brgyad cu rtsa gcig pa'o// / de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad kyi mnyam pa nyid rang bzhin gyis stong pa lags na/ de'i slad du chos gang ci'ang mi bgyid na/ ci'ang mi bgyid cing cung zad kyang ma mchis pa'i chos rnams la/ ji ltar byang chub sems dpa' sems dpa' chen po shes rab kyi pha rol tu phyin pa la spyod pa don dam pa las kyang mi g.yo la/ sbyin pa dang / snyan par smra ba dang / don mthun pa dang / don spyod pa dag gis sems can rnams kyi don kyang bgyid pa lags/ de skad ces gsol pa dang / bcom ldan 'das kyis/ tshe dodang ldan pa rab 'byor la 'di skad ces bka' stsal to/ / rab 'byor de de bzhin te/ de de bzhin no// ji skad smras pa de bzhin te/ rab 'byor stong pa nyid ni bya ba dang / bya ba ma yin pa ci'ang mi byed cing cung zad kyang med do/ / rab 'byor gal te sems can 'di dag bdag nyid kyis stong pa nyid kyi stong pa nyid shes par gyur na ni/ 'di ltar de bzhin gshegs pa stong pa nyid las kyang mi

  629. 315b

    g.yol/ sems can rnams kyang bdag tu 'du shes pa dang bral bar mdzad cing / bral nas kyang stong pa nyid kyis 'khor ba las thar bar mdzad pa dang / de bzhin du sems can du 'du shes pa dang / byed pa por 'du shes pa'i bar dang / gzugs su 'du shes pa dang / rnam par shes par 'du shes pa'i bar dang / mig tu 'du shes pa dang / yid du 'du shes pa'i bar dang / sa'i khams su 'du shes pa dang / rnam par shes pa'i khams su 'du shes pa'i bar dang / 'dus byas kyi khams su 'du shes pa dang bral bar mdzad cing / phral nas kyang 'dus ma byas kyi dbyings stong pa de la 'god par mdzad pa 'di de bzhin gshegs pa'i khyu mchog tu gyur par mi 'gyur ro/ / gsol pa/ bcom ldan 'das ci zhig gis stong pa lags/ bka' srul pa/ rab 'byor de la 'du shes gang yin pa des stong ngo // rab 'byor sprul pa zhig gis sprul pa gzhan sprul na/ ci de la gang stong pa nyid ma yin pa'i dngos po 'ga' zhig yod snyam mam// gsol ba/ bcom ldan 'das de ni ma lags te/ sprul pa la ni gang stong pa nyid ma lags pa'i dngos po 'ga' yang ma mchis te/ stong pa nyid gang lags pa dang / sprul pa gang lags pa'i chos de gnyis ni ldan pa'ang ma lags/ mi ldan pa'ang ma lags te/ sprul pa la chos de gnyis ni stong pa nyid kyis stong pa lags so// bka' stsal pa

  630. 316a

    rab 'byor 'di ji snyam du sems/ 'di ni sprul pa'o// 'di ni stong pa nyid do zhes rnam par spangs pa zhig yod snyam mam/ gsol pa/ bcom ldan 'das de ni ma lags so/ / de ci'i slad du zhe na/ 'di ltar stong pa nyid la ni 'di ni sprul pa'o// 'di ni stong pa nyid do zhes bgyi ba'i chos de gnyis dmigs su ma mchis pa'i slad du'o/ / bka' stsal pa/ rab 'byor gang sprul pa ma yin pa'i gzugs sem/ tshor ba 'am/ 'du shes sam/ 'du byed rnams sam/ rnam par shes pa ni gang yang med do/ / sprul pa gang yin pa de'ang stong pa nyid yin no// de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das gal te 'jig rten pa'i chos de dag sprul pa lags na/ 'jig rten las 'das pa'i chos de dag 'di lta ste// dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa

  631. 316b

    bco brgyad po de dag kyang sprul pa lags sam/ de dag gi 'bras bu gang lags pa dang / gang gis de dag gis gang zag tu mngon pa rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas de dag gang lags pa'i chos de dag kyang sprul pa lags sam/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / rab 'byor 'di ltar chos thams cad ni sprul pa ste/ de la la la ni nyan thos kyis sprul pa'o// la la ni rang sangs rgyas kyis sprul pa'o// la la ni byang chub sems dpas sprul pa'o/ / la la ni de bzhin gshegs pas sprul pa'o// la la ni nyon mongs pas sprul pa'o// la la ni chos kyis sprul pa ste/ rab 'byor rnam grangs des na/ chos thams cad ni sprul pa lta bu yin no/ / gsol pa/ bcom ldan 'das gang 'di spong ba zhes bgyi/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi chos de dag kyang sprul pa lags sam/ rang sangs rgyas kyi sa dang / sangs rgyas kyi sa dang / bag chags kyi mtshams sbyor ba thams cad spangs

  632. 317a

    pa'i chos de dag kyang sprul pa lags sam/ bka' stsal pa/ rab 'byor bskyed pa 'am/ bkag pa'i chos gang ci'ang rung ste/ de dag thams cad ni sprul pa'o/ / gsol pa/ bcom ldan 'das gang ma sprul pa'i chos de gang lags/ bka' stsal pa/ rab 'byor gang la skye ba med pa dang / 'gag pa med pa de ni ma sprul pa'o// gsol pa/ bcom ldan 'das de gang lags/ bka' stsol pa/ rab 'byor de ni mi slu ba'i chos can mya ngan las 'das pa ste/ chos de dag ni ma sprul pa yin no// gsol pa/ bcom ldan 'das gang yang bcom ldan 'das kyis 'di skad du stong pa nyid las kyang mi g.yo la/ gnyis kyis kyang mi gos te/ gang stong pa nyid ma yin pa'i chos gang yang med do zhes bka' stsal pa ltar na/ bcom ldan 'das mi slu ba'i chos can mya ngan las 'das pa'ang sprul pa lags par 'gyur ro// bka' stsal pa/ rab 'byor de de bzhin te/ de de bzhin no// rab 'byor chos thams cad ni ngo bo nyid kyis stong pa ste/ de dag ni nyan thos rnams kyis ma byas/ rang sangs rgyas rnams kyis ma byas/ byang chub sems dpa' sems dpa' chen po rnams kyis ma byas/ de bzhin gshegs pa dgra bcom pa yang dag par rdzogs pa'i sangs rgyas rnams kyis kyang ma mdzad de/ ngo bo nyid kyis stong pa gang yin pa de ni mya ngan las 'das pa

  633. 317b

    yin no/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das las dang po ba'i gang zag gis ngo'o// nyid stong pa nyid kyis stong pa nyid yongs su 'tshal bar bgyi na/ ji ltar gdams shing rjes su bstan par bgyi lags/ bka' stsal pa/ rab 'byor ci sngon dngos po yod par gyur la phyis de dngos po med par 'gyur ba yod dam/ rab 'byor 'di la dngos po'ang med/ dngos po med pa'ang med/ rang gi dngos po'ang med/ gzhan gyi dngos po'ang med na/ de la gang yang yongs su shes par bya ba'i ngo bo nyid stong pa nyid ces bya ba lta yod par ga la 'gyur/ shes rab kyi pha rol tu phyin pa khri brgyad stong pa las/ chos nyid 'gyur ba med par bstan pa'i le'u ste brgyad cu rtsa gnyis pa'o/ / / 'phags pa shes rab kyi pha rol tu phyin pa khri brgyad stong pa bam po lnga bcu rtsa bdun pa'o// / / de nas bcom ldan 'das la/ byang chub sems dpa' byams pas zhus pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa/ byang chub sems dpa'i bslab pa la slob par 'tshal bas gzugs la ji ltar bslab par bgyi/ tshor ba dang / 'du shes dang / 'du byed rnams dang / rnam par shes

  634. 318a

    ba la ji ltar bslab par bgyi/ mig gi skye mched dang / rna ba'i skye mched dang / sna'i skye mched dang / lho'i skye mched dang / lus kyi skye mched dang / nga / skye mched la ji ltar bslab par bgyi/ gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched la ji ltar bslab par bgyi/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams la ji ltar bslab par bgyi/ mig gi 'dus te reg pa'i skye mched dang / rna ba dang / sna dang / lce dang / lus dang / yid kyi 'dus te reg pa'i skye mched la ji ltar bslab par bgyi/ ma rig pa la ji ltar bslab par bgyi/ 'du byed rnams dang / rnam par shes pa dang / ming dang gzugs dang / skye mched drug dang / reg pa dang /

  635. 318b

    tshor ba dang / sred pa dang / len pa dang / srid pa dang / skye ba dang / rga shi la ji ltar bslab par bgyi/ sdug bsngal gyi bden pa la ji ltar bslab par bgyi/ kun 'byung gi bden pa dang / 'gog pa'i bden pa dang / lam gyi bden pa la ji ltar bslab par bgyi/ gzugs can gyi chos rnams la ji ltar bslab par bgyi/ gzugs can ma lags pa dang / bstan du mchis pa dang / bstan du ma mchis pa dang / thogs pa dang bcas pa dang / thogs pa ma mchis pa dang / 'dus bgyis pa dang / 'dus ma bgyis pa dang zag pa dang bcas pa dang / zag pa ma mchis pa dang / kha na ma tho ba dang bcas pa dang / kha na ma tho ba ma mchis pa dang / bsten par bgyi ba dang / bsten par bgyi ba ma lags pa dang / ngan pa dang / gya nom pa dang / nang dang / phyi dang / mtho ba dang / thos pa dang / bye brag phyed pa dang / rnam par shes pa dang / 'das pa dang / ma 'ongs pa dang / da ltar byung ba dang / dge ba dang / mi dge ba dang / lung du ma bstan pa dang / 'dod pa dang rab tu ldan pa dang / gzugs dang rab tu ldan pa dang / gzugs med pa dang rab tu ldan pa dang / ldan pa ma lags pa dang / slob pa dang / mi slob pa dang / 'dod chags dang / khong khro ba dang / nga rgyal dang / ma rig pa da nga// lta ba dang /

  636. 319a

    the tsom la ji ltar bslab par bgyi/ ser sna dang / sbyin pa dang / 'chal bapa'i tshul khrims dang / tshul khrims bzang po dang / gnod sems dang bzod pa dang / le lo dang / brtson 'grus dang / rnam par g.yeng ba dang / bsam gtan dang // 'chal pa'i shes rab dang / shes rab la ji ltar bslab par bgyi/ rnam par rtog pa dang / stong pa nyid dang / mtshan ma dang / mtshan ma ma mchis pa dang / log pa'i smon lam dang / smon pa ma mchis pa dang / mi sdug pa'i chos rnams dang / mi rtag pa dang / sdug bsngal ba dang / bdag med pa rnams la ji ltar bslab par bgyi/ nyon mongs pa rnams dang / nyon mongs pa spangs pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang / byang chub dang / sangs rgyas kyi chos rnams la ji ltar bslab par bgyi/ de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa byang chub sems dpa' sems dpa' chen po shes rab kyi pha rol tu phyin pa la spyod pa byang chub sems dpa'i bslab pa la slob par 'dod pas/ gzugs ming tsam mo zhes bya bar bslab par bya'o// tshor ba dang / 'du shes dang / 'du byed rnams dang / rnam par shes

  637. 319b

    pa ming tsam zhes bya ba nas/ sangs rgyas kyi chos rnams kyi bar du ming tsam mo zhes bya bar bslab par bya'o// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das gang gi tshe/ 'di lta ste/ gzugs shes bgyi ba'i ming 'di ni dngos po dang bcas par dmigs 'di lta ste/ tshor ba dang / 'du shes dang / 'du byed rnams dang / rnam par shes pa zhes bgyi ba'i bar gyi mying 'di dngos po dang bcas par dmigs pa nas/ 'di lta ste sangs rgyas kyi chos rnams zhes bgyi ba'i bar gyi ming 'di ni 'du byed kyi mtshan ma nye bar bzung ste/ dngos po dang bcas par dmigs pa lags na/ ji ltar byang chub sems dpas gzugs ming tsam zhes bgyi bar bslab par 'gyi/ tshor ba dang / 'du shes dang / 'du byed rnams dang / rnam par shes pa ming tsam zhes bgyi ba nas/ sangs rgyas kyi chos rnams kyi bar du ming tsam zhes bgyi bar ji ltar bslab par bgyi/ dngos po ma mchis su lags na/ de'i ming de'ang ming tsam kho na zhes bgyir mi rung lags te/ 'di lta ste/ gzugs shes bgyi ba ni ming tsam kho na zhes bgyir mi rung lags so// 'di lta ste/ tshor ba dang / 'du shes dang / 'du byed rnams dang / rnam par

  638. 320a

    shes pa zhes bgyi ba ni ming tsam kho na zhes bgyir mi rung lags so/ / sangs rgyas kyi chos rnams shes bgyi ba'i bar du'ang ming tsam kho na zhes bgyir mi rung lags so/ / de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa 'di lta ste/ gzugs zhes bya ba 'di ni 'du byed kyi mtshan ma'i dngos po de dang de la glo bur du ming btags pa'o/ / 'di lta ste/ tshor ba dang / 'du shes dang / 'du byed rnams dang / rnam par shes pa zhe bya ba 'di ni glo bur du ming btags pa'o/ / 'di lta ste/ sangs rgyas kyi chos rnams shes bya ba'i bar 'di ni glo bur du ming btags pa'o// de skad ces bka' sprul pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das 'di ltar gzugs shes bgyi ba'i ming ma mchis par ni/ 'du byed kyi mtshan ma'i dngos po des ming de rig pa dang // rtogs pa dang / 'tshal bar yang mi 'gyur la/ gzugs shes bgyi ba'i ming des ni/ 'du byed kyi mtshan ma'i dngos po de rig pa dang / rtogs pa dang / 'tshal bar yang 'gyur na/ 'di lta ste/ gzugs shes bya ba 'di ni 'du byed kyi mtshan ma'i dngos po de la glo bur du ming du btags so zhes bgyi bar ji ltar 'gyur/ bcom ldan 'das 'di ltar 'du byed kyi mtshan

  639. 320b

    ma'i dngos po des/ tshor ba zhes bgyi ba dang / 'du shes shes bgyi ba dang / 'du byed rnams shes bgyi ba dang / rnam par shes pa zhes bgyi ba dang / bcom ldan 'das 'di ltar 'du byed kyi mtshan ma'i dngos po des/ sangs rgyas kyi chos rnams shes bgyi ba'i bar gyi ming rig pa dang / rtogs pa dang / 'tshal bar yang mi 'gyur la/ tshor ba zhes bgyi ba dang / 'du shes shes bgyi ba dang / 'du byed rnams shes bgyi ba dang / rnam par shes pa zhes bgyi ba dang / sangs rgyas kyi chos shes bgyi ba'i bar des ni/ 'du byed kyi mtshan ma'i dngos po de nyid rig pa dang / rtogs pa dang / 'tshal bar yang 'gyur na/ 'di lta ste/ gzugs shes bya ba dang / 'di lta ste/ tshor ba dang / 'du shes dang / 'du byed rnams dang rnam par shes pa zhes bya ba dang / 'di lta ste/ sangs rgyas kyi chos rnams shes bya ba'i bar dang / 'du byed kyi mtshan ma'i dngos po dang / de la glo bur du ming btags so/ zhes bgyi bar ji ltar 'gyur/ de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa de'i phyir khyod nyid la dris khyod kyi ji ltar bzod pa de bzhin du lan thob cig/ byams pa 'di ji snyam du sems 'di lta ste/ khyod 'du byed kyi mtshan ma'i dngos po de dang / de la gzugs shes bya ba'i ming

  640. 321a

    de la ma brten/ ma gnas/ gnas ma bcas par 'du byed kyi mtshan ma'i dngos po de dang de la 'di ni gzug sa yin no// zhes bya bar jig de snyam du sems sam/ bcom ldan 'das de ni ma lags so// byams pa de ji snyam du sems/ khyod 'du byed kyi mtshan ma'i dngos po de dang de la/ 'dis / tshor bu zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / byams pa 'di ji snyam du sems/ 'du byed kyi mtshan ma'i dngos po de dang de la/ 'di lta ste/ sangs rgyas kyi chos rnams shes bya ba'i bar gyi ming de la ma brten/ ma nas/ gnas ma bcas par 'du byed kyi mtshan ma'i dngos po de dang de la/ tshor ba dang / 'du shes dang / 'du byed rnams dang / rnam par shes pa nas/ sangs rgyas kyi chos shes bya ba'i bar dag la khyod jig de snyam du sems sam/ gsol pa/ bcom ldan 'das de ni ma lags so/ / byams pa rnam grangs 'dis kyang // 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba 'di ni 'du byed kyi mtshan ma'i dngos po de dang de la glo bur du ming btags pa dang / 'di lta ste/ sangs rgyas kyi chos rnams shes bya ba'i bar de'ang

  641. 321b

    'du byed kyi mtshan ma'i dngos po de dang de la glo bur du ming btags pa yin par 'di ltar rig par bya'o/ / byams pa 'di ji snyam du sems/ ming dang / brda dang / tha skad dang / btags pa rnam pa sna tshogs kyi 'du byed kyi mtshan ma'i dngos po de la nye bar 'dogs pa 'am/ tha snyad dam/ 'dogs pa 'am/ mngon par zhen pa yin nam bcom ldan 'das de lta lags so/ / byams pa rnam grangs 'dis kyang / 'di lta ste/ gzugs shes bya ba dang / 'di lta ste/ tshor ba dang / 'du shes dang / 'du byed rnams dang / rnam par shes pa dang / 'di lta ste/ sangs rgyas kyi chos rnams shes bya ba'i bar de ni 'du byed kyi mtshan ma'i dngos po de la glo bur du ming btags pa yin pa de ltar rig par bya'o/ / byams pa 'di ji snyam du sems/ 'di la 'ga' zhig 'du byed kyi mtshan ma'i dngos po de nyid la/ de las gzhan pa'i 'du byed kyi mtshan ma'i dngos po'i ming 'dogs sam 'du shes sam/ rjes su tha snyad 'dogs sam/ mngon par zhen par byed dam/ bcom ldan 'das de lta lags so// byams pa rnam grangs 'das kyang / 'di lta ste/ gzugs shes bya ba dang / 'di lta ste/ tshor ba dang / 'du shes dang / 'du byed rnams dang / rnam par shes pa dang / 'di lta ste/ sangs rgyas kyi chos rnams shes bya ba'i bar

  642. 322a

    'di ni glo bur du ming btags pa yin par de ltar rig par bya'o/ / de skad ces bka' stsal ba dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das de lta lags na ni/ 'di lta ste/ gzugs shes bgyi ba dang / 'di lta ste/ tshor ba dang / 'du shes dang / 'du byed rnams dang / rnam par shes pa dang / 'di lta ste/ sangs rgyas kyi chos rnams shes bgyi ba'i bar du 'du byed kyi mtshan ma'i dngos po gang nye bar gzung nas ming dang / 'du shes dang / / 'dogs pa dang / rjes su tha snyad 'dogs par 'gyur ba/ gzugs kyi ngo bo nyid dmigs pa kho nar ma 'gyur lags sam/ de skad ces gsol pa dang / bcom ldan/ 'das kyis/ byang chub sems dpa' byams pa la bka' stsal pa/ byams pa 'di lta ste/ 'du byed kyi mtshan ma'i dngos po la/ gzugs shes bya bar ming dang / 'du shes dang // 'dogs pa dang / rjes su tha snyad 'dogs par byed pa la/ byams pa 'di ji snyam du sems/ de gzugs kyi ngo bo nyid yin nam/ btags pa tsam du zad/ gsol pa/ bcom ldan 'das btags pa tsam du bas lags so/ / byams pa 'o na 'di lta ste/ 'du byed kyi mtshan ma'i dngos po la/ tshor ba dang / 'du shes dang / 'du byed rnams dang / rnam par

  643. 322b

    shes pa dang / sangs rgyas kyi chos rnams shes bya ba'i bar ni/ gzugs kyi ngo bo nyid du dmigs pa kho na'o zhes bya bar byams pa khyod ji ltar de ji snyam du sems/ byams pa 'di ji snyam du sems/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi ngo bo nyid de btags pa tsam du zad dam/ bcom ldan 'das btags pa tsam du bas lags so// byams pa'o na tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi ngo bo nyid dmigs pa kho na'o zhes bya bar khyod kyi ji ltar de ji snyam du sems/ de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das gal te gzugs ming dang / 'du shes dang / brda dang / btags pa dang / tha snyad tsam kho na lags shing / tshor ba dang / 'du shes dang 'du byed rnams dang / rnam par shes pa dang / sangs rgyas kyi chos rnams kyi bar du/ ming dang / 'du shes dang / brda dang / btags pa dang // tha snyad tsam kho na lags sam/ de ltar na 'di lta ste/ ming dang / 'du shes dang / brda dang / btags pa dang / tha snyad tsam zhes bgyi bas/ gzugs kyi ngo bo nyid dmigs pa kho nar mi 'gyur lags

  644. 323a

    sam/ de ltar na tshor ba dang / 'du shes dang / 'du byed rnams dang / rnam par shes pa rnams dang / sangs rgyas kyi chos rnams kyi ngo bo nyid dmigs pa kho na mi 'gyur lags sam/ de skad ces gsol pa dang / bcom ldan 'das kyis/ byang chub sems dpa' byams pa la 'di skad ces bka' stsal to// byams pa 'di ji snyam du sems gzugs shes bya ba'i ming dang / 'du shes dang / brda dang / btags pa dang / tha snyad tsam kho na gang yin pa de la ji ga skye ba 'am/ 'jig pa 'am/ kun nas nyon mongs pa 'am/ rnam par byang ba yod dam/ bcom ldan 'das de ni ma mchis lags so// bka' stsal pa/ byams pa 'o na khyod 'di snyam du gzugs kyi ngo bo nyid dmigs pa kho na'o snyam du sems pa de ci las gyur/ byams pa 'di ji snyam du sems/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams shes bya ba'i ming dang / 'du shes dang / brda dang / btags pa dang / tha snyad tsam kho na gang yin pa de la jig skye ba 'am/ 'jig pa 'am/ kun nas nyon mongs pa 'am/ rnam par byang ba yod dam/ gsol pa/ bcom ldan 'das de ni ma mchis lags so// bka' stsal pa/ byams pa 'o na khyod 'di snyam du/ tshor ba dang / 'du shes dang /

  645. 323b

    'du byed rnams dang / rnam par shes pa dang / de bzhin du sbyar te/ sangs rgyas kyi chos rnams kyi ngo bo nyid dmigs pa kho na'o snyam du sems pa de ci las gyur/ de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das ci rnam pa thams cad du mtshan nyid thams cad kyis gzugs ma mchis pa kho na lags sam/ bcom ldan 'das ci rnam pa thams cad du mtshan nyid thams cad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du ma mchis pa kho na lags sam/ de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa byams pa rnam pa thams cad du mtshan nyid thams cad kyis gzugs med do zhes nga mi smra'o/ / byams pa rnam pa thams cad du mtshan nyid thams cad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du med do zhes nga mi smra'o// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das ji ltar na gzugs mchis pa lags/ bcom ldan 'das ji ltar na tshor ba dang / 'du shes dang / 'du byed

  646. 324a

    rnams dang / rnam par shes pa dang / sangs rgyas kyi chos rnams kyi bar du mchis pa lags/ de skad ces gsol ba dang / bcom ldan 'das kyis/ byang chub sems dpa' byams pa la bka' stsal pa/ byams pa 'jig rten gyi brda dang / tha snyad kyis gzugs yod kyi/ don dam par ni ma yin no// byams pa 'jig rten gyi brda dang / tha snyad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du yod kyi// don dam par ni ma yin no// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das bdag gis bcom ldan 'das kyis gsung pa'i don 'tshal ba ltar na/ dbyings 'di ni don dam par ni brjod du ma mchis so// bcom ldan 'das gal te brjod du ma mchis pa'i dbying don dam par mchis su lags na/ 'o na 'du byed kyi mtshan ma'i dngos po gang la gzugs shes pagyi ba'i bang blo bur du ming 'dogs par ji ltar 'gyur/ don dam par mchis na 'du byed kyi mtshan ma'i dngos po gang la/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams shes bgyi ba'i bar du glo bur du ming /

  647. 324b

    'dogs par ji ltar 'gyur/ gal te don dam par ma mchis na ni/ 'o na brjod du ma mchis pa'i dbyings su'ang ji ltar 'gyur te/ 'du byed kyi mtshan ma'i dngo bo ni brjod du ma mchis pa'i dbyings shes bgyir mi rung lags so/ / de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa de'i phyir khyod nyid la dris/ ji ltar bzod pa de bzhin du lan thob cig/ byams pa 'di ji snyam du sems/ gang gi tshe brjod du med pa'i dbyings dang 'brel ba'i shes rab kyi spyod pa la gnas pa de'i tshe/ 'du byed kyi mtshan ma'i dngos po gang la 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams zhes bya ba'i bar du glo bur du ming du btags pa 'di khyod kyis dmigs sam/ gsol pa/ bcom ldan 'das dri na mi dmigs lags so/ / bka' stsal pa/ byams pa rnam grangs 'dis 'du byed kyi mtshan ma'i dngos po gang yin pa de brjod du med pa'i dbyings kyang ma yin la/ 'du byed kyi mtshan ma'i dngos po de las brjod du med pa'i dbyings gzhan pa'ang ma yin par rig par bya'o/ / 'di lta ste/ gzugs shes bya ba dang / tshor ba zhes bya ba dang / 'du shes shes bya

  648. 325a

    ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du/ gang la glo bur du ming du btags pa'i 'du byed kyi mtshan ma'i dngos po de gal te brjod du med pa'i dbyings yin du zin na/ 'o na ni byis pa so so'i skye bo thams cad kyang yongs su mya ngan las 'das par 'gyur/ zhing / bla na med pa yang dag par rdzogs pa'i byang chub mngon par rdzogs par sangs rgyas par yang 'gyur ro// byams pa gal te 'du byed kyi mtshan ma'i dngos po las brjod du med pa'i dbyings gzhan yin du zin na ni/ 'o na mtshan ma de'ang mi dam gis na/ 'di ltar brjod du med pa'i dbyings de rtogs par 'gyur ram/ byams pa rnam grangs 'dis kyang 'du byed kyi mtshan ma'i dngos po las brjod du med pa'i dbyings gzhan pa'ang ma yin la/ 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du gang la glo bur du ming du btashA pa de las brjod du med pa'i dbyings gzhan pa ma yin pa'ang ma yin par rig par bya'o/ / de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das gal te byang

  649. 325b

    chub sems dpa' brjod du ma mchis pa'i dbyings dang 'brel ba'i shes rab kyi spyod pa la gnas pa na/ 'di lta ste/ gzugs shes bgyi ba dang / tshor ba zhes bgyi ba dang / 'du shes shes bgyi ba dang / 'du byed rnams shes bgyi ba dang / rnam par shes pa zhes bgyi ba dang / sangs rgyas kyi chos rnams shes bgyi ba'i bar dag/ gang la glo bur du ming du btags pa'i 'du byed kyi mtshan ma'i dngos po de mi dmigs na/ bcom ldan 'das ci mchis pa mi dmigs lags sam/ 'on te ma mchis pa mi dmigs lags/ de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa 'du byed kyi mtshan ma'i dngos po de la ni rang dbang nyid dam/ yod pa nyid gang yang med do// de ci'i phyir zhe na/ byams pa gang gi tshe khyod 'du byed kyi mtshan ma'i dngos po de la rnam par rtog pa de'i tshe/ 'du byed kyi mtshan ma'i dngos po de rnam par rtog pa rnams kyis gzung bar 'gyur ram/ gang gi tshe brjod du med pa'i dbyings dang 'brel ba'i shes rab kyi spyod pa la gnas te/ rnam par mi rtog pa de'i tshe/ rnam par mi rtogs pas gzung bar 'gyur ram/ bcom ldan 'das de lta lags so// byams pa de lha yin na// 'di lta ste/ 'du byed kyi mtshan ma'i dngos po gang lags/ 'di ltar gzugs shes bya ba dang / tshor

  650. 326a

    zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du glo bur du ming du btags pa de rnam par rtog pa tsam du ma zad dam/ rnam par rtog pa tsam nyid do// de de ltar rnam par mi rtog pa'i dbyings la gnas te/ rnam par rtog pa rnams dang bral bar gyur pa na/ 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang // 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du gang la glo bur du ming du btags pa de la yod pa gang yin/ gang yod pa de ni mi dmigs par 'gyur ro/ / de skad ces bka' stsal pa dang / bcom ldan 'das la// byang chub sems dpa' byams pas 'di skad ces gsol to// bcom ldan 'das byang chub sems dpa' shes rab kyi pha rol tu phyin pa la spyod pa chos rab tu dbye ba la mkhas pa la zhugs pas/ gzugs rab tu dbye ba'i btags pa rnam pa du zhig tu rtogs par bgyi/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i btags pa rnam la du zhig tu rtogs par bgyi lags/ de skad

  651. 326b

    ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byang chub sems dpa' byams pa byang chub sems dpa' shes rab kyi pha rol tu phyin pa la spyod pa chos rab tu dbye ba la mkhas pa la zhugs pas/ gzugs rab tu dbye ba'i btags pa rnam pa gsum du rtogs par bya/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i btags pa rnam pa gsum du rtogs par bya ste/ 'di lta ste/ 'di ni kun tu btags pa'i gzugs so/ / 'di ni rnam par btags pa'i gzugs so// 'di ni chos nyid kyi gzugs so// 'di lta ste/ 'di ni kun tu btags pa'i tshor ba'o// 'di ni rnam par btags pa'i tshor ba'o/ / 'di ni chos nyid kyi tshor ba'o// 'di lta ste/ 'di ni kun tu btags pa'i 'du shes so// 'di ni rnam par btags pa'i 'du shes so// 'di ni chos nyid kyi 'du shes so/ / 'di lta ste/ 'di dag ni kun tu btags pa'i 'du byed rnams so// 'di dag ni rnam par btags pa'i 'du byed rnams so// 'di dag ni chos nyid kyi 'du byed rnams so/ / 'di lta ste/ 'di dag ni kun tu btags pa'i rnam par shes pa'o// 'di dag ni rnam par btags pa'i rnam par shes pa'o// 'di dag ni chos nyid kyi rnam par shes

