Text

ff. 1a–236a · 471 folio sides

  1. 1a

    jo bo'i chos chung brgya rtsa bzhugs//

  2. 1b

    rgya gar skad du/ bo d+hi pA tha pra dI paM/ bod skad du/ byang chub lam gyi sgron ma/ byang chub sems dpa' 'jam dpal gzhon nur gyur pa la phyag 'tshal lo/ /dus gsum rgyal ba thams cad dag dang de'i chos dang/ /dge 'dun rnams la gus pa chen pos phyag byas te/ slob ma bzang po byang chub 'od kyis bskul gyur pas/ /byang chub lam gyi sgron ma rab tu gsal bar bya/ /chung ngu 'bring dang mchog gyur pas/ /skyes bu gsum du shes par bya/ /de dag mtshan nyid

  3. 2a

    rab gsal ba/ /so so'i dbye ba bri bar bya/ /gang gi thabs ni gang dag gis/ /'khor ba'i bde ba tsam dag la/ /rang nyid don du gnyer byed pa/ /de ni skyes bu tha mar shes/ /srid pa'i bde la rgyab phyogs shing/ /sdig pa'i las las ldog bdag nyid/ / gang zhig rang don tsam don gnyer/ /skyes bu de ni 'bring zhes bya/ /rang rgyud gtogs pa'i sdug bsngal gyis/ /gang zhig gzhan gyi sdug bsngal kun/ /yang dag zad par kun nas 'dod/ /skyes bu de ni mchog yin no/ /sems can dam pa byang chub mchog /'dod par

  4. 2b

    gyur pa de dag la/ /bla ma rnams kyis bstan pa yi/ /yang dag thabs ni bshad par bya/ /rdzogs sangs bris sku la sogs dang/ /mchod rten dam pa mngon phyogs nas/ /me tog bdug spos dngos po dag /ci 'byor pa yis mchod par bya/ /kun bzang spyod las gsungs pa yi/ /mchod pa rnam pa bdun dag kyang/ /byang chub snying po'i mthar thug par/ /mi ldog pa yi sems dag gis/ /dkon mchog gsum la rab dad cing/ /pus mo'i lha nga sar btsugs nas/ /thal mo sbyar ba byas nas ni/ /dang por skyabs 'gro lan gsum bya/ /de nas sems can thams cad la/ /byams pa'i sems ni sngon 'gro bas/ /ngan song gsum dang skye sogs dang/ /'chi 'pho sogs kyis sdug bsngal ba'i/ /'gro ba ma lus la bltas te/ /sdug bsngal

  5. 3a

    gyis ni sdug bsngal ba/ /sdug bsngal sdug bsngal rgyu mtshan las/ /'gro ba thar par 'dod pa yis/ /ldog pa med par dam 'cha' ba'i/ /byang chub sems ni bskyed par bya/ /de ltar smon pa'i sems dag ni/ /bskyed pa'i yon tan gang yin pa/ /de ni sdong po bkod pa yi/ /mdo las byams pas rab tu bshad/ /de yis mdo klog pa 'am bla ma la mnyan te/ /rdzogs pa'i byang chub sems kyi yon tan mdza' med pa/ /rnam par shes par byas la de gnas rgyu mtshan du/ /de ltar yang dang yang du sems ni bskyed par bya/ /dpas sbyin gyis zhus mdo dag las/ /'di yi bsod nams rab bstan pa/ /gang de tshig bcad gsum tsam du/ /mdor bsdus 'dir ni bri bar bya/ /byang chub sems kyi bsod nams gang/ /de la gal

  6. 3b

    te gzugs mchis na/ /nam mkha' i khams ni kun gang ste/ /de ni de bas lhag par 'gyur/ /gang+gA'i bye ma'i grangs snyed kyi/ /sangs rgyas zhing rnams mi gang gis/ /rin chen dag gis kun bkang ste/ /'jig rten mgon la phul ba bas/ /gang gis thal mo sbyar bgyi ste/ /byang chub tu ni sems btud na/ /mchod pa 'di ni khyad par 'phags/ /de la mdza' ni ma mchis so/ /byang chub smon pa'i sems dag bskyed nas ni// 'bad pa mang pos kun tu spel bya zhing/ /'di ni skye ba gzhan duAng dran don du/ /ji skad bshad pa'i bslab pa'ang yongs su bsrung/ /'jug sems bdag nyid sdom pa ma gtogs par/ /yang dag smon pa 'phel bar 'gyur ma yin/ /rdzogs pa'i byang chub smon pa 'phel 'dod pas/ /de phyir 'bad pas 'di ni nges par blang/ /so sor thar ba ris bdun gyi/ /rtag tu sdom gzhan ldan pa dag /byang chub sems dpa' i sdom pa yi/ /skal pa yod kyi gzhan du min/ /so sor thar pa ris bdun du/ /de bzhin gshegs pas bshad pa la/ /tshangs spyod dpal ni mchog yin te/ / dge slong sdom pa dag tu bzheng/ /byang chub sems dpa' i sa dag gis/ /tshul khrims le'ur gsungs cho ga yis/ /yang dag mtshan nyid len pa yi/ /bla ma bzang las sdom pa

  7. 4a

    blangs/ /sdom pa'i cho ga la mkhas dang/ /bdag nyid gang zhig sdom la gnas/ /sdom pa 'bogs bzod snying rjer ldan/ /bla ma bzang por shes par bya/ /de la 'bad pas 'di 'dra ba'i/ /gal te bla ma ma rnyed na/ /de la gzhan sngo ma nod pa yi/ /cho ga yang dag bshad par bya/ /de la sngon tshe 'jam pa'i dpal/ /am+ba rA dza ra gyur pa yis/ / ji ltar byang chub thugs bskyed pa/ /'jam dpal gyi ni sangs rgyas zhing/ /rgyan gyi mdo las bshad pa ltar/ /de bzhin 'dir ni rab gsal bri/ /mgon po rnams kyi spyan snga ru/ / rdzogs pa'i byang chub sems bskyed cing/ /'gro ba thams cad 'gron du gnyer/ /de dga' khor ba las bsgral lo/ /gnod sems khro ba'i sems nyid dang/ /ser sna dang ni phrag dog nyid/ /deng nas bzung nas byang chub mchog /thob kyi bar du mi bya'o/ /tshangs par spyod pa spyang bya zhing/ /sdig dang 'dod pa spang bar bya/ /tshul khrims sdom pa la dga' pas/ /sangs rgyas rjes su bslab par bya/ /bdag nyid myur ba'i tshul gyis ni/ byang chub thob par mi spro zhing/ /sems can gcig gi rgyu yis ni/ /phyi

  8. 4b

    ma'i mu mthar gnas par bgyi/ /tshad med bsam gyis mi khyab pa'i/ /zhing dag rnam par sbyang bar bya/ /ming nas bzung ba byas pa dang/ /phyogs bcu dag tu rnam par gnas/ /bdag gis lus dang ngag gi las/ / thams cad du ni dag par bya/ /yid kyi las kyang dag bya ste/ /mi dge'i las rnams mi bya'o/ /rang gi lus ngag sems ni rnam dag rgyu/ /'jug pa'i sems kyi bdag nyid sdom gnas pas/ /tshul khrims bslab pa gsum la legs bslabs pas/ /tshul khrims bslab pa gsum la gus cher 'gyur/ /de bas rnam dag rdzogs byang chub/ /sems dpa' i sdom pa'i sdom dag ni/ /'bad pas byas pas rdzogs byang chub/ /tshogs ni yongs su rdzogs par 'gyur/ /bsod nams ye shes rang bzhin gyis/ /tshogs ni yongs su rdzogs pa yi/ /rgyu ni sangs rgyas thams cad dag /mngos shes bskyed pa nyid du bzheng/ /ji ltar 'dab gshog ma skyes pa'i/ /bya ni mkhar la 'phur mi nus/ /de bzhin mngon shes stobs bral bas/ /sems can don byed nus ma yin/ /mngon shes ldan pa'i nyin mtshan gyis/ /bsod nams dag ni gang yin te/ /mngon shes dag dang bral gyur la/ /skye ba brgyar yang yod ma yin/ /myur du rdzogs pa'i byang chub tshogs/ /yongs su rdzogs par 'dod gyur pa/ /des ni 'bad bya mngon shes dag /'grub par 'gyur gyis le los min/ zhi gnas grub pa ma yin pas// mngon shes 'byung bar mi 'gyur bas/ /de phyir zhi gnas bsgrub ba'i phyir/ /yang dang yang du 'bad par bya/ /zhi gnas yan lag rnam nyams pas/ /rab tu 'bad de bsgom byas kyang/ /lo ni stong phrag dag gis kyang/ /ting 'dzin 'grub par mi 'gyur ro/ /de phyir ting 'dzin tshogs le'u las/ /gsungs pa'i yan lag la legs gnas/ /dmigs pa gang rung cig dag la/ /yid ni dge la bzhag par bya/ /rnal 'byor zhi gnas grub gyur pa/ mngon shes dag kyang 'grub par 'gyur/ /shes rab pha rol phyin sbyor dang/ brar pas sgrib? bzang mi 'gyur/ /de phyir

  9. 5a

    nyon mongs shes bya yis/ /sgrib pa ma lus spang ba'i phyir/ /shes rab pha rol phyin rnal 'byor/ /rtag tu thobs bcas bsgom par bya/ /thabs dang bral ba'i shes rab dang/ shes rab bral ba'i thabs dag kyang/ /gang phyir 'ching ba zhes gsungs pa/ /de phyir gnyis ka spang mi bya/ /shes rab gang dang thabs gang zhes/ the tshom dag ni spang bya'i phyir/ /thabs rnams dang ni shes rab kyi/ /yang dag dbye ba gsal bar bya/ /shes rab pha rol tu phyin spangs pa'i/ /sbyin pa'i pha rol phyin la sogs/ /dge ba'i tshogs rnams thams cad dag /rgyal po rnams kyis thabs su bshad/ /thabs bsgoms dbang gis bdag gis bdag nyid kyi/ /gang zhig shes rab rnam bsgom pa/ des ni byang chub myur dung thob/ /bdag med gcig pu bsgoms pas min/ /phung po khams dang skye mched rnams/ /skye ba med par rtogs gyur pa'i/ rang bzhin stong nyid shes pa ni/ shes rab ces ni yongs su bshad/ yod pa skye ba rigs min te/ /med pa'ang nam mkha' i me tog bzhin/ /nyes pa gnyis kar thal 'gyur phyir/ /gnyis ka dag kyang 'byung ba min/ /dngos po rang las mi skye zhing/ /gzhin dang gnyis ka las kyang min/ /rgyu med las co? nai? de yi phyir/ /ngo bo nyid kyi rang bzhin med/ /yang na chas rnams thams cad dag /gcig dang du mas rnams dpyad na/ /ngo bo nyid ni dmigs pas/ /rang bzhin med pa nyid du ngas/ /stong nyid bdun cu'i rigs pa dang/ /dbu ma rtsa ba sogs las kyang/ /dngos po rnams kyi rang bzhin gyis/ /stong pa nyid ni grub bshad pa/ /gang phyir gzhung ni mangs 'gyur bas/ /de phyir 'dir ni ma spros la/ /grub pa'i grub mdza' tsam zhig tu/ /bsgom pa'i phyir ni rab tu bshad/ /de bas chos rnams ma lus pa'i/ /rab bzhin dag ni mi dmigs pas/ /bdag med pa ni sgom gang yin/ /de nyid shes rang bsngom? pa yin/ /shes rab kyis ni chos rnams kun/ /gang gi rang bzhin ma mthong zhing/ /shes rab de nyid rig bshad pa/ rnam rtog med par de bsgom bya/ rnam rtog las byung srid pa 'di/ rnam par rtog pa'i bdag nyid de/ da

  10. 5b

    phyir ma lus rtog spangs pa/ /mya ngan 'das pa mchog yin no/ /de ltar yang ni bcom ldan gyis/ rnam rtog ma rig chen po ste/ /'khor ba'i rgya mtshor ltung bar byed/ rtog med ting 'dzin la gnas pas/ /nam mkha' bzhin du rtog med gsal/ zhes gsungs so/ rnam par mi rtog pa la 'jug pa'i gzungs las kyang/ dam chos 'di la rgyal ba'i sras/ /rnam par mi rtog bsams gyur na/ rnam rtog bgrod ? ba rnams 'das te/ rim gyis ma rtog thob par 'gyur/ zhes gsungs so/ /lung dang rigs pa dag gis ni/ chos rnams thams cad skye med pa'i/ /rang bzhin med ba nges byas nas/ rnam par rtog med bsgom par bya/ /de ltar de nyid bsgom byas nas/ /rim gyis dred sogs thob byas nas/ /rab dga' la sogs thob 'gyur te/ /sangs rgyas byang chub yun mi ring/ /sngags mthu nyid las grub pa yi/ zhi dang rgyas sogs las rnams kyis/ /bum pa bzang grub la sogs pa/ /grub chen brgyad sogs stobs kyis kyang/ /bden pa yin ni byang chub tshogs/ /yongs su rdzogs par 'dod pa dang/ /bya ba spyod sogs rgyud gsungs pa'i/ /gal te bsang sngags spyod 'dod na/ /de tshe slob dpon dbang bskur phyir/ /bsnyen bkur rin chen sogs sbyin dang/ bka' sgrub la sogs thams cad kyis/ bla ma dam pa mnyes par bya/ bla ma mnyes par 'gyur pa yis/ yongs su rdzogs slob dpon dbang bskur bas/ /sdig kun rnam dag bdag nyid ni/ /dngos grub sgrub pa'i skal ldan 'gyur/ /dang po sangs rgya brgyud chen las rab tu 'bad pas bkag pa'i phyir/ /gsang ba shes rab dbang bskur ni/ /tshangs par spyod pas blang mi bya/ gal te dbang bskur de 'dzin na/ tshangs spyod dka' thub la gnas pas/ /bkag pa sbyang par gyur pa'i phyir/ dka' thub sdom pa de nyams te/ brtul zhugs can dag ma? ba yi/ /ltung ba dag ni 'byung 'gyur zhing/ /de ni ngan song des ltung pas/ /drug? pa nan tsam yang 'od ma yin/ /rgyud kun nyan dang 'chad ga dang/ /sbyin sreg mchod sbyin sogs byed pa/ /slob dpon dbang bskang rnyed gyur cing/ /de nyid rig las nyes pa med/ gnas rtan mar me

  11. 6a

    mdzad dpal gyis/ /mdo sogs chos las bshad mthong ba/ /byang chub 'od kyis gsol btab nas/ /byang chub lam bshad mdor bsdus byas/ /byang chub lam gyi sgron ma slob dpon chen po dpal mar me mdzad ye shes kyis mdzad pa rdzogs so// //rgya gar gyi mkhan po de nyid dang/ zhu chen gyi lo tsA ba dge ba'i blo gros kyis bsgyur cing zhus te gtan la phab pa chos 'di ni zhang zhung gi tho ling gtsug lag khang du mdzad do// //rgya gar skad du/ tsA rya saM gra ha pra dI baM/ bod skad du/ spyod pa bsdus pa'i sgron ma/ 'jig rten dbang phyug la phyag 'tshal lo/ /gang gis gsung gi 'od zer gyis/ /bdag sogs rmongs pa ma lus pa'i/ /snying gi pad+ma kha 'byed pa'i/ /dam pa'i skyes mchog de la 'dud/ /gsang sngags pha rol phyin pa la/ /brten nas byang chub bsgrub po zhes/ bla ma sangs rgyas gsung bas na/ /de don bdag gis bri bar bya/ /gsang sngags 'di ru brjod mi bya/ /pha rol phyin lugs spyod pa yi/ /byang chub sems pa'i spyod pa dang/ /mdo tsam bdag gis bshad par bya/ /sems skyed sngon du song ba yis/ /byang chub sems dpa' i sdom pa blang/ /mdo sde ma lus kun blta zhing/ /bstan bcos mdza' dag mnyan par bya/ /lus dang ngag dang yid gsum gyis/ /ji skad bshad pa'i sdom pa rnams/ /ma nyams gtsang mar bsrungs byas la/ /tshul khrims rnam par dag par bya/ /zas kyi tshod kyang rig par bya/ /dbang po rnams kyis sgo yang bsdam/ /nam gyi cha stod cha smad la/ /mi nyal rnal 'byor brtson par bya/ /khas? ma tho phra rab la 'ang/ /shin tu 'jigs pa bskyed par bya/ /mtshan mo cha gsum bgo bya ste/ /tha ma'i cha la ldang par bya/ /gdong la sogs pa bkru ba 'am/ /yang na ma bkrus pa yang rung/ /bde ba'i stan la 'dus nas ni/ chos rnams chos nyid dran par bya/ /mtshan mas g.yengs sam ma nus na/ /langs la dngos po snang ba kun/ /sgyu ma lta bur nye bar brtag /bar skabs der yang dge sbyor ni/ /yan lag bdun pa rdzogs par bya/ /

  12. 6b

    smon lam shin tu rgya chen gdag /yang na sngar gyi sgom pa bsgom/ /de nas zas kyis dus dag tu/ /snying po med pa'i lus 'di yis/ /snying po dam pa btsal bya zhes/ /lus la gru yi blo bzhag la/ rgyags pa bskyed phyir mi bza' zhing/ /rol chags pas mi bza' o/ /zas la cha bzhir 'go bya ste/ /dang po lha la bshos gtsang dbul/ /de rjes chos kyi srung ma la/ /gtor ma shin tu rgya chen gtang/ /rang gis zos shing 'thungs pa yi/ /lhag ma 'byung po kun la sbyin/ /bar skabs der yang sgrung rgyud dang/ /ngo mtshar can gyi gtam yang bya de nas langs la cung zhig bcag /yang na rten la bskor ba bya/ /bzlas brjod glegs bam klag pa 'am/ /yang na bde gshegs gzugs brnyan bya/ /ji srid rdul ni ma byung ba/ /de srid skor ba ma yengs par/ /byas la smon lam rgya chen gdag /mdor na mgon po byams pa yis/ /bshad pa'i chos spyod bcu po rnams yi ni rab tu ?g.yengs shing/ /sgyu ma lta bur dran pas sbyang/ /gal te yong na dge 'dun mchod/ /yang na byis pa'i ston mo bya/ /mgon med ngag la sbyin pa ni/ /rnal 'byor bsod nams tshogs su 'gyur/ /nyin mo'i bya ba rdzogs pa dang/ /mtshan mo'i cha ni dang po ru// //chos nyid spros pa dang bral ba/ /shes pa'ang spros dang bral bar bzhag /mtshan mo'i gung la bab pa na/ /ldang dang snang ba'i 'du shes kyi/ /seng ge ji ltar nyal ba ltar/ /dge ba'i gnyid ni log par bya/ /spyir na mnyam gzhag sems brtan na/ /lus ngag dge ba gtsor mi bya/ /yang na mnyam gzhag mi gsal na/ /'jig rten mthun 'jug bya ba'i phyir/ /lus ngag dge ba ci nus bya/ /'jig rten sems dang ma mthun na/ /'di ni bdag gis chos min zhes/ /bsam pa bzang po sngon btang la/ 'jig rten yul chos dri bar bya/ /nai pa la yis yul du ni// rang gi grogs pos bskul nas byas/ /gsang sngags lugs la mi mos na/ /'di ltar mdzod cig s+thA bi ra/ /spyod pa bsdus pa'i sgron ma slob dpon mkhas pa chen po dpal mar me mdzad ye shes kyis mdzad pa rdzogs so// //rgya gar gyi mkhan po paN+Di ta dI paM ka ra sh+rI dz+nyA

  13. 7a

    na de nyid dang/ lo tsA ba dge slong tshul khrims rgyal bas bsgyur cing zhus pa'o// //rgya gar skad du/ sa tyadwa yA ba tA ra/ bod skad du/ /bden pa gnyis la 'jug pa/ /thugs rje chen po la phyag 'tshal lo/ /sangs rgyas rnams kyis chos bstan pa/ bden pa gnyis la yang dag brten/ /'jig rten kun rdzob bden pa dang/ /de bzhin don dam bden pa'o/ /kun rdzob rnam pa gnyis su 'dod/ /log pa dang ni yang dag go /dang po gnyis te chu zla dang/ /grub mdza' ngan pa'i rtog pa'o/ /ma brtags gcig bu nyams dga' ba'i/ /skye ba dang ni 'jig pa'i chos/ /don byed nus dang ldan pa ni/ /yang dag kun rdzob yin par 'dod/ /dam pa'i don ni gcig nyid de/ /gzhan dag rnam pa gnyis su 'dod/ /cir yang ma grub chos nyid de/ /gnyis dang gsum sogs ga la 'gyur/ /bstan pa'i tshig gis sbyor pa yis/ /skye med 'gag med sogs pas mtshon/ /don dam tha dad med tshul gyis/ /chos can med cing chos nyid med/ /stong pa nyid la tha dad ni/ /cung zad yod pa mi yin te/ /rtogs med tshul gyis rtogs pas na/ /stong nyid mthong zhes tha snyad gdags/ /ma mthong ba nyid de mthong bar/ /shin tu zab pa'i mdo las gsungs/ /de la mthong dang mthong byed med/ /thog ma tha ma med zhi ba/ /dngos dang dngos med rnam par spangs/ /rnam par rtog med dmigs pa bral/ gnas pa med pa gnas med pa/ /'gro 'ong med cing dpe dang bral/ /brjod du med pa bltar med pa/ /'gyur ba med pa 'dus ma byas/ rnal 'byor pa yis de rtogs na/ /nyon mongs shes bya'i sgrib pa spong/ /mngon sum dang ni rjes su dpag /sangs rgyas pa yis de gnyis bzung/ /gnyis pos stong nyid rtogs so zhes/ /tshu rol mthong ba'i rmongs pa smra/ /mu stegs nyan thos rnams kyis kyang/ /chos nyid rtogs par thal bar 'gyur/ /rnam rigs pas lta smos ci dgos/ /dbum pa la mi mthun med/ /des na grub mdza' thams cad kyang/ /tshad mas 'jal phyir mthun par 'gyur/ /rtog ge thams cad mi mthun pas/ /tshad mas gzhal pa'i chos nyid kyang/ /mang po nyid du mi 'gyur ram/ /mngon sum rjes dpag dgos pa med?

  14. 7b

    mu stegs rgol ba bzlog pa'i phyir/ /mkhas pa rnams kyis byas pa yin/ /lung las kyang ni gsal po ru/ /rtog bcas rtog ma med pa yi/ /shes pa gnyis kyis mi rtogs shes/ /slob dpon mkhas pa b+ha bya gsung/ /stong nyid gang gis rtogs shes na/ /de bzhin gshegs pas lung bstan cing/ chos nyid bden pa gzigs pa yi/ /klu sgrub slob ma zla grags yin/ /de las brgyud pa'i man ngag gis/ /chos nyid bden pa rtogs par 'gyur/ /chos kyi phung po brgyad khri dang/ /bzhi stong gsungs pa thams cad ni/ /chos nyid 'di la gzhol zhing 'bab/ /stong nyid rtogs pas grol 'gyur gyi/ /sgom pa lhag ma de don yin/ /yang dag kun rdzob khyad bsad nas/ /stong pa nyid la goms byed na/ /kun rdzob rgyu 'bras dge sdig sogs/ /'jig rten pha rol bslus par 'gyur/ /cung zad thos pa la brten te/ /rnam par dben don zhi shes shing/ /mi gang bsod nams mi byed pa/ /skye bu tha shal de dag brlag /stong pa nyid la blta nyes na/ /shes rab chung ldan phung bar 'gyur/ /slob dpon zla grags 'di skad du/ /thabs su gyur pa kun rdzob bden pa dang/ thabs las byung ba don dam bden pa dag /gnyis po'i dbye ba gang gis mi shes pa/ /de dag log par rtogs nas ngan 'gror 'gro// tha snyad la ni ma brten par/ /dam pa'i don ni rtogs mi 'gyur/ /yang dag kun rdzob rnams kyi skas?/ /med par yang dag khang chen gyi/ /steng du 'gro bar byed pa ni/ /mkhas la rung ba ma yin no/ /kun rdzob ji ltar snang ba 'di ga? rigs pas brtags na 'ga' mi rnyed/ /ma rnyed pa nyid don dam yin/ yi nas gnas pa'i chos nyid do/ /rgyu rkyen dag gis bskyed pas na/ /kun rdzob ji ltar snang ba grub/ /gal te grub par mi rung na/ /chu zla la sogs su yis bskyed/ /des na rgyu rkyen sna tshogs kyis/ /bskyed pas snang ba thams cad grub/ /rkyen rnams rgyun ni chad gyur na/ /kun rdzob tu yang mi 'byung ngo/ /de ltar lta bas ma rmongs shing/ /spyod pa shin tu dag gyur na/ /gol ba'i lam du mi 'gro zhing/ /'og min gnas su 'gro bar 'gyur/ /tshe ni yun thung shes bya'i rnam pa mang/ tshe yi tshad kyang ji tsam mi shes pas/ /dad pa chu las 'o ma len pa ltar/ /rang gi 'dod

  15. 8a

    pa dang la blang bar gyis/ /tshu rol mthong ba'i rmongs pa dag gis ni/ /bden gnyis gtan la dbab par mi 'os kyang/ /bla ma rnams kyis gsung la brten nas ni/ /klu sgrub lugs kyi bdon gnyis bkod pa 'di/ /gser gling rgyal po'i dor byas 'di la ni/ /gal te deng sang skye bo dang gyur kyang/ /legs par brtags la blangs pa nyid du bya'i/ /dad pa tsam dang gus pa tsam gyis min/ /gser gling rgyal po gu ru pha ma yis/ /dge slong de ba ma ti btang gyur nas/ /de yi dor byas bden gnyis la 'jug 'di// deng sang mkhas pa rnams kyis brtags par rigs/ /bden pa gnyis la 'jug pa slob dpon mkhas pa chen po dpal mar me mdzad ye shes kyis mdzad pa rdzogs so// //paN+Di ta de nyid dang/ lo tsA ba rgya brtson 'grus seng ges bsgyur cing zhus te gtan la phab pa'o// //rgya gar skad du/ ma d+hya mo pa de sha nA ma/ bod skad du/ dbu ma'i man ngag ces bya ba/ 'jig rten mgon po la phyag 'tshal lo/ /gang gi gsung gi 'od zer gyis/ /bdag sogs rmongs pa ma lus pa'i/ /snying gi pad+ma kha 'byed pa'i/ /dam pa'i skyes mchog de la 'dud/ theg pa chen po dbu ma'i man ngag ni 'di yin te/ kun rdzob tu chos thams cad tshu rol mthong ba'i dong byas nas/ rgyu 'bras la sogs pa rnam par bzhag pa thams cad ji ltar snang ba bzhin du bden pa yin la/ don dam pa 'am yang dag par na kun rdzob ji ltar snang ba de kho na gtan tshigs chen po rnams kyis gzhigs shing btsal na/ skra'i rtse mo brgyar gshags pa'i tshad tsam yang gzung du med do zhes nges par khong du chud par bya'o/ /stan bde ba la skyil mo krung bcas te 'dug la/ 'di ltar re zhig dngos po ni gnyis te/ gzugs can dang/ gzugs can ma yin pa'o/ /de la gzugs can rnams ni rdul phra rab 'dus pa'i yin la/ de yang phyogs bcu'i dbye bas bye cing gzhigs na shin tu phra ba yang lus pa med cing shin tu snang ba yang med do/ /gzugs

  16. 8b

    can ma yin pa ni sems yin la/ de yang 'di ltar 'das pa'i sems ni 'gags shing zhig /ma 'ongs pa'i sems ni ma skyes shing ma byung/ da ltar gyi sems ni 'di ltar yang shin tu brtags dka' ste/ kha dog med cing dbyibs dang bral ba/ nam mkha' dang 'bra bas ma grub pa 'am/ yang na gcig dang du ma dang bral bas sam/ yang na ma skyes pas sam/ yang na de rang bzhin gyis 'od gsal ba la sogs pa rigs pa'i mtshon gyis dpyad cing gzhigs na ma grub par rtogs so/ /de ltar gnyis po ci'i ngo bor yang ma grub cing med tsam na so sor rtog pa'i shes rab de nyid kyang ma grub ste/ dper na shing gnyis phan tshun drung bas me byung ba'i rkyen gyis shing gnyis po nyid tshig cing med pa'i rjes la gang gis sreg par byed pa'i me de nyid kyang rang zhi ba de bzhin du/ rang dang spyi'i mtshan nyid kyi chos thams cad med par grub tsam na shes rab nyid kyang snang ba med cing 'od gsal ba ci'i ngo bor yang ma grub pas/ /bying ba dang rgod pa la sogs pa'i skyon du gyur pa thams cad bsal te/ bar skabs der shes pa cing yang mi rtog /cir yang mi 'dzin/ dran pa dang yid la byed pa thams cad spangs te/ ji srid du mtshan ma 'am/ rnam par rtog pa'i dgra 'am/ chom rkun ma langs kyi bar du de lta bu la shes pa gnas par bya'o/ /gang gi tshe ldang bar 'dod na ngal? bus skyil mo krung bshigs la langs te/ sgyu ma lta bu'i yid kyi lus dang ngag dang yid kyis dge ba ci nus kyis bya'o/ /de ltar gus pa dang yun ring ba dang rgyun mi chad par bsgrubs na skal pa dang ldan pa rnams kyis tshe 'di nyid la bden pa mthong bar 'gyur te/ chos thams cad nam mkha' i dkyil lta bu 'bad pa dang rtsol ba med cing rang gi ngang Tgis grub par mngon sum du byed do/ /de'i rjes la thob pas ni chos thams cad sgyu ma la sogs par shes so/ /gang gis tshe rdo rje lta bu'i ting nge 'dzin mngon du byas phan chad ni rjes las thob pa yang mi mnga' ste/ dus thams cad du mnyam par bzhag pa'o/ /de lta ma yin na byang chub sems dpa' dang khyad par ci yod ces bya ba la sogs pa'i rigs pa dang

  17. 9a

    lung 'dir mi brjod do/ /gzhan gyi don bskal pa grangs med par tshogs bsags pa dang smon lam btab pa'i mthus gdul bya rnams ji ltar 'dod pa bzhin du 'gyur ro/ /lung dang rigs pa shin tu mang mod kyi/ 'dir ma smros so/ /dbu ma'i man ngag ces bya ba slob dpon dpal mar me mdzad ye shes kyis mdzad pa rdzogs so// //rgya gar gyi mkhan po de nyid dang/ zhus chen gyi lo tsA ba dge slong tshul khrims rgyal bas lha sa 'phrul snang du bsgyur cing zhus te gtan la phab pa'o/ //rgya gar skad du/ saM gra he garb+ha nA ma/ bod skad du/ snying po bsdu ba zhes bya ba/ thugs rje chen po dang ldan pa la phyag 'tshal lo/ /khams gsum sdug bsngal rgya mtsho che'i/ /dba' rlabs shin 'khrugs pa ni/ /dge dang mi dge la sogs pa'i/ /zag bcas las las nges par 'byung// de dag chags sdang la sogs pa'i/ /nyon mongs rgyu yis bskyed pa ste/ /de dag 'byung ba'i rgyu nyid kyang/ /yid du 'ong dang mi 'ong sogs/ /gnyis su 'dzin pa 'di las byung/ /thams cad 'byung ba'i rgyu nyid ni/ /rtag dang khyab dang gcig pu sogs/ /dngos por 'dzin pa'i gdon yin te/ /de bas skal ldan skyes bu ni/ /bdag gzhan grol ba don gnyer bas/ /rten cing 'brel 'byung la sogs pa'i/ /rigs pa gang la goms pa yis/ /dngos por 'dzin pa bzlog par bya/ /phyi nang chos rnams thams cad kun/ /mtshan ma thams cad dang bral ba'i// nam mkha' lta bur shes bya las/ /dngos 'dzin gdon gyis brlams pa yi/ /'gro kun yul du byas nas ni/ /sdug bsngal rgya mtsho skems byed pa/ /snying rje chen po sngon 'gro bas/ /bdag gzhan don kun 'byung ba yin/ /rin chen byang chub sems bskyed bya/ /byang chub spyod ba rlabs chen po/ /pha rol phyin drug la sogs la/ /mnyam gzhag langs pa'i sbyor ba yis/ /lam lnga rim gyis bgrod byas te/ /sgrib pa rnam gnyis bsal byas nas/ /tshogs gnyis yongs su rdzogs pa las/ /'bras bu sku gsum bsgrub bar bya sku

  18. 9b

    gsum 'byung ba'i mtshan nyid kyang/ /stong nyid nam mkha' lta bu las/ /bcol med thugs rje'i sprin 'byung zhing/ /sku gnyis bdud rtsi'i chu rgyun gyis/ /khams gsum tha ba'i rgyud brlan te/ /byang chub snying po'i sa bon las/ /dge ba'i lo tog smin bar 'gyur/ /sangs rgyas kun gyi snying po de/ /'di ni snying po bsdus ba yin/ /tha ma'i dus su gyur bas na/ /tshe thung nad mang longs spyod dman/ /rkyen ngan bar chad mang ba yis/ /yun rig gnas ba'i mthu med pas/ /tshig rjes bcad par mi nus kyis/ /bshes gnyen dam pa bsten byas te/ /shin tu brtson pa'i sems ldan bas/ /g.yangs rab tu dran bya ste/ /bdag gzhan grol bar bya ba'i phyir/ /snying po myur du bsdu ba yin/ /brtse bas 'di byas bsod nams kyis/ /skal ngan sems can thams cad kyang/ /byang chub sems dang ldan gyur nas/ /snying po myur du sdud par shog /snying po bsdu ba zhes bya ba slob dpon chen po dpal mar me mdzad ye shes kyis mdzad pa rdzogs so// //paN+Di ta de nyid dang/ lo tsA ba dge slong tshul khrims 'byung gnas zhi bas bsgyur cing zhus te gtan la phab pa'o// //rgya gar skad du/ h+ri da ya ni kri ba ta nA ma / bod skad du/ snying po nges par bsdu ba zhes bya ba/ /dkon mchog gsum la phyag 'tshal lo/ /mngon mtho nges par 'byung ster ba/ /dkon mchog gsum la gus btud nas/ /'khor ba'i 'jigs pa sel ba yi/ /snying po bsdu ba bshad bar bya/ /'khor ba'i mtshan nyid sdug bsngal dang/ las dang nyon mongs rnam rtogs te/ /de dag rgyu 'bras go rim can/ /'khor ba bsdus nas bstan ba yin/ /thar pa'i mtshan nyid byang chub ste/ /shes rab thabs dang spyod pa dang/ /lam lnga dang ni tshogs gnyis las/ /mya ngan 'das pa'i sku gsum 'byung/ /de yang rgyu 'bras go rim can/ /thar pa bsdus nas bstan pa'o/ /khams gsum sdug bsngal rgya mtsho che/ /dpa' rlabs shin tu 'khrugs pa ni/ /dge dang mi dge la sogs pa'i/ /zag bcas las las nges par 'byung/ /de dag gti mug chags sdang sogs/ /nyon mongs rgyu yis bskyed pa ste/ /yid 'ong

  19. 10a

    mi 'ong la sogs pa'i/ /gnyis su 'dzin pa nyid las byung/ /thams cad 'byung ba'i rgyu nyid ni/ /nga dang bdag tu 'dzin las byung/ /gzhan yang 'byung ba'i rgyu nyid ni/ /rtag dang gcig pu khyab la sogs/ dngos por 'dzin pa'i gdon yin te/ /shes rab ldan pas spang bar bya/ /de bas skal ldan skyes bu ni/ /bdag gzhan ma lus grol bya'i phyir/ /mi slu ba yi lus ngag dang/ /rten cing 'brel 'byung la sogs pa'i/ /rigs pa gang la goms pa yis/ /dngos por 'dzin pa'i gdon chen po/ /ma lus par ni bzlog par bya/ /'di ltar phyi nang chos rnams ni/ mtshan ma kun bral rang bzhin ni/ /nam mkha' lta bur shes byas la/ /rtag tu goms par bsgrub par bya/ /'khor ba thog ma med pa nas/ /dngos 'dzin gdon gyis brlams pa yis/ /'gro kun yul du byas nas ni/ /thams cad rjes su 'dzin pa yi/ /byams chen tshad med sngon 'gro bas/ /sdug bsngal rgya mtsho skems byed pa'i/ /snying rje chen po tshad med pas/ /bdag dang gzhan don 'grub pa yis byang chub sems ni rin po che/ /yang dag bstan pa bskyed par bya/ /bdag gzhan 'byor pa bcu ldan bas/ /'khor ba'i chos las yid 'byung bya/ /'jigs pa kun las skyong ba yi/ /skyabs gsum po dang ldan pa des/ /so sor thar la legs gnas bya/ /tshul khrims bzang po dang ldan cing/ /theg chen rigs yod skyes bu des/ /'gro ba skyabs med bskyab pa'i phyir/ /skyabs su 'gro ba sngon 'gro bas/ /smon pa'i sems ni bskyed par bya/ /lhag pa'i bsam ba dang ldan pas/ 'jug pa'i sems ni bskyed byas pas/ /sngar gyi smon pa'i sems de nyid/ /rgya cher rab tu 'phel bar 'gyur/ /byang chub sems dpa' i spyod pa ni/ /rlabs chen pha rol phyin drug sogs/ /mnyam gzhag langs pa'i rnal 'byor gyis/ /tshogs kyi lam 'di bstan par grub/ /lam lnga rim gyis bgrod byas te/ /sgrib pa gnyis ni gsal byas nas/ /'di ltar tshogs gnyis rdzogs byas te/ /'bras bu sku gsum 'grub par bya/ /sku gsum bsgrubs pa'i mtshan nyid kyang/ /chos sku nam mkha' lta bu las/ /rtsol med thugs

  20. 10b

    rjes sprin byung bas/ /sku gnyis bdud rtsi'i chu rgyun gyis/ /khams gsum tha ba'i rgyud brlan te/ /byang chub snying po'i sa bon las/ /dge ba'i lo tog smin par 'gyur/ /dus gsum sangs rgyas kyis gsungs pa'i/ /snying po 'dir ni bsdus pa yin/ /'khor ba'i sdug bsngal spong 'dod na/ /de la brtson 'grus 'bad par bya/ /rtsod pa'i dus kyi tha ma la/ /tshe thung nad mang yongs spyod dman/ /rkyen ngan bar chad mang ba yis/ /yun ring gnas pa'i mthu med pas/ /tshig rjes bcad par mi nus kyis/ /rigs la gnas pa'i gang zag des/ /bshes gnyen dam pa bstan byas la/ /shin tu brtson ba'i sems kyis ni/ /'khor ba'i sdug bsngal dran byas la/ /bdag gzhan grol bar bya ba'i phyir/ /snying po myur du bsdu bar bya/ /brtse bas 'di byas dge ba yis/ /skal ldan sems can ma lus kun/ /byang chub sems kyis rgyud brlan te/ /snying po myur du sdud par shog /snying po nges par bsdu ba zhes bya ba slob dpon mkhas pa chen po dpal mar me mdzad ye shes kyi zhal snga nas dbus kyi snye thang gtsug lag khang du mdzad pa rdzogs so// //rgya gar gyi mkhan po chen po de nyid dang/ zhus chen gyi lo tsA ba dge slong tshul khrims rgyal bas bsgyur cing zhus te gtan la phab pa'o// //*/ /rgya gar skad du/ bo d+hi satwa ma N+yA ba li/ /bod skad du/ byang chub sems dpa' i nor bu'i phreng ba/ /thugs rje chen po la phyag 'tshal lo/ /dad pa'i lha la phyag 'tshal lo/ /the tshom thams cad rnam spangs shing/ /sgrub la nan tan gces su bya/ /gnyid rmugs le lo spang bya zhing/ /rtag tu brtson 'grus 'bad pa bya/ /dran dang shes bzhin bag yod pas/ /dbang po'i sgo rnams rtag tu bsrung/ /nyin mtshan dus gsum yang dang yang/ /sems kyis rgyud la rtag par bya/ /bdag gi nyes pa bsgrag bya zhing/ /gzhan gyi 'khrul pa btsal mi bya/ /gzhan gyi yon tan bsgrag bya zhing/ /bdag gi yon tan sba bar bya/ /rnyed dang bkur sti spang bya zhing/ /khang grags rtag tu spang bar bya/ /byams dang snying rje bsgom bya zhing/ /byang chub sems ni bsten par bya/ /mi dge bcu po spang bya zhing/ /rtag tu dad pa brtan par bya//

  21. 11a

    'dod pa chung zhing chog shes dang/ /byas pa drin du gzo ba dang/ /khro dang nga rgyal gzhom bya zhing/ /dman pa'i sems dang ldan par bya/ /log pa'i 'tsho ba rnam spang zhing/ /chos kyi 'tsho bas 'tsho bar bya/ /zang zing thams cad rnam spang zhing/ 'phags ba'i nor gyis brgyan bar bya/ /dad pa'i nor dang tshul khrims nor/ /khrel yod ngo tsha shes pa'i nor/ /thos pa'i nor dang gtong ba'i nor/ /shes rab nyid kyi nor bdun po/ /nor gyi rnam pa 'di dag ni/ /mi zad pa yi gter bdun te/ /mi ma yin la brjod mi bya/ /rtag tu 'du 'dzi spangs bya zhing/ dgon pa la ni gnas par bya/ /'khyal pa'i tshig rnams spang bya zhing/ /ngag rnams rtag tu bsdam par bya/ /bla ma mkhan po mthong ba'i tshe/ /gus pas rim gro bskyed par bya/ /gang zag chos kyi mig can dang/ /las dang po yis sems can la/ /ston pa'i 'du shes bskyed bar bya/ /sems can thams cad mthong ba'i tshe/ /pha ma bu tsha'i 'du shes bskyed/ /sdig pa'i grogs po spang bya zhing/ /dge ba'i bshes gnyen bsten par bya/ /sdang dang mi bda'i sa spang zhing/ /gang du bde bar 'gro bar bya/ /gang la chags pa spang bya zhing/ /chags pa med bar gnas par bya/ /chags pas bde 'gro mi thob cing/ /thar pa'i srog kyang gcod par byed/ /gang du dge ba'i chos mthong ba/ /der ni rtag tu 'bad par bya/ /thog mar brtsams pa gang yin pa/ /dang po de nyid bsgrub bya ste/ /de lta na ni kun legs byas/ /gzhan du gnyis ka 'grub mi 'gyur/ /rtag tu sdig la dga' bral bya/ /gang du mtho ba'i sems 'byung tshe/ /de tshe nga rgyal bcag bya zhing/ /bla ma'i gdams ngag dran par bya/ /zhum pa'i sems ni byung ba'i tshe/ /sems kyi gzengs ni bstod par bya/ /rtag tu stong nyid bsgom bar bya/ / gang du chags sdang yul byung na/ /sgyu ma sprul pa bzhin du blta/ /mi snyan tshig rnams thos pa'i tshe/ /brag cha bzhin du blta bar bya/ lus la gnod pa byung ba'i tshe/ sngon gyi las su blta bar bya/ /bas mdza' dgon bar rab gnas shing/ /ri dags shi ba'i ro bzhin du/ /

  22. 11b

    bdag gis bdag gnyis spang bya zhing/ /chags pa med par gnas bar bya/ /rtag tu yi dam brtan bya zhing/ /le lo rnyog pa'i sems byung tshe/ /de tshe bdag la brngan bgrang zhing/ /brtul zhugs snying po dran par bya/ /gal te gzhan dag mthong ba'i tshe/ /zhi des gsod bor smra ba dang// khro gnyer ngo 'dzum spangs bya zhing/ /rtag tu 'dzum bzhin gnas par bya/ /rtag tu gzhan dag mthong ba'i tshe/ /ser sna med cing sbyin la dga' / /rtag tu phrag dog spang bar bya/ /gzhan gyi sems ni bsrung ba'i phyir/ /rtsod pa thams cad spang bya zhing/ /rtag tu bzod dang ldan par bya/ ngo dga' med cing gsar 'grogs med/ /rtag tu zungs ni thub par bya/ /gzhan la brnyas pa spang bya zhing/ /gus pa'i tshul gyis gnas par bya/ /gzhan la gdams ngag byed pa'i tshe/ /snying rje phan sems ldan par bya/ /chos la skur pa gdab mi bya/ /gang mos 'di la 'dun par bya// chos spyod rnam bcu'i sgo nas ni/ /nyin mtshan med par 'bad par bya/ /mang po'i nang du dag la brtag /gcig pur 'dug na sems la brtag/ dus gsum dge rtsa ci bsags pa/ /bla med byang chub chen por bsngo/ /bsod nams sems can rnams la bdar/ /rtag tu yan lag bdun pa yi/ / smon lam chen po gdab par bya/ /de ltar byas na bsod nams dang/ /tshogs chen gnyis kyang rdzogs 'gyur te/ /sgrib pa gnyis kyang zas par 'gyur/ /mi lus thob pa don yod pas/ /bla med byang chub thob par 'gyur/ /rgya gar gyi mkhan po dpal mar me mdzad ye shes kyis mdzad pa byang chub sems dpa' i nor bu'i phreng ba rdzogs so// // */ /byang chub sems dpa' i spyod pa mdo tsam gdams ngag tu byas pa/ /sangs rgyas dang byang chub sems dpa' thams cad la phyag 'tshal lo/ /nges par legs pa'i byang chub dang/ /mngon par mthong ba thob 'dod bas dkon mchog gsum la lhar bzung nas/ /dang po snying rjes kun la blta/ /de nas byang chub sems bskyed de/ /thabs dang ldan pa'i spyod pa yis/ /rang gis sems nyid dang bor gdul/ /dang por rang nyid ma dul bar/ /gzhan dag gdul bar ji ltar nus/ /ji ltar 'dab gshog

  23. 12a

    mchang ba'i/ /bya yis mkha' la 'phur mi nus/ /de bzhin lta spyod med pa yin/ /gang zag ngag ni ji ltar grol/ /de phyir de gnyis 'grub ba'i phyir/ /dka' ba'i 'bad pa chen pos bya/ /dka' bas sbyang ba ma byas par/ /sla bas goms par ji ltar 'gyur/ /go bgos khur khyer rgyal sras des/ /dge ba'i bshes gnyen bsten byas te/ /shes rab gsum la gzhi bcas nas/ /go 'phang mchog tu 'gro ba yi/ /lta ba nyid la gtsor sbyangs te/ /tshul khrims gtsang ma'i gos gyon nas/ /sgrub la nan tan bcos su bya/ /chos kyi rjes su bsgrub pa'i phyir/ /dus dang gnas skabs kun tu yang ba sbyor ba dngos gzhi rjes gsum gyis/ /las rnams dran pas zin bar bya/ /skyon spang legs bsgrub don yod bya/ /spyod lam don med du mi gnas/ /rtag tu rang gi yon tan sbyang/ /dge ba'i phyogs kyi sbyor ba la/ /spro bya zhum dang sems mi gsad/ /nyes spong yon tan dge 'phel ba'i/ /grogs btsal mthun ba de sems zung/ /yon tan can la gus phyag bya/ /nyon mongs skyes grogs thabs kyi spang/ /mthon dman grogs kun dag la yang/ /chu las 'o ma len pa bzhin/ /nyes ba dor la legs par blang/ /byas la drin gzo slar phan gdags/ /gzhan gyi sdig rkyen mi bya zhing/ /dge ba'i bar chad mi bya'o/ /mtho la phun tshogs phrag mdog med/ /grogs dang dman la brnyas thabs dang/ /khyad du bsad pa nyid mi bya/ /rang skyon gzhan gyi yon tan bsgang/ /gzhan skyon mi gleng rang mi bstod/ /'di bas phyi ma gtsang gzung ste/ /byed dgu chos dang bstun te bya/ /'di yi zang zing rnam spangs te/ /'phags pa'i nor gyis lus brgyan bya/ /sdug bsngal dag la bder mi gzung/ /gnyid rmugs le lo ga ler spangs te/ /nges par 'chi ba'i 'du shes bskyed/ /dge ba'i chung yang 'bad bas bsgrub/ /sdig pa chung yang rnam par spangs/ /chos kyi ched du ma gtogs bar/ /kha zas gos sogs don mi gter/ /'dod pa chung dang chog shes bya/ /'jig rten chos

  24. 12b

    brgyad rnam par spang/ /do dga' gzhog slongs sogs mi bya/ /rang la skyon yod mi tshor bar/ /gzhan gyi skyon la dpyad mi bya/ /smra dga' khas len dpa' byas nas/ /de bzhin mi sgrub spang bar bya/ /g.yo dang sgyu dag mi bya zhing/ /log pa'i 'tshog rnam par spang/ / chos dang mthun pas bsgrub bar bya/ /nye du 'brel pa la sogs la/ /zhen pas chags par mi bya zhing/ /phyogs ris zhen phyogs med bar bya/ /gzhan la ri ba chung bar bya/ /mi dga' i las la mi bstod smad/ /dgos ba med pa'i 'du 'dzi spang/ /bre mo'i gtam la dga' mi bya/ /zhen pas 'dod pa'i yid smon dgag /yon tan thong dang tshogs 'phel ba'i/ /las la zhum dang ngo tsha spang/ /nga rgyal khengs dang gnyen pos gzhom/ /zhe gdung kheng grags rnam par spang/ /dngos dang brgyud pas sems can kun/ /nyes du 'brel bar gyur bas na/ /lus ngag yid gsum dri med pas/ /de dag kun la bu bzhin blta/ /snying rjes bzhin 'dzum gsod por smra/ /dga' ba'i mig gis kun la blta/ /'khor grogs mthon dman nye ring snyoms/ /bstod dang bkur stis mi dregs shing/ /smod dang brnyas la zhe mi sdang/ /phongs pa rnams la snying rje yis/ /phan ni gdags ba nyid du bya/ /gang la chags pa spang bya ste/ /dman pa rnams la snying rje dang/ /phan pa'i bsam pas gdams ngag bya/ /sems can bsam pa tha dad pas/ /bya ba don chen brtags te bya// thams cad mgu bar su yis nus/ /'on kyang 'gyod pa med pa yis/ /sdug bsngal khyad bsang bde ma chags/ /rang gi sems sbyang gzhan sems gzung/ /brnyas dang nyes pa byung la sogs/ /gnyen po las dang brdzun pas sbyang/ /de ltar blta zhing byang chub kyi/ /spyod pa yid dam brtan par bya/ /mi lus rin chen chung mi gsan/ /nges bar 'chi ba ma long mi srid/ /brtson 'grus me bzhin drag du sbyong/ /mngon zhen bdag lta'i rtsa ba chod/ /dus gsum 'khor ba gnyen pos chom/ /phyin ci log gi g.yang sa dor/ /'khor ba'i rgyun

  25. 13a

    chod las chu skoms/ /ngan song gsum po sgo chod la/ /sdug bsngal gsum gyi nang zhi ste/ /mtho ris thar ba'i skas ? 'dzegs/ /sgrib pa gnyis sbyongs tshogs gnyis rdzogs/ /sku dang ye shes la thob sto/ /'bad ba med par gzhan don bsgrubs// byang chub sems dpa' i spyod pa mdo tsam gdams ngag tu byas ba slob dpon chen po dpal mar me mdzad ye shes kyis mdzad pa rdzogs so// //rgya gar skad du/ si sA ra ma na nirya Ni ka sya gI ti/ bod skad du/ 'khor ba las yid nges par 'byung bar byed pa zhes bya ba'i glu/ /bla ma rnams la phyag 'tshal lo/ /dkon mchog gsum la phyag 'tshal lo /e ma'o/ /'du byed sdug bsngal 'gyur ba'i sdug bsngal dang/ /sdug bsngal sdug bsngal la sogs brgya rtsa bcu/ /sdug bsngal kun las skyob par mdzad pa yi/ /sman pa'i rgyal po de la phyag 'tshal lo/ /kye kye kwa ye grogs po dag /'khor ba'i rgyu ni nyon mongs pa dang las/ /nyon mongs khams gsum gnas na dgu bcu brgyad/ /zag pa chu bo sbyor ba nye bar len/ /rgyu dang yul dang sbyor ba'i stobs kyis byung/ /kye kye kwa ye grogs po dag /sna tshogs 'di dag las las gyur/ /de yang nyon mongs stobs las byung/ /dge dang mi dge lung ma bstan/ /mthong la myong ba skyes nas myong/ /gzhan du myong dang me nges pa'i/ /dkar dang gnag dang 'dren ma'o/ /'khor ba'i las ni lci gang dang// nye ba gang dang goms pa gang/ /sngon byas gang yin de las ni/ /snga ma snga ma rnam smin 'gyur/ /grogs dag soms shig thog ma med pa nas/ /ma rig la sogs bcu gcig rga shi'i mdza' / /yan lag bcu gnyis cha gsum zo chu'i tshul/ /nang gi rten 'brel yang dang yang du 'khor/ /tshe rabs tshe rabs grangs med de dang der/ /skye dang rga dang na dang 'chi ba yi/ /sdug bsngal rnams kyis yang dang yang du gdungs/ /'khrul nas 'khor gyur 'khrul cing 'khor bar 'gyur/ /kyi hud/ srid pa'i lam gyis dub pa'i 'dron po

  26. 13b

    rnams/ /sdug bsngal bde bar mthong nas mi skyo bar/ /khyod yid de la rtag tu chags byed pa/ /phyugs dang khyad par med par bla ma gsung/ bla mas zin pa'i skye bo mkhas pa dag /skad cig skad cig 'gro ba lnga po kun/ /'khor ba'i sdug bsngal tsher ma zug 'dra la/ /dus pa'i gting nas snying rjes su mi skye/ /las ngan dbang gis 'khor pa'i rgya mtsho 'dir/ /yang yang skye zhing yang yang rga dang na/ /yang yang 'chi 'gyur 'di ni mi sems par/ /yul la chags byed bdag gis ji ltar bya/ /kye kye kwa ye grogs po dag / srid pa gsum nang gnas pa kun sdug bsngal/ /de yang mi yis sdug bsngal bdag gis mthong/ /mngal gyi sdug bsngal 'di lta bur gnas/ /nur nur mer mer gor gor nar nar bo/ /ltar ltar mkhrang dang rkang lag rim gyis rdzogs/ /nu zho mar gyis gso byed cing/ /shin tu nyam chung gan rkyal nyal/ /byis pa dar ma lang tsho dang/ rgas pas slar yang byis par 'gyur/ /tshe ni mi rtag shin tu g.yo ba ste/ /yud tsam sdod pa'i mthu yang yod ma yin/ /bdag ni nges par 'chi 'gyur mi sems pa/ /grogs dag skyes bu de ni ngo mtshar che/ /'khor ba'i skyon dang nyes dmigs mi shes pas/ /phyin ci log pa bzhi la gnas nas su/ /bdag ni nges par 'chi 'gyur mi sems par/ /yul la mngon zhen nyin mtshan don med 'das/ /dzam bu'i gling pa dus min 'chi ba ste/ /nges pa can yang zas par 'gyur bas na/ /yang dang yang du ngas par 'chi 'o zhes/ /bsam par rigs so kwa ye bzhin bzang dag /sos ka me tog rgyas pa'i dus 'di 'byung bar 'gyur/ /zla ba gsal bas mtshon pa'i ston dus 'di 'byung zhes/ /skye bo thams cad dga' 'gyur bdag gi tshe 'di ni// zas par 'gyur zhes shin tu ming gar 'gyur ba med/ /de ring 'di bya sang ni 'di bya de nas 'di dang 'di bya zhes/ /srid pa g.yo ba'i rang bzhin ma shes don med yid brtan tshol byed pa'i/ /skye dgu 'chi bdag gi ni chu srin khar ni gzhi zhugs pa ltar/ /bya ba mthar ma phyin bar yul gyi chu yi dpa'

  27. 14a

    klong nang du lhung/ /'di ni sang bya'i 'di ni thang cig 'og tu bya/ /'di ni de'u re bya zhes skye bo sems pa na/ /gshin rje'i be con lag thogs zur gyis lta byed cing/ /mig rtsa dmar khros mar bas gad mo re snyam 'debs/ /rnal 'byor bstan bcos thams cad dang/ sbyor ba du ma shes rab kyang/ /deng bya sang bya zhes smra zhing/ /bsam dang ldan par 'chi bar 'gyur/ /tshe ni gnod mang rlung gis btab 'dra yi/ /chu yi chu bur bas kyang mi rtag na/ /dbugs 'byung dbugs rdub gnyid kyis log pa las/ /sad khom gang lags de ni ngo mtshar che/ /kye kye kwa ye grogs po dag /tshe ni yun thung shes bya'i rnam pa mang/ /tshe yi tshad kyang ji tsam mi shes pas/ /ngang pa chu las 'o ma len pa ltar/ /rang gi 'dod pa rang la blang bar gyis/ /kye kye kwa ye grogs po dag /'jig rten spyod pa dag la phar bltas na/ /byas pa thams cad don med sdug bsngal rgyu/ /ci la bsams kyang phan par mi 'gyur bas/ /rang gi sems la lta ba goms par gyis/ /kye kye kwa ye grogs po dag /tshad ma bdun dang brda sprod rnam pa bzhi/ /mngon pa dang ni yo ga tsarya'i sa/ /mdo sde dang ni 'dul ba mngon pa dang// gzhung du bkod pa ma lus thams cad kun/ /ma mthong ma mnyan ma bshad ma bris zhes/ /de la gdung ba mi bskyed bzhin bzang dag /bla ma'i man ngag ces bya bdud rtsi'i ro/ /gang gis sems mnyam 'jog pa de tsam zhig/ yongs su btsal gyi gzhung mang ci zhig dgos/ thams cad yid ni 'khrul par byed pa'i rgyu/ /'khor ba'i gnas 'di nges pa med pas na/ /pha ma la sogs pha mar ma nges pas/ /nye du 'brel ba dag la chags pa spang/ /dgra yang ma nges de la sdang ba spang/ /nad med lang tsho phun sum tshogs pa dang/ /'dod yon lnga la rang bzhin gyis chags spang/ /rnyad pa dang ni bkur sti grags pa dang/ /rigs dang rus dang tshigs su bcad pa spang/ /slob ma yang slob chos kyi 'brel pa spang/ /kyai kwa ye grogs po dag/ 'jig rten stag sbrul me dang dug 'dra bar/ /bsams nas spangs te dben bar gnas par bya/ /bud med mtshan nyid

  28. 14b

    skyes pa'i mtshan nyid dang/ /sman dang glang chen brtag pa 'am gza' skar rtsis/ /mtshon cha brtag pa 'am rta dpyad rang bzo 'am/ /bstan bcos ngan pa slob dang klag pa spang/ /yul la mngon dga' i sems ni byung ba dang/ /rnam rtog de dag rnams ni byung ba na/ /bdag ni nges par 'chi ba dran byas la/ /'og nas 'byung ba'i gnyen po rnams kyi bzlog/ rnam rtog mang ba dbugs bgrangs pa yis gzhi la/ /'dod chags sems byung rnam par rtog pa de/ /rang bzhin mi gtsang keng rus lta bas bzlog /zhe sdang la ni byams pa'i chu yis gdang/ /gti mug la ni rten 'brel lam gyis so/ /mi gtsang ba dang byams pa rten 'brel gyi/ /man ngag bla ma'i zhal nas byung bzhin bya/ /'khor ba las yid nges par 'byung bar byed ba zhes bya ba'i glu slob dpon chen po dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po de nyid dang/ zhus chen gyi lo tsA ba rgya brtson seng ges bi kra ma sh+rI la'i gtsug lag khang du bsgyur pa'o// //slad nas bla ma de nyid dang/ lo tsA ba tshul khrims rgyal bas bcos shing gtan la phab pa'o// // *// /rgya gar skad du/ tsArya gI ti/ bod skad du/ spyod pa'i glu 'phags pa 'jam dpal gzhon nur gyur pa la phyag 'tshal lo/ /dpal rdo rje gdan la phyag 'tshal lo/ /gzugs brnyan ci 'dra 'gro ba srid pa de 'dra ste/ /rang gi ngo bo brtags na rang bzhin yod ma yin// rang gi ngo bo gzugs brnyan 'dra shes ma skyes pas/ /kwa ye rmongs pa'i sems khyod mi shes ma byed cig /dri med mkha' dang rgyas pa'i nor bu me long la/ /de la gsal bar snang ba bdag dang 'gro ba kun/ /de ltar byis ba rang gi gzugs brnyan la 'khrul ltar// bdag gzhan 'byed pa'i 'khrul pa la ni ci phyir gnas/ /gang gis gzugs brnyan la ni rtag par shes shing rtogs/ /de ni phyugs dang 'dra ste grib ma la rgol yin/ /dkyil 'khor 'khor lo bsgom pa brtan par bya ba ste/ /de nyid shes pa'i rnal 'byor pa

  29. 15a

    yis der mi gnas/ /mtshon bar bya ba mchog tu bde chen gces pa ste/ /dkyil 'khor de la bsdus te bstan par bya ba yin/ /khyed kyis brtags shing bskyed pa'i tshul ni gang yin pa/ /de la de nyid rang bzhin yin par ji ltar sems/ /ji srid de nyid rang bzhin yongs su ma shes pa/ /de srid byang chub bla na med pa ji ltar 'grub/ /rnam rtog spros pa ma lus dngos po med pa ste/ /de dag mchog tu bde ba chen po'i rang bzhin yin/ /'jig rten chos brgyad dag la sems ni mnyam pa dang/ / ting nge 'dzin gyi tshogs la gnas par 'gyur bar gyis/ /gnas na shin tu rnam par dag par 'gyur ba ste/ /spros pa'i spyod pa ma lus yongs su spong ba yin/ /rnam par rtog pa sna tshogs kyis ni dngos gang bskyed/ /de ni mchog tu rnam par dag pa'i rang bzhin min/ /spros pa dang ni rnam rtog ma lus yong min pa/ /de ni de bzhin nyid de mchog tu rnam dag dngos/ /de bzhin nyid kyi ting 'dzin me che 'bar ba ste/ /nyon mongs sog ma ma lus sregs par byed pa yin/ /gang tshe 'jig rten yongs su shes par gyur pa na/ /de tshe 'gro ba thams cad nam mkha' bzhin du 'gyur/ /'gro ba'i rang bzhin mkha' 'dra ba la mi 'khrul cing/ /rnam rtog rab rib kyis rmongs ldongs bar ma byed cig /'gro ba sngon chad ci 'dra phyis kyang de 'dra ste/ /snga phyi dag dang bar la khyad par yod ma yin/ /rab rib can gyis ji ltar mkha' la skra mthong dang/ /rnam rtog rab rib 'jig rten mthong la khyad par med/ /rnam rtog rang bzhin mkha' dang mnyam pa'i rang bzhin du/ /brtags pa'i rang bzhin ma lus pa dag bsgom par gyis// sdig pa'i rnam smin chom rkun 'jigs pa mthong ba yis/ /kwa ye tshul khrims nor chen bsrung phyir mel tshe byos/ /srid pa'i mtshan ring dag la gti mug gnyid log gis/ kwa ye sems ni bag med me byed mel tshe byos/ /nyi ma med na nyin mo yod pa min

  30. 15b

    pa ltar/ /tshul khrims nor dang bral la bsam gtan ga la yod/ /gnyid log pa yi khang bar chom rkun zhugs pa yis/ /kwa ye khyod kyi tshul khrims nor chen phrogs ser/ /skad cig tsam yang bya ba ngan la ma chags par/ /de nyid nyi ma ma shar bar du mel tshe byos/ /ji srid de nyid nyi ma dag ni shar ba na/ /de srid srid pa nor bu bzhin du ci dga' spyod/ /bdag ni gang yin 'gro ba khyed rnams de yin te/ /rang gzhan 'byed pa'i nang gi gnod pa ma byed cig /rnam rtog nang gi gnod pa 'di ni gzhom bya ste/ /sbrul gdug lta bu de ni bdud rtsi'i ros zhi bya/ /nang gi gnod pa sbrul gdug mgo mangs lta bu ste/ /'gro ba ma lus sna tshogs rtog par shes nas ni/ /de bzhin nyid du bdud rtsi chen po'i ro zhes bya/ /rnal 'byor chen po'i sems kyi ngal so'i gnas gang yin/ /bdud rtsi chen po'i ro ni rtag tu btung byas na/ bde ba chen po'i mya ngan 'das mchog shes par 'gyur/ /gcer bu sbyin sreg byed pa bram ze ma yin zhing/ /ral pa 'dzin pa dang ni rigs dang rgyud kyis min/ /gang zhig lus dang ngag dang yid ni yongs dag na/ /de lta bu ni bram ze yin par sangs rgyas gsungs/ /sdig pa bcu po gang yin pa ni spang bya zhing/ /dge ba bcu po yon tan stobs dang ldan par bya/ /dman pa'i rigs su skyes kyang 'di ni gang gi tshe/ /ma shi bar du chos ma yin par spyad mi bya/ /bzod pa'i chos 'dzin pa yi khra ba las rgyal zhing/ /yul gyi bde ba 'dod pa ma lus spang bar bya/ /bde ba'i chos kyi mtsho la rtag tu khrus bya zhing/ /'dun pa'i skyon dang 'jigs dang gti mug bskyed mi bya/ /yang dang yang du keng rus bzhon pa la bzhon cing/ /rtag tu mi gtsang 'dzag pa rmongs pas mtshor ram/ /'dod dang gti mug ngan 'gro'i lam ni spang bya zhing/ /kwa ye sems khyod rang gi dri ma bkru bar gyis/ /gus pas bla ma dam pa'i chu mig bsten bya zhing/ /gti mug chen po'i dri mas gang gos zad par bya/ /bla ma'i man ngag de nyid dri med chu yin pas/ /

  31. 16a

    de blangs nas ni rang nyid bkru bar shes par bya/ /sems khyod yongs su go bar gyis la rang la ni/ /yongs su blta zhing gti mug dri ma chen po sbyongs/ /mi ni gang zhig thub pa'i chos gtam mi mnyan pa/ /de ni chu dang nags kyi mi dang mnyam pa yin/ / nges par 'jig rten ma 'ongs pa rol 'gro bas na/ /thub pa'i chos kyi gtam ni mnyan par bya ba yin/ /thub pa'i chos thos nas ni chos min gnas mi bya/ /mnar med 'gro la lus kyang gzung bar mi nus pas/ /chos thos nas ni chos kyi don bzhin gang sgom pa/ / des ni bde bar mtho ris thar pa'i 'bras bu thob/ /gti mug mun nag dag la chos ni sgron ma ste/ /srid pa'i mtsho las sgrol bar byed pa'i gzings yin no/ /slob dpon chen po dpal mar me mdzad ye shes kyis mdzad pa'i tshul khrims kyi spyod pa glur blangs par rdzogs so// paN+Di ta badzra Ni dang/ lo tsA ba dge slong chos kyi shes rab kyis bsgyur cing zhus te gtan la bab pa'o// //rgya gar skad du/ d+harma d+hA tu sa ra gI ti/ bod skad du/ chos kyi dbyings su lta ba'i glu/ /thams cad mkhyen pa la phyag 'tshal lo/ /gang zhig kun tu ma shes na/ /srid pa gsum du rnam 'khor ba/ /sems can kun la nges gnas pa'i/ /chos kyi dbyings la phyag 'tshal nas/ /chos dbyings lta zhing gzhan min par/ /de dag rim bzhin brjod par bya/ /zab zhi spros bral de bzhin nyid/ /'od gsal 'dus ma byas pa gang/ / ma skyes ma 'gags gzod nas dag/ rang bzhin mya ngan 'das pa yin/ chos dbyings mdza' dang dbus med pa/ /blo mig zhib mo rtog bral ba/ /bying rgod rab rib med pas blta/ /gang zhig 'khor ba'i rgyur gyur pa/ /de nyid sbyang ba byas pa las/ /dag pa de ni mya ngan 'das/ /chos kyi sku yang de nyid do/ /ji ltar 'o ma dang 'dres pas/ /mar gyi snying po mi snang ba/ /de bzhin nyon mongs dang 'dres pas/ /chos kyi dbyings kyang mi mthong ngo/ /ji ltar 'o ma rnam sbyangs pas/ /mang gyi snying po dri med 'gyur/ /de bzhin nyon mongs rnam sbyangs pas/ /chos dbyings shin tu dri

  32. 16b

    med 'gyur/ /ji ltar mar me bum nang gnas/ /cung zhig snang bar mi 'gyur ba/ /de bzhin nyon mongs bum nang gnas/ /chos kyi dbyings kyang mi mthong ngo/ /phyogs ni gang dang gang dag nas/ /bum pa'i bu ga btong gyur pa/ /de dang de yis phyogs nyid nas/ /'od kyi rang bzhin 'byung bar 'gyur/ /gang tshe ting 'dzin rdo rje yis/ /bum pa de nyid bcag gyur pa/ /de tshe de ni nam mkha' yi/ /mthar thug bar du snang bar byed/ /chos kyi dbyings ni skye ma yin/ /nam yang 'gag par 'gyur ba med/ /dus rnams kun tu nyon mongs med/ /thog ma bar mdza' dri ma bral/ /ji ltar rin chen bai DUrya/ /dus rnams kun du 'od gsal yang/ /rdo yi nang na gnas gyur na/ /de yi 'od ni gsal ma yin/ /de bzhin nyon mongs kyis bsgribs pa'i/ /chos dbyings shin tu dri med pas/ /'khor bar 'od ni gsal ma yin/ /ji ltar spun pas g.yogs gyur pa/ /so ba 'bras nyid mi 'dod ltar/ /de bzhin nyon mongs kyis g.yogs pas/ /de ni sangs rgyas shes mi brtag /ji ltar spun pa las grol na/ /'bras nyid snang bar 'gyur ba ltar/ /de bzhin nyon mongs las grol na/ /chos kyi sku nyid rab tu gsal/ /ji ltar sgrum ma'i lto na bu/ /yod kyang mthong ba ma yin pa/ /de bzhin nyon mongs kyis g.yogs pa'i/ /chos kyi dbyings kyang mthong ma yin/ /chos dbyings gang phyir bdag ma yin/ /bud med ma yin skyes ma yin/ /gzung ba kun las rnam grol bas/ /ji ltar 'dzin par brtag par bya/ /mi gtsang mi rtag sdug bsngal zhes/ /bya ba gsum pos sems sbyong byed// stong pa nyid ni stong pa'i mdo/ /rgyal bas ji skad gsungs pa ste/ /de dag kun gyis nyon mongs ldog /khams de nyams par byed ma yin/ /mchog tu sems zhi sbyong byed pa'i/ /chos ni rang bzhin med pa yin/ /ji ltar ri bong mgo bo'i rwa/ /brtags pa nyid de med pa ltar/ /de bzhin chos rnams thams cad kyang/ /brtags pa nyid de yod ma yin/ /phra rab rdul gyis ngo bo yis/ /glang gi rwa yang dmigs ma yin/ /ji ltar sngon bzhin byis de bzhin/ /de la ji zhig brtag par bya/ /brten nas 'byung bar 'gyur ba dang/ /brten nas 'gag par 'gyur ba dang/

  33. 17a

    gnas ba dag kyang yod min na/ /byis pa ji ltar rtog par byed/ /chos dbyings rang bzhin nam mkha' yi/ /khams ltar rgyu med rkyen med de/ /skye dang rga dang gnas pa dang/ /'jig pa med pa 'dus ma byas/ /sangs rgyas chos dbyer med pa dang/ /de rigs de bzhin thob pa dang/ /brdzun med bslu med 'tshe med pas/ /gdod nas rang bzhin zhi nyid do/ /gang phyir de ni rgya mtsho ltar/ /sgra dang dpe dang blo rnams kyis/ /gting dang pha rol mi rnyed pa/ /de phyir rab tu zab ba nyid/ /chos kyi dbyings la dbyer med phyir/ /lta ba tha dad rung ma yin/ /'on kyang blo yi byed brag gis/ /lta ba tha dad cung zad brjod/ /dbu ma nyid du smra ba rnams/ /de don bden pa gnyis su 'dod/ /kun rdzob dang ni don dam mo/ /bden gnyis rnam dbye shes pa dag /thub pa'i bka' la mi rmongs te/ /de dag ma lus tshogs bsags nas/ /phun tshogs pha rol 'gro ba nyid/ /bdag dang bdag gi rtag chad dang/ /nyon mongs rnams byang rgyu 'bras dang/ /gzung dang 'dzin par gang spros pa/ /'di ni kun rdzob bden pa'o/ /stong nyid bdag med zhi ba gang/ /spros pa rnams kyi ma gos pa/ /tha dad don min rnams mi rtog /'di ni don dam bden pa'o// yang dag yang dag ma yin dang/ rnams grangs rnam grangs ma yin pas/ /de gnyis so sor dbye ba byas/ /gtags tsam snang grags dngos po dang/ /tha snyad 'khrul ba sgyu ma dang/ /kun rdzob nyid ni rnams grangs so/ /stong pa nyid dang yang dag mdza' / /mtshan ma med dang don dam dang/ /chos kyi dbyings ni rnam grangs so/ /gang phyir sgrib pa kun rdzob ste/ /'gyur ba med phyir don dam mo/ /yang dag yang dag ma yin pa'i/ /shes pa gnyis phyir bden pa gnyis/ /yang dag shes pa med ce na/ /bden te tha snyad tsam du yod/ /de nyid tshol la thog mar ni/ /thams cad yod ces brjod par bya/ /don dam rtogs shing chags pa med/ /phyis ni rnam par dben don nyid/ /bden gnyis gcig dang tha dad min/ /nyes pa bzhi bzhi gsungs phyir ro/ /gcig dang tha dad gang rtog pa/ /de ni tshul min zhugs pa yin/ /dngos por khas len yod

  34. 17b

    na ni/ /'dod chags zhe sdang mi bzod 'byung/ /lta ba ma rungs yongs su 'dzin/ /de las byung ba'i rtsod par 'gyur/ /dmigs pa'i 'du shes can la ni/ /thos pa med cing mngon rtogs med/ /rjes mthun bzod pa'ang yod min na/ /mya ngan 'das pa'ang smos ci dgos/ /stong pa nyid la lta nyes na/ /shes rab chung ldan 'phung bar 'gyur/ /ji ltar sprul la gzung nyes dang/ /rig sngags log par bsgrubs pa bzhin/ /rgyal ba kun gyis stong nyid ni/ /lta kun nges par 'byin par gsungs/ /gang dag stong pa nyid lta ba/ /de dag bsgrub tu med par gsungs/ /gang dag rang dngos gzhan dngos kyi/ /dngos dang dngos med nyid mthong ba/ /de dag sangs rgyas bstan pa la/ /yang dag mthong ba ma yin no/ /med pa yod pa'i zlas drangs te/ /yod pa'ang zhed pa'i zlas? drangs pas/ /de phyir med par brjod mi bya/ /yod pa nyid duAng mi brtag go /yod pa pa ni bde 'gror 'gro/ /med pa pa ni ngan 'gror 'gro/ /yang dag ji bzhin yongs shes phyir/ /gnyis la mi brten thar bar 'gyur/ /tshul gnyis shing rta zhon nas su/ /rigs pa'i sub skyobs 'jug byed pa/ /de dag de phyir ji bzhin don/ /theg pa chen po ba nyid 'thob/ /gzugs sogs ji ltar snang ba nas/ /bde gshegs bar gyi chos rnams kun/ /ri bong ba lang rwa yi de dpes/ /dbu ma nyid du goms bar bya/ /yod min med min yod med min/ /gnyis min bdag nyid du yang med/ /mdza' bzhi yang ni nges grol bas/ /de nyid dbu mar mkhas rnams bzhed/ /dbu ma mthar las rnam grol na/ /mdza' dang bral phyir dbu ma'ang med/ /mdza' dbus med par gang lta ba/ /de yi yang dag lta ba ste/ /bla na med pa'i lta ba yin/ /blo ldan rnams kyis rtag tu bsgom/ /gang zhig lta ba der zhugs pa/ /des ni thams cad mkhyen pa thob/ /rnam rig tsam du smra ba rnams/ /ngo bo nyid ni gsum du 'dod/ /kun brtags gzhan dbang yongs grub po/ /rtag dang rgyu las skye ba dang/ /mi 'gyur phyir na go rim bzhin/ /rnam par rtog pa gang gang gis/ /dngos po gang gang rnam brtags pa/ /de nyid kun tu rtags pa yi/ /ngo bo nyid de de med do/ /gzhan gyi dbang gang

  35. 18a

    bo nyid/ /rnam rtog yin te rkyen las byung/ /grub ni de la snga ma po/ /rtag tu med par gyur pa gang/ /yod dang med pa'i mdza' gnyis kyis/ /de phyir de nyid gzhan dbang las/ /gzhan min gzhan ma yin pa'ang min/ /mi rtag la sogs bzhin du brjod/ /chu shel bai DUrya yi dpes/ /ngo bo nyid gsum shes par bya/ /bdag dang chos su brtags pa dang/ /rnam par dag dang ma dag dang/ /'gyur med phyin ci ma log pa/ /rim bzhin re re 'ang gnyis gnyis so/ /blo gros bzang po thams cad ni/ /nang sems pa la brtson pa yin// gzung dang 'dzin pa las grol ba'i/ /rnam shes dam pa'i don du yod/ /chos rnams gang yang skye ba dang/ /'gag pa cung zad yod min te/ /shes pa 'ba' zhig kho na ni/ /skye ba dang ni 'gag bar 'gyur/ /yod min chos rnams de dag snang/ /bem po las min gzhan las min/ /med pa las min nyes gnyis phyir/ /de phyir shes pa'i bdag nyid yod/ /rnam shes bem po'i rang bzhin las/ /bzlog par rab tu skye bar 'gyur/ khem min rang bzhin gang yin pa/ /de 'dir bdag nyid rig par 'dod/ /nam mkha' sa rlung nyi ma dang/ rgya mtsho phyogs dang 'bab chu ni/ /nang gi shes pa yang dag gi /cha yin phyi rol ltar snang ngo/ /gsal ba'i rang bzhin du snang bas/ /de dag 'brel ba lkog gyur min/ /gang dang 'brel bas gang rig pa/ /de yis rig bya de rig 'gyur/ /ral gri'i so dang sor rtse bzhin/ /blo yis rang 'dzin dor zhe na/ /rang nyid snang ba dor min par/ /dgongs pa nges par 'brel las gsungs/ /de phyir blo yi mtshan nyid ni/ /rang rig par ni grub pa yin/ /de nyid rtogs par dka' bas na/ /'di yi ngo bo spyad mi nus/ /rang rig de yang phra ba'i phyir/ /sangs rgyas rnams kyis phra bar gzigs/ /rang la gnas kyang bdag 'dra bas/ /rmongs pa'i phyir na mthong ba med/ /gsal dang blo ni bdag nyid kyi/ /'brel pa yod phyir blo tsam yin/ /shes pa'i rang bzhin bden pa ste/ /rnam pa

  36. 18b

    brdzun zhing 'khrul pa yin/ /sems ni rnam par bslang ba'i phyir/ /gcig nyid gnyis su snang ba yin/ /gzung dang 'dzin pa'i dbye ba las/ /shin tu mkhas pa cis ma yin/ /gzung ba'i rnam pa mi g.yo phyir/ /phyi rol lta bur snang ba yin/ /'dzin pa'i rnam par rab g.yo bas/ /nang lta bur ni snang ba yin/ /mtshan ma de ni spangs nas su/ /ye shes nam mkha' lta bur bsgom/ /sems kyi rang bzhin zag pa med/ /zag bcas sa bon ma zad bar/ /kun gzhig gnas skabs de bdag nyid/ /zad nas zag pa med pa'i dbyings/ /rnam par grol ba'i sku dang ni/ /rtag tu nyi zer nyi ma bzhin/ /sangs rgyas chos rnams gnas yin pas/ /skyob pa rnams kyis chos sku'o/ /nyan thos theg par zhugs pa rnams/ /bdag dang bdag gi dben pa yi/ /phung po khams dang skye mched dang/ /bzhi lnga 'am dus ni gsum yang rung/ /yod pa thams cad gzung bya yin/ /dmigs dang bcas bas 'dzin par byed/ /de gnyis dam pa'i don du 'dod/ /bden pa mthong dang goms pa las/ /nyon mongs spangs ba zhes bshad pa/ /bden pa dag ni rnam bzhi ste/ /sdug bsngal de bzhin kun 'byung dang/ /'gog pa lam ste de lta na/ /de dag ji ltar mngon rtogs rim/ /sdug bsngal nyer len phung po'o/ /kun 'byung las dang nyon mongs te/ /'gog pa mya ngan 'das pa gnyis/ /lam ni phyogs mthun sum cu bdun/ /tshul gnas thos dang sam ldan pa/ /bsgoms pa la ni rab tu sbyor/ /dge sbyong tshul ni dri med lam/ /'bras bu 'dus byas 'dus ma byas/ /de dag brgyad cu rtsa dgu'o/ /grol lam zad pa rnams dang bcas/ /'bras bu bzhi rnams bzhag pa ni/ /rgyu lnga dag ni srid phyir ro/ /nyan thos rnam bzhi sbrul pa dang/ /rdzogs pa'i byang chub 'gyur ba dang/ /zhi bgrod grub mdza' 'dzin pa'o/ /de ni gnyis bzhi bco brgyad de// gnyis ni bye brag smra ba dang/ /de bzhin mdo sde smra ba'o/ /rnam pa med pa'i shes pa yis/ /gzugs la sogs pa'i don rigs 'dod/ /de ni bye brag smra ba yin/ /gang zhig don gyis phan btags pa'i/ /gzugs brnyan rnams la nyams myong bas/ /don rig 'dod pa mdo sde pa'o//

  37. 19a

    bzhi ni dge 'dun phal chen pa/ /thams cad yod smra gnas brtan pa/ /mang pos bkur ba'o bco brgyad ni/ /shar dang nub dang gangs rir gnas/ /'jig rten 'das bar smra ba'i sde/ /btags bar smra ba'i sde pha dang/ /lnga tshan dge 'dun phal chen pa/ /gzhi kun yod smra 'od srungs te/ /sa ston sde dang chos srung ste/ /mang thos gos dmar slob ma dang/ /rnam par phye ste smra ba'i sde/ /thams cad yod par smra ba yin/ /rgyal byed tshal gnas 'jigs med gnas/ /gtsug lag khang chen gnas brtan pa/ /sar sgrogs ris dang spung ba pa/ /gnas ma bu yi sde pa ni/ /kun gyis bkur ba rnam pa gsum/ /yul don slob dpon bye brag gis/ /tha dad rnam pa bco brgyad do/ /rang rgyal byang chub don gnyer bas/ /gzung ba'i rtog pa spangs phyir dang/ /'dzin pa ma spangs phyir na de/ /rten gyis bse ru lta bu'i lam/ /bskal pa brgya yi mthar thug par/ /bsgoms pas byang chub reg par 'gyur/ /de ni rten cing 'brel 'byung ba/ /yan lag bcu gnyis cha gsum mo/ /sngon dang phyi mthar gnyis gnyis dang/ /bar du brgyad yongs rdzogs ldan la/ /ma rig nyon mongs sngon gnas skabs/ /'du byed dag ni sngon las kyi/ /rnam shes mtshams sbyor phung po yin/ /ming dang gzugs ni de man chad/ /skye mched drug dod tshun chad do/ /de ni gsum 'dus tshun chad do/ /reg pa bde sdug la sogs kyi/ /rgyu shes nus pa tshun chad do/ /tshor 'khrig tshun chad sred pa ni/ /longs spyod 'khrig pa chags bcas kyi/ /nye bar len pa longs spyod rnams/ /thob par bya phyir yongs rgyug pa'i/ /de srid 'bras bu 'byung 'gyur ba'i/ /las de nyid ni srid pa yin/ /nying mtshams sbyor ba skye ba yin/ /tshor ba'i bar ni rga shi yin/ /'di ni gnas skabs par 'dod do/ /gtso bo'i phyir na yan lag bsgrags/ /sngon dang phyi mdza' bar dag la/ /rmongs pa rnam par bzlog phyir ro/ /nyon mongs gsum mo las gnyis so/ /bzhi bdun de bzhin 'bras bu yin/ /gnyis kyi rgyu 'bras mdor bsdus pa/ /bar ma'i rjes su dpag pa las/ /'dir ni 'byung ba rgyu yin te/ /byung ba 'bras bu nyid du 'dod/ /yan lag bcu

  38. 19b

    gnyis de dag las/ /rgyu ni rnam lnga 'bras bu bdun/ /'phen par byed dang 'phangs pa dang/ /mngon par 'grub byed grub pa dang/ /nyes dmigs kyis ni yan lag ste/ /gsum bzhi gsum gcig gcig rim bzhin/ /'du byed sdug bsngal 'gyur ba yi/ /sdug bsngal nyid ni rim bzhin du/ /lnga dang gnyis dang lnga yin no/ /khams gsum du ni rim bzhin du/ /bcu gnyis bcu gcig bcu yis 'jug/ rdzus skyes yan lag bcu gcig gis/ /mngal dang sgong skyes bcu gnyis kyis/ /drod gsher las skyes ci rigs 'jug /de bzhin 'gro ba lnga la sbyar/ /gsum po dag las gnyis 'byung ste/ /gnyis las bdun 'byung bdun las kyang/ /gsum 'byung srid pa'i 'khor lo de/ /nyid ni yang dang yang du 'khor/ /'khor ba'i ngo bo rnam pa dang/ /gang zhig gang du gang gis dang/ /ji ltar ji srid nyes dmigs ni/ /mdza' yas tshogs kyis rab tu 'jug /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /mya ngan gang las 'da' ba dang/ /gang zhig gang gis gang gi tshe/ /gang du gang phyir ji lta bur/ /ji srid ngo bo rnam pa dang/ thob pa dbye ba phrin las dang/ /yon tan tshogs kyis ldog pa'o/ /mu stegs pa ni rnam pa gnyis/ /sprul pa pa dang rang rgyud pa/ /de yang skyes thob sbyor byung ngo// skyes thob rigs chad log sred can/ /sbyor byung bsam gtan rtog ge pa/ /bsam gtan pa ni mngon shes mthus/ /lta ba drug cu gnyis su rtog /rtag par smra ba rnam bzhi dang/ /kha gcig rtag par smra pa bzhi/ /mdza' yod sogs bzhi mi spong bzhi/ /rgyu med gnyis ni sngon mthar rtog /'du shes mod smra bcu drug dang/ /med smra brgyad dang de bzhin du/ /yod min med min smra ba brgyad/ /chang smra bdun dang tshe 'di la/ /mya ngan 'da' bar smra ba lnga/ /phyi ma'i mthar rtog lta ba'o/ /rtog ge pa ni grangs can sogs/ /tshad mas grub mdza' 'dzin pa'o/ /grangs can

  39. 20a

    yon tan gsum du brjod/ /snying stob rdul dang mun pa'o/ /rangs dang mgu dang kun dga' dang/ /bde dang zhi ba'i sems nyid dag/ res 'ga' yang ni snang 'gyur ba/ /de dag snying stobs yon tan no/ /mi dga' ba dang yongs gsungs dang/ /mya ngan 'dod dang mi bzod dag /gang du sna ba'i gtan tshigs kyis/ /de dag rdul gyi rtags su 'dod/ /rmongs dang de bzhin gti mug dang/ /bag med gnyid dang g.yel ba dang/ /lan 'ga' yang ni snang gyur pa/ /de dag mun pa'i yon tan no/ /yon tan gsum gyi rang bzhin mchog /mthong ba'i lam du 'gyur ma yin/ /mthong ba'i lam du gang gyur pa/ /sgyu ma bzhin du shin tu gso ba/ /rang bzhin las ni chen po ste/ /de las nga rgyal rnam gsum 'byung/ /de las dbang po bcu gcig dang/ /de tsam lnga'o de lnga las/ /'byung ba lnga skye nyi shu bzhi/ /gtso bo nyid dang rnam 'gyur ro/ /de dag sems pa yod ma yin/ /skyes bu kun rig sems pa can/ /de nyid nyi shu lnga shes na/ /ral pa'am spyi po 'am gtsug bud kyis/ /bsti nas gang du dga' ba der/ /grol 'gyur 'di la the tshom med/ /bye brag pa ni drug du 'dod/ /rdzas dang yon tan las dang spyi/ /bye brag 'du ba rnam pa drug /rdzas dgu yon tan nyi shu bzhi/ /las lnga spyi gnyis bye brag gnyis/ /de bzhin 'du ba'ang rnam gnyis te/ /de nyid drug shes rig pa'i mchog /rig byed kun gyi pha rol phyin/ /gcer bu ba rnams don dgu smra/ /srog dang zag pa sdom pa dang/ /nges par rga dang 'chi ba dang/ /las dang sdig dang bsod nams dang// thar pa zhes bya don dgu po/ /gang gis mthong de rnam par dag /rigs pa can don bcu drug 'dor/ /tshad ma gzhal bya the tshom dang/ /dgos pa dpe dang grub mdza' dang/ /cha shas rtog ge gtan la dbab/ /rtsod dang brjod dang rgol ba dang/ /rgyu ltar snang ba tshig dor dang/ /lhag tshod chang ba'i gnas rnams te/ /bcu drug gis ni nges par 'byung/ /dpyod pa pa ni don bzhir brjod/ /sa dang chu dang me dang rlung/ /de dag 'dus ma byas pa ste/ /rtag tu skye 'gag med par gnas/ /de bas las 'bras yod ma yin/ /sngon dang phyi mdza' de bzhin med/ /gang zhig de ltar rnam spyod pa/ /mthong ba tsam gyis

  40. 20b

    rnam grol 'gyur/ /khyab 'jug byed rgyur smra ba rnams/ /nyi ma'i nang na bdag khyab 'jug /skar nang 'od gnas zla ba yin/ /rlung nang nga ni 'od zer can/ /snang ba can na nyi ma yin/ /rig byed nang na snyan tshig dang/ /lha nang nga ni brgya byin te/ /dbang po'i nang na yid yin no/ /'byung ba'i nang nas yin zhing/ /nga ni bde byed drag po'ang yin/ /srin po gnod sbyin nang nor bdag nor lha'i nang na me lha nga/ /ri bo'i nang nang ri rab/ /nga ni yi ge'i nang na a/ /nya dang dul sbal phag dang ni/ /mi yi sang ge mi'u thung dang/ /dga' byed rA ma Na nag pa/ /sangs rgyas kar ki ke dang bcu/ /gang gis khyab 'jug yon tan rnams/ /rtag tu bsgoms na bde thob 'gyur/ dbang phyug byed rgyud 'dod pa rnams/ /'gro ba 'di dag thams cad kyi/ /byed pa po ni dbang phyug yin/ /de ni yon tan brgyad dang ldan/ /rab phra yang ba mchod par 'os/ /bdag por gyur dang dbang du gyur/ /gar yang phyin dang 'dod dgur ldan/ /de bzhin dga' mgur gnas pa'o/ /lag pa dag dang rkang pa dang/ /mig dang gdong dang lus rnams kyis/ /mang po bskyed cing 'jig byed pas/ /des na phra bar brjod pa yin/ /mkha' dang rlung dang sa dang ni/ /chu dang me dag gnas byed cing/ /sdud pa dang ni rgyas byed pas/ /des na yan bar brjod ba yin/ /'jig rten gsum na mchod gyur cing/ /gnas pa dag dang rgyu ba dang/ /'byung po kun gyis rjed bas na/ /des na mchod par 'os pa yin/ /'byung po kun la dbang byed cing/ /gnas pa dag dang rgyu ba dang/ /gang dang gang 'dod des byed pas/ /des na bdag por gyur ces bya/ /bdag la rag las rang dbang can/ /'ga' la'ang 'jigs pa yod min te/ /thams cad dbang du gyur pas na/ /des na dbang du gyur ces bya/ /mtho ris ngan song kun khyab pas/ /des na gar yang phyin ces bya/ /snying stobs rdul dang mun pa gsum/ /de dag gang las gnas gyur pa/ /mig 'byed tsam gyis byed 'gyur bas/ /des na 'dod dgur ldan zhes bya/ /thar pa 'am yang na lha 'i lus/ /gang du bdag nyid 'dod pa dag /thams cad 'dod pas thob 'gyur bas/ /des na dga' mgur gnas shes bya/ /gang zhig phra gyur cig pu skyes gnas 'dug /

  41. 21a

    de yis 'di kun skye zhing 'jig par byed/ /de ni dbang bdag mchog sbyin lha mchod bya/ /yon tan byed po shin tu zhi ba 'thob/ /skye ba po 'di shes pa yod min te/ /bdag gi bde sdug bdag la rang dbang med/ /dbang phyug gis btang yang na mtho ris sam/ /g.yangs dag tu 'gro ba kho nar 'gyur/ /dbang phyug rdza mkhan lta bur sna tshogs 'di sprul byed por ma gyur na/ /ri rab 'di mi 'grub cing sa gzhi 'di min rgya mtsho 'ang ma yin te/ nyi zla skar ldan 'di ltar bkod pa 'di dag mig yul du mi 'gyur/ /yod pa'i phyir na dbang phyug 'gro ba'i byed po yin zhes 'ga' zhig smra/ /phra zhing bsam gyis mi khyab rab srab byed ba kun rig kun byed pa/ /rnal 'byor goms pas thob pa blo can bsam gtan pa yi bsam gtan yul/ /nyi ma zla bas chu me rlung phyogs dang nam mkha' i lus can te/ /zhi ba'i bde dga' 'dod pa rnams kyis dbang phyug rtag tu bsgom/ /dus la bltos par smra ba rnams/ /dngos kun dus kyis bsgyur ba ste/ /gang gi zhang pa nor lha dang/ /gang pha nor rgyal yin pa yi/ /'jigs med khro bo'ang bsad gyur pas/ /dus ni 'da' bar dka' ba yin// 'byung ba rnams ni dus kyis 'byin/ /skye dgu rnams sdung dus kyis byed/ dus kyis gnyid log sang par byed/ /dus ni 'da' bar dka' ba yin/ /srung ba gsum rtsegs 'obs ni rgya mtsho dang/ /dmags mi srin po nor ni nor sbyin sbyor/ /gang gi bstan bcos pa sangs tshad mnyam pa'i/ /sgra sgrogs bu de'ang dus kyi dbang gis nyams/ /ngo bo nyid rgyur smra dngos rnams/ /ngo bo nyid kyis 'grub par byed/ /mi yi dmar ba nyid dang ni/ /dam pa gzhan don byed nyid dang/ /dam pa min pa'i brtse min nyid/ /gsum po? ngo bo nyid kyis grub/ /tsher ma rno bar gyur pa su yis byas/ /ri dags bya yi ri mo su yis byas/ /bu ram shing mngar nim pa kha bdag 'di dag thams cad ngo bo nyid kyis grub/ /nyi ma tsha zhing zla ba rab bsil dang/ /skye bo chags shing thub pa de min la/ /bde ba rab tshim sdug bsngal rab gdung pa/ /drug po 'di dag ngo bo nyid

  42. 21b

    kyis grub/ /gang dag rgyu med smra ba ni/ /thams cad rgyu la bltos? med par/ /dngos po rnams ni skye ba ste/ /nyi ma pad+ma'i ge sar sogs/ /sna tshogs gang gis byas pa yin/ /rma bya'i mdongs la sogs pa yang/ /sna tshogs gang gis sprul pa yin/ /ji ltar char rlung la sogs pa/ /glo bur 'byung phyir rgyu med ltar/ /sdug bsngal la sogs rgyu med nyid/ /shin tu rgya chen rab zab la/ /sgying lug shin tu ma sbyangs pa/ /bdag gzhan smra dag gti mug gis/ /de ltar theg pa chen la smod/ /tshul khrims las ni nyams bla yi/ /lta las cis kyang ma yin te/ /tshul khrims kyis ni mtho ris 'gro/ /lta bas go 'phangs mchog tu 'gyur/ /gti mug dbang gis bsgribs gyur te/ /gang zhig yang dag gegs byed pa/ /de la dge ba'i 'gro ba'ang med/ /thar pa med pa smos ci dgos/ /gnod pa'i sa bon gyur pa yis/ /mu stegs byed mang mthong nas ni/ /thar 'dod skye ba po rnams la/ /snying rjer mi 'gyur su zhig yod/ /de phyir thar pa don gnyer rnams/ /chos kyi dbyings su blta bar gyis/ /chos kyi dbyings su lta ba'i glu slob dpon chen po dI ra baM ka ra sh+rI dz+nyA nas mdzad pa rdzogs so// //rgya gar gyi mkhan po de nyid dang/ /bod kyi lo tsA ba dge slong tshul khrims rgyal bas bsgyur ba'o// //*/ /rgya gar skad du/ e ka smri tyA pa de sha/ bod skad du/ dran pa gcig pa'i man ngag /bcom ldan 'das 'jig rten dbang phyug la phyag 'tshal lo/ /thams cad mkhyen la gus btud de/ /'phags pa klu sgrub phyag 'tshal nas// a ba d+hU ti bdag gis ni/ /cig car 'jug pa'i man ngag bri/ /'dir byang chub sems dpa' sems dang po bskyed pa nas nye bar gzung ste dbang bskur chen po ma thob kyi bar de srid du de'i bya ba ni gnyis te/ /shes rab kyi bya ba dang/ /thabs kyi bya ba'o/ /de la shes rab ni chos thams cad gdod ma nas ma skyes pa dang po nyid nas chos kyi dbyings nyid du shes pa'o/ /de'i bya ba ni las dang po ba de nyid nas ji srid dbang bskur ba ma thob kyi bar de srid du nyin mtshan dus rtag du de nyid bsgom pa'o/ /thabs ni sems can mi gtong ba'i byang

  43. 22a

    chub kyi sems so/ /de'i bya ba ni lus dang ngag dang yid kyi bya ba thams cad sems can thams cad kyi ched ma yin pa ci yang med de/ dngos sam brgyud pas so/ /'dir yang sems can la dmigs pa dang/ dmigs pa med pa'i rim pa'o/ /de'i rim pa ni 'di yin te/ mi mkhas pa rab rib can dang/ /mkhas pa rab rib dangs pa'o/ /gang gi tshe chos kyi sku mngon sum du mdzad phan chad shes rab mnga' ste/ ye shes nyid du gyur nas gnas so/ /shes rab kyi bya ba ni mi mnga' ste goms nas mthar phyin pa'i phyir ro/ /thabs de'i bya ba ni dmigs pa med pa rang gi ngang gis lhun gyis grub pa dang/ 'bad pa dang rtsol ba med par 'byung ngo/ /byang chub sems dang las dang po pas ni gang zag gi bdag yod pas sems can zhes brtags shing/ /des sdug bsngal ba la snying rje bskyed do/ /de nas goms nas ni sems can zhes bya ba ni dang po nyid nas med kyi/ glo bur du brtags par zad do/ /gzhan du na rten 'brel gyi phung po dang khams dang skye mched tsam zhig las gzhan 'di na ci yang med do snyam du rtogs pa dang/ yang 'di dag ni rang gi sems 'ba' zhig tu zad kyi gzhan 'di na ci yang med do snyam du rtogs nas/ nges sdug bsngal ba rnams la snying rje skye'o/ /gang gi tshe sangs rgyas kyi sa la ni dmigs pa'i yul med de/ 'phags pa rab kyi rtsal gyis rnam par gnon pa las ji skad du/ sangs rgyas bcom ldan 'das kyi ye shes kyis ci yang mi gzigs te/ de ci'i phyir zhe na/ ye shes kyi yul mi mnga' ba'i phyir ro zhes gsungs so/ /'o na dus de na ye shes yod dam med ce na/ /'phags pa klu sgrub mi bzhed de/ ji skad du/ sems ni sangs rgyas thams cad kyis/ /ma gzigs mi gzigs gzigs mi 'gyur/ /rang bzhin med pa'i rang bzhin la/ /ci lta bu zhig gzigs par 'gyur/ zhes gsungs pa dang/ brgyud pa'i man ngag 'di yin no/ /dren gzhan gyi don las ma gtogs pa bya ba gzhan ci yang mi mnga' la/ 'di ltar gzhan gyi don ni 'dod par bya ba'i don gyi 'bras bu'i gtso bo yin te/ ji skad du/ 'phags pa klu sgrub kyi zhal snga nas/ gzhan

  44. 22b

    don phun sum tshogs pa ni/ /'bras bu spyi'i gtso yin par 'dod/ /sangs rgyas nyid sogs de las gzhan/ /de dag don gyi 'bras bur 'dod/ /ces gsungs so/ /de kho na nyid la 'jug pa'i man ngag kyang blo la gnas par bya'o/ /tshul khrims rgyal bas bskul ba yis/ /'dir ni bsdus nas bstan pa yin/ /rgyas par klu sgrub gdams ngag dang/ /theg chen mdo sde blta bar gyis/ /cig car 'jug pa'i man ngag /paN+Di ta dI baM ka ra sh+rI dz+nyA nas mdzad pa rdzogs so// //panDi ta de nyid dang lo tsA ba tshul khrims rgyal bas bsgyur ba'o// // */ /rgya gar skad du/ bo d+hi satwa karmA di manA ba tA ra de sha na/ bod skad du/ byang chub sems dpa' las dang po pa'i lam la 'jug pa bstan pa/ /bla ma dam pa rnams la phyag 'tshal lo/ /ngan 'gro 'khor ba 'joms pa dang/ /mngon mtho nges 'byung stsol mdzad pa/ /phyogs bcu'i dkon mchog thams cad dang/ /dpal ldan bla ma'i zhabs phyag 'tshal/ /'di na gang dag rang bzhin gyis snying rje dang shes rab che ba theg pa chen po'i rigs can dang/ yang gang dag skye ba snga ma dag tu theg pa chen po la goms par byas pa'i skyes bu 'khor ba la yid legs bar byung ba/ 'chi ba rjes su dran pa/ phyi nang gi dngos po thams cad la zhen pa chung ba/ dge ba'i bshes gnyen dam pa zhig la theg pa chen po'i lam phyin ci ma log pa zhig thos par gyur na ci ma rung/ bdag gis dam pa zhig btsal bar bya'o snyam du sems pa des/ dge ba'i bshes gnyen du rung ba'i bla ma btsal te/ /gzhan du bstan pa bzhin du gsum la skyabs su 'gro ba khyad par can dang/ 'gro ba mdza' yas yul du byas te/ bsam pa bzang po dang ldan pas bla na med pa'i byang chub chen por sems thun mong ma yin pa bskyed pa dang/ lhag pa'i bsam pa bzang po dang ldan pas g.yo sgyu dang bral ba'i 'jug pa byang chub kyi sems chen po'i byang chub sems dpa' i tshul khrims kyi bslab pa gsum legs par blang par bya'o/ /de nas khyi dang gdol ba dang bran gyi 'du shes dang ldan pa/ g.yo sgyu dang bral ba'i byang

  45. 23a

    chub sems dpa' de tshogs kyi lam ma yin pas nyin dang mtshan du lus dang ngag dang yid kyi bya ba thams cad don med par mi 'gyur ro/ /'di ltar sems des zas kyi chod rig bar bya ba dang/ dbang po'i sgo? rnams bsngam pa dang/ kha na ma thob phra rab tsam la yang 'jigs par lta bu dang/ nyin dang mtshan du rnal 'byor la brtson par bya'o/ /de nas dbugs phyi nang du rgyu ba yang gzhan gyi ngan du 'gyur bar 'dod pa nges tho rangs kyi thun las langs te/ bshad ba dang gcib dang ba la sogs pa'i spyod lam legs par byas nas yul dbus dang yul mdza' khob kyi bye brag gis khrus byas la/ /'gro ba mdza' dag la dmigs te/ /tshang med pa bzhis byang chub tu sems bskyed la/ dkon mchog gsum gyi gzugs brnyan gyi spyan sngar byug ris legs par byas te me tog dri zhim po sil ma legs par gtor nas/ de dag gi spyan sngar pus mo gnyis sal gtsugs nas thal mo sbyar te/ phyog bcu'i 'jig rten gyi khams kyi sangs rgyas thams cad dang chos thams cad dang/ theg pa chen po'i dge 'dun gyi spyan sngar lus kyi bkod pa grangs med cing brjod du med par sprul te/ de dag re re'i zhabs la legs par phyag bya'o/ /de dag la zang zing gi mchod pa tshad med pa rgya che ba dpag tu med pas mnyes par bya'o/ /de nas lus re re la mgo bo brjod du med pa/ mgo bo re re la lce brjod du med pa sprul te/ bdag dang gzhan gyi sdig pa ma lus par bshags par bya'o/ /bdag dang gzhan gyi dge pa la rjes su yi rang bar bya'o/ /sangs rgyas bcom ldan 'das mngon par rdzogs par sangs rgyas nas ring po ma lon pa rnams la chos kyi 'khor lo bskor bar bskul ma gdab par bya'o/ /gang dag chos kyi 'khor lo bskor nas che'i 'du byed gtong ba de dag la 'khor ba ji srid pa'i bar du yongs su mya ngan las mi 'da' bar gsol ba gdab par bya'o/ /dge ba'i rtsa ba de dag thams cad bla na med pa yang dag par rdzogs pa'i byang chub tu bsngo bar bya'o/ /ci ltar mdo las 'byung ba bzhin du yan lag de dag de re la tshigs shin tu rgyas

  46. 23b

    par brjod par bya'o/ /de nas mchod ba bdun po'i rjes la 'gro ba mdza' dag la dmigs te/ gsum la skyabs su 'gro ba'i tshig lan gsum gyi bar du brjod par bya'o/ /de nas byang chub tu sems bskyed par bya ste/ ji ltar cho ga las 'byung ba bzhin du bya'o/ /tha na yang 'di skad du/ sangs rgyas chos dang tshogs kyi mchog rnams la/ byang chub bar du bdag ni skyabs su mchi'o/ /bdag gis sbyin sogs bgyis pa 'di dag gis/ /'gro la phan phyir sangs rgyas 'grub par shog /ces lan gsum brjod par bya'o/ /de nas bdag gi lus dbul ba dang/ de nas skyes bu chen po'i chos lugs shing rta chen po'i lam de la gnas par dam bca' bar bya'o/ /de nas rang gi mal du skyil mo krung gis 'dug la/ bla ma rje brtsun dpal byang chub bzang bos bkod pa'i ting nge 'dzin gyi tshogs kyi le'u las gsungs pa'i yan lag dgu bo shes par byas la// zhi gnas dang lhag mthang? gi rnal 'byor bsgom par bya ste/ de yang bying ba dang rgong pa la sogs pa'i skyon du gyur pa thams cad bsal te bsgom par bya'o/ /de nas mig phye la dbugs phyung ste/ phyi dang nang gi dngos po mthong ba na/ e ma'o re mtshang/ e ma ho re ma tshang nam mkha' lta bu'i skye ba med pa las rten cing 'brel bar 'byung ba'i stobs kyis sna tshogs su snang zhing gnas pa 'di e ma ho ngo mtshar ro snyam du sgyu ma'i dpe brgyad kyi tshul du shes par bya'o/ /de nas snying rje chen po'i yid kyis mi snang ba'i sems can thams cad la chos bshad pa'i phyir rtogs pa ci yod pas theg pa chen po'i mdo sde la ton du gdon par bya'o/ /de nas zas kyi bya ba'i dus su mi gtsang ba'i rdzas sum cu rtsa drug gis gang ba'i lus snying po med pa mthar 'jig pa 'dis sangs rgyas kyi sku'i snying po de btsal bar bya'o zhes bsams la/ rgyags pa'i phyir yang ma yin la/ ro la chags pas kyang ma yin te/ /glu lta bu'i blo bza' bar bya'o/ /zas kyi tshod rig par yang bya ste/ /gso ba rig pa'i yan lag brgyad pa las/ /lto ba'i cha gnyis zas kyis te/ /cha gcig pa ni skom gyis so/ /rlung la sogs pa'i gnas su ni/ /cha gcig stong par bzhag par bya/ /zhes bshad do/ /zas de la

  47. 24a

    cha bzhir bgo bar bya ste/ cha dang po dkon mchog gsum dang bla ma la dbul bar bya'o/ /cha gcig rang nyid longs spyad par bya'o/ /cha gcig byis pa dang mgon med pa dag la sbyin par bya'o/ /gcig ni khyi dang bya rog la sogs pa'i byol song la sbyin par bya'o/ /bdag gis spyod pa bsdus par ni gzhan du yang brjod do/ /tshul gzhan ni spyod pa bsdus pa'i skyan ma las bshad pa bzhin no/ /de nas snga dro'i thun la yang tho rangs kyi thun la ji skad brjod pa ltar thams cad bya'o/ /gung gi thun dang/ rgongs mo'i thun dang/ mtshan mo'i gung gi thun thams cad du ji ltar brjod pa'i chog thams cad rdzogs par bya'o/ /de lta bu'i rnal 'byor pa de la ni gnyid log pa dang nyal ba'i dus la nges pa med do zhes bla ma dag gsung ngo/ /de lta bu'i rnal 'byor pa tshogs kyi lam pa mthar pa'i cha dang mthun pa'i dge ba'i rtsa ba bskyed 'dod pa'i las dang po pa nyin dang mtshan du don med par mi gnas pa da lta bu la ltung ba'i nyes pa gal 'byung/ gal te bag chags ngan pa'i stobs kyis ltung ba byung bar gyur na/ 'di ltar myur du gso byed de/ de yang 'di ltar thun drug po de dag dum bu bco brgyad du bgos nas skad cig ma lnga bcu rtsa bzhir 'gyur ro/ /byang chub sems dpa' yang rab 'bring dgur 'byung ngo/ /bla ma'i man ngag gis gso ba'i thabs rnams shes par bya'o/ /dam pa rnams kyis bshad pa'i lam bzang po/ /byang chub 'od sogs slob mas bskul byas pas/ /theg chen rigs can rnams kyis bsrong byas nas/ /rkang gnyis dbang po'i gnas su 'gro bar? shog /rje btsun bla ma byang chub sems dpa' la/ /dge slong byang chub 'od kyis gsol ba btab/ /dge slong tshul khrims rgyal bas zhus nas bsgyur/ /theg pa chen po rnams spyod gyur cig /byang chub sems dpa' las dang po pa'i lam la 'jug pa bstan pa slob dpon dpal mar mi mdzad ye shes kyis mdzad pa rdzogs// //paN+Di ta de nyid dang/ lo tsA ba tshul khrims rgyal bas bsgyur pa'o// //

  48. 24b

    rgya gar skad du/ sa ra Na gats+tshA de sha /bod skad du/ skyabs su 'gro ba bstan pa/ /dkon mchog gsum la phyag 'tshal lo/ /ngan song gsum dang 'gro ba lnga'i/ /sdug bsngal ma lus sel mdzad cing/ /mtho ris bya ngan 'das pa yi/ /bde ba stsol mdzad de la 'dud 'dir skyabs su 'gro ba bshad par bya ste/ /sdom la rten dang gnas dang bsem pa dang/ /dus dang rang bzhin chad dang ni/ /tshul dang bslab pa des pa'i tshig /las dang dpe dang dbye ba dang/ /nyes dmigs dgos pa phan yon te/ /rnam pa bco lnga dag tu brjod/ /de la rtan gyi gang zag ni gnyis te/ /theg pa chen po'i rigs can dang/ /theg pa chung ngu'i rigs can no/ /gnas ni rnam pa gnyis te/ theg pa che chung gi bye brag gis so/ /de la theg pa chen po pa'i gzhung gis dkon mchog gsum 'di lta bu yin te/ /de kho na nyid kyi dkon mchog gsum dang/ mngon par rtogs pa'i dkon mchog gsum dang/ /mdun du bzhugs pa'i dkon mchog gsum mo/ /de yang 'di ltar shes bya phyin ci log par mkhyen ba/ rnam par mi rtog pa gnyis su med pa'i ye shes/ chos kyi dbyings la gnas pa dang/ chos kyi dbyings rnam par dag pa shes rab kyi pha rol tu phyin pa de nyid dang/ mnyam par bzhag pa'i dus su chos thams cad nam mkha' i dkyil lta bur shes pa'i byang chub sems dpa' sa chen po la gnas pa dang/ yang 'di ltar gzugs kyi sku rnams pa gnyis dang/ bdan pa bzhi dang/ byang chub kyi phyogs sum cu rtsa bdun dang/ sa dang/ pha rol tu phyin pa la sogs pa'i chos rgyud la gnas pa dang/ sbyor ba'i lam pa'i byang chub sems dpa' dang yang 'di ltar ri mo bris pa dang/ 'bur du gtong pa dang/ lugs ma dang/ lder so la sogs pa dang/ gsung rab yan lag dgu'i po ti dang/ glegs bam la sogs pa dang/ tshogs kyi lam pa'i byang chub sems dpa' o/ /theg pa chung ngu'i gzhung ni/ gang zhig gsum la skyabs 'gro ba/ /sangs rgyas dge 'dun byed pa'i chos/ /mi slob pa dang gnyis ka dang/ dmya ngan

  49. 25a

    'das la skyabs su 'gro/ zhes bya ba yin no/ /de la bsam pa ni theg pa chen po pa'i ni/ /sems can ma lus pa'i don du sems pa'o/ /gcig ni bdag 'ba' zhig gi don du sems pa'o/ /de la dus ni theg pa chen po pa'i ni byang chub kyi snying po'i bar du'o/ /gcig ni ji srid 'tsho'i bar du dam 'cha' pa'o/ /de la rang bzhin ni ngo tsha shes pa dang/ khrel yod pa dang ldan pa dang/ rnam par rig byed ma yin pa skyes pa'o/ /de la tshad ni las blangs pa dang/ skyabs byed pa dang/ rnam par rig byed skyes pa'o/ /de la tshul ni skyabs su 'gro ba'i tshig yin te/ de ni bla ma la zhu bar bya'o/ /de la bslab pa ni thun mong dang/ thun mong ma yin pa ste/ bla ma'i zhal snga nas shes par 'gyur ro/ /de la nges pa'i tshig ni 'bangs yin pa 'am/ de las gzhan pa'i jo bo mi tshol bas skyabs su song ba'o/ /de la las ni byang chub kyi sems kyi ljon shing skye ba'i rtsa bar gyur pa dang/ thar pa'i grong khyer chen po'i sgor gyur pa dang/ bsnyen gnas la sogs pa'i sdom pa thams cad kyi rten byed pa'o/ /de la dpe ni rgyal po 'am/ blon po'i 'bangs dag de yi bka' las mi 'da' zhing ci nas kyang de mgu bar byed pa bzhin no// de la dbye ba ni thun mong ba dang/ thun mong ma yin pa'i bye brag go /de la nyes dmigs ni gnyis te/ skyabs nyams pa 'am/ /mi shes pa'o/ /spangs pa 'am/ nyams ba ni ji skad du/ zla grags kyi zhal snga nas/ rten gyis dam pa blangs nas ni/ /slar yang sman la bsten gyur na/ nyams bcas phyogs la gnas pas na/ /de ni dam pa'i bzhad gong 'gyur/ zhes gsungs te mtshon pa tsam mo/ /de la dgos pa ni bcom ldan 'das kyis ji skad du/ 'jigs pas skyag pa'i mi rnams ni/ /phal ched ri dang nags tshal dang/ /kun dga' dang ni mchod gnas kyi/ /ljon shing rnams la skyabs su 'gro/ /skyabs de gtso bo ma yin zhing/ /skyabs de mchog gyur ma yin la/ /skyabs de la ni brten nas su/ /sdug bsngal kun las mi grol zhing/ gang tshe gang zhig sangs rgyas dang/ /chos dang dge 'dun skyabs song nas/ /sdug bsngal

  50. 25b

    sdug bsngal kun 'byung dang/ /sdug bsngal yang dag 'das pa dang/ /'phags lam yan lag brgyad bde ba/ /mya ngan 'das par 'gro 'gyur dang/ /'phags pa'i bden pa bzhi po dag /shes rab kyis ni lta byed pa/ /skyabs de gtso bo yin pa ste/ /skyabs de mchog tu gyur pa yin/ /skyabs de ya ni brten nas kyang/ /sdug bsngal kun las grol bar 'gyur/ zhes gsungs so/ /skyabs su 'gro ba'i dgos pa ni de lta bu'o/ /de la phan yon ni gsum ste rgyu'i dus kyi phan yon dang/ lam gyi dus kyi phan yon dang/ 'bras bu'i dus kyi phan yon no/ /rgyu'i dus kyi la tshe 'di'i dang/ tshe rabs gzhan gyi'o/ /tshe 'di'i phan yon ni 'jigs pa chen po brgyad las thar ba'i byed pa dang/ bar chad med pa dang/ bstan pa la dga' ba'i lha dag stong grogs byed pa dang 'chi pa'i dus su yid dga' ba la sogs pa'o/ /tshe rabs gzhan gyi ni 'khor pa'i sdug bsngal dang/ ngan song gi sdug bsngal las 'dren pa'i mdzad pa dang/ mya ngan las 'das pa dang/ mtho ris kyi bde ba stsol ba'o/ /lam gyi phan yon bden pa bzhi dang/ 'phags pa'i lam yan lag brgyad pa dang/ byang chub kyi yan lag bdun la sogs pa la sbyor bar mdzad ba'o// 'bras bu'i phan yon ni mya ngan las 'das pa gnyis dang/ sku gsum thob par byed pa'o/ /'di dag ni mdor bsdus pa yin la/ rgyas par gzhung dang bla ma las shes par bya'o/ /skyabs su 'gro ba bstan pa zhes bya ba/ bla ma byang chub sems dpa' dI baM ka sh+rI dz+nyA nas mdzad pa rdzogs so// // */ /rgya gar skad du/ ma hA yA na pa thA sA d+ha na war+Na saM gra ha/ bod skad du/ theg pa chen po lam gyi sgrub thabs yi ger bsdus ba/ sangs rgyas dang byang chub sems dpa' thams cad la phyag 'tshal lo/ /bsam rgyas mi khyab che ba mnga' / /bla med byang chub thob 'dod na/ /byang chub sgrub la rag las pas/ /sgrub pa ltung blangs snying por bya/ /ngal 'byor phun sum tshogs pa'i lus/ shin tu rnyed dka' rnyed gyur cing/ /phyis kyang shin tu rnyed dka' bas/ /sgrub la 'bad pas don yod bya/ /sangs rgyas 'byung

  51. 26a

    dang dge slong dang/ /mi lus rnyed dka' rnyed gyur cing/ /dge bshes phrad dka' phrad gyur nas/ /don med par ni ma byed gsung/ /rlung gi nang gi mar me bzhin/ /tshe 'di gnas pa'i gdeng med phyir/ /mgo 'am lus la me 'bar bzhin/ /sgrub la bsnyur te brtson 'grus btsam/ /'jig rten 'das dang 'jig rten gyi/ /phun sum tshogs pa thams cad kyang/ /sgrub pa'i mthu las byung rig mdzod/ /sgrub pa gtsor mdzad blo ldan rnams/ /'di dang gzhan du bde ba la/ /mkhas pa su zhig the tshom za/ /de nyid phyir na blo ldan rnams/ /sgrub pa snying bor bya bar rigs/ /'dod pa'i gzhi la chags pa'i rgyud/ /sgrub pa'i spyod lam nyams pa'i me/ 'jig rten 'das dang 'jig rten gyi/ /phun sum tshogs pa thams cad las/ /shin tu ring pa kho nar 'gyur/ /'khor ba'i btson ra nyam nga ru/ /nyon mongs 'ching ba sna tshogs kyis/ /rab tu bsdams pas nyam thag cing/ /'khor ba'i sdug bsngal dpag med kyis/ /de nyid rgyud gdungs mi bder 'gyur/ /de nyid phyir yang blo ldan dag /'dod pa'i gzhi la chags spangs te/ /chos sgrub gtso bor bya ba'i rigs/ /'dod pa chags bral bya ba'i phyir/ /'dod pa'i nyes pa dpag med pa/ /bzhung las 'byung ba rtog byas la/ /rtag tu tshul bzhin yid la bya/ /mnog chung nyes pa che ba ni/ /btung ba dug can lta bur lta/ /chos min sdug bsngal rgyur gyur pa/ /rtsa yi me bzhin shes par bya/ /'dod pa doms par mi byed cing/ /sgom pa'i sred ba 'phel byed pa/ /lan tshu'i chu 'thungs lta bu zhes/ thub pa'i dbang pa'i lung las 'byung/ /'dod pa gnod pa med pa ni/ /shing gi rtse mo'i shing tog dang/ /lam ka'i shing gi shing tog 'dra/ /byis pa rnams ni lan mang du/ /'dod pa gzhi la chags bas 'phung/ /'dod pa'i skyon du ma gyur pa/ /de ni 'ga' yang med rig bya/ /de yi las ni sdug bsngal bskyed/ /thog pa med pa'i dus nas kyang/ /'dod la chags pas rtag tu 'khor/ /'dod pa'i chu bo'i shugs kyis ni/ /'khod ba'i 'khor lor 'khor byed

  52. 26b

    cing?/ /de yis nyes pa grangs med skyed?/ /'khor ba'i skyo ni mdza' yas kyis/ /sngon mdza' de ltar phyi mdza' ru/ /gdung byas gdung bya gdung byed 'gyur/ /de don rtag tu bsgom bya zhing/ /btson ra lta bu'i 'khor ba la/ /btson ltar skyo ba goms par bya/ /ji ltar btson ni btson ra yi/ /sdug bsngal mang myong de dran bas/ /skyo sems rtag tu ngang gis 'byung/ /ji ltar btson ni btson ra las/ /'bros pa'i glags ni byung ba'i tshe/ /ched ka gzhan dang mi mnyam par/ /de yi gnas nas 'bros pa ltar/ /'khor ba'i rgya mtsho che 'di las/ /brgal ba'i glags dag byung gyur na/ /ched ka gzhan dang mi mnyam par/ /srid pa'i khyim nas 'byung bar bya/ /bdag gzhan 'khor ba'i sdug bsngal dag /mdza' dbyung phyir yang blo ldan dag /'dod pa me bzhin myur spangs te/ chos sgrub gtsor bya mi rigs sam/ sgrub par 'dod pa'i gang zag gis/ /sa ltar chos nyid gzhir gyur pas/ /dang po skyabs su legs 'gro zhing/ /de yis bslab pa'i chos la bslab/ /rjes su dran drug rtag tu bsgom/ /sangs rgyas yon tan mdza' yas pa/ /sgrub pa pos ni dran byas la/ /de la dad pa brtan par bya/ /chos kun rtsa ba dad par yin/ /rtswa rtse'i zil thigs lta bur ni/ /ring du mi gnas tshe 'di'i phyir/ /mkhas pas sdig pa yong mi spyad/ /de 'bras ngan 'gro'i sdug bsngal 'byung/ /dge bcu tshul khrims dag bya zhing/ /so sor thar pa'i sdom dag kyang/ /ci nus rim gyis dag par bsrung/ /de ni 'phags nor kun gyi rgyu/ /mang thos nor yin de ldan bya/ /tshul khrims nor nyams gyur pa bzhin/ /mang thos nor las nyams pa'i mi/ /phyi phyir 'gyod par gdon yin/ /ding la nga rgyal gzhom pa dang/ /tshes smra ba la 'ang gus par bya/ /theg chen chos skor 'jug 'dod pas/ /mun sel gdung ba zhi byed pa/ /nyi zla lta bu'i byang chub sems/ /bskal par 'bad pas skye yang rung/ /dang por de bskyed rab sbyangs pas/ /ri rab lta bur brtan par bya/ /de bskyed spyod ba 'dod pa yis/ /byams sogs tshangs pa'i gnas bzhi po/ /'bad pas ring du bsgoms byas pas chags dang phrag dog spang bya zhing/ /yang

  53. 27a

    dag cho ga byas pas skyes/ /bag yod chos las nyams pa'i mi/ /chos kun las ni nyams par 'gyur/ /chos de rnal 'byor nyid du bya/ /bu gcig pha ma bu bsrung dang/ /zhar ba mig gcig mig bsrung dang/ /lam zhugs rnams kyis ded dpon dang// sman shing chen po'i 'bras bu ltar/ /bag yod chos kyis sems de bsrung/ /sems de byang chub rtsa bar gsungs/ /byang chub sems dpa' i spyod pa yi/ /dkyil 'khor dag ni thams cad kyang/ /byang chub sems kyi mthu las byung/ /sems mchog de dang mi ldan pas// sbyin nas shes rab bar dag gi /spyod pa drug la slob byed kyang/ /rten dang bral ba nyid kyi phyir/ /pha rol phyin pa'i ming yang med/ /nyan thos bse ru'i drug po bzhin/ /bsod nams thams cad sdud pa yi/ /ting 'dzin sems de ma skyes na/ /bsam gtan bzhin dang gzugs mang bzhi/ /ting 'dzin lan mang thob gyur kyang/ /srid pa'i mtsho las brgal mi nus/ /byang chub sems kyi bzhon pa la/ /brten nas 'chi ba rjes dran gyi/ /lcag ni yang dang yang brdeg cing/ /srid lam 'jigs pa che sa yi/ /lam 'di myur du 'da' byas la/ /'jigs med sangs rgyas sar phyir bya/ /skyabs 'gro lhag ba'i tshul khrims dang/ /smon pa'i gzhi la gnas pa yis/ /sems dpa' i sdom pa rab bzung zhing/ /pha rol phyin drug la sogs pa/ /sems dpa' i spyod pa thams cad la/ /ci nus rim gyis tshul bzhin spyad/ /'jug pa'i spyod pa gtsor ston pa'i/ /mdo sde lta zhing bstan bcos mnyam/ /chos kyis mi ngoms mtsho 'dri'i mi/ /rin chen nor bu'i rgya mtsho bzhin/ /yon tan kun 'byung 'byung gnas dang/ /theg chen bzhung las bsngags pa yi/ /bshes gnyen ring du tshul bzhin bsten/ /rgya mtsho chen por chu bo bzhin/ /de yi rten la yon tan 'du/ /sems dpa' i spyod pa de mkhas 'gyur/ /sems dpa' spyod pa che ba la/ /dad pa shin tu bstan par bya/ /bag yod dran dang shes bzhin du/ tshul bzhin yid la byed pa yis/ /kun nas nyon mongs dmigs pa la/ /rang sems yin pa phyir bzlog ste/ sangs

  54. 27b

    rgyas chos kyi dmigs pa la/ /rtag tu bzhag pa nyid du bya/ /de ltar slob pa'i rgyal sras gang/ /de yi spyod lam nyams mi 'gyur/ /dge ba'i bshes kyis gdams pa bzhin/ /rtsom pa dag ni thams cad kun/ /theg chen gzhung dang brtun? te brtsam/ /gros kyi phugs ni chos la gtad/ /chos dang 'gal na gang yang spang/ /chos dam? mthun pa'i spyod pa spyad/ /blo ldan gang zhig rtsom pa kun/ /chos gtsor byed pa dpal ldan pa'o/ /de la 'di dang bzhin du yang/ /'dre bar 'gyur bar the tshom med/ /thos pa nyung dang 'khor spangs shing/ /bas mdza' dgon par gnas par bya/ /zhi ba dang ni dul ba yi/ /sbyor ba de la brtson 'grus brtsam/ /khyim ni gang la'ang mi blta zhing/ /gzhan skyon mi brtag rang skyon blta/ /gzhan gyi snying la mi 'bab pa'i/ /tshig kyang mkhas pas ring du spang/ /'di dag dang ldan rgyal sras gang/ /phyi mdza' dus su mi nyams par/ /bde bar thar zhes thub pas gsungs// gzhan brnyas khyad du bsod cing smod/ /de yis bdag nyid nyams par 'gyur/ /kun la ston pa'i 'du shes spyad/ /chos sgor zhugs dang rgyal sras la/ /khyad par du yang blo de spyad/ /rab byung 'chid ba dam po gang/ /rnyed pa 'di ni bkur sti ste/ /de yi gzhi la chags pa spang/ /'ching ba de las grol ba gang/ /me yi nang gi pad+ma bzhin/ /mkhas pa'i ngo mtshar gnas su 'gyur/ /rab tu byung ba'i sgrub pa pos/ /sangs rgyas chos kun 'byung ba'i rgyu/ /'jigs pa'i rigs bzhi la gnas pas/ /'dod pa chung zhing chog shes bya/ /sbyangs pa'i yon tan bcu gnyis la// de yis bslab par thub pas gsungs/ /yo byad bsnyungs pa la gnas shing/ /yongs su 'dzin pa thams cad la/ /rgyab kyis phyogs te gnas par bya/ /rgyus med yul du grong rgyu zhing/ /bya bzhin 'tsho ba 'phral btsal bya/ /rang sems sbyong ba lhur len pa/ /ngo tshar thub pa'i mdo las gsungs/ /gdul dka' sems rgyud yan btang nas/ /grags sogs 'jig rten chos kyi phyir/ /nyin mtshan gyi ni dus kun tu/ /rtsod pa slob phyir rtsod pa spyod/ /nyan bshad la sogs chos la 'jug tshe ni don med myur du 'da' / /mchog gi lam las de nyams 'gyur/ /'chi

  55. 28a

    bdag nye bar gyur pa'i tshe/ /'gyod pas de rgyud gdung bar 'gyur/ /'jig rten chos la mnyam sems bslab/ /de yis byis pa bslu bar byed/ /'jig rten gang gi blo la yang/ /bdag gi ming yang mi gnas shing/ /bdag gi lus kyis rus pa'i rdul/ /shin tu phra ba'ang 'jig rten na/ /gnas par mi 'gyur de dus 'byung/ /de tshe rnyed dang bkur sti dang/ /grags sogs de 'jig smos ci dgos/ /de tshe bdag la gang sems pa/ /blo dang ldan pas dpyad pa thob/ /las dang po pa'i gang zag gis/ /lus dben pa la ma brten par/ /sems dben rnyed par dka' ba'i phyir/ /'dre spangs nags su gnas par bya/ /'dres pas 'dris shing chags par byed/ /de yis 'khor ba'i 'khor lor bskor/ /de ltar 'dre ba spang pa la/ /rtag tu bag dang ldan par bya/ /gnyid la dga' spangs chos kun phyir/ /der gnas de yis brtson 'grus brtsam/ / de yis chos kun rdzogs par byed/ /dran pa nyer bzhag bzhi bsgom zhing/ /phyin ci log bzhi rab tu spang/ /smra la dga' spang don bsam bya/ /bu ram shing shun snying po ci yang med/ /dga' bar bya ba'i ro ni nang na 'dug /shun pa zos pa'i mis ni bu ram ro/ /zhim po rnyed par nus pa ma yin no/ /shun pa de bzhin 'di la smra ba ste/ /ro lta bu ni 'di la don sems yin/ /de lta bas na mi rigs smra smangs te/ /rtag tu bag yod kyis la don soms shig /nam mkha' i mdza' klas sems can gyi/ /ched du go bgos rig mdzod la/ /'ga' yi ched du bsgrub pa ni// spyod pa dag las nyams mi bya/ /'khor dang rnyed pa bkur sti dang/ /grags 'dod pa yi blos bskyod nas/ /smras la dga' ba'i sems byung na/ /sgrub pa'i bar chad byed pa'i gdon/ /rang gi sems de yin rig mdzod/ /mdza' bshes la sogs gang la yang/ /gces dgos mkho ba chung bar bya/ /mkho ba'i sgo nas nyams 'gyur zhing/ /chos la'ang bar chad mang du 'byung/ /las la dga' ba rab spangs te/ /gdul dga' i sems gdul dge ba spyod/ /spros la dga' ba rab spangs te/ /bzod la des pas bdag nyid brgyan/ /bzod pa'i che ba dpag tu med//

  56. 28b

    rnyed dang bkur sti la sogs pa'i/ /chos drug nyes pa mthong bar bya/ /sems dpa' i spyod pa grangs med kyang/ /bsdus na thabs dang shes rab gnyis/ /thabs dang shes rab pha ma yis/ /sangs rgyas sras ni skyed par byed/ /bde gshegs sras ni don gnyer bas/ /thabs dang shes rab pha ma yi/ /sgrub pa 'di gnyis 'brel par bya/ /sgrub pa 'di gnyis bral gyur na/ /sangs rgyas sras skyed mi nus te/ /skyes pa dang ni bud med dag /gcig la gcig ni bla med bzhin/ /gang phyir yang bral 'ching bar gsungs/ /chos kun rtsa bar rab bstan pa'i/ /'dun pa rtag tu bsgom bya zhing/ /zla ba yar gyi ngo bzhin du/ /sgrub blo rtag tu 'phel bar bya/ /stobs dang ldan pa nyid du bya/ /sgrub pa'i blo ni 'phel gyur na/ /rlan ldan ri rtse'i rtswa shing bzhin/ /sgrub pa 'phel bar gdon mi za/ /sgrub blo stobs dang ldan pa na/ /spyod pa'i khur lci yun ring du/ /khur yang skyo zhing ngal mi 'gyur/ /chos spyod rnam bcu la sogs pa'i/ /tshogs bsag sgo ni thams cad nas/ /tshogs gnyis bsags pa lhur blang bya/ /slob ma'i dus na che ba gang/ /de yi rten la chos kun skye/ /sems can don la mthu ldan 'gyur/ /sku dang ye shes 'bras bu 'byung/ /thabs dang shes rab snying po gang/ /zhi gnas lhag mthong rnal 'byor bsgom/ /'jig rten 'das dang 'jig rten gyi/ /chos kun de nyid 'bras bur gsungs/ /mngon shes mthu dang ldan bya dang/ /zag med lam ni bskyed pa'i phyir/ /dang po zhi gnas bskyed par bya/ /zhi gnas tshogs ni nyams pa yis/ /ring du 'bad kyang 'grub mi 'gyur/ /ting 'dzin tshogs la legs par bslab/ /ting 'dzin gnod pa kun spangs te/ /mthun pa'i dmigs pa gang yin la/ /spong ba'i 'du byed brgyad ldan par/ /de don gnyer bas gtsub shing ltar/ /chags pa'i rlan dang bral pa yis/ /rtag tu rgyun ldan gus par bsgom/ /nyon mongs g.yul las rgyal bya'i phyir/ /zhi gnas la brten lhag mthob bsgom/ /lhag mthong grub par gyur pa yis/ /mnyam gzhag langs pa'i dus dag tu/ /sgyu ma'i dpe brgyad lta bur ni/ /chos kun lta ba goms byas pas/ /rjes kyi

