Text

ff. 1a–309a · 617 folio sides

  1. 1a

    kye rdo rje'i 'grel pa byang chub sems dpa' rdo rje'i snying pos mdzad pa bzhugs so/ /

  2. 1b

    rgya gar skad du/ he badzra pA Ni DArtha TI kA/ bod skad du/ kye'i rdo rje bsdus pa'i don gyi rgya cher 'grel pa/ dpal kye'i rdo rje la phyag 'tshal lo/ /'jig rten spyod pa rnam par spangs byas rgyal ba'i rang bzhin rtag tu byung zhing khyab/ /gnyis gnyis med cing dri bral dbang po'i min bde kun mkhyen e baM mchog zhi ba/ /thugs ni thugs min thugs te bems po ma yin kun tu dbang po thams cad pa/ /sangs rgyas rnams kyi ngo bo nyid sku bdud rtsi la ni rtogs ched phyag 'tshal

  3. 2a

    lo/ /yon tan brgyad po rab bcom las byung rnam par thar rnams gtso bo'i zhal brgyad rnams/ /stong pa nyid rnams bcu drug phyag dang thugs rje rnams kyang thod pa 'di rnams te/ /'gyur med lnga bcu rjod byed de nyid bkod pa phrag par mgo yi phreng ba can/ /cod pan la ni mi bskyod zla phyed rdo rje'i phreng ba thod pa'i bdag nyid mnga' / /byams pa la sogs rnams dang rnam thar zhabs bzang rnams kyis bdud rnams mnan te bzhugs/ /nyon mongs shes bya bsdus dang sbyor ba brang 'gro phyag rgya stag gi pags

  4. 2b

    pa yis/ /gang la bdud sogs sgrib rnams cha tsam lta bur sems can don du brgyan de la/ /btud nas 'di yi rgyud kyi gsang ba 'chad byed 'grel pa bdag gis bri bar bya/ /sems can kun la phan 'dod pa/ /sa bcu rnams kyi dbang phyug po/ /dpal ldan rdo rje snying po yis/ /rnal 'byor pa la ma thob ched/ /'bum phrag lnga pa'i rgyud chen las/ /nyung ngu'i rgyud ni legs phyung ba'ang/ /brgya phrag bdun ni phyed bcas pa/ /rdo rje'i tshig mang ldan pa 'dir/ /kye yis rdo rjes bskul bas na/ /gzhung ni stong phrag drug pa ste/ /rtsa ba'i rgyud kyi rjes 'brang gang/ /de 'di rgyud ni gsal don du'o/ /snyigs ma lnga yi dus 'di ru/ /slob dpon gang rnams 'byung 'gyur ba/ /rnal 'byor spyod pa ston byed cing/ /yang dag lam la gnas min la/ /'grel pa med par nyung ngu'i rgyud/ /ston par

  5. 3a

    byed pa tshul ngan pa/ /gzhan gyi bud med nor 'dod pas/ /dmyal bar 'gro bar ches brtson pa/ /mngon shes lnga sogs med par ni/ / kha cig 'grel pa byed par 'gyur/ /rtog ge'i bstan bcos nga rgyal gyis/ /rnal 'byor spyod la brnyas par byed/ /sangs rgyas rdo rje sems dpa' nyid/ / 'bad pas dbang gis gzung nas no/ /bdag ni rdo rje 'dzin pa zhes/ /mi 'ga' mi la smra bar 'gyur/ /tshul khrims sdom pa 'dzin pa yi/ /dge slong kun la phyag mi byed/ /sa la rdo rje 'dzin rang nyid/ /gos dkar can bdag phyag 'os zer/ /bsten byed tshong pa dmangs rigs dang/ /gang rnams zhing pa'i las la dga' / /rmongs pa dam chos 'tshong byed pa/ /spyad bya ma yin longs spyod pa/ /bdud kyi rigs gtogs de rnams ni/ /slob ma rnams kyi bla mar 'gyur/ /

  6. 3b

    rnal 'byor spyod pa'i zol gyis ni/ /rang gi nyes byas sbed byed cing/ /de rnams skyon rnams spang bya'i tshe/ /nges par smra bar byed 'gyur te/ /slob dpon yon tan gzung bya yi/ /skyon ni slob mas nam yang min/ /skyon 'dzin 'dir ni dngos grub med/ /'di la nges par the tshom med/ /snying rje med cing khro la gdug /khengs shing chags la ma bsdams dang/ /rang bstod bla mar slob ma ni/ /blo dang ldan pas mi bya'o/ /tshig 'di slob ma rnams la ni/ /rnam pa kun tu smra mi byed/ /brtse med zhing las byed pa gang/ /khro zhing gnad du bsnun par byed/ /gdug cing dge slong skye bor sdang/ /rengs pa shes pa ngan pas khengs/ /'dod chen spyad bya min don gnyer/ /shin tu chang 'thung ma bsdams pa/ /rang la bstod pa 'dir brjod cing/ /yon tan can la skyon 'byin byed/ /dbang bskur mchog thob rdo rje yi/ /slob dpon la ni de bzhin gshegs/ /phyogs bcu'i 'jig rten khams bzhugs pas/ /dus gsum byon nas phyag byed ces/ /dgongs te bshad pa mi shes shing/ /ming tsam gyis ni rmongs pa rnams/ /rgyal ba'i dbang po rnams smad nas// du 'bod du ni 'gro bar 'gyur/ /rdo rje sems dpa' spyi bo nas/ /byang chub shing drung dbang bskur gang/ /dbang bskur mchog thob gyur pa de/ /rdo rje slob dpon de bzhin gshegs/ /phyogs bcu'i byang chub sems

  7. 4a

    dpa' yis/ /lus gang 'jig rten khams rnams te/ /de nas phung po lnga rnams kyis/ /dus gsum byon nas phyag 'tshal lo/ /de nas cod pan rin po che/ /sna tshogs dngos rnams 'jig rten khams/ /der gnas sangs rgyas phyag byas gang/ /rnal 'byor rdo rje slob dpon de'o/ /ji ltar brda yis bshang ba la/ /rnam snang gci ba khu ba dag /mi bskyod pa dang 'od dpag med/ /de ltar slob dpon rdo rje 'chang/ /bshang gci khu ba phyag rgya rnams/ /ji ltar slob dpon ster byed bzhin/ /sku gsung thugs kyi dngos grub rnams/ /de ltar rdo rje 'dzin pas stsol/ /kun rdzob dang ni don dam pas/ /slob ma rnal 'byor pa rnams las/ /dkyil 'khor byang chub shing drung du/ /dbang bskur sngar dang phyis de bzhin/ /dgongs pas bshad dang dgongs min dang/ /ji bzhin sgra dang ji bzhin min/ /de bzhin nges don drang don te/ /rgyud ni mdza' drug mtshan nyid can/ /slob dpon yon tan gang rnams 'dir/ /tha snyad kyis ni bstan de rnams/ /rdo rje sems dpa' i yon tan te/ /mngon shes drug sogs mtshan nyid rnams/ /brtan zhing dul la blo gros ldan/ /bzod ldan drang po g.yo sgyu med/ /sngags dang rgyud kyi sbyor ba shes/ /snying rje ldan zhing bstan bcos mkhas/ /de nyid bcu rnams yongs su shes/ /dkyil

  8. 4b

    'khor bri ba'i las la mkhas/ /dang po'i bdag nyid dbang po thul/ /gsang sngags 'chad byed slob dpon no/ /yon tan bshad pa 'di rnams ldan/ /dge slong rdo rje 'dzin par 'gyur/ /dge tshul khyim pa min de dag /bcu rnams dge slong 'dir mtshungs min/ /bslab pa'i gzhi bcu ldan pa dang/ /bslab pa'i gzhi lnga ldan pa dang/ /slab pa'i gzhi yi mdza' ldan pa/ /de gsum mtshungs pa min par bshad/ /ji ltar rtsa ba'i rgyud du gsungs/ /dge slong rdo rje 'dzin pa'i gnas/ /gang de cung zad bla ma ni/ /mnyes byed slob ma la brjod bya bdag med mas zhus rdo rje can/ /ji lta'i rim pa bzhin du ni/ /bslab pa'i gzhi ni sbyin ched du/ tshig ni 'di skad bka' stsal to/ /dang por bslab pa'i gzhi lnga rnams/ /gso sbyong sogs dang yang dag ldan/ /mi dge bcu po yongs spong ba/ /byin nas dge bsnyen nyid du bya/ /de nas bslab pa'i gzhi rnams ni/ /bcu po byin nas dge tshul bya/ /de nas bslab gzhi bye ba ni/ /byin nas dge slong brtul zhugs bya/ /de nas so sor thar shes nas/ /de nas bye brag smra ba'i lugs/ /de nas mdo sde shes byas nas/ /rnam shes smra ba dang chos las de nas shes rab pha rol phyin/ /dgongs pa dbu ma shes bya ste/ /de ltar rgyud gzhan mnyan nas ni/ /de nas kye'i rdo rje shes bya/ /theg pa gsum gyi nges 'byung las/ /theg pa gcig gi 'bras bur gnas/ /nyan thos rang sangs rgyas dang 'dir/ /theg pa chen po gsum pa ste/ sangs rgyas pa la bzhi pa dang/ /lnga pa thub pa'i dgongs pa min/ /rnam pa thams cad mchog ldan pa'i/ /stong nyid dang por rgyu yin te/ /smon lam las ni snying rje phyis/ /'gro ba'i don byed 'bras bu'o/ /rang don byas nas gzhan don ni/ /byed pa gang de blo ldan yin/ /rang sdug bsngal can dbul po gang/ /de yis gzhan la ji ltar sbyin/ /bde ldan dbang phyug phun tshogs pa/ /sems can don la snying rjes brtson/ /rgyu dang 'bras bu don gnyer bas/ /ji srid rgyu mngon ma byas pa/ /de srid

  9. 5a

    dang por rgyu med pa'i/ /'bras bu gang la 'byung bar 'gyur/ /theg pa che las theg pa gzhan/ /gnyis po 'di ru brjod pa ni/ /sbyin dang tshul khrims sogs nyams rnams/ /ngal so'i ched du'o de nyid min/ /chos rnams kun gyi stong pa nyid/ / nges 'byung byed par bdag gis bshad/ /nges 'byung byed pa'i rgyu de dang/ /de nas smon lam dbang las ni/ /snying rje'i bdag nyid 'bras bu che/ /dmigs pa med par 'byung bar 'gyur/ /sems can chos dang dmigs pa med/ /snying rje 'di ni gsum du bshad/ / nyi tshe'i don byed cung zad pa/ /sems can chos la dmigs pa ste/ /grub pa byang chub sems dpa' rnams/ /sa bcu la gnas bdag nyid kyi'o/ /yan lag bcu gnyis 'gags gyur cing/ /sa kun la gnas bdag nyid can/ /bde gshegs rnams kyi dmigs med de/ 'gro ba'i don rnams mdzad par bshad/ /rgyu ni gang 'dra gang 'dra ba/ /de 'dra de 'dra'i 'bras bu der/ /ko dra ba las 'ga' zhig duAng/ /sA lu nyid ni skye mi 'gyur/ /sa bon de bzhin ljon de bzhin/ /ljon shing de bzhin 'bras de bzhin/ /thog mar bar dang tha mar yang/ /thub pa'i bka' ni dge ba yin/ /dang por rtog bcas rgyu las ni/ /'bras bu rnam rtog bcas 'byung gis/ /sangs rgyas pa kun la gtogs las/ /tha mar 'bras bu stong nyid ni/ /dang por zhing rnams sbyang don du/ /ko dra ba rnams 'debs byed cing/ phyi nas sbyangs pa'i zhing la ni/ /sA lu'i sa bon 'debs pa bzhin/ /las kyi sar skyes mi rnams ni/ /ma dag zhing yin zhes bshad do/ /ma dag 'gro drug skyes pa ste/ /dge dang mi dge'i 'bras bur brjod/ /mi yi skye ba dag zhing la/ /dmigs med snying rje'i sa bon ni/ / btab pas gang zhig de yi phyir/ /stong nyid dpag bsam ljon shing 'byung/ /stong nyid dpag bsam ljon shing las/ /dmigs med thugs rje'i 'bras bu ni/ /sems can kun gyis bsam byas nas/ /'byung ngo 'di la the tshom med/ /zab cing rgya che'i chos rnams la//

  10. 5b

    skal pa bral ba'i bdag nyid la/ /phyag rgya dkyil 'khor sngags sogs gang/ /yid 'ong bdag gis bstan pa yin/ /phyag rgya dkyil 'khor sngags sogs kyis/ /sangs rgyas rdo rje sems dpa' nyid/ /ston par byed pa ma 'ongs pa'i/ /slob dpon rnams ni bdud kyi rigs/ /de phyir dge slong theg chen la/ /ston byed rdo rje 'chang bshad de/ /theg pa gsum po yongs shes shing/ /chos kyi bsdu ba ston byed pa'o/ /rigs byed grub mdza' rnal 'byor rnams/ /dbang phyug sogs kyis byas pa dang/ /sangs rgyas pa yi sngags rgyud la/ /stong pa nyid la khyad par yod/ /gang zhig mi shes rmongs bdag nyid/ /slob ma ma lus ltung bar byed/ /byed po med par las yod min/ /las dang bral na 'bras bu med/ /sgyu 'phrul chen mo drag chen mo/ /'byung dang sdud par byed pa po/ /rang nyid 'phrog po rang byed po/ / rang nyid rgyal po rang gtso bo/ /de ltar dbang phyug sgyu ma ni/ /dbang phyug gis kyang bshad pa ste/ /mu stegs zhi ba'i grub mthar ro/ /klu yi chos su khyab 'jug gis/ /gdul dka' 'dul bar byed pa de'ang/ /de yang legs par rnam skyong byed/ /gang tshe gang tshes gzhi 'dir/ /chos 'di nyam chung nyid gyur cing/ /chos ma yin pa 'jug byed pa/ /de tshe nga ni bdag bskyed de/ /legs pa rnams ni bsrung don dang/ /nyes par byed rnams 'jig byed du'o/ /chos ni gnas pa'i don byed du/ /dus dang dus su bdag 'byung ngo/ /phyin ci log tu chos ston pa/ /thams cad de ltar yongs mkhyen nas/ /bdag la kye yi rdo rje des/ /'grel pa bya ched nges par bskul/ /ngo bo nyid kyi sku mchog 'jig rten gsum gyis mchod pa dri ma med pa dang/ /chos zhes bya ba bde dang sdug bsngal dngos spangs longs spyod rdzogs sku ston pa po/ /sprul pa mkha' la rdzu 'phrul sna tshogs bcas pa sgyu ma mig 'phrul mtshungs pa la/ /btud nas bsdus pa'i rgyud 'di gsang tshig nges don bdag gis nyung ngu bshad par bya/ /sangs rgyas rnams kyis kye yi rdo rjer nyung ngu'i rgyud

  11. 6a

    'di ru dang ches cher gsal ba gang/ /sngon du 'bum phrag lnga po rnams kyis dang po'i rgyud tshogs su dang tshigs bcad brgya phrag gcig /stong gis bsgyur ba rnams kyis mngon par brjod pa 'bum pa dang yang rgyud gyi rgyal po'i tshogs/ / gzhan duAng mi rnams la ni rgyal bas bstan pa mdzad 'di 'grel pa rnams kyis don rtogs so/ /gang zhig 'grel pa med par nyung rgyud nges par btus la gsang tshig ston byed pa/ /de ni long ba chu la sbrul zhugs yun rings lon pa'i rjes la lta ba bzhin// rgyal bas mdza' dag rgyud du nges don kho na ma yin drang ba'i don yang bstan/ /gal te drang don 'grel bas gsal bar byas na nges pa rtogs ched don med do/ /rgyal bas mdza' dag rgyud ni dgongs pas bshad dang dgongs min bshad de gzhan pa ni/ /ji bzhin sgra dang ji bzhin sgra min nges pa'i don dang drang ba'i don yang bstan/ /phung po phyi sa la sogs dri ma bcas gang don lha nyid min/ /lha yi zhal dang phyag rnams rdzogs sangs rgyas min rtog pas ched du kun brtags yin/ /bcom ldan 'das kyis mdza' drug gis bskor 'dus pa la sogs rgyud rnams gang gsungs pa/ /bstan bcos mkhas pa'i nga rgyal gcog byed de ni rtog ges rtogs bya ga la yin/ /me long la ni pra phab mtshungs pa dus rnams gsum po yang dag rig pa 'di/ /dngos dang dngos med rtog pa'i dra ba bral ba'i ye shes gang yin gnyis med nyid/ /bcom ldan 'das kyi bde ba chen por khu ba 'bab pa sum cu rtsa gnyis rtsa/ /gsungs te mgrin par son cing de bzhin snying kha lte ba gsang bar gang yin pa'ang/ /ci zhig 'bab pa rkang lag tshigs dang lag pa'i sor mo'i tshigs su son pa ste/ /de rnams rgyal bas kye yi rdo rjer rdo rje snying bos bdag la gsungs pa'ang med/ /gtsug lag dge slong skye bo la gsungs gang de'ang ma ga d+ha skad gzhan pa min/ /sde snod gsum du bcom ldan 'das kyis gsungs

  12. 6b

    gang de ni gnas brtan sde pa'i lugs su ste/ /nges par nad gzhan de la'ang sman gzhan 'di ste nad 'di gzhom pa'i byed du'o/ /thub pa'i don la sogs la brten pa rnam bzhi 'di yin tshig 'bru sogs la min/ /gang zhig lha dang lha min klu dang gnod sbyin snyad rnams dang ni gzhan gyis kyang/ /chos rnams cig car ston mdzad 'jig rten dpe spangs ngo mtshar byed pa bcom ldan gyis/ /gsung dbyangs de 'di'ang legs sbyar mtshan nyid can gyis e baM mA ya zhes sogs kyis/ /gtsug lag bshad ces smra 'di skye bo mkhas pa rnams kyi mtshar bya cis ma yin/ /rnam pa thams cad mchog ldan mig 'phrul dang mtshungs sgyu ma lta bu mkha' 'gro ba'i/ /bcom ldan 'das kyi sku gang byis pa mkhas pa rnams kyis rtogs byed nges bshad de/ /sum cu rtsa gnyis mtshan rnams dang ni dpe byad bzang po brgyad cu rnams kyis spras/ /phung po khams dang dbang po rnams dang yul rnams bcas pa dkyil 'khor la bzhugs pa'o/ /blun po rnams ni rten cing 'brel pa skye zhing 'byung ba rig par rtag tu 'dod/ /'jig dang skye ba tshes grangs rgyu ba la sogs rtsis rnams rgyud gzhan du bstan to/ /skye bo byis 'ga' 'o ma med par zho 'dod pa med par ni 'o ma dang/ /ba byung yang ste rab tu spyod bral 'dir ni shes med pa la skyon ci zhig/ kye yi rdo rje yis ni bde mchog 'khor lo dang ni gdan bzhi shes par bya/ /kye'i rdor dang ni bde mchog 'khor lo nyung ngu 'di ni gdan bzhis shes par bya/ /mchog gi dang po'i sangs rgyas tshig dang bde mchog chen pos nges don shes par bya/ /de la sogs pa'i rgyud rnams ni/ /rgyud gzhan rnams kyis rtag tu ni/ / brtan dang rgyas bshad kyis shes bya/ /'brel pas lam 'dod rnams kyis so zhes pa kye'i rdo rje'i 'grel pa stong phrag drug par 'dod pa'i lha la bstod cing rgyud la 'jug pa ste yongs su bcad pa dang po'o// //

  13. 7a

    da ni rgyud bstan pa brjod par bya ste/ 'dir dang por re zhig brjod par bya ba dang/ rjod par byed pa dang/ 'brel pa dang/ dgos pa dang/ dgos pa'i dgos pa rnams mngon par yang dag par gzigs nas gdul bya'i skye bo nges pa dang bral ba rnams la rang gi sems kyi bsam pas skye ba 'di nyid la sangs rgyas nyid stsol bar mdzad pa ni/ e baM gi yi ge la bzhugs pa/ mkha' 'gro ma'i dra bas bskor ba/ kye'i rdo rje'i ting nge 'dzin la snyoms par zhugs pa/ rdo rje snying pos gsol ba btab pa/ bdag med mas kyang zhus pa yi/ kye'i rdo rje 'bum phrag lnga pa las/ nyung ngu'i rgyud gzhung phyed dang bcas pa'i bdun brgya pa 'di bcom ldan 'das rdo rje sems dpas bstan to/ /'dir brjod par bya ba ni bcom ldan 'das kye'i bdag med ma dang bcas pa'o// 'di rtogs par byed pa'i le'u'i tshogs kyi rgyud kyi rgyal po ni rjod par byed pa'o/ /brjod par bya ba dang rjod par byed pa de dag gi phan tshun brjod bya rjod byed kyi mtshan nyid ni 'brel pa'o/ /dkyil 'khor du 'jug pa la sogs pa'i dbang bskur ba byin pa ni dgos pa'o/ /dbang bskur nas de kho na nyid gsal bar byas pa ni dgos pa'i dgos pa'o zhes pa 'di rnams mngon par yang dag par gzigs nas te/ gdul bya'i skye bo nges pa dang bral ba rnams la zhes pa nyan thos kyi sdom pa dang bral ba rnams la'o/ / rang gi sems kyi bsam pas zhes pa 'dod pa lnga la nye bar longs spyod pa'i sems kyis so/ /skye ba 'di la sangs rgyas nyid rab tu ster ba zhes pa ni yang dang yang du mi'i skye ba la ste/ lha dang lha min la sogs pa la ni min no/ /e baM gi yi ge la bzhugs pa zhes pa bde ba thams cad kyi gzhi la bzhugs pas so/ /mkha' 'gro ma'i dra bas yongs su bskor ba zhes pa phung po dang khams dang skye mched kyi mtshan nyid can gyis so/ /kye'i rdo rje'i ting nge 'dzin la snyoms par zhugs pa rdo rje snying pos gsol ba btab pa

  14. 7b

    shes rab bdag med mas yongs su zhus pas/ kye'i rdo rje'i rtsa ba'i rgyud 'bum phrag lnga pa brtag pa chen po sum cu rtsa gnyis pa las nyung ngu'i rgyud rdzogs par byang chub pa dang/ sgyu 'phrul dra ba'i mtshan nyid can gyi brtag pa gnyis pa le'u nyi shu rtsa gnyis kyi bdag nyid can phyed dang bcas pa'i bdun brgya pa'i gsung gi tshad kyi bsdus pa'i rgyud ni bcom ldan 'das rdo rje sems dpas yang dag par bstan te/ 'jig rten pa dang 'jig rten las 'das pa'i bden pa dag gis 'jig rten pa dang 'jig rten las 'das pa'i dngos grub kyi ched du bskyed pa dang rdzogs pa'i rim pa dag gis dkyil 'khor gyi 'khor lo bsgom pa dang/ de kho na nyid bsgom pas so zhes pa'o/ /rgyud 'dir brjod par bya ba ni kye'i rdo rje yin la/ kye'i rdo rje'i rgyud ni brjod par byed pa'o/ /brjod par bya ba de yang rjod par byed pa'i ngo bo nyid kyis gnas pa ste/ dang por rdo rje rigs kyi le'u'i ngo bo nyid kyis gnas pa dang/ de nas sngags kyi le'u'i ngo bo nyid kyi gnas pa dang/ de nas lha'i le'u'i ngo bo nyid kyis gnas pa dang/ de bzhin du lha dbang bskur ba'i le'u'i ngo bo nyid kyis gnas pa dang de kho na nyid kyi le'u'i ngo bo nyid kyis gnas pa dang/ spyod pa'i le'u'i ngo bo nyid kyis gnas pa dang/ brda dang gnas gtan la dbab pa'i le'u'i ngo bo nyid kyis gnas pa dang/ rnal 'byor ma'i 'khor lo 'du ba'i le'u'i ngo bo nyid du gnas pa dang/ rnam par dag pa'i le'u'i ngo bo nyid du gnas pa dang/ mngon par dbang bskur ba'i le'u'i ngo bo nyid du gnas pa dang/ mngon par rdzogs par byang chub pa'i brtag pa'i rgyal po'i le'u'i ngo bo nyid du gnas pa'o zhes pa yongs su bcad pa bcu gcig ni brtag pa dang po la'o/ /de nas sgyu ma'i dra ba'i brtag pa la/ sgyu ma zhes pa ni mkha' 'gro ma ste/ /dra ba zhes pa ni tshogs pa'o/ /sdom pa ni/ 'dus pa ste he ru ka dang zhes pa nges pa'o/ /'di nyid du dang po re zhig rab gnas dang sbyin sreg dang thab khung dang las rab 'byam dang/ mchod pa'i le'u'i ngo bo nyid

  15. 8a

    kyis bzhugs pa dang/ de nas dngos grub gtan la dbab pa'i le'u'i ngo bo nyid kyis bzhugs pa dang/ de bzhin du rgyud thams cad kyi gleng gzhi dang/ dgongs pa'i skad kyi le'u'i ngo bo nyid kyis bzhugs pa dang/ rgyud thams cad kyi phyag rgya bsdus pa'i don gyi le'u'i ngo bo nyid du bzhugs pa dang/ kye'i rdo rje mngon par 'byung ba'i le'u'i ngo bo nyid du bzhugs pa dang/ phyag rgya rnam par dag pa dang/ bris sku dang glegs bam la bri ba nges pa'i ngo bo nyid kyis bzhugs pa dang/ bza' ba'i cho ga'i le'u'i ngo bo nyid kyis bzhugs pa dang/ pad+ma can gyi mtshan nyid dang/ slob ma 'dul ba'i le'u'i ngo bo nyid kyis bzhugs pa dang/ lha rnam par dag pa dang/ sngags btu ba'i le'u'i ngo bo nyid kyis bzhugs pa dang/ sngags bzlas ba'i le'u'i ngo bo nyid kyis bzhugs pa dang/ lhan cig skyes pa'i don gyis sbyor ba dang rjes su gnang ba'i gleng gzhi'i ngo bo nyid kyis bzhugs pa dang/ de ltar le'u nyi shu rtsa gnyis kyi bdag nyid kyi rgyud kyi ngo bo nyid kyis bzhugs pa'o/ /bcom ldan 'das kye'i rdo rjes rdo rje snying po la bos par gyur te/ der bcom ldan 'das kyis bka' stsal pa/ de bzhin gshegs pa thams cad kyi sku dang gsung dang thugs kyi snying po ni ye shes te bde ba chen po'o/ /de nyid rje btsun gsang ba las ches shin tu gsang ba ste rnam par rtog pa'i sgom pa la dga' ba rnams la sba bar bya zhing shin tu sba bar bya ba'o/ /e ma'o rdo rje snying po snying rje chen po legs so legs so/ /rdo rje sems dpa' dang/ byang chub sems dpa' dang sems dpa' chen po dang dam tshig sems dpa' i snying po kye'i rdo rje zhes bya ba nyon cig /ces bya ba bcom ldan 'das kyis gsungs te/ bzhugs pa'i gnas kyi mthar brjod pa'o/ /de'i phyir sngags bzhugs pa'i gnas bcom ldan 'das kyis gsungs pa brjod par bya ste/ phyi nas bcom ldan 'das kyis bskul ba'i gsung ngag dang

  16. 8b

    rdo rje snying pos gsol pa 'debs pa'o zhes pa'o/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga rnams la bzhugs so zhes pa bzhugs pa'i tshig go /'o na 'di skad bdag gis thos pa dus gcig na zhes pa'i tshig gang yin pa de ci/ ston pa po thams cad mkhyen pa'i yin nam 'on te sdud par byed pa gsol ba 'debs pa po'i yin/ gnyi ba ltar na drang ba'i don du skyon yod de/ 'dir gal te 'das pa'i dus su thos pa de nyid gsung bar byed na/ de'i tshe ma 'ongs pa'i dus la ye shes med de gzhan las thos nas yongs su mkhyen pa'i phyir ro/ /ci ste sdud par byed pa po'i yin na de'i tshe 'di skad gyi yi ge la sogs pa don med de/ rdo rje sems dpas ma gsungs pa nyid kyi phyir ro/ /de'i phyir dag 'di dgongs pa'i skad gzhan gyi nges pa'i don du rtogs par bya'o/ /'di'i nges pa'i don nyid ni/ /e yig cha byad bzang po gang/ /dbus su baM gis rnam brgyan pa/ /bde ba thams cad kyi ni gnas/ /sangs rgyas rin chen za ma tog ces pa bde ba chen po rdo rje sems dpa' o/ /de nyid ni ston pa po nga ste bde ba chen po'o zhes pa'o/ /thos pa ni mkhyen pa'o/ /bdag gis ni bdag nyid kyis so/ /dus gcig na ni skad cig gcig gis mngon par rdzogs par byang chub pa na'o/ /bcom ldan 'das ni bde ba chen po'o/ /de bzhin gshegs pa thams cad ni dgongs pa'i skad kyis phung po lnga rnams so/ /de rnams kyi sku dang gsung dang thugs rdo rje btsun mo zhes pa la sku dang gsung dang thugs kyi bya ba rdo rje btsun mo rnams ni yul gyi chos can nam mkha' la sogs pa'i khams rnams te/ srog 'gro ba dang 'ong ba'i bye brag gis yon tan gcig dang gnyis dang gsum dang bzhi dang lnga'i bye brag gis gtsug tor dang dpral ba dang mgrin pa dang snying kha dang lte ba'i pad+ma rnams kyi b+ha ga rnams su dang/ /lte ba dang gsang ba dang rdo rje nor bur yon tan gsum gyi dbye bas gnas pa rnams te/ dga' ba la sogs pa'i dbye bas byang chub kyi sems de rnams su

  17. 9a

    bzhugs so zhes pa'o bzlog pas ni de las bzlog pa yon tan zad pas rdo rje nor bu dang gsang bar dang/ yul zad pas lte ba dang snying kha dang mgrin pa dang dpral ba dang gtsug tor te 'di rnams su bzhugs te/ rgyu mthun pa la sogs pa'i dbye bas so zhes pa'o/ /de ltar khams dang phung po la sogs pa rnams sgrib pa med pa nyid kyis rdzogs par brjod par bya ste bde ba chen po'i las so/ /e yig ni spyan ma'o/ /baM yig ni mA ma kI'o/ /ma yig ni gos dkar mo'o/ /yA yig ni sgrol ma'o/ /sh+ya yig ni rdo rje dbyings kyi dbang phyug ma'o/ /taM yig ni shes rab kyi pha rol tu phyin ma'o zhes pa'o/ /de nas phung po rnams te e yig ni rdo rje sems dpa' o/ /ka yig ni mi bskyod pa'o/ /smin yig ni don yod grub pa'o/ /sa yig ni rin chen dbang po'o/ /ma yig ni 'od dpag tu med pa'o/ /e yig ni rnam par snang mdzad do/ /b+ha yig ni dri rdo rje ma'o/ /ga yig ni ro rdo rje ma'o/ /wAn yig ni gzugs rdo rje ma'o/ /sa yig ni reg bya rdo rje ma'o/ /rba yig ni sgra rdo rje ma'o/ /ta yig ni chos kyi dbyings kyi rdo rje ma'o/ /thA yig ni sgrib pa thams cad rnam par sel ba'o// ga yig ni 'jig rten dbang phyug go /ta yig ni sa'i snying po'o/ /kA yig ni nam mkha' i snying po'o/ /ya yig ni phyag na rdo rje'o/ /wak yig ni kun tu bzang po ste/ de ltar skye mched bcu gnyis rnams so/ /ci yig ni rengs byed ma'o/ /t+ta yig ni nga rgyal ma'o/ /ba yig ni rmugs byed ma'o/ dzra yig ni shin tu brtson 'grus ma'o/ yo yig ni shin tu sngon ma'o/ /Shit yig ni drag spyan ma'o/ /b+ha yig ni gnod mdzes so/ /ge yig ni gtsug tor ro/ /Sh+ya yig ni bgegs mthar byed do/ /bi yig ni shes rab mthar byed do/ / dza yig ni pad+ma mthar byed do/ /hA yig ni gshin rje mthar byed do/ /ra yig ni shes rab thabs kyi bdag nyid rdo rje sems dpa' gtso bo sum cu rtsa bdun pa'o/ /de ltar sum cu rtsa bdun byang chub kyi phyogs kyi chos rnams rim pa ji lta bar yongs su dag pa rnams te

  18. 9b

    khams drug rnams dang/ phung po drug rnams dang/ yul drug rnams dang/ dbang po drug rnams dang/ las kyi dbang po'i bya ba drug rnams las kyi dbang po drug rnams dang/ bde ba chen po'o zhes pa ste bzhi pa zad pa las so/ /de'i phyir dran pa nye bar gzhag pa bzhi rnams dang/ yang dag par spong ba bzhi rnams dang/ /rdzu 'phrul gyi rkang pa bzhi rnams dang/ dbang po lnga rnams dang/ stobs lnga rnams dang/ 'phags pa'i lam yan lag brgyad dang/ byang chub kyi yan lag bdun rnams so zhes pa'o/ /de ltar bde ba chen po las ngo bo nyid las chos kyi sku ste/ bzhi pa zad pa las gnyid sdug po zad do/ /gnyid sdug po zad pas rmi lam zad do/ /rmi lam zad pa las sad pa zad pa'o/ /de rnams zad pa las rim pa ji lta bar lhan cig skyes pa dang/ chos dang longs spyod rdzogs pa dang/ sprul pa'i sku rnams su rim pa ji lta bar 'gyur te/ ye shes dang/ sems dang/ dag dang/ lus sgrib pa med par 'gyur ro/ /de'i phyir/ thams cad nas ni phyag zhabs sogs/ /kun nas spyan dang dbu dang zhal/ /kun nas thos ldan 'jig rten du/ /thams cad g.yogs nas bzhugs pa'o/ /de'i phyir cha med kun 'gro khyab pa po/ /phra zhing zag med sa bon no/ /rdul med rdul bral dri ma med/ /nyes pa spangs pa skyon med pa/ /shin tu sad ba sad pa'i bdag /kun shes kun rig dam pa po/ /rnam par shes pa'i chos nyid 'das ye shes gnyis med tshul 'chang ba/ /de ltar sgrib pa thams cad las rnam par grol ba sku bzhi'i bdag nyid can bcom ldan 'das kyi'i rdo rje sa bcu gnyis kyi dbang phyug ni ston pa po'o/ /byang chub sems dpa' rdo rje snying po sa bcu'i dbang phyug ni gsol ba 'debs pa po'o zhes pa kye'i rdo rje'i 'grel pa stong phrag drug par ston pa po dang/ gsol ba 'debs pa po dang/ rjod par byed pa dang/ brjod par bya ba dang/ 'brel pa dang/ bzhugs pa'i gnas nges pa ste yongs su bcad pa gnyis pa'o// //da ni rdo rje snying pos gsol

  19. 10a

    ba 'debs pa dang/ bcom ldan 'das kyi lan gyi gsung gsal bar bya ste/ rdo rje snying pos gsol pa/ ci yis zhes pa la sogs pa'o/ /ci yis rdo rje sems dpar 'gyur/ /ci ltar byang chub sems dpar 'gyur/ /ci phyir sems dpa' chen po lags/ /ji ltar dam tshig sems dpa' gtso/ /zhes pa rdo rje snying po'i gsol ba 'debs pa gsan nas/ bcom ldan 'das kyis bka' stsal pa/ mi phyed rdo rje zhes par brjod/ /sems dpa' srid pa gsum gcig nyid/ /shes rab rigs pa 'di yis ni/ /rdo rje sems dpa' zhes par bshad/ /byang chub la gnas sems dpa' de/ /byang chub sems dpar brjod par bya/ /ye shes chen po'i ros gang ba/ /sems dpa' chen por brjod par bya/ /rtag tu dam tshig la gnas pas/ /dam tshig sems dpar mngon par brjod/ /ces mdor bstan pa'i rgyas par bshad pa ni 'bum phrag lnga par rab tu gsal te/ de'i phyir de nyid la 'jug par bya'o/ /der bcom ldan 'das kyis bka' stsal pa/ mi phyed rdo rje zhes bshad gang/ /baM gi yi ger de rab bgrags/ /sku gsung thugs ni mi phyed pa// yi ge waM gis mngon brjod bya/ /sems dpa' srid gsum gcig nyid ni/ /yi ge e yis brjod par bya/ /e yig shes rab dang lhan cig /waM yig rigs gsum bdag nyid can/ /lte ba'i dbus gnas dpa' bo ni/ /ze 'bru gsar ba'i spyod yul can/ /rang 'di'i ye shes dang ldan te/ /rdo rje sems dpar rab brjod bya/ /phyag gnyis he ru ka ru bshad/ /de nyid 'jig rten gsum bskyod nyid/ /de nyid ngo bo nyid du brjod/ /sangs rgyas sku de bde ba che/ /de nyid ye shes rdo rjer 'gyur/ /de nyid lhan cig skyes dga' nyid/ /rgyu mthun par yang de nyid can// rdo rje rtse gcig pa ru brjod/ /de yang bzhi pa'i gnas skabs zad/ /rnam dag mchog tu mi 'gyur ba'o/ /byang chub la gnas gang yang ni/ /snying kha'i pad+ma'i dbus gnas par/ /hUM yig kho nar sems dpar bshad/ /mi bskyod pa ni de kho na/ /thugs kyi rdo rjer de nyid

  20. 10b

    brjod/ /khyab 'jug nyid de phyag bzhi pa/ /de nyid dzwa la dzwa la b+hyo/ /de nyid chos kyi sku ru bshad/ /chos 'khor lo gnas rdo rje can/ /khyad dga' i dga' ba'i tshul 'chang ba/ /de nyid rnam smin du yang bshad/ /gnyid sdug zad par byed pa'o/ /ye shes chen po'i ros gang ba/ /sems dpa' chen por de brjod bya/ /mgrin par longs spyod 'khor lo'i dbang/ /'od dpag med du mngon brjod bya/ /de nyid gsung gi rdo rjer bshad/ /pad+ma'i phyag can de bzhin gshegs/ /de nyid mchog tu dga' bar bshad/ /skyes bu byed par rab brjod bya/ /kun rdzob dang ni don dam gyis// de yang rmi lam gnas skabs zad/ /de nyid longs spyod rdzogs skur 'gyur/ /sangs rgyas rnams kyi chos ston mdzad/ /de nyid bde byed rab tu brjod/ /zhal gsum rnam pa phyag drug ste/ /ki Ti ki Ti rdo rje de/ /he ru ka nyid gsum par 'gyur/ /rtag tu dam tshig la gnas pas/ /gang zhig gnas pa de brjod bya/ /dam tshig ri bong 'dzin khu ba/ /bde ba chen po dpral bar gnas/ /bdud rtsir legs gnas sems dpa' o/ /oM gyi yi ger yongs bshad bya/ /de nyid rnam par snang mdzad brjod/ /sku yi rdo rje de kho na'o/ /tshangs pa sku yi rdo rje 'dzin/ /de nyid yongs su brjod par bya// dga' ba tshangs pa'i ngo bo ste/ /gzugs kyi sku ru de brjod bya/ /de nyid phyag na 'khor lor bshad/ /sku ni sprul pa'i mtshan nyid can/ /bzlog pas de yang dri ma med/ /de nyid sad pa zad pa nyid/ /de nyid pi tsu badzra 'gyur/ /zhal brgyad he ru ka ru brjod/ /dpa' bo chen po zhabs bzhi pa/ /bcu drug phyag dang yang dag ldan/ /de ltar sku yi dbye ba yis/ /he ru ka ni bzhi par bshad/ /ngo bo nyid can las chos 'gyur/ /chos las longs spyod rdzogs pa nyid/ /de las sprul pa'i skur 'gyur te/ /de ltar sku ni bzhi yin no/ /tshangs pa sku yi rdo rje 'dzin/ /gsung gi rdo rje dbang phyug che/ /khyab 'jug thugs kyi rdo rje 'dzin/ /rdo rje sems dpa' bde ba che zhes so/ /rtsa ba'i rgyud du rgyas bshad pa/ /rigs ni gsum du brjod par bya/ /ngo bo nyid dang ldan pas ni/ /rigs bzhi zhes par bshad pa yin/ mdzad pa bzhi yi dbye ba yis//

  21. 11a

    rigs rnams kyi ni rnam gzhag de'o/ /sangs rgyas lam ni mngon 'dod pa'i/ /rnal 'byor ldan pas shes par bya/ /zhes pa'o/ /e waM gi yi ge ni rdo rje sems dpa' ste/ hUM yig ni thugs rdo rje'o/ /A:yig ni gsung rdo rje'o/ /oM yig ni rdo rje sku'o/ /e baM ni hUM dang A:dang oM gyi yi ge re re'i ming 'di yis rtogs par bya ba'i don gzung bar bya ba'i yi ge dang ming gis ni ma yin no/ /'dir ming gi dngos por med de gal te yod na ni de'i tshe yid dang mig gis gzung bar bya bar 'gyur ba zhig na de ltar yang ma yin no/ /de'i phyir rna bas ming tsam gzung bar bya la/ 'di yis rtogs par bya ba'i don ni yid dang mig gis gzung bar bya ba'o/ /bum pa dang snam bu la sogs pa'i don ni 'jim pa dang/ 'khor lo dang/ dbyug pa dang/ chu dang/ skud pa dang/ thags bzangs dang/ gnas dang/ snal ma la sogs pas grub pa ni ming gis skyed par byas par 'gyur ba ma yin no/ /ming gi sgra tsam gyis te sa la sogs pa dri ma la sogs pa'i chos kyi rgyur gyur pa 'jim pa lta bu ni ma yin no zhes pa bcom ldan 'das kyi lan gyi gsung nges pa'o/ /da ni yang rdo rje snying pos gsol ba 'debs pa dang/ bcom ldan 'das kyis lan bshad par bya ste/ rdo rje snying pos gsol pa/ ci yis kye yi rdo rje lags/ /mtshan bsdus pa ni 'di lta bu/ /he yig gis ni ci zhig bshad/ /rdo rje yis kyang ci brjod bya/ /bcom ldan 'das kyis bka' stsal pa/ he yig gis ni snying rje che/ /rdo rje'ang shes rab brjod par bya/ /shes rab thabs kyi bdag nyid rgyud/ /de ni nga yis bshad kyis nyon/ /zhes mdor bstan pa 'di yi rgyas par bshad pa ni/ rtsa ba'i rgyud du ste de nyid la 'jug par bya'o/ /de ltar bcom ldan 'das kyis bka' stsal pa/ sems can chos dang dmigs pa med/ /snying rje 'di ni rnam gsum bshad/ /chen po'i sgra las dmigs pa med/ /he yig gis ni mngon brjod bya/ /sku gsung thugs kyi sbyor ba yis/

  22. 11b

    sngar gyi waM yig de nyid do/ /rdo rje'i sgras kyang e yig ste/ /rnam pa kun don stong pa nyid/ /gang zhig 'di dag snyoms 'jug pa/ /rnal 'byor sgra yis brjod par bya/ /shes rab thabs kyi bdag nyid rgyud/ /rnal 'byor rgyud du brjod par bya/ /rnal 'byor thabs kyi sgra yis min/ /shes rab kyis kyang 'gyur ba min/ /'di ni rnal 'byor rgyud ces bya/ /kye'i rdo rje gnyis rtogs med/ /'dus pa la sogs thams cad rnams/ /shes rab thabs kyi bdag nyid des/ /thams cad rnal 'byor rgyud yin te/ /shes rab thabs kyi ming rnams kyis/ /gang du thabs ni legs gnas shing/ /rnal 'byor ma rnams kun spyod pa/ /kun rdzob rnal 'byor ma rgyud du/ /byis pa rnams la bdag gis bstan/ /gang du thabs ni 'pho byed cing/ /shes rab yang dag gnas 'gyur ba/ /thabs kyi rgyud nyid du ni bshad/ /ji ltar de ltar kun rdzob du'o/ /phyag rgya dkyil 'khor bsgom pa rnams/ /ji lta ji ltar rnam dpyad pa/ /de lta de ltar rnam par gzhig /skye 'jig mtshan nyid can rnams so/ /shes rab thabs dag snyoms 'jug pa/ /dbyer med mtshan nyid rdo rje gsum/ /shes dang shes bya dag gcig pa/ /stong nyid snying rje gnyis med pa'o/ /stong nyid mtshan ma med pa dang/ /de bzhin smon pa med pa dang/ /mngon 'dus ma byas rnam par thar/ /rnam pa bzhi rnams yongs su grags/ /snying rje byams pa dga' ba dang/ /bzhi pa yang ni btang snyoms te/ /de rnams tshangs pa'i gnas bzhi ste/ /chos kun rnam par mi rtog las/ /sgrib pa med pa'i chos kyis ni/ /gnyis med de yis btags pa'o/ /shes rab thabs bdag de bzhin no/ /rdo rje'i sku rnams gnyis su med/ /phung po drug dang khams de bzhin/ /yul dang dbang po rnams kyang ste/ /bya ba las kyi dbang po rnams de ltar gnyis med nyid du gnas/ /sangs rgyas kun gyi sdom pa ni/ /e waM yi ger rab tu gnas/ /phyi nas rigs gsum dbye ba yis/ /rigs lnga rnam par dbye ba las/ /rigs drug rnams kyi dbye ba yi/ /de bzhin brgyad du rnam dbye bas/ /shes rab thabs kyi

  23. 12a

    bdag nyid rgyud/ /nga yis bstan par bya yis nyon/ /zhes pa bcom ldan 'das kyi lan gyi gsung nges par bstan pa ste/ de ltar rnal 'byor gyi rgyud du rab tu gzhag pa'i nges pa'o/ /da ni rnal 'byor ma rnams kyi skye ba dang gnas pa'i rgyu brjod par bya ste/ rgyud 'dir rnal 'byor ma rnams ni phung po lnga rnams dang/ khams bzhi rnams dang/ skye mched drug rnams te zla ba'i cha bco lnga'i dbye bas bdag med ma la sogs pa rnams so/ /de rnams kyi skye ba dang gnas pa'i rgyu ni hUM yig ste/ he ru ka ni gnyis pa'o/ /de'i phyir de rnams kyi don mnyam nyid ye shes rnam shes dang/ lha rnams ji ltar 'byung bar 'gyur ba'o/ /de bzhin du/ lta stangs dgug dang brda chen dang/ /nus pa rnam pa mang po rig /rengs par byed dang skrod pa nyid/ /sde rangs byed dang mngon spyod la sogs pa gzhan yang bshad par bya yis/ kye'i rdo rjer snying po khyod nyon cig ces pa lha skye ba dang gnas pa dag gi rgyu'i nges pa'o/ /da ni de'i yang bskyed pa'i rgyu brjod par bya ste/ dang por re zhig e waM 'gyur zhes pa e waM gi yi ge ni he ru ka'i dbang po'i rgyu'o/ /hUM yig ni gnyis pa'i bskyed pa'i rgyu'o zhes pa nges pa'o/ /de las dngos po skye ba ni/ /gzung dang 'dzin pa'i dbye ba las/ /yul dang dbang po'i sbyor ba yis/ /rnam shes rnams kyi so so'i/ /dngos po'i 'ching bas 'ching bar 'gyur/ /dngos po'i 'ching ba de yis rnam par shes pa rnams dang mig la sogs pa rnams 'ching bar byed do/ /de yongs su shes pas grol bar byed/ /yul dang dbang po rnams 'gog pas de yongs su shes pas shes pa'o/ /de'i phyir dngos po nyid kyis rnam grol byed/ /lha'i mig la sogs pa rnams kyis 'das pa dang ma 'ongs pa'i yul mthong bas rnam par shes pa drug rnams grol te/ de ni rnam par shes pas gzhan no zhes pa bcom ldan 'das kyis gsungs pas so/ /de bzhin

  24. 12b

    du de gzugs gzhan la sogs pa yang ste de'i phyir/ thams cad nas ni phyag zhabs sogs/ /kun nas spyad dang dbu dang zhal/ /kun nas thos ldan 'jig rten du/ /thams cad khyab par byas nas bzhugs/ /da ni sngar bshad pa'i shes rab dang thabs dag gis don dam pa'i bsgom ba brjod par bya ste/ dngos po bsgom byas zhes pa la sogs pas so/ /'dir nam mkha' la dngos po bsgom bya ni rmi lam lta bu'i ste rdul phra rab kyi chos nyid las 'das pa'o/ /de yongs shes pa ni dngos po med pa bsgom par bya ste/ rnam par rtog pa dang bral ba'i sems kyis snang brnyan mthong ba'o/ /rtog pa dang bral zhing ma 'khrul ba ni mngon sum zhes brjod par bya'o/ /de nyid rnam pa bzhi ste/ dbang po'i mngon sum dang yid kyi mngon sum dang/ rnal 'byor gyi mngon sum dang rang rig ba'i mngon sum zhes pa ste/ shes ba de nyid ni nye bar ston par byed pas 'jug par byed pa dang thob par byed pa dang/ nyams su myong ba'i mtshan nyid can no zhes pa'o/ /snang brnyan de nyid dpe dgu rnams kyis bsgrubs te/ 'di lta ste mig yod dang sprul pa'i grong khyer dang/ /sgra brnyan dang rmi lam dang/ sgyu ma'i 'khrul 'khor dang/ smig rgyu dang/ me long gi gzugs brnyan dang/ chu zla dang nam mkha' zhes pa'o/ /shes rab e yig du 'gyur ro/ /de bzhin du he ru ka zhes pa dngos po med pa bsgom bya ste shes rab kyi ye shes so/ /he ru ka ni bde ba chen po ste shes rab ji lta bar thabs kyang de bzhin no/ /de yongs su shes pa dngos po med par bsgom par bya ba ste thabs su 'gyur ro/ /de bzhin gyi sgra las rgyu ji lta bar de ltar 'bras bu'o/ /zhes pa'o/ /e waM gi yi ge shes rab dang thabs kyi bdag nyid can gyi lus gnas te lte bar gnas pa'o// de ltar na lus gnas ye shes chen po ni/ /kun tu rtog pa thams cad spangs par 'grub ste/ dkyil 'khor gyi 'khor lo dang las dang ye shes kyi phyag rgya'i rtog pa dang bral ba shes rab kyi pha rol tu phyin pa'i ye shes rtog ba'i dra ba dang bral bas zhes pa nges

  25. 13a

    pa'o/ /de nyid rdo rje sems dpa' 'jig rten gsum kun tu bskyod pa'i he ru ka ngo bo nyid kyi sku'o/ /dngos po kun la khyab pa po zhes pa phung po drug dang khams drug rnams dang dbang po drug rnams dang/ yul drug rnams dang/ las kyi dbang po drug rnams dang las kyi dbang po'i bya ba drug rnams te dngos po 'di rnams la khyab pa po ye shes kyi sku'o/ /lus la gnas kyang lus skyes min zhes pa skye ba dang 'jig pa'i dngos po med pa'i phyir ro/ /'dir gang mkha' 'gro ma dra ba sdom pa brtag pa gnyis bar dngos grub gtan la 'bebs pa'i le'ur 'chad par 'gyur ba rdo rje snying po gsol ba btab pa dang/ /bcom ldan 'das kyi lan gyi gsung de ni kun rdzob du byis pa'i skye bos rtogs pa'i don du bskyed pa'i tshul gyi dbang po gnyis kyi bde ba bstan pa'o zhes pa'o/ /'di lta ste rdo rje snying pos gsol ba btab pa/ rdzogs pa'i rim pa'i rnal 'byor gyis/ /dam pa'i bde ba bde chen ni/ /rdzogs pa bsgom ba med pa ste/ /bskyed pa yi ni dgos pa ci/ zhes pa la 'dir rdzogs pa'i rim pa zhes bya ba ni rtog pa dang dbang po gnyis kyi bde ba dang bral ba ste/ de nyid sangs rgyas nyid ster bar byed pa yin na de'i phyir rtog pas dkyil 'khor bskyed pa dang phyag rgya bskyed pas dgos pa ci yod ces pa'o/ /tshig 'di gsan nas bcom ldan 'das kye'i rdo rjes bka' stsal pa/ byang chub sems dpa' chen po 'di/ /e ma dang pa'i shugs kyis nyams /zhes pa kun rdzob du ste/ lus kyi dngos med gang la bde/ /bde ba smra par mi nus so/ /khyab bya khyab byed ngo bo yis/ /bde bas 'gro ba khyab pa po/ /ji ltar me tog la gnas dri/ /me tog dngos med las mi rtogs/ /de bzhin

  26. 13b

    gzugs sogs dngos med pas/ /bde ba dmigs pa nyid mi 'gyur zhes ba kun rdzob kyis so/ /de nyid du slar yang don dam par 'gog pa 'di lta ste/ /dngos nga dngos po med pa nga/ zhes pa rnam pa thams cad pa'i shes rab bo/ /dngos po rtogs phyir sangs rgyas nga zhes pa mngon par shes pa drug can thabs so/ /rmongs pa gang rnams nga mi shes/ /'di ltar gyur pa'i gang zhig le los bcom pas kyang ste de rnams ni dbang po gnyis kyi bde bas nye bar bcom pa rnams so zhes pa la sogs pas snga ma dang phyi ma drang ba dang nges pa'i don nyid de le'u de nyid du rgya chen bshad pa'o/ /'dir ni rigs kyi le'ur gsungs pa bshad par bya ste/ 'dir khams gsum pa rgyu ba dang bcas pa dang/ /mi rgyu ba 'das pa dang/ ma 'ongs pa dang/ /da ltar byung ba la khyab par byed pa nyid kyi phyir/ /gal te sangs rgyas kyi ye shes de lus la skyes pa yin na rten dang brten pa'i 'brel pas/ me tog gi dri ji lta ba bzhin du ste/ ji ltar me tog med par ni dri med pa bzhin du/ de med pa na 'jig med/ de ltar yang ma yin no/ /de'i phyir phyi dang lus la khyab pa nyid kyi phyir/ phyi ma la gnas pa dang/ lus la gnas pa zhes brjod kyi/ gang gi phyir lus med pa na de med pa ni ma yin pa de'i phyir lus skyes min zhes pa nges pa'o/ /de skad du bshad pa/ ji ltar bum pa zhig gyur kyang/ /nam mkha' la ni 'jig pa med/ /de ltar lus ni zhig gyur kyang/ /ye shes la ni 'jig pa med ces so/ /kye'i rdo rje rgya cher 'grel pa stong phrag drug par shes rab dang thabs gnyis su med pa'i ye shes nges pa ste yongs su bcad pa gsum pa'o// //da ni rdo rje'i lus la rtsa rnams brjod par bya ste/ 'dir rdo rje'i snying

  27. 14a

    pos gsol pa/ kye'i bcom ldan 'das rdo rje'i lus la rtsa du lags/ bcom ldan 'das kyis bka' stsal pa/ rtsa rnams ni sum cu rtsa gnyis te/ byang chub kyi sems sum cu rtsa gnyis 'bab pa bde ba chen po'i gnas su 'dzag pa rnams so zhes pa la/ 'dir bde ba chen po yang dag par myong bar byed pa'i phyir/ bde ba chen po zhes brjod par bya ste gsang ba'i 'khor lo rtsa sum cu rtsa gnyis kyi bdag nyid can ka yig la sogs pa sde pa drug gi gsal byed sum cu dang gzhom du med pa gnyis kyi mtshan nyid can rnams so/ /de la nam mkha' dang rlung dang me dang chu dang sa dang ye shes kyi khams kyi chos kyi e waM gi yi ge'i chos kyis so zhes pa'o/ /'di lta ste/ kA khA gA g+hA ngA/ zhes pa nam mkha' i khams rnams te/ a ku ha rnam par bcad pa rnams mgrin pa las gyur pa'o zhes pa ha yig gis shes par byed pa las so/ /de'i nang du lhung ba ni de smos pas bzung bar bya'o zhes pa'i yongs su bshad pas grub pa'o/ /kI sde pa ni nam mkha' i khams so zhes pa'o/ /de bzhin du/ tsA tshA dzA dzhA nyA zhes pa i tsu ya sha rnams rkan las 'byung ngo zhes pa rlung gi khams te a yig gis shes par byed pa las so/ /de bzhin du TA ThA DA DhA NA zhes pa'i Tu ra Sha rnams spyi bo las 'byung ba rnams so zhes pa me'i khams te ra pha'i shes par byed pa las so/ /de bzhin du pA phA bA b+hA mA zhes pa u pu wa mchu can rnams mchu las skyes pa chu yi khams te wa yig gis shes par byed pa las so/ /de bzhin du/ tA thA dA d+hA nA zhes pa li tu la sa rnams so las byung ba sa'i khams te la yig gis shes par byed pa las so/ /'di rnams nang na sA nypA ShA shA Th+kA zhes pa sa dang chu dang me dang rlung dang nam mkha' i rang bzhin

  28. 14b

    can rnam pa lnga'i bdag nyid drug pa ye shes kyi khams so zhes pa'o/ /e waM yi ge ni 'gyur med gnyis te e waM gi yi ge la sogs pa rnams ni gang gis ni byang chub kyi sems 'gugs pa de bas na byang chub kyi sems 'bab pa rnams su gsungs so/ /bde ba chen po'i gnas su 'dzag pa zhes pa ni gci ba dang bshang ba dang khu ba 'dzag pa rnams so/ /de rnams kyi dbus na 'og dang steng du rtsa gsum ni gtso mo rnams yin cing/ 'og tu bshad pa 'dzag pa dang gci ba 'dzag pa dang khu ba 'dzag par byed pa ste lta ba las 'og tu'o/ /lte ba las steng du rkyang ma dang ro ma dang kun dar ma zhes pa'o/ /'di lta ste/ rkyang ma shes rab rang bzhin gyis/ /ro ma thabs kyis yang dag gnas/ /a ba d+hu tI dbus phyogs su/ / gzung dang 'dzin pa spangs pa nyid/ /ces pa la 'dir shes rab kyi sgra yis zla ba brjod de de'i rang bzhin sna bug g.yon par srog 'bab pa'o/ /des na zla ba'i rang bzhin gyis zhes pa srog 'bab pa rkyang ma gnas pa'o/ /thabs kyi sgra yis nyi ma brjod par bya zhing de'i sna bug g.yas par srog 'bab pa rang bzhin te/ rang bzhin des ro ma gnas so/ /de skad du gsungs pa/ nyin mo bcom ldan rdo rje can/ /mtshan mo shes rab rab tu grags/ /ji ltar nyi ma zhi bar brjod/ /zla ba nus ma de ltar bshad/ ces so/ /rnam par shes pa dang 'du byed dang tshor ba dang/ 'du shes dang gzugs kyi dkyil 'khor lnga spong ba'i rim pas rkyang mar gnas so/ /sa dang chu dang me dang rlung dang nam mkha' i dkyil 'khor lnga sdud pa'i rim pas ro ma'i gnas so/ /dus sbyor bcu gnyis yongs su bskor bas mi mnyam pa mnyam pa'i dus sbyor rab tu rgyu bas dkyil 'khor sum cu sum cu longs spyod pa can rkyang ma dang ro ma'o/ /'dir chu srin gyi dus sbyor las la sogs pa'i dkyil 'khor

  29. 15a

    rnams rim pa ji lta bar 'di lta ste/ kA khA gA g+hA ngA/ zhes pa'o/ /de nas lugs las zlog pas bum par yi ge thung ngu rnams spro ba'i rim pas rtsa g.yon par ro/ /'di lta ste/ nga g+ha ga kha ka /zhes pa nam mkha' la sogs pa rnams dang rnam par shes pa la sogs pa rnams so/ /de bzhin du g.yas su yang gzugs la sogs pa rnams dang ma la sogs pa rnams te lus dang bsam pa'i dbye bas gzung ba dang 'dzin pa'i 'brel pas so zhes pa'o/ / de bzhin du nya shar ba na tsA tshA dzA dzhA nyA zhes pa g.yas par sdud pa'i rim pas so/ /de nas lug? 'char ba na nya dzha dza tsha tsa zhes pa g.yon par spro ba'i rim pas so/ /de bzhin du glang 'char ba na pA ThA DA DhA tA zhes pa'o/ /de bzhin du 'khrig pa 'char ba na Na Dha Da Tha Ta zhes pa'o/ /de nas karka Ta 'char ba na pA phA bA b+hA mA/ zhes pa'o/ /de bzhin du ma b+ha ba pha pa zhes pa seng ge la'o/ /tA thA dA d+hA nA zhes pa bu mo la'o/ /na d+ha da tha ta zhes pa srad shar ba na'o/ /sA nypA? shA shA th+kA? zhes pa sdig pa 'char ba na'o/ /de nas th+ka sha Sha wa sa zhes pa gzhu'i dus sbyor 'char ba na'o/ /de ltar nyin mtshan gyis dkyil 'khor drug cu rnams so/ /de bzhin du nang gi rtsa rnams la dkyil 'khor rgyu ba rnams te de rnams kyis shes par byed pa de rnams las skyes pa rnams ni lag pa dang rkang pa'i tshogs rnams la brjod par bya'o/ /g.yas pa'i phag pa dang dpung pa'i tshigs la chu srin gyi dus sbyor te/ de'i dkyil 'khor so so'i bdag nyid sa la sogs pa'i dkyil 'khor ni mthe bo? dang mdzub mo dang gung mo dang ming med dang mthe'u chung rnams kyi tshigs 'og ma rnams la rim pa ji lta bar ro zhes pa'o/ /de nas bum pa'i dus sbyor la g.yon pa'i phrag pa dang dpung pa'i tshigs la ste/ nam mkha' la sogs pa'i dkyil

  30. 15b

    'khor rnams ni rim pa ji lta bar mthe'u chung dang ming med dang gung mo dang mdzub mo dang mthe bo'i 'og gi tshigs kyi mtshams rnams la'o/ /de bzhin du g.yas pa'i dpung pa dang nye ba'i dpung pa'i tshigs rnams la nya'i dus sbyor te/ mthe bo la sogs pa'i tshigs gnyis pa'i mtshams rnams su dkyil 'khor rnams so/ /de bzhin du g.yon pa'i dpung pa dang nye ba'i dpung pa'i mtshams la lug gi dus sbyor te mthe'u chung la sogs pa'i tshigs kyi phreng ba gnyis pa'i mtshams rnams su dkyil 'khor rnams so/ /de nas g.yas pa'i lag pa dang lag ngar gyi mtshams la glang gi dus sbyor te/ mthe bong la sogs pa'i tshigs kyi phreng ba gsum pa'i mtshams la dkyil 'khor rnams so/ /de bzhin du g.yon pa'i lag pa dang lag ngar gyi mtshams su 'khrig pa'i dus sbyor te mthe'u chung la sogs pa tshigs kyi phreng ba gsum pa'i mtshams su dkyil 'khor rnams so/ /de ltar byang du bgrod pa'i nges pa'o/ /de nas lhor bgrod pa la 'di lta ste/ g.yas pa'i rked pa dang brla'i tshigs la karka pa'i dus sbyor te rkang pa g.yas pa'i mthe bong la sogs pa'i tshigs kyi phreng ba dang po'i mtshams su sa la sogs pa'i dkyil 'khor rnams rim pa ji lta bar ro/ /de nas g.yon pa'i rked pa dang brla'i mtshams su seng ge'i dus sbyor te rkang pa g.yon pa'i mthe'u chung la sogs pa'i tshigs kyi phreng ba dang po'i mtshams rnams la nam mkha' la sogs pa'i dkyil 'khor rnams rim pa ji lta bar ro zhes pa'o/ /de bzhin du g.yon pa'i pus mo dang brla'i mtshams su srang gi dus sbyor te/ mthe'u chung la sogs pa'i tshigs kyi phreng ba

  31. 16a

    gnyis pa'i mtshams rnams la dkyil 'khor rnams so/ /de bzhin g.yas pa'i rkang ba dang pus mo'i mtshams su sdig pa'i dus sbyor te mthe bong la sogs pa'i tshigs kyi phreng ba gsum pa'i mtshams rnams la dkyil 'khor rnams so/ /de bzhin du g.yon pa'i rkang pa dang pus mo'i mtshams su gzhu'i dus sbyor te mthe chung la sogs pa'i tshigs kyi phreng ba gsum pa'i mtshams rnams su dkyil 'khor rnams rim pa ji lta bar ro/ /de ltar na dkyil 'khor drug cu rnams ni sprul pa'i 'khor lo la yin zhing bzhi ni stong pa'i gnas rnams te e waM gi yi ge'i rang bzhin rnams so zhes pa'o/ /de'i phyir sprul pa'i 'khor lo la pad+ma 'dab ma drug cu rtsa bzhi pa'o/ /'dab ma'i sgra yis dkyil 'khor drug cu 'bab pa'i rtsa rnams brjod de/ bzhi ni stong pa 'bab pa rnams so zhes pa'o/ /de ltar dus sbyor so so'i rtsa la gnas lnga rnams te dbus su stong pa 'bab pa'i rtsa'o/ /shar du rlung 'bab pa'o/ /g.yas su me 'bab pa'o/ /byang du chu rgyu ba'i rtsa'o/ /nub du sa rgyu ba'o/ /dbus su a ba d+hU tI ni ye shes kyi dkyil 'khor 'bab pa ste/ gsungs pa yang/ lte ba'i dbus su dpa' bo gnas/ /ze 'bru gsang ba'i spyod yul la'o zhes so/ / de ltar dbyu gu drug cu rnams dkyil 'khor drug cu 'bab pa'i byed pa rnams so/ /bzhi ni stong pa 'bab par byed pa te/ ji ltar zla ba'i cha bcu drug pa skad cig tsam yin pa de ltar de ni dkyil 'khor yongs su rdzogs pa 'bab pa yang yin par shes par bya'o zhes pa sprul pa'i 'khor lo la'o/ /mi mnyam pa'i dus sbyor zla ba'i rang bzhin gyi rkyang ma ste/ mnyam pa'i dus sbyor nyi ma'i rang bzhin gyi ro ma'o/ /a ba d+hU tI ni mnyam pa gzung ba dang 'dzin pa spangs

  32. 16b

    pa dbus phyogs su ste/ ye shes kyi dkyil 'khor la shes par bya'o zhes pa'o/ /de ltar sprul pa'i 'khor lo la dbyug gu'i 'pho ba rnams drug cu rtsa bzhi ste bzhi ni stong pa'o/ /de nas chos kyi 'khor lo la pad+ma 'dab ma brgyad pa ste der 'dab ma brgyad rnams la thun tshod kyi dbye bas 'pho ba brgyad rnams te/ phyed dang bcas pa'i dus sbyor gyi bdag nyid can rkyang ma'i dang ro ma'i shes pa'o/ /de nas mgrin pa longs spyod rdzogs pa'i 'khor lo la gsal byed thung ngu'i dbye bas rtsa sum cu rtsa gnyis rnams so/ /longs spyod rdzogs par ni pad+ma 'dab ma sum cu rtsa gnyis par bla ma'i man ngag las te/ rgyud du ni lugs las bzlog pas gsungs so/ /de la yud tsam kyi dbye bas 'pho ba sum cu rtsa gnyis rnams so// dpral bar pad+ma 'dab ma bcu drug pa ste/ de la thun tshod phyed ba'i dbye bas 'pho ba bcu drug rnams so/ /gtsug tor du pad+ma 'dab ma bzhi pa ste/ de la thun mtshams kyi dbye bas 'pho ba bzhi rnams so/ /'dir phyi rol tu rgyu ba ni de la dbugs phyir 'byung ba'i dus su sprul pa'i 'khor lo la dbyug gu'i tsa'i dkyil 'khor sna'i bu gar 'char bar 'gyur te/ sna'i bu ga gnyis su g.yon pa 'am g.yas par dang po'i tha mar gang gi tshe nam mkha' i dkyil 'khor 'bab pa de'i tshe dbus su rgyu'o/ /gang gi tshe rlung gi dkyil 'khor 'bab pa de'i tshe sna'i bu gar steng du reg cing ngo/ /gang gi tshe me'i dkyil 'khor 'bab pa de'i tshe sna'i bu ga la g.yas su reg cing ngo/ /gang gi tshe chu'i dkyil 'khor 'bab pa de'i tshe g.yon du reg cing ste/ g.yon du 'am g.yas suAng rung sna la mngon du phyogs par ro/ /gang gi tshe sa'i dkyil 'khor rgyu ba de'i tshe 'og tu reg cing ngo/ /de ltar sna'i bu ga dag la gnas lnga rnams su rnal 'byor pas shes

  33. 17a

    par bya ste/ g.yon duAng g.yas su mi mnyam pa dang mnyam pa'i dus sbyor 'char ba'i dbye bas so zhes pa'o/ /'dir kye'i rdo rje 'bum phrag lnga par gang 'di rgyas par bshad pa de ni mang ba nyid kyi phyir ma brjod de thos pa chung ba rnams mang po bshad pa la skrag par 'gyur ro zhes bcom ldan 'das kyi nges pa'o/ /dus sbyor bcu gnyis kyi bdag nyid can gyi khyim 'khor lo la chu srin la sogs pa 'di ni gdan bzhir shes par bya ste 'chi ltas kyi mtshan nyid kyang ste rgyud ni rgyud gzhan gyis rtogs par bya'o zhes gsungs pa'i phyir ro/ /ro hi ta dang mo hi tal sogs pa'i rtsa mi mnyam pa dang mnyam pa'i dus sbyor 'bab pa rnams so zhes pa dgongs pa'i skad gzhan gyis gsung ste/ rtsa de rnams kyis bzang ba dang ngan pa der gsungs shing 'chi ltas dang 'chi ba yang ngo zhes pa'o/ /rgyu de'i phyir/ rkyang ma mi bskyod 'bab pa ste/ /ro ma khrag ni rab 'bab cing/ /shes rab zla ba 'bab bshad pa/ /a ba d+hU tI de rab grags/ zhes pa ste 'dir mi skyod pa ni chu'i khams ste chu yi khams rgyu ba ni sna bug g.yon pa brkyang ma'o/ /khrag ni me'i khams te/ g.yas par me'i khams 'bab pa ni ro ma'o/ /de ltar na g.yon par chu las skyes pa pad+ma dang/ g.yas bar me las skyes pa rin po che lhag pa'i lha'o/ /shes rab a ba d+hU tI ste zla ba ni thig le khu ba yin la/ de nyid ni lha'i bdag nyid can stong pa chen po 'bab par byed do zhes pas stong pa 'bab cing dbus su rdo rje'i rigs lhag pa'i lha ste/ a ba d+hU tI ru rab tu grags so/ /de bzhin du zla ba dang nyi ma dang sgra gcan 'bab ma rkyang ma dang ro ma dang a ba d+hA tI'i rim pa ji lta ba ste srog kun nas rgyu ba la'o/ /thur sel la ni bshad pa dang gci ba dang khu ba 'bab ma rnams te

  34. 17b

    lte ba las 'og tu ste/ 'khor lo dang/ ral gri dang/ rdo rje rtse gcig pa rnams so/ steng gi sgo rnams dang 'og gi sgo rnams so zhes pa'o/ /da ni 'og gi sgo can chu 'bab pa sum cu rtsa gnyis rnams bshad par bya ste mi phyed ma la sogs pa rnams so zhes pa'o/ /'dir dkar po'i phyogs la dbyangs bco lnga rnams te bcu drug pa thig le'o/ /rtsa de rnams kyang 'phyang ma la bskor nas gnas pa'o/ /'di lta ste/ a i ri u li zhes pa rim pa ji lta bar tshes gcig dang gnyis dang gsum pa dang bzhi pa dang lnga pa'o/ /de bzhin du yon tan rnams te/ ar e ar o al/ zhes pa drug po la sogs pa ste/ rim pa ji lta bas so/ /de la yaN du bsgyur ba rnams ni ha ya ra wa la zhes pa ste/ rim pa ji lta bas bcu gcig pa la sogs pa rnams so/ /thig le'i dbus su 'phyang ma ni bcu drug pa ste/ de ltar kan? gyi steng du dpral bar khu ba'i cha'i rang bzhin gyis bdud rtsi 'dzag ste/ phyi rol tu bsil ba dang nang du stU ka zhes pa'o/ /de bzhin du rtsa so so ste/ 'di lta ste/ mi phyed ma dang phra gzugs ma/ /mchog ma g.yon ma thung ngu ma/ /zhes pa tshes gcig la sogs pa lnga rnams so/ /de nas ru sbal skyes sgom dbang bskur ma/ /skyon ldan ma dang bshang ba ma/ zhes pa drug pa la sogs pa rnams so/ /mtshan mo ma me bsil sbyin ma/ /drod ma dang ni la la nA/ /zhes pa bcu gcig la sogs pa rnams te rim pa ji lta bas so/ /rkyang ma ni bco lnga'i bdag nyid de a ba d+hU tI ni bcu drug la'o/ /de nas nag po'i tshes gcig la sogs pa rnams ro ma la ste dbyangs ring po'i rang bzhin gyis tshes bco lnga rnams sdud pa'i rim pas so/ /'di lta ste/ lA wA rA yA hA zhes pa tshes gcig dang gnyis dang gsum pa dang bzhi pa dang lnga pa ste/ rim pa ji lta

  35. 18a

    bas so/ /de nas yon tan 'phel bas dbye bas/ A la aau Ar i A/ zhes pas rim pa ni lta bus drug pa la sogs pa rnams so/ /de nas dbyangs ring po'i dbye bas lI a'u rI a'i A/ zhes pa bcu gcig pa la sogs pa rnams te rim pa ji lta bas so/ /lce'i rtse mor bcu drug pa rnam par bcad pa'o/ /'di rnams kyi dbus na zhes pa ro ma la sogs pa rnams so/ /'di lta ste/ ro ma dang 'jal ma dang mdog gnag ma dang spyi ma dang rgyu sbyin ma zhes pa tshes gcig la sogs pa rnams so/ /sbyor dral ma dang sdu gu ma dang grub ma dang 'tshed ma dang yid bzangs ma zhes pa drug pa la sogs pa rnams so/ /sum bskor ma dang 'dod ma dang khyim ma dang gtum mo dang kA tyA yi ni zhes pa bcu gcig la sogs rnams te/ de ltar bco lnga rnams so/ /lce'i dbus su bdud 'dral ma skud pa nag po'i rang gzugs can lce'i rtse mo ji srid par langs pa/ 'phyang ma dang 'dzag pa thung zhing ro myong ba'o zhes pa'o/ /yang rdo rje'i snying pos gsol pa/ bcom ldan 'das rtsa 'di rnams ji lta bu lags/ bcom ldan 'das kyis bka' stsal pa/ srid gsum yongs gyur thams cad ni/ zhes pa phung po dang dbang po dang las kyi dbang po yongs su gyur pa rnams zhes pa'o/ /gzung dang 'dzin pa rnam par spangs zhes pa dbu mar rab tu zhugs par 'gyur ba'o/ /yang na thabs ni thams cad kyis/ /dngos po'i mtshan nyid du ni brtags/ zhes pa khams dang yul dang bya ba rnams kyi rnam par shes pa'i dngos po'i mtshan nyid du brtags pa rnams so/ /kye'i rdo rje'i 'grel pa drug stong par rdo rje'i lus la rtsa rnams gtan la dbab pa ste yongs su bcad pa bzhi pa'o// //

  36. 18b

    da ni sdom pa'i dbye ba bshad par bya ste/ 'dir lugs mthun dang lugs las bzlog pa dag gis gang gsungs pa de rim pa ji lta bar 'grel pas gsal bar bya'o/ /'dir sangs rgyas kun gyi sdom pa ni/ e waM yi ger rab tu gnas/ / gsang ba'i pad+ma 'dab ma sum cu rtsa gnyis par dang/ gtsug tor gyi 'dab ma bzhi pa la'o/ /lhag ma kun rdzob pas sprul pa dang chos dang longs spyod rdzogs pa dang/ lhan cig skyes pa'i 'khor lo rnams su sdom pa ste 'du bar byed pa yin la 'dab ma drug cu rtsa bzhi pa dang 'dab ma brgyad pa dang 'dab ma sum cu rtsa gnyis pa dang 'dab ma bcu drug par te/ lte ba dang snying kha dang mgrin po dang/ dpral ba rnams su'o/ /dpral bar A li'o/ /mgrin par kA li'o/ /snying khar shes rab po/ /lte bar thabs so/ /lhan cig skyes pa'i sku ni lte bar ro/ /chos kyi sku ni snying khar ro/ /longs spyod rdzogs pa'i sku ni mgrin par ro/ /sprul pa'i sku ni dpral bar ro/ /lte bar bzhi pa'o/ /snying khar shin tu gnyid pa'o// mgrin par rmi lam mo/ /dpral bar sad pa'o/ /dpral bar sku rdo rje'o/ /mgrin par gsung rdo rje'o/ /snying khar thugs rdo rje'o/ /lte bar ye shes rdo rje'o/ /lte bar e yig go /snying khar waM yig go /mgrin par ma yig go /dpral bar A yig go /lte bar spyan ma'o/ /snying khar mA ma kI'o/ /mgrin par gos dkar mo'o/ /dpral bar sgrol ma'o/ /dkyil 'khor bzhi rnams so zhes pa'o/ /skad cig ma bzhi rnams ni rnam pa sna tshogs pa ni dpral bar ro/ /rnam par smin pa ni mgrin par/ /rnam par nyed pa ni snying khar ro/ /mtshan nyid dang bral ba ni lte bar ro/ /de bzhin du dga' ba ni dpral bar ro/ /mchog dga' ni mgrin par ro/ /khyad dga' i dga' ba ni snying khar ro/ /lhan cig skyes pa'i dga' ba ni lte

  37. 19a

    bar ro/ /de bzhin du sdug bsngal gyi bden pa ni dpral bar ro/ /kun 'byung gi bden pa ni mgrin par ro/ /'gog pa'i bden pa ni snying khar ro/ /lam gyi bden pa ni lte bar ro/ /de kho na nyid bzhi rnams te/ / bdag gi de kho na nyid ni dpral bar ro/ /sngags kyi de kho na nyid ni mgrin par ro/ /lha'i de kho na nyid ni snying khar ro/ /ye shes kyi de kho na nyid ni lte ba la'o/ /dpral bar dar byed pa'o/ /mgrin par sgra brjod par ro/ /snying khar thams cad sems pa'o/ /lte bar bde ba myong ba'o/ /sde pa bzhi rnams ni/ /gnas brtan pa lte bar ro/ /thams cad yod par smra ba snying kha na'o/ /mgrin par kun gyis bkur ba'o/ /dpral bar dge 'dun phal chen pa'o/ /zla ba ni dpral bar ro/ /nyi ma ni mgrin pa'o/ /snying khar sgra gcan no/ /lte bar dus me'o/ /dpral bar 'pho ba bcu drug rnams so/ /mgrin par sum cu rtsa gnyis so/ /snying khar brgyad rnams so/ /lte bar 'pho ba drug cu rtsa bzhi rnams so/ /sngar bshad pa'i thun mtshams bzhi rnams te/ snga ma'i mthun mtshams ni dpral bar ro/ /nyin gung gi thun mtshams ni mgrin par ro/ /nyin mo'i phyi ma'i thun mtshams ni snying khar ro/ /mtshan phyed kyi thun mtshams ni lte ba'o/ / dgal bar ni longs spyod do/ /mgrin par ni dbang byed do/ /snying khar ni thim pa'o/ /lte bar ni bdag po nyid do/ /de ltar thams cad bzhi'o/ /byang chub kyi phyogs kyi chos sum cu rtsa drug rnams dang/ khams sum cu rtsa drug rnams sngar bshad pa'i cha bzhir byas nas thams cad bzhi bzhir grangs ji lta bar rigs kyi dbye bas 'khor lo bzhi rnams la sbyar bar bya'o/ /ji ltar rtsa ba'i rgyud kyi rjes su 'brangs nas rgyud ni rgyud gzhan du gsungs pa'i rnam par rigs

  38. 19b

    drug gi dbye bas 'khor lo drug tu sdom pa'o/ /rigs lnga'i dbye bas 'khor lo lnga rnams su sdom pa'o/ /rigs bzhi'i dbye bas 'khor lo bzhi rnams su sdom pa'o/ /rigs gsum gyi dbye bas 'khor lo gsum rnams su sdom pa'o zhes pa nges pa'o rigs gsum dang ni rigs bzhi'i rgyud/ /de bzhin rigs lnga rigs drug ste/ khyab bya khyab byed dbye ba yis/ /brten pa rten gyi bye brag las/ /'dir rten rigs gcig gi dbye bas rten pa zhal gcig pa'o/ /rten rigs gsum gyi dbye bas zhal gsum pa'o/ /rten rigs bzhi'i dbye bas zhal bzhi pa'o/ /rten rigs lnga'i dbye bas zhal lnga pa'o/ /rten rigs drug gi dbye bas zhal drug pa'o/ /rten rigs brgyad kyi dbye bas zhal brgyad pa'o/ /'dir dus me'i dbye bas zhal gcig par bshad pa'o/ /sgra gcan gyi dbye bas shes rab dang thabs kyi bdag nyid kyis zhal gnyis pa'o/ /sku dang gsung dang thugs zla ba dang/ nyi ma dang sgra gcan gyi dbye bas zhal gsum pa'o/ /zla ba dang nyi ma dang sgra gcan dang dus me sku dang gsung dang thugs dang ye shes kyi dbye bas zhal bzhi pa'o/ /phung po lnga'i dbye bas zhal lnga pa'o/ /phung po drug gi dbye bas zhal drug pa'o/ /zla ba rnam pa gnyis dang nyi ma gnyis dang sgra gcan gnyis dang dus ma rnam pa gnyis te 'di rnams brgyad kyi dbye bas zhal brgyad pa'o/ /'dir zla ba'i dbye ba ni dpral ba dang 'phyang ma'i 'khor lo'o/ /nyi ma'i dbye ba ni lce dang mgrin pa'i 'khor lo'o/ /sgra gcan gyi dbye ba ni snying kha dang gtsug tor gyi 'khor lo'o/ /dus me'i dbye ba ni lte ba dang gsang pa'i 'khor lo zhes pa'o/ /de skad du gsungs pa/ sgra gcan steng du nyi ma gnas/ /nyi ma'i steng du zla ba'o/ /zla ba'i steng du sgra gtsan te/ /de yis sna tshogs rab tu 'jug /de yis 'jug

  39. 20a

    byed dus kyi me/ /lte ba gsang bar rnam gnyis gnas/ /de nyid rdo rje nyi mar brjod/ /gang du gtum mo gnas pa'o/ /bdud rtsi yang dag gnas gang du/ /haM yig gnas pa de ru'o/ /gtsug tor pad+mar char 'bab pa/ /rdo rje zla ba dri med 'od/ /ces pa sdom pa'i dbye ba'i nges pa'o/ /da ni gtum mo zhes pa la sogs pa gtum mo'i rnal 'byor brjod par bya'o/ /gtum mo lte bar 'bar ba yis/ /de bzhin gshegs pa lnga bsregs shing/ /spyan la sogs pa rnam bsregs te/ /bsregs nas ri bong can haM 'dzag /ces pa mdor bstan pa'i tshig ste/ mdor bstan pa 'di yis rgyas par bshad pa'i tshig ni rtsa ba'i rgyud la 'jug par bya ste/ der bcom ldan 'das kyis bka' stsal pa/ gsang ba las kyang ches gsang ba/ /rdo rje snying po nges bshad nyon/ /dngos grub thams cad rnams kyi rgyud/ /rnal 'byor pa la grol ba ster/ /rdo rje sems dpas gang gsungs pa/ /ye shes sku ste gnyis rtogs med/ /rtse gsum lte bar mgon po ni/ /lte ba gsang ba'i nang na gnas/ de yi 'og dang steng son pa/ /glog gi dbyug pa mtshungs 'od can/ /rnam shes dbang po'i khams rnams ni/ /lus la gnas pa sad byed pa'o/ sa yi dbang phyug ma de ni/ /lte bar rtse mo dbus mar gnas/ /gsang bar g.yas kyi rtse mo yang/ /ltung bzhin pa ni glog dang 'dra/ /rang 'dra'i shes rab yin par brjod/ /de 'dir gtum mo yin par bshad/ /de ni thur du rtse gsum ste/ /de bzhin gyen duAng gsum rnams so/ /tshangs pa'i rtse mo dbus na gnas/ /khyab 'jug rtse mo g.yon pa na/ g.yas pa drag po'i rtse mo'o/ /bshang ba gci ba khu ba 'bab/ /sgra gcan rtse mo dbus na gnas/ /zla ba'i rtse

  40. 20b

    mo g.yon pa na/ g.yas par nyi ma'i rtse mo'o/ /chu dang me dang nam mkha' 'dab/ /rkyang ma g.yon du yang dag bshad/ /g.yas pa na ni ro mar brjod/ /dbu mar a ba d+ha tI gang/ /de ni g.yung mor rab brjod bya/ /lte ba nas ni snying dbus su/ /lam gsum byas nas de nas 'gro/ snying kha nas ni mgrin dbus su/ /lam gsum byas nas slar yang son/ /dpral ba mgrin pa dag dbus su/ /lam gsum byas nas slar yang bgrod/ /de dpral ba gtsug tor dag dbus su/ /laM gsum byas nas slar yang bgod/ /gtsug tor nas ni rna ba ru/ /lam gsum byas nas slar yang grod/ sna yi bu ga g.yon par ni/ /rkyang ma yang dag rnam par gnas/ /g.yas su rtsa ni ro ma'o/ /smin dbus a ba d+hA tI'o/ /lte ba la sogs 'khor lo lnga/ /de rnams lam gsum lnga rnams nyid/ /lte ba nas ni lte dbus su/ /ya ba d+ha tIs 'gro zhing 'ong/ /'dab mi rnams nas 'dab ma la/ /rkyang ma ro ma dag bshad do/ /lte bar sgra gcan de nas nyi/ /zla ba zla bas mtshan pa yang/ /phug nas gtsug tor du son pa/ /de ni a wa d+hU tI'i rtsa/ /gang tshe skyes bu 'dod myos pa'i/ /rkyang ma dang ni ro ma dang/ /de dag sbyar ba'i sbyor ba yis/ /gtum mo nges par 'bar bar byed/ /de ni lte ba'i 'khor lor 'bar/ /dbyung mo'i lam nas nges par 'byung/ /sgra gcan zla bas mtshan phug nas/ /de ni ha yig la reg byed/ /de yis reg pas haM yig de/ /de nas bdud rtsi dkar por 'ju/ /dkyil 'khor lnga rnams 'bab byed pa/ /phung po khams sogs bsregs pas na/ /yul dang dbang po 'gags pa na/ /dga' ba la sogs 'byung ba la/ /zla ba las ni thig le 'dzag / haM yig spyi bor yang dag gnas/ /dpral ba zla bar mgrin nyi mar/ /de nas sgra gcan du song ba/ /lte bar gtum mo zhugs pa ni/ /gsang ba'i 'khor lor de nas bgrod/ /gsang pa'i 'khor lor 'di lhung ba/ /'di ni phyugs chen du bshad do/ /'og tu rtse gsum rtsa

  41. 21a

    rnams kyis/ /gag du sbabs su rab tu bstan/ /skye ba bdun pa phyugs nyid ni/ /mkha' la sbyor pa'i dngos grub ster/ /rgyal ba yis ni nad rnams 'phrog /phung po khams ni zhu ba yis/ /'khor lo sbyar ba nyid sbyin bde/ /dbang po dang ni yul bsad pa/ /'di ni mkha' la spyod nyid ster/ /phra la sogs pa'i yon tan ldan/ /rjes su bzhug pas sad pa sogs/ /myur du sangs rgyas nyid ster byed/ /ji ltar phyi rol dngul chu bcings/ /de ltar ye shes bcu 'di yang/ /sdug bsngal thams cad des 'joms pa'i/ /dngos grub rgya chen ster bar byed/ /de bzhin tshangs pa khyab 'jug phyugs/ /gsang ba'i 'khor lor nges lhung ba/ /ji srid sregs pa bdun gyi bar/ /tshe 'di yangs pa sbyin par byed/ /steng du sgra gcan phyugs su brjod/ / zla ba nyi ma phyugs chen po/ /tshangs pa'i bu gar lhung gyur pas/ /spyod dang grol ba'i 'bras bu ster/ /khrag dang chu rgyas de bzhin du/ /rkang mar 'bab pas ltung bar bya/ /'di rnams kyang ni phyugs shes bya/ /phyi rol yul can gzhan phyugs min/ /skye ba bdun pa phyugs rnams ni/ /kun nas mchog gi dbang phyug go /lus la skye bdun ji lta bar/ /de ltar de ni bshad bya nyon/ /bza' dang btung ba'i ro rnams kun/ /zos dang 'thungs pa rnams drug pa/ /smin pa las ni bcud 'gyur te/ /de de'i skye ba dang po'o/ /de nas khrag nyid du 'gyur te/ /gnyis par gsal bar 'gyur ba yin/ /gsum pa sha nyid du 'gyur ro/ /bzhi pa pags pa nyid du 'gro/ lnga par rtse nyid 'gyur ba yin/ /drug par rgyus pa nyid 'gyur ro/ /bdun par rkang nyid du 'gyur te/ 'di ni lan bdun par 'gyur ro/ /de nyid bsten pa'i sbyor ba yis/ /mdzod drug rigs su brjod par bya/ /rigs ni lus zhes bshad pa ste/ /rigs las byung ba khu bar brjod/ /de yi nus ma rdul du brjod/ /lus ni skyed par byed pa'i

  42. 21b

    rgyu/ /rnam shes khyab byed shes pa ni/ /de dag gi ni dbus su gnas/ /zla ba nyi ma la brten nas/ /srid gsum bdag nyid he ru ka/ steng 'og gnas pa'i dpa' bo ni/ /mkha' 'gro ma yi 'khor lo'i gtso/ /rtsa ni rnam pa bzhi rnams kyis/ /spyi bor 'khor lo brjod par bya/ /dpal bar bcu drug rnams kyi ste/ /mgrin par sum cu gnyis rnams kyis/ /snying khar 'khor lo brgyad rnams kyis/ /drug cu rtsa bzhi rnams nyid kyis/ /lte ba'i 'khor lor yang dag bshad/ /gsang bar sum cu gnyis rnams kyis/ /rtsa rnams 'khor lo'i rtsibs bshad pa 'am/ /yang na pad+ma'i 'dab ma rnams/ /rnal 'byor ma rnams de brten pa/ /bya ba rnam pa du ma byed/ /yul dang dbang po'i rang bzhin gyis/ /rnam par shes pa rab bskul ba/ /gnas dang nye ba'i gnas sogs kun/ /de ni rtsa yi pad 'dab rnams/ /lha mo bzhi yi gtsug tor du'o/ /sbya ma chen por brjod par bya/ /'di ni lte ba'i 'khor lo yi/ /dang po'i dkyil 'khor du ni 'char/ /dpral bar thig le rdo rje ni/ /rtsa rnams brgya dang ldan par 'gyur/ /mig gnyis de bzhin rna ba dag /sna dang lce dang 'phyang ba'o/ /gau rI la sogs lha mo ni/ /gzugs sogs dang ni sa sogs rnams/ /zla ba'i cha dbyes bdag med ma/ /'di nyid du ni rab tu brjod/ /zhal gsum phyag drug mgrin par te/ /de ni sum cu gnyis kho nas/ /snying la'ang lha mo brgyad rnams dang/ /phyag bzhi ba 'di yang dag bzhugs/ /sems kyi rdo rjer khyab 'jug che/ /mi bskyod pa yi rigs las byung/ /'jig rten gsum bskyod lte bar te/ /de ni drug cu bzhi nyid kyis/ /'di rnams mkha' 'gro lnga ru bshad/ /mkha' 'gro ma rnams khams lnga rnams/ /'di rnams 'khor lo lnga la gnas/ /drug pa gsang bar bdag po che/ /mkha' 'gro sum cu gnyis rnams dang/ /lhan cig khams gsum dbang phyug go/ 'khor lo drug la lha mo rnams/ /lnga bcu rtsa drug lhag pa'i brgya'o/ /dus kyi 'khor lo zhes par bshad/ /rigs

  43. 22a

    drug rnams kyis gcig bdus pa'o/ /dpral ba spyi bor rtsa rnams gang/ /nyi shu bad kan 'bab byed pa'o/ /mgrin pa snying kha'i bzhi bcu rnams/ /de bzhin mkhris pa 'bab byed pa'o/ /lte ba gsang bar bcu drug gang/ /brgyad cu rlung ni 'bab byed pa'o/ /'dus pa'i rang bzhin la sogs pa/ /gsang ba'i 'khor lo'i rtsa bcu'o/ /steng 'og rtsa gsum gang yin rnams/ /'khor lo drug ni 'gog byed pa'o/ /nye ba'i rtsa rnams du ma ste/ /de las lus ni rkang nas gnas/ /de rnams stong phrag bdun cu gnyis/ /lus la de snyed lha mo rnams/ /ba spu'i grangs kyi 'byung ba ste/ /bye ba phrag gsum phyed bcas rnams/ /sgra yi grangs kyis grub pa gnas/ /ji ltar phyi rol de bzhin lus/ /dbugs drug rnams kyi chu srang ste/ /chu srang drug cus chu tshod do/ /chu tshod dag gis yud tsam cig /bzhi chas dman pa bzhi rnams kyis/ /thun tshod phyed pa de gcig 'gyur/ /lnga rnams kyis ni dus sbyor 'gyur/ /dus sbyor phyed gnyis thun tshod 'gyur/ /thun tshod gnyis ni thun mtshams gcig /de bzhi rnams kyis lus can gyis/ /nyin zhag du ni rab tu brjod/ /de yang dus sbyor bcu gnyis kyis/ /dbugs rnams drug brgya lhag pa yi/ /stong phag nyi shu rtsa gcig gis/ /nya ma'i dbyu gu dang mnyam pas/ /zla phyad nyi shu rtsa bzhi dang/ /de bzhin zla ba bcu gnyis kyis/ /dus tshigs drug gis ji bzhin bshad/ /sbyor ba'i dus ni mnyam pa bzhis/ /dus gsum gyis te bgrod gnyis kyis/ /de ltar lus la nyin zhag 'gyur/ /dbugs rnams dgu brgyas zla ba phyed/ /zla ba brgya phrag bco brgyad kyis/ /sum cu drug gis dus tshigs bshad/ /lnga stong bzhis brgyas sbyor ba'i dus/ /bdun stong nyis brgyas gsum ca dus/ /bgrod pa brgyad brgyas lhag pa yi/ /stong phrag bcu so de bzhin du/ /gnyis kyis lo gcig brjod par bya/ /'pho ba

  44. 22b

    la ni dbu ma'i dbugs ma lnga bcu rtsa drug rkang par bcas/ /bdun cu rtsa lngas lhag pa yis/ /brgya phrag drug rnam bcu gnyis la'o/ /de rnams lo brgya'i dbugs rnams kyis/ /phyogs gsum dang ni lo gsum mo/ /a ba d+hU tI'i dus su 'gyur/ /srog chags rnams la 'chi ster byed/ /rkyang ma la ni nyin mtshan du/ /gal te rlung gis 'bab byed na/ /de las lo gsum na 'chi ste/ /zla ba'i chi lhas las 'gyur ro/ /gang tshe nyi mar nyin zhag lnga/ lus can rnams kyi srog 'bab na/ /de las lo gsum na 'chi 'gyur/ /g.yas su nyi ma'i 'chi ltas kyis/ /gang tshe g.yon gyi rtsal srog/ 'di ni nyin zhag gsum rgyun/ /lte bar khyim gyi 'dab ma 'dor/ /lo gsum nas ni bgrod pa zad/ /gnyis par nyin zhag drug de ltar/ /zla ba gsum la nges par 'bab/ /de ltar zla ba gsum gsum gyis/ /nyin zhag gsum gyis rnams 'phel las/ /'dab ma bcu gcig rnams ni 'di/ /lo gsum rim pas 'dor bar byed/ /sum cu rtsa gsum ji srid pas/ /nyin zhag g.yon nas bar med 'bab/ /yon tan gsum gyi dbye ba yis/ /de nas nyi mar yang dag 'jug /nyin zhag gnyis te de nas ni/ /dbus su lte bar yang dag 'jug /srog ni zhag gcig de nas ni/ /'chi ba las ni dbus rnams 'dor/ /gang tshe rlung ni nyin zhag bcur/ /g.yas pa'i rtsal 'bab byed de/ /khyim gyis 'dab ma gnyis pa la'o/ /de nas lo gnyis kyis 'chi 'gyur/ /khyim gyi 'dab ma gsum pa la/ /tshes zhes bya bas lo gcig na'o/ /bzhi par nyin zhag nyi shu ru/ /'bab pas zla ba drug na'o/ /'dab ma lnga par nyi shu lnga/ /'bab na tshe ni zla ba gsum/ /drug par nyin zhag nyi shu drug/ 'bab na tshe ni zla ba gnyis/ /bdun par nyin zhag nyi shu bdun/ /'bab na tshe ni zla ba gcig /nyin zhag sum cu rtsa gsum du/ /'di las bar med 'bab na 'di/ /'dab ma brgyad pa dgu pa dang/ /bcu pa bcu

  45. 23a

    gcig pa rim pas/ /tshes phyogs lnga dang yon tan gyis/ /zhag gcig 'dab ma de rnams 'dor/ /de nas g.yas kyi rtsa spangs nas/ /g.yon du rlung gi 'gro byed de/ /nyin zhag gnyis su'o de nas ni/ /dbu ma'i gnas su nyin gcig 'gro/ de ltar dbugs rnams zad byas nas/ /'chi ba las ni 'di 'pho ba'o/ /'og tu khu ba zad par 'gyur/ /ma yi rdul ni gyen du 'gro/ /rang las bag chags kyis bcings pa'o/ /rnam shes rlung dang ldan pa ni/ /shi las slar yang 'gyur bar 'gyur/ /de med par ni phyi ma min/ /mkhan po las ni rig pa dang/ /mar me mar me 'gyur ji bzhin/ /rgya las rgya gzhan ji bzhin dang/ /gdod las me long la gdong dang/ /sgra las sgra brnyan 'byung ba dang/ /ji ltar me shel las me ni/ /nyi mar nyi ma med mi 'gyur sbyar ba zos las lce 'dzag pa/ /skyar yin skyar ba med mi 'byung/ /sa bon las ni myu gu bzhin/ /de med pa ni de mi 'byung/ /'bras bu rgya yi rang bzhin las/ /bdag las ma yin gzhan las min/ /gnyis las ma yin rgyu med min/ /dngos po gang rnams 'ga' na yang/ /skye ba 'ga' yang yod ma yin/ /pha dang ma yi dkar dmar dang/ /srog dang thur sel gnyis de bzhin/ /sems kyi rdo re yang dag ldan/ /lus kyi skyed par byed pa'i rgyu/ /'od dpag med dang rin chen 'chang/ /srog dang thur sel rim ji bzhin lus ngag yid dang chags pa rnams/ /sems kyi rdo rje can gyi sgo/ /khu ba las ni zla ba skye/ /khrag las nyi ma yang dag 'byung/ /srog las sgra gcan grub pa'o/ /dus kyi me ni thur sel las/ /khu ba las ni rtsa rnams skye/ /rus pa khu ba las byung ba'o/ /rdul las khrag ni yang dag 'byung/ /khrag las sha ni kun tu skye/ /sha las kyang ni pags pa skye/ /rus pa las ni rkang skye 'gyur/ /khu ba rdo rje rdul dril bu/ /rtsa ni pad+ma nor bu che/ /khrag go de bzhin 'khor lo rus/ /sha ni de bzhin ral

  46. 23b

    grir bshad/ /utpal la dang pad+ma dkar/ /lus can rnams kyis pags pa dang/ /brgyad po 'di rnams rang sems kyis/ /rim pa ji bzhin zhal rnams so/ /shar gyi zhal rnams rkang par 'gyur/ /zla ba nyi ma mun pa med/ /khrag las 'jim pa'i rang bzhin sa/ /sha yi khams su rab brjod bya/ /khu pa las ni sra bas/ /rdo ba rus pa'i rang bzhin de'o/ /zla ba las ni chu 'grub bo/ /me ni khrag las grub pa yin/ /sgra gcan las ni srog 'grub bo/ /thur sel dus me las bshad do/ /lus can kun gyi lce dang ni/ /'phyang ma khu bcas bskor ba yin/ /g.yon dang g.yas pa'i mig nyid ni/ /rdul gyis bskyed par bas pa yin/ /srog gis nges par bskyed pa ni/ /de bzhin sna yi bu ga gnyis/ /stod pa kho nas las bskyed pa/ /rna ba'i bu ga gnyis de bzhin/ /zur sel 'di kyis bskyed pa ni/ /'og gi rgyu gsum de bzhin no/ /sgra gcan gyis ni bskyed pa slar/ /nu ma'i bu ga gnyis de bzhin/ /thung du rgyu las sgo nga zung/ /de ltar lus kyi khams rnams 'gyur/ /khu ba nyid kyis khams rnams gsum/ /rdul gyis kyang 'dir rnam pa gsum/ /mdzod drug sa zhes bshad pa yin/ /lus dang lus kyi dbang po gnyis/ /chu yis bskyed pa g.yon pa ste/ /g.yas pa me yis bskyed pa'o/ /srog nyid kyis ni bdud rtsir 'gyur/ /de las gyen du rtsa gsum bshad/ /rlung gis bskyed pa g.yon pa ste/ /sa yi 'og gi dbus ma'o/ /g.yas pa'i rtsa ni thur sel gyis/ /bskye par 'di ni the tshom med/ /dpral bar zla ba'i dkyil 'khor ni/ /yang dag rdzogs la sku gnas so/ /mgrin pa'i phyogs su gsung rdo rje/ /nyi ma'i dkyil 'khor gang ba la'o/ /sgra gcan dkyil 'khor dbus gnas par/ /lus can kun gyis rnam shes so/ /sgra gcan 'jug ma sa la ni/ /rin chen legs gnas the tshom med/ /don yong dus me'i dkyil 'khor la/ /sna tshogs rdo rje'i steng na gnas/ /'khor lo pad+ma rdo rje dang/ /rin chen ral

  47. 24a

    gri lnga pa ste/ /skyes bu'i rdo rje nor bu dang/ /sangs rgyas dbu la drug bar bshad/ /de ltar sangs rgyas thams cad kyi/ /rigs drug 'di rnams stobs chen yin/ /sa yis dri ni bskyed bya ste/ /ro ni me yis smin las 'gyur/ /chu las myu gu la sogs 'gyur/ /reg bya 'di ni rlung las 'gyur/ /srog gi rlung las sgra 'byung ste/ /thur sel las ni chos kyi khams/ /yid kyi dbang po de nyid lO/ lus can kun gyis shes bar bya/ /gshin rje mthar byed rus pas bskyed/ /khrag las shes rab mthar byed bshad/ /pad+ma mthar byed rtsa rnams las/ /sha las ba gegs mthar byed par bshad ka rkang las kyang ni mi g.yor brjod/ /Tak+ki rgyal po pags pa las/ /dbyug pa sngo 'gyur ba spu las/ /sen mo las kyang stobs po che/ /skra las gtsug tor 'khor lo can/ /'og gi skra las gnod mdzes rgyal/ /lag pa rkang pa'i tshigs rnams gang/ /khyim rnam yin te sa sogs bzhi'o/ /yon tan gsum gyi dbye ba rnams/ /de rnams bcu gnyis su ni bshad/ /sor ma rnam kyi tshigs rnams ni/ /dus tshigs nyin zhag drug cu rnams/ /lus can rnams kyi steng 'og tu/ /gang gnas so rnam rgyu skar 'dir/ /d+hU ba khu bas sbyi bor son/ / ri bi 'og tu son ba'i rdul /ji ltar phyi rol de bzhin du/ /lus la mngal nas nges par skye/ /bden don rnam pa bcu gnyis pa/ /bcu gnyis phyag gis he ru ka/ yan lag bcu gnyis 'gog pas so/ /gnas skabs las ni zhal bzhi'o/ /phyag ni bcu drug zla ba'i cha/ /de nyid rnam pa bcu drug rig /bu ba brgyad po 'gog pa yis/ /dbang phyug dam pa zhal brgyad pa'o/ /zla ba nyi ma mun pa me /gang gi zhabs kyis 'gog mdzad pa/ zla phyed rnams ni bkag

  48. 24b

    mdzad nas/ nyi rtsa bzhi'i phyag rnams kyis/ /zhal bzhi rnams kyi snga ma bzhin/ /dus kyi 'khor lo yang dag byung/ /ka sogs gsal byed bkag pa las/ /sum cu rtsa bzhi'i phyag gis gzhan/ /dbyangs rnams bcu drug 'gog pa yis/ /bcu drug zhabs rnams bshad pa'o/ /sgo dgu rnams ni 'gog pa yis/ /rdo rje 'jigs byed zhal dgu pa/ /de lta bu sogs rgyud rnams ni/ /lus ngag sems rnams 'gog pa las/ /de dag sa las byis rnams la/ /rgyal ba'i dbang pos bstan pa yin zhes so/ /rtsa ba'i rgyud las gzhan yang rgya cher gsungs te/ /byis pa rnams kyis rtogs pa'i don du cung zad bshad pa yin no/ /rigs kyi le'u 'di nyid kyi rtsa'i kun tu sbyod ba ni/ /'khor lo bde mchog gi nyung du tshigs su bcad pa phyer dang bcu gsum gyi bsdus pa'i don gyi 'grel par shes par bya'o/ /ces pa de bzhin gshegs pa'i nges pa ste/ /rgyud ni rgyud gzhan gyis rtogs par bya'o/ /de ltar chags bcad sum cu rnams kyis rtsa ba'i rgyud kyi nges pa kye'i rdo rje'i rigs kyi le'ur bcom ldan 'das kyis gsungs pa'o/ zhes pa kye'i rdo rje'i 'brel pa drug steng par gtum mo'i rnal 'byor bsdus pa dang/ bskyed pa'i rgyud gyur pa'i rigs kyi le'ur yongs su bcad pa lnga pa'o/ /rigs kyi le'u rdzogs so// /sna tshogs sgra rnams kyi ni don tsam bstan/ /longs spyod rdzogs skur sbyi bos phyag 'tshal nas/ /theg pa 'di la gsang sngags 'di nyid ni/ /brda yi rigs sogs don 'dir bshad par bya/ /sangs rgyas rnams kyi sngags kyi brda/ /rgyud du rnam gnyis gsal mdzad/ /de bzhin nyid kyi brda can cig /tha snyad rab brjod gnyis pa'o/ de bzhin nyid brda zhes bya ba/ /sems can kun gyi skad can tshig /chos kyi dung ste sgra chen ldan/ /chos kyi

  49. 25a

    gaN+Di sgra'o che/ /mi gnas mya ngan 'das pa po/ /kun tu 'gro ba'i dag tu brjod/ /gang la tha snyad rab brjod sngags/ /brda yis don ni gsal byed pa'o/ /don gyi rjes 'gro'i bzlas pa ni/ /rang bzhin med pa mdzes pa yis/ /yan lag dbye ba med pa'i sngags/ /ma ning go 'phang la gnas bzlas/ /srog ni rgyun mi 'chad 'gyur spro/ /a ba d+hU tI'i gnas son bzlas/ /stong phrag nyi shu rtsa gcig dang/ /drug brgya nyin dang mtshan mo la'o/ / nyin zhag lA yis 'bum phrag ste/ /stong phrag brgyad rnams lhag pa'o/ /nag po'i tshes gcig nas brtsam ste/ /gang ba gsum byung bar du'o/ /dkar po'i tshes gcig nas brtsams nas rdzogs pa gsum gyi bar du bzlas/ /skya rangs 'char ba'i dus su ni/ /zla ba nya la de 'grub bo/ /rdo rje sems dpar phyag byas nas/ /chos kyi 'khor lo rab skor byed/ /bzlas pa stong phrag brgyad rnams dang/ /khri phrag bzhi dang de bzhin du/ /'bum phrag drug gis zla ba gcig/ srog gi bzlas pa 'grub par byed/ /phreng bas ma yin brjod pa min/ /sbyin sreg sngags kyis mchod pa dang/ /tshim par byed dang cho ga gzhan/ /gzhan dang gzhan rnams rnams rnan par 'jig /bzlas pa 'di yis nus med gang byis pa blo can sngags pa rnams/ /de rnam la ni bgrang phreng gis/ /tha snyad rab brjod gsal bya ste/ /phyi rol longs spyod 'dod rnams la/ /sngags bas bsod nams thob byed du'o/ /nyin mtshan du ni dbu mar srogs zhugs las nad rnams 'phrog par byed/ /tshes kyi nyin zhag srog bcings na/ /'dis ni mkha' spyod nyid ster byed/ /zla gcig srog bshad snying khar gnas/ /rnal 'byor pa rnams 'chi med 'gyur/ /lte ba'i zla drug sregs na ni/

  50. 25b

    'di yis thams cad mkhyen nyid ster/ /dpral ba mgrin pa'i 'khor lo dang/ /snying kha lte bar go rim bzhin/ /mi rnams kyis ni brgyal dang bcings/ /bshad dang ji bzhin bsregs pas 'di'o/ /srog dang thur sel 'gog pa yi/ /'dod chags bral ba nyid 'dod do/ /bshad dang sregs pa gnyis dag gis/ /sngags pa sangs rgyas nyid du 'gyur/ /srog dang thur sel zad pas 'dir/ /yan lag bcu gnyis zad par 'gyur/ /rgya dang 'bras bu 'gog pa yis/ /sangs rgyas nyid du su mi 'gyur/ /ji srid srog chags rnams kyi srog /rgyu ba de srid yang srid pa'o/ /srog gi rgyu ba rnam zhig na/ /'chi ba med cing yang srid med/ /ces de ltar sngags kyi brda ma ning gi bzlas pa ste/ /de bzhin nyid kyi brda yis shes par bya'o/ /'dir bcom ldan 'das kyis bka' stsal pa/ /de nas 'di las sngags kyi le'u bshad par bya'o/ /'di lta ste/ 'byung po thams cad pa'i gtor ma'i sngags zhes pa thams cad dang 'byung ba pa rnams ni 'byung po thams cad pa ste/ /de'i dang de rnams kyis sngags grangs ji lta ba bzhin no/ /oM A kA ro mu khaM sarba d+harmma NAM Adya nutpan+na tAt/ zhes pa la 'dir a yig gi sgra yis gzhom du med pa'i sgra ste/ a yig yig 'bru kun gyi mchog /don chen 'gyur med dam pa yin/ /srog chen po ni skye ba med/ /tshig du brjod pa spangs pa ste zhes pa las sogs pas rgyu 'phrul dra bar rig pa'o/ /thams cad ni thams cad mkhyen pa ste/ kun mkhyen kun rig dam pa ste/ /bdag rig gzhan rig thams cad pa'o/ /kun la phan ba'i gang zag mchog/ 'jig rten dang las 'das pa ste/ /shes dang shes bya'i bdag po mchog /ces pa la sogs pa thams cad mkhyen pa'i sngags sems can thams

  51. 26a

    cad kyi skad kyi gsung ngag ces pa nges pa'i don to/ /sa la sogs pa'i 'byung ba rnams las skyes pa ni 'byung ba la rnams te phung po lnga yi ngo bo nyid kyis chos can rnams so/ /de rnams kyi sngags kyi sngags ni phung po lnga'i bdag nyid can gyi yi ge lnga rnams zhes pa ste/ /oM yig gis de rnams kyi gzugs kyi phung po sku rdo rje'o/ /A(rgyud 'grel): yig gis ni 'du shes kyi phung po ste gsung rdo rje'o/ /hUM yig gis rnam par shes pa'i phung po ste thugs rdo rje 'o/ /swA yig gis tshor ba'i phung po'o/ /hA yig gis 'du byed kyi phung po'o/ /de rnams la gtor ma dbul ba ste/ mthar hUM yig gsum dang phaT yig gnyis kyis phyir btang ba'o zhes pa'i/ /de ltar oM yig gis sbyar ba'o/ /A: yig gis rgyas par byed pa'o/ /hUM yig gis sbar bar byed pa'o/ /swA yig gis bdud rtsir byed pa'o/ /hA yig gis 'gugs par byed pa'o/ /hUM yig gsum gyis dbul pa'o/ /phaT yig gnyis kyis phyir gtang ba'o/ /lag pa g.yon pas sbyar ba ste/ /lag pa g.yas pas rgyas par byed pa'o/ /thal mos bkab pas sbar ba'o/ /nam mkha' lding gi phyag rgyas bdud rtsir byed pa'o/ /khams gsum las rnam par rgyal ba'i phyag rgyas dgug pa'o/ /rdo rje'i phyag rgyas dbul ba'o/ /lag pa'i phyag rgyas se gol sbyar nas gshegs su gsol ba'o zhes pa'o/ /phyag rgya bcing ba 'di rgyud gzhan du shes par bya'o/ /de bzhin du de bzhin gshegs pa rnams kyi sa bon ni grangs ji lta ba bzhin du 'di lta ste/ buM yig gis rnam par snang mdzad de spyi bor ro/ /aM yig gis rin chen 'byung ldan te lte bar ro/ /dzrI yig gis 'od dpag med pa ste mgrin par ro/ /khaM yig gis don yod grub pa ste gsang bar ro/ /hUM yig gis mi bskyod pa

  52. 26b

    ste snying khar ro/ /de ltar pi tsu badzra'i sku la dgod par byas nas rdo rje mkha' 'gro gzhan rnams kyis yang ngo zhes pa nges pa'o/ de nas phyag bcu drug pa'i sngags ni/ /oM de ba pi tsu badzra hUM hUM hUM phaT swAhA/ zhes pa ste 'dir nges pa'i don ni oM yig gis lha rnams kyis gang na yin pa ji lta ba de ltar sngags kyis yi ge dang pos lha 'grub pa'o/ /sa bon lhag ma rnams kyis yan lag dgod pa ste/ mig la sogs pa la rim pa ji lta bas so/ /hUM yig gsum gyis ye shes sems dpa' 'gugs pa ste/ phaT yig gis gzhug cing swA yig gis dgyes par byed pa dang hA yig gis ro mnyam par byed pa'o zhes pa kye'i rdo rje'i snying po'o/ /de ltar sngags rnams thams cad oM yig dang po can dang/ swAhA'i mdza' can dang ? spel ba'i dbus su'o/ zhes pa thams cad du nges pa'o/ /de ltar snga ma bzhin du /oM ki Ti ki Ti badzra hUM hUM hUM phaT swAhA/ zhes pa phyag drug pa'i 'o/ /de bzhin du phyag bzhi pa'i oM dzwa la dzwa la b+hyo hUM hUM hUM phaT swAhA/ /de bzhin du phyag gnyis pa'i oM traM lo kyA k+She pa hUM hUM hUM phaT swAhA/ 'di sngags btu pa'i le'u la hUM yig dang phaT yig ni man ngag las shes par bya'o/ /thams cad kyi sku dang gsung dang thugs byin gyis brlabs pa'i sngags ni oM yig gis sku byin gyis brlabs pa ste rnam par snang mdzad zla ba'i dkyil 'khor la'o/ /A(rgyud 'grel): yig gis gsung byin gyis brlabs pa ste nyi ma la 'od dpag tu med pa'o/ /hUM yig thugs byin gyis brlabs pas ste snying khar sgra gcan gyi dkyil 'khor la mi bskyod pa'o/ 'di drang pa'i don du bdag med ma la sogs pa dbyangs rnams sngags btu ba'i don du brjod par bya ste/ a A:ai a'i(rgyud 'grel): u a'u(rgyud 'grel): ri rI li lI(rgyud 'grel): e i(rgyud 'grel): o aau(rgyud 'grel): aM/ /nges pa'i don gyis yang so sor bsdu ba'i klog pas bzung bar bya ste

  53. 27a

    a i ri u li ka /a e ar o al tsa/ ha ya ra wa la Ta so zhes pa'i sa bon rnams dkar po'i phyogs la zla ba'i cha rnams kyi'o// //byis pa klog pa'i tshul gyis drang ba'i don gyis ni bcom ldan 'das kyis gsungs pa ma yin no zhes pa rtsa ba'i rgyud du nges pa'o/ /de bzhin du grong khyer bskyod pa'i sngags ni/ oM a ka tsa Ta ta pa ya sha swAhA/ /zhes pa drang ba'i don gyis so/ /nges pa'i don gyis ni a ku ha rnam par bcad bya rnams mgrin 'gyur ro/ /i tsu ya sha rnams rkan 'gyur ro/ /ri Tu ra Sha rnams spyi bo las gyur pa'o/ /u pu wa dang mchu can rnams mchu gyur ro/ /li tu las rnams so gyur ro/ /oM a A ha hA da nya Na ma na th+ka swAhA/ zhes pa grong khyer bkrug pa'i sngags so/ /sngags btu ma'i le'u dra ma'i dag las shes par bya'o/ /rtsa ba'i rgyud du nges pa'i don gyis man ngag ni A li zla ba'i cha'i dbye bas yud tsam sum cu rnams so/ /nyin zhag so so la nyi ma'i gsal byed drug cu rnams dbyu gu'i dbye bas bzlas par bya'o/ /a ka tsa Ta ta pa ya sha'i sgra yis A li dang kA li'i nges pa'i don gyis brjod de/ /A li dang kA li'i bzlas pa 'bum phrag bzlas pas 'dzin de gsum skyod par byed na grong khyer gcig tsam lta ci smos zhes pa'o/ /A li dang kA li brjod par bya ste/ 'di lta ste/ a A i a'i ri rI u a'u li lI/ e i ar Ar o aau al Al ha hA ya yA ra rA wa wA la lA zhes pa spro ba'i rim pas A li'i bzlas pas dbugs 'jug pa'o/ /dbugs 'byung bas kA li ste/ ka kA kha khA ga gA g+ha g+hA nga ngA/ tsa tsA/ tsha tshA dza dzA dzha dzhA/ nya nyA/ Ta TA Tha ThA Da DA/ Dha DhA Na NA/ pa pA pha phA ba bA b+ha b+hA ma mA/ ta tA tha thA da dA d+ha d+hA na nA/ /sa sA wa wA Sha ShA sha shA th+ka th+kA zhes pa ste/ dang por oM yig bskyed pa la'o//

  54. 27b

    dgug pa la mthar pau Sha Ta sbyin par bya ste/ de ltar grong khyer bskyod pa'i sngags so/ /lha gcig gi bsam gtan dang me tog dmar po la bzlas pas dang/ sbyin sreg gis so zhes pa 'chad par 'gyur ba la brjod par bya'o/ /de bzhin du ku ru sul+le'i sngags brjod par bya ste/ /'dir oM yig gi rten sku 'grub pa'o/ /h+ri(rgyud 'grel): yig gis lha mo'i ngag rdzogs pa'o/ /rlung gi rigs la ku ru kul+le 'od dpag tu med pas sangs rgyas btab pa'o/ /dpral bar oM me lce la h+rI:O// mgrin pa la ku'o/ /snying kar du'o/ /lte ba la ku'o/ /gsang bar l+le'o zhes pa yan lag dgod pa'o/ /dbugs rdubs pa bkang nas 'bum phrag gcig bzlas par bya zhing/ /dbugs 'byung ba'i dus su bgrang phreng bskyod par mi bya'o/ /ces pa ku ru kul+le'i sngags so/ /da ni srungs ba'i sngags kyis nges pa'i don brjod par bya ste/ /oM yig gis 'jam pa'i stan brjod do/ /dri bzang po'i sa gzhi can gyi gnas yid du 'ong ba zla ba lta bu yang ngo/ /ra yig gis nyi ma bdun gyis nyi ma'i dkyil 'khor ro/ /k+Sha yig gis sna tshogs rdo rje'o/ /de'i 'og dang steng dang phyogs thams cad du rtsibs bcu pa'i 'khor lo byas nas de nas dbus su hUM yig las khro bo'i rgyal po'i dbang po'o/ /shar gyi rtsibs la gshin rje mthar byed do/ /lha'i rtsibs la shes rab mthar byed do/ /nub kyi rtsibs la pad+ma mthar byed do/ /byang gi rtsibs la bgegs mthar byed do/ /mer mi g.yo ba'o/ /bden bral gyi phyogs su 'dod pa'i rgyal po'o/ /rlung gi mtshams su dbyug pa sngon po'o/ /dbang ldan gyi mtshams su stobs po che'o/ /steng gi rtsibs la gtsug gtor ro/ /'og tu gnod mdzes rgyal po'o/ /de nas gnyis pa brjod pas re pha'i nyi ma'i

  55. 28a

    dkyil 'khor ro/ /k+Sha yig gis sna tshogs rdo rje ste de yis gcig tu 'dres par gyur pas rdo rje'i rab gsum mo/ /hUM yig gsum gyi rdo rje'i sa gzhi dang khang pa brtsegs pa dang rdo rje pad+ma'i gdan no zhes pa'o phaT yig gis gdug pa can la phur bus 'debs pa'o/ /swA yig gis sangs rgyas dang byang chub sems dpa' rab tu spyan 'dren pa'o/ /hA yig gis ni mchod pa la sogs pa mdza' dag dang sdig pa bshags pa la sogs pa gsungs par 'gyur ro zhes pa sngags 'di'i nges pa'i don to/ /da ni rtsa ba'i rgyud du gsungs pa'i las nyi shu rtsa bzhi sgrub par byed pa rnams su 'gyur zhing sngags kyi tshig rnams brjod par bya'o/ /'dir nyung ngu'i rgyud du lus dang mthun pa dang lugs las zlog pa las thams cad gdug pa'i slob dpon yongs su mi shes pa rnams la sbas te/ bla ma dam pa'i brgyud pa'i rim pa la sogs pas shes par bya yis/ /glegs bam bklags pas ni ma yin no/ /gzhan du na rgyud gzhan bltas nas gang rigs pas 'thad pa rgyud mang por yang dag par rtogs par byas pa'i bcom ldan 'das kyi ngag de bzung bar bya yi/ blun po'i dad pa nyid kyis ni ma yin no/ /de skad du bcom ldan 'das kyis gsungs pa/ nga'i gsung ni dang por dge ba/ bar du dge ba /tha mar dge ba kho na ste/ dang por dge ba bar dang tha mar mi dge ba ni ma yin zhing dang po dang/ bar du mi dge pa tha mar dge ba/ ji ltar byis pa'i skye bo rnams kyis kun tu brtags pa/ dang por rnam par rtogs pa'i sgom pa dang/ bar du dbang po gnyis kyi bde ba bsgom pa dang/ tha mar rnam par mi rtog pa stong pa nyid bsgom pa bde ba chen po bsgom pa'o zhes pa ma

  56. 28b

    rungs pa'i tshig gi rgyu 'drar de las skye ba'i 'bras bu thams cad du mthong gi/ ko dra ba'i sa bon las/ /sA lu'i 'bru ni 'byung ba med/ /rnam rtog sa bon la byung ba'i/ /'bras bu rnam rtog bcas par 'gyur/ /rnam par mi rtog las skyes pa'i/ /'bras bu rnam par mi rtog 'gyur/ /rgyu de'i phyir dang por dge ba/ bar du dge ba/ tha mar dge ba'o/ /ji ltar sa bon de bzhin ljon/ /ji ltar ljon shing de bzhin 'bras/ /'jig rten 'di kun tu mthong ste/ /de ni rten cing 'byung ba nyid/ /gzhan gyis rigs kyi sngags gang yin/ /de ni las gzhan sgrub byed min/ /'jig rten du ni 'ga' zhig duAng/ /nyi mas tsha ba zhi byed min/ /kye'i rdo rje'i rtsa rgyud du/ /ji ltar bdag la gsal gsung bzhin/ /de nyid nyung rgyud 'di ru ni/ /rgyas bshad bdag gi brjod par bya/ /sa yi sa bon gyis rengs byed/ /rmongs dang phur bus gdab de bzhin/ /rtag tu zhi byed chu'i sa bon/ /de bzhin rgyas dang dug med pa'o/ /me yi sa bon cher 'gugs byed/ /dbang dang bskyod pa rtag tu'o/ /sngar byed bskrad pa rlung rnams kyi/ /de bzhin du ni dug 'phel ba'o/ /stong pa'i sa bon dug gcod byed/ /de bzhin bsod dang 'tshe ba'o/ /gos dang bslang dang dga' ba ni/ /ye shes sa bon gyis grub pa'o/ /lkugs pa nyid dang 'on nyid dang/ /ma ning byed pa nyid kyang ni/ /thugs gsung sku yis sa bon gyis/ /rim pa ji bzhin sngags pas byed/ /sa chu me rlung stong pa dang/ /ye shes dkyil 'khor sbyor ba las/ /rengs pa la sogs las rnams ni/ /sgrub po mchog gis sgrub par byed/ /ma ning byed dang lkugs nyid dang/ /long ba dang ni sna 'gags dang/ /'on pa nyid dang smyo ba nyid/ /snga ma'i sa bon rnams kyis bsgrub/ /ri bo ri khrod sman ljongs dang/ /rgya mtsho chen po'i 'gram rnams dang/ /gdod nas

  57. 29a

    grub pa'i dur khrod de/ /gnas 'di rnams su bya ba yin/ /sngags bzlas de bzhin bsam gtan dang/ /sbyin sreg dkyil 'khor bzhengs pa ni/ /so so'i las dang rjes mthun pas/ /gzhan du dngos grub sbyin mi 'gyur/ /skyes pha bud med gnas gzhan du/ /sngags dang lha ni sgrub pa min/ /de la sngags kyis rab bskul nas/ /lha ni las rnams byed par 'gyur/ /de phyir mkhas pa rnams kyi ni/ /ming dang sku yi bzlas bsgom bya/ /rtsa ba'i sngags ni sku ru 'gyur snying po zhes bya mthu ldan gsung/ /de bzhin nye ba'i snying po ni/ /thugs kyi sngags su brjod par gyur/ /ye shes sa bon zhes bshad par/ /ye shes sngags su de brjod bya/ /sa bon nye ba'i snying po dang/ /snying po dang ni rtsa ba'i sngags/ /ye shes thugs dang gsung dang sku/ /rim bzhin bsgom bya bzlas bya ste/ /ji srid dngos grub gyur gyi bar/ /'bad pas bzlas bya mchod par bya/ /gzhan du cho ga nyams pas ni/ /sngags kyi dngos grub 'gyur ma yin/ /dad pas bzung ba 'di yis ni// lus ni nyon mongs 'ba' zhig go/ ya ra la wa yi ge gang/ /rlung me sa dang chu la skyes/ /shar dang lho dang nub dang ni/ /byang rnams su ni nges sbyar bya/ /ring po me dang bden bral dang/ /rlung dang dbang ldan rim pa las/ /steng dang 'og tu haM ha sbyin/ /dbus su aM a:ram mchod bya/ /sangs rgyas kun dang bla ma dang/ /dam pa'i chos ni klog pa yi/ /don du mdun du maN+Dal bya/ /gzhan pa rgyal ba mnga' bdag nyid/ /rlung gi dkyil 'khor chos kyis ni/ /zlum po shar gyi lus 'phags po/ /me yi dkyil 'khor ngo bo yis/ /'dzam bu gling ste zur gsum pa/ /gru bzhi nub kyi ba lang spyod/ /sa yi dkyil 'khor mtshan nyid can/ /chu yi dkyil 'khor chos can gyis/ /zla phyed byang gi

  58. 29b

    sgra mi snyan/ /stong pa'i ngo bos zla ba yis/ /dkyil 'khor mtshan nyid tshangs sgo nga/ /'og tu ye shes ngo bo yis/ /dus me nyi ma'i dkyil 'khor ro/ /dbus su thig le rnam bcad ni/ /steng 'og lha yi ri bong 'gyur/ /'di ltar maN+Dal byas nas ni/ de nas sngags sogs bzlas par bya/ /sa la maN+Dal gzhan sa ni/ /rdul tshon dkyil 'khor bzhin du bya/ /phung po khams drug gzugs la sogs/ /sum cu drug rtag tu ru mchod/ sa dang chu dang me dang rlung/ /khu ba rdul ni de bzhin te// khams drug ces par bshad byas pa/ /lus can rnams kyis gzugs phung po/ /mgrin gyur rkan gyur spyi bor gyur/ /mchur gyur sor gyur sna ldan te/ /'du shes dang ni rnam drug bstan/ /dngos dang dngos med don gsal byed/ /mig dang rna ba sna dang lce/ /lus dang de bzhin yid dbang po/ /rnam shes phung por bshad pa ste/ /mig la sogs pa rnam pa drug /de bzhin gzugs dang sgra dang ni/ /dri rnam dang ni ro dang ni/ /reg bya dang ni chos kyi dbyings/ /myong phyir tshor ba rnams su bshad de bzhin dbang po drug sgo nas/ /rnam shes rnams ni rab 'jug cing/ /yul dang dbang po rab 'jug byed/ /'du byed rnam drug rab tu bshad/ /rtag du srog dang thur sel dag /steng dang 'og gi lam gsum po/ /rtsa drug rnams su 'bar byed pa/ /ye shes phung po'ang rnam pa drug /sum cu bdun pa sems chen po/ /dam pa sum cu rtsa drug gi /khams kyis bskor ba rnal 'byor bas/ /a sogs ka sogs kyis mchod bya/ /a sogs ka sogs rang bzhin gyis/ /khams rnams bdun bcu rtsa gnyis te/ de drug ha sogs yi ge rnams/ /thung du ring por rab dbye las/ /bdun cu rtsa gzhis 'dir bshad do/ /dbyangs de sum cu rtsa drug nyid/ /a sogs ka sogs yang dag ldan/ /yi ge brgya ni brgyad lhag pa/ /bgrang phreng du ni rab brjod bya/ /rnal

  59. 30a

    'byor pa yis sngags 'das pa'o/ /gsal byed sum cu drug thung ba'i/ /bco brgyad dbyangs rnams dang ldan pa/ /brgyad lhag brgya yi phyed rnams kyis/ /bgrang phreng du ni der brjod bya/ /rgyu skar rkang pa'i dbye ba yis/ /gsum par yongs su brjod par bya/ /rgyu skar phyed kyi cha yis ni/ /bzhi pa de nyid gang phyir yin/ /sum cu drug gi dbyangs dbye bas/ /lnga par yongs su brjod par bya/ /rgyu skar longs spyod dbye ba yis/ /drug par yongs su brjod par bya/ /bco brgyad dbyangs kyi dbye ba yis/ bdun par yongs su brjod par bya/ /slar yang sum cu rtsa drug gi /gsal byed dbye bas brgyad pa'o/ /dka' thub can gyi bgrang phreng gis/ /'di ltar rnam pa brgyad du bshad/ /shel gyis bco brgyad rnams kyis gcig /brtul zhugs can gyis zhi ba byed/ /mu tig sum cu drug dbyangs su/ /brjod pas mi rnams rgyas pa'o/ /nyi shu rtsa bdun rgyu skar gyi/ /mi sos gsod la bshad pa'o/ /de yi nyis 'gyur bong bu'i sos/ /sdang bar byed dang skrod la'o/ /gsal byed sum cu drug dag pas/ /dbang du byas sogs bo d+he tsas/ /dbyangs dang gsal byed yongs bsres pa/ /bzhi lhag pa yi lnga bcu yis/ /pad+ma zhes pa'am yang na ni/ /tsan dan sa bon gyis dgug pa'o/ /rgyu skar phyed kyis rkang pa yis/ /rmong par byed la lung thang bshad/ /dbyangs dang gsal byed rkang pas dag /rengs la ru rak+Sha ru bshad/ /de ltar dag pa'i las la ni/ /dag pa rnam pa brgyad du bshad/ /'dres pa rnam pa sna tshogs pa'i/ /sa bon nam 'dir nor bus byas/ /khams kyi kha dog dbye ba yis/ /ji ltar rnyed pa de bzhin byos/ /de nas 'di las rnal 'byor pa'i/ /gang gi myur du 'grub byed 'gyur/ /rigs las skyes par gyur pa'i sngags/ /sngags kyi mtshan nyid bshad par bya/ /a ku ha Th+ka mgrin byung gang/ /dbyangs dang

  60. 30b

    gsal byed mtshan nyid rnams/ /nam mkha' i khams las yang dag byung/ /de rnams ha yig shes byed kyis/ /i tsu ya sha rkan las byung/ /dbyangs dang gsal byed mtshan nyid rnams/ /rlung gi khams las yang dag byung/ /de rnams ya yig shes byed kyis/ /ri Tu ra Sha spyi bo byung/ /dbyangs dang gsal byed mtshan nyid rnams/ /me yi khams las yang dag byung/ /nga yig shes byed kyis yin no/ /u pu wa nypa mchur 'gyur gang/ /dbyangs dang gsal byed mtshan nyid rnams/ /chu yi khams las yang dag byung/ /de rnams wa yig shes byed kyis/ /li tu las so skyes gang/ /dbyangs dang gsal byed mtshan nyid rnams/ /sa yi khams las yang dag 'byung/ /de rnams la yig las shes byed/ /rjes su nga ro rnams bcad kyang/ /dbyangs dang gsal byed spangs pa ste/ /ye shes khams las yang dag byung/ de ltar khams drug rigs can te/ /sa dang chu dang sreg za rlung/ /khu ba dang ni rdul gyi rigs/ /khams drug can du 'dir bshad de/ /skyes bu gang zag chen po'o/ /gtso bo a sogs ka sogs bdag /phung po khams kyi sngags bdag nyid/ /sau sdud pa byed bde kyi/ /sgra grub pa yi don du bstan/ /sngags grub pa'ang de kho na/ /thams cad mkhyen pa'ang de bzhin sngags/ /byis pa klog pa'i rim pas min/ /mgrin pa rkan dang mgrin pa mchu/ /'dres pa gsal byed dbyangs rnams gang/ /gnas gnyis pa gang gzhan pa rnams/ /de rnams rang bzhin gcig skyes min/ /mgrin pa la sogs gnas gcig tu/ /rang bzhin dag pa las skyes dbyangs/ /sngags rnams rtag tu brjod byas pa/ /de ni ga nas gnyis brjod pa min/ /a yig dbyangs dang yang dag ldan/ /gang zhig rang gi gnas mi 'dor/ de ni rang bzhin gyis dag pa/ /gsal byed rnam bcad

  61. 31a

    thig le can/ /e yig sogs dbyangs dang ldan pa/ /gnas gnyis pa du gang 'jug pa/ /rang bzhin dag pa skyes de min/ /gsal byed nyis 'gyur du 'gyur ro/ /dbang chen dkyil 'khor ser po ste/ /lam yig yi ge las byung ba'o/ /chu yi dkyil 'khor dkar po ste/ /waM yig yi ge las byung ba'o/ /me yi dkyil 'khor dmar po ste/ /re pha'i yi ge las byung ba'o/ /rlung gi dkyil 'khor nag po ste/ /yaM yig yi ge las byung ba'o/ /nam mkha' i dkyil 'khor ljang khu ste/ /ha yig yi ge las byung ba'o/ /rnam bcad thig le las byung ba/ /ye shes kha dog kun las skyes/ /de bzhin ta sde li yig go /yi ge las skyes ser bo ste/ /sa sde la sogs u yig gi /dbyangs las byung ba dkar por bshad/ /Ta sde las byung ri yi gi /dbyangs las byung ba dmar po'o/ /tsa sde las skyes i yi gi /dbyangs las byung ba nag por bshad/ /ka sde las skyes a yig gi /dbyangs las byung ba ljang khur bshad/ /de bzhin sa yig las byung dang/ /al yig las byung ser po'o/ /dkar po nypa yig las byung dang/ /oM yig yon tan las byung ba'o/ /dmar po Sha yig las byung dang/ /ar yig yon tan las byung ba'o/ /nag po sha yig las byung dang/ /e yig yon tan las byung ba'o/ /ljang khu Th+ka yig las byung dang/ /a yig yon tan las byung ba'o/ /a i ri u li zhes 'di/ /dag pa rang bzhin las skyes dbyangs/ /a e ar o al zhes 'di/ /yon tan rang bzhin gnyis las skyes/ /ha ya ra wa la zhes 'di/ /yaN du bsgyur ba de bzhin gnyis/ /phal pa gtso bos gnyis dbus su/ /gtso bo dkyil 'khor 'dren ba'o/ /slar yang sde pa sau la'ang/ /rang bzhin rnam pa lnga ru bshad/ /da nya Na ma na zhes

  62. 31b

    'di/ stong pa'i khams las byung rnams so/ /g+ha dzha Dha b+ha d+ha 'di rnams/ /rlung gi khams las yang dag byung/ /ga dza Da ba da 'di rnams/ /me'i khams las yang dag byung/ /kha tsha Tha pha tha zhes 'di/ /chu'i khams las byung ba rnams/ /ka tsa Ta pa ta 'di rnams/ /sa yi khams las byung ba rnams/ /rigs drug yi ge'i dbye ba yis/ /rang bzhin gtso bos dbye ba las/ /yi ge so so'i dbye ba yis/ /rigs ni rnam pa lnga ru 'gyur/ /ji ltar sa dang mjug ma ser/ /de ltar 'jug dang lus dbang po/ /chu dang zla ba ji ltar dkar/ /ji ltar 'du shes lce dbang po/ /me dang nyi ma ji ltar dmar/ /tshor ba mig ste de dag kyang/ /rlung dang sgra gcan ji ltar nag /de ltar 'du byed dang ni sna'o/ /ji ltar nam mkha' d+h+ru pa ljang/ /rnam shes rnam pa de ltar ro/ /ye shes ri byi ji ltar sdo/ /de ltar ye shes yid bshad do/ /de bzhin dri dang kha dog dang/ /ro dang reg bya kho na dang/ /sgra dang chos kyi dbyings kyang ni/ /khams drug rig te rim pa las/ /de bzhin bshad lam rkang pa dang/ /lag pa dag gi dbang de bzhin/ /b+ha ga mchog gi dbang po yang/ /sa la sogs pa'i rigs las byung/ /de bzhin brjod dang len pa dang/ /'gro dang bshad ba 'dzag nyid dang/ /khu ba 'pho ba'i bya ba ste/ /'di rnams sa sogs rigs las 'byung/ /de ltar khams drug rab tu brjod/ /phung po drug dang dbang po drug /yul dang las kyi dbang po rnams/ /las kyi dbang po'i bye ba drug /phung po drug dang khams dbye bas/ /khams rnams sum cu rtsa drug rnams/ /sum cu bdun pa shes rab ste/ /chos kun stong pa nyid gcig pa'o/ /khams rnams phyi dang lus la yang/ /ji ltar lus la de bzhin gzhan/ /dag pa'i sa yis res pa yin/ /dag pa'i chu yis zhi ba'o/ /dag pa'i me yis dbang du byed/ /dag pa'i rlung gis

  63. 32a

    rnam sdang byed/ /dag pa'i stong pas 'tsho byed pa'o/ /dag pa'i ye shes kyis gsod pa'o/ /dag pa'i las rnams drug ces pa'o/ /rnam par bsres pa gzhan rnams te/ /sa dang chu ni bsres pa yis/ /lus can kun gyi rgyas pa'o/ /rlung dang me ni rnams bsres pas/ /lus can thams cad 'gugs pa'o/ /rlung dang chu ni rnam bsres pas/ /mi rnams kyi ni bskyod par 'gyur/ /sa dang stong pa bsres pa yis/ /lus can rnams kyis ltung bar 'gyur// sa dang ye shes bsres pa yis/ /ltung ba slar yang slong bar byed/ /chu dang me ni bsres pa yis/ /skyes ba bud med 'ju bar byed/ /sa dang rlung du bsres pa yis/ /rmongs dang phur bus 'debs par 'gyur/ /stong pa dang ni chu bsres pas/ /sems can rnams ni blta bar 'gyur/ /stong pa ye shes bsres pa yis/ /phyir yang 'tsho ba nyid yin no/ /me dang sa ni bsres pa yis/ /lus can thams cad gdung bar byed/ /me dang stong pa bsres pa yis/ /lus can rnams la rims su 'gyur/ /me dang ye shes bsres pa yis/ /lus can rnams la 'khrug par 'gyur/ /rlung dang stong ba bsres pa yis/ /sna tshogs nges par skrod par byed/ /rlung dang ye shes bsres pa yis/ /skad cig gis ni khams gsum 'ching/ /stong pa ye shes bsres pa yis/ /lus can thams cad bskyod pa'o/ /ye shes gcig pus las rnam kun/ /ye shes smra ba rnams kyis byed/ /bzlas pa ma yin bgrang phreng min/ /sbyin sreg sngags dang mchod pas min/ /las rnams thams cad rnal 'byor pas/ /bsam gtan tsam gyis 'grub par byed/ /'di ltar sngags gang rigs gsum dang/ /bzhi dang lnga yi rigs rnams kyang/ /khams rnams kyis ni rang bzhin

  64. 32b

    las/ /cho gas mdza' yas las rnams byed/ /ces pa de ltar rigs drug sngags/ /dag pa dang ni phan tshun bsres/ /de rnams grangs med sems dpa' che/ /lha yi dngos grub sgrub pa la/ /khams lnga yi ni rang bzhin las/ /sngags rnams mtshan nyid brjod par bya/ /dgra dang bshes dang gtang snyoms la/ /sems can don phyir brjod par bya/ /a ku ha Th+ka mgrin byung gang/ /dbyangs dang gsal byed mtshan nyid rnams/ /stong pa rlung sogs sngags rnams kyis/ /grogs po nyid kyis rtag du gnas/ /i tsu ya sha rkan byung rnams/ /dbyangs dang gsal byed mtshan nyid rnams/ /rlung gi khams las yang dag byung/ /chu la skyes pa rnams kyi dgra /ri Tu ra Sha spyi bo skyes/ /dbyangs dang gsal byed mtshan nyid rnams/ /me yi khams las yang dag byung/ /sa las skyes pa rnams kyi sgra/ /u pu wa nypa? mchu skyes gang/ /dbyangs dang gsal byed mtshan nyid rnams/ /chu yi khams las yang dag byung/ /me las skyes pa rnams kyi dgra /li tu la sa so skyes gang/ /dbyangs dang gsal byed mtshan nyid rnams/ /sa yi khams las yang dag byung/ /rlung las skyes pa rnams kyi dgra /rtag tu stong pa rlung gi grogs/ /tha mal pa chu nus med phyir/ /me yi grogs po rtag tu rlung/ /sa ni btang snyoms nus med phyir/ /chu yi grogs po sa yin te/ /tha mal pa ni me nyid do/ /sa yi grogs po chu yin te/ /me nyid kyang ni btang snyoms pa'o/ /oM gyi yi ge spangs nas ni/ /sngags kyi yi ge dang po rigs/ /de nyid sngags kyi thugs yin te/ /gzugs ni rdzogs pa'i rgyu yin no/ /gang tshe sngags kyi dang po yi/ /yi ge gsal byed gzhan brtsegs na/ de dag las der dang po bzung/ /dang por brjod pa'i rgyu yi phyir/ /dbyangs dang gsal byed dbye ba yis/ /de nyid rnams la gnyis su 'gyur/ /srog gi dgra dang grogs po dang/ /lus kyi yang ni brjod par bya/ /srog gi dgra dang grogs po 'am/ /tha mal pa ni dbyangs

  65. 33a

    rnams bshad/ /lus kyi dgra dang grogs po dang/ /btang snyoms pa rnams gsal byed bshad dbyangs kyi sgra yis sgrub pa po'i/ /srog 'phrog byed de the tshom med/ /lus kyi dgra bo gsal byed kyi/ /mtshan nyid can gyis nad sogs byed/ /sde pa gcig la'ang ka la sogs/ /gsal byed chos ldan lnga rnams gang/ /de rnams sa la sogs pa'i rigs/ /sngags bsgrub pa la shes par bya/ /nga nya Na na ma 'di rnams/ /gzhan rnams grogs po nyid du gnas/ /g+ha dzha Dha b+ha d+ha 'di rnams/ /chu las skyes pa rnams kyi dgra/ /ga dza Da ba da 'di rnams/ /sa las skyes pa rnams kyi dgra /kha tsha Tha pha tha zhes 'di/ /me las skyes pa rnams kyi dgra/ /ka tsa Ta pa ta zhes 'di/ /rlung las skyes pa rnams kyi dgra/ /de ltar phan tshun grogs po dang/ /tha mal snga ma bzhin shes bya/ /sngags kyi dbang po yi ge gnas/ /rang gi sde pa 'am gzhan rnams la'ang/ /sgrub pa po yi yi ge gnyis/ /skyes las skyes dang ming skyes 'gyur/ /de yang rnam gnyis yongs shes bya/ /dbyangs dang gsal byed mtshan nyid do/ /skye ba'i dus suAng dus sbyor gang/ /dbyu gu lnga yi bdag nyid gyur/ /skyes pa 'am me yi chu srin sogs/ /de yi gsal byed sbyang bar bya/ /chu srin la ni ka sogs lnga/ /dbyu gu'i dbye bas sbyang bar bya/ /bum pa la yang nga sogs lnga/ /stong ba sogs rim dbye ba las/ /nya la'ang tsa la sogs rnam lnga/ /lug la'ang nya sogs rim pa bzhin/ /glang la'ang Ta sogs lnga rnams so/ /'khrig la Na sogs de bzhin no/ /ba sogs kar ka Ta sbyor la/ /ma sogs seng ge'i dus sbyor la'o/ /bu mo la ni ta sogs lnga/ /srad la de bzhin na sogs rnams/ /sdig pa la ni sa sogs lnga/ /gzhu la Th+ka la sogs rnams bshad/ /sdud dang spro ba'i dbye ba yis/ /yi ge drug cu nyin mtshan la'o/ /g.yas dang g.yon pa'i rgyu ba la/ /dkyil 'khor lnga po 'bab pa rnams/ /dus drug gis ni rab

  66. 33b

    dbye bas/ /phyi rol de bzhin de lus la'o/ /dbyangs rnams zla ba'i cha dbus su/ /sum cu'i dbye bas rnam sbyang bya/ /yar ngo'i tshes gcig nas brtsams te/ /gnam stong mthar thug sum cu'i lha/ /a i ri u li shes 'di/ /tshes gcig la sogs rim ji bzhin/ a e ar o al zhes 'di/ /drug pa la sogs yongs su grags/ /ha ya ra wal zhes 'di/ /bcu gcig pa sogs rnams su bshad/ /la sogs lnga rnams rim zlog pas/ /nag po'i tshes gcig sogs rnams so/ /a yig la sogs lnga rnams ni/ /nag po'i phyogs kyis drug pa sogs/ /li yig la sogs lnga rnams gang/ /dbyangs rnams bcu gcig nga la sogs/ /gang ba'i mthar ni thig ler brjod/ /gnam stong mthar ni rnam bcad do/ /de rnams yung tsam rab dbye bas/ /zla ba so so'i cha ru bshad/ /cha gang la ni 'char? ba'i dbyangs/ /gang yin gtso bor 'gro ba yin/ /gsal byed chos can lnga rnams gang/ /de rnams sa la sogs pa'i rigs/ /yud tsam dang po la dbyangs de/ /de yi skyes pa'i dbyangs su 'gyur/ /de yi gnyis pa gnyis pa yi/ /de ltar thams cad rim bzhin du/ /yud tsam sum cu'i dbye ba yis/ /skyes pa'i dbyangs su brjod par bya/ /sngags kyis thog ma'i sgra yis ni/ /nges par dbyangs dang gsal byed kyis/ /sgrub pa po rnams srog zad dang/ /nad chen byed par the tshom med/ /skye ba'i dbyangs ni mi shes dang/ /gsal byed rtog pa med pa na/ /ming gi dang po'i dbyangs brdung bya/ /gsal byed gnyis kyi dang po'o/ /sngags kyi dang po'i gsal byed dam/ /dbyangs rnams bsgrub pa'i ched du yang/ /bsnyen pa bzlas par byed pa la/ /'dir ni las rnams drug tu gsungs/ /dang po brdeg /par bya ba ste/ de bzhin dbab dang bsreg pa dang/ /de nas sngags las lta ba dang/ /de nas rgyas dang mnyis pa'o/ /rnam bcad byas pa'i stong pa yi/ /sngags kyi mngon la mnan pa 'di/ /mtshon gyis rgyal pos bskun pa ste/ /rgyal ba'i gnas skabs thob par 'gyur/ sngags

  67. 34a

    kyi bzlas pa 'bum gyis ni/ /sngags kyi lha ni rgyal gyur pa/ /nga rgyas yongs su btang ba yin/ sgrub pa po yi dbang du 'gyur/ /de bzhin rlung gi mnan pa ste/ /rnal 'byor pa la 'bab par 'gyur/ /me yi mnan pas sreg par byed/ /de nas chu yis lta bar byed/ /sa ni spyi bor gnas pa ni/ /bzlas pas lha ni rgyas pa'o/ /mgo bor thig le chas mnan pa/ /mnyes par gyur pa mchog ster 'gyur/ /de ltar drug 'bum bzlas pa yis/ /sngon du bsnyan par gsungs pa ste/ /rtsa rgyud kun tu bde gshegs kyis/ /'dod pa'i dngos grub ched du'o/ /phaT yig de bzhin hUM bau ShaT/ /Na ma:swAhA wa ShaT rnams/ /las drug las ni grangs bzhin du/ /sngags mthar brtul zhugs can gyi bya/ /dang por rnam snang mdzod spyin nas/ /slar yang bzlas pa brtsam par bya/ /de nas dbye ba bzlas bya ste/ /bcu yi cha yi sbyin sreg bya/ /rgyud gsungs cho gas thams cad bya/ /de nas lha ni 'grub 'gyur te/ /grub pa de yis sngags pa la/ /mchog ster gang zhig don gnyer pa'o/ /rigs gzhan dang ni bya ba gzhan/ /dus dang de bzhin sngags kyi rigs/ /gnas dang phyogs dang rten gzhan gyi/ /las rnams kun la 'bras bu med/ /glegs bam las ni bklags pa'i sngags/ /man ngag rnam par spangs rnams kyis/ /sgrub pa rab tu byed pa'i mi/ /de rnams sa la nyon mongs so/ /gal te glegs bam las rnyed na/ /yang dag blangs pa des ci bya/ /ji ltar bris pa bklags pa yis/ /drang po'i don gyis rab gsal byas/ /sngags kyi ngas pa'i dngos spangs rnams/ /glegs bam las bklags sngags rnams kyis/ /lha la sogs rnams sgrub pa po/ /nam mkha' za bar 'dod bar byed/ /rang sems brtan pa'i brtson 'grus sam/ /sngags kyi bzlas pa sgrub pa po/ /gzhan don gnyer ba rnams kyi ni/ /'dod pas 'jig rten dngos grub