  652. 327a

    pa'o/ / 'di lta ste/ 'di dag ni kun tu btags pa'i sangs rgyas kyi chos rnams kyi bar dag go// 'di dag ni rnam par btags pa'i sangs rgyas kyi chos rnams so/ / 'di dag ni chos nyid kyi sangs rgyas kyi chos rnams so zhes bya'o// de skad ces bka' stsal ba dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das kun btags pa'i gzugs ni gang lags/ rnam par btags pa'i gzugs ni gang lags// chos nyid kyi gzugs ni gang lags/ bcom ldan 'das kun btags pa'i tshor ba dang / 'du shes dang / 'du byed rnams dang / rnam par shes pa dang / kun btags pa'i sangs rgyas kyi chos rnams kyi bar du ni gang lags/ rnam par btags pa'i sangs rgyas kyi chos rnams ni gang lags/ chos nyid kyi sangs rgyas kyi chos rnams ni gang lags/ bcom ldan 'das kyis bka' stsal pa/ byams pa gang 'du byed kyi mtshan ma'i dngos po de dang de la gzugs shes bya ba'i ming dang / 'du shes dang / btags pa dang / tha snyad la brten nas/ gzugs kyi ngo bo nyid yongs su rtogs pa 'di ni kun btags pa'i gzugs so/ / byams pa gang 'du byed kyi mtshan ma'i dngos po de dang de la tshor ba zhes bya ba dang / 'du shes shes bya ba dang / 'du byed rnams shes bya ba dang / rnam

  653. 327b

    par shes pa zhes bya ba dang / sangs rgyas kyi chos rnams shes bya ba'i bar gyi ming dang / 'du shes dang / btags pa dang / tha snyad la brten nas/ tshor ba'i ngo bo nyid dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi ngo bo nyid du yong su rtogs pa 'di ni kun btags pa'i tshor ba dang / 'du shes dang / 'du byed rnams dang / rnam par shes pa'o// 'di dag ni kun tu btags la sangs rgyas kyi chos rnams kyi bar rnams so// 'du byed kyi mtshan ma'i dngos po de rnam par rtog pa tsam gyi chos nyid la gnas pa'i rnam par rtog pa la brten nas mngon par brjod de/ gang la 'di ni gzugs so zhes bya ba dang / tshor ba'o zhes bya ba dang / 'du shes so zhes bya ba dang 'du byed rnams so zhes bya ba dang / rnam par shes pa'o zhes bya ba dang / sangs rgyas kyi chos rnams so zhes bya ba'i bar gyi ming dang / 'du shes dang / btags pa dang / tha skad gang yin pa 'di ni rnam par btags pa'i gzugs so/ / 'di ni rnam par btags pa'i tshor ba'o// 'di ni rnam par btags pa'i 'du shes so// 'di dag ni rnam par btags pa'i 'du byed rnams so/ / 'di ni rnam par btags pa'i rnam par shes pa'o// 'di dag ni rnam par btags pa'i sangs rgyas kyi chos rnams kyi bar dag go// gang de

  654. 328a

    bzhin gshegs pa rnams byung yang rung / / de bzhin gshegs pa rnams ma byung yang rung ste/ chos nyid 'di ni gnas pa nyid dang / chos gnas pa'i dbyings dang gang kun btags pa'i gzugs de rnam par btags pa'i gzugs rtag pa rtag pa'i dus dang / ther zugs ther zug gi dus su ngo bo nyid med pa kho na dang / chos la bdag med pa dang / de bzhin nyid dang / yang dag pa'i mtha' 'di ni chos nyid kyi gzugs so// 'di ni chos nyid kyi tshor ba dang / 'du shes dang / 'du byed rnams dang / rnam par shes pa'o// 'di dag ni chos nyid kyi sangs rgyas kyi chos rnams kyi bar dag go// de skad ces bka' sprul pa dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das gzugs gsum po 'di dag las/ rdzas su ma mchis par lta ba'i gzugs ni gang lags/ rdzas su mchis pa ni gang lags/ rdzas su ma mchis pa'ang ma lags la// rdzas su mchis pa'ang ma lags shing / don dam pas rab tu phye ba ni gang lags/ tshor ba gsum po 'di dag dang / 'du shes gsum po 'di dag dang / 'du byed gsum po 'di dag dang / rnam par shes pa gsum po 'di dag dang / sangs rgyas kyi chos rnams kyi bar du gsum po 'di dag las rdzas su ma mchis pa dag ni gang lags/ rdzas su mchis pa dag ni gang

  655. 328b

    lags/ rdzas su ma mchis pa'ang ma lags la/ rdzas su mchis pa'ang ma lags shing / don dam pas rab tu phye ba dag ni gang lags/ de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa gang kun tu btags pa'i gzugs de ni rdzas su med par blta bar bya'o// rnam par btags pa'i gzugs gang yin pa de ni/ rnam par rtog pa rdzas su yod pa'i phyir rdzas su yod par blta bar bya ste/ rang dbang du 'byung ba'i phyir ni ma yin no// gang chos nyid kyi gzugs de ni rdzas su med pa'ang ma yin/ rdzas su yod pa'ang ma yin zhing / don dam pas rab tu phye bar blta bar bya'o// gang kun btags pa'i tshor ba dang / 'du shes dang / 'du byed rnams dang / rnam par shes pa dang / gang dag kun btags pa'i sangs rgyas kyi chos rnams kyi bar de dag ni rdzas su med par blta bar bya'o// gang rnam par btags pa'i tshor ba dang / 'du shes dang 'du byed rnams dang / rnam par shes pa dang / gang dag rnam par btags pa'i sangs kyi chos rnams kyi bar de dag ni rnam par rtog pa rdzas su yod pa'i phyir rdzas su yod par blta par bya ste/ rang dbang du 'byung ba'i phyir ni ma yin no// byams pa gang chos nyid kyi tshor ba dang / 'du shes dang / 'du byed rnams dang / rnam par shes pa dang / byams pa

  656. 329a

    gang dag chos nyid kyi sangs rgyas kyi chos rnams kyi bar de dag ni rdzas su med pa'ang ma yin la/ rdzas su yod pa'ang ma yin zhing / don dam pas rab tu bye bar blta bar bya'o/ / de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das de ltar gzugs rab tu dbye ba'i btags pa'ang mchis la/ de ltar tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i btags pa'ang mchis na/ 'di lta ste/ gzugs shes bya ba de ni gnyis su med pa'i grangs su byas pa'o// 'di lta ste/ tshor ba zhes bya ba dang / 'du shes shes bya ba dang 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar 'di ni gnyis su med pa'i grangs su byas pa'o zhes/ bcom ldan 'das kyis gang bka' stsal pa de bcom ldan 'das kyi ci la dgongs nas/ 'di lta ste/ gzugs shes bya ba de ni gnyis su med pa'i grangs su byas pa'o// 'di lta ste/ tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams kyi bar zhes bya ba de ni gnyis su med

  657. 329b

    pa'i grangs su byas pa'o zhes bka' stsal/ de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa 'di ji snyam du sems/ kun btags pa'i gzugs la rdzas su med pa nyid gang yin pa de ni gzugs yin nam/ 'on te ma yin/ gsol pa/ bcom ldan 'das de ni ma lags so// / de la gzugs shes bya ba'i ming dang / 'du shes dang / btags pa dang / tha snyad tsam nyid gang yin pa de ji ga gzugs yin nam/ gsol pa/ bcom ldan 'das de ni ma lags so/ / byams pa rnam grangs 'dis gang kun btags pa'i gzug de gzugs kyang ma yin la/ gzugs ma yin pa'ang ma yin te/ gang gzugs kyang ma yin la/ gzugs ma yin pa'ang ma yin pa de ni gnyis su med pa ste/ ngas 'di las dgongs nas 'di lta ste/ gzugs shes bya ba de ni gnyis su med pa'i grangs su byas pa'o zhes bka' stsal par rig par bya'o// byams pa 'di ji snyam du sems/ gang la brten nas gzugs shes bya ba'i ming dang / btags pa dang / tha snyad du 'gyur ba rnam par btags pa'i gzugs rdzas su yod pa nyid gang yin pa de jig gzugs ma yin pa yin nam/ gsol ba/ bcom ldan 'das de ni ma lags so// byams pa 'di ji snyam du sems/ rnam par btags pa'i

  658. 330a

    gzugs de nyid la kun btags pa'i gzugs des de'i ngo bo nyid ma yin zhing / de'i mtshan nyid ma yin pa gang yin pa de gzugs yin nam/ gsol pa bcom ldan 'das de ni ma lags so/ / byams pa rnam grangs 'dis kyang 'di ltar gang rnam par btags pa'i gzugs de'ang gzugs kyang ma yin la/ gzugs ma yin pa' ma yin te/ gang gzugs kyang ma yin la/ gzugs ma yin pa'ang ma yin pa de gnyis su med pa ste/ ngas de las dgongs nas/ 'di lta ste/ gzugs shes bya ni gnyis su med pa'i grangs su byas pa'o zhes bka' stsal par rig par bya'o/ / byams pa 'di ji snyam du sems gang chos nyid kyi gzugs bdag med pas rab tu phye ba'i gzugs de jig gzugs yin nam/ gsol pa/ bcom ldan 'das de ni ma lags so// chos nyid kyi gzugs de nyid kyi gzugs kyi chos nyid gang yin pa de bzugs yin pa de yin nAm/ gsol pa/ bcom ldan 'das de ni ma lags so// byams pa rnam grangs 'dis kyang 'di ltar chos nyid kyi gzugs gang yin pa de'ang gzugs kyang ma gzugs ma yin pa'ang ma yin te/ gang gzug kyang ma yin la/ gzugs ma yin pa'ang ma yin pa de ni gnyis su med pa ste/ ngas de las dgongs nas/ 'di la se

  659. 330b

    gzugs shes bya ba de ni gnyis su med pa'i grangs su byas pa'o zhes bka' stsal par rig par bya ste/ de bzhin du tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar la'ang sbyar bar bya'o// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das byang chub sems dpa' shes rab kyi pha rol tu phyin pa la spyod pa/ de ltar gzugs la gnyis su ma mchis pa'i mtshan nyid la mkhas shing / de ltar tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar dag la mtshan nyid ma mchis pa la mkhas pa mtha' gnyis spangs nas/ dbu ma'i lam la zhugs pa'i yongs su 'tshal ba'i mtshan nyid ni ji lta bu/ spong ba'i mtshan nyid ni ji lta bu/ mngon sum du bgyid pa'i mtshan nyid ni ji lta bu bsgom pa'i mtshan nyid ni ji lta bur blta bar bgyi/ de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa/ byams pa byang chub sems dpa' shes rab kyi pha rol tu phyin pa la spod pa mtha' gnyis spangs nas/ 'di ltar dbu ma'i lam du zhugs pas gang gzugs yongs su shes pa'ang ma yin/ yongs

  660. 331a

    su mi shes pa'ang ma yin pa de nyid de'i yongs su shes pa'o/ / gang tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du yongs su shes pa'ang ma yin/ yongs su mi shes pa'ang ma yin pa de nyid de'i yongs su shes pa'o// gang gzugs spong ba'ang ma yin/ mi spong ba'ang/ ma yin pa de nyid de'i spong ba'o// gang tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du spong ba'ang ma yin// mi spong ba'ang ma yin pa de nyid de'i spong ba'o// gang gzugs slong ba mngon sum du'ang mi byed la/ mngon sum du mi byed pa'ang ma yin pa de nyid de'i mngon sum du byed pa'o// gang gzugs spang ba'i phyir lam sgom pa'ang ma yin/ mi sgom pa'ang ma yin pa de nyid de'i sgom pa'o// de bzhin du tshor ba dang // 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar la'ang sbyar bar bya'o// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das byang chub sems dpa' shes rab kyi pha rol tu phyin pa la spyod pa/ 'di lta bu yongs su 'tshal ba dang / spong ba dang / mngon sum du bgyid pa

  661. 331b

    dang rnga sgom pa dang ldan pa'i mya ngan las 'das pa gang lags/ / de skad ces gsol pa dang / bcom ldan 'das kyis/ byang chub sems dpa' byams pa la bka' stsal pa byams pa byang chub sems dpa' rnams kyi mya ngan las 'das pa ni zab bo/ / mchog tu zab bo// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das ci'i slad du byang chub sems dpa' rnams kyi mya ngan las 'das pa 'di ltar zab pa dang / mchog tu zab pa lags/ bcom ldan 'das kyis bka' stsal pa/ byams pa byang chub sems dpa' rnams kyi mya ngan las 'das pa ni/ 'di ltar mya ngan las 'das pa'ang ma yin/ mya ngan las ma 'das pa'ang ma yin te/ de'i phyir zab pa dang / mchog tu zab pa zhes bya'o// de skad ces bka' stsal ba dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das ji ltar na byang chub sems dpa' rnams kyi mya ngan las 'das pa ni/ mya ngan las 'das pa'ang ma lags/ mya ngan las ma 'das pa'ang ma lags/ bcom ldan 'das kyis bka' stsal pa/ byams pa gzhan gyi don las btsams te/ 'khor ba yongs su mi gtong bas mya ngan las 'das pa'ang ma yin/ bdag gi don las btsams te/ mya ngan las 'das pa yongs su mi

  662. 332a

    gtong bas/ mya ngan las 'das pa'ang ma yin no// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das gal te byang chub sems dpa' gzhan gyi don las btsams te/ 'khor ba yongs su mi gtong na/ de 'khor ba yongs su mi gtong bas/ 'dis ji ltar mya ngan las 'das pa yongs su gtang bar mi 'gyur/ bcom ldan 'das gal te byang chub sems dpa' bdag gi don las btsams te/ mya ngan las 'das pa yongs su mi gtong na/ 'dis ji ltar 'khor ba yongs su gtang ba mi 'gyur lags/ bcom ldan 'das kyis bka' stsal pa/ byams pa 'di la byang chub sems dpa' shes rab kyi pha rol tu phyin pa la spyod pa 'khor ba la'ang 'khor ba nyid du rnam par mi rtog/ mya ngan las 'das pa la'ang mya ngan las 'das pa nyid du rnam par mi rtog ste/ de de ltar rnam par mi rtog pas/ 'di lto ste 'khor ba dang mya ngan las 'das pa de dag mnyam pas mnyam par 'gyur ro/ / de ci'i phyir zhe na/ 'di ltar de 'khor ba las 'khor ba nyid du rnam par mi rtog pas/ 'khor ba las yid byung bar mi 'gyur ro/ / de bzhin du mya ngan las 'das pa la'ang mya ngan las 'das pa nyid du mi rtog pas/ mya ngan las 'das pa las nyams par yang mi 'gyur te/ de bzhin

  663. 332b

    du 'khor ba na'ang mi nyams so/ / de ltar rnam par mi rtog pa'i dbyings la gnas pa de rig pa 'dis 'khor ba'ang yongs su mi gtong la/ mya ngan las 'das pa'ang yongs su mo gtong bar rig par bya'o/ / de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das 'o na byang chub sems dpa' shes rab kyi pha rol tu phyin pa la spyod pa rnam par mi rtog pa'i dbyings la gnas pas/ 'khor ba ji ltar ma btang ba de ltar blangs pa'ang ma mchis shing / mya ngan las 'das ji ltar ma btang ba de ltar blangs pa yang ma mchis par mi 'gyur lags sam/ bcom ldan 'das gal te blang ba ma mchis pa ji ltar ma btang ba lags/ bcom ldan 'das kyis bka' stsasprul pa/ byams pa nga ni 'di ltar 'khor ba len te zhe 'am/ mi len to zhes mi smra'o// byams pa 'on kyang shes rab kyi pha rol tu phyin pa la spyod pa'i byang chub sems dpa' rnam par mi rtog pa'i dbyings la dmigs pa'i ye shes kyis sems la dbang thob pa/ thabs la mkhas pas 'khor ba bstan pa'i phyir/ phyogs bcu'i 'jig rten na 'jig rten gyi khams gang+gA'i klung gi bye ma snyed dag tu yongs su mya ngan las 'das pa'i byang chub sems dpa' rnams la 'khor ba yongs su mi gtong ba'o zhes pa smra'o/ / stong pa nyid mi dmigs pa'i dbyings la gnas

  664. 333a

    pa'i phyir/ mya ngan las 'das pa yongs su mi gtong ba'o zhes nga smra'o// de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ / bcom ldan 'das rnam par mi rtog pa'i mtshan nyid 'dus par ji ltar blta bar bgyi/ bcom ldan 'das kyis bka' stsal pa/ byams pa gzugs gang yin pa dang / tshor ba gang yin pa dang / 'du shes gang yin pa dang / 'du byed rnams gang yin pa dang / rnam par shes pa gang yin pa dang / sangs rgyas kyi chos rnams kyi bar du gang yin pa dang / sangs rgyas kyi chos rnams kyi bar gyi stong pa nyid gang yin pa dang / chos de dag dang / stong pa nyid de'i dngos po dang dngos po med pa gang yin pa dang / spros pa med pa gang yin pa de ni/ byams pa rnam par mi rtog pa'i mtshan nyid du 'dus par blta'o// de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ / bcom ldan 'das ci nyan thos chos thams cad gcig tu nges par gtan du mya ngan las 'das pa la gnas pa lags sam bcom ldan 'das kyis bka' stsal pa/ byams pa de ni ma yin no// de ci'i phyir zhe na/ byams pa 'jig rten 'di ni khams sna tshogs pa/ khams du ma pa ste/ khams

  665. 333b

    sna tshogs pa/ khams du ma pa'i 'jig rten de na sems can gyi rigs dang / rang bzhin mang du dmigs te/ byams pa gang thog ma nyid nas bzang po'i bye brag don du gnyer te// bzang po'i bye brag nyid thob par 'gyur ba'i sems can gyi rigs kyi rnam pa de lta bu'ang yod/ gang thog ma nyid nas dman pa'i bye brag don du gnyer te/ dman pa nyid thob la/ de nyid kyis chog par 'dzin pa'i rigs kyi rnam pa de lta bu'ang yod/ / gang thog ma nyi nas dman pa'i bye brag don du gnyer te/ dman pa nyid thob la/ dman par shes nas/ de tsam gyis chog par mi 'dzin gyi/ de'i 'og tu bzang po'i bye brag tshol zhing / bzang po thob par 'gyur ba'i rigs kyi bye brag de lta bu'ang yod do// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to// bcom ldan 'das sems can rnams kyi rigs rnam pa gsum pa gang lags pa de dgra bcom pa nyid thob nas bla na med pa yang dag par rdzogs pa'i byang chub don du gnyer kyang / skye ba ma mchis pa ji ltar thob par 'gyur/ bsgrub pa nyid de'i skye ba lags par ni/ bcom ldan 'das kyis bka' ma stsal pa lags so/ / bcom ldan 'das kyis bka' stsal pa/ byams pa de'i skye ba las dang nyon mongs pa'i dbang gi 'gyur bar ni nga ni mi 'dogs kyis de'i skye ba bsam gyis mi

  666. 334a

    khyab pa dang / sprul pa dang / yongs su bsngos pa'o zhes pa 'dogs so// de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das 'di ltar thog ma nyid nas bzang po'i bye brag don du gnyer zhing bzang po'i bye brag nyid thob par 'gyur ba/ byang chub sems dpa' sems dpa' chen po'i bsam pa rlabs po che dang / che ba'i lhag pa'i bsam pa ni ngo mtshar lags so// bcom ldan 'das byang chub sems dpa' rnams kyi bsam pa rlabs po che ni gang lags/ che ba'i lhag pa'i bsam pa nyid ni gang lags/ bcom ldan 'das kyis bka' stsal pa/ byams pa byang chub sems dpa' rnams brgya byin nyid dang / tshangs pa nyid dang / 'jig rten skyong ba nyid dang / 'khor lo sgyur ba nyid thams cad dang / 'jig rten gyi phun sum tshogs pa thams cad don du gnyer ba ma yin gyi/ de dag la mi chags shing mi 'dzin pa 'di ni byang chub sems dpa' rnams kyi bsam pa rlabs po che'o/ / byang chub sems dpa' rnams 'di lta ste/ 'du byed yongs su mi gtong bas de la ma chags pa'i bde ba dang / 'dzin ba med pa'i bde ba dang / mya ngan las 'das pa'i bde ba sems can thams cad dang thun mongs du bya bar 'dod cing / bla na med pa yang dag par rdzogs pa'i byang chub tu sngo bar byed pa gang

  667. 334b

    yin pa 'di ni de dag gi che ba nyid kyi lhag pa'i bsam par blta bar bya'o/ / de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das byang chub sems dpa'i chos rnams ni ngo mtshar rmad du byung ba lags so// byang chub sems dpa'i bslab pa ni ngo mtshar rmad du byung ba lags so// bcom ldan 'das rigs kyi bu 'am/ rigs kyi bu mo byang chub sems dpa'i chos ngo mtshar rmad du byung ba rnams la slob par 'tshal bas/ bla na med pa yang dag par rdzogs pa'i byang chub tu sems bskyed par bgyi lags so/ / shes rab kyi pha rol tu phyin pa khri brgyad stong pa las/ byang chub sems dpa'i bslab pa rab tu dbye ba'i le'u zhes bya sna brgyad cu rtsa gsum pa'o// / de nas bcom ldan 'das kyis/ 'khor bzhi po de dag yang dag par rab tu dga' bar mdzad pa'i phyir yang shes rab kyi pha rol tu phyin pa 'di ston cing de'i tshe tshigs su bcad pa 'di dag bka' stsal to/ / dga' dang gus dang dad pa'i mchog ni nyer gzhag ste/ sgrib pa nyon mongs dri ma bsal nas rab zhi bas/ 'gro don mngon bzhugs ngas pa'i shes rab pha rol phyin/ / gang la dpa' rnams sprod pa de ni mnyan par gyis// 'dzam bu'i gling 'dir chu klung ji snyed 'bab pa dag/ ma dros gnas pa'i kla dbang kra bdag rab brten nas/

  668. 335a

    me tog 'bras bu sman dang nags tshal skyed byed de// de ni klu bdag de yi dpal gyi mthu yin no// rgyal ba'i nyan thos pa dag ji snyed chos ston dang // 'chad cing rig pa dag dang ldan par brjod pa dang / / bde ba mchog dang byed dang de yi 'bras thob pa// de dag kun kyang de bzhin gshegs pa'i skyes pa'i mthu// ci'i phyir zhe na rgyal bas chos tshul gang bstan pa/ de la mi mchog slob mar gyur pas mngon bslabs shing / mngon sum byas nas bslabs pa ji bzhin ston byed de/ sangs rgyas mthus byed rang gi stobs dang mthus ma yin// gang la shes rab pha rol phyin mchog mi dmigs shing // byang chub sems dpa' mi dmigs byang chub sems mi dmigs// de skad thos nas rmongs pa med cing mi skrag pa// byang chub sems dpa' de ni bde gshegs shes rab spyod/ / gzugs med tshor ba med cing 'du she sems pa med// de la rnam shes gnas kyi rdul tsam mi rnyed pa/ de ni chos kun mi gnas gnas med rgyu ba ste/ yongs su gzung med bde gshegs rnams kyi byang chub thob// de nas kun tu rgyu ba bzo spangs phyi rol gyi// phung po rnam par 'jig cing shes la dmigs par 'gyur// byang chub sems dpa' gang zhig de ltar chos shes shing / / mya ngan 'das par mi reg de ni shes rab gnas// gzhan yang shes rab 'di ni gang yin gang gi phyir// gang las 'byung zhes chos 'di thams cad stong par

  669. 335b

    rtog/ nye bar brtags nas zhum pa med cing skrag med pa// byang chub sems dpa' de ni byang chub nye ba yin// gal te mi shes bzhin du gzugs dang 'du shes dang // tshor ba sems pa rnam shes phung por spyod byed cing / / phung 'di stong zhes yongs rtog byang chub sems dpa' ni// mtshan mar spyod de skye med gnas la reg ma yin// gzugs dang tshor ba dang ni 'du shes sems pa dang / / rnam par shes pa mi spod gnas med gang rgyu ba// shes rab bstan de spyod ces khas len mi byed de// skye med blo yis zhi ba'i ting 'dzin mchog la reg/ byang chub sems dpa' de ltar rab zhi 'dir gnas te/ / sngon gyi de bzhin gshegs pa rnams kyis lung bstan yin// bdag ni mnyam par gzhag ces 'am langs shes rlom sems mang // ci phyir zhe na don chos rang bzhin yongs shes phyir/ / de ltar spyod na bde gshegs rnams kyi shes rab spyod// de ni spyod dang mi spod rab tu shes pas na// chos gang spod pa de yang dmigs par mi 'gyur te/ 'di// ni shes rab pha rol phyin pa'i spyod mchog yin// gang zhig yod pa ma yin de ni mid ces bya// byis pa rnams kyis de brtags med dang yod par byed// yod dang med pa 'di gnyis med pa'i chos yin to/ / byang chub sems dpa' gang zhig 'di shes de nges 'byung // gang 'dir phung po lnga dag sgyu ma 'dir shes shing // sgyu ma gzhan dang phung po gzhan

  670. 336a

    mi byed la/ / sna tshogs 'du shes bral zhing nye bar zhi spyod pa// de ni shes rab pha rol phyin pa'i spyod mchog yin// dge ba'i bshes dang ldan zhing lhag mthong ldan gyur pas/ / rgyal ba rnams kyi yum thos skrag par yongs mi 'gyur// gang zhig sdig pa'i grogs ldan gzhan gyi dring 'jog pa// de ni snod som gtang chus reg zhig pa bzhin/ / ci phyir 'di ni byang chub sems dpa' bya zhe na// chags pa'i byed pa kun la chags pa gcod 'dod pas// rgyal ba rnams kyi byang chub chags med rgyur la reg/ des na 'di ni byang chub sems dpa'i ming 'thob bo/ / ci'i phyir de ni sems dpa' che zhes bya zhe na// 'di ni sems can phung po chen po'i mchog 'gyur dang // sems can khams kyi lta gyur chen po gcod pa ste/ / de phyir 'di ni sems dpa' che zhes brjod pa yin// gtong ba che dang blo che ba dang mthu che dang // rgyal ba rnams kyi theg chen mchog la zhugs pa dang // bdud kyi g.yo sgyu gdul phyir go cha che bgos pa/ / de yi phyir na sems dpa' che zhes brjod pa yin// dper na sgyu ma mkhan gyis bzhi mdor sprul byas te// skye bo phal chen mgo mang bye ba gcod par byed/ / sgyu ma ci 'dra de 'drar sems can de kun shes// 'gro kun sprul pa 'dra bar de la 'jigs pa med// gzugs dang 'du shes tshor ba dang ni sems pa dang // rnam par

  671. 336b

    shes pa ma bcings ma grol yod pa min/ / de ltar byang chub 'jug cing zhum pa'i sems med pa// 'di ni gang zag dam pa rnams kyi go cha mchog/ ci phyir 'di ni byang chub theg chen ba zhe na/ de ni gang zhon sems can thams cad mya ngan zlo// theg pa 'di ni gzhal med khang chen nam mkha' mtshungs// dga' skyid bde ba mngon par thob byed theb pa mchog/ zhon nas gang zhig phyogs su 'gro ba de mi dmigs/ / mya ngan 'das par 'gro bar gsungs na 'gro mi dmigs// dper na mi she de yi 'gro rgyu ma dmigs bzhin// de phyir de ni mya ngan 'das shes brjod pa yin/ / sngon gyi mtha' dang phyi ma'i mtha' dang da ltar yang // byang chub sems dpa' mi dmigs dus gsum dag pa ste// gang dag de ni 'dus byas ma yin spros med de// 'di ni shes rab pha rol phyin pa'i spyod mchog yin/ / byang chub sems dpa' mkhas pa gang tshe gang dus na// skye ba med par bsams te de ltar spyod byed cing // snying rje chen po bskyed kyang sems can 'du shes med/ / 'di ni shes rab pha rol phyin pa'i spyod mchog yin// gal te sems can 'du shes sdug bsngal 'du shes skyed// sdug bsngal spad par bya zhing 'gro don bya snyam ste/ bdag dang sems can yod rtog byang chub sems dpa' ste// 'di ni shes rab pha rol phyin pa'i spyod ma yin// bdag ci 'dra ba de 'drar sems can thams cang shes// sems can thams

  672. 337a

    cad ci 'dra de 'drar chos kun shes/ / skye ba med dang skye ba gnyis kar mi rtog pa// de ni shes rab pha rol phyin pa'i spyod mchog yin// 'jig rten dag na chos ming ji snyed yongs brjod pa/ / skye ba kun las yang dag 'das shing thal byas nas// 'chi med ye shes mchog thob de la gzhal med do// de phyir 'di ni shes rab pha rol phyin ces bya/ / byang chub sems dpa' gang zhig dogs med 'di ltar spyod// de ni thabs dang shes rab gnas par shes par bya// chos rnams rang bzhin med par yongs su shes gyur pa// 'di ni shes rab pha rol phyin pa'i spyod mchog yin/ / gang zhig gzugs la mi gnas tshor la mi gnas shing // gang zhig 'du shes mi gnas sems par mi gnas la// rnam shes gang mi gnas pa chos nyid mi gnas te/ / 'di ni shes rab pha rol phyin pa'i spyod mchog yin// rtag dang mi rtag pade dang sdug bsngal sdug mi sdug/ bdag dang bdag med de bzhin nyid dang stong nyid dang / 'bras bu thob dang dgra bcoms la mi gnas shing // rang rgyal sa dang sangs rgyas sa la mi gnas te// ji ltar ston pa 'dus ma byas khams mi gnas shing // de bzhin 'dus byas la yang mi gnas gnas med rgyu/ / de ltar byang chub sems dpa' gnas la gnas med gnas// gnas med gnas yin 'di ni rgyal bas gnas shes gsungs// gang dag bde gshegs nyan

  673. 337b

    thos 'gyur bar bya snyam dang / / rang sangs rgyas dang chos rgyal 'gyur bar byed 'dod pa// bzod pa 'di la ma brten thob par mi nus te// dper na pha rol tshu rol 'gro dgas mi mtha bzhin/ / gang zhig chos nyid 'gro dang gang bshad thos pa dang // 'bras bu thob dang rang rgyal de bzhin 'jig rten mgon// mkhas pa gsal ba mya ngan 'das pa pang thob pa// de da thams cad de bzhin gshegs pas sras su gzigs/ / gang zag bzhi po de dag de la mi skrag ste// rgyal sras bden la mkhas dang phyir mi ldog pa dang // dgra bcom dri ma bsal cing som nyid spangs pa dang / / dge ba'i bshes kyis yongs su smin byas bzhi pa yin// byang chub sems dpa' mkhas pa de ltar spyod pa ni// dgra bcoms la mi slob rkyen rtogs sar mi slob/ / thams cad mkhyen nyid ched du sangs rgyas chos la slob// bslab pa mi slob tshul gyis slob pa de bslab yin// gzugs 'phel ba dang yongs 'bri yongs su gzung sna tshogs chos rnams yongs su gzung phyir bslab pa min/ / de ltar slob pa thams cad mkhyen nyid yongs 'dzin cing // des 'byung 'di ni yon tan dga' ba'i bslab pa yin// gzugs ni shes rab ma yin gzugs la shes rab med/ / tshor dang 'du shes sems dpa' dag dang rnam par shes// 'di dag shes rab ma yin de la shes rab med//