  57. 29a

    rtogs pa spyad pa dang/ /thabs la slob pa gtso bor bya/ /mnyam par bzhag pa'i dus dag tu/ /zhi gnas lhag mthong cha mnyam zhing/ /de rgyun rtag tu goms par bya/ /de ltar tshul bzhin bslabs pa'i mthus/ /drod sogs rnam pa bzhi thob nas/ /sa bcu'i ye shes rim gyis skyes/ /de yis myur du de 'tshang rgya/ /nor bu bzhin du gzhan gyi don/ /lhun gyis 'grub par de byed 'gyur/ /shin tu bsdus na go ni 'gyur/ /shin tu spros na gzhung mangs 'gyur/ /blo dang ldan pas legs spyad na/ /go ba'i ched du bdag gis gdams/ /bdag gi bla ma yon tan mang mnga' rgya mtsho che dang mtshungs/ /'jig rten chos la mi gzigs nyid gzhan don phyir sgrub pa snying por mdzad/ /'jig rten ma rig gis long shes rab mig 'byed mthu mnga' du ma yis/ /gdags pa'i don dang gtsug lag bstan bcos las bshad bslab dgos zhes/ /gzhan la phan pa 'byung srid bsam pas yi ger gnas par byas/ /rang dang shes rab nor ldan sgrub pa snying por byed 'dod gang/ /theg pa chen po'i lam gyi sgrubs thabs yang dag yi ger bsdus 'di la/ /gal te mos pa yod srid 'di bzhin byas na rang gzhan don du 'gyur/ /theg pa chen po'i lam gyi sgrub thabs yi ger bsdus pa/ /slob dpon chen po dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po de nyid dang/ lo tsA ba dge slong dge ba'i blo gros kyis bsgyur cig zhus te gtan la phab pa'o// //rgya gar skad du/ ma hA yA na pa thA sA d+ha na saM gre ha/ bod skad du/ theg pa chen po'i lam gyi sgrub thabs shin tu bsdus pa/ sangs rgyas dang/ byang chub sems dpa' thams cad la phyag 'tshal lo/ /'das pa dang da ltar bde gshegs kun/ /skyed pa'i yab dang yum gyur pa/ /sgrub pa'i chos la rab gus shing/ /ngag yid dang pas phyag 'tshal lo/ /bsam gyis mi khyab che ba mnga' / /bla med byang chub thob 'dod na/ /byang chub sgrub la rag las pas/ /sgrub pa lhur blangs snying por bya//

  58. 29b

    de yis gsum la skyabs 'gro zhing/ /mi dge kun las ldog pa yis/ /lhag pa'i tshul khrims dag par bsrungs/ /byang chub sems kyi bzhon pa la/ /brtan nas 'chi ba rjes dran gyi/ /lcag ni yang dang yang gdab cing/ /srid lam 'jigs pa che sa yi/ /lam 'di myur du 'das byas la/ /'jigs med sangs rgyas sar phyin bya/ /smon pa'i gzhi la gnas pa yis/ /sems dpa' i sdom pa rab gzung zhing/ /pha rol phyin drug la sogs pa/ /sems dpa' i spyod pa tshul bzhin spyad/ /de bsdus thabs dang shes rab la/ /mi gnas mya ngan 'das phyir bslab// de yis snying po rnam pa gnyis/ /me don gnyer par gtsub shing ltar/ /chags pa'i rlan dang bral ba yis/ /rtag tu rgyun ldan gus par bsgom/ /de yis myur du de 'tshang rgya/ /nor bu bzhin du gzhan gyi don/ /lhun gyis grub par de byed 'gyur/ /theg chen sgrub thabs bsdus 'di la/ /skal ldan rnams kyi legs par bslab/ /snying la bdud rtsi'i thigs pa chags/ /blo ma sbyangs pas blos rig dka' / /'di bsdus dge bas 'gro ba kun/ /theg chen sgrub pa lhur len shog /bdag kyang sangs rgyas sa thob nas/ /'gro ba'i 'dran pa byed par shog /theg pa chen po lam gyi sgrub thabs shin tu bsdus pa/ /slob dpon chen po dpal mar me mdzad ye shes kyis mdzad pa rdzogs so// //rgya gar gyi mkhan po paNdri ta de nyid dang/ lo tshtsa ba dge slong dge ba'i blo gros kyis bsgyur cing zhus te gtan la phab pa'o// //rang gi bya ba'i rim pa bskul ba dang bcas pa yi ge 'bris pa/ sangs rgyas dang/ byang chub sems dpa' thams cad la phyag 'tshal lo/ /'khor ba thog ma med pa nas/ /nyon mongs bag chags tshad med pas/ /yul ngan rkyen dang phrad pa las/ /nyon mongs sdug bsngal skye ba'i tshe/ /rang gi dran pa'i phyir du 'di/ /byas pas de tshe dran par shog /nang gi sems ni dul gyur na/ /phyi yi dgra 'dis gnod mi nus/ /rang gi nang sems g.yo ba na/ /phyi yi dgra 'dis rkyen byas nas/ /nang gi dgra 'dis rang rgyud sreg /des na nang gi dgra 'di gzhom/ /dug can snod kyis zas brlag gzhin//

  59. 30a

    nang gi dri mas dge tshogs brlag /gnyen po'i chu yis khrus byas na/ /dag pas bde ba chen po 'thob/ /gang na gnas tshe gang gi tshe/ /gang gi dri ma ldang ba dang/ /nang gi dgra 'di 'byung ba'i tshe/ /thabs ni sna tshogs gsungs pas spangs/ /dgra gzhom dri ma bkru ba'i phyir/ /de tshe 'bad pa chen po bya/ /gang gis rang gi rgyud 'di las/ /nang du bltas te rang sems brtag /de tshe yul las shes pa skye/ /shes pa skye pa'i yul rnam gsum/ /nyon mongs par ma dge ba skye/ /rgyu rkyen yul gyi bye brag gis/ /nyon mongs skye ba dag la gsum/ /chen po 'bring dang chung ngu'o/ /gnyen po'i rim pa'ang de bzhin te/ /chen po skye ba'i yul de la/ /brten te tshogs chen 'bad pas bskyed/ /'bring gi yul ba 'bring yin te/ /chung ngu las ni chung ngu'o/ /chen po kun la skye na mchog /bar ma lus ma bstan pa yang/ /dran pas zin pa'i sems de yis// /kun slong rjes kyis dge bar bsgyur/ /thabs sgo sna tshogs pa yis so/ /dge ba che 'bring chung ngu dag /ngang gis skye pa'i yul de la //sbyor ba dngos dang rjes dag las/ /khyad 'phags bsod nams kun bsngo bya/ /shes na gang la'ang tshogs 'phel 'gyur/ /thog med dus nas ji srid du/ /bdag ni dus gsum zhen bas 'khor/ /de srid skye shi kha brgyud pas/ /de srid las rnams chud re zos/ /ji srid dge sems 'phel 'gyur ba/ /de srid sangs rgyas mngon sangs rgyas/ /bdag ni gti mug mun pas bsgribs/ /mun nag glog 'gyur snang ba tsam/ /ci chig ltar te dran rnyed tshe/ /de tshe 'bad pas bsgrub par bya/ /'chi bar nges pa cha yod cing/ /gnas pa'i dbang ster med mod kyi/ /bdag ni re zhig mi 'chi snyam/ /dran pa btang ste byang chub bsgrub gzhan dag la yang bsgrub par gyis/ /dper na byis pa rig med pas/ /me dang g.yang sogs 'jigs pa med/ /de bzhin 'gro ba gti mug rnams/ /ngan song dag la'ang 'jigs pa med/ /dper na zas mchog ro dang ldan/ /nad pa dag la byin pa'i tshe/ /zas la smod cing mi 'dod bzhin/ /

  60. 30b

    thabs kyi bye khrag 'di dag kyang/ /rmongs pa nyon mongs ldan pa la/ /bstan kyang de 'dra nyid du 'ong/ /dper na bza' la dga' ba'i mi/ /zos brlag bsags phan cha yod kyang/ /'dod pas mi tshugs za ba bzhin/ /snga phyi rgyu 'bras cha yod kyang/ /nyon mongs zhen pa stobs che bas/ /dge med sdig ba sna tshogs spyad/ /dper na kha bya mkhan dag gi/ /kha la bya dgos kun bsgrub zer/ /gzhan gyis dran pa bskyed pa'i tshe/ /de bzhin dge ba bya dgos zer/ /kha cig kha la gleng byed cing/ /zhe la don du sgrub mi byed/ /kha cig 'bras bu don chen po/ /btang na bya ba chung ngu sgrub/ /de yang byis pa'i spyod pa can/ kha cig bsam pa rlung bzhin g.yo/ /rung dang mi rung gnyis ka byed/ /kha cig kha dog dkar po bzhin/ /rkyen gang ldan pa de ltar 'gyur/ /kha cig rang nyid dang gis dag /grogs kyis rbad pas nyon mongs skye/ /kha cig rkyen med rgyu dang ldan/ /dam pa'i grogs kyis zin pa na/ /sdig spong dge byed de la bskul/ /kha cig dag la bskul mi dgos/ /rang gi bya ba'i rim pa bskur ba dang bcas pa yi ger bris pa slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po chen po de nyid dag zhu chen gyi lo tsA ba dge slong dge ba'i blo gros kyis bsgyur cing zhus te gtan la bab pa'o// // */ /rgya gar skad du/ sU tra artha sa muts+tsha yo pa de sha/ bod skad du/ mdo sde'i don kun las btus pa'i man ngag dkon mchog gsum la phyag 'tshal lo/ /rgya mtsho nam mkha' ltar zab rgya che ba'i/ /mdo sde'i sde snod ma mo la bltas shing/ /dpal ldan bla ma'i zhal nas byung ba yi/ /rnyed par dka' ba'i don rnams bri bar bya/ /'dir byang chub sems dpa' rnams kyi nor bu lta bu'i chos ni lnga bcu ste/ /srog lta bu la sogs pa'o/ /de rnams cung zad bshad par bya ste/ ji skad du/ srog ni tshe yin drod dang ni/ /rnam zhes rten nyid yin pa'o/ /zhes so/ /de ltar sems can rnams la srog gces shing/ /srog la brten pa de bzhin du/ /byang chub sems dpa' la yang srog lta bu'i byang chub kyi sems gces shing de la brten pa'o/ /pha ma lta bu'i

  61. 31a

    chos ni stong pa nyid dang snying rje yin te/ des ma bskyed pa'i byang chub sems dpa' 'byung par mi 'gyur ro/ /dran mo lta bu ni 'chi ba dang/ bslab pa dang/ las kyis bsags pa bgrang ba rnams te/ nyin mtshan lan gsum du 'grogs dgos pa'o/ /khang pa lta bu ni dge ba bcu po yin te/ /'di ni khang pa nyid de ngan 'gro dag gi sgo gcod pa'i phyir ro/ /nor lta bu ni 'phags pa'i nor bdun dang/ /'dod pa chung ba dang/ chog shes pa'o/ /grogs po lta bu ni sbyor ba khams gsum na byad kyang bsam pa mya ngan las 'das pa dang/ sbyin pa rgya chen po gtong yang rnams par smin pa la re ba med pa dang/ /chos thams cad skye ba med par shes kyang las kyi rnam par smin pa mi 'dor ba dang/ chos thams cad bdag med par shes kyang sems can la snying rje bskyed pa'o/ /rtsa ba lta bu ni dang pa dang/ thos pa dang btod? pa dang bzod pa'o/ /zhing lta bu ni tshul khrims so/ /nye du lta bu ni pha rol tu phyin pa bcu'o/ /slob dpon lta bu ni rjes su dran pa drug go /mkhan po lta bu ni 'phags pa 'od srungs kyis zhus pa'i mdo'i byang chub kyi sems mi brjed par 'gyur ba'i chos bzhi'o// tshong dpon lta bu ni bslab pa kun las btus kyi gnod pa bcu bzhi'i gnyen po rnams so/ /sring mo lta bu ni tshad med pa bzhi'o/ /bran lta bu ni bsdu ba'i dngos po bzhi'o/ /'bangs lta bu ni khyi dang bran dang gdol pa lta bu rang rgyal bcag pa'o/ /mig lta bu ni bsam pa dang/ /lhag pa'i bsam pa rnam pa bdag pa'o/ /ma ma lta bu ni dge ba'i bshes gnyen yin no/ /rgyal po lta bu ni dkon mcho gsum yin no/ /chu lung lta bu ni 'khor gsum yongs su dag pa yin no/ lam mkhan lta bu ni dran pa dang/ /shes bzhin dang/ tshul bzhin sems pa dang/ bag yod pa dang/ phyin ci log bzhi'i? gnyen po bsten pa'o/ /pags pa lta bu ni sems can mi gtong zhing rjes su 'dzin pa'o/ /rgyan lta bu ni dad pa dang/ tshul khrims dang/ gtong pa dang/ thos pa dang/ shes rab po/ /nad dang zug rngu lta bu ni phyi nang gi dngos po la zhen pa'i sems so/ /skyes bu mnar sems lta bu ni khyim

  62. 31b

    pa'i byang chub sems dpa' 'di snyam du/ bdag nam zhig na tshangs par spyod par 'gyur zhig gu zhes pa dang/ rab tu byung ba 'di snyams du nam zhig nas dag gis 'gro ba rnams sdug bsngal las thar bar nus shes pa'o/ /le lo can lta bu ni khyim pas zhing la sogs pa ma spangs pa'o/ /rab tu byung bas tshul 'chos la sogs pa ma spangs pa'o/ /tshul khrims kyi phung po'i mdo las/ /dge slong dag rab tu byung bas glang po che 'thab pa la bltas na yang log pa'i 'tsho ba yin no zhes gsungs so/ /gshis bzang po lta bu ni tshul bzhin sems pa dang ldan pa'o/ /dge pa lta bu ni gzhan gyi nyes pa dang 'khrul pa mi brjod pa dang/ rang gi yon tan mi brjod pa dang/ gzhan la mi smod pa'o/ /long ba lta bu ni gzhan gyi 'khrul pa la mi lta ba'o/ /rkun ma zin pa lta bu ni dam pa'i chos 'jig pa na dam pa'i chos 'dzin pa'o/ /byis pa lta bu ni bka' blo bde ba dang/ nga lo yang ba dang/ 'grogs na bde ba dang/ mgu sla ba dang/ gso sla ba dang/ dgang sla ba dang/ chog shes pa'o/ /pho nya lta bu ni byang chub sems dpa' don mang ba dang/ /bya ba mang ba dang/ snying las che ba'o/ /blon po lta bu ni dam bcar brtan pa'o/ /'dzangs pa pha lta bu ni sems can dang zhe 'gras pa med pa dang/ bcos su gtub pa'o/ /slob ma lta bu ni nyin lan gsum mtshan lan gsum du bla ma la bsnyen bkur ba dang/ bsod nams kyi tshogs bsags pa dang/ sdom pa gso ba'o/ /bsu skyel ba lta bu ni sems can thams cad sangs rgyas par byas nas gdod bdag nyid 'tshang rgya bar 'dod pa'o/ /long ba khrid ba lta bu ni bdag sangs rgyas par byas nas gdod gzhan gyi don byed pa'o/ /bskal pa dang po'i mi lta bu ni spyod lam dang/ tshul khrims dang/ 'tsho ba dang/ cho ga dang/ lta ba phun sum tshogs pa'o/ /skyes bu 'dod pa can lta bu ni spyod lam thams cad gzhan la bsngo ba ste/ 'phags pa dkon mchog sbyin las 'byung ba lta bu'o/ /mun pa lta bu ni dbu ma chen po'i ngan la rtag tu gnas pa'o/ /gshed ma lta bu ni log par lta ba skyes pa ste spangs par bya'o/ /chom rkun lta bu ni bag med pa dang/ ma gus pa ste spang bar bya ba'o/ /dgra lta bu ni ngo tsha med pa dang/ bag med

  63. 32a

    pa'o/ /glen pa lta bu ni dran pa dang shes bzhin med pa'o/ /ra ro ba lta bu ni nag por byung ba bzhi'o/ /byol song lta bu ni bslab pa'i tshul rnams mi shes pa'o/ /shen ba lta bu ni snying rje dang bral ba'i spyod lam can no/ /byas pa la drin du mi gzo ba lta bu ni so sor thar pa'i sdom pa bzhag pa'o/ /dwa phrug lta bu ni thabs mkhas pa dang bral ba'o/ /smyon pa lta bu ni bya ba dang bya ba ma yin ?mi shes pa'o/ /bdud kyis brtsams pa lta bu ni bar du gcod pa'i chos lnga bcu rtsa lnga dang/ sum cu rtsa gnyis mi shes pa'o/ /lnga cu rtsa lnga po yang gang zhe na/ 'phags pa byang chub sems dpa' i sde gnod las 'byung ba lta bu ste/ 'di ltar bar du gcod pa'i chos ni gcig ste/ bag med pa'o/ /bar du gcod pa'i chos ni gnyis te/ ngo tsha med pa dang/ khrel med pa'o/ /gsum ste/ 'dod chags dang/ zhe sdang dang/ gti mug go ?/ba'i ste/ dam pa ma yin pa'i 'gro ba bzhi'o/ /lnga ste/ srog gcod pa dang/ ma byin bar len pa dang/ 'dod pas logs par g.yem pa dang/ brdzun du smra ba dang/ chang 'thung ba'o/ /drug ste/ sangs rgyas dang/ chos dang/ dge 'dun dang/ tshul khrims dang/ slob dpon dang/ rgan pa rnams la ma gus pa'o/ /bdun te/ nga rgyal rnam pa bdun no/ /brgyad de/ log pa brgyad do/ /dgu ste/ kun nas mnar sems kyi dngos po rnam pa dgu'o/ /bcu ste/ mi dge ba bcu'o zhes 'byung ngo/ /bar du gcod pa'i chos sum cu rtsa gnyis kyang/ 'phags pa theg pa chen po'i man ngag gi mdo las 'byung ba lta bu ste/ ji skad du/ bu mo theg pa chen po'i bar du gcod pa'i chas ni sum cu rtsa gnyis te/ bar du gcod pa de dag gis thams cad mkhyen par myur du nges par mi 'byung ngo/ /sum cu rtsa gnyis gang zhe na/ 'di lta ste/ nyan thos dang/ rang sangs rgyas kyi theg pa 'dod pa dang/ brgya byin dang/ tshangs pa 'dod pa dang/ skye ba la gnas te tshangs par spyod pa dang/ dge ba'i rtsa ba gcig la chags pa dang/ longs spyod bdog pa rnams la ser sna byed pa dang/ sems can rnams la nyams par mi byin pa dang/ tshul khrims la

  64. 32b

    lhong ba dang/ gzhan gyi sems mi bsrung ba dang/ gnod sems dang/ khong khro ba'i bag la nyal byed pa dang/ des sems zhum pa dang/ brjed nges pa dang/ thos pa don du mi gnyar ba dang/ spyod pa med pa dang/ 'phags pa ma yin pa'i spyod pa dang/ nga rgyal las kyang nga rgyal 'phel ba dang/ lus dang ngag dang sems kyi las yongs su ma dag pa dang/ dam pa'i chos yongs su mi bsrung ba dang/ slob dpon dang 'chab pa dang/ bsdu ba'i dngos po rnams 'dor ba dang/ yang dag par dga' bar 'gyur ba'i chos gtong pa dang/ sdig pa'i grogs po bsten pa dang/ byang chub tu yongs su mi bsngo ba ste phung po gsum dang mi mthun pa dang/ dge ba'i rtsa ba chung ngus rlom sems su byed pa dang/ thabs med par ltung ba'i blo dang/ phyir zhing dkon mchog gsum gyi bsngags pa mi smra ba dang/ byang chub sems dpa' la gnod par sems pa dang/ ma thos pa'i chos spong ba dang/ bdud kyi las khong du mi chud pa dang/ 'jig rten rgyang ban pa'i gsang tshig 'dzin pa dang/ sems can yongs su smin par mi byed pa dang/ 'khor bas yongs su mi skyo ba ste/ bu mo sum cu rtsa gnyis po 'di dag ni theg pa chen po'i bar du gcod pa'i yang dag pa'i phul yin te/ bar du gcod pa de dag gis thams cad mkhyen par nges pa mi 'byung ngo/ /de lta mdo kyi 'on kyang bu mo theg pa chen po'i yon tan ji tsam pa de tsam du bar du gcod pa yang de tsam mo zhes gsungs so/ /gzhan yang bar du gcod pa'i chos dpag tu med pa dag mdo sde du mar mthong mdo kyi/ 'dir? gzhung mangs par 'gyur bas ma bkod de/ lam 'di la ched tshar byed pa'i byang chub sems dpa' las dang po pas/ /mdo de dar dang blta bar bya zhing nyams su blang ba la brtson par bya'o/ /gtam du bya ba gzhan yang mang du yod de/ rtsub cing drag la yun ring sdug bsngal bzod dka' bzod par byed pa 'di yang ngo mtshar che/ chu bo bzhis g.yengs yang dang yang du keng rus bzhon pa zhon pa do yang de mtshar che/ /chung ma khyim spangs brtul zhugs bzang blangs rtag tu lus ngag yid g.yengs 'di yang ngo mtshar che/ /dge ba'i rtsa ba chung du tsam yang med par dang de nyid don gyi sangs rgyas ye shes rtsad gcod tshol ba 'di yang ngo mtshar che//

  65. 33a

    so sor thar ba'i bslab ba med par theg chen byang chub mchog gnyis rtsad gcod tshol ba 'di yang ngo mtshar che/ /de la sogs pa ngo mtshar che ba mang du yod mod kyi/ /'dzam gling skye bo'i rtog dang spyod pa smra ba ga la nus/ /de bas thar 'dod mkhas pa khyed cag smyon pa de dag dang/ /lhan cig 'dra bar ma byed bag yod gnas par gyis/ /'di ltar de dag snying rjes yul du bya ba ma gtogs par/ /lam mchog bshad kyang de la 'jug par mi 'gyur bdag gis ji ltar bya/ /ji srid mngon par shes pa ma thob par du gzhan dag smin par mi nus bse ru lta bur gnas par bya/ /bla ma bzang po btsal bya rtag tu mdo sde dag la blta bar bya/ /mdo sde'i don kun las btus pa'i man ngag /slob dpon mkhas pa chen po dpal mar me mdzad ye shes kyis mdzad pa rdzogs so// //rgya gar gyi mkhan po de nyid dang zhus chen gyi lo tsA ba dge slong tshul khrims rgyal bas bsgyur cing zhus te gtan la phab pa'o// //rgya gar skad du/ /da shA ku sha la karma pA da de sha/ bod skad du/ mi dge ba bcu'i las kyi lam bstan pa/ dkon mchog gsum la phyag 'tshal lo/ /gang zhig bde 'gro thob par 'dod pas spang bar bya ba mi dge ba bcu'i las kyi lam rang bzhin gyis kha nam tho ba dang bcas pa 'di lta ste/ lus kyi las ni rnam gsum dang/ ngag gi rnam pa bzhi ngag dang/ yid kyi rnam pa gsum po dang/ /'di bcu mi dge ba ru gsungs/ /'di rnams rab tu phyi nas bshad par bya ste/ de la re zhig lus kyi ni srog gcod pa dang/ ma byin par len pa dang/ 'dod pas log par spyod pa'o/ /ngag gi ni brdzun du smra ba dang/ phra ma dang/ ngag rtsub po dang/ tshig khyal ba'o/ /yid kyi ni brnab sems dang/ gnod sems dang/ log par blta ba'o// de la srog gcod pa ni srog chags su gyur pa dang/ srog chags su 'du shes par gyur pa dang gsod pa'i sems nye bar gnas par gyur pa dang/ de'i thabs kyang byed pa dang/ srog 'gags par gyur ba ste/ yan lag lnga po de dag dang ldan na srog gcod pa yin no/ /de la ma byin

  66. 33b

    bar len pa gang zhe na/ gzhan gyi gyur pa dang/ pha rol gyis yongs su bzung bar yang 'du shes pa dang/ brku ba'i sems kyang nye bar gnas bar gyur pa dang/ de'i thabs kyang byed pa dang/ gnas nas bskyod pa ste/ yan lag lnga po de dag dang ldan na ma byin bar len par 'gyur ro/ /'dod pas log par g.yem pa ni rnam pa bzhi ste/ yul ma yin pa dang/ dus ma yin pa dang/ yan lag ma yin pa dang/ 'gro bar bya ba ma yin pa'o/ /de la yul ma yin pa zhes bya ba ni dam pa'i chos dang/ sku gzugs la sogs pa dang/ byang chub sems dpa' i gnas dang/ slob dpon dang/ mkhan po dang/ sbyin gnas dang/ pha ma la sogs pa dang/ bla ma dang nye bar gyur pa'o/ /dus ma yin pa zhes bya ba ni nyin bar dang/ zla mchan dang ldan pa dang/ sbrum ma dang/ bu chung 'tsho ba dang/ mi 'dod pa dang/ sdug bsngal ba dang/ yid mi bde bas nye bar gdungs pa dang/ bsnyen gnas yan lag brgyad la gnas pa'o/ /yan lag ma yin pa zhes bya ba ni kha dang/ bshad ba'i lam dang/ khye'u dang bu mo'i mdun dang rgyab kyi bug pa dang rang gi lag pa'o 'gro bar bya ba ma yin pa ni gzhan gyi bud med thams cad dang/ chos kyi rgyal mtshan dang rigs kyis bsrungs pa dang/ rgyal po'i bsrungs pa dang/ gzhan gyis blangs pa'i smad 'tshong ma dang/ gnyen 'brel can dang/ byol song ngo/ /de lta bu rang gi chung ma la'ang bsten nas 'dod pas log par g.yem par 'gyur ro/ /de la brdzun du smra ba zhes bya ba ni dngos por yang ma gyur pa dang/ dangs po'i gnas skabs las nyams par gyur pa dang/ log par 'du shes par gyur pa dang/ log pa'i thabs kyang nye bar gnas par gyur pa dang/ de'i thabs kyang byed pa dang/ brdzun gyi tshig kyang smras pa ste/ yan lag lnga po de dag dang ldan na brdzun du smra bar 'gyur ro/ /phra ma zhes bya ba ni nyon mongs pa'i sems kyis gzhan 'byed pa'i tshig go /tshig rtsub pa zhes bya ba ni pha rol gyi gnad la 'phog pa'i sdang tshig go /tshig khyel ba zhes bya ba ni 'dod pa dang nye bar ldan pas sam/ chags

  67. 34a

    pa dang nye bar ldan pas smra bar bya ba ma yin pa smra ba'o/ /brnab sems zhes bya ba ni pha rol gyi rdzas dang/ dbang phyug dang/ longs spyod rnams la chags pa'i sems mi bzad pa'o/ /gnod sems zhes bya ba ni sems can la rnam par sdang? ba dang/ sems can 'di dag pas ngo// bcing ngo/ /brdeg go /brtag go zhes sems pa'o/ /log par lta ba zhes bya ba ni/ sbyin pa med/ sbyin sreg med/ 'jig rten 'di med/ 'jig rten pha rol med/ dge sbyong med/ bram ze med/ lha med/ sangs rgyas bcom ldan 'das med/ dgra bcom pa med/ rang sangs rgyas med/ legs par spyad pa med/ nyes par spyad pa med/ legs par byas pa dang/ nyes bar byas pa'i las rnams kyi 'bras bu rnam par smin pa med ces pa'o/ /bcom ldan 'das kyis bka' stsal pa/ 'phags pa dam pa'i chos dran pa nye bar gzhag pa zhes bya ba dang/ theg pa chen po'i mdo las 'byung ba mi dge ba bcu'i las kyi lam 'di dag ni dmyal ba chen po'i rgyu yin te/ mi dge ba bcu'i las kyi lam brten pas sems can dmyal bar ltung bar 'gyur ro/ /mi dge ba bcu'i las kyi lam bstan pa/ slob dpon chen po dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po de nyid dang zhus chen gi lo tsA ba dge slong tshul khrims rgyal bas bsgyur cing zhus te gtan la phab pa'o// //rgya gar skad du/ karma bi b+haM ga nA ma/ bod skad du/ las rnam par 'byed pa zhes bya ba/ dkon mchog gsum la phyag 'tshal lo/ /ding sang dus kyi skye bo 'di dag gis/ /mtho ris bde bdag kyang thob dka' na/ /mya ngan 'das la re ba yod min pas/ /bdag nyid kho na dran phyir bri bar bya/ /yod med rtag chad dang bral ba/ /bde ba'i longs spyod phun sum tshogs/ /'gro rnams yongs su smin mdzad pa/ /dam pa skyes mchog de la 'dud/ bcom ldan 'das gang 'jig rten dang/ /'jig rten las 'das pa'i chen po las kyang phul du byung zhing khyad par du 'phags pa de la phyag 'tshal ces ji ltar bya zhe na/ las

  68. 34b

    dge ba dang mi dge ba rnam par dbye bar bya ste/ mngon par mtho ba mtho ris lha dang mi/ /thob par byed pa sdom pa'i tshul khrims yin/ /de nyams gyur par ngan song 'gro ba ni/ /dmyal ba yis dags byol song 'di dag go /lha dang mi'i gtam rgyas pa 'di ni 'jig rten gzhag pa dang/ 'jig rten gdags pa dang bye brag tu bshad pa chen po'i nang nas che longs du btus pa mthong kyi gnas gsum pa la sogs par blta bar bya'o/ /'di ltar tsha ba'i sems can dmyal ba ni dzam bu'i gling 'di'i 'og na dpag tshad khri phrag gnyis na/ sems can dmyal ba chen por gnas so/ /gzhan bdun ni de'i ster na rim pa bzhin du gnas so/ /de dag gi tshe'i tshad kyi rim pa ni mi rnams kyi mo'i rim pa rnams la 'dod pa'i khams kyi lha rnams dang/ yang sos pa la sogs pa dmyal ba rnams kyi nyin zhag dang zla ba dang lo'i rim pa rnams bsgras nas shes par bya ste/ 'di ltar mi rnams kyi tshe lo lnga bcu la sogs pa las bsgyur nas shes par bya'o zhes bshad pas so/ /grang ba'i sems can dmyal ba yang ti se'i 'og na snga ma de dag gi thang na gnas pa ste/ de dag gi tshe'i tshad bar yul dbus kyi bres bcal ba'i til khal brgyad cus byung bur bkang ba'i nang nas/ skyes bu zhig gis lo brgya brgya na til re re phyung bas zad par gyur ba na sems can dmyal ba chu bur can gyi tshe zad pa yin te/ 'og ma rnams kyi tshe ni nyi shu ra bsgyur ro/ / 'di dag gi don yang cung zad tsam zhig mdo las bshad par bri bar bya'o/ /de ltar de dag dmyal ba ni/ bcu drug ces bya rgal bar dka' / /drag ba'i las kyi kun tu gang/ /re re la yang lhag bcu drug /rtsig pa bzhi dang ngos bzhi ste/ phye ris su chad pa yin/ /lcags kyi ra bas kun nas bskor/ /lcags dag gis ni gang ba yin/ /dpag tshad brgya phrag du mar ni/ /me lce dag gis khyab par gnas/ zhes bcom ldan 'das kyis gsungs so/ /mdzod las kyang de dag gis ni ngos

  69. 35a

    bzhin/ me mar mur dang ro myags dang/ spu gri lam sogs chu bo yin/ zhes bshad do/ /sngon gyi mkhas pa chen po kha cig na re tsha ba la sogs pa bdun po 'di dag ni mnar med pa'i sems can dmyal ba'i g.yas ngos dang g.yon ngos na gnas so zhes zer ro/ /nyi tshe ba dang nye 'khor ba'i sems can dmyal ba dag la gan gyi nges pa med de/ chu bo dang/ ri dang mya ngam la sogs pa'i thad dang/ steng na gnas so/ /gtam rgyas par ni dran pa nye bar gzhag pa dang/ 'jig rten gzhag pa dang/ 'jig rten gdags pa la sogs par blta'o/ /yi dags kyi rtsa ba'i gnas ni rgyal po'i khab kyi grong khyer chen po'i 'og dpag tshad lnga brgya na yod de/ de na yi dags kyi rgyal po gshin rje gnas so/ /gzhan ni de las 'phros pa yin no/ /gtam rgyas par ni yi dags kyi rtogs pa brjod par blta bar bya'o/ /byol song gi rtsa ba'i gnas ni rgya mtsho chen po yin no/ /thang dang/ chu dang/ ri dang/ dur khrod la sogs pa na gnas pa ni de las 'phros pa yin te/ rgyas par ni de dang de dag tu blta bar bya'o/ /gnas gsum po na bde ba med/ /sdug bsngal rgya dang bcas pa'i gtam/ /mdo dang bstan bcos dag na gsal/ /blo dang ldan pas blta bar gyis/ dmyal ba dang/ yi dags dang/ byol song gi sdug bsngal rgyu dang bcas pa mdo dang bstan bcos dag na gsal lo/ /ma'i sdug bsngal brgya rtsa bcu dag ni/ 'phags pa thogs med kyi mdzad pa'i yo ga tsArya blta bar bya'o/ /lha dag la ni sdug bsngal gzhan ni med kyi/ 'on kyang 'chi ltas lnga dang/ nye ba'i 'chi ltas lnga 'byung ste/ 'di ltar gos la dri ma 'chags pa dang/ me tog gi phrang brnyings pa dang/ mtshan khung nas rdul 'byung ba dang/ lus la dri ma 'byung

  70. 35b

    ba dang/ rang gi stan la mi dga' bar 'gyur ba'o/ /nye ba'i 'chi ltas lnga ni gos dang rgyan dag las yid du mi 'ong ba'i sgra 'byung ba dang/ lus kyi 'od chung bar 'gyur ba dang/ khrus byas pa'i chu'i thigs pa lus la 'chags par 'gyur ba dang/ g.yo ba'i bdag nyid can yang blo yul gcig la 'chags par 'gyur ba dang/ mig 'byed pa dang 'dzum pa srid par 'gyur ba dag ste/ nye ba lnga ni ma nges pa'o/ /sdug bsngal de dag ci las byung zhe na/ las ni lci dang yang ba dag / yul dang bsam pa'i dbye ba yis/ /nyan thos theg pa chen po'i lugs/ /rnam pa gnyis su shes par bya/ /lci ba'i ni gnyis te/ yul gyis lci ba dang/ bsam bas lci ba'o/ /yang ba yang de dang 'dra'o/ /de yang nyan thos dang theg pa chen po'i lugs kyi lci ba dang yang ba so sor tha dad par shes par bya'o/ /de la yang nyan thos kyi yul gyi lci ba ni/ 'di ltar mtshams med pa lnga las pa bsad pa ma gtogs pa bzhi'o/ /de las kyang dge 'dun gyi 'khor lo'i dbyen lci ba'o/ /gzhan yang byams pa'i ting nge 'dzin la snyoms par zhugs pa dang/ rdo rje lta bu'i ting nge 'dzin dang/ srid pa'i rtse mo'i ting nge 'dzin las langs pa'i rnal 'byor pa dang/ mkhan po dang/ slob dpon dang/ dge slong dang/ dge slong dang/ dge slong ma dang/ pha dang ma dang/ srid pa tha ma pa'i byang chub sems dpa' dang/ nad pa dang/ chos smra ba dang/ ngas ba'i sa la gnas pa'i byang chub sems dpa' dang/ rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa dag gsod pa dang/ de dag la rdeg pa dang/ lcags sgrog la sogs pas sdom pa dang/ de dag gi yo byad rku ba dang/ mchod rten gyi dang/ dge 'dun gyi dang/ chos kyi dang/ sangs rgyas kyi yo byad rku ba dang/ gang zag snga ma de dag dang/ dkon mchog gsum la brdzun du

  71. 36a

    smra ba dang/ tshig rtsub po dang/ de dag phan tshun 'byed pa dang/ tshigs su bcad pa ma yin pa smra ba ni yul gyis lci ba'o/ /bsam pas lci ba ni log par lta ba chen po skyed pa dang/ yid kyi nyes pa chen po'o/ /yul gyis yang ba ni byol song dang/ dur khrod kyi sha za gsod pa la sogs pa'o/ /bsam pas yang ba ni de las gzhan pa rnams so/ /de la theg pa chen po'i yul gyis lci ba ni 'di ltar bla ma rnams dang/ sems dang po bskyed pa la sogs pa'i byang chub sems dpa' dang/ pha dang ma dang/ de kho na nyid kyi rnal 'byor ba dang/ rang gi lha dang/ dkon mchog gsum la sogs pa la snga ma'i tshul rnams bzhin du byed pa'o/ /don de nyid la dgongs nas bcom ldan 'das kyis rdo rje gtsug tor zhes bya ba/ rnal 'byor chen po'i rgyud las ji skad du/ gsang ba'i bdag po nyes par spyod pa de dag ni lci bar gyur pa dang/ tha mal bar gyur pa'o/ /de la pha ma la sogs pa gsod pa dang/ rdeg pa ni lus kyi nyes par spyod pa lci ba'o/ /srog gcod pa la sogs pa gzhan gsum ni lus kyi nyas bar spyod pa tha mal pa'o/ /dam pa'i chos spong ba dang/ lha rnams la tshig rtsub bo smra ba dang/ pha ma dang bla mar gyur pa la sogs pa la tshig ngan pa smra ba ni dag gi nyes par spyod pa lci ba'o/ /skyes bu 'ga' zhig dad pas dge ba nyams su len cing rtsom pa'i gtam gyi skabs su 'jig rten pha rol med do zhes bya ba'i tshig/ 'jig rten las 'das pa'i brdzun smra ba ni/ dag gi nyes par spyod pa'i lci ba'o/ /dge ba'i bar chad byed pa'i tshig 'khyal ba smra ba dang/ lkog 'phyas byed pa dang/ mi dge ba'i las kyi gtam rnams ni dag gi nyes par spyod pa tha mal ba'o/ /yid kyi nyes par spyod pa ni gsum ste/ de nyid las sems kyi nyes pa dang/ sems las? byung ba'i nyes pa dang/ ma rig pa'i nyes pa'o/ /de dag kyang dge ba bcu'i las kyi lam de nyid la ma chags pa nyid ni/ sems kyi nyes par spyod pa'o/ /dregs pa dang/ nga rgyal dang/ khro ba dang/ sems can rnam par 'jig pa dang/ 'dod chags kyi sems kyis

  72. 36b

    gzhan gyi bud med la chags pa dang/ gzhan gyi srog 'phrog pa dang/ bla mar gyur pa la sems gya gyu zhing rab tu sdang ba ni sems las byung ba'i nyes pa'o/ /dge ba bcu'i las kyi lam rnams dang/ pha rol tu phyin pa drug 'dor zhing brjod ngas pa dang/ som nyir gyur pa dang/ yid shin tu rmongs par gyur ba ni ma rig pa'i nyes par spyod pa'o/ /zhes gsungs so/ /de la bsam pas lci ba ni theg pa chen po pa sems snying rje'i dbang du gyur pa/ sems can thams cad mi gtong bar rjes su 'dzin pa'i lci ba ni/ 'di ltar zhe sdang kho na yin te/ slob dpon zhi ba lha'i zhal snga nas/ bskal pa stong du bsags pa yi/ /sbyin dang bde gshegs mchod la sogs/ /legs spyad gang yin de kun kyang/ /khong khro gcig gis 'joms par byed/ ces gsungs so/ /'di kho na lci ba yin pa'i khungs mang du yod mod kyi/ re zhig bzhag go /yang ba'i las kyang tshul 'di las shes par bya'o/ /theg pa gnyis po 'di dag tu/ /lci dang yang ba'i las rnams bshad/ /'dod chags zhe sdang gti mug gis/ rnam pa gsum du 'gyur ba'o/ /de las srog gcod pa 'dod chags las skyes pa ni/ 'di ltar lus kyi yan lag gi phyir ram/ nor gyi phyir ram/ rtsed mo'i phyir ram/ bdag dang mdza' bo yongs su bskyabs pa'i phyir srog gcod pa'o/ /zhe sdang las byung ba ni gsod pa dang 'khon gyis byas pa'o/ /gti mug las byung ba ni mchod sbyin byed pa dang/ rgyal po'i chos 'don pa tshang mar byas nas chos kyi blos gsod ba dang/ mi mi 'grungs pa dag la chad pas bcang nas rgyal po'i bsod nams kyi snod du 'ong zhes zer nas gsod pa lta bu dang/ bar tshig pa dag ji skad du/ pha dang ma rgas sam/ nad tshabs pa ches thebs na bsad do/ /sprul dang/ sdig pa dang sbrang bu trai ma bu ka la sogs pa ni/ mi rnams la gnod par byed pas bsad do/ /ri dags dang phyugs dang bya dang ma he la sogs pa ni longs spyod pa'i phyir/ bsad do zhes zer ba lta bu'o/ /ma byin par len pa chags pa las byung ba ni gang zhig gang don du gnyer ba des

  73. 37a

    'phrogs pa 'am/ gzhan gyi rnyed pa'o/ /bkur sti 'am/ grags pa'i phyir ram bdag dang mdza' bo yongs su bskyab pa'i phyir 'phrog pa'i/ /zhe sdang las skyes pa ni sngar bzhin no/ /gti mug las byung ba ni rgyal po'i chos 'don pa tshad mar byas nas mi bgrungs pa dag chang pas bcad nas 'phrog pa lta bu dang/ bram ze dag na de 'di thams cad tshangs pas bram ze rnams la byin ba lon ba las/ da ltar bram ze rnams nyams pas rigs gzhan spyod du zad mod/ de bas na bram ze 'phrog pa ni rkub ma yin gyi/ bram ze bdag nyid kyi len par byed par zad pas bdag nyid kyis za ba dang/ bdag nyid kyis 'thung pa dang/ bdag nyid kyis gyon pa dang/ bdag nyid kyis sbyin pa yin no/ /zhes zer ba lta bu'o/ /de las 'dod pas log par g.yem pa 'dod chags las byung ba ni/ gzhan gyi chung ma la chags pa 'am/ rnyed pa 'am/ bkur sti'i phyir ram/ bdag gam mdza' bo yongs su bskyab pa'i phyir mi tshangs par spyod pa'o/ /zhe sdang las byung ba ni snga ma bzhin no/ /gti mug las byung ba ni bar sib pa dag na re/ ma la sogs pa la nyal ba dang/ ba lang 'brad gi mchod sbyin la chog can gyi chu 'thung ngo/ /rtsa bcad do/ /ma'i gan du nyal bo la 'gro'o/ /srin mo'i gnad du dang/ rus gcig pa'i gan du 'gro bar bya'o zhes bya ba dang/ ba lang la sogs pa la yang spyad par bya'o zhes zer ba lta bu'o/ /de lta bas na 'di lta bu byung ba na ni/ rgyal po bzhad gad lta bu byed pa dang/ bag ma len pa'i tshe dang gsod pa dang/ nor kun 'phrog tshe brdzun smras gnod med de/ /brdzun lnga ltung bar byed pa min zhes bshad/ /ces zer ba dang/ gang yang log par lta ba'i brdzun du smra ba'o/ /mi dge ba lhag ma dag kyang snga ma bzhin no/ /yid kyi gsum ni 'dod chags la sogs pa gsum gyi mjug tu skyes pa'o/ /srog gcod pa ni bsams bzhin du/ /ma nor bar ni gzhan bsad na'o/ /ma byin len pa gzhan gyi nor/ /mthu dang 'je 'bus bdag gir byed/ /log g.yem bgrod min ba

  74. 37b

    la 'gro/ /'du shes gzhan bsgyur brdzun tshig don/ /nyon mongs sems kyis pha rol 'byed/ /tshig rtsub po ni mi snyan pa'o/ /ngag 'khyal klu dang zlos gar dang/ /bstan bcos ngan dang 'du 'dzi'i gtam/ /brnab sems gzhan gyi nor la chags/ /gnod sems sems can la sdang ba'o/ /rgyu 'bras med zer log lta'o/ /de ltar theg pa chen po'i 'di ltar yin te/ /de yang rnam par snang mdzad mngon par byang chub pa'i rgyud las/ /bcom ldan 'das kyis bka' stsal pa/ byang chub sems dpa' ched du bsam nas srog gcod pa las slar log pa bya'o/ /dbyug pa spang zhing kho na du 'dzin pa yang spang bar bya'o/ /des bdag nyid la ji lta ba de bzhin du gzhan gyi srog kyang yongs su bsrung bar bya'o/ /ma byin par len pa las slar ldog par bya ste/ des gzhan gyi yongs su bzung ba'i longs spyod la chags pa bskyed par yang mi bya na/ gzhan gyis yongs su bzung ba'i longs spyod la ma byin par len pa lta ci smos/ 'dod pas log par g.yem pa las ldog par bya ste/ des gzhan gyi sems yongs su bzung ba'i chung ma dang/ rigs dang/ mtshan ma dang/ chos kyis bsrungs pa rnams la chags pa bskyed par yang mi bya na/ yan lags ma yin par spyod pa dang/ dbang po gnyis sprod pa lta ci smos/ /brdzun du smra ba las ldog par bya ste/ de'i ched du bsams nas gang gis sangs rgyas kyi byang chub bslu bar 'gyur ba'i brdzun gyi tshig srog gi phyir yang smra bar mi bya'o/ /tshig rtsub po las ldog par bya ste/ des sems can rnams la mnyen pa dang/ 'jam pa dang/ yid la 'bab pa de lta bu'i tshig smra bar bya'o/ /de ci'i phyir zhe na/ gsang ba'i bdag po byang chub sems dpa' sems can thams cad kyi don bya ba'i /thog mar 'gro ba ni tshig snyan pa yin pa'i phyir ro/ /phra ma las ldog par bya ste/ des ci nas kyang dbyen du mi 'gyur ba'i tshig dang/ gnod par mi 'gyur ba'i tshig de ltar bsgrub par bya'i/ byang chub sems dpa' rnams ni sems can dbye ba la zhugs pa ma yin no//

  75. 38a

    tshig 'khyal pa las ldog pa bya ste/ des yul dang dus dang don dang ldan pa'i rjes su 'jug pas sems can thams cad la yid du 'ong ba dang/ ran par spyod pa'i tshig smra bar bya'o/ /de'i ci'i phyir zhe na/ byang chub sems dpa' ni tshig bzang po dang ldan pa'i phyir ro/ /brnab sems las ldog par bya ste/ nges gzhan gyi longs spyod dang/ gzhan gyi nor la chags pa'i sems can bskyed par mi bya'o/ /de ci'i phyir zhe na/ byang chub sems dpa' ni sems ma chags pa yin no/ /gal te byang chub sems dpa' bdag sems chags na thams cad mkhyen pa nyid kyi sgo'i phyogs gcig la nyams par 'gyur ro/ /gsang ba'i bdag po byang chub sems dpa' i rab tu dga' ba bskyed pa des 'di ltar bsam par bya ste/ gang bdag gis bya dgos pa de dang des rang 'byor bar gyur pa de legs so snyam nas/ sems can de dag gi longs spyod de dag chung mi zab la yang dang yang du dga' ba bskyed par bya'o/ /gsang ba'i bdag po gzhan yang gnod sems las ldog par bya ste/ des thams cad la bzod pa dang ldan pa dang/ byams pa dang/ khong khro ba med cing sems snyoms par bya'o/ /nges mdza' bo la ji lta ba bzhin du dgral yang de bzhin du bya'o/ /de ci'i phyir zhe na/ byang chub sems dpa' ni yid kyi gnas ngan len dang ldan pa ma yin gyi/ byang chub sems dpa' ni rang bzhin gyi bsam pa yongs su dag pa yin no/ /gsang ba'i bdag po de lta bas na byang chub sems dpa' gnod sems dang bral bar bya'o/ /gsang ba'i bdag po gzhan yang byang chub sems dpa' 'og par lta ba las/ bldog par bya ste/ des yang dag pa'i lta ba dang/ 'jig rten pha rol la 'jig par lta ba dang/ g.yo med pa dang/ gya gyu med pa dang/ drang ba dang/ sangs rgyas dang/ chos dang/ dge 'dun dag la bsam pa nges par bya'o/ /de ci'i phyir zhe na/ gsang ba'i bdag po log par lta ba ni byang chub sems dpa' i

  76. 38b

    kha na ma tho ba chen po ste/ dge ba'i rtsa ba thams cad gcod par 'gyur ro/ /'di ni mi dge ba'i rtsa ba thams cad kyi phyi mo'o/ /gsang ba'i bdag po de lta bas na tha na bzhang gang tsam du yang log par lta ba bskyed par mi byed pa'o/ /zhes gsungs so/ /yul dang bsam pa nyon mongs dang/ /dus dang grangs dang yan lag sogs/ /chung dang bring dang chen po ste/ rnam pa gsum du shes par bya/ /las kyi lam bcu po de dag kyang yul la sogs pa de dag gi dbang gis chung ngu dang/ 'bring po dang/ chen por 'gyur ro/ /de la yul gyis 'gyur ba ni sngar ji skad brjod pa'i tshul de las shes par bya'o/ /de la bsam pas gsum du 'gyur ba ni mi shes pas byas pa ni chung ngu'o/ /bag med pas byas pa ni 'bring po/ /ma gus pas byas pa ni chen po'o/ /de la nyon mongs pas gsum du 'gyur ba ni 'dod chags la sogs pa'i nyon mongs pa chung ngu/ 'bring dang chen pos srog gcod pa la sogs pa'i las kyang de bzhin du byed pa'o/ /de la dus kyis 'gyur ba ni sbyor ba dang/ dngos gzhi dang/ mjug rnams las gcig deng ldan pa ni chung ba'o/ /gnyis dang ldan pa ni 'bring po'o/ /de dag gsum ka rdzogs pa ni chen po'o/ /de la las kyi lam bcu po de dag grangs kyis 'gyur ba ni lan cig byas pa'i ni chung ba'o/ /lan gnyis byas pa ni 'bring po'o/ /lan gsum phan chad byas pa ni chen po'o/ /de la yan lag gis 'gyur ba ni srog gcod pa la sogs pa de dag gi yan lag phal cher ma tshang ba ni chung ba'o/ /phal cher tshang ba ni 'bring po'o/ /thams cad rdzogs shing tshang ba ni chen po'o/ /sogs zhes bya ba ni srog gcod pa la sogs pa de dag las gang yang rung ba lan cig byas pa tsam ni chung ba'o/ /de la 'gyod pa med pa ni 'bring po'o/ /de la gnyen po mi bsten pa ni chen po'o/ /bsngam par bya ba ni chung ngu'o/ /bshags par bya ba ni 'bring po'o/ /pham pa ni chen po'o/ /rtsed mo dang/ gzhan gyi g.yam la rgyugs kyis byas

  77. 39a

    ba ni chung ngu'o/ /rang nyid la nyon mongs pa dang nyes pa med kyang gzhan dbya zhing gzhan gyi sdig pa byed pa'i rkyen byed ba ni 'bring po'o/ /rang nyid la nyes pa yod cing gzhan gyis dpyas pas ni chen po'o/ /gzhan yang sdig pa'i grogs po dang mi dge ba'i bshes gnyen gyi dbang gis rang dbang med par byas pa ni chung ba'o/ /grags pa dang snyan pa'i phyir byas pa ni 'bring po'o/ /rnam par smin pa la mi 'jigs pa ni chen po'o/ /gzhan yang las kyi lam bcu po 'di dag gi don rgyas par ni/ /'phags pa dran pa nye bar gzhag pa la sogs pa'i mdo sde dang/ slob dpon bram ze chos ldan rab 'byor dbyangs kyis mdzad pa dang/ 'phags pa thogs med kyis mdzad pa'i rnam par gtan la dbab pa bsdu ba la sogs pa/ g.yog tsArya'i sa chen por blta'o/ /gzhan yang/ bsam bzhin pa dang rdzogs pa dang/ /mi 'gyod gnyen po med pa dang/ /'khor dang rnam par smin par las/ /bsags pa'i las zhes bya ba yin yang/ /'khor bar las ni lci gang dang/ /nye ba gang dang goms pa gang/ /sngon byas de dag gang yin las/ /snga ma snga ma rnam min 'gyur/ /yang/ shin tu yid la gcags pa dang/ /las de gsar du byas pa dang/ /yang dang yang du byas pa goms/ /de las gang rung sngar myong 'gyur/ /mthong ba'i chos la myong 'gyur dang/ /skyes nas myong bar 'gyur ba dang/ /lan grangs gzhan du myong 'gyur dang/ /myong bar 'gyur par ma nges pa'o/ /las ni dkar dang gnag pa dang/ /'dren ma'i las dang rnam pa gsum/ /mdo dang bstan bcos dag na gsal/ /de bas na las rnams bskal pa brgyar yang ni/ /chung mi za bar nges bsags nas/ /smin nas lus can rnams la ni/ /'bras bu nyid du ston par byed/ /ces bya ste/ de lta bu la yang nges par yid ches par bya'o/ /'gro rgyud lnga yi sems can thams cad dag /dzam gling 'dir skyes dge ba bcu spyad do/ /mthar gyis bla ma bzang po bsten byas te/ /zag pa med pa'i tshul khrims thob gyur cig /las rnam par 'byed pa zhes bya ba/ /slob dpon mkhas

  78. 39b

    pa chen po dpal mar me mdzad ye shes kyis mdzad pa rdzogs so// //rgya gar gyi mkhan po de nyid dang/ zhus chen gyi lo tsA ba dge slong tshul khrims rgyal bas bsgyur cing zhus te gtan la bab pa'o// // */ /rgya gar skad du/ sa mA dI sa b+hA ra ba ri brta/ bod skad du/ ting nge 'dzin gyi tshogs kyi le'u/ 'jig rten mgon po la phyag 'tshal lo/ /dang po snying rje'i stobs las byung/ /rdzogs pa'i byang chub sems brtan byas/ /srid pa'i longs spyod bde ma chags/ /yongs su 'dzin la rgyab kyis phyogs/ /dad sogs nor ni phun sum tshogs/ /bla ma sangs rgyas dang mnyam gus/ /des bstan dam tshig spyod pa ni/ /yongs su bskyang la rab tu brtson/ /bum pa gsang ba'i dbang bskur ba/ /bla ma'i drin gyis yongs su thob/ /lus ngag sems ni rnam dag pa'i/ /sgrub pa po de dngos grub snod/ /ting 'dzin yan lag las byung ba'i/ /tshogs ni yongs su rdzogs pa las/ /myur du dngos grub thob 'gyur la/ /de ltar gsang sngags tshul gnas yin/ /ting 'dzin yan lag nyams gyur cing/ /de yi mi mthun phyogs gnas na/ /skye ba bye ba stong gis kyang/ ting 'dzin rab tu grub mi 'gyur/ /ting nge 'dzin ni rab grub phyir/ /gsang sngags spyod gnas rnal 'byor pas/ /de las gzhan pa'i sems spangs te/ /g.yeng med brtson pas 'bad par bya/ /ting nge 'dzin gyi yan lag dang/ /mi mthun phyogs gang nges bya'i phyir/ /ting 'dzin yan lag mi mthun phyogs/ /de ni ? bsdus nas bshad bya/ /tshul khrims phun sum tshogs pa dang/ /longs spyod rnams la bltos med nyid/ /bzod ldan dam bca' brtan pa dang/ /skye bo'i 'du 'dzi rnam par spong/ /lus dang ngag yid las rnams la/ /shes bzhin dang ni ldan pa dang/ /sangs rgyas bkur bstong dran pa yi/ /lus kyi rjes dran yang dag ldan/ /dus gang du ni gang bya ba'i/ /rjes dran de la brtan pa dang/ /sgrib pa lnga ni spangs ba dang/ /zas kyi tshod rig spyod lam ram /'jig rten chos ni thams cad la/ /rtag tu sems ni btang snyoms dang/ /yo byad bsnyungs 'di

  79. 40a

    yan lag ste/ /go bzlog pa ni mi mthun phyogs/ /ting nge 'dzin tshogs le'ur bkod pa'i bsod nams des/ /'gro bas ting 'dzin rdo rje lta bu thob par shog /ting nge 'dzin gyi tshogs kyi le'u slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po de nyid dang/ zhus chen gyi lo tsA ba dge slong shAkya blo gros kyi bsgyur cing zhus te gtan la phab pa'o// //rgya gar skad du/ lo ka ut+tra ra aM ga sa pa ta ka bi d+hi/ bod skad du/ 'jig rten las 'das pa'i yan lag bdun pa'i cho ga/ sangs rgyas dang byang chub sems dpa' thams cad la phyag 'tshal lo/ /dpal rdo rje sems dpa' la phyag 'tshal lo/ /phyag gnas phyag byed phyag rnams ni/ /gang tshe tha dad mi dmigs pa/ /de 'dir sngags pa'i phyag yin te// rdo rje phyag ces brjod pa yin/ /mchod gnas mchod byed mchod pa rnams/ /gang che sna tshogs mi dmigs pa/ /de tshe mchod pa chen po ste/ /rdo rje mchod pa zhes brjod do/ /bshags bya 'chags byed bshags pa rnams/ /gang tshe rnal 'byor pas ma mthong/ /rang bzhin dag par yang dag mthong/ /de 'dir bshags pa'i mchog yin no/ /rjes yi rang bya thams cad dang/ /bdag dang rjes su yi rang ba/ /rnal 'byor pa yis mnyam par mthong/ /rjes su yi rang dam pa yin/ /sgyu mas sprul pa'i sangs rgyas la/ /sgyu mas sprul pa'i lus can phyir/ /brag cha lta bu'i chos rnams ni/ /bstan par yang dag bskul 'debs pa/ /sprul pa dag dang mtshungs par ni/ /thal mo sbyar nas skul byed cing/ /rdo rje rnal 'byor mnyam par mthong/ /skul bar byed pa'i mchog tu 'dod/ /mya ngan 'da' bzhed sangs rgyas rnams/ /'khor bar sprul pa bzhin du ni/ /sems can sprul pa'i don gyi phyir/ /bzhugs par gsol 'debs de nyid rig/ 'jig rten 'das pa nyid kyi phyir/ /de 'dir gsol 'debs mchog tu 'dod/ /dmigs pa can du 'jug pa nyid/ /thams cad 'jig rten pa

  80. 40b

    nyid yin/ /rdzogs pa'i byang chub ni 'dra'o/ /de nyid rig pas mi 'drar rigs/ /mi 'dra'i srid par gnas pa yi/ /sems can rnams la phan btags pas/ /chos dbyings bzhin du dpag med par/ /dge ba thams cad yongs bsngos na/ /de 'dir bsngo ba dam pa ste/ sangs rgyas kun gyi rab tu bsngags/ /'jig rten las 'das pa'i yan lag bdun pa'i cho ga slob dpon mkhas pa chen po dpal mar me mdzad ye shes kyis dpal bsam yas lhun gyis grub pa'i gtsug lag khang chen por mdzad pa rdzogs so// // kha ton dang glegs bam bkleg pa'i sngon du bya ba'i cho ga /sangs rgyas dang byang chub sems dpa' thams cad la phyag 'tshal lo/ /dang por re zhig byang chub sems dpa' ches kha ten du bya bar 'dod pa dang/ /gleg bam du byas pa klogs par 'dod pas phyogs bcu'i 'jig rten gyi khams kyi sangs rgyas dang byang chub sems dpa' thams cad la gsol ba btab ste/ yid kyis kun tu dmigs la/ byang chub sems dpa' sems dpa' chen po kun tu bzang po'i spyod pa'i smon lam gyi cho gas phyag btsal ba la sogs pa yan lag bdun gyi tshul du mchod pa rnams kyis yang dag par mchod do/ /de'i rjes la sems can thams cad la byams pa'i sems nye bar gzhag ste/ yang dag pa'i lhag pa'i bsam pas de ltar bsams pa'i rjes la tshig lan gsum brjod par bya ba ni bcom ldan 'das kyis gsungs pa'i chos kyi tshig gi don gang yin pa de ni chos thams cad kyi yang yin na/ 'on kyang bdag ni rang gi las kyi nyes pas shes rab chung zhing blo zhan te/ de lta na yin du zin kyang gang bcom ldan 'das kyis gsung rab bzung nas de bdag gis kha bton byas te/ chos kyi sgra de sems can gang gir na lam du grag pa de/ de bzhin gshegs pa'i spobs pa thob par gyur cig /bcom ldan 'das kyis gsungs pa'i chos tshig gcig gi don gang yin pa de ni chos thams cad kyi yang yin na/ 'on

  81. 41a

    kyang bdag gi rang gi las kyi nyes pas shes rab chung ba zhing blo zhan te/ de lta yin tu zin kyang gang bdag gis glegs bam du byas pa'i chos bklags par bya ste/ chos kyi sgra de sems can gang rnams kyi rna lam du grag pa de dag /de bzhin gshegs pa'i spobs pa thob par gyur cig ces/ lan gsum brjod par bya'o/ /kha ton dang glags bam klag pa'i chog /slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so// //pha rol tu phyin pa'i theg pa'i sAts+tsha gdab pa'i cho ga/ sangs rgyas dang byang chub sems dpa' thams cad la phyag 'tshal lo/ /na so b+ha ga ba te/ bai ro tsa nA ya bra b+ha rA dzA ya/ tA thA ga ta ya/ arha te sa myaksa bud+d+hi ya/ tadya thA/ oM suk+ShMe suk+Sh+me sa me sa me/ shAn+te dAn+te a sa mA ro pa ya na laM b+he/ ta raM b+he ya sho ba ti mahA te dza/ tI ba ku le/ ni ri ba Ne/ sarba bud+d+ha a d+hiSh+Tha na/ ma d+hiSh+Tha ti swAhA gzungs 'di 'jim pa'i gong bu 'am bye ma'i 'og bu la lan nyi shu rtsa gcig bzlas te mchod rten bya'o/ /mchod rten de la rdul phra rab kyi grangs ji snyed yod pa de snyed kyi mchod rten bye ba byas par 'gyur ro/ /rdul phra rab kyi grangs ji snyed yod pa de snyed kyi lha dang mi rnams kyi skyob phun sum tshogs pa thob par 'gyur ro/ /gang dang gang du skyes nas skye ba dran par 'gyur ro/ /myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /dang por 'jim pa brdung ba bdag gam gzhan yang rung ba'i byams pa dang snying rdzas byang chub tu sems bskyed par bya zhing brdung/ /de nas 'bi 'bi byin gyis brlab pa ni 'og min nas bcom ldan 'das rnam par snang mdzad 'od kyi rgyal po de bzhin gshegs pa dgra bcom pa yang dag par rdzogs pa'i sangs rgyas bzhugs pa la phyag btsal bar bsam zhing sngags kyi grangs gong ma bzhin du brjod do/ /de nas rten 'brel gyi sngags bzlas shing gdab bo/ /de nas 'bru 'am me tag la rten 'bral

  82. 41b

    gyi sngags lan gsum mam/ /bdun bzlas la dbul lo/ /de nas bsod nams 'di yis thams cad gzigs pa nyid/ /thob nas nyes pa'i dgra rnams pham byas te/ /skye rga na 'chi'i dpa' klong 'khrug pa yi/ /sred pa'i mtsho las 'gro ba 'dren par shog /ces smon lam gdab go /pha rol tu phyin pa'i theg pa'i sAts+tsha gdab ba'i mchog /slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so// //oM ye d+harmA he tu pra b+ha bA ha dun+te ShAn+ta thA ga to ha ba dang/ te ShAltsa yo ni ro d+ha e ba 'bi dI mahA sh+ra ma Na// // */ /rgya gar skad du/ gu ru kri ya kra ma/ bod skad du/ bla ma'i bya ba'i rim pa/ sangs rgyas dang/ byang chub sems dpa' thams cad la phyag 'tshal lo/ /dang por tshad dang ldan pa'i slob dpon slob ma la dad pa dang/ yid ches pa dang// 'dod pa'i dad pa skyed la/ de nas byang chub kyi sems kyi phan yon brjod la spro ba bskyed par bya'o/ /de nas gnas khang khyad par can du mchod pa'i tshogs khyad par can bshams la 'phags pa'i tshogs spyan drangs te/ phyag 'tshal ba dang/ zhabs bsil zhing gdan dbul ba dang bla na yod pa dang bla na med pa'i mchod pa'i tshogs kyis legs par mchod cing/ mchod pa'i sprin gyi sngags kyang lan gsum brjod do/ /bstod pa byed pas bde bar gshegs pa'i yon tan khyad par can dran ba'i sgo nas gus pas bstod cing/ de dang de 'phel ba'i tshig kyang brjod do/ /de nas bshags pa dang/ rjes su yi rang ba dang/ bskul ba dang/ gsol ba gdab pa dang/ sngo ba la sogs pa bya ste/ de nas slob dpon la phyag byas la/ gsol ba gdab pa la sogs pas byang chub kyi sems rnam pa gnyis legs par bskyed la/ de dag gi rang gi ngo bo dang/ dbye ba dang/ khyad par yang brjod do/ /de nas byang chub kyi spyod pa pha rol tu phyin pa drug dang/ bsdu ba'i dngos po bzhi dang/ tshad med pa bzhi po la sogs pa'i mtshan nyid dang/ rgyu dang/ 'bras bu dang/ bslab

  83. 42a

    pa'i go rim dang/ nyams pa dang/ mnyams pa'i skyon yon dang/ tshul ji ltar bslab pa la sogs pa yang rgyas par bstan par bya'o/ /de yang bag yod pa dang/ shes bzhin dang/ dran pas zin par bya'o/ zhes bslab par bya'o/ /de dag gi mtshan nyid dang/ go rim dang/ nyams pa dang ma nyams pa'i skyon la sogs pa yang bslab par bya'o/ /de dag byed pa la yang brtson 'grus drag pos bskyod la/ ji mi snyam pa dang/ sdug bsngal dang du len pa'i bzod pa dang/ ma yengs pa'i bsam gtan dang/ shes rab kyi rang bzhin med par shes par byas la/ bslab pa gsum mam/ shes rab rnam pa gsum la mnyam par bzhag pa dang/ spyod lam gyi tshul gyis bslab par bya'o zhes bstan par bya'o/ /mthar smon lam gyis yongs su rdzogs par gyis shig ces kyang brjod par bya'o/ /'di ni slob dpon gyis rang bzhin bstan pa'i las kyi go rim so/ /slob mas kyang tshul ji ltar bstan pa de bzhin du bslab par bya'o/ /'di ni mtshan nyid theg pa chen po'i sems bskyed pa dang/ /bslab pa bstan pa'i tshul la mgo rim che long tsam bstan pa yin no/ /rgyas par ni gzhan nas shes par bya'o/ /bla ma'i bya ba'i rim pa dmor bsdus pa slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so// //rgya gar skad du/ tsit+totpA da saM pa ra bi d+hi kra ma/ bod skad du/ sems bskyed pa dang sdom pa'i cho ga'i rim pa/ 'jam dpal gzhon nur gyur pa la phyag 'tshal lo/ /ngan song thams cad 'jig pa dang/ /sgrib pa thams cad las grol zhing// rdzogs sangs go 'phangs stsol mdzad pa/ /byang chub sems la phyag 'tshal lo/ /rdzogs sangs rgyas dang dam pa'i chos/ /byang chub sems dpa' i tshogs la yang/ /ji bzhin byang chub sems dpa' yi/ /sdom pa'i rim pa bri bar bya/ /de la dang por sangs

  84. 42b

    rgyas dang byang chub sems dpa' thams cad la phyag 'tshal ba dang/ mchod pa'i chog la sogs pa sngon du song bas dge ba'i bshes gnyen la ston pa'i 'du shes bskyed nas 'di skad ces gsol ba gdab par bya ste/ ji ltar sngon gyi de bzhin gshegs pa dgra bcom pa yang dag pa'i rdzogs pa'i sangs rgyas dang/ byang chub sems dpa' sa chen po la zhugs pa rnams kyis dang por bla na med pa yang dag par rdzogs pa'i byang chub tu thugs bskyed pa de bzhin du bdag ming 'di zhes bgyi ba yang/ slob dpon gyis bla na med pa yang dag par rdzogs pa'i byang chub tu sems bskyed du gsol zhes lan gsum gyi bar du brjod do/ /de ltar gsol ba gdab nas dkon mchog gsum la skyabs su 'gro ba ni/ slob dpon dgongs su gsol/ bdag ming 'di zhes bgyi ba dus 'di nas gzungs nas/ ji srid byang chub kyi snying po la mchis kyi bar du rkang gnyis rnams kyi mchog /sangs rgyas bcom ldan 'das la skyabs su mchi'o/ /slob dpon dgongs su gsol bdag ming 'di zhes bgyi ba dus 'di nas gzungs nas ji srid byang chub kyi snying po la mchis kyi bar du chos rnams kyi mchog /gzhi pa 'dod chags dang bral ba'i chos rnams la skyabs su mchi'o/ /slob dpon dgongs su gsal/ /bdag ming 'di zhes bgyi bdus 'di nas gzungs nas ji srid byang chub kyi snying po la mchis kyi bar du chogs rnams kyi mchog /'phags pa byang chub sems dpa' phyir mi ldog pa'i byang chub sems dpa' i dge 'dun rnams la skyabs su mchi'o zhes lan gsum du brjod do/ /de ltar skyabs su 'gro ba khyad par can bya nas/ bcom ldan 'das shAkya thub pa dang/ phyogs bcu'i sangs rgyas dang byang chub sems dpa' thams cad yid kyis dmigs te/ phyag btsal ba dang/ ci 'byor ba'i mchod pa la sogs pa byas la/ slob dpon mdun du byas te/ pus mo g.yas pa'i lha nga sa la btsugs pa 'am/ tsog pur yang rung bas 'dug ste thal mo sbyar sems bas bskyed par bya ste/ phyogs bcu

  85. 43a

    rnams na bzhugs pa'i sangs rgyas dang byang chub sems dpa' thams cad bdag la dgongs su gsol/ slob dpon dgongs su gsol ba bdag ming 'di zhes bgyi bas skye ba'i dang skye ba gzhan dang gzhan dag tu sbyin pa'i rang bzhin dang/ tshul khrims kyi rang bzhin dang/ bsgoms pa'i rang gyi dge ba'i rtsa ba bgyis pa dang/ bgyid du rtsal ba dang/ bgyid pa la rjes su yi rang ba'i dge ba'i rtsa ba des/ ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams dang/ sa chen po la rab du zhugs pa'i byang chub sems chen po rnams kyi bla na med pa yang dag par rdzogs pa'i byang chub tu mngon par thugs bskyed par mdzad pa de bzhin du/ bdag ming 'di zhes bgyi bas kyang dus 'di nas bzung nas ji srid byang chub kyi snying po la mchis kyi bar du bla na med pa yang dag par rdzogs pa'i byang chub chen po la sems bskyed par bgyi'o/ /sems can ma grol ba rnams bsgral bar bgyi'o/ /ma grol ba rnams grol bar bgyi'o/ /dbugs ma phyin pa rnams dbugs su dbyung bar bgyi'o/ /yongs su mya ngan las ma 'das pa rnams/ /yongs su mya ngan las bzla bar bgyi'o zhes lan gsum du brjod par bya'o/ /de ltar slob dpon med kyang de ltar bdag nyid byang chub tu sems bskyed pa'i cho ga ni de bzhin gshegs pa shAkya thub pa dang/ phyogs bcu'i de bzhin gshegs pa thams cad yid la bsams te phyag 'tshal ba dang/ mchod pa'i cho ga la sogs pa byas nas gsol ba gdab pa dang/ slob dpon zhes pa'i tshig spangs pa'i skyabs su 'gro ba la sogs pa'i go rim gong ma bzhin du bya'o/ /de ltar sems bskyed pa'i gang zag gis byang chub kyi sems spel par bya ba'i phyir tha na nyin lan gsum mtshan lan gsum du/ sangs rgyas chos dang tshogs kyi mchog rnams la/ byang chub bar du bdag ni skyabs su mchi/ /bdag gi sbyin sogs bgyis pa 'di

  86. 43b

    dag gis/ 'gro la phan phyir sangs rgyas 'grub par shog /ces byang chub tu sems bskyed par bya'o/ /byang chub kyi sems nyams par byed pa'i chos bzhi las ldog par bya ste/ bzhi gang zhe na/ bla ma dang mchod par 'os pa bslu ba dang/ gzhan 'gyod pa'i gnas ma yin pa la 'gyod pa bskyed pa dang/ sems bskyed pa'i byang chub sems dpa' la zhe sdang gis tshigs su bcad pa ma yin pa brjod pa dang/ sems can thams cad la g.yo dang sbyus spyod pa'o/ /byang chub kyi sems mi nyams par byed pa'i chos bzhi la bslab par bya ste/ bzhi gang zhe na/ srog gi phyir yang bsams bzhin du brdzun mi smra ba dang/ sems can thams cad la lhag pa'i bsam pa rnam par dag pas gnas par bya'o/ /g.yo dang sgyus ma yin pa dang/ sems bskyed pa'i byang chub sems dpa' la ston pa'i 'du shes bskyed cing phyogs bcur yang dag pa'i yon tan brjod par bya ba dang/ sems can 'ga' zhig dge ba la dgod pa de dag bla na med pa yang dag par rdzogs pa'i byang chub la dgod kyi nyan thos dang/ rang sangs rgyas la ni ma yin no/ /khyad par du mngon par shes pa myur du thob par 'dod pa'i byang chub sems dpa' 'phags pa spyan ras gzigs dbang phyug gis zhus pa'i chos bdun pa zhes bya ba theg po'i mdo las bslab par bya'o/ /byang chub tu sems bskyed pa'i phan yon ni sngod po bkod pa'i mdo la sogs pa las shes par bya'o/ /de la dang por cho ga bzhin du byang chub tu sems bskyed pa'i byang chub sems dpa' byang chub dpa' thams cad kyi tshul khrims kyi bslab pa la legs par slob par 'dod pas byang chub sems dpa' byang chub sems dpa' i sdom pa la gnas pa dang/ byang chub sems dpa' i sdom pa'i cho ga shes pa dang/ byang chub sems dpa' i sdom pa 'bogs pa'i sgo nas slob ma rjes su bzung bar nus pa'i dge ba'i bshes gnyen la phyag byas te/ de'i rkang pa la gtugs nas gsol ba gdab

  87. 44a

    pa ni/ slob dpon khyod las bdag byang chub sems dpa' i tshul khrims kyi sdom pa yang dag par blang ba de len par 'tshal gyis/ de la gnod pa ma mchis na bdag la thugs brtse'i slad du cung zad cig gsan cing stsal ba'i rigs so zhes de ltar lan gsum gyi bar du gsol ba gdab par bya'o/ /rigs kyi bu khyod nyon cig /khyod 'di ltar sems can ma brgal ba rnams bsgral pa dang/ ma grol ba rnams dgrol ba dang/ dbugs ma phyung ba rnams dbyugs dbyung ba dang/ yongs su mya ngan las ma 'das pa rnams yongs su mya ngan las bzla ba dang/ sangs rgyas kyi gdung rgyun mi 'chad par 'dod dam/ de la khyod kyis sems bskyed pa bstan pa dang/ yi dam brtan par bya'o/ /gzhan dang 'gran pa'i ched du ma yin nam/ gzhan gyis nan gyis len du bcug pa ma yin nam zhes dri'o/ /de'i 'og tu de bzhin gshegs pa shAkya thub pa'i lugs sku 'am/ ras bris la sogs pa mdun du bzhugs pa dang/ de bzhin gshegs pa shAkya thub pa la sogs pa phyogs bcu'i 'jig rten gyis khams thams cad na bzhugs pa'i sangs rgyas dang byang chub sems dpa' thams cad mdun du bsams la/ ci nus pa'i phyi'i mchod pa lngas mchod pa dang phyag byas la/ de ma thag tu dge ba'i bshes gnyen stan mthon po la ston pa'i 'du shes kyis phyag bya sa te/ pus mo g.yas pa'i lha da sa la btsugs pa 'am/ tsog tsog por 'dug ste thal mo sbyar nas dge ba'i bshes gnyen la byang chub sems dpa' i sdom pa nod pas 'di ltar skul bar bya ste/ slob dpon gyis byang chub sems dpa' i tshul khrims kyi sdom pa yang dag par blang ba bdag la myur du stsal du gsol zhes de ltar lan gsum du dge ba'i bshes gnyen la bskul nas/ de nas dge ba'i bshes gnyen 'dug pa 'am langs pa yang rung ste/ des byang chub sems dpa' i sdom pa nod pa de la 'di skad ces dri bar bya ste/ ming

  88. 44b

    'di zhes bya ba khyod byang chub sems dpa' ma yin nam/ byang chub tu smon lam btab bam zhes dris pa na/ len pa'i byang chub sems dpa' nges kyang btab lags so zhes khas blang bar ba'o/ /de nas mi zad pa dpag tu med pa bla na med pa'i bsod nams kyi gter chen por gyur ba sangs rgyas thams cad kyi yon tan rin po che'i 'byung gnas byang chub sems dpa' sdom pa ring po mi thogs par thob par 'gyur ro zhes snyam du bsam zhing sems rab tu dang bar gyur pas dga' ba dang bcas pas cad mi smra bar thal mo sbyar te 'dug par bya'o/ /de nas dge ba'i bshes gnyen des dus gsum gyi byang chub sems dpa' thams cad kyi bslab pa'i gzhi thams cad dang/ tshul khrims thams cad de/ sdom pa'i tshul khrims dang/ dge ba'i chos bsdus pa'i tshul khrims dang/ sems can gyi don byed pa'i tshul khrims mdor bsdus pa slob ma la go bar bya ste/ byang chub sems dpa' thams cad kyi bslab pa'i gzhi rnams dang/ byang chub sems dpa' thams cad kyi tshul khrims de dag ci bdag las len par 'dod dam zhes slob ma la dri bar bya'o/ /des da ltar len par 'tshal lo zhes khas len par 'gyur na/ byang chub sems dpa' i sdom pa sbyin par bya ste/ btsun pa'am/ tshe dang ldan pa 'am/ rigs kyi bu ming 'di zhes bya ba khyod bdag byang chub sems dpa' ming 'di zhes bya ba las 'das pa'i byang chub sems dpa' thams cad kyi bslab pa'i gzhir gyur pa gang yin pa dang/ tshul khrims su gyur pa gang yin pa dang/ ma byon ba'i byang chub sems dpa' thams cad kyi bslab pa'i gzhir gyur pa gang yin pa dang/ tshul khrims su gyur pa gang yin pa dang/ da lta phyogs bcu'i 'jig rten na da ltar byung ba'i byang chub sems dpa' thams cad kyi bslab pa'i gzhir gyur pa gang yin pa dang/ tshul khrims su gyur pa gang yin pa'i bslab pa'i gzhi dag dang/ tshul khrims gang dag la 'das pa'i byang chub sems dpa' thams cad kyis bslabs par

  89. 45a

    gyur pa dang/ ma byon pa'i byang chub sems dpa' thams cad slob par 'gyur ba dang/ phyogs bcu dag na da ltar byung ba'i byang chub sems dpa' thams cad da ltar slob pa'i byang chub sems dpa' i bslab pa'i gzhi thams cad dang/ byang chub sems dpa' i tshul khrims thams cad de/ sdom pa'i tshul khrims dang/ dge ba'i chos sdud pa'i tshul khrims dang/ sems can gyi don bya ba'i tshul khrims nod dam zhes smros shig /des kyang nod lags so zhes smros shig /de ltar slob dpon gyis lan gsum gyis bar du len nam zhes brjod cing/ slob mas rab tu len lags so zhes lan gsum brjod pas sdom pa glangs par 'gyur ro/ /de nas dge ba'i bshes gnyen des slob ma la byang chub sems dpa' i sdom pa byin nas/ phyogs bcu'i sangs rgyas dang byang chub sems dpa' thams cad la yan lag lngas phyag 'tshal ba sngon du 'gro bas thal mo sbyar te/ 'di skad ces lan gsum brjod par bya ste/ byang chub sems dpa' ming 'di zhes bya bas/ bdag byang chub sems dpa' ming 'di zhes bya ba las/ byang chub sems dpa' i tshul khrims kyi sdom pa yang dag par blang bar bya ba lan gsum gyis bar du yang dag par mnos lags te/ byang chub sems dpa' ming 'di zhes bya ba 'dis byang chub sems dpa' i tshul khrims kyi sdom pa yang dag par blangs pa la/ bdag ming 'di zhes bgyi ba dbang du gyur pa 'phags ba'i mchog lkog tu gyur kyang/ phyogs bcu'i 'jig rten gyi khams mthas gtugs pa'i chos thams cad lkog tu ma gyur pa'i thugs mnga' ba thams cad la mkhyen par gsol lo zhes lan gsum gyi bar du/ phyogs bcu'i sangs rgyas dang/ byang chub sems dpa' rnams la brjod de/ /phyag btsal nas bla ma dang slob ma ldang bar bya'o/ /de nas langs la dge ba'i bshes gnyen gyis byang chub sems dpa' i sdom pa mnos pa'i byang chub sems dpa' de la 'di skad ces brjod par bya ste/ byang chub sems dpa' i ming 'di zhes

  90. 45b

    bya ba khyod nyon cig /'di ni chos nyid yin te/ gang gi tshe byang chub sems dpa' byang chub sems dpa' i sdom pa yang dag par len pa'i las brjod pa rdzogs pa de'i tshe/ phyogs bcu'i sangs rgyas kyi zhing thams cad du sangs rgyas dang byang chub sems dpa' rnams la 'di lta bu'i ltas 'byung bar 'gyur te/ sangs rgyas dang/ byang chub sems dpa' de dag gis 'di ltar sangs rgyas kyi zhing ga ge mo zhig na/ byang chub sems dpa' ming 'di zhes bya bas/ byang chub sems dpa' ming 'di zhes bya ba las/ byang chub sems dpa' i sdom pa yang dag par blangs par mnos so zhes yang dag par mkhyen par 'gyur ro/ /de la sangs rgyas bcom ldan 'das de dag dang/ byang chub sems dpa' de rnams kyis chos kyi brtse bas bu dang spun zla'i dgongs pa mdzad la/ de ltar dgongs pa mdzad pas bsod nams dang ye shes kyi tshogs 'phel bar 'gyur ro zhes brjod par bya'o/ /de nas dge ba'i bshes gnyen des byang chub sems dpa' de la 'di skad ces brjod par bya'o/ /byang chub sems dpa' ming 'di zhes bya ba khyod nyon cig /byang chub sems dpa' i sdom pa yang dag par blangs ba 'di dang pa med pa rnams kyi mdun du smra bar mi bya ste/ gang gi phyir dang pa med pa rnams la byang chub sems dpa' i sdom pa rab tu bstan na/ /dad pa med pa'i sems can de dag /byang chub sems dpa' i sdom pa la ma dad pas spongs par byed de/ des na ji snyed byang chub sems dpa' byang chub sems dpa' i sdom pa la gnas pa la bsod nams kyi phung po dang ldan par 'gyur ba de snyed kyi bsod nams ma yin pa'i phung po ma dad pa de dang ldan par 'gyur ro/ /gang gi phyir byang chub sems dpas sems can sdug bsngal thams cad las yongs su bsrung bar bya ba yin pas gzhan sdig pa las bzlog par bya ste/ de'i phyir mchog tu dge ba'i byang chub sems dpa' gsang bar bya ba yin no/ /de nas bslab pa'i gzhi pham pa'i gnas su 'gyur ba sdom pa 'jig pa'i rgyu bstan cing/ nyas

  91. 46a

    byas kyi ltung ba nyon mongs pa can dang/ nyon mongs pa can ma yin pa yang bstan par bya'o/ /dge ba'i bshes gnyen gyis mdor bsdus pa byang chub sems dpa' i sdom pa nyi shu pa dang/ byang chub sems dpa' i sa'i tshul khrims kyi le'u bshad par bya'o/ /byang chub tu sems bskyed pa dang byang chub sems dpa' i sdom pa'i cho ga /slob dpon chen po dpal mar ma mdzad ye shes kyis mdzad pa rdzogs so// //rgya gar gyi mkhan po de nyid dang/ zhus chen gyi lo tsA ba dge slong dge ba'i blo gros kyis bsgyur ba legs so/ /slad kyis paN+Di ta de nyid dang/ lo tsA ba dge slong tshul khrims rgyal bas bcos shing gtan la phab pa'o// //rgya gar skad du/ bo d+hi satwa sampa ra bi d+hi/ bod skad du/ byang chub sems dpa' i sdom pa'i cho ga /sangs rgyas dang byang chub sems dpa' thams cad la phyag 'tshal lo/ /gang 'di rnams ni byang chub sems dpa' rnams kyi tshul khrims kyi phung po rnams su brjod pa ste/ sdom pa'i tshul khrims dang/ dge ba chos sdud pa'i tshul khrims dang/ sems can don byed pa'i tshul khrims so/ /de rnams la bslab par 'dod? pa'i khyim pa 'am rab tu byung ba bla na med pa yang dag par rdzogs pa'i byang chub tu smon lam btab pas/ lhan cig tu chos mthun pa'i byang chub sems dpa' mkhas pa nus pa/ dag gi rnam par rig byed kyi don 'dzin pa dang go bar nus pa'i zhabs dag la phyag 'tshal nas gsol ba gdab par bya ste/ bdag rigs kyi bu khyod dam/ tshe dang ldan pa 'am/ btsun pa gang nye bas byang chub sems dpa' i tshul khrims kyi sdom pa yang dag par len par 'tshal bas de stsal ba la rung zhing dka' ba ma mchis na thang cig ba dag la rjes su brtse bas stsal cing gson cig ces so/ /'di ltar lan gsum du gsol ba btab nas/ bla gos phrag pa gcig tu gzar te/ phyogs

  92. 46b

    bcu'i 'jig rten rnams na 'das pa dang/ ma byon pa dang/ de ltar byung ba'i sangs rgyas bcom ldan 'das rnams dang/ sa chen por chud pa'i byang chub sems dpa' rnams la btud nas/ de rnams kyi yon tan mngon sum du byas pas sems chen po bskyed nas/ pus mo btsugs pa 'am/ sa la tsog tsog por 'dug pas de bzhin gshegs pa'i sku mdun du bzhugs su gsol nas mchod de/ mngon sum du byas nas tshig 'di skad du brjod do/ /rigs kyi bu 'am/ tshe dang ldan pa 'am/ btson pa gang nye bas byang chub sems dpa' i tshul khrims kyi sdom pa yang dag par blangs pa dag la rjes su stsal du gsol zhes so/ /de nas sems rtse gcig tu nye bar bzhag pa nas sems dang ba rjes su bskyed de/ bdag ni ring por mi thogs par zad pa med cing dpag tu med pa bla na med pa'i bsod nams kyi gter thob par 'gyur ro zhes don 'di nyid bsam zhing cang mi smra bar bya'o/ /slar yang byang chub sems dpa' mkhas pa des/ des ltar gnas pa'i byang chub sems dpa' de la sems g.yengs par 'dug pa 'am/ 'greng bas 'di skad brjod de/ khyod ming 'di skad ces bya bas byang chub sems dpa' i bslab pa'i gnas thams cad dang/ byang chub sems dpa' i tshul khrims thams cad de/ 'das pa'i byang chub sems dpa' rnams kyi tshul khrims dang bslab pa'i gnas rnams dang/ tshul khrims gang ma 'ongs pa'i byang chub sems dpa' rnams kyis 'gyur ba dang/ gang bslab pa'i gnas rnams dang/ tshul khrims gang de ltar phyogs bcu na da ltar byung ba'i byang chub sems dpa' rnams kyi tshul khrims dang/ bslab pa'i gzhi gang yin pa rnams te/ bslab pa'i gnas rnams dang/ tshul khrims gang rnams la 'das pa'i byang chub sems dpa' thams cad kyis bslabs pa dang ldan pa dang/ mo 'ongs pa'i byang chub sems dpa' rnams kyis slob par 'gyur ba dang/ da ltar byung ba'i byang chub sems dpa' rnams

  93. 47a

    da ltar slob pa rnams nod dam/ des kyang nod la gso zhes dam bca' o/ /lan gsum du'o/ /phyogs bcu'i 'jig rten gyi khams na bzhugs pa'i sangs rgyas bcom ldan 'das rnams dang/ byang chub sems dpa' rnams bdag la dgongs su gsol/ /slob dpon bdag la dgongs su gsol/ /bdag ming 'di zhes bgyi bas gang cung zad lus dang ngag dang yid rnams kyis sangs rgyas dang byang chub sems dpa' rnams dang/ ma dang pha dang de las gzhan pa'i sems can rnams la brten nas bskyed pa'i 'di dang srid pa gzhan rnams su bdag gi sdig pa bgyis pa dang/ bgyid du stsal ba dang/ rjes su yi rang ba yang rung ste/ de dag thams cad gcig tu bsdus shing zlums te bsdoms nas sangs rgyas dang byang chub sems dpa' rnams dang/ slob dpon gyi spyan sngar mchog dang gtso bo'i bshags par bgyi'o/ /shes shing dran pas rab tu mi 'tshab po/ /'di ltar gsum du'o/ /bdag ming 'di zhes bgyi bas 'di ltar sdig pa bshags nas/ dus 'di nas nye bar bzung ste byang chub kyi snying po la nye bar mchis kyi bar du'o/ /sangs rgyas bcom ldan 'das thugs rje chen po can/ thams cad mkhyen pa/ thams cad gzigs pa/ dgra'i 'jigs pa thams cad las 'das pa/ skyes bu chen po mi phyed pa'i sku bla na med pa'i sku/ chos kyi sku rkang gnyis rnams kyi mchog la skyabs su mchi'o/ /bdag ming 'di zhes bgyi pas 'di ltar sdig ba bshags nas dus 'di nas nye bar bzung ste/ byang chub kyi snying po la mchis kyi bar du zhi ba 'dod chags dang bral ba'i mchog chos la skyabs su mchi'o/ /bdag ming 'di skad ces bgyi pas 'di ltar sdig pa bshags nas dus 'di nas bzung ste/ byang chub kyi snying po la mchis kyi bar du phyir mi ldog pa'i byang chub sems dpa' i dge 'dun tshogs rnams kyi mchog la skyabs su mchi'o/ /'di ltar lan gsum du'o/ /bdag ming 'di skad ces bgyi bas 'di ltar sdig pa bshags

  94. 47b

    nas gsum la skyabs su mchis te/ mdza' yas pa'i sems can gyi khams bsgral ba'i phyir dang/ dbyung ba'i phyir dang/ 'khor ba'i sdug bsngal las yongs su bskyab pa'i phyir dang/ thams cad mkhyen pa'i ye shes bla na med pa la bzhag pa'i phyir dang/ ji ltar 'das pa dang/ ma 'ongs pa dang/ da ltar byung ba'i byang chub sems dpa' de rnams kyi byang chub tu sems bskyed nas sangs rgyas nyid rtogs pa dang ldan pa dang/ rtogs par gyur pa dang/ rtogs par 'gyur ba dang/ ji ltar sangs rgyas thams cad sgrib pa dang bral ba dang/ sangs rgyas kyi ye shes dang/ sangs rgyas kyi spyan gyis mkhyen cing gzigs pa rnams dang/ ji ltar chos rnams kyi chos nyid mkhyen pa'i cho ga des bdag ming 'di skad ces bgyi bas slob dpon dang nye bar sangs rgyas dang byang chub sems dpa' rnams kyi spyan sngar bla na med pa yang dag par rdzogs pa'i byang chub tu sems bskyed par bgyi'o/ /'di ltar lan gsum mo/ /bdag gis sdig pa bshags pa 'di dang/ gsum la skyabs su 'gro ba dang/ byang chub tu sems bskyed pa las byung ba'i dge ba'i rtsa bas bla na med pa yang dag par rdzogs pa'i byang chub tu yongs su bsngo bar bgyi'o/ /skyabs med pa dang/ skyobs pa med pa dang/ gnas med pa dang/ dpung gnyen med pa dang/ gling med pa'i 'jig rten la skyabs dang/ skyob pa dang/ gnas dang/ dpung gnyen dang/ gling du gyur cig sems can thams cad kyang 'khor ba'i rgya mtsho las ma bsgral ba las sgrol bar gyur cig /sgrib pa las yongs su ma 'das pa chos kyi dbyings kyi mya ngan las 'das pas yongs su mya ngan las zlo bar gyur cig /dbugs ma phyin pa rnams dbyugs 'byin par gyur cig /'di ltar lan gsum mo/ /bdag ming 'di zhes bgyi bas 'di ltar byang chub tu sems bskyed pas sems can gyi khams mdza' med pa la ji ltar ma dang/ pha dang/ sring mo dang/ spun dang/ bu dang bu mo dang/ gzhan gnyen dang snag gi gnyen mtshams su gyur pa rnams 'di ltar sor gzungs bar bgyi'o/ /

  95. 48a

    gzung nas kyang nus pa ji lta ba dang/ stobs ji lta ba dang/ brten pa ji lta bar dge ba'i rtsa ba yang dag par bskyed pa bgyi'o/ /'di nas gzung ste cung zad sbyin pa btang bar bgyi'o/ /tshul khrims bsrung bar bgyi'o/ / bzod pa bskyed par bgyi'o/ /brtson 'grus brtsam par bgyi'o/ /bsam gtan la snyoms par 'jug go /shes rab bstan par bgyi'o/ /dge ba'i rtsa ba thams cad la yang slob po/ /de dag thams cad sems can thams cad kyi don dang/ phan pa dang/ bde ba dang/ bla na med pa yang dag par rdzogs pa'i byang chub las brtsams te/ sa chen por chud pa'i byang chub sems dpa' thugs rje chen po can de rnams kyi theg pa chen po'i 'jug pa'i rjes su mchi'o/ /'di ltar slob pa'i byang chub sems dpa' bdag byang chub sems dpar dus 'di nas gzung ste/ bdag slob dpon gyis bzung du gsol/ 'di ltar lan gsum mo/ /de nas slob dpon des sku de'i spyan sngar phyogs bcu'i sangs rgyas dang byang chub sems dpa' bzhugs shing 'tsho zhing 'dzin pa dang/ gzhes pa rnams la zhabs gnyis la phyag 'tshal nas btung de gsol bar bya'o/ /ming 'di skad ces bgyi ba'i byang chub sems dpas bdag ming 'di skad ces bgyi ba'i byang chub sems dpa' dang nye ba las/ ji srid du lan gsum du yang byang chub sems dpa' i tshul khrims kyi sdom pa yang dag par blangs pa la/ bdag ming 'di skad ces bgyi ba'i byang chub sems dpas/ ming 'di skad ces bgyi ba'i byang chub sems dpa' i bdag nyid dbang du gyur par yang dag par shes te/ phyogs bcu'i 'jig rten gyi khams mdza' med pa rnams su 'phags pa'i mchog lkog tu gyur kyang sems can gyi don la lkog tu ma gyur pa rnams la/ 'di byang chub sems dpa' i tshul khrims kyi sdom pa yang dag par blangs ba la mkhyen par gsol lo/ /'di ltar lan gsum mo/ /'di ltar yang tshul khrims kyi sdom pa yang dag par blangs pa'i

  96. 48b

    las kyi rjes la/ 'di ni nges par chos nyid yin te/ phyogs bcu'i 'jig rten gyi khams mdza' yas pa la gtugs pa na/ de bzhin gshegs pa rnams bzhugs shing 'dzin pa rnams gzhes pa rnams dang/ sa chen por chud pa'i byang chub sems dpa' rnams la 'di lta bu'i rang bzhin gyi ltas 'byung bar 'gyur ro/ /gang gis de rnams la 'di lta bur 'gyur ba ste/ ming 'di skad ces bya ba'i byang chub sems dpa' dang nye bas/ ming 'di skad ces bya ba'i byang chub sems dpa' dang nye ba las byang chub sems dpa' i tshul khrims kyi sdom pa yang dag par blang ba blangs so zhes so/ /'di ltar re zhig gzhan yang blang ba'i cho ga brjod pa/ gal te yon tan dang ldan pa gang zag de dang nye bar ma gyur na/ de nas byang chub sems dpa' des de bzhin gshegs pa'i sku'i mdun du rang nyid kyis byang chub sems dpa' i tshul khrims kyi sdom pa blang bar bya'o/ /'di ltar bya ste blo gros phrag pa gcig tu gzar nas phyogs bcu'i 'jig rten gyi khams na 'das pa dang/ ma byon pa dang/ da ltar byung ba'i sangs rgyas bcom ldan 'das rnams dang/ sa chen por bzhugs pa'i byang chub sems dpa' rnams la btung bar bya ste/ pus mo g.yas pa'i lha nga sa la btsugs pa 'am/ tsog tsog pos tshig 'di skad ces brjod par bya ste/ bdag ming 'di skad ces bgyi bas phyogs bcu'i 'jig rten gyi khams na de bzhin gshegs pa thams cad dang/ sa chen por chud pa'i byang chub sems dpa' rnams la gsol bar bgyi'o/ /de rnams kyi yang spyan sngar byang chub sems dpa' i bslab pa thams cad dang/ byang chub sems dpa' i tshul khrims kyi sdom pa thams cad blang ba la/ tshul khrims gang zhes bya ba la sogs pa sngar bzhin no// ji srid du byang chub sems dpa' bdag byang chub sems dpar 'di nas gzung ste/ sangs rgyas dang byang chub sems dpas kyang bdag tu gzung du gsol zhes pa ni las so/ /byang chub sems dpa' i sdom pa'i cho ga /slob dpon mkhas pa chen po byang chub bzang po'i/ /

  97. 49a

    zhal snga nas mdzad pa rdzogs so// //rgya gar gyi mkhan po chen po bla ma su na ya sh+rI mi tra dang/ zhus chen gyi lo tsA ba dge slong dar ma grags kyis bsgyur cing zhus te gtan la phab pa'o// //rgya gar skad du/ bo d+hi tsit+ta two da bi d+hi/ bod skad du/ byang chub tu sems bskyed pa'i cho ga /sangs rgyas dang/ byang chub sems dpa' thams cad la phyag 'tshal lo/ /phyogs bcu'i 'jig rten gyi khams mdza' yas mu med pa dag na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas dang/ dam pa'i chos dang/ byang chub sems dpa' i dge 'dun chen po dang bcas pa thams cad la phyag 'tshal lo/ /sangs rgyas dang byang chub kyi sems dpa' thams cad bdag la dgongs su gsol/ bdag ming 'di zhes bgyi bas/ thog ma dang tha ma ma mchis pa'i 'khor ba nas 'khor ba'i tshe/ lus dang ngag dang yid kyis/ sangs rgyas dang/ chos dang/ dge 'dun dang/ pha ma dang/ sems can gzhan dag la sdig pa mi dge pa'i las bgyis pa dang/ bgyi du stsal ba dang/ bgyid pa la rjes su yid rang ba ci mchis pa de dag thams cad gcig tu bsdoms shing bsdus te/ sangs rgyas dang byang chub sems dpa' thams cad kyi spyan sngar bla na med pa'i so sor bshags pas 'chags so/ /mi 'chab bo/ /slan chad 'di lta bu mi bgyid do/ /de skad lan gsum bzlas/ sdig ba bshags pa'o/ /sangs rgyas dang byang chub sems dpa' thams cad bdag la dgongs su gsol/ ji ltar sangs rgyas bcom ldan 'das rnams kyis bsod nams kyi rjes su yi rang ba bla na med pa thugs su chud pa de bzhin du bdag ming 'di zhes bgyi ba yang sangs rgyas dang/ byang chub sems dpa' dang/ rang sangs rgyas dang/ 'phags pa nyan thos thams cad dang/ 'gro ba ma lus pa'i bsod nams thams cad la rjes su yi rang ngo/ /de skad lan gsum bzlas/ bsod nams la rjes su yi rang ba'o/ /sangs rgyas dang byang chub sems

  98. 49b

    dpa' thams cad bdag la dgongs su gsol/ bdag ming 'di zhes bgyi bas sangs rgyas kyi gdung rgyun mi 'chad par bgyi ba'i slad du/ dus 'di nas bzung ste/ byang chub kyi snying po la gnas kyi bar du/ yang dag par rdzogs pa'i sangs rgyas rkang gnyis kyi mchog la skyabs su mchi ste/ thugs rje chen po dang ldan pa/ thams cad mkhyen pa/ thams cad gzigs pa/ 'jigs pa thams cad dang bral ba/ skyes bu chen po/ skyes bu khyu mchog/ sku bsam gyis mi khyab pa/ bla na med pa'i sku/ chos kyi sku mnga' ba la skyabs su mchi'o/ /chos 'dod chags dang/ bral ba'i mchog la skyabs su mchi ste/ bla na med pa/ de bzhin gshegs pa la mnga' ba/ zhi ba chos kyi sku so sor rang gis rig pa la skyabs su mchi'o/ /dge 'dun dul ba tshogs kyi mchog la skyabs su mchi ste/ phyogs bzhi'i 'phags pa phyir mi ldog pa'i byang chub sems dpa' chen po'i dge 'dun la skyabs su mchi'o/ /de skad lan gsum bzlas/ skyabs su 'gro ba'o/ /sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas gzung ste byang chub kyi snying po la gnas kyi bar du sangs rgyas dang byang chub sems dpa' thams cad la dus ji lta ba dang stobs ci mchis pa bzhin du bdag 'bul zhing mchis na/ mgon po thugs rje chen po dang ldan pa dag bdag bzhes su gsol/ de skad lan gsum bzlas/ bdag dbul ba'o/ /sangs rgyas dang byang chub sems dpa' thams cad bdag la dgongs su gsol/ ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas dag sngon byang chub sems dpa' i spyad pa spyod pa'i tshe/ sems can thams cad bsgral ba dang/ sems can thams cad dgrol ba dang/ sems can thams cad dbugs dbyung ba dang/ sems can thams cad yongs su mya ngan las 'da' ba dang/ sems can thams cad/ thams cad mkhyen pa'i ye shes la dgod pa'i slad du/ ji ltar bla na med pa yang dag par rdzogs pa'i byang chub tu thugs bskyed pa de bzhin du/ bdag

  99. 50a

    ming 'di zhes bgyi ba yang dus 'di nas bzung ste/ byang chub kyi snying po la mchis kyi bar du sems can thams cad bsgral ba dang/ sems can thams cad dgrol ba dang/ sems can thams cad dbugs dbyung ba dang/ sems can thams cad yongs su mya ngan las bzla ba dang/ sems can thams cad thams cad mkhyen pa'i ye shes la dgod pa'i slad du bla med pa yang dag par rdzogs pa'i byang chub tu sems bskyed do/ /ji ltar sngon gyi sangs rgyas bcom ldan 'das rnams dang/ byang chub sems dpa' chen po de dag gis dngos po thams cad dang bral ba/ phung po dang/ khams dang/ skye mched dang/ gzung ba dang 'dzin pa rnam par spangs pa/ chos bdag med pa mnyam pa nyid kyis rang gi sems gzod ma nas ma skyes pa/ stong pa nyid kyi ngo bo nyid kyi byang chub kyi sems bskyed pa de bzhin du/ bdag ming 'di zhes bgyi ba yang dus 'di nas gzung ste/ byang chub kyi snying po la mchis kyi bar du byang chub tu sems bskyed do/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bdud dpung dang bcas pa pham mdzad de/ nyid mngon par rdzogs par sangs rgyas pa de bzhin du/ bdag ming 'di zhes bgyi ba yang dpung dpung dang bcas pa mdza' dag pham par bgyis te/ bdag mngon par rdzogs par 'tshang rgya bar bgyi'o/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis/ nyid mngon par rdzogs pa'i sangs rgyas nas chos kyi 'khor lo bskor ba de bzhin du/ bdag ming 'di zhes bgyi ba yang nyid mngon par rdzogs par sangs rgyas te chos kyi 'khor lo rab tu bskor bar bgyi'o/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis nyid mngon par rdzogs par sangs rgyas nas tshogs yongs su bsdus pa de bzhin du/ bdag

  100. 50b

    ming 'di zhes bgyi ba yang nyid mngon par rdzogs par sangs rgyas te tshogs yongs su bsdu bar bgyi'o/ /byang chub mchog gi sems ni bskyed par bgyi/ sems can thams cad bdag gis mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /de skad lan gsum bzlas/ byang chub tu sems bskyed pa'o/ /bdag gis da? byang chub tu sems bskyed pa'i dge ba'i rtsa ba 'di dang/ /gzhan yang bdag gis bsod nams cung zad ci bgyis pa dang/ bgyid pa dang/ bgyid par 'gyur ba de dag thams cad pha ma la sogs pa sems can thams cad dang/ bdag gis don du bla na med pa yang dag par rdzogs pa'i byang chub tu yongs su bsngo'o/ /bdag gis bsod nams 'di yis pha ma la sogs pa sems can ma rgal ba rnams ni bsgral lo/ /ma grol ba rnams ni bgrol lo/ /dbugs ma phyung pa rnams ni dbugs 'byung ngo/ /yongs su mya ngan las ma 'das pa rnams ni yongs su mya ngan las bzla'o/ /mngon par rdzogs par sangs ma rgyas pa ni/ mngon par rdzogs par 'tshang rgya bar bgyi'o/ /skyabs ma mchis pa dang/ gnas ma mchis pa dang/ dpung gnyen ma mchis pa'i 'jig rten gyi skyabs dang/ gnas dang/ dpung gnyen du gyur cig /bsod nams 'di yis thams cad gzigs pa nyid/ /thob nas nyes pa'i dgra rnam pham bya te/ rga na 'chi ba'i rlabs chen 'khrugs pa ? yi/ srid pa'i mtsho las 'gro ba gdon par bgyi/ de nas bdag sbyin pa brtsol ba dang/ tshul khrims bsrung ba dang/ bzod pa bsgom pa dang/ brtson 'grus rtsom pa dang/ bsam gtan la mnyam par gzhag pa dang/ shes rab la rnam par spyod pa dang/ thabs mkhas pa la slob pa ci yang rung ste/ de dag thams cad sems can thams cad kyi don dang/ phan pa dang/ bde ba'i slad du bla na med pa yang dag par rdzogs pa'i byang chub las brtsams te/ 'das pa dang/ ma 'ongs pa dang/ da ltar byung ba'i byang chub sems dpa'

  101. 51a

    sems dpa' chen po snying rje chen po dang ldan pa/ theg pa chen po la yang dag par zhugs pa/ sa chen po la gnas pa rnams kyi rjes su mthun par 'jug go /'phags pa dag bdag byang chub sems dpa' lags kyis/ byang chub sems dpa' lags par gzung du gsol/ sa dang chu dang me dang rlung/ /rtsi dang nags kyi shing lta bur/ /rtag tu srogs chags thams cad kyis/ /'dod bar? bur dgag med spyod par shog /mthong ba dang ni reg pa dang/ /thos pa dang ni dran pas kyang/ /bdag ni sems can thams cad kyi/ /nad rnams gso bar bgyid gyur cig /sems can thams cad bde dang ldan gyur cig /ngan 'gro thams cad rtag tu stongs par shog /byang chub sems dpa' gang dags su bzhugs pa/ /de dag kun gyi smon lam grub gyur cig /de skad lan gsum bzlas/ bsod nams bsngo ba'o/ /byang chub tu sems bskyed pa'i cho ga /slob dpon mkhas pa chen po/ /'phags pa glu sgrub kyi zhal snga nas mdzad pa rdzogs so// //rgya gar gyi mkhan po su ren+d+ra bo d+hi dang/ zhus chen phyi lo tsA ba bande ye shes sdes bsgyur cing zhus te gtan la phab pa'o// //rgya gar skad du/ bo d+hi tsit+to twA da sa ma da na bi d+hi/ bod skad du/ byang chub kyi sems bskyed pa dang yi dam blang ba'i cho ga /thugs rje chen po la phyag 'tshal lo/ /sangs rgyas kun gyi mes po ni// btam? mchog mgon la rab btud nas/ /byang chub tu ni sems bskyed dang/ /yi dam gsal bo bri bar bya/ /de la dang por re zhig rigs kyi bu 'am rigs kyi bu mo rten dang bsam pa phun sum tshogs pa dang ldan pas/ dge ba'i bshes gnyen byang chub sems dpa' i sdom pa dang ldan pa'i thad du song nas/ dkyil 'khor bya ba sngon du btang ste/ pus mo g.yas ba'i lha nga sa la btsugs te thal mo sbyar nas 'di skad ces rigs kyi bu skyabs gsum sngon du 'gro ba can gyi byang chub kyi sems bdag la gsol cig

  102. 51b

    ces lan gsum du gsol ba gdab par bya'o/ /de nas dge ba'i bshes gnyen des kyang nus pa dang lta ba bzhin du sbyin no zhes khas blang ngo/ /de nas sa phyogs yid du 'ong bar de bzhin gshegs pa'i ring bsrel gyi snying po can gyi mchod rten nam/ sangs rgyas kyi sku gzugs sam/ ri mo bzhugs su gsol te/ chu dri zhim pos sku khrus gsol la/ gos dkar pos phyis nas na bza' sna tshogs gsol te/ 'og nas 'chad pa'i tshogs dkyil 'khor rnams byas/ nas ji ltar rnyed pa'i me tog la sogs pas phyi rol gyi mchod pa bya'o/ /me tog bdug pa? mar me dang/ /dri dang lha bshos nyid dang ni/ /na bza' dang ni rgyan dang gdugs/ gang dang rol mo glu dbyangs ni/ /yid 'ong sangs rgyas spyod yul dag /nam mkha' mdza' dag kun khebs pa/ /sangs rgyas rnams kyi spyan sngar ni/ /glos sprul nas ni bdag 'bul lo/ zhes yid kyi mchod pas mchod par bya'o/ /mchod par bya ba dang/ mchod par byed pa dang/ mchod pa rnams rang bzhin gyis dbyer med par dmigs te/ ji ltar 'jam dbyangs la sogs pas/ /rgyal ba rnams la mchod mdzad pa/ /de bzhin bdag gis de bzhin gshegs bgon po sras dang bcas rnams mchod/ /ces sgrub pas mchod par bya'o/ /dus gsum bzhugs pa'i sangs rgyas rnams/ /chos dang ma tshogs kyi mchog bcas la/ /zhing rdul kun gyi grangs snyed kyi/ /lus btud nas ni bdag phyag 'tshal/ /zhes lan gsum phyag byas nas/ /rgyal dang de sras rnams la bdag gis ni/ /gdag gis lus kun rnam pa kun du 'bul/ /sems dpa' mchog rnams bdag ni yongs bzhes shig /gus pas khyod kyi 'bangs su mchi bar gyi/ /zhes bya ba 'dis bdag gi lus sangs rgyas rnams la dbul bar bya'o/ /de'i rjes la thog ma med ldan 'khor ba nas/ /tshe rabs 'di 'am gzhan dag tu 'ang/ /bdag gis ma 'tshal sdig bgyis pa 'am/ /bgyid du stsal ba nyid dang ni/ /gti mug 'khrul pas bdag non te/ /rjes su yi rang gang bgyis pa/ /de ni 'gyod?

  103. 52a

    gis shin tu yang/ /'gyod par bgyis te bdag 'chags kyis/ /'dres pa rnams kyis nyes pa la/ /nyes pa lags par gzung du gsol/ /'di ni bzang po ma lags pas/ /mgon po slan chad bdag mi bgyid/ /ces nyes pa thams cad bshags pa byas nas/ /zag bcas zag pa med pa yi/ /dag la dga' bas yi rang ngo/ /chos kyi 'khor lo bskor slad du/ /sangs rgyas rnams la bdag bskul lo/ /rgyal ba mya ngan 'da' bzhed rnams/ /bskal pa mdza' yas bzhugs su gsol/ /bdag gis dge kun bltos med par/ /rdzogs pa'i byang chub mchog tu bsngo'o/ /zhes brjod pas bsod nams la rjes su yi rang ba dang/ sangs rgyas la bskul ba dang/ gsol ba gdab pa dang/ yongs su bsngo ba byas nas/ dkon mchog gsum la skyabs su 'gro ba sbyin no/ /de la rang la mngon du phyogs shing tsog tsog zur 'dug ste/ thal mo sbyar nas gnas pa la rigs kyi bu khyod kyis 'di skad ces rjod cig ces smrar gzhug ste/ phyogs bcu na bzhugs pa'i sangs rgyas bcom ldan 'das rnams dang/ byang chub sems dpa' thugs rje chen po can rnams kyang bdag la dgongs su gsol/ slob dpon dgongs su gsol/ bdag ming 'di zhes bgyi ba sangs rgyas la sogs pa la mchod pa la sogs pa bgyis pas/ byang chub kyi snying por mchis kyi par/ /sangs rgyas la ni skyabs su mchi/ /chos dang byang chub sems dpa' yi/ /tshogs la'ang de bzhin skyabs su mchi/ zhes lan gsum brjod par bya'o/ /de'i rjes la lus dang de bzhin longs spyod dang/ dus gsum gyi ni dge ba rnams/ /sems can don grub bya ba'i phyir/ /bltos pa med par gtang bar bgyi/ /sa sogs 'byung ba chen po dang/ /nam mkha' bzhin du rtag par yang/ /sems can dpag tu med pa yi/ /rnam mang nyer 'tsho'i gzhir yang shog /de bzhin nam mkha' i mthas gtugs pa'i/ /sems can khams ni rnam kun du//

  104. 52b

    thams cad mya ngan 'das par du/ /bdag ni nyer 'tsho'i gzhir yang shog /mgon po'i spyan sngar rdzogs pa yi/ /byang chub tu ni sems bskyed de/ /sems can de dag thams cad kun/ /sangs rgyas bde la mgron du 'bod/ /ces smon pa'i mtshan nyid mngon du bya'o/ /de nas ji ltar sngon gyi bde gshegs kyis/ /byang chub thugs ni bskyed pa dang/ /de dag byang chub thugs bsrung la/ /dus kun tu ni gnas pa ltar/ /de bzhin 'gro la phan don du/ /bdag gis byang chub sems bskyed cing/ /de bzhin du ni dus kun du/ /bdag gis de ni bsrung bar bgyi/ /zhes lan gsum gyi bar du skyon? pa dang 'jug pa'i sems gzung bar bya'o/ /de nas gal te byang chub sems dpa' i sdom pa gzung ba la mos pa brtan po yod na de'i tshe sdom pa sbyin no/ /ji ltar sngon gyi bde gshegs kyis/ /byang chub sems dpa' i bslab bzung ste/ /de dag byang sems bslab pa la/ /rim pa bzhin du gnas pa ltar/ /de bzhin 'gro la phan don du/ /byang chub sdom pa gzung bgyi zhing/ /de bzhin bslab pa de dag la/ /rim pa bzhin du gnas par bgyi/ /zhes lan gsum brjod pas sdom pa sbyin no/ /ltung ba dang ltung ba med pa'i gzugs brnyan yang skabs ji lta ba bzhin du de dag dge ba'i bshes gnyen gyis bstan par bya'o/ /de nas langs te dkon mchog gsum la phyag 'tshal nas/ dge ba'i bshes gnyen gyi zhabs gnyis la gtugs te nus pa ji lta ba bzhin du yon phul nas/ de ring bdag tshe 'bras bu yod/ /mi yi srid pa legs par thob/ /de ring sangs rgyas rigs su skyes/ /sangs rgyas sras su bdag gyur to/ /skyon med btsun pa'i rigs 'di la/ /ji ltar rnyog par mi 'gyur bar/ /de bzhin de ni ?rang rigs dang/ /mthun pa'i las ni bdag gis bya/ /zhes bya bas mjug rgyas par bya'o/ /rnam pa de lta bu'i dge ba'i bshes gnyen med na ni sangs rgyas dang byang chub sems dpa' i spyan sngar bya'o zhes bya ba ni/ dkon mchog gsum la skyabs su 'gro ba sngon du song ba

  105. 53a

    can gyi byang chub sems dpa' i sdom pa gzung ba'i cho ga'o/ /de ltar byang chub kyi sems dang sdom pa gzung ba'i byang chub sems dpa' i tshogs gnyis po spyod pas yongs su rdzogs par byed pa des na spyod pa la mngon par sbyar bar bya'o/ /de yang rnam pa gsum ste/ las dang po pa la ni sdom pa'i tshul khrims gtso bo yin pa'i phyir na yi dam gyi spyod pa'o/ /mos pa spyod pa'i spyod pa can la ni dge ba chos sdud pa'i tshul khrims gtso bo yin pa'i phyir na ting nge 'dzin gyi spyod pa'o/ /sa la bzhugs pa la ni sems can gyi don bya ba nyid gtso bo yin pa'i phyir na/ sems can sten pa'i spyod pa'o/ /de la las dang po pa'i yi dam gyi spyod pa brjod do/ /nang par langs te/ oM pa kri te pa ri shud d+ha(mdo 'grel): sarba d+harma(mdo 'grel): pra kri te pa ri shud d+honyrahaM/ zhes bya ba'i sngags kyis byin gyis brlabs shing yongs su brtags pa'i chus gdong la sogs pa dag par bya zhing kun tu spyod pa gtsang bas sa phyogs yid du 'ong bar sangs rgyas dang byang chub sems dpa' i sku gzugs sam/ ring bsrel dang bcas pa'i mchod rten nam/ thad ga dgram zhing bar snang la yang phyogs dus kun na bzhugs pa'i sangs rgyas dang byang chub sems dpa' rnams yid kyis dmigs te/ oM a ma le/ bi ma le/ nirma le/ swa b+hA ba shud d+ha(mdo 'grel): swAhA zhes brjod la/ chu dri zhim pos sku khrus gsol te/ gos dkar pos phyis nas/ ji ltar rnyed pa'i gos dang rgyan rnams sngags 'dis dbul lo/ /oM a badzra phaT hUM/ oM a badzra a laM ka re hUM/ de nas mdun du mngon par phyogs te bsdad la/ oM badzra b+hu mi hUM zhes bya bas byin gyis brlabs pa'i sa'i char// oM badzra u da ka hUM zhes bya bas byin gyis brlabs pa'i lci ba dang/ chus kun tu bzang po'i dkyil 'khor nye bar byugs la/ oM badzra re khe hUM zhes bya bas dkyil 'khor btang nas lag pa bkru'o/ /de nas dbus nas brtsams te/ dbus nyid kyi

  106. 53b

    mthar thug par me tog sngags 'dis dgram mo/ /oM haM ma hA mai ra be swAhA/ dbus su'o/ /shar dang lho dang byang dang nub rnams su ni/ oM yaM pUrba pi de hA ya swAhA/ oM raM dzaM bu dwI pA ya swAhA/ oM laM ut+ta ra ku ra be swAhA/ oM baM a pa ra go dA na ye swAhA/ me dang bden bral dang dbang ldan dang rlung gi phyogs dag tu ni/ oM ya(mdo 'grel): u pa dwI pA ya swAhA/ oM ra(mdo 'grel): u pa dwI pA ya swAhA/ /oM la(mdo 'grel): u pA dwI pA ya swAhA/ oM ba(mdo 'grel): u pa dwI pA ya swAhA/ bar gyi shar dang lho dang byang dang nub rnams su ni/ oM ya ga dza ratnA ya swAhA/ oM ra pu ru Sha ratnA ya swAhA/ oM la stI? ratnA ya swAhA/ oM ba a shA ratnA ya swAhA/ me dang bden bral dang dbang ldan dang rlung rnams su ni/ oM ya khang+ga ratnA ya swAhA/ /oM ra ma Ni ratnA ya swAhA/ oM la ma hA ni d+hi nA ya swAhA/ oM ba tsakra ratnA ya swAhA/ oM haM a b+ho me ra be swAhA zhes bya bas yang dbus su gzhag la dbul bar bya'o/ /de nas/ oM badzra puShpe hUM/ oM badzra d+hU pe hUM/ oM badzra dI pe hUM/ oM badzra ganhe hUM/ oM badzra nai bi dye hUM zhes bya bas ji ltar rnyed pa'i me tog dang/ bdug pa dang/ mar me dang/ dri dang/ lha bshos dag dbul bar bya'o/ /de nas rgyal ba gang zag bla med pa'i/ /sangs rgyas rnams ni thams cad dang/ rdzogs pa'i sangs rgyas grags ldan pa/ /kun gyi sku la phyag 'tshal lo// rdzogs sangs gang du bltams pa dang/ /gang du byang chub la reg dang/ /zhi ba'i 'khor lo bskor ba dang/ /zag med mya ngan 'das pa dang/ /bde gshegs gang du bzhugs pa dang/ /'chags pa dang ni bzhengs pa dang/ /seng ge lta bur gzims pa yi// gnas de la ni bdag phyag 'tshal/ /steng dang bar dang 'og dag dang/ /phyogs dang phyogs mtshams rnams su yang/ /skur bcas sku ni med pa yi/ /mchod rten la ni bdag phyag 'tshal/ /zhes bya bas lan gsum du phyag byas la 'dug ste/ /rten

  107. 54a

    gyi stobs la sogs pa rdzogs par bya ba'i don du phung po gsum pa gdon par bya'o/ /sangs rgyas rjes su dran pa yang rjes su dran par bya'o/ /de nas bar snang la rang gi gzhi bdag dang/ /'jig rten skyong ba rnams yid kyis dmigs te/ oM A: hUM zhes bya bas lan gsum byin gyis brlabs pas bdud rtsir gyur par bsam te/ yid kyis de dag nyid la byin nas/ oM a kA ro mu khaM sarba d+harmA NAM A dya nutpan+na twA ta oM A(mdo 'grel): hUM phaT swAhA zhes brjod pas bdud rtsi des tshim pa rnams rang gi gnas su song bar blta'o/ /de nas theg pa chen po'i mdo lnga dang/ de dang rjes su mthun pa dag las mdo gang yang rung ba ci nus kyis bton nas/ sdug bsngal ba dang mgon med pa dag la gos dang zas la sogs pa than kham gcig tsam tshun chad byin la/ 'khor gsum yongs su dag pas pha rol tu phyin pa rnams yang dag par bsdus nas smon lam 'di skad ces gdab pa/ /phyogs bcu nam mkha' i mthas gtugs pa'i/ /sems can kun gyi don bsgrub phyir/ /ji ltar 'jam dbyangs spyod mdzad pa/ bdag gi spyod pa'ang de 'drar shog /ji srid nam mkha' gnas pa dang/ /'gro ba ji srid gnas kyi bar/ /de srid 'gro ba'i sdug bsngal ni/ /'joms pas bdag kyang gnas par shog /bsod nams 'di yis thams cad gzigs pa nyid/ /thob nas nyes pa'i dgra rnams pham byas te/ rga nad 'chi ba'i dpa' klong 'khrugs pa yi/ /srid pa'i mtsho las 'gro ba 'don par shog /de nas oM badzra mu(mdo 'grel): zhes bya bas dkyil 'khor gshags su gsol te/ de nas byang chub kyi sems dang/ bslab pa sngon du btang nas ji ltar bde bar gnas par bya'o/ /zan za ba'i dus su ni sngar bshad pa'i tshogs gtor ma bya'o/ /oM ha ri te ma hA yak+Shi Ni i da ba liM grih+NA grah+Ni k+Shi zhes bya bas 'phrog ma la zan changs gnyis sbyin no/ /oM a gra paN+DI? a shi b+hya(mdo 'grel): AM zhes bya bas

  108. 54b

    thog par za ba rnams la zan changs gcig byin la ran pa tshod zin par zos nas oM uts+tshiSh+Ta paN+Di a shi b+hya(mdo 'grel): swAhA/ zhes bya bas lhag ma za ba rnams la lhag ma byin par bya'o/ /gal te nus pa yod na nyi ma phyed dang rgongs ka'i thun dag la yang de bzhin du bya'o/ nus pa med pas ni sngar ji skad brjod pa'i tshogs dkyil 'khor skyang nul byas la/ mchod pa dang phyag btsal bar yang byas nas phung po gsum pa bton te smon lam gdab po/ /de ni yi dam len pa'i cho ga'o/ /ting nge 'dzin dang sems can mgu bar par bya ba'i cho ga ni mdo sde dang/ byang chub spyod 'jug dang/ bslab pa kun las btus pa la sogs pa las shes par bya'o/ /byang chub sems dang yi dam gyi/ /cho ga bdag gis byas pa las/ /dge ba thob pa gang yin des/ /'gro bas byang chub bsten par shog /byang chub kyi sems bskyed pa dang yi dam blang ba'i cho ga slob dpon mkhas pa chen po byang chub sems dpa' dgra las rnam par rgyal bas mdzad pa rdzogs so// //rgya gar gyi mkhan po chen po su ma ti kIrti dang/ zhu chen gyi lo tsa ba dge slong blo ldan shes rab kyis bsgyur cing zhus te gtan la phab pa'o// // */ /rgya gar skad du/ A di karmi b+hU mi ka ri pa ri/ bod skad du/ las dang po pa'i sa sbyang ba'i/ sangs rgyas la phyag 'tshal lo/ /nyi ma lta bur gzi ldan sku/ /sangs rgyas zhabs la phyag 'tshal te/ /las ni dang po pa yis/ /sbyang ba 'dir ni bshad par bya/ /lam ma sbyang ba'i nyes pa dang/ /lam gyi sbyang pa gang zhe na/ /lam ma sbyangs pa'i skye bo dag /byes bgrod ngal du ba tsha grang dang/ /lci dang rtsub dang skyo ba dang/ /bkres skom gdungs shing brnyas pa dang/ /'jigs dang yi mug nyams su myong/ /mya ngan 'cher 'grib bcas pa dag /kha cig spyi'u tshugs dmyal ba dang/ /dud 'gro yi dags rnams su sten/ /nor dang bza' btung grags pa dag /'dod pas byes bgrod sdug bsngal

  109. 55a

    can/ re ba 'bras bu med pa dang/ /sdug dang bral dang mi sdug phrad/ /mi bzad na rgas 'joms bzhin du/ /'chi bdag drung du myur 'gro ba/ /ma tshor gzhar bcas shing rtse/ /tshe ni don med myur du 'da' / /yang dang yang du skye ba yi// 'khor ba'i nyes pa grangs med bsten/ /kyi hud? lam las nyams pa yi/ /skye bo dag ni nyam dar gnas/ /mi bzang mya ngan 'brog dgon du/ /lam gol gyur pa dag dang mtshungs/ /mig ldan lam log 'gro ba ltar/ /lam las nyams pa'i skye bo smrad// de la lam sbyang ba gang zhe na/ /'dir las dang po pa'i sa ni lam gyi dang po ste/ /de sbyang ba ni dbye ba rnam pa du ma dang ldan pa'i dkon mchog gsum legs par shes nas phyag 'tshal ba dang/ rgya cher mchod pa dang yon tan brjod pas bstod pa dang/ snying thag pa nas skyabs su 'gro ba dang/ rjes su dran pa bsgoms pas bslab pa la slob pas skyabs phun sum tshogs pa yin/ mi dge ba bcu'i nyes pa shes pa dang/ dge ba bcu'i yon tan shes pa dang/ dge ba bcu'i sdom pa len pa dang/ blangs pa slar mi gtong ba dang/ lan 'ga' nyams na yang chos bzhin du slar 'chos pas sdom pa la gnas pa yin/ byang chub kyi sems kyi phan yon legs par shes pa dang/ de skye ba'i rgyu la gnas pa dang/ sems de yang dge bar bskyed pa dang/ bskyed pa'i mi mthun pa'i phyogs ring du spong bar/ /sems de 'phel zhing mi brjed pa'i chos la gnas pas byang chub kyi sems la gnas pa yin pas de ltar chos rnam pa gsum la rnam pa bco lnga? dbye ba 'di ni/ 'dir sa sbyang ba'i gzhi dang/ rten dang gnas shes bya'o/ /de gzhi de lta bu la brten nas lam gyi dngos gzhi gang/ ji ltar sbyang zhe na/ gzhi de dag la legs par gnas pas 'jug pa byang chub kyi sems blang ba byas nas/ ji ltar blangs pa'i sdom pa las mi 'da' bar byams pa tshad

  110. 55b

    med pa bsgom pa dang/ dran pa nye bar gzhag pa bzhi bsgom zhing/ yang dag par spong ba bzhi la gnas par bya ste/ 'di ni las dang po pa'i sa'i dngos gzhi yid la bya bas rim gyis 'phags pa'i bden pa la 'jug par bya'o/ /de yang na dran pa nye bar gzhag pa dang/ yang dag par spong ba bzhi grub nas ting nge 'dzin gyi ngo bo rdzu 'phrul gyi rkang pa bzhi la gnas pa nas de nyid kyi khyad par thar pa'i cha dang mthun pa'i dge ba'i rtsa ba bskyed pa yin te/ bdag dang gzhan gyi 'byor ba dang/ 'dun dang tshul khrims dbang po dang/ de bzhin zas dang mi nyal dang/ shes bzhin du ni spyod pa dang/ de bzhin dge ba'i bshes gnyen dang/ /dam chos nyan dang sems pa dang/ /bar chad med dang gtong ba dang/ /dge sbyong rgyan ni tha ma yin/ dpal ldan g.yo med nang nyung dang/ /brtson 'grus shes rab 'dor chung dang/ /chog shes gso sla dgang sla dang/ /sbyangs dang mdzes dang drod rig dang/ /skyes bu dam chos mkhas rtags dang/ /bzod dang des dang gya nom pa'o/ /zhes bya ba'i yon tan dang ldan pa/ de las gzhan pa theg pa chen po'i tshogs lam gyi khyad par lus la dbang ba la sogs pa dang/ /snying rje chen po'i sgo mngon du gyur pas sdug bsngal ba mthong ba na rang dbang med par mchi ma'i rgyun 'bab pa la sogs pa 'byung ngo/ de ltar byang chub sems dpa' i sdom pa dang/ byams pa'i ting nge 'dzin dang/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa bzhi po snga ma'i rten dang bcas pa 'di ni tshogs kyi lam dang/ las dang po pa'i sa dang/ dad pa'i sa zhes bya'o/ /da ni 'dir nyin mtshan gyi cha las yang dag par spong ba bzhi la gnas pas lam spyad pa brjod pa/ tho rangs mal nas langs nas ni/ /gzhi gsum dran pas brtul zhugs mchog /bdag gzhan brje dang 'jig rten gyi//

  111. 56a

    chos brgyad mnyam par mos pa bskyed/ /de nas yid ni bsdus pa yis/ /kye ma sems can bde 'gyur bsam/ /de nas lus dang tshor ba dang/ /sems dang chos ni mi gtsang dang/ sdug bsngal mi rtag bdag med ces/ /phyin ci log bzhi'i gnyen po bsgom/ /re re 'am yang na rim gyis kyang/ /nam langs par du 'bad pas bsgom/ /gang gi lus can grol 'gyur ba'i/ /lam gyi dang po 'di nyid yin/ /de nas nam ni langs pa dang/ /ci rigs gtsang sbra byas nas ni/ /mchod rten phyag 'tshal maN+Dal bya/ /sdig bshags la sogs rgyas bya ste/ /lhag par skyabs su 'gro ba dang/ /byang chub sems ni brtan po bskyed/ /ci rigs bskor ba byas nas ni/ /bla ma dang ni rgan po dang/ /chos smra ba la 'ang phyag bya ste/ /'dzum zhing snyan par smra ba dang/ /de dag dgos pa 'bad de bsgrub/ /bar de dus ni nyer gnas na/ /chos bshad la sogs sems can don/ /rang bde btang la 'bad pas bsgrub/ /khye'u sus la sogs zas la spyad/ /dkon mchog sprin las gsungs pa bzhin/ / cha bzhir bgos te bza' bar bya/ /lhag par phongs la bza' btung bgo /snga dro yi ni dus dag tu/ /bri dang klag pa la sogs pa'i/ /chos spyod bcu la 'bad pa 'am/ /sA ts+tsha bya ba 'am 'gro phan gdags/ /dus kyi dam pa snga dro ni/ /don med 'da' bar mi bya'o/ /nyi ma'i gung la byams pa dang/ /dran pa nyer gzhag cung zad bsgom/ /de nas yang ni phyag 'tshal sogs/ /snga ma bzhin du rgyas par bya/ /phyi dro skye bo dam pa dang/ /'grogs shing ngal bso bden don la/ /spro zhing srid las yid 'byung ba'i/ / legs bshad ro ni myang bar bya/ /phyi 'phreng slar yang snga ma bzhin/ /zhi gnas lhag mthong bsgom pa dang/ /mchod rten phyag 'tshal la sogs bya/ /dmar thag chad nas mtshan mo ni/ /bla ma'i bsnyen bkur tshul bzhin bya/ /rang gi rkad pa bkrus nas ni/ /zhi

  112. 56b

    gnas lhag mthong bsgom pa 'am/ /don chen ldan pa'i kha ton bya/ /nam gyi cha stod 'das pa dang/ /tshul bzhin yid la byed pa yis/ /rigs pa bzhin du nyal bar bya/ /nyin par dang ni mtshan mo yang/ /lag bzangs kyis ni zhus pa dang/ /rin chen phreng ba las bshad ltar/ /sna tshogs dge ba'i phyogs la 'bad/ /de nas tshe 'di nyid la yang/ /drod la sogs pa thob par 'gyur/ /de ltar thos pa dang bsam pa dang gnas pas tshogs kyi lam phal pa dang/ /byed par can sbyang ngo/ /de las gong du bsgom pa las byung bas mos pas spyod pa'i sa dag la dbang po dang/ stobs kyis bden pa bsgom pa'i sa sbyangs pa ni dkon mchog sprin la sogs par blta zhing/ /rab tu dga' ba la sogs pa'i sa sbyad ba ni sa bcu pa'i le'u las bstan to/ /rgyal ba'i sras kyis yi dang po pa/ /tshogs kyis ste de sbyang mdor bsdus pa/ /cung zad bshad las dge ba gang thob pa/ /des ni 'gro rnams dag pa'i sa thob shog /las dang po pa'i sa sbyang ba zhes bya ba/ slob dpon mkhas pa chen po byang chub sems dpa' dgra las rgyal ba gsang ba'i zhal snga nas mdzad pa rdzogs so// //rgya gar gyi mkhan po kriSh+Na pa dang/ zhus chen gyi lo tsA ba dge slong chos kyi shes rab kyis bsgyur cing zhus te gtan la phab pa'o// //rgya gar skad du/ tsit+ta ratnA bi sho d+ha na kra ma nA ma le kha/ bod skad du/ sems rin po che rnam par sbyang ba'i rim pa zhes bya ba'i phrin yig /sangs rgyas dang/ byang chub sems dpa' thams cad la phyag 'tshal lo/ /sa gsum dbang phyug skye dgu chos kyis skyong mdzad pa/ lha ma'i bla ma 'phags pa'i gang zag rnams kyi yag /rgol ba tshar gcod rang gi 'khor gyi dga' skyed pa/ /chos kyi rgyal po gcig pu de ni rgyal gyur cig /blo zhan bdag 'dras gzhan la bskul bar mi nus shing/ /bskul bas phan par 'gyur ba 'di dang sang nyung mod kyi/ /'on kyang sa yi bdag po khyod kyis nongs pa yal por nas/ /'gro mang de 'drar s'gyur