  68. 34b

    'gyur/ /sngags bzlas de bzhin sbyin sreg dang/ /gnas dang mchod pa'i cho ga rim gyis/ /bya ba nyams na mi 'grub ste/ /tshig 'di yang dag de bzhin no/ /ston pa byang chub sems dpa' dang/ /lha yis bstan pa'i ngo ru ni/ /de phyir thams cad 'bad pa yis/ /de nyid mkhas pas bzung bar bya/ zhes pa la sogs pas rtsa ba'i rgyud du thabs gzhan gyis sngags bsgrub pa gsungs te/ rengs pa la sogs pa'i las sgrub pa'i don du'o/ /nyung ngu'i rgyud 'dir ni dgongs pa'i skad gzhan gyis don rtogs pa ste/ /de kho na brjod par bya'o oM hUM swAhA rengs par byed pa'o zhes pa hUM yig gis rdo rje'i sa gzhi bsgrub par bya zhing des rengs pa bsgrub par bya'o/ /oM aM swAhA dbang du bya ba'o zhes pa aM yig gis me'i khams bsgrub par bya zhing des dbang du bya pa'o/ /oM khi swAhA skrod? par byed pa'o zhes pa khi yig gis rlung gi khams bsgrub par bya zhing nges bskod par bya'o/ /oM dzriM swAhA sdang bar byed pa'o zhes pa dzri yi gi yi ges me dang rlung 'dres pa'i khams dag bsgrub par bya zhing de dag gis sdang ba byed par bya'o/ /oM buM swAhA mngon spyod do zhes pa buM yig gis me dang chu dag bsgrub par bya zhing de dag gi mngon sbyong bya'o/ /oM hUM swAhA 'gug par byed pa'o zhes pa hUM yig gis rlung dang me dang nam mkha' i khams rnams bsgrub par bya zhing de rnams kyis dgug par bya'o/ /oM g+hu swAhA/ gsod par byed pa'o zhes pa g+hu(rgyud 'grel): yig gis rlung dang chu dag bsgrub par bya zhing de dag gis gsod par bya'o/ /'di ni dgongs pas bshad pa'o/ /dbang po rnams kyis mngon sum gang/ /sems kyis brtags pa mngon sum ste/ /bskyed pa'i rim pa'i ye shes de/ /sangs rgyas byed ba'i sngon sum min/ /rnal 'byor pa yi mngon sum gang/ /rang rig byed pa gang yin pa/ /rdzogs pa'i rim pa'i ye shes ni/ /sangs rgyas bya ba byed pa'i mchog /de nyid tha dad rnam pa lnga/ /thog ma bar dang tha mar ni/ /chos bsdud pa la skyol ba

  69. 35a

    yis/ /spyan snga rnams ni gsungs pa yin/ /sha yi mig dang de nas lha'i/ /de nas sangs rgyas spyan du 'gyur/ /shes rab spyan dang de nas slar/ /ye shes spyan ni lnga pa'o/ /las dang po yi rnal 'byor pa'i/ /dang po sha yi spyan du 'gyur/ /de nas de yi lha yi spyan/ /lha yi ji lta de lta ba'o/ /de la sangs rgyas spyan du 'gyur/ /nyan thos ji lta de lta ba'o/ /de nas shes rab mig ji ltar/ /byang chub sems dpa' i de lta ba'o/ /de nas ye shes rang bzhin spyan/ /bde gshegs rnams ji lta ba'o/ /ye shes rnam pa bzhi yi spyan/ /gang la yod pa des na de'o/ /ye shes rnam shes dbye ba yis/ /dngos po gnyis su rab bstan te/ /skyob pa rnams la ye shes spyan/ /de nas ye shes can du brjod/ /sangs rgyas thog ma tha ma med/ /dang po'i sangs rgyas gnyis rtogs med/ /ye shes mig cig dri ma med/ /ye shes lus can de bzhin gshegs/ /de ltar 'jig rten pa'i kun rdzob kyis rten cing 'brel par 'byung ba'i tshul gyis 'di thob nas 'di 'byung ste/ yung ba dang rdo thal gyi sbyor ba las dmar ba nyid bzhin du las thams cad bsgrub pa la rig par bya'o/ /rnal 'byor pa rnams kyis sangs rgyas so zhes pa'i nga rgyal gyis ni ma yin no zhes pa las bsgrub pa'i nges pa'o/ /zhes pa kye'i rdo rje'i 'grel pa gru stong par sngags kyi rigs kyi le'u las rab 'byam sgrub pa'i yongs su bcad pa ste drug pa'o// //kye'i rdo rje'i hUM la btud nas/ /sna tshogs sgrub pa bshad par bya/ /sems can rnams la rjes brtse bas/ /sa la char? pa dbab ched du'o/ /a phu:I yi ge gnyis kyis mdza' yas kyi gzugs brnyan byas la zhes pa 'dir mdza' yas kyi gzugs brnyan/ dri zhim po'i tsan dan las byung ba byas te/ lte ba yan chad skyes bu'i cha byad can 'og sbrul gyi mjug ma'i

  70. 35b

    rnam pa can lag pa bzhi pa g.yon du bdud rtsi'i thod pa dang/ /pad+ma'i lag pa can/ g.yas par bdud rtsi'i 'bras bu dang rin po che'i lag pa can/ mgo'i steng du gdod kha bdun pa can 'khor lug gi rnam pa can bya ste/ de dang 'dra bar de'i g.yon du klu'i rgyal mo aM yig gis so zhes pa'o/ /de bdud rtsi lnga yis bkru bar bya ste/ 'o ma dang/ zho dang/ sprang rtsi dang/ mar dang/ ka ra rnams bdud rtsi lnga ste/ des bkru bar bya'o/ /de nas utpal sngon pos mchod par bya'o/ /klu 'dul ba'i khu bas lus la byug par bya ste/ glang po che'i char gis mgo bo byugs la/ /khyi phor gnyis kha sbyor du byas nas ba nag mo'i 'o mas dgang ste/ sor mo bzhis dpral ba dang/ sa dang o ska'i mthar thug pa dang/ phyed dang bcas pa'i sor bcu gnyis pa'i tshad can gzhag par bya'o/ /gzhon nu ma nag mos bkal ba rams kyis btsos pa'i skud pas phyogs brgyad rnams su dkri bar bya'o/ /de nas rdzing bu'i 'gram du rlung gi phyogs su dkyil 'khor bya ste/ rdzing bu'i dbus su klu'i rgyal po mdza' yas der bzhag par bya'o/ /rdul tshon gyi dkyil 'khor du ni mdza' yas mnan pa'i kye'i rdo rje rdul tshon gyis bri bar bya'o/ /'dir dkyil 'khor du tshon gdab pa brjod par ste/ du khrod kyi sol bas rdul tshon nag po'o/ /mi'i rus pa'i bye mas dkar po dang/ ba blas ser po dang/ dur khrod kyi so phag gis dmar po dang/ /rkun mo'i lo ma mi'i rus pa cung zad bsregs pas ljang khu ste/ rdul tshon lnga po 'di rnams kyis dkyil 'khor bzhengs nas dang por dur khrod kyi srad bus zhes pa ro'i rgyus pa rnams kyis byas pa'i srad bus thig btab nas sor gsum lhag pa'i khru gsum pa smin ma'i dbus nas lte ba'i mthar thug pa'i tshad rnams kyis ta 'gro ba dang 'ong ba rnams kyi zhes pa'o/ /dkyil 'khor gyi phyed kyis pad+ma 'dab ma brgyad pa byas nas cha gsum gyi lte ba cha gcig

  71. 36a

    la nyi ma'i gdan no/ /de'i steng du mdza' yas dang/ mdza' yas kyi rgyal mo ste/ kye'i rdo rje'i g.yon pa dang g.yas pa'i zhabs dag gi mthil la rgyal ba dang rnam par rgyal ba bri'o/ /kye'i rdo rje zhal brgyad pa zhabs bzhi pa phyag bcu drug gis brgyan pa bdag med mas phrag pa la 'khril ba 'chad par 'gyur ba spyan nyi shu rtsa bzhis phyug pa'o/ /de nas pad+ma'i 'dab ma rnams la klu'i dbang po brgyad rnams te gdengs ka lnga dang lhag ma mdza' yas kyi gzugs brnyan dang 'dra bar bri bar bya'o/ /'dab ma g.yon pa la mdza' yas so/ /g.yas pa la nor rgyas kyi bu'o/ /nub du 'jog po'o shar du kar ko Ta'o/ /me mtshams su padmo'o/ /rlung phyogs su pad+ma chen po'o/ /bden bral du dung skyong ngo/ /dbang ldan du rigs ldan no/ /sa bon 'di rnams kyi lte dbus su a phu'o/ /g.yas dang g.yon pa la sogs pa'i 'dab ma rnams la phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu:O/ /phu(rgyud 'grel): yig brgyad po 'di rnams kyis klu brgyad yongs su rdzogs par bya ste/ shar dang mer nag po'o/ /lho dang bden bral du dmar po'o/ /nub dang rlung phyogs su ser po'o/ /byang dang dbang ldan du dkar po ste/ /thugs dang gsung dang ye shes dang/ /sku'i zhal gyi dbye bas so/ /gan rkyal du 'gyel ba'i mjug ma mnan par thams cad bri bar bya'o/ /de bzhin du shar gyi sa gzhi nag po'o/ /lho dmar po'o/ /nub ser po'o/ /byang dkar po ste re khA lnga'i mthar thug pa'o/ /dkyil 'khor gyi brgyad cha'i sgo ste de bzhin du 'gram dang sgo khyud rnams so/ /sgo'i phyed kyi stegs bu dang dra ba'i sa gzhi'o/ /stegs bu'i phyed kyis re khA lnga dang rin po che'i snam bu dang/ /pa shu li dang/ kra ma shIrSha rnams so/ /sgo'i sum 'gyur rta babs te/ /mtshams su sna tshogs rdo rje'o/ /phyi

  72. 36b

    rol tu rdo rje'i phreng ba 'bar ba dang bcas pa'o/ /de ltar dkyil 'khor bzhengs nas de nas sbyin sreg bya ste/ zlum po'i thab tu zhi ba'i don du'o/ /de nas dkyil 'khor rab gnas byas la/ 'chad par 'gyur ba'i gtor ma byin te/ iN da/ dza ma/ dza la/ dzak+Sha zhes pa la sogs pa'i sngags kyis so/ /phyi nas slob dpon gyis nang gi khro bo'i sems kyis sngags bzlas par bya'o/ /nang gi zhes pa cung zad spro ba dang bcas pa'i sems kyis so zhes pa'o/ /de nas dkyil 'khor du sgo bsrungs rnams gzhag la buM pa bcu dgod cing steng du 'o mas gang ba'i khaM por rnams bzhag nas phyi rol du/ phyogs bcu rnams su ba dan sngon po rnams byin te dben pa'i gnas su sngags 'di zla bar bya'o/ /oM g+ha Ta g+ha Ta/ g+hu Tu g+hu Tu/ ma sha ma sha/ g+ha Ta g+ha Ta/ g+ho Ta ya g+ho Ta ya/ a nan+ta k+Sho b+ha ka rA ya nA gA d+hi pa ta ye he he ru ru kaM sapta pA tA la ga tAM nA gA nA karsha ya par sha ya gardza ya tardza ya phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): hUM hUM hUM phaT phaT phaT swAhA/ 'di lta na char 'bab po/ /gal te char mi 'bad na bzlog nas sngags 'di bzlas te swAhA/ Ta pha Ta pha Ta pha hUM hUM hUM phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): phu(rgyud 'grel): yardza ta yardza ga yarSha ba yarSha ka A nA ga taM gA la tA pA ptasa kaM ru du he he ye ta pa d+hi bA nA ya rA ka lha k+Shon+ta nA ya Ta g+ho ya Ta g+ho Ta g+ha Ta g+ha Ta sa ma sa ma(rgyud 'grel): Tu g+hu Tu g+hu Da g+ha Ta g+ha oM zhes pa de ltar bzlas par gyur pa na gal nye klu rnams char mi 'bebs na de'i tshe mgo bo ardza ka'i dog pa ltar lags so/ /ardza ka zhes pa dbyug pa dkar po can ma l+li ka nag po 'dra ba ste/ de'i dag pa ji ltar nyi ma'i 'od kyis 'gas pa de bzhin du zhes pa nges pa'o/ /char pa 'bebs su 'jug pa'i cho ga'o/ /sngags 'di'i sngon du bzlas pa 'bum phrag gcig ste/ bye ba bzlas pas sngags 'grub cing/ gang gi tshe sbyin sreg 'bum phrag bcu byas na de'i tshe sgrub pa pos gtor ma byin pa tsam gyis klu rnams char 'bebs te/ de la dkyil 'khor gyi cho ga

  73. 37a

    med do/ /dkyil 'khor gyi cho ga sngon du bsnyen pa 'bum phrag gcig dang/ sbyin sreg khri phrag gcig byas te de'i tshe klu rnams char 'bebs kyi rnam pa gzhan du ni ma yin no zhes pa rtsa ba'i rgyud du nges pa'o/ /da ni sprin bral ba brjod par bya ste/ 'dir gang gi tshe char ches par gyur na de'i tshe mdza' yas de dur khrod kyi thal bas khaM phor bkang bar bzhag par bya ste/ sngags pas dur khrod kyis ras la nye bar 'dug nas sngags 'di bzlas par bya'o/ /oM Arya sha ma shA na pri yA ya hUM hUM hUM phaT phaT phaT ces pas dral bar bya'o/ /'di la yang snga ma bzhin du bsnyen pa dang sbyin sreg dang bzlas pa'o zhes pa sprin dral ba'i cho ga'o/ /da ni rdo rje gri gug gi sgrub thabs brjod par bya ste 'dir gdul dka' i sems can rnams gdul ba'i don du rdo rje gri gug gi sngags bye ba bzlas pas sgrub par bya zhing sbyin sreg 'bum phrag bcu yis kyang ngo/ /de nas thod lo kor gyi sgrub pa bya ste/ thod lo kor bdud rtsi lnga dang lhan cig btags la ku tha ra tshin+na dang bcas pa'i ril bu mig 'bras kyi tshad tsam bya'o/ /de nas he ru ka'i khang bar song ste/ he ru ka'i zhal du bcug nas sngags 'di ji srid du sku gzugs kyi zhal gyis ril bu de sgrub pa po la gtod pa'i bar du bzlas par bya'o/ /oM badzra kard+ha ri he badzrA ya hUM hUM hUM phaT/ dngos grub gyi don du 'bum bzlas pa bya ste/ stan gcig pa'o/ /de nas 'grub par 'gyur ro/ /de bsgrubs nas ril pa'i mgrin pa la de'i ri mo bya'o/ /ri mo rgyal po 'khor dang bcas pa'i mgrin pa la mthong na gal te ril pa'i mgrin pa de bcad pa de'i tshe dgra rnams mgo bo med par 'gyur ro/ /rdo rje gri gu dag rdzogs so// //da ni rdo rje dgra sta'i sgrub thabs brjod par bya ste/ 'dir mu stegs pa'i lha rnams 'gas par 'dod pas rdo rje dgra sta'i thig le sgrub par bya'o/ /'dir yang sngags bsgrub pa snga ma bzhin du bya ste/ de nas rgyu skar

  74. 37b

    rgyal gyis nya ba la/ tshangs pa'i shing gi sa bon blangs te/ tshangs pa'i shing ni pa lA shar brjod par bya'o/ /de'i sa bon kun tha ra tshin+na dang/ bsres la cha mnyam pa mi bskyod pas btag par bya'o/ /btags nas dgra star bya zhing skam par bya'o/ /nyi ma bzas bzung ba na rkang pas mnan te bsngags bzlas par bya'o/ /oM badzra kuSh thA ra pA Ta ya pA Ta ya hUM hUM hUM phaT swAhA/ /'di bye ba bzlas nas snga ma bzhin du nyi ma bzung ba na nyin mtshan du bsgrubs nas de bdar bas dgra sta'i rnam pa'i thig le bya'o/ /byas pa nges lha gang la sgrub pa bos phyag 'tshal ba des 'gas par byed pa'o zhes pa lha dgyes pa'i cho ga'o// //da ni tsha ba'i rims kyi sgrubs thabs brjod par bya ste/ snga ma bzhin du sngags bsgrubs la/ de nas tsha ba'i rims byed par 'dod pas/ dug dang ske tshe dang/ tsi tra ka'i khu bas arka'i 'dab ma la dgra bo'i ming bri zhing de nas sa gzhi la sor brgyad du bskur bar bya'o/ /steng du phub ma'i me gzhag ste khri bzlas par bya'o/ /oM he badzra dzwA ra dzwA ra sha tru na b+hUM hUM hUM hUM phaT swAhA/ /de nas bsgrub bya rims kyis 'debs par 'gyur ro/ / 'dab ma phyung nas ba'i ma'i bkrus na grol ba'o zhes pa tsha ba'i rims kyi cho ga'o// //da ni chang skyug pa'i cho ga brjod par bya ste/ snga ma bzhin du chang skyug pa'i sngags bsgrubs nas/ de nas chang skyug par 'dod pas bsgrub bya'i lte bar yaM yig yongs su gyur pa'i rlung gi dkyil 'khor bsgom zhing/ de'i steng du maM yig yongs su gyur pa'i chang gi lto ba can skra grol ba char skyug pa bsgom par bya ste/ bsgrub bya chang skyug go /oM he badzra marya mud gi rA ya maM hUM hUM hUM phaT swAhA/ /zhes pa'i sngags brgyad lhag pa'i brgya bzlas par bya'o/ /chang skyug pa'i sgrub thabs so// //da ni dbang du bya ba brjod par bya ste/ snga ma lta bu'i ku ru kul+le sngags sngar bshad pa'i bye ba la sogs pa bzlas pa'i cho gas bsgrubs la/ de nas rab

  75. 38a

    chu myos ma dbang du bya bar 'dod pas mya ngan med pa'i brgyad pa la mya ngan med pa'i 'og tu song ste gos dmar po gyon nas myos byed kyi 'bras bu za zhing/ /kA ma tsi kA'i khu ba thig le byas la sngags bzlas par bya'o/ /oM ku ru kul+le h+rI(rgyud 'grel): a mu kaM me ba shI b+ha watu swAhA/ /khri bzlas pas 'ong ngo zhes pa dbang du byed pa'o/ /da ni zla ba dang nyi ma 'dzin pa brjod par bya ste/ sngon du bye ba phrag bdun bzlas te sngags pas sngags bsgrub par bya'o/ /de nas zla ba dang nyi ma 'dzin par 'dod pas sA lu btags pa las byung ba'i zla ba 'am nyi ma byas nas brlangs pas btsos te/ kham phor sor bzhi par rdo rje'i chu la gzhug cing sngags bzlas so/ /oM badzrarka mA tsa la ma tsa la tiSh+Tha tiSh+Tha he badzra ya hUM hUM hUM phaT swAhA/ nyi ma rnam par 'dzin pa la'o/ /zla ba rnam par 'dzin pa la ni/ /oM badzra tsan+d+ra zhes pa la sogs pa ste/ khri bzlas na zla ba 'am nyi ma gnas so/ /gci ba las gton na grol ba'o/ /de ltar zla ba dang nyi ma rnam par 'dzin pa'i cho ga'o// //da ni rdo rje skar rtsis la spra dbab pa la 'jug pa brjod par bya ste/ snga ma bzhin du sngags 'bum phrag bcu bzlas pa dang pad+ma dmar po rnams kyi sbyin sreg 'bum gyis sngags bsgrubs nas so/ /de la sngags ni oM na grA na grA ku mA ri ke di bya lo tsa le swAhA/ /zhes pa'i sngags 'dis dus ma yin pa'i dus su gzhon nu ma'i mig dag la brgyad lhag pa'i brgya mngon par bsngags te/ me tog dang bdug spos la sogs pa nye bar spyod pa lnga yis mchod nas snyan gsan dbab pa'o/ /bcu bzhi pa 'am brgyad pa la snga dro'i dus su bum pa bzhag nas de'i steng du/ 'o ma can gyi shing gi yal ga bkod cing 'bru mar zangs ma'i snod du bzhag ste/ rgya skyegs kyi khu ba snod gzhan du'o/ /sngags snga mas brgyad lhag pa'i

  76. 38b

    brgya mngon par bsngags te/ lag pa g.yon pa'i mthe bong rgan po rgya skyegs kyis bskus la til gyi til mar gyis bsku'o/ /de nas gzhon nu ma la bstan la sngags pas bsngags zlos shing gzhan la 'dri bar byas te nga'i rdzas sus khyer smros shig /dngos pa gzhan yang ci 'dra mthong zhes so/ /der des mthe bong mthong ste/ che ge mos rdzas khyer ro/ /dgos pa che ge mor 'gyur ro zhes smra bar byed do/ /rdo rje skar rtsis kyi ched du pra dbab pa la 'jug pa'i cho ga'o/ /da ni phyugs zlog pa'i ched du phyugs kyi snying po'i sngags brjod par bya'o/ /dang por oM yig byin te dbus su sngags kyi tshig rnams dang tha mar he badzrA ya swAhA/ /zhes pa 'bum phrag bcus bsgrubs la/ de nas phyugs rnams la sbyar bar bya'o/ /beDUrya be DU ya zhes brjod na lag ldan 'bros par 'gyur ro/ /marmA marmA zhes brjod na stag 'bros par 'gyur ro/ /til+li yA ti l+li yA zhes brjod na bse 'bras par 'gyur ro/ /i li mi li phu:phu(rgyud 'grel): zhes brjod na sprul 'bros par 'gyur ro/ /nor skyong 'dul ba'i phyag gi phyag rgyas khyi 'bros par 'gyur ro/ /oM shwA tiSh+Tha tiSh+Tha he badzrA ya swAhA/ /zhes pa dud 'gro zlog pa'i cho ga'o/ /de ltar dom la sogs pa rnams la gang gi ming gang yin pa de dbus su bcug ste/ oM yig dang po dang tha mar he badzrA ya swAhA/ /zhes pa de ltar sngags bzlas pa dang/ sbyin sreg gi cho ga sgrub pa ni grub pa rnams su 'gyur gyi glegs bam klags pa tsam gyis ni ma yin no zhes pa rtsa ba'i rgyud du bcom ldan 'das kyi nges pa'o/ /da ni rengs pa la sogs pa'i las rnams kyi lha'i rnal 'byor brjod par bya ste/ rdo rje ma dang zhes pa la sogs pas so/ /'dir rdo rje ma ni gzugs kyi phung po ste des rengs pa'o/ /gau rI ni tshor ba'i phung po ste des dbang du bya ba'o/ /chu yi rnal 'byor ma ni 'du shes kyi phung po ste des zhi bar byed pa'o/ /rdo rje mkha' 'gro ma ni 'du byed

  77. 39a

    kyi phung po ste des skrod pa'o/ /bdag med ma ni rnam par shes pa'i phung po ste/ des sdang bar byed pa'o/ /sa spyod ma ni reg bya rdo rje ma ste des 'gugs pa'o/ /mkha' spyod ma ni chos kyi dbyings kyi rdo rje? ma ste des gsod par byed pa'o/ /de bzhin du puk+ka sI ser mos rengs pa'o/ /ri khrod ma zla ba nor bu'i 'od can gyis zhi ba'o/ /gtum mos dbang du bya ba'o/ /g.yung mos skrod pa'o/ /rdo rje dbyings kyi dbang phyug mas sdang bar byed pa'o/ /ye shes kyi khams kyi gsor ba grub pa'o/ /de ltar phyi dang nang du thams cad rnal 'byor pas shes par bya'o/ /ser po dang dkar po dang dmar po dang nag po dang ljang khu dang sngon po'i kha dog rnams kyis rengs pa la sogs pa rnams te lha'i rnal 'byor gyis sngags bzlas pa dang sbyin sreg dang gtor ma'i cho gas bsgrub par bya'o zhes pa rtsa ba'i rgyud du bcom ldan 'das kyi nges pa'o/ /zhes pa kye'i rdo rje'i 'grel pa drug stong pa las rab 'byams sgrub par byed pa'i mdor bsdus chen mo ste yongs su bcad pa bdun pa'o/ /sngags kyi le'u ste gnyis pa rdzogs so// //drag po chags bcas mchog tu zhi ba'i gzugs/ /gang 'drar rgyal dbang gang gis bsgoms gyur pa/ /de 'drar de yis rang gi sems mthong ste/ //gzugs de thams cad smen pa'i sems yin no/ /'jug pa'i sems kyang sems gcig de yin te/ /thugs min thugs ni rnam thar gsum dag pa/ /dus gsum son pa kun nas rig pa po/ /rdo rje sems dpa' de la mgo sa btung nas/ /rtsa ba'i rgyud las rtogs pa yis/ /lha'i le'ur 'grel pa ni/ /sems can rnams kyis lam thob ched/ /rdo rje snying pos dri bar bya/ /bskyed pa'i rim pa gcig yin te/ /sems can chos la dmigs

  78. 39b

    pa'o/ /gnyis pa dmigs pa med pa ni/ /rdzogs pa'i rim pa sgrub byed pa'o/ /'dir nyung ngu'i rgyud du bcom ldan 'das kyis bka' stsal pa/ /de nas 'di las lha'i le'u bshad par bya'o/ /dang po byams pa bsgom par bya/ /zhes pa la sogs pa'i tshig rnams kyis dang po'i tshig rnams rtsa ba'i rgyud la 'jug par bya ste/ bar gyi tshig rnams dang/ mdza' i tshig rnams kyang ngo zhes pa'o/ /der bcom ldan 'das kyis bka' stsal pa/ gang gis sngags dang phyag rgya yis/ /rnam dbyes rnal 'byor bdag nyid 'grub/ /lha yi sgrub thabs cho ga ni/ /rdo rje snying pos bshad par bya/ /tho rengs dus su sngags pa yi/ /bshang gci dag ni dor ba dang/ /gtsang sbra la sogs byas rjes su/ /'jam pa'i stan la nyer 'dug nas/ /rdzas bcu'i rang bzhin ril bu ni/ /byas nas rang gi kha ru gzhug /bdud rtsi lnga bcas pa byung gis/ /mdun du maN+Dal byas nas ni/ /dri dang me tog la sogs pa/ /gau rI sogs la rim bzhin dbul/ dbang dkar gshin rjer tshem rkun ma/ /chu bdag phyogs su ro langs ma/ /nor sbyin lha mo mkha' 'gro ma/ /'og tu sa spyod ma gnas so/ /steng du mkha' spyod ma ru bshad/ /de la rim bzhin mchod par bya/ /dbang ldan lha mo puk+ka sti/ /mer ni de bzhin ri khrod ma/ /srin po'i mtshams su gtum mo ste/ /rlung du g.yung mo rim pa las/ /'khor lo'i dbus su kye'i rdo rje/ /bdag med ma dang lhan cig mchog/ /de ltar? sems can thams cad la/ byams dang snying rje sogs dran bya/ /de rnams mchod nas de nas naM/ /de yi sa bon rang lus dgod/ /ming thog yi ge'i sa bon ni/ /a yig bcas shing thig ler bcas/ /go ri gzugs kyi khams la son/ /dgra yi khams la chom rkun ma/ /dri yi khams

  79. 40a

    la ro langs ma/ /ro yi khams la g+hasmA rI/ /reg bya'i khams la sa spyod ma/ /chos kyi khams la mkha' spyod ma/ /mig la lha mo puk+ka sI/ /rna ba dag la ri khrod 'dod/ /sna la lha mo gtum mo'o/ /lce la g.yung mor 'dod pa yin/ /lus kyi dbang po kye'i rdo rje/ /bdag med ma ni yid la gnas/ /zhes pa rtsa ba'i rgyud du dang po yan lag dgod pa'o/ /gaM tsaM baM g+haM b+haM khaM paM shaM tsaM DaM haM naM/ zhes pa'i sa bon rnams bshad pa'i khams rnams la dgod par bya'o/ /de nas gnas bsrung ba bsam par bya'o zhes pa 'di lta ste/ re phas nyi ma mdun du rnams bsgoms nas/ /nyi dar hUM byung sna tshogs rdo rje ste/ /rdo rje de nyid kyi nir ba dang/ /gur bcing pa yang rnam par bsgom par bya zhes pa'o/ /'di nyid la rtsa ba'i rgyud du/ dang por re shig bsrung ba'i 'khor lo gdug pa can rlog par byed pa dang/ bgegs dang log par 'dren pha rnams phur bus 'debs pa sngags pas gro bo'i rgyal po'i sku yis bya ste/ phyis nas 'dod pa'i lha bsgrub par bya'o/ /shes rab dang thabs kyis bdag nyid kye'i rdo rje'i rgyud 'di ni rnal 'byor gyi rgyud de phyi nas bdag med ma'i sgrubs thabs kyi ngo bor rnal 'byor ma'i kun tu spyod pas rnal 'byor ma'i rgyud bshad par bya'o/ /de'i phyir rnal 'byor gyi rgyud kyi cho gas gshin rje gshed la sogs pa khro bo'i rgyal po'i dbang po rnams bsrung ba'i 'khor lo la bsgom par bya'o/ 'khor lo'i gtso bo ni rdo rje hUM mdzad de/ de yang kye'i rdo rje phyag drug pa'o/ /des na dang por re pheM yis nyi ma'i dkyil 'khor mdun du bsams nas de'i dbus su hUM yig yongs su gyur pa'i sna tshogs rdo rje gdong bzhi pa'o/ /sna tshogs

  80. 40b

    rdo rje de nyid dang/ /nyi ma gcig tu 'dres par gyur pas phyogs/ thams cad dang steng dang 'og tu rdo rje ra ba dang/ rdo rje gur dang/ rdo rjes gzhi bdud rnams thams cad kyis mi phyed pa dang/ ra ba'i phyi rol dang 'og dang steng du mtshon cha sna tshogs 'jigs su rung ba rnams sngags pas bsgoms par bya'o zhes pa'o/ /de las gzhan ni rtsa ba'i rgyud la 'jug par bya ste/ der bcom ldan 'das kyis bka' stsal pa/ khro bo'i rgyal po rnams kyi gdan/ /rim pa bzhin du rab bshad bya/ /zhal dang sku mdog phyag dang mtshon/ /g.yon brkyang stabs kyis zhabs rnams kyang/ /rdo rje gur gyi dbus su ni/ /b+h+ruM yig yongs su gyur pa yis/ /'khor lo rtsibs brgyad de las byung/ /gur gyi 'og dang steng du ni/ /rtsibs? ni gnyis po yang bya'o/ /re pha bcu gcig po rnams kyis/ /nyi ma'i dkyil 'khor rim ji bzhin/ /nyi ma'i rkang pa bcu gcig rnams/ /nyi ma de rnams kho na'o/ der ni nyi ma'i dkyil 'khor rnams/ /so so la ni hUM yig dgod// hUM yig las byung nyi mar gnas/ khro bo'i rgyal po rnams bsgom bya/ /dbus kyi nyi ma'i gdan la ni/ /rdo rje hUM mdzad 'dren pa bsam/ /sngon po zhal gsum phyag drug pa/ /g.yon brkyang stabs kyis zhabs kyi bzhugs/ /rtsa ba'i zhal ni sngon po ste/ /mche ba gtsigs shing drag 'jigs shing/ /g.yon dang g.yas pa dkar dang dmar/ /ji ltar rtse gsum gnas pa bzhin/ /rdo rje gri gu rtse gsum pa/ /g.yas pa'i phyag na rim pa bzhin/ /rdo rje dril bu thob pa dang/ /kha TwAM ga yang g.yon pa na/ /sna tshogs rdo rje ral pa mtshan/ /mi bskyod pa dang zla phyed can/ /phrag par mgo bo'i phreng ba nas/ /dbu nyid la ni thod pa can/ /nus pa'i phyag rgya lnga rnams ldan/ /stag gi pags pas

  81. 41a

    rked la dkris/ /spyan dgu pa ste lcags 'gyur zhing/ /sbrul gyi rgyan gyi brgyan byas pa/ /rdo rje hUM mdzad 'di lta bu/ /'dren pa de phyir sgoms par bya/ /hUM yig nag po las byung ba/ /shar gyi nyi mar bzhag par bya/ /gshin rje mthar byed nag cing drag /g.yon brkyang zhabs stabs kyis gnas pa/ /nag dang dkar dang dmar pa'i zhal/ /gsum pa chen po spyan gsum pa/ /phyag rgya lnga dang thod pa'i phreng/ /rked pa stag gi pags pa can/ /klu dbang sna tshogs rdo rjes mchan/ /kun la cod pan la ni rigs/ /de rnams mdog mtshon tha dad pa/ /de bzhin du ni zhabs rnams bzhi/ /dbyug pa 'khor lo rdo rje ni/ /g.yas pa'i phyag na rim ? thugs khar sdig mdzub zhags pa dang/ /dril bu dgra sta g.yon pa na/ /spyi bor sangs rgyas rnam snang mdzad/ /gzhan pa rdo rje cod pan yang/ /hUM yig dkar po las byung ba/ /dkar dang gnag dang dmar ba'i zhal/ /shes rab mthar byed lhor nyi mar/ /dgod de rin chen cod pan can/ /rdo rje 'khor lo dbyug pa ni/ /phyag g.yas rnams su bsgom par bya/ /g.yon par snying khar sdig mdzub zhags/ /dril bu dang ni dgra sta'o/ /hUM yig dmar po las rdzogs pa/ /dmar dang sngo dang dkar ba'i zhal/ /nub du nyi mar pad mthar byed/ /dgod de dpag med cod pan can/ /gtun shing rdo rje ral gri dag /phyag g.yas rnams su 'dzin par byed/ /thugs khar sdig mdzub zhags pa dang/ /dril bu dgra sta'ang g.yon pa na/ /hUM yig sngon po las rdzogs pa/ /don yod grub pa'i cod pan can/ /zhal ni sngo dang dmar dang dkar/ /mtshe ba gtsigs shing rnam 'khor zhal

  82. 41b

    sna tshogs rdo rje 'khor lo dang/ /de bzhin gtun shing g.yas pa na/ /dril bu sdigs mdzub zhags pa dang/ /dgra lha yang ni ? pa na/ /bgegs mthar byed pa nyi mar dgod/ /byang du bdud rtsi 'khyil pa'o/ /hUM yig sngon po las rdzogs pa/ /mi g.yo mer ni nyi mar dgod/ /zhal ni sngo dang dmar dang dkar/ /dpal ldan rnam snang cod pan can/ /ral gri rdo rje de bzhin du/ /'khor lo g.yas pa'i phyag na bsnams/ /thug khar sdig mdzub zhags pa dang/ / dril bu dgra sta g.yon na'o/ /hUM yig sngon po las grub pa/ /sngo dang dmar dang dkar zhal can/ /Tak+ki rgyal po bden bral du/ /rin chen 'byung ldan cod pan can/ /khams gsum rnam rgyal phyag rgya ni/ /phyag gnyis kyis ni 'dzin pa ste/ / g.yas na rdo rje ral gri dang/ /g.yon na sdigs mdzub lcags kyu'o/ /hUM yig sngon po las rdzogs pa/ /'od dpag med pa'i dbu rgyan can/ /rlung du nyi ma'i dkyil 'khor la/ /dbyug pa sngon po sngags pas dgod/ /rtsa ba g.yas dang cig shos zhal/ /dra mdza' i? sngo dang dmar dang dkar/ /dbyug pa 'khor lo de bzhin du/ /ral gri rim bzhin phyag g.yas na/ /g.yon par sdigs mdzub zhags pa dang/ /pad+ma dgra sta nyid kyang ngo/ /hUM yig sngon po las grub pa/ /don yod grub pa'i cod pan can/ /stobs po che ni mdog sngo ba/ /sngags pas dbang ldan nyi mar dgod/ /gnag dang dmar dang dkar ba'i zhal/ /gsus pa che zhing 'jigs su rung/ /dbyug pa ral gri de bzhin du/ /'khor lo rin chen phyag g.yas na/ /thugs kar sdigs mdzub zhags pa dang/ /rtse gsum dgra sta g.yon pa na/ /hUM yig ljang khu las grub cing/ /mi bskyod pa yis thod du byas/ /zhal ni ljang dang dmar dang dkar/ /gtso

  83. 42a

    po spyan gsum gsum pa 'phyang/ /g.yon dang g.yas pa'i phyag ngag gis/ /gtsug tor spyi bor 'dzin par byed/ /rdo rje pad+ma g.yas dag gis/ /sdigs mdzub zhabs pa g.yon na'o/ /nam mkha' nyi ma mnan byas pa/ /tshangs pa'i gnas su rnam par bsam/ /hUM yig nag po las rdzogs shing/ /mi bskyod pa yi thod byas pa/ /'og tu nyi mar gnod mdzes rgyal/ /gnag dang dmar dang dkar pa'i zhal/ /rdo rje 'khor lo de bzhin du/ /rin chen rim bzhin phyag g.yas na/ /snying kar sdig mdzub zhags pa dang/ /pad+ma ral gri g.yon pa na/ /de ltar khro bo'i tshogs rnams ni/ /'jigs su rung ba bsdoms byas nas/ /de nas sngags pas bsdus byas sde/ /de ni rang gi lus la gzhug /gshin rje mthar byed dpung g.yon la/ /g.yas la shes rab mthar byed dgod/ /lag pa g.yas par pad mthar byed/ /g.yas par bgegs mthar byed pa dgod/ / g.yon pa'i brla la mi g.yo ba/ /g.yas par 'dod pa'i rgyan po'o/ /rkang pa g.yon par dbyug sngon can/ /rkang pa g.yas par stobs bo che/ /mgo po'i gnas su gtsug tor che/ /gnod mdzes rgyal po bshad lam dgod/ /snying kar rdo rje hUM mdzad de/ /rang ming dang po'i yi ge dgod/ /yaM praM paM baM aM traM naM maM uM suM hUM/ /'di ltar bsrung ba'i cho ga ni/ /sngags pas rim pa bzhin byas nas/ /bdag nyid rdo rje hUM mdzad ni/ / khro bor bcas pa de nas bsgoms/ /bgegs kun rnams dang sdig pa rnams/ /gnod mdzes bka' bsgos phur bus gdab/ /oM g+ha g+ha g+hA ta ya g+hA ta ya/ /sarba duSh+Tan phaT phaT/ kI la ya kI la yaM/ /e su d+ha ni

  84. 42b

    sum bya hUM hUM/ oM grih+Na grih+Na hUM hUM/ oM grih+Na pa ya grih+Na pa ya hUM hUM/ oM A na ya ho/ bzhag ldan bidya dza ya hUM hUM phaT/ khro bo'i gzugs 'di blo ldan bas/ /bgegs dang log 'dren rnams bkug nas/ thams cad cho ga bzhin du ni/ /rnal 'byor 'di yis bur bus gdab/ /lte ba'i phyogs las 'og gi char/ /tshe gcig rnam par bsgom par bya/ /khro bo chen po bgegs mthar byed/ /steng du spyan gsum phyag drug pa/ /'og tu bgegs tshogs rnams bltas nas/ /de yi sngags ni brjod bya zhing/ /bgegs kyi lus la rdo rje yi/ /phur bus g.yo pa med par bsnun/ /oM g+ha g+ha g+hA ta ya g+hA ta ya/ sarba duSh+Tan phaT phaT/ kI la ya kI la ya/ sarba pA paM phaT phaT hUM hUM badzra kI la ya/ badzra d+ha ra Adz+nyA pa ya ti/ sarba big+ha nI/ /kA ya wAka tsit+taM/ kI la ya kI la ya/ hUM hUM phaT phaT/ phyag na rdo rje tho ba can/ /gnod mdzes rgyal po rnam bsgom bya/ /gsang sngags rig pas sngags 'di yis/ / rdo rje phur bu bsdigs par bya/ /oM badzra mud gar A ko Ta ya/ A ko Ta ya/ tiSh+Tha tiSh+Tha/ phyogs bcur phur bus btab nas ni/ /de nas gdug pa rnams bskrad bya/ /kun nas rdo rje'i me lce ni/ /rnam par 'phra ba bsam bya ste/ /gdug pa can rnams bros pa ni/ /da yis lus ni bsregs bzhin pa'o/ /nyung ngu'i rgyud nyid ni bsrung ba'i 'khor lo 'khrags 'khrugs te/ /de steng rnal 'byor pas gnas nas/ /zhes pa la sogs pas dang bas phur bus gdab pa'i mthar thug pa rnam par bsgom par bya'o/ bsrung ba'i 'khor lo'i nges pa'o/ /tshigs bcad bzhi rnams kyis zhes pa'o/ /de nas dam pa'i don du srid pa gsum po rang bzhin med par bsgom par bya'o/ dngos po

  85. 43a

    med la sgom pa med/ /sgom pa sgom pa nyid ma yin/ /de ltar dngos po dngos 'gyur min/ /sgom pa dmigs su med pa'o/ /dang po stong nyid byan chub sems dpa' gnyis pa la ni sa bon bsdu/ /gsum pa la ni gzugs brnyan rdzogs/ /bzhi pa yig 'bru dgod pa'o/ /de ltar bsrung ba'i 'khor lo rnal 'byor gyi rgyud kyi rjes su 'brang bar bya ste/ sngags pas de nas rang gi snying ka'i hUM yig gi 'od zer rnams kyis nam mkha' i mthil yongs su bkang nas mos pa ji lta ba bzhi du bla ma dang sangs rgyas dang byang chub sems dpa' dang bcas pa'i rje btsun gtso bo ma mo brgyad kyi yongs su bskor ba rang gi shes rab kyi 'khyud pa nam mkhar bsam par bya'o/ /de nas rdo rje de rnams slar log ste/ rang gi snying kar zhugs shing hUM yig las lha mo brgyad bcom ldan 'das mchod par bya ba'i ched du dbyung bar bya'o/ /'dir yang lugs las zlog pas tshigs bcad gcig gis te/ rang gi lus las 'od zer 'phro/ /nam mkha' i dkyil 'khor khyab byed pa/ /bsdud te snying kar dgug par bya/ /rnal 'byor zhe sdang bdag nyid 'gyur/ /rdo rje skye ba snying rje che/ /rje btsun nam mkhar bltas nas ni/ /rgyan rnams thams cad 'dzin pa yi/ /lha mo brgyad po rnams kyis mchod/ /dkar mo ri dags mtshan ma 'dzin/ /chom rkun bdud las rgyal ba'i snod/ /ro langs ma ni chu lag ma/ /g+hasma rI ni sman 'dzin cing/ /buk+ka sI ni rdo rje'i lag /de bzhin ri khrod ma ro 'dzin/ /gdol pa mo ni cang te'u brdung/ /g.yung mo chags pas gar mdzad do/ /zla ba khu ba nyi ma rdul/ /chu ni gci bar brjod par bya/ /sman ni rkang dang sha yin no/ /rdo rje rnam par snang mdzad bshad/ /ro ni ro drug yin par brjod/ /go ku sogs stobs cang te'u/ gar ni chang gi btung ba ste/ /'di rnams dam

  86. 43b

    tshig brgyad du bshad/ /rnal 'byor pa yis 'di rnams kyis/ /kye rdor gtso bo 'khor bcas mchod/ /de nas de mdun sngags pa yis/ /dkon mchog gsum la skyabs su 'gro/ sdig pa rnams ni bshags par bya/ /bsod nams la yid rang ba 'am/ /rang gi lus nyid dbul ba dang/ /lam la brten pa nyid kyang ngo/ /byang chub sems ni rab bskyed de/ /de nas sangs rgyas gshegs su gsol/ /stong pa nyid la dmigs don byed/ /slar yang 'di ltar rnam dpyad bya/ /rang bzhin med bas stong pa ste/ /rgyu med pa la mtshan ma med/ /rtag tu med las smon med cing/ /mngon par 'du byed spangs pa'o/ /skye dang 'gag pa med pa'i phyir/ /smon pa don ni med pa'o/ /sangs rgyas nyid med sems can med/ /chos dang chos can de nyid med/ /ji ltar sgyu ma rmi lam dang/ /dri za'i grong khyer ji lta bar/ /de ltar sangs rgyas sems can rnams/ /de kho na nyid bsgoms pas lta/ /ji ltar sgra brnyan de bzhin du/ /sangs rgyas rnams kyis chos ston pa'o/ /de ltar rnam par dpyad nas ni/ /'khor ba'i bar du srid pa ru/ /sems can rjes su gzung ba'i rgyud/ /byang chub sems dpa' gnas par mdzad/ /nyon mongs bdud dang snyoms 'jug dang/ /shes bya'i sgrib nyid kyang ni/ /khro bo chen pos nges bsregs kyang/ /cha shas tsam ni bsrung bar mdzad/ /byang chub sems dpa' dpa' bo che/ /sems can kun la brtse rnams kyis/ /sangs rgyas byang chub sems dpa' nyid/ /thams cad yongs su rnam dpyad nas/ /stong pa nyid la dmigs bya zhing/ /gsang sngags 'di ni brjod par bya/ /oM shU n+ya tA dz+nyA na badzra swa b+hA wa At+ma ko haM/ zhes brjod la de nas smon lam dran par bya ste/ smon lam gyi sems de sngags pa rang gi sems kyis lha'i nga rgyal 'gro ba rnams/ /rol par bya ba'i don du bsgom par bya'o/ /'dir 'chad par 'gyur ba'i dkyil 'khor gyi 'khor lo dur khrod brgyad kyis

  87. 44a

    brgyan pa bsams shing/ de'i dbus su pad+ma 'dab ma brgyad pa dang/ nyi ma'i dkyil 'khor dang de nas chos kyi dbyings kyi bdag nyid can gyis ro nyi ma'i steng du bsgom par bya'o/ /sangs rgyas mtshan gyi rgyu las ni/ /zla bar dbyangs rnams sum du gnyis/ /gsal byed brgyad cu nyi ma la'o/ /de dag dbus su hUM yig ste/ /de nyid sems dpa' che zhes brjod/ /lhan cig skyes dga' i rang bzhin te/ /me long mnyam nyid ye shes dang/ /so sor rtog pa'i rim pa las/ /de rnams gcig nyid bya ba bsgrub/ /gzugs ni yongs su rdzogs rgyu las/ /'di ni chos kyi dbyings bshad de/ /ye shes lnga pa mchog yin no/ /rnam lnga mngon par byang chub pa/ /kye'i rdo rje phyag gnyis bsgom/ /sngo dang skya rengs mtshungs pa'i mdog /bandu dam po'i spyan dang ldan/ /thod pa mgo bo'i phreng ba dang/ /mi bskyod pa yis thod du byas/ /'khor lo can dang rna cha can/ /mgul rgyan lag gdub ska rags nyid/ /sangs rgyas lnga ni rnam dag pas/ /phyag rgya lnga ru rab tu grags/ /'khor lo can la mi bskyod gnas/ /rna cha'i bdag nyid 'od dpag med/ /mgul gyi phreng ba rin chen dbang/ /gdu bu rgyal ba rnam snang mdzad/ /ska rags la ni don yod gnas/ /de ltar sangs rgyas rnams rag bzhugs/ /lha mo gti mug rdo rje sogs/ /mig sogs skye mched rnams la'o/ /g.yon na rdo rje thod pa dang/ /kha TwAM ga yang g.yon pa na/ /g.yas na rdo rje nag po ste/ /hUM yig 'don pa'i bdag nyid can/ /dur khrod du ni mgon po rol/ /rnal 'byor ma yis yong su bskor/ /dbugs rgyu zhes pa rig pa 'di/ /dur khrod ces par mngon par brjod/ /de ltar phyag gnyis pa'i sgrub thabs kyi nges pa'o/ /de bzhin du phyag bzhi pa'i sgrub thabs dang/ /phyag drug pa'i sgrub thabs lha'i le'u'i mthar thug pa go sla zhing/ des na 'dir ma bris te/ khyad par med pa'i phyir ro zhes pa dpal kye'i rdo rje'i 'grel pa drug

  88. 44b

    stong par lha'i sgrub thabs bstan pa ste yongs su bcad pa la brgyad pa'o// //lha'i le'u rdzogs so/ /me long mnyam nyid ye shes dang/ /gsum pa so sor rtog pa te/ /bya ba sgrub pa byed pa gzhan/ /chos dbyings rnam par dag pa ste/ /gzugs dang tshar ba 'dus shes dang/ /'du byed rnam par shes pa nyid/ /sa dang chu dang me dang ni/ /rlung dang lnga po stong pa ste/ /ye shes lnga po rnam dag pa/ /mngon par byang chub rnam pa lnga/ /shes bcu rnam dag bdag nyid can/ /shes bcu rnam dag 'chang ba po/ /rnam dag chos dbyings zhes bshad pa/ /skyes bu gang zag chen po ste/ /de nyid lha yi gzugs can pa/ /'gro ba'i gtso bo phyag 'tshal nas/ /sems can kun la phan ched du/ /dbang bskur le'u'i 'grel pa ni/ /rtsa ba'i rgyud kyi rjes 'jug pa/ /rdo rje snying pos dri bar bya/ /'di nyung ngu'i rgyud la dbang bskur gyi le'u'i don ni rtsa ba'i rgyud kyi don gyi sgo nas rig par bya ste/ /de'i phyir de nyid la 'jug par bya'o/ /'dir lha'i gzugs rdzogs pa na sngags 'di brjod par bya ste/ oM su bi shud+d+ha d+harmA d+hA tu swa b+hA wa At ma konya haM/ zhes pa lha'i gzugs rdzogs pa'o// //de'i phyir rtsa ba'i rgyud du bcom ldan 'das kyis bka' stsal pa/ bskyed pa'i rim pa ji lta bar/ /bshad bya rdo rje snying po nyon/ /sgong skyes dang ni mngal skyes te/ /srid pa bskyed pa'i rim pa gnyis/ /tshangs pa'i sgo nga sgo nga skyes brjod/ /'jig rten khams ni yang dag byung/ /bud med mngal nas skyes pa yang/ /gnyis pa mngal las skyes pa'o/ /dang por stong nyid byang chub ni/ /'chi mthar 'pho ba la bde'o/ /ma yi mngal du khu ba rdul/ /gnyis pa sa bon bsdu ba'o/ /srog rlung rnam par shes pa nyid/ /lnga po rnams kyis lus rdzogs pa/ /gzugs brnyan rdzogs par brjod par bya/ /rnam nga mngon par rdzogs byang chub/ /a ba d+hu tIr bde bas rgyal/ /phyi yi skye mched longs spyod che/ /bde pa chen po sang byed de/ /puk+ka sI dang ri khrod ma/ /gtum

  89. 45a

    mo de bzhin g.yung mo ste/ /sa dang chu dang me rlung gis/ /rmi lam gnas skabs rang bzhin las/ /byis pa de rnams kyis bslang ba/ /ma yi mngal nas phyir byung ste/ /sad pa'i gnas skabs thob pa ni/ mig la sogs par byin brlabs pa/ rnam shes drug pa rab sad las/ /yul lnga po rnams 'dzin par byed/ /rigs kyis byin pa rgyas gdab cing/ /byis pas rigs la'ang rgyas gdab pa/ /pha yis bu ni rgyas btab cing/ /bus kyang pha la de bzhin no/ /'bras bu rgyu la rgyas btab pa/ /rgyu yis 'bras bu rgyas btab cing/ /'bras bu byed rgyu'i 'brel pa ni/ /rnam par dpyad las dmigs su med/ /'bras bu byed rgyu brtag pa 'di/ /de phyir bshad par bya yis nyon/ /sa bon sdong po'i rang bzhin gyis/ /rgyu la 'bras bu'i mtshan nyid du/ /byis pa thams cad kun tu brtags/ /byed rgyu 'bras bur 'gyur ba ste? sa bon rgyal bltos nas ni/ /'bras bu'i shing ljon 'gyur de bzhin/ /shing sdong byed rgyu la bltos nas/ /sa bon 'bras bur de bzhin 'gyur/ /de ltar 'bras bur 'gyur/ /'bras bu la yang byed rgyur 'gyur/ /'bras dang byed rgyu gnyis dag 'gyur/ /de ltar de rnams bzhi nyid do/ /sa bon med par sdong po min/ /sdong po med par sa bon min/ /byed rgyu med par 'bras bu gang/ /dam bca' bya ba don med 'gyur/ /sangs rgyas thams cad bskyed pa po/ /sangs rgyas sras su slar yang 'gyur/ /bde ba gang gis phung por 'gyur/ de yis slar yang bde bar 'gyur/ /rdo rje sems dpa' zhes byar 'gyur/ /phung po'i 'chi las bde ba'o/ /phung po de yis skyed 'byed 'gyur/ /'chi dang 'pho ba'i rgyu las so/ /bde ba med par phung po med/ /phung po med par bde ba'ang med/ /rgyu med pa yi 'bras bu de 'bras bu med pas rgyu yod min/ /rgyu dang 'bras bu gnyis gnyis 'gyur/ /de ltar de rnam bzhi nyid do/ /der ni bzhi yis rgyas 'debs pa/ /su yi rab tu brtag par nus/ /slar yang bzhi po bzhi rnams kyis/ /spro dang bsdu ba'i chos las so/ /rnam par gnas med thal

  90. 45b

    'gyur bas/ /'khor ba'i srid pa'i bar gnas pa'o/ /skye dang 'jig pa'i chos kyi ni/ /rgyu dang 'bras bu srid par gnas/ /'bras bu dang rgyu 'gog pa yis/ /de dag skyed med 'jig? pa med/ /rgyu dang 'bras bu 'gog pa yis/ /ji ltar sangs rgyas su mi 'gyur/ /skye dang 'jig pa las grol ba'i/ /rnal 'byor pa rnams tham cad gzigs/ /bud shing dbyug las slar dbyug pa/ /dbyug las slar yang dbyug par 'gyur/ /de bzhin bsod nams las bsod nams/ /sdig pa las slar sdig par 'gyur/ /'bu zhig rbad las bud ba ltar/ /de bzhin sdig las bod nams 'gyur/ /bsod nams zad la sdig par 'gyur/ /shi ba'i lus la srin bur bzhin/ /ji ltar dngul chu spyod byed pa/ /dngul chu'i gnas skabs lngar brjod pa/ /de bzhin mkhas pas gnas skabs lngar/ /byang chub sems sngar shes par bya du tsi ti tsi ti'i sgra/ /sbal ba mchod pa nyid dang ni/ /'dar dang 'dar ba med pa nyid/ /dngul chu'i gnas skabs lnga ru bshad/ /'gyur dang 'gyur dang de nas 'jag /'dzag pa med dang dri med bzhan/ /bsam gtan pa yi byang chub sems/ /gnas skabs lnga ru 'gyur ba yin/ ba lci'i rten gyi sbyor ba yis/ /ji ltar dngul chu 'dzin byed pa/ /thabs kyi rten gyi sbyor ba yis/ /byang chub sems ni de ltar bzung/ /dngul chu 'dar ba med ma byas/ /sems ni dri med ma byas pa/ /lus phyed thar pa'i cher ma yin/ /nor phyed bde ba'i phyed ma yin/ /ji ltar zangs ma dpung? chus phug /slar yang zangs ma nyid 'gyur min/ /de ltar ye shes kyis phug lus/ /slar yang phyugs nyid 'gro ba min/ /sman mchog rnams kyi sbyor ba yis/ /ji ltar dngul chus lcags zos te/ /'dar ba med nyid gyur pa phug/ lcags rnams thams cad gser du byed/ /stong nyid gzugs brnyan sbyor ba yis/ /khams rnams ji ltar ba der zos nas/ /dri med byang chub son pa ni/ /gzhan gyi sems rnams byin rlob byed/ /rgyal ba yis ni nad rnams 'phrog/ bzhu ba yis ni dbul ba 'joms/ /bsgyur ba yis ni dngos grub ster/ /rjes su bsgyur bas 'chi med

  91. 46a

    nyid/ /rgyu mthun pas ni rgas pa 'phrog /rnam par smin pas dpal ster byed/ /skyes bu byed 'dis dngos grub po/ /dri ma med pas 'chi med ster/ /'chi na ma rig pa 'jug cing/ /de las 'du byed rnams skye'o/ /de nyid dang po'i mgon por bshad/ /zhal gsum rnam pa phyag drug pa/ /mi bskyod dang po 'jug pa gang/ /de las rnam par shes pa 'byung/ /de las ming dang gzugs su 'gyur/ /de nas khams drug bdag nyid can/ /skye mched drug go 'di rnams las/ /gzugs rdo rje sogs nges par 'byung/ /mig sogs rnams dang gzugs sogs rnams/ /lhan cig sbyor ba reg pa'o/ /de las tshor ba skye ba ste/ /de ni rin chen 'byung ldan nyid/ /spyid pa longs spyod bdag nyid sred/ /de nyid las ni nye bar skye/ /de las nye bar len par brjod/ /lag pa rkang pa rkyong? pa'o/ /de las srid pa skye 'gyur te/ /byis pa'i dbugs ni phyir 'byung ba'o/ /de las skye 'di 'du shes dang/ /byis pa rnams kyis rtag brjod pa'o/ /lus la sogs pa byin brlabs par/ /de 'di yongs su brtags pa ni/ /slar yang 'du byed shes par bya/ /so rnams lhung nas srid pa'o/ /byis pa skyes lam rnams ni/ /chu yis 'khru ba'i dbang bskur byed/ /de yi gtsug phung rab 'jog pa/ /cod pan du ni yongs su brtags/ /de yi rna ba 'bibs? pa sogs/ /dar dbyangs dbang bskur zhes par bshad/ /byis pa'i smra dang rgod pa ni/ /dril bu rdo rje'i dbang bskur ro/ /lnga pa longs spyod brtul zhugs yin/ /ming ni ming gi dbang bskur ba'o/ /klog pa la sogs rjes gnang la/ /pha dag gis ni rtag tu ster/ /de ltar rnam pa bdun gyis ni/ /dbang bskur bdun du rab tu grags/ /de yi bag me lan byed pa/ /dbang bskur gong mar brjod par bya/ /de yi shes rab gtong ba ni/ /de yi lag pa 'dzin pa brjod/ /shes rab thabs kyi snyoms 'jug pa/ /'chi ba las ni de bder 'gyur/ /lus bskyed pa ni bsnyen par 'gyur/ /srog 'byung ba ni sgrub pa'o/ /gnyis skyes sogs rnams slar skye ba/ /nye bar sgrub pa brjod par bya/ /shes

  92. 46b

    rab thabs ni snyoms 'jug pas/ /sgrub pa chen po tha ma'o/ /zhes pa skye ba skyed rim 'gyur/ /'chi ba sdud par brjod par bya/ /phung po mtshams sbyor 'pho ba med pa ma rig 'pho ba'i chos can no/ /'du byed la sogs thams cad kyang/ /spro ba pa ni sdud par 'gyur/ zhes pa rtsa ba'i rgyud du'o/ /'di nyid du bcom ldan 'das kyis bka' stsal pa/ lha dbang bskur ba'i cho ga'i le'u bshad par bya'o/ /rang gi snying ka'i sa bon las/ /'od zer nges par phyung ste/ /nag po dang sngon po'i 'od zer lcags kyu'i rnam pa can/ de rnams kyis khams gsum na bzhugs pa'i sangs rgyas rnams spyan drang zhing ma mo brgyad kyis yang dag par mchod de gsol ba gdab par bya'o/ /oM a b+hi Shiny+tsan+tu mAM sarba ta thA ga ta zhes pas so/ /de nas sangs rgyas de rnams he ru ka'i rnam pa'i gzugs kyis de bzhin gshegs pa lnga'i bdag nyid kyi bdud rtsi'i bum pa rnams kyi mngon par dbang bskur bar bya'o/ /dbang bskur bzhin ba na nam mkha' las me tog gi 'char 'bab par 'gyur ro/ /lha rnams kyis rnga bo che'i sgra rnams byed do/ /gur gum gyi char 'byung ngo/ /gzugs rdo rje ma la sogs pa rnams kyis mchod par byed do/ /spyan ma la sogs pa rnams kyis rdo rje'i glu rnams kyi glu len no/ /dbang bskur ba'i cod pan du rigs kyi bdag por 'gyur ro/ /'dis ni he ru ka rdzogs par 'gyur ro/ /de nas sku la sogs pa'i byin gyis brlabs pa'i sngags brjod par bya ste/ oM sarba ta thA ga ta kA ya wA ka tsit+ta badzra swa b+hA ba Ata ma konyhaM/ zhes pa'o/ /de ltar thun sum du byin gyi rlabs pa'i sgom pa bsgoms nas langs te/ dus thams cad du lha'i gzugs kyis gnas par bya'o/ /kye'i rdo rje'i 'grel pa stong phrag drug par/ lha dbang bskur ba'i le'u bstan pa lha? ? bcad pa dgu pa'o/ /lha dbang bskur ba'i le'u rdzogs so// //thog ma tha ma med zhi ba/ /dngos dang dngos med zad khyab bdag /stong nyid snying rje dbyer med pa/ /byang chub sems zhes bshad

  93. 47a

    pa ste/ /thog ma bar dang mthar dge ba/ /de nyid rin chen bde chen la/ /dngos po kun gyis phyag 'tshal te/ /le'u lnga pa'i 'grel pa ni/ /sangs rgyas de nyid ston byed pa/ /sems can kun la phan ched du/ /phyag rgya chen po'i 'bras thob ched/ / rdo rje snying pos bri bar bya/ /'dir bcom ldan 'das kyis bka' stsal pa/ de nas 'di las de kho na nyid kyis le'u bshad par bya'o/ /ngo bo zhes pa la sogs par gsal bar bya ste/ ngo bo dar ni rig par byed pa/ de bzhin gshegs pa'i ye shes te/ ngo bo des 'dzin pa byed pa dang/ gzung ba dang 'dzin pa thams cad khams bco brgyad kyi rnam 'gyur dang bral ba yis/ rnal 'byor pa rnams kyis phyi rol gyi gzugs med mthong ba po med mig med mig gi rnam par shes pa med do/ /de bzhin du nyan pa po med sgra med/ /rna ba'i rnam par shes pa med do/ /de bzhin du dri med snom pa po med sna'i rnam par shes pa med do/ /de bzhin du ro med myong ba po med lce'i rnam par shes pa med do/ /de bzhin du reg bya med reg pa po med/ lus kyi rnam par shes pa med do/ /de bzhin du chos kyi khams med 'dzin pa po med yid kyis rnam par shes pa med do/ /de ltar mig la sogs pa rnams kyang yod pa ma yin te/ de ltar khams bco brgyad dang bral ba'i de kho na nyid rin po che rnal 'byor pas bsgom par bya ste/ ma rig pa la sogs pa 'gog pas so/ /rtsa ba'i rgyud du bcom ldan 'das kyis gsungs pa/ 'gyur ba'i ma rig 'gog pa yis/ /'du byed nges par 'gog pa'o/ /'du byed nges par 'gog pa yis/ /rnam par shes pa 'gog pa'o/ /rnam par shes pa 'gog pa yis/ / ming dang gzugs ni 'gog par byed/ /ming dang gzugs ni 'gog pa yis/ /skye mched drug rnams 'gog pa'o/ /skye mched drug rnams 'gog pa yis/ /reg pa yang ni 'gog par byed/ /reg pa 'gog pa yis kyang ni/ /tshor ba nges par 'gog par byed/ /

  94. 47b

    tshor ba nges par 'gog pa yis/ /sred pa yang ni 'gog par byed/ /sred pa nges par 'gog pa yis/ /nye bar len pa 'gog pa'o/ /nye bar len pa 'gog pa yis/ /srid pa yang ni 'gog pa'o/ /srid pa yang ni 'gog pa yis/ /skye ba'ang nges par 'gog pa'o/ /skye ba 'gog pa yis kyang ni/ /rga shi nges par 'gog ba'o/ /phung po khams rnams nges 'gog pas/ /de nyid nye bar zhi bar bshad/ /de ltar lus ni 'gog pa yis/ /srog rlung yang ni 'gog pa'o/ /slog rlung nges par 'gog pa yis/ /byang chub sems ni 'gog pa'o byang chub sems ni 'gog pa yis/ /'dzag pa nges par 'gog pa'o/ /'dzag pa'i skad cig 'gog pa yis/ /rnal 'byor pa kun sangs rgyas nyid/ /de bzhin nyon mongs rnams 'gog pa/ /las rnams kyang ni 'gog pa'o/ /las rnams kyang? ni 'gog pa yis/ /sdug bsngal rnams kyang 'gog pa'o/ /sdug bsngal rnams kyang 'gog pa yis/ /de ni nyon mongs skye mi 'gyur/ /nyon mongs skye ba skye med par/ /las ni skye ba min pa nyid/ /de rnams skye ba med par ni/ /sdug bsngal rnams kyang 'byung ma yin/ /sdug med bde ldan rnal 'byor pa/ /rtag tu sems can don rnams byed/ /sdug pa dang ni mi sdug par/ /sems can rnams ni rnam rtog pa/ /de las nyon mongs pa rnams 'byung/ /de las kyang ni las skye'o/ /las las sdug bsngal skye ba ste/ /bde ba med na de las slar/ /dge ba bcu ni yongs spangs las/ bde ba gang las 'byung bar 'gyur/ /bde med sdug bsngal sems las ni/ /bsod nams tshogs ni ga las yin/ /lha dang sngags dang phyag rgya sogs/ /brtags pas byis pa rnal 'byor pa/ /bsod nams med par ye shes tshogs/ /gang las yang dag skye bar 'gyur// de dag med na sangs rgyas nyid/ /rdo rje sems dpa' mchog med do/ /de med na yang rang don dang/ /gzhan don yang dag 'byung ba med/ /rnam dag chos dang longs spyod rdzogs/ /sprul pa de rnams spro bar byed/ /sad pa rmi lam gnyid stug po/ /bzhi pa'i gnas skabs bzhi po

  95. 48a

    yis/ /rgyu 'bras gang tshe 'gags de'i tshe/ /sangs rgyas nyid du the tshom med/ /rdul med rdul bral dri ma med/ /nyes pa spangs pa skyon med pa/ /shin tu sad pa rnam sad bdag /kun mkhyen kun rig dam pa po/ /rgyu dang 'bras bu 'gog pa las/ /rgyal pa'i dbang po'i sku gzhan no/ /sku gsung thugs dang bde ba yang/ /gzhan te phung po'i tshogs pa'ang gzhan/ /sa sogs khams rnams gzhan pa ste/ /yul dang dbang po rnams kyang ngo/ /las kyi dbang po'i bya ba'ang gzhan/ /de bzhin las kyi dbang po yang thams cad nas ni phyag zhabs sogs/ /kun nas spyan dang dbu dang zhal/ /kun nas thos ldan 'jig rten du/ /thams cad khyab par byas te bzhugs/ /zhes pa rtsa ba'i rgyud du de kho na nyid kyi nges pa'o/ /da ni 'di sgrub pa'i ched du kun rdzob tu phyag rgya nyung ngu'i rgyud du gsungs 'di lta ste/ skyed byed ma dang sring mo dang/ /bu mo sring mo'i bu mo ni/ /shes rab thabs kyi cho ga yis/ /rnal 'byor rig pas rtag tu mchod/ /rnal 'byor zhes pa bzung ba dang/ /'dzin pa'i sems dag gcig pa nyid dang/ /rkyang ma dang ro ma dag gcig pa nyid dang/ /gtum mo dang khu ba dag gcig pa nyid do/ /de las nges par sgrub pa'i dbang phyug dang ldan pa ste/ tshangs par spyod pa mi 'gyur ba'i bde ba shes rab dang thabs snyoms par 'jug pas mchod par bya'o/ /phyi rol tu ni yul dang rigs kyi tha snyad kyis ma la sogs pa rnams so zhes pa'o/ /de bzhin du ? chos ma g.yung mo dang/ /gtum mo de bzhin bram ze mo/ /rnal 'byor rig pas zhes sngar bshad pa'i cho ga yis dang/ /shes rab thabs kyi cho ga yis/ /de nyid rig pas rtag tu mchod/ /dus thams cad du mi 'pho ba'i bde bas cho ga bsnyen par bya ste/ ji ltar bye bar mi 'byung bar bye ba ni nges pa'i don gyis khu ba 'pho ba'o/ /drang ba'i don gyis phyi rol du skye bos smod pa'o/ /de'i phyir ma la sogs pa rnams rnal 'byor pas 'bad pas bsten par bya ba bcom ldan 'das kyi nges pa ste/ gang gi tshe gsal bor bsten par byas na de'i tshe rgyal po'i rigs la

  96. 48b

    sogs pa rnams kyis byis pa'i rnal 'byor pa rnams la sdug bsngal steng bar byed do zhes pa'o/ /rigs lnga'i phyag rgya rnams shes pa thar pa'i rgyud ni brjod par bya/ zhes pa ste/ 'dir thar pa'i rgyur phyag rgya zhes bya ba/ de bzhin gshegs pa lnga'i rigs can yin la/ rdo rje yis te byang chub sems 'dis rgyas gdab bya/ /zhes pa phyag rgya ste a ba d+hA tI'o/ /'dir rdo rje zhes pa la sogs pa ma la sogs pa'i phyag rgya rnams 'khrags 'khrugs su gsungs mod/ rim pa ji lta ba bzhin du gzung bar bya ste/ 'dir ma ni de bzhin gshegs pa'i rigs dang/ bram ze mo dang/ ? ? ba'i pad+ma la'o/ /sring mo ni mA ma kI dang snying gar dang rdo rje'i rigs can ma dang/ g.yung mo'o/ /bu mo ni me'i khams dang/ pad+ma'i rigs can ma dang/ gar ma snye mgrin par ro/ /sring mo'i bu mo ni rlung gi khams dang/ las kyi rigs can ma dang tshos ma ste dpral bar ro/ /? ? rdo rje'i dbyings kyi dbang phyug ma dang/ nam mkha' i khams dang gtum mo dang/ rin po che'i rigs can ma ste/ gtsug tor du'o/ /mthar skyes ma ni ye shes kyi khams dang rdo rje sems dpa' i rigs can ma ste gsang ba'i pad+mar ro/ /de ltar lte ba las steng du phyag rgya'i rigs lnga po 'di/ mdor bsdus pa ni brjod par bya/ rigs ni rnam pa drug rnams brjod/ ces pa gtsug tor du nam mkha' i khams kyi rigs dang/ dpral bar rlung gi khams kyi rigs dang/ mgrin par me'i khams kyi rigs dang/ snying gar chu'i khams kyi rigs dang/ lte bar sa'i khams kyi rigs dang/ gsang bar ye shes kyi ? kyi rigs so/ /de ltar nam mkha' gtso bo'i yon tan ni chos kyi khams so/ /rlung gi yon tan gtso bo ni reg bya'o/ /me'i yon tan gtso bo ni ro'o/ /chu'i yon tan gtso bo ni gzugs so/ /sa'i yon tan gtso bo na dri'o/ /ye shes kyi khams kyi yon tan gtso bo ni sgra'i khams so/ /de bzhin du rna ba'i dbang po dang/ sna'i dbang po dang/ mig gi dbang po dang/ lce'i dbang po dang/ lus kyi dbang po dang/ yid kyi dbang po dang/ de bzhin du b+ha? ga'i dbang po dang/ ngag gi dbang po dang/ lag pa'i dbang po dang/ rkang pa'i dbang

  97. 49a

    po dang/ rkub kyi dbang po dang/ mchog gi dbang po'o/ /de ltar phyag rgya rnam par dag pa ste/ bshad pa 'dzag pa dang/ gci ba 'dzag pa dang/ 'gro ba dang len pa dang/ smra ba dang khu ba 'dzag pa ste/ de ltar rigs sum cu rtsa drug rnams kyi rigs drug go /de ltar khams sum cu rtsa drug rnams su rig par bya'o/ /de bzhin du rnam par shes pa drug dang/ 'du byed drug dang/ tshor ba drug dang/ 'du shes drug dang/ gzugs drug dang/ ye shes drug ste/ de ltar phung po dang khams rnams bdun cu rtsa gnyis so/ / de rnams kyang nyis 'gyur gyi mkha' 'gro ma'i dra ba sdom pa las lha rnams te/ dkyil 'khor sum cu rtsa drug rnams dang/ sum cu rtsa bdun pa he ru ka rdo rje phag mo dang bcas pa'o/ /de'i rigs gsum ste/ sku dang gsung dang thugs kyi 'khor lo bde mchog ste/ nyis 'gyur ni 'khor lo drug gi bde mchog go /kye'i rdo rje'i rgyud 'dir ni bcom ldan 'das kyis gsungs pa/ 'khor lo sdom par tshig gnyis kyis gsal bar mdzad de/ de nas sngags pa nyis 'gyur mchod/ /mkha' 'gro ma'i dra ba sdom zhes gsungs pa las so/ /'dab ma dang zhing la sogs pa nyis 'gyur te/ gnas bzhi rnams dang nye ba'i gnas bzhi rnams dang/ zhing bzhi rnams dang nye ba'i zhing bzhi rnams dang tshan do ha bzhi dang/ nye ba'i tshan do ha bzhi rnams dang/ 'du ba bzhi rnams dang/ nye ba'i 'du pa bzhi rnams dang/ /'thung gtsod bzhi rnams dang/ nye ba'i 'thung gtsor bzhi rnams dang/ dur khrod bzhi rnams dang/ nye ba'i dur khrod bzhi rnams te/ de ltar sa bcu gnyis rnams so/ /re re la yang dpa' bo'i dbang phyug ma bzhi dpa' bo dang bcas pa rnams so/ /de ltar 'khor lo drug la rnal 'byor ma bzhi bcu rtsa brgyad rnams te/ nam mkha' i 'khor lo la rdo rje mkha' 'gro ma brgyad rnams dang/ rlung gi 'khor lo la ral gri'i mkha' 'gro ma brgyad dang/ me'i 'khor lo la rin po che'i mkha' 'gro ma brgyad dang

  98. 49b

    chu'i 'khor lo la pad+ma'i mkha' 'gro ma brgyad dang/ sa'i 'khor lo la 'khor lo'i mkha' 'gro ma brgyad/ ye shes kyi 'khor lo la gri gug gi mkha' 'gro ma brgyad do/ /rdo rje nor bu stong pa'i mkha' 'gro ma brgyad de rdo rje rtse gcig pa 'dzin pa rnams so/ /gzhan rnams ni dur khrod bcu drug na dga' ba bcu drug las skyes pa mkha' 'gro ma bcu drug rnams te/ rna ba gnyis la gnyis dag dang/ sna yi bu ga na gnyis dang/ mig dag na gnyis dang/ lce dang 'phyang ma dag na gnyis dang/ spyi gtsug gi bu ga dag na gnyis dang/ bshad lam gyi sgo na gnyis dang/ gci ba'i sgo na gnyis par khu ba 'pho ba'i sgo na gnyis te de ltar rnal 'byor ma bcu drug rnams so/ /de rnams kyi dbus na gtso bo lhan cig skyes pa'i dga' ba stong pa nyid 'khyud pa bcom ldan 'das kye'i rdo rje phyag nyi shu rtsa bzhi pa ste 'khor lo sdom pa nyis 'gyur las so/ /dus kyi khyad par gyis bzhugs pa ste/ lo rnam par dag pa sku sngon po'o/ /bgrod pa rnam par dag pas dkar po dang dmar po'i zhabs so/ /dus gsum rnam par dag pas nag po dang/ dmar po dang dkar po'i mgrin pa ste/ mgo can la sogs pa'i zla ba bzhi rnams dus gcig go /chu srin la sogs pa zla ba gsum gyi bdag nyid can gyi dus bzhi rnams te/ de rnam par dag pas nag po dang/ dmar mo dang/ dkar po dang/ ser po'i zhal bzhi'o/ /de bzhin du mgo can la sogs pa rnams zla ba gnyis kyi bdag nyid can gyi dus tshigs drug rnams te/ de rnam par dag pas phrag la drug ste/ sngon po dang/ dmar po dang/ dkar po'i rang bzhin g.yas dang cig shos dag go /de bzhin du zla ba bzhi bzhi'i bdag nyid g.yas pa dang cig shos kyi nag po dang dmar po dang/ dkar po'i dpung pa bcu gnyis te zla ba bcu gnyis rnams la'o/ /de bzhin du phyogs kyi dbye bas phyag nyi shu rtsa bzhi'o/ /so sor tshes grangs so so'i dbye bas g.yon pa dang g.yas pa'i phyag gi tshigs kyi rtsa rnams so/ /sor mo'i tshigs drug cu lhag pa'i brgya phrag gsum ni lo'i chos kyi dbye bas so zhes pa'o/ /de ltar rigs drug gi bdag nyid can gyi

  99. 50a

    he ru ka dus kyi 'khor lo ste/ de kho na dang po'i sangs rgyas zhes kyang brjod par bya'o/ /'di'i zhal brgya yis mgo bo'i phreng ba ni rigs byed kyi yan lag brgya yin la tshangs pa'i mgo bo bcad pa rnams kyi rdo rje thod pa can chen po bcom ldan 'das so zhes pa'o/ /nyis 'gyur gyi mkha' 'gro ma'i dra ba sdom pa ni rigs drug gi bdag nyid can no// //rgyud gzhan dang gzhan du ni rigs lnga'i bdag nyid can no/ /de'i phyir rigs ni rnam pa drug bshad pa/ /mdor bsdus pas ni rnam pa lnga/ /sku gsung thugs kyi dbye ba yis/ /phyi nas rnam pa gsum nyid 'gyur/ zhes pa'o/ /de ltar bshad pa'i rim pas/ rigs dang 'byung ba lnga rnams dang/ /phung po lnga yi bdag nyid can/ /'di yis rags byed bgrang byed pas/ /rigs zhes mngon par brjod par bya zhes pa rigs drug dang/ rigs lnga dang rigs gsum gyis des pa'o/ /da ni de bzhin gshegs pa'i mtshan nyid brjod par bya ste/ /'di lta ste/ dpal ldan de bzhin nyid du gshegs/ /de bzhin nyid duAng byon pa nyid/ /shes rab ldan pa 'di yis ni/ /de bzhin gshegs pa mngon brjod bya/ zhes te/ 'dir shes rab stong pa nyid 'di dang ldan pa de stong pa nyid kyi gzugs dang lhan cig pa'o/ /de bzhin nyid du ste/ gsang ba'i pad+mar rdo rje nor bu'i mthar thug par mi gnas pa'i mya ngan las 'das pa'i sa la gtsug tor nam mkha' i khams nas dpral ba dang mgrin pa dang/ snying ga dang lte ba dang gsang ba'i pad+ma rnams la rlung dang/ sa dang chu dang me dang ye shes kyi rang bzhin gyi rdo rje btsun mo'i b+ha ga rnams su bzhugs par gyur to zhes pa dpal ldan byang chub kyi sems rdo rje gshegs pa'o/ /de bzhin du yang byon pa nyid/ /ces pa ji ltar 'og gi char gshegs pa de ltar rdo rje nor bu las gsang ba'i pad+ma ye shes kyi khams las byon pa ste/ lte bar dang snying kar dang mgrin par dang dpral bar dang/ gtsug tor du gyen du khu ba yis so/ /

  100. 50b

    de ltar na ji ltar gshegs pa de ltar byon pa grub ste/ yan lag bcu gnyis 'gog pas zhes pas sa bcu gnyis thob pa'o/ /ji ltar 'jig rten pa'i kun rdzob kyi dga' ba dang mchog dga' dang khyad dga' i dga' ba dang/ lhan cig skyes pa'i dbye bas dpral ba nas 'og tu byon pa de ltar zlog pas rgyu mthun pa dang rnam par smin pa dang/ skyes du'i byed pa dang/ dri ma med pa rnams kyi gsang ba nas dpral bar gshegs pa'o/ /de skad du yang gsungs pa/ lte bar rgyu mthun rab tu brjod/ /chos kyi 'khor lor rnam smin te/ /skyes bu byed pa longs spyod du/ /bde ba chen po dri ma med/ /ces pa nges pa ste/ 'chad par 'gyur ba la'o/ /de ltar na ji ltar tshes gcig la sogs pa cha bco lnga pa'i dbye bas kun rdzob tu gtsug tor mas gsang ba'i pad+mar cha rdzogs pa'i rang bzhin gyis 'og tu khu bas ye shes kyi sems song ba ste/ de ltar rdo rje nor bu las byung ba rnal 'byor gyi stobs kyi gsang ba'i pad+ma las bzlog pas tshes gcig la sogs pa'i cha'i dbye bas cha gang ba'i rang bzhin gyi steng du khu bas dpral ba'i pad+mar gshegs pa ste/ gtsug tor du cha bcu drug pa'i rang bzhin gyis so/ /de ltar 'khor ba? pa rnams kyis rdul gyi khams nag po'i tshes gcig la sogs pa'i dbye bas gsang ba nas gtsug tor du song ba gnam stong gi mthar cha bcu drug pa nyams pa'i dbye bas yin no/ /de kho nas sangs rgyas rnams kyis bzlog pas gtsug tor nas nag po'i tshes gcig la sogs pa'i cha'i dbye bas gnam stong gi mthar zla ba'i cha bcu drug pa nyams pa'i bye brag gis gsang ba'i pad+mar son pa'o/ /de skad du yang/ kun rdzob pas dang po'i sangs rgyas su gsungs pa/ lus can thams cad 'chi ba na/ /zla ba bdud rtsi 'og tu 'gro /steng du nyi ma rdul sgra gcan/ /rnam shes dngos po'i mtshan nyid do/ /de phyir zla ba bdud rtsi ni/ /steng du 'gro bya mi bskyod pa/ /'og tu nyi ma rdul sgra gcan/ /rnam shes 'gyur med bde ba la'o zhes so/ /don dam pas

  101. 51a

    'di nyid du 'chad par 'gyur ba/ byang chub sems ni zla bar 'gyur/ /bco lnga'i cha yis bdag nyid can/ /bde ba chen po A li'i gzugs/ /rnal 'byor ma rnams de yin/ /zhes pa dga' ba bcu drug gi nges pa'o/ /de bzhin du rigs kyi le'ur bcom ldan 'das kyis gsungs pa/ ji ltar rigs par rnal 'byor ma'i/ /skye ba dang ni gnas pa'i rgyu/ /nus pa ye shes rnam shes dang/ /lha rnams ji ltar 'gyur ba'o/ /he ru ka ni bskyed pa'i rgyu/ /dang por re zhig e waM 'gyur/ /lhan cig skyes dga' bde ba che/ /e waM yi ge 'gyur med che/ /zhes pa nges pa'o/ /rnam par mi rtog pa'i yid la ni/ /sgom pa po med bsgom bya med/ /sngags med lha ni yod ma yin/ /spros pa med pa'i rang bzhin las/ /sngags dang lha dag yang dag gnas/ /de nyid kyis na lhan cig skyes pa'i dga' ba'i rang bzhin gyis rnam par rtog pa'i rnyog pa mdza' dag nub pa'i ngo bos so/ /da ni phung po drug po rnams kyi kun rdzob dang don dam pa'i dbye ba brjod par bya ste/ rnam snang zhes pa la sogs pas so/ /'dir rnam par snang mdzad ni sa'i 'khor lo la 'dren pa'o/ /mi bskyod pa ni nam mkha' i 'khor lo la 'dren pa'o/ /'od dpag med ni chu'i 'khor lo la 'dren pa'o/ /rin chen 'byung ldan ni me'i 'khor lo la 'dren pa'o/ /don yod grub pa ni rlung gi 'khor lo la 'dren pa'o/ /sems dpa' can ye shes kyi 'khor lo la 'dren pa'o/ /de rnams kyang grangs ji lta ba bzhin du/ tshangs pa khyab 'jug zhi ba dang/ /thams cad rnam sad de nyid brjod/ ces pa kun rdzob tu sems can rnams 'og tu khu ba can rnams te/ don dam pas sangs rgyas rnams steng du khu ba can rnams so/ /tshangs pa myang 'das sangs rgyas te/ zhes pa bshad pa'i khams mi 'dzag pa nyid kyi phyir ro/ /'jug phyir khyab 'jug brjod par bya/ /gci ba'i khams rang gi lus la 'jug pa nyid kyi phyir te/ phyi rol tu 'byung ba med pa'i phyir

  102. 51b

    sangs rgyas khyab 'jug tu brjod par bya'o/ /rtog tu dge phyir zhi ba'o/ /zhes pa la dge ba'i tshul khrims ma nyams pa ste/ khu ba mi 'pho ba bde ba'i phyir sangs rgyas nyid ni zhi bar brjod par bya'o/ /thams cad kun bdag la gnas phyir zhes pa thams cad ni rin chen khrag gi khams te/ de 'pho ba med pa la sdug bsngal med la/ de med pa'i phyir/ bde sdug sel ba mthar 'byung ba/ /chags bral lus ni zad? pa po zhes pa'o/ /kun bdag la gnas ni lha'i mig dang gzhan gyi sems shes pas thams cad la khyab par byed pa nyid kyi phyir/ sangs rgyas ni thams cad ces par brjod par bya'o/ /rtogs pa med pas rnam sad do zhes pa mig la sogs pa'i dbang pos rtogs pa med pas don yod grub pa ni sha'i khams te/ de zad? pa nyid kyi phyir mi la sogs pa rnams 'du byed pa med la/ de med pa'i phyir rnams dang/ bdag rig gzhan rig thams cad pa/ /kun la phan pa'i gang zag mchog /'jig rten dpe las 'das pa ste/ /shes dang shes bya'i bdag po mchog /ces pas/ sangs rgyas ni rtog pa med pas rnam sangs rgyas/ zhes pa nges pa'o/ /dam pa'i bde bas de nyid 'gyur/ zhes pa la dam pa'i bde ba ni zag pa med pa stong pa nyid dang/ mtshan ma med pa dang/ smon pa med pa dang/ mngon par 'dus ma byas pa ste/ rnam par thar pa bzhi po gcig tu 'dres par gyur pa snying rje dang byams pa dang/ dga' ba dang btang snyoms dmigs pa med pa'i rang bzhin gyis/ dmigs pa'i shes rab dang thabs kyi bdag nyid can gyi de kho na nyid ni sangs rgyas yin no zhes brjod pa'o/ /de ltar na/ bden don rnam pa bcu gnyis pa/ /de nyid rnam pa bcu drug rig /rnam pa nyi shus byang chub pa/ /rnam dag mchog tu mi 'gyur rig /ces pa sangs rgyas bcom ldan 'das so/ /de ltar gsungs pa'i rim pas/ rigs gsum dang ni rigs lnga nyid/ /rang bzhin gcig pas rigs brgya'o zhes pa'o/ /de skad du mtshan yang dag par brjod par/ khro bo'i rgyal po gdong drug 'jigs/ /mig drug lag drug stobs dang ldan/ /keng

  103. 52a

    rus mche ba gtsigs pa po/ /ha la ha la gdong brgya la/ /zhes pa dang ni de bzhin du/ rdo rje 'bar ba mig mi bzang/ /mgo skyes rdo rje 'bar ba ste/ /rdo rje 'babs pa 'bebs pa che/ /mig brgya pa ste rdo rje'i mig /ces pa rigs brgya'i nges pa'o/ /de ltar kun rdzob dang don dam pa'i dbye bas 'jig rten pa dang 'jig rten las 'das pa'i de kho na nyid ni sgrib pa dang bcas pa dang/ sgrib pa med pa dang/ mtshan ma dang bcas pa dang/ mtshan ma med pa dang/ rnam par rtog pa dang bcas pa dang rnam par rtog pa med pa dang/ sgro btags pa dang/ sgro btags pa med pa dang/ nga rgyal dang bcas pa dang nga rgyal med pa ste/ sems can rnams dang sangs rgyas rnams kyis rten cing 'brel par 'byung ba'i yan lag bcu gnyis 'gog pas mi skye ba 'jug pa yang med pa'o/ /zhes pa rgyud gzhan thams cad du sangs rgyas bcom ldan 'das kyi nges pa ste mkhas pa rnams kyi rig par bya'o/ /da ni yang kun rdzob kyi chos kyi lha la sogs pa brjod par bya ste/ lus la 'byung ngo zhes pa la sogs pas so/ /'dir gang gi phyir lus 'byung ba lnga'i bdag nyid la kun rdzob kyi bde ba yang dag par 'byung ba de'i phyir lha zhes bdag gis brjod par bya'o/ /sangs rgyas 'di la b+ha ga mnga' / /des na bcom ldan 'das zhes brjod/ /b+ha ga rnam pa drug tu brjod/ /dbang phyug la sogs yon tan kun/ / dbang phyug dang ni phun tshogs dang/ /ye shes grags pa dpal rnams dang/ /skal pa bzang po yon tan nyid/ /b+ha ga'i sgra yis brjod par bya/ /yang na nyon mongs la sogs bdud/ /'joms phyir bcom ldan zhes pa'o/ /don dam pas so zhes pa thabs kyi nges pa'o/ /da ni shes rab brjod par bya/ /ma zhes pa la sogs pas so/ /'dir thabs ni pha de khu ba'i khams so/ /shes rab ma de rdul gyi khams so/ /bskyed pa ni las kyi byin gyis brlabs pa'i dri za'i sems can 'chi ba'i mthar gyur pa skye ba'i char gtogs pa'i kun

  104. 52b

    gzhi'i rnam par shes pa ste/ de kho na 'gro ba'i sgras brjod par bya'o/ /bcom ldan 'das kyis/ kye rgyal ba'i sras rnams khams gsum po 'di ni sems tsam mo zhes gsungs pa'i phyir ro/ /'gro ba ni de kho na'o/ /'gro ba skyed par byed do zhes pa shes rab ma ru brjod par bya ste rdul gyi khams so/ /de bzhin du skal ba can ni thabs te khu ba'i khams so/ /gang phyir rnam dbye ston pa'i phyir/ shes rab de kho na sring mor brjod par bya/ khams kyi rnam 'gyur so sos ba spu dang pags pa dang sha dang khrag gi'o/ /de bzhin du thabs ni spun zla ste/ gang gi phyir rtsa dang rus pa dang rkang gi rnam par dbye ba ston pa de'i phyir khu ba'i khams so/ /yon tan 'jo phyir shes rab de kho na ni bu mor yang dag brjod par bya ste/ yon tan rnams ni sgra dang reg bya dang/ gzugs dang ro dang dri dang chos kyi yul rnams te/ de rnams 'jo ba'i phyir na de 'dzin pa'i phyir ro zhes pa'o/ /de bzhin thabs bu ste mig la sogs pa rnams rab tu 'jug pa nyid kyi phyir thabs kyi khams so/ /de bzhin du shes rab ni sring mo'i bu ma ste yul la rnam par shes pa rnams rab tu 'jug pa nyid kyi phyir ro// thabs ni spun zla'i bu ste mig sogs pa rnams la rab tu 'jug pa nyid kyi phyir ro zhes pa'o/ /de bzhin du 'pho ba'i bde ba la 'jug pa nyid kyi phyir shes rab ni chung mar brjod do/ /thabs kyang khyo po ru brjod de phan tshun bltos pa nyid kyi phyir gnyis ka yang 'pho ba'i bde ba'i las so zhes pa'o/ /chags pa dang bral ba las shes rab ni reg min mthar skyes ma zhes brjod do/ /thabs kyang ngo zhes pa phyag rgya drug gi nges pa'o/ /khams kun rmongs par byed pa'i phyir/ /bram ze mo zhes brjod par bya/ /'tshed byed shes rab tshos ma'o/ /khams g.yo byed phyir gar mkhan ma/ /sreg byed phyir na gtum mor bshad/ /reg min phyir na g.yung mor bshad/ /de bzhin du thabs kyang shes bar bya ste/ bya ba lnga'i rang bzhin las so/ /de ltar thams cad phyir rol du de'i phyir mu stegs pa rnams kyis rig byed

  105. 53a

    la sogs pa rnams kyis rab tu brtags pa ste/ rang bzhin gyis bud med thams cad dang skyes pa thams cad mi'i rigs gcig tu yang dag par byung ba ste/ de rnams la rigs gzhan yod pa ma yin no/ /zhes pa rgyud gzhan thams cad du mkhon par dgongs pa'o/ /da ni khams kyi rang bzhin gyis sngags bzlas pa la sogs brjod pa zhes pa la sogs pas bshad par bya'o/ /'dir sems can thams cad kyi brjod pa ni A li kA li dbyangs dang gsal byed dag gi brjod pa gang yin pa ste/ de'i phyir brjod pa bzlas pa yin par bshad/ de kho na nyid kyi rnal 'byor pa rnams kyi'o/ /de bzhin du rkang pa'i rjes ni dkyil 'khor 'gyur/ /rkang pa dag gis sa gzhi nyid pa'i phyir dkyil 'khor du brjod par bya'o/ /de bzhin du lag pa bsgyur ba phyag rgyar 'gyur/ /sor mo nyid pa gang yin pa/ de bzhin du sems can rnams kyi gang sems pa de kho na bsam bya ste/ pha rol gyi sems shes pas rnal 'byor pa rnams kyis zhes pa'o/ /gang gi phyir bsam bral bsam bya ba/ zhes pa bsam bral zhes pa/ sems pa med pa ste/ rnal 'byor pa rnams kyis bsam bya gang yin pa'o/ /pha'i yul la 'chi ba'i mthar gyur pa skye ba'i char gtogs pa'i sems can gyis 'pho ba'i gnas skabs su thob pa'i bde ba gang yin pa'i bde ba de nyid ni lo bcu drug gi mtshams su skyes pas rang gi bza' bar bya ba'o/ /bud med kyis ni lo bcu gnyis kyi mtshams su longs spyod par bya'o/ /bde ba gang gis 'chi ba 'dir te/ 'khor ba pa rnams kyi 'khor bar skye ba dang gnas pa'i bde ba de kho na brtan par gyur pa ni rnal 'byor pa rnam kyi bsam gtan du brjod par bya'o/ /kye'i rdo rje'i snying po bdag gis 'di thams cad ni mdor bsdus pa'i kye'i rdo rje'i rgyud 'bum phrag lnga pa las/ 'bum phrag so so'i nang nas le'u so so las bsdus pa'i don bstan

  106. 53b

    pa ste/ le'u lnga pa rnams su'o// //'di las phyi ma spyod pa'i le'u la sogs pa ni rgya cher rtogs par bya'o/ /rigs kyi le'u ru tshigs su bcad pa sum cu rnams kyis 'bum phrag dang po las bsdus pa'i don to/ /sngags kyi le'ur tshigs su bcad pa bzhi bcu rnams kyis 'bum phrag gnyis pa las so/ /sa'i le'ur nyi shu rtsa bzhi rnams kyis 'bum phrag gsum pa las so/ /tshigs su bcad pa drug rnams kyis dbang bskur ba'i le'ur/ 'bum phrag bzhi pa las so/ /tshigs su bcad pa nyi shu rnams kyis de kho na nyid kyi le'u 'bum phrag lnga pa las so/ de ltar tshigs su bcad pa nyi shu lhag pa'i brgya rnams kyis bsdus pa'i don le'u lnga rnams su rnal 'byor pa rnams kyis rgya cher 'grel pa 'di yis rtog par bya'o zhes pa'o// //kye'i rdo rje'i 'grel pa ster phrag drug par/ de kho na nyid nges pa mdor bstan pa'i mdor bsdus chen po'o/ /de ltar de kho na nyid kyi le'u rdzogs so// //dpal kye'i rdo rje'i bsdus pa'i don gyis 'grel pa rdzogs so// //rje btsun byang chub sems dpa' sems dpa' chen po rdo rje snying pos mdzad pa'o/ /rgya gar gyi mkhan po pA? na shAM la dang/ lo tsha ba 'dro sa? dkar shAkya 'od kyis bsgyur ba/ /slad kyis rgya gar gyi mkhan po su b+hU ti shTi shAn+ti dang// //lo tsA ba cog gru ting nge 'dzin bzang pos zhus so// //yang slad kyis rgya gar gyi mkhan po rgyal po'i sras/ dpal 'jig med lha'i zhal sngar lo tsA ba snyol cod dge slong pra dz+nya kIr tis yul dbus 'gyur gyi dpes gtan la phab pa// //slar yang dpal ldan shong ston rdo rje rgyal mtshan gyis legs par bshad pa la sogs pa'i mthu las/ /brda sprod pa'i tshul rig pa'i dbang po tsA ba dpal ldan blo gros brtan pas// byang chub sems dpa' i 'grel pa bskor gsum gyi chul la shin tu dad cing blo'i snang ba rgyas pa'i dge ba'i bshes gnyen na lung pa chos grags dpal bzang pos/ slob dpon chen po zhi ba 'tsho'i zhabs dpon slob kyis mdzad pa'i/ dbu ma'i gzhung lugs chen po de kho na nyid bsdus pa rtsa 'grel gyi glegs bam bris

  107. 54a

    te yon du gnang nas yang dang yang du bskul ba'i ngor legs par bcos te bsgyur cing zhus nas gtan las phab pa'i yi ge pa ni 'dzad ston kun dga' rgyal mtshan zhes bya'o/ /'dis sems can mang po dpag tu med pa la phan par gyur cig /yan lag bcu gnyis srid rtsa bton/ /dag pa rnam pa bcu gnyis 'chang/ /kye yi rdo rje phyag 'tshal nas/ /spyod mchog le'u rgyas bshad 'di/ /'bum phrag lnga pa'i rjes 'brangs nas/ /'gro la snying rjes gdungs pa yis/ /rdo rje snying po ngas bshad bya/ /de la kye'i rdo rje'i dkyil 'khor du zhugs pa'i rnal 'byor pa sngon gyi dam bcas pa las mi 'dor ba la brtson pa dang ldan pas/ sems can kun gyi phyir spyod pa la 'jug par bya ba yin pas/ de nas gzhan yang rab bshad bya/ /spyod pas pha rol phyin mchog nyid/ /kye yi rdo rje dngos grub rgyus/ /gang gis dngos grub mthar 'gro ba zhes bya ba gsungs te/ de nas zhes bya ba ni de kho na nyid kyi le'u bshad pa'i rjes su bstan pa yin pas mtshams sbyar ba'i tshig go/ kye'i rdo rje'i dngos grub kyi rgyu'i tshul gyis khams gsum po kye'i rdo rjer 'grub par bya ba'i phyir/ spyod pa brtsams zhes bya ba'i don yin la/ de las gzhan pa'i spyod pa ni ma bstan te dgos pa med pa'i phyir ro/ /spyod pa'i dgos pa ni dngos grub mthar 'gro ba zhes bya ba yin te/ bdag dang de las gzhan pa'i skye bo rnams phyag rgya chen po'i dngos grub kyi mthar 'gro ba'i spyod pa brtsams zhes bya ba'i don to/ /de'i don yang rtsa ba'i rgyud nyid la 'jug par bya ste/ ji skad du/ cho ga yan lag kun ldan yang/ /spyod pa ma brtsams dngos mi grub/ /de bas phyag rgya'i dngos gru rgyu/ /chags med spyod pa 'di yin no/ /snying rje rnam par chad tsam gyis/ /sems can don gyi spyod mi 'grus/ /de bas snying rje dang ldan zhing/ /'bad pas spyod pa spyad par bya/ zhes bas 'di'i don yang shes par bya'o/ /de la spyod pa byed par 'dod pa'i rnal 'byor pas/ phyi nang gi dbye bas phyag rgya rnams bcing bar bya ste/ rgyud 'di nyid las kyang/ sgom pa po yis

  108. 54b

    rnam 'dzin pa/ rna ba dag las rna cha bzang/ /spyi bor 'khor lo rnam par gzung/ /lag pa gnyis la lag gdub gnyis/ /rked pa ska rags gnyis bskor gzung/ /rkang par de bzhin rkang gdub bo/ /dpung pa la ni dpung rgyan nyid/ /mgrin par dus phreng mgul to ste zhes bya ba gsungs te 'di'i don yang 'bum phrag lnga pa nyid na gsal bas de la 'jug par bya ste/ gal te spyod pa rtsom 'dod pas/ /sems can 'dun par bya ba'i phyir/ /mi bskyod 'khor lo'i gzugs nyid kyis/ /lus mchog la ni rnam brgyan te/ /srid pa gsum du 'khor los bskor/ /lus mchog la gnas chu rgyun gyis/ /cig car chos kyi 'khor lo bskor/ /'gro ba'i don chen byed par 'gyur/ /dpag med rna cha'i gzugs nyid kyis/ /rna ba dag la rnam brgyan te/ /srid pa gsum la chags par bya/ /de 'dis 'gro ba'i don byed 'gyur/ rin chen mgul rgyan gzugs nyid kyis/ /bdag gi mgul pa rnam brgyan te/ /'gro 'di ro yis btul byas nas/ /'gro ba chu bzhin 'ju bar 'gyur/ /rnam snang lag gdub gzugs nyid kyis/ /lag pa dag pa rnam brgyan te/ /'gro ba'i don la 'jug byas na/ /skye bo sa ltar brtan par 'gyur/ /don yod ska rags gzugs kyis ni/ /rked pa la ni rnam brgyan pa/ /'gro 'di rlung gis btul byas na/ /thog med rlung gis 'gro ba 'dul/ /byang chub sems kyis rang bzhin gyis/ /thal bas lus la rnam brgyan te/ /mchog gi spyod pa rab spyad na/ /bde ba'i yid kyis 'gro ba 'dul/ zhes gsungs pas 'di'i don rgyas par khong du chud par byas te/ nges pa'i don du sa dang chu dang me dang rlung dang nam mkha' dang ye shes zhes bya ba'i bdag nyid can 'khor lo drug la brten pa'i khu ba drug dang rlung drug phyir 'byung ba 'gags pas/ spyod pa spyad par bya ba yin la/ des skye bo gdul bar dka' ba thul bar 'gyur te/ gzhan du ni ma yin no/ /de bas na de 'gags pa'i brdar bstan pa ni/ 'khor lo la sogs pa drug du bstan te/ spyod pa byed pa rnams

  109. 55a

    kyis phyi'i gzugs rnams kyang bcang bar nges so/ /gzhan yang dpa' ba dang/ bde ba'i zas dang/ thabs dang shes rab la gnas pa dang/ rigs lnga'i tshul du gnas pa dang/ kha dog lngas ston pa dang/ rigs gcig tu bsdu ba dang/ kha dog dang rigs gzhan gyis mi rigs par byas la spyod pa spyad zhes su sbyar te/ de yang bsdus pa'i rgyud 'di nyid las ji skad du/ bgo ba stag gi pags pa nyid/ bza' ba mi 'chi bcu phyed de/ /he ru ka sbyor skyes bu nyid/ /kha dog lnga la rnam gnas te/ /rigs lnga dag dang mnyam ldan pa/ /rigs gcig tu ni rnam par brtag /gang phyir bye brag mtshon mi bya zhes bya ba ste/ nang gi phyag rgya drug 'gags pa las stobs dang/ gzi brjid 'di dag 'byung bar 'gyur te/ 'di ltar gnod sbyin gyi bdag po phyag na rdo rje lta bur cher drag la mi bzad pa rnams kyis kyang 'jigs skrag par mi 'gyur na/ 'jig rten pa phal pa lta bu rnams lta ci smos/ de bas na phyi dang nang gi bdud ma rungs pa rnams las rgyal bar bya ba'i phyir yang phyi rol tu stag gi lpags pa gos su gyon pa dang/ skye bo rnams 'dun par bya ba'i phyir lha'i yul nas bdud rtsi drang ba la sogs pa byas te bza' ba dang/ gzhan yang sngags kyi tshul du zhugs pa'i skye bo la phyi'i dngos grub kyi ched du'o zhes bya ba la sogs pa dang/ gzhan yang ba zhes bya ba'i sgra dang ldan pa'i mi 'chi bcu'i phyed po rnams sbyar ba la sogs pa bya ste/ rtog pa spangs la bdag bza' ba dang/ gzhan la sbyin par yang bya ste/ las kyi dang por gtogs par bya ba'i ched du'o/ /bdud rtsi za ba 'di'i nges pa'i don yang rtsa ba'i rgyud chen po nyid na gsal bas de la 'jug par bya ste/ de yang ji skad du/ bza' ba mi 'chi bcu phyed rnams/ /skye bo rtogs par ma gyur la/ /go la sogs pa'i rigs dngos nyid/ /rnal 'byor dbang phyug spyod pa yis/ /gci sogs phyi ru rgyu med pas/ /bsten cing de nyid thim pa ste/ /tshangs par spyod pa brtul zhugs mchog /dka' thub mthar phyin dka' thub

  110. 55b

    che/ zhes gsungs te/ de bzhin gshegs pa'i nges pa'o/ /gzhan yang rang nyid stong pa dang/ snying rje tha mi dad pa la gnas te he ru kar byas la/ phyi rol gyi skye bo gdul ba'i ched du rdul tshon la sogs pa gang dag kha dog lngar gnas pa de dang de bzhin gshegs pa lnga 'am drug gi yon tan dang ldan par bstan pas kyang gdul bar dka' ba'i skye bo 'dul la/ mos par 'gyur pa de bas rigs lnga dag dang mnyam par ldan pa bstan par bya ba dang/ de bzhin du chos kyi dbyings kyi bdag nyid pas kha dog dkar po/ /rigs dang mtshon thams cad par bsdus te/ bstan par bya ba yin pas/ rigs gcig tu ni rnam par brtag /zhes bya ba dang/ de bzhin du de ltar bstan pa de dag kyang/ sngags kyi tshul gyis las kyi dang por gtogs pa las gzhan pa/ nyan thos kyi lam la gnas pa dang/ rang rgyal ba'i lam la gnas pa dang/ mu stegs byed pa la gsar zhing sba bar bya ba yin te/ de bas na kha dog du ma nyid kyis ni/ gang phyir bye brag mtshon mi bya/ zhes bya ba'i don to/ /gzhan yang spyod pa'i mchog byed pas/ sems can rnams kyi don du nang gi ma rungs pa'i sems kyis dpa' bo he ru kar bsgrubs la/ kha dog ste rigs lnga'i bdag nyid du gnas par bya ste/ 'di ltar rgyal rigs dang/ rje rigs dang/ bram ze'i rigs dang/ dmangs kyi rigs dang/ gdol pa la sogs pa ste/ de rnams kyi nang du de rnams dang mthun pa'i lus su bsgyur? la/ spyod pa bstan par bya ba dang/ de rnams kyi nang du song ste/ rang rang gi rigs rnams sun phyung la rigs thams cad rdo rje'i rigs su rigs gcig par bsgrub par bya ba dang/ de bzhin du rje'u rigs kyi nan du rigs bzhi po mtshon par bya ba spas te/ de nyid dang mthun par zhugs te gdul ba'i chos bstan pa dang/ de bzhin du rigs thams cad kyi nan du phan tshun mi rig par bya zhing chos bstan pa dang/ de bzhin du las kyi phyag rgya bsgrub par bya ba'i ched du yang 'jig rten pa'i kha na ma tho ba spang bar bya ba'i rgyus rigs

  111. 56a

    gzhan gyi lus su bsgyur te las kyi phyag rgya bsgrub par nges so/ /de'i phyir rigs ni ma nyid dag gis/ /gang phyir bye brag mtshon mi bya zhes bya ba gsungs so/ /'di rnams kyi nges pa'i don ni rtsa ba'i rgyud nyid na gsal te de bas de la 'jug par bya'o/ / de yang ji skad du/ stong nyid he ru kar sbyor bas/ sa chu me rlung nam mkha' zhes/ /khu ba rlung gnyis gnas pa la/ /mi phyed lam du bcug byas pa/ /dus mdza' i me yis thal bar byed/ /nam mkha' bzhin du mtshon du med/ zhes bya ba gsungs te/ gang du stong pa zhes bya ba'i lam la gnas na ye shes gzi brjid mched par 'gyur la/ gzi brjid des khu ba'i rigs rnam ba lnga dang/ rlung gi rigs rnam pa lnga po ro mnyam zhing gcig tu 'dres par 'gyur ba nyid/ mtshon du med cing tha dad pa'i rang bzhin spangs pa'i sa gsungs ba ni de bzhin gshegs pa'i nges pa'o/ /gzhan du na sems rtse gcig bar mi gnas pas khu ba dang gci ba dang bshad pa la sogs pa ni/ rigs tha dad par gnas shing bye brag tha dad pa zhes bya'o/ /da ni sgrub pa po'i gnas kyi khyad par brjod par bya ba'i phyir/ bsdus pa'i rgyud 'di nyid las/ ji skad du/ shing gcig dang ni dur khrod dang/ /ma mo'i khyim dang mtshan dus sam/ yang na dben pa'am bas mdza' ru/ /de ru bsgom pa bzad bar brjod zhes bya ba'i don ni phyi dang nang gi bye brag gis phye la shes par bya'o/ /de yang re zhig gi phyi'i na las dang po pa'i sgrub pa po bdag yid nyams dga' zhing skye bo'i 'du 'dzis dben pa'i sa phyogs su bsgrubs na dngos grub kyi mtshan ma 'byung bar 'gyur la/ gnas de dag kyang mi ma yin pa gnas pa'i shing gcig skyes pa dang/ ma mo'i khyim zhes bya ba gnod sbyin mo dang sha za mo gang na gnas pa dang/ dben ba 'am bas mdza' ste yang na de las gzhan pa'i mi ma yin pa gang du 'du ba'i gnas mi rgod la sogs pas dben pa'i gnas de ru rnal 'byor pas 'khod la sems can thams

  112. 56b

    cad la snying rje chen po bskyed de/ de na gnas pa'i mi ma yin pa rnams la gtor ma dus gsum du btang zhing/ mi ma yin ba de dag la 'di skad ces kho bo 'di dang 'di lta bu zhig byed kyis de dang de khyed kyis bsgrub par rigs so zhes yang dang yang du bsgo ba na mi ma yin pa de dag gis kyang sgrub pa po la mngon par dga' bas las de sgrub bar byed la de grub bas gdod 'gro ba'i don byed nus par 'gyur ro/ /gnas 'di'i nges pa'i don ni ji skad du/ rtsa ba'i rgyud lam/ rang lus ri bo mchog yin te/ /de las skyes ba'i shing chen gang/ /rtse mos lha rnams smin byed cing/ /rtsa bas klu sogs smin par byed/ /yal ga de yis mi la sogs/ /yongs su smin byed shing de yin/ /de ru gnas par rab tu brjod/ /gang du dbugs ni mi rgyu ba/ /de ni dur khrod ces su bshad/ /ma mo'i khyim ni stong pa nyid/ /seng ge rnam rol phyag rgya'o/ /mtshan ma'i spros pas mi brdzi zhing/ /rtogs par dka' bas mtshan mo yin/ /sa bon yi ge phyag mtshan dang/ /kha dog dbyibs dang rigs mi mnga' / /phyag rgya sbyin sreg gtor mas dben/ /dben pa 'am bas mdza' de yin la/ /bsgom pa bzang po'ang? de nyid yin/ zhes bya ba ni de bzhin gshegs pa'i nges pa'o/ /spyod par nus pa'i tshang bstan pa'i phyir/ cung zad dror ni thob pa na/ /gal te spyod pa byed 'dod pa/ /'on te 'grub 'gyur 'dod yod na/ /'dis ni spyod pa spyad ba nyid/ /ces gsungs te/ 'di'i don yang/ rtsa ba'i rgyud nyid la 'jug par bya ste/ de yang ji skad du/ gal te spyod 'byed 'dod pa /yan lag drug sbyor gang yin te/ /du ba smig rgyu la sogs pa'i/ /drod ni dang por bskyed par bya/ zhes bya bar gsungs te/ 'di'i don ni yang rnal 'byor pas sems can gyi don du spyod pa byed par 'dod pa rnams kyis/ /dang por du ba dang smig rgyu la sogs pa rnams kyis drod bskyed nas spyod pa la 'jug par bya'o/ /gzhan du na 'jig rten pa'i bzhad gang du 'gyur ro/ /des skyes bu 'dod chags can rnams 'dul bar bya ba'i ched du/ 'pho ba

  113. 57a

    med pa'i ye shes nyams su blangs la gdod/ /shin tu bzhin bzangs mig yangs ma/ /rang gi dbang bskur snying rje can/ /btsun mo rdo rje'i rigs bzung la/ /spyod par bya bar brtags par bya/ /rdo rje'i rig kyi dngos med na/ rang 'dod lha yi rigs kyis bya zhes bya ba gsungs te/ 'di'i don yang gdol pa'i rigs las byung ba'i bu mo skyes bu gzhan gyis reg par bya ba ma yin pa 'am/ yang na rigs gang yang rung ste gzugs dang lang tshes brgyan pa la byang chub kyi sa bon gyis sbyangs te zhes bya ba rang gi de la mi dad pa med par snyoms par 'jug pa'i las byas la/ bde ba'i byang chub kyi sems des de'i sems sbyangs la/ de dang lhan cig kun tu 'gro bar bya zhing rdo rje'i glu la sogs pas skyes bu 'dod chags can rnams gdul ba dang/ don yod grub pa'i rigs las byung ba'i gar bya ba ste/ de ni rgyud bsdus pa 'di nyid las ji skad du/ gal te dga' bas glu blangs te/ /de tshe rdo rje mchog dang ldan/ /gal te dga' ba skyes pa na/ /thar pa'i rgyus ni gar bya'o/ /de tshe rdo rje rkang pas gar/ rnal 'byor mnyam par bzhag pas bya/ /zhes bya ba gsungs pa la/ 'di'i nges pa'i don yang 'bum phrag lnga pa las ji skad du/ stong nyid ma skyes zhi ba ni/ /bud med ces su de brjod cing/ /rtsa yi mdud pa bcu drug nas/ /bde ba'i thig le bcu drug 'byung/ /bcu drug lo yang de yin la/ /sems kyi sbyangs pa'ang de yin no/ /de bzhin du bde ba'i nga ro ni glu dang bde bas g.yo ba'i gar dang/ bde ba'i rigs pas 'gro ba'i rkang pa dang ldan pas gnas par bya ba ste/ rnal 'byor mnyam par bzhag par bya zhes bya ba ni nges pa'i don to/ /gzhan yang 'khor lo'i gzugs kyis mi bskyod pa zhes bya ba nas ska rags la ni don yod gnas zhes bya ba'i don ni sngar bstan pa nyid do/ /de las

  114. 57b

    gzhan pa'i don rnams ni 'di lta ste/ kha TwAM gzugs kyi shes rab dang/ /thabs kyi gzugs kyi cang te'u nyid/ /zhes bya ba gsungs te/ kha ni nam mkha' i gzugs can no kha TwAM ni dka' thub kyi gnas pa yin la/ bsdus pa'i don gyis chos thams cad nam mkha' i rang bzhin du gnas zhes bya ba'i don to/ /Da ma ru'i skra ni khams gsum? du sems can thams cad la cig car du chos kyi 'khor lo bskor ba'i don to/ /de pas na kha TwAM ga dang cang te'u gzung ba nyid la nyon mongs pa las zhe sdang bskyed cing dbugs phyir rgyu ba dang nang du 'jug pa dang gnas pa gsum ni A li kA li nyid de/ ngo bos ni de'i phyir/ glu ni rnam dag sngags su gsungs/ /gar ni bsgom par bya ba nyid/ /de yi phyir na glu dang gar/ /rnal 'byor pas ni rtag tu bya/ /zhes gsungs pa dang/ de bzhin du/ sman ni rnam par bza' ba ste/ chu ni rtag tu btung ba nyid/ zhes bya ba yang rnam pa gnyis su rtogs par bya ste/ phyir ni 'jig rten pa'i dngos grub kyi don du dri chen dang/ dri chu rnams sbyang ba dang spel ba la sogs pa byas la/ rtog ba med pas bza' ba yin la nga'i stobs kyis/ rga shis zil gyis mi non cing zhes gsungs so/ /nges pa'i don rtsa ba'i rgyud las/ ji skad du/ g.yon pa'i steng 'og shes rab thabs/ /'byung 'jug bral ba zos pa yin/ /g.yas pa'i steng 'og shes rab thabs/ /'byung 'jug bral ba btung ba nyid/ ces bya bar gsungs te/ des rga shi zil gyis mi non zhing/ rtag tu bsrung bar 'gyur ba yin/ zhes bya ba ni nges pa'i don yin la/ gzhan du na phyi'i dri chen dang dri chu zos shing 'thungs pas ni rga shis zil gyis mi non par 'byung bar mi 'gyur te 'jig rten pa rnams kyis kyang dbya bar 'gyur ro zhes pa ni nges pa'o/ /gzhan yang rkun ma'i skra la cod pan byas la/ de la hUM 'byung spyar bar bya/ /sangs rgyas lnga yi thod pa rnams/ /rnal 'byor spyod pas rnam par 'dzin/ /thod pa sor lnga pa yi char/ /byas pas cod pan 'dzin par byed/ /thabs dang shes rab rang bzhin las/ /skra yi ska

  115. 58a

    rags gnyis bskor nyid/ /thal ba skra yi mchod phyir thogs/ /rnal 'byor pa yi spyod pa 'dzin/ /zhes bya ba gsungs pas/ dge ba'i chos thams cad dbrog par bya ba'i phyir/ rkun ma'i skra ces bya ba'i rtsa las cod pan du brda bya ba dang/ de ru hUM las yongs su byung ba'i rdo rje rgya gram yongs su bzung ba ste/ sems can gyi don sna tshogs pa byed pa'i phyir ro/ /mngon par rdzogs par byang chub pa rnam pa lnga dang/ rnam pa nyi shu mngon par rdzogs par byang chub pa'i tshul gyis/ gang ba dang bzang po la sogs pa zla ba yar ngo'i lnga tshan rnams kyang yin la/ /de'i phyir a i ri u li zhes bya ba sa dang chu dang me dang rlung dang nam mkha' i chos can du shes par bya ba'i phyir/ sangs rgyas lnga'i thod ba rnams zhes bya ba la sogs pa dang/ thod pa sor lnga pa'i cha zhes bya ba la sogs pa rgyas par gsungs so/ /de bzhin du 'jig rten pa'i lha nga rgyal can rnams gdul bar bya ba'i don du/ mi ro'i skra'i ska rags gnyis bskor dang/ dbang phyug chen po'i brtul zhugs kyi ched du thal bas lus la byugs pa dang/ tshangs pa'i brtul zhugs kyi ched du mi ro'i skre'i tshangs skud dang/ lha rnams kyi dga' ba'i rtse mo'i ched du cang te'u gzung ba dang/ dbang phyug chen po'i rgyal mtshan gyi ched du keng rus gzung ba dang/ thod ba'i dum bus brtul zhugs kyi ched du rdo rje'i thod pa bzung bar bya ba ste/ 'di dag bzlas dang bsgom pa yin zhes gsungs so 'di'i nges pa'i don yang rtsa ba'i rgyud las/ /ji skad du/ stong nyid snying rje'i mi phyed phyir/ /skra yi ska rags brjod pa yin/ /thal ba byang chub sems su gsungs/ /khu ba mi 'bed tshangs spyod phyir/ /skra yis mchod phyir thogs pas brgyan/ /de bas tshangs spyod brtul zhugs mchog /cang te'u bde ba'i sgra yis ni/ /'jig rten gsum po dbugs 'byin cing/ /stong pa'i rnam pas kha TwAM ga /bde ba lus skyod thod par brjod/ /de phyir/ 'di dag bzlas dang bsgom pa yin zhes gsungs so/ /gzhan yang spyod pa byed pa'i rnal 'byor pas ngo tsha ba dang dogs pa la sogs

  116. 58b

    pa rnam par ma spangs pas spyod pa byed pa ni 'jig rten pa'i bzhad gang du 'gyur la/ /sems can don du yang mi 'gyur ba de'i phyir/ /brkam dang rmongs dang 'jigs pa dang khro/ /ngo tsha'i 'bras bu rnam par ?/ zhes gsungs so/ /de bzhin du de nyid ji snyad? du?/ nges par mngon du lta min gang/ /brgya byin lta bu yin na yang/ /de la 'jigs par mi bya ste/ seng+ge'i gzugs kyis rnam par rgyu/ zhes gsungs te/ de bas na dogs pa dang bag tsha ba mi bya'o/ /de ltar spyod pa byed pa'i rnal 'byor pas le lo la gnas par mi bya ste/ le lo dang ldan pa'i gnyid spangs la/ gti mug chen po gnyid la gnas te sbyor pa spyad do/ /de'i phyir/ bdag nyid kyis ni gnyid spangs nas/ /the tshom med par spyod pa bya/ /zhes pa dang/ de bzhin du bde bar gshegs pas kyang dka' ba mdzad pa'i dus su rgyal srid kyi 'byor ba dang btsun mo 'khor rang nyid kyi sku lus kyi mthar thug pa sems can gyi don du btang ngo/ /spyod pa byed pa'i rnal 'byor pas kyang rang gi lus la bltos pa med par bya ba yis/ lus kyi sbyin pa byin nas ni/ /phyi nas spyod pa yang dag brtsams/ /zhes gsungs te/ de yang nam mkha' gos su gyon par bya'o/ /pa mi srun pa dang khyi mi srun pa dang/ byis pa'i skye bo ma rungs pa ngan du smra ba rnams ni chos ston pa'i bla mar brtag cing nyi ma'i tsha bas gdungs pa dang grang bas nyen pa dag brjod par bya ba'i gzhi yin no/ /de las gzhan pa'i bdog pa sbyin pa gtong ba na sbyin par bya ba'i gzhi'i khyad par du mi dbye ba ste/ mdun du ji ltar snang ba de la sbyin par bya ba nyid pas/ skal dang skal min rnams spyad pas/ /de phyir sbyin ba sbyin mi bya/ /zhes gsungs pa dang/ de bzhin du/ rtog pa med pa'i tshul gyis ni/ / bza' bca' de bzhin btung ba nyid/ /ji ltar rnyed pa rab tu bza' / /yid 'ong mi 'ong mi rtog phyir/ /zhen pa tsam du mi bya'o/ /bza' dang bca' min spyod pa dang/ /de bzhin btung dang btung min nyid/ /'gro dang 'gro min sngags pa yis/ /rnam rtog nyid du mi bya'o zhes

  117. 59a

    gsungs te/ 'di'i don yang ro dang ?bcags? pa tsam gyis bza' ba dang/ btung ba dag la bye brag mi dbye ba la/ las kyi phyag rgya bsgrub par bya ba'i phyir rigs bzhi'i bud med la bgrod par bya ba ma yin zhes bye brag mi dbye ba'i don to/ /gzhan yang rdo rje slob dpon ni rang gi 'dod pa'i lha dang tha mi dad par bkur bar bya ba'i phyir/ bdag gis rig pa 'dzin pa'i sa la gnas pa yin yang dor bar mi bya ste/ dngos grub rnyed pa'i slob ma gang/ /yang dag ye shes snang ba bo/ /mnar med spangs pa rgyu yi phyir/ /grub pas bla na ? mngon phyag bya/ zhes bya ba gsungs te/ zla ba zla ba'i tshig 'dis ni dus gsum gyi sangs rgyas rnams kyang dus gsum du nyid kyi 'dod pa'i bla ma la gus pa dang bcas pas 'dud na/ slob ma la zhugs pa'i las dang po pa rnams kyis ci'i phyir spang zhes bya ba'i don to 'di'i nges pa'i don ni sngon du rgyas par bkrol ba nyid do/ /gzhan yang spyod pas bslab pa dang dbang bdun dang sbyin sreg dang mchod sbyin dang dka' thub dang sdom pa la sogs pa 'jig rten gyi tha snyad rnams la ched cher gzung bar mi bya ba nyid dang/ yang na phyi rol pa'i lha zhi ba la sogs pa'i bslab ba dang sbyin sreg la sogs pa la ched cher mi gzung ste/ de bas na de'i phyir/ bslab dang dbang las rnam par grol/ /de bzhin ngo tsha'i 'bras bu nyid/ /dngos po kun gyi rang bzhin 'di/ /rnal 'byor snying rje chen pos spyad/ /sbyin sreg mchod sbyin bka' spyod 'das/ /sngags dang bsam gtan rnam par spangs/ /dam tshig sdom las rnam grol te/ /rnal 'byor ldan pas spyod pa bya/ zhes gsungs so/ /de bzhin du gzhan yang sems can kun gyi don gyi phyir/ /snying rje rtag tu btung bya ste/ /rnal 'byor btung dga' ? rnal 'byor pas/ /btung ba gzhan gyi bza' mi bya/ zhes bya ba smos te/ don 'di yang phyi dang nang gnyis su go bar byas la/ de yang 'jig rten pa'i mthun 'jug tu tshogs dang dpa' bo'i bza' ba la sogs pa'i dus su ni/ 'bru la sogs pa'i chang rnams myos pa ma

  118. 59b

    yin pa'i bar du btung ba yin la/ nges pa'i don du ni btung ba gzhan zhes bya ba 'jig rten pa rnams myos par byed cing bya ba ma yin pa byed pa'i rgyun? 'brum dang sa la sogs pa sbyor ba'i chad rnams skra'i rtse mos kyang btung bar mi bya'i/ bla ba byang chub sems kyi chang gi rgyun gi btung ba la rgyan ma chad par 'khrungs? pas/ bdag gi lus la sogs pa bde ba'i rol brlan par bya ba ni nges pa'i don du de bzhin gshegs pas gsungs so/ /kye'i rdo rje'i nges pa'i don gyi rgya cher bshad pa las spyod pa'i le'u'i rgya cher bshad pa ste drug pa'o// // bcu drug phyed phyed thig le can/ /ston pa longs spyod rdzogs sku la/ /phyag 'tshal nas ni ts+tsha ma yi/ /rgyas bshad rdo rje snying pos bris/ /de nas brda'i le'u bshad par bya'o zhes gsungs pa la/ brda' ni rnam pa gnyis su go bar bya ste/ de yang ji skad du/ rtsa ba'i rgyud nyid la he ru ka ldan rnal 'byor gyis/ /lus dang ngag gi brda la bslab/ /lus ngag brda yis mi smra na/ /sangs rgyas kyang ni nges par 'jig /ces gsungs te/ de bas na de'i phyir/ kye'i rdo rje'i rnal 'byor la gnas pa'i rnal 'byor pa dang rnal 'byor ma rnams kyi lus ngag gi brda'i man ngag 'bad pas yid la gzung ste/ phyi rol gyi skye bo mi srun pa rnams dang rigs gzhan gyi pho nya dang pho nye mo rnams tshogs pa'i nang du tha mal pa'i tha snyad kyis brjod par mi bya'i/ bdag cag rnams kyis gsar chen gang yin pa de brdas brjod pa na skye bo ma rungs pa dang phyi rol gyi pho nya dang pho nya mo rnams rmongs par 'gyur ro/ /de nas gsang chen rnams brda yis mi smra ba gang yin pa de ni/ 'jig rten 'di dang 'jig rten gzhan gyi dngos grub gnyi ga nyams par byas nas mnar med par 'gro bar 'gyur ro/ /de la mngon du ni lus kyi brda dang phyi nas ni ngag gi brda ste le'u 'dir ni lus kyi brda 'ba' zhig ston la ngag gi brda ni le'u gzhan nas ston par 'gyur ro/ /de ltar na brda de dag gnyi ga yang nges pa dang drang ba'i don du shes par bya ste/ de las bsdus pa'i rgyud 'di nyid nas ji skad du ston

  119. 60a

    bzhin pa rnams ni drang ba'i don du shes par bya la/ nges pa'i don ni rtsa ba'i rgyud las shes par bya'o/ /de la re zhig gang gis spun dang sring mo yang zhes bya la/ spun dang sring mo ni thabs dang shes rab kyi cha'i bye brag the tshom med par shes bar bya zhes pa ni/ drang ba dang nges pa'i don gyi thabs dang shes rab ji lta ba bzhin du shes pa'o/ /de la gang zhig sor mo gcig ston pa zhes bya ba ni skyes pa 'am bud med gang zhig gis blo bur du mdun du 'ongs pa la sor mo gcig ston pa de'i tshe/ legs par 'ongs sam zhes dri ba'i don du rtogs par bya'o/ /de bzhin du gnyis kyis legs par 'ongs pa yin zhes pa ni lan du sor mo gnyis brkyang bas bde bar 'ongs so zhes bstan par bya'o/ /gzhan yang/ g.yon gyi mthe bong bcangs bas ni/ /bsnun gyi phyag rgyar rnam par shes/ zhes bya ste gang zhig la bsnun 'dri ba'i brdar shes par bya ste/ lus ngag yid gsum bde 'am zhes bya ba'i don to/ /gang zhig srin lag ster ba la zhes pa ni thabs kyi cha yin la/ de yi mthe chung rnam par sbyin zhes bya ba ni shes rab kyi cha ste steng 'og gi bye brag gis rlung dang me'u rtogs par bya'o/ /gang zhig gung mo ston pa la/ /de yi 'dzub mo rnam par sbyin zhes pa ni de bzhin du steng 'og gi cha chu dang ma rtogs par byed pa yin la/ de bas de dag rnams kyang phyi dang nang gi stong pa dang snying rje'i brda nyid yin no/ /gang de ni dpal mchog gi dang po'i sangs rgyas kyi rgyud ces bya ba las kyang ji skad du/ shar dang nub tu sa dang rlung/ /phan tshun thabs dang shes rab yin/ /lha dang byang du me dang chu ? phan tshun thabs dang shes rab yin zhes pa dang/ de bzhin du/ zla ba'i lam gyi dri chen rtsa/ nyi mas dri chu 'bab pa'o/ / steng 'og sems kyi rtsa gnyis ni/ /sa bon 'bab dang mun can ma/ zhes gsungs so/ /gang zhig ming med ston pa la/ /de yi mgrin pa rab tu bstan/ zhes pa ni nam mkha' lta bu'i chos shes sam zhes 'dri ba la/ de'i lan du mgrin pa bstan par bya ba ni ro? drug la longs

  120. 60b

    spyod pa'i lam mgrin pa'i 'khor lo yin te/ de'i stobs kyis rtsa rnams byas par 'gyur la/ des nam mkha' lta bu'i chos ston pa gar gyur zhes bya ba'i don bstan to/ /gang zhig gos ni ston pa la/ /de yi rtsa ba ?? ? zhes bya ba ni/ skyob pa mtshan nyid shes sam zhes 'dri ba la/ lan du nga yis shes te lus ngag yid gsum gyi bdag nyid rtsa gsum gyi rang bzhin shes na'o zhes bya ba'i don no/ /gang zhig nu ma ston pa la/ /de yi mtshams ni rab tu bstan zhes bya ba ni/ de nyid gom? gyi bstan bcos kyis thob pa yin na /de shes sam zhes 'dri ba la/ lan du nga yis shes te dbang po gnyis sprad pa'i bde ba rtogs zhes bya ba'i don to/ /gang zhig so ni ston pa la/ /de yi kha ni rab tu bstan/ zhes bya ba ni shes rab kyi rang bzhin shes sam zhes 'dri ba la/ lan du de yis shes te thabs dang shes rab ldan na ro zhes pa'i don to/ /gang zhig khro gnyer ston pa la/ /gtsug phud dgrol ba bstan par bya/ zhes pa ni/ 'o na khyod dang nga gnyis thabs dang shes rab kyi rang bzhin la rtsod do zhes zer ba la/ lan du 'jigs pa med de brtsod par bya'o zhes bya ba'i don to/ /gang zhig dpral? ba ston pa la/ /de yi rgyab ni rab tu bstan/ zhes bya ba ni/ gang mkha' 'gro ma rnams kyi gnas lus kyi mchog mgo la yod na de khyod kyis shes sam zhes 'dri ba la/ /lan du nga yis shes te mgo bo las gzhan rgyab la sogs pa lus gzhan la yang mkha' 'gro ma'i gnas yod ces bya ba'i don to/ gang zhig rkang mthil ston pa la/ /lho yis rnam par rtse bar bya/ zhes ba ni/ 'o na gnas de dag tu ji ltar bgrod par bya zhes 'dri ba la/ lan du gar gyi bstan bcos sngon du 'gro bas chags pa dang ldan pa'i sems kyis snyoms bar zhugs nas gnas de rnams su phyin par 'gyur zhes pa'i don to/ /phyag rgya phyag rgya'i lan gyis ni/ /dam tshig gis ni rnam par dbya/ zhes pa ni/ lus kyi phyag rgya'i brda shes pas/ /gsang chen thams cad rtogs par bya/ zhes pa'i don to/ /de la rnal

  121. 61a

    'byor mas smras pa/ e ma bu ni snying rje che/ zhes bya ba ni/ e ma thabs chen po'i rang bzhin khyod kyis brda dang bde ba ma yin pa thams cad goms par gyur to zhes bya ba'i don to/ /gal te phreng ba lag ston na/ /'du bar bya zhes smra ba yin/ /phreng ba mngon par btang byas nas/ /dam tshig la mnos brtul zhugs bzang/ zhes bya ba ni/ de ltar brda'i lan la rnal 'byor ma thams cad rangs nas lag na phreng ba ston par byed cing/ rigs kyi bu khyod dang nga gnyis bde ba'i phreng ba rgyun mi 'chad pa'i brtul zhugs la gnas par bya'o zhes ston la/ gzhan yang 'di skad ces/ de la phyi rol zhes 'du ba/ bzang po'i spyod yul gnas pa ni/ /de la 'du ba'i rnal 'byor mas/ /gang smras de ltar thams cad ba/ zhes bya ba ni/ khyod ni skal pa dang ldan te phyi dang nang gi dgongs pa'i skad thams cad kyang shes pa de bas de'i phyir/ khyod dang bdag cag phyi'i gnas su 'dus la phyi dang nang gi bde ba'i ston mo la longs spyad par bya'o zhes bsgo ba na/ rnal 'byor pa des kyang thams cad dang du blang ngo zhes bya ba'i don to/ /kye bcom ldan 'das 'du ba'i gnas du lags zhes rdo rje snying po la sogs pa phyi dang nang gi gnas kyi khyad par zhus pa'o/ /bcom ldan 'das kyis bka' stsal pa/ gnas dang nye ba'i gnas dang ni/ /zhing dang nye ba'i zhing nyid dang/ /tshan d+ho nye ba'i tshan d+ho dang/ /'du ba nye ba'i 'du ba dang/ /grong khyer nye ba'i grong khyer dang/ /dur khrod nye ba'i dur khrod de/ /'dir rnams sa ni bcu gnyis phyir/ /sa bcu'i dbang phyug mgon po nyid/ /de phyir gzhan du btsal mi bya zhes bya ba gsungs te/ 'dis ni 'khor lo gsum gyi bdag nyid dang/ 'khor lo drug gi bdag nyid dang/ 'khor lo bzhi'i bdag nyid la gnas pa rtsa'i rigs thams cad sa bcu nyid du ston te/ de yang 'khor lo gsum gyi bdag nyid ni sku dang gsung dang thugs kyi bye brag

  122. 61b

    dang/ ma 'og sa stengs sa bla'i dbye bas bde mchog 'khor lo'i rgyud kyi don brjod do/ /'khor lo drug gi bdag nyid ni/ sa dang chu dang me dang rlung dang nam mkha' dang ye shes kyi dbye ba 'am/ gzugs dang tshor pa dang 'du shes dang 'du byed dang rnam par shes pa dang ye shes kyi dbye ba 'am/ yi ge drug gi dbye bas phye ba yin te dang po mchog gi sangs rgyas kyi rgyud kyi don to/ /gang du bzhir bstan pa ni sprul pa drug cu rtsa bzhi dang/ chos brgyad dang/ longs spyod bcu drug dang/ bde ba chen po sum cu rtsa gnyis la sogs pa ste/ de ltar 'khor lo bzhi'i dbye ba dang/ sku bzhi dang dbang bzhi dang/ dga' ba bzhi dang/ skad cig ma bzhi dang 'bras bu bzhi la sogs pa'i bye brag gis kye'i rdo rje'i rgyud du bstan te de ltar thams cad bzhi bzhi'o zhes gsungs pa'i phyir ro/ /de bas na phyi rol tu ni sha dang khrag la rgyug par byed pa grong la brten pa'i lha mo rnams ni phyi'i gnas de dag na gnas pa yin la/ /ji ltar phyi rol de bzhin nang/ zhes gsungs pa'i phyir/ nang gi gnas ni lus la rtsa'i gzugs kyis gnas par gsungs te de las gzhan du mi blta'o/ /de yang lus la ni dzA land+ha ra zhes pa nas skyed tshal ra ba rdzing bu'i 'gram zhes pa yan chad 'di lta ste/ rtsa ba'i rgyud las ji skad du/ spyi po dang ni spyi gtsug dang/ /rna ba g.yas pa rtsib logs dang/ /de bzhin rna g.yon smin dbus dang/ /lag ba mchan khung dag dang ni/ /nu ma gnyis dang lte ba dang/ /sna rtse dang ni kha yi lam/ /phrag gong gnyis dang pho mtshon dang/ /rtags dang bshad lam brang gi gnas/ /byin ba dang ni sor mo dang/ /rkang pa'i bol dang mthe bong dang/ /pus mo rnams su go rims bzhin/ /gnas dang sa sogs blta bar bya/ /ces gsungs so/ /de bas na de'i phyir sems can rnams la spyod pa dang grol ba'i 'bras bu ster ba'i lha mo dang gnas 'di rnams ni lus can thams cad kyi lus nyid la rtsa dang khu ba'i gzugs

  123. 62a

    kyis gnas so/ /da ni nyi ma'i dus kyi khyad par brjod pa'i phyir/ /rnal 'byor ma rgyud kye rdo rjer/ /rnal 'byor ma'i legs 'du ba'i/ /sems can kun gyi don gyi phyir/ /nyin mo'i dus kyang rab bshad bya/ /zhes bya ba la 'dir nyi ma'i dus ni rnam pa gnyis te/ phyi dang nang gi'o/ /de la phyi'i zla ba mar gyi ngo'i bcu bzhi la sogs pa la grong gi lha mo rnams gong du brjod pa'i phyi'i gnas rnams su lus can thams cad kyi mdangs dprog par bya ba'i phyir rgyu ba yin/ /nang du ni khu ba dang rlung la sogs pa dbugs dang chu srang dang chu tshod la sogs pa'i khyad par gyi gnas su 'pho zhing 'du bar 'gyur ro/ /de bzhin du dngos grub gnyis la 'dun pa'i rnal 'byor pas kyang phyi dang nang gi bye brag shes par byas la/ thun mong gi dngos grub kyi don du mar ngo'i bcu bzhi la sogs pa la/ mtshan mo dur khrod du song ste/ dpa' bo'i ston mo la sogs pa la 'du bar bya ba yin no/ /de ni 'di ltar kye bcom ldan 'das nyi ma gang lags zhes bya ba smos te phyi dang nang gi nyi ma'o/ /bcom ldan 'das kyis bka' stsal pa/ mar gyi ngo yi bcu bzhi dang/ /de bzhin du yang brgyad pa nyid/ /ces bya ba gsungs te/ mar ngo'i bcu bzhi ni nyi shu rtsa dgu'o/ /de bzhin du mar ngo'i brgyad ni nyi shu rtsa gsum mo/ /de yang nges pa'i don ni rtsa ba'i rgyud nyid la 'jug par bya ste/ ji skad du/ byang chub sems kyi rgyu ba? 'di/ /yar ngo mar ngo rab tu gnas/ /yar ngo yis ni skyed byed ma/ /mar ngo yis ni 'joms byed ma/ /mar ngo'i bcu bzhi la sogs kyis/ /byang chub sems kyi mkha' 'gro ma/ /bde chen 'khor los 'du bar mdzad/ /'di ni nges pa'i don du bshad/ /ces gsungs so/ /gzhan yang bza' ba gsungs pa ni/ /rgyal mtshan dang ni mtshon bsdun nyid/ /lan bdun pa yang bza' bar bya/ zhes bya ba la/ rgyal mtshan ni rgyal pos rkun po la sogs pa skyes pa 'am bud med 'ga' zhig chad pas bcad de lus mtshon gyis dral

  124. 62b

    nas ngo shing la dbyangs te bzhag pa'o/ /lan bdun pa ni 'di na skyes pa 'am bud med 'ga' zhig skye ba bdun du mi'i lus su brgyud pa yin la/ /de'i mtshan nyid kyang grib ma bdun du 'byung ba dang/ mig mi 'dzums pa dang/ dpral ba la gnyer ma gsum yod pa dang/ lus la dri zhim po 'byung ba la sogs pa nyid yin te de lta mthong na phyag tu me tog dag phul te bskor ba byas la 'di skad ces rnal 'byor gyi dbang phyug chen po de ni bdag cag lta bu'i don bgyi ba'i dus la bab po zhes brjod pa na de'i lus 'dor bar 'gyur ro/ /de dong nas kyang de'i sha la rgya shug gi tshig gu tsam gyi ri lu byas te/ bdag cag thams cad kyis bza' bar bya zhing sems can thams cad la khyed tshad du bgo bar bya'o/ /des ni nam mkha' la spyod pa'i dngos grub ster ba yin no/ /de bzhin sha phal pa rgyal mtshan mtshon dang bsnun pa la sogs pa'i sha ni sbyang pa dang spel ba la sogs pa byas la ril bur byas te zos bas kyang gnyer ma dang skra dkar la sogs pa 'joms par nges so/ /'di dag gi nges pa'i don yang 'bum phrag lnga pa las/ ji skad du/ rtsa yi shing gzugs las sbyangs pa'i/ /lus kyi rgyal mtshan mchog 'di yis/ /byang chub sems kyi sha zos na/ /rnal 'byor dngos grub mchog tu 'gyur zhes gsungs te/ lan bdun pa yi nges pa'i don ni ji skad du/ gang yang lus can thams cad kyi/ /lus 'di skye ba bdun yin te/ /ro drug ldan pa'i bza' btud ngag /kun tu zos shing 'thungs pa las/ /zhu zhing bcud ni rgyas pa de/ /skye ba dang por de brjod do/ /de nas de la khrag 'byung ba/ /skye ba gnyis pa rab tu brjod/ /de las sha byung gsum pa ste/ /pags par gyur pa bzhi pa dang/ /rtsa ru gyur pa lnga pa'o/ /de las rus pa drug pa ste/ /zhag dang rkang mar bdun pa'o/ zhes sngon du brjod do/ /gzhan yang 'bad pas snying rje bskyed pa yis/ /bsad par bya ba brjod pa nyid/ /snying rje med na mi 'grub pas/ /de phyir snying rje bskyed par bya/ zhes bya ba ni/ phyi dang nang gi dbye bas re zhig gi phyir ni/ /mtshams

  125. 63a

    med lnga ni byed pa dang/ /sangs rgyas bstan pa 'khrug byed pa/ /zhe sdang rigs ni ting 'dzin gyis/ /re zhig tsam zhig bsad bya yis/ /rnam pa kun tu gzhom mi bya/ /de ste kun tu gsang byas nas/ /rnal 'byor dam tshig las nyams phyir/ /grub pa nas yang yong mi srid/ zhes bya ba ste des ni gdug pa can thams cad thul bar 'gyur/ /de bas na gdug pa can thams cad gzhug pa ste/ zhes bya ba gsungs so/ /gzhan yang nges pa'i don ni rtsa ba'i rgyud las ji skad du/ steng dang 'og gi srog chen po/ /rnal 'byor chen pos gsad cing gso/ /de min srog chags mi gsod de/ /gdug pa de dag rtag par bsad/ ces gsungs so/ /de ni nges pa'i don to/ /cho ga'i gtso bos dgag par bya/ zhes bya ba ni/ phyi nang gi srog gnyis cad la khyab pa yin te/ phyir ni zhe sdang rigs kyi ting nge 'dzin gyis dgag par byas la/ nang du stong pa chen pos dgag par bya'o/ /gzhan yang nyin mo dang mtshan mo'i dus thabs dang shes rab kyi char brtag par bya ste/ 'di ltar/ nyin mo bcom ldan rdo rje can/ /shes rab mtshan mor brtag par bya/ zhes bya ba ste/ de ni/ gang zhig shes rab dngos med de/ /dngos po thabs su brtag par bya/ zhes bya ba'i don to/ /'di'i nges pa'i don yang rtsa ba'i rgyud las ji skad du/ g.yas g.yon nyin zla'i mtshan nyid can/ / bsil dang tsha bar byed pa de/ /gang de skyon yon gnyis kyang yin/ /de ni thabs dang shes rab bo zhes gsungs so/ /de bzhin du/ mi bya cung zad yod ma yin/ /rtag tu mi bza' yod ma yin/ /'di la mi bsam pa yang med/ /bzang ngam ngan zhes mi smra med/ zhes bya ba ni/ rgyu ba dang mi rgyu ba 'di dag thams cad rang las yongs su byung ba'i phyir ro/ /de bas na/ ji ltar bdag nyid de ltar gzhan/ /de bzhin bdag dngos mchog yin te/ zhes bya ba rang gi rang bzhin ji lta ba bzhin du shes pa na khams gsum gyi 'khor los bsgyur ba gcig po

  126. 63b

    yang yin no/ /'di nyid kyi phyir/ 'di ltar sems pa'i rnal 'byor pas/ /bza' dang btung ba la sogs spyad/ /yan lag ji snyed bsgyur ba dang/ /tshigs rnams rab tu nyed pa nyid/ /he ru ka dpal gnas bzhugs pas/ /de snyed sngags dang phyag rgyar brjod ces gsungs te/ de yang ji skad du/ dkyil 'khor lha 'dir lus nyid yin/ /gzhan dang lha dang dkyil 'khor ni/ /btsal bas nam yang mi rnyed ces/ /'dren pa dpa' bos rab tu gsungs/ /sh+rI ni gnyis med ye shes te/ /zhes pa ni bdag dang gzhan gyi dpal gnyi ga'i cha rim 'dzin pa'o/ /he ni rgyu sogs stong pa nyid/ ces pa ni/ las dang ye shes dang phyag rgya bcing ba dang gtor ma la sogs pa'i rgyu dang bral ba'i ting nge 'dzin bde ba chen po'o/ /ru ni tshogs dang bral ba nyid/ ces pa ni/ kun tu brtags pa'i mtshan nyid las grol ba'i bde ba nyid de/ gang de ji ltar bsgrub snyam pa la/ ka ni gang duAng mi gnas pa/ zhes bya ba gsungs te/ tshogs pa dang dmigs pa'i chos las bral ba phan tshun du bltos pa med pas bsgrub par gsungs so/ /de bas na he ru ka'o/ /gzhan yang rdo rje thod pa'i rnal 'byor gyis/ zhes pa ni/ lus skyong ba'i rnal 'byor gyis so/ /skye bo gang dang gang rnams kyi/ /sha ni mkhas pas bza' byas na/ /sems can de de dbang du 'gyur/ zhes bya ba ni/ rnal 'byor pa bdag gis lus skyong ba'i rnal 'byor mngon du byas na/ sangs rgyas rnams kyang dbang du 'gyur na/ 'jig rten gsum na gnas pa'i skye bo phal pa rnams ji ltar bsgo ba bzhin byed pa smos kyang ci dgos/ gzhan du na rnal 'byor pas bud med kyi skye bo rnams la 'jug pa na byang chub sems kyi sha phyi rol tu mi btang bar zos na rang gi lus la dbang du 'gyur te/ de ni rnal 'byor pa mkhas pa zhes brjod do/ /kye'i rdo rje'i nges pa'i don gyi rgya cher bshad pa las brda dang gnas gtan la phab pa'i le'u'i rgya cher bshad pa ste bdun pa'o// //byang chub sems ni zla bar gyur/ /cha shas

  127. 64a

    bco lnga'i bdag nyid can/ /de 'gyur rnal 'byor bdag med ma/ /mi yi gzugs kyi tshul bsgyur nas/ /'jig rten gsum po dbang du mdzad/ /de la gus pas rab btud nas/ /bdag med dkyil 'khor rgyas bshad ni/ /rdo rje snying pos bri bar bya/ /de nas rnal 'byor ma'i 'khor lo bshad par bya'o/ /zhes bya ba la sogs pa smos te/ rnal 'byor ma ni zla ba mar ngo'i chos can tshes bco lnga po mun pa'i rdul skyed par byed la/ snang ba'i rdul ni 'joms par byed cing 'khor pa'i byang chub kyi sems kha thur du bltas pa gang yin pa de la brjod par bya'o/ /de yang rtsa ba'i rgyud las ji skad du/ sku gsung thugs kyi dbye ba yis/ /dkyil 'khor rnam pa gsum du brtags/ /dang por dgyes pa'i rdo rje nyid/ /sku yi dkyil 'khor zhes su brjod/ /de rjes bdag med ma bshad pa/ /thugs kyi dkyil 'khor yin par gsungs/ /de rjes ku ru kul+le bshad/ /gsung gi dkyil 'khor yin par 'dod zhes gsungs pa'i phyir da ni rnal 'byor ma'i 'khor lo bshad par rigs so/ /nam mkha' i khams su b+ha ga bsam/ / dbus su rnam par bsgom pa ni/ /'khor lo sngon du ci rigs par/ /lha rnams ji ltar 'byung ba nyid/ ces bya ba gsungs te/ 'di'i don yang sngon du 'gro ba'i bsrung ba'i 'khor lo la sogs pa ni he ru ka bskyed pa nyid kyi dus su bstan pa las shes pa nyid du bya'o/ /'dir ni gnad kyi gnas tsam zhig bstan par bya ba'i phyir nam mkha' i dbyings su zhes bya ba la sogs pa smos pa yin te/ rang gi bdag po mchod pa sngon du 'gro bas/ /oM shU n+ya tA dz+nyA na zhes pa la sogs pa'i tshul gyis snod dang bcud sbyang pa byas la/ chos thams cad nam mkha' i dkyil ltar mos par bya ste/ de'i rjes la de bzhin gshegs pa thams cad kyi sku dang gsung dang thugs mtshon par bya ba'i phyir nam mkha' i dbyings der yi ge e'i dbyibs lta bu dpag tshad rgya khyon dpag tu med par

  128. 64b

    bsgoms la/ de'i nang du 'khor lo sngon du ci rigs par zhes bya ba'i don sa dang chu dang me dang rlung zhes bya ba'i dkyil 'khor rim gyis bskyed la/ de dag yongs su gyur pa las/ bcom ldan 'das ma'i dkyil 'khor gyi 'khor lo sgo bzhi dang rta babs dang ldan pa bsams te/ 'phar ma gnyis dag skyon med pa zhes bya ba ni/ yul dang yul can gyi lha mo'i tshul gyis 'phar ma gnyis su bcad cing/ ze 'bru las ni gcig 'gyur te/ zhes bya ba ze 'bru dang nang gi 'phar ma la ni phung po lnga rnam par dag pa'i lha mo ste/ sngon du brjod pa'i stong pa chen po yi ge lnga'i chos can no/ /gang yang de ni rang bzhin chen po lnga zhes kyang brjod la 'phar ma phyi ma rnams ni phyi rol tu 'gyur ba yin no/ /de'i phyir gru gsum la ni phyi ma brjod ces gsungs so/ /de dbus ro ni bco lnga yis/ /gdan gyi bdag nyid rnam par bsam zhes bya ba ni/ khams thams cad srog gi rlung la zhon nas rgyu ba'i phyir/ phyi rol tu ro ru brtags so/ /de'i steng du zla ba yin/ zla ba'i steng du sa bon nyid/ zhes bya ba ni ji skad du rtsa ba'i rgyud nyid las/ dang po khu ba pha las 'byung/ /rnam shes rlung ldan der 'jug ste/ /de la ma yi khrag gis sbyar/ /don 'di yis ni bskyed rim bstan/ zhes gsungs pas/ ro dang zla ba dang sa bon dang nyi ma'i dkyil 'khor gyis mnan par gsungs so/ /gnyis 'dus pa las bde chen po zhes pa ni khu ba dang khrag gi rang bzhin dang srog 'byung 'jug gi rim pa dang/ la la nA dang ra sa nA 'dom pa dang/ steng 'og gnyis 'dom pa'i phyir ro/ /A li zla ba'i gzugs kyis gnas/ /kA li gzugs kyis snang byed do zhes bya ba ni/ phyi rol bskyed pa'i rim pa la/ A li yongs su gyur pa'i zla ba'i dkyil 'khor srog 'ong ba'i tshul dang/ kA lis nyi ma'i dkyil 'khor srog 'gro ba'i tshul du bsam