  674. 338a

    mtshungs tha dad yod ma yin// dmigs pa rnams kyi rang bzhin de yi pha mtha' med// sems can rang bzhin gang yin de yang pha mtha' med// nam mkha' khams kyi rang bzhin de yang pha mtha' med/ / 'jig rten mkhas pa'i shes rab de yang pha mtha' med// 'du shes tshu rol yin zhes 'dren pas yongs su bsgrags// rnam shes rnam par shig nas spong ba pha rol 'gro/ / gang dag de la 'du shes bral ba rjes thob pa// de dag pha rol phyin nas ston pa'i bka' la gnas// gal te gang+gA'i bye ma snyed kyi bskul bzhugs te/ / ston pa 'di yis sems can zhes bya'i sgra brjod kyang // gzod nas dag pa'i sems can skye ba ga la yod// 'di ni shes rab pha rol phyin pa'i spyod mchog yin// gang tshe nga ni shes rab pha rol phyin 'di dang // mthun par smra gyur de tshe sngon gyi skyes mchog gis// ma 'ongs pa yi dus na sangs rgyas 'gyur ro zhes// ngal lung bstan gyur ces rgyal bde skad gsungs/ / shes rab pha rol phyin gang mgon po rnams spyod pa// 'di ni gang zhig rtags 'dzin kun tu chub byed pa// de la dug dang mtshon dang me dang chus mi tshugs// / bdud dang bdud kyi phyogs kyis glags kyang rnyed mi 'gyur// la las bde gshegs yongs su mya ngan 'das pa yi// mchod rten rin chen bdun las byas shing mchod byed la/

  675. 338b

    bde gshegs mchod rten gang+gA'i klung gi bye ma snyed// de dag rnams kyis bye ba phrag stong zhing bkang ste// yongs su brtag gzung zhing rnams bye ba mtha' yas na// sems can snyed 'khod pa de dag thams cad kyis/ / las gzhan mi byed lha yi me tog spros rab dang // byug pas dus gsum bskal pa'am de bas lhag mchod la// gang zhig gang las rnam 'dren stobs bcu 'byung 'gyur ba/ / bde bar gshegs pa'i yum 'di glegs bam bris byas te// 'chang zhing me tog byug pas bsti stang byed gyur na// mchod rten byas mchod bsod nams des ni char mi phod/ / rgyal ba'i shes rab pha rol phyin 'di rig sngags che// sems can khams mang mya ngan sdug bsngal chos zhi byed// gang dag 'das dang gang dag phyogs bcu'i 'jig rten mgon/ / rig sngags 'di bslabs sman pa'i rgyal po bla med gyur// gang dag phan dang snying brtser bcas pa spyod spyod pa// rig sngags 'di la bslabs nas mkhas pa byas chub reg/ 'dus byas bde dang 'dus ma byas bde gang yin pa// bde ba de kun 'di las 'byung bar rig par bya// sa bon btab nas sa la gnas nas 'byung 'gyur ba// tshogs pa rnyed nas rnam mang gzugs dag rnam par bskyed/ / pha rol phyin lnga byang chub yon tan ji snyed pa// de dag kun kyang shes rab pha rol phyin las skye// 'khor lo sgyur rgyal lam gang

  676. 339a

    nas ni rtag 'gro ba/ / lam de nyid nas rin chen bdun dang dpung tshogs kun// gang nas rgyal ba'i shes rab pha rol phyin 'di 'gro// de nyid nas ni yon tan chos kun 'gro bar 'gyur/ / rgyal bas brgya byin dri ba yongs dris lan gsol pa// gal te gang+gA'i klung gi byed snyed sangs rgyas zhing gyur la// de kun rgyal ba'i ring bsel byur bur bltams gyur kyang / / bdag ni shes rab pha rol phyin pa 'di nyid len// ci skad ce na sku gdung mi gus bdag ma lags// 'on kyang shes rab yongs su bsgoms pas mchod par 'gyur// dper na rgyal po rten mi rim gro kun thob ltar// sangs rgyas ring bsel shes rab pha rol phyin la brten// nor bu rin chen yon tan kun ldan rin tang med// gab tshe gang du stsal ba de ni phyag bgyi 'os/ / de phyung gyur kyang gabartse la ni dga' bgyid de// yon tan de dag nor bu rin chen de yi lags// de bzhin shes rab pha rol phyin mchog yon tan gyis/ rgyal ba mya ngan 'das pa'i ring bsrel mchod pas brnyes/ / de ltas gang zhig rgyal ba'i yon tan 'dzin 'tshal des// shes rab pha rol phyin pa 'di ni zab pa lags// sbyin pa sbyin pa'i sngon du 'gro ba shes rab ste/ / tshul khrims bzod pa brtson 'grus bsam gtan de bzhin no// dge chos chud mi gsan phyir yongs su 'dzin pa yin// 'di ni chos rnams thams

  677. 339b

    cad tshul gcig ston par byed/ / dper na 'dzam bu gling na shing mang bye ba stong // rnam pa sna tshogs rnam pa du ma'i gzugs ldan pa// grib mar gyur pa'i grangs su brjod pa ma gtogs par/ / grib ma sna tshogs med cing bye brag yod ma yin// de bzhin rgyal ba'i pha rol phyin lnga 'di dag kyang // shes rab pha rol phyin pas yongs su bsngos gyur te// thams cad mkhyen pa nyid phyir yongs su bsngos byas na// byang chub bsngos bras drug kun 'dir ni tshul gcig gyur// byang chub sems dpa' gal te yongs su mi shes bzhin// gzugs dang 'du shes tshor ba sems dang rnam par shes// mi rtag yongs su brjod pa chos la spyod pa ste// mkhas pa nam yang chos rnams chud gson mi byed do// gang la gzugs dang tshor ba 'du shes mi dmigs shing / / rnam par shes pa dag dang sems pa mi dmigs la// chos kun skye med stong pa'i tshul du rab shes pa// 'di ni shes rab pha rol phyin pa'i spyod mchog yin/ / gang+gA'i klung gi bye snyed zhing rnams ji snyed pa// de snyed sems can la las dgra bcom nyid btul bas// gang gis shes rab pha rol phyin 'di yig zos te/ / sems can gzhan la glegs byin bsod nams khyad par 'phags// ci phyir zhe na smra mchog de dag 'dir bslabs nas// chos rnams mtha' dag stong pa nyid du 'di

  678. 340a

    ston byed/ / de thos nyan thos myur du rnam par grol la reg/ rang rgyal byang chub dang ni sangs rgyas byang chub reg/ lcug ma med par sdod 'byung 'jig rten yod med na/ / de la yal 'dab me tog 'bras bu ga la 'byung // byang chub sems med rgyal 'byung 'jig rten yod med na// 'bras bu brgya bya ni tshangs pa nyan thos ga la 'byung // nyi ma'i dkyil 'khor gang tshe 'od kyi dra ba bgyid// de tshe sems can las byed brtson pa de bzhin du// mkhas pa'i shes phyir 'jig rten byang chub sems byung na// ye shes kyis ni sems can yon tan chos dang ldan/ / dper na ma dros mtsho la bdag med gyur pa na// chu klung 'dzam bu'i gling 'drir 'bab par ga la 'gyur// chu klung med na me tog 'bras bu 'byung mi 'gyur// rgya mtsho la yang rin chen gzugs mang med par 'gyur// de bzhin 'dir yang byang chub sems med bde gshegs kyi// ye shes 'jig rten 'di dag kun tu ka la 'byung // ye shes med na yon tan 'phel med byang chub med/ / rgya mtsho 'dra ba'i sangs rgyas chos kyang med par 'gyur// 'jig rten 'di na srin bu me khyer ji snyed pa// kun gyis snang bar bya phyir 'od rnams phyung ba bas/ / nyi ma'i dkyil 'khor 'od zer gcig phyung ches mchog ste// me khyer tshogs kyi 'od rnams kun gyis char mi phod// nyan thos tshogs rnams ji snyed sbyin dang tshul

  679. 340b

    khrims dang / / sdom dang rab tu ldan pa'i bsod nams bskyed pa yang // byang chub sems dpa' rjes su yi rang sems gcig la// nyan thos tshogs kyi bsod nams phung pos char mi phod/ / 'das dus sngon gyi sangs rgyas bye ba khrag khrig gang // zhing mang mtha' yas dag na bye stong gang zhugs dang // gang yang mya ngan 'das pa 'jig rten mgon po rnams// / sdug bsngal zad par bya phyir rin chen chos ston to// dang po byang chub mchog tu sem+ba skyed bskyed pa nas// rnam par 'dren pa rnams kyi dam chos zad kyi dus// de bar rgyal ba de dag bsod nams gang yin pa/ / pha rol phyin dang ldan dang sangs rgyas gang dag dang // gang yang sangs rgyas sras rnams dang ni nyan thos dang // slob dang mi slob dge ba zag bcas zag med pa// bsdus nas byang chub sems dpa' rjes su yi rang byed// 'gro ba'i don du byang chub rgyu phyir thams cad sngo// yongs bsngo gal te sems dang 'du shes gnas byed cing // byang chub 'du shes yongs bsngo sems can 'du shes pa/ / 'du shes dang ni lta bas sems gsum ldan par gnas// dmigs pa yod pas yongs su bsngos par chud ma yin// gal te 'di ltar chos rnams 'gags shing zad pa dang / / gang du yongs su bsngo ba de yang zad pa dang // chos kyis chos la nam yang mi bsngo shes gyur na// de ltar rab tu shes pas yongs su bsngos

  680. 341a

    pa yin/ / gal te mtshan mar byed na de ni bsngo ma yin// ci ste mtshan ma med na byang chub bsngo ba yin// ji ltar dug dang 'dres pa'i kha zas bzang za ba// dkar po'i chos la dmigs pa'ang de 'drar rgyal bas gsungs// de ltar bdag gis yongs su bsngo ba bslab bya ste// ji ltar rgyal ba de dag dge bar rab mkhyen pa'i// rnam pa gang dang 'byung gang mtshan nyid gang yin la/ / rjes su yi rang de lha de ltar yongs su bsngo// de ltar bsod nams byang chub yongs su sngo byed na// dug myed sangs rgyas mi spong rgyal bas gsungs pa smra/ / de ltar yongs bsngo dpa' bo 'jig rten dmigs can gyi// byang chub sems dpa' thams cad de yis zil gyis gnon// dmus long dmigs bu med pa bye ba khrag khrig rnams/ / lam yang mi shes grong khyer 'jug par ga la 'gyur// shes rab med na mig med pha rol phyin lnga 'di// dmigs bu med pas byang chub reg par nus ma yin/ / gang tshe shes rab kyis ni rab tu zin gyur na// de dag mig rnyed gyur cing 'di dag ming thob bo// dper na ri mo'i las ni yongs zan mig med pa// mig ma byas pas de tshe rngan pa mi thob bzhin/ / gang tshe 'dus byas 'dus ma byas dang dkar nag chos// shes rab rnam par zhig nas rdul tsam mi dmigs tshe// 'jig rten dag na shes rab pha rol phyin grangs 'gro//

  681. 341b

    nam mkhar gar mi gnas pa ci yang med pa bzhin// gal te bdag ni rgyal ba'i shes rab spyad bya zhing // sems can sdug bsngal reg pa khrag khrig mang sgrol sems// sems can 'du shes yongs brtags byang chub sems dpa' ste/ / 'di ni shes rab pha rol phyin pa'i spyod mchog min// byang chub sems dpa' gang zhig sngon smad spyod pa'i tshe// pha rol phyin 'dir spyad pa mkhas pa som nyi med/ / thos ma thag tu de ni ston pa'i 'du shes bskyed// de yi byang chub zhi ba myur du rtogs par 'gyur// sngon spyod tsho na sangs rgyas khrag khrig bkur byas kyang / / rgyal ba'i shes rab pha rol phyin la ma dad na// de ni dper na tshong pa rin chen gling song la// zong rnams zad par byas nas phyir ldog byed dang mtshungs// de lta bas na gal te sangs rgyas ye shes mchog/ reg par 'dod na rgyal ba'i yum 'dir dad par gyis// thos nas blo chung gang zhig 'di ni spong byed pa// de spang nas ni mnar med 'gro ste skyabs med 'gyur// gzugs kyi dag pa 'bras bu'i dag par rig par bya// 'bras bu gzugs dag thams cad mkhyen nyid dag par gsungs// thams cad mkhyen nyid 'bras bu dag pas gzugs kyang dag/ nam mkha'i khams dang mtshungs shing gcad med dbye ba med// dpa' bo shes rab pha rol phyin pa 'dir spyod pa// byang chub sems dpa' khams gsum yang dag 'das gyur cing //

  682. 342a

    nyon mongs bsal bar gyur kyang skye ba ston par byed// rga dang na dang 'chi ba med kyang 'chi 'pho ston// 'gro ba 'di dag 'dod ming gzugs kyi 'das la thogs// til gyis 'khor lo lta bu'i 'khor ba'i 'khor lor 'khyam/ / 'gro ba 'khrul pa ri dgas rgya 'dra shes gyur na// shes rab ldan pa mkha' la bya bzhin rnam par rgyu// spyod pa yongs dag pang zhig gzugs la mi spyod cing / / rnam shes 'du shes tshor ba sems par mi spyod na// de ltar spyod pa chags pa thams cad yongs su spongs// chags las rnam par grol ba bde gshegs shes rab spyod/ / de ltar spyod pa'i byang chub sems dpa' mkhas gsal ba// chags pa bcad nas 'jig rten chags pa med par 'gyur// nyi ma sgra gcan gza' bral lgang der 'dug pa dang / / me btang rtswa dang shing dang nags tshal bsreg pa bzhin// chos rnams thams cad rang bzhin dag par yongs rtogs shing // byang chub sems dpa' shes rab pha rol phyin mthong na/ / byed pa po yang mi dmigs chos kun mi dmigs te/ 'di ni shes rab pha rol phyin pa'i spyod mchog yin// rgyal ba la ni lnga rgyal brgya byin gyis zhus pa// byang chub sems dpa' shes rab spyod pa ji ltar brtson/ / phung po khams la rdul tsam brtson par mi byed pa// phung por mi brtson de ni byang chub sems dpa'i brtson// gang zhig chos 'di sprul dang sgyu ma 'drar

  683. 342b

    thos na/ / som nyi med cing bslab la phyir zhing sbyor byed pa// sems can de ni ring nas theg zhugs rig par bya// sangs rgyas bye ba khrag khrig mang la lhag byas yin// dpag med/ mang por dgon pa'i lam du zhugs pa'i mis// gnag rtsi mtshams dang nags tshal phun sum tshogs mthong na// 'di dag grong dang grong khyer nye ba'i rtags snyam ste// dbugs phyin rnyed par gyur cing chom rkun 'jigs pa med/ / de bzhin byang chub yongs su tshol tshe rgyal rnams kyi// shes rab pha rol phyin 'di mnyan pa gang thob pa// de ni dbugs phyin thob par gyur cing 'jigs med de/ / dgra bcom sa la ma yin rkyen rtogs sa la min// mi zhig rgya mtsho'i chu ni blta phyir 'gro ba yis// gal te shing dang nags rnams mthong na da dung ring // ci ste ma mthong rgya mtsho che de mi ring ste/ / nye bar gyur pa'i rtags yin snyam du som nyid med// de ltar byang chub dam par rab zhugs rig bya ste// rgyal ba'i shes rab pha rol phyin pa 'ang nyin pa rnam par 'dren pas mngon sum lung bstan ma gyur kyang / / ring por mi thogs sangs rgyas byang chub reg par 'gyur// dpyid dus bzang 'byung rtswa dang lo ma yal ga rnams// lo ma 'bras bu me tog yang dag skyed par byed/ / shes rab pha rol byin 'di su yi lag thob pa// ring por mi thogs 'dren pa'i byang chub mchog thob 'gyur// dper na bu med sbrum pa'i

  684. 343a

    sdug bsngal nyin gyur na/ / de ni de yi btsa' ba'i dus bab shes par bya// de bzhin byang chub sems dpa' rgyal ba'i shes rab nyan// 'dun pa rtog cing myur du byang chub reg par 'gyur/ / shes rab pha rol phyin mchog spyod tshe rnal 'byor pa// gzugs kyi 'phel ba dang ni yongs su 'grib mi mthong // chos dbyings chos dang chos min rnams su mi mthong ste/ / mya ngan 'das la mi reg de ni shes rab gnas// gang zhig 'dir spod sangs rgyas chos rnams mi rtog ste// stobs dang rdzu 'phrul rkang dang byang chub zhi mi rtog/ rnam par mi rtog rtog bral byin gyi rlabs kyis spyod/ / 'di ni shes rab pha rol phyin pa'i spyod mchog yin// smra ba'i zla ba sangs rgyas la ni rab 'byor zhus// ston pas bar du gcod par 'gyur ba mang gsungs na/ / yon tan dga' ba rnams kyi bar du gcod gang lags// de la cung bzad tsam zhig yongs su brjod par bya// rgyal ba'i shes rab pha rol phyin 'di yig bris tshe// spobs pa tha dad rnam pa du ma 'byung 'gyur te/ / 'gro ba'i don ma byas par glog bzhin myur du yang // yongs su nyams par 'gyur ba 'di ni bdud kyi las// 'di bshad tshe na kha cig som nyi za 'gyur te/ / 'dren pas 'dir ni bdag gi ming yang yongs ma brjod// rigs dang sa dang rus kyang yongs su ma brjod ces// de ni nyan par mi 'gyur spong 'gyur bdud kyi las//

  685. 343b

    de ltar rtsa ba thabs ni yongs su mi shes pas// blun po de dag yal kha 'dab ma tshol bar 'gyur// glang po rnyed kyang glang po'i rjes ni tshol ba ltar// shes rab pha rol phyin thos mdo 'tshol de bzhin no/ / dper na la la ro brgya ldan pa'i zas rnyed la// zas mchog rnyed nas drug cu pa dag tshol byed ltar// byang chub sems dpa' pha rol phyin pa 'di rnyed nas// dgra bcom sa la byang chub tshol byed de bzhin no/ / bsti stang 'dod par 'gyur zhing rnyed pa 'dod 'gyur dang // lta ba'i sems dang bcas te khyim 'dris byed ldan zhing // chos btang nas ni chos min bya ba spyod 'gyur ba/ / lam bor lam gol song ba 'di ni bdud kyi las// gang dag de yi tshe na chos kyi dam pa 'di// nyan par 'dun cing dad pa bskyed par gyur pa las// de dag chos smra bya ba min dang ldan rig nas/ / dga' ba med par gyur cing yid kyang mi bde bas// de yi tshe na bdud kyi las 'di 'byung bar 'gyur// gzhan yang bar chad 'gyur ba rnam pa du ma ste/ / de tshe gang dag gis ni dge slong mang dkrugs nas// shes rab pha rol phyin pa 'di ni 'dzin mi byed// rin chen gang dag rin tang med cing dkon gyur pa// de dag la ni rtag tu dgra yang rab tu mang // de bzhin rgyal ba'i shes rab pha rol phyin pa mchog/ dkon mchog rin chen la yang gnod pa byed pa'ang mang // theg pa gsar

  686. 344a

    du zhugs pa sems can blo chung ba/ / gang zhig dkon pa'i rin chen 'di ni sa rnyed pa// de la bar chad bya phyir bdud ni spro bar 'gyur// phyogs bcu'i sangs rgyas 'di dag yongs su 'dzin dang ldan/ / ma zhig na bar gyur la bu ni mang yod pa// de kun yid mi bde zhing de la rim gro byed// de bzhin phyogs bcu'i 'jig rten khams kyi sangs rgyas kyang / / yum 'gyur shes rab dam pa 'di la dgongs pa mdzad// gang dag 'das dang phyogs bcu'i 'jig rten mgon gang dang // ma 'ongs dus na 'byung 'gyur/ de dag 'di las byung // 'jig rten ston pa bskyed pa rgyal ba rnams kyi yum// sems can gzhan gyi sems kyi spyod pa ston par byed// 'jig rten de bzhin nyid dang dgra bcom de bzhin nyid/ / rang rgyal de bzhin nyid dang rgyal ba'i de bzhin nyid// gcig pa nyid de dngos bral gzhan min de bzhin nyid// shes rab pha rol phyin pa de bzhin gshegs/ pas mkhyen// mkhas pa 'jig rten gnas sam mya ngan 'das kyang rung // chos nyid skyon med chos rnams stong pa 'di gnas te// byang chub sems dpa' de bzhin nyid 'di rjes su rtogs/ / de phyir de bzhin gshegs shes sangs rgyas mtshan gsol to// shes rab pha rol phyin pa nyams dgar rab brten pa// stobs bcu'i rnams

  687. 344b

    'dren rnams kyi spyod yul 'di yin te/ / sems can sdug bsngal ngan song gsum las yongs 'don kyang // de dag rnams kyang sems can 'du shes 'gyur ba med// dper na sed+be ri sul brten nas 'jigs med par/ / ri dgas phra mo skrag par byed cing sgra sgrog ltar// mi yi seng ge shes rab pha rol phyin brten nas// mu stegs can mang skrag byed 'jigs med sgra yang sgrog/ dper na nam mkhar gnas pa nyi ma'i 'od zer ni// sa 'di skems par byed cing gzugs kyang rab tu ston// de bzhin chos rgyal shes rab pa rol phyin brten pa/ / sred pa'i chu klung skye mas shing chos kyang rab tu ston// gzugs rnams mi mthong tshor ba dag kyang mi mthong zhing // 'du shes mthong ba med la sems pa ni/ mthong zhing // gang la rnam par shes dang sems kyang mi mthong ba// 'di ni chos mthong yin zhes de bzhin gshegs pas bstan// nam mkha' mthong zhes sems can tshig tu rab brjod pa/ / nam mkha' ji ltar mthong ba don 'di rtogs shig ltar// de ltar chos mthong ba yang de bzhin gshegs pas bstan// mthong ba dper ni brjod par nus pa ma yin no// gang gis de ltar mthong ba de yi chos kun mthong // rgyal po btang snyoms 'dug cing blon po kun byed ltar// sangs rgyas mdzad dang nyan thos chos rnams ji snyed pa// de dag thams ca

  688. 345a

    shes rab pha rol phyin pa byed/ / rgyal po grong du mi 'gro yul 'khor mi 'gro la// rang gi yul las 'du ba thams cad sdud pa ltar// byang chub sems dpa' chos nyid gang du'ang mi g.yo la/ / sangs rgyas sa yi yon tan gang yin thams cad sdud// gang zhig bde gshegs byang chub sems dpa' dang brtan zhing // shes rab pha rol phyin pa mchog la bsam sbyor ba/ / nyan thos rang rgyal sa gnyis shin tu 'das byas nas// zil gyis mi non rgyal ba'i byang chub myur du theg/ dper na rgya mtshor 'jug pa'i gru ni chag gyur la// mi gang ro 'am tsa'am shing ni mi 'dzin pa/ / rgyu dasmras 'jig par 'gyur te ngogs su phyin mi 'gyur// gang zhig 'dzin pa rgya mtsho'i pha rol phyin par 'gyur// de ltar gang dag dang ldan dang brnyed gyur pa/ shes rab pha rol phyin pa rnam par spong mi byed// de dag thams kyi yon tan shes rab yongs gzung ste// mchog tu rmad byung bde gshegs byang chub myur du reg/ dper na la las rdza so ma btang chu skyed na/ / nyam chung phyir ni myur du 'jig par rig par bya// so btang bum par chu skyed lam du 'jig pa yi// 'jigs pa med pa'i bde bar khyim du phyin par 'gyur// gzhan yang byang chub sems dpa' dad pa mang gyur kyang / / shes rab rnam par nyams na myur du 'jig par 'gyur// dad pas shes rab de ni yongs su zin gyur na// sa gnyis shin tu 'das te byang chub

  689. 345b

    mchog thob 'gyur/ / dper na bcos legs ma byas gru ni rgya mtsho'i nang // nor dang bcas shing tshong par bcas te 'jig par 'gyur// gru de legs par bcos legs byas dang ldan gyur na/ mi 'jig nor dang bcas pa ngogs su phyin par 'gyur// de ltar byang chub sems dpa' dad pas yongs bsgoms kyang // shes rab med na byang chub las ni myur nyams 'gyur// de nyid shes rab pha rol phyin pa mchog ldan na/ / ma smas ma nyams rgyal ba'i byang chub reg par 'gyur// lo brgya nyi shu lon te rgas shing sdug bsngal mo// langs kyang bdag nyid 'gro bar nus pa ma yin te/ / de ni g.yas g.yon gnyis nas mi yis bsten byas na// 'gyel ba'i 'jigs pa med cing bde blag 'gro bar 'gyur// de bzhin byang chub sems dpa' shes rab stob/ chung ba// rab tu zhugs par gyur kyang rab tu 'jig par 'gyur// de nyid thabs dang shes rab mchog gis yongs zin na// mi 'jigs de bzhin gshegs kyi byang chub reg par 'gyur// byang chub sems dpa' dang po'i las kyi sar gnas gang // lhag pa'i bsam pas sangs rgyas byang chub mchog zhugs pa// slob ma bzang po bla ma gus dang rab ldan pa// mkhas de dag gis dge bshes rtag tu brten par bya/ / ci phyir zhe na mkhas pa'i yon tan de las 'byung // de dag shes rab pha rol phyin pa rjes su ston// sangs rgyas chos rnams dge ba'i bshes

  690. 346a

    la bsten to zhes/ / yon tan kun gyi mchog mnga' rgyal ba de skad gsung // sprin dang tshul khrims bzod dang de bzhin brtson 'grus dang // bsam gtan shes rab byang chub yongs su sngo bar gyis/ / phung por zhen nas mchog tu 'dzin par ma byed ces// dang po'i laso can dag la de skad bstan par bya// de ltar spyod pa legs mtsho smra ba'i zla ba rnams/ / 'gro ba'i skye bas dang dpung gnyen dang ni gnas yin te// rten dang blo dang gling dang yongs 'dren don 'dod dang // gsal khyed sgron ma chos mchog smra ba mi 'khrugs bzhin// grags chen ldan rnams bya dka' go cha gyon byed de// phung po khams dang skye mched rnams kyi go cha min// theg gsum 'du shes bral zhing yongs su gzung ba med// mi ldog g.yo ba med cing chos rnams 'khrugs pa med/ / de dag 'di 'dra'i chos dang ldan zhing spros pa med// som nyi yid gnyis 'gyod dang bral zhing don dang ldan// shes rab pha rol phyin pa thos nas mi nur pa// gzhan gyi dring mi 'jog cing mi ldog rig par bya// 'dren pa rnams kyi chos 'di zab ste mthong bar dka'// sus kyang rtogs pa med cing thob par gyur med pa// don gcig nyid du rtogs nas phan byed snying brtser 'gyur/ / blo chung sems can tshogs sus 'di ni shes par 'gyur// sems can rnams ni gnas la dga' zhing yul rnams 'dod// 'dzin la gnas shing mi mkhas

  691. 346b

    bla na rmongs mun pa bzhin/ / thob par bya ba'i chos ni gnas med 'dzin med de/ 'di ni 'jig rten dag dang rtsod pa 'byung ba yin// nam mkha'i khams ni shar gyi phyog dang lho phyogs dang // / de bzhin nub kyi phyogs dang byang phyogs pa mtha' yas// steng dang 'og dang phyogs bcu ji snyed rnams na'ang // tha dad gyur pa med cing bye brag gyur pa med// 'das pa'i de bzhin nyid dang ma phyin de bzhin nyid/ / da ltar de bzhin nyid dang dgra bcom de bzhin nyid// chos kun de bzhin nyid dang rgyal ba'i de bzhin nyid// de ni chos kyi de bzhin nyid de bye brag med// bde/ gshegs byang chub tha dad chos dang bral gyur pa// 'di ni byang chub sems dpa' gang zhig thob 'dod pa// thabs dang ldan pas shes rab pha rol phyin la sbyor// 'dren pa shes rab med na 'thob par 'gyur ma yin/ / bya zhig lus che dpag tshad brgya pa yod gyur tam// dpag tshad lnga bcur gyur pa'i gshog zad stobs med pa// de ni sum cu rtsa gsum gnas nas 'dzam gling 'dir/ / bdag nyid mchongs na de ni nya mnyes 'gyur ba yin// rgyal ba rnams kyi pha rol phyin pa lnga 'di yang // bskal pa bye ba khrag khrig mang por bsgrubs byas shing / / smon lam mtha' yas rgya chen 'jig rten rtag bsnyen kyang // thabs med shes rab bral ba nyan thos nyid du lhung // sangs rgyas theg pa 'di la

  692. 347a

    nges par 'byung 'dod pas/ / 'gro ba kun la sems snyoms pa ma'i 'du shes dang // phan pa'i sems dang byams pa'i yid dang brtul ba dang / tha ba med cing drang la tshig 'jam smra bar bya// 'dzag rten mgon la gnas brtan rab 'byor yongs zhus pa// yon tan rgya mtsho nyon mongs ma mchis rtags brtan gsol// mthu che ba dag ji ltar slar ldog mi 'gyur ba// de ltar yon tan phyogs tsam rgyal bas lung bstan gsol// tha dad 'du shes bral zhing tshig dang ldan par smra// dge sbyong dag dang bram ze gzhan la rten mi byed/ / mkhas pa dus gsum rtag tu ngan song gsum po spangs// de dag dge ba bcu yi las lam mngon par brtson// zang zing med par 'gro la chos ni rjes su ston/ / chos la gcig tu dga' zhing 'jam pa'i tshig dang ldan// 'gro 'chag nyal dang 'dug par shes bzhin rab tu ldan// gnya' shing gang tsam lta zhing 'gro la sems 'khrul med/ / gtsang byas gtsang ma'i gos 'chang gsum po dben zhing dag/ khyu mchog rtag tu chos 'dod rnyed pa 'dod ma yin// bdud kyi yul las 'das shes gzhan gyi dring mi 'jog/ bsam gtan bzhi la bsam med bsam gtan der mi gnas// grags pa 'dod pa ma ya ni khro bas sems dkris med// khyim par gyur na rtag tu

  693. 347b

    dngos po kun ma chags/ / 'tsho ba'i longs spyod mi mthun 'tsho ba'i bsam pa med// drag shul spyod sngags bud med sbyor ba'i sngags mi byed// rtsa 'am 'dod phyir mi las las rnams len mi byed/ / rab tu dben pa shes rab pha rol phyin mchog brtson// 'thab dang rtsod dang bral zhing byams pa'i sems kyang brtan// kun mkhyen 'dod cing brtan la rtag tu gzhol sems ldan/ / mtha' 'khob kla klo'i skye bo'i yul mtha' rnam par spangs// rang gi sa la dogs med rtag tu ri rab 'dra// chos phyir srog kyang 'dor zhing rnal 'byor rab tu brtson// mi ldog rtags ni 'di dag yin par shes par bya// gzugs dang tshor dang 'dus shes sems pa rnam shes rnams// zab cing rang bzhin mtshan ma med de rab zhi pa// shes rab kyis ni phung po brtags pas gting mi rtogs/ / dper na mda' yis rgya mtsho'i gting thug tshol dang mtshungs// byang chub sems dpa' gang zhing zab mos 'di lta bur// don dam gos pa med pa'i chos rnams rtogs pa ste/ / gang na phung po med cing khams dang skye mched med// de la bsod nams sogs par ji ga ga la byed// dper na 'dod chags chos la spyod pa'i skyes pa zhig/ bud med dus btab de dang ma phrad rnam rtog pa// de ni nyin gcig sems kyi spyod pa ji snyed pa// de snyed bskal par byang chub sems dpas rjes su rtogs// byang chub sems