  113. 57a

    'di ma bzod khyod la bskul/ /mi skyong khyod kyi dbang phyug 'di ni sngon chad nyid kyi thugs/ /'dul dka' legs par btul las brnyes kyi gzhan gyis byin pa dang/ /sa yi rum nas mthon nas gnam babs lta zhig pa/ la lags/ /sa bdag dpal 'di ma nyams bzheng na da dung thugs thul 'tsha'/ /gang zhig phan na de ni brtags te dgar yang mdzad rigs la/ /gang zhig mi phan de ni bsgrub par sla yang btang ba'i rigs/ /de phyir sngon tshe thub chen rgyal bu zla bar gyur pa yi/ /rgyal po su tas yi bu la bdams pa smras ba las/ /rgyal po gcig pus g.yul dor dmag gi dpung las rgyal/ /sems can char gcad phyir ni sngar ma ma mdzad cig /mi yi dbang po 'jig rten phyi ma'ang gzigs pa'i dgos/ /de bas dgyes kyang phan pa ma yin bstan ma rigs zhes so/ /de phyir gang gi dman pa'i rigs su ltung byad pa/ /nga rgyal dgra spangs bdag gi tshig 'dis sang phyir yang/ /mi bdag khyod kyis gus pas gsan rigs te/ /legs spras byis yas blang zhes thub chen gsal bar gsungs/ /sa bdag tshar ma'i shing las spang rtsi bzhin/ dgra bo las kyang legs smra gzung bar bya/ /gser gyi ri las dug gi chu rgyun bzhin/ /yid 'ong skye bo'i tshig ngan spang 'tshal lo/ /zhes so gang zhig ma btul mnar med sogs/ /sdug bsngal bzod dka' skyed byed cing/ /nga nyid btul bas lha mi dang/ /'jig rten min pa'i bde ba 'ang 'thob/ /rab tu mthu ldan sems 'di ni/ mkhas pa su zhig 'dul mi byed/ /'dir sems ni rang bzhin gyis 'od gsal ba rtag tu rnam par mi rtog pa'i rang bzhin yin mod kyi/ /lus dang ngag bran lta bu dang bcas pa/ glo bur gyi nyon mongs pa dang/ nye ba'i nyon mongs pa dag gi dkrugs pa ste/ de'i phyir 'di dag rnam par skyangs te nor bu chu shal gyi 'di ltar rab tu gsal ba'i

  114. 57b

    rang bzhin dkrugs ma dang bral ba skyed de/ 'di tsam ni mo gnas pa'i mya ngan las 'das pa'o/ /de la 'dir bsdus na sems de dkrugs pas rtog pa can du byed cing/ lus dang ngag bran ltar 'khor ba ni rnam pa bzhi ste/ thams cad kyi rgyu rnam par rtog pa med pa dang 'dod chags dang/ zhe sdang dang/ gti mug shas che ba'o/ /de la gang rnam par rtogs pa mang la nges ni rlung gi ting nge 'dzin la dmigs pas de sdang bar bya ste/ bkrang dang rjes 'gro 'jog pa dang/ /rtog pa dang ni bsgyur ba dang/ /yongs bdag rnam pa drug tu 'dod/ /de ni bgrang ba dang/ rjes su 'gro ba dang/ 'jog pa dang/ nye bar rtog pa dang/ bsgyur ba dang/ yongs su dag pa dang/ rgyu drug dang ldan na yongs su rdzogs pa yin no/ /de la bgrang ba zhes bya ba ni dbugs rdub po dang/ dbugs 'byung ba dag la sems gtang nas mngon par 'byed pa med par/ lus dang sems rnal du bzhag ste dran pa tsam gyis gcig dang gnyis nas bcu'i bar du bgrang bar byed pa'o/ /sems mngon par bsdus pa dang/ rnam par g.yen dogs pas ha cang mang ba dang cung dur ni ma yin no/ de la skyon ni gsum yod de/ gal te gcig la gnyis su brtsis na lhag par bgrangs pa'i skyon no/ /gal te gnyis la gcig tu 'dzin nam tshang bar bgrangs pa'i skyon no/ /gal te dbugs rdub pa la dbyugs 'byin par 'dzin nam/ dbyugs 'byin pa la dbyugs rdub par 'dzin na 'chol bar 'dzin pa'i skyon no/ /de las gzhan pa ni yang dag par bgrangs pa yin no/ /bar skabs su sems rnam par g.yeng na/ yang mgo nas ji srid du ting nge 'dzin mthar kyi bar du bgrang bar bya'o/ rjes su 'gro ba zhes bya ba ni 'di dag ji srid gcig tu 'byung dam 'jug /ci 'di dag lus thams cad la khyab pa de gcig gis phyogs 'ga' zhig nas rgyu ba dag yin zhes mngon par 'du byed pa med par dbugs rdub pa dang/ dbugs 'byung ba'i rjes su 'gro ba ste/ de 'jug pa na lkog ma dang/ snying ga dang/ lto ba dang/ rked pa dang/ brla dang/ byin bar 'jug pa'i rim gyis rkang

  115. 58a

    pa gnyis kyi bar du rjes su 'gro la/ /'byung ba na mtho gang dang 'dom gang gi bar du 'byung ngo/ /gzhan dag na re rlung gi dkyil 'khor dang rnam par 'thor byed kyi rlung gi bar du'o zhes zer te/ de ni de kho na yid la byed pa'i phyir rigs pa ma yin no/ /'jog pa zhes bya ba ni nor bu'i thag pa bzhin du sna'i rtse mo nas rkang pa'i mthe bo'i bar du gnas par lta zhing/ ci 'di dag phan 'dags par byed pa zhig gam/ gnang ba byed pa zhig gam/ gang ngam dro ba zhig ces rtog pa'o/ /nye bar rtog pa zhes bya ba ni 'di dag ni rlung 'ba' zhig ma yin gyi/ /'byung ba chen po bzhi po dag dang/ 'byung ba dag las mngon par 'grub pa'i rgyu byas pa'i gzugs dang de dag la rten pa'i sems dang sems las byung ba rnams kyang yod do zhes phung po lnga nye bar rtog pa'o/ /sgyur ba zhes bya ba ni rlung la dmigs pa'i blo bsgyur te chos kyi mchog gi bar du blo gong nas gong du dge ba'i rtsa ba rnams la yang dag par sbyor ba'o/ /yongs su dag pa ni mthong ba'i lam la sogs pa la 'jug pa'o/ /gzhan dag na de sgyur ba ni dran pa te bar gzhag pa nas rdo rje lta bu'i ting nge 'dzin gyi bar yin la/ rnam par dag pa ni zad pa shes pa la sogs pa yin no zhes zer ro/ /'di lta bu ni slob dpon dbyigs gnyen gyi zhal snga nas ji ltar bris pa kho bos 'dir yang bris par shes par bya'o/ /de ltar rim pa drug po de dag gi las ni/ ji skad du 'phags pa sa'i snying po 'khor lo bcu pa'i mdo las gsungs pa bzhin te/ de las ji ji ltar dran pa'i dbang gis yang dag par ji lta ba bzhin du dbugs phyi nang du rgyu ba la rtog ce na/ yang dag pa ji lta ba bzhin du bgrang ba dang/ rjes su 'gro ba dang/ zhi gnas dang/ lhag mthong dang/ 'jug pa dang/ yongs su dag pa la rtog go /de la bgrang bas ni bya ba'i las kyi dngos po rnam pa gnyis byed par 'gyur te/ rten du gyur pas rnam par rtog pa dang/ rnam par dpyod pa la thul ba de/

  116. 58b

    dbugs phyi nang du rgyu ba'i mtshan nyid 'dzin par nus pa'o/ /rjes su 'gro bas kyang bya ba'i las kyi dngos po rnam pa gnyis byed par 'gyur te/ yang dag par 'byung ba la brten cing rnam par rtog pa dang rnam par dpyod pa dang bral ba dang/ dbugs phyi nang du rgyu ba'i 'jug pa'i mtshan nyid la mkhas par 'gyur ba'o/ /zhi gnas kyis ni bya ba'i las kyi dngos po rnam pa gnyis byed par 'gyur te/ dbugs phyi nang du rgyu ba'i 'bri bar mngon du ston pa dang/ ting nge 'dzin gyis mchog la gnas par nus pa'o/ /lhag mthong gis kyang bya ba'i las kyi dngos po rnam pa gnyis byed par 'gyur te/ dbugs phyi nang du rgyu bzang par mngon du bston pa dang/ sems dang sems las byung ba'i chos so sor rtog pa la gnas pa'o/ /'jug pas kyang bya ba'i las kyi dngos? po rnam pa gnyis byed par 'gyur te/ nye bar len pa'i phung po spong ba'i sbyor ba la mkhas pa dang/ 'phags pa'i sar 'jug pa la sbyong ba'o/ /yongs su dag pas kyang bya ba'i las kyi dngos po rnam pa gnyis byed par 'gyur te/ kun nas nyon mongs pa spong pa dang/ lta ba yongs su dag pa'o zhes so/ /de ltar dbugs thung ngu rdubs na yang dbugs thung ngu rdubs so snyam du yang dag pa ji lta ba bzhin du rab tu shes so snyam mo/ /zhes bya ba la sogs pa bcu drug kyang legs par rtogs par 'gyur ro/ /'dir rnam par rtog pa mang ba la bstan pa ni go car byas kyi yon tan ma lus pa 'di la brten pas na thang ba'i grong khyer gyi sgo 'byed pa ni/ dbugs rdub pa dang 'byung ba dran pa yin te zhes gsungs so/ /ji ltar zhe na/ rab tu gdul dga' ba'i sems zhes brjod pa de ni rlung las gung du ma dmigs pa'i phyir te/ de bas na sems zhes bya ba de ni rlung du brjod do zhes gsungs so/ /de ltar mi bdag khyod kyis rlung gi phra dang zab mkhyen nas/ yun ring dus nas rnam rtog dgra yis rab tu gces pas shin tu yang/ /mnyel zhing skyo ba'i thugs ni

  117. 59a

    ded nas ngal bsos rtog dgra bzlog pa dang/ /lo yis ma yin gus par sbyor bas zhag gis rim pas rtog bral mdzod/ /de nas rim gyis yongs su dag pa'i mthar yang khyod kyis thugs gzhol na/ /sa bdag khyod kyi skye ba 'bras bcas de nas chos kyi rgyal por 'gyur/ /de yi bar du lha mi'i bde ba tshad med rnams la dgyes bzhin du/ /thugs btul mthu yis spyod pa 'dir la the tshom med par mngon sum gnas/ /rnam par rtog pa'i gnyen po bshad zin te/ sems kyi rtog pa sbyang ba'i rim pa'o/ /mi skyong khyod kyi thugs ni gal te bud med kyis phrogs na/ /'di ni sa yi bdag po'i mthu rtsal rab tu dman pa ste/ /gang gis g.yul chen 'jigs su rung ba gzhom pa'i thabs mkhyen na/ /mi gtsang kun snod mngon gyur bud med mtshan nyid mi mkhyen 'di mtshar che/ /shin tu yid 'ong tsher ma'i gnod pa 'ang mi bzod lus 'di ni/ /bud med bsten pa'i rgyu las 'di dang slad mar mgo gcod sogs/ /rab tu bzod dka' i sdug bsngal 'byung 'di nyid kyi mngon sum na/ /'on kyang bla ma'i bka' yis 'dod chags zhi bar byed pa mdor brjod bgyi/ /chags pa can rnams kyi gnyen po rus gong yid la bya ba yin te/ keng rus chags can thams cad la/ /zhes bshad pas so/ /ji ltar zhe na/ rus pa rgya mtsho'i bar du ni/ /ser po zhing sdud pas las dang po/ /rkang rus dang ni thod phyed par/ /btang ba sbyang pa byas par bshad/ /smin ma'i bar du sems 'dzin pas/ /yid la byed pa rdzogs pa yin no/ /zhes bshad pa'i rim pas so/ /gzhan yang byis pa rnams ni phal cher kha dog dang/ dbyibs dang/ reg pa 'jam pa dang/ bsnyen bkur la chags te/ de dag gi gnyen por ni rnam par sngos pa dang/ rnam par dmar ba dang/ rnam par tshig pa dag yid la byed pas kha dog la chags pa dag sel to/ /rnam par snags pa dang/ rnam par

  118. 59b

    zos pa dang/ rnam pa 'thor bdag yid la byed pas ni dbyibs la chags pa sel te/ /rnam par 'bul zhigs pa dang/ rus gong rgyus pas 'brel pa dag yid la byed pas ni reg bya 'jam pa la chags pa sel to/ /rnam par bam pa'i ro mi g.yo ba rkyal ba stong ba bus ba lta bu/ rdo ltar bsnyen bkur byed pa dang/ bral ba yid la byed pas ni rkang pa bkru ba la sogs pa'i bsnyen bkur la chags pa sel bar byed do/ /gzhan yang rnam par phye ste brjod na/ sngo bsangs la sogs pa'i kha dog la chags pa zhig na rnam par sngos par yid la bya'o/ /tsan dan dang ga bur la sogs pa'i dris byugs pa'i lus la chags pa lta na rnam par snags par yid la bya'o/ /mtshan sprad pa'i reg bya la chags pa zhi na/ rnam par 'bus zhigs par yid la bya'o/ /dbyibs phun sum tshogs pa la chags pa lta na rnam par bam par yid la bya'o/ /rgyan gyis mdzes pa'i lus la chags pa zhig na rnam par dmar bar yid bya'o/ /sha rgyas pa'i lus la chags pa zhig na rnam par zos pa yid la bya'o/ /'khyung pa dang 'o byas pa la sogs pa'i rtsed 'jo la chags pa'i dus na rnam par 'thor bar yid la bya'o/ /kha dog dang dbyibs phun sum tshogs pa la chags par gyur na rnam par tshig par yid la bya'o/ /so rnams dkar ba la chags pa'i tshe ni rus gong gi yid la byed pas zhi bar 'gyur ro/ /rab tu mi bzang nags bsregs me lce'i tshogs/ /char rgyun drag po'i skud cig zhi byed ltar/ /byis pa'i nags chal thal bar byed pa yi/ /'dod chags me chen mi sdug cher gyis 'joms/ /'jig rten gnod pa'i rtsa ba ji snyed pa/ /kun gyis phul byung 'khrig pa'i 'dod chags te/ sa bdag 'di mkhyen 'dod las phyir ltos dang/ /rab tu dgyes pa byis pas ma myong ba/ /bsam gtan bde bas lus la phan 'dogs shing/ /kha na ma tho med pa myang

  119. 60a

    ba'i rigs/ /'dod chags dang bcas pa'i sems sbyang ba'i rim pa ste/ 'dod chags kyi gnyen po bshad zin to/ /lha ma'i bla mas gang du 'bad pas bkag /de ni 'gro la byams dang snying rje med pa ste/ /de phyir mi dbang khyod gyis thub la gus pa dang/ /nyid kyi thugs kyang dam pa'i grangs su 'gyur ba'i phyir/ /gang la sgra ces gzung bya'i skye bo de la yang/ /nyid kyi sras bzhin gces shing byams pas bskyang ba'i rigs/ /gshes gnyen dam pa'i lung gis gom par byas pa las/ /srin po sha za seng ge sogs kyang 'gro la chags/ /de phyir mi dbang khyed kyi thugs ni 'jam pa dang/ /'gro ba bskyang las nam yang phyir ldog ma mdzad cig /legs pa'i lam ni ji snyed bstan pa dag las kyang/ /gtso bor gyur pa byams dang snying rjer dam pas gsungs/ /'di ji ltar bsgom par bya zhes na /dang por rang gi ma 'am/ /pha 'am/ bu 'am/ bu mo 'am/ 'brel ba gnyis sam/ gang yang rung ba cig bde ba ma lus pa dang phrad par gyur cig snyam pa dang/ bdag gis de dang phrad par bya'o zhes pa dang/ nus pa lta na dngos su de bsgrub pa dang/ grang ba la phrag dog med pa nyi ma 'ga' zhig gus par bsgom mo/ /de nas ni de bas cung zad mi bcugs pa la'o/ /rim gyis bar ma la'o/ /de nas dgra bo dman pa la'o/ /de nas de bar ma la'o/ /de nas de dgra bo rab tu ma rungs ba la'o/ /de nas ma la sogs pa dang/ mnyam pa thob pa na grong dang grong khyer pa la'o/ /de nas ni yul dang ljongs dang gling gcig dang gnyis la sogs pa nas stong spyi phung dang/ stong gnyis bar ma dang/ stong gsum gyi stong chen po dang/ phyogs bcu'i 'jig rten gyi khams gang+gA'i klung gi bye ba snyed la sogs par byams pas khyab par byas te/ de nas gzhung de bzhin du sdug bsngal dang bral bar gyur cig ces pa dang/ sdug bsngal dang bral ba la dga' ba dang/ de dag 'jig rten las 'das

  120. 60b

    pa'i lam la dgod par bya'o zhes pa'i rim pas snying rje dang dga' ba dang btang snyoms rnams bsgom so/ /dang po nyid du sdug cing yid du 'ong ba'i mtshan nyid can byams pa yid la ma byas par ni sdug bsngal dang bral ba'i snying rje ga la 'jug ste/ de ltar rim pa gzhan yang ngo/ /gnod par sems dpa' i yid tsam bor bas kyang/ /'khor los sgyur nyid thob par thub pas gsungs /byams sogs goms las 'chi med ma brnyed kyang/ /tshangs pa'i 'jig rten bde ba rgya chen 'thob/ /de phyir ma rje khyod kyis ci spyod pa/ /tshangs pa'i gnas bzhi yis ni gnas par rigs/ /khyod kyis 'byor pa dug can sa bzhin du/ khor nas gcig bu gzhan du gshegs 'tshal na/ /'grogs bzang 'dor med dge ba de bkri'i phyir/ /thugs ni rnam par sbyang par ci mi mdzad/ /zhe sdang dang bcas pa'i sems sbyang ba'i rim pa ste/ zhe sdang gi gnyen po bshad zin to/ /rang dang gzhan dang gnyis kwa las skyes dang/ /rgyu med 'byung zhes smra ba gang lags pa/ /'di dag log par smra ba phung khrol ba/ /legs par spyad kyang 'bras bu mi 'dod 'byin/ /de phyir khyod kyis rten cing 'brel 'byung ba/ /lta ngan sel 'joms thub pa'i man ngag mchog /bdud rtsi'i mchog 'di myur du gsol ba yis/ /dkar phyogs ma lus rgyas shing brtan par mdzod/ /rten cing 'brel bar 'byung ba ji lta bu zhe na/ 'di lta ste/ ma rig pa'i rkyen gyis 'du byed/ /'du byed kyi rkyen gyis rnam par shes pa/ rnam pa'i shes pa'i rkyen gyis ming dang gzugs/ ming dang gzugs kyi rkyen gyis skye mched drug /de'i rkyen gyis reg pa/ de'i rkyen gyis tshor ba/ de'i rkyen gyis sred pa/ de'i rkyen gyis len pa/ de'i rkyen gyis srid pa/ de'i rkyen gyis skye ba/ de'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams

  121. 61a

    'byung bar 'gyur te/ de ltar na sdug bsngal gyi phung po chen po 'di 'ba' zhig 'byung bar 'gyur ro zhes shes rab kyi mig gis blta bar bya ste/ rgyu med pa la sogs pa bsal lo/ /don 'di ni 'phags pa byang chub sems dpa' i sde snod las /gang du ma rig skye 'gyur ba/ /nyon mongs rgyu ni tshul bzhin min/ /de yi rkyen ni 'du byed de/ /sdug bsngal bar du skye bar 'gyur/ /zhes pa dang/ gang gis sems can dag 'gyur ba'i/ /rgyu gnyis dang ni rkyen gnyis te/ /gzhan las rjes mthun sgra dang/ /nang du tshul bzhin lta ba'o/ /de bzhin rgyu ni zhi gnas te/ /lhag mthong yang ni rkyen yin no/ /zhes gsungs so/ /de ltar srid pa 'byung ba'i rim pa la yid ches par byas nas yang ma rig pa 'gags pas 'du byed 'gag pas na/ sdug bsngal gyi phung po chen po 'di 'ba' zhig 'gag par 'gyur ro zhes bya ba'i bar du yid la bya'o/ /de nas rtag par yang ma yin pa dang/ chad par yang ma yin pa dang/ 'pho bar yang ma yin pa dang/ de dang 'dra bo'i rgyud du 'jug pa dang/ rgyu chung ngu las 'bras bu chen po 'byung ba zhes nges par gzung ste/ phyi rol la yang sa bon las myu gu dang/ de las 'dab ma dang/ de las sdong bu dang/ de las me tog dang/ de las 'bras bu 'byung zhing/ rgyu de dag dang rkyen dang 'brel par 'byung ba khams bzhi dang nam mkha' dang/ dus kyi khams te/ rnam pa bcu gnyis po 'di dag tsam mo zhes 'byung ba dang/ 'gag pa la rgyu med pa dang/ mi mthun pa'i rgyu spangs te/ 'dir ni mdor bsdus nas rten cing 'brel par 'byung ba yid la byas pas rig pa bskyed pa dang/ ma rig pa'i ngo bo 'am de las byung ba'i log par lta ba spang ba'o/ /gal te rgyas par yid la byed pa lta zhig na rang rang gi mtshan nyid dang/ ming gi don dang/ las tha dad pa dang/ yan lag lngas yang dag par bsdus

  122. 61b

    pa dang/ yan lag gsum gyis yang dag par bsdus pa dang/ gsum las gnyis 'byung ba dang/ gnyis las bdun 'byung ba dang/ bdun las gsum 'byung ba dang/ dus gsum po'i ngo bo bzhag pa dang/ rkyen dang 'brel pa dag yid la bya'o/ /sa bdag rten cing 'brel 'byung mkhyen na snang bas mun pa bzhin/ /khyod kyi thugs la gnas pa'i gti mug go skabs gal mchis/ /'di mkhyen srid pa'i 'khor lo phra zhing zab pa gzigs pa'i phyir/ /shes rab ye shes spyan gnyis dri med lung gi sman byugs gzigs/ ji skad du 'phags pa klu sgrub kyi zhal snga nas kyang/ rten cing 'brel par 'byung 'di rgyal ba yi/ /gsungs gi mdzod kyi gces pa zab mo ste/ /gang gis 'di ni yang dag mthong ba des/ /sangs rgyas de nyid rig pa'i rnam mchog mthong/ /zhes bstan to/ /gti mug dang bcas pa'i sems sbyang ba'i rim pa ste/ rten cing 'brel par 'byung ba yid la byed pa bshad zin to/ /mi yi bdag po gal te phra ba'i thugs kyi go skabs su/ /thog ma'i rtsom med dus can sdig pa'i rtsa ba'i rtog dgra 'di/ /zhen pas gnas snyam zhum pa'i rtog pa mi bzang zhugs gyur na/ de yi gnyen por rten cing skyes pa'i dngos po'i rang bzhin gzigs/ /dri med me long ngos la skyes pa'i bzhin gyi gzugs brnyan gang/ gal te yang dag gnas na rkyen la rag las mi 'gyur zhing/ slar 'di rnam par 'jig 'gyur go skabs can du ga la 'gyur/ /de phyir dngos med rkyen la rag las gcig pu rnam par spangs/ /ji lta gnas pa'i rang bzhin 'di yang legs par rnam dpyad na/ /rab tu phra rdul bar du 'gyur zhes ngam pas dam por gsungs/ /gal te dngos yod de dag shes rab cis mi 'bab/ /de phyir de yang phyogs cha'i bye brag dag gis ga la gnas/ /rin chen sems kyi khyad par 'ga' zhig sna tshogs snang zhe na/ /de bzhin 'di la 'di

  123. 62a

    skad cig ces bya rab? phra ngam pas gsungs/ /skad cig skad cig ces bya'i gang dag phra la rnam par rmongs/ /de yang ji ltar thog ma dbus mdza' dag tu blta mi nus/ /de phyir rin po che'i phreng ba las/ skad cig ji ltar mdza' yod ltar/ /thog ma dang dbus de ltar brtag /skad cig rang bzhin gsum gyi phyir/ /'jig rten skad cig la mi gnas zhes bstan to/ /de ltar 'di dag phyi dang nang du bcas pa gcig min zhing/ /de nyid phyir na de yis rang bzhin rnams bsags du ma'ang min// 'di dag las dpen dangs po shes rab mig gis 'ga' ma dmigs/ /des na 'di dag mdza' gnyis grol ba dam pas gsal bar gsungs/ /de bzhin gcig gis gcig nyid skyed pa mngon sum 'gal mthong ste/ /rab tu phra ba'i 'bras bu 'ang rgyu ni gcig min la bltos par/ /'gro ba'i mngon sum nyid du ston pa bzhin du nges par gnas/ /de bzhin gcig gis cig min skyed sogs thams cad gnod par bcas/ /dngos rnams thug med ma lus slar skyed 'gyur 'di bzlog dka' i phyir/ / yod pa 'ga' zhig skye zhes 'di ni sus kyang smra mi nus/ /gang med 'ga' zhig skyen med pa'i tha snyad su zhig 'jog /de phyir bdag las skye sogs 'di dag mkhas pas rtsa nas bton/ /de ltar khyod kyis shes rab spyan gsal dri med rnam rgyas pas/ / rten cing 'brel 'byung mtshan nyid 'di la yun ring gzigs pa na/ /thog med srid rgyud bsags pa'i bsnyengs gnas rab tu phra ba yang/ /gang na'ang gnas par 'gyur 'di gzigs min mi bdag gang gis zhum/ /de ltar ni 'phags pa mi pham pa'i zhal snga nas/ 'di la bsal ba ci yang med/ /bsnan par bya ba cung zad med/ /yang dag nyid la yang dag lta/ /yang dag mthong nas rnam par grol/ /zhes gsungs shing/ 'phags pa klu sgrub kyi zhal snga nas kyang/ mthong ba'i chos la mya

  124. 62b

    ngan 'das/ /bya ba byas pa'ang de nyid yin/ /zhes gsungs so/ /des na gang la dga' ba 'am/ /yang na skrag gnas 'di ci zhig /bskal pa bye bar bsgrubs kyang bstan gnas de ni su yis nus/ /gang zhig rnam par gzhom zhes 'bad pa 'ang blun te rnam par ngal// ci phyir zhes na gdod nas ma skyes de la su yis dgag /de 'dra'i gnas med 'dir gnas ye shes can te bde bar ldan/ /gang la rnam rtog med 'di zhes thub pas gsal bar gsungs/ /'di spangs lha yul 'dod par rab tu yid 'phrogs byed pa dang/ /'khor los sgyur ba'i 'byor pa'ang dam pas tsher ma'i gnod 'drar gsungs/ /sa bdag 'on kyang gnas 'dir shin tu dgyes par ma gyur cig /ci phyir zhe na bdag gzhan phan pa mi bzad 'byor las khyod/ /rnam par lhung ba'i sgo mo mi mkhas rnams la 'di rab spangs/ / kha cig sgo 'dir rab dga' 'jug la snying brtse ring du spangs/ /gzhan dag gnas 'dir 'khrul phyir las 'bras thal ba bzhin du byed/ /gzhan dag shin tu med las sangs rgyas yon tan bsam yas 'dod/ /'di 'dra 'di dag sgo 'dir zhugs las rang gzhan bde las nyams/ /de phyir 'di ni yan lag ldan par bags? kyis bsten par bgyi/ /de ltar ni 'phags pa dri ma med par grags pas bstan pa zhes bya ba theg pa chen po'i mdo las kyang/ ming yang yod dang med ma yin par tshig gis gsungs/ /rgyu la brten te byung ba'i chos ni 'di kun te/ /'di la bdag med tshor ba po dang byed med kyang/ /dge dang mi dge'i las rnams cung zad med mi 'gyur/ zhes gsungs so/ /rten cing 'brel par 'byung ba'i de bzhin nyid bsam gyis mi khyab pa yid la bya'o/ /mi dbang yan lag bzhi po 'di tsam gyis khyod kyi thugs kyi dri ma rags pa rnams/ /nges par bsal 'gyur 'di la dogs ma mdzad/ /de las gong du khyab par rnam bzhed na/ /dkyil 'khor byug pa sngon du 'gro ba yis/ /skye ba gzhan du 'byor pa mi zad pa/ /de lta'i bzhed pa nyid kyi phyag gnas ltar/

  125. 63a

    bslu ba med par bdag gis brjod par bgyi/ /oM badzra re khe hUM/ /gtsang spyod pa yi lci ba ni/ /chu dang 'o ma zho dang mar/ /thams cad de las byung ba dag /snod gtsang bskol te chu rnams dag go /tshig ma dor te dbus kyi chas/ /dbyibs ci dga' ba'i maN+Dal ni/ /swa bdag khru gang yan chad par/ /gsang sngags 'don la gzhol bar byug /de nas de ni gus pa yis/ /rgyal ba sras gsum bcas la dbul/ /'jug tu thub pas gsungs pa yi/ /tshigs bcad 'di dag brjod par bya/ / ba yi lci ba chung bcas sbyin pa ste/ legs par byugs pa byed pa tshul khrims so/ /srin bu grog sbur bsal ba bzod pa yin/ /bya ba la ni nyer zhugs brtson 'grus te/ /de yi skad cig sems ni gcig byed pa/ /bsam gtan shes rab ri mo gsal ba'o// thub pa'i maN+Dal byas pa yis/ /pha rol phyin pa 'di drug 'thob/ /gser gyi mdog tu 'gyur ba dang/ /nad rnams kun dang bral bar 'gyur/ /zla ba ltar mdzes gsal ba yi/ /lha dang mi ni dam par skye/ /nor dang gser ni 'byor ba yi/ /rgyal po'i rigs su skye bar 'gyur/ /bde bar gshegs pa'i pho brang mchog /maN+Dal gang zhig byed pa dang/ /sdig pa thams cad mi byed cing/ dge ba phun sum tshogs par spyad/ /rang gi sems ni yongs 'dul ba/ /'di ni sangs rgyas rnams kyis bsngags/ /zhes so/ de nas dge ba de nyid rgyu mtshan du byas la/ /dkon mchog gsum la phyag 'tshal zhing/ /dkon mchog la skyabs su mchi/ /bdag ni khyed la rnam kun 'bul/ /sdig pa thams cad bshags pa bgyi/ / 'gro ba'i dge la rjes yi rang/ /dam chos 'khor lo mchog bskor dang/ /yongs su mya ngan 'das spang phyir/ /bdag gi khyed la gsol ba 'debs/ /'di sogs dge ba'i las rnams ni/ /byang chub bla na med par bsngo/ /'gro ba sdug bsngal khur chen

  126. 63b

    por ba'i phyir/ /bdag gis sems ni byang chub phyir bskyed do/ /sa rgal bsgral dgrol? dgrol ba dang/ /dbugs ma phyin pa bdag gis dbugs dbyung ste/ /mya ngan ma 'das bdag gis mya ngan bzla/ /de ltar byang chub kyi sems rab tu brtan par bskyed la ji ltar 'dod pa'i bya ba dge ba la 'jug par bya'o/ /mi dbang khyod thugs sbyangs pas dge ba rgya chen dag la dgyes bskyed nas/ /sbyin dang tshul khrims bzod pa brtson 'grus bsam gtan shes rab pha rol phyin/ /rgya cher spel mdzad der yang khyod kyi thugs ni rma med 'bad 'tshal te/ sems ma bsrungs pa'i skyes bu'i dge la 'jug pa phu chu'i rgyun 'khrungs ltar/ /phan dang 'brel ba'i gnod pa 'am rab tu ma rungs 'gyur ba'i gnas skabs mchis/ /gnas 'di mkhas pas gzigs nas mthu ldan nyid kyi thugs ni bsrungs 'tshal lo// de ltar ni/ bsnyengs dang bral la mang du gsol ci 'tshal/ /phan pa'i man ngag don po 'di lags te/ /khyod kyi thugs thul mdzod cig bcom ldan gyis/ /sems ni chos kyi rtsa ba lags zhes gsungs/ /tshigs su bcad pa gcig po 'di 'phags pa klu glub kyi zhal snga nas/ /mkhar gyi rgyal po bde spyod la gdams pa bshes pa'i spring yig las gsungs pa bdag gis drangs ba'o/ /mi skyod khyod ni gal te gsangs ba'i lam la dgyes pa na/ /lam de rab tu rtogs dka' sems la rma 'byin tshig 'phros te/ bud med 'khyung sogs tshul bzhin ma yin yid la byed par ldan/ /kha cig mngon sum 'khrig dang drag shul spyod la 'jug pa ste/ /mi dbang thugs la gnod na thub pa'i bka' yang dug dang 'dra/ /de phyir khyod kyis gsang ba'i lam du zhugs pa'i rgyu mtshan las/ /khyod thugs 'dod chags la sogs dri mas gos pa 'di ni spang/ /gang gzhan skye bo de 'dra'ang bzlog par khyod kyis rnam bsgrub rigs/ /don 'di ni/ zhu pa'i 'og tu za ba la/ /mar gyi nying khu ka ra dang/ /sbrang rtsi dag ni bdud rtsi bzhin/ /ma zhu za ba dug tu 'gyur/ /de bzhin rab rgyas

  127. 64a

    bdud rtsi mchog /dgongs pa'i tshig la mi mkhas bzhin/ /byis pa'i blo dang ldan rnams la/ /mi zad pa yi dug tu 'gyur/ /zhes gsungs te/ 'di ni 'phags pa yongs su mya ngan las 'das pa chen po zhes bya ba theg po chen po'i mdo las gsungs pa bdag gis 'dir bris pa'o/ /rin chen sems ni rnam par sbyang ba'i phyir/ /thub pa'i bka' lung cung zad 'dir bris pas/ /sa yi bdag po'i thugs ni dri med pa/ /ston dga' i zla rgyas lta bur gsal gyur cig /'gro ba'ang rim gyis sems ni rnam sbyangs te/ /mu tig dri med 'bru ltar rnam dag shog /sems rin po che rnam par sbyangs pa'i rim pa zhes bya ba'i spring yig /slob dpon byang chub sems dpa' chen po dgra las rgyal gsang bas mdzad pa rdzogs so// //rgya gar gyi mkhan po A tsarya du lo pa dang/ lo tsA ba dge slong chos kyi shes rab kyis bsgyur cing zhus te gtan la phab pa'o// //e ma ho/ 'jam dpal rdo rjes byin brlabs pa'i/ /dzai hA ris mdzad gzhung 'di la/ /brtan nas rang sems sbyang ba la/ /mkhas pa rnams kyis brtson par rigs// //rgya gar skad du/ su h+ri ta le kha/ bod skad du/ bshes pa'i spring yig /'jam dpal gzhon nur gyur pa la phyag 'tshal lo/ /yon tan rang bzhin dge 'os bdag gis ni/ /bde bar gshegs pa'i gsung bsnyad las byung ba'i/ /bsod nams 'dun slad 'phags pa'i dbyangs 'di dag /cung zad cig bde bas khyed kyis gsan pa'i rigs/ /ji ltar bde gshegs sku gzugs shing las kyang/ /bgyis pa ci 'dra 'ang rung ste mkhas pas mchod/ /de bzhin bdag gi snyan ngag 'di dran yang/ /dam chos brjod la bsten slad smad mi bgyi/ /thub pa chen po'i bka' ni snyan dgu zhig /khyod kyi thugs su lta yang chud mod kyi/ /rdo thal las bgyis dgung zla'i 'od kyis ni/ /ches dkar nyid du ci ste mi dgyid lags/ /rgyal bas sangs rgyas

  128. 64b

    chos dang dge 'dun dang/ gtong dang tshul khrims lha rjes dran pa drug /rab tu bka' stsal de dag so so yi/ /yon tan tshogs kyi rjes su dran par bgyi/ /dge ba'i las lam bcu po lus ngag ni/ /ngag dang yid kyis rtag tu bsten bgyi zhing/ /chang rnams las zlog de bzhin dge ba yi/ /'tsho ba la yang mngon par dgyes par mdzad/ /longs spyod g.yo ba snying po med mkhyen nas/ /dge slong bram ze bkren dang bshes rnams la/ /sbyin pa tshul bzhin stsal bgyi pha rol tu/ /sbyin las gzhan pa'i gnyen mchog ma mchis so/ /khyod kyis tshul khrims ma nyams mong mi dma'/ /ma 'dres ma spags ma ges bsten par mdzod/ /khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ sbyin dang tshul khrims bzod brtson bsam gtan dang/ /de bzhin shes rab gzhal med pha rol phyin/ /'di dag rgyas mdzad srid pa'i rgya mtsho yi/ /pha rol phyin pa rgyal ba'i dbang po mdzod/ /gang la pha dang ma dag mchod pa yi/ /rigs de tshangs bcas slob dpon bcas pa lags/ /de dag la tshod grags par 'gyur ba dang/ /slad ma la yang mtho ris 'gyur ba lags/ /'tshe dang chom rkun 'khrig pa brdzun dang ni/ /chang dang dus min zas la chags pa dang/ /mal stan mtho la dga' dang glu dag dang/ /gar dang phreng ba'i khyad par rnams spong zhing/ /dgra bcom tshul khrims rjes su byed pa yi/ /yan lag brgyad po 'di dag dang ldan na/ /gso sbyong 'dod spyod lha lus yid 'ong ba/ /skyes pa bud med ngag la stsol bar bgyid/ /ser sna g.yo sgyu chags dang snyoms las dang/ /mngon pa'i nga rgyal 'dod chags zhe sdang dang/ /rigs dang gzugs dang thos pa lang tsho dang/ /dbang thang che bas rgyags pa dgra bzhin gzigs/ /bag yod bdud brtsi'i gnas te bag med pa/ /'chi ba'i gnas su thub pas bka' stsal te/ /de bas khyod kyis dge chos spel slad du/ /gus pas rtag tu bag dang bcas par mdzod/ /gang zhig sngon chad bag

  129. 65a

    med gyur pa las/ /phyi nas bag dang ldan par gyur de yang/ /zla ba srin bral lta bur rnam mdzes te/ /dga' bo sor phreng mthong ldan bde byed bzhin/ /'di ltar bzod mtshungs dga' thub ma mchis pas/ /khyod kyis khro ba'i go skabs dbye mi bgyi/ /khro ba spangs pas phyin mi ldog pa nyid/ /'thob par 'gyur bar sangs rgyas zhal gyis bzhes/ /bdag ni 'dis spyod 'dis btags pham par byas/ /'di yis bdag nor phrogs par gyur to zhes/ /khon du 'dzin pa'ang 'khrug long rnam skyed de/ /khon 'dzin rnam spangs bde bar gnyid kyis log /sems ni chu dang sa dang rdo ba la/ /ri mor bris pa de 'drar rig par bgyi/ /de nang nyon mongs can la dang po ni/ /mchog ste chos 'dod rnams la tha ma lags/ /rgyal bas snying la 'bab dang bden pa dang/ /logs par sman ldan skyes bu rnams kyi ni/ /spang rtsi me tog ming tsang lta bu'i tshig /rnam gsum bka' stsal de las tha ma spang/ /snang nas snang ba'i mthar thug mun pa nas/ /mun pa'i mdza' dang snang nas mun mthar thug /mun nas snang ba'i mthar thug gang zag ni/ /bzhi ste de dag rnams kyi dang po mdzod/ /mi ni a mra'i 'bras bzhin ma smin la/ /smin pa dang 'dra smin la ma smin 'dra/ /ma smin ma smin par snang smin la ni/ /smin par snang zhes bgyi ba 'drad rtogs mdzod/ /gzhan gyi chung ma mi blta mthong na yang/ /na tshang mthun par ma dang bu mo dang/ /sring mo'i 'du shes bskyed bgyi chags gyur na/ /mi gtsang nyid ruAng yang dag bsam par bgyi/ /g.yo ba'i sems ni thos mtshungs bu lta bur/ /gter bzhin srog dang 'dra/ bar bsung bgyi ste/ /gdug pa dug dang mtshon cha dgra bo dang/ /me bzhin 'dod pa'i bde la yid byung mdzod/ /'dod pa rnams ni phung bskyed pa ste/ /rgyal ba'i dbang po sa kim pa'i 'bras 'drar gsungs/ /de dag spang bgyi de yi lcag sgrogs gis/ /

  130. 65b

    'khor ba'i btson dang 'jig rten 'di dag bcings/ /gang dag dbang po drug yul rnams la ni/ /rtag tu mi brtan g.yo dang gang dag cig /g.yul dor dgra tshogs las rgyal de dag las/ /mkhas rnams dang po dpa' rab lags par 'tshal/ /bud med gzhon nu'i lus ni logs shig tu/ /dring ba dang sgo dgu dong pa dang/ /mi gtsang kun snod 'dra ba dgang dka' dang/ /lpags pas g.yogs par rgyan yang logs shig gzigs/ /ji ltar mdze can srin bus nyen pa na/ /bde ba'i don du me la kun bstan kyang/ /zhi bar mi 'gyur de nyid 'dra bar ni/ /'dod pa rnams la chags pa 'ang mkhyen par mdzod/ /don dam gzigs par bgyi slad dngos rnams la/ /tshul bzhin yid la bgyid pa de goms mdzod/ /de dang 'dra bar yon tan ldan pa yi/ /chos gzhan 'ga' yang mchis pa ma lags so/ /skyes bu rigs gzugs thos dang ldan rnams kyang/ /shes rab tshul khrims bral ba bkur ma lags/ /de ltas gang la yon tan 'di gnyis ldan/ /de ni yon tan gzhan dang bral yang mchod/ /'jig rten mkhyen pa rnyed dang ma rnyed dang/ /bde dang mi bde snyan dang mi snyan dang/ /bstod smad ces bgyi 'jig rten chos brgyad po/ /bdag gi yid yul min par mgo snyoms mdzod/ /khyod kyis bram ze dge slong lta dang ni/ /mgron dang yang yum dag dang btsun mo dang/ /'khor gyi slad duAng sdig pa mi bgyi ste/ /dmyal ba'i rnam smin skal nong 'ga' ma mchis/ /sdig pa'i las rnams spyod pa 'ga' yang ni/ /de yi mod la mtshon bzhin mi gcod kyang/ /'chi ba'i dus la bab na sdig pa yi/ /las kyi 'bras bu gang lags mngon par 'gyur/ /dad dang tshul khrims gtong dang thos pa ni/ /dri med ngo tsha shes dang khrel yod dang/ /shes rab nor bdun lags par thub pas gsungs/ /nor gzhan phal pa don ma mchis rtogs mdzod/ /rgyan po 'gyed dang 'dus la blta ba

  131. 66a

    dang/ /le lo sdig pa'i grogs la brten pa dang/ /chang dang mtshan mo rgyu ba ngan song ba/ /grags pa nyams par 'gyur ba de drug spongs/ /nor rnams kun gyi nang na chog shes pa/ /rab mchog lags par lta mi'i ston pas gsungs/ kun tu chog shes mdzod cig chog mkhyen na/ /nor mi bdog kyang yang dag 'byor pa lags/ /des pa bdog mang ji ltar sdug bsngal ba/ /'dod pa chung rnams de lta ma lags te/ /klu mchog rnams kyi mgo bo ji snyed pa/ /de las byung ba'i sdug bsngal de snyed do/ /rang bzhin dags 'brel bshed ma lta bu dang/ /khyim thab brnyas bgyid jo mo lta bu dang/ chung nguAng rkub chom rkun lta bu yi/ /chung ma gsum po 'di dag rnam par spangs/ /sring mo lta bur rjes mthun gang yin dang/ /mdza' mo bzhin du snying la 'bab pa dang/ /ma bzhin phan par 'dod dang bran mo bzhin/ /dbang gyur gang yin rigs kyi lha bzhin bkur/ /kha zos sman dang 'dra bar rig pa yis/ /'dod chags zhe sdang med par bsten bgyi ste/ /rgyags phyir ma lags bsnyems pa'i phyir na lags/ /mtshag phyir ma lags lus gnas 'ba' o zhig phyir/ /rigs pa'i bdag nyid nyin par mdza' dag dang/ /mtshan mo thun gyi stod smad bzlas nas ni/ /mnal tshe 'ang 'bras bu med par mi 'gyur bar/ /dran dang ldan par de dag bar du mnal/ /byams dang snying rje dag dang dga' ba dang/ /btang snyoms rtag tu yang dag sgoms mdzod cig /gong ma brnyes par ma gyur de lta na'ang/ /tshangs pa'i 'jig rten bde ba thob par 'gyur/ /'dod spyod dga' dang bde dang sdug bsngal dag /rnam par spangs pa'i bsam gtan bzhi po yis/ /tshangs pa 'od gsal dag dang dge rgyas dang/ /'bras bu'i che lha rnams dang skal mnyam 'thob/ /rtag dang mngon par zhen dang gnyen po med/ /yon tan gtsa ldan gzhi las byung ba'i las/ /dge dang

  132. 66b

    mi dge rnam lnga chen po ste/ /de las dge ba spyod la brtson par bgyi/ /lan tsha srang 'gas chu ni nyung ngu zhig /ro bsgyur bgyid kyi gang+gA'i klung min ltar/ /de bzhin sdig pa'i las ni chung du yang/ /dge ba'i rtsa ba yangs pas mkhyen par bgyi/ /rgod dang 'gyod dang gnod sems rmugs pa dang/ /gnyid dang 'dod pa 'dun dang the tshom ste/ /sgrib pa lnga po de dag dge ba'i nor/ /'phrog pa'i chom rkun lags par mkhyen par mdzod/ /dad dang brtson 'grus dag dang phran pa dang/ /ting 'dzin shes rab chos mchog lnga nyid de/ /'di la mngon brtson mdzod cig 'di dag ni/ /stobs dbang zhe bgyi rtse mor gyur pa'ang lags/ /na rga 'chi sdug bral dang de bzhin du/ /las ni bdag gir byas las ma 'das zhes/ /de ltar yang dang yang du sems pa ni/ /de yi gnyen po'i sgo nas rgyags mi 'gyur/ /gal te mtho ris thar pa mngon bzheng na/ /yang dag lta la goms pa nyid du mdzod/ /gang zag log par lta bas legs spyad kyang/ /thams cad rnam par smin pa mi bzang ldan/ /mi ni yang dag nyid du mi bde zhing/ /mi rtag bdag med mi gtsang rigs par bgyi/ /dran pa nye bar ma gzhag rnams kyis ni/ /phyin ci log bzhi de lta ba phung khrol ba/ /gzugs ni bdag ma yin zhes gsungs te bdag /gzugs dang mi ldan gzugs la bdag gnas min/ /bdag la gzugs mi gnas te de bzhin du/ /phung po lhag ma bzhin yang stong rtogs bgyi/ /phung po 'dod rgyal las min dus las min/ /rang bzhin las min ngo bo nyid las min/ /dbang phyug las min rgyu med can min te/ /mi shes las dang sred las byung rig mdzod/ /tshul khrims brtul zhugs mchog 'dzin dang yul la/ /phyin ci log par ltar dang the tshom ste/ /kun tu sbyor ba 'di gsum thar pa yi/ /grong khyer sgo 'gegs lags par mkhyen par gyi/ /thar pa bdag la rag las 'di la ni/ /gzhan gyis grogs bgyid ci yang ma mchis kyis/ /thos

  133. 67a

    ngang tshul khrims bsam gtan ldan pa yi/ /bden pa rnam pa bzhi la 'bad pa mdzod/ /lhag pa'i tshul khrims/ lhag pa'i shes rab dang/ /lhag pa'i sems la rtag tu bslab par bgyi/ /bslab pa brgya rtsa lnga bcu lha gcig kyang/ /gsum po 'di'i nang yang dag 'du bar 'gyur/ /dbang phyug lus gtogs dran pa bde gshegs kyis/ /bgrod pa gcig pa'i lam du nye bar bstan/ /de ni 'grims nas mngon par bsrung bgyi ste/ /dran pa nyams pas chos kun 'jig par 'gyur/ /tshe ni gnod mang rlung gis btab pa yi/ /chu yi chu bur bas kyang mi rtag na/ /dbugs rdub dgu 'byung gnyis kyis logs pa las/ /sang khom gang lags de ni ngo mtshar che/ /lus mdza' thal ba mthar skam mthar 'drul zhing/ /tha mar mi gtsang snyi po ma mchis pa/ /rnam par 'jig dengs myags par 'gyur ba ste/ /so sor 'gyes chos can du mkhyen par mdzod/ /sa dang lhun po rgya mtsho nyi ma bdun/ /'bar bas bsregs pa'i lus can 'di dag kyang/ /thal ba yang ni lus par mi 'gyur na/ / shin tu nyam chung mi lta smos ci 'tshal/ /de ltar 'di kun mi rtag bdag med de/ /skyabs med mgon med gnas med de slad du/ /'khor ba chu shing snying po med pa la/ /mi mchog khyod kyi thugs ni dbyung bar mdzod/ rgya mtsho gcig gnas gnya' shing bug pa dang/ /rus sbal phrad pa bas kyang dud 'gro las/ /mi nyed ches thob dka' bas mi dbang gis/ /dam chos spyad pas de 'bras mtshos par mdzod/ /gang zhig gser snod rin chen spras pa yis/ /ngan skyugs 'phyag par bgyid pa de bas ni/ / gang zhig mu ru skyes nas sdig pa dag /bgyid pa de ni tshes rab blun pa lags/ /mthun par gyur pa'i yul na gnas pa dang/ /skyes bu dam pa la ni brten pa dang/ /bdag nyid legs smon sngon yang bsod nams bgyid/ /'khor lo chen po bzhi ni khyod la/

  134. 67b

    mnga' / /dge ba'i bshes gnyen bsten pa tshangs par spyod/ /yongs su rdzogs par thub pas gsung ma de'i phyir/ /skyes bu dam pa bsten bgyi rgyal ba las/ /brten nas rab tu mang pos zhi ba thob/ /log par lta ba 'dzin dang dud 'gro nyid/ /yi dags nyid dang dmyal bar skye ba dang/ /rgyal ba'i bka' med pa dang mthong 'o yab 'dong? tu/ /kla klor skye dang glen zhing lkugs pa nyid/ /tshe rings lha dang gang yang rung ba ni/ /skye ba zhes bgyi mi khom skyon brgyad po/ /de dag dang bral khom pa rnyed nas ni/ /skye ba bzlog pa'i slad du 'bad par mdzod/ /nges pa 'dod pas phongs dang 'chi ba dang/ /na dang rga sogs sdug bsngal du ma yi/ /'byung gnas 'khor ba la ni skyo mdzad cing/ /'di yi nyes pa shes kyang gsan par mdzod/ /pha ni bu nyid ma ni chung ma nyid/ /skye bo dgrar gyur pa dag bshes nyid dang/ /bzlog pa nyid du mchis pas de slad du/ /'khor ba dag na nges pa 'ga' ma mchis/ /re res rgya mtsho bzhi bas lhag pa yi/ /'o ma 'thungs te da dung so so yi/ /skye bo'i rjes su 'brang ba'i 'khor ba bas/ /de bas tshes mang nyid cig btung 'tshal lo/ / re re'i bdag nyid rus pa'i phung po ni/ /lhun po mnyam pa snyed cig 'das gyur te/ /ma yi thug mdza' rgyu shug tshig gu tsam/ /ri lur bgrangs kyang sa yis lang mi 'gyur/ /brgya byin 'jig rten mchod 'os gyur nas ni/ /las kyis dbang gis phyar yang sa ster lhung/ /'khor los sgyur ba nyid gyur nas kyang/ /'khor ba dag tu yang bran nyid du 'gyur/ /mtho ris bu mo'i nu ma rgyas pa las/ /reg pa'i bde ba yun ring myong nas slar/ /dmyal bar 'thag gcod dbang pa'i 'khrul 'khor gyis/ /reg pa shin tu mi bzad bsten 'tshal lo/ /rkang pa'i reg pas nems par bde bzod pa/ /lhun po'i spol yun ring gnas nas ni/ /slar yang me mur ro myags rgyu ba yi/ /sdug bsngal mi bzang phog snyam bgyid 'tshal lo/ /mtho ris bu mos 'brangs shing dga' ba dang/ /rnam

  135. 68a

    par mdzes mtshal son pas rtses nas slar/ /'dab ma ral gri 'dra tshal gnas rnams kyis/ /rkang lag rna ba sna gcod thob par 'gyur/ /ngal gyis 'bab par lha yi bu mo ni/ /gdong mdzes gser gyi pad+ma ldan zhugs nas/ / slar yang dmyal bar chu bo rab med pa/ /tsha sgos bzod brlag chu chen 'jug 'tshal lo/ /lha yul 'dod bde shin tu chen po dang/ /tshangs nyid chags bral bde ba thob nas slar/ /mnar med ma yi bud shing gyur pa yis/ /sdug bsngal rgyun mi 'chang pa bsten 'tshal lo/ /nyi ma zla ba nying thob rang lus kyi/ /'od kyis 'jig rten mdza' dag snang byas te/ /slar yang mun nag smag tu phyin gyur nas/ /rang gi lag pab rkyang ba 'ang mi mthong 'gyur/ /de ltar nongs par 'gyur 'tshal bsod nams ni/ /rnam gsum mar me'i snang ba rab bzhes shig /gcig pu zla ba nyi mas mi rdzi ba'i/ /man ngag mdza' yas nang du 'jug 'tshal lo/ /sems can nyes par spyad pa spyod rnams la/ /yang sos thig nag rab tu tshe ba dang/ /bsdus 'joms tu 'bed mnar med la sogs pa'i/ /dmyal ba rnams su rtag tu sdug bsngal 'gyur/ /kha cig til bzhin 'tshir te de bzhin gzhan/ /phye ma zhib mo bzhin du phye mar rlag /kha cig sogs legs 'gra ste de bzhin gzhan/ /sta re mi bzang so rnon rnams kyis gshegs/ /de bzhin gzhan dag khro chu zhu ba yi/ /zhu ba 'bar ba 'khrigs pa ldung pang bgyid/ /kha cig lcags kyi gsal shing rab 'bar ba/ /tsher ma can la kun tu brgyud par bgyi/ /kha cig lcags kyi mche ba ldan pa'i khyi/ /gtum pos dbang cing lag pa gnam du sgreng/ /dbang med gzhan dag lcags mchu rnon po dang/ /sen mo mi bzang ldan pa'i khra rnams 'thog /kha cig srin bu spur ba sna tshogs dang/ /sha sprang sbrang bu mchu rings khri phrag dag /reg na mi bzang rma srol

  136. 68b

    cher 'byin pas/ /'ja bar bgyid cings 'dre ldog smre sngags 'don/ /kha cig mdag ma 'bar ba'i sogs su ni/ /rgyun mi 'chad par rab bsregs kha yang bsgrad/ /kha cig lcags las byas pa'i zangs chen du/ /spyi'u tshugs 'bras kyi cung bden bzhin du 'tshed/ sdig can dbugs 'byung 'gag pa tsam zhig gi /dus kyis bar du chod rnams dmyal ba yi/ /sdug bsngal gzhal yas thos na rnams stong du/ /mi 'jigs gang lags rdo rje'i rang bzhin no/ /dmyal ba bris ba mthong dang thos pa dang/ /dra no dang bklags dang gzugs su 'gyis rnams kyang/ /'jigs bskyod par 'gyur na mi bzad pa'i/ /rnam smin nyams su myong na smos ci 'tshal/ /bde ba kun gyi nang na sred pa/ /bde ba'i bdag po bgyid pa ji lta bar/ /de bzhin sdug bsngal kun gyi nang na ni/ /mnar med dmyal ba'i sdug bsngal rab mi bzad/ /'di ni nyin gcig mdung thung sum brgya yis/ /rab tu drag btab sdug bsngal gang lags pa/ /nges ni dmyal ba'i sdug bsngal chung ngu la/ /'ol yang mi 'gro char yang mi phed do/ /de ltar sdug bsngal shin tu mi bzang lo/ /bya ba phrag brgyar nyams su myong yang ni/ /ji srid mi dge de zad ma gyur pa/ /de srid srog dang 'phral bar mi 'gyur ro/ /mi dge'i 'bras 'di rnams kyi sa bon ni/ /lus ngag yid kyi nyes spyad khyod kyis ni/ /ci nas de rdul lo tsam yang ma mchis pa/ / de ltar nyid kyi rtsal gyis 'bad bar mdzod/ /dud 'gro'i skye gnas na yang gsod pa dang/ /bcing dang rdeg sogs sdug bsngal sna tshogs pa/ /zhi 'gyur dge pa spangs pa rnams la ni/ /cig la cig za shin tu mi bzad pa/ /kha cig mu tig bal dang rus pa dang/ /sha dang lpags pa'i ched du gsod par 'gyur/ /dbang med gzhan dag rdog pa lag pa dang/ /lcags dang lcags kyu gdab pas btab te bkol/ /yi dags nang na'ang 'dod pas phongs pa yis/ /bskyed pa'i sdug bsngal rgyun chags mi 'chos pa/ /bkres skom grang dro

  137. 69a

    ngal dang 'jigs pa yis/ /bskyed pa shin tu mi bzad bsten 'tshal lo/ /kha cig kha ni khab kyi mig tsam la/ /lto ba ri yi gtos tsam bkres pas nyen/ /mi gtsang gyi nar bor ba cung zad kyang/ /'tshal ba'i mthu dang ldan pa ma lags so/ /kha cig lpags rus lus shing gcir bu ste/ /tA la'i yang tog bskams pa lta bu lags/ /kha cig mtshan zhing kha nas 'bar ba ste/ /zas su 'bar ba'i khar 'bab bye ma 'tshal/ smad rigs 'gas ni rnag dang phyi sa dang/ /khrag sogs mi gtsang ba yang mi rnyed do/ /phan tshun gdong du 'tshog? cing mgrin pa nas/ /lba ba byung ba smin pa'i rnag 'chal lo/ /yi dags rnams la sos ka'i dus su ni/ /zla ba tsha la dgun ni nyi ma 'ang grang/ /ljon shing 'bras bu med 'gyur 'di dag gis/ / bltas pa tsam gyis klung yang skam par 'gyur/ /bar tshad med par sdug bsngal rten gyur pa/ /nye par sbyang ba'i las kyi zhags pa yi/ /sra bas bcings pa'i lus can kha cig lo/ /lnga stong dag dang khrir yang 'ching mi 'gyur/ /de ltar yi dags rnams kyi sna tshogs pa'i/ /sdug bsngal ro gcig thob pa gang lags pa/ /de yi rgyu ni skye bo 'jungs dga' ba/ /ser sna 'phags min lags par sangs rgyas gsungs/ /mtho ris na yang bde chen de dag gi /'chi 'pho'i sdug bsngal nyid ni de bas che/ /de ltar bsams nas ya rabs rnams kyis ni/ /zad 'gyur mtho ris slad du sred mi bgyi/ /lus kyi kha dog mi sdug gyur pa dang/ /stan la mi dga' me tog phreng ba snyings dang/ /gos la dri ma chags dang lus la ni/ /sngon chad med pa'i rdul 'byung zhes bgyi ba/ /mtho ris 'chi 'pho sngon bgyid 'chi ltas lnga/ /lha yul gnas pa'i lha rnams la 'byung ste/ /sa steng mi rnams 'chi bar 'gyur ba dag /spron par byed pa'i 'chi ltas rnams dang 'dra/ /lha yi 'jig

  138. 69b

    rten dag nas 'phos pa la/ /gal te dge ba'i lhag ma 'ga' med na/ /de nas dbang med dud 'gro yi dags dang/ /dmyal bar gnas pa gang yang rung bar 'gyur/ /lha min dag na'ang rang bzhin gyis lha yi/ /dpal la sdang phyir yid kyi sdug bsngal che/ /de dag blo dang ldan na rang 'gro ba yi/ /sgrib pas bden pa mthong ba ma mchis so/ /'khor ba de 'dra lags pas lha mi dang/ /dmyal ba dud 'gro yi dags rnams dag tu/ /skye ba bzang po ma lags skye ba ni/ /gnod pa du ma'i snod gyur lags mkhyen mdzod/ /mgo 'am gos la glo bur me shor na/ /de dag bzlog phyir bgyi ba btang nas kyang/ /yang srid med par bgyi slad 'bad 'tshal te/ /de bas ches mchog dgos pa gzhan ma mchis/ /tshul khrims dag dang shes rab bsam gtan gyis/ /mya ngan 'das zhi dul ba dri med pa'i/ /go 'phangs mi rga mi 'chi bas mi 'tshal/ /sa chu me rlung nyi zla bral thob mdzod/ /dran dang chos rab 'byed dang brtson 'grus dang/ /dga' dang shin tu sbyangs dang ting 'dzin dang/ /btang snyoms 'di bdun byang chub yan lag ste/ /mya ngan 'das thob bgyid pa'i dge tshogs lags/ /shes rab med la bsam gtan yod min te/ /bsam gtan med par yang ni shes rab med/ /gang la de gnyis yod pas srid pa yi/ /rgya mtsho gnag rjes lta bur 'tshal bar bgyi/ /lung ma bstan pa bcu bzhi ting nge 'dzin na/ /nyi ma'i gnyen gyis rab gsungs gang dag lags/ /de dag rnams la bsam par mi bgyi ste/ de yis blo 'di zhi bar bgyid ma lags/ /ma rig pa las langs te de las ni// rnam shes de las ming dang gzugs rab 'byung/ /de las skye mched drug ste de las ni/ /reg pa kun tu 'byung bar thub pas gsungs/ /reg pa las ni tshor ba kun 'byung ste/ /tshor ba'i gzhi las sred pa 'byung bar 'gyur/ /sred las len par

  139. 70a

    skye bar 'gyur ba ste/ /de las srid pa srid las skye ba lags/ /skye ba yod na mya ngan na rga dang/ /'dod pas phongs dang 'chi dang 'jigs sogs kyis/ /sdug bsngal phung po shin tu che 'byung ste/ /skye ba 'gags pas 'di kun 'gag par 'gyur/ /rten cing 'brel par 'byung 'di rgyal ba yi/ /gsung gi mdzod kyi gces pa zab mo ste/ /gang gis 'di ni yang dag mthong ba des/ /sangs rgyas de nyid rig pas rnams chog mthong/ /yang dag lta dang 'tsho dang rtsol ba dang/ /dran dang ting 'dzin ngag dang las mdza' dang/ /yang dag rtog nyid lam gyi yan lag brgyad/ /'di ni zhi bar bgyi slad bsgom par bgyi/ /skye 'di sdug bsngal sred pa zhes bgyi ba/ /'di ni de yi kun 'byung rgya chen te/ 'di 'gog pa ni thar pa lags te de/ /'thob bgyid 'phags lam yan lag de brgyad lags/ /de ltar lags pas 'phags pa'i bden pa bzhi/ /mthong bar bgyi slad rtag tu brtson par bgyi/ /pad na dpal gnas khyim pa rnams kyis kyang// shes pas nyon mongs chu bo las rgal gyis/ /gang dag chos mngon bgyis pa de dag kyang/ /gnam las babs pa ma lags lo tog bzhin/ /sa rum nas mthon ma lags de dag sngon/ /nyon mongs rag las so so'i skye bor bas/ /bsnyengs dang bral ba mang du gsol ci 'tshal/ /phan pa'i gdams ngag don po 'di lags te/ /khyod kyi thugs thul mdzod cig bcom ldan gyis/ /sems ni chos kyi rtsa ba lags par gsungs/ /khyod la de skad gdams pa gang lags te/ /bas par dge slong gis kyang bgyi bar dka' / /'di las gang zhig spyod pa'i ngo bo de'i/ /yon tan bsten pas sku tshe don yod mdzod/ /kun gyi dge ba kun la yi rang zhing/ /nyid kyi lags par sbyad pa rnam gsum yang/ /sangs rgyas nyid thob bgyi slad

  140. 70b

    yongs bsngos nas/ /de nas dge ba'i phung po 'di yis khyod/ /skye ba dpag tu med par lha mi yi/ /'jig rten kun gyi dpal 'byor dbang mdzad nas/ /'phags pa spyan ras gzigs dbang spyod pa yis/ /skye bo nyams thag mang po rjes bzung ste/ /'khrungs nas na rga 'dod chags zhe sdang rnams/ /bsal te sangs rgyas zhing du bcom ldan 'das/ /'od dpag med dang 'dra bar 'jig rten gyi/ /mgon po sku tshe dpag tu med par mdzod/ /shes rab tshul khrims gtor byung grags chen dri ma med// lha yul nam mkha' dang ni sa steng rgyas mdzad nas/ /sa la mi dang mtho ris lha ni na chung mchog /bde dags dga' ba ngas par rab tu zhi mdzad de/ nyon mongs nyam thag sems can tshogs kyi 'jigs skye dang/ /'chi ba zhi mdzad rgyal ba'i dbang po nyid brnyes nas/ /'jig rten las 'das ming tsam zhi la mi g.yo ba/ /mi bsnyengs nongs mi mnga' ba'i go 'phangs brnyes par mdzod/ /dge bshes klu yis gdams pa'i char rgyun gyis/ /mi rje rgyal po thugs kyi mtsho rgyas nas/ /rgyal srid 'khor gyi nya spal mang po dag /skyabs mdzad re ba yid bzhin skongs par smon/ /bshes pa'i spring yig /slob dpon chen po 'phags pa klu sgrub kyis mdza' bo bde spyod bzang po la bskur ba rdzogs so// //rgya gar gyi mkhan po sarba dz+nyA de? ba dang/ /zhus chen gyi lo tsA ba bande dpal brtsegs kyis bsgyur cing zhus te/ gtan la phab pa'o// // */ /rgya gar skad du/ shik+Sha le kha /bod skad du/ slob ma la springs pa'i sprid yig /dkon mchog gsum la phyag 'tshal lo/ / gang gis mdzad pa shin tu dka' spyad sngon byung ba/ /mi 'am ci dang lha mo rnams kyis rab bsnyad na/ /bdud kyi bu mo bzhin ras pad+ma'i nags tshal dag /da ltar zla ba'i zer gyis phog pa bzhin du zum/ /bkra shis yid 'ong shin tu rmad

  141. 71a

    byung sku mnga' ba/ /bsod nams chung ngu'i skye bos mthong ba rnyed dka' pa/ /'jig rten mngon par 'dod pa'i re ba sgrub pa gang/ /yid bzhin nor bu lta bur bzhan don ro gcig spyod/ /gang zhig rtag tu pha rol bde bas bde 'gyur zhing/ /gzhan dag sdug bsngal gyur pas mchog tu 'o brgyal ba/ /thugs rje chen pos yon tan shin tu bskrun pa gang/ /de nyid rang gi bde sdug spangs te bzhugs pa yin/ /gang zhig gzhan gyi don du dbu rnams gcod byed kyang/ /pad+ma lta bur dgyes pa'i spyan 'byed gzigs mdzad cing/ /nyid kyi don du gdugs dkar gcig gis khebs pa lta'i/ /sa yang ral gri so ba dar rnon po ltar bu dgongs/ /zla ba yar gyi ngo ltar yon tan gsal ba rdzogs/ /nyes pa'i mun pa sel mdzad gcig pu yid du 'ong/ /'jig rten phan la brtson pa rab tu gsal ba byung/ /de shar zla ba bzhin du 'gro ba bsil bar mdzad/ /bstan pa rin chen mchog ltar bzang la 'phan med pa/ /rnam par dag tshul gang yin klu mgo gdengs ka can/ /chen po rnams kyis gtsug gi rgyan bzhin gus mnos nas/ /sa yi gting na gnas pa'i rab rig sel bar mdzad/ /chos kyi sprin de phan pa mdzad pa'i don du g.yos/ /chos kyi bdud rtsi mya ngan 'das pa mchog gi rgyu /ro gcig gdung ba sel ba chang chu bzhin du phab/ /de ni snod la brten nas ro rnams du mang gyur/ /snod yangs zab la dri ma med cing gsal ba yi/ /bsam pa dang ldan khur kun bzod pa gang dag la/ /skye bo kun gyis nye bar spyad bya de gnas pa/ /mtsho chen mi yi gzugs can de la phyag 'tshal lo/ /gang zhig skye nad rga shis la ba'i bdud rtsi de/ /thob par mi byed mi spyong 'dzin par mi byed pa/ /de dag nyes mang gti mug thibs pos bslad ba ste/ /yun ring nad kyi thebs pa sman chan mi bsten bzhin/ 'gro ba kun gyi mig gcig

  142. 71b

    dri ma med pa gang/ /de ni sa rnams gsum po'i spyi mthun sgron ma ste/ /bstan par legs par rnyed nas gang zhig 'dor ba ste/ /gti mug shin tu smad byung dag gis gtses phar zad/ byang chub khang bzang bgrod lam them skas lta bu yi/ /bslab gzhi bcas pa rnams la rkang tshugs rton pa rnams/ /rjes su sgrub pas go 'phangs che mthor phyin 'gyur te/ /ldog par byed pa rang gis sa ni gnyugs mang lhung/ skye ba'i rgya mtsho shin tu rgal dka' rgal 'dod pa/ /su zhig tshul khrims gzings gyur lag tu 'ongs pa spongs/ /'phags pa'i ded dpon dang bral lam rgyus mi shes par/ /'brog dgon 'khyams na ci ste yun ring gdung mi byed/ /'khor pa'i ri sul khrod kyi g.yang sar lhung gyur pa/ /mun nag thibs po'i nang nas ldang bar pa rtson pa gang/ /yon tan gnyug ma'i phreng ba bar ma dor 'dor ba/ /de dag shugs drag nyam nga'i ltung par 'og tu ltung/ /gang dag gcig pu yid kyis nges par brtags pa ste/ /yang dag lam dang lhan gcig 'grogs par byed pa ste// sa stengs dkyil na gtso bor gyur pa dam pa ste/ /slob ma mchog des bla ma bkur ba nyid du 'gyur/ ngo tsha yon tan tshogs bskyed ma cig ya rabs mo/ /mchog tu g.yo med byams pa la bu'i rjes 'brad pa/ /bden dang gzhung la dga' ba'i gzi brjid ldan pa rnams/ /srog ni bde blag gtong bar byed kyi dam bcas min/ /re zhig skye bo kun gyis dbyas dang bsdigs pa yi/ /'gro ba kun dang dmyal ba mi bzang phar zhog gi /rang bzhin rnal ma bor na sa smod pa sdug bsngal ba/ mkhas la sa stengs de las sdug bsngal gzhan ci yod/ /gang zhig thub pa rnams kyis srol btod chos kyi lam/ /rgya chen gru dang 'dra ba rnyed nas blang 'dor ba/ /'khor ba'i rgya mtsho'i klong 'khyil gar mkhan 'dra rnams la/ /dga' bas nges par de yis

  143. 72a

    sems bslus 'gyur ba snyam/ /gang zhig 'khor ba'i 'khor lo rtag tu 'khor gyur pa'i/ /nang du zhugs nas bsti sa tsam la bder sems pa/ /de ni nges par dbang med rim gyis brgya phrag tu/ /'gro ba mnyam dang mi mnyam kun tu 'khyams par 'gyur/ /shin tu mi bzad dri nga mi gcing bcer? bas bsgags/ /rab tu dog pa mun nag thibs por 'dug pa yi/ /mngal gnas dmyal ba lta bu'i nang du de zhugs nas/ /lus yongs bskums la sdug bsngal chen po mnag dgos so/ /de mi rim gyis til mar btsir spyad sra ba yis/ /btsir ba ltar byas de nas ci zhig ltar te btsa'/ /'on kyang mong la de srog mi 'dor gang yin pa/ /sdug bsngal nye bar spyad pa'i rnam par mtho brtsams mod/ /mi gtsang de'i nang gnas bcas 'phel ba'i lus de ni/ /mngal gnas rlon pas dkris shing dri nga mi bzad ldang/ /gzir bas gnod pa bdo ste rma rmen zhig pa ltar/ /gyur pa de yi skyon gyis sngon gyi dran pa spong/ /byis lus nye bar spyod pa kun la mi 'bongs pa/ /mi brtan 'khor ba spangs te mkhrad pa'i dngos gyur nas/ /dar la bab pa'i ri dbang btsan po'i ri sul du/ /sprul gdugs gnas gyur mun la bag skyong spyod par byed/ /bsam brlag de ni de nas kyang lhung la/ /lhung zhing mi rigs spyod pa mi 'dor ba/ /byis pa bdag lus sdug pa rga ba dang/ /'chi ba med pa nyid du sems pa lta/ /rmongs pa de ni thub dbang gis bsten pa'i/ /lam bzang rnam par spangs nas lam min par/ /glang po smyos pa lcegs kyu med pas gzhan/ /bab dgu phye mar rlog pa bzhin du 'gro/ /de nas de ni mi 'dod bzhin du mgod pa brtse med rga bas rdog pas nan mnan nas/ /skra dkar lcags kyu bdang ba rnon po yis/ /glang chen rdzi bos glang chen bzhin du 'de bas/ /'on kyang de ni spyod pa skyor 'byin pas/ /dge pa'ang 'jigs pa bzhin du spong

  144. 72b

    par 'gyur/ /rmongs pa bya ba min byed bdag skyes pa/ /smug ma 'bru chags lta bur brlag par zad/ /de nas de ni 'chi bdag rga ba'i spun/ /gzhil pa'i bcos thabs med pas bzung nas ni/ /rgas pa'i nu bo 'chi bdag 'ongs nas ni// rga ba bzhin du spyi nas 'dzin par byed/ /de nas de ni lhu tshigs rnams 'phye zhing/ /blo yang bslad 'gyur 'gro ba nyams par 'gyur/ /lus kyang dengs nas shig shig por 'gyur la/ /nges par sdig pa 'phel ba kho nar 'gyur/ /dbang po rnams kyang rim gyis zhum nas ni/ /yul la chags kyang nus pa nyams par 'gyur/ /gnas skabs gang du 'di 'gro gyur pa ste/ /gal te dmyal na yod na de nyid 'jigs/ /bdag gis ji ltar de bzhin 'di ma byas/ /ci ste de ltar de byas 'gro ba nyams/ /bdag gis ci ste 'di ltar 'chi bdag 'di/ /mgo bor rdog pas gnon pa 'phrigs ma gyur/ /mya ngan rdo rje ji ltar de lta bur/ /sems la gnod pa rnams kyis de btsal nas/ /nyed du'i skye bo dud mo'i mchi rgyun can/ /sdug bsngal snying ni rdo rje lta bus rtas/ /gnad kyi bshis su 'jebs par gzir nas ni/ /shin tu mi bzang mun rum 'jug par 'gyur/ /'bad pa lhur blangs bsrung ba byas pa'i lus/ /yid 'ong 'dris pa rnam par 'dor bar 'gyur/ /gshin rje'i zhags pas dam du btags pa ste/ /tso tho 'bal zhing cho nges 'debs byed kyang/ /de yis glengs pa nye du'i skye bo yis/ /rang gi dus sgras dir ba bzhin mi thos/ /bgrod dka' chu dang pha bod thag thug 'dom pa'i bar/ /tsher ma rnon pos 'jings pa nyam nga'i lam thag tu/ /dus kyi zhags pas ske nas btags te gshin rje'i mi/ /gtum po rnams kyis dbyugs pas bda' zhing 'khrid par 'gyur/ /mi bzang skoms pas rgyang nas chu klung dri med pa/ /mthong nas btung bar 'do? de sang na de nyid kyang/ /skra shad nya lcibs chags dang rnag gsungs 'dres pa dang//

  145. 73a

    'dam rdzab khrag dang byi sas gang ba'i chur 'gyur ro/ /dus rlabs rlung langs chu 'thod ri rtsi bsil 'gyur zhing/ /tsandan ljon pa sngo 'khrungs ma la yar song nas/ /de yang 'di la nags bsreg me lce rnos 'khrigs shing/ /mgal du ma 'gyel ba mang pos rang rod can du 'gyur/ /chu gter rlabs 'jigs 'phangs mtho gyes pa las byung ba'i/ /dbu ba 'tsher bar lhag ger 'dug par song na yang/ /de yang 'di la bye tshan khu ba dmar rtsub pa'i// rlung dmar 'jebs pa 'tshub pa'i mya ngan nyid du 'gyur/ /'di ni der gnas char sprin ldang par 'dod na yang/ /sprin las lcags mda'i char pa dung 'thul mdag mar bcas/ /tsha tsha rdo rje'i pha bong dmar 'phro gser mdog lta bu yi/ / gleg 'phro dmar ser 'gyur ba lus la char du 'bab/ /tsha bas nyen la bu yug kyang ni tshar 'gyur la/ /lhags pas nyam thag pa la me yang grang byed do/ /shin tu mi bzad las yongs smin pas rnam rmongs pa/ /'di la sna tshogs 'di kun phyin ci log tu snang/ /khab mig tsam gyi kha la dpag tshad mar 'jigs pa'i/ /lto can nyam thag rgya mtsho chen po'i chu 'thung kyang/ /mgul phugs yangs pa nyid du phyin bar ma byung bar/ /kha yi dugs kyis chu yi thigs pa'ang skam par 'gyur/ /ral pa'i tshogs mang spungs pas bgyings pa'i khyi dag gi /mche ba bzang ring rdo rje'i rtse mos lus dbang cing/ /chu bo rab med thal skyo med ces gang ba'i dogs/ /rdo ba zur rnon mi bzad rtse rnon can du bdas/ /spu gri rno gtams ldug? tshal lo ma ral gri yi/ /nang du thang chad brgyugs na lus smas skyabs med pa/ /rtse gsum mdung thung dang ni ral gri rnos gang ba'i/ /khron ba gshin rje'i kha bas thu ba'i nang du lhung/ /nyi tshan gyis gdungs bzod dka' brlag par

  146. 73b

    dga' ba'i lus/ /ljon shing lo ma sngo sdug mthongs na song ba dang/ /de yi lo ma mtshon brgya lhung bas lus dbang cing/ /de na yun ring dud mos las bshes brlag par gnas/ /bud med kun nas me lce brgya phrag 'thon pa'i mes/ /me stag phreng ba 'khrigs pa'i rgyan gyis bzhag gyur cing/ /sog la lta bu rtsub pa'i lus kyis zon med par/ /shin tu sdug pa'i tshul du bcum nas 'khyung bar byed/ /ri dang mnyam lug ru ring pa 'jigs su rung ba gnyis/ /'dus pa'i phrag tu lus kun phye mar rlog cing 'joms/ /cung zad bsil ba'i rlung zhig langs pa ltas nas de/ /de bzhin phyir yang lan brgyad kun nas bye mar rlog /bse khyi bod bu ca sbyang stong phrag gis bred nas/ /shal ma ri mtho mi bzad de la myung 'jigs nas/ /tsher ma'i tshogs kha mthur du bltas pas thal 'byin zhing/ /zug rngu tshabs bo che dag khong brlag nub par 'gyur/ /gshin rje'i lag na thogs la dus kyi zhags pa lta'i/ /sprul gdug mgo 'phangs btod pas dam bzhag gzhungs nas ni/ /gson por kha dang bya dkar kar ka bya rgod kyis/ /de na gnas pa'i mig dag tshem tshem? med par 'bru/ /de lus deg gi mchu rdo rje'i tso mos ltas/ /brtsams pa med dbang nyam thag nga ro 'byin byed cing/ /thur du babs na lcags cher gyen du kha bltas pa/ /sbom la rno ba mang pos lus phug dran pa nyams/ /de na kha cig mdung rtsi gsum pa 'bar ba dang/ /zug rngu rnon pos lus dbang thur du 'bab mi nus/ /de tshe mtshon cha bdar ba'i mchu can khwa rnams kyis/ /kun du drangs pas rgyu lto breng breng nang zhing 'thor/ /kha cig ri bo'i g.yangs ya dar g.yang du ltung/ /kha cig 'brul mar bsgol ba'i zangs chen nang du ltung/ /gzhan dag bye ma bsregs pa me stag 'phro ba yi/ /sa gzhi rkang pa bzhag pa'i gnas mi thog par ltung/ /kha cig 'bru sbrang phra mo lcig lcig gdug pa yi/ /tshogs kyi lus

  147. 74a

    rmugs bam zhing rnam par 'drul/ /las kyi rang bzhin snyi ma 'tsho ba thogs pa rnams/ /bskyod pa tsam yang bya bar mi nus bzhin du gson/ /lhags pa dpe med rus pa la yang thim pa yis/ /lus sgrebs 'dar shang bskur nas gum gum por 'dug pa/ /chu bor brgya byung brdol ba las skyes srog chags kyi/ /ral gris dbang nas zhag dang chu ser rkang bcas 'dzag /dkos thag so 'thams sgra dang spu rnams g.yengs gyur pa/ /mig dang rna ba lkog ma gnod pas kun gzir zhing/ /lus dang sems kyi bar dag rab tu klong gyur nas grang ba'i dmyal bar gnas shing shin tu 'o dod 'bod/ /dmyal me du ba che dgu mnam pa 'thul bas gnam mdo ga 'gyur/ /me lce'i lag mang rnam par 'phros nas phyogs kyi dkyil 'khor khebs/ /rus gong dkar dum phrang ba'i rgyan gyis spud pa skyi g.ya' ba/ /glang chen gos gyon sdig thabs kye ma kyi hud zer ba bzhin/ /la lar me stag che 'phro 'khrug pa 'ur sgra tog yar la/ /zhag gis bab na skad ngan bod pa'i tse zhil tshil tshil 'bar/ /brang gi rus pa'i khong du thal la lhag lhag sgra grag pa/ /bskal pa'i dus kyi me yis bskyed du med pa'i nang du lhung/ /glo nas tswa skam snying la spang ba lta bur me tshogs 'bar/ /mgrin dang kha nas me lce 'bar ba dud bcas bstud mar 'byung/ /khong ltogs pa nas lpags khrol nar bas kun bred cing/ /ba rda mi phrad pa'i skad chen tsam zhig 'don par byed par zad/ /sdug bsngal che las thar par 'dod pa de dag yang dang yang/ /sgo phyed gseb gzhan mthong nas thag ring ci zhig ltar te 'byer/ /gang tshe las kyis sgo 'phang dam po de yang bcad gyur pa/ /de tshe yi mug bzod brlag bsdul gzhan yang 'byung bar 'gyur/ /mda' chen rno tshogs 'bar ba char bzhin bab pa'i rjes la yang/ /dmyal ba'i srung ma'i dbyug

  148. 74b

    pas btab cing mchi ma 'dzag bzhin du /lcags bzhin khu ba me stag 'bar ba'i 'phreng ba 'khrigs pa bdud/ /kha na rna ba'i bu ga dag nas dud 'thul gyen du 'byung/ /mig dang glang spris brdol gyi bar du kun bsreg cing/ /klang pa'i rgyas la 'bar ba'i ma lce smug nag tshogs/ /me da khros pa lta bur de yi lus phung la/ /bud shing skam po bces la sbar ba bzhin du mched/ /skye bo de srog ri gzar rlung gi chu ltar g.yo/ /dmyal ba'i me yang der zad tsha ba'ang der zad de/ /las rnams ji ltar thams cad shin tu mi bzad pa/ /snang bar 'gyur ba de ltar yongs su sgyur bar byed/ /skye bo rang gi las kyi dbang med 'chal spyod pa/ /brgya la sdig gnas dmyal ba dag nas thar na yang/ /'jig rten 'gro ba mdza' yas bye ba 'phyas rnams su/ /mi yis dngos po shin tu rnyed par dka' ba nyid/ /gal te kla klo dmyal ba'i srung mas spyod mtshungs sam/ /dud 'gro phan tshun za bar byed pa'i nang dag tu/ /skye ba thob par 'gyur na gang gi phyir yang ni/ /g.yang du ltung bar 'gyur ba'i ngang tshul de nyid bsten/ /gang zhig thob nas skye ba'i rgya mtsho mthar 'byin cing/ /byang chub mchog gi sa bon dge ba 'ang 'debs 'gyur ba/ /yid bzhin nor bu bas kyang yan tan lhag pa yi/ /mi nyid de ni su zhig 'bras bu med par byed/ /bde gshegs lam bsten 'gro ba 'dren par chas gyur cing/ /sems kyi stobs chen mi yis rnyed pa gang yin pa/ /lam du lha dang klu yis mi rnyed lha min dang/ /mkha' lding rig 'dzin mi 'am ci dang ldo 'phyes min/ /mi yis dngos po shin tu rnyed dka' rnyed gyur nas/ /don du brnag pa gang yin de ni brtun te bsgrub/ /mar me'i me lce shugs drag rlung gis bskyod pa lta'i/ /tshe ni skad cig gnas pa'i gdeng yang yod ma yin/ //'di ni sang bya 'di ni thang cik tu bya/ /'di ni de'u re bya zhes skye bo sems

  149. 75a

    pa na/ /gshin rje be con lag thogs zung gyis blta ba yi/ /mig rtsa dmar khros ma rangs gang mos re snyam 'debs/ /sos ka me tog rgyas pa'i dus 'di 'byung bar 'gyur/ /zla ba gsal bas mtshon pa'i ston dus 'di 'byung zhes/ /skye bo thams cad dga' 'gyur bdag gis tshe 'di ni/ /zad par 'gyur zhes shin tu mi dgar 'gyur ba med/ /zla ba'i dkyil 'khor rgyas pas nye bar brgyan byas shing/ /rkeng chings char chen sprin gyis 'khrigs pas 'khyud gyur pa/ /ri rtse'i nags kyi mthongs der chags pa med par ni/ /rlung ltar g.yo ba'i rang bzhin tshe gtugs skal ba che/ /nags mthongs ri dags dkyu ba'i tshogs kyis bsten byas pa/ /kun nas nyams dga' bzang po de ni skyed ba gang/ /de ci dga' ba'i nags tshal lha mo'i nyam bag tu/ /thel gyis 'bebs pa'i rdo leb can la yod 'gyur ram/ /nags klung chu gcod dogs bde dben par skyid pa gang/ /de ci lha yi bu mo dri zhim byugs pa yi/ /lan bu'i rgyan du thogs pa'i rgyun ldan me tog tshogs/ /mdzes pa'i zil gnon lha yi chu la 'ang yod 'gyur ram/ /rtsa ba 'bras bu shun pa lo ma phun sum tshogs pa'i ljon shing ldan/ /nags tshal bltos med ri bo'i chu rgyun bsil 'bab chags pa med pa'i gnas/ chu klung yangs pa'i mdza' ru 'bras bu me tog ltung bas brgyan pa yi/ /nyams dga' i bsam thar ci zhing med de dmyal sdong khyim gyis bslus te sdong/ /ri sul yangs par skye bo bun long med pas rab bde ba/ /nyer spyod rgya chen nags tshal sngo 'khrungs phreng bar sbrangs/ /chu dogs snyen pa pu chu'i rgyun sgra rnga ltar snyan pa yis/ /bdag cag nyon mongs yul ma yin zhes mgron la sgrogs pa bzhin/ /'dod pa rnams dang 'byor dang srid gsum rgyal ba yis/ /sgyu ma smig rgyu chu zla dpa'

  150. 75b

    brlabs 'dra bar gsungs/ /rmi lam lta bu'i ngan spyong 'khrul bas bslus ba yis/ /byis pa gang dag de la chags pa dmyal bar ltung/ /yul dang dug mtshungs dang po myong ba tsam na bde/ /yul dang dug mtshungs rnam smin rtsub pas yi bzad pa/ /yul dang dug mtshungs gti mug mun pas 'thibs por byed/ /yul dang dug mtshungs shugs bzlog dka' zhing g.yo ba yin/ /dug dang yul rnams blo yis nges par brtags byas na/ /nyis na dug blo mi bzad rang gzhin yul rnams min/ /dug ni skye bo gcig la dug du 'gyur bar zad/ /yul ni tshe rabs gzhan la'ang dug tu 'gyur bar byed/ /dug ni dug dang bsres nas rab tu zhi bar 'gyur/ /gsang sngags mchog dang dug sel sman gyis gso bar rung/ /dug ni thabs ldan spyad na mi la phan 'gyur gyi/ /dug chen yul ni nam yang de lta ma yin no/ /ji ltar glang bu khron zab kha nas 'khrungs pa yi/ /rtsa lo kham 'ga' tsam la yid ni chags gyur pas/ /rnyed pa grub pa med par g.yang du ltung ba ltar/ /'tsho ba'i 'jig rten bar ldan 'dod pa'ang de dang 'dra/ /lha yi bu mo dal gyis 'bab pa'i chu rgyun gyis/ /'phral thabs klongs pa rnams dang lhan cig rtso myong nas/ /phyi yang chu bo rab med dga' drag 'bogs pa yis/ /smras pa'i sdug bsngal mi bzad bsten par bya dgos/ /lha tshal dpag bsam shing lo'i bding ba kun bkram par/ /lha yi bu mo dang bsten bde bar gnas nas kyang/ /phyir yang mtshon rnon mang po 'bab pas lus dbang ba/ /lo ma ral gri lta bu'i nags tshal bgrod dgos so/ /rkang bzhags nems dang 'phar byed reg na bde ba yis/ /ri rab spo yi dkyil du yun ring gnas nas kyang/ /phyir yang bye ma bsregs pa'i me mar mur gyi tshogs/ /brla dang rkang lags kun du zhig par 'khyams par 'gyur/ /dril bu mdzes 'khrol

  151. 76a

    mu tig phreng tshogs lhag ge ba/ /gzhal med khang du zhugs te lha yul bgrong nas kyang/ /phyir yang mi bzad skyabs med mun nag thibs po dpag med pa/ /pha mdza' med pa'i nang du spyi tshugs ltung bar 'gyur// gang du lha klu mi 'am ci yi mgo rgyan gyis/ /'od kyi tshogs kyis rkang rten dmar ba'i brgya byin yang/ /las kyi rlung 'khrugs 'gro ba ngan par 'gro 'gyur ba/ /de la skyes bus su zhig 'jigs pa rten mi byed/ /me tog rab tu brnyings shing lus rdul mthon pa dang/ /gos brnyings smre zhing nyid du rnam par blta ba yi/ /lha rnams 'chi bas rab tu sdug bsngal gang yin te/ /'tsho ba chu bur lta bur g.yo ba'i mi la med/ /sdug bsngal me tshogs 'phungs pas 'jigs pa'i 'jig rten 'dir/ /skye bo bde snyam mngon pa'i nga rgyal byed pa gang/ /de ni gshin rje'i kha yangs 'byed par byed pa ste/ /de ni skye ba phyi mi'i ljon shing sa bon yin/ /de ni gshin rjes srid mtshor rgyu ba'i sems can la/ /log pha smon pas 'jigs pa dbyig ba nag po'i rtser/ /srid pa'i tha gu ring pos dam bzhag btags pa yi/ /mchil bas nya la bya ba bzhin du btab pa yin/ /dmyal rnams zangs chen lhag lhag bskol ba tsha ba'i shugs drag nas/ /skad cig tsam zhig mgo stong dbugs 'byin 'gyur ba rnams/ /lcags kyi tho ba rab tu mang po khros te gzas pa yis/ /brgyab na de nyid mchog tu bde ba yin par sems pa ltar/ /de bzhin sdug bsngal mi bzad pa yis dbang med rtag gzir cing/ /re zhig tsam zhig ji zhig ltar te skyes shi'i 'khrug med nas/ /skad cig sdug bsngal gnyug mar bzod dka' me lce gzhil gyur nas/ /'jig rten thams cad bde ba khams 'ga' la yang sred par byed/ /ji lta ji ltar 'gro ba kun la bde ba'i 'du shes skye/ /de lta

  152. 76b

    de ltar gti mug mun pa shin tu stug por 'byung/ /ji lta ji ltar 'gro ba kun la sdug bsngal 'du shes skye/ /de lta de ltar gti mug mun pa shin tu srab mor 'gyur/ /ji lta ji ltar sdug ba bsgom pa shin tu rnam 'phel ba/ /de lta de ltar 'dod chags me lce shin tu 'phro bar 'gyur/ /ji lta ji ltar mi sdug bsgom pa shin 'phel gyur pa/ /de lta de ltar 'dod chags me lce shin tu rtse gzhil 'gyur/ /bud med yan lag dri nga rul pa mi sdug dang/ /pad+ma zla ba utpal dag tu snyoms byed pa// snyan ngag mkhan gyi brdzun de'i 'bras bu mi bzad ba/ /de dag de yi mngal gnas 'jug pa de yin no/ /'gro ba lan brgyar ma son 'gro de gang zhig yod/ /sngon chad lan mang ma myong bde bde gang zhig /rnga yab dkar mdzes lta bu'i dpal gang ma thab pa// de yang gang zhig yod na 'on kyang 'dod chags 'phel/ /gang gi gling bar ma gnas chu bo de yod min/ /yul phyogs gang du gnas ma bcas pa'i gnas de med/ /gang du ma song nam mkha' i phyogs de'ang yod min na/ /'on kyang 'dod chags dgang dka' 'phel bar 'gyur ba nyid/ /sngon chad lan mang ma myong sdug bsngal de yod min/ /'gro bar gang gis tshim gyur 'dod ba de dag med/ /gang gi ltor ma nyal ba'i sems can de med na/ /'on kyang ji ltar 'khor ba pa la chags bral med/ /skye ba yongs su 'dzin ba 'gro ba rgya chen 'dir/ /bad dang sdug bsngal dag tu lan mang 'dre ldog pa/ /'gro bar gnyen ma gyur pa'i skye ba de gang med/ /'on kyang zhe sdang sbrul gyi rang bzhin 'jigs par gnas/ /gang dang lhan cig 'dus nas brgad cing rtses pa dang/ /glu dbyangs dga' 'dun byas shing gcig tu zos 'thungs dang/ /dus kyis rim pas me tog rna rgyan gdengs byas dang/ /gnas skabs ci zhig ltar mnyam mi mnyam byas pa yi/ /nye du la bor ba'i rgya mtsho'i khongs su chud gyur pa/ /glong gi

  153. 77a

    nang du ltung ba lta bur snang bzhin du/ /skye shi 'phos pas ngo ma shes pa de bor nas/ /gal te cig thar byed na de las khrel bor med/ /byis pa par na btsa' la ci yang mi nus pas/ /gang gi nu zho byams pa'i shugs kyis thags 'thungs la/ /dal ba mang bsten byams pa bsten pa de dag 'dir/ /shin tu ma rabs tha shal zhig na'ang spong bar su zhig spro/ /gang gi gang na 'di skabs rnyed nas rab gnas shing/ /gang gis brtse bag sems kyis zon bcas 'di blangs pa/ /nyon mongs de dag sdug bsngal skyabs med 'dir bor na/ /'gro ba ma rabs tha shal zhig na'ang gang zhig spro/ /'gro ba sdug bsngal mi bzang mang pos dbang med skyabs med 'dir/ /gzhan gyi don du sdug bsngal gang te bde zhes skyes mchog gsung/ /skad cig gzhan bkres skom dang tsha ngal bral bas rangs byas la/ /des dga' gang yin de dang 'dra ba 'di na'ang gang zhig yod/ /gzhan phan bde ba bskyed par brtsen pos dga' ba rnyed pa gang/ /de ni yul de'i longs spyod lhur len rnams kyis ji ltar yang/ /gzhon pa des mi thob mi dbang 'byor pa'i yo byad rnams kyis min/ /chung mas ma yin gzhan min lha gnas lha min 'gro bas min/ /shin tu rnyed sla rtswa kham 'ga' lta phyugs kyang rang nyid za/ /shin tu skom pas gdungs pa'ang chu zhig rnyed na dga' mgu 'thung/ /'di na skyes bu gzhan don byed par brtson pa gang yin pa/ /de 'di'i brjid bag yin te de bde skyes bu'i rtsal de 'phags/ /nyi ma rlabs chen rta zhon rgyu ba snang byed gang yin dang/ /khur la mi rtsegs yis 'jig rten 'degs pa gang yin de/ /rang don 'ga' med chen po rnams kyis rang bzhin de 'dra ste/ /de dag 'jig rten phan dang dbang phyug bde ba'i ro la gcig tu gzhol/ /'jig rten ma rig dud sprin 'khrigs pas 'gro ba 'khrul gyur ba/ /sdug bsngal me rab

  154. 77b

    'bar ba'i nang du dbang med ltung mthong nas/ /thod la me mched 'bar ba lta bur yid bel brtson pa gang/ /'di na de dag skyes bu yin te mkhas pa'ang de dag yin/ /gzhan gyi don du me lces gang ba'i mnar med dmal bar yang/ /gangs dang zla 'od bsil ba lta bur rab tu dga' bzhin 'jug /nyid kyi don du pad+ma kha bye lhag ger? 'dug pa yi/ /mtsho yang de la me lca'i tshogs bzhin rab tu gdungs par byad/ /gzhan la phan pa byed par chas pa'i mkhas pa rnams/ /lo ma ral gri'i tshal na'ang bde blag gnas byed kyi/ /skad cig tsam yang lha yi pu mo dang 'grogs nas/ /dga' ba'i tshal gyi nags su skyid par byed mi 'gyur/ /rgal bar gyur pas skyabs med skye bo bsgral ba'i phyir/ /phyir yang chu bo rab med nang du 'jug byed kyi/ /lha yi chu bo dpa' rlabs chil chil 'dug pa yis/ /rigs pa'i bde ba bdag nyid bsten par byed pa yin/ /de ltar rgyan gyis brgyan 'gyur legs sbyang rin pa che/ /gsal ba'i nang na gsal bzhi ba'i bdud rtsi yangs/ /dga' ba'i dga' ba byas pa mi gzod rnyed dka' ba// bkra shis rnams kyi bkra shis zhi ba'i bde rgyun bsten/ /bde bar gshegs pa'i gsung gi me tog rtag bsten bya/ /ljon shing me tog de las 'bras bu rgya chen 'byung/ /bde gshegs me tog gsung las don tshogs bsten bya ste/ /sbrang ma sbrang rtsi la mchog dga' par byed la ltos/ /skad cig la 'jig zad cing rtag tu 'khrug pa'i yul rnams spongs/ /zhi ba'i bde 'bras 'ching pa'i 'ching med gcig pu dben pa bsten/ /rnam par sgo? yi gtan pas gti mug 'khrugs pa'i rab rib sol/ /rta mchog rte'u ni shin tu yun ring gnyid log 'gyur ma yin/ /khyod gcig gdungs pas nyam thag rnams la srid pa'i mya ngam du/ /shing chen sdong brtan rgya chen kun khebs bzod dang dul ba'i lo ma can/ /zhi gnas me tog shes rab yal ga rab smin lo bran sdug /

  155. 78a

    smon lam rtse mo tshul khrims grib ma rab zhi 'bras bcas kyis/ /khyod gcig gdungs pas nyam thag rnams la srid pa'i mya ngam du/ /mtsho chen yangs gsal byin gzhol gting zab bsam pa rab tu dang/ /rtag bsil sprul? gdugs snyi yi bag mod 'jigs spangs rang bzhin gyis/ /rab tu gtsang zhing srid pa gcod byed brtul ba'i khur bzod kyis/ /khyod gcig gdung bas nyam thag rnams la srid pa'i mya ngam du/ /sprin chen skye bo mang phan ma 'jigs smra ba'i sgra chan sgrogs/ / grags pa rgya chen char gyi shugs drag snying rje'i rlung gis bskyod/ /rdul rab zhi ba tshul khrims grib mas sa steng brgyan par gyis/ /bdag gis de skad brjod pas bsod nams cung zad bsgrubs pa gang/ /de yis skye bo ma lus bde gshegs spyod la dang byed cing/ /rtag bde longs spyod bzang ldan yid la re ba 'byor pa dang/ /gzhan la phan dga' de nas rim gyis kun mkhyan bgrod par shog /dmyal ba lag mthil ltar mnyam snying gsal me rab zhi ba dang/ /skam 'khrungs pad+ma'i lo mas khabs shing rtsa ba'i khyi so 'thon/ /gtsang zhing dri zhim pad+ma kha byes sa rnams brgyan pa dang/ /rgyas shing bzang la sar bu'i ngad bcas char zim 'bab par shog /bdud dpung pham pa cho nges 'debs pas mi bsnyengs sgrogs pa po/ /lha chu'i rtsed mo bas kyang dga' mdzad lha dang mi 'dul ba/ /skye shi nyon mongs sdug bsngal rgyun rnams 'joms pa'i sangs rgyas dag /phyogs dang phyogs su brnag pa bzhin du nam gzhar 'byung bar shog /'gro ba chos kyi kun dga' 'phel ba'i dga' ston che bar shog / 'chi bdag de ba shin tu yun ring goms pa don med shog /thub pa'i skye bo'i gtam tshogs spel bas zhi pa bdud rtsi yi/ /char gyi zla ba'i snang ba rab bzang bsil bas don byas shog /slob ma la springs pa'i spring yig slob dpon chen po tsan+d+ra go

  156. 78b

    mis mdzad pa rdzogs so// //rgya gar gyi mkhan po sarba dz+nyA de ba dang/ zhu chen gyi lo tsA ba bande dpal rtsegs rakI tas bsgyur cing zhus te gtan la phab pa'o// // */ /rgya gar skad du/ ma hA rA dza ka ni ka le kha/ bod skad du/ rgyal po chen po ka ni ka la springs pa'i spring yig /de bzhin gshegs pa thams cad la phyag 'tshal lo/ /bgrod par bgyi 'os khyad lags na/ /bkug kyang ma mchis gang lags te/ /ma gus ma lags brnyas ma lags/ /rgas dang nad kyi bar chad bgyis/ /bdag ni sems can thams cad dang/ /'dra bar khyod la brtse mod kyi/ /khyod kyi yon tan gyis khyod la/ /lhag par nye mgon khyad par bgyid/ /gdams bgyis phal cher mchis mod do? kyi/ /thams cad gdams par sus rngo thog /khyod kyi yon tan gang lags nges/ /bdag ni spyi brtol skyes par gyur/ /zlogs pa med pa'i yon tan gyis/ /phyogs rnams kun tu bsgoms pas ni/ /mi mchog rnams kyang thugs thub par/ /mdza' bshes bzhin du 'dzom ba med/ /de ltas snyan gtod nyid kyi ched/ /bdag gis gsol pa 'di gson te/ /sgrub dang btang ba'i phyogs gnyis las/ /gang rigs de ni nyams su bzhes/ /dga' bar bgyid ba'i yul rnams dang/ /rgyags par bgyid pa'i lang tsho dang/ /bdag nyid rang dgar spyod pa de/ /kun tu don med bgyid pa'i sgo/ /'phung bar byed pa de gsum spang/ /mkhas pas dam pa bsten pa dang/ /dbang po gdul dang shes rab kyi/ /stobs mthus nyams ni smad nas sbyad/ /khyod kyis nyes pa'i gzhir 'gyur ba'i/ /cha ni gsum po de dag rnams/ /chos lugs dang/ rang 'dul yis/ /bcos nas yon tan nyid du mdzod/ /ci ste rgyal po blon po dag /dkyil che snying rje'i bdag nyid ni/ /rtag tu nyon mongs med pa yi/ /las kyis rgyal srid bya bar rung/ /'jig rten 'di ni blo gros kyi/ /nyams chung gyur dang mgon med pa/ /bya

  157. 79a

    ba ma yin byed pa la/ /gdon mi za bar 'jug par 'gyur/ /de bas ji srid sa de las/ /myur du ma brgal bar du ni/ /blo mthu skyed phyir mkhas pa dang/ /bsdu bar bgyis pa'i nan tan mdzod/ /chos kyi bstan bcos gdon gyis zhing/ /nga yi don gyi tshul gson la/ /gsan pa'i chos rnams rnam dpyad de/ /dpyad pa la ni mkhas par mdzod/ /mya ngan gyis ni ma gdungs shing/ /na gzhon nang med longs pa yis/ /dngos po de ltar byung ba yi/ /blo gros la ni mi nus med/ /'dir ni skyes bu dam pa las/ /dus dus su yang cung zad gson/ /nyung du bsags na'ang nges par ni/ /ring por mi thogs mang por 'gyur/ /rtag tu chu thigs re re'i rgyun/ /bar chad med par 'bab pa yis/ /gang zhig gang bar mi 'gyu ba'i/ /snod de ji lta bu zhig mchis/ /de ltar de gsal de lta bu/ /rgyal po tshad mar mdzad nas ni/ /dam pa'i chos ni gsan pa la/ /rtag tu dges pa nyid du mdzod/ /yon tan nor ni gnyer la gnyen/ /mkhas shing snying rje'i bdag nyid can/ /byas gzo? phongs chos mi bgyid pa/ /bzang po khyod kyis slad du zhog /khyod kyis blun dang phongs chos can/ /brkam zhing byas pa mi gzo dang/ /kha ba gtum po mi bzang ba/ /yul nang gnas su ma stsal cig /rtag tu so so'i skye bo yi/ /khyad par mkhyen par mdzod cig dang/ /de yi khyad par mkhyen tsam la/ /phun sum tshogs pa rag las so/ /mi gang dga' ba spyod byed dang/ /dor bar bya dka' 'dor ba dang/ /bzod par dka' ba bzod byed dang/ /bkur dka' nyams su len pa dang/ /gnas min las ni zlog byed dang/ /gnas su 'jog par brtson pa dang/ /de yi bsam pa mthun gus dang/ /bde bar 'dod cing 'o byams pa/ /de dag rnams ni mdza' bshes te/ /gnyen mdun grogs po'ang de dag lags/ /rang don tsam phyir 'brang ba'i mi/ /gzhan dag skye bo

  158. 79b

    phal pa bas/ /grogs po phan par 'dod pa'i tshig /mi snyan yang ni phan pa dang/ /'jam dang bden pa lags pa dag /thugs la bzhag par mdzad du gsol/ /tshig snyan phan pa ma lags dang/ /'jam yang bden pa ma lags pa/ /dam pa ma yin rnams kyi tshig /khyod kyi thugs la ma bzung cing/ /phan par smra ba khro yang ni/ /khyod kyis snang chen dag tu mdzod/ /mi phan smra ba bstod bgyid dang/ /dgyes pa dag tu ma mdzad cig /rab dangs mtsho la dang pa yi/ /rgyal po dang ni chus 'jig bzhan/ /dam pa rnams kyis bsnyen bla dang/ /dam pa yin pas bsnyen dka' mdzod/ /khyod kyis mkhas rnams tshim bgyis pas/ /'byor pa don du gnyer mi bgyi/ /yon tan dgyis phyer khyod kyis ni/ /yon tan rnams kyis mi ngoms mdzod// longs spyod byed dam bde ba dang/ /sdug bsngal phrad pa 'am dpyod pa 'am/ /spyod lam kun tu spyod pa na/ /khyod kyis dam pa bsten pa dang/ /dran pa'i grogs kyis bskor ba na/ /bag yod pas ni gnas 'gyur te/ /sa la'i shing la 'khril shing bzhin// bzang po dpal gyis 'khyud par 'gyur/ /khyod kyis bzham pa bden pa dang/ /khyad par zhing la sbyin pa dang/ /dran dang bral bas 'dod pa dbye/ /chad pas gang duAng bcad mi bgyi/ /leg pas 'thab gcugs byed pa dang/ /bgren? la sman par lta ba dang/ /tshul khrims ldan rnams mi dga' dang/ /dka' thub sdom pa 'khrul byed pa/ /bzhi po 'di dag 'dod min te/ /rtsa ba 'joms par bgyid pa lags/ /rab brtson khyod kyi yul na ni/ /de dag gtan ma mchis par mdzod/ /stobs dang ldan pas stobs chung ba/ /gnang chen gyis ni mi gnang dang/ /mchod 'os rnams kyis mi mchod dang/ /smos 'dis kyis ni mi shas pa/ /gang yang rung la gang gis kyang/ /brnyas pa med pa khyod kyis mdzod/ /tha snyad rnams ni dag pa yis//

  159. 80a

    kun la 'gra ba gzigs su gsol/ /kun gyis rang gi chos thob cing/ /chos kyis thams cad 'tsho bar mdzod/ /mi sdug kyang ni nyes med na/ /thams cad bde bar mdzad du gsol/ /pha yis bu la ji lta bar/ /khyod kyis 'khor la byams bgyis na/ /de bas ji srid sa de las/ /myur du ma brgal bar du ni/ /blo mthun skyed phyir mkhas pa dag /bsdu bar bgyis pa'i nan tan mdzad/ /chos kyis stan bcos gdon bgyi zhing/ /de yi don gyi tshul gson la/ /gsan pa'i chos rnams rnam dpyad te// dpyad pa la ni mkhas pas mdzod/ /mya ngan gyis ni ma gdungs shing/ /na gzhon nad med longs pa yis/ /dngos po da ltar byung ba yi/ /blo gros la ni mi nus med/ /bu yis pha la ji lta bar/ /khyod la zha 'bring dga' bar bgyid/ /phal rnams rang bzhin bzad na ni/ /khyod kyi dgongs pa bzhin du 'gyur/ /phal rnams rang bzhin ngan na ni/ /khyod kyi dgongs pa bzhin mi 'gyur/ /gal te gzhung lugs bzang bzhes na/ /gong nas gong du 'phang bar 'gyur/ /ci ste ngan pa'i spyod mdzad na/ /'og nas 'og tu ltung bar 'gyur/ /dam pa'i las la gnas na ni/ /khyu mchog dang ni khyu lta bu/ /rjes su 'tsho ba'i skye bo'i tshogs/ /'di kun rjes su 'brang bar 'gyur/ /khyod kyi gya gyu la bzhugs na/ /gya gyu kho na'i rjes 'brangs pas/ /skye dgu khyod mdzad rjes 'brang ba'i/ /skye dgu 'di ni nyams par 'gyur/ /de bas bdag gzhan bsrung slad du/ /thugs kyis rab tu bsgrims nas ni/ /gna' rgyal drang srong rnams kyi lugs/ /nyams pa sar par bcos su gsol/ /mna' yi rgyal po'i spyod pa las/ /gang drag bzad pa de mdzod la/ mi rigs byed pa gang lags de/ /slad par mdzod la spang du gsol/ /sngon gyi bka' khrims skyon chags pa/ /mna' nas mchis kyang rgyun chod la/ /rgyal po ka ni kas mtshan pa'i/ /khrims su bca' ba gsar par mdzod//

  160. 80b

    lha khyod yon tan don gnyer bas/ /yon tan lha bzhin kho nar mdzod/ /lha khyod skyon rnams mkhyen pa yis/ /lha bzhin nyes med kho nar mdzod/ /zla ba mar gyi ngo bzhin du/ /nyes pa'i tshogs rnams 'grib pa dang/ /zla ba yar gyi ngo bzhin du/ /rtag tu yon tan gyis brgyan mdzod/ /yab mes bzhin du bdag nyid kyis/ /chas kyis sa stengs bskyang ba dang/ /yab mes bzhin du lha khang gi /dus ston 'phel bar mdzad du gsol/ /khyad kyis mtho ris byang grol gyis/ /them skal mi mnyam mnyam pa'i phyir/ /bsod nams las byung bzo rigs che/ /rtag tu lha khang dag tu sogs/ /rga dang 'chi bas bsnyangs mdzod de/ /chos bzhin rgyal srid dpal spyad nas/ /bgres kar dgon par gshegs su gsol/ /dam chos bsten bas 'bras mchis mdzod/ /dang byung rnams kyi rjes brlabs pa/ kun sha'i rigs su 'khrungs khyod kyis/ /yab mes 'phags rigs nyi ma yi/ /gdung rgyud chos lugs ma nyams mdzod/ /skye ba can la nges par ni/ /rgas dang 'chi dang na mchis na/ /ma bgres ma bsnyungs ma 'grongs zhes/ /legs smon gsol yang ci la sman/ /srid pa dag ni gang yang rung/ /de nyid rgas dang 'chi ba lags/ /yongs su 'gyur bas rga ba ste/ /skad cig 'jig pas 'chi ba yi/ /ma rgas ma na ma 'chi zhes/ /smra ba dag ni smra ba na/ /de ltar 'jig rten kun 'bar na/ /yang srid med las gzhan ci yod/ /gang na mi mthun yod ma yin/ /gang du 'du byed 'jig mi 'gyur/ /gang na gcig tu bde bar gnas/ /gang du song na 'chi mi 'gyur/ /srid pa kun nas nyon mongs dang/ /sdug bsngal 'byung ba cing mi 'kho/ /de slad des pas srid pa rnams/ /med par bsgom pa rgyas par mdzod/ /'di ni bgyi ba 'di nyid de/ /de las gzhan pa'i bgyi ma 'tshal/ /bgyi ba da ni bgyis pa yis/ /mi bgyi ba yi tshar phyin to/ /bgrang phreng bzhin du 'khor ba ru/ /lan mang

  161. 81a

    yongs su 'khor ba ni/ /lan brgya 'am yang na stong dag tu/ /'jig rten dag tu ci ma bgyis/ /'di ma bgyis slad byis pa yis/ /yang dang yang du bgyi 'tshal bas/ /thog ma med pa'i dus can 'di/ /da dung par du ma log /'chi bdag su dang mi bshes pa/ /blo bur dag tu 'bab 'gyur bas/ /sang dag bya zhes ma bzhes par/ /dam pa'i chos la bsnyur te mdzod/ /'di sang deng 'di mi bya zhes/ /bya ba mi la bzang po min/ /nam zhig khyod ni med 'gyur pa'i/ /sang de gdon mi za bar 'ong/ /'chi bdag brtse ba med pa can/ /sgyes rtsal don med gsong 'gyur ba/ /gsod pa mngon du 'ong bzhin du/ /mkhas pa su zhig bag skyong spyod/ /de slad dpag chen bzod med des/ /mda' ni mi bzang 'tshor med pa/ /de ni ji srid ma 'phangs pa// de srid rang gi don la 'bod/ /rnam smin 'byin pa sngon las kyis/ /khyod kyis yongs su btang 'gyur ba/ /sar pa'i las dang rjes 'brel cing/ /'chi bdag gis ni drangs pa na/ /dge dang sdig pa ma gtogs par/ /'gro ba thams cad phyir log nas/ /'ga' yang khyod rjes mi 'brang bar/ /mkhyen par mdzod la legs par spyod/ /bdag ni snying rjes zil non cing/ /yid ni dga' ba'i rlan gyis ni/ /shin tu brlan pa'i smre sngags 'di/ /re zhig gsan par mdzad du gsol/ /'gro ba dman pa log ltung ba/ /mgon med nyes med phal cher ni/ /rtswa dang chu dang 'bras bu ni/ /phal pas 'tsho ba bsgrub bgyid pa/ /bya dang ri dags phyugs dag la/ /rgyal pos gsod dam gsod 'jug pa/ /rtsig rigs sam mi rigs pa/ /bden la gnas pa khyod nyid gsungs/ /khyod ni chen por mi khro zhing/ /gnod pa bgyid la'ang bzod ces gang la/ khyod kyi thugs rjes dud 'gro la/ /kye ma su yis dgag par bgyis/ /gnod pa bgyid la bzod mdzad cing/ /gnod mi bgyid pa 'dums mdzad pas/ /khyod la brtse dang mi brtse

  162. 81b

    ba'i/ /rgyu mthun pa ni gnyis ga gda' / /sngon chad bgyis pa'i sug las kyi/ /'di ltar gnyen du gyur pa las/ /khyod nyid gnod pa mdzad na? go /su la skyabs sa mchi ba gsungs/ /gzhan gyis gnod pa bgyis na yang/ /nyid kyi phyag gis bshugs 'tshal na/ /khyod bzhengs sngon du gnod mdzad na/ /phyogs kun mun par ma gyur tam/ /kun la srog ni phangs pa ste/ /kun la gson ba sdug pa lags/ /thams cad 'chi ba'i chos can te/ /thams cad sdug bsngal rnams kyis gdungs/ /'di ltar gang zhig mi 'tshal ba/ /'di nyid kyi ni sdug bsngal te/ /mkhas pa su zhig mgar ba ltar/ /tshig pa la ni yang bsreg bzhin/ /khyod ni srog gcod mi dgyes shing/ /srog gcod dgyes las phyir ldog na/ /rgyal srid nyams par 'gyur ram ci/ /lugs 'di ci zhig lags par gsungs/ /mtshon cha'i thabs la mkhas spyod kyis/ /g.yul dor srol btod mthong lags na/ /gzhan du khyod la ri dags la/ /ci slad gnod pa'i las rnams mdzad/ /ri dags gzhon nu'i spyan mnga' khyod/ /spyan dang 'dra ba'i ri dags rnams// stabs nas rig rig lta ba la/ /ci yi slad du thugs mi rje/ /khyod kyi spyan dang mig 'dra'i phyir/ /khyod la dga' ba gang lags te/ /ri dgos la yang dga' bgyid na/ /khyod ni ji ltar dgyes mi mdzad/ /log par ltung dang spyan 'dra dang/ /mgon med yul na gnas pa nyid/ /re re yang ni ri dags dag /mi 'gug pa yi rgyur rang ba/ /mi rnams la ni mdzad pa bas/ /sdug bsngal lhag par brtags pa yis/ /dud 'gro rnams la tshes lhag par/ /khyod kyi thugs rje mdzad du gsol/ /khyod nyid bsrung pa'i don 'di la/ /bdag gi thal mo sbyar mi 'tshal/ /rgyud gzhan gsol bas gus bgyis par/ /legs par thugs chod mnga' lags gang/ /tso? nas gzung ste bslab sbyang ba/ /de ? pa rnams kyis lugs su grags/ /de ltar lags pas rgyal

  163. 82a

    po la/ /bu sdug bzhin du gsol ba lags/ /gal te bdag gis mi phan pa/ /gsol na bdag la chad pas zhum/ /ci ste gcig tu phan gsol na/ /bdag gis gsol ba bzhin du mdzod/ /gal te mi dgyes mdzad par ma gyur na/ /bdag gis yang dang yang du gsol ba 'tshal/ /ci ste bdag tshig khyad du 'gums mdzad na/ /bka' mchid 'di ni nges par btang ba bgyid/ /dgyes par gyur na slar rjes mi 'gums te/ /mi dgyes gyur na dogs bzung bar 'tshal/ /gnod bgyid nyi ma ltar rdo ma thogs pas/ /sa bdag zla ba nya ba bzhin du bzod/ /sa bdag cher ma'i shing las sbrang rtsi dang/ /dgra bo las kyang legs par smras pa gzung/ /gser gyi ri las dug rgyun ji bzhin du/ /yid 'ong skye bo'i tshig ngan spang 'tshal lo/ /mi mchog gal te legs par mdzod pa'i sbyor bas bsgrubs gyur te/ /pha rol gnod pa sel ba'i dpal 'di yon tan rgyan rnams kyis/ /phyug par bgyis na legs spyad brgya la chags phyir g.yo ba'i snying/ /mi brtan pa yang rang dbang med pa yun rings khyod la chags/ /slob dpon ma ti ci tras rgyal po chen po ka ni ka la springs pa'i spring yig rdzogs so// //rgya gar gyi mkhan po biryA ra pra b+hA dang/ lo tsA ba bande rin chen mchog gis bsgyur A tsarya dpal brtsegs kyis zhus te gtan la phab pa'o// //'phags pa 'jam dpal gzhon nur gyur pa la phyag 'tshal lo/ /dri med dri lan rin chen phreng ba ni/ /bdag gis mgul na nges par gnas gyur na/ /mthong dang ma mthong sgrub pa la mkhas pas/ /nges par rgyan du gyur pa cis ma yin/ /bcom ldan blang bya gang zhe na/ /blang pa'i don ldan tshigs rnams so/ /spang bar bya ba gang zhe na/ /bya ba ma yin thams cad do/ /bla mar gyur pa gang zhe na/ /de nyid ji bzhin rtogs pa dang/ /rtag tu sems can thams cad

  164. 82b

    la/ /phan par mngon par brtson pa'o/ /mkhas pas rings bya gang zhe na/ /'khor ba'i rgyun ni nges bcad pa'o/ /thar pa'i sa bon zhing mchog gang/ /yang dag ye shes brtson byas pa'o/ /shin tu mthun pa gang zhe na/ /chos kyi spyod pa skyon med pa'o// 'di na gtsang ba gang zhe na/ /gang gi yid ni yongs dag ba'o/ /mkhas par gyur pa gang zhe na/ /bye brag ji bzhin phyed pa'o/ /gdug pa'i dug ni gang zhe na/ /bla ma brnyas bcas gang yin pa'o/ /'khor ba na ni snying po gang/ /yang dag don la rnam dpyod nyid/ /mi yis de nyid thob pa gang/ /bdag gzhan phan par brtson pa'o/ /ra ro lta bu'i rmongs pa gang/ /phyin ci log la chags pa'o/ /mi srun dgra 'dra gang zhe na/ /mi bzad pa yi yul rnams so/ /'khor ba'i 'khri shing gang zhe na/ /log par sred pa dam pa'o/ /dgra bor gyur ba gang zhe na/ /yang dag don la brtson med pa'o/ /'di la 'jigs pa gang zhe na/ /srog mthar gyur pa'i 'chi ba'o/ /long ba las kyang long ba gang/ /phung khrol 'dod chags can rnams so/ /skyes bu dpa' bo gang zhe na// gang zhig bud med mdzes pa la/ /chags pa'i mig gi mda' yis ni/ /yid la phog par ma gyur pa'o/ /snar gsang bdud rtsi lta bu gang/ /yang dag don gyi man ngag go /'di na lci ba'i rtsa pa gang/ /gang 'di blun par gyur pa'o/ /tshang tshid mi bzad gang zhe na/ /bud med rnams kyi spyod pa'o/ /shin tu sgrin pa gang zhe na/ /gang gis de dral ma gyur pa'o/ /'di na dbul po gang zhe na/ /gang zhig chog shes med pa nyid/ /shin tu yang ba gang zhe na/ /gzhan bltos slong mo ba rnams so/ /don yod 'tshe ba gang zhe na/ /kha na ma tho med pa'o/ /skyes bu glen pa gang zhe na/ /mkhas bya'i yul la mi slob pa'o/ /gnyid kyis ma log gang zhe na/ /ma rmongs don gyi bye brag shes/ /gnyid kyis log pa gang zhe na/ /skyes bu shin tu rmongs pa'o/ /pad+ma'i

  165. 83a

    'dab chags chu thigs ltar/ /mi brtan myur 'jig gang zhe na/ /skyes bu rnams kyi lang tsho dang/ /nor dang de bzhin tshe nyid do/ /zla zer lta bu'i yid 'ong gang/ /skye bo dam pa phan 'dod pa'o/ /dmyal ba dang 'dra gang zhe na/ /gzhan gyi dbang du gyur pa'o/ /shin tu bde pa gang zhe na/ /'du 'ji kun la ma chags pa'o/ /srog chags rnams kyi dga' bya gang/ /don yod 'tsho ba'i srog nyid do/ /legs par byin pa gang zhe na/ /lan la re ba med pa'o/ /mdza' bshes yid 'ong gang zhe na// gang zhig sdig las ldog byed pa'o/ /mdzes pa'i rgyan ni gang zhe na/ /gang zhig tshul khrims phun tshogs pa'o/ /tshig gi rgyan gyur gang zhe na/ /gzhan la mi bslu bden pa'i ngag /phung khrol 'bras 'byin gang zhe na/ /yid ni kun tu ma bsdams pa'o// bde ba 'thob byed gang zhe na/ /kun la byabs shing phan byed pa'o/ /phongs pa kun 'jig mkhas pa gang/ /thams cad du ni skal ldan pa'o/ /skyes bu dmus long gang zhe na/ /bya ba ma yin la dga' ba'o/ /'on par 'gyur ba gang zhe na/ / phan dang mi phan mi nyan pa'o/ /lce med lkugs pa gang zhe na/ /gang gi snyan smra mi shes pa'o/ /skyes bu'i 'ching ba gang zhe na/ /glen zhing gti mug can nyid do/ /rin chen gyur pa gang zhe na/ /gang zhig dus su 'byin byed pa'o/ /mi yi zug rngur gyur pa gang/ /dben par bya min byas pa'o/ /gang la 'bad bya gang zhe na/ /rig pa legs par slob pa dang/ /sman chen tshul bzhin bsten pa dang/ /sbyin pa kun tu gtong ba'o/ /bltos med bya ba gang zhe na/ /'gro ba mi srun 'dul min dang// chags gyur gzhan gyi bud med dang/ /'brel med gzhan gyi nor rnams la'o/ /gang zhig nyin dang mtshan rnams su/ /bsam par bya ba gang zhe na/ /'khor ba snying po ming nyid la/ /bag med par ni mi bya'o/ /yid du 'ong ba gang zhe na/ /g.yo

  166. 83b

    med kun du snying rjer ldan/ /sbyin par bya ba gang zhe na/ /byams pa'i sems dang yang dag ldan/ /lkog mar srog phyin gyur kyang ni/ /bdag dang mi 'bral gang zhe na/ /glen pa skyon ni ldan pa dang/ /kun gnod byas pa mi gzo ba'o/ /mchod par bya ba gang zhe na/ /legs pa rnams la 'dzud pa'o/ /tha shal du ni shes bya gang/ /rtsam pa kun la mi brtan pa'o/ /'gro ba kun la thams cad las/ /nges par rgyal ba gang zhe na/ /skyes bu bden par smra ba dang/ /bzod? pa yang dag ldan pa'o/ /lhas kyang gus par phyag byas gang/ /snying brtse gtso bor byed pa'o/ /gang la skyo bar bya zhe na/ /mkhas pas 'khor ba'i 'brog dgon las/ /srog chags rnams kyi tshogs dag ni/ /gang gis dbang du 'gyur zhe na/ /gang zhig phan dang snyan smra dang/ /dul bar spyod pa rnams kyis so/ /skyes bu legs par 'dod pa yis/ /gang la gnas par bya zhe na/ /mthong dang ma mthong thob bya'i phyir/ /bden pa'i lam la nges gnas bya/ /mya ngan 'gyur ba gang zhe na/ /'byor pa yod bzhin zhen pa'o/ /glog ltar mi brtan gang zhe na/ /skyes bu dam pa phrad bsten pa'o/ /bsngags par bya ba gang zhe na/ /gang zhig blo gros che ba dang/ /shin tu nyam chung stobs mod la/ /nus dang ldan zhing bzod byed pa'o/ /rigs kyi ri ltar mi g.yo ga'i?/ /rtsod? dus skyes bu dam pa'o/ /'di na skyes bus rnyed dka' ba'i/ /bzang po bzhi ni gang zhe na/ /sbyin pa snyan smrar bcas pa dang/ /shes pa khengs pa med par ldan/ /bzod pa brtson 'grus bcas pa dang/ /sems ni rnal 'byor ldan pa'o/ /dri med dris lan rin chen phreng ba 'di/ /gang gi mgul na legs par yod gyur na/ /de ni skyes bu mkhas pa 'dus nang du/ /mgul gyi mu tig rgyan bzhin mdzes pa yin/ /btags nas rgyal srid rnams spong ba'i/ /rgyal po rin chen phreng ba 'di/ /don yod 'char gyis byas pa ste/ /blo bzang dam pa'i rgyan yin no/ /dri ma med pa'i dris lan rin po che'i phreng ba zhes

  167. 84a

    bya ba/ rgyal po chen po snyan ngag mkhan gyi dam pa slob dpon don yod 'char gyis mdzad pa rdzogs so// //rgya gar gyi mkhan po ka ma la gupta dang/ zhus chen gyi lo tsA ba dge slong rin chen bzang pos bsgyur cing zhus te btan la phab pa'o// //'phags pa spyan ras gzigs dbang phyug gis dge slong rab gsal gzhon nu la springs pa'i spring yig sangs rgyas dang byang chub sems dpa' thams cad la phyag 'tshal lo/ /sngon 'phags pa spyan ras gzigs dbang phyug dang dge slong rab gsal gzhon nu gnyis dang por byang chub kyi mchog tu sems bskyed de grogs por 'thams nas gang gi lam sngon du grub pa des cig shos la bstangs par dam bcas pa las 'phags pa spyan ras gzigs dbang phyug gis lam sngon du grub ste/ /dge slong rab gsal gzhon nu la bstangs pa'i phyir 'phrin yig gis bzlugs pa/ /grogs khyod ci bde 'am dam bcas brjed dam ci/ /'dod pa me mdag dong 'dra 'di la ci zhig chags shin tu skyo ba'i yid kyis rab tu mi 'bad par/ /srid rgyu 'dod la da dung gdung pa ga la srid/ /theg pa mchog gis nges 'byung 'gro ba'i don byos la/ /sgyu dang kha gsag grags pa rnyed la mi gdung zhing/ /'gro las rnam grol lam la myur brtson? ma 'bad na/ /dus gsum rgyal bas bskyab dka' phan thag chad du 'ong/ /rtog med rtog bral dus gsum thob pa kun gshegs shul/ /phra zhing shes dka' tshig gis spyod yul ma yin yang/ /phyogs tsam rtog pas sgra btags rgyal ba'i mthus brjod na/ /shin tu legs par rab nyen yid la gzung nas sam/ /dge slong rab gsal gzhon nus slar yang 'phags pa spyan ras gzigs dbang phyug la gsol pa/ /mtho la mtho sems mi mdzad

  168. 84b

    mnyam la 'gran mi mnga' / /dma' la mngan can mi mdzad yongs pa snyems la'i mgon/ /dpa' bo 'od zer stong 'bar lam mer bzhugs pa yi/ /mdangs bzang thugs rje'i mnga' bdag da ltar gang na gzhugs/ /khri lan bdud ris pas mdzad thar pa'i lam ston gson/ /nyes bcu tha ba'i rdul bral stobs bcu rtsal 'phags gson/ /'jig rten gsum gyi gnyen gyur skyobs pa dam pa gson/ /dpa' brtan bdud las shin tu mtshams med gcig tu brtan pa gson/ /bdag ni mun bcas bdud kyi zhags par zin pa ste/ /thar pa'i lam stor 'khor ba'i dgon par 'khyam lags na/ /ci 'dul gar legs thabs kyis myur du mi skyob par/ /dus ring bgrangs kyi par du mgon khyod ci lags zhes/ /lha dang mi yi khyu mchog gi tshogs rab mdza' yas dgongs/ /mu stegs wa brgya pham mdzad skyes bu seng ge dgongs/ /yid bzhin dbyig gi tog ltar re ba kun skong dgongs/ /thugs rje'i chu bo rgyun 'bebs rgyal sras thu bo dgongs/ /srid gsum sgyu mar chos bstan ngo bo med bzhin du/ /bden spangs log pa'i lam zhugs srid pa'i dbang gyur pa/ /'khor ba'i rngos can grangs med bskyab kyis mi lang zhes/ /dang che lha yis thugs kyang skyo bar rung mod kyi/ /'on kyang legs rgyu chos nyid gzod nas mya ngan 'das don du/ /'gro ba yongs kyi ched la go bgos mdzad lags kyis/ /mgon po rab gsal gzhon nu rjes dgongs nyag bsring zhing/ /thugs rje'i thugs kyis bzod pa bzhes te skyab tu gsol/ /stobs mchog dpal gyi mgur nas yi ge 'brus bsnyad pa/ /mkha' la tshon bgyi bzhin du spyod yul ma lags pas/ /rgyal sras 'khor bcas rnams kyis gsal bar ma bstan na/ /bdag 'dra mtshan mar 'dzin pas gzung bar ga la nus/ /'on kyang don gyi dam pa srid pa'i dpyis 'byin

  169. 85a

    pa/ /gdams ngag bka' drin mchog 'di spyi bos blang slang du/ /ci nus sems kyi rtsal gyis log par gzung mi bgyi/ /bla ma'i sar bzhugs che ba'i mthus kyang bstang du gsol/ /'phags pa spyan ras gzigs dbang phyug gis dge slong rab gsal gzhon nu la springs pa'i spring yig rdzogs so// //rgya gar gyi mkhan po sarba dz+nyA de ba dang/ lo tsA ba bande dpal brtsegs kyis bsgyur cing zhus te gtan la phab pa'o// //rgya gar skad du/ pradz+nyA sha ti ka nA ma pra kA ra Na/ bod skad du/ shes rab brgya pa zhes bya ba'i rab tu byed pa/ 'jam dpal gzhon nur gyur pa la phyag 'tshal lo/ /gang zhig lags par rtogs pa yis/ /mi rnams shes rab brgya bskyed pa/ /don gyi bstan bcos lugs dag gi / 'byung gnas chen por rab tu bshad/ /mkhas pas don gyi bstan bcos las/ /dngos po gang dag gzigs gyur pa/ /de dag yi ge mang po yis/ /'jigs pa'i ched du 'dir bsdus byas/ /yi ge nyung la don mang ba/ /gtan tshigs sna tshogs rnams kyis brgyan/ /'di ni tshigs su bcad pa brgya/ /shes rab brgya pa zhes bya'o/ /mthong dang ma mthong yon tan 'di/ /kun gyi rtsa ba shes rab yin/ /de ltar gnyis ka bsgrub pa'i phyir/ /shes rab yongs su gzung bar bya/ /chos don 'dod dang thar pa yi/ /'byung gnas chen po rig pa yin/ /de ltar dang por gus pa yis/ /shes rab yum chen gzung bar bya/ /shes rab ldan pa gcig skye yang/ /gzhan gyis 'di la gnod mi 'gyur/ /dong thabs ldan pa'i lus chung yang/ /tshan dang ldan pas yo mi brnyas/ /shes rab kyis ni lus bsrungs la/ /dgra yi tshogs kyis ci byar yod/ /lag na gdugs dang chas pa la/ /char gyi rgyun gyis rdzi ba med/ /shes rab rtsal dang bral ba ni/ /gzhan gyi bran

  170. 85b

    byed kho nar bar/ /glang chen ri brtsegs lta bu yi/ /lus dang ldan pa snang ba bzhin/ /shes rab mig phye rnams la ni/ /rgud pa rnam par 'jig 'gyur te/ /lag na mar me thogs pa yi/ /mdun na mun pa med pa bzhin/ /shes rab med pa'i phun sum tshogs// gnam babs bzhin du byung ba yang/ /skad cig kho nas de dag med/ /ma rungs pa rnams bshes pa bzhin/ /legs par brtags te byed pa la/ /ma rungs pa dag mi snang ste/ /'phrod pa za ba'i lus la ni/ /nad kyi bar chad mi 'byung ngo/ /gang la rang don 'phel 'gyur ba'i/ /bshes nyen yod pa de mkhas pa/ /chu yis gang ba'i mtshol ni/ /mkha' la rgyu ba rnams kyang brten/ /gang zhig nyen dang 'brel ba yi/ /nor de yang ni ci ru rung/ /sprul gyi mgo la 'dug pa yi/ /nor bu la ni su zhig reg /rang don bsgrub par bya ba rnams/ /bag med las kyis bsgrub mi bya/ /sprul so shin tu gdugs pa yis/ /don ma bsgrubs par 'phung par snang/ /rab don bsgrub par bya ba rnams/ /bag dang bcas pa'i las kyis bsgrub/ /srin bu pad+ma zon can lus/ /khrag 'thung bzhin du mi mthong ngo/ /rang gi gting 'dzugs 'dod pa yis/ /gzhan gyi phan la brtson par bya/ /gting 'dzugs sbyor ba ma byas pa'i/ /sgrub pa po yis ci mi 'grub/ /gzhan gyi phyogs gzhom 'dod pas kyang/ /ba nyid yon tan ldan par bya/ /gzhu ni rgyud dang mi ldan pa'i/ /mdas lta gang du phyin par 'gyur/ /dbri mkhyung med par smra ba dang/ /ji skad smras bzhin sgrub pa dang/ /chos bzhi nyams dang sbyor ba yi/ /mi pho rnams ni bde bar 'tsho/ /ya rabs rnams kyis spyod pa la/ /skye bo ngan pas gnod mi 'gyur/ /rin chen sgron ma 'bar ba'i rtse/ /'thor rlung tshogs kyis mi sod do/ /gya nom/ skyes buAng ji zhig ltar/ /ngan pa'i gnas su phyin 'gyur na/ /dur khrod kyi ni me bzhin du/ /grogs ngan

  171. 86a

    bsten las 'jigs pa 'byung/ /g.yon can ngag 'jam smra ba la/ /mkhas pas nan tan ma brtags par/ /yid bstan bya bar rung ma yin/ /rma bya yid 'ong sgra sgrogs par/ /zas su dug chen za ba bzhin/ /shes rab can gang dgra la yang/ /mdza' bshes lta bur sgrub byed pa/ /rgya mtsho bzhin du mi 'khrug ste/ /skye bo ngan pas drod mi zin/ /phyir rjes su ni lta ba dang/ /bag yod khong khro med pa dang/ /brtson 'grus brtan zhing mi g.yel ba'i/ /mi la dpal mgon nye bar gnas/ /gang zhig lan la mi re bar/ /sbyin pa gtong la sems spro ba/ /de ni snyan ngag mkhas pa bzhin/ /mi yul 'di na grags pas mdzes/ /gang zhig dbang po bran lta bur/ /bka' bzhin rjes su mthun byed pa/ /rgya mtsho che la rin chen bzhin/ /de la 'dod dgur phun sum tshogs/ /bya ba ma yin mi byed cing/ /bshams pa 'khos su phebs pa dang/ /yul la 'dod pa thag bsrings pa'i/ /skyes bu mkhas pa sus mi bkur/ /mthu rtsal ldan pa'i khengs sems kyis// lugs kyi gdams ngag yongs mi spang/ /ru shing bzang po'i gzhu mchog kyang/ /rgyud med g.yul ngor ci zhig bya/ /g.yon can rnams kyi gron can tshig /'jengs pas lags par ma brtags na/ /khong glu'i don rnams ma dpyad pa'i// ri dags gzhan gyi brlag par snang/ /mkhas pas rtag tu dgra la yang/ /mnyen des can du bya dgos te/ /'khri shing mnyen pas ljon shing la/ /'khris nas rtse mor phyin te gnas/ /khong rgyud dogs pa tsam gyis 'dir/ /dgos dgu 'grub par mi 'gyur bas/ /yid kyi legs par rnam brtags te/ /ngag gis kun dang mthun par bya/ /ngag gis bzhams te smra bya zhing/ /ros 'ga' bya la'i spyod pa'ang spyad/ /thabs dang ldan pa'i spyod pa la/ /mkhas pa su

  172. 86b

    yang smod mi byed/ /rngon pa pus mo gnyis gtsugs te/ /yan lag rnams kyi gum phag tu/ /byas te khong glu snyan len pas/ /ri dags sod par mi 'gyur ram/ /rgyal po'i bzhed pa mi sbyor ba/ /mkhas pas rtag tu 'bad de spangs/ /sa bdag 'khor bcas thag ring zhes/ /khyad du gsad pa rung ma yin/ /lugs la mkhas pa'i blon po yis/ /skye bo ma lus skyong byed pa'i/ /rgyal po gcig pu kho nas kyang/ /sa rnams ma lus cham du phebs/ /gang na rgyal po 'bangs rnams kyis/ /legs nyes sems par byed pa yi/ /yul de rgyal po yod ces bya/ /de ltar de dag gtsor brtag go /gang na rgyal po 'bangs rnams kyi/ /legs nyes sems par mi byed pa/ /rgyal po de dag gtsug lag la/ /mkhas pa rnams kyis bsten mi bya/ /yon tan ldan pa chung yang ni/ / 'jig rten thabs chen thob par 'gyur/ /zla ba shas tsam lus pa yang/ /drag po yi ni spyi la thogs/ /mkhas pa gang zhig bag med pa'i/ /gnas nas byol te bros pa dpa' / /ri dags rgyal po mi gtsang ba'i/ /gnas nas 'jur ba ga la sngar/ /legs nyes don chen mi sems par/ /mun sprul brtul ba dpa' ma yin/ /don med dpag tshad brgya yod pa'i/ /g.yang sar mchong ba ci cha yod/ /yon tan ldan yang thams cad du/ /grags chen thob par 'gyur ma yin/ /zla ba'i 'od zer bsil ba rnams// pad+ma'i rdzing dang 'phrod mi 'gyur/ /mjug tu skyor 'byin byed pa yi/ /snyan tshigs mkhas pa sus mi bsngags/ gang gis khams 'khrug 'gyur ba yi/ /kha zas zhim po de su za/ /mkhas rnams rna bar mi snyan yang/ /phan tshig sman bzhin bsten par gyis/ /re zhig cig na de dag kyang/ /yang dag bdud rtsi lta bur 'gyur/ /rigs pa'i don dang mi ldan pa'i/ /gzhung lugs gang zhig rtsom byed pa/ /de yang dgos pa 'grub mi 'gyur/ /sngags dang bral pa'i sbyin sreg bzhin/

  173. 87a

    skyon dang yon tan 'di gnyis la/ /gcig tu mkhas par byas nas ni/ /dgos pa rtsom par byed pa gang/ /de la nyes ba rgyab kyis phyogs/ /snying la khon du dam zung nas/ /bshes pa'i tshig ni ston byed pa/ /de dag mdzes pa ma yin te/ /srin bus zos pa'i sdong rul bzhin/ /gang dag tshig tu snyan smra zhing/ /snying la gzhan zhig 'jog byed pa/ /ri dags gzugs can stag lta bur/ /de bas yid brtan gnas ma yin/ /gson tshe grags pa dga' pa'i rgyu/ /'jig rten pha rol phan 'gyur ba/ /de gnyis gcig kyang med pa ni/ /'jig rten gnyis na ci zhig mi/ /gar skyes su ni zad ces te/ /rang gi brtson pa dor mi bya/ /'bad pa med par til dag las/ /til mar thob par 'gyur ma yin/ /kun la mnyes des mi bya ste/ /ha cang nges pa gnod par 'gyur/ /chu shing snying pa med pa la/ /su zhig spyod par tsom mi byed/ /gang zhig gtong phod blo ldan dpa' / /tshig bden gtsang la byas pa gzo/ /de la rtag tu dpal grogs rnams/ /grib ma bzhin du rjes su 'brang/ /nags kyi glang chen zhags pa yi/ /bcings nas dbang du byed pa yang/ /thabs mkhas tshul la gnas pa yi/ /yon tan rnams kyi mthu stobs yin/ /rje dpon rang don lhur len pa/ /g.yog 'khor brten par mi byed de/ /sha la brkam pa'i seng ge la/ /wa skya re thag chad pa bzhin/ /gang zhig legs byas mi tshor ba/ /de la g.yog 'khor rten mi byed/ /tshe sgo can la legs rmos kyang/ /lo tog phun sum tshogs mi 'gyur/ /'dog pa ha cang spel ba yang/ /mjug tu rgud pas gdungs par 'gyur/ /tshang tshing mang dang ldan pa yis/ /sa phyogs chag par 'gyur ba bzhin/ /gang zhig skya dgu 'tsho byed pa/ /nga ni las nyid ston par

  174. 87b

    byed/ /byis pa gnas sa ma bye bar/ /nu zho 'thung ba su yis bstan/ /gang la zhe 'gras yod pa yi/ /dgra po de dang gzhar mi 'grogs/ /za bas bag tsam brjod pa yis/ /sgra gcan 'dzin gyis nyi ma zin/ /bya ba nyams kyis mi lcogs pa// gzhan gyis rbad kyang byar mi rung/ /dge'o dge'o zhes smras pas/ /me yi nang du su zhig mchong/ /ci nas bdag dmus na byung ba'i/ /las kyis sbyor ba rnams bya ste/ /gsang bas 'di ni slob ma rnams/ /blun po nyid du 'gyur ram ci/ / phongs pa las gang byed pa ste/ /rnal mar 'dug pas byar mi rung/ /mdze can med ni 'jug ces te/ /de ci gzhan gyi sman yin nam/ /gang gis 'jig rten 'di dang ni/ /gzhan du sdug bsngal mi 'gyur ba/ /'di 'dra ba yi tshul de ni/ / shin tu yun ring dus su spyad/ /gang dag rgan rab mi bsten pa/ /de dag gtsug lag mkhas mi 'gyur/ /gzu lums can gyi spyod pa rnams/ /dgos pa myur du nyams par 'gyur/ /ha cang sogs la zhen pa yi/ /bdog pa gzhan gyi don du 'gyur/ sbrang mas 'bad de bsags pa yi/ /sbrang rtsi gzhan dag spyod par snang/ /ngan ba rnams dang bshes 'dod pa/ /'phung ba kho nar 'gyur bar zad/ /chu bos drung nas zos ba yi/ /ljon shing 'greng yang 'gyel dang 'dra/ /phan skyabs che la brten na ni/ /chung yang btsan po nyid du 'gyur/ /ri rab btsan la brten pa'i bya/ /gser gyi mdog tu 'gyur zhes grags/ /khong bzang zo mdog gya gyu med/ /klan ka mi tshol 'jar la phan/ /sgrub pa'i 'bras bu yod pa yi/ /grogs pa rnams la lha yang dga' / /mang po rnams ni 'jing dril nas/ /longs spyod phyir ni dpung 'chang ba/ /chags pa'i dbang gis phung 'gyur te/ /nas dang bral ba'i srin bzhin no/ /don rnams kun la mi gsal ba'i/ /ngan pa rnams ni 'jing bsngo?