  129. 65a

    pa ni drang ba dang nges pa'i don to/ /zla ba nyi ma 'dus pa las zhes pa ni/ nyi zla'i rang bzhin dang rnam par shes pa gsum 'dus pa las so/ /dkar mo la sogs rab tu grags zhes pa ni/ phyi rol tu ni bcud kyi srid pa bskyed pa dang/ nang du dam pa'i srid pa bskyed pa zhes grags so/ /de ni dkar mo la sogs pa'i lha mo bco lnga'i bdag nyid thams cad tshul de ltar skye zhes bya ba'i don to/ /zla ba ye shes me long ldan/ /rta bdun pa ni mnyam nyid ldan/ /rang lha'i sa bon phyag mtshan ni/ /so sor rtog par brjod par bya/ /thams cad gcig gyur nan tan nyid/ /rdzogs pa chos dbyings dag pa'o zhes bya ba ni/ rlung gis bskyod pa dang/ me yis spar ba dang chu yis yongs su smin par byed pa dang/ sa yis kun tu 'dzin pa dang nam mkhas kun tu 'phel bar byed pa ste/ mgrin pa dang rkan dang spyi bo dang mchu dang so yi chos can rnams ni ye shes lnga'i bdag nyid de byang chub pa rnam pa lnga'i don zhes bya'o/ /de bas mkhas pas cho ga gsungs pa yis/ /rnam pa lnga po bsgom par bya/ /zhes gsungs te/ drang ba dang nges pa'i don du rtogs par bya'o/ /A li kA li mnyam sbyor bas/ /rdo rje sems dpa' nyid kyi gdan/ /zhes bya ba ni byis pa rnams kyis rtogs par bya ba'i phyir/ phyi rol tu A li dang kA li yongs su gyur pa'i nyi zla'i gdan du gsungs la/ yang dag par na/ yi ge las byung gong bu yi/ /hUM phaT yi ge mi 'dod de/ /sems dpa' gzugs brnyan las byung ba/ /dkyil 'khor bdag po rnam par bsgom/ /zhes bya ba gsungs la/ de lta bu'i tshul gyis bdag med pa'i 'khor lo bsgom pa ni nges pa'i don to/ /'di'i don ni mchog gi dang po'i sangs rgyas kyi rgyud ces bya ba las kyang ji skad du/ A li kA li sbyar ba yi/ hUM yig 'dod min rgyal po kye/ ces gsungs so/ /'jam pa'i rdo rjes bshad pa'i bsdus pa'i rgyud kyi le'u lnga

  130. 65b

    pa las kyang ji skad du/ a dang ka sogs gang gcig ri bong nyi ma gdan de rdo rje can la med/ /yi ge hUM 'gyur mtshan ma med cing kha dog dbyibs la sogs pa 'dir mi bzhed/ gzhan yang mi 'gyur las skye 'gyur ba zad par gyur pa de ni bzang po'i dbang por ldan pa ste/ /rnam pa kun gyi mchog dang ldan zhing rgyal ba sgyu ma sgyu ma sna tshogs 'dzin/ /zhes gsungs so/ /bskyed pa'i rim pa'i tshul ni gong du bstan pa ltar/ /phyag mtshan zhal sogs gong ma bzhin/ /zla ba chu shel nor bu 'od ces bya ba gsungs so/ / skabs 'dir ni phyag mtshan dang gri gug dang thod par brtag cing zhal mdog thams cad ni nag po 'ba' zhig tu brtag ces pa'i don to/ /de ni 'di nyid las thabs dang shes rab rang bzhin gyis/ /'di ltar thams cad rdzogs pa nyid/ /zla ba nyi mar rab dbye ba/ /A li shes rab kA li thabs/ /'di ltar dkar mo la sogs pa/ /kha dog dbye bas tha dad yin zhes bya bas gsal bar bstan te/ phyi nang gi byang chub pa rnam pa lnga la sogs pas bskyed pa'i tshul du ni gcig la kha dog tsam gyis bye brag tu byas zhes bya ba'i don to/ /gnas kyi bye brag bstan par bya ba'i phyir/ re zhig nang gi 'phar ma la/ /rnal 'byor ma lnga nges bzhugs pa/ /phung po lnga yi rang bzhin du/ /rnal 'byor rig pas rtag tu bsgom/ zhes gsungs te/ tshes bcu drug nas nyi shu'i bar te sku'i rang bzhin zhes bya ba'i don to/ /dbang por rdo rje zhes pa ni dbang po'i phyogs su lha mo rdo rje ma dang/ gshin rje'i phyogs su dkar mo dang/ chu bdag gi phyogs su chu'i rnal 'byor ma dang/ lus ngan gyi phyogs su rdo rje mkha' 'gro ma dang/ dbus su bcom ldan 'das bdag med rnal 'byor ma zhes bya ba ste/ de rnams ni sku'i chos can gyis bsdus pas phung po lnga'i lha mo rnams so/ /de ni phyi rol gyi 'phar ma bshad par bya ba'i phyir/ phyi rol gyi ni 'phar ma la/ zhes bya ba la sogs pa smos te/ dkar mo chom rkun ro langs ma/ zhes bya ba dang/ g+hasma rI zhes bya ba bzhi ni phyi'i 'phar ma'i phyogs bzhir rim pa

  131. 66a

    bzhin du dgod de/ tshes nyi shu rtsa lnga'i bdag nyid gsung gi rang bzhin no/ /de bzhin du puk+ka sI dang ri khrod ma dang gdol pa mo dang Domdi nI rnams ni mtshams rnams su dgod de/ tshes nyi shu drug nas sum bcu'i bar du rnam par dag pa'i tshul gyis thugs kyi rang bzhin du brjod do/ /'og ldan ma dang steng ldan nyid/ /mkha' spyod ma dang sa spyod brjod/ ces bya ba ni 'og ldan ma ste/ gsung gi rang bzhin lnga tshan bar pa'o/ /mkha' spyod ma ste thugs kyi rang bzhin lnga tshan gsum pa'o/ /'di gnyis ngag ni lus can thams cad kyi srog rnam pa gnyis yin te/ steng gi srog dang 'og gi srog go /'di gnyis nyid las gsang ba 'dus pa la sogs pa'i thabs kyi rgyud dang/ dgyes pa'i rdo rje la sogs pa'i rnal 'byor ma'i rgyud rnams kyang byung ste/ de la steng nas ni thabs kyi rgyud do/ /'og nas ni shes rab kyi rgyud byung bar gyur to/ /de'i phyir srid dang zhi ba'i rang bzhin gyis/ /snying rje chen po 'di dag gnas/ /zhes bstan to/ /lha mo thams cad sku mdog gnag /ces pa ni shes rab stong pa nyid kyi brda ston pas sku mdog nag mo'o/ /drag cing phyag rgya lnga yis brgyan/ zhes pa ni lha mo thams cad kyang tshes lnga tshan gyi rang bzhin dag pa las/ 'khor lo rna cha mgul rgyan dang/ phyag gdub ska rags rnam pa lnga/ /sangs rgyas lnga yang rnam dag cing/ /'di lngas phyag rgya dag pa'o/ /zhes gsungs so/ /gzhan yang zhal gcig spyan ni dmar ba rnams/ /phyag na gri gug thod pa 'phyar/ zhes gsungs pa ni/ srid pa dang zhi ba'i rang bzhin ston pa yin la bdag med ma ji lta ba de bzhin du lha mo bcu bzhi po rnams kyang de nyid du gcig cing tha mi dad do/ /'di ltar na/ ji ltar bdag med rnal 'byor ma/ de ltar thams cad rnam bshad de/ /lag pa gcig ni thod pas 'brel/ /g.yas pa na ni gri gug bsnams/ /zhes bya ba la kha dog dang phyag mtshan dang zhal la sogs

  132. 66b

    pa bdag med ma nyid las tha mi dad par bstan pa'i don to/ /g.yon pas kha TwAM ga nyid de/ /stag gi pags pas rnam dkris shing/ /ro la zhon cing gzi brjid 'bar/ /zhes pa'i des pa'i don ni gong du brjod par zad do/ /phyag gnyis skra ser gyen du 'bar/ zhes pa ni ji srid gnyis su snang ba'i cha bstan pa'i phyir ro/ /ting nge 'dzin gyi stobs kyis khams thams cad gyen du 'bar ba'i phyir dbu skra gyen du mdzes pa'o/ /nga rgyal la sogs sgyon drug rnams zhes pa ni sa'i khams nas ye shes kyi khams drug po steng gi rgyu ba dang 'og gi rgyu ba pas bskyed pa gsum dang mas bskyed pa gsum ste drug lus can rnams la lugs su 'byung ba rnams so/ /gcod phyir gri gug rnam par gnas/ zhes pa ni nges pa'i don du ston pa nyid las brjod de des skyon drug po gcod par gsungs so/ /dngos dang dngos min rnam rtog gi /bdud rnams rnam pa bzhi yi khrag /mgo bo'i pad+ma'i snod du ni/ /dngos grub phyir ni btung bar bya/ zhes bya ba la 'di'i des pa'i don ni ji skad du rtsa ba'i rgyud las/ rang gi lus mchog pad+ma nas/ /bsam gtan bzhi yi bsad pa yi/ /bdud bzhi'i sha dang khrag gnas pa/ /rnal 'byor rig pas rtag par btung/ /skye rga zil gyis non par 'gyur/ zhes gsungs te/ 'khor ba pa'i gnas skabs rnams bzhi ni bdud yin la/ bdud bzhi po de dag gi sprul par phung po'i bdud dang snying kar 'chi bdag dang mgrin par nyon mongs pa dang spyi bor lha'i bu'i bdud de/ zla ba cha bcu drug pa las ni cha bzhi bzhi gsod la srog nyi khri chig stong drug brgya'i nang nas srog lnga stong bzhi brgya bsad pas khrag 'thungs pa yin zhing dngos dang dngos min yin gyi rnam rtog bcom pa yang yin no/ /stong pa'i rnam pa kha TwAM ga / thabs kyi ro ni rnam par brtag /zhes pa ni sngon du rgyas par bstan to/ /'dis ni 'khor lo rnam bsgom na/ zhes pa ni/ phyi dang nang gi bdag nyid can drang ba dang des pa'i don du shes nas bsgom na dngos grub myur du thob par 'gyur zhes gsungs te des pa'i don to/ /'di'i

  133. 67a

    don yang rtsa ba'i rgyud las ji skad du/ rnam rtog rgya ru chud pa yi/ /'bro ba gsum po rnam gzigs nas/ /ji lta ji ltar grol 'gyur ba'i/ /de dang de yi thabs bstan to/ /rnam rtog bag chags kyis bcings la/ /thog mar rtog pa'i cho ga bstan rnam rtog rang bzhin shes pa na/ /mi rtog pa la rnam 'jug bya/ /dkyil 'khor 'khor lo bsgom pa dang/ /lha rnams ji ltar bskyed pa dang/ /ye shes dgug dang dbang bskur dang/ /de bzhin 'khor lo rtsa dang ni/ /khu ba rlung rnams gang bstan te/ /phyis pa rnams ni gzhug pa'i phyir/ /'jig rten mgon pos bstan pa yin/ /ma yin nges don gzhan du spyad/ /dkyil 'khor tshul dang lha dag dang/ /ye shes dgug dang dbang bskur dang/ /khu ba rlung du su lta ba/ /kye yi rdo rje des ma shes/ /zhes gsungs so/ /da ni rgyud thams cad kyi bskyed pa dang rdzogs pa'i rnal 'byor ma'i drang ba dang/ nges pa'i don gyis yan lag drug tu bsdu ba bstan te/ de la gang rdzogs pa'i rim pa'i gnas skabs su yan lag drug bstan pa de ni nges pa'i don yin la/ bskyed pa'i rim par yan lag drug tu bstan pa de ni drang ba'i don du shes par bya'o/ /'di lta ste/ dang por nag po rab tu bsgom/ /gnyis par dmar por rnam par bsgom/ /gsum pa la ni ser por bsgom/ /bzhi par ljang khu de bzhin no/ /lnga par kha dog sngon po dang/ /drug par dkar po lus can te/ yan lag drug bsgom rnal 'byor pas/ /khyad par dga' mthar yang de bzhin zhes bya ba gsungs te/ 'dir ni re zhig byis pa rnams kyis rtogs par bya ba'i phyir/ mi bskyod pa dang dpag med 'od dang don grub dang/ /rin chen 'byung ldan dang rdo rje sems dpa' dang rnam snang gtso bo ste yan lag drug go/ /'di ni sa dang chu dang me dang rlung dang nam mkha' dang ye shes su yang grub la gzhan yang kha dog gcig tu rtog pa spangs par bya ba'i phyir kha dog rnam pa drug kyang gsungs te phyis pa rnams kyis rtogs par bya

  134. 67b

    pa'i don to/ /gzhan yang skye bo grangs can pa rnams gzhug par bya ba'i phyir/ khams drug yi ge'i chos kyis bstan la de yang bsdu ba'i yi ge ni rnam pa drug yin te 'di ltar a ir u li zhes bya ba lnga dang/ de rnams kyi mthar grangs sam shes rab kyi yi ge gang rung gcig bzhag bas drug go /de yang mtshan yang dag par brjod pa las/ thig le stong pa yi ge drug ces bstan la drug po de gsal byed 'ba' zhig sum cur gnas pa la nye bar bsgyur bas brgya brgya brgyad cur 'gyur zhing zla ba drug gi zhag tu 'gyur ro/ /yang de bzhin du thabs sam shes rab kyi yi ges mdza' brten pa rnams kyis sum cu po la nye bar bsgyur bas brgya brgyad cu ste de ltar sum brgya drug cur grub bo/ /de yang 'di ltar gang du cho ga drug dang bcas pas bsgyur ba ni shes rab dang thig le dang bcas pas bsgyur ba thabs su rtogs par bya ste/ lo gcig gi chos su grub po/ /'di'i rgyas pa ni rtsa ba'i rgyud las khong du chud par bya'o/ /de bzhin du 'jig rten pa'i dngos grub 'dod pa'i byis pa rnams kyis bsad pa la sogs pa'i las kyi dbye bas dkyil 'khor la kha dog bye brag tu bsgom zhes pa ni 'di ltar gsang ba'i 'khor lo ljang khu dang sprul pa ser po dang/ chos nag po dang/ longs spyod dmar po dang/ dpral bar dkar po dang/ gtsug tor sngon por bsgom par bya ste 'jig rten pa'i rdo rje'i tshig go /de ltar brjod pa de dag gis ni bskyed pa'i yan lag drug ma dong bstan pa'o/ /dga' bral mdza' yang de bzhin no zhes pas ni/ rdzogs pa'i rim pa'i yan lag drug bstan pa yin te/ de ltar skyed pa'i rim pa nyid dang ni/ /rdzogs pa yi yang rim pa nyid/ /rim pa gnyis las mnyam gnas nas/ /rdo rje can gyi chos 'chang ngo/ zhes gsungs la/ rdzogs pa'i rim pa'i yan lag drug po de dag kyang dpal gsang ba 'dus pa'i le'u bco brgyad pa las ji skad du/ so sor bsdud dang bsam gtan dang/ /srog rtsol de bzhin 'dzin pa dang/ /rjes su dran dang ting 'dzin te/ /sbyor ba yan lag

  135. 68a

    drug ces bya/ zhes gsungs te/ don 'di ni dang po'i mchog gi sangs rgyas dang mtshan yang dag par brjod pa las/ rgyas par khong du chud par bya'o/ /gzhan yang rgyud 'di nyid las byis pa rnams gzung pa'i rjes la 'jig rten pa'i kun rdzob kyi skabs su bstan pa yan lag drug po 'di lta ste/ bskyed pa yi ni cha bshad do/ /zhes pa ni bskyed pa'i rim pa ste rtog pa'i rnal 'byor gyi yan lag drug bstan nas/ snyoms par 'jug pa'i yan lag drug bstan par bya'o/ /zhes pa'i don to/ /nam mkha' i khams na pad+ma la/ /b+ha ga zhes bya ba'i ye shes brjod/ /bsgom pa zhes bya'i snyoms 'jug nyid/ /de yi bde ba 'khor lor brjod ces bya ba gsungs te/ phyir nam mkha' i khams/ nang du pad+ma dang/ phyir chos kyi 'byung gnas gru gsum nang du bde ba'i ye shes kyi khyad par nyams su myong ba'o/ /de nyid phyi rol tu snod bcud kyis rim pas bsgom pa yin ma nang du ni gnyis gnyis snyoms par 'jug pa yin no/ /phyi rol tu ni dkyil 'khor gyi khang bu dang/ nang du ni thig le bzhi'i bde ba 'khor lo'o/ /de nyid ni 'di ltar rim pa ji bzhin rang nyid rig ces bya ba ste phyi'i dkyil 'khor gyi 'khor lo ni sa chu me rlung bzhi yongs su gyur pa yin la/ nang du sa chu me rlung bzhi'i thig le 'pho ba'i rim pa skad cig ma bzhi'i rim pas phye bas rang gi rigs pas phye ba'o/ /lha zhes bya ba byang chub sems/ /ji ltar 'byung ba khu ba yin zhes bya ba gsungs te/ gzhal yas khang de'i nang du go rims rang gi rig pa'i khu ba byung ba'i bde ba rtog pa ni lha yin te/ de ltar na snyoms par 'jug pa'i yan lag drug bstan to/ /da ni dga' ba bzhi'i rigs pa bstan pa'i phyir/ lha cig skyes pa rnam pa gnyis/ /re zhig mi mo shes rab nyid/ /skyes bu thabs su brjod par bya zhes bya ba gsungs te/ dbang po gnyis kyis snyoms par 'jug pas sangs rgyas par 'dod pa rnams la skyes pa dang bud med dag ni thabs dang shes rab kyi sgrar bstan te yang dag par ni ma yin no/ /

  136. 68b

    yang dag par ni/ kun rdzob don dam dbye ba las/ /phyis ni de dag rnam gnyis so zhes gsungs pa'i phyir dga' ba bzhi yin la/ de rnams kyang mtshon cha mtshon byed dbye bas kun rdzob kyi bde ba 'dzag pa'i bdag nyid ni thabs yin zhing/ don dam pa'i bde ba mi 'gyur ba ni shes rab tu rtogs par bya'o/ /gzhan du na re zhig skyes bu rnam pa gnyis te/ khu ba dang ni de bde nyid/ skyes bu bzhin du shes rab ste/ /khu ba dang ni bde ba nyid/ /de nyid phyir ni dga' ba ni/ /bzhi yi rab tu dbye ba yin/ zhes gsungs te/ skyes pa dang bud med dag gi khu ba ni thabs yin la bde ba ni shes rab bo/ /de bzhin du rdzogs pa'i rim pa'i phyogs la'ang/ 'di ltar lhan cig skyes rnam bzhi zhes bya ba ni mtshon par byed pas yongs su dor te/ mtshon bya don dam pa'i phyogs la'ang/ rlung dang chu yis bsdus pa'i ting 'dzin dang/ me dang sa yis bsdus pa'i ting nge 'dzin bzhi yin no/ /de ni 'di ltar mtshan yang dag par brjod pa las kyang/ bsam gtan bzhi po'i rtse mo can/ zhes gsungs so/ /dga' ba de dag kyang/ dga' ba de dag kyang/ dga' ba dang po dpa' bo nyid/ /mchog tu dga' ba rnal 'byor ma/ /shin tu bde dga' thams cad nges/ /de bde thabs las thams cad rig /ces bya ba gsungs te/ lugs dang lugs las bzlog pa'i bye brag gis skyes bu rnams la ni dang por rlung gi khams 'khrug go /de nas ni me dang chu dang sa rim bzhin du 'khrug go /bud med rnams la ni go bzlog ste dang po sa nas 'khrug go /dga' ba de dag gi khyad par gsungs pa ni/ dga' ba bde ba cung zad de/ /mchog tu dga' ba de bas lhag /dga' bral dga' bas chags bral yin/ lhag pas lhan cig skyes dga' nyid ces bya ba gsungs te/ don 'di yang rdo rje'i tshig 'og ma 'di nyid kyis rtogs par bya'o/ /'di ltar/ dang po reg par 'dod pa dang/ /gnyis pa bde bar 'dod pa dang/ /gsum pa 'dod chags 'jig pa nyid/ /des na bzhi pa bsgom par bya/ zhes bya bas bstan te/ 'di ltar/ bum pa dang gsang ba dang shes rab ye shes rnams ni nyams shing 'jig par byed pa'i bdag nyid pas bsam

  137. 69a

    gtan bzhi pa bsgom par nges so/ /de bzhin du mchog gi dang po'i sangs rgyas kyi rgyud las kyang/ gsum po 'jig rten kun rdzob ste/ /bzhi pa dag ni don dam nyid/ ces gsungs so/ /mchog tu dga' ba srid par brjod/ /dga' bral las ni mya ngan 'das/ /dbu ma dga' ba tsam nyid de/ /de phyir lhan cig skyes pas spangs/ /zhes gsungs te/ tshig 'di dag ni go rims bzlog par gzung bar bya ste/ dbu ma dga' ba tsam zhes pa ni dga' ba dang po'o/ /de nas mchog tu dga' ba'o/ /de nas khyad par gyi dga' ba ste/ stobs kyi spyod pas khyab par bya ba'i phyir go zlog nas gsungs te/ bla ma'i zhal las shes par bya'o/ /de ltar brjod pa'i dga' ba gsum ni srid pa ste 'jig pa'i rang bzhin can yin zhing gtan tshigs 'dis na 'jig rten las 'das pa'i lhan cig skyes pa'i dbye bas sngon ma rnams shes rab kyi yan lag gis dor te/ gnas phyi ma rnams la 'bad par bya'o/ /de las kyang shes rab chen po'i lhan cig skyes pa sngar gyi shes rab kyi yan lag thams cad kyis mtshon par byas pa 'di lta ste/ brjod pa'i yul las 'das pa nyid rnal 'byor pa rnams kyis phrag par blang bar bya'o/ /'di ltar/ 'dod chags med cing chags bral med/ /dbu mar dmigs par mi 'gyur ro/ /'di la thabs dang shes rab med/ /yang dag de nyid snang ba'o/ /gzhan gyis brjod min lhan cig skyes/ zhes bya ba gsungs te/ yar ngo mar ngo 'dod chags dang/ chags pa dang bral ba yin zhing/ dbu ma cha bcu drug pa yin zhing dngos su na nyi ma dang zla ba dang sgra gcan zhe 'am/ skyes pa dang/ bud med dang/ ma ning zhe 'am/ oM dang/ A:hUM zhe 'am/ cha shas dang/ thig le dang/ sgra zhes gang yang mtshon par mi 'gyur ro/ /de bas na de'i phyir mya ngan las 'das pa'i bde ba la zhen pa rnams kyi bla ma ma gtogs pa rnyed par mi 'gyur te/ bla ma'i rjes su 'brang bar bstan to/ /'di ltar gang du yang ni mi rnyed de/ /bla ma'i dus thabs bstan pa yis/ /bdag gi bsod nams las shes bya/ /zhes bya ba ste/ mtshon par byed pa ngang? mtshon

  138. 69b

    par bya ba dag bla ma rin po che'i mgur gyi bum pa las bdag gis bsod nams kyi tshogs kyi yan lag sngon du 'gro bas rig par bya'o/ /mtshon bya sngon du rnyed nas 'di ltar blta bar bya ste/ dman pa 'bring dang mchog rnams dang/ gzhan dang gang rnams kyang/ ro mnyam de nyid bsgoms pa yi/ /'di kun mnyam pa nyid du blta/ /zhes gsungs te/ mdor bstan pa'o/ /rdo rje'i tshig 'dis ni mtshon bya mngon du rnyed pa rnams kyis rgyu ba dang mi rgyu ba'i 'jig rten gsum po phra ba'i 'du shes dang rags pa'i 'du shes dang dbu ma'i 'du shes spangs te/ mtshon du med par mtshon par bya bar ston to/ /ji skad du/ rtsa ba'i rgyud las kyang/ rig pa'i skyes bu blo ldan gyis/ /sgra dang thig le rnams spangs te/ /mtshon du med par mtshon byas nas/ /kye yi rdo rje'i skur 'dzin 'gyur/ zhes gsungs te/ rgyas par bstan par bya ba'i phyir dman pa rnams ni phra ba'i don/ /mchog gi dngos por brjod par bya/ /dbu ma gnyis kyis spangs pa nyid/ /ces bya ba gsungs te/ mi rgyu ba bstan pa'i dngos po rnams sam yang na 'dod pa dang gzugs dang agzugs med pa rnams su blta ba'i shes pa 'am/ yang na dngos po gang zhig mchog dang 'bring dang tha ma ste ting nge 'dzin gsum gyi tshul can spangs te lhan cig skyes par ro mnyam par bsgom zhes bya ba'i don to/ /gzhan rnams zhes bya ba dbang po drug /gang rnams de rnams brtan dang g.yo zhes bya bas ni/ brtan pa dang g.yo ba dag las g.yo ba rnams kyang dngos po gsum du gnas par mi brtag ste/ 'di ltar lhan cig skyes pa'i rong mnyam pa'i phyir ro/ /'di kun zhes bya ba nyid med/ ces pa ni phyi dang nang gi chos can gyi 'jig rten gsum po 'di dag bdag dang gzhan gyis stong zhes bya ba'i don te/ /mnyam nyid mtshungs par 'dod pa ste/ ro mnyam de nyid bsgom pa ni/ /mnyam zhes bya ba mtshungs par brjod/ /ro ni de yi 'khor lo yin/ zhes bya ba la/ de ltar brjod pa'i rim pas 'jig rten gsum gyi srid pa'i 'khor lo yan lag bcu gnyis lugs su 'byung ba 'di nyid kho na las 'od

  139. 70a

    gsal ba'i bde ba'i 'khor lo 'byung bas gzhan du mi btsal zhes pa'i don to/ /gtan tshigs 'di nyid kyi phyir na/ bsgom pa ro gcig mnyam pa nyid/ /don 'di yis ni brjod pa yin zhes gsungs te/ mnyam pa dang ro gcig par bya ba'i gzhi ni srid pa'i 'khor lo nyid de/ 'di las ma gtogs pa'i don gnyis pa ni 'ga' yang yod par ma mthong ngo/ /de bas na de'i phyir/ nga las 'gro ba thams cad 'byung/ /nga las gnas gsum po yang 'byung/ /nga yis 'di kun khyab pa ste/ /'gro ba'i rang bzhin gzhan ma mthong/ /zhes bya ba smos te/ /'od gsal ba bde ba'i 'khor lo 'di nyid byis pa rnams la pha nyid mthug po dang sad pa dang rmi lam dang gnyid kyi bde bas 'khor zhing gnas so/ de ni chos kyi dbyings mngon par 'byung ba zhes bya ba theg pa chen po'i mdo las kyang/ dam pa rnams la bde skye zhing/ /byis pa rnams la 'jigs par ston/ /khyod ni mthong na grol gyur te/ /ma mthong na yang grol bar 'gyur/ /zhes gsungs so/ /de bas srid pa nyid sangs rgyas dang byang chub sems dpa' rnams kyi bzhugs gnas mchog tu shes par bya ba la gnas par bya'o/ /'di ltar/ de ltar rnal 'byor bas shes nas/ /shin tu mnyam bzhag gang bsgoms pas/ /bsod nams chung ba'i mi yis kyang/ /de ni 'grub par the tshom med/ ces smos te/ don 'di rtsa ba'i rgyud las gsal bar gsungs te/ ji skad du/ srid pa'i 'khor lo 'di spangs nas/ / gnas mchog 'tshol 'dor skyes bu gang/ /mtshams med lnga ni byed pa po'i/ /skyes bu tha shal de dag brlag /ces gsungs so/ /'di lta bu'i tshul la mi gnas par mnyam par 'jog pa'i rnal 'byor pas kye'i rdo rje'i dngos grub myur du thob par 'gyur zhes pa'i don to/ /brda' dang btung dang blugs pa dang/ nyal dang log dang sems pa na'ang/ /phyag rgya che la mngon zhen na/ de yi mngon du 'gro bar 'gyur zhes gsungs te/ don 'di yang rtsa ba'i rgyud nyid las ji skad du/ phyag rgya che la rab gnas na/ /'gro 'am 'chag

  140. 70b

    dang nyal ba dang/ /de bzhin mtshams med las byas na'ang/ /grol 'gyur 'di la the tshom med/ /'di gnas bzhin du rnal 'byor gang/ /btsun mo'i 'khor dang ldan na yang/ /nga yis 'chi bar ma mthong ste/ /'di nyid da ltar kye'i rdo rje zhes gsungs so// //bsdus pa'i rgyud 'di nyid las rdo rje'i tshigs 'dis gsal bar rab tu bstan pa yin te/ gang du yid kyis ma bsgoms na/ /'gro ba thams cad bsgoms 'gyur te/ /sgom pa med pa'i bsgom nyid kyis/ /chos rnams thams cad yongs shes bya/ zhes bya bas gsal bar byed de/ tshig 'dis rgyud mdza' dag gi don gsal bar gsungs la/ dbugs 'byin pa rnam pa gnyis las kyang rdo rje 'dzin chen po'i dbugs 'byin pa yin no/ /shes rab chen po'i yan lag drug gi dang po so sor sdud pa zhes su dpal dang po'i sangs rgyas dang/ gsang ba 'dus pa la sogs par tha snyad btags pa yin la/ 'bad pa thams cad yongs su 'dor bas 'grub/ ces par dgongs so/ /'di kho na shes rab kyi pha rol tu phyin pa'o/ /'di nyid bdag med ma'o/ /'di nyid he ru ka'o/ /'di nyid dus gsum gyi sangs rgyas so/ /'di nyid srid pa'i rgya mtsho las thar bar sgrol ba'o/ 'di nyid yi ge med pa'i mdo yin no zhes pa ste/ nges pa'i don no/ /gzhan yang rdo rje 'dzin pa chen po'i dbugs 'byin pa 'di byis pa'i skye bo rnams la sna tshogs pa'i dngos por snang ste 'di lta ste/ tha snyad du mar 'dogs shing gnas pa ni/ rgyu ba dang mi rgyu ba dang/ bdag dang gzhan dang/ srog dang gso ba dang gang zag dang byed pa po dang shed bdag dang shed can dang/ pha ma dang bla ma dang 'jig rten gyi mes po dang/ sa dang chu dang me dang rlung dang nam mkha' dang/ ri bo dang rgya mtsho dang/ gling dang/ nags ma dang/ shing gel pa dang/ lcug ma dang 'khril shing la sogs par gnas te/ 'di rnams kyang rang gi ngo bo las gzhan pa yod par dus gsum gyi mgon po rnams kyis yod e ma gsungs la/ 'di rnams la mchog dang dam par lta ba'i skyes bu kho na kye'i rdo rje'i sku yin no/ /de'i phyir 'di lta ste/ brtan dang g.yo ba'i dngos

  141. 71a

    po gang/ /rtswa lcug 'khril shing la sogs pa/ rang rang ngo bo'i rang bzhin las/ /dam pa'i de nyid nges bsgom bya/ /de rnams nyid las mchog gzhan med ces gsungs te/ 'di dag gi ngo bo spang pas kyang ma yin la mi spang pas kyang ma yin zhes bya ba'i don to/ /'di ltar/ rang rig bde ba chen po nyid/ /rang rig las ni byang chub 'gyur zhes bya ba la don 'di nyid rtsa ba'i rgyud nyid las ji skad du/ rdo rje snying po 'di lta ste/ sdug bsngal gyi rang bzhin 'khor lo kho na ji lta ba nyid du bzhag gis dper na nam mkha' i dbyings chen po 'di tshon du mas kha dog tu bya ba la rtsol ba mi byed pa yin no/ /de bzhin du kye'i rdo rje la gnas par 'dod pa'i rnal 'byor pas kyang tshul de ltar bslab par bya'o zhes bya ba'i don to/ /rang rig phyir na sgom pa nyid/ /rang gis rig pa'i 'gyur ba las/ /mnan pa las ni las skyes te zhes bya bas ni mtshon par bya ba dang/ mtshon par byed pa gnyis ka gsal bar ston pa yin la/ 'di ltar mtshon par byed pa'i dus su dga' bral dang po mchog mdza' can/ zhes bya bas mtshon byed blos mngon du byas nas/ rang gis rig pa bsgom par bya zhes bya ba'i don to/ de bas na mtshon byed de nyid mnan zhing dbang du byas pa las mngon par gsal bar 'gyur ro/ /de'i phyir ji skad du/ rang gis 'phrog cing rang gis byed/ /rang nyid rgyal po rang gtso bo/ zhes gsungs pa'i tshig gis bye brag tha dad par gsungs te/ mtshon par byed pa'i dus kyi rdo rje'i tshig go /de lta bu'i mtshon byed thog ma nyid du nan tan gyis btsal la/ phyis bsam gtan gyi khyad par gyis spangs te/ 'di ltar mtshan yang dag par brjod pa las/ srid pa'i 'dod chags sogs spangs pas/ srid gsum dga' ba chen po pa/ /sprin dkar dag pa bzhin du dkar/ /'od bzang ston ka'i zla ba'i 'od/ /nyi ma 'char ka'i dkyil ltar mdzes/ /zhes gsungs pa'i phyir ro/ /de bas gang mtshon byed de ni srid pa'i 'dod chags te/ nyon mongs pa mdza' dag gi stobs kyis 'byung la/ de dang mi

  142. 71b

    mthun pa ni dper bya kun las 'das pa ste zhes bya ba/ mtshon bya mngon du rnyed pa khyad par du 'phags pa yin no/ /de bas na bsdus pa'i rgyud 'di nyid las/ 'dod chags zhe sdang phrag dog dang/ de bzhin gti mug nga rgyal nyid/ /de kun de gnas nyams dga' par/ /bcu drug char yang mi pa'o/ /ces gsungs so/ /de bzhin du/ chos 'byung las skyes ye shes ni/ zhes pa ni skye gnas la brten pa'i bde ba'o/ /mkha' mnyam lhan cig thabs dang bcas/ /shes pa ni zag pa med pa'i bde ba'i thabs kyis so/ /gzhan du yang/ thabs dang shes rab rang bzhin las/ /'jig rten gsum po de las skyes/ zhes bya ba gsungs te/ sprod pa'i bde ba kho na las/ /'jig rten gsum po yang skyes shing/ mi 'gyur ba'i ye shes kyang de las skyes pa yin no/ /'di nyid kyi phyir pha dang ma 'am thabs dang shes rab ces bya bar skabs kyi khyad par la bltos te tha snyad 'dogs par mdzad do/ /gsang chen 'di'i skabs ni rten dang brten pas tha dad pas byas te tha snyad 'dogs pa yin te/ khu ba'i rnam pa bcom ldan yin/ /de yi bde ba 'dod mar brjod/ ces gsungs pa khu ba ni pha yin la/ bde ba ni mar rtogs par bya'o/ /ci'i phyir bde ba las shes rab tu brjod ce na/ 'di nyid kyis na med pa las/ /gang zhig dngos med shes rab de/ /dngos po thabs su brjod par bya/ zhes kyang gsungs la/ de bzhin du bde ba kun tu rtog pa'i dra bas gcod do/ /gcig dang du ma dang bral ste/ skad cig gcig las mchog dga' ba/ zhes bya ba rtogs te 'di ltar skad cig bzhi dang dga' ba bzhi'i cha shas kyi phye bas rig par 'gyur ro/ /ji lta bu zhig rig ce na/ rang gi rig pa'i ye shes 'di/ /ngag gi lam 'das spyod yul te/ /'di ni byin rlabs rim pa'i phyir/ /kun mkhyen ye shes de lta bu/ /sa dang chu dang rlung dang ni/ /me dang nam mkha' nyid dang ni/ /rang bzhin rig pa'i tshor ba yis/ /kun gyi skad cig kyang mi gnod/ /mtho ris mi yul sa 'og rnams/ /skad cig gis ni gzugs gcig 'gyur/ zhes gsungs la/ 'di ltar phyi dang nang du phye bas/ dper bya ba las 'das pa'i bde ba'i bsam

  143. 72a

    gtan gang la gnas na/ 'jig rten gsum gyis 'og sa stengs sa bla gsum du gnas pa rnams kyis kyang bdag la mi gnod de/ gang gis skad cig de la mi 'gyur ba'i bde ba'i ye shes su ma gyur pa gang yang med pa'i phyir ro/ /gzhan yang khams gsum 'di dag ni/ bdag dang bdag gis 'dzin pa'i lcags sgrogs gis bcing pas gnod par 'gyur la/ dbang phyug chen po 'di ni/ rang gzhan cha yi rnam rtog gis/ /gnod pa nyid du 'gyur ba min/ zhes pa'i don to/ /'di na byis pa phal cher ni 'jig rten pa rnams kyis rig byed sde bzhi dang/ grub pa'i mdza' du ma dang/ 'jig rten lta bu'i grub pa brgyad la sogs pa shes pas grol bar 'dod de/ gang de ni mes po chen pos bkag ste/ 'di ltar/ thams cad rig byed grub mdza' dang/ /de bzhin las rgyas la sogs las/ /srid par dag pa'i dngos grub min/ /slar zhing srid par skye bar 'gyur/ /zhes gsungs pa ste/ nges pa'i don to/ /'jig rten 'di dang pha rol tu/ /de med pas na dngos grub med/ /ces bya ba ni 'di ltar brjod pa dang bral ba'i dngos grub kyis dman pa'i byis pa ni 'khyam zhing rnam par 'khyams par 'gyur la/ de'i dbang gis sdug bsngal rgyun mi 'chang pa yang yin no/ /de bas na thar bar bya ba'i phyir 'jig rten pa'i dbang phyug chen po brgyad la sogs pa la 'dod cing zhen pas gnas par mi bya'o/ /gang gis mi shes kye rdo rje zhes bya ba ni gong du bstan pa de lta bu kye'i rdo rje mi shes pa'o/ /de ni ngal ba don ma de 'gyur zhes bya ba ni/ gang gis spros pa'i mtshan ma mi mnga' ba'i kye'i rdo rje dang bral bas lus dang ngag dang yid kyi spyod pa bskal pa bgrang ba las 'das par sbyad kyang 'bras bu dang bral ba'o/ /zhes bya'o bo'i rgyun ltar rab 'bab pa/ zhes pa ni nyan thos dang rang rgyal ba la sogs pa lam la gnas pa dag ni chu bo lta bu'o/ /gzhan du na byis pa rnams la nyan dang mtshan du chu bo gang gi rgyun kha 'og tu bltas te 'bab pas/ mtshan ma'i rtog pa byung ba yin no/ /mar me'i rtse

  144. 72b

    mo lta bur bcing/ zhes pa ni de ltar lam gnyis la gnas pa'i rnal 'byor pa yang dmigs pa'i lam la gnas par 'gyur bas rang rang gi lam bcad pa yin no/ /de bzhin du kha thur du bltas pa'i chu bo yang mar me'i rtse mo ltar dbyer med pa'i lam du bsgyur bar bya ste/ chu bran mdog dang ro dang dbyibs tha dad pa gaM gA si tal sogs pa phyi'i dug can du chud pa na tha mi dad pa bzhin no/ /rtag tu de nyid rnal 'byor gyis/ /nyin dang mtshan du rnam par bzhag /ces bya ba ni dngos po rnams ro gcig pa'i de kho na nyid la spyod lam thams cad du bzhag ces bya ba'i don to/ /'dir mang smras pas ci zhig bya/ /blo yi yul du gang gyur pa/ /de dag ro mnyam bsgom par bya/ /mkha' ltar khyab pa'i dngos grub 'byung/ /kye'i rdo rje'i nged pa'i don gyi rgya cher bshad pa las/ rnal 'byor ma'i 'khor lo'i rgya cher bshad pa ste brgyad pa'o// //dngos med ngo bo las byung ba/ /rdo rje can la phyag 'tshal nas/ /rnam dag le'u rgyas bshad ni/ /rdo rje snying pos bri bar bya/ /'di ltar ma sbyangs pa'i dug la sogs pa'i dngos po ni gsod par byed pa kho na bas/ skyes bu blo dang ldan pa rnams kyis de sbyad ba'i rigs so/ /de bas 'di ltar gsang chen rnam pa gsum gyi tshul gyis lus dang ngag dang yid rnam pa gsum rnam par dag par bya'o/ /de lar zhig /de nas mchog tu rnam par dag pa'i le'u bshad par bya'o/ /zhes bya ba ni rnal 'byor ma'i 'khor lo bshad pa'i rjes thogs su zhes bya ba'i don to/ /nges par dngos pos thams cad kyi zhes pa ni khams gsum pa'i dngos po thams cad do/ /dag pa de bzhin nyid du brjod/ /ces pa ni dngos po'i dug sel bar byed pa'i sman mi 'gyur pa'i de bzhin nyid kho na yin no/ /de yang re zhig byis pa rnams kyis rtogs par bya ba'i phyir/ phyis nas re rer phye ba yis/ /lha rnams kyis ni brjod par bya/ zhes bya ba la bskyed pa'i rim pa'i phyogs la/ oM shU n+ya tA zhes pa la sogs pas ni/ nges par dngos po thams cad sbyong ba yin la/ de bzhin du gzhal yas khang dang lha la sogs pas brtags pa ni drang ba'i don to/ /de ni 'di nyid

  145. 73a

    de/ phyi nas re rer dbye ba yis/ /lha rnams kyis ni brjod par bya/ /phung po lnga dang dbang po drug /skye mched drug dang 'byung chen lnga/ /rang bzhin gyis ni rnam par sbyad/ zhes bya ba ste/ mi rgyu ba'i khams rnams gzhal yas khang du brtag cing rgyu ba'i khams rnams lha ru brtag pa ni re zhig rnam par spyang pa'o/ /de las phung po lnga dang zhes bya ba ni/ gzugs nas rnam par shes pa'i bar du phung po lnga po rnam snang la sogs pa lnga ru sbyad? do/ /de bzhin du dbang po dang skye mched dang/ 'byung ba chen po la sogs pa rnams/ byang chub sems dpa' rnams dang/ rig ma lnga rnams su sbyang ngo/ /nyon mongs shes bya'i sgrib sbyang bya/ /rang rig bdag nyid dag pa nyid/ /dag pa gzhan gyis rnam grol mi/ zhes bya ba la sbyad bar bya'i dgos pa ni/ nyon mongs pa dang shes bya'i sgrib pa sbyad ba'i phyir ro/ /de la ji ltar dag par bya zhe na/ rang rig bdag nyid ces bya ba smos te/ gzugs la sogs pa ngo bo nyid kyis skye ba med par shes pa gang yin pa ni/ dag pa zhes de la brjod de/ de ma rtogs pa gzhan gyis dag par mi bya ba ni nges pa'i don to/ /de bas de'i phyir/ yul gyi dngos por dag pa'i phyir/ rang gis rig pa'i bde ba'i mchog /gzugs la sogs pa'i yul rnams dang/ /gzhan yang rnal 'byor pas mthong ba/ /dngos po de kun dag pa ste/ /'di ltar 'gro ba sangs rgyas bdag ces bya ba la 'di ltar byis pa rnams kyis rtogs par bya ba'i phyir/ /gzugs la sogs pa rnams ngo bo nyid kyis sangs rgyas gtso bo la sogs pa ste 'di ltar gzugs rnam par snang mdzad zhes pa la sogs pa'i tshig gis so/ /de'i phyir dpag bsam gyi shing dang bum pa bzang po dang yid bzhin gyi nor bu dang ral gri la sogs par snang zhing don byed pa'i yul rnam par sbyad ste byis pa rnams la drang bar gsungs so/ /kye bcom ldan 'das rnam par ma dag pa gang lags/ zhes bya ba ni bcom ldan 'das la rdo rje

  146. 73b

    snying pos gsol ba btab pa/ gong du bcom ldan 'das kyis gzugs la sogs pa'i yul dang/ mig la sogs pa'i dbang po rnams ni gdod nas sangs rgyas lags na/ de las gzhan pa'i dngos po gnyis pa bdag gis ma mthong zhes pa'i don to/ /bcom ldan 'das kyis bka' stsal pa/ zhes bya ba ni rdo rje'i snying po'i lan du'o/ /gzugs la sogs pa'o zhes bya ba ni gzugs la sogs pa 'di nyid byis pa rnams la rnam par ma dag pa yin te 'di ltar gsod pa'i phyir ro zhes pa'o/ /de ci'i slad du zhe na/ zhes pa ni rdo rje snying pos slar gsol pa'o/ /gzung ba dang 'dzin pa'i dngos po'i phyir ro/ /zhes bya ba ni byis pa'i skye bo rnams bdag dang bdag gir 'dzin te 'di ltar skyes bu dang rang bzhin du 'dzin cing/ de bzhin du 'gyur ba dang/ de bzhin du sgra dang snyan ngag dang byed pa'i tshig la sogs par 'dzin pa'i phyir ro zhes dgongs so/ /kye bcom ldan 'das gzung ba dang 'dzin pa gang lags/ zhes bya ba ni gang gis gang la ji ltar 'dzin zhes zhus pa'o/ /bcom ldan 'das kyis bka' stsal pa/ zhes pa ni lan du'o/ /mig gis gzugs la 'dzin par byed/ /sgra la rna bas nyan par byed/ /sna yis dri la snom par byed/ /lce yis ro la myong bar byed/ /dngos po kun gyis reg par byed/ /ces gsungs te/ byis pa rnams ni yul dang yul can dang/ bdag dang bdag gi dang bde ba dang sdug bsngal gyi tshul du yul rnams la 'jug pas/ rnam par ma dag pa yin la rnal 'byor pa mkhas pa ni/ de nyid thabs kyis 'jug par byed de/ des rnam par dag go /'di ltar bde ba dang sdug bsngal thams cad ni/ bzod ma nas ngo bo nyid kyis stong zhing zhing dben te/ gang gis de ltar shes pa de ni rnam par sbyangs pa ste nges pa'i don to/ /des na yid kyis bde sogs thob pa rnams/ /dag pas dug med byas nas ni/ /bsten bya 'di dag bsten par bya zhes bya ba la rnal 'byor pa mkhas pa dang/ byis pa'i rang bzhin can dag gis

  147. 74a

    'di ltar rim pa bzhin du bden pa gnyis la brten te/ rnal 'byor pa mkhas pas kyang sgyu ma'i dpe bcu gnyis dang/ dam tshig gi 'khor los kun rdzob kyi bden pa mi spang ste/ rang rang ji ltar 'dul ba bzhin du dkyil 'khor gyi 'khor lo bstan to/ /de bzhin du las dang po pa dag gis ni bdag dang bdag gir 'dzin pa ni/ 'di lta ste/ rus dang rigs dang rgyu dang cho 'brang du 'dzin pa las bzlog ste/ rdo rje'i rigs zhes bya ba kun rdzob kyi mngon par dbang bskur ba bdun la gnas te/ gtsang ba dang mi gtsang ba'i rtog pa las rim gyis bzlog par bya ba'i phyir/ rigs bzhi po rnams nang phan tshun du go dang/ ku la sogs ba'i bza' ba dag thun mong du bza' zhing/ rigs dang rigs ma yin pa la bgrong par bya ste/ ma dang sring mo la sogs pa rnams dang lhan cig tu gnas par bya ba ste/ gang des tha mal pa'i rnam par rtog pa cher rags pa rnams las ldog go /de bas na rdo rje'i rigs ni mngon par dbang bskur ba bdun nyid kyis ming 'thob po/ /des na bdag cag rnams kyis phung po dang khams dang skye mched dang dbang po dang 'byung ba dang/ 'byung ba las gyur pa ji snyed pa dang/ de bzhin du las dang las kyi dbang po'i bya ba rnams lha nyid du brtag gi /de las gzhan gyi tshul du ma brtag ste/ de ltar na dang po'i las can gyi rnal 'byor pa rnams kyis/ gzugs phung rdo rje ma yin te/ /tshor ba la yang dkar mor brjod/ /'du shes chu yi rnal 'byor ma/ /'du byed rdo rje mkha' 'gro ma/ /rnam shes phung po'i tshul gyis ni/ /bdag med rnal 'byor ma gnas so/ /rtag tu 'di dag rnam dag pas/ /de nyid rnam 'byor pas 'grub 'gyur/ /zhes gsungs te/ 'di ltar shel gyi nor bu'i nye 'khor du kha dog gang dang gang gzhag pa de dang de'i kha dog tu 'gyur ba bzhin no/ /rdo rje 'chang chen pos kyang byang chub sems dpa' rdo rje dbyings zhes bya ba la/

  148. 74b

    rigs kyi bu sems de ni ji ltar sbyangs pa de ltar 'gyur ro zhes gsungs so/ /'di'i phyir na phung po lnga lha mo lnga ru brtag par bya ste/ nang gi tshul du bstan par ni/ /rnal 'byor ma'i 'khor lor rgyas bar bstan to/ /de ni nang gi 'phar ma ste/ phung po lnga dag pa'o/ /yul rnams lha ru brtag par bya ba'i phyir/ de nas phyi'i 'phar ma bshad/ /dbang ldan du ni puk+ka sI/ /mer ni de bzhin ri khrod ma/ /bden bral gdol pa mo gzhag cing/ /rlung du g.yung mo rnam par gzhag /ces pas ni 'byung ba bzhi'i lha mo bstan to/ /de bzhin du yul gzugs la sogs pa 'byung ba bzhi'i lha ru brtag pa ni 'di lta ste/ dbang dkar gshin rjer chom rkun ma/ /chu yi phyogs su ro langs ma/ /lus ngan du ni g+hasma rI/ /zhes pas bstan to/ /gzhan yang/ 'og tu sa spyod ma zhes brjod/ /steng du mkha' spyod ma zhes bshad/ /ces pa ni phyi nang gi tshul gyis gong du rgyas par bstan to/ /bskyed pa'i rim pa nyid kyi phyogs zhes bya ba ni de ltar brjod pa'i rim pas las dang po pa rnams la bstan pa'o/ /srid dang zhi ba'i rang bzhin gyis/ /zhes bya ba la/ srid pa? nam mkha' spyod ma yin la zhi ba ni sa spyod ma yin no/ /de yang rgyud gzhan las ji skad du/ srid pa ni dpral ba yin zhing mya ngan las 'das pa ni/ nor bu'i mgrin pa las zags par 'gyur ba'o zhes gsungs so/ /lha mo 'di gnyis rnam par gnas/ /zhes bya ba ni srid pa dang zhi ba'i rang bzhin du steng dang 'og gi lha mo gnyis shes par bya'o/ /bskyed pa'i rim pa la rnam par dag par bstan pa byis pa rnams kyis rtogs par bya ba 'di lta ste/ gzugs la dkar mor brtag par bshad/ /sgra la chom rkun ma ru grags/ /dri yi cha la ro langs ma/ /ro la g+hasma ri ru grags/ /zhes bya ba gsungs te/ byis pas brtags pa'i dngos po bzhi po rnams de ltar mos par byas te goms pa las kun rdzob du gsang ba la sogs

  149. 75a

    pa grub pa yang yin la/ las 'di bzhi'i nges pa'i don bstan pa ni/ rtsa ba'i rgyud las 'di lta ste/ rdo rje snying bo lus can rnams kyi rang gi lus las 'byung ba'i byang chub kyi sems kyi chus nyon mongs pa'i gdung ba zhi bar byed pa ni zhi ba'o/ /snga na med pa'i bde ba gya nom pas lus dang ngag dang sems rgyas pa'i phyir rgyas pa'o/ /lus dang ngag dang yid sdug bsngal ba las bzlog ste bde bas dbang du byas pa'i phyir dbang ngo/ /de'i stobs kyis srog nyi khri chig stong rgyu ba dang/ byang chub sems kyi thig le kha thur du bltas pa'i rgyu ba gsod pa'i phyir mngon spyod do/ /de bzhin du zhi ba chu yis bsam gtan dpral bar bsam pa dang/ dbang me'i bsam gtan mgrin par bsam pa dang/ bsad pa rlung gi bsam gtan snying kha dang/ rgyas pa sa'i bsam gtan lte bar gnas/ zhes gsungs so/ /reg la sa spyod ma zhes bshad/ /chos kyi dbyings la mkha' spyod ma/ zhes bya ba ni phyi dang nang gi tshul gyis rnam par shes pa nam mkha' i khams zhes bya ba srog gi rlung steng nas rgyu ba rnal 'byor gyi rgyud kyi de kho na nyid de 'dus pa la sogs pa'i de kho na nyid du bstan zhing pha'i sems zhes su bstan no/ /de bzhin du sa spyod ma zhes bya ba ni mchog tu mi 'gyur ba'i ye shes kyi khams shes bya ba/ lus can rnams kyi khu ba'i thig le 'og tu 'jig pa'i bde ba rnal 'byor ma'i rgyud kyi de kho na nyid de/ kye'i rdo rje la sogs pa'i de kho na nyid du bstan cing ma'i sems shes su bstan to/ /de ni dang po'i sangs rgyas kyi rgyud ces bya ba las kyang ji skad du/ steng 'og sems kyi rtsa gnyis ni/ /sa bon 'bab dang mun pa can/ /thabs kyi thugs ni mun pa can/ sa bon 'bab pa shes rab kyi/ /zhes gsungs te/ rdo rje'i tshig 'dis don 'di khong du chud par bya'o/ /de bzhin du rtag tu 'di rnams rnam dag pas/ /de nyid rnal 'byor pas 'grub 'gyur/ zhes bya ba ni drang ba dang nges pa'i don gyi dbang gis/ rim pa bzhin du yid la byas nas/ 'jig rten

  150. 75b

    dang 'jig rten las 'das pa'i de kho na nyid rim bzhin du 'thob par 'gyur zhes bya ba'i don to/ /gzhan yang phyag gi dag pa stong pa nyid/ /bdud rnams dag pas zhabs rnams te/ /rnam par brgyad kyi zhal rnams yin/ /spyan gyi dag pas rdo rje gsum/ zhes bya ba ni rim pa bzhin du zla ba mar ngo'i chos can stong pa nyid bcu drug dang/ 'jig rten pa'i sang pa la sogs pa'i chos can gnas skabs bzhi 'gags pa dang/ chos kyi 'khor lo thun mtshams brgyad kyi mtshan nyid can dang/ sku gsung thugs kyi mtshan nyid can/ oM A:hUM zhes pa dang/ gzhan yang sa ni puk+ka sI zhes bshad/ /chu khams rngon pa ma zhes brjod/ /me ni gtum mor shes par bya/ /rlung ni g.yung mor rab tu grags/ zhes pa ni las rnam pa bzhi'i tshul gyis phyi dang nang du rtogs par bya ste/ drang ba'i don ni 'di ltar rtsa ba'i rgyud nyid las/ ji skad du/ srog ni rdo rje'i rigs kyis bcad/ /don yod grub pas brdzun du smra/ /rin po che yis brku bar bya/ /dpag med 'od kyi mi tshangs spyad/ /ces gsungs te/ de ji lta ba bzhin du shes pas ni/ dngos grub gnyis kyi rgyur dgongs so/ /de bzhin du gtso bo dang phal pa'i dbye bas/ zhe sdang zhes bshad rdo rje ma/ /'dod chags chu yi rnal 'byor ma/ /phrag dog rdo rje mkha' 'gro ma/ /ser sna gsang ba'i dkar mo nyid/ /de bzhin gti mug rdo rje ma/ /zhes bya ba ni rim pa bzhin du mi bskyod pa dang/ rin chen 'byung ba dang/ don yod grub pa dang/ dpag med 'od dang/ rnam snang mdzad la sogs pa rnams su rnal 'byor sde gnyis kyis rtogs par bya bar gsungs te/ 'on kyang skabs 'di las byis pa'i rnal 'byor pa rnams kyis rtogs par bya ba'i phyir gsungs pa yin te/ ci mngon zhe na/ zhe sdang la sogs rnam spyod pa/ /bskyed pa'i rim pa'i phyogs la ni/ /'dis ni phung po sbyang bar bya/ /zhes gsungs pa'i phyir ro/ /de ltar brjod pa'i rim pas rnal 'byor pa mkhas pa rnams kyis kyang/ bden pa gnyis

  151. 76a

    dang rim pa gnyis kyi tshul la brten te/ byis pa rnams kyis sems grol par 'gyur ba de ltar chos bstan par bya ba ni/ de bzhin gshegs pa'i nges pa'o/ /de pas de'i phyir rtsod pa rab tu rgyas pa'i dus 'dir yang/ 'dod chags kyis 'dul bar 'os pa rnams la/ 'dod chags kyi chos bston par mdzad pa yin no/ /gang dang gang gis 'jig rten 'ching 'gyur ba/ /de dang des ni 'ching pa las grol te/ /de nyid mi shes 'jig rten mi grol zhing/ /de nyid rnams spangs dngos grub rnyed mi 'gyur/ /zhes bya ba ni thugs rje chen po mnga' ba'i dpa' bo rnams kyi thabs de nyid mchog tu gzigs te bstan pa yin pa de'i phyir/ tshig dang yi ge 'dis re zhig byis pa rnams 'dren par mdzad de/ gzhan dag gis brnyas par mi bya'o/ /rgyud 'di nyid las kyang ji skad du/ dper na rna bar chu zhugs la/ /chu gzhan gyis kyang gdon par bya/ /gzhan yang me yis tshig pa la/ /slar zhing me yis gdung bar bya/ /de bzhin 'dod chags mes tshig la/ /'dod chags nyid kyis gdung bar bya/ zhes gsungs so/ /de'i phyir dri med sgra med gzugs nyid med/ /ro dang sems kyis rnam par dag pa med/ /reg med chos med thams cad rnam par dag /rang bzhin dag pa'i 'gro la 'gro bar shes/ /zhes bya ba gsungs te/ dang por nyon mongs pa rnams kyi rang bzhin thog mar bstan par byas nas/ phyis de nyid thabs kyis rim bzhin spang bar bya zhes bya ba ni/ de bzhin gshegs pa'i gdams ngag yin la/ rtsa ba'i rgyud las kyang ji skad du/ gang gang sgra dang cha byad kyis/ /'gro ba rnams ni 'dul 'gyur ba/ /de de'i sgra dang cha byad kyis/ /rdo rje 'dzin rnams chos ston mdzad /ces gsungs ba dang /gzhan yang ji skad du /tshangs dbang khyab 'jug 'dod lha dang/ /drag po sred med bu la sogs/ /de rnams gzugs kyang re zhig bsngags/ /'di rnams 'jig rten dbugs 'byin yin/ /zhes gsungs so/ /gzhan yang kye rigs kyi bu

  152. 76b

    dag gnyis gnyis sprod pa la sogs pa'i nyon mongs ni/ ngo bo nyid kyi nyon mongs pa'i rang bzhin ma yin gyi/ skyes bu rnams kyi bsam pa'i bye brag las nyon mongs par bstan pa yin no/ /zhes gsungs pas don de dag thams cad de ltar rtogs par bya'o/ /kye'i rdo rje'i nges pa'i don gyi rgya cher bshad pa las/ rnam par dag pa'i le'u'i rgya cher bshad pa ste dgu pa'o// //ngo bo nyid chos longs spyod rdzogs/ /sprul pa'i sku ni mtshan nyid can/ /grub pa rnam bzhi ster mdzad pa/ /rdo rje mgon po bdag phyag 'tshal/ /sgrub po rnams la phan pa'i phyir/ /gang gis slob ma dbang bskur ba'i/ /rgyas bshad dri ma med pa dag rdo rje snying pos legs par bstan/ /de nas ji ltar dkyil 'khor gyi/ /rim pa yang dag rab tu bshad/ /ces bya ba smos te/ de la rdo rje slob dpon gang gis slob ma gang zhig dkyil 'khor du gzhug par bya ba'i phyir/ gdod ma nyid du rang dang slob ma nyid kyi rnam par rtog pa las byung ba'i bgegs bsal bar bya'o/ /de yang 'di ltar gza' bzang ba dang/ chos bzang po dang/ skar ma bzang po dang sbyor ba dang byed pa shis pa dag la cho ga brtsam par bya ba ni/ de bzhin gshegs pa'i nges pa ste/ 'jig rten dang 'jig rten las 'das pa'i dbang gi bye brag blo la legs par bsdogs la/ brtsam gyis gzhan du ma yin no zhes bya ba'i don to/ /gang gis slob ma dbang bskur ba'i/ /cho ga rab tu bshad par bya/ /zhes bya ba ni mdor bstan pa'i tshig go /de yang 'di ltar sngon du rdo rje slob dpon 'jug pa'i phyir/ dang por lha yi dngos byas te/ /hUM las rdo rje 'bad byas pas/ /rnal 'byor can gyis sa sbyangs te/ /phyi nas dkyil 'khor bri bar bya/ /zhes bya ba la dang por rdo rje slob dpon nyid khams gsum las rnam par rgyal ba'i khro bo'i bdag nyid kye'i rdo rje zhal gcig phyag gnyis par hUM gi sa bon las bskyed de/ bsrung ba'i 'khor lo la sogs pa bya zhing sa legs par spyangs

  153. 77a

    la/ ting nge 'dzin gyis dkyil 'khor du rang nyid 'jug par bya zhes bya ba nges pa'i don to/ /gnas kyi khyad par bstan par bya ba'i phyir/ skyed mos tshal dang dben gnas dang/ /byang chub sems dpa' i khyim dag dang/ /khang stong dag ni lding khang du/ /dkyil 'khor mchog ni bri bar bya/ /zhes pas bstan te/ 'di ltar gnas 'di dag ni bkra shis pa dang/ yid dga' ba dang/ dngos grub myur du ster bar byed pa yin pas 'bad pas btsal bar bya ba yin no/ /gnas der sa'i dkyil 'khor gyi stegs bu ji tsam 'dod par brtsigs la/ rgyud nas 'byung ba'i thig gis 'khrul pa med par thig btab la/ rdul tshon btang bar bya'o/ /rdul mtshon mchog gi bri ba 'am/ /yang na par par gyur pa ste/ /rin chen lnga'i phye ma dang/ /yang na 'bras phye la sogs so/ /zhes bya ba la rdul tshon ni rnam pa gnyis te/ byi ru la sogs pa rin po che lnga'i phye ma mchog tu bstan la/ de ma 'byor pas 'bras phye la sogs pa tshon gyis bsgyur bas kyang bri bar bya zhes bya ba'i don to/ /de la dkyil 'khor khru gsum dang/ /sor mo gsum gyi lhag par bya/ /zhes bya ba ni/ lus ngag yid gsum gyi dbye bas sam/ yang na rdul dang mun pa snying stobs kyi tshul gyis tshad bstan pa'o/ /der ni rigs lnga las byung pa'i/ / rig ma bzang mo rnam par gzhug/ ces bya ba ni de ltar dkyil 'khor cho ga bzhin du bris la/ sngags 'chang rang nyid chu zla lta bu'i bsam gtan dang ldan pas/ rdul tshon gyi dkyil 'khor byin gyis brlab cing rang nyid legs par zhugs la/ de'i rjes su slob ma dag la bsnyen gnas kyi sdom pa dang/ phyi'i dam tshig gi sdom pa byang chub mchog tu sems bskyed pa la sogs pa sngon du 'dzin du bcug la de'i rjes su 'jig rten pa'i dbang rnams bye brag bzhin sbyin par

  154. 77b

    bya ste/ de yang 'di ltar byis pa rnams drang bar bya ba'i phyir rdo rje slob dpon gyi dbang zhes bya ba yongs su rdzogs par bya'o/ /de nas byis pa rnams la 'dod chags kyi lam bstan par bya ba'i phyir 'og nas ston bzhin pa'i bu mo rigs lnga'i rtags can gsang ba'i theg pa la mchog tu gzhol ba sngon du legs par sbyangs la/ dkyil 'khor du gzhug go /de yang ji ltar nyi ma'i lo dang ldan pa dang/ rgyal po'i lo dang ldan pa dang lo nyi shu dang ldan pa rnams sku gsung thugs kyi lo'i bye brag gis phye la/ dkyil 'khor du gzhug gi /nyi ma'i lo dang ldan pa yod bzhin par rgyal po'i lo la sogs pa mi gzhug go /'on te nyi ma'i lo dang ldan pa med par gyur na/ rgyal po la sogs pa'i lo dang ldan pa gzhugs par bya ste/ 'di ltar yang na ji ltar gang rnyed de/ de ltar bcu drug lon pa nyid/ /ces bya ba gsungs te/ 'di ltar bde ba dam pa ster ba'i nyi ma'i lo'i phyag rgya ni mchog tu bstan la/ rgyal po'i lo ni 'bring po yin no/ /nyi shu'i lo ni tha ma yin par gsungs pa'i phyir ro/ /ji srid khu ba ldan gyur pa/ /de srid phyag rgya bstan par bya/ /zhes bya ba ni 'di ltar don gnyis su go bar bya ste/ bud med rnams kyi bde ba'i rgyur 'gyur pa ni nyi ma'i lo nas 'byung ba yin gyi/ de las snga par ni ma yin no/ /de bzhin du nyi shu 'das nas de nyid 'jigs pa'i phyir dang/ gzhan yang rig sngags 'chang dang/ rdo rje slob ma dag gis 'gyur ba'i bde ba ji srid nyams su myong bar 'gyur pa de srid du bsten par bya ba yin pas/ de skad ces bya'o/ /phyag rgya'i gdong yang bcing ba dang/ thabs kyi gdong yang de bzhin te/ zhes bya bas ni bu mo dang skyes bu dang dbang bskur ba dag phan tshun du gdong g.yogs bya pa ni go cha'o/ /bsten pa de las gang 'byung ba/ /slob ma'i khar ni ltung bar bya/ /zhes bya ba ni rig sngags 'chang gi

  155. 78a

    slob dpon gyis/ yu ba ti la ji lta ba bzhin du brten par byas la/ gu hya ba ra ta ka na gnas pa'i sems kyis mtshal dang mnyam par bsres la slob ma'i kha'i lam nas longs spyod rdzogs par sbyar la gsung gi rang bzhin du bstan par bya ba nyid gsang ba zhes bsgrags so/ /ro mnyam slob ma'i spyod yul nyid/ /de nyid la yang bya bar bya/ /rang rig ye shes nyid du 'gyur/ /zhes bya ba ni de ltar gsang ba zhes bya ba rtogs par byas la/ 'jig rten pa'i 'dod chags kyi de kho na nyid ji lta ba bzhin du bstan par byas la/ gang gis gnas su mtshon par 'gyur ba'i gnas su brtag pa'i rgyal po dang/ thugs kyi bdag po dag gi mtshams phra ma gzhug par bya ba ste/ rdo rje 'chang gi bka' lung ngo/ /des te phyis ni phra ma btang la/ tshogs kyi mchod pa chen po byas la/ 'dod chags kyi bstan bcos 'og nas 'byung ba ma lus pa byas la yang bla ma chen po rig sngags 'chang las de las gong du gyur pa'i 'o ma bsgrub pa'i rim pa/ srog dang rtsol bas btsal bar bya'o/ /de nas gang du mtshon byed gsal pa kho na de la/ rang rig ye shes nyid du 'gyur zhes gsungs te/ gang de ni shes rab ye shes kyi de kho na nyid de de lta bur ston cing gsal bya bya pa ni/ rig sngags 'chang gi las yin la/ brtan par gnas shing bdud kyi yul spong ba ni slob ma las so/ /de ltar rgan po ltar yul ring bar gnas pa'i ye shes rang rig pa spangs te/ ye shes chen po la 'jug par bya'o/ /de ni ji skad du/ rtsa ba'i rgyud las/ rang rig ye shes rnam spangs la/ /mtshon du med pa mtshon bya ste/ /sgra dang thig le rnam par spangs/ /yi ge las 'das mtshan nyid do/ /zhes gsungs la/ de bzhin du gzhan yang

  156. 78b

    mtshan yang dag par brjod pa las kyang/ ji skad du/ bdag rig gzhan rig thams cad pa/ /kun la phan pa'i gang zag mchog /dper bya kun las 'das pa ste/ /shes dang shes bya'i bdag po mchog /ces gsungs pa de bas na/ 'jig rten lta bu'i ye shes rang rig pa spangs la/ mi 'gyur ba'i bde ba chen po bsgom par nges so/ /de'i phyir rang gzhan yang dag rig pa spangs/ /mkha' mnyam rdul bral stong pa nyid/ /dngos dang dngos med bdag nyid mchog /thabs dang shes rab shin tu 'dres/ /chags dang chags bral rnam par 'dres/ /zhes bya bas bstan te/ 'di ltar 'jig rten pa'i 'dod chags gang yin pa ni 'jig pa dang 'gyur ba dang/ rang nyid 'ba' zhig rig pa dang/ phyogs gcig pa dang/ dngos po dang dngos po med pa'i bdag nyid tha dad pa dang/ thabs dang shes rab ces yang dag pa ma yin par brdar bstan cing cher ma 'dres pa dang/ chags pa dang chags pa bral pa'i phyogs ches tha dad pa'i phyir gang de spangs la mi 'gyur ba'i bde ba bzhi pa zhes bya ba bsgom par nges so/ /de bas de'i phyir lhan cig skyes pa'i ye shes chen po 'di nyid lus can rnams la 'khor pa las 'don cing rig pa 'dzin pa'i gnas su 'khrid de/ dbugs cher 'byin pa yin te/ 'di ltar/ de nyid srog chags rnams kyi srog /de nyid mchog tu mi 'gyur pa/ /de nyid 'gro ba'i bdag nyid de/ /de nyid kun la khyab pa po/ /zhes gsungs te/ 'di ltar 'gyur ba med pa'i bde ba chen po gang yin pa'i de ni/ sangs rgyas thams cad kyi sku dang gsung dang thugs kyi mchog tu gsang ba ste/ 'jig rten phal pa'i bdag tu lta ba thams cad sun 'don cing ma rungs par byed pa yin no/ /de bzhin du 'khor ba pa rnams la lus la gnas pa'i khu bas rtogs par byed de/ khu ba med na rtogs par mi 'gyur

  157. 79a

    te/ khu ba la brten de rtogs par bya ba ni 'dod chags kyi chos kyi tshul lo/ /des na thams cad lus la rnam par gnas/ zhes gsungs so/ /de bzhin du dngos dang dngos po med pa rtogs par byed pa dag byang chub sems kyi khu ba de nyid las 'byung ste// 'di ltar khu ba thung du bltas pa las/ bdag dang bdag gir 'dzin pa'i gzhi 'byung la/ khu ba de nyid gyen du bltas shing rgyas pa las ni/ chos thams cad kyi mdo dang rgyas pa rtogs par 'gyur ro/ /de lta bas na/ dngos dang dngos med de las 'byung/ /gzhan dang gang rnams de rnams dang/ /rnam par shes pa kun gyi tshul/ /skyes bu sngon rabs dbang phyug dang/ /bdag dang gso ba sems can dang/ /dus dang gang zag nyid dang ni/ /dngos po kun gyi rang bzhin 'di/ sgyu ma'i gzugs kyi yang dag gnas/ /zhes gsungs te/ de ltar byang chub sems kyi khu ba thur du zags pa las grub pa'i mdza' dang/ lta ba thams cad dang/ snyan dngags dang/ lo rgyus kyi chos dang/ phywa dang dbang phyug dang byed pa po la sogs pa du ma 'byung bar grags so/ /de lta bas na lus kyi rten 'bad pas bsrung bar bya zhing 'di ltar gnas pa rnams sgyu ma lta bur shes par bya zhes dgongs so/ /gang sgyu ma lta bu de nyid rtogs par bya ba'i phyir/ dang po dga' ba tsam nyid de/ /gnyis pa'i grangs las mchog dga' nyid/ /gsum pa la ni dga' bral nyid/ /bzhi pa lhan cig skyes par brjod/ /ces bya ba las 'di ltar lus la gnas pa'i khu ba nyid nang du dga' ba bzhi'i tshul du brten pas sgyu ma'i gzugs 'thob par 'gyur ba ni/ 'dod chags kyi chos kyi tshul nyid du bstan de/ de bzhin gshegs pa'i bka' lung ngo/ /de las gzhan yang rdo rje phreng ba zhes bya ba'i rgyud chen po las/ ji skad du/ rang lus ?

  158. 79b

    'gyur ba med pa de/ /mchog gcig gis ni shes bya ste/ /de ni dpe yis nyer mtshon nas/ /bla ma'i drin gyis shes par bya/ zhes gsungs la/ de bzhin du sgyu 'phrul dra ba las kyang/ bcu drug phyed byed thig le can/ /yan lag med pa'i rtsis las 'das/ /bsam gtan bzhi pa'i rtse mo can/ /bsam gtan yan lag kun shes shing/ /zhes bya ba la sogs pa rgya cher gsungs so/ /rdo rje snying po la sogs kun/ /mkhas pas de skad des thos pas/ /mchog tu ngo mtshar gyur nas ni/ /brgyal zhing sa la 'gyel par 'gyur/ /zhes bya ba ni bcom ldan 'das kye'i rdo rjes rdo rje snying po la sogs pa rnams la 'dod chags kyi tshul gyis chos 'di bstan pa'i tshe/ shin tu ya mtshan du gyur nas sa la 'gyel te/ 'di ltar bcom ldan 'das kyi gsung kha cig tu 'chir bar bstan pa de nyid kyis grol bar bstan cing rang rang gi lus nyid las gzhan du sangs rgyas btsal bar ma gsungs te/ lus 'di nyid las sangs rgyas yod do zhes gsungs na/ kho bo cag gi dang du rtogs par ma gyur grang zhes pa ste/ 'di ltar bcom ldan 'das kyis cho 'phrul bstan pa'o/ /'o na 'dod chags de nyid la rim pa ji lta bu'i tshul gyis bslab par bgyi zhing/ ji ltar 'bad par bgyi zhes/ bcom ldan 'das kye'i rdo rje la zhus pa dang/ bcom ldan 'das kyis lam du gsungs pa/ dang por dga' ba 'gro ba'i gzugs/ /de bzhin mchog dga' 'gro ba nyid/ /dga' bral dga' ba'ang 'gro ba nyid/ /gsum po lhan cig skyes pa med/ /bcom ldan bka' stsal kye'i rdo rje/ /sangs rgyas kun gyi sku gcig pa/ / rdo rje snying pos rtogs bya'i phyir/ /the tshom med par sel ba ni/ /'dod chags med cing chags bral med/ /dbu mar dmigs par mi 'gyur ro/ /gsum po spangs pa nyid kyi phyir/ /lhan cig skyes pa byang chub brjod/ /ces gsungs te 'dod

  159. 80a

    chags kyi tshul gyi tshes de la/ byis pa rnams la skad cig rnam pa bzhi phye bas bde ba'i ro rdo rje slob dpon rig sngags 'chad las shes par 'gyur la/ /de yang 'di ltar rig sngags 'chang gi bka' bzhin du dga' ba gsum po ni/ srid pa gsum po bskyed pa na yongs su dor te/ bzhi pa bsgom par nges so/ /'di ltar dga' ba gsum gyi mtshan nyid can gyi bum pa dang gsang ba dang shes rab ye shes rnams ni 'jig rten lta bu'i bde ba ste/ kun rdzob pa nyid yin pa'i phyir/ yongs su dor la yid nang du chud pa'i bde ba/ 'dod chags dang chags pa dang bral ba dang/ dbu ma spangs pa'i bde ba nyid kyi spyod pa dang grol ba ster ba yin no/ /yang na de nyid thams cad bdag /yang na kun gyi rnam par spangs/ /zhes bya ba ni 'jig rten pa'i dga' ba bzhi char spangs la/ 'jig rten las 'das pa'i dga' ba bzhi po ma lus par bsgom zhes bya ba'i don to/ /'jig rten pa'i bzhi po las/ legs par mtshon par byed pa ni/ dga' ba bzhi po'i 'char pa thams cad kyi yongs su gang ba nyid dang du blang ngo zhes bstan pa'i phyir/ de yang dga' bral dang por mtshan/ /dga' ba gsum po rnam par spangs/ zhes gsungs so/ /'di ltar 'jig rten lta bu'i bde ba dag spangs nas gang gi dus su lhan cig skyes pa chen po la gnas pa de ni/ las dang po pa'i sa las 'das te/ dang po sprin dang 'dra ba yin/ /grub pa sgyu ma lta bur 'gyur/ /zhes bya ba smos te/ dang por bde ba'i ting nge 'dzin gsal ba dang mi gsal ba'i bye brag 'dren par 'gyur ro/ /de'i phyi nas ni bde ba'i ting nge 'dzin gsal ba'i phyogs shas che bar 'gyur la/ mi gsal ba zil gyi non par 'gyur ro/ /de bzhin du nyal dang log pa'i khyad par las/ /rtag tu rmi lam 'dra bar 'gyur//

  160. 80b

    zhes bya ba ni/ de dag gi rjes la dus rtag tu gnyid log pa dang sad pa'i gnas skabs kun la chos thams cad sgyu ma ltar gnas shing/ rnam par rtog pa'i mtshan ma'i ngo skabs rnam pa kun tu mi byed pa 'di ni brtan par gyur pa'i mtshan ma'o/ /de bzhin du rtsa ba'i rgyud chen po las kyang/ ji skad du/ dang po'i sa las 'das pa yi/ /rnal 'byor ting 'dzin gang la gnas/ /ting 'dzin de yi mtshan ma ni/ /rnam pa gsum du rig par bya/ zhes gsungs so/ /de ltar na mtshan ma rnam pa gsum po de dag ni byang chub pa nye bar gzhol bar byed pa'i rtags yin no/ /de bas na/ dngos grub mtshan nyid dbyer med pa'i/ /phyag rgya rnal 'byor pa yis 'grub/ /ces gsungs so/ /da ni sngon du brjod pa'i phyir dkyil 'khor gyi mtshan nyid dang/ dbyibs la sogs pa dang/ thig skud kyi mtshan nyid dang/ rdul tshon gyi mtshan nyid dang/ bum pa dang rdzas la sogs pa bstan pa'i phyir/ ston pas dkyil 'khor 'di skad gsungs/ /gru bzhi yang dag 'bar ba nyid/ /sgo bzhi gzi brjid chen po ste/ /do shal do shal phyed pas brgyan/ /phreng ba sna tshogs rnga yab ldan/ /ka ba brgyad kyis rnam par mdzes/ /rdo rje srad bus mnyam par ldan/ zhes bya ba ni/ sgra ji bzhin pa de rtogs par sla'o/ /gzhan yang/ me tog sna tshogs nye bar brgyan/ / bdug pa mar me de bzhin dri/ /bum pa brgyad la sogs pas ldan/ /de yang yal ga la sogs bcas/ /mgrin pa gos kyis bgab par bya/ /rin chen lnga ni yongs su gzhug /ces bya ba la sogs pa rnams ni dkyil 'khor gyi yo byad bstan pa ste rtogs sla'o/ /rnam par rgyal ba shar du sbyin/ /zhes bya ba ni las thams cad pa'i bum par byin gyis brlabs la/ khro bo bgegs kyi dgra'i sngags kyis byin gyis brlabs pa ni chu nang du blugs la/ dkyil 'khor gyi khang ba'i shar du dgod ces bya

  161. 81a

    ba'i don to/ /rang 'dod lha yi gzugs kyis ni/ zhes bya ba ni/ zhal gcig phyag gnyis pa'i rnal 'byor gyis so/ /gsar pa legs par bsgrims pa dang/ /shin tu tshad ma mdzes pa yi/ /srad bus shes rab can gyis gdab/ /ces bya ba ni ras bal dkar po dri ma med pa la/ blo dang ldan pa'i sngags pas lnga bsgril du bya ste/ de yang de bzhin gshegs pa lnga'i kha dog dang ldan pa'i tshon gyis so sor bsgyur la/ cho ga bzhin rgyal ba rigs lngar byin gyis brlabs la/ phyogs cha ma nor bar thig gdab ces pa'i don to/ /de bzhin du dkyil 'khor gyi lha bsnyen par bya ba ni/ 'khor lo'i bdag po'i bzlas pa 'bum/ /dkyil 'khor can gyi de bzhin khri/ zhes bya ba ni rig sngags 'chang gi slob dpon gyis dkyil 'khor pa bsten par bya ba'i don du/ gtso bo'i rtsa ba'i sngags sngon du 'bum bzlas shing de bzhin dkyil 'khor pa rnams kyi ni khri khri yongs su bzlas te mnyes par bya'o/ /phyogs skyong la dus gsum du gtor ma yang sbyin no/ /de'i rjes su la gdod sa'i mtshan nyid legs bar brtags te/ 'di ltar dkyil 'khor chen po'i cho ga'i tshul du sa sbyang bar bya ste/ 'di ltar/ gong du gsungs pa'i sngags nyid kyis/ /mkhas pas sa ni rnam par sbyang/ /gong gi a sogs sngags nyid kyis/ /de la gtor ma rnam par sbyin/ zhes bya ba ni/ ji ltar gtso bo'i dkyil 'khor sngon du bstan pa'i skabs su gsungs pa ltar skabs 'dir yang de ltar khong du chud par bya'o/ /de bzhin du bsrung ba'i 'khor lo dang/ rang gi lha'i nga rgyal gang dang gang yin pa de dang de'i rnam par sbyang ba dang/ de bzhin du dbang gi bye brag dang mchod pa dang gsol ba gdab pa thams

  162. 81b

    cad sngon bzhin du bya'o/ /khyad par du bdag med ma'i dkyil 'khor ni/ 'phar ma gnyis bzad rnam bris nas/ /ces bya ba tsam gyi bye brag tu byas pa yin gyis khyad par gzhan ni med do/ /de bzhin du lha'i mtshan ma gzhag pa ni/ sngon gyi gtso bo'i dkyil 'khor la g.yas kyi phyag mtshan thams cad dgod pa yin la/ 'dir yang gri gug 'ba' zhig tu dgod par bya'o/ /de bas de'i phyir myur du dkar mo la srogs bri/ /shar du gri gug rnam bris te/ /lho dang nub tu de bzhin no/ /byang dang me yi mtshams dang ni/ /bden bral rlung du de bzhin no/ /zhes bya ba ni/ lha mo'i mtshan ma dgod pa'i tshul te/ 'phar ma rnam pa gnyis la rim pa bzhin du yul dang yul can gyi lha mo rnams kyi phyag mtshan dgod ces bya ba'i don to/ / de bzhin du dbang ldan du ni ci gsungs pa/ /de lta de ltar 'og dang steng/ zhes bya bas ni lha mo'i dkyil 'khor gyi mtshan ma la sogs pa legs par bstan pa yin no/ /da ni slob dpon rig sngags 'chang ba bdag nyid dkyil 'khor du 'jug pa ston te/ 'di ltar/ rdo rje sems dpa' bsnyems byas nas/ /rkang pa g.yas pa brkyang bya ste/ /phyag gnyis kye'i rdo rjer sbyor bas/ /slob dpon dkyil 'khor 'jug par bya/ /zhes bya bas ston te 'di ltar rig sngags 'chang thabs dang shes rab gnyis su med pa'i sbyor bas sems can thams cad la mnyam pa'i snying rje bskyed de/ snying rje'i gar stabs dang ldan pas/ dkyil 'khor du 'jug ces pa'i don to/ /gzhan yang khrus dang gtsang sbra dri zhim lus/ /sna tshogs rgyan gyis rnam par brgyan/ /zhes bya ba yang tshul bzhin du byas la/ rnam par rtog pa'i bgegs gzhil bar bya ba'i phyir/ hUM hUM bsnyems par byas nas ni/ /hUM hIs rnam par 'jigs par byed/ ces bya ba

  163. 82a

    zhal nas brjod cing dkyil 'khor du 'jug pa la sogs pa'i las bya ba ni/ de bzhin gshegs pa'i nges pa'o/ /de nas slob ma 'jug pa'i man ngag bshad par bya ste/ phyi nas de nyid yang dag bshad/ /rnam dag ye shes gzugs can dang/ 'khor ba rnam par rtog pa'i bdag /khyad par cung zad yod ma yin/ zhes bya bas bstan te/ rdo rje slob dpon rig sngags 'chang gis/ gdong ma nyid nas chos thams cad rmi lam lta bu dang/ chu zla lta bu la nye bar gnas te/ slob ma dkyil 'khor du gzhug pa dang/ las rgyas pa thams cad bya ba'i skad cig de la ni ma yin no/ /de ci'i phyir zhe na/ chos thams cad bzod ma nyid nas ngo bo nyid kyis dben pa'i phyir ro/ /de ste gang la 'du shes 'di dag gis dben pa'i skye bo las 'di dag la 'jug cing slob ma sdud pa dag ni/ glang po che smyon pa dang mtshungs te/ rang gi sde brlag par byas nas pha rol gyi sde phung bar byed pa yin no/ /de ltar brjod pa'i tshig gis don gyi khyad par gyis rnal 'byor gyi rgyu ba dang bya ba'i rgyud la 'jug pa'i sngags 'chang rnams kyis khyad par gyi chos kyang 'dir bstan la/ 'dir rnal 'byor chen po la khyad par du lhan cig skyes pa'i ting nge 'dzin gyis khyad par 'phags par bstan te/ 'di ltar gang du lhan cig skyes pa ces pa de ltar sgra gnyis su go bar byas te/ gang zhe na/ dang por byis pa rnams kyis rtogs par bya ba'i phyir dbang po gnyis kyi bde ba'i skad cig la bstan pa dang/ gang du dbang po gnyis kyis bde ba'i skad cig spangs te/ lhan cig skyes pa chen por gang gnas pa 'di ni rig sngags 'chang gi slob dpon chen po yin no/ /

  164. 82b

    de la dgongs nas mchog dgar bsgom pa med cing bsgom pa po yang med/ /lus kyang med cing gzung ba med dang 'dzin pa po yang med/ /sha dang khrag kyang med cing bshad pa dang ni lci ba med/ /skyug bro rmongs med gtsang sbra mchod phyir thogs med dang/ /chags med sdang ba med dang rmongs med phrag dog med/ /ser sna med cing nga rgyal med la mthong bya med/ /sgom dang sgom pa po med bshes dang dgra med cing/ /rlom sems med pa'i lhan cig skyos pa sna tshogs nyid/ /ces bya ba gsungs so/ /rnal 'byor chen po'i don gyi khyad par ston pa'i tshig 'dis ni 'di skad ston te/ mchog la sogs pa'i mtshan nyid can gyi ting nge 'dzin rdo rje nor bur son pa'i khu ba'i bde ba 'ba' zhig lhan cig skyes pa ma yin te/ gang yang de ni byis pa'i skye bo rnams kyis rtogs par bya ba'i phyir gsungs pa yin la/ rig sngags 'chang gi gnas ni gang gi tshe rnal 'byor pa la lus la sogs pa'i 'du shes gzung bar bya ba dang/ 'dzin par byed pa las log pa dang/ de bzhin du gang du rdzas kyi rdo rje la sogs pas phug cing dral na yang sha dang khrag gis gnod pas mi brdzi ba dang/ gang la bshad ba dang gci ba 'byung ba med pa dang/ gang la skyugs pa dang zhag dang/ chu ser dang/ ngar snabs dang/ bad kan med de mi 'byung ba dang/ gang la'ang mi thogs par 'gro zhing brjod pa dang/ chags pa la sogs pa'i rigs can gyi rgyal ba drug tu rtogs pa gang la yang mi 'jug pa de nyid rig sngags 'chang gi khyad par yin par nges pa'i don du bstan to/ /gang de nyid rlom sems thams cad dang bral ba'i lhan cig skyes par yang bstan to/ /gzhan yang sngags 'chang gi slob ma mchog rnams kyi rna ba'i bug par yang 'di nyid blugs so/ /de

  165. 83a

    ci'i phyir zhe na ngo bo nyid kyi gnas pa'i rang bzhin yin pa'i phyir ro/ /gang ngo bo nyid kyi gnas pa'i chos ni/ de bzhin gshegs pa rnams kyis kyang/ bcos shing bsgyur bar yang mi spyod pa de'i phyir ro/ /rdo rje snying pos 'di skad gsol/ /gzod nas rang bzhin med pa yi/ /lus kyi rang bzhin dag pa la/ /ci slad 'byung ba'i bdag nyid lags/ zhes bya ba ni/ 'di ltar phung po dang khams la sogs pa gzod ma nas rang bzhin gyis dag pa lags na ci'i slad du 'byung ba dang/ 'byung ba las gyur pa'i lha dang/ las dang las kyi dbang po'i bya bar brtag ste/ 'di ni chos nyid kyi tshul dang/ mi mthun zhes pa'i don to/ /de bzhin du rnam par 'phrul pa byin gyis brlabs pa'i rgyud ces bya ba las kyang ji skad du/ sangs rgyas mchan ma mi mnga' zhing/ /chos kyi sku la rnam par bzhugs/ /mtshan med 'dus ma byas pa yi/ /mtshungs pa mi mnga' chos gsungs na/ /dpa' bo chen po ci slad du/ /mtshan mar bcas pa'i cho ga 'di/ /gsang sngags spyod pa ston par mdzad/ /'di ni chos nyid tshul ma lags/ /de skad gsol nas bcom ldan 'das/ /rnam par snang mdzad chen po yis/ /de tshe lag na rdo rje la/ /chos kyi mtshan nyid 'di nyon gsungs/ /chos 'di rtog dang bral ba ste/ /kun rtog thams cad spangs pa yin/ /de la sems dang sems 'byung gi /rtog pa rab tu spong bar 'gyur/ nga yis chos sngon sangs rgyas pa/ /de ni mkhas las byung ba ste/ /log par rtog pa'i spyod yul pa/ /byis pa rnams kyis mi shes so/ /yul du mtshan ma la sogs pa/ /mun gyis bsgribs pa rnams 'dod do/ /de dag

  166. 83b

    bzung par bya ba'i phyir/ /cho ga 'di yang brjod pa yin/ /yul med dus kyang med pa ste/ /bya ba med cing byed pa yang/ /chos rnams kun la yod med de/ /chos rnams nyi tshe 'ba' zhig go /zhes gsungs te/ 'di ltar tshul ma lags ces pa yan chad zhu ba'i lung yin la/ de skad gsol nas ces pa la sogs pa ni lan gyi lung du rtogs par bya'o/ /de nas bcom ldan rdo rje can/ /mkha' 'gro bde ba ster bas gsungs/ /zhes bya ba ni rdo rje snying po la lan gsungs pa'o/ /rlom sems mang pa'i rang bzhin dag /thams cad lus la rnam par gnas/ /zhes bya ba la 'di ltar kye rdo rje snying po gang byis pa rnams la ngas khu ba'i gzugs dang/ de'i lam dang rlung dang de'i lam dag spros te/ bstan pa de nyid kho na rig sngags 'chang gi slob dpon mkhas pa rnams la gzod ma nas rnam par dag pa kho nas gnas la/ 'on kyang byis pa so so'i skye bo rnams mtshan ma'i 'du shes kho nas bcings te gnas ces pa'i don to/ /kye bcom ldan 'das ci'i slad du 'byung ba chen po'i phung po lags/ zhes bya ba ni gong du brjod pa nyid de/ kye bcom ldan 'das chos thams cad gzod ma nas dag bzhin pa las/ gsang sngags spyod pa rnams las 'byung ba chen por bstan pa'i dgos pa ci lags ces pa'i don to/ /bcom ldan 'das kyis bka' stsal pa/ bo la kak+ko la sbyor las/ /reg pa'i sra ba chos kyi ni/ /sa ni de las 'byung bar 'gyur/ /byang chub sems ni khu ba'i phyir/ /chu yi khams ni 'byung bar 'gyur/ /bskyod pa las ni drod skye ste/ /g.yo phyir rlung du rab tu grags/ /bde ba'i phyir na nam mkha' i khams/ ces bya ba la/ kye

  167. 84a

    rdo rje snying po chos thams cad de ltar gzod nas dag pa yin gyis kyang 'on kyang/ kun rdzob kyi dngos por rgyu dang 'bras bur mi bslu ba'i chos su gnas te/ byis pa'i skye bo rnams gang du gzung par bstan pa ste gnyis sprad pa na/ 'di lta ste/ lus dang lus su phrad pa la sogs pa na mkhrad par gnas pa sa dang/ sa las chu skye ste/ 'di ltar byang chub sems de nyid chu yin pa'i phyir ro/ /skyod cing g.yos pa las dro pa 'byung ba'i phyir me'o/ /me dang khu ba g.yo ba'i phyir rlung ngo/ /gang du rtog pas dben pa'i bde ba skye ba de'i phyir nam mkha' o zhes pa'i tha tshig go /lnga po rnams su rab tu gnas/ /shes pa ni sprod pa la sogs pa'i dus su de ltar 'gyur ba lnga'i rang bzhin du phyir 'byung ba chen po yin zhes pa'i don to/ /gang phyir 'byung ba che bde ba/ /de phyir bde ba de nyid min/ /zhes bya ba ni 'di ltar rtsol ba'i shugs kyis 'byung ba chen po lnga rim par 'byung ba de'i dbang gis bde ba de'i phyir 'di ni 'jig rten pa'i kun rdzob pa ste yang dag pa'i lhan cig skyes pa ma yin zhes pa'i don to/ /'o na ci zhe na/ lhan cig skyes pas gang skyes pa/ /lhan cig skyes par de brjod bya/ /rang bzhin lhan cig skyes zhes brjod/ /ces bya ba smos te/ 'di ltar bya ba dang spyod pa kun las 'das pa dang/ rang bzhin du gnas pa nam mkha' i mtshan nyid can kho na lhan cig skyes pa ste/ dka' thub dka' spyod kun las 'das shing rang bzhin du gnas pa nyid kyi phyir zhes pa'i don to/ /rtsa ba'i rgyud las kyang ji skad du/ ngo bo nyid du gang gnas pa/ /de nyid lhan cig skyes pa ste/ yi ge las 'das mtshan nyid can/ /ngag gi brjod pa'i lam las 'das/ /ces bya ba gsungs so/ /rnam pa thams

  168. 84b

    cad sdom gcig pa/ /phyag rgya byed pa spong ba'i phyir/ /rnal 'byor snying rje thabs su 'gyur/ /stong nyid snying rje mi phyed pa/ /byang chub sems zhes brjod par bya/ /zhes bya ba la/ sangs rgyas thams cad kyi sdom pa'i bdag nyid gcig pa dang/ las dang ye shes kyi rgyu'i byed pa dang bral ba dang/ rnal 'byor pa la snying rje ste thabs kyi bdag nyid kyi byang chub sems kyi bde ba rgyun ma chad par rgyu ba dang/ nor bu'i stong pa dang bral ba'i snying rje tha mi dad pa dang/ dbye ba med pa'i tshul zab mo gang la/ don dam byang chub kyi sems zhes bya ba lhan cig skyes pa'i ye shes chen por yang brjod par bya'o/ /zhes bya ba'i don to/ /ci mngon zhe na/ sngags bzlas med cing dka' thub med la sreg blugs zer/ /dkyil 'khor pa yang yod min dkyil 'khor yang ni med/ /de ni sngags bzlas dka' thub dang ni sbyin sreg de/ /de nyid dkyil 'khor ba yin de nyid dkyil 'khor nyid/ /mdo du bsdus na sems ni 'dus pa'i tshul can no/ /zhes gsungs te/ gang la sangs rgyas thams cad kyi de kho na nyid la skad cig thams cad zad par bgrang ba'i phyir bzlas pa'o/ /'jig rten pa'i chos brgyad la sogs pa la mngon par zhen pa med par spong ba med pa'i tshul du spong? ba'i phyir dka' thub bo/ /tshig dang yi ge dang sems kyi rgyu ba la sogs pa bsreg pa'i phyir sbyin sreg go /rgyu ba dang ni mi rgyu ba mdza' dag gi snying po la gnas pa'i phyir dkyil 'khor ba dang dkyil 'khor ro/ /de ltar na sems nyid gcig tu bsdus te spyod pa 'di ni lhan cig skyes pa zhes bstan to/ /kye'i rdo rje'i nges pa'i don gyi rgya cher bshad pa las/ dbang gi le'u rgya cher bshad pa ste bcu pa'o// //khams gsum rnam rgyal rang bzhin pa/ /zhal gcig phyag gnyis la btud de/ /lta stangs le'u yi rgyas bshad ni/ /rdo rje snying

  169. 85a

    pos bshad par bya/ /rtsod pa rab tu rgyas pa'i dus 'di na/ 'gro ba dam pa ma yin pa mang po rnams 'byung bar 'gyur bas/ de rnams la khro bo'i cha lugs dang sdang ba lta bus 'dul gyi gzhan du 'jug pa ma gzigs pas zhal gcig phyag gnyis pa lta bu dang/ khams gsum rnam par rgyal ba lta bu dang/ hA lA hA lA lta bu dang/ rta mgrin lta bu dang/ gshin rje gshed po lta bur sprul par mdzad pa yin no/ /de'i phyir lta stangs la sogs pa'i khyad par dang/ dbugs kyi khyad par dang/ 'dug stangs dang phreng ba dang me thab dang/ sreg rdzas dang/ nam phyed la sogs pa'i dus kyi khyad par gsungs la/ de las kyang 'dir ni lta stangs dang/ rlung gi khyad par bstan te/ dus dang me thab la sogs pa'i khyad par rnams ni sbyin sreg gi skabs dang/ rgyud rgyas pa gzhan du shes par bya'o/ /mnyam par ma rungs dpral ba can/ /rtag tu btung bar byed par brjod/ /ces bya ba la sogs pa 'dir rten cing 'brel te 'byung ba ni chos rnams kyi mtshan nyid de/ de bzhin gshegs pa rnams kyis kyang rgyud de dang der gsungs so/ /de bas na gdug pa gang zhig 'dul ba'i sbyor ba la brtson pa'i rnal 'byor pas mi bskyod pa lta bu'i sku mdog tu rang nyid lhag pa'i lhar bsgyur la/ mig gnyis dus gcig gcig tu dpral ba'i phyogs su blta bzhin du bsgom pa dang/ bzlas pa dang sbyin sreg byas pas ltung bar 'gyur te/ steng na zhe sdang gi rigs can gyi sku bzhugs pa'i phyir ro/ /dbang gi lta stangs g.yon na gnas/ /g.yon pa na ni gzugs brnyan gnyis/ /ces bya ba la sbyor ba gang zhig gis 'jig rten gsum po dbang du byed pa la brtson pa'i rnal 'byor pas/ rang nyid pad+ma rA ga lta bur bsgyur la mig gnyis dus mnyam du g.yon gyi phyogs su blta bzhin du bsgom pa la sogs pa byas pas 'gro ba dbang du 'gyur te/ g.yon gyi phyogs na pad+ma rA ga lta bu'i sku bzhugs pa'i phyir ro/ /g.yas pa'i cha la dgug pa nyid/ /steng nas kyang ni gzugs brnyan gnyis//

  170. 85b

    zhes bya ba la de bzhin du 'gro ba gsum po 'gugs pa la brtson pa'i rnal 'byor pas/ rang nyid nyi ma 'char ka lta bu'i skur bsgyur la mig gnyis dus mnyam du g.yas kyi steng phyogs su cung zad blta bzhin du bsgom pa la sogs pa byas pas 'gro ba gsum po 'gugs par 'gyur te/ g.yas phyogs na nyi ma char ka lta bu'i sku bzhugs pa'i phyir ro/ /dbus ma rengs pa'i lta stangs nyid/ /sna yi rtse mo'i dbus su gnyis/ /zhes bya ba la de bzhin du 'jig rten gsum po rengs pa la brtson pa'i rnal 'byor pas/ rang nyid gser btso ma lta bu'i skur bsgyur la mi gnyis dus mnyam du sna'i rtse mo'i dbus su lta bzhin du bsgom pa la sogs pa byas pas 'jig rten gsum po rengs par 'gyur te/ dbang chen sku gser gyi mdog lta bu dbu ma na bzhugs pa'i phyir ro/ /da ni lta stangs bzhi'i? dus su bsgrub par bya ba'i rlung bstan par bya ba'i phyir/ 'byung ba nyid kyi ltung bar byed/ ces bya ba la lta stangs de nyid kyi dus su rang gi srog 'byung ba ste rlung phyir 'byung ba bzhin du sbyor ba la brtson par bya ste/ rlung phyir phyung nas lus can thams cad tshe'i dus byed pa'i phyir ro/ /brdubs pa yis ni dbang du byed/ ces bya ba ni lta stangs de nyid kyis dus su rang gi srog rlung nang du brdub bzhin du sbyor pa la brtson par bya ste/ srog gi rlung nang du gnas bas thams cad dbang du 'dus pa'i phyir ro/ /dga' ba yis ni 'gugs par byed/ ces bya ba la/ lta stangs de nyid kyi dus su rang gi srog rlung phyir ma btang bar bum pa can gyi sbyor bas nang du legs par bkang zhing bzung bas sbyor ba la brtson par bya ste/ erlung nang du gnas shing phyir 'byung ba med pa can kun gyi bdud rtsi'i rgyun zla ba lta bu 'gugs pa'i phyir ro/ /zhi ba yis ni rengs par byed/ ces bya ba la lta stangs de nyid kyi dus su rang gi srog gi rlung phyi nang du spro ba dang/ brdub pa ma yin pas ji lta ba bzhin du gzhag la sbyor ba la brtson par byas te/ 'gro ba kun gyi srog rlung g.yo ba dang bral

  171. 86a

    bas rengs par 'gyur ba'i phyir ro/ /da ni rnal 'byor gyi tshad bstan par bya ba'i phyir/ rlon pa'i shing la ltung byed nyid/ ces bya ba la sogs pa smos te/ lta stangs bzhi po rnams bsgrub par bya ba'i phyir bsgom pa dang bzlas pa dang sbyin srog la sogs pa cho ga bzhin bsgrubs nas/ re zhig bems po'i rdzas kyi dngos po rnams la nyams sad pa dang/ ting nge 'dzin brtan par gsungs so/ /de bas 'di'i phyir blon po shing la ltung byed cing/ zhes bya ba la sogs pa smos te/ de las khyad par du gsod pa'i sbyor pa goms pas thog mar re zhig /shing ljon pa yal ga dang lo mar ldan pa rlon par 'dug pa gang zhig la rnal 'byor pas rlung 'byung bzhin du bsad pa'i lta bas bltas pa'i che skam par 'gyur ba'i dus de tsam na mi rungs pa la yang sbyar par bya'o/ /zhes bya ba'i don to/ /dbang ni me tog rab tu grags/ zhes bya ba ni de bzhin du lta stangs dang rlung gang dag dang ldan pas me tog gang la bltas pas skam pa de nas sbyar bar bya zhes bya ba'i don to/ /rdo rje'i shing la 'gugs pa nyid/ ces bya ba ni de bzhin du lha stangs dang/ rlung gang dang ldan pas/ badzra la ta zhes pa'i shing shin tu mkhrang cing rtsub pa la rnal 'byor pas bltas ba na/ 'dras kyi snye ma legs par smin pa ltar dgug par gyur pa na sbyar bar bya ces pa'i don to/ /g.yo bcas rtsa la rengs byed nyid/ ces pa ni 'di ltar lta stangs pa rlung gang dag dang ldan pas sgang du mthon po dang/ ri bo la sogs pa'i rtse mo gang dag na skyes pa'i rtsa phra mo shin tu mnyen pa/ rta'i rnga ma'i nyag ma tsam la rlung gis bskyed na cher g.yo ba'i bdag nyid can la rnal 'byor pas bltas pa na rlung la sogs pas mi sgul ba na sbyar bar bya'o/ /zhes bya ba'i don to/ /'di'i nges pa ni rtsa ba'i rgyud las ji skad du/ srog rlung byang chub kyi sems dang ldan pa rnal 'byor rang gi lus la gsod par nus pa dang/ de bzhin du srog gnyis po rang la dbang du gyur

  172. 86b

    pa dang/ rang gi byang chub kyi sems ji lta ba bzhin du 'gugs nus pa dang/ de bzhin du srog gnyis po rengs par byas te mi g.yo ba na phyi nang gi bdag nyid can la 'khor lo ltar bskor gyi/ gzhan du 'jig rten pa'i bzhad gang du 'gyur bas mi bya ba ni nges pa'o/ /de ni sbyor ba grub pa'i dus bstan pa'i phyir gsungs pa/ zla drug goms pa'i sbyor pa yis/ /'grub 'gyur 'di la the tshom med/ /'di la 'khrul par mi bya ste/ /sangs rgyas rdzu 'phrul bsam mi khyab/ /ces bya ba gsungs te/ zla ba drug tu rgyun mi chad par gnas pas mthang 'khor de yan lag drug gis bla ma'i bka' ltar byas nas 'grub par 'gyur ba'o/ /zla ba drug ces pa'i sgra 'di ni rgyud thams cad kyi thun mong gi chos su gsungs so/ /de lta bas na gang gis dang por rang gi lus la rnam pa bzhi po bsgrubs nas sems can gdul bar bya ba dag ni de bzhin gshegs pa'i nges pa yin pas 'di la 'khrul pa dang dogs pa spang ngo zhes bya ba'i don to/ /lta stangs bzhi rnams bsgrubs nas ni/ /mkhas pas sems can gzung bar bya/ /'di dag bsad par mi bya ste/ dam tshig nges par nyams par 'gyur/ /zhes bya ba ni 'di ltar bsad pa la sogs pa'i las gang dag gsungs pa de dag sems can gdul ba'i phyir re zhig sgrag par bya ba yin la des 'jug par yang 'gyur te/ gzhan du ni nges par gtan du gsang na phyag rgya chen po'i dam tshig nyams te mnar med par 'gro bar 'gyur ro/ /de bas na nges pa'i don du las rnam pa bzhi po rang gi lus la bsgrub pa gsungs so/ /de yang 'di ltar sems can bslu ba spangs nas ni/ /bya ba ma yin thams cad bya/ /sems can gnod pa tsam gyis ni phyag rgya'i dngos grub rnyed mi 'gyur/ /zhes gsungs te 'di ltar bsad pa la sogs pa'i las lha ci smos kyi gang la bslu bar bya ba'i thabs nye bar gzung ste gnas pa tsam gyis sems can thams cad dang bslus pa gang yin la/ des dam tshig nyams te rnam pa kun

  173. 87a

    gyi mchog dang ldan pa'i phyag rgya'i grub pa las nyams par 'gyur ro/ /zhes pa'i don to/ /da ni sgrub pa po rnams la bza' ba dang bsrung ba la sogs pa'i dam tshig bstan par bya ba'i phyir/ de ru dam tshig bza' bya ba/ /na dang ga ha dang po dang/ /mdza' ma'i shwa dang dang po'i shwa/ /kye'i rdo rje'i dngos grub phyir/ /bdud rtsi lnga yang de bzhin bza' / /zhes bya ba la kye'i rdo rje'i dam tshig la gnas pa rnams kyis phyi nang gi bye brag gis phye la bza' ba dang bsrung ba bya'o/ /de la skyes bu'i ming gi dang po'i yi ge na'o/ /gang gi ba lang gi ming gi dang po'i yi ge ga'o/ /ha ni glang po che'i ming gi dang po'i yi ge'o/ /shwa ni rta'i mdza' ma'i ming gi yi ge'o/ /de bzhin du shwa ni khyi'i ming gi dang po'i yi ge'o/ /rjes 'di rnams mnyam par byas la mthe bo'i tshigs mdud tsam gyi ril bu byas te sbyang ba dang/ /spel ba dang sbar ba dang bdud rtsir byas te thos pas phyi'i dngos grub tu 'gyur la/ de bzhin du gang gi go la sogs pa'i ming can mig la sogs pa'i dbang po rnams yul las bzlog ste gnas par gsungs pas mchog gi grub par 'gyur ro/ /de bzhin du bdud rtsi lnga ste/ bi dang mu dang ma dang ra dang shu rnams kyang phyi nang gis phye la spyad par bya ba de bzhin gshegs pa'i bka' lung ngo/ /kye rdor las gsungs mtshan nyid ldan/ /skye ba bdun pa de nas mtshon/ /khyad par dga' ba la smod pa/ /lan bdun pa ni 'grub par 'gyur/ /zhes bya ba'i drang ba dang nges pa rnams mngon du bstan pa yin la/ 'on kyang ji lta ba'i skye ba bdun pa'i mtshan nyid ma bstan pa gsal bar bstan par bya ba'i phyir/ skad snyan mig ni sdug pa dang lus la dri ldan gzi brjid che/ /de yi grib ma bdun du 'gyur/ /mthong nas rnal 'byor pa yis mtshon/ /zhes bya ba gsungs te/ gang zhig mi mo la la dag /skad kyi nga ro mdzes pa dang/ /mig dkyus ring la dkar nag 'byes pa dang/ /lus la gla rtsi lta bu dang/ /ga

  174. 87b

    bu lta bu'i dri dang ldan pa dang/ de bzhin du gzi brjid che ba dang/ gring ma bdun 'gyur gang la yod pa de ni skye ba bdun par mtshon cing rtogs par byas la/ de lta bu rnyed nas rnal 'byor pas rgya shug gi tshig gu tsam gyi ril bu byas te thos pas mkha' la sbyod par 'gyur zhing bskal pa dpag tu med par 'tsho la de lta bu'i rnam par smin pa'i lus kyis ni/ gang dag mtshams med pa byas pa dang/ gang gis chos dbyings kyi bde ba khyad par du gyur pa las bshung ba yang lus de nyid kyis 'dag par gsungs so/ /de bas na/ de ni thos? pa tsam gyis kyang/ /skad cig la ni mkha' spyod 'gyur/ /zhes gsungs pa yin no/ /da ni rigs su mdzad pa'i lha mo'i sgrub pa brjod par bya ba'i phyir/ ku ru kul+le'i sgrub thabs bshad par bya ste/ zhes bya ba la sogs pa la 'di yang rtsa ba'i rgyud las ji skad ? ? pa gsum po chags pas rmongs/ /de dag gzung bar bya ba'i phyir/ /bcom ldan kyi yi rdo rje yis/ /mo gzugs 'jig rten dbang du mdzod/ /ces gsungs la/ bcom ldan 'das nyid sku mdog chags pa dmar po'i tshul du bstan nas 'gro ba ? pa yis/ /? du brtag pa bcu gnyis las/ /rgyas par gsungs pa mdo ru bsdu/ /zhes bya ba la/ bsrung ba'i 'khor lo dang gzhal yas khang dang/ bdun po 'phyar ba dang/ ye shes lngas bskyed pa la sogs pa rnams/ sngon du kye'i rdo rje nyid sgrub pa'i dus su ji skad bstan pa bzhin bsgrubs la gnas pa yin la/ 'dir ni lha mo'i sa bon dang/ mdog dang/ phyag mtshan dang/ gdan gyi gnas tsam zhig bstan par shes par bya'o/ /lha mo h+rI(rgyud 'grel): yig las byung ba/ kha dog dmar zhing phyag bzhi ma/ /phyag na bsnams pa mnga' dang gzhu/ de bzhin utpal lcags kyu 'dzin/ /'di ni bsgoms pa tsam gyis ni/ /'jig rten gsum po dbang du byed ces bya ba la khyad par du kye'i rdo rje bskyed pa'i sa bon ni hUM yin la/ de bzhin du bdag med ma la sogs pa bskyed pa oM gyi yi ge yin te 'di'i ni h+rI:las bskyed

  175. 88a

    cing zhal nas h+rI:I sgra sgrogs pa'i bdag nyid de/ dang po h+rI:yig yongs su gyur pa las/ utpa la dang/ der de bzhin gshegs pa rnams bstim pa las/ lha mo dmar mo phyed krung can phyag bzhi'i dang po gnyis na utpa la'i gzhu dang mnga' bsnams shing/ utpa la dang lcags kyu 'dzin pa/ sku la mi mgo brgya phyed kyi do shal dang/ dbu rgyan la dum bu lnga dang thor tshugs zla ba phyed pa dang/ dbu skra dmar po gyen du 'greng ba dang ldan pa ste/ 'di lta bur mos pas/ oM ku ru ku l+le h+rE(rgyud 'grel): swAhA/ zhes bzlas pa dang ldan pa'i yid la byed pas zla ba drug gis 'grub par 'gyur ro/ /de la yi ge'i grangs kyi 'bum gyis cho ga bzhin du bzlas na thar pa des par bskyed par byed de sbyin sreg bcu char bya'o/ /de la phal pa'o dbang du byas pa ni 'di lta ste/ 'bum phrag gcig gis rgyal po rnams/ /khri yi 'jig rten phal pa nyid/ /bye bas phyugs dang gnod sbyin sogs/ /bdun 'bum gyis ni lha min rnams/ /'bum phrag gnyis kyis lha rnams nyid/ /brgya phrag gcig gis sngags 'chang rnams/ /zhes pa ni dbang du byed/ ces tshig tu sbyar te thams cad du sbyin sreg bzlas pa'i grangs kyi bcu char bya zhing/ lta stangs dang srog gi kun du spyod pa dang ldan par bsgrubs na 'grub la gzhan du na 'jig rten pa'i bzhad gang du 'gyur ro/ /de la ku ni bde ba chen po'o/ /ru ni longs spyod rdzogs pa'o/ /kus ni chos so/ /l+les ni sprul pa yin par shes par bya'o/ /de ltar bstan pa'i rim pa yis 'gro ba 'dul bar 'gyur ro/ /de ni ji skad du pad+ma rigs kyi mngon par shes pa'i ye shes kyi dngos grub kyi rgyud ces bya ba las kyang/ 'dod chags mngon shes bskyed nas kyang/ /rab mnyam bzhag pas bsgoms nas su/ /mngon shes lngar ni bdag 'gyur nas/ /dag pa'i dngos grub thob 'gyur zhes/ /bcom ldan rdo rje can gyis gsungs/ /zhes gsungs la/ de bzhin

  176. 88b

    pad+ma rigs kyi byang chub chen po'i ye shes kyi dngos grub kyi rgyud ces bya ba las kyang ji skad du/ 'jig rten dbang phyug ting 'dzin gnas/ /de bzhin chos kyi phyag rgya las/ /byang chub chen po'i ye shes 'di/ /bsgoms na dngos grub thob par 'gyur zhes/ bcom ldan spyan ras gzigs kyis gsungs/ zhes gsungs pa'i phyir/ 'gro ba 'dul ba la brtson pa rnams kyis lha mo 'di la bsgrub par bya'o/ /kye'i rdo rje mkha' 'gro ma dra ba'i sdom pa zhes bya ba la kye dang rdo rje zhes bya ba ni gang du rgyal par bstan la/ mkha' 'gro ma zhes bya ba ni nam mkha' lta bu'i ting nge 'dzin gang la yod pa de la de skad ces bya'o/ /dra ba ni tshogs te de rnams mang ba la bya'o/ /rdo rje snying po mngon par byang chub pa'i brtag pa zhes bya ba kye'i rdo rje rtsa ba'i rgyud 'bum phrag lnga yang brtag pa gnyis su gnas te dang por rdo rje snying pos zhus pa'i brtag pa dang/ phyi nas bdag med mas zhus pa'i brtag pa yin la/ bsdus pa'i rgyud 'dir yang de ltar khong du chud par bya ste/ de yan chad phal cher rdo rje snying pos zhus pa la dgongs pa yin gyi dngos su ni rdo rje snying po la brtan pa ma yin te/ 'di ltar rdo rje snying po ni dus gsum gyi de bzhin gshegs pa thams cad kyi gsang chen sdud par snang zhing zhu ba po dang/ gsang ba'i bdag po zhes kyang bstan cing lung bstan te/ de bas 'di'i tshig ni phal che ba la dgongs pa'o/ /brtag pa gnyis pa la yang ma zhus pa ni med do/ /kye'i rdo rje'i nges pa'i don gyi rgya cher bshad pa las/ lta stangs dang/ ku ru kul+le'i sgrub pa'i bshad pa ste le'u bcu gcig pa'i bshad pa dang/ rgyas par rdo rje snying po mngon par byang chub pa zhes bya ba'i brtag pa dang po'i rgya cher bshad pa ma lus pa rdzogs par bstan pa'o// //khong stong sku ni mi mnga' la/ /rdo rje lta bu'i sku lus can/ /kye yi rdo rje khyod phyag 'tshal/ /ma rig thibs pos nan pa yi/ /'jig rten gsum po 'di mthong nas/ /bdag gi snying ni 'jag par 'gyur/ /de phyir rab gnas

  177. 89a

    le'u yi/ /rgyas bshad rdo rje snying pos bri/ /da ni brtag? pa gnyis pa'i rgya cher bshad pa bstan par bya ba yin la/ de las kyang dang por rab gnas thams cad kyi spyi'i mtshan nyid legs par bstan par bya ba'i phyir/ rdo rje snying pos gsol pa/ zhes bya ba la sogs pa smos te/ bcom ldan 'das shes pa ni bcom ldan 'das la bod pa'o/ /rdo rje snying po bdag /sangs rgyas thams cad gcig bsdus pa/ zhes bya ba ni sangs rgyas thams cad kyi gsung gcig tu bsdus pa'i bdag nyid kyi rdo rje snying po bdag ste/ dngos su na dus gsum gyi de bzhin gshegs pas gnang zhing bstod pa gsang ba'i bdag po yin zhes pa'i don to/ /rab gnas mtshan nyid bzang po nyid/ /rim pa ji bzhin bshad du gsol/ /zhes bya ba ni sngon du bcom ldan 'das kyis slob ma dkyil 'khor du gzhug pa'i don du dkyil 'khor gsungs pa'i rab tu gnas pa ji ltar bgyi zhes pa'i don to/ /bcom ldan 'das kyis bka' stsal pa/ ci gsungs sbyin sreg byas nas ni/ /dkyil 'khor dam pa bzhengs pa dang/ /zhes bya ba la rigs sngags 'chang gi slob dpon gyis slob ma'i don dang/ de las gzhan pa'i glegs bam dang/ sku gdung dang/ ras kyi gzugs la rab tu gnas par byed 'dod pas/ sngon du rgyas pa la sogs pa'i sbyin sreg byas la/ de nas rigs dang mthun pa'i rdul tshan bri'o/ /de nas sta gon la gnas par bya'o/ /nam mkha' i khams la bzhugs pa'i sangs rgyas rnams rab gnas kyi gzhi la bstim par byas la/ rab tu gnas pa'i gzhi de sbyang ba ste/ de nas snga bar sku gzugs sbyang bar bya'o/ /sta gon la gnas byas nas ni/ /nam mkhar bzhugs pa'i sangs rgyas kun/ /sku gzugs snying khar rab tu gzhug /ces gsungs te/ 'di'i nges pa'i don ni rtsa ba'i rgyud las ji skad du/ bla mas gnang ba'i sta gon la/ /lus kyi dkyil

  178. 89b

    'khor dbus gnas te/ bdag gi lnga phung sbyin sreg nas/ /khu ba'i gzugs kyi sangs rgyas bstim/ /bdag gi lnga phung lha gzugs spyad/ /rab tu gnas la byin rlabs mchog /yul? du gnas shing byin rlabs che/ /mchog gi rab tu gnas pa'o/ /zhes gsungs te nges pa'i don to/ /? 'dod lta mnyam rnal 'byor pa/ /rab mthang sngags kyis pha rol son/ /zhes bya ba ni tshul ji ltar rab tu gnas pa byas nas rang gi 'dod pa'i lha kye'i rdo rje dang mnyam la/ sngags thams cad kyi pha rol tu son pa'i rnal 'byor pa yin zhes bya ba'i don to/ /oM badzra puShpe A:hUM swAhA/ zhes pa ni me tog gi'o/ /oM badzra d+hA pea'a:hUM/ swAhA/ spos kyi'o/ /oM badzra dI pe A:hUM swAhA/ mar me'i 'o/ /oM badzra gand+he A:hUM swAhA/ dri'e'o/ /oM badzra nai be dye A:hUM swAhA/ zhal zas kyi'o/ /sna tshogs hUM la rdzogs pa dang/ me tog la sogs dbul ba nyid/ /gong ma rgyud kyi cho ga'i rim/ /mchod yon zhal bsal gong bzhin dbul/ zhes bya ba la rang rang gi sngags kyi byin gyis brlabs shing dbul bar bya ba de bzhin gshegs pa de yin la/ nges pa'i don ni ji skad du rtsa ba'i rgyud las yid 'od nyi zla'i me tog dang/ /ral pa med pa'i tshul khrims spos/ /bde ba gsal bas mar me yin/ /bde bas tshim pas dri yi mchog /lus ngag yid gsum bde rgyas pa/ /ting 'dzin zas te zhal zas mchog /'jam zhing snyan par smra ba dang/ /rang srog sgra ni sil snyan sgra/ /zhes gsungs pa ni nges pa'i don to/ /de bzhin du byang chub kyi sems ma shor bar bsten pa'i bde ba'i khrus dang/ de nyid kyis bde ba'i gnas su khrid pa'i phyir zhabs bsil ba yin no/ /da ni sbyin sreg bstan pa'i phyir/ /zhi bar thab khung zlum po nyid/ /dpral bar chu yi dkyil 'khor ro/ /rgyas pa nyid kyi gru bzhi ni/ /lte bar sa yi dkyil 'khor ro/ /bsad pa la ni grug? sum nyid/ /gtsug gi 'khor lo nam mkha' i rang bzhin no/ /'di nyid la ni lhag ma

  179. 90a

    bsgrubs shes pa ni dbang la mgrin pa me'i rigs la'o/ /khru gang dang ni khru phyed nyid/ /zhi ba'i steng dang 'og tu yin/ /zhes pa nas/ bsang ba'i steng dang 'og tu'o/ /zhes pa ni sgra ji bzhin du bstan pa ste nges pa'i don yod par ma gsungs so/ /da ni kha dog gi bye brag bstan par bya ba'i phyir/ zhi bar kha dog dkar por 'gyur/ /rgyas la ser po de bzhin no/ /bsang ba la ni kha dog gnag /dbang la dmar po rab tu grags/ /zhes bya ba la phyir ni las kyi bye brag las ka dog bye brag tu bya zhes kyang gsungs la de bas na skabs 'dir me thab thams cad kha dog de ltar bsgyur bar bya'o/ /de bas na 'khor lo bzhi'i bye brag las ka dog tha dad par bya'o/ /de bas na zhi ba dkar po chu'i bsam gtan dpral bar ro/ /rgyas pa ser po sa'i bsam gtan lte bar ro/ /bsad pa nag po nam mkha' i bsam gtan ni gtsug tor du'o/ /dbang dmar po me'i bsam gtan ni mgrin par ro/ /de ltar na dbang bzhin du dgug pa dang gsang ba bzhin du sdang ba la sogs pa la thab kyi kha dog dang dbyibs tha mi dad par bya'o zhes pa'i don to/ /da ni sreg rdzas kyi bye brag bstan par bya ba'i phyir/ zhi la til dang rgyas la zho/ /bsad la tsher ma de bzhin no/ /sdang la sogs pa'ang tsher ma yin/ /dbang dang dgug pa urpa la/ zhes bya ba la de yang rim pa bzhin/ zhi ba la dang po til bsreg go /rgyas pa la dang por zho/ /bsad pa la dang por tsher ma can gyi shing bsreg go /de bzhin du sdang ba la sogs pa la dang bar tsher ma can no/ /dbang dang dgug pa dang por utpa la bsreg go /lhag ma na gzhan dang mthun no/ /oM agna ye/ mahA he dza/ sarbbA kA ma pra sA d+ha ka(rgyud 'grel): ka ru Ni kri ta sarbArba/ asmin sin+ni hi to b+ha ba/ zhes bya ba ni 'jig rten dang 'jig rten las 'das pa'i me lha spyan drang ba'i sngags so/ /nang du ni lte ba nas spyan drang ba'o/ /ma ma rin chen sna

  180. 90b

    tshogs 'dzin/ /kye yi rdo rje khros mchod pa'i/ /lha mo khyod ni dbang du 'gyur/ /che ge mo bdag dkyil 'khor 'bri/ /zhes bya ba ni thog mar sbyin sreg gis btsal ba'i dus su sa nad med pa rnyed pa dang sa'i lha mo la gzhu dbang gsol ba'i tshig go/ swAhA ny+tser? pa/ pa dArthany+tsa/ sa b+hi taM gats+tsha ta bya g+hu ka/ A ga mi Sh+ya saM/ ya thA kA le/ sarba sid+hi ku rur shwa me/ zhes pa ni bdag dang gzhan gnyis ka'i don sgrub pa'i sgo nas mes dgyes par bya ba'i bstod pa'o/ /dza:hUM baM ho(rgyud 'grel): a kha raM/ oM nI ri hUM khaM/ aM ? hUM zhes pa la sogs pa'i sngags rnams ni rim pa bzhin/ mchod yon dang zhabs bsil dang zhal zas rnams kyi yin te phyi dang nang gis dbye bar bya'o/ /kye'i rdo rje mkha' 'gro ma dra ba sdom pa'i nges pa'i don ni sngon du bshad zin to/ /kye'i rdo rje'i nges pa'i don gyi mched bshad pa las brtag pa gnyis pa'i rab gnas kyi le'u'i rgya cher bshad pa ste dang po'o// //'dod chags zhe sdang gti mug dang/ sred dang phrag dog 'joms mdzad pa'i/ /thub pa skyes mchog la btud nas/ /dngos grub gtan la 'bebs pa yi/ /le'u gang gis rgyas par bshad/ /sems can sdug bsngal mun 'thoms la/ /de yi rgya cher bshad pa ni/ /rdo rje snying pos bri bar bya/ /nga ni 'jig rten dang 'jig rten las 'das pa'i dngos grub le'u gang gis legs par ston pa de bshad par bya'o/ /rdo rje snying pos gsol pa/ nam mkha' lta bu'i chos rnams las/ /rgya mtsho'i ku ba ji bzhin du/ /rang 'dod lha yi gzugs las ni/ /sems can ji ltar 'grub par 'gyur/ /zhes bya ba la/ kye bcom ldan 'das kyis thog ma dang tha ma dang bar thams cad du chos rnams nam mkha' lta bu'o/ /zhes yang dang yang du gsungs la/ bdag gis kyang khong du chud lags na/ 'gro ba 'di dag ni rang gi rnam par rtog pas bskyed de/ dper na rgya mtsho chen po la ku ba stong pa dag skyes bu 'ga' zhig gis dar nas sa phyogs

  181. 91a

    shig tu mi gnas par 'phyo ba ltar/ rang rang gi rnam par rtog pas bskyod de gnas pa 'di dag gis ji ltar bsgrubs na 'grub par 'gyur zhes zhus pas so/ /bcom ldan 'das kyis bka' stsal pa/ bdag med rnal 'byor ldan pa 'am/ /yang na he ru ka dpal brtson/ /gzhan gyi sems kyis skad cig kyang/ /dngos grub 'dod pas mi gnas so/ /zhes bya ba gsungs te/ kye rdo rje snying po de ltar yin gyis kyang/ las kyi dang po la gnas pa'i rnal 'byor bas gong du bstan pa'i dkyil 'khor du zhugs la/ bskyed pa lha'i nga rgyal gyi dus dang/ de yongs su rdzogs nas bdag med ma'i rnal 'byor la gnas par byas na nges par kye'i rdo rjer 'gyur ro/ /de'i phyir dngos grub 'dod pas rim pa gnyis la brten pa ma rtogs pa gzhan gyi sems kyis skad cig kyang mi gnas so/ /zhes bya ba gsungs so/ /de yang las kyi dang po pas thog mar re zhig kha dog dang dbyibs kyi bdag nyid mngon par zhen pas gsal la/ de mthar gyur pa na bdag med ma'i rnal 'byor la bslab par bya'o/ /bdag med ma de yang ji lta bu zhig snyam pa la/ ji ltar nam mkha' i phyogs rnams kyi/ /kun la'ang rtag par mi gnas pa/ /de bzhin chos rnams thams cad la// gsang sngags mgon po mi gnas so/ /ji ltar dngos rnams nam mkha' la/ /gnas shing rtag tu rnam snang yang/ /de ni gnas su mi 'gyur ba/ /gsang sngags mgon po'ang de bzhin no/ /nam mkha' dus gsum la sogs dang/ /ji ltar 'bral ba 'dod pa bzhin/ /de ltar gsang sngags mgon po yang/ /dus gsum med kyang rnam par snang/ /ming tsam du ni gdags pa'i gnas/ /byed pa po la sogs dang 'bral/ /nam mkha' la ni tha snyad du/ /mkhas pa rnams ni 'dogs

  182. 91b

    par byed/ /ming ma gtogs par cung zad kyang/ /yod pa ma yin nam mkha' bzhin/ /de bzhin gsang sngags dbang phyug kyang/ /tha snyad tsam du snang bar zad/ /me dang chu dang rlung ma yin/ /sa dang nyi ma 'ngam yin zhing/ /zla ba la sogs gza' kun min// nyin par dang ni mtshan mo'ang min/ /skye ba dang ni rga ba'ang min/ /'chi ba dang ni rgud pa'ang min/ /skad cig ma yin yud tsam min/ /lo la sogs pa yang ma yin/ /'jig pa dang ni 'chags pa dang/ /bskal pa'i grangs kyang yong ma yin/ /dge rang mi dge las byung ba'i/ /'bras buAng yod pa ma yin no/ /kun mkhyen go 'phang 'dod pa yis/ /rtog pa rnam pa sna tshogs la/ /de kun gang la med 'gyur ba/ /da la rtag tu brtson par bya/ /zhes gsungs so/ /de bas na bdag med ma'i rnal 'byor 'di lta bu la dus rtag tu gnas par nus pa rnams kyis dus rtag par kye'i rdo rje mthong ba yin no/ /dang por goms par byed dus kyis/ /gnas ni gang du bsngags pa'i sems/ /gcig tu mnyam gzhag 'grub 'gyur pa'i/ /gnas ni bzang por nges par bstan zhes bya ba ni/ las kyi dang po pas/ dang por rgyal po dang rkun po dang dgra la sogs pas bar du gcod par 'gyur ba de'i phyir/ gnas dben pa btsal bar byas la der rtse gcig pa ni/ de bzhin gshegs pa'i nges pa'o/ /rang gi khyim du mtshan dus su/ /bdag nyid grub pa'i sems kyis ni/ /rnal 'byor ma bsgom shes rab can/ /yang na he ru ka dpal gzugs/ /zhes bya ba la mtshan mo ltar rnam par rtog pas zab pa skyed par byed pa'i rang gi sdug ma'ang rung sgom pa'i gnas khrid la gnas par bya ba 'am/ yang na he ru ka dpa' bo'i tshul du rang las byung ba'i bdag med ma dang gnas par bya zhes pa'i don to/ /de ltar na mdor bsdu ba'i tshul du gsungs pa 'di lta ste/ rkang pa 'khrud dang za ba dang/ /zhes pa nas/ shes rab brtul

  183. 92a

    zhugs can nyid kyis/ /zhes bya ba'i bar gyis gsungs so/ /mdor na/ gang gang nye bar dmigs pa ni/ /de de kye yi rdo rjer bya/ /de las gzhan pa'i tshul gyis ni/ /yud tsam yang ni gnas mi bya/ /zhes bya'o/ /rnal 'byor ma ni rnam par bsgoms/ /zhes bya ba ni/ gong du bstan pa'i shes rab rnal 'byor ma'o/ /ci'i phyir stong pa'i bdag nyid la shes rab ces gdags zhe na/ ji skad du/ shes rab nges 'byin zhes bya ba/ /ting nge 'dzin zhes grags pa ste/ /des ni phyag rgya myur 'grub par/ /bsgoms na myur du 'grub par 'gyur/ /zhes gsungs so/ /de bas na tshul gzhan gyis ni skad cig kyang/ /gdug pa'i sems ni ma rig pas/ /dngos grub 'dod pas dngos grub phyir/ /mkhas pas 'bad de mi gnas so zhes gsungs pas go bar bya ste 'dis ni sangs rgyas kyi chos thams cad brtson 'grus la rag las par bstan to/ /de la skal pa dang ldan pa gang lags/ bskyed pa'i rnal 'byor rdzogs te/ yang dag pa'i shes rab kyi me yan lag drug gi dang po so sor sdud pas bsdus te/ goms par byed pa na mtshan ma 'di dag 'byung bar 'gyur la/ gal te yang dag pa'i lam mi 'dod de/ 'on kyang ltad mo'i phyir yang zla ba phyed dam/ yang na nyin mtshan gcig tu dmigs pa rtse gcig tu zhog la bltos zhes gsungs te/ 'di ltar/ bsam gtan nyon mongs 'jig byed pa/ /rdo rje snying po nga yis bshad/ /brtse bas dngos grub don du yang/ /zla ba phyed du yongs su rtogs/ /zhes pa la/ bag la nyal ba'i mda'i dug mdza' dag 'jig pa'i bdag med pa'i bsam gtan 'di ngas bstan te/ kye brtse ba'i bdag nyid can gyi rdo rje snying po ltad mo'i phyir yang zla ba phyed du rtogs zhes pa'i don to/ /de ste zla ba phyed du 'bad pa mi byed pa de lta na yang/

  184. 92b

    bsam pa thams cad yongs spangs te/ /lha yi gzugs su sems pa yis/ /rgyun mi 'chad par nyin mtshan gcig /bsgom pas yongs su brtag par gyis/ /zhes gsungs te/ bdag med pa'i rnal 'byor 'di la zla ba phyed du 'bad pa'i skal ba med pa rnams kyis nyin mtshan gcig tsam du yang dmigs pa gzhan la rtsol ba yongs su btang ste/ stong pa nyid gang la sems rtse gcig par gzhag na yid ches pa'i lam gyi rtags 'byung bar 'gyur te/ so sor sdud pas bsdus pa rnams la yin gyi gzhan du na de bzhin gshegs pa'i bka' la byis pa shes rab 'chal pa dag brnyas par 'gyur ro/ /de bas na so sor sdud pa'i ting nge 'dzin las gzhan pas bsam pa thams cad spangs pas nyin mtshan gcig bsgoms pas yid ches pa 'byung ched do/ /rang gzhan don ni rab sgrub phyir/ /'khor bar thabs gzhan yod ma yin/ zhes bya ba ni/ nges pa'i don du ting nge 'dzin 'di las gzhan gyi don mi 'grub ces pa'i don to/ /rig ma lan cig goms byas pas/ /'phral du yid ches byed pa nyid/ ces bya bas ni de lta bu'i ting nge 'dzin nyon mongs pa thams cad 'jigs par byed pa yang/ bla ma'i bka' drin gyis mi mo re zhig shes rab kyi ming du btags pa las mtshon par 'gyur gyi/ gzhan du rnyed pa'i skal pa med ces pa'i don to/ /de ltar mngon du rnyed de phyis yongs su dor nas lha'i gzugs su dmigs pa'i mi dag la 'di lta ste/ 'jigs smyo de bzhin sdug bsngal dang/ /mya ngan gdungs pas gtses pa dang/ /'dod chags zhe sdang gti mug ches/ /sgrub pa po la nyon mongs min/ zhes gsungs te 'jig rten pa'i chos kyis kun nas mnar bar mi 'gyur ba'o/ /gzhan yang de bzhin du/ phan dang gnod pa'i 'bras 'byung bar/ /de ltar nges par shes pa'i phyir

  185. 93a

    rnal 'byor pa rnams du 'bod du/ /skad cig gcig kyang ci phyir gnas/ /zhes gsungs te/ rang bzhin gyi dag pa'i chos su rtogs pa la du 'bod dang mnar med par ji ltar 'gro par 'gyur te/ de ni gnas ma yin zhing go skabs med do zhes pa'i don to/ /de bzhin gzhan yang chos gang la gnas na/ mtshams med lnga ni byed pa dang/ /srog chags gsod la gang dga' dang/ /gzhan yang skye ba dman pa dang/ /rmongs dang ma rungs las byed dang// gzugs ngan yan lag ma tshang ba/ /bsams na de dga' 'grub par 'gyur/ /zhes gsungs te/ mi de dag rnams kyis kyang bdag med ma bsgoms na nges pa kho nar kye'i rdo rje'i dngos grub 'thob par 'gyur ba ni de bzhin gshegs pa'i nges pa'o/ /gzhan dag las kyang 'di lta ste/ gdol ma smyug ma mkhan la sogs/ /mtshams med lnga ni byed pa po/ /sngags kyi spyod pas rjes spyad nas/ /skye ba 'di nyid sangs rgyas 'gyur/ zhes gsungs pa yin no// de yang las kyi dang por gtogs pa rnams kyis dang por bla ma'i rjes su 'jug pa'i dus su/ /dge ba bcu la goms pa dang/ /bla ma la gus dbang po dul/ /nga rgyal khros las rnam par grol/ /de ni re zhig des 'grub 'gyur/ zhes bya bas bstan te 'di ltar dang por gso sbyong bstan par bya zhes pa la sogs pas 'jug pa'i dus go bar bya zhing/ bla ma'i rjes su 'jug pa dag rgyud las gsungs pa ltar sgrub pa dang/ rtsa ba'i ltung ba mi 'byung ba la nges pas 'gyur zhing snod dang ldan pa yin no zhes gsungs pas/ thog mar de dag re zhig bslab par bya'o/ /de'i rjes la 'jig rten pa'i byis pa rnams gzung ba zhes bya ba la bslab ste gnas la/ yang phyi nas rdo rje slob dpon gyi

  186. 93b

    yongs su brtags pa 'am yang na lha yis lung bstan pa'i las kyis phyag rgya gzung bar bya ste/ byis pa gzung ba'i dus su/ rtag tu goms pa'i rnal 'byor gyis/ /mnyam par gzhag pas dngos grub 'thog /zla ba gcig tu gsungs la spyad ji srid phyag rgya ma rnyed par/ /zhes bya ba gsungs te phyag rgya'i gnang ba ma rnyed pa de srid du gong du bstan pa rnams mnyam phar bzhag pas gsang la bsgrub po zhes gsungs la/ de yang zla ba 'am lo la sogs pa'i bar du ste tham yang zla ba gcig gi bar du bslab par bya ba ni nges pa'o/ /gnang ba rnyed 'gyur sngags pa la/ /rnal 'byor ma yis bstan par bya/ /phyag rgya che ge mo khyer la/ /sems can don gyi rdo rje 'dzin/ zhes bya ba la sogs pa gal te rmi lam du bstan pa'am/ yang na slob dpon gyis legs par brtag pa gzung la 'jug par bya'o/ /des sems can gyi don du 'gyur ba ni de bzhin gshegs pa'i nges pa'o/ /rnyed pa de yang mig yangs na/ /gzugs dang lang tshos rnam par brgyan/ /sihA ga bur yang dag ldan/ byang chub sems kyis rnam par sbyang/ /zhes gsungs te phyag rgya'i mtshan nyid bstan pa yin te/ 'di ltar mig dkar dmar 'byes pa la cung zad yangs pa/ rkyed pa rdo rje ltar 'dug la lo bcu gnyis sam yang na bcu drug lon pa khrag 'byung ba'i dus la bab pa byang chub sems kyi bde ba la dga' ba/ de bzhin du phyag rgya de yang sbyang bar bya ste/ byang chub kyi sems bcug pas sbyang pa ni phyi nas yin la/ sngon du ni/ dge ba bcu las brtsams nas ni/ /de la chos ni rab tu bstan/ /lta yi gzugs su bsam pa dang/ /dam tshig sems kyang gcig pa nyid/ /ces bya ba gsungs te/ 'di lta ste/ mi mo gang zhig ma sbyangs par/ /kye yi rdo rje la sbyor ba/ /dam tshig nyams te brlag 'gyur bas/ /de dag sbyang phyir chos bstan bya'o/ /zhes gsungs so/ /de bas

  187. 94a

    mi mo legs par bslab te/ bdag med mar bsams la/ dben pa'i gnas su khrid de/ 'dzag pa'i bde ba la bslab pa ni zla ba gcig gi mthar ro/ /de bas rtog pa thams cad spangs pa yi/ /gang zhig mi mo mchog rnyed na/ /zla ba gcig gis skal ldan pa/ /'gyur bar 'di ni the tshom med/ ces bya ba la/ 'di 'dra'i mi mo legs rnyed nas/ /bas mdza' dag tu gnas byas la/ /bza' btung rnam mang sta gon bya/ /glu dang sil snyan gar dang ni/ /lus la rgyan legs gdags pa dang/ /me tog dag dang dri dang ni/ /bzang po'i gnas pas legs bkod la/ /yang dag ye shes snang bar bya/ zhes bya'o/ /yang na bdag gi nus ba yis/ /lha dang lha min mi rnams dang/ /gnod sbyin mi 'am ci las kyang/ /phyag rgya bkug la brtag par bya/ zhes bya ba gsungs te/ phyag rgya'i grub pa bsgrub pa'i phyir/ /lha mo lha min bu mo 'am/ /mi yi bu mo rnam pa bzhi/ sngags kyis kun nas bkug nas ni/ /sa yi dkyil 'khor kun tu spyad/ /de yi skal ldan rnal 'byor pa/ /phyag rgya grub par gdon mi za/ /mi gtsang rul pa dri nga ba'i/ /mi mo'i lus ni yod ma yin/ zhes bya ba'i tha tshig go /de yang khyer la spyod par bya/ /bdag gi ngal ba mngon du bas/ /gang bshad 'jigs pa'i gzugs can gyi/ spyod pa longs spyod phyir ma gsungs/ /yid ni brtan nam g.yo 'am ci/ /rang gi sems la so sor brtag /ces bya ba la/ 'di ni byis pa brkam chags can/ /chang la bag med du spyod pa/ /bdud rtsi'i btung ba rnam par spong/ /'gyur ba'i bde la rab tu zhen/ /sngags dang phyag rgyas 'tsho ba sgrub/ /de dag phyir min spyod pa 'di/ /dbang dang kun tu spyod pa dag /rang sems brtan pa'i rgyu ru gsungs/ /gang dag tha snyad tsam gcig la/ /brten te mi dge'i las bcu spyod/ /de dag 'gro ba ci 'dra ba/ /'dres

  188. 94b

    pa yis kyang ga la rtogs/ zhes pa'i don to/ /da ni ma 'ongs pa'i byis pa rnams la dbang po gnyis kyis 'gyur bas sangs rgyas par bstan pa la/ bud med rnams kyis dbang dang spyod pa spyad par bya ba ste/ ji ltar na phyag rgya nang gi phyag rgya'i dngos grub dang spyod ba bstan par bya ba'i phyir smos pa/ rdo rje snying bos gsol pa/ bdag med rnal 'byor ldan pa yis/ /phyag rgya nyid ces ci ltar brjod/ /phyag rgya phyag rgya gnyis dag gis/ /phyag rgya'i dngos grub ji ltar 'gyur/ /zhes bya ba ni mi mo gang zhig bdag med ma'i rnal 'byor dang ldan pa des phyag rgya'i bde ba ji lta ba'i tshul gyis bsgrub par bgyi/ 'on te mi mo kho na las 'byung ba lta na ni thabs kyi dngos grub ma mchis par yang 'gyur ro zhes zhus pa dang/ bcom ldan 'das kyis bka' stsal pa/ bud med gzugs ni spangs nas gzhan/ /bcom ldan 'das kyis gzugs su bya/ /zhes bya ba gsungs te/ las dang po pa'i mi mo rnams kyis mi mo'i rtog pa yongs su btang ste/ kye'i rdo rje dngos su mos par bya zhes ba dang/ de bzhin du yang/ nu ma spangs te bo lar 'gyur/ /kak+ko la dbus yang dag dgod 'gram gnyis dril bu dag tu 'gyur/ zhes bya ba gsungs te/ bud med gang bde ba'i dbang la 'jug pa des/ bdag skyes bu kye'i rdo rje lta bur bsgyur la dkar 'dzin dor 'khor lor bsgyur te yid kyis mos ba'o/ /de ltar na bde ba'i dus su skyes bu'i gzugs can gang de ni kak+ko la dang ldan pa dang/ de bzhin du gzhon nu ma bdag gi skye gnas kyi 'gram gnyis dril bu'i mos pa bsgyur ba dang/ de bzhin du ze 'bru bo la can du bsgyur zhes gsungs te pad+ma gang gi dbus na gnas pa'i dngos po de nyid gsang ba'i char bskyed la brtag par bya ba'i nges pa'o/ /de bas na/ lhag ma bdag nyid chen po nyid/ /dga' chen he ru ka yi gzugs/ /he ru ka sbyor skyes bu nyid/ ces bya ba la/ khams dang skye mched lhag ma sogs/ /phan tshun ro mnyam mtshungs

  189. 95a

    pa'i phyir/ /bsgyur mi dgos par skyes bu nyid/ /he ru ka ste tha dang med/ /de ltar mos pas bsgyur ba las/ /phyag rgya'i dngos grub mchog dag tu/ /mi mo rnams la 'gyur ro zhes/ /bdag nyid chen po nyid kyis gsungs/ /'bad mi dgos par skyes bur 'gyur/ /gsal bar nus pa'i rnal 'byor pas/ /de nas phyag rgya'i dngos grub 'gyur/ /zhes bya ba yang gsungs te/ rnal 'byor ma gang de ltar sbyor/ /bud med lus ni yongs rjes nas/ /skyes bu gzugs bzang phun sum tshogs/ /tshe 'di kho nas thob kyang srid/ /gzhan yang dge slong rdo rje 'dzin pa dag gis 'jig rten pa'i kha na ma tho ba spang bar bya ba'i phyir gzhon nu ma 'ga' skyes bur bsgyur la spyod pa'i grogs bya ba ni de bzhin gshegs pa'i nges pa ste/ de ltar phyag rgya'i dngos grub mchog tu 'gyur ba'o// chags dang 'jig pa dag gis kyang/ /thabs dang shes rab la mi gnod/ /gang las thabs ni 'byung ba nyid/ /'jig pa shes rab srid mthar byed/ /des na rab 'jigs yod ma yin/ zhes bya ba la/ de lta bu'i rim pas/ shes rab thabs bdag gnyis min pa gsal bar 'jog pa'i rnal 'byor gang/ /me dang chu sogs 'jig pa'i tshe/ /de la gnod pa yong mi nus/ /'jig dang 'chags pa'i bag chags 'di/ /rang gis kun tu brtags pa ste/ /rang gzhan cha yi rtog pa yis/ /'jig rten gsum po bkrugs pa yin/ / 'di gsal 'khrug par 'gyur ma yin/ /byang chub sems kyi 'jig rten khams/ /'chags pa dang 'jig rab bsrungs na/ /cis kyang mi 'jig rnal 'byor che/ /'khor lo sgyur ltar kun tu rgyu/ /de nyid la ni chags pa med/ /la la 'jig pas 'jig par 'gyur/ / 'jig? pa'i dngos med zad pa med/ /ces bya ba ni byang chub sems kyi rgyun 'jig pa na 'jig pa thams cad 'byung zhes pa'i don to/ /bskyed pa'i rim pa'i rnal 'byor las/ /brtul zhugs can gyis spros pa bsgom/ /spros pa rmi lam ltar byas nas/ /spros pa

  190. 95b

    nyid ni spros med bya/ zhes bya ba la gang du zla gcig nas bzung nas 'bum gyi bar du rgyud gang dang gang las ji skad gsungs pa'i tshul de dang de ltar bslab cing 'bad la yid ches par bya'o/ /de yang ji skad du/ gang gis kha dog gang gsungs pa/ /de nyid de yi dkyil 'khor te/ /lha yi gzugs ni de lta bur/ /sngon gyi sangs rgyas rnams kyis bstan/ zhes gsungs pa'i phyir thog ma nyid du spros pa'i rnal 'byor la 'bad par bya'o/ /de yang ji skad du/ sems can rnams ni blo dman zhing/ /bya ba tsam gyis rmongs pa rnams/ /dngos po'i don la chags dga' ba/ /ma 'ongs dus na 'byung bar 'gyur/ /'di lta'i tshul ni mi shes pas/ /yul dang dus dang bya ba las/ /dge dang mi dge'i mtshan ma yis/ /rmongs pa 'bras bu 'dod byed de/ /sems dpa' chen pos de dag phyir/ /cho ga 'di ni brjod pa yin/ zhes so/ /dper na char gyi rgyun 'bab na/ /chu yi chu bur rnams 'byung ba/ /de bzhin gsang sngags 'grub pa yi/ /sprul pa rnam pa sna tshogs pa/ /sems can med cing srog dang ni/ /byed pa po yang med pa ste/ / dngos po thams cad stong pa la/ /'khrul pa kho na snang bar zad/ /ces pas rdzogs pa'i rim pa rtogs par bya'o/ /ji ltar sgyu ma rmi lam dang/ /bar do'i srid pa gang yin ltar/ /rtag tu goms par sbyor ba las/ /dkyil 'khor nyid ni de bzhin 'dod/ / ces bya ba la/ rdzogs pa'i da ni rang gi lha'i dkyil 'khor 'di nyid/ sgyu ma dang rmi lam dang srid pa bar ma de'i skye bo ltar chags pa dang thogs pa dang bral bar bsgom pa nyid rdzogs pa zhes 'dod de/ 'dod pa so sor spong ba'i phyir/ /so sor spang ba zhes bshad do zhes pa la sogs pa rgya cher gsungs pa'i phyir ro/ /phyag rgya chen po'i dbang bskur bas/ /ji ltar shes pa'i bde chen po/ /de yi 'di ni byin rlabs yin/ /gzhan las dkyil 'khor 'byung ba med/ /ces pa ste ji ltar sgyu ma rmi lam

  191. 96a

    la sogs par shes pa kho na phyag rgya chen po dang/ 'jig rten pa'i spyod pa las 'grol ba'i dbang dang/ yum sgyu 'phrul chen mo dang/ shes rab kyi pha rol tu phyin pa zhes bya ba yin no/ /de'i phyir 'di nyid shes par bya ba'i phyir/ bde ba gnag cing bde ba ser/ /bde ba dmar po bde ba dkar/ /bde ba ljang khu bde ba sngo/ /bde ba rgyu dang mi rgyu kun/ /bde ba shes rab bde ba thabs/ zhes bya ba la sogs pa smos te/ drang dang nges pa'i bye brag las/ /bskyed de spros la zhen spang phyir/ /dkyil 'khor kha dog yang yang bsgyur/ /las la sogs pa'ang 'grub 'gyur la/ /rdo rje 'chang chen drug kyang yin/ /gzhan du/ shes rab ye shes me bo che/ zhes bya ba la sogs pas du ba la sogs pa'i lam gyi mtshan mar gsungs te/ so sor sdud pa'i bde ba nyid de ltar snang ba'i phyir ro/ / de bzhin du sa bon gyi bde ba de nyid kyi dus su gang cung zad dmigs pa'i gzugs dang kha dog dang rgyu ba dang mi rgyu ba rnams bde ba las gzhan par ma mthong ba'i phyir ro/ /de bzhin kun tu ru skyes bde/ /bde ba dngos dang dngos med bde/ /bde ba rdo rje sems dpar brjod// ces gsungs te/ de bas 'dod chags kyi mes tshig pa rnams la kun tu ru'i bde ba nyid mchog tu bshad de/ dngos dang dngos min gyi rang bzhin gyis rdo rje sems dpa' i bde ba thob par byed pa'i phyir la mi 'gyur ba rnams la ji bzhin pa'i rdo rje sems dpa' i bde ba'o/ /da ni spros pa rmi lam lta bu dang/ zhes pas rdzogs pa'i rim pa shes par bya/ zhes pa'i gsung gi dgongs pa dgrol ba'i phyir/ rdo rje snying pos gsol pa/ rdzogs pa'i rim pa'i rnal 'byor 'di/ /de yi bde ba bde chen brjod/ /rdzogs pa bsgom pa med pa ste/ bskyed pa yis ni ci zhig 'tshal/ zhes bya ba la/ kye bcom ldan 'das dbang po gnyis kyi bde ba nyid kyis sangs rgyas pa lags na/ rdzogs pa'i sgom pa gzhan ma mchis te/ de las gzhan pa'i dkyil 'khor dang phyag rgya bcing bas ci zhig 'tshal zhes pa'i don to/