  694. 348a

    dpa' gang zhig bskal mang bye stong du/ / sbyin pa sbyin dang tshul khrims dri med srung byed kyang // gang zhig shes rab pha rol phyin mchog ldan pa'i mchog rjod pa'i legs la sbyin dang khrims kyis char mi phod/ / byang chub sems dpa' gang zhig shes rab mchog bsgoms te// de las langs nas gol ba med pa'i chos brjod cing // de yang 'gro ba'i don du byang chub rgyur sngon/ / dge ba de dang mnyam pa 'jig rten gsum na med// bsod nams de yang gsog dang de bzhin stong pa dang // gsob dang ya ma brla dang snying po med par snang // de ltar spyad pa spyod pa bde gshegs shes rab spyod// de ltar spyod pa bsod nams dpag med yongs su 'dzin// sangs rgyas rab tu bshad pa mdzad cing gzung mdzad cing // chos de thams cad brjod pa tsam du zad par shes/ / bskal po bye ba khwa khrig mang por brjod byas kyang // chos kyi dbyings la dad pa med cing 'phel ba med// gang zhig rgyal ba'i shes rab pha rol phyin 'di dang / ming tsam zad par yongs su brjod pa'i chos de dag/ yongs sngo rlom sems med pa'i byang chub sems dpa' ni// nyams pas med cing sangs rgyas byang chub mchog reg 'gyur// 'bru mar snying po bar ba phrad pa dang po yis// snying po tshig min de med pas kyang tshig pa min// me kye phrad pa thams snying po tshig min la// me lce ba ma med par snying po tshig min ltar// dpa

  695. 348b

    sems kyis byang chub mchog reg ma yin la/ / de med pas kyang de la reg par nus ma yin// tha ma'i sems kyis byang chub zhi 'thob nus ma yin// de med pas kyang de 'thob nus pa ma yin no// / sa bon las ni myu gu me tog 'bras bu 'byung // de yang 'gags la de med par yang shing de med// de bzhin dang po'i sems kyang byang chub rgyu yin te// de yang 'gags la de med par yang byang chub med/ / chu yi thigs pa dang po chung ngu chung ngu yang // rim gyis tha mas rdza ma yongs su gang bar byed// de bzhin dang po'i sems kyang byang chub mchog rgyu ste// rim gyis dkar po'i yon tan rdzogs pa'i sangs rgyas 'gyur/ / stong pa mtshan med smon pa med par chos spyod cing // mya ngan 'das la mi reg mtshan ma la spyod pa// dper na mnyan pa mkhas pa par 'gro tshur 'gro yang / / mtha' gnyis mi gnas rgya mtshor gnas pa med pa bzhin// de ltar spyod pa'i byang chub sems dpa' 'di snyam bdag/ stobs bcus byang chub reg par lung bstan snyam mi sems/ / 'di la ci yang med ces byang chub skrag pa med// de ltar spyod pa bde gshegs shes rab spyod pa yin// dgon pa'i lam na lo nyes nad bcas 'jig rten rnams// mthong na skrag pa med cing bsgral ba'i go gyon te// phyi ma'i mur mthar rtag tu brtson zhing rab shes nas// yongs su skyo ba'i yid kyi rdul tsam skyed pa med// byang chub sems dpa' rgyal/

  696. 349a

    ba'i shes rab spyod byed cing // phung po 'di dag gdod nas stong zhing skye med shes// mnyam par ma gzhag sems can khams la snying rje 'jug/ bar skabs der yang sangs rgyas chos las yongs mi nyams/ / dper na skyes bu mkhas pa yon tan kun ldan zhing // stobs ldan mi thub sgyu rtsa la brtson byas tshul shes la// 'phong dang bzo gnas mang po'i pha rol phyin gyur cing / / sgyu ma bsgrub shes 'gro don rab tu 'dod pa zhig/ pha dang ma dang chung mar bcas pa yongs bsdus nas// dgra byed mang po dgon pa'i lam du phyin pa dang / / de yis dpa' zhing brtul pho de skyes bu mang sprul nas// bde bar song zhing phyir yang khyim du 'ong ba ltar// de bzhin de tshe byang chub sems dpa' mkhas pa yang // sems can khams rnams kun la snying rje chen po bskyed// bdud bzhi dag dang sa gnyis las kyang rab 'das nas// ting 'dzin 'di la gnas shing byang chub reg mi byed// 'kha' la rlung rten de la chu yi phung po rten/ / de las chen 'di rten de la 'gro ba rten// sems can las la spyod pa'i rgyu ni de 'dra ste// don de mkha' la gnas pa yin par bsam par byed// de bzhin byang chub sems dpa' stong pa nyid gnas pa// bya ba rnam pa sna tshogs 'gro la rab ston cing // sems can rnams kyi shes dang smon lam thabs stobs te// mya

  697. 349b

    ngan 'das la myi reg stong par gnas pa med/ / gang gi tshe na byang chub sems dpa' mkhas gsal ba// stong pa zhi pa'i ting 'dzin dam pa 'ang spyod pa// bar skabs der ni mtshan ma bsgom par mi bya ste/ / mtshan ma med par gnas shing zhi la rab zhi spyod// bar snang 'phur ba'i bya la gnas yod ma yin te// de na gnas pa ma yin sa la lhung mi 'gyur// de ltar byang chub sems dpa' rnam thar sgo spyod pa// mya ngan 'das la mi rig mtshan ma spyod ma yin// dper na 'bod bslabs skyes bus gyen du mda' 'phangs te// mda' gzhan dag gis gcig nas gcig tu long btags nas/ / snga ma'i mda' de sa la ltung ba'i skabs mi byed// mi de 'dod na mda' de sa la lhung bar 'gyur// de ltar shes rab pha rol phyin pa mchog spyod pa/ / shes rab thabs stobs rdzu 'phrul gyis ni rnam rgyu zhing // de dag dge ba'i rtsa ba ji srid ma rdzogs pa// de srid stong nyid dam pa de ni thob mi byed/ / dper na dge slong rdzu 'phrul stobs mchog ldan pa zhig/ nam mkhar gnas te cho 'phrul zung dag rnam par 'phrul// 'gro dang 'chag pa dang ni nyal dang 'dug pa ston/ / de ni ldog pa med cing de la skyo ba med// de bzhin byang chub sems dpa' mkhas pa stong gnas shing // ye shes rdzu 'phrul pha rol son la gnas med chu// 'gro ba/

  698. 350a

    dag la bya ba rnam pa mtha' yas ston// bskal pa bye bar nyams pa med cing skyo ba med// dper na mi 'ga' g.yang sa chen por 'dug byed cing / lag pa gnyis kas gdug gnyis 'dzin cing ji mi snyam// dus min rlung gis g.yang sa chen por phul byas kyang // bdag nyid der ni gA yang du ltung bar 'gyur ba myed// de bzhin byang chub sems dpa' mkhas pa snying rjer gnas/ / thabs dang shes rab gnyis kyi gdug ni yongs gzung ste// chos rnams stong pa mtshan med smon pa med rtog cing // mya ngan 'das la reg pa med la chos kyang mthong / / dper na rin chen 'dod pa rin chen gling song ste// rin chen rnyed nas phyir yang khyim du 'ong bar byed// ded dpon de ni de la bde bar 'tsho mod kyi/ / 'on kyang gnyen bshes tshogs kyi sdug bsngal yid la 'byung // de ltar stong pa nyid kyi rin chen gling song ste// byang chub sems dpa' bsam gtan dbang po stobs thob pa// mya ngan 'das la reg par mngon par dga' mod kyi// 'on kyang sdug bsngal sems can sdug bsngal yid la 'byung // tshong pa gang zhig grong khyer nang nas grong rdal dang // grong du bya ba'i phyir dang shes par bya phyir 'gro/ / der yang mi gnas rin chen gling du'ang mi gnas la// mkhas pa khyim du mi gnas lam la mkhas par 'gyur// de bzhin rang rgyal bcas pa'i nyan thos rnam grol shes//

  699. 350b

    kun la byang chub sems dpa' gsal ba mkhas par 'gyur// de la mi gnas sangs rgyas ye shes gnas ma yin// lam mkhas cho ga shes pa 'dus byas gnas mi 'gyur// gang tshe 'gro la byams pa rjes su 'brel byas nas/ / spyong pa mtshan med smon pa med pa'i ting 'dzin spyod// gal te mya ngan 'das la reg byed de la med// de lta mod kyi de ni thob par byed kyang nus// dper na sprul pa'i mi lus mi snang ma yin zhing // de ni ming gis gdags par bya bar nus pa ste// de bzhi ni byang chub sems dpa' rnam thar sgor spyod pa// de ni ming gis gdags nus rnam pa gzhan du min/ / gal te spyod pa dang ni dbang po yongs dris la// byang chub sems dpa' zab chos yongs su mi ston te// stong pa mtshan ma med dang mi ldog chos rnams kun// mi 'chad de ni lung bstan ma yin rig par bya/ / dgra bcom sa dang rkyen gyis sangs rgyas ye shes dang // khams gsum dag la rmi lam na yang mi 'dod cing // 'gro la chos ston mdzad pa'i sangs rgyas rnams mthong ba/ / de ni mo ldog lung bstan yin par rig par bya// rmi lam na ni sems can ngan song gsum gnas mthong // skad cig de la ngan song rgyun gcad smon lam btab// bden pa'i byin gyi rlabs kyis me yi phung po zhi/ / de ni mi ldog lung bstan yin par rig par bya// mi yi 'jig rten 'byung po'i gdon dang nad mang ba// phan dang snying brtser ldan pa'i bden pa'i byin gyis zhi// 'on kyang rlom

  700. 351a

    sems med cing nga rgyal skye med pa/ / de ni mi ldog lung bstan yin par rig par bya// byang chub sems dpa' bdag lung bstan snyam rlom sems sam// bden pa'i byin gyi rlabs kyis rnam pa grub med dam/ / pha rol lung bstan yin snyam rlom sems 'byung gyur na// rlom sems gnas pa de ni blo chung rig par bya// ming gi gzhi las bdud ni nye bar 'ongs gyur nas/ 'di skad smras te 'di ni khyod dang pha ma dang // khyod kyi bdun mes brgyud kyi bar gyi ming yin zhing // 'di ni khyod kyi sangs rgyas 'gyur ba'i ming yin zhe 'am// sbyangs sdoms ci 'dra brtson pa rnal 'byor ldan de la/ / khyed sngon yon tan tshul yang 'di zhes rjod byed de// de skad gang thos rlom sems byang chub sems dpa' ni// bdud kyis yongs su bslang zhing blo chung rig par bya// rab tu dben pa'i grong dang grong khyer ri sul dang / / dgon pa dben pa nags khrod rab tu sten byed cing // bdag bstod gzhan la smon pa'i byang chub sems dpa' ni// bdud kyis yongs su bslang zhing blo chung rig par bya/ / rtag tu grong dang yul 'khor grong rdal gnas byed cing // byang chub ldan pa sems can smin byed ma gtogs par// de ni dgra bcom rang rgyal dag la 'dod med pa// 'di ni bde bar gshegs pa'i sras kyi dben pa gsungs/ / gang zhig dpag tshad lnga brgya yod pa'i ri yi su la// sbrul gyis gang bar lo mang bye bar gnas byed kyang // dben pa 'di mi shes pa'i byang chub sems

  701. 351b

    dpa' de/ / lhag pa'i nga rgyal rnyed nas 'dre bar gnas pa yin// byang chub sems dpa' 'gro ba'i don brtson bsam gtan dang // stobs dang dbang po rnam thar ting 'dzin slob rnams la/ 'di ni dgon dben spyod pa min snyam sems byed pa// de ni dgon pa'i spyod yul min zhes rgyal bas gsungs// gang zhig grong ngam 'on te dgon par gnas kyang rung // theg pa gnyis kyi/ sems bral byang chub mchog nges na// 'di ni 'gro don zhugs pa rnams kyi dben pa ste// byang chub sems dpa' de ni bdag nyams gzhan ma yin// de lta bas na mkhas pas nga rgyal bcom byas te/ / bsam pa drag pos byang chub dam pa tshol ba na// nad pa shin tu gso phyir sman pa bsten pa ltar// g.yel ba med par dge ba'i bshes gnyen bsten par bya// sangs rgyas byang chub mchog zhug byang chub sem dpa' dag/ pha rol phyin dang mtshungs pa'i dge ba'i bshes su bsten// de dag nan tan sa 'di rjes su ston pa yin// rnam pa gnyis kyis sangs rgyas byang chub rjes su rtog/ rgyal ba 'das dang ma byon phyogs bcur gang bzhugs pa// kun lam pha rol phyin pa 'di yin gzhan ma yin// pha rol phyin 'di byang chub mchog la zhugs rnams kyi// gsal dang sgron dang snang dang ston pa yin zhes bstan/ / ji ltar shes rab pha rol phyin pa'i mtshan gyis stong // de ltar mtshan dang chos 'di thams cad su shes shing // chos rnams stong zhing mtshan nyid med par

  702. 352a

    rab shes na/ / de ltar spyod pa bde gshegs shes rab spyod pa yin// sems can zas dang 'dod la yongs su rtog byed cing // 'khor bar chags pa'i yid dang ldan rnams rtag tu 'khor/ / bdag dang bdag gi chos gnyis yod min stong pa ste// byis pa rnams kyis bdag la nam mkha'i mdud 'di bcings// dper na dogs pas 'du shes kyis ni dug blangs pa/ dug de lto bar song ba ma yin 'on kyang 'gyel// de ltar byis pa bdag dang bdag gyis khas blangs pa// 'du shes skyes pas 'chi yang rtag tu yod ma yin// ji ltar 'dzin pa de ltar kun nas nyon mongs bstan/ / bdag dang bdag gir mi dmigs rnam pa dag par gsungs// 'di la nyon mongs rnam dag gang yang yod min par// byang chub sems dpa' shes rab rol phyin pas rtogs/ / 'dzam gling ma lus dag na sems can ji snyed pa// de dag byams dang byang chub mchog tu sems bskyed nas// lo stong bye ba mang por sbyin pa byin byas la// kun kyang 'gro ba'i don phyir byang chub rgyur sngo yang / / gang zhig shes rab pha rol phyin mchog mngon brtson pa// tha na nyi ma gcig cig rjes su mthun byed na// bsod nams de la sbyin pa'i phung pos char mi phod// de phyir g.yel med rtag tu shes rab 'jug par bya/ / shes rab pha rol phyin mchog spyod pa'i rnal 'byor pa// snying rje chen po bskyed cing sems can 'du shes med// de tshe mkhas pa 'gro ba kun gyi

  703. 352b

    sbyin gnas 'gyur/ / rtag tu yul 'khor bsod nams don yod yongs su spyod// lha mi sems can ring nas ngan song gsum 'brel ba// yongs su dgrol bar 'dod pa'i byang chub sems dpa' de/ / shes rab pha rol phyin pa nyin mtshan brtson byed pa// lam yang 'di ni sems can khams kyi 'babastegs ston// mi zhig sngon chad ma rnyed pa yi rin chen mchog/ dus gzhan zhig na rnyed par gyur te dga' ba las// rnyed ma thag tu stor te bag med gyur pas na// stor bas sdug bsngal rtag tu rin chen mngon 'dod pa// de ltar byang chub mchog zhugs rin chen mtshungs pa yi/ / shes rab pha rol phyin la rnal 'byor dor mi bya// rin chen rnyed nas 'dzin par byed cing mi phyed na// rjes su 'dzin par byed cing myur du dbang du 'gyur/ / 'od zer 'phreng bas mun pas dkrugs pa'i mun nag kun// sel bar byed cing sprin med mkha' la nyi shar na// srog chags 'byung po'i srin bu me khyer thams cad dang / / skar ma'i tshogs dang zla ba'i 'od kun zil gyis non// de ltar shes rab pha rol phyin mchog spyod pa yi// byang chub sems dpa' mkhas pa lta thibs sel byed cing / / 'gro ba kun dang dgra bcom rang rgyal zil gyis non// byang chub sems dpa' stong pa mtshan med yongs spyad phyir// dper na rgyal po'i bu zhig nor gtong don/

  704. 353a

    'dod pa// kun gyi gtso bor gyur te mngon par 'gro bya 'os// 'di ni da lta na yang sems can dga' byed na// thabs thob gyur nas rgyal srid gnas na smos ci dgos/ / de ltar spyod pa spyod mkhas byang chub sems dpa' yang // bdud rtsi sbyin par byed cing lha dang mi rnams dga'// 'di ni da lta na yang sems can mang phan brtson// chos kyi rgyal bor gan par gyur nas smos ci dgos/ / de yi tshe na bdud ni zug rngu ldan par 'gyur// mya ngan sdug bsngal nyam thag mthu chung yid mi bde// de ltar byang chub sems dpa' 'di yid nur 'gyur zhes 'jigs pa ston phyir phyogs rnams bsreg cing skar mda' gtong / / gang tshe mkhas pa de dag bsam pa rab ldan zhing // nyin mtshan shes rab pha rol phyin pa mchog don lta// rtag tu lus dang sems ni mkha' 'gro bya ltar gyur/ / de la nag po'i rtsa lag glags rnyed ga la 'gyur// gang tshe byang chub sems dpa' 'thab dang rtsed gyur cing // phan tshun mi mthun khros pa'i sems dang ldan gyur pa/ / de yi tshe na bdud ni dga' zhing mgu bar 'gyur// de gnyis rgyal ba'i ye shes las ni ring du 'gyur// de gnyis ring du 'gyur zhing shar 'dra bar 'gyur// de gnyis rang gi dam bcas nyams par byed par 'gyur/ / sdang zhing bzod dang bral la byang chub ga la yod// de ni bdud rnams dga' zhing bdud la thub mi 'gyur// lung bstan ma thob byang chub sems

  705. 353b

    dpa' la la zhig/ lung bstan tho ba la sems khros rtsod pa rtsom byed na// tha ba skyon ldan sems kyi skad cig ji snyed pa// de skad bskal par phyir yang go cha bgo dgos so// sangs rgyas bzod pa'i pha rol phyin pas byang chub reg/ de snyam sems shing ma legs snyam pa'i blo skyed de// so sor 'chag par byed cing phyis kyang sdom byed la// bral bar gyur pa de ni sangs rgyas chos 'dir slob/ / gang zhig slob la bslob pa gang du slob med cing // slob pa po dang bslab pa'i chos rnams mi dmigs la// bslab dang bslab pa ma yin 'di gnyis mi rtog pa// de ltar gang slob de ni sangs rgyas chos 'dir slob// byang chub sems dma' gang zhig bslab 'dir de ltar shes// de ni bslab pa nyams dang tshul khrims 'chal pa gzhar mi 'gyur// de ni nyes par byed cing sangs rgyas chos 'dir slob// bslab pa mkhas shing dmigs pa med par gyur pas slob// mkhas pa 'od byed rnams kyis shes rab de ltar spyod// dge ba ma yin sems gcig tsam yang skyed mi byed/ / nyi ma par snang la ni 'gro bar byed pa na// 'od zer snang bas mdun na mun pa mi gnas bzhin// shes rab pha rol phyin pa bslab par byas rnams kyis/ pha rol phyin pa thams cad 'dir ni 'dus par 'gyur// 'jig tshogs lta bar lta ba drug cu gnyis 'dus ltar// de bzhin pha rol phyin pa 'di dag 'dus par 'gyur// dper na srog gi

  706. 354a

    dbang po 'gags nas dbang po gzhan/ / gang dag ji snyed yod pa zad par 'gag par 'gyur// de ltar shes rab spyod pa mkhas pa mchog rnams kyi// pha rol phyin pa thams cad 'dir ni 'dus par gsungs/ / byang chub sems dpa' gang dag nyan thos yon tan dang // rang rgyal yon tan kun la bslabs par gyur pa rnams// de dag de la mi gnas 'dod pa mi skyed de/ / 'di ni bdag gi bslab bya yod snyam de phyir slob// mi ldog byang chub mchog la rab tu zhugs pa yi// sems bskyed pa la bsam pa thag pas yi rang bas// stong gsum ri rab srang la gzhan nas tshad gzung rung / / rjes su yi rang dge ba de ni de ltar min// dge ba don gnyis thar 'dod sem can ji snyed pa// kun gyi bsod nams phung po la yang yi rang gyur// dephyir de dag rgyal ba'i yon tan thob gyur nas// sdug bsngal zad par bya phyir 'jig rten chos sbyin byed// byang chub sems dpa' gang zhig ma rtog chos rnams kun// stong dang mtshan ma med par spros med yongs shes la/ / shes rab bsam pa thag pas byang chub mi tshol ba// rnal 'byor pa de shes rab pha rol phyin mchog brtson// nam mkha'i khams dang khams gnyis tha dad 'gyur du ni/ / de dang de la gang phyir ces kyang bye brag me// de bzhin shes rab spyod ma khas byang chub sems dpa' yang // nam mkha' mtshungs shing dran pa nye bar zhi bar spyod// skye dro

  707. 354b

    dbus na sgyu ma'i skyes bu 'di snyam du/ / skye bo 'di dag mgu bya mi sems bya ba med// g.yo sgyu sna tshogs rab tu ston pa de yang mthong // 'on kyang de la lus med sems med ming yang med/ / de bzhin shes rab spyod pa rnams kyang 'di snyam du// byang chub sangs rgyas 'gro ba yongs su sgrol mi sems// rang gi skye ba bya ba sna tshogs ldan pa'ang ston// sgyu ma lta bur rnam par rtog pa med par spyod/ / dper na sangs rgyas sprul pa sangs rgyas mdzad pa byed// de ni ci zhig bya snyam du yang sems mi skyed// de bzhin shes rab spyod mkhas byang chub sems dpa' yang / / sprul po sgyu ma gzhin du bya ba thams cad ston// shing mkhan zo bo mkhas pas shing gi 'khrul 'khor byas// skyes pa bud med 'dra ste bya ba thams cad byed// de bzhin shes rab spyod mkhas byang chub sems dpa' yang // rnam par mi rtog ye shes bya ba thams cad byed// de ltar spyod mkhas rnams la lha tshogs mang po dag/ thal mo sbyar ba 'dud cing phyag kyang 'tshal bar byed/ / phyogs bcu'i 'jig rten khams kyi sangs rgyas ji snyed kyang // yon tan bsngags pa'i 'phreng bas yongs su brjod par mdzad/ gang+gA'i klung gi bye snyed zhing na sems can rnams// de kun bdud du gyur par yongs su brtag bzung ste// ba spu nyag ma re re ji snyed sprul byas kyang // de dag kun gyis mkhas

  708. 355a

    la bar chad bya mi nus/ / rnam bzhis byang chub sems dpa' mkhas pa stobs ldan pa// thub par dka' zhing bdud bzhis bskyod par mi nus te// stong par gnas dang sems can yongs su mi gtong dang / / ji skad smras bzhin byed dang bde gshegs byin bslabs pa'o// de bzhin gshegs yum shes rab pha rol phyin pa 'di// 'chang tshe byang chub sems dpa' gang zhig mos byed cing / / bsam pa thag pas bsgrub par mngon du brtson byed pa// thams cad mkhyen pa nyid phyir mngon zhugs rig par bya// de bzhin nyid kyi gnas su chos dbyings nyer mi 'gro/ / dper na bar snang sprin ni gnas med gnas pa bzhin// rig sngags 'chang ba dmigs med nags sems mkha' 'gro tshe// me rtog shing phyir sngags kyi stobs kyi byin rlabs byed/ / de ltar spong pa byang chub sems dpa' mkhas gsal ba// rtog par byed dang sangs rgyas chos rnams dmigs mi 'gyur// 'chad par byed dang chos nyid mthong ba mi dmigs pa/ / 'di ni zhi 'dod yon tan dga' ba'i gnas pa yin// de bzhin gshegs kyi dgra bcom rnam thar ma gtogs par// gnas pa 'di ni nyan thos rang rgyal bcas pa yi/ / gnas pa zhi ba'i ting 'dzin rab zhi bde ldan pa// ji snyed kun gyi mchog dang gong na med pa yin// 'dab chags nam mkhar gnas kyang ltung bar 'gyur ma

  709. 355b

    yin/ / nya ni mun gnas kyang 'tshubs te 'chi ba med// de ltar byang chub sems dpa' bsam gtan stobs dag gis// pha rol son pa stong gnas mya ngan 'da' mi 'gyur// sems can kun gyi yon tan mchog 'gro gang 'dod pas// chos kyi sbyin pa rab mchog dam pa sbyin bya zhing // phan mdzad rnams kyi gnas pa mchog 'dir sten cig dang // sangs rgyas ye shes mchog tu rmad byung mchog reg 'gyur/ / bslab pa 'di ni 'dren pas bslab pa yongs brjod pa// bslab pa'i snyed kun gyi mchog dang gong na med// mkhas pa gang zhig bslab kun pha rol 'gro 'dod pas/ / sangs rgyas bslab pa shes rab pha rol phyin 'dir slobs// chos mdzod dam pa 'di ni gter gyi phul du byung // 'jig rten dgun sangs rgyas rigs kyi ba sgyid mdzod/ / 'das dang ma byon phyogs bcu'i 'jig rten mgon po rnams// de dag 'di la byung ste chos dbyings zad mi 'gyur// shing dang 'bras bu me tog nags tshal ji snyed pa/ de dag thams cad sa la yang dag byung zhing 'thon// 'on kyang sa la zad pa med cing 'phel ba med// skyo ba med cing yongs su mi nyams rnam rtog med// sangs rgyas nyan thos rang rgyal bcas pa ji snyed dang / / 'jig rten kun na lha dang bde skyid chos yod pa// de kun shes rab pha rol phyin pa mchog las byung // shes rab rnams kyang zad pa med cing 'phel ba med// sems

  710. 356a

    can tha ma 'bring dang mchog gyur ji snyed pa/ / de kun ma rig las byung bde bar gshegs pas gsungs// rkyen rnams tshogs nas sdug bsngal 'khrul 'khor rab tu byung / / 'khrul 'khor zad pa med cing ma rig 'phel ba med// ye shes tshul sgro thabs kyi rtsa ba ji snyed pa// de kun shes rab pha rol phyin pa mchog las byung // rkyen rnams tshogs nas las kyi 'khrul 'khor rab tu byung / / shes rab pha rol phyin pa zad pa'am 'phel ba med// byang chub sems dpa' gang zhig rten cing 'brel 'byung 'di// shes rab kyis ni 'byung med zad med rtogs pa de/ / dper na sprin gyis sgrib med nyi ma'i 'od zer ltar// ma rig 'gebs pa bsal nas rang byung thob par 'gyur// mthu chen ldan pa dag ni bsam gtan bzhir gnas kyang / / rten par byed pa ma ya ni gnas par byed pa med// 'on kyang bsam gtan bzhi po 'di dag rten yin zhing // thob par gyur nas byang chub dam pa mchog kyang 'thob/ / shes rab mchog thob pa dag bsam gtan gnas pa myong // gzugs med ting 'dzin dam pa bzhi po rnams kyang myong // bsam gtan 'di dag byang chub mchog la phan byed gyur/ / byang chub sems dpa' zag pa zad phyir slob pa min// bsam gtan ting nge 'dzin la gnas nas mtshan ma med// de la gnas rnams gal te lus ni zhig gyur nas//

  711. 356b

    bsam pa ji bzhin 'dod pa'i khams su yang skye ste// 'di ni yon tan sogs pa'i ngo mtshar rmad byung zhing // dper na 'dzam gling mi zhig sngon chad ma rnyed pa'i// lha yul lha yi khang pa/ dam pa rnyed gyur cing // mthong nas de yis der ni yul rnams yongs bzung ba// de dag gnas par mi byed phyir yang 'ong ba ltar// de bzhin byang chub sems dpa' yon tan mchog 'chang ba/ / rnal 'byor brtson pa bsam gtan ting nge 'dzin gnas nas// phyir yang 'dod pa'i khams su gnas te gos pa med// chu la pad+ma bzhin du byis pa'i chos mi gnas/ / sems can yongs su sman par bya dang zhing byung dang // pha rol phyin 'di yongs su rdzogs bya ma gtogs par// bdag nyid chen po gzugs med khams su skye mi byed// byang chub yon tan pha rol phyin rnams nyams par 'gyur// dper na mi zhig rin chen gter rnams rnyed gyur cing // de la 'dod pa'i blo ni bskyed pa ma byas la// des kyang dus gzhan zhig na de dag yongs blangs shing / / blangs nas khyim du bcug ste chags par byed pa ltar// de bzhin byang chub sems dpa' thabs mkhas bsam gtan bzhi// ting 'dzin zhib dga' bde sbyin byed thob gyur la/ / bsam gtan bde dang bsam gtan ting 'dzin thob btang ste// 'gro la snying brtse ldan pa phyir yang 'dod khams 'jug/ gal te byang chub

  712. 357a

    sems dpa' ting 'dzin bsam gtan gnas/ / dgra bcom rang rgyal theg par 'dod pa'i blo skyed na// mnyam par ma bzhag rgod cing sems g.yengs gyur pa ste/ / sangs rgyas yon tan yongs nyams mnyan pa gru zhig bzhin// gzhan yang gzugs dang sgra dang de bzhin dri dang ro// reg dang 'dod pa'i yon tan lnga la brtson gyur kyang / / dgra bcom rang rgyal theg zlal byang chub sems dga' na// dpa' bo rtag tu mnyam gzhag yin par shes par bya// sems can rnams dag sems can gang bag gzhan gyi phyir/ / brtson 'grus pha rol phyin la brtson zhing rnam par rgyu// dper na bran mo bum thogs dbang med rje bo'i dbang // de bzhin dpa' rnams sems can kun gyi dbang gis 'gro/ / smyo ba byas sam 'on te rtag tu brdegs kyang rung // bran mo rje bo la ni zlog pa'i tshig mi smra// bdag la des na gnod pa byas su 'ong snyam nas// shin tu skrag pa'i yid kyis 'jigs pas zil gyis non/ / de bzhin byang chub ched du byang chub mchog zhugs pa// 'gro ba kun la bran gyur de bzhin gnas par bya// lung gi yon tan rtogs pa yongs su rdzogs mi byed/ / shing las me byung ba yis shing de bsregs pa bzhin// bdag gi bde ba btang nas re ba med sems kyis// sems can