  175. 88a

    nas/ /go 'phangs thogs kyang rlag 'gyur te/ /srin bur ba'i khar byin bzhin/ /yul ngan bshes ni ngan pa dang/ /chung ma ngan dang 'khor ngan dang/ /rgyal po skye bo ngan spong ba/ /de dag rtag tu bde ba 'thob/ /skyes bu mkhas pa gcig skya yang/ /'dod pa'i don mchog grub par 'gyur/ /ri dags rgyal po gcig pu yis/ /glang chen dregs khyu'i glad pa 'gems/ /mang po tshogs par gyur pa yi/ /nang 'dug na gshan dag gis/ /de 'dir zag ces mi rtsi ba/ /skyes bu tha shal yin snyam byed/ /rang don bsgrub par 'dod pa yis/ /rtag tu skyabs chen btsal bar bya/ /gang dag rgya mtsho cher phyin na/ /rang gi ming yang mi gleng ngo/ /rang bzhin ngan pa'i skye bo dang/ /shin tu mdza' bor byas kyang ni/ /mar me'i me lce tsha ba bzhin/ /nyid kyi rang bzhin mi 'dor ro/ /khon chen zhags pas phan tshun du/ /glags pa'i sems dang ldan pa rnams/ /'chi 'pho skyes na'ang de dag la/ /khon chen de bzhin rjes su 'brang/ /dper na sprul dang ne'u le dang/ /bya rog 'ug pa ma he rta/ /tshe rabs gzhan la bsgrubs pa gang/ /de ci 'di la mi snang ngam/ /khro ba la ni brten rnams kyis/ /rang gi don yang mi rigs pas/ /mkhas pas rnam par ma brtags par/ /khro bo'i yus su mi bya'o/ /gang la bzod pa'i rang bzhin chu/ /khro ba'i me ni zhi byed pa/ /gdul ba'i thabs kyi mchog yod pa/ /de la dgra rnams ga la sdang/ /g.yung drung chos kyi go 'phangs mchog /legs pa'i gzhi la mi 'bad na/ /mthong dang ma mthong phun sum tshogs/ /chu yi chu bur bzhin du g.yo/ /snying la yod pa'i gsang tshig rnams/ /ngan pa rnams la spel mi bya/ /brang 'gro gdug pa khros pa bzhin/ /de la de yis gnod 'gyur srid/ /blo ldan gang zhig rtsom pa kun/ /

  176. 88b

    chos gtsor byed pa'i dpal ldan pa/ /de la 'di dang gzhan du yang/ /bde bar 'gyur ba the tshom med/ /thabs mkhas cho gar ldan pa la/ /dgra rnams kyis ni rdzi mi 'gyur/ /cho ga rab tu sbyar legs na/ /dug kyang bdud rtsi nyid du 'gyur/ /dgra bcom phyogs dang bral ba yis/ /sems kyi gnod pa ga la spongs/ /mtshon chag g.yul ngo tshar zhugs pa/ /gdon mi za bar pham par 'gyur/ /grogs mi bdog pa 'gas kyang ni/ /dgra dpung gzhom par dka' bar 'gyur/ /tshang tshing nyung zad bsreg pa yi/ /me yang rlung la bltos dgos so/ /bdag dang gzhan la mi phan pa'i/ /phyug po bkren dang cis mi tshungs/ /bud shing rnams dang phrad pa'i me/ /bud shing bsregs nas shi ba bzhin/ /gzhan gyi bzung ba'i bud med dag /rum du bcug ste nyal ba ni/ /lcags kyu med par glang po che/ /myos pa'i rgyab tu zhon pas thu/ /gang zhig rtag tu smod 'tshod ma'i/ /bud med rnams la gla 'dzal ba/ /ston ka'i chu bo'i rtsa lag bzhin/ /de yi phun sum tshogs pa 'grib/ /blo ldan spyod lam zhi ba yis/ /lus kyi phan pa 'grub par byed/ /chu skyar? spyod lam zhi ba yis/ /spyod pas nya? rnams 'byin par byed/ /bdog pa rigs pas nyer bsgrub shing/ /'jig rten kun la phan 'dogs gang/ /de ni 'jig rten thams cad kyis/ /spyi la me tog phreng bzhin bkur/ /'jig rten 'di na mkhas pa gang/ /dgra rnams snying nar 'jug 'dod pa/ /des kyang bdag nyid rtag par ni/ /yon tan rnams dang ldan par bya/ /gang zhig gzhan dag brlag bya zhes/ /khros pa'i me yis dang rgyud sreg /yon tan lhur len mi byed pa/ /de dag nam nam zhar zhar 'thung/ /gang la rang gi shes rab med/ /de la bstan bcos ci byed yod/ /mig gnyis dang ni bral ba la/ /me long gis ni ci zhig bya/ /sprul la 'o ma blung pa ni/ /dug 'phel 'gyur ba kho?

  177. 89a

    nar zad/ /ngan pa rnams la gdams pa yang/ /tshig pa za 'gyur zhi mi 'gyur/ /yon tan mchog ldan mi rnams ni/ /snying dang yid kyang 'dren par byed/ /mkhas pa yon tan lcags kyo yis/ /lam log glang chen drangs te bkol/ /'jig rten kun gyi dpal 'di ni/ /yid kyi lag tu 'ongs dang 'dra/ /dpa' bo tsha ma? chom med rtsol ba/ /mthu stobs can gyi dbang du 'gyur/ /dpal gyi 'gro ba bzang mo 'di/ /'di dang rang dbang med par 'dug /mthu tsal ldan pa'i skyes mchog gis/ / lag nas drangs pa bzhin du spyod/ /gang zhig 'byung po thams cad la/ /brtag tu bdag dang 'drar byed pa/ /mdza' bshes 'phel ba 'di la ni/ /phun sum tshogs pa 'tshe ba med/ /btsan la mi 'gyur thabs mkhas shing/ /skye dgu rnams kyi gdung ba sel/ /kun la snying brtsar bcas pa yi/ /mi dbang rnams ni sprin dang 'dra/ /gnam la sprin chen dal snyoms pa/ /sa la lo tog kun gyis gsol/ /bzod chen grib mar ldan pa yi/ /ljon shing skye dgu'i gdung ba sel/ mi yi chos lugs legs spyad na/ /lha yul bgrod pa thag mi ring/ /lha dang mi yi them skas la/ /'jogs na thar pa gsan 'dug /don gyi bstan bcos lugs chen po/ /don mang phreng ba brgyus pa las/ /gces pa'i snying po 'dor bsdus pa/ /shes rab brgya pa 'di yin no/ /gang zhig gzhan drid mi 'jog par/ /shes rab rtsal gyis 'tsho 'dod pa/ /de yis phyogs 'di brtag byas pas/ /rang gzhan don du spyad pa spyod/ /byang chub sems dpa' i sa dang po rab tu dga' ba brnyes shing chos kyi dbyings kun tu 'gro ba'i don rtogs pa/ de bzhin gshegs pa ye shes 'byung gnas 'ong ces bya bar lung bstan pa/ sangs rgyas gnyis par grags pa/ slob dpon 'phags pa klu sgrub kyis mdzod pa shes rab brgya pa zhes bya ba'i bar du byed pa brgya

  178. 89b

    ba rdzogs so// //rgya gar gyi mkhan po sarba dz+nyA de pa dang/ zhus chen gyi lo tsA ba bande dpal brtsegs kyis bsgyur cing zhus te gtan la phab pa'o// //rgya gar skad du/ sad+d+ha rma smri tyu pa sa na kA ri kA /bod skad du/ dam pa'i chos dran pa nye bar gzhag pa'i tshig le'ur byas pa/ dkon mchog gsum la phyag 'tshal lo/ /yon tan ldan zhing dbab bya phebs/ /yang dag ye shes snang ba ldan/ /rtag tu gzhan gyi don mdzad pa/ /'jig rten gsum gtso phyag 'tshal lo/ /gang la byed po gzhan med pa/ /lus dang ngag yid kyi las/ /dge dang mi dge rang byas gang/ /de yi 'bras bu 'jig rten spyod/ /de ltar mkhyen nas thugs brtses non/ /'jig rten gsum gtso gcig pu nyid/ /'gro ba'i don du las gang dang/ /'bras bu gang dag yin gsungs pa/ de ni bdag gis mdor bshad kyis/ /khyod kyis nyon la dam pa dang/ /dam pa min pa'i rgyu yi las/ /bya ba dang ni spang ba'i rigs/ /chags dang gti mug 'jigs dang khro/ /mi gang mi ni gsod pa dang/ / gzhan yang bskyed nas gsod byed pa/ /de dag nges par yang sos 'gro /gang gi phyir na lo stong phrag /mang por yang ni de dag tu/ /btags shing btags shing yang 'tsho bas/ /de phyir yang sos yin par bshad/ /pha dang ma ni grogs dang gnyen/ //gnyen bshes la ni li'u byed dang/ /phra ma brdzun ni smra ba'i mi/ /thig nag tu ni 'gro bar 'gyur/ /gang phyir de ni shing bzhin du/ /thig nag btab nas sog le dag /'bar ba yis ni gshog byed de/ /de phyir thig nag yin par bshad/ /nags la sogs pa mes gtong dang/ /las de dag la 'jug byed gang/ /skye dgu de ni me 'bar ba'i/ /tsha bar du zhing sreg par snang/ /gang phyir rtag tu mes gdung ba/ /drag po skye ba de yi phyir/ /'jig rten du ni tsha ba'i ming//

  179. 90a

    don dang mthun par grags pa yin/ /med par lta ba gang zhig gis/ /chos dang chos min log ston cing/ /gzhan dag la ni nyon mongs byed/ /de ni rab tu tsha bar sreg /me ni rab tu drag po yis/ /de 'khor sems can rab tsha byed/ /tsha ba phrul du byung bas de/ /de phyir rab tu tsha bar gsungs/ /ra dang lug dang wa dag dang/ /ri bong byi ba ri dags phag /gzhan yang bskyed nas gsang byas na/ /lus can bsdus 'joms 'gro bar 'gyur// gang phyir bsdus nas der 'dor dang/ /yang dag sreg par byed pas na/ /de yi phyir na bsdus 'joms te/ /de ltar ming ni don mthun grags/ /'dir ni lus can gang dag gis/ /lus dang ngag yid nyon mongs byed/ /gang dag ltad 'jug gzhan g.yo byed/ /mi de dag ni du 'bod 'gro /der ni drag po'i me dag gis/ /rgyun mi 'chad par bsregs pa na/ /gang phyir skad ni drag 'byin pa/ /de phyir de dag ngu 'bod yin/ /gang gis lha dang bram ze dang/ /bla ma'i rdzas phrogs sdug bsngal byas/ /gang dag gtams pa 'phrogs byed pa/ /de dag ngu 'bod chen por 'gro /mes sreg pa ni drag phyir dang/ /ngu 'bod pa yang che phyir dang/ /lco zhig che ba nyid kyi phyir/ /de ni ngu 'bod chen po yin/ /yon tan dag gis che ba la/ /gnod pa drag po byas pa 'am/ /bla ma pha ma bsang byas na/ /nges par bskal bar mnar med 'ched/ /me drag der ni lus can gyi/ /rus pa dag kyang lhag par 'gyur/ /gang phyir bde ba'i skabs med pa/ /de phyir mnar med yin par bshad/ /lus can gang dgag cig la gcig /gnod par dga' bas g.yul bor gsod/ /sdig can de dag sdug bsngal dang/ /ldan pa'i ral gri sen can skye/ /gang phyir de yi sen mo ni/ /lcags byas 'bar rno de dag gis//

  180. 90b

    gcig gis gcig gsod gang yin des/ /ral gri rtse mo can du bshad/ /byi bo byed pa shal ma li/ /lcags kyi rtse mo rtse mo 'bar/ /sor ni bcu drug yod pa la/ /ngu zhing stobs kyis 'jog par 'gyur/ /bud med shin tu 'jigs 'jigs lta/ /mchu rnon lus chan 'bar ba yis/ /gzhan gyi bud med 'phrog pa la/ /'dzus nas za ba kho nar 'gyur/ /bag phab pa la gnod byed mi/ /nags tshal ral gri 'dab can du/ /gtubs byas du zhing bya rgod khyi/ /'ug pa bya rog za bar 'gyur/ /gang dag gzhan gyi nor 'phreg pa/ /de dag lcags kyi thu lum ni/ /tsha ba dag kyang za bar dang/ /yang dang yang du zangs bskol 'thung/ /rtag tu rngon la dga' ba gang/ /lo ni bye brag du zhing yang/ /khyi ni lcags kyi mche ba can/ /mi srun shin tu dbang med za/ /chu skyes nyal sogs bsad na/ /chu bo rab med 'bar ba yi/ /zangs kyi khu ba'i chur 'gro zhing/ /mi de mes kyang sreg par 'gyur/ /gang zhig rang don tsam rmongs nas/ /chos dang mi ldan bshags 'gyed na/ /sems can dmyal bar de ngu zhing/ /'khor los mngon par gzir bar 'gyur/ /'di na gang gis gzugs can la/ /gnod pa rnam pa mang byas pa/ /de dag yun ring 'khor lo dang/ /ri dang tho ba 'bad bas gzir/ /gang zhig chos kyi stegs 'jig cing/ /yang dag ma yin lam smra ba'i/ /mi de dag ni spu gri'i sos/ /gtams pa'i lam du 'gro bar 'gyur/ /sen mor shig la sogs bcom na/ /de dag lus ni cher 'gyur la/ /ston brgyar yang dang yang du zhing/ /zag sgor po yis 'joms par 'gyur/ /gang zhig brtul zhugs bzad mnos nas/ /legs par bsrung bar mi byed na/ /de ni nges par sha dang rus/ /'jig pa'i me mar mur du sreg /gang du 'tsho ba log pa ni/ /cung zad kyis kyang 'tsho byed pa/ /de ni skyag 'jim nub gyur nas/ /srin bu rnams kyis za bar 'gyur/ /'bru yi nang na 'khod

  181. 91a

    pa yi/ /srog chags mthong nas 'joms pa gang/ /de ni lcags kyi gtun shing gis/ /yang dang yan du btung bar 'gyur/ /shin tu khro zhing gtum pa dang/ /g.yo byed brdzun du smra ba dang/ /gzhan la gnod byed dga' ba ni// gshin rje srin bur skye bar 'gyur/ /sdug bsngal kun gyi sa bon ni/ /chu ngu la sogs dbye ba yis/ /lus ngag yid kyi sdig pa ste/ /de ni phra yang spang bar bya/ /sems can dmyal ba'i rabs rdzogs so// //'dod chags kyis ni rmongs pa dag /ngang pa phug ron la sogs dang/ /bong bu 'dod chags can rnams kyis/ /skyes gnas srin sogs skye gnas skye/ /khong khro 'dzin pas sbrul du skye/ /nga rgyal khengs sams seng ger 'gyur/ /che ba yi ni nga rgyal gyi/ /khyi dang bong bu'i skye gnas skye/ /ser sna phrag dog la sogs pa'i/ /skyon gyi lus can shi nas spre'u/ /mu cor smra ba spyi brtol che/ /rang bzhin mi brtan khrar skye'o/ /gsang dang 'ching dang ser sna yis/ /lus can ba lang khyi sogs so/ //'gyur ro mi srun las kyis ni/ /sdom dang sdig pa mi sdug skye/ /khro dang ser sna can gyi mi/ /shi nas sha ni za byed pa/ /stag dang spre'u wa dang dom/ /bya rgod spyang ki la sogs skye/ /mi srun khro gnyer sbyin byed mi/ /rdzu 'phrul chen po'i klur skye'o// gtong zhing khro dang dregs pa yis/ /nam mkha' lding gi dbang phyug skye/ /rang gi lus dang ngag yid kyis/ /sdig pa'i las ni gang byas pa/ /de ni dud 'gror skye bas na/ /de ni chung yang ma byed cig /dud 'gro'i rabs rdzogs so// rtseg log can gang sbyin pa spangs/ /bza' dang bca' la 'phrog byed pa/ /de dag yi dags lus srul po/ /ro rnams za bar byed par skye/ /gang zhig byis pa rnams la 'tshe/ /sred pas 'drid par byed pa dang/ /khong gi dri ma za byed pa'i/ /

  182. 91b

    lus srul por ni skye bar 'gyur/ /mi gang spyod pa dman pa dang/ /shin tu zhum dang ser snar ldan/ /rtag tu 'dod byed de shi nas/ /yi dags lba ba can du skye/ /gang zhig ci yang mi ster la/ /sbyin pa ldog par byed pa ste/ /yi dags bkres pas rnyongs pa yi/ /gsus che kha ni khab tsam gyur/ /gang zhig spyod dang sbyin mi byed/ /rigs kyi don du nor bsrung na/ /de ni yi dags mtshan gtor brjod/ /shi dus bsngos za dar skye bo/ /gang zhig gzhan gyi nor 'phrog 'dod/ /byin nas 'gyod par byed pa de/ /shi nas mchil ma skyugs pa la/ /za bar byed pa'i yi dags skye/ /gang zhig khros pas mi snyan smra/ /mtshang 'dru ba ni smra byed pa/ /las nges shin tu yun ring por/ /yi dags kha 'bar skye bar 'gyur/ /gang zhig 'thab mo byed pa dang/ /ma chags sems ni khro byed pa/ /de ni yi dags me 'bar ma/ /srin dang sdig sbrul phye leb za/ /gang zhig grong bcas 'bebs shing ster/ /byin zhing gnod par byed pa de/ /grul bum byad ni mi sdug pa/ /mchod par 'os pa skye bar 'gyur/ /zas kyi ched du brtse med pas/ /srog chags bsad cing sbyin byed gang/ /de dag shi nas nges par ni/ /srin bu'i bza' dang bca' bar 'gyur/ /rtag tu dri dang phrang la dga' / /sbyin byed khro ba chung ba ni/ /lha rnams dga' ba'i rgyur 'gyur ba/ /dri za rnams su skye bar 'gyur/ /gang dag kha cig phra ma che/ /khro zhing dgos pa'i ched sbyin na/ /de ni sha za ma rungs nyid/ /bzhin mi sdug bar skye bar 'gyur/ /rtag tu rab sdad rtabs bag can/ /gzhan la gnod pa byed pa dang/ /rtag tu sbyin la dga' ba ni/ /de dag shi nas 'byung por skye/ /ma rungs khro zhing sbyin byed la/ /tshang zhim dag la dga' ba'i mi/ /shi nas gnod sbyin ma rungs pa/ /chang la dga' ba rnams su skye/ /gang dag pha ma bla ma rnams/ /ji

  183. 92a

    ltar 'dod pas bzhon pa 'degs/ /de dag gzhal med khang rgyu ba'i/ /gnod sbyin bde dang ldan par skye/ /sred pa ser sna'i skyon gyis ni/ /shi nas yi dags skye bar 'gyur/ /nyon mongs can dag gnod sbyin sogs/ /de phyir de ni spang bar bya/ /yi dags kyi rabs rdzogs so// //mi 'tsho ba yis lha dang mi/ /lha min? rnams su tshe ring 'gyur/ /'tshe bas thung ngur skye bar 'gyur/ /de phyir 'tshe ba rnam par spangs/ /mdze dang smyon pa zang byed rims/ /mi nad gzhan yang gang dag yin/ /'byung po rnams la bsad dang bcing/ /brdeg par byas pa rnams kyis 'byung/ /gang zhig gzhan gyi nor 'phrog cing/ /ci yang sbyin par mi byed pa/ /de ni 'bad ba chen pos kyang/ /rdzas ni rnyed par mi nus so/ /gang zhig rdzas ni ma byin par/ /len cing sbyin pa sbyin byed pa/ /de ni rdzas dang ldan gyur la/ /phyi nas de ni med par 'gyur/ /mi gang mi 'phrog sbyin mi byed/ /ha cang 'jungs pa ma yin pa/ /de dag tshegs ni chen po yis/ /nges par rdzas ni brtan pa thob// gang zhig gzhan gyi nor mi 'phrog /gtong dang ldan zhing ser sna spangs/ /mi de rdzas ni mi 'phrogs pa/ /rgya chen yid du 'ong ba thob/ /gang zhig 'di la zas sbyin pa/ /tshe dang mdog dang stobs ldan zhing/ /dpal dang ldan zhing nad spangs pa/ /rtag par bde dang ldan par 'gyur/ /gang zhig gos ni sbyin byed pa/ /'dzem bcas gzugs bzang longs spyod ldan/ /byin can srog chags rnams la sdug /gos rnams kyang ni rnyed par 'gyur/ /gang zhig 'di la rab dga' ba'i/ /sems kyi gnas ni sbyin par byed/ /lus can de la khang bzang ni/ /'dod pa kun dang ldan par 'gyur/ /mi gang lham dang zam pa las/ /sogs pa sbyin par byed pa de/ /rtag tu bde dang ldan pa dang/ /bzhon pa dag kyang rnyed par 'gyur/ /bsti sa khron ba mtshe'u

  184. 92b

    la sogs/ /rten rnams byed du bcug na ni/ /de dag bde dang ldan pa dang/ /gdung bral skom nad med par 'gyur/ /gang zhig kun dga' ra ba 'bul/ /de ni dbur bkur dpal dang ldan/ /lus can kun gyi skyabs su 'gyur/ /rtag par kun tu 'byor par 'gyur/ /rig pa sbyin dang shes rab la/ /goms pas mkhas pa nyid du 'gyur/ /sman dang mi 'jigs sbyin pa yis/ /nad med par ni skye bar 'gyur/ /mar me byin pas mig ldan 'gyur/ /sil snyan byin pas dbyangs snyan 'gyur/ /mal stan dag ni byin pa yis/ /mi ni bde dang ldan par 'gyur/ /gang zhig 'di la ba lang sogs/ /spyang bya'i 'o ma yon tan ldan/ /sbyin byed mi de stobs ldan zhing/ /mdog ldan tshe ring longs spyod ldan/ /bu mo byin pas 'dod rnams rnyed/ /'khor rnams dang yang ldan par 'gyur/ /sa gzhi byin pas nor ldan zhing/ /'bru rnams 'byor pa skye bar 'gyur/ /lo ma me tog 'bras bu dang/ /chu dang mi 'jigs tshig snyan dang/ /gang gang ji ltar 'dod pa de/ /de 'dod pa la gus par byin/ /'di la bkol nas sbyin byed dam/ /mtho ris ched du 'am 'jigs pas sam/ /snyan pa'i bde ba 'dod phyir na/ /de ni 'bras bu nyon mongs 'thob/ /rang gi don la mi bltos shing/ /snying rjes non pa'i sems kyis ni/ /gzhan gyi don du 'dir byin na/ /de yi 'bras bu mthar thug yin/ /dus dang tshul ni ji bzhin du/ /gang ci gzhan la sbyin byed na/ /rnam pa de dang de lta bur/ /de kun nye bar gnas par 'gyur/ /gzhan la gnod pa med pa nyid/ /rang gi don du ci 'dod pa/ /chos dang mi 'gal gang phan pa/ /mi bkol bar ni sbyin par bya/ /de ltar sbyin pa sbyin byed na/ /de lta bu yi 'bras bu 'byung/ /bde ba dag ni thams cad kyi/ /rgyu yi gtso bo sbyin pa nyid/ /gzhan gyi bud med rnams spong na/ /bud med sdug gu rnyed par 'gyur/ /yul dang dus min rang

  185. 93a

    gi yang/ /spong na skyes pa nyid thob 'gyur/ /gang zhig gzhan gyi chung ma la/ /chags pa'i sems ni mi sel dang/ /yan lag yin la chags byed pa/ /skyes pa de ni bud med 'gyur/ /gang zhig bud med smod byed cing/ / khrims bcun 'dod chags chung byed la/ /rtag tu skyes par 'gyur 'dod la/ /mi mo de ni skyes par 'gyur/ /gang zhig yang dag skyon med par/ /tshangs par spyod la brten pa de/ /gzi ldan yang dag don dang ldan/ /dpal ldan lha rnams kyis kyang bkur/ /chang thung ba ni mi sten bas/ /mi de dran pa brtan pa dang/ /rmongs med bden par smra ba dang/ /snyan pa'i bde dang ldan par skye/ /gang zhig sems can 'byed par yang/ /byed pa 'di ni mi byed pa/ /de yi 'khor rnams mi phyed cing/ /brtan pa'i bde dang ldan par skye/ /gang zhig rtag par yid dga' bas/ /bla ma rnams kyi bka' bzhin byed/ /phan dang mi phan ston pa'i mi/ /de yi tshig ni bcun bar 'gyur/ /gzhan brnyas? pa yis smad par 'gyur/ /bzlog pa yis ni mthon por 'gyur/ /bde ba byin pas bde dang ldan/ /sdug bsngal byin pas sdug bsngal 'gyur/ /gzhan la 'drid par dga' ba dang/ /g.yo byed brdzun ni smra ba dang/ /gang dag gzugs kyi nga rgyal can/ /sgur la lus ni thung bar 'gyur/ /skye ba shes nyen ser sna byed/ /lkug 'gyur kun la mi sdug 'gyur/ /rmongs pa'i rang bzhin phan pa'i tshig /mi bzod pa ni 'on par 'gyur/ /sdig pas sdug bsngal bsod nams kyis/ /bde ba'o 'dren ma'i 'dren ma ste/ /las rnams kyi ni 'bras bu kun/ /'dra ba rgyu mthun yin par brtag /mi'i rabs rdzogs so// //rtag tu g.yo dang sgyu spyod cing/ /sdig pa dag ni ma byas la/ /'thab la dga' zhing sbyin byed pa/ /de ni lha min dbang phyug 'gyur/ /lha ma yin kyi rabs rdzogs so// //

  186. 93b

    gang zhig bdag bde mi 'dod cing/ /yongs su gzung la mi dga' ba/ /de ni gza' rnams dag gi mchog /rgyal chen bzhi pa nyid du 'gyur/ /pha ma pha tshan gtso bo la/ /bkur byed gtong ldan bzod par ldan/ /'thab mo la ni dga' ba gang/ /de ni sum cu rtsa gsum skye/ /cod la mi dga' thab mo la/ /yid ni dga' par mi byed la/ /gcig tu dge la brtson pa gang/ /de dag 'thab bral nyid du 'gro /thos pa mang dang chos 'dzin dang/ /shes rab ldan zhing thar pa 'dod/ /yon tan rnams la dga' ba'i mi/ /de dag dga' ldan nye bar 'gro /mi gang rang nyid dul ba la/ /zhus shing tshul khrims 'bogs pa la/ /spro ba che dang ldan pa de/ /gdon mi za bar 'phrul dga' 'gro /sems can gang zhig dman min mchog /sbyin dang dul dang yang dag sdom/ /phul byung yon tan ldan gyur des/ /nges par gzhan 'phrul dbang byed 'gro /tshul khrims kyis ni mtho ris 'thob/ /bsam gtan gyis ni khyad par 'gyur/ /yang dag ji bzhin yongs shes pas/ /mthar ni yang srid med par 'gyur/ /mi dge bas ni bde mi 'thob/ /dge ba yis ni bde ba 'thob/ /de ltar dge dang mi dge ba'i/ /las kyi 'bras bu gsal bar bstan/ /sdug pa dang ni bral ba dang/ /mi sdug ba dang phrad pa dang/ /las rnams rang gi 'bras bur bcas/ /'chi dang rga dang na ba nyid/ /gsum po 'di la bsam par bya/ /de lta na ni chags bral 'thob/ /chags dang bral ba bsod nams 'dod/ /de bzhin sdig pa spong bar byed/ /de dag nyid kyang mdor nyon cig /bdag dang gzhan gyi don byed dang/ /gzhan la gnod byed spong ba ni/ /bsod nams bzlog pa sdig yin par/ /bdag nyid chen po de skad gsungs/ /lha'i rabs rdzogs so// //dam pa'i chos dran pa nye bar gzhag pa'i 'gro ba drug gi tshig le'ur byas pa slob dpon btsun pa chos ldan rab 'byor dbyangs kyis mdzad pa

  187. 94a

    rdzogs so// //rgya gar gyi mkhan po d+harmA ka ra dang/ zhus chen gyi lo tsA ba rtsangs de ben+d+ra rak+Shi tas bsgyur cing zhus te gtan la phab pa'o// //slob dpon rta dbyangs kyis// rgya gar skad du/ nga sh+ra ku gal karma pa thA naM rde sha /bod skad du/ mi dge ba bcu'i las kyi lam bstan pa/ 'jam dpal gzhan nur gyur pa la phyag 'tshal lo/ /mi dge las kyi lam bcu ni/ /rang bzhin kha na ma tho bcas/ /bde ba don du gnyer ba yis/ /'bad pa yis ni spang par bya// bcu po de dag gang zhe na/ /lus kyi dbye ba rnam gsum ste/ /ngag gi dbye ba rnam pa bzhi/ /yid kyi rab tu dbye ba gsum/ /mi dge bcu ru de dag 'dod/ /de rnams rab tu bshad par bya/ /de la re zhig lus kyi ni/ /srog gcod ma byin len log g.yem/ /ngag gi brdzun tshig phra ma dang/ /tshig rtsub dang ni 'khyal ba rnams/ /yid kyi log lta brnab sems gnod/ /de la srog gcod gang zhe na/ /srog dang ldan par gyur pa la/ /srog dang ldan par 'du shes dang/ /gsod sems nye bar gnas pa dang/ /rim pa bzhin du byas ldan dang/ srog ni bcad par gyur pa ste/ /yan lag lnga po de dag dang/ /ldan na srog gcod yin par bshad/ /ma byin len pa gang zhe na/ /gzhan dag gi ni yin pa dang/ gzhan gyis bdag gir byas pa dang/ gzhan gyi yin par 'du shes dang/ /rku sems nye bar gnas pa dang/ /rim pa bzhin du byas ldan dang/ gnas nas spags par gyur pa ste/ /yan lag drug po de dag dang/ /ldan pa ma byin len par bshad/ /de la log g.yem gang zhe na/ /log par g.yem pa rnam bzhi ste/ /yul min pa dang dus min dang/ /yan lag min dang bgrod min pa'o/ /de la yul min bya ba ni/ /dam chos mchod rten sku gzugs dang/ /byang chub sems dpa' i gzhugs gnas

  188. 94b

    sogs/ /mkhan po dang ni slob dpon dang/ /pha ma drung na gnas pa ste/ /yul min de ru mi bya'o/ /de la dus min bya ba ni/ /zla mtshan 'dzag dang sbrum ma dang/ /bu chung dang bcas mi mos dang/ /sdug bsngal yid mi bde sogs dang/ /yan lag brgyad gnas dus min yin/ /yan lag min pa gang zhe na/ /kha dang bshang lam byis pa dang/ /brla bsdams lag pas bskyod pa yin/ /bgrod par bya min zhes bya ni/ /gzhan bzung chos kyi rgyal mtshan ldan/ /rigs kyis bsrungs dang rgyal mor gnas/ / gzhan gyis blangs dang smad 'tshong dang/ /nye du dag dang 'brel pa ni/ /de dag bgrod bya min pa yin/ /rnam pa de dag rnams la ni/ /rang gi chung ma bsten pa yang/ /'dod log spyad par 'gyur ba yin/ /brdzun du smra ba gang zhe na/ /dngos po gnas par gyur pa dang/ /dngos po las ni nyams gyur dang/ /'du shes gzhan du bsgyur ba dang/ /brdzun du smras par gyur pa dang/ /rim pa bzhin du byas ldan dang/ /yan lag lnga po de dag dang/ /ldan pa brdzun du smra bar 'gyur/ /de la phra ma gang zhe na// gzhan dag dbye phyir phra ma yin/ /de la tshig rtsub gang zhe na/ /gzhan gyi gnas bsnun byed pa yi/ /yid du mi 'ong tshig smra yin/ /de la 'khyal ba gang zhe na/ /'dod pas nye bar bslang ba dang/ /chags pa yis ni nyer bskyed nas/ /'brel med smra ba 'khyal pa yin/ /de la brnab sems gang zhe na/ /gzhan gyi nor dang longs spyod la/ /mchog tu mngon par chags pa yin/ /gnod sems zhes bya gang zhe na/ /sems can rnams la sdang ba yis/ /rdeg dang 'ching dang gsod pa ste// de dag sems can la byed pa'o/ /log lta zhes bya gang zhe na/ /sbyin med mchod sbyin yod min dang/ /'jig rten pha rol yod min zhing/ /dge sbyong bram ze lha rnams med/ /rdzogs sangs rgyas dang dgra bcom dang/ /rang sangs rgyas dang

  189. 95a

    legs spyad dang/ /nyes par spyad pa yod min zhes/ /bya ba log par lta ba yin/ /'phags pa dran pa nyer gzhag dang/ /theg pa chen po'i mdo rnams las/ /bcom ldan 'das kyis rgyas gsungs pa/ /'di ni mdo ru bsdus pa yin/ /mi dge las kyi lam bcu ni/ /dmyal ba chen po'i rgyu ru bshad/ /dge bcu'i las kyi lam bsten pas/ /dmyal la sogs par ltung ma yin/ /sems can rnams la phan pa'i phyir/ /skye zhing skye ba rnams su ni/ /gang zhig skye ba las rgyal ba'i/ /byang chub rang bzhin de 'grub shog /mi dge ba bcu'i las kyi lam bstan pa zhes bya ba/ slob dpon rta dbyangs kyis mdzad pa rdzogs so// /rgya gar gyi mkhan po a dzi ta sh+rI b+ha dra dang/ zhus chen gyi lo tsA ba dge slong shAkya 'od kyis bsgyur cing zhus te gtan la phab pa'o// //rgya gar skad du/ da sha ku sha pa karma pa thA ni rde sha/ bod skad du/ dge ba bcu'i las kyi lam bstan pa/ dkon mchog gsum la phyag 'tshal lo/ /dge ba bcu po 'di dag ni mngon par mtho ba dang nges par legs pa thams cad kyi rgyu yin pas na/ sangs rgyas kyi slob pa dag gis 'di ltar bslab par bya'o/ /de la dge ba bcu gang zhe na/ lus kyi las ni rnam pa gsum ste/ srog mi gcod pa dang/ ma byin par mi len pa dang/ 'dod pas log par mi g.yem pa'o/ /ngag gi las ni rnam pa bzhi ste/ brdzun mi smra ba dang/ phra ma mi smra ba dang/ tshig rtsub mo mi smra ba dang/ tshig 'khyal ba mi smra ba'o/ /yid kyi las rnam pa gsum ste/ brnab sems spang ba dang/ gnod sems spang ba dang/ log par lta ba spang ba'o/ /de yang mi dge bcu spangs pa ni dge ba bcu yin pas/ spang bar bya ba bcu brjod par bya ste/ de ni byang chub sems dpa' i sde snod las ji skad du/ /srog gcod pa yi sems can dang/ /gzhan gyi

  190. 95b

    nor la 'phrog ba dang/ /'dod pas log par g.yem pa dang/ /sems can dmyal ba'i bar du 'gro /dbyen byed pa dang tshig rtsub dang/ /brdzun du smra zhing mi sdom dang/ /byis pa 'khyal bar smra ba rnams/ /so so'i skye bo bslu bas bcings// gzhan gyis spyod la brnab sems dang/ /gnod sems dag ni mang ba dang/ /mi gang lta ba log zhugs pa/ /ngan 'gro dag tu 'gro bar 'gyur/ /lus kyi sdig pa rnam gsum dang/ /ngag gi sdig pa rnam bzhi dang/ /yid kyi sdig pa rnam gsum ni/ /sdig byed pa dag rab tu byed/ /sdig pa'i las rnams byas pas na/ /de phyir ngan 'gror 'gro bar 'gyur/ /ci nas ngan 'gror mi gtang bar/ /bskyab pa'i phyir ni rab tu byung/ /zhes bcom ldan 'das kyis rab tu gsungs pa dag go /ji ltar na nyes pa de dag rdzogs par 'gyur zhe na/ srog gcod pa ni gzhi sems can yin pa dang/ der 'du shes pa dang/ bsad par bsams pa dang/ sbyor ba byas pa dang/ sbyor ba byas pa de nyid kyi tshe 'am/ gzhan gyi tshe shi ba zhes pa yan lag lngas rdzogs par 'gyur ro/ /ma shi bar 'gyod pa las shi ba la ni smad do/ /smyos pa dang/ sems 'khrugs pa dang/ tshor bas gzir ba la nyes pa med par thams cad la sbyor ro/ /ma byin par len pa ni yan lag bzhis rdzogs par 'gyur te/ blang bar bya ba gzhan gyis yongs su bzung bar gyur pa yin pa dang/ der 'du shes pa dang/ rku bar bsams pa dang/ gnas nas spos pa'o/ /'dod pas log par g.yem pa ni rnam pa bdun te/ /bdag nyid las byung ba dang/ rang gi chung ma las byung ba dang/ chung mar mi rigs pa chung mar byas pa las byung ba dang/ chung ma ma yin pa las byung ba dang/ skyes pa las byung ba dang/ dud 'gro las byung ba dang/ khyi'u dang bu mo las byung ba'o

  191. 96a

    de la bdag nyid las byung ba ni mi rigs pa'i yul dran pa las dbang po las rang dam gzhan gyi khu ba 'byin pa'o/ /rang gi chung mi las byung ba ni dus ma yin pa nyin par dang/ bsnyen gnas la gnas pa dang/ na ba dang/ sbrum ma dang/ mya ngan gyis gdungs pa dang/ zla mtshan dang ldan pa dang/ bang ma sangs pa la sogs pa dag dang gnas ma yin pa pha ma dang/ bla ma dang/ dkon mchog dang/ mchod rten la sogs pa'i gnas dang/ yan lag ma yin pa kha dang bshang ba'i lam dang lte ba la sogs pa ste/ mdor na bud med kyi dbang po las gzhan pa thams cad do/ /de ltar dus dang gnas dang/ yan lag ma yin pa dag tu rang gi chung ma la 'khrig pa spyod pa ni rang gi chung ma las byung ba'i 'dod pas log par g.yem pa'o/ /chung mar mi rigs pa chung mar byas pa las byung ba ni/ tshangs par spyod pa'i dge bsnyen mo 'am dge slong ma 'am/ dge slong ma 'am/ dge tshul ma 'am/ bsnyen gnas la gnas pa'i bud med chung mar blangs te/ de dag mi dga' 'am/ dga' yang rung ste/ sdom pa gtor ba'i rkyen byas pa ste/ 'di ni chung mar mi rigs pa/ chung mar byas pa las byung ba'o/ /chung ma ma yin pa las byung ba ni bud med gang khyim thab gzhan gyis bzung ba dang/ rang gi bdun rgyud las ma 'das pa'i 'brel par gyur pa dang/ chos kyi rgyal mtshan can dang/ sdom pa can dang/ pha ma dang/ ming po dang/ spun zla dang/ rus chags dang/ tsho 'brang du smos par bsrungs pa dang/ gyos sgyug dang/ rkud po la sogs pa byo'i? phyogs smos pas bsrungs pa dang/ mi mnyam pa'i rigs dang yon tan gyis bsrungs pa/ smad 'tshong ma dag kyang skyes bu gzhan gyis rin sngar byin pas bzung ba dang/ skyes

  192. 96b

    bu gzhan gyi chung ma dang 'dra bar bdag gir byas pa rnams te/ de dag dang 'khrig pa spyod pa rnams ni gzhan gyis tshor ba na ni ches sdig pa che la/ mtshor du zin kyang 'dod pas log par g.yem pa'i rnam par smin pa 'byung ngo/ /skyes pa las byung ba ni skyes bu gzhan gyi kha dang bshang ba'i lam la sogs par mtshan sbyor ba'o/ dud 'gro las byung ba ni ba lang dang/ ra lug dang rta bong la sogs pa'i mtshan dang/ bshang ba'i lam la sogs par mtshan sbyor ba'o/ /khye'u dang bu mo las byung ba ni 'khrig pa spyad mi bzod pa'i khye'u dang bu mo'i kha dang mtshan dang bshang ba'i lam du mtshan sbyor ba'o/ /de ltar 'dod pas log par g.yem pa de dag ni yan lag gsum gyis rdzogs par 'gyur te/ dus la sogs pa de dag la de dag tu 'du shes pa dang/ sbyor ba byas pa dang/ rjes su mthun pa'i tshor ba nyams su myong ba'o/ /de ltar de dag ni lus kyi nyes bar spyod pa gsum mo/ /brdzun du smra ba ni yan lag gsum gyi rdzogs par 'gyur te/ gzhi ma nor bar khong du chud pa dang/ de la 'du shes bsgyur ba dang/ log par smras pa'o/ /phra ma ni yan lag gnyis kyis rdzogs par 'gyur te/ dbye bar bya ba sems can nyid dang/ dbyen gyi tshig smras pa'o/ /tshig rtsub mo ni yan lag gnyis kyis rdzogs par 'gyur te/ gzhi sems can yin pa dang/ tshig rtsub mo smras pa'o/ /tshig 'khyal ba ni yan lag gnyis kyis rdzogs par 'gyur te/ chos dang mi ldan pa der bsam pa dang/ tshig 'khyal par smras pa'o/ /de dag ni dag gnyis por spyod pa bzhi'o/ /brnab sems ni yan lag gnyis kyis rdzogs par 'gyur te/ gzhi gzhan gyi yin pa dang/ de la brnab sems bskyed pa'o/ /gnod sems ni yan lag gnyis kyis rdzogs par 'gyur te/ gzhi sems

  193. 97a

    can yin pa dang/ de la kun nas mnar sems par gyur pa'o/ /log par lta ba ni yan lag gnyis kyis rdzogs par 'gyur te/ gzhi phyin ci ma log pa dang/ de nyid la bsam pa phyin ci log bskyed pa'o/ /de dag ni khyad par gyi yan lag go /thun mong gi yan lag ni sems gtso bo zhes bya'o/ /de dag ni yid kyi nyes par spyod pa gsum mo/ /de ltar na kun nas slong ba'i sems pa dang/ rjes su spyod pa'i sbyor ba dang/ sbyor ba'i gzhi bsam pa de nyid dang/ sbyor ba'i 'bras bu dngos gzhi nyid spyad pa dang/ mjug rjes su yi rang ba ste/ yan lag lnga rdzogs pas ni mi dge ba gang yang legs par rdzogs pa yin no/ /thams cad ma tshang na ni cung zad spyad pas ci rigs su sbyar ro/ /cung zad du na bzhi ma nor ba nyid ni kha cig tu ma nges par srid do/ /de ltar mi dge ba bcu po de dag spyad pa'i 'bras bu rgya cher ni dam pa'i chos dran pa nye bar gzhag pa las shes par bya zhing/ mdor bsdus pa ni ji skad du/ bcom ldan 'das kyis 'phags pa sdong po bkod pa las gsungs pa/ srog gcod pas sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ji ste mir skyes na rnam par smin pa gnyis mngon par sgrub pa ni 'di lta ste/ tshe thung ba dang/ nad mang ba'o/ /ma byin par len pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par sgrub pa ni 'di lta ste/ longs spyod chung ba dang/ thun mong gi longs spyod du 'gyur ba'o/ /'dod pas log par g.yem pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci

  194. 97b

    ste mir skyes na yang rnam par smin pa gnyis mngon par sgrub pa ni 'di lta ste/ lhod pa dang bcas pa'i chung ma dang/ g.yog 'khor mi bsrungs pa'o/ /brdzun du smras pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa ni 'di lta ste/ skur pa mang ba dang/ gzhan gyis bslu ba'o/ /phra mas ni sems can dmyal bar khrid do/ /byol song gi skye gnas su khrid do/ / gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par sgrub pa ni 'di lta ste/ g.yog mi mthun pa dang/ g.yog ngan par 'gyur ba'o/ /tshig rtsub pos ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do /de nas ci ste mir skyes na yang rnam par smin pa gnyis mngon par sgrub pa ni 'di lta ste/ yid du mi 'ong ba'i tshig thos pa dang/ 'thab mo'i tshig thos par 'gyur ba'o/ /ngag 'khyal pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis nye bar sgrub pa ni 'di lta ste/ tshig mi btsun pa dang/ spobs pa mang ba'o/ /brnab sems kyis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis nye bar sgrub pa ni 'di lta ste/ chog mi shes pa dang/ 'dod pa che ba'o/ /gnod sems kyi ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par sgrub pa ni 'di lta ste/

  195. 98a

    gnod par glags lta ba dang pha rol gyis mnar ba'o/ /log par lta bas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par sgrub pa ni 'di ni lta ste/ lta ba ngan par ltung ba dang/ g.yo sgyu can du 'gyur ba'o zhes gsungs te/ de dag kyang mtshon pa ste/ mi dge ba bcu po 'di dag ni re re la yang rnam par smin pa yang ba shin tu mang po yod bar rig par bya'o/ /da ni 'di dag gi lci ba nyid brjod par bya ste/ de ni 'phags pa de bzhin gshegs pa'i mdzod kyi mdo las gsungs pa/ 'od srungs pha yang yin la/ rang sangs rgyas kyang yin pa gsod pa gang yin pa 'di ni srog gcod pa'i nang na ma rungs pa'o/ /dkon mchog gsum gyi dkor 'phrog pa 'di ni ma byin par len pa'i nang nas ma rungs pa'o/ /ma yang yin la dgra bcom ma yang yin pa la nyal po byas pa 'di ni 'dod pas log par g.yem pa'i nang na ma rungs pa'o/ /de bzhin gshegs pa la skur pa 'debs pa 'di ni brdzun du smra ba'i nang nas ma rungs pa'o/ /dge 'dun gyi dbyen byas pa 'di ni phra ma'i nang nas ma rungs pa yin no/ /'phags pa rnams la mi snyan pa brjod pa 'di ni ngag rtsub po rnams kyi nang nas ma rungs pa yin no/ /chos thos par 'dod pa rnams rnam par g.yeng bar byed pa 'di ni tshig 'khyal pa'i nang nas ma rungs pa yin no/ /yang dag par song ba dang yang dag par zhugs pa rnams kyi rnyed pa 'phrog par sems pa 'di ni brnab sems kyi nang na ma rungs pa yin no/ /mtshams med pa byed pa 'di ni gnod sems kyi nang na ma rungs pa yin no/ /lta ba mchog tu 'dzin pa ni

  196. 98b

    log par lta ba'i nang na ma rungs pa yin no/ /zhes bya ba la sogs pa'o/ /mdor bsdu na rgyun tu spyod pa dang/ nyon mongs pa drag pos spyod pa dang/ rten gyi rang bzhin byang chub kyi sems dang/ dkon mchog gsum la mi brten cing/ rnam par sun 'byin ba kun tu spyod pa la sogs pa med pa dang/ yon tan dang gtso bos 'phags pa'i gzhi las byung ba ste/ de dag dang gang ldan pa'i mi dge ba bcu ni lci ba nyid do/ /de bas na 'phags pa nA gA rdzu nas kyang/ rtag dang mngon par zhen dang gnyen po med/ /yon tan gtso ldan gzhi las byung ba'i las/ /dge dang mi dge rnam lnga chen po ste/ /de las dge ba spyod pa brtson par bgyi/ zhes bshad pa'o/ /da ni de dag rtsa ba'i nyon mongs pa gang gis rdzogs par byed par bstan ce na/ de ni chos mngon pa'i tshig le'ur byas pa las/ gsod dang gnod sems tshig rtsub dang/ /zhe sdang gis ni mthar phyin byed/ /log g.yem brnab sems ma byin len/ /chags pa yis ni mthar phyin byed/ /log par lta ba gti mug gis/ /lhag ma gsum gyis rdzogs par 'dod/ /ces bshad pa las shes par bya'o/ /da ni de dag gi gnang ba nyid brjod par bya ste/ gang bdag gi don la rjes su lta ba cung zad tsam yang med la/ byed pa gzhan gyi don la 'ba' zhig 'dod cing/ thams cad du snying rje dang ldan pa dag la ni yid kyi nyes par spyod pa gsum ma gtogs pa 'am log par ltag nyid ma gtogs pa dag la rjes su gnang ba snang ste/ de ni byang chub sems dpa' i sdom pa gtan la dbab pa'i gtsug lag dag las blta'o/ /de ltar blang bar bya ba dang/ mi mthun pa'i phyogs dang/ yan lag dang/ 'bras bu dang/ lci yang dang/ rgyu dang rjes su gnang ba dag gis dge ba bcu'i las kyi lam rgyas par

  197. 99a

    bstan pa yin no/ /dge ba bcu yi las kyi lam/ /legs brjod bsod nams dri med gang/ /de 'dir bdag gis bsgrubs pa des/ /'gro ba mi dge bcu spang shog /bdag kyang dge bcu'i yon tan gyis/ /brgyan cing ngan 'gro spangs pa dang/ /'gro ba'i mi dge'i las lam bcu/ /gtan nas rgyun chad byed par shog /dge ba bcu'i las kyi lam bstan pa zhes bya ba/ slob dpon bram ze'i btsun pa chos ldan rab 'byor dbyangs kyis zhal snga nas mdzed pa rdzogs so// //rgya gar gyi mkhan po bud+d+hA ka ra warma dang/ bod kyi lo tsA ba dge slong chos kyi shes rab kyis bsgyur cing zhus te gtan la phab pa'o// //rgya gar skad du/ sho ka bI no da na/ bod skad du/ mya ngan bsal ba/ 'phags pa spyan ras gzigs dbang phyug thugs rje chen po dang ldan pa la phyag 'tshal lo/ /gang zhig dga' bral nyams thag ste/ /rab tu mya ngan me 'bar ba/ /bsgrims nas shin tu spro ba sring zhing/ /rang gi sems nyid brjod par bya/ /las kyi lam zhugs thob pa yi/ /sgron pa med par skye bo gang/ /nyes pa ma byas song gyur pa/ /de la ci zhig yongs su gdung/ /ci ste de nyid 'chi par 'gyur/ /gzhan ni su yang min na go /'di ni gyur chen non pa zhes/ /cho de chen po gdab par rigs/ /'di ltar thams cad skye ba yi/ /mdun na gnas ba 'chi ba ste/ /kun kyang 'pho bar snang ba'i phyir/ /mya ngan bya bar 'os pa min/ /mdza' dang 'grogs pa brkam pa yi/ /skye bo mya ngan gyis gdungs pa/ /rnga rtsid dag la chags pa'i 'bri/ /rngon pas nags kyi nang du bzhin/ /gang tshe kun gyis bgrod bya zhing/ de dang der ni 'gro ba yi/ /snga nas de der song pa las/ /ci yi phyir na mya ngan byed/ /mi

  198. 99b

    bzad 'chi ba'i bdag po la/ /rab tu smyos pa'i skye bo 'di/ /nags na gsod sred seng ge yi/ /mdun na ri dags gnas pa bzhin/ /'chi ba bzlog par bya ba yis/ /gang tshe thabs kun med pas na/ /spro bsring ba dag mi skyed par/ /chu las nya bzhin? ci zhig 'dre/ /sa 'am ci ste mtho ris na/ /skyes nas la la ma shi ba/ /'ga' zhig khyod kyis mthong ba 'am/ /thos sam 'on te the tshom za/ /khams gsum 'di dag thams cad la/ /mi rtag me yis bsreg gyur pa/ /dgon par me ni 'bar ba yis dgon pa'i me tog ji lta bzhin/ /rtag par 'du shes rnam log na/ /srid rtse las kyang 'gro ba rnams/ /'chi ba'i zhags pas drangs gyur pa/ /zhags pas glang po bzhin du'o/ /bsam gtan las skyes bde myong ba/ /tshangs pa tshangs pa'i gnas las kyang/ /mi rtag phyir ni lhung gyur pa/ /chu yi klung gi 'gram sa bzhin/ /brgya byin dag ni stong rnams dang/ /'khor los sgyur ba brgya dag kyang/ /dus kyis 'chi bar 'gyur ba ni/ /mar me 'bar la rlung gis bzhin/ /drang srong chen po lnga mngon shes/ / mkha' la rgyang ring 'gro ba yang/ /gang na spyod yul 'chi med pa/ /der ni 'gro bar nus pa med/ /gang dus rnams bsregs gyur pa/ /lhun po'ang thal bar 'jig pa dang/ /rgya mtsho'i chu yang bskams gyur na/ /lus can de dag lta ci spros?/ ci ste sangs rgyas rnams kyi sku/ /mtshan dang dpe byad kyis brgyan pa/ /rdo rje'i sku yang mi rtag na/ /chu shing snying po med 'dra ba'i/ /lus can gzhan dag smos ci dgos/ /gnyen gyis phang du blangs pa yi/ /skye bo rnams ni 'chi bas phrogs/ /rgya mtsho'i nang na gnas pa yi/ /klu la nam mkha' lding gis bzhin/ /kyi hud mig srog kye gnyen zhes/ /shin tu sdug bsngal ngu 'bod pa/ /ji ltar sprul gyis sbal ba bzhin/ /'gro gzhan rnams ni 'chi bas ming/ /rab tu bgrod dka' don gyi

  199. 100a

    mthar/ /ma phyin par ni 'jig rten 'di/ /rab tu 'chi ba'i khar bcug pa/ /chu srin gnas su chu 'bab bzhin/ /gang dus 'jig rten pha rol tu/ /'gro ba'i rjes 'gro 'ga' med na/ /dgra 'am ci ste mdza' sdug rnams/ /'di la bye brag med par 'gyur/ /skye bo gzhan la byams byed phyir/ /skye bo rang 'khor 'du shes pa/ /bsam pa'i 'dam du bying ba ni/ /glang po 'dam du bying ba bzhin/ /khyod kyis ji snyed gnyen bshes rnams/ /'khor ba'i nang na blang bor ba/ /gang gA'i bye ma? rnams la yang/ /de snyed tsam du yod mo yin/ /gang nyid khyod kyis rab bsgrims te/ /brtse ba'i bu yi 'du shes pa/ /de nyid tshe rabs gzhan dus na/ /rdeg par byed cing dgrar 'du shes/ /rang gis bshes pa'i nu ma yang/ /khyod kyis 'thungs pa srid gzhan na/ /de yi khrag nyid 'thungs pa dang/ /rgyab nas sha yang zos pa yin/ /gang khyod 'di ltar 'khor gyur te/ /mgo la lan grangs brgyar rjed pa/ /de nyid bran gyur khyod yin te/ /rtog pas lan grangs brgyar yang btags// 'gro ba'i rgyu yi dngos po yis/ /sngon chad gzhan du snang gyur pa/ /gzhan na yongs su 'gyur pa ste/ /me bdun drang srong bdun tshogs bzhin/ /ji ltar nam mkha' i char thigs bzhin/ /tshogs shing rnam par 'jig 'gyur ba/ /de bzhin 'khor ba'i srog chags kyang/ /tshogs shing rnam par 'jig par 'gyur/ /ldan ba dang ni bral ba yi/ /lus can rnams ni yud tsam ste/ /'bab chu dpa' klong 'khyil shugs la/ /shing dag ji ltar btsugs pa bzhin/ /ngo mtshar che'o ma rig mthus/ /gang gis 'gro ba rnams rmongs pas/ /bral ba'i sdug bsngal dran nyams shing/ /ldan pa rnams la srod par byed/ /gtsang ma'i gnas rnams ma gtogs par/ /sna tshogs las kyis chas nas su/ /bros sa gang duAng mi ltung pa//

  200. 100b

    sems can 'ga' yang yod ma yin/ /yang dang yang du dmyal bar ni/ /zangs bzhun bskol ba gang 'thungs pa/ /rgya mtsho nang gi chu la yang/ /de yi tshad tsam yod ma yin/ /phyi dang phag tu gyur pa na/ /mi gtsang pa ni gang zos pa/ /ri yi rgyal po lhun po yi/ /tshad las shin tu lhag par 'gyur/ /mdza' shes rab tu bral ba yis/ /'khor ba'i nang du gang rgyus pa/ /mig gi mchi ma'i thigs pa yi/ /snod du rgya mtsho rung ma yin/ /phan tshun dag tu rtsod pa'i phyir/ /mgo bo bcad pa gang yin pa/ /spungs na de ltar mthob ni/ /tshangs pa'i 'jig rten las kyang thal/ /srin bur gyur cing rab bkres pas/ /sa lud zos pa gang yin pa/ /'o ma'i rgya mtsho che nang du/ /de yis bkang na shin tu 'gang/ /yi dags 'jig rten mi bzang par/ /bkres skom sdug bsngal gang myong ba/ /de ni dran phyir rang gi snying/ /rang gi sha yang 'dor mi 'gyur/ /mi la dbul ba'i nyes pa yis/ /tho btsams pa ni gang myong de/ /brjod pas bdag la mthu med pa/ /rang gi lca la ngo tsha bzhin/ /ri bo'i ngos la yun ring du/ /lha yi bde ba myong 'gyur ba/ /lha rdzas yul gyis mi ngoms te/ /shing skam po la me bzhin no/ /dge ba'i las rnams yongs zad bas/ /bde 'gro las kyang shi 'phos te/ /tshe zangs la ltung ba ni/ /'dab chags bya ni mkha' la bzhin/ /las kyi shugs kyis 'gro ba ni/ /gang phyir 'khor lo bzhin du 'khor/ /de bas chags pa yongs spangs shing/ /thar pa la ni blo zhen bya/ /mya ngan bsal ba zhes bya ba/ /slob dpon rta dbyangs kyis mdzad pa rdzogs so// //rgya gar gyi mkhan po a dzi ta sh+rI b+ha dra dang/ zhus chen gyi lo tsA ba dge slong shAkya 'od kyis bsgyur cing zhus te gtan la phab pa'o// //rgya gar skad du/

  201. 101a

    sapta ku ma ri kA bA dA nA ma/ bod skad du/ gzhon nu ma bdun gyi rtogs pa brjod pa/ dkon mchog gsum la phyag 'tshal lo/ /chags bral ldan dang legs par bshad pa dang/ /ngo mtshar dang ni de nyid don nges dang/ /dam pa rnams kyis gcig tu mnyan bya yi/ /rtogs pa brjod pa bdag gis bshad kyis nyon/ /'di ltar dge ba'i rtsa ba yongs su smin pa rnams la ni longs spyod chen po'am/ lang tsho'i bar du gcod par mi 'gyur bas/ mdzes bar 'gyur ba yin no/ /de yang 'di ltar rjes su thos te/ rgyal po kri kri zhes bya ba tshul dang dul ba la sogs pa yon tan gyi dpal phun sum tshogs pa dang ldan pa/ bcom ldan 'das yang dag bar rdzogs pa'i sangs rgyas 'od srungs la dad pa yang dag par thob pa zhig byung bar gyur te/ de'i bu mo bdun byung ba sangs rgyas rnams la dge ba'i rtsa ba rgya cher bskrun pa'i thabs dang ldan pas/ de dag 'khor bar yid shin tu byung bar gyur nas/ de rnams kyis dul ba dang/ zhe sar bcas pas pha ma la phyag byas te/ snyan pa'i tshig gis smras pa/ 'jig rten gnas la chu nang song ba zla ba'i gzugs bzhin g.yo bar mthong/ /'dod la khros la sprul gyi lus bskyil gdengs ka'i grib ma lta bur mthong/ /'gro ba 'di dag sdug bsngal me yis kun tu 'bar bar mthong bas na/ /rgyal po bdag cag nges par 'byung la mngon dga' dur khrod dag tu mchi/ /rgyal pos smras pa/ /byed ni byis pa bde la brten 'os shing/ /yid la bsams pa'i don yang ma byas na/ /dga' thub gnas su khyed rnams song shig ces/ /ji lta bur na nga yi smra bar nus/ /bu mos smras pa/ sa bdag khyed kyis mdzad spyod bdag cag rnams kyis

  202. 101b

    'tshal lags te/ /'gro la thugs rjes brlan zhing des pa'i ngang tshul ldan pas na/ /dog pa med pa yang dag byams par mdzad na nyid kyis 'phar bar ni/ /rnam bskyed sdig med nyer son bdag rnams la lta smos ci 'tshal/ khyod dang lhan cig gnas kyang dbang med 'bral bar mngon phyogs pa'i/ /'phongs pa 'di yis phyir zhing nye bar gdung bar ma gyur ces/ /rgyal po shin tu dka' ba'i gnas su gyur pa gang dag yin pa yi/ /zhi ba'i go 'phangs thob par 'tshal ba'i yid ni skyes par gyur// de nas rgyal po de snying brtse ba'i dbang gis yid rnam par nyams shing/ mig gnyis zangs ltar dmar la mi 'gyur bas yang dang yang bltas nas smras pa/ ci phyir khang bzang rang gar gyur dang 'jam yangs pa'i/ /sna tshogs stan bzangs rgya chen rnam par spangs nas ni/ /dur khrod mi bzad skye bo ngan pa'i yid 'dra zhing/ /sa gzhi rus pa dkar po'i chal pa bkram par brten/ /gdung ba'i gdong can pha dang yul rmugs lta bur ni/ /mchi ma'i gdong can ma yang cig car ji ltar 'dor/ /g.yo med sems kyis yid ni rgyun du brtse ba yi/ /mdza' shes spangs nas ci phyir dka' thub bsten par dga' / /da nas bu mo de rnams kyi shin tu brtan pa'i yid kyis bsnyems par byas nas smras pa/ pha dang ma dang mdza' bshes zhes pas tha snyad tsam/ /'di dag srid par phyir zhing lhung dang gnod pa'i gzhi/ /'byung pa'i don mthong lkog tu gyur pa'i dri ma yis/ /mi yi bdag po 'jig rten 'jig pas yongs su skyo/ /mdza' bshes dang ni gnyen gyi ngo bo sna tshogs pa/ /g.yon can phung khrol ldan pa 'di la su zhig chags/ /'tsho ba'i 'jig rten rmi lam mig 'phrul dang 'dra la/ /'di na su zhig gang gis rang mi 'am skye bor rtag /mi yi dbang po srid

  203. 102a

    gsum dam chos gsung gi 'od zer snang bcas shing/ /ji srid sangs rgyas nyi ma'i yid 'ong grags pa'i 'od zer 'phreng yod pa/ /de srid 'phongs pa'i mun nag tshogs kyis shin tu g.yogs gyur pa'i/ /srid pa'i mun pa mi zad mun rum nas ni 'byung bar rigs/ /ji ltar rlung gis brtabs pas bskyod pa'i me lce 'bar ba'i khyim las ni/ /'byung bar byed pa'i skyes bu de la phan par 'dod rnams zlog mi byed/ /de bzhin sdug bsngal me chen rtser gnas srid pa ma lus gnod pa yi/ /dra ba las ni nges par 'byung la phan phyir dam las bzlog mi bya/ /de nas rgyal po des bu mo de rnams la/ mdza' bshes dang rang mi dang rtsa lag rnams la bltos pa med pa'i tshig rtsub mo dang rang gi lus dang srog la yang shin tu ma chags pa'i tshig gis lhag par yang mya ngan gyis gdungs par gyur pa'i yid kyis de rnams la yang smras pa/ dus min dka' thub mngon par 'dod pa ni/ /yid dang rjes su mthun don du mi 'gyur te/ /bu mo dus min mngal dang ldan pa la /yan lag cha shas mdzes pa mi skye bzhin/ /dus la bab par dka' thub la sbyor ba/ /zla ba skyon dang bral blta bur mdzes/ /de bas gzhon nu phan med blo 'gyur 'di'i/ /log pa'i lam du 'jug las zlog par gyis/ /bde la brten cing sdug bsngal ma mthong bas /lus kyi sdug bsngal bzod par mi 'gyur te/ /a mra'i shing ni rtsa ba ma zug la/ /glang chen mchog gi mche ba snun dang mtshungs/ /khong nas me 'bar lta ngan sgra 'byin pa'i/ /ce spyang 'jigs pa'i sgra sgrogs tshang tshing gang/ /'jigs pa rnams kyang 'jigs par byed pa yi /mi bzad dur khrod dag ni 'jigs par bcas/ /khyod lus pad+ma'i rtsa ltar 'jam pa la/ /sems gang sog le lta bur rtse med 'dis/ /gzhan gyi

  204. 102b

    ngor byed pa ni spong 'gyur ba/ /e ma'o gnam bsgos ba dag la brtse med sdang/ /bai DUrya ltar sngo ljang dur ba'i gos gyon cing/ /me tog rnam ba du ma'i tshogs ni bkram gyur dang/ /bung ba myos pa'i tshigs kyis khyab pa'i rtsed mo'i tshal/ /'dir ni bu mo khyed rnams mngon par dga' bar gyis/ /skyed mos tshal na rdzing khang dogs na me tog shing 'phyang zhing/ /rlung gis bskyod pa'i chu rlabs me tog mdzes pa'i phreng bas ske rags bcings/ /pad+ma dag dang utpal rgyas gseb dang pa sgra sgrogs pa/ / brgya byin gyis kyang rnyed dka' bu mo dga' bas gnas par gyis/ /me tog na pa mA li ka yi dris bsgos gyur pa yi/ /chu rlabs mdzes par gyur ba'i nye bar g.yo ba yi/ /rlung dang bcas pa'i khyim 'di dang ni nags tshal na/ /khu byug sgra 'byin pa yis bu mo dga' bar gyis/ /skar khung dra ba can na bya rnams skad 'byin me tog dris bsgos dang/ /sgeg pas khrus byas dri zhim bsgos pa'i dbugs dang 'dra ba'i rlung dag ni/ /khang bzangs mda' yab can dang bya gag bde bar nyal ba gang yin 'dir/ /bud med 'dus pa'i glu dbyangs rol mo ldan par khyed rnams dga' bar gyis/ /de nas gzhon nu ma de rnams pha'i tshig des yi ma rangs par gyur nas yang smras pa mi yi bdag po lha yul sa steng na/ /brgya phrag stong du spyod par ma byas pa'i/ /bde ba gzhan ni ci yang yod min te/ /bdag cag rnams ni don med mkhas pa yin/ /yul la lhag par sred cing goms pas na/ /dbang po rnams ni yul gyis ngoms pa med/ /srid pas 'jigs pa'i rtog pa'i blo can dag srid pa'i longs spyod zad par bya phyir 'jug /ngo bo nyid kyis 'gyur cing mi brtan la/ /rlung gis bskyod pa'i chu rlabs ltar 'jigs pas/ /sdom can dbang po drug las rnam rgyal rnams/ /phyir zhing srid par 'jug las ldog par byed//

  205. 103a

    byis pa srid pa'i btson rar phag lta bur/ /sems kyis spags pa'i spyod pas bslus gyur te/ /bde bar mngon par rlom zhing bskam pa dag /phongs shing 'jigs pa'i g.yang sa mdza' med lhung/ /bdag tu rtog pas sems g.yengs skyes gyur pa/ /de ni rab 'bar mtshon cha'i 'khrul 'khor 'dra/ /yul la rjes su brten pas sems bcom pa/ /yongs su smin na sdug bsngal mi bzad rgyu/ /'gro ba 'di dag mi brtan dbang med cing/ /sprul gdug tshogs kyis zin 'dra'i yul rnams dag /rtogs kyang gang zhig srid la chags 'gyur ba/ /de ni mi yi gzugs ldan phyugs nyid yin/ /rnga rtsid shing la 'thogs pa'i g.yag bzhin du/ /blo yi lam ni rnyog pas nyer 'gags shing/ /log par chags pa'i yal gas sems thogs pa'i/ /skyes bu ngan pa'i khyim brten 'phung bar 'gyur/ /dga' ba'i rgyu tsam 'tsho ba'i 'jig rten la/ /phongs pa rgyun mi 'chad par 'byung gyur na// yab gcig srid pa'i dga' ba mang po las/ /bslu bar mi 'gyur gang zhig mchis pa gsungs/ /mi dbang srid na skal pa mnyam pa yis/ /nye bar bsgrubs shing bsags par gyur kyang ni/ /bcom zhing sems ni dman pa dman pa yis/ /srid pa'i dgon pa gzhan du 'gro bar 'gyur/ /rgyal po rgyar chud gyur pa'i nya bzhin du/ /skyes bu legs par brtags shing byed pa dang/ /tha snyad kun la ngang gis mkhas pa dang/ /khyim gyi btson rar gnas shing 'jigs par 'gyur/ /sa yi bdag po 'bad pa mang po yis/ /khyim du rdzas rnams bsags pa byas pa dag /mi yis skad cig gis ni 'dor 'gyur te/ /legs spyad gcig pu 'di nyid lam du bstan/ /de bas 'jig rten

  206. 103b

    mgon pos 'tsho ba yi/ /'jig rten mi rnams las bdag byas gsungs te/ /'chi ba mngon phyogs mi la rang gi las/ /bal be'u bzhin du rjes su 'brang/ /yongs su gyur na mi zad gnyen sdug dang/ /sdug dang 'dre bar mngon par 'dod des chog / sdug dang phrad pas dga' bar sems pa dag /nges par sdug dang bral ba'i sdug bsngal thob/ /mi dbang gzhan yang gang gis mthar 'jig pa'i/ /'tsho ba'i 'jig rten dag na sdug pa su/ /dam pa'i don la rnam spyod mkhas pa yang/ /sdug ces pa 'dis blo ni rnam par g.yengs/ /sa bdag khyed ni gal te bdag cag la/ /sdug pa 'ga' zhig mchis na bdag cag rnams/ /ma smad 'phags pas bsten cing mi 'phrogs pa'i/ /bde ba yid la 'dod pa bsgrub tu gsol/ /de nas rgyal po de brtse ba'i yi ma rangs par gyur kyang/ bde bar gshegs pa'i bstan pa la mngon par dad pas chos la bar chad byed pa'i 'jigs pa skyes pa dang rang gi bu mo rnams kyi sngon gyi skye ba rjes su dran te 'gro bar 'dod pas na skye ba dran par nges so snyam du rnam par bsams te shin tu yun ring por cang mi smra bar gyur to/ /mi yi skyes bu de yis ni/ /'chi ba med par shes pas na/ /song bas yongs su ma spangs par/ /ci zhig ltar na rjes gnang smras/ /de nas bu mo de rnams kyis me tog phreng ba dang/ byug pa dang rgyan rnams spangs nas dul ba dang ldan par zhugs pa'i lus la gos dkar po phra zhing rab tu 'phyang ba gon pas chu bo rlung gi shugs kyis bskyod pa'i dbu ba'i phreng ba lta bu 'am/ ston ka'i mtshan mo zla ba'i 'od kyi gos kyis bkab pa lta bu 'am/ drang srong me bdun gyi skar ma rang gi 'od zer gyi dra bas g.yogs pa lta bu dang/ rim gyis ro bsregs pa'i gnas me'i dbus su ro gzhag pa tsig tsig zer ba rnam par bkram pa dang/ ro rnam par

  207. 104a

    mnam pa dri mi zhim pa 'jigs su rung ba dang/ mi'i thod pa bya rgod kyi mchu'i rtse mo rnon pos brtol ba'i bu ga nas glad pa dang chu ser rnam par 'dzag pas mi ro'i gdong la spags pas mdza' ma khyab cing 'jigs pa dang/ rnyings shing dengs la mdog rnam par 'gyur ba'i rus pa'i dum bu'i tshogs kyis gnon cing rtsub pas sa'i tshogs rnams bgrod par dka' ba dang lus can dag yid yongs su 'byung bar byed pa gshin rje'i gnas bzhin mya ngan dang yid mi bde ba dang/ sdug bsngal ba'i gnas su gyur pa'i dur khrod du phyin par gyur to/ /de la 'di skad ces bya ste/ mi yi khrag dang zhag gi dri ma zhim pas myos par gyur pa'i bya rgod dang/ /rgyu lto nar bas khyab cing mi sdug 'jigs pa'i ro yi yan lag rnams kyis khangs/ /kunda 'dra ba dkar zhing rtag tu rgod pa 'dra bar mdza' yas thod pa dang/ /n+ya gro d+ha snying sul nas 'ug pa sna tshogs hUM sgrogs 'jigs pa'i dur khrod phyin/ /ce spyang kha ni mer bcas rlangs pa'i sgra dag sgrogs pas 'jigs pa dang/ /la lar thod pa dkar po'i dra bas khyab cing bgrod dka' dang/ /srin bu'i rigs kyi tshogs kyis gzings shing sna khung bskyod pa dang/ /bung ba sbrang bu brgya phrag mang po ro la 'phu bas shing 'du/ /rus pa dkar dang dma' rlon rlung gis bskyod par 'gyur ba dang/ /ro bsregs me gsal 'phro dang shing skam rtsan sprul nyal dang/ /la lar mi yi lus ni mdung rnon phug nas bskyod pa dag /gshin rje dag tu dga' ston byed la 'jug pa'i tshang bar 'dra/ /la lar mi mgo'i thod pa'i gseb nas khrag dang chu ser 'dzag pa yi/ /khu ba mi sdug dag la sred ba'i sha za'i tshogs kyis khyab/ /la la cil cil zer ba'i ro bsregs ma yis bskor ba

  208. 104b

    dang/ /mi ro'i khong nas rgyu long phung po gtor bas khyab par 'gyur/ /skyo bas brlan pa'i sems kyis ni/ /der ni bud med der brtags nas/ /'tsho ba'i 'jig rten rgyu mi rgyu'i/ /ngo bo nyid ni sems par gyur/ /skra yi snying ni rdul gyis rtsub shing dmar/ /mig spugs bya yi mchu dang sder mos brus/ /gsang gnas 'gyur zhing mi sdug rnag bcas par/ /bor ba'i bud med lus der rab tu bltas/ /dam pa'i spyod pa thang cig nyer g.yos shing/ /utpal 'dab ltar dkyus ring mig gis ni/ /ro yi gzeb de mngon par bltas nas kyang/ /tshig mang rnam pa du ma smras par gyur/ /'di nyid rdo thal byugs pas dga' ba'i gnas khang ni/ /zla zer gsal bas spras par byas pa ru/ /sdug pa'i phang bar brten cing gnas pa las/ /nga ni sa yi dkyil 'khor gzhi la nyal/ /sdug pa'i lag pa'i gseb du nyal ba na/ /'brug sgra sgrogs pa yis ni khyod sgrag na/ /mer bcas ltas ngan ce spyang sgra yis ni/ /dka' thub ma khyod ci phyir 'dir mi 'jigs/ /'di nyid rang gi khyim 'khor zla zer te/ /ro smad lci ba'i khur gyis dal 'gro la/ /rol cing rgod la sgeg par rnam lta ba/ /brtse med bya rnams da ltar za bar byed/ /'gro ba de dag ngan cing mi brtan te/ /snying rje med pa'i sdug des ci yi phyir/ /mi ro brgya yis khyab par gyur pa yi/ /dur khrod 'di ru khyod ni bor bar gyur/ /rang mi rtsa lag mdza' bshes sdug pa dang/ /pad+ma bung ba bzhin du gnas pa las/ /ci phyir mtshan mo rgyu bas 'jigs kyang ni/ /nyon mongs deng 'dir dur khrod dag tu dga' / /sngon ni mdzes shing snum la dkyus ring 'jam pa'i mig gis blta ba na/ /chags can rnams kyi mig 'bras mdza' dmar 'gyur zhing mi rnams nyams byed pa'i/ 'dod lha'i ri dags rgyar gyur bud med de nyid deng ni

  209. 105a

    bya rnams kyis/ /mig phyung sdug bsngal byas pas chags dang bcas rnams shin tu 'jigs par byed/ /mi gtsang sna tshogs khong nas mi mdon sreg shing gi /lus la bdag gir chags pas long ba'i mig bslus zhes// bud med mchog 'di 'dod chags ldan pa rnams la ni/ /brkam pa'i bya yis mchu btogs gdong gis nye bar dgod/ /pi wang gling bu'i sgra rnams dang ni snyan pa'i glur bcas pas/ /mchog tu sdug pa'i pang na bag phebs bde bar gnyid log pa'i/ /bud med de ni ce spyang skad 'byin mu cor smra bcas shing/ /sa rdul gyis khyab rtsub pa'i dur khrod 'dir de nyal bar 'gyur/ /gang du rnam par brtags kyang sgra yi rtse mo tsam gyis ni/ /gtsang ba mi gtsang tshogs kyi tshad 'dir mi snang na/ /phung khrol chos can nang mang 'dod pa tha chad la/ /rang bzhin ngan rnams ci phyir de ni chags par 'gyur/ /bu mo 'gro ba kun gyis tshul yang 'di 'dra ba/ /rmi lam mig 'phrul chu zla lta bur rang bzhin gyis g.yo ba rtogs la ji srid srog 'di lhag ma dang/ /bcas shing lus gzhon gyur tshe chags dang nyer bral byos/ /gshin rje'i chu srin dga' ba'i khar ni tshud gyur cing/ /skra dkar tshogs kyis spyi nas nges par gzungs nas ni/ / srog mthar gyur pa'i gnod pa'i tsher ma'i gnas phug la/ /mchi mas mig khebs gyur tshe dge ba ji lta bya/ /'jig rten pha rol mi bzad mun nag g.yeng chen du/ /lhung zhing lus phyir 'gyur tshe dge ba 'dod gyur kyang/ /dug can sprul kha dog pa'i nang du chung gyur pa/ /sbal pa nga ro 'don dang mtshungs zhes mkhas rnams smra/ /ci phyir tshig rtsub phra ma ma 'brel spyi brtol smra ba dang/ /snyan tshig bcos mas 'jig rten bslus par gyur nas de ring ni/ /mi smra

  210. 105b

    gnas zhes spyod pa lta bus mdun so'i phrag nas ni/ /bya rnams tsham tshom med par mchu yi skam pas lce 'byin 'gyur/ /chags pas ldangs shing log pa'i yul goms yon po'i bsam pa can/ /byis pa gang gis mig gis yul mthong brtan pa rnam 'jigs pa'i/ /mdzes pa'i ngo smad de ni de ring 'jigs dang bral ba yi/ /mi bzang bya rgod mchu dang sder mos 'jog cing tshul du 'gro /gang dag rang gi khang pa sa gzhi me tog sil mas gtor ba yis/ /rtsig pa'i ri mo yongs 'gyur bzhin dang zur gyis lta byed cing/ /sdug pa'i lag pa'i pad+mar brten cing dal gyis 'gro ba yi/ /bud med de yi rkang pa de ni wa dag za bar 'gyur/ /'di ltar lhan cig skyes pa'i mi sdug mi gtsang 'dam rdzab dang/ dregs pas myos shing sems lhung gyur pas sdug bsngal nyon mongs pa'i/ /lus la khyed kyis 'di ni rang bzhin ma zhir bltas nas ni/ /'tsho ba'i 'jig rten glog ltar rab tu 'jig la yid 'byung gis/ /yang dag ji bzhin thugs chud chos kyi rgyal pos sems can rnams/ /nyon mongs rma nang rgyun mi 'chad par 'dzag pas gdungs pa la/ /rang bzhin bsil ba'i chos gsung chu yi bum pas tshim mdzad pa/ /sman pa'i mchog gyur ston pa de la rtag tu phyag 'tshal lo/ shes par dka' zhing g.yo can ma zhi las dang nyon mongs ldan/ /rnam par 'gyur la ma zhi skye bar bshad pa gang yin pas/ /rmongs pa shing rta'i 'phang lo bzhin du dbang med 'khor bar ni/ /'jig rten mi bzad 'phongs pa'i rdo rjes lus ni nges 'joms 'gyur/ /gzhon nu'i tshe na ma yin lan bur ldan pa'i skra byas shing/ /gang la lang tsho mdzes pa'i nor bu'i phreng ba mchog bcings dang/ /bram zes me tog bcas pa'i zhi ba'i chu thigs kyis gtor

  211. 106a

    pa'i/ /bud med mgo la mi bzad khwa rnams 'thog pa nyon mongs so/ /gang zhig bag ma'i dus su me tog bzang bsgos shing/ /ma yi lag pas dge mtshan bkra shis byas gyur pa'i/ /skra de de ring rab drag rlung gis bskyod? nas ni/ /dur khrod dag gi shing la rnga yab nyid du 'gyur/ /rang bzhin sgrin par lta dang zur gyi bltas gang song/ /sgeg pa'i gom stobs ngang ni dregs myos gang du song/ /dga' bas steg cing glu dang rgod pa gang du song/ /e ma sgyu ma'i gsang ba'i rab bkod ngo mtshar che/ /rgod cing ngal gyis rnam g.yo'i rna rgyan 'od kyis mkhur pa dmar po dang/ /gang du srog dang mnyam pa'i mdzes pa'i ri mo 'bad de bris pa dang/ /pad+ma gzhon nu'i snying po lta bur 'jam pa'i mkhur chos gang yin der/ /bya rnams dpral bar gnas shing khrag gis sbags pa'i mchu yis 'tshog par byed/ /'od can mu tig phreng ba'i spu ba dkar zhing spu yi chu bal can/ /nu ma rgyas pa'i ngur ba zung ldan brang gi rdzing mchog yangs pa dag /g.yo ba'i gos lhur byas pas 'phongs pa'i mig ni gang du chags 'gyur ba/ /der ni rnam par brnags pas sbrang bu'i tshogs rnams 'phungs par 'gyur/ /sngon ni tsan dan chu thigs phreng thor ta la'i lo ma rlung yab dang/ /mngag gzhug rnams kyis bzang mo'i gdu bu sgrar ldan pa dag g.yog byed cing/ /khang bzang zla zer gyis spras dkar bar mdzes pa'i sngas la brten gyur pa/ /de ni deng 'dir kha yi sgrog shog rtsub pas bskyod pa'i rlung gis g.yob par 'gyur/ /gang gis sngon ni 'di bskyod cing/ /gseb nang dag tu rnams spyad nas/ /lus kyi shing ni spangs nas ni/ /sems kyi spre'u de gar song/ /gang gis byed pa med 'di yang/ /byed pa lta

  212. 106b

    bur ston byed pa/ /bdag med ro 'di spangs nas su/ /sems kyi bzhad gad mkhan gar song/ /gang zhig rmongs pas blo ldongs pas/ /nang na bdag tu 'dogs gyur cing/ /mu stegs can rnams rmongs byed pa'i/ /rnam shes srin bu de gar song// gang gi yun rings rnam rmongs kyang/ /yang dag par ni mi gnas pa/ /sna tshogs sems kyi sgyu ma mkhan/ /'gro ba 'di las gang du song/ /gang gis 'gro ba ser skya sogs/ /dka' thub pas kyang mi shes pa/ /nam mkha' i yul gyi spyod yul can/ /sems kyi rig 'dzin de gar song/ /g.yo dang mi g.yo sgo dgu po/ /mi gtsang 'dir ni spyod spyod pa/ /de ni lus kyi gseb 'di las/ /sems kyi bya de gang du song/ /mi zad yul las sdug bsngal 'bab pa'i lan tsha chen pos rab tu khengs gyur pa'i/ /srid pa'i rgya mtsho nyon mongs sbrul dang nyer 'dre gang yin der chud cing/ /mi shes chu srin 'khrug pa'i chu rlabs g.yo ba'i chu bor nub gyur pa/ /sems kyi mtshan ma spyod pa lus 'di spangs nas de ring gang du song/ /nyes bral bcom ldan de ni gdul ba'i thabs rnams gang dag yin mkhyen gyi/ /ma dul gang gi mthar ni dmyal bar me 'bar 'gro bar gyur pa yi/ /gser ltar ser ba'i gseb tu dbang med par ni 'dor byed pa/ /rang bzhin g.yo? bar byed pa'i sems kyi rta de gang du song/ /de nas rdo rje 'dzin pa'i 'od kyi 'khrig ma rgyas ljang ba/ /brgya byin dga' bas mig gdangs dul bcas nyer song ste/ /bu mo rnams la rang bzhin skal bzangs tshig pgis ni/ /rjes su mthun zhing dge bas legs so legs zhes smras/ /sring mo na tshod gzhon zhing 'dod lha'i gnas gyur dang/ /rgyal rigs 'byor pa'i dpal gyi bde ba spangs nas ni/ /sngon gyi drang srong rnams kyi bka' la zhugs gyur pa/ /dka' ? thub 'dis bdag yongs dga' skyod?

  213. 107a

    rnams ci 'dod smros/ /'dod pa'i dbang phyug lag mthil gnas bzhin shes par gyis/ /sum cu rtsa gsum bdag po'i bde ba'ang des rtogs la/ /lha rgyal brgya byin bdag yin khyed nyid gang 'dod dang/ /sring mo bdag gis nges par gang bya myur du smros/ /de nas gzhon nu de rnams yul gyi bde ba 'dod med cing/ /rang bzhin g.yo med sems kyis brgya byin zur mig gis bltas nas/ /rang gi dge ba yongs smin brtan par gyur ba'i rang bzhin gyis/ /kha na ma tho med gsal sna tshogs don ldan tshig 'di smras/ /brgya byin bdag cag skye ba'i sdug bsngal gyis ni gdungs gyur pa'i/ /srid pa'i bde ba zil ba'i kha chu 'dzag pa'i rgyun 'dra'i phyir/ /bzhin ras mdzes pa mya ngan mchi mas bris shing rnyogs pa yi/ /gnyen rnams spangs nas dka' thub 'di la rjes su zhugs pa min/ /gzhan yang 'gro ba ma lus tshul ngan gyis bcings mi bzad pa/ /'phongs pa brgya phrag stong gis btsom pas nyes par skyo 'gyur zhing/ /bkren pa nyams thag mthong bas nyes zad rnams kyi rjes 'brangs te/ /rga med mya ngan med pa'i go 'phangs thob phyir brtson pa yin/ /gal te 'gro la rjes brtse lhag bsam ngang tshul ldan gyur cing/ /ci ste brgya byin khyod kyis mchog ni yang dag ster nus na/ /'chi med mi 'phrogs tshangs bzhi tshangs pa'i go 'phangs rnams grol te/ /srid pa'i 'jigs pas yongs gdungs bdag cag rnams kyis thob par mdzod/ /lus las byung zhing 'dzag pa'i dri ma'i skyon gyis bsgos par gnas pa dang/ /ma yi mngal du mi gtsang 'dam gyi tshogs na mang dag ma spangs spyod/ /byung nas rus pa'i 'khrul 'khor gyis ni mgo btsir brgyal zhing nyams thag pas/ /nyon mongs

  214. 107b

    sdug bsngal gcig nas gcig tu brgyud pa'i skye ba bcang par mdzod/ /rgas pa'i srin mos skra dkar mche ba dkar po myu gur ldan pa yi/ /kha gdangs nas ni 'gro la gzhung lugs med par ci nas 'dzin byed cing/ /gang 'di mi yi brtson dran blo gros dga' ba'i dpal ni rab 'joms pas/ /lha yi bdag po khyod kyis gal te nus na de las bskyab par mdzod/ /dbugs rgod g.yo zhing lto ba sra la lpags pa skya zhing rtsub pa dang/ /longs spyod 'bar ba sna tshogs thob kyang spyod par mi nus stobs med pa/ /gang zhig lus zin 'chi bdag pho nya'i skyes bu dang tshogs rab 'jigs so/ /lha dbang khyod ni mchog ster 'dod na de las bdag cag skyobs/ /mig ni phyir phyogs gyur cing mi g.yo gnas rnams gcod pas sdug bsngal ba/ /nyon mongs 'khrul pas rab tu lus bcom 'jigs pas phung po 'gyel ba dang/ /gnyen rnams mthong bas mchi mas mkhur ba dag dang mchu ni bkrus gyur pa/ /gang gis zin na rab tu 'jigs pa 'chi ba de las bdag cag bsrungs/ /gang gi yid khyab gyur na phyugs bzhin 'gyur zhing mya ngan gyis zin pa/ /bya dang mi bya'i rnam pa blo la mi sems smad pa'i gnas bskyed pa/ /tha mal bsil ba'i rlung gis g.yabs kyang lus tshim mi 'gyur ba'i/ /'dod chags me chen de ni mchog sbyin khyed kyis nges par zhi bar mdzod/ /gang gi shugs kyis mi 'gyur g.yo zhing so yi skros gnon la/ /skad cig gis kyang mi bzad dmyal ba'i 'bras bu ster byed sdig can ni/ /nges pa'i lo ma dang ni chu dag za ba'i thub rnams kyis kyang ma bton pa/ /yid kyi yul gnas khro ba'i sprul de brgya byin khyod kyis gsal bar mdzod/ /gang gis mig khebs gyur na blo gros ngan rnams zhi ba'i lam spong zhing/ /log lta'i dug gis nye bar

  215. 108a

    spags pa'i yid kyis lam gzhan dag la brten/ /gang zhig rab rib bsal bas zag pa kun gyi rgyur na rab gsungs pa/ /log yid khyim na spyod pa rmongs pa'i mun nag brgya byin khyod kyis sol/ /brgya byin mchog ni de dag rnams/ /khyod la bdag cag rnams slong gi /dam bcas don la 'gal ba ni/ /mkhas pas 'dod par mi byed do/ /de nas brgya byin gyis de rnams 'dod pa'i yul dag slong bar mi byed cing/ /bltos pa med la gsal zhing mdzes? pa'i tshig gis rnam par 'khrul pa ngo mtshar du gyur cing yang dag par dad pas lus kyi spu zing byed de smras pa/ /mi 'byor dngos po slong bar gyur pa ni/ /'jig rten dag na bra zhing zhum 'gyur bas/ /gang 'di bdag gis sbyin par nus pa yi/ /mchog rnams sbyin gyi bu mo khyod kyis smos/ /de nas bu mo de rnams kyis de'i nang na mi mngon pa'i rgyus rnam par smra bas tshig des yang dag par skyo bas nye bar bskyed pa'i khro bas brgya byin la smras pa/ /ci phyir nye bar 'drid pa'i thabs dang ni/ /brgya byin mdzes med pa dag gang du lhags/ /bde ba tsam dang mi mkhas blo can nam/ /mi srun pa yi bgrod bya bdag cag min/ /'dir ni phyogs rnams rgya cher grags pa'i tshogs ldan pa'i// rgyal po'i rigs su gyur par khyod kyis mi shes sam/ /gang gi nor gyi snying po nges par bltas nas ni/ /nor bdag mi yang ji bzhin don dang ldan pa yi/ /rga bas gzir cing 'chi ba'i sdug bsngal gyi/ /dub cing yid 'thung zhum ba'i 'jigs spangs phyir/ /lha yi mgon po gnas skabs 'dir zhugs kyis/ /dreg pas ma yin byin min mi brtan min/ /bsod nams byed pa rnams la 'chi ba'i phyir/ /gang phyir khyod ko bdag cag sdug bsngal byed/ /gnyen

  216. 108b

    dang mdza' bshes 'khor gyi sbyor ba yi/ /dga' bas brgya byin yun ring 'tsho bar gyis/ /rang byas bgo skal ldan pa'i 'bar ba yi/ /gang phyir lha yi bdag por khyod gyur des/ /gzhan gces rgyu yis lha yi rgyal po yi/ dam pa'i phun sum tshogs thob mi 'gyur ro/ /de nas dbang po chen po des de'i tshig gsal zhing tshig gis don sna tshogs ston pa'i tshig rnams kyis lus tshim zhing mchog tu ngo mtshar du gyur la dad pa bzhin rab tu dngas shing mdzes pa dang/ /gzhan yang de rnams kyi bsam pa sad pa'i phyir shin tu bsti stang dang bcas pa'i tshig gis smras pa/ /kye ma ma dang 'dra ba'i sring mo dag /'jig rten dka' thub can dag kyang/ /mgon du bdag gi lha 'dod na/ /ci phyir 'di ni mchog ster ba/ /nga la khyed rnams brtse med 'gyur/ /de nas bu mo de rnams lhag par yang 'khrugs shing khro ba dang bcas pas brgya byin la smras pa/ /'di sogs kyi ni bzhin ras la/ /chags shing 'dzum dang zur mig gis /rnam lta'i gnas ni gzhan yin zhing// sbyin bya'i mchog kyang gzhan yin no/ /gal te brgya byin khyod kyis ni/ /mchog rab ster bar nus na ni/ /yul rnams kyi ni sha za ni/ /mi srun de las rgyal bar gyis/ /yang na 'dod pa spang dka' zhing/ /log pa'i rtog pa 'chags 'gyur na/ /rgyun de nyid la rtag tu mnos/ /gal te nus yod 'di 'drar gyis/ /mig stong ldan khyod mi brtan pa'i/ /'dod la yid ni chags gyur pas/ /khyod dang sbyin bya tha dad na/ /mchog ces pa 'di ji ltar smra/ /ji ltar chu bo 'jigs pa yi/ /shugs kyis bdas par gyur pa'i mi/ /gzhan dag bsgral bar bya'o zhes/ /yongs rtog byed pa rmongs pa'i gnas/ /skra rnams bregs par gyur nas ni/ /phyag dar khrod kyis gos 'chad zhing/ /dgon pa yul du 'dod

  217. 109a

    par ni/ /nam zhig de ltar 'gyur zhig gu /gnya' shing gang tsam rnam lta zhing/ /sa yi lhung bzed lag thogs nas/ /dbyas med khyim nas khyim du ni/ /nam zhig slong mo spyad par 'gyur/ /rnyed dang bkur sti chags med cing/ /nyon mongs tsher ma 'dam rdzab dang/ /skyong bar byed dang grong khyer gyi/ /sbyin pa'i gnas su nam zhig 'gyur/ /rtswa yi tshogs las langs nas ni/ /ba mos lci ba'i gos dag dang/ /zas skom ngan don tsam gang gis/ /nam zhig lus la chags med 'gyur/ /shing drung ne tso ltar ljang ba'i/ /dur ba 'jam po'i gos can du/ /mthong chos bde ba'i dga' ston dang/ /nam zhig bdag ni nyal bar 'gyur/ /'dor bar 'gyur ba'i lus srog la/ /chu dang rtswa yi zil pa ltar// bltos med yun ring goms pa yis/ /bde ba chen po nam zhig thob/ /nam zhig chu ngogs sman ljongs su/ /gnas nas chu rlabs 'byung 'jig dang/ /'tsho ba 'jig rten gnas 'dra bar/ /yang dang yang du blta bar 'gyur/ /lta ba kun gyi mar gyur pa'i/ /'jig tshogs lta ba 'byin pa dang/ /srid pa'i longs spyod mi 'dod par/ /bdag ni nam zhig 'gyur zhig gu /rmi lam smig rgyu sgyu ma sprin/ /dri za'i grong khyer mtshungs par ni/ /rgyu dang mi rgyu'i 'jig rten dag /nam zhig rtogs par byed par 'gyur/ /ming po 'di ltar dga' ba yis/ /re ba'i yid kyi rnam rol pas/ /zang zing bcas shing g.yo ba yi/ /mchog de rnams kyis ci zhig bgyi/ /kye ma mchog rab sbyin par sems gzhan yang/ /log par rtog pa'i skad cig tsam dga' zhing/ /lha mgon 'dod pa ngo bo nyid kyis g.yo/ /g.yang sa chen por mun nag bcas 'dra bas/ /sems rgya che ba'i dam pas rnam par spangs/ /mi rigs 'tshe ba kun gyi rgyur gyur cig /'dod pas mi rnams

  218. 109b

    'khrul bar byed pas na/ /'di ni smad bya 'jigs pa chen po ste/ /mi gtsang bsgos pa'i sbrul nag dag dang mtshungs/ /gang 'di thog mdza' med nas 'gro ba dang/ /'gro bar 'gyur dang gnas pa'i sems can lus/ /de ni gsod 'joms bsten dang mtshungs pas ni/ /sdig pa'i gzhir gyur 'dod pas ci zhig bya/ /lha dbang brgya byin 'dod pa'i yul 'di ni/ /phyag dar khrod 'drar byed 'dra'i ngo bo bas/ /brdzun par rtog cing rnam smin mi bzad pa'i/ /'dod pa'i yid kyis kyang ni su zhig bsten/ /bai DUrya ltar sngon ljang skye ba'i rtswa dang ni/ /me tog rgyas par gyur pa'i shing gi gnas spangs nas/ /lcags kyu rnon pos spyi bor 'tshog cing 'drid pa yang/ /glang chen dbang po khur bskyed yul gyis bslus pa yin/ /mdung rtses lus skyon grong gi khra nga'i tshogs rnams kyis/ /gshog pa'i rlung gis rab tu g.yob bar byed 'gyur la/ /mdza' bo rnams kyang g.yo byas mig gis lta byed pa/ /skyes bu 'jigs par gyur pa'ang yul gyis bslus pa yin/ /byis pa log rtog rlung gis rab 'bar 'dod pa yis/ /rang yid khang pa bdag nyid kyis ni sreg byed na/ /smyig ma lo brgya lon pa phan tshun bdar ba yis/ /rang nyid kyis ni sreg par byed pa ji bzhin no/ /brgya byin gzhan yang rnam rgyal khang par gnas nas ni/ /'od 'phro nor bu'i dpal gyis dga' ba 'di las ni/ /me chen rab 'bar 'jigs pa'i mnar med par phyin pas/ /gang 'di dug can yul gyis bde ba bde legs min/ /mtho ris gnas nas 'gro ba ngan pa'i nang 'jug cing/ /skad cig gis lhung 'pho ba'i sdug bsngal gyis gzir ba/ /gang dag sdug bsngal myong 'gyur lha yi 'jig rten mngon dga' ba/ /sngar myong 'gyur ba de ni bde ba myong ma yin/ /gser gyi pad+ma kha 'byed dang pa nyal ba dang/ /gang 'dir lha yi khang

  219. 110a

    par rdzing bur gru la brgal ba dang/ /'dod pa'i las kyis slar yang mi ro rul ba yis/ /gzings pa'i chu bo rab med nang du lhung bar 'gyur/ /yongs su gyur na dga' bral rmi lam lta bu yi/ /lha rnams bde ba de ni brgya byin su zhig 'dod/ /'tsho ba'i 'jig rten khros pa'i sbrul gyi lce ltar g.yo ba ni/ /thams cad rtogs pas bdag cag thar la gzhol bar gnas/ /srid mtsho tshang tshing nang na gnas pa'i byis pa rnams/ /'di bde yin zhes pa de log par brtag tsam ste/ /gang 'di srid pa ma lus sdug bsngal kun bskyed cing/ /yang dag gsung ba'i sangs rgyas rnams kyis nges par gsungs/ /'tsho ba'i 'jig rten rang bzhin sdug bsngal mang pos g.yengs gyur te/ /gang tshe 'di na bde ba myong ba'ang bya rog blta ltar mtshungs/ /de yang phrad gyur sdug bsngal du mas zil gyis gnon 'gyur te/ /chu bo'i chu ni rgya mtshor phyin pa dag dang mtshungs pa dang/ /gang phyir bud med lag pa ge sar bcas pa'i pad+ma'i 'dab 'dra dang/ /gang du bu cung zad 'khrol pa tsan dan bsil bas bsgos par gyur pa yis/ /reg cing zangs ltar dmar btsos sor mo zlu ba pas brtse bas 'khyud par byas pa dang/ /bsil yab rlung gis rgyan 'phreng gtor bas gnyid log khyab par gyur pa dag 'jig ma'i rtse mo gcer ba'i lam du thal ba dang 'dres rlung dmar ni/ /drag pos g.yab cing dub la lci ba'i lus kyis slar yang nyal 'gyur te/ /de bas 'tsho ba'i 'jig rten skad cig thang cig g.yo bar shes gyis la/ /'phongs pa'i 'bras 'byin 'dod pa spongs la tshangs pa'i gzhi la brten par gyis/ /de nas bu mo rnams la mig stong ldan/ /dga' bas lus kyis ba spu ldang gyur cing/ /brtson pa mngon dga' i sems dang lhan cig gis/ /sum cu rtsa gsum

  220. 110b

    mngon phyogs song bar gyur/ /de nas bu mo de rnams rab byung nyer son zhing/ /de nyid don la rnam brtags blo mig dag gyur pas/ /dregs pa'i chu rlabs g.yo zhing 'jigs par byed pa yi/ /sdug bsngal mtsho chen mdza' med 'khor ba brgal bar gyur/ /'gro ba ma rig ldongs pa kun gyi mig gcig pu/ /rang bzhin 'gro don rnam byed nges pa'i bdag nyid kyi/ /thub pas sems can rnams la tshul 'di gsungs pas na/ /sems can rnams kyi srid pa'i tsher ma zad par shog /gzhon nu ma bdun gyi rtogs pa brjod pa/ /slob dpon chen po gsang ba sbyin gyis mdzad pa rdzogs so// //rgya gar skad du/ sabta gu Na pa ri bar+NanA ka thA/ bod skad du/ yon tan bdun yongs su brjod pa'i gtam/ 'jam dpal gzhon nur gyur pa la phyag 'tshal lo/ /las ni du ma la brten pa'i/ /san tshogs yon tan 'dod pa yis/ /'bad bya sa bon med par ni/ /myu gu skye ba yod pa ma yin/ /nyes med yon tan bsdu ba ni/ /sna tshogs pa dag rnam bya ste/ /nyes pa dag ni gcig pu yis/ /yon tan mang po 'joms par byed/ /tshe ring de bzhin nad med dang/ /gzugs dang skal ba bzang dang rigs/ /nor dang shes rab dag dang bdun/ /yon tan med sde dag las gsungs/ /de bas zlag pa nyes pa yin/ /de dag re res ji ltar ni/ /yon tan thams cad 'joms 'gyur ba/ /de ltar nga ni bshad par bya/ /nad med gzugs dang skal pa bzang/ /rigs nor shes rab phun sum tshogs/ /tshe ring ba ni med gyur na/ /bsad sar phyin pa'i rgyan dang 'dra// tshe dang gzugs sogs yon tan ni/ /'di dag nad med mi ldan na/ /don med par ni nyams 'gyur te/ /ma ning bud med mchog yod mtshungs/ /yon tan ldan pa mthong na yang/ /gzugs ngan skyo ba skye 'gyur te/ /yon tan phun

  221. 111a

    tshogs rgyas par ni/ /rgyal po'i btsun mo mthong dang mtshungs/ /sngar bshad yon tan phun sum tshogs/ /skal ba ngan pas mdangs phrogs pa/ /ldang ba'i gnas su gyur pa'i phyir/ /drang srong bran dang mtshungs par 'dod/ /yon tan dpal ldan dri ma med/ /rigs ngan la brten mya ngan gzhi/ /bram ze'i chung ma yon tan can/ /rigs ngan lag na gnas dang mtshungs/ /tshe dang nad med la sogs pa/ /sngar bshad yon tan 'di dag ni/ /dbul po la gnas bkur 'os min/ /dur khrod gnas kyi mi dang mtshungs/ /yon tan ji skad bshad phun tshogs/ /glen pa bdag nyid brlag don 'gyur/ /'od ma smyug ma chu shing gi /'bras bu phun tshogs lta bu yin/ /de ltar ji skad bshad yon tan/ /yan lag re re ma tshang nyams/ /yi ge gcig ni ma tshang ba'i/ /rig pa 'bras bu med 'gyur mtshungs/ /yon tan yongs rdzogs mdzes pa ni/ /yi ge tshang ba'i rigs pa 'dra/ /sbyor ba grub las 'bras bu 'thob/ /ma tshang med pa 'byung bar 'gyur// de bas legs mdzes rdzogs pa yi/ /yon tan la ni 'bad par gyis/ /'di dag rgyu ni gang yin pa/ /mdo bshad nga las rtogs par gyis/ /gsod sar chud par lags btang dang/ /de bzhin rog gis phan btags shing/ /srog chags 'tshe ba las ldog pas/ /tshe ring ba ni thob par 'gyur/ /nad pa'i bsnyen bkur byas sman pa/ /sman ni rab tu byin pa dang/ /srog chags bong ba dbyig sogs kyis/ /'tshe ba med las nad med min/ /khro ba med la brten pa dang/ /rgyan byin pa yis gzugs bzang nyid/ /phrag dog med pa'i 'bras bu nyid/ /skal ba bzang por yongs su bshad/ /dam pa mchod cing bsnyen bkur byas/ /nga rgyal spangs pas rigs mthor 'gyur/ /sbyin byed rkub las

  222. 111b

    ldog pas/ /longs spyod phun sum tshogs thob 'gyur/ /dge dang sdig pa gang yin zhes/ /yang dag 'dri la brtson pa dang/ /chos kyi bstan bcos byin pa yis/ /blo gros rgya chen thob par 'gyur/ /yon tan bdun yongs su brjod pa'i gtam/ /slob dpon dbyig gnyen gyis mdzad pa rdzogs so// //rgya gar gyi mkhan po paN+Di ta gang+gA d+ha ra dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa// //rgya gar skad du/ sh+rI la pa ri ka thA/ bod skad du/ tshul khrims kyi gtam/ /dkon mchog gsum la phyag 'tshal lo/ /rgya mtsho dang ni glang rjes kyi/ /khyad par dag ni gang yin pa/ /sbyin pa dang ni tshul khrims kyi/ /khyad par dag ni de yin no/ /gang zhig dad pa'i sems kyis ni/ /lo brgyar sbyin pa byin pa bas/ /gang zhig nyin gcig tshul khrims ni/ /bsrung ba de las khyad par 'phags/ /sbyin pa bshan pa rnams dang ni/ /rigs ngan dag kyang sbyin par byed/ /gang yang rung bas tshul khrims ni/ /yongs su bsrung bar mi nus so/ /sbyin pa rab tu 'byor gyur kyang/ /de ni sbyin bdag chen po min/ /tshul khrims rnam par dag pa yis/ /sbyin bdag chen po yin par bshad/ /mgo bregs pa 'am gtsug pud ldan par rgyu/ /khrus kyi chu yis ral pa khyab par 'chang/ /cha lugs sna tshogs dag gi spyod gyur kyang/ /gal te tshul khrims med na sgyu spyod yin/ /gang+gA bgrod pa chu bo nA der song ba 'am/ /dbyang can chu 'am rdzing bur song ba 'am/ /ne le shar ni bsten par byed pa yang/ /gal te tshul khrims kyis rgud la don med/ /ji ltar tshul khrims bla med ldan pa'i dri/ /dam pa mtho ris 'di na mi zad ldan/ /de ltar phreng ba'i dri ni khyab min cing/ /de bzhin byug pa'i dri yang 'byung mi 'gyur/ /'di ni bdag dga' gzhan du 'gro ba de/ /grags dang dga' zhing kun

  223. 112a

    gyis bkur ba ste/ /chos ldan 'bras bu de de mang po mthong/ /tshul khrims 'bras bu drang srong chen pos gsungs/ /tshul khrims nad la sman pa'i mchog yin zhing/ /mun pa'i sgron ma nyam thag la skyabs dang/ /'jigs la srung dang 'phongs pa nye du dang/ /'chi ba'i rgya tsho mdza' med gzings gyur yin/ /gang zhig 'dul ba'i tshul khrims rnams 'jig tshe/ /skrag zhugs tshul khrims ldan pa yod ma yin/ /de bas 'jig rten gzhan mdza' dga' sems kyis/ /gang zhig 'gro 'dod des ni tshul khrims srungs/ /tshul khrims dri med ma lus ji bzhin bzhag /shes rab zhi bas yid ni yongs smin 'gyur/ /de bas rga shi nad 'jigs rnams thar pa/ /gang zhig thob 'dod des ni tshul khrims srungs/ /tshul khrims kyi gtam slob dpon dbyig gnyen gyis mdzad pa rdzogs so// //rgya gar gyi mkhan po dza randA na dang/ zhus chen gyi lo tsA ba rin chen bzang pos bsgyur cing zhus te gtan la phab pa'o// // rgya gar skad du/ sam b+hA ra pa ri ka thA/ bod skad du/ tshogs kyi gtam/ /gsung gi mnga' bdag 'jam pa'i dbyangs la phyag 'tshal lo/ /bdag gis de ring bsod nams dang/ /ye shes tshogs ni gang zhig gam/ /gzhan la phan pa gang bya zhes/ /byang chub sems dpas yang yang bsam/ /bsod nams rang bzhin ye shes tshe/ /tshogs ni gang gis rdzogs 'gyur dang/ /ji ltar gzhan phan byed 'gyur ba/ /de ni legs par bshad par bya/ /gang gis lus dang srog dag ni/ /sems can kun la btang bar bya/ /lus can kun la byams pa dang/ /snying rje nyid kyis khyab par bya/ /sdig pa kun gyi rnam smin ni/ /rang gi rgyud la mngon 'dod cing/ /bsod nams kun la yi rang dang/ /sangs rgyas

  224. 112b

    bdag nyid che la bsam/ /de ltar yang dang yang bya ba/ /'di ni cho ga gzhan yin no/ /byang chub sems ni sngon 'gro bas/ /rtsom pa kun kyang bya ba yin/ /de lta bu yi thabs de yis/ /rtsom pa'i dal ba med par yang/ /bsod nams ye shes tshad med pa/ /yang dang yang du sogs par 'gyur/ /sems can rnams kyi longs spyod dang/ /yongs su bskyab pa'i phyir dang ni/ /rang gi lu dang srog nyid ni/ /yid kyis rjes bzhin btang bar bya/ /bkres skom ngal dang tsha grang dang/ /rlung dang char gyi gnyen po dang/ /mchog thob pa las bdag nyid ni/ /'di na bde myong gang yin dang/ /nyams dga' khang bzang gzhir gnas dang/ /gtsang zhing zhi ba'i gnas gtogs dang/ /lus sems gdung dang bral ba yi/ /bde ba thob pa gang yin dang/ /bsam gtan bde ba thob pa yis/ /bde ba'i gnas skabs tho ba gang dang/ /sangs rgyas byang chub sems dpa' dang/ /dgra bcom shin tu sbyangs zhi nyid/ /de ni sems can thams cad la/ /bye brag med par nye bar bstag phal cher mnyam par ma gzhag tshe/ de ltar byams pa nyer bsten la/ /mnyam par bzhag ste dbang gis rtogs/ /dga' dang shin tu sbyangs pa nyid/ /ji ltar nyams su myong ba dang/ /de bzhin gzhan la lhag mos bya/ /skyes bu 'di ni sdug bsngal gyi/ /chu bor nub dang de rgyu can/ /ngan 'gro dang ni bde 'gro dag /brtse la 'bad pas brtag par bya/ /de las kyang ni dmyal ba dag /sdug bsngal rnam pa mang po dang/ /dus ring rgyun mi 'chad pa yi/ /bcad gshegs me yis gdungs pa dang/ /'tshang cing gtags pa las byung ba'i/ /shin tu nyam thag rab tu 'phel/ /thal chu lta bur rab 'tshed pa'i/ /bsreg cing tsha rims 'drar nyam thag /dud 'gro phan tshun sdang dang srog /rang dbang med par

  225. 113a

    bsad sogs kyis/ /rtag tu sdug bsngal gyis gdungs pas/ /phal cher dmyal ba dag dang mtshungs/ /yi dags me lce'i phreng ba yis/ /bskor cing skad gsang thon por sgrogs/ /la la kha na me 'bar gzhan/ /mgrin pa bab? mig lto ri tsam/ /rtag tu bkres skom la sogs pas/ /sreg cing lus ni skams pa dang/ /kha ci skyugs pa za ba ste/ /gzhan dag de yang rab rnyed dka' / /ngan 'gro'i sdug bsngal ma lus pa/ /mi rnams la yang yod par snang/ /sdug bsngal gzir bas dmyal ba mtshungs/ /dbul bas gshin rje'i 'jig rten pa/ /'di yi dud 'gro'i sdug bsngal yang/ /mthu ldan stobs kyi mthu med pa/ /rnam par gnon cing 'tsho ba dag /chu bo lta bu nyid yin no/ /kha cig dbul ba las gyur dang/ /gzhan dag chog mi shes las byung/ /yongs 'tshol sdug bsngal mi bzad dang/ /thams cad 'khu zhing gsod pa yin/ /'dod spyod lha ni gang yin pa/ /de la'ang bde ba'i sems med de/ /'dod pa'i 'dod chags rims btab pa'i/ /nang gi me yis bsregs 'gyur pas/ /gang zhig sems g.yeng gyur pa dag /de la bde ba ga la yod/ /g.yengs med sems la skad cig kyang/ /dbang byed pa ni ma yin pas/ /rnam g.yengs dkrugs pa'i bdag nyid can/ /nam yang zhi bar mi 'gyur te/ /rlung bcas 'bar bas khyab pa yi/ /me ni shing dang bcas dang mtshungs/ /shin tu ngoms med tha mar ni/ /dbang med shin tu mya ngan byed/ /lha dang mi ni la la dag /sdug pa'i chags pa dam du zhen/ /bsod nams sngon chad de dang des/ /'dod pa rmongs pas gdungs par 'gyur/ /de yang nyon mongs sna tshogs dang/ /sdig pa'i las ni rgyun mi 'chad/ /rnam par ltung ba'i mthar gnas pas/

  226. 113b

    bag med gyur la brtse bya rigs/ /nang sos yun rings ma lon ba'i/ /nad bas mi 'phrod zos dang mtshungs/ /gang zhig gzugs can gzugs med pa/ /sdug bsngal sdug bsngal las 'das shing/ /ting 'dzin bde ba'i bdag nyid can// bskal bar g.yo ba med par gnas/ /de yang shin tu nges grol min/ /de las slar yang ltung bar 'gyur/ /ngan 'gro'i sdug bsngal dpa' o klang las/ /'das pa lta bu 'byung 'gyur ba/ /'bad kyang ji ltar ring mo gnas/ /mkha' la lding ba'i bya dang mtshungs/ /byis pa'i stobs kyis mda''phangs ltar/ /de ni ltung ba'i mdza' can yin/ /mar me ring du 'bar ba dag /skad cig re rer 'jig pa ltar/ /'du byed yongs 'gyur zhes bya yi/ /sdug bsngal dag gis nye bar btses// gshin ba'i chos can gyis/ /nyon mongs nang na rgyu sags kyis/ /gang phyir thams cad gdungs pas na/ /de phyir shin tu brtse bya rigs/ /srog chags kun gyi sdig pa rnams/ /thams cad bdag la smin par ni/ /de ltar sdig pa lan byed cing/ /'gro ba'i phongs pas sdug bsngal byas/ /sangs rgyas byang chub sems dpa' dang/ /'phags pa dag dang 'gro ba yi/ /dus ni thams cad dag gi yang/ /bsod nams kun la yi rang bya/ /tshogs ni shin tu bya dka' dang/ / sangs rgyas chos ni bla med pa/ 'gro ba'i don gyi bya ba nyid/ /sangs rgyas rnams kyi rjes su bsam/ /mang du thos la mngon brtson dang/ /ji bzhin don ni sems pa dang/ /'gro ba'i shes pa nyer bsdus pa'ang/ /rten 'brel yid la byed pa yis/ /'du byed tsam la skad cig ma/ /bya ba med la 'jug par bya/ /thams cad rten 'brel las bsam la/ /rtag tu bdag med bsgom pa yi/ /thams cad mkhyen pa'i ye shes tshogs/ /don dam par ni 'phel bar 'gyur//

  227. 114a

    byang chub sems ni nyer 'phel bas/ /tshogs ni thams cad rdzogs par 'gyur/ /de ltar bsod nams ye shes kyi/ /rang bzhin chu bos 'gengs pa dag /'gro ba'i thar lam gcig tu mkhas/ /byang chub lag ba'i mthil na gnas/ /sbyin dang snyan par smra ba dang/ /don sbyod don ni mthun pa nyid/ /de ltar bsdu ba'i dngos po rnams/ /'gro la phan par byed pa nyid/ /de ni gang la sbyin pa byin/ /gang zhig la ni? snyan smra 'am/ /don dpyod ba ni byas 'gyur ba/ /gang la don mthun byas gyur zhes/ /de ltar rtag tu brtson pa yis/ /'gro ba'i don ni ci nus bya/ /gzhan kun bdag gir bya ba dang/ /rang la gnas pa gzhan gyis bya/ /tshogs kyi gtam slob dpon dbyig gnyen gyis mdzad pa rdzogs so// //rgya gar gyi mkhan po gaM gI d+ha ra dang/ zhus chen gyi lo tsA ba dge slong rin chen bzang pos bsgyur cing zhus te gtan la phab pa'o// //rgya gar skad du/ aSh+Ta bak+Sha NA ka thA/ bod skad du/ mi khom pa brgyad kyi gtam/ /'jam dpal gzhon nur gyur pa la phyag 'tshal lo/ 'dir bcom ldan 'das kyis gsungs pa'i chos gus par mnyan par bya ste phyis ni rjes su rnyed par mi 'gyur ro/ /de ci'i phyir zhe na/ gang gi tshe 'dir mi khom pa brgyad las grol ba'i mi ni shin tu dkon no/ /mi khaM pa brgyad po dag gang zhe na 'di lta ste/ dmyal ba dang/ dud 'gro dang/ yi dags dang/ mdza' 'khob tu skyes pa dang/ lha tshe ring po dang/ dbang po ma tshang ba dang/ log par lta ba dang/ de bzhin gshegs pa mi 'byung ba ste/ de ltar mi khom pa brgyad po 'di dag dang ldan na mi mthob pas grol ba'i chos dang ldan par mi 'gyur ro/ /de dag ji lta zhe na/ brjod par bya ste/ dmyal

  228. 114b

    ba dang/ dud 'gro dang/ yi dags dang/ sha za'i lam du phal cher gnas pas 'dir 'ga' zhig mi 'am lhar 'gyur gyi/ phal cher ni mi 'gyur ro/ /dge ba'i rtsa ba tshogs bsags pa ni dkon pa nyid de/ /de 'ga' zhig gi gnya' shing gi bu gar rus sbal gyi mgrin pa chud pa bzhin no/ /rin po che'i tshogs thams cad kyi gling du gyur pa/ bkra mi shis pa'i dri ma thams cad 'khrung ba/ dam pa'i chos kyi mthar thug pa/ bskal ba grangs med par nges par 'byung ba/ sna tshogs pa la mkhas par byas pas/ sangs rgyas nyid kyi go 'phang thob cing nges par legs pa ni thob pa mchog tu dka' o/ /bdag nyid kyis dge ba mdun du snying por byas te/ mi dge ba'i chos zhe sdang gis skyed pa'i gnyen po dge ba'i chos gtsor bya'o/ /ri'i chu ltar g.yo ba dang/ rlung ltar mi gnas pa dang/ ka sha'i me tog ltar 'thor zhing g.yo ba dang/ ston ka'i sprin dang/ glog dang/ tho rangs kyi mar me dang/ pad+ma'i 'dab ma chu thigs dang/ dri za'i grong khyer dang ngar la bab pa'i sems ltar g.yo ba'i mi rnams la yid brtan par mi bya'o/ /de bas na 'di ltar bsgrub par bya ste/ me'i nang du zhugs pa ltar bdag legs su 'dod pas myur du nges par skyabs su 'gro bar bya'o/ /ci'i phyir zhe na/ 'di ltar gnas skabs thams cad du dge ba'i bshes gnyen du ma rnyed pa ni dkon no/ /gang gi tshe yang sos dang/ /thig nag dang/ bsdus 'joms dang/ du 'bod dang/ du 'bod chen po dang/ tsha ba dang/ rab? tu tsha ba dang/ mnar med pa'i sems can dmyal ba chen po 'di rnams su skyes shing 'khrugs pas skyur zhing 'don pa dang/ rdag? pa dang/ sreg pa dang/ 'tshed pa dang/ 'don cing gtub pa dang/ za ba dang/ gsod pa dang/ 'ching

  229. 115a

    ba dang/ du zhing nga ro 'don pas smre zhing sdug bsngal sna tshogs shing sdug bsngal du mar bying ste/ chu bo rab med du nub cing/ lo ma ral gri'i nags tshal dang/ tsher ma rnom po'i tshal dang/ spu gri gtam pa'i lam dang/ rim pa med par 'gro ba dang/ lcags kyi thu lum 'bar ba za ba dang/ khro chu mthung ba dang/ sa gzhi 'bar bar 'dug pa dang/ me'i phreng bas lus sreg pa ni bud shing rab tu 'bar ba bzhin no/ /yongs su skyur zhing 'bros pa dang/ brgyal ba dang/ smre ba dang/ rnam par 'joms pa dang/ nyon mongs pas nga ro 'don cing/ mya ngan byed cing du ba dang/ rnam pa sna tshogs pa'i gzugs du mas sdug bsngal brgya stong phrag myong ngo/ /de dag gang du ji ltar zhi bar 'gyur zhes kyang gsungs so/ /kyi hud zer ba dang/ a chu zer ba dang/ snying rje rje skad zer ba dang/ /ral gri rnon po thogs pa'i gshin rje gtum pos rdeg cing gtub pa dang/ mnar med par skyes nas 'bar ba'i mes bsregs pa de dag rab tu spangs nas chos kyi 'du shes ji ltar skye bar 'gyur de bas na gus pas chos mnyan par bya ste/ phyis rjes su rnyed par mi 'gyur ro zhes bya'o/ /yang gang dag 'di ltar phan tshun za ba dang/ dang pa dang/ skrag par byed pa dang/ 'joms pa dang bcas shing za ba dang mal 'khrig pa spyod pa dang/ 'di lta ste/ sre mo dang/ ku ra dang/ ri dags dang/ phag dang/ ru ru dang/ smi shi ta dang/ gnag dang/ spre'u dang/ srin bu dang/ phye ma leb dang/ chu srin dang/ ma he dang/ glang po dang/ glang dang/ 'ug pa dang/ bya rog dang/ khrung khrung dang/ bya rgod dang/ khyi dang/ wa dang/ ce spyang dang/ rnga mo dang/ bong bu la sogs par skyes nas phan 'dogs pa dang/ blo gros dang/ rtogs pa dang/ dran pa med cing blun por spyod pa dang/ bgrod par bya ba dang 'grod par mi bya ba la bltos pa

  230. 115b

    med cing/ dgra dang dgra ma yin pa mi shes shing/ smra ba dang bral zhing rigs pa mi byed do/ dpal dang bral ba'i lus dang ldan pa de bas na de dag la yang chos kyi 'du shes ji ltar skye bar 'gyur/ mgo dang mgrin pa dang kha dang rgyab la lcags kyu dang/ rngo ba dang/ dbyig pa dang/ gnya' shing la sogs pas nye bar sdug bsngal zhing/ skrag cir 'bros pa dang/ rnam par 'thor ba dang/ rdeg 'chos pa dang/ 'gred ba dang/ rnam pa sna tshogs pa'i ngo bo du mas sdug bsngal brgya phrag du ma nyams su myong ba de dag gang du ji ltar zhi bar 'gyur zhes gsungs so/ /dgun gyi dus su rlung drag po dang/ ba mo mi bzad pas 'joms shing/ dbyar gyi dus su nyi ma'i 'od zer tsha bas gdung bar byed pa dang/ phan tshun snyems shing 'chi ba'i 'jigs pas 'jig rten rnams la rtag par skrag pa'i dud 'gro log par lhung ba'i srog chags la 'di ji ltar chos kyi 'du shes skyed de bas na gus par chos mnyan par bya ste/ phyis rjes su rnyed par mi 'gyur ro/ /zhes bya'o/ /yang gang gi tshe/ bkres pa dang/ skom pas gdungs shing lus bsregs pa'i rnam pa lta bu dang/ mgrin pa dang/ rkan dang/ lce dang/ mchu skams shing/ snying dang mig dang/ lag pa dang/ rkang pa dang/ khrag dang/ sha dang/ rus pa dang/ gzhungs pa dang/ sgyu ma dang/ nang grol rnams phyur ba lta bur skams pa dang/ mchil ma dang skyugs pa zas su za ba me bsregs pa lta bu'i lus kyi rnam pa dang ldan pa/ snang ba med pa'i mun par gnas pa/ mi gtsang ba zos pas gos shing spags pa/ lo brgya phrag du mang zas skom dang bral ba/ nyon mongs pa rab tu 'bar zhing gcig la gcig gnod pas skrag cing sdug bsngal ba/ shing dang bong ba dang dbyug pas brdeg pas skom bzhin du bsrungs pas rim par dbang med par skom pas