  192. 96b

    bcom ldan 'das kye'i rdo rje chen pos tshig de dag gsan nas/ e ma byang chub sems dpa' che/ /dad pa'i shugs kyis rab tu nyams/ /zhes gsungs te/ kun rdzob kyi lus kyi dngos po nyid med na/ bde ba chen po zhes bya ba bstan pa'i nus pa med pa'i phyir lus kyi dngos med gang las bde zhes pa la sogs pa smos te/ rmongs pa gang gis nga mi shes/ zhes bya ba la sogs pa'i tshig gi don rnams ni thabs dang shes rab nges par gtan la phab pa'i le'ur rgyas par bstan te/ /de ltar na lus nyid med par 'gyur na de la brten pa'i bde ba yang med do/ /de lta bas na/ rdo rje btsun mo'i b+ha ga ni/ /e yi rnam pa'i cha byad gzugs/ /sangs rgyas rin chen za ma tog /bde ba can la rtag par bzhugs/ /zhes pa ste/ btsun mo mi rigs bzhi sogs las/ /skyes pa'i bu mo mtshar mo ste/ /b+ha ga skye gnas e gzugs la/ /skyes bu'i ling ga baM gi dbyibs/ /kha sbyor gab tshe zhes su dran/ /de yi dbus gnas khu ba la/ /sangs rgyas zhes su 'dren pas gsungs/ zhes pa ste/ de ltar skyes pa dang bud med kyi lus yod na bde ba chen po yod do/ /'chad pa po nga chos kyang ba/ /rang gi tshogs nang nyam pa nga/ /'jig rten ston pa bsgrub bya nga/ /'jig rten 'jig rten 'das pa nga/ zhes bya bas ni byis pa'i skye bo gang dag sangs rgyas la btsun mo dang/ dbang po'i bde ba dang/ 'khor 'dus pa dang/ chos bstan pa dang/ snyon pa dang/ nyan pa la sogs pa dang/ 'dod chags kyis bstan pa nges par yod ces sems pa dag bkag pa yin te/ 'di ltar ma 'ongs pa'i skye bo rnams kyis rtogs par bya ba'i phyir sangs rgyas kyi rol pa bstan pa yin la/ /yang dag par na sangs rgyas ni rdo rje lta bu'i sku dang/ glang po ltar mi g.yo ba yin par shes par bya'o/ /de ltar na yang rang gi lus po las sangs rgyas 'byung bar bstan te/ mtshan dang dpe byad dang ldan pa'i rdo rje lta bu'i sku yang khu ba la brten te 'khrungs pa'i phyir/

  193. 97a

    lhan cig skyes dga' i rang bzhin nga/ /dga' bral dang po'i mchog mdza' can/ /mun rum la ni mar me ltar/ /de bzhin bus kyang yid ches gyis/ zhes gsungs te/ thabs dam pa 'di yang btsun mo mchog dang sbyor ba na bla ma'i bka' la brten te/ chags ba bral ba'i dang po mchog gi dga' ba'i tha mar mun pa dmag tu gyur pa la mar me gsal ba ltar mtshan par byas na/ 'di ltar btsun mo'i lhag bde can na/ /ston pa sum cu rtsa gnyis mtshan mnga' bdag dpe byad brgyad cur ldan/ /khu ba zhes bya'i rnam pas gnas/ zhes gsungs te/ nges pa'i don yang rtsa ba'i rgyud las 'di lta ste/ dpe byad brgyad cu sogs spras pa'i/ /mnga' bdag khu ba yin zhes pa/ bde ba 'jig med brtan pa yis/ / tshul khrims ral ba med pa ru/ /bsam gtan bzhi yi mdza' gzung ste/ /yid kyi me tog dang sa can 'di/ /rlung gis yongs su mi 'da' bar/ /bcings pas dpe byad ldan par 'gyur/ zhes nges pa'i don du gsungs so/ /de ltar lus med na khu ba med la/ khu ba med na bde ba dmigs par ga la 'gyur/ /de bas na sangs rgyas zhes bya ba yang med par 'gyur ro/ /de ltar na/ de med pas na bde med 'gyur/ /bde ba med na de med 'gyur/ /nus pa med phyir bltos dang bcas/ zhes gsungs te nges par de bzhin gshegs pas bstan pa'o/ /de bas na yang dag par sangs rgyas zhes bya ba dngos po dang dngos po ma yin pa'i tha snyad thams cad las grol ba/ bzhin dang mdog la sogs pa ma yin pa/ /bde ba'i rnam pa ma yin pa ste/ dga' ba bzhi dang 'khor lo bzhi dang/ skad cig ma bzhi dang/ 'bras bu bzhi dang/ dbang bzhi dang/ gnas skabs bzhi la sogs pa dang/ skyes pa dang/ mi mo'i bde ba dang/ rtsa dang rlung dang/ thig le dang/ zla ba'i dum bu dang/ sgra dang tshig la sogs pa rnams sangs

  194. 97b

    rgyas ma yin te/ gang de ltar bstan pa rnams gdul bar dka' ba'i skye bo la bstan pa ste/ de'i phyir dbang po gnyis kyi bde ba yang bstan la/ /sangs rgyas lhan cig skyes pa'i rang bzhin zhes pa yang khu ba'i lhan cig skyes pa ma yin te/ rang bzhin du gnas pa'i lhan cig skyes pa la sangs rgyas zhes gsungs so/ /lha yi rnal 'byor las bde ba/ /de phyir sangs rgyas dngos po min/ /de nyid dngos med tshul yang min/ /zhal phyag rnam pa'i gzugs can nyid/ /mchog tu bde ba gzugs med pa/ /de bzhin 'gro kun lhan cig skyes/ zhes bya ba gsungs te/ bde bas kun la khyab pa'i phyir dang/ rang bzhin lhan cig skyes pas kun la khyab pa'i phyir de skad ces gsungs te/ rnam pa 'di dag rtogs par bya ba'i phyir thabs gzhan yod par ma gzigs pas/ /kun rdzob kyi gzugs 'di nyid mchog tu bsngags pa mdzad do/ /de bas na rtsol ba las byung ba'i bde ba lhan cig pa ma yin te/ glo bur ba yin pa'i phyir/ ston ka'i me tog la sogs pa dang 'dra'o/ /de'i phyir yang rang bzhin lhan cig skyes par brjod ces gsungs so/ /de las gzhan ba ni 'dra ba'i dpe ste byis pa rnams gzhug pa'i don to/ /rnam dag rnam ba'i sems kyis ni/ /rang bzhin mya ngan 'das pa nyid/ /ces bya ba ni/ bskyed pa'i rim pa nyid gzod ma nas rang bzhin gyis dag pa'i phyir ro/ /'o na bskyed pa'i ting nge 'dzin gyis rnam pa ci zhig bya zhe na/ lha yi rnam pa'i gzugs rag tu/ /bzhin lag kha dog gnas pa ni/ /bskyed pa tsam gyis rnam par gnas/ /'on kyang bag chags phal bas so/ /zhes bya ba smos te/ de ltar gzod ma nas ngo bo nyid kyis 'bral ba yin gyis kyang byis pa rnams kyis rtogs pa'i skal ba med pa'i phyir/ bag chags phal pas bzhin lag dang kha dog gi lha ru bstan pas byis pa rnams grol bar 'gyur gyis/ bzhan du ni ma yin no/ /de bzhin du 'jig rten na yang dpe mngon du snang ste/ 'di ltar dug gi dum bu gang nyid kyis/ /skye bo thams

  195. 98a

    cad 'chi bar 'gyur/ zhes bya ba ni 'jig rten pa la mngon sum du grub bo/ /de bzhin du dug gi de bzhin nyid shes pa des/ /dug gis dug ni 'joms par byed/ ces bya ba yang 'jig rten pa la mngon du grub ste/ 'di ltar skyes bu dag gi sngags dang sman shes pa 'ga' zhig gis dug gi dum bu 'ga' la byin gyis brlabs te zos na gnod par mi 'gyur la/ slar bzhin nad kyi gzhi 'ga' la phan 'dogs pa'i gzhir 'gyur ro/ /de bzhin gzhan du yang nus pa mngon du snang ste/ 'di ltar/ dper na rlung nang ldang ba la/ mon sran sde'u yi bza' ba bzhin/ /bzlog pa'i sman ni brtags pa las/ rlung gis rlung la bsnun bar byed/ ces bya ba gsungs te/ 'di ltar skyes bu rlung nad kyis btab pa 'ga' la/ mon sran sde'u yi tshed ma bza' btung du byin na/ re zhig nad de rgyas par 'gyur la/ phyis de nyid 'joms par byed pa'i sman pas mar la sogs pa lan bdun du bsdus la 'bras bu gsum gyi phye ma dang sbyar ba'i bza' ba byin pas rlung nad de brtsad nas 'joms par byed do/ /dpe de bzhin du/ rnam rtog gis ni rnam rtog dang/ srid pa nyid kyis srid pa dag /ces bya ba gsungs te/ 'di ltar bskyed pa'i ting nge 'dzin rnam par rtog pa'i bdag nyid can/ /lag pa'i phyag rgya bcing pa dang/ 'dug stangs dang/ lta stangs dang/ phred ba'i khyad par la sogs pas thog ma nyid du 'jig rten pa'i tha snyad khyad par can du byas la phyis phyi ma'i yon tan gyis sngon ma rnams spang bar bya ba ni rgyud de dang de'i nges pa'o/ /de bzhin du bsdus pa'i rgyud 'di nyid las kyang ji skad du/ dga' bral dga' ba srid pa ste/ /de bas lhan cig skyes pa bsgom/ ces gsungs so/ /de ltar yang dper na rna bar chu zhugs pa/ chu gzhan gyis ni gdon par bya/ zhes bya ba gsungs te/ rna ba'i bu ga'i gting na chu'i thigs pa 'ga' yod na/ chu gzhan sngar bzhin blugs pas phyir 'byung ba ni 'jig rten pa la mngon du grub bo/ /dpe de bzhin du/ de bzhin dngos po'i rnam

  196. 98b

    rtog kyang/ /rnam rtog nyid kyis sbyang bar bya/ zhes bya ba ste/ spros pa'i ting nge 'dzin dang brtags pa'i chos lus dang lus kyi cha shas lha'i rnam par brtags pa srid pa'i mtshan nyid can ma gtogs par grol bar 'gyur ba'i thabs med par 'gyur ro/ /de bzhin du yang 'jig rten na mngon sum du snang ba'i dpe ni 'di lta ste/ dper na me yis tshig pa la/ /slar bzhin me yis gdung bar bya/ zhes bya ba 'ga' zhig gi yan lag me yis tshig pa'i skad cig la byis pa mi mkhas pa kha cig ni/ mi mthun pa'i dngos po chu'i nang du reg par byed de/ slar zhing gnod par byed do/ /de bzhin du/ de ltar 'dod chags mes tshig pa/ /'dod chags me yis slar la gdung/ /skye bo mi bzad pa yi las/ /gang dang gang gis 'ching 'gyur ba/ /thabs dang bcas nas de nyid kyis/ /srid pa'i 'ching ba las grol 'gyur/ /zhes bya ba gsungs te/ 'di'i don yang rtsa ba'i rgyud las ji skad du/ 'dod chags la sogs nyon mongs rnams/ /mi rnams kun tu 'ching 'gyur zhes/ /'dren pa dpa' bos gsungs pa ni/ /thabs dang mi ldan mi la gsungs/ /gang zhig thabs ldan skyes bu la de nyid kyis ni grol 'gyur zhes/ /slar yang mnga' bdag chen pos gsungs/ /de yi thabs ni 'di dag go/ 'di lta ste gang 'jig rten gsum gyi skyes bu chags pa can rnams 'di ltar bdag gis bdog pa phun sum tshogs pa yang 'dod chags nyid kyis ma rungs par byed la/ 'khor bar gnas par byed pa yang 'di nyid de/ 'di ltar de kho na nyid med pa'i phyir/ glang po che smon pa gang zhig gi steng du lcags kyu 'dzin pa'i kha lo pa med par zhon pa dang mtshungs so/ /de lta bas na chags pas 'jig rten 'ching 'gyur ba/ /'dod chags nyid kyis rnam grol 'gyur/ zhes bya ba gsungs te/ 'dzag bas ni 'ching bar 'gyur la/ 'dzag pa med pas mi zad pa'i bdo bas ni grol bar 'gyur ro/ /de ltar na de bzhin gshegs pas gnas gang du smad par gsungs pa de ni 'dzag pa la dgongs pa yin la/ gang

  197. 99a

    du bsngags pa mdzad pa ni/ mi 'gyur ba'i bde ba 'di lta bu nyid la dgongs pa yin no/ /de ltar na chags pa de nyid mi 'gyur ba 'di ni/ byis pa'i rnal 'byor gyi yul ma yin te/ zlog pa'i bsgom pa 'di nyid ni/ /sangs rgyas mu stegs kyis mi shes/ zhes bya ba gsungs te/ ci'i phyir zhe na/ gang gis skad cig la de bzhin gshegs pa'i rang bzhin du 'gyur ba'i phyir ro/ /'di skad du/ 'byung ba lnga'i rang bzhin phyir/ zhes bya ba gsungs te/ 'dod chags gang gi skad cig la 'byung ba lnga'i rang bzhin du 'gyur ba de'i phyir ro/ /gang yin zhe na/ kun tu ru la lnga ru 'gyur/ zhes pa ste snyoms par 'jug pa'i dus so/ /dga' ba chen po gcig nyid las/ dbye ba lnga ru 'gro bar 'gyur/ zhes bya ba smos te/ nam mkha' lta bu'i 'od gsal ba'i dga' ba chen po gcig po nyid kyis dus su 'jig rten kun rdzob tu gnas skabs tha dad pa lnga 'gyur ste/ 'di ltar po la kak+ko la sbyor bas/ zhes bya ba rdo rje dang thod pa sbyor ba'i dus su'o// //gang du reg pas sra ba'i bag chags nyid/ /sra ba gti mug chos kyi phyir/ /gti mug rnam par snang mdzad brjod ces bya ba gsungs te/ gang gis skad cig la ma khrad ba dang/ sra ba sa'i khams yin la/ de'i phyir skad cig de ni rnam par snang mdzod du brjod do/ /de bzhin du byang chub sems ni gsher ba yi/ /chu yi khams su rab brjod de/ /zhe sdang 'dren pa mi bskyod pa bya ba yin la mi bskyod pa gsher ba'i mtshan nyid de ni chu'i khams yin no/ /de bzhin du gnyis sprad pa'i dus su drod skyes pa dpag med 'od yin te/ 'dod chags drod las 'byung ba'i phyir/ 'dod chags kyi drod de me'i khams yin no/ /de bzhin du kak+ko lar ni gang zhig sems/ /de ni rlung gi rang bzhin can/ /phrag dog don yod grub pa yin/ /don yod rlung las 'byung ba nyid/ ces bya ba gsungs te/ dus der thig le g.yo zhing ltung ba rlung gi byed pa yin la/ don thams cad rlung gis bsgrub pa'i phyir de skad ces bya'o/ /bde ba'i 'dod chags khrag tu

  198. 99b

    'gyur/ /dga' ba nam mkha' i mtshan nyid do/ /nam mkha' ser sna rdo rjes 'gyur/ /ser sna nam mkha' las byung nyid/ ces bya ba la skad cig gang la khrag la brten te 'byung ba'i bde ba de ni/ rin chen 'byung ldan gyi mtshan nyid do/ /rin po che nam mkha' i yon tan to/ /de ltar na bde ba'i sems chen po gang na gcig yod pa de na lnga'i gzugs kyis nges par gnas te/ rigs lnga'i rang bzhin can 'byung bar 'gyur ba de nyid kyi phyir sangs rgyas pa dang/ mu stegs rnams kyis rig par mi 'gyur te/ slar bzhin skrag par 'gyur ro/ /de ltar na/ rigs ni lnga po de nyid las/ /stong phag du ma skyes pa nyid/ ces bya ba gsungs te/ rigs kyi gtso bo rnam pa lnga po de las rigs phal pa bgrang ba las 'das pa 'byung bar 'gyur ro/ /de'i phyir na 'dod ba'i 'dod chags kyang dpag tu med par rig par bya'o/ /rigs lnga po de dag kyang mgrin pa dang rkan dang spyi bo dang mchu dang so'i chos can du bstan par bya'o/ /'di lta ste/ a i ri u li zhes bya ba rnams gnas lnga nas 'byung ba'i rigs lngar 'dod cing de dag rnams la yon tan dang 'phel ba dang ya Na'i rkyen gyis bsgyur bas ring thung du phye ste bsgyur na/ dpag tu med par 'gyur du rung ngo/ /mdo tsam zhig bstan pa 'di lta ste/ dngos po 'di dag thabs dang shes rab kyi char gnas la/ de yang A li dang kA li kho nar 'dus so/ /A li ni lnga yin te gnas lnga nas 'byung ba'i yi ge ltar bstan to/ /gong du brjod pa nyid do/ /lnga po de rnams la thig les mnan pas thabs kyi cha ston par byed pa ste/ drug dang de bzhin du lnga po de las rnam par bcad par bya bas mnan pas yang drug ste shes rab kyi char ston par byed pa yin no/ /de bzhin du gsal byed 'ba' zhig ni sum cu'o/ /de ltar na gsal byed sum cu po la thabs kyi yi ge drug gis nye bar bsgyur na brgya brgyad cur 'gyur te bgrod pa gcig gis so/ /yang de bzhin du sum cu po shes rab kyi yi ge drug gis

  199. 100a

    nye bar bsgyur bas brgya brgyad cu ste sngon dang mtshungs te de ltar bgrod pa gnyis su 'grub bo/ /brgya brgyad cu gnyis thabs dang shes rab gnyis su med pa'i tshul du bsres pas sum brgya drug cu'o/ /de ni nang du 'byung ba gcig gi rlung yin la/ phyir ni lo gcig gi zhag yin no/ /sum brgya drug cu la 'byung ba lngar bsgyur bas stong brgyad brgya yin la/ yang de la 'pho pa bcu gnyis te zla ba bcu gnyis kyi khyim bcu gnyis kyis nye bar bsgyur na nyi khri chig stong drug brgya zhes bya bar gnas te/ de ltar na rigs thams cad rigs lnga las 'byung bar 'gyur ro/ /de ltar na lo bcu gnyis dang lo bcu drug dag ni zla ba dang zhag dang/ chu tshod dang chu srang dang/ dbugs rnams la 'byung ba rnam pa lngas bsgyur na/ bgrang ba las 'das pa'i rigs su shes par bya'o/ /de ltar na de'i phyir 'di dag rang bzhin gcig / bde chen mchog tu phan pa nyid/ /'dod chags la sogs sems lnga yis/ /dbye ba lnga ru 'gro bar 'gyur/ /gaM gA klung bcu'i bye snyed nyid/ /rigs gcig la ni de bzhin gshegs pa'i tshogs/ /rigs kyi tshogs la rigs ni du ma rnams/ /de rnams rig pa rigs ni rnam pa brgya/ /de rnams la yang 'bum phrag rigs chen rnams/ /bye ba'i rigs la grangs ni med par 'gyur/ /de la rigs la grangs med rigs rnams nyid/ /mchog tu dga' ba'i rigs las byung ba rnams zhes bya ba gsungs te/ bde ba chen po nam mkha' i rigs lus can thams cad la mchog tu phan pa bskyed pa/ ma bcos pa'i lhan cig skyes pa 'di ni/ dbang po gnyis snyoms par 'jug pa'i bde ba ma gtogs pa gzhan du shes pa'i thabs med pa'i phyir/ nyan thos dang rang rgyal ba dang mu stegs byed rnams la gsang bar nges so/ /kye'i rdo rje nges pa'i don gyi rgya cher bshad pa las/ dngos grub gtan la phab pa zhes bya ba'i le'u'i rgya cher bshad pa ste gnyis pa'o// //gang zhig dga' ba bzhi rgyu can/ /e baM yi ger phyag 'tshal te/ /rgyud kyi

  200. 100b

    gleng gzhi gsang ba'i skad/ /rgyas bshad rdo rje snying pos bri/ /de nas rdo rje can gyi rnal 'byor ma rnams la rgyud thams cad kyi gleng gzhi zhes bya ba'i thabs bka' stsal pa/ zhes bya ba la sogs pa smos te/ de la rgyud ni rnam pa bzhi ste/ slob dpon dang gsang ba dang shes rab ye shes dang bzhi pa ste/ rnam pa bzhi'i rgyud do/ /gleng gzhi ni lo rgyus dang gnas dang spyod pa dang mi 'bral ba la bya'o/ /thabs de dag bcom ldan 'das kyis bka' stsal zhes sbyar ro/ /de bzhin du gzhan yang/ sdom pa dang ni dbang dang yang/ / de bzhin brda yis skad nyid dang/ /dga' dang skad cig dbye ba dang/ /gzhan yang bza' ba la sogs pa/ /de la sdom pa gsungs pa ni zhes bya ba smos te/ 'di ltar kye'i rdo rje ni mtshon pa yin la/ de bzhin du gtsug lag gi rgyud thams cad kyi sdom pa ni gang/ dbang ni gang dga' ba ni du/ skad cig gi dbye ba ni gang/ /rnal 'byor gyi bza' ba ni ji lta bu yin pa ma 'ongs pa'i skye bo rnams la phan pa'i phyir/ bcom ldan 'das kyis gsungs zhes sbyar ro/ /de la sangs rgyas kun gyi sdom pa ni/ /e baM rnam par rab tu gnas/ / e baM rnam pa'i bde chen po/ /dbang las yang dag shes par 'gyur/ /zhes bya ba la don 'di yang rtsa ba'i rgyud nyid las/ da ni mya ngan 'das rjes su/ /nyan thos byis pas rtogs bya'i phyir/ /lag na rdo rje la sogs la/ /chos kyi thog mar e baM skad/ /khod cig ces pa drang ba'i don/ /da ni mya ngan 'da' ba med/ /nga ni rdo rje lta bu'i sku/ /dus rnams kun tu nga 'dug ste/ /byis pa rnams la 'pho bar bstan/ /de lta bu ni drang ba'i don gyi gleng gzhi'o/ /nges pa'i don du ni e baM zhes pa pha dang ma/ /e baM nyi zlar rab tu bstan/ /e baM khrag dang khu ba dngos/ /e baM g.yas dang g.yon pa yin/ /e baM ling ga skye gnas brjod/ /e baM thabs dang shes rab ste/ /e baM bde sdug kun gyi gzhi/ /e ni lte ba spyi bo baM zhes bya ba gsungs te/ nges pa'i don to/ /de nas rnal 'byor ma rnams kyis/ /bcom ldan 'das

  201. 101a

    rdo rje sems dpa' la 'di skad ces gsol to/ /zhes pa ni bsgra ji bzhin par bstan ba'o/ /bcom ldan ston pa 'gro pa'i bla/ /mkha' 'gro ma yi sdom pa nyid/ /e paM rnam pa ci zhig lags/ /rim pa ji ltar bshad du gsol// zhes bya ba ni mkha' 'gro ma rnams kyis bcom ldan 'das kye'i rdo rje/ /rdo rje sems dpa' i rang bzhin la/ /mngon du bos nas mkha' 'gro ma'i bde ba'i sdom pa dang/ yi ge e baM gi don ji ltar lags pa kho mo cag gis mi 'tshal gyi/ de bshad du gsol zhes pa'i don to/ /de'i lan du gsung bar bzhed nas/ bcom ldan 'das kyis bka' stsal pa/ e yi cha byad bzang po gang/ zhes bya ba la sogs pa gsungs te/ 'di ltar bdag med ma dang ri khrod lo ma can la sogs pa'i rnal 'byor ma khyed rnams nyon cig /'di ltar/ e zhes bya ba sangs rgyas thams cad kyi gsang chen yin la/ de nyid rnal 'byor ma khyed rnams nyid kyi lus kyi dbus na/ gru gsum 'bar ba'i cha byad du gnas shing/ de nyid kyi dbus na srid pa gsum gyi bde ba thams cad 'dren par byed pa bum pa bzang po la dpag bsam gyi shing gi kha rgyan gyis brgyan pa/ dri ma med pa'i chu yis bkang ba lta bu gnas pa yin te/ rigs kyi bu mo dag 'di ni/ e yi cha byad bzang po gang/ /dbus su paM gi rnam pas brgyan/ /bde ba thams cad kyi ni gnas/ /sangs rgyas rin chen za ma tog /ces bya ba yin te/ 'di ltar 'di nyid ni 'jig rten gsum gyi bde ba thams cad kyi gzhi rten dang/ rnal 'byor ma rnams kyi bde ba'i sdom pa'i gnas dang/ dka' thub can rnams kyi tshul khrims bsrung bar bya ba'i gzhi yin la/ sangs rgyas rnams kyi bde ba rin po che'i gzhal yas khang zhes kyang btags so/ /de bas na las kyi dang por gtogs pa gnyis sprod pa'i bde bas 'tshang rgyal

  202. 101b

    bar 'dod pa rnams kyis kyang/ gzhi 'di la brten te skad cig ma bzhis phye ste bla ma'i lung bzhin du 'jug par byas na tshe 'di nyid kyis rdo rje 'chang chen po'i go 'phangs 'thob ces gsungs so/ /de la dgongs nas bcom ldan 'das kyis kyang/ skad cig dbye bas phye ba la/ /dga' ba de las skye bar 'gyur/ /skad cig shes nas bde shes pa/ /e baM rnam par rab tu gnas zhes gsungs te/ gleng gzhi dang sdom pa bstan pa'o/ /da ni skad cig bzhi dang dga' ba bzhi la sogs pa bstan par bya ba'i phyir/ sna tshogs dang ni rnam smin dang/ /rnam nyed de bzhin mtshan nyid bral/ zhes bya ba ste/ de yang ji skad du rtsa ba'i rgyud las/ lugs dang lugs bzlog khyad par las/ /sna tshogs sum cu rtsa gnyis gnas/ /rnam par smin pa bcu drug na/ /brgyad kyi gnas nas rnam nyed nyid/ /bcu drug bzhi gnas mtshan nyid bral/ /sa dang chu dang me dang rlung/ /rim pa bzhin du shes par bya/ /lugs 'byung rim pa 'di lta ste/ g.yon na rgyu bar shes par bya/ /lugs bzlog de las bzlog yin te/ /sum cu gnyis gnas mtshan nyid bral/ /g.yas na rgyu bar shes par bya/ /rten 'brel lugs 'byung lugs las bzlog /dge slong dgra bcom zag pa zad/ /'dod chags bral bas dbang po thul/ /zhes gsungs so/ /de ltar yang/ skad cig bzhi ni rab shes na/ /de nyid rnal 'byor pas shes 'gyur zhes pa ste/ skad cig bzhi'i bye brag ma shes par de kho na nyid du mi 'gyur te/ ji ltar phyi yin de bzhin nang/ /zhes gsungs pa'i phyir ro/ /'khyud dang 'o byed la sogs pa/ /sna tshogs rnam pa sna tshogs bshad/ ces bya ba ni 'khyung pa'i skad cig ma ni sna tshogs pa'o/ /de bzhin du 'o byed pa dang/ 'dzum pa la sogs pa dang/ na kha marda na la sogs pa thams cad sna tshogs kyi mtshan nyid yin la/ rnam par smin pa ni tha ltag tu 'byung ste/ de'i gong du

  203. 102a

    ni/ rnam par nyed pa bde ba'i ye shes zab nyid 'byung ste/ bde ba zos pas ni rnam par smin pa zhes bya zhing/ rnam par nyed pa'i skad cig gros zhes kyang brjod do/ /mtshan nyid dang bral ba ni gsum las tha dad de/ zab dang zos pa dang gros la sogs pa dang bral ba'o/ /'di ni bla na med par rang dgar 'jug pa spang ba'i phyir rgyud du dkrugs te bstan to/ /des na rnam par smin pa de las bzlog /bde ba'i ye shes za ba nyid/ /bdag gis bde ba zos pa'o/ /gros ni rnam par nyed par brjod/ /mtshan nyid bral ba gsum las gzhan/ /chags dang chags bral rnam par spangs/ /zhes go bzlog ste rdo rje'i tshig tu gsungs so/ /da ni dga' ba bzhi skad cig ma bzhi dang ldan pa bshad de/ sna tshogs dang po'i dga' ba nyid/ /dpral ba'i 'khor lor rab tu bstan/ /rnam smin la ni mchog dga' nyid/ /mgrin pa'i 'khor lor rab tu bstan/ /rnam nyed khyad par dga' ba nyid/ /snying ka'i 'khor lor rab tu brjod/ /mtshan bral lhan cig skyes dga' nyid/ /lte ba'i 'khor lor rab tu bstan/ /rgyun las bzlog pa sngon bzhin du/ /mtshan nyid bral bas bde chen nyid/ /slob dpon gsang ba shes rab dang/ /bzhi pa slar yang de bzhin no/ /zhes bya ba ste/ chu sogs bum pa'i mdza' ma can/ /byis pa gzhug phyir slob dpon dbang/ /gsang ba thob pas dga' ba ni/ /gsang ba'i dbang du yang dag brjod/ /shes rab la reg shes rab dbang/ / gsum las gzhan pa bzhi pa ste/ /de bzhin slar yang de bzhin zhes/ /gsungs pa'i phyir na bzhi pa ni/ /gsum pa ma yin gzhan du dpyad/ /ces pa ni nges pa'i don du rdo rje slob dpon gyi dbang du bshad do/ /de ltar

  204. 102b

    na dbang rnam pa bzhi po drang ba dang nges pa'i don gyi 'jig rten dang/ 'jig rten las 'das pa zhes bya bar rnam par bzhag go /dbang ni bzhi yi grangs kyis ni/ /dga' ba la sogs rim shes bya/ zhes gsungs te/ lugs dang lugs las bzlog pa'i khyad par gyis sngon bzhin du khong du chud par bya'o/ /rgod pas dga' ba thob pa ni/ /rgod pa dag la slob dpon nyid/ /lta bas dga' ba thob pa ni/ /lta ba gsang ba de bzhin no/ /lag bcangs dga' ba thob pa ni/ /lag bcangs la ni shes rab nyid/ /gnyis gnyis sprad las bde thob pa/ /gnyis gnyis 'khyud pa de bzhin nyid/ /de ltar dbang ni rnam pa bzhi/ /phyi dang nang gi dbye ba yis/ /rdo rje slob dpon blo ldan pas/ /slob ma skye bo mchog la bstan/ /sems can rnams kyi dngos grub phyir/ /dbang ni rnam pa bzhi ru bshad/ /gtor dang blugs pa zhes bya 'dis/ /des na dbang zhes brjod par bya/ zhes bya ba ni dag pa dang 'khru bar byed pa'i dbang yin te/ nyon mongs pa'i gdung ba'i dri ma 'khru ba'i phyir ro/ /da ni nang gi slob dpon gyi dbang bstan par bya ba'i phyir/ shes rab bcu drug lon pa la/ /lag pa dag gis yang dag 'khyud/ / rdo rje dril bu mnyam sbyor bas/ /slob dpon dbang du rab tu brjod/ ces bya ba bstan te/ shes rab zla ba 'byung ba yi/ /cha shas bcu drug lo ldan la/ /rang gi rdo rje dag dang ni/ /de yi dril bu sbyor ba yis/ /bde ba nges par slob dpon dbang de bzhin du/ shin tu bzhin bzangs mig yangs ma/ /gzugs dang lang tshos rnam par brgyan/ /the bo srin lag dag gis ni/ /slob ma'i kha ru ltung bar bya/ zhes bya ba ni de ltar bsten

  205. 103a

    pa las byung ba'i rdzas slob ma'i ngag gi lam sbyangs pa gsang ba yin no/ /de'i rjes la rdo rje slob dpon gyis shes rab de bza' btud la sogs pas tshim par mchod la slob ma la 'di skad ces bya bas gtad par bya ste/ sems dpa' chen po khyod kyis ni/ /phyag rgya bde dang ldan pa khyer/ /phrag dog khro ba rnam spangs pa'i/ /slob ma cher 'gyur shes nas ni/ /ston pas de la gnang ba sbyin/ zhes bya ba ste/ 'di ltar sa dang chu dang me dang rlung gi bde ba 'byung ba'i phyag rgya 'di rigs kyi bu khyod kyis khyer la mchod par gyis shig /ces bya bar bsgo ba'o/ /gzhan yang kun tu ru gyis rdo rje 'dzin zhes pas kun tu ru'i sbyor ba'i khyad par yang slob ma de la legs par bstan par bya'o/ /de bzhin du 'di skad du/ slob mas kyang/ bla ma phyag rgyar ldan mthang na/ /bstod dang mchod pa tshul bzhin bya/ /'di lta ste/ bcom ldan zhi ba chen po kye/ /rdo rje rnal 'byor ci bzhed pa/ /mi phyed phyag rgya sgrub pa po/ /rdo rje rnal 'byor las 'byung ba/ /ji ltar khyed kyi bdag nyid che/ /mnga' bdag bdag la'ang de ltar mdzod/ /'khor ba'i 'dam gyi tshogs dag tu/ /bying ba skyabs med bdag la skyobs/ zhes bya ba bla ma rdo rje 'dzin pa la slob ma blo dang ldan pas gsol ba gdab par byas la/ bza' btung gi mchod pa la dang/ ma da na la sogs pa dang/ de bzhin du 'dug pa dang/ zhal zas dang/ phreng ba dang/ dril bu dang/ rgyal mtshan dang/ byug pa la sogs pa mchod pa'i rdzas 'di rnams kyis/ rdo rje slob dpon yang dag par mchod par bya'o/ /de'i rjes la bla ma dgyes par gyur pas sna tshogs la sogs

  206. 103b

    pa'i skad cig spangs pa'i rjes thogs su slob dpon gyis slob ma de la slar bzhin 'di skad ces/ ston pas smras pa sems dpa' che/ /bde ba chen po rnam par gzung/ /ji srid byang chub bar du ni/ /sems can don gyi rdo rje 'dzin zhes bya bas gang gi gnad kyi gnas srid pa'i bdag nyid can yongs su spangs pa'i srid pa nyid kyi gnas bstan par bya ba ni de kho na nyid do/ /de'i rjes la yang slob ma'i sems kyi kun tu rtog pa spang bar bya ba'i phyir 'di skad ces slob dpon gyis brjod par bya'o/ /'di nyid ye shes chen po nyid/ /thams cad lus la rnam par gnas/ /gnyis dang gnyis su med pa'i tshul/ /dngos dang dngos med bdag nyid gtso/ /brtan dang g.yo ba khyab nas gnas zhes bya ba ste/ 'di lta ste/ rigs kyi bu dus gsum gyi sangs rgyas thams cad kyis rjes su spyad cing kun tu gsang la rgyas btab pa 'di ni/ khyod kyis rang gi lus kho na la yod par shes par gyis la/ gzhan du som nyid dang dogs pa ma byed cig / de ci'i phyir zhe na/ 'di ltar rdo rje phreng ba zhes bya ba'i rgyud las kyang ji skad du/ rang lus 'gyur ba med pa 'di/ /mchog gcig gis ni shes bya ste/ /de ni dpe yis nyer mtshon nas/ /bla ma'i kha las rtogs par bya/ zhes gsungs pa'i phyir/ rigs kyi bu 'di lta ste lus can rnams khu ba'i gzugs kyis gnas so/ zhes bsgo bar bya'o/ /de bzhin du khu ba de nyid yang dag par 'dod pa dgag cing ring nas mtshon par bya ba'i tshul du bstan par bya ste/ slar bzhin 'di skad ces/ sgyu ma'i gzugs can nyid du 'dod/ /dkyil 'khor 'khor lo'i thabs kyis ni/ /rtag tu nges par grol bar 'gyur/ /zhes bya bas bsgo bar bya'o/ /'di ltar rigs kyi bu dag rang gi

  207. 104a

    lus la khu ba gnas pa 'di yang sems can thams cad dang bde ba thun mong pa yin pa'i phyir/ dngos su 'dis grol ba ni yod pa ma yin no/ /gal te dngos su grol ba lta na ni/ mngon sum nyid du 'gal ba'i phyir thabs dam pa'i tshul du 'dod mar re zhig rdul tshon gyi gzhal yas khang dang/ lag pa'i phyag rgya bcing ba dang/ sdom pa gzung ba la sogs pa mngon du 'gro bar bya zing ba rtags pa'i rnal 'byor goms pa dang/ dus ji srid lon pa na/ lus kyi dkyil 'khor yongs su shes par byas nas snying po'i ro myangs te tshul ltar bsten na grol bar 'gyur ro/ / zhes bstan par bya'o/ /de yang tshig gong ma 'di dag nyid kyis gsal bar ston te/ de nas rdo rje snying pos/ /rang dang lhan cig tu gnas pa'i bar na/ ri khrod lo ma can la sogs pa'i rnal 'byor rnams la bzod par gsol nas/ bcom ldan 'das la 'di skad ces gsol to zhes pa nas/ rim pa ji ltar bshad du gsol zhes pa yan chad kyis ni rdo rje snying pos zhus pa bstan la/ de'i rjes su bcom ldan 'das kyis lan gsungs pa 'di lta ste/ dkyil 'khor snying po zhes brjod de/ /byang chub sems ni bde chen po zhes bya bas bstan te/ /snying po ni bcud len cing 'dzin la rtogs par byed pa'i phyir dang/ de bzhin du sa dang chu la sogs pa'i tshul gyis srog dang thig le 'khor ba'i phyir 'khor lo zhes brjod do/ /'di ltar dang po mthar byed ces bya ba/ 'dus pa'i dkyil

  208. 104b

    'khor nyid du brjod ces bya ba gsungs te/ gnas gang du srog gi rlung dang khu ba'i thig le dag 'dus pa'i gnas de ni snying po zhes su brjod de/ de ltar yang/ 'khor lo zhes bya nam mkha' i khams/ /yul la sogs pa rnam par sbyor zhes pa ste/ de nyid shes par 'gyur ba'i mthun pa'i dpe ston pa ste/ gnas kyi pad+ma nam mkha' i khams zhes bya ba la/ skyes bu rnams kyi ling ba dang/ /phan tshun sprad pa'i dus pas mtshon par 'gyur te/ de'i phyir po la kak+ko la sbyor bas/ /de yi bde ba shes par 'gyur zhes gsungs pa'i phyir ro/ /de bzhin du yang slar bcom ldan 'das la rdo rje snying pos kye'i rdo rjer gnas pa rnams la sdom pa dang dam tshig ji ltar gnas par bgyi ba bcom ldan 'das la zhus pa dang/ bcom ldan 'das kyis bka' stsal pa/ khyod kyis srog chags gsad par bya/ /gang phyir srog ni sems su brjod/ /sems ni rlung dang khu ba yin/ /sems gcig srog chags gsod pa nyid/ /gzhan du ma yin gnas do ru/ /brdzun gyi tshig kyang smra bar bya/ /'jig rten bsgral ba zhes bya ba/ /brdzun gyi tshig tu rab bsgrags te/ /de yang ma yin gzhan du spyad/ /bdag gi srog rlung thogs pas na/ /cig car 'gro kun srad kyis ni/ /gang dang gang la da de dang/ /mthun pa'i chos ston brdzun gyi tshig /khyod kyis ma byin par yang blang/ /btsun mo'i khu ba ma byin pa/ /rang la yod pa'i bud med mchog /ma byin blang gi gzhan du min/ /pha rol bud med bsten par bya/ /rdo rje sems sogs gzhan bud med/ /mchog tu bsten gyis gzhan du na/ /dri ma rab ldan

  209. 105a

    ma mo min/ /zhes bya bas nges pa'i don gyi sdom pa bstan to/ /de nas yul dang yul can phung po dang/ khams dang skye mched dang gzugs sgra dri ro reg bya la sogs pa thams cad phan tshun du 'dus pa nyid dkyil 'khor gyi 'khor lor gsungs pa la/ rnal 'byor ma rnams kyis phung po dang khams dang skye mched la sogs pa yul dang yul can rnam pa nyid ma 'tshal nas bcom ldan 'das la zhus pa/ yul de rnams kyang ci lags zhes pa nas/ 'di rnams kyi rang bzhin ci lags shes pas bstan la/ de la bcom ldan 'das kyis bka' stsal pa/ 'di lta ste/ yul drug ni/ gzugs sgra de bzhin dri dang ni/ /ro dang de bzhin reg bya dang/ /chos kyi khams kyi rang bzhin nyid/ /'di rnams yul ni drug tu brjod/ ces bya ba smos te/ yul gzugs la u zhes pa ste mchu las 'byung ba dang/ sgra la a:zhes pa ste gre ba las 'byung ba dang/ dri la a la zhes pa ste so las 'byung ba dang/ ro la ar zhes pa ste spyi bo nas 'byung ba dang/ reg la e zhes pa ste rkan las 'byung ba dang/ chos kyi khams las A zhes pa ste gre ba las 'byung ba dang drug po rnams yul drug gi rang bzhin yin te/ a i ri u li aM zhes pa drug ni mtshan nyid can dang/ de bzhin du a i ri u li a:zhes pa rnams thabs dang shes rab kyi tshul can dag ni phyi dang lus dang gzhan thams cad la grub pa'i phyir dbang po drug dang khams drug dang phung po drug po la sogs pa gang du bstan pa rnams ni rang bzhin de lta bu yin te/ de ltar yang yul drug dang dbang po drug ni skye mched bcu gnyis su 'gyur zhing/ de bzhin du khams kyi phye bas ni khams bco brgyad du rnam par bzhag /de ltar bstan

  210. 105b

    ba rnams ni rnal 'byor ma khyed rnams kyis go bar bya ba'i ched du kun rdzob kyi dngos por bstan zhes bya ba'i don to/ /de rnams kyi rang bzhin ji ltar yin zhe na/ rang bzhin gdod nas ma skyes pa/ /brdzun min bden min de bzhin du/ /thams cad chu zla lta bur ni/ /gdod nas rnal 'byor ma shes kyis/ /zhes bya ba la 'di ltar yul dang dbang po la sogs pa de rnams thog ma ni ji ltar su yis gang nas bskyed/ mdza' mar ni su yis ji ltar gang du rlag /ce na 'di ltar skyed par byed pa dang/ rlag par byed pa dag ni yod pa ma yin te/ gdod nas rang bzhin gyis dag pa'i phyir khyed kyis kyang de ltar shes par gyis shig ces pa'i tha tshig go/ 'di lta ste/ dper na gtsub shing gtsub gtan dang skyes bu'i lag pa'i rtsol ba las blo bur du me 'byung bar 'gyur te/ me don gtsub shing la yang mi gnas gtsub gtan la yang mi gnas/ skyes bu'i lag pa la yang mi gnas te rnam pa thams cad du yongs su btsal na gcig la mi gnas pa'i phyir me de bden pa yang ma yin/ brdzun pa yang ma yin pa de ltar chos thams cad rnal 'byor ma rnams kyis yid la gyis shig ces bya ba ste/ de ltar na de bzhin nyid gang yin pa de ni phung po dang khams dang skye mched dang/ yul rnams kyang ma yin la de las gzhan du btsal bar mi bya zhes pa'i don to/ /de nas rnal 'byor ma bdag med ma la sogs pa rdo rje mkha' 'gro ma thams cad bdud rtsi lnga thogs shing/ dam tshig gi rdzas thogs nas bcom ldan 'das rdo rje sems dpa' la mchod pa byed cing kun tu ru'i sbyor bas rjes su chags par byed/ bdud rtsi lnga'i ro yang 'thungs par byed do/ zhes pa ni chos thams cad kyi de bzhin nyid dngos po rnams la gnas pa yang ma yin mi gnas pa yang ma yin zhes bya ba la sogs pa'i rdo rje'i tshig bcom ldan 'das kyis gsungs pa'i don rtogs shing khong du chud nas/ bcom ldan 'das la yul rnams kyis mchod cing bdag cag rnams kyang yul rnams za bar byed ces bya ba'i don to/ /de nas bcom ldan 'das dgyes nas

  211. 106a

    rang byin gyis brlab pa bstan pa/ kye kye rdo rje mkha' 'gro ma/ /sangs rgyas kun gyi phyag mdzad pa/ /de nyid bdag gis gsang mdzad pa/ /rdo rje mchod pa'i byin rlabs kyis/ /bshad kyis 'dod pas rab tu nyon zhes bya ba ni/ /de ltar bden pa gnyis kyis chos kyi tshul zab mo 'di rnal 'byor ma rnams la bstan pa khong du chud pas/ /bcom ldan 'das dgyes te slar bzhin spyod pa'i khyad par bstan par bzhed nas tshig de dag gsungs zhes bya ba'i don to/ /spyod pa'i khyad par yang 'di lta ste/ bza' btung ji ltar rnyed pa dang/ /'gro dang 'gro min mi spong zhing/ /brus dang gtsang sbra mi bya ste/ /grong gi chos ni rab tu spang/ /blo ldan sngags ni mi zla zhing/ /bsam gtan nyid ni dmigs mi bya zhes bya ba nas/ /byang chub sems kyi rab tu bza' zhes bya ba yan chad kyis bstan te/ /rtog pa las de bzhin nyid mi skye bas/ rtog pa thams cad rab tu spangs la gang ci dgar gnas par bya'o/ /de ci'i phyir zhe na/ gang zhig nye bar dmigs pa de thams cad rang bzhin gyis dag pa'i snying po yin pa'i phyir ro/ /de nyid kyi phyir gnyis su med pa'i ye shes kyi sems dang ldan pa la mi bza' ba dang/ mi btung ba dang/ mi dpyad pa dang/ mi lta ba dang/ mi myang ba gang yang yod pa ma yin pa'i phyir ro/ /de bzhin du rang 'byung me tog rnyed nas ni/ /pad+ma'i snod du bzhag pa dang/ zhes bya ba bud med kyi skye gnas las byung ba'i khrag thod pa'i nang du bzung la/ lud pa dang ni snabs dag gis/ /bsres nas brtul zhugs can gyis btung/ zhes bya ba ni 'jig rten pas smad pa'i lud pa dang snabs la sogs pa gong gi khrag dang bsres la byis pa'i skye bo dam tshig can rnams la yang bza' ru gzhug ste skra dkar dang gnyer ma la sogs pa yang sel bar byed do/ /nges ni rnal 'byor pa byis pa'i rang bzhin can rnams 'dren par 'gyur la/ gzhan yul dang yul

  212. 106b

    can gcig tu gyur pa las khams rnams phyir mi 'byung zhing nyi ma'i cha 'og tu 'gro ba ni nges pa'i don to/ /smad g.yogs kha dog sna tshogs dang/ zhes bya ba la sogs pa'i tshig dag ni spyod pa'i le'u dag tu rgyas par bstan to/ /gzhan yang dbang po drug gi grangs gang gi rigs gang yin pa ma bstan cing rnam par dag pa med pas/ /thams cad yul gyi rnam dag pa/ /bcom ldan 'das kyis sngar gsungs na/ nges par dbang po drug gi grangs/ /rnam par dag par ma mdzad pa/ /zhes bya ba ni rdo rje snying pos zhus pa la slar bcom ldan 'das kyis lan gsungs pa ni mig la gti mug rdo rje ma zhes bya ba la sogs pa smos te/ don 'di yang rtsa ba'i rgyud las ji skad du/ mig la gti mug rdo rje ma/ /yi ge ar ni rab tu bstan/ /rna bar zhe sdang rdo rje ma/ /yi ge aM gis rab tu stan/ /sna la ser sna ma zhes bshad/ /yi ge e yis rab tu bstan/ /kha la 'dod chags rdo rje ma/ /yi ge u yis rab tu bstan/ /lus la phra dog rdo rje ma/ /yi ge le yis rab tu bstan/ /yid la bdag med rnal 'byor ma/ /yi ge a yis rab tu bstan/ /dbang po rnams ni dag pa'i phyir/ /'dis ni go cha sems dpa' che zhes bya ba gsungs pas rtogs par bya'o/ /rdo rje snying pos gsol pa/ dgongs pa'i skad ni ci zhes bgyi/ /rnal 'byor ma yi dam tshig che/ /nyan thos la sogs mi shes pa zhes bya ba la/ /kye bcom ldan 'das kye'i rdo rje la gnas pa'i rnal 'byor pa rnams kyis nyan thos dang rang rgyal dang/ /mu stegs la sogs pa'i byis pa'i skye bo rnams kyi nang du mchis pa'i tshe/ gsang ba'i brjod pa la sogs pa ji ltar bgyi zhes zhus pa'o/ /de bzhin du rgod dang lta ba dag dang ni/ /'khyud pa de bzhin gnyis gnyis dang/ /rgyud kyang de bzhin rnam pa bzhir/ /dgongs pa'i skad ni ma bsgrags pa/ /bcom ldan nges par gsungs du gsol zhes bya ba yang/ /de bzhin du gang du 'dod chags kyi gnas der rgod pa'i

  213. 107a

    bde ba dang/ lta ba'i bde ba dang/ 'khyud pa'i bde ba dang/ gnyis kyis gnyis sprod pa la sogs pa'i bde ba'i brda dag kyang bshad du gsol zhes pa'i don to/ /lan bcom ldan 'das kyis gsungs pa 'di lta ste/ rdo rje snying po nyon cig ces gsungs nas/ brda 'di dag gsungs so/ /de yang rtsa ba'i rgyud nyid la 'jug par bya'o/ /ma da na chang ba la sha /phyi dang nang gi bye brag gis/ /tshig 'di kun la rab tu sbyar/ /khu ba'i bde ba myos byed char/ /sngon du bshad pa'i dbang po rnams/ phyi ru mi 'gro sha ru brjod/ /'du ba ma la ya dzar brjod/ /rigs dang rigs min las byung ba/ /'khor lo bzhi yi bdag nyid can/ /rang rang gnas su 'du ba'i phyir/ /ma la ya dza zhes su brjod/ /'gro ba khe Ta ro zhes pa/ /dus kyi me yi gnas gang nas/ /mun pa'i gnas su 'gro ba ste// 'od zer glog stong 'khrug pa 'dra/ /de la khe Ta ro zhes zer/ /rus pa'i rgyan ni ni raM shu/ /cha shas med cing brjod pa spangs/ /tshig gi yul las rnam par 'das/ /khu ba'i bde ba gang yin pa/ /de la ni raM shu zhes grags/ /'ong ba phreng kha Na ru brjod/ /zla ba'i lam ni g.yon phyogs nas/ /gang gis bskul te 'od ba ste/ /lha dang mi sogs smin par mdzad/ /phreng kha Na zhes de la grags/ /cang te'u kri pi ta ru brjod/ /srog gi rlung ni cang te'u'i sgra/ /mi shigs lam la rab tu gnas/ /rnal 'byor gang gis thos 'gyur ba/ /kri pi ta zhes rnam par bshad/ /skal med du du ra zhes brjod/ /rnal 'byor brtse ba rab dman pa/ /bcu drug cha gang 'phro bar byed/ /de ni snying rje dman pa ste/ /du du ra zhes brjod par bya/ /skol ldan kA liny+dza rar brjod/ /bdag gis thob pa'i bde ba gang/ /tshad dbang khyab 'jug 'dod lhas kyang/ /kun tu 'phrog par mi 'gyur la/ /dam par 'dzin te kA liny+dza/ /reg min DiN+Di ma zhes brjod/ /bdag med ma sogs rnal 'byor ma'i/ /rang bzhin cha shas bcu drug can/ /bdag tu mi 'dzin bsdigs par byed/ /DiN+Di ma zhes rab tu bsgrags

  214. 107b

    thod pa pad+ma b+hA dza na/ /gang gis rgyun gyis lus skyong med/ /de med de ni yod mi 'gyur/ /'jig rten gsum gyi mnga' bdag gang/ /de ni pad+ma b+hA dza na/ /bza' ba tripti ka zhes bya/ /sngar bshad yul gyi dngos po rnams/ /lce yis ma yin kun tu za/ /bsam gtan zas kyi ro mchog ni/ /tripti ka zhes kun tu grags/ /tshod ma la ni tInd+hi ni/ /nyi ma zla ba gra gcan dang/ /lug dang ser skya kun spangs ma/ /lam 'dis grub pa rab tu gsal/ /tind+hi ni zhes kun tu grags/ /bshad pa tsa tussa mar brjod/ /nyi zla sgra gcan dus kyi me/ / gang du mnyam par tshogs pa na/ /bsam gtan bzhi ni mnyam pa'i phyir/ /bzhi mnyam zhes ni rab tu dran/ /gci ba kasta ri zhes brjod/ /lus la grung ba'i skyes bu ltar/ /gang la brten te ci rigs kyi/ /lte ba'i dri dang mtshungs pa ni/ /kastu ra zhes brjod par bya/ rang 'byung sahlir shes par bya/ /mi mo gang gis skye gnas khrag /rnal 'byor mkhas pa zlo ldan pas/ /tsandan dang ni sihA ltar/ /skyed byed sahI yin par shes/ /khu ba kardU ra zhes brjod/ /shes rab mo chen gang gis su/ /grong khyer rnams ni rab dkrugs nas/ /ga bur kha dog dri ston pa/ /de bzhin kardu rA zhes brjod/ /sha chen sA li dza zhes brjod/ /tshul khrims chen po 'chang ba'i mchog /rdo rje lta bu'i lus ldan zhing/ /'on te gzhan dag 'dod mos na/ /mkha' spyod ster ba sA li ze/ /dbang po gnyis sbyor kun tu ru/ /gtsang ma'i gnas na dbang phyug che/ /bsreg bya zhes pas spyan drangs pas/ /de gnyis mnyam par 'byor ba la/ /kun tu ru zhes de la brjod/ /rdo rje bo la zhes bshad de/ /de la brten pa'i ting 'dzin chus/ /ye shes sku ni rab skye zhing// stobs dang gzi brjid mtshungs med tshe/ /bo la zhes su rnam par bshad/ /pad+ma kak+ko la zhes zer/ /pad+ma la brten 'jig rten gsum/ /bde ba'i ngang tshul rab tu ldan/ /rdo rje'i sku lus thob mdzad phyir/ /kak+ko la zhes rab tu bsgrags zhes gsungs pas

  215. 108a

    'di'i don rtogs par bya'o/ /de ltar brjod pa'i rim pas bsdus pa'i rgyud na ji ltar gnas pa'i tha snyad kyis brda rnams ji lta ba bzhin du blo la gnas par bya ste/ don gyi skabs kyis phan tshun du brjod par bya ba yin la/ nges pa'i don gong du brjod pa dag ni blo yis shes par bya ba tsam du zad kyi ji lta bu bzhin brjod par bya ba ni ma yin no/ /kha dog dbye bas phye ba las/ /rigs ni rnam pa lnga ru bshad/ /'di ni gsang ba'i skad yin no zhes bya ba ni de ltar bstan pa'i dgongs pa'i skad don chen po dang ldan pa kun rdzob dang don dam du phye ba las yi ge lnga'i dgongs pa las med ces pa'i don to/ /de'i phyir na phyag rgya lnga ni bsdus pa nyid ces gsungs pa'i phyir ro/ /rigs de rnams kyang 'di lta ste/ g.yung mo rdo rje'i rigs su bshad/ /mi bskyod pa ste nam mkha' i khams/ /gar ma de bzhin pad+ma'i rigs/ /'od dpag med de me yis khams/ /rang 'tshad ma ni rin chen rigs/ /rin chen 'byung ldan chu yi khams/ /skye gnyis de bzhin gshegs par brjod// rnam snang mdzad chen sa yi khams/ /tshos ma las kyi rigs nyid de/ /don yod grub pa rlung khams/ /'di rnams phyag rgya'i dngos grub ste/ /'di rnams khu ba rdo rjer brjod/ /brtul zhugs can gyis mchod nas btung/ /zhes bya ba la drang ba dang nges pa'i bye brag gis rigs 'di rnams las byung ba'i bu mo rnams yongs su shes par bya ste/ /legs par sbyangs la bde ba'i kun tu spyod pas byang chub kyi sems phyung la btung ba la sogs pa byas pas lus rdo rje ltar sra bar 'gyur ro/ /nges pa'i don du phyi dang nang gi rigs gang yang rung ste sa bon mi 'bod pa'i ting nge 'dzin gyi 'dun pa drag pos ni lus rdo rje ltar 'gyur ba ni de bzhin gshegs pa'i nges pa'o/ /rdo rje snying po sems dpa' che/ /gsang ba'i skad ni ngo mtshar

  216. 108b

    can/ /nga yis khyod la gang bshad pa/ /de rnams thams cad gus pas bzung zhes bya ba ni nan tan bsgrags pa'i tshul du gsungs nas/ /gzhan yang la dong ba'i gsung 'di dag bka' stsal te/ 'di lta ste/ kye'i rdo rje dbang bskur gang/ /gsang ba'i skad kyis mi sgra na/ /de yi dam tshig nyams par ni/ /'gyur ba di la the tshom med/ /de bzhin du dam tshig nyams pa'i rtags su ji ltar 'byung zhe na/ 'tshe ba dang ni rkun ma dang/ /gdon dang rims dang dug dag gis/ /gal te sangs rgyas gsang ba'i skad/ /mi gsung na yang 'grongs? par 'gyur zhes bya ba ni de bzhin du las dang po pa'i rnal 'byor pa rnams kyis skad 'dir bsgrags par nges so/ /rang gi dam tshig rigs rnyed na/ /gal te tshig 'di mi sma ba/ /gnas bzhi las 'khrungs rnal 'byor ma/ /de yi tshe na khro bar byed/ /ces bya ba ni drang ba dang nges pa'i don du rig par bya'o/ kye'i rdo rje nges pa'i don gyi rgya cher bshad pa las rgyud thams cad kyi gleng gzhi dang gsang ba'i skad kyi le'u'i rgya cher bshad pa ste/ gsum pa'o// //smra ba'i skyes mchog smra ba'i rgyal/ /smra ba'i seng ge tshugs pa med/ /mu stegs can rnams skrag mdzad pa/ /bcom ldan kyel bdag phyag 'tshal/ /phyag rgya bsdus pa'i rgya cher 'grel/ /sems can sdug bsngal mun 'thoms la/ /sgron mas gsal bar bya ba'i phyir/ /rgya cher 'grel pa bdag gis bri/ /de nas rdo rje snying po la sogs pa dang/ mkha' 'gro ma rnams the tshom du gyur/ zhes bya ba la sogs pa la gang spyod pa'i le'u las glu gar rnal 'byor pas byas dngos grub ster ba'i glu gar dang/ lha'i le'u las bshad pa'i zhe sdang la sogs pa'i rgya yis gang la gang gis ji ltar gdab pa dang/ bdag med pa'i 'khor lor gsungs pa'i sngags kyi yi ge la sogs pa gang lags pa dang/ rigs kyi le'u las gsungs pa'i rtsa sum cu rtsa gnyis su gsungs pa'i dgongs pa rnams la/ bcom

  217. 109a

    ldan bdag ni 'khrul gyur pas/ /de rnams rnam dag bshad du gsol/ zhes zhus pa dang/ bcom ldan 'das kyis bka' stsal pa kol+la i ri gri zhes bya ba la sogs pa'i glu gsungs te/ de la don 'dir rtogs par bya ste/ kol+la i ra tI a po lA zhes pas ni/ gnas dang nye ba'i gnas su bstan to/ /mummu Ni re kak+ko la zhes pa ni/ zhing dang nye ba'i zhing du bstan to/ /g+ha Na kyi biT ho bAdzdza i ka ru Ne kyi a i na re lA zhes pas ni/ tshan do dag tu rab tu bstan to/ /ha hi pa la khadzdza i gaDemma a N+Ta pidzdza i a i/ zhes nye ba'i tshan dor bstan to/ /ha liM kA lany+dza ra pa NiM a i du du ru ta hiM badzdza a i/ zhes pas ni 'du ba'i sa bstan to/ /tsa u sam kAts+tshu ra sihlA kap+pu pa lA i a i/ zhes pas ni/ nye ba'i 'du sa bstan to/ /mA la iT? Na na shA liny+dza ta hi b+ha ru kA i a i zhes pas dur khrod bstan to/ /ni raM shu aM ga tsa DA pI ta hi dza sa rA ba pa Ni a i/ zhes pas ni nye ba'i dur khrod bstan to/ /phreM kha Na khe Ta ka ran+te shud+hA shud+ha na ma Ni a i/ zhes pas Ni pI la ba bstan to/ /ma la ya dzaM kundu ru pA Na i DiN+Da ma su ta hi na badzdza a i/ zhes pas ni nye ba'i pI la ba bstan to/ /de ltar brjod pa'i rim pas/ 'di dag sa ni bcu ru bstan/ /'di ltar shes bzhin glu len gang/ /de ni dngos grub rgyas 'gyur te/ /he ru ka ni ji bzhin no/ /zhes rtsa ba'i rgyud las gsungs pas don rtogs par bya'o/ /da ni gang bstan par bya ba'i phyir/ dran pa mi 'phrogs rnal 'byor pas/ /he ru ka yi gzugs kyis gar/ /chags bral mi gos sems kyi ni/ 'dod chags sems kyis bsgom pa nyid ces bya ba chags pa'i bde ba la sems gzhan du mi 'phrogs shing snying rje chen po g.yo ba ni gang yin te/ de yang ji skad du/ he ni rgyu sogs rnam spangs pa/ ru ni tshigs dang bral ba nyid/ /ka ni gang duAng mi gnas pa/ /he ru ka zhes rab tu grags zhes gsungs pa'i phyir ro/ /de ltar chags pa dang

  218. 109b

    bral ba'i skyon gyis mi gos par bdag gzhan gyi don du snying rje chen po g.yo bar bya zhes bya ba'i don to/ rdo rje chos dang sangs rgyas dang/ zhes bya ba la rdo rje chos ni gsung gi rang bzhin/ /sangs rgyas ni sku'i rang bzhin te/ /de'i shugs kyis thugs kyang shes par bya'o/ /de ni sku gsung thugs gcig tu bya ba bstan to/ rnal 'byor ma mo rnams kyis ni/ /glu dang gang ni 'di dag gis/ /zegs? par glu blugs gar yang bya/ /'di nyid kyi ni dam tshig bsrung/ /de bzhin bdag kyang bsrung ba nyid/ /'dis ni 'jig rten dbang du byed/ ces bya ba la de ltar brjod pa'i glu dang gar de dag gis ni phyi dang nang gi dam tshig dang dngos grub rgyas pa thams cad kyang gsal bar bstan pa yin te/ 'di dag gi rang bzhin ji bzhin du khong du chud pas 'jig rten gsum yang dbang du byed la sngags kyis bar? pa yang 'di kho na yin par khong du chud par bya'o/ /gang du gus pas glu len dang/ gang du gus pas gar byed pa/ /tshogs kyi bdag pos sngar byas nas zhes bya ba 'am/ rgyal po'i bka' thob pa'i tshogs kyi 'khor lo chen po yang rung tshogs kyis 'khor lo tha mal pa yid rung/ /de dag las gzhan pa'i dpa' bo'i ston mo'i dus kyang rung ste dang por tshogs kyi gtso bos glu blangs la de'i rjes su gzhan dag gis ci bder blang zhes bya ba'i don to/ /tshigs dang dpa' bo'i ston mo de dag gis dus su glu dang gang gyis byin brlabs kyis mtshan ma dang por rnam pa gsum sgog pa'i dri lta bu dang bar du bya rgod kyi dri lta bu dang/ tha mar ga pur gyi dri lta bu 'byung bar 'gyur te/ rdo rje slob dpon gyis mtshon par bya'o/ /de bzhin du glu'i mtshan nyid kyis dag gi mdangs thog ma dang tha ma gnyis su dang ba'i rgyal po dang bung ba'i rgyal po lta bu'i sgras sna drang zhing mdza' brten to/ /bar du ni khyu mchog lta bu'i sgra ste/ nga'i sgra lta bus rgyas par bya ba'i don te skad cig de nyid la dkyil 'khor ba'i nye 'khor du yang rtags de dag 'byung bar 'gyur ro/ de lta bas

  219. 110a

    na dad pa dang ni bur ba'i sgra/ /ba lang tshe yi sgra lta bu/ /glu yi mdza' nas mnyan par bya/ /glu yi byin brlabs mtshan nyid kyis/ /phyi rol tshal duAng mtshon par 'gyur zhes gsungs so// //da ni phyag rgya'i mtshan nyid brjod par bya ste ci'i phyir zhe na/ rtags dang rigs dang rgyud dang/ cho 'brang rnams yongs su dag par ma byas pas 'jig rten pa'i bag ma'i bya ba la sogs pa mi byed pa'i phyir te/ gal te yongs su ma sbyangs par 'jig rten pa'i bya ba la 'jug pa de lta na ni 'jig rten pa'i tha snyad kyang med de kla klo yongs su dar bar 'gyur ro/ /de lta bas na rgyud de dang de las kyang/ ji ltar phyi rol de bzhin nang zhes gsungs pa'i phyir ro/ /de bas phyag rgya rtags dang mtshan ma ste/ /'di yis rigs ni mtshon par bya/ /rigs 'chol bsgom pa'i sbyor ba las/ /sgrub pa po la dngos grub med/ /ces bya ba la sogs pa gsungs te/ /gang gi rigs gang yin pa de dang de'i rigs kyi phyag rgyas gdab pa ni de bzhin gshegs pa'i nges pa'o/ /'di'i don yang rtsa ba'i rgyud las ji skad du/ zhe sdang phyag rgyas bdag med na/ mgon po mi bskyod zhe sdang rigs/ /gti mug phyag rgyas rdo rje ma/ /mgon po snang mdzad gti mug rigs/ /ser sna'i phyag rgyas dkar mo nyid/ /ser sna mgon po rin chen 'byung/ /chags pas chu ma phyag rgyas gdab/ /chags pas mgon po dpag med rigs/ /phrag dog phyag rgyas mkha' 'gro ma/ /phrag dog don yod grub pa'i rigs/ /de bzhin mtshams sogs lha mo yang/ /sa dang chu dang me rlung phyir/ /rim pa bzhin du phyag rgyas gdag ces gsungs pas don khong du chud par bya'o/ /de bzhin du/ yang ni dkar mo zhe sdang gis zhes pa nas/ 'dod chags phyag rgyas mkha' spyod ma/ /'dod pas phyag rgya shes par bya zhes bya ba yan chad kyang gong bzhin rtogs par bya ste/ yul dang yul can gyis phye ba tsam du zad do/ /da ni bdag med ma la sogs pa lha mo bco lnga'i sa bon bstan par bya ba'i phyir/ /A li dang po bdag med

  220. 110b

    ma zhes bya ba la sogs pa smos te/ bdag med ma'i sa bon ni a'o/ /A li gnyis pa rdo rje ma'i sa bon ni A'o/ /a li gsum pa dkar mo'i sa bon ni i/ bzhi pa chu'i rnal 'byor ma'i sa bon ni a'i/ lnga pa rdo rje mkha' 'gro ma'i sa bon ni u/ de ni nang gi 'phar ma'o/ /phyi'i 'phar ma bshad par bya ste/ drug pa puk+ka sI'i sa bon ni a'u /bdun pa ri khrod lo ma'i sa bon ni ri/ brgyad pa dme sha can gyi sa bon ni rI/ dgu pa g.yung mo'i sa bon ni la/ yang ni lnga gnyis dkar mo nyid ces gsungs te/ bcu pa dkar mo'i sa bon ni lI'o/ /bcu gcig pa chom kun ma'i sa bon ni e/ bcu gnyis pa ro langs ma'i sa bon ni i'o/ /bcu gsum pa g+hasma ri'i sa bon ni o/ /bcu bzhi pa sa spyod ma'i sa bon ni aau/ bco lnga pa mkha' spyod ma'i sa bon ni a mo/ /rnal 'byor ma'i sa bon nyid/ ces bya ba ni de ltar brjod pa'i sa bon rnams bdag med ma la sogs pa'i lha mo bco lnga'i sa bon yin zhes bya ba'i don to/ /rigs kyi le'u las rtsa rnams gang/ /bcu drug gnyis kyis bdag nyid gsungs/ /rtsa ni gnyis gnyis rnal 'byor ma/ /re re rnam pa gsum du brjod/ /ces gsungs te/ 'di ltar rtsa sum cu rtsa gnyis kyis rigs kyi le'ur bstan pa gang yin pa de ni srog dang sems mnyam du rgyu ba'i phyir thabs shes rab kyi dbye bas rtsa gnyis gnyis shing rnal 'byor ma re re ste lha mo bco lnga'i bdag nyid yin la/ /rkyang ma rom rkun dar ma/ /bdag med rnal 'byor ma zhes brjod/ ces gsungs pa'i phyir sum cu rtsa gnyis pa ni phyi dang nang kun tu bya ba yongs su gtor ba yin pa'i phyir kun tu spangs par bya ste/ bdag med ma la dbul bar bya'o/ /de yang/ gang phyir bcu drug cha med pas/ /'bad pas kun gyi lhag pa ? zhes gsungs te/ tshes bcu drug pa med pa'i phyir de skad ces bya ba la/ gang yang bcu drug ces grags pa ni mar ngo'i tshes gcig yin pa'i phyir ro/ /de ci'i slad du zhe na/ don gyi bya ba mi byed phyir zhes bya bas gsal bar rab tu bstan pa yin no/ /de yang bsdus

  221. 111a

    pa'i rgyud 'di nyid las/ cha shas bco lnga'i bdag nyid can/ /byang chub sems rnams zla bar 'gyur/ /rnal 'byor ma rnams de yi cha/ /bde ba chen po A lI'i gzugs zhes gsungs so/ de bzhin du stong pa chen po yi ge lnga zhes pa'i dus su yi ge lnga po'i dbyibs lta bur gnas la thig le dang rnam par bcad par bya ba dag gis kun tu mdzes par 'gyur ba'i phyir ro/ /rnal 'byor byis pa'i blo can dag 'di skad ces ci ste A li yang bcu drug tu gsungs la thig le dang dga' ba dang 'pho ba yang bcu drug tu gsungs pa ma yin nam/ de ci'i phyir zhe na/ bcu drug pa dang sum cu rtsa gnyis pa spang zhes sems pa de ni ma yin te/ 'di ltar de bzhin gshegs pas byis pa'i skye bo rnams la dgongs nas/ sku gsungs thugs ye shes kyi dbye las phye ste/ ngo bo nyid dang chos dang longs spyod rdzogs pa dang sprul pa'i sku ste sku bzhi rnams la dgongs nas dga' ba bcu drug tu gsungs so/ /de bzhin du A li bcu drug dang thig le bcu drug dag ni dngos su yod pa ma yin te/ cha gnyis gsal bar byed pa'i phyir sgra gcan nam ma ning lta bu yin no/ /de bas na sum cu rtsa gnyis dang/ bcu drug pa dang drug pa'i 'khrul pa spangs te/ gzhan du dogs pa mi bya'o/ /rdo rje snying pos gsol pa/ rnal 'byor ma kun las byung ba/ /lhan cig skyes dga' i rang bzhin can/ /'grib med btung mchog nam mkha' nyid/ /karpur nges par cis mi spang zhes bya ba gsol te/ de lta bas na rnal 'byor ma bco lnga'i bdag nyid can gyi khu ba byang chub sems btung ba'i mchog nam mkha' lta bu'i bde ba rgyun mi 'chad pa lus ngag yid gsum bsil bar byed pa'i slad du ga bur lta bu 'di cis kyang mi spang bar bsgrub par bgyi'o zhes bya ba'i don to/ /bcom ldan 'das kyi tshul dang mthun pa'i lan gyis ji skad smras pa de bzhin no zhes gsungs so/ /rdo rje snying pos

  222. 111b

    gsol pa/ thabs gang gis byang chub tu sems bskyed par bgyi zhes bya ba ni 'di lta bu'i byang chub kyi lam la 'jug pa'i go rims ji ltar bslab par bgyi zhes bya ba'i don to/ /bcom ldan 'das kyis bka' stsal pa/ dkyil 'khor 'khor lo'i thabs dang ni/ /rang byin brlab pa'i rim pas kyang/ /kun rdzob don dam gzugs can gyi/ /byang chub sems ni rab tu bskyed/ ces bya ba slar gsungs pa/ sngon du thun mong gi sdom pa gzung ba dang/ rdul tshon gyi nang du drang pa dang/ bla mas rdo rje slob dpon gyi dbang zhes bya ba rnam pa bdun gyis byin gyis brlabs la gdod kun rdzob dkar po dang de las 'byung ba'i bde bas sems bskyed par bya zhes bya ba'i don te/ de yang 'di ltar/ kun rdzob kun da lta bu nyid/ /don dam bde ba'i gzugs can no/ /zhes bya ba la re zhig kun rdzob nyid du khu ba ni kun rdzob byang chub kyi sems yin la/ de la brten pa'i bde ba don dam pa zhes su tha snyad gdags so/ /phyi nas 'tshor ba med pa'i bde ba las byung ba'i de kho na nyid la don dam pa'i gzugs can te nges pa'i don to/ /bud med ko la bde ba can/ /e baM rnam pa'i rang bzhin du/ /bde ba srungs pa kho na las/ /bde ba can zhes rab tu bsgrags/ zhes bya ba la kun rdzob tu mi mo'i chu skyes dang skyes bu'i ling+ga dag phan tshun du gtsubs pa las/ bde ba 'byung ba'i phyir bde ba can zhes bsgrags par bya'o/ /bde ba de nyid de kho na nyid kyi lcags sgrog gis bsdams pa las rdo rje lta bu'i sku thob pa ni nges pa'i don to/ /bsdus pa'i rgyud 'di nyid las/ sangs rgyas byang chub sems dpa' dang/ /rdo rje 'dzin pa rnams kyi gnas/ /'di nyid 'khor ba zhes bya ste/ /'di nyid mya ngan 'das pa nyid/ 'khor ba spangs nas gzhan du ni/ /mya ngan 'das pa rtogs mi 'gyur zhes gsungs te/ gong du brjod pa'i kun da lta bu khye'u dang bu mo'i rten bskyed pas ni/ 'khor ba gzugs dang sgra la sogs/ /'khor ba tshor ba la sogs pa/ /

  223. 112a

    'khor ba dbang po rnams nyid de/ /'khor ba zhe sdang la sogs pa zhes bya ba yin la/ kun da lta bu khye'u dang bu mo'i rten rab tu bcad de/ bsrungs pa las 'di rnams chos ni mya ngan 'das zhes bya ba min zhing/ 'khor ba spangs nas gzhan du ni/ /mya ngan 'das pa rtogs mi 'gyur/ /zhes pa ni nges pa'i don nyid do/ /de bas na de'i phyir/ rmongs phyir 'khor ba'i gzugs can nyid/ /ces bya ba rmongs pa rnams la dus kyi pho nya mos 'dzin pa'i phyir dang/ dus kyi me 'bar bas kun da lta bu kha thur du bltas pas gsod par byed pa nyid do/ /rmongs med 'khor ba dag pas ni/ /'khor ba mya ngan 'das par 'gyur zhes bya ba la/ gang kun da lta bu de rgyu ba 'gags pa ni rmongs pa med pa ste/ lte ba dang snying ka dang/ mgrin pa dang/ dpral ba rnams su rten 'brel lugs las log ste/ gnas dang gnas su thim pa na/ /'khor ba mya ngan 'das pa zhes brjod do/ /de'i phyir na yang /byang chub sems ni mya ngan 'das/ /kun rdzob don dam tshul can no zhes gsungs so/ /gzugs dang lang tshos rnam par brgyan/ /sngo bsangs ngal la rigs bzangs ma/ /sI ha ga pur 'byung ba'i gnas/ /rang gis dbang bskur kye'i rdo rje zhes bya ba la sogs pa ni kun rdzob kyi tshul can ma bde ba rtogs par byed pa'i rgyan zhes tha snyad gdags te sngon du rgyas par bstan to/ /de bzhin du de'i chang ni lhan cig skyes pa ste/ bdag dang gzhan gyi don du btung bar bya ba nyid de mdor bstan pa'o/ /btung ba ni drang ba dang nges pa'i don gyis dbye bas rnam pa gnyis te/ drang ba'i don du na dngos su ro ldan gyis blang ba yin la/ nges pa'i don du ling ga'i ro ldan gyis blang ba ni nges pa'o/ /de'i phyir bo la kak+ko la ra bkod nas/ /kun du ru bya brtul zhugs can/ /de ru sbyor ba las byung ba/ /ga pur mkhas pas mi spang ste/ /de phyir lag tu mi blang zhing//

  224. 112b

    nya phyis dung chos nyid du min/ /nges par blo dang stobs kyi phyir/ /'chi med lce yis blang bar bya zhes bstan to/ /ga pur nyid ni bdag med ma/ /bde ba bdag med tshul can nyid/ /de yi bde ba phyag rgya che zhes bya ba la thig le'i ga pur bco lnga po la brten nas phyag rgya chen po bdag med ma'i mdza' rtogs pa'i phyir bdag med ma zhes gdags so/ /lus can rnams kyi lte ba'i dkyil 'khor na dbyangs kyi yi ge dang po nyid a'i tshul du gnas la/ de las sbyor ba gang gi dus su dus kyi me 'bar bar byed cing khams gsum po thams cad sreg par byed de phyogs bcu na bzhugs pa'i sangs rgyas thams cad kyang bsregs nas rang gi gnas su 'ong bar byed pa 'di ni thams cad kyi rgyun can no/ /de'i phyir na yang lte ba'i dkyil 'khor dag tu gnas/ /dbyangs yig dang po'i rang bzhin te/ / blo zhes sangs rgyas rnams kyis brtags zhes bya ba gsungs la/ rtsa ba'i rgyud las kyang ji skad du/ lus can thams cad 'khrig pa na/ /'gro dang 'ong ba'i byed pa dang/ /bde dang sdug bsngal ma lus pa/ /'di nyid kyis ni byed par brjod/ /ces gsungs te thun mong pa'i chos so/ /de las blo zhes pa ni shes rab kyi ming gi khyad par yin la/ des so sor 'bigs shing gcod pa'i las byed pa'i phyir/ shes rab ces/ sangs rgyas rnams kyis gsungs so/ /rdzogs pa'i rim pa'i rnal 'byor las/ /de nyid bcom ldan shes rab ma/ /zhes bya ba la gang du 'jig rten lta bu las langs te/ yin nang du chud pa'i dus de na 'pho ba med pa'i gnas te/ de nas 'bar te mtshan mar rtog pa thams cad sreg par byed do/ /de ni ji skad du/ shes rab nges 'bigs zhes bya ba/ /ting nge 'dzin zhes grags pa ste/ /de ni phyag rgya 'grub 'gyur bas/ /bsgoms na myur du 'grub bo zhes/ /bcom ldan shes rab mchog gis gsungs zhes gsungs pa dang/ de ltar na thog ma dang/ tha ma dang dbus rnams su mtshan ma'i

  225. 113a

    spros pa las grol ba ni bdag med ma yin te/ de ni ring min thung ba min/ /gru bzhi ma yin zlum po min/ /dri dang ro dang mya ngan 'das/ /lhan cig skyes dga' i byed pa can zhes smos te/ de ni zhes bya ba dang po'i dbyangs yig rang bzhin te/ zhes bya ba dang sbyar ta 'jig rten pa dang 'jig rten las 'das pa thams cad kyi byed pa po yin zhes pa'i tha tshig go /de bzhin du rang bzhin dang skyes bu la sogs pa du mar rtog pa'i byed pa po yang yin te/ 'di ltar mu stegs shes rab 'chal ba can rnams ji skad du/ sa chu me rlung nam mkha' dang/ /dus dang phyogs dang bdag dang yid/ /rdzas ni dgu yi bdag nyid de/ /dngos kun 'di yi rang bzhin yin zhes pa dang/ de bzhin du rdzas dang yon tan las dang ni/ /spyi dang khyad par cha shas rnams/ /tshig gi don ni drug yin te/ /de dag las ni 'di 'byung ngo/ /zhes tha snyad du mar 'dogs so/ /de las skyes pa'i rnal 'byor ma/ /de yi bde ba za ba nyid/ /de dang lhan cig phyag rgya che/ /bde ba ster ba'i dngos grub 'gyur zhes bya ba la/ dang po dbyings yig gis bskyed pa'i bde ba za ba'i phyir dang dbyangs yig de dang de las 'byung ba'i bde ba phyag rgya chen po rtogs shing de'i tshul gzhan la yang ster ba'i phyir de skad ces bya'o/ /ji ltar sbyin par bya zhe na/ gzugs sgra de bzhin dri dang ni/ /ro dang de bzhin reg bya nyid/ /chos kyi dbyings kyi rang bzhin yang/ / shes rab nyid kyis dpyad par bya zhes pas byin te/ phyi dang nang gi dbye bas phye la phyir ni ma'i bde bar bsdu ba'i tshul du sbyin no/ /nang du A li kA li 'byor ba'i bdag nyid kyis sbyin par bya'o/ /de yang 'di nyid las/ ji skad du/ A li kA li sbyor ba las/ /phyi rol gyis ni gnyis gnyis bkag /ces gsungs pa'i phyir ro/ /de nyid lhan cig skye ba'i gzugs/ /bde chen bzang po'i rnal 'byor ma zhes bya ba la sogs pa dang/ chos kyi dbyings kyi rang bzhin can/ /zhes bya ba la sogs

  226. 113b

    pas ni 'jig rten dang 'jig rten las 'das pa'i tha snyad can gyi dkyil 'khor gyi 'khor lo dang me thab dang phyag rgya bcing ba la sogs pa thams cad kyang lha dang lha ma yin dang yi dags dang dmyal ba dang 'bu srin dang phye ma leb la sogs pa thams cad kyi gzhi gang de nyid yin zhes pa'i don to/ /da ni phyi dang nang gi sdom pa dag las phyi'i sdom pa rnams sngon du rgyas par bstan nas/ nang gi bde ba'i sdom pa khyad par can bstan par bya ba'i phyir/ rdo rje snying pos bcom ldan 'das la 'khor lo bsgom pa'i lam dang/ phyi nang gi lha thams cad ji ltar 'byung ba thams cad khong du chud de sdom pa'ang bdag la bshad du gsol zhes nang gi bde ba'i sdom pa phyi rol gyi khrims kyi bya ba yongs su btang ba zhus pa'i don to/ /bcom ldan 'das kyis bka' stsal pa/ rnal 'byor ma yi lus dbus na/ /sdom pa a yi rnam par gnas/ /ji ltar phyi rol de bzhin nang/ /sdom pa de nyid rab tu bstan zhes gsungs so/ /de la 'di'i don ni 'di yin te phyi rol gyi ras dang sha na la sogs pa snyigs ma can chos kyis legs par bsgyur te lus la bcang ba dang/ de bzhin du phas pham pa bzhi dang/ /dge 'dun la rag lus pa'i tshig can gyi lhag ma'i chos bcu gsum dang/ ma nges pa'i chos zhes bya ba la sogs pa ji snyed cig bstan pa de dag ni byis pa'i skye bo rnams drang ba'i phyir gsungs so/ /de las gzhan pa gsang sngags kyi lam nyid du spyad pa spyod pa nyid la yang drang ba dang nges pa'i don rgya cher bstan te/ de las gang phyir sprul pa gnas brtan nyid/ ces pa nas skye gnas 'dod chags bral 'gyur dang/ /mngal gyi khrum chos gos nyid/ /ces pa la sogs pa dang/ gtsang bu skra dang kha spu bregs/ /sngags 'don skyes pa dge slong nyid/ /ces pa la sogs pa rnams phyi rol nyan thos byed pa'i khrims kyi bya ba las/ gsang sngags kyi sgo'i

  227. 114a

    spyad pa spyod pa las kyi dang por gtogs pa/ rnal 'byor pa byis pa'i blo can rnams la nges pa'i don du bstan to/ /de la yang rnal 'byor pa mkhas pa blo dang ldan pa rnams la/ gang phyir sprul pa gnas brtan pa/ zhes pa la sogs pa rnams drang ba'i don du bstan la/ rnal 'byor ma yi lus dbus na/ /sdom pa a yi rnam par gnas zhes bya ba la sogs pa ni nges pa'i don du bstan pa'o/ /de yang phyi rol tu ni phas pham pa la sogs pa'i chos mi byed pa sdom pa yin la/ nang du bde ba'i sdom pa gang la gnas te byang chub sems kyi srog mi gcod pa'i phyir srog mi gcod pa'i sdom pa dang/ de ltar bde ba phyir ma shor bas mi tshangs par spyod pa las log pa'i sdom pa la sogs pa bsrung ba nges pa'i don du bstan te/ mtshan yang dag par brjod pa las kyang/ dka' thub mthar phyin dka' thub che/ /gtsang gnas dam pa go'u tam zhes pa dang/ de bzhin du tshul khrims chen po 'chang ba mchog /bzod chen 'chang ba brtan pa po zhes pa la sogs pa nges pa'i don gyi sdom pa rgyas par bstan to/ /de ltar na bo la'i bde ba phyag rgya che/ /rdo rje skye mched thams cad nyid ces bya ba la/ nyi zla'i lam mi gshigs pa'i lam du gtogs pa'i dus na/ phyi'i las dang ye shes kyi phyag rgya la sogs pa dag rnam par spang ba'i phyir bde ba'i sdom pa po la rab tu rgyas par byed pa rtsa thams cad rdo rje ltar 'gyur ba'i 'di ni gsang ba'i snyoms par 'jug pa'i bdag nyid de/ de bas na gsang ba'i snyoms par 'jug pa 'dis/ phyi rol gyi ni gnyis gnyis bkag /gzhan yang byis pa phal cher sku gsum zhes bya ba gzhan du 'dod pa dgag pa'i phyir/ /sku gsum lus kyi nang du ni/ /'khor lo'i gzugs kyi yang dag bshad/ ces bya ba la sogs pa gsungs te/ 'di ltar bde ba chen po la sogs pa'i 'khor lo na/ chos dang longs spyod

  228. 114b

    rdzogs pa dang/ sprul pa'i gzugs can rtsa gsum gyis kun tu khyab pa yongs su shes pa sku gsum du bstan to/ /ci'i phyir zhe na/ la la nA ni sku zhes bya/ /ro ldan ma ni gsung yin te/ /a ba d+hU tI dbus gnas na/ /gzung 'dzin bral ba chos kyi sku zhes gsungs pa'i phyir ro/ / de bzhin du bde ba chen po kun la khyab pa'i phyir ro/ /gzhan yang ma lus pa yi sems can gyi/ /skye ba gang nas rjod byed pa/ /gang phyir sprul pa gnas brtan pa/ /de phyir sprul pa'i sku nyid yin zhes bya ba la 'di ltar skye bo thams cad kyi lus chags pa na lte ba nas sngon du chags pa dang/ /srog gi rlung la sogs pa yang de nas sprul pa'i phyir/ gnas brtan pa dang/ lte ba sprul pa'i 'khor lo'o/ /ci'i phyir zhe na gang gis skyed dang sprul byed pa'i/ /sku ni sprul pa can zhes brjod/ /ces gsungs pa'i phyir ro/ /sems kyi rang bzhin chos yin te/ /chos kyi sku yang snying kar yin zhes bya ba ni/ bde sdug thams cad 'dzin pa dang/ mtshan las mtshan ma med par 'gyur/ /mtshan med 'dus ma byas pa yi/ /chos sku snying ka'i gnas na bzhugs zhes gsungs pa'i don khong du chud par bya'o/ /ro rnams drug gi gzugs can gyi/ /bza' ba nges par longs spyod brjod/ /ces bya ba la/ ro drug la sogs pa'i bza' ba dang/ btung ba phun sum tshogs pa'i lam dang/ ro la sogs pa 'dzin par byed pa'i rtsa mgrin par gnas pa'i phyir ro/ /de'i phyir na mgrin par longs spyod 'khor lo dang zhes gsungs so/ /spyi bor bde ba chen po gnas zhes pa ni bde ba'i gzhi la gnas pa'i phyir ro/ /da ni 'bras bu brjod pa'i phyir/ /e baM rnam pa rgyu mthun nyid/ /ji ltar byas pa de bzhin spyod/ /rgyu mthun zhes ni rab tu bsgrags zhes pa ni lte ba'i dkyil 'khor e baM gi gnas su dus kyi me 'bar ba g.yas kyi lam nas bde ba'i gnas su son pa dang/ gang gis rgyun bkug ste de nyid kyi gnas su spyod pa'i phyir ro/ /rnam smin chos kyi 'khor lo las/ /las chung 'bras bu che ba'i phyir/ /rnam par smin pa de las bzlog /ces pa ste

  229. 115a

    mes smin par bya ba'i 'bras bu chu'i lam nas 'od pa'i phyir ro/ /longs spyod skyes bu byed pa nyid/ /bskyed pas skyes bu byed pa'o zhes pa ni de lta bu'i rgyu dang 'bras bu'i byed pa can yang/ skyes bu'i rtsol ba la rag las pa'i phyir ro/ /bde chen 'khor lo dri med nyid/ /rnal 'byor dag cing dri ma med/ /ces pa ni gang gis rgyun gyis dri ma med pa'i gnas zhes bya bar phyin pa'i phyir ro/ /de'i phyir na/ rgyu mthun sogs pas rab phye ba'i/ /'bras bu rnam pa bzhi zhes brjod/ /las kyi rlung gis bskul ba yi/ /las la bcom ldan shes rab spyod/ /ces bya ba la lte ba'i dkyil 'khor na rang bzhin gyi gnas pa'i las kyi rlung la shes rab ma zhes brjod de/ las kyi rlung des ni dus kyi me spor zhing 'jig rten gyi khams thams cad sreg par byed pa yin no/ /da ni sde pa chen po bzhi'i nges pa'i tshig bstan par bya ste/ gang phyir sprul pa gnas brtan nyid/ ces pa ni/ gang du gnas nas srog 'gro ba dang/ 'ong ba'i gzhi brtan par byed pa'i phyir ro/ /chos ni smra ba 'byung ba'i phyir/ /chos kyi 'khor lo thams cad yod/ ces bya ba ni snying ka'i srog rlung gi sgras brjod pa thams cad gsal bar byed pa'i phyir ro/ /gang phyir mgrin par kun bkur phyir/ /longs spyod 'khor lor kun gyis bkur zhes bya ba la rtsa thams cad rgyas par byed pa'i bza' ba dang/ btung ba'i ro thams cad mgrin pa nas rgyu la/ de'i phyir rtsa thams cad kyis bkur ba'i phyir de skad ces bya'o/ /gang phyir bde chen mgor gnas pa/ /bde ba'i 'khor lor dge 'dun che/ /zhes pa ni byang chub kyi sems kun da lta bu phal chen bde ba'i 'khor lo na gnas pa'i phyir ro/ /sde pa zhes bya lus su brjod/ /lto ba gnas su brjod par bya zhes bya ba la/ sde pa bco brgyad ni thun mong du lus spyi la brjod do/ /ma'i lto ba ni gtsug lag khang du brjod do/ /de bzhin du sngags kyi bzlas pa a dang haM/ /skye gnas 'khor lo'i rnam pa ma/ /bde chen gyi yang rnam pa haM/ /zhes bya ba la/ lte ba'i 'khor lo nas a

  230. 115b

    zhes pa'i srog gi rlung gis sum cu rtsa gnyis kyi 'khor lo'i aM la gtugs pa'i phyir/ de skad ces bya'o/ /de'i phyir aM haM zhes pa gzod ma nas bde ba chen po'i sku'i rang bzhin pa yin no/ /zhes pa'i don to/ /'di dag rkyen gyis sems can rnams/ /sangs rgyas nyid du the tshom med/ /zla ba bcu yang sa rnams nyid/ /sems can sa bcu'i dbang phyug gi zhes bya ba la/ drang ba dang nges pa'i don gyi rtsa ba dang yan lag gi rlung bcu po bag la zhi ba ni nges pa'i don gyis bcu'o/ /de nas rnal 'byor ma bdag med ma la sogs pa'i lha mo thams cad ces pa nas sa la 'gyel ba dang 'dar bar gyur to/ /zhes pa yan lag gis ni 'di ltar sems can thams cad gzod ma nas sa bcu'i rang bzhin gyi byang chub sems dpa' rdo rje lta bu'i sku can no zhes bcom ldan 'das kyis gsungs pa la/ ci'i phyir sems can rnams nyon mongs pa nyam nga ba'i gnas su blo bur du ltung ba ni ma la ci zhig ltar te zhes brgyal ba'i don to/ /yang rdo rje can gyis lha mo de dag gzigs nas bslang ba'i phyir zhes pa nas de nyid nga yis spro yis nyon zhes yan chad ni/ lha mo de dag la bcom ldan 'das kyis spro ba bskyed pa'i dbyangs kyis bar bstan pa ste/ bcom ldan 'das kyis gsung rmi lam lta bur nye bar thos nas lha mo de rnams thams cad srog rnyed par gyur to zhes pa'i tha tshig go /bcom ldan 'das kyis bka' stsal pa/ sems can rnams ni sangs rgyas nyid/ /'on kyang blo bur dri mas bsgribs/ /de nyid bsal na sangs rgyas nyid/ /ces pa ni gzod ma nas sems can thams cad lhan cig skyes pa'i rang bzhin yin pa'i phyir sangs rgyas so/ /blo bur gyi dri ma ni 'dzag pa yin la de'i rgyu ba chad pa ni sangs rgyas zhes bya ba'i don to/ /lha mo rnams kyis gsol pa/ bcom ldan 'das de de bzhin te/ bden pa ma mchis shing brdzun pa ma mchis so zhes bya ba ni 'dzag pa dri ma yin la/ mi 'dzag pa sangs rgyas yin no zhes gsungs pa gang yin pa de dag ni/ de de

  231. 116a

    bzhin te/ de de bzhin no zhes bya ba'i don to/ /de yang bcom ldan 'das nyid kyis dpe 'di ltar gsungs te/ gang zhig mi shes 'jig rten pa/ /btsan dug zos pas brgyal bar 'gyur/ /rmongs spangs de nyid yid kyis ni/ de yi de nyid yongs su gcod/ /ces bya ba gsungs te/ dper na skyes bu rmongs pa 'ba' zhig dug log par 'gyur ba'i thabs kyis dman pas dug za ba gang yin pa de ni tshe'i dus byed par 'gyur ro/ /'on te dug gi de kho na nyid yongs su shes pas za bzhin pa ni dug bdud rtsi ngang mtshungs par 'gyur ro/ /dpe de ltar na de bzhin zhi ba'i thabs shes shing/ /kye'i rdo rjer dbugs bton na/ ma rig sogs pas mi 'dzin cing/ /gti mug la sogs kyis mi 'ching/ zhes bya ba srog gi kun tu spyod pa'i rlung 'gro ba dang 'ong ba las rnam par grol zhing kun da lta bu'i thig le 'byung ba dang/ 'jug pa yongs su mnan pa na kye'i rdo rjer dbugs bton pa yin zhing/ ma rig pa la sogs pa'i nyon mongs pa mdza' dag gis rnam par 'ching bar mi 'gyur ro/ /zhes pa ni nges pa'i don to/ /rang dang rang gi rtog pa las/ /sangs rgyas ma yin sems can ni/ /gcig kyang yod pa ma yin no/ /dmyal ba yi dags byol song dang/ /lha dang lha min mi rnams dang/ /bshad ba'i srin bu la sogs pa zhes bya ba la/ srog chags thams cad kyi bde ba thun mong pa karka Ta dang chu srin zhes bya ba srog gi kun tu spyod pa la brten pa'i thig le'i bde ba rang rang gi ji lta ba bzhin du rtogs pa na sangs rgyas dang byang chub sems dpa' de nyid pa yin gyi/ gzhan ma yin zhes bya ba'i don to/ /lha dang lha ma yin gyi yang/ /bde ba gang phyir shes pa zhes bya ba ni/ /mi shes pa de'i phyir 'khor bar bcings zhes sbyar ro/ /rtag tu rang bzhin bde ba can/ /'jig rten khams ni gang du yang/ /gzhan du

  232. 116b

    sangs rgyas rnyed mi 'gyur zhes pa ni/ rang rig pa'i bde ba bor nas gzhan du sangs rgyas mi rnyed ces sbyar ro/ /don bsdus pa'i tshul gyis gsungs pa ni/ sems ni rdzogs pa'i sangs rgyas nyid ces pa nas/ gsod pa don du gnyer ba rnams/ /kye yi rdo rje de shes na/ /'grub 'gyur 'di la the tshom med/ /ces pa la sogs pa ste/ rang gis rang gi sems rig pa stong pa dang snying rje dbyer med pa'i bdag nyid kyi kye'i rdo rje shes na 'grub par 'gyur ba ni nges pa'o/ /byis pa mi shes pas bsgribs pa/ /'di yi 'gro ba mi shes pa zhes pa ni/ stong pa nyid dang snying rje dbyer med pa'i bde ba las babs pas bde ba'i 'gro ba 'di mi shes te 'gro ba drug ces bya ba/ chu srin nam karka Ta'i 'gro ba drug gi mthar 'khor bar 'gyur te/ rmongs par 'gyur ro/ /rdo rje snying po snying rje che/ /kye yi rdo rje'i thabs rnyed nas/ /gang zhig yul rnams rnam sbyong ba/ /des ni bla med rnyed par 'gyur/ /zhes bya ba ni bla ma'i lung phog pa thob pa'i stobs las thabs rnyed de bla ma'i lung ltar yul rnams rim pa ji lta ba bzhin du sbyangs na bla na med pa rnyed par 'gyur te/ 'di ltar srog nyi khri chig stong drug brgya 'khor lo bzhi'i gnas su lnga stong bzhi brgya bzhi brgya bsad pa las/ lugs dang lugs su 'byung ba'i rim par dga' ba dang/ mchog dga' dang/ khyad par dang/ lhan cig skyes pa rnams rim pa bzhin brtsi bar bya'o/ /de bzhin du drug cu rtsa bzhi'i gnas nyid du rlung brgyad cu rtsa bzhi dang rkang pa re re bsad par bya'o/ /de las kyang rtsa bcu drug bcu drug gi rlung gsad pa na dga' ba bzhi bzhir slar bzhin sbyar ro/ /de bzhin du chos kyis gnas su drug brgya bdun bcu rtsa lnga drug brgya bdun cu rtsa lnga gsad par bya'o/ /de las rtsa gnyis gnyis kyis stong sum brgya lnga bcu stong sum brgya lnga bcu bsad pa na dga' ba bzhi bzhir sbyar ro/ /de bzhin du longs spyod kyi gnas su sum cu so bdun gyis lhag pa'i rkang pa dang bcas pa sum brgya sum brgya bsad par bya'o//

  233. 117a

    de las cha bzhi bzhi gsad pa na gong ma ltar dga' ba bzhi bzhi dang sbyar bar bya'o/ /de nas sum cu rtsa gnyis kyi gnas su drug cu rtsa brgyad kyis lhag pa'i rkang pa dang bcas pa'i brgya phrag re re gsad par bya'o/ /de las cha bzhi bzhi gsad pa na gong bzhin du dga' pa bzhi bzhi dang sbyar ro/ /de ltar brjod pa de rnams ni bla ma'i lung ltar sbyangs pa'o/ /da ni gang gis phyag rgyas gang la gdab pa'i rig pa bshad par bya ste/ rdo rje snying pos gsol pa/ sa ni puk+ka sIr bshad pa/ /gang yang gti mug sra pa'i phyir/ /sku ni rnam snang nyid gsungs na/ /ji ltar mi bskyod phyag rgya lags/ /shes pa la sogs pa'i the tshom rnams bcom ldan 'das la zhus pa dang/ bcom ldan 'das kyis lan 'di skad gsungs so/ /lus spangs nas ni sems kyis ni/ /mdzes pa gzhan du mi 'gyur ro/ /de phyir sems kyi rnam snang mdzad/ /sku la thugs kyi phyag rgya gdab/ ces bya ba gsungs te/ thabs dang mi ldan pa'i shes rab dang/ shes rab dang mi ldan pa'i thabs dag gis kyang bya ba yongs su mi rdzogs pa ltar/ sku dang thugs tha dad pa'i sku yis bya ba yongs su mi rdzogs pa'i phyir sku la thugs kyi phyag rgyas gdab bo/ /de bzhin du chu khams ri khrod mar bshad pa/ /mi bskyod khu ba'i gzugs can nyid/ /gtso bo mi bskyod phyag rgyas ni/ /ri khrod ma la gdab pa'i rigs zhes bya bas ni/ chu yi khams la thabs chu'i khams mi bskyod pas rgyas gdab par rigs pa mi 'gags sam zhes zhus pa dang/ slar bcom ldan 'das kyis gsungs pa/ sems sbangs nas ni lus kyi ni/ /gnas pa gzhan du mthong mi 'gyur/ /de ste sems ni gti mug 'gyur zhes pa la/ gong bzhin du phan tshun du 'gal ba'i skyon gyis 'dir yang rtogs par bya ste de'i phyir thugs kyi rigs la sku'i rigs kyis rgyas btab na mdzes par 'gyur zhes pa'i don to/ /de bzhin du me ni gdol ba mor bshad pa/ /'dod chags phyag

  234. 117b

    rgyas gdol pa mo/ /rigs de phyag rgya gzhan min na/ /ji ltar rin chen phyag rgya lags/ /zhes bya ba ni me'i khams gdol pa mo la/ /'dod chags kyi phyag rgya dpag med 'od kyis gdab par rigs pa ma lags sam ci'i slad du/ rin chen 'byung ldan gyi me'i rigs la phyag rgyas gdab ces zhus pa dang/ bcom ldan 'das kyis 'di skad ces gsungs so/ /gang phyir 'dod chags khrag bshad pa/ /khrag ni rin chen 'byung ldan nyid/ /drod ni khrag gi rang bzhin phyir/ /'dod chags ser sna'i phyag rgyas gdab/ /ces bya ba gsungs te/ 'di ltar drod me'i rang bzhin ni khrag gi yon tan yin la khrag ma gtogs par drod mi 'byung ste de bas na/ ser sna'i rin chen 'byung ldan gyis rgyas gdab par gsungs so/ gzhan yang/ gang phyir g.yung mo rlung nyid de/ /don yod rlung gi gzugs can nyid/ /don yod phyag rgya g.yung mo la/ /gtso mo phyag rgyas rigs par 'gyur zhes pa ni g.yung mo rlung du bshad pa la/ /don yod grub pa rlung nyid kyi phyag rgya rigs pa ma lags sam/ ci'i slad du 'dod chags kyi rigs dpag med kyi rgya btab ces zhus pa dang/ bcom ldan 'das kyis 'di skad ces gsungs so/ /'dod chags ma gtogs phrag dog ni/ /gzhan du 'byung ba ma yin te/ /de phyir 'dod chags phyag rgya yis/ /mkhas pas g.yung mo phyag rgyas gdab ces bya ba gsungs so/ /'di ltar phrag dog thams cad ni 'dod chags las 'byung la/ 'dod pa'i 'dod chags las gzhan du phrag dog ma mthong ba de'i phyir/ dpag med 'od 'dod chags kyi rigs kyis rlung gi rigs la rgyas gdab ces bya ba gsungs so/ /de ltar brjod pa'i rim pa rnams ni 'byung ba gzhi'i lha mo rnams la rgyas gdab pa'i rigs pa yin la/ phyogs kyi lha mo phung po'i rang bzhin rnams kyang don de ltar khong du chud par bya'o zhes gsungs te/ de'i phyir na gang phyir gzugs ni sra ba nyid/ ces pa nas/ ma log pa las phyag rgya'o/ /zhes pa la sogs brgya cher

  235. 118a

    gsungs pas rim pa bzhin shes par bya'o/ /nga ni gtor ma'i de kho na nyid bstan par bya ste/ kye yi rdo rje rdo rje 'dzin/ /snyoms 'jug pa yi lha nyid la/ /sems can don phyir gtong mche de la bdag med mas zhus pa zhes pa la stong pa nyid dang snying rje tha mi dad pa'i bde ba la bzhugs pa'i bcom ldan 'das la/ phyi dang nang gi gtor ma de kho na nyid bdag med mas zhus pa zhes pa'i don to/ /e baM rnam par bzhugs nas ni/ /bgegs dang log par 'dren pa las/ /sems can rnams kyi srog bsrung phyir/ /rdo rje sems dpas gtor ma bstan zhes bya ba la/ de ltar bdag med mas zhus pa'i rjes la/ phyi nang gi 'byung po thams cad la phan gdags par dgongs nas/ gtor ma'i de kho na nyid 'di skad gsungs zhes sbyar bar bya'o/ /de la/ oM in+d+ra dza ma/ dza la/ dzakh+kha/ b+hU ta/ ba hi/ bA u/ rA k+Sha/ tsanda/ sudzdza/ ma ta/ bab pa tA la/ pA tA laM/ a Ta sa mpa swAhA/ zhes pa la sogs pa gsungs te/ 'di'i don yang rtsa ba'i rgyud las ji skad du/ bdag dang rnal 'byor gnas bsrung ba/ dkyil 'khor khang pa dang bcas pa/ /kye yi rdo rjer bdag bskyed la/ /gtor ma'i cho ga bya ba nyid/ /de bzhin gzhal yas khang la sogs/ /go rims ji bzhin bskyed pa la/ /dbus kyi gru gsum nam mkha' la/ /kye rdor rang bzhin 'byung po dgod/ /sku gsung thugs kyi rang bzhin phyir/ /oM dang A:dang hUM las ni/ /mgron rnams kun yang bsam byas la/ /sku gsung thugs su dmigs par bya/ /de la rigs par go ku sogs/ /sbyang spel sbar dang bdud rtsi yis/ /yi ge bzhi dang ldan byas la/ /de dag tshogs la dbul bar bya/ /zhes gsungs pa'i don khong du chud par byas la/ bdag gzhan gyi srog bsrung bar bya'o/ /de bzhin du nges pa'i don yang/ 'byung po rang rang gi snying ka'i rtsa 'dab brgyad po brgya byin la sogs pa thun brgyad yin la steng gi sgra

  236. 118b

    gcan dang 'og gi dus kyi me ni nyi ma dang zla ba yin no/ /tA la pA tA laM ni lte ba'i steng dang 'og go /de rnams tshim par byin gyis brlabs pa'i sngags a kA ro mu khaM zhes pa la sogs pa ste/ nges pa'i don du na a'i yi ge ni chos thams cad kyi sgo ste/ gzod ma nas ma skyes pa'i phyir ro zhes pas byin gyis brlab pa'o/ /'di ltar a zhes pa ni tshig gi brjod pa kun las 'das pa/ mi shigs pa'i sgrar gnas pa la bya'o/ /'di ltar mi shigs pa'i sgrar gnas pa 'di ni srog chen po ste/ gtor ma 'dis srog bsrung ba ni nges pa yig la/ tshul gzhan du bskal pa dpag tu med par gtor ma byin yang srog bsrungs par mi 'gyur ro zhes pa ni/ de bzhin gshegs pa'i bka' lung ngo/ /des pa'i don gzhan ni sngags kyi le'u yi rgya cher bshad par legs par gtan la phab pa'i phyir/ 'dir gsal bar ma bstan to/ /gal te gtor ma 'dis 'byung po thams cad mchad par byung na/ rnal 'byor pa rnams legs par 'gyur te/ zhes bya ba la sogs pa la 'di ltar drang ba dang nges pa'i don gyis dbye ste/ de la gang drang ba'i don de ni phyi rol du ji ltar bstan pa rnams yin la/ des pa ni 'di lta ste/ AdyA nutpan+na twAta zhes pa la mi shigs par gtogs pa'i srog gi rlung gang gis 'dzag pa med pa'i bde ba de ni bde ba dri ma med pa'o/ /de bzhin du dus mdza' i mes nyi ma'i rtsa'i cha rnams bsreg pa'i phyir/ lha mo rnams dang 'gro ba rab tu 'byor pa rnams dga' bar 'gyur ro zhes pa'i don to/ /gal te 'dir 'byung po'i tshogs kyi phyir rtag tu gtor ma steng na zhes bya ba la mi shigs pa'i srog gi rlung gis gtor ma byin na zhes pa'i tha tshig go /bde ba dbang du bsdus pas dbang ngo/ /'dzag pa'i nyon mongs pa 'jig pa'i phyir mngon spyod dang dgra'i sde 'jig pa dang/ bskrad pa dang/ bsad pa zhes pa'i don to/ /bde ba 'gugs shing des nyon mongs pa'i gdung ba zhi zhing bde ba'i ye shes rgyas par byed pa'i phyir zhi ba dang rgyas par 'gyur ba'o/ /da ni sku gsung

  237. 119a

    thugs kyi phyag rgya las/ /rgyas btab pa'i rigs pa bstan par bya'o/ /rdo rje snying pos gsol pa/ phyag rgya gang gis mkha' spyod ma/ /gang gi phyag rgya sa spyod ma/ /gtso bo bdag gis sngar ma 'tshal/ /zhes bya ba la mkha' spyod ma dpas spyod ma dag la phyag rgya gang gis gdab par bgyi zhes pa'i don to/ /bcom ldan 'das kye'i rdo rjes slar gsungs pa/ gsang gsum 'khor lo'i dbus su ni/ /sku gsung thugs su dbye ba las/ /steng dang 'og dang dbus rnams kyi/ / 'khor lo'i dbus su rnam par gnas zhes bya ba la/ /gsang ba gsum gyi 'khor lo ni/ /sa 'og sa stengs sa bla rnams/ /rnam pa gsum du phye ba ste/ /bde mchog 'khor lor rab tu bsgrags/ /sa spyod sku yi phyag rgya can/ /steng zhal sku yi phyag rgya ma// gti mug sku yi rigs can te/ /rnam snang mdzad du rab tu bsgrags/ /mkha' spyod 'dod chags phyag rgya can/ /'og zhal gsung gi rdo rje ma/ /'dod chags gsung gi rigs can de/ /dpag med 'od du rab tu bsgrags/ /thugs kyi rdo rje bdag med ma/ /sems ni dpag med tshul can nyid/ /sems ni dbus kyi gnas su ste/ /de phyir bdag med dbus su 'khrungs/ /sems ni nam mkha' i rigs can nyid/ /mgon po mi bskyod sems su bsgrags/ /'di gsum dbus kyi rtsa yi gzugs/ /lo gsum zla ba phyed dang gnyis/ /'di yi chos su rab bstan te/ /'dus pa la sogs rgyud chen rnams/ /'di nyid las ni 'byung bar bshad/ /de bas sku gsung thugs kyi rigs/ /zhal gsum par ni rab tu brjod/ /rgyas par rab tu phye ba las/ /rigs ni rnam pa drug tu brjod/ /sa dang chu dang me dang ni/ /rlung dang nam mkha' i khams dag dang/ /ye shes khams dang drug tu brjod/ /rnam gsum nyi ma zla ba me/ /rnam lnga mun can sgra gcan 'dzin/ /gsum la gnyis kyis mnan pas lnga/ /khro bo'i rgyal po gdong drug 'jigs/ /'jam pa'i rdo rje zhal lnga pa/ zhes bya ba'i don to/ /gzhan yang rnal 'byor

  238. 119b

    gyi rgyud du/ /phyi'i skye bo rnams 'jug par bya ba'i phyir bshad pa 'di lta ste/ mi bskyod rnam snang rin chen 'byung/ /dpag med phrag dog rdo rje sems/ /rigs ni rnam pa drug bshad pa/ nyon mongs rnam drug rnam par spyod/ /zhe sdang gti mug ser sna dang/ /'dod chags phrag dog bde ba dag /nyon mongs drug tu rab tu bsgrags/ /'dis ni rim par bsgoms pa nyid/ /rdo rje sems dpa' spangs nas ni/ /phyi nas rigs ni rnam pa lnga/ zhes bya bas ni 'khrigs pa'i 'dod chags spangs nas rigs rnam pa lngar 'gyur te/ mchog tu mi 'gyur ba'i ye shes spangs nas zhes pa'i don to/ /ci'i phyir zhe na/ ye shes kyi rigs kyis kun la khyab pa'i phyir ro/ /de bzhin du rdul dang mun pa dang snying stobs kyis dbye ba 'am/ nyi zla sgra gcan 'dzin gyis dbye bas/ 'dod chags zhe sdang gti mug gis/ /rdo rjes rnam pa gsum du 'gyur/ zhes bya ba'i don to/ /de bzhin du rnam par shes pa nam mkha' i khams 'di ni/ rigs thams cad pa 'am/ rigs gcig nyid kyi ngo bo nyid yin te/ nam mkha' gcig gi gzugs kyi tha mi dad pa'i gzugs kyi gnas pa'i phyir/ mi bskyod zhe sdang gzugs can gyi/ /thugs kyi bdag po'i rigs gcig nyid/ ces bya ba gsungs so/ /de bas na thugs kyi rigs 'di nyid las/ rigs lnga dang rigs drug la sogs pa nas/ /dpag tu med pa'i rigs rnams 'byung ba'i phyir/ zhe sdang rdo rje'i byin rlabs 'dis/ /rigs ni lnga dang drug tu brjod/ ces gsungs pa yin no/ /kye'i rdo rje'i nges pa'i don gyi rgya cher bshad pa las/ rgyud thams cad kyi phyag rgya bsdus pa'i rgya cher bshad pa ste/ le'u bzhi pa'o// //zhal brgyad phyag ni bcu drug pa/ /dpa' bo thod phreng can btud nas/ /kye rdor mngon par 'byung ba yi/ /rgyas bshad rdo rje snying pos bri/ /phyag ni bcu drug zhal brgyad pa/ /zhabs bzhi pa dang 'jigs pa po/ /dpa' bo thod pa'i phreng ba can/ /bdag med mas ni sku la 'khyud/ /ces bya ba

  239. 120a

    gsungs te/ stong pa bcu drug mtshon pa'i phyag bcu drug dang/ rnam par thar pa brgyad dag pa'i zhal brgyad dang/ don mthun pa la sogs pa bsdu ba'i dngos po bzhi dag pa'i zhabs bzhi dang/ /rang gis khro ba dang/ shugs kyis khro ba dang/ khro bar bcas pa dang/ khro bar bcos pa la sogs pa khro bo'i mtshan ma dang ldan pa dang/ rjod byed lnga bcu dag pa'i mgo'i phreng ba'i do shal 'dzin pa stong pa nyid kyi bdag nyid yum chen mos 'khyud pa'i sku can/ yi ge lnga dag pa'i phyag rgya lnga 'dzin pa'i bcom ldan 'das he ru ka la bdag med mas zhus pa/ bco lngas yongs su bskor ba nyid/ /bdag gi 'khor lo khyod bshad na/ /khyod kyi dkyil 'khor ji ltar lags/ /gtso bo bdag gis sngar ma 'tshal zhes bya ba zhus te/ 'di ltar byang chub kyi sems kyi zla ba cha shas bco lnga'i bdag nyid can/ mngon par rdzogs pa rnam pa lnga dang/ rnam pa nyi shus byang chub pa'i mtshan nyid can/ bdag gi dkyil 'khor lha mo lnga gsum gyi bdag nyid legs par gsungs lags na/ gtso bo khyod nyid kyi dkyil 'khor ji ltar lags sngar ma gsungs pa gsungs par rigs so zhes pa'i don to/ /bdag med ma la 'o mdzad nas/ /rdo rje thod par stsal nas ni/ /lha mo'i nu ma mnye mdzad de/ /dkyil 'khor yang dag rab tu bstan/ zhes bya ba ni bdag med ma la nyid kyi dkyil 'khor bstan par mdzad pa'i ched du/ sngon du 'dod chags kyi chos rab tu bstan par mdzad nas/ bshad par zhal gyis bzhes pa'o/ /'khor lo ji ltar sngar brjod pa zhes pa nas/ rdo rje thig gi yang dag brgyan zhes bya ba la sogs pa gsungs te/ dkyil 'khor gyi khang bu'i mtshan nyid phyi nang du phye ba las/ bskyed pa'i rang bzhin ni khyod kyi khang bu brtsegs pa dang mtshungs so/ /zhes bya ba'i don to/ /'dod chags chen po'i rjes chags pas/ /lhan cig skyes dga' i rang bzhin las/ /khyod dang lhan cig bzhin bzang ma/ /de la dbus su nga yod de/ ces bya ba

  240. 120b

    la/ kye lha mo khyod kyi dkyil 'khor ni/ khyod nyid dang por byas pa'i bco lnga'i bdag nyid yin la/ 'dir ni bco lnga yongs su spangs pa'i bdag nyid khyod dang nga gnyis yongs su 'khrig pa las lhan cig skyes pa'i rang bzhin can khyod kyi lha mo brgyad kyis yongs su bskor ba'o// zhes pa'i don to/ /zhal brgyad pa la zhes pa nas/ sna tshogs rdo rjes spyi bor mtshan zhes pa dang/ grong khyer nyams dgar khyod dang nga/ zhes pa yan chad kyis ni/ bcom ldan 'das gtso bo chen po nyid kyi sku rtsa ba'i rang bzhin bdag med ma la gsal bar yongs su bstan pa ste byis pa'i skye bo rnams gzhug pa'i phyir/ sku mtshan phun sum tshogs pa yon tan thams cad kyis rab tu spras pa brjid bag thams cad dang ldan pa bstan par mdzad pa'i don to/ /grong khyer nyams dgar khyod dang nga/ /dga' bas shin tu rol ba las/ zhes bya ba ni dkyil 'khor gyi khang bu chos kyi dbyings kyi bdag nyid can/ dpe med pa'i yul gyi yon tan gyis smras pa'i nang du/ lhan cig skyes pa'i dga' bas rol cing gnas so zhes bya ba'i don to/ /dkar mo dbang po'i phyogs byung nas/ /shar gyi sgo ru yang dag gnas zhes pa nas/ /rlung gi phyogs su g.yung mo nyid/ /ces bya ba la sogs pa yan chad kyis ni/ de ltar lhan cig skyes pa'i bde ba'i rol pa las/ /lha mo brgyad 'byung bar ston pa'i rdo rje tshig go /des ni 'jig rten pa'i srid pa'i skyed par byed pa'i chos pha dang ma yis bu tsha bskyed pa'i bya ba bstan to/ /de nyid lus can rnams kyi srog 'gro ba dang 'ong ba'i khyad par gyis/ g.yas kyi srog bzhi dang/ g.yon gyi srog bzhi dang/ thun tshad dang thun mtshams bzhi bzhi ste brgyad kyis bcu drug phyed kyi khu ba'i thig le 'khrid par byed de/ nyin mtshan gyi chos rab tu bstan la/ gang bdag med ma dang/ gtso bo nyid kyis ni mtshams kyi me'i ri mo can du 'jug pa'i rlung bstan to/ /de nas rdo rje chags chen las/ /rig mar bcas pa khu bar gyur/ zhes pa ni pha dang ma'i bye ba yongs su rdzogs nas/ 'khogs

  241. 121a

    par yongs su bstan la/ gzhan du na srog gi rta la brten pa'i khams thams cad nang du thim ste rgyu ba med par bstan to/ /de bzhin du bskul ba'i sa la bzhengs pa dang/ lam gnyis kyis byang chub pa dgag pa ston to/ /zhes pa'i tha tshig go / sna tshogs glu yi mchod pa las/ /de nas lha mo rnams kyis bskul/ /rje btsun snying rje'i yid bzhengs shig /zhes pa nas/ thugs rje rgyun chad ma mdzad cig /ces pa la sogs pa'i rdo rje'i glu'i tshig rnams kyi ni/ 'di ltar 'jig rten na pha ma dag yongs su 'khogs te/ 'jig rten pha rol tu song ba la bu dang bu mo la sogs pa smre sngags 'don cing cho nges 'debs la/ 'di skad ces mgon po kho bo cag la mgon dang skyabs ma mchis kyis/ kye hud kye hud bskyab du gsol zhes zer zhing mtshun la 'thor bar byed do/ /de bzhin du nyan thos kyi skye bo rnams la grong khyer rtswa mchog gi phyogs su mya ngan las 'da' ba nye bar ston cing/ nyan thos chen po rnams smre sngags 'don cing tshe nges 'debs te/ klu'i rgyal po rnams kyang mya ngan byed ce'o/ /de nyid gzhan gyi srog gi rlung thams cad nang du zhugs te/ bde ba chen po'i khams la gnas pa las/ sems can thams cad kyi don du sa dang chu dang me dang rlung rnams kyi khams kyis sad par byas te/ 'gro ba'i don la 'jug pa ni nges pa'i don to/ /glang po rta bong glang rnga mo/ /mi dang sha ra b+ha byi la/ /g.yas pa'i thod pa brgyad po la/ /glang po la sogs rim shes bya/ zhes bya ba ni g.yas pa'i phyag gi mtshan ma brgyad ston pa'o/ /de bzhin du sa dang chu dang rlung dang ni/ /me dang zla ba nyi ma nyid/ /mthar byed dang ni nor 'dzin te/ /g.yon pa'i thod pa brgyad na'o// /zhes pa ni/ phyag g.yon gyi mtshan ma brgyad de/ 'di rnams kyi dag pa ni/ blo dang dbugs dang zhes pa nas/ /phyug po thams cad rab bsgrub pa'o/ zhes gsungs pas rtogs par bya'o/ /de bzhin du gtso bo chen po gar gyi ro dgu dang ldan par ston to/ /'di ltar rin chen sna bdun

  242. 121b

    te/ /de la dmag dpon rin chen zhes/ /bde bar gshegs pas rab gsungs pa/ /tshul dgu rab ldan dmag dpon yin/ /sgeg pas 'gro ba shes rab bskyed/ /mdzad spyod nyam pa med pa'o/ /gdug rtsub rab ldan 'jigs pa po/ /log lta zhe gcod gshe ba'i tshul/ /rdo rje sems dpa' bteg pa la/ /dpa' la dpa' ba de bzhin gshegs/ /rdo rje 'dzin pa snying rje la/ /rgod la 'jig rten dbang phyug mchog /rdo rje nyi ma khro ba che/ /rdo rje drag po 'jigs pa la/ /shAkya thub pa mi sdug la/ /ngo mtshar la ni a ra li/ /rmad byung chos sgrogs bzhad par snang/ /gdul dka' khro la snying rjer ston/ /nyon mongs grub mdzad ngo mtshar tshul/ /khro drag mi g.yo zhi ba'i tshul/ zhes pa la sogs pa ni gar stobs dgu'i don to/ /de lta bu'i gar stabs dgu dang ldan pa'i dpa' bo bzhengs pa ni/ /aM dang hUM gi rdo rje che/ khu ba'i gzugs la bzhengs nas ni/ zhabs rnams la brdebs pa dang/ lha dang lha min bsdigs par mdzad/ ces bya ba ni sngon gyi gzugs las/ yi ge aM hUM gnyis las thod pa gri gug lta bur gyur cing/ de las gzugs bzhengs pa'i don te/ bdag med ma dang gtso bo'i sku yongs su rdzogs pa ste/ bcu drug dang bcu gnyis nyi ma dang zla ba rab tu gsal zhing dri ma med par gyur pa'i don to/ /des 'gro ba'i don byed pa ni nges pa'i don to/ /gaM tsaM baM g+haM paM shaM laM DaM/ zhes pa ni thig le'i gzugs can ming gi dang po'i yi ge brgyad do/ /'di yis sa bon dbyung ba dang/ zhes pa ni lha mo brgyad bskyed pa'i dus su sbyar bar bya'o/ /de bzhin du bdag po yi ni sa bon dag /aM hUM sngon po 'bar 'jigs pas zhes pa nas/ gtso bo 'di ltar bsgom pa nyid/ ces pa yan chad kyis ni/ gtso bo bskyed pa'i rang bzhin gsal bar bstan te/ gong du bstan pa nyid do/ /nga ni lha mo brgyad kyi phyag g.yas g.yon gyi phyag mtshan rnams bstan pa'i phyir/ dkar mo'i g.yas na gri gug ste zhes pa nas/ g.yon na sdigs mdzub de bzhin no zhes pa yan chad kyis bstan te/ 'di ltar rang rang gi gdan

  243. 122a

    gyi steng du nyi zla kha sbyar ba'i nang na/ sngon gyi yi ge rnams gnas par bsam zhing/ de dag yongs su gyur pa las/ /g.yas pa'i phyag mtshan brgyad du bsam pa dang/ de yongs su gyur pa las kyang lha mo brgyad yongs su rdzogs par bya'o/ /ci'i phyir g.yas pa'i mtshan ma las yongs su rdzogs par bya zhe na/ rtsa ba'i rgyud las ji skad du/ /lus can lag pa g.yas pa yis/ /bya ba thams cad rdzogs par byed/ /stong nyid shes rab g.yas pa ni/ /de bzhin bya ba thams cad byed/ /sems can don la brtson pa las/ /skyil krung phyed pa'i gar gyis ni/ /gau rI la sogs lha mo rnams/ /kun tu legs par gnas par 'dod/ ces gsungs so/ /de bzhin du nyon mongs pa gcod par mdzad pa dang/ stong pa nyid kyi sgra sgrogs pa dang/ /mi g.yo ba'i bde ba dang/ zhe sdang la sogs pa de kho na nyid kyis rgyan du bcangs pa dang/ bya ba thams cad la the tshom med par bya ba dang/ dgra bcom pa brtan pa dang/ chos kyi 'khor lo bskor ba dang/ nyon mongs pa gzhom pa'i phyir/ g.yas na gri gug la sogs pa'i phyag mtshan brgyad rim pa bzhin du sbyar ro/ /de bzhin du g.yon pa'i brgyad ni/ 'di ltar reg na bde ba dang/ gti mug bsang par bya ba dang/ bde ba bskyang ba dang/ ye shes blang ba dang/ nyon mongs pa tshar bcad pa dang/ bde ba mtshon pa dang/ nyon mongs pa med pa dang/ dri ma med pa'i gnas mtshon pa ste/ rim pa bzhin du sbyar bar bya'o/ /dkar mo la sogs phyag gnyis brjod/ /spyan gsum dbu skra gyen du brdzes/ /phyag rgya lngas ni rnam par brgyan zhes pa la sogs pa ni lha mo thams cad stong pa nyid dang snying rje mi phyed pa dang/ sku gsung thugs kyi de kho na nyid dang/ bde ba'i ye shes kyi de kho na nyid dang/ nam mkha' la sogs pa'i phyag rgya lnga dang ldan par mtshungs par ston pa'o/ /gau rI kha

  244. 122b

    dog nag mor 'gyur zhes pa nas/ g.yung mo sna tshogs ma zhes brjod/ ces pa yan chad kyis ni/ sa dang chu dang me dang rlung la sogs pa rnams kyis rang bzhin gyi yon tan gyi dbang gis/ phyogs mtshams kyi lha mo brgyad kyi sku mdog rim pa bzhin rtogs par bya'o zhes pa'i don to/ /de bzhin du/ gshin rje dang ni nor bdag dang/ /bden bral dang ni thag bzangs ris/ /tshangs pa dbang po nye dbang drag /gau rI la sogs pa yi gdan/ zhes bya ba rnams ni phyogs skyong brgyad po rang bzhin yon tan gyi dbang gi rim pa bzhin gdan du bsam la/ gzhan yang 'jig rten pa'i lha nga rgyal can rnam pa brgyad phyi gan rkyal du bsgyel te btul nas/ gtogs 'dod ma la sogs pa dbang bskur zhing ming spros te 'jig rten pa'i dkyil 'khor du bkod ces pa'i don to/ /de dag kyang 'di lta ste/ dka' thub bzlog ma ni/ khro mo rdo rje ma dang/ gser ldan ma ni rdo rje gser ma zhes bya ba dang/ shir sh+ya ni rdo rje gzhon nu ma zhes bya bar ming btags so/ /tshangs ma mi rdo rje zhi ba mor ming btags so/ /dbang mo ni rdo rje khu tshur mar ming btags so/ /de rnams ni rdo rje rgyal mor dbang bskur ro/ /de nas bar snang la sbyong ba'i btsun mo thams cad la byin pa ni 'di lta ste/ mi 'chi ba ni rdo rje mi 'chi bar ming btags so/ /ro hi na ni rdo rje mdangs mar ming btags so/ /dbyug 'dzin ma ni rdo rje dbyug mchog mar ming btags so/ /skye ba 'phrog ma ni rdo rje rked chings mar ming btags te/ de la sogs pa khro mo'i rdo rjer dbang bskur ro/ /de nas nam mkha' la spyod pa'i btsun mo thams cad la byin pa 'di lta ste/ gsod ma ni rdo rje 'ju mar ming btags so/ /za ba ni rdo rje zab mor ming btags so/ /'go ba ni rdo rje 'go ba mor ming btags so/ /dga' ba ni rdo rje dga' ba mor ming btags so/ /de la sogs pa rdo rje pho nya mor dbang bskur ro/ /de nas sa la spyod pa'i btsun mo thams cad la byin pa 'di lta ste/ zhi ba mo

  245. 123a

    mo ni rdo rje pho nya mor ming btags so/ /rlung ni rdo rje mgyogs mar ming btags so/ /me ni rdo rje 'bar mar ming btags so/ /ku bai ra ma ni rdo rje 'byor mar ming btags so/ /de la sogs pa rdo rje pho la mor dbang bskur ro/ / de nas sa 'og na gnas pa'i btsun mo thams cad la byin pa 'di lta ste/ phag mo ni rdo rje khang ming btags so/ /tsa muN+Di rdo rje dus mar ming btags so/ /sna chang ma ni rdo rje ru la mar ming btags so/ /chu lha ma ni rdo rje chu srin mar ming btags so/ / rdo rje bran mor dbang bskur ro/ /de bzhin du 'di lta ste/ dbang phyug chen mo ni rdo rje khro mor ming btags so/ /mthu bo che ni sgyu ma'i rdo rjer ming btags so/ /sgra gzhon nu ni rdo rje dril bur ming btags so/ /tshangs pa ni thub pa'i rdo rjer ming btags so/ / dbang po ni rdo rje mtshon char ming btags so/ /rig pa'i rgyal po rnams dbang bskur ba'o/ /de nas bar snang la spyod pa rnams la byin pa 'di lta ste/ bdud rtsi 'khyil pa ni rdo rje 'khyil bar ming btags so/ /zla ba ni rdo rje 'od du ming btags so/ /dbyig pa chen po ni rdo rje dbyig par ming btags so/ /sor smug ni rdo rje ser smug tu ming btags te/ de la sogs pa rdo rje khro bor dbang bskur ro/ /de nas nam mkha' la spyod pa'i lha thams cad la byin pa ni 'di lta ste/ sbrang rtsi myos pa ni rdo rje glang po snar ming btags so/ /sbrang rtsi byed pa ni rdo rje phreng bar ming btags so/ /rgyal ba ni rdo rje dbang du ming btags so/ /rgyal bar byed pa ni rdo rje rnam par rgyal ba'i rdo rjer ming btags te/ de la sogs pa tshogs kyi gtso bor dbang bskur ro/ /de nas sa bla'i dbang bo thams cad la byin pa 'di lta ste/ mdzod skyong ni rdo rje tho bar ming btags so/ /me ni rdo rje mer ming btags so/ /rlung ni rdo rje rlung du ming btags so/ /ku bai ra ni rdo rje 'jigs par ming btags te/ de la sogs pa ni rdo rje pho nyar dbang bskur ro//

  246. 123b

    de nas sa 'og gi dbang po'i lha thams cad la byin pa ni 'di lta ste/ phag ni rdo rje lcags kyur ming btags so/ /gshin rje ni rdo rje dus su ming btags so/ /gtsug pud sa ni rdo rje bgegs kyi gtso bor ming btags so/ /ba ru Na ni klu rdo rjer ming btags te/ de la sogs pa ni rdo rje bran zhes bya bar dbang bskur ro/ /de la sogs pa 'jig rten gyi nga rgyal can thams cad btul ba'i don to/ /bo la bzhib par mdzad nas ni/ /dam du 'khyud cing 'o mdzad nas/ /bcom ldan gus par mchod nas ni/ /bdag med ma yis sngags zhus so/ /zhes bya ba la bdag med mas bde ba'i ros bdag po yongs su mchod de/ kye'i rdo rje sngags zhus zhes pa'i don to/ /de bzhin du bud med rnams kyis dbang byed sngags/ /de bzhin gdug pa bsdigs pa dang/ /klu rnams bsngags par byed pa dang// lha dang lha min bsnun pa ni/ /de ni nga yis bshad bya yis/ /lha mo bde ba sbyin pa nyon/ zhes bya ba ni rtsa ba'i sngags kyi yon tan te/ 'di ltar sngags gang gi yon tan ni/ gang zhig bzlas pa tsam gyis mi mo rnams dbang du 'gyur ba dang/ gdug pa tshar bcad pa dang/ klu rnams dbang du bya ba dang lha dang lha ma yin rnams 'dul bar 'gyur ba de bshad par bya'o zhes pa'i don to/ /sangs rgyas byang chub sems dpa' la/ /bdag gis gzhan du ma bstan to/ /'di yis sngags kyi gang 'byung zhing/ /rdo rje sems dpa' gang mdzad pa/ /lha mo shin tu 'jigs pa ste/ ngo mi chogs pas khyod la bshad/ ces bya ba ni sngags gang gis yon tan bskal pa bgrang ba las 'das pas kyang/ yon tan brjod par mi nus pa nyan thos dang rang rgyal ba rnams dang/ smon pa byang chub tu sems bskyed pa rnams la yang gsang ba khyod kyi ngor bshad ces bya ba'i don to/ /'bar ba'i phreng bas 'khrugs pa yi/ /dkyil 'khor rab tu bzhengs nas su/ /rdo rje snying po dbang sbyin phyir/ /thig le mchog la dgug par bya/ zhes bya ba ni/ kye'i rdo rje'i dkyil 'khor 'jigs pa

  247. 124a

    rnams kyang/ cher 'jigs par byed pa bzhengs te/ rdo rje bla ma las dkyil 'khor gyi de nyid shes par bya ste/ yi ge'i grangs kyis 'bum bzlas nas/ sbyin sreg bcu chas sbyin sreg bya ste/ sngon du bsnyen te bzlas pa khri yis las la sbyar na/ lha mo thig le mchog ma lta buAng 'gugs par byed na/ mi mo phran tshegs lta bu lta smos kyang ci dgos zhes pa'i don te sngags kyi yon tan no/ /gzhan du ni bde ba chen po'i 'khor lo nas/ thig le'i mchog srog gi rlung gang bsad pas 'gugs pa ni nges pa'i don to/ /de nyid rdo rje snying po'i dbang yang yin no/ /sgra ring ba dang bzang ba yis/ /kye yi rdo rje sbyar ldan pas/ /btsun mo thams cad 'gugs par bya/ /dogs pa med pa'i sems kyis ni/ /bzlas pa 'bum gyi rnal 'byor bdag /kye yi rdo rje rnal 'byor gyis/ /'di yi las rnams thams cad byed/ ces bya ba la nges pa'i don du stong pa nyid dang/ snying rje'i bdag nyid kyi rang bzhin 'byor pa las srog gi rung 'bum phrag gcig bkag na/ las thams cad phyed par 'gyur ba ni nges pa'o/ /de la rig byed rnams kyi dang po sbyin/ /zla phyed thig les rnam par brgyan/ /zhes bya ba la rig byed kyi dang po ni o la/ zla phyed ni zla ba tshes pa lta bu ste/ o'i klad pa la brgyan par bya'o/ /de'i steng du slar zhing thig les brgyan zhes pa'i don to/ /oM aSh+TA na nA ya/ biM gord+ha ke sha barta min/ tsa tur biM shi ta ne trA ya/ sho Da sha b+hu dzA ya/ kriSh+NA dzI mU ta wa pu She/ ka pA la mA lA ne kaM d+hA ri Ne/ ad+hmA ta krU ra tsit+tA ya/ ard+hendu daMSh+Tri Ne/ oM mA ra ya mA ra ya/ kA ra ya kA ra ya/ gardza ya gardza ya/ tardza ya tardza ya/ sho Sha ya sho Sha ya/ sapta sA ga rA na/ band+ha band+ha/ nA bA ? kAn/ grih+Na grih+Na/ sarba shatUn/ ha hA hi hI hu hU he hai ho hau haM ho(rgyud 'grel): phaT swAhA/ /zhes bya ba rnams ni rtsa ba'i sngags chen po yon tan thams cad 'byung ba'i sngags kyi rkang pa rnams so/ /de nas lha mo de dgyes nas/ bsrub dang bsrub pa'i sbyor ba las

  248. 124b

    zhes pa nas/ nyid kyi dkyil 'khor bri bar mdzad/ ces pa yan chad kyis ni/ bdag med mas bcom ldan 'das la dkyil 'khor zhus pa dang/ bcom ldan 'das nyid kyis dkyil 'khor gsungs pa'o/ /zhes pa'i don to/ /'phar ma gcig dang sgo bzhi pa zhes pa nas/ re khA lnga dang yang dag ldan/ /zhes pa yan chod kyis ni/ /rdul tshon gyi dkyil 'khor gyi mtshan nyid bstan par shes par bya'o/ /de bzhin du de nas bum pa brgyad po bri zhes pa ni sgo dang mtshams su bri ba'o/ /rin chen lnga yi phye ma 'am/ /yang na 'bras sogs phye ma yis/ /min na dur khrod so phag gam/ /de bzhin dur khrod sol ba yis zhes pa la sogs pa ni/ gang rdul tshon gyi dkyil 'khor bri bar 'dod pa des/ rnyed na gser dang dngul la sogs pa'i phye mas dris pa 'am/ de ma 'byor na 'bras kyi phye ma mung ba la sogs pas kha dog bsgyur bas kyang bris la/ min na dur khrod kyi so phag gis rdul tshon dmar po dang/ de nyid kyi sol bas nag po dang/ mi rus kyis dkar po byas la bri ba ni nges pa'o/ /de dbus pad+ma 'dab ma ni// brgyad pa ze 'bru bcas pa bri/ /dbus su skyes bu'i thod pa nyid/ /mdog dkar cha ni gsum pa bri zhes bya ba la/ pad+ma 'dab ma brgyad la ze 'bru dang ge sar du bcas pa'i dbus su skyes bu'i thod pa dum bu gsum pa bri ba'i don yin la/ de bzhin du dbang ldan du ni sha ra b+ha zhes pa ni sa/ sA lu skyes pas yongs dkar bzhag /ces pa la sogs pa g.yas kyi mtshan ma brgyad po bri bar bya ste/ sngon du brjod pas khong du chud par bya'o/ /de dag kyang rang bzhin yon tan gyi dbang gis so so'i mtshan ma rnams lha mo'i kha dog dang mtshungs par bri bar bya'o/ /gzhan yang dkyil 'khor gyi cho ga rgyas pa rnams sang gra ha/ /zhes pa'i rgyud chen po las khong du chud par bya ste/ 'dir ni gnad kyi gnas tsam zhig bstan par byas/ zhes pa'i don te/ 'di

  249. 125a

    ltar 'dir ming smos pas ci zhig bya/ /ji ltar de nyid bsdus pa yis/ /dkyil 'khor cho ga de bzhin bya/ /zhes bya bas bstan pa yin no/ /de bzhin du bde ba chen po'i rig ma'i lo'i tshad gsungs pa 'di lta ste/ bcu gnyis brgyad gnyis lon pa yis/ /rig ma bde chen brgyad po nyid/ /ngo shal rkang gdub kyis brgyan nas/ /dkyil 'khor du ni rab tu gzhug /ces bya ba ni/ bcu gnyis lo ni rnam dag pas/ /rdo rje nyi ma snang ba che/ /bcu drug lo ni rnam dag pas/ /zla ba bcu drug pa yi cha/ rdo rje zla ba dri med 'od/ /chags bral dang po chags pa che/ /bcu drug phyed phyed rigs pa 'dis/ /rig ma brgyad du rnam par bshad/ /bde ba'i thig les rab brgyan pas/ /do shal rkang gdub rnams su grags/ /ma dang sring mo nyid dang yang zhes bya ba nas de bzhin pha yi sring mo nyid/ /rig ma brgyad du rnam par grags/ zhes pa la thug pa rnams ni/ rnal 'byor ma rnam pa brgyad phyi dang nang du phye nas bstan pa ste/ phyi'i skye bo rnams kyi bdag tu 'dzin pa'i rtog pa spang ba'i phyir/ rgyud du ji ltar gsungs pa rnams dngos su nyams su blang zhes bstan la/ nges pa'i don du na snying ka'i thig le rig ma brgyad kyi rang bzhin kha gyen du bltas pa'i thig le brgyad ni nges pa'o/ /dam du 'khyud dang 'o byas bas/ /'dir rnams rnal 'byor pa yis mchod/ /de nas ga pur btung ba nyid/ /des ni dkyil 'khor bsang gtor bya/ /de nas rnal 'byor pa yis btung/ /dngos grub myur du thob par 'gyur/ zhes bya ba la rig ma rnams dkyil 'khor du bcug ste/ 'jig rten dang 'jig rten las 'das pa'i bye brag gis phye nas byang chub kyi sems btung bas rnal 'byor pa bdag cag tshim par bya ba dang/ /des dkyil 'khor bsang gtor byas pas/ thun mong gi dngos grub thob pa ni drang ba'i don yin la/ des pa'i don du na/ srog gi rlung brgyad pos g.yas kyi lam nas 'grod de/ ye shes kyi

  250. 125b

    bdud rtsi bkug pas lus kyi dkyil 'khor bsang gtor byas pa ni/ des pa kho nar dngos grub thob par 'gyur ba ni de bzhin gshegs pa'i gdams ngag go /de la yang/ chang ni btung bar sbyin pa dang/ /sha dang sA lu skyes pa bza' zhes bya ba ni slob dpon gyi sngon du las su bya ba ni cho ga yin no/ /de bzhin du de yang gos dang bral byas nas zhes bya ba la sogs pa dang/ de la rtsed mo rtse bar bya/ zhes bya ba la thug pas ni/ 'dod chags kyi dbang du gyur pa'i byis pa rnams kyis rtogs par bya ba'i phyir// mu le'i bstan bcos las brjod pa ltar/ na ga dang dan+ta dang dkar 'dzin la sogs pa la rtse ba lta bu 'khrig thabs kyis ro dpag tu med pa'i sbyor ba nyams su myong bar bya/ zhes pa'i don to/ /de nas thun tshod gnyis pa la/ /gos kyis mig ni bkab nas su/ /der ni slob ma gzhug pa nyid/ ces bya ba thun tshod drug lus pa'i rjes su/ kye'i rdo rje'i dkyil 'khor mi bzad pa chos kyi 'byung gnas kyi rang bzhin bde ba thams cad bskyed pa mtshan par byed pa'i dkyil 'khor du bcug la/ rang gi lhag pa'i lha yang bstan par bya zhes pa'i don to/ /go rims ni 'di lta ste/ mtshan mo skye bo med khyim du/ /slob dpon la sogs rab phye bas/ /dbang ni ji ltar gsungs pa nyid/ /de la mngon par dbang bskur bya/ zhes bya ba la/ rdo rje slob dpon blo dang ldan pas/ dbang la 'chol ba'i skyon spangs la/ dbang bzhi go rims bzhin bskur bar bya ste/ 'di ltar slob dpon la sogs rab phye bas zhes smos pa'i shugs kyis bzhi ru nges te/ rgyud 'di nyid las kyang de ltar thams cad bzhi bzhi'o zhes gsungs pa'i phyir dang/ 'di nyid kyis bshad pa'i rgyud mkha' 'gro ma rdo re gur las kyang ji skad du/ dang po ru ni bum pa'i dbang/ /gnyis pa gsang ba zhes su brjod/ /gsum pa shes rab ye shes te/ /bzhi pa slar

  251. 126a

    yang de bzhin no zhes gsungs pa'i phyir/ /slob dpon gyi dbang ni drang ba'i don du bum pa yin la/ nges pa'i don du ni bzhi pa la sogs pa yongs su rdzogs pa kho na slob dpon zhes brjod kyi/ bum pa tsam ni ma yin no/ / ci'i phyir zhe na/ slob dpon gyi nges tshig dang mi ldan pa'i phyir ro/ /de bas na/ gnyis dang gnyis kyis phye ba yi/ /bum sogs dang po bzhi mdza' can/ /'jig rten 'jig rten 'das dbye bas/ /dbang bskur rdzogs par shes par bya zhes bya ba'i tha tshig ste/ rtsa ba'i rgyud 'bum phrag lnga pa dang/ rgyud 'bum pa'i mngon par brjod pa zhes bya ba dang/ dang po'i sangs rgyas zhes bya ba rtsa ba'i rgyud chen po rnams las rgyas par khong du chud par bya'i/ 'dir ni mdor bsdus te bstan pa tsam mo/ /ji ltar mchod dang bstod bshad pa// slob ma bzang pos sngar shes bya/ /zhes bya bas slob ma blo dang ldan pas sngon du bla ma mchog la rgyud nas ji ltar gsungs pa'i bstod pa/ khong stong khyod kyi sku la med/ ces pa la sogs pas bstod pa bya zhes pa'i don to/ /de nyid de la bstan pa ni/ /dga' bral dang po mchog mdza' can/ /thams cad rgyud du sbas pa ste/ /mdza' yi mdza' yis phye ba nyid/ ces bya ba la gnas snga ma snga ma'i dbang gis byis pa rnams kyis re zhig rtogs par bya ba'i phyir/ /mar ngo'i thog ma yar ngo'i tha ma can gang zhig rgyud thams cad sbas pa/ de slob ma'i skye bo mchog la bstan par bya zhes pa'i don to/ /de ni ji skad du sgyu 'phrul dra ba las kyang/ chags bral dang po chags pa che zhes pa dang/ de bzhin du dang po'i mchog gi sangs rgyas zhes bya ba'i rgyud las kyang ji skad du/ phyogs gnyis po yi bag chags kyis/ /yongs su gang bas ma 'dres pa zhes gsungs pa'i phyir/ de kho na nyid de rgyud thams cad dang mi 'gal bar bstan par bya zhes pa'i tha tshig go /rdo rje mchod par rab sbyar nas/ /de la lha mo des

  252. 126b

    zhus pa/ /lha de'i skad cig ji ltar lags/ /gtso bo chen po bshad du gsol zhes bya ba mo/ /bdag med mas bcom ldan 'das la lha bde ba'i skad cig gang gis gnas par bgyi zhing ji ltar rtogs par bgyi zhes zhus pa dang/ bcom ldan 'das ? slar gsungs pa/ der ni thog ma dbus mdza' med/ /srid min mya ngan 'das min pa/ /'di ni mchog tu bde chen nyid/ /bdag min gzhan yang min pa nyid/ ces bya ba gsungs te/ lha mo nga'i skad cig ni srid pa ste/ sum cu rtsa gnyis kyi gnas nas 'thos pa dang/ mya ngan 'das min te gang gi sgo nas ma 'das pa nyid/ thog ma tha ma dbus min zhes pa yang yin la/ bdag min gzhan yang min pa nyid/ ces pa yang yin la/ mtshan nyid dang bral ba'i skad cig kyang yin zhes pa'i don to/ /de ni ji skad du/ sangs rgyas thams cad mnyam par 'dus pa'i rgyud las kyang/ thog ma tha ma med zhi ba/ /gtso bo dngos dang dngos min mnga' / /stong pa snying rje dbyer med pa/ /byang chub sems zhes brjod pa yin zhes gsungs so/ /de lta bas na rdo rje'i tshig 'di'i don ni/ 'di ltar rtogs shing khong du chud par bya'o/ /longs spyod kyi ni rlabs gnyis las/ /rang lag g.yas dang g.yon pa yi/ /mthe bong dang ni srin lag gis/ /da ni rnal 'byor pa yis bcir/ /zhes bya ba la rdo rje slob dpon mkhas pa gang gis rang gi rgyal mtshan gyi ngos gnyis na gnas pa'i chu bo 'bab pa'i rgyun gyis slob ma la gsang bas gsang bar bya'o zhes bya ba dang/ de bzhin du ting nge 'dzin gang gi rtsal gyis brtsir bar gyur pa des na g.yas nas 'gro zhing/ /g.yon nas 'ong ba zhes bya ba'i don dang/ de bzhin du rnam par rtog pas kun nas bcings pa'i skye bo 'ga' la dngos su longs spyod rdzogs pa'i 'khor lo'i gnas kyi g.yas g.yon slob dpon gyi lag pa g.yas g.yon gyis brtsir bar gyur na/ de las ye shes skye 'gyur te/ /de la ci zhig skye zhe na/ /

  253. 127a

    gzhon nu'i dga' ba ji lta ba 'am/ lkugs pa'i rmi lam lta bu'o zhes bya ba la/ de lta bu'i gnas skabs gsum gyi khyad par gyis/ /khyad par du byas pa na brjod pa'i yul las tha dad pa dper na dge slong gang gis bsam gtan bzhi pa'i rtse mo'i ting nge 'dzin thob pa'i bde ba las kyang khyad par du 'phags pa 'byung zhes pa'i tha tshig go /don 'di ni mchog gi dang po zhes bya ba'i rtsa ba'i rgyud las kyang ji skad du/ lang tsho'i yis ni bde thob pa/ /bden chen rang gi rig pa ste/ /de bzhin ting 'dzin bral ba yis/ /bde ba smra bar mi nus so zhes gsungs pas/ don ni rgyas par khong du chud par bya'o/ /mchog ni mdza' dang dga' bral dbus zhes bya ba ni gong du rgyas par bstan la/ stong dang stong min te he ru ka zhes bya ba ni/ rtogs par 'gyur zhes tha tshig rnam par sbyar bar byas la/ stong pa ni gang gi sgo nas brgal pa dang/ stong min ni srid pa ste sum cu rtsa gnyis kyi dkyil 'khor la mi gnas pa zhes bya ba'i don to/ /kye'i rdo rje'i nges pa'i don gyi rgya cher bshad pa las/ kye'i rdo rje mngon par 'byung ba'i le'u yi rgya cher bshad pa ste lnga pa'o// //sems can rnams ni gdul ba'i phyir/ /rmad 'byung ngo mtshar gzugs can la/ /phyag 'tshal nas ni bu don gyi/ /rim pa rdo rje snying pos bri/ /da ni byis pa'i skye bo rnams gzhag par bya ba'i phyir/ /ji bzhin pa'i dkyil 'khor las ras la sogs pa la bcos pa'i dkyil 'khor bstan par bya ba'i phyir/ /sngon du lha mo la ni dam 'khyud cing/ /mnyam sbyar bde ba myang mdzad nas/ /zhes bya ba la sogs pa smos te/ gar thabs kyi bstan bcos dpag tu med pa tshar phyung bar mdzad nas cho ga gsungs zhes bya bar sbyar bar bya'o/ /de la re zhig spyod pa'i le'u las gsungs pa'i phyag rgya lnga'i don spyod pa'i rnal 'byor la gnas pa rnams kyis/ phyi dang nang du phye la bcad bar bya'o zhes skabs de nyid du legs par bstan la/ bu lon bri ba'i skabs