  713. 357b

    gzhan gyi dgos la nyin mtshan mngon par brtson/ / bu gcig pa la ma ni rim gro byed pa ltar// bsam pa thags pas byed de skyo med gnas pa bzhin// sems can don dang zhing sbyong brtson pa'i rnal 'byor pa/ / gang zhig byang chub sems dpa'i spyad pa spyod sems shing // skyo ba'i blo ni rdul tsam skye bar mi 'gyur ba// de ni g.yel med brtson 'grus pha rol phyin la brtson/ / byang chub sems dpa' me mkhas bskal pa bya grangs la// gal te ring bar 'dus shes sdug bsngal byang chub sgrub// chos sgrub byed pa'i tshe na rab tu sdug bsngal 'gyur/ / de tshe brtson 'grus pha rol phyin nyams le lo can// zhi ba bla na med pa thob par bya snyam ste// byang chub mchog tu sems skyed thog mar bskyed byas nas/ / nyin dang mtshan du de la yid gcig gnas byed pa// mkhas pa gsal ba brtson 'grus brtsams par rig par bya// gal te la la 'di skad ri rab ri ba shig la/ / phyi nas byang chub mchog thob bya zhes smras pa las// gal te skyo ba'i blo skyes ched du byed gyur na// de tshe byang chub sems dpa' le lo rnyed par 'gyur// ci ste cung zad 'di lta ci smos blo skyes te/ / skad cig tsam la ri rab thal bar rlag snyam na// byang chub sems dpa' mkhas pa brtson 'grus brtsams pa ste// ring por mi thogs

  714. 358a

    'dren par byang chub thob par 'gyur/ / yongs su smin par byas la 'gro ba'i don bya zhes// gal te lus dang ngag dang yid kyis brtson byed na/ bdag tu 'du shes gnas pa le lo rnyed 'gyur te// thams cad mkhyen pa nyid las ring 'gyur gnam sa bzhin// gang tshe lus dang sems dang sems can 'du shes med// 'du shes rnam par log nas chos gnyis mi spyod pa// 'di ni byang chub ma nyams mchog zhi tshol ba yi// brtson 'grus pha rol phyin ces phan pa mdzad pas gsungs// gzhan las ngan du brjod pa'i tshig rtsub thos gyur nas/ / su smra su thos gang nas su yi gang btang zhes// ma lus mgu byed byang chub sems dpa' mkhas pa de// bzod pa'i pha rol phyin dang ldan pa mdzangs pa yin/ / byang chub sems dpa' gang zhig bzod pa'i legs chos ldan// gang zhig stong gsum rin chen bkang ste 'jig rten khams// sangs rgyas rnams dang dgra bcom rang rgyal phul byas pa/ / sbyin pa'i phung pos de yi bsod nams char mi phod// bzod la gnas pa'i lus ni yongs su dag 'gyur te// sum cu rtsa gnyis mtshan dang mthu stobs pa mtha' yas/ / sems can rnams la dad pa'i chos rab sgrog par byed// bzod pa mkhas la 'jig rten 'di na dga' bar 'gyur// gal te sems

  715. 358b

    can la las tsan dan snyim bkang ste/ / bla ma 'phangs pas byang chub sems dpa' mthong ba dang // gzhan zhig me mngag mgol 'thor ba gnyis ka la// de yis mnyam zhing snyoms pa'i yid ni bskyed par bya/ / byang chub sems dpa' mkhas pas de ltar bzod byas nas// sems bskyed de ni byang chub mchog tu yongs bsngos na// dpa' po bzod pas 'jig rten kun na dgra bcom dang / / rang rgyal sems can khams kyi bzod kun zil gyis non// bzod byed 'di snyam du yang sems ni bskyed bya ste// sems dmyal dud 'gro gshin rje'i 'jig rten sdug bsngal mang / / 'dod pa'i yon tan rgyu yis mi 'dod gnod myong na// byang chub ched du ci phyir da bzod mi bya snyam// lcag dbyig mtsho/ dang gsad dang bcing dang rdeg pa dang // mgo gcod pa dang rna ba rkang lag sna gcod dang // 'jig rten sdug bsngal ji snyed bdag gis bzod snyam pa// byang chub sems dpa' bzod pa'i pha rol phyin la gnas/ / zhi ba 'dod pa rnams ni khrims kyis byung ba yin// stobs bcu'i spyod yul gnas shing tshul khrims nyams pa med// sdom pa'i bya ba ji snyed kun gyi rjes su 'jug/ sems can kun la phan phyir de yang byang chub sngo// gal te rang rgyal dgra bcom byang chub 'dod skyed na// tshul khrims 'chal

  716. 359a

    cing tshul mkhas de bzhin spyod pa nyams/ / ci ste byang chub zhi ba mchog tu yongs sngon// 'dod yon brtson yang tshul khrims pha rol byin la gnas// chos gang nges pa'i byang chub yon tan 'byung med pa/ / de ni yon tan chos don ldan pa'i tshul khrims yin// chos gang phan byed rnams kyi byang chub yongs nyams pa// 'di ni tshul khrims 'chal ces rnam par 'dren pas gsungs/ / gal te byang chub sems dpa' 'dod yon lnga spyod la// sangs rgyas chos dang 'phags pa'i dge 'dun skyabs song ste// sangs rgyas 'grub bya snyam du kun mkhyen yid byed pa/ / mkhas pa tshul khrims pha rol phyin gnas rig par bya// gal te bskal pa bye bar dge ba'i las lam bcu// spyod cing rang rgyal dgra bcom nyid la 'dod skyed na/ / de tshe tshul khrims skyon byung tshul khrims nyams pa yin// sems bskyed de ni phas pham pas kyang shing tu lci// tshul khrims srung zhing byang chub mchog tu yongs sngo la/ / de yis rlom sems med de bdag bstod mi byed cing // nga yi 'du shes sems can 'du shes yongs spangs pa// tshul khrims pha rol phyin gnas byang chub sems dpa' brjod/ / gal te byang chub sems dpa' rgyal ba'i lam spyod pa// sems can 'di dag khrims ldan 'di dag khrims 'chal ces// sna tshogs 'du shes zhugs pa shin tu tshul

  717. 359b

    khrims 'tshal/ / tshul khrims nyams shing de la longs dag tshul khrims med// gang la bdag gi 'du shes sems can 'du shes med// 'du shes 'dod chags bral la sdom pa ci phyir med/ / gang la sdom dang sdom pa ma yin rlom sems med// 'di ni tshul khrims sdom par rnam par 'dren pas gsungs// sems can dag pa gang zhig 'di lha'i khrims ldan pa/ / sdug dang mi sdug kun la lta ba med pa yin// mgo dang rkang lag gtong zhing zhum pa'i sems kyang med// bdog pa thams cad gtong zhing rtag tu zhen pa med/ / chos rnams rang bzhin bdag med ya ma brlar shes nas// bdag gi sha yang gtong zhing zhen pa'i sems med na// de las phyi rol dngos po gtong ba smos ci dgos/ / gal te ser sna byed pa de ni gnas min te// bdag dang bdag gir dngos por 'du shes 'dod chags 'gyur// blun po rnams la gtong ba'i blo lha ga la yod// ser sna yi dgas gnas su skye bar byed pa ste// ci ste mir skyes na yang de tshe dbul por 'gyur// de tshe byang chub sems dpa' sems can dbul zhes na// gtong la mos par 'gyur zhing rtag tu lkug par gtong / / gling bzhi logs par brgyan pa mchil ma'i thal ba 'dra// byin nas dga' bar 'gyur gyi gling thob de ltar min// byang

  718. 360a

    chub sems dpa' mkhas pa gsal ba sbyin byin na/ / srin pa gsum gyi sems can ji snyed pas ma byas te// de dag kun la sbyin 'di byin par gyur cig sems/ / de yang 'gro ba'i don phyir byang chub mchog tu sngo// sbyin pa byin nas dngos por gnas par byed pa med// de ni nam du'ang rnam par smin la re ba med// de ltar gtong ba mkhas la thams cad gtong ba ste/ / chung ngu gtang la dpag tu med pa mang por 'gyur// srid pa gsum na sems can ma lus ji snyed pa// yongs su brtag pa gzung ste de dag thams cad kyis/ / 'jig rten mkhyen pa sangs rgyas dgra bcom rang rgyal la// bskal pa mtha' yas sbyin byin nyan thos legs tshol na// byang chub sems dpa' mkhas pa thabs mkhas gang zhig gis/ / de dag bsod nams bya ba'i dngos por yi rang nas// sems can don du byang chub mchog rab yongs spro na// yongs su sngo bas 'gro/ ba thams cad zil gyis non// nor bu mching bu'i phung po chen por gyur pa yang // rin chen bai DUR+Ya gcig de kun zil gyis non// de bzhin 'gro kun sbyin pa'i phung po rgya chen kun// rjes su yi rang byang chub sems dpas zil gyis non/ / gal te byang chub sems dpas 'gro la sbyin byin na// de la bdag gir mi byed dngos po 'phangs med na// de las dge ba'i rtsa ba mthu chen 'phel

  719. 360b

    'gyur te/ / sprin med zla ba yar ngo'i 'od kyi dkyil 'khor bzhin// byang chub sems dpas sbyin pas yi dgas 'gro ba gcod// dbul ba dang ni de bzhin nyon mongs thams cad gcod// rnam par rgyu tshe longs spyod mtha' yas yangs pa 'thob/ / sdug bsngal gyur pa'i sems can sbyin pas yongs smin byed// khrims kyis dud 'gro 'gro ba du ma'i ngo bo spong // dus rnams kun tu mi khom brgyad kyang rnam par spang // bzod pas gzugs bzang dam pa rgya chen thob 'gyur te// gser mdog sdug cing 'gro bas lta ba'i 'os su 'gyur// brtson 'grus kyis ni dkar po'i yon tan 'grib mi 'gyur// rgyal ba'i bang mdzod ye shes mtha' yas thob par 'gyur/ / bsam gtan gyis ni 'dod pa'i yon tan smad pa 'dor// rig dang mngon par shes dang ting 'dzin mngon par sgrub// shes rab kyis ni chos kyis rang bzhin yongs shes na// ngan song gsum po'i khams gsum dag las shin tu 'da'/ / mi yi 'dren pa'i 'khor lo rin chen bskor byas na// sdug bsngal zad par bya phyir 'gro la chos kyang ston// chos ni yongs rdzogs byas nas byang chub sems dpa' de// yongs dag zhing dang sems can dag pa yongs su 'dzin/ / sangs rgyas rgyud dang chos kyi rgyud kyang yongs su 'dzin// de bzhin dge 'dun rgyud dang chos kun yongs su 'dzin// byang chub lam 'di shes rab bstan phyir brjod pa ste// 'jig rten dag na nad gso byed pa sman pa'i mchog/ ming ni yon tan thams cad sdud pa'i byang chub lam// lam 'di sems can thams cad kyis ni thob gyur cig/ shes rab kyi pha rol tu phyin pa khri brgyad stong pa las/ sdud pa

  720. 361a

    tshigs su bcad pa'i le'u zhes bya ste brgyad cu rtsa bzhi pa'o/ / // 'phags pa shes rab kyi pha rol tu phyin pa khri brgyad stong pa las bam po lnga bcu rtsa brgyad pa/ / / de nas bcom ldan 'das kyis tshigs su bcad pa 'di dag gsungs nas/ tshe dang ldan pa rab 'byor la bka' stsal pa/ rab 'byor rigs kyi bu 'am/ rigs kyi bu mo gang la la shes rab kyi pha rol tu phyin pa 'di tshol bar 'dod pa'i rigs kyi bu dang / rigs kyi bu mo des/ ji ltar byang chub sems dpa' sems dpa' chen po rtag tu ngu/ da ltar de bzhin gshegs pa dgra bcom pa yang dag par rdzogs pa'i sangs rgyas sgra dbyangs mi zad par sgrogs pa'i drung na tshangs par smad pa spod pa des yongs su btsal ba de bzhin du/ shes rab kyi pha rol tu phyin pa 'di yongs su btsal bar bya'o/ / de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po rtag tu ngu des/ shes rab kyi pha rol tu phyin pa 'di yongs su tshol ba na/ ji ltar yongs su btsal ba lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ / byang chub sems dpa' sems dpa' chen po rtag tu ngu sngon shes rab kyi pha rol tu phyin pa yongs su tshol ba na/ lus la ched cher ma 'dzin

  721. 361b

    srog la mi lta/ rnyed pa dang / bkur sti dang / tshigs su bcad pa dag la mi gnas par yongs su btsal bas yongs su btsal to// de shes rab kyi pha rol tu phyin pa yongs su tshol zhing 'brog dgon pa zhig tu phyin pa na/ bar snang las smra thos par gyur te/ rigs kyi bu shar phyogs su song zhig dang / shes rab kyi pha rol tu phyin pa thos par 'gyur gyis/ ci nas lus ngal ba yid la byed pa mi skyed pa dang / gnyid dang rmugs pa yid la byed pa mi skyed pa dang / bza' ba yid la byed pa mi skyed pa dang / btung ba yid la byed pa mi skyed pa dang / mtshan mo yid la byed pa mi skyed pa dang / nyin mo yid la byed pa mi skyed pa dang / grang ba yid la byed pa mi skyed pa dang / tsha ba yid la byed pa mi skyed pa de ltar song zhig/ nang dang phyi rol gang la'ang sems smon par ma byed cig/ rigs kyi bu g.yas g.yos su ma blta bar song zhig/ lho dang / nub dang / byang dang / steng dang / 'og dang / phyogs mtshams su'ang ma blta bar song zhig/ rigs kyi bu ci nas 'jigs tshogs las kyang ma g.yos pa dang / ci nas gzugs las kyang ma g.yos pa dang / ci nas tshor ba dang / 'du shes dang / 'du byed rnams dang / rnam par shes pa las kyang ma g.yos pa de ltar song zhig/ gang las g.yos pa de ni rnam par nyams par 'gyur ro/ / ci las nyams par 'gyur zhe na/ sangs rgyas kyi chos rnams las nyams par 'gyur ro// gang sangs rgyas kyi chos rnams las nyams par 'gyur

  722. 362a

    @pa de ni 'khor ba la spyod do/ / gang 'khor ba la spyod pa de ni shes rab kyi pha rol tu phyin pa rjes su mi 'thob bo// de skad ces smras pa dang / byang chub sems dpa' sems dpa' chen po rtag tu ngus/ sgra de la 'di skad ces smras so// de bzhin du bya'o// de ci'i phyir zhe na/ bdag ni sems can thams cad la snang bar byed par 'dod pa dang / sangs rgyas kyi chos thams cad bslab par 'dod pa'i phyir ro/ / de skad ces smras pa dang / sgra des byang chub sems dpa' sems dpa' chen po rtag tu ngu la 'di skad ces smras so// rtag tu ngu legs so legs so// de nas byang chub sems dpa' sems dpa' chen po rtag tu ngus yang sgra thos te/ 'di skad du rigs kyi bu khyod kyis stong pa nyid dang / mtshan ma med pa dang / smon pa med pa'i chos dag la mos pa bskyed la/ shes rab kyi pha rol tu phyin pa yongs su btsal bar bya'o// khyod kyis mtshan ma yongs su spang bar bya/ dngos po yongs su spang bar bya// sems can du lta ba yongs su spang par bya'o/ / rigs kyi bu khyod kyis sdig pa'i grogs po dag spang bar bya'o// dge ba'i bshes gnyen gang dag stong pa nyid dang / mtshan ma med pa dang / smon pa med pa dang / ma byung ba dang / ma skyes pa dang / dngos po med pa dang / ma 'gags pa'i chos rnams ston pa dag la bsnyen par bya/ bsten par bya'o// bsnyen pa kun bya'o// rigs kyi bu khyod kyis de ltar bsgrubs na/ ring por mi thogs par shes rab kyi

  723. 362b

    pha rol tu phyin pa glegs bam du chud pa 'am/ dge slong chos smra ba'i las la yod pa thos pas 'gyur te/ rigs kyi bu gang la las shes rab kyi pha rol tu phyin pa 'di thos pa de la/ rigs kyi bu khyod kyis ston par 'du shes bskyed par bya zhing / khyod kyis byas pa gzo ba dang / byas pa tshor bar byas te/ gang las shes rab kyi pha rol tu phyin pa 'di thos pa 'di ni bdag gi dge ba'i bshes gnyen yin te/ shes rab kyi pha rol tu phyin pa de bdag gis thos pas myur du bla na med pa yang dag par rdzogs pa'i byang chub las phyir mi ldog par 'gyur/ de bzhin gshegs pa dgra bcom pa yang dag par rdzogs pa'i sangs rgyas rnams la bsnyen par 'gyur zhing / sangs rgyas kyi zhing de bzhin shegs pa dang ma bral ba rnams su skye bar 'gyur ro// mi lom pa rnams spong bar 'gyur ro// dal ba phun sum tshogs pa thob bar 'gyur ro/ / rigs kyi bu phan yon 'di rnams khyod kyis yongs su rtogs la/ dge slong chos smra ba la ston pa yin par 'du shes bskyed par bya'o// rigs kyi bu khyod kyis 'jig rten gyi zang zing dang ldan pa'i sems kyi rgyud kyis/ dge slong chos smra ba'i phyi bzhin 'brang bar mi bya'i/ khyod kyis dge slong chos smra ba la chos don du gnyer ba dang / chos la gus par bya bas phyi bzhin 'brang bar bya'o/ / khyod kyis bdud kyi las rnams rtogs par bya ste/ rigs kyi bu bdud sdig can ni byang chub sems dpa' sems dpa' chen po rnams la gzugs dang / sgra dang / dri dang / ro

  724. 363a

    dang / reg pa dag bsnyen pa dang / bsten pa dang / spyad par bya ba'i phyir nye bar bsgrub te/ de dag des zil gyis mnan nas/ thabs mkhas pas 'grogs shing bsten pa dang / bsnyen par byed pa'ang yod de/ rigs kyi bu khyod kyis chos smra ba de la ma dad pa bskyed par mi bya'o// gzhan du na sems 'di ltar bskyed par bya ste/ bdag ni thabs mkhas pa de mi shes kyi// 'di ni thabs mkhas pa rab tu shes so// 'di ni sems can gyi tshul gyis sems can rnams kyi dge ba'i rtsa ba yongs su gzung ba'i phyir/ chos 'di dag la rten cing 'grogs te bsnyen par byed kyis/ byang chub sems dpa' sems dpa' chen po rnams ni gang la'ang chags pa 'am/ sgrib pa med kyis/ skad cig de nyid la rigs kyi bu khyod kyis yang dag pa'i tshul so sor rtog par bya'o// rigs kyi bu chos rnams kyi yang dag pa'i tshul gang zhe na/ 'di ltar chos thams cad kun nas nyon mongs pa ma yin/ rnam par byang ba ma yin no// de ci'i phyir zhe na/ chos thams cad ni ngo bo nyid kyis stong pa'i phyir te/ chos thams cad ni sems can med pa/ srog med pa/ gang zag med pa/ sgyu ma lta bu/ rmi lam lta bu/ zag cha lta bu/ mig yor lta bu ste/ rigs kyi bu chos rnams kyi yang dag pa'i tshul de ltar rtog cing chos smra ba'i phyir 'brang na/ ring por mi thogs par shes rab kyi pha rol tu phyin pa la nges par 'byung bar 'gyur ro// gzhan yang rigs kyi bu khyod bdud kyi las la soms shig/ rigs kyi bu gal te

  725. 363b

    chos smra ba dag shes rab kyi pha rol tu phyin pa 'dod pa'i rigs kyi bu la brnyes par byed cing mi sems na/ de la rigs kyi bu khyod kyis phyir dgyed par mi bya ste/ gzhan du na chos don du gnyer ba nyid dang chos la gus par byed pa nyid dang / yid mi skyo bas dge slong chos smra ba'i phyi bzhin du 'brang bar bya'o zhes thos so// de nas byang chub sems dpa' sems dpa' chen po rtag tu dus/ sgra de la rjes su bstan pa 'di blangs nas shar phyogs ga la ba der song ba dang / ring por ma phyin par de 'di snyam du sems te/ bdag gis sgra de la ji srid du 'gro bar bya ba ma dris so snyam nas/ des phyogs de nyid na ngu zhing mya ngan byed de sme zhing 'dug go/ de sa phyogs de na nyin zhag gicig 'das par byed/ nyin zhag gnyis sam/ gsum mam/ bzhi 'am/ lnga 'am/ bdun 'das kyang // shes rab kyi pha rol tu phyin pa thos par ma gyur kyi bar du/ lus ngal ba yid la byed pa mi skyed/ rmugs pa dang gnyid yid la byed pa mi skyed/ bza' ba yid la byed pa ma skyed/ btung ba yid la byed pa mi skyed/ mtshan mo yid la byed pa mi skyed/ nyin mo yid la byed pa mi skyed/ grang ba yid la byed pa mi skyed/ tsha ba yid la byed pa mi skyed do// rab 'byor 'di lta ste/ dper na skyes bu la la zhig bu gcig pa 'chi ba'i dus byas na/ sdug bsngal ba dang / yid mi bde ba chen po dang ldan par 'gyur te/ de lta bu'i mya ngan gyis bu gcig pu yid la byed pa 'byung ba ma gtogs par yid la byed pa gzhan gang yang

  726. 364a

    mi 'byung ngo / / rab 'byor de bzhin du byang chub sems dpa' sems dpa' chen po rtag tu ngu yang de'i tshe/ bdag gis nam shes rab kyi pha rol tu phyin pa thos par 'gyur snyam ba ma gtogs par yid la byed pa gzhan gang yang ma 'byung ngo / / rab 'byor de nas byang chub sems dpa' sems dpa' chen po rtag tu du de gdung zhing 'dug pa'i mdun du/ de bzhin gshe pa'i gzugs shig bzhugs nas legs so zhes bya ba byin te/ rigs kyi bu khyod tshig de skad smras pa legs so legs so// ji ltar khyod kyis de ltar yongs su btsal ba de bzhin du sngon gyi de bzhin gags pa dag 'atsam pa yang dag par rdzogs pa'i sangs rgyas rnams kyis kyang / sngan byang chub sems dpa'i spyad pa spyod pa na shes rab kyi pha rol sa sbyin pa yongs su btsal to// rigs kyi bu na phyir khyod kyis brtson 'grus 'di dang / spro ba 'di dang / don du gnyer ba 'di dang / 'dod pa 'di lta bus rjes su 'brang zhing / shar phyogs nyid du song zhig dang / rigs kyi bu 'di nas dpag tshad lnga brgyan spos ldan zhes bya ba'i grong khyer rin po che sna bdun las byas pa/ rab rim pa bdun gyis bskor ba/ 'obs rim pa bdun dang shing ta la'i 'phreng rim pa bdun gyis yongs su bskor ba/ tshur dpag tshad bcu gnyis zheng du dpag tshad bcu gnyis yod pa/ 'byor pa/ rgyas pa/ bde ba/ lo legs pa/ skye bo mang po dang mis gang ba/ grong bar dang srang mnyam zhing mtshungs pa lnga brgya dag gis ri mor

  727. 364b

    bris pa bzhin du gtams pa/ khyogs khri nyams ming ba dang / bar bar dag tu'am pa btags pa/ grong khyer gyi khor lug tu zhol gyi phyir rin po che sna bdun legs par byas shing bskor la/ rin po che sna bdun gyi ra ba de dag gi mda' yab rnams ni 'dzam bu chu bo'i gser las byas pa/ mtho zhing tshad dang ldan pa/ mda' yab thams cad kyi rtse mo las kyang rin po che sna bdun gyi shing skyes te/ rin po che sna tshogs kyi shing thog gi 'bras bu chags pa/ mda' yab las shing skyes pa thams cad las kyang / rin po che'i tha byung ba mda' yab cig shos gzhan dang 'brel ba/ grong khyer thams cad gser gyi dril bu g.yer kha'i dra bas khebs te/ gser gyi dril bu g.yer kha de dag la rlung gis btab na sgra 'jam zhing snyan pa yid du 'ong ba dag 'byung ba/ 'di lta ste/ dper na yan lag lnga dang ldan pa'i rol mo tshogs pa/ rol mo mkhan mkhas pas brdungs shing blangs na sgra 'jam zhing snyan la yid du 'ong ba dag 'byung ba de bzhin du/ dril bu g.yer kha de dag la rlung gis btab na sgra 'jam zhing snyar la yid du 'ong ba dag 'byung ste/ spa des sems can de dag rtse dga' zhing dga' mgur spyod do// grong khyer de'i khor lug tu 'obs chu 'bab pas gang zhing / rlu ha cang yang mi grang / ha cang mi dro bas gang bdag yod do/ / chu de la sngon gyi rnam par smin pas grub pa rin po che sna bdun gyi gru dag yod de/ der sems can dag zhugs ras rtse dga' zhing rab tu rgyu'o// chu de thams cad kyang me tog ut+pal

  728. 365a

    dang / ku mu ta dang / pad+ma dkar po dag gis khebs pa/ me tog rigs che zhing bzang la dri zhim pa'i ngad dang ldan pa gzhan dag gis kyang khebs te/ stong gsum gyi stong chen po'i 'jig rten gyi khams na yod pa'i me tog gi rigs las/ de na med pa gang yang med do// grong khyer de'i nang na skyed mos tshal lnga brgya yod de/ thams cad kyang rin po che sna bdun las byas pa/ rnam par bkra zhing blta na sdug pa sha stag ste/ skyed mos tshal de dag re re na'ang rdzing bu khor yug tu rgyang grags kyi tshad tsam lnga brgya lnga brgya yod pa/ rdzing bu de dag gi khor yug thams cad nas rin po che sna bdun gyi me tog ut+pal dang / ku mu da dang / pad+ma dkar po rnam par bkra zhing blta na sdug pa dag skyes te/ de dag gis chu de khebs shing / me tog ut+pal dang / ku mu ta dang / pad+ma dkar po de dag thams cad kyang chu zheng du shing rta'i pang lo tsam ste/ sngon po/ kha dog sngon po/ sngon po lta bur ston pa/ 'od sngon po 'byung ba/ ser po/ kha dog ser po/ ser po lta bur ston pa/ 'od ser po 'byung 2/ dmar po/ kha dog dmar po/ dmar po lta bur ston pa/ 'od dmar po 'byung ba/ dkar po/ kha dog dkar po/ dkar po lta bur ston pa/ 'od dkar po 'byung ba dag yod do// rdzing bu de dag thams cad na dang ngur dang / khrung khrung dang / bya ka ran da dang / gzhan sgra 'byin pa dag yod do// skyed mos tshal de dag thams cad kyang nga yir bya ba med cing / rigs su gcad pa med de/ 'di ltar sems

  729. 365b

    can dag yun ring por shes rab kyi pha rol tu phyin pa la spyod cing / yun ring por chos zab mo la mos pa'i sems can de dag gi sngon gyi las kyi rnam par smin pas grub pa yin no// rigs kyi bu grong khyer de dag gi dbus kyi bzhi mngon/ byang chub sems dpa' sems dpa' chen po chos 'phags kyi khang pa rin po che sna bdun las byas pa/ khor yug tu dpag tshad kyi tshad tsam yod pa/ rnam par bkra zhing blta na sdug pa/ rab rim bdun dang / ta la'i 'phreng bdun gyis yongs su bskor ba zhig yod do// khang pa de na khang pa'i long spyod du rtag tu rab dag zhes bya ba'i skyed mos tshal dang / mya ngan med ces bya ba dang / mya ngan bral zhes bya ba dang / me tog sna tshogs pa zhes bya ba'i skyed mos tshal dang / skyed mos tshal bzhi yod de/ skyed mos tshal de dag re re na'ang / rdzing bu bzang po zhes bya ba dang / bzang mchog ces bya ba dang / dga' ba zhes bya ba dang / dga' mchog ces bya ba dang / bde ba zhes bya ba dang / bde ldan zhes bya ba dang / nges pa zhes bya ba dang / mi 'bab ces bya ba brgyad brgyad yod de/ rdzing du de dag gi ngos gcig ni gser las byas/ ngos gnyis ni dngul las byas/ ngos gsum ni bai DUR+Ya las byas/ ngos bzhi pa ni shel las byas/ nang gi sa gzhi la ni ke ke ru la byas pa'i bye ma brdal ba ste/ rdzing bu de dag re re la'ang thes skas them pa rin po che sna tshogs rnam pa tha dad pas brgyan pa brgyad brgyad yod de/ them skas de dag thams cad kyi bar nas kyang 'dzam bu'i chu bo'i gser gyi shing ljon pa

  730. 366a

    dag skyes so/ / rdzing bu de dag thams cad kyi chu ni me tog ku mu da dang / ut+pal dang / pad+mo dkar po sna tshogs kyis khebs shing / ngang ngur dang / khrung khrung dang / bzhad rnams skang 'byin to/ / rdzing bu de dag gi khor yug tu me tog gi shing rnam pa sna tshogs skyes te/ shing de dag la rlung gis bskyod pa dang / me tog rnams rdzing bu'i nang du ltung bas/ rdzing bu de dag thams cad kyi chu 'ang tsan dan gyi drir phyogs shing kha dog dang ldan no/ / der byang chub sems dpa' sems dpa' chen po chos 'phags 'khor dang bcas pa bud med drug khri brgyad stong dang lhan cig tu 'dod pa'i yon tan lnga dang sngar zhing 'byor te/ rtse dga' zhing dga' mgur spyod do// grong khyer de na sems can skyes pa dang / bud med gang gzhan dag 'khod pa de dag thams cad kyang skyed mos tshal lam/ rdzing bu dag na rtag tu dga' zhing 'dod pa'i yon tan lnga dang ldan zhing 'byor te/ rtse dga' zhing dga' mgur spyod do// yang byang chub sems dpa' sems dpa' chen po chos 'phags de 'khor rnams dang lhan cig tu rtse dga' ste dga' mgur spyod cing / de na dus gsum du shes rab kyi pha rol tu phyin pa ston to// sems can gang dag grong khyer spos ldan na 'khod pa de dag kyang / grong khyer gyi dbus kyi bzhi mdor byang chub sems dpa' sems dpa' chen chos 'phags kyi khri gser gyi rkang pa dang / dngul gyi rkang pa dang / bai DUR+Ya'i rkang pa dang / shel gyi rkang pa btsugs pa/ shing bal bting ba/ stan nang tshangs can bting ba/ steng snying po can du byas pa/ ka shi

  731. 366b

    ka'i ras bting ba/ 'phang du rgyang grags phyed yod pa bshams te/ steng gi bar snang la ras kyi bla re mu tig gis brgyan pa bres shing / de ltar chos la gus par byed pas sa phyogs de khor yug kyang me tog kha dog sna lnga pa dag mngon par gtor cing / sa phyogs de'ang spos sna tshogs dang / 'dug pa sna tshogs kyis shin tu bdug par byed pa/ de la byang chub sems dpa' sems dpa' chen po chos 'phags 'dug nas/ shes rab kyi pha rol tu phyin pa ston to// rigs kyi bu sems can de dag de lta bur gus par byed cing / byang chub sems dpa' sems dpa' chen po chos 'phags las shes rab kyi pha rol tu phyin pa nyan to/ / de na gang dag nyan pa'i lha dang / mi dang / srog chags brgya phrag mang po// srog chags stong phrag mang po/ srog chags 'bum phrag mang po tshogs pa de dag las/ la la ni klog slob/ la la ni 'dzin/ la la ni 'chad/ kha cig ni zlos/ la la ni lung nod/ la la ni kha ton byed/ la la ni yi ger 'dri/ la la ni tshul bzhin yid la byed pas rtog par byed de/ sems can de dag thams cad kyang log par mi ltung ba'i chos can te/ bla na med pa yang dag par rdzogs pa'i byang chub las phyir mi ldog pa sha stag go// rigs kyi bu byang chub sems dpa' sems dpa' chen po chos 'phags de'i drung du song zhig dang / de las shes rab kyi pha rol tu phyin pa thos par 'gyur ro// rigs kyi bu de ni yun ring po nas khyod kyi dge ba'i bshes gnyen yin te/ bla na med pa yang dag par rdzogs pa'i