  231. 116a

    sdug bsngal ba/ bsod nams dman pa/ gdong rang gi skras g.yogs pa/ dur khrod mi bzad par gnas pa/ lo brgya stong phrag du mar sdug bsngal brgya stong phrag du ma nyams su myong ba de dag dus gang du ji ltar zhi bar 'gyur zhes kyang gsungs so/ /bkres pa dang/ skom pas skams shing/ lus me 'bar ba drag po'i rnam pa dang ldan pa/ sgal bu rnams nang grol gyis stongs pas ri'i khrod lta bu/ nang khrol nyams pas g.yo ba dang bral ba/ kha khab kyi mig ltar phra ba/ skra'i tshogs chen po rtsub cing gyen du brdzes pa/ dge ba cung zad kyang med pas mi dge bas yi dags kyi 'jig rten du skye ste/ de bas na gus par chos mnyan par bya ste/ phyis rjes su rnyed par mi 'gyur ro zhes bya'o// yang gang gi tshe mdza' khob tu skyes par gyur ba de dag kyang rab tu dran pa dang/ bcugs pa dang/ blo gros dang/ rtogs pa dang bral bas spyod cing/ lo brgya ra? yang bltos pa med do/ /de dag dus gang gi tshe zhi bar 'gyur zhes kyang gsungs so/ yang gang gi tshe mdza' na gnas pa dang/ glen gnas pa dang/ ri khrod dang/ shul pa dang/ par sig pa dang/ rta ka ba dang/ mu kha 'jab pa dang/ kur ba pa dang/ kha sha ba dang/ ra ma tha ba dang/ bug na ba dang/ ci ra tha ba dang/ tang ka na ba dang/ la sha na ba dang/ hor dang/ ha ngas ga pa dang/ nas ldan pa dang/ ya man ba dang/ a tra pa dang/ dra ci la pa dang/ rna can pa dang/ tsi na pa dang/ mi tshangs pa la sogs pa'i yul du skyes pas/ gang du bcom ldan 'das kyi nyan thos dus thams cad du mi 'gyur bar 'di ltar deng ga ni skyes bu'i gzugs tsam la brten pa yin te/ dud 'gro'i skye gnas su song ba ltar bya ba dang/ bya ba ma yin pa mi shes so/ /khyi lta bur za ba dang/ skrag pa dang/ 'dod pa spyod pa

  232. 116b

    mkhas pa'i 'du shes tsam mo/ /gzhan yang spong ba'i rtog ba tsam dang ldan pa dang/ rkyen gyis khro ba dang/ nga rgyal dang phrag dog dang ldan par spyod pa de dag dus gang gi tshe zhi bar 'gyur zhes gsungs so/ /mdza' khob pa'i yul na gnas pa gang yin pa mdza' khob tu skyes pa dge ba dang mi dge ba'i sems mi shes pa'i mun pa dang ldan pa mdza' khob pa'i yul na gnas pa gang yin pa/ thos pa dang/ dul ba dang/ dka' thub pa dang/ shes pa dang/ sbyin pa dang/ rab tu spyod pa med pas dud 'gro rnams dang 'dra bar shes bar bya'o/ /'di ltar 'di lta bu dang bral zhing mi'i gzugs tsam du zad de chos mnyan par ji ltar nus/ legs pa'i blo gros dang bral zhing mi bzad pa'i mun pa dang ldan pa yin no/ /de bas na chos mnyan pa la gus par bya ste/ phyis rjes su rnyed bar mi 'gyur ro zhes bya'o/ /yang gang gi tshe 'di ltar mand+ha ra'i rtse mor gnas shing/ lus rgyas shing dga' ba dang mdzes shing gsal la 'dod pa grub cing/ phun sum tshogs ba bsdus pa mchog tu gyur pa pad+ma dang utpa la sna tshogs pa'i mchog dang/ shing sna tshogs pa'i grib ma bsil ba sna tshogs pa'i bya dang/ dur ba'i skad snyan pa sgrog pa dang/ chu'i rgyun drag tu 'bab pa/ skyed mos tshal nyams dga' bas brgyan pa/ 'dod pa'i khams kyi mthar thug pa 'dod pa rtse gcig tu byed pa'i bya bas rtag tu g.yengs ba/ phyag 'tshal zhing rab tu 'khod ba ni rol zhing rtsed mos skyod pa sna tshogs pa byed cing/ lta ba'i bde ba du ma nyams su myong ba de dag dus gang gi tse zhi bar 'gyur zhes kyang gsungs so/ /mtho ris kyi bud med dang dga' bas mtshams sbyor zhing g.yengs ba de dang de dag gis rtse zhing/ mand+ha ra'i lha mo dang rol cing glang po dang dpa' bo'i pad+ma brten pa la zhon nas sum cu rtsa

  233. 117a

    gsum pa'i lha'i dbang po dang skyed mos tshal du dga' bas bag med pas chags pa'i phyir sangs rgyas kyi gsung bdud rtsi la myang bar ji ltar byed/ de bas na chos nyan pa la gus par bya ste/ phyis rjes su rnyed par mi 'gyur ro zhes bya'o/ /de yul dbus su skyes kyang lta ba dang/ mnyan pa dang/ myang ba dang/ dbang po ma tshang bas glang po lta bur brtas mtshon pa dang/ 'jig rten pa'i bya ba rnams la yang bya ba'i blo dang bral ba gang/ 'jig rten las 'das pa'i zhi bar dus gang gi tshe na yang 'gyur zhes kyang gsungs so/ /thub pa'i dbang po'i gsung ji ltar dbang po dang bral bas mnyan par nus/ thos pa'i sgo med pas byams pa dang snying rjes don du gnyer bar las log par gyur pa/ mi'i brjod pa dang bral bar gyur pa/ rang nyid kyis nyas par spyod pas bslus pa/ sems kyi glang po lcags kyu med pas dregs pa ma thul bas yan pa yin te/ de bas na chos gus pas mnyan par bya ste/ phyis rjes su rnyed par mi 'gyur ro zhes bya'o/ /gal te yul dbus su skyes su zin kyang yang dag pa'i lta ba'i mig log par lta bas g.yogs pa'i blos/ sangs rgyas yongs su spangs shing/ rgyu dang 'bras bu thams cad la skur pa 'debs pa/ dge ba'i rtsa ba'i chos thams cad la mngon par dga' ba dang bral pa/ nyes pa thams cad kyi stobs kyis nad la gso bar mi byed pa lta bu'i bsam pa phyin ci log gis bya ba byed pa'i dmyal ba nyid do/ /de dag dus gang gi tshe nye bar zhi bar 'gyur zhes kyang gsungs so// thams cad mkhyen pa'i nyi ma yis/ /'gro ba thar bar smin mdzad pas/ /gang dag yid kyi phug gnas pa'i/ /rmongs pa'i mun chen mi sel bas/ /me khyer dang 'dra'i mu stegs rnams/ /log lta'i yid ldan de dag gis/ /sel bar nus pa

  234. 117b

    ma yin te/ /nyi bdun gyis kyang sel mi 'gyur/ /de bas na gus pas chos mnyan par bya ste/ phyis rjes su rnyed par mi 'gyur ro zhes bya'o/ /bcom ldan thugs ni rnam rgyas pa/ /sangs rgyas nyi ma ma byung bar/ /nyi ma med par pad+ma bzhin/ /zla ba ma shar bar du ni/ /ku mu da yi nags bzhin du/ /gdul bya yi ni pad+ma rnams/ /rab tu rgyas par 'gyur ma yin no/ /mun pa yis ni mig bsgribs pas/ /rgyal po yi ni lam bzhin dang/ /gru skya med pa'i gru bzhin dang/ /tshong dpon spangs pa'i zong thogs bzhin/ /byang chub phyogs kyi chos rnams kyi/ /gru la kun nas ma zhon par/ /de ni rtse gcig sems kyis su/ /rnam par grol ba'i dga' mi myong/ /khro bral bla ma thar la mos/ /'chi med grong khyer mchog lta ba/ /nyon mongs kun gyi gnyen po ni/ /skad cig gcig la dmigs pa yis/ /zhi ba'i bde ba'i lam la sbyor/ /'gro ba'i nam mkha' che dkyil du/ /sangs rgyas nyi ma ma shar bar/ /bsgoms spangs gdul bya'i pad+ma la/ /ye shes nyi mas rgyas ma yin/ /ngan 'gro'i dus ni thams cad du/ /chos smra ba yis gsal byas pas/ /gang zhig 'di la brtan pa yi/ /'gro de dge ba'i bshes kyis thul/ /mi rnams thob par gyur pa ni/ /ri rtse glog 'gyu ltar g.yo zhing/ /khyogs lta bur ni g.yo ba dang/ /mi bzad mi khom brgyad kyi rtser/ /rab tu 'jigs pa'i gza' yis ni/ /ming ba las ni thar gyur cing/ /'khor ba'i rgya mtshor gnas pa yi/ /sangs rgyas gsung gi rang bzhin gyi/ /dam chos gru la ma zhon par/ /gang zhig pha rol 'gro 'dod pa/ /blo gros shin tu dman pa yin/ /mi yi skye ba 'bras bu med/ /mi khom pa brgyad kyi gtam/ slob dpon rta dbyangs kyis mdzad pa rdzogs so// //rgya gar gyi mkhan po sh+re a dzi ta b+ha dra dang/ zhu chen gyi lo tsA ba dge slong shAkya 'od kyis bsgyur ba'o// //rgya gar skad du/ su b+ha Shi

  235. 118a

    ta ratna ka naN+DA ka ka thA/ bod skad du/ legs par bshad pa rin po che za ma tog lta bu'i gtam/ 'jam dpal gzhon nur gyur pa la phyag 'tshal lo/ /gang gis glang chen mchog 'dra'i sems ni lcags kyus ma yin ye shes lcags kyus btab/ /'dod chags mun pa'i smag tshogs me yi ma yin yi shas me yes ma lus bsregs/ /bdud kyi stobs rnams mtshon chas ma yin blo gros rab zhi bzod pa'i mtshon gyis bzlog /gus la bsgom pa zhi mdzad sangs rgyas mkhyen pa rab rgyas thub dbang de la phyag 'tshal lo/ /dka' ba brgya yis rnyed pa yi/ /mi rnams thob pa'i khom pa dkon/ /zlogs pa med pa'i 'chi bdag ni/ /rtag tu mdun na gnas pas na/ /gang gis dul sbyin yang dag sdom/ /rgyags tshags mang po ma bsngogs pa/ /mi bzad 'khor ba'i mya ngam du/ /'gro ba de dag sdug bsngal thob/ /mi rnams thob pa rnyed dka' ba/ /bar snang glog 'gyu lta bu yin/ /srid pa zad byed mkhas pa yis/ /srid pa rnams su phan pa byed/ /yang dag mi nyid thob pa ni/ /glog dang dba' rlabs mi brtan pas/ /yid bzhin nor bu lta bu yi/ /bsod nams rjes su skyes bus bsten/ /da ltar mi rnams thob pa ltar/ /gang gi mthu yis phyis kyang 'thob/ /bsod nams mchog ni gang yin pa/ /de ni bde ba'i rgyu yin te/ /gzugs dang gtong ba rigs mtho sogs/ /yon tan sna tshogs ldan par 'gyur/ /bsod nams de nyid mdza' bo gcig /'khor ba kun tu 'gro ba'i gnyen/ /de ltar 'dis ni bsod nams kyis/ /phyi phyir yon tan phun sum tshogs/ /gang tshe dpal gnas thob bsten pas/ /de bsngags 'jig rten bdag po nyid/ /phan pa'i phyogs su 'dren byed pa/ /bsod nams de nyid spel bar gyis/ /bsod nams che gyis sdig dga' spongs/ /yul la g.yo ba yin gyi

  236. 118b

    rta/ /rtag tu phyin ci log zhi gyis/ /dug stobs mi bzad 'chi sprul gyis/ /sos ma bzung ba'i bar du ni/ /rtag tu khyed kyis thub dbang bzhin/ /gzhan phan la ni mngon dga' gyis/ /bsod nams la spro ba bskyed pa'i gtam ste dang po'o// // rgya mtsho gnya' shing bu ga ru/ /ru sbal mgrin pa chud pa bzhin/ /yud tsam 'dzom pa ngo mtshar che/ /ma brtan 'di la yang dag soms/ /rab tu zhi ba'i grong khyer lam/ /ngan song 'jigs pa 'joms byed pa/ /de ni thub pa'i dbang po'i gsung/ /skad cig tsam yang thob pa dka' / /mi khom brgyad kyi nyes spangs mi/ /gang zhig dkon la bskal pa brgyas/ /da ltar bde thob mkhas pa yis/ /dam chos mnyan pa 'dir 'bad bya/ /dmyal ba yi dags 'gro ba dang/ /dud 'gro dbang po ma tshang ba/ /'chi med bla ma mdza' khob skyes/ /log par lta ba sol ba dang/ /thub dbang gsung rab bdud rtsi ni/ /skyes bu mkhas pas 'thung nus pa/ /shes rab 'od mnga' thub dbang nyid/ /ma shar bar du yod ma yin/ /de phyir bya min spangs nas ni/ /bdag gi bya ba kun shes pas/ /'phags mchog dam chos mnyan par bya/ /chos 'di la ni gang 'bad pa/ /de la yon tan kun yod 'gyur/ /thub dbang gsung la rin chen 'byung/ /mkhas pa 'di yis thog mar dga' / /de ni gang gis thos pas kyang/ /rab tu stobs ldan brling ba yis/ /mun pa'i tshogs ni 'joms par byed/ /bsams shing bsgoms nas mthar thug gsal/ /'jig bcas skye ba 'khor ba'i rgyun/ /nyon mongs ma lus rim gyis spong/ /thams cad phun sum tshogs rtag pa'i gter/ /mi bzad 'khor ba'i rgyun 'joms shing/ /bla na med pa'i dga' ba de 'thob/ /thos pas 'dir yid dri ma med/ /de ltas thub dbang

  237. 119a

    gsung 'dis soms/ /chos nyan pa la spro ba bskyed pa'i gtam ste gnyis pa'o// //gang zhig thob nas 'khor ba yi/ /pha rol phyin pa'i sa bon skrun/ /byang chub dpal gyi sa bon mchog /yid bzhin nor bu las lhag pa'i/ /yon tan rgyun gyi mi rnams ni/ /su zhig 'dir de 'bras med byed/ /gang zhig dge bas phyug pa'i mi/ /bskal pa grangs med kyis thob na/ /'dir ni rmongs pas bsod nams gter/ /cung zad tsam yang mi sog pa/ /de dag 'jig rten pha rol tu/ /mi bzad mya ngan khang par 'jug /rin chen gling phyin tshong pa ni/ /lag pa steng par rang khyim bzhin/ /dge bcu'i las kyi lam med par/ /phyi nas yang ni 'thob ma yin/ /mi ma thob par de bar ni/ /ci ltar de bde sdug bsngal nyid/ /de las pha rol slus yod min/ /de las mchog tu rmongs pa med/ /'di 'dra'i khom pa thob nas ni/ /bsod nams tshogs ni mi sogs pa/ /skad cig gcig las sdig spyad nas/ /mnar med par ni bskal par gnas/ /skye ba du mar sdig spyad pas/ /bde 'gro dka' lta ci zhig smros/ /rgya mtsho cher g.yengs gnya' shing gi /bu gar ru sbal mgrin chud ltar/ /mi ni shin tu thob dka' bar/ de skad bcom ldan 'das kyis gsungs/ /mi'i skye ba dkon pa'i gtam ste gsum pa'o// //zas skom mal stan gos mchog dang/ /phreng ba gnas dang rgyan rnams dang/ /grags pa yon tan khyad 'phags pa// de kun spyin las byung par gsungs/ /ngag snyan mdzes dang longs spyod ldan/ /khyad par 'phags gzugs yangs pa dang/ /tshig snyan gzi ldan yid 'ong dag /grags dang nad med tshe dag ste/ /yid 'ong sdug pa de dang de//

  238. 119b

    sbyin pa rnams kyi 'bras bu yin/ /rta dang ngar dang glang po dang/ /rnga yab gdugs dang me tog tshogs/ /khang bzangs mdzes dang rol mor bcas/ /sgra snyan rol mor dang ldan zhing/ /me tog phreng ldan bud med dang/ /zas dang rin chen phreng ba gnas/ /gur kum grong yul lha yi gnas/ /rdzogs sangs nyid dang sangs rgyas te/ /sbyin pa dpag bsam ljon shing gi /'di dag 'bras bu yin par gsungs/ /utpal sngon po'i mdab ma 'jam/ /dkyus ring dri ma med pa dang/ /bud med gang zhig mig mgron zhing/ /rkang pa 'og bag g.yo bar ldan/ /dmar zhing mdzes pa'i gos ldan zhing/ /nu 'bur rgyas pa rnam par g.yo/ /smin ma mdzes dang ldan de dag /de dag ser sna'i sge phye nas/ /sbyin pa btang las rgyas par 'gyur/ /mgul brnga mas brgyan pa'i ta /gzhon pa kha lo srab kyis bskyogs/ /mi dbang glang chen dregs zhen nas/ /gdugs bskyengs rgyan ldan 'khor bcas dang/ /'gro la thal mo sbyar byas nas/ /rtag tu mchod cing gsol 'debs pa/ /snga mar 'di 'dra sbyin pa'o/ /'bras bu yin par thub pas gsungs/ /gser gyi gdu bu rdo rjes spras/ /dpung rgyan cod pan rin chen bkod/ /sa bdag mu tig phreng bas brgyan/ /rtag tu seng ge'i khri la gnas/ /'bangs sogs btsun mo'i 'khor bsten cing/ /rtsed mo rtsab sa rnam rol pa/ /seng ge lta bu'i rnam rol de/ /sbyin 'bras yin par thub pas gsungs/ /khang bzangs gser dang rin chen spras/ /gdugs dang rgyal mtshan bsgrengs pas brgyan/ /pi wang rdza rnga rig byed sgrogs/ /rin chen rnams kyis 'od 'bar bar/ /brgya byin bde sogs dga' spyod cing/ /lha mo'i tshigs kyi 'khor ldan da/ /snga mar 'di 'dra byin pa yi/ /'bras bu yin par thub pas gsungs/ /sbyin pas skye bo'i

  239. 120a

    yid du 'ong/ /mkhas pa'i tshogs kyis rtag tu bsten/ /phyogs rnams dri med grags pas khyab/ /snyan pas gnas ni de dang der/ /'dir ni dri med nye bar gnas/ /lus dang bral nas lha rnams su/ /rnyog bral sna tshogs btud ba bsil/ /me tog sna tshogs mgo lcogs rgyas/ /dpag bsam gyi ni shing rnams skyes/ /tsan dan la sogs kyis gang ba'i/ /skyed mos tshal ni mchog rnams su/ /yul ring du ni bde spyod cing/ /lha mo gzugs mchog ldan pa yis/ /bsnyen bkur mchog tu byed pa 'thob/ /byin pa zhes bya gter chen te/ /rkun sogs mi khyer rjes su 'brang/ /sbyin pas sems kyis ser sna dang/ /chags pa'i rdul gyi dri ma 'khru/ /'khor ba'i lam gyis dub pa sel/ /sbyin pa bzhon pa bde ba ste/ /sbyin pa bde ba du ma'i rten/ /yang dag grogs mchog bde ba'i sgo/ /rked pa gser gyi ska rags ldan/ /ngag 'jam zur mig bzhin bskyod mdzes/ /mig gi dkyus ring rna drung gsan/ /me tog phreng bas skra bcings mdzes/ /gang zhig rang 'khor yan lag dang/ /rkang gnyis 'gro ba mdzes pa yi/ /zas gtsang gi ni phun sum tshogs/ /de dag sbyin pa'i 'bras yin zhes/ /bdag nyid chen pos bka' stsal te/ /ha sa ka ra'i dum bu dang/ /utpal gyis bsgros dri zhim la/ /bkra shis gser gyi snod du blugs/ /ban+tu ka dang zangs mdog 'dra/ /btud ba chung ma mna' skyel zhing/ /chung ma dang bcas yang yang 'thung/ /dga' ba'i bsam pas smra ba de'i/ /rgyu ni sbyin mchog bkra shis yin/ /zhi ba'ang sbyin ba'i yon tan te/ /mdzes pa 'dod pa bdag cag gi /sbyin pa 'di la 'bad par gyi/ /srid gsum mi bzad 'jigs chen la/ /sbyin las gzhan pa'i gnyen mchog med/ /byin pa'i gtam ste bzhi pa'o// //'gro ba gang zhig mdzes

  240. 120b

    yid 'ong/ /gzugs dang rigs dang mnyen dang stobs/ /bde bar mthong ba gang yin pa/ /bsod nams bzo bos de byas par/ /'di skad mkhas pa rnams kyis bshad/ /gzhan phan byed pa'i skyes bu yi/ /bsod nams dang mnyam yod ma yin/ /rim pa sna tshogs kyis brgyan pa'i/ /rgyal mtshan dkar po mngon mtho btsugs/ /rta glang rkang thang shing rta yi/ /dpung gi tshogs kyis nges 'khrug cing/ /yu ba sna tshogs mdzes pa yi/ /rnga yab rnams kyis g.yo ba byed la/ / bsod nams lhag pa dbang sgyur zhing/ /sa rnams la ni spyod byed de/ /dar dang ka shi du ku la/ /sna tshogs gos dang mu tig phreng/ /gser dang nor bus yan lag brgyan/ /gang dag lha 'dra'i skyes bu dpa' / /bsod nams bzhon pa la zhon pas/ /des byas yin par shes par gyis/ /shin tu tshe ring rigs btsun zhing/ /lus mdzes nad kyis 'jigs pa med/ /nor mang g.yog 'khor phun sum tshogs/ /bsod nams rnam smin chen po yin/ /gang yang 'khor lo sgyur ba mchog /bu ni dpa' bo stong dang ldan/ /rgya mtsho'i mtshams kyi sa la dbang/ /de dag bsod nams rin po che'i/ /'bras bu yangs pa chen po yin/ /sna tshogs pad+ma'i gdan la 'dug /lha dang lha dbang rtag phyag 'tshal/ /brjid kyi 'khor rnams zil gyis gnon/ /tshangs pa'i 'jig rten snang byed pa/ /de dag nyid kyang bsod nams las/ /gang la lha klu lha min grub/ /dri za gnod sbyin mi 'am ci/ /mchog tu gyur pa'i tshogs rnams ni/ /rtag tu lha dbang mchod byed pa/ /de ni bsod nams rin po che'i/ /'bras bu yangs pa chen po yin/ /gzugs dang brtson 'grus bzo rnams ni/ /dbang med spangs nas mi rnams ni/ /las kyi rlung gis mngags na ni/ /'jig rten pha rol 'gro ba na//

  241. 121a

    bsod nams gcig bu mchog yin te/ /rjes su 'gro zhing bde ba 'char/ /bsod nams gzhan gyis 'phrog mi nus/ /de phyir bsod nams gter gyi mchog /gang gi stobs kyi ri rab kyang/ /phyogs dang phyogs su rnam 'thor ba'i 'jig pa'i bskal pa'i rlung rnams kyis/ /ded kyang bsod nams 'jig mi nus/ /'jig pa'i bskal pa'i chu yis ni/ /lcags kyang dbang med 'jig byed pa/ /rgya mtsho bzhi yis chu rnams kyis/ /bsod nams bzhu bar nus ma yin/ /'od zer rab tsha gsal ba yi/ /nyi ma bdun shar me rnams kyis/ /sa rnams sreg bar byed mod kyis/ /bsod nams gcig bu sreg ma yin/ /bsod nams kyi gtam ste lnga pa'o// //sangs rgyas sku gzugs bzhengs gsol ba/ /dang por mya ngan sel bar byed/ /rtsod pa kun spang mthong na dga' / /skal ldan gter tshogs dpal dang ldan/ /lus stobs ldan zhing snyan pa dang/ /gzi brjid ldan zhing gzugs mdzes la/ /gsung rab kun la mkhas gyur cing/ /dbang po'i rta ni thams cad thul/ /blo ldan gtong dang ldan bar 'gyur/ /bcom ldan sku gzugs mchod rten la/ /phra rab rdul ni ji snyed song/ /de snyed sa 'og sa stengs 'dir/ /de snyed rgyal por des par 'gyur/ /gzugs dang gzugs med ting 'dzin 'grub/ /thams cad bde bar ma lus spyod/ /tha mar skye rga'i rgyud spangs nas/ /de dag byang chub go 'phang 'thob/ /bde gshegs sku gzugs bzhengs gsol ba/ /mtshan bzangs kyis mtshan 'khor lo sgyur/ /sum cu gnyis ldan lus mdzes 'thob/ /nyes pa'i dgra 'joms rgyal bar 'gyur/ /dbang po rnams ni ma tshang med/ /dpal ldan ngan 'gro rnams las ring/ /mi yis rigs su skye 'gyur zhing/ /ngag ni btsan pa nyid du 'gyur/ /skye bar thos dang dran ldan brtan/

  242. 121b

    mngon par 'dod par 'byung 'gyur zhing/ /gnas la mngon par dad pa dang/ /'dod chags sogs kyis gnod pa med/ /'di rgyal rdzogs pa'i byang chub kyi/ /khyad 'phags legs pa'i gzhung la brten/ /gang 'di rgyal ba'i sku gzugs bzhengs sangs rgyas sku 'am mchod rten nam/ /bzhengs byed srog dang ldan ba de/ /bran dang dbul por mi skye zhing/ /mngag gzhug par min rigs dman min/ /dbang po rnams ni tshang bar 'gyur/ /sku gzugs kyi gtam ste drug pa'o// // dri zhim sna tshogs kyis bsgos bas/ /bde bar gshegs pa khrus gsol ba/ /me tog dri yis yan lag mdzes/ /rab tu dga' ba'i yid kyis su/ /rol mo'i sgra ni snyan pa yis/ /dal gyis 'bab dang stabs mgrin brjid/ /gser gyi rang bzhin pad+ma yis/ /ge sar rdul gyis khyab pa ru/ /khrus gsol gang zhig mchod byed pa/ /de dag rnyog pa thams cad kyi/ /dri ma bkrus na so so thar ba thob/ /lha yi bu mo nu 'bur rgyas mthong zhing/ /rked pa yangs pa la 'bab g.yo ba dang/ /'dzam bu'i gser 'dra'i pad+ma ge sar gyi/ /rdul rnams gtor ba yis ni dri zhim la/ /dal gyis 'bab ba'i nang du lha yis tshogs/ /rgyun tu chu rnams la ni rtse byed pa/ /gang zhig dga' ba sna tshogs dri zhim chus/ /rje btsun khrus gsol ba yi 'bras de yin/ /gla rtsi ga pur tsan dan gur kum bsgos/ /dri zhim chu ni yid 'ong ba/ /kha dog dkar ser bye brag gis/ /yid 'ong thub pa khrus gsol 'dir/ /sems kyi dri ma spangs nas ni/ /de ni 'gro ba'i bla mar 'gyur// khrus kyi gtam ste bdun pa'o// //khrus byed lha yi bu mo mchod/ /rked ldan brla dang nu ma rgyas/ /mdab skyes mgo lcogs rgyas 'thor zhing/ /lha dbang dal 'bab khrus byed cing/ /mdzes shing 'dod pas g.yo ba ni/ /'gro

  243. 122a

    mchog yang yang mnyes byas yin/ /de ni spos chu rol mo dang/ /bdug pa dang ni me tog phreng/ /sbyin pa btang ba'i 'bras bus yin/ /gang zhig 'khor lo sgyur rgyal la/ /mkhas la gur kum sprin tshogs dang// ga bur gyi ni chu rgyun dang/ /ma la ya yi tsan dan bzhin/ /rdza rnga pi wang dri mchog gis/ /bde bar gshegs mchog mchod byed pa/ /lha dang mi yi sgra rnams thos/ /khyed 'phags lha yi rna ba 'thob/ /gur kum la sogs pa'i gtam ste brgyad pa'o// //rta glang rkang thad shing rta dang/ /rin chen rna bdun rnams dang ni/ /dpa' bo bu stong dang bcas par/ /mkha' la 'khor lo sgyur 'gro zhing/ /zla ba lta bu'i gdugs kyis ni/ /nyi ma'i 'od zer sgrib byed cing// 'bras bu mang la rgya che ba/ /gdugs phul ba las byung ba yin/ /bung ba'i yid 'ong sgra yis bskyod/ /me tog g.yo ba 'khor bar bkod/ /kha dog sna tshogs dri zhim pa'i/ /me tog tshogs kyis ri mor bris/ /gdugs mdzes sna tshogs dar gyis brgyan/ /mchod rten rnams la phul ba yis/ /'khor lo sgyur bas skyong ba/ /gling bzhi'i dbang phyug de yis 'thob/ /nyi ma'i 'od zer gser gdugs thogs/ /dpal ldan dul ba'i glang po mchog /rin chen du mas brgyan ba zhon/ /rdzu 'phrul brgya byin dang 'gran pa'i/ /gling bzhi yis ni 'khor lo sgyur/ /sa rnams ma lus skyong par byed/ /de dag bde gshegs sku gdung la/ /me tog gdugs phul 'bras bu yin/ /gdugs phul ba'i gtam ste dgu pa'o// bde bar gshegs pa'i 'khrungs gnas dang/ /de yis yud tsam bzhugs pa'i gnas/ /rab tu gsal bar grags gyur pa/ /nus pa kun gyis gdung snod sku/ /shin tu khyad 'phags gtsug tor mtho/ /sku gzugs bzhengs

  244. 122b

    nas legs sbyangs la/ /skye bo gang gis sku bzhengs pa'i/ /nang du ring bsrel bcug byas na/ /kun nas brgya byin las 'phags pa'i/ /mi dbang gling bzhi rnams su ni/ /dpal dang ldan pa'i longs spyad nas/ /mdza' ru rnam dag go 'phangs 'thob// rgyal ba'i sku gdung bcug las yin/ /zla ba dang 'dra lta na sdug /smin ma legs shing mig dkyus ring/ /mir skyes gser dang nor bu ldan/ /bzod cing des pa dang ldan pa/ /rgya mtshos gtugs pa'i sa rnams ni/ /skyong byed 'khor lo sgyur rgyal yang/ /de dag sangs rgyas sku gzugs ni/ /ring bsrel dang bcas gus pas 'thog /ring bsrel gyis gtam ste bcu ba'o// //bde bar gshegs pa mchod rnams kyi/ /pho brang mchog ni brgyan byed pa/ /gser gyi mdog dang ldan 'gyur zhing/ /nad rnams kun las grol bar 'gyur/ /lha dang mi las khyad 'phags shing/ /nyi ma'i 'khor lo lta bur mdzes/ /nor dang gser ni mang ba dang/ /rgyal po'i rigs kyis rgyal bar 'gyur/ /'jig rten gsum gyis mchod pa yi/ /sangs rgyas la ni gang zhig 'dir/ /maN+Dal me tog bcas byed pa/ /'gro ba'i bdag po tshe ring zhing/ /sna tshogs nang kyis 'jigs las grol/ /gang yin de yis skad cig thob/ /bde gshegs maN+Dal byed de dag /pha rol phyin drug thob 'gyur te/ /chu dang sa bsres btang sbyin pa/ /grog mo sogs sel tshul khrims te/ /bsres nas nyid pa bzod pa yin/ /'bad pa byed pa brtson 'grus yin/ /skad cig de la rtse gcig tu/ /sems 'dzin byed pa bsam gtan yin/ /legs par gzod pa shes rab po/ /sna tshogs shes rab kyis brgyan la/ /sa gzhi bris pa 'bul byed pa/ /lha yi bde ba thams cad dang/ /longs spyod mchog dang ldan 'gyur zhing/ /mir skyes

  245. 123a

    gser las lhag pa yi/ /kha dog dang ldan mdzes pa dang/ /pad+ma'i mdog ltar yan lag tshang/ /mig ni dkyus ring mdzes par 'gyur/ /maN+Dal gyi gtam ste bcu gcig pa'o// //pad+ma'i mdab 'dra'i lag pa mdzes/ /'od gsal kha dog dri bzang ldan/ /ro zhim reg na bde ba dang/ /lha dang mi yi khang bzang na/ /'od gsal gser gyi gzhong pa ru/ /lha yi bdud rtsis bkang za ba/ /de dag sangs rgyas la sogs pa'i/ /dge 'dun yul du lhags pa la/ /zhal zas drangs pa'i 'bras bu yin/ /rdo rje gdan la bzhugs nas ni/ /'dod pa'i dgra dang bcas pa yi/ /tshogs ni byams pas nges pham mdzad/ /gang zhig mthar thug dka' ba'i yul/ /mdza' med par ni spyod 'gyur ba'i/ /nyon mongs dka' ba'i dgra las rgyal/ /phung po'i bdud kyang rab bcom nas/ /'chi bdag bdud la mnga' brnyes pa/ /zhal zas phul bar gyur pas yin/ /ro rnams bro ba'i mchog dang ni/ /yan lag tshang zhing yongs rdzogs ldan/ /bde zhing dpal ldan stobs dang ldan/ /tshe dang stobs dang kha dog dang/ /gzugs bzang ba dang ldan pa ni/ /mkhas pas zas mchog btang las byung/ /stobs dang brtson 'grus ldan pa yi/ /rnam grangs las ni nges par rgyal/ /yang dag dpal thob mi dbang gis/ /ro ldan kha zas longs spyod pa/ /rtag tu zas mchog sbyin des yin/ /zas kyi gtam ste bcu gnyis pa'o// //g.yo zhing utpal gyis bsgos pa/ /dri med pad+ma rA ga bzhin// yid 'ong gser gyi snod du blugs/ /dri zhim tsan dan gyis bsgos mngar/ /yid du 'ong dang bdar zhing 'thung/ /cung zad mig ni zangs mdog 'dra/ /glu len sgra dang nges ldan pa'i/ /mi mchog de dag sgom rnams ni/ /sbyin pa byin pa'i

  246. 123b

    'bras bu yin/ /in+d+ra nI la bai DUrya/ /rin chen mchog rnams kyis spras ba'i/ /gser gyi snod ni gang yin par/ /lha khang lha yi bu mo ni/ /brang gi dkyil na nu ma ni/ /bum pa lta bu'i 'bur ldan pa'i/ /rab mdzes btsugs dang lhan gcig tu// sbrang rtsi ltar mngar btung 'thung ba/ /yon tan ldan pa'i tshogs la ni/ /btung ba yid 'ongs byin pa yi/ /'bras bu yin par mkhas rnams gsung/ /gang zhig kha dog dri zhim sogs/ /tshogs ldan skom pa'i gdung ba sel/ /bad kan rlung drag rab zhi byed/ /kha ra pi pi ling bsres tshor/ /tsan dan lta bur tsha ba sel/ /zla ba'i 'od zer dang ldan pa'i/ /snod du blugs nas de dag gis/ /gus par dge 'dun la phul bas/ /pha rol gyi ni skye gnas su/ /lha yi btung ba thob par 'gyur/ /mngar zhing mngar mchog gus pa yis/ /btung ba tshogs mchog la phul pas/ /lha dang mi yi gnas rnams su/ /lha yi bu mo mchog rnams dang/ /yun ring btung ba lhan cig 'thung/ /gang zhig sa gnas mi rnams kyis/ /dang ba'i dad pa'i yid kyis ni/ /dge 'dun la ni btung ba mchog /dus la bab par drangs pa yis/ /'khor pa'i ri khrod gnas pa na/ /rtag tu btung ba'ang zhi bzang 'thob/ /btung pa'i gtam ste bcu gsum pa'o// // gang zhig sngo ser ljang dmar dkar/ /sna tshogs kha dog 'od bzang la/ /mdzes gsal gos kyi phreng ba ni/ /yon tan mchog dang ldan pa yi/ /'jig rten bla ma la phul bas/ /bsngags pa'i gos mchog thob par 'gyur/ /gang zhig dge 'dun mtshog sogs la/ /gang zhig dad dang gus pa yis/ /gos kyi phreng ba 'bul byed ba/ /des ni ngo tsha shes gos dang/ /mchog tu gyur pa'i chos kyi gos/ /nyon mongs gnyen po'i chos gos 'thob/ /kha dog sna tshogs

  247. 124a

    kyis spras pa'i/ /sngon po ser po dkar po dang/ /gzhan yang dmar po yid 'ong ba/ /shin tu mdzes pa'i gos dag dang/ /chos gos phreng ba 'bul byed pa/ /bde 'gro yis ni bde bar 'gro /gzugs dang ldan zhing yid 'ong la/ /lha yi gos ni zad med dang/ /ngo tsha shes pa'i gos kyis brgyan/ /bdag blo dang gis mkhas pa dang/ /de ni chos kyi dbang phyug 'gyur/ /gos kyi gtam ste bcu bzhi pa'o// //me tog bzang po dge 'dun la/ / rab tu 'thor zhing mchod byed pa/ /brgya byin las lhag longs spyod ldan/ /pad+ma'i dbang po lta bur mdzes/ /mchog tu grags pa dang ldan zhing/ /rtag tu de ni skad cig gis/ /dgra las rnam par rgyal bar 'gyur/ /sa rnams la ni spyod byed ba'i/ /rin chen mchog gi mir 'gyur ro/ /spos mchog dang ni dri bzang gis/ /rgyal ba rnams la 'bul byed pa/ /lus kyi grags pa'i dri yis khyab/ /utpal sngo dang mnyam pa yi/ /mig ni dri med dkyus ring mdzes// bai DUrya dang mu tig dang/ /rin po che yis yan lag brgyan/ /lus kun ku sha'i gos kyis g.yogs/ /skye ba kun tu mi yi mchog /gzugs dang ldan par gyur ba ni/ /dge 'dun dri bzangs phul ba yis/ /sna tshogs pa yi sman rnams ni/ /de dag dge 'dun la phul bas/ /mdze la sogs pa'i nad rnams kyi/ /sdug bsngal mi bzad pa las grol/ /bzhin ni mdzes shing gser rnams dang/ /mnyam zhing kha dog yid du 'ong/ /rgyal po yi ni 'tshe ba rnams/ /gang yin pa dang bral ba 'thob/ /me tog la sogs pa'i gtam ste bco lnga ba'o// //sa bdag 'khor lo sgyur gang la/ /thal mo sbyar ba byas nas ni/ /mkhur ba rna rgyan mdzes ltung bas/ /gus ldan legs bar spyi bo yis/ /lan

  248. 124b

    mang du ni phyag byed pa/ /de dag sangs rgyas phyag byed pa'i/ /'bras bu yin zhes mkhas rnams smra/ /skyes pa tsam gyis gtsor 'gyur pa'i/ /rtag tu mthon po'i rigs skye zhing/ /rta dang glang pos rgyu byed pa/ /de dag bla ma 'phags pa la// legs par phyag ni byas pas yin/ /snyan pa yis ni khyab 'gyur zhing/ /nges par legs bar 'dzin pa dang/ /gsal par byed pa'i 'od kyis ni/ /sdug bsngal thams cad spong byed cing/ /nad ni thams cad 'joms par byed// 'jig rten du ni bde 'gror nges/ /mi dbang gi ni rgyud du 'gyur/ /'bras bu dpal dang ldan pa yang/ /thub dbang phyag byas pa las yin/ /'khor lo sgyur rgyal stobs grags ldan/ /yan lag sum cu gnyis mtshan ldan/ /rgyal 'gyur sa stengs gtso bo de/ /sangs rgyas la ni phyag byas pa'i/ /'bras bu yin par blo ldan gsungs/ /de ltar yon tan tshogs shes pas/ /lus 'di 'jig par shes nas ni/ /mkhas pas sangs rgyas phyag bya zhing/ /lus kyi las ni legs par spyad/ /phyag gcig 'tshal bar gyur pa yis/ /'khor pa spong pa'i rgyu 'thob cing/ /'khor ba'i 'jigs mthong gus ba yis/ /de ltar su zhig phyag mi byed/ /phyag gi gtam ste bcu drug ba'o// //kriSh+Na sA ra ltar mdzes gzugs/ /stobs ldan 'jam zhing shin tu snum/ /dgun dus bsro khang gos bzang bgos/ /yid 'ong mdzes ma la 'khyud? nas/ /mi dbang gang zhig rtse byed cing/ /ro mchog sna tshogs ldan pa ni/ /rin chen snod blugs 'thung pa de/ /de dag sgron me phul ba yi/ /shin tu 'bras bu mngon yin par/ /yang dag rdzogs sangs rin chen gsungs/ /'bar shing me lce rgyas dang ldan/ /khang pa'i nang du me 'bar gsal/ /dgun dus grang ba sel byed pa'i/

  249. 125a

    snang ba thub pa'i dbang po ni/ /mchog tu gyur la phul ba yis/ /lha dang mi yi 'jig rten na/ /gsal zhing rab tu 'bar gyur dang/ /dri za lha min mi 'am ci/ /byad bzhin mdzes dang lhan cig tu/ /ston zla dang 'dra rab mdzes pa/ sdug pa pang bar 'khyud nas ni/ /lus ni yid du 'ong ba dang/ /mtho ris su ni spyod byed pa/ /de dag gang tshe 'phags tshogs la/ /snang ba dang bas phul ba yin/ /rkun ma las rgyal bzhon par ldan/ /sa rnams ma lus rjes su skyong/ /byang bzang gser gyis yan lag brgyan/ /de dag gis ni snang ba rnams/ /phul ba'i 'bras bu 'di dag yin/ /snang ba'i gtam ste bcu bdun pa'o// //ri rnams kyis ni bsgribs pa dang/ /mchog tu ring na gnas pa dang/ /shin tu phra ba'i dngos po dang/ /mtshan mo slag gis bsgribs pa dag /gang tshe lag mthil gnas pa ltar/ /dge slong ma 'gags pa yis mthong/ /de ni bde bar gshegs pa la/ /zhugs phul ba yi 'bras bu yin/ /spyan gyis dngos kun gzigs pa'i phyir/ /bde gshegs mar me phul ba yis/ /sangs rgyas nyid ni brnyes shes grags/ /phul ba'i bcom ldan gang zhe na/ /thub dbang dri med spyan la phul/ /ring dang phra dang bsgrib pa dang/ /dpag tshad kyis chod mthong la ltos/ /rgyal la zhugs mar phul ba yi/ /de 'bras yin par thub pas gsungs/ /sa bdag rgyal po gang yin la/ /zla ba lta bu'i gzugs ldan pa/ /utpal lta bur mig dkyus ring/ /gang zhig lha yi 'jig rten na/ /gser mdog 'od kyis snang ba ltar/ /rang gi 'od kyis snang byed pa'i/ /'khor los sgyur ba'i rgyal po ni/ /nor bu brgya phrag 'od zer gyis/ /sa rnams rgyu zhing snang byed pa/ /de dag shAkya seng ge la/ /gus par mar me phul ba yis/ /rgya cher 'phel

  250. 125b

    bar gyur pa yin/ /lha gang 'jig rten gsal byed cing/ /utpal lta bu'i mig ldan pa/ /smin ma legs shing gser 'dog ldan/ /mig stong dang ni ldan pa yi/ /brgya byin lha yi bdag po nyid/ /lha yi gdan la 'dug pa dang/ /gang zhig 'dod bral changs pa ni/ /'od gsal lha mchog phyag byed cing/ /lha yi shing rta g.yo byed pa/ /ston pa yi ni ring bsrel la/ /mar me phreng ba mis phul pas/ /'bras bu rgya chen gyur pa yin/ /mar me'i gtam ste bco brgyad pa'o// //mi dbang dus ni thams cad du/ /nyams dga' ba yi khang bzang mchog /rol mo'i gnas kyis nyams dga' rab/ /'tsho zhing rgyal ba'i sgra sgrogs pa/ /btsun mo'i 'khor dang rol byed pa/ /grang ba sel ba'i khang pa ni/ /phyogs bzhi nas ni byon pa yi/ /dge 'dun bzhugs gnas phul bas yin/ /thub pa 'phags pa'i dge 'dun bcas/ /gtsug lag khang gi don du ni/ /tshig gis rab tu bskul ba dang/ /tshogs pa yi ni grogs byed cing/ /nges par dus su 'gro byed pa/ /gnyid log pa 'am langs pa ni/ /bsod nams rgyun ni tshad med 'phel/ /shes rab rdo rje mtshon cha yis/ /phyin ci log gi ri bcom nas/ /sa dang bcas pa'i khang bzangs 'gyur/ /dge 'dun la ni yo byad dang/ /longs spyod bzang po dang bcas pa// gtsug lag khang ni gang zhig byed/ /rnam par rgyal ba'i khang bzangs ni/ /rin chen mchog gi rang bzhin gyi/ /rtsig pa ka ba gdung ldan pa'i/ /mdzes dang lhan cig dus kun du/ /de ni lha yi 'jig rten 'dir/ /yul rings du ni mngon par dga' / /dpal dang ldan pa'i bla re dang/ /sna tshogs kyi ni gos kyis spras/ /khang bzangs mchog ni yid 'phro ba/ /yang dag gnas par gyur pa ni/ /yon tan tshogs ldan phul ba yis/ /brgya byin gyi ni khang bzangs mchog /rnam

  251. 126a

    par rgyal byed thob pa yin/ /gtsug lag khang bzhengs pa'i gtam ste bcu dgu pa'o// //phyogs dang stan ni mnyam du ru/ /'bol stan la ni chung ma ni/ /nu ma rgyas dang lhan cig tu/ /man stan la ni sa bdag nyal/ /nyes pa'i tshogs spangs dam pa la/ /de yis maN+Dal phul bas yin/ /rkang rten dang bcas khri la ni/ /sna tshogs gos kyis brgyan la 'dug /dbyangs snyan rol mo dang mgrin bsdebs/ /rin chen rang bzhin stan la ni/ /dri zhim pa yis byugs pa yis/ /ngad ldang mal dang ldan pa la/ /dpung pa len mgo brten nas/ /yun ring lha yi khang pa ru/ /'jigs pa med par bde bar nyal/ /de dag mal cha stan rnams ni/ /dge 'dun rnams la phul ba yis/ /'di ni 'bras bu yin par bshad/ /ga bur tsan dan a ka ru/ /lus byugs pa yi lha mo ni/ /nu ma zung ldan lus brten nas/ /gos mchog 'bol stan la rtag nyal/ /de dag mchod rten rnams la ni/ /gdugs dang gos khri phul bas yin/ /mal cha dang stan gyi gtam ste nyi shu pa'o// //gling bzhi las ni rnam rgyal nas/ /stobs ldan brgya byin gnas byin te/ /nga las nu yis sum cu gsum/ /bdag po'i stan phyed dbang byas nas/ /'dod pa'i bde ba'i dga' ba myong// zhag bdun bar du dbyig rnams kyis/ /char ni khang par dpag med phab/ /de dag lhung bzed du gtor ba'i/ /sbyin pa chen po de yi ni/ /'bras bu ngo mtshar chen po yin/ /snod ni de dang de dag gi /rgyu bzhi dag la brten pa yis sdug bsngal la sogs bye brag gis/ /'bras bu tha dad tha dad 'gyur/ /de phyir mi dbang khyad 'phags rgyal/ /zla ba lta bu'i bzhin dang ni/ /utpal lta bu'i kha dog dang/ /mi rnams nang du rtag par ni/ /dri med mig ldan ro

  252. 126b

    stong yangs/ /dga' zhing stan dang mal cha dang/ /zas dang snod du ldan pa yi/ /mi rnams sbyin pas yang dag 'thob/ /mi mchog gis ni nad pa dang/ /dman pa dang ni dbul ba rnams/ /snying rje can gyis sbyin btang bas/ /dpal ldan yang dag khyad 'phags 'gro /mi dbang brgya byin dang mnyam rtse/ /dga' zhing bu dang bran g.yog bcas/ /zla ba dang 'dra bzhin gyi mchog /mig yangs lus ni nyi ma bzhin/ /grags pa snyan pa dag dang ldan/ /mi dbang dgra yi stobs 'joms shing/ /bde ba thams cad 'thob pa ni/ /de yis rang gi bla ma dang/ /pha ma rnams la sbyin las byung/ /gang zhig rta dang shing rta glang/ /zhon la skye bo'i tshogs phyag 'tshal/ /gser gyi yu ba dang ldan pa/ /zla ba'i dbyibs dang ldan pa yi/ /nyi ma'i 'od zer zlog byed thogs/ /mi dbang mchog tu gyur pa ste/ /'khor lo sgyur byed rgyal po ni/ /sa rnams dbang phyug dang bcas pa'i/ /gang zhig rgyal por gyur pa yi/ /yang dag zhing la de dag gis/ /sbyin pa'i sa bon sbyangs pa yi/ /yon tan mchog gi 'bras de yin/ /dman pa'i snod la sbyin pa yis/ /mang du byin yang 'bras bu nyung/ /yur ma cher ma'i skyon bcas dang/ /rdo ba'i steng gi zhing rnams la/ /sa bon mang po btab pa bzhin/ /'dod chags zhe sdang gti mug spang/ /yon tan gyis brgyan zhing la sbyin/ /nyung du byin yang mang du 'byung/ /n+ya gro d+ha yi sa bon bzhin/ /zhing gi gtam ste nyi shu gcig pa'o// //gang gis chos kyi skyin byin zhing// bri ba dang ni nyan pa dang/ /rtag tu de dag sems nyid dang/ /gal te yang dag sgom byed na/ /skye ba dran pa rtag tu 'thob/ /gang zhig lha yi 'jig rten na/ /dpag bsam gyi ni shing gi mchog /don rnams thams cad 'grub byed pa/ /lha tshogs bde ba'i mchog gyur pa/ /de ni ba mchog

  253. 127a

    byin pa yi/ /rgya che ba yi 'bras bu yin/ /gang zhig mngal du rdzogs par ni/ /gtsang zhing yid 'ong ro myang la/ /mar dang sbrang rtsi stobs dang ni/ /gang zhig 'o ma 'thung tshe yang/ /pad+ma'i ge sar mdangs ldan pa/ / khu lco'i dus gang yin par 'thung/ /skyed rdzogs nas kyang de bzhin te/ /bdud rtsi'i mchog kyang 'thung byed pa/ /de ni ba mchog btang las byung/ /seng ge'i khri ni rab dga' zhing/ /mdzes pa gus pa'i chos la ni/ /rim pa bzhin du nges phul bas/ /gzhig pa mi nus rdo rje gdan/ /rab mchog seng ge'i khri la bzhugs/ /lha klu grub pa phyag 'tshal 'gyur/ /gser gyi snod du rtag tu der/ /ro ldan 'o ma blugs nas ni/ /mi yi mchog ni 'thung byed cing/ / dpal ldan phun sum tshogs pa dang/ /pad+ma'i mdog ldan bud med rnyed/ /des ni ma he mchog btang yin/ /rtag tu nad pa nyam chung la/ /bzhon pa mchog ni sbyin pa dang/ /bla ma rnams ni mnyes byas nas/ /btsun zhing mi rnams kyis stong 'gyur/ /gser gyi chas kyis brgya pa yi/ /rta ni yid du 'ong ba la/ /mi mchog rtag tu zhon nas rgyu/ /shin tu ring ba'i yul rnams su/ /rdzu 'phrul gyis ni 'gro byed pa/ /bzhon pa mchog ni sbyin pa yis/ /de lta bu yi mi ru 'gyur/ /do shal dang ni do shal byed/ /'og bag dang ni ldan pa yi/ /yid 'ong lha mo rnams la rtse/ /sum cu rtsa gsum bdag bsgrun pa/ /bltos pa med par sbyin pa las/ /byung bar mkhas rnams rab tu bshad/ /bdud kyi zil gyis mi non zhing/ /legs par gsungs pa rtag tu ni/ /bdud rtsi lta bur mnyan par gyis/ /sa gzhi lta bur chos kyi yum/ /nyon mongs dgra ni spong bar byed/ /'khor ba'i bde ba nyams myong zhing/ /phun sum tshogs pa thams

  254. 127b

    cad kyi/ /rab mchog nyid ni thob par 'gyur/ /dub pa'i dus ni thams cad du/ /mkhas pas gnas ni phul ba yis/ /mtho ris phyin nas rtag tu dga' / /brgya byin dang ni lhan cig tu/ /rtag tu dga' ba myong bar byed/ /'dir ni skyed mos tshal phul bas/ /sna tshogs pa yi shing rnams la/ /me tog dri zhim dang ldan zhing/ /mngon par mtho ba'i ming thob nas/ /skyed mos tshal rnams longs spyod ldan/ /chu bo rgal bar dka' ba yi/ /gnas su zam pa 'dzugs byed pa/ /ma de longs spyod dang ldan pa'i/ /mtho ris gnas su 'gro bar 'gyur/ /gser mdog lta bu'i lus dang ldan/ /nyams dga' rdzing bu byed pa'i mi/ /mtho ris gnas ni thob par 'gyur/ /'jig rten 'di ru mir gyur nas/ /rgyal po yin ni dga' ba de thob/ /khron pa dang ni bu nyen khang/ /sems can rnams ni rten pa dang/ /than pa grags pas rlob gyur pa/ /byed pa'i mi mchog gang yin pa/ /lha yi bde ba myong bar 'gyur/ /nyi ma'i 'od zer tsha ba yis/ /shin tu sdug bsngal ldan pa la/ /gang zhig gdugs ni sbyin byed pa/ /gdugs dang 'dra bar de dag ni/ /dgra yi tshogs las rgyal 'gyur zhing/ /rtag tu bde ba mchog dang ldan/ /mchil lham rgyan gyis brgyan pa ni/ /sems can thams cad dag la ni/ /gus pa yis ni sbyin byed pa/ / de dag bzhon pa mchog rnams la/ /lha dang mi yi 'jig rten du/ /yun ring zhon par skye bar 'gyur/ /yon tan rnams ni sgrogs pa yis/ /rgyal ba mchog gis bstong byed pa/ /thams cad dag ni btud pa yis/ /lus kyi phyag ni 'tshal byed pa/ /bla mar bsten pa'i rigs skye zhing/ /de dag so sor rig pa 'thob/ /rdza rnga pi wang paT has/ /bde bar gshegs mchog mchod byed pa/ /mir gyur nas ni dbyangs snyan la/ /sgra ni shin tu snyan par 'os/ /

  255. 128a

    yid du 'ong ba'i gzugs dang ldan/ /bde bar gshegs pa'i mchod rten la/ /dga' bas srog ni 'jug byed cing/ /gdugs dang dril bu rnams dang ni/ /gdugs kyi phreng ba 'bul byed pa/ /de dag mir ni rgya che zhing/ /dpal ni phun sum tshogs par 'thob/ /mir gyur pa ni ma lus pa'i/ /bdag po nyid ni stobs dang ldan/ /dpung rgyan mu tig rgyan ldan pas/ /sa rnams sbyin par btang ba las/ /yin pa ru ni mkhas pa 'chad/ /mchod rten dang ni rgyal ba yi/ /sku mchog rnams ni bzhengs byed pa/ /gdugs ldan sku gdung 'jug byed pa/ /mtho ris yang dag 'dir thob nas/ /mi rnams kyis ni bstong par 'gyur/ /gang zhig dang po sangs rgyas la/ /sa dang lci bas byugs nas ni// me tog 'bras bu zas skom phul/ /rtag tu mchod pa byed pa ni/ /rgyal po'i bu ni thob par 'gyur/ /rgya chen mar me sna tshogs dang/ /dri zhim me tog bdug pa dang/ /bu ram la sogs btung ba rnams/ /dge 'dun la ni 'bul byed la/ /de yang nor dang ldan 'gyur zhing/ /lha mi'i bde ba dag dang ldan/ /mchod rten gdung bcas gtsug lag khang/ /mig 'bad pas nyen 'khor phyags/ /kun nas dri ma med byed pa/ /gser gyi kha dog 'dra bar 'gyur// rtag tu snang ba 'bul byed cing/ /grang dus gos dang khang pa dang/ /rgyan dang bu mo btung ba byin/ /skye gnas rnams su bde ldan 'gyur/ /sa stengs du ni tshe ring zhing/ /thams cad nad las grol bar 'gyur/ /mnyam pa med pa'i bde ba 'thob/ /de dag rtag tu bde dang ldan/ /lha yi bde ba sna tshogs pa/ /nyams su myong zhing 'byung 'gyur ba/ /srog gcod spangs pa las yin par/ /nges par mkhas pa rnams kyis bstan/ /gzhan mthong brnab

  256. 128b

    sems mi byed pa/ /chom rkun las ni dben gyur cing/ /rdzas ni yongs su srung bar byed/ /gser ni dpag med phun tshogs thob/ /rkun ma brgya phrag dag gis ni/ /mi dbang las ni dbral mi nus/ /chung ma gzhan la mi 'phyo zhing/ /legs bsrungs chung ma nyam med rnyed/ /skye bar dprar gyur cung zad med/ /'dir ni 'jig rten yid rton cing/ /de la yid mi ches yod min/ /de dang der ni skye ba na/ /utpal sngon po lta bur ni/ /dri dang yid du 'ong ba'i gzugs/ /de ni mi 'gyur kha dri zhim/ /brdzun gyi tshig kyang smra ma yin/ /dam pa yi ni grogs ldan zhing/ /mi dbang gis ni gus pas mchod/ /bu dang chung ma bran dang ni/ /longs spyod rgya ni chen po yis/ /dpag tu med pa'i bde thob pa/ /rtag tu phra ma spangs pa yin/ /yid du 'ong zhing sgra snyan la/ /dag ni mnyan par 'os pa dang/ /rtag tu shin tu mdzes pa dang/ /mi rnams dang ni lha rnams su/ /de rgyal tshig ni rtsub mo dag /mi de yis ni spangs pas ni/ /chos don bden la dga' ba yi/ /smra ba de ni 'jig rten gyi/ / rtag tu mchog tu yid 'ong 'gyur/ /yang yang mchod pa de yis 'thob/ /rin chen mang dang bzhon pas phyug /mngon mtho 'jig rten sna tshogs pa'i/ /bde ba mdza' yas myong bar gyur/ /bdag gzhan chags pa spangs pa yis// de 'dir 'dod chags chung 'gyur zhing/ /rtag tu longs spyod rgya chen ldan/ /dag la dbang zhing grags ldan 'gyur/ /rab tu mdzes pa nyid 'thob cing/ /de ni rtag tu phyug cing bde/ /rgyal srid kyis mtho 'jig rten gyi/ /tshangs pa nyid ni thob 'gyur zhing/ /yang dag byams pa'i sems ldan la/ /dbang po yod pa'i mi ru skye/ /mtho ris thar 'bras bde ba thob/ /yang dag rdzogs dang mi de ldan/ /gang phyir 'di dag thams cad ni/ /yang dag lta ba mchog tu ni/ /dge

  257. 129a

    ba'i rtsa ba'i 'bras bu yin/ /dad dang blo gros dang ldan pa'i/ /bsod nams kyi ni zhing mchog las/ /sa gsum bde ba rgya chen skye/ /de lta'i khyad par mi shes nas/ /yon tan rin chen thams cad kyi/ /gter du gyur ba'i dad pa yi/ /rtag tu de yis bsten par bya/ /dad pa yis ni ma bzhin du/ /dge ba rnams ni bskyed par bya/ /de bas thog mar skyes bu yis/ /yid kyis legs par bsten par bya/ /'byung gnas dad pa spangs pa yis/ /dam chos rin chen byang chub phyogs/ /nges par gzung bar nus ma yin/ /rgyal po las ni nyams pa yis/ /longs spyod 'bras las nyams pa ltar/ /dad pa'i dbang po las nyams na/ /de bzhin 'bras rnams thob ma yin/ /de phyir skyes bu mkhas pa ni/ /'jig rten bde gshegs byed 'dod pas/ /yid ni rab tu dad pa yis/ /rtag tu phan pa nyid du gyis/ /lhag mas nyes pa zhi ma yin/ /gzhan du dad pa dang ldan pa'i/ /nyes pa'i tshogs ni thams cad sregs/ /dman zhing gos med rmongs pa dang/ /lag pa na ni thod pa thogs/ /'jig rten 'di ni slong ba snang/ /sbyin pa med pa'i 'bras la bltos/ /tha dang khyim du slong zhing rgyu/ /rtag tu bkres par kun tu 'khor/ / gang zhig lus lag skyong ba la/ /khyi dang 'dra bar ring na gnas/ /kun tu 'jug cing slong ba la/ /phyir ldog nyung shas phyogs cig kyang/ /gang zhig kha zas mi ster ba/ /kha ni khab tsam lto ba re/ /lus bskams skra yi gos kyis ni/ /nyi ma'i 'od zer snang min la/ /yi dags skom gyis gdungs pa snang/ /'bras de lag gis ma byin zhing/ /dus ma sbyin pa'i 'bras bur gsungs/ /sna tshogs bsdus pa'i gtam ste nyi shu rtsa gnyis pa'o// //

  258. 129b

    bsod nams spro bskyed mnyan par gyis/ /gtong dang bsod nams dkon pa te/ /bde bar gshegs pa'i sku gzugs la/ /sku gdung rnams ni bcug byas na/ /khrul gsol gdugs ni 'degs pa dang/ /maN+Dal zas dang skom rnams dang/ /gos dang me tog la sogs dang/ /snang ba dang ni mar me dang/ /gtsug lag khang du mal stan dang/ /zhing dang sna tshogs phul nas ni/ /bstod cing phyag ni 'tshal byed pa/ /'di 'dra du ma phun sum tshogs/ /gtam ni nyi shu rtsa gnyis kyis/ /yang yang sbyin pa'i bsngags pa brjod/ /mtsho ni sbrul gyi gang bzhin dang/ /me tog lo ma rgyas pa yi/ /ljon shing tsher ma dang bcas bzhin/ /thos dang dpyod dang rigs ldan bzhin/ /de lta bu yi bye brag can/ /tshul khrims la ni rgyab phyogs yin/ /dbul yang khrims ldan mchog yin gyi/ /yon tan brgyan dang bral ba yi/ /nor ldan rnams dang mtshungs ma yin/ /dbul yang skyes bu dam pa rnams/ /de dag yon tan ro myong bas// bdud rtsi lta bur khyad par 'phags/ /yang dag dran bya bla ma bzhin/ /yon tan ldan 'phags gzi brjid ldan/ /nor rnams dang ni rgyan dang ni/ /de dag rgyal po rnams kyis ni/ /drung du nye bar mchod 'dod pas/ /tshul khrims 'di ni bsrung bar gyis/ /'jig rten bde ba rnam rgyal ba'o/ /'jigs dang zhe sdang bcas pa la/ /chos kyi bdag nyid blos byas te/ /bde mchog phyir ni skyes bu yis/ /bde ba rgya chen mi 'phrogs ba/ /thob par 'dod pa de yis ni/ /tshul khrims nyid ni bsrung bar gyis/ /tshul khrims las nyams 'dul zhing 'tshe/ /de yis 'jigs bcas nyams su myong/ /tshul khrims ldan la de dag med/ /de nas 'jig rten pha rol tu/ /mdza' yis gtugs shing 'gro ba na/ /bde ba'i yul rnams 'dod pa

  259. 130a

    yis/ /de yis tshul khrims 'di nyid srungs/ /tshul khrims brtan dang nges ldan na/ /bde 'gro nyon mongs bdag nyid min/ /log par lta bas lam gol phyir/ /de phyir thar par rab byung zhing/ /rtags ldan mtho ris 'dod pa yis/ /de yis tshul khrims 'di nyid srungs/ /mi 'jig dbrog tu med pa'i rgyan/ /tshul khrims 'di yin bsrung bar gyis/ /tshul khrims nor gyi mchog yin te/ /gzhan gyis dbrog cing rkur mi tshugs/ /tshul khrims brten te 'chi ba na/ /gzhan du rjes 'brangs lus ma yin/ /tshul khrims rjes su 'brang ba'i grogs/ /tshul khrims rgyan gyi mchog yin te/ /rgyan de la ni stor ba med/ /yid bcugs pa yi grogs po yin/ /tshul khrims lta bu'i phan byed med/ /tshul khrims yang dag nges pa'i gnyen/ /pha dang ma dang bu yin te/ /'dod pa ster ba tshul khrims te/ /mthu yis 'bras bu 'di sbyin byed/ /tshul khrims kyi gtam ste nyi shu gsum pa'o// //bskal pa stong du bsags pa yis/ /sbyin dang bde gshegs mchod la sogs/ /legs spyad gang yin de kun kyang/ /khong khro gcig gis 'joms par byed/ /zhe sdang dang mnyam sdig pa med/ /bzod dang mnyam pa'i dka' thub med/ /de phyir 'bad pas bzod pa bsgom/ /sna tshogs pa yis tshul gyis ni/ /zhi ba'i yid kyis ma bzung na/ /dga' dang bde ba myong ba yin/ /sdang ba'i zug rngu yid gnas la/ /gnyid med brtan pa yod ma yin/ /zhe sdang bral bar ma gyur na/ /ji srid 'tsho bar gnod dang bcas/ /khro ba gcig phu bcom pa yis/ /rnam par sdang ba thams cad bcom/ /rtog pa'i bud shing la mched pa'i/ /khro ba'i me yis 'gro ba sreg /dang por bdag nyid sreg byed la/ /gzhan dag sreg pa 'am yang na min/ /rgas pa yis ni gzugs bzhin dang/ /khros dang mun

  260. 130b

    pas mig dang ni/ /blo dang bral bas 'dod don ldan/ /da bas khro bas 'joms par byed/ /dge ba'i las la 'dir sbyar bya/ /bdag la gnod byed 'byung ba dang/ /de las zlog par bya snyam na/ /sdig ldan sems yin khror ci yod/ /mtshon sogs byed po spangs nas ni/ /'phel ba ci zhig khro ru yod/ /rtsod byed zhe sdang yin pas na/ /de phyir zhe sdang la sdang bsngags/ /bzod pa'i gtam ste nyi shu bzhi pa'o// //yon tan rin chen thams cad kyi/ /gter du gyur pa brtson 'grus te/ /nyon mongs rgya mtsho kun sgrol ba'i/ /rgya chen mchog ni brtson 'grus yin/ /brtson 'grus shing rta gang yin pa/ /dngos po bsam pas mi 'thob pa/ /de 'dra 'gro na yod ma yin/ /glang po rta dang rkang thang dang/ /mdar dang mda' chen dgra sta dang/ /mtshon cha yis ni g.yul 'gyed cing/ /dgra bgegs mthar ni rgyal byed pa'i/ /'di ste stobs dang ldan pa yi/ /brtson 'grus dpa' bo chen po yin/ /rgya mtsho chu srin tshogs gnas shing/ /chu rlabs mthon por rim rgyu ba/ /brtson 'grus ldan pa'i dpa' bo yis/ ba lang rjes bzhin 'gom par byed/ /rin thang med pa'i rin chen gyi/ /gter ni len par byed pa yin/ /'dod chags la sogs sbrul gdug rnams/ /lus la brtson 'grus can gyi spong/ /khrims ldan skye bo dam pa ni/ /sems ni dri med khyad 'phags pas/ /ming ni yang dag mnyam gzhag 'dzin/ /ri rab mdzes pa'i rtse mo ru/ /blta na sdug pa'i lha mol/ /bang du lag pas 'khyud pa yis/ /bde dang ldan zhing dga' bar byed/ /mkha' gnas lha ni gang yin pas/ /gnyis gnyis ldan pa nges spangs nas/ /yang dag yid kyi bde ba myong/ /shin tu 'bras bu rgya che ba/ /skyed pa'i rgyu ni brtson 'grus te/ /brtan pa la sbyor de sbyor byed/ /brtson 'grus kyi gtam ste nyi shu lnga pa'o// //nyon mongs dgra yi sde mtshan

  261. 131a

    rnams/ /bsam gtan ldan pas zil mnan nas/ /yang dag byang chub dpal rnams 'thob/ /byang chub yan lag rab sbyin zhing/ /'chi med skye ba'i rgyur gyur ba/ /'dod chags zhe sdang la sogs pa/ /nyes pa thams cad sel ba yis/ /rgyu ni bsam gtan yin pa ru/ /blo ldan de yis rab tu gsungs/ /nam mkha' dang ni sems mnyam la/ /gser dang bong bar mnyam pa yi/ /bsam gtan sgom byed skyes bu yis/ /yon tan rnams kyi rgyu ru gsungs/ /nyon mongs dgra tshogs las rgyal ba'i/ /dge ba'i stobs kyis bsgrubs pa las/ /mtshan ni thams cad ldan pa yi/ /yang dag rdzogs pa'i byang chub dpal/ /yang dag rab mchog bdag nyid can/ /dkon pa'i rigs pa thob par 'gyur/ /sems la ye shes bdag po yis/ /dgra yi 'jigs pa rnams spangs nas/ /gang gis mi yi dbang po skyed/ /bsam gtan gcig pu de rgyu ste/ /yon tan kun gyi gter yin par/ /'phags pa'i yon tan gyis phyug gsungs/ /rmongs pa'i mun pa sel mdzad cing/ /rgyun gyis rtag pa'i ye shes kyis/ /rdzogs sangs rgyas kyi nyi ma dang/ /mi rnams dang ni lha rnams kyis/ /bde rgyu bsam gtan rab mchog yin/ /bsam gtan gyi le'u ste nyi shu drug pa'o// //shes rab stobs dang bral ba ni/ /skyes bu'i gzugs can 'ba' zhig ste/ /snying po spangs pa'i mthar thug par/ /ri mor bris pa'i gzugs dang mtshungs/ /blo ldan brtson 'grus dang ldan pa'i/ /blo ldan de la 'bras 'dod 'byung/ /bla med bdag nyid gsod pa'i dgra/ skye ba du mas gang chod dang/ /bdag nyid skye bar 'gyur ba yi/ /rigs dang ming dang rus rnams dang/ /dbus bzhin du ni mdza' bzung la/ /rnal 'byor ba yi shes pa 'jug /shes rab stobs kyis de

  262. 131b

    shes gsungs/ /'jig rten rnams ni dri ma yi/ /rab rib tshogs ni sel byed pas/ /de bas blo de ches mchog yin/ /ye shes snang ba bskyed pa yis/ /mi rnams kyi ni nyes pa'i tshogs/ /rtag tu stongs par byed pa yin/ /dang por dbang po 'di bsgrub bya/ /yid kyi phra rab rnam shes shing/ /rigs pa thams cad gsal byed yin/ /shes rab de yang rtag par ni/ /stobs kyis dge ba skyed byed pa'i/ /rgyu yin par ni rtag tu grags/ /bya ba'i rgya mtsho'i nang du ni/ /gdon mi za bar nub pa dang/ /g.yul gyi nang du shes rab gtso/ /shes rab stobs kyis rnam rgyal thob/ /thos pa'i shes rab gang yin de/ /dge ba rnams kyi rgyu ru 'gyur/ /de ltas yon tan thams cad ni/ /sgrub par byed pa yin pa'i phyir/ /gdon mi za bar shes rab bsgrub/ /shes rab med pa'i skyes bu ni/ /mi gsal tho rangs mar me bzhin/ /shes rab kyi gtam ste nyi shu bdun pa'o// //mtho ris mthar pa'i yon tan ni/ /rin po che yi gter gyur pa/ /pha rol phyin pa drug 'di nyid/ /sa gzhi bzhin du shes pa'i mis/ /bdag phan bsgrubs pa de yis ni/ /gzhan la phan par bya ba'i phyir/ /myur du rtag par rgyun tu 'bab/ /pha rol tu phyin pa'i gtam ste nyi shu brgyad pa'o// //legs par bshad pa rin po che za ma tog lta bu'i gtam snyan dngags mkhan chen po slob dpon dpa' bos mdzad pa rdzogs so// //rgya gar gyi mkhan po ru dra dang/ lo tsA ba chen po dge slong shAkya 'od kyis bsgyur ba'o// //rgya gar skad du/ tsa turbi badya ka thA/ bod skad du/ phyin ci log bzhi spang ba'i gtam 'jam dpal gzhon nur gyur pa la phyag 'tshal lo/ /skyes bu dam pa yid 'ongs yul rnams yongs smod smra bar gyur pa na/ /de la yid 'byung skyo bar byed na khyed yid skyo bar

  263. 132a

    cis mi byed/ khyed kyi lus sdug de yang nyes mang de la smad par byas pa ni/ /yon tan mang yod de phyir bdag gi tshig ni cung zad mnyan par gyis/ /'di ni rtag par gyur tam ji srid gyur par bde ba'i don gyur tam/ /der ma gyur kyang gtsang bar gyur tam de med gyur kyang dbang yod gyur/ /rtag min bde ba'i rgyu min gtsang ba ma yin rang dbang can min na/ /ci phyir blo gros rab nyams khyed lus nyes brgyar bcas la chags byed smos// ri bo mthon po'i rtse mo'i steng nas sa la lhung bar gyur pa yis/ /zhig par gyur tshe ci 'di bar snang la ni bde ba myong 'gyur ram/ /skyes nas brtsams te 'chi ba nyid phyir rtag tu rab tu rgyug pa na/ /sems can rnams ni bar skabs gang du bde ba ji ltar thob par 'gyur/ /gang gis sa 'og 'dzul te klu yi dbang po pad+ma'i rtsa ba ltar 'byin byed/ /gang gis mtho ris 'jogs te dbang por bcas pa'i lha tshogs mid par byed pa dang/ /gang gis sa steng 'phyan 'phyan nir ka dang ni ra kun la btus gyur pa'i/ /'chi bdag des mi tshugs par gang du gnas nas khyod ni 'jigs pa med par 'gyur/ /yun ring 'tshe yang lus ni rgas par rab tu rnyings pa nyid du 'gyur/ /tshe ni thung 'gyur tshe ni mod la 'chi bdag khar ni 'gro bar 'gyur/ /rga dang 'chi ba'i bar na phongs par bcas par gnas par gyur pa'i mi/ /nyam ngar ltung bas 'di las bde ba thob par yod mi 'gyur/ /byis ba rnams la brtse med rgan la gus par gyur pa cung zad med/ /gzhon nu ma la ngor lta phra mo med cing nyams thag rnams la brtse med pa/ /de ltar gzhung lugs med pa'i 'tshe bdag gang yin de ni bdag la ni/ /dus la sdod ces gzhon lus sha rgyas sra bar khyed yid ma sems

  264. 132b

    shig /khyim drung gnas pa'i nor ni cung zad brkus shes thos par gyur pa na/ /rang gi khyim dag bsrung bar bya snyam sems pa 'di ni rigs pa yin/ /mi ni khyim khyim dag nas nyin re drangs te khyer bar byed pa na/ /gshin rje la ci dog med gyur tam 'gro ba mel tse cis mi byed/ /ji ltar bsad bya'i mi dag me tog phreng btags sil dkrol mis bskor te/ /gsod sar khrid pa gom pa re re bor bas 'chir nye'i sdug bsngal 'gyur/ /de bzhin longs spyod la gnas nyin re 'chi bdag drung du 'gro byed kyis/ /kye khyed 'byor pa dag gis yid ni dregs pa dag tu ma byed cig /'di na mi rnams tshe ni mchog tu ring yang lo brgya kho nar zad/ /de las kyang ni dang po byis ba tha mar rgas pa don med byed/ /gnyid dang nad sogs dag gis de dus med par kun nas re ba 'joms/ /bde bar gnas pa'i mi nang 'gro ba'i tshe yi lhag ma ji tsam yod/ /sum cu rtsa gsum bdag po'i g.yul nas rgyal ba'i rgyal po de rnams ni/ /shes pa'i snang bas mun pa zang byas drang srong de yang shi bar 'gyur/ /gshin rjes zin par gyur tshe longs spyod kyis min bshes bdag gis min/ /skyes bu rtsol bas zlog mi byed na 'dir ni mi rnams su la ji ltar skyabs su 'gro/ bstan bcos bklags dang bcas shing rigs dang bzo yis bya ba dang bcas dang/ /yid rton grogs bcas sdug ba'i chung ma dang bcas drung gnas 'khor bcas pa'i/ /mi rnams 'chi bdag snying rje med pas sa stangs 'dir ni khyab gyur pas/ /med par byed na kun gyis ci bya ma g.yeng dge ba legs par gyis/ /e ma'o skyes bu rmongs rnams 'di na bde 'gror skyes pa bzang zhes grag /rga dang 'chi dang na rnams kyis kyang 'di la rtse ba med par grags/ /gzhan las skyes pa'i sdug bsngal brgya phrag

  265. 133a

    'di dag skyed pa nyid byed de/ /rang gis bskyed nas bu ni gsod pa'i don du de dag la gtong byed/ /sha ma'i rkyal par shin tu bsdams shing dbugs mi phyin par nyam dar gnas/ /mi gtsang khron par lto pa'i me yi tsha ba mi bzad pas bsregs nas/ /smra mi nus shing thos min bskyod pa'i dbang med nyal ba ma yin par/ /mi ni mngal du zla bcu nyes pa'i bar du sdug bsngal nyams myong 'gyur/ /dka' ba dag gis byung nas nyi ma'i gzer rnos mod la bsregs pa dang/ /tsha ba'i rlung gis bus shing sbrang bu chu sprang dag gis gnod pa dang/ /nye du dgra bo dag gis lte ba bcad pas na tsha skyed byed pa/ /mngal na gnas kyang bla yi snang ba dag tu gnas pa 'di ma rung/ /lus kyi bya pa lag pa dag dang rkang pa bskyod pa tsam du zad/ /smra ba'i yul gyur thams cad la yang khyad par med par du bar byed/ /nyal ba'i tshe na gan skyal gnas pas nyin dang mtshan mo 'da' bar byed/ /sa stengs dag na khu ljo ba ltar sdug bsngal nyam thag ngas ma mthong/ /'dug pa dag las ldang bar mi nus nyal dang 'greng dang 'gro bar bskyod mi nus/ /'dug ste gnas dang lus mi bstan pas gom gcig 'gro bar nus ma yin/ /tshig gis rang don bstan par mi nus phyed 'khrul lus dang ngag la ni/ /dbang byar med par srog 'dzin byed pas kyi hud na tshod 'das sdug bsngal/ /mngal mi mthong la/ /'chi ba'i dus kyi gnas skabs skye bo 'dris pa'i mig gi yul ma yin/ /dregs ldan rga sa bcom pa tshogs par skyes pa bud med brgya phrag gis/ /mig gi 'ben du gyur pa mda' char 'bab pas nyam thag lta bu yin/ /skom pas kha skams tshe na bsil

  266. 133b

    zhing dri zhim chu ni 'thung ba dang/ /bkres pas nyam thag pa na 'bras can sha dang bcas pa za ba dang/ /'dod chags me 'bar gyis gdungs tshe na chung ma dam du 'khyud nas byed pa yi/ /nad sel byed pa bde ba yin zhes skye ba phyin ci log par gyur/ /skyes bu zas nyung dag gis rigs 'gyur zas mang dag la mngon dga' bas/ /dbugs mi thon cing sdug bsngal gyur la mi mthun zas kyis 'chi bar byed/ /zas mi 'ju bas nad skyed 'gyur zhing zhu bas bkres pa nyid du 'gyur/ /kye ma zas zos gyur na sdug bsngal mi skyed skabs de yod ma yin/ /shing yang dag ni rab tu 'bar ba'i skabs su me las tha dad min/ /de ni 'jig rten dag gis kyi hud me zhes zer zhing yongs su spong/ /de bzhin lus la sdug bsngal shin tu chen po nyams myong gnas skabs su/ /'di ni sdug bsngal lus 'di yin zhes khyad par med la 'jug mi byed/ /mi gtsang snom zhing srin bu'i tshogs ni brgya yis yongs su bskor gyur pa/ /krad pa'i drod kyi dug gis mtshungs pa med pa'i sdug bsngal nyams myong zhing/ /snang ba med pa'i btson ra'i khyim nang lta bu'i ma yi lto na gnas/ /de bskyed pa na de yang de ltar min nam ci phyir khyod reg byed/ /ji ltar khyi dag rus skam sra la ro med pa la brkam bar 'cha'// rang gi kha chu khrag gis gos la snyi zhing zhim pa yin snyam sems/ /de bzhin lus zhes bya ba shin tu 'jigs su rung ba'i tshogs de la/ /rmongs rnams rang gi rtog pas yon tan brgya yis sgro btags dga' bar byed/ /sha rgyas mtho zhing zlum la nu ma'i blo yis kun nas 'khyud pa dang/ /kha ni kha chus gang ba chang bcas snod par 'thung bar byed pa dang/ /reg pa'i sred pas mi gtsang brlan pa'i lam la chags pas na/ /'gro ba rmongs pa chen pos ldongs

  267. 134a

    pa dag la yid du mi 'ong ci zhig yod/ /'khru bas dri mas spags dang dri zhim skud pas mi ro'i dri 'dra dang/ /so ci 'cha' la brtson bar byed pas kha ni dri mi zhim pa nyid/ /gos kyis kun nas dkris pas shin tu mi sdug yin par 'di byed de/ /lus ni 'jigs su rung bas bdag ni gzhon nu ma la smra zhing rton/ /yid brtan rung las nyan par mi byed bdag nyid kyis kyang rtogs med pas/ /khyed la rna ba dang ni snying med pa zhes bya bar shin tu rigs/ /rlon byed 'jigs su rung zhing mi sdug lus kyi dri ni ma tshor ba/ /khyed la 'gro ba sna med yin zhes kyang ni ci yi phyir mi smra/ /shin tu gtsang ba'i dar dang dri zhim me tog sbrang rtsi gur kum pa/ /de dang de ni gang du reg na skad cig gis ni mi gtsang 'gyur/ /rma yi sgo dgu dag nas mi gtsang dri nga'i ljon shing 'dzag gyur gang/ /de la khyed ni skal bzang yin zhes 'dir ni rlom sems ji ltar byed/ /phung po lnga po 'di la yul dang yul can nyid du brtags nas ni/ /bdag dang bdag gi med pa dag la nga dang nga yir nges byas pa/ /'jig rten rmongs pa 'di ni 'jig rten skom gyis gdungs pa mya ngan du/ /smig rgyu'i chu yi chu bur las byung snod du 'thung snyam sems dang mtshungs/ /bdag ni rtag pa yin zhing bde dang sdug bsngal nyams su myong gyur la/ /lus kyi yul ni gcig pu dag la bdag gi zhes blo skyed du zad/ /bu dang chung ma phyugs rnams zhes bya 'di dag las gzhan gyis bskyed ba/ /de la ji ltar bdag gi zhes rtsi 'dir ni gti mug stobs can yin/ /de ni rgyu las byung zhing gnas pa'ang rang gi rkyen gyi dbang las byung/ /dus kyis rgas shing tshe dang bsod nams zad la sogs

  268. 134b

    pas 'chi bar 'gyur/ /skye la dbang byar ma yin rgas la ma yin shi la dbang med na/ /bdag gi chung ma zhes smra ngo tsha bar ni ji ltar de ma gyur/ /gang zhig rtag tu rang dbang gyur dang gang zhig bde pa nyid gyur pa/ /gang zhib skad cig tsam yang 'dor mi 'gyur ba de ni bdag gir bshad/ /lus ni dbang byar med cing sdug pa dag kyang skyo bar 'dor gyur na/ /'di la rim pa gang zhig mthong na 'di la gang zhig mngon zhe na 'gyur/ /mi rtag pa la rtag snyam sems la sdug bsngal ba la bder mngon dga' / /mi gtsang lus la gtsang ba nyid du shas cher zhen pa byed pa dang/ /bdag med pa la bdag ces 'dzin pa'i rdul rnams rnam par bsal nas ni/ /skye med 'gag med 'chi ba med cing rtag pa'i gnas ni 'bad pas mngon du gyis/ /phyin ci log bzhi 'gag par byed pa'i gtam/ /'di byas pa las bdag gis dge bsags pa/ /gang yod des ni 'gro gsum ma lus pa/ /phyin ci log bzhi las ni yid grol shog /phyin ci log bzhi spang pa'i gtam slob dpon ma ti tsi tras mdzad pa rdzogs so// //rgya gar gyi mkhan po bud d+ha b+ha dra dang/ zhus chen gyi lo tsA ba dge slong rin chen bzang pos bsgyur cing zhus te gtan la phab pa'o// //rgya gar skad du/ kA li yu ka ba ri ka thA/ bod skad du/ rtsod pa'i dus kyi gtam/ 'phags pa 'jam dpal gzhon nur gyur pa la phyag 'tshal lo/ /tshul khrims las nyams thos pa'i nor bral 'dod pas 'di nyid cung zad mchod par byed/ /nyes med khrims ldan yon tan ro la rgyab phyogs zhe? sdang cung zad nyes pa rgod/ /rab byung rnams la khyim pas las bsgo de nas rab byung des kyang khyim pa mgu bar byed/ /ci spyad 'dir ni 'gro ba'i khyim du ma lus dus kyi snyigs mar zhugs ba yin

  269. 135a

    da ltar legs par spyod pa'i skye bo ngo tsha sdig pa can bsngags dga' bar 'gyur/ /slob dpon nor rnams mchog tu sems pas 'joms phyir slob ma rnams ni zhum par gnas/ /'di na byis pa nye du'i 'khrul 'khor gyis bcings pa ni sun 'byin byed pa bzhin/ /da ltar rtsod pa'i dus na 'jig rten rnams la g.yo sgyu'i mtshon drag stobs dang ldan/ /bcud rnams sas 'thungs dngos rnams stobs chung lha rnams char ni 'bebs mi byed/ /rlung rnams rab tu drag ldang lo tog rnams ni mi smin skye mi 'gyur/ /skyes la ser bab sa rnams rtsod pa yi/ /dus kyi dbang sgyur 'bras bu med/ /dngos rnams mthu med dgos pa sgrub rnams nyams pa thob la rtag /'gro la nad 'phel sa ni de dang de dag skye bo rnams kyis stong/ /ljon pa'i nags tshal skams pas yal ga'i lag pa gyen du 'greng byed de/ /rtsod pa'i dus kyis bcom byas bzang po'i dus nub ri bo cho nges 'debs/ /yul bzang chags pa rnams spangs sa rnams su ni dus bzang yongs su zad/ /yon tan mkhas la mi bkur nor ldan rnams ni mchod bya min bar mchod/ /skye rmongs mchod byed gshin rjes 'jig rten sdug bsngal nges khrid gang gis zlog /tshul khrims 'chal pa stobs ldan tshul khrims ldan pa sdigs shing tshar gcod byed/ /sdig la dga' ba stobs ldan g.yo can rnams kyis dam chos snub par 'gyur/ /gang zhig sdom pa la gnas bstan pa'i mchog la 'jug bar byed pa nyung/ /the tshom yod min drang srong bstan pa ring po mi thogs nub par 'gyur/ /g.yul 'gyed rtsod pa du mas gos ltar sa g.yogs lo tog skyes la 'dod mi 'byung/ /rlung rnams mi bzang ldang zhing de bzhin skye bo dam pa

  270. 135b

    yang dag mchod mi byed/ /rgyal po dgra dang rkun ma'i 'jigs bas mi dag bag phebs nor rnams longs mi spyod/ /da ltar skye bo sdug bsngal bcas 'tsho 'gro ba rnams la 'jigs pa 'byung/ /gang zhig dus su char med gang du lam zhugs ser ba mi mthun du ma 'bab/ /gang zhig ba rnams 'o ma mi 'byung dus rnams 'khrugs shing sa las 'bru mi skye/ /sman rnams gang yin nus med de bzhin khyad par rnams ni rab tu nyams/ /yid ni ngas bcom chos min rtsod pas dngos po 'di kun nyes dang bcas/ /rtsod pa'i dus 'dir chos spangs mi bzad pa la yang dag zhugs pas na/ /gang du dbang pos char phab ljon shing yal ga dag las me tog 'bras bu chung zad snang/ /sa gzhi brlan pa dang bcas sa rnams gang yin pa las me tog smin gyur pa/ /de kun tshul khrims brtul zhugs yang dag sdom ldan chos dang ldan pa'i mthu/ /dus rnams 'khrul cing sa la bcung rnams nub 'gyur nyi zla log par rgyu/ /chung ma khyod la bcugs pas 'brel ba'i sems med dman pa rnams ni mthon por 'gyur/ /rgyal po chos spangs nor rnams mchog tu don gnyer bu rnams pha la sdang/ /kyi hud sdug bsngal rtsod pa'i dus ni nyer gnas bsod nams gnyer ba nags su song/ /chos dang rab byung dka' thub rnams 'bros bde ba rnams ni ring du song bar 'gyur/ /sa rnams 'bras bu nyung zhing rgyal po 'khrug byed mtshon gyis rgyal byed rnam par gnon/ /'jig rten bud med la dang bud med kyang g.yem bram ze rnams ni 'dod chen bcas/ /legs pa rnams nub skye ngan stobs ldan du ma rtsod pa'i dus su bzang po yi/ /dus song bde ba rnams 'das dus der sbyong ba'i skyes bu rnams kyang 'das/ /'dir yang dus mdza' de rnams mun bcas phug bzhin shes ma yin/ /legs sbyad brgya phrag dri yis

  271. 136a

    bsgos pa yis/ /skal ldan nub cing dus ni 'das par gyur/ /pad gzhon rtsa ba'i skud pa bzhin/ /dkar po'i chos rnams phra bar 'gyur/ /blo ldan skyes bu gtam mkhas dri mas rgod/ /'gro ba 'di dag dga' med ston zin bzhin/ /bdag nyid chen po 'di ni yang dag 'gags/ /gang na yon tan rnams kyi stobs phral/ /yon tan la 'dud 'bad pas gcong byed cing/ /skye bo smra ba la brten 'tsho bar byed/ /rtsod pa'i dus kyi gtam slob dpon ma tri tsi tras mdzad pa rdzogs so// //rgya gar gyi mkhan po a dzi tra sh+ri b+ha dra dang/ zhus chen gyi lo tsA ba dge slong shAkya 'od kyis bsgyur ba'o// //rgya gar skad du/ bi pa ka ka thA/ bod skad du/ dben pa'i gtam/ byang chub sems dpa' 'jam dpal gzhon nur gyur pa la phyag 'tshal lo/ /dka' thub rnyed pa'i bde ba 'dod rnams kyis/ /'chol pa spyod pa rnams ni mthong gyur nas/ /rab tu dben pa yang dag bsten pa yis/ /dge slong 'di skad tshig tu brjod pa smra/ /phongs pa spang phyir de bzhin gshegs pa yis/ /rab bsngags zhi ba'i dbang bskur nyer blangs nas/ /dka' thub khyim dang 'dris pas rab chags pa'i/ /phongs nyid rgal dka' bying ba ji ltar rung/ /'phags pa 'gran med shing drung gnas nas ni/ /'gro ba'i skye dang 'gag pa mthong ba na/ /zhi ba'i bde ba yongs smin che dge ba/ mi las shin tu 'phangs pa thob par 'gyur/ /sems kyi rnam par 'ching ba gnyen po yi/ /stobs kyis bsal bas skye bral nags dag tu/ /rnal 'byor nyer zhi'i bdud rtsis tshim gyur pas/ /bde bar gnyid log pa dang sad par 'gyur/ /mtshan mo zla ba'i snang dang rab gsal ba'i/ /skab ma'i me tog bkram par nyer mchod pas/ /dgon pa bsten

  272. 136b

    ba'i yid ni nges zhi ba'i/ /lhag par dga' ba dag ni skye bar 'gyur/ /gang du dge slong dben pa'i rgyu mtshan gyis/ /kha na ma tho med pa zhi 'gyur bde/ /gang du yo byad yang dag bsten chags pas/ /sems ni sna tshogs phongs pas gdungs par 'gyur/ /ji ltar chu shing smyug ma 'od ma dag /'bras bu byungs nas rang nyid 'jig pa ston/ /de bzhin dka' thub khyim las rnam grol nas/ /bdag nyid zil gyis gnon chags mthong bar 'gyur/ /sa yi rdul gyis gos pa'i ri dags dag /rtsA dang 'dab ma tsam zhig sgrub byed ltar/ /sems ni dben par gzhol bar 'dod 'gyur gyi/ /gling bzhi'i phun tshogs rgya chen dag la'ang min/ /shing drung 'bab chu bsten pa'i dka' thub dag /yongs su 'dzin pa dag ni rnam spangs nas/ /rang sems can dang rab tu 'brel ba yi/ /bde 'byung gang de rgyal po rnams la med/ /ljon shing sngon po'i rtse mo rlung dag gis/ /rnam g.yo phra la snyoms pa'i char 'bab pa'i/ /mi g.yo rnam brtags ri yi su la gnas ni/ /dge slong mtshan mo dga' ba skyed par byed/ /rnyog can 'dod pa 'dris pas phod pa yi/ /bdag bsnyen pa yi chags spangs bltos med cing/ /skye bral nags gang yin par dga' bya yi/ /dge slong gyur nas don med gyur mi bya/ /dge slong rtags ni bdag nyid gnod med par/ /nyer blangs gang zhig sgrub par mi byed cing/ /dman la yongs su 'dzin pa'i 'dam bying ba/ /de ni 'tsho ba'i 'jig rten bslu byed yin/ /chu dang rdo khu rtsa ba med pa yi/ /sa dbang 'dzegs nas mi bzad g.yang dag tu/ /rtogs dang ldan pas shi ba bzod bya yi/ /bslab pa yongs su nyams pas 'jug mi bya/ /rgya mtsho rnam par 'khrugs pa'i rlabs tshogs su/ /rin chen khur gyis gru dag nub pa bzhin/ /khyim dang 'dris pa'i rnyed chags khur dag gis/ /gang zag mchog brtan rgya chen

  273. 137a

    snub par byed/ /nags na brten pa'i zhi ba'i yid dag ni/ /gzhon nu ma yi 'gro bas dkrugs mtshon pas/ /gnyen po ji bzhin bdag nyid zhi 'dod rnams/ /sdom can rab tu dben nyid yang dag rtsom/ /yul gyi ro yi dug gis nyer gdungs blo can dag /chags pa nyung ngu dag gis gdungs gyur na/ /de dag yongs su spong la brtson med pa'i/ /dka' thub kyi hud e ma'o rab nyams 'gyur/ /sdom can rkang pas 'gro zhing 'jog pa ltar/ /de ltar 'dris pas 'dod pa 'phel 'gyur te/ /rang rlabs chab dogs mngon brdabs 'jigs rung ba/ /sprin chen char gyis ya mu na bzhin no/ /dka' thub ji ltar dman pa dag la yang/ /'dod lha'i dbang gis rjes su zhugs gyur pa/ /de ltar rang lag gis drangs phun sum tshogs/ /rgya chen khyim la khyim pa chags pa med/ /rang gi khyim dang gdong dag mchi 'dzags par/ /brlan pa'i gnyen dag spangs par gyur nas ni/ /dman pa gzhan gyi khyim la chags pa yi/ /rab byung 'di la shin tu ngo tsha med/ /thar pa 'dod gang rang khyim spangs nas ni/ /mi shes gzhan gyi khyim dag 'dod byed pa/ /rgya mtsho rnam par 'khrugs pa'i rlabs tshogs las/ /bdag nyid brgal nas glang rjes bying dang mtshungs/ /sdig pa spong byed de bzhin gshegs pa yis/ /gnang ba'i sgrub pa dag gis 'di rtags gang/ /dman pa'i nor la 'dod pa'i sred pa yis/ /gzhan khyim la chags dri ma can du gyur/ /chu bo ni lu tsa yi me tog lhung ba'i dum bus mdza' mar bris/ /bye ma dkar po'i dogs dang ngang pa ka dam pa dag gnas// nags kyi glang chen khyu dag rtse bas tha dad 'thor rlabs can/ /dgon gnas brtul zhugs can la dga' ba rab tu skyed par byed/ srid pa'i longs spyod don du gnyer ba'i yid dag rnam bsal nas/ /ma brtsams yid 'ong bde ba

  274. 137b

    bsten pa rnams kyi gnas skabs ni/ /pad+ma kha phye bzhin du dka' thub rang gi grags pa yis/ /'jig rten yongs su dga' ba rab skyed kun tu dpe las 'das/ /dka' thub ring dang nye ba'i shing rtsa rab yangs dang 'brel bar/ /gnas pa'i tshim bu mi snyoms lhong pa'i srubs par la chags pa'i/ /ba mo'i dum bu gos pa tho rangs nyi ma'i 'od zer gyis/ /lag pa dag gis nyul ba bzhin du rnam par skems par byed/ /khong stong shing drung rlung ni rgyu gyur kha ba'i tshogs chen 'bab/ /mdangs zad rab rtsub lo ma dag gis gdu bu bzhin bskor ba'i/ /'dod pa kun spangs shes rab rno ba'i brtul zhugs can dag la/ /mtshan mo rnam par skyo ba dag ni skyed bar mi byed do/ /shing gi lo ma'i mdza' mal chags pa mo'i chu dag gis/ /dum bu nyi ma 'char tshe mdog gyur nor bu dang 'dra ba'i/ /thigs pa dag ni shing drung dag na gnas pa'i dge slong la/ /'gro ba'i skye dang 'jig pa ji bzhin rab tu ston par byed/ /rab zhi'i bde ro shes pas 'khor los sgyur ba'i dpal 'byor yang// yongs su spyad pas brnyings pa'i me tog phreng bzhin rnam spangs nas/ /lang tsho rang bzhin gyis g.yo ngang tshul can dag yol byas te/ /dgon par ri dags 'drar 'chi zhi ba'i sems ni bsten par bya/ /'dod pa la 'dzin phyin ci log pa'i sems la ku mu da'i/ /dum bu ltar dkar mi thong so dang 'brel bas nyer dgod dang/ /rlung gis bus pa'i ro bsregs me yis nye 'khor shing/ /bsregs pa'i dur khrod dka' thub gcig pu la ni mtshan mo dga' ba skyed par byed/ /ljon shing tshogs dag rgya ches ri yi rtsa ba sngor gyur cing/ /rdo bas khyab dang bsil ba rab tu dang ba'i chu 'dzag 'bab/ /rma bya rab dga' sgra yis khyab pa'i ri sul nang du ni/ /khyim du 'chi ba'i skye ba'i sems ni rab tu dga' bar byed/ /'gro

  275. 138a

    pa'i don ma byas pa'i 'chi bar gyur ba khyim dag la/ /dga' ba dag las dben pa mchog la slob byed sems can mchog /rdzogs pa'i byang chub sems ni rnyed gyur pha rol tshogs 'thob pas/ /srid pa'i dug gi sdod po'i rtsa ba brtan po 'byin par byed/ /nags tshig pa yi bya dang 'dra bar sdug bsngal brgya yi gzhir gyur pa'i/ /khyim gang yin pa yongs su spangs nas gnas su 'gro byed pa/ /des ni srid pa'i gnyid rab bsal pa 'gro ba kun gyi mgon/ / sangs rgyas rab tu mnyes bar byed pa yin zhes de skad grags/ /mar rgad sngon po dang 'dra ne'u sing gi tshogs dag ni/ /shing rtsa nye bar bkod dang yal ga me tog gis bskor ba'i/ /zhi ba'i nags mdza' kye ma'o dge slong mchog gis spong byed pa/ /bsad phyir rngon pa'i glu yis drangs par gyur pa'i ri dwags mtshungs/ /'phags pa'i bzhed pa bde bar gshegs pa'i lam gyi rjes 'brangs nas/ /nags dang 'dra bar khyim na rang gi don dag sgrub byed kyang/ /rnam par 'tshe ba rang bzhin gyis med nags ni dben pa yis/ /sems kyi 'ching ba dag ni 'bad pa med par gcod par byed/ 'dod chags gang dag de la 'gos par 'gyur bas kun 'phel zhing/ /legs spyad thub pa'i bstan pa dag kyang nyams byas nas/ /me dpung rab tu 'bar ba rgal dka' i khongs ni mthar thug pa'i/ /ngan song dag tu dge slong bde chungs la chags 'gro bar 'gyur/ /gang zhig nyes pa ma lus gdung ba zad byed sangs rgyas pa'i/ /legs par bshad pa khas blangs nas ni ngan 'gror nges 'byin pa/ /utpal sngon po'i snying po'i dri mchog dag dang chu dum bu/ /sar la bsil lden glung gis de dag ji ltar tshim par 'gyur/ /sar sa yi sgra ni rang bzhin snyan pa'i kun dbyangs

  276. 138b

    dag /ldog pa med par sgrogs par gyur pas phyogs rnams khyab gyur pas/ /brtul zhugs can gyis 'gro dang gnas pa dag las dub skyes dang/ /lus lhod gyur pa'i mtshan gyi gung thun gnyid dag sad par byed/ /rang gi 'od kyi dkyil 'khor gyis smras yongs su gnas pa yis/ /zla ba'i 'od zer tshogs kyis dpal 'joms shin tu zil gnon pas/ /dge ba'i rtsa ba nyer bsags skal ldan 'jig rten la gzigs shing/ /rang 'byung 'phags pa mchog gis dgon pa de yang bsten par mdzad/ ci ste gang zhig nang gi dgra las nges rgyal bya ba byas pa yi/ /ston pa 'jig rten mdza' gzigs de yang nags dag bsten mdzad na/ /yang dag rtog med skye bo mi gtsang 'dam du bying gyur pa'i/ /sdom can bzhi 'dod bde gshegs rjes su ci phyir 'jug mi byed/ /bdag tu log par 'dzin par gyur pas nyin dang mtshan/ /srin bus ji bzhin rnam rtog sdig can dag gis zos pas na/ /nyon mongs rnag gis nyer gos zhi ba'i chu yi bum pa yis/ /bkrus pa bzhin du sems ni skye ba med nags bsten par gyis/ /'bras bu'i lcid kyis yal ga gug pa'i mdza' ma lo ma yis/ /gsal gyur lcug ma me tog kha bye'i dga' byed rgyud ldan pa'i/ /nags kyi shing ni dge slong phongs bral brtan pa la/ /mdza' bo bzhin du shin tu dbugs ni 'byin par byed/ /zla ba shar ba kha ba 'bab pas bsgribs pas 'gog 'gyur ba'i/ /dgun gyi mtshan mo dag ni rab zhi bde ba 'dod rnams kyis/ /rnal 'byor rtswa yi stan la dga' ba dag la tho rangs dag /nags kyi shing na yib? pa'i bya ni 'dri bar byed/ /shing dang nye ba'i ri rkeng dag tu mi g.yo skyil krung bcas/ /me tog gis skor rab dga' i blung gis g.yo bar byed pa na/ /'gro gnyer srid gsum rnam rgyal dus na byang chub snying po yi/ /gdan la bzhugs

  277. 139a

    bzhin sdom can mtshan mo rjes su sgrub par byed/ /dman pa'i 'gro ba'i sems kyi reg byas dregs pa'i chags pa dag /'dod pa don du gnyer ba rnams kyi khyad par spangs nas ni/ /'phags pas rjes chags bstan pa mi snang 'ching ba 'jig byed pa'i/ /'dod pa lhag ma med par dga' bzhin nags su zhi bar bya/ /skye dang 'chi dang na ba'i sdug bsngal mthar ni ma byas par/ /srid pa'i rgya mtsho dag tu bying 'gyur bag med na byed cig /mthar byed kun gyi srog kyang 'phrog par byed pa gang 'di ni/ /rgyun mi 'chad par 'gro la sta re'i so dag 'da' bar byed/ /sa 'dzin pa yi chu bo'i tshogs dag 'bab blta bu ni/ /chos kun gnas pa'i rang bzhin rjes su shes nas ni/ /ro la sems ldan gzhan las dam pas legs par 'gro ba yi/ /srid la chags bral rab zhi dga' ba dag la bsten par gyis/ /smra ba tsam ni nus su zin kyang tshig la gnas pa'ang grub med de/ /skyes bu tshig dag snying por byed pa ston gyi chu bral sprin dang mtshungs// gang phyir de bzhin gshegs pa'i bstan pa 'di la sgrub pa snying po nyid/ /de phyir de nyid la 'jug blo gros mchog yin bzo yi tshig la mkhas/ /kun nas nyon mongs dgra 'di yis/ /bdag nyid bran du gyur pa ste/ /de bas bdag sems zhi byed cing/ /rang nyid yongs su smre bar byed/ /dben pa'i gtam slob dpon chen pos 'tsho byin gyis mdzad pa rdzogs so// //rgya gar gyi mkhan po dI paM ka ra sh+rI dz+nyA na dang/ zhus chen gyi lo tsA ba dge slong dge ba'i blo gros kyis sgyur cing zhus te gtan la phab pa'o// //'phags pa klu sgrub kyis mdzad pa yan lag bdun pa'i cho ga tshigs su bcad pa nyi shu ba/ /thams cad mkhyen pa la phyag 'tshal lo/ /de phyir sku gzugs mchod

  278. 139b

    rten gyi/ /spyan snga 'am yang na gzhan duAng rung/ /tshigs su bcad pa nyi shu 'di/ /nyin re zhing ni dus gsum brjod/ /sangs rgyas dam chos dge 'dun dang/ /byang chub sems dpa' rnams la yang/ /rnam kun btud de skyabs mchis nas/ /mchod 'os rnams la phyag 'tshal lo/ /sdig pa las ni ldog bgyid cing/ /bsod nams thams cad yongs su bzung/ /lus can kun gyi bsod nams dag /kun la rjes su yi rang ngo/ /bdag gi spyis btud thal sbyar te/ /chos kyi 'khor lo bskor slad dang/ /'gro gnas bar du bzhugs slad du/ /rdzogs pa'i sangs rgyas rnams la gsol/ /de ltar bgyis pa'i bsod nams dang/ /bdag gis bgyis dang ma bgyis gang/ /des ni sems can thams cad kyang/ /bla med byang chub sems ldan shog /sems can thams cad dri med dbang/ /yongs rdzogs mi khom kun 'das shing/ /spyod pa rang dbang yod pa dang/ /'tsho ba bzad dang ldan par shog /lus can dag ni thams cad kyang/ /lag na rin chen nyid ldan zhing// yo byad thams cad mdza' yas pa/ /'khor ba srid du mi zad shog /bud med thams cad dus kun tu/ /skyes mchog nyid du 'gyur bar shog /lus can thams cad rig pa dang/ /rkang par ldan pa nyid du shog /lus can kha dog bzang ba dang/ /gzugs bzang gzi brjid che ba dang/ /blta na sdug cing nad med dang/ /stobs can tshe dang ldan par shog /thams cad thabs la mkhas gyur te/ /sdug bsngal kun las thar ba dang/ /dkon mchog gsum la gzhol ba dang/ /sangs rgyas chos nor che ldan shog /byams dang snying rje dga' ba dang/ /nyon mongs btang snyoms gnas pa dang/ /sbyin dang tshul khrims bzod brtson 'grus/ /bsam gtan shes rab kyis brgyan cing/ /tshogs rnams thams cad yongs rdzogs

  279. 140a

    te/ /mtshan dang dpe byad gsal ba dang/ /bsam gyis mi khyab sa bcu dag /rgyun mi 'chad par bgrod par shog /bdag kyang yon tan de dag dang/ /gzhan kun gyis kyang brgyan ldan te/ /nyes pa kun las grol ba dang/ /sems can kun mchog byams pa dang/ /sems can kun yid re ba yi/ /bsam pa thams cad rdzogs bgyid cing/ /rtag tu lus can thams cad kyi/ /sdug bsngal sel bar bgyid par shog /'jig rten kun na skye bo gang/ /su dag 'jigs pas skye bo de/ /bdag gi ming tsam thos pas kyang/ /shin tu 'jigs pa med par shog /bdag ni mthong dang dran pa dang/ /ming tsam thos bas skye bo rnams/ /rab dang 'khrug med rnal ma dang/ /rdzogs pa'i byang chub nges pa dang/ /tshe rabs kun tu rjes 'brang ba'i/ /mngon shes lnga po thob par shog /sems can kun la rnam kun tu/ /rtag tu phan bde bgyid par shog /'jig rten kun la skye bo gang/ /sdig pa byed par 'dod gyur pa/ /de dag thams cad gnod med par// rtag tu cig car zlog gyur cig /sa dang chu dang me dang rlung/ /sman dang dgon pa'i shing bzhin dang/ /rtag tu sems can thams cad kyis/ /rang dgar dpag med spyod par shog /sems can rnams la srog bzhin phangs/ /de dag la bdag ches phangs shog /bdag la de dag sdig smin cing/ /bdag dge ma lus der smin shog /ji srid sems can 'ga' zhig kyang/ /gang du ma grol de srid du/ /de phyir bla na med pa yi/ /byang chub thob kyang gnas gyur cig /de skad brjod pa'i bsod nams gang/ /gal te de ni gzugs can gyur/ /gang gA'i bye ma snyed kyi ni/ /'jig rten khams su 'ang shong mi 'gyur/ /de ni bcom ldan 'das kyis gsungs/ /gtan tshigs kyang ni 'di la snang/ /sems can khams ni

  280. 140b

    tshad med pa/ /phan 'dod de ni de 'dra 'o/ /yan lag bdun pa'i cho ga tshigs su bcad pa nyi shu pa rin po che'i phreng ba las 'byung ba/ slob dpon chen po 'phags pa klu sgrub kyi zhal snga nas mdzad pa rdzogs so// //rgya gar skad du sa twA ra d+ha n+ya gA thA/ bod skad du/ sems can mgu bar bya ba'i tshigs su bcad pa/ sangs rgyas dang byang chub sems dpa' thams cad la 'tshal lo/ /sems can don nyid nga la gus yin gzhan dag gus min la/ /gus pa'ang nga yi de la snying rje mi spong ba yin te/ /snying rje spangs pa'i spyod pas dman bar gyur ba gang yin la/ /snying rje nyid kyis de la gnod par rigs kyis gzhan gyis min/ /gang zhig sems can rnams la snying rje ldan pas rab 'jug na/ /des ni nga la mchod cing bstan la gces par rab tu gzung/ /gang la tshul khrims thos dang snying rjes blo gros gsal yod pa/ /de ltar des ni bde bar gshegs pa rtag tu mchod par gyur pa yin/ /sems can phan pa'i dbang du byas nas ngas 'di bsgrubs pa ste/ /sku 'di sems can don nyid kho nar kun nas bskyed pa la/ /gang zhig yid kyis kyang ni sems can dag la gnod byed pa/ /nga ni ji ltar nga la brten te nga la bltos bral yin/ /gang gis yid la dga' ba bskyed na mchod pa yin pas na/ /sems can dag la phan na de ni chung yang mchod pa yin/ /'tshe ba'i bdag nyid can dang gzhan la gnod pa 'gyur ba yi/ /mchod pa legs par sbyar ba yin yang mchod par 'gyur ma yin/ /chung ma rnams dang bu dang dbang phyug rgyal srid chen po dang/ /sha rnams dang ni khrag dang tshil dang lus rnams dang ni mig /gang rnams kho na dga' ba'i dbang byas nga yis btang ba ste/ /gang zhig de la 'tshe na de ni nga la gnod pa yin/ /sems can rnams la

  281. 141a

    mchog tu phan na nga la mchod mchog yin/ /sems can rnams la gnod pa'i mchog ni nga la gnod mchog yin/ /nga dang sems can dag ni bde dang sdug bsngal mtshungs 'dod pas/ /gang zhig sems can gnod byed de ni nga la ji ltar mos/ /sems can bsten nas nga yis skyob pa mnyes dang dge ba byas/ /sems can dag la brten nas don bsgrubs pha rol phyin pa'ang thob/ /sems can don la yid la brtson pa skyed nas bdud btul te/ /de bzhin sems can nyid spyod gang yin ba yis nga sangs rgyas/ /gal te skye dang skye bar srog chags dga' ba'i grogs min na/ /gang 'di byams dang snying rjes su la dmigs pa'i gzhi las skyes/ /rnam thar dga' sogs su la bltos shing yul dang gzhi gang yin/ /su yi don du ring nas nga yi yid kyis snying rje bsgoms/ /ngas ni srog chags nyid ni glang sogs dngos gyur du ma byin/ /sems can nyid ni snod du gyur pas nga yi sbyin pa blangs/ /sems can sna tshogs rgud gyur pa las nga yi snying rjes 'phel/ /gal te sems can mi skyod su yi don du bsgrub par bya/ /gal te srog chags 'khor bar sdug bsngal du mas bcom min na/ /skye ba len cing sdug bsngal nyams med su phyir bdag gir byed/ /bdag nyid chen po 'khor ba'i rgyan gyis bde bar gshegs pa 'di/ /gal te sems can dga' phyir min na nga la 'di su'i phyir bsgrubs/ /nga yi bstan pa ji srid 'gro ba 'di na gsal snang ba/ /de srid gzhan la mchog phan bdag gzhan mnyam par gnas par gyis/ /nga yi sems can don du rab mnyam skyo med sbyor rnams la/ /skyo bar byed pa'i lus 'di zas kyis gsos kyang snying po med/ /ba tshwa'i chu klung zhes bya ba'i mdo las 'byung

  282. 141b

    ba/ /sems can mgu par bya ba'i tshigs su bcad pa bcu gcig la slob dpon 'phags pa klu sgrub kyis phyung ba rdzogs so// //rgya gar gyi mkhan po bud+d+hA ka ra barma dang/ zhus chen gyi lo tsA ba dge slong chos kyi shes rab kyis bsgyur cing zhus te gtan la phab pa'o// //rgya gar skad du/ pra Ni d+hA na sapta ti nA ma gA thA/ bod skad du/ smon lam bdun cu pa/ zhes bya ba'i tshigs su bcad pa/ byang chub sems dpa' kun tu bzang po la phyag 'tshal lo/ /yon tan rin chen dpag med tshogs mnga' zhing/ /nyes pa'i dug sdong mdza' dag drungs chung ba/ /phyogs bcu dag na dus gsum bzhugs pa yi/ /bde bar gshegs pa rnams la phyag 'tshal lo/ /mi shes pa yi rab rib sel mdzad cing/ /bag la nyal ba'i mnga' dug 'byin pa'i thabs/ /'gro ba gsum po kun gyi blo gros kyi/ /mig 'byed pa yi chos la phyag 'tshal lo/ /bde gshegs sras po dge 'dun mi ldog pa/ /thugs rje chen pos yid ni drangs gyur te/ /blo can bye bar gyur pa ma lus la/ /rgyun mi 'chad par mgo bos phyag 'tshal lo/ /'gro ba rnams su bdag gis mi dge gang/ /cung zad bgyis sam bgyid brtsal rjes yi rang/ /rgyal ba rnams la de dag bshags nas ni/ /slan chad mi bgyid pa yi sdom pa nod// bde gshegs rang rgyal dang ni nyan thos dang/ /rgyal ba'i sras kyis dge ba bsags pa dang/ /'jig rten pa yi legs par spyad pa gzhan/ /ma lus pa la'ang bdag ni yi rang ngo/ /skye bo nyon mongs dug gis mgo rmongs pa/ /de dag rnams la mi dge gang mchis pa/ /de ni bdag nyid kho na dga' bzhin du/ /shi nas dmyal ba rnams su gzhol bar bgyi/ /'jig rten rab zhi bde ba'i bdud rtsi yis/ /tshim nas yid ni dge ba bgyid gyur cig /'gro ba dag gi sdug bsngal ji snyed

  283. 142a

    pa/ /de ni bdag gis dang du len par shog /'gro ba 'di dag yid la myur du ni/ /yang dag byang chub nyid ni skyed gyur cig /yid la byang chub dag ni skyed pa dag /byang chub tshogs rnams yang dag sgrub par shog /dge ba'i tshogs bsgrubs nas ni sa thob cing/ /srid pa gsum gyi mgon po'i gdud bzung nas/ /dgra rnams bcom nas 'jig rten gsum dag gi /chos kyi rgyal srid chen po'i gnas thob shog /byang chub shing drung sangs rgyas rang sangs rgyas// nyin zhag ji snyed gzhes shing bzhugs pa dag /dpe ma mchis pa'i chu yi bdud rtsi'i char/ /'gro la dbab pa'i slad du gsol bar bgyi/ /gzhan don phun sum tshogs pa rdzogs mdzad nas/ /mya ngan 'das pa mchog tu gshegs pa gang/ /gzhan la phan pa mdzad cing yun ring du/ /bzhugs par blo bzang de la gsol bar bgyi/ /'jig rten gsum po thibs po der rgyu ba'i/ /sems can su dag ji snyed mchis pa dag /de dag rab tu zhi ba'i bde ba yi/ /bdud rtsi'i longs spyod mgron du gnyer bar bgyi/ /de ltar dge ba gang dag bsgrubs pa 'di/ /ma lus yang dag byang chub bsngo bar bgyi/ /des ni bdag ni byang chub sems dang ni/ /skad cig tsam yang 'bral bar ma gyur cig /ji srid phun sum tshogs pa'i gzhir gyur pa'i/ /bde bar gshegs pa'i go 'phangs mi dman pa/ /de srid de ni thub pa'i khyu mchog dang/ /byang chub sems dpa' rnams dang 'bral ma gyur/ /de dag kho nas gzhan la sman pa yi/ /spyod pa'i lam dag nye bar bstan pa la/ /skyo ba ma mchis par ni sangs rgyas kyi/ /sras kyi sa kun la'ang spar bar bgyi/ /bdag gi lus kyi yan lag nyid lag dag /tshang zhing skye bo kun gyis bstod 'os pa'i/ /yon tan phung po tshe rabs dran

  284. 142b

    pa dang/ /tshe rig btsun zhing lus ni mdzes par shog /gzhan phan spangs nas rang don lhur len pa/ /tha chad dug dang 'dra ba spangs nas su/ /snying rjes gdungs pa'i yid kyi skye bo kun/ /gcig tu gzhol bar rjes su 'dzin par shog /bdag gi bdog pa rnams la gzhan gyi blo/ /gzhan gyi nor snyam cung zad mi 'dzin cing/ /rang gi nor la som nyi ma mchis ltar/ /bag yangs dag tu len cing spyod par shog /bdag gi sha zhig slong pa mchis na yang/ /khrod la 'dzum pa'i mig gis stsal bar bgyi/ /bdag gis rkang la sogs pa rtag tu yang/ /lus can rnams kyi nor tu gtong bar shog /bdag ni yid bzhin nor bus 'gro ba yi/ /'dod pa'i dngos po mdza' dag sgrub pa dang/ /yid la re ba yongs rdzogs bgyid pa yi/ /dpag bsam gyi ni shing dang 'dra bar shog /bdag ni rang gi ngang gis sdig pa dag /mi gtsang ba ltar rgyang ring spong ba dang/ /thub pa'i skyes mchog gis ni bslab bcas pa'i/ /chu lon 'dral bar bgyid par ma gyur cig /lus dang srog la lta bar rgyang bsrings nas/ /rtag par dgon pa rnams su dga' bar bgyi/ /rnyed pa dga' dang bkur sti mdza' dag la/ /slon pa'i zas bzhin blo ni bzlog par bgyi/ /'gro ba rnams la gdol pa'i phrug gu bzhin/ /rgyags dang nga rgyal dregs pa spangs pa dang/ /rigs btsun pa yi nye du'i tshogs bzhin du/ /rjes su mthun pa bsgrub cing spyad par bgyi/ /zla zar pad+ma tsa lag dri ma bral/ /ma ral ma 'dres nag nog ma mchis la/ /ma lus rab tu zhi ba'i rgyan gyur pa'i/ /tshul khrims la ni bdag gis goms par bgyi/ /su dag nongs ma mchis par bdag gi mgo /sog les tshal pa brgyar ni gshegs bgyid kyang/ /de la'ang bu gcig gces pa bzhin du ni/ /rgyun mi 'chad par

  285. 143a

    sems ni phangs par bgyi/ /su dag snying nas bdag la khros gyur te/ /dgos pa ma mchis bzhin du srog 'phrog na'ang/ /de la'ang las kyi 'bras bu mi bzad pa/ /mi 'tshal ba dag 'byung bar ma gyur cig khro ba dang ni gshe dang mtshang 'dru dang/ /bdag par gyur kyang bzod pa mi gtong ste/ /rgyal ba'i sras kyi spyod pa bsgrub pa'i phyir/ /sdug bsngal ma lus pa dag dang du blang/ /sngon chad rnyed ma myong ba thub pa'i chos/ /shin tu zab cing rigs pa'i mchog la yang/ /bdag gis sems la skad cig tsam yang ni/ /som nyi'i dpyad thag g.yo bar ma gyur cig /bdag gi skye ba tshe rabs tshe rabs su/ /'gro ba kun la sman pa lhur spyad kyis/ /skad cig tsam yang dge ba rgya chen po/ /bgyid par mi 'gyur ba ni ma gyur cig /bran dang 'dra bar 'gro ba thams cad kyi/ /bgyi ba ma lus pa dag bsgrub par bgyi/ /bdag la kun gyis bgyi ba'i khur spangs nas/ /sems can rnams ni bde bar gnas par shog / lus ni gzhan gyi bran bgyid tshigs smra na'ang/ /gzhan la chos ston pa la dga' ba dang/ /bdag gis yid kyang rtag tu gzhan dag la/ /phan par sems pa'i dbang du bgyid par shog /gal te dmyal bar bskal pa grangs med par/ /gcig tu sdug bsngal nyams su myong na yang/ /'on kyang skyo ba dag ni ma mchis par/ /sems can yongs su smin par bgyid par shog /ci nas bsgrub pa'i rim pa 'di nyid kyis/ /lus can rnams ni 'dul bar bgyi slad du/ /'gro ba gsum po yongs su smin bgyid pa'i/ /go cha 'di nyid kyang ni bgo bar bgyi/ /me yi mdag mas bar mtshams ma mchis pa'i/ /'obs rnams gang las brgal nas legs gsungs pa'i/ /tshig cig tsam yang mnyan pa'i ched du ni/ /le lo ma mchis spro ba bgyid

  286. 143b

    par shog /bsam gtan gzugs med ting 'dzin mdza' dag gi /'bras bu rnams la dga' ba spangs nas ni/ /rab tu gnas mthar phyin pa'i gnas pa yis/ /dga' bar 'gyur ba dag tu goms par bgyi/ /zhen pa ma mchis zhi gnas rta zhon nas/ /rang bzhin g.yo ba'i sems kyi glang po che/ /shin tu gdul bar dka' ba log pa yi/ /lam du zhugs pa rnams ni gdul bar bgyi/ /lha dbang dag dang 'khor los bsgyur ba yi/ /'byor ba dam pa mchog dag mchis pa rnams/ /'dod pa'i rang bzhin mi gtsang ba bzhin du/ /bdag gi yid ni bltos pa ma mchis shog /lcags kyi khang pa 'bar ba 'dra ba yi/ /srid par rgyu bar bdag ni dga' ma gyur/ /snying rjes drangs nas gzhan la sman pa dag /bgyid par rjes su mthun par skye bar shog /'gro ba'i mgon gyi sras po thams cad kyi/ /ting 'dzin gang zhig la ni dbang brnyes pas/ /rnam par bsgyings pa bsam gyis mi khyab pa/ /dpa' bo ral pa sna tshogs mdzad pa yi/ /spa bar 'gro ba dag dang nam mkha' mdzod/ /dri med la sogs ma lus thob bgyis nas// 'gro ba gsum po ma lus pa dag gi /bde ba gya nom bsgrubs nas rtser stsal te/ /bzo dang bstan bcos sgyu rtsal rgya mtsho dag /mchog tu pha mdza' phul du phyin pa dang/ /sems can thams cad kyis ni tshig gi don/ /ma lus pa dag rtogs shing mkhas par shog /tshig don ma lus dpyod pa'i shes rab ni/ /dri med rnon pa dpag tu med thob nas/ /sems can rnams la shin tu zab pa yi/ /rigs pa'i chos rnams kyi ni bgo bsha' bgyi/ /sangs rgyas gsung dag mthar phyin ma rtogs pa'i/ /sems can ma lus pa ni mdza' dag la/ /sems la yi ge bris pa 'dra bar ni/ /mang po bdag gis rab tu brtan par bgyi/ /ci nas 'bras bur bcas pa stobs bcu yi/ /go 'phang mngon par 'jogs nas 'gro ba'i don/ /ma tshang ma lus 'bras mchi

  287. 144a

    bgyid pa yi/ /thabs kyi spyod pa de dag bsgrub par bgyi/ /ji lta ji ltar sems can phan pa'i rgyu/ /thub ba rnams kyi smon lam ma lus pa/ /de lta de ltar rgyun du smon lam gyis/ /pha rol phyin pa dag ni thob par bgyi/ /yul gyi dgra yi tshor ni mi bzad pa/ /mod la ma lus ci dgar zil mnan nas/ /sems kyi spyod pa rnams ni mi g.yo zhing/ /sa steng phan pa kho nas gnas par bgyi/ /chos 'di dag ni sgyu ma smig rgyu dang/ /sprul pa lta bur yang dag rtogs bgyis nas/ /rtog pa'i dri ma rnams ni spangs nas su/ /'jig rten gsum la phan pa bgyid gyur cig /pha dag bu gcig lhag bar gces pa bzhin/ /nag nog ma lus pa dag spangs nas su/ /rgyun mi 'chad par 'gro ba mdza' dag la/ /byams pa'i bsgom pa dag gis gnas par bgyi/ /ji ltar ma dag brtse ba'i khu 'jo ba'i/ /bu na ba la rjes su mthun spyod pa/ /de bzhin bdag kyang 'gro ba sems can la/ /snying rje rgyas 'gyur so sor bgyid par shog /pha rol bde ba'i 'byor ba mthong nas ni// lhag par dga' ba mang po skyes nas su/ /snying gi bu gcig pa la bde skyes bzhin/ /dga' ba'i bsgom pa bdag gis gnas par bgyi/ /sems can rnams la phan dang gnod pa'i rgyu/ /khong khro rjes su chags pa spangs nas ni/ /rang gi bu la bgyi ba bsgrub pa bzhin/ /'jig rten gsum po kun gyi bgyi ba bsgrub/ /dbang dang mngon shes so sor rig pa dang/ /gzungs dang rnam par thar pa'i sgo rtogs nas/ /'jig rten khams ni dpag tu ma mchis pa'i/ /sems can rnams la phan pa dus gcig bgyi/ /sangs rgyas zhes bgyi'i sgra ni rna lam du/ /thos ma myong ba'i yul khams gang lags pa/ /der ni thabs kyis rnam pa sna tshogs kyis/ /sangs rgyas mdzad pa dag dang mthun par bgyi/ /nam

  288. 144b

    zhig 'jig rten 'dir ni srid gsum gyi/ /bla ma'i nyi ma shar par ma gyur ba/ /der ni bdag gis nyi ma bzhin du ni/ /lus can kun gyi rab rib bsal bar bgyi/ /bde gshegs rab tu mang pos spangs pa yi/ /yid dag sdig pas sbags pa gang lags pa'i/ /'gro ba de ni bdag gi tshig dag gi /spyod yul rnams la brten nas 'dul bar shog /bdag ni 'jig rten ma lus pa dag gis/ /bsnyen bkur bgyid pa dag la nye du dang/ /byams la mdza' bshes ma bzhin bsgrub pa dang/ /pha bzhin phan pa'i gdams ngag 'doms par shog /bdag gis ming ni dran pa tsam gyis kyang/ /'gro ba ma lus pa dag 'jig pa las/ /mod la skyob par gyur cing srid gsum gyi/ /sdug bsngal ma lus pa dag spangs bar shog /phongs pa brgya phrag bsten pa'i mi dag la/ /bum pa bzang dang nad pa'i sman dang ni/ /yi dags sogs la rgyun mi 'chad bar yang/ /bdud rtsi'i chab kyi rdzing bu bzang por shog /bdag ni grang ba'i dmyal bar dro ba dang/ /tsha bar rdzi char bcas pa'i char 'bebs shing gzhan yang shin tu smad pa'i ngan 'gro dag /gnod pa ma lus zhi bar bgyid par shog /'gro ba bdag ni dran pa tsam gyis kyang/ /phongs pa mngon sum gyur la gnyen bshes dang/ /nyam thag mda' char 'bab la go sra dang/ /mya ngan mi la bsil ba'i chur gyur cig /'gro ba dag gis dran na nyon mongs pa'i/ /dug gi gnyen por gyur cing srid gsum gyi/ /chu bo dag la zam pa bstan po dang/ /ngan song rnams kyi sgo gtan bgyid par shog /bdag gi ming tsam dran na'ang 'jus pa bzhin/ /'gro ba ma lus srid pa'i g.yang sa ru/ /lhung bzhi ba dag gi rtse mo la/ /'dzegs par gyur ba'i them skas gzhir gyur cig /skad cig tsam yang khro zhing bdag gi ming/ /blo la dran pa tsam zhig bgyid na yang/ /ngan song rnams su ltung

  289. 145a

    bar mi 'gyur zhing/ /nges par yang dag byang chub sgrub par shog /bdag gi yon tan zla zer dri med ltar/ /'jig rten ma lus pa la bder gyur cig /dbugs tsam phyung ba rnams kyang pha rol la/ /bde ba dpag med bskyed par bgyid par shog /shin tu phun sum tshogs pa ma lus pa/ /mthar phyin pa yi sangs rgyas nyid thob nas/ /dam pa'i sangs rgyas de nyid kho na la/ /'gro ba ma lus pa yang spyir ba bgyi/ /de yi tshe na su yi sems la yang/ /nyes byas phran tshags tsam yang mi 'byung la/ /skye bo gzhan la rgyun tu phan bgyid cing/ /dge ba bcu yi lam la gnas par shog /su yang rung ste ngan song gnas rnams ni/ /rmi lam na yang mthong bar mi 'gyur zhing/ /ngan 'gro rnams kyi gnas ni mdza' dag kyang/ /lha yi 'jig rten bzhin du dga' bar shog /ji srid 'jig rten gsum gyi mi dge ba'i/ /mtsho klong dbus su 'ga' zhig chung na yang/ /sangs rgyas bgyi ba yongs su mthar phyin kyang/ /de srid de yi ched du bsdad par bgyi/ /bdag ni mya ngan 'das 'gro ston pa ni/ /gsung rab rnams ni 'khrug par mi 'gyur zhing/ /de la 'ga' yang som nyi'i dpyad thag la/ /skad cig tsam yang 'ju bar ma gyur cig /de ltar rgyal ba'i sras kyi rnam 'phrul la// sngon dag bdag gis dge ba bsgrubs pa gang/ /des ni 'gro ba ma lus 'di dag gi/ /ma lus par ni thun mong 'gyur bar shog /slob dpon btsun pa gzhan la phan pa'i dbyangs dgon pa pa/ /gsung rab mdza' dag chub par byas pa stag gis rang la bskyon te nags khung du phyin pa na/ /snying rjes gdungs pa'i yid kyis 'gro ba'i don bsgrub pa'i smon lam/ /bdun cu pa mdzad pa rdzogs so// //rgya gar gyi mkhan po paN+Di ta d+harma sh+ri pra b+hA dang/ lo tsA ba bande dpal gyi lhun

  290. 145b

    po'i sdes bsgyur cing zhus te gtan la phab pa'o// //rgya gar skad du/ pa ra manpa bo d+hI tsit+ta b+ha ba nA kra ma warma saM gra ha/ bod skad du/ don dam pa byang chub kyi sems bsgom pa'i rim pa yi ger bris pa/ sangs rgyas dang byang chub sems dpa' thams cad la phyag 'tshal lo/ /bcom ldan 'das 'jam dpal gzhon nur gyur pa la phyag 'tshal lo/ /don dam pa'i byang chub kyi sems bsgom pa'i yi ge rin po che'i sgron ma zhes bya ba cung zad bri bar bya'o/ /ji ltar snang zhing grags pa'i chos/ /de ltar grub cing bden pa min/ /sna tshogs cir yang 'gyur ba'i phyir/ /dper na mig 'phrul rnam pa bzhin/ /ngo bo nyid med nam mkha' 'dra/ /rten 'brel tsam las byung ba'i phyir/ /shin tu med pa'ang ma yin te/ /dper na rmi lam rgyu 'bras bzhin/ /bden pa ma grub brdzun mi bzlog /de lta'i don nyid ma shes pas/ /'phrul rtogs rkyen gyis rab bslus te/ /mi bzad sdug bsngal 'khor lo bskor/ /kha cig yod mthong med bltas bas/ /sdig pa'i las byas sdug bsngal myong/ /dper na mi shes pa yi mis/ /rnam par ldang ba'i dug 'thungs bzhin/ /kha cig dge ba'i las byed kyang/ /rnam par dben don mi shes pas/ /rmi lam yul gyi bden pa bzhin/ /re zhig thob kyang slar nyams 'gyur/ /de ltar 'jig rten phal pa yis/ /yang dag bdag med de bzhin nyid// don dam 'jam dpal mthong ba min/ /de bas 'gro drug snying rje'i yul/ /kha cig rdul dran don dag ni/ /rten 'brel blo yis mngon sum mthong/ /kha cig rjes su dpags nas shes/ /gnyis kas chos kyi bye brag rtogs/ /sdug bsngal dang ni de rgyu dag/ spangs te bdag nyid zhi bya'i phyir/ /sgrub pa bdun la gnas nas ni/ /sgrub pa gcig gis thar par 'dod/ /rdul med rdul bral dri ma med/ /chos dbyings 'jam dpal mthong ba min/ /kha cig shes rab rtsol gyis ni/ /gzung ba stong par rab shes

  291. 146a

    shing/ /'dzin par rdzas su grub bar lta/ /'khor ba ma rig rgyun las byung/ /bzlog phyir rig pa'i ye shes bsgom/ /gzhan don cung zad spyod gyur kyang/ /lus kun las ni rnam grol ba'i/ /don dam 'dam dpal mngon pa min/ /rags pa'i chos ni ma grub na/ /phra ba'i chos kyang 'grub pa min/ /chos ni rab tu mthong gyur na/ /chos nyid de nyid ma mthong pas/ /dper na smig rgyu ma brtags par/ /chu bos 'jigs nas spong ba bzhin/ /kha cig rnam par 'khrul par smra// dper na mkha' la gzugs mthong bzhin/ /sems nyid snang med mkha' 'dra ba/ /don dam nyid du grub par 'dod/ /kha cig chos kun rang rig lus/ /sna tshogs brtags pas rnam par dben/ /dper na rmi lam nyams myong bzhin/ /gnyis med ye shes grub par 'dod/ /chags dang sdang pa spangs pa dang/ /thabs mkhas blo chen de yis kyang/ /rnam shes chos nyid las 'das pa'i/ /chos dbyings 'jam dpal mthong ba min/ /sems nyid bde ba'i de nyid la/ /'dir ni cung zad rtsam rtags na/ /bdag las ma yin gzhan las min/ /gnyis ka las min rgyu med min/ /yod pa yod phyir skye mi rigs/ /yang na skye ba thug med 'gyur/ /med ba med pas skye mi rigs/ /yang na cig car skye bar 'gyur/ /de phyir yang dag skye mi 'gyur/ /brdzun pas bden pa grub pa min/ /gal te grub ba mdza' yas pa'i/ /gnod pa 'di la rab tu 'du/ /des na ma brtags nyams dga' ste/ /sgyu ma tsam la brtags pas bslus/ /sems ni sgyu ma'i rnam pa ste/ /byang chub kyang ni sgyu ma 'dra/ /des kyang tshig tu brjod spangs te/ /spros bral 'jam dpal mthong ba min/ /sgyu ma sgyu ma tsam min te/ /gal te yin na de mi 'grub/ /sgrub na gzhan gyi gzhung lugs kyang/ /sgyu ma'i chos su thal bar 'gyur/ /de