  254. 127b

    'dir ni rang gi dam tshig rnam pa lnga las slob dpon mi smad cing/ kun nas kun tu bsten par bya'o zhes bstan par bya ba'i phyir/ dang por phyag rgya lnga ni rab phye bas/ /bla ma slob dpon 'dod lha la/ phyag 'tshal don du 'khor lo gzung zhes pa nas/ phyag rgya bsten phyir ska rags nyid/ ces bya ba la sogs pa gsungs te/ phyi dang nang du phye ba las phyi ni sgra ji bzhin pa rgyud nas gsungs pa kho na yin la/ nges pa'i don ni rtsa ba'i rgyur las ji skad du gsungs te/ bla ma slob dpon 'dod lha zhes pa sum cu rtsa gnyis kyi dkyil 'khor na yon tan lci ba'i 'byung gnas rab tu gnas pa rtogs par bya ba la btud pa'i don du 'khor los mtshan to/ /de nyid la skye bo ma rungs pa dag smod pa slar gzhug par bya ba'i phyir rna cha yis mtshan to/ /srog gi rlung mi shis par gnas pa la 'phrad pa'i phyir mgul rgyan gyis mtshan to/ /byang chub sems kyi srog mi bcad pa'i phyir lag gdub kyis mtshan to/ /bde ba'i gzhi drug cu rtsa bzhi'i dkyil 'khor las mi 'da' ba' i phyir ska rags kyis mtshan to/ /zhes so de bas na/ sangs rgyas lnga yi phyag rgyas ni/ /rtag tu lus la phyag rgyas gdab/ ces gsungs te/ don du na lus can thams cad kyi srog gi rlung gnas lnga ru bag la zha ba gang yin pa de rtag tu lus la phyag rgyas gdab ces su rtogs par bya'o/ /de nas rab tu mdzad nas zhes pa nas/ kye yi rdo rje'i bris sku nyid/ /bgyi lugs bde ba chen pos gsungs zhes pa la sogs pas ni/ bu don ji ltar bri ba'i lugs bdag med mas zhus zhes sbyar ro/ /lan gsungs pa ni 'dir ni 'bri mkhan dam tshig can/ sgrub pa po yang dam tshig can gyis ni/ /bris sku yang ni 'jigs pa bri ba nyid/ /ces pa la sogs pas bstan te/ /'di ltar sgrub pa po dang 'bri mkhan la sogs pa dang/ ri mo'i don la 'jug pa gang dang gang yin pa de dang de thams cad stong pa nyid snying rje mi

  255. 128a

    phyed pa'i lam la phal cher gnas pa gsang sngags kyi tshul la mchog tu dad pa rnams kyis bya zhes sbyar ro/ /yan lag gi don bstan pa/ skyes pa'i thod gnas kha dog lngas/ /ro yi skra yi phyir nyid kyis/ /bris sku bla ma gri ba nyid/ ces pa ste/ tshon sna lnga skyes bu'i thad pa'i snod du sbyar la mi shi ba'i skras pir bya ste tshon lnga po rang bzhin yon tan gyi dbang las skyes bu de dang de'i thod par gzhag /ces pa'i don to/ /de bzhin du/ dam tshig byin rlabs rnal 'byor las/ zla ba zla ba'i mar ngo yi/ /bcu bzhi pa la khyim dben par/ /phyed nas ma rungs sems kyis ni zhes bya ba la sogs pa smos te/ dngos po nye bar dgos pa gang dang gang sgrub pa po'i dbang phyug gis bla ma'i man ngag ltar byin gyis brlabs la sbyar bar bya zhing/ /zla ba byung ngo cog gi nag po'i bcu bzhi la gnas dben par tshogs kyi longs spyad par bya zhing ri mo mkhan dang sgrub pa po bdag nyid kyi lus gcer bur byung zhing rus pas brgyan la 'bags pa dang mi gtsang ba'i dam tshig rnams ji bzhin du bri bar bya ste/ de bzhin du gzhan yang/ bzhin bzangs snying rjer ldan pa dang/ /gzugs dang lang tshos bskal bzang ma/ me tog bcas shing sgrub po dga' / /rang gi phyag rgya g.yon du bzhag /ces bya ba la sgrub pa po 'am ri mo mkhan gyis rang dang mtshungs pa'i btsun mo bdag med ma lta bu g.yon du bzhag la/ mi phyed pa'i lam la gnas bzhin pas bu don bri ba ni rdo rje 'dzin pa'i nges pa'o/ /kye'i rdo rje'i nges pa'i don gyi rgya cher bshad pa las/ bu don bri ba'i le'u yi rgya cher bshad pa ste drug pa'o// //rags dang phra mo dngos ston pa/ /kye yi rdo rje la phyag 'tshal/ /glegs bam chogs dang legs 'dul gyi/ /rgyas bshad rdo rje snying pos bri/ /da ni kye'i

  256. 128b

    rdo rje glegs bam bri ba'i rim pa dang/ dbang bskur ba'i le'u ru bstan pa'i tshogs kyi ston mo dang/ byis pa rnams kyis rtogs bar bya ba'i theg pa'i rim pa'i tshul bstan par bya ba'i phyir/ de nas de la lha mos zhus zhes bya bal sogs pa smos te/ bu don gyis bstan bcos kyi rjes su tshim par mdzad nas/ glegs bam nga yis bshad bya yis/ /lha mo skal pa chen mo nyon zhes gsungs pa ste/ kye lha mo chen mo sbrang chen gyi snag tsha dang mi rus kyi smyu gus bro kha la 'dir mkhan dam tshig can gyis glegs bam sor bcu gnyis par bri zhes bya ba'i don te/ 'di ltar nyi ma dang zla ba rnam par sbyangs pa'i ros snag tshal bsred pa dang/ sten 'brel bcu gnyis dag pa'i glegs bam sor bcu gnyis su bsgrubs pas byis pa rnams dga' ba'i dngos grub rang bzhin yon tan gyi dbang gis ster ba ni nges pa'o/ /glegs bam dang ni bris sku nyid/ /gal te skal med kyis mthong na/ /skye ba 'dir yang sgrub med la/ /'jig rten gzhan duAng spyod yul min zhes bya la/ de ltar bla ma'i zhal gyi lung dang bdag gi byin gyis brlabs kyis kha na ma tho ba med par bsgrubs pa'i glegs bam dang ras ris skal ba med pa'i byis pa'i skye bo la lan cig tsam bstan na yang grub pa rnam pa gnyis nyams par 'gyur te/ de bas de'i phyir 'bad pas kun tu bsrung bar bya zhes pa'i don to/ /yang dag dang dang ldan pa la/ /res 'ga' tsam zhig bstan pa nyid ces bya ba ni/ dad cing mos pa dang ldan pa'i skyes bu la skad cig tsam bstan par bya ba ste/ mchod pa dang gus pa la sogs pa sngon du 'gro bas bstan pa la skyon gyi dri mas mi gos shes pa'i don to/ /glegs bam lam gyi spyod yul du/ /sgra dang mchan khung gnyis su sba zhes bya ba ni/ /lam dang yul gzhan du bgrod pa'i dus su glegs bam ni skra'i gseb du sba bar byas la/ ri mo gang yin pa de ni 'od ma'i bong bu

  257. 129a

    'dzes ba'i nang du bcug ste/ mchan khung g.yon bar bcad zhes pa'i don to/ /da ni tshogs kyi mchod pa'i khyad par bstan par bya ba'i phyir/ b+ha gar ling gar rab bkod nas/ yang dang yang du 'o mdzad nas/ zhes bya ba la sogs pa smos te/ gang gi mthu yis yams dang skra dkar dang gnyer ma la sogs pa 'joms par byed cing/ byis pa'i skye bo rnams dga' bar byed la sha dang khrag gis gzi mdangs skyed par byed pa de bshad par bya zhes bya ba'i don to/ /de bas na de'i phyir tshogs kyi 'khor lo bca' ba ni/ /nyon cig lha mo mig yangs ma/ /gang du zos pas 'dod don kun/ /sgrub pa can gyi dngos grub 'gyur zhes bya ba gsungs te/ rdo rje'i tshig 'di'i don yang nges pa dang drang ba'i don gnyis su go bar bya'o/ /de la re zhig phyi'i tshogs kyi bca' ba'i gnas su dur khrod ri yi bya skyibs dang/ /de bzhin mi med grong khyer dang/ /yang na dben pa 'am rgya mtsho'i mthar zhes bya bas bstan te/ gnas gang phyi rol tu mu stegs byed pa la sogs pa dang/ byis ba'i skye bo ma rungs pa gang dag yod ye mi gnas pa der brtsam zhes pa'i don to/ /re zhig phyi rol gyi gnas 'di rnams su chang dang go la sogs pa'i sha bza' ba dang/ bud med kyi skye gnas la 'khrig thabs sbyar bas 'dod pa'i dngos grub 'grub pa ni med de/ 'di ltar gang de rnams kyis 'dod pa'i dngos grub tu 'gyur ba de lta na ni/ chos kyi phung po brgyad khri bzhi stong yang don med par 'gyur la/ rnal 'byor pa'i 'bad pa phun sum tshogs pa 'jig par 'gyur ro/ /de bas na de'i phyir bza' ba dang btung ba la sogs pa'i tshogs kyi mchod pas 'dod pa'i dngos grub thob ces gsungs pa ni byis pa'i skye po rnams drang bar zad do/ /nges pa'i don du kun tu rtog pas kun nas mi gos pa'i gnas 'ga'

  258. 129b

    zhig la brten te/ srog gi mes bsreg cing btsos pa'i bcud gang yin pa des myos par bya ba dang/ tshim par zos te gnas par tshe 'phel bar byed pas rdo rje 'chang gzi mdangs lta bu ster bar 'gyur te nges pa'i don to/ /bza' ba 'di ni rab tu bza' / /de la gdan du brtag pa ni/ /ro yi gzugs can dgu dang ni/ /yang na sngags gi pags pa dang/ /dur khrod ras ni de bzhin no zhes bya ba la/ gang zhig tshogs kyi 'khor lo 'di byed par 'dod pas/ dge slong dang dge slong ma dang khyim pa'i rnal 'byor pa rtan rabs la sogs pa rnams/ rang rang gi gral tha dad par bya zhing mi srung pa'i skye bo 'bad pas bsrung bar bya'o/ /de bzhin du rnal 'byor ma dgu gau rI la sogs pa'i rigs can ma spyan drangs la/ gcig ni gtso bo'i g.yon du bzhag la lhag ma brgyad po 'dab ma'i phyogs dang phyogs bral la rim pa bzhin du bzhugs su gsol lo/ /de rnams la mi lpags khru ra la rang rang gi gzugs bris la gdan du dbul bar bya'o/ /gtso bo la stag gam glang po che 'am/ ba glang gi pags pas gdan du dbul lo/ /yang na thams cad la mi lpags 'ba' zhig gam/ stag gi pags pa 'ba' zhig gam glang po'i pags pa 'ba' zhig gam/ ba glang gi pags pa 'ba' zhig gam/ dur khrod kyi ras 'ba' zhig kun la ji ltar rnyed pa de ltar dbul bar bya'o/ /de'i phyir/ dbus su kye rdo rje'i gzugs/ /ji ltar sngar bzhin gnas shes nas/ /phyogs dang bral ba rnams su yang/ /de nas rnal 'byor ma rnams dgod/ /ces rgyas par gsungs pa yin no/ /de bzhin du bza' ba thams cad kyang stag la sogs pa'i pags pa'i steng bza' ba ci lta ba rnams drang bar bya'o/ /de bzhin du der ni yang yang zos nas kyang/ /de ru ma mo mchod par bya zhes gsungs te/ phyi'i bza' ba dang btung ba rnams skyang ba dang rtogs pa dang/

  259. 130a

    sbad ba dang bdud rtsir byas te/ jos la/ lha mo rnams dang yang dang yang du me thu na'i sbyor bas bde ba rtogs par bya'o/ /rnal 'byor ma rnams kyang sa dang chu dang me dang rlung la sogs pa dag pas sring mo dang/ bu mo dang sgyug mo dang tsha mo dang/ chung ma la sogs pa sngon du legs par sbyangs la mchod pa bya ba ni nges ba'o/ /de bzhin du/ de rnams rtag tu legs mchod nas/ /tshogs kyis dkyil 'khor 'grub par 'gyur zhes gsungs pa legs par mchod pa ni/ phyi rol gyi skye bo rnams kyis ma mthong ma rig par ma srid la sogs pa rnams la/ phyir mi 'byung ba'i byang chub kyi sems kyis mchod na/ legs par mchod pa yin zhing/ tshogs kyi dkyil 'khor 'grub par 'gyur ba na nges pa'o/ de bzhin du btung ba'i snod rnams skye bu'i thod pa dum bu gcig par rgyun chad la sogs pa rnams bkang ste drang bar bya'o/ /bla ma la dbul skal chen ma/ /phyag 'tshal nas ni rang yang btung/ /pad+ma'i lag pas blang ba dang/ /de nyid kyis ni lag las dbul/ /yang nas yang du rab 'dud pa/ /der ni sgrub pa po yis bya/ /zhes bya ba la rnal 'byor ma rnams dang gtso bo dang bcas pa'i rnal 'byor pa rnams kyis legs par longs spyod par bya ba 'di lta ste/ kun gyis spyi bor thal mo sbyar ba sngon 'gro bas slob dpon la phyag 'tshal te/ pad+ma'i lag pas phul la gdod ci bder longs spyod par bya'o/ /de bzhin du 'khor la kun tu pad+ma'i lag pas drang bar bya zhing slar yang de nyid kyis blang ngo/ /nges pa'i don du ni bdud rtsi lta bu'i btung ba bde ba'i 'khor lo nas/ rgyal mtshan gyi rtse mor rgyun drang zhing/ slar de nyid kyi gnas su 'phang ba'i tshul gyis drang zhing/ blang bas tshim par bya ba ste/ de bzhin gshegs pa'i bka' lung ngo/ /kye'i rdo rje'i nges pa'i don gyi

  260. 130b

    rgya cher bshad pa las/ glegs bam bri dang/ tshogs kyi bza' ba'i le'u yi rgya che bshad pa ste/ bdun pa'o// //de nas rnal 'byor mas zhus pa/ phyag rgya chen po ji lta bu/ /kun rdzob rnam pa'i gzugs kyis ni/ / bde ba la sogs bshad du gsol/ zhes bya ba la sogs pa rnal 'byor ma rnams kyis bcom ldan 'das bde ba chen po la sogs pa'i kye'i rdo rje la zhus pa ste/ 'di ltar/ kye'i bcom ldan 'das phyag rgya chen po'i rang gi ngo bo ni gang la'ang mi gnas pa/ brjod du ma mchis pa/ brtan pa ma mchis pa/ dmigs pa ma mchis pa/ gang la'ang mi gnas pa/ legs par ni som nyi ma mchis na/ bdag dang bdag gi dri mas ga sogs pa rnams kyis tshul ji ltar rtogs par bgyi zhes zhus pa'i don to/ / bcom ldan 'das kyis slar gsungs pa/ shin tu ring min thung ba min/ /gnag pa ma yin dkar ba min/ /pad ma'i 'dab ma'i rnam pa 'dra/ zhes pa la sogs pa gsungs te/ 'di ltar rigs bzhi las 'byung ba'i btsun mo/ skye ba'i lo bcu gnyis nas nyi shu la thug pa dag la brten te/ mtshon par 'gyur gyi gzhan du ma yin zhes bya ba'i don/ de bzhin du btsun mo de dag gi mtshan nyid ni 'di lta ste/ gzugs shin tu ring ba'ang ma yin pa dang/ ha cang thung ba'ang ma yin pa dang/ mig sman ltar cher gnag pa ma yin pa dang/ rdo thal ltar ha cang dkar ba ma yin pa ni mdog gi khyad par te/ de dag gi kha dog gi khyad par rnams spang bar bya'o/ /'o na ji lta zhe na/ cung zad sngo bsangs su gnas pa gzung zhes bya ba dang/ de bzhin du mig pad+ma'i 'dab ma ltar dkar dmar 'byes pa/ cung zad ring ba dang kha'i dbugs mcho tu dri zhim pa dang/ zla mtshan gyi khrag gla rtsi ltar dri zhim pa dang/ skye gnas kyi pad ma la dus dus su sar dza ra dza lta bu'i dri 'byung zhing res 'ga' pad+ma lta bu'i dri 'byung ba dang/

  261. 131a

    dus dus su utpa la'i dri dang/ a ka ru nag po'i dri dang mtshungs pa 'byung ba rnams ni mkhas pas dri bzang por mtshon par byas la gzung bar bya ba dang/ de bzhin du rang bzhin du gnas pa'i mtshan ma 'di lta ste/ spyod lam dal zhing rtsa ba h+ral med pa nyid dang/ smra ba nyan cing gsod por smra la dal gyis smra ba dang/ skra gnag cing 'jam la mtshams stug cing ring ba dang dpral ba'i dbus na rang bzhin du gnas pa'i ri mo gsum yod pa gang yin pa de lta bu ni bde bar gshegs pa rnams kyis rab tu bsngags pa yin te/ /yan lag gsang ma zhes kyang gsungs pas de la 'bad pa kun gyis bla ma'i bka' ltar bsgrubs na/ gdon mi za bar phyag rgya chen po'i grub pa 'thob par 'gyur ro zhes bya ba yin la/ gzhan yang de lta bu'i btsun mo la/ 'jig rten pa phal pas mi shes pa gang dag gis mi mo'i skye gnas phal pa can du rtog par byed de/ de ni de lta ma yin te/ lhan cig skyes pa'i gzugs can ma zhes gsungs so/ /de rnyed nas ni dngos grub 'gyur zhes bya ba ni/ yon tan phun sum tshogs pa de lta bu'i btsun mo rnyed na/ btsun mo de la brten te bla ma'i lung ltar bsgrubs na/ phyag rgya chen po'i dngos grub tu 'gyur pa ni de bzhin gshegs pa'i nges pa ste/ btsun mo de lta bu ni kun rdzob kyi phyag rgya chen mo zhes bshad do zhes pa'i don to/ /de nas rnal 'byor ma bdag med mas gsol pa/ bcom ldan 'das smon lam ji ltar gdab par bgyi zhes bya ba la/ bdag med mas 'di skad ces /kye bcom ldan 'das kye'i rdo rje'i gsang chen 'di la gnas pa rnams kyis smon lam gyi tshul ji ltar gdab par bgyi zhes zhus pa dang/ bcom ldan 'das kyis slar 'di skad ces gsungs so/ /smyom ni rigs su skye ba dang/ dam ldan kye rdo rje ston/ snying rjer ldan zhing bla mar gus

  262. 131b

    skye zhing skye bar 'gyur bar shog /lag pas rdo rje dril sgrogs shing/ /zab mo'i chos ni ston pa dang/ /btsun mo'i khu ba mnyam zas can/ /za ba'i skye bar 'gyur bar shog ces gsungs te 'dzag pa'i bde ba'i chang gis myos pa ni smyon pa yin la/ de bas 'dzag pa med pa'i btud ba'i bde ba can ni smyo ba dang 'bral ba yin no/ /de bas na de'i phyir smyo ba med pa'i dam tshig gi bdud rtsi 'thung ba'i rigs can du skye bar gyur cig ces bya ba dang/ snying rje bcu drug gi dam tshig dang mi 'bral bar de nyid kyi tshul gyis sems can thams cad la kye'i zhes bya ba dang/ rdo rje zhes bya ba'i brda yis chos ston par gyur cig ces bya ba dang/ sems can thams cad la mi phyed pa'i snying rje dang/ de bzhin du sems can thams cad la dmigs pa dang/ chos la dmigs ba dag dmigs pa med pa zhes bya bar yang de'i chos can gang yin pa de dang ldan par gyur cig ces bya ba dang/ rdo rje 'chang chen po'i gnas thob par byed pa'i rgyu bla ma rje btsun gyi zhal gyi bum pa las 'byung ba'i phyir dus rtag par bla ma la gus pa byed par gyur cig ces bya ba dang/ stong pa nyid dang/ snying rje tha mi dad nyi zla'i lam gcig tu rnam par dag pa'i chos can rdo rje dang dril bu lag tu gzung ste/ 'khrol bar gyur cig ces bya ba dang/ de nyid kyi don ston par byed pa kye'i rdo rje'i glegs bam nyid dus rtag par klog pa dang ldan te/ A li dang kA li'i sgo yis srog gi rlung gis bzlas pa ni zab mo chos klog pa yin pas/ de lta bu'i chos klog par gyur cig ces pa dang/ yul sogs pa'i btsun mo gzugs rdo rje ma dang/ nam mkha' dbyings kyi dbang phyug ma zhes bya ba la sogs pa'i btsun mo rnams kyis bde ba'i khu ba'i dngos po rnams kun nas mnyam par byed pa/ skye ba nas skye ba'i mthar za bar gyur cig ces bya bas smon lam gdab par bya'o zhes pa'i don to/ /de nas lha mo de dgyes nas/ tshig ni 'di nyid yang zhus pa/ skal med sems can

  263. 132a

    gdul dka' rnams/ /gang gis gdul bar gyur pa lags/ zhes bya ba slar zhing bdag med mas/ bcom ldan 'das la zhus pa/ bcom ldan 'das slar ma'i dus rtsod pa rab tu rgyas pa na/ gdul bar dka' ba'i skye bo rab tu ma rungs pa rnams thabs gang gis kye'i rdo rjer gzhug par bgyi lags zhes pa dang/ slar bcom ldan 'das kyis gsungs pa/ dang por gso sbyong byin par bya/ /de rjes bslab pa'i gnas bcu nyid/ /de la bye brag smra bar bstan/ /mdo sde pa yang de bzhin no/ /de nas rnal 'byor spyod pa nyid/ /de yi rjes su dbu ma bstan zhes bya ba gsungs te/ skye bo gdul bar dka' ba kye'i rdo rje la dgod pa na sngon du gso sbyong legs par bstan cing bslabs la/ dge ba bcu dang du len par bsgom zhing/ mi dge ba bcu yongs su bcad de/ gnas pa'i skye bo de la/ de'i rjes su grub pa'i mdza' so so'i chos bstan par bya ste/ 'di ltar nam mkha' dang sor brtags pa dang/ brtags pa ma yin pa'i 'gog pa ste gsum ni 'dus ma byas yin la/ de la gzhan pa ni snyed pa rnams skad cig ma'i rang bzhin can te/ ngo bo nyid kyis stong gi byed pa po 'ga' yang yod pa ma yin no/ /rnam pa med pa'i dbang po la brten pa'i blos rdul phra rab bsags pa 'di rnams mngon sum du rig par 'gyur ro/ /zhes kha che bye brag tu smra ba rnams 'dod do zhes bstan par bya'o/ /de bzhin du bye brag tu smra ba ltar rnam pa dang bcas pa'i shes pa skye bar 'dod pa ni snang ba rnams dbang po'i spyod yul ma yin te/ nam mkha' i me tog gam/ mo gsham gyi bu dang mtshungs la/ 'gog pa rnams ni nam mkha' lta bu yin no/ /dus gsum po yang rjes su rgyud pa med pa thogs par byed pa'i reg bya dang bral ba'i gzugs kyang yod pa ma yin no/ /zhes bya ba mdo sde par smra ba rnams 'dod do zhes bstan par bya'o/

  264. 132b

    de bzhin du rdul phra rab tshogs pa'i yan lag can gyi rdzas ni med de/ rdul phra rab med pa'i phyir so sor snang ba dmigs su med de/ dper na rmi lam nyams su myong ba dang mtshungs so/ /gzung ba dang 'dzin pa'i dri mas bral ba shel gong dag pa lta bu rnam par shes pa rang rig pa don dam par yod pa rnal 'byor spyod pa rnams smra'o/ /zhes bstan par bya'o/ /rnam par shes pa don dam bar yod do zhes mkhas pa rnams mi 'dod de/ gcig dang du ma'i rang bzhin gyi gtan tshigs dang bral ba'i phyir nam mkha' i me tog dang mtshungs te/ 'di ltar glog dang sgra 'di dag yod pa yang ma yin/ med pa yang ma yin yod med gnyis las 'das pa la sogs pa'i mu bzhi las rnam par grol ba'i de kho na nyid rnal 'byor chen po dbu ma par smra ba rnams bzhed pa yin no/ /zhes grub pa'i mdza' thams cad bstan nas/ de'i rjes su kye'i rdo rjer bcug par gyur na nges par 'grub bo zhes pa'i don to/ /slob mas gus par blangs nas ni/ /'grub 'gyur 'di la the tshom med/ /zhes gsungs te skal pa med pa'i sems can rnams rim pa de ltar 'jug par bya'i gzhan du ma yin zhes pa'i don to/ /de bzhin du sgyu 'phrul dra ba las kyang ji skad du/ theg pa gsum gyi nges 'byung la/ /theg pa gcig gi 'bras bur gnas/ zhes gsungs so /kye'i rdo rje'i nges pa'i don gyi rgya cher bshad pa las 'dul ba'i le'u yi rgya cher bshad pa ste brgyad pa'o// //longs spyod rdzogs sku sprul pa'i rgyal/ /mnga' bdag che la phyag 'tshal nas/ /sngags btu ba yi rgyas bshad ni/ /rdo rje snying pos bri bar bya/ /de nas kha sbyar 'byed pa yi/ /mtshan nyid yang dag rab tu bshad/ ces bya ba la sogs pa smos te/ A li dang kA li'i sngags kyi rang bzhin ji lta ba bzhin du shes na/ 'jig rten dang 'jig rten las 'das pa'i 'dod pa'i dngos grub thams cad lag mthil na yod par 'gyur ro/ /de la/ gang gi rnam par shes

  265. 133a

    tsam gyis/ /sgrub po dngos grub thob 'gyur ba/ /bsgrub bya'i lte ba'i rtsa ba la/ /brtul zhugs can gyi lag pas gdon zhes bya ba gsungs te/ sangs rgyas kyi bstan pa la gnod par byed pa dang/ sangs rgyas dang bla ma la sogs pa'i gzugs 'jig pa min pa de/ bla ma thub pa la zhus te/ snying rje chen pos gsad par bya ba'i yin gyi gzhan du ma yin no/ /de bzhin du bsgrub byar bya ba'i drug cu rtsa bzhi'i dkyil 'khor gyi dbus na/ lhan cig skyes pa'i lha sgrub po'i ting nge 'dzin gyi las pas gshegs su gsol la/ sgrub po bdag nyid/ he ru ka mnyam rnal 'byor gyis/ /nang gi ma rungs sems kyis ni/ zhes bya ba he ru ka'i dkyil 'khor bdag med ma dang bcas pa/ las kyi bye brag las kha dog bye brag tu bya ste/ zhes pa'i rdo rje'i tshig gis dkyil 'khor ba thams cad kha dog nag po zhe sdang gi rigs su bskyed de bsad par byas na sangs rgyas nyid kyang gdon mi za bar 'jig par 'gyur ro/ /ji ltar phyugs kyi gzugs mthong nas/ /khrag ni skyug pa nyid dang yang/ /'dar zhing mgo skyes grol ba dang/ kha ni 'og tu rnam par bsgom zhes bya ba la skye bo phyugs kyi gzugs dang 'dra ba mthong nas/ kha nas khrag skyug cing lus po 'dar bzhin du skra grol te spyi'u tshugs su bdag gis mdun du 'dug par bsam zhing/ de bzhin du de'i 'og gi sgo nas khab me ltar 'bar ba gzugs can du ma 'jug pa dang/ de'i snying gar me'i dkyil 'khor yi ger bsams na nges pa kho nar skad cig de la 'jig par 'gyur zhes gsungs so/ /'di'i nges pa'i don ni rtsa ba'i rgyud las ji skad du/ byin za me lha rlung gis bskyod/ /byang sems haM kha thur du bltas/ /gang zhig bde bas myos pa na/ /'dar zhing kha ni thur du lta zhes gsungs pas don khong du chud par bya'o/ /rgyud 'di la ni sreg blugs med/ /phyag rgya bcing dang bya ba med/ /

  266. 133b

    rgyud chen klags pas 'grub pa nyid/ bsam gtan tsam gyis 'grub par 'gyur/ zhes bya ba ni 'di ltar phyi'i sreg blugs dang/ lag pa'i phyag rgya bcing ba dang/ tshig gi rgyus bklag pa dang/ lha'i rnal 'byor tsam gyis 'grub pa ma yin gyi/ /'di ni khro ba med pa'i me la seng ge rnam par rtse ba'i phyag rgya bcings te/ rang gi rgyud srog gi rlung gi gdon zlos byed cing nam mkha' lta bu'i bsam gtan gyis 'grub par 'gyur zhes bstan to/ /rtog med dngos grub ster ba po/ /srid pa sbyor ba nyams dga' ba/ /gsang ba mchog gi bshad bya yis/ /nyon cig lha mo bzhin bzang ma/ zhes bya ba bcom ldan 'das rdo rje 'chang gis srid pa nyid shin tu dag par byed pa'i thabs sangs rgyas kun gyi gsang chen lha mo khyod la bshad par bya zhes pa'i don to/ /rin chen gzi brjid 'bar ba yis/ /phreng ba 'khrug ba lha mo ltos/ /ma phug pas ni sbyor bral 'gyur/ /phug pas dga' ba ster ba po/ zhes bya ba ni dpe gsungs pa ste/ /dper na rin po che'i phreng pa rab tu 'od 'bar pa nyams dga' ba phreng ba ma rgyus pas ni bya ba mi byed pa/ phreng bar brgyus na bya ba thams cad rdzogs par byed pa ltar/ de ltar 'khor ba 'dod pa yi/ /yon tan lnga ldan rin chen nyid/ /ma dag pa ni dug du 'gyur/ /dag pa bdud rtsi lta bur 'gyur zhes bya ba gsungs te/ 'khor ba'i rang bzhin rnams ni dag pa'ang ma yin/ ma dag pa'ang ma yin te/ sgrub pa po rnams kyis bsam pa'i khyad par gyis/ /dug dang bdud rtsi lta bur gnas te/ de lta bas na 'khor bdug lta bu nyid bla ma'i bka' lung gis bdud rtsi lta bur mos pa byas na/ 'khor ba'i rnam pa he ru ka /'gro ba sgrol ba'i gtso bo nyid/ /gang gi gzugs kyis gyur pa nyid/ ces bya ba gsungs te/ srid pa nyid mya ngan las 'das pa'i rgyu 'di zhes pa'i don to/ /gzhan yang 'di ltar mos par bya ste/ snying rje spyan ni dmar po la/ byams pa'i thugs las yan lag

  267. 134a

    gnag /ces bya ba la sogs pa'i rtags rnams rnal 'byor pas mos par bya zhing gzhan dag la'ang bstan par bya zhes bya ba yin te/ 'di ltar rus pa bden pa bzhi po nyid ces bya ba la sogs pa la thug pas bstan pa yin te/ rang bzhin yon tan gyi dbang las pha dang ma'i phyogs kyis bsdus pa yin par drang ba dang nges pa'i don rig par bya'o/ /da ni sngags btu ba'i lugs ji lta ba rim par bdag med pas kye'i rdo rje la zhus pa/ sngags btu ba ni ji ltar 'gyur zhes bya ba la sogs pa zhus pa dang/ bcom ldan 'das kyis slar gsungs pa/ sngags ni khyod la ngas bshad kyis/ /lha mo shes rab chen mo nyon/ /zhes bya ba la 'di'i don rgyas pa ni/ rtsa ba'i rgyud 'bum phrag lnga pa nyid du rgyas par bstan pas// de la 'jug par bya'o/ /sngags rnams ji bzhin shes 'dod pas/ /slob dpon la ni phyag byas la/ /mchog tu dad pas gus btud de/ /sngags kyi de nyid gnang zhes zhu/ /de la bla ma skal chen pos/ /phyi rol skye bo med pa'i sar/ /lci ba gtsang mas legs byugs la/ /'dab brgyad dang ldan ge sar bcas/ /sgo bzhi rta babs bzhis brgyan pa/ ka ba brgyad dang yang dag ldan/ /kye'i rdo rje'i dkyil 'khor mchog /rdo rgyus kyis ni legs bris la/ /de rjes sde mtshan gnyis po dgod/ /dbus su kye rdor bdag med ldan/ /thod pa gri gug gzugs su bri/ /de yi 'dab ma dang po la/ /A li bcu drug mkhas pas bri/ /'dab ma gnyis pas ka sogs lnga/ /gsum par tsa sogs blo ldan pas/ /bzhi par Ta la sogs lnga bri/ /de bzhin lnga par ta sde lnga/ /'dab ma drug par chu yi tshogs/ /bdun par mthar gnas bri bya zhing/ /brgyad par dro pa'i bde ba bri/ /sgo bzhi po ru lcags kyu sogs/ /zhags pa la sogs bri bar bya/ /lha mo brgyad du legs bsam zhing/ /slob dpon rigs ma g.yon du bzhag /mchod pa'i bye brag sna tshogs

  268. 134b

    kyis/ /legs par mchod la gsang sngags btu/ /de nas slob ma'i skye bo mchog /shin tu gus pas len du gzhug /gzhan du rang dags len pa gang/ /'bras bu med cing de brlag 'gyur/ /dang por rnam par snang mdzad sbyin zhes bya ba ni oM mo/ uSh+ma rnams kyi bzhi pa zhes pa ni ha'o/ /puk+ka sis brgyan zhes pa ni u yis brgyan pa'o/ /stong pas mnan zhes pa ni de'i spyi bor thig les brgyan pa'o/ /mdog dkar mthang ni swAhA sbyar/ /'di ni bzlas pa 'bum gyis ni/ /'gro ba rtag tu rengs par byed/ ces bya ba ni sngon du bzlas pa yi ge grangs kyi 'bum/ /bla ma'i man ngag ltar bzlas la sbyin sreg bcu chas sngon du bsnyen pa byas na/ 'jig rten gsum po rengs par byed do/ /dang por yi ge'i bdag po bzhag /ces pa ni oM mo/ /rdo rjes mkha' spyod ma zhes pa ni aM do/ /mthar ni swAhA sbyar byas nas/ /sangs rgyas rnams kyang dbang du byed/ /ces pa ni man ngag gong ltar bzlas pas/ sangs rgyas kyang dbang du byed na/ skye 'gro phra mo rnams lta ci smos zhes bya'o/ /rig byed rnams kyi dang po sbyin zhes bya ba ni oM mo/ /dang po yi ni gnyis pa zhes pa ni ba'o/ /stong bcas zhes pa ni thig les brgyan pa'o/ /mthar swAhA sbyar/ /sangs rgyas kyang skrod shes rab can/ zhes pa ni skrod par byed pa'i sngags btu ba ste snga ma bzhin no/ /dang por rnam par snang mdzad sbyin zhes pa ni oM mo/ /gnyis pa yi ni gsum pa la zhes pa ni dza'o/ /ra dang ldan zhing zhes pa ni dza la ra yis brgyan pa'o/ /chu mas brgyan zhes pa ni/ /i yi brgyan pa'o/ /stong bcas zhes pa ni de'i steng du thig le brgyan pa'o/ /swAhAr yang dag ldan/ mi rnams kun la sdang bar byed/ /ces pa ni sdang bar byed pa'i sngags btu ba'o/ dang por yi ge'i dbang phyug bzhag ces pa ni oM mo/ /lnga pa nyid kyi gsum pa zhes pa ni ba'o/ /stong bcas shes pa ni de la thig le brgyan pa'o/ /mkha' 'gro ma dang ldan zhes pa ni de'i mthar u btags pa'o/ /mthar ni swAhA mngon spyod che/ zhes pa ni mngon spyod kyi yi ge bcu pa'o/ /yang ni yi

  269. 135a

    ge thu bo sbyin/ /zhes pa ni oM mo/ /hUM ni khrag dang 'dra ba yi/ /zhes pa ni de'i rjes su hUM bzhag pa'o/ /mthar ni swAhA zhes pa ni de'i rjes su swAhA sbyar bar bya ste bzlas na thig le mchog /dga' ba grangs ma sogs rtag tu 'gugs zhes gsungs te/ 'gugs byed kyi yi ge btu ba ste/ de cho ga bzhin du bzlas na/ lha'i bu mo thig le mchog ma lta buAng 'gugs par byed na mi mo gzhan lta smos kyang ci dgos/ /gti mug rig ni dang por sbyin zhes pa ni oM mo/ g+hu:ni yang dag rab tu sbyar/ zhes pa ni oM gyi rjes su g+hu:bzhag pa'o/ /mthar ni swAhA yang dag gnas/ /lha dang mi rnams gsod par byed/ ces pa ni g+hu'i mthar swAhA dang ldan par byas pa ni gsod par byed pa'i yi ge btu ba ste/ cho ga bzhin bzlas na/ sangs rgyas lta bu yang bkrongs par nus na/ 'jig rten gsum gyi lha dang mi phran tshegs gsod par 'gyur ba lta smos kyang ci dgos/ /dang por rnam par snang mdzad bzhag /ces pa ni oM mo/ /dang po nyid kyi dang po zhes pa ka'o/ /rdo rje mkha' 'gro ma dang sbyar/ zhes pa ni/ ka la 'og tu u btags pa'o/ /mthar gnas pa yi gnyis pa la zhes pa ni ra'o/ /rdo rje mkha' 'gro ma dang ldan/ zhes pa ni ra de la u gdags pa'o/ /yang ni dang po'i rtse mo la zhes pa ni ka'o/ /rdo rje mkha' 'gro ma dang ldan/ zhes pa ni de la u yig gdags pa'o/ /mthar gnas pa yi gsum pa la/ /zhes pa ni la'o/ /yang ni de nyid yang dag ldan/ /zhes pa ni la de nyid slar gdags pa'o/ / steng du chom rkun ma yis brgyan/ /zhes pa ni de la es steng du brgyan par bya'o/ /rdo rjes h+rI yis rnam par brgyan/ /zhes pa ni sngags de rnams kyi mthar h+rI:gzhag pa'o/ /mthar yang swAhA spyad pa nyid/ ces pa ni ku ru kul+le'i sngags btu ba'o/ /oM ni dang po bzhi pa yis/ /gsum pa zhes pa ni nga'o/ /chom rkun ma yis brgyan zhes pa ni de de la e yis brgyan pa'o/ /mthar gnas pa'i bzhi pa la zhes pa ni wa'o/ /pi tsu badzra spyar bar bya/ /zhes pa ni wa'i rje'u pi tsu badzra gdags pa'o/ /uSh+ma rnams kyi bzhi pa la zhes pa ni ha'o/ /puk+ka sIs ni rnam par

  270. 135b

    brgyan/ zhes pa ni ha de la a'u yis brgyan par bya ba'o/ /stong pas gnang cing sum 'gyur nyid/ ces pa ni ha de'i klad la thig les brgyan la de ltar brgyan pa'i hUM da nyid sum 'gyur du dgod pa'o/ /lnga pa yis ni gnyis pa dang/ zhes pa ni pha'o/ /gsum ba'i dang po ni Ta'o/ mthar swAhA zhes pa ni sngags kyi rkang pa de rnams kyi mthar swAhA sbyar bar bya zhes pa ste kye'i rdo rje'i snying po'i sngags btu ba'o/ /snang mdzad dang por dzwa la gnyis/ /zhes bya ba na dang por oM bkod la de'i rjes su dzwa la gnyis sbyar bar bya ba'o/ /lnga pa'i bzhi pa la zhes pa ni b+ha'o/ / mthar gnas rnams kyi dang pos ldan zhes pa ni b+ha de la ya gdags pa'o/ /g+hasma ri yis rnam par brgyan zhes pa ni de nyid la os brgyan par bya'o/ /uSh+ma rnams kyi bzhi pa'o zhes pa ni ha'o/ /rdo rje mkha' 'gro ma yis brgyan zhes pa ni/ uSh+ma'i zhabs su gdags ba'o/ /stong pas mnan cing zhes pa ni/ de'i steng du thig les mnan pa'o/ /sum 'gyur nyid ces bya ba ni/ yi ge de nyid gsum du dgod ba'o/ /lnga pa yi ni gnyis pa dang/ zhes pa ni pha'o/ /gsum pa'i dang po zhes pa ni Ta'o/ /mthar swAhA zhes pa ni de ltar brjod pa'i sngags kyi rkang pa de rnams kyi mthar swAhA sbyar bar bya ba ste/ phyag bzhi pa'i sngags btu ba'o/ /dang po rnam snang zhes pa ni oM mo/ /dang po'i dang po zhes pa ni ka'o/ /nang gi dkar mos brgyan zhes pa ni i yis brgyan pa'o/ /gsum pa yi ni dang po la/ / ces pa ni Ta yin la/ nang gi dkar pos rnam par brgyan/ zhes pa ni i yis de la brgyan pa'o/ /gnyis 'gyur zhes pa ni/ de lta bu nyid lan gnyis su bzlas pa'o/ /lnga pa yi ni gsum pa dang zhes pa ni ba'o/ /gnyis pa yi ni gsum pa zhes pa ni dza'o/ /me yis brgyan zhes pa ni dza de la ra gdags pa'o/ /hUM ni rnam pa gsum sbyar nas/ zhes pa ni sngags kyi rkang pa de dag gi 'og tu hUM rnam pa gsum sbyar? bar bya'o/ /lnga pa nyid kyi gnyis

  271. 136a

    dang/ zhes pa ni pha'o/ /gsum pa'i dang po zhes pa ni Ta'o/ /mthar swAhA zhes pa ni sngags kyi tshig de dag gi mthar swAhA sbyar bar bya ba ste/ phyag drug pa'i sngags btu ba'o/ /dang por rnam snang zhes pa ni oM mo/ /bzhi pa'i dang po zhes ni ta'o/ /byin za yang dag ldan zhes pa ni ta de la ra yig gdags pa'o/ /ro langs ma yis rnam par brgyan/ /zhes pa ni ta de nyid kyi steng du e yis brgyan par bya'o/ /mthar gnas rnams kyi gsum pa la zhes pa ni la'o/ /g+hasma rI yis rnam par brgyan zhes pa ni/ de yi rtse mor o yis brgyan pa'o/ /dang po yi ni dang po la zhes pa ni ka'o/ /mthar gnas pa'i dang po dang zhes pa ni ka la ya gdags pa'o/ /rdo rje ma yis rnam brgyan la/ /zhes pa ni de la a gdags pa'o/ /k+Sha ni tshem rkun ma yis brgyan zhes pa ni yi ge de la es brgyan pa'o/ /lnga pa nyid kyi dang po dang zhes pa ni pa'o/ /uSh+ma rnams kyi bzhi pa la zhes pa ni ha'o/ /rdo rje mkha' 'gro ma yis brgyan/ zhes pa ni ha la u gdags pa'o/ /stong pas mnan cing zhes pa ni/ de la steng du thig las brgyan pa'o/ /sum 'gyur de zhes pa ni yi ge de nyid gsum du dgod pa'o/ /phaT dang mthar ni swAhA nyid ces pa ni/ sngags rkang de dag gi mthar phaT dang swAhA sbyar bar bya ba ste/ phyag gnyis pa'i sngags btu ba'o/ /bdag med pa zhes pa a'o/ /dang po'i dang po zhes pa ni ka'o/ /gnyis pa nyid kyi dang po dang zhes pa ni ce'o/ /gsum pa nyid kyi dang po dang zhes pa ni Ta'o/ /bzhi pa yi ni dang po dang zhes pa ni ta'o/ /lnga pa yi ni dang po dang zhes pa ni pa'o/ /mthar gnas rnams kyi dang po dang zhes pa ni ya'o/ /uSh+ma rnams kyi dang po nyid ces pa ni sha'o/ /dang por rnam snang mthar swAhA/ zhes pa ni sngags kyi rkang pa de dag gi dang por oM sbyin pa dang/ mthar swAhA sbyar te yi ge'i grangs kyi 'bum bzlas shing/ sbyin sreg de la bcur dgos pa'i chas sregs te/ sngon du bsnyen pa byas na stug

  272. 136b

    lo bkod pa'i grong khyer sangs rgyas rnams kyi bzhugs gnas lta buAng 'khrug par byed na/ 'jig rten gsum gyi skye bo phal pa rnams kyi grong khyer 'khrug par 'gyur ba lta smos kyang ci dgos/ mthar gnas rnams kyi gnyis pa dang zhes pa ni ra'o/ /k+Sha yi rkang pa nyis 'gyur nyid ces pa ni yi ge de nyid gnyis su dgod pa'o/ /hUM gi rnam gsum dang ldan zhes pa ni de'i rjes su hUM gsum sbyar bar bya'o/ /dang por rnam snang phaT nyid kyis/ /rnam par nang bcug mthar swAhA/ zhes bya ba ni gong gi sngags kyi rkang pa de dag gi dang por oM sbyin zhing mdza' mar swAhA sbyar la/ de'i 'og tu phaT kyis ldan pas ni sa sbyang ba'i sngags btu ba'o/ /dang por rnam snang zhes pa ni oM mo/ /de rje su rdo rje ma'i zhes pa ni A:O/ /mdza' ru hUM zhes pa ni de'i rjes su hUM nyid sbyar ba'o/ /bza' btung byin gyis brlab pa'i zhes pa ni/ sku gsung thugs kyi yi ge gsum gyis bza' ba dang btung ba la byin gyis brlab par bya ba ste/ drang ba dang nges pa'i don gnyis su go bar bya'o/ /dang por rnam par snang mdzad nyid/ ces pa ni dang por oM dgod pa'o/ /de rjes a kA ro mu khaM zhes pa ni de rnams de'i rjes su sbyar bar bya'o/ / uSh+ma rnams kyi gsum pa dang zhes pa ni sa'o/ /mthar gnas rnam kyi bzhi ba ni zhes pa ni wa'o/ /steng du me yis rnam par brgyan zhes pa ni/ de'i steng du ra yis mnan pa'o/ /d+harmA NaM rjes rdo rje ma/ byin la zhes pa ni de'i rjes su d+harmA NAM sbyar la/ de nas As byin zhing tya nut pan+na na twAt zhes pa ni yang yi ge de rnams byin la/ de'i rjes su yang oM A:hUM phaT swAhA/ zhes pa ni 'byung po thams cad pa'i gtor ma'i sngags btu ba'o/ /de lta na cho ga de lta bu dang ldan pa'i sngags btus te bzlas pa byas na/ rgyud las gsungs pa bzhin dngos grub thob par 'gyur gzhan du ma yin zhes bya ba'i don to/ /kye'i rdo rje'i nges pa'i don gyi rgya cher bshad pa las/ sngags btu ba'i le'u yi rgya cher bshad pa ste dgu pa'o// //brgya byin mtshon cha dang mtshungs pa'i/ /rdo rje can la gus btud nas/ /sems can

  273. 137a

    rnams kyi lam blang phyir/ /bgrang phreng dbye bas rgyas par bstan/ /de nas chos kun sdom gcig pa/ /rdo rje sems dpa' zhes byas gsungs/ /bdag med ma la zhal sbyar nas/ /bzlas pa'i yul ni rab tu phye/ /zhes bya ba la kun rdzob tu rang bzhin ni yon tan gyi dbang gi rdo dang lcags thabs pa 'am/ shing gi shing la 'drud pa 'am/ chu shel zla ba'i 'od la bstan pa 'am/ me shel nyi ma'i 'od la bstan pas/ me 'byung ba la sogs pa ltar 'jig rten lta bu'i grub pa rnams ni/ rten cing 'brel bar 'byung ba las 'byung ngo zhes gsungs pas 'dir yang rgyud de ltar shes par bya'o/ /shel gyis rengs pa'i bzlas pa nyid/ /dbang la tsan dan dmar po nyid/ /lung tang gis ni mngon spyod dang/ /ni ra lus ni sdang ba la/ /zhes bya ba gsungs te/ skyes bu gang zhig gis rengs pa'i las bsgrub par 'dod pa des shel gyis bgrang phreng gis bzla bar bya zhing/ lte ba'i dkyil 'khor du zad par sa bsgom pa rnams kyis 'grub par 'gyur ro/ /skyes bu gang zhig dbang du byed par 'dod pa'i rnal 'byor la brtson pa des/ tsan dan dmar po'i bgrang phreng gis bzla bar bya zhing mgrin pa'i dkyil 'khor du zad par me'i ting nge 'dzin dang ldan pa rnams kyis 'grub par 'gyur ro/ /de bzhin du mngon spyod kyi las la brtson par 'dod pas lung tang gi zla bar bya zhing/ zad par sa nyid kyi ting nge 'dzin dang ldan par bya'o/ /sdang ba'i sbyor ba la brtson pa'i rnal 'byor pas mi ru sa kyi phreng bas bzla bar bya zhing/ de bzhin du zad pa ra sa nyid kyi ting nge 'dzin dang ldan par bya'o/ /skrod pa'i sbyor ba la brtson par 'dod pas rta'i rus pas bzla bar bya zhing/ /snying ka'i gnas su zad par rlung gis ting nge 'dzin dang ldan par bya'o/ /dgug pa'i sbyor ba la brtson par 'dod pas bram ze'i rus pas bzla bar bya zhing/

  274. 137b

    dpral bar zad par chu'i ting nge 'dzin dang ldan par bya'o/ /char dbab pa'i sbyor ba la brtson par 'dod pas glang po'i rus pas bzla bar bya zhing/ dpral bar zad par chu'i ting nge 'dzin dang ldan par bya'o/ /gsod pa'i sbyor ba la brtson par 'dod pas/ ma he'i rus pas bzla bar bya zhing/ gtsug tor gyi gnas su zad par nam mkha' i ting nge 'dzin dang ldan par bya'o/ /de bzhin du rengs pa'i sbyor ba la lus mkhreng pa nyid kyi phyir 'o mas spyad par bya'o/ /dbang la rang gi mdun las spyad ces gsungs so/ / 'o ma la sogs pa gang ci yang rung ba dang ji ltar 'dod pa bzhin spyad par bya'o/ /gsad pa la ni sihla nyid/ ces gsungs te/ gsad pa'i sbyor ba la sihla 'am khrag spyad par bya'o/ /de bzhin du dgug pa la gzhi mnyam zhes bya ba dang/ de bzhin du sdang ba la sA li dza zhes bya ba dang/ bskrad pa la ri dags kyi lte ba zhes spyad par bya'o/ /yang na mdza' i sha zhes bya ba rta'i sha dang/ dang po'i sha zhes bya ba khyi sha dang/ na dang po dang zhes bya ba mi sha dang/ ga dang po dang zhes bya ba ldang gi sha dang/ ha dang po nyid kyang zhes bya ba glang po che'i sha la sogs pa ci rigs par spyad ces ba'i don to/ /kye'i rdo rje'i nges pa'i don gyi rgya cher bshad pa las/ bzlas pa'i yul gyi le'u yi rgya cher bshad pa ste bcu pa'o// //sems can thams cad phan bya'i phyir/ /sangs rgyas don la sbyor mdzad pa/ /kye'i rdo rje la phyag 'tshal nas/ /lhan cig skyes sbyor rgyas bshad bri/ /kye rdo rje la dam 'khyud cing/ /tshems kyi ma mchu btsir nas ni/ /lus can rnams kyi rigs kyi gzugs/ /de la bdag med mas zhus pas/ zhes bya ba la sogs pa la bdag med mas bcom ldan 'das kye'i rdo rje la/ /bde ba chen po'i phul du phyin pa'i mchod pas legs par mchod de/ kun rdzob tu rang bzhin yon tan gyi dbang gis/ lus can rnams kyi rigs kyi

  275. 138a

    mtshan ma ji ltar mtshon par bgyi zhes zhus pa'i don te/ de la slar zhing bdag med ma la bka' stsal pa/ b+ha gar ling ga bzhag nas ni/ 'khor lo'i gtso bos 'di skad gsungs/ zhes bya ba la sogs pa gsungs te/ 'di ltar lus can rang gi rigs bshad kyis/ /shes rab pha rol phyin ma nyon/ /zhes bya ba gsungs te/ kun rdzob tu rang bzhin dang yon tan gyi dbang gis gang gi rigs kyi mtshan ma gang yin pa de/ lha mo khyod la bshad kyis/ kye lha mo gus bas legs par nyon cig ces pa'i don to/ /bud med dam ni skyes pa yi/ /gang gis srin lag rtsa ba la/ /rdo rje rtse dgu par gyur pa/ /mi bskyod pa yi rigs mchog nyid/ /ces bya ba la skyes bu 'am bud med gang gi srin lag gi rtsa ba'i tshigs na re khA gnas pa na rdo rje rtse dgu pa lta bu yod pa ni mi bskyod pa'i rigs su byin gyis rlab ste/ rang bzhin yon tan gyi dbang gis mi de la mdog kyang nag por gnas pa ste/ bsad pa 'grub po/ /rnam snang mdzad kyi 'khor lor 'gyur/ zhes bya ba ni de bzhin du gang la 'khor lo dkar po rtsibs brgyad pa lta bu'i ra khA gnas pa ni/ rnam par snang mdzad kyis byin gyis brlabs pa ste/ rang bzhin yon tan dbang gis mi de'i mdog kyang dkar por gnas te/ zhib 'grub po/ /dpag med 'od kyi 'dam skyes nyid/ ces bya ba ni de bzhin du gang la pad+ma dmar po 'dab ma brgyad pa lta bu'i re khA gnas pa ni/ 'od dpag tu med pas byin gyis brlabs pa ste/ rang bzhin yon tan dbang gis mi de'i mdog kyang dkar dmar du gnas te/ 'gugs pa 'grub po/ /rin chen 'byung gi rin chen nyid/ ces pa ni de bzhin du gang la rin po che zung brgyad pa ser po'i re khA lta bur gnas pa ni/ rin chen 'byung ldan gyis byin gyis brlab pa ste rang bzhin yon tan dbang gis mi de mdog ser por gnas te/ rengs pa la sogs pa'i las 'grub po/ /las kyi rigs kyi ral

  276. 138b

    gri nyid/ ces bya ba ni de bzhin du gang la ral gri lta bu'i re khA sngo bsangs gnas pa ni/ don yod grub pas byin gyis brlabs pa ste/ rang bzhin yon tan dbang gis mi de'i mdog kyang sngo bsangs su gnas te bskrad pa la sogs pa'i las grub bo/ /rnal 'byor pa gang dkar dang ser/ /de ni sems pa'i rigs su 'gyur/ zhes bya ba ni de bzhin du gang la mdog dkar ser ni rdo rje sems dpas byin gyis brlabs pa ste/ las thams cad 'grub par 'gyur ro/ /skye bo rnal 'byor mthar byin pas/ /nga rgyal mi bcag mtho mi brtsam/ / kun rdzob gzugs su gnas nas ni/ de rnams bde gshegs rigs su 'gyur/ zhes bya ba ni tshul de ltar na skyes bu dang mi mo 'di dag thams cad kyang rgyal ba rigs lnga dang drug la sogs pas byin gyis brlabs pa yin pa'i phyir/ phan tshun du zho 'gras pa dang/ sdang bar mi bya ste/ thams cad dpa' bo rnams kyis rang bzhin gyi yon tan dang ldan par the tshom med pa'o/ /bsdus pa'i rgyud 'di nyid las kyang ji skad du/ sems can gnod pa tsam gyis ni/ /phyag rgya'i dngos grub thob mi 'gyur zhes bya ba gsungs so/ /gzhan yang rdo rje'i rigs ni gtsug tor ro/ /snang mdzad rigs ni dpral bar ro/ /rin chen rigs ni mgrin par ro/ /don yod rigs ni snying ka'o/ /rin chen rigs ni lte ba'o/ /sems dpa' i rigs ni gsang ba'o/ /de bzhin du snying kha'i pad+ma 'dab ma brgyad las/ shar ni don yod rigs so/ /lho ni rin chen rigs so/ /nub tu ni rnam snang rigs so/ /byang du ni dpag med rigs so/ /dbus su ni mi bskyod rigs so/ /de bzhin du a ni dbus su'o/ /i ni shar du'o/ /ri ni lhor ro/ /li ni nub tu'o/ /u ni byang du'o/ /gzhan yang rlung ni shar du'o/ /me ni lho'o/ /sa ni nub bo/ /chu ni byang ngo/ /nam mkha' dbus su rig par bya'o/ /bud med rnams kyi mtshan nyid 'di/ /ji ltar skyes pa de bzhin no/ /zhes bya ba la ji ltar skyes pa rnams la bltos nas dpa' bo rnams kyi mtshan ma dang kha dog ji lta ba de lta bur bud med rnams kyi bstan par bya'o

  277. 139a

    de bas de'i phyir skyes ba 'am bud med gang la las kyi phyag rgya dngos grub par 'dod pa rnam pa dang rtags dang mtshan ma grang bstan pa de dag rig par byas la gzung bar bya ba ni de bzhin gshegs pa'i gdams ngag go /kun rdzob tha snyad tshul las ni/ /de'i rigs suAng de 'gyur ro/ /zhes pa ni kun rdzob tu rang bzhin dang/ yon tan gyi dbang gis gang dang gang la de dang de'i rigs su gzung bas 'grub par 'gyur ro/ /b+ha ga ling ga 'o mdzad nas/ /de la rdo rje che mnyes nas/ /bdag med ma'i go mdzad pa/ lha mo rab tu mchod pa nyon/ /zhes bya ba ni gong du bstan pa'i phan tshun gyi rigs de 'dra ba gcig gis gcig rtogs par byas la phyag rgya chen po'i gnas mchog btsal bar bya bar stan par bya yis nyon cig ces bya ba'i don to/ /lha mo 'dod pa'i dngos grub thams cad b+ha ga dang ling ga mnyam par sbyar ba'i cho ga las byung bas b+ha ga dang ling ga'i cho ga'i thabs kyi sbyor ba la mkhas par bya'o/ /zhes rtsa ba'i rgyud las kyang gsungs so/ /gzhan yang de nyid las ji skad du/ sems can rnams kyi rang bzhin ni/ /ji lta ji ltar 'dul 'gyur ba/ /de lta de ltar sems can don/ /'dod chags la sogs rnam dag bya/ /zhes pa dang/ gzhan yang sems can rnams la phan phyir dang/ /sangs rgyas rnams kyi bstan pa'i phyir/ /sems can thams cad bsad kyang ni/ /sdig gis gos par mi 'gyur ro/ /zhes pa dang/ 'dod chags 'dra ba'i bde ba med/ /rgyal ba la ni de phul la/ /gzhan gyi chung ma sems can phyir/ /bstan pas bsod nams thob par 'gyur/ zhes bya ba la sogs pa rgya cher gsungs so/ /de bas na rigs dang ldan pa'i btsun mo la lhan cig skyes pa'i ye shes btsal bar bya ba'i phyir/ 'khrig thabs kyi sbyor ba rnams kyang bya ste/ tshal dang skye bo mi gnas dang/ bdag gi khyim gyi nang du yang/ /gcer bu phyag rgya che byas nas/ /rnal 'byor rig pas rtag tu mchod/ ces bya ba ste/ gnas 'di rnams su bsten la nam ye shes ma

  278. 139b

    skyes pa de srid du bsten par bya ste spros pa dang bcas pa'i spyod pas so/ /gzhan du na ma dang ldan pa brgyad spangs la/ /zas dang gos sogs bltos med par/ /rang gi khyim 'am gzhan pa ru/ /ye shes 'di ni brtag par dmigs/ /zhes bya ba rtsa ba'i rgyud las gsungs pa don khong du chud par bya'o/ /gzhan chags pa'i bstan bcos kyi mtshan nyid/ 'o dang 'khyud pa byas nas ni zhes pa nas/ steng dang 'og tu blta ba nyid/ /ces pa la sogs pa tshigs su bcad pa phyed dang gsum gyi don rgyas pa 'dod pa'i bstan bcos mU le'i tshul du bya ba yin la/ mthar thug pa med pas 'dir ma smos so/ /dpa' bo dang dpa' mo'i dbang phyug ma rnams la bzod par gsol lo/ /dngos grub rgyas pa thob pa ste/ /sangs rgyas kun dang mnyam par 'gyur/ /de ru ga pur btung bar bya/ /zhes bya ba ni rdo rje'i rigs la sogs pa'i btsun mo gang yin pa de rnams la brten pas dri ma med pa'i ga bur btung bar bya'o/ /dri ma dang bcas pas ma yin te/ des dngos grub med do/ /zhes bya ba'i don to/ /de la ga pur rgyu yi phyir/ /sha ni bza' ba nyid du bya/ /khyad par du yang chang nyid do/ /ces bya ba ni dri ma med pa'i ga pur kun tu bskyed par bya ba'i phyir sha thams cad dang chang thams cad dang/ sbyang ba dang/ rtogs par bya ba dang/ spar ba dang/ bdud rtsir byas la spyad de/ des ga pur rgyas par 'gyur/ zhes pa'i don to/ /kye'i rdo rje'i nges pa'i don gyi rgya cher bshad pa las/ lhan cig skyes pa'i le'u yi rgya cher bshad pa ste/ bcu gcig pa'o// //yod min med min yod med min/ /mu bzhi las grol bdag phyag 'tshal/ /bzhi po'i rgyas par bshad pa ni/ /rdo rje snying pos 'bad de bri/ /de nas rdo rje can gyi dbang bzhi'i don nyid bka' stsal pa/ zhes bya ba la sogs pa gsungs te/ don 'di yang rtsa ba'i rgyud 'bum phrag lnga pa nyid na gsal bas de la 'ju bar bya'o/ /'jig rten 'jig rten 'das dbye bas/ /dbang ni rnam pa gnyis su brjod//

  279. 140a

    'dod pa'i 'bras bu rnam pa gnyis/ /bzhi 'di las ni 'byung bar bshad/ /sku gsung thugs su phye ba las/ /bum pa gsang ba zhes bya dang/ shes rab ye shes zhes bya ba/ /mngon par dbang bskur gsum du bstan/ /sku gsung thugs dang ye shes phyir/ mngon par dbang bskur rnam pa bzhi/ /bum pa gsang ba shes rab dang/ /ye shes dbang dang bzhi ru bshad/ ces gsungs so/ /de bas na bdun dang bcu dang bcu gcig sogs/ dang po sangs rgyas rgyud chen dang/ /'bum phrag lnga sogs rgyud chen rnams/ /gang yin der bstan 'dir bsdus tsam/ /de bas na dbang bzhi dang bcu gcig la sogs pa'i go rims dang dgos pa dang rnam par dag pa rnams rgyud chen po de dag na gsal la/ 'dir ni don mdor bsdus te bstan pa tsam yin pas de dag rtogs par bya'o de la bzhi pa zhes bya ba ni drang ba dang nges pas 'jig rten pa dang 'jig rten las 'das pa gnyis ka la yod la/ gsung 'di ni nges pa'i don 'jig rten las 'das pa'i dbang bcu gcig pa la bzhi pa zhes gsungs te/ rgyud 'di nyid las de ltar thams cad bzhi bzhi'o/ /zhes gsungs pa'i phyir ro/ /rdo rje rab gnas rdo rje nyid/ /che dang dril bu chen po zung/ /de ring rdo rje slob dpon 'gyur/ /slob ma bsdu ba nyid du gyis/ /zhes pa ni rtsa ba'i rgyud na gsal bas de la 'jug par bya'o/ /ji skad du/ stong nyid snying rjes khyod byin brlabs stong pa snying rje rgyud mi 'chad/ /rdo rje dril bu mtshan mar bzung/ /ji ltar de ltar gzhan la bstan/ /khyod ni yongs rdzogs slob dpon te/ /gnas brtan rgan po'ang khyod nyid yin/ /khyod ni gsil 'gyur rnyog pa med/ /dge slong dgra bcom zag pa zad/ /'dzag pa'i 'dod chags rab spangs pas/ /khyod kyi zug rngu ma lus bton/ /gzhan la phan pa'i gang zag mchog /khyod ni mngon sum sangs rgyas sras/ /zhes gsungs pa las don rtogs par bya'o/ /ji ltar 'das pa'i sangs rgyas kyis/ /byang chub sras rnams dbang bskur ltar

  280. 140b

    bdag gis gsang chen dbang gis ni/ /khyod kyis sems rgyun dbang bskur to/ /zhes bya ba ni ji ltar 'das pa'i sangs rgyas thams cad kyis sras byang chub sems dpa' rnams la sangs rgyas rnams kyis gsang chen bzhi pas dbang bskur ba ltar/ bu khyod kyi sems kyi rgyud rdo rje lta bur dbang bskur to/ /zhes bya ba'i don to/ /lha mo dga' ster gnas ster ma/ /sna tshogs gzugs can yid 'ong ma/ /khyer cig khyer cig sems dpa' che/ /khyer la mchod pa dag tu byos/ /zhes bya ba la dga' ster gnas ster ni rang gi rig pa'i stong pa nyid do/ /sna tshogs ni stong pa nyid kyi rdo rje'i lam 'di la gnas nas gzugs sna tshogs dang/ sgra skad sna tshogs pa yid du 'ong bas chos ston pas so/ /khyer cig ces pa ni de yid la zung zhig pa'o/ /mchod pa gyis zhes pa ni de'i dbang gis bdag med rigs ldan ma ni chen dri chu la sogs pa 'byung ba med pas mchod pa'o/ /ye shes 'di ni che phra zhes pa ni byis pa'i skye bo dbang po gnyis kyi bde ba 'ba' shig la chags pa rnams kyis rtogs par dka' ste/ dper na rdo rje nam mkha' i dkyil dang mtshungs zhes bya ba nam mkha' dbyibs dang rdzas dang bral ba rtogs par dka' bzhin no/ /'dzag pa la sogs pa'i nyon mongs pa'i dri ma'i rdul bsal te/ zhi ba'i go 'phang stsol bas/ rdul phral mthar phyin zhi ba nyid do/ /rang gis rang gi sems so sor rtog pa'i mdza' las byung bas na/ khyod nyid kyang ni de yi tha zhes bya'o/ /rdo rje dang pad+ma byin gyis brlabs pa ni/ tha mal pa'i b+ha ga dang ling ga dag mi shig pa'i rang bzhin du byin gyis brlabs pa ste/ rgyang ma dang ro ma dag mi shigs pa kun spangs pa'i lam du byin gyis brlabs pa'o/ /oM ni dbugs sdud pa'o/ /pad+ma su kha d+hAr ma hA rA ga su kha da ta/ zhes pa ni 'dzag pa'i rang bzhin gyis mi gos pa ster ba'i phyir ro/ /tsa tu rA nanda bAg bi shwa hUM hUM hUM k+Sha ra yaM ku ru Shwa me/ dri ma med pa'i dga' bzhi'i dbang gis 'gro ba thams cad la dag sna tshogs pa'i chos kyi 'khor lo ston nus pa'i phyir ro/ /

  281. 141a

    oM badzra mahA dwa Sha tsa tu rA nanda dA ya ka /zhes pa ni tha mal pa'i zhe sdang bcom nas zhe sdang rdo rje chen por dga' ba bzhi'i don ston pas so/ /kha ga mu khai ka rA so nA tha hUM hUM hUM kA ra yaM ku ru Shwa me/ zhes pa ni gang pa thams cad kyi dga' ? ba nam mkha' la 'gro ba'i gdon can 'dus shing ro gcig pas/ srid pa gsum gyi mgon dang/ skyabs su 'gyur ba'i phyir/ bdag la bya ba mdzod ces pa'i phyir ro/ /spyi bor oM gyi rnam pa zhes pa ni sku'i rdo rje ste zla ba rgyu ba'i rtsa'o/ /snying khar hUM gi rnam pa zhes pa ni thugs kyi rdo rje ste sgra gcan 'dzin rgyu ba'i rtsa'o/ /ze 'bru la A(rgyud 'grel): rnam pa zhes pa ni/ gsung gi rdo rje nyi ma rgyu ba'i rtsa'o/ /de ltar thams cad sku gsung thugs su bsdu ba'i phyir gzhan la las don btsal bar mi byed par ston pa'o/ /rigs byed chu dang me tog dur ba'i rtsa/ /bram zes spyi blugs sangs rgyas pas mi 'byung/ /dbang bskur sngags sogs nyams kyis 'jig dogs pas/ /gnas ngan la sogs rigs la'ang btung mi bya/ /kye'i rdor 'bum lnga'i bdag nyid dang/ /mchog gi dang po'i rgyud chen dang/ /rgyud 'bum mngon brjod la sogs pa'i/ /don bshad rdo rje snying pos bri/ /'di bshad phal cher rtsa ba yi/ /so sor bshad pas rgyud 'di yang/ /brtag pa gang dang gang bstan pa/ /de dang de yis gsal bar bstan/ /nyan thos skye bo rnams la nges 'di yongs ma bstan/ /de bzhin rang rgyal phyir min mu stegs can la'ang? min/ /ma rungs rgyal po ngan dang gsang chen smod la 'ang min/ /rgyal sras bla ma smod la 'di ma bstan/ /gsang ba mchog la rab mos shing/ /mnga' bdag bla ma la gus la/ /rang gi de nyid sbas shes na/ /gang yin de la bstan gyis bstan/ /sa bcu pa yi? dbang phyug mchog /dpal ldan rdo rje snying po nga/ /dpa' bo dpa' mos legs bskul nas/ /rnal 'byor lam blang phyir 'di bshad/ /rnyed dka' dpal ldan kye yi rdo rje rin po che/ /'bum phrag lnga pa rtsa brgyud las 'di legs par bsdus/ /de 'grel nges de?

  282. 141b

    rgya cher bshad pa zhes bya ba/ /legs bris dge ba dri med gang phob de yis ni/ /kye rdor gsang ba legs rtogs dam tshig yongs ldan zhing/ /'di ston bla ma'i rjes 'brangs rdo rje spun la sogs/ /phan tshun legs par smra zhing khon du mi 'dzin dang/ /dam tshig rdo rjes gled slong? ngal gyis gnas par shog /ma rungs dam 'bral ngan pa'i las byed cing/ /rnal 'byor ched du mi gnyer skye bo gang/ /de dag mi 'brogs de yis mi mthong dang/ /rang sdug bla ma rdo rje mchod par shog /rtsod ldan dus su gsang chen ston byed dang/ /mu stegs skye bo ngan pa'i lta 'joms shing// gang de'i lta ba dbyings nas 'don byed pa'i/ /de dag 'dul ba'i ded dpon de byed shog /rnam par bshad pa 'di las gzhan pa'i/ /bshad pa de kho na ma mthong ba'i skye bo 'dod rgyal rnams kyis/ byas pa la yid brtan par mi bya yi/ 'di dang 'di lta bu'i 'grel pa rtsa ba'i rgyud mdza' dag gi nges pa dang/ drang ba legs par gtan la 'bebs pa la/ yid brtan de la gnas par bya'o/ /kye'i rdo rje'i nges pa'i don gyi rgya cher bshad pa las/ sa bcu'i dbang phyug chen po byang chub sems dpa' rdo rje snying pos mdzad pa rdzogs so// // rgya gar gyi mkhan po bla ma chen po mai tri zhabs la/ bod kyi lo tsA ba 'bro dge slong shes rab grags pas mang du gsol ba btab nas/ legs par bsnyen te bsgyur ba'o// //kye'i rdo rje'i bsdus pa'i rgyud kyi rgya cher bshad pa/ byang chub sems dpa' rdo rje snying pos mdzad pa/ rnyed par dka' ba 'di sngon de kho na nyid kyi le'u yan chad kyi 'grel pa las ma 'gyur ba las/ slad kyi bal po'i yul gyi grong khyer chen po rol pa zhes bya ba nas/ 'bro dge slong lo tsa bas/ paN+Di ta mai tri zhabs la rnyed de/ bod yul du dpe spyan drangs nas/ dge slong rnal 'byor spyod pa dbang phyug grags pas gsol ba btab ste bsgyur ba'o/ /rgya gar yul du dka' las cher mdzad/ dge shes lo tsA ba la/ yul dbus su byon nas/ bdag gis gsol ba btab nas/ dka' las bgyis te byang chub sems dpa' 'grel pa bsgyur/ zhal

  283. 142a

    do che nas nyid la brdzangs pa lags te dgyes par dgongs// // */ (/kye'i rdo rje'i rgyud kyi 'grel pa pad+ma can zhes bya ba bzhugs so/) // */ /rgya gar skad du/ he badzra tan+t+ra pany+dzi kA pad+ma ni nA ma/ bod skad du / kye'i rdo rje'i rgyud kyi dka' 'brel pad+ma can zhes bya ba/ ngag gi dbang phyug 'jam dpal gzhon nur gyur pa la phyag 'tshal lo/ /rdo rje sems dpa' dpal dang ldan/ /mkha' 'gro ma yis 'khor lo bsgyur/ /ye shes lnga dang sku gsum phyir/ /'gro ba skyob la phyag 'tshal lo/ /ji snyed rdo rje mkha' 'gro rnams/ /kun tu rtog pa'i 'chid gcod pa/ /'jig rten don du rab 'jug rnams/ /do snyad pa la rtag phyag 'tshal/ /lhan cig skyes pa mdzes dga' ba/ /bdag med yang dag ldan pa'i dpal/ /shes rab thabs gcig la btud de/ /de dang de nyid bshad par bya/ /'di skad bdag gis zhes bya ba la sogs pa la/ 'di skad ces bya ba ni don ji lta ba bzhin du sdud par byed pa'o/ /bdag gis zhes pa ni bdag nyid kyis thos pa'o/ /dus gcig na zhes pa ni gang gi tshe bzhugs pa'o/ /gang du zhe na/ de bzhin gshegs pa thams cad kyi sku dang gsung dang thugs rdo rje'i btsun mo la ste/ brten pa'i dkyil 'khor de'i bdag nyid do/ /rten gyi dkyil 'khor yang b+ha ga la ste/ de'i dbus kyi gzhal yas khang du'o/ /phyi dang gsang ba de bzhin nyid don rnam pa bzhi/ dkyil 'khor las kyi phyag rgya dang/ /lus dang rang bzhin med rnams so/ /thos pa ni btsun mo'i b+ha ga la 'dzag pa'o/ /bi ni rnam pa sna tshogs so/ /dza ha ra ni 'phrog par byed pa ste/ /'di skad bdag gis zhes bya ba ni tshul de lta bus so/ /yang na 'di skad bdag gis thos pa zhes pa ni/ 'khor lo bzhir 'dzag pa ste/ 'di rnams la bzhugs pa'o/ /yang na 'di skad ni yang dag par sbyor ba la'o/ /bdag gis ni bdag tu 'dzin pa'o/ /thos pa ni 'jig pa'o/ /dus gcig na zhes pa ni thams cad kyi thun mong ma yin pa'i skad cig la'o/ /yang na 'di skad bdag gis ni/ tshangs pa'i gnas bzhi las so/ /thos pa ni byung ba'o/ /bcom

  284. 142b

    ldan 'das ni bde ba chen po'i bdag nyid do/ /de bzhin gshegs pa thams cad kyi sku dang gsung dang thugs rdo rje btsun mo'i b+ha ga la bzhugs zhes pa ni stong pa nyid kyi ste 'di ni bsgrub par bya'o/ /der bcom ldan 'das kyis bka' stsal pa zhes pa ni gnas der ro/ /yang na skal pa dang ldan pa gzigs te longs spyod rdzogs pa'i sku'i bdag nyid kyis bka' stsal pa ni bod pa'o/ /de bzhin gshegs pa thams cad kyi gsang ba gsum gyi snying po ni snying po ni snying po ste rdo rje sems dpa' o/ de nyid kyi gsang ba'i yang gsad ba'i snying po nyid do/ /sku gsum gyi bdag nyid de bzhin gshegs pa thams cad kyi snying po rdo rje'i snying po ste/ 'bras bu nyid ces bya ba bka' stsal pa'o/ /rdo rje sems dpa' i khyad par du byed pa dang/ khyad par du bya ba gsungs pas sku gsum po zhus pa ni rdo rje sems dpa' zhes pa'o/ /shes rab 'di yis zhes bya ba 'di'i bshad pa ni rigs pas zhes bya ba ste/ chos kyi sku'o/ /yang na nges par 'byed pa 'dis shes rab dang rigs pa ni snying rje dang sbyar pas zhes so/ /chen po zhes bya ba ni byang chub sems dpa' ste/ de rnams kyi rtogs par bya ba'i phyir shes rab dang thabs kyi bdag nyid kyi ye shes so/ /de la ? rnams kyis yongs su gang ba ni longs spyod rdzogs pa'i sku'o/ /dam tshig ni yang dag par 'gro bar byed cing thob par byed pa ste/ gdul bya rnams kyi don gyi phyir rab tu 'jug pa nyid kyis dam tshig sems dbang ni sprul pa'i sku'o/ /bsgrub bya'i don zhus pa ni he badzra zhes bya ba ste/ thabs bde bas sems can rnams skyob par byed pas snying rje chen po 'am/ yang na mahA kaM zhes bya ba ste mahA ni chen po'o/ /ka ni bde ba ste bde ba chen pos bsdus pas zhes bya ba'o/ /de bas na shes rab dang thabs kyi bdag nyid kyi rgyud ces pa rgyud ni gnyis su med pa'i bdag nyid kyi sbyor ba'o/ /rgyud ces bya ba ni ? par bya ba ste/ gang bshad kyis nyon ces pa ni zung zhig pa ste/ de nyid ni lta stangs dgug dang bde chen po nus pa zhes pa ste/ de yang gang zhe na/ rengs dang bskrad pa nyid dang ni zhes bya ba la sogs pa'o/ /de bzhin du rnal 'byor ma rnams bskyed pa dang

  285. 143a

    ni gnas pa'i rgyu'o/ /mthu zhes pha ni mthu'i rdzu 'phrul lo/ /ye shes ni de kho na nyid do/ /rnam par shes pa ni rdo rje ma la sogs pa'o/ /lha rnams zhes pa ni phyag gnyis pa la sogs pa'i rgyud do/ /dang por zhes bya ba ni rgyud kyi dang por/ /gcig ces bya ba ni gnyis su med pa'o/ /he ru ka lnga yin la bskyed pa'i rgyu yang yin pas he ru ka ni bskyed pa'i rgyu zhes so/ /dngos po nyid kyis zhes pa ni/ 'dir yang dag pa nyid du bsams pas sems can rnams 'grol te gzhan du ma yin no/ /dngos po'i 'ching bas bcings pa'o/ /zhes pa ni de la chags pas so/ /dngos med yongs su shes pa yin/ zhes pa ni gnyis su med pa'i ye shes kyis te grol bar 'gyur ro/ /de bzhin zhes pa ni gsungs pa'i rim pas so/ /he ru ka bsgoms bya zhes pa yongs su shes pas bsgom par bya'o/ /dngos med ces pa ni rang bzhin med par gyur pa ste/ de'i phyir dang por dngos po bsgom par bya'o/ /dngos po med pa nyid yongs su shes par bya ba yin te/ dngos po dang dngos po med pa dang bral ba dngos po dang dngos po med pa'i rang bzhin he ru ka bsgom par bya'o/ /gang du bsgom par bya zhe na/ ye shes chen po lus la gnas zhes bya ba gsungs te/ ye shes chen po ni bde ba chen po'i ye shes so/ /kun tu rtog pa thams cad spangs zhes bya ba ni dmigs pa med pa'i ye shes kyi rang bzhin no/ /dngos po thams cad khyab byed pa zhes pa ni 'joms par byed pas so/ /gnas kyang lus kyis bskyed pa min zhes yin lus la nye bar brtags par bya ba yin yang lus las ma skyes pa'o/ /khyab par byed cing skye ba med pa dang 'gag pa med pa la sogs pa nyid yin no/ /lus la ji ltar nye bar rtag par bya snyam pa'i sgo nas/ zhus pa ni/ kye bcom ldan 'das zhes bya'o/ /bsgrub bya so sor rtog par bya ba'i phyir de rnams zhes pa ste/ thabs dang shes rab nyis po dag /dbyer med pa nyid kyis rtsa 'di rnams kyi gtso bo ni gsum mo/ /gcig ni bya ba'i dbye bas mi phyed ma la sogs pa'i dbye ba ste/ rdo rje gsum dbyer med pa nyid kyis der mi phyed mar rab tu grags so/ /skra'i rtse mo la sogs pa'i

  286. 143b

    dbye bas de nyid phra gzugs ma zhes bya bar sbyar ro/ /bems pos bsdus pas na de gzugs can ma'o/ /gang gi phyir lus a gnas pas na bzang mo'o/ /g.yon phyogs su brten pas na/ g.yon pa ma'o/ zlum po nyid kyis ni mi thung ma'o/ /ru sbal gyi gzugs nyid kyis ru sbal skyes so/ /srid pa bsgom pas na bsgom pa ma'o/ /dbang bskur ba sbyin par byed pas na dbang bskur ma'o/ /nyon mongs pa sun 'byin par byed pas na bskyod ma'o/ /lus bskyod par byed pas 'di rnam par gnas pa ma'o/ /skyed par byed pa nyid kyi sam ma'o/ /thams cad du song ba nyid kyis mtshan ma'o/ /zhi ba nyid kyis na bsil sbyin mar bshad do/ /tshim pa med pa'i ngo bo nyid kyis la la nA'o/ /gzugs med pas a ba d+hU tI'o/ /ro ster bar byed pa sa ra sa nA'o/ /zla ba lta bus na ched ma'o/ /mun pa chen po lta bus na nag mo'o/ /spyi ma ni mnyam pa'i dngos pos so/ /gang gi phyir rgyu thams cad sbyin par byed pas rgyu sbyin ma'o// sbyor ba thams cad med pas de sbyor bral ma'o/ /dga' byed ma ni dga' bas bsdus pas so/ /dngos grub ma ni dngos grub sbyin par byed pas so/ /ma ma ni nyon mongs pa bsregs pas so/ /yid bzangs ma ni shes rab kyi lha mo'o/ /gsum 'jug ma ni rnam pa gsum gyis 'jug ma ni rnam pa gsum gyis 'jug par byed pa'o/ /'dod pa'i yon tan thams cad dang ldan pas de la 'dod byed ma zhes gsungs so/ /de khyim gyi bdag mo yin pas khyim ma'o/ /gtum pa'i las byed pas na gtum byed ma'o/ /de nyid bdud 'joms par byed pas na bdud 'dral ma'o/ /'di dag ni 'og nas 'chad par 'gyur ro/ /srid pa gsum zhes pa ni sku gsum gyis rang bzhin te/ rtsa gsum gyi gzugs kyis so/ /yongs su gyur pas zhes pas ni sum cu rtsa gnyis po 'di dag go /don dam pa las ni a ba d+hU tI'i rang bzhin te/ de bas na gzud ba dang 'dzin pa spangs pa'o/ /yang na thams cad kyis mkhas kyi dngos po'i mtshan nyid kyis brjod do/ /zhes pa ni rnal 'byor ma bco lnga'i gzugs kyis ni 'di dag thams cad bsgom pa'i thabs kyis mtshan nyid kyis gsungs pa'o/ /de dang de nyid bde ba chen po'i rdo rjes chos thams cad gcig tu bsdoms pas sdom pa 'am/ bde ba chen po'i chog gis dbye bas bshad par bya

  287. 144a

    ni dbye ba'i mtshan nyid do/ /A li kA li nyid thabs dang shes rab dag ste/ de dag kyang la la nA dang ra sa nA 'am/ yang na tsaN+Da lI dang/ gzhom du med pa dag go /chos la sogs pa ji ltar rigs par sku la sogs pa gnas rnams ni de dang de nyid du'o/ /sngar gsungs pa bshad pa ni e baM zhes bya ba la sogs pa ste/ go rims ji lta bar sprul pa la sogs pa'o/ /de nyid gsungs pa'i 'khor lo zhes pa ni 'og ma dang yang sbyar to/ /bya rog gi mig bzhin no/ /rnam pa sna tshogs zhes bya ba la sogs pa la/ de'i bshad par 'gyur ba ni/ rnam pa sna tshogs pa zhes bya ba la sogs pa'o thugs rdo rje de nyid sdug bsngal la sogs pa'i tshul gyis shes par bya'o/ /de nyid de kho na nyid kyi bzhi'i tshul gyis te de la bdag nyid de'i rang bzhin ni/ de kho na nyid do/ /de nyid lha'i gzugs longs spyod rdzogs pa'i bdag nyid sgyu ma'i rang bzhin gyis de kho na nyid do/ /de nyid shes par byed pa dang skyob par byed pa nyid kyi rang bzhin gyis ye shes kyi de kho na nyid do/ /de nyid shin tu gnyis su med pa'i bde ba chen po rang rig pa'i tshul gyis de kho na nyid do/ /de nyid chung ngu dang 'bring dang chen po'i dbye bas dga' ba la sogs pa'i rang bzhin no/ /de nyid gnas brtan la sogs pa nye bar mtshon pa'i gnas 'og nas 'chad par 'gyur ro/ /zla ba dang nyi ma dag ni sna'i bug pa g.yas pa dang g.yon pa dag gi rlung ngo/ /de nyid A li kA li ste/ gnyis ka nas thun phyed phyed kyis nyin mtshan du spyod bas 'pho ba bcu drug go /de nyid 'pho ba'i dus dag tu/ /bzhi cha yis ni me dang rlung/ /de bzhin dbang chen chu dag gis/ /dkyil 'khor las ni kun tu spyod/ /de nyid steng logs dbus 'og rgyu/ /dbyu gu drug cu rtsa bzhi yin/ /bzang ngan las ni de yi phyed/ /chu tshod sum cu rtsa gnyis thun/ /bzhir ni nyin dang mtshan du yang/ /de bas thun gyi rnam dag pa/ /chos kyi 'khor lo 'pho ba ni/ /longs spyod dbyu gu sprul ba yin chu tshod rnam dag chen po'o/ /zhes so/ /gtum mo ni srid pa'i nyon mongs pa rtsad nas med par byed pa nyid do/ /'bar ba zhes pa ni ched par byed pa ste/ snang bar byed pa zhes bya ba'i bar du'o/ /A li zhes pa ni ri mo'o/ /lte ba ni bde ba chen po'i pad+ma'i lte ba la'o/ /bsregs zhes pa ni ngo bo nyid med par byed pa'o/ /de bzhin

  288. 144b

    gshegs pa lnga zhes pa ni phung po lnga'o/ /spyan la sogs pa zhes pa ni sa la sogs pa 'byung ba rnams so/ /bdag gi tshe bsregs she na/ bdag bsregs te bdag tu 'dzin pa sregs pa de'i tshe na'o/ /rdo rje ni rdo rje sems dpa' ste de'i rigs ni gnas so/ /de rtogs par byed pa'i le'u ste dang po'o// //de nyid sngags kyi gzugs kyi sna tshogs pa'i don byed par nus so zhes bstan pa'i phyir gsungs pa sngags rnams kyi le'u ste tshogs bshad par bya'o/ /bsod nams dang ye shes kyi tshogs rdzogs par byed pa'i phyir gtor ma'i sngags gsungs pa oM zhes pa ste/ akA ro mu khaM ni dang po'i sgo'o/ /sarba d+harmA twAM ni chos thams cad do/ /gang las zhe na/ de dang po nyid nas skye ba med pa nyid chos thams cad skye ba med par byed pa ni a'o/ /de'i phyir chos thams cad skye ba med pa bde ba chen po'i rdo rjer lhag par mos te/ a las rten cing 'brel par 'byung ba rmi lam dang/ sgyu ma lta bu'i sems can thams cad tshim par bya ba'i phyir gtor ma spyid par bya'o zhes bya ba'i don to/ /oM A:hUM zhes pa ni lus dang ngag dang yid de nyid kyis byin gyis brlabs pa'o/ /gdug pa can bdud la sogs pa zlog par byed par phaT do/ /swA hA ni lus dang ngag dang yid de kho na nyid du sems zhi bar byed pa'o/ /rigs mdza' yas kyang rigs thams cad sdud par byed pa nyid kyis de bzhin gshegs pa thams cad ni rnam par snang mdzad la sogs pa'i sa bon te/ /de dag nyid yang dag par ston par byed pa dang bskyed pa'i gnas kyi sngags so/ /rgyud la gtso bo nyid yin pas re shig lha de nyid kyi sngags dang por brjod par bya'o/ /de gsungs pa oM de ba bi tsu badzra zhes pa'o/ /kye'i rdo rje'i phreng ba'i sngags ma gtogs pa nges pa dang ldan pas thad ces bya ba gsungs te/ sngar gyi tshig rnams phun sum tshogs pa thams cad dang de dang ldan pa'i de bskyed pa'i gnas yin pas tshig go/ dang por oM gang yin pa de dag ni oM la sogs pa'o/ /phaT dang spel zhes pa ni bar du gzhug pa'o/ /gang dag swAhA mthar yin pa de dag ni swAhA mthar ro/ /oM la sogs yang yin la swAhA mthar yang yin pa dang phags dang sbel ba gang yin pa de la de skad ces bya'o/ /sngags gang zhe na/ hUM gsum mo/ /gang las she na sngags brjod pa las mang po'i tshig nye bar blangs pa dang/ he ru ka yang mi bskyod pa nyid dang sku gsung thugs su gcig pas bod pa'o/ /grong khyer ni skye bo'i gnas te/ 'khrug par byed pa ni sngags gang gis grong khyer ? par byed pa de ni

  289. 145a

    grong khyer dkrug pa'i sngags so/ /sprul pa'i 'khor lor phyogs brgyad kyi 'dab ma la sde tshan brgyad kyi dang po'i yi ge'i rnams shes rab gtso bor byas te spros nas de nyid kyis sna tshogs dbang du byas te bde ba chen po'i sbyor bas bsdus te sngags mdog dmar pos bzlas na grong khyer 'khrug par byed do/ /rnal 'byor ma rnams zhes bya ba ni shes rab dang thabs gnyis su med pa'i rnal 'byor ma te bdag med ma la sogs pa'o/ /sa bon ni sngags te de kho na nyid bskul bar byed pa'i tshig ste/ go rims ji lta bas dbyangs yig bco lnga'o/ /trai lo k+Sha k+Sha pa zhes pa ni twe lo kyA ni khams gsum mo/ /k+She pa na gnyis su med pa'i bde ba chen po'i rang bzhin du sdud par byed pa ste/ gnyis su med pa'i bde ba chen po'i rang bzhin du sdud par byed pa ni tre lo kya'i k+Sha pa zhes bcom ldan 'das la yang dag par bod pa'o/ /dzwa la dzwa la zhes pa ni dngos po thams cad la bde ba chen po de bzhin nyid kyi rang bzhin 'bar bar gyis shig pa'o/ /b+hyo zhes pa ni kyi bcom ldan 'das zhes pa'i don to/ /ki Ti ki Ti zhes pa ni chos thams cad dang bdud chom shig chom shig ces bya ba'i don to/ /badzra zhes pa ni kye'i rdo rje zhes pa'o/ /sku dang gsung dang thugs byin gyis brlob par byed pa zhes pa ni sku dang gsung dang thugs rdo rje byin gyis rlob par byed pa gnyis su med pa'i bde ba chen po de thob par byed pa ste/ sngags gang yin pa de la de skad ces bya'o/ /'di dag brjod pa'i 'og tu rdo rje gsum dbyer med par bsgom par bya'o/ /zhes bya ba'i don to/ /sa sbyong ba'i sngags zhes pa ni dkyil 'khor gyis dang rnal 'byor gyi sa'o/ /sbyong ba ni stong pa nyid du byas nas rdo rje rkang pas srung bar sbyor bar ste/ de srung bar byed pa'i sngags zhes bya ba'i don to/ /rengs par zhes bya ba la sogs pa la rengs pa la sogs pa'i phyir sngags zhes pa'i don to/ /de la rnal 'byor pa rdo rje ma'i sbor ba dang ldan pas oM hUM swAhA zhes bya ba'i sngags sngar bsnyen pa mang du bzlas pa dang ldan pas drang por mi g.yo

  290. 145b

    pa da bltas te rlung zhi ba dang ldan pas 'jag ma la sogs pa yo ba'i rtsal bslabs te brtan par gyur na bsgrub bya de bzhin du rengs par bya'o/ /go ri li rnal 'byor dang ku ru klul+le'i rnal 'byor gyis oM aM swAhA zhes sngags bzlas te/ /g.yon phyogs su lta ba'i lta stangs dang/ rlung bzung bas pad+ma'i me tog la sogs pa la bslab par bya ste/ de bzhin du bsgrub bya dbang du bya'o/ /de ltar gzhan du yang ji ltar rags pa'i sbyor bas sbyar ba'i rjes su 'brangs te sbyar bar bya'o/ /sngags bzlas de bzhin sbyin sreg dang/ de nyid bsgom dang mchod pa dang/ /snying rje sngags ni 'grub 'gyur te/ gzhan du mchog tu nyon mongs 'gyur zhes so/ /A:phu zhes pa ni sngags 'di bzlas te tsan dan las mdza' yas kyi gzugs byas te lte ba yin chad skyes pa'i gzugs dang/ man chad klu'i mjug mar byas te lag pa bzhi pa/ lag pa g.yon par bdud rtsi'i thod pa dang pad+ma thogs pa g.yas pas bdud rtsi'i 'bras bu dang rin po che thogs pa lan brgyad du/ steng pu gdengs ka bdun gyis brgyan pa byas te 'o ma dang zho dang mar dang sdud sbrang rtsi dang/ sha ka ra zhes bya ba bdud rtsi lngas bkru bar bya'o/ /de nas utpa la sngon pos mchod par bya/ bu mo nag mos bkal ba zhes pa ni rams su bcos pa'i skud pas phyogs brgyad du dkri par bya'o/ /shin tu zhes bya ba ni sngags kyi sgra gsal bas so/ /khros pa'i sems kyis zhes pa ni zhe sdang chen po'i sems kyis so/ /dgon pa'i gnas su zhes pa ni ji ltar skye bo rnams kyis bsngags bzlas pa'i sgra mi thos par ro/ /ardza ka zhes pa ni sdong bu dkar po ste de'i snye ma ji lta bar zhes pa de la nyi mas reg pas skad cig gis rnam pa du mar 'gas par 'gyur ba de bzhin du kU rnams kyi mgo bo 'gas so/ /char chen sprin dral pa'i cho ga gsungs pa sprin rnams zhes pa'o

  291. 146a

    rdo rje gri gug gi sgrub pa gsungs pa ni rdo rgyus kyis sgrub pa ste rnam par snang mdzad la sogs pa bdud rtsi lnga dang rdo rgyus btags te/ sta res gcod par byed pa dang lhan cig tu mig tsam gyi ri lu byas te he ru ka'i khar bcug ste sngags bzlas nas ji srid du sku gzugs rang gi kha nas rang byung ste sgrub pa po la ma btad pa de srid du sten gcig la 'bum bzlas pas grub par 'gyur te/ rdo rgyus de ril pa spyi blugs kyi mgrin pa la ri mo bris na bsgrub bya 'khor dang bcas pa'i mgrin pa la de nyid snang bar 'gyur te/ 'di ni 'phral du yid ches par byed pa'o/ /'di lta bus kyang dkon mchog gsum la sogs pa la gnod pa byed pa las mi ldog na bcag par bya'o/ /rdo rje gri gug ces pa rdo rje gri gug lta bu ni rdo rje gri gug ste/ dper na rdo rje las byas pa'i gri gug ni gang du btab pa de nges par gcod par byed do/ /de bzhin du 'di yang dgra yi mgo bo gcod par byed do/ /rdo rje'i sta re'i sgrub pa gsungs pa/ lha zhes pa ni skar ma rgyal gyi tshes bco lnga tshangs pa'i sa bon ni na pa la sha'i sa bon te/ de blangs la sta re bcod par byed pa dang lhan cig tu cha bsnyams la mi bskyod pas sprus te/ de las dgra sta bya ste nyi ma gzas gzung ba'i dus su de rkang pa'i 'og tu mnan nas sngags bzlas so/ sngon du bye ba bzlas te nyi ma gzas gzung ba'i nyin mtshan du bsgrubs nas de bdar la thig le sta re lta bu bya ste/ de nas lha gang la phyag byas pa de 'gas par 'gyur ro/ /'bras phub kyi me zhes pa ni a ka'i lo ma sa la sor brgyad brkos te de gzhug par bya/ /de'i steng du 'bras phub kyi me bus te khri phrag gcig bzlas pas de'i tshe bsgrub bya de rims kyi thebs par 'gyur ro/ /slar phyung ste 'o mas bkrus na rims las grol bar 'gyur ro/ /chad skyug

  292. 146b

    par 'dod par zhes pa ni sngon du lto bar chad sngags las bsgrubs te chad skyug par byed par 'dod pas so/ /bsgrub bya'i lte bar yaM yongs su gyur ba las rlung gi dkyil 'khor bsgom par bya'o/ /de'i steng du maM yongs su gyur pa las chad lto bar bsgom par bya'o/ /bsgrub bya yang skra grol zhing chad skyug par bsgoms te sngags brgya rtsa brgyad bzlas so/ /oM he badzra ma dya mud gi ri ya hUM hUM hUM phaT swAhA/ de'i 'og tu chad skyug par 'gyur ro/ /sngon du ku ru ku l+le'i sngags bsgrubs pa'i rnal 'byor pa'i dbang du byed de dgug pa gsungs pa ni bud med ces pa'o/ /zla ba dang nyi ma dag rnam par gzung ba'i cho ga gsungs pa/ zla ba dang nyi ma zhes pa ste/ sngon du bsnyen pa bye ba bdun bzlas te sngags bsgrub par bya'o// sA lu btags pa'i zla ba dang nyi ma byas te rlangs pa la btsos nas sor bzhi pa'i rdo rje'i chu blugs pa'i kham phor du bcug la sngags bzlas par bya'o/ /nyi ma'i phyogs kyi sngags 'di'o/ /zla ba'i phyogs kyi sngags ni oM badzra tsan+d+ra ma tsa la tiSh+Tha tiSh+Tha te badzra ya hUM hUM hUM phaT swAhA/ khri bzlas pas 'dug par 'gyur ro/ /dri chu las phyung bas ni grol bar 'gyur ro/ /rdo rje skar ma gsungs pa/ oM na gA zhes pa sngon du 'bum bzlas te pad+ma dmar po'i sbyin sreg byas nas sngags sgrub par bya'o/ /oM na grA na grA ku mA rI ke Da bya lo tsa ne swAhA/ zhes bya ba 'dis chos bcu gsum mam bdun gyi mtshan mo'i thun mtshams su bu mo'i lus dang mig gnyis la brgya rtsa brgyad mngon par bsngags te mchod nas snyan gsan dbab par bya'o/ /da ni sngar gsungs pa'i rengs pa la sogs pa'i sbyor ba'i lha gsungs pa/ rdo rje ma zhes bya ba la sogs pa'o/ /le'u gnyis pa'i bshad pa'o// //sngags dang dbyibs dang chos bdag nyid/ /sbyor ba rnam pa

  293. 147a

    gsum du 'dod ces bya ba'i rigs pa 'dis chos dang sngags kyi bdag nyid kyi sbyor ba brjod nas/ dbyibs kyi bdag nyid kyi sbyor ba gsungs pa/ lha'i le'u zhes bya ba chos thams cad kyi rang bzhin bde pa chen po'i tshul gyi rol pas lha ste lha nyid lha'o/ /de nyid rtogs par byed cing gtan la 'bebs pa'i gzhung ni le'u'o/ /byams pa la sogs pa rnal 'byor pa'i byang chub kyi sems bskyed pa ni rang dang gzhan gyi don sgrub par byed pas 'jug par bya'o zhes pa ni dang po tshad med pa bsgom pa gsungs pa/ dang por byams pa bsgom par bya zhes pa ste/ sems can thams cad la tshad med pa'i phan pa dang bde ba nye bar sdud par byed pa'i byams pa bsgom par bya'o/ /de nas de rnams sdug bsngal dang de'i rgyu las bsgral ba'i bsam pa'i ngo bo nyid kyi snying rje'o/ /ma rig pa dang bral bas dge ba'i phyogs la rab tu 'jug pa la dga' ba'i sems de ni dga' ba'o/ /srid pa zhi zhing mnyam pa nyid la 'jug pa rnams la bltos pa med pa ni btang snyoms so/ /yang na dga' ba bde ba nye bar sdud pa'i rang bzhin mnyam pa nyid byams pa'o/ /ka ni bde ba chen po'i/ /ru ni sdud par byed pa ste/ /snying rje ni gnyis su med pa'i bde pa chen po la btson pa'o/ /de nyid la mchog tu lhan cig skyes pa rjes su myong bar dga' ba ni dga' ba'o/ /de nyid du nyon mongs pa rnams la rnam pa thams cad du btang snyoms su byed de dpyod pa med pa'o/ /de'i 'og tu stong pa'i byang chub sems zhes pa ni chos thams cad dmigs pa med cing ngo bo nyid dang bral ba ni stong pa nyid do/ /de nyid byang chub ste chos thams cad kyi don dam pa rtogs pa ste/ shes rab kyi pha rol tu phyin pa lhan cig skyes pa'i gnas skabs so/ /de nyid kyis mtshon

  294. 147b

    cha med pa la sogs pa yang bsdus so/ /stong pa nyid 'di la gang du ci yang rgyu dang 'bras bu yod pa ma yin te/ de ltar na chos thams cad rgyu dang 'bras bu med pa'i rang bzhin las smon lam gang gis gang du yang yod pa ma yin no/ / yan lag bzhi gsungs pa/ gnyis pa la ni sa bon du zhes pa ni bskyed pa'i rgyu'o/ /bsdu ba ni nye bar bskyed pas bsdus pa ste/ hUM la sogs pa las bskyed ces pa'i don to/ /yang na sa bon gyis bsdus pa ni mngon par byang chub pa bzhi'o/ /de nas gzugs rdzogs pa dang de'i 'og tu yi ge dgod do/ /stong pa nyid bsgoms pa'i 'og tu ram las zhes pa ni ram las nyi ma bsgom la nyi ma de la hUM las byung pa'i de bzhin gshegs pa lnga'i rang bzhin kha dog sna tshogs pa'i rdo rje ni sna tshogs rdo rje'o/ /ra ba zhes pa ni 'jig rten gyi khams la sogs pa'i tshad kyis sa 'og dang sa steng du tshangs pa'i gnas la thug par rdo rje 'bar ba'i rang bzhin zur bzhi pa sna tshogs rdo rje 'phros par bsgom mo/ / steng du yang rdo rje'i rang bzhin gyi dra ba'o/ /yang zhes pa ni 'og tu rdo rje'i rang bzhin gyi sa 'bar ba dang ldan par bsgom par bya'o/ /de nas de'i dbus su yang dag par byung ba'i pad+ma la/ ro zhes pas thams cad bdag med pa'i phyag rgya'i rang bzhin no/ /de nyid kyis gsungs pa/ mkhas pas chos kyi bdag nyid can zhes so/ /de steng rnal 'byor pa gnas nas zhes pa ni de'i steng du gnas pa bdag nyid he ru ka nyid du rnam par bsgom par bya'o/ /rang gi snying kar zhes pa ni ro'i snying ka'o/ /zhe sdang bdag nyid ces pa ni zhe sdang gi rnam par dag pa'o/ /'dis ni dpa' bo gcig bsgom pa gsungs so/ /rnal 'byor ma brgyad kyis bskor ba mngon par byang chub pa lnga las skyes pa gsungs

  295. 148a

    pa/ yang na zhes pa ste byams pa la sogs pa bsgom pa'i 'og tu/ nam mkhar rje btsun dmigs nas ni/ /lha mo brgyad kyis mchod par bya zhes so/ /ri dags mtshan ma ni byang chub kyi sems so/ /nyi ma'i snod ces pa ni rin chen 'byung ldan gyis gang pa'i pad+ma'i snod do/ /chu ni mi bskyod pa'o/ /sman ni mar me lnga'o/ /rdo rje ni rnam par snang mdzad do/ /ro ni sbrang rtsi'o/ /chos thams cad sgra brnyan lta bur rtogs pas cang te'u brdung ba'o/ /g.yung mos mgul nas 'khyud de thabs dang shes rab gnyis su med pa'i sbyor bas mchod pa byed do/ /de'i 'og tu stong pa nyid kyi byang chub bo/ /de'i 'og tu bsrung ba'i 'khor lo dbus su pad+ma 'dab ma brgyad pa dur khrod brgyad kyi bskor ba/ pad+ma de'i lte ba la ro bsgom par bya'o/ /de'i snying gar A li zla ba kA li nyi ma zhes pa ni A li las zla ba bsgom pa dang/ kA li las nyi ma'i dkyil 'khor ro/ /de'i dbus su zhes pa ni rdo rje'i dbus su ste/ sa bon de nyid ces pa ni hUM ngo/ /sems dpa' zhes pa ni rdo rje sems dpa' ste/ 'di ni de bzhin gshegs pas gsungs pa'o/ /gang las she na/ dam par dga' ba'i rang bzhin can zhes gsungs pas so/ /rnam par spro zhes pa ni hUM de nyid las so/ /rang lus 'od ces pa ni kye'i rdo rje'i sku lta bu'i 'od zer dang/ rnal 'byor ma yang ngo/ /bsdu ba ni sdud par byed pa ste gzhug pa'o/ /snying gar zhes pa ni hUM la ste 'di ni bya ba grub pa'i ye shes so/ /de'i 'og tu rnal 'byor pa shin tu rnam par dag pa'i chos dbyings kyi ngo bo zhe sdang gi bdag nyid ni kye'i rdo rjer gyur pa'o/ /thabs dang shes rab kyi rnam par dag pas sngon dmar du snang ba'o/ /dbugs phyung zhes bya ba la dbugs phyung

  296. 148b

    ba ni gyen du dbugs phyung ba ste ro'o/ /dur khrod ces pa ni 'dir yi dags dang ro la sogs pa'i gnas so/ /yang na dur khrod ni lus te mgon po rol zhes pa ni rdo rje sems dpa' o/ /rnal 'byor ma ni brgyad kyis zhes pa ni gau rI la sogs pa brgyad kyis so/ /rol zhes pa ni rang gi shes rab dang lhan cig tu gnyis su med pa'i sbyor bas dgyes pa'o/ /lus ji ltar dur khrod yin snyam pa la/ dbugs phyung ba'i rigs pa 'am zhes bya ba gsungs te/ dbugs ni srog dang rtsol pa dag gi rigs pa 'dis so/ /thugs kyi rgyal po de phyag bzhi par gyur pa yin no/ /ji ltar snyam pa lo bdud bzhi rnam par dag pas zhes bya ba gsungs so/ /sngar gsungs pa'i kha dog dang rang bzhin te/ nag po ni mi bskyod pa'i yang zhes bya ba'i don to/ /yang na kha dog dang dbyibs dang skra dmar ser gyen du brdzes pa dang/ go cha dang phyag rgya lngas brgyan pa ro la bzhugs pa dur khrod la sogs pas bskor ba bcom ldan 'das ma rdo rje lcags sgrog ma dang lhan cig gnyis su med par lhan cig skyes pa'i snyoms par 'jug pas bzhugs pa/ khams gsum gyi bdag nyid can gyi ro zhes pa ni khams gsum ma lus pa bdag med pa'i rang bzhin gyis ro mnan pa'i bcom ldan 'das yum dang bcas pa'o/ /lha'i le'u bshad pa ste gsum pa'o// //lha dbang bskur ba'i le'u bshad par bya'o zhes pa'i lha ni sngar gsungs pa dang 'chad par 'gyur ba'o/ /ye shes kyi 'khor lo sngon du bcug ste dbang bskur ba ni ye shes kyi chu nyon mongs pa'i dri ma thams cad 'khru bar byed pas dbang bskur ba'am/ yang na lhas dbang bskur ba ni lha dbang bskur ba'o/ /rang gi snying khar

  297. 149a

    sa bon zhes pa ni kye'i snying ka'i nyi ma la rang gi sa bon ni hUM ngo/ /lha mo brgyad kyis zhes pa ni go rI la sogs pa'o/ /rang gi sa bon las yang dag par spros te mchod la rjes su blang ba zhes pa ni gsol ba gdab pa'o/ rdo rje'i glus kyang zhes pa ni ko l+la i raM thi a bo la zhes bya ba la sogs pa'o/ /rang gi rigs kyi bdag po mi bskyod pa'o/ /lha'i lus kyis gnas par bya'o zhes pa ni sgyu ma lta bu gnyis su med pa bde ba chen po'i rang bzhin gyi bdag nyid kyis chos thams cad lhag par mos te thams cad du gnas par bya'o/ /lha dbang bskur ba'i le'u bshad pa ste bzhi pa'o// //da ni sngags dang lha dag gis de kho na nyid kyi le'u bshad par bya'o/ /de bas na de'i thabs kyis chos thams cad kyi de kho na nyid gsungs pa/ gzugs med ces pa ni gzugs kyi skye mched do/ lta ba po zhes pa ni mig gi skye mched dang/ bdag dang gang zag la sogs pa'i rang bzhin no/ /ji ltar med snyam pa la gsungs pa/ ngo bo nyid kyi gzugs la sogs pa rang bzhin med de/ ngo bo med ces bya ba'i don to/ /reg pa med ces pa dang reg bya yod pa ma yin zhes pa ni sa la sogs pa 'am/ gzugs kyi phung po 'am skye mched bcu dgag par mdzad pa'o/ /phung po bzhi ni yid dam chos kyi skye mched ngo bo nyid med par ston par byed do/ /sems med ces bya ba la sogs pa la sems ni rnam par shes pa'i phung po 'am yid do/ /sems las byung ba ni tshor ba dang 'du shes dang/ 'du byed kyi phung po 'am yid kyi dmigs pa'i tshul gyi chos so/ /yang na med ces pa ni nges par med pa ste/ gzod ma nas chos 'di dag skye ba med par dgag pa ni dngos por mngon par zhen pa dgag pa'i phyir ro/ /dngos po

  298. 149b

    med ces pa ni yul dang dus nges pa nyid la dngos po med pa'o/ /rnam pa thams cad kyi thams cad du dngos po med pa la ni de bzhin du dgag pa'i sbyor ba med pa'o/ /'o na de lta na de kho na nyid bsgom pa ji ltar gang du nye bar brtag par bya snyam pa la/ ma dang zhes bya ba la sogs pa gsungs te/ mchod par bya zhes pa ni dga' ba la sogs pa'i skad cig bskyed par bya ba'o/ /sbyor ba rig pas zhes pa ni thabs dang shes rab gnyis su med pa'i sbyor ba shes pas so/ /rtag tu zhes pa ni skad cig kyang gzhan du sems ma yengs pas so/ /ma 'bab zhig ma yin gyis gzhal yang mchod par bya ba ni gar mkhan ma zhes bya ba la sogs pa gsungs te/ gar mkhan ma zhes pa la sogs pa bsdus pa 'di'i bshad pa ni le'u 'di nyid las bcom ldan 'das rang gis mdzad par 'gyur ro/ /'byed pa ni gnyis su 'am shes par 'gyur ba'o/ /'o na de kho na nyid la chags pa 'dis ci zhig bya snyam pa la/ phyag rgya nga la zhes pa ste/ de gsungs pas phyag rgya rigs lnga rnams so/ /de las cir 'gyur snyam pa la thar pa'i rgyur zhes bya ba gsungs te/ kun rdzob du de bzhin gshegs pas bstan pa na mi gnas pa'i mya ngan las 'das pa lhan cig skyes pa bde ba chen po'i go 'phang ni thar ba ste/ de'i rgyus so/ /phyag rgya 'di dag ji lta bu snyam pa la gsungs pa/ rdo rje ni grags par zad do/ /yang na de bzhin gshegs pa lngas sam gnyis su med pa'i ye shes kyis te/ 'dis zhes gsungs pa ni phyag rgyas gdab pa ste rgyu des phyag rgyar brjod do/ /yang na 'dis zhes pa ni rigs lnga'i mtshan nyid kyi phyag rgyas btab pa 'dis te de kho na nyid brtag pa la ste/ phyag rgya ni de kho na nyid kyi phyag rgya'i rgyu nyid 'dis so/ /'o na rigs lnga nyid las ci gzhan

  299. 150a

    yod pa ma yin nam snyam pa la gsungs pa/ rigs ni rnam pa lngar zhes gsungs te/ mchog ces pa ni rigs lnga po 'di dag mchog ste thams cad bsdus pa nyid yin pas 'di dag la brten nas rigs gzhan dang gzhan rnams kyang zhes bya ba'i don to/ /rigs de dag ci gang gi /snyom pa la gsungs pa/ rdo rje'i phyag rgya Dom+bi zhes bya ba la sogs pa'o/ /gal te rigs 'di dag gi snyam pa la/ gsungs pa de bzhin gshegs pa rnams kyi ste rnam par snang mdzad la sogs pa sangs rgyas rnams kyi'o/ /mdor bsdus pas ni bsdus pas so/ /de bzhin gshegs pa rnams kyis don ji lta bu snyam pa la/ de bzhin nyid du zhes pa ste/ gsungs pa chos thams cad rang bzhin med pa nyid de bzhin nyid de/ der gshegs pa de'i tshul gyis mi gnas par gnas pa'i sbyor bas so/ /dpal ldan zhes pa ni bsod nams dang ye shes kyi tshogs dang ldan pas so/ /de nyid kyi ye shes kyi tshogs kyis de bzhin nyid du gshegs nas bslar bsod nams kyi tshogs kyi mthus slar yang 'khor bar 'ongs te mi gnas pa'i mya ngan las 'das pa zhes bya ba'i don to/ /mdor bsdus na ni rnam pa lnga zhes pa ni rdo rje sems dpa' de bzhin gshegs pa lnga'i nang du 'dus pa'o/ /gzhan yang gsum du sdud par byed ces pa ni gang las snyam pa la/ sku gsung thugs kyi dbye ba yis zhes bya ba gsungs te/ rdo rje sems dpa' i rang bzhin dbyer med kyang sku la sogs pa'i dbye bas rnam pa gsum pa zhes bya ba'i don to/ /rnam pa gsum gang snyam pa la/ /rigs rnams dang ni 'byung pa lnga zhes bya bar gsungs te/ phung po lnga'i rang bzhin nam sa dang

  300. 150b

    chu dang me dang rlung dang nam mkha' rnams so/ /phyag rgya'i don lngar bshad nas rigs kyi don gsungs pa/ rigs ni grangs zhes bya ba zhes pa ni/ dga' ba la sogs pa'i dbye bas bde ba chen po 'dis rigs zhes bya bar mngon par brjod pa'o/ /da ni sngags dang lha dag gi de kho na nyid ston par byed pa'i gzhi gding bar bya ba'i phyir/ sgom pa po med pa ni byed pa'o/ /sgom pa'ang med ces pa ni bsgom pa'o/ /yang na sgom pa po med ces pa ni gang las gang phyir zhe na/ phung po lnga'i bdag nyid kyi dngos po med pa'o/ /gsungs pa rigs pa ste rgyu des sngags dang lha yang med de dngos po skye ba med ces bya ba'i don to/ /gal te 'o na sngags dang lha med pa de'i tshe chos thams cad med pas ngal ba 'bras bu med pa yin no snyam pa la yod ces bya ba smos te/ gal te yod na yang rtag pa'i lta bar lta ba'o snyam pa la spros pa med ces pa ste spros pa ni 'khrul pas kun tu brtags pa'i gzung ba la sogs pa'o/ /des stong pa nyid kyis gnas pa ste/ gnas pa med pa'i sbyor bas lhan cig skyes bde bzhin nyid kyi gnas su'o/ /de nyid kyis na/ nges par dngos po 'di dag kun/ /de bzhin nyid du rnam par dag ces 'chad par 'gyur ro/ /gang dag de bzhin gshegs pa de dag gi ming ni ci/ rigs drug ni gang dag snyam pa la/ rnam par snang mdzad mi bskyod pa zhes bya ba gsungs te/ rin po che ni rin chen 'byung ldan no/ /A ro lika ni 'od dpag tu med pa ste/ ro li ka ni rtsod pa'o/ /de yang mchog tu dga' dga' ba'i rang bzhin 'dod chags chen po la yod pa ma yin pas A ro lika go /'di dag nyid kyi ming gzhan gyis rtogs par bya ba'i phyir gsungs pa/ tshangs pa'i khyab 'jug ces bya ba la sogs pa'o/ /ji ltar 'di dag gi ming de skad

  301. 151a

    ces bya snyam pa la/ gsungs pa/ tshangs pa mya ngan las 'das pa zhes bya ba la sogs pa'o/ /mya ngan las 'das pa ni me long lta bu'i ye shes te/ de'i phyir mya ngan las 'das pa'i rang bzhin gyis sangs rgyas rnam par snang mdzad la tshangs pa zhes gsungs so/ /shin tu rnam par dag pa chos kyi dbyings de chos thams cad kyi rang bzhin yin pas khyab pa ni bzhugs pa ste mi bskyod pa la khyab 'jug ces gsungs so/ /bya ba grub pa'i rang bzhin gyis sems can 'di dag thams cad kyi 'jig rten dang 'jig rten las 'das pa'i don gyi mtshan nyid dag ster par byed pas zhi ba ste don yod grub pa'o/ /mnyam pa nyid kyi ye shes kyi rang bzhin gyis chos thams cad mnyam pas thams cad ni rin chen mchog go /so sor rtog pa'i ye shes kyi rang bzhin gyis de kho na nyid so sor rtogs pa bde ba chen po nam mkha' lta bu nyid kyis de kho na nyid ni 'od dpag tu med pa'o/ /dga' ba ni lhan cig skyes pa'i bde ba chen po de rtogs pa'i rang bzhin tsam gyi gnas skabs kyi rnam par sangs rgyas ni rdo rje sems dpa' ste/ rigs thams cad bsdu na de bzhin gshegs pa drug go /de nyid kyis rnam par sangs rgyas zhes pa ni khyad par du 'phags pa'i sangs rgyas ni rnam par sangs rgyas so/ /yang na shes rab nyid rigs te rigs su bya zhing brtag par bya ba 'dis rigs so/ /de nyid la mtshon par bya ba dang mtshon par byed pa stong pa nyid kyi rigs lnga grub par byed pa mtshon par bya ba dang/ mtshon par byed pa med pas stong pa nyid du'o/ /sgom pa po med pa ni rnal 'byor par dmigs pa med pa'o/ /de bzhin du sgom pa med ces pa de ltar de'i

  302. 151b

    gnas skabs kyis sngags med pa dang lha med pa'o/ /spros pa med pa las ni zhes pa de nyid bde ba chen po yid kyi rang bzhin nyid sngags so/ /lha yang bde ba chen po'i rol pa'i rang bzhin nyid dam/ lus las byung ba nyid lta ste de'i tshul gyis mdzes pa rnam par snang mdzad do/ /gnyis su med pa'i ye shes nyid dbyer med pa nyid kyis mi bskyod pa'o/ /'bras bu dang bcas pa nyid kyis don yod grub pa'o/ /sangs rgyas thams cad kyi yon tan rin po che 'byung ba'i rgyu nyid kyis rin chen mchog go /spros pa med pa nyid rtsod pa'i dngos po med pas A ro lika go /de dang de nyid thams cad nye bar sdud pa'i tshul nyid kyis sems dpa' ni rdo rje sems dpa' ste/ srid pa gsum gcig pa'i tshul can des gnas pa can no/ /de nyid tshangs pa la sogs pa'i sgras kyang bshad par bya snyam pa la/ gsungs pa/ tshangs ba zhes pa'o/ /gang las snyam pa la gsungs pa/ tshangs pa mya ngan las 'das pa zhes pa ste/ shin tu zhi zhing gnyis su med pa'i ye shes mya ngan las 'das pa'i rang bzhin nyid tshangs pa'o/ /chos thams cad la khyab pas khyab 'jug go /thams cad du zhi ba'i tshul gyis zhi ba'o// thams cad kyi bdag nyid dang chos thams cad kyi rang bzhin du gnas pas na thams cad do/ /bde ba'i mchog nyid kyis dmigs pa med pa'i bde ba chen po nyid kyis de kho na nyid kyang nge'o/ /dga' ba ni shes rab dang thabs gnyis su med pa'i sbyor bas rtogs pa de'i phyir rtogs pa'i rang bzhin nyid rnam par sangs rgyas te khyad par gyis sangs rgyas pa'o yang na de nyid lus las yang dag par byung ba yis/ lha nyid ces bya bar yang brjod pa yin

  303. 152a

    no/ /bcom ldan 'das zhes bya bar yang gsungs te/ gang gi phyir snyam pa la/ bcom pa mnga' zhes bya ba 'di gsungs te/ bcom zhes bya ba ni dbang phyug dang ni gzugs bzang dang/ /dpal dang grags dang ye shes dang/ /de nas brtson 'grus ldan gyur pas/ /de nas? bcom pa zhes byar grags zhes so/ /yang na nyon mongs pa la sogs pa'i bdud rnams rtsa ba nas 'don par byed pas na/ shes rab nyid la bcom par gsungs so/ /bcom pa 'joms par byed par gsungs/ /nyon mongs pa yi bdud bcom pas/ /shes rab nyon mongs bcom pa yang/ /de phyir shes rab 'joms par gsungs zhes so/ /sngar bstan pa'i ma la sogs pa sgra'i don gsungs pa/ ma zhes pa ni skyed par byed pa ste/ gang gi phyir 'gro ba bskyed pa ni 'jig rten thams cad do/ /yang na 'gro ba zhes pa brtan pa'o/ /bskyed pa zhes pa g.yo ba'o/ /yang na 'gro ba skyed par byed pa'i bde ba chen po ste/ 'gro ba bskyed par byed pas shes rab nyid la mar gsungs so/ /de nyid sring mo ste/ gang gi phyir dga' ba la sogs pa 'byed cing ston par byed pas so/ /de nyid khrus mkhan ma ste 'dod chags kyi rang bzhin 'dod chags chen pos dag par byed pas khrus mkhan ma'o/ /de nyid sangs rgyas thams cad kyi yon tan 'dren par byed pas bu mo'o/ /de nyid yang gar mkhan ma ste/ chos thams cad kyi rang bzhin du gar byed pas sam gnas pa med pa'i sbyor bas g.yo ba nyid kyis gar mkhan ma'o/ /rnam par rtog par de las byung ba'i nyon mongs pa thams cad kyis reg pa'i yul ma yin pas reg tu med pa ste/ de

  304. 152b

    nyid kyis g.yung mor gsungs so/ /da ni 'di lta bur gyur pa'i bde ba chen po gnyis su med pa'i rang bzhin can dpal he ru ka'i rnal 'byor pa rnams kyi sku dang gsung dang thugs kyi bya ba de thams cad phyag rgya dang ting nge 'dzin gyi rang bzhin te/ de'i rang bzhin ma lus pa sna tshogs pa yin no zhes gsungs pa ni brjod pa yis ni bzlas par grag ma rigs pa gzhan yang gsungs pa/ A li kA li rab brjod pas zhes pa ste/ A li kA li dang bral bas brjod pa yod pa ma yin te/ de dag kyang so sor sngags kyi rang bzhin nyid do/ /de gsungs pa A li kA li dag gi sngags/ /gang yang de dag las byung gang zhes so/ /yang gsungs pa/ gang yang nges par sngags yod min/ /'grub pa yod pas rnam par gnas zhes so/ /mnan pa la byung ba de bris pa'i dkyil 'khor te/ mnan pas dkyil 'khor 'bri ba la mngon par zhen pa rnams zlog par byed do/ /lag pa bskyod pa ni rnam pa sna tshogs kyi gar byed pas byed pa ste/ lag pa bskyod pa'i bye brag go /de thams cad kyi phyag rgya ni phyag rgya yin zhes pa ste/ de lta bu'i rgyur gyur pa'i de kho na nyid gsungs so/ /'di ni bde ba chen po dang lha mngon sum nyid du mthong ba'i rang bzhin nyid kyis so sor snang ba'i phyag rgya mchog yin no/ /de la yid kyis gang bsams pa zhes pa ni gnyis su med pa'i sbyor ba de gang bsams pa de nyid bsam gtan no/ /gang las snyam pa la/ gang phyir rnam bsams bsam gtan no zhes pa ste/ sems par byed pas bsams pa ste/ de kho na nyid kyi tshul du rnam par sems par byed pa ste/ de nyid bsam gtan no/ /de kho na nyid kyi rnal 'byor pa 'di'i ni

  305. 153a

    gang nyid dmigs shing bsams pa de nyid gnyis su med pa'i bde ba chen po der snang bas bsam gtan du gyur pa yin no/ /phung po dang khams dang skye mched dag las gzhan du bsams par bya ba yod pa ma yin no/ /de yang so sor gcig gam du mas dbyer med pas thams cad rnam par dag pa ste/ gzhan du lhag ma yod pa ma yin no/ /gang dang gang du yid bsams pa/ /de nyid la sbyor shes par bya/ /gang du bskyod pa'i 'gro ba de/ /gang phyir de yi rang bzhin pas zhes so/ /he ru ka gnas gnas pa yi/ /yan lag bskyod pa ji snyed dang/ /brjod pa yi ni tshogs rnams kun/ /de snyed sngags dang phyag rgya yin/ /ji ltar pha yi bde thob pa zhes pa pha ni bla ma ste/ de la yod pa'i man ngag gang yin pa'o/ /bde ba ni lhan cig skyes pa'i bde ba'i skad cig tsam mo/ /thob pa ni bde ba de la yun ring po'i dus su gnas pas mchog la sogs pa'i yon tan dang ldan par rnal 'byor pa rang gi phyag rgya la bltos pa med par spyod par 'gyur ro/ /de ji ltar snyam pa la/ gang gis 'chi ba zhes smos te/ gang gis ni bde ba chen po skyes pas rnam par rtog pa dang/ de'i mthu las byung ba nyon mongs pa'i dra ba gzung ba la sogs pa bshig nas lhan cig skyes pa'i bde ba de dang de nyid rang gi spyod par 'gyur te/ de nyid kyang de lta bur gyur pa'i bde ba yang dag par rtogs par byed nus te/ rang rig pa tsam de kho na nyid mthar phyin pa'i dngos po med pa'i bsam gtan zhes gsungs te/ don dam pa'i bsam gtan gyi sgrar brjod do/ /de bas bsam pa'i dmigs pa med de de kho na nyid kyi yul can nyid do/ /de kho

  306. 153b

    na nyid kyi le'u ste lnga pa'i bshad pa'o// //de ltar de kho na nyid kyi rnal 'byor gyis drod thob pa'i rnal 'byor pa rnams kyi spyod pa gsungs pa/ de nas gzhan zhes pa ste/ de nas ni de kho na nyid kyi rnal 'byor pa'i de kho na nyid bshad pa las gzhan de dang de dag gi spyod pa bya ba'o/ /pha rol 'gro zhes pa ni spyod pa ma lus pa'i mchog tu gyur pa ste/ 'di ni shin tu spyod pa dang ldan pa gtso bor gyur pa zhes bya ba'i don to/ /gang gis grub pa'i mthar 'gro ba zhes pa ni gang gis ni 'chad par byed pa'i spyod pas/ grub pa'i mdza' ni rnal 'byor pa rnams kyi spyod pa'i gzhung ngo/ /'gro ba ni de don du gnyer ba rnams la de bzhin du bshad par bya'o zhes pa'o/ /ci'i phyir snyam pa la/ kye'i rdo rje dngos grub rgyus zhes pa ste/ kye'i rdo rje ni dngos grub de'i mtshan ma ste/ gsungs pa/ yongs su shes pa dang spyod pa spyad do/ /da ni de'i chos kyi rgyal srid nyid kyi dbang du byas te rgyal tshab kyi rgyan rnams re zhig ji snyed pa bshad par bya'o/ /sgom pa po yis zhes pa ni des na gnyis su med pa'i de kho na nyid bsgom pa'i rnal 'byor pa rgyal ba'i sras kyi thu bos so/ /rnam gzung bya zhes pa ni khyad par du sangs rgyas lnga'i rigs kyi rna cha la sogs pa gzung bar bya'o/ /bcu phyed ces pa ni bdud rtsi lnga'o/ /he ru ka'i sbyor ba yis zhes pa ni he ru ka'i rgyu la sogs pa stong pa nyid la sogs pa'i bdag nyid du sbyor ba gang yin pa de ni he ru ka'i sbyor ba ste/ de'i kha dog lnga rnams la zhes pa la/ lnga ni bram ze la sogs pa dang/ rdo rje'i rigs la sogs pa'i mthar thug pa tha ma rnams la mnyam pa nyid kyis spyod pa dang/ slong ba dang reg pa la sogs pa'i

  307. 154a

    chos byed pa'o/ /yang na sangs rgyas lnga'i bdag nyid du phung po lnga rnams la'o/ /de nyid lam mnyam pa nyid gsungs pa/ kha dog lnga dang yang dag ldan zhes so/ /kha dog lnga ni de bzhin nyid du bsdus pas kha dog gcig ni gnyis su med pa'o/ /brtag pa ni bsam pa'o/ /gang la snyam pa la/ kha dog sna tshogs pa nyid ces bya ba gsungs te/ gang gi phyir ni don dam pa las so/ /dbye ba brtag mi bya zhes pa ni dmigs par mi bya'o/ /da ni spyad pa spyod du rung ba nyid rnyed pa'i phyir rnal 'byor pa'i spyod pa'i bsam gtan gyi rjes su mthun pa'i gnas gsungs pa/ shing gcig ces bya ba la sogs pa ste/ gnod sbyin la sogs pas bya ni gyis brlabs pa dang ldan pas gtso bor gyur pa'i shing dang/ khyab 'jug ma la sogs pa'i ma mo'i gnas dang/ rnal 'byor ma'i gnas dang zhing la sogs pa'o/ /dgon pa ni bgrod par dka' ba dang/ lam ring ba rnams so/ /yang na rkang pa dang lag pa la sogs pa'i yan lag dang ldan pa'i lus nyid cig tu thun ma yin pa'i shing ste/ /bde ba chen po'i 'bras bu chen po sbyin par byed pa'o/ de nyid dbugs phyung bas dur khrod do/ /ma mo ni rtsa la sogs pa'i rang bzhin gyi rnal 'byor ma rnams kyi khyim 'am ma ni skyed par byed pas kye'i rdo rje rang gis shes rab nyid khyim ste gnas so/ /mtshan mo ni shes rab kyis 'dod chags la sogs pa 'gags pa nyid do/ /dben pa ni snying stobs la sogs pa'i kun tu rtog pa dang bral ba'o/ /bas mdza' ni 'khor lo dag gi nang gi lam rnams so/ /dro ce cung zad rnyed nas

  308. 154b

    zhes pa ni cung zad rnal 'byor gyis mthu thob pa na spong pa bya'i gzhan du ma yin no/ /de nyid kyis 'chad par 'gyur ba las 'jigs pa'i gzugs kyis zhes pa'o/ /gal te 'dod ces pa ni nges par thams cad du spyod pa bya ba med par ston par byed do/ /'on kyang tshe 'di nyid la dngos grub rtogs par 'dod pa rnams la/ gal te 'dod na de'i tshe spyod pa spyang ngo/ /ci gcig pu zhig gis sam zhen ma yin no zhes gsungs pa/ 'dis zhes pa 'chad par byed pas so/ /de nyid gsungs pa bzhin mdzes zhes bya ba la sogs pa gsungs pa'o/ /mi yi bu mo blangs nas ni/ /de la chos ni bshad par bya/ /phyag rgya chen po zhes brjod pa/ /dngos grub de dang lhan cig 'gyur zhes so/ /skal pa dang ldan pa'i lha'i rigs te/ rang gi yi dam gyi lha'i rigs su'o/ /ku ru kul+le la sogs pa'i rnal 'byor pa'i bsam pa gsungs pa/ byang chub sa bon rab btab nas zhes pa ni byang chub tu sems bskyed pa'i rim pa dang/ gsang pa'i dbang bskur ba la sogs pa'i rim pas zhes bya ba'i don to/ /de'i tshe rdo rje ldan pas mchog ces pa ni rdo rje'i tshig dang ldan pa nyid kyis glu blang bar bya ste/ grong gi glus bya ba yang ma yin no// glu yang blang ste shes rab dang/ /rnal 'byor ma ni des mnyes so/ /rnam pa de bzhin gzhan du yang/ /rnal 'byor rig pas de ltar bya zhes so/ /de nyid kyi rnam par dag pa gsungs pa/ kye'i rdo rje yi nga rgyal gyis/ /sngags kyi dag pa glu yin te/ gar ni bsgom pa'i rang bzhin yin/ /lag pa rkang pa bskyod pa dag /de nyid kyis gsungs pa/ rdo rje rkang pa yis zhes pa dang/ rnal 'byor zhe sdang rnam dag pa zhes pa'o/ /thams cad du dam tshig thob par bya ba gsungs

  309. 155a

    pa/ sman yang bza' bar bya ba dang zhes pa ni rnam par snang mdzad do/ /chu zhes pa ni rdo rje'i chu'o/ /rkun ma'i sgra zhes pa ni mtshon gyis phug dang 'gegs nas gsad par rkun ma'i skras cod pan bya'o/ /de nyid las yang hUM byung zhes pa ni rus pa'i rgyan byas pa 'am/ kya'i rdo rje dang sbyar bar bya zhes pa ni bsgom pas sbyar bar bya'o/ /skra'i skud pa'i nyis skor gyis zhes pa ni rkun ma'i skra yis ska rags nyis skor bcing bar bya'o/ /nyis skor gyi rnam par dag pa gsungs pa/ shes rab thabs kyi rang bzhin gyis zhes pa'o/ /thal bar zhes pa ni yan lag thams cad la'o/ /skra'i dag byed ces pa ni rkun ma'i skra'i mchod phyir thogs pas spras pa'o/ /rdo rje thod pa ni kye'i rdo rje ste de'i spyod las so// ngo tsha ba ni 'jem pa'o/ /bya ba ni las so/ /bdag nyid kyang zhes pa ni bdag tu lta ba rtsa nas dbyung ba'o/ /lus ni sbyan par gtang bar bya zhes pa ni thams cad du rdo rje rnal 'byor ma sogs pa dang/ sems can thams cad kyi phyir ro/ / skal dang skal min rnam dpyad na zhes pa ni gcig dang du ma'i sbyor ba dang bral bas sbyin pa dang sbyin par byed pa la sogs pa mi dmigs pa'o/ /gang gi phyir don dam pa la sbyin par mi bya ba de'i phyir rnal 'byor pas mi sbyin te lus mi sbyin zhes bya ba'i don to/ /dngos grub thob pas kyang zhes bya ba ni rnal pa 'byor rnams kyis nges par bla ma la phyag bya ste/ gzhan du dngos grub thams cad las nyams te dmyal ba nyid du ltung ngo/ /zhes bstan pa'i phyir gsungs pa ni dngos grub thob pas kyang zhes pa ste/ mnar med spang ba'i rgyu yis zhes so/ /mnar med pa ni dmyal ba chen po ste/ de spang ba'i phyir zhes bya ba'i don to/ /lus la sogs pa'i bya ba nges par ni bslab pa'o/ /dkyil 'khor du 'jug pa la sogs pa ni dbang ngo/ /ngo tsha ba ni rang gi rigs

  310. 155b

    mu rjes su mthun pa'i bya ba mi sbyong ba dang khrel yod pa'o/ /dngos po thams cad ngo bo yis zhes pa ni dngos po thams cad ni phung po lnga'o/ /de rnams kyi ngo bo bla na med pa de bzhin nyid de'i tshul gyis ni stong pa nyid do/ /snying rje gsungs pa/ snying rje chen po zhes pa ste/ de bas na stong pa nyid dang snying rje dbyer med pa'i skus nas zhes bya ba'i don to/ /de la 'jigs par mi bya zhes pa ni 'jigs pa'i rgyu mthong pa na rang gnyis su med par dmigs pas sems zhum par mi bya'o/ /de nyid kyis seng ge gzugs kyis zhes pa ni seng ge'i spyod pas so/ /rnam pa thams cad du de'i rang bzhin gyis 'jigs pa med par spyod pa'o/ /snying rje ni bde ba chen po'o/ /btung ba ni gnyis su med pa'i a ba d+hA tI pa zhon nas so/ /rnal 'byor btung ba zhes pa ni rnal 'byor pas btung ba ste/ rnal 'byor pas btung ba de la dga' bar byed pa'o/ /de la dga' ba bskyed pa dang ldan pas btung ba gzhan gyi ro la chags shing dga' bar mi bya'o/ /spyod pa'i le'u bshad pa ste drug pa'o// //da ni spyod pa'i rnal 'byor pa gzhan ma rang gi dam tshig la gnas pa'i rdo rje rnal 'byor ma la sogs pa mthong ba na skal pa med pa yongs su shes bya bas yongs su shes par byed pa'i rgyud dam tshig gi phyag rgya bstan par bya ba'i phyir gsungs pa/ de nas brda'i le'u zhes pa ste/ skal ba med pa yongs su shes par byed pa'i phyag rgya ni brda ste/ de gsal bar byed pa'i nges pa'i tshig ni brda'i le'u'o/ /de ci'i phyir bya snyam pa la/ gang gi rnam par shes tsam gyis zhes pas so/ /spu ni rdo rje spun no/ /sring mo rang gi dam tshig la gnas pa'i rdo rje'i sring mo'o/ /the tshom med pa ni sam nyid med pa'o/ /sor mo gcig ni legs par 'ongs sam zhes pa'i don to/ /bstan par bya zhes pa ni steng du bya ba'o/ /srin lag bstan par bya zhes pa ni rang

  311. 156a

    gi dam tshig gis blta bar bya ba 'am sor mo gzhan gyis so/ /pa ti sa zhes pa ni sor mo dbu ma gnyis dpral bar 'phred la 'jog pa'o/ /rtse gsum zhes pa ni sor mo dbu ma gsum brkyang ba'o/ /mtshams kyi mdza' ni dpral ba'i dbus kyi steng gi gnas so/ /khro gnyer ni dpral ba'i gnyer ma bsdus pa'o/ /gtsug phud dgrol bar bya zhes pa ni gtsug phud dgrol ba'o/ /bya zhes pa ni slar la rnal 'byor pa rnams kyis smra bar bya ba'o/ /rgyab ces bya ba ni rgyab phyir bsgyur ba'o/ /pho lor zhes pa ni btsun mo dang rtse ba'i rgyus pags pa la sogs pa'i ri lu gyen du 'phen par ston ces bya ba'i don to/ /phyag rgya dang por bstan pa dang/ gnyis pa phyag rgya'i lan gyis dbye bas dam tshig shes par bya ba ni gsal bar bya ba'o/ /smra bar byed ces pa ni rang gi dam tshig la gnas pa mthong na smra zhing bdag nyid gsal bar byed pa'o/ /'di ltar mthong ba na/ gal te phreng bstan pa ni lag pa ston par byed pa'o/ /'du bar bya ba ni bdag cag dang 'khor lo 'dir zer ba'o/ /de la phyag rgya'i lan me tog gi phreng ba bor ba ni de lta bur ston pa'o/ /dam tshig la gnas par gyis shes pa ni smras pa bzhin byed pa'o/ /rang gi dam tshig la ji ltar gnas par bya ba ni bdag ni dka' blo bde bar der 'gro bar bya'o/ /phyi ros zhes pa ni dur khrod la sogs par ro/ /'du bar zhes pa ni 'khor lor ro/ /bzang po'i spyod yul ni zhing dang gnas la sogs pa gnas bzang por ro/ /de'i tshe gnas pa ni der 'dus pa ste/ rnal 'byor pa dang rnal 'byor ma 'dus pa'o/ /'dus pa can gyi gnas la sogs pa gzhan gsungs pa/ gnas dang nye ba'i gnas zhes bya ba la sogs pa'o/ /'di dag sa ni bcu nyid rnams shes pa ni gnas la sogs pa'o/ /'di dag gi 'dir bdag po sangs rgyas dang byang chub sems dpa' rnams te/ rab tu dga' ba la sogs pa las gzhan ma

  312. 156b

    yin no/ /sa bcu'i dbang phyug ni byang chub sems dpa' o/ /mgon po ni sangs rgyas so/ /gnas la sogs pa'i gnas gsungs pa/ /gnas ni dzA lan d+ha ra rag gsungs zhes bya ba la sogs pa la/ /gnas 'di rnams kyang sum cu rtsa gnyis te/ mgo bo dang spyi gtsug la sogs pa'o/ /mi phyed ma la sogs pa rnal 'byor ma rnams te/ de bsdus shing nye bar bsdus pas 'dus pa ni sa bcu gnyis rnams su'o/ /rnal 'byor ma rnams gnas su 'du ba'i gnas kyi nyi ma gsungs pa/ yi dags zla phyed ces gsungs pa ni nag po'i phyogs so/ /rgyal mtshan ni 'phyang ba'o/ /mtshon gyis bsad pa ni 'thabs nas/ shi ba'o/ /lan bdun pa ni skye ba bdun pa ste/ kha rnam tho ba med par gyur pas bsad pa'i tshogs gsad de/ de ci'i phyir bza' snyam pa la/ snying rje bskyed par bya zhes gsungs te/ bsad pa'i cho ga 'di bza' ba'i don du ma yin te/ 'on kyang ngan 'gro'i sems can snying rjes bsgral ba'i phyir ro/ /yang na dngos po thams cad 'dus pa der bsad par bya'o/ /'o na ni stong pa nyid 'ba' zhig gis nyan thos kyi byang chub lta bur 'gyur ro snyam pa la gsungs pa/ snying rje bskyed par bya zhes pa ste/ snying rjes smon lam gdab par byas na bde ba chen po dang ldan pa'i stong pa nyid kyi skyon du mi 'gyur zhes pa'i don to/ /snying rje med na mi 'grub ste zhes pa ni phyag rgya chen po'i dngos grub mi 'thob bo/ /de bas na dang por snying rje bskyed par bya'o/ /'o na gal te bza' ba'i phyir bsad pa'i cho ga ma yin na de'i tshe ci'i phyir snyam pa la/ gdug pa gzhug pa zhes gsungs te/ gdug pa can rnams bstan pa la ste/ 'jug pa ni rab tu 'jug par byed pa ste de'i don du'o/ /cho ga ni kha sbyor 'byed pa'i cho ga ste/ gtso bo ni gtso bor 'jug pa de'i don gyi cho ga nyid kyis so/ /sngar 'du ba'i don tu nyi ma gsungs pa/ de yang nyin mtshan no/ /de dag gi rnam par dag pa gsungs

  313. 157a

    pa/ de la yang 'di ltar rtogs par bya zhes so/ /mi bya med ces pa ni 'jig rten na smad pa snying rje dang mi 'gal bas sdig pa med par dge ba'i sems kyis so/ /ji ltar bdag nyid ces pa ni stong pa nyid dang snying rjes so/ /de bzhin du sems can blta bar bya'o/ /bdag nyid kyang ji ltar blta bar bya snyam pa la gsungs pa/ de bzhin bdag nyid bdag dang gzhan zhes pa ste/ bdag nyid kyang de bzhin du bya ste/ bdag nyid ji lta par gzhan du ma yin no zhes so/ /gnyis su med pa'i tshul 'dis chos rnams yang dag par bsams nas/ bza' btung la sogs brtsam par bya zhes pa ni dbyer med pa'i blos so/ /he ru ka dpal go 'phang zhes pa ni shes par bya ba'i go 'phang ste/ dpal he ru ka'i don la gnas pa zhes bya ba'i don to/ /su zhig he ru ka'i don la gang du gnas pa'i lus ngag gi bya ba phyag rgya dang sngags kyi rang bzhin yin snyam pa la/ gsungs pa/ sh+rI ni gnyis med ye shes te zhes so/ /he ni he 'o de'i don ni rgyu la sogs pa stong pa nyid dang/ rgyu dang 'bras bu dang/ gzugs pa dang 'dzin pa la sogs pa stong pa nyid 'dis ni mtshan ma med pa'o/ /ru ni tshogs dang bral ba zhes bya ba ni tshogs ni sa la sogs pa kun tu gnas pa'o/ /de dang bral bas de la smon pas smon pa med pa ni ru zhes bya ba'i don to/ /ka ni stong pa nyid kyi don te/ gang duAng mi gnas pa ni thams cad ci yang stong pa nyid de/ thams cad du gnas pa'i sbyor ba med ces bya ba'i don to/ /'di ni dpal he ru ka'i go 'phang ngo/ /sems can gang dang gang rnams kyi zhes pa ni 'dus pa la sogs par rgyal mtshan la sogs pa'i sha'o/ /mkhas pas zhes pa ni rnal 'byor dang rnal 'byor ma rnams kyi ste/ rnal 'byor la mkhas pa ni mkhas pas so/ /sems can de de zhes pa ni skye ba gzhan gyi 'gro ba rnal 'byor dang rnal 'byor ma'i dbang du 'gyur ba ste/

  314. 157b

    dga' nyan par 'gyur zhing sbyor ba la dga' bar 'gyur ro/ /ci 'di nyid ltar bza' 'am zhes/ ma yin te rdo rje thod pa'i rnal 'byor pas zhes gsungs te/ sngar gsungs pa'i dpal he ru ka'i sbyor bas so/ /yang na rdo rje ni de bzhin gshegs pa'i sa bon rnams te pruM ya sogs pa'o/ /ka pA la a las byung ba'i pad+ma'i snod do/ /rnal 'byor pas zhes pa ni 'og tu rlung dang me'i sbyor ba sngar bya ste 'bar ba dang/ khol bas rdo rje'i bdud rtsi dang gcig tu byed pa'o/ /yang na sems can gyi phung por rnam par rtog pa ni sha ste/ de dang de dag gis sems can de dang de dag gi phung po dbang du byed pa'i rang bzhin gyis spyod pa'o/ /brda dang gnas la sogs pa gtan la dbab pa'i le'u ste bdun pa'i bshad pa'o// //da ni rtsa'i 'khor lo bshad/ rnal 'byor ma bco lnga bskyed pa dang rdzogs pa'i rim pa'i dbye bas bsgom pa gsungs pa/ de nas rnal 'byor ma'i 'khor lo'o zhes pa'o/ /rnal 'byor ma rnams ni bdag med ma la sogs pa dkyil 'khor 'dus pa'am/ ye shes kyi tshul gyis pad+ma la 'dus pa ni rnal 'byor ma'i 'khor lo ste de bshad par bya'o/ /nam mkha' i khams la b+ha ga bsam zhes pa ni stong pa nyid bsgom pa'i 'og tu nam mkha' i rnam par dag pa chos kyi 'byung gnas bsam mo/ /de la dbus su bsgom par bya ba ni ji ltar 'khor lo'i sngon du yin zhes pa ni dkyil 'khor bsgom pa sngon du bya ba yin te/ lha rnams 'byung ba'i rim pas bsgom par bya'o zhes pa'i don to/ /ci rigs par zhes pa ni sa la sogs pa'i bsgom pa'i rim pas so/ /de nyid gsungs pa 'khor lo ni dkyil 'khor ro/ /ltung zhes pa ni sa ste sa'i dkyil 'khor zhes pa'i don to/ /chu ni sngon zhes pa ni me'i dkyil 'khor gyi sngon du chu'i dkyil 'khor bsgom par bya'o/ /de ltar rlung gi sngon du me dang de nas rlung chen po'o/ /dkyil 'khor 'di rnams

  315. 158a

    kyang/ ji ltar rigs par lha rnams te/ spyan la sogs pa'i rnam par dag pa'o/ /bsgom pa po yang de'i tshe rnal 'byor pa'o/ /ji ltar 'byung ba zhes pa ni dkyil 'khor rnams 'byung ba'i rim pas de'i bdag nyid kyis rnam par gnas pa'o/ /chos 'byung las byung zhes pa ni chos kyi 'byung gnas kyi dbus su 'khor lo bzhi yongs su gyur pa las byung ba'i dkyil 'khor gyi 'khor lo'o/ /nyis rtseg ni khang pa nyis rim mo/ /lte ba yis ni gcig yin te zhes pa ni lte bas nye bar mtshon pas pad+ma ni dbus kyi pad+ma zhes bya ba'i don to/ /zur gsum gyis ni zhes pa ni chos kyi 'byung gnas kyis mtshon pas rtseg ma gzhan phyi rol gyis te phyi'i gau rI la sogs pa'i gnas gru bzhi'o/ /de'i dbus su zhes pa ni dkyil 'khor gyi dbus su'o/ /de'i steng du ro'i snying gar zla ba ste/ de'i steng gi A li yongs su gyur pa las so/ /zla ba'i steng du sa bon a la sogs pa bco lnga'o/ /phyis ni nyi mas mnan pa'o zhes pa ni/ de'i 'og tu kA li yongs su gyur pa las byung ba'i nyi ma'i dkyil 'khor gyis mnan pa'o/ /gnyis zhes pa ni nyi ma dang zla ba dag go /shes rab dang thabs dag 'dus pa ste/ 'dus pa ni bde ba chen po shes rab dang thabs kyi sbyor ba las byung ba'o/ /de nyid gsungs pa A li gnas pa ni shes rab ste zla ba'i gzugs kyis so/ /kA li'i gzugs kyis ni nyi ma'o/ /de dag dbus su gau rI la sogs pa de'i zhes pa ni al sogs pa de'i sngags dang sngags kyi lha dag dbyer med pas so/ /sa bon rnams kyis zhes pa a la sogs pa dbyangs kyi yi ge bco lnga'o/ /mtshan ma zhes pa gri gug tu mtshan ma gcig pa nyid kyis gcig gi tshig can no/ /thams cad gcig gyur zhes pa ni spro ba dang/ bsdu ba sngon du byas te/ zla ba dang mtshan ma dang sa bon dang nyi ma'i bdag nyid gcig tu 'dres par gyur pa'o/ /sgrub pa zhes pa ni bya ba grub pa'i

  316. 158b

    ye shes so/ /gzugs zhes pa ni rnal 'byor ma rnams kyi lus so/ /rdzogs pa ni skyes pa'o/ /dag pa ni shin tu rnam par dag pa chos kyi dbyings kyi rnam par dag pa'o/ /A li kA li mnyam sbyor bas zhes pa ni thabs dang shes rab kyi gzugs kyis A li dang kA li gyur pa las zla ba dang nyi ma dag 'dus pa nyid do/ /rdo rje sems dpa' i gdan du'o zhes pa ni bskyed pa'i rgyu'o/ /dbyer med pa'i sa bon ni shes rab dang thabs dbyer med pa'i rang bzhin nyid de rdo rje sems dpa' o/ /de'i yi ge las byung gong bu la zhes pa ni mi 'gyur bas ni yi ge ste/ shes rab dang thabs gnyis su med pa'i sbyor bas so/ /de las byung ba'i gong bu ni bde ba chen po'i rang bzhin no/ /hUM dang phaT kyang 'dod pa min zhes pa ni/ hUM las byung ba'i rdo rje dang phaT kyis 'dzin par byed pa yang 'dod pa ma yin no/ sems pa'i gzugs zhes pa ni sems dpa' bskyed par byed pa'i gzugs zla ba la sogs pa gyur pa'i byang chub kyi sems kyi gzugs gcig tu 'dus pa las dkyil 'khor bdag po zhes bdag med ma gtso mo ste/ dkyil 'khor gyi bdag po ni dkyil 'khor gyi gtso bo dang gnyis su med pa'i tshul can nyid do/ /zhal dang phyag mtshan sogs sras dang mthun zhes pa ni ji ltar sras 'bras bu'i rdo rje sems dpa' dang zhal dang phyag mtshan la sogs pa de bzhin te/ 'di'i zla ba'i nor bu lta bu ni dkar po zla ba lta bu'o/ /yang na zla ba ni byang chub kyi sems so/ /nor bu ni nor bur phyin pas bskyed pa'i lhan cig skyes pa ni snang ba lta bu gang yin pa 'di ni zla ba nor bu'i 'od nyid do/ /de ltar thams cad rdzogs pa las/ /ji ltar bdag med rnal 'byor ma zhes pa ni mngon par byang chub pa lnga ste/ de bzhin du gau rI la sogs pa yang de nyid kyis gsungs te/ shes rab dang thabs kyi ngo bo nyid kyis so/ /shes rab dang thabs gang dag gi snyam pa la/ shes rab A li zhes bya ba la sogs pa gsungs te/ zla ba nyi ma'i rab dbye bas zhes pa ni so sor yang dag pas dbye bas