  732. 367a

    byang chub yang dag par ston pa/ yang dag par 'dzin du 'jug pa/ yang dag par gzengs bstod pa/ yang dag par rab tu dga' bar byed pa yin no// rigs kyi bu des kyang sngon da ltar khyod ji ltar tshol ba de bzhin du/ shes rab kyi pha rol tu phyin pa yongs su btsal gyis/ rigs kyi bu khyod nyin mtshan du yid la byed pa rgyun ma gcad pa song zhig dang / ring por mi thogs par shes rab kyi pha rol tu phyin pa thos par 'gyur ro/ / de nas byang chub sems dpa' sems dpa' chen po rtag tu ngus de thos nas dga' mgur yi rangs rab tu mgu zhing dga' ba dang / yid bde ba skyes par gyur pa 'di lta ste/ dper na skyes bu mde'u dug can zhig gis phog na yid la byed pa gzhan mi skyes kyi/ gang bdag sdug bsngal 'di las thar par byed pa zug rdzu 'byin pa'i sman pa bdag gis nam rnyed snyam sems pa de bzhin du/ byang chub sems dpa' sems dpa' chen po rtag tu ngu yang / gang bdag la shes rab kyi pha rol tu phyin pa de thos par byed cing / chos gang thos nas bdag gi dmigs pa yid la byed pa spong bar 'gyur ba'i rigs kyi bu de bdag gis nam mthong snyam sems pa ma gtogs par chos gang yang yid la mi byed do// / de nas byang chub sems dpa' sems dpa' chen po rtag tu dus phyogs de nyid du 'dug ste/ chos thams cad la mi gnas pa'i 'du shes bskyed nas/ de ting nge 'dzin gyi sgo du ma mngon du gyur pa 'di/

  733. 367b

    lta ste/ chos thams cad kyi ngo bo nyid la rnam par lta ba zhes bya ba'i ting nge 'dzin dang / chos thams cad kyi ngo bo nyid mi dmigs pa zhes bya ba'i ting nge 'dzin dang / chos thams cad mi shes pa dang bral ba zhes bya ba'i ting nge 'dzin dang / chos thams cad 'gyur ba med par mthong ba zhes bya ba'i ting nge 'dzin dang / chos thams cad snang bar byed pa zhes bya ba'i ting nge 'dzin dang / chos thams cad mun pa dang bral ba zhes bya ba'i ting nge 'dzin dang / chos thams cad mi shes pa sel ba zhes bya ba'i ting nge 'dzin dang / chos thams cad mi dmigs pa zhes bya ba'i ting nge 'dzin dang / me tog bkram pa zhes bya ba'i ting nge 'dzin dang / chos thams cad bdag gi dngos po mi sgrub pa zhes bya ba'i ting nge 'dzin dang / sgyu ma rnam par spang ba zhes bya ba'i ting nge 'dzin dang / me long gi dkyil 'khor snang ba sgrub pa zhes bya ba'i ting nge 'dzin dang / sems can thams cad kyi sgra sgrub pa zhes bya ba'i ting nge 'dzin dang / chos thams cad tha dad pa med pa zhes bya ba'i ting nge 'dzin dang / sems can thams cad mngon par dga' ba zhes bya ba'i ting nge 'dzin dang / sems can thams cad kyi sgra la mkhas pa'i rjes su song ba zhes bya ba'i ting nge 'dzin dang / sgra dang / 'bru dang / 'bru sna tshogs sgrub pa zhes bya ba'i ting nge 'dzin dang / ma khengs pa zhes bya ba'i ting nge 'dzin dang / rang bzhin rnam par bltas pa zhes bya ba'i ting nge 'dzin dang / sgrib pa med pa'i rnam par thar pa thob pa zhes bya ba'i ting nge 'dzin dang / rdul dang bral ba zhes bya ba'i ting

  734. 368a

    'dzin dang / ming dang / nges pa'i sgra dang / 'bru zhes bya ba'i ting nge 'dzin dang / chos thams cad la rnam par blta ba zhes bya ba'i ting nge 'dzin dang / chos thams cad la sgrib ba med pa'i mtha' zhes bya ba'i ting nge 'dzin dang / nam mkha' dang mtshungs pa zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / gzugs kyi rdul sel ba zhes bya ba'i ting nge 'dzin dang / rgyal ba thob pa zhes bya ba'i ting nge 'dzin dang / phyir mi ldog pa'i mig ces bya ba'i ting nge 'dzin dang / chos kyi dbyings las nges par 'byung ba zhes bya ba'i ting nge 'dzin dang / dbugs 'byin pa sbyin pa zhes bya ba'i ting nge 'dzin dang / seng ge mngon par sgrog pa zhes bya ba'i ting nge 'dzin dang / sems can thams cad zil gyis gnon pa zhes bya ba'i ting nge 'dzin dang / rdul med pa zhes bya ba'i ting nge 'dzin dang / kun nas nyon mongs pa med pa zhes bya ba'i ting nge 'dzin dang / pad+ma bkod pa zhes bya ba'i ting nge 'dzin dang / nem nur gcod pa zhes bya ba'i ting nge 'dzin dang / snying po thams cad kyi rjes su song ba zhes bya ba'i ting nge 'dzin dang / chos thams cad las mngon par 'phags pa zhes bya ba'i ting nge 'dzin dang / mngon par shes pa dang / stobs dang / mi 'jigs pa tho bo zhes bya ba'i ting nge 'dzin dang / chos thams cad la nges par 'bigs pa zhes bya ba'i ting nge 'dzin dang / chos thams cad kyi 'byor pa rgya mtsho zhes bya ba'i ting nge 'dzin dang / chos thams cad bye brag

  735. 368b

    med par lta ba zhes bya ba'i ting 'dzin dang / lta bar gyur pa'i thibs po thams cad rnam par spong ba zhes bya ba'i ting nge 'dzin dang / mun pa dang bral ba zhes bya ba'i ting nge 'dzin dang / chos thams cad mtshan ma dang bral ba zhes bya ba'i ting nge 'dzin dang / chags pa thams cad las rnam par grol ba zhes bya ba'i ting nge 'dzin dang / le lo thams cad dang bral zhes bya ba'i ting nge 'dzin dang / chos zab mo'i 'od byed pa zhes bya ba'i ting nge 'dzin dang / ri rab 'dra ba zhes bya ba'i ting 'dzin dang / mi 'phrogs pa zhes bya ba'i ting nge 'dzin dang / bdud kyi dkyil 'khor rnam par 'joms par byed pa zhes bya ba'i ting nge 'dzin dang / 'jig rten gsum la mngon par mazhen pa zhes bya ba'i ting nge 'dzin dang / 'od zer sgrub pa zhes bya ba'i ting nge 'dzin dang / de bzhin gshegs pa mthong ba zhes bya ba'i ting nge 'dzin rnams mngon du gyur te/ ting nge 'dzin de dag la gnas pas phyogs bcu'i 'jig rten gyi khams rnam na/ sangs rgyas bcom ldan 'das grangs med dpag tu med pa dag/ byang chub sems dpa' sems dpa' chen po dag la shes rab kyi pha rol tu phyin pa 'di rab tu ston pa dag mthong ste/ de bzhin gshegs pa de dag gis legs so zhes bya ba byin nas dbugs dbyung bar mdzad de/ tshig 'di dag kyang gsungs so/ / rigs kyi bu nged kyis kyang byang chub sems dpa'i spyad pa spyod pa na/ shes rab kyi pha rol tu phyin pa 'di bzhin du btsal to// yongs su tshol ba na'ang ting nge 'dzin 'di dag thob ste/ ting nge 'dzin 'di dag

  736. 369a

    thob nas/ shes rab kyi pha rol tu phyin pa rtogs par khong du chud par gyur te/ phyir mi ldog pa'i sangs rgyas kyi chos la gnas par gyur to// nged kyis ting nge 'dzin 'di dag gi ngo / nyid dang rang bzhin la bltas na/ gang mnyam par gzhag pa 'am/ ldang bar bya ba 'am/ byang chub tu spyod pa 'am/ gang bla na med pa yang dag par rdzogs pa'i byang chub mngon par rdzogs par 'tshang rgyab bya ba'i chos de gang yang yang dag par rjes su ma mthong ngo / / rigs kyi bu 'di ni shes rab kyi pha rol tu phyin pa de yin te/ rigs kyi bu chos gang gis kyang rlom sems sam/ rlom sems med par mi byed pa la gnas nas/ nged kyis 'di 'dra ba'i lus gser gyi kha dog lta bu thob ste/ skyes bu chen po'i mtshan sum cu rtsa gnyis dang / dpe byad bzang po brgyad cu dang / 'od 'dom gang ba dang / sangs rgyas kyi ye shes dang / sangs rgyas kyi shes rab bsam gyis mi khyab pa dang / sangs rgyas kyi ting nge 'dzin bla na med pa dang / yon tan thams cad kyi pha rol tu phyin pa rjes su thob ste/ yon tan gyi rol tu phyin pa de la/ de bzhin gshegs pa dag gis kyang chad gzung ba 'am/ mtha' bstan par mi nus na/ nyan thos dang rang sangs rgyas dag gis lta ci smos/ rigs kyi bu de lta bas na khyod kyis chos 'di dag nyid la rab tu don du gnyer ba dang / 'dun pas gus pa mchog tu bskyed par bya ste/ rigs kyi bu don du gnyer ba dang / 'dun pa la ni bla na med pa yang dag par rdzogs pa'i byang chub rnyed par

  737. 369b

    dka' ba ma yin no/ / khyod kyi dge ba'i bshes gnyen la shin tu gus pa bskyed par bya'o// 'bangs par bya'o// dge ba'i bshes gnyen gyis yongs su zin pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / de nas de bzhin gshegs pa de dag la/ byang chub sems dpa' sems dpa' chen po rtag tu dus 'di skad ces gsol to/ / bdag gi dge ba'i bshes gnyen gang lags/ de dag gis/ de la 'di skad ces bka' stsal to// rigs kyi bu khyod yun ring po nas byang chub sems dpa' sems dpa' chen po chos 'phags kyis/ bla na med pa yang dag par rdzogs pa'i byang chub tu yongs su smin par byas shing yongs su gzung ste/ shes rab kyi pha rol tu phyin pa dang thabs mkhas pa la bslabs so/ / rigs kyi bu de ni khyod yongs su 'dzin pa'i dge ba'i bshes gnyen gyis/ des khyod la ci bsgo ba bzhin du zung zhig/ rigs kyi bu gal te khyod kyis byang chub sems dpa' sems dpa' chen po chos 'phags la bskal pa 'am/ bskal pa gnyis sam/ bskal pa brgya 'am/ bskal pa stong ngam/ de las lhag par yang mgo la thod bzhin du thogs shing / bde ba'i yo byad thams cad kyis rim gro byas te/ stong gsum gyi stong chen po'i 'jig rten gyi khams na gzugs dang / sgra dang / dri dang / ro dang / reg pa ji snyed yod pa de dag thams cad phul yang / rigs kyi

  738. 370a

    khyod kyis de la lan lon pa ma yin no/ / de ci'i phyir zhe na/ rigs kyi bu de'i mthus khyod kyis ting nge 'dzin 'di lta bu dag rnyed par gyur te/ shes rab kyi pha rol tu phyin pa dang / thabs la mkhas pa thos shing / shes rab kyi pha rol tu phyin pa thos par gyur to// de nas de bzhin gshegs pa de dag gis/ byang chub sems dpa' sems dpa' chen po rtag tu ngu dbugs byung nas mi snang bar gyur to/ / rigs kyi bu de'ang ting nge 'dzin de dag las langs te/ langs nas kyang 'di snyam du sems so// de bzhin gshegs pa de dag gang nas byon/ de bzhin gshegs pa/ de dag gang du bzhud snyam ste/ de de bzhin gshegs pa de dag ma mthong bas rab tu gdung zhing mi dga' bar gyur to// yang de 'di snyam du sems te/ byang chub sems dpa' sems dpa' chen po chos 'phags ni gzungs thob pa/ mngon par shes pa lnga dang ldan pa/ sngon gyi rgyal ba rnams la lhag par bya ba byas pa ste/ bdag yongs su 'dzin pa/ bdag gi dge ba'i bshes gnyen yun ring po nas des bdag gi don byas pa yin gyis/ bdag byang chub sems dpa' sems dpa' chen po chos 'phags kyi drung du mngon par song ste phyin nas/ de bzhin gshegs pa de dag gang nas byon/ de bzhin gshegs pa de dag gang du bzhud ces don 'di nyid dri'o snyam mo/ / de nas byang chub sems dpa' sems dpa' chen po rtag tu ngu/ byang chub sems dpa' sems dpa'

  739. 370b

    chen po chos 'phags la dga' ba dang / dad pa dang / ri mo dang / gus par bya ba nye bar gzhag ste/ nye bar bzhag nas 'di snyam du sems so// bdag gis ji lta bu'i bkur sti bya bas/ byang chub sems dpa' sems dpa' chen po chos 'phags de'i drung du 'gro bar bya/ bdag ni dbul te/ gang byang chub sems dpa' sems dpa' chen po chos 'phags la/ bdag bkur stir bya ba'i gos rin po che 'am/ gser ram/ nor bu 'am/ mu tig gam/ bai DUR+Ya 'am/ dung ngam/ man shel lam/ byi ru 'am/ dngul lam/ sa le sngam mam/ me tog gam/ spos sam/ me tog 'phreng ngam/ byug pa 'am/ gdugs de lta bu'ang bdag la med na/ bdag 'di bzhin du byang chub sems dpa' sems dpa' chen po chos 'phags kyi drung du song na ni/ bdag gis tshul ma yin pa byas par 'gyur te/ bdag dga' ba 'am/ rangs pa'ang mi skye'o snyam sems so// de nas byang chub sems dpa' sems dpa' chen po rtag tu ngu de lta bu'i yon tan dag dang / bla ma la gus pa yid la byed pa dang ldan pas song nas/ mthar gyis grong gzhan zhig tu phyin pa dang / de'i grong bar dbus su 'di snyam du sems te/ 'di ltar bdag gis lus btsongs la de'i rin gyis/ byang chub sems dpa' sems dpa' chen po chos 'phags la bkur sti bya'o// yun ring po nas bdag gi lus stong zhig cing zad de btsongs la/ 'khor ba dpag tu

  740. 371a

    med pa na 'dod pa'i phyir 'dod pa'i rgyus yang dang yang sems can dmyal ba'i sdug bsngal dpag tu med pa dag myong yang / 'di lta bu'i chos kyi phyir ram/ 'di lta bu'i sems can chen po la bkur sti bya ba'i phyir ma yin no snyam mo/ / de nas byang chub sems dpa' sems dpa' chen po rtag tu dus grong bar du 'dug ste/ mi su 'dod mi su 'dod ces sba bsgrags shing skad kyis bos so/ / de nas bdud sdig to can 'di snyam du sems te/ byang chub sems dpa' sems dpa' chen po rtag tu ngu 'di ni chos 'dod pa'i phyir bdag nyid btsongs nas/ byang chub sems dpa' sems dpa' chen po chos 'phags la bkur sti byed cing / byang chub sems dpa' sems dpa' chen po shes rab kyi pha rol tu phyin pa la ji ltar spyad na/ myur du bla na med pa yang dag par rdzogs pa'i byang chub yongs su rdzogs par 'gyur/ thos pa rgya mtsho rjes su thob par 'gyur/ bdud dang bdud kyi ris kyi lha dag gis mi thub par 'gyur/ yon tan thams cad kyi pha rol tu phyin brjes su 'thob par 'gyur zhes/ shes rab kyi pha rol tu phyin pa dang thabs la mkhas pa yongs su 'dri bar 'gyur te/ der sems can mang po dag gi dor byed par 'gyur/ bla na med pa yang dag par rdzogs ba'i byang chub mngon par rdzogs par sangs rgyas nas/ de dag kyang nga'i yul las 'da' bar byed/ sems can gzhan dag kyang nga'i yul las 'da' bar byed par 'gyur gyis/ bdag gis 'di la bar chad

  741. 371b

    bya'o snyam nas/ bdud sdig to can gyis ci nas bram ze dang khyim bdag de dag gis byang chub sems dpa' sems dpa' chen po rtag tu ngus mi su 'dod/ su nga nyo bar 'dod ces zer ba'i sgra mi thos bapar 'gyur ba de lta bur yongs su bsgribs so/ / de nas byang chub sems dpa' sems dpa' chen po rtag tu ngu gang gi tshe bdag nyo ba ma rnyed pa de'i tshe/ phyogs gcig tu song nas mchi maphyung ste/ 'di ltar bdag gi lus btsongs la/ byang chub sems dpa' sems dpa' chen po chos 'phags la bkur sti bya snyam na/ lus nyo ba'ang bdag gis ma rnyed de/ kye ma bdag ni rnyed pa ngan pa rnyed da snyam mo/ / de nas lha'i dbang po brgya byin 'di snyam du sems te/ 'di ltar byang chub sems dpa' sems dpa' chen po rtag tu du 'di lta ste/ chos 'dod pa'i phyir 'dag gi lus yongs su gtang ba lhag pa'i bsam pa phun sum tshogs pa yin nam ma yin pa/ byang chub sems dpa' sems dpa' chen po rtag tu ngu la bdag gis bgapa par bya'o snyam ste/ lha'i dbang po brgya byin bram ze'i khye'u'i cha byad du mngon par sprul nas/ byang chub sems dpa' sems dpa' chen po rtag tu drug la ba der song ste phyin nas/ byang chub sems dpa' sems dpa' chen bo rtag tu phu la 'di skad ces smras so/ / rigs kyi bu khyod 'di ltar yid mi dga' zhing yid gdung la mchi ma 'byung ba ci ces/ des smras pa/ bram ze'i khye'u kho bo ni chos 'dod pa'i phyir bdag ni

  742. 372a

    btsongs te chos la mchod par bya bar 'dod na/ lus nyo ba de kho bos ma rnyed nas/ de la kho bo 'di snyam du sems so// kye ma nga ni bsod nams chung bas 'di ltar lus btsongs te/ shes rab kyi pha rol tu phyin pa la mchod pa bya ba dang / 'phags pa byang chub sems dpa' sems dpa' chen po chos 'phags la'ang bkur sti bya snyam na/ bdag gi lus nyo ba'ang ma rnyed do snyam mo/ / de nas bram ze'i khye'u des/ byang chub sems dpa' sems dpa' chen po rtag tu ngu la 'di skad ces smras so// rigs kyi bu kho bo la mis ni bya ba med kyis/ bo mchod sprin zhig byed de/ der mi'i snying dang / khrag dang / rus pa dang / rkang dag kho bo la dgos na/ de'i rin gyis nyor byin cig ces byas pa dang / byang chub sems dpa' sems dpa' chen po rtag tu ngu 'di snyam du sems te/ gang bdag gis bram ze'i khye'u bdag gi snying dang / khrag dang / rus pa dang / rkang nyo ba rnyed pa 'di ni bdag gis rnyed pa'i mchog legs par rnyed do// bdag ni shes rab kyi pha rol tu phyin pa dang / thabs mkhas pa la yongs su rdzogs par gyur to snyam ste/ de semams dga' ba dang / sems bde ba dang / sems rab tu dga' bar gyur nas/ bram ze'i khye'u la 'di skad ces smras so/ / bram ze'i khye'u kho bo'i lus 'di las khyod gang 'dod pa sbyin no// des de la 'di skad ces smras so// rigs kyi bu khyod rin du ci 'dod sbyin no zhes byas pa dang / des de la 'di

  743. 372b

    skad ces smras so/ / bram ze'i khye'u khyod kyis gang yongs su gtang ba de kho bo la byin cig/ de nas byang chub sems dpa' sems dpa' chen po rtag tu du mtshon rnon po thogs nas lag ba g.yon pa phug ste khrag gzags so/ / brla g.yas pa sha med par btogs nas rus pa gcog tu rtsig pa'i drung du song ngo // de nas tshong dpon gyi bu mo zhig khang pa'i yang thog na 'dug pa des/ byang chub sems dpa' sems dpa' chen po rtag tu ngu brla sha med par btogs nas/ rus pa gcog tu rtsig pa'i drung du song ba mthong nas/ de 'di snyam du sems te/ rigs kyi bu 'di ci'i phyir bdag nyid la bdag nyid 'di lta bu'i na tsha dag byed pa/ bdag rigs kyi bu de'i drung du song ste dri'o snyam nas/ tshong dpon gyi bu mo de/ byang chub sems dpa' sems dpa' chen po rtag tu ngu ga la ba der song ste phyin nas/ byang chub sems dpa' sems dpa' chen po rtag tu ngu la 'di skad ces smras so// rigs kyi bu khyod ci'i phyir bdag nyid la 'di lta bu'i na tsha dag byed/ khrag dang / rus pa dang / rkang 'dis ci zhig bya/ rtag tu dus bu mo la 'di skad ces smras so// bram ze'i khye'u 'di la btsongs te/ shes rab kyi pha rol tu phyin pa la mchod pa bya'o// 'phags pa byang chub sem dpa' sems dpa' chen po chos 'phags la'ang bsnyen bkur bya'o/ / de nas tshong dpon gyi bu mo des/ byang chub sems dpa' sems dpa' chen po rtag tu ngul 'di skad ces smras so// rigs kyi bu khyod

  744. 373a

    'di ltar bdag gi snying dang / khrag dang / rus pa dang / rkang yang btsongs te/ rigs kyi bu de la bkur sti bya bar 'dod pa/ khyod la yon tan gyi rnam pa ci zhig 'grub par 'gyur/ des de la smras pa/ bu mo rigs kyi bu de ni gang la kho bos bslab par bya ba'i shes rab kyi pha rol tu phyin pa dang / thabs la mkhas pa dag ston par 'gyur te/ kho bos de la bslabs na/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can thams cad kyi rten du 'gyur/ lus gser gyi kha dog lta bu'ang thob par 'gyur/ skyes bu chen po'i mtshan sum cu rtsa gnyis dang / 'od 'dom gang ba dang / 'od zer mtha' yas pa dang / byams pa chen po dang / snying rje chen po dang / dga' ba chen po dang / btang snyoms chen po dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyang thob par 'gyur/ mngon par shes pa lnga dang / tshul khrims rnam par dag pa bsam gyis mi khyab pa dang / ting nge 'dzin rnam par dag pa bsam gyis mi khyab pa dang / shes rab rnam par dag pa bsam gyis mi khyab pa dang / de bzhin gshegs pa'i stobs bcu dang / bla na med pa yang dag par rdzogs pa'i ye shes kyang mngon par rdzogs par 'tshang rgya bar 'gyur/ gang gis sems can thams cad la kun tu bgo bsha' bya ba'i bla na med pa'i chos rin po che'ang rab tu thob par 'gyur ro//

  745. 373b

    / de nas tshang dpon gyi bu mo dos/ byang chub sems dpa' sems dpa' chen po rtag tu rdul 'di skad ces smras so// rigs kyi ba khyod kyis 'di ltar chos rgya chen po 'di dag yongs su brjod pa ni ngo mtshar to/ / rigs kyi bu chos 'di lta bu re re'i phyir yang bskal pa gang+gA'i klung gi bye ma snyed du lus yongs su gtang bar bya ba yin na/ gcig lta ci smos te/ de tsam du khyod kyis chos 'di dag rgya cher yongs su brjod na/ rigs kyi bu khyod gang gis byang chub sems dpa' sems dpa' chen po chos 'phags la bkur sti bya ba'i gser ram/ nor bu 'am/ mu tig gam/ bai DUR+Ya 'am/ dngul lam/ me tog gam/ bdug pa 'am/ spos sam/ me tog 'phreng ngam/ byug pa 'am/ phye ma'am/ gos sam/ gdugs sam/ khyod la ci dgos pa de khyod la sbyin gyis/ bdag nyid la 'di lta bu'i sdug bsngal ma byed cig/ bdag kyang khyod dang 'grogs te/ byang chub sems dpa' sems dpa' chen po chos 'phags ga la ba der dong la/ bdag kyang khyod dang lhan cig tu/ 'di lta ste/ de lta bu'i chos de dag thob par bya ba'i phyir dge ba'i rtsa ba bskyed par bya'o/ / de nas lha'i dbang po brgya byin gyis bram ze'i khye'u'i cha byad mi snang bar byas nas/ bdag nyid kyi lus su byang chub sems dpa' sems dpa' chen po rtag tu ngu'i mdun du 'dug nas 'di skad ces smras so/ / rigs kyi bu khyod de ltar yi dam la brten pa ni legs so legs so// 'di lta bu'i chos 'dod pas sngon gyi de bzhin gshegs pa dgra bcom pa

  746. 374a

    yang dag par rdzogs pa'i sangs rgyas dag gis kyang / sngon byang chub sems dpa'i spyad pa spyod pa na/ shes rab kyi pha rol tu phyin pa dang / thabs la ma la yongs su rdzogs par mdzad de/ bla na med pa yang dag par rdzogs pa'i byang chub mngon par rdzogs par sangs rgyas so// rigs kyi bu kho bo la snying dang / khrag dang / rus pa dang / rkang gi bya ba med kyis/ kho bos khyod sad pa'i phyir 'dir 'ongs kyis/ rigs kyi bu khyod kyis dam pa slongs shig/ rigs kyi bu khyod la dam pa ji lta bu zhig sbyin par bya/ des de la smras pa/ brgya byin sangs rgyas kyi chos bla na med pa dag bdag la stsol cig/ brgya byin gyis smras pa/ rigs kyi bu yul 'di kho bo'i yul du gyur pa ma yin te/ yul 'di sangs rgyas bcom ldan 'das rnams kyi yul du gyur pa yin gyis/ dam pa gzhan spongs shig/ byang chub sems dpa' rtag tu dus smras pa/ bdag gi lus yongs su rdzogs par bya ba'i gnas 'di la ni lha'i dbang po brtson pa chung bar gyis shig/ lha'i dbang po bdag nyid kyis bden pa'i byin gyis brlabs bya'o/ / lha'i dbang po bden pa gang gis bdag bla na med pa yang dag par rdzogs pa'i byang chub las phyir mi ldog par/ de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan cing / bdag gi lhag pa'i bsam pa g.yo med par mkhyen ce na/ bden pa de dang bden pa'i tshig des bdag gi lus sngon bzhin du gyur cig ces byas pa dang / skad cig thang cig yud

  747. 374b

    tsas de nyid la sangs rgyas kyi mthu dang lhag pa'i bsam pa yongs su dag pas/ byang chub sems dpa' sems dpa' chen po rtag tu ngu'i lus sngon gyis de bzhin du gnas par gyur to// de nas lha'i dbang po brgya byin spobs pa med par gyur nas/ byang chub sems dpa' sems dpa' chen po rtag tu ngul lan glan par spobs pa ma skyes nas/ de nyid du mi snang bar gyur to// de nas tshong dpon gyi bu mo des/ byang chub sems dpa' sems dpa' chen po rtag tu ngu la 'di skad ces smras so// rigs kyi bu tshur shog/ kho mo'i khyim ga la ba der 'dong ngo // kho mos pha ma las nor blangs te/ des shes rab kyi pha rol tu phyin pa de'ang mchod par bya ba dang / byang chub sems dpa' sems dpa' chen po chos 'phags de la'ang bkur sti bya ba sbyin no// byang chub sems dpa' sems dpa' chen po rtag tu du dang / tshong dpon gyi bu mo de 'grogs nas/ de rang gi khyim ga la ba der dong ngo // de nas tshong dpon gyi bu mo de bdag gi khyim du phyin pas/ pha ma la 'di skad ces smras so// yab yum gser dang / dngul dang / rin po che dang / nor bu dang / me tog dang / bdug pa dang / spos dang / me tog 'breng dang / byug pa dang / bye ma dang / gos dang / gdugs dang / rgyal mtshan dang / ba dan dang / ra mo'i cha byad mang po dag stsol cig/ bdag kyang khyed kyis stsal ba'i g.yog mo lnga brgya 'di dag dang lhan cig dgyer gsol/ byang chub sems dpa' sems dpa' chen po rtag tu ngu dang bdag cag 'gros

  748. 375a

    te/ byang chub sems dpa' sems dpa' chen po chos 'phags la mchod par bgyi ba'i slad du mchi'o// de'ang bdag cag la chos ston par 'gyur ro// de nas bu mo de'i pha mas 'di skad ces smras so/ / bu mo byang chub sems dpa' sems dpa' chen po rtag tu du de su zhig/ bu mo rigs kyi bu de da ltar gang na 'dug/ bu mos smras pa/ rigs kyi bu de da ltar 'o/ sgrol gyi drung na mchis te/ rigs kyi bu de ni lhag pa'i bsam pas bla na med pa yang dag par rdzogs pa'i byang chub tu yang dag par zhugs pa 'di lta ste/ sems can thams cad 'khor ba'i sdug bsngal dpag tu ma mchis pa las tha ba bgyi bar 'tshal bas/ de chos 'tshal ba'i slad du bdag nyid btsongs la/ shes rab kyi pha rol tu phyin pa la mchod pa bgyi bar 'tshal/ byang chub sems dpa' sems dpa' chen po chos 'phags la'ang bkur sti bgyi bar 'tshal na/ de'i lus nyo ba su'ang ma byung ste/ de sdug bsngal zhi yid mi bde nas/ mi dga' bar sems shing mchis te/ des nga'i lus 'tshong bar 'dod na lus nyo ba ma rnyed do zhes bgyis pa dang / brgya byin bram ze'i khye'u'i gzugs su bsgyur te/ de la 'di skad du rigs kyi bu khyod gang gi phyir lus 'tshong bar 'dod ces bgyis pa dang / rtag tu ngu des shes rab kyi pha rol tu phyin pa la mchod par bya ba dang / byang chub sems dpa' sems dpa' chen po chos 'phags de la'ang bkur sti bya'o// nga'i sangs rgyas kyi chos rnams