  292. 146b

    phyir/ /sgyu ma'i rang bzhin ni/ /sgyu bzhin 'di zhes brjod du med/ /'on kyang thugs rje ldan pa yi/ /bden pa gnyis kyi chu la gnas te/ /tha snyad don la rab brten nas/ /bdag med seng ge'i sgra chen bsgrags/ /stong pa gnyis sogs rnam grangs sgo/ /sgyu ma 'bra sogs dpe mdza' yas/ /thog ba sna tshogs thabs tshul gyis/ /mi gnas dbu ma nye bar mtshon/ /mtshon kyang mtshon bya ma yin te/ /'di la bsal bya ci yang med/ /stong pa nyid kyang stong pas stong/ /'di la sangs rgyas sems can med/ /bdag gzhan snang zhing srid pa'i chos/ /rnam grol rnam par bcings pa yang/ /ming tsam ming yang yod ma yin/ /thams cad nam mkha' dang 'dra ste/ /de ltar chos rnams mthong med na/ /mi mngon mi snang 'jam dpal mthong/ /skye dang 'chi ba'i srid pa yi/ /'khor ba'i rgya mtsho'i pha rol 'gro /de lta bas na yon tan gyi skabs nas kyang/ lta ba ngan pa'i tshang tshing ma lus pa sel ba'o zhes pa dang/ chos thams cad brjod du med pa'i rang bzhin nyid do zhes pa dang/ chos kyi rgyal por 'gyur ro zhes bas bsten to/ /blo mchog sa gzhi lta bu la/ /dam chos nyi ltar kun nas gsal/ /blo dman khang bu lta bu'i phyir/ /rin chen sgron ma tsam 'di bris/ /don dam pa byang chub kyi sems bsgom pa'i yi ge rin po che sgron ma zhes bya ba slob dpon chen po rta dbyangs kyi zhal snga nas mdzad pa rdzogs so// //rgya gar gyi mkhan po pad+ma ka ra barma dang/ zhu chen gyi lo tsA ba dge slong rin chen bzang pos bsgyur cing zhus te gtan la bab pa'o// // rgya gar skad du/ saM brit+ti bo d+hi tsit+ta b+ha ba no pa de sha war+Na saM gra ha/ bod skad du/ kun rdzob byang chub kyi sems bsgom pa'i man ngag yi ger bris pa/ sangs rgyas dang byang chub sems dpa' thams cad la phyag 'tshal lo/ /kun rdzob

  293. 147a

    byang chub kyi sems bsgom pa'i yi ge pad+ma spungs pa zhes bya ba cung zad bri bar bya'o/ /shes rab snying rje ldan pa'i mis/ /'gro ba mgon med rnams kyi phyir/ /dag par byed cing sdig sel ba/ /byang chub sems mchog rab bskyed nas/ /byang chub pa yi 'gros chen gyis/ /nges 'byung lam ni mthar 'byin na/ /pha dang ma la rab gus shing/ /rgan la sri zhu byed pa dang/ /mi yi chos lugs legs bsrung dang/ /'di ni ya rabs spyod pa yin/ /mi 'tshe ba dang bden pa dang/ /byin nas len dang tshangs par spyod/ /'dzin pa thams cad btang ba ni/ /'di ni bde 'gro'i spyod pa yin/ /'khor ba'i sdug bsngal yongs mthong nas/ /spang phyir bde pa'i lam bsgom zhing/ /kha na ma tho gnyis spong ba/ /'di ni zhi ba'i spyod pa yin/ /'di dag kun kyang blang bya ste/ /nges 'byung lam gyi yan lag yin/ /chos kun stong ba nyid rtogs pas/ /'gro la snying rje'i chu rgyun 'byung/ /thabs mkhas spyod pa mdza' yas pa/ /nges 'byung mchog gi spyod pa yin/ /de yang thog mar 'di lta ste/ /don dam rnam par bslu ba yi/ /'jig rten chos la ma chags par/ /nags tshal la sogs dben bar bsdad/ /sems nyid gdod nas ma skyes pa/ /rang byung dgon pa yin mod kyang/ /las dang po yi sems can gyis/ /phyi rol dgon pa thog mar bsten/ /de 'og sems nyid dgon pa btsal/ /byang chub snying po'i sa bon la/ /brten nas don chen 'di ltar bsgrub/ /de yang thog mar tshad med blo/ /btang bsnyoms sa gzhi legs bdal la/ /byams pa'i chu bos rnam bcu sa la/ /rab tu dga' ba'i rnal 'byor pas/ /snying rje'i sa bon legs par gdag/ lta ba'i nam mkha' go phye la/ /byang sems myu gu thabs kyis bskyed/ /dngos grub lo tog rab btsal

  294. 147b

    la/ /ma chags blo yis kun la dgye/ /sbyin pa'i g.yab mos legs bos la/ /snyan par smra bas gtam bya ste/ /don mthun ba yis bag phab cing/ /don spyod gros chen nges bar gdab/ /dad pa'i chu bum rab thogs la/ /bdag gzhan sdig pa rnam bar bkru /gsan pa'i phreng ba mchog thogs te/ /yang dag gdam ngag gzungs su bzung/ /shes bzhin mar me lag thogs te/ /bag yod gom pa legs par bor/ /nad med sbyin pa'i lus la ni/ /tshul khrims gtsang ma'i gros bgo zhing// bzod pa'i mdangs chen rab phyung ste/ /brtson 'grus yan lag legs bskyod la/ /ting nge 'dzin gyi khang pa ru/ /bsam gtan kha zas logs sbyar zhing/ /shes rab snang bas sgo phye ste/ /stong nyid ye shes khang chen la/ /khams gsum skye bo mgron po'i tshogs/ /smon lam snying rjes bos nas su/ /thabs mkhas theg pa'i go rim bzhin/ /dam chos stobs kyi dga' ston bya/ /dad pa 'khor lo rin po ches/ /nyin mtshan dge ba'i lam sna drang/ /tshul khrims btsun mo rin po ches/ /rab tu mdzes pa'i rgyan phreng gdags/ /gtong ba blon po rin po che/ /bsod nams ye shes 'phrul chen dbyung/ /thos pa dmag dpon rin po ches/ /log rtogs dgra yi g.yul ngo gzhom/ /ngo tsha shes pa'i rta mchog gis/ /nyon mongs bdag med sbubs su sba/ /khrel yod stobs kyis glang po ches/ /phyin ci log gi lam rnams spang/ /shes rab nor bu rin po ches/ /bdag dang gzhan gyi re ba bskang/ /yon tan mdza' yas 'phags pa'i nor/ /nor gzhan phal pa sdug bsngal rgyu/ /thog mar dge bshes bsten pa yis/ /phyi nang chos kun slob dpon yin/ /nag sogs dus kyis 'gyur ba yis/ /'dus byas mi rtag stong par ston/ /nags sogs rgyu 'bras so so yis/ /kun rdzob slu ba med par

  295. 148a

    ston/ /ro dang rus pa chu shing sogs/ /phyi nang chos kun bdag med ston/ /kun la khyab pa'i nam mkha' yis/ /don dam spros bral la sogs ston/ /rang bzhin yongs su she pa'i blos/ /chags med mig gis phyogs su blta/ /de tshe yul na ci yang snang/ /sgyu ma bzhin du gos pa med/ /don gyi chos ni rtags gyur na/ /tha snyad dag gis ci zhig bya/ /grogs mchog rnyed na shin tu lags/ /de ltar min na 'ang gcig pur gnas/ /bung ba rgyags lding glu len cing/ /ljon shing yal ga gar byed de/ /bya rnams snyan pa'i skad kyang 'byin/ /bsil yab dang 'jam phyogs na g.yo/ /phu chu lhung rgyun sgra yang sgrogs/ /mdzes pa'i ri dags rgyug cing bskor/ /me tog tshogs ni rgod pa 'dra/ /tsan dan spos sogs dri ngad ldang/ /dgon ba'i yon tan 'di lta bus/ /rang gzhan dag la phan 'dogs shing/ /lan la cung zad mi re ste/ /grogs mang rnal 'byor ci phyir skyo/ /'jig rten phal po de lta min/ /ji ltar nags kyi ri dags bzhin/ /rtsa ba sdong bu la sogs bza' / /yang na bung bas me tog bzhin/ /yang dag 'tsho ba gtsang ma blang/ /yang na thabs mkhas bya bzhin du/ /sdig med sog 'jog cung zad bya/ /ji ltar nags kyi dum bu bzhin/ /dro ba'i skyabs la brtan par bya/ /yang na sman bzhin mi mkho'i gos// yang na bsod nams stobs dang sbyar/ /ji ltar ri dags phyogs su bdas/ /bag phebs nas ni nyal ba bzhin/ /de ltar bla mas brtan pa yi/ /yang dag don la rnal 'byor bya/ /bying rgod dbang du mi gtang bar/ /zhi gnas lhag mthong cha mnyam mo/ /nang gi zhi gnas ma rnyed kyang/ /phyi yi zhi gnas la brten te/ /ci nus pa yi chos spyod ni/ /nyin mtshan g.yel ba med par bya/ /de ltar bsod nams tshogs kyis ni/ /rang rgyud me long dag par 'gyur/ /de bas dka' ba med par ni//

  296. 148b

    shes rab ye shes 'char bar 'gyur/ /the tsom med cing dad ldan pas/ /chos gcig nan tan byas ba yis/ /yon tan mdza' yas rab song ba/ /lo rgyus bzang dang gzhung nyid mthong/ /de lta bas na yon tan gyi skabs nas kyang/ byang chub sems dpa' i spyod ba'i 'byung khungs so zhes pa dang/ blang dang dor ba'i dngos po'i bye brag phyed pa'i shes rab nyid do zhes pa dang/ ming yang dag par brjod du 'di ni sangs rgyas kyi chos yang dag pa'i bar du yang yongs su rdzogs par byed pa'o zhes pas bstan to/ /blo langs rgya mtsho lta bu yi/ /spyod pa mdza' yas pad+ma gsal/ /blo dman rdzing bu lta bu'i phyir/ /pad+ma spungs pa tsam 'di bris/ /kun rdzob byang chub kyi sems bsgom pa'i yi ge /pad+ma spungs pa zhes bya ba slob dpon mkhas pa chen po rta dbyangs kyis zhal snga nas mdzad pa rdzogs so// //rgya gar gyi mkhan po pad+ma ka ra barma dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //sems ni ras yug dkar po 'dra/ /lta spyod gnyis kyis sbyang gsungs pas/ /'di las gong du gyur pa yi/ /spyod pa yod med mkhas la dris/ /mi lus thob pa bzhin du dkon/ /'gro ba'i tshe dang shin tu thung/ /blo gros nyams kyang shin tu zhan/ /bshes gnyen mchog kyang rnyed dka' ba/ /byis pa rnams ni don med 'khyam/ /'jig rten chos la rab bltas na/ /rang dbang med par mchi ma dgu/ /phan srid snyam nas bris pa yin/ /lta ba rnam dag sems la phan/ /spyod pa dri med lus la phan/ /phan pa mchog gi sman 'di la/ /bdag gzhan kun gyis nan tan mdzod// //rgya gar skad du/ Arya bud d+hA nu smri ta/ bod skad du/ 'phags pa sangs rgyas rjes su dran pa/ sangs rgyas dang byang chub sems dpa' thams cad

  297. 149a

    la phyag 'tshal lo/ /'di ltar yang bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das te/ de bzhin gshegs pa de ni bsod nams dag gi rgyu mthun pa/ dge ba'i rtsa ba rnams chud mi za ba/ bzod pas brgyan pa/ bsod nams kyi gter rnams kyi gzhi/ /dpe byad bzang po rnams kyis spras pa/ mtshan gyi me tog rgyas pa/ spyod yul ran par mthun pa/ mthong na mi mthun pa med pa/ dad pas mos pa rnams mngon par dga' ba/ shes rab zil gyis mi non pa/ stobs rnams la rdzis med pa/ sems can thams cad kyi ston pa/ byang chub sems dpa' rnams kyi yab/ 'phags pa'i gang zag rnams kyi rgyal po/ mya ngan las 'das pa'i grong khyer du 'gro ba rnams kyi ded dpon/ ye shes dpag tu med pa/ spobs pa bsam gyis mi khyab pa/ gsung rnam par dag pa/ gsung gdangs snyan pa/ sku byad lta bas chog mi shes pa/ sku mtshungs pa med pa/ 'dod pa dag gis ma gos pa/ gzugs dag gis nye bar ma gos pa/ gzugs med pa dag dang ma 'dres pa/ phung po dag las rab tu rnam par grol ba/ khams rnams dang mi ldan pa/ skye mched rnams bsdams pa/ mdud pa rnams shin tu gcad pa/ yongs su gdung ba dag las rnam par grol ba/ sred pa las yongs su grol ba/ chu bo las brgal ba/ ye shes yongs su rtogs pa/ 'das pa dang ma byon pa dang da ltar byung ba'i sangs rgyas bcom ldan 'das rnams kyi ye shes la gnas pa/ mya ngan las 'das pa la mi gnas pa/ yang dag pa nyid kyi mdza' la gnas pa/ sems can

  298. 149b

    thams cad la gzigs pa'i sa la bzhugs pa ste/ de dag ni de bzhin gshegs pa'i sangs rgyas kyi yon tan yang dag pa rnams so/ /'phags pa sangs rgyas rjes su dran pa rdzogs so// //rgya gar gyi mkhan po pradz+nyA barma dang/ zhu chen gyi lo tsA ba bande ye shes sdes bsgyur cing zhus te gtan la phab pa'o// //rgya gar skad du/ d+harmA nu smri ti/ bod skad du/ chos rjes su dran pa/ sangs rgyas dang byang chub sems dpa' thams cad la phyag 'tshal lo/ /dam pa'i chos ni thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ yongs su byang ba/ bcom ldan 'das kyis chos legs par gsungs pa/ yang dag par mthong ba/ nad med pa/ dus chad pa med pa/ nye bar gtong pa/ 'di mthong ba la don yod pa/ mkhas pa rnams kyi rig par bya ba/ chos 'dul ba legs par bstan pa/ nges par 'byung ba/ rdzogs pa'i byang chub tu 'gro bar byed pa/ mi mthun pa med cing 'dus pa dang ldan pa/ rten yod pa/ rgyu ba bcad pa'o/ /chos rjes su dran pa rdzogs so// //rgya gar skad du/ sang g+ha a nu smri ti/ bod skad du/ dge 'dun rjes su dran pa/ sangs rgyas dang byang chub sems dpa' thams cad la phyag 'tshal lo// theg pa chen po'i dge 'dun ni legs par zhugs pa/ rigs par zhugs pa/ drang por zhugs pa/ mthun par zhugs pa/ thal mo sbyar ba'i 'os su gyur pa/ phyag bya ba'i 'os su gyur pa/ bsod nams kyi dpal gyi zhing/ yon tan yongs su byang ba chen po/ sbyin pa'i gnas su gyur pa/ kun tu yang sbyin pa'i gnas su gyur pa'o/ /dge 'dun rjes su dran pa rdzogs so// //'dod pa'i yon tan rnam pa lnga'i nyes dmigs bshad pa/ 'jam dpal gzhon

  299. 150a

    nur gyur pa la phyag 'tshal lo/ /ri dags glang po phye ma leb dang nya/ /sbrang ma lnga po de yang lnga yis bcom 'gyur te/ gcig gis bcom na gang zhig lnga rnams ni/ /rtag tu brten pa ci phyir bcom mi 'gyur/ /rtswa yi myu gu gcing ma za/ /shin tu ring du 'gro nus pa/ /ri dags rngon pa'i glu dbyangs kyis/ /nges par gsod pa tshol bar 'gyur/ /sa sungs dang ni rab 'gran cing/ /ri yi rgyal po rgyun shes 'dra'i/ /ban lang mo yi nye reg gis/ /nges par glang po gsang sar song/ /'bar ba chen po'i tshogs dag gis/ /me chen dag ni mthong nas kyang/ /gzugs la chags pa chen po yis/ /phye leb mi la 'jug par 'gyur/ /bkag pa med pa'i lam 'gro zhing/ /rtag tu rnam par rgyu ba yi/ /ro myang ba la chags pa yis/ /nya ni lcags kyus brlag par byed/ /rtag tu nam mkha' la rgyu zhing/ /gzugs ni shin tu yid 'ong ba'i/ /bung ba dri yi nyes pa yis/ /nges par 'chi bar 'gyur ba yin/ /ri dags nyid ni sgra tsam gyis/ /reg pas glang po brlag par 'gyur/ /gzugs nyid kyis ni phye leb ste/ /ro yis nya ni rnam par brlag /bung ba dri la chags pa ste/ /'di dag rgyu ni re re yis/ /skyes bu dag ni gcig la yang/ /lnga po 'di dag rtag ldang zhing/ /nyin mtshan du ni rab 'joms na/ /bde gnas ji ltar thob par 'gyur/ /'dod pa'i yon tan lnga'i nyes dmigs bshad pa slob dpon dbyig nyen gyis mdzad pa rdzogs so// //rgya gar gyi mkhan po d+harma sh+rI b+ha dra dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //'phags pa rtogs pa chen po yongs su rgyas pa'i mdo sde'i sdig pa bshags pa dang sgrub pa'i chog/ /thams cad mkhyen pa la phyag 'tshal lo/ /de nas

  300. 150b

    byang chub sems dpa' sems dpa' chen po chos kyi rje 'jam dpal gyis bcom ldan 'das la 'di skad ces gsol to/ /bcom ldan 'das sems can thams cad nor cing 'khrul bas sems la thugs te/ mi dge ba dang mtshams ma mchis pa bgyis pa rnams ji ltar bgyis na sdig pa rnams 'byang bar 'gyur/ bcom ldan 'das kyis 'jam dpal la bka' stsal pa/ gong du bstan pa yin te/ gang la las phyogs su rgyas pa'i chos kyi rnam grangs 'di dang/ phyogs bcu dus gsum gyi sangs rgyas dang/ mdo sde bcu gnyis dang/ byang chub sems dpa' rnams kyi mtshan thos nas dga' ba dang rab tu dga' ba bskyed la/ dad pa dang gus pa dpag tu med pas blangs sam/ bcangs sam/ klog gam/ 'don tam/ yi ger bris sam/ kun chub par byas te/ dben pa'i gnas khang gcig gi nang du dkyil 'khor byas la dri chus chag chag btab ste/ 'phan gdugs bzang pos brgyan cing phog phor sreg pa dang/ rgyal ba rnams spyan drangs shing gshegs su gsol pa mang yang rung nyung yang rung/ spyan drangs nas/ bdag khrus dag par byas la gos gtsang ma gyon cing/ lan cig phyi rol che chung du 'gro na khrus lan cig byas la/ seng ge'i khri btsugs nas chos kyi rnam grangs 'di yun ring du bsgoms la/ chos kyi mtshan nyid la bdag dang/ gang zag dang sems can la sogs pa'i lta ba med par mngon par rtogs par bya ste/ dang po dad pas bye brag phyed cing gsal par brjod par bya'o/ /de nas dri spos zhim po bsregs la/ 'khrus sems bsal cing dran pa yang dag pa dang bsam pa yang dag pas de bzhin gshegs pa la sems rtse gcig tu bsam mo/ /de ltar spyod pa rnams mthun zhing 'dun pa ni mchog ste/ de la mi mthun zhing rtsod pa ni mthol

  301. 151a

    tshangs su mi 'gyur ro/ /khro ba des kun 'jig par byed de/ spyod lam dang yang 'gal bar 'gyur ro/ /theg pa chen po dran zhing don dam pa bsam la/ /nyin mtshan bdun gyi bar du nyal zhing gnyid log tu mi rung ngo/ /nyin cig kyang dus gsum du mdo sde 'di kha ton nam klog pa nyin mtshan dus drug tu byas la/ dri gsum gyis mchod cing phyag byas la mthol tshangs su bya ste/ mdo sde 'di nyid nas/ sangs rgyas dang byang chub sems dpa' dang mdo sde bcu gnyis kyi mtsham brjod cing/ sems thag pa nas mi 'khrugs pa dang/ sems thag pa nas ma nor ba dang/ sems thag pa nas mi g.yeng ba dang/ sems thag pa nas dus kyis 'grus pa dang/ sems thag pa nas nyin gcig pas nyin gcig 'grus pa dang/ sems thag pa nas dad pa bskyed pa dang/ sems thag pa nas dga' ba bskyed pa dang/ sems thag pa nas rigs pa bskyed pa dang/ sems thag pa nas rgyun mi 'chad pa dang/ sems thag pa nas gzab pa dang/ sems thag pa nas mi 'bral ba dang/ sems thag pa nas sdig pa mi bsam pa dang/ sems thag pa nas sangs rgyas dran pa dang/ sems thag pa nas chos dran pa dang/ sems thag pa nas dge 'dun dran pa dang/ sems thag pa nas tshul khrims dran pa dang/ sems thag pa nas gtong ba dran pa dang/ sems thag pa nas don dam pa'i lha dran pa ste/ de dag de bzhin du klog pa dang/ de bzhin du phyag bya ba dang/ de bzhin du sems thag pa nas so sor bshags shing mthol ba thog ma'i nyin par nas zhag drug lon pa'i nang bar dri chus chag chag btab ste lus kyang spos chus bkru bar bya'o/ /spos bzang po bsreg cing/ sems zab mos mchod pa byas pa de dag de lta bur sems thag pa nas

  302. 151b

    so sor mthol zhing bshags bas phyogs bcur bskul bar 'gyur to/ de de'i tshe de'i dus na sangs rgyas dpag tu med pa gang gA'i klung gi bye ma snyed dang/ byang chub sems dpa' dpag tu med pa gang+gA'i klung gi bye ma snyed dang 'grogs te/ sgra dbyangs kyi rjes su khang bu de'i nang du phyin cing mngon du grub pa'i dpang po bya'o/ /de bzhin du nyin mtshan bdun gyi bar du byas na gdon mi za bar sdig ba 'byang bar 'gyur ro/ /ji ltar sdig pa byang bar shes zhe na/ so so'i skye bo rnams kyi don dam pa de dud ma grub pas rmi ltas kyi mtshan ma la rtags su bya ste/ rmi lam rnam gcig rmi na mtshams med pa rnam gcig 'byang ngo/ /rmi lam rnam lnga rmi na mtshams med pa rnam pa lnga 'byang ste/ des nub mo rmi lam na chu klung chen po brgal bar 'dod de/ zam pa chen po'i stengs su 'gro bar rmi na/ de ni nges par rnam par grol ba thob pa yin no/ /gal te de'i rmi lam na gzhan gyis bdag la khrus byas pa dang lus la char pa bab ba rmi na de ni nges par rnam par dag pa thob pa yin no/ /gal te de'i rmi lam na bdag dge 'dun mang po'i nang du zhugs te gral na 'dug pa rmi na/ de ni nges par sangs rgyas kyi slob mar yang dag par 'gyur ro/ /gal te de'i rmi lam na bdag mchod rten nam/ gtsug lag khang du zhugs te/ sangs rgyas dang byang chub sems dpa' i gzugs brnyan mthong bar rmi na/ de ni chos kyi sgo mo dam par zhugs par 'gyur ro/ /gal te rang gis shing rtog rnyed cing za bar rmi na/ de ni tshe 'di nyid kyi yon tan gyi 'bras bu 'grub par mngon no/ /yang bcom ldan 'das kyis 'jam dpal la bka' stsal pa/ gal te dge slong ngam/ dge slong ma 'am/ gal te dge sbyong ngam/ dge sbyong ma 'am/ byang chub sems dpa' dad pa can gang

  303. 152a

    la las dran pa nyams te nor cing 'khrul bas sdom pa'i tshul khrims re re nas zhig pa'am/ nyams pa de bzhin du so sor 'chags shing mthol na sdig pa mi 'byang mi srid de/ sems thag pa nas ma byas pa ma gtogs so/ /da nas bcom ldan 'das la 'jam dpal gyis 'di skad ces zhus so/ /bcom ldan 'das cho ga 'di ltar bgyid pa'i tshe/ mi mang du rung ngam mi rung/ bcom ldan 'das kyis bka' stsal ba/ mi gcig yan chad nyi shu man chad rung ngo/ /cho ga 'di spyod pa'i tshe mdo sde gzhan mi bsam mo/ /de ltar mthol tshangs bgyis pa'i 'og tu phyin chad nyes pa mi byed na mthol tshangs zhes bya'o/ /de ltar dran bar gyis shig /bdag cag rnams da ltar 'chi ba las slar 'tsho ba dang 'dra bsod ni bdag tshul khrims bsrung ngo/ /nga ni bdag brtson 'grus spyod do/ /da ni theg pa chen po'i mdo sde klog pa dang/ kha ton bgyi'o zhes de'i tshe de'i dus na dran pa de ltar gyis shig /bdag deng nas sdom pa gzung ba rdo rje dang 'dra bar sran thub par smon no/ /des de ltar dran pa'i tshe skyes bu dam pa dri ma med par grags pa yang byang chub sems dpa' dpag tu med pa dang lhan cig tu de'i mdun du 'greng ste/ dbang du byed do/ /'phags pa kun tu bzang po yang 'gyod tshangs kyi mkhan po byed do/ /'phags pa 'od srungs yang zhi gnas kyi rten byed do/ /'jam dpal 'di ni sdig pa sbyangs pa zhes bya'o/ /'di ni rnam par grol ba zhes bya'o/ /'di ni tshul khrims dang ldan pa zhes bya'o/ /'di ni gnas thob pa zhes bya'o/ /'phags pa rtogs pa chen po yongs su rgyas ba'i mdo sde'i sdig pa bshags pa dang sgrub pa'i chog mdo sde nyid nas 'byung ba logs shig tu phyung ba rdzogs so// //

  304. 152b

    'phags pa rtogs pa chen po yongs su rgyas pa'i mdo sde/ rgya gar las 'gyur ba lags/ 'phags pa thar pa chen po phyogs su rgyas pa'i mdo sde rgya nag las 'gyur ba lags so/ /de bzhin gshegs pa'i snying po yi ge brgya ba'i srung ba dang/ sdig pa bshags pa'i cho ga/ dpal rdo rje sems dpa' la phyag 'tshal lo/ /de bzhin gshegs pa'i snying po brgyad stong bzlas na/ 'jig rten pa dang 'jig rten las 'das pa'i dkyil 'khor thams cad du zhugs par 'gyur ro/ /de yang gang zhe na/ na ma stai ya d+hwi kA nAM ta thA ga tA nAM/ sarba trA pra ti ha tA ba b+hi d+harma tA bA li nAM/ a sa ma sa ma/ sa man+ta to nAn+ta/ bAb+hi/ shA sa ni/ ha ra ha ra/ sma ra sma ra Na/ bi ga ta rA ga bu d+ha d+harma te/ sa ra sa ra/ sam ba la ha sa ha sa/ /tra ya tra ya/ b+ha ga baM mahA ba ra lak+Sha Ne/ dzwa la dzwa la na sA ga re swA hA// //de ni de bzhin gshegs pa thams cad kyi sku yin te/ 'di la gus pa bla na med pa bya'o/ /'di las dang po pa dag kyang sems can rnams la sangs rgyas kyi mdzad pa byed par 'gyur ro/ /'di nyid bdud la sogs pa dang ma rungs pa thams cad kyi las bsrung bar byed pa'i mchog yin no/ /thal mo brdab pa 'am/ thal pa 'am/ yungs kar ram/ chu 'am/ blta ba 'am/ yid kyis kyang mtshams gcod par byed do/ /nad kyis btab na sman gyi chu la sngags kyis btab ste btung ngo/ /yang na mchod rten nam/ sku gzugs sam/ dam pa'i chos kyi glegs bam la nags kyi me tog sems mnyam par bzhag ste 'bul zhing zla ba phyed sbyor ba byas na nad chen po dag las thar bar 'gyur ro/ /sangs rgyas dang byang chub sems dpa' la dmigs pa dang/ sems can thams cad la dmigs pa dang/ sems can thams cad kyi don bya bar 'dod pa'i sems kyis bzang po

  305. 153a

    spyod pa don du byas pas bzlas brjod bya'o/ /cho ga 'di ni cho ga 'di'i mjug nas 'byung ba'o/ /dam tshig gsum gyi bzlas brjod byed pa ni khrus ma byas kyang nyes pa med do/ /lhag mdang gtsang sbra ma byas kyang nyes pa med do// phyag rgya 'dra ba dag mi bza' o/ /mi bsgom mo/ /khri la nyal bar mi bya'o/ /chang mi btung ngo/ /mos pas pas spyod pa'i bslab pa'i gzhi dag las mi g.yo ba dang/ the tshom med na sngon dang tshul ngan par 'gyur kyang 'grub po/ /mkhas sam mi mkhas kyang rung ste/ nges par 'grub po/ /de skad du de nyid las/ gang zhig byang chub sems brtan zhing/ /blo gros chags pa med pa dang/ /the tshom dag kyang mi byed pa/ /de la nges par 'grub par 'gyur/ /zhes gsungs so/ /byang chub kyi sems brtan pa ni 'dir so so'i skye bo'i stobs dang ldan par nges par bya ba'i phyir gsungs kyi/ sar chud pa'i dbang du byas pa ni ma yin no/ /'di la ma shes na sngags rnams yi ge lhag par brjod kyang nyes pa med do/ /nyungs kyang nyes par mi 'gyur ro/ /cho ga nyams kyang nyes par mi 'gyur ro/ /'on kyang dad pa'i shugs dang/ byang chub kyi sems kyi shugs dang/ rang gi don dor ba'i sems btsan par bya ste/ rnam par mi brtag par brjod na gdon mi za bar tshe 'di nyid la byang chub sems dpa' mthong ba dang/ ci 'dod pa yang 'grub par 'gyur ro/ /bslab pa kun las btus pa las 'byung ba de bzhin gshegs pa'i snying po yi ge brgya pa'i srung ba dang sdig pa bshags pa'i cho ga slob dpon zhi ba'i lhas mdzad pa rdzogs so// //rgya gar skad du/ maN+Dal kri ya bi d+hi/ bod skad du/ maN+Dal bya ba'i tshog? /sangs rgyas dang byang chub sems dpa' thams cad la phyag 'tshal lo/ /dang po dkyil 'khor che chung gi /bskus

  306. 153b

    pas log pa'i mar bshams la/ /lci ba dngos po nyi shur 'gyur/ /chu yang srad? gi nyi shur 'gyur/ /'o ma dag dang zho dag dang/ /dang po mar gyi sum 'gyur ro/ /dang po ci ba btsir ba yang/ kha yis chu yis bsnos la btsir/ /de nas chags kyis btsag bya ste/ /de nas de rnams sbyar byas la/ /zhag ni gnyis dang gsum bar du/ /de ni ras su bcug pa yang/ /nyin gnyis gnyis bar chod par/ /nyi ma bdun du rim gyis byug /de nas lag snum dag gis byug /de ni mi brtan par yang bshad/ /brtan par bya ba'i cho ga ni/ /maN+Dal zur ni rams kyis byug /mdangs ni byung na legs par bshad/ /de nas sardza rardza dang/ /mar gyi lde gu byas pa yis/ /dkyil 'khor la ni bskus byas na/ me long dang ni chu shel ltar/ de bzhin la sogs po snang bar 'gyur/ /maN+Dal bya ba'i cho ga dngos grub brnyes pa'i slob dpon sangs rgyas gsang ba'i zhal snga nas mdzad pa rdzogs so// //maN+Dal bya ba'i cho ga 'di ni pha rol tu phyin pa dang/ gsang sngags gnyis ka'i thun mong ba'o// //rgya gar skad du/ maN+Dal bi d+haM/ bod skad du/ maN+Dal gyi cho ga /sangs rgyas dang byang chub sems dpa' thams cad la phyag 'tshal lo/ /dkyil 'khor byug pa sngon du 'gro ba yis/ /skye ba gzhan du 'byor pa mi bzad pa/ /de lta'i bzheng pa nyid kyi phyag gnas ltar/ /bslu pa med par bdag gis brjod par bgyi/ /oM badzra re khe hUM/ /gtsang spyod pa yi lci ba ni/ /chu dang 'o ma zho dang mar/ /thams cad de las byung ba dag /stong ?gtsang bskol te chu rnams dag go? /tshig mdor te dbus kyi chas/ /dbyibs ci dga' ba'i maN+Dal ni/ /sa dag khru gang yan chad par/ /gsang sngags 'don la gzhol pos gyur/ /de nas de ni gus pa yis/ /rgyal ba sras su bcas la

  307. 154a

    dbul/ /mjug tu thub bas gsungs pa yi/ /tshigs bcad 'di dag brjod par bya/ /ba yi lci ba chur bcas sbyin pa ste/ /legs par nyug? par byed ba tshul khrims so/ /srin dang grog sdung? bsal ba bzod pa yin/ /bya bas ni nyed zhugs brtson 'grus te/ /de la skad cig sems ni gcig byed pa/ /bsam gtan shes rab ri mo gsal ba'o/ /thub pa'i maN+Dal byas pa yis/ /pha rol phyin pa 'di drug thob/ /gser gyi mdog tu 'gyur ba dang/ /nad rnams kun dang bral bar 'gyur/ /zla ba ltar mdzes gsal ba yi/ /lha dang mi ni dam par skye/ /nor dang gser ni 'byor ba yi/ /rgyal po'i rigs su skye bar 'gyur/ /bde bar gshegs pa'i pho brang mchog /maN+Dal gang zhig byed pa dang/ /sdig pa thams cad mi byed cing/ /dge ba phun sum tshogs pa dang/ /rang gi sems ni yongs 'dul ba/ /'di dag sangs rgyas rnams kyis bsngags/ /zhes so/ /de nas dge ba de nyid rgyu mtshan du byas la/ /dkon mchog gsum la bdag phyag 'tshal/ /dkon mchog gsum la skyabs su mchi/ /bdag ni khyed la rnam kun 'bul/ /sdig pa thams cad bshags par bgyi/ /'gro ba'i dge la rjes yi rang/ /dam chos 'khor lo mchog bskor dang/ /yongs su mya ngan 'das spangs phyir/ /bdag ni khyed la gsol pa 'debs/ /'di sogs? dge ba'i las rnams ni/ /byang chub bla na med par bsngo/ /'gro ba'i sdug bsngal khur chen por ba'i phyir/ /bdag gis sems ni byang chub phyir bskyed do/ /ma rgal bsgral dang ma grol dgrol ba dang/ /dbugs ma phyung ba dag ni dbugs dbyung ste/ /mya ngan ma 'das bdag gis mya ngan bzla/ /de ltar byang chub kyi sems rab tu brtan par bskyed la/ ji ltar 'dod pa'i bya ba dge ba la 'jug par bya'o/ /maN+Dal

  308. 154b

    dbul pa'i cho ga slob dpon chen po byang chub sems dpa' dgra las rgyal ba gsang ba'i zhal snga nas mdzad pa rdzogs so// //rgya gar gyi mkhan po a du lo ba dang/ lo tsA ba dge slong chos kyi shes rab kyis bsgyur cing zhus te gtan la phab pa'o// //rgya gar skad du/ maN+Dal bi d+hi/ bod skad du/ maN+Dal gyi cho ga /sangs rgyas dang byang chub sems dpa' thams cad la phyag 'tshal lo/ /gdod nas zhi ba'i chos kun la/ /gang gis rang bzhin med bar ni/ /sems ni ri rab ltar gnas pa/ /de la bden pa mthong zhes brjod/ /dam pa'i chos klog pa la sogs pa dang/ bla ma'i maN+Dal gyi cho ga ni oM badzra b+hA mi A hUM zhes brjod pa sems bskyed pa sngon du 'gro ba'i sgo nas lci ba chu dang bcas pas sa phyogs byug bar bya'o/ /de nas dkyil 'khor gyi dbus su me tog bzhag ste/ oM badzra re khe A(mdo 'grel): hUM zhes bya bas byin gyis brlab par bya'o/ /de nas me tog dgram pa'i sngags ni/ oM haM mahA su me ra ba na ma:/ dbus su'o/ /oM yaM bUrba bi de hA ya na ma:/ shar phyogs su'o/ /oM raM dzaM bu dwI pA ya na ma:/ lho phyogs su'o/ /oM laM a pa ra go dA na ye na ma(mdo 'grel): nub phyogs su'o/ /oM baM ut+ta ra ku ra be na ma(mdo 'grel): byang phyogs su'o/ /oM ya(mdo 'grel): u ba dwI pA ya na ma(mdo 'grel): 'di lan gnyis brjod de/ shar phyogs kyi mtshams g.yas g.yon gnyis su me tog gi tshom bu dgod do/ /de bzhin du oM ra(mdo 'grel): u pa dwI bA ya na ma(mdo 'grel): 'dis lho phyogs kyi g.yas g.yon du'o/ /oM la(mdo 'grel): u pa dwI pA ya na ma(mdo 'grel): nub phyogs kyi g.yas g.yon du'o/ /oM wa(mdo 'grel): u ba dwI pA ya na ma(mdo 'grel): byang phyogs kyi g.yas g.yon du'o/ /de nas nang gi phyogs dang mtshams su oM ya ga dza ratnA ya na ma(mdo 'grel): oM ra pu ru Sha ratnA ya na ma(mdo 'grel): oM la a shwa ratnA ya na ma(mdo 'grel): oM bsti ratnA ya na ma(mdo 'grel): oM ya

  309. 155a

    khaDga ratnA ya na ma(mdo 'grel): oM ra ma Ni ratnA ya na ma(mdo 'grel): oM la tsa kra ratnA ya na ma(mdo 'grel): oM pa sarba ni d+hi b+hyo na ma(mdo 'grel): shar nas gzung ste g.yas skor du phyogs mtshams brgyad du dgod par bya'o/ /nang gi shar dang nub tu oM su ryA ya na ma(mdo 'grel): oM tsandA ya na ma(mdo 'grel): 'di rnams kyis ni gling bzhi/ gling phran brgyad/ rin po che sna bdun/ gter chen po dang brgyad/ ri rab nyin zla dang bcas pa/ rin po che sna tshogs kyis bkang bar dmigs te/ sangs rgyas dang byang chub sems dpa' 'am/ chos sam/ bla ma gang yang rung ba la dbul bar bsam mo/ /phan yon ni dpag tu med pa yod do/ /gzhung gzhan nas shes par bya'o/ /bla ma dang sangs rgyas dang byang chub sems dpa' la sogs pa'i mdun du bsnyen bkur byas pa'i maN+Dal gyi cho ga /dngos grub brnyes pa'i slob dpon mkhas pa chen po rin chen 'byung gnas spas pa'i zhal snga nas mdzad pa rdzogs so// //mtshan yongs su grags par gyur pa slob dpon rdo rje gdan pas mdzad pa lags so/ /zhus chen gyi lo tsA ba dge slong dar ma grags kyis bsgyur cing zhus te gtan la phab pa// //pha rol tu phyin pa'i theg pa'i maN+Dal gyi cho ga'o// //rgya gar skad du/ maN+Dal bi d+hi/ bod skad du/ maN+Dal gyi cho ga /sangs rgyas dang byang chub sems dpa' thams cad la phyag 'tshal lo/ /mnyam par bzhag pas rtag tu yang/ /bla ma'i maN+Dal byas nas ni/ /yi dam lha yi maN+Dal dang/ /klog pa'i maN+Dal mchod sogs bya/ /da ni bla ma'i maN+Dal bya/ /de la dbus su oM hAM su ma hA me ra be na ma(mdo 'grel): shar du ni oM yaM bUrba bi de hA ya na ma(mdo 'grel): lhor ni oM raM dzaM bU dwI pA ya na ma(mdo 'grel): nub tu ni oM laM a pa ra go dA na ya na ma(mdo 'grel): byang du ni oM bi ut+ta ra ku ra be na ma(mdo 'grel): me'i mtshams su ni oM ya u pa dwI pA ya na ma(mdo 'grel): bden

  310. 155b

    bral du ni oM ra(mdo 'grel): u pa dwI pA ya na ma(mdo 'grel): rlung gi phyogs su ni oM la(mdo 'grel): u pa dwI pA ya na ma(mdo 'grel): dbang ldan gyi phyogs su ni oM ba(mdo 'grel): u u pa dwI pA ya na ma(mdo 'grel): yang dbus kyi shar du ni/ oM ya ga dza ratnA ya na ma(mdo 'grel): lhor ni oM ra pu ru Sha ratnA ya na ma(mdo 'grel): nub tu ni oM la a shwo? ratnA ya na ma(mdo 'grel): byang du ni oM bstI ratnA ya na ma(mdo 'grel): me'i mtshams su ni oM ya khADga ratnA ya na ma(mdo 'grel): bden bral gyi phyogs su ni oM rA tsa kra ratnA ya na ma(mdo 'grel): rlung gi phyogs su ni oM lA mahA ma Ni ratnA ya na ma(mdo 'grel): dbang ldan gyi phyogs su ni oM bA mahA ni d+hi b+hyo ratnA ya na ma(mdo 'grel): 'di dag thams cad ni gzugs ji lta bar bltas te/ mchod gnas bla ma mdun du bltas la 'di mdza' dag bla ma la phul nas/ me tog gi snyim pa sngon du 'gro bas phyag bya ba ste/ oM A(mdo 'grel): yang dag pa'i ye shes kyi snang ba mdzad pa dang ldan pa bla ma'i zhabs kyi pad+ma la phyag 'tshal lo hUM/ gang gi sku drin 'od kyis gsal byas bdag nyid kyi/ /'di nyid rin chen 'od kyi tshogs kyis mun btsoms ste/ /mthong ba skyon med bdag rnams rol bas lhag lta gi /bla ma nyi ma de la gus pas phyag 'di 'tshal/ /zhes bstod par bya'o/ /bla ma'i maN+Dal gyi cho ga'o// //dang po'i sangs rgyas kyi rgyud chen po las kyang gsungs pa rang gi yi dam gyi lha'i steng du klog khri'u la sogs pa 'jog pa ni bkag pa'i yang phyir na/ de nyid las gsungs pa'i klog pa'i maN+Dal gyi dkyil 'khor brjod do/ /shar du shar gyi lus 'phags te/ /lho yi phyogs su 'dzam bu'i gling/ /nub tu ba lang spyod yin te/ /byang du byang gi sgra mi snyan/ dbus su ri rabs mtshams rnams su/ /nye gling sngar gyi sngags kyis mchod/ /de yi steng du gnas pa yi/ /shes rab pha rol phyin pa sogs/ /chos la gus pas bklag par bya/ /de la mchod sags byas nas ni/ /'di kun yang dag

  311. 156a

    nyid du spyad/ /ces bya ni klog pa'i dkyil 'khor gyi cho ga'o// //oM badzra maN+Da la mu(mdo 'grel): zhes pa ni maN+Dal gnyis gshegs su gsol ba'o/ /yi dam lha'i maN+Dal ni so so'i sgrub thabs kyi gzhung las shes rab bya'o// maN+Dal gyi cho ga slob dpon dpal rnyog pa med pa rdo rje'i zhal snga nas mdzad pa rdzogs so// //rgya gar gyi mkhan po a du la dwA sa dang/ lo tsA ba dge slong blo ldan shes rab kyis bsgyur pa'o// //rgya gar skad du/ maN+Dal bi d+hi/ bod skad du/ maN+Dal gyi cho ga /bcom ldan 'das 'jam dpal gzhon nur gyur pa la phyag 'tshal lo rje btsun 'jam dpal gzhon nu la/ /phyag 'tshal maN+Dal cho ga bshad/ /maN+Dal sdug bsngal rnam gnyis te/ /yid kyis bsam dang dngos byed pa'o/ /yid kyis dbul ba yid kyis yin/ /dngos byang yan? lag dgu rdzogs dbul/ /rgyu skyon sngon 'gro mtshams dang tshad/ /dbyibs dang kha dog byin brlab rgyan/ /sa bzad bye ma lci ba la/ /srog chags la sogs bsal ba la// 'jim pa legs par bsgrub par bya/ /de nas tshad med stong nyid bsam/ /bdud rtsi 'khyil pa'i sngags 'di yis/ /thog mar mtshams bcad bdag nyid bsrung/ /oM a mri ta kuN+Da li ha na ha na hUM phaT/ zheng du khru gang yan chad tshad// dbyibs ni gru bzhi lham pa la/ /nang du zlum por bskor bar bya/ /kha dog thams cad sngo yang rung/ /yang na yid dang ci 'thad bya/ /yang na tshad dang kha dog dbyibs/ /phrin las rnam bzhi'i tshul dang sbyar/ /de nas snying kha'i sa bon las// 'od 'phros yi ge trAM zhu bas/ /stegs ni rin chen sna lngar bsam/ /oM pany+tsa ratnA maN+Da la hUM/ pa yi rnam lnga dri lnga la/ /sa bon 'od 'phros a zhu bas/ /bdud rtsi'i rang bzhin gyur par bsam/ /oM badzra a mri te hUM phaT/ de nas

  312. 156b

    legs bar byug par bya ba tsan dan la sogs dri lnga la/ /'od 'phros yi ge d+hu zhu bas/ /bdug pa'i mchog tu gyur par bsam/ /oM badzra d+hU be A(mdo 'grel): hUM/ /rnal 'byor 'byor pa chung na rung/ /tsan dan med du mi rung ngo/ /de ltar dri zhim legs par byug// de nas me tog rgyan bkram pa/ /lnga sogs yang na lha grangs bstun/ /de steng paM las pad+mar bsam/ /oM pad+ma maN+Da la hUM/ /de steng a las zla dkyil bsam/ /oM tsan+d+ra maN+DA la hUM/ /de steng b+hUM las gzhal yas khang/ /shin tu mdzes pa bsam par bya/ /de nas mgon po spyan drangs la/ /phyag 'tshal mchod dang sdig pa bshags/ /gzhan gyi dge la yi rang bya/ /chos kyi 'khor lo bskor bar bskul/ /mya ngan mi 'da' gsol ba gdab/ /dge ba dag ni thams cad la/ /'gro ba'i don du byang chub bsngo/ /de ltar phul ba'i yon tan ni/ /pha rol phyin bcu rdzogs ldan zhing/ /sgrib pa gnyis byang tshogs rdzogs te/ /ting 'dzin dkyil 'khor gsal gyur nas/ /rang bzhin dkyil 'khor mthong bar 'gyur/ /de ltar ma byas nyes dmigs ni/ /rdzogs la brtan pa ma thob par/ /maN+Dal 'jog na mkha' 'gros gsod/ /de bas nan tan gul bar bya/ /lung dang man ngag bla ma las brgyud pa/ /maN+Dal cho ga rim par bkod pa 'di/ /blo zhan don du cung zad bdag gis bsdus/ /'khrul na bzod mdzod mkhas rnams gzhan du rtsoms/ /dri med blos bsdus dge ba 'dis/ /srid gsum ris drug 'gro kun gyis/ /mnyam pa nyid kyi don rtogs nas/ /bde chen thang la phyin par shog /maN+Dal gyi cho ga /dngos grub brnyes pa'i slob dpon mkhas pa chen po kaM pa la'i zhal snga nas mdzad pa rdzogs so// //sngon gyi lo tsA pa chen po rnams kyis bsgyur te/ gyur rnying lags skang ngo?/ /gsang sngags theg pa'i maN+Dal gyi cho ga'o/ /de ltar bsod

  313. 157a

    nams kyi tshogs bsags pa gtso bor ston pa'i chos kyi sde tshan lags so// //rgya gar skad du/ sa mA d+hi saM b+hA ra pa ri ba rta nA ma/ bod skad du/ ting nge 'dzin tshogs kyi le'u zhes bya ba/ sangs rgyas dang byang chub sems dpa' thams cad la phyag 'tshal lo/ /srid pa ji srid par du bzhugs pa yi/ /thub dbang sras bcas rnams la phyag 'tshal te/ /gsang sngags mdo sde pha rol phyin pa yi/ /mdo sde'i rjes 'gro ting 'dzin tshogs le'u brjod/ /deng seng skye bo phal cher bdud kyi lcags kyus bzung ste khyim gyi btson ra dam por bcug /bdud kyi 'jig rten skyod bzhis grims par bsrungs shing sred sogs 'ching ba rab tu dam pos bcings/ /sdom brtson dag kyang phal cher bdud kyi 'jig rten skyong bzhi'i dbang du gyur cing dge sbyong gi /gnas dang tshul spangs khyim pa rnams dang spyod mtshungs ngan 'gro'i g.yang sar mngon phyogs mtho ris spangs/ /de phyir 'di ni bdag nyid dran phyir byas kyi gzhan la phan pa'i re ba yod ma yin/ /'on kyang bdag dang skal pa mnyam pa la gnas 'dir 'ga' yang dag rtogs pas smras 'di nyon/ /de la ting nge 'dzin gyi tshogs kyi yan lag ni rnam pa dgu ste/ spang bar bya ba dang sngon du 'gro ba dang ldog par bya ba dang/ gdung ba bcad pa dang/ yid 'byung bar bya ba dang/ yon tan rjes su dran bar bya ba dang/ brtson par bya ba dang/ 'brel par bya ba dang/ gnas pa'i thabs shes bya ba rnams so/ /de la spang bar bya ba ni bdud kyi las so/ /de la bdud ni gang/ de las ni gang zhe na/ bdud ni 'dod pa'i lha sdig can zhes bya ba'i chung ma pad+ma'i phreng ba can dang/ 'khor 'jig rten skyong ba bzhi dang/ bdud kyi rigs kyi yi

  314. 157b

    dags dang bcas pa gang yin pa'o/ /de dag gi las ni 'dod pa'i lha de chung ma dang bcas pa'i spyi bo na me tog gi mda' lnga yod pa ni 'di lta ste/ dregs par byed pa dang/ rmongs par byed pa dang/ kun tu rmongs par byed pa dang/ nga rgyal bar byed pa dang/ sems med par byed pa zhes bya ba rnams so/ /de'i me tog de dag bsnun pa de phog pa las/ nyon mongs pa lnga gang shes che ba de la des 'ongs pa kho nas rab tu 'bar bar 'gyur to/ de'i dbang du sang zhing/ thar pa dang mngon par ma thob las nyams par 'gyur ro/ /de'i 'khor 'jig rten skyod pa bzhi ni/ 'thab par byed pa dang/ g.yeng bar byed pa dang/ lhag par rab tu chags pa dang/ 'du shes log pa zhes bya'o/ /bdud de dag gi las ni tha dad de/ 'di ltar 'thab par byed pa'i bdud des ni/ /lam bsgom pa dag 'thab pa dang/ rtsod pa dang/ 'gyed pa la 'jug cing/ de'i rgyan 'bad pas sgrub po/ /g.yeng par byed pa'i bdud des ni/ lam bsgom pa dag gnyid dang rmugs pa rab tu 'phel ba 'am/ chos nyan pa dag kyang gnyid la rab tu sbyor ba 'am/ kha cig rab tu g.yeng bar byed par yang gnas so/ /lhag par rab tu chags pa'i bdud des ni/ phal cher khyim na gnas pa la bar du gcod de/ sbyin pa'i dus nye bar gnas pa na/ bu dang bu mo dang/ chung ma dang bdag nyid longs ci spyad ces de rang gi sha la gcod pa snyam byed pa'i 'du shes nye bar bsgrub po/ /'du shes log pa'i bdud gang yin pa des ni/ phal cher rab tu byung ba'i phyogs sun 'byin par byed de/ 'di ltar rab tu 'byung ba'i sems nye bar gnas na/ 'khrig pa'i bde ba dang/ bza' ba dang btung ba'i bde ba dang/ rang gi skye bo'i tshogs dang/ glu dang gar la sogs pa dran pas chags pa dang/ de'i rang gi skye

  315. 158a

    bos su ba dang/ 'drid pa dang/ bsdigs pa dang/ bzung bas de'i nges par 'byung ba'i bar chad byed du 'jug go /rab tu byung ba dag la yang bud med kyi mtshan ma dag yid la byed pa dang/ mngon brgad pa dang/ tses? pa dang/ dran par byed pa dang/ tshong dang zhing las dang rang gi 'brel ba dang/ yid bcugs par bya ba'i sems bskyed cing rmi lam na bud med du sbrul cing des chags pa dang/ sa bon 'byung bar byed la/ sna tshogs kyis kyang rab tu byung ba las 'babs shing/ de dag gi tshangs par spyod pa dri ma can du yang byed do/ /'di dag bzhi car yang 'dzam bu gling ba rnams sdug bsngal bar bya ba'i phyir/ klu ma rungs pa rnams bskul la lha ma yin dag bskul zhing/ lo tog ma rungs par byed/ mi chos dang ldan pa'i srog 'phreg /lus la nad sna tshogs gtong bar byed de/ 'di ltar rgyal po chen po bzhi po dag chos ma yin pa sbyin ba dag la chad pa sbyin pa ltar/ 'di dag ni chos dang ldan pa rnams la chad pa sbyin pa'o/ /bdud kyi rigs kyi yi dags ni yi dags kyi rigs gsum cu rtsa drug las 'di dag rigs gcig tu bgrangs pa yin te/ de dag gi bdud kyi las ni bsam gtan pa dag rmi lam du 'jigs pa bskyed par byed de/ sangs rgyas kyi sku mtshan dang dpe byad kyis spras pa nye bar ston pas bar du gcod/ bsam gtan la mnyam par bzhag pa na sgra chen po sgrogs par byed do/ /mdor bsdu na bdud dang/ bdud kyi rigs su gtogs pa rnams ni yang dag par zhugs pa thams cad la chags pa skyed pa 'am/ 'jigs pa bskyed pa la sogs pas bar du gcod de/ de ltar yang 'jig rten gsum las rnam par rgyal ba'i rtogs pa las/ mi bzang brtul zhugs bzung ba yis/ /bsgrub pa la ni bdud kyi rigs/ /lha mo 'dod pa'i gzugs

  316. 158b

    dag dang/ /de bzhin gzhan gyi lus su yang/ /rnam pa sna tshogs gzugs dag gis/ /dbang po bsdams la 'tshe bar byed/ /ces gsungs te/ 'dir brtul zhugs bzung ba ni nye bar mtshon pa ste/ sems las su rung ba thams cad la yang de dag de ltar 'tshi bar byed do/ /de lta bu'i bdud kyi las de dag su zhig la 'byung zhe na/ bsam pa dag pas yang dag brtson pa dag la 'byung ste/ ji skad du 'phags pa 'jam dpal rnam par 'phrul ba las gsungs pa/ 'jam dpal byang chub sems dpa' rnams kyi bdud kyi las ci las 'byung bar rig par bya/ 'jam dpal gyis smras pa/ lha'i bu byang chub sems dpa' rnams kyi bdud kyi las ni brtson 'grus las 'byung bar rig par bya ste/ de ci'i phyir zhe na/ mi brtson pa la ni bdud kyis ci zhig bya ste/ de nyid bdud yin pa'i phyir ro zhes so/ /de ltar bdud kyi las shes pas de bzlog par bya ste/ ji skad du 'phags pa lha'i bu rin chen mchog gis zhus pa las gsungs pa/ gang gi tshe bdud kyi las rtogs pa de lta bu'i kha na ma tho ba med pa yin no/ /gang yang bdud kyi las rnams zlog pa de lta bu ni dpyas med pa yin no zhes so/ /de ma bzlog pa ni rnam par thar pa mi 'thob pa kho na ste/ ji skad du 'phags pa dpung bzang gis zhus pa'i mod las gsungs pa/ bgegs kyis bsod nams ma lus zad par byed/ /de bas mi la gsang sngags 'grub mi byed/ /ji ltar zla ba sprin las rnam grol ltar/ /de bzhin bgegs las grol ba rnam par gsal zhes te/ 'dir bgegs kyang gnyis te/ rdzogs pa'i byang chub gzhig par bya ba'i phyir sbyor ba lha'i bu'i bdud dang/ de las gzhan pa ji skad du 'phags pa dpung bzang gis zhus pa las/ gtor ma 'dod pa'ang rtsed mo byed 'dod pa 'am/ gsang ba'i don du lus la dbab cing 'jug

  317. 159a

    ces pa ste/ 'di ltar de gnyis ka bzlog par bya'o/ /thabs gang gis de bzlog par bya zhe na/ ji skad du 'phags pa rdo rje rtse mo las gsungs pa/ rang gi sems ni bdud ces gsungs/ /rang gi sems nyid bgegs yin no/ / rnam par rtog pa thams cad spang/ /bgegs kun rnam par rtog las byung/ /zhes pa'o/ /gzhan yang bdud kyi las bzlog pa'i thabs ni 'phags pa mya ngan med kyi byin pas zhus pa dang/ 'phags pa seng ge lung bstan pa las shes par bya'o/ 'di ni spang bar bya ba'i yan lag go /gang gis thos par bya ba'i rang bzhin gyi shes rab ma skyes pa des ni/ bdud kyi las bzlog par mi nus shing/ sems mnyam par 'jog par yang mi nus pas na/ dang por thos pa nyid sngon du bya ste/ ji skad du/ shes rab rgyas byed pa ni thos pa ste/ bsam pa dang ni gnyis po yod gyur na/ /de nas bsgom pa la ni sbyor ba ste/ /de las dngos grub bla na med pa 'thob ces bshad la/ 'phags pa byang chub sems dpa' i rnam par dgod pa bcu bstan pa'i le'u las/ kye rgyal ba'i sras byang chub sems dpa' las dang po ba de ni thog ma nyid du kha ton la bskul bar bya'o/ /mang du thos nas dben par gnas pa la bskul bar bya'o/ /zhes gsungs la/ ngan de ltar 'phags pa drag shul can gyis zhus pa dang/ 'phags pa dkon mchog sgron ma las kyang gsungs so/ /de bzhin du 'phags pa sdong po bkod pa las kyang/ /thog mar nyan 'dod bla ma bsnyen bkur bzod dang des byas shing/ /rang bzhin med pa'i chos la rab rtog bsam gtan rnyed byed pa/ /bde gshegs nyid ni rtogs 'gyur 'gro ba rnams sgom sems tshim byed/ /chos nyid de 'dra spyod pa myur du bde gshegs thob par 'gyur/ /zhes gsungs so//

  318. 159b

    de bzhin du 'phags pa nyan thos kyi so sor thar pa'i mdo las kyang/ mang du thos pa nags kyi nang dag tu/ /lang tsho yol ba rnams kyi gnas pa bde/ /zhes gsungs te/ de bas na thos pa'i shes rab nyid don bsgrub pa'i sngon du 'gro ba'o/ /'di ni sngon du 'gro ba'i yan lag go /de ltar thos pa dang ldan pa'i byang chub sems dpa' de/ chos smra ba la 'jug pa dgag par bya ste/ mngon par shes pa ma thob par mang du thos pa tsam gyis ni gzhan la phan gdags par rgyal bas ma gsungs te/ de bas na 'phags pa byang chub sems dpa' i rnam par dgod pa bcu bstan pa'i le'u las byang chub sems dpa' las dang po pa de ni thog ma nyid du kha ton la bskul bar bya'o/ /mang du thos nas dben par gnas pa la bskul bar bya'o/ /rab tu dben par gyur nas dge ba'i bshes gnyen du gyur par yongs su bskul bar bya'o/ /dge ba'i bshes gnyen du gyur nang lo bde ba la yongs su bskul bar bya'o/ /nga la bde bar gyur nas dus shes pa la yongs su bskul bar bya'o/ /dus shes par gyur nas mi 'jigs pa la yongs su bskul bar bya'o/ /mi 'jigs par gyur nas dus shes pa la yongs su bskul bar bya'o/ /don shes par gyur nas chos kyi rjes su 'brang ba la yongs su bskul bar bya'o/ /chos kyi rjes su 'brangs par gyur nas rmongs pa med pa la yongs su bskul bar bya'o/ /rmongs pa med par gyur nas rnam par dgod pa la yongs su bskul bar bya'o/ /ci'i phyir zhe na/ de bas kyang shas cher sems can thams cad la snying rje chen po mngon du gzhag par bya ba dang/ gnas gang thos kyang nga la bdag nyid sbyar bar bya ba dang/ bdag nyid gzhan gyi drang mi 'jog par bya ba'i phyir te/ kye rgyal ba'i sras dag 'di ni las dang po pa'i byang chub sems dpa' i rnam par dgod pa'o/ /zhes gsungs so/ /don

  319. 160a

    'di nyid 'phags pa drag shul can gyis zhus pa dang/ dkon mchog sgron ma las kyang gsungs so/ /gzhan yang 'phags pa lhag pa'i bsam pa bskul ba'i mdo las kyang/ bdag ni sgrub nyams da ni ci bya zhes/ / byis pa 'chi ba'i dus na mya ngan byed/ /ces bya ba la sogs pa mang du thos pa dben pa mi bsten par chos smra ba la nyes pa rnam pa rab tu mang po gsungs pas/ der zhib tu blta'o/ /de bas na mang du thos pa tsam gyis chos smra bar mi bya bar de las ldog par bya zhing/ mngon par shes pa thob nas bzod 'gro ba'i don bya ste/ 'di ni ldog par bya ba'i yan lag go /de ltar chos smra ba las ldog cing/ spros pa spangs pa ste/ 'di snyam du bdag gis phung po la mkhas par bya ba yang yongs su ma gtugs/ /khams dang skye mched la mkhas par bya ba yang yongs su ma gtugs so/ /de dag la mkhas par ma gyur par ni thar pa yang mi 'thob ste/ ji skad du rig pa'i gnas lnga dag la brtson par ma byas par 'phags mchog ci sems thams cad mkhyen nyid mi 'gyur te/ /de bas gzhan dag tshar bcad rjes su gzung phyir ram/ rang gis kun shes bya phyir de la de brtson byed/ ces bstan pa'i phyir ro/ /zhes sems pa dang/ gzhan yang slob bar? dang/ yang slob kyi 'brel ba dang/ rnyed pa dang bskur sti dang grags pa dang sgra dang tshigs su bcad pa'i bde ba la 'dod pa byung na de ni nges par bzlog par bya ste/ chos thos nas bsgom pa byang bar mi byed pa ni/ cir yang mi bsngags te/ ji skad du 'phags pa sdong po bkod pa las gsungs pa/ yang dag sangs rgyas bstan pa ni/ /thos pa tsam gyis mi 'grub po/ /dper na la la chu klung gis/ /stobs med na na gyis khyer bdag /skom pas shi bar gyur pa

  320. 160b

    bzhin/ /ma bsgoms chos kyang de bzhin no/ /zhes pa dang/ yang gsungs pa/ dper na mtsho chen mnyam pa zhig /skye bo thams cad sgrol byed kyang/ /bdag ni de nang 'chi 'gyur ba/ /ma bsgoms chos kyang de bzhin no/ /zhes bya ba la sogs pas bsgom pas byang bar mi byed pa'i skyon rab tu bstan te/ rgyas par de nyid las shes par bya'o/ /de bas na ji tsam gyis sems mnyam par 'jog par nus pa de tsam gyis gdams ngag kho nas tshim par byas la sems kyi ngang tshul 'phral du byung ba yang bla ma la zhus shing sgom par bya'i/ /tshad ma rnam pa bdun dang/ brda sprod pa rnam pa bzhi dang/ chos mngon pa rnam pa bdun dang/ rnal 'byor spyod pa'i sa la sogs pa'i mtshan mas yid mi gdung ste/ ji skad du don dam pa'i rigs pa las/ gang zhig bla ma'i man ngag bdud rtsi'i chu/ /gdung sel bsil ldan ngoms par mi 'thung ba/ /de ni bstan bcos don mang mya ngam gyi/ /thang la skom pas gdungs te shi bar zad/ /ces bshad de/ bskal pa dpag tu med pa ngal ba byas kyang/ tha snyad nye bar sbyang ba dag ni mi bzad kyi/ tshe yongs su gtugs pa kho nar zang ngo/ /de bas na bde mchog phyi ma las kyang/ rnal 'byor pa ni phyi rol 'khor/ /de yi khams rnams zad par 'gyur/ /de bas phyi rol kun spangs te/ /rnal 'byor rol pas gnas par bya/ /zhes so/ /de bzhin du don dam pa'i rigs pa las kyang/ yud rnams bgrod cing gdung pas nyen byas kyang/ /lhan cig skyes pa'i cha tsam yang mi 'phrad/ /ces bshad do/ /phung po dang khams dang skye mched la mkhas par yang rnal 'byor gyis mthus dus gcig nyid la 'gyur gyi/ /de dag rim par bslabs pa las ni ma yin te/ ji skad du 'phags pa rdo rje gtsug tor las/ de las shes pa skye bar 'gyur/ /ma thos pa yang shes par 'gyur/ /zhes gsungs

  321. 161a

    la/ 'phags pa dpung bzangs kyis zhus pa las kyang/ tshigs ni gzung bar 'os shing yid gzhungs la/ /snyan ngag dang ni bri ba rnams la mkhas/ /zhes gsungs so/ /'di dag kyang rnal 'byor gyi mthu las byung ba yin gyi/ rim gyis bslabs pa'i gnas skabs las ni ma yin no/ /chos mngon pa las kyang zad pa shes la zag bcas kyang/ /zhes bstan to/ /rnyed pa dang bskur sti 'dod pa'i gdung ba ni yid 'byung ba'i yan lag las shes par bya'o/ /'di ni gdung ba gcad pa'i yan lag go /rnam pa thams cad du 'khor ba la yid ma byung bar sgom pas byang bar byed nus pa ma yin pas de la yid 'byung bar bya ste/ ji skad du byang chub sems dpa' i spyod pa la 'jug pa las bshad pa/ thog mar zhi gnas btsal bya de yang ni/ /'jig rten chags ba med la mngon dags 'grub/ /ces gsungs te/ 'dir gnyen la mngon par dga' zhing dgra la sdang bas chags pa dang/ nad med pa dang lang tsho la sogs pa la chags pa dang/ rang bzhin gyis srid pa la chags pa dang/ rnyed pa dang bkur sti dang/ grags pa dang sgra dang tshigs su bcad pa la chags pa rnams rnam par spang bar bya ste/ ji skad du 'phags pa dpung bzangs kyis zhus pa las gsungs pa/ re zhig cig na dgra yang mdza' bor 'gyur/ /mdza' bo yang ni dgrar yang 'gyur ba nyid/ /de bzhin kha cig kyang ni bar mar 'gyur/ /bar ma de nyid kyang ni dgra bor 'gyur/ /de bzhin mdza' bshes 'gyur bar rig nas ni/ /blo gros ldan pas nam yang chags mi bya// gnyen la dga' ba'i sems kyis rnam rtog dag /bzlog nas dge la ci bder bzhag par bya/ /zhes so/ /'phags pa nA gardzu nas kyang/ /pha ni bu nyid ma ni chung ma nyid/ /skye bo dgrar gyur pa dag bshes nyid dang/ /bzlog pa nyid du mchi bas de

  322. 161b

    slad du/ /'khor ba dag la nges pa 'ga' ma mchis/ /zhes bshad do/ /de bas na gnyen dang dgra la chags pa yongs su spang ngo/ /de bzhin du/ nad med mi rtag lang tsho rtag ma yin/ /tshe ring mi rtag 'byor pa rtag ma yin/ /zhes gsungs pas de dag la yang chags pa yongs su spang ngo/ /rnyed pa dang bkur sti dang grags pa dang sgra dang tshigs su bcad pa la chags pa yang spang ste/ ji skad du byang chub sems dpa' i spyod pa la 'jug pa las gsungs pa/ bdag ni rnyed mang bkur sti byas/ /bdag la mang po dga' o zhes/ /'di 'dra'i bsnyems pa 'chad gyur na/ /'chi ba'i 'og tu 'jigs pa ste/ /zhes pa dang/ yang de nyid las/ rnyed pa dag ni mang byung zhing/ /grags dang snyen pa byung gyur kyang/ /rnyed dang grags pa'i tshogs bcas te/ /gang du 'dod pa'i gtol med do/ /bdag la smod pa gzhan yod na/ /bstod bas bdag dgar ci zhig yod/ /bdag la bstod pa gzhan yod na/ /smod pas mi dgar ci zhig yod/ /ces bshad la/ yang de nyid las/ sems can rnyed pa med la smod de/ rnyed pa can la mi snyan smra/ /rang bzhin 'grogs dga' de dag gis/ /dga' ba ji ltar skye bar 'gyur/ /zhes bshad do/ /gzhan yang 'phags pa lhag pa'i bsam pa bskul ba'i mdo las rnyed pa dang bkur sti'i nyes pa rab tu mang po bstan pas de las shes par bya'o/ /'di'i slob ma dang yang slob la/ sogs pa la chags pa ni snying rje'i bdag nyid ma yin nam/ ji ltar de spang bar rigs she na/ ma yin te/ gnas skabs ma yin pa'i snying rje smad pa ste/ mngon par shes pa ma thob par slob ma yongs su smin par mi nus kyi rang 'ching bar zad do/ /ji skad du byang chub sems dpa' i spyod pa la 'jug pa de nyid las bshad pa/ sems can mos pa sna tshogs pas/ /rgyal bas kyang ni mi mgu na/ /bdag 'dra ngan pas smos ci dgos/ /de bas 'jig rten bsam pa gtang

  323. 162a

    zhes so/ /yang de nyid las/ sems can rnams la chags byas na/ /yang dag nyid la kun nas bsgrib/ /skyo ba'i sems kyang 'jig par byed/ /tha mar mya ngan gdung bar 'gyur/ /de la sems pa 'ga' zhig gis/ /tshe 'di don med 'da' bar 'gyur/ /rtag pa med pa'i ye shes kyis/ /rtag pa'i chos kyang 'jig par 'gyur/ /zhes bshad do/ /de bas na slob ma la sogs pa rig pa'i 'bras bus 'brel pa dang/ 'jig rten pa'i tha snyad kyis 'brel pa gnyis ka la snying brtse ba kha nas ma chags par dben par gnas par bya'o/ /srid pa la rang bzhin gyis chags pa yang spang bar bya ste/ ji skad du 'phags pa dpung bzangs kyis zhus pa las gsungs pa/ 'jig rten stag dang sbrul dang me 'dra pa/ /sems nas spangs te dben la dga' bar bya/ /bud med mtshan nyid skyes pa'i mtshan nyid dang/ /sman dang glang chen brtag pa skar ma'i dpyad/ /mtshon cha brtag pa 'am rta dpyad rang bzo 'am/ bstan bcos ngan pa slob cing klog ba spang zhes so/ /yang de nyid las/ glang chen rta dang bya gag bya/ byi ra ra/ /gong ma sreg pa dur pa skyes pa dang/ /bud med bu mo byis par lug sogs/ /'thab mo 'gyed pa blta bar mi bya'o/ /yul sa'i gtam dang rang dbang brtan pa dang/ /dmag dang rgyad dang na chung gtam dag dang/ /sgrung dang lde'u dang sngon gyi lo rgyus gtam/ /'dod chags gtam dang smad 'tshong gtam mi bya/ /sngags pa gsang sngags bzlas la brtson pa dang/ /dbyar zla gsum ni gcig pur gnas par bya/ /zhes 'byung ngo/ /lang de nyid las/ /las kyi dbang gyur bdag po med pa dang/ /mgon med rten med tshe rabs gcig nas gcig /lus kyi kha brgyud rjes su rab 'gro ba/ /de yi rjes su dge dang mi dge 'brang/ /'tsho dang mdza' bshes dang ni rnam par bral//

  324. 162b

    mi sdug pa dang phrad cing 'dod pas gdungs/ /ngan ba skye rga na 'chi'i sdug bsngal can/ /yul rnams kun tu song na'ang med pa min/ /sha sbrang tsha grang bkres dang ngal la sogs/ /gang du song yang sdug bsngal nyid yin pas/ /yul la mngon dga' i sems ni byung ba na/ /rnam rtog de dag rnams kyis bzlog par bya/ /'dod chags shas che mi gtsang sha tshil dang/ /pags pa keng rus blta bas rnam par bzlog /byams dang snying rje'i chus gdab zhe sdang la/ /gti mug la ni rten 'brel lam gyis so/ /zhes gsungs so/ /'phags pa nA gArdzu nas kyang 'jig rten gyi nyes pa du ma bstan nas/ de ltar 'di kun mi rtag bdag med de/ /skyabs med mgon med gnas ming de slad du/ /'khor ba chu shing snying po med pa la/ /mi mchog khyod kyi thugs ni dbyung bar mdzod/ /ces bshad do/ /gzhan yang byang chub sems dpa' i spyod pa la 'jug pa dang/ gzhon nu ma bdun la gdams pa dang/ bshes pa'i spring yig dang/ slob ma la spring ba la sogs pa'i gzhung la brten te/ srid pa la rang bzhin gyi chags pa spang bar bya'o/ /'di ni yid 'byung bar bya ba'i yan lag go /de ltar mi mthun pa'i phyogs spangs nas ting nge 'dzin gyi yon tan dran par bya ste/ de la 'dir yon tan ni gnyis te/ mthong ba'i chos nyams su myong bar 'gyur ba dang/ de las gzhan pa'o/ /ji ltar zhe na/ lus bde bar gnas pa dang/ ngag bde bar gnas pa dang/ sems bde bar gnas pa dang/ chos skyong ba rnams dga' ba dang/ de'i mi'i lus thob pa don yod pa dang/ ston pa dang pha ma dang bla ma'i drin bsab pa dang/ mi ma yin pas mi tshugs pa dang/ nad nyung bar 'gyur ba dang/ tshe ring bar 'gyur ba dang/ 'chi ba'i dus su 'byod pa med pa dang/ mkhas pa rnams kyis bsngags pa dang/ bza' ba

  325. 163a

    dang btung ba dang gnas mal dang nad kyi rkyen rtsi dang gos rnams bde blag tu rnyed pa dang/ nyon mongs pa dang las la gnod par byed pa ste/ 'di dag ni dang po'i yon tan yin no/ /gang du 'dod pa'i sangs rgyas kyi zhing du skye ba dang/ ngan song gsum spangs pa dang/ mi khom pa lhag ma spangs pa dang/ bud med du mi skye ba dang/ dbang po rno ba dang/ dkon mchog gsum dang 'bral bar mi 'gyur ba dang/ der yang ting nge 'dzin la dga' ba dang/ mngon par rdzogs par byang chub par 'gyur ba ste/ 'di ni yon tan gnyis pa'o/ /shin tu sbyangs pas ni tshe byin gyis brlabs pa dang/ lha'i gnas su tshe 'di nyid la bgrod pa zhes bya'o/ /don 'di nyid la bsams te btsun pa zla bas rang gi slob ma'i phyir/ zla ba'i dkyil 'khor gsal bas nye bar brgyan byas shing/ rked cing char chen sprin gyis 'khrigs pas 'khyud gyur ba'i/ /ri rtse nags kyi mthongs der chags pa med par ni/ /rlung ltar g.yo ba'i rang bzhin tshe gtugs skas pa che/ /nags mthong ri dags rgyu ba'i tshogs kyis gbsten byas pa/ /kun gnas bzang po de na skyid pa gang yin pa/ /de ci dga' ba'i nags tshal lha mo'i nyam phag tu/ /thal gyis phebs pa'i rdo leb can na'ang yod 'gyur ram/ /nags klung chu gtsang ngogs bde dben par skyid pa gang/ /de ci lha yi bu mo dri zhim byugs pa yi/ /lan bu'i rgyan du thogs pa rgyun ldan me tog tshogs/ /mdzes pas zil gnon lha yi chu la'ang yod 'gyur ram/ ri sul yangs pa skye bo lang long med pa rab bde ba/ /nyer spyod rgya chen 'khor yug nags tshal sngo 'khrungs phreng bas sbrengs/ /chu ngogs snyan pa phu chu'i rgyun sgra rnga ltar snyan pa yis/ /bdag cag nyon mongs can?

  326. 163b

    gyi yul min 'gron la sgrogs pa bzhin/ /zhes bstan la/ slob dpon zhi ba'i lhas kyang/ nags na ri dags bya rnams dang/ /shing rnams mi snyan rjed mi byed/ /'grogs na bde ba de dag dang/ /nam zhig lhan cig bdag gnas 'gyur/ /phug gam lha khang stong pa 'am/ /ljon shing drung du gnas bcas te/ /nam zhig rgyab tu mi lta zhing/ /chags pa med par 'gyur zhig gu /sa phyogs bdag gir bzung med pa/ /rang bzhin gyis ni yangs rnams su/ /rang dbang spyod cing chags med bar/ /nam zhig bdag ni gnas par 'gyur/ /lhung bzed la sogs nyi tshe dang/ /kun la mi mkho'i gos 'chang zhing/ /lus 'di sba ba ma byas kyang/ /'jigs med gnas par nam zhig 'gyur/ /dur khrod song nas gzhan dag gi /rus gong dag dang bdag gi lus/ /'jig pa'i chos can dag tu ni/ /nam zhig mgo snyoms byed par 'gyur/ /zhes bshad do/ /de bzhin du 'phags pa zla ba sgron ma la sogs pa'i mdo rnams las ting nge 'dzin gyi phan yon rgya cher shes par bya'o/ /'di ni yon tan rjes su dran pas spro ba'i yan lag go /de ltar yon tan mthong nas spro bar gyur pa des gnyen po yid la bya bas rab tu spro bar bya ste/ ji skad du/ byang chub sems dpa' i spyod pa la 'jug pa las/ de ltar bzod pas brtson 'grus brtsam/ /'di ltar brtson la byang chub gnas/ /rlung med g.yo ba med pa bzhin/ /bsod nams brtson 'grus med mi 'byung/ /zhes bstan pa lta bu'o/ /'di ltar bdag gis rab tu brtson pas 'dod pa'i don ma bsgrubs na tshe 'di ni rab tu g.yo ba yin pas yid brtan par bya ba 'am/ /ring du gnas par bya ba'i nus pa med pas skad cig tsam yang g.yel bar mi bya'o snyam du yid la bya ste/ don 'di nyid thugs la bzhag nas 'phags pa nA gArdzu na'i

  327. 164a

    zhal snga nas/ tshe 'di gnod mang rlung gis btab pa yi/ /chu yi chu bur bas kyang mi rtag na/ /dpugs 'byung dbugs rdub gnyid kyis log pa las/ /sang khom gang lags de ni ngo mtshar che/ /zhes pa dang/ yang mgo 'am gos la blo bur me shor na/ /de dag phyir bzlog bgyi ba btang nas kyang/ /yang srid bas bgyi'i slad du 'bad 'tshal te/ /'di bas che mchog dgos pa gzhan ma mchis/ /zhes rgyal po mthar 'gro zhon gyi phyir gdams pa byas so/ /btsun pa zla bas kyang rang gi slob ma la 'di skad du/ mi yi dngos po shin tu rnyed dka' rnyed gyur nas/ /don du brnag pa gang yin de nyid brtun te bsgrub/ /mar me me lce shugs drag rlung gis bskyod pa lta'i/ /tshe ni skad cig gnas pa'i gdong yang yod ma yin/ /'di ni sang bya 'di ni thang cig 'og tu bya/ /'di ni de'u re bya zhes skye bo sems ba na/ /gshin rje be co na lag thogs zur gyis blta ba yi/ /mig rtsa dmar khros ma rangs gang mos ra snyem 'debs// so ga me tog rgyas ba'i dus 'di 'byung bar 'gyur/ /zla ba gsal bas mtshon pa'i ston dus 'di 'byung zhes/ /skye bo thams cad dga' 'gyur bdag gi tshe 'di ni/ /zad par 'gyur zhes shin tu mi dga' 'gyur ba med/ /ces gdams so/ /slob dpon zhi ba lha'i zhal snga nas kyang/ /yid brtan mi rung 'chi bdag 'di/ /byas dang ma byas mi sdod pas/ /na dang mi na kun gyis kyang/ /glo bur tshe la yid mi brtan/ /zhes bshad do/ /de bzhin du dpal ngag gi dbang phyug grags pa'i zhal snga nas kyang/ /'di bya nang bar slar yang 'di bya de nas gzhan yang 'di bya zhes/ /srid pa g.yo ba'i rang bzhin ma shes don med yid brtan 'tshol byed pa'i/ /skye dgu 'chi bdag khar ni chu srin ba ru gru ni zhugs pa ltar/ /bya ba mthar ma phyin bar

  328. 164b

    yul gyi chu yi dpa' klong nang du lhung/ /zhes bshad do/ /de bzhin du slob dpon sa ha ra'i zhal snga nas kyang/ di ring de bzhin du ni sang snyam pa'i/ /skyes bu nor rnams phun sum tshogs 'dod pa'i/ /snyim pa chu yis bkang ba 'dzag pa bzhin/ /mi mngon 'dra'o kwa ye bzhin bzangs rnams/ /zhes bstan pas 'di ni gnyen po yid la bya bas brtson par bya ba'i yan lag go /de ltar rab tu brtson pa des yan lag gnyis zung du 'brel bar bya ste/ 'di ltar zhi gnas dang/ lhag mthong dang/ thabs dang/ shes rab go /de ci'i phyir zhe na/ zhi gnas kyi brtan po nyid du ma byas pa'i lhag mthong ni brtan par mi gnas te mar me la rlung bzhin no/ /lhag mthong dang bral ba'i zhi gnas kyis ni sgrib pa'i dra ba rnams ma lus par byang bar mi nus te/ ji ltar gzugs dang gzugs med pa la sogs pa'i zhi gnas slar 'khor ba lta bu'o/ /de bas na byang chub sems dpa' i spyod pa la 'jug pa las/ zhi gnas rab tu ldan pa'i lhag mthong gis/ /nyon mongs rnam par 'joms par shes byas nas/ /thog mar zhi gnas btsal bya de yang ni/ /'jig rten chags pa med la mngon dags 'grub/ /ces bshad do/ /de bzhin du thabs dang/ shes rab kyang ste/ ji ltar zhe na/ sku rnam pa gnyis 'grub par bya ba yin pa dang/ sgrib pa gnyis spang bar bya ba yin pa'i phyir ro/ /de bas na 'phags pa dri ma med par grags pas bstan pa dang/ 'phags pa ga ya go ri'i mdo las/ thabs dang bral ba'i shes rab ni 'ching ba'o/ /shes rab dang bral ba'i thabs kyang 'ching ba'o/ /zhes gsungs so/ /de bzhin du 'phags pa sdong po bkod pa las/ smon lam mngon par mi 'grub pa'i ri chos kyi ye shes khong du chud pa ni mngon par mi 'grub pa'i bdud do zhes bdud bcu las gcig tu gsungs so/ /ci'i phyir stong pa nyid kho nas de dag mi 'grub ce na/ ma

  329. 165a

    yin te/ 'bras bus ni rgyu'i rjes su 'brang ba'i phyir ro/ /de bas na 'phags pa sdong po bkod pa las gsungs pa/ smra ba'i mchog ni gang yang rung/ /chos gcig gis ni byung ba med/ /gang yang byung ba yod ma yin/ /'byung bar 'gyur ba de bzhin med ce'o/ /de bzhin du 'phags pa rdo rje'i dra ba las kyang/ gal te stong pa thabs yin na/ /de tshe sangs rgyas nyid mi 'gyur/ /rgyu las 'bras bu gzhan med phyir/ /thabs ni stong pa nyid ma yin zhes gsungs so/ /'o na ci'i phyir lung las stong pa nyid 'ba' zhig bsgoms pas chog par gsungs she na/ 'di ni bdag tu lta ba la sogs pa nyid dang 'gal bar 'jug pa de dag gi phyir stong pa nyid kyi che ba bstan pa ste/ de ltar yang 'phags pa rdo rje'i dra ba de nyid las/ lta ba rnams las log rnams dang/ /bdag tu lta ba tshol rnams kyi/ /bdag tu 'dzin pa bzlog pa'i phyir/ /rgyal ba rnams kyis stong pa bstan/ /de phyir dkyil 'khor 'khor lo zhes/ /thabs bde ba la yi sdom pa ste/ /sangs rgyas nga rgyal rnal 'byor gyis// sangs rgyas nyid yun mi ring 'gyur/ /zhes stong pa nyid 'ba' zhig mi bsten gyi/ lha'i sku bsgom par bya'o zhes gsungs so/ /de bas na rdzogs par byang chub par bya ba la ni stong pa nyid snying rje'i snying po can bsgom gyi stong pa nyid 'ba' zhig ma yin no/ /lung dag ni dgongs pa dang ldan pa ste/ ji ltar maN+Dal phul ba las pha rol tu phyin pa drug thob par bstan pa lta bu ste/ de bas na lung la sgra ji bzhin par mi bzung ngo/ /'on kyang stong pa nyid la goms pas phul du phyin pa na/ dge ba'i las thams cad rang gi ngang gis 'byung ste/ dang po sems can gyi don gyi phyir stong pa nyid la zhugs pa na nyan thos ltar zhi ba nyid mi 'gyur te/ ji tsam du stong pa nyid bstan pa de tsam du sems can de tsam ma rtogs

  330. 165b

    pa rnams la snying rje skye ste/ ji skad du 'phags pa nA gA rdzu na'i zhal snga nas bshad pa/ de ltar rnal 'byor pa rnams kyis/ stong pa nyid 'di ni sgom byas na/ /blo ni gzhan don la dga' bar/ /'gyur ba nyid du dgos pa med/ /ces so/ /gzhan yang/ chos la bdag med mkhas pa na/ /rang bzhin med la goms byas pas/ /phyin ci log las byung ba yi/ /nyon mongs bsgrib pa med par spong/ /zhes dbu ma'i rgyan las bshad pa'i rig pas de'i nyon mongs pa spong bar 'gyur te/ gang gi snying rje yang ma spangs la/ nyon mongs pa yang zhi ba de la 'jig rten pa dang 'jig rten la 'das pa'i yon tan rnams tshegs med par 'grub par 'gyur te/ de bas na rgyu'i gtso bor gyur pa dang/ de 'ba' zhig las kyang yon tan mang po 'byung ba la dgongs te/ 'phags pa rnam par snang mdzad mngon par byang chub pa las/ mtshan mar bcas pas mtshan bcas kyi/ /dngos grub dam pa rgyal bas bzhed/ /mtshan ma med la gnas pas ni/ /mtshan mar bcas pa'ang 'grub tu rung/ /de bas rnam pa thams cad du/ /mtshan ma med pa bsten par bshad/ /ces bya ba la sogs pa gsungs pas stong pa nyid 'ba' zhig gis chog par gsungs pa nyid do/ /'di ni 'brel par bya ba'i yan lag go /de ltar yan lag brgyad dang ldan pa de gnas rjes su mthun par kha zas dang spyod lam rjes su mthun pa dang/ gos dang grogs rjes su mthun pa dang ldan par byas la sems mnyam par gzhag par bya'o/ /de la rjes su mthun pa'i gnas ni 'phags pa dpung bzangs kyis zhus ba las gsungs pa rang sangs rgyas dang bde gshegs nyid skyes dang/ /rgyal ba sngon chad gang na bzhugs pa yi/ /gnas gang bsod nams ldan zhing yid dga' ba'i/ /lha dang lha min la sogs phyag 'tshal mchod/ /gso sbyong sdom pa dang ni ldan pa yis/ /bdag

  331. 166a

    nyid dag par bya phyir bsten bya ba/ /de lta bu na ma rnyed gzhan yang ni/ /chu bo chu klung 'bab chu yod pa dang/ /pad+ma utpa las ni brgyan pa'i mtsho/ /skye bo rnams ni shin tu mi rgyu ba/ /dangs shing zhim pa'i chu ni mang ba dang/ mi bzang gdon rnams kyang ni mi gnas pa/ /me tog 'bras bu gtsang ma yod pa dang/ /sman ljongs ljon shing sna tshogs dkrigs pa dang/ /sa stengs gnas mal shin tu gtsang ba dang/ /gang na stag gzig seng ge med pa dang/ yid 'ong mnyam zhing tsher ma med pa dang/ /mi yi dngos grub gnas su bsgrags pa yin/ /grogs po grog mkhar thal ba skra shad dang/ /nyal nyil sol ba tshwa sgo tshogs bcas spang/ /der ni sa brkos sbyangs nas gnas brtsig pa/ /dri la brtan cing 'jim pas zhal zhal bya/ /shar ram byang ngam nub tu sgo gdong cing/ /lho phyogs su ni nam yang sgo mi gdod/ /ces gsungs te/ 'di ni rjes su mthun pa'i gnas so/ /kha zas kyang rjes su chags pa med pa dang/ /tshod zin pa dang/ lus kyi stobs dang 'tsham pa de ltar bza' ste/ de bas na 'phags pa klu sgrubs kyi zhal snga nas/ kha bas sman dang 'dra bar rig pa yis/ /'dod chags zhe sdang med par bsten bgyi ste/ /rgyags phyir ma lags bsnyems pa'i phyir ma lags/ mchog phyir ma lags lus gnas 'ba' zhig phyir/ /zhes bshad do/ /chags par gyur pa'i nyes pa ni ji skad du 'phags pa gang pos zhus pa las gsungs pa/ zhim po'i ro la zhen cing chags/ /skyon rnams mthong bar ma gyur pas/ /bdud kyi glags ni rnyed 'gyur te/ /mchil pas bzung ba'i nya bzhin no/ /zhes gsungs so/ /de bzhin du 'phags pa dpung bzangs kyis zhus pa las kyang/ dper na rma ni gso dang bsal ba'i phyir/ /nad pa dag la sman ni

  332. 166b

    sbyin pa ltar/ /de bzhin 'dir yang bkres pa'i sdug bsngal dag /bsal phyir rgyal bas kha zas bza' bar gsungs/ /la la lam gyis dub cing 'gro ba'i tshe/ /bkres skom gdung bas rang gi bu yi sha/ za ba bzhin du rnal 'byor sems dman zhing/ / 'tshe dang rgyags phyir bza' bar mi bya'o/ /mang du blugs pas rtsol med mtho ba dang/ /de bzhin nyung dus srang ni dma' la gyur la/ /ran pas skad cig mnyam par 'gro ba ltar/ /lus can kha zas de ltar bza' bar bya/ /dper na khang rnying mi zhig bya ba'i phyir/ /mi yis ka ba bzang po 'jug pa lta/ /de bzhin lus kyi 'khrul 'khor gnas pa dang/ /shing rta'i mig skud bzhin du kha zas bza' / /'dod pa'i khams ni kha zas kyis gnas shes/ /rgyal bas chos gcig tu ni bka' stsal pas// lus ni chu shing bzhin du rig bya ste/ /sems ni bza' btung sogs la chags mi bya zhes gsungs so/ /de bzhin du lus kyi nyam dma' ba lta na rnal 'byor pa thams cad kyis smyung bar gnas par mi bya ste/ ji skad du 'phags pa rab tu grub par byed pa las gsungs pa/ dub par byed pa'i skyon yod phyir/ /smyung bar gnas pa smad par bshad/ /gal te lus la dub pa med pa lta na ni lus yang bar bya ba'i phyir rnal 'byor pa thams cad kyis kyang smyung bar gnas par bya ste/ ji skad du 'phags pa dpung bzangs kyis zhus pa las/ bu cig lus dag bya phyir smyung bya zhes/ /bde bar gshegs pa nam yang mi gsung yang/ /lus 'di mi gtsang lpags pa sha khrag rkang/ /klas rgyas rgyu ma mcher mchin mkhal ma zhag/ mkhris pa bad kan khu chu phyi sa dang/ /gcin snabs ba spu skra dang rus pa dang/ /mig dang rna ba sna dang kha dang ni/ /bshang sgo mtshan ma bu ga dgu po yi/ /rma nas dri ma sna tshogs mi gtsang ba/ /'dzag pa'i rgyun ni rtag tu 'byung ba yin/ /de ltar

  333. 167a

    yan lag thams cad 'dus pa dang/ /sa chu me rlung nam mkha' rnams dang ldan/ /ji bzhin las kyi rjes su 'brang ba'i lus/ /thams cad ldan pa'i gzugs la gnas pa yis/ /bshang gci snabs dang mchil ma bad kan dang/ /'di dag zad par bya phyir smyung bar gsungs/ /dri ma zad nas mi yi lus dag na/ /rang gi 'byor phyir sgrub la bde bar 'jug /ces gsungs so/ /grogs po ni med pa 'am rjes su mthun pa bsten te/ ji skad du bcom ldan 'das kyis mdo sde dang de dag las gsungs pa/ mang po dag ni rtsod par 'gyur/ /gnyis po dag ni gtam bcas 'gyur/ /gzhon nu ma yi gdu bu bzhin/ /gcig po zhig ni gnas par bya/ /zhes so/ /rjes su mthun pa ni 'phags pa dpung bzangs kyis zhus pa las gsungs pa/ /nam yang 'khor lo gcig pa'i shing rta ni/ /rta dang ldan yang lam du mi 'gro ltar/ /de bzhin bsgrub pa po ni grogs med na/ /lus can dngos grub thob par mi 'gyur ro/ /de ni blo ldan gzugs bzang gtsang sbra che// rigs ni btsun zhing chos la gzhol ba dang/ /spobs pa che la dpa' zhing dbang po thul/ /snyan par smra zhing sbyin phod snying rje can/ /bkres dang sgom dang nyon mongs bzod pa dang/ /bram ze dang ni lha gzhan mchod mi byed/ /sgrin zhing gzo la byam pa gzo ba dang/ /dkon mchog gsum la dad pa grogs po yin/ /de ltar yon tan ma lus ldan pa dag /rtsod pa'i dus su shin tu dkan bas na/ /yon tan phyed dam bzhi cha brgyad cha can/ /de lta bu ni sngags pas grogs por bsten/ /zhes so/ /'dir ni spros pa spyod pa dang spros pa dang bral ba'i dbang gis grogs po med pa 'am/ rjes su mthun pa'i grogs po dang ldan par bya'o/ /de bzhin du ji tsam gyis gnod pa skyob pa de tsam gyis gos la brten gyi

  334. 167b

    tshogs dang bcas shing lhag par chags par 'gyur ba'i gos dang mal bsten par mi bya ste/ 'phags pa dpung bzangs kyis zhus pa las ji skad du gsungs pa/ gtsug pus bzhag ste skra ni bregs nas su/ /'byung khungs tshon gyis gos kyi kha dog bsgyur/ /gos dkar dang ni shing lo'am gso ma 'am/ /zar ma'i shing shun rnams kyis gos bgo'o/ /zhes so/ /yang 'phags pa rab tu grub par byed pa las/ sngags zlos khyim pa mkhas pa yis/ /kha dog bsgyur ba'i gos mi bgo/ zhes gsungs te/ 'di dag ni rnyed sla bar bya ba dang/ sgeg pa nyid dgag par bya ba'i don yin no/ /rjes su mthun pa'i spyod lam ni gsum ste/ legs par gnas pa dang/ sdug bsngal gnon po dang/ khyad par du 'gro ba'o/ /de la legs par gnas pa ni ji lta bu'i spyod lam gyis gnas kyang des sems la rma mi 'byung ba ste/ ji skad du 'phags pa sdong po bkod pa las/ byang chub kyi sems nyams par byed pa'i dge ba'i rtsa ba rtsom pa thams cad ni bdud kyi las so/ /zhes gsungs so// byang chub sems dpa' i spyod pa la 'jug pa las kyang sems bsrung brtul zhugs ma gtogs pa/ /brtul zhugs mang pos ci zhig bya/ /zhes bshad la/ yang de nyid las/ bdag ni rnyed dang bkur sti dang/ /lus dang 'tsho ba med bla zhing/ /dge ba gzhan yang nyams bla yi/ /sems ni nam yang nyams mi bya/ /zhes bstan te/ de bas na dus dang gnas skabs thams cad du yang sems la mi gnod pa'i spyod lam spyad do/ /de bas na slob dpon DoM bi pa'i zhes snga nas/ slob dpon spyad spyad pa dang/ bram ze na yang gtsang sbra nyid/ /rtag tu gtsang sbra'i spyad pa bya/ /sems la gnod pas ma yin no/ /zhes bshad do/ /sdug bsngal gnon pa ni lam yid la byed pas grang ba dang/ tsha ba dang/ bkres pa dang bskam pa la sogs pa'i sdug bsngal

  335. 168a

    ma lus pas mi g.yo bar bya ste/ byang chub sems dpa' i spyod pa la 'jug pa las ji skad du gsungs pa can/ nya ba gdol pa zhing pa la sogs pa/ /rang gi 'tsho ba tsam zhig sems dpa' yang/ /grang dang tsha la sogs pa'i gnod bzod na/ /'gro ba'i don phyir dag lta cis mi bzod/ /ces so/ /de bzhin du 'phags pa dpung bzangs kyis zhus pa las kyang/ 'dod la ma chags lus kyi nyon mongs bzod/ /ces gsungs la/ de bzhin du 'phags pa 'jig rten gsum las rnam par rgyal ba'i bka' las kyang lus ni nyon mongs spyad pa las/ /dngos grub rnam gsum thob par 'gyur/ /zhes gsungs so/ /de bzhin du dpal gsang ba 'dus pa las kyang/ 'dod chen sdug bsngal chen po yis/ /rang gi sdug bsngal zhi bar bya/ /zhes gsungs pas sdug bsngal 'bras bu dang cas pa rnams ni rab tu dga' bzhin du bsten par bya'i/ sems kyi ngan tshul sngar ba nyid du mi bya'o/ /de bas na 'phags pa dpung bzangs kyis zhus pa las/ lha yi bde ba dang ni 'byor pa dang/ /tshe dang stobs gzugs phun sum tshogs pa dang/ /thos mang dngangs dbang gcig tu yid gzhungs dang/ /dbang thang che kun dka' thub stobs kyis 'thob/ /ces gsungs so/ /khyad par du 'gro ba'i spyod lam ni des mnyam par ma bzhag pa na shes rab kyi pha rol tu phyin pa bklags pa dang/ sA ts+tsha gdab pa dang/ skor ba bya ba la sogs pa bsod nams kyis tshogs la gus pa nyid du bya ste/ de ltar yang 'phags pa khro bo'i rgyal po gdong drug pa'i rgyud las gsungs pa/ langs nas bcom ldan 'das kyi yum/ /shes rab pha rol phyin pa bklag ces gsungs so/ /'phags pa dpung bzangs kyis zhus pa las kyang/ /gtsang zhing dben pa'i sa yi phyogs su ni/ /'jim pa

  336. 168b

    'am ni bye ma las byas pa'i/ /bde gshegs mchod rten rten 'brel snying po can/ /sdig pa sbyang phyir 'bad pas gdab pa bya/ zhes gsungs so/ /de bzhin du 'jig rten gsum las rgyal ba'i cho ga zhib mo las kyang/ mkhas pas mchod rten las bya zhing/ /de bzhin dam pa'i chos kyang bklag /dge ba cung zad gzhan dag kyang/ /cung zad zin nas 'di dag kyang/ /dngos grub mchog ni thob 'dad pas/ /rtag tu sems can rnams la bsngo/ /zhes gsungs so/ /de bas na ji tsam du sems la mi gnod pa'i bsod nams dang ye shes kyi tshogs g.yeng ba dang bcas pa rnams sems can la phan par 'dod pas rab tu gus par byas la brtsam ste 'di ni rjes su mthun pa'i spyod pa rnam pa gsum mo/ /de ltar tshogs thob pa des spyod lam rnam pa bzhi gang bde bar gnas te/ mtshan ma dang bcas pa 'am/ mtshan ma med pa'i rnal 'byor la sems mnyam par bzhag par bya'o/ /de ltar sems mnyam par 'jog pa des nyes pa lnga spangs pa'i phyir spong ba'i 'du byed brgyad bsten par bya ste/ de la nyes pa lnga ni dbus dang mdza' rnam par 'byed pa'i tshig le'ur byas pa las/ le lo dang ni gdams ngag rnams/ /brjed dang bying dang rgod pa dang/ /'du mi byed dang 'du byed de/ /'di dag nyes pa lngar 'dod do/ zhes gsungs so/ /de dag gi gnyen po spong ba'i 'du byed brgyad kyang de nyid las gsungs te/ gnas dang de la gnas pa dang/ /rgyu dang 'bras bu nyid du'o/ /dmigs pa rjed par ma gyur dang/ /bying dang rgod pa rtogs pa dang/ /de spong mngon par 'du byed dang/ /zhi tshe rnal du 'jug pa'o/ /zhes so/ /de ltar yan lag yongs su rdzogs pa des zhi gnas dang lhag mthong bsgom par bya ba las 'dir zhi gnas ni gnyis te/ kha nang du bltas pas thob pa dang/ kha phyir

  337. 169a

    bltas pa la dmigs pa'o/ /de la kha nang du bltas pa la yang gnyis te/ lus la dmigs pa dang/ lus la brten pa la dmigs pa'o/ /lus la dmigs pa la yang gsum ste/ lus nyid la lha'i rnam par dmigs pa dang/ keng rus la sogs pa mi sdug par dmigs pa dang/ kha TwAM ga la sogs pa mtshan ma khyad par can la dmigs pa'o/ /lus la brten pa la yang lnga ste/ dbugs la dmigs pa dang/ mtshan ma phra mo la dmigs pa dang/ thig le la dmigs pa dang/ 'od zer gyi yan lag la dmigs pa dang/ dga' ba dang bde ba la dmigs pa'o/ /kha phyir ltas pa la dmigs pa la yang gnyis te/ khyad par can dang/ phal pa'o/ /de la khyad par can la yang gnyis te/ sku la dmigs pa dang/ gsung la dmigs pa'o/ /'di dag ni zhi gnas la 'jug pa'i yan lag go /ji ltar bsgom pa ni 'dir mi brjod de/ gzhung shin tu mang por 'gyur bas 'jigs pa'i phyir dang/ bla ma dam pas nyams su myong pa'i man ngag la brten par rigs kyi/ bsgom par bya ba'i man ngag ni yi ger gnas pas shes par dka' ba'i phyir dang/ zhib tu ni zhi gnas dang lhag mthong bstan pa las bshad pa'i phyir ro/ /zhi gnas kyi 'bras bu ni lhag mthong yin la/ lhag mthong gi 'bras bu ni zhi gnas dang lhag mthong zung du 'brel ba yin te/ de yang dngos po gang yang mi gnas pas dngos po med pa bye brag tu mthong la/ de nyid kyi tshe sems rtse gcig tu gyur pas dmigs pa du ma la rab tu rgyug pa rab tu zhi bar gnas pa'i phyir ro/ /de ltar zhi gnas dang lhag mthong zung du 'brel pa'i gnas skabs 'dir ye shes kyi dmigs pa gang yin pa dang/ ye shes nyid tshul ji ltar gnas pa dang/ rnal 'byor

  338. 169b

    spyod pa pa'i zhi gnas dang lhag mthong/ bdag cag dbu ma pa'i zhi gnas dang lhag mthong zung du 'brel pa la khyad par ci yod pa dag la bdag gi blo rab tu 'phro bar bzod mod kyi/ 'dir nyams su blang ba'i thabs tsam gsal bar byed par 'dod kyi/ grub pa'i mdza' gtan la 'bebs par 'dod pa ni ma yin pa dang/ 'phags pa nA gA rdzu na la sogs pas gsal bar mdzad pa las cung zad kyang smrar med pa'i phyir gyi cher ma spros so/ /da ni gzhan 'di brjod par bya ste/ ci mtshan ma dang bcas pa'i zhi gnas mdun du ma byas par lhag mthong skye ba rung ba yin nam zhe na/ de ni rung ba nyid de/ mtshan ma med pa'i zhi gnas so sor rtog pa'i shes rab nyid las mtshan ma med pa'i lhag mthong rnam par mi rtog pa'i ye shes 'byung ste/ de ltar yang 'phags pa 'od srungs kyis zhus pa las/ shing gnyis drud pa las ni me 'byung ste/ /byung ba de yis de nyid sreg pa ltar/ /de bzhin shes rab dbang po skyes nas kyang/ /skyes pa de yis de nyid sreg par byed/ /ces gsungs so/ /so sor rtog pa'i shes rab ni zhi gnas ma yin te/ rnam pa du mas dmigs so zhe na/ de lta na ni zhi gnas kyang zhi gnas ma yin te/ skad cig ma du ma dang cha shas du ma la dmigs pa'i phyir ro/ /gzhan yang zhi gnas las lhag mthong la 'jug pa na yang ji ltar so sor rtog pa'i shes rab kyis mtshams sbyor bar mi byed/ de mi byed pa ni 'ga' zhig tu zad do/ /de la 'di'i rim pa yang lus kho na la brtags pas 'grub pa ste/ 'phags pa nA gA rdzu na'i zhal snga nas 'jig rten rnam par rtog las byung/ /rnam par rtog pa sems las byung/ /sems kyang lus las byung bas na/ /de phyir lus la dpyad par bya/ /zhes bshad la/ 'phags pa

  339. 170a

    nA gA rdzu na'i zhal snga nas kyang bshad pa/ lus med rnam par shes pa ni/ /med ces bya bar rtogs par gyis/ /zhes bshad cing/ mdo las kyang/ rnam par shes pa ni lus las mi 'da' o/ /zhes gsungs so/ /de bas na chos thams cad sems la bsdu ba dang/ sems lus la bsdu ba dang/ lus chos kyi dbyings su nye bar rnal 'byor du bya ba 'di ni man ngag go /yang na lus dang ngag dang sems tha dad pa la dmigs par bya ste/ 'di'i man ngag ni sangs rgyas rjes su dran pa las shes par bya'o/ /de bas na mtshan ma dang bcas pa'i zhi gnas la brten pa bas ni mtshan ma med pa'i zhi gnas la dmigs nas lhag mthong bskyed pa'i phyogs 'di bsngags te/ de'i gnas pa brtan pa dang/ zhi gnas 'ba' zhig gi nyon mongs pa rab tu gnon cing sel ba dang/ 'bras bu dang rjes su mthun pa'i rgyu yin pa'i phyir ro/ /'dir ni bdag gis bla ma'i man ngag las byung 'di bris pas/ /nye bar 'phel ba'i dge ba'i zla zer dri ma med pa des/ /'gro ba'i mi shes rab rib mun bsal gdung ba zhi bya ste/ /shes rab mig gis de bzhin nyid yul rab bsal thob par shog /bdag kyang rnam par g.yeng sogs rlung sogs rab zhi mun bsal nas/ /myur du thub dbang rnams dang spyod yul gcig la blta bar shog /ting nge 'dzin gyi tshogs kyi le'u zhes bya ba/ slob dpon byang chub bzang pos mdzad pa rdzogs so// //rgya gar gyi mkhan po bi nA ya tsan+d+ra las zhus te/ bod kyi lo tsA ba dge slong chos kyi shes rab kyis bsgyur cing zhus te gtan la phab pa'o// //rgya gar skad du/ sa mA d+hi saM b+hA ra pa ri barta nA ma/ bod skad du/ ting nge 'dzin gyi tshogs kyi le'u zhes bya ba/ sangs rgyas dang byang chub sems dpa' thams

  340. 170b

    cad la phyag 'tshal lo/ /dang por mi lus rin po che chung mi gsan cing mi'i lus thob pa don yod par 'dod pa'i gang zag gis thog mar sngon du 'gro ba'i yan lag bdun dang ldan par bya ste/ gzhi dad pa dang ldan pa dang/ rkyen dge ba'i bshes gnyen bsten cing de'i yon tan len pa dang/ gus pa dang ldan pa dang/ yid ches shing the tshom mi za ba dang/ brtson 'grus dang ldan pa dang/ thams cad la yid skyo ba med pa dang/ thams cad du nga rgyal spang ba ste/ de dag ni sngon du 'gro ba'i yan lag rnam pa bdun no/ /dus dang rnam pa thams cad du gzhan gyi skyon la mi brtag cing nyes pa mi brjod pa dang/ rang gi yon tan la rlom sems mi bskyed pa dang/ ngo tsha shes pa dang khrel yod pa sngon du 'gro bas rang bsrung ba dang/ sdom pa rnam pa gsum la nan tan du spyad pa dang/ ngor dga' dang gsar 'grogs dang mtho lta spangs te rtag tu zungs thub par gnas pa dang/ yul dang dus dang gnas skabs kyis gzhan gyi rgyud tshod shes pa'i sgo nas spyad par bya ba dang/ gzhan la brnyas pa spang zhing khyad kyis mi bsad par bya ste/ de dag ni 'jig rten gyi kha na ma tho bas ma gos shing ya rabs kyi tshul mi nyams pa'i yan lag rnam pa bdun no/ rtag tu 'dod pa chung zhing chog shes pa dang zhen pa dang chags pa che zhing 'dzin pa che ba spang ba dang/ le lo dang snyom las spang ba dang/ ha cang yang thal bar 'gyur ba yang shes par bya ba dang/ don chen por mi 'gyur ba'i gtam dang bya ba la sogs pa spang zhing mi 'jug pa dang/ tshul bzhin ma yin pa yid la byed pa spang ba dang/ gang gi gnyen por 'gro ba bsnyen cing shes par bya ba ste/ de dag ni bar chad spang ba'i yan lag rnam pa bdun no/ /mi'i lus thob pa dang sangs rgyas kyi chos spyod cing sgrub pa ni dkon no snyam pa dang/ de lta bu sgrub pa ni chen po dang ldan pa

  341. 171a

    yin no snyam pa dang/ 'jig rten gyi bya ba byed pa rnams ni nges par don med par shes par bya ba dang/ gzhan gyi sdug bsngal rang gi gnyen por bsten par shes par bya ba dang/ nga ni rtag tu bdud kyi spar ba na 'dug ste myur du 'chi'o zhes rgyun tu bsam pa dang/ bsags pa thams cad ni nges par lus par shes par bya ba dang/ rang gi gnyer ma dang skra dkar la sogs pa la rtag tu brtag cing skyo bar bya ste/ de dag ni rang la rang gi gzhen bskul gdab pa'i yan lag rnam pa bdun no/ /sangs rgyas kyi ye shes ni zab cing rgya che/ bka' dang mdo sde ni grangs mang/ bdag ni blo ngan zhing rmongs la le lo che bas thams cad brjod cing shes par mi nus te/ bdag nyid tshe zad par 'gyur du 'ong snyam pa dang/ sgra dang yi ge'i rjes su 'brangs pa'i bshad pa'i shes pa 'di dag gis gzhan thul ba 'am/ phan thogs pa ma yin te mi rnams ni shin tu mgu dka' bar bsam pa dang/ rang dang gzhan gyi grub pa'i mdza' la chags sdang rnam pa gnyis spangs te skur pa mi gdab pa dang/ spun zla dang nye du dang mdza' bshes la sogs pa rnams ni/ nges par 'gron po lam gyis dub ba dang 'dra bar bas pa dang/ 'jig rten gyi rnyed pa dang bkur sti dang bstod pa dang smad pa las sogs pa 'di dag ni nges par bslu ba nyid yin par shes par bya ba dang/ 'jig rten gyi rnyed pa dang 'dod pa dang sred pa dang khe dang grags pa dang nga rgyal dang/ rlom sems la sogs pa 'di dag nges par me dang dug dang mtshon chen po dang 'dra bar shes bar bya ba dang/ phyi dang nang gi dngos po 'di dag la sgyu ma 'am/ rmi lam lta bur rgyun du dpyad par bya ba ste/ de dag ni gdung ba bcad pa'i yan lag rnam pa bdun no/ /'du 'dzi la dga' ba spang zhing dben par gnas par bya ba dang/ der yang rang

  342. 171b

    gzhung ji lta ba bzhin du lha mnyes par bya ba dang/ lha nye bar bya ba dang/ lha mngon du bya ba rnam pa gsum la brtson zhing 'bad rtsol drag tu bya ba dang/ der yang re ba dang dogs pa dang 'dod pa dang 'jigs pa spangs te gnas par bya ba dang/ snying rje chen po dang ldan pa dang/ sems dpa' zhing brtul phod pa'i sgo nas blang dor med pa ngas sgrub 'di'i sgo nas 'dod pa'i don ma grub pa'i bar du lus dang srog gi phyir yang mi btang ngo zhes dam bcas pa sgrub pa dang/ der yang rmi lam la sogs brtags dang mtshan ma ci byung yang dga' ba dang mi dga' ba mi bya zhing gzhan la mi smra ba dang/ der yang lha'i rmi lam dang rtags la sogs pa ni gdams ngag las shes par bya zhing/ khyad kyis mi bsad pa ste/ de dag ni skyes bu'i don myur du 'grub cing mngon du 'gyur ba'i yan lag rnam pa bdun no/ /de lta bu'i gang zag gi lus ni shin tu dkon zhing bces pas na lus bsrung bar bya ste/ gos dang zas dang sman la sogs pas ji ltar mthun par spyad pa dang/ mi dang mi ma yin pa'i gnod pa bsrung ba dang/ gnas mthun zhing bde zhing gnod pa med pa la gnas pa dang/ lus sems ngal zhing dub pa'i las dang/ bya ba mi bya ba dang/ nam phyed dang nyi ma phyed pa dang/ zas 'ju ba'i dus dang lus la nad khams skyes pa'i dus su dmigs pa la 'bad rtsol mi bya ba dang/ lus dang sems ngal zhing dub pa'i dus su skyo ba bsang zhing dmigs pa bsor ba ni man ngag las shes par bya ba dang/ rtag tu spyod lam gyis lus mnyam par bzhag pa ste/ de dag ni lus bsrungs shing gnod pa bsal ba'i yan lag rnam pa bdun no/ /de ltar gnas pas skyo zhing dge ba las g.yel ba dang/ bya ba dang byed pa'i rnam rtog byung rna rang gis rang la lcag brdab cing gnyen po bskyed par bya'o/ /lus la gnod pa glo bur ba byung ba dang shes pa'i bye brag

  343. 172a

    mi 'dra ba byung na rang gi nyams dang man ngag gis bcos par bya zhing/ yang na mkhas pa gzhan la yang dri bar bya'o/ /rgyal po'i bka' rang rang la nus pa yod pa dang/ gzhan gyi don mthong na phrin las rnam pa bzhin ni rdo rje gtsug tor gyi rgyud dang man ngag las shes par bya'o/ /nyon mongs pa mi 'dra ba dang/ sems can gyi rnam rtog mi 'dra ba rnams la/ gnyen po mi 'dra ba rnams ni mdo sde rgya bo che rnams las shes par bya ste/ de dag kha 'phangs pa 'am kha skong gi yan lag rnam pa bzhi'o/ /ting nge 'dzin gyi tshogs kyi le'u slob dpon nag po zhabs kyis mdzad pa rdzogs so// //rgya gar gyi mkhan po kriSh+Na pa de nyid dang/ zhu chen gyi lo tsA ba dge slong chos kyi shes rab kyis bsgyur cing zhus te gtan la phab pa'o// //thams cad sems can ched du spyad/ /kun la sgyu mar yid ches bya/ /rtag tu byang chub 'dod pas 'jug /sems kyi gang zin tshogs su 'gyur/ /e ma'o spyod pa rab 'byams kun/ /thabs kyis zin na lam du 'gyur/ /don du mi 'gyur gang yang med/ /rang sems shes na bden pa mthong// //rgya gar skad du/ d+harma Sha d+d+hyA nodbya bas+thA na/ bod skad du/ bsam brtan gyi chos drug rnam par bzhag pa/ 'jam dpal gzhon nur gyur pa la phyag 'tshal lo/ /ser skya mo dang chu skyar sprul/ /nags na ri dags tshol ba dang/ /mda' mkhan dang ni gzhon nu ma/ /'di drug nga yi slob dpon yin/ /re ba stobs ldan nyon mongs te/ /re ba med pa bde ba'i mchog /re ba re ba med byed pa/ /bde bar gnyid log ser skya mo/ /zang zing phyir ni rtsod 'gyur te/ /zang zing med la rtsod pa med/ /zang zing yongs su spangs pa las/ /chu skyar bde ba 'phel bar 'gyur/ /khyim gyi rtsol ba sdug bsngal te/ /nam yang bde bar 'gyur ma yin/ /sprul

  344. 172b

    gyis gzhan gyi gnas mthong na/ /zhugs dang bde ba 'phel bar 'gyur/ /rdon pa nags su song gyur te/ /ri dags tshol ba rtsom pa na/ /tshe ba thams cad spangs nas ni/ /de nyid du ni gnas bcas gyur/ /'dir ni rgyal po'i yan lag bzhi'i/ /dpung tshogs chen pos bskor ba dag /dmigs pa yun ring gtod pas na/ /mda' mkhan gyis ni mi mthong bzhin/ /mang po rtag tu 'thab gyur te/ /gnyis po dag kyang 'gran zlar gyur/ /gzhon nu ma yi gdu bu bzhin/ /gcig pu rnam par rgyu bar bya/ /re ba zang zing khyim spangs dang/ /de bzhin gzhan yang nags gnas dang/ /dmigs pa brtan dang gcig pu nyid/ /bdag gi bla ma la 'di rnyed/ /bsam gtan gyi chos drug rnam par bzhag pa slob dpon chen po a ba d+hu ti bas mdzad pa rdzogs so// // rgya gar skad du/ d+harma Shad+d+hya nodbya bas+thA na prit+ti/ bod skad du/ bsam gtan chos drug rnam par bzhag pa'i 'brel pa/ 'jam dpal gzhon nur gyur pa la phyag 'tshal lo/ /bsam gtan dag la gus btud de/ /chos drug po yi 'brel pa bya/ /de la bsam gtan chos drug ni/ /sdom dang rgyas par bshad pa'o/ /de la sdom ni/ ser skye mo dang chu skyar sprul zhes pa nas/ 'di drug nga yi slob dpon yin/ zhes pa'i bar du'o/ /da ni rgyas par bshad pa ni de yang dpe drug gis ston pa las/ dang po re ba spangs par ston pa ni/ /re ba stobs ldan nyon mongs te/ /zhes bya ba la sogs pa yin no/ /ser skya mo zhes bya ba ni bud med smad 'tshong ma zhig skyes pa dang dus btab pa las/ mtshan gyi stod ni skyes pa 'ong du re ba las yid sdug bsngal bar ??/ /mtshan gyi smad ni skyes ba mi 'ong bar re thag chod pas sems bde bar gnyid kyis log pa de bzhin du/ 'dod pa'i longs spyod sngar ma thob pa'i yul rnams thob par re ba'i skyes bu stobs dang ldan pa rnams kyang

  345. 173a

    sdug bsngal bar 'gyur na/ stobs chung ba rnams lta smos kyang ci dgos te/ de bas na 'dod pa'i yon tan ma thob pa la re ba mi byed pa ni bde ba'i mchog yin te/ de la sdug bsngal gyis gdung bar mi byed do/ /de ni zang zing spang par bya ba ston pa ni/ zang zing phyir ni rtsod 'gyur te/ /zhes bya ba las sogs pa smos te/ dper na chu sgyur zhig gis nya gcig bzung ba dang/ ji srid nya de ma bor gyi bar du chu sgyur gzhan gyis bsnyags te rtsod par gyur nas/ nya de bor ma thag rtsod pa med de bde bar gnas par gyur pa de bzhin du/ zang zing gi longs spyod ci tsam yod pa de tsam du 'thab cing rtsod pa'i sdug bsngal bar 'gyur la/ zang zing gi longs spyod kun spangs te/ med pa la ni sdug bsngal gyi gdung ba med cing bde ba 'thob pa yin no/ /da ni khyim spang bar bya ba ston te/ khyim gyi rtsom pa sdug bsngal te zhes bya ba la sogs pa smos te/ dper na sbrul zhig rang gi tshang na gnas pa las sprul gyi phru gu mang pos gces pas ma bzod de tshang de nas byung nas phug gzhan zhig tu zhugs pas bde ba thob par gyur pa de bzhin du/ khyim gyi gnas na so nam la sogs pa'i las ni shin tu yang dka' zhing sdug bsngal te skad cig tsam gyi bde ba yang med la/ nam zhig khyim spangs par gyur pa na sdug bsngal med de bde bar gyur pa yin no/ /spang bar bya ba gsum bshad zin to/ /da ni dang du blang ba gsum las dgon par gnas pa dang du blang ba ston te/ rngon pa gnas su song gyur te/ /zhes bya ba la sogs pa smos te/ dper na rngon pa zhig gi dus rtag tu gnas su rgyu zhing ri dags tshol du song ba dang/ khyim gyi las sdug bsngal bar rig cing dgon pa'i gnas bde ba'i yon tan mthong nas gsod pa'i las spangs te dgon pa'i gnas de nyid du gnas

  346. 173b

    nas bde bar gyur pa de bzhin du/ gang zhig khyim spangs te lam btsal bar bya ba'i phyir dgon par gnas nas lus dang sems mchog tu las su rung bar 'gyur ba yin no/ /da ni dmigs pa yun ring du gnas par bya ba dang du blang ba ston te/ 'dir ni rgyal po'i yan lag bzhi'i/ zhes bya ba la sogs pa smos te/ dper na mnga' mkhan zhig mnga' bya ba'i phyir smyug ma srong ba la yid gtad pa na/ rgyal po chen po zhig gi 'khor rta dang glang po che dang shing rta dang dpung bu chung gi tshogs bzhis bskor te mang po 'gro ba'i bun long nges ma mthong ma thos pa de bzhin du/ dgon pa'i gnas dben par zhi gnas kyi sems rtse gcig pa la rgyun du blo gtad pa rnams la yul rnams kyi sems mi 'phrogs par 'gyur ba yin no/ /da ni gcig pu 'dug pa dang du blang ba ston te/ mang po rtag tu 'thab 'gyur te/ zhes bya ba la sogs pa smos te/ dper na bud med gzhon nu ma zhig tsan dan bdar ba na/ lag pa'i gdu bu mang po 'khrol ba ma bde nas rim gyis phyung ste/ gdu bu gnyis zhig bzhag pa las de yang 'thab nas ma bde ste/ gcig bzhag pa las bde bar gyur pa de bzhin du/ dgon pa'i gnas der yang grogs mang po dang rtsod par 'gyur zhing/ gnyis kyang nyon mongs pa'i yul du 'gyur bas gcig pu 'dug pa bsngags pa yin no zhes bya ba'i tha tshig go /de ltar dang du blang ba gsum yang bshad zin to/ /de ltar sdom dang rgyas par bstan nas/ da ni bsdu ba'i sgo nas bstan te/ tshig rkang gcig gis ni spang bar bya ba ston te/ de yang gang zhe na/ re ba zang zing khyim spangs dang/ zhes bya ba smos te/ yid la re ba spang ba dang/ zang zing gi dngos po spang pa dang/ khyim la chags pa spang ba'o/ /tshig rkang pa gnyis kyis ni dang du blang pa bsdus te ston te/ gang zhe na/ de bzhin gzhan yang nags gnas dang/ /dmigs pa

  347. 174a

    brtan dang gcig pu nyid/ /ces smos te/ gnas dang du blang ba dang/ dmigs pa la sems rtse gcig tu bya ba dang du blang ba dang/ bdag nyid gcig pur 'dug pa dang du blang ba'o/ /da ni slob dpon a ba d+hu ti pa nyid kyis rang bzor byas pa ma yin pa ni tshig rkang gcig gis ston te/ gang zhe na/ bdag gis bla ma las 'di rnyed/ ces smos so/ /bdag gis zhes bya ba ni a ba d+hu ti bas so/ /bla ma las bya ba ni sangs rgyas zhi ba las so/ /'di rnyed ces bya ba ni bsam gtan gyi chos drug po 'di'o/ /dngos su na bdag nyid kyi slob dpon sangs rgyas zhi ba las bsam gtan gyi chos drug po 'di rnyed ces bya ba'i tha tshig go /chos drug 'grel ba gsal byas pas/ /sems can dug gsum gyis gdungs pa/ /ting 'dzin bdud rtsi 'thungs gyur nas/ /thams cad mkhyen pa myur thob shog /bsam gtan gyi chos drug rnam par gzhag pa'i 'grel pa slob dpon dA na shI las mdzad pa rdzogs so// //rgya gar gyi mkhan po d+harma sh+rI b+ha drA dang/ zhus chen gyi lo tsA ba dge slong rin chen bzang pos bsgyur cing zhus te gtan la phab pa'o// //ting 'dzin gyi mi mthun pa'i phyogs rnam par bzhag pa/ sangs rgyas dang byang chub sems dpa' thams cad la phyag 'tshal lo/ /de nas bcom ldan 'das kyis tshangs pa chen po la bka' stsal pa/ gnas pa dang spyad par mi bya ba'i chos rnam pa bcu yod de/ gal te rnal 'byor can dge sbyong ba ngan pa 'di las 'ga' tsam gyi rjes su zhus na yang 'dod pa'i khams kyi dge ba'i rtsa ba tsam yongs su mi 'grub bo/ /ci ste sngags grub na yang de ma thag tu phyir rtogs shing nyams par 'gyur na/ gzugs dang gzugs med pa'i ting nge 'dzin dang/ theg pa gsum dang/ theg pa gcig gi bar du thob par 'gyur ba lta

  348. 174b

    ci smos/ bcu gang zhe na/ 'di lta ste/ 'jig rten kha cig ni bsgom 'dod kyang 'tsho ba'i yo byad kyis brel bas tshol ba'i rkyen gyis nyon mongs pa dang/ kha cig ni ting nge 'dzin bsgom 'dod kyang tshul khrims nyams shing kha na ma tho ba mang po byed pa dang/ kha cig ni ting nge 'dzin bsgom 'dod kyang phyin ci log tu lta zhing 'jig rten gyi ltas bzang ngan la chags te lus dang sems ma dul ba dang/ kha cig ni ting nge 'dzin bsgom 'dod kyang sems g.yo zhing rgod pas 'phags pa la mi gzhol te dbang po rgod pa dang/ kha cig ni ting nge 'dzin bsgom 'dod kyang phra ma med pa la dga' bas dbyen byed pa dang/ kha cig ni ting nge 'dzin bsgom 'dod kyang ngag rtsub pos 'phags pa la smod cing dbang za ba dang/ kha cig ni ting nge 'dzin ni bsgom 'dod kyang tshig 'khyal pa dang brdzun du smra ba dang/ kha cig ni ting nge 'dzin ni bsgom 'dod kyang 'dod chags phrag dog gis gzhan gyi khe dang bsti stang dang rnyed pa la dga' ba dang/ kha cig ni ting nge 'dzin ni bsgom 'dod kyang zhe sdang dang bcas pas sems la gnod sems bskyed pa dang/ kha cig ni ting nge 'dzin ni bsgom 'dod kyang log par lta ba dang bcas pas rgyu dang 'bras bu med par lta ba'o/ /tshangs pa chen po de ltar shes par bya ste/ 'di dag ni gnas pa dang spyad par mi bya ba'i chos rnam pa bcu zhes bya'o/ /gal te ting nge 'dzin ni bsgom pa dag spyod pa ngan pa 'di dag las 'ga' tsam gyi rjes su zhugs na/ 'dod pa'i khams kyi dge ba yang yongs su mi 'grub po/ /ci ste sngags grub na yang de ma thag tu stor zhing nyams par 'gyur na gzugs dang gzugs med pa'i ting nge 'dzin dang/ theg pa gsum dang/ theg pa gcig thob par 'gyur ba lta ci smos/ tshangs pa chen po gzhan yang gnas pa dang bcas par mi bya ba'i chos bcu yod de/ ting nge 'dzin

  349. 175a

    ni bsgom pa dang spyod pa ngan pa 'di dag las 'ga' zhig dang ldan na ting nge 'dzin yongs su mi 'grub po/ /ci ste sngar grub na yang de ma thag tu stor cing nyams par 'gyur ro/ /bcu gang zhe na/ 'di lta ste/ las su bya ba'i dngos po la dga' zhing chags pa dang/ bre mo'i gtam la dga' zhing chags pa dang/ gnyid kyis log pa la dga' zhing chags pa dang/ zang zing tshol ba la dga' zhing chags pa dang/ gzugs bzang po la dga' zhing chags pa dang/ sgra snyan pa la dga' zhing chags pa dang/ dri zhim po la dga' zhing chags pa dang/ ro zhim po la dga' zhing chags pa dang/ reg bya 'jam po la dga' zhing chags pa dang/ rtog pa dang spyod pa la dga' zhing chags pa'o/ /tshangs pa chen po de ltar shes par bya ste/ gnas pa dang spyad par mi bya ba'i chos rnam pa bcu po ste ting nge 'dzin ni bsgom pa dag spyod pa ngan pa 'di las 'ga' zhig dang ldan na yang ting nge 'dzin ni yongs su mi 'grub po/ /ci ste sngar grub na yang de ma thag tu stor cing nyams par 'gyur ro/ /gal te ting nge 'dzin ni de ma bsgrubs na dge ba'i tshogs ci bsags kyang bde ba'i don du mi 'gyur te/ gang dag bdag gis longs spyod dang dad pas sbyin pa bsgrub pa'i phyir sems dang sems las byung ba'i chos ngan pa skye bar 'gyur ro/ /de'i rkyen gyis rgyal po dang blon po chen po'i khrims dang yang 'gal bar byed do/ /kha cig la yang gshe zhing spyo ba yang byed do/ /kha cig la ni lcag gis gzhu ba dang/ kha cig la ni lus kyi yan lag dang nyid lag gcod cing srog gcod par byed do/ /de'i rgyu de'i rkyen gyis nad drag pos 'debs shing yun ring por sdug bsngal myong ba dang/ tshe thung ba dang/ 'chi 'phos nas kyang ngan song gsum gang

  350. 175b

    yang rung ba zhig gi nang du skye gnas/ mtshams med pa'i sems can dmyal ba'i bar du ltung bar 'gyur ro/ /a TA ka dang/ a ra da ka dang/ lha min la sogs pa dang 'dra bar bsam gtan las nyams nas/ mtshams med pa'i sems can dmyal ba'i bar du ltung zhing rnam pa tshad med pa snyed kyi sdug bsngal chen po mi bzod pa kun myong bar 'gyur ro/ /de'i tshe bcom ldan 'das kyis tshe dang ldan pa cang shes ko'u di n+ya la 'di skad ces bka' stsal to/ /khyod pas mthar gnas shing ting nge 'dzin ni bsgom pa'i dge slong dag gnas khang mchog dag na gnas shing/ mal cha mchog dang/ kha zas mchog la spyod cing dge 'dun gyi las thams cad mi byed par gnang ngo/ /ci'i phyir zhe na/ ting nge 'dzin bsgom pa dag gal te 'tsho ba'i yo byad kyis brel bar gyur na/ sems dang sems las byung ba'i chos ngan pa skye zhing ting nge 'dzin thams cad mi 'grub pa nas/ mtshams med pa'i sems can dmyal ba'i bar du ltung zhing mi bzad pa'i sdug bsngal rin po rnam pa tshad med pa sted myong bar 'gyur ro/ /ting nge 'dzin bsgom pa dag gal te 'tsho ba'i yo byad dang ldan na/ ting nge 'dzin ma grub pa yang 'grub pa dang/ sngar grub pa dag kyang mi nyams so/ /de'i dbang gis mi dge ba'i chos thams cad mi skye ba nas gzhung de nyid du rgyas par mi dge ba'i rdog pa dang dpyod pa'i bar du mi skye la/ mtho ris kyi lhar skye ba nas/ mya ngan las 'das pa'i bar du thob par 'gyur ro/ /ting nge 'dzin ni bsgom pa dag gal te ting nge 'dzin ni ma grub na nam gyi stod dang/ nam gyi smad la mi nyal bar bya ste brtson 'grus su bslab cing bsgom pa dang/ 'du 'ji yongs su spangs te 'dod pa nyung zhing chog shes par bya ba dang/ ci la yang mi chags pa dang/ 'dod chags

  351. 176a

    dang/ zhe sdang dang/ khong khro dang/ 'chab pa dang/ 'khrugs pa dang/ 'tshe ba dang/ nga rgyal dang/ rgyags pa dang/ phra dog dang/ 'jungs pa dang/ phra ma dang/ ngag rtsub po dang/ brdzun dang/ 'jig rten gyi rtsod pa dang/ bag med thams cad yongs su spang ngo/ /gang de ltar nan tan byed pa de ni brgya byin dang/ tshangs pa dang/ 'jig rten skyong ba bzhi dang/ 'khor los sgyur ba'i rgyal po la sogs pas bstod pa dang/ bsngags pa dang/ phyag dang/ bsti stang dang/ rim gro dang/ bsnyen bkur la sogs pa dang/ sbyin pa bye ba khrag khrig brgya stong snyed kyang blang bar bya na/ rgyal rigs dang/ bram ze dang/ rje'u'i rigs la sogs pa'i mchod pa len pa lta ci smos/ ting nge 'dzin ma thob pa dag kyang de dag gis bstod pa dang/ bsngags pa dang/ phyag dang/ bkur sti dang/ rim gro dang/ bsnyen bkur dang/ sbyin pa dang/ mchod pa bdag gir byed du dbang na/ ting nge 'dzin ni thob pa lta smos kyang ci dgos/ de nas bcom ldan 'das kyis tshigs su bcad de bka' stsal pa/ ting 'dzin bsgoms pas the tsom gcod 'gyur te/ de ma gtogs pa gzhan gyis nus pa yin/ /de las ting 'dzin bsgom pa mchog yin gyis/ /mkhas pa dag gis de la mchod par bya/ /shin tu rgyas pa chen po sa'i snying po 'khor lo bcu pa'i mdo las 'byung ba gnas pa dang spyad par mi bya ba ste/ ting nge 'dzin gyi mi mthun pa'i phyogs rnam par bzhag pa rdzogs so// //rgya gar gyi mkhan po hA shang zab mo la sogs pa dang/ zhu chen gyi lo tsA ba bande rnam par mi rtog pas bsgyur cing zhus te gtan la phab pa'o// //rnal 'byor pa'i rtog pa'i bgegs sel ba zhes bya ba/ rje btsun bla ma rnams dang/ dpal rdo rje sems dpa' la phyag 'tshal lo/ /ci phyir gang gis gang la gang ltar