  317. 159a

    so/ /de nyid las gau rA li sogs par 'gyur ro/ /yi ge'i dbye bas zhes pa ni rang rang gi dbye bas so/ /gzhan so sor zhes pa ni bdag med ma la sogs pa 'di rnams mtshan ma yang thun mong nyid do/ /nyis rtseg ces pa ni sngar bshad do/ /de la rtseg ma gang du rnal 'byor ma du zhig bzhugs snyam pa la/ nang gi rtseg ma zhes bya ba gsungs so/ /dbang por zhes pa ni dbang po'i phyogs kyi 'dab ma la'o/ /'og tu gnas pa dang ldan pa ni 'og ldan ma ste/ kha 'og tu bltas pa 'khor ba'i gzugs can dang/ snying rje'i rang bzhin nyid do/ /steng du gnas pa dang ldan pa ni steng ldan ma ste mkha' spyod ma mya ngan las 'das pa'i rang bzhin dang/ shin tu stong pa nyid kyi rang bzhin nyid do/ /de dag gi dbus su ni gang dag bdag med rnal 'byor ma srid pa dang zhi ba'i rang bzhin gang yin pa de ni mi gnas pa'i mya ngan las 'das pa ste stong pa nyid snying rje dbyer med pa'i sku nyid do/ /gri gug thod pa phyag na bsnams zhes pa ni gri gug dang thod pa dag go /bsnams pa ni brel ba'o/ / lag par ni lag par te 'di rnams kyis zhes bya ba'i don to/ /de nyid kyis bshad pa lag pa gcig ni thod pas brel zhes pa ni/ gang dag gi lag pa gcig thod pas brel pa de ni lag pa gcig ni thod pas brel ba'o/ /nga rgyal la sogs skyan drug rnams/ /gri gug gcod par byed pas gnas zhes pa ni nga rgyal dang/ ma rig pa dang/ the tshom dang/ 'dod chags dang/ khong khro ba dang lta ba ste/ rtsa ba'i nyon mongs pa drug po nga rgyal la sogs pa gnas ngan len dang bcas pa'o/ /de gcod pas 'di dag thams cad kyi phyag na gri gug bsnams pa'o/ /dngos dang dngos med rnam rtog pa'o/ /mgo bo yis ni pad+ma'i snod ces pa la/ dngos po dang dngos po med pa'i rnam par rtog pa rtsad nas phyang bas pad+ma'i snod de thod pa'o/ /de yang

  318. 159b

    bdud bzhi'i khrag gis bkang ba'i zhes gsungs pa ni khrag ni bdud bzhi rnams kyi'o/ /'thung ba dngos grub rgyu yin no zhes pa ni/ gsungs pa'i rim pa 'dis so/ /da ni mnyam pa nyid kyi don la kha dog tu mngon par zhen pa'i skyon bsal pa'i phyir yan lag drug bsgom pa gsungs pa dang por zhes bya ba la sogs pa'o/ /dga' bral mthar yang de bzhin no zhes pa ni dga' bral gyi mdza' ni gang lhan cig skyes pa ste/ de ni dga' bral gyi mdza' lhan cig skyes pa tsam yin pas de'i phyir bsgom par bya'o zhes pa'i don to/ / yang na khyad par du 'phags pa'i dga' ba ni rnam par dga' ba'o/ /de'i mthar ni lhan cig skyes pa gang yin pa 'am dga' bral gyi mdza' i sgra nyid kyis lhan cig skyes pa gsungs te/ lhan cig skyes pa'i dga' ba de zhes bya ba ni tshig gi lhag ma'o/ /yang na de gshegs pa gzhan yang snga ma bzhin du bsgom par bya'o/ /bskyed pa'i rim pa nyid kyang zhes pa ni kun rdzob kyi bden pa dang/ don dam pa'i bden pa'i dbye ba gnyis kyis rim pa gnyis so/ /mkha' dbyings zhes pa nam mkha' i khams rnam yang dag pa pad+ma rnams nyid mkha' dbyings so/ /de la b+ha ga zhes bya ba byang chub kyi sems so/ de'i dbus su bsgom par bya ba ni thabs dang shes rab snyoms par 'jug pa'i mtshan nyid bsgom par bya'o/ /de las byung ba'i bde ba gang yin pa de 'khor lo ste lha rnams 'dus shing bsdus pa'o/ /ji ltar rigs par rang rig zhes pa de yang bde ba ste/ rigs pa'i stobs nyid kyis rang rig pa bdag dang gang zag la sogs pa'i dngos po med pa'o/ /byang chub sems ni lha yin no zhes pa ni stong pa nyid dang snying rje dbyer med pa'i mtshan nyid kyi lha bdag med pa'o/ /ji ltar rdzas ni 'byung 'gyur ba zhes pa ni de las byung ba 'dor ba med pa'i mtshan nyid kyis te 'byung ba'i rim pa zhes bya ba'i don to/ /rnam pa de phyir byang chub kyi sems kun rdzob dang don

  319. 160a

    dam pa'i dbye bas lhan cig skyes pa yang rnam pa gnyis so zhes gsungs pa/ de bas lhan cig skyes rnam gnyis zhes pa ni lhan cig skyes pa rnam pa gnyis kyis zhes bya ba'i don to/ /de rtogs par bya ba'i phyir gsungs pa/ re zhig btsun mo zhes gsungs so/ /'di ltar thabs dang shes rab dag so sor rnam pa gnyis kyi dbye bas rnam pa bzhi zhes bya ba'i don to/ /de nyid phyir na dga' ba yang/ dbye ba yis ni rnam pa bzhi zhes bya ba la/ de nyid ces bya ba gang las snyam pa la/ lhan cig skyes pa rnam pa bzhi/ gang phyir zhes pa ste/ lhan cig skyes pa nyid dga' ba rnam pa bzhi'i rjes su 'jug ste/ chung ngu dang 'bring po la sogs pa'i dbye bas so/ /rdzogs pa'i rim pa'i phyogs las ni zhes pa ni bskyed pa'i rim pa las ni lhan cig skyes pa rjes su 'gro ba med de/ de ni gnas nges pa nyid do/ /dga' ba dang po dpa' bo ste zhes pa ni dpa' bo ni kye'i rdo rje ste/ de dga' ba'i rang bzhin dang bde ba'i rang bzhin no/ /de bas lhag pa ni shes rab ste/ dga' ba'i rang bzhin nyid mchog tu dga' ba'o/ /de dag las shin tu dga' ba skyes pa gang yin pa'i dga' ba de ni thams cad ma lus pa bsdus pa lhan cig skyes pa'i rang bzhin no/ /de bde thabs kyis thams cad rig ces pa ni de lta bur gyur ba'i bde ba'i thabs su gyur pas thams cad rig cing thams cad shes pa thob par byed do/ /yang na shin tu dga' ba'i dga' ba zhes pa ni dga' ba gsum pa'o/ /ma lus zhes pa ni lus thams cad khyab pa'o/ /yang na de bde thabs kyis thams cad rig ces pa ni dga' ba gsum pa de nyid kyi thabs kyis bzhi pa'o/ /thams cad rig ces pa ni thams cad mkhyen pa'i rang bzhin can thams cad nye bar sdud par byed ba rdo rje sems dpa' i rang bzhin zhes bya ba'i don gang

  320. 160b

    yin pa 'am/ yang na thams cad ni phung po lnga'i rang bzhin te/ de bzhin gshegs pa nye bar sdud pas stong pa'i rang bzhin nyid do/ /rig pa yang bde ba chen po lhan cig skyes pa'i rang bzhin rang rig pa yin pa de'i phyir/ thams cad rig pa'o/ /da ni bskyed pa'i rim pa'i phyogs la lhan cig skyes pa'i gnas nges pa nyid gzhan du yang dag pa nyid gsungs pa/ /dga' ba bde ba cung zad tsam zhes pa'o/ /lhan cig skyes dga' lhag ma ni zhes pa ni lhag ma ste/ lhan cig skyes pa'i dga' ba nyid phul du byung ba'o// de'i phyir de nyid rdzogs pa'i rim pa la khyab par bsgom par bya'o/ /de nyid gsal bar bya ba'i phyir dang po reg par 'dod pa'o zhes pa'o/ /mchog tu dga' ba 'khor bar gsungs zhes pa ste/ dmigs pa dang bcas pa'i bde ba nyid do/ /mya ngan 'das pa dga' dang bral zhes pa ni 'dod chags dang bral ba nyid kyis rang bzhin can dag 'bral lo /dbu ma dga' ba tsam nyid de zhes pa ni dga' ba tsam gyi dbus ni dbu ma phul du byung ba ma yin zhes bya ba'i don nam/ mchog dang dga' bral dag gi dbus kyi dga' ba tsam ste/ lhan cig bskyes pa'i bde ba tsam mo/ /'khor ba dang mya ngan las 'das pa la mi gnas pa'i mya ngan las 'das pa'i rang bzhin zhes bya ba'i don to/ /de nyid kyis lhan cig skyes pas 'di dag spangs zhes pa ste/ rnam par rtog pa la sogs pa 'gags pa ni spangs pa'o/ /'dod chags nyid dang chags bral yang/ 'dres par gyur pas rtog med pa/ de bzhin chags dang chags bral dag /skad cig gcig la ro gcig 'gyur zhes so/ /de'i phyir rnam pa thams cad du las kyi phyag rgyas bskyed pa'i rim pas kyang lhan cig skyes pa nyid gtso bor 'dod do/ /de nyid bsgom par bya zhing bsgrub par bya ba dang brtag par yang bya'o/ /de thabs gang gis rnyed snyam pa gsungs pa/ gzhan gyi bshad las lhan skyes min zhes pa ni gzhan bla ma la sogs

  321. 161a

    pas bshad pa las ma yin te/ cig gis brjod par bya ba ma yin pa nyid do/ /gang du yang zhes pa ni bstan pa la sogs pas mi rnyed de/ de bstan du med pa nyid do/ /gal te de lta na bla ma mnyes par byas nas nyan pa dang slob pa la sogs pa don med pa nyid do snyam pa la/ rang nyid kyis shes par 'gyur te/ rang nyid kyis rnyed par 'gyur ro/ /'o na de ltar na yang thams cad du 'di rnyed par 'gyur ba nyid yin no snyam pa la/ bsod nams dang/ bla ma mnyes pa'i thabs kyis brgyud pa zhes bya ba gsungs te/ rgyu gnyis kyis so/ /de lta na yang rang nyid kyis ji ltar shes par 'gyur snyam pa la/ smras pa 'di'i don ni sngon du bla ma mnyes par bya ba la sogs pa bsod nams kyi tshogs bskyed de/ bla ma'i brgyud pa'i rim pas shes nas rjes su gnang ba dang brtson pas rang nyid las/ lhan cig skyes pa 'byung bar 'gyur gyi/ gsung thos pa tsam dang bsod nams bskyed pa tsam gyis sam/ rgyu med pa las rnyed par mi 'gyur ba'o/ /bla ma brgyud pa'i thabs kyis rnyed pa nyid ji ltar bya snyam pa la gsungs pa/ dman dang 'bring dang phul byung rnams zhes pa ste/ 'di nyid kyi don bshad pa'i phyir gsungs pa/ dman pa phra mo'i gnas kyi don zhes pa la/ dman pa ni rdul phra rab dang ye shes la sogs pa'o/ /phul du byung bas dang ri dang rgya mtsho la sogs pa'o/ /bar ma ni bum pa dang snam bu la sogs pa'o/ /brtan pa dang g.yo ba ni gang rnams so/ /de rnams ni 'dis gsungs so/ /de rnams thams cad ni 'di rnams thams cad do/ /mnyam par zhes pa ni blta bar bya'o/ /bdag med pa nyid ni 'di dag bdag med pa nyid do/ /'dis ni bdag tu blta bar bya ba ma yin par ston te/ mnyam pa nyid du gsungs pa ni/ mtshungs par bya zhes pa ste mnyam par bya ba 'di dag kyang dngos por mi bya ba nyid dam/ 'di dag lhan cig skyes pas so/ /de kho

  322. 161b

    na nyid bsgom par bya'o zhes pa'i bshad pa/ ro mnyam pa zhes pa ni/ ro mnyam pa de nyid kyi don gsungs pa/ mnyam zhing mtshungs pa zhes pa ste/ de bzhin nyid kyi rang bzhin gyis thams cad mtshungs pa ni mnyam pa de'i ro'o/ /'khor lo ni rnal 'byor ma'i 'khor lo ste/ nye bar bsdu ba gsungs pa/ ro gcig ni bsgom pa yis zhes so/ /yang na thams cad kyi bdag nyid do/ /yang thams cad spangs pa 'am zhes 'chad par 'gyur ro/ /thams cad spangs pa zhes gsungs nas/ thams cad bdag nyid ces gsungs pa nga las byung zhes pa'o/ /'di ltar bla ma brgyud pa'i rim pa shes nas bsgrubs pas de 'grub cing lhan cig skyes pa rnyed pas so/ /shin tu mnyam gzhag ces pa de nyid gsungs pa/ bza' btung dang zhes pa dang/ rgyun mi 'chad pa de las 'gyur zhes pa ni/ de'i phyir de ltar gyur pas bslab pa ste/ rgyun mi 'chad pa ni thams cad du lhan cig skyes pa de'i tshul gyis gnas skabs kyis rgyun mi 'chad par te lhan cig skyes pa de'i rang bzhin gyis rgyun du'o/ /de las 'gyur zhes pa ni thob pa'o/ /'gro ba kun gyis bsgom byas kyang zhes pa ni dang por dpyod pa'i shes rab kyis chos thams cad bsgom par byas pa ni dmigs pa byas pa'o/ /de'i 'og tu dngos po ma mthong bas bsgom du med pa'o/ /de'i phyir chos thams cad lhan cig skyes pa de bzhin nyid du yongs su shes pa nyid kyis bsgom du med ces pa ni dngos po med pas dmigs su med cing bsgom du med do/ /de nyid kyis gsungs pa/ brtan dang g.yo ba zhes pa rtswa dang gel pa lcug ma sogs zhes pa'i sgras sa la sogs pa dang/ mi la sogs pa de dag mchog tu de kho na nyid kyi tshul gyis bsgom par byas na'o/ /dag gi dngos po'i rang bzhin can zhes pa bdag nyid kyi dngos po'i rang bzhin can to/ /de'i gzugs can nyid do/ /ji ltar yang bdag ni thams cad nas thams cad kyi rnam pa thams cad du

  323. 162a

    mi dmigs te/ de bzhin du 'di dag kyang ji lta ba 'am/ rnal 'byor ba'i rang gi bdag nyid kyi gzugs bde ba chen po'i gzugs kyis de bzhin nyid du mthong ba yang ngo/ /de dag gcig ces pa ni de nyid kyi tshul gyis so/ /de rnams kyi gzhan ni pha rol med pa'o/ /de ci'i phyir rang bzhin snyam pa la/ rang rig pa bde ba chen po'o zhes pa de lta bu'i tshul gyis bsgom par bya'o zhes bya ba'i don to/ /de las cir 'gyur snyam pa la gsungs pa/ rang rig las ni dngos grub yin zhes pa ni/ phyag rgya chen po'i dngos grub bo/ /rang gis rig pa bsgoms pa yis zhes pa ni gang du rang gis rig pa med pa de la don dam par bsgom pa med de/ gnyis su med pa'i yul gyi don la btags pa nyid do/ /rang gis rig pa'i rang bzhin las zhes pa ni lus la sogs pas byas pa'i bya ba la sogs pa yang rang rig pa rnal 'byor pa rnams kyi bde ba chen po'i rang bzhin dang ldan pa'o/ /gal te de lta na de'i chos dang chos ma yin pa'i las de dang nyon mongs pa de las sdug bsngal zhes bya ba la sogs pa gzhan dang gzhan du ji ltar 'gyur snyam pa la gsungs pa/ brtsod pa las ni las skyes te zhes pa ni thog ma med pa'i ma rig pa'i stobs kyi rang bzhin yongs su ma shes pa'i rnam par rtog pa la sogs pa'i rtsod pas bde ba chen po rang rig pa dang 'gal lo/ /'o na bde ba chen po de nyid ldan bzhin du yang de ji lta bu snyam pa la gsungs pa/ rang gis 'phrog ces pa ni de ltar bde ba de dang de nyid rang gis bla ma'i bka' la sogs pa'i rkyen gyis rtogs pas las dang nyon mongs pa la sogs pa'i kun tu 'phrogs te/ de med pas rang gi las la sogs pas 'khor par byed kyi/ gzhan dbang phyug la sogs pas ni ma yin no/ /rtogs pas rang nyid rgyal po bas rgyal po zhes bya'o/ /bdag po yang thams cad kyi mchog nyid kyis mthu dang

  324. 162b

    ldan zhes pa'o/ /de'i bdag po nyid ji lta bu snyam pa la/ 'dod chags zhe sdang zhes pa ste/ 'dod chags la sogs pa rnam par dag la snang ba mdza' yas la sogs pa'i de bzhin gshegs pa la ni 'dod chags la sogs pa'i sgrar gsungs so/ /de dag kyang rdo rje 'dzin pa chen po'i go 'phang der gnas pa'i tshul gyis lhan cig skyes pa'i go 'phang la gnas pa'i rnal 'byor pa ni rdo rje sems dpa' o/ /bcu drug char yang mi phod ces pa ni mi rnyed pa ste/ de bas na de bzhin gshegs pa dag gi yang gtso bo nyid dang bdag po'o// chos 'byung las skyes ye shes ni zhes pa ni gang las chos rnams kyi rang bzhin 'byung ba de ni chos 'byung ngo/ /de las byung ba'i ye shes gang yin pa de ni mkha' dang mnyam pa ste de bzhin nyid kyi rang bzhin no/ /thabs dang ldan zhes pa ni dmigs pa med pa'i snying rje bde ba chen po dang ldan pa ste/ stong pa nyid dang snying rje'i bdag nyid can byang chub kyi sems zhes bya ba'i don to/ /'jig rten gsum po de las skyes zhes pa ni don dam pa'i byang chub kyi sems de nyid las srid pa gsum yang skyes pa'o/ /ji ltar snyam pa la/ shes rab thabs kyi rang bzhin las zhes bya ba gsungs te/ de yang de las skyes pa ni de dang rjes su mthun pa'i rgyu byed pa'i ngo bo nyid de/ don dam par skye ba med pa'i rang bzhin nyid do/ /de bas na 'di dag thams cad byang chub sems kyi rang bzhin te/ cung zad kyang 'di'i char mi 'gal bar rnal 'byor pas bstan par bya'o zhes ston to/ /thabs dang shes rab kyi rang bzhin nyid do zhes ston par byed pas gsungs pa/ rdzas ni bcom ldan 'das yin te zhes pa ni thabs dmigs pa dang bcas pa nyid do/ /de'i bde ba ni lhan cig skyes pa'i rang bzhin can ni 'dod ma ste/ shes rab dmigs pa de bzhin nyid kyi rang bzhin can no/ /gcig dang du ma'i sbyor bral 'di zhes pa ni/ lhan cig skyes pa'i rang bzhin byang

  325. 163a

    chub kyi sems zhes bya ba rdo rje 'dzin pa'o/ /skad cig ces pa ni lhan cig skyes pa la sogs pa'i skad cig tu'o/ /mchog ni thun mongs ma yin pa'o/ /dga' ba ni bde ba chen po'o/ /byin gyis brlabs pa'i rim pa 'di dag ces pa ni lhan cig skyes pa 'byung ba'i byin gyis brlabs pa'i ye shes gang yin pa de dang de'i rang bzhin te/ rim pa 'di dag rdo rje 'dzin pa'i rang bzhin dang bcas pa ni rdo rje sems dpa' i byin gyis brlabs pa'i bdag po'o/ /kun mkhyen ye shes rang bzhin te zhes pa ni thams cad mkhyen pa'i ye shes gang yin pa de dang de'i rang bzhin te/ lhan cig skyes pa'i rang rig pa dang bde ba chen po mchog dang gzhan ma yin pa'i rang bzhin no/ /skad cig rtsod pa thams cad spangs shes pa lhan cig skyes pa 'byung ba'i skad cig la thams cad de dang de'i rang bzhin nyid du gyur te/ gnyis kyis tshul gyis rtsod pa med pa'o/ /rtsod pa thams cad ni gnyis kyi spyod yul te/ gnyis su med pa la su zhig gang gi rtsod par byed ces bya ba'i don to/ /rtsod pa de ci snyam pa la gsungs pa/ rang bzhin yang dag tshor bar rig ces pa ste/ de nyid kyis gsungs pa/ mtho ris mi yul sa 'og tuAng zhes so/ /rig byed grub mdza' ma lus rnams zhes pa la/ rig byed pas smras pa ni grub pa'i mdza' o/ /dngos grub ni phyag rgya chen po'i dngos grub ma yin pa'o/ /srid pa ni 'khor ba ste/ rnam par dag pas yang dag pa yongs su shes pa gang yin pa de dngos grub ste de ma yin zhes bya ba'i don to/ /de'i tshe cig yin snyam pa la gsungs pa/ yang ni skye ba gzhan dag la zhes pa'o/ /chu bo'i rgyun 'bab pa dang/ mar me 'bar ba'i rgyun gzhan du/ zhes pa ni dper na chu bo'i rgyun 'bab pa la mar me 'bar bas ni

  326. 163b

    mun pa sel bar byed kyang mi gnas pas don med pa de bzhin du/ kye'i rdo rje'i don shes nas gzhan du ral par byas kyang 'bras bu gnas pa ma yin pa bde nyid do don med do/ /yang na gang du chu bo'i rgyun 'bab pa na rgyun mi 'chad pa dang/ yang ji ltar mar me 'bar ba'i rgyun dang gsal ba de bzhin du rtag tu de kho na nyid kyis sbyor bas gnas par bya ste/ rnal 'byor pa rnams kyis so/ /yang na ji ltar chu bo'i rgyun 'bab pa na rgyun mi 'chad pa de bzhin du rnal 'byor pas kyang rang gis gsal ba nyid du yang mar me 'bar ba'i rgyun bzhin zhes pa ni bla ma'i zhal snga nas gnang ba las shes par bya'o zhes pa'o/ /rnal 'byor ma'i 'khor lo'i le'u bshad pa ste brgyad pa'o// //da ni mchog dang mchog ma yin pa'i dbye bas rnam par dag pa gsungs pa/ mchog ces pa'o/ /de la mchog tu rnam par dag pa ni de bzhin nyid dang tha mal pa lha'i rang bzhin nyid do zhes gsungs pa ni/ nges par dngos po 'di dag kun zhes pa'o/ /lha rnams gsungs zhes pa ni bshad par bya'o zhes pa'o/ / phung po lnga ni gzugs la sogs pa'o/ /dbang po drug ni nang gi skye mched do/ /skye mched drug ni phyi'i skye mched do/ /ngo bo nyid kyis rnam par dag ces bya ba ni de bzhin nyid kyi bdag nyid kyi ngo bo nyid kyis so/ /thams cad dag ces pa ni sngar gsungs pa'i dngos po'i don thams cad du gsungs pa'o/ /phung po dang skye mched dang khams kyi dbye bas gal te 'di dag ngo bo nyid kyis rnam par dag yin na rnam par dag pas ci zhig bya snyam pa la/ mi shes nyon mongs bsgribs pa yis/ dag bya zhes pa ni rang bzhin gyis dag kyang phung po la sogs pa'i rang bzhin yang dag par mi shes pa'i glo bur gyi nyon mongs pas bsgribs pas de'i phyir rang bzhin rtogs par bya ba'i sgo nas sbyor bar byed pa'o/ /rang rig bdag nyid rig pa yis zhes pa ni de bzhin nyid kyang pha rol tu phyin

  327. 164a

    pa'i tshul lta bu nyid ni ma yin te 'on kyang bde ba chen po rdzogs pa'i byang chub kyi tshul rang rig pa mchog tu bde ba ste/ rang rig pa bde ba chen po nyid do/ /de rnams kyi khyad par du 'phags pas mig la sogs pa'i spyod yul gyi don ma yin pa'o// dag pa'i dngos po ni dag pa'i rang bzhin no/ /gang gi phyir 'gro ba sangs rgyas dngos zhes pa ni de bzhin gshegs pa lnga'i rang bzhin gyi dbye ba dang/ dbyer med pa de bzhin nyid kyi bdag nyid can rdo rje sems dpa' i rang bzhin zhes bya ba'i don to/ /mig gis gzung ba'i gzugs dang zhes pa ni gzugs gzung bar bya bas na gzung ba 'am/ mig 'dzin par byed pa po 'am byed pa ste/ 'dis zhes pa ni 'dzin par byed ces bya ba'i don to/ /de ltar sgra dang rna ba la sogs pa dang/ lces myang bar bya ba shes zhes pa ni myang bar bya bas na myang bas te ro'o/ /shes pa ni shes par byed pas na shes pa'o/ /rdzas zhes pa ni rig par bya ba ste sa la sogs pa'o/ /gal te de ltar dngos po 'di dag ma dag pas de'i tshe spangs te dag par byas pas ci zhig bya snyam pa la/ rnal 'byor pa yis bsten par bya zhes pa ste/ gang las snyam pa la/ gang phyir bsten par bya zhes pa gsungs so/ /gal te bsten par byas na de'i tshe 'khor bar gnas pa'o snyam pa la/ dag pas dug med byas nas ni zhes gsungs pa ste/ dper na dug gi de kho na nyid mi shes pas bsten par byas na skyon du 'gyur ro/ /de dang de nyid kyi de kho na nyid shes na dug med par byas te/ de kho na nyid shes pas zos na skyon med pa 'ba' zhig tu ma zad kyi 'on kyang sngar dug gzhan las gyur pa yang 'joms so/ /de bzhin du yul gyis kyang dug dang bcas pa de dag gal te rnam par ma dag pas bsten par byas na de'i tshe 'dod chags la sogs pa'i skyon skyed par byed do/ gang snga ma/ bsten pas ni skyed par yang mi byed do

  328. 164b

    'joms par yang mi byed do/ /gang gi tshe gzhan de bzhin nyid la sogs pa'i dag pas dug med par byas te/ bsten na de'i tshe yon tan skyed par byed cing 'joms par yang byed do/ /de'i phyir nan tan gyis bsten par bya'o/ /da ni phung po la sogs pa'i dbye bas dag pa gsungs pa/ gzugs phung zhes bya ba la sogs pa'o/ /da ni sngar ma gsungs pa'i phyogs rnam par dbye ba gsungs pa/ dbang ldan du ni puk+ka sI zhes bya ba la sogs pa'o/ /rdo rje sems dpa' i rnam par dag pa gsungs pa/ phyag rnams zhes pa'o/ /zhabs dag ces pa ni g.yon pa dang g.yas pa dag gi zhes pa'o/ /zhabs bzhi bdud bzhi las rnam par rgyal ba'i rnam par dag pa'o/ /zhal brgyad rnam par thar pa yis zhes pa ni sgo brgyad po gzugs can rnams la blta zhes bya ba la sogs pa rnam par thar pa'i sgo brgyad rnam par dag pa'o/ /spyan gsum dag pas rdo rje gsum zhes pa ni sku rdo rje la sogs pa'i rang bzhin mkha' spyod ma dang sa spyod ma dang bdag med ma'i rnam par dag pa zhes bya ba'i don to/ /zhe sdang zhes bya 'khor lo can zhes pa ni zhe sdang ni zhe sdang rnam par dag pa'o/ /'khor lo can ni 'khor lo'i gdag mo'o/ /zhes bya zhes pa ni 'dod chags dang/ 'dod chags dang bral ba rnam par dag pa'i brjod pa ste/ bdag med ma zhes bya ba'i don to/ / 'dod chags ni 'dod chags rnam par dag pa zhes gsungs pa'o/ /gsang ba'i gau rI ma zhes bya ba ni nang gi rtseg ma'i gau rI ma'o/ /gti mug rdo rje de bzhin brjod ces pa ni rdo rje ma gti mug rnam par dag pa'o/ /bskyed pa'i rim pa'i phyogs la ni zhes pa ni rdzogs pa'i rim pa'i phyogs la ni de bzhin nyid kyi phung po la sogs pa nyid dag pa mchog ces bya bar dgongs so/ /gang dang gang gis shes pa ni gang dang gang gi ni phung po dang 'dod chags la sogs pas 'jig rten pa bcings

  329. 165a

    te/ las dang nyon mongs pa la sogs pas sdug bsngal dang nye bar ldan pa'o/ /de dang de nyid kyis shes pa ni phung po dang 'dod chags la sogs pa dag pas bcings pa las grol ba'o/ /de phyir 'jig rten rmongs pas zhes pa ni rmongs par gyur pa yis so/ /gang las snyam pa la/ gang gi phyir de nyid rig pa med ces pa ni dngos po rnams sgyu ma lta bu dang/ de bzhin nyid kyi bdag nyid du rnam par dag pa mi shes pas so mi shes pa de kho na nyid spangs te nam yang dngos grub thob pa ma yin no/ /de'i phyir de kho na nyid yongs su shes pa yang dri la sogs pa'i dngos po yod pa ma yin no/ /de bas na de bzhin nyid la sogs pas sems ma dag pas ma dag pa de sbyod bar byed pa yin no/ /de yang lhan cig skyes pa'i gnas la gnas pas de rang bzhin thams cad pas 'di cis dag par bya ste/ de nyid kyis thams cad rnam par dag pa rang bzhin gyis dag par 'gro ba rtogs par bya zhes gsungs te/ dngos po thams cad shin tu rnam par dag pa nyid de/ dag pa'i ngo bo las byung ba'o/ /lhan cig skyes pa las skyes pa nyid 'di yang phung po la sogs pa lhan cig skyes par blta bar bya'o zhes bya ba'i don to/ /rnam par dag pa bshad pa'i le'u ste dgu pa'o// //de ltar de kho na nyid bsgom pa ni dbang ma bskur bar skal pa med do/ /dbang bskur ba yang dkyil 'khor med par ma yin pas na de kho na nyid gsal bar byed pa'i thabs slob ma dbang bskur ba'i phyir dkyil 'khor gsungs pa/ de nas yang dag bshad par bya zhes so/ /ji ltar rim pas zhes pa ni dkyil 'khor bri ba'i rim pa gang yin pas so/ /cho ga gang gis zhes pa ni/ slob ma dbang bskur ba'i ste de yang rab tu bshad par bya'o/ /rnal 'byor pa yis sa sbyang bya zhes bya ba la sogs pa ni skyed mos tshal la sogs pa'i gnas su sngags pas sngon du bsnyen pa bya ste/ slob ma bsdu ba'i

  330. 165b

    phyir ram/ rab tu gnas par bya ba'i phyir dkyil 'khor bya bar 'dod pas me tog la sogs pas sa'i lha mo mchod do/ /oM b+hu khaM zhes sngags kyis ni/ bum pa 'dzin cing kha dog ser/ /sngon du dgug pa byas nas ni/ /nam mkha' la ni gshegs par bsam/ /oM tiSh+Tha badzra hUM gis yang dag par byin gyis brlabs nas bus mo man chad tsam brko bar bya'o/ /de nas byung ba'i thal ba dang sol ba dang phub ma dang rdo dang rus pa dang gseg ma la sogs pa bsal te/ sa nges sam gzhan dri zhim po'i chus gtor te bgos pa'i khung bu des dgang bar bya'o/ /hUM zhes bzlas te/ dri zhim po'i chus gtor nas brdzis te mnyam por byas te/ de las sa'i lha mo oM me de ni badzri b+hA ba badzra band+ha hUM zhes pas spyan drangs te bcug la byin gyis brlabs par bsam mo/ /nges par skyon rnams 'di dag kun/ /gal te bsal bar ma nus na/ /lag pa gtad la sngags bzlas te/ /de nyid dag pa grags chen po/ /khang thog rdo steng gnas lhas dang/ /lha khang chu 'gram rgyal gnas sogs/ /brkas pas rnam par dag bya min/ /sngon du sbyangs pa'i gnas su yang zhes pa ste/ de ltar sa sbyang bar bya'o/ /de la dkyil 'khor bri ba'i cho ga ni 'chad par 'gyur ro/ /'bad pas hUM las rdo rjer bya zhes pa ni raM yongs su gyur pa las nyi ma la gnas pa'i hUM las byung ba'i sna tshogs rdo rje'i sa'i rang bzhin du byas te sa sbyang bar bya zhes bya ba'i don to/ /dkyil 'khor bri ba'i gnas gsungs pa/ skyed mos tshal zhes bya ba la sogs pa'o/ /bzang po zhes bya ba 'di'i bshad pa gsungs pa/ rin chen sna lnga'i phye ma yis zhes pa la sogs pa'o/ /dkyil 'khor gyi ched nges par ldan pa gsung spa? dkyil 'khor khru gsum zhes pa'o/ /'di'i don rdo rje sems dpa' snyems byas te/ /g.yas brkyang ba yi zhabs dag bya/ /phyag gnyis he ru kar sbyor ba/ /slob dpon dkyil 'khor 'jug par bya/ /hUM hUM zhes ni sgrogs pa dang/ /hi hi zhes bya 'jigs

  331. 166a

    su rung/ /sngags pa rdo rje dril bu 'dzin/ /gau rI sogs kyi gsol ba 'debs/ /de bzhin gshegs pa kun zhi ba/ /de bzhin gshegs pa kun gyis gnas/ /rdo rje sems dpa' yang dag 'byung/ /dkyil 'khor gtso bo bshad du gsol/ /mtshan rnams thams cad yang dag rdzogs/ /mtshan min thams cad rnam par spangs/ /kun tu bzang po yang dag 'byung/ /dkyil 'khor bdag po bshad du gsol/ /zhi ba'i chos ni mchog las byung/ /ye shes spyod pa rnam spyod byed/ /rdo rje rin chen yang dag 'gyur/ /dkyil 'khor bdag po bshad du gsol/ /sems can kun gyi sems chen po/ /rang bzhin dag pas dri ma med/ /rnam par snang mdzad cher 'byung ba/ /dkyil 'khor bdag po bshad du gsol/ /de bzhin phyag rgya gnas bzhengs te/ /kun tu rnam par gzigs mdzad nas/ /hUM zhes rjod par byed pa'i bdag /rkang pa rdo rje gar byas nas/ /snyems dang ldan pas yongs su bskor/ /rdo rje lta bas bltas nas kyang/ /rkang 'og rdo rje 'bar ba ni/ /hUM las sprul pa bsgom par bya/ /blo ldan rdo rje gsor? byed cing/ /dril bu dkrol bar byed par brtson/ /sa ni dag par byed pa 'dis/ /bsrungs pa yang ni chen por 'gyur/ /brjod pa 'di yis bgegs rnams ni/ /chen po yang ni skrod par byed/ /bgegs chen po ni 'gro bar gyis/ /gang yang lus la sogs pa rnams/ /bde chen ye shes las byung bas/ /rdo rje sems dpa' i rang bzhin byung/ /nga ni dpal ldan snying rje'i stobs/ /bsrungs pa'i 'khor lo rab sbyor byed/ /rdo rje 'bar ba'i lus ldan pas/ /sku gsum las byung 'gas par byed/ /gal te 'das par gyur na ni/ /'jig bar 'gyur te gzhan du min/ /sa ni yongs su gzung byas nas/ /bgegs med phyir ni phur bus gdab/ /oM badzra kI li kI la ya band+ha hUM phaT/ /mtshams dang ra ba phyogs bcings nas/ /sa ni sta gon gnas par

  332. 166b

    bya/ /baM las byung ba'i ser mo yis/ /gser gyi bum pa 'dzin par byed/ /mchod pa lnga yis mchod par bya/ /mi bskyod phyag rgyas gsol ba gdab/ /kye'i rdo rje mchod byed pa'i/ /lha mo rin chen sna tshogs 'dzin/ /lha mo khyod ni dbang du gyur/ /bdag ming 'di zhes bya ba ni/ /dkyil 'khor dam pa 'bri lags na/ /dkyil 'khor gnas ni sbyang? du gsol/ /dri zhim tsan dan la sogs kyis/ /lha mo'i gnas ni ji lta bar/ /dkyil 'khor gyi ni rim pas bya/ /'khor lo de la spyan drangs te/ /mchod dang bstod pa la sogs bya/ /mgrin pa ring zhing lto ba 'phyang/ /rtsa ba nag po spangs pa yi/ /dang po'i rim pas bum pa brgyad/ /a ma'i 'dab ma la sogs ldan/ /ras kyis mgrin pa dkri bar bya/ /lha yi mtshan ma bris nas ni/ /'bru lnga sman dang rin chen lnga/ /lto ba chen po'i nang du gzhug /me tog phreng ba rdo rje'i rtse/ /btags nas rang gi sngags rnams kyis/ /sngags pa rab tu gnas par bya/ /arg+haM zhabs bsil mchod sogs dbul/ /me tog dkar po gzhug par bya/ /dri zhim chu yis bkang nas ni/ /cho ga'i rim pas bzhag par bya/ /yang ni sngar bzhin mchod par bya/ /lag pas bdug spos blangs nas ni/ /blo ldan 'khor gtsor gsol ba gdab/ /bdag med ma la pus btsugs nas/ /rdo rje lha mo bdag med ma/ /rig sngags rgyal la phyag 'tshal bstod/ /bdag ni dkyil 'khor 'bri bar 'tshal/ /snying rje'i stobs la mchod pa'i phyir/ /slob ma'i don du gshegs nas ni/ /bdag la gnang ba mdzad pa'i rigs/ /sangs rgyas dpa' bo mkha' 'gro ma/ /'gro ba'i don la mchog tu gzhol/ /sangs rgyas bdag la dgongs su gsol/ /'jig rten skyong ba mthu chen rnams/ /bdag med la sogs dkyil 'khor ni/ /'gro ba'i don du 'bri bar 'tshal/ /rdo rje 'dzin bdag 'di zhes bya/ /ji ltar nus pa'i yo byad kyis/ /bdag dang slob mar bcas pa la/ /rjes su brtse bar

  333. 167a

    mdzad nas su/ /dkyil 'khor du ni tshogs pa kun/ /nye bar yang ni mdzad pa'i rigs/ /'khor lo lan gsum gsol btab ste/ /mkhas pas mchod pa la sogs bya/ /yang dag bsrungs la phyir byung ste/ /slob ma me tog phreng thogs shing/ /yid gzhungs spro ba che ba dang/ /dman pa'ang lhag par gnas par bya/ /de la slob ma ma lus des/ /blo yis rang gi nang bcug nas/ /rang snang pad+ma 'khor lo dag /khyim sgo nas ni gsol ba gdab/ /bdag gi ston pa dpa' chen khyod/ /sems can thams cad don brtson pa/ /mgon po dam tshig bdag la gsol/ /sdom pa'i mchog kyang bdag la gsol/ /sangs rgyas chos dang dge 'dun te/ /byang chub sems kyang bdag la gsol/ /kun tu kun rtog spangs pa yis/ / grong khyer nyams dga' 'jug par 'tshal/ /de nas slob gtso gcig dmigs te/ /tshig ni 'di skad brjod par bya/ /tshur shog theg pa chen po yis/ /sngags kyi spyod pa'i tshul gsal ba/ /bu la nga yis bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku dang gsung dang thugs 'dzin pa/ /rdo rje sngags kyi mthu yis ni/ /ye shes mnyam med yang dag thob/ /bdud sde shin tu mi zad bcom/ /shAkya seng sogs dpa' bo yis/ /'jig rten rjes su gshegs nas ni// 'khor lo bskor te mya ngan 'das/ /de bas blo ldan du yis 'di/ /thams cad mkhyen pa thob par gyis/ /bshags sogs lan gsum byas nas ni/ /snying ga lkog ma spyi bor ni/ /mkha' spyod sa la spyod pa dang/ /sa 'og spyod pa gnas par bsam/ / tsan dan rdo rje khu tshur gyis/ /oM A:hUM zhes yang dag brjod/ /snying ka mgo bo lkog ma la/ /me tog la sogs rim bzhin sbyin/ /me tog mgo bor mdun du spos/ /mar me dri yang snying ka la/ /rang rang sngags kyis yang dag bzlas/ /slob ma rnal

  334. 167b

    'byor pas mchod bya/ /sor ni bcu gnyis me tog rtser/ /ma yo ma gas srog chags med/ /a shwat u dum bA ra yi/ /ma yo ba yis so shing sbyin/ /shar dang byang du kha bltas nas/ /ba ko tsam gyis byugs te/ /'chos nas kyang ni dor bar bya/ /zhi ba sogs pa'i dngos grub bstan/ /gang phyogs bltas la dngos grub ni/ /de yis mchog ni shes par bya/ /shar du bltas nas dngos grub ni/ /dbu ma ru ni yongs su grags/ /byang du bltas dang thad khar yang/ /zhi ba'i 'jig rten dngos grub yin/ /gang tshe 'og tu kha bltas pa/ /de tshe sa 'og dngos grub yin/ /'thor 'thung skyor chu lan gsum blud/ /byin nas phyi rol bzhag por bya/ /ku sha'i stan la nyal du gzhug /dpung par skud pas shin tu bsrung/ /oM h+rI:bi shud+d+ha sarba d+harmA bA pa ni tsA sya sho d+ha ya bi kalpaM a pa na ya hUM/ kun mkhyen rnams ni 'jig rten du/ /brgya lam na ni 'byung 'gyur te/ /u dum bA ra'i me tog bzhin/ /brgya lam na ni mi 'byung srid/ /'di skad la sogs bstan byas nas/ /ku sha'i stan la nyal du gzhug /de nas dkyil 'khor dbus su ni/ /rang gi sbyor ba ldan pas 'dug /kye'i rdo rje'i phyag rgya yis/ /cho ga bzhin du byin gyis brlab/ /rang gi lha yis sbyor ba yis/ /shin tu sar par ldan pa ni/ /tshad dang ldan zhing mdzes pa yis/ /shes rab can gyis thig gdab bya/ /sgo bzhi 'bar ba chen po ste/ /zhes bya ba la sogs pa'i yon tan gyis mdzes pa'o/ /de ltar 'khor lo'i thig btab nas/ /tshon la 'bar ba'i lta ba yis/ /mngon par bsngags te 'bar bar bya/ /khu tshur g.yon pas dgye bar bya/ /'di ni chos dbyings dag pa ste/ /sems can khams ni grol byed pa/ /kye'i rdo rje rgyal po che'i/ /sa chon dgye ba brtsam pa ni/ /dkar dang de bzhin ser po nyid/ /dmar po dang ni ljang khu gnag /mnyam zhing g.yas skor rgyun ma chad/ /'og tu nas gang tsam gyi bar/ /

  335. 168a

    de las dkyil 'khor bri bar bya/ /kun tu ye shes 'khor lo ni/ /spyan drangs nas ni gzhug par bya/ /phyogs skyong gtor ma byin nas ni/ /sbyin sreg gi ni rdzogs par bya/ /de nas slob ma gzhug pa'i phyir/ /de nyid bden pa bsgag par bya/ /chos rnams gzugs brnyan lta bu ste/ dag cing bsal la rnyog pa med/ /gzung ba dang ni brjod du med/ /rang gi rgyu las kun tu byung/ /de bzhin nyid las nges par skyes/ /bden pa 'di yis dri med pa/ /slob mas gzugs brnyan gsal bar ni/ /kun gyi dri ma med mthong shog /sems can kun gyi yid khyob cing/ /sems can kun gyi snying la gnas/ /sems can kun gyi yab gyur nyid/ /'dod chags dam tshig rnams kyi mchog /bden pa gang gis ye shes mchog dkyil 'khor shes rab thabs bdag nyid/ /bden ba de yis de bzhin bdag /khyod kyis 'dod pa rab rdzogs mdzod/ /de nas thun chod gnyis pa la/ /mig na ras kyi dgab bya ste/ /slob ma de la gzhug par bya/ /de nas dkyil 'khor bstan par bya/ /de ltar 'di yi rim pa yis/ /sngon du dkyil 'khor gzhug bya ste/ /slob dpon gyi dbang bskur ba'i 'og tu gsang ba dang shes rab kyi dbang bskur ba'i phyir gsungs pa/ /rig pa de la gzhug par bya zhes pa ni ma dang sring mo zhes bya ba la sogs pa'o/ /gsang ba'i dbang bskur ba la brgya la the tshom za ba srid pa/ gnyis ka'i gdong pa bcing ba gsungs pa ni/ phyag rgya'i zhes bya ba la sogs pa'o/ /shes rab kyi dbang bskur ba gsungs pa de nyid la yang bya ba nyid ces pa ni dkyil 'khor gyi sa de nyid du shes rab de nyid la 'am gzhan la'o/ /shes rab ye shes kyi rang bzhin gsungs pa rang rig ces pa'o/ /thabs dang shes rab rnam par 'dres pa shes pa ni/ /gnyi ka kun tu dga' ba nyid kyis mnyam pa nyid

  336. 168b

    kyi ye shes nyid dam/ /stong pa nyid dang snying rje'i bdag nyid do/ /chags dang chags bral rnam par 'dres zhes pa ni mcho dang dga' bral dag mnyam pa nyid kyi rang bzhin no/ /de thams cad du song ba mtshon par bya ba'i phyir gsungs pa/ /de nyid ces bya ba la sogs pa'o/ /gzhan rnams gang rnams de rnams dag ces pa na bstan ma thag pa'i brtags pa'i gzugs rnams kyang de'i rang bzhin rnams nyid de/ rang bzhin ma shes pas ming gzhan nyid dam/ ngo bo nyid gzhan gyis grags pa rnan sa don dam par ni lhan cig skyes pa nyid do/ /de dang de'i rnam par gar byed de de nyid gsungs pa/ sems can rnam par shes pa dang/ /gzugs zhes bya ba la sogs pa'o/ /de nyid kyis gsungs pa/ sgyu ma'i gzugs ltar yang dag gnas/ /rnam pa gang gis rnam brtags pa/ /de yi gzugs kyi snang bar byed/ /kun gyi gtso bo mtshon par bya ba nyid so sor ston par byed pa nyid/ /dang por dga' ba tsam nyid de ces pa ni/ /dga' ba dang mchog tu dga' ba la sogs pa de'i thabs su gyur pa dga' bral ni yang dag par mi 'dod pa nyid de/ /de bskyed pa'i rim pa ste/ /dran par byed pa nyid pas so/ /de bas na gsum po dag las mtshan nyid dang bral ba ni bzhi ba ste/ bzhi pa'i grangs rdzogs pa yin gyi/ gsum pa'i bar med par gnas pa de ni ma yin no/ /de skad thos zhes pa ni lhan cig skyes pa'i bdag nyid chen po'i rang bzhin no/ /rdo rje snying po sogs mkhas pas zhes pa ni byang chub sems dpa' o/ /mchog tu ngo mtshar zhes pa ni ngo mtshar du byed pa ste/ lhan cig skyes pa dang ldan pa ni thob pa'o/ /thob nas kyang shin tu lhan cig skyes pa'i bde pas rang rig pas brgyal bas gzung ba dang 'dzin pa la sogs pa dang/ dbang po la sogs pa yang

  337. 169a

    dag par bsdus nas de bzhin nyid tsam du gzhol te /stong pa nyid thob nas snying rjes ji ltar skal ba dang ldan pa'i sems can la gzigs te/ 'jig rten gyi khams der gshegs nas stong pa nyid dang snying rje'i bdag nyid can bde ba chen po thob par gyur ces bya ba'i don to/ /'di skad kyang gsungs te/ dang po dga' ba 'gro ba'i gzugs zhes bya ba la sogs pa'o/ /'gro ba'i gzugs ni 'gro ba ni grags par zad do/ /de bzhin du mchog dang dga' bral yang ngo/ /lhan cig skyes pa gsum la med ces pa ni tshul 'dis lhan cig skyes pa de mchog tu phul du byung ba nyid do/ /de yang bcom ldan 'das kyis gsal bar mdzad do zhes bya ba'i don to/ /'di ni de ltar brnyes nas bcom ldan 'das kyis gzhan la yang gsal bar bya ba'i phyir gsungs pa/ 'dod chags ma yin chags bral min zhes pa dang/ dbu ma'ang dmigs su med pa'o/ /zhes pa'o/ /thog ma dang tha ma la bltos nas dbus ma yin te/ de dag med pas dbu ma yang dmigs su med de/ 'di ni thog ma dbus mdza' stong pa nyid ces so/ /de bzhin du yang 'chad par 'gyur ba las thog ma tha ma dbus med pas shes so/ /yang na 'dod chags dang 'dod chags dang bral ba dag la gal te lhan cig skyes pa ma yin na de'i tshe gang yin snyam pa la gsungs pa/ dbu ma 'dod chags dang 'dod chags dang bral ba las grol ba dbu ma lhan cig skyes pas so sor dmigs su med cing ces pa ni dmigs su med cing mi 'gyur ba'o/ /gal te de lta bur gyur na de'i tshe 'jig rten pa'i yul ma yin pas mi rtogs shing 'thob pa nyid ma yin no snyam pa la/ de yang dga' bral dang po brtags ces gsungs te/ de yang zhes pa ni mtshan nyid de/ de 'dir rnam pa thams cad du gzhan las rtogs pa ma yin

  338. 169b

    te /bla ma'i man ngag bsgoms pa'i stobs las de gsal bar 'gyur ro/ /bla ma'i man ngag bsgoms pa las so sor snang ba'i rim pa bstan pa'i phyir gsungs pa/ dang po zhes bya ba slob pa'i tshe na re shig bsgribs pa lta bur so sor snang ngo/ /de nas cung zad gsal te sgyu ma lta bur ro/ /de nas brtag par bya ba de nyid shin tu gsal te lhan cig ni skad cig go /rmi lam ltar snang zhes pa ni ji ltar sngon mthong ba de nyid de/ rmi lam dang dbyer med par gsal bar snang ba'o/ / de bzhin du lhan cig skyes pa de yang gsol ba nyid du snang ngo/ /de las kyang shin tu gsal bar bsgoms pas rmi lam dang/ sad pa dbyer med pa lta bur ro/ /gnas skabs thams cad du mnyam par gsal ba'i tshul gyis snang ba'o/ /de nas gnas skabs thams cad du dbyer med cing so sor snang ba'i mtshan nyid kyi dngos grub phyag rgya chen po'i dngos grub 'grub par 'gyur ro zhes gsungs pa/ dngos grub dbyer med mtshan nyid do zhes gsungs so/ /'di skad gsungs zhes pa ni 'di'i don 'di lta ste// dkyil 'khor gsungs pa'o/ /ji lta bur gyur snyam pa la gsungs pa/ gru bzhi pa la kun tu 'bar zhes bya ba la sogs pa'o/ /dkyil 'khor rdzogs pa dang rnam rgyal bzhag ces pa ni rnam par rgyal ba'i bum pa'o/ /shar du zhes pa ni shar sgo las g.yas su'o/ /sar pa zhes pa ni ma spyad pas so/ /shin tu ldan pas zhes pa ni de bzhin gshegs pa la sogs pa dang ldan par gnas pas sam bkal bas so/ /tshad dang ldan pas zhes pa ni chur dkyil 'khor gyi nyis 'gyur gyis so/ /de'i don gsungs pa/ dur khrod sa las rnyed pa 'am/ /dam tshig ma yis bkal pa yis/ /cho gas mtshal chen byugs pa dang/ /de bzhin ye shes lnga ldan pas/ /a n+yo n+yA nu ga tA sarba d+harma zhes bya ba la sogs pa'i sngags bzlas te/ shes rab can gyis thig 'dis gdab/ /

  339. 170a

    rang gi yi dam lhar sbyor bas/ /phyogs bcu'i 'jig rten khams bzhugs pa'i/ /'gro ba'i don du bde gshegs rnams/ /thig gi sgra yis bskul nas ni/ /yang dag 'dir ni gshegs su gsol/ /khu tshur g.yon pas lte bar gzung/ /shar dang byang du kha bltas te/ /blo ldan nam mkha' i thig gdab bya/ /de bzhin 'og tu thig rab gdab/ /byang du bltas te shar gyi thig /nub kyi lho ru bltas pa ste/ /shar du bltas te de bzhin byang/ /shar du bltas te de bzhin ltar ro/ /me dang srin por gnas byas nas/ /de nas mtshams kyi thig gdab bya/ /dzdza gsum gyis ni de btang zhing/ /rang yang dzdza dzdza dzdza zhes brjod/ /g.yas skor gyi ni rim gnyis kyis/ /seng ste rab tu thig gdab bya/ zhes bya ba la sogs pa ni thig gdab pa la sogs pa'i cho ga'o/ /sngon du bsnyen pa gsungs pa/ 'khor lo'i bdag po'i bzlas pa 'bum zhes bya ba la sogs pa'o/ /sngon du gsungs pa'i zhes pa ni/ oM rak+Sha rak+Sha hUM hUM hUM phaT swAhA zhes bya ba 'dis so/ /de la gtor ma sbyin par bya zhes pa ni dkyil 'khor byed pa'i gnas skabs der ro/ /ji ltar gsungs pas bsrung ba nyid ces pa ni lha'i le'ur ro/ /gsal byas ba ni dbang bskur ba ste/ /'di 'am rgyud gzhan du yang cho ga bzhin du zhes pa ni slob ma sngon du bcug ste chu la sogs pa'i rim pas so/ /rang gi dkyil 'khor du zhes pa ni rang gi yi dam gyi lha'i dkyil 'khor du'o/ /mchod dang gsol ba gdab pa nyid/ /ji ltar grags pa zhes pa ni bla ma la mchod pa dang/ gsol ba gdab pa ji lta bar slob mas bya ba de bzhin du 'dir rig par bya'o/ /de nas gau rI la sogs bri zhes pa ni nang gi rtseg ma la bdag med ma la sogs lnga'i gri gug bri bar bya'o/ /de 'og tu gau rI la sogs pa'i mtshan ma bri bar bya'o zhes bya ba'i don to/ /de nyid gsungs pa shar du zhes

  340. 170b

    bya ba la sogs pa'o/ /de bzhin 'og dang steng de bzhin zhes pa 'og tu sa spyod ma/ de bzhin zhes pa ni gri gug go /steng du mkha' spyod de bzhin no/ /'dir man ngag gis ro langs ma'i mtshan ma dang nye bar sa spyod ma'o/ /phyi'i gau rI mtshan ma dang nye bar mkha' spyod ma'o/ /rdo rje sems dpar snyems byas nas zhes pa ni rdo rje sems dpa' bzhin bya ba ste/ /snyems pa ni nga rgyal byed pa gang yin pa de la de skad ces bya'o/ /hUM hUM zhes ni sgrags pa yis zhes pa ni hUM hUM zhes rjod par byed pa ste/ sgrogs par byed pa ni bgegs skrod par byed pas rtsol ba gang yin pa de la de skad ces bya'o/ /'di ltar dkyil 'khor du zhugs te yongs su bskor bar bya'o/ /rang gi lha'i ting nge 'dzin rdzogs nas me tog la sogs pas 'khor lo mchod de/ bdug spos kyis bdug pa dang bstod pa byas nas de nas slob ma dbang bskur te/ de nyid kun tu bshad ces pa ni slob ma'i phyir ro/ /rnam dag ni sgrib pa thams cad dang bral ba'o/ /ye shes rang bzhin zhes pa ni lhan cig skyes pa gsal ba'i rang bzhin nyid kyis so/ /'khor ba rnam par byang ba yin zhes pa ni don dam pa la srid pa dang mya ngan las 'das pa dag med pas bye brag cung zad med de/ srid pa nyid yongs su shes pa mya ngan las 'das pa zhes bya ba'i don to/ /de nyid gsungs pa/ dam pa'i dga' ba med na yang zhes pa ni dga' ba ni thabs dang shes rab gnyis su med pa'i ye shes der bsgom par bya ba dmigs su med pa'o/ /sgom pa po ni yul can gyi lus lha la sogs pa'i rang bzhin no/ /bsgom bya dang sgom pa por gyur pa mchog tu gzung ba dang 'dzin pa por byed pa med do/ /lus dngos po med pa nyid kyis sha dang khrag med ces bya ba la sogs pa'o/ /yang na bsgom bya ni rten gyi dkyil 'khor ro/ /sgom pa po ni rten pa'i dkyil

  341. 171a

    'khor ro/ /lus kyang med ces pa ni phung po lnga po lhar rnam par dag pas so/ /gzung ba med ces pa ni gzugs la sogs pa gau rI ma la sogs pa'i rnam par dag pa'o/ /'dzin pa med ces pa ni mig la sogs pa gti mug rdo rje la sogs pa drug gi rnam par dag pa'o/ /sha la sogs pa med pa ni puk+ka sI la sogs pa'i rnam par dag pa'o/ /skyug bro ba med ces pa ni snying rje la sogs pa'i rnam par dag pa spyan la sogs pa de nyid gyi rang bzhin yin no/ /'dod chags med ces pa ni snang ba mdza' yas la sogs pa 'khor los sgyur ba drug go /bsgom pa med ces pa ni lam med pa'o/ /sgom pa bo ni sgom par byed pa gang zag dang sems la sogs pa'o/ /grogs ni sangs rgyas kyi yon tan 'byung bar byed pa'o/ /dgra zhes pa ni gzhom par bya ba'i nyon mongs pa ste/ 'di dag thams cad dmigs su med pa'o/ /gang gi phyir snyam pa la mi rtog ces pa ste/ mchog tu dga' ba lhan cig skyes pa'i rang bzhin gyis 'di dag mi rtog pa'o// rtog pa ni bye brag tu rtog pa ste/ de zhi bas bde ba chen por mchog tu gcig pa nyid de/ /de nas ni rnam pa sna tshogs kyi dbye bas ngo mtshar byed de/ sngar ma mthong ba nyid dam yang na rnam pa sna tshogs ni sa tshogs kyi rang bzhin dang bral bas so/ /da ni lhan cig skyes pa nye bar mtshon pa'i phyir gsungs pa/ de nyid lhan cig skyes par mi gzung ngo zhes bstan pa'i phyir nges par dbye ba'i zhus pa 'di skad gsol to zhes pa ste/ gzung du med cing lhan cig skyes pa gzung bar bya ba ma yin no/ /dris pa/ 'di zhes pa ni bde ba chen po lhan cig skyes pa'i ye shes thams cad las dben pa nyid la/ rdo rje snying po zhes bya bas slar gsol pa/ ci'i phyir 'byung ba'i bdag nyid lhan cig skyes pa'i ye shes su gyur lhan cig

  342. 171b

    skyes pa nyid kyis de brjod ces bya ba'i don to/ /lus zhes pa ni kye'i rdo rje la sogs pa lhan cig skyes pa'i lus ngo bo nyid kyis dag pa'o/ /gang las dag snyam pa la gsungs pa/ gzed ma nas skye ba med pa nyid rang bzhin med pa nyid do/ /da ni 'byung ba'i bdag nyid re zhig ji ltar skyed par byed pa gsungs pa/ rdo rje pad+ma mnyam sbyor bas zhes pa dang/ de phyir bde ba de nyid min zhes pa ni de lta bur gyur pa'i bde ba de kho na nyid ma yin no/ /'on kyang des de kho na nyid nye bar mtshon par byed par sngar bshad do/ /de'i tshe de kho na nyid ji lta bu snyam pa la/ thabs dang shes rab las lhan cig skyes pa ni gang bskyed pa de don dam pa las lhan cig skyes pa ste de kho na nyid do/ /gang las snyam pa la/ rang bzhin lhan cig skyes pa zhes pa ni rang bzhin ni rang gi tshul te/ dngos po rnams lhan cig skyes pa'o/ /phyi rol gyi yul la sogs pa la rnam yang ltos pa med pa 'byung ba chen po'i bdag nyid lhan cig skyes pa yin par ji ltar 'os/ de nyid kyis dngos po thams cad gcig tu bsdus pa ni dngos po rnams gcig cing gnyis su med par bsdus pa ni sdud par byed pa ste/ gcig tu sdud pa 'am bde ba'i mchog go /de'i phyir rnal 'byor shes rab thabs su 'gyur /phyag rgya de dang de'i rgyu sbyor ba dang bral bas chos rnams skye ba med pa'o/ /chos thams cad skye ba med cing dmigs pa med pa nyid de/ de'i phyir phyag rgya rang gi shes rab las gzhan ma yin no/ /de nyid kyis gsungs pa/ stong pa snying rje dbyer med pa/ byang chub sems zhes bya bar gsungs/ shes pa ni de lta bur gyur pa'i lhan cig skyes pa thabs dang shes rab de dag las shes pas bde ba chen po de nyid don dam pa'i byang chub kyi sems de kho na nyid ces bya ba'i

  343. 172a

    don to/ /de lta bur gyur pa'i byang chub kyi sems bsgom pas/ sngags bzlas pa med pa dang/ dka' thub la sogs pa'o/ /byang chub kyi sems de dang de nyid sngags bzlas pa ste/ shes rab byed pa dang skyob par byed pa'i bdag nyid do/ /de nyid brtul zhugs te kha na ma tho ba thams cad dang bral ba'i rang bzhin nyid do/ /de nyid sbyin sreg ste nyon mongs pa dang/ phung po'i sreg rdzas thams cad 'joms pas so/ /de nyid dkyil 'khor pa ste rdo rje rnal 'byor ma 'dus pa'i bdag nyid do/ /de nyid dkyil 'khor ste chos thams cad kyi snying po len pa nyid do/ /de'i phyir mdor na ni mdor bsdus pas so/ /mang du smras pas ci zhig bya ste/ sems 'dus tshul can zhes pa ni sems ni byang chub kyi sems so/ /'dus pa'i tshul can ni chos thams cad 'dus pa'i tshul te chos thams cad kyi bdag nyid can zhes pa'i don to/ /de'i phyir de nyid bskyed par bya ste/ de nyid bskyed pa de thams cad 'grub par 'gyur ro zhes bya ba'i don to/ /dbang bskur ba'i le'u ste bcu pa bshad pa'o// //dbang bskur ba la sogs pas slob dpon gyi go 'phang thob pa'i rnal 'byor pa rnams chos bstan pa'i phyir sems can gzhug pa'i rgyu gsungs pa/ mnyam par khros pas shes pa la/ mnyam pa ni 'og dang logs su blta bas ma yin pa'o/ /khros pa ni khro ba dang bcas pas so/ /dbral ba ni cung zad dbral ba la brten pa'o/ /ltung bar byed pa ni ltung bar byed pas na ltung ba ste/ blta zhes pa gong snang ste dpyad 'og ma dang sbyar ro dbang la lta stangs ni g.yon phyogs su brten pa'o/ /de nyid gsungs pa/ 'bras bu gnyis zhes pa'o/ /dgug pa g.yas kyi cha la'o zhes pa ni gyen du

  344. 172b

    zlog ste g.yas su bsgyur zhing g.yas phyogs su blta bar bya'o/ /de nyid gsungs pa ni gnyis kyang steng du sbyar bar bya zhes so/ /dbus su zhes pa ni steng 'og dang zur du 'gro bar byed pa ma yin pa'o/ /da ni rlung gi sbyor ba gang gis lta stangs gang dag bsgrub par bya snyam pa la gsungs pa/ ltung ba la ni spro ba yis zhes bya ba la sogs pa ste/ lha'i rnal 'byor dang sngags bzlas pa ni sngon du kha cig la don 'dug ste dpyad do gsungs so/ /da ni slob ma'i gnas rnams gsungs pa/ ltung ba rlon pa'i shing la'o zhes bya ba la sogs pa'o/ /lta stangs bsgrubs pa'i dgos pa gsungs pa/ bsgrub par bya zhes pa dang/ gzhug par bya zhes pa ni bstan pa la'o/ /dam tshig gsungs pa/ dam tshig bza' ba bya zhes pa'o/ /de la zhes pa dbang bskur ba dang/ dngos grub bsgrub pa la sogs pa la'o/ /lan bdun pa zhes pa skye ba bdun rnams su mi'i lus nyid blangs pa la'o/ /lan bdun pa ni skye ba bdun pa'o/ /dga' dang bral ba sun 'byin pa zhes pa ni thams cad du yang lhan cig skyes pa'i rang bzhin bskyed cing dga' bral sun 'byin par byed pa'o/ /mkha' la spyod pa nyid ces pa ni rig pa 'dzin pa'i 'khor los sgyur ba 'dzin pa nyid nam mkha' dang mnyam pa'i ye shes rnyed pa nyid do/ /dbang gi don du lta stangs gsungs pa'i lha'i rnal 'byor gsungs pa/ ku ru kul+le'i sgrub pa ni zhes pa'o/ /sngar bstan zhes pa ni sngags kyi le'ur sngags bstan pas sngags dang lha dag dbyer med pa'i phyir ro/ /h+rI:las byung zhes pa ni rang gi snying gar zla ba'i dkyil 'khor la h+rI:I rnam par bsams te/ de'i 'od zer gyi lcags kyus bla ma dang sangs rgyas dang byang chub sems dpa' dang/ ku ru kul+le yang mdun du bkug ste/ dmigs nas sdig pa bshags pa la sogs pa bya'o/ /lha'i le'u las gsungs pa'i byams pa

  345. 173a

    la sogs pa dang/ srung pa'i 'khor lo'i mthar thug par bsgoms nas/ bar snang la h+rI(rgyud 'grel): las byung pa'i pad+ma dmar po de'i dbus su sa bon nam/ dkyil 'khor gyi 'khor lo'i rnam pa lnga sngon du bya ste/ de yongs su gyur pa las bcom ldan 'das ma ku ru kul+le bsgom mo/ /'bum phrag gcig gis rgyal po rnams zhes pa ni bzlas pas so/ /rdo rje slob dpon mtsho skyes rdo rjes mdzad pa/ kye'i rdo rje'i rgyud las brtag pa dang po'i bshad pa rdzogs so// //da ni dbang bskur ba thob pa'i slob dpon gyis rab tu gnas pa'i las kyis phyir gsol ba 'debs par byed pas bstan tu gsol zhes pa'o/ /ji ltar rigs par zhes pa rab tu gnas pa'i cho ga gang gis dbye ba de'i mtshan nyid do/ /rdo rje snying po zhes pa ni rdo rje rnams ni de bzhin gshegs pa lnga rnams kyi'o/ /snying po rdo rje sems dpa' de'i bdag nyid dang ngo bo nyid do/ /de nyid kyis gsungs pa/ sangs rgyas kun gyi sku gcig pa zhes so/ /ji ltar rnyed pas sbyin sreg bya zhes pa ni ji ltar 'byor pas rnyed pa'i yam shing la sogs pas 'chad par 'gyur ba'i thab khung du sbyin sreg bya zhes bya ba'i don to/ /de la 'di'i rim pa ni de nas/ yig 'bru gsum gyis bsrungs pa yi/ /me ni snod du bzhag par bya/ /thab khung me ni dbugs 'byin pas/ /bzhag ste de bzhin bsang gtor bya/ /rlung yab g.yabs pas me sbar nas/ /oM dzwa la dzwa la hUM zhes brjod do/ /rtswa dang lci ba skam po yi/ /phye ma de dag sbar bar bya/ /mthe'u chung khru'i tshad kyi shing/ lan bdun bsngags te mar gyis byug /oM badzra satwa a(rgyud 'grel): zhes bzlas nas/ /shin tu ring min thung min pa'i/ /ku

  346. 173b

    sha gnyis ni kha khyer la/ /shar la sogs par kha bltas dgod/ /de nas shar du rtse bstan te/ /ku sha re res thab khung dgram/ /rdo rje sems dpa' zhu las byung/ /shes rab kyis chags ram las byung/ /spyi blugs mi 'jigs dbyug pa dang/ /kha dog dmar ser phreng ba 'dzin/ /las kyi rjes mthun rnam shes dang/ /'od zer gdan bcas gsus po che/ /bong thung rgyas pa'i me chen po/ /me yi mtshams nas nam mkhar dmigs/ /oM agna ye ma hA te dza sarba karmA rtha sA d+ha kA/ kA ru Ni kri tA satwArtha a smin san+ni hi to b+ha ba/ nye bar byed pa'i sngags 'di yis/ /thab khung 'gram du bzhugs par bya/ /de nyid gsum bzlas chu yis ni/ /dkris pa ku shes bsang gtor bya/ /mthe pos mdzub mo mnan nas ni/ lan gsum chu yis gtor bar bya/ /rdo rje thal mo kha phye nas/ /snod nas arg+haM blangs nas dbul/ /arg+ha'i snod dam me tog ni/ /khu tshur g.yas pas chu dang bcas/ /mthe bong mdzub mo sbyar te blang/ /sgyur ba'i rim pas sor mo kun// or mo thams cad rim pa yis/ /dkyil 'khor rim pas dbul sngags bzlas/ oM dza:hUM baM ho(rgyud 'grel): khaM raM zhes bya ba la sogs pa 'chad par 'gyur ba'i arg+haM la sogs pa'i sngags so/ /de nas dgug pa'i cho ga yis/ /me tog la sogs der dbul bya/ /oM badzrA na la ma hA b+hu ta dzwa la sarba duSh+TAn hUM phaT/ dri sh+ya dza:hUM baM ho(rgyud 'grel): sa ma ya stwaM zhes pa ste/ sngags 'di yis ni spyan drangs te/ /mkhas pas mchod nas sbyin sreg bya/ /sboms su khu tshur gzung de'i tshad// chu ru khru ste sor drug pa'i/ /rdo rje rin chen yu mthar gnas/ kha khyer du ni sor bzhi pa/ /sor gnyis brkos te nang rdo rje/ /sor bzhi pa la rdo rje can/ /de brkos pad+ma'i mdab mas mdza' / /gru bzhi pa la shin tu mdzes/ /dgang

  347. 174a

    gzer mthe'u chung tshad tsam du/ /ro rnams blugs pa'i mchu dang ldan/ /'phang ni rjes su mthun pa la/ /rdo rje rim pas lnga gsum rtse/ /blugs gzar? pad+ma'i 'dab ma'i dbyibs/ / song gcig brkos te rdo rjes mtshon/ /sor gnyis sngon bzhin yu ba ni/ /rin chen rdo rje ldan pas mdzes/ /dgang gzar mchod sbyin shing las byas/ /blugs gzang de bzhin rim pa yis/ drangs sogs rdzas las yang dag byung/ /bdag nyid sngags las byung ba yi/ /lag pa g.yon pas dgang gzar ni/ /pus mo'i bar du gyen bltas gzung/ /mar gyis bkang ste blangs nas ni/ /g.yas pa 'og tu kha bltas pas/ /blugs gzar dgang gzar kun tu brtseg /gyen bltas mar gyis bkang nas ni/ /me khar yi ge ram bkod nas/ /lha yi gzugs dang yang dag ldan/ /g.yas skor byas te dgang glugs kyis/ /snod ni gang la dbul bar bya// sngags la/ oM na ma:sa man ta bu d+d+ha nI ra bagna ye swAhA/ /bzang dang ngan pa'i mtshan ma ni/ /blo dang ldan pas de la brtag /bzang po 'khyil zhing 'bar ba ste/ /'ja' tshon lta bu 'am dkar pa'am/ las kyi rjes su mthun pas kyang/ /de yi kha dog sbyor ldan pas/ /gal te mtshan ma ma mthong nas/ /sngags ni mnyam par bzhag nas bzlas/ /bsreg rdzas gsum bdun gcig nyid dam/ /de nas ji snyed rnyed pa dang/ /bsreg rdzas kyi ni yam shing dag /de 'og rim pas gnyis gnyis sbyar/ /u dum bA ra pa la sha /a shwat tha dang kasma dya/ /a mra ka dam pa ka dang/ /sa mi pa la sha pa Da/ /'o ma can las byung ba yi/ /rlon shing lo ma gnyis dang ldan/ /

  348. 174b

    mtho re'i tshang du mnyam bcad nas/ /rtse mo gnyis ka mar gyis byugs/ /mthe bo srin lag dag gis dbul/ /nar? ni blugs gzar gyis bsregs nas/ /de nyid kyis ni 'bru dbul bya/ /med par gyur na lag pa yis/ /dgang blugs dang ni gzhan gyis dbul/ /til dang ma sha nas rnams dang/ /so ba gro dang ma grugs pa'i/ /dur pa dang ni ku sha dang/ /zho dang de bzhin 'bras chen rnams/ /rang rang sngags kyis sbyin sreg bya/ /oM agna ye swAhA/ /mar gyi'o/ oM sarba pA paM da ha na badzra ya sarba pA pa da ha swAhA/ /til gyi'o/ /oM badzra a yu She swAhA dur pa'i'o/ /oM badzra puSh+Ta ye swAhA/ 'bras ma grugs pa'o/ /oM sarba sampa de swAhA zho dang 'bras chen gyi'o/ /oM i pri ti ha ta badzra ya swAhA ku sha'i'o/ /oM badzra bi dza ye swAhA 'bras so ba'i 'o/ /oM mahA be gA ya swAhA nas kyi'o/ /oM mahA ba lA ya swAhA ma sha'i'o/ /oM badzra g+hasma ri swAhA gro'i'o/ /oM badzra yadz+nyA ya swAhA u rum bA ra'i'o/ /oM bo d+hi prik+Sha ya swAhA a shwat+thi'o/ oM badzra lA ta ya swAhA pa la shi'i'o/ /oM badzra ku be rA ya swAhA n+ya gro d+ha'i'o/ /oM badzra ha sa ka rA ya swAhA e mra'i 'o/ /sbyin sreg byed pa ni gang rang gi sngags med pa de til gyi sngags kyis so/ /de nas dgang blugs phul nas ni/ /yang ni me tog sogs pas mchod/ /kun tu sku la bsang gtor dang/ /de bzhin zhabs gnyis zhabs bsil dang/ /zhal du skyor chu lan gsum bya/ /u la arg+haM dbul bar bya/ /me tog kyang de dmar me bdun/ /spyi por bdug spos dbul bar bya/ /dri ni de bzhin snying kar de'i/ /rang gi yi dam lha dgod bya/ /bsgoms la de bzhin phyi mchod bya/ /sngar bzhin de la'ang sbyin sreg dbul/ /oM e hyeha b+ha ga pAn+thi ha b+ha ga tan sa ma ye na tsA b+haM

  349. 175a

    prA tIts+tsha Sha pu dza Tu pra si d+ha me/ 'di ni rang gi yi dam gyi lha spyan drang ba'i sngags so/ /de nas de ni tshim byas nas/ /so gyi phye ma med par dbul/ /dgang blugs lhag ma phul nas ni/ /mchod cing bstod de gshegs su gsol/ /swa ar thar tsa par ar tha tsa zhes bya ba la sogs pa'i sngags kyis so/ /de ltar sbyin sreg byas te/ /sta gon la sogs byas nas ni/ /nang par sku gzugs sbyang par bya zhes pa ni nang bar sbyang ba ni rab tu gnas pa bya ba ste/ mtshan me'i dus la sta gon la sogs pa bya'o/ /de la 'di'i rim pa cung zad bshad par bya'o/ /rang gi yi dam lha sbyor bas/ /sngar gsungs pa yi bum pa la/ /thams cad chu las kham phor du/ /nyur brad? blugs te rnam rgyal gyi/ /bum pa baM las bskyed pa yi/ /rin chen steng du bzhag par bya/ /der ni dkyil 'khor bskyed bya ste/ /dam tshig bdag nyid rdzogs pa dang/ /ye shes dkyil 'khor spyan drangs te/ /zhabs bsil la sogs rim bas dbul/ /dam tshig lhan cig gcig byas te/ /mchod pa rnams kyi tshim par bya/ /me tog spos sogs rol mo yi/ /'bad pa yis kyang mchod par bya/ /dril bu dag ni dgrol ba dang/ /bstod pa bya ste de la bzlas/ khur tshur g.yas pas mthar gzung ste/ /me tog phreng btags rdo rje ni/ /bum pa chu yis bkang ba yis/ /kham phor steng du bzhag par bya/ /'khor lo'i rang bzhin gyi gnas las/ /de nas mchod dang phyag byas te/ /de nas chu yi tshul gyis ni/ /bum pa ru ni gnas par bya/ /'di ni bum pa sta gon la gnas pa'o/ /de nas rang gi sbyor bstan pas/ /yungs kar chu dang ngur pa yis/ lha la bya bas te ba'i lnga dang/ shing shun sngas byugs legs phar

  350. 175b

    bstan? mngon par sngags te dri zhim pa'i/ /chu ni shin tu gtsang ba yis/ /bkru bar rung na rang bzhin gyis/ /bris pa la sogs me long la/ /yungs mar gyis kyang byug pa dang/ /dri zhim sgyu? rur chus kyang ngo/ /ba yi rnam lnga sogs pas drug /dur ba'i chun pos byug par 'dod/ /gang du las kyi sngags med na/ /de la rtsa ba'i sngags kyis sbyar/ /oM sarba ta thA ga ta kA ya bi sho d+ha ma ye swAhA/ /yungs mar gyi sngags so/ /ras 'jam po yis phyis nas ni/ /des la sogs pa ci nus dbul/ / ye shes sems dpa' snying 'ong kyis/ /lha rnams bkug ste gzhag par bya/ /ku sha yis ni bsang gtor bya/ /de la zhabs bsil la sogs dbul/ /mchod pa la sogs de la bya/ /pus mos sa la gtsugs nas ni/ /rdo rje dril bu g.yon gyis gzung/ /bdug spos g.yas kyis blangs nas ni/ /bcom ldan tshe ge rdo rje mchog /rig sngags rgyal la phyag 'tshal lo/ /thugs rje'i bdag nyid can khyod kyi/ /sang ni rab gnas bgyi bar 'tshal/ /slob ma rnams la brtse phyir dang khyed rnams la yang mchod pa dang/ sems can bsod nams spel phyir dang/ /byang chub sems ni 'byung bya'i phyir/ /bcom ldan bdag ni gus pa la/ /de ni gnang ba mdzad pa'i rigs/ /sangs rgyas byang chub sems sogs dang/ /sems can bstan la dga' ba gang/ /gang yang rdo rje'i spyan mnga' ba/ /thams cad bdag la dgongs su gsol/ /rdo rje 'dzin bdag 'di zhes bya/ /che ge mo yi rab gnas phyir/ /de bas khyod kyis bgyi bar 'tshal/ /kun tu nye bar mdzad pa'i rig /ting nge 'dzin gsum dang ldan par ni/ /rdzogs nas sku gzugs la sogs la/ /nam mkha' la gnas sangs rgyas dag /sku gzugs sogs la gzhug par bya/ /kha rgyan byung ba'i chu yis kyang/ /mnyam par gzhag pa bkru bar bya/ /

  351. 176a

    de yi mchod sogs sngon byas te/ /sngags kyis mngon par bsngags par bya/ /'dud rang mchod pa sogs byas te/ /nang par byon par 'dod pa yi/ /yang ni mchod pa lnga rnams kyis/ /ye shes 'khor lo gshegs su gsol/ /'di ni lha sta gon la gnas pa'i cho ga'o/ /sta gon byas te nang par ni/ /khyab pa nyid la sogs pa bya/ /sngar bzhin sangs rgyas sogs spyan drang/ /zhabs bsil mchod pa la sogs bya/ /pus btsugs bdug spos blangs nas ni/ /sngon du bshad pa'i tshigs bcad brjod/ /bgyi bar 'tshal ba'i tshig spangs te/ /bdag ni da ltar bgyid ces sbyar/ /bkra shis sgra ni sngon bsgrags te/ /chu'i slar yang bkru bar bya/ /ji ltar bltam pa tsam gyis ni/ /de bzhin gshegs kun khrus gsol pa/ /lha yi chu ni dag pa yis/ /de bzhin bdag gis khrus bya'o/ /oM sarba ta thA ga ta a b+hi She ka sa ma ya sh+rI me hUM/ 'di ni khrus kyi sngags so/ /ras sogs rang rang gsang sngags kyi/ /mnyam par bzhag pas dbul ba 'am/ yang na rang gi sngags kyis dbul/ /bzlas te phyag 'tshal gtso bo la/ /oM badzra paSh+Ta se swAhA/ me tog la sogs pa'i sngags su yang 'gyur ro/ /gser la sogs pa'i snod byas te/ /sbrang rtsi mar sar byugs pa yi// gser gyi thur ma yis ni mig /dbye ba 'am yang na bsam gtan gyis/ /oM tsak+Shu tsak+Shu sa man+ta tsak+Shu bi sho d+ha ni swAhA/ /ji ltar rdzogs pa'i sangs rgyas kun/ /dga' ldan yang dag rab bzhugs nas/ /ji ltar lha mo sgyu 'phrul lhums/ /de bzhin 'dir gnas zhugs byas la/ /'dir ni rgyun tu bzhugs gyur nas/ /mgon po me tog la sogs 'di/ /byang chub sems kyi bsdus pa'i phyir/ /che ge mo yi don tu bzhes/ /lha rnams brten par 'dod pa yis/ /mgo bo snying ka lkog gnas su/ /rdo

  352. 176b

    rje yis ni bskor nas de/ /lan gsum bskor te rab gnas bya/ /chad pa 'am ni lhag pas kyang/ /bdag gis brjod ngas gang bgyis pa/ /gang phyir lus can skyob mdzad pa/ /mgon po khyod kyis bzod par mdzod/ /ma rnyed pa dang ma shes pa/ /ma nus pa yang bzod par mdzod/ /nyung ba 'am gzhan du bgyis pa gang/ /de dag bzod par mdzad pa'i rigs/ /'di dang 'di ltar rab tu gnas par bya'o zhes pa de nyid kyi don mdor gsungs pa/ nam mkhar gnas shes pa'o/ /shes pa zhes pa ni rab gnas kyi cho ga shes pa'o/ /sngags kyi pha rol phyin zhes pa ni sngags kyi theg pa'i pha rol tu phyin pa 'am/ sngar bsnyen pas sngar gsungs pa'i pha rol tu phyin pa'o/ /sna tshogs hUM las skyes pa yi zhes pa ni so sor me tog la sogs pa hUM las skyes pa'o/ / sngags 'di rnams kyis dbul bar bya'o/ /sngar rgyud cho ga'i rim pas zhes pa ni 'di ni rgyud phyi ma ste de kho na nyid bsdus pa dang/ gsang ba 'dus pa la sogs pa rgyud snga ma ste/ de las gsungs pa'i cho ga'i rim pas so/ /da ni thabs khung gi mtshan nyid gsungs pa/ zhi ba'i zhes pa'o/ /lhag ma de nyid kyis bsgrub bya zhes pa dbang dang dgug pa dang 'thab pa dang bskrad pa la sogs pa'o/ /khru gcig pa 'am khru phyed ces pa ni bsdus pa'o/ /'og dang steng du zhes pa ni gting dang rgyang zhes bya ba'i tha tshig go/ /de la 'di'i rim pa ni/ khru gang rgya la mtho gang zabs/ /'khor lo lta bur zlum po'o/ /pad+ma kha bye lta bu la/ /dngos su sor bzhi dor byas te/ /de tshad kha khyer rdo rje yi/ /ra ba yis ni mdzes par bskor/ /shar du sa dkar gyis byas te/ /tsan dan gyis ni nye bar byugs/ /sa tshon me tog dkar po dgram/ /pad+ma 'dab brgyad dbus chud par/ /lte ba la na thod pa bzhag /der ni sna tshogs rdo rje bri/ /rgya dang 'phang la kha dog dkar/ /sor drug sor phyed pa yi tshad/ /lha mo'i mtshan ma dbus gnas pa/ /kye'i rdo rje

  353. 177a

    yi phyogs las 'di/ bdag med me'i sgrub par ni/ /gri gug lnga dang ldan pa yi/ /dkar po'i cha byad 'dzin pa ste/ /cung zad zhal phye zhi ba'i sems/ /blo ldan 'jam pa'i stan la ni/ /'dug ste yang dag mngon phyogs nas/ /g.yon du dung la sogs pa dkar/ /me tog chu dang ldan pa'o/ /rang gi lha yis yang dag bzlas/ /snod ni gsum dag bzhag bya ste/ /mar la sogs pa g.yas su bzhag /mkhas pas bshad bzhin sbyin sreg bya/ /khru gnyis pa dang khru gcig pa/ /logs dang 'phang du rgyas pa la/ /gru bzhi pa la kha khyer yang/ /snga ma'i nyis 'gyur tshad kyis so/ /kha dog ser po'i sa yis byug /me tog ser pos brgyan par bya/ /phreng ba gos ni ser por ldan/ /nang bar byang du kha bltas te/ /ji skad gsungs pa'i bud shing ni/ /sngon bzhin gzhan du lci ba yang ser po'i dri dang chu mchod yon/ /cho ga sngon du byas la bzhag /de nyid yam shing thams cad du/ /ser po'i dri yi chu yis bsang/ /zho dang sbrang rtsi mar dang ldan/ /til dang sA lu 'bras bu bcas/ /mkhas pas ji ltar rnyed pa yis/ /kun tu bil bas sbyin sreg bya// oM gyi mdza' yi gsang sngags kyis/ /rgyas par 'gyur la the tshom med/ /rgya dang rngams kyi tshad dag tu/ /sor ni nyi shu de yi phye/ /bsad pa la ni thab khung 'di/ /kha khyer sor mo gsum gyis bskor/ /khrag dang chu yis gsher ba'i ras/ /yang na sngon po'i rgyan gyis brgyan/ /nyi ma'i gung dang nam phyed la/ /sro ba'i stan la gshin rjer blta/ /rus pa rdo ba ni ma yin pa'i 'dab/ /bca' bar byed cing khro gnyer gdong/ /tsha ba tsher ma kha ba rnams/ /yam shing la ni thal bas byug /yungs kar dang ni yungs mar khrag /tshwa dang rus phye ske tshe dang/ /ro bsregs rdul dang rkang rjes sa/ /bya rog la sogs gshog pa dang/ /bshang ba gci ba tsher ma rnams/ /bdag nyid khros pa'i sbyor ba yis/ /bsgrub bya rkang pas mnan nas su/ /oM g+hu(rgyud 'grel): swA hA zhes pa'i sbyin sreg bdun gyis dgra bo

  354. 177b

    brlag par 'gyur ro/ /oM khaM gis sreg bya ste/ khros pa'i sems kyis skred par byed de/ bsgrub bya bong bu la zhon te kha steng du phyogs par bsgom mo/ /'di ni mngon spyod kyi sbyin sreg go /'di ni dpal ldan gos dmar pa'o/ /sa dmar po dang dri yis bya/ /ba dan la sogs sbyor ba yis/ /rnal 'byor shar du kha bltas te/ /chags pas de bzhin dmar pos brgyan/ /de nyid rdo rje skyil krung gis/ /dmar po'i stan ni mtho la 'dug /smad 'tshong me las mnyam gzhag pas/ /utpal dmar pos ci rigs par/ /me tog dmar po 'bras bus kyang/ /oM swA hA zhes sngags kyis ni/ /bsregs pas 'gro ba dbang du byed/ /oM hUM swA hA'i sngags kyis ni/ /yang na lcags kyu'i thab khung gis/ /dgug la steng du kha bltas te/ /gar mkhan me yis gnas gsum 'gugs/ / 'di ni phyi yi sbyin sreg yin/ /da ni nang gi bshad bya ste/ /lte ba'i pad+ma'i thab khung cher/ /de la gtum mo'i shes rab me/ /las kyis rlung gis 'bar ba las/ /dgos pa med pas sbyin sreg bya/ /phung po khams sogs kun rtog pa/ /lus la med pa'i yam shing bsreg /gzhom du med pa'i dgang gzar gyis/ /rdzogs pa'i byang chub sems kyis rgyun/ /bde ba chen po'i ror sbyor bas/ /de la sreg blugs dbul bar bya/ /chos dang gang zag bdag med pa'i/ /sta gon rab tu gnas par bya/ /stong pa snying rje dbyer med pa'i/ /byang chub sems ni de nyid yin/ /don kun sgrub byed sbyin sreg dang/ /mchog tu rab tu gnas par gsungs/ /yang gsungs pa/ de nyid sngags bzlas pa dang/ de nyid brtul zhugs dang/ de nyid sbyin sreg ces bya ba la sogs pa'o/ /zhi ba la sogs pa'i gtso sreg rdzas gsungs pa/ zhi la til zhes bya ba la sogs pa'o/ /sngags kyi gnas skabs su sa sta gon bya ba'i sngags gsungs pa/ lha mo khyod ces bya ba la sogs pa'o/ /brtag pa gnyis pa'i le'u dang po'i bshad pa'o// //

  355. 178a

    thabs du ma zhig gsungs na yang nges par gzung ba'i phyir zhus pa/ nam mkha' bzhin zhes pa ni nam mkha' lta bu'o/ /chos rnams la zhes pa ni mdza' yas pa de'i phyir/ rang bzhin med pa'i ngo bo dri ma med pa'i ngo bo des so/ /ji ltar rgya mtshor? lhung ba rgung ba dang/ nges pa med par 'gro ba de bzhin du sems can nges pa med par 'gro ba dang/ dge ba nges pa'i thabs gang gis ji ltar 'grub bar 'gyur/ 'dir lan du/ bdag med pa'i sbyor ba yis zhes pa bdag med pa'i sbyor ba dang ldan pa ste/ bskyed pa dang rdzogs pa'i rnal 'byor dang ldan pas zhes bya ba'i don to/ /yang na ni phyogs gzhan sdud par byed pa'o/ /bsod nams dang ye shes kyi tshogs mdza' yas pa bsags pa'i thabs kyis de'i 'gro ba'i thabs nges par gyur pa 'dir ston par byed pa ni skad cig kyang gzhan sems med par shes so/ /gnas ni rnam brtags shes pa ni thams cad du khyab par med pa'i thun mong gis kyang gnas nges par brtag pa'i thabs kyis brtan pa de ji lta bu snyam pa la gsungs pa/ rang gi khyim zhes pa'o/ /dngos grub bdag nyid sems 'di yis zhes pa ni bdag ni rang bzhin gyis dag pa'o snyam du nga rgyal dang ldan pa'o/ /skad cig gcig kyang gzhan sems med pas shes pa 'di'i bshad pa gsungs pa/ rkang pa zhes bya ba la sogs pa'o/ /bcom ldan 'das ma zhes bya ba la sogs pa la/ bcom ldan 'das ma ni rnal 'byor ma'o/ / bsten par bya zhes bya ba ni bsgom par bya zhes bya ba dang sbyar ro/ /skad cig gzhan gyis gzugs min zhes pa ni dbye ba'i tshul gyis so/ /bye brag gi sems nyid ma rig 'dug pas min zhes sun 'byin no/ /cung zad 'ug 'jig pas zhes pa ni/ bag chags dang bcas pa'i sgrib pas sdig cung zad do/ /de lta bur gyur pa'i bsgom pa'i phan yon gsungs pa/ 'jigs dang smyo zhes pa'o/ /smyo ba ni sems rnam par 'khor ba'o/ /de phyir 'di ltar dpyad ces pa ni rnal 'byor pas so/ /phan dang gnod pa'i 'bras bu 'byung zhes pa ni bsam gtan 'di'i 'bras bu ni phan pa'o/

  356. 178b

    sems gzhan gyi 'bras bu ni mi phan pa'o/ /du 'khor? ni sdug bsngal drag po dang? pa rnam par rtog pa la sogs pas 'khrugs pa'i 'khor bar ro/ /'o na re zhig gang dag bsod nams kyi las byed pa de dag 'dir 'jug pa'i gnas nyid do/ /gang dag sdig pa'i las byed pa de dag gi yang mi 'jug pa nyid du 'gyur te/ 'bras bu mi myong bas so/ /de rnams kyi 'jug pa yang ji lta bu snyam pa la gsungs pa/ mtshams med lnga po byed pa dang zhes bya ba la sogs pa ste/ 'di nyid kyi mthus sdig pa de dag rnam par bcom pas so/ /de bas na de bslabs pas de rim gyis zad nas bsod nams dang ye shes kyi tshogs nye bar bsags na de dag thams cad kyang snod ces bya ba'i don to/ /de ltar rgyun tu sbyor ba yis/ /dngos grub 'thob ces bya ba ni nus pa cung zad 'thob pa'o/ /zla ba gcig tu gsang la zhes pa ni gang du cung zad kyang mi bstan pa'o/ /spyan ces pa ni rnal 'byor pa nyid rgyu bar bya ba'o/ mchog rnyed ces pa rnal 'byor mas bstan pa rnyed pa'o/ /de'i phyir rtog pa thams cad rnam par spangs zhes pa'o/ /bdag nyid brtan pa'i rgyen du'o zhes pa ni bdag nyid sdug bsngal la sogs pa 'jig rten gyi chos rnams kyis mi 'phrogs pa de rtogs par bya'o/ /longs spyod phyir ma gsungs zhes pa ni phyag rgya chen po thob pa'i don tu longs spyod kyi tshul gyis ma yin pa'o/ /'jigs pa'i chul gyis zhes pa ni thams cad du sems rtse gcig pa nyid kyis dka' ba spyad ces bya ba'i don to/ /bdag ni brtan pa'i rkyen du'o zhes bya ba 'di'i bshad pa ni/ rang sems so sor brtag pa bya zhes so/ /phyag rgya nyid de ji ltar dbye snyam pa la/ 'dir phyag rgya zhes pa ni phyag rgya'i dbye ba ji ltar rung ste/ 'dir phyag rgya dang phyag rgya gzhan du sbyor bar mi rung ngo/ /phyag rgya zhes pa ni re zhig bdag med pa'i phyag rgya 'di dang/ gal te de'i yang phyag rgya gzhan yin na ji ltar dngos grub 'thob ste/ thabs dang shes rab kyi sbyor ba'i dngos po med ces bya ba'i don to/ /'dir lan du bud med gzugs zhes pa'o/ /ngos gnyis ces pa ni pad+ma'i 'gram gnyis so/ /dril bu zhes pa ni 'bras bu'o/ /pad+ma'i dbus gnas zhes pa ni lte ba rdo rjer 'gyur zhes par sbyar ro/

  357. 179a

    nus pa gsal ba zhes bya na gsal ba'i tshul gyis nus pa skyes pa mthu'o/ /nus pa srid pa tsam gyis ni ma yin te/ gang gi phyir phyag rgya chen po'i dngos grub ni phyag rgya chen po'i dngos grub ste/ de'i phyir dang de de nyid kyi dbang du byas te/ sbyod bya'i gzhan du ni ma yin no/ /da ni phyag rgya chen po'i dngos grub thob rnal 'byor pa'i skye ba dang 'chi ba dgag pa'i phyir gsungs pa/ skye ba dang ni 'jig pas kyang zhes so/ /thabs dang shes rab ces pa ni thabs dang shes rab dbyer med pa'i byang chub kyi sems kyi tshul gang yin pa'o/ /gang de ji ltar skyes pa dang 'jig pa dag gis 'ching bar 'gyur/ thabs dang shes rab kyi rang bzhin gsungs pa thabs ni gang gi phyir 'byung ba ste/ zhes pa ni gang gi phyir rnal 'byor pa'i thabs kyi stobs kyis 'byung ba ni skye ba dang byang chub pa dang chos kyi 'khor lo bskor ba la sogs pa ste 'di dag ni thabs so/ /shes rab ni de'i srid pa mthar phyin pa'o/ de nyid du skye ba la sogs pa yang mi rtog ste gang shes rab 'di la ste/ de nyid kyis 'dir zhig pa ni 'dus par byed pa ste/ chos thams cad 'di dang 'dir bya ba'o/ /de'i phyir rnal 'byor pa rnams kyi don dam pa la skye ba dang 'jig pa med do/ /kun rdzob tu ni byang chub pa dang/ yongs su mya ngan las 'das pa la sogs pa 'jig rten gyi spyod pas 'jug par mdzad do/ /'jig pa zhes pa ni rgyu dang rkyen gyis sbyor ba dang bral bas 'jig pa ni 'che ba'o/ 'jig dang dngos med zad pa'ang zhes pa ni gang rgyu dang rkyen ma tshang ba med pa de la 'jig pa med do/ /'di'i don gang la chos dang ma yin pa yod na zad bas ni nges par 'jig /gang gi chos rnams skye ba med pa yin na ngo bo nyid kyis med pa de dang de dag ji ltar 'jig ces bya ba'i don to/ /da nir skyed pa'i rim pa'i bdag nyid chen po gsungs pa/ bskyed pa'i rim pa zhes pa'o/ /phyag rgya chen po'i dbang bskur ba zhes pa ni shes rab ye shes kyi dbang bskur ba'o/ /shes par bya ba ni nye bar brtag

  358. 179b

    ba'o/ /bde ba chen po khyab par byed pa nyid do ces bstan par bya ba ni bde ba zhes bya ba la sogs pa'o/ /rdzogs pa'i rim pa nyid bstan par bya ba'i phyir rdo rje snying pos gsol pa/ rdzogs pa'i rim pa'i zhes pa'o/ /e ma'o dad pa'i shugs kyis zhes bya ba ni shin tu dad pas so/ /'di'i don ni gang la skad cig gis dmigs te/ bde ba'i blo dang ldan pa'i lha/ /shin tu yid ni dga' gnas te/ /dga' dgur spyod pas myur du 'grub ces so/ /dngos po nga zhes pa ni thabs kyi tshul gyis so/ dngos po med pa nga ni shes rab kyi tshul gyis so/ /'chad pa po nga zhes pa ni longs spyod rdzogs pa'i sku'o/ /chos ni chos kyi sku'o/ /nyan pa ni sprul pa'i sku'o/ /yang na thams cad de'i rang bzhin zhes pa ni nyan pa la sogs pa'i dngos po de dag kyang sangs rgyas nyid de/ chos rnams ngo bo nyid kyis dag pa nyid do/ /bsgrub bya nga zhes pa ni mi shes pa'i sgrub pa pos so/ /de bzhin du yang rkyen yin pa ni/ de bzhin du yang rig pa'o/ /gang nga nyid ston pa sum cu rtsa gnyis mtshan zhes pa ni longs spyod rdzogs pa'i slus chos ston par byed pa'o/ /de nyid nga khu ba zhes bya zhes pa ni sprul pa yis dang/ bde ba'i tshul gyis chos kyi sku mtshon par byed pa'i tshul gyis gsungs pa de med pas na zhes pa'o/ /de'i phyir longs spyod rdzogs pa dang sprul pa dag gis dngos po yang lhan cig skyes pa'i der dngos po med pa'o/ de'i tshul gyis gnas kyang phul du byung ba'i snying rje nyid kyis sku gnyis po sprul pas dngos po med pa ma yin no/ /yang na lhan cig skyes pa yang dag par rig pa'i tshul nges shin tu dngos po med pa'i rang bzhin nga ma yin no/ /de phyir 'gro kun lhan cig skyes shes pa gang las snyam pa la gsungs pa/ lhan cig skyes pa'i rang bzhin brjod ces pa ste/ dngos po rnams rang bzhin gyis lhan cig skyes pa ste/ de yang thams cad du ma bcos pa nyid kyi gnas te/ chos rnams kyi rang bzhin med pa nyid kyi rang bzhin no/ /

  359. 180a

    de ltar na rmi lam lta bu nyid kyis dngos po rnams re zhig sems las phyi rol na med par grub po/ /de yang gcig dang du ma dang bral zhing rgyu dang bral bas ngo bo nyid pa dang/ skye ba med pa ste sgyu ma lta bu'o/ /de bas na dngos po thams cad rang bzhin med pa nyid do/ /rtag tu lhan cig skyes pas gnas shes so/ /lha'i rnam pa'i gzugs dang ldan zhes pa gang las sangs rgyas dang mi'i lus ngag dbye ba ni/ phyag dang zhal gyi rnam pa yis re zhig bye brag med de/ phung po lnga nyid du yang bye brag med de/ nga la sogs pa buk+ka sI la sogs pa'i tshul gyis rnam par bzhag pas so/ /gal te sangs rgyas kyi sku dag rnam par shes pa'i rang bzhin dang/ 'di dag sa la sogs pa'i rang bzhin no snyam na/ e ma'o zhes ma shes pa yin te/ de ltar nyid du chos 'di thams cad rnam par shes pa'i rang bzhin du mthong ste bye brag cung zad kyang med do/ /de lta na gal te ji ltar 'khor snyam pa la/ gsungs pa 'on kyang rang bzhin bag chags kyis shes pa ste/ thog ma med pa'i ma rig pa'i bag chags kyis rang bzhin snang ba ma yin pas so/ /gal te ma rig pa nyid gang las skye zhe na/ las la sogs pa las so/ /gal te ma rig pa nyid gang las snyam pa la/ ma rig pa gzhan las zhes bya ba la sogs pa las so/ /chos thams cad yod pa ma yin na gal te rig pa gang las she na/ de ltar bden de brtan par rtogs na ma rig pa yod pa ma yin te/ 'di dag brtan par rtogs par bya ba'i phyir ston par byed de/ ma rig pa med na chos thams cad skye ba med cing mya ngan las 'das pa'o de nyid gsungs pa/ gang gis bya ba la sogs pa'o/ /mi shes sangs rgyas mu stegs pas zhes pa la sangs rgyas kyis ni nyan thos la sogs pa rnams kyis so/ /mu stegs kyis shes pa ni mu stegs thams cad kyis so/ /gcig nyid dga' ba

  360. 180b

    chen po ni lhan cig skyes pa'i dga' ba'o/ /lnga ru 'gyur ba'i dbye ba yis zhes pa ni de dbye ba'i grangs kyis so/ /de bzhin gshegs pa'i dbye bas rdo rje sems dpa' i dbye ba ste rigs lnga rnams su'o/ /yang de bzhin gshegs pa rnams nyid nang gi dbye ba'i bsam pas so/ /de phyir gcig gi ngo bo ni zhes pa 'di nyid kyi phyir thams cad skye ba med pa de nyid kyis rang bzhin nyid de/ ji ltar sa las byung ba bum pa dang kham phor la sogs pa sa'i gzugs ma spangs pa lta bu'o/ /de nyid kyis gsungs pa/ mchog tu dga' ba las byung ba zhes pa ste/ de bas na de nyid las byung ba thams cad du mdza' yas pa'i rigs gzhan rnams kyang zhes bya ba'i don to/ /brtag pa gnyis pa las dngos grub gtan la dbab pa ste le'u gnyis pa'i bshad pa'o// // de nas rdo rje can zhes pa rdo rje sems dpa' o/ /rgyud thams cad kyi gleng gzhi zhes pa ni rgyud kun gyi gleng gzhi ste/ gang gi don gyis rgyud ma lus pa la 'jug pa de'i thabs zhes bya'o/ /rnal 'byor ma rnams zhes bya ba ni rnal 'byor ma dag gi phyir ram/ rnal 'byor ma rnams te thabs gang gis 'grub pa'o/ /de'i thabs bka' stsal pa/ de ci snyam pa la/ sdom pa zhes bya ba la sogs pa bzhi'o/ /sdom pa ni bde ba'i mchog gam chos thams cad kyi bdag nyid de bzhin gshegs pas bsdus pa'o/ /dbang bskur ba las shes par bya zhes pa ni gang du e dang bam las dbang bskur ba shes par byed pa'o/ /yang dag ces pa ni mchog gi dbang bskur bas dri ma ma lus par 'khru bar byed pa'o/ /de ci snyam pa la gsungs pa/ bde ba chen po ste bde ba chen po'i ye shes so/ /de nyid kyi don gsal bar bya ba'i phyir rnal 'byor ma rnams kyis zhus pa de nas shes pa'o/ /bam ni thabs su gyur pa'o/ /brgyan pa ni rgyan byas pa'o/ /de gsungs pa e ni shes rab ces byar gsungs/ bam ni thabs zhes bya ba gang/ /bam zhes bya bas mdzes pa yang/ /e ni nges par mdzes pa yin/ /skad

  361. 181a

    cig ye shes shes pa skad cig gi dbye bas dga' ba la sogs pa yongs su shes na bde ba'i ye shes te bde ba chen po'i ye shes yin no/ /skad cig gis dbye ba nyid gsungs pa/ rnam pa sna tshogs zhes bya ba la sogs pa'o/ /de ltar shes par byed ces pa ni e bam gyi sdom par shes par byed do/ /rnam pa sna tshogs sna tshogs dga' / /'o dang 'khyud pa la sogs pa'o/ /rdo rje pad+ma mnyam sbyar bas/ /rnam par smin pa ye shes mchog/ rnam nyed? phyag rgya nyed pa'o/ /mtshan nyid bral ba nges brtag bya/ /gang las gang du ji ltar bsgrub par bya ba brtag snyam pa la/ slob dpon zhes pa ste/ slob dpon gyi dbang bskur ba gzung bas chu dang cod pan la sogs pa dbang bskur ba bdun bsdus te nges sku rnam par dag pa'o/ /gsang ba'i dbang bskur bas gsung rnam par dag pa'o/ /shes rab kyi dbang bskur bas thugs rnam par dag pa'o/ /yang dag par brtag par bya ste/ bzhi pa bsgrub par bya bas bsgrub par bya'o/ /'di nyid kyi dga' ba la sogs pa'i rim gyis dbang bskur ba bzhir shes par bya'o/ /shes rab ye shes kyi dbang bskur ba gcig nyid du dbang bskur ba bzhi'i tshul nyid du gsungs pa/ rgod pa zhes pa rgod pa dang smra ba la sogs pa rnam par dag pa slob dpon te/ rnam pa sna tshogs su brtson pa nyid do/ /gsang bar lta ba ni gsang ba'i dbang bskur ba'o/ /lag pas 'khyud pa'i sbyor ba shes rab ye shes kyi dbang bskur ba'o/ /de yang zhes pa ni bzhi pa'o/ /gnyis gnyis 'khyud ces pa phan tshun du 'dus pa na rgyud gang yin pa thabs dang shes rab kyi bdag nyid dbyer med pa'i ye shes der gnas pa'o/ /bskrus pas shes pa dri ma med par bya ba'o/ /rdo rje dril bu mnyam sbyor bas zhes pa ni rdo rje la sogs pa'i dbang bskur ba thob pas slob

  362. 181b

    dpon gyis dbang bskur bar byed pas dbang bskur ba'o/ /bzhin bzangs shes pa byin gyis brlab par bya zhes bya ba'i don to/ /slob ma shes bya zhes pa ni shes rab kyi dbang bskur ba'i skal pa dang ldan par shes par bya'o/ /da ni slob mas ji ltar bla ma la mchod par bya ba dang/ shes rab ye shes kyi dbang bskur ba'i phyir gsol ba gdab par bya ba'i cho ga de gsungs pa/ phyag rgya ldan zhes pa rgyan thams cad yongs su rdzogs pa'i phyag rgya dang ldan pa'i bla ma la mchod pa byas nas 'dis bstod de/ /kye bcom ldan 'das zhes bya ba la sogs pa gsungs so/ /nye bar zhi zhes pa nyon mongs pa'i me nye bar zhi bas zhi ba chen po'o/ /rdo rje rnal 'byor ni thabs dang shes rab kyi bdag nyid dbyer med pa'o/ /de la gcig tu brtson pa ni de'i gnyis su med pa'i sems kyis so/ /phyag rgya rab sgrub byed ces pa ni phyag rgya chen por rjes su chags shing skyed par byed pa nyid kyis dbyer med pa'o/ /ji ltar khyod ces pa thabs gang gis bdag nyid chen po khyod de mthu chen por gyur pa'o/ / bdag kyang zhes pa thabs de phun sum tshogs par mdzod cig pa'o/ /sha chen po zhes pa ni mchog tu mang ba'o/ /phyi nas zhes pa ni slob mas mchog tu dga' ba yang dag par thob par ro/ /ston pa ni bla ma'o/ /brjod ces pa ni ci brjod ces/ gzung bar gyis zhes pa ste brtan pas ye shes la 'di ltar de kho na nyid brtan par gyis zhes pa'o/ /dbang bskur nas bya zhes pa bya ba gang gis gnas par bya ba ste/ de'i tshogs gang yin pa'o/ /dbang bskur nas de kho na nyid gsal bar bya'o/ /zhes pa ni slob dpon la sogs pa dbang bskur ba gsum byin nas bzhi pa gsungs pa 'di nyid ces pa ni gang khyod kyis shes par bya ba ste/ de nyid thams cad du khyab par byed pa dang/ gnyis su med pa dang stong pa nyid dang snying rje dbyer med pa'i

  363. 182a

    byang chub kyi sems dang gnyis kyi gzugs dang mi ldan pa'i de kho na nyid do/ /'di nyid khyod kyis dkyil 'khor 'khor lo'i thabs kyis zhes pa ni mngon du bya'o zhes pa'o/ /dkyil 'khor 'khor lo'i thabs kyis ni zhes pa thos nas/ de'i don rdo rje snying pos zhus pa/ dkyil 'khor 'khor lo ci zhes pa'o/ /bcom ldan 'das kyis bka' stsal pa/ dkyil ni snying po zhes pa ste de nyid snying po'o/ /de ci snyam pa la/ byang chub sems ni bde ba chen po zhes pa'o/ /de ltar dkyil 'khor snying po de len par byed pa ni thob par byed pa ste/ de ni dkyil 'khor ro/ /de nyid 'khor lo ste kye'i rdo rje'i rnal 'byor ma rnams kyis tshogs 'dus pa'o/ /mkha' dbyings shes bya zhes pa ni nam mkha' i khams rnam par dag pa rdo rje sems dpa' i rang bzhin no/ /de nyid thams cad du yul la sogs pa rnam par sbyor ba zhes pa ni sbyong bar byed pa ste/ yul ni gzugs la sogs pa'i skye mched rnams so/ /sogs pas ni mig la sogs pa'i skye mched dang phung po la sogs pa gzung ngo/ /rdo rje snying pos gsol pa/ dbang bskur nas dam tshig gang gis gnas par bgyi zhes pa'o/ /'dir lan du 'di'i don gyis srog chags zhes bya ba la sogs pa'o/ /don 'di nyid nges pa'i don gyis gsal bar byed pas sems gcig ces pa ni srog chags ni 'dir rnam par rtog pa ste/ rnam par rtog pa nye bar zhi ba nyid gnyis su med pa'i ye shes su srog chags nye bar sdud pa ni gsod pa ste/ srog chags ni sems so/ /gang phyir srog ces pa ni srog chags ni 'dir sems las ma rtogs pa med de/ sems kyang sems can la sogs pa rnam pa du mas rab tu 'jug go /de bsdus pa nyid bsad pa'o/ /'jig rten bla med byar 'dod pa zhes pa brdzun te/ ngo bo nyid kyis dag pa

  364. 182b

    ni sems can rnams so/ /sems can nam mkha' dang mnyam pas de dag ji ltar bsgral te/ de ltar yang de'i phyir yal bar dor ba ma yin zhes gsungs pa yin pas sems can bla na med par bya bar 'dod pa yin no/ /snying rje ldan pas bya ba ni sems can yal bar dor mi bya/ sems can yod dang med pa zhes/ /de ltar brtag par bya ba min zhes so/ /yul la sogs pa rnams sbyong byed ces gsungs pa de gsal bar bya ba'i phyir zhus pa/ gang yang de dag ces pa'o/ /'di rnams sbyong ba bstan par bya ba'i phyir gsungs pa/ rang bzhin gzod nas skye ba med ces pa'o/ /de nyid kyis 'di rnams skye ba med de/ gzugs brnyan la sogs pa lta bur bden pa ma yin brdzun pa min zhes so/ /de ni skye ba med pa yang rten cing 'brel bar 'byung ba nyid du ston par byed pa ni/ gtsub shing zhes pa'o/ /de ltar chos thams cad rnal 'byor ma rnams zhes pa ni de ltar chos thams cad gzod ma nas skye ba med pa dang rang bzhin gyis dag pa dang/ lhan cig skyes pa tsam du mchog tu gzhol ba dang/ brdzun pa ma yin pa dang/ bden pa ma yin pa dang/ gzod ma nas zhi pa'o/ /chos thams cad 'di ltar bdag med par thos nas rnal 'byor ma rnams dga' ste bcom ldan 'das la yang dag par mnyes par byed do/ /bcom ldan 'das kyang mnyes nas yang dag par gsungs pa/ bza' btung zhes bya ba la sogs pa'o/ /de ltar chos thams cad skye ba med par shes pa'i rnal 'byor pas 'di ltar bya ste/ de la bza' ba sha lnga la sogs pa dang/ btung ba ste byang chub kyi sems las sogs pa'o/ /bgrod bya ste yul las byung ba'i bde ba'o/ /bgrod min te yul las 'das pa'o/ /gtsang sbra ni dag par rtog pa ste/ chos dbyings so rtog pa las lhag pa'i gtsang sbra mi 'byed pa'o/ /grong gi chos ni bde bar yang dag

  365. 183a

    par shes nas spro bar mi byed pa'o/ /sngags ni yi ge so sor nges pa dang ma nges pa'i rim pas so/ /bstod pa ni sngags nges pa'i rim pas so/ /gnyid ni rnal 'byor gyi gnyid de de spangs par mi bya ba'o/ /de dang de'i dbang po'i rnam par dag pa grub pa'i dbang po rnams rang gi rjes su mthun par yul la myang bar byed pas dgag par mi byed do/ /grogs po la byams pa zhes bya ba la sogs pas rjes su chags pa dang khong khro ba spang ba gsungs so/ /lha ni de bzhin gshegs pa'o/ /phyag mi bya ba ni de dag dang bdag bye brag gi blo mi bskyed pa'o Dom+bi la sogs pa yang bdag nyid dpal he ru ka'i sku bzhin du reg pa'o/ /bu ram ni khrag go /chang ni rkang mar ro/ /dug ni zhag go /nim pa ni pags pa ste/ de yang bu btsas pa las byung ba'o/ /skyu ru ra yis rlung sel byed/ /mngar ni mkhris pa sel bar byed/ /bska bas mig ni dag pa yin/ /kha bas rims ni 'jig par byed/ /tsha yis me ru 'gyur ba yin/ /tsha bas bad kan 'joms par byed ces so/ /bdud rtsi lnga zhes bya bar gsungs zhes pa de'i bshad pa rus pa zhes bya ba la sogs pa ste/ rus pa don yod grub pa'o/ /chang ni rnam par snang mdzad do/ /chu ni mi bskyod pa zhes bya/ /khrag ni rin chen 'byung ldan no/ /'di dag bcud kyis len rnams te/ /nad rnams thams cad 'jig par byed/ /thams cad srung bar byed pa'i gtso/ /rtog pa thams cad 'joms byed pa/ /sngar ma gsungs pa rnams kyi rnam par dag par bya ba'i phyir zhus pa/ dbang po rnams shes pa'o/ /sngar bstan pa'i dgongs pa bstan pa bshad pa zhus pa/ dgongs pas bshad pa gsungs pa ci zhes pa ni/ dgongs pas shes bya ba la sogs pa'o/ /rgyud kyang rnam pa bzhi rnams kyi zhes pa ni bya ba dang spyod

  366. 183b

    pa dang rnal 'byor dang rnal 'byor bla ma las ma gsungs pas so/ /rigs lnga zhes pa ni 'di dag rigs lnga rnams te sangs rgyas lnga'o/ /de nyid gsungs pa g.yung mo zhes pa'o/ /khyi sha 'tshed ma ni tsan Da lI'o/ /dam tshig gnod pas shes pa ni nyams pa'o/ /rgyud thams cad kyi gleng gzhi'i le'u ste gsum pa'i bshad pa'o// //da ni sngar gsungs pa rnams kyi bshad pa'i le'u gsungs pa/ de nas shes pa'o/ /the tshom skyes pa ni the tshom skyes pa nyid kyis yid mi bde ba'o/ /gal te dga' bas glu len na/ /de tshe rdo rje mchog ldan pas zhes bya ba la sogs pa gang gsungs pa/ glu dang gar de la rdo rje dang ldan pa ci/ rdo rje rkang pa'i gar ji lta bu zhes pa dang/ lha dbang bskur ba zhes pa lha dbang bskur pa'i le'u ru/ gang gi phyag rgya gang gis gdab ces pa/ gang la gang gis gdab par bya zhes pa'o/ /sngags btu ba zhes pa sngags kyi le'u ru'o/ /de la gang dang gang gi sa bon zhes bya ba'i don to/ /de la rdo rje'i glur re zhig gsungs pa/ ko l+la i reTTha i zhes pa ko l+la i reTThi ni gnas so/ /de la gnas pa'i bo la'i sbyor bas bo la ni rnal 'byor pa'i rdo rje'o/ /mummu na zhes pa ni zhing mumu nir rab grags zhes so/ /de la gnas pa de'i sbyor bas kak+ko la ni rdo rje rnal 'byor ma rnams kyi'o/ /gnas la sogs pa na bzhugs pa'i rnal 'byor dang rnal 'byor ma rnams su 'dus par gsungs so/ /de la 'dus par de rnams kyi lhan cig skyes pa'i rjes su mthun par bya ba gsungs pa/ g+ha Na kri pi Ta ho badzdza i zhes pa de la/ rde'u chung rgyun mi 'chad par brdung bar bya ba ste/ chos thams cad sgra brnyan lta bur gsungs pa/ sngon du bya ste gar dang klu bya ba'i don to/ /ka ru Ne ki a i na ro l+la zhes pa rtsod par mi bya ba ste/ der phan tshun du byams par bya zhing sems

  367. 184a

    can thams cad la yang snying rje bar bya'o/ /ta hi ba la khadzdza i zhes pa der yang sha bza' bar bya'o/ /gA DheM ma a NA pidzdza i a i zhes pa shin tu dga' ba skyed par byed pa'i chang btung bar bya'o/ / ta li zhes pa rnal 'byor ma rnams la bod pa'o/ /kA liny+dza ra pa Ni a i zhes pa dar skal ba dang ldan pa'i rnal 'byor dang rnal 'byor ma rigs lnga la sogs pa nas phyung ba bzhugs par bya ba'o/ /du du ra badzdzi a i zhes pa du du ra ni dbang ma bskur zhing the tshom dang ldan pa ste phyir spang par bya ba ste bzhug par mi bya'o/ /zhugs pa yang phyir dbyung bar bya ste/ de rnams nyid kyi ngan 'gro bsrung ba'i phyir ro/ /tsa u sa ma katstsu ri si hla kap+pU ra la i a i zhes pa ni chen dang rin chen 'byung ldan dang snang ba mdza' yas rnams der phyi dang nang du lus la byug par bya'o/ /mA la a'ind+ha na sA liny+dza ta hiM b+ha ru khA i a i/ zhes pa tshong ma rnams dang sha chen khyad par gyis der bza' bar bya'o/ /phreM kha Na khe Ta ka ran+te shud+d+ha shud+d+ha na mu ni a i zhes pa phan tshun dam tshig byin te/ gar la sogs pas 'gro ba dang 'od bar byed cing 'di dag ni dag pa'o/ /'di dag ni ma dag pa'o/ zhes yid la mi byed pas dmigs pa med pa ste/ dmigs pa med pa'i sbyor bas thams cad bya zhes bya ba'i don to/ /ni raM shu aM ga tsa ha DA bI ta hi dza sha rA bA ba NI a i zhes pa lo der yang rus pa'i rgyan yan lag rnams la gdags so/ /shA rA ba zhes pa ro ste gzhug par bya ba'o/ /ma la a dza kundu ru ba TU i zhes pa 'dus pa der phan tshun du bde ba chen po'i rgyu'i phyir sbyor bar byed pa'o/ /Dom+bi ma ta hi Na a badzdzi a i zhes pa der yang sbyor ba/

  368. 184b

    la g.yung mo spang bar mi bya'o/ /yang na ko l+la i reM zhes pa ni mgo bo la'o/ /Thi a ni gnas pa'o/ /bo la ni rdo rje 'dzin pa gzhom du med pa'o/ /mummu ni re ni lte ba'i pad+mar ro/ /kak+ko la ni shes rab bo/ /de la g+ha Ne zhes pa ni rgyun tu dga' bral med pa'o/ /kri pITTha ho ni gzhom du med pa'o/ /badzdza i zhes pa ni char 'bab pa'o/ /ka ru Ne zhes pa ni bde ba chen po'i ye shes kyis so/ /ki a i na rol+lA zhes pa ni rnam par rtog pas rtsod pa mi bya ba'o/ /yang na ka ru Ne zhes pa ni bde ba chen po'i rgyus so/ /ki a i na rol+la zhes pa ni thabs dang shes rab dag gi g.yul 'thab pa'o/ /ta hiM ni der char 'bab pa na'o/ /pa la khadzdza i zhes pa ni sha ni tha mal pa'i sha rnams bza' bar byed pa ste/ snang ba med par byed pa'o/ /gA DheM zhes pa ni shin tu'o/ /ma a NA zhes pa ni snying rje'i ro'o/ /pidzdza i a i ni 'thung bar byed pa ste bdag nyid dang bcas par byed pa'o/ /ha liM kA liny+dza ra zhes pa ni dpal rdo rje sems dpa' i rang bzhin bde ba chen po'o/ /pa Ni a i zhes pa ni de'i nang du bsgom par bya'o/ /du dur zhes pa ni rnam par rtog pa'o/ /bidzdza a i zhes pa ni thams cad spang bar bya'o/ /tsa u sa ma zhes pa la sogs pa ni rnam par snang mdzad la sogs pa de bzhin gshegs pa rnams bde ba chen po nyid la lhan cig skyes pa gnyis su med pa'i ye shes su bzhugs pa'o/ /mA la i zhes bya ba la sogs pa ni sa'o/ /la i ni chu'o/ in d+ha na ni me'o/ sA li a ta hi ni rlung ngo/ /b+ha ru khA i a i zhes pa ni 'di'i don ni shin tu snang ba med par byed pa'o/ /pre k+Sha Na khe Ta ka ran twaM zhes pa ni shes rab kyis 'gro ba dang 'ong bar byed pa na'o/ /shud+d+hA shud d+hA zhes bya ba la sogs pa ni dag

  369. 185a

    pa dang ma dag pa la sogs pa yid la byed pa med de bde ba chen por mchog tu rtse gcig pa nyid do/ /ni rang shu ni byang chub kyi sems dkar po cha shas dang bral ba'o/ /aM ga tsa ha DA baM ta hi zhes pa ni yan lag rnams la gzhag pa'o/ /sa rA a pa NI a i zhes pa ni de nyid lus thams cad du khyab par byed pas gzhug par bya ste spro bar bya'o/ /ma la a dza kundu ru ba TU i zhes pa ni rnal 'byor pa rnams 'dus pa der thabs dang shes rab bdag gi yang dag par sbyor bas sbyor bar bya'o/ /der thabs dang shes rab yang dag par sbyor ba na/ Dom bi ma ta hi Na a bidzdza a i zhes pa ye shes kyis reg tu med de rnam par rtog pa la sogs pa rnams kyis reg par mi nus pas reg par bya ba ma yin pa lhan cig skyes pa'i bde ba'o/ /'dis yang dbang bskur ba'i don gsungs pa ni/ yang na kau l+la i ru bi a ni lte ba'i lkog na'o/ /bo la ni rdo rje'i/ mummu Ne re zhes pa ni lte ba'i lkog na'o/ /kak+ko pa ri barma'o/ pad+ma de la rdo rje'i rang bzhin kri pa'i TTha ste brdung ba ni bskyod pa'o/ /ka ru Ne zhes bya ba ni bde ba chen po 'byung bas so/ /ro l+li ni rtsod pa mi byed cing brtan pas rgyun du bde ba'i mchog nyid do/ /der ba la ni rnam par rtog pa'o/ /za ba 'am 'byung ba'i don gyis ba la bza' ba dang/ chang yang btung ba'o/ /kA liny+dza ra zhes pa ni lhan cig skyes pa'i dga' ba nye bar brtag pas bzhug par byas pa'o/ /du du ra zhes pa ni dga' bral te de yang spang bar bya ba'o/ /skye gnas nang gi rtsa gnyis ni/ /g.yon dang de bzhin g.yas pa las/ /g.yon nas khu ba 'byung ba ste/ /g.yas pa las ni khrag nyid kyang/ /rdo rje dbyings kyi dbang phyug rtsa/ /g.yon du yang dag spyad par bya/ /

  370. 185b

    sor mo yis ni cung zad bskul/ /phyir yang lce yi thur mas so/ /rtsa yaM kha ni bye gyur nas/ /mchog tu shin tu dga' ba 'byung/ /cung zad sngags pa'i rdo rje yis/ /nang dang nang du bskyod par bya/ /phaT ni nor bu'i nang bzhag nas/ /yi las byung ba dgag par bya/ /byang chub sems ni ma shor bas/ /skad cig bde mchog 'byung bar 'gyur/ /ma lus de yi rang bzhin spro/ /chad pa med par snang ba ni/ /nges par khyab cing bde zhi ba/ /dam pa'i go 'phang thob par byed/ / byang chub sems ni shor ba yis/ /brgyal te rnyed par 'gyur ma yin/ /zhes bya ba'i thabs 'dis skal ba med pa blo dang ldan pas spang bar bya'o/ /tsa u sa ma zhes bya ba la sogs pa'i don 'di yang snga ma bzhin du sbyar bar bya'o// //da ni 'dus pa nyid du gar bya ba gsungs pa/ gar ni he ru ka'i gzugs kyis shes pa ni kye'i rdo rje'i nga rgyal gyis so/ /rdo rje chos shes pa ni gsung rdo rje'i bdag nyid kyis glu blang ba 'am/ gsung rdo rje rnal 'byor bas glu blang bar bya'o/ /sangs rgyas zhes pa ni rnam par snang mdzad kyi gar gyi bdag nyid kyis sam/ sku rdo rje'i rnal 'byor pas gar bya'o/ /ma mo rnal 'byor ma rnams kyis shes pa ma mo la sogs pa'i rnal 'byor ma rnams kyis sam/ gau rI la sogs pa rnams kyis lhan cig bskor bas so/ /tshogs kyi bdag pos zhes pa ni tshogs kyi gtso bo dpal he ru ka rdo rjes mdun du bya ba'o/ /der byin gyis brlabs kyi mtshan ma gsungs pa de la dri zhes pa'o/ /da ni phyag rgya rnams la zhus pa'i lan gsungs pa/ phyag rgya rnams shes pa'o/ /phyag rgya la sogs pa'i sgra'i don gcig go /phyag rgya mtshan pas gang dang gang gis rigs de brtag par bya'o/ /phyag rgya 'chol pas shes pa rigs 'khrugs par bsgoms

  371. 186a

    pas dngos grub mi thob bo/ /rigs yongs su ma shes pa'i sgrub pa pos kyang ma yin no/ /sa bon ci zhes bya ba la sogs pa zhus pa'i lan gsungs pa/ A li zhes pa ste/ A li dang po ni a'o/ /gnyis pa la sogs pa'i ri mo? pas A la sogs pa'o/ /rigs kyi le'u las gang bshad pa zhes bya ba la sogs pa zhus pa'i lan rigs kyi le'u zhes pa'o/ /bdag med ma'i khyad par gyis gsungs pa/ la la nA dang ra sa nA dang a ba d+hU tI ste rtsa gsum gyi gtso bo bdag med ma'o/ /'o na de lta na yang thams cad ma bsdus pa nyid de/ bdud 'joms par byed pa'i rnam par dag pa'i rnal 'byor ma rnams pas ma gsungs pa dang/ A li'i gzugs can byang chub kyi sems kyi zla ba dang/ bcu drug gi cha'i rang bzhin gyi sa bon ma gsungs pas so snyam pa la gsungs pa/ kun gyi mdza' ma zhes pa'o/ /gang gi phyir snyam pa la/ gang phyir bcu drug cha med pas zhes gsungs so/ /gang phyir rgyu'i bya ba mi byed pa dang/ cha med snyam pa la gsungs pa/ gang gi phyir don gyi bya ba mi byed pas so/ /'di'i don cha yang cha med pa dang/ don gyi bya ba sbyor ba med pa ste/ de chos kyi dbyings kyi rin gyis so/ /lha mo thams cad kyi rnam par dag pa'i rang bzhin rnal 'byor ma bco lnga bsgoms pas de'i gnas skabs su 'dus pa yin pa dang/ don gyi bya ba mi byed pa dang/ gang du ci'i phyir bsgoms pa yang don gyi bya ba ni bsgrub bya de nyid yin no/ /da ni dgongs pa dang bcas pa rdo rje snying pos zhu bar byed pa ste/ ga pur ni byang chub kyi sems so/ /nges par cis mi 'byung zhes pa/ /nges pa'i sgra ni bzod pa ma yin pa ste bsam

  372. 186b

    mi 'byung ste/ 'on kyang gang bskyed par bya zhes bya ba'i don to/ /de yang kun rdzob dang don dam pa'i tshul gyis so/ /de la rnal 'byor ma rnams yang dag 'byung zhes pa rnal 'byor ma rnams bskyed par byed pa ni mya ngan las 'das pa'o/ / de las byung ba kun rdzob kyi rang bzhin no/ /de nyid gsungs pa/ lhan cig skyes pa'i rang bzhin gyis zhes pa dang/ zad pa med pa ni mi 'jig pa'o/ /rgyas pa zhes pa ni rgyun rgyas pa'o/ /nam mkha' ni bya gdong mang 'ongs pa ste pa dang gnas pa'o/ /'dir de bzhin nyid du bcom ldan 'das kyis lan bka' stsal pa/ de nyid kyis de ltar te de bas nges pa mi spang ba nyid du bskyed par bya ba nyid do/ /gang bskyed par bya ba bzhus pa gang gis shes pa'o/ /'dir lan du dkyil 'khor 'khor lo zhes pa ste/ dkyil 'khor 'khor lo la sogs pas bskyed pa dang rdzogs pa'i rim pas don dam pa'i byang chub kyi sems bskyed par bya'o/ /sogs pa'i sgras nad kyi sbyor bas so/ /bdag byin gyis brlabs pas shes pa dang thabs dang shes rab kyi sbyor bas las kyi phyag rgya byin gyis brlabs nas kun rdzob kyi byang chub kyi sems bskyed par bya ba'o/ /gnyi ga'i rang bzhin gsungs pa kun rdzob ces pa'o gnyi ga'i yang btsun mo'i pad+mar zhes pa shes rab kyi pad+mar bskyed par bya'o/ /'di nyid ltar ni mya ngan 'das shes pa 'di nyid ltar mya ngan 'das te sdug bsngal thams cad nye bar zhi ba lhan cig skyes pa'i rang bzhin no/ /de ltar yongs su ma shes pas 'khor ba'o/ 'khor ba spangs te gzhan du ni/ /mya ngan 'das pa shes mi 'gyur zhes pa ni thob par ro/ /'khor ba nyid yongs su shes pa nyid mya ngan las 'das pa zhes bya ba'i don to/ /'khor ba gang yongs su shes nas mya ngan las 'das pa yin snyam pa la/ 'khor ba gzugs dang sgra la sogs shes pa'o/ rmongs pa ni rang bzhin yongs su ma shes pa'o/ /ma rmongs pa ni de kho na nyid yongs su shes pa'o/ /'khor ba dag pas shes pa 'khor ba rnam par dag pa ni tha snyad

  373. 187a

    dam 'dod pas skye ba la sogs pa yongs su 'dzin par mdzad pa yang de'i 'khor ba ste gzugs la sogs pa'o/ /gang gi phyir mya ngan las 'das pa ni mya ngan las 'das pa'i 'bras bu 'byung bar byed pa'o/ /mya ngan las 'das pa nyid ci nyan thos la sogs pa lta bu yin nam snyam pa la ma yin te gsungs pa/ byang chub sems ni mya ngan 'das shes pa stong pa nyid dang snyad rje dbyer med pa bde ba chen po lhan cig skyes pa'i gnas skabs 'dir 'jug pa mang nyid 'dir mya ngan las 'das pa ste gzhan ma yin zhes bya ba'i don to/ /da ni mya ngan las 'das pa'i rgyu kun rdzob kyi byang chub kyi sems bskyed pa'i rim pa gsungs pa bzhin mdzes zhes bya ba'o/ /de la sbyor ba la byung ba'i zhes pa de la thabs dang shes rab gnyis su med pa'i sbyor ba las byung ba'i byang chub kyi sems gang yin pa ni ga bur te/ mi spang ba ni kun rdzob blang ba dang/ mya ngan las 'das pa brtag par bya bas zhes bya ba'i don to/ /de la kun rdzob glang ba'i cho ga gsungs pa/ lag pa ma yin zhes pa'o/ /bzlog pas zhes pa ni bsrung ba'i phyir ro/ / stobs ni nus pa'o/ /da ni mya ngan las 'das pa 'ba' zhig gi mtshan nyid byang chub kyi sems bskyed pa la sogs pa bstan pa'i rim pa gsungs pa/ ga pur ni byang chub kyi sems so/ /bdag med ma ni a ba d+hU tI ste/ de las skyes pa'i bde ba yang bdag med ma ste chos thams cad bdag med pa'i rang bzhin bde ba de phyag rgya chen po ste/ de nyid shin tu gsal bar gyur pa gang yin pa bde ba chen po de'i rang bzhin phyag rgya chen po'i dngos grub bo/ /de gang du gnas snyam pa la/ gsungs pa/ lte ba'i dkyil 'khor nyid du zhes pa ste/ bde ba chen po'i pad+ma'i lte ba'i dkyil 'khor deng bde ba chen po'i snying po sdud par byed pa gzhom du med pa'i tshul gyis der gnas so/ /de la 'khyud ba de'i rang bzhin gyis gnas pa de las byung ba yang dang po'i dbyangs yig rang bzhin te zhes pa a'i rang bzhin dang skye ba med

  374. 187b

    pa'i rang bzhin gyis thams cad kyi rgyud nyid de dang de'i rang bzhin zhes bya ba'i don to/ /de nyid blor ni sangs rgyas rnams kyis brtags zhes pa ni brjod pa ste/ rang rig pa'i bdag nyid chen po nyid do/ /de nyid rang gi shes rab dang de nyid bcom ldan 'das ma ste dbang phyug la sogs pa'i yon tan sbyor ba dang/ nyon mongs pa la sogs pa'i bdud 'joms pa'o/ /de la rnal 'byor pas bskyed bya zhes pa de dang de'i rang bzhin nyid thams cad kyi rgyu nyid do/ /thams cad kyi rgyu nyid dam des bcings pas sam de yin pas so/ /rnal 'byor pas bskyed par bya ba yin pa ma zhes pa ni rdzogs par bya'o/ /rdzogs pa'ang de nyid kyi bde ba mi 'jig pas spyad par bya ba'o/ /de nyid kyi phyir yang shes rab kyi gzugs la sogs pa dang chos kyi dbyings kyi tshul gyis rnal 'byor pa dpyod par byed do/ /de nyid yang dkyil 'khor 'khor lo'i dbang po dang dpa' bo dang dpa' mo'i dbang phyug ma thams cad sdud par byed pa nyid do/ /de nyid yang ye shes lnga'i rang bzhin gyis so/ /ji ltar snyam pa la gsungs pa/ me long lta bu'i ye shes kyi rang bzhin te/ chos thams cad gzugs brnyan lta bu'i ye shes la sogs pa 'byung ba'i rgyu nyid do/ /de nyid yang chos thams cad mnyam pa nyid kyi rang bzhin bde ba chen po'i tshul gyis khyab par byed pa 'am sdud par byed pas so/ /de nyid yang rang rig pa gnyis su med pa bde ba chen po'i tshul las yang dag par 'byung ba so sor rtog pa ste/ 'di las lhag par yang dag par gyur pa yod pa ma yin no/ /de nyid yang bya ba sgrub pa ste/ sems can thams cad kyi bya ba sgrub pa de las byung bas 'gro ba'i don byed pa'i phyir ram/ sems can rnams de'i rang bzhin nyid kyis dbyer med par rtogs par byed do/ /de nyid yang rdo rje sems dpa' i tshul gyis dri ma med pa dang/ sgyu ma'i rang bzhin bde ba chen po'i tshul nyid de shin tu rnam par dag pa'i chos kyi dbyings de thams cad kyi bdag po nyid do/ /de nyid kyis gsungs pa'i chos kyi dbyings kyi rang bzhin can zhes pa de/ shes rab kyi pha rol tu pa'i rang bzhin no

  375. 188a

    chos kyi dbyings shes pa chos kyi dbyings snying po dang/ bdag med pa dang/ yang dag pa'i mdza' dang/ stong pa nyid dang/ de'i don dam pa'i rang bzhin no/ /da ni rdo rje rigs kyi le'u las bstan pa'i sdom pa bshad pa'i phyir rdo rje snying pos sdus pa/ 'khor lo zhes pa'o/ /rnal 'byor ma'i lus dbus gnas pa zhes pa ni de nyid bdag med rnal 'byor ma'i sa bon a lus kyi dbus na gnas pa de nyid sdom pa ste/ phyi rol gyi tshul sdud par byed pa de nyid kyis gsungs pa/ ji ltar phyi rol de ltar nang zhes pa ste/ gang phyi rol gyi dkyil 'khor du a de yongs su gyur pa las bdag med ma ste/ de nyid kyi rnam par dag pa lus kyi dbus na'o/ /yang na phyi dang nang gi chos thams cad rnam pa mang bas de'i phyir sdud par byed pas sdom pa'o/ /rdo rje'i bde ba zhes pa rdo rje'i thabs kyis lhan cig tu sbyor ba na bde ba 'byung ba gang yin pa de rdo rje'i bde ba ste/ phyag rgya chen po yang dag pa'i shes rab bo/ /rdo rje'i skye mched ces pa rdo rje ni kye'i rdo rje ste/ de'i skye mched ni bskyed pa'i gnas kyi sa bon te thabs so/ /'dis ni gsang ba'i zhes pa ni gsang ba dag tu ste/ thabs dang shes rab dag snyoms par 'jug pas so/ /phyi rol gnyis gnyis zhes pa ni phyi'i thabs dang shes rab yang dag par sbyor ba mi stong ste/ sgrub bya nye bar mtshon pa tsam gyis thabs nyid kyis ston par byed pa med ces bya ba'i don to/ /da ni sku bzhi bsdu ba gsungs pa sku gsum zhes pa'o/ /sku gsum yongs su shes pa ni zhes pa sku gsum dbyer med pa'i rang bzhin gang yin pa/ sku gsum gyi 'bras bu bde ba chen po'i 'khor lo'i sku'o/ /skye gnas zhes pa ni skye gnas dang nye ba nyid do/ /sems can dag ni ma lus rnams/ /skye gnas gang du skye ba ni zhes pa'o/ /der zhes pa ni de dang nye ba na'o/ /da ni 'bras bu rnam par bzhag pas gsungs pa/ e baM ni sprul ba'i 'khor lo ste rgyu mthun pa'o/ /'bras bu rnams kyi don gsungs pa/ las spyod ces pa'o/ /las kyis 'bras bu la spyod par byed pa ji ltar las kyi 'bras bu la spyod ces na/ gsungs pa

  376. 188b

    ji ltar byas pa de ltar spyod ces pa ste/ bskul ba la sogs pa las kyi rjes su mthun par 'bras bu spyod ces bya ba'i don to/ /rnam par smin pa ni de las bzlog pas so/ /chos kyi 'khor lo las cung zad yin yang las kyi 'bras bu chen po sbyin pas de las bzlog pa yin no// longs spyod rdzogs pa ni skyes bu byed pa ste/ bde ba chen po'i 'khor lo gyur pa 'bras bu bde ba chen po 'thob pa'i phyir khyad par 'phags pa'i las 'byung bas so/ /bde ba chen po dri ma med pa'i 'bras bu yongs su rdzogs pa nyid do/ /sde pa bzhi dang sbyor bas gsungs pa/ gnas brtan sprul pa'i 'khor lo ru zhes pa'o// //da ni sangs rgyas nyid ma tshang ba med de sems can rnams sangs rgyas kyi ngo bo nyid dang ldan no zhes bstan pa'i phyir/ sde pa lus zhes bya ba la sogs pa'o/ /skye gnas su ni 'dod chags bral zhes pa/ skye gnas kyi gnas skabs su yang chags par mi 'gyur bas so/ /spyi bor thal sbyar zhes pa skye ba'i dus su lag pa spyi bor sbyar te skye bas so/ /'gro ba'i bya ba zhes pa ni 'gro ba rang gi bya ba nges pa'o/ /sgra ni sngags shes pa thabs dang shes rab kyi bdag nyid kyi sngags zlos pa'o/ /gcer bu ni gos med cing yongs su mi 'dzin pa'o/ /tshogs pa 'di yis zhes pa ni sngar sangs rgyas nyid du rtogs pa dang/ da ni tshogs pa yang rtogs pas de'i phyir the tshom med de/ 'di dang 'di ltar ngo bo nyid kyis sangs rgyas pa thos nas ngo mtshar du byed pa ste/ ngo mtshar dang ldan nas brgyal ba ni byang chub kyi sems su zhu ba'o/ /skrag pa ni dngos po'i grong khyer bshig cing bsdus pas so/ /'dar ba thob ces pa ni g.yo ba dang ldan pas so/ /gal te sems can yang rang bzhin gyis dag pa dang/ tshogs pa dang ldan pas sangs rgyas na bdag cis 'khor bar byed de/ chos kyi sku las gzhol bar byed pa yin no/ /zhes bya ba'i don to/ /da ni bcom ldan 'das kyis de rnams blang bar bya ba'i phyir de rnams la yang bstod pa'o/ /sa dang chu dang me dang rlung zhes pa ni 'byung ba ni sa la sogs pa'i rang bzhin no/ /khyed ni khyed rnams so/ /snod ni snod nyid do/ /lha mo ni lha mo rnams so/ /nyon ni nyon

  377. 189a

    cig pa'o/ /spros pa ni spros pas so/ /de nyid ni de kho na nyid do/ /da ni nga las so/ /gang ni sus kyang mi shes pa zhes pa la gang ni de kho na nyid do/ /rmi lam lta bur bcom ldan 'das kyi gsungs thos nas de thams cad srog thob par zhes pa ni sgyu ma bzhin bcom ldan 'das kyi gsung thos te srog gi rlung nges par bsdus pas lus thob pa'o/ /de la bcom ldan 'das kyis bye brag tu bka' stsal pa/ sems can zhes pa ni de bas na bye brag med par thos nas sems can rnams las phyir phyogs par ma byed cig pa'o/ /rnal 'byor ma rnams kyis gsol pa/ 'di dag bcom ldan 'das de ltar mang de brdzun pa ma lags so/ /bcom ldan 'das kyis bka' stsal pa/ btsan dug zos pas brgyal bar 'gyur/ gang dag sems med par zhes pa ni dug gi de kho na nyid mi shes pas de nyid shes pas gti mug spangs/ /gti mug spangs te de nyid yid/ /de yis de nyid yongs su gcod ces pa de'i mchog tu gcod pa ni de'i brgyal ba'o/ /de'i phyir thabs kyang yin te/ thabs de yongs su shes pas sems can sangs rgyas kyi rang bzhin yang yin pa dang/ tshogs pa dang ldan yang sangs rgyas te/ dug zos pas brgyal ba bzhin no/ /de bas na sems can gyi don yod pa zhes bya ba'i don to/ /de nyid kyis dpe bstan nas/ de bzhin du don la sbyar ba'i phyir/ mya ngan las 'das pa'i thabs shes na zhes pa'o/ /rang rang gis rtogs na zhes pa ni rang bzhin gyis lhan cig skyes pa shes pa las lhag pa'i gnas kyi don yod pa ma yin te/ de yang rang rig pa nyid mthar phyin ces bya ba'i don to/ /phyag rgya mi rigs pa mthong nas rdo rje snying pos zhus pa/ sa ni puk+ka sI ru grags shes so/ / lan du lus? med ces pa ste/ lus dang ngag dang yid rnams phan tshun du brten pa nyid dang don dam pa la dbyer med pas skyon med ces bya ba don to/ /da ni gtor ma zhus pa snyoms zhugs zhes pa ste/ thabs dang shes rab snyoms par zhugs pas gnas pa dang/ bde ba chen po

  378. 189b

    la bzhugs te zhus pa dang/ bcom ldan 'das kyis bka' stsal pa/ e paM rnam pa ni mdor bsdus nas shes so/ /rdo rje sems dpa' gyur pas bstan zhes pa ni sbyin pa ste/ gtor ma sbyin pa'i phan yon gsungs pa 'dis zhes pa ste/ las thams cad byed pa la gtor ma 'dis zhes bya ba'i don to/ /ma gsungs pa'i phyag rgya'i don zhus pa/ gang gis mkha' spyod ma zhes pa'o/ /dbu ma ru ni gnas pa'i sems shes pa dngos po dang dngos po med pa nyid las grol ba nyid do/ /da ni de bzhin gshegs pa'i rigs kyi rim pa gsungs pa/ rigs ni zhes pa'o/ /rgyas bar zhes pa ni rdo rje sems dpa' bzhag pas so/ /de'i 'og tu rnam pa gsum dang rnam pa lngar zhes pa rdo rje sems dpa' mi bskyod pa'i nang du zhugs pas rnam pa lngar bsgom mo/ /nga rgyal dang phrag dog gnyis 'dod chags kyi nang bsdus pas rigs gsum mo/ /gti mug dang 'dod chags gnyis kyang zhe sdang gi nang du 'dus pas rigs gcig go /de yang sngar gyi rdo rje sems dpa' i nang du zhugs pas rdo rje sems dpa' dang dbyer med pa'o/ /rtag pa gnyis pa las rgyud thams cad kyi phyag rgya'i don bsdus pa ste le'u bzhi pa'i bshad pa'o// //da ni he ru ka mngon par 'byung ba'i le'u gsungs pa/ bcu drug phyag la zhal brgyad pa zhes bya ba la sogs pa gsungs pa'o/ /bdag med mas zhus pa dang/ 'dir lan du 'khor lo sngon po zhes pa ste/ ji ltar khyod kyis 'khor lo de bzhin du nga'i yang zhes bya ba'i don to de la 'di ni sgrub thabs kyi rim pa ste/ rang snying raM las byung ba ni/ /nyi ma'i dkyil 'khor bsgom par bya/ /de nyid la yang hUM nyid ni/ /thabs dang shes rab bdag nyid can/ /rdo rje las skyes snying rje che/ /nam mkhar rje btsun dmigs nas ni/ /rgyan rnams thams can 'dzin pa yi/ /lha mo brgyad kyi mchod par bya/ /dkar mo ri dags mtshan pa 'dzin/ /rkun mo'i lag na nyi ma'i snod/ /ro langs ma yi lag na chu/ /g+hasma rI ni lag na sman/ /sbos ma'i lag na rdo rje ste/ /ri khrod ma ni ro 'dzin ma'o/ /gtum mo cang te'u brdung bar byed/ /'di dag rnams kyi bdag po mchod/ /'dod chags

  379. 190a

    chen po rjes chags pas/ /g.yung mo yis ni mgul nas 'khyud/ /dang po byams pa bsgom par bya/ /gnyis pa la ni snying rje bsgom/ /gsum pa dga' ba bsgom par bya/ /kun gyi tha mar btang snyoms bsdom/ /yang ni stong pa'i byang chub sems/ gnyis pa la ni sa bon bsdus/ /gsum pa la ni gzugs rdzogs te/ /bzhi pa la ni yig 'bru dgod/ /sh+rI ni gnyis med ye shes te/ /he ni rgyu sogs stong pa nyid/ /ru ni tshogs dang bral ba nyid/ /ka ni gang duAng mi gnas pas/ /he ni snying rje chen po ste/ /badzra shes rab tu yang brjod/ /'dis ni shes rab rig pa yis/ /kye'i rdo rjer yang dag 'dod/ /oM shU n+ya tA dz+nyI na badzra swa b+hA ba At+ma konyahaM/ /ram las nyi ma bdun du bsgom par bya/ /de las hUM byung sna tshogs rdo rje ste/ /rdo rje de nyid las ni rnam bsgom pa/ /rab dang ni dra ba dag kyang bcing/ / nam mkha' i khams la b+ha ga bsam/ /de yi dbus su bsgom bya ba/ /'khor lo sngon du ci rigs par/ /lha rnams ji ltar 'byung ba'o/ /'khor lo sa yi sngon du chu/ /ji ltar rigs par me yi gdan/ /lha rnams kyi ni rlung chen po/ /ji ltar bsgom pa po 'byung ba'ang/ /chos 'byung las byung 'khor lo ni/ /dra ba dra ba phyed pas mdzes/ /gru bzhi pa la sgo bzhi pa/ /rdo rje'i thig gis brgyan pa'o/ /'dab brgyad ge sar bcas pa yi/ /de'i dbus su pad+ma bri/ /de yi steng du zla ba bsgom/ /zla ba'i steng du sa bon te/ /phyis ni nyi mas mnan pa'o/ /gnyis 'dus pa las bde ba chen/ /A li zla ba'i gzugs kyis gnas/ /kA li'i gzugs kyis nyi ma'o/ /zla ba me long ye shes ldan/ /mnyam nyid ye shes rta bdun pa/ /rang lha'i sa bon phyag mtshan ni/ /so sor rtog pa yin zhes brjod/ /thams cad gcig 'dus bya nan tan// gzugs bsnyan rdzogs pa chos dbyings dag /de yi dbus su gnas pa nga/ /bzhin bzangs khyod dang lhan cig tu/ /lhan cig skyes dga' i rang bzhin gyis/ /'dod chags chen po rjes su chags/ /zhal brgyad pa la zhabs bzhi pa/ /phyag ni bcu drug gis ni brgyan/ /bdud bzhi po ni

  380. 190b

    mnyam par mnan/ /'jigs pa yang ni 'jigs par byed ces bya ba la sogs pa re zhig ji srid glus bskul ba'i bar ro/ /de'i 'og tu bdag po dga' ma'i sa bon gnyis/ /aM hUM 'bar ba 'jigs su rung/ /aM dang ni hUM sngon po las/ /rdo rje 'dzin pa chen po bzhengs/ /zhabs bzhi sa la gnon pa yis/ /lha dang lha min skrag par byed/ /glang po rta dang bong bu glang/ /rnga mo mi dang sha ra b+ha/ /de bzhin du ni byi la dag /g.yas kyi thod pa brgyad na'o/ /glang po la sogs rim shes bya/ /sa dang chu dang rlung dang me/ /zla ba nyi ma nyid dag dang/ /mthar byed pa dang nor sbyin nyid/ g.yon gyi thod pa brgyad dag tu/ /sa ni dang po nor sbyin mdza' / /dbang phyug thams cad rab sgrub byed/ /glang po la sogs sems can rnams/ /glo dang dbugs dang de bzhin smyo/ /zad byed mdze dang 'brum bu dang/ /mtsher ba mchen pa rang gzugs kyis/ /glang po la sogs rab tu grags/ /sgeg dang dpa' dang mi sdug dang/ /drag dang rgrod dang 'jigs su rung/ /snying rje ngo mtshar zhi ba yis/ gar gyi ro ni dgu dang ldan/ /rnal 'byor ma ni brgyad kyis bskor/ /dur khrod du ni mgon po rol/ /mig gnyis gti mug rdo rje ma/ /rna bar zhe sdang rdo rje ma/ /sna la ser sna rdo rje ma kha la 'dod chags rdo rje ma/ /lus la phrag dog rdo rje ma/ /yid la bdag med rnal 'byor ma/ /oM A:hUM zhes bya ba'i sngags/ /lus ngag de bzhin sems rnams la/ /mkha' spyod dang ni sa spyod nyid/ /sa 'og tu ni gnas pa bsam/ /ye shes 'khor lo spyan drangs te/ /dbang bskur ba ni blang bar bya/ le'u bzhi pa las gsungs pa'i/ /tshul gyis 'dir ni dbang bskur bya/ /zhe sdang rdo rje kye'i rdo rje/ /gau rI phyag rgya de nyid kyis/ /rkun mo gti mug phyag rgya yis/ zhes byang? la sogs pas phyag rgya rnams 'dod do/ /mchod bstod bdud rtsi myang ba dang/ /dag pa rjes su dran byas te/ /de nas gau rI sogs lha mo/ /rang phyogs kha lhas gzhug bar bya/ /lha mo'i snying zla 'gri gug gnas/ /oM dang lhan cig zhu gyur nas/ /bcom ldan snying kar yang dag zhugs/ /rang snying nyi ma la gnas hUM/ /bcom ldan 'das dang lhan cig tu/ /gcig tu gyur par rnam par bsam/ /nyi zla ba sbyar nang sa bon/