  749. 375b

    nide las rag las pas/ 'di lta ste/ chos 'dod pa'i phyir ro zhes bgyis pa dang / brgya byin bram ze'i khye'u'i gzugs su bsgyur bas 'di skad ces smras so// khyod ni nga mi 'dod de/ nga mchod sbyin zhig byed pa der/ mi'i snying dang / khrag dang / rus pa dang / rkang dag dgos so zhes bgyis pa dang / rigs kyi bu des yi ma sad pa de la 'di skad du sbyin no zhes smras pas/ de mtshon rnon po thogs te/ bdag gi lag pa phug nas khrag gzags/ brla'i sha btogs te/ rus pa gcog tu song nas/ phyogs gcig tu 'dug ste/ rus pa dang rkang sbyin no snyam nas/ de khrag gzags pa bdag khang pa'i yang thog na mchis pas mthong ste/ de la bdag 'di snyam bgyid do// mi 'di ci'i slad du 'di ltar bdag nyid la na tsha dag bgyid snyam ste/ de'i thad du mchis nas 'di skad bgyis so// rigs kyi bu 'di ltar bdag nyid kyis lus kyi khrag gzags pa 'dis ci zhig bya zhes bgyis pa dang / de bdag la 'di skad mchi ste/ bram ze'i khye'u 'di la khrag dang / snying dang / rus pa dang / rkang sbyin no// de ci'i phyir zhe na/ nga ni dbul te/ nga la nor gzhan ci'ang med do zhes mchi'o// bdag gis khyod la nor gyis ci zhig bya zhes bgyis pa dang / de bdag la 'di skad du 'di lta ste/ chos 'dod pa'i phyir shes rab kyi pha rol tu phyin pa la mchod par bya'o/ / byang chub sems dpa' sems dpa' chen po chos 'phags la'ang bkur sti bya'o zhes mchi nas/ bdag gis 'di skad bgyis te/ rigs kyi bu des khyod la yon tan gyi rnam pa 'am

  750. 376a

    khyad par ci zhig 'byung bar 'gyur/ de bdag la 'di skad du sangs rgyas kyi yon tan bsam gyis mi khyab pa de dang / sangs rgyas kyi chos dpag tu med pa rnams rab tu ston par 'gyur ro/ / 'di lta bu'i chos rnams de las 'byung bar 'gyur ro zhes mchi ste/ sangs rgyas kyi yon tan bsam gyis mi khyab pa de dag thos nas bdag kyang dga' ba dang / rab tu mgu ba chen po skyes nas/ 'di snyam bgyid de/ rigs kyi bu 'di ltar 'di lta bu'i gnas la spro bar bgyid pa ni shin tu dka' bar bgyid pa ste ngo mtshar to// rigs kyi bu 'di ni chos 'dod pa'i phyir bdag nyid kyang yongs su gtod na/ bdag cag la longs spyod rgya chen po dag yod la/ ci'i phyir chos la mchod pa mi bgyi/ 'di lta bu'i gnas dag la smon lam ci'i phyir mi gdab snyam nas/ rigs kyi bu de la bdag gis 'di skad ces bgyis so/ / rigs kyi bu khyod bdag nyid la 'di lta bu'i na tsha dag ma byed cig/ khyod 'dod pa gang gis 'phags pa byang chub sems dpa' sems dpa' chen po chos 'phags la bkur sti bya ba'i nor mang po dag khyod la sbyin no/ / bdag kyang khyod nyid dang 'grogs te/ byang chub sems dpa' sems dpa' chen po chos 'phags ga la ba der mchi'o// bdag gis kyang rigs kyi bu de la mchod par bgyi'o/ / gang khyod kyis yongs su brjod pa 'di lta ste/ sangs rgyas kyi chos bla na med pa dag bdag gis kyang thob par bgyi'o zhes bgyi shing mchis na/ yab yum gyis dkor gyi phung po bdag la stsal du

  751. 376b

    gsol/ bdag gis kyang rigs kyi bu de dang lhan cig tu byang chub sems dpa' sems dpa' chen po chos 'phags la mchod pa bgyid do// // 'phags pa shes rab kyi pha rol tu phyin pa khri brgyad stong pa las bam po lnga bcu rtsa dgu pa/ de nas bu mo de'i pha mas/ bu mo de la 'di skad ces smras so// rigs kyi bu de'i dka' ba'i gnas dag khyod kyis bstan pa las na/ chos de dag ni gcig tu nges par bsam gyis mi khyab pa/ 'jig rten thams cad las bye brag tu 'phags pa/ sems can thams cad bde ba thob par byed pa yin te/ rigs kyi bu de'i phyir de lta bu'i dka' ba'i gnas la spro bar byed na/ khyod nged kyis gnang gis/ bu mo nged kyang khyod dang lhan cig tu byang chub sems dpa' sems dpa' chen po chos 'phags blta zhing mchod du nged kyang 'gros ngeded 'gro ba'i skabs bye zhig/ de nas bu mo de byang chub sems dpa' sems dpa' chen po chos 'phags la mchod par bya ba dang / bkur sti bya ba'i phyir chas te/ pha ma la 'di skad ces smras so/ / bdag ni dge ba'i phyogs gang gi'ang bar chad mi bgyid do// de nas tshong dpon gyi bu mo des shing rta lnga brgya'ang rgyan gyis brgyan// bu mo lnga brgya de dag kyang rgyan gyis brgyan to// rgyan gyis brgyan nas me tog kha dog sna tshogs thogs/ 'dug pa dang / spos dang / me tog 'phreng ba dang / byug pa dang / bye ma dang / gos dang / gdugs dang / rgyal mtshan dang / ba dan dag thogs/ gser dang

  752. 377a

    gyi me tog dag thogs/ rin po che sna tshogs rnam pa tha dad pa dag kyang thogs te/ bza' ba dang / bca' ba dang / myang ba mang po mang du bskur nas/ byang chub sems dpa' sems dpa' chen po rtag tu ngu dang shing rta gcig tu zhugs te/ bu mo lnga brgya shing rta lnga brgya'i nang du zhugs pa de dag gis yongs su bskor cing mdun du bdar nas/ pha ma la sogs pa 'khor mang po dang / shar phyog ga la der logs su dong ste/ mthar gyis song ba dang / byang chub sems dpa' sems dpa' chen po rtag tu ngus/ rgyang ring mo zhig nas grong khyer spos ldan rin po che sna bdun rnam par bkra ba blta na sdug pa las byas pa/ / rin po che sna bdun gyi ra ba rim pa bdun gyis bskor ba/ rta babs bdun yod pa/ 'o bas rim bdun dang / ta la'i 'phreng rim bdun gyis yongs su bskor ba/ tshur dpag tshad bcu gnyis// zheng du dpag tshad bcu gnyis yod pa/ 'byor cing rgyas pa/ bde ba/ lo legs pa/ mi dang skye bo mang pos gang ba/ grong bar dang srang mnyam zhing mtshungs pa lnga brgya dag gis ri mor bris pa bzhin du gtamA pa/ khyogs khri nyams ming ba dang / bar bar dag tu zam pa btags pa legs par byas pa mthong ngo // de'i dbus kyi bzhi mngon byang chub sems dpa' sems dpa' chen po chos 'phags chos kyi khril 'dug pa 'khor brgya phrag du ma dang / stong phrag du ma dang / 'bum phrag du mas yongs su bskor cing mdun gyis bltas nas chos 'chad pa mthong ste/ mthong ma thag tu de dga' ba dang bde ba thob pa 'di lta ste/ dper na dge

  753. 377b

    slong bsam gtan dang po rtse gcig yid la byed pas snyoms par zhugs pa bzhin no/ / de mthong nas 'di snyam du sems te/ bdag shing rta'i nang du zhugs bzhin du/ byang chub sem dpa' sem dpa' chen po ches 'phags kyi drung du 'gro ba ni bdag gis mi cha'o snyam nas/ de nas shing rta de las babs pa dang / tshong dpon gyi bu mo dang / bu mo lnga brgya de dag mnyam du shing rta de las babs so// de nas byang chub sems dpa' sems dpa' chen po rtag tu ngu/ tshong dpon gyi bu mo la sogs pa bu mo lnga brgyas yongs su bskor cing mdun du bdar te/ bkod pa tshad med pa dang / byang chub sems dpa' sems dpa' chen po chos 'phags ga la ba der dong ngo / / de'i tshe byang chub sems dpa' sems dpa' chen po chos 'phags kyis/ shes rab kyi pha rol tu phyin pa'i khang bu brtsegs pa rin po che sna bdun las byas pa/ tsan dan dmar pos brgyan cing / mu tig gis dra bas g.yogs pa zhig byed du bcug ste/ khang bu brtsegs pa de'i grwa bzhin nor bu rin po che bzhag par gyur te/ de dag sgron me'i bya ba byed do// bdug spos kyi snod dngul las byas pa bzhi'ang phyogs bzhir btags te/ 'di lta ste/ shes rab kyi pha rol tu phyin pa la mchod pa bya ba'i phyir/ a ka ru nag po 'ba' zhig gis bdug par byed do// khang pa brtsegs pa de'i dbus su rin po che sna bdun gyi khri bzhi btsugs pa de'i steng du rin po che'i sgrom bzhi bzhag nas/ de'i nang du shes rab kyi pha rol tu phyin pa gser gyi glegs ba ma la/ bai DUR+Ya bzhubs

  754. 378a

    bris pa bcug ste/ khang bu brtsegs pa de'ang dar gyi chun po sna tshogs rnam pa tha dad pa 'phyang bas brgyan to// de nas byang chub sems dpa' sems dpa' chen po rtag tu ngu/ tshong dpon gyi bu mo la sogs te bu mo lnga brgya dang bcas pas/ khang pa brtsegs pa de bkod pa tshad med pas brgyan pa mthong / lha stong phrag du ma dag kyang mthong ngo // lha'i dbang po brgya byin yang lha'i me tog man da ra dang / lha'i tsan dan gyi phye ma dang / lha'i gser phye dang / lha'i dngul sil ma dag gis khang pa brtsegs pa de la 'thor/ mngon par rab tu 'thor bar mthong ngo // lha'i sil snyan dag kyang thos so/ / mthong zhing thos nas byang chub sems dpa' sems dpa' chen pos rtag tu dus/ lha'i dbang po brgya byin la 'di skad ces smras so// lha'i dbang po khyod lha'i bu stong phrag du ma dag dang / rin po che'i khang bu brtsegs pa 'di la ci'i phyir me tog man dar dang / tsan dan gyi phye ma dag gis 'thor zhing mngon par 'thor/ mngon par rab tu 'thor/ lha'i sil snyan 'di dag kyang lha rnams par snang la ci'i phyir rdung / de skad ces spras pa dang / lha'i dbang po brgya byin gyis/ byang chub sems dpa' sems dpa' chen po rtag tu ngul 'di skad ces smras so// rigs kyi bu 'di ni shes rab kyi pha rol tu phyin pa byang chub sems dpa' sems dpa' chen po rnams kyi yum yongs su 'dren pa yin te/ 'di la bslabs pas byang chub sems dpa' sems dpa'i chen po dag yon tan thams cad kyi pha rol tu phyin pa dang /

  755. 378b

    sangs rgyas kyi chos thams cad dang / thams cad mkhyen pa nyid kyang myur du 'thob par 'gyur ba yin na khyod mi shes sam/ de skad ces smras pa dang / byang chub sems dpa' sems dpa' chen po rtag tu ngus/ lha'i dbang po brgya byin la 'di skad ces smras so// ko'u shi ka shes rab kyi pha rol tu phyin pa byang chub sems dpa' sems dpa' chen po rnams kyi yum yongs su 'dren pa de gang na bzhug/ brgya byin gyis smras pa/ de khang pa brtsegs pa 'di'i nang na gser gyi glegs bam la bai DUR+Ya bzhu pas bris pa/ byang chub sems dpa' sems dpa' chen po chos 'phags kyi rgya bdun gyis btab nas bzhag ste/ nged kyis khyod la bstan par dka' 'o// de nas byang chub sems dpa' sems dpa' chen po rtag tu ngu/ tshong dpon gyi bu mo la sogs te bu mo lnga brgya dag dang tshogs nas/ de dag gis me tog dang / me tog 'phreng gi chun po dang / gos rin po che dang / bdug pa dang / spos dang / me tog 'phreng dang / byug pa dang / phye ma dang / gos dang / gdugs dang / rgyal mtshan dang / ba dan dang / gser dang / dngul gyi me tog ji snyed thogs te 'ongs pa de dag gis shes rab kyi pha rol tu phyin pa la mchod pa byas te/ de dag las byang chub sems dpa' sems dpa' chen po chos 'phags la bkur sti bya ba'i phyir shas shas kyis bzhag go/ / de nas byang chub sems dpa' sems dpa' chen po rtag tu ngus me tog dang / 'dug pa dang / spos dang / moto//

  756. 379a

    'phreng dang / byug pa dang / bye ma dang / na bza' dang / rgyal mtshan dang / ba dam la sogs pas shes rab kyi pha rol tu phyin pa la sngar mchod pa byas nas/ byang chub sems dpa' sems dpa' chen po chos 'phags ga la ba der dong ste phyin nas/ chos la mchod pa nyid kyi phyir byang chub sems dpa' sems dpa' chen po chos 'phags la/ me tog dang / 'dug pa dang / spos dang / me tog 'breng dang / byug pa dang / phye ma dang / chos gos dang / gdugs dang / rgyal mtshan dang / ba dan dang / tsan dan gyi phye ma dang / gser dang / dngul gyi me tog dag gis gtor/ mngon par gtor/ mngon par rab tu gtor to// de nas me tog de dag byang chub sems dpa' sems dpa' chen po chos 'phags kyi spyi bo'i steng na me tog gi khang pa brtseg pa zhig tu gyur to// gser dang dngul gyi me tog dag nam mkha' la gzhal med khang 'dra bar 'dug par gyur to// chos gos dang / gos rin po che de dag kyang rin po che sna tshogs kyi sprin gyi dkyil 'khor 'khor bar 'dug par gyur to/ / byang chub sems dpa' sems dpa' chen po rtag tu ngu dang / tshong dpon gyi bu mo la sogs pa bu mo lnga brgya de dag gis/ byang chub sems dpa' sems dpa' chen po chos 'phags kyi rdzu 'phrul gyi cho 'phrul de lta bu mthong nas/ de dag 'di snyam du sems te ngo mtshar to// byang chub sems dpa' sems dpa' chen po chos 'phags 'di 'di ltar rdzu 'phrul che zhing / de ltar mthu che/ 'di ltar gzi brjid che

  757. 379b

    ste/ rigs kyi bu ring byang chub sems dpa'i spyad pa spyod pa na'ang rdzu 'phrul rnam par sprul pa 'di 'dran/ bla na med pa yang dag par rdzogs pa'i byang chub mngon par rdzogs par sangs rgyas pa ci 'dra bar 'gyur snyam mo/ / de nas tshong dpon gyi bu mo la sogs pa bu mo lnga brgya de dag gis/ byang chub sems dpa' sems dpa' chen po chos 'basnga la dga' ba chen po bskyed nas/ de dag thams cad kyis bla na med pa yang dag par rdzogs pa'i byang chub tu sems bskyed de/ 'di skad du dge ba'i rtsa la 'dis bdag cag ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su gyur cig/ byang chub sems dpa'i spyad pa spyod pa na'ang / byang chub sems dpa' sems dpa' chen po chos 'phags kyis chos gang thob par gyur pa 'di lta bu'i chos rnams thob par gyur cig/ bdag cag byang chub sems dpa'i spyad pa spyod pa na'ang / 'di lta bu'i chos rnams mngon sum du gyur cig/ shes rab kyi pha rol tu phyin pa la'ang 'di ltar byang chub sems dpa' sems dpa' chen bo chos 'phags la bkur sti byed pa 'di bzhin du/ shes rab kyi pha rol tu phyin pa la bkur sti byed par shog cig/ byang chub sems dpa' sems dpa' chen po chos 'phags ji ltar ston pa bzhin du bdag cag kyang skye bo mang po la ston par gyur cig/ ji ltar byang chub sems dpa' sems dpa' chen po chos 'phags 'di shes rab kyi pha rol tu phyin pa dang / thabs la mkhas pa dang ldan zhing yongs

  758. 380a

    su rdzogs pa 'di bzhin du/ bdag cag kyang shes rab kyi pha rol tu phyin pa dang / thabs la mkhas pa dang ldan zhing yongs su rdzogs par shog cig ces smras so// de nas byang chub sems dpa' sems dpa' chen po rtag tu ngu dang / tshong dpon gyi bu mo la sogs pa bu mo lnga brgya de dag gis/ shes rab kyi pha rol tu phyin pa la mchod pa byas/ byang chub sems dpa' sems dpa' chen po chos 'phags la'ang bkur sti byas te/ byang chub sems dpa' sems dpa' chen po chos 'phags kyi rkang pa la mgo bos phyag 'tshal nas/ zhes byed cing thal mo sbyar te phyogs gcig tu 'dug go/ phyogs gcig tu 'dug nas/ byang chub sems dpa' sems dpa' chen po chos 'phags la/ byang chub sems dpa' sems dpa' chen po rtag tu ngus 'di skad ces smras so/ / rigs kyi bu 'di la bdag shes rab kyi pha rol tu phyin pa tshol zhing 'brog dgon par phyin pa na sgra thos pa/ rigs kyi bu shar phyogs su song zhig dang / shes rab kyi pha rol tu phyin pa thos par 'gyur ro zhes bdag gis sgra de thos nas/ shar phyogs ga la ba der logs su mchis nas 'di snyam du bsams te/ bdag gis sgra de la ji srid cig tu mchis par bgyi/ su las shes rab kyi pha rol tu phyin pa mnyan cing rnyed par 'gyur ba ma dris so snyam ste/ des bdag yid mi bde zhing shin tu gdung bar gyur nas/ sa phyogs de nyid du nyin mtshan bdun 'das te/ de ltar shin tu gdung bas

  759. 380b

    bsal sems pa nis byung gi/ gzhan dun shes rab kyi pha rol tu phyin pa 'ba' zhig yid la bgyis te/ di srid du mchi b.rabakyi bdang / shes rab kyi pha rol tu phyin pa 'di su las mnyan pa rnyed par 'gyur/ del ma dris so snyam pa dang / de nas bdag gi mdun du de bzhin gshegs pa'i sku gzugs shig byung ste/ de 'di skad gsung ngo // rigs kyi bu khyod 'di nas dpag tshad lnga brgyar song dang / grong khyer spos ldan zhes bya ba de na byang chub sems dpa' sems dpa' chen po chos 'phags shes rab kyi pha rol tu phyin pa 'chad pa mthong bar 'gyur ro zhes gsungs te/ de bzhin gshegs pa'i sku gzugs de las bdag gis 'di thos nas ji ltar gtams pa bzhin du shar phyogs ga la bde logs su zhugs te mchis pa dang / rgyang ring mo zhig nas 'phags pa chos ston pa mthong ste/ mthong ma thag tu bdag la bde ba 'di lta bu skyes ga dper na dge slong bsam gtan dang po la zhugs pa bzhin te/ bdag dga' ba dang rab tu dga' ba des khyab par gyur nas/ sa phyogs de nas ma bskyod par khyod las shes rab kyi pha rol tu phyin pa thos so// de nyan pa na ting nge 'dzin gyi sgo mang po skyes par gyur to// bdag de na mchis pa na phyogs bcu'i 'jig rten gyi khams kyi sangs rgyas bcom ldan 'das rnams kyi dbug dbyung ba mdzad de/ rigs kyi bu legs sa legs so/ / khyod kyi ting nge 'dzin 'di dag ni shes rab kyi pha rol tu phyin pa las skyes pa yin te/ 'di la gnas pas nged kyis kyang sangs rgyas kyi chos rnams yongs su rdzogs par byas so zhes/ de bzhin gshegs

  760. 381a

    pa de dag gis bdag la shin tu legs par bstan nas mi snang bar gyur to/ / bdag kyang ting nge 'dzin de las langs nas 'di snyam du bsams te/ de bzhin gshegs pa de dag gang nas byon/ de bzhin gshegs pa de dag gang du bzhud snyam mo// de nas yang bdag gis 'di snyam du bsams te/ byang chub sems dpa' sems dpa' chen po 'phags pa chos 'phags ni sngon gyi rgyal ba la bgyi ba bgyis pa/ dge ba'i rtsa ba bskrun pa/ shes rab kyi pha rol tu phyin pa dang / thabs mkhas pa la shin tu bslabs pa lags te/ de de bzhin gshegs pa de dag gang nas byon pa dang / de bzhin gshegs pa de dag gang du bzhud pa de bdag la ston par 'gyur ro snyam nas/ rigs kyi bu khyod la de bzhin gshegs pa de dag gang nas byon pa dang / de bzhin gshegs pa de dag gang du bzhud pa bdaga' dri na/ ci nas bdag de bzhin gsheg pa de dag byon pa dang bzhud pa 'tshal cing / de bzhin gshegs pa mthong ba dang mi 'bral ra 'gyur bar/ de bzhin gshegs pa de dag byon pa dang bzhud pa bdag la bshad du gsol/ shes rab kyi pha rol tu phyin pa khri brgyad stong pa las/ rtag par rab tu ngu'i le'u zhes bya ste brgyad cu rtsa lnga pa'o// // de skad ces smras pa dang / byang chub sems dpa' sems dpa' chen po chos 'phags kyis/ byang chub sem dpa' sems dpa' chen po rtag tu ngul 'di skad ces smras so/ / rigs kyi bu de bzhin gshegs pa de dag ni gang nas kyang ma byon/ gang du'ang ma bzhud de/ de bzhin nyid las ma g.yos so// de bzhin nyid

  761. 381b

    gang yin pa de ni de bzhin gshegs pa'o/ / rigs kyi bu mi skye ba la 'ong ba'am/ 'gro ba med de/ mi skye ba gang yin pa de ni de bzhin gshegs pa'o// rigs kyi bu yang dag pa'i mtha' la 'ong ba'am/ 'gro ba med de/ yang dag pa'i mtha' gang yin pa de ni de bzhin gshegs pa'o/ / rigs kyi bu stong pa nyid la 'ong ba 'am/ 'gro ba med de/ stong pa nyid gang yin pa de ni de bzhin gshegs pa'o// rigs kyi bu ji lta ba bzhin la 'ong ba'am/ 'gro ba med de/ ji lta pa bzhin gang yin pa de ni de bzhin gshegs pa'o/ / rigs kyi bu 'dod chags dang bral ba la 'ong ba'am/ 'gro ba med de/ 'dod chags dang bral ba gang yin pa de ni de bzhin gshegs pa'o// rigs kyi bu 'gog bal 'ong ba'am/ 'gro ba med de/ 'gog pa gang yin pa de ni de bzhin gshegs pa'o// rigs kyi bu nam mkha'i khams la 'ong ba 'am/ 'gro ba med de/ nam mkha'i khams gang yin pa de ni de bzhin gshegs pa'o// rigs kyi bu chos de dag las de bzhin gshegs pa gud na med de/ rigs kyi bu chos 'di dag gi de bzhin nyid gang yin pa dang / de bzhin gshegs pa'i de bzhin nyid gang yin pa 'di ni de bzhin nyid gcig pa ste/ rigs kyi bu de bzhin nyid la gnyis su byar med do// rigs kyi bu de bzhin nyid gcig ste/ 'di lta ste/ med pa'i phyir gnyis sam/ gsum du bgrang ba las 'das pa'o// rigs kyi bu 'di lta ste/ dper na mi nyi mas gdungs pas/ sos ka'i zla ba tha ma la/ nyi ma gung gi dus la bab pa'i tshe/ smig rgyu g.yo ba mthong nas/ der chu btung ngo de dang der rgyug na/ rigs kyi bu 'di ji snyam du sems te/ chu de gang nas 'ongs//

  762. 382a

    @gang dusong // chu shar phyogs kyi rgya mtsho'am/ lho phyogs kyi rgyamatsho'as/ nub phyogs kyi rgya mtsha'am/ byang phyogs kyi rgya mtsho gang du stong / rtag tu dus smras pa/ rigs kyi bu sdig N+ya la chu ma mchis na/ 'ong ba 'am/ 'gro ba ga la mchis te/ rigs kyi bu mi nyi mas gdungs shing / byis pa'i rang bzhin can/ shes rab 'chal pa'i rang bzhin can gyis smig rgyu mthong nas/ chu ma mchis pa la chur 'du shes bskyed kyi/ de la chu ni rang bzhin gyis ma mchis so// chos 'phags kyis smras pa/ rigs kyi bu de de bzhin no// de de bzhin te/ de bzhin du rigs kyi bu gang su dag de bzhin gshegs pa la gzugs sam/ sgrar mngon par zhen par byed pa de dag ni/ de bzhin gshegs pa la byon pa 'am/ bzhud par rtog go/ gang de bzhin gshegs pa la byon pa'am/ bzhud par rtog pa de dag thams cad ni byis pa'i rang bzhin can/ shes rab 'chal pa'i rang bzhin can zhes bya ste/ dper na mi de chu med pa la chur 'du shes bskyed pa bzhin no// de ci'i phyir zhe na/ de bzhin gshegs pa ni gzugs kyi skur mi lta ste/ de bzhin gshegs pa ni chos kyi sku'o// rigs kyi bu chos nyid ni 'ong ba'am/ 'gro ba med de/ rigs kyi bu de bzhin du/ de bzhin gshegs pa rnams la byon pa'am/ bzhud pa med do// rigs kyi bu 'di lta ste/ dper na sgyu ma sprul pa glang po che'i tshogs sam/ rta'i tsho gas sam/ shing rta'i tshogs sam/ dpung bu chung gi tshogs la 'ong ba'am/ 'gro ba med do// rigs kyi bu de bzhin du/ de bzhin gshegs pa'i

  763. 382b

    sku la'ang byon pa 'am/ bzhud pa med do// rigs kyi bu 'di lta ste/ dper na skyes bu gnyid kyis log pa'i rmi lam du de bzhin gshegs pa gcig gas/ gnyigs ga dul ya bzhi'am/ lnga 'am/ bcu 'am/ nyi shu'am// sum cu 'am/ bzhi bcu 'am/ lnga bcu 'am/ de las lhag pa zhig mthong ba las/ sad pa dang de bzhin gshegs pa gcig kyang ma mthong na/ rigs kyi bu 'di ji snyam du sems/ de bzhin gshegs pa de dag gang nas byon/ gang du bzhud/ rtag tu ngus smras pa/ rigs kyi bu rmi lam ya chos gang yang grub pa mi gda' 'o// rmi lam ni rdzun te yang dag pa ma lags so// chos 'phags kyis smras pa/ rig kyi de bzhin te/ chos thams cad ni de bzhin gshegs pas rmi lam lta bu'o zhes gsungs so// rigs kyi bu gang su dag de bzhin gshegs pas/ chos thams cad rmi lam lta bur yang dag pa ji lta ba bzhin du bstan par mi shes pa de dag ni/ ming dang mtshan gyi sku dang gzugs kyi skur mngon par zhen par byed de/ de ltar chos nyid mi shes pas de bzhin gshegs pa la byon pa dang / bzhud par rtog go// gang dag de bzhi gshegs pa la byon pa dang / bzhud par 'dod pa'i byis pa'i so so'i skye bo de dag thams cad ni/ 'khor ba 'gro ba drug par dong ba/ 'dong pa/ 'dong bar 'gyur ba'o// de dag thams cad ni shes rab kyi pha rol tu phyin pa las rgyang ring du gyur pa'o/ / de dag thams cad ni sangs rgyas kyi chos las rgyang ring du gyur pa'o// yang rigs kyi bu gang dag chos thams cad rmi lam lta bu la/ de bzhin gshegs pas chos

  764. 383a

    thams cad mi lam lta bu'o/ / zhes yang dag pa ji lta ba bzhin du rab tu bstan par shes pa de dag ni/ chos gang la'ang 'ong ba'am/ 'gro ba'am/ skye ba'am/ 'gag par mi rtog go/ gang dag chos nyid la'ang 'ong ba 'am/ 'gro ba'am/ skye ba 'am/ 'gag par mi rtog pa de dag ni/ de bzhin gshegs pa chos nyid du rab tu shes so// gang dag de bzhin gshegs pa chos nyid du rang tu shes pa de dag ni/ de bzhin gshegs pa la byon pa 'am/ bzhud par mi rtog go/ gang dag de bzhin gshegs pa'i chos nyid de lta bur rab tu shes pa de dag ni/ bla na med pa yang dag par rdzogs pa'i byang chub la nye bar gyur pa ste/ shes rab kyi pha rol tu phyin pa la spyod pa'o// bcom ldan 'das kyi nyan thos de dag ni/ yul 'khor gyi bsod snyoms don yod par za ste/ de dang de dag ni 'jig rten gyi sbyin gnas so/ / rigs kyi bu 'di lta ste/ dper na rgya mtsho chen po'i nang na rin po che dag yod pa ni/ shar phyogs nas kyang ma 'ongs/ lho dang / nub dang / byang dang / phyogs mtshams dang / steng dang / 'on dang / phyogs bcu gang nas kyang ma 'ongs mod kyi/ sems can de dag gi dge ba'i rtsa ba la brten nas/ rgya mtsho chen po'i nang nas rin po che dag byung ste/ de dag kyang rgyu med par 'byung ba ma yin mod kyi/ rgyu dang / rkyen dang / gzhi la rag khas pa yin te brten nas byung ngo // rin po che de dag 'gag pa'ang phyogs bcu'i 'jig rten gang du'ang mi 'pho mod kyi/ rkyeni de dag yod na rin po che de dag rab tu 'byed do// rkyeran de dag med na

  765. 383b

    rin po che de dag rab tu dbye ba'ang med par 'gyur ro/ / rigs kyi bu de bzhin du de bzhin gshegs pa de dag gi sku mngon par grub pa'ang gang nas kyang ma byon/ phyogs bcu'i 'jig rten gang du'ang ma bzhud do// sangs rgyas bcom ldan 'das de dag gi sku rgyu med pa'ang ma yin te/ sngon spyod pas yongs su grub pa yin pas/ rgyu dang rkyen la rag las pa sngon gyi 'phrin las rnam par smin pa'i rgyu las byung ba yin no// de dag kyang rkyen rnams yod na sku mngon par 'grub par 'gyur te/ rkyen de dag med na sku mngon par 'grub par yang mi snang ngo // rigs kyi bu 'di lta ste/ dper na pi wang gi sgra byung ba'ang gang nas kyang ma 'ongs/ 'gag pa'ang gang du'ang mi 'gro/ gang du'ang mi 'pho ste/ brten nas 'byung ba rgyu la rag las/ rkyen la rag las pa'o// 'di lta ste/ pi wang gi khog pa la brten/ pags pa la brten/ rgyud la brten/ shing bu la brten rgyu rten la brten/ mi de las skyes pa'i rtsol ba la brten nas/ pi wang de las sgra byung ste/ sgra de'ang pi wang gi khog pa las ma byung / pags pa las ma byung / rgyud las ma byung / shing bu las ma byung / rgyud rten la sa pa byung / mi de las skyes pa'i rtsol ba las sba ma byung mod kyi/ de dag thams cad 'dus pa las kyang sgra grag ya/ sgra de 'gag pa'ang gang du'ang mi 'gro ba de bzhin du/ rigs kyi bu sangs rgyas bcom ldan 'das rnams kyi sku yongs su 'grub pa'ang rgyu la rag las pa/ rkyen la rag las pa/ dge ba'i rtsa ba du mas yongs su grub pa yin te/ rgyu gcig gis ma yin/ rkyen gcig gis ma yin/ dge ba'i rtsa ba gcig gis