  352. 176b

    bsgom/ /rtags dang yon tan bar chad bgegs skyon bsal/ /de dag shes nas gom pas byang chub 'thob/ /ma thos ma shes mi 'grub yang na 'gyangs/ /dang po ci'i phyir bsgong pa gzung 'dzin gnyis/ /ma spangs ji bzhin ma bsgom rnal 'byor bas/ / phyag 'tshal mchong bshags sbyin pa mang byas kyang/ /bsod nams 'phel yang ye shes rdzogs mi 'gyur/ /gnyis pa gang gis rnal 'byor dang ldan pa/ /thos mang brtson zhing dam tshig sdom gnas shing/ /mchod dang sbyin mos byang chub sems ldan pas/ /de ni theg chen gsang pa'i snod yin bsgom/ /gsum pa gang la zhen rang gi sems/ /ji bzhin ma bcos ye nas rnam dag cing/ /spros bral yod med rtag chad mdza' spangs pa/ /de la g.yeng ba med par rtag tu gnas/ /bzhi pa gang ltar bsgom ba bsgom bya dang/ /sgom pa gnyis med rang gi ngo bo la/ /ci yang med la cir lang snang gsal bar/ /bying rmugs spros pa'i rtogs pa med par bsgom/ /lnga pa de rtag rnal 'byor brtson ldan la/ /dang po gnyid dang 'dod sred chung bar 'gyur/ /de nas rim gyis rmi lam 'dod la sogs/ /rtog pa ji bzhin cho 'phrul gzugs kyang ston/ /drug pa de yi yon tan bsam brjod pa/ /mngon sum tshe ring nad rnams gso ba dang/ /bgegs sel la sogs yon tan mang po 'byung/ /de bzhin rim gyis byang chub lam la 'jug /bdun pa bar chad bgegs ni rnal 'byor pa/ /gnas spangs gnas tshol gzhan du 'gro 'dod na/ /gnod sbyin gzhan dang gzhan du 'gro 'dod de/ /rnal 'byor sems la zhugs nas gnas gzhan 'phen/ /gal te rnal 'byor bsgom zhing gnas bzung bas/ /smra bcad par skabs nang du gzhan 'jug dang/ /phyir byung khe grags 'dod brkam zas nor tshol/ /yi dags 'dod sred can gdon de sems zhugs/ /gal te rnal 'byor sems 'khrugs 'thab 'dod cing/ /'khor la gshe dang

  353. 177a

    gzhan la spyod byed na/ /'byung po'i bdag po ya ba sho na ba/ /sgrub po de yi snying la zhugs pa yin/ /gal te rnal 'byor 'phres shing nyal la dga' / /zas skom sred cing bzlas la mi rtson na/ /lto 'phye nyal brtson snyom byed ces bya ba/ /rnal 'byor sems la zhugs nas gnas par byed/ /gal te rnal 'byor rang gi longs spyod rkyen/ /yo byad srung phyir so 'dzugs srungs ma bsko/ /gsog phyir 'dod tshol gzhan du gtong 'dod na/ /gnod sbyin nor srungs zhes bya sems la zhugs/ /gal te rnal 'byor pha ma spun tshogs la/ /chags nas smon lam rim gros srung byed na/ /lhan cig skyes pa'i bag chags ma byang bas/ /nyon mongs mi spongs byang chub ring bar 'gyur/ /gal te rnal 'byor gza' skar 'jug phod dang/ /dus dang lo zla bzang rtsi byed na/ /dbyer med mnyam pa nyid dang 'gal bas na/ /byang chub thob pa rab tu dka' bar 'gyur/ /gal te rnal 'byor thos mang rtogs che zhing/ /bsgom brtson bsnyems pas bdag bstod gzhan smod na/ /nyon mongs mi spongs nga rgyal 'phel 'gyur bas/ /phyir yang lhung zhing byang chub ring bar 'gyur/ /gal te rnal 'byor bdag la gzhan dag gis/ /sngon dang da ltar ma 'ongs gnod byed ces/ /zhe sdang skyes nas rig sngags gsod gtong na/ /zhe sdang dbang gis byang chub ring par 'gyur gal te bdag la gzhan gyis mchod bkur zhing/ /bsngags pa mang brjod bstod la sems dga' na/ /'gro la phyogs char gyur te chags sems kyis/ /byang chub lam la 'dis kyang ring bar 'gyur/ /gal te rnal 'byor 'khor mang 'du long dag /rgyal po lta bur mang po bsten na ni/ /khong grags yin pas sgom pa g.yeng ba'i rgyu/ /byang chub lam las shin tu ring bar 'gyur/ /brgyad pa skyon bsal thabs ni rnal 'byor pa/ /sems la bar chad mtshan ma de byung na/ /'di ltar bsam

  354. 177b

    nas rnam rtog bsal bar bya/ /chas su ci snang sems las gzhan med cing/ /sems kyi rang bzhin chos nyid ngo bo la/ /bzang ngan spong len 'dod sred byams sdang sogs/ /rtog dang rtog pa'i dbang gis bgegs byung na/ /sems la bltas na gang yang mi snang bas/ /snang med sems rtogs mtshan ma ga la yod/ /bdag rtogs mtshan mar sems la gzugs nyes pas/ /rtog pa thams cad spangs shing rtogs med gnas/ /rtogs pa med pa la yang gnas pa med/ /de ltar ring du gnas na rtog bgegs ni// myur bas zhi gnas ji bzhin bsgom ba la/ /bar chad sems kyi rtog ba 'byung mi 'gyur/ /byang chub 'bras bu myur du thob par 'gyur/ /rnal 'byor pa'i rtog pa'i bgegs sel ba zhes bya ba/ dngos grub brnyes pa'i slob dpon mkhas pa chen po sangs rgyas gsang ba'i zhal snga nas mdzad pa rdzogs so// //'di ni gsang sngags yo ga'i rnal 'byor gyi rgyud la brten nas bshad pa 'dra'o// //sngon gyi lo tsA ba chen po rnams kyis bsgyur ba ste 'gyur rnying lags skad do/ /de ltar ting nge 'dzin bsgom pa'i rnal 'byor pas thog mar ting nge 'dzin gyi tshogs la gnas par bya ba rnams bshad zin to/ /de ni bsgom pa'i rim pa dngos kyi don rnal 'byor spyod pa dang/ dbu ma'i grub pa'i mdza' rnam pa gnyis la brten nas ston to// // rgya gar skad du/ yo ga lak+Sha Na sa tya/ bod skad du/ rnal 'byor gyi mtshan nyid kyi bden pa/ rje btsun sgrol ma la phyag 'tshal lo/ /phyogs bcu kun gyi sangs rgyas dang/ /chos dang dge 'dun tshags bcas la/ /thal sbyar gus pas phyag 'tshal nas/ /rnal 'byor bsgom pa'i man ngag 'di/ /rin chen sna tshogs bsdus pa ltar/ /rnal 'byor pa rnams grol ba'i phyir/ /mdor bsdus nas ni bshad par bya/ /nam gyi cha smad gnyid las sang/ /bdag ma gtogs pa'i sems can la/ /thog ma nyid du snying rje

  355. 178a

    bsgom/ /de nas bdag nyid la bltas nas/ /deng gi nyin zhag 'di la ni/ /slong ba'i sems can dag la ni/ /ji sred 'ongs kyang ser sna yi/ /dri mas ma gos nyid du bya/ /gal te bslab pa las 'gal ba'i/ /yid la rgyu ba phra mo yang// bsam pa nyid du mi bya na/ /ngag dang lus kyis smos ci dgos/ /bdag la de ring khro pa dang/ /rdeg pa la sogs 'byung bar shog /des kyang 'khrug pa mi bya zhing/ /le lo byung na shes bzhin gyis/ /mgo la me 'bar bzhin du dor/ /bdag gis 'gro 'am nyal 'dug rung/ spyod lam ji ltar gnas 'dug kyang/ /yid ni lha yi nga rgyal dang/ /skad cig tsam yang mi 'bral bar/ /rang nyid yin par rtag tu bsam/ /'khor ba mya ngan 'das pa yi/ /shes dang shes bya bdag gis ni/ /de ring nyid nas bdag gis brtag/ stod dang smad pa grags ma grags/ gzhan dag ji ltar zer yang ni/ /de nyid brag cha lta bu dang/ /'on pa lta bur bdag gis bya/ /chags pa'i gzugs sgra dri ro reg/ 'dod yon lnga la gang du yang/ /rnam shes 'phro ba'i yul byung yang/ /ngag tu ma thon bar du bzlog /gzugs su snang rnams sku yi yin/ /sgra rnams gsung du bdag nyid brtag /sems can byang chub rgyu yin phyir/ /de ye shes pa ye shes yin/ /sems can ji ltar mthong gyur kyang/ /de dag nyid la blos phyag bya// 'di dag nyid la brtan nas bdag/ sangs rgyas nyid du 'grub pas na/ /dge ba'i bshes gnyen dam pa yin/ /mang po tshogs par gyur pa na/ /ro dang dur khrod 'du shes bskyed/ /grong du 'jug par byed pa na/ /brtson ra khri mon 'du shes bskyed/ rgyal po'i pho brang 'gro ba na/ /ngan 'gro nad dang 'ching ba dang/ /g.yang sa chen po'i 'du shes bskyed/ /gal te bud med tshogs mthong na/ /mi gtsang rdzas ni sum cu dang/ /'khor ba'i lam 'dren yin par bsam/ /nye du pha ma bu tsha rnams//

  356. 178b

    de la chags sngar btang snyoms bsam/ /dgra rnams mthong na de dag gis/ /bzod rdzogs byang chub yin par bsam/ /bdag gis longs spyod rdzas la yang/ /'dir ni rtsod pa'i rgyu dang ni/ /phyi mar ngan 'gror 'khrid par bsam/ /bdag la bstod pa brjod na yang/ /'di ni nga rgyal 'phel byed pas/ /ngan 'gror 'khrid par byed pa yin/ /gal te smod pa byung na yang/ /'di la bzod bsgom byang chub yang/ /'dir ni rtsod pa'i rgyu dang ni/ /mtshan rnams rdzogs par rab tu bsam/ /gnas la zhan pa byung gyur na// rmi lam grong khyer ji bzhin du/ /rnal 'byor pa yis rab tu bsgom/ /bdag gis deng gi nyin zhag la/ /dag las bzlas brjod kha ton bya/ /bklag sogs bslab las mi 'gal bar/ /de ring bdag gis smra bar bya/ /lus kyi g.yo ba thams cad kyang/ /mchod dang bskor ba la sogs pa/ /ngal gso don yod nyid du bya/ /rnam rtog gnyen pos ma bsdams na/ /tshig tu brjod pas ci zhig 'grub/ /de bas rnam pa thams cad du/ /gnyen po'i dpung tshogs bskyed nas ni/ /nyon mongs rnams ni dpyis phyin bya/ /bza' btung zhim po za ba'i tshe/ /ro la zhen pa spang bya yin/ /mi gtsang rgyu las byung ba dang/ /tha mar mi gtsang 'gyur bar bsam/ /reg bya 'jam po tshor ba'i tshe/ /reg bya ji bzhin yin par bsam/ /'dir mang smos pas ci zhig dgos/ /gang du nyon mongs 'phel ba yi/ /khyim ba 'am rab byung gang yang rung/ /de dag rab tu spang bya zhing/ /nyon mongs rnam par mi 'phel ba'i/ /sgrub pa'i grogs mchog gang yang rung/ /de dag bsten pa mig ltar bya/ /bdag ni de ring nas brtsams te/ /byang chub snying por mchis par du/ /rtag tu rab tu byung ba dang/ /tshangs par spyod pa nyid du bya/ /nyin mtshan dus las mi yol bar/ /thun mtshams gsum du bsgom bar du/ /srog dang tsol ba bkag pa dang/ /rlung med pa yi mar me ltar/ /rtag tu spros bral bsgom

  357. 179a

    par bya/ /de nas ldang tshe nga rgyal gyis/ /mtshan dang dpe byad skur ldan pa'i/ /lha yi nga rgyal brtan por bsam/ /mtshan mo'i thun la bab pa'i tshe/ /bde gshegs ji ltar gzims pa ltar/ /'jig rten rtog spangs bdag nyid nyal mdor na chos rnams thams cad kun/ /rmi lam lta bur brtag par bya/ /rnal 'byor bsgom rnams gtsor bya yi/ /lus ngag dge ba gtsor mi bya/ /chos spyod rnam bcu la sogs pa/ /nyon mongs rtog pas ma g.yengs par/ /bsgrims nas bdag gis 'bad pas bsgrub/ /rtag tu 'chi bsams ma chags blos/ /dngos po ci la 'ang ma chags par/ /spyod lam ji ltar gnas kyang bsgom/ /bsod nams sems can kun la bsngo/ /byang chub bzang po bdag gis ni/ /rnal 'byor bsgom pa brtsams pa yi/ /dge ba zla zer dri med des/ /bdag dang 'gro ba ma lus pas/ /dpal ldan rdo rje 'chang 'grub shog /rnal 'byor gyi mtshan nyid bden pa mkhas pa chen po dpal byang chub bzang po'i zhal snga nas mdzad pa rdzogs so// // rgya gar skad du/ b+ha ba nA yo gA ba tA ra/ bod skad du/ rnal 'byor bsgom pa la 'jug pa/ /'jam dpal gzhon nur gyur pa la phyag 'tshal lo/ /gang gis sgrib pa mdza' dag ma lus par bsal te chos kyi sku thob par 'dod pa des/ 'di ltar byang chub tu sems bskyed pa dang/ /zhi gnas dang lhag mthong bsgom pa la 'bad ste/ de lta ma yin na rgyu med pa la sogs pa las 'bras bu chos kyi sku mi thob ste/ de'i phyir de rnams la 'bad par bya'o/ /de la sangs rgyas kyi chos thams cad 'thob pa'i gzhi ni byang chub tu sems bskyed pa yin te/ de bsod nams che bar/ byang chub sems kyi bsod nams gang/ /de la gal te gzugs mchis na/ /nam mkha' i khams ni kun gang ste/ /de ni de bas lhag

  358. 179b

    par 'gyur zhes so/ /de bas na byang chub tu sems bskyed dgos te/ /de la yang gnyis te/ kun rdzob dang/ don dam pa'o/ /de la kun rdzob ni tshad med pas sems can sdug bsngal las dgrol bar dam bcas te/ de dag la phan pa'i phyir bdag sangs rgyas su gyur cig snyam du dang po sems bskyed pa'o/ /de yang cho ga bzhin du gzhan las nod par bya'o/ /don dam pa byang chub kyi sems ni brjod du med pa/ dri ma med pa mdza' med pa/ spros pa med pa/ g.yo ba med pa/ snang ba dang/ mi snang ba thams cad dang bral ba'o/ /de nas ting nge 'dzin ni mdza' dag gi ngo bo nyid zhi gnas bsgrub par bya ste/ ji skad du/ gser gyi kha dog lta bu'i sku lus kyis/ /'jig rten mgon po kun tu mdzes pa ste/ /dmigs pa de la gang gi sems 'jog pa/ /byang chub sems dpa' mnyam par bzhag ces bya/ ces bya ba gsungs pa lta bu ste/ sangs rgyas kyi sku de ni gser btso ma dang 'dra bar ser ba/ mtshan dang dpe byad kyis brgyan pa/ 'od zer dang bcas pa de la 'dod pa bskyed de/ 'dun pa dang sems kyi gnod pa spangs te/ lus drang por bsrang la/ sku de lta bu lugs ma 'am ri mor bris pa mdun du bzhugs te rgyun tu yid la byas na/ de nyid dam gzhan yan lag la sogs pa nas rdzogs par mngon sum du mthong bar 'gyur ro/ /gang gi tshe dmigs par gyur pa'i tshe nyin mtshan phyad par ma yengs par bstan par bya'o/ /sems bying ba 'am rgod pa la sogs par gyur tam/ dogs na sangs rgyas kyi yon tan la 'dod pas spro bar bya ste/ de bzhin du nan tan bya'o/ /des 'grub par 'gyur ro// de nas shes rab mdza' dag gi ngo bo lhag mthong bsgrub par bya ste/ de yang thos pa mang du bya ste/ ji ltar zhe na/ lhag mthong ni thos pa dang/ bsam pa las byung ba'i lta ba rnam par dag pa'i rgyu las byung ba yin no zhes gsungs pa de lta

  359. 180a

    bas na/ sangs rgyas kyi chos ngas pa'i don dang drang ba'i don la gus pas mang du mnyan te bsam pas nges par yid ches pas the tshom med par bya'o/ /de lta ma yin na the tshom gyi dra bas bcings pa des ni lam kha brag gi mdor phyin pa'i 'gron po ltar gang du yang nges par mi shes te/ de bas na mang du thos par bya'o/ /de nas gnas mchog tu bsngags par bya ba ci yod pa thams cad byas la/ zas tshod zin pa dang rigs par zos nas/ gshang gci dor zhing mchil snabs dor la/ snying rje chen pos sems can ma lus pa byang chub la dgod do snyam du bsam la/ phyogs bcu dus gsum gyi sangs rgyas dang byang chub sems dpa' rnams la sgo gsum gyis phyag byas te/ bde ba'i stan la glod nas 'dug nas/ dbugs dang sdam pa med par byas la/ gos ran par bya ste/ lus mi skye mi sgu ba dang/ mig zam zim du byas nas/ so dang mchu dang lce yang tha mal par byas pa 'am/ yang na spyod lam ji ltar gnas kyang rung ste/ sangs rgyas dang byang chub sems dpa' rnams mdun du bzhugs par dmigs te/ de dag la mchod pa dang bstod pa la sogs pa ci nus su bya'o/ /de nas gong gi sku de nyid shin tu gsal bar dran pa nang du bzhag nas dmigs so/ /de gsal bar gyur pa dang/ sku de gang nas byon/ gang du bzhud/ gang gis bzhugs/ ji ltar bzhugs pa brtag go /de nas gang nas kyang ma byon pa la sogs par shes par bya'o/ /sku de ni rang bzhin stong pa/ yod med las 'das pa/ spros pa rnams dang bral bar 'dug ste/ de bzhin du chos thams cad rang gi blos brtag pa las gud na med par khong du chud par bya'o/ /de'i phyir chos thams cad don dam par rang bzhin med par bsam mo/ /rang bzhin gang yang med do snyam

  360. 180b

    pa de yang/ yang dag pa'i shes rab kyis spangs te/ yod med las 'das pa'i yul de lta bu la shes pa yang yod med dang bral ba de lta bus dmigs pa med par bsgom par bya'o/ /de lta bas na bar du sems kyis sems la brtags te dmigs pa la sems 'jug na/ yang de bzhin du dang gis 'jug pa mngon par 'du bya ba med pa de kho na nyid la shin tu gsal bar gnas par bya'o/ /des sems kyis rgyud mi g.yeng bar bya'o/ /ci ste sems g.yengs par gyur na/ 'di ltar dngos po kun ni gzung ba dang 'dzin pa ste/ gzung ba'i dngos po rdul phra rab tu blos bshig ste/ de nyid kyang so sor phye na dngos por med do/ /'dzin pa yang de las gud na med de/ de'i rnam par snang ba'i phyir ro/ /des g.yeng ba zhi bar byas la gong ma nyid la gnas par bya'o/ /yang sems mi dga' bar mthong na ting nge 'dzin gyi yon tan dran par byas nas de la dga' ba bsgom par bya/ g.yeng ba la nyes par bsam la mi dga' ba zhi bar bya'o/ /yang rmug pa dang gnyid kyis bying ba 'am rgod par dogs na/ dga' ba'i dngos po sangs rgyas kyi sku 'am/ mdzad pa bcu gnyis la sogs pa bsam la bying ba zhi bar bya'o/ /yang sngon myong ba'i yul la sems rgod pa 'am/ dogs na 'du byed thams cad mi rtag pa la sogs pa dang/ rang la mi gtsang ba la sogs pa dang/ gzhan la myur du 'brel ba la sogs pa bsams la rgod pa zhi bar byas la gong ma nyid la btang snyoms su bya'o/ /de lta bus gnas pa las shin tu skyo bar gyur na/ de las langs la skyil mo dkrung ma bshig par 'di ltar bsam ste/ chos thams cad don dam par ji ltar yang mi dmigs na/ kun rdzob tu rgyu rkyen las skye ba sgyu ma la sogs pa snang yang yod do snyam du bsams la skyil mo dkrung bshig ste/ phyogs bcu'i sangs rgyas dang byang chub sems dpa'

  361. 181a

    mdun du byas te/ bdun shin tu rnam par dag par bya'o/ /de'i rim pas rtag par dus drug tu bya'o/ /de nas sems mnyam par 'gyur te/ de gyur na gnas yid du 'ong ba brgyan te shin tu dga' bar byas la/ pha rol tu phyin pa drug gi sems de shin tu 'phel bar bya'o/ /spyod lam gyi snang ba kun sgyu ma la sogs pa las mi nyams par gnas par bya'o/ /de dag gi thabs dang yid ches pa yod de/ mangs kyi dogs pas ma bris te gzhan du blta'o/ /bde par gshegs pa'i thugs kyi yang snying 'di/ brjod du med kyang bdag gzhan don du brjod/ /de yi dge ba cung zad ci yod pa/ /'gro ba thams cad bde gshegs 'dra par shog /chos don zab cing bdag blo dman/ /de phyir shin tu rtogs dka' yang/ /thos nyung blo dman dga' phyir byas/ /de la mkhas mang bzod par mdzod/ /mi rtog ye shes mi sgrub na/ /tshig gis sangs rgyas grub pa med/ /'on kyang 'gro ba 'dod pas na/ /mkhas pa rnams kyis bshad par rigs/ /rnal 'byor bsgom pa la 'jug pa slob dpon ka mal sh+ri la'i zhal snga nas mdzad pa rdzogs so// //rgya gar gyi mkhan po pradz+nyA warma dang/ zhus chen gyi lo tsA ba bande ye shes sdes bsgyur cing zhus te gtan la phab pa'o// //rgya gar skad du/ yo ga b+ha ba nA pa da/ bod skad du/ rnal 'byor bsgom pa'i lam/ 'jam dpal gzhon nur gyur pa la phyag 'tshal lo/ /'gro ba sdug bsngal mang pos gzir te gti mug gis ldongs pa la snying rje bskyed nas/ bdag gis kyang thams cad mkhyen pa'i go 'phang 'bras bu dang bcas pa thob par byas la/ 'gro ba rnams kyang go 'phang de nyid la dgod par bya'o zhes bla na med pa yang dag par rdzogs pa'i byang chub tu smon lam gdab po/ /de nas byang chub kyi mtshan nyid kyi sems rnam par ma byang ba bskyed par mi bya'o/ /'di ltar byang

  362. 181b

    chub ni rang gi sems las btsal bar bya'o zhes 'byung ba'i phyir thog mar rang gi sems kho na la brtag par bya'o/ /de la rang gi sems ni lung las gsungs pa'i tshig lnga po dngos po thams cad dang bral ba dang/ phung po dang khams dang skye mched du gzung ba dang 'dzin pa rnam par spangs pa dang/ chos la bdag med pa mnyam pa nyid dang/ rang gi sems gzod ma nas ma skyes pa dang/ stong pa nyid kyi ngo bo nyid dag tu khong du chud par bya'o/ /de la dngos po thams cad dang bral ba zhes bya ba ni/ mu stegs can 'brul pas sgro btags pa bdag la sogs pa rtags pa'i dngos po dang bral ba zhes bya ba'i don gang yin pa'o/ /phung po dang khams dang skye mched du gzung ba dang 'dzin pa rnam par spangs ba zhes bya ba ni/ nyan thos la sogs pa'i tshul gyis kun tu brtags pa'i ngo bo yod pa dang med pa'i rang bzhin yongs su spangs te/ rdul phra mo tshogs pa nyid 'dzin pa mig la sogs pa skye mched drug dang/ gzung ba gzugs la sogs pa'i yul drug dang bral ba zhes bya ba'i don gang yin pa ste/ rdul phra rab sun byung ba'i phyir ro/ /de nyid kyi phyir tshigs gsum pa chos la bdag med pa mnyam pa nyid ces bya ba gsungs pa yin te/ rnam par shes pa tsam gyi tshul la 'jug par bya ba'i phyir ro/ /de'i phyir tshig bzhi pa rang gi sems gzod ma nas ma skyes pa zhes bya ba gsungs pa yin te/ de bas na de ni rten cing 'brel par 'byung ba yin pa'i phyir sgyu ma lta bu yin no/ /gang zhig rten nas mi skye zhing rang gi ngo bo nyid las nyams par mi 'gyur ba de ni don dam pa'i rang bzhin zhes bya'o/ /de'i phyir rang bzhin med pas rang gi sems gzod ma nas skyes pa zhes bya'o/ /de'i rang bzhin med pas rang gi sems gzod ma nas ma skyes pa zhes bya'o/ rten cing 'brel par 'byung pa'i ngo bo nyid du kun rdzob tu yod pa'i phyir sgyu ma dang 'dra ba ni mi dag go /de bas na don dam

  363. 182a

    par stong pa nyid kyi ngo bo nyid kyi ces bya ba'i tshig lnga pa gsungs pa yin no/ /ji ltar kun rdzob tu brtags pa'i gzung ba dang 'dzin pa'i mtshan nyid kyi chos rnams ni don dam par bdag med pa yin te/ gzod ma nas ma skyes pa'i phyir ro/ /med pa rnam pa bzhi po snga na med pa dang/ zhig nas med pa dang/ cig la cig med pa dang/ gtan med pa dag kyang dngos po la brten par rnam par bzhag pas chad pa ma yin te/ stong pa nyid kyang dngos po la brten pa'i phyir ro/ /dngos po med na dar rtog pa kun 'byung ba med pas rnam par rtog pa thams cad 'gags pas rnam par mi rtog pa yongs su dag par bya'o/ /de'i phyir rang sems stong pa nyid yin pa de bzhin du chos thams cad kyang de lta bu yin no/ /de ltar de sngon du btang ba'i smon pa byang chub kyi sems don dam pa'i ngo bo nyid la dpyod pa'i mtshan nyid shes rab dang mtshungs par ldan pa ni 'jug pa'i sems zhes bya ste/ de kho na nyid nges pa la 'jug pa'i thabs yin pa'i phyir ro/ /gzhan gang zhig dpyod pas kun nas bslang ba'i sems chos thams cad kyi stong pa nyid kyi ngo bo khong du chud ba yang/ yang dag pa ji lta ba bzhin du yongs su shes pa nyid kyi sems zhes bya'o/ /byang chub kyi mtshan nyid kyi sems ni byang chub kyi sems zhes bya bas de dang mtshungs par ldan pa'i shes rab kyang shes rab kyi pha rol tu phyin pa zhes bya'o/ /yang kha cig de nyid las de nyid zhi gnas dang lhag mthong zhes bya bar rab tu grags te/ de la zhi gnas dang mtshungs par ldan pa'i lhag mthong ni zhi gnas dang lhag mthong ngo/ /zhi gnas ni sems rtse gcig pa'o/ /byang chub kyi mtshan nyid kyi sems ni stong pa nyid kyi don la bya ba yin no/ /gzhan dag las ni gnas kyi sems zhes bya bar grags te/ gnas kyi stong pa nyid la sems mi g.yo ba nyid do/ /de dang mtshungs par

  364. 182b

    ldan pa'i sems ni gnas kyi sems zhes bya ba'o/ /de stong pa nyid kyi sems kyi rab tu phye ba'i phyir mos pa 'am de kho na nyid yid la byed pa zhes bya'o/ /de yang gnyid dang rgod pa'i skyon gnyis yongs su spangs pas bya'o/ /gang gi tshe gnyid kyi mun pas non te dmigs pa las ldog par byed pa'i sems la skyes pa'i tshe chos la spyod pa'i mtshan nyid lhag mthong gi sems gzengs bstod la stong pa nyid la mnyam par bzhag par bya'o/ /'on te yul rnams kyi rnam par dpyod pa'i rgod par gyur na/ de yang don dam pa la dpyod pas de la dmigs pa bor te/ zhi gnas dang ldan par gnas par bya'o/ /gang gi tshe ha cang dpyad ces pas shes rab cha shas che bar gyur pa de'i tshe yang dpyad pa'i dus de ma yin te/ zhi gnas kyi dus yin pas dus dang dus ma yin par btang snyoms su bya ba tshad mar byas nas yang zhi gnas la gnas par bya'o/ /gang gi tshe zhi ba nyid thob nas de la mngon par zhen par gyur na de'i tshe/ zhi ba nyid kyang ngo bo nyid med pa'i phyir de la mngon par zhen pa bor te ma chags pa kho na la gnas par bya'o/ /de ltar na mthu ci yod pa dang/ ji ltar yod pa dang/ dus cung zad cig tu yang mnyam par bzhag pa'i phyir yang dang yang du rang gi sems la yang dag pa ji lta ba bzhin du rtags nas sems de las ldang par bya'o/ /langs nas yang 'di ltar gal te dngos po 'di dag thams cad stong pa nam mkha' dang 'dra ba'i mtshan nyid yin yang/ 'on kyang de ni sgyu ma dang rmi lam la sogs pa dang 'dra bar thog ma med pa'i dus nas so sor nges par rgyu dang 'bras bu 'brel pa dag la rag las pa'i rgyu des phyin ci log gi rnam par snang ba yin te/ langkar gshegs pa las chos 'di dag ni ma skyes pa yin te/ sgyu ma smig rgyu dri za'i grong khyer dang/ /rmi lam lta bu sprul dang 'dra ba yin/ /zhes gsungs pa lta bu yin no/ /sems can rnams kyi shes

  365. 183a

    pa ma rig pa'i mun ba shas chen pos khebs pas chos nyid 'di dag khong du ma chud pas 'khrul pas rnam par nyams pa yin no zhes yid la bya zhing snying rje bskyed par bya'o/ /des kyang de zin pa na 'di snyam du de'i phyir bdag gis chos nyid 'di dag rang gis kyang rtogs par byas la/ sems can thams cad kyis kyang khong du chud par bya'o snyam du sems te/ de ltar bsgom pa 'di ni byang chub tu smon pa'i sems yongs su dag pa yin no/ /'di ltar chos thams cad rmi lam dang 'dra bar yid la byed pa ma brjod pas langs nas yang sems can gyi don du byang chub la gnas par byed kyang chos gang la yang mngon par zhen pa mi 'byung ngo/ /'di ni dus las ldang ba'i sems zhes bya'o/ /de las gzhan pa'i don gyi dmigs pa dag mngon du zin gyis kyang/ rnal 'byor pas chos thams cad mkha' dang 'dra bar yid la bya ba mi btang ba kho nar bya ste/ des na de'i sems mi dge ba la 'jug par mi byed la/ des 'gro ba drang ba'i bsam pa nyid kyis gnas pa na dge ba la yang g.yo ba thams cad 'khor gsum yongs su dag pas sgrub par byed do/ /de bzhin du yang byams pa dang/ snying rje dang/ dga' ba dang/ btang snyoms la gnas pas rtag tu gnas par bya'o/ /des 'di ltar yang 'gro ba ma lus pa byang chub bar bya ba'i thabs bla na med pa'i byang chub kyi go 'phang yang bsod nams dang ye shes kyi tshogs rdzogs pa med par thob par mi nus la/ tshogs gnyis ni pha rol tu phyin pa drug gis bsdus pa yin te/ de'i phyir sbyin pa'i pha rol tu phyin pa nas bzung nas thams cad rtag tu yongs su rdzogs par bya'o zhes yid la bya ste/ drug po re re la yang smon par byed do/ /gzhan yang de 'di ltar sems skyed par byed de/ sbyin pa'i pha rol tu phyin pa la rnam pa gsum ste/ zang zing

  366. 183b

    dang/ mi 'jigs pa dang/ chos kyi sbyin pa'i dbye bas so/ /de la chos sbyin pa yang sems can ma lus pa rnams la sbyin par mi nus kyi/ de ni bsdu ba rnam pa bzhi po dag gis bsgrub par nus so/ /de'i phyir sbyin pa dang/ snyan par smra ba dang/ don dpyod pa dang/ don mthun pas sems can bsdu bar bya'o zhes sems can bsdu ba'i don du smon lam rnam pa bzhi po gzhan bskyed par bya'o zhes sems skyed par byed de/ sbyin pa rnam pa gsum gyi nang nas zang zing dang mi 'jigs pa'i sbyin pa gnyis ni bsdu ba'i thabs su gyur pa yin la/ chos kyi sbyin pa ni thabs des sgrub pa yin no/ /de ltar na pha rol tu phyin pa drug la smon pa drug dang bsdu ba'i dngos po bzhi ste/ de'i phyir smon lam bcu po dag kho nas byang chub chen po la smon pa'i sems de legs par brgyan nas mthu ci yod pa dang/ ji ltar bsam pa'i don sgrub pa na spo ba chen po dang ldan pa'i sems kyis ldang par bya'o/ /langs pa'i tshul ni 'di yin te/ mig gnyis phye nas sngar rtog pa'i gnas skabs bor te mdun du lta ba'i mtshan ma byas pa'i gnas rnams la blta bar bya zhing/ snga ma bzhin du de rnams kyi ming nas gzung zhing phyogs kyi mtshan ma gzung bar bya'o/ /lce rkan nas phab ste kha la byugs nas/ de'i 'og tu sngon bzhin du dbugs rdub pa dang dbugs 'byung ba dag bya'o/ /de nas dal gyis lus bskyed de/ skyil mo krung bshig nas ngal bso ste/ lus dang sems las su rung bar byas la/ ci nas 'khrul pa med par ldang par bya'o/ /langs nas sems legs par mnyam par bzhag bas mi dmigs pa'i tshul gyis sbyin pa la sogs pa'i spyod pa spyad cing/ 'di ltar sangs rgyas bcom ldan 'das rnal 'byor gyi dbang phyug chen po skyil mo dkrung bcas te bzhugs pa/ bsam gtan gyis snyoms par bzhugs shing 'gro ba la

  367. 184a

    gzigs pa mdun du bsam par bya'o/ /rnal 'byor bsgom pa'i lam/ 'phags pa 'jam dpal gyi zhabs kyi pad+ma'i ze'u 'bru spyi bos len ba sde snod gsum la mkhas pa slob dpon ye shes snying pos mdzad pa rdzogs so// // rgya gar skad du/ yo gA ba tA ra/ bod skad du/ rnal 'byor la 'jug pa/ 'phags pa 'jam dpal gzhon nur gyur pa la phyag 'tshal lo/ /bstan bcos rgya chen po ni thos nas kyang/ don dam de bzhin nyid ni nges byas la/ /dad? ldan de ni 'jam pa'i stan gnas te/ /blo dang ldan pas rnal 'byor brtson par bya/ /gzung dang 'dzin dang gnyis ka gnyis min dang/ /bdag dang gzhan dang mya ngan 'das pa dang/ 'khor ba zhes bya'i rnam rtog mang po ni/ /rtag tu spangs la yid ni mnyam par bzhag /sgyu ma dri za'i grong khyer lta bur ni/ /shes bya ma lus rnam par bltas nas su/ /rang gi rnam pa tsam gyi ngo bo ru/ /gzod nas skye ba med pa'i rang sems mthong/ /gang gis kyang ni de mthong gyur pa dag /de yang de bzhin du ni blta bar bya/ / dmigs pa med dang bcas pa'i sems nyid ni/ /de bzhin nyid dang yang dag mdza' ru bshad/ /de ltar rim gyis bslabs par gyur pa las/ /ming du thos pa 'gog pa thob par 'gyur/ /de la yang dag reg par sbyor ba las/ /'bad pa med par mngon shes lnga ru 'gyur/ /de dang mngon par ldan pa'i rnal 'byor pas/ /'gro ba'i don ni dpag tu med pa byed/ /'di ni yongs su rdzogs pa'i rnal 'byor pa/ /shin tu yun ring dus su gnas par 'gyur/ /lus ni rdo rjer lta bur mi shigs shing/ /nyon mongs bdud la sogs pas g.yo mi 'gyur/ /shes rab pha rol phyin pa zhes bya ba'i/ /rnal 'byor 'di dag rtag tu rab ldan pa/ /nam mkha' mdzod la sogs pa'i ting nge 'dzin/ /mang po rnams ni yang dag rdzogs par 'gyur/ /

  368. 184b

    bdag gi rnal 'byor la ni 'jug pa tsam/ /yang dag sbyar bas dge ba gang bsags pa/ /des ni 'gro ba thams cad rab myur bar/ /thams cad mkhyen pa'i ye shes thob par shog /rnal 'byor la 'jug pa zhes bya ba/ slob dpon phyogs kyi glang po'i zhal snga nas mdzad pa rdzogs so// //rgya gar gyi mkhan po d+harma sh+rI b+ha dra dang/ lo tsA ba dge slong rin chen bzang pos bsgyur cing zhus te gtan la phab pa/ mi sdug pa bsgom pa'i rim pa/ /'dod chags la sogs pa'i skyon thams cad bral ba 'phags pa nam mkha' i snying po la phyag 'tshal lo/ /mi gtsang ba bsgom pa bshad par bya'o/ /gang rnal 'byor pa srid pas dmus byung nas thar pa la dad pa skyed pa des/ 'di ltar brtag par bya ste/ dang po rang gi dpral ba 'am/ lag pa dang rkang pa'i mthe bo la thor bu 'am/ 'brum bu sngon po 'am/ ser po'i rnam pa rnag gis kun du gang ba zhig rdol bar bsgom ste/ nam zhi gnas grub pa'i bar du'o/ /de grub nas ni bdag gi lus thams cad mthar gyis rul myags par bsam par bya'o/ de nas ji ltar bdag gi lus la dmigs pa bzhin du sa gzhi thams cad mi ros gang bar mthong ngo/ /de ltar mi gtsang ba bsgom pa yang kha dog dang/ dbyibs dang/ reg pa dang/ 'khrig pa'i 'dod chags kyi gnyen po rnam pa bzhir shes par bya ste/ de la dang po ni mi'i ro sdos pa dang/ smugs pa dang/ mdog mi sdug pa dang/ dri bshul ba dang/ rnam par 'bus zhigs pa'o/ /dang 'og ni lus snga ma bzhin du bam zhing rkang lag dang kha mig rnams mi sdug cing 'jigs su rung bar gyur pa'o/ /mdza' dag ni rnam par rul pa dang/ rnag gis kun tu gang ba dang/ mnam pa dang/ 'bu mang pos zhigs shing dmyal ba'o/ /tha mar lus kyi keng rus tsam ma bral

  369. 185a

    zhing rgus pa 'brel pa shar ri chags pa dri mi zhim pa sbrang mas gzings shing 'phungs pas brnags shing dmar bar bsgom ste go rim bzhin no/ /de ltar bsgoms pa'i 'og tu stan las ma langs pa kho nar mi gtsang ba dang keng rus kyi rnam pa 'di dag rang gi blos brtags pa kho nar zad de/ dmigs pa med bzhin du yang shes pa skye ba las na chos thams cad kyang rtag pa'i ngo bo kho nar zad la/ rtog pa yang rkyen tshogs pa'i dbang gis byung ba yin te/ gang dang gang las byung ba de thams cad ni rang gi ngo bo nyid ma skyes pa yin te/ skye ba med pa dang 'gag pa med pa spang na skye ba dang 'gag pa mi dmigs par de kho na'i don gyi rnam pa la sems kyi rgyun gtang de ci nus su bsgom mo/ /de nas sems skyon dge ba'i rtsa ba bla na med pa'i byang chub tu bsngos nas ldang ngo/ /langs nas chos thams cad sgyu ma lta bur bltas te/ sbyin pa la sogs pa snying rje sngon du song ba'i ?blo bya'o/ /de phan chad ni dmigs pa gang kho na las 'dod chags skye ba'i dmigs pa de nyid kyang rang gi lus la mi gtsang ba ji lta ba bzhin yid la bya'o/ /de ltar rgyun tu yid la byas shing bsgoms na lus la yid 'byung zhing 'dod chags rnam pa bzhi po yang gnon par 'gyur la 'phags pa'i lam yang skye ste/ nyon mongs pa rtag tu spangs par yang 'gyur ro/ /mi gtsang ba bsgom pa'i thabs bshad pa/ slob dpon chen po dge ba'i go chas mdzad pa rdzogs so// //'di ni sngon gyi lo tsA ba chen po rnams kyis bsgyur ba ste 'gyur rnying lags skad do// //rgya gar skad du/ kA ya pa riska b+ha ba nA kra ma/ bod skad du/ lus yongs su dpyad pa'i bsgom pa'i rim pa/ /sangs rgyas la phyag 'tshal lo/ /'di la slob dpon klu

  370. 185b

    grub kyi zhal snga nas/ 'jig rten rnam par rtog las byung/ /rnam par rtog pa sems las byung/ /sems kyang lus las byung bas na/ /de phyir lus la dpyad par bya/ /zhes gsungs te/ des lus la brtags pa ni snying po gsum dang/ lus zungs bdun dang/ spu'i tshogs brgyad dang/ ba spu'i khung bu bye ba phrag brgyad cu dang so sum cu rtsa gnyis dang/ sen mo nyi shu dang/ pags pa'i rim pa bdun dang/ bu ga dgu dang/ 'bur bcu gcig dang/ nang gi dngos po nyi shu rtsa gcig dang/ sha spar tshad lnga brgya dang/ rtsa stong phrag bdun cu rtsa gnyis dang/ rgyus pa bdun brgya dang/ chu ba bcu drug dang/ srin bu'i rigs bye ba phrag brgyad cu dang/ nad gzhi rnam pa bzhi dang/ mi gtsang ba nyi shu rtsa gnyis dang/ 'byung ba chen po bzhi dang/ gang nam mkha' i khams dang/ rus pa sum brgya drug cu dang/ tshigs sum brgya dang/ gnad brgya rtsa bdun chas pa dang/ yang phung po lnga dang/ khams bco brgyad dang/ rten cing 'brel bar 'byung ba dang/ skye mched rnams kyang 'di'i char chos ji lta bar brtag cing dpyad do/ /de nas yang ji ltar slob dpon phyogs kyi glang po'i zhal snga nas/ rnam par mi rtog ye shes rdo rje yis/ /lus kyi 'khrul 'khor thams cad gzhig par bya/ /zhes bshad pa'i rim pas sor tshigs dang/ nas dang/ shig dang/ sro ma dang/ glang dang/ lug dang/ ri bong dang/ nyi zer dang/ lcags dang/ chu'i rdul dang/ /rdul phra mo dang/ phra rab dag gong nas 'og tu bdun du bskyungs pas dpyad nas/ tha mar rdul phra rab de ni ji ltar 'phags pas dag par spyod pa'i tshul nam mkha' i mdog gis 'dul ba'i bzod pa'i mdo las ji skad du gsungs pa bzhin du bsgom ste/ shin tu phra ba'i rdul gcig po de la ji ltar lhag mthong phra mos brtag ce na/ rdul phra mo gcig po de la ji ltar mtshan nyid med pa nyon mongs pa thams

  371. 186a

    cad dang bral bar gyur par rab tu shes/ bdag med pa dang rnam par bral bar rab tu shes dngos po med pa dang don dam pa'i tshig gi lam dang bral bar rab tu shes/ dmigs pa med pa dang sgra dbyangs thams cad dang bral bar rab tu shes/ bdag med pa dang bral ba dang/ bdud kyi mtshan nyid du rab tu shes/ yi ge med pa rgyu rkyen dang bral bar rab tu shes/ dngos po med pa dang rgyu rkyen dang bral bar rab tu shes/ mtshan ma med pa las rdul shin tu phra bar rab tu shes te/ ji ltar 'du byed thams cad rab tu zhi ba la rnam pa brgyad po de dag gis shin tu phra mo zhig tu brtag go /de bzhin du gnyis pa dang/ de bzhin du gsum pa nas nang gi lus thams cad kyi bar du gcig la yang so sor rnam pa brgyad po 'di dag gis rdul phra mo zhib tu brtag go /nang gi lus ji lta ba bzhin du phyi rol gyi lus thams cad kyi bar du sa'i khams rnams brgyad po 'di dag gis so sor rdul shin tu phra bar brtag go zhes bya ba la sogs pa rgyas bar ston te/ de ltar lus la rnam par dpyad nas nam mkha' dang 'dra bar bsgom mo/ /de nas dag kyang byung ma thag tu zhig cing nam mkhar thim pa brag cha dang 'dra bar yul na mi gnas shing/ sems kyang kha dog dang dbyibs dang/ skye gnas dang/ snod dang/ sems can du mi dmigs par gyur gyi bar du blta ste/ de'i tshe thams cad nam mkha' i ngo bor gnas so/ /'di nyid la gom pa tshul bzhin ma yin pa yid la byed pa dang/ yang dag pa ma yin par rtog pa nas ji srid rga shi'i bar du ji lta bar shes pas bde bar gnas so/ /de nas ni ji ltar dga' ba'i gzugs kyi lus kyis bdag dang gzhan la phan pa dang bde ba sgyu ma ltar dpyad do/ /lus yongs su dpyad pa'i bsgom pa'i rim pa/ slob

  372. 186b

    dpon nag po zhabs kyis mdzad pa rdzogs so// //rgya gar gyi mkhan po de nyid dang/ lo tsA ba dge slong chos kyi shes rab kyis bsgyur cing zhus pa'o// //pha rol tu phyin pa'i theg pa'i bsgom pa'i rim pa'i man ngag / sangs rgyas dang byang chub sems dpa' thams cad la phyag 'tshal lo/ /gang zhig bsgom stobs kyis yongs rdzogs/ /tshogs gnyis kyis ni rgyur gyur pa/ /sangs rgyas nyid la yang dag brten/ /bsgom pa'i skal dang mi ldan pa/ /da phyir 'gro ba'i mgon po yis/ /shes rab zhi gnas bsgom pa gsungs/ /de ni brtse chen rdzogs byang chub/ /'gro ba'i rgyud la skyed byed yin/ /gang yang bsgom pa'i stobs las nges par byung ba'i bsod nams dang ye shes gnyis kyi rgyu kun tu bzang po de nyid la rgyun ma chad par mngon par brtson pa'i rnal 'byor pas dus yun ring po ma thogs par rjod par mngon sum du byed la/ de byed pha'i skal ba med pa de rnams kyi phyir thugs rje chen po dang ldan pa'i mgon pos/ zhi gnas dang lhag mthong zung du 'jug pa'i lam nye bar bstan pa mdzad pa yin te/ de ltar na de bsgoms pas bcom ldan 'das yum shes rab mngon sum du byas nas/ de'i rang bzhin can gyi sbyin pa la sogs pa'i dngos po'i thabs la bslabs pa las sangs rgyas nyid du mngon par 'grub par 'gyur ro zhes dgongs pa yin no/ /de yang snying rje chen po skyes pas byang chub kyi sems skyed la/ de nyid gong nas gong du rnam par rtogs pa spangs pa'i tshul gyis rnam par rtog pa spong bas yongs su dag pa bskyed par bya ba'i phyir sgom par byed de/ snying rje chen po dang ldan pa ni gzhan gyi sdug bsngal gyis sdug bsngal ba nyid kyis 'di dag thams cad nyid/ sdug bsngal

  373. 187a

    rnams las bton la sangs rgyas nyid la nges par sbyar bar bya'o zhes byang chub kyi sems bskyed par byed cing/ 'di rnams kyang dam bcas pa'i gnyis su med pa'i ye shes kyi ngo bo dang/ sbyin pa la sogs pa'i dngos po'i thabs la bslabs pa med par de gong nas gong du yongs su dag pa med par mi 'gyur ro snyam du dgongs nas/ gnyis su med pa'i ye shes rdzogs par bya ba'i phyir zhi gnas dang lhag mthong zung du 'jug pa'i lam yang bsgom par mdzad do zhes bya ba ni mdor bsdus te bstan pa yin no/ /byang chub kyi sems de yang rnam pa du zhig ce na/ smras pa/ byang chub sems gang gzhan don du/ /yang dag byang chub 'dod pa yin/ /de ni dbye ba gnyis kyis gnyis/ /de dag nyi shu gnyis su yang 'gyur/ /byang chub kyi sems ni smon pa'i sems dang/ 'jug pa'i sems so/ /de yang sdong po bkod pa las/ rigs kyi bu sems can gyi tshogs na gang bla na med pa yang dag par rdzogs pa'i byang chub kyi sems rnyed par dka' o/ /de bas kyang sems can gang bla na med pa yang dag par rdzogs pa'i byang chub la mngon par zhugs pa de ni ches rnyed par dka' o zhes gsungs pa yin no/ /gnyis po de dag kyang rnam pa nyi shu gnyis su dbye bar bya ste/ de yang 'phags pa byams pas/ de yang sa gsar zla ba med/ /gter dang rin chen 'byung gnas mtsho/ /rdo rje ri sman bshes gnyen dang/ /yid bzhin nor bu nyi ma glu/ /rgyal po mdzod dang lam po che/ /bzhon pa bkod ma'i chu dang ni/ /sgra snyan chu bo sprin rnams kyis/ /rnam pa nyi shu rtsa gnyis so zhes bshad pa yin no/ /de la yang 'di ltar blta bar bya ste/ 'dun pa'i gnas skabs sogs dbye bas/ /smon pa'i sems ni rnam pa gsum/ 'jug pa zhes ni bya ba'i sems/ /rnam pa

  374. 187b

    bcu dgu dag tu 'dod/ /de la smon pa'i sems ni rnam pa gsum du dbye ste/ 'dun pa dang lhan cig 'dres pa'i chos thams cad mngon par byang chub par 'dod pa'i mtshan nyid can ni sa lta bu yin no/ /bsam pa dang lhan cig 'dres pa ni pha rol tu phyin pa drug gi mtshan nyid do/ /phyis 'byung ba dang da ltar gyi 'gyur ba med pa'i phyir gser bzang po lta bu yin no/ /lhag pa'i sems dang 'dres pa ni byang chub kyi phyogs kyi chos sum cu rtsa bdun bsgom par 'dod pa'i mtshan nyid can te/ dkar po'i phyogs thams cad 'phel bar 'dod pa'i tshul gyis zla ba tshes ba lta bu yin no/ /'jug pa'i sems kyi dbye ba ni rnam pa bcu dgu ste/ sbyor ba dang 'dres pa gcig dang/ sbyin pa la sogs pa pha rol tu phyin pa bcu dang/ mngon par shes pa dang ldan pa dang/ bsod nams dang ye shes dang ldan pa dang/ byang chub kyi phyogs dang ldan pa dang/ zhi gnas dang lhag mthong dang ldan pa dang/ gzungs dang spobs pa dang ldan pa dang/ chos kyi skyed mos tshal dang ldan pa dang/ bgrod pa gcig pa'i lam dang ldan pa dang/ chos kyi sku dang ldan pa'o/ /de yis de dag ma lus khyab/ /de bas gnas skabs rnam bzhi ste/ /'bras bu rgyu dang sbyor sogs dang/ /lam gyi gnas skabs dbye bas so/ /de las gsum ni las dang po pa'i gnas skabs so/ /bzhi pa ni nges par 'byed pa'i cha'i gnas skabs so/ /sbyin pa la sogs pa'i pha rol tu phyin pa bcu'i sems kyis ni rgyu'i gnas skabs so/ /mngon par shes pa la sogs pa'i gnas skabs dang lhan cig gnas pa'i brgyad kyis ni 'bras bu'i gnas skabs khyab pa yin no/ /de la dang po mgon po yis/ /gsol ba'i rnam par yang dag bshad/ /gnyis pa sbyin sogs la 'jug pas/ /'jug pa'i rnam par rab tu bsgrags/ /gsol ba'i sems kyi ni rnam pa gsum ste/ de yang bshad pa yin no/ /'jug pa'i

  375. 188a

    rnam pa ni gang nas brtsams te sdom pa 'dzin pa sngon du 'gro bas sbyin pa la sogs pa'i tshogs la 'jug pa'i sems so/ /sdom pa la yang bla ma sdom pa la gnas shing mkhas pa nus pa dang ldan pa las blang bar bya'o/ /de med na sangs rgyas dang byang chub sems dpa' rnams mdun du bzhugs par yid la byas la blang bar bya'o/ /de yang/ sbyin sogs shes rab dang bral bas/ /thabs ma yin zhing sa ma yin/ /de bas shes rab bskyed bya zhing gzhi gnas kyang ni bskyed pa bya/ /shes rab med par ni sbyin pa la sogs pha rol tu phyin pa'i ming mi 'thob cing thabs kyang ma yin no/ /de bas na shes rab bskyed pa'i phyir dang/ zhi gnas bskyed par bya ba'i phyir 'bad par bya'o/ /de la gang zhig khrims ldan sdug bsngal bzod nus dang/ /gang la brtson dang bag yod brtan pa 'chad/ /gang tshe yang dag dang yang ldan gyur te/ /de yi ting 'dzin myur du rdzogs par 'gyur/ zhi gnas kyi tshogs tshul khrims la sogs pa gsum la rnam par gnas par yid dang rjes su mthun pa'i sa phyogs su stan bde ba la 'dug ste lus drang por bzhag la/ snying rje chen po sngon du byas te/ sems can ma lus pa gdon pa gdon par 'dod pa'i bsam pas sems rtse gcig pa'i mtshan nyid kyi ting nge 'dzin ni bskyed par bya'o/ /de la man ngag ni 'di yin te/ khams sogs dbye bas dngos po thams cad la/ /yang dag dmigs te ji srid mnyam bzhag 'thob/ /de srid yid ni skad cig ro la gzhug /dang por re zhig rnal 'byor pas khams la sogs pa'i dbye bas dngos po ma lus ba rgya cher rnam par dpyad la/ chos thams cad ni 'di tsam du zad do zhes de ltar nges par bya ste/ yang sems kyi rgyun gyi skad cig mas de nyid du gtang

  376. 188b

    par bya'o/ /gal te yid ni chags sogs kyis g.yengs gyur/ /mi gtsang la sogs gnyen po bsgoms pa yis/ /ji srid de ni bstan pa ma thob pa/ /de srid blo dang ldan pas de zhi bya/ /yang gang gi tshe bar skabs su 'dod chags la sogs pas sems g.yongs par gyur pa de'i tshe mi gtsang ba bsgom pa la sogs pas rnam par g.yang bzhi bar bya la/ sems yang nas yang du de la gong nas gong du gtad par bya'o/ /de nas yang bcom ldan 'das kyis yum shes rab kyi pha rol tu phyin pa chen po las/ 'dod chags rnam pa dgu ni chen po nyid du bstan te/ 'di lta ste/ dbyibs la chags pa dang/ reg pa la chags pa dang/ tsan dan la sogs pas bskus pa las byung ba'i lus kyi dri la chags pa dang/ rgyan gyis brgyan pa las byung ba'i lus mdzes pa la chags pa dang lus lus kyi kha dog la chags pa dang/ sha rgyas pa la chags pa dang/ lus dang lan yag gi rtsed 'jo la chags pa dang/ so mdzes pa la chags pa/ kha dog dang dbyibs la chags pa'o/ /de'i gnyen por gyur pa'i mi gtsang ba yang rnam pa dgu ste/ de ni 'di lta ste/ de dbyibs la chags pa rnams kyi gnyen por ni rnam par bam pa'i 'du shes so/ /lus kyi reg pa la chags pa'i ni 'bus zhig pa'i 'du shes so/ /lus kyi dri la chags pa'i ni rnam par rul ba'i 'du shes so/ /lus mdzes pa la chags pa'i ni rnam par dmar ba'i 'du shes so/ /lus kyi kha dog la chags pa'i ni rnam par sngos pa'i 'du shes so/ /sha rgyas pa la chags pa'i ni rnam par zos pa'i 'du shes so/ /lus dang yan lag gi rtsed 'jo? la chags pa'i ni rnam par 'thor ba'i 'du shes so/ /so mdzes pa la chags pa'i ni rus gong gi 'du shes so/ /kha dog dang dbyibs la chags pa'i ni rnam par tshig pa'i 'du shes so/ /zhe sdang las byung ba'i rnam par g.yong

  377. 189a

    ba'i gnyen po ni byams pa bsgom pa'o/ /gti mug las byung ba'i rnam par g.yeng ba'i gnyen po ni rten cing 'brel par 'byung ba bsgom pa'o/ /gang gi sems de mngon par mi dga' bar mthong ba de'i tshe ting nge 'dzin gyi yon tan la bsam pa dang/ mi dge ba'i skyon bsams pas de yang zhi bar bya'o/ /yang gang gi tshe gnyid dang mun pa las sems zhum par mthong ba de'i tshe/ snang ba'i 'du shes bsgrom pa dang rab tu dga' ba yid 'byed pa sangs rgyas la sogs pa'i yon tan yid la byed pas zhum pa de yang zhi bar bya'o/ /yang gang gi tshe sngon rgod pa dang rtse zhing dga' ba rjes su dran pas sems par skabs su rgod par mthong ba de'i tshe mi rtag pa yid la byed pas de yang zhi bar bya'o/ /yang gang gi tshe zhum pa dang rgod pa dag dang bral ba nyid kyis cha mnyam par 'jug cing sems rang gi mtshan nyid kyis gnas par mthong ba de'i tshe bsgrim pa dang glod pa btang snyoms su bya ste/ gal te sems mnyam par 'jug tu zin kyang bsgrims pa byas na de'i tshe sems rnam par g.yeng bar 'gyur ro/ /le lo dang ni dmigs pa brjed pa dang/ /de bzhin zhum rgod mi rtsol ba dang rtsol/ /ting nge 'dzin la thams cad nyes bar 'gyur/ /dad sogs sems nyid de yi gnyen po yin/ /mdong na ting nge 'dzin ni thams cad kyi/ /nyes pa nyid ni rnam pa drug yod de/ /'di lta ste/ le lo dang/ dmigs pa brjed pa dang/ zhum pa dang/ rgod pa dang/ ma bsgrims pa dang/ bsgrims pa'o/ /de rnams kyi gnyen po spong ba'i 'du byed brgyad bsgom par bya'o zhes bcom ldan 'das kyis gsungs te/ 'di lta ste/ dad pa dang/ 'dun pa dang/ rtsol ba dang/ shin tu sbyangs pa dang/ dran pa dang/ shes bzhin dang/ btang snyoms dang/ sems pa'o/ /de la dang po bzhi ni le lo'i gnyen po yin

  378. 189b

    te/ de yang ting nge 'dzin gyi yon tan rnams la yid ches pa'i mtshan nyid can gyi dad pas rnal 'byor pa rnams de la mngon par 'dod pa'i sems skye bar 'gyur la/ mngon par 'dod pa de las rtsol ba rtsom par 'gyur ro/ /de las kyang lus dang sems las su rung ba nyid thob par 'gyur ro/ /shin tu sbyangs pa de las lus dang sems las su rung bas ldog par 'gyur ro/ /de bas na dad pa la sogs pa ni le lo spang ba'i phyir bsgom par bya'o/ /dran pa ni dmigs pa brjed pa'i gnyen po'o/ /shes bzhin ni zhum pa dang rgod pa'i gnyen po yin te/ des zhum pa dang rgod ba dag nye bar zhi ba yin pa'i phyir ro/ /zhum pa dang rgod pa ma zhi ba'i dus su ni mi rtsol ba nyes pa yin te/ de'i gnyen por ni sems pa bsgom par bya'o/ /zhum pa dang rgod ba de dag nye bar zhi bar gyur nas gang gi tshe sems rang gi rgyun gyis 'jug pa'i de'i tshe ni rtsol ba nyes pa yin pa de'i gnyen por btang snyoms bsgom par bya'o/ /spong ba'i 'du byed brgyad po de dang yang dag par ldan pa'i ting nge 'dzin ni gang gis rdzu 'phrul la sogs pa'i yon tan rdzogs par byed par mchog tu las su rung bar 'gyur ro/ /de bas na mdo las spong ba'i 'du byed brgyad dang ldan pa'i rdzu 'phrul gyi rkang pa bsgom par byed do zhes gsungs pa yin no/ / bsgom pa'i rim pa 'di nyid la dgongs nas bcom ldan 'das yum de nyid las/ de la sems mnyam par bzhag par byed/ yang dag par 'jog par byed/ rnam par 'jog par byed/ nye bar 'jog par byed/ dul par byed/ zhi bar byed/ nye bar zhi bar byed/ gcig pa nyid du byed/ ting nge 'dzin du byed do zhes gsungs pa yin no/ /de la yang dag par 'jog par byed pa ni dmigs pa de nyid la rgyun gyis 'jug par byed pa'o/ /rnam par 'jog pa ni rnam par g.yang ba shes bar

  379. 190a

    bya ste de nye bar zhi bar byed pa'o/ /nye bar 'jog par byed pa ni rnam par g.yeng ba nye bar zhi bar byas nas de nyid la gong nas gong du gtong par byed pa'o/ /dul bar byed pa ni dga' ba bskyed par byed pa'o/ /zhi bar byed pa ni mi dga' pa nye bar zhi bar byed pa'o/ /nye bar zhi bar byed pa ni gnyid dang rmugs pa la sogs pa byung ba sel bar byed pa'o/ /gcig pa nyid du byed pa ni dmigs pa la mngon par 'du bya ba med par 'jug pa la 'bad par byed pa'o/ /ting nge 'dzin du byed pa ni sems mnyam pa nyid thob pa la btang snyoms su byed pas yang dag pas 'dzin par byed de zhes bya ba'i don to/ /tshig dgu po 'di dag gis bshad pa ni slob dpon thogs med kyis mdzad pa las bris pa yin no/ /yang rim pa 'dis ting nge 'dzin ni rdzogs par gang gi tshe 'gyur zhe na/ de'i phyir smras pa/ gang gi sems ni rtsol ba med par ni/ /rang gi ngang gis 'jug par 'gyur ba na/ /de tshe sangs rgyas mnyam 'jog la brten te/ /'di ni ting nge 'dzin gyi tshul yin no/ /gang gi tshe dmigs pa de la mngon par 'du byed pa med par 'jug pas sems gnas par gyur pa de'i tshe zhi gnas rdzogs pa yin par shes par bya'o/ /de ltar mnyam 'jog shes nas ni/ /de nas shes rab bskyed bya ste/ /gzugs dang gzugs med dbye ba yis/ /don de nyid ni rnam dpyad bya/ /de bas na rnam par dpyad pa 'dis spros pa med pa nyid yin pa'i phyir 'gro ba rnams chos kyi sku'i bdag nyid du shes par byas la/ sems tsam las yongs su bzlas te/ gcig dang du ma nyid la sogs pa'i tshul gyis de kho na nyid kyang snang ba med pa'i tshul du bzla bar bya'o/ /de kho na nyid mthong ba 'di nyid ni gang shes rab kyis rnam par brtags na yang dag pa'i ye shes mthong bas chos thams cad mi mthong pa yin no/ /de yang bcom

  380. 190b

    ldan 'das kyis yum bar ma las sangs rgyas bcom ldan 'das rnams kyi ye shes kyi spyan gang zhe na/ gang gis ci yang ma gzigs pa'i don de gzigs pa'i 'o zhes bya ba dang/ de bzhin du don dam pa gang zhe na/ gang chos thams cad mthong ba med pa'o/ zhes ji skad du gsungs pa yin no/ /de bas na de kho na nyid kyi rnal 'byor pa rnams kyang spyod lam thams cad la gnas pa na chos thams cad mthong du zin kyang ma mthong ba yin no/ /de lta bu nyid mthong ba med pa zhes bya ba mngon par 'dod kyi/ gnyid log pa 'am mig btsum pa dang 'dra bar gang yang yid la mi byed pa ni ma yin no/ /de lta ni bag chags ma spangs pas 'du shes med pa'i snyoms par 'jug pa la sogs pa las ldang ba bzhin du slar yang gzugs la sogs pa la mngon par zhen pa'i bag chags kyi rtsa ba can gyi 'dod chags la sogs pa skye ba nyid kyis rnal 'byor par mi 'gyur te/ thog ma med pa'i dus can gyi gzugs la sogs pa mngon par zhen pa yid la mi byed pa tsam gyis yongs su spangs par mi 'gyur te/ 'du shes med pa'i snyoms par 'jug pa la sogs pas kyang de spangs par 'gyur ro/ /gang gzugs la sogs pa'i yul rnams kyi the tshom ma spangs par de yid la byed pa yongs su spangs par yang nus pa ma yin te/ me yongs su ma spangs par tsha ba spong mi nus pa dang 'dra'o/ /de bas na the tshom gyi sa bon dang bral ba nyid kyis gzugs la sogs pa la mngon par zhen ba bsal bar bya'i/ tsher ma 'byin pa lta bur bya ba ma yin no zhes bya bar nges so/ /the tshom gyi sa bon dang bral par bya ba yang zhi gnas dang lhag mthong phan tshun rjes su mthun par 'jug par bya'o/ /de yang sems rtse gcig tu mtshan nyid can gyi zhi gnas skyes par gyur na/ shes rab kyi mig gis rnam par dpyod pas rnal 'byor bzhi

  381. 191a

    the tshom dang bral bar 'gyur ro/ /de dang bral bas gzugs la sogs pa la mngon par zhen pa dang 'bral lo/ /de dang bral nas kyang chos thams cad dngos po med par rtogs te/ de nyid ni shes rab kyi pha rol tu phyin pa'o/ /yang de'i tshe zhi gnas dang lhag mthong dag de'i bdag nyid can yin te/ de nyid ni mchog tu rnam par mi rtog pa'i rnal 'byor ro/ /de yang/ kun rtog thams cad spangs pa de/ /'di ni rnal 'byor dam pa yin/ /rnal 'byor pa gang mngon sum du/ /gnas pa kun mkhyen bcom ldan 'gyur/ /de ltar rim pa 'dis zhi gnas dang lhag mthong bdag gis sam/ bla ma'i man ngag gis bcom ldan 'das yum shes rab bskyed la/ byang chub sems dpa' i dbang po rab tu ldan pa yin ni de ngas pa'i rgyu nyid kyis phyir mi ltog pa nyid yin par rtogs pa byas la/ shes rab kyi pha rol tu phyin pa'i ngo bo nyid dang/ sbyin pa la sogs pa'i thabs la rab tu 'jug go /de yang 'phags pa ga ya ga ri las/ gnyis po 'di dag ni byang chub sems dpa' rnams kyi lam mdor bsdus pa ste/ 'di lta ste thabs dang shes rab po zhes gsungs pa yin te/ thabs ni sbyin pa la sogs pa'i pha rol tu phyin pa dang/ tshad med pa dang/ bsdu ba'i dngos po la sogs pa'i dbye bas bye ba ste/ de nyid kyang 'phags pa blo gros mi zad pa dang/ dkon mchog sprin la sogs pa'i mdo las gsungs so/ /shes rab ni thabs de nyid phyin ci log par yongs su gcod pa'i rgyu'o/ /des kyang thabs yang dag par brtags nas phyin ci ma log las bdag dang gzhan gyi don ji lta ba bzhin nyams su len pas sngags kyis zin pa'i dug spyod pa dang 'dra bar kun nas nyon mongs par mi 'gyur ro/ /de yang mdo de nyid las thabs ni bsdu ba shes pa'o/ /shes rab ni yongs su gcod pa shes pa'o zhes gsungs pa dang/ 'phags pa dad pa'i

  382. 191b

    stobs bskyed pa las/ thabs la mkhas pa gang zhe na/ gang chos thams cad kyi bsdu bshes pa la mkhas pa'o/ /shes rab gang zhe na/ gang chos thams cad dbyer med pa shes pa la mkhas pa'o zhes gsungs pa yin no/ /'di dag la ni sa la gnas pas kyang bsten par bya'i/ /shes rab tsam 'ba' zhig ni ma yin no/ /gang gi phyir sa bcu ba la sogs pa'i mdo las pha rol tu phyin pa lhag ma rnams la yang mi spyod pa ma yin no/ /zhes gsungs pas/ byang chub sems dpas sa bcu thams cad du pha rol tu phyin pa thams cad la kun tu spyad par bya'o zhes bshad do/ /de bzhin du yang shes rab kyi pha rol tu phyin pa la gcig tu dga' ba'i byang chub sems dpa' rnams kyi dbang du mdzad nas yongs su rgyas pa'i mdo chos thams cad bsdus pa las byams pa gang yang byang chub sems dpa' rnams kyis byang chub sems kyi phyir pha rol tu phyin pa drug car yang dag par gzung bar bya ba de la skyes bu blun po rnams 'di ltar byang chub sems dpa' rnams shes rab kyi pha rol tu phyin pa 'ba' zhig la bslab par bya'i/ pha rol tu phyin pa lhag ma rnams kyis ci zhig bya zhes zer zhing/ des pha rol tu phyin pa gzhan dag la smod pa nyid du sems pas 'gyur ro/ /zhes bya ba la sogs pa rgya cher gsungs pa dang/ 'phags pa rnam par snang mdzad mngon par rdzogs par byang chub pa'i rgyud las kyang/ thams cad mkhyen pa'i ye shes 'di ni snying rje chen po'i rtsa ba can/ byang chub kyi sems kyi rgyu dang ldan pa/ thabs kyis mthar phyin pa'o zhes gsungs pa yin no/ /de bas na gnyis ka yang dus thams cad du bsten par bya'o/ /de lta na bcom ldan 'das mi gnas pa'i mya ngan las 'das pa 'grub pa yin no/ /de yang sbyin pa la sogs pa'i thabs kyis gzugs kyi sku dang/ zhing dang/ 'khor lo la sogs pa longs spyod chen

  383. 192a

    po'i 'bras bu phun sum tshogs pa yongs su 'dzin par mdzad pas bcom ldan 'das mya ngan las 'das pa la gnas par mi mdzad do/ /shes rab kyis phyin ci log ma lus bar spangs pas 'khor bar gnas par mi mdzad de/ 'khor ba ni phyin ci log gi bdag nyid can yin pa'i phyir ro/ /de yang chos kyi rnam grangs gzings lta bur shes pa rnams kyis ni chos rnams kyang sbang bar bya na chos ma yin ba lta ci smos zhes ji skad du gsungs pa lta bu yin te/ de la phyin ci log tu mngon par zhen pa spang bar bya'o zhes gsungs kyi/ dgos pa'i don rdzogs par bya ba'i don tu yang gnas par mi bya'o zhes gsungs pa yin no/ /de yang chos yongs su gzung par bya'i/ mi gzung bar ni mi bya'o zhes gsungs te/ lam log bar gzung bar mi bya'o zhes bya ba'i don to/ /de bas na dngos po thams cad de ltar gzigs te gsungs pa ni/ dus kun du ni thabs dang ni/ /shes rab pha rol phyin bdag can/ /bsten bya gang phyir de las ni/ mi gnas mya ngan 'das par 'gyur/ /zhes bya ba yin no/ /pha rol tu phyin pa'i theg pa'i bsgom pa'i rim pa'i man ngag slob dpon chen po dpal ye shes grags pa'i zhal snga nas mdzed pa rdzogs so// //rgya gar gyi mkhan po pad+ma ka ra warma dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //rgya gar skad du/ bu d+d+hA nu smri tyut+ta ra b+ha ba nA nA mo/ bod skad du/ sangs rgyas rjes su dran pa bla na med ba bsgom pa zhes bya ba/ sangs rgyas dang byang chub sems dpa' thams cad la phyag 'tshal lo/ /spros pa'i rgyun bcad zhi ba'i gnas rnyed bar 'byung gnas/ sku gnyis skyed pa'i yon tan mdza' yas gzhir gyur pa/ /chos sku ro gcig brnyes pas

  384. 192b

    sdug pa'i gnas thim pa/ /rgyal ba'i rgyal ba dmigs mi mngal la phyag 'tshal lo/ /mun pa gnyis ni gzhom 'dod pa'i/ /yang dag snang ba 'byung 'dod pa'i/ /don grub bya phyir bdag gis ni/ /sangs rgyas rjes dran bla med bshad/ /de la sangs rgyas rjes dran bla na med pa ni 'di ltar blta bar bya ste/ rnal 'byor pa tho nang sam la nas longs te/ gcod mar gyur ba 'am/ mi gtsang ba yang rung srags 'di lan gsum brjod do/ /oM swa b+hA ba shud+d+ha(mdo 'grel): sarba d+harmA swa b+hA ba shud+honyahaM/ de nas 'di ltar blta ste/ lus 'di ni skra dang/ smin ma dang/ rdzi ma dang/ kha spu dang/ mchan kung gi spu dang/ 'doms kyi spu dang/ lus gzhan gyi ba spu ste/ spu'i tshogs dang/ mig gnyis dang/ rna ba gnyis dang/ sna dang so'i phreng ba dang/ sen mo dang pags pa dang/ sha dang/ tshil dang/ khrag dang/ rtsa'i dra ba dang/ chu ba dang/ rgyus ba dang/ klad rgyas dang/ klad pa dang/ lce dang/ mid pa dang/ ol kod dang/ ol mdung dang/ glo ba dang/ snying dang/ mchin pa dang/ mkhal ma dag dang/ mcher pa dang/ lgang ba dang/ mtshan ma dang/ rgyu ma dang/ gnye ma dang/ gzhang dang/ pho ba dang/ sul mangs dang/ long ga dang/ grang ba dang/ bshad ba dang/ gcig dang/ snabs dang/ lud pa dang/ mchil ma dang/ mchi ma dang/ sna chu sna lugs dang/ mig dri dang/ dral dang/ bad kan dang/ rnag dang/ ma bris pa dang/ rlung dang/ khu chu dang/ kha chu dang/ rlangs pa dang/ sa'i khams dang/ chu'i khams dang/ me'i khams dang/ rlung gi khams dang/ nam mkha' i khams dang/ rus pa'i phreng ba dang/ mko'i rus pa dang/ mgrin ba'i rus pa dang/ lag pa'i rus pa dang/ brang gi rus pa dang/ tshigs pa'i rus pa dang/ rtsib ma'i rus pa dang/ tshang ra'i rus pa dang/ dpyi'i rus pa dang/ brla'i rus pa dang/ byin pa'i rus pa dang/ rkang mthil gyi rus pa dang/ de dag nyid kyang thod tshal

  385. 193a

    gcig pa dang/ gnyis pa dang/ gsum pa dang/ bzhi pa dang/ 'gram pa g.yas pa dang/ g.yon pa dang/ tshigs pa re re dang/ rtsib ma re re dang/ sog pa gnyis la sogs pa tha dad pa 'di dag dang/ de dag kyang rdul phra rab la thug par 'gyur zhing de dag kyang phyogs tha dad pa phye na ma grub ste/ 'di ltar lus 'di ni ma grub cing/ de bzhin du mdza' yas pa'i lus thams cad dang/ snod kyi 'jig rten thams cad kyang de dang 'dra bar ma grub bo zhes nges par bya'o/ /de ltar lus ma grub pas khog sbubs dang/ lce dang so dang mchu la sogs pa la brten nas byung ba'i dag ma grub po zhes nges par bya'o/ /de ltar lus dang ngag ma grub pas sems kyang ma grub par dpyad de/ 'di ltar legs par dpyad na/ sems ni kha dog tu mi dmigs/ dbyibs su yang ma yin/ phyi na yang ma yin/ nang na yang ma yin/ bar na yang ma yin/ nye ba na yang ma yin/ ring ba na yang ma yin/ skad cig snga ma ni 'gags zin la/ skad cig phyi ma ni ma 'ongs shing ma grub po/ /skad cig da ltar ba ni mi gnas shing mi zin pa'o/ /de'i phyir lus dang ngag dang sems 'di dag ni stong ba zhi ba/ yul med pa/ 'jug pa chad pa/ yul na mi gnas pa/ phyogs na mi gnas pa'o/ /zhes bsam mo/ /de nas yang snga ma bzhin du lus la sogs pa la blta ste/ yang dang yang du'o/ /de nas yid skyo ba na chos thams cad stong pa nyid do/ /zhes shin tu mos pas yid la byed pa khyod gzhan 'byung ba bskyed par mi bya bar gsang sngags 'di ci dgar bzlas so/ /oM shu myatA dz+nyA na badzra swa b+hA ba At+ma konyahaM/ de nas ldang bar 'dod pa dang/ 'di snyam du e ma kyi hud chos 'di dag thams cad ni rab tu zhi ba spros pa dang bral ba nye bar 'tshe ba med pas bde ba dam pa/ rang bzhin gyis 'od gsal ba/ nam mkha' dang mnyam pa nyid yin na/ byis pa'i rang

  386. 193b

    bzhin can/ shes rab 'tshal ba 'di dag gis de ltar ma shes pas bdag gis sgyu ma dang 'dra bas de dag gi don bgyi'o zhes bsams te/ bcos ma ma yin pa'i snying rjes sems mnyen par byas la/ skad cig gis rang gi sdug pa'i lha'i skur bltas la langs te/ ji lta ji ltar sems can la phan pa dang bde bar 'gyur ba de lta de ltar dpyad par bya'o/ /sngags bshad pa'i tshul gyis snga dro dang/ gung dang rgongs mo la sogs par yang dang yang du sangs rgyas rjes su dran par bya ste 'di la ni kha zas kyi nges pa dang dus kyi nges pa dang/ spyod lam gyi nges pa dang/ gza' dang skar ma'i nges pa yang med do/ /'on kyang rnal 'byor 'di la gzhol bas ji skad sangs rgyas rjes su dran pa mi nyams pa de la gnas kyi grogs 'dod par mi bya/ bstod pa dang/ grags pa dang bde ba dang/ rnyed pa dag gis yid dga' bar mi bya ste/ gal te dpa' ba byung na yang 'bad pas gzhom par bya'o/ /de bzhin du smad pa dang/ ma grags pa dang/ sdug bsngal ba dang/ ma rnyed pa dag gis gdung bar mi bya ste/ gal te gdung ba byung na yang nan tan gyis gzhom par bya'o/ /gang zhig 'di ltar spyod pa de ni bla ma'i bla ma sangs rgyas rjes su dran pa zhes bya ste/ de ltar yang 'phags pa langkar gshegs pa las gsungs pa/ de ltar skye 'jig spangs pa yi/ /thub pa zhi ba sus mthong ba/ /de dag 'di dang slad mar yang/ chags len nyer len med par 'gyur/ /zhes so/ yang gsungs ba/ ji ltar mthong bzhin su lta ba/ /de dag 'dren pa mi mthong ngo/ /rnam par rtog pa mi 'jug cing/ /gang tshe sangs rgyas mi mthong la/ /'jug med sangs rgyas yin pa ni/ /gal te mthong na de sangs rgyas/ /zhes so yang gsungs pa/ gang gis gang+gA'i bye mnyam du/ /'jig med tshul gyis mthar thug par/ /'dren pa rab tu mthong ba ni/ /de dag 'dren pa mthong ba yin/ /zhes so/ /de bzhin du 'phags

  387. 194a

    pa shes rab kyi pha rol tu phyin pa rdo rje gcod pa las kyang/ gang gis nga la gzugs su mthong/ /gang gis nga la sgrar shes pa/ /log par spong bar zhugs pa ste/ /skye bo de ni nga mi mthong/ /sangs rgyas rnams ni chos nyid lta/ /'dren pa rnams ni chos kyi sku/ /chos nyid shes par bya min pas/ /de ni rnam par shes mi nus/ /zhes gsungs so/ /de bzhin du 'phags pa sangs rgyas thams cad kyi yul la 'jug pa ye shes snang ba'i rgyan ces bya ba'i mdo las kyang gsungs pa/ rtag tu skye med chos ni de bzhin gshegs/ /chos rnams thams cad bde bar gshegs dang 'dra/ /byis pa'i blo can mtshan mar 'dzin pa rnams/ /'jig rten dag na med pa'i chos la spyod ces so/ /gzhan yang 'phags pa shes rab kyi pha rol tu phyin pa brgyad stong pa las kyang gsungs pa/ sangs rgyas bcom ldan 'das rnams ni chos kyi sku yin gyis/ dge slong dag 'jig tshogs la skur ma 'dzin par dge slong dag nga'i chos kyi sku yongs su rdzogs par ltos shig ces gsungs so/ /de bzhin gshegs pa'i sku ni yang dag pa'i mdza' rtogs pa 'di lta ste/ shes rab kyi pha rol tu phyin par blta'o/ /zhes so/ /yang de nyid las gsungs pa/ de bzhin gshegs pa ni gzugs kyi skur mi blta ste/ de bzhin gshegs pa ni chos kyi sku'o/ /rigs kyi bu chos nyid ni 'ong ba 'am 'gro ba med de/ rigs kyi bu de bzhin du de bzhin gshegs pa rnams la byon pa 'am bzhud pa med do zhes so/ /gang yang 'phags pa langkar gshegs pa las kyang gsungs pa/ gang zag med cing phung po med/ /sangs rgyas ye shes zag med pa/ /rtag tu zhi ba rnam bsgoms te/ /de la bdag ni skyabs su mchi/ /zhes so/ /de ltar lus rang bzhin med pa dang/ ngag rang bzhin med pa dang/ yid rang bzhin med par bsgoms pa ni chos kyi sku rjes su dran pa'o/ /gzhan

  388. 194b

    yang phan par dga' bar 'dod pa'i lha'i sku'i nga rgyal 'chang ba ni gzugs kyi sku rjes su dran pa'o/ /'di lta bu'i rjes su dren pa bsgoms pas lus kyi spyod pa ni tshul mi 'chos par bya'o/ /gcig tu rgyu bar bya'o/ /gnod pa skyob pa tsam las lus brgyan par mi bya'o/ /slong mos 'tsho bar bya'o/ /mi rigs pa'i bsnyen bkur mi bya'o/ /ngag gi spyod pa ni don med par mi smra'o/ /'brel pa dang bcas bzhin du yid du 'ong bar smra'o/ /gzhan la gdung ba skyed par mi smra'o/ /rtog pa sngon la song bas smra'o/ /gsal zhing dper khrid de smra'o/ /pha rol gyis lan thebs par smra'o/ /yid kyi spyod pa ni blta ba dang/ dub pa dang/ ma khengs pa dang/ ma zhum par bya'o/ /phyogs la rgyal ba dang/ pha rol gyi ngor mi blta ba dang/ ma yengs par bya'o/ /dran pa dang shes bzhin dang lhan cig bar bya'o/ /mi'i mchog gang zhig 'di lta bu'i rjes su dran pa dang/ spyod pa la gzhol ba de dag ni ring por mi thogs par 'byor pa dam pa thob par 'gyur ro/ /chu nang pad+ma nyi ma'i zer phye rab rgyas dga' skyed ltar/ /bla med rjes dran pad+ma gzhung gi zer phye dga' skyed ba/ /pad+ma'i phreng ltar legs sbyar 'dis ni skye bo ma lus par bla med sangs rgyas rjes dran nam yang mi 'bral der 'bad shog /sangs rgyas rjes su dran pa bla na med pa bsgom pa mdo'i rjes su 'gro ba zhes bya ba/ dkyil 'khor chen po'i slob dpon ma hA ma ti'i zhal snga nas mdzad pa rdzogs so// //A tsarya bi nA ya tsan+d+ra dang/ lo tsA ba dge slong chos kyi shes rab kyis bsgyur cing zhus te gtan la phab pa'o// //mi mchog gang zhig ni/ /chos sku rjes dran bsgom/ /'bras bu lus sems bde/ /phyi mar byang chub 'thob/ /sems can don byas nas/ /'bras bu sku gsum 'thob/ /de ka mthar thug yin/ /de la lus sems pa'o/ /e ma'o kyi hud/ /man ngag zab mo 'di/ /sems kyi dkyil du

  389. 195a

    bcad/ /rnal 'byor la 'jug pa'i man ngag /rje btsun bla ma rnam pa la phyag 'tshal lo/ /thams cad mkhyen pa la phyag 'tshal lo/ /da ni theg pa chen po la lhag par mos pa'i dad pa can gyi rigs kyi bus gsol ba btab pa dag la spro ba bskyed cing thar pa ma lus pa 'dod pa la sngar bshad pa'i mtshan nyid can gyi ye shes rtogs par bya ba'i phyir thams cad nye bar bstan bas/ bdag dang gzhan gyi don rab tu 'grub par bya ba'i phyir shes rab kyi tshul rjes su dran nas de bstan pa'i man ngag bsgom ba'i rim pa'i cho ga 'dir cung zad cig bshad par bya'o/ /theg pa chen por ji skad du bshad pa'i ye shes mngon par rtogs par 'dod pa dad pa dang/ gus pa dang ldan pas de'i tshul las bshad pa'i cho ga'i rim pa sngon du 'gro bas bla ma la gsol ba btab ste/ de'i drin gyis thob pa'i lung gis bla na med pa'i ye shes kyi thabs kyis man ngag gi rnal 'byor bsgom pa brtsam par bya'o/ /de la dang por re zhig bstan bcos rgya chen po ni thos nas su/ don dam pa de bzhin nyid ni des byas la /dad ldan de ni 'jam pa'i stan gnas de/ /blo dang ldan pas rnal 'byor brtson par bya/ /gzung dang 'dzin dang gnyis ka gnyis min dang/ /bdag dang gzhan dang mya ngan 'das pa dang/ /'khor ba zhes bya'i rnam rtog mang po ni/ /rab tu btang la yid ni mnyam bar bzhag /sgyu ma dri za'i grong khyer lta bur ni/ /shes bya ma lus rnam par bltas nas su/ /de bzhin nyid kyi ye shes rdo rje yis/ /lus kyi 'khrul 'khor rab tu gzhig par bya/ /rnam pa thams cad du ni rab mdzes la/ /thog dang tha ma'i cha bral rnam mi rtog /dri ma med pa'i 'od zer stong gis ni/ /mun pa des bsal mkha' dang mtshungs pa yin/ /rang gi rnam pa tsam gyi ngo bo ru/ /gzod nas

  390. 195b

    skye ba med pa'i rang sems mthong/ /gang gis kyang ni de mthong gyur pa dag /de yang de bzhin du ni blta bar bya/ /dmigs pa med dang bcas pa'i sems nyid ni/ /de bzhin nyid dang yang dag mdza' ru bshad/ /de ltar rim gyis bslabs par gyur pa las/ /ming du shes pa 'gog pa thob par 'gyur/ /de las yang dag reg par sbyor ba las/ /'bad pa med par mngon shes lnga ldan 'gyur/ /de dang mngon par ldan pa'i rnal 'byor pa/ /'gro ba'i don ni dpag tu med pa byed/ /'di ni yongs su rdzogs pa'i rnal 'byor pa/ /shin tu yun ring dus su gnas par 'gyur/ /lus ni rdo rje lta bu mi shigs shing/ /nyon mongs bdud la sogs pas g.yo mi 'gyur/ /shes rab pha rol phyin pa zhes bya ba'i/ /rnal 'byor 'di dang rtag tu rab ldan pa/ /nam mkha' mdzod la sogs pa'i ting nge 'dzin/ /mang po rnams ni yang dag rdzogs par 'gyur/ /'di ltar zab mo'i don gang ci yang rung ba rtogs par dka' ba de ni bla ma'i zhal nas cho ga ji lta ba bzhin du bshad par gzung bar bya'o/ /rigs kyi bu 'am rigs kyi bu mo dad pa dang ldan pa gang la las pha rol tu phyin ba'i tshul gyis spyad pa spyod pas/ ji skad du bshad pa'i rim pa'i cho gas sems can thams cad gdon par bya ba'i phyir sems bskyed nas bla na med pa'i ye shes kyis man ngag gi rnal 'byor brtsams nas/ brtson 'grus 'bar ba dang ldan bas/ /brlabs pa'i stobs dang ldan pa des ni ring por mi thogs par tshe 'di nyid la ji skad du bshad pa'i ye shes thob par 'gyur ro/ /yang ji skad du bshad pa'i cho ga med par glegs bam la brten pa tsam gyis 'jug pa de dag ni ji skad du bshad pa'i dngos grub la rgyab kyis phyogs par 'gyur zhing/ sdug bsngal ba dang yid mi bde ba sna tshogs 'byung bar 'gyur ro zhes zab mo'i tshul las de bzhin gshegs pas

  391. 196a

    gsungs so/ /rnal 'byor la 'jug pa'i man ngag slob dpon chos kyi dbang pos mdzad pa rdzogs so// //rgya gar gyi mkhan po dza ra d+hA na dang/ zhus chen gyi lo tsA ba dge slong rin chen bzang pos bsgyur cing zhus te gtan la phab pa'o// //'jig rten 'byung gnas zhi bas mdzad pa/ shes rab kyi pha rol tu phyin pa bsgom pa'i man ngag /shes rab kyi pha rol tu phyin pa la phyag 'tshal lo/ /de ltar thos pa dang bsams pa las byung ba'i shes rab bshad zin to/ /de dag rnyed nas shes rab kyi pha rol tu phyin pa bsgom par bya'o zhes sngar bstan pas/ da ni 'di bsgom pa brjod par bya'o/ /thos pa dang bsam pa dang sgom pa rnams kyi rab tu sbyor ba ni gnyis te/ gus par sbyor ba dang rgyun tu sbyor ba'o/ /rab tu sbyor ba ni goms par sbyor ba'o/ /gus pa dga' ba dang spro pas sbyor ba ni gus par sbyor ba yin la/ bar ma chad par sbyor ba ni rgyun tu sbyor ba'o/ /bsgom ba yang rnam pa gsum ste/ zhi gnas dang lhag mthong dang/ zhi gnas dang lhag mthong zung du 'brel par 'jug pa'i bsgom pa'o/ /de la ji snyed yod par gyur pa dang/ ji lta ba bzhin du gyur pa la rnam par mi rtog pa'i gzugs brnyan du gyur pa ni zhi gnas kyi dmigs pa'o/ /ji snyed yod par gyur pa dang/ ji lta ba bzhin du gyur pa la rtog pa dang bcas pa'i gzugs brnyen du gyur pa ni lhag mthong gi dmigs pa'o/ /'di ni byang chub sems dpa' gcig pu dben par gnas bcas la ji ltar bsam pa'i don yid la bya ste/ yid kyi brjod pa spangs nas sems nyid de ltar snang ba lan mang du yid la bya ste/ ji srid lus dang sems shin tu sbyangs pa ma skyes kyi bar du zhi gnas dang rjes su mthun pa yid la byed pa yin la/ gang gi tshe skyes pa de'i

  392. 196b

    tshe zhi gnas yin no/ /lus dang sems shin tu sbyangs pa thob pa yin la de nyid la gnas te/ ji ltar bsams pa de nyid kyi don nang gi ting nge 'dzin gyi gzugs brnyan gyi spyod yul la lhag par mos pas so sor brtag par bya ste/ /ji srid du lus dang sems shin tu ma sbyangs pa ma skyes pa de srid du ni lhag mthong dang rjes su mthun pa yin la/ gang gi skyes pa de'i tshe lhag mthong yin no/ /de'i 'og tu rnam par rtog pa dang bcas pa'i gzugs brnyan nyid la dmigs te/ sems de nyid la gang gi tshe rgyun mi 'chad pa dang/ bar ma chad pa'i yid la byed pa'i rgyun gyis gnyis ka yang nyams su myong ba de'i tshe zhi gnas dang lhag mthong zung du 'brel pa'i lam zhes brjod de/ de la zhi gnas dang lhag mthong ni zung yin la/ /'brel pa ni ldan pa ste phan tshun bcings nas 'jug pa'o/ /'dir sgrib pa lnga rnams kyi rgod pa dang 'gyod pa rnams ni zhi gnas la sgrib pa'o/ /rmugs pa dang gnyid dang the tshom ni lhag mthong la sgrib pa'o/ /'dod pa la 'dun pa dang gnod sems ni gnyi ga la sgrib pa'o/ /gang gi tshe rmugs ba dang gnyid yang dag par bsal bar gyur pa de'i tshe zhi gnas yongs su dag par gyur pa yin la/ gang gi tshe rgod pa dang 'gyod pa shin tu bsal bar gyur pa de'i tshe lhag mthong yongs su dag par gyur pa yin no/ /de la bcom ldan 'das kyis zhi gnas ni rnam pa dgur bka' stsal te/ ji lta ba bzhin du sems de nang du 'jog par byed kun tu 'jog par byed yongs su 'jog par byed/ nye bar 'jog bar byed/ 'dul bar byed/ zhi bar byed/ nye bar zhi bar byed/ rgyud gcig par byed/ sems mnyam par 'jog par byed ces gsungs so/ /de la dang po phyi rol gyi dmigs pa rnams las sems bla na te nang du rab tu bsdus nas sems dang por btags pa ni nang du 'jog pa'o/ /de nas rang bzhin gyis

  393. 197a

    g.yo pa'i sems de nyid rgyun tu gtod cing 'jog pa ni kun tu 'jog pa'o/ /de nas dran pa nyams pas phyi rol tu rnam par g.yeng ba shes par byas la slar blang nas sems de la 'jog pa ni yongs su 'jog pa'o/ /de nas sems rang bzhin gyis rgya che ba las yang dang yang du bsdus te phra bar byas nas gong nas gong du 'jog pa ni nye bar 'jog pa'o/ /de nas ting nge 'dzin gyi yon tan la bltas te/ de nyid la dga' ba ni 'dul ba'o/ /de nas rnam par g.yo ba'i skyon bltas nas yid phyir phyogs pa rab tu zhi bar byed pa de zhi ba'o/ /chags sems dang yid mi bde ba la sogs pa rnams zhi bar byed pa de ni nye bar zhi ba'o/ /de nas dmigs pa gcig la rang gi ngang gis 'jug pa ni rgyud gcig pa ste/ yang dag pa ma yin par 'gyur ba las 'bad pas yang dag par byed pa rgyud gcig tu byed pa'o/ /de nas rgyud gcig tu byed pa goms pa lhun gyis grub pas rang gi ngang gis 'jug pa yang dag par rang dbang thob pas 'dzin pa ni sems mnyam par 'jog pa'o/ /de skad du mdo sde rgyan las/ sems ni dmigs pa la sbyar te/ /rgyun de las ni yengs mi byed/ /rnam par g.yeng ba shes nas su/ /der ni slar yang myur bla na nas/ /nang du sems ni bsdu bar bya/ /blo ldan gong nas gong du sbyor/ /ting 'dzin yon tan la bltas nas/ /de nyid la ni dga' bar byed/ /rnam par g.yeng ba'i skyon bltas nas/ /phyir phyogs pa ni zhi bar bya/ /tshags sems yid mi bde la sogs/ /langs ba de bzhin du ni 'dul/ /de nas mngon par 'du byed pas/ /sems ni rnal du 'jug par bya/ /sdom brtson can gyis gus byas nas/ /'bad de 'jug pa thob par 'gyur/ /zhes gsungs so/ /lhag mthong yang bzhir gsungs te/ de ltar yang/ de chos rnams rnam par 'byid do/ /rab tu rnam par

  394. 197b

    'byed do/ /yongs su rtog go yongs su dpyod par byed do zhes gsungs so/ /de la ji snyed yod par gyur pa la so sor rtog pa ni rnam par 'byed pa'o/ /ji lta ba gzhan du gyur ba la so sor rtog ba ni rab tu rnam par 'byed pa'o/ /rnam par mi rtog pa yid la byed pa shes rab dang lhan cig tu gyur pas mtshan ma'i rnam par gzung ba yongs su rtog pa'o/ /kun tu spyod pa ni yongs su dpyod pa'o/ /'di dag gi bshad pa ni 'phags ba byams pas theg pa chen po'i chos mngon pa kun las btus pa las lhag mthong gang zhe na/ ji ltar yang de chos rnams rnam par 'byed/ rab tu rnam par 'byed/ yongs su rtog par byed/ yongs su dpyod par byed/ gnas ngan len gyi mtshan ma'i gnyen por blang ba dang/ phyin ci log nges par bsal ba dang/ phyin ci ma log pa las sems rnam par bzhag pa dag nye bar blangs so zhes gsungs te/ 'dir tshig 'di dag gi don ni gnas ngan len phyin ci log gi bag chags te/ de yang phyin ci log gong nas gong du skyed par byed pa'i nus pa sems kyi rgyud la gnas pa'i mtshan nyid do// de'i phyir mtshan ma ni gang gi phyir yongs su gso bar byed pa ste/ phyin ci log la mngon par zhen ba snga ma dag go/ de zad pas gnas ngan len zad de phyin ci log skye ba mi 'gyur te/ mtshan ma'i gnyen po goms pa las mtshan ma zad pa yin te/ gnyen po de ni 'byed pa dang/ rab tu rnam par 'byed pa ste/ de bas na 'di gnyis ni gnas ngan len gyi mtshan ma'i gnyen po nye bar blangs te/ yongs su rtog ba ni phyin ci log nges bar bsal ba nye bar blangs nas bstan te/ gang gi phyir 'di ni ji lta ba bzhin du rnam par phye bas phyin ci log gi dogs pa gcig tu bsal nas/ brjod pa med pa yid la byed pas yongs su btsal nas lhag par dmigs pa ste/ de bas na 'di ni phyin ci log nges bar bsal ba zhes bya'o/ /phyin ci ma log pa der mngon sum bzhin du

  395. 198a

    mthong ba'i don la sems bzhag nas so sor rtog pa ni yongs su dpyod pa ste/ de bas na 'di ni phyin ci ma log pa la sems gzhag ba nye bar blangs te bstan pa zhes bya ba yin no/ /de ltar 'dis phyin ci log nges par bsal bas phyin ci ma log par byas la/ de ltar lhag mthong rnam ba bzhi'i bsgom pa yongs su rdzogs pas lhag mthong gis ni gnas ngan len gyi 'ching ba las grol ba yin no/ /zhi gnas rnam pa dgu'i bsgom pa yongs su rdzogs pas ni mtshan ma'i 'ching ba las grol bar 'gyur te/ phyin ci log gi mtshan ma phyin ci log gi don gyi rnam pa 'gags pa'i mtshan nyid yin pa'i phyir ro/ /de skad du yang zhi gnas dang ni lhag mthong dag /bsgoms pas gnas ngan len ngang ni/ /mtshan ma yis ni 'ching ba las/ /rnal 'byor ba ni grol bar 'gyur/ zhes gsungs te/ tshigs su bcad pa 'di'i don ci rigs par sbyar la/ go rim bzhin du ma yin no/ /de bas na rnal 'byor pa dang bsgom pa ni rnam grangs yin la/ zhi gnas dang lhag mthong zung du 'brel ba ni rnal 'byor gyi thun mong gi dbye ba'o/ /shes rab kyi pha rol tu phyin pa bsgom pa'i man ngag slob dpon mkhas pa chen po rin chen 'byung gnas zhi ba'i zhal snga nas mdzad pa rdzogs so// //rgya gar gyi mkhan po shIn+ti b+ha dra dang/ zhus chen gyi lo tsA ba 'gos lha btsas kyis bsgyur cing zhus te gtan la phab pa'o// //rnal 'byor spyod pa'i bsgom pa'i don mdor bsdus te bstan pa/ 'jam dpal gzhon nur gyur pa la phyag 'tshal lo/ /ji skad du brjod pa'i ye shes de ni rtag pa dang chad par lta ba rnams kyis thob pa mi 'gyur te/ 'di ltar gal te yod par rnam par rtog na ni de'i phyir rtog pa nyid de 'dzin pa'i mthar lhung bar 'gyur/ ji ste med par rnam par rtog na ni/ de lta na yang chad

  396. 198b

    par lta ba'i mthar lhung bar 'gyur te/ de bas na 'di ni dbu ma'i lam gyi 'byung ba'i ngang tshul can yin pas ye shes de nyid de lta bur lta ba rnams kyis 'thob par mi nus so/ /de bas na dbu ma'i lam la brtson par bya'o/ /zhes bstan pa'i phyir/ dbu ma'i lam las byung ba yi/ /ye shes rnam par mi rtog de/ /rtag dang chad par lta rnams kyis/ /'thob pa nus pa ma yin no/ /zhes bya ba smos so/ /dbu ma'i lam de yang dpyad na rnam par rig pa tsam nyid de/ rnam par rig pa tsam nyid ni gtso bor rten cing 'brel par 'byung ba'i dngos po mtshon pa'o/ /gzhan gyi dbang 'khrul pa tsam yin pas gzung ba dang 'dzin pa nyid du snang ba'i phyir gal te ji ltar snang ba de bzhin du yod na ni rtag pa'i mthar 'gyur ro/ /ci ste ci yang med na ni de lta na chad par gyur te/ de bas na gdags pa'i gzhi yod pa nyid du khas blang par bya dgos te/ de'i phyir dbu ma'i lam zhes bya ba yang/ rnam rig tsam nyid ma gtogs pa/ /rigs par btags na 'dir gzhan ni/ /rnam pa kun tu mi 'thad do// zhes bya ba smos so/ /'o na bdas? dang rigs mthun pa'i mdo las/ kun dga' bo yod ces bya ba ni rtag par 'gyur ro/ /med ces bya ba ni chad par 'gyur ro/ /de lta bas na de bzhin gshegs pa dbu ma'i lam gyis chos ston to zhes gsungs pa ji lta bu zhe na/ de ni nyes pa med de/ gtso bor gang zag dag pa'i phyir gsungs kyi/ gzhan gtso bor byed pa ni ma yin te/ gzhan gtso bor mdzad pa ma yin pa de yang gang zag bsal bar mdzad pas bcom ldan 'das kyis gsungs so// de ltar rnam par rig pa tsam nyid dbu ma'i lam du bsgrubs nas/ de la gzung pa'i phyir/ rdzogs pa'i byang chub 'dod rnams kyis/ /mi rtog ye shes bskyed pa'i phyir/ /de bas rnam par rig tsam du/ /bsgoms rtag tu sbyar bar bya'o/ /zhes smos so/

  397. 199a

    gang dag bla na med pa yang dag par rdzogs pa'i byang chub mngon par rdzogs par 'tshang rgya bar 'dod ba de dag gis rnam par mi rtog pa'i ye shes yongs su bsgrub pa'i phyir 'di thams cad ni rnam par rig pa tsam mo zhes/ rnam par rig ba tsam nyid du bsgom pa la rtag tu sbyar bar bya'o/ /de ltar rnam par rig pa snang ba mthong ba skyes te thams cad la dngos po'i ngo bo mi mthong na/ gzung ba med par 'dzin pa yang med do zhes rnam par rig pa tsam yang yang dag par rjes su mi mthong ste/ de'i phyir gzung ba dang 'dzin par rnam par rtog pa dang bral bas rnam par mi rtog pa'i ye shes lhun gyis grub pa nyid du 'byung bar 'gyur te/ de'i phyir bsgom pa rtag tu sbyar bar bya/ zhes bya ba smos te/ 'di ni phan yon yin pas de'i phyir bsgrims shig ces ston to/ /de ltar bsgom pa la mngon par brtson pa'i blo gros dang ldan pa ni sa bcur rim gyis rnam par 'jig pas mi rtog pa'i ngo bo nyid mthong ste/ gzung ba dang 'dzin pa'i bdag nyid gnyis po gang yin pa de yang gnyis med kyi ngo bo nyid du rtog cing/ 'di na rtag par bya ba yang med la rtog pa yang med de/ 'di thams cad med pa las sgro btags pa yin pas 'di kun/ rmi lam dang 'dra'o zhes nges par byed de/ de'i phyir rnam rtog bdag nyid yin/ /gnyis dang gnyis med bdag nyid de/ /'di dag thams cad rmi lam bzhin/ /'di la brtag bya med rtog med/ /ces bya ba smos te/ de ni 'di skad du phyin ci log tu gyur pa ma rtogs par chos phra rab tsam yang med de/ de bas na phyin ci log spang ba na/ tsam zhig bya bar zad do zhes bstan par gyur ro/ /dngos po gang yang bsnan med cing/ /bsal ba med de de yi phyir/ /zhes bya bas ni de nyid sgrub par bya/ /'di la bsal ba ci yang med/ /gzhag par bya ba ci

  398. 199b

    yang med/ /yang dag nyid la yang dag blta/ /yang dag mthong nas rnam par grol/ /zhes bya ba ste de yi phyir/ /chos kyi rang gi ngo bo nyid/ /de bzhin nyid tsam mthong bas grol/ /zhes bya ba smos so/ /rnal 'byor spyod pa'i sgom pa'i don mdor bsdus te bstan pa slob dpon ye shes zla bas mdzad pa rdzogs so// //rtsa ba slob dpon klu'i bshes gnyen gyis mdzad pa lags so/ /rgya gar gyi mkhan po pradz+nyA warma dang/ zhus chen gyi lo tsA ba banda ye shes sdes bsgyur cing zhus te gtan la phab pa'o/ / rgya gar skad du/ su ga ta ma ho bi b+haM ga kA ri kA/ bod skad du/ bde bar gshegs pa'i gzhung rnam par 'byed pa'i tshig le'ur byas pa/ 'jam dpal gzhon nur gyur ba la phyag 'tshal lo/ /'dus ma byas gsum rtag pa ste/ /nam mkha' dang ni 'gog pa gnyis/ /'dus byas thams cad skad cig ma/ /bdag med byed pa po yod min/ /rnam par shes pa dbang skyes blos/ /mngon sum du ni phra bsags rig /kha phye bye brag smra ba yi/ /gzhung 'di yin par mkhas rnams bzhed/ /rang gi rnam par shes pa rig /dbang po'i yul du snang ba yin/ /nam mkha' mo bsham bu dang mtshungs/ /'gog pa gnyis kyang nam mkha' bzhin/ /sems dang mi ldan 'du byed med/ /dus gsum du ni rjes 'jug med/ /thogs bcas gzugs min yod ma yin// mdo sde ba yin mkhas zhes bya/ /cha shas zhes byar yod min phyir/ /phra rab rdul yang yod ma yin/ /snang ba dmigs su yod min te/ /rmi lam nyams su myong ba bzhin/ /gzung dang 'dzin pa las grol ba'i/ /shes pa dam pa'i don du yod/ /rnal 'byor spyod gzhung rgya mtsho yi/ /pha rol phyin rnams de skad smra/ /rnam shes don dam yin pa ru/ /de yang mkhas rnams mi bzhed de/ /gcig dang du ma'i rang bzhin bral/ /dngos med nam mkha' i pad+ma bzhin/ /yod min med min yod med

  399. 200a

    min/ /gnyis kyi bdag nyid du yang med/ /mdza' bzhi dag las des grol ba/ /dbu ma de nyid mkhas pa 'dod/ /bde bar gshegs pa'i gzhung rnam par 'byed pa'i tshig le'ur byas pa/ b+haM ga lar 'khrungs pa'i mkhas pa chen po jai tA ris mdzad pa rdzogs so// //paN+Di ta shAn+ti b+ha drA dang/ dge slong shAkya 'od kyis bsgyur cing zhus te gtan la phab pa'o// //rgya gar skad du/ sapta gu Na ba ra na nA kA thA/ bod skad du/ yon tan bdun bstan pa'i gtam/ /dkon mchog gsum la phyag 'tshal lo/ /gsod sar khrid pa legs btang dang/ /de bzhin srog gis phan btags shing/ /srog chags 'tshe ba las ldog bas/ /tshe ring ba ni thob par 'gyur/ /nad g.yog byed cing sman pa dang/ /sman rnams sbyin par byas pa dang/ /srog chags rnams la rdo dbyug sogs/ /'tshe ba spangs pas nad med 'gyur/ /khra ba med dang rgyan rnams ni/ /sbyin par btang bas gzugs bzang nyid/ /phrag dog med pa'i 'bras bu 'dir/ /skal ba bzang por yongs su bsgrags/ /nga rgyal spangs dang dam pa rnams/ /bsnyen bkur byas pas rigs 'thor 'gyur/ /sbyin byed rku ba las ldog na/ /longs spyod phun sum tshogs par 'gyur/ /gang zhig sdig yin dge ba yin/ /yang dag dri la brtson pa dang/ /chos kyi bstan chos byin pas ni/ /blo gros rgya chen thob par 'gyur/ /yon tan bdun bstan pa'i gtam slob dpon dbyig gnyen gyis mdzad pa rdzogs so// //rgya gar gyi mkhan po ka ma la gupta dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //rgya gar skad du/ shAkya sa mu ts+tsha ya kA ri kA/ bod skad du/ bslab pa kun las btus pa'i tshig le'ur byas pa/ sangs rgyas dang byang chub sems dpa' thams cad

  400. 200b

    la phyag 'tshal lo/ /'di ltar bdag dang gzhan dag kyang/ /'jigs dang sdug bsngal mi 'dod na/ /bdag dang bye brag ci yod na/ /gang de bsrung na gzhan mi bsrung/ /sdug bsngal mthar 'byin 'dod pa dang/ /bde ba'i mthar yang 'gro 'dod pas/ /dad pa'i rtsa ba bstan bya ste/ /byang chub la yang blo brtan bya/ /byang chub sems dpa' i sdom pa ni/ /rgyas bar theg pa che las 'byung/ /gang gis ltung bar mi 'gyur ba'i/ /gnad kyi gnas rnams 'dir rig bya/ /bdag gi lus dang longs spyod dang/ /dge ba dus gsum skyes pa rnams/ /sems can kun la btang ba dang/ /de bsrung dag pa spel ba'o/ /sems can rnams kyi longs spyod phyir/ /lus la sogs pa bsrung bar bya/ /ma bsrungs longs spyod gang las 'od/ /gang mi spyod pa ci zhig sbyin// de bas sems can longs spyod phyir/ /dge ba'i bshes gnyen mi btang zhing/ /mdo sde dag la rtag lta bas/ /lus la sogs pa bsrung bar bya/ /de la lus bsrung gang zhe na/ /gnod par 'gyur ba spang ba ste/ /de kun gang gis 'thob ce na/ /'bras bu med pa'i byed spangs pas/ /de yang rtag tu dran pas 'grub/ /dran pa shin tu gus las 'byung/ /gus ni zhi ba'i che ba nyid/ /shes par gyur nas brtun pa skye/ /mnyam gzhag yang dag ji bzhin du/ /shes par 'gyur zhes thub pas gsungs/ phyi rol g.yo ba bzlos pa yis/ /sems ni zhi las mi g.yo zhing/ /kun tu mi rgod 'jam pa dang/ /ran cing mnyan par smra ba yis/ /skal can skye bo 'dun par 'gyur/ /gzung bar 'os ba'ang skye bar 'gyur/ /'di ni bzung 'os ma yin na/ /'jig rten rgyal ba'i myu gu brnyas/ /thal bas g.yogs pa'i me bzhin du/ /sems can dmyal la sogs par bsreg /de phyir rgyal bas sdom pa'i mdor/ /gang gis sems can ma dang 'gyur/ /de ni bsgrims te rnam spang zhes/ /dkon

  401. 201a

    mchog sprin las bka' stsal to/ /'di ni bdag lus bsrung ba ste/ /sman dang gos la sogs bcas pa/ /bdag la sred pas longs spyad na/ /nyon mongs bcas pa'i ltung bar 'gyur/ /legs spyad dag la btsam par bya/ /thams cad la yang tshong rig bya/ /de ltas bslob pa'i gzhi 'di ltas/ /de yi longs spyod bsrung mi dka' / /rang don rnam smin sred spangs pas/ /dge ba kun tu bsrungs par 'gyur ro/ /'gyang bar yang ni mi bya ste/ /byas par gyur kyang bsgrag mi bya/ /rnyed dang bkur stis 'jigs bya zhing/ /khengs pa rtag tu spang bar bya/ /byang chub sems dpa' dang bya zhing/ /chos la yid gnyis spang bar bya/ /lus ni rnam par spyad byas na/ /phan pa'i longs spyod 'gyur ba ste/ /'bras chen legs par tshos pa dang/ /gzegs med lus can phan pa 'dra/ /ji ltar lo thog btsas khebs na/ /nad kyis zhum zhing rgyas mi 'gyur/ /de ltar sangs rgyas myu gu yang/ /nyon mongs khebs na rgyas mi 'gyur/ /lus kyi dag pa gang zhe na/ /sdig dang nyon mongs rnam spyod yin/ /rdzogs sangs rgyas kyi gsungs tshul du/ /'bad pa med na ngan 'gror 'gro /bzod bya thos pa btsal bar bya/ /de nas nags su gnas par bya/ /mnyam par bzhag la brtson bya zhing/ /mi sdug la sogs bsgom par bya/ /yang dag 'tsho ba sbyangs pa yis/ /longs spyod dag par shes par bya/ /stong pa snying rje'i snying po can/ /bskyed pas bsod nams dag par 'gyur/ /gzung bar bya ba rab mang la/ /'di ni nyung na 'dis ci bya/ /shin tu ngoms pa bskyed ma yin/ /de phyir 'di ni 'phel bar bya/ /de la lus 'phel gang zhe na/ /le lo med dang stobs bskyed yin/ /stong dang snying rje'i snying po can/ /sbyin pas longs spyod 'phel bar 'gyur/ /brtson dang bsam pa bstan par yang/ /dang por nan tan

  402. 201b

    byas nas ni/ /snying rje mdun du bzhag nas ni/ /dge ba spel la nan tan bya/ /bzang po spyod pa'i cho ga bzhin/ /phyag 'tshal la sogs gus par bya/ /dad ba la sogs rtag tu bsgom/ /byams dang sangs rgyas sogs dran bya/ /dus rnams kun tu sems can don// chos kyi sbyin pa zang zing med/ byang chub sems ni mdor bsdu na/ /bsod nams 'phel ba'i rgyu yin no/ /'grub pa yang dag spong rnams ste/ /bag yod pa dang ma bral zhing/ /dran pa dang ni shes bzhin dang/ /tshul bzhin du ni sems pa'o/ /bslab pa kun las btus pa'i tshig le'ur byas pa/ mkhan po zhi ba lha'i zhal snga nas mdzad pa rdzogs so// //rgya gar skad du/ shi kA sa mu ts+tsha ya a b+hi sa ma ya nA ma/ bod skad du/ bslab pa kun las btus pa'i mngon par rtogs pa zhes bya ba/ bcom ldan 'das 'jam dpal rdo rje la phyag 'tshal lo/ /stobs bcu ldan pa gang gi zhabs rdul la/ /lha rnams cod pan gyis btugs de btud de/ /'jam pa'i dbyangs kyi zhabs gtugs zhi ba'i lhas/ /bslab pa'i gnas rnams mdo sde kun las btus/ /dang po gnyis ni phyi ma bdun gyis bshad/ /gnyis kyi don ni rnam dgur shes par bya/ /lnga yi 'og dang gnyis kyi gong ma ni/ /dang po yin te gzhan ni gnyis pa yin/ /gnyis ka'i don ni zla ba tshes pa dang/ /nya dang sdig pa gser gyi 'khor lo dang/ /glang po gdugs dang thig le dang po dang/ /'jam pa'i dbyangs kyi phyag na ral gri 'dzin/ /rin po che ni khyad par gnyis dang bcas/ /dad dang bla ma'i tshogs dang go cha dang/ /byin brlabs phyir mi ldog dang spyod pa dang/ /lung bstan pa ni sku gsum yon tan bcas/ /bzhi las 'bras bur gyur pa dang po ste/ /gsum ni yang dag spong bar rab tu gnas/ /gnyen po gang la nge yi ngo bo ste/ /rten dang nyes pa spong ba dang po yin/ /sun 'byin pa ni de yi gnyis par brjod/ /gnyen po

  403. 202a

    sbyor ba gnyis pa'i dang po ste/ /spyod pa tha ma de yi gnyis pa yin/ /mi mthun pa ni rnam pa brgyad yin te/ /las dang nyon mongs lta ba dag las ni/ /'gyur dang gyur pa'i khyad par rnam pa drug /rang gi rtsa ba tha ma gnyis dang bcas/ /'gyur dang gsum ni dang po'i chos su bzhag /gyur pa gsum ni dang po'i gnyis pa ste/ /rtsa ba gnyis kyang de dang mthun pa yin/ /gyur ba gsum ni gnyis pa'i gnyis pa ste/ /rten gyi dang po'i chos kyang de yi yin/ /gyur pa dang po stobs kyi dang po ste/ gyur pa gnyis pa phung po'i gnyis pa yin/ /gyur pa gsum pa phung po'i gsum pa ste/ /mi mthun gnyen po'i khyad par de yis bstan/ /tshogs kyi lam la lnga ni dngos yin te/ /de las gzhan pa rjes su mthun pa yin/ /sbyor pa'i lam la bdud ni dngos yin te/ /de las gzhan pa lnga ni rjes mthun yin/ /mthong ba'i lam la bcu ni dngos yin te/ /de las gzhan pa gnyis ni rjes mthun yin/ /tshogs kyi lam la bsrung ba gtso bo ste/ /chos gzhan gsum po mos pas mchog dang ldan/ / sbyor pa'i lam la spel pa gtso bo ste/ /gsum pa dag la ji ltar 'tsham par zad/ /mthong ba'i lam la dag ba gtso bo ste/ /gsum po dag gis bdag dang gzhan gyi don/ /bsgom pa'i lam la pha rol phyin pa ste/ /bsdu ba'i dngos pos 'gro ba tshim par byed/ /bslab pa kun las btus pa'i mngon par rtogs pa zhes bya ba rdzogs so// //dpal mar me mdzad ye shes dang/ dge slong tshul khrims rgyal bas bsgyur ba'o/ /gser gling rgyal po dpal ldan chos skyong gis// bcom ldan 'das dpal rdo rje mnyes byas pas/ /bslab pa kun las btus pa'i mngon par rtogs/ /ka ma la dang mar me mdzad la gsungs// //rgya gar skad du/ mahA yA na bidsha ka/ bod skad du/ theg pa chen po ni nyi shu pa/

  404. 202b

    dkon mchog gsum la phyag 'tshal lo/ /gang gis brjod pa'i chos kyis ni/ /brjod du med kyang brtse bas bstan/ /chags med blo can blo med pa'i/ /mthu can sangs rgyas la phyag 'tshal/ /skye ba don du yod ma yin/ /'gag pa'ang de nyid du med de/ /sangs rgyas nam mkha' ji bzhin la/ /sems can rnams kyang mtshan nyid gcig /pha rol tshul bzhin skyes pa yi/ /'dus byas rten skyes de dag kyang/ /rang gi ngo bo stong pa nyid/ /kun mkhyen ye shes spyod yul can/ /dngos po thams cad rang bzhin gyis/ /gzugs brnyan dang ni mtshungs par 'dod/ /bdag dang zhi ba'i rang bzhin te/ /gnyis med de bzhin nyid dang mtshungs/ /so so'i skye bo de nyid du/ /bdag med na yang bdag nyid du/ /bde dang sdug bsngal btang snyoms dang// nyon mongs kun tu rnam par brtag /'khor bar 'gro ba rnam drug dang/ /bde 'gro bde ba mchog nyid dang/ /dmyal bar sdug bsngal chen po dang/ /yul la de nyid mi bsam par/ /gzhan yang mi dge sdug bsngal dang/ /rga dang na dang mi rtag nyid/ /las rnams kyi ni rnam smin dang/ /bde ba dang ni sdug bsngal nyid/ /yang dag ri mo mkhan gyis ni/ /shin tu 'jigs byed gshin rje'i gzugs/ /bris te rang yang 'jigs pa ltar/ /'khor bar rmongs pa'ang de bzhin no/ /ji ltar rang gis 'dam byas nas/ /byis pa dga' ba 'dred pa ltar/ /de bzhin shin tu dga' ba yi/ /rnam rtog 'dam du sems can bying/ /med la yod par mthong ba min/ /sdug bsngal tshor ba myong bar byed/ /nyam nga phyin ci log blo yis// dogs pa'i dug gis gnod par byed/ /skyabs med de dag mthong nas ni/ /snying rje'i dbang gyur yid can gyis/ /sangs rgyas phan mdzad sems can rnams/ /rdzogs pa'i byang chub la sbyor mdzad/ /de dag bsod nams tshogs

  405. 203a

    bsags nas/ /rtog pa'i dra ba las gral te/ /ye shes bla na med pa 'thob/ /sangs rgyas 'jig rten gnyen du 'gyur/ /yang dag don ni mthong ba'i phyir/ /ji bzhin ye shes skyes pa rnams/ /de nas thog mdza' bar spangs pa'i// 'gro ba stong pa nyid du mthong/ /de dag bdag nyid 'khor ba dang/ /mya ngan 'das pa mi mthong ngo/ /ma gos 'gyur ba med pa dang/ /gzod nas zhi zhing 'od gsal ba'o/ /rmi lam nyams su myong ba'i yul/ /sad par gyur na mi mthong ngo/ rmongs pa'i mun pa sad pa yis/ /'khor ba mthong ba ma yin nyid/ /rang bzhin med pa'i dngos rnams la/ /rtag bdag med pa'i 'du shes kyis/ /chags rmongs mun pas bsgribs pa ni/ /srid pa'i rgya mtsho 'di 'byung ngo/ /skye ba dang nyid ma skyes rnams/ /'jig rten rnams kyis skye bar brtags/ /rnam par rtog dang sems can rnams/ /'di dag gnyis kar rig ma yin/ /'di dag thams cad sems tsam ste/ /sgyu mar 'gyur ba bzhin du skye/ /de las dge dang mi dge las/ /de las skye ba bzang dang ngan/ /sems kyi 'khor ba 'gags pa na/ /kun gyi chos nyid 'gag pa yin/ /de nyid chos la bdag med de/ /de nyid chos kyi rnam dag ste/ /theg pa che la ma brten par/ /'khor ba'i rgya mtsho chen po yi/ /pha rol brgal bar 'gyur ba min/ /theg pa chen po nyi shu pa slob dpon 'phags pa klu sgrub kyis mdzad pa rdzogs so// //kha che'i paN+Di ta An nda dang/ lo tsA ba dge slong grags 'byor shes rab kyis bsgyur ba'o// //rgya gar skad du/ Arya shA li sAm+b+ha ka kA ri kA /bod skad du/ 'phags pa sA lu ljang pa'i tshig le'ur byas pa/ 'phags pa 'jam dpal la phyag 'tshal lo/ /yon tan mdza' yas bsam mi khyab/ /rdzogs pa'i sangs

  406. 203b

    rgyas thugs rje'i bdag /btud de sA lu ljang ba yi/ /tshig le'ur byas pa bshad par bya/ /thub pa rgyal po'i khab kyi ni/ /bya rgod ces pa'i ri bo la/ /dge slong ma dang byang chub sems/ /tshogs dang yang dag thabs gcig bzhugs/ /sA lu ljang pa la gzigs nas/ /rgyu dang rkyen yas byung ba ste/ /rgyu dang rkyen skyes de bzhin du/ /yan lag bcu gnyis rim 'byung ba/ /gang gis rten 'brel zhes mthong ba/ /chos dang sangs rgyas mthong ngo zhes/ dge slong rnams la 'di gsungs nas/ /'dren ba cad mi gsung ba bzhugs/ dge slong shA ri'i bus thos nas/ /byams pa'i drung du song nas ni/ /byams pa deng 'dir de bzhin gshegs/ /'di gsung don rnams ma phye bar/ /cang mi gsung bar bzhugs gyur na/ /de'i don ji ltar rtogs par bya/ /rten cing 'brel dang chos gang yin/ /sangs rgyas kyang ni gang zhig yin/ /ji ltar rten 'brel mthong ba ni/ /chos dang sangs rgyas mthong ba yin/ /bdag gis the tshom 'di spros zhes/ /sha ri'i bu yis ma pham smras/ /byams pa shin tu bsgom pa'i bdag /byams pas gtan la dbab pa smras/ /yan lag bcu gnyis ma rig sogs/ /'chi ba la thug go rim bzhin/ /de lta bas na sdug bsngal gyi/ /phung po 'ba' zhig 'byung bar 'gyur/ /chos lam yan lag brgyad pa dang/ /'bras bu mya ngan 'das pa'o/ /de ltar thams cad thugs chung phyir/ /chos skyes sangs rgyas zhes bya ste/ /de skad ces bya 'phags mthong bas/ /gang gis mthong ba des mthong ngo/ /gang zhig srog la sogs bral bska nyer zhi la thub bcas par ni/ /rten 'brel chos dang sangs rgyas dag / dri med pa yi blos mthong ba/ /rten 'brel zhes pa'i mtshan nyid ni/ /rgyu bcas la sogs tshig dang ldan/ /sangs rgyas byung rung ma byung rung/ /chos nyid 'di ni gnas pa yin/ /phyi dang de bzhin nang gi ni/ /rgyu dang rkyen ni rnam gnyis te/ /phyi rol rgyu ni sa

  407. 204a

    bon sogs/ /rkyen ni rnam pa drug tu bstan/ /sa bon myu gu sdong bu sogs/ /ji ltar 'bras bu 'jug pa brjod/ /rkyen ni sal sogs pa ste/ /dus la sogs pa go rim bzhin/ /rten dang brlan dang smin pa dang/ /'bru 'phel dang ni go 'byed dang/ /'gyur bdag ni de rnams kyi/ /bya ba ji bzhin 'jug pa'o/ /rkyen rnams tshogs pa med na ni/ /sa bon yod kyang myug sogs med/ /sa bon med pa nyid yin la/ /rkyen rnams yod kyang de dang 'dra/ /rgyu dang de bzhin rkyen rnams ni/ /dar 'dzin la sogs bral ba ste/ /rgyu dang rkyen ni tshogs pa las/ /las kyi 'bras bu chung zab med/ /bdag las ma yin gzhan las min/ /gnyis dang byed po dus las min/ /de bzhin dbang phyug sogs byas min/ /rang bzhin las min rgyun med min/ /rgyu dang rkyen gyis 'jug pa yang/ /thog ma med pa'i dus can snang/ /rgyu lnga dag gis phyi rol gyis/ /rten cing 'brel par 'byung ba bzhed/ /rtag par ma yin chad par min/ /'pho bar ma yin rgyu chung las/ /'bras bu chen po 'grub pa dang/ /'dra bar rjes su 'gro phyir yang/ /myu gu sa bon ltar mi 'dor/ /rgyu med myu gu skye ba'ang med/ /'gag dang skye ba mgo mnyam ste/ /srad mnga' i mgo mjug mtho dman bzhin/ /de bzhin nang gi rgyu dang ni/ /rkyen gyis rnam pa gnyis su bzhed/ /'di'i rgyu dang po ma rig pa tha ma 'chi yin go rim bzhin/ /yan lag bcu gnyis nyon mongs las/ /skye bcas bdag nyid cha gsum ni/ /rgyu dang rkyen las byung ba ste/ /byed po la sogs rnam par spangs/ /gal te dang po ma rig med/ /tha ma 'chi ba 'byung mi 'gyur/ /de dag las gzhan bdag dang ni/ /bdag gi zhes pa gang na'ang mang/ /dang po ma rig byung na ni/ /tha ma 'chi ba'ang snang bar 'gyur/ /de ltar 'di ni nang gi rgyu/ /'di yi rkyen ni rnam pa drug /tha ma rnam par shes thog mas/ /nang gi rkyen tu 'dod pa

  408. 204b

    yin/ /sra dang rjes su sdud pa dang/ /smin dang dbugs 'phel go 'byed nyid/ /shes dang gzugs kyi rjes 'jug pa/ /rnam shes lnga dang ldan pa dang/ /de na nyon mongs can yid kyang/ /'di rnams nang gi rkyen yin no/ /khams rnams 'dus par gyur pa las/ /lus ni skye bar 'dod pa yin/ /de dag bdag dang bdag gi zhes/ /rnam rtog skye ba med par 'dod/ /de dag yod na skye 'gyur te/ /de dag med na 'byung ba med/ /de rnams bdag sogs mi ldan la/ /gzhan yang su'i yang ma yin no/ /gang gcig ril sogs 'du shes pa/ /de ni ma rig srid gsum sgrib/ /mi shes pas ni 'dod chags dang/ /zhe sdang gti mug mngon du byed/ /de las 'du byed dngos la ni/ /rnam par rig pa'i rnam shes 'byung/ /rnam shes lhan cig 'byung ba ni/ /gzugs can ma yin phung po bzhi/ / ming dang gzugs la brten nas ni/ /dbang po skye mched 'byung bar 'gyur/ /yul dang dbang po rnam par shes/ /'dus pa las ni reg pa 'byung/ /reg 'byung tshor bar shes bya ste/ /de bzhin tshor 'byung sred pa'o/ /sred 'phel nye bar lan pa dang/ /len pa las ni srid pa 'byung/ /srid las phung 'byung skye ba ste/ /de bzhin skye las rgas pa'o/ /de bzhin rgas pa'i phung med pa/ /de ni 'chi ba zhes brjod do/ /rmongs pa 'chi las mya ngan te/ /sred dang bcas pa'i gdung ba nyid/ /mya ngan las ni brjod pa gang/ /de ni smre sngags 'don ces bya/ /smre sngags 'don pa las byung ba/ /rnam par shes pa tshogs lnga yis/ /sim pa ma yin sdug bsngal brjod/ /lus kyi bde ba'i gegs byed pa'o/ /yid la byed pa'i sdug bsngal ni/ /yid la nye bar gnod byed pa/ /de yid mi bder shes bya ste/ /gang gzhan nye bar nyon mongs rgyu/ /mun mngon shes dang gzugs dang ni/ /skye mched reg myong skom pa'i phyir/ /sred las len dang srid skye dang/ /smin dang 'jig dang mya ngan phyir/ /tshig sogs lus la gnod pa dang/ /sems

  409. 205a

    yid mi bde'i phyir phyir ni/ /nyon mongs phyir ni ming don mthun/ /go rim bzhin du bstan pa yin/ /yang de kho na yong ma shes/ /ma rig la sogs go rim bzhin/ /snga ma snga ma las phyi ma/ /skye ba dag tu yang dag brjod ba yan lag bcu gnyis gsum 'jug pa/ /'di ni rtag chad rtog med skye/ /chu bo'i rgyun bzhin 'jug pa yis/ /thog ma med pa'i dus can 'jug /'on kyang bzhi po 'di dag ni/ /rgyu ni sdud par byed pa ste/ /ma rig sred las rnam par shes/ de dag go rim bzhin du bshad/ /rgyu la rnam shes sa bon te/ /las ni zhing du gsungs pa yin/ /dang po sred pa nyon mongs pa'i/ /ngo bos sgyur ni yang dag bshad/ /las dang nyon mongs rnam par shes/ /sa bon nyid du nye bar gnas/ /las ni sa bon rnam shes kyi/ /zhing gi bya ba yang byed do/ /sred pas rnam shes zhes bya yi/ /sa bon de ma thag brlan byed/ /ma rig sa bon rnam par shes/ /brlan pas bsten pa 'debs par byed/ /las dang sred pa ma rig pa/ zhing dang brlan dang 'debs byed rnams/ / rnam par shes pa 'di bya dang/ /rnam shes bdag 'dis snyam pa med/ /'on kyang sa bon rnam par shes/ /las dang nyon mongs gnas pa ni/ /sa bon rnam par shes zhes brjod/ /ma rig lung kyis dran pa dang/ /srid pa'i chu yis brten na ni/ / gyu las ming dang gzugs kyi ni/ /myu gu skye ba'ang snang bar 'gyur/ /rang gzhan gnyis ka la sogs pas/ /ming gzugs 'di dag 'byung yin gyi/ /pha dang ma ni phrad pa dang/ /dus rnams mi 'gal nyid las so/ /myong ba cung zad 'phel ba na/ / sa bon rnam par shes par brjod/ /ma yi mngal du rim bzhin 'phel/ /ming gzugs myu gu skyed par byed/ /rkyen rnams ma tshang med pa dang/ /rgyu rnams 'gal ba ma yin las/ /sgyu ma bdag med 'dzin med par/ /skye ba yang ni yod pa yin

  410. 205b

    mig gi rnam par shes pa yang/ /rgyu lnga po yis 'byung ba ste/ /mig dang gzugs dag de bzhin sna/ /nam mkha' de skyed yid la byed/ /lnga po ma tshang med pa las mig gi rnam bar shes pa 'byung/ /de dag bdag gis de skyed ces/ /rnam rtog skye med ji lta bar rna ba'i rnam shes la sogs kun/ /skye ba'i rim pa 'di nyid yin/ /rgyu dang rkyen gyi tshogs pa las/ /byed po la sogs bral ba dang/ /ngar 'dzin ba dang bral ba las/ /skye ba yang ni snga ma bzhin/ /de ltar rten cing 'brel 'byung ba'i/ /rgyu can kun tu shes par bya/ 'jig rten 'di nas pha rol tu/ /'gro ba'i chos 'ga' gang na'ang med/ /'on kyang rgyu dang rkyen dag las/ /las kyi 'bras bu mngon ba yin/ /ji ltar me long rab phyis la/ /bzhan gyi gzugs brnyan dmigs ba bzhin/ /me long nang du gzugs brnyan lang/ /'phos ba yod pa ma yin nyid/ /de dag phan tshun rtog med cing/ /byed pa po dang las rnams spangs/ /de bzhin skye bar snang ba ni/ /sngon 'phel bya ba'i rim las so/ /ji ltar zla ba ring gnas pa/ /chu snod chung ngu'i nang du ni/ /snang ste 'phos pa ma yin la/ /bya ba dang ni las kyang yod/ /de bzhin 'di nas 'phya 'pho ba/ /'ga' med 'gro bar skye ba'ang snang/ /rgyu rkyen ma tshang me mi 'bar/ /rgyu rkyen tshang na me 'bar bzhin/ /rgyu rkyen ma tshang med pa las/ /phung po nying mtshams sbyor ba yod/ /phyi yi las dang bya ba rgyu/ /de ni brtags pa'i bdag nyid do/ /de bzhin gzhan dbang nang gi ste/ /rnam shes lnga pa 'byung ba'o/ /brtag bya min phyir don dam ni/ /yongs su grub par 'dod pa yin/ /rgyu dang rkyen dang lhan skye ba/ /nam yang rnam gnyis shes bar bya/ /byed pa po la sogs pas dben/ /gsob gsog stong sogs snying po med/ /de ltar shes rab kyis mthong gang/ /ci phyir ji ltar gang du cis/ /snyam pa'i rtog smra sogs spangs pa/ /chu zla'i gzugs brnyan