  381. 191a

    gnas skabs kyis ni kun tu gnas/ /gnas skabs der ni tshigs bcad 'dis/ /thog med la sogs drang bar bya/ /de yi sa bon nyi zla dag /'dres par gyur pa'i rim pa 'dis/ /mar me'i tshul gyis dga' ba che/ /byang chub sems kyi rang bzhin can/ /dmigs pa med par bsam par bya/ /ji srid shin tu stong pa nyid/ /'di dang 'di ltar brtag byas te/ /dkyil 'khor rim pas spro bar bya/ /sngags ni snying ka las rdo rje'i/ /lam nas bde ba'i gzugs kyis su/ /lha mo'i pad+mar sod de las/ /lha mo yi ni khar byung ste/ /rang gi khar ni gzhug par bya/ / yang ni de nyid kyis phyung ste zhes so/ /phreng ba'i sngags zhus pa/ rdo rje bzhib par byas nas ni zhes pa'o/ /bcom ldan 'das kyis bka' stsal pa/ bud med dbang du byed pa yi zhes pa'o/ /sngags btu ba gsungs pa/ rig byed dang po zhes pa ni oM ma/ /zla phyed thig les brgyun zhes pa ni rang bzhin gsungs pa'o/ /da ni kye'i rdo rje'i dkyil 'khor du dbang bskur ba'i dkyil 'khor bri ba'i rim pa zhus pa/ bcom ldan 'das zhes gsol ba dang/ de la mnyes zhes pa'o/ /bcom ldan 'das kyis bka' stsal pa/ ston pa de la ye shes che zhes pa ste/ kye'i rdo rje'i gzugs kyis dkyil 'khor bri zhes bya ba'i don to/ /thod pa zhes pa ni pad+ma'i snod do/ /rig pa brgyad kyang bde ba che zhes pa ni bde ba chen po'i rgyu nyid do/ /lo bcu gnyis ma ni thugs kyi rnam par dag pa'o/ /lo bcu drug ma ni gsung gi rnam par dag pa'o/ /lo nyi shu ma ni sku'i rnam par dag par gsungs so// rig ma brgyad po de gang snyam pa la/ /gsungs pa ma yin zhes pa'o/ /de la dbang bskur ba'i phyir slob ma gzhug pa gsungs pa/ phyis zhes pa'o/ /ji ltar gsungs pa zhes pa ni sngar de kho na nyid bsdus pa la sogs par yang ngo/ /slob dpon la sogs rab dbye bas zhes pa ni slob dpon gsang ba shes rab dang/ bzhi pa de yang de bzhin no/ /zhes pa'i rim pas so/ /de la slob dpon gyi dbang bskur bas ni chu dang dbu rgyan dang phreng ba dang rdo rje dang dril bu dang mi dang brtul zhugs dang/ lung bstan pa dang dbugs dbyung ba la sogs pa gzung ngo/ /mdza' dang mdza' mar

  382. 191b

    gsal byas shes pa mchog gi lhan cig skyes pa ste/ rgyud 'dir gsal bar byas pas so/ /de nyid gsal bar bya ba'i phyir zhum pa/ de'i skad cig ci 'dra lags zhes pa'o/ /bcom ldan 'das kyis bka' stsal pa/ thog ma tha ma med pa zhes pa'o/ /rang gi lag pa g.yas g.yon gyis zhes pa/ lag pa g.yas pa ni thabs so/ /g.yon pa shes rab bo/ /rgan po ni mthe bong ste/ de yang rdo rje'o/ /srin lag ni chos kyi 'byung gnas so/ /de gnyis rnal 'byor bas bcir bar bya ba ni longs spyod kyi rtsa gnyis la zhes pa'o/ /gzhon nu ma'i dga' ba ltar zhes pa ni sngon ma myong ba'i bde ba chen po skyed par byed pa'o/ /de nyid he ru ka'i rang bzhin no zhes gsungs pa/ dam pa'i mdza' dang mdza' bral dbus/ /stong dang stong min he ru ka zhes pa'o/ /brtag pa gnyis pa las he ru ka mngon par 'byung ba zhes bya ba'i le'u ste lnga pa'i bshad pa'o/ // bcom ldan 'das kyis mya ngan las 'das pa'i phyag rgya'i rang bzhin 'dzin pa sngar gsungs pa'i thang ka'i cho ga'i le'u drug pa gsungs pa/ lha mos dam du 'khyud nas ni zhes pa'o/ /rnam par dag pa gsungs pa/ sangs rgyas lnga yi phyag rgya yis/ zhes pa ni mi bskyod pa la sogs pa sangs rgyas lnga'i rang bzhin gyis phyag rgyas zhes bya ba'i don to/ /le'u 'dis brjod par bya ba thang ka'i cho ga zhus pa/ gang gi cho gas zhes pa ni thod pa la sogs pa'o/ /lus kyi bya bas zhes pa ni spyod pas te/ 'dri bar byed pa po dang/ 'dri bar byed pa'i zhes bya ba'i don to/ /de la re zhig bya ba gsungs pa/ dam tshig ldan pas ri mo mkhan zhes pa ni bsrung bar bya ba dang/ bza' bar bya ba dang ldan pa'i ri mo mkhan gyis bri bar bya'o/ /sgrub pa po nyid kyang de lta bur gyur pas bri bar bya'o/ /de nyid gsungs pa/ dkyil 'khor drag po ni byin gyis brlabs pa dang ldan pa'o// cho ga gsungs pa thod par gnas zhes pa'o/ /skud pa 'khal ba'ang gang gis bya zhes pa ni/ shes rab gang gis skud pa 'khal bar byed pa dang/ gang yang 'thag par byed pa ste/ de rnams kyang dam tshig mas bya'o/ /ji ltar dam tshig dang ldan pas bya snyam pa la gsungs pa/ dam

  383. 192a

    tshig byin rlabs rnal 'byor ba zhes/ rnal 'byor sngon du byas te dam tshig dang byin gyis brlabs pas zhes bya ba'i don to/ /yang ri mo mkhan gyi bya ba gsungs pa/ zla ba zla ba zhes pa ni bcu bzhi zhes pa nye bar mtshon pa ste/ tshes brgyad ces bya ba yang rtogs par bya ba'o/ /de bas na zla ba'i nyi ma gnyis la bri bar bya'o/ /brtag pa gnyis pa las kye'i rdo rje'i thang ka'i cho ga'i le'u ste drug pa'i bshad pa'o/ /da ni glegs bam gyi cho ga sngon du bya ba dang/ tshogs kyi ston mo'i cho ga bya ba gsungs pa/ de nas de la lha mos zhus zhes pa'o/ /sbrang rtsi chen pos snag che bya zhes pa ni mar khu chen pos sre mog bya ste de snag tsha bya ba'i don to/ /tshegs kyi 'khor lo gsungs pa/ nyon cig lha mo zhes pa'o/ /dbugs 'byin par byed pas du khrod de la'o/ /ri'i ljongs ni chu bo dang 'khril shing la sogs pas g.yogs pa'i nang ste/ bde ba chen po'i 'khor lor ro/ /mi med pa'i grong du zhes pa ni sangs rgyas dang rdo rje mkha' 'gro ma'i gnas su'o/ /rgya mtsho'i 'thar zhes pa ni gting dpag tu med pa dang/ mi 'khrugs pa dang mi zad pa nyid kyis rgya mtsho ni bcom ldan 'das kye'i rdo rje ste de'i mthar ro/ /phung po la sogs pa'i ston mo 'di dag bsdus te bde ba chen po nyid kyis bde bar longs spyod do/ /der ni gdan du brtag bya ba zhes pa la/ der ni 'dus pa der ro/ /gnan ni rten no/ /dgu zhes pa ni phung po lnga dang khams bzhi'o/ /ji ltar brtags par bya snyam pa la gsungs pa/ ro'i gzugs kyis zhes pa ste/ bdag med pa'i tshul gyis so/ /stag gi pags pa zhes pa'i khyad par du 'dzin par byed pas stag ste kun tu rtog pa'o/ /de'i lpags pa ni 'og bra bzhag pa'i dmigs pa des g.yogs pa'o/ /dur khrod ras zhes pa ni dur khrod ni phung po'o/ /de'i ras ni g.yogs par byed pa'o/ /dbus su kye'i rdo rje zhes pa ni 'khor lo de'i dbus su kye'i rdo rje dgod par bya'o/ /de nas rnal 'byor ma rnams dgod ces pa ni/ ? sa de'i 'og tu rnal 'byor ma rnams dgod pa'o/ /gnas zhes pa ni kye'i rdo rje'i 'og tu gnas zhes bya ba'i don to/ /stag gi pags pa'i steng du spyad ces pa de snang ba med par byas te spyad do/ /dam tshig ces pa ni dam tshig gi'o/ /chod ma zhes pa ni mA la ti ni bdag med pa'o/ /de'i a ni ta naM

  384. 192b

    ni 'bar bar byed pa'o/ /de nyid spyad par bya zhing myang bar bya'o/ /de yang rgyal po'i 'bras dang ldan zhes pa ni bde ba chen po'o/ /spyad cing mi spyod ces pa ni bde ba chen po'o/ /mchod pa ni de la mnyes par bya'o/ /ma mo zhes pa ni rdo rje mkha' 'gro ma rnams so/ /ma zhes pa ni 'gro ba skyed par byed pa'i shes rab bo/ /sring mo ni rnam par byed cing ston par byed pas sring mo yang ngo/ /btso lag mkhan zhes pa ni sems can thams cad bde ba chen pos 'khru bar byed pa'o/ /sbyug mo ni byams par byed pas so/ /dus gcig ces pa ni gnyis su med pa'o/ /thod pa ni bde ba chen po'o/ /char bzad po zhes pa ni byang chub kyi sems kyis so/ /bla ma zhes pa ni rdo rje 'dzin pa'i phyir/ /sbyin zhes pa ni gtad par bya ba ste/ de'i rang bzhin du bya ba'i don to/ /phyag byas te zhes pa ni de dang de lta bur gyur pa'i rdo rje sems dpa' sgrub pas phyag bya'o/ /rang yang zhes pa ni de'i tshul gyis so/ /btung zhes pa ni spyad par bya'o/ /myang bar bya zhes pa ni chos thams cad do/ /pad+ma'i lag pas zhes pa ni pad+ma'i lte ba la gnas pas chos thams cad len par byed pa'i thabs nyid kyis lag pas so/ /sbyin zhes bya ba ni sbyin pa byang chub kyi sems spro ba'o/ /brtag pa gnyis pa las tshogs kyi ston mo'i cho ga'i le'u ste bdun pa'i bshad pa'o// // phyag rgya chen po'i mtshan nyid dang smon lam gyi tshig sngon du bya ba dang/ gdul bya 'dul bI rim pI le'u gsungs pa de nas zhus zhes pa'o/ /'o na phyag rgya chen po brjod du med pas ji ltar brjod snyam pa la gsungs pa/ kun rdzob rnam pa'i gzugs kyis te zhes pa ste/ phyag rgya chen po zhes pa ni rdo rje'i rigs ma ma kI'o/ /phyag rgya chen po mA ma kI/ las kyi phyag rgya spyan yin te/ /de tshig phyag rgya sgrol ma yin/ /chos kyi phyag rgya na bza' dka' / /dkar mo yang min zhes pa ni kha dog ljang khu'o/ /phal pas zhes pa ni 'dod pa'i bstan bcos la sogs pa las pad+ma can du bshad do/ /de bzhin du yang/ ha cang ring min thung ba'ang min/ /ha cang dkar min gnag pa'ang min/ /sbom pa ma yin skem pa min/ /skyon rnams sbed par byed pa dang/ /rgyu rtsal shes dang sngags rnams sbed/ /rol dang glu la yang dag dga' / /glu dang rol mo yang dag shes/ /gnyen zhing rgyun du 'bar ba dang/ /lag pa rkang pa 'jam pa dang/ /'jam smras pad+ma can mdzes pa/

  385. 193a

    ljang khu zla ba'i gdong ldan rdul/ /pad+ma'i dri ltar zhim pa dang/ /pad+ma'i 'dab ma lta bur gnas/ /ri dags mgrin pa ri dags gsus/ /ba spu med cing sha che sbom/ /b+ha ga ru sbal rgyab lta bu zhes so/ /de ni rnyed pas dngos grub yin zhes pa ni phyag rgya chen po'i dngos grub po/ /de'i rang bzhin gsungs pa/ lhan cig skyes dga' i rang bzhin can zhes pa rgyun mi 'chad pa dang/ zad pa med pa dang/ bde ba chen po'i rang bzhin can no/ /da ni kye'i rdo rje'i rnal 'byor ba'i smon lam gdab pa zhus pa/ de nas bdag med mas zhus pa zhes so/ /de ni sems can gdul ba'i thabs zhus pa/ gdul dga' zhes pa ste/ gdul bya 'jug par byed pa kye'i rdo rje'i rgyud grub pa'i mdza' i skal ba dang ldan pa yin no/ /bye brag smra ba de la bstan zhes pa phung po lnga la sogs pa'i rang bzhin bstan pa'o/ /mdo sde pa zhes pa ni theg pa chen po'i mdo'o/ /rnal 'byor spyod pa zhes pa thams cad rnam par shes pa zhes pa'o/ /dbu ma zhes pa yod pa dang med pa la sogs pa'i phyogs stong pa'i stong pa nyid do/ /thams cad sngags kyi tshul zhes bya ba dang spyod pa dang rnal 'byor bla ma dang rnal 'byor ma'i tshul du'o/ /de ltar na gal te gzhung na phan yon ni blangs pas slob mas de'i tshe 'grub par 'gyur ro/ /brtag pa gnyis pa las gdul bya la sogs pa'i le'u ste brgyad pa'i bshad pa'o// //da ni sngar gsungs pa'i bsad pa'i sngags dang sbyin sreg la sogs pa ji lta ba bzhin du de ltar cung zad kyang mi bya ste/ 'on kyang nus pa thob pas snying rje chen pos bla ma la 'khu ba dang dam tshig nyams pa dang/ bstan pa la gnod pa byed pa'i skyes bu rnams rnam pa gzhan gyis bzlog par bya'o zhes bstan pa'i phyir/ /de'i cho ga sngar byas te kha sbyor 'byed mtshan nyid kyi le'u gsungs pa/ de nas zhes pa ste rnam par shes pa'i lus kyis zhes sbyar ro/ /kha sbyor de'i kha 'byed pa ni rnam par 'byed par byed pa'o/ /de'i mtshan nyid gang gis rnam par shes pa tsam gyis sgrub pa po zhes pa ni rnal 'byor pa'o/ /dngos grub ni kha 'byor ba rdzogs pa thob pa 'am/ de mi bskyod pa'i

  386. 193b

    sangs rgyas kyi zhing du skye bar bya ba ste/ bstan pa la gnad pa byed pa bsgrub par bya ba ste/ phyag rgya chen po'i dngos grub tu'o/ /bsgrub bya zhes pa chad pas bcad par bya ba mdun du bzhag ste/ snying rje chen pos bsad par bya'o/ /kye'i rdo rje'i rnal 'byor gyis khros par byas te/ bsam gtan gyi lag pas lte ba'i rtsa ba nas dbyung bar bya'o/ /cho ga gzhan gsungs pa/ kho ni 'og tu bsgom par bya zhes pa ni cho gas lus lta dang bral bar byas te/ kha spyi tshugs su bltas te/ bsgrub bya khrag skyug par bsgom ste/ snying gar ram gyi sa bon las 'jigs pa'i me lta bur 'bar te mgo bo'i mthar thug pa'i lus bsregs par bsgom par bya'o/ /bshad pa lam du me 'bar ba'i khab kyi gzugs can bsams te/ sngags oM g+hu:swAhA zhes brjod do/ /rgyud kyi mthu gsungs pa/ rgyud 'dir zhes pa'o/ /da ni bcom ldan 'das kyi rnam par dag pa gsungs pa/ chos thams cad rnam par dag pas de zhig gsungs pa gsang chen zhes pa'o/ /'bar ba'i phreng ba 'khrugs pa ni 'bar bas so/ /phug na 'dod pa'i sbyin par byed ces pa la/ 'dod pa ni mngon par 'dod pa'i don la sogs pa'o/ /da ni sngags btu ba gsungs pa/ sngags btu ba zhes pa'o/ /rnam par snang mdzad ni oM mo/ /uSh+ma ? bzhi pa ni ha'o/ /pu k+ka sI ni u'o/ /stong pa ni thig le'o/ /yi ge'i bdag po ni oM mo/ /mkha' spyod ma ni aM do/ /dang po'i gnyis pa ni pa'o/ /gnyis pa'i gsum ni dza'o/ /chu ma ni i'o/ /yi ge'i dbang phyug ni oM mo/ /lnga pa'i gsum pa ni pa'o/ /mkha' 'gro ma ni rdo rje mkha' 'gro ma ste u'o/ /ye ge'i gtso bo ni oM mo/ /gti mug rigs ni de nyid do/ /dang po'i dang po ni ka'o/ /mthar gnas pa'i gnyis pa ni ra'o/ /mthar gnas pa'i gsum pa ni la'o/ /tsau rI ni e'o/ /bzhi pa'i gsum pa ni da'o/ /mthar gnas pa'i bzhi pa ni wa'o/ /puk+ka sI ni u'o/ /lnga pa'i gnyis pa ni pha'o/ /gsum pa'i dang po ni Ta'o/ a lnga pa'i bzhi pa ni b+ha'o/ /mthar gnas pa'i dang po ni ya'o/ /g+hasma rI ni i'o/ /nang gi gau rI ni i'o/ /lnga pa'i gsum pa ni pa'o/ /me ni ra'o/ /bzhi pa'i dang po ni ta'o/ /ro langs ma ni i'o/ /za phod ma ni o'o/ /rdo rje ma ni A'o/ /lnga pa'i dang po ni pa'o/ /bdag med pa ni a'o/ /bdun pa'i dang po ni go rims

  387. 194a

    ji lta bas a ka tsa Ta ta pa ya sha zhes pa'o/ /k+Sha gnyis zhes pa ni ra dang bcas pa gnyis te/ rak+Sha rak+Sha zhes bya ba'i don no/ /uSh+ma Sha'i gsum pa ni sa'o/ /brtag pa gnyis pa las sngags btu ba'i le'u ste dgu pa'i bshad pa'o// // sngags btus pa rnams kyis las bya ba'i phreng ba'i dbye ba dang dam tshig gi dbye ba yang gsungs pa ni le'u bcu pa gsung pa/ de nas rdo rje sems dpas gsungs zhes pa'o/ /bzlas pa'i yul ni phreng ba'o/ /lung tang ni lung tang gi 'bras bu'o/ /brtag pa gnyis pa las bzlas pa'i le'u ste bcu pa'i bshad pa'o// //de bzhin gshegs pa rnams kyi kun rdzob kyi rigs zhus pa ni dam 'khyud ces pa'o/ /rigs kyi gzugs zhes pa ni rigs kyi kha dog dang dbyibs so/ /sems dpa' i rigs zhes pa ni rdo rje sems dpa' i rigs so/ /rgyu des skye bo rnams la smad mi bya zhes pa ni nges par rigs drug po de dang de dag gi rigs zhes bya ba'i don to/ /lha mo rab tu mchod pa nyon zhes pa ni ji ltar shes rab kyi pha rol tu phyin pa mchod par bya ba'o/ /chang gis mtshan pa'i lag pa yis zhes pa ni 'ching ba la sogs pa'o/ /las zhes pa ni thabs shes rab kyi bdag nyid gnyis su med pa'i bdag nyid kyis sbyor bas so/ /rdo rje ldan zhes bya ba ni khyad par du 'phags pa'i rdo rjes so/ /khyogs dang gru mo zhes pa ni btsun mo'i mgrin par skyes bu'i lag pa gnyis kyis dam du 'khyud de/ gru mo gnyis bud med kyi rje ngar du bzhag pa ni khyogs su 'dod pa'o/ /de dag gi rkang pa gnyis brkyang ba ni shin tu brkyang ba'o/ /skyes bu 'dug pa'i brlang yum gyi rkang mthil gnyis bzhag pa ni gru mo'o/ /brtag pa gnyis pa las lhan cig skyes pa'i sbyor ba'i don gyi le'u ste bcu gcig pa'i bshad pa'o/ /dbang bskur ba'i dus su go rims ji lta bas slob dpon la sogs pa'i dbang bskur ba la sogs pa la/ bla mas tshigs su bcad pa brjod par bya ba dang/ rdo rje dang pad+ma byin gyis brlabs pa yang gsungs pa/ de nas rdo rje can zhes pa ste/ dbang bskur ba bzhi po rnams kyi tshigs su bcad pa bzhi ste/ khyod ni rang gi pha de

  388. 194b

    yin zhes pa la/ pha ni rdo rje 'dzin pa'o/ /khyod rang gi yin zhes pa ni de'i rang bzhin du gnas pa yin te/ ye shes de rnyed pas zhes bya ba'i don to/ /lte ba zhes bya ba ni kha ste kha'i pad+ma'i lte ba zhes bya ba'i don to/ /brtag pa gnyis pa las le'u bcu gnyis pa'i bshad pa rdzogs so// //slob dpon mtsho skyes rdo rje'i zhal snga nas mdzad pa/ dpal kye'i rdo rje'i 'grel pa pad+ma can zhes bya ba rdzogs so// //rgya gar gyi mkhan po mkhas pa chen po k+Shi ti garb+ha'i zhal snga nas/ zhu chen gyi lo tsA ba khu ston dngos grub kyis bsgyur cing zhus te gtan la phab pa las/ dben gnas rtsed kyi stag lung du slad nas yang skad gsar chad kyis nI kA dang gtugs te gtan la phab pa'o// (//kye'i rdo rje'i 'grel pa bzhugs/) /rgya gar skad du/ sh+rI he badzra sya byA khyaM bi war+Na nA ma/ bod skad du/ dpal dgyes pa'i rdo rje'i rnam bshad rnam par 'grel pa zhes bya ba/ dpal rdo rje sems dpa' la phyag 'tshal lo/ /gang gi sgrib pa'i tshogs rnams dag pa ni/ /bdag med 'o ma'i dbang bskur ba yis bdag /skyu rur bzhin bzhag gyi don skyes pa/ /de ni rdo rje 'dzin pa khyod kyis bsrungs/ /dgyes pa'i rdo rje'i yid ni dgyes pa'i rdo rje nyid/ /rnam par dbye ba mngon par 'dod pa ste/ /rdo rje 'dzin pa nyid ni ma gtogs pa/ /'gro ba gsum na bde 'gro de su zhig /gus pa'i stobs las skyes pa'i bsam pa yis// rnam par dbye ba dgyes rdor bdag blos bstod/ /bstod pa nyid kyang ji lta de bzhin min/ /rang yid rab tu dang ba'i don phyir ro/ /de la dgyes pa'i rdo rje zhes bya ba ni rgyud gzhan nyid du gyur pa ste/ dgyes pa'i rdo rje chen po las byung ba ni ma yin no/ /gang gi phyir ming gcig gis mang por rjod par byed de/ ji ltar go zhes pa'i sgras phyugs dang/ sa gzhi dang/ mtho ris dang/ mig la sogs rnams so/ /rgyud gzhan nyid du gyur pa 'di nyid kyang bla ma'i rim pa las rtogs pa'o/ /'dir sdud pa po ni rdo rje snying po nyid yin la/ gsol ba 'debs pa yang de nyid de/ sangs rgyas spyan la sogs pa'i lha mo rnams kyang ngo/ /'dir ston pa po dang/ bstan pa dang/ ston pa ni sdud pa po dang/ gnas phun sum tshogs pa rtogs par bya ba'i don du 'di skad bdag gis la sogs pa che ba'i bdag nyid gsal bar bya ba'i don du yin gyi/ bstan pa che ba'i bdag nyid gsal ba'i don du ni ma yin no/ /sdud par byed pa yang gzhan gyi don nyid dgos pa'o/ /de'i don gyis na gzhan gyi dgos pa ni 'bras bu yin zhes pa'i tha tshig go /de la gang gi tshe bcom ldan 'das dus cig na de bzhin gshegs

  389. 195a

    thams cad kyi sku gsung thugs rdo rje btsun mo'i b+ha ga rnams su gnas pa de yang/ gang phyir rgya chen po'i dngos grub kyi thabs kyi thabs ni dgyes pa'i rdo rje 'am/ gzhan nyid dam/ de las so sor khyad par du gyur pa zhes/ rdo rje snying po la sogs pa rnams kyis 'dul ba'i don du zhugs pa la/ phyag rgya chen po'i dngos grub kyi thabs la the tshom gsal ba de'i tshe bdag gis bcom ldan 'das las mngon du thos zhes pa'i dag ni bsdus pa'i don to/ yan lag gi don brjod par bya ste/ 'di skad ces pa nyid kyis 'chang bar 'gyur ba'i de bzhin gshegs pa thams cad ces bya ba la sogs pa nas/ ze 'bru la a'i rnam pa'o zhes pa'i bar brjod par bya ba dang brjod par byed pa'i bdag nyid can gyi rgyud du gsungs te/ gang gi phyir ba? gis bsdus pa nyid du brjod ces pa'i don to/ /gcig nas gcig tu brgyud pa 'am/ gzhung 'di'i don du gzung ba 'am/ ji lta ba de bzhin du 'am/ ci gzhung gzung ba tsam nyid bsdus te ston par byed pa yin zhe na/ gsungs pa/ bdag gis thos zhes pa ste/ bcom ldan 'das las bdag nyid kyis sngon du thos pas gzhung gi don gzung ba yang ma yin pa dang/ brgyud pa yang ma yin pa dang/ ji lta ba de bzhin du yang ma yin pa dang/ gzhung gi lus gzung ba tsam nyid kyang ma yin no/ /de yang gzhung las kyi tshogs dang bcas pa ni bstan pa'o/ /dpal he ru ka ni brjod par bya bar gyur pa'o/ /bcom ldan 'das kyis ni ston par byed pa ma yin na sdud pa pos ji ltar nus she na/ gsungs pa/ dus gcig na zhes bya ba la sogs pa ste/ sems gcig pa yin pa'i phyir ro/ /ji ltar zhe na/ gsungs pa gcig gi rang bzhin du ltas pa ni sems kyi rang bzhin zhes pa'o/ /dus ni 'dir lha rnams 'dus pa zhes pa ni dus te/ rten du gyur pa'i gzhal yas khang dang brten pa'i dkyil 'khor zhes pa'i don to/ /de skad du gsungs pa/ dkyil 'khor nges pa'i dus dag tu

  390. 195b

    brda la sngags dang phyag rgya dag /lha rnams grub pa'i mdza' dag ni/ /rgyal bas yis ni dus su gsungs/ shes pa'o/ /b+ha ga rnam pa drug dang ldan pas na/ bcom ldan 'das te/ de la bcom ldan 'das kyis dbang phyug phun sum tshogs pa ni bag chags ma lus pa bcom pa'i bdag nyid can kun rdzob dang don dam par rnam par dag pa'i rang bzhin shin tu rnam par dag pa'i ye shes te/ rang dang gzhan gyi don phun sum tshogs pa'i rang bzhin yin pa'i phyir ro/ /gzugs bzang pa phun sum tshogs pa ni ji ltar me long du gzugs brnyan 'byung bar 'gyur ba ltar/ dngos po ma lus pa/ ye shes su 'char ba'i rgyu ni me long lta bu'i ye shes te/ de yang bcom ldan 'das kyi rang bzhin gyi ye shes gcig mtshan nyid du gyur pa lags so/ /grags pa dang dpal phun sum tshogs pa ni snying rje la sogs pa'i yon tan gyi stobs las 'gro ba thams cad la phan pa steng ba'i nus pas grags pa phun sum tshogs pa'i yang dag pa la brten pa dang/ bdag por sbyor ba las mnyam pa nyid kyis ye shes so/ /ye shes phun sum tshogs pa ni dngos po ma lus pa phyin ci ma log pa ni so sor rtog pa'i ye shes so/ /brtson 'grus phun sum tshogs pa ni brtson 'grus kyi pha rol tu phyin pa rnam par dag pa rab tu skyes pa bya ba grub pa'i ye shes so/ /ye shes lnga'i bdag nyid can de rnams kyis ni b+ha ga rnam pa drug dang ldan pa rdo rje 'dzin pa nyid kyi/ gzhan ma yin pas na ston pa'i che ba'i bdag nyid grub bo/ /de yang gang gis phyir bag chags dang bcas pa'i kun nas nyon mongs pa'i phung po 'byed pa 'am 'joms pas na b+ha ga'o/ /de sbyor bas na rdo rje 'dzin pa nyid bcom ldan 'das so/ /des na gsungs pa/ dbang phyug dang ni gzugs bzang dang/ /dpal dang grags dang ye shes dang/ /brtson 'grus phun sum tshogs pa'o/ /zhes thos la/ des na yang ni phun sum tshogs/ /ji ltar rgyal ba skal bzang ldan/ /de bzhin gzhan la ldan pa min/ /de'i phyir na bcom ldan 'das/ zhes pa'o/

  391. 196a

    yang na nyon mongs pa dang/ phung po dang/ 'chi bdag dang/ lha'i bu'i bdud 'joms pas na b+ha ga'o/ /de skad du gsung pa/ 'jigs pa las ni b+ha gar brjod/ /nyon mongs bdud sogs 'joms pas na/ /shes rab nyon mongs de 'joms pa/ /des na shes rab b+ha gar brjod ces pa'o/ /de skad du yang 'chad par 'gyur te/ /b+ha ga rnam pa drug tu brjod/ /dbang phyug la sogs yon tan kun/ /yang na nyon mongs la sogs bdud/ 'joms pa las ni bcom ldan 'das pa'o/ /de la 'dod chags dang/ zhe sdang dang/ nga rgyal dang/ lta ba dang/ the tshom gyi mtshan nyid can gyi nyon mongs pa dang por gyur pa de dag ni nyon mongs pa rnams so/ /bdud ni sems can rnams la 'dis gnod par byed pas na bdud ces pa'o/ /nyon mongs pa dang/ phung po dang/ 'chi bdag dang/ lha'i bu'o/ /de bzhin gshegs pa thams cad ces bya ba ni bsod nams dang ye shes kyi tshogs dang ldan pa 'am/ de'i bdag nyid du 'chang bas na thams cad kyang de yin la de bzhin gshegs pa rnams kyang ste rtogs shing son pa dang ldan pa'o/ /de skad du yang 'chad par 'gyur te/ dpal ldan de bzhin nyid gshegs shing/ /slar yang de bzhin nyid gshegs pa/ /shes rab rigs pa 'di yis ni/ /de bzhin gshegs pa nyid du brjod/ ces pa'o/ /de bzhin nyid du zhes bya ba ni de bzhin nyid du gshegs pa ste rtogs pa dang ldan pa'o/ /gshegs shing byon pa zhes bya ba ni bdag nyid de'i bdag nyid la de bzhin nyid du son pa dang ldan pa 'am/ /'dzin pa ldan pa ste/ khams las don du mar 'gyur ba'o/ /de rnams kyi sku dang gsung dang thugs gang rnams ni gang gis kyang dbye bar mi nus pas na rdo rje ste/ de ni rdo rje 'chang chen po'o/ /de nyid ni btsun mo ste shes rab kyi pha rol tu phyin pa'o/ /shes rab kyi pha rol tu phyin pa'i gnyis su med pa'i ye shes de de bzhin gshegs pa zhes pa'i tshigs ni legs so/ /de lta bu'i b+ha ga ni bag chags dang bcas pa'i nyon mongs pa'i phung po 'joms par byed pa'i

  392. 196b

    phyir ram/ de bzhin gshegs pa thams cad skyed par byed pas sam/ yang de bzhin gshegs pa thams cad kyi chos 'byung ba dang rgyur gyur pas sam/ dga' ba'i gnas su gyur pas so/ /de nyid gsungs pa/ gang gi phyir na b+ha ga ni/ bcom ldan 'das dang sangs rgyas te/ /des na 'dod chags nyes pa med ces pa ste/ sangs rgyas rdo rje 'chang chen po'o/ /b+ha ga yang rnam par thar pa gsum rnam par dag pas na gru gsum pa'o/ /chos kyi dbyings kyi rang bzhin gyis phyir dang/ dri ma thams cad bsal bas na dkar ba'o/ /kun gyi gtso bo bas na gong nas gong du spangs pa'o lha rnams kun gyi go skabs 'byed pa nas nam mkha' nang du chud pa'o/ /'dod chags sna tshogs pa'i gnas nyid pas na dbus su sna tshogs pad+ma'o/ /sna tshogs gnyis su med pa'i rang bzhin pas na dbus su sna tshogs rdo rje mnan pa'o/ /yang gsungs pa/ gru gsum gyis ni gcig 'gyur te/ zhes pa dang/ yang gsungs pa/ e yi cha byad bzang po gang/ /dbus su baM gis rnam par brgyan/ /bde ba kun gyi gzhir gyur pa/ /sangs rgyas rin chen za ma tog /ces pa la sogs pa'o/ /baM yig ces pa ni sna tshogs rdo rje'o/ /sangs rgyas rin chen za ma tog /ces bya ba ni sangs rgyas rnams skyed par byed pa dang 'dzin pas na'o/ /mang po'i tshig kyang 'dir bde bar gshegs pa thams cad gnas pa dang lha rnams kyi rang bzhin gyis na zhes pa'i tshig las te/ 'jig rten pa'i tha snyad las kyang mthong ba ni gnas gcig nyid la bla ma zhabs dang/ khyod kyis zhabs shes pa dang/ nyid ces bya ba la sogs pa'o/ /yang gsungs pa/ nges par gsungs pa ni bcom ldan 'das rnams so/ /zhes pa dang/ bcom ldan 'das rnams ni dag ni 'khrul par gyur lags so/ /zhes bya ba la sogs pa'o/ /yang na gzhi gcig la yang tshig mang po ste/ don dang rtags dang sdeb sbyor la sogs pa 'jig rten pa'i lugs shes pa'o/ /bzhugs zhes pa ni phyag rgya chen po'i dngos grub tu gyur pa'i mtshan nyid yin nam ma yin snyam pa'i gdul bya nyan pa rnams kyi the tshom sel ba'o/ /de na yang de bzhin

  393. 197a

    gshegs pa thams cad kyi sku gsung thugs rdo rje btsun mo'i b+ha ga rnams la dus gcig tu gang gi tshe 'khor rnams kyis bskor ba'i bcom ldan 'das bzhugs pa de'i tshe bcom ldan 'das las mngon sum nyid du 'di skad bdag gis thos shes par 'brel to/ /de ltar gsang ba khyad par du gnas pa dang/ de bzhin du khyad par du gyur pa'i bcom ldan 'das bsod nams chen po zhes bya bas chos ston pa khyad par du gyur pa nyid 'chad pa dang ldan pa'o/ /de lta ba na gsol ba 'debs pa'i gnas skabs su sdud pa pos 'chad par 'gyur ba thos pa'o/ /des na sdud pa po'i rgyud ni brjod par bya ba'i bstan par bya ba dang/ de nye bar ston pa'i mtshan nyid can gyi ston pa ni bde blag du rtogs pa'i che ba'i bdag nyid de/ gang gi phyir che ba ste chen po nyid kyis gnas skabs thob po'o/ /de bzhin du 'jig rten pa la yang yod do/ /rin po che cher 'ong ba ni gser gyis so zhes pa'o/ /la la dag dus gcig na zhes pa ni tha ma la ni dus te gcig pa de yang lhan cig mi gnas pa ste/ skad cig ma gcig ces pa'i don to/ /de'i tshe nyid du bdag gis gang 'chad par 'gyur ba thos pa ste/ rdo rje snying po'i shes rab kyis so/ /de skad du yang 'chad par 'gyur te/ dngos po bsgom 'gyur shes rab can zhes 'di ltar bcom ldan 'das nyid kyis rdo rje snying po la bod pa mdzad de/ zhes pa ni sdud pa po de'i nus pa nyid grub pa sde shes rab dang ldan pas bsdu ba'i don du gsol ba btab pa'o/ /de bzhin gshegs pa thams cad kyi sku dang gsung dang thugs rdo rje btsun mo'i b+ha ga 'am/ gzhal yas khang du zhes pa blangs pa ste/ lhag ma ni sngar bzhin du brjod par bya'o/ /da ni bcom ldan 'das kyis bka' stsal pa zhes bya ba la sogs pa nas/ ze 'bru la a yig go zhes bya ba'i bar gyis gzhung ji lta ba bzhin du thos te rtogs par bya'o/ /yang na 'di ltar 'chad par 'gyur ba

  394. 197b

    bcom ldan 'das las bdag gis mngon sum nyid du thos pa ste bcom ldan 'das nyid kyis ston pas na ste/ 'chad par 'gyur ba las so/ /dus gcig ni zhes bya ba la sogs pa nas ze'u 'bru la a yig go zhes pa'i bar gyis gzhung ji ltar thos pa bzhin rtogs par bya'o/ /dus gcig na zhes bya ba la sogs pa nas bzhugs so zhes bya ba'i bar gyi ngag ni sngar bshad pa nyid do/ /de nas bya ba la sogs pa ni de nas rdo rje snying po la sogs pa rnams phyag rgya chen po'i dngos grub kyi thabs yongs su zhu ba la/ bcom ldan 'das kyis bka' stsal pa ste/ 'jig rten las 'das pa'i ye shes kyi rjes thog las byung ba/ dag pa 'jig rten pa'i ye shes tsam mngon du bya ste rdo rje 'chang chen pos bstan pa mdzad ces pa'i don to/ /ci bka' stsal zhe na/ thams cad ces bya ba la sogs pa ste/ de bzhin gshegs pa thams cad kyi sku gsung thugs rnams de'i bdag nyid du gang la yod pa de rdo rje 'chang chen po'o/ /de'i snying po de nyid du ston cing bden pa la dmigs pa'o zhes pas na/ de bzhin gshegs pa thams cad kyi sku gsung thugs kyi snying po'o/ /de ni dpal he ru ka lus dang yan lag go /de ni phyag rgya chen po'i dngos grub kyi thabs nyid du gsungs pas na sngar nyid du 'brel to/ /de nyid du ston pa nyid kyis na ste 'chad par 'gyur ba las so/ /de rnams kyis ni thabs dang shes rab kyi bdag nyid can gyi khro bo'i 'khor los yin gyi/ shin tu gdug cing khro ba rnams la zhi bar sbyor ba ma yin pa'o/ /de bzhin gshegs pa thams cad ces bya ba ni phyi rol gyi khro ba tsam yin zhig 'gro ba ma lus pa nye bar 'tsho ba'i nad gi thugs rjes phyag rgya chen po'i dngos grub kyi thabs sum rungs pa 'dul ba la sbyor ba'i he ru ga sangs rgyas kyi mdzad pa bstan pa ste rdo rje 'chang gis bka' stsal pa zhes pa'i don to/ /des ji ltar 'gyur zhe na/ gsungs pa/ rje btsun zhes bya la sogs pa ste/ rje btsun ni mngon par 'dod pa 'am yi dam ste/ lha dang lha ma yin la sogs pa kun gyi bla mar gyur

  395. 198a

    pa'i phyir ro/ /gsang ba ni de nyid kyis don dam par gsang ba zhes pa ste/ de yang kun rdzob kyi bden pa bskyed pa de lta bu'i gsang ba las shin tu rgal ba ni shin tu gsang ba ste don dam par rdzogs pa'i rim pa'o/ /de dag gis gdul bya lugs bzhin du sgrol bas na/ ches gsang bar gyur pa zhes pa'o/ /yang na de bzhin gshegs pa thams cad gyi sku gsung thugs kyi snying po dang/ rdo rje 'chang gi snying po la bya ste/ de yang snying rje'i bdag nyid can gyi khro bo sbyan gsum pa/ dpal he ru ka'i gzugs thun mong ma yin pa'i yon tan dang ldan pas na rje btsun zhes pa ste/ lhag ma ni snga ma bzhin no/ /sdud pa po rang gi tshig gi rjes la bcom ldan 'das nyid kyi ji ltar gsungs pa de bzhin du bstan pa ni/ e ma'o zhes pa la sogs pa ste/ e ma'o zhes pa ni thabs kyi che ba'i bdag nyid gsal bar bya ba'i don du'o/ /rdo rje ni gnyis su med pa'i ye shes kyi rdo rje ste/ de nyid bcud du gyur pas na rdo rje snying po'o/ /de'i phyag mtshan yang rdo rje zhes pa'i don to/ /legs so legs so zhes pa ni nang du shin tu bzang bar gyur zhes pa'i don to/ /chen po ni gzhan don yongs su rdzogs pa phun sum tshogs pa la sogs pas brtse bas na snying rje ste/ de nyid kyi na snying rje chen po'o/ /bod pI tshig gnyis kyis ni thabs dang shes rab kyi bdag nyid can nyid kyis 'gro ba'i don rdzogs pa can nyid du ston to/ /byang chub sems dpa' chen po zhes pa ni gsol ba 'debs pa'i gnas skabs te de'i byang chub sems dpa' o/ /sdud pa po'i gnas skabs su ni mngon par rdzogs par sangs rgyas pa grub pas na rdo rje sems dpa' dang/ sems dpa' chen po dang/ dam tshig sems pa zhes pa'i tshigs gsum po khyad par du gyur pa'i mi skyod pa'i thugs snying po'i rgyu mthun pa nyon cig par 'brel to/ /des na mi bskyod pa'i rigs su gyur

  396. 198b

    pa'i snying por gyur pa'o/ /brjod par byed pa yin zhe na gsungs pa/ dgyes pa'i rdo rje zhes bya ba zhes pa ste/ dgyes pa rdo rje'i ming zhes dang rang bzhin zhes pa ni de nyid de bzhin du'o/ /des na brjod par bya ba dang rjod par byed pa ste/ dpal he ru ka de nyid la brjod par phyag yang nyon? cig pa'o/ /gang gi tshe ci rdo rje snying po khyod phyag rgya chen po'i dngos grub kyi thabs 'dri ba de mi bskyod pa'i snying por gyur pa dgyes pa'i rdo rje zhes bya ba la/ nyon cig pa ni blo brtan par gyis shig pa'o/ /'dul ba rnams la sngar chos kyi tshul snyen par byed pa na 'gro ba skal ba med cing lkog tu gyur pa rnams la yang ma yin na/ gsungs pa yang da ltar gyis dus su ni ji ltar ston zhe na/ bden mod kyi chos ston pa yang rtag tu 'jug pa nyid du bstan pa'i don du'o/ /'di ltar ston pa po dang bstan pa yang rtag tu rab tu 'jug par byed pa nyid de/ 'on kyang sems can rnams ni sgrib pa dang bcas pas na ston pa dang bstan pa rnams kyang mthong ba ma yin pa dang thos pa ma yin pa ste/ de dang de dag la long ba dang/ 'on pa lta bur gyur bas na'o/ /de bzhin du gang gi phyir rigs can ma yin pa'i sems can rnams kyis ni bcom ldan 'das de'i chos rnams la mthong zhing thos mod kyi sems dad pa dang bcas par ma skyes pa nyid du zad do/ /de skad du yang gsungs pa/ gang phyir sangs rgyas 'byung 'gyur yang/ /skal pa med la 'bras mi 'byung/ /ji ltar rdo stengs char bab kyang/ /sa bon las ni myu gu min zhes so/ /yang 'jig rten gyi khams rnams su sprul pa sna tshogs pa rnams kyis dus mnyam du 'gro ba ma rungs pa 'dul ba'i don du/ bcom ldan 'das dgyes pa'i rdo rje nyid du ston par mdzad de/ des na ston par byed pa na rtag tu 'jug pa nyid do/ /yang na 'jig rten gyi khams sna tshogs pa rnams su sprul pa rnam pa sna tshogs pa rnams kyis chos ston par byed pa yang da ltar gyi dus su ston pa'i don du yin la/ 'das pa'i dus su ni dgyes pa'i

  397. 199a

    rdo rje bstan par gsungs shing rgyas par bshad pa'o/ /'dod pa yis ni skyen sbyar bas/ /gtso bor sgra don med pa yin/ zhes bya ba'i rigs pas so/ /sngar ni rdo rje snying po la sogs pa rnams kyis thun mong gi zhi ba la zhugs pa yin la/ da ni khyad par du ston par bya bas na/ rdo rje snying po zhes pa la sogs pa ste/ gsol ba zhes pa ni de'i rjes la zhus par brjod ces pa'i don to/ /'dir yang lkog tu ji ltar ston par byed ce na 'di nyid du 'dus par gyur pa de rnams nyid las gang gsol ba 'debs pa ni rdo rje snying po'o/ /de la yang mngon sum du gsol ba 'debs pa ni da ltar gyi dus su mi 'gyur ma zhe na/ sems can skal ba med pa rnams la ni de'i tshe? ma 'ongs pa'i dus su gsol ba 'debs pa'i gnas skabs rdo rje snying po la sngon du gsol ba 'debs pa yin la/ sngar gyi dus su ni gsol ba 'debs pa'i skabs yin la sdud par byed pa'i gnas skabs su ni bdag nyid kyi nus pa tha dad pa'i blos rnam par bzhag ste/ rdo rje snying pos lkog tu nges par bstan to/ /des na sdud pa po'i gnas skabs las gsol ba 'debs pa'i gnas skabs sngon du gyur pa'o/ /de yang 'dus pa'i rjes la sdud par byed pa nyid mngon sum ste/ des na rdo rje snying pos gsol btab ces pa dang/ gsungs zhes pa 'dir skyon med pa'o/ /gang phyir rdo rje sems dpa' lags/ /ji ltar sems dpa' chen po lags/ /gang phyir rdo rje sems dpa' lags/ /bcom ldan 'das kyis bdag la gsungs/ /zhes bya ba ni yi ge bco brgyad pa'i tshigs su bcad pa dang/ gzhan gyis phyed pa yang zhes pa ste/ gtso bor gyur pas na ngag gi rgyu mtshan no/ /da ni dris pa'i lan bstan pa'i don du gsungs pa/ bcom ldan 'das kyis zhes pa la sogs pa ste/ mi phyed ces bya ba ni gang gis kyang 'byed pa'i nus pa med pas na mi phyed pa'o/ /rdo rje dang 'dra bas rdo rje'o/ /des na gang

  398. 199b

    gis kyang 'byed par byed pa'i nus pa med pa nyid mi byed rdo rje zhes bya'o/ /gang gi phyir gang gis kyang mi byed pa'i rdo rje de ni rin po che'i bye brag go /de bzhin du rin po che brtag pa'i bstan bcos las/ sa gzhi'i 'byung khungs nas gang rin po che yin par gyur na kha dog dmar zhing thams cad kyis 'bigs par byed pa ma yin no zhes so/ /de skad du rin chen 'byung gnas kyi theg pa chen po'i mdo las gsungs te/ 'di lta ste/ 'jam dpal rdo rje rin po ches ni rin po che rnams 'bigs par byed pa de bzhin du rdo rje rin po che rnams la ni nges kyang 'bigs par byed pa ma yin no zhes gsungs so/ /rgyu de lta bas na/ gang gi tshe ma phyed par gyur pa de'i tshe rdo rje'o/ /sems dpa' srid pa gsum gcig pa/ zhes pa ni gsum po rnams te lus la sogs pa'i srid pa rnams yang dag par bsdus pa srid pa gsum gcig pa ni sems tsam nyid do/ /de bzhin du mi phyed pas na rdo rje nyid ni sems dpa' ste/ gang gi phyir rdo rje sems dpa' zhes bya ba gzhan du 'brel te/ shin tu rnam par dag pa chos kyi dbyings kyi ye shes kyi rang bzhin chos kyi sku zhes pa'i tha tshig go /shes rab rig pa 'di yis zhes bya ba la/ 'di yis ni zhes pa ni lung gis te sems tsam nyid du'o/ /de bzhin du yang sems rnam par dag pa yis sems tsam du ga las she na/ shes rab rigs pa zhes gsungs te/ rigs pa ni 'dir rjes su dpag pa'i tshad ma ste/ gcig dang du ma'i rang bzhin dang bral bas sems tsam nyid du rnam par gnas pa'o/ /gang gi phyir gcig pa dang du mas ni dngos po kun la khyab pa yin la/ de dag la sogs pas dngos po rnams kyang nges par ldog pa ste ji ltar shing log pas shing sha pa'i don ldog pa'o/ /sbyor ba dgod pa 'di yin te gang zhig gcig dang du ma bral ba de dang de ni grub pa ma yin te/ ji ltar nam mkha' i me tog bzhin no chos thams cad kyang gcig dang du ma dang bral ba'i phyir ro/ /'o na gzhan dag ni gcig dang du ma dang bral bar 'dod pa ma yin

  399. 200a

    te/ des na gtan tshigs kyi ngo bo ma grub pa'o snyam du sems na/ gang la shar phyogs dang/ nub phyogs la sogs pa'i dbye bas phye ba de ni gcig tu grub pa ma yin te/ du ma yang gcig pa sngon du 'gro ba'i phyir ro/ /de yang ji ltar sangs rgyas pa rnams kyis rtogs pa'o/ /rigs pa can la sogs pa rnams la rab tu grub pa ni cha shas la sogs pa'i rdzas rnams so/ /shar phyogs dang/ nub phyogs pa la sogs pa'i dbye bas phye ba'i rdul phra rab 'dus pa rnams kyang ye shes su son pa'i rnam pa'o/ /de'i phyir rang gi sems tsam 'di nyid phyi rol gyi don brdzun pa'i rnam par snang ba las so/ /de skad du yang gsungs pa/ sems ni chen po gcig nyid las zhes bya ba la sogs pa'o/ /de dang de bzhin du gzhan las kyang gsungs te/ dngos po thams cad dang bral ba/ phung po dang/ khams dang/ skye mched gzung ba dang/ 'dzin pa rnam par spangs pa'i chos thams cad bdag med par mnyam pa/ rang gi sems tsam ma skyes shing stong pa nyid kyi rang bzhin no/ /de yang ji ltar me long nang gi gzugs/ / mthong yang de ltar yod ma yin/ /de bzhin dngos po'i rnam rtog kyang/ /gcig dang du ma rnam par spangs/ /rgyu rkyen dag ni log pa dang/ /byed pa'i rnam pa 'gag pas na/ /sems tsam du ni rnam par gnas/ /skye ba med par des smra'o zhes pa la sogs pa'o/ / de ltar lung gi tshad mas grub pas na rdo rje sems dpa' i sgras ni mi bskyod pa dran pa ye shes tsam gyi rnam par zhes par ston to/ /ye shes chen po'i ros gang ba zhes bya ba la/ /ye shes ni thams cad shes pa dang/ lam shes pa dang/ rnam pa thams cad mkhyen pa ste/ kun mkhyen pa gsum ni ye shes so/ /des ro ni gnyug ma nyams su myong ba'o/ /chen po yang de nyid yin te de bzhin du de rnams kyis gang zhing phun sum tshogs pa thob pa'o/ /yang na ye shes chen po ni lhan cig skyes pa'i ye shes te/ de'i

  400. 200b

    ro'o/ /yang na mnyam pa nyid dang/ so sor rtog pa'i ye shes kyi bdag nyid can ye shes chen po'o/ /de lta bas na dag rnam par dag pa longs spyod rdzogs pa'i sku'i bdag nyid ces pa'i don to/ /sems dpa' i chen po zhes bya ba ni ye shes kyi ros gang ba zhes bya ba 'am sems dpa' sgra ni nges pa'i tshig gi byed pas don du bya ba'o/ /rgyu de lta bas na sems dpa' chen por brjod pa mi bskyod pa'o/ /'di dag kyang yi ge dgu pa'i tshig go /rtag tu zhes pa la sogs pa la/ dam tshig ni kun rdzob bo/ /de yang rnam pa gnyis te/ yang dag pa dang yang dag pa ma yin pa'o/ /de la yang dag pa ni yongs su dag pa'i sbyin pa la sogs pas dpal he ru ka la sogs par sprul pa'i sku'o/ /yang dag pa ma yin pa ni dbang phyug chen po dang brgya byin la sogs par sprul pa'i gzugs dang/ 'khor lo sgyur ba la sogs par sprul pa'i gzugs dang/ 'gro pa la sogs par sprul pa'i gzugs dang/ 'jig rten pa'i lugs su rnam par bzhag pa tha na bum pa dang snam bu la sogs pa brdar brtag pa'i tshul lo/ /de yang 'di skad du rtag tu dam tshig gi byed pa rgyun tu mi 'chad par rtag tu dgos pa'i bya ba byed pa la rtag tu 'jug pa kun tu ston pa las de sems can gyi don bya ba'i gnas skabs gzigs nas bcom ldan 'das kyis thugs rje'i dbang gis bsgrub pa'o/ des na rab tu 'jug pa ni dam tshig sems dpa' zhes brjod do/ /brjod par bya ba'i yul du byas pa ni mi bskyod pa'o/ /de yang lus rnam par dag pa me longs lta bu dang/ bya ba grub pa ye shes kyi bdag nyid can sprul pa'i sku'i rang bzhin zhes pa ni tshigs su bcad pa phyed pa yi ge bco brgyad pa'o/ /gang 'di lta bu'i thugs de nyid la dgyes pa'i rdo rje'i sgra ji bzhin 'jug ces gsol ba 'debs pa po 'dri na/ de la bstan pa'i don du gsungs pa/ dgyes pa'i rdo rje zhes bya ba la sogs pa/ gang ni dgyes pa'i rdo rje lags

  401. 201a

    zhes bya ba'i sgra ni khyad par du gyur pa'i don to/ /don ni 'di yin te/ de lta bu'i thugs la yang ci phyir khyad par du brjod pa dgyes pa'i rdo rje'i sgra rab tu 'jug ces de nyid gsungs par ji lta bu zhes bya ba la sogs pa ste/ ji lta bu ni dgyes pa'i rdo rje zhes pa'i ming ngo/ /don gyi dbye ba cha bsnyams te/ gzung bya gzung zhing gang gi ming rnams de dang de bzhin du'o/ /des na sngar gyi ji ltar lags shes par 'brel to/ dgyes pa'i rdo rje'i bsdus pa'i don gyi rjes la yan lag gi don 'dri bar bstan pa ni/ he'i yi ge zhes bya ba la sogs pa ste/ ci zhig brjod ces pa dang/ don ji lta bu zhes pa ni khyad par med do/ /sems can thams cad kyi sdug bsngal gyi rgyu las yang dag par bsgral ba'i don du gshegs pa 'am bzhud pa ni he ste/ de yang hi ga ho zhes pas nges pa'i tshig byed pas rab tu sbyor ba'o/ /'dir ga ni bde ba ste thugs rje'i bkod pa ni snying rje'o/ /gang gi phyir snying rje dang ldan pa ni pha rol gyi sdug bsngal can la de nyid sdug bsngal ba'o/ /rtag tu sems can thams cad kyi don du 'jug pas na chen po ste/ de bzhin du de nyid snying rje yang ngo/ thabs dang shes rab bdag nyid ni rjod par byed pa dang brjod par bya ba'o/ nyon zhes pa ni rna ba'i spyod yul du bya ba'o/ /des na dris ba'i lan bsdu ba ni de'i zhes pa ni byed pa'i drug pa ste/ nga yis bshad ces pa'i tha tshig go /de dag ni rjod par byed pa dang/ brjod par bya ba dag ste ngag dang dag can gyi mtshan nyid du 'brel to/ /de yang rjod par byed pa ni brjod par bya ba'i don la nges pa'o/ /brjod bya phyin ci ma log par rtogs pa nyid ni rjod par byed pa'i dgos pa'o/ /brjod par bya ba ni dgos pa yang yul rnams rnam par dag pa'o/ /de'i yang dgos pa ni 'gro ba ma lus pa rjes su gzung ba dang ldan pa lhan cig skyes pa'i bde ba'i bdag nyid phyag rgya chen po'i dngos grub bo//

  402. 201b

    de skad du yang 'chad par 'gyur te/ rdo rje snying po snying rje che/ /dgyes pa rdo rje'i thabs shes nas/ /gang zhig yul rnams rnam sbyong pa/ /des ni bla med rnyed par 'gyur zhes pa'o/ /rgyud kyi brjod par bya ba'i lus brjod par bya ba ni lta stangs zhes bya ba la sogs pa ste de yang lta stangs ni rnam pa bzhi'o/ /dgug pa zhes bya ba ni dga' bzang so ma la sogs pa dgugs pa'o/ /don byed rnam mang zhes bya ba ni grong khyer dkrug pa dang/ char dbab pa dang sprin dral ba la sogs pa'o/ /rengs pa zhes pa ni stobs can la sogs rengs par byed pa ste gnas nas mi g.yo ba'o/ /ji ltar rigs pa ni rim par ro/ /bskyed dang zhes pa ni sa bon la sogs pa'o/ /gnas dang byed rgyu zhes pa ni chos 'byung gzhal yas khang la sogs pa'o/ /don byed ces pa ni dngos po nus pa ste/ de yang/ ji ltar me tog dngos med shes mi 'gyur/ /de bzhin gzugs sogs dngos med pas/ /bde ba nyid ni dmigs mi 'gyur/ zhes bya ba la sogs pa'o/ /ye shes rnam shes zhes bya ba la ye shes ni dngos grub gtan la dbab pa'i ye shes so/ /rnam shes ni mngon par byang chub pa rnam pa lnga'i ye shes so/ /lha rnams ji ltar 'byung ba zhes bya ba ni ji ltar 'byung ba las mi 'da' ba ste/ bskyed pa'i rim pa zhes bya ba'i don to/ /de yang rang gi snying khar sa bon dgod pa dang/ stong pa nyid dang/ sdig pa bshags pa la mog ba dang byis ba la sogs pa rim pa bzhin du blta bar bya'o/ /he ru ka ni bskyed pa'i rgyu/ /dang por gcig ni bsgom par bya/ zhes bya ba ni yi ge bcu gsum pa'i tshigs su bcad pa phyed pa'o/ /dang por gcig ni bsgom pa zhes pa ni 'o na rdzogs pa'i rim pa la snying rjes ci byed ce na/ gsungs pa/ he ru ka bskyed pa'i rgyu zhes pa ste/ he ru ka bskyed pa'i rim pa zhes pa'i don to/ /he ru ka ni thun mong gi lha rnams nye bar mtshon pa'o/ /bskyed pa'i rim pa rgyas par bshad pa gsungs pa/ dngos po zhes bya ba la sogs

  403. 202a

    pa ste/ ma byung ba las skye ba dang/ 'byung bzhin du 'jig pa ni dngo so ste/ phung po dang/ khams dang skye mched kyi chogs dang/ las dang nyon mongs pa'i phung po'o/ /de nyid brjod par bya ste/ khyad par du gyur pas mi gnas pa'i mya ngan las 'das pa rjes su theb ces bya ba'i bar du sde/ phyag rgya chen po'i dngos grub thob par byed pa'i thabs las mi gzhan zhes pa'i don to/ /'o na 'di ltar rnam par grol ba las dngos po rnams kyis ji ltar 'ching ste/ 'dis 'ching bas na 'ching ba yin la srid pa nyid 'ching ba'o/ /des na sdug bsngal lo zhe na/ gsungs pa/ rnam grol 'gyur zhes pa la sogs pa ste/ de'i phung po dang las dang nyon mongs pa la sogs pa yongs su mthar thug pa'i ye shes yongs su shes pa ni sgyu ma dang/ mig rgyu la sogs pa lta bu shes pa'o/ /de nyid de lta bas gzung ba la sogs pa'i mngon par zhen pas dkri pas de ltar de bzhin du gyur pas ni 'chid? pa'o/ /de nyid sdug bsngal gyi rgyu yin zhing mngon par zhen pa 'am dkris pa de nyid mya ngan las 'das pa yin pas de nyid nye ba'i rgyu'o/ /de bzhin du gsungs pa/ kun rtog mun pa stug por mngon par zil mnon cing/ /'dod chags la sogs zlos dka' i dri mas g.yogs gyur pa/ srab tu mthor rlung gis bskyed klog ltar g.yo ba yi/ /sems ni 'khor ba yin par rdo rje can gyis gsungs/ /rtog pa las ni rnam par grol zhing 'od gsal ba/ /'dod chags la sogs dri ma'i sgrib g.yogs rab tu spangs/ /gzung ba dang ni 'dzin pa med na de nyid ni/ /mya ngan 'das pa'i don du sems can mchog gi gsungs/ /de bas sdug bsngal mang po'i tshogs kyi rgyur gyur pa/ 'di las gzhan pa 'ga' yang yod pa ma yin la/ /thar 'dod 'phags pa khyed kyi bde ba dpag med pa/ /skye ba'i rgyu yang 'di las gzhan pa 'ga' yang med/ /sdug bsngal ma lus par? bya'i? ? ? ras ni/ /rdzogs sangs rgyas kyi bde mchog thob par 'dod pa yis/ /sems ni brtan byas de la 'bad de dpyad byas la/ /de yi rang bzhin bdag gi rang bzhin nyid du bya/ /skye ldan rnams kyi yid 'di ji srid rtog pa'i mun pa'i snam bu mthug bos

  404. 202b

    dkris gyur pa/ sdug bsngal dpag tu med yin de nas de ni ji srid bshus par gyur pa ni/ /de srid bde ba rgya chen mtshungs med yin pas 'phags mchog de la nan tan gyis bshig dang/ de zad nas ni de nyid la gnas yon tan rgyas pa rang nyid kyis ni snang bar 'gyur zhes so/ /yang na dngos po nyid kyis 'chang ba dang/ de nyid kyi grol ba'i dngos po'i khyad par de ji lta bu zhe na/ gsungs pa/ rnam par grol zhes bya ba la sogs pa'o/ /de yongs shes zhes bya ba ni kun rdzob dang don dam pa'i bdag nyid can gyi rnam par dag pa'i ye shes so/ / des na grol ba'o de yang gang gi phyir rnam par dag pa'i 'ching ba ni sdom pa'i bya ba byed pa ma yin no zhes pa ste/ de yang gser gyi ska rags dpung rgyan la sogs pa'i bcing ba bzhin no/ /de lta na yang ji ltar grol zhe na gsungs pa/ dngos po nyid ces bya ba la sogs pa ste/ skye bas na dngos po ste/ phung po la sogs pa lnga rnams kyi gzugs su bskyed pa ste/ bskyed pa'i rim pa zhes pa'i don to/ /de yang dus ring por rgyun mi 'chad par goms pa bsgoms pas yul du byas zhes pa'o/ /shes rab can zhes pa ni bod pa'o// 'dir shes rab can gyi sgom pa'i dbang du byas bstan pa'i don du'o/ /bskyed pa ni ji lta bu zhe na/ dngos po med pa la sogs pa ste/ rang gi sgra ni nges pa nyid do/ /de'i dngos po ni bskyed pa'o/ /yang dngos po med pa de nyid ni ma skyes pa nyid yin la/ /ji ltar yongs su shes pa ni bdag med par yongs su shes pa ste/ des na bskyed pa'i dngos po ni sems can la sdug bsngal skye bskyed par mi byed pa'o/ /des na rdzogs pa'i rim pa la yang bdag med pa'i ye shes mngon du byas pa dang/ bskyed pa'i rim pa bsgoms pas kyang mngon du byas te zag pa med pa nyid 'ba' zhig la gnas pa'o zhes shes par bya'o/ /de ltar na bskyed pa de ji ltar bsgoms par bya zhe na/ gsungs pa/ de ltar zhes bya ba la sogs pa ste phung po la sogs pa'i dngos po gnyug mar yod pa ma yin te/ de lta bu de ni de

  405. 203a

    nyid do/ /he ru ka yang de nyid yin te/ /des na de ltar he ru ka'o/ /bsgom par bya ba rdzogs pa'i rim pa ni bskyed pa'i rim rnam par dag par byed pas na de ltar he ru ka bsgom pa'o/ /de yang ma ning du nges par bstan pa ni mdo'i tshigs las so/ /dngos po med zhes bya ba ni dngos po yod pa ma yin de'i rang bzhin de'i dngos po zhes bya'o/ /don dam par na phyag dang/ zhal la sogs pa'i rnam pa de'i don ni sgyu ma lta bu'o/ /yang na dngos pos ji ltar grol bar 'gyur zhe na/ de dngos po zhes bya ba la sogs pa sta dngos po de ni sems la yang dang yang du bkod cing bsgoms pas na dngos po zhes bya'o/ /des na dngos po bsgom pa nye bar 'jog pa'o/ /ji ltar bsgom zhe na/ gsungs pa/ nas por yod pa ma yin pa'i rang bzhin yang de'i rang bzhin du ste/ de lta bu'o/ /dngos po med pa nyid kyis bsgom par bya ba'o zhes pa'i don to/ /dngos po med pa nyid ces shes na/ gsungs pa/ yongs shes pa zhes pa ste/ chos rnams ma lus pa'i mtshan nyid rab tu shes pa'o ci dngos po med pa tsam zhig bsgom par bya 'am zhe na gsungs pa/ de ltar zhes pa la sogs pa ste phung po la sogs pa'i chogs rnam par dag pa de rtag tu sbyor ba de ni de ltar zhes bya ste/ he ru ka'ang de'o/ de skad du yang 'chad par 'gyur te/ mig la gti mug rdo rje ma zhes pa la sogs pa dang/ sha la puk+ka sI ru brjod ces bya ba la sogs pa dang/ 'di rnams rang bzhin skye ba med zhes bya ba la sogs pa'o/ /lhag ma ni snga ma bzhin no/ /rdzogs pa'i rim pa nyid gsung? pa lus gnas zhes bya ba la sogs pa la/ lus ni rnam par dag pa'i phung po la sogs pa'i tshogs su gyur pa'i gzugs so/ /'dir lus la ma brten na ni de bzhin du dmigs par mi 'gyur ro/ /ji lta bu zhe na/ gsungs pa/ ye shes chen po zhes pa ni lhan cig skyes pa'i ye shes te/ / des gzung ba dang 'dzin pa'i rnam par rtog pa dang mngon par zhen pa las byung ba'i bag chags tsam du gnas pa thams cad kyang spong ba'o/ /de rang bzhin gyis rnam par dag pa la sogs pa'i lhan cig skyes pa'i ye shes de nyid ni he ru ka'i rnam pa nyid do/ /de lta bas na gsungs

  406. 203b

    pa khyab pa po zhes pa la sogs pa ste/ khyab cing de'i bdag nyid du byed pas na khyab pa'o/ /dngos po kun zhes bya ba ni rnam par dag pa'i phung po la sogs pa'o/ /de la sbyor ba dgod pa ni 'di yin te/ gang zhig rnam par dag pa de ni he ru ka'i gzugs yin te/ ji ltar phyag bcu drug pa la sogs pa lta bu'o/ /phung po la sogs pa 'di rnams kyang rnam par dag pa yin pas so/ /gang gi phyir lha'i rnal 'byor pa gang zhig ji srid du rnam par dag pa de srid du ste de'i bdag nyid du sgrub par byed de/ he ru'i rnal 'byor bas kyang de srid du mngon par 'dod pa'o/ /gang lha rnams su lhag par mos pa nyid ji ltar de nyid du lhag par mos pa ste/ de yang lus gnas shes pa la sogs pa rnams te/ de ltar he ru ka zhes bya ba bstan pa bshad par bya ba ni/ skye ba yi 'dod zhes bya ba'i don te mngon par zhen pa med pa'i phyir ro/ /gang gi phyir mngon zhen med pa dang bcas pa gang cung zad thams cad ni mngon par zhen pa med pa'o/ /da ni lus nyid he ru ka'i sku sgyu ma lta bu'i lus shin tu 'dri bar bya bam yin pas rdo rje zhes bya ba la sogs pa la rdo rje ni sems tsam mo/ /lus ni phung po la sogs pa ste rdo rje yang de nyid yin la/ de bzhin du lus kyang de nyid do/ /du zhes pa ni rtsa rnam du lags shes pa'i don to/ /rtsa sum cu rtsa gnyis zhes pa'i grangs bstan pas ni nges pa'i lan no/ /byang chub kyi sems sum cu rtsa gnyis zhes bya ba ni rtsa sum cu gnyis po rnams lha rnams kyi rnam par bsgom nas thabs dang shes rab kyi bdag nyid can gyi ye shes byang chub kyi sems rgyu ba rnams las sgrub pa'i thabs sgrub pa pos byang chub kyi sems rgyu ba zhes pa'o/ /des na las su bya ba'i bsgos ni dris pa'i lan no/ /bde ba chen po zhes bya ba la sogs pa la/ bde ba chen po ni zag pa med pa'i bde ba chen po gnas pa las gzhan du mi bsgrub pa'i phyir ro/ /gang du bde ba chen po de gnas pa ni lus so/ /de la rang gi gnas ji lta ba nas 'dzag cing rgyu ba rgyun gyi bya ba byed pa ni rtsa de rnams so/ /zhes bya bar 'grel to/ /de lta bu'i khyad par du bya ba'i bsgos ni dris pa'i lan no/ /rtsa de rnams kyi nang nas gtso mo ni du zhe na zhes pa la

  407. 204a

    gsungs pa ni/ ming gsum gyis bstan to/ /de la rkyang ma zhes bya ba la sogs pas ni gnas nges par bshad pa gsungs pa/ rkyan ma shes rab rang bzhin zhes bya ba ni g.yon na gnas pa lags so/ /ro ma thabs kyis zhes pa ni g.yas pa na gnas pa'i phyir ro/ /dbus gnas zhes bya ba ni smin ma'i dbus na ste gsungs pa de dag gis ni mdza' g.yas g.yon dag dang/ dbus kyi rtsa gsum po dag ni gtso bor gnas pa zhes so/ /gzung dang 'dzin pa rnam par spangs/ zhes bya ba ni rtsa gsum po dag gi thun mong dang khyad par gyi rang rang gis las byang chub kyi sems rgyu ba'i don du gsungs pa/ mi bskyod ces bya ba la sogs pa'o/ /yang na sbyi bo bde ba chen po'i gnas te bde ba chen po rtogs pa'i rgyu byang chub kyi sems gnas pa'i phyir ro/ /der gnas shing 'dzag pa las rang rang gi las byed pa'o/ /tsa sum cu rtsa gnyis po de rnams kyi nang nas rtsa gsum ni tso bo'o/ /lhag ni snga ma bzhin no/ /yang na rtsa rnams du lags zhes pa'i dag ni mchog dang rtsa sum cu rtsa gnyis por sbyor ba'o/ /bcom ldan 'das kyis bka' stsal pa zhes pa'i don ni rtsa gsum cu rtsa gnyis pa'i sngar gyi tshig tu sbyar ro/ /des na don na 'di yin te rdo rje snying pos rtsa gsum cu gnyis po rnams la rtsa rnam ni du lags zhes dris pa'o/ /rtsa cum cu rtsa gnyis la sogs pas gsungs pa'i rjes kyi tshig byang chub kyi sems la sogs pas ni bcom ldan 'das kyis dris pa'i lan du byas pa'o/ /zla ba 'bab ces pa ni bde ba'i rgyur gyur pa las so/ /zla ba ni a la sogs pa'i yi ge dang/ dus kyi cha'i bdag nyid las so/ /zla ba dang nyi ma ste khams las so/ /da ni yang rtsa sum cu rtsa gnyis po rnams kyi ming rgyas par bshad pas dris pa'i lan du bya ba ni/ mi phyed ces pa la sogs pa'o/ /rkyang ma la sogs pa rnams ni thog ma nyid du gtso bor rnyed

  408. 204b

    par ston te/ dbus su gnas pa'i bdag med par rnam par dag pa'i dkyil 'khor gyi dbus su bzhugs pa las so/ /ci bdud 'dral ma ni ji lta zhe na/ ka ta ya na dang/ bdud 'dral ma dag ming tsam du tha dad pa'o/ /de rnams zhes bya ba la sogs pas ni rang bzhin dris pa gsungs pa'o/ /srid gsum yongs gyur zhes bya ba la/ yongs su gyur pa ni yongs su gyur pa ste/ yongs su smin pa can no/ /de'i rang bzhin gyis na rtsa rnams nyid du yongs su gyur pa'o/ /don ni 'di yin te/ sku la sogs pa'i srid pa gsum por yongs su gyur pa ni yongs su smin par gyur pa'o/ /srid gsum rtsa gsum gyi rang bzhun gyis na yongs su gyur zhes pa'i don to/ /de yang ji ltar sa bon las myu gu'i gzugs su gyur pa can no/ /thams cad ces bya ba ni ro ma la sogs pa yongs su gzung ba'i don can no/ /gzung dang 'dzin pa zhes pa ni gzung ba dang 'dzin pas nye bar mtshon pa ste/ rtag pa dang mi rtag pa la sogs pa kun nye bar gzung ba'o/ /'o na gang gi tshe gzung ba'o/ /'o na gang gi tshe gzung ba dang 'dzin pa spangs pa las gang gi phyir sangs rgyas la sogs pas don gyi bya ba ji ltar byed ce na zhes bya ba la sogs pa ste/ sems can thams cad la nye bar spyor ba mdzad pa'i thugs rje chen po ni thabs ni thams cad do/ /des na dngos po ni don rnams so/ /de nyid kyis na mtshan nyid do/ /brtags zhes pa ni byis pa rnams gzung ba dang 'dzin pa de nyid du brtags pa ste/ des na brtags pa ste/ des na brtags pa ni gzung ba dang 'dzin pa'i rnam pa'i zhes pa'i tha tshig go/ /des ni 'di skad bstan par 'gyur te/ ji ltar bden pa ma yin pa'i don ni sgrub ma lta bu ste/ don gyi rnam par ni ye shes las byas pa'o/ /de bzhin du rtsa'i rnam pa yang ste 'dzin pa la sogs pas sbyor ba'i brtags pa rnam par dag pa'i rnam pa phyag rgya chen po la

  409. 205a

    sogs pa des dngos grub du byed pa la 'gal ba med pa'o/ /de rnam ni gnas so so'i byed pas bya ba yang gzhan no zhes 'drin de'i lan du gzhan ma yin no zhes pa smra'o/ /gnas dang/ las dang/ nye bar bstan pa brjod pa ni mtshogs mar gnas te/ so dang sen mo 'bab pa'o/ /phra gzugs ni spyi gtsug tu gnas nas skra dang kha spu 'bab pa'o/ /bzang mo ni rna ba g.yas par bcas te pags pa dang dri ma g.yon ma ni rgyab kyi sgal tshigs su gtan te sha 'bab pa'o/ /mi thub pa ni rna ba g.yon par gnas te rgyus pa 'byung ba'o/ /rus sbal skyes ma ni smin ma'i dbus su gnas te rus pa 'byung ba'o/ /sgom pa mo ni mig dag la gnas te mkhal ma 'byung pa'o/ /dbang bskur ma ni dpung ba'i rtsa bar gnas te snying 'byung ba'o/ /skyon ma ni brang du gnas te mig dag 'byung ba'o/ /'jug ma ni nu ma dag la gnas te mkhris pa 'byung ba'o/ /ma mo ni lte ba la gnas te glo ba 'byung ba'o/ /mtshan? mo ni sna'i rtse mo la gnas te rgyu ma'i phreng ba 'byung ba'o/ /bsil sbyin ma ni kha la gnas te dngos kyi chu rgyus 'byung ba'o/ /tsha ba mo ni ske la gnas te lto ba 'byung ba'o/ /gzhol ma ni snying la gnas te bshad pa 'byung ba'o/ /ras ma ni ma tshogs ma na gnas te mtshan ma'i bar gyi sbubs 'byung ba'o/ /shin tu gzugs can ma ni chu sor gnas te bad kan 'byung ba'o/ /spyi ma ni bshad lam du gnas te rnag 'byung ba'o/ /rgya sbyin ma ni brla la gnas te khrag 'byung ba'o/ / sbyor grol ma ni rje ngar la gnas te rdul 'byung ba'o/ /sdug gu ma ni sen mo rnams la gnas te tshal 'byung ba'o/ /grub ma ni rkang pa'i bal du gnas te mchi ma 'byung ba'o/ /'tshed ma ni mthe bong la gnas te lung pa 'byung ba'o/ /

  410. 205b

    yid bzangs ma ni pus mo dag la gnas te sna bas 'byung ba'o/ /zhes bya ba de dag ni rtsa nyi shu bzhi'o/ /gsum 'jug ma dang/ 'dod ma dang/ khyim ma dang/ gtum mo dang/ bdud 'joms zhes pa ni snying gi pad+mar gnas te bdud rtsi rnam pa lnga 'byung pa'o/ /de lta bu'i rtsa lnga po dag ni rgyad don tsam blangs te/ las dang nye bar bstan pa byas pa yin no/ /gang 'di ltar phung po la sogs pa la rten cing rgyu dang bcas pa ji ltar shes zhes pa rdo rje snying po'i dri ba 'dir blangs pa'o/ /de lta bas na bcom ldan 'das kyis gsungs pa/ sdom pa zhes bya ni la sogs pa ste/ yang gi yi ge ni bskyar te dri ba'o/ /de'i don ni 'di yin te sdom pa'i dbye ba rjes su 'dri ba kye rdo rje snying po khyod 'dri pa zhes pa ci zhe na/ bshad par bya zhes pa ste/ zag pa dang bcas pa las yid kun nas dkris pa yang dag par sol bas na sdom pa zhes bya ste lhan cig skyes pa'o/ /de'i dbye ba na thabs te/ dbye ba dang/ gsal bar byed pa dang/ rtogs pa'i yul du byed pa 'dis na rtogs par ston pa zhes pa ste /de dag gi rgyun dang ldan pa'i rang bzhin du ston zhes pa'i don to/ /de nyid gsungs pa/ A li dang kA li zhes bya ba la sogs pa ni mdza' i dbye ba ma yin pa ste/ A li zhes pa ni shes rab bo/ /kA la zhes pa ni thabs so/ /thugs ni chos kyi sku'i bdag nyid do/ /gsung ni longs spyod rdzogs pa'i sku'i rang bzhin no/ /sku ni sprul pa'i sku'i ngo bo'i zhes pa go rims bzlog nas sbyar bar bya'o/ /e baM la sogs bstan pa'i bshad pa gsungs pa/ e zhes pa la sogs pa la/ spyan zhes bya ba ni sa'i khams so/ /mA ma kyi ni chu'i khams so/ /gos dkar ma ni me'i khams so/ /sgrol ma zhes pa ni rlung gi khams so/ /sprul pa'i 'khor lo rtsa 'dab ma drug cu rtsa bzhi dang/ de bzhin du chos kyi 'khor lo brgyad pa ni 'dab

  411. 206a

    ma brgyad pa'o/ /longs spyod kyi 'khor lo bcu drug ces pa ni pad+ma 'dab ma bcu drug ces pa'o/ /bde ba chen po'i 'khor lo sum cu rtsa gnyis kyang pad+ma zhes pa ste pad+ma'i 'dab ma rnams ni 'og nas 'og tu bskor bar bya'o/ /'khor lo'i grangs nyid kyis rnam par bzhag pa zhes bya ba ni 'khor lo rnams su rnam par bzhag pa'o/ /sku gsum po rnams ni sprul pa'i 'khor lo la sogs pa de nyid du'o/ /bde ba chen po'i sku yang bde ba chen po'i 'khor lo de nyid du rnam par bzhag par bya'o/ /de ma yin na ngo bo nyid kyi sku nyid kyis ma yin par 'gyur ro/ /gang gi phyir gsungs pa/ skye gnas snying mgrin mgo bor yang/ /sku gsum la ni rnam par gnas/ /sku gsum yongs su shes pa ni/ /bde ba chen po'i 'khor lor brjod ces pa'o/ /mtshan nyid dang bral ba zhes pa ni 'di'i mtshan nyid dang mi 'dra ba zhes pa ste/ de bzhin du'o/ /'phags pa'i bden pa bzhi zhes pa la/ 'phags pa ni ring du song pa ste/ sdig pa mi dge ba'i chos rnams las ring du song ba zhes pa ni nyan thos so/ /de rnams kyi bden pa ni don dam pa'o/ sngags kyi theg pa chen por ni theg pa thams cad bsdus pa'i phyir de rnams kyi lus kyi nang du chud pa las so/ /'phags pa'i bden pa rnam bzhir gsungs pa brjod par bya ste/ rus pa bden pa bzhi po nyid ces pa'o/ /sdug bsngal ni skye ba dang/ rga ba dang 'chi ba dang/ brtse ba dang bral ba dang/ mi sdug pa dang phrad pa'i mtshan nyid can gyi sdug bsngal ba rnam pa lnga'o/ /kun 'byung zhes bya ba ni kun 'byung ba ste/ kun nas skye bar gyur pa las te srid pa'o/ /'gog pa ni mya ngan las 'das pa ste/ de yang sdug bsngal gyi yin pa dang/ de yang kun 'byung gi yin pa'o zhes bya ba ni 'gog

  412. 206b

    pa'i don du ste/ 'phags lam brgyad lam zhes pa ni 'gog pa'i don du ste/ de yang yang dag pa'i dag dang yang dag pa'i lta ba dang/ yang dag pa'i rtog pa dang/ yang dag pa'i rtsol ba dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i dran pa dang/ yang dag pa'i ting nge 'dzin gyi mtshan nyid do/ /bdag gi de kho na nyid dang/ lha'i de kho na nyid dang/ sngags kyi de kho na nyid dang/ ye shes kyi de kho na nyid dang dga' ba dang/ mchog tu dga' ba dang/ dga' bral gyi dga' ba dang/ lhan cig skyes pa'i dga' ba dang/ gnas brtan pa dang/ thams cad yod pa dang/ mang pos bkur ba dang/ dge 'dun phal chen dang/ zla ba dang/ nyi ma dang/ A li dang kA li dang/ 'pho ba bcu drug dang/ dbyu gu drug cu rtsa bzhi dang/ chu tshod sum cu rtsa gnyis dang/ thun tshod bzhi po ste kun kyang mdza' i dbye ba ma yin pa'o/ /'dir rang gi sgra ni lhan cig skyes pa 'am/ gzhan rnams la bstan to/ /zla ba dang nyi ma zhes pa ni rim pa ji lta bar g.yon dang g.yas kyi sna bug gnyis so/ /zla ba dang nyi ma zhes pa ni zhag gcig gi thun byed las 'pho ba bcu drug gi rlung ngo/ /zhag gcig gis dbyu gu drug cu rtsa bzhi ni chu tshod kyi phyed cha'o/ /chu tshod ni dbyu gu gnyis zhes pa'i don to/ /zhag gcig gi chu tshod ni sum cu rtsa gnyis so/ /thun gcig ni chu tshod bzhi po rnams kyis so/ /spyi zla 'bring po'i nyin mtshan mnyam pa'i tshe ni thun bzhi la dbyu gu mnyam pa'o/ /dbyu gu gcig dbyu gu drug nus lhag pa'i sum brgya'o/ /da lta bu'i dbyu gu gnyis kyis ni chu tshod do/ / chu tshod bzhi yis ni thun gcig go gzhan dag ni nyin mtshan song ba'i zhag la ni 'grib pa dang 'phel bar 'gyur te/ ji ltar dgun zla 'bring po'i zla ba'i mtshan mo la dbugs sum cu rtsa drug gi dbyu gu yin la/ nyi mo'i dbugs nyi shu rtsa bzhi'o//

  413. 207a

    dgun zla tha chungs kyi mtshan mo la dbyug nyi shu rtsa bzhi la/ nyin mo'i sum cu rtsa drug go /dpyid zla ra ba'i mtshan mo la dbyu gu sum cu rtsa gnyis yin la/ nyin mo la ni nyi shu rtsa brgyad do/ /dpyid zla tha chud kyi mtshan mo la dbyu gu nyi shu rtsa brgyad yin la/ nyin mo la ni sum cu rtsa gnyis so/ /dbyar zla ra ba'i mtshan mo la dbyug gu nyi shu rtsa drug yin la/ nyin mo la ni nyi shu rtsa bzhi'o/ /dbyar zla 'bring po'i mtshan mo la ni dbyu gu nyi shu rtsa bzhi yin la/ nyin mo la ni sum cu rtsa drug go /dbyar zla tha chungs kyi mtshan mo la dbyu gu sum cu yin la/ nyin mo la ni sum cu rtsa bzhi'o/ /ston zla ra ba'i mtshan mo la dbyu gu nyi shu rtsa brgyad yin la/ nyin mo la ni sum cu rtsa gnyis so/ /ston zla 'bring po la nyin mtshan mnyam pas na gong gi dpyid zla 'bring po dang 'dra ba mi 'thad gsung/ ston zla tha chungs kyi mtshan mo la ni nyi shu rtsa brgyad yin la/ nyin mo la ni sum cu rtsa gnyis so/ /dgun zla ra ba'i mtshan mo la ni sum cu rtsa drug yin la/ nyin mo la ni nyi shu rtsa drug tu 'gyur ro zhes pa de lta bu'i 'pho ba bcu drug gi 'phel ba la sogs pa ni rlung gi chos so/ /rlung las 'byung ba dang 'byung ba'i bdag nyid can gyi lus yin pa des na 'pho la sogs pa brjod pa yin no/ /yang na lus kyi gnas skabs su brjod pa'i don du 'pho ba 'phel ba la sogs pa brjod pa'o/ /de ltar thams cad bzhi pa'o zhes bya ba ni lhan cig skyes pa rnam pa bzhi'i dbang du byas te/ sgrub pa dang/ nye bar sgrub pa dang/ sgrub po chen po la sogs pa dang/ rgyu mthun pa la sogs par brjod do/ /zhes par yang bstan to/ /gtum mo zhes bya ba la sogs pa'i tshigs su bcad pa ni/ sprul ba'i 'khor lo la sogs pa 'chad par 'gyur bar bstan par bya ste/ de rnams kyi don ni de dag

  414. 207b

    nyid du skabs su bab pa'i phyir ro/ /rdo rje ni lhan cig skyes pa'o/ /de'i rigs dang bgrang bya 'dis ni rdo rje'i rigs te lus so/ /de dag gtso bor ston pa gsung gi tshogs la yang le'u zhes bya ste de yang dang po ste gnyis pa ma yin pa'o/ /de dag ni dpal dgyes pa'i rdo rje'i rnam par bshad pa las/ le'u dang po'o// //da ni le'u dang por mthu dang cho ga mang shes mdor bstan nas/ rgyas par bshad pa ni bcom ldan 'das kyis sngags kyis le'u gsungs pa sngags zhes bya ba la sogs pa ste/ sngags ni de kho na nyid bskul ba'i tshig yin la sngags mngon par brjod pa ni le'u ste/ de'i rnam par dbye ba dag gis bstan par bya'o/ /de yang lha rnams bsgom pa dang/ mchod pa dang/ rab tu gnas pa dang/ sbyin sreg dang/ dkyil 'khor la sogs pa las kyi tshogs rnams kyi mngon du 'gro ba can ni gtor ma sbyin pa'o/ /zhes pas na dang por gtor ma'i sngags brjod pa'o/ /oM zhes bya ba la sogs pa la/ oM zhes pa ni khas len pa'o// a haM gi yi ger byas pa las haM yig phyi nas a yig du gyur pa ni sems a haM ka ra ste/ bdag tu 'dzin pa'i gnas su gyur pa'o/ /a haM ka ra bdag 'dzin la brten pas na nyon mongs pa la sogs pa'i gzhir gyur pa'o/ /des na nyon mongs pa rnams kyi rab tu skye ba ni a haM bdag nyid las so/ /a kA ro mu khaM zhes pa ni gtso bor byed pa'o/ /gang dag gi ce na/ gsungs pa/ sarba d+harmA NI zhes pa ste/ /phung po la sogs pa rnams kyi'o/ /sems nyid brgyal ba de dag las nyon mongs pa'o/ /de rnams las phung po la sogs pa'i rtogs pa'o zhes mnyam du dgongs so/ /de nyid ji lta bu zhe na/ gsungs pa/ A dya zhes bya ba la sogs pa ste thog ma nyid nas thams cad ma skyes pa'o/ 'di yang ma yin

  415. 208a

    par dgag pa'i ma skyes pa ste/ skyes bzhin du ma skyes pas na a'o/ /skyes pa nyid de ltar rab tu rtogs shes par dgongs so/ /des na rgyu dang 'bras bu dang bcas pa'i dngos po la sogs pa ni tshad mas gnod pas gsal bar snang ba tsam la Adya nutpan+na twAt zhes so/ /de yang rgyu ci zhe na/ Adya nutpan+na twAt zhes pa thog ma nas ma skyes pa'i tshul gyis sarba d+harmA NaM ste/ chos kun a'i sgo can no zhes shes par bya'o/ /de'i rang bzhin gzhan yang ji lta bu zhe na/ gsungs pa/ oM zhes bya ba la sogs pa ste/ oM yig ni sku'i bdag nyid kyi sprul pa'i sku'o/ /A yig ni gsung gi bdag nyid can gyi longs spyod rdzogs pa'i sku'o/ /hUM yig ni thugs kyi bdag nyid can gyi chos kyi sku'o/ /yang gzhan dag gis rang bzhin ji lta bu zhe na/ phaT swAhA zhes pa la phaT shes rab bo swAhA ni snying rje'o/ /'byung po ni sems can rnams so/ /de'i sngags ni gtor ma gtong ba pos gtor ma gshegs su gsol ba'i dus su blta bar bya'o/ /yang na bya ba dang byed pa ni las so/ /de yang yod pa ma yin par byed pa a yi'o/ /ces pas na a kA ro ste chos kyi dbyings stong pa nyid ces bya ba'i tha tshig go /des na stong pa nyid dang/ chad pa ma yin pa dang de bzhin nyid dang/ bden pa dang chos kyi dbyings dang/ chos yang dag par byung ba dang/ chos yang dag par gnas pa dang/ yang dag pa'i mdza' dang/ bsam gyis mi khyab pa'i dbyings zhes pa ni ming gi rnam grangs so/ /des na nam mkha' i rang bzhin las 'gyur ba med cing bya ba rnam par spangs pa'o/ /lhag ma ni snga ma bzhin no/ /lha rnams ji ltar 'byung ba mdor bstan pa ni/ de bzhin gshegs pa rnams kyi dbang du byas pa de'i

  416. 208b

    tshe rgyas par bshad pa gsungs pa/ de bzhin gshegs pa rnams kyi sa bon zhes pa la sogs pa la skyed par byed pa'i yi ge b+h+ruM aM dzriM khaM hUM zhes pa rim pa ji lta bar rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa dang/ mi bskyod pa'i sa bon rnams so/ /sngar gyi gtor ma'i rjes la 'di la 'di bstan pa ste/ bi ra shu ma mu zhes pa'i yi ge rnam pa lngas rim pa ji ltar bdud rtsi rnam pa lnga'i gzugs kyis gtor ma nyid bza' ba la sogs pa rdzogs shing smin pa'i don ji ltar gsungs pa ni rdzogs par byed pa'i yi ge gsum zhes pa'o/ /oM zhes bya ba la sogs pa la/ de ba zhes pa ni 'khrul pa sna tshogs pas rol cing sems can gyi don so sor lugs bzhin du zhes pa ste/ snying rje'i cha'o/ / pi tsu ni ras bal ltar 'jam pa las so/ /badzra zhes pa ni mi phyed pa ste shes rab kyi cha'o/ /sngags 'di ni phyag bcu drug pa'o/ /'chad par 'gyur ba gang las sngags btus pas ni phyag bcu drug pa'i snying po yin zhes pa'o/ /sngags thams cad la sogs pa ni 'di dag kyang ji ltar 'byung ba bzhin du blta par bya ste/ yang dag par sbyor zhing spel ba ni ring ba ma yin par gzhi bas nas gtso bo'i sngags dang swAhA'i yi ge gnyis kyi bar hUM yig dang bas kyi yi ge spel bar bya ba ni ji ltar shing gnyis kyi bar du shing gzhan dag gis spel ba bzhin no/ /mthu dang zhes bya ba la sogs pa rnams grong khyer dkrugs pa la sogs pas bstan pa de bshad pa ni/ a ka tsa Ta zhes bya ba la sogs pa ste/ grong re re na 'khrugs pa ni kun nas g.yo ba'o// rang bzhin 'gyur bas na grong khyer 'khrugs pa'o/ /de yang dbang du gyur pa'i khyad par ro/ /sngags 'di ni byams pa la dmigs pa'i rnal 'byor pa gang zhig gis zla bar bya'o/ /rnal 'byor ma rnams zhes bya ba la sogs pas ni/ rnal 'byor ma

  417. 209a

    rnams bskyed pa'i rgyu zhes bstan pa'i bshad pa ste/ ma la sogs pa so so 'di rnams kyi mgo bor zla phyed thig le sbyin par bya'o/ /de yang sngags su bzla ba ni sa bon re re rnams sam/ bsdus te zla bar bya'o/ /sku la sogs pa byin gyis brlab pa 'ba' zhig ma yin gyi bza' ba la sogs pa byin gyis brlabs pa la yang ngo/ /de skad du dpal gsang ba 'dus pa las sa bon yi ge gsum rdzogs zhes gsungs so/ /rak+Sha rak+Sha zhes pa'i k+Sha yig ni gnyis brda ste/ re pha'i na ma yin no/ /rengs par byed pa zhes pas ni rengs par mdor bstan pa'i bshad pa ste/ oM hUM swAhA rengs par byed pa'o/ /mthu la sogs pa'i dbang du byed pa'i bstan pa bshad pa ni/ oM aM swAhA che ge mo dbang du gyis shig ces pa'o/ /skrod par byed pa 'dis bskrod pa mdor bstan par bshad pa ste/ oM swAhA u tsa TA ya zhes pa'o/ /mngon spyod ces bya bas ni/ mngon spyod mdor bstan pa'i bshad pa ste/ oM buM swAhA a bi tsa ra ka zhes pa'o/ /de las gzhan yang mthu la sogs pa mdor bstan pa bshad par bya'o/ /de la dgug pa bshad pa 'di ltar blta bar bya ste/ oM hUM swAhA che ge mo A kar Sha ya zhes pa'o/ /de la sogs pa sbyor ba 'di rnams kyi kha dog la sogs pa ni ji ltar rtogs pa bzhin du bya'o// a phu zhes bya ba la sogs pa ni klus byin gyis brlabs pa'i rdzing bu'i 'jim pa nag po blangs te a phu zhes pa'i sngags brgya rtsa brgyad mngon par bsngags pa de las/ mdza' yas kyi rnam par bya'o/ /dur khrod kyi so phag ces pa ni 'jim pa skam po phye mar byas pa'i/ /ardza ka zhes pa ni pa na se'o/ /tshangs pa'i sa bon zhes pa ni 'jig rten la rab tu grags pa'i pa la sha'i sa bon no/ /de yang skar ma rgyal la gzung ba ni dgun zla 'bring po skar ma rgyal gyi dus su

  418. 209b

    bsgrub par bya'o/ /de rnams gsungs pa/ yang dgun zla 'bring po'i skar ma rgyal nyi ma gzas zin pa'i dus su tshangs pa'i sa bon la sogs pa sngar bsdus pa de sta re'i gzugs bya'o zhes zer ro/ /rdo rje ma la sogs pa zhes pa ni rdo rje ma la sogs pa/ gzhan dag rnal 'byor rnams kyi sbyor bas rengs pa la sogs pa bya ba'o/ /de dag ni dgyes pa'i rdo rje'i rnam par bshad pa las sngags kyi le'u ste gnyis pa'o// //da ni lha rnams ji ltar 'byung ba'o zhes pa'i gang mdor bstan pa de'i bshad pa ni lha'i le'u gsungs pa'o/ /lha zhes bya ba la sogs pa/ lha zhes pa ni thun mong gi lha khyad par du gyur pa'i lha rnams so/ /de dag gnyis ka bstan pa'i le'u gang yin pa de bstan par bya'o/ /de la rang gi snying khar re pha yongs su gyur pa las nyi ma'i dkyil 'khor gyi steng du hUM yig sngon po blta bar bya'o/ /de lta bu dag ni phyis 'chad par 'gyur te/ rang gi snying khar re pha bsgom/ /de las byung ba nyi dkyil 'khor/ /de ni hUM gi rnam pa nyid/ /thabs dang shes rab rang bzhin can/ zhes pa'o/ /de nas stong pa nyid dang mtshan ma med pa dang smon pa med pa'i rnam par thar pa'i sgo gsum bsgom par bya'o/ /sh+rI ni gnyis med pa ye shes te/ /he ni rgyu sogs stong pa'o/ /ru ni tshegs dang bral ba ste/ /ka ni gang duAng mi gnas pa zhes pa'o/ /de nas sa bon las byung ba'i 'od zer gyi tshogs rnams kyis rdo rje 'chang dang/ de dang 'dra ba'i bla ma rje btsun dang/ dkyil 'khor gyi 'khor lo dgug cing gsal bar bltas te/ de dag gis mdun du gzugs rdo rje ma la sogs pa rnams kyis yang dag par mchod pa dang/ phyag bya zhing bshags pa la sogs pa yang bya'o/ /de lta bu dag kyang phyis 'chang ba ste/ nam mkhar rje btsun bltas nas ni/ /lha mo brgyad po rnams kyis mchod/ /rgyan rnams thams cad

  419. 210a

    'dzin pa ni zhes pa dang/ yang lha dbang bskur ba'i le'u las kyang/ gzugs rdo rje ma la sogs pa rnams kyis mchod do zhes pa dang/ spyod pa'i le'u las kyang/ dngos grub rnyed pa'i slob ma gang/ /yang dag ye shes snang ba'o/ /mnar med spang ba rgyu'i phyir/ zhes pa des na/ sdig pa bshags pa dang/ bsod nams la rjes su yi rang ba dang/ gsum la skyabs su 'gro ba'i rjes la bdag nyid dbul bar bya'o/ /de nyid kyang 'chad par 'gyur te/ lus kyi sbyin pa byin nas su/ zhes pa'o/ /de nas smon pa byang chub kyi sems bskyed par bya ste/ bdag nyid dpal he ru kar gyur nas 'gro ba ma lus pa rnams kyang dpal he ru kar bya'o/ /zhes pa'o/ /de nyid kyang 'chad par 'gyur te/ 'khor ba'i rnam pa he ru ka/ 'gro ba sgrol ba'i gtso bo nyid ces pa'o/ /des na bdag gis 'gro ba sgrol bar bya'o/ /zhes pa dang/ de bzhin du bdag gis dgyes pa'i rdo rje'i dkyil 'khor gyi lam la gnas par bya'o zhes lam la brten par bya'o/ /de lta bu yang 'chad par 'gyur te/ rdo rje snying po snying rje che/ /kye rdo rje'i thabs rnyed nas/ gang zhig yul rnams rnam sbyong ba/ /gang phyir bla med de ni rnyed ces pa'o/ /sbyor ba de dag gi rjes la/ dang po zhes bya ba la sogs pa ste/ de la byams pa ni sems can ma lus pa rnams la bu gcig pa ltar brtse ba'o/ /snying rje ni sems can rnams sdug bsngal ba 'am/ sdug bsngal ba'i rgyu rnams yang dag par bsgral bar 'dod pa ste/ de yang sdug bsngal ni 'bras dang chu bur la sogs pa'i bdag nyid can no/ /sdug bsngal gyi mi dge ba la sogs pa ste/ de dag bsal ba'i don du'o/ /dga' ba ni sems can rnams sdug bsngal rnams las grol zhing bde bar gyur

  420. 210b

    pa la sems dga' ba'o/ /btang snyoms ni sdug bsngal ba dang/ bde ba dang/ smad pa dang/ bstod pa dang/ grags pa dang/ ma grags pa dang/ rnyed pa dang/ ma rnyed pa'i mtshan nyid can gyi 'jig rten pa'i chos rnams la sems mnyam pa nyid du gyur pa'o/ de nas zhes pa ni sbyor ba kun gyi rjes pa yang ni zhes pa 'dis ni sngar gyi rnam par thar pa'i sgo gsum bstan to/ /des na stong pa nyid ces pas nye bar mngon pa'i rnam par thar pa'i sgo gsum 'di nyid du lta bar bya'o/ /de nas stong pa nyid kyi rjes la byang chub tu rtogs nas ring po ma yin par 'dis stong pa nyid kyi byang chub tu byed pa'i sngags ni/ oM shU n+ya ta dz+nyA na badzra swab+hA ba At+ma konya haM zhes pa ste/ stong pa nyid kyi rjes la sngags 'di brjod do zhes pa'i tha tshig go/ de nas re pha yongs su gyur pa'i nyi ma'i dkyil 'khor la hUM yig yongs su gyur pa'i sna tshogs rdo rje'i lte bar yang nges byin gyis brlabs pa bsgom par bya'o/ /de nas rdo rje'i 'od zer gyis rdo rje phra mo'i bdag nyid can gyi rdo rjer ba dang/ rdo rje'i gur dang/ rdo rje'i sa gzhi'i bdag nyid du bsgom par bya'o/ /de lta bu yang de nas 'chad par 'gyur te/ dang por re pha zhes bya ba la sogs pa'i tshigs su bcad pa'o/ /der chos 'byung gi phyag rgya skad cig gi bsam par bya'o/ /de yang 'chad par 'gyur te/ nam mkha' i khams su b+ha ga bsam zhes pa'o/ /de'i nang gi dbus su sna tshogs pad+ma dang sna tshogs rdo rje'o/ /lte ba la sa'i dkyil 'khor laM yig las byung ba gru bzhi ser po'o/ /de'i steng du paM yig las byung ba zlum zhing dkar ba'o/ / de'i steng du me'i dkyil 'khor raM las gru gsum kha dog dmar po'o/ /de'i steng du rlung gi dkyil 'khor yaM yig las skyes pa gzhu'i dbyibs can nag po'o/ /de'i steng du bdag nyid sems tsam du blta bar bya'o/ /de nas sa la sogs

  421. 211a

    pa yongs su gyur pa las/ gzhal yas khang gru bzhi pa la sogs pa dang ldan par bsgom par bya'o/ /de ltar yang 'chad? par 'gyur te/ 'khor lo sa dang sngon 'gro chu/ /ji ltar rigs pa byin pa dang/ /lha rnams kyi ni rlung chen po/ /ji ltar sgom pa po 'byung ba/ /chos 'byung las skyes 'khor lo nyid ces pa dang/ gru bzhi sgo bzhi zhes pa'o/ /de'i dkyil 'khor gyi dbus su sna tshogs pad+ma'i steng du ro la gnas pa'i nyi ma'i gdan bsam par bya'o/ /shar la sogs pa'i sgo bzhi po rnams dang dbang ldan la sogs pa mtshams bzhi po'i steng du dbang po dang/ shin rje dang/ chu bdag dang/ gnod sbyin dang/ 'byung po'i bdag po dang/ me lha dang/ bden bral dang/ rlung lha rnams bsgyel ba'i snying khar gnas pa'i nyi ma'i gdan rnams bsam par bya'o/ /de ltar yang 'chad par 'gyur te/ dang por ro ni rnam bsgom pa/ tshangs pa la sogs pa'i gdan dag las dbus su nyi ma'i gdan la zla ba'o/ /de'i steng du rang gi sa bon yongs su gyur pa'i rang gi mtshan ma'i lte ba'i nges byin gyis rlabs pa la A li dang kA li'o/ /de'i steng du nyi ma'i dkyil 'khor bsam par bya'o/ /de dag kyang 'chad par te/ A li zla ba kA li nyi/ /sa bon nang du son par bsgom zhes pa'o/ /de yang sa bon dang mtshan ma ni rang gi lha'i yin te/ zla ba la sogs pa yongs su gyur pa las rgyu'i rdo rje 'chang phyag bzhi pa la sogs pa'i he ru ka 'am gzhan dag gi gzugs so/ /'on kyang dkar por gyur pa 'am/ sngon po'i mdog 'chang ba'i phyag gnyis pa'i he ru ka 'am/ bdag med ma la sogs pa gzhan dag kyang ngo/ /de lta bu yang 'chad pa yin te/ A li kA li mnyam sbyor ba/ /rdo rje sems dpa' yi ni gdan/ /yi ge las byung gong bu'i hUM zhes pa dang/ sems dpa' i

  422. 211b

    gzug brnyan las byung ba/ /dkyil 'khor bdag po zhes pa dang/ /phyag mtshan zhal sogs gong ma bzhin/ /zla ba chu shel nor bu'i 'od ces pa'o/ /rang gi gdan la sa bon dang mtshan ma la sogs pa dang po'i rnal 'byor brtsam par bya ba ni ji srid mngon par byang chub pa lnga las rgyu'i rdo rje 'chang ni spyi'i rnal 'byor ro/ /rdo rje 'dzin pa rang gi ba spu'i bu gnas a la sogs pa'i yi ge dang/ ka la sogs pa'i yi ge byung zhing rab tu zhugs pa'i bdag nyid can te/ de nas yang de bzhin du byung ste/ rang gi rang bzhin du zhugs nas rdo rje 'dzin pa dkyil 'khor gyi bdag po de'i pad+ma'i dbus su bsam par bya'o/ /bde ba chen po'i gnas skabs su sems can rab tu gzhugs pa dang/ 'byung bar bsam te/ kun gzhi'i rnam par shes pa rab tu zhugs pa'i rjes la bdag nyid zhu bar gyur pa las lha mo rnams kyis bskul ba dang ldan par bsam par bya'o/ /de dag kyang 'chad pa ste/ zla ba nyi ma mnyam sbyor bas/ gau rI la sogs rab tu grags zhes pa dang/ de nas rdo rje grags chen las/ /rig mar bcas pa zhu bar gyur/ /de las lha mo rnams kyis bskul/ /sna tshogs glu yi mchod pas so zhes pa'o/ /gnyis pa la ni sa bon bsdu zhes pa la/ de yang sngar gsungs pa'i rnal 'byor thams cad la bltos nas gnyis pa'i rnal 'byor ro/ /sa bon bsdu ba ni gang gi zhe na/ bskul ba'i rjes la thabs dang shes rab dag sa bon gnyis kyi gzugs kyis zhu ba de la bsdus pa'o/ /de ltar yang 'chad de oM hUM dag las shes pa'o/ /gsum pa la ni gzugs brnyan rdzogs zhes pa ni/ de yang rang gi sa bon yongs su gyur pa las mtshan ma'i lte bar byin gyis brlabs pa de yongs su gyur pa las rang gi lha'i gzugs brnyan no/ /de rdzogs pa'i gzhengs pa ste/ phyag dang zhal la sogs pa'i gzugs kyis rab tu skye zhing 'byung ba'o/ /de lta bu dag kyang 'chad par

  423. 212a

    'gyur te/ zhu ba gzugs las bzhengs nas ni/ rdo rje chen po dag gi sku zhes pa'o/ /bzhi pa la ni yig 'bru dgod ces pa ni rnal 'byor bzhi pa ste/ gang gi zhe na yi ge de'i dang/ sngags kyi dgod pa ni nye bar dgod pa ste/ oM d+harma b+hA? tu swa b+hA ba At+ma konyah'M zhes bya ba 'dis byin gyis brlabs ces pa'i tha tshig go/ de lta bu yang phyis 'chad pa ste/ chos kyi bdag nyid brjod pa'o/ /phyag gnyis pa'i he ru ka 'am/ bdag med ma 'am/ 'chad par 'gyur ba'i lha mo bzhin rnams ni mngon par byang chub pa lnga yis so/ /phyag bzhi pa la sogs pa'i he ru ka gsum po dag ni rdo rje 'chang sngon du song ba las bskyed pa'o/ /zhes shes par bya'o/ /re ba zhes bya ba la sogs pa la/ sngon du zhes pa ni thog ma'o/ /gur bcing ba zhes pa la /'ang gi yi ge ri sa gzhi yang rdo rje'i rang bzhin du bsgom par bya zhes bya bar 'brel lo/ /rdo rje'i 'od zer rnams logs su song ba las rab steng du song ba las gur ro/ /'og tu song ba las sa gzhi zhes bya bas dgongs so/ /yang na sa bon bsdu zhes pa ni sa bon gyi lha rnams skyed par byed pa'i rgyud rdo rje 'chang gi 'am/ mngon par byang chub pa rnam pa lnga'i 'am/ yang dag par bsgrub pa'i sbyor ba ste/ de yang rdo rjer ba dang/ gur dang/ sa gzhi dang/ chos 'byung dang/ gzhal yas khang dang/ gdan dag la sa bon la sogs pas rim pa bzhin du yang dag par bskyed pa'o/ /gsum pa la ni gzugs brnyan rdzogs zhes bya ba ni lha'i gzugs su bsgom par bya ste/ rdo rje 'chang zhu ba sngon du song ba las glus bskul ba'i rjes la 'am/ yang na bya ba grub pa'i ye shes kyi rjes la rdzogs par byung ba'o/ /de yang rjes su chags pa'i mthar thug pa 'am/ yang na dbang bskur ba'i bar du'o/ /bzhi pa la ni yig 'bru dgod ces bya ba la dgod pa ni kun nas nye

  424. 212b

    bar dgod pa ste/ des na dkyil 'khor 'byin cing dgod pa'o/ /yig 'bru ni zad pa dang/ mi 'gyur ba ste/ bdag med pa'o/ /de yang don dam pa dang de'i rang bzhin yin pa'i phyir yig 'bru dgod pa'o/ /sa bon bsdu ba'i yan lag cung zad gsung pa re pha zhes bya la sogs pa'o/ /dang por ni thog mar te mngon par byang chub pa rnam pa lnga'o/ /thog mar ni zhes pa la sna tshogs pad+ma'i steng du ro ste gan rgyal du bsgom par bya'o/ /chos kyi dbyings kyi bdag nyid brjod ces bya ba la chos rnams kyi dbyings ni chos kyi dbyings kyi rang bzhin te/ bdag med cing stong pa zhes bya ba'i don to/ /de nyid kyi bdag nyid ni rang bzhin te/ phung po la sogs pa de'i chos kyi dbyings kyi bdag nyid ces dgongs so/ /de yang chos kyi dbyings kyi bdag nyid las sku 'byung ba nyid du byin gyis brlabs pa'i sngags ni/ oM d+harmA d+hA tu swa b+hA ba At+ma konyahaM zhes pa'o/ /brjod ces pa ni de'i rjes la ste gsal pa nyid du brjod pa'o/ /de yang ji ltar dpal gsang ba 'dus pa las/ oM d+harmA d+hA tu swa b+hA ba At+ma konyahaM zhes pa'o/ /rnal 'byor pa ni de yis te ro'i steng du'o/ /sngon du brjod pa'i nyi ma la rnal 'byor pa gnas pa'o/ /des na bdag nyid dpal he ru kar bsgom par bya'o/ /de skad du brjod pa yang bskul ba'i rjes la 'am/ sa bon yongs su gyur pa las sam/ mngon par byang chub ba lnga'i sbyor ba las/ he ru ka nyid du bsgom par bya'o/ /de'i rjes la d+harmA tu swa b+hA ba At+ma konyahaM/ zhes pa 'dis byin gyis brlabs par bya zhes pa'o/ /rang gi snying khar bya zhes pa ni bsgom pa nye bar rtsom pa'i dus su gyur pa las/ nyi ma'i dkyil 'khor bsgom par bya'o/ /der ni zhes pa ni nyi ma'i dkyil 'khor nyid du'o/ /de yang stong pa nyid dang snying rje mi phyed pa'i bdag nyid can gyi byang chub kyi sems kyi rang bzhin hUM gi rnam pa

  425. 213a

    bsgom par bya'o/ /des na nyi ma dang hUM gi rnam pa mchog tu nye bar mtshon pa las gang yang rung ba'i lha rnams bsgom par bya ba de lta bu nyid kyang rang gi gdan la gnas pa'i sa bon zhes pas bstan to/ /de lta bu yang sngar brjod pa nyid do/ /da ni phyag gnyis pa skyed par byed pa'i khyad par gsungs pa/ nag po zhes bya ba la sogs pa la/ 'jigs pa chen po zhes pa ni gtsigs pa las so/ /rdo rje ni rnam par dbye ba'i mdza' can dang bral ba'o/ /byung ba zhes pa ni rdo rje yang dag par byung ba ste/ de las ni he ru ka'o/ /de'i lte ba la nyi ma la gnas pa'i hUM bsgom par bya'o/ /de yang de kho na nyid de/ de ltar yang gang gi phyir chos thams cad ni rgyu dang bral ba'i phyir sgyu ma lta bu'i dngos por gyur pa ni hUM ngo/ /yang na hUM yig de'i yang de kho na nyid de/ spro ba'i gzugs su bsgom par bya zhes pa dang/ rdo rje lte ba'i zhes bya ba la sogs pa tshigs su bcad pa bcu bdun no/ /hUM yig gis nye bar mtshon nas zla ba dang/ A li dang kA li dang/ rdo rje dang hUM yig dang /nyi ma yongs su gyur pa las phyag gnyis pa'i he ru ka'i bdag nyid du bltas te/ de'i rang bzhin ni zhe sdang gi bdag nyid mi bskyod pa'i skur bsgom par bya'o/ /de nas sku dang mig la sogs pa byin gyis brlabs pa'i rjes la dbang bskur ba'i he ru ka'i bdag nyid can gyi dbu la thugs kyi bdag pos mtshan pa'i zhes dgongs so/ /rdo rje skye ba zhes pa ni hUM yig las skyes pa la des byin gyis brlabs pa ste/ rdo rje'i lte ba las hUM byung ba ni rdo rje las skyes so/ /yang na rdo rje skye ba zhes pa ni don dam par na 'chi bdag gi bdud las rgyal bas so/ /des na rdo rje lta bu mi phyed pa de 'di la yod pas na de skad ces bya'o/ /'dam skyes sngon po 'dra ba'i mdog ces bya ba ni nag po che zhes ba'i khyad par te/ sngo ba dang 'dres pa skya rengs kyi mdangs can gang gi he ru ka'i

  426. 213b

    bdag nyid kyi sku ni/ sdo? dang nyi ma'i mdog ces pa dang/ gnag cing sngo dang skya rengs mdog ces pa'o/ /gang zhig sems nyid gsal ba las skyes pa de ni phyag gnyis pa'i he ru kar bsgom par byed pa yin te/ shes rab nyid kyi 'bras bur gyur pa'i phyir ro/ /nges par zhes bya ba ni phyogs gnyis po de la bltos nas/ sgom par byed pa 'di gsungs pa/ nam mkhar zhes pa ste/ chos 'byung gi nang gi gzhal yas khang ni nam mkha' o/ /rdo rje skye ba zhes pa ni he ru ka'o/ /snying rje che ba ni bla ma'o/ /mchod par bya zhes pa ni sdig pa bshags pa la sogs pa'i don te/ gzugs rdo rje ma la sogs pa drug po rnams kyis sam/ lha mo brgyad po rnams kyis shes pa mtshon pa ste gsum pa'o/ /rgyan rnams thams cad rab 'dzin pa zhes pa ni 'khor lo dang rna cha la sogs pa 'dzin pa rnams kyis so/ /des he ru ka'i dkyil 'khor gyi 'khor lo dang/ rdo rje 'chang dang 'dra ba'i bla ma rje btsun mdun du dmigs te/ rang gi snying kha'i sa bon las spros pa de dag gis gzugs rdo rje la sogs pa'i mchod pas yang dag par mchod pa dang/ sdig pa bshags pa la sogs pa bya'o zhes dgongs so/ /de rnams thams cad kyang lha thams cad kyi thun mong gi rnal 'byor ro/ /rnal 'byor ma brgyad ni phyag gnyis pa'i dkyil 'khor pa yang 'di dang 'dre zhes pa'o/ /dkar mo zhes bya ba la sogs pa la chu lag ma zhes pa ni chus bkang ba'i bum pa zhes pa'o/ /sman zhes pa ni thod par bdud rtsi lnga blugs pa'o/ /ro 'dzin zhes pa ni ro drug gis bkang pa'i thod pa 'dzin pa'o/ /g.yungs mos mgrin par 'khyud zhes pa ni rlung gi grwa nas g.yung mos mgrin par 'khyud bar gyur pa ji lta bar gyur pa zhes pa ste/ bya ba'i khyad par 'khyud pa'i phyag rgya dang ldan zhes pa'o/ /chags pa chen po ni phyag gnyis pa'i he ru ka'o/ /rjes su chags pa ni de'i'o/ /nang du gyur pa'i phyag gnyis pa'i

  427. 214a

    mtshan nyid ni snying rje chen por shes par bya zhes pa ni tshig lhag ma'o/ /dkar mo la sogs pa rnams ni gaM tsaM baM b+haM phaM shaM laM raM zhes pa'i sa bon rnams kyis gnas rnams su rim pa ji lta bar bskyed pa'am/ phyag gnyis pa'i snying kha nas 'od zer phra mo spros pa las blta bar bya'o/ /de rnams kyi sku mdog dang gdan la sogs pa ni phyag bcu drug pa'i dkyil 'khor las 'chad par 'gyur la/ khyad par gyi dbye ba ni phyag mtshan tsam mo/ /phyag gnyis pa mngon par byang chub pa lngas bskyed pa nyid du bstan pa'i don du gsungs pa/ zla ba zhes pa la sogs pa la gdan gyi steng du zla ba yin la/ de'i steng du a la sogs pa dang/ ka la sogs pa'i yi ge'o/ /de nyid du sa bon las bskyed pa'i mtshan ma la gnas pa'i sa bon de'i steng du bdud las rgyal ba'o zhes sbyar ro/ /phyag gnyis pa ni mngon par byang chub pa lngas bskyed pa shes rab med pa'o/ /zhes man ngag las rtogs par bya'o/ /de nyid ces bya ba la sogs pa la/ sems dpa' ni mngon par byang chub pa'i sbyor ba de nyid las rdo rje 'chang pa ste/ lhag ma ni go sla'o/ da ni ye shes kyi 'khor lo dang dam tshig gi 'khor lo dag rig par bya ba gsungs pa/ rnam par spros zhes pa la sogs pa ste/ rnam par spro ba ni rang gi sems las lha rnams su rab tu gsal bar bya zhes pa skabs 'dir blangs te/ dam tshig gi dkyil 'khor gyi lha rnams rang gi lus la ldan pa sku mdog dang/ phyag mtshan dang/ dbyibs la sogs par gyur pa yin no zhes pa'o/ /de bzhin du ci gang du rnam par spros zhes gsungs pa/ nam mkha' i dkyil 'khor zhes pa ni yi ge dgu pa'i tshig go /de yang rang gi snying kha'i 'od zer rnams kyis ye shes kyi lha rnams bsdu zhing bkug ste/ gzhan ma yin pa nyid du rab tu gzhug par bya'o/ /snying po ni dam tshig gi dkyil 'khor rnal 'byor pa'i sems tsam du snyoms par 'jug pa dang ldan pa'o/ /ji skad du sems tsam du ni

  428. 214b

    snyoms 'jug pa/ /rnal 'byor zhes su brjod pa yin/ zhes brjod pas so/ /des na zhe sdang zhes pa ni de nyid kyi phyi rol gyi don la rnam par snang ba'o/ /de lta bu nyid kyi bdag nyid gyur ni zhe sdang bdag nyid can no/ /sngo dang nyi ma mtshungs pa'i mdog ni mdza' can gyis rnam par dbye ba med pa'o/ /des ni sngo ba yang yin la nyi ma yang yin pas na sngo dang nyi ma mtshungs pa'i mdog go /grong khyer dkrugs pa'i sngags kyi bzlas pa ni he ru ka rnam pa bzhi la gang yang rung ba bsgom par bya zhes pa ni man ngag go /bandu yang yin la dmar po yang de nyid yin pas bandu dmar po can no/ /de yang rgyas pas na spyan no/ /bandu'i khyad par dmar po ci dgos she na/ dkar po'i bandu yang mthong bas so/ /yang na rgyas pa rtogs par bya ba'i don du dmar pos khyad par du byas pa'o/ /gang gi phyir rgyas pa ni dmar po nyid kyis rab tu gsal bar gyur pa'o/ /yang rgyas pa nyid kyis zlum por yang ste/ de spyan ni khro bar byed pa dang/ 'dren cing 'thob par byed pa dang/ sems can gyi don la dmigs par byed pas na spyan no/ /bandu ltar rgyas shing dmar ba'i spyan ni bandu dmar po'i spyan de nyid de/ zlum zhing dmar la rgyas pa'i spyan zhes pa'i don to/ /de lta bu yang lha rnams kyi spyi'i tshul du shes par bya zhes pa'o/ /skra ser gyen du 'khyil ba zhes pa ni skra ser zhing gyen du 'khyil pa ji lta ba de bzhin du mig gi rdzi ma yang ser zhing gyen du 'degs pa'o/ /phyag rgya lnga la sogs pa ni go sla'o/ /sdang blta zhes pa ni sdang ba yang de yin la/ de bzhin du blta ba yang de yin te/ zlum zhing rgyas pa dmar pa'i spyan dang ldan pa'i phyir ro/ /des de'i spyan zlum zhing dmar ba ni shes rab dang ldan zhing snying rje'i rnam par dag pa'o/ /gang gi phyir bcom ldan 'das ni don dam pa'i bde bar gsung zhing khro ba ma yin no/ /'on kyang sdang bar bcos pa ste/ sems can rnams nyon mongs pa nyid du ldan pa'i phyir ro/ /khro zhing sdang ba nyid kyis na stag gi pags pa'i rgyan can no/ /brgyad gnyis pa'i tshul ni stong pa nyid bcu drug rnam

  429. 215a

    par dag pa'o/ /de dag kyang lha'i gzugs thams cad kyi thun mong du brjod do/ /rdo rje thod pa dang zhes pa ni rdo rjes mtshan pa'o/ /g.yon pa nas kyang kha TwAM ga zhes pa ni nye zhing gsal bar bcad ba'o/ /sku mdog nag po zhes pa ni byams pas gcig pa'o/ /hUM gi yi ge 'don pa'i bdag /ces pa ni ngag tu ste/ khro zhing gdug par ston par byed pa'o/ /dur khrod la sogs pa'i tshigs su bcad pa ni yi ge sum cu rtsa gnyis pa'o/ /sa sa ti ni ro gnas zhes pa ste/ i yig phyi ma des na 'grub ste/ srog chags phra mo tsam gnas pa'o/ /de yang med pa las bden par mngon par zhen pa las gnas par gyur pa de gang gi tshe dur khrod de/ bdag med pa nyid kun rdzob tu gdan du byas pa'o/ /de'i rnam par dag pa ni gzhal yas khang gi phyir rol tu dur khrod yang ngo/ /de dag kyang thun mong du gyur pa'o/ /gang gi phyir de rnams kyi phyag gnyis bskyed par yang gsungs pa/ phyag bzhi ni bya ba la sogs pa la phung po la sogs pa bdud bzhi las rgyal ba'i rnam par dag pa ni phyag bzhi'o// sngar gyi he ru ka'i sku mdog dang/ gzugs dang/ dbyibs gang gi yang sa bon ni hUM yig yin pas sngar gsungs pa'i sku mdog dang/ gzugs dang/ hUM las byung ba de phyag bzhi pa'i yang ngo/ /khrag gis bkang ba zhes pa ni thun mong ngo/ /shes rab rdo rje phag mo ni ming ngo/ /rdo rje 'chang zhu ba sngon du song ba las bskul ba'i rjes la zhu ba bsdus pa las skyes pa'i hUM dang/ de las byung ba'i sa bon gnyis po rim pa ji ltar ro/ /de yongs su gyur pa las rdo rje dang gri gug gi lte ba la de dag gis byin gyis brlabs pa'o/ /de dag yongs su gyur pa las phyag drug pa'i thabs dang shes rab bo/ /dang po sngon po gcer pu zhes pa ni sngon po nyid gcer bu sngon po ste/ zhal dang po sngon po zhes bya ba'i don te/ /la la dag ni gtsang bu zhes pa'i tshig ni

  430. 215b

    smad g.yogs dang bral ba'o/ /phyag bzhi pa dang drug pa dag gi lhag ma ni mang por yod de/ phyag bcu drug pa bzhin no/ /'on kyang lha rnams bsgom pa'i don bsdus pa ni phyag bzhi pa'i he ru ka dang/ bdag med ma dang/ ku ru ku l+le'i sgrub thabs su shes par bya'o khams gsum gyi zhes pa ni khams gsum po rnams te/ 'dod pa dang gzugs dang/ gzugs med pa zhes brjod pas bsdus pa'o/ /de'i bdag nyid ni rang bzhin no/ /de yang sems tsam mo/ /ji skad gsungs pa/ kye rgyal pa'i sras khams gsum pa 'di dag ni sems tsam mo zhes so/ /de nyid ni zag pa med pa'i bde ba ste lhan cig skyes pa'i don to/ /ro mnan pa zhes pa ni gang zag go /de na ro 'di nyid khams gsum gyi bdag nyid can yin la/ khams gsum gyi bdag nyid can yang ngo ste/ chags pa dang/ chags pa med pa dang/ bdag dang gzhan du rig pa la sogs pa bral bar chos mthun pas na'o/ /de mnan pa ni he ru ka'o/ /mnan pa ni kran ta te/ ta rkyen du byas pas bdun no/ /gang du rkang pas mnan par byas pa de dang de ni zag pa med pa bde ba de'i'o/ /de yang zag pa dang bcas pa'i bde ba'i bdag nyid ma yin pa las bde ba'i bdag nyid du byas pa'o/ /de skad du yang/ sems kyi rang bzhin 'od gsal ba/ /dri ma rnams ni blo bur ba zhes pa dang/ byams pas kyang gsungs la/ sems ni rang bzhin 'od gsal ba/ nyon mongs rnams ni blo bur ba zhes so/ /des na mchog tu zag pa med pa'i bde ba chen po las logs na cung zad kyang yod pa ma yin no zhes dgongs so/ /yang chos kyi dbyings las ma gtogs pa/ /'di ltar chos gzhan yod pa ma yin/ zhes pa'o/ /des na lhan cig skyes pa'i bde ba nyid ro'i rang bzhin du mnan zhes pa'i don to/ /de dag ni dgyes pa rdo rje'i rnam par 'grol ba la/ lha'i le'u ste gsum pa'o// //da ni 'chad par 'gyur ba'i mig la sogs pa byin gyis brlabs pa

  431. 216a

    dang/ sku la sogs pa byin gyis brlabs pa'i rjes la sgrib pa thams cad gzhom pa'i don to dbang bskur ba rdzogs pa'i lha'i gzugs kyis rnal 'byor rigs so zhes lha dbang bskur ba'i le'u gsungs pa/ lha zhes bya ba la sogs pa la/ rang gi snying khar gnas pa'i rang gi sa bon las 'od zer byung ba ni 'od zer nag pos sangs rgyas rnams spyan drangs pa'i rjes la zhes bya bar sbyor ro/ /'od zer nag pos rab tu gsal ba 'od zer gang yin pa de ni 'od zer nag po ste/ de'i rang bzhin ni 'od zer nag po'o/ /'od zer nag po zhes pa ni 'gugs pa dang/ rab tu 'jug par byed pa dang/ mtshon par byed pa dang/ skye ba med pas bsdigs par byed pa de nyid mdza' i tshig dang ldan pas don 'dzin par byed pa'o/ /des 'gugs par byed pas na lcags kyu'o/ /de yang a'i sgras sa mnan ta ste/ mdza' yas pa'o/ /kar ni byed pa ste lcags kyu'i rnam pa'o/ /gang gi bya ba mdza' yas pa la/ de ni lcags kyu'i 'od zer nyid do/ /yang de lta bu'i rnam pa tsam gyis ni 'gug cing 'dzin pa ma yin no/ /sangs rgyas rnams zhes bya ba ni rnam par snang mdzad la sogs pa khams na bzhugs pa yid kyis dmigs te phyin nas sngar brjod pa'i 'od zer nag po'i gzugs kyis spyan drangs nas gsol ba gdab ces bya bar 'brel to/ /cir byas nas she na/ ma mo brgyad ces bya ba la sogs pa'o/ /brgyad ces pa ni bdog cing 'dod pas na gzugs la sogs pa la khyab pa'i tshul gyis na 'dod par gyur pa'o/ /gzugs rdo rje ma la sogs pa drug po yang ngo/ /ma mo ni de rnams nyid sems can thams cad la ma ltar brtse bar gyur pa las so/ /de rnams kyis yang dag par mchod nas gsol ba gdab ces pa ni/ de dag tsam gyis mchod pa'i rjes la gsol ba gdab ces pa'o/ /gsol ba gdab pa yang gsungs pa/ oM a b+hi Shiny+tsa zhes

  432. 216b

    ba la sogs pa'o/ /yang na ma mo brgyad kyis zhes pa ni/ gau rI la sogs pa rnams kyis dang/ sangs rgyas rnams dang lhan cig tu gzugs rdo rje ma la sogs pa 'chad par 'gyur ba'i tshig las thob pa rnams kyis so/ /yang dag par mchod ces bya ba ni de bkug ste/ rtag tu mchod pa'o/ /he ru ka'i gzugs bya ba ni he ru ka'i rnam pa ste/ mi bskyod pa rnam par dag pa'i gzugs gang yin pa rnams kyis de bzhin du'o/ /de dag kyang nye bar mtshon pa'o/ /yang lha rnams dbang bskur bar bya ba de nyid du rigs kyi bdag po dgug par bya zhes shes par bya'o/ /yang na he ru ka'i gzugs nyid kyis dkyil 'khor ba dang lhan cig tu 'o/ /bdud rtsi lnga zhes bya ba ni me long lta bu'i ye shes la sogs pa ye shes lnga po de dag nyid bdud rtsi ste de dag gis 'dzin pa'o/ /de bzhin gshegs pa lnga'i bdag nyid can gyi bum pa sna tshogs pa'i bum pa'o/ /lngas dbang bskur ba de dag gis dbang bskur ba'o/ /zhes pa la sogs pa'o/ /gang gi tshe dbang bskur ba na/ de'i tshe me tog gi char la sogs pa 'bab ces pa'i don to/ /char gyi sgras ni mang bar bstan to/ /gur gum ni mtshon pa ste/ dri zhim pa sna tshogs pa'i char pa 'bab par 'gyur ro/ /gzugs rdo rje ma dang/ sgra rdo rje ma dang/ dri rdo rje ma dang/ ro rdo rje ma dang/ reg rdo rje ma dang/ chos kyi dbyings rdo rje ma rnams ni rgyan rnam pa sna tshogs kyis brgyan pa rib ji lta ba bzhin du me long dang pi wang dang/ dri'i dung phor dang/ ro'i lhung bzed dang/ kha dog sna tshogs pa'i gos dang/ chos 'byung 'dzin pa rnams dkar po dang/ nag po dang/ ser po dang/ dmar po dang/ ljang khu dang/ dmar ser dag ste/ de rnams kyis mchod pa ste/ de dag kyang gsungs pa/ gzugs rdo rje zhes bya ba la sogs pa ste/ de dag thams cad nyid la de rnams kyis mchod par byas pa ste/ dbang bskur

  433. 217a

    ba'i dus su nye bar mtshon pa'o/ /spyan la sogs pa zhes pa ni sangs rgyas spyan dang/ mA ma kI dang/ gos dkar mo dang/ sgrol ma rnams te rim pa bzhin du dkar ba dang/ sngo ba dang/ dmar ba dang/ ser ba ste/ 'khor lo dang/ utpa la dmar po dang/ pad+ma dang/ utpa la ser po 'dzin cing rgyan thams cad kyis brgyan pa/ rdo rje'i glu dang/ bstod pa byed pa dag tu blta bar bya'o/ /de yang ko la /i reDThi zhes pa la sogs pa rdo rje'i glu 'chad par 'gyur bas so/ /spyi bor zhes pa ni spyi bo'i rnam grangs ni spyi bo'i sgrar gnas pa'o/ /rang gi rigs shes pa ni mi bskyod pa'o/ /'dis ni zhes pa ni he ru ka ste/ rnam par dbye ba ma byas par ro/ /rdzogs pa nyid ni yan lag bzhi'i rnal 'byor gyis rdzogs pa'i don to/ /de la bsnyen pa ni he ru ka bskyed pa tsam mo/ /nye bar bsgrubs pa ni mig la sogs pa byin gyis brlabs pa'o/ /sgrub pa ni sku la sogs pa byin gyis brlabs pa'o/ /sgrub pa chen po ni dbang bskur ba'o/ de rnams kyi 'bras bu chung ngu dang/ /'bring po la sogs pa'i dbye ba ni skabs su bshad par bya'o/ /thun gsum du byin gyis brlabs pa'i sgom pa rnam par bsgoms nas langs te zhes bya ba la thun gsum du ste/ byin gyis brlabs pa ni lha rnams su rnam par dgod pa'o/ /de rnams kyi sgom pa ni goms pa'o/ /de'i sgom pa ni cho ga'o/ /langs pa ni rnal 'byor gyis gnas pa'o/ /thun dang bsgom pa'i phyi rol gyi bya ba gsungs pa/ lha'i zhes bya ba la sogs pa la/ lha'i gzugs ni 'dug pa dang/ za ba dang/ nyal ba la sogs pa rnams su lha'i nga rgyal gyis yul rnams la lha'i gzugs su nye bar longs spyod pa'i rnal 'byor gyi nges pa nyid do zhes dgongs so/ /de dag kyang de dang der 'chad par 'gyur ro

  434. 217b

    de dag ni dgyes pa'i rdo rje'i rnam par bshad pa las/ lha dbang bskur ba'i le'u ste bzhi pa'o// //da ni bdag gi de kho na nyid la sogs pa de kho na nyid bzhi po mdor bstan pa rgyas par bshad pa gsungs pa/ de nas zhes bya ba la sogs pa la de nas ni lha rnams rdzogs pa'i rjes la ste/ gang gi phyir lha rnams de kho na nyid du rig cing bsgoms nas rdzogs pa'i byang chub tu 'gro bas so/ /de kho na nyid ces pa ni de kho na nyid rnam pa bzhi'o/ /de la yul rnams skyes pa de'i tshe de'i rnam par shes pa pa dang phung po lnga rnams so/ /de rnams kyi bdag nyid ni rang bzhin te/ gcig dang du ma la sogs pa'i mtshan nyid do/ /de'i de kho na nyid ni bdag med pa'i rang bzhin te/ dngos po med pa zhes bya ba'i bar du'o/ /de yang gsungs pa/ nges par dngos po thams cad ni/ /dag pa de bzhin nyid du brjod/ /yang na yul la sogs pa rnams kyi bdag nyid du nges pa'i dbang po ni 'dzin pa'i rang bzhin no/ /des na nges par 'gyur ba'i rten dang/ brten nas nges pa dang/ dmigs pa rnams te/ phung po lnga rnams so/ /de'i bdag nyid ni rang gi mtshan nyid do/ /de skad du yang gzugs ni gzugs su rung ba'i mtshan nyid do/ /tshor ba ni nyams su myong ba'i mtshan nyid do/ /'du shes ni mtshan mar 'dzin pa'i mtshan nyid do/ /'du byed ni mngon par 'du byed pa'i mtshan nyid do/ /rnam par shes pa ni yul gyi rnam par shes pa'i mtshan nyid do/ zhes pa'o/ /de dag gi de kho na nyid ni sngar gyi bzhin no/ /de nyid kyang gsungs pa ni ngo bos zhes bya ba la sogs pa la ngo bo ni gnyug ma'i bdag nyid do/ /de la med ces bya ba mi byis pa rnams kyis brtags pa'i gcig dang du ma'i mtshan nyid du yod pa ma yin pa'o/ /ngo bo nyid kyis zhes pa ni gong nas gong du yang ngo/ /cis zhe na gsungs pa/ gzugs zhes pa ste/ dkar po dang/

  435. 218a

    ser po la sogs pa dang/ ring po dang/ thung ngu la sogs pa'i mtshan nyid ni gcig pa nyid la sogs pa'i tshad mas gnod pas na yod pa ma yin pa'o/ /yang na rang nyid kyis rang bzhin gyi gnas rtag pa nyid du yod pa ma yin te/ bdag med pa'i mtshan nyid kyis gzugs la sogs pa'i bdag nyid can gyis mtshan nyid de/ /gang gi phyir bdag med par mthong bas gcig pa la sogs pa yod pa ma yin pa'i phyir ro/ /de ltar de kho na nyid gnyi ga yang bdag med pa tsam gyi rang bzhin du gnas pa'o/ /gal te gzugs la sogs pa'i yul rnams ni med du chug na de bzhin du yang mig la sogs pa'i dbang po dang/ de'i rnam par shes pa la sogs pa ni yod dam zhe na/ gsungs pa/ mthong ba po med ces pa la mthong ba ni lta ba po ni mig ste/ gang gi mig gis lta ba po zhes brtags pa de de'i bdag nyid du ma skyes pa'o/ /'ang gi tshig ni de'i rnam par shes pa yang ste/ de gnyis ka yang yod pa ma yin pa ni tshad mas gnod pa yin pa'i phyir ro/ /de'i lung gis gnod pa bstan pa ni/ ji ltar me long gzugs brnyan la/ /mthong yang de na yod ma yin/ /de bzhin dngos dang dngos med kyang/ /gcig dang du ma rnam par spangs zhes pa dang/ lung gzhan las kyang ngo/ /de'i phyir gzugs la sogs pa med pa nas sgra dang dri la sogs pa med pa'o/ /de bzhin du sgra dang/ rna ba dang/ de'i rnam par shes pa yang ngo/ /thos pa po zhes pa ni rna ba'i dbang po'o/ /snom pa po zhes pa ni sna'i dbang po'o/ /myong ba po zhes pa ni lce'i dbang po'o/ /reg pa po zhes pa ni reg bar sbyor ba'i chos/ reg pa po ste lus kyi dbang po'o/ /sems zhes pa ni yid kyi dbang po'o/ /sems las byung ba zhes pa ni bde ba la sogs pa'o/ /thams cad la yang dang 'ang gi sgra gnyis ni ji ltar de rang gi rnam par shes pa yang 'gog par

  436. 218b

    byed pa'o/ /yang na nges pa'i dbang pos gzung ba la sogs pa'i tshul gyis na gzugs la sogs pa yod pa ma yin pa nyid de dngos po med pa'i phyir ro/ /des na yang bdag med pa 'ba' zhig tu gnas so/ /de ni bdag med pa zhes bya ba ni de kho na nyid dang/ lha rnams kyi gzugs kyi phung po la sogs pa'i rnam par dag pa bsgoms pa rnams la zag pa med pa'i bde ba chen po 'grub pa yin no/ /'o na gang gi tshe bsgom par bya ba ni dbang po'i spyod yul ma yin pa de mngon du bya ba ni de dang 'dra ba yin pa dang/ la la dag ni rtogs nas bsgom par bya ba yin nam/ la la dag kyang lhan cig skyes pa de bsgoms pas mngon sum du bya bar 'dod pa yang de kho na nyid mthong zhing mngon sum du rtogs nas bsgoms par bya'o/ /de'i phyir de dang 'dra ba zhig mngon sum du byed cing rtogs par bya'o zhe na/ gsungs pa/ skye byed ces bya ba la sogs pa la 'dir bu mo zhes pa yang shes par bya ste/ de la bu mo ni 'chad par 'gyur ba'i dag las so/ /rnal 'byor zhes bya ba ni sbyor ba'o// rtag tu zhes pa ni 'khor ba mdza' med par ro/ /skyed byed ma la sogs pa'i sgras sgom pa rtogs pa ni sgra ji bzhin pa'i don to/ /phrag dog khro ba rnam spangs pa'i/ /slob ma cher 'gyur shes nas ni zhes pa'o/ /bram ze mos ni rgyal rigs dang/ rje'u rigs kyang nye bar mtshon pa las so/ /he badzra zhes pa bya ba la sogs pa la rigs rnam pa lnga'i cha dag las/ gtso bo'i dbang du byas pa ni rang nyid kyi lha'i gzugs su rdzogs pa rdo rje dang por byas pas so/ /mchod pa ni yang dag pa'i sbyor ba'i mchod pa byed pas so/ /bu mo yang thos pa dang ldan pa dang snying rje dang ldan pa rnams te/ gzhan dag ni ma yin no zhes dgongs so/ /de nyid kyang 'chad par byed de/ shes rab gdong yang bcing ba dang/ thabs kyi gdod yang de bzhin no zhes pa'o/ /de

  437. 219a

    ltar na skye byed ma la sogs pas ni dge ba dang bral lo zhe na/ gsungs pa/ de nyid rigs pa 'am sdug pa zhes pa ste/ de kho na mkhyen pa'i de kho na nyid la 'dod pas kun la chags pas nus zhes pa'i don to/ /sngon du dge ba bcu la sogs pa dang/ lung la sogs pa'i bya ba'i chags la sogs pa du mas slob ma 'dus byas la chu la sogs pa nas slob dpon gyi dbang bskur ba sbyin pa'i bar du sngon du 'gro ba can gyi rgyud 'dir bshad pa ste/ de'i don du bshad pa'o/ /yang bdag med par bshad pa ni lhan cig skyes pa dang 'brel ba gang gi rnam pa bstan pa ni/ lhan cig skyes pa de kho na nyid la 'dod pa skyes pa yis shes rab 'di rnams la gsang ba la sogs pa'i dbang sbyin par bya'o/ /des na gal te bdag med pa las skyed byed ma la sogs pa 'gro ba 'di dag phyin ci log tu snang ba de dag go zhe na/ slob ma nyid las rtogs pa'am/ de yang rkyen du byed pa ste/ grol ba nyid du skyed byed ma la sogs pa gzung ba ni log par snang ba'i dngos po yin yang bstan pa las rtogs pa'i rgyu zhes dgongs so/ /mchod pa gdon mi za bar bya ba yin pas na gsungs pa/ bsten pa nyid ces bya ba la sogs pa ste/ de dag ni sgrub pa pos ji ltar rnyed pa de dag tu gyur pa bsten par bya ba'o/ / ji ltar zhe na/ gsungs pa/ rab tu 'bad ces pa ste/ rab tu 'bad pa nyid ni de lta bu 'dis bya ba ste/ gzhan du na ni phyag rgya chen po dngos grub tu mi 'gyur ba ste/ ci lhan cig skyes pa'i rang bzhin dang/ bdag med pa yang ji lta bcu mngon sum du shes par mi nus pa'o/ /de dag ni gang gi phyir shes rab las ma gtogs pa lhan cig skyes pa'i rang bzhin nam/ bdag med pa yang rung ste/ mngon sum du rtogs pa ma yin no zhes shes par bya'o/ /gal te yang sgrub pa po dang 'dra ba

  438. 219b

    ma yin par gyur na ji ltar bsten par bya zhe na/ gsungs pa/ ji ltar dbye ba zhes bya ba la sogs pa la ji ltar de rnams ni sgrubs po dang/ dbye bar mi 'gyur ba ste/ de yang mi 'dra ba ni dam tshig dang/ sdom pa la gnas pa la sogs pa mi mthun ba ma yin pa dag de bzhin du bsten par bya'o /rtag tu mchod par byed par 'dod pas dam tshig dang sdom pa la gnas pa rtag tu bstan par bya'o/ zhes dgongs so/ /bsten pa yang shin tu gsang bar bya ba yin pas na gsungs pa/ shin tu gsang ba zhes pa ni shugs te/ ma gsang zhes pa ni ma gsang ba las sdug bsngal bar byed pa'o/ /cis shes na/ gsungs pa/ sprul dang zhes pa ste sprul dang/ stag la sogs pa'o/ /tsham rkun ni nor la sogs pa 'phrog pa ste/ de yang sa gsang ba las sdug bsngal bar byed pa'o/ /me yis zhes pa ni khyim la sogs pa 'tshig pas so/ /sa sbyong ni sa gzhi ste/ de yang lcug ma dang khyim dang/ chu klung dang ri phug dang/ rtsig pa la sogs pa ral pa dag dang/ g.yang sa dag tu gzhan gyis bskul nas 'gro zhing de rnams kyis dug la sogs pa ster ba'o/ /yang na srin po la sogs pa rnams rgyu bas nas spyod do/ /yang na rgyal po la sogs pa ste/ ma gsang ba las sdug bsngal bar ston pa yin la gsang zhing ma smras pa ni dngos grub tu 'gyur ba'o/ /yang na ji ltar bye bar ma 'gyur zhes pa la sogs pa ni de rnams bsten pas ye shes kyi dbye ba ste/ ji ltar bsten pa'i pha rol dag las yang dag par pho ba'i ye shes bskye ba de ltar bsten par bya zhes pa'o/ /gsang ba yis ni dngos grub yin la/ ngas nam gsal na skyan gsungs pa/ ma gsang zhes pa la sogs pa'o/ /gang gi tshe lhan cig skyes pa ni shes rab kyis mtshon pa de'i tshe mig gi spyod yul du bskyed pa ma yin no/ /tsa de dag las nges par bskyed par byed ce na/ gsungs pa/ phyag

  439. 220a

    rgya zhes pa la sogs pa la/ phyag rgya gsungs pa ni/ de yang rigs lnga las ma gtogs pa ni ma yin zhes pa'i don to/ zhes bya ba'i sgra ni skyed byed de ma la sogs pa'o/ /de dag gis cir 'gyur zhe na/ thar ba'i rgyu zhes pa la thar pa ni bgrod dang bgrod min la sogs pa'i 'dzin pa las grol ba'o/ /de nyid kyi rgyur skyed ma la sogs pa bsten pa nges pa'i'o/ /yang 'chad par 'gyur ba yang/ bgrod dang bgrod min zhes pa la sogs pa'o/ /phyag rgya zhes pa'i sgras ji ltar myur du 'jug par 'gyur zhe na/ gsungs pa/ rdo rje 'dis ni zhes bya ba la sogs pa la/ rdo rje ni ga pur gyis te/ yang dang yang du rgyas 'debs shing mtshon par byed pa 'dis na phyag rgya'o/ /de yang 'dod pa can rnams kyi ga pur phal che bar gyur pa la so yang na rdo rje 'dis shes pa ni stong pa nyid kyis te/ de yang rdo rje rdo rjes shes pa brjod pa nyon cig rdo rje'i mtshan nyid ni/ zla ba'i 'od mtshungs dag pa'i blo/ /rdo rje zhes ni gsungs pa'o zhes gsungs so/ /rigs shes pa ni ming ci zhe na/ gsungs pa/ rdo rje pad+ma zhes bya ba la sogs pa ste/ rgyud gzhan la ni rigs du ma gzung ba de dag 'dir ni 'dod pa ma yin pa 'dis na lnga'i grangs su byas pa'o/ /rgyun mi 'chad par rigs gsum po dag gam zhe na gsungs pa/ dam pa'i zhes pa ste/ nges pa nyid du phyag rgya chen po'i dngos grub kyi rgyu yin pa las so/ /de dag gi yang khyad par ni skyed byed ma la sogs pa'o/ /gal te 'di lta bu ni 'jig rten pa dang 'gal ba'i phyir bsten par bya ba ma yin no zhe na gsung pa/ snying rje chen po zhes pa'o/ gal te khyed ni snying rje chen po'i yon tan mnga' ba de'i tshe 'jig rten gyi rnam par bzhag pa las 'das pa 'gro ba ma lus pa'i don yongs su rdzogs par byed pa phyag rgya chen po'i dngos grub sgrub par byed pa'i rigs skyed byed ma la sogs pa rnams

  440. 220b

    khyed kyis bsten pa ni rjes su 'thun pa'am rigs so zhe na/ gsungs pa/ gang gi phyir sngags kyi gzhung gis/ 'jig rten pa'i spyod pa'i lugs las shin tu 'das pa nyid kyis 'grub pa'o/ /de skad du 'jig rten sbyod las rnam par grol/ /ci gsungs dam tshig sdom pa las/ /sangs rgyas kun yang mi 'da' bas/ /sngags kyi spyod pa zhes su brjod ces gsungs so/ /rgyud gzhan ngag las mngon par 'dod pa rnams gzung ba'i rdo rje la sogs pa'i rigs kyi ming lnga po rnams gsungs pa/ rdo rje g.yung mo zhes bya ba la sogs pa nas/ rnam par nges shes pa'o/ /rgyud 'dir ni lnga char yang rdo rje'i rigs yin zhes dgongs so/ /g.yung mo la sogs pa lnga po rnams nyid ji ltar dam pa yin zhe na/ gsungs pa/ de bzhin zhes bya ba la sogs te tshigs su bcad pa 'di ni yi ge bcu bdun pa'o/ /de bzhin gshegs pa'i rigs ji lta bu zhe na/ gsungs pa/ ming zhes pa ni ming du rab tu grub pa zhes bya ste/ ming gis dngos grub nges par steng zhes bya ba'i tha tshig go /ming ni rigs kyi khyad par dag gis so/ /'di rnams zhes pa ni grangs rnam pa lnga pos rigs kyi rnam par bzhag pa'o/ /mdor bsdus mdza' yas so/ /sems dpa' ni rdo rje sems dpa' o/ /de bzhin gshegs pa de rnams kyis ni rigs drug po dag kyang bstan to/ /'jig rten dang 'jig rten las 'das ba'i lha thams cad ni rigs lnga dang/ drug dang gsum las gzhan pa'i rang bzhin du mi gnas pa ste/ de'i bdag nyid du gyur pa'i phyir ro/ /da ni he ru ka la sogs pa'i ming gis mi ston gyis kyang de kho na nyid bstan pa'i bya ba'i sgo 'di rnams ming gzhan dag gis bstan pa'i don du gsungs pa/ tshangs pa zhes bya ba la sogs pa la gang cung zad 'phel bar byed cing skyed par byed pa'i gzhir gyur pas na tshangs pa zhes bya'o/ /des na gsungs pa/ sgrib bral zhes pa ste/ sgrib pa dang bral bar bskyed

  441. 221a

    cing rdzogs pa'o/ /des na skyed par byed pas na tshangs pa'o/ /ci zhe na/ gsungs pa/ sangs rgyas zhes pa ste/ dngos po'i de kho na nyid rtogs pas na sangs rgyas so/ /de yang rnam par snang mdzad ces pa 'di yis te/ sangs rgyas shes pa'i khyad par gyi tshig gong nas gong du sbyar bar bya'o/ /de nas khyab 'jug ni khyad par dang/ ston pa zhes pa'i tshig las sa yig tu byas nas so/ /de yang gzung ba la sogs pa 'joms pa'i mtshan nyid can te/ des ma khyab 'jug ni sangs rgyas mi bskyod pa'o/ /zhi ba ni sangs rgyas snang ba mdza' yas so/ /ci zhe na/ shin tu bzang ba dang/ dge ba dang rnam par dag pa'i phyir ro/ /de'i bdag nyid du gyur pa ni/ zhi ba zhes bya bar dgongs so/ /thams cad ces bya ni phung po la sogs pa kun gyi bdag nyid kyi rang bzhin du mnyam par gnas pas na thams cad ces pa ni sangs rgyas rin chen 'byung ldan no/ /rtag tu zhes pa ni zag pa med pa'i bde ba'o/ /dam pa'i bde ba ni 'di de nyid shin tu bzang ba dang/ gsal zhing bzang bar gyur pa'i tshe ma'o/ /de'i rang bzhin ni dam pa'i bde ba'o/ /des na de nyid ces pa ni sangs rgyas rdo rje sems dpa' o/ /de skad du yang sangs rgyas rdo rje 'dzin par brjod ces gsungs so/ /rnam sangs rgyas zhes bya ba la sogs pa la bde ba zhes pa ni sprul pa ste/ dga' ba zhes pa dang/ rol pa zhes bya ba'i ngas so/ /de'i stong pa la sogs pa'i rang bzhin gyi ye shes ni rnam sangs rgyas te/ sangs rgyas don yod grub pa'o/ /yang na me long lta bu'i ye shes la sogs pa thob pa rim pa ji lta ba bzhin du sngar gsungs pa'i bya ba'i sgom rnam par snang mdzad la sogs pa rnams ni tshangs pa la sogs pa rnams su gyur pa'o/ /rdo rje sems dpa' nyid ni ye shes rnam pa lnga char thob pa'o/ /de ni lha'i sgras rnam par snang mdzad la sogs pa rnams la de bzhin du 'jug par bstan