  766. 384a

    sangs rgyas kyi sku rab tu dbye ba ma yin te/ rgyu med pa'ang ma yin no// rgyu dang rkyen mang po tshogs pa las 'byung ba yin te/ de ni gang nas kyang ma byon to// rgyu dang rkyen tshogs pa med kyang gang du'ang mi bzhud de/ rigs kyi bu khyod kyis de bzhin gshegs pa de dag byon pa dang bzhud pa de ltar blta'o// rigs kyi bu chos thams cad kyi chos nyid kyang khyod kyis 'di bzhin du khong du chud par gyis shig/ rigs kyi bu khyod gang tshun chad de ltar de bzhin gshegs pa dang / chos thams cad skye ba med pa dang / 'gag pa med par shes pa de tshun chad khyod bla na med pa yang dag par rdzogs pa'i byang chub des/ shes rab kyi pha rol tu phyin pa dang / thabs la mkhas pa la nges par spyod par 'gyur ro// de bzhin gshegs pa byon pa dang bzhud pa med pa 'di bshad pa'i tshe/ sa g.yo ba chen po byung ste/ stong gsum gyi stong chen po'i 'jig rten gyi khams 'di thams cad rnam pa drug tu g.yos pa 'di lta ste/ g.yos/ rab tu g.yos/ kun tu rab tu g.yos/ 'gul rab tu 'gul/ kun tu rab tu 'gul to/ / bdud kyi gnas thams cad kyang dkrogs shing spa bkong bar gyur to// stong gsum gyi stong chen po'i 'jig rten gyi khams na rtswa dang / shing gel ba dang / nags tshal ji snyed yod pa de dag thams cad/ byang chub sems dpa' sems dpa' chen po chos 'phags ga la ba der logs su rab tu 'dud par gyur to// dus ma yin pa'i me tog kyang steng gi bar snang las 'thor zhing / me tog gi char

  767. 384b

    dag kyang bab bo/ / lha'i dbang po brgya byin dang / rgyal po bzhi dag kyang / byang chub sems dpa' sems dpa' chen po rtag du la/ lha'i tsan dad gyi phye ma dang / lha'i me tog dag gi 'thor/ mngon par 'thor/ mngon par rab tu 'thor zhing / tshig 'di skad ces rigs kyi bu khyod kyi mthus deng bdag cag gis kyang / don dam pa las byung ba'i gtam 'jig rten thams cad dang mi mthun pa/ gang 'jig tshogs la gnas pa thams cad kyis ma yin pa bstan pa thos so zhes 'dzer to/ / de nas byang chub sems dpa' sems dpa' chen po chos 'phags la/ byang chub sems dpa' sems dpa' chen po rtag tu dus 'di skad ces smras so/ / rigs kyi bu sa g.yos pa chen po byung ba 'di rgyu gang lags/ rkyen gang lags/ chos 'phags kyis smras pa/ rigs kyi bu de bzhin gshegs pa rnams ma byon mi bzhud pa 'di khyod kyis dris te/ kho bos bstan pas srog chags brgyad khris mi skye ba'i chos la bzod pa thob par gyur pa dang / khrag khrig phrag brgyad cu bla na med pa yang dag par rdzogs pa'i byang chub tu sems bskyed pa dang / srog chags drug khri bzhi stong chos rnams la chos kyi mig rdul med cing dri ma dang bral ba rnam par dag par gyur pa'i phyir ro// de nas byang chub sems dpa' sems dpa' chen po rtag tu ngu dga' ba dang rangs pa rgya chen po dang ldan par gyur te/ bdag gis shes rab kyi pha rol tu phyin pa dang / de bzhin gshegs pa rnams byon pa dang / bzhud pa med pa bstan pa 'di dris pas/ sems can 'di sde

  768. 385a

    kyi dan byas par gyur pa ni bdag gis rnyed pa legs par rnyed do/ / nyid kyis bdag blan med pa yang dag par rdzogs pa'i byang chub 'grub par bya ba'i dge ba'i rtsab mchog gis blan med pa yang dag par rdzogs pa'i byang chub la phyir the tsom mi bya'o/ / bdag ni the tsom med par de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam pa dang / de dga' ba dang rangs pa de dang ldan pas ta la bdun tsam du nam mkha' la 'phags nas/ ta la bdun tsam na 'dug ste/ bdag nam mkha' la 'dug nas byang chub sems dpa' sems dpa' chen po chos 'phags la bkur sti bya'o snyam du sems so/ / de nas lha'i dbang po brgya byin gyis/ byang chub sems dpa' sems dpa' chen po rtag tu ngu mngon par 'phags pa mthong nas/ de'i sems sems kyis shes nas/ de la lha'i me tog man dar bdag byin te/ 'di skad du rigs kyi bu me tog 'di dag gis/ byang chub sems dpa' sems dpa' chen po chos 'phags la bkur sti gyis shig/ 'di ni ngas khyod yongs su gzung ba yin te/ rigs kyi bu khyod kyi mthus srog chags stong phrag mang po'i don byas te/ rigs kyi bu gang sems can thams cad kyi phyir/ ji ltar khyod spobar byed pa de lta bur bskal pa grangs med dpag tu med par spro bar byed ba'i sems can de dag ni rnyed par dka' 'o zhes smras so/ / de nas byang chub sems dpa' sems dpa' chen po rtag tu ngus/ lha'i dbang po brgya byin las me tog de dag blangs te/ byang chub sems

  769. 385b

    dpa' sems dpa' chen po chos 'phags la gtor/ mngon par gtor/ mngon par rab tu gtor nas/ bdag gi lus kyis byang chub sems dpa' sems dpa' chen po chos 'phags la mngon par bka ba ste/ tshig 'di skad ces smras so// rigs kyi bu deng slan chad khyod kyi rim gro dang zham ring bgyi ba'i slad du/ bdag gi lus khyod la dbul lo// de bdag gi lus phul nas/ byang chub sems dpa' chen po chos 'phag kyi mdun du thal mo sbyar te 'dug go/ / de nas tshong dpon gyi bu mo do dang / 'khor lnga brgya de dag gis/ byang chub sems dpa' sems dpa' chen po rtag tu ngul 'di skad ces smras so// rigs kyi bu bdag cag kyang khyod la lus 'bul gyis/ bdag cag kyang dge ba'i rtsa ba 'dis chos de dag thob par gyur cig/ khyod nyid dang lhan cig tu sangs rgyas rnams dang / byang chub sems dpa' sems dpa' chen po rnams la bkur stir bgyid/ de dag dang nye bar gyur par bgyi'o// de nas byang chub sems dpa' rtag tu ngus/ tshong dpon gyi bu mo la sogs pa lnga brgya la 'di skad ces smras so// bu mo dag khyed kho bo la lhag pa'i bsam pas gnas par byed na/ kho bo la lhag pa'i bsam pas bdag nyid byin cig dang / bu mo khyod kho bos blang ngo // bu mo de dag gis smras pa/ khyod la lhag pa'i bsam pa thag pa nas khyod kyi rjes su mthun par 'jug go/ khyod la lhag pa'i bsam pas ci 'dod pa bya bar bdag nyid 'bul lo// de nas byang chub sems dpa' sems dpa' chen po rtag tu ngus/ tshong dpon gyi bu mo la sogs pa bu mo lnga brgyad

  770. 386a

    dag rgyan thams cad kyis brgyan te/ shing rta lnga brgya'ang brgyan nas/ de thams cad byang chub sems dpa' sems dpa' chen po chos 'phags la phul te/ rigs kyi bu bdag ni 'khor 'di dag dang / shing rta lnga brgya de dag kyang yongs su longs spyod pa'i phyir khyod la 'bul lo// de nas lha'i dbang po brgya byin gyis/ rigs kyi bu de la legs so zhes bya ba byin te/ rigs kyi bu legs so legs so/ / de ltar byang chub sems dpa' sems dpa' chen po dag gis bdog pa thams cad yongs su gtang bar bya'o// yongs su gtong ba'i sems de lta bus myur du bla na med pa yang dag par rdzogs ba'i byang chub mngon par rdzogs par 'tshang rgya'o/ / de ltar na chos smra ba bdag la mchod pa byas na/ shes rab kyi pha rol tu phyin pa dang / thabs la mkhas pa nyan nus te/ sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang / sngon byang chub sems dpa'i spyad pa spyod pa na/ 'di lta bu gtong ba la gnas nas bla na med pa yang dag par rdzogs pa'i byang chub yang dag par bsgrubs te/ shes rab kyi pha rol tu phyin pa dang / thabs la mkhas pa yongs su dris so// de nas byang chub sems dpa' sems dpa' chen po chos 'phags kyis/ tshong dpon gyi bu mo la sogs pa lnga brgya po de dag dang / shing rta lnga brgya de dag byang chub sems dpa' sems dpa' chen po rtag tu ngu'i dge ba'i rtsa ba yongs su bskang ba'i phyir blangs te/ blangs nas rigs kyi bu rtag tu phul byin no//

  771. 386b

    de nas byang chub sems dpa' sems dpa' chen po chos 'phags stan las langs te/ bdag gi khyim du zhugs pa dang nyi ma nub par gyur nas/ de nas byang chub sems dpa' sems dpa' chen po rtag/ tungu 'di snyam du sems par gyur te/ 'di ltar bdag chos 'dod pa'i phyir 'ongs la 'dug pa 'am/ nyal bar byed pa ni bdag gi mi cha la/ 'di ni ma legs kyis/ byang chub sems dpa' sems dpa' chen po chos 'phags 'di lta ste/ chos ston du phyir ma byung gi bar du bdag 'greng ba dang 'chag pa'i spyod lam gnyis kyis gnas par bya'o snyam mo// de nas byang chub sems dpa' sems dpa' chen po chos 'phags lo bdun gyi bar du ting nge 'dzin gcig la snyoms par zhugs par gyur cing / byang chub sems dpa'i ting nge 'dzin grangs med dpag tu med pa dag dang / shes rab kyi pha rol tu phyin pa dang / thabs la mkhas pa las byung ba la gnas par gyur te/ byang chub sems dpa' sems dpa' chen po rtag tu ngul lo bdun gyi bar du 'dod pa'i rtog pa ma byung / gnod sems kyi rtog pa ma byung / rnam par 'tshe ba'i rtog pas byung / zol brkam pa ma skyes te/ gzhan du na byang chub sems dpa' sems dpa' chen po chos 'phags nam sdang bar 'gyur/ bdag cag kyang byang chub sems dpa' sems dpa' chen po chos 'phags kyi chos kyi khri gang la rigs kyi bu de 'dug nas chos ston par 'gyur ba'i chos kyi khri bshams na/ bdag gis sa phyogs 'di chag chag btab kyi/ leg par byugs

  772. 387a

    me tog sna tshogs gasgyur te/ sa phyogs kyang du byung chub sems dpa' sems dpa' chen po chos 'phags shes rab kyi pha rol tu sbyin pa dang / thabs la mkhas parab tu ston pa 'gyur ba de legs par byug par bye'o snyam so/ / tshong dpon gyi bu mo la sogs pa bu mo lnga brgya de dag kyang / byang chub sems dpa' ses dpa' chen po rtag tu ngu'i rjes su thob cing / spyod las gnyis kyis dus 'das par byed de/ bya ba thams cad kyang de'i rjes su 'jug go// de nas byang chub sems dpa' sems dpa' chen po rtag tu ngus lha'i sgra thos te/ byang chub sems dpa' sems dpa' chen po chos 'phags zhag bdun na ting nge 'dzin 'di las ldang ste/ langs nas grong khyer gyi dbus su 'dug ste chos ston par 'gyur ro zhes grags nas/ byang chub sems dpa' sems dpa' chen po rtag tu ngus lha'i sgra de thos pa dang / dga' mgu yi rangs rab tu mgu zhing / dga' ba dang yid bde ba skyes te/ tshong dpon gyi bu mo la sogs pa bu mo lnga brgya dang / sa phyogs de phyags nas chos kyi khri rin po che thams cad kyis spras pabashams so/ / de nas bu mo de dag gis rang rang gi bla gos bud de/ spyan gang la byang chub sems dpa' sems dpa' chen po chos 'phags 'dug nas chos ston par 'gyur ba der bting ngo // de nas byang chub sems dpa' sem dpa' chen po rtag tu dus phyogs der chag chag gdab par 'dod na/ bdud sdig can gyis chu thams cad mi snang bar byas nas/ ci nas byang chub sems dpa' sems dpa' chen po dag

  773. 387b

    tu du chu ma rnyed nas yid mi dga' zhing sems sdug bsngal te/ sems gzhan du gyur pa dang / dge ba'i rtsa ba nub par 'gyur ba dang / mchod pa de'ang mi mdzes par bya ba'i phyir chu de dag mi snang bar byas nas/ kun tu/ chu 'tshol na chu ma rnyed do// de nas byang chub sems dpa' sems dpa' chen po rtag tu ngu 'di snyam du sems te/ bdag gi lus las khrag gis sa phyogs 'di chag chag gdab bo// de ci'i phyir zhe na/ sa phyogs 'di ni rdul che ste/ rdul gyi khams 'di nas byung bas byang chub sems dpa' sems dpa' chen po chos 'phags kyi lus la phog na mi rung na/ bdag gi lus gdon mi za bar 'jig pa 'dis ci zhig bya/ bdag gi lus 'di lta bu'i bya ba la zhig pa ni sla'i/ nus pa med pa'i bya ba la 'dod pa'i phyir/ 'dod pa'i gzhis 'khor ba dag na bdag gi lus brgya stong mang po de lta bu'i gnas su zhig pa ni cir yang ma rung ngo snyam mo/ / de nas byang chub sems dpa' sems dpa' chen po rtag tu ngus mtshon rnon po blangs te/ bdag gi lus la kun tu phug nas/ rang gi khrag gis sa phyogs de kho ra khor yug tu chag chag gdab bo/ / byang chub sems dpa' sems dpa' chen po rtag tu ngu'i rjes su slob pa/ tshong dpon gyi bu mo la sogs pa bu mo lnga brgya de dag thams cad kyis kyang / mtshon rnon po blangs te rang rang gi lus phug nas/ rang rang ga migags patshugs dacag cag te/ gnapapa nga rdzog sa kyis dag pa'i phyogs kyi nga rgya mags rnyed par mi 'gyur bas kyang chub sems da' sa dang chen ga sum

  774. 388a

    ngag sems gzhan du gyur pa med do/ / de nas lha'i dbang po brgya byin 'di snyam du/ byang chub sems dpa' sems dpa' chen po rtag tu ngu 'di 'di ltar chos 'dod pa dang 'di ltar yi dam la brtan pa dang / 'di ltar go cha chen po bgos pa dang / lus dang / srog dang / longs spyod rnams la mi lta ba dang / bla na med pa yang dag par rdzogs pa'i byang chub thob par bya ba'i phyir/ 'di lta/ ste/ bla na med pa yang dag par rdzogs pa'i byang chub mngon par rdzogs par sangs rgyas nas/ 'khor ba'i sdug bsngal dpag tu med pa las sems can thar bar bya'o snyam du lhag pa'i bsam pa la zhugs pa ni ngo mtshar snyam du sems so/ / de nas lha'i dbang po brgya byin gyis/ khrag de dag thams cad lha'i tsan dan gyi chur byin gyis brlabs so// lha'i tsan dan gyi chu de'i dri dam pa rgya che ba bsam gyis mi khyab pas/ sa phyogs de kho ra khor yug tu dpag tshad brgya tsam gyi bar dris khyab bo/ / de nas lha'i dbang po brgya byin gyis/ byang chub sems dpa' sems dpa' chen po rtag tu ngu la 'di skad ces smras so// rigs kyi bu legs so leg so// khyod kyi brtson 'grus bsam gyis mi khyab bo/ / khyod kyi chos 'dod pa dang / chos yongs su tshol ba bla na med do// rigs kyi bu sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang lhag pa'i bsam pa 'di lta bu dang / brtson 'grus 'di lta bu dang / chos 'dod pa 'di lta bus bla na med pa yang dag par rdzogs pa'i byang chub yang dag par bsgrubs so// de nas byang chub sems dpa' sems

  775. 388b

    dpa' chen po rtag tu du 'di snyam du sems te/ bdag gis byang chub sems dpa' sems dpa' chen po chos 'phags kyi chos kyi stan ni bting / sa phyogs 'di phyag bdar ni byas/ chag chag ni btab na/ bdag gis me tog gang dag gis sa phyogs 'dir gtor bar bya ba dang / byang chub sems dpa' sems dpa' chen po chos 'phags chos 'chad pa la gtor bar bya ba dang / me tog de dag gang nas rnyed par 'gyur snyam du sems so/ / de nas lha'i dbang po brgya byin gyis/ byang chub sems dpa' sems dpa' chen po rtag tu dral 'di skad ces smras so// rigs kyi bu lha'i me tog man da ra ba 'di dag long la/ khyod kyis sa phyogs 'di dag tu me tog 'akras par gyis shig/ byang chub sems dpa' sems dpa' chen po chos 'phags chos ston cing seng ge'i khri la 'dug pa la'ang gtor cig ces/ des de la lha'i me tog man da ra khal stong byin do/ / de nas byang chub sems dpar sems dpa' chen po rtag tu dus ma tog de dag rdzas te/ me tog pa cig gis nis phyogs der me tog 'gram pa byas so// me ga kha cig gis ni byang chub sems dpa' sems dpa' chen po chos 'phags lag u0f7f/ de nas byang chub sems dpa' sems dpa' chen po chos 'phags lo bdun 'das pa dang / ting nge 'dzin de las 'angs te/ chos kyi spyan ga mad pa der 'ongs nas stan bting ba la 'dug ste/ 'khor brgya stong zag dums yongs su 'askor cing mdun gyis bzlas nas shes rab kyi pha ral tu phyin pa ston te// de nas byang chub sems dpa' chen po dag

  776. 389a

    byang chub sems dpa' sems dpa' chen po chos 'phags mthong ma thag tu/ 'di lta ste/ dper na bsam gtan gsum pa la snyoms par zhugs pa'i dge slong rtse gcig tu yid la byed pa bzhi du bde ba de lta bu thob bo/ / de nas byang chub sems dpa' sems dpa' chen po chos 'phags shes rab kyi pha rol tu phyin pa ston pa 'di ni/ 'di lta ste/ chos thams cad mnyam pa nyid pas/ shes ragyi pha rol tu phyin pa mnyam pa nyid do/ / chos thams cad dben pa nyid pas/ shes rab kyi pha rol tu phyin pa dben pa nyid do// chos thams cad g.yo ba med pa nyid pas/ shes rab kyi pha rol tu phyin pa g.yo ba med pa nyid do// chos thams cad rlom sems med pa nyid pas/ shes rab kyi pha rol tu phyin pa rlom sems med pa nyid do// chos thams cad khengs pa med pa nyid pas/ shes rab kyi pha rol tu phyin pa khengs pa med pa nyid do// chos thams cad ro gcig pa nyid pas/ shes rab kyi pha rol tu phyin pa ro gcig pa nyid do// chos thams cad mu med pa nyid pas/ shes rab kyi pha rol tu phyin pa mu med pa nyid do// chos thams cad skye ba med pa nyid pas/ shes rab kyi pha rol tu phyin pa skye ba med pa nyid do/ / chos thams cad 'gag pa med pa nyid pas/ shes rab kyi pha rol tu phyin pa 'gag pa med pa nyid do// nam mkha' mu med pa nyid pas/ shes rab kyi pha rol tu phyin pa mu med ba nyid do/ / rgya mtsho mu med pa nyid pas/ shes rab kyi pha rol tu phyin pa mu med pa nyid do// ri rab sna tshogs pa nyid pas/ shes rab kyi pha rol tu phyin pa sna tshogs pa nyid do// nam mkha' rtog pa med pa nyid pas/ shes

  777. 389b

    rab kyi pha rol tu phyin pa rtog pa med pa nyid do/ / gzugs mu med pa nyid pas/ shes rab kyi pha rol tu phyin pa mu med pa nyid do// de bzhin du tshor ba dang / 'du shes dang / 'du byed rnams dang / rnam par shes pa mu med pab nyid pas/ shes rab kyi pha rol tu phyin pa mu med pa nyid do// sa'i khams mu med pa nyid pas/ shes rab kyi pha rol tu phyin pa mu med pa nyid do// chu'i khams dang / me'i khams dang / rlung gi khams mu med pa nyid/ pas/ shes rab kyi pha rol tu phyin pa mu med pa nyid do// nam mkha'i khams mu med pa nyid pas/ shes rab kyi pha rol tu phyin pa mu med pa nyid do// rdo rje lta bu'i chos mnyam pa nyid pas/ shes rab kyi pha rol tu phyin pa mnyam pa nyid do/ / chos thams cad ma 'dres pa nyid pas/ shes rab kyi pha rol tu phyin pa ma 'dres pa nyid do// chos thams cad dmigs su med pa nyid pas/ shes rab kyi pha rol tu phyin pa dmig su med pa nyid do/ / chos thams cad rnam par 'jig pa mnyam pa nyid pas/ shes rab kyi pha rol tu phyin pa rnam par 'jig pa mnyam pa nyid do// chos thams cad byed pa med pa nyid pas/ shes rab kyi pha rol tu phyin pa byed pa med pa nyid do/ / chos thams cad bsam gyis mi khyab pa nyid pas/ shes rab kyi pha rol tu phyin pa bsam gyis mi khyab pa nyid du rig par bya'o// de nas byang chub sems dpa' sems dpa' chen po rtag tu du de ltar 'dug bzhin du/ de'i tshe chos thams cad mnyam pa nyid ces bya ba'i ting nge 'dzin skyes par gyur to// chos thams cad dben pa zhes bya ba'i ting nge 'dzin dang /

  778. 390a

    chos thams cad g.yo ba med pa zhes bya ba'i ting nge 'dzin dang / chos thams cad rlom sems med pa zhes bya ba'i ting nge 'dzin dang / chos thams cad khengs pa med pa zhes bya ba'i ting nge 'dzin dang / chos thams cad ro gcig pa zhes bya ba'i ting nge 'dzin dang / chos thams cad mu med pa zhes bya ba'i ting nge 'dzin dang / chos thams cad skye ba med pa zhes bya ba'i ting nge 'dzin dang / chos thams cad 'gag pa med pa zhes bya ba'i ting nge 'dzin dang / nam mkha' su med pa zhes bya ba'i ting nge 'dzin dang / rgya mtsho mu med pa zhes bya ba'i ting nge 'dzin dang / ri rab sna tshogs pa zhes bya ba'i ting nge 'dzin dang / nam mkha' rtog pa med pa zhes bya ba'i ting nge 'dzin dang / gzugs mu med pa zhes bya ba'i ting nge 'dzin dang / tshor ba dang / 'du shes dang / 'du byed rnams dang / rnam par shes pa mu med pa zhes bya ba'i ting nge 'dzin dang / sa'i khams mu med pa zhes bya ba'i ting nge 'dzin dang / chu'i khams dang / me'i khams dang / rlung gi khams mu med pa zhes bya ba'i ting nge 'dzin dang / nam mkha'i khams mu med pa zhes bya ba'i ting nge 'dzin dang / rdo rje lta bu zhes bya/ ba'i ting nge 'dzin dang / chos thams cad ma 'dres pa zhes bya ba'i ting nge 'dzin dang / chos thams cad kyi rang bzhin dmigs su med pa zhes bya ba'i ting nge 'dzin dang / chos thams cad rnam par 'jig pa mnyam pa nyid ces bya ba'i ting nge 'dzin dang / chos thams cad byed pa med pa zhes bya ba'i ting nge 'dzin dang / chos thams cad bsam gyis mi khyab pa zhes bya ba'i ting nge 'dzin thob par gyur te/ byang chub sems dpa' sems dpa' chen po rtag tu ngus de

  779. 390b

    la sog pa ting nge 'dzin gyi sgo 'bum phrag drug cu thob par gyur to/ / shes rab kyi pha rol tu phyin pa khri brgyad stong pa las/ chos 'phags kyi le'u zhes bya ste brgyad cu rtsa drug par// rab 'byor byang chub sems dpa' sem dpa' chen po rtag tu ngus ting nge 'dzin gyi sgo 'bum phrag drug cu thob ma thag tu/ shar phyog dang / lho phyogs dang / nub phyogs dang / byang phyogs dang / phyogs mtsham dang / 'og dang / steng gi phyogs dang / phyogs bcu'i 'jig rten gyi kham+ba gang+gA'i klung gi bye ma snyed dag na/ sangs rgyas bcom ldan 'das gang+gA'i klung gi bye ma snyed dag/ dge slong gi dge 'dun gyis yongs su bskor cing / byang chub sem dpa'i tshogs kyis mdun du bltas te/ tshul 'di lta bu nyid dang / ming 'di nyid dang / yi ge 'di nyid kyis/ shes rab kyi pha rol tu phyin pa 'di 'chad pa mthong ngo // 'di lta ste/ dper na da lta ra stong gsum gyi stong chen po'i 'jig rten gyi khams 'di na chos ston pa/ dge slong gi dge 'dun gyis yongs su bskor cing / byang chub sem dpa'i cho ga kyis mdun gyis brnyas nas/ tshul 'di nyid dang / ming 'di nyid dang / yi ge 'di nyid kyis/ shes rab kyi pha rol tu phyin pa 'di 'chad pa bzhin no/ / de mang du thos pa bsam gyis mi khyab pa dang / thos pa rgya mtsho lta bu dang ldan par gyur te/ gar skyes pa thams cad du'ang sangs rgyas dang mi 'bral bar gyur to// skye ba thams cad du'ang gang dang gang du sangs rgyas bcom ldan 'das rnams mngon sum du gyur pa de dang de dag tu skye ste/ tha na rmi kham durang sangs rgyas bcom ldan 'das dag dang mi 'bral bar gyur te/ des mi khom pa thams cad ni spangs// dal ba phun sum chog/

  780. 391a

    pa ni bsgrubs so// rab 'byor rnam grangs 'dis kyang shes rab kyi pha rol tu phyin pa 'di byang chub sebra dpa' sems dpa' chen po rnams kyi thams cad mkhyen pa'i ye shes sgrub pa yin par rig par bya'o/ / rab 'byor de lta bas na byang chub sems dpa' sems dpa' chen po thams cad mkhyen pa'i ye shes thob par 'dod pa dag gis/ shes rab kyi pha rol tu phyin pa 'di spyad par bya'o// de nas bcom ldan 'das kyis/ tshe dang ldan pa kun dga' bo la bka' stsal ba/ kun dga' bo byang chub sems dpa' rnams yang dag par yongasasu gzung ba'i phyir shes rab kyi pha rol tu phyin pa 'di zung zhig/ rmongs shig/ lhogs shig/ kun chub par gyis shig/ gzhan la'ang rgya cher rab tu ston cig/ kun dga' bo shes rab kyi pha rol tu phyin pa 'di byang chub sems dpa' sems dpa' chen po dag gis mnyan par bya/ gzung bar bya/ bcang bar bya// bklag par bya/ kun chub par bya// gdon par bya/ lung nod par bya/ bstan par bya/ kha ton du bya/ de bzhin gshegs pa'i byin gyi rlabs kyis gle ga ba ma chen po la yi gegs pa zhing rab tu gsal ba leg par bris te/ me tog dang / 'dug pa dang / spos dang / byug pa dang / phye ma dang / gos dang / gdugs dang / rgyal mtshan dang / ba da dang / khor khor yug tu mar me'i 'breng ba dag dang / mchod pa rnam pa mang pos bkur stir bya/ bla mar bya/ ri mor bya/ mchod par bya/ rjed par bya/ gsol bar bya ste/ kun dga' bo 'di ni nga'i gdam ngag go// de ci'i phyir zhe na/ kun dga' bo de ji snyam du sem/ de bzhin gshegs pa khyod kyi ston pa'i

  781. 391b

    nam/ kun dga' bos gsol pa/ bcom ldan 'das bdag gi ston pa lags so// bde bar gshegs pa bdag gi ston pa lags so// de skad ces gsol ba dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo khyod kyi ston pa de bzhin gshegs pa la/ kun dga' bo khyod kyi lus kyi las byams pa yid du 'ong ba dang / ngag gi las byam pa yid du 'ong ba dang / yid kyi las byams pa yid du 'ong bas rim gro byas so/ / kun dga' bo de lta bas na da lta nga bzhugs te 'tsho zhing gzhes pa'i sku 'di la khyod kyis 'phadra pa dang / dad pa dang / gus par byas pa de bzhin du/ nga 'das nas shes rab kyi pha rol tu phyin pa 'di la'ang byos shig/ kun dga' bo ci nas kyang shes rab kyi pha rol tu phyin pa 'di nub par mi 'gyur zhing / ci nas khyod skyes bu tha mar mi 'gyur bar khyod la lan gnyis lan gsum du yongs su gtad do// rjes su yongs su gtad do/ / kun dga' bo shes rab kyi pha rol tu phyin pa 'di 'jig rten du ji srid du spyod pa de srid du de bzhin gshes pa bzhugs par rig par bya'o// kun dga' bo de srid du de bzhin gshegs pas chos ston par rig par bya'o// kun dga' bo gang shes rab kyi pha rol tu phyin pa 'di nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / ston pa dang / kha ton du byed pa dang / yi ge/ ger 'dri ba dang / me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / kho ra khor yug tu mar me'i 'phreng ba dang / mchod pa rnam pa mang po

  782. 392a

    dag gis bkur stir byed/ bla mar byed/ ri mor byed/ mchod par byed/ rjed par byed/ gsol bar byed pa'i sems can de dag ni/ sangs rgyas mthong ba dang ma bral ba dang / dam pa'i chos mnyan pa dang ma bral ba dang / dge 'dun la rim gro byed pa dang ma bral bar bya'o// kun dga' bo sems can de dag ni/ de bzhin gshegs pa'i dran pa'i drung na spyod par rig par bya'o// bcom ldan 'das kyis de skad ces bka' stsal pa dang / byang chub sems dpa' sems dpa' chen po byams pa la sogs pa dang / tshe dang ldan pa rab 'byor dang / tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa 'od srungs dang / tshe dang ldan pa byams ma'i bu gang po dang / tshe dang ldan pa ka t+ya yan chen po dang / tshe dang ldan pa ma 'gags pa dang / tshe dang ldan pa nam gru dang / tshe dang ldan pa sgra gcan zin dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par stod do// shes rab kyi pha rol tu phyin pa khri brgyad stong pa las/ yongs su gtad pa'i le'u ste brgyad cu rtsa bdun pa'o// / 'phags pa shes rab kyi pha rol tu phyin pa khri brgyad stong pa rdzogs so//