  411. 206a

    ji bzhin ba/ /de bzhin 'di nas 'chi 'pho ba/ /'ga' med 'gro bar skye ba'ang snang/ /ji ltar bud shing dang 'brel na/ /me yi rgyun ni 'jug 'gyur gyi/ /rgyu ni ma tshang gyur pa las/ /me ni rjes su 'jug pa min/ /de bzhin kun nas nyon mongs pa'i/ /sa bon ye shes mes bsregs na/ /rgyu med phyir na 'bras med de/ /bya ba dang ni las kyang med/ /yon tan mdza' yas bsam mi khyab/ /zhi ba chos kyi rang bzhin sku/ /thog ma dbus dang mdza' bral ba/ /rtogs nas sangs rgyas go 'phang 'thob/ /gang gis de ltar de nyid bzod/ /da ni lung bstan the tshom med/ /de skad byams bdag bdag nyid kyis/ /shA ri'i bu la smras pa dang/ /sA lu ljang pa dper mdzad pa/ /de ni shA ri'i bus thos nas/ /snying po blangs te lha tshogs kyis/ rjes su yi rang mngon bstod nas/ /langs te song nas dga' sems kyis/ /dge slong rnams la bshad pa yin/ /'phags pa sA lu ljang pa'i tshig le'ur byas pa 'phags pa klu sgrub kyis mdzad pa rdzogs so// //rgya gar gyi mkhan po d+harma sh+rI b+ha drA dang/ zhus chen gyi lo tsA ba legs pa'i blo gros dang/ dz+nyA na ku mA ras bsgyur/ slad kyis dpal rtsegs rak+Shi tas bcos te gtan la phab pa'o// //rgya gar skad du/ pra tI tya sa mutpA da h+ri da ya kA ri kA/ bod skad du/ rten cing 'brel par 'byung ba'i snying po'i tshig le'ur byas pa/ 'jam dpal gzhon nur gyur pa la phyag 'tshal lo/ /yan lag bye brag bcu gnyis gang/ /thub pas rten 'byung gsungs de dag /nyon mongs las dang sdug bsngal dang/ /gsum po dag tu zad par 'dus/ /dang po brgyad dang dgu nyon mongs/ /gnyis dang bcu ba las yin te/ /lhag ma bdun yang sdug bsngal yin/ /bcu gnyis chos ni gsum du 'dus/ /gsum po dag las gnyis 'byung ste/ /gnyis las bdun

  412. 206b

    'byung bdun las kyang/ /gsum 'byung srid pa'i 'khor lo ste/ /'di ni yang dang yang du 'khor/ /'gro kun rgyu dang 'bras bu ste/ /'di las sems can gzhan ci'ang med/ /stong pa kho na'i chos rnams las/ /stong pa'i chos rnams 'byung bar zad/ /kha ton mar me me long rgya/ /me shel sa bon skyur dang sgras/ /phung po nying mtshams sbyor ba yang/ /mi 'pho bar yang mkhas rtogs bya/ /shin tu phra ba'i dngos la yang/ /gang gis chad par rnam brtags pa/ /rnam par mi mkhas de yis ni/ /rkyen las byung ba'i don ma mthong/ /'di la gsal bya gang yang med/ /bzhag par bya ba ci yang med/ /yang dag nyid la yang dag blta/ /yang dag mthong nas rnam par grol/ /rten cing 'bral par 'byung pa'i snying po'i tshig le'ur byas pa/ slob dpon 'phags pa klu sgrub kyis mdzad pa rdzogs so// //rgya gar skad du/ pra tI tya sa mut+tA da h+ri da ya byA khyA na/ bod skad du/ rten cing 'brel bar 'byung ba'i snying po'i rnam par bshad pa/ 'jam dpal gzhon nur gyur pa la phyag 'tshal lo/ /'di la dge sbyong nyan 'dod pas mnyan pa dang/ gzung ba dang/ khong du chud par bya ba dang/ rtog pa sel nus pa dang ldan pa'i slob ma zhig slob dpon gyi gam du 'ongs nas de bzhin gshegs pa'i bstan pa las brtsams te 'di skad 'bril lo/ /bcom ldan 'das 'di la/ yan lag bye brag bcu gnyis gang/ /thub pas rten 'byung gsungs de dag /gang du bsdu bar lta ba thos par 'tshal lo/ /de la chos de dag gi de kho na nyid 'dri bar rig nas slob dpon gyis 'di skad du/ nyon mongs las dang sdug bsngal dang/ /gsum po dag tu zad par 'dus/ /gsal zhing zur phyin pa'i tshig 'di smras so/ /de la bcu dang gnyis ni bcu gnyis so/ /yan lag rnams nyid bye brag yin pas yan lag bye brag ste/ shing rta'i yan lag

  413. 207a

    bzhin du 'gyur bar bstan to/ /sku dang gsung dang thugs thub pas thub pa'o/ /thub pa des gsungs zhes bya ba ni bstan pa dang bshad ces bya ba'i rnam grangs su gtogs pa'o/ /de yang rang bzhin dang/ des ba dang/ skyes bu gzhan la rag las pa dang/ dbang phyug dang/ dus dang/ ngo bo nyid dang/ 'dod rgyal dang/ gnas kyis bskal ba dang/ gyi na log pa'i rgyu las byung ba ni ma yin gyi/ 'di ni rten cing 'brel par 'byung ba'o/ /yan lag bcu gnyis ba de dag ni nyon mongs pa dang/ las dang/ sdug bsngal rnams gcig la gcig brten pa mdung khyim gyi tshul du gsum po dag tu zad par 'gyur ro/ /zad par zhes bya ba ni ma lus bar zhes pa ba'i tha tshig go /dris pa nyon mongs pa rnams ni gang/ las ni gang/ sdug bsngal ni gang/ rten ba'i bye brag 'di dag gang du bsdu bar 'gyur/ /smras pa/ dang po brgyad dang dgu nyon mongs/ /bye brag bcu gnyis kyi dang po ni ma rig pa/ /brgyad pa ni sped pa/ dgu pa ni len pa ste/ gsum pa ni nyon mongs pa rnams su shes par bya'o/ /las de gang zhe na/ gnyis dang bcu ba las yin te/ gnyis pa ni 'du byed/ bcu pa ni srid pa ste/ chos gnyis ni las su 'dus par shes par bya'o/ /lhag ma bdun yang sdug bsngal yin/ nyon mongs pa dang/ las su bsdus pa'i bye brag de dag gi lhag ma bye brag bdun po gang yin pa de dag ni sdug bsngal du shes par bya'o/ /'di lta ste/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ skye ba dang/ rga shi rnams so/ /yang zhes bya ba'i sgra ni bsdu ba ste/ sdug ba dang bral ba dang/ mi sdug pa dang phrad pa dang/ 'dod pas phongs pa'i sdug bsngal rnams bsdu ste/ bcu gnyis chos

  414. 207b

    ni gsum du 'dus/ /de'i phyir chos bcu gnyis po 'di dag ni las dang nyon mongs pa nas/ sdug bsngal rnams su shes par bya'o/ /ni zhes bya ba'i sgras ni lhag pa'i tshigs bcad pa'i don to/ /mdo las bstan pa'i chos ni 'di dag tu zad kyi/ 'di las gzhan ci yang med do zhes bcad pa'o/ /dris pa de dag 'tshal na nyon mongs pa dang las dang sdug bsngal dag gang las gang 'byung ba de dag bstan du gsol/ /smras ba/ gsum po dag las gnyis 'byung ste/ /nyon mongs pa zhes bya ba gsum po dag las/ las zhes bya ba gnyis 'byung ngo/ /gnyis las bdun 'byung/ sdug bsngal zhes bya ba gong du bstan pa rnams so/ /bdun las kyang gsum 'byung/ nyon mongs pa zhes bya ba rnams so/ /yang nyon mongs ba gsum po de dag las gnyis 'byung ste/ srid pa'i 'khor lo de nyid ni yang dang yang du 'khor/ srid ba ni gsum ste/ 'dod pa dang/ gzugs dang/ gzugs med pa dag tu mi sdod bar 'khor ba'i 'khor lor gyur pa so so'i skye bo'i 'jig rten 'di dag nyid kun tu 'phyan te/ /ni zhes bya ba'i sgras ni nges pa med par bstan ba'i don to/ /ji ltar 'khor lo rin po che 'khor ba de ltar srid pa gsum du 'byung ba ma yin gyi/ nges pa med par bstan to/ /dris pa/ 'o na lus thams cad kyi dbang phyug sems can zhes bgyi ba de dag las de byed pa ji lta bu/ smras pa/ 'gro kun rgyu dang brtson 'grus te/ /brtag pa ma gtogs par 'di la sems can gzhan ci'ang med/ 'di ni yang dag par brtags pa ste/ brtags ba tsam ni ma yin no/ /brtags pa tsam gyi yul du 'dod pa ni rdzas su yod par mi rung ngo/ /dris pa/ gal te de lta na 'o na 'jig rten 'di nas pha rol tu su 'chi/ smras pa/ 'jig rten 'di nas pha rol tu rdul phra mo tsam yang mi 'pho ste/ 'on

  415. 208a

    kyang/ stong pa kho na'i chos rnams las/ /stong ba'i chos rnams 'byung bar zad/ /bdag dang bdag gi med pa'i chos nyon mongs pa dang/ las zhes bya ba rgyur gyur pa lnga po stong pa rnams las bdag dang bdag gi med pa'i sdug bsngal du brjod pa 'bras bur brtag pa'i chos stong pa bdun po 'byung bar 'gyur zhes bya ba'i tha tshig go /de ni 'di skad du/ bdag dang bdag med pa de dag phan tshun du yang dang yang bdag gi ba ma yin te/ 'on kyang rang bzhin gyis bdag med pa'i chos rnams las rang bzhin gyi bdag med pa'i chos rnams 'byung ba de ltar khong du chud par bya'o zhes bstan pa yin no/ /'dir rang bzhin gyis bdag med pa'i chos de kho na dag las rang bzhin gyis bdag med pa'i chos 'byung ba de la dpe ci mchis/ /'dir smras pa/ kha ton mar me me long rgya/ /me shel sa bon sgyur dang sgra/ /dpe 'di rnams brtags pas kyang rang bzhin gyis bdag med pa dang/ 'jig rten pha rol 'grub par shes par bya'o/ /dper na bla ma'i kha nas brjod pa rnams slob mar 'pho na ni bla mas brjod pa de med par yang 'gyur bas mi 'pho'o/ /slob mas smras ba yang gzhan las ma yin te/ rgyu med par 'gyur ba'i phyir ro/ /ji ltar bla ma'i kha nas brjod pa ltar 'chi ka'i sems kyang de bzhin te/ rtag pa'i skyon du 'gyur bas/ 'jig rten pha rol tu mi 'gro'o/ /'jig rten pha rol yang gzhan las mi 'byung ste/ rgyu med pa'i skyon du 'gyur ba'i phyir ro/ /ji ltar bla med brjod pa'i rgyu las slob ma de nyid dang gzhan no zhes brjod par mi nus pa ltar 'chi ka'i sems la brten nas skye ba'i char rtogs pa'i sems kyang de bzhin te/ bdag nyid dang de las so gzhan no zhes brjod par mi nus so/ /de

  416. 208b

    bzhin du/ ji ltar mar me las mar me dang/ bzhin las me long gi gzugs brnyan 'byung ba dang/ rgya las rgya'i 'bur dang/ me shel las me dang/ sa bon las myu gu dang/ shing tog skyur mo'i chu las 'gram chu ldang ba dang/ sgra las phrag cha 'byung bar 'gyur zhing/ de dag kyang de nyid dang de las gzhan no zhes shes par sla ba ma yin pa de bzhin du/ phung po nying mtshams sbyor ba yang/ /mi 'pho bar yang mkhas rtogs bya/ /de la phung po lnga ni gzugs dang/ tshor ba dang/ 'du shes dang/ 'du byed dang/ rnam par shes pa'i phung po'o/ /de dag gi nying mtshams sbyor ba ni 'gags nas/ rgyu de las 'bras bu gzhan dag 'byung ba ste/ 'jig rten 'di nas 'jig rten pha rol tu dngos po rdul phra mo tsam yang mi 'gro'o/ /de ltar na 'khor ba'i 'khor lo ni nor ba'i rnam par rtog pa'i bag chags kyis bskyed pa yin no/ /tha ma'i yang zhes bya ba ni ldog pa ste/ de las zlog par shes par bya'o/ /dngos po rnams la mi rtag pa dang/ sdug bsngal ba dang/ stong pa dang/ bdag med par rtag na dngos po rnams la rmongs par mi 'gyur ro/ /rmongs pa med na mi chags so/ /ma chags na zhe sdang bar mi 'gyur ro/ /zhe sdang ba med na las mi byed do/ /las med na dngos po mi len no/ /len pa med na srid pa mngon par 'du mi byed do/ /srid pa med na mi skye'o/ /ma skyes na lus dang sems la sdug bsngal mi 'byung ngo/ /de ltar 'dir rgyu lnga po de ma bsags pas 'bras bu gzhan du mi 'byung ste/ 'di ni thar pa zhes bya'o/ /de ltar na rtag chad la sogs pa lta ba ngan pa rnams bsal ba yin no/ /'di la tshigs su bcad pa gnyis yod do/ /shin tu phra ba'i dngos la yang/ /gang gis chad par rnam brtag pa/ /rnam par mi mkhas de

  417. 209a

    yis ni/ /rkyen las 'byung ba'i don ma mthong/ /'di la bsal bya gang yang med/ /gzhag par bya ba ci yang med/ /yang dag nyid la yang dag lta/ yang dag mthong nas rnam par grol/ /rten cing 'brel par 'byung ba'i snying po'i rnam par bshad pa/ slob dpon 'phags pa klu sgrub kyis mdzad pa rdzogs so// //rgya gar skad du/ swabna tsin+ta ma Ni pa ri kA thA/ bod skad du/ rmi lam yid bzhin nor bu'i gtam/ /dkon mchog gsum la phyag 'tshal lo/ /gang zhig rtogs pa'i phyir na rmi lam ltar/ /byang chub sems dpa' rnams las rigs rnyed de/ /phan phyir sems can dga' ba 'ga' zhig ni/ /skye dgu rnams la 'doms par byed pa yin/ /bdag dang sems can thams cad bde sdug mtshungs/ /bde sdug mtshungs pa can ni gnyen yin na/ /bdag gis de dag rab tu spangs nas kyang/ /mya ngan 'das par 'jug par mi rigs so/ /skye bo 'di dag dang ni lhan cig tu/ /ngan song dag tu sdug bsngal drag po dang/ /bde 'gro dag tu 'ang bde ba mang po myong/ /gcig tu gnas pas bdag la 'di dag dga' / /gang gi mngal du lan cig min par bdag /ma gnas pa'ang bdag la gang ma gnas/ /sems can de ni 'di na gang yang med/ /de'i phyir thams cad gnyen du gyur pa yin/ /gzhan yang bcom ldan 'das la bdag dga' ste/ /gang phyir 'di dag ched du bcom ldan 'das/ /shin tu yun ring por ni skyo gyur pa/ /des kyang bdag ni sems can rnams la dga' / /'di ltar phan dang gnod pa byas pa las/ /bde ba dang ni sdug bsngal tshad med pa/ /gnyis ka'i rgyu ru 'gyur pa de phyir yang/ /sems can rnams ni bdag gi bla ma yin/ /'di nyid las ni gsod dang 'ching ba dang/ /brdeg dang bsdigs sogs sdug bsngal myong ba gang/ /de ni sems can 'tshe ba'i 'bras bu zhes/ /bde bar gshegs pa rnams kyis bka' stsal

  418. 209b

    to/ /gzugs dang nad med dag gi gnod pa dang/ /phongs dang rigs ngan tshe ni thung ba dang/ /chung ma shi dang long bar gyur pa nyid/ /sems can gnod pa byas pa'i 'bras bu yin/ /mnar med pa yi bar gyi ngan song gi /gnas su sdug bsngal sna tshogs myong ba gang/ /de dag thams cad rang nyid nyes pa yis/ /sems can rnams la gnod pa byas pas yin/ /gang zhig 'di nyid la ni mchod byas mchod/ /grags dang yid 'ong nor rnams thob pa dag /yid 'ong yid du mi 'ong sems can la/ /mngon par mi 'tshe ba yi sgo nas so/ /nad med pa dang rigs ni phun sum tshogs/ /gzugs mdzes pa dang tshe ring dbang phyug dang/ /nor la sogs dang chung ma sbas pa ni/ /sems can phan pa byed pa'i 'bras bu yin/ /sems can rnams la dga' ba byed pa yis/ /rgyal srid rgyal srid che dang yang dag gi /rgyal srid 'khor los sgyur ba mchog nyid dang/ /dbang po'i gnas ni thob par 'gyur ba yin/ /skyes bu sems can phan pa byed pa yis/ /sangs rgyas go 'phangs yang ni thob 'gyur na/ /thob pa 'di la ngo mtshar ci zhig yod/ /gal te sems can de dag med gyur na/ /'di ni gang gi ched du sbyin pa gtong/ /gal te lus can rnams ni med gyur na/ /gang las 'dul ba'i tshul khrims thob par 'gyur/ /nyes pa byed pa yang ni gang zhig yin/ /gang gi ched du dpa' bo bzod pa bsgom/ /gang zhig mngon par 'dod pa thob bya'i phyir/ /su yi ched du brtson 'grus de de byed/ /gal te lus can rnams ni med gyur ni/ /ji ltar byams dang snying rje dga' ba dang/ /btang snyoms dag la yang dag brten nas ni/ /bsam gtan snyoms 'jug bde ba thob par 'gyur/ /thar pa bde ba dngos dang dngos med shes/ /khams dang bsam pa bag la nyal du brjod/ /kun nas nyon mongs rnam par byang ba dag /gal te de dag med na ji ltar shes/ /byang chub phyogs dang mthun pa'i

  419. 210a

    chos rnams kyi/ /rgyu ni 'di ltar sems can rnams yin pas/ /de phyir rdzogs pa'i byang chub 'dod pa yin/ /sems can rnams ni bla ma bzhin du blta/ /de ltar 'byung po rnams ni bde chen gyi/ /sgo ru sems bzhin par ni byed pa la/ /'gro ba na ni dka' ba'i rnam pa ni/ /mi bzod gang yin de la cung zad med/ /gang gi sems la sems can rnams/ /bdag nyid yin pa de ltar gnas/ /de la phyi rol dngos tshogs dang/ /chung ma dag kyang mngon zhe na med/ /bdag nyid dang ni ba ma dang/ /bu dang chung ma dag la yang/ /gnod pa de 'dra khas blang gi /sems can rnams la gnod mi bya/ /nyes pa drag po byed pa yi/ /sems can la bzod phan sems ldan/ /sems can rnams la gus brtan pa/ /nyes pa chung nguAng mi byed do/ /'di dag nyid la phan 'dod pa'i/ /brtson 'grus go cha gyon pa ni/ /'bras bu che ba bskal stong du/ /dmyal ba'i mer yang gnas par spro/ /bdag gi skye dang 'jig dang rtogs pa la/ /ji lta ba dang ji snyed gnod pa yi/ /sems can de dag bsam gtan dbang gis ni/ /bla ma dang ni bla ma rab tu bsgom/ /de ltar chos lnga po dag yod na ni/ /legs skyes rtsa can byang chub sems dpa' ni/ /'phags pa'i shes rab pha rol phyin pa yis/ /des par gang ba yin par brjod par bya/ /gang zhig bsten pas chen po nyid 'thob cing/ /gnod pas dka' ba'i log par ltung ba la thob/ /srog kyang yongs su btang ba byas nas kyang/ /de dag dga' bar bya ba nyid du ring/ /mang po gang dag bsten pas grub pa ni/ /thob pa de ltar sems can de ltar yin/ /sems can de ltar las ni zhing gzhan pa'i/ /grub pa'i zhing ni 'gro ba na yod min/ /'di dag yid bzhin nor bu ste/ /bum pa bzang yin 'dod 'jo'i ba/ /de phyir lha dang bla ma bzhin/ /de dag bsten par bya ba yin/ /lung? dang rigs

  420. 210b

    pas yongs su bltas nas ni/ /sems can kun ni bdag gi snyam rlom pa'i/ /dam pa'i lag tu dge legs thams cad ni/ /yun mi ring bar 'byung bar 'gyur ba yin/ /'di ni thub pa chen po'i spyod pa ste/ /dbang bcas 'di la dpyad par mi bya'o// ji srid 'di ni mngon du ma byas pa/ /de srid grub pa srid pa ma yin no/ /re zhig brtag par bya phyir ji skad du/ /bshad pa 'di la 'bad pa gyis shig dang/ /chen po nyid kyi rgyu mtshan du gyur pa/ /yon tan rang nyid kyis ni thob par 'gyur/ /'di ni chen po nyid kyi lam/ /rigs 'di sems can chen pos bsten/ /sems can kun la bde ster ba'i/ /'phags 'di yid bzhin nor bu yin/ /rmi lam yid bzhin nor bu'i gtam/ /slob dpon 'phags pa klu sgrub kyis mdzad pa rdzogs so// // kha che'i paN+Di ta sh+rI ra tha dang/ lo tsA ba dge slong grags 'byor shes rab kyis sgyur// //rgya gar skad du/ bo d+hi tsit+ta bi bA ra Ni/ bod skad du/ byang chub kyi sems kyi rnam par bshad pa/ 'jam dpal gzhon nur gyur pa la phyag 'tshal lo/ /kun tu yod pa dang bral zhing/ phung po skye mched khams rnams dang/ /gzung dang 'dzin pa rnam spangs pa/ /chos bdag med par mnyam nyid pas/ /rang sems gdad nas ma skyes ba/ /stong pa nyid kyi rang bzhin no/ /zhes bya ba'i byang chub kyi sems chen po ji ltar sangs rgyas bcom ldan 'das dang byang chub sems dpa' chen po rnams kyis bskyed pa de bzhin du/ bdag gis kyang sems can ma rgal ba rnams bsgral ba dang/ ma grol ba rnams dgrol ba dang/ dbugs ma phyung ba rnams dbugs dbyung ba dang/ yongs su mya ngan las ma 'das pa rnams yongs su mya ngan las bzla bar bya ba'i phyir dus 'di nas gzung ste byang chub kyi snying po la mchis kyi bar du byang chub chen por sems bskyed

  421. 211a

    par bgyi'o/ /de ltar byang chub kyi sems sman lam gyi rang bzhin kun rdzob kyi rnam pa bskyed nas/ byang chub sems dpa' gsang sngags kyi sgo'i spyad pa spyod par 'dod pa rnams kyis bskyed par bya ba yin te/ de'i phyir de'i rang bzhin bshad par bya'o/ /byang chub sems kyi bdag nyid sku/ /dpal ldan rdo rje 'chang btung nas/ /'khor ba 'jig par byed pa yi/ /byang chub sems bsgom bdag gis bshad/ /byang chub sems kyi mtshan nyid ni/ /bdag dang phung sogs rnam rig gi /rtog pa rnams kyis ma bsgribs shing/ /rtag tu stong par sangs rgyas bzhed/ /thugs rjes ngal ba'i sangs rgyas kyis/ /rtag tu bsgoms pa'i byang chub sems/ /snying rjes brlan pa'i sems kyis ni/ rab tu 'bad pas bsgom par bya/ /mu stegs can gyis gang brtag pa'i/ /bdag de rig pas dpyad na 'dir/ /phung po las na gzhan kun tu/ /'ga' yang rnyed pa ma yin no/ /phung po yin na de mi rtag /de yang bdag gi tshul ma yin/ /mi rtag pa dang rtag pa dag /rten dang brten pa nam yang min/ /chos can yod na chas rnams la/ /'jig rten na ni dpyod 'jug na/ /bdag ces bya ba 'di med par/ /byed pa po zhes gang la brtag /gang phyir rtag par rim gyis dang/ /cig car gyis don mi byed pa/ /de yi phyir na phyi nang du/ /rtags pa'i dngos po med pa nyid/ /gal te nus na ci phyir bltos/ /de ni cig car dngos 'byin 'gyur/ /gang zhig dngos gzhan la bltos pa/ /de ni rtag dang nus ldan min/ /rtag min dngos po min zhe na/ /dngos rnams rtag tu skad cig pas/ /dngos po mi rtag pa la ni/ /byed po nyid kyi rgyu mtshan ci/ /bdag sogs bral ba'i 'jig rten ni/ /phung po khams dang skye mched dang/ /gzung dang 'dzin pa nyid dag gi /blo yis rnam par

  422. 211b

    'joms par 'gyur/ /gzugs dang tshar ba 'du shes dang/ /'du byed rnam par shes pa yi/ /phung po lnga rnams nyan thos la/ /phan par dgongs pa rnams kyis gsungs/ /gzugs ni dbu brdos 'dra dang/ /tshor ba chu yi chu bur 'dra/ /'du shes smig rgyu lta bu ste/ 'du byed chu shing dang mtshungs shing/ /rnam shes sgyu ma lta bu zhes/ /phung po de ltar bstan pa ni/ /rkang gnyis mchog gis dus kun tu/ /byang chub sems dpa' rnams la bshad/ /'byung ba bzhi yi bdag nyid du/ /gzugs kyi phung po rab tu bshad/ /lhag ma gzugs med nyid du ni/ /the tshom med par grub pa yin/ /gang yang khams rnams bshad pa ni/ /ming dang gzugs sogs de dag yin/ /de dag nyid ni skye mched dang/ /gzung 'dzin du yang bshad pa yin/ /gzugs rdul med gzhan dbang po med// byed po'i dbang po shin tu med/ /skyed pa po dang skyed pa dag /yang dag bskyed par rigs ma yin/ /gzugs rdul dbang shes skyed min te/ /de ni dbang po las 'das yin/ /'di dag 'dus pa skyed byed na/ /'dus par yang ni mi 'dod do/ /phyogs kyi dbye bas rab phye na/ /rdul phran la yang dbye ba mthong/ /gang la cha shas kyis brtags pa/ /de ni rdul phran ji ltar 'gyur/ /phyi rol don rnams gcig la yang/ /shes pa tha dad rab 'jug ste/ /yid 'ong gzugs ni gang yin pa/ /de nyid gzhan la gzhan du snang/ /bud med lus ni gcig nyid las/ /dka' thub 'dod can khyi rnams kyis/ /mi gtsang 'dod bya bza' bya zhes/ /rnam par rtog pa gsum du 'gyur/ /rmi lam sad pa'i gnas skabs dag /don byed pa la khyad med do/ /rmi lam na ni rmis pa bzhin/ /don byed mtshungs pas rang bzhin med/ /gzung dang 'dzin pa'i tshul gyis ni/ /rnam par shes pa snang ba ste/ /rnam shes las ni legs shigs na/ /phyi rol don ni cung zad med/ /de phyir phyi rol don rnams ni//

  423. 212a

    dngos po'i ngo bor nam yang med/ /rnam shes so sor snang ba ni/ /gzugs kyi rnam pas snang bar 'gyur/ /ji ltar skye bo sems rmongs pas/ /sgyu ma smig rgyu dri za yi/ /grong khyer la sogs mthong ba ltar/ /de bzhin gzugs la sogs pa mthong/ /bdag tu 'dzin pa zlog don du/ /phung po la sogs bstan pa ste/ /sems tsam po la gnas nas su/ /skal ldan rnams kyi de yang spang/ /sna tshogs 'di dag sems tsam du/ /grub par rnam par rig rnams 'dod/ /da ni rnam rig ngo bo gang/ /yin pa de nyid 'dir dpyad bya/ /'di dag thams cad sems tsam zhes/ /thub pa'i dbang pos gang bstan pa/ /byis rnams skrag pa bsam phyir te/ /de ni yang dag nyid du min/ /kun brtags dang ni gzhan dbang dang// yongs su grub pa nyid kyang ni/ /stong nyid bdag nyid tshul gcig gi /sems 'di la ni brtags pa yin/ /theg chen la dga' i bdag nyid la/ /chos la bdag med mnyam pa yin/ /rang sems gdod nas ma skyes pa/ /sangs rgyas kyis ni mdor bsdus gsungs/ /rnal 'byor spyod pa pa rnams kyis/ /rang sems bdag po nyid yin pa/ /gnas yongs gyur nas dag pa'i sems/ /so so rang gi spyod yul brjod/ /'das pa gang yin de yod min/ /ma 'ongs pa ni thob pa med/ /da ltar ba ni gnas pa'i phyir/ /gnas yongs gyur pa gang la yod/ /de ji lta ba der mi snang/ /snang ba ji ltar de bzhin min/ /rnam shes bdag med ngo bo bas/ /rnam par shes pa'i rten gzhan med/ /dper na khab len gyis drangs pas/ /lcags ni myur du yongs su g.yo/ /de la sems ni yod min yang/ /sems dang bcas pa bzhin du snang/ /de bzhin kun gzhi rnam shes ni/ /brdzun yang bden pa lta bur ni/ /'gro dang 'ong bas rnam g.yo zhing/ /rtag tu srid pa gsum po len/ /dper na rgya mtsho'i

  424. 212b

    mthas gtug pa'i/ /sa yang g.yo bar byed pa ltar/ /de bzhin kun gzhi rnam shes kyang/ /rten gyi lus ni g.yo bar byed/ /lus med rnam shes med pa la/ /yod par yongs su brtag pa yin/ /de yi so so rang rig nyid/ /ji lta bu zhig yin pa smros/ /rang gis rig pa smras nyid du/ /dngos po nyid du 'dod na ni/ /de 'di 'o zhes smra dgos na/ /de yang brjod par nus ma yin/ /rang la nges bzhin gzhan dag la/ /nges pa bskyed par bya dgos na/ /rtag tu 'di zhes brtan med pas/ /bsgrub par bya ba dag tu 'gyur/ /rig pos rig bya rig byed na/ /rig bya med na rig po med/ /de lta bas na rig bya dang/ /rig byed med par cis mi 'dod/ /sems ni ming tsam yin pa ste/ /ming las gzhan du 'ga' yang med/ /rnam rig ming du blta bya ste/ /ming yang rang bzhin med pa yin/ /nang dam de bzhin phyi rol lam/ /yang na gnyis ka'i bar dag tu/ /rgyal ba rnams kyis sgyu ma yi/ /rang bzhin sems ni ma gzigs so/ /gzung dang 'dzin pa nyid dag dang/ /kha dog dbyibs kyi dbye ba dang/ /pho 'am mo 'am ma ning la/ /sogs pa'i gzugs su sems mi gnas/ /mdor na sangs rgyas thams cad kyis/ /ma gzigs gzigs par mi 'gyur te/ /rang bzhin med pa'i ngo bo la/ /ji lta bu zhig gzigs par 'gyur/ /dngos po zhes bya rnam rtog ste/ /rnam rtog med pa stong nyid yin/ /gang la rnam rtog snang yod pa/ /de la stong nyid ga la yod/ /rtog bya rtog pa'i rnam par sems/ /ma gzigs pa ni de bzhin gshegs/ /gang la rtog bya rtog byed yod/ /de la byang chub yod ma yin/ /mtshan nyid med cing skye ba med// gnas pa med cing dgra lam bral/ /byang chub sems dang nam mkha' dang/ /byang chub rnams ni gnyis med nyid/ /byang chub snying po la bzhugs pa'i/ /bdag nyid chen po sangs rgyas dang/ /brtser ldan kun gyis dus gsum du/ /stong pa mkha' ?

  425. 213a

    dang mtshungs par mkhyen/ /de phyir chos rnams kun gyi gzhi/ /gnas med sgyu ma dang mtshungs pa'i/ /zhi ba srid pa 'joms byed pa'i/ /stong pa nyid 'di rtag tu bsgom/ /skye med ces dang stong zhes dang/ /bdag med ces bas stong pa nyid// dman pa'i bdag nyid gang bsgom pa/ /de ni 'di na bdag bsgom pa'o/ /dge dang mi dge'i rnam rtog ni/ /rgyun chad ba yi mtshan nyid can/ /sangs rgyas rnams kyis stong nyid gsungs/ /gzhan ni stong par mi bzhed do/ /dmigs pa dang ni bral ba'i sems// nam mkha' i mtshan nyid la gnas te/ /nam mkha' sgom par byed pa 'di/ /stong pa nyid ni sgom par bzhed/ /stong nyid seng ge'i sgra yis ni/ /rgol ba thams cad skrag par 'gyur/ /gang dang gang du de dag zhugs/ /de dang der ni stong nyid 'gyur/ /gang gi rnam shes skad cig ma/ /de yis de ni rtag ma yin/ /mi rtag pa yi sems nyid ni/ /stong pa nyid dang 'gal mi 'gyur/ /mdor na sangs rgyas rnams kyis sems/ /mi rtag nyid du bzhed gyur na/ /de dag sems de stong nyid du/ /ci yi phyir na bzhed mi 'gyur/ thog ma nyid nas sems kyi ni/ /rang bzhin rtag tu med par grub/ /dngos po rang bzhin gyis grub pa/ /rang bzhin med nyid brjod ma yin/ /de skad brjod na sems kyi ni/ /bdag nyid gnas pa spangs ba yin/ /rang gi rang bzhin las 'das pa/ /'di ni chos rnams chos nyid min/ /ji ltar bu ram mngar ba dang/ /me yi rang bzhin tsha ba ste/ /de bzhin chos rnams thams cad kyi/ /rang bzhin stong pa nyid du 'dod/ /stong pa'i rang bzhin du brjod pas/ /'ga' zhig chad par smras min te/ /de ni rtag pa nyid du yang/ /gang zhig smras pa ma yin no/ /ma rig nas bzung rga shi'i mdza' / /rten 'brel yan lag bcu gnyis kyi/ /brten nas 'byung ba'i bya ba ni/ /kho bo'i rmi lam sgyur 'drar 'dod/ /yan lag bcu gnyis 'khor lo 'di//

  426. 213b

    srid pa'i lam du 'khor ba ste/ /'di las gzhan pa'i sems can gang/ /las 'bras spyod par 'dod pa med/ /ji ltar me long la brten nas/ /bzhin gyi dkyil 'khor snang gyur pa/ /de ni der 'phos ma yin zhing/ /de med par yang de yod min/ /de bzhin phung po mtshams sbyor bas/ /srid pa gzhan du skye ba yang/ /rnam pa kun tu mi 'pho bar/ /mkhas pa rnams kyis rtogs par bya/ /mdor na stong ba'i chos las ni/ /stong pa'i chos rnams 'byung ba yin/ /byed po las dang 'bras myong ba/ /kun rdzob tu ni rgyal bas bstan/ /gang phyir phyi rol rten 'byung yang/ /tshogs pa dag las byung ba yi/ /rnga yi sgra dang myu gu bzhin/ /rmi lam sgyu ma mtshungs par 'dod/ /chos rnams rgyu las skye ba dang/ /cung zad 'gal bar mi 'gyur te/ /rgyu ni rgyu nyid kyis stong pas// skye ba med pa nyid du rtog /chos rnams kun gyi skye med pa/ /stong nyid yin par rab tu bshad/ /mdor na phung po lnga po ni/ /chos kun zhes ni bya bar bshad/ /de nyid ji bzhin bshad pa ni/ /kun rdzob chad par mi 'gyur te/ /kun rdzob las ni legs shig na/ /de nyid nye bar mi dmigs so/ /kun rdzob stong pa nyid du bshad/ /stong nyid kho na kun rdzob ste/ /byas pa dang ni mi rtag bzhin/ /med na mi 'byung nges phyir ro/ /kun rdzob nyon mongs las kyis bskyed/ /las ni sems las byung ba yin/ /sems ni bag chag dag gis bsags/ /bag chags bral ba bde ba ste/ /bde ba'i sems ni zhi ba nyid/ /sems zhi bas ni rmongs mi 'gyur/ /ma rmongs pas ni de nyid rig /de nyid rig pas thar ba thob/ /byang chub sems mchog de nyid ni/ /de bzhin nyid dang yang dag mthar/ /mtshan ma med dang don dam dang/ /stong pa nyid ces bshad pa yin/ /gang gis stong nyid mi shes pa/ /de la thar pa'i skal ba med/ /'gro drug srid pa'i btson ra ru/ /rmongs pa de dag

  427. 214a

    'khor bar 'gyur/ /de ltar rnal 'byor pa rnams kyis/ /stong pa nyid ni bsgom byas na/ /gzhan gyi don la dga' ba'i blo/ /'byung ba nyid du the tshom med/ /gang dag sngon chad pha ma dang/ /gnyen bshes gyur cing phan btags pa'i// sems can de dag rnams la ni/ /byas pa gzo ba nyid du bya/ /sems can srid pa'i btson ra ru/ /nyon mongs me yis gdungs rnams la/ /bdag gis sdug bsngal byin pa ltar/ /de bzhin bde ba sbyin par rigs/ /'jig rten bde 'gro ngan 'gro dang/ /'dod dang mi 'dod 'bras bu dag /sems can rnams la phan pa dang/ /gnod pa byas las 'byung bar 'gyur/ /sems can brten nas bla med pa'i/ /sangs rgyas go 'phang nyid 'thob na/ /tshangs dbang drag po 'jig rten skyong// la sogs thob pa mtshar ci yod/ /sems can phan pa byas tsam gyis/ /ma drags lha mi'i longs spyod de/ /'gro ba gsum po 'di dag na/ /nam yang yod pa ma yin no/ /sems can gnod pa byas pa las/ /sems dmyal dud 'gro yi dags su/ /sdug bsngal rnam pa du ma'i dngos/ /lus can rnams kyis myong ba yin/ /bkres dang skom dang phan tshun du/ /gsod dang 'joms pa'i sdug bsngal gang/ /mi bzod bzlog par dga' ba de/ /sems can gnod pa'i 'bras bu yin/ /sangs rgyas byang chub sems dpa' dang/ /bde 'gro ngan 'gro gang yin pa'i/ /rnam par smin pa'i tshul gnyis ni/ /sems can las byung shes par bya/ /dngos po kun gyis phan gdags shing/ /rang lus bzhin du bsrung bar bya/ /sems can rnams la gnod ba ni/ /dug bzhin 'bad pas spang bar bya/ /chags med gcig pu'i ro myongs pas/ /nyan thos byang chub dman pa 'thob/ /sems can yongs su mdor bas/ /sangs rgyas rdzogs pa'i byang chub 'thob/ /de ltar phan dang gnod byas pa'i//

  428. 214b

    'bras bu 'byung la dpyad pa na/ /de dag skad cig cig kyang ni/ /rang don chags la ji ltar gnas/ /byang chub gzhan don 'bras bu can/ /byang chub sems kyi myu gu bskyed/ /rtsa ba snying rje brtan par ni/ /rgyal ba'i sras kyis bsgom par bya/ /gang zhig bsgoms pas brtan pa ni/ /gzhan gyi sdug bsngal mi bzod pas/ /bsam gtan bde ba dor nas ni/ /mnar med par yang 'jug par byed/ /'di ni ngo mtshar 'di sngags so/ /'di ni dam pa'i tshul lugs mchog /de dag rnams kyi rang lus dang/ /nor rnams byin pa ngo mtshar min/ /chos rnams stong pa nyid shes nas/ /dge ba'i las 'bras bsten byed pa/ /ngo mtshar bas kyang 'di mtshar zhing/ /rmad byung bas kyang 'di rmad byung/ /sems can bskyab pa'i bsam pas 'di/ /srid pa'i 'dam du skye mod kyi// 'on kyang 'dam gyis pad+ma bzhin/ /srid pa'i skyon gyis gos pa med/ /kun bzang la sogs rgyal sras rnams/ /stong nyid ye shes me yis ni/ /nyon mongs bud shing bsregs mod kyi/ /'on kyang thugs rje brtan gyur bas/ /gshegs dang bltam dang rol pa dang/ /khab nas 'byung dang dka' ba spyod/ /byang chub che dang bdud sde 'joms/ /chos kyi 'khor lo bskor ba dang/ /lha yi yul du 'jug pa dang/ /de bzhin mya ngan 'das pa yi/ /thugs rje'i dbang gis 'phrul pa ni/ /'gro ba'i mgon po ston par mdzad/ /tshangs dang dbang po khyab 'jug dang/ /drag po la sogs gzugs sprul nas/ /rtag tu thugs rje'i rol ba yis/ /'gro ba 'dul ba'i sbyor ba mdzad/ /theg pa gnyis po dag kyang ni/ /theg pa chen pos 'byung bas na/ /srid pa'i lam gyis dub rnams la/ /ngal so'i don de de nyid min/ /nyan thos de dag ji srid du/ /sangs rgyas rnams kyis ma bskul ba/ /de srid ye shes lus gcig gis/ /ting 'dzin myos pas brgyal te gnas/ /bskul nas sna tshogs gzugs kyis ni/ /sems can don

  429. 215a

    la dga' byed cing/ /bsod nams ye shes tshogs bsags nas/ /sangs rgyas byang chub thob par 'gyur/ /gnyis kyi bag chags yod pas na/ /bag chags sa bon du brjod de/ /sa bon rjes mthar tshogs pa yis/ /srid pa'i myu gu skyed par byed/ /'jig rten dbye ba rnam med? la/ /thabs tshul rnam pa sna tshogs kyis/ /sems can bsam pa rjes mthun par/ 'jig rten mgon po rnams kyis bsten/ /zab dang zab min dbye ba dang/ /la lar gnyis ka'i mtshan nyid kyis/ /stong nyid gnyis med mtshan nyid ni/ /dbye ba tha dad bstan pa mdzad/ /gang yang sangs rgyas gsungs rnams dang/ /sa dang pha rol phyin pa ste/ /byang chub sems kyi yan lag tu/ /kun la ston cing 'god par mdzad/ /stong pa nyid du rjod byed cing/ /rtag tu lus dang ngag yid kyis/ /de ltar sems can don byed la/ /rtag dang chad par yongs ma yin/ /'khor dang mya ngan 'das pa la/ /bdag nyid chen po mi gnas pa/ /de 'dir sangs rgyas rnams kyis ni/ /mi gnas mya ngan 'das par bshad// bsod nams snying rje ro gcig pa'i/ stong nyid bdud rtsi mchog gyur pa/ /bdag dang gzhan don bsgrub don du/ /gang 'thung de dag rgyal sras yin/ /de ni 'jig rten 'dren pa ste/ rgyal ba'i gdung 'tsho ba don du zhugs/ /srid pa gsum na mchod 'os pas/ /dngos po kun gyis de la 'dud/ /theg chen 'di la byang chub kyi/ /sems mchog yin par bstan pas na/ /byang chub tu ni sems bskyed nas/ 'bad pas mnyam par bzhag par bya/ /byang chub sems ni ma bzung bar/ / sangs rgyas nam yang mi mthong zhing/ /'khor bar bdag gzhan don bsgrub pa'i/ /thabs gzhan yod pa ma yin no/ /byang chub sems ni bskyed tsam gyis/ /bsod nams phung po nyer bsags pa/ /de la gal te gzugs yod na/ /nam mkha' i

  430. 215b

    khams su mi shong 'gyur/ /skyes bu gang zhig skad cig tsam/ /byang chub sems ni sgom byed pa/ /de yi bsod nams phung po ni/ /rgyal bas kyang ni bgrang mi spyod/ /nyon mongs med pa'i rin chen sems/ /'di ni nor mchog gcig pu ste/ /nyon mongs bdud sogs chom rkun gyis/ /gzhom dang dbrog tu med pa yin/ /byang chub sems pa'i sdom pa dang/ /kun tu bzang po'i smon lam bzhin/ /byang chub sems la gzhol ba yis/ /blo gros rab tu brtan par bya/ /ngo mtshar gyis kyang khyed cag gis/ /ji skad bshad la'ang 'bad par gyis/ /de rjes kun bzang spyod pa ni/ /rang nyid kyis ni rtog par 'gyur/ /rgyal ba rnams kyis byang chub sems mchog la bstod pas/ /bsod nams mtshungs med de ring bdag gis gang bsags pa/ /de yis sems can srid mtsho'i dpa' klong bying ba rnams/ /rkang gnyis dbang pos bsten pa'i gnas su 'gro bar shog /byang chub sems kyi rnam par bshad pa slob dpon 'phags pa klu sgrub kyis mdzad pa rdzogs so// //chos 'di mdzad pa po che ba dang/ brjod bya bzang ba dang/ rjed byed dbyings su gyur pa'i stobs kyis rtsal phyung zhing bsgyur ba mang du snang ba las lo tsA ba rab zhi chos kyi bshes gnyen gyi la gzhi byas te/ gu rug chos kyi shes rab dang/ seng dkar shAkya 'od dang/ shes rab grags dang/ mar pa chos kyi dbang phyug dang/ pa tshab nyi ma grags dang/ mang nad grags 'byor shes rab kyis 'gyur bdun las/ don gang bzang ba rnams bris pa yin no// //rgya gar skad du/ ni tut+tA raM sto twaM/ bod skad du/ bla na med par bstod pa/ 'jam dpal gzhon nur gyur pa la phyag 'tshal lo/ /gang zhig tshu rol pha rol spangs/ /shes bya rang gi ngo bo mchog /ye shes rdzu 'phrul stobs kyis gsal/ /bla na med de phyag 'tshal lo/ /gang la mkhyen dang mi mkhyen med/ /rnal 'byor

  431. 216a

    pa dang tha mal dang/ /gang la sgom dang mi sgom med/ /bla na med de phyag 'tshal lo/ /gang zhig cig pu ye shes gsal/ /ma 'dres shes bya yongs su gcod/ /de ltar mnyam nyid gzhal med pa/ /bla na med de phyag 'tshal lo// gang zhig rags dang phra ba dang/ /lci ba dang ni yang ba yi/ /sprul gyi rkang pa'i rang bzhin med/ /bla na med de phyag 'tshal lo/ /gang gis srin bu'i stobs kyis ni/ /gang zhig thang la 'ching ba ltar/ /gang gis snang ba'i mun bsal ba/ /bla na med de phyag 'tshal lo/ /gang zhig 'phrul ldan rdzu 'phrul gyis/ /gar mkhan rkang gzer bskyed pa la/ /gang gis lam gzigs lam mkhyen pa/ /bla med de la phyag 'tshal lo/ /gang zhig gis ni cha shas dang/ /don mthong med de gnyis ka yang/ /thams cad mkhyen pa dbang phyug gtso/ /bla med de la phyag 'tshal lo/ /shin tu nyes pa rnam spangs shing/ /dri ma'i bdag nyid las ring pa/ /dngos dang dngos po med pa spangs/ /bla med de la phyag 'tshal lo/ /bla na med par bstod pa slob dpon klu sgrub kyis mdzad pa rdzogs so// //rgya gar gyi mkhan po paN+Di ta lo tra dang/ lo tsA ba dge slong shAkya 'od kyis bsgyur ba'o// //rgya gar skad du/ b+ha ba saM kran+ta/ bod skad du/ srid pa las 'das pa/ 'jam dpal gzhon nur gyur pa la phyag 'tshal lo/ /dngos med dngos las mi skye ste/ /dngos po las kyang skye ma yin/ /dngos po rtag tu skye ba ste/ /dngos 'khrul nam mkha' i me tog bzhin/ /mkha' dang 'dra ba'i chos yod na/ gzhan ni mkha' dang 'dra ba ste/ /brtan nas thams cad mkha' dang 'dra/ /de nas srid pa med pa can/ /ngo bo nyid kyis las med cing/ /rgyu med 'bras bu yod ma yin/ /'di dag thams cad med pa ste/ /'jig rten pa med 'jigs pa med/ /ma skyes

  432. 216b

    pa yi dngos po gang/ /ji ltar gzhan zhig skyed par 'gyur/ /'jig rten dang por ma byung ste/ /'ga' zhig gis kyang sprul pa min/ /zla ba seng ge'i grong khyer bzhin/ 'jig rten don med kyi na 'khyam/ /'jig rten rnam par rtog las byung/ /rnam rtog sems las yang dag byung/ /sems ni lus la brten pa ste/ /de phyir lus la rnam dpyad do/ gzugs ni stong pa tshor ba rang bzhin med/ /'du shes med de 'du byed yod ma yin/ /'byung ba spangs nas sems dang sems byung med/ /de phyir lus ni rtog bral ngo bo yin/ /sems med chos rnams de dag med/ /lus med khams rnams yod ma yin/ /gnyis su med pa'i las 'di ni/ /de nyid rig pa rnams kyis bstan/ /'di dag thams cad dmigs med par/ /dmigs su med par bstan pa yin/ /blo ni dmigs pa med byas nas/ /dmigs pa med par 'byung bar 'gyur/ /sbyin dang tshul khrims bzod brtson 'grus/ bsam gtan la sogs bsten byas na/ /yun mi ring ba'i dus kyis ni/ /byang chub dam pa thob par 'gyur/ /thabs dang shes rab la gnas te// sems can rnams la brtse bar bya/ /myur ba kho nar thams cad mkhyen/ /thob par 'gyur bar the tshom med/ /'di dag thams cad ming tsam ste/ /'du shes tsam la rab tu gnas/ /rjod par byed las tha dad pa'i/ /brjod par bya ba yod ma yin/ / chos rnams thams cad ming med do/ /bdag med par yang yongs su gsal/ /yang dag min pa'i chos 'di dag /rnam par rtog pas kun nas bslang/ /gang gis stong pa zhes brtags pa'i/ /rtog pa de yang 'di stong ngo/ /mig gis gzugs rnams mthong bar ni/ /de nyid gsungs pas gang bshad pa/ /log par zhen pa'i 'jig rten la/ /kun rdzob bden par brjod ba yin/ /gang du tshogs par mthong ba ni/ /'dren bas ston par byed pa yin/ /blo dang ldan pas don dam gyi/ /nye bar brtags pa'i sa de

  433. 217a

    gsungs/ /mig gis gzugs ni mi mthong ste/ /yid kyis chos rnams mi rig go /'jig rten pa yi yul min gang/ /'di ni mchog tu bden pa'o/ /mig med gzugs kyang yod min zhing/ /snang ba yid la byed pa med/ /sems ni rmi lam bzhin du 'khrul/ /thams cad yod min med pa'ang min/ /srid pa las 'das ba slob dpon 'phags pa klu sgrub kyis mdzad ba rdzogs so// //kha che'i paN+Di ta sh+rI tha ra tha dang/ zhu chen gyi lo tsA ba dge slong grags 'byor shes rab kyis bsgyur ba'o// //rgya gar skad du/ gu Na parpan+ta sto tra/ bod skad du/ yon tan mdza' yas par bstod pa/ thams cad mkhyen pa la phyag 'tshal lo/ /rgyal ba'i yon tan mdza' yas mi 'tshal bas/ /gal te khyod bsngags mi brjod na/ /'ga' yang khyod bstod ma bgyid khyod kyi 'byor ba 'gro bas rtogs ma mchis/ /gang slad 'gro 'dis khyod la bstod pa bgyis kyang nongs pa ma mchis pa/ /de slad don 'dir bdag ni blo gros rab tu tshud yang brtson pa la lags/ /srid gsum dag la phan? brtson blo mnga' ngan song gnas na'ang bsngags bar 'os/ /rang don smon pa'i blo gros can ni mya ngan 'das kyang ma lags shes/ /de slad khyod ni 'khor ba'i 'jig pas mi ldog brtan zhing mi g.yo bas/ /'jig rten skye zhing 'chi bas nyams thag yongs su bskyab bar brtson pa lags/ /srid pa'i 'gro ba dag tu sdug bsngal rnams kyis rmas pa'i sems can la/ /bdag gis blo gros brtsub bos sdug bsngal rnam mang de dang de bsgrub pas/ /de phyir bdag gi de dag rnams la bde ba bskyed phyir bzod bya zhes/ /de spang khyod ni 'grol zhi ba'i bde ba bskyed slad brtson pa lags/ /sems can gang dag ma rig ldongs pas bsam pa rkud pa'i blo gros can/ /pha dang bur gyur rnams kyis bdag la gnyen mnyan

  434. 217b

    byams bas phan btags pa/ /de dag btang nas gcig pu thar bar byed pa bdag gi tshul khrims min zhes/ /de slad khyod kyis 'gro ba mgon med des thar bgyi slad smon lam btab/ /sngon chad 'khor bar sdug bsngal kun tu myong gyur tshe na bdag la ni/ /gang dag yun ring po shes byams sems ldan pas lan brgyar grogs byas ba/ /bde ba thob tshe de dag bkol nas ji ltar yongs su spyad bya zhes/ /de slad khyod ni bdud rtsi'ang sems can kun dang thun mong gsol bar brtson/ /mchog sbyin 'gro bar sems can rnams dang lhan cig longs spyod 'das dgongs nas/ /de dag nges par yongs su mi gtong bas na khyod kyi brten pa ni/ /ji ltar khyod nyid ne tsor 'khrungs tsher ljon shing gzhon nu legs spyad pa'i/ /ljon shing rgas bar gyur kyang yongs su mi stong de ltar brtson ba lags/ /gang slad 'gro ba mya ngan ma 'das mya ngan khyod 'da' blo ma byung/ /gzhan gyi bde gshegs go 'phang brnyes bas nus pa ma lags de mi mdzad/ /de slad khyod ni kun mkhyen yon tan gter dag brnyes mdzad slad du brtson/ /stob bcu'i yon tan bdag gir mdzad pa las gzhan khyod la phrad mi mnga' / /gang su la la dag gis bde gshegs go 'phang brnyes pa de dag kyang/ 'di bas shin tu smad pa'i gnas skabs dag tu lhung ba 'byung ngo zhes/ /de slad khyod kyis nyam par lhung ba'i tshe yang bdag nyid smad ma mdzad/ /bdag la smod pa mi rung skyes bu dar ba zhum par bgyid ba lags/ /gang smad gal te rang la rag las 'bad pas byang chub thob gyur na/ /sangs rgyas go 'phang rnyed dka' ma lags snyam du khyod kyi blo gros byung/ /de slad khyod kyis nyam nga'i dus suAng kun mkhyen smon lam brtan bzlog ba/ /dman la dga' ba rnams kyi tshig dags khyod kyi khyad du gsad bar mdzad/ /nyon mongs chu bo rab khrug ngan 'gro kha dag rtag tu gdangs pa dang/ /skye bo

  435. 218a

    g.yo dang sdig pa'i grogs po rtag bar rgyun tu gnas ba dag /thub rnams rnyad par dka' zhes de ltar sems zhum 'gro ba gtong ba'i rgyu/ /gang lags de nyid khyod kyi thugs rje rtag tu skye ba'i rgyur yang 'gyur/ /ji ltar 'gro ba rnams la khyod blo shin tu byams pa skye ba ltar/ /'jig rten 'di dag rang la'ang byams pa'i blo gros skye bar mi 'gyur la/ /'jig rten phongs pa'i gnas skabs gyur na bdag nyid kyang gtong bar bgyid/ /khyod ni shin tu nyam nga'i dus su 'ang 'gro ba gtong bar bzhed pa ma mchis/ /gang zhig skye bo dman dang phongs pa re ba'i bsam ldan mthong na yang/ /brtse med 'bras bu 'dod pas snod gzhan yon tan dag dang ldan tshol ba/ /bsam brlag de ni sbyin pa byed kyang slong ba rnams dang mtshungs so zhes/ /de slad khyod ni thugs rje slong ba rnams la sbyin par bzhed la zhugs/ /'ga' zhig rang nyid ma thul bzhin du rigs par ldan pa'i tshig smras yang/ /rang gi tshig dang 'gal bar spyod pas gzhan dag gdul bar mi nus zhes/ /khyod kyi dgongs nas de slad 'gro ba mdza' dag thugs la gzhag mdzad nas/ /re zhig bdag nyid ma dul ba nyid dul bar mdzad phyir brtson pa lags/ /gang slad mkhas ba rnams kyi mi dge ba'i las kyang bde bar 'gyur mod kyi/ / 'on kyang 'phags pas mi dge ba dag kun tu bsten 'os ma yin zhes/ /de slad khyod ni rtag tu rang bzhin yongs su dag pas sdig las log /ngan song 'jigs pas ma lags lha yi bde sbyang bzhad pa'i phyir ma lags/ /gang dag 'gro la mi lta bdag nyid zhi bar bgyi slad spyod bgyid pa/ /des kyang ci ste brtson pa ma bsten slan chad pas ma rdzogs mi 'gyur na/ /gang gis 'gro ba ma lus bsgral phyir brtson pa brtsams pas ci smos zhes/ /de slad khyod kyis rang gi

  436. 218b

    bde la ma gzigs byang chub slad du brtson/ /khyod kyis 'byor ba chung ba'i tshe yang sbyin par bzhed ba ma spangs la/ /bdog pa chung yang slong ba rnams la zhum mi mnga' ba'i thugs kyis stsal/ /dbang phug chen po mnga' yang tshul dang 'gal ba'i tha snyad mi mnga' la/ /na tshod lang tshor gyur kyang 'dod pa rnams la thugs ni chags mi mnga' / /khyod kyis thos dang blo gros che ba'i tshe na yang bdag bstod ma mdzad la/ /'gro ba yon tan chung ba gzhan rnams kyang ni mthon por bkur bar gyur/ /yon tan tshogs la gnas tshe nyid kyang spyod pa nyes pa chung duAng bzung/ /'gro ba rmu rgod rnams la rtsol ba mi mnga' bde bar gnas pas bzhugs/ /khyod kyi thugs ni srid dang nyon mongs skye bas zhi la dgyes gyur kyang/ thugs rje nyid kyis mdzad pa'i yon tan skye bo rnams dang rjes su mthun/ /byed pa ma gtogs gzhan gyi 'bras bu mi myong ba ni khyod mkhyen kyang/ /'on kyang sems can rnams kyi 'byor pa bskyed slad bsod nams gter rnams ba dar/ /khyod la shes rab la sogs yon tan gang dag rtag tu mnga' gyur ba/ /de dag khyod kyi 'gro ba dag ni don rnams nyid du nye bar spyad/ /de las khyod kyi bsod nams 'bras bu gzhan du mchis pa ma legs so/ /de dag 'gro ba'i 'byor slad yongs kyang don ma mchis ma lags/ /khyod la gzhan la sman pa'i thabs dang bral ba'i dus 'ga' byung ma gyur/ /thabs byung ma gyur 'bras bu ma mchis ma lags 'bras bu chung ma lags/ /bsod nams chung du rtsom pa dag la khyod ni mngon dgyes ma lags la/ /bsod nams chu bo dag gis doms par ma gyur chabs kyis rgya mtsho bzhin/ /mtshan mo ston pa'i zla ba nya ba'i mdangs kyi nyams dgar gyur pa dang/ /rdzing bu utpal rgyas pa gnyis bral mig la rdom brjid byed rnams dang/ /ri bo ljon shing me tog rgyas pa brgya yis rtse mo dkrigs rnams kyis//

  437. 219a

    gzhan la gcig tu sman dgyes khyod kyi blo gros 'phrogs par rngo mi thog /'jig rten sdug bsngal dag gis rmas tshe khyod ni nyid la byams pa yis/ /yul gyi dga' bsten nyams su blang bya min zhes thugs rje'i blos mkhyen nas gling bzhi'i dbang phyug mnga' yang yul rnams kyis ni thugs kyang mi 'phrogs pa/ /khyod kyis gzhan sman lhur bzhes mdzad pas dus dag shin tu 'das par bgyis/ /phyug cing 'byor pa slong ba rnams kyis legs par spyad par ma byas dang// dur khrod ljon shing me tog rgyas pa'i ljid kyi g.yur za mtshungs so zhes/ /de slad bsod nams dman pa'i 'byor pa dag la slong rnams mi spyod pas/ /khyod kyi dkor nor slong ba ma mchis pa na thugs la bcags par gyur/ /gang zhig brtse med sred pas tshong ba bzhin du 'bras bu'i phyir stsal nas/ /de ni 'bras bu yang ni slong ba rnams la sbyin par spro ma mchis/ /gang gi slad du khyod kyi gtong ba rtag tu gzhan la sman gyur pa/ /de slad de yi 'bras buAng slong ba rnams kyis rang gi lag par bzung/ /ri ngos ljon shing 'bras bu smin pa dag du bya rnams lta bu dang/ /dgon pa'i rdzing bu bskyed shing bzang pos bskor ba dag tu ngal rnams ltar/ /'jom med slong bas dgyes pa khyod la bab phabs 'byor pa 'tshal ba yis/ /slongs mo ba dag kun nas myur bar mngon du lhags nas sdod cing mchis/ /dpal 'byor 'bangs dang btsun mo rang gi sha dang srog kyang gtong ba dang/ /khyod kyis sras gzhon rab sdug ston zla chos pa dri med gzugs ldan pa'ang/ /slong ba rnams la gtong ba mdzad la brtson par gyur pa ji lta ba/ /de ltar gtong la goms pa khyod kyi thugs la brten pa nyid kyang byung/ /gang zhig thos par gyur na'ang 'jig rten 'di na gnod pa skye 'gyur dang//

  438. 219b

    gang yang khyod nyad kyis kyang yun ring sku nyams bzhes par mi spyod pa'i/ /spyod pa de dag khyod la gom pas dus su rang gi rang nyid gyur/ /de slad yon tan dag ni yongs goms ma bgyis spel bar dka' ba lags/ /ji ltar sman pa gdon gyis zin la gdon rnams bsal bar bgyi slad du/ /brdag cing tshig rtsub smra bar spyod kyang zin pa nyid la brdeg mi bgyid/ /de ltar khyod kyang nyon mongs nyid la brtse dang bral bas spyod mdzad kyi/ /'gro ba nyon mongs gyur pa la ni khyod nyid thugs rje mdzad pa lags khyod kyi rtag tu yon tan nor lhag rnams la gus pas bsags pa mdzad/ /mnyam pa rnams la yon tan goms pa bgyi slad byams pa'i thugs kyis spyad/ /sman la thugs rjes brtson pa mchog gis yon tan rnams bskrun te/ /'gro ba rnams la khyod kyis ji ltar rigs pas legs par mdzad la zhugs/ /ji ltar ma ma rang lus sna tshogs thabs tshul mang pos 'dzin bgyid kyang/ /gzhon nu'i nad bsal ched lags dga' skyed ma lags lus phyir ma lags pa/ /de ltar khyod kyang brtson pa chen pos yon tan bdag nyid kun mdzad pa/ /'gro bas longs spyad ched grags grags dang gzhan dag zil mnan ched ma lags/ /khyod kyi blo gros gzhan la sman pa'i thabs mkhyen mdzad slad zhugs gyur pa/ /'di ltar khyod nyid thugs rjes rnam pa de dag nyid la zhugs lags gda' / /khyod ni brtson 'grus 'phags bas btsal ba che yang mnyel par ma gyur pa/ /de gsum dag gis khyod kyis gzhan sman ma bsgrubs cung zad byung ma gyur/ /khyod ni 'bad rtsol chen po can gyi phrin las mnga' bar mi bzhed la/ /spyod pa shin tu rmad du byung ba gcig tu bsam yas 'di yang byung/ /gang slad khyod kyis sems can ma mchis pa 'di thugs su chud gyur kyang/ /'di ltar sems can don bgyi slad du grangs med dus suAng srid par zhugs/ /gang slad

  439. 220a

    shes rab don dam bsten cing snying rje kun rdzob bsten mdzad pa/ /de slad don bzhin dgongs mdzad khyod la sems can mchis pa ma lags kyang/ /gang tshe khyod ni stobs bcu bskyed pa'i thugs rje dag dang ldan gyur pa/ /de tshe 'gro ba nyams thag rnams la khyod byams bu la pha byams bzhin/ /'gro ba gtugs dang nyon mongs bsam pas byan chub mchog thob ma mchis la/ /nyon mongs phyogs pas rang la sman par bgyid pa'ang thob 'gyur ma lags pa/ /de slad khyod kyis byang chub brnyes slad brtson 'grus brtan pa mdzad pa na/ /nyon mongs nges par ma bsregs ran gyi dum bu bzhin du spong bar mdzad/ /khyod kyis nyon mongs dran dang mkhyen pas gzung bas yon tan sna tshogs grub/ /nyon mongs spang bar gyur pa byang chub rgyur yang nye bar 'gyur lags te/ /'di ltar de yis khyod blo shul gol yul can du yang ma bgyis la/ /'gro ba rnams su skye ba brgyud pa'ang yon tan rnams kyi zhing du mdzad/ /'gro ba nyon mongs gyur dang sdug bsngal brgya dag byung bas bcom pa yis/ /rtsol dang bral zhing mgon ma mchis pas gang dang gang du spyod bgyid pa/ /'gro ba de ni nyon mongs dgra thul khyod nyid thugs rjes spyod pa na/ /srid pa len dang gtong dang gnas pa dag la mnga' dbang mchis pa lags so/ /ci yang med pa'i skye mched kyi ni yul can phra rgyas rnams bcom nas/ /de dag spang ba'i thabs tshul gang lags dam pa'i tshogs la yun ring bshad pa mdzad/ /sa gsum sman pa'i thabs mkhas mnga' ba khyod kyis phyir yang drangs nas ni/ /dud 'gro dag tuAng smon pa mdzad nas skye ba brgya phrag rnams kyang mdzad/ /sngon gyi mi dge'i phrin las rnam par smin par ma nges gang lags pa/ /de dag dud 'gro'i 'gro bar gshegs la gzhol ba khyod la mnga' mchis pas/ /khyod kyis rnam smin ched du drangs te thugs

  440. 220b

    la dgongs pa'i don bsgrub pa/ /drang srong gis bshad gsang sngags zhi bas dug gi shugs dag bzlog pa bzhin/ /khyod kyis rtag tu mi dga' i chos dang g.yul dag phrad par gyur pa na/ /'gro ba dar mdzad mkhas pa khyod kyis 'gro ba de dang der spyod pa'i/ /tshul khrims ? 'bad brtul zhugs ldan pa bzhin du gyur pa ji lta ba/ /de ltar dam pa'i spyod lugs byang chub sgrub pa dag la goms par mdzad/ /ma bzhin res 'ga' thugs rje dag dang ma bral mgon ma mchis rnams kyi/ /sdug bsngal de dang de dag bsal slad 'gro ba sdug bsngal can dag tu/ /bsnyengs dang bral ba spyod pa mdzad pa khyod kyi thabs la mkhas pa ni/ /bsgrub par dka' dang rnyed par dka' ba 'ga' yang byung bar ma gyur lags/ /gang slad sna tshogs thabs kyis 'gro ba sdig par byed 'dul khyod la ni/ /dud 'gro'i 'gro ba dag kyang bde 'gro bzhin du don tshan kho nar gyur/ /ngan song dag tu 'khrungs na'ang legs par spyod pa nyams pa mi mnga' ba/ /de slad khyod kyi sdig pa 'ang yon tan gyur pas dge ba nyid dang mtshungs/ /khyod la logs brten kha cig byang chub gsum la blo gros ci rig zhugs/ /de bzhin gzhan dag bsam gtan gzugs med dag la go 'phangs bzhag pa mdzad/ /kha cig gtong la zhugs shing nges tshul mchis kyis 'tshal gyur pas/ /khyod kyis 'jig rten dag la sman yon ma btags pa ni 'ga' ma mchis/ /khyod kyis 'jig rten dag na 'gro ba gang rnams nges par thar 'tshal ba/ /bde 'gror nye bar drangs shing dge ba yongs su smin pa nyid du mdzad/ /khyod kyis 'gro ba zhi mdzad slad du 'gro ba rnams su spyod pa na/ /drang song chen po gzhan dag dus bzhin byung bas zhi bar mdzad pa bzhin/ /gang slad khyod ni 'gro ba'i skye ba bcad dang rdzogs sangs rgyas mdzad ma gtogs par/ /gzhan gyi skye ba zhi bar mi 'gyur snyam du blo gros des gyur pa/ /de slad

  441. 221a

    byang chub gzhol ba'i thugs mnga' khyod kyis srid rtse man chad kyi/ /lam rnams tshul bzhin ston pa mdzad pas dus dag 'da' bar gyur pa lags/ /gang zhig rtogs par ma gyur pa yis 'jig rten ma rig ldongs gyur ba/ /'gro ba sdug bsngal mang por rgyu zhing 'chi bdag mtshams las mi 'da' ba' i/ /'phags lam 'jigs med sngon gyi drang srong che rnams rjes gshegs gang lags pa/ /de ni khyod kyi sdug bsngal mthar gtugs slad du nyid kyis mkhyen/ /ji ltar dus mdza' i tshe na nyi ma du mas chas skams 'jig rten 'di/ /zhugs chen mched pa khros pa lta bus thal ba dag kyang bsregs bgyid pa/ /de ltar dregs bral khyod kyi nyon mongs bsrabs par gyur pa'i bag chags kyang/ /ye shes zhugs chen 'bar ba dag gis nges par bsregs par gyur pa lags/ /gang dag sa gsum bla ma rnams la nges par gnas par 'tshal ba dag /mun pa chung ngu dang yang lhan cig gnas par 'gal ba gang lags pa'i/ /yon tan mdza' yas de dag mngon par sangs rgyas tshe na dus gcig tu/ /shing la bya rnams gnas 'cha' bzhin du gyur pa khyod kyis gang lags brnyes/ /nyi ma'i 'od zer gsal ba stong ldan zla ba sprin dang bral gyur pas/ /lhag par dga' bar bgyid pa nam mkha' i dkyil na nges par gnas gyur kyang/ /gang gis khebs pa'i 'gro ba srid pa'i dgon pa thibs por 'khyam bgyid pa'i/ /ma rig mun nag de dag rab tu zhi ba'i thabs tshul khyod kyis bstan/ /sdug bsngal 'khyam pa 'di yin de rab skye bar 'gyur ba'i kun 'byung 'di/ /de mthar gtugs pa 'di yin de rtogs 'gyur la gzhol ba'i thabs 'di zhes/ /de ltar tshangs pa khyod kyis tshangs par zla 'od gtsang ma dag kyang bstan/ /de dag rtogs bgyid skye ba dman yang tshangs pa'i go 'phang

  442. 221b

    thob par gyur/ /ji srid nyi ma'i snang ba gang lags de ni nub kyi ri dbang gis/ /nyi ma nub par ma bgyis de srid rab rib rab tu zhi bar bgyid/ /khyod kyi skye shi mthar gtugs bgyi slad thabs tshul bstan pa gang lags pa/ /de ni khyod nyid zhi bar gshegs kyang snying gi mun nag zhi mdzad lags/ /de ltar tshangs pa'i gtso bo'i lha yi bla mar gyur ba tshangs gter gyis/ /bstong bgyis bstod par 'os pa'i bde gshegs mngon sum bzhugs bzhin bstod par gyis? ba/ /bdag gis bsod nams gter dag bsags pa gang lags de yis 'gro ba rnams/ /drang srong chen po rnams kyi dgongs pa'i legs pa gang lags der gyur cig /yon tan mdza' yas par bstod pa slob dpon dkon mchog 'bangs kyis mdzad pa rdzogs so// // rgya gar gyi mkhan po sarba dz+nyA de pa dang/ lo tsA ba bande rin chen mchog gis bsgyur/ zhus chen gyi lo tsA ba bande dpal brtsegs kyis zhus te gtan la phab pa'o// //rgya gar skad du/ gu NA paryan+ta stro tra TI ka/ bod skad du/ yon tan mdza' yas par bstod pa'i 'grel pa/ 'phags pa 'jam dpal la phyag 'tshal lo/ /rgyal ba'i yon tan mdza' mi 'tshal zhes bya ba gleng bslad pa'i tshigs su bcad pa 'dis ni bsdus pa'i don bzhi po 'di lta ste/ yon tan yongs su mi shes pa dang/ sgro 'dogs pa med par bya ba dang/ nga rgyal med par bya ba dang/ 'dod pa'i don bsgrub par bya ba rnams bstan to/ /de la dang pas ni yon tan yongs su mi shes pa bstan to/ /gang slad 'gro 'dis khyod la bstod pa bgyis kyang zhes bya ba 'dis ni sgro 'dogs pa med pa nyid do/ /rab tu chung yang zhes bya ba 'dis ni nga rgyal med pa nyid do/ /don 'dir bdag ni blo gros rab tu chung yang brtson pa lags/ /zhes bya ba 'dis ni 'dod pa'i don

  443. 222a

    bsgrub par bya ba bstan to/ /de la ngan song gnas na 'ang zhes bya ba la sogs pa'i tshigs su bcad pa lnga bcus bstong pa rtson par byed do/ /de la bsteng pa ni thun mong ma yin pa'i yon tan rjod par byed pa'o/ /de yang gnas skabs su gsum po rgyu'i gnas skabs dang/ 'bras bu'i gnas skabs dang/ sems can gyi don byed pa'i gnas skabs rnams dang ldan pa yin no/ /de rgyu'i gnas skabs ni sems bskyed pa la sogs pa nas byang chub kyi snying po la 'dug gi bar dag yin no/ /'bras bu'i gnas skabs ni yang dag par rdzogs pa'i byang chub pa'i ye shes bskyed pa dang/ /skyon dang yon tan thams cad spangs shing brnyes pa'i gnas skabs yin no/ /sems can gyi don bya ba'i gnas skabs ni chos kyi 'khor lo bskor ba la sogs pa bstan pa nas nub pa la thug pa'i bar dag yin no/ /de la rgyu'i gnas skab ni bsam pa'i gnas skabs dang/ sbyor ba'i gnas skabs dang/ dbang mdzad pa'i gnas skabs rnams so/ /bsam pa'i gnas skabs ni gzhan gyi don la 'jug par 'gyur ba'i smon lam gang yin pa'o/ /de'i nye bar rton pa yang bzhi ste/ /sdug bsngal bskyed pa la so sor rtog pa dang/ phan brtags pa la so sor rtog pa dang/ /grogs byas pa la so sor rtog pa dang/ /yang dag par longs spyad pa la so sor rtog pa'o/ /byang chub kyi smon lam de'i rgyu bzhi ste/ rigs dang dge shes snying rje dang/ /sdug bsngal rnams kyis mi ldog pa/ /rgyu bzhi rkyen ni 'di dag gis/ /byang chub sems ni rab tu 'jug /ces gsungs pa dag ste/ de ltar na don bcus ni bsam pa bstan to/ /de la/ ngan song gnas na'ang zhes bya ba 'dis ni gzhan gyi don la 'jug par 'gyur ba'i smon lam bstan to/ /de'i nye bar rton pa bzhi ste/ /re zhig de la

  444. 222b

    sdug bsngal rnams kyis rmas pa'i sems can la/ zhes bya ba 'di dag ni sdug bsngal bskyed pa la so sor rtog pa'o/ /ma rig ljongs pas zhes bya ba 'di dag ni phan btags pa la so sor rtog pa'o/ /sngon chad 'khor bar zhes bya ba 'di dag ni grogs byas pa la so sor rtog pa'o/ /longs spyod 'das dgongs zhes bya ba 'di dag ni yang dag par longs spyad pa la so sor rtog pa'o/ /gang slad 'gro ba mya ngan ma bzlas/ zhes bya ba 'di dag ni byang chub kyi smon lam yin no// de'i rgyu yang rnam pa bzhi ste/ de la re zhig smad pa'i gnas skabs dag tu zhes bya ba 'di dag ni rigs yod pa nyid yin no/ /gang slad gal te rang la rag las zhes bya ba 'di dag ni dge ba'i bshes gnyen la brten pa'o/ /nyon mongs chu bo rab 'khrug ces bya ba 'di dag ni snying rje yin no/ /'jig rten 'di dag rang la'ang byams pa yi/ zhes bya ba 'di dag ni sdug bsngal gyis mi zlogs pa yin te/ de ltar tshigs su bcad pa bcu gcig gis don bcu bstan pa yin no/ /bsam pa'i gnas skabs kyi le'u ste dang po'o// //sbyor ba'i gnas skabs zhes bya ba yang pha rol tu phyin pa ston pa ji snyed pa yin no/ /de yang rnam pa gnyis te/ mos pas spyod pa rnams kyi dang/ sa thob pa rnams kyi'o/ /de la re zhig mos pas spyod pa rnams kyi pha rol tu phyin pa ni bcu ste/ 'di ltar sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes kyi pha rol tu phyin pa dag go /de la gang zhig skye bo dman dang phongs pa re ba'i bsam ldan mthong na yang zhes bya ba 'di dag gis ni sbyin pa'i pha rol tu phyin pa bstan to/ /rigs par ldan pa'i tshig smras yang zhes bya ba 'di dag

  445. 223a

    gis ni tshul khrims kyi pha rol tu phyin pa bstan to/ /gang slad mkhas pa rnams kyi mi dge'i las kyang zhes bya ba 'di dag gis ni mi mthun pa'i phyogs spangs pa'i sgo nas bzod pa'i pha rol tu phyin pa bstan to// bdag nyid zhi bar 'gro ba zhes bya ba 'di dag gis ni brtson 'grus kyi pha rol tu phyin pa bstan to/ /sbyin par bzhed pa ma spangs zhes bya ba 'di dag gis ni mi mthun pa'i phyogs spangs pa'i sgo nas bsam gtan gyi pha rol tu phyin pa bstan to/ /bdag bstod ma mdzad la zhes bya ba 'di dag gis ni mi mthun pa'i phyogs spangs pa'i sgo nas shes rab kyi pha rol tu phyin pa bstan to/ /srid dang nyon mongs skyo bas zhes bya ba 'di dag dang/ shes rab la sogs yon tan zhes bya ba'i tshigs su bcad pa 'di gnyis kyis brgal ba dang lan dang bcas par thabs kyi pha rol tu phyin pa bstan to/ /dus 'ga' byung ma gyur zhes bya ba 'di dag gis ni phun sum tshogs pa rdzogs par 'gyur ba'i smon lam gyi pha rol tu phyin pa bstan to/ /mtshan mo ston ka'i zla ba zhes bya ba 'di dag gis ni stobs kyi pha rol tu phyin pa bstan to/ /'jig rten sdug bsngal dag gis rmas tshe zhes bya ba 'di dag gis ni ye shes kyi pha rol tu phyin pa bstan to/ /mos pas spyod pa rnams kyi sbyor ba'i gnas skabs te le'u gnyis pa'o// //sa thob pa rnams kyi sbyin pa ni phun sum tshogs pa rdzogs pa bzhi dang ldan pa yin te/ bsam pa phun sum tshogs pa dang/ spyod pa phun sum tshogs pa dang/ len pa po phun sum tshogs pa dang/ sbyin par bya ba phun sum tshogs pa'o/ /phyug cing 'byor pa zhes bya ba 'di dag gis ni bsam pa phun sum tshogs pa nyid do/ /sbyin pa spro ma mchis zhes bya ba

  446. 223b

    'di dag gis ni sbyor ba phun sum tshogs pa'o/ /ri ngos ljon shing 'bras bu smin pa dag tu bya rnams lta bu zhes bya ba 'di dag gis ni len pa po phun sum tshogs pa'o/ /dpal 'byor 'bangs dang btsun mo zhes bya ba 'di dag gis ni sbyin par bya ba phun sum tshogs pa ste sbyin pa'i pha rol tu phyin pa'o/ /'jig rten 'di la gnod pa skye zhes bya ba 'di dag gis ni rang bzhin yongs su dag pa'i tshul khrims kyi pha rol tu phyin pa'o/ /ji ltar sman pa gdon gyis zin pa zhes bya ba 'di dag gis ni rnam par rtog pa dang bral ba'i bzod pa'i pha rol tu phyin pa'o/ /khyod kyis rtag tu yon tan nor lhag rnams lnga gus pas zhes bya ba 'di dag gis ni thabs kyis rgyas pa'i brtson 'grus kyi pha rol tu phyin pa'o/ /ji ltar ma ma rang lus zhes bya ba 'di dag gis ni skye bas stong pa'i bsam gtan gyi pha rol tu phyin pa'o/ /khyod kyis blo gros zhes bya ba 'di dag gis ni thabs dang bcas pa'i brtson 'grus kyis yang dag pa ji lta ba bzhin du thugs su chud pa'i shes rab kyi pha rol tu phyin pa'o/ /phrin las mnga' bar mi bzhed ces bya ba 'di dag dang/ gang slad? shes rab don dam zhes bya ba'i tshigs su bcad pa 'di dag gnyis kyis ni brgal ba dang lan dang bcas par thabs kyi pha rol tu phyin pa'o/ /de ltar tshigs su bcad pa bcu gcig gis sa thob pa rnams kyi pha rol tu phyin pa bdun bstan pa yin no/ /sa thob pa rnams kyi sbyor ba'i gnas skabs te le'u ste gsum pa'o// //de la mnga' dbang mdzad pa ni lnga ste/ nyon mongs pa dang/ skye ba dang/ las dang/ thabs dang/ sems can yongs su smin par mdzad pa dag go /de la nyon mongs pa byang chub ces bya ba 'di dag gis ni nyon mongs pa la mnga' dbang mdzad pa'o/ /dran dang mkhyen pas bzung bas shes bya ba 'di dag gis ni de'i dgos pa'o//

  447. 224a

    'gro ba nyon mongs 'gyur zhes bya ba 'di dag gis ni skye ba la mnga' dbang mdzad pa'o/ /ci yang med pa'i skye mched kyis ni yul can phra rgyas rnams bcom nas shes bya ba 'di dag gis ni de'i dgos pa'o/ /sngon gyi mi dge'i phrin las zhes bya ba 'di dag gis ni las la mnga' dbang mdzad pa'o/ /de bzhin du mi dge'i zhes bya ba 'di dag gis ni de'i dgos pa'o/ /ma bzhin nges 'ga' thugs rje dag dang ma bral zhes bya ba 'di dag gis ni thabs la mnga' dbang mdzad pa'o/ /gang slad sna tshogs thabs kyis zhes bya ba 'di dag gis ni de'i dgos pa'o/ /kha cig byang chub gsum la blo gros ci rigs zhugs zhes bya ba 'di dag gis ni sems can yongs su smin par bya ba la mnga' dbang mdzad pa'o/ /nges par thar 'tshal ba zhes bya ba 'di dag gis ni de'i dgos pa'o/ /gang slad khyod ni 'gro ba'i skye ba bcad dang zhes bya ba 'di dag gis ni rgyu rdzogs pa'o/ /mnga' dbang mdzad pa bstan pa'i le'u ste bzhi pa'o// //rgyu'i gnas skabs bstan pa'o/ /'jig rten ma rig ljongs gyur pa zhes bya ba 'di dag gis ni lam gyis ye shes bskyed pa bstan to/ /nyi ma du mas zhes bya ba 'di dag gis ni nyon mongs pa spangs pa'o/ /lhan cig gnas par 'gal ba zhes bya ba 'di dag gis ni yon tan brnyes pa bstan te/ 'di dag rnams kyis ni skyob pa'i 'bras bu'i gnas skabs kyi yon tan bstan to/ /'bras bu'i gnas skabs bstan pa'i le'u ste lnga pa'o// //de la nam mkha' i dkyil na zhes bya ba 'di dag gis ni chos kyi 'khor lo bskor ba yang dag par bstan to/ /sdug bsngal 'khyams pa 'di yin zhes bya ba 'di dag gis ni chos ston pa'i rang bzhin bstan to/ /ji srid nyi ma'i snang ba zhes bya ba 'di dag gis ni yul du gnas pa yang dag par

  448. 224b

    bstan to/ /de ltar don gsum dang ldan pa ni sems can gyi don mdzad pa'i gnas skabs bstan pa yin no/ /sems can gyi don mdzad pa'i gnas skabs kyi le'u ste drug pa'o// //tha mas ni yongs su bsngo ba bstan to/ /de ltar rgyu dang/ 'bras bu dang/ sems can gyi don mdzad pa'i gnas skabs kyi smon lam ji srid par yongs su mya ngan las mi 'da' ba yin no/ /yon tan mdza' yas par bstod pa'i 'grel pa slob dpon chen po phyogs kyi glang pos mdzad pa rdzogs so// //rgya gar gyi mkhan po sarba dz+nyA de ba dang/ lo tsA ba bande rin chen mchog gis bsgyur/ zhus chen gyi lo tsA ba bande dpal brtsegs rak+Shi tA sa zhus nas gtan la phab pa// //rgya gar skad du/ gu NA baryan+ta sto tra bastu kA ri kA/ bod skad du/ yon tan mdza' yas par bstong pa'i don gyi tshig le'ur byas pa/ 'phags pa 'jam dpal la phyag 'tshal lo/ /yon tan ma? shes sgro btags dang/ /nga rgyal med dang 'dod don bsgrub/ /tshigs bcad don bzhi ldan pa yis/ /bstod pa'i gleng ni bslangs pa bstan/ /rgyu dang 'bras bu gzhan don gyis/ /bstong pa'i don rnams thams cad bsdus/ /de la dang por byang chub rgyu/ /'bras bu sems can don nyid bstan/ /bsam pa sbyor ba dbang mdzad pa'i/ /gnas skabs gsum gyi rgyu bstan to// gzhan don byang chub smon lam gyi/ /rang bzhin gyis ni bsam pa ste/ /tshigs bcad lnga dang lnga rnams kyis/ /de'i rgyu gzhi dang bcas pa bstan/ /'dod dang ma 'dod sel ba dang/ /grogs dang longs spyod byas pas bstan/ /rigs dang dge bshes snying rje dang/ /skyo med bsam pa gnyis kyi rgyu/ /de min de nyid sar gnas pas/ /'dir ni sbyor ba rnam gnyis bya/ /snga ma'i pha rol phyin pa bcu/ /gzhan gyi pha rol phyin pa bdun/ /tshigs bcad drug gis drug rnams bstan/ /gnyis kyis

  449. 225a

    gcig yin gsum gyis gzhan/ /dang por khyad par bsam pa dang/ /sbyor ba len pa sbyin bya ba'i/ /dngos po lnga ni re re yis/ /zag med gzhan ni gnyis kyis so/ /nyon mongs pa dang skye dang las/ /thabs dang rab tu smin bya ba/ /dbang mdzad lnga ni dgos bcas par/ /gnyis gnyis gnyis gnyis gsum gyis so/ /de la kha cig dngos ma gsungs/ /mi mthun phyogs zad pa las yin/ /'bras bu gsum ste byang chub dang/ /nyes dang yon tan spangs 'byor ba'o/ /gzhan don gsum ste chos bstan dang/ /de mnyam pa dang yun ring gnas/ /tha mas yongs su bsngo ba ste/ /bstod pa'i don ni bsdus pa bstan/ /yon tan mdza' yas par bstong pa'i don gyi tshig le'ur byas pa slob dpon chen po phyogs kyi glang pos mdzad pa rdzogs so// //rgya gar gyi mkhan po sarba dz+nyA de ba dang/ lo tsA ba bande rin chen mchog gis bsgyur/ zhus chen gyi lo tsA ba bande dpal brtsegs rak+Shi tas zhus te gtan la phab pa'o// // rgya gar skad du/ bi she Sha sto pa/ bod skad du/ khyad par du 'phags par bstod pa/ de bzhin gshegs pa thams cad la phyag 'tshal lo/ /bdag ni ston pa gzhan spangs nas/ /bcom ldan khyod la skyabs mchis pa/ /de ci'i slad du zhe na khyod/ /skyon mi mnga' la yon tan ldan/ /gang phyir 'jig rten skyon la dga' / /yon tan 'dzin la zhan pas na/ /skyon yang yon tan ltar mthong nas/ /gzhan la skyabs su mchis par gyur/ /khyab 'jug dbang phyug la sogs pa/ /de la skye bo dga' dang bas/ /de yi yon tan gang bsgrags pa/ /khyod kyi bstan la de dag skyon/ /lha chen khros pa'i mnga' gcig gis/ /grong khyer sum brtsegs bsregs zhes grags/ /khyod kyi ye shes mnga' chen gyis/ /khro bo'i me nyid nges par

  450. 225b

    bsregs/ /lha chen gyis ni 'dod pa dag /bsregs nyes pas na phyir yang drangs/ /khyod kyis ye shes zhugs kyis ni/ /'dod pa rtsar bcas bsregs nas bton/ /lha chen thig le'i mchog ma la/ /chags pa skyes bas gdong bzhi byung/ /bdud kyi bu mo sgeg mo yis/ /khyod kyi ba spu'i rtse ma g.yos/ /lha chen phyed ni chung ma bas/ /dur pa yis kyang thub ma lags/ /khyod ni bde bar bgyid pa yi/ /'dod pa nyid kyis rmongs ma gyur/ /'khor lo mdung thung can dag gis/ /bdud stobs de las rgyal mi nus/ /khyod ni 'khor lo mdung med par/ /byams pa'i mtshon gang lags pas rgyal/ /rgan pos khyab 'jug mnga' yis bsnun/ /lha chen mgrin pa sngon gyur pas/ /lha 'di gnyis la gnod bgyid mchis/ /mgon khyod gnod bgyid bral ba lags/ /khyab 'jug mi'u thung gzugs bsgyur nas/ /g.yo thabs kyis ni stobs ldan bslus/ /khyod ni g.yo yang mkhyen gyur la/ /gzhan dag la yang bslu mi mdzad/ /mgon khyod rdzu 'phrul rnam 'phrul ba/ /rmad byung gang gis mthong ba des/ /khyab 'jug 'jig rten gsum brgal ba/ /'phye po 'phye ba bzhin du mthong/ /gzhon nu tshangs par spyod pa na/ /drug ldan ma dang lhan cig spyod/ /khyod kyis 'khrig pa'i sbyor ba bdun/ /thal ba bzhin du bgyis par gyur/ /tshangs sogs 'jig rten 'byin pa po/ /bdag cag yin par smra zhes grag /de nyid gzigs khyod 'jig rten dang/ /de yang las las skyes zhes bstan/ /brgya byin gyis ni gshol med ma/ /mthong nas 'dod pas rmongs zhes grag /dpa' khyod 'dod pa nyid kyis ni/ /ma rmongs slad du btsun mo btang/ /sgra gcan lag pas zla ba yang/ /dbang med par ni mid pa lags/ /mnga' brnyes khyod la sems can gang/ /dbang med bgyid pa de ma mchis/ /mi dbang dga' byed gos sred sogs/ /nags tshal nas ni phyir yang mchis/

  451. 226a

    bde gshegs khyod ni dben pa yi/ /bdud rtsis ngoms pas phyir ma byon/ /mchod sbyin la ni phyugs dgum par/ /drang srong rnams ni smra zhes grag /sdig med khyod kyis grog ma la'ang/ /gnod pa bgyid pa rjes ma gnang/ gzhan dag rang don mchod sbyin la/ /gzhan gyi srog gis sbyin sreg byed/ /gzhan gyi don du khyod gcig pu/ /rang gi srog gis sbyin sreg mdzad/ /drang srong dmod me mi bzang pas/ /skye bo mang po bsreg par gyur/ /khyod kyis ye shes me yis ni/ /skye bo rnams kyi skye rgyu bsregs/ /rgyas pa dran pa'i mthu chung pas/ /mang po bgyis pa'i tshig dag ni/ /lhag 'og 'gal bar gyur zhes pos/ /thub pa khyad kyi kun kyang min/ /drang srong dmod pa grub pa las/ /dka' thub grub par rjes su dpag /mgon khyad thugs rje grub pa las/ /dka' thub grub par rjes su dpag /lha chen 'dod pa can gyi mtshan/ /drang srang rnams kyi dmod pas lhung/ /khyod kyis phung khrol mdza' dag gi /rtsa ba 'dod pa nyid lhung bgyis/ /gling las skyes sogs phal cher ni/ /gzhan gyis gang smras smra bar bgyid/ /khyod kyis thun mong ma yin chos/ /rang gis thugs su chud nas bstan/ /mu stegs can gyi rig byed tshig /dben pa kho nar smra bar bgyid/ /khyod kyis bsgrags nas seng ge yi/ /sgra yis chos dag ston par mdzad/ /grangs can b+ha ra dwA dza ni/ /da nyid mthong yang dpyid ldan la/ /yongs su chags kyi gtso khyod kyi/ /slob ma'ang bud med nyid la chags/ /'ug pa pas ni thams cad las/ /khyad par can la sbyin zhes bstan/ /mgon po khyod ni thugs rje yis/ /khyi la'ang sbyin par bya zhes gsungs/ /lus kyi dka' thub bgyis pa yis/ /mdud pa 'jig par gcer bu 'tshal/ /khyod ni thugs kyi dka' thub kyis/ /mdud pa

  452. 226b

    'jig par bzhed pa lags/ /rtog ge pa rnams dngos po rnams/ /bltos pa med par grub par 'tshal/ /tshig dbang khyod kyis cung zad kyang/ /mi bltos med ces legs par gsungs/ /ne tsos nyi ma brtal nas ni/ /thar ba mchis par bshad ces grags/ /khyod ni mya ngan 'das brnyes las/ /gang du yang ni gshegs ma mchis/ /thar pa gzhan gyur skyed pa dang/ /ne tso'ang lam gzhan song bar gyur/ /khyod nyid lam gang nas gshegs pa/ /de nyid nas ni slob ma'ang mchis/ /khyab 'jug gis ni bud med dag /stong phrag drug cu yongs bzung gyur/ /ston pa 'jig rten 'das khyod la/ /bdag gi med cing yongs 'dzin med/ /ka shi'i mdzes dga' mo la ni/ /rgyas pa yongs chags rnam par 'gyur/ /khyod khab bzhugs na'ang phung khrol ba'i/ /don gyi dbang po rmongs ma gyur/ /rgyas pa 'dod gdungs g.yen spyos pas/ /bud med kyis ni rtog pas bsnun/ /khyod ni khyim par gyur pa na'ang/ /phyir zhing 'khrug par gyur pa med/ /dga' byed chung ma'i don gyi phyir/ /rgya mtsho'i pha rol song zhes grag /khyod kyis bud med stong phrag ni/ /brgyan bcu spangs nas nags su gshegs/ /rna can 'thab dka' la sogs la/ /khyab 'jug gis ni gnod pa brtsams/ /sems can rnams la phan bzhed pa/ /khyod kyis srog kyang btang bar mdzad/ /khyab 'jug gis ni sgyu byas nas/ /go ma gsum gyis phrogs gang yin pa'i/ /sa de nges par thar bzhed pa/ /khyod kyis rtswa bzhin btang par gyur/ /dga' byed srog gcod byed pa'i mngas/ /'jig rten rgyal rigs med byas pas// grags pa thob pa gang yin de/ /khyod kyi bstan la grags pa min/ /sgra ngan dang ni skya seng dag /gang gi phyir ni g.yul bkye ba'i/ /dpal de khyod kyis 'khro shing ni/ /gdug pa bzhin du spangs nas gshegs/ /khyod kyi bstan pa rnyed pa na/ /thar

  453. 227a

    shing nags na lha chen po/ /rnal 'byor dbang phyug spyod pa gang/ /de ni mi shes spyod par bas/ /dbang po gshol med byi bo zhes/ /bram ze da dung rab tu sgrog /khyod kyis 'bras bu mchog brnyes pa'i/ /grags pa brgya byin sgrogs par gyur/ /khyab 'jug gis ni nags khra bos/ /bred 'thoms gyur nas kun gtong gi /khri yi 'og tu zhugs par gyur/ /gtso khyod kun tu bsnyengs mi mnga' / /skye dgu'i bdag po rang nyid kyi/ /bu mo dang ni 'khrig ces thos/ /thub pa khyod kyi slob ma yang// tshangs par spyod la skyon ma mchis/ /bram ze rnams ni dge sdig dag /sbyin pa len bzhin 'pho bar smra/ /khyod kyis byas chud mi za dang/ /ma byas pa dang phrad med gsungs/ /ser skyas bdag gi mtshan nyid ni/ /shes dang ldan par yongs su brtags// khyod kyis de ltar yin na bdag /mi rtag nyid dang ldan zhes bstan/ /gzegs zan gyis ni shes las bdag /gzhan dang khyab par yongs su brjod/ /khyod kyis de ni shes med na/ /shing dang 'dra bar thal 'gyur gsungs/ /gcer bu lus kyi tshad bzhin du/ /srog ni zhum dang rgyas par smra/ /khyod kyis de ni phyogs gang phyir/ /rnam par 'jig par 'gyur zhes gsungs/ /bram zes 'gro ba rnams kyi rgyu/ /skyes bu rtag pa yin zhes bsgrags/ /khyod kyis rtag pa zhes bya ba'i/ /rgyu ni ci yang med ces bstan/ /bdag nyid chen po dug can pa'i/ /sras po stong phrag drug cu dag /ser skyas bltas pa tsam gyis bsregs/ /de la'ang khyod kyis thugs rje mdzad/ /ser skya de nyid rig pas ni/ /gtso las 'gro ba skye bar bshad/ /khyod kyis 'gro ba'i skye ba ni/ /nyon mongs las las 'byung bar bsgrags/ /ser skya la sogs thar pa yi/ /bdag ni srid pa'i rgyu zhes zer/ /khyod ni zhi bar gshegs gyur nas/ /zhugs gum lta bur bgrang du med/ /mu stegs byed pa kha cig ni/ /thar pa

  454. 227b

    'gro dang ldan zhes smra/ /gang la 'gro yod de 'khor bar/ /khyod kyis thugs su chud nas bstan/ /gcer bu kun dga' ra ba sogs/ /brtsigs pa sdig pa'i rgyu zhes zer/ /thams cad mkhyen pa khyod kyis ni/ /de nyid bsod nams rgya zhes gsungs/ /lus las lus gzhan dag tu ni/ /phra ba'i srog ni 'pho zhes grags/ /khyod kyis lus las gzhan gyur pa'i/ /srog yod pa ni min zhes gsungs/ /khros pas g.yul ngor bsad na ni/ /bde 'gror 'gyur zhes rgyas pa zer/ /mgon po khyod kyis gnas skabs de'i/ /sems ni ngan 'gro yin zhes gsungs/ /skya bsed bu ni brjod byas na/ /bsod nams 'gyur zhes so sor smra/ /gang zhig bgrod min bgrod byed pa/ /de dag khyod kyi bstan la smad/ /skem byed dbang po nye dbang po/ /drag pa la sogs 'jigs pa dang/ /bsdigs phyir mtshon cha rtag tu thogs/ /khyod ni bsnyengs bral bsdigs mi mdzad/ /khyod ni sus kyang mi bsnyengs la/ /su la'ang bsdigs par mi mdzad pas/ /khyod nyid gcig pu mtshon mi bsnams/ /des na 'gro ba rnams las 'phags/ /smra po nyon mongs bcas pa'i tshig /rig byed la sogs tshig dag ni/ /phal cher ltag 'og 'gal ba lags/ /khyod kyi thams cad mkhyen pa'i gsung/ /gzhan gyi bstan bcos gzhan dag ni/ /phal cher snga phyi 'gal ba lags/ /khyod nyid kyi ni gzhung lugs dag /thog ma bar mthar skyon ma mchis/ /chos 'don pa dag dmangs rigs la/ /blo gros sbyin par bya min zer/ /khyod ni gdol pa rnams la yang/ /thugs rjes dam chos ston par mdzad/ /ljon shing bzang po rnam spangs nas/ /ngan pa la ni su zhig brten/ /'dod chags bral brnyes khyod bzhugs nas/ /mkhas ba su zhig ston gzhan 'dud/ /ser skya yul rnams la spyod bzhin/ /ye shes 'gyur 'chi sdig bral ba/

  455. 228a

    khyod kyis kun nas nyon mongs pa/ /thar ba ga la yod ces gsungs/ /bsod nams byas pa'i tshogs dag ni/ /sems can rnams la yongs bsngo bar/ /bcom ldan khyod kyis gang gsungs pa/ /de gzhan bstan bcos las ma bshad/ /lha rten dang ni mchod sbyin la/ /sems can gsod par byed pa dag /'jig rten pa ni chos su 'tshal/ /khyod kyi bstan la de smad lags/ /gang zhig srog chags la rtag gnod/ /de la chos nyid ga la yang/ /gtso bo khyod kyis rang nyid kyi/ /srog gi sems can legs par bsrungs/ /shAkya'i rgyal rigs 'khrungs khyod kyis/ /gang zhig bden dang mi bslu dang/ /tshangs par spyod dang dul ba dang/ /brtser ldan dam chos lags par dgongs/ /rig byed mdza' la 'byam pas kyang/ /g.yul ngor dgra mngon 'ong bsad ches/ /'jig rten smra yis khyod kyi ni/ /dgra la'ang snying rje bya zhes gsungs/ /gzhon nus rang gi zhang po la/ /mdung gis bsnun zhes bka' mchid gda' / /dpa' chen khyod kyis nyon mongs pa'i/ /dra ba shes rab mtshon gyis dral/ /khyab 'jug gis ni rang nyid kyi/ /slas kyang yongs su bskyab ma nus/ /gtso bo khyod ni sems can kun/ /bskyab pa'i slad du rtag tu brtson/ /rgan pos sbyar ba'i 'jigs shes nas/ /khyab 'jug gis ni bcom lag btang/ /thub pa khyod la bsnyengs bgyid gang/ /sems can de ni 'ga' ma mchis/ /khyab 'jug gis ni gnyen 'dun dag /le lan gyis ni gtugs par gyur/ /khyod kyis gnyen 'dun thams cad ni/ /'khor ba las ni rnam par bkrol/ /mu stegs gzhan gyi gzhung lugs la/ /ji lta ji ltar rnams bsams pa/ /de lta de ltar mgon khyod la/ /bdag gi sems ni dad par gyur/ /de ltar thams cad mkhyen min pa'i/ /grub mdza' skyon gyis

  456. 228b

    brlag sems ldan/ /bsam brlag rnams kyis skyon med pa'i/ /ston pa khyod kyang mi mthong ngo/ /'jig rten lha dang bram ze dang/ /rig byed sangs rgyas 'di dag ni/ /sdang zhes smra ba rab skyon nyid/ /ci phyir sems par mi byed kyi/ / gang slad khyod kyi bstan pa ni/ /bde bas de nyid thob bgyid pa/ /de slad smra ba'i seng khyod kyi/ /gzhung lugs la ni 'gro 'di dga' / /khyod kyi yon tan yang dag pa/ /rnam pa 'di ltar rab brjod pas/ /bdag gis bsod nams gang thob des/ /'gro ba'i 'jig rten khyod 'drar shog /mgon po khyad par 'phags bstod pa/ /brton pas bdag gis dge bsags pa/ /gang yin des ni 'gro ba kun/ /byang chub la ni gzhol gyur cig /khyad par du 'phags par bstod pa slob dpon mtho btsun grub rjes mdzad pa rdzogs so// //rgya gar gyi mkhan po sarba dz+nyA de ba dang/ lo tsA ba bande rin chen mchog gis bsgyur cing/ zhus chen gyi lo tsA ba bande dpal brtsegs rak+Shi tas btan la phab pa'o// //rgya gar skad du/ de ba a ti sha ya sto tra/ bod skad du/ lha las phul du byung bar bstod pa/ de bzhin gshegs pa thams cad la phyag 'tshal lo/ /bcom ldan bde gshegs mngon sum ma gyur khyab 'jug min/ /tshangs pa ma yin lha chen po yang na mthong ste/ /de dag gi gzugs mthu dang spyod dang bsam pa rnams/ /thos nas su la yon tan yod dam med pa dpyad/ /khyab 'jug dpung drag mtshon cha dbyug to thogs par brtson/ /lha chen mi yi thod pa'i phreng ba rnams kyis brgyan/ /sangs rgyas cha lugs gcig tu zhi ba'i phul phyin na/ /nye bar zhi dang ma zhi gang la mchod par bya/ /khyab 'jug gis ni 'thab dka' la sogs rigs rgyud brlag par gyur/ /lha chen pos ni grong khyer sum

  457. 229a

    brtsegs bcoms par gyur zhes grags/ /skem byed kyis kyang mdud thung 'jebs bsnun khrung khrung gsang par gyur/ /sangs rgyas nyag gcig 'gro la sman pa thams cad mdzad pa lags/ /de yis 'di la gnod bya 'di nyid bsrung bya 'di/ /bsang bya zhes pa lha yi mchog gi gzhung lugs yin/ /sangs rgyas la ni dgra dang mdza' bshes mi mnga' bar/ /nges par legs dang mngon par mthong bas phan 'dogs mdzad/ /khyab 'jug tshig ni 'dod chags la sogs skyon rnams bskyed/ /lha chen po yi byed spyod gang yin smon pa bzhin/ /de bzhin gshegs pa nyes pa ma lus sel mdzad na/ /su zhig ston pa chen por 'os pa dpyad par gyis/ /gang zhig brtse med gzhan la gnod par brtson pa dang/ /gang la 'gro ba dag ni skyabs su song gyur pa/ /'dod chags bcas dang gang zhig 'dod chags rnams bral ba/ /de las gang zhig 'di na mchod bya soms te smros/ /brgya byin rdo rje thogs shing stobs can gshol thogs khyab 'jug 'khor lo'i mtshon thogs dang/ /skem byed mdung thung thogs shing lha chen rtse gsum mtshon thogs dur khrod gnas gyur pa/ /de dag byis pa snying rje med pa sna tshogs mtshon thogs sdug bsngal 'jigs pas nyen/ /rtag tu srog chags 'joms par brtson pa de la mkhas pa su zhig 'dud par byed/ /gang zhig rtse gsum ma bsnams chags bcas mchan na chung ma med/ /'khor lo mdung thung drag po dang ni gshol mi bsnams/ /nyon mongs rnam grol mkhas pa gzhan la phan 'dogs rnam par brtson/ /'jig rten skyabs gyur drang srong de la 'dir ni skyabs su mchi/ /lha chen 'dod chags dbang gyur ngo tsha spangs shing co 'dri chung ma len par byed/ /khyab 'jug lhag par gtum

  458. 229b

    zhing byas pa chud gson skem byed rang gi gnyen yang gsod/ /dka' bzlog khro zhing ma he bsod byed ma mo rnams ni mi yi sha tshil za/ /log 'dren chang dang che zhing stobs bcu ldan la nyes pa chung nguAng 'ga' mi mnga' / /bcom ldan de ni bdag gi gnyen min gzhan dag dgra ma yin/ /de dag gi spyod gzhan yang mngon sum gyur pa ma mthong ste/ /tshig dang spyod pa dag gis so so'i khyad par thos pa las/ /sangs rgyas yon tan phul du byung la dang phyir bdag rten lags/ /bde bar gshegs pa bdag gi pa min mu stegs gzhan dag dgra ma yin/ /de bzhin gshegs des bdag nor ma stsal gzegs zan sogs kyis ci ma phrogs/ /'on kyang sangs rgyas bcom ldan de ni gcig tu 'gro la phan mdzad gsung/ /dri med dri ma thams cad sel ba gang yin de la bdag dad lags/ /gang zhig rtag tu phan dgyes rgyun tu 'gro la phan mdzad lags/ /gang zhig 'gro ba sdug bsngal rnam mang gdungs pa bde mdzad dang// gang zhig shes bya mdza' dag lag mthil bzhin du gsal mkhyen pa/ /drang srong mnyam med sgyu mnga' de la glo ba dad par gyur/ /snying nas dad dam ji ltar dga' ba dang/ /the tshom gyis sam gzhan gyi dor yang rung/ /gang zhig thub dbang zla ba der phyag bgyid/ /des ni lha yi bde ba phun sum 'thob/ /gna' sngon khyab 'jug 'di yis 'jig rten skye rga na 'chi'i dbang gyur thos nas su/ /mi rnams bskyab phyir rmad byung blo yis snying brtse brtson pas shAkya'i rigs rgyas par/ /go'u ta mar 'khrungs te sa steng 'jig rten 'dir ni sangs rgyas gyur par grag ces thos/ /skye bo nyon mongs blun zhing rmongs pas ston pa phan 'dogs legs par ma 'tshal grang/ /gang tshe 'dod chags

  459. 230a

    zhe sdang gis ni lha min khyim nas rin chen phrogs pa dang/ /chags pa'i blo gros kyis ni ngan g.yo byas nas sa dag phrogs par gyur kyang ni/ /de tshe khyab 'jug ma grol bzhin du skye bo blon po rnams ni mchod phyag 'tshal/ /sangs rgyas nges par rnam grol gyur kyang skye bo phal cher rmongs pas phyag mi 'tshal/ /sa 'di rgya mtsho bzhi yis ska rags chen pos bsdams pa'i ljid kyi ni/ /lci lci ltar 'dug khyab 'jug byin yang stobs chen sdug bsngal gnas skabs gyur/ /thub pa la ni rdul tsam phul bas rgyal po mya ngan med pa yis/ /zla ba'i dkyil 'khor dpal gyi 'od zer gos can sa steng mdza' dag thob/ /bdag ni sangs rgyas phyogs mi 'dzin/ /ser skya sogs la mi sdang yang/ /gang zhig rigs par ldan pa'i tshig /de nyid ston par yongs su 'dzin/ /'di ltar su yang rung ste nges par kun mkhyen dang/ /'gro ba gcig tu phan 'dogs mdzad pa'i lugs che ba/ /de dag blo gros zhib mo'i mig gis btsal nas su/ /bsten par bya yi gzhan dag mkhas la ci zhig mkho/ /gang la skyon kun yod min la/ /yon tan thams cad yod gyur pa/ /tshangs par khyab 'jug dbang phyug che/ /de yang bdag gi ston pa yin/ /gang la skyon ni mi mnga' zhing/ /yon tan dpag med mnga' ba dang/ /thams cad mkhyen dang thugs rje can/ /de la bdag ni skyabs su mchi/ /pad+ma kha phye rgyas pa'i 'dab ltar dkyus ring spyan mnga' ba/ /bstod pa'i chu klung stong gi rgya mtsho de ltar bstod bgyis pas/ /bdag gi tshig gis bskrun pa'i dge ba cung zad ci mchis pa/ /des ni sems can thams cad bde ba dag dang ldan gyur cig /lha las phul du byung bar bstod pa slob dpon

  460. 230b

    bde byed bdag pos mdzad pa rdzogs so// //rgya gar gyi mkhan po sarba dz+nyA de ba dang/ lo tsA ba bande rin chen mchog gis bsgyur cing/ zhus chen gyi lo tsA ba banda dpal brtsegs rak+Shi tas zhus te gtan la phab pa'o// // rgya gar skad du/ tri sa ra Na sapta ti ka/ bod skad du/ gsum la skyabs su 'gro ba bdun cu pa/ /'phags pa 'jam dpal gzhon nur gyur pa la phyag 'tshal lo/ /dge bsnyen gsum la skyabs 'gro ba/ /de ni sdom brgyad rtsa ba yin/ / sangs rgyas de chos dge 'dun ni/ /thar pa 'dod pa rnams kyi skyabs/ /dus gsum lam las nges grol zhing/ /shes bya la ni blo rnams rgyas/ /rmongs pa'i zum pa bcom pas na/ /sangs rgyas pad+ma ltar rnam rgyas/ /thog mdza' med pa'i srid pa ru/ /ma rig gnyid kyis log pa yis/ /'gro ba gang gang snang de de/ /brdzun te rmi lam lta bur 'dod/ /ma rig gnyid ni rgyun chad cing/ /yang dag ye shes nges byung bas/ /gang zhig rnam sad de sangs rgyas/ /skyes bu gnyid sad ji bzhin no/ /yang dag de nyid ston mdzad cing/ /mi mkhas sems can rtogs mdzad las/ /des kyang sangs rgyas sangs rgyas dang/ /de yang sangs rgyas dang mtshungs 'dod/ /ye shes bla na med pa yis/ /yang na de nyid thugs chud pa 'am/ /zhi ba nyid kyis rtogs sangs rgyas/ /de bas sangs rgyas sangs rgyas 'dod/ /sangs rgyas kyi ni gzugs kyi sku/ /mtshan dang dpe byad dag gis 'bar/ /'gro ba rang gi mos pa yis/ /dbang gi sna tshogs sku 'dzin gang/ / bsod nams tshogs ni tshad med las/ /'khrungs pa de ni rgyal ba'i sras/ /sa bcu la ni gnas rnams kyis/ /mthong bar gyur na sku de yis/ /chos kyi rdzogs longs spyod 'di ni/ /rgyal sras rnams ni spyod pa yin/ /rgyal ba sku de

  461. 231a

    la bzhugs nas/ /bla med byang chub thugs su chud/ /ye shes spros pa med pa gang/ /shes bya skye ba med las byung/ /sangs rgyas rnams kyi chos sku de/ /ye shes tshogs las byung ba yin/ /sangs rgyas rnams kyi ma 'dres chos/ /khyad par 'phags pa bco brgyad dang/ /sangs rgyas rnams kyi stobs sogs kyis/ /ye shes de ni yang dag brgyan/ /ngo bo nyid ni rgyu rkyen las/ /'byung ba yin par rigs min te/ /rgyu dang rkyen las byung ba ni/ /rang bzhin bcos ma yin par 'gyur/ /ngo bo nyid ni bcos ma ru/ /ji ltar yang ni gyur pa yin/ /bcos ma ma yin ngo bo ni/ /gzhan la bltos pa yod ma yin/ /chos rnams nyid kyi ngo bo ni/ /thams cad yod pa ma yin te/ /de phyir skad cig gcig gis ni/ /bde gshegs thams cad mkhyen par 'dod// ma rig nyon mongs can byas rtogs/ /gang gis ngo bo sgro btags 'dod/ /byis pa rnams kyi 'khor ba'i rgyu/ /de rtog gyur pa log shes yin/ /ma rig nyon mongs med yod pas/ /rnam pa kun mkhyen spangs pa nyid/ /slob ma rang sangs rgyas dag gi byang chub dngos po med pa yin/ /rgyal bas dngos po de rnams ni/ /gzugs brnyan dang yang 'drar mkhyen pas/ /gnyis med ye shes ma rig zad/ /shes bya skye med pas rab phye/ /de bas de ni cung zad kyang/ /mi mkhyen ci yang ston mi mdzad/ /sangs rgyas nam mkha' ji bzhin du/ /de ltar chos nyid la rab zhugs/ /yid bzhin nor bu ci yang ni/ /mi byed rtog pa med na yang/ /'gro ba'i bsam pa ji bzhin du/ /tshim par byed pa yin par bshad/ /rdzogs sangs thugs kyi rin chen ni/ /rang gi mos bzhin dgos mdzad pas/ /'gro ba'i bya ba byed de la/ /de bzhin mdzad par go ba yin/ /de nyid phyir na 'phags pa rnams/ /bsam mi khyab pa'i rkyen las 'khrungs/ /yid bzhin nor bu'i bya ba ni/ /mthong la 'thad

  462. 231b

    pa yod ma yin/ /chos rnams dngos med nyid la ni/ /blo gnas sangs rgyas yin par bshad/ /'og min gzhal yas khang du ni/ /yang dag mngon sum mdzad par 'dod/ /sangs rgyas rtag pa mi mnga' ba'i/ /gzugs kyi sku ni yang dag 'byung// sprul pa'i skus ni sa stengs suAng/ /yang dag byang chub ston par mdzad/ /thub dbang rnams kyi sku gsum ste/ /chos dang longs spyod rdzogs sprul pa/ /mdor bsdus nas ni bshad pa 'di/ /gus pas blo la bzhag par gyis/ /sngon med pa las slar byung zhing/ /byung nas kyang ni yang dag med/ /rang gi ngo bo 'dzin pas chos/ /don dam par ni mi brjod do/ /gang zhig rmi lam sgyu ma dang/ /chu zla lta bur bslu byed pa/ /skye sogs dang ldan de spang bya'i/ /sa spang par ni rigs ma yin/ /dus gsum du yang dngos gcig phyir/ /ngo bo nyid kyis rtag tu byung/ /rga shi ngag las grol ba nyid/ /chos rnams kyi ni chos shes bshad/ /zang dang chags bral mya ngan 'das/ /'gog dang stong pa nyid zhi ba/ /de bzhin nyid dang chos rnams kyi/ /gang gi ngo bor de nyid bshad/ /lam gang mya ngan 'das 'gro ba/ /thub pa rnams kyis yang dag gsungs/ /de yi rgyud las skyes gyur pas/ /des ni mngon sum dag tu gzigs/ /'phags pa'i bden pa rnam pa bzhi/ /rtogs te shes nas dad gyur pa/ /skyes bu gang zag ya brgyad po/ /mi phyed dge 'dun zhes bshad do/ /nyon mongs gzhom phyir slob pas na/ /gang zag bdun ni slob pa yin/ /nyes pa ma lus zad pa'i phyir/ /brgyad pa mi slob par bshad do/ /de rnams 'bras bur gnas pa zhi/ /bzhi ni zhugs pa po yin la/ /ston pa'i slob ma'i tshogs 'di ni/ /grol dang grol ba'i lam la gnas/ /sangs rgyas chos dang dge 'dun ni/ /bdud rnams bye ba brgya yis kyang/ /gang phyir dbye bar mi nus pas/ /de phyir dge 'dun zhes

  463. 232a

    bshad do/ /thub dbang gis ni sku gsum dang/ /mya ngan 'das dang gang zag brgyad/ /sdom brtson bcas la mos pa yis/ /gang zhig gsum la skyabs 'gro ba/ /dge bsnyen du ni dam 'cha' bas/ /skyabs ni gsum po bsrung bar bya/ /mu stegs kun la gus pa yis/ /mchod dang phyag btsal mi bya'o/ /rten gyi dam pa blangs nas ni/ /slar yang dman la brten gyur na/ /nyes bcas phyogs la gnas pa'i phyir/ /de ni dam pa'i bzhad gang 'gyur/ /gang zhig 'phags lam ma skyes pa'i/ /byis rmongs so so'i skye bo dag /de ni slob dang mi slob pa/ /min zhes bstan bcos las bshad do/ /ji ltar 'khor lo la sogs pa/ /nyer bzung shing rtar rtags pa ni/ /rang dang gzhan du rnam dpyad pas/ /rnam pa kun tu mi dmigs so/ /de bzhin phung po nas brtsams te/ /sems can du ni brtags pas yang/ /yang dag gzhan du rnam dpyad pas/ /ci nas kyang ni dmigs mi 'gyur/ /de 'dir thar pa'i cha nas ni/ /brtsams te rtag tu dge ba la/ /nyan thos ring phyir 'bad na ni/ /rim gyis nyan thos nyid du 'gyur/ /gang zhig rang byung ye shes 'dod/ /rang rgyal byang chub don gnyer bas/ /rtsom pa de yang rang rgyal gyi/ /byang chub kho na des 'thob bo/ /rang don la gzhol 'di dag ni/ / snying rje chen po dang bral bas/ /rang rgyal rgyal ba'i gsung las skye/ /theg pa chen por mi bsngags so/ /rgyal ba'i yon tan mdza' yas pas/ /theg pa tshe las gsungs pa dang/ /byang chub sems dpa' i mthu thos nas/ /de mi snod nyid gyur pa yin/ /des mi theg pa chen po'i shing/ /ma lus rang gi lam gyis bsregs/ /byang chub sems dpa' i nang du ni/ /skyes bu dbul bo lta bur gnas/ /'di dag srid pas skrag pa yi/ /yid kyis byang chub

  464. 232b

    gnyis thob pa/ /tshe zad par ni dgar 'gyur zhing/ /mya ngan 'das thob 'du shes can/ /de la mya ngan 'das yod min/ /'on kyang srid gsum skye ba ni/ /de dag pa ni yod min gyi/ /zag pa med pa'i dbyings na 'khod/ /mi shes nyon mongs min spangs phyir/ /phyis ni sangs rgyas kyis bskul pas/ /byang chub kyi ni tshogs bsags nas/ /de yang 'jig rten 'dren par 'gyur/ /'khor lo sgyur ba rgyal po yi/ /mtshan gyis yang dag brgyan pa la/ /blo dang ldan pa'i blon po yis/ / rgyal po lta bur mtho bar mthong/ /nyan thos rang sangs rgyas dag gis/ /rdzogs sangs rgyas kyi rigs byung ba'i/ /byang chub sems dpa' blo ldan yang/ /thub pa'i dbang po lta bur mthong/ /byang chub sems ni legs bskyed pa'i// sdom brtson mchis lham khur ba la/ /byang chub sems sogs la gus pas/ /dgra bcom pa yi mchod par bshags/ /shar ri'i lung las dgra bcom pas/ /byang chub sems dpa' phyag 'tshal nyid/ /'di dag dkon mchog gsum gzhan min/ /sangs rgyas khongs su gtogs par 'dod/ /ji ltar dgra bcom zad ye shes/ /sa bdun sngon du 'gro ba can/ /de bzhin rdzogs sangs rgyas ye shes/ /sa bcu sngon du 'gro ba yin/ /'di ni gcig pu mi 'gro yi/ /sa bcu po 'di sbyong byed do/ /gang phyir pha rol phyin ba bcu/ /sa de rnams la rdzogs par byed/ /'bras bur gnas dang zhugs pa ni/ /'phags pa'i lam gyis rab phye ba'i/ /slob ma rnams kyi sa bdun ni/ /mngon pa'i chos las ji skad bshad/ /de bzhin sde snod rgyas pa las/ /sa bcu'i bsngags pa brjod pa yin/ /thams cad 'phags lam bdag nyid can/ /de bas 'phags min ji ltar 'gyur/ /nyan thos rnams kyi dbang mdzad nas/ /sde snod

  465. 233a

    gsum du 'dod pa yin/ /byang chub sems dpa' i gnas skabs kyi/ /nges par der ni yod ma yin/ /'phags pa nub kyi rir bshad dang/ /shar gyi ri pa'i nyan thos kyis/ /byang chub sems dpa' i dbang byas pa/ /sde snod bdun du bshad pa yin/ /byang chub sems dpa' i sde snod dang/ /de bzhin rig 'dzin zhes bya dang/ /mdo sde chos mngon 'dul ba dang/ /rgyas dang de bzhin skyas ba'i rabs/ /de ltar sde snod bdun po ni/ /lung ni gnyis las bstan pa yin/ /gang la 'di ni tshad min 'gyur/ /des ni dgra bcom spangs pa nyid/ /shes bya mdza' yas dbang gis ni/ /'khor ba na ni skad cig yod/ /gal te re re'i dbye bas ring/ /de bzhin 'di yang srid mtshungs 'gyur/ /bya ba rgya chen byed pa'i phyir/ /srid pa ring snyam mi sems so/ /bsod nams ye shes stobs kyis ni/ /lus sems sdug bsngal gyis mi non/ /de bas rnam pa thams cad du/ /byang chub sems dpa' smad mi bya/ /khams gsum bar gtogs nyon mongs zad/ /byang chub kyi ni snod gyur nyid/ /phung po khams dang skye mched ni/ /gzugs brnyan mtshungs par mthong bas na/ /nyan thos rang sangs rgyas dag gis/ /stong ni gnyis dang gsum po mthong/ /rnam kun mkhyen nyid ye shes ni/ /rdzogs sangs rgyas kyi yin par bshad/ /rgyal ba'i lam gyi rnam par shes/ /byang chub sems dpa' i yin par gsungs/ /rab tu dga' ba thob pa na/ /kun sbyor gsum po legs zad pas/ /byang chub sems dpa' 'phags 'gyur zhing/ /rdzogs sangs rigs las byung ba yin/ /sa ni gong ma gong ma la/ /byang chub sems dpa' i yon tan dang/ /nyes zad gang yin sa bcu pa'i/ /mdo nyid las ni shes par bya/ /yon tan dam pa re re zhing/ /bsam yas de ni mkha' dang mnyam/ /byang chub sems

  466. 233b

    la rtag phyag 'tshal/ /blo ldan byang chub la skyabs mchi/ /theg chen tshul la brten nas ni/ /skyabs gsum rnam par phye ba las/ /bsod nams gang des skye bo rnams/ /dkon mchog gsum la gzhol bar shog /gsum la skyabs su 'gro ba bdun cu pa slob dpon zla ba grags pa'i zhal snga nas mdzad pa rdzogs so// //rgya gar gyi mkhan po paN+Di ta chen po dI paM ka ra sh+rI dz+nyA na dang/ sgra bsgyur gyi lo tsA ba dge slong rin chen bzang pos bsgyur cing zhus te gtan la phab pa'o// //rgya gar skad du/ Sha DaM ga sA ra NaM/ bod skad du/ skyabs 'gro yan lag drug pa/ /dkon mchog gsum la phyag 'tshal lo/ /skyabs 'gro yan lag drug pa bshad/ /cis 'gro dgos dang yul dus dang/ /phan yon bslab bya blang ba rnams/ /rtsa ba sdom du bshad pa yin/ /'jig dang yon tan dran pas 'gro /gnas gsum brtan pa'i yul de la/ /'di nas byang chub thob par ro/ /mu stegs spyod las log pa yin/ /gsum du mi skye rten du 'gyur/ /bar chad med pas nad nyung ring/ /'byang zhing sog pa'i phan yon no/ /skyabs gsum dang po'i bslab bya ni/ /gnod sbyin mi bsten phyag mi btsel/ /gnyis pa sems can thams cad la/ /'tshe ba spang zhing brtse bar bya// gsum pa bdag dang gzhan gyi yul/ /sdig pa can dang 'grogs pa min/ /sku gzugs tshigs su bcad pa dang/ /lhan ba ser po btab pa la/ /dad mos sgo nas ston par brtag /zhal nas gsungs pa mdza' dag la/ /skur pa mi gdab spyi bor blang/ /gang zag dag dang ma dag la/ /dam par blta bar bya ba yin/ /lus srog phyir yang gsum mi spang/ /dus 'dir rkyen rnams ci byung yang/ /mgon skyabs gzhan du btsal ba min/ /che ba'i yon tan

  467. 234a

    zas dag gis/ /rtag tu dran cing mchod pa yin/ /rgyun gyi skyabs 'gro brjod bya ba/ /dus drug rgyun gyi bskul ma yin/ /blang ba dang por shes bya ba/ /'jigs pa byung tshe skul ma yin/ /rgyud la shes bya mang mchis kyang/ /rgyal blo na yid ches ma gyur pas/ /skyabs 'gro'i cho ga bdag gis bshad/ /legs par bris shig ku mA ra/ /bsod nams 'gro ba yongs la bsngo/ /skyabs 'gro yan lag drug pa slob dpon bi ma las mdzad pa rdzogs so// // rgya gar skad du/ bi ma la ratna le kha nA ma/ /bod skad du/ dri ma med pa'i rin po che'i phrin yig ces bya ba/ /bla ma rnams la phyag 'tshal lo/ /rje brtsun sgrol ma la phyag 'tshal lo/ /mahA g+ha tir sku btams nas/ /sangs rgyas bstan pa 'phel mdzad cing/ /rgyal srid chos kyis skyong mdzad pa/ /nir ya pha la rgyal gyur cig /khyod kyis sngon chad sbyin pa dang/ /dge ba bcu dang gso sbyong dang/ /bzod dang brtson 'grus la goms pas/ /lha khyod da lta phun sum tshogs/ /bla ma rnams kyi bka' lung dang/ /mdo sogs chos kyi rjes 'brang 'di/ /gus pas spyi bos blang mdzod dang/ /bdag gzhan gnyis la phan par 'gyur/ /the tshom thams cad rnam spangs shing/ /sgrub la nan tan che bar mdzod/ /gnyid rmugs le lo rnam spangs zhing/ /rtag tu brtson 'grus 'bad par bya/ /dran dang shes bzhin bag yod pas/ /dbang po'i sgo rnams rtag tu bsrung/ /nyin mtshan dus gsum yang dang yang/ /sems kyi rgyud la brtag par bya/ /rang skyon rtog la mig bzhin bya/ /gzhan skyon rtog la long ba bzhin/ /dran dang nga rgyal med pa dang/ /stong nyid rtag tu bsgom par bya/ /bdag gi nyes pa bsgrags bya zhing/ /gzhan gyi 'khrul pa btsal mi bya//

  468. 234b

    gzhan gyi yon tan bsgrag par bya/ /bdag gi yon tan sba bar bya/ /rnyed dang bkur sti spang bya zhing/ /kheng grags rtag tu spang bar bya/ /byams dang snying rje bsgom bya zhing/ /byang chub sems ni brtan par mdzod/ /mi dge bcu ni spang bya zhing/ /rtag tu dad pa brtan par bya/ /'dod pa chung zhing chog shes dang/ /byas la drin du gzo bar bya/ /khro dang nga rgyal spang bya zhing/ /dman pa'i sems dang ldan par bya/ /log pa'i 'tsho ba rnam spang zhing/ /chos kyi 'tsho bas 'tsho bar bya/ /zang zing thams cad rnam spang zhing/ /'phags pa'i nor gyis phyug par bya/ /rtag tu 'du 'dzi spang bya zhing/ /dgon pa la ni gnas par bya/ /'khyal pa'i tshig rnams spang bya zhing/ /rtag tu ngag ni bsdam par bya/ /bla ma mkhan po mthong ba'i tshe/ /gus pas rim gro bskyed par bya/ /khyad par can gyi skyes bu dang/ /gang zag chos kyi mig can dang/ /las dang po yi sems can la/ /ston pa'i 'du shes bskyed par bya/ /sdug bsngal dag gis gdungs ba dang/ /sems can thams cad mthong ba'i tshe/ /byang chub sems ni bskyed bya ste/ /pha ma bu tsha'i 'du shes bskyed/ /'jig rten bya ba kun spangs te/ /rtag tu ting 'dzin bsgom par mdzod/ /sdig pa'i grogs po spang bya zhing/ /dge ba'i bshes la brten par mdzod/ /tshul khrims 'chal ba'i dge slong dang/ /chos kyis phongs pa gzhan dag dang/ /sdig pa spyod pa mthong ba'i tshe/ /de dag yal bar dor mi bya/ /mi dge'i bshes gnyen thams cad dang/ /sdig pa'i grogs po thams cad dang/ /dkon mchog gsum dang bla ma dang/ /mkhan po slob dpon mi gus dang/ /byas la drin du mi gzo dang/ /tshe 'di 'ba' zhig dran pa dang/ /gzhan yang dad pa chung ba dang/ /zhag gsum 'das par gnas mi bya/ /sdang

  469. 235a

    dang mi bde'i sa spang zhing/ /gang du bde bar 'gro bar bya/ /gang la chags pa spang bya zhing/ /chags pa med par gnas par bya/ /chags pas bde 'gro mi thob cing/ /thar pa'i srog kyang gcod par byed/ /gang du dge ba'i bshes gnas pa/ /der ni rtag tu gnas par bya/ /bla ma rtag tu brten pa dang/ /rtag tu mdo sde blta bar bya/ /thog mar brtsams pa gang yin pa/ /dang por de nyid bsgrub bya zhing/ /gzhan du gnyis ka 'grub mi 'gyur/ /gzhan du sdig pa bshags pa dang/ /bsod nams mchog la 'bar bar bya/ /'jig rten spyod dang 'thun pa dang/ /rtag tu pha rol sems bsrung mdzod/ /gang tshe mtho ba'i sems skyes tshe/ /de tshe nga rgyal bcag bya zhing/ /gang du bag yod bral ba'i tshe/ /bla ma'i gdam ngag dran par bya/ /zhum pa'i sems ni byung ba'i tshe/ /sems kyi gzengs kyang bstod par bya/ /shes rab pha rol phyin dran te/ /spros pa ma lus zhi bar mdzod/ /gang du chags sdang yul byung tshe/ /sgyu ma sprul ba bzhin du blta/ /mi snyan tshigs rnams thos pa'i tshe/ /brag cha lta bur mkhyen par mdzod/ /lus la gnod pa byung ba'i tshe/ /sngon gyi las su blta bar bya/ /bas mdza' dgon par rab gnas shing/ /ri dwags shi ba'i ro bzhin du/ /gang du sus kyang mi shes par/ /bdag gis bdag nyid sba bar bya/ /rtag tu yi dam brtan par bya/ /'dod dang gnod sems gnyid dang rmugs/ /le lo snyoms las sems byung tshe// de tshe bdag la rngan bgrang zhing/ /brtul zhugs snying po dran bya dang/ /mi rtag pa dang 'chi ba bsam/ /gzhan gyi mdun du gnas pa'i tshe/ /zhi des gsod por smra bar bya/ /khro gnyer ngo zum spang bya zhing/ /rtag tu

  470. 235b

    'dzum zhing gnas par bya/ /rtag tu gzhan la dga' bya zhing/ /ser sna med cing gtong la dga' / /rtag tu phrag dog spang bar bya/ /gzhan gyi sems ni bsrung bya zhing/ /rtsod pa thams cad spang bar bya/ /ngo dga' med cing gsang 'grogs med/ /rtag tu gzungs ni thub par bya/ /rtag tu bzod dang ldan pa dang/ /'dod pa chung zhing chog shes mdzod/ /gdol ba bran gyi 'du shes so/ /ngo tsha shes dang khrel yod dang/ /pha rol mgu bya de la brtson/ /rang gi sdom pa bsdam par mdzod/ /gzhan pa brnyas pa spang bya zhing/ /gus pa'i tshul gyis gnas par bya/ /gzhan la gdam ngag byed pa'i tshe/ /snying rje phan sems ldan par mdzod/ /sangs rgyas chos la gus pa dang/ /dam chos nam yang spang mi bya// rtag tu dkon mchog gus pa dang/ /'khor gsum yongs su dag par mdzod/ /sngon du snying rje song ba yis/ /nyin dang mtshan mo lan gsum du/ /mchod pa bdun du rab grags pa'i/ /phung po gsum pa gdon par mdzod/ /'gro ba'i sdug bsngal bsal 'dod pas/ /smon lam rgya chen gdab pa dang/ /sems can smin dang byang chub 'dod/ /thams cad byang chub chen por bsngo/ /dus ni ring por dam bcas nas/ /rtag tu brtson dang ldan par bya/ /de ltar mdzad na tshogs gnyis po/ /rdzogs 'gyur sgrib gnyis zad par 'gyur/ /mi lus thob pa don yod cing/ /mthong ba'i chos la mya ngan 'da' / /bdag dang gzhan don rdzogs gyur nas/ /dam pa gnyis ni thob par 'gyur/ /so ga'i khu byug gzhon nu skad snyan sgrogs zhes te/ /rma bya gzhon nu skad mi snyan pa mi sgrogs min/ /mkhas pa mang pos gsungs pa yod

  471. 236a

    mod kyi/ /rgyal po gdung ba bcad phyir bris pa yin/ /phan sems ldan pa'i gtam 'di legs par dgongs mdzod la/ /rtog dang ldan pa'i skye bo gzhan la'ang smra bar mdzod/ /rtag tu lha drug dran mdzod dam tshigs gtsang bar mdzod/ /rgyal srid chos kyis skyong mdzod bdag la bzod par mdzod/ / dri ma med pa'i rin po che'i phrin yig ces bya ba gnas brtan mkhas pa chen po dI baM ka ra sh+rI dz+nyA na ba rgyal po nirya pha la la brdzangs pa shlo ka bzhi bcu ba rdzogs so// //dus de nyid du bla ma de nyid dang lo tsA ba dge slong tshul khrims rgyal bas bsgyur ba'o// bkra shis/ //