  442. 221b

    ? lus las zhes bya ba la sogs pa ste/ lus ni rnam par dag pa'i phung po la sogs pa'i rang bzhin no/ /byung ba nyid ces pa ni der tha ma'i dad pa'i rang bzhin gyis gnas pa'o/ /lha zhes pa 'dis ni bcom ldan 'das kyi tshig tu yang bstan pa'i ? ? pa 'di la lha mnga' zhes pa la sogs pa ste b+ha ga ni phun sum tshogs pa'i phyir ro/ /sangs rgyas zhes bya ba ni rtogs pa'o/ /yon tan ni goms par bya ba de rnams yon tan zhes bya'o/ /'dir drag po byis pa ni gsungs rab las so/ /kun zhes pa ni sangs rgyas kyi yon tan gzhan gyis ma bcom pa'o/ /yang na yon tan kun ni drag po med pas na yang dag par bsdus pa'o/ /yang na zhes bya ba ni phyogs gzhan du ston par byed pa'o/ /nyon mongs pa la sogs zhes bya ba ni 'dod chags dang/ zhe sdang dang/ gti mug dang/ nga rgyal dang/ lta ba dang/ the tshom gyi nyon mongs pa rnams so/ /sogs pa'i sgras ni phung po dang/ nyon mongs pa dang/ 'chi bdag dang/ lha'i bu'i bdud rnams gzung ngo/ /bcom pa ni de rnams kyi tha mal gyi rang bzhin 'joms pa ste/ pa zhes pa ni rigs drug pa la bltos nas so/ /gsungs pa de dag ni de bzhin gshegs pa nyid la kun rdzob kyis gzugs kyis brten pa'o/ /rigs rnam pa lnga rnams kyis de nas rim pa ji lta ba bzhin du bsten pa dag las dngos grub ster zhes pa'o/ /des na yang rdo rje zhes pa'i sgras ni mi bskyod pa dang g.yung mo'o/ /pad+ma'i sgras ni snang ba mdza' yas dang gang ma'o/ /las kyi sgras ni don yod grub pa dang tshos ma'o/ /de bzhin gshegs pa'i sgras ni rnam par snang mdzad dang bram ze ma'o/ /rin po che'i sgras ni rin chen 'byung ldan dang gtum mo'o/ /g.yung mo la sogs pa'i bu mo rnams kyang dgongs pa'i skad kyis yang 'tshang par 'gyur ba dang/ rigs ni rnam par lnga ru brjod ces pa dang/ kha dog dbye ba so so yin zhes pas

  443. 222a

    kyang ngo/ /don dam par ni me long lta bu dang/ mnyam pa nyid dang/ so sor rtog pa dang/ bya ba grub pa dang/ shin tu rnam par dag pa chos kyi dbyings kyi ring bzhin ri pa bzhin du rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa dang/ mi bskyod pa'i de bzhin gshegs pa rnams shes par bya'o/ /des na de bzhin gshegs pa'i rang bzhin las mchog tu gyur pa dag go /de bzhin gshegs pa'i sgras ni ji ltar rnam par snang mdzad la sogs pa rnams la rab tu 'jug pa de bzhin du gsungs pa/ de bzhin nyid ces kyang gsungs te/ de bzhin nyid ni stong pa nyid dang/ bdag med pa dang/ yang dag pa'i mdza' zhes pa don gzhan ma yin pa'o/ /de skad du yang stong pa nyid dang/ gsog ma yin pa dang/ chad pa ma yin pa dang/ snying po med pa ma yin pa dang/ de bzhin nyid dang/ yang dag pa dang/ gzhan ma yin pa nyid dang/ chos nyid dang/ chos kyi dbyings dang/ chos skyon med pa nyid dang/ yang dag pa'i mdza' dang bsam gyis mi khyab pa'i dbyings zhes gsungs te/ de dag ni thun mong du gyur pa'o/ /gshegs pa ni 'gog pas te/ sgyu ma lta bur gyur pa las so/ /dpal ldan zhes bya ba ni bsod nams dang ye shes kyi tshogs dang ldan pas so/ /de bzhin snyan? yang gshegs pa zhes pa la slar gshegs pa ni 'byung ba'o/ /de bzhin ni de bzhin nyid do/ sgyu ma lta bu las so/ /skye ba dang 'gag pa ni kun rdzob tu de bzhin nyid du gnas pa'o/ /bsod nams dang ye shes kyi tshogs dang ldan pa ston pa ? de bzhin gshegs pa'o/ /de skad du yang/ 'di rnams ni chos kyi rang bzhin du gnas pa'o zhes gsungs so/ /yang na de bzhin nyid du gshegs pa zhes pa ni de bzhin nyid du gnas pa ste/ chos kyi sku'i rang bzhin ni zhes pa'i don to/ /

  444. 222b

    slar yang gshegs zhes pa ni slar 'byung zhing skyes pa dang/ sgyu ma lta bur bstan pa ste sprul pa'i sku'i rang bzhin no/ /de lta bu ni de bzhin gshegs pa zhes bya'o/ /de nyid gsungs pa/ 'di yis ni zhes pa la sogs pa la gong du gsungs pa'i shes rab kyis bkod pa dang ldan zhing bsod nams dang ye shes kyi tshogs kyi sbyor ba las/ de bzhin gshegs pa zhes mngon par brjod do/ /de lta bu'i don mdzad cing 'chang ba dang ldan pas de bzhin gshegs par mngon par brjod de zhes dgongs so/ /yang na shes rab ces pa ni de bzhin nyid yongs su shes pa'o/ /de nyid ji lta bu zhe na/ gsungs pa/ rigs pa zhes pa ste/ gzung ba la sogs pa rnams tshad mas 'gog par byed pa'i phyir zhes pa'o/ /gang la bltos nas mdor bsdus pa zhe na gsungs pa/ rigs ni zhes pa ste /rdo rje sems dpa' bcug pa ni rnam pa drug go /brjod ces pa ni de bzhin gshegs pa rnams so/ /rigs drug pa la bltos nas rigs rnam pa lnga'o zhes gsungs pa mdor bsdus pa ni rnam pa lnga zhes pa'o/ /rigs pa rnam pa lnga la bltos nas rigs rnam pa gsum zhes bya ste/ de nyid gsungs pa/ phyi nas zhes bya ba la sogs pa la/ gsum zhes pa ni rnam pa gsum ste/ sku la sogs pa'i rang bzhin rnam pa gsum gyis so dbye ba yis zhes pa ni so sor gyur pas so/ /de yang rin chen 'byung ldan dang/ don yod grub pa dang/ rdo rje sems dpa' rnams ni thugs kyi khongs su gtogs pa'o/ /rigs gsum po dag la bltos nas rigs gcig tu bsdu bar blta bar bya ste/ sku dang gsungs yang thugs kyi khongs su gtogs pas so/ /de yang 'chad par 'gyur/ mi bskyod zhe sdang gzugs can gyi/ /thugs kyi bdag po rigs gcig pa zhe'o/ /rigs drug pa la bltos pa'i rigs rnams ji ltar 'gyur zhe na/ gsungs pa/ rigs dang zhes

  445. 223a

    pa la/ 'byung ba yin la/ lnga ma ba yin pas na 'byung ba lnga ste/ de rnams ni rigs so/ /de yang 'chad par 'gyur te/ bo la kak+ko la sbyor bas/ reg pas sra ba'i bag chags nyid/ /ra ba gti mug chos kyi phyir/ /gti mug rnam par snang mdzad ces bya ba la sogs pa'o/ /yang ma 'byung ba lnga zhes bya ba me long lta bu la sogs pa ye shes lnga'i rang bzhin dang/ rim pa bzhin du gzugs la sogs pa dang/ phung po'i rang bzhin dang rnam par snang mdzad la sogs pa'i rigs lnga pa rnams so/ /de skad du yang/ phung po lnga ni mdor bsdus na/ sangs rgyas lngar ni rab tu grags zhes gsungs so/ /'o na rigs kyi sgras ni ji ltar de bzhin gshegs pa nams la 'jug ce na/ rigs dang bgrang bya zhes bya ba grangs zhes bya zhes pas na rigs so/ /'di yis ni zhes bya ba ni 'god pa dag gis so/ /zhes bya ba'i sgra ni don ji lta bar rtogs pa'o/ /rigs kyi sgras ni de bzhin gshegs pa'i bkod pa la rab tu 'jug pa'o/ /gzhan du ni ji lta ba de lta bu'o zhes dgongs so/ /yang bgrang bya ni gtso bo dag las te/ bgrang bya gtso bo de bzhin gshegs pa las ma gtogs pa gzhan du 'gro ba ni ma yin no zhes pa'i don to/ /des na yang 'dis ni zhes pa ni rang bzhin bkod pa 'di yis de bzhin gshegs pa'i tshogs la rigs zhes mngon par brjod par bya zhes sbyar ro/ /zhes pa'i sgra ni rigs dang bgrang bya 'di yis ni zhes par 'brel to/ /rigs rnams ni de bzhin gshegs pa rnam pa lnga po de dag gi bdag nyid de/ de bzhin du phung po dang lus nas brtsams pa des kyang rigs su shes par bya'o/ /da ni sngags dang lha'i de kho na nyid ci zhe na/ gsungs pa med ces bya ba la sogs pa la/ bsgom pa po med ce bya ba ni rnam par dbyer ba'i cha med par bstan pa'o/ /sgom pa ni goms par byed pa ste/ de ma grub pas na sgom pa

  446. 223b

    po dang/ bsgom pa na bya ba'i don kyang med pa'o /gnyis po ma grub pas bsgom par ldan pa yang med do/ /de na shugs kyis ngags dang lha gnyis po yang med na sgoms ma grub pa'o zhes pa 'di ni yi ge bcu bdun pa'i tshigs su bcad pa byed do/ /'o na gang gis phyir rdzogs pa'i byang chub tu ji ltar 'gyur zhe na/ gsungs pa /yang dag gnas zhes bya ba la sogs pa la/ lha ni lha rnams so/ /des na sngags dang lha rnam yang dag par gnas pa'o/ /ji ltar grol zhe na spros pa med ces bya ba la spros pa gzung ba la sogs pa'i rang bzhin no/ /gang gi phyir de lta bu'i rang bzhin ni gzung ba la sogs pa ste/ de bzhin du de dag gis stong pa ni rang bzhin te/ /de dag gi bdag nyid du yang dag gnas zhes pa'o/ /de yang bsub cing bsgyur ba las lnga pa bzhin no/ /rang bzhin med pa dang ldan pa'i lha la sogs pa bsgom pa'i dbang du byas nas rdzogs pa'i byang chub tu 'gyur zhes dgongs so/ /lha rnams ni gang dag ce na/ gsungs pa/ rnam snang zhes bya ba la sogs pa la rin chen zhe pa ni rin chen 'byung ldan no/ /dpag med ni snang ba de rnams kyi tha mal pa'i rang bzhin gyis rnam par dag ces pa'i don to/ /nges kyang shes rab tu bsgrubs pa'o/ /de skad du yang/ shes rab nyon mongs 'joms pas na/ /de phyir shes rab bcom ldan brjod ces gsungs so/ /yang na shes rab ni ma rig pa rnam par sbyong zhing nyon mongs pa yang shes rab des 'joms shing/ ldog mi nus so zhes gsungs so/ /des na dag pa'i sems rnam par dag pa'o/ /sems rnam par dag pa ni 'chi bdag la sogs pa'i bdud rnams rnam par dag pa'o/ /gang gi phyir bdud rnams ni sems nyid las rab tu byung bas so/ /de skad du yang/

  447. 224a

    sems nyid bdud ni chen po ste/ /sems nyid de bzhin gshegs ma yin/ /rang gi sems ni 'dul don du/ /bdud rnams nye bar zhi bar bya/ /zhes gsungs so/ /des na nyon mongs pa la sogs pa rnam par dag pa nyid rdzogs pa'i byang chub kyi rgyu rnams so zhes shes par bya ste/ der rab tu sbyor ba ni sangs rgyas bcom ldan 'das so/ /des na yang di skad bdag gis zhes bya ba la sogs pa'i tshig las bcom ldan 'das kyi sgra dang/ de bzhin gshegs pa'i sgra ni 'dis legs par gyur pa yin no/ /da ni skyed byed ma la sogs pa'i tshig rnams ni nges pa'i don sbas te/ drang ba'i don du gsungs pa/ skye 'gro bskyed ces bya ba la sogs pa la/ gang gi phyir gang zhig dam tshig dang sdom pa la sogs pa la gnas pas ni shes rab ste/ yun ring mor gus pa rgyun mi 'chad par lhan cig skyes pa goms par byas pa las de nyid rgyal bar 'gyur ba'o/ /des na skye 'gro bskyed pa ni sangs rgyas rnams bskyed la ste rab tu rdzogs par byed pa'o/ /sring mo nga ni skal ba ste/ /skal ba shes gsal bar ston pa las so/ /de yang lhan cig skyes pa lhan cig tu khong du chud pas kyang skal so sor ston par byed par 'brel to/ /sems rnam par dag pa la sogs gdong bzang ba la sogs pa phyi rol yon tan dang/ sgrub pa po dang sems mthun pa'i sems can dang rnal 'byor ba sgyur zhing 'tshod pas na btso blag ma 'am/ nang du skyes pa'i byad par gyi bu rnams dang/ sems can dang/ nor dang gos la sogs pa rnams kyang 'ched pa 'dis na yang ngo/ /yon tan 'jo phyir zhes pa ni/ stobs bcu dang mi 'jigs pa la sogs pa'i yon tan rnams 'jo zhing 'gengs pa'i phyir dang/ pha ma dag las rang nyid skyes pas kyang cung zad 'dra ba'i yon

  448. 224b

    tan bzhos nas bdag nyid du 'gengs par byed pa 'dis kyang ngo/ /g.yo ba'i phyir zhes pa ni 'jig rten pa'i rnam par bzhag pa dag la'o/ /de yang g.yo ba ni g.yo ba'i gnas skabs te brdzun pa'i chos can yin pa'i phyir ro/ /nang nas skyes pa'i khar par gyis kyang gar ma ste/ g.yo bas na'o/ /mi reg pa zhes bya ba la reg pa ni gzungs ba la sogs pa'i mtshan nyid do/ /don dam par de yod pa ma yin zhes pa dang nang du skyes pa'i khyad par gyi bus kyang mi rig pa zhes bya'o/ /gtum mo ma brjod ba ni mi reg pa nyid kyis bsdus pa'o/ /de lta bu bkod cing gsal ba byas pas ni/ skyed byed ma la sogs pa'i sgra 'am/ yang na shes rab dag pa ste/ sems can gyi bsam pa'i bye brag shes par byas la/ drang don du gsungs so/ /de skad du yang bsam pa'i bye brag ji bzhin du/ sems can rnams la bshad par 'tshal zhes gsungs pa'o/ /slob ma'i don du chu la sogs pa dang/ slob dpon du dbang bskur ba thob nas drang don bshad par bya ba ni/ /sngags kyang med ces bya ba la sogs pa mdor bstan pa'i sngags dang rgyud kyi rgyas par bshad pa gsungs pa/ brjod pa bzlas pa zhes bya ba la sogs pa la/ brjod pa ni dag tu'o/ /de yang ji srid du brjod pa de srid ni sngags so/ /gang zhe na/ gsungs pa/ A li zhes bya ba la sogs pa ste/ A li dang kA li brjod pa'i bdag nyid do/ /de dag brjod pa'i bdag nyid can gyi gra dang ldan pa'o/ /des na yang/ A li kA li ma gtogs pa'i sgra ni gang yang yod pa ma yin la/ sngags ni sgra'i bdag nyid can te de ni bdag med pa nyid do/ /des na sngags ni bdag med pa zhes bya ste sngags kyi de kho na nyid do/ /dkyil 'khor la sogs pa de kho na nyid bshad pa ni ji lta bu zhe na/ lus la bya'o zhes gsungs pa/ rkang pa'i rjes ni/ zhes bya ba la/ rkang pa ni ye shes te/ de nyid rjes su bya bas na rjes so/ /gang yang ye shes kyi dkyil

  449. 225a

    'khor nyid rjes shes pa'i don to/ /des na yang rnal 'byor rgyun mi 'chad pas rten dang brten pa'i dkyil 'khor gyi rang bzhin sems kyis 'dri zhing sgom par byed pa'o/ /de dag gis ni phyi rol gyis dkyil 'khor gyis ci zhig bya zhes pa'o/ de kho na nyid bshad pa'i skabs su ye shes tsam nyid dkyil 'khro gi de kho na nyid yin pas na rang gi sems nyid bsgom mo zhes pa'o/ /ci zhe na/ gsungs pa/ nyid phyir zhes bya ba la sogs pa la/ lag pa nyed pa ni byang chub tu 'dzin zhing 'chad pa las so/ /sor mo nyid pa zhes bya ba ni song tshigs nyed pa de nyid phyag rgya'o/ /sor tshigs nyed pa yang phyag rgya ste/ ji srid lus kyi rnam par g.yeng ba la sogs pa phyag rgya yin par ni de nyid kyi dag las so/ /des na rtag tu rnal 'byor dang ldan pas ni phyag rgya dang// lag pa nyid pa la sogs pa nyid kyis ci zhig bya ste/ 'bad pa med pa'i phyag rgyas 'grub ces bya ba'i don to/ /bsam bya dang/ bsam gtan du gyur pa'i dkyil 'khor gsungs pa/ dkyil 'khor zhes bya ba la sogs pa la/ gang bsams de ni bsam gtan no// zhes bya ba ni sems nyid du gnas par byas pa'o/ /gang yin zhe na/ gang rnam pa sna tshogs pa'i bsam gtan te/ phyag bzhi pa la sogs pa'i gzugs rnam su bsams pa'o/ /sngar gyi rjes su gyur pa de'i yang dang yang du dran par bya'o/ /zhes pa ni bsam gtan gyi dkyil 'khor du bshad pa'o/ /da ni ye shes kyi de kho na nyid gsungs pa/ pa la bde thob ces bya ba la sogs pa la/ pha zhes bya ba ni byang chub kyi sems te/ bde ba las skyes pa'i phyir ro/ /yang na bdag nyid ni pha ste de yang khyod rang yang ni de'i pha zhes 'chad par 'gyur ba'i ngag las so/ /thob pa zhes pa ni dga' ba la sogs pa'i dbye bas cha yang dag par phye ste/ 'dir thob par blta'o/ /ci zhe na/ gsungs pa/ bde ba nyid ni bde ba gang yin pa'o/ /de'i bde ba ni zhes pa ni rang nyid dang de'i bdag nyid nyams su myong ba ste/

  450. 225b

    ma lus pa bde ba nyid du rang rig par nyams su myong ba'i phyir ro/ /bdag nyid la nyams su myong bar dper bya ste/ der gzhan dag rnams la yang der dpag cing gzhal ba las yin gyi nyams su myong ba ni ma yin no/ /de dag gis ni thun mong du brjod nas khyad par du gsungs pa/ 'chi ba 'dir zhes pa la sogs pa la/ 'chi ba ni yul rnam pa lnga rnams dang/ dbang po lnga dang bral ba ste gang zhig gi bde ba dga' bral rgyu las gyur pa ste/ gang yang yid kyi dbang po 'ba' zhig bde ba la dmigs nas gnas pa tsam mo/ / de'i bde ba zhes bya ba ni des na dag 'bral gyi bde ba'i rgyu las byung ba gang gi bde ba ni de'i bde ba'o/ /de yang de'i bde ba ni lhan cig skyes pa rtogs pa'i byed rgyu ste des ni de'i bde ba nyid bsam gtan no/ /bsam bya ni ye shes kyi dmigs par bya'o/ /zhes pa'i dbang du byas pa ni de las skyes pa'i lhan cig skyes pa'o/ /lhan cig skyes pa la ni dmigs par bya ba la dmigs par ma grub pa'o/ /des na yang lhan cig skyes pa nyid ye shes kyi de kho na nyid yin par dgongs la/ lhan cig skyes pa nyid kyang rang bzhin med pa'o zhes dgongs so/ /de dag ni dgyes pa'i rdo rje'i rnam par 'grel pa las/ de kho na nyid kyi le'u ste lnga pa'o// //de kho na nyid la 'jug pa lha rnams bsgoms pa la sogs pas rang gi khyim 'am/ dur khrod la sogs par sngar bsnyen pa'i tshogs dgug pa la sogs pa'i nus pa skyes pas de kho na nyid la rang gi sems brtan zhing rtogs pa'i don du rnal 'byor pas rnam par rtog pa med pa'i spyod pa bya ba ni spyod pa'i le'u gsungs pa/ de nas zhes bya ba la sogs pa la bdag gi de kho na nyid la sogs pa bstan pa las gzhan pa'i skabs shes par byas la/ spyod pa bshad par bya'o zhes par 'brel to/ /rnam par rtog pa med pa nyid du bstan pa dang/ nges pa'i don du spyod pa 'dis tha snyad du

  451. 226a

    byed pa ste spyod pa yang rna tsha bzang po la sogs pa 'dzin cing rigs rnam pa lngas 'chag pa la sogs pa mtshon pa ste/ de ni 'jig rten las brgal zhing mchog dang/ phul du gyur pa'i mthar thug pa ste/ bzang po'i rang bzhin du gyur pa nyid las so/ /des na gsungs pa/ spyod pa zhes pa'o/ /spyod pa byed pa'i dgos pa gsungs pa/ mthar 'gro ba zhes pa gsungs te/ dngos grub ni spyod pa byed pa gang gis phyag rgya chen por ro/ /mthar zhes pa ni lhag mar gtugs pa'o/ /'gro ba ni rdzogs pa ste/ phyag rgya chen po'i dngos grub tu 'gyur ba dang/ rtogs pa zhes bya ba'i bar du'o/ /de spyod pa bya ba la rab tu bshad bya zhes bya bar 'brel to/ ji lta bu zhe na/ gsungs pa kye'i rdo rje zhes bya ba la sogs pa ste thabs dang shes rab kyi ye shes dag go /dngos grub ni rtog pa med dang/ brtan pa dang/ nges par brtan pa ste/ de'i rgyur gang gi phyir spyod pa byed pa de bzhin du'o/ /gsungs pa/ de dag gis spyod pa byed pas rtogs pa med cing dngos grub bstan pa'i don du ste/ des kyang phyag rgya chen po grub pa'o zhes shes par bya'o/ /spyod pa gsungs pa/ sgom pa po zhes bya ba la sogs pa ste/ sgom pa byed pa ni lha rnams kyi rnam pa ma byung ba nyid las bsnyen cing bsten pas na sgom pa po'o// bzang zhes pa ni lha rnams kyis bzang pa ste/ lha rnams dang rol par gyur pas na bzang ba'o/ /rna cha dag la ji lta ba de bzhin du 'khor lo la sogs pa yang ste/ des na rus pa'i rna chas ni skyon med cing rol pa'i don du ste/ 'dzin zhes pa'i rnam pas so/ /lag gdub gnyis zhes bya ba ni keng rus kyi phreng ba gnyis so/ /bcu phyed ni bdud rtsi rnam pa lnga'o/ /bza' ni rnal 'byor pas gang gi tshe bdud rtsi za ba de'i tshe brtags na bzang rung zhes shes par bya'o/ /de'i spyod pa yang ji

  452. 226b

    lta bus she na/ gsungs pa he ru ka zhes bya ba la sogs pa gsungs te/ he ru ka'i sbyor ba ni gang gi tshe de? gcig pa'i ting nge 'dzin de'i tshe'o/ /de la gnas pas za ba dang/ nyal ba la sogs pa rnam par mi rtog pas 'jig rten pa'i 'phrog pa'o/ /cis she na/ gsungs pa/ rigs lnga dbang gis shes pa ste bram ze dang/ rgyal rigs dang/ rje'u rigs dang/ dmangs rigs dang/ mthar skyes rnams ji ltar gser gyi rnam pa lta bu rnams so/ /de nyid ji lta bu zhe na gsungs pa/ lnga zhes bya ba la sogs pa ste yang dag par ldan pa ni gang zhig tu bsdus pa ste/ lnga po rnams kyi rigs rnams so/ /des na rigs gcig tu ni rnam par brtags ces bya ba la/ ni'i sgras ni khyad par du gyur pa'i don to/ /rigs gcig ni gcig pa rnams so/ /brtags te rnam par bzhag ces pa ni lhag ma'o/ /bram ze la sogs pa rnams las gang yang rung ba gcig po de nyid du brtags pa ni mchog ste/ gcig tu brtags pa mchog yin pas lnga po dag gis ci zhig bya ste bsdus pa'i rnam pa zhes dgongs so// ji lta bu zhe na/ gsungs pa/ du ma nyid kyis ni zhes bya ba la sogs pa la/ du ma ni cig pa las mi mthun pa ste/ mang po dag gi dbye ba'o/ /de dag gi rigs ni bram ze la sogs pa gzhan rnams dag gis ni mtshan par mi bya zhes pa ste/ gang gi phyir khyad par gyi mtshon bya med pas so/ /des na yang gcig tu gyur pa'i rnam pa ni khyad par te mi phyed pa nyid do/ /ji lta bu zhe na/ brjod par bya ste/ 'di lta ste dper na/ nyon mongs pa'i phung po dang/ khams dang/ skye mched rnams dang khu ba dang/ khrag la sogs pa rnams dang/ skad cig ma dang/ stong pa la sogs pa'i mtshan nyid can gyi chos rnams ni bram ze la sogs pa lnga po rnams la thun mong du mthong ba ste/ de dag gi dbye ba ni rnam par bzhag pa tsam mo/ /de bas na

  453. 227a

    rigs gcig tu rnam par bzhag ste/ sgyu ma lta bu'i rnal 'byor pas tha snyad kyi lugs tsam du gnas par bya zhes bya'o/ /nus pa dang mi ldan pas spyod par bya ba ma yin zhes pas na dngos grub bsgrub pa'i gnas pa/ shing gcig ces bya ba la sogs pa ste/ 'dir yang mtshan mo zhes pa'i mdza' tshig gsum gyi tshigs su bcad pa'o/ /gcig ni nye ba ma yin pa dang gnyis ma yin pa dang/ grib ma bltos pa med pa'i khyad par du gyur pa'i shing dag go /bzang bar zhes bya ba ni rang gi khyim du sngar bsten pa byas pas rang gi 'dod pa'i lha rmi lam du mthong ba dang/ dang por nag por bsgom par bya zhes bya ba la sogs pa le'u brgyad pa las gsungs pa'i mtshan ma mthong ba dang/ sems bskyed pa la sogs pa dang/ ji ltar grub pa de ltar dgug pa la sogs pa'i dngos grub ni don du gang dur khrod la sogs pa rnams su bsgom pa de ni bzang bar brjod do/ /ma mo'i khyim zhes bya ba ni tshangs ma dang/ drag mo la sogs pa ma mo bdun po de rnams kyi gzugs brnyan de dag gang du gnas pa de ni ma mo'i khyim mo/ /de dag ni mtshan mo yang ngo/ /yang na/ dben pa 'am bas mdza' ru zhes bya ba ni rang dbang du gnas pa'o/ /dben pa zhes pa ni ri'i bya skyibs la sogs pa 'am/ ma rungs pa'i skye bo spangs pa'o/ /bas mdza' zhes pa ni bar mtshams thag ring ba ste/ sgrib g.yogs kyis chod pa dag go /de lta bu ni bas mdza' ste/ gling la sogs pa'o/ /sgom pa bzang bar brjod par bya zhes pa ni kun la sbyar ro// cung zad zhes bya ba la sogs pa ni ji lta bu yang ste/ gnas rnams su bsgom pa la sogs pa dang/ nor bu dang sngags la sogs pas nus pa thob pa'o/ /yang ci zhe na/ rtogs zhes bya bar 'brel te de dag gis ni phyag rgya chen po'i dngos grub kyang rtogs shes

  454. 227b

    pa'i don to/ /de yang sngags la sogs pa'i nus pa'i bya ba ni phyag rgya chen po'i dngos grub tu 'gyur pa'o/ /ji ltar byang chub sems dpa' i phyag dang zhabs la sogs par 'khor lo rtsibs stong dang ldan pa la sogs pa'i mtshan mar son pa ni yang dag par rdzogs pa'i byang chub tu 'gyur ba bzhin no/ /sngags la sogs pa nus pa 'bras bur gyur pa mthong bas sangs rgyas su 'gyur bar byed par rjes su dpag go /ji ltar 'jig rten na yang grog mo 'pho bar gyur pas de ma thag tu char 'byung ba bzhin no/ /sangs rgyas ji lta bur 'byung zhe na/ spyod pa byed ni 'dod ces pa la/ ni'i sgra ni khyad par du gyur pa'i spyod pa byed ces pa'i don to/ /dngos grub kyi mtshan ma mthong bas spyod pa brtsam par bya'o/ /zhes gsungs pa/ dngos grub ces bya ba la sogs pa la/ dngos grub ces bya ba ni phyag rgya chen po'i dngos grub po/ /'dis ni zhes bya ba ni 'chad par 'gyur ba gang gi spyod pas so/ /spyod pa ni rig ma dang lhan cig /'grogs par bya'o zhes pas spyod par bya'o zhes gsungs pa/ shin tu bzhin bzangs zhes bya ba la sogs pa rang gi zhes bya ba ni/ bdag nyid kyis dbang bskur ba ste/ rang nyid kyi chos thams cad kyi man ngag de la sbyin par bya zhes bya ba'i don to/ /sgrub pa po'i rang gi bdag nyid du gyur bas 'khyud cing dbang bskur ba ni khrus byas pa dang ldan pa'o/ /kha cig ni sgrub pa pos ji srid du bdag gis bar byas pas so zhes pa'o/ /snying rje can zhes bya ba la/ snying rje de ni dngos grub tu 'gyur ba'i rtsa ba'o/ /zhes pas na snying rje dang ldan pa'o/ /de yang snying rje dman na 'grub mi 'gyur zhes pa 'di nyid kyi ngag las so/ /rdo rje bu mo zhes bya ba ni sngar gyi lo rtsa pa? bsten pas tshes bsten par nus pa nyid kyi bu mo bskyed cing bsdu ba ste/ de yang bcu drug pa'i na so can no/ /gzung zhes pa ni lag pas gzung zhing khyer ba ste/ 'jus zhes bya ba'i don to/ /rang gis dbang bskur zhes bstan pa ni rang gi

  455. 228a

    khyim thabs lta bu 'am/ gzung zhes pas nges par shes pa'o/ /spyod pa bya bar rtogs zhes bya ba ni de nyid nye bar bsdu ba'i don to/ /yang bskyar te bstan pa des na yang gang gi tshe 'di lta bu'i bu mo rnyed pa de'i nges pa'i dngos grub tu'o zhes shes par bya'o/ /rdo rje rigs kyi dngos med na zhes bya ba la sogs pas ni phyogs gzhan bstan par byed do/ /rang zhes bya ba ni rang gi mtshan nyid bstan pa'o/ /'dod pa ni rang gi'o/ /lha'i rigs ni de lta bu'o/ /gzhan zhes pa ni rdo rje rigs la sogs pa rnams las te/ rdo rje rigs la sogs pa las gzhan pa zhes bya ba'i tha tshig go /de mtshon par byed pa yang/ skyes pa 'am ni bud med kyi/ /gang gi srin lag rtsa ba na/ /rdo rje rtse dgu par gyur pa/ /mi bskyod pa ni dam pa'i rigs zhes bya ba la sogs pa 'chad par 'gyur ro/ /phyogs gsum pa gsungs pa/ yang na zhes bya ba la sogs pa la gzhan gyi rigs las byung ba zhes bya ba ni dga' bzang ma la sogs pa dgug pa'i rnal 'byor ma mchog rnyed pa'o/ /byang chub kyi sa bon ni rgyu'i chos rnams so/ /de'i bcug ces pa ni dgod cing gsal bar ston pa'o/ /des sbyangs pa zhes pa ni tha mal pa'i gnas skabs las grol ba'o/ /gzung zhing khyer zhes pa ni de lta bu rnyed nas spyod par bya'o// zhes sngar gyi 'brel to/ /gal te zhes bya ba la sogs pa la/ rdo rje ni mi phyed pa ste/ sba ba dang gsang ba dang/ de kho na nyid ces pa'i bar du'o/ /de mngon par rtogs pas na tshig ces bya ste/ rdo rje'i tshig go /des ldan pa ni 'brel pa ste/ glu blang zhes pa'i don to/ /dga' ba skyes pa ni ngag gi bya ba bstan pa'o/ /lus kyi bya ba gsungs pa/ gal te dga' ba zhes bya ba la sogs pa la/ thar pa'i rgyu zhes bya ba ni so so'i skye bo'i gar rnams ni gzung ba la sogs pa'i mngon par

  456. 228b

    zhen pa de rnams rnal 'byor pas ni de la mngon zhen pa med pa ste/ de bas na gar gyi bya ba ni thar pa'i rgyur gyur pa yin no/ /rdo rje rkang pa zhes pa ni goms stegs? sbas pa'o/ /de rnams ni du zhe na/ 'di lta ste/ g.yas pa'i brla cung zad bskums te rkang pa g.yas pas gnas pa'i mtho gang tsam gyi steng du ni shin tu mnan par bya zhing rkang pa g.yon pas shar phyogs la sogs pa rnams su dgod cing bsgyur bya'o/ /de bzhin du g.yon pa'i brla bskums te rkang pa g.yon pas gnas te rkang pa g.yas pas bsgyur zhing dgod par yang de bzhin du bya'o/ /gang yang 'chad par 'gyur ba yang yin la de dag gi rkang stabs brgyad pa'i gar zhes pa ste/ rkang pa gcig la man ngag gis brgyad du bsgyur ba'o/ /yo ga'i zhes pa ni lha'i rnal 'byor dang ldan pas so/ /mnyam par bzhag pa zhes bya ba ni 'jig rten pa'i spyod pa la mos pa dang bral zhing lha'i rnal 'byor nyid dam sems brtan pa'o/ /des na 'di nyid kyis ni sems kyi bya ba yang ston no/ /des na mngon par zhen pa med pa'i thar pa zhes bya bas yang dag par bsdus pa ste/ tha mal pa'i bya ba las bzlog pa'o/ /sems kyi bya ba brtan pa'i don du sngar gsungs pa'i rgyan rnams kyi rnam par dag pa gsungs pa/ mi bskyod pa zhes bya ba la sogs pa'o/ /kha TwAM ga gzugs shes rab ste/ zhes pa ni kha TwAM ga ni dngos po med pa rnam par dag pa'o/ /thabs kyi gzugs kyi cang te'u nyid ces bya ba ni cang te'u rung ba ste/ sgyu ma lta bu'i rang bzhin du rnam par dag pa'o/ /de dag gis ni gnyis ka yang gzung bar bya zhes shes par bya'o/ /zhe sdang rnam par dag ces bya ba la gzung pa la sogs pa la zhe sdang bas zhe sdang he ru ka'o/ /rna cha la sogs pa rnams ni 'jig rten pa'i tshul mi'i rus pa la sogs pa'i bdag nyid rnams kyang mi bskyod pa la sogs pa'i bdag nyid du rnam par dag pas na/ mi'i rus pa la sogs pa'i rna cha la sogs pa rnams

  457. 229a

    lha'i gzugs kyi bdag nyid can du rnam par dag pa'o/ /lha'i gzugs su rnam par dag pa yang bdag med pa nyid du rnam par dag par shes par bya'o/ /de ltar na yang tha mal gyi bag chags kyis bsgom pa'i glu rnams rnam par dag pa'i glu yin la de yang/ rnam par dag pa'i sngags yin la sngags kyang bdag med par rnam par dag pa'o/ /de ltar tha mal gyi lus kyi bya ba'i gar rnam par dag pa'i gar dang/ lha'i gzugs kyang bdag med par rnam par dag pa zhes bya'o/ /de lta bu nyid gsungs pa/ sngags su gnas zhes bya ba la sogs pa ste/ glu dang gar dag ni bsgom pa dang/ bzlas pa'o/ /des na gnyis ka rnal 'byor pas spyad par bya'o/ /zhes gsungs pa de'i phyir zhes bya ba la sogs pa la/ rtag par rtag tu zhes bya ba ni blang bar 'dod pa yang gang dang gang du dga' ba ma skyes pa de'i tshe ni len par 'dod pa med pa ste/ de dang der zhes pa'i don to/ /sman ni zhes bya ba la sman pa sangs rgyas bcom ldan 'das te/ nyon mongs pa thams cad kyi nad gso bar byed pa'i phyir ro/ /des na gsungs pa sman ni bdud rtsi lnga'o/ /de yang sbar ba la sogs pa la sogs pas sbyangs te bza' bar bya'o/ /de skad du yang/ mi 'chi bcu phyed bza' ba zhes mdor bstan pa bshad pa'i tshig go /chu ni rtag par btung ba nyid ces bya ba la ba'i sgra ni sdud par byed pa ste/ rtag tu ma yin par yang zhes pa ste/ dang po'i don la gnyis pa'o/ /a ri ni sgra ste/ 'dod chags la sogs pa rnams dang 'gal pa'i las rnams so/ /rtag par ni rgyun tu gnas pa de dag nyid btung bar bya'o/ /de yang gang gi phyir chu la sogs pa 'thungs pas ni rdzing la sogs pa nas kyang zad par 'gro bas de yang des stong ngo zhes brjod pa ltar 'dod chags la sogs pa rgyun tu

  458. 229b

    gnas pa rnams kyang rnal 'byor pas 'thungs na de dag kyang de der zad par 'gyur ro/ /sman la zos pa dag gis ni cir 'gyur zhes na/ gsungs pa/ rga shi zhes bya ba la sogs pa la/ rgas pa dang 'chi ba dag gis mi 'joms pa'o/ /gang yang cho ga 'dis ni rtag tu bsrung bar gyur pa yin te/ gang gi phyir kun kyang mngon sum du 'chi ba la sogs pa med par 'gyur ba'o/ /'chi ba yang las dang nyon mongs pa'i dbang las gyur pa ste/ cho ga 'dis ni rnal 'byor pa rnams las dang/ nyon mongs pa shin tu phra ba nyid du 'gyur ba'o/ /rgas pa dang 'chi ba ni ci zhe na/ de na rim pa 'di yang byang chub bsgrub pa la goms par byed pa ste/ bsrung ba'i 'khor lo la sogs pa dang 'dra ba'o/ /hUM byung ni lhag pa'i he ru ka ste/ de dang nye bar gyur pa yang hUM byung zhes de skad du brjod pa'o/ /shing la sogs pa'i bdag nyid he ru ka'i skur bsam pa yin gyi mos pa tsam gyis ni ma yin no/ /de skad du yang/ sku gsung thugs kyi rdo rje rnams/ /lus ngag yid kyi sgom pa ste/ /rang bzhin nyid du byas pas na/ /des ni dngos grub thob pa'o zhes gsungs so/ /lnga zhes bya ba la sogs pa ni rnam par snang mdzad la sogs pa rnam par dag pa'i thod pa rnam pa lnga dpral ba'i steng du 'dzin pa'o/ /rnal 'byor spyod pa zhes bya ba ni theg pa chen po gsang sngags kyi spyod pa'o/ /des na rnam pa lnga po la sogs pa de dag kyang sangs rgyas rnam pa lnga'i rnam par dag par shes par bya'o/ /thal ba zhes pa ni dur khrod na gnas pas so/ /de bzhin du sgra'i mchod phyir thogs pa yang ngo/ /rdo rje zhes bya ba la sogs pa la mi phyed pas na rdo rje ste/ gzung ba la sogs pa mngon par zhen pa med pa'o/ /ji ltar zhe na kaM ni bde ba skyong bar byed pas na rdo rje thod pa'i he ru ka ste/ de'i spyod pa'o/ /brkam dang zhes bya ba ni gzung ba'i dngos po'o//

  459. 230a

    rmongs dang zhes bya ba ni ma rig pa ste gzung pa la sogs pa'i mngon par zhen pa'o/ /nges nye bar mtshon pas 'dod chags la sogs pa nyon mongs pa rnam pa lnga blta bar bya'o/ /chu ni rtag par btung ba nyid ces pa mdor bstan pa'i rgyas par bshad pa gnyis so/ /'jigs dang zhes bya ba ni rnam par g.yeng ba'o/ /khro zhes bya ba ni bdud rnam pa bzhi'i gnod pa 'ong ba la sems kyis 'joms pa'o/ /khro tsho ba ni 'dzem pa ste sems kyi zhum pa'o/ / de'i bya ba ni brtan pa'i bya ba la sogs pas spong ba'o/ /gnyis ces pa ni bdag med pa ste/ 'dzin pa'i bya ba la mi sems pa'o/ /de yang rkang pa la sogs pa'i thun mong du lha dang/ lha ma yin dang/ mi rnams dang/ dmyal ba dang/ byol song la yang yod la/ ngo tsha ba'i bya ba ni lha dang/ lha ma yin pa dang/ mi rnams la'o/ /de bas na thun mong dang/ khyad par gyi dngos grub rnams kyis nyon mongs pa dang/ nye ba'i nyon mongs pa spong ba'o/ /bdag nyid ces bya ba ni gnyug ma'i lus so/ /spangs na zhes bya ba ni nye bar 'tshe ba thams cad bcom nas spyod pa bya'o/ /zhes bya bar 'brel to/ /rnal 'byor pa bdag tu 'dzin pa med par gyur pas ni nyon mongs pas gnod pa ma yin pa'o/ /des na yang rnam par rtog pa dang bral bas kun tu bzang po'i spyod pa byed pa nyid ni ci ste 'dir the tshom du gyur zhes dgongs so/ /lus kyi zhes bya ba la sogs pa la gang gtong bar byed pa de la ni len pa nyid gtso bo nyid yin gyi/ lus gtong ba ni gtso bo ma yin no/ /'o na lus gtong ba ma yin nam zhe na/ sems can thams cad la de ster bar byed pa yang de bdun la ste/ /sems can rnams nyid la'o/ /des na yang sems can rnams nyid kyi don du khyad par bya ba'i tshul gyis spyod pa spyod par byed pa'o/

  460. 230b

    ci yang 'dis bdag nyid kyi dngos po gtong bar byed pa yang rang gi sems nyid kyis te/ gang cung zad bsod nams cu'i skyes pa de dag thams cad kyang sems can thams cad kyi don du'o zhes shes par bya'o/ /spyod 'di yang 'di ni sems can thams cad do snyam pa'i bsam pa 'dis lus 'di sbyin par byed pa'o zhes pa ni ma yin no/ /'o na de ji ltar lus de byin la spyod pa byed pa yin zhe na/ gsungs pa skal dang zhes bya ba la sogs par skal ba ni rang gi lus kyi mtshan nyid do/ /skal mi ni sems can thams cad kyi mtshan nyid/ 'di bdag ni lan tshun ma yin par dgag pa'o/ /de nas de dag nyid du dpyad par bya ba ma yin pa'o/ /bdag tu 'dzin pa med pas sems can thams cad dbyer med cing de rnams dang bdag nyid mi gzhan pa ni 'gro ba'i rang bzhin chos kyi // dbyings kyi rang bzhin du mnyam pa 'dis yin gyi gang gi phyir spyin pa ni rnam par dpyad cing thams cad du sbyin par bya ba ma yin pa nyid do/ /des kyang der skal ba yang dag par 'byung bar 'gyur ba las so/ /de nyid 'chad par 'gyur te/ gang phyir 'gro kun nga las byung/ /srid gsum po yang nga las byung/ /nga yis 'di kun khyab pa ste/ /'gro ba'i rang bzhin gzhan ma mthong/ zhes pa'o/ /gang gi tshe rang bzhin mi 'byed pa'i blo skyes pa de'i spyod pa spyad par bya'o zhes dgongs so/ /brkam pa la sogs pa bstan pa'i bshad pa gsungs pa/ bza' bca' zhes bya ba la sogs pa la bca' ba ni khur ba la sogs pa'o/ /bza' ba zhes pa ni gsol ba la sogs pa'o/ /btung ba nyid ni 'thung ba ste btung bya'i rdzas so/ /de yang ji ltar rnyed par bza' ba'o/ /ci'i phyir zhe na/ gsungs pa/ zhen pa tsam zhes bya ba la sogs pa la/ gang gi phyir dngos po dang dngos po med par 'dzin pa nyid ni zhen pa ste de btang bar bya pa'o/ /bza' dang bza' min zhes bya ba la sogs pas ni sngar gsungs pa'i

  461. 231a

    rgyas bar bshad pa'o/ /bla ma la bsnyen bkur ba'i don du gsungs pa/ dngos grub ces bya ba la sogs pa la/ dngos grub ni dgug pa la sogs pa'o/ /yang dag ye shes zhes bya ba ni/ gnyis su med pa'i ye shes so/ /mngon phyag 'tshal zhes pa ni bla ma la zhes pa ste/ yi ge dgu pa'i tshig go /bsgom pa'i dus su yang mchod pa'i rjes la phyag bya bar blta'o zhes bstan to/ /de dag ci'i phyir zhe na/ gsungs pa/ mnar med ces bya ba la sogs pa la/ yang ba ni btang pa ste ngo bo yang ngo/ / gal te bla ma ma mnyes bkur sti mi byed pa de ni grub par gyur kyang de mnar med par 'gro ba yang cis 'grub par 'gyur zhes pa'o/ /bslab dang zhes pa ni bzo la sogs pa'i rigs pa'i rig pa bslab pa'o/ /cho ga ni skar breg pa la sogs pa'i btul zhugs 'dzin pa ste/ gang de mchod sbyin ni phyi rol gyi'o/ /dka' thub ni bud med dang/ nya dang sha la sogs pa spong ba'o/ /sngags dang bsam gtan rnam par spangs zhes bya ba ni dgyes pa'i rdo rje'i sngags dang/ bsam gtan gcig pu la gzhan pa'i lha'i sngags dang bsam gtan te de dag spang bar bya'o/ /yang na sngags dang bsam gtan ni las kyi tshogs bsgrub pa'i don du ste de dag spang bar bya'o/ /dam tshig ces pa ni 'jig rten pa'i rnam par bzhag pa'o/ /sdom pa zhes pa ni 'jig rten las 'das pa'i bya ba nyid kyis so/ /de la 'jigs pa ni 'jigs pa'o/ /'jigs pa bstan pa'i bshad pa ni/ brgya byin zhes bya ba la sogs pa ste/ ji ltar seng ge ni thams cad la dman par blta zhing gnod par yang mi byed pa'o/ /de bzhin du rnal 'byor pas kyang ngo/ /snying rjes gzhan gyi don bya ba gsungs pa/ rnal 'byor pas sems can thams cad bsgral ba'i sems kyis dus thams cad du btung bar bya'o/ /snying rje ni srid pa ste de dang ma bral zhes pa'i don to/ /de dag ni rnal 'byor pa'i chos te/ sems can gyi don las gzhan pa'i bya ba med ces

  462. 231b

    pa'o/ /des na gsungs pa kun gyi zhes bya ba la sogs pa'o/ /yang na snying rje'i bya ba rnal 'byor pa'i sems kyis/ btung ba ni 'thung ba ste/ bdag tu 'dzin pa thams cad 'thung zhes pa'i don to/ /chang dang pur chang la sogs pa btung ba ni g.yeng ba byed pas na 'gog pa gsungs pa/ rnal 'byor zhes bya ba la sogs pa ste/ nus pa thob pa'i rnal 'byor pas yul dang dus dang gnas dag tu chang la spyad par bya ba ma yin no zhes 'chad par 'gyur te/ de nas rang nyid btung par bya zhes bya ba la sogs pa'o/ /de bzhin du gang gi tshe chang la spyod pa de'i tshe mchod par bya ba ma yin mor/ yang na gal te btung ba dang btung ba ma yin pa gnyis med pas btung bar bya zhing de'i tshe yang rtsed mor ni ma yin te/ rnal 'byor nyams par 'gyur ba'i phyir ro/ /gzhan du na sems can thams cad kyi don nyid lha'i rnal 'byor gyis bsgrub pa las nyams par 'gyur ro/ /de dag ni dgyes pa'i rdo rje'i rnam par 'grel pa las le'u drug pa'o// //da ni spyod pa'i rnal 'byor pa rnams kyi 'grub pa'i rnal 'byor ma rnams blta ba'i don du/ gnas dang zhing la sogs pa rnams su bgrod cing/ de rnams las mngon par 'dod pa'i grub pa'i mdza' bdag dang 'brel pa las rtogs pa'i phyir dang/ de rnams dang bdag mnyam zhing 'dra bar bskyed pa'i don du de dag brda ster bar rigs so zhes pa dang/ brda la goms par yang rigs shes pa'o/ /brda chen zhes gang mdor bstan pa nas brtsams te/ le'u gsungs pa/ de nas zhes bya ba la sogs pa ste/ tsho ma'i sgra'i brda can te/ de yang brda dang ldan zhing phyag rgya'i rab tu dbye ba zhes bya ba'i bar du'o/ /gang gis shes pa ni brda dang ldan pas so/ /spun dang sring mo zhes pa ni thun mong gi grub pa'i mthas gzung ba ste/ gang la des sor mo gcig gis 'ongs sam zhes pa de la gnyis byin pa des ni legs par 'ongs shes pa'i don du brjod do/ /des na gsungs pa/ khyod legs

  463. 232a

    'ongs sam zhes pa la/ brjod ces pa ni khyod legs par 'ongs sam zhes brjod pa'i don to/ /sor mo gcig ston par byed pa de la/ sor mo gnyis ston par byed pa ni shin tu legs par 'ongs pa rtogs pa'i don du ste/ gsungs pa/ gnyis kyis zhes bya ba la sogs pa ste/ bdag ni shin tu legs par 'ongs shes pa'i don to/ /bsnyun gyi zhes bya ba la sogs pa yang sor mo gcig phyag rgya nyid phyag rgya'i lam du blta bar bya'o/ /gos ni zhes bya ba la sogs pa gis? gyon pa dag la ji ltar 'dul bar byed pa'o/ /rtse gsum zhes bya ba ni mthe bos mthe chung mnan te sor mo gsum par byas pa'o/ /'khor lo zhes bya ba ni mthe bo dang/ mdzub mo dag phan tshun du rtse mo sbyar te sor mo gsum dgrol ba sngon du 'gro bas zlum po'i 'chad par byed pa'o/ /phyag rgya zhes bya ba la sogs pa la/ phyag rgya ni rengs bar byed cing 'gog par byed pa'o/ /phyag rgya dang phyag rgya'i lan gyis mtshon par byas te/ phyag rgya dang phyag rgya'i lan ni nges dbye ba ste/ phyag rgya'i rjes la zhes pa'i don to// khyod kyis phyag rgya shes so zhes pa dang lan du rtogs so zhes dgongs so /gang gi phyir dam tshig 'di rnams dgyes pa'i rdo rje'i rnal 'byor pa dang/ rnal 'byor ma rnams kyi yin pa des na ci zhe na/ gsungs pa/ rnal 'byor mas smras pa zhes bya ba la sogs pa la/ rnal 'byor ma zhes pa ni rnal 'byor ma rnams so/ /des smras pa ni sgrub pa po la bstod pa'i phyag rgyar rtogs pa'o/ /bstod pa gsungs pa/ e ma zhes bya ba la sogs pa ste/ khyod ni gsang ba chen po 'di lta bu rtogs pa zhes ngo mtshar ba'o/ /bu ni snying rje che zhes pa ni bod pa ste/ gang rnal 'byor ma rnams kyis de ni rtse ba dang ldan zhing 'gro ba'i don rdzogs par 'dod pa'o zhes de dag gis rtogs pa'o/ /gzhan yang ci zhe na/ gal te zhes bya ba la sogs pa ste/ lag pa

  464. 232b

    gnyis bskums pas phreng ba 'dzin cing brtse bar byed pa de ni phreng ba'i lag pa'o/ /ston pa yang de yin te de dag gis ni 'du bar bya zhes brjed pa'o/ /ji ltar me tog phreng bas ni 'du bar byed pa bzhin du bdag kyang 'du bar bya zhes dgongs so/ /gzhan yang bstan par bya ba ci zhe na gsungs pa/ phreng ba zhes bya ba la sogs pa ste/ ji ltar na brtse bas gzung ba 'di ni de ltar na brtse bas btang ba ni mngon par btang ba'o/ /des na phreng ba yang yin la mngon btang ba yang yin zhes phyis phan tshun du bsdus pa'i tshig gi phrad de/ /des na yang phreng ba mngon btang bar byas nas phreng ba rnal 'byor pa la lan du phreng ba mngon btang byas nas zhes bya ba brjod pas sngar gyi bya ba dag ces bya ba dang 'brel to/ /ci zhe na gsungs pa/ dam tshig ces bya ba la sogs pa ste/ bdag nyid kyis dam tshig gam 'du ba 'am/ tha snyad du gnas te dam bcas pa yin no/ /ji ltar zhen gsungs pa/ phyi rol zhes bya ba ni 'gro ba dang de nyid du 'ong ba yang ngo/ /de'i don ni 'di yin te/ kye bu phyi rol tu zhes pa dang/ gang du zhe na gsungs pa/ de la 'du ba zhes pa'o/ /gang du 'gro zhe na/ gang las 'ongs pa der 'du ba'o/ /su zhe na gsungs pa/ bzang po spyod yul gnas pa zhes pa la bzang po'i rnal 'byor ma rnams dang 'du ba ni mchog ces gsungs pa gang dag dang mi 'bral lo zhes pa'o/ /gang 'dus pa nyid ni bzang po'i rnal 'byor pa de dag dang mi 'bral bar nges par 'gro zhes pa'i tha tshig go /der yang rnal 'byor ma rnams 'dus pa ni 'jig rten pa'i tha snyad las 'das pa'i tshig tu khyod kyis byas pa'o zhes pa des na gsungs pa/ gang smras shes bya ba la sogs pa ste/ dam tshig la gnas pa la sogs pa ste/ phreng ba gtong ba'o/ /de nas yang phreng ba'i lag pas bdag nyid 'du bar bya'o/ zhes ston pa ni phreng ba btang pas mngon par 'du bya'o zhes ston pa'o/

  465. 233a

    yang na 'jig rten las 'das pa'i rang gi grub pa'i mdza' mi 'gogs par bkug cing smra ba ste/ rnal 'byor mas de dag thams cad bya'o zhes brjod pa ste/ de dag gis ston pas 'grub ces pa'o/ /de nas 'du ba'i gnas gsungs pa/ gnas dang zhes bya ba la sogs pa ste/ de dag kyang go sla'o/ /'di rnams zhes bya ba la sogs pa la/ 'di rnams ni sa bcu gnyis po ste sa bcu gnyis rnam par dag pa zhes pa'i don to/ /sa bcu dbang phyug mgon po nyid/ /'dis ni gzhan gyis brjod mi bya zhes bya ba ni gang gi phyir sa bcu'i dbang phyug dang/ mgon po he ru ka'i gnas 'di rnams kyis brjod pa'o/ /cir 'gyur zhe na/ gzhan gyis ma yin par 'di nyid byang chub sems dpa' i ye shes kyis dag las dbyer mi phyed pas de'i rang bzhin te/ sa rnams rnam par dag pa zhes bya ba'i don to/ /de rnams ni rab tu dga' ba la sogs pa'o/ /de yang 'di lta ste sa dang po ni rab tu dga' ba'o/ /de bzhin du dri ma med pa dang/ 'od byed pa dang/ 'od 'phro ba dang/ sbyang dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang chos kyi sprin no/ /sa bcu gcig pa ni sangs rgyas kyi sa'o/ /sa de dag kyang ci'i phyir sangs rgyas bcom ldan 'das kyis sa dang po rab tu dga' ba zhes brjod ce na/ ci'i phyir na sangs rgyas kyi sa bcu gcig par brjod na'i bar du'o/ /sa dang po ni rgya che ba dang/ 'jig rten las 'das pa'i sems thob pa dang/ brtse ba rgyas shing rab tu dga' ba 'dzin pas na rab tu dga' ba zhes brjod do/ /sa gnyis pa ni bde ba thams cad skyes pas tshul khrims 'chal pa'i dri ma dang bral ba dang 'dzin pas na dri ma med ces brjod do/ /sa gsum pa ni snang ba tshad med pa bsten cing gzung ste de'i ting nge 'dzin dang de'i

  466. 233b

    thos pa dang/ bsam pa yang 'chang bas ni 'od byed pa zhes brjod do/ /sa bzhi pa ni nyon mongs pa'i bud shing ye shes kyi 'od zer gyis bsrags par gyur pas ni de'i byang chub kyi chos bsgoms pas na 'od 'phro zhes brjod do/ /sa lnga pa ni de rnams nyid byang chub kyi phyogs kyi chos rnams te/ de bsgom pa'i thabs lus nyon mongs par gnas pa 'dzin par byed pas na sbyang dka' ba zhes brjod do/ /sa drug pa ni mngon par 'du byed pa la rab tu 'jug pa bsgoms pas mngon sum du byed cing/ phal cher mtshan ma med pa yid la byas pa 'dzin par byed pas ni mngon du byed pa zhes brjod do/ /sa bdun pa ni bar chad med cing rgyun ma chad par mtshan ma yid la byed pas ring por 'jug cing rnam par dag pa'i sa la rab tu 'jug pa 'dzin par byed pas ni ring du song zhes brjod do/ /sa brgyad pa ni mtshan ma med pa lhun gyis grub pas/ mtshan ma dang nyon mongs pa'i bag chags rnams kyis mi g.yo bar 'dzin pas na mi g.yo ba zhes brjod do/ /sa dgu pa ni rnam pa thams cad du chos ston pa la gnas shing skyon med pa shin tu rgyas pa thob pa 'dzin pas na legs pa'i blo gros zhes brjod do/ /sa bcu pa ni nam mkha' ltar lus kyi gnas ngan len pa dag la sprin chen po dang/ chos kyi mdzod lta bu nas spro zhing gsal bar byed pa 'dzin par byed pas na chos kyi sprin zhes brjod do/ /sa bcu gcig pa ni shin tu phra ba'i nyon mongs pa'i sgrib pa rab tu 'joms shing nyon mongs pa 'joms pa la thogs pa med pa rnam pa thams cad du mngon par byang chub pa 'dzin par byed pas na sangs rgyas kyi sa kun tu 'od ces brjod do/ /mos pa spyod pa'i sa ni thams cad kyi nang du chud pa ste/ tha mi dad pa'i phyir ro/ /sangs rgyas kyis yang 'bras bur gyur pas logs shig tu ma bstan pas bcu ste/ rab tu dga' ba la sogs pa

  467. 234a

    dang/ gnas la sogs pa rim pa ji lta ba bzhin du sbyar bar bya'o/ /mos pa spyod pa'i sa dang/ sangs rgyas kyi sa ni dur khrod dang nye ba'i dur khrod pa ji lta ba bzhin du sbyar ro/ /yul bstan pa'i rjes la dus bstan pa'i don du gsungs pa/ nyin par nyid kyang zhes bya ba la sogs pa ste/ yi dags zla phyed ces bya ba'i yi dags rnams ni mngon par 'dod pa'o/ /zla phyed ni phyogs te de yang nag bo nyid do/ /yang na yi dags ni rdo rje 'chang chen po ste/ bdag gi sdig pa rnams bskul zhing 'khor ba'i 'gro ba rnams der khyer bar byed pas na'o/ /de skad du yang/ sdig pa thams cad skul byed cing/ /'khor ba dag ni sgrol pa po/ /des na nga ni yi dags gsungs/ /chos kun rnam par dag ba'o zhes gsungs so/ /lhag ma'i don ni snga ma bzhin no/ /rgyal mtshan zhes bya ba la/ gang mngon par 'phyang ba thams cad rgyal mtshan no/ /mtshon bsnun zhes bya ba ni g.yul ngor bsnun pa'o/ /lan bdun pa yang zhes bya ba la/ lan bdun du bar mchad par mir skyes pa gang yin pa de yin pa ni lan bdun pa ste/ bsod nams dang ldan pa'i skyes bu'o/ /de dag thams cad kyis kyang dam tshig nye bar mtshon pa zhes pa ni lhag ma'o/ /bza' bar bya zhes pa ni chang dag kyang btung bar bya ste zhes dgongs so/ /de yang dam tshig du btung ba ma yin pa ste/ 'on kyang sems cung zad yang dag par dga' ba'i don du'o/ /de yang gang gi phyir 'chad par 'gyur te/ de ni chang yang 'thung bar byed/ de nas rab btung brtul zhugs can zhes pa'o/ /de yang rnal 'byor pas khyad par du lan bdun pa'i sha zhim par bza' bar bya ba yin la/ de yang thun mong du ni khyab pa'i snying rje can gyis so/ /gang zhig rang la chags pas za ba de ni bdag nyid bslu

  468. 234b

    bar rtogs nas gsungs pa/ snying rje zhes bya ba la sogs pa ste/ de yang bdag ni rtag pa dang/ gtsang ba dang/ snying po can dang/ bdag po zhes phung po ltar mnyam pas na bdag nyid bde ba dang/ bdag nyid sdug bsngal ba dang dra la bar 'dod cing bdag nyid la snying rje ba bskyed nas rang gir la sogs pa'i mtho ris kyi don du gsod par byed pa ni slu bar byed pa 'ba' zhig pa nyid do/ /gang gi phyir de lta bu nyid byas pa las 'bras bu shin tu mod pa nyid kyi phyir ro/ / sus byed ce na/ lan du brjod pa mkhas pas so zhes pa ni bzhad gang dang bcas pa'i tshig nyid de/ de yang mkhas pa ni bram ze la sogs pa'i dag la dad pa'o/ /de skad du yang/ rang gir la sogs pa bsod ces pa nang gi byed ba'i ngag go /rigs kun la ni bza' bya ba/ /rtag tu sder chags lnga lnga ste/ /ri bong gzugs mo byi thur dang/ /ba men dang ni rus sbal dang/ /bse dang rnam pa lnga po yin zhes drang srong ba'i tshig go /rnam shes stobs dang shugs kyis ni/ /dud 'gro skye ba bdun gyi mthar/ /rnam pa gang dang gang gis ni/ /blo dang ldan pas bkug sta bza' zhes pa ni bde byed pa'o/ /des na bza' ba yang bsod pa nyid nye bar mtshon pa yin zhing gzhan du na mi gtsang ba nyid du thal bar 'gyur te/ rnam pa gang dang gang gis bkug pa'i khyad par las so/ /des na gang gi phyir de rnams ni mkhas pa ltar snang ba yin te/ rang gi lung dang yang 'gal bar spyod cing don med pa'i cha la brten pa'i the tshom la rab tu 'jug pa'i phyir ro/ /de skad du yang/ rig byed pa na re/ gang gi phyir snying rje chos kyi gtso bo zhes pa'i phyir dang/ ri dags sha sred mchod sbyin byed/ /las kyi bsod nams dman par skyes zhes drang

  469. 235a

    srong las khyab pa dang ldan pa'o zhes gsungs so/ /de la ri dags kyi sha la chags shing sred pas srog chags su skye'o zhes pa ni khyab pa ma grub pa'o/ /yang bde byed kyis gsungs pa/ /thog mar snying che rgyas par bya zhes pa'o/ /des na yang srog bcad pa las thung bar 'gyur bas na don du nges nas de rab tu 'jug pa'i mkhas pa zhes pa na ji ltar bzhad gang kyi gnas ma yin/ la lar yang mkhas pa'o zhes pa'i tshig yod do/ / de'i don ni bdag nyid la snying rje bskyed cing gsod par byed pa de ni mkhas shing rig pa dang ldan pa dang/ shes rab dang ldan pa'o zhes pa'i gtam brgyud dag las so/ /der ni sngar gyi rig pa yis phyin ci log zhes pa la/ mkhas pa ma yin par bshad pa'o/ /des na yang snying rjes 'gro ba'i sdug bsngal 'phrog par bzhed pa'i mdzad ba ni dngos grub thams cad kyi rgyu'o/ /zhes de rtogs pa'i don du gsungs pa/ snying rje ni sdug bsngal dang/ sdug bsngal gyi rgyu'i 'gro ba don par 'dod pa'i mtshan nyid can no/ /gang de lta bu yin mngon spyod la sogs pa ji ltar gsungs she na/ gdug pa zhes bya ba la sogs pa/ gdug pa ni dkon mchog gsum la gnod pa la sogs pa'i las kyis bdag nyid la sdug bsngal 'phel bar byed pas na ma rungs pa ste/ de rnams kyi de dag spangs pas yang dag pa'i lam la sbyar ba'i don du mngon spyod la sogs pa thams cad ni rab tu grags par zad do/ /de yang ji lta bu zhe na/ gsungs pa/ cho ga'i gtso bo zhes bya ba la sogs pa la/ cho ga ces pa ni cho gas sgrub par byed pa'o/ /yang gtso bo ste/ cho ga'o/ /des na cho ga'i gtso bo'i sgras ni gtso bo'i cho ga zhes shes par bye ste snying rje brjod par bya ba'i don

  470. 235b

    gyi nang nas phul du byung ba'i phyir ro/ /snying rje phal che ba'i yid can nyid la mngon spyod la sogs pa rjes su gnang ba yin no/ /de bas na yang ci phyir sdug ba la sdug bsngal ste zhe na/ gang ji srid du sdig pa'i rgyu las ldog pa de srid du yin gyi/ sems can la spyor pa dang bral bas ni ma yin no/ /'dis kyang mngon spyod la sogs pa'i blo yang snying rje'i rab tu sbyor ba'i khyad par las so/ /de la 'du ba'i gnas su gang bya ba'i don du bstan pa gsungs pa/ de la 'di ltar zhes bya ba la sogs pa la/ nyin mo bcom ldan rdo rje can/ zhes pa ni nyin mo'i thabs kyi cha'o/ /de yang gsal ba'i bdag nyid las yon tan du gyur pa'o/ /mtshan mo ni shes rab kyi cha ste/ de yang dri ma dang gral bas na skyon no/ / yon tan dang skyon gyi rang bzhin ni 'gro ba dang 'ong ba'i dus su'o/ /de lta na thams cad kyang yon tan dang skyon las me gtogs pa mya ngan las 'das pa dang 'khor ba ji lta bu zhes pa'o/ /de lta na yon tan dang skyon yang res 'ga' ni mya ngan las 'das pa'o/ /res 'ga' ni 'khor ba ste/ ma dag pas yon tan yang 'khor ba'o/ /rnar dag pa las ni skyon dag kyang mya ngan las 'das pa'o/ /de yang mngon par zhen ba dang ldan pas ni mya ngan las 'das yang skyon no/ /mngon par zhen pa med pas ni 'khor ba yang yon tan no zhes pa'o/ /mi bya cung zad ces bya ba la sogs pa la/ skye bu dam pa'i bya ba ni bya zhes pa ste/ sbyin pa la sogs pa'o/ /de las bzlog pas ni mi bya ba'o/ /yod ma yin zhes pa ni med pa'o/ /mi bza' zhes bya ba ni bza' bar bya ba ma yin pa go ku da ha na la sogs pa'o/ /yod ma yin zhes pa ni de lta mod kyi 'di dag bza' ba nyid do/ /

  471. 236a

    mi bsam zhes bya ba ni bzang po'i bya ba byed pas mi bsam zhes pa ste pha rol gyi don du mi 'gyur ba bsam par bya ba ma yin pas so/ /mi smra zhes bya ba ni ngo mtshar ba'i gtam bzung nas mi brjod pa ste/ pha rol po dag la gsal bar mi ston pa'i chag go/ /yang mi dge ba de dag mi brjod pas ni de med pa'o/ /'dis ni sdig pa bshags par yang bstan to/ /yang na bya ba ma yin pa la sogs pa thams cad nyid de/ gang 'jig rten pa dang 'gal ba de med pa'o/ /de med pa ni ma yin pa ste/ srog gcod pa la sogs pa gsum ni lus kyi nyes par spyod pa'o/ /dag gis nyes par spyod pa ni brdzun la sogs pa rnam pa bzhi'o/ /yid kyis nyes par spyod pa ni brnab sems la sogs pa gsum ste/ des na lus kyi zhes bya ba la sogs pa ni blang bar bya ba ma yin zhes bya ba ste/ de rnams ni rang bzhin gyis kha na ma tho ba dang bcas pa'i phyir ro/ /des na gang gi phyir dge ba kun kyang sgyu ma lta bur lhag par mos par bya zhing mi dge ba ma yin par rtag tu byang chub kyi spyod pa nyid las te de'i'o/ /bdag dang gzhan la brje ba gsungs pa/ ji ltar zhes bya ba la sogs pa la ji ltar bdag ni bdag dang nga'o/ /zhes nga rgyal ba de bzhin du sems can pha rol po dag la'o/ /gzhan zhes bya ba ni gzhan du nga rgyal ba de bzhin du bdag nyid la yang bya ba'o/ /de ni yang gsungs te/ lus kyi sbyin pa byin nas ni/ /phyi nas spyod pa yang dag spyad ces pa'o/ /bza' dang zhes bya ba la sogs pa ni kha nga nam ste/ da phyis pa las so/ /kha nu a pa dar na gcod cing bza' ba'i sgras byi sa las rab tu sbyor ba'o/ /spyod pa'i le'ur bstan pa'i gar dang glu'i rnam par dag pa bshad pa gsungs pa/

  472. 236b

    ji snyed ces bya ba la sogs pa'o/ /nam gyi tshe zhe na/ gsungs pa/ gang gi tshe dpal he ru ka'i go 'phang la rnal 'byor ba gnas pa de'i tshe de lta bu yin no/ /de la 'dod pa'i lha dpal he ru ka kun brjod pa'i don du gsungs pa/ dpal zhes bya ba la sogs pa la/ dpal gyi sgras ni gnyis su med pa'i ye shes te/ gzung ba dang 'dzin pa la sogs dang bral bas so/ /he ni rgyu sogs stong pa nyid/ ces bya ba la/ he'i sgra'i dbyings las sa stengs su rkyen dang ldan pa phyir? ma? he'o/ / ni i di'i sgra las i phyis pas des na yang he zhes bya ba rnyed pas he ni zhes par sbyar ro/ /des na rgyu la sogs pa stong pa nyid ni he'i sgra zhes pa'i don to/ /ru ni tshogs dang bral pa zhes bya ba la/ tshogs ni lha la sogs pa rtog cing dpyod pa ste/ de dang bral ba ni lha rnams dngos po med par 'gyur zhing/ des na yang lhar skye bar gyur cig ces bya ba la sogs pa'i smon lam dang bral ba'o/ /gang las she na/ ru yig gi don gyis so/ /des na stong pa nyid dang/ mtshan ma med pa dang/ smon pa med pa'i mtshan nyid can gyi rnam par thar pa'i sgo gsum po 'di dag gis bsdus so/ /ka ni gang duAng mi gnas zhes bya ba la/ gnas pa ni gnas pas nye bar mtshon pa nyid de/ skye ba dang 'jig pa yang bzung ngo/ /des na yang don dam par gnas la sogs pa ni gang du yang yod pa ma yin te/ kun rdzob tu ni yod do/ /zhes dgongs so/ /ro mnyam pa'i rang bzhin du nye bar bsdus pa ni sgo nas gnas gang dang gang rnams zhes bya ba la sogs pa ste/ skye bo zhes pa ni shes pa'i rten gyi ngo bo las skye zhing rab tu 'byung bas na/ skye ba zhes pa ste/ lus la sogs pa'i dbang rnams so/ /sha zhes bya ba ni yul rnams te/ sha dang chos mthun pas na sha'o/ /sems

  473. 237a

    nyid kyis thams cad bza' ba yang brkam chags dang bral bas bya'o/ /de bzhin du yul rnams la yang ngo/ /mkhas pas bza' bya ba zhes bya ba la/ mkhas pa ni gzung ba med par gnas pa ste/ skye bo gang dang gang rnams kyis yul gyi bza' bya za ba tsam byed pa'o/ /de dang de'i yul so so ba dag ni ji ltar dbang du byed par gyur pa'i sems can te/ dbang po dang skye mched la sogs pa mthun par 'gro ba ste/ ji ltar 'dod pa ltar zhes pa'i don de bas na yul rnam par dag pa'i longs spyod pa'i dbang pos longs spyod pas ni srid pa'i btson rar mi ltung zhing/ mi gnas pa'i mya ngan las 'das pa'i skam sar gnas par brjod do/ /de yang 'chad par 'gyur te/ dag pas dug med byas nas ni/ /bsten bya 'di dag bsten pa nyid ces pa'o/ /des na dbang por gnas pa ro mnyam pa'i rang bzhin gyi 'bras bu'o/ /yang na skye bo dbang po la brten nas yul la dmigs pa skye zhes pas na skye ba'o/ /skye bo'i zhes pa ni byed pa'i don gyis drug pa'o/ /de'i don ni 'di yin te/ dbang po 'di rnams la rnam par shes pa rnams brten pa nyid do zhes sbyar te/ yul rnams la dmigs shes par 'brel to/ /lhag ma ni snga ma bzhin no/ /gang las she na gsungs pa/ rdo rje thod pa'i sbyor ba zhes bya ba la/ rdo rje ni mi phyed pa ste rtog pa med pa nyid do/ /ka ni pa ste skyong bas na rdo rje thod pa'o/ /de'i sbyor ba ni dpal he ru ka'i sbyor ba ste/ ting nge 'dzin to/ /des na brda dang gnas la sogs pa gang du gtan la 'babs pa'i le'u la brda dang gnas gtan la 'bebs pa'i le'u zhes bya ba'o/ /de dag ni dgyes pa'i rdo rje'i rnam par 'grel pa las le'u bdun pa'o// //da ni rnal 'byor ma rnams kyi gsungs

  474. 237b

    pa dang/ ma gsungs pa'i rgyu rtogs par bya ba'i phyir dang/ gnas dang byed rgyu nges par bshad pa'i don du rnal 'byor ma'i le'u gsungs pa/ de nas zhes bya ba la sogs pa ni/ rnal 'byor ma skyed dang gnas dang byed rgyu bstan pa'i dbang du byas pa'o/ /rnal 'byor ma'i bdag med ma la sogs pa rnams sam/ rnal 'byor ma rnams so/ /des na bdag med ma la sogs pa'i 'khor lo ni/ rnal 'byor ma'i 'khor lo yin pa ste/ rnal 'byor ma rnams kyang so sor mngon par byang chub pa lngas bskyed pa ste dang gtso bor gyur pa las so/ /bdag med ma yang dkyil 'khor gyi gtso bor gyur pas so/ /de yang 'chad par 'gyur te/ bdag med rnal 'byor ldan pa yis zhes pa'o/ /nam mkha' i khams su zhes pa ni stong pa nyid do/ /b+ha gzhes pa ni stong pa nyid bsgom par byas nas rdo rjer ba la sogs dbus su skad cig ma tsam gyis chos 'byung gi phyag rgya gru gsum gyen du gnas pa'i nang gi dbus su sna tshogs pad+ma dang/ sna tshogs rdo rje la gnas par bsam pa'o/ /de'i dbus su sna tshogs rdo rje'i lte ba la 'chad par 'gyur ba bsgom zhing brtag par bya'o/ /de nyid gsungs pa/ 'khor lo zhes bya ba la sogs pa la lha rnams bsgom pa las sngon du 'chad par 'gyur ba'i gzhal yas khang gi rim pa'i lugs las ma 'da' bar bsgom par bya zhes 'dir blang bar bya'o/ /lha rnams ji ltar 'byung ba nyid ces bya ba ni phyi nas gzhal yas khang du lha rnams kyi tshogs rim par bskyed pa las mi 'da' bar bsgom par bya zhes pa'i don to/ /gzhal yas khang bskyed pa'i tshul gsungs pa/ sa dang zhes bya ba la sogs pa la/ sa'i dkyil 'khor laM las byung ba'o/ /chu'i zhes pa ni baM las byung ba'i chu'i dkyil 'khor ro/ /sngon du zhes pa ni gzhal yas khang gi rgyur ro/ /

  475. 238a

    de lta bu'i khyad par ni sngam? gyi dang/ /gzhan dag la yang sbyar bar bya'o/ /ji ltar rigs pa zhes pa ni rim pa ji lta ba bzhin du bgod pa'o/ /byin za zhes pa ni raM las byung ba'i me'i dkyil 'khor ro/ /lha rnams ni rol pas na lha ste rengs pa la sogs pa'i mtshan nyid do/ /de yang 'phel zhing rgyas pas na lha rnams te/ khaM yig la sogs pa'i sa bon gyi yi ge rnams so/ /de rnams la lha rnams zhes bya ba ni lnga pa'i don la drug pa'o/ /rlung chen zhes pa ni ya las skyes pa'i rlung gi dkyil 'khor zhes pa'i don to/ /sgom pa po zhes pa ni sems tsam gyi gzugs te/ sems nyid sa la sogs pa'i rang bzhin du byung zhes pa'i don to/ /ji ltar byas nas 'di dag bsgom par byed ce na/ gsungs pa/ ji ltar rigs pa zhes pa ste/ laM yig la sogs pa'i rnam pa las rim pa ji lta ba bzhin du sa la sogs pa'i dkyil 'khor rnams bskyed par gyur pa ni bsdus pa'i don to/ /chos 'byung las skyes 'khor lo zhes pa ni chos 'byung gi phyag rgya'i dbus su gnas pa'i sna tshogs pad+ma dang/ sna tshogs rdo rje'i lte bar la sogs pa'i dkyil 'khor yongs su gyur pa las gzhal yas khang bsgom par bya zhes pa ste thun mong ngo/ / khyad par gsungs pa/ rim pa gnyis zhes pa ste/ bdag med ma'i dkyil 'khor gyi mtshan nyid do/ /dag pa zhes pa ni dus ring por gus pa rgyun mi 'chad pa goms pa las sgrib pa thams cad rnam par dag pa'o/ /skyon med pa zhes pa ni gzugs la sogs pa'i rnam par rtog pa'i skyon te/ de yang gang gi phyir don dam par de las nges par 'byung ba ste de bzhin du'o/ /yang na me long ye shes kyi rang bzhin gyis dri ma med cing rang gi nyes pa dang chos

  476. 238b

    mthun pas na ston te/ gang gi tshe mthong ba tsam gyis nyon mongs pa las nges par byung ba ni sems can rnams las so/ /zhes de bzhin du brjod pa ste/ de dag kyang thun mong ngo/ /'phar ma gnyis bstan pa'i bshad pa gsungs pa/ ze 'bru las ni gcig gyur te/ zhes pa la pad+ma la sogs pa las ma gtogs par ni ze 'bru 'byung ba ma yin no/ /des na pad+ma 'dab ma bzhi'i ze 'bru zhes man ngag tu ston to/ /nang gi 'phar mas gcig gyur pa'o/ /gru gsum gyis ni phyi ma brjod ces pa ni chos 'byung gi nang du son pa gru gsum gyi rnam pa'i nam mkhar ston pa ni phyi ma ste phyi rol gyi 'phar ma nyid do/ /de yang gru bzhi la sogs pa dang ldan pa ste/ gru bzhi pa la sogs pa ni 'chad pa ni gyur pa thun mong gi mtshan nyid las so gdan rnams gsum pa ni/ de dbus zhes bya ba la sogs pa la dbus shi ba rnam par bsam/ zhes pa ni yi ge dgu pa'i tshig ste/ 'phar ma gnyis pa'i gzhal yas khang gi dbus su ro bsam par bya'o/ /ji lta bu zhe na/ gsungs pa/ bco lnga'i gdan gyi bdag nyid ni gang yang nyi ma'i dkyil 'khor bco lnga'i bdag nyid ni bco lnga'o/ /ro zhes pa ni rigs tsam du byas pas gcig gi tshig go /nyi ma'i dkyil 'khor bco lnga'i gdan du yongs su gyur pa de ru ro bco lnga bsam zhes pa'i don to/ /nyi ma'i gdan rnams kyang lha mo rnams khros pa'i bdag nyid yin pa'i phyir yin gyis/ /zla ba'i gdan ni ston pa'i tshig med pas so/ /A li zla ba kA li nyi/ /sa bon nang du son gyur pa zhes bstan pa'i bshad pa gsungs pa/ de'i zhes bya ba la sogs pa la de'i steng du zla ba de'i steng du yang mtshan bzang po sum cu rtsa gnyis rnam par dag pa dbyangs yig bcu drug nyis 'gyur ro/ /dpe byad bzang po brgyad cu rnam par dag pa

  477. 239a

    lce rtse cung zad bskyod pas brjod pa'i bye brag gi dbye ba ta Ta ra d+ha ra ya la'i gsal byed bcu drug dang bcas pa nyis 'gyur dang/ ka la sogs pa gsal byed sum cu rtsa bzhi'o/ /zla ba'i steng du sa bon nyid ces pa ni gsal byed dang dbyangs kyi tshogs gnyis ka yang mnan pa'i zla ba'i steng du rang gi sa bon yongs su gyur pa las mchan ma la/ de'i lte bar sa bon gnas pa'o/ /de ltar ni 'chad par 'gyur te/ rang lha'i sa bon phyag mtshan ni/ so sor rtog pa nyid du brjod/ ces pa'o/ /phyi nas bdud las rgyal ba mnan/ zhes pa ni de thams cad bdud las rgyal bas mnan zhes pa'i don to/ /gnyis 'dus pa las bde chen po zhes pa ni zla ba dang nyi ma dang/ stong pa dang/ snying rje'i rang bzhin gnyis 'dus shing dbyer med par mi phyed pa la bde ba chen po'o/ /de ltar bya? 'chad par 'gyur te/ A li shes rab kA li thabs/ /zla ba nyi ma rab dbye ba zhes pa'o/ /a la sogs pa dang ka la sogs pa nyi ma nyid du rnam par bzhag par bya ba gsungs pa/ A li zla ba'i gzugs kyis gnas zhes pa ni dbang bskur ba'i dkyil 'khor du bstan pa'i don du gsungs pa/ zla ba zhes bya ba la sogs pa ste/ zla ba nyi ma zhes pa ni zla ba dang nyi ma dag a la sogs pa dang/ ka la sogs pa gnyis 'dus shing 'brel pa ni 'brel pa las so/ /gang dag ce na gsungs pa/ gnyis shes pa ste/ rdo rje sems dpa' dang/ bdag med ma gnyis so/ /de yang ci zhe na/ gsungs pa/ dkar mo la sogs zhes pa la/ mngon par byang chub pa lnga dag las/ rdo rje 'chad du gyur pa'i ba slu'i bu ga dag tu a la sogs pa dang/ ka la sogs pa'i yi ge tshogs rab tu zhugs shing de

  478. 239b

    bzhin du phyung nas/ bdag med pa'i nang du zhugs nas gcig tu gyur cing chos 'byung du zhu bar gyur par bsam par bya'o/ /de nas zhu ba'i bsdus ba las lha dgu'i bdag nyid can gtso bo rdo rje sems dpa' sems can dbang bskur ba'i don du dkyil 'khor sprul pa'o zhes dgongs so/ /de la yang a la sogs pa dang/ ka la sogs pa zhu ba'i sems can rnams dbang bskur bas dam pa'i bde ba thob pa las skyes pa'o zhes shes par bya'o/ /yang 'chad par 'gyur te/ thabs dang shes rab rang bzhin las/ /'jig rten gsum pa de las skyes zhes pa'o/ /zla ba la sogs pa rnams me long lta bu'i ye shes la sogs par rnam par dag par gsungs pa/ me long zhes bya ba la sogs pa ste/ cung zad kun nas blta zhing dmigs te rab tu gnas par byas pa las gang gi phyir gzung ba la sogs bdag nyid can gyi dngos po rnams ni bden pa yang ma yin brdzun pa yang ma yin pa'i phyir/ me long dang chos mthun pa ste/ gzugs brnyan dang 'dra ba las so/ /ye shes kyang yul du dmigs pa'i phyir te/ ye shes rjes su 'jug cing gong nas gong du 'gro ba ni me long lta bu'i ye shes kyis de sbyor ba ste me long lta bu'i ye shes so/ /mnyam pa nyid ni chos rnams rang bzhin med pa'o/ /ye shes ni de nyid 'od gsal ba las so/ /rang lha'i sa bon phyag mtshan so so rtog pa nyid du brjod ces bya ba 'di ni rnam par dbye ba ma byas te/ rang gi sa bon las rdzogs cing rang gi sa bon gyis byin gyis brlabs pa'i lha rnams rang gi mtshan ma ni so sor rtog pa'i ye shes rnam par dag pa ste/ de yang so sor rtog pa ni dngos po ma lus pa phyin ci ma log pas so/ /ye shes ni de la dmigs pa ste/ des na so sor rtog pa'i

  479. 240a

    ye shes so/ /de rnams gcig gyur bya nan tan/ zhes bya ba ni zla ba dang/ sa bon dang/ mtshan ma dang/ A li kA li dag las gang gcig tu gyur pa de ni nan tan zhes bya'o/ /de'i yang bya ba ni sems can gyi don la rab tu 'jug pa'i sprul pa'i sku'i mdzad pa'o /ye shes kyang de nyid sgyu ma la sogs pa'i gzugs kyis sprul zhing dmigs pa las so/ /gzugs rdzogs chos dbyings dag pa zhes bya ba la/ gzugs ni gzugs brnyan dang 'dra ba'o/ /rdzogs pa ni lha rnams kyi lus so/ /de ni shin tu rnam par dag pa chos kyi dbyings te/ shin tu rnam par dag pa'i chos kyi dbyings ni de bzhin nyid do/ /de nyid ni ye shes te/ dag cing gsal ba'i bdag nyid kyi phyir ro/ /lha'i le'ur phyag gnyis pa bskyed pa'i skabs su sngar bstan pa 'di'i bshad pa ni/ bdag med ma bskyed pa'i skabs su mngon par byang chub pa lnga'i sbyor bas thun mong du byas pa'o/ /de'i khyad par gsungs pa rnam pa lnga po zhes bya ba la sogs pa ste/ 'bras bu'i gzugs kyi rnam par byed cing gsal bar byed pa ste/ de bzhin gshegs pa lnga'i rnam pas rdo rje 'chang nyid du byed ces bya bar 'brel to/ /ji lta bu zhes gsungs pa/ cho ga lnga gsungs zhes bya ba ni zla ba la sogs pa'i gzugs rnam pa lnga las so/ /A li dang kA li rnam par dag pa brjod pa gsungs pa/ A li zhes bya ba la sogs pa ste/ A li dang kA li dag mnyam pa ni 'dra ba'o/ /kun nas sbyor ba ni nyis 'gyur du bskor ba ste/ gang gi tshe rnam lnga'i sbyor ba de de bzhin du'o/ /de 'bras bu'i gzugs kyi rdo rje 'chang gi rgya che ba'i gdan no/ /de dag kyang skyed par byed pa'i sa bon dang/ mtshan ma ni ci zhen/ gsungs pa/ yi ge las byung gong bu'i hUM zhes bya ba la/ yi ge zhes bya ba ni mi 'gyur ba dang mi zad pas so/

  480. 240b

    las byung ni rdo rje ste/ des na yi ge las byung ngo/ /de lta bu'i gongs bu ni lus te/ gang gi rdo rje sems dpa' la de skad du brjod do/ /de'i hUM yig dang/ de lta bu'i rdo rje ni mtshan ma yin la/ hUM yig ni sa bon zhes ston to/ /'on kyang sa bon gnyis ni yod pa ma yin pa ste/ de gsungs pa/ phaT kyi rnam pa 'dod mi bya zhes bya ba la/ phaT ni chos kyi brdas 'byed par brjod do/ /rnam pa ni byed pa ste bya ba'o/ /de'i don ni 'di yin te/ rdo rje 'chang gi shes rab kyi sa bon ni tha dad par yod pa ma yin te/ sa bon gcig pa nyid las thabs dang shes rab gnyis ka rdzogs zhes pa'i don to/ /'bras bu he ru kar gyur pa la ni shes rab dang 'brel pa'i sa bon logs gcig pa nyid do/ /de'i phyir rgyu'i rdo rje 'chang du gyur pa la ni shes rab nyid kyang logs shig tu ni yod do/ /zhes bya ba'i the tshom ni 'dod pa ma yin no/ /zhes gsungs so/ /shin tu rgyas par gsungs pa sems dpa' i gzugs brnyan las byung ba'i/ /dkyil 'khor bdag po rnam par bsgom zhes bya ba la/ sems dpa' ni a yig la sogs pa'i sa bon dang mtshan ma'o/ /gzugs brnyan ni zla ba dang nyi ma dag sbyor ba'o/ /de dag las byung ba ni de dag yongs su gyur pa las so/ /dkyil 'khor ni nyi ma'i dkyil 'khor te/ der bsgom zhes par 'brel to/ /de dag ji lta bu yin zhe na/ yang dag ces pa la/ yang dag ni sang gi sgras bde ba'o/ /de'i rang bzhin ni rdo rje 'chang chen po la yang de skad du brjod pas de bsgom par bya ste/ dpal he ru ka phyag bzhi pa dang/ phyag drug pa dang/ phyag bcu drug pa'i rnam pa'i gzugs su yang bsgom par bya'o/ /nga ni nye bar bsdu ba gsungs pa gong ma bzhin zhes bya ba la sogs pa la/ gong ma ni he ru ka gsum po ste/ ji ltar le'u gnyis par zhal brgyad dang/ phyag bcu drug pa gsungs pa dang/ le'u gsum par phyag bzhi

  481. 241a

    pa la sogs pa dang ldan pa'i phyag bzhi pa dang/ phyag drug pa la sogs pa dang ldan pa'i phyag drug pa la gsungs so/ /des na yang sngar 'dra bas gong ma bzhin no/ /phyag dang zhal la sogs zhes pa'i sgra ni gar gyis mnyes te/ zhal dang mdog la sogs pa rnam par 'gyur bar blta bar bya'o/ /de na yang phyag drug pa dang/ phyag bcu drug pa'i rdo rje 'chang ba ni phyag drug pa dang/ phyag bcu drug pa'i dpal he ru ka'i rgyur gyur pa dag ste/ rtsa ba'i zhal ni dkar po/ /g.yas pa ni nag po/ /g.yon pa ni dmar po/ /lus thams cad ni dkar ba'o/ /de nyid gsungs ba/ zla ba chu shel nor bu'i 'od ces pa ste/ lus thams cad ni dkar po yin no/ /da ni bdag med ma skyed par byed pa'i skabs su bab pa lnga'i sbyor ba'i rgyu nyid gsungs pa/ 'di ltar zhes bya ba la sogs pa la/ 'di ltar rnam pa lnga po nyid do/ /bdag med ma la sogs pa rnal 'byor ma bco lnga bskyed pa'o/ /de rnams kyang chags pa chen po dang ldan pa ste/ rjes su mthun pa'i thabs dang 'khyud cing sbyor ba'i phyir ro/ /des na gsungs pa/ thabs dang shes rab rang bzhin las/ zhes pa'o/ de nas stong pa nyid dang rnam par dag pa'i snying rje'i rang bzhin gyi thabs kyi ngo bo A li dang kA li shes rab dang thabs su bstan pa bshad pa gsungs pa/ shes rab ces bya ba la sogs pa'o/ /de lta bu yang ci zhe na/ gsungs pa/ zla ba nyi ma zhes bya ba la sogs pa la/ zla ba ni gsum pas gcig gi tshig mi mngon par byas pa'o/ /des na zla ba ni a la sogs pa rnams so/ /nyi ma ni ka yig la sogs pa rnams rab dbye ba ni khyad par dag las so/ /des na a la sogs pa dang/ ka yig la sogs pa rnams kyi yi ge 'dres pa ni dgos pa yod pa ma yin te/ sgra'i lugs su mi gnas pas so/ /des na yang so so gsal ba las A li ni shes rab bo/ /kA li ni thabs su gsal bar byas pa'o/ /'di las dkar mo la sogs pa/ kha dog dbye ba so so yin zhes pa ni dpal he ru ka phyag bzhi pa

  482. 241b

    dang/ phyag drug pa dang/ phyag bcu drug pa'i gau rI la sogs pa'i dkyil 'khor pa rnams a la sogs pa dang/ ka la sogs pa'i yi ge 'di nyid las yang dag par byung ba'o/ /de dag gis ni 'di skad du ston te/ A li dang kA li gnyis kyi tshogs rang gi zhal du zhugs nas rdo rje'i lam nas shes rab kyi pad+ma'i dbus su bkod cing zhu bar gyur par bsam par bya'o/ /zhu ba de yongs su gyur pa las gaM la sogs pa'i sa bon gau rI la sogs pa'i lha rnams dpal he ru ka phyag bzhi pa la sogs pa'i rnal 'byor ma rnams su blta bar bya zhes pa'o/ /phyag gnyis pa'i dkyil 'khor ni sngar bzhin du gdan gyi steng du skad cig gis rang nyid ji lta bar gaM yig la sogs pa'i sa bon tsam gyis rdzogs pa de dag nyid do/ /kha dog dbye ba so so zhes pa ni gau rI la sogs pa brgyad po rnams kyi kha dog ni dkar po la sogs pa'i kha dog gi dbye ba sna tshogs pa nyid do/ /bskyed pa ni A li dang/ kA li zhu zhing gcig tu gyur pa las so/ /zhes dgongs so/ /yang na kha dog ni yi ge ste/ gaM yig la sogs pa'i sa bon dbye ba so so'o/ /so so ni dbye ba'i bshad pa'o/ /re zhig nang gi zhes bya ba la sogs pa la/ /bdag nyid kyi dbang du byas pas gang gyur pa de ni nang gi 'phar ma ste/ nang du gyur pa dag la bdag med ma la sogs pa rnams kyis mnan pa nyid kyis so/ /des na bdag nyid du gyur pa phung po lnga rnams ni/ bdag med la sogs pa rnams ni rnam par dag pa'o/ /des na gsungs pa/ phung po lnga zhes bya ba la sogs pa ste/ ji ltar phung po lnga rnams la rdo rje ma la sogs pa rnams kyi phyag dang zhal la sogs pa'i gzugs ni rang bzhin te des na rnal 'byor ma rnams su bsgom par bya'o/ /rdo rje ma la sogs pa rnams kyis gzugs la sogs pa rnam par dag par ro zhes dgongs so/ /dbang po zhes pa ni shar gyi 'dab ma'o/ /gshin rje zhes pa ni lho'i'o/ /chu dbang zhes pa ni nub kyi'o/ /lus ngan zhes pa ni byang gi 'dab ma'o/ /dbus su zhes pa ni ze 'bru la'o/ /phyi rol gyi ni 'phar ma zhes pa ni phyi rol gyi skye mched

  483. 242a

    kyi rang bzhin du gyur pa la gau rI la sogs pas mnan pa nyid do/ /srid dang zhi pa'i rang bzhin gyis zhes pa la/ srid pa ni gzung ba'o/ /mya ngan las 'das pa ni gzung ba las grol ba'o/ /lha mo thams cad kha dog gnag ces pa ni bdag med mal sogs pa lha mo bco lnga po rnams so/ /gau rI la sogs pa rnams ni 'chad par 'gyur ba'i sna tshogs pa'i kha dog nyid do/ /gri gug ni gri gug nyid do/ /'khor lo zhes bya ba la sogs pa'i rgyan gsungs pa ni dpung rgyan la sogs par blta bar bya'o/ /de ltar thams cad rnam par bshad ces pa ni de dag thams cad nyid mngon par byang chub pa rnam pa lngar bstan te/ thams cad kyi sku mdog dang/ phyag mtshan la sogs pa 'dra'o/ /sa bon dag ni tha dad de/ /ji ltar bdag med ma ni a'o/ /rdo rje ma ni A'o/ /dkar mo'i i'o/ /chu ma'i a'i'o/ /rdo rje mkha' 'gro ma'i u'o/ /puk+ka sI'i a'u'o/ /ri khrod ma'i ri'o/ /gtum mo'i rI'o/ /g.yung mo'i li'o/ /yang na dkar mo'i lI'o/ /chom rkun ma'i e'o/ /ro langs ma'i i'o/ /g+hasma rI'i o'o/ /mkha' spyod ma'i aau'o/ /sa spyod ma ni aM ngo/ /nga rgyal la sogs skyon drug rnams/ /zhes bya ba ni yi ge bdun pa'i tshig ste/ skyon ni sems kyi skyon du byed pas na skyon te/ nga rgyal dang/ 'dod chags dang/ zhe sdang dang/ gti mug dang/ lta ba dang/ the tshom gyi mtshan nyid can gyi nyon mongs pa'i 'khor ba rtsa gnas? gcod pa'i gri gug ni gcod pas na gri gug go /nga rgyal la sogs pa ma rungs pa'i skyon gcod pa ni shes rab rnam par dag pa'i gri gug go zhes dgongs so/ /de skad du yang/ shes rab nyon mongs 'joms pa'o zhes gsungs so/ /dngos dang zhes bya ba la sogs pa la dngos dang dngos po med pa la sogs pa ni mi mthun par brtags pas na/ dngos dang dngos med sems yi rnam par dag pa'o/ /de'i mgo bo ni tha mal gyi bag chags kyi rang bzhin te/ de bcad pa ni pad+ma'i snod de thod pa'o/ /de dag gis ni yang

  484. 242b

    srid ba med par ston to/ /dngos dang dngos med pa la sogs pa rnam par rtog pa'i bag chags kyis yang srid pa med pa ni rtog pa rnam par dag pa'i thod pa 'dzin pa'o zhes dgongs so/ /rang gi sems las byung pa'i bdud thams cad tha mal ba'i sems bcom pa ni bdud bcom pa'i zhes gsungs pa/ khrag ces bya ba la sogs pa la/ grol ba'am dngos grub phyir zhes pa ni gang gi phyir bdud ni thar pa la 'ching bar byed pa ste/ de sems nyid kyis 'joms pa'o/ /rnam par spros pa tsam gyi gzugs nyid kyis bcom nas de rnams kyi khrag ni lhag mar byas te gzung ba'o/ /de'i phyir de rnams ni phyis skye bar mi 'gyur ba'o/ /de skad du yang/ sems nyid las ni bdud chen po/ /sems nyid de bzhin gshegs pa yin/ rang gi sems ni gdul ba'i phyir/ bdud ni nye bar zhi bar bya zhes gsungs so/ /bdud rnam bzhi'i khrag ni rnam par dag pa'i khrag tu sprul pa'o/ /stong pa'i rnam pa kha TwAM ga zhes pa ni stong pa nyid kyi rnam pa ni mi rtog pa la sogs pa ste/ de'i rnam par dag pa ni kha TwAM ga'o/ /thabs kyis ro ni rnam par brtag ces pa ni kha TwAM ga'i steng du ro ste/ snying rje'i rnam par dag pa'o/ /da ni dus ring por gus pa rgyun mi 'chad par bsgoms pas dngos grub kyi mtshan ma mthong pa'o/ zhes gsungs pa/ dang po zhes bya ba la sogs pa la/ nag po zhes bya ba ni 'od zer zhes pa lhag ma'o/ /yan lag drug ces pa ni mig la sogs pa byin gyis brlabs pa de dag dus gcig tu thams cad mthun par sku gsum byin gyis brlabs pa dang/ dbang bskur ba'ang de bzhin du'o/ /de ltar gzugs rdo rje ma la sogs pa'i mchod pa dang/ spyan la sogs pa'i rdo rje glus bstod pa dang/ bdud rtsi myang ba dang/ gtum mo'i sbyor ba dang/ sngags bzlas pa dang/ bsdu zhing gshegs su gsol ba yang bya'o/ /dga' bral mthar yang de bzhin no zhes bya ba la/ dga' bral mdza' ni lhan cig skyes pa'o/ /

  485. 243a

    yang zhes pa ni khyad par du gyur pa'i dkyil 'khor du rtogs par bya'o/ /de'i don ni 'di yin te lhan cig skyes pa'i rang bzhin nyid la khyad par du gyur pa'i dkyil 'khor bsgom par bya zhes pa'o/ /lhan cig skyes pa la sogs pa bstan pa'i don du gsungs pa/ rim pa zhes bya ba la sogs pa la/ rim pa bskyed pa'i rim pa zhes pa'i don dang/ rdzogs pa'i rim pa zhes pa'i don to/ /de dag kyang rim gnyis mnyam par gnas nas ni/ /rdo rje can gyi ste sangs rgyas rnams kyis so/ /chos bstan pa ni de yang rim pa gnyis pa la brten nas chos bstan to zhes bya bar dgongs so/ /de dag gi nang nas bskyed pa'i cha bstan nas rdzogs pa'i phyogs kyang dga' ba la sogs pas stan zhes pa des na gsungs pa/ bskyed pa yi ni cha bshad do zhes bstan pa nyid kyis so/ /rdzogs pa gsal bar bya ba gsungs pa/ nam mkha' i khams zhes bya ba la sogs pa la/ pad+ma la zhes pa ni chos 'byung du skyes pa'i ye shes so/ /b+ha ga zhes pa'i ye shes brjod ces pa ni 'dir lhan cig skyes pa rtogs pa yis so/ /ye shes ni rdo rje'o/ /de nyid ni b+ha ga ste/ chos thams cad kyi nyon mongs pa'i phung po/ /bag chags bag la nyal dang bcas pas 'joms par byed pa'i phyir ro/ /sgom pa zhes bya snyoms 'jug nyid ces pa ni pad+ma dang rdo rje dag yang dag par sbyor pa'i sgom pa'o/ /de'i bde ba 'khor lor brjod ces pa ni snyoms par 'jug pa las byung ba'i bde ba'i ye shes ni 'khor lo'o zhes yang dag par bsgom par bya ste/ dang po'i dga' ba zhes pa'i don to/ /ji ltar zhes bya ba la sogs pa la/ dga' ba bde la sogs pa las skye ba'i rim pas rang gi bdag nyid rig pa'i don du byang chub kyi bdag nyid can gyi sems ni byang chub kyi sems so/ /gang lhan cig skyes pa'i ming ni de kho na nyid de/ de ni lha rnams so/ de lta mod kyi rang rig pa nyid du ji ltar

  486. 243b

    'gyur zhe na/ gsungs pa/ ji ltar 'byung ba khu ba yin zhes pa la/ khu ba ni bde ba 'byung ba las mi 'da' ba' o/ /ji ltar 'byung ba ni de ltar rang rig pa'i byang chub kyi sems yan pas so/ /de ltar ji ltar gyi sgras de ltar gyi sgra 'dir blangs pa'o/ /des na yang de kho na nyid kyi lhan cig skyes pa rnam pa gnyis so zhes pas na de yang gsungs pa/ de'i rnam pa gnyis zhes pa la/ gnyis ni zhu ba dang/ bde ba'i rang bzhin gyi rnam par dbye ba gang la yod pa de ni rnam pa gnyis te/ gnyis po nyid ni gnyis su dbye ba'o/ /ci zhe na gsungs pa/ des na lhan cig skyes pa zhes pa la/ lhan cig tu byung zhing lhan cig tu skyes pas na lhan cig skyes pa ste zhu ba'o/ /des yang lus kyi nye bar rtsom pa nyid las te/ 'gro ba de nyid du skyes pa'i bde ba yang bdag nyid du skyed par byed pa'i rtsom pa las so/ /yang na lhan cig skyes pa'i rang bzhin du gnas par brjod do/ /yang na zhu ba de'i lhan cig skyes pa ni phan tshun du rtag par bltos nas skye ba'o zhes pa'o/ /phan tshun bltos pa yang rigs tsam nyid kyis so/ /de'i zhes pa ni ji ltar 'byung ba ste zhu ba yang dag pa nyid las so/ /lhan cig skyes pa gnyis kyi dbye ba las bzhin dbye ba bstan pa'i don du gsungs pa/ btsun mo zhes bya ba la sogs pa ste/ skyes pa dang bud med dag bde ba skye ba ni thabs dang shes rab tu gyur pa yin no/ /des na btsun mo nyid la bltos nas skyes bu ni thabs so/ /skyes bu la bltos nas/ btsun mo ni shes rab bo/ /gnyis las ma gtogs pa mi yin pas na gnyis po dag las ni zhu ba de phun sum tshogs pa tsho ba'i bdag nyid do zhes dgongs so/ /des na 'gro ba rnams pho dang mo nye bar 'dus pa nyid las te/ de nyid kyang gang cung zad bsgrub par bya ba nyid kyi bar du'o/ /phyi nas zhes bya ba la sogs pa la/ de

  487. 244a

    dag ces pa ni bde ba dang zhu ba'o/ /don dam ni nyams su myong bas na don dam ste bde ba'o/ /kun rdzob ni bde ba rtogs par byed pas na kun rdzob ste zhu ba'o/ /gang zhig snyoms par 'jug pa tsam las skyes pa ni bde ba ste/ des na yang gang shes par byed pa ni zhu ba'o/ /de dag ni zhu ba dang bde ba'i sgras so/ /des na zhu ba las gang skyes pa ni bde ba gzhan ste/ don dam pa'o/ /don dam pa'i bde ba skyes pa nyid kyis rang bzhin thob pa de lta bu yang kun rdzob zhu ba zhes pa'o/ /des na lhan cig skyes pa bzhi'i dbye bas khyad par gyi grub pa'o/ /de ni thun mong du grub pa nyid gsungs la/ re zhig skyes pa zhes bya ba la sogs pa la skyes bu 'am btsun mo dag 'brel ba'i zhu ba dang bde ba'i lhan cig skyes pa'o zhes pa'i don to/ /des na yang btsun mo'i lhan cig skyes pa ni zhu ba de'o/ /skyes bu'i yang lhan cig skyes pa ni zhu ba dang bde ba ste/ thabs dang shes rab dag gi lhan cig skyes pa'i dbye ba rnam pa bzhis ni thun mong du grub pa'o/ /snyoms par 'jug pa las byung ba'i bde ba dang de'i zhu ba ste/ des na zhu ba yes bskyed pa'i bde ba gzhan dag ni don dam pa'i ming can no/ /don dam lhan cig skyes pa'i bde ba skyes pa de nyid kyi zhu ba yang kun rdzob kyi ming can no/ /lhan cig skyes zhes pa ni lhan cig skyes pa'i khyad par grub pa'o/ /rnam bzhi zhes pa ni bsdus pa'i don to/ /des na yang de kho na nyid can gyi lhan cig skyes pa'o/ /de nyid phyir na dga' ba ni/ /bzhi'i rab tu dbye ba yis zhes pa la/ de nyid phyir na ni khyad par du grub pa'o/ /bzhi'i rab tu dbye ba ni lhan cig skyes pa'i mtshan nyid kyi rgyus so/ /dga' ba ni dga' ba la sogs pa'i ye shes rnams kyi rab tu dbye ba gzhan

  488. 244b

    dang gzhan dag gi khyad par ro/ des na gsungs pa/ gang phyir lhan cig skyes rnam bzhi zhes pa'o/ /de nyid gang la brten nas zhe na/ gsungs pa/ rdzogs pa'i rim pa'i phyogs la ni zhes pa la/ /rim pa ni thob par bya ba yin zhing bsgrub pa bya ba yin pas na rim pa ste thabs so/ /rdzogs pa ni lhan cig skyes pa yongs su shes pa'i rim pa ste/ rdzogs pa'i rim pa'o/ /rdo rje pad+ma snyoms par 'jug pa de'i tshe bde ba ni bde ba las zhu ba la sogs pa'i mtshan nyid can no/ /de nyid phyogs te bskyed pa'i rim pa'i phyogs la bltos nas so/ /der brtan pa yin yang lhan cig skyes pa'i de dngos kyi rgyu ma yin no/ /bzhi'i rab tu dbye ba zhes bya ba ni lnga pa mi mngon byas pa'o/ /mtshan ma'i rnam par rtag pa thams cad bral ba'i lhan cig skyes pa de kho na nyid du gyur pa la bzhi'i rab tu dbye ba ni ma yin te/ de'i gnyis su med pa nyid kyis rnam pa gzhan du ma yin pas so/ /lhan cig skyes pa'i dga' ba rnam pa bzhir rab tu dbye ba ni ji lta bu zhe na/ gsungs pa/ dga' ba zhes bya ba la sogs pa ste/ gang snyoms par 'jug pa las byung ba'i bde ba skyes pa de dag dman pa'i rgyun dag gis bsdus nas nges pa nyid du 'bring po las gzhan pa'i bde ba dang zhu ba skyes pa'o/ /'bring po yang rgyun dag gis de bzhin du ste/ mchog las gzhan pa'i zhu ba dang bde ba skyes pa'o/ /mchog dag kyang rgyun gyis de bzhin du mchog gi mchog tu gyur pa las gzhan pa'i bde ba dang zhu pa skyes pa'o/ /des na yang dman pa dag las mi dga' ba skyes pa'o/ /'bring bo dag las ni mchog tu dga' ba'o/ /mchog dga' las ni dga' bral lo/ /mchog gi mchog tu gyur pa dag las ni lhan cig skyes pa'i dga' ba skyes pa'o zhes pa la sogs pa rnams kyis ni rkyen gyi dbye bas phye ba'o

  489. 245a

    lhan cig skyes pa'i dga' ba yang rang yang dag par rig pa'i rang bzhin no/ /ci de nyid de yang ji lta bu zhe na/ don dam pa de ni skye ba dang/ skyes pa'i rang bzhin dang/ rtogs par bya ba dang/ rtogs par byed pa'i rang bzhin ni ma yin te/ 'on kyang bla ma'i zhabs la bsnyen bkur ba las shes pa'o/ dga' ba dang po dpa' bo nyid ces bya ba la snyoms par 'jug pa las byung ba'i bde ba bskyed pa'i zhu ba dag ni dga' ba ste/ bde ba'i ye shes 'phel ba'i bdag nyid can no/ /de yang dman par gyur pas na dman pa'o/ /ji ltar rdo rje'i rtsa bar byang chub kyi sems gnas par gyur pa ni de nyid du bde ba myangs pa'i nyams su myong ba 'am rtogs pa ste/ de yang rtogs pa dang po nyid las so/ /gang gi phyir brgya lam na nyams su myong ba yang tha mal gyi gnas skabs na ni rtogs par byed pa ma yin la/ de yang dpa' bo ste thabs su gyur pa'o/ /mchog tu dga' ba rnal 'byor ma zhes bya ba la/ mchog tu dga' ba ni dga' ba dang po la bltos nas so/ /'bring pa ni zhu bar gyur pa las 'bring po'o/ /mchog kyang yin la dga' ba yang de yin pas de skad du'o/ /ji ltar rdo rje'i dkyil du byang chub kyi sems gnas par gyur pa de nyid las nyams su myong zhing rtogs pa ste/ khyad par du gyur pa'i bde ba'i ye shes mngon du byas pa'o/ /de yang rnal 'byor ma ste/ shes rab bo/ /shin tu bde dga' thams cad des/ zhes pa ni 'dir yid shin tu bde zhing dga' ba ni bde ba ste/ bde ba yang de yin pa'i dga' ba yang de yin pas shin tu bde dga' o/ /thams cad dam ma lus pa ni yang dag pa bdun te/ gang 'dir dbang po lnga rnams dang yul rnam pa lnga las so/ /de las b+he'i sgras nges pa ni yi ge spel ba'i don te/ /bde ba'i

  490. 245b

    sgrar 'brel to/ /'di yang mchog tu dga' ba'i pha rol tu blta bar bya ste/ de lta bu la dga' bral nyid ces brjod do/ /mchog ni zhu ba dang bde ba yang par byung ba las mchog tu gyur pa yang ji ltar rdo rje nor bu'i rtser byang chub kyi sems gnas pa gyur pa de nyid nyams su myong ba rtogs pa ni bde ba'i ye shes kyi khyad par ro/ /de bde thabs las thams cad rigs ces bya ba la/ thabs kyi sgras ni 'dir zhu ba'i gnas skabs la bya'o/ /de'i don ni 'di yin te/ de dag las mchog tu gyur ba dag ste/ zhu ba dang bde ba las phung po la sogs pa thams cad do/ /rig pa ni shes pa ste lhan cig skyes pa'i dga' bar ro/ /mchog tu gyur pa'i bde bar yang dag par gyur pa las so/ /de yang mchog tu gyur pa'i bde ba'i khyad par nyams su myong ba ni khyad par ni? rang bzhin no/ /ji ltar rdo rje'i nor bu'i dkyil du byang chub kyi sems gnas bar gyur pa de nyid lhan cig skyes pa'i dga' ba zhes bya ba ste/ bde ba thams cad las skye ba ni sngar bzhin du dga' ba rnams zhu ba de'i rkyen las skye bar blta bar bya'o/ /dga' ba bde ba cung zad de zhes bya ba ni dga' ba ni bde ba cung zhes pa'i don to/ /mchog du dga' ba la bltos pas bde ba chung ba las so/ /des na gsungs pa/ mchog tu dga' ba de las lhag ces pa la/ lhag pa ni lhag par gyur pa ste/ de'i phyir dga' ba las lhag pa ni de las lhag ces pa'o/ /dga' 'bral dga' ba chags bral nyid ces bya ba ni bral ba ni gzugs la sogs pa'i yul rnams la mig la sogs pa'i dbang po rnams kyis rim pa ji lta ba bzhin du bral ba ste/ de rnams su mi 'dzin pas na'o/ /yid kyi rnam par shes pa tsam la brten nas bde ba'i yul la dmigs pa'i yid kyi rnam par shes pa tsam du gnas pa'i bdag nyid du byas pa bral ba yin pa'o zhes pa'i don to/ de yang dga' ba dang bde ba 'dzin pa dang bral ba'i

  491. 246a

    shes pa kun rdzob kyi rang bzhin las 'dod chags kyi yul la ma thogs shing bral ba yang de yin la/ ma chags pa yang de yin pas chags bral te/ gzugs la sogs pa'i yul rnams la chags pa dang bral ba'o/ / chags pa dang bral ba nyid dga' bral te/ bdag nyid bde ba cung zad do snyam pa'i nga rgyal tsam du gnas shes par dgongs so/ /lhag ma lhan cig skyes dga' nyid ces bya ba la lhag ma zhes pa ni lnga pa mi mngon par byas pa ste/ dga' bral gyi lhag ma'o/ /des na tshogs pa'i lhag ma thob pa ni lhan cig skyes pa'i dga' ba yin pas dga' bral gyi tshogs pa'i lhag mar gyur pa ni lhan cig skyes pa'i dga' ba ste/ nor bu'i dkyil gyi tshogs pa las thob pa'o/ /lhag ma zhes pa ni mchog dga' dang/ dga' bral du yang sbyar ro/ /ni'i sgra yang khyad par nyid du ston pa'i don to/ /snyoms par 'jug pa tsam las chung ba'i zhu ba de'i lhag mar gyur pa ni dga' ba ste/ rdo rje rtsa ba'i tshogs pa las rnyed pa'o/ /dga' ba'i tshogs pa ni lhag mar gyur pa ni mchog dga' ste/ rdo rje dkyil gyi tshogs pa las rnyed pa'o/ /mchog dga' i tshogs pa'i lhag par gyur pa ni dga' bral te/ rdo rje'i rtsa ba'i tshogs pa las thob pa'o zhes pa'o/ /la la dag 'dod pa ni 'di yin te/ bgrang ba tsam gyis lhan cig skyes pa'i dga' ba nyid du rtogs pa ni byang chub kyi sems ltung ba nyid la dga' bral du byas nas/ lhan cig skyes pa'i dga' ba dga' bral gyi sngon du khyer bar byed do/ /de ni bden pa ma yin te/ bsgrub bya grub pa nyid kyi phyir te/ gang gi phyir lhan cig skyes pa ni rkyen gyis bsgrubs pas so/ /de yang dngos su 'am/ brgyud nas te/ dga' ba dang mchog tu dga' bas shes par byed do zhe na/ 'o na dga' bral gyi rjes su 'brangs pas ci zhig bya ste/

  492. 246b

    dga' bral ni bsgrub par bya ba dang/ sgrub par byed pa ma yin pa'o/ /ci ste yang byang chub kyi sems ltung ba las ni sdug bsngal ba nyid do/ /de ji ltar dag pa zhes pa ni bdag nyid du byed pa yin/ /dang por reg par 'dod pa dang/ zhes pa ni yi ge bdun gyi tshig ste/ reg pa zhes pa ni yul de rnams la reg par ro/ /'dod pa ni gang gi tshe reg par 'dod pa ste dang po'i dga' ba'o/ /gnyis pa bde bar 'dod pa dang/ /zhes bya ba ni bde ba tsam du 'dod pa ste mchog tu dga' ba zhes pa'i don to/ /gsum pa 'dod chags 'jig pa nyid ces pa chags pa'i bde ba la zhen pa med pa ste/ 'dir 'dod chags med pas na dga' bral de'i chags pa med pa nyid yin no/ /des na gsum pa dga' bral ni yul la 'dzin pa med pa ste/ bde ba tsam gyi lhag ma 'dzin pa'o/ /bzhi pa zhes pa ni dga' ba bzhi pa ste/ gang lhan cig skyes pa zhes pa de der gyur pa'o/ /de rnams las dga' ba dang mchog tu dga' ba dang/ dga' ba 'di dag ji lta bu zhe na gsungs pa/ bsgom par bya zhes pa ste/g gang bsgom par bya ba na dga' ba la sogs pa ste/ rnam par rtog pa dang ldan pa'o/ /bzhi pa ni rtog pa dang bral ba'i don to/ /mchog tu dga' ba zhes bya ba la sogs pa la/ mchog dga' ni brjod pa ste/ bdag dang bdag gi 'dzin pa'i rgyun gyi rang bzhin cung zad kyis 'ching bas so/ /dga' bral ni chags pa dang bral ba'o/ /mya ngan las 'das pa ni las dang nyon mongs pa'i 'ching ba spangs pa'o/ /dbu ma zhes pa ni snyoms par 'jug pa tsam las yang dag par byung ba nyid do/ /dga' ba tsam ni de lta bu ste/ dang po'i dga' ba zhes pa'i don to/ /de yang 'khor ba'i rnam pa nyid do/ /lhan cig skyes pas 'di dag spangs/ zhes pa la/ 'di dag ni dga' ba la sogs pa gsum po ste/ 'khor ba dang mya ngan las 'das pa dag tu shin

  493. 247a

    tu 'dzin pa med pa'i rang bzhin ni lhan cig skyes pa'o zhes dgongs so/ /ji lta bu zhe na gsungs pa/ 'dod chags med cing zhes bya ba la sogs pa ste/ chags pa med pa dang/ chags bral med pa dang/ dbu ma med pa ste/ chags pa dang chags bral la sogs pa las grol zhing so sor mi dmigs pa zhes pa rtogs so/ /gang gi phyir dga' ba dang/ mchog dga' ni chags pa yin la/ dga' bral ni chags pa med pa'o/ /de dag ni dbus su bzhi pa rtogs par yang dmigs par mi 'gyur ro/ /de lta bu'i rang bzhin ni ji ltar rtogs par bya zhe na/ de la brjod par bya zhes pa gsungs pa/ gzhan gyis brjod min zhes bya ba la sogs pa ste/ gang gi spyod yul ma yin pa'i phyir te/ yul med pa gzugs dang/ sgra la sogs pa'i rang bzhin nyid dang bral ba dang/ phyogs gang du yang bum pa la sogs pa bzhin du mig la sogs pa'i rang bzhin gyis mi dmigs pa'o/ /'o na lhan cig skyes pa zhes bya ba ming tsam ste ri bong gi rang bzhin brtags pas gang gi rnam pas kyang rtogs par byar med do zhe na gsungs pa/ bdag gi zhes bya ba la sogs pa ste/ ci lhan cig skyes pa ni shes par byar med pa ste/ 'on kyang pha rol gyi sgrin nang nyid yin pas bdag gis bdag la ste bdun pa'i don du blta bar bya'o/ /de bas bdag gis bdag la lhan cig skyes pa shes par bya'o/ /de yang bsod nams las te bla ma dang dkon mchog gsum la sogs pa mchod pa la sogs pa'i tshogs las byung ba'o/ / gang 'di ltar bla ma bsten pa la sogs pa ji ltar byed ce na/ gsungs pa/ bla ma'i zhes pa la sogs pa ste/ bla ma'i dus thabs ni rim pa ste/ gcig nas gcig tu bla ma bsnyen bla ma gcig nas gcig tu zhes pa'i don to/ /des na bla

  494. 247b

    ma'i dus thabs bsten pa ste/ dgos pa'i don la yon dbul ba la sogs pa sngon du 'gro bas brten pa yis so/ /bsten pa de dag gis ni bla ma nyid kyi thugs dgyes shing gsal bar gyur te/ rigs kyi 'dod pa'i yum dang snyoms par 'jug pa las byung ba'i dga' ba la sogs pa'i thabs gzung ngo/ /des na bsod nams dang/ bdag gis bdag la lhan cig skyes pa shes par bya zhes pa'o/ /da ni 'di'i ro mnyam pa nyid bstan pa'i don du gsungs pa/ dman dang 'bring dang zhes bya ba la sogs pa'o/ /bstan pa 'di'i bshad pa gsungs pa/ dman pa'i gnas ni zhes bya ba la sogs pa ste/ dman pa dang/ bcom pa dang/ bral ba dang/ med pa zhes pa'i don to/ /des na gsungs pa/ phra ba'i don zhes pa ste/ phra ba'i tshig ni shes pa phra ba'i don dngos po med pa'i mtshan nyid de 'dir de bzhin du brjod ces pa'o/ /mchog ni dngos por bya zhes pa ni dngos po yod pa'i rang bzhin du gyur pa'o/ /dbu ma gnyis kyang spangs pa nyid ces pa ni dngos dang dngos po med pa las grol ba'i mnyam par gyur pa zhes pa'i don to/ / dbang po drug ces pa ni mig la sogs pa'i dbang po rnams so/ /brtan pa ni gzugs la sogs pa'i yul rnams so/ /g.yo ba ni de'i rnam par shes pa dag go /yang na brtan pa ni rtag pa'o/ /g.yo ba ni mi rtag pa'o/ /'di kun zhes bya ba nyid med/ ces bya ba la/ kun zhes pa ni kun bsdus pas so/ /des na nga nyid du ma skyes pa ste/ nga nyid ni phung po'o/ /med pa ni de rnams ma byung bas na nga nyid med pa'o/ /mtshungs par 'dod ces bya ba ni dbang po drug dang/ yul dang rnam par shes pa ste/ phung po lnga po dngos dang dngos po med pa dang/ gnyis ka'i rang bzhin dang 'dra zhing mnyam par bya ba'o/ /de nyid bsgoms pas zhes bya ba'i tshig tu brjod pa dang/ ro mnyam zhes pa'i tshig tu brjod pa ni bstan pa'o/ /mnyam zhes bya ba la sogs pa la/ mnyam zhes bya ba mtshungs

  495. 248a

    par brjod ces pa ni yi ge bdun gyi tshig go /de yang bde ba dang/ sdug bsngal ba la sogs pa sems tsam gyis 'dra zhing mtshungs pa'o/ /de'i 'khor lo ro zhes brjod/ ces bya ba ni/ de ni mtshungs pa ste/ bde ba la sogs gsang ba'o/ /de ni nyams su myong ba'o/ /'khor lo ni tshim pa ste/ gzhan dang gzhan du 'dod pa dang bral bas so/ /bsgom pa ni lhan cig skyes pa de nyid rtse gcig pa'i ting nge 'dzin rnams te/ ro mnyam pa'i rang bzhin zhes bya bar dgongs so/ /sgom pa ro gcig mnyam pa nyid ces bya ba ni gcig tu gyur pa ste/ gnyug ma gang gi ro mnyam pa de nyid do/ /des na sems su mnyam pa'i rang bzhin pas na bde ba la sogs pa de phan pa'i rang bzhin can no/ /don 'di yis zhes bya ba ni sngar brjod pa'i rgyu nyid las so/ /de'i don ni 'di yin te/ gang gi phyir kun gyi bya ba mnyam pa de'i phyir rang bzhin gcig pa zhes bya'o/ /de dag thams cad rang gi sems las mi gzhan pa nyid gsungs pa nga las byung zhes bya ba la sogs pa ste/ nga ni sems nyid du gyur pa ste/ des na nga las byung ba'o/ /nyid ni nges par gzung ba ste/ ci zhe na gsungs pa/ 'gro ba thams cad ces bya ba la/ 'gro ba ni phung po dang/ khams dang skye mched thams cad do/ /srid gsum ni lus dang/ ngag dang/ yid dang/ 'dod pa dang/ gzugs dang gzugs med pa'i khams gsum mo/ /nga yis 'di kun khyab pa ste zhes bya ba la/ nga ni sems tsam gyi phung po la sogs pa la khyab pa ste/ dam bca' ba'o/ /nye bar bsdu ba gsungs pa/ 'gro ba'i rang bzhin gzhan ma mthong zhes pa ste/ de dag las gzhan pa'i brtan pa dang g.yo ba la sogs pa la yang khyab ces pa'o/ /yang na nga la sogs pa rnams kyis lhan cig skyes pa zhes brjod do/ /de skad du yang/ 'gro ba thams cad sangs rgyas lnga'i bdag nyid de/ /gang zhig rang gi sems nyid las ni gar bzang po/ /bde ba chen po zhes pa gang gi tshe

  496. 248b

    ba tso bo ste/ gcig nyid du ma'i nyams kyis gar mdzad do zhes gsungs so/ /tshul 'dis bskyed pa'i rim pa'i rnam pa'i rab tu dbye ba bshad pa rdzogs pa'i rim pas rig cing rtogs la/ bskyed pa'i rim pa bshad pas rdzogs pa rtogs shing rig pa'i don du/ bskyed pa'i rim pa ji ltar byung ba dang/ bslab pa'i don du gsungs pa/ de ltar shes nas zhes bya ba la sogs pa ste/ lhan cig skyes pa'i rang bzhin ni 'gro ba'i bdag nyid can gyi dkyil 'khor te/ gang zhig lhan cig skyes pa la dus ring por gus pa rgyun mi 'chad bar bsgoms pa des ni 'grub par the tshom med ces par 'brel to/ /shin tu mnyam gzhag ces pa ni mi dge ba yongs su spong ba'i dge ba ste/ de yang dge ba dang mi dge ba ro mnyam pa'i rang bzhin lhan cig skyes pa ji lta ba bzhin du dmigs par byi yas sems skyo ba tsam dang g.yo ba'i rang bzhin gyis ni bya ba ma yin no/ /gang gi phyir bcom ldan 'das kyi dam pa'i chos ni spu gri'i so la yod pa'i sbrang rtsi'i thigs pa dang mtshungs pa ste/ thabs dang bral ba'i dge bas ni bsgrub mi nus so pas so/ /yang na shin tu mnyam gzhag ni dad pa ste rim pa gnyis ka la yang gus pa nyid du gnas pa'o/ /'grub par zhes pa ni 'grub pa nyid do/ /des na gsungs pa/ the tshom med ces pa'o/ /bsod nams chung ba zhes pa ni de bsod nams chung zhing nyung ba de dag go /gis kyang ste brgya lam na sangs rgyas kyi byin gyis brlabs kyi thabs kyi rgyu mtshan dang/ goms pa la rab tu 'jug pa'i rgyus rtogs par byed pa'i bsod nams 'dis byas pa ste/ bsod nams gzhan gyis ni ma yin no/ /yang na mtshams med pa lnga la sogs pa byed pa 'dis kyang ste/ bsod nams chung bar gyur pa'o zhes dgongs so/ /kyang zhes pa'i sgras ni bsod nams dang ldan pas 'grub pa nyid the tshom du 'gyur/ de ni rgyun mi 'chad par gsungs pa/ bza' dang zhes bya ba la sogs pa la/ nyal dang zhes pa ni de bzhin du gnyid yu

  497. 249a

    ba yin yang sems pa dang/ ji ltar gnyid log kyang rmi lam du 'ong ba'o/ /yang na nyal zhing log pa 'dis kyang mchog tu rgyun mi 'chad par ston to/ /rtag tu zhes pa ni rtag pa dang/ rgyas pa dang/ ring ba ste/ de yang lhan cig pa'i dus kyi rtag pa dang 'phel ba zhes pa dang/ rtag pa de'i rang bzhin du gyur pa zhes pas na rtag pa ste dus ring ba nyid do zhes pa'i don to/ /ni'i sgra ni bsdu ba'i don to/ /des na zhes pa ni lnga pa mi mngon par byas pa'o/ /des sgom par byed pa ni gus pa rgyun mi 'chad pa la zhugs pas rtag tu 'gro ba ste/ des 'grub pa'o/ zhes sngar gyi bya ba 'brel to/ /da lta bus cir 'gyur zhe na gsungs pa/ phyag rgya chen po mngon 'dod pa zhes pa la/ phyag rgya chen po ni lha rnams so/ /der bdag nyid mngon par 'dod pa de yang de bzhin no/ /lha'i gzugs kyi bdag nyid du 'dod pa'o zhes pa'i don to/ /de kho na nyid ma yin pa cung zad kyang med ces pa bstan pa'i don du gsungs pa/ bsgom pa zhes bya ba la sogs pa ste/ bsgom pa zhes pa ni goms par byed pa'o/ /nyid ni nges par gzung ba'o/ /'gro ba thams cad ces bya ba ni bshad zin to/ /gang gi phyir yid la mngon par zhen cing goms pa nyid kyis sgom par byed pa'o/ /mngon par zhen pa mngon du song bas dngos po med pa nyid ji ltar sgom par byed ce na gsungs pa/ thams cad ces bya ba la sogs pa la/ thams cad ni phung po la sogs pa rnams gcig dang du ma la sogs pa stong pa'i shes pa ni sgom pa ste de lta bu'i sgom pa ni sgom pa ma yin no/ /gang las gang gi phyir chos thams cad rang bzhin gyis mthu dang bral ba yin na de rnams gcig pa la sogs pa dang bral ba ji lta bu dngos po med pa de la ni yongs su shes pa yang ma grub pas

  498. 249b

    so/ /gzhan yang 'gro ba lhan cig skyes pa'i rang bzhin du bstan pa ni/ brtan dang zhes bya ba la sogs pa ste/ g.yo ba ni srog chags rnams so/ /brtan pa'i sgras brjod par bya ba gsungs pa/ rtsa bug ces bya ba la sogs pa la/ dam pa de nyid des bsgom bya zhes pa ni yi ge bdun pa'i tshig ste/ des ni mngon par zhen pa med pa'i bsgom pa ni de kho na nyid do/ /de kho na nyid kyi rang bzhin gsungs pa/ bdag gi dngos po ni bsam pa dang/ sems nyid do zhes pa'i bar du'o/ /de nyid kyi rang bzhin gang yin pa de de bzhin du'o/ /de skad du yang/ gang sems can de rnams nyid kyi mthong ba dang/ thos pa dang/ snom pa dang/ myang bar byed pa dang/ rengs pa la sogs pa nyams su myong ba gang yin pa de dag thams cad rang gi sems nyid kyi rang bzhin no zhes gsungs so/ /des na yang gang dang gang du gang dang gang gis mthong ba la sogs par byed pa de dang de nyid du de dang de'i rang gi sems nyid ni rang gi sems nyid las gzhan du cung zad kyang yod pa ma yin pa'o/ /gang gi bde ba la sogs pa ni sngon po la sogs gzugs su snang ba ni de'i sems nyid de dag gi rnam par ro/ /de yang dgra dang zin la sogs pa dang/ las dang las ma yin pa la sogs pa dang/ de bzhin gshegs pa la sogs pa'i gzugs rnams kyang de dag gi sems nyid do/ /sems nyid du gsungs pa ni bdud 'di dag ni sems nyid do/ /sems nyid de bzhin gshegs pa'ang yin/ /rang gi sems ni 'dul don du/ bdud ni nye bar zhi bar bya zhes pa'i tshig las so/ /gang de lta bu yin na sems can ma grol ba ji lta bu zhe na/ gsungs pa/ de rnams shes pa la sogs ste/ de rnams ni thun mong du 'gro ba rnams la de kho na nyid bde ba chen po'i rang bzhin yod pa yin no/ /'on kyang rang rig pa 'di lta bu rang gis nyams su myong ba nyid kyi tshor ba yod pa ma yin pa ste/ tha mal gyi gzugs nyid

  499. 250a

    kyis gzung ba las/ de dag gis gzung nas kyang ma gzung ba lta bus te/ rtogs pas so/ /gang gi phyir dngos po rtogs nas gzung ba yin gyi/ tha mal pas kyang dngos po'i rang bzhin mi rtogs shing go ba ma yin pa'o/ / dngos po yang bsgom par byas nas grol ba thob pa yin gyi/ de yang de ltar ma bsgoms na rang bzhin dmigs par mi 'gyur ro/ /rang bzhin mthong ba las ni dngos po rnams mthong ba ste/ rang bzhin ni grol ba nyid yin pas so/ /de yang 'chad par 'gyur te/ rang bzhin mya ngan 'das pa nyid ces pa'o/ /lhan cig skyes pa'i rang bzhin yang gzung ba ma yin te/ gzung ba la sogs pa'i mngon par zhen pas so/ /des na gsungs pa/ rang rig las ni 'grub par 'gyur zhes pa la/ rang rig ni de'i bde ba chen po rang yang dag par rig pas so/ /des na phyag rgya chen po'i dngos grub po/ /rtogs pa tsam gyis kyang ji ltar dngos grub tu 'gyur zhe na gsungs pa/ rang rig phyir na bsgom pa nyid/ ces pa ste/ rang rig pa nyid bsgom pa las ma rtogs pa'i dngos grub ni yod pa ma yin pa ste/ lhan cig skyes pa'i rang bzhin lha rnams kyi dngos por bsgoms pas grol ba ster bar 'gyur zhes bya bar dgongs so/ /dge ba dang mi dge ba'i las rnams lhan cig skyes pa'i rang bzhin no zhes gsungs pa/ rang rig pa'i rang bzhin las shes pa'o/ /de lta mod kyi grol bar ji ltar 'gyur zhe na/ gsungs pa/ gnod pa las ni las skyes te zhes bya ba la/ gnod pa ni rnam par rtog pa ste/ mngon par zhen pa zhes pa'i don to/ /de yang lhan cig skyes pa ni zhes bya ba'i sgrib pas bsgribs te ma mthong bas lhan cig skyes pa nyid las las kyi snang ba skye bar byed de/ ji ltar rab rib can lta bur dag pa'i rang bzhin nam mkha' i ngos su bden pa ma

  500. 250b

    yin pa las skra shad kyi phung po rnams so/ /rang gis 'phrog cing zhes bya ba ni rang nyid las dang nyon mongs pa 'joms pa'i lhan cig skyes pa'i dga' ba'o/ /rang gis byed ces pa ni las dang nyon mongs par yang byed pa ste/ rang nyid kyis grol ba dang 'khor ba byed ces pa'i don to/ /rang nyid rgyal po zhes pa ni 'khor ba dang mya ngan las 'das par mngon par zhen pa med pa'i rang bzhin mi gnas pa'i mya ngan las 'das pa la gnas pa ni rang nyid do/ /rang nyid gtso bo zhes pa ni bdag nyid la bdag nyid kyis khyab pa'o/ /yang na rang nyid las dkyil 'khor sprul pa dang/ rang nyid gzung ba la sogs pa de dag nyid du mngon par zhen pa 'joms pa dang/ rang nyid dkyil 'khor bdag po nyid kyis na rgyal po ste/ rang nyid brtan pa dang g.yo ba la khyab ces pa'o/ /da ni nyon mongs pa'i sgrib pa las grol ba nyid gsungs pa/ 'dod chags zhes bya ba la sogs pa la/ 'dod chags ni 'khor ba'i bya ba'i dgos pa la chags pa'o/ /zhe sdang ni sems kun nas mnar sems pa'o/ /phrag dog ni gzhan gyi yon tan la mi bzod pa'o/ /gti mug ni shes bya'i sgrib pa ste/ de yang nye bar len pa'i phung po lnga la sogs pa la rtag pa dang bdag nyid la sogs par shes pa'i rang bzhin no/ /nga rgyal ni sems khengs pa ste/ gang gi phyir 'di ltar phung po lnga rnams la bdag nyid du bkod pa yang nga 'am bdag go zhes khyad par de dang de'i bdag nyid du khengs par byed pa'o/ /de yang rnam pa bdun du phye ba ni 'di lta ste/ nga rgyal ni shes pa dang/ rigs dang nor la sogs pa rnams kyis dman pa las rigs la sogs pa mtho 'o snyam pa'o/ /lhag pa'i nga rgyal ni rigs dang/ shes pa dang/ nor la sogs pa mtshungs pa las gtong ba dang/ tshul khrims dang/ skyes bu la sogs pas bzang ngo snyam pa'o/ /nga rgyal las kyang nga rgyal ni rigs dang shes

  501. 251a

    pa dang nor la sogs pa bzang ba las rigs dang shes pa dang nor la sogs pa bzang ngo/ /nga'o snyam pa'i nga rgyal ni nye bar len pa'i phung po rnams bdag dang bdag gi dang bral ba la bdag dang bdag gir sems mngon par zhen cing khengs pa'o/ /mngon pa'i nga rgyal ni gong ma'i khyad par ma thob par bdag gis mngon sum nyid du thob pa'o zhes sems khengs pa'o/ /cung zad mnyam pa'i nga rgyal ni/ shes pa dang ni rig pa dang nor la sogs pa khyad par shin tu 'phags la rigs dang shes pa dang/ nor la sogs pa cung zad kyis dman snyam pa'o/ /log pa'i nga rgyal ni yon tan ma yin pa la yon tan can no snyam du sems khengs pa'o/ /de lta bu'i 'dod chags la sogs pa'i nyon mongs pas de gnas la/ bcu drug char yang mi phod do zhes bya bar 'brel to/ /de'i sgra ni lhan cig skyes pa nyid do/ /gnas ni ye shes te/ 'dis nyon mongs pa zad nas go 'phang du bgrod pa'o/ /de nyid go 'phang yang yin gnas kyang yin pa ste/ lhan cig skyes pa'i ye shes zhes pa'i don to/ /nyams dga' zhes pa yang dpe bskrun du med pa nyid las so/ /lhan cig skyes pa dang ldan pa de la ni bcu drug gi chas sbyang ba ma yin no/ /gang gi phyir zla ba ni bcu drug gis dus te de'i yang cha ni bcu drug yin pas/ bcu drug khyer? yang ngo/ /de yang don gyi bya ba mi byed pa des na yang nyon mongs pa de dag mi gnas so zhes pa'i don to/ /don byed pa'i nus pa'i cha yang yod pa ma yin no zhes dgongs so/ /chos 'byung las skyes ye shes zhes bya ba la/ chos ni gnyug pa? ste dngos po thams cad kyi rang bzhin no/ /de yang gcig dang du ma la sogs pa'i rang bzhin dang bral ba'o/ /las skyes ni de las byung ba ste/ /chos 'byung las skyes so/ /chos 'byung gi gnas 'di yis bskyed pa'i stong pa nyid kyi ye

  502. 251b

    shes so/ /des na skyes pa zhes pa ni de nyid du'o/ /ye shes ni rab tu gsal ba'i rang bzhin nyid kyis so/ /mkha' mnyam ni gnyug mar grub pa las so/ /de ji lta bu'i ye shes yin zhe na/ gsungs pa/ lhan cig thabs dang bcas zhes pa ste/ thabs dang bcas pas 'phel bas na thabs dang bcas pa ni shes rab bo/ /de dang lhan cig pa ni der rab tu bsgrub pa ste/ de las ma gtogs pas shes pa'i nus pa med ces pa'i don to/ /'jig rten gsum po de las skyes shes pa 'dis ni shes rab kyi chos 'byung gi nang gi dkyil 'khor du sems can rnams dbang bskur bas bde ba chen po thob pa dang/ de las skyes pa zhes rtogs par bya ba'i don to/ /yang na 'jig rten gsum ni sprul pa la sogs pa'i sku gsum mo/ /de la lhan cig skyes pa las byung ba'i dkyil 'khor goms pa nyid ni 'dod par gyur pa'i sbyor ba'o/ /de nyid kyis na nyid kyi sgra ni nges par gzung ba'o/ /de nyid ci zhe na/ gsungs pa/ shes rab ces bya ba la sogs pa ste/ shes rab ni lhan cig skyes pa'i ye shes so/ /thabs shes pa ni dkyil 'khor gyi 'khor lo'o/ /rang bzhin ni de dag tu nges pa ste/ ldog pa byas pa'i tha dad tsam zhes pa'i don to/ /de'i don ni 'di yin te/ lhan cig skyes pa rtogs pa las lha'i rnam pa sgoms pas sku gsum 'grub ces pa 'am/ /yang na thabs dang shes rab kyi rang bzhin las sems can skye zhes pa'o/ /khu ba'i rnam pa bcom ldan yin/ zhes pa ni yi ge dgu pa'i tshig ste/ zhu ba'i rnam pa yang dpal he ru ka ste de yang thabs so/ /de'i bde ba 'dod mar brjod/ ces pa la/ de'i bde ba ni bde ba'i rgyun las byung ba'i bde ba de'o/ /de ni 'dod ma ste de dag lhan cig skyes par rjod par byed pa don dam par gyur pa lhan cig skyes pa'i dga' ba rtogs pa'o/ /gang gi phyir de dag gi rang bzhin yin zhe na gsungs pa/ gcig dang zhes bya ba la sogs pa ste/ rdul phra rab

  503. 252a

    tshogs pa'i rang bzhin nyid las gcig dang du ma'i rang bzhin no/ /de zhes pa ni zhu ba'i rnam pa'o/ /skad cig gcig la mchog dga' zhes pa la/ dga' ba ni bde ba dang shes rab ste/ de yang skad cig ma nyid dga' ba'o/ / de lta bu'i dga' bas ni gnyis spangs pa nyid las so/ /khu ba dang bde ba dag ni thabs dang shes rab la sogs pa dag tu ston pa nyid do/ /de'i lhan cig skyes pa'i rnam pa'i don du gsungs pa/ rang gis rig pa'i ye shes zhes bya ba la sogs pa ste/ lhan cig skyes pa'i rang bzhin la dris pa'i sbyor ba dang/ lan du gyur pa yod pa ma yin pas ngag gi lam 'das so/ /'di ni byin rlabs rim pa zhes bya ba la byin gyis brlabs pa ni 'jug pa ste lha rnams thams cad kyis 'jig rten las 'das pa'i dngos grub la sogs pa ster ba dang/ 'dir byin gyis brlabs pa ste/ gang du yang gyur pa ma yin zhes pa'i don to/ /yang na lhag ma las lhag pa'i dus de bzhin du gnas pa ni lhag par gnas pa ste byin rlabs so/ /des na thog ma dang tha ma spangs pa'i dus su gnas shes pa'i don to/ /de yang lhan cig skyes pa'o/ /de'i rim pa ni yul rnams rtogs pa nyid kyis lhag par 'gro bas ni byin rlabs rim pa'o/ /de yang snyoms par 'jug pa tsam las byung ba'i bde ba la sogs pa'i dga' ba gsum gyi rang bzhin thabs so/ /kun mkhyen ye shes de lta bu zhes pa la kun mkhyen ye shes ni rnam par dbye ba ni mngon par byas nas kun mkhyen ye shes ni gnyis su med pa'i ye shes shes rab kyi pha rol tu phyin pa'i rang bzhin yin la/ de yang de'i bdag nyid du byin gyis brlabs pa'i rim pa'i rang bzhin te/ gang gi phyir gnyis su med pa'i ye shes ni lhan cig skyes pa'i rang bzhin no/ /'o na gnyis su med pa'i rang bzhin gyi

  504. 252b

    rtogs pa'i skad cig la ni ji lta bu zhe na/ gsungs pa/ sa dang zhes bya ba la sogs pa ste/ kun gyi skad cig ces pa ni lnga pa mi mngon par byas nas/ de dag gnas nyams dga' zhes pa la snyeg ste/ de gnas su zhugs pa'i skad cig tsam thob nas spang zhing med par bya ba'i las 'dir blang bar bya'o/ /gang las she na/ gsungs pa/ mi gnon te zhes bya ba la sogs pa ste/ gang gi phyir rang gzhan dag gi rigs pa ni/ rang gzhan bdag gi rigs pa zhes bya'o/ /ci zhe na gsungs pa/ tshor ba yis shes pa ste/ sa la sogs pas shes par gnod pa ni sa la sogs pas so/ /de'i don ni 'di yin te/ gang gi phyir lhan cig skyes pa 'byung ba rang nyid kyis bden pa yang mi bden pa lta bu yin te/ rnam par rtogs pa med pa'i phyir ro/ /de la dmigs pa'i ye shes ji ltar skyes par 'gyur zhes pa'o/ /dbye ba'i khyad par shin tu che yang der ma shes so/ /zhes bstan pa'i don du gsungs pa/ mtho ris shes pa la sogs pa ste/ dbyer med cing sems gcig pa tsam ni 'dir mtho ris la sogs pa'i gzugs zhes bya'o/ / gzugs gcig pa de ni rnam pa'o/ /skad cig ces pa ni de'i tshe'o/ /lhan cig skyes pa sna tshogs pa nyid ni sgyur zhing gnod par mi nus pa nyid do zhes gsungs so/ /rang gzhan cha'i rnam rtog gis/ gnod pa nyid ni nus pa min/ zhes pa la gnod pa ni rang bzhin nyid la dbye ba nyid dang/ bsgyur zhes pa'i bar du'o/ /mi nus zhes pa ni gang du yang bsgyur du mi nus pa nyid do/ /gzhan du na lhan cig skyes pa ma yin pa nyid du thal bar 'gyur ro/ /dngos grub kyi thabs gzhan ma yin pa nyid du gsungs pa/ thams cad ces bya ba la sogs pa ste/ de bzhin las rgyas la sogs pa zhes pa ni yi ge dgu pa'i tshig go /dag pa'i dngos grub 'byung ma yin/ /yang ni srid mthar skye bar 'gyur/ zhes bya ba ni skye ba gzhan du yang dngos grub 'byung bar ma yin no

  505. 253a

    zhes 'brel to/ /skye ba ni skye ba'o/ /srid pa'i mthar zhes pa ni phung bo la sogs pa'i mdza' o/ /de las dngos grub 'byung ma yin ni rig byed la sogs pa rnams las so/ /ji ltar yang dngos grub ce na/ dag 'byung yang ni zhes pa la/ dag ba ni gnyis te/ don dam pa'i rang bzhin dang kun rdzob kyi rang bzhin zhes pa ste/ snga ma ni lhan cig skyes pa'i dga' ba'o/ /cig shos ni lha'i rnam pa'o/ /de dag phung po la sogs pa rnam par dag par bsgoms nas rdzogs pa'i byang chub ster bar nus zhes pa'i tha tshig go /ldog pa'i sgos thabs bsdu ba gsungs pa/ de med ces bya ba la sogs pa la de zhes pa ni rnam par dag pa gnyis so/ /rnam par dag pa gnyis po de yang dpal dgyes pa'i rdo rje las gzhan pas ni lta bzhin du mi shes pa'o zhes gsungs so/ /mi shes zhes bya ba la sogs pa'o/ /yang thabs shes pa tsam gyis 'grub pa ma yin no zhes gsungs pa/ chu bo zhes pa la sogs pa ste/ rtag tu de nyid rnal 'byor gyis/ gnas par bya zhes par 'brel to/ /ji lta bu zhe na gsungs pa/ chu bo zhes pa ste/ chu bo'i rgyun ni chu dang bcas pa ngogs gnyis kyi bar de nyid du rgyun du 'bab cing 'jug pa gang yin pa de nyid rnal 'byor de'i'o/ /ji lta bu zhe na/ gsungs pa/ mar me zhes pa la sogs pa ste/ mar me'i 'od zer gyi rab tu bcings pa ni gzhan dang gzhan du 'gyur ba mar me'i 'od zer rab tu bcing pa nyid ni mar me'i rtse mor rab bcing ltar ro/ /gzhan dag gis stan pa dang rtag tu bshad pa ni/ nyin dang mtshan du zhes bya ba'o/ /yang na de kho na nyid yang dag par bsdus pa'i rnal 'byor pas so/ /kun rdzob tu ni sgrub pa po gang gis te/ de nyid rnal 'byor ro/ /lhag ma ni snga ma bzhin no/ /don dam par shes par byed pa'i thabs la goms

  506. 253b

    par byas pa dang/ 'bras bu ster bar 'gyur ro zhes dgongs so/ /yang na de kho na nyid kyi sgra ni thun mongs dang mchog gi tshig go /des na yang de nyid ni gnyis te kun rdzob dang don dam pa dag go /rnal 'byor ni phan tshun du mi phyed pa'o/ /de lta bur la gyur pa'i rgyu des na rtag tu sgrub pa pos rnam par bzhag par bya'o/ /de nyid rnal 'byor gyis ji lta bur 'gyur zhe na/ gsungs pa/ chu bo'i rgyun nyid rab tu 'jug pa gang gi rgyun de de bzhin du'o/ /yang khyad par ni mar me zhes pa la sogs pa ste/ mar me'i 'od zer dag rab tu bcings pa de ltar ro/ /ji ltar chu bo'i rgyun dag dang/ mar me'i rtse mo rab tu bcings pa de dag gi bdag nyid de bzhin du kun rdzob dang don dam pa'i rnal 'byor gyis the tshom med par lhag par mos shing kun rdzob tu bsgoms la rnam par bzhag par bya'o/ /zhes gsungs so/ /le'u rdzogs pa'i sgos le'u gsungs pa'i don bsdus te gsungs pa/ rnal 'byor ma'i zhes bya ba la sogs pa ste/ rnal 'byor ma rnams kyi 'am/ rnal 'byor ma'i 'khor lo 'dir brjod par byed pa'o zhes pa de bzhin du/ 'du ba ni thabs te/ rnal 'byor ma chen mo shin tu rnam par dag pa'i shes rab 'du ba gnyis kyis so/ /phan tshun du khyab par sbyor ba'i bar du'o/ /des bsgrub par bya ba'i bde ba gang dag tu brjod pa'i le'u gang yin pa de la yang de skad ces bya'o/ /bskyed pa dang rdzogs pa'i rim pa mngon par brjod pa'i rim pa ste brgyad pa'o/ /de yang khyad par bgrangs pa dag las le'u yi lhag ma gsungs pa'i don ni/ bdag gis rdzogs pa'i de bzhin du gzhan la yang ngo/ /de dag ni dgyes pa'i rdo rje'i rnam par 'grel pa las/ le'u brgyad pa'i 'o// //phung po la sogs pa rnams rnam par dag pa bsgoms nas thar pa thob pa/ bskyed pa dang rdzogs pa rnam

  507. 254a

    par dag pa gnyis kyi tshul sngar gyi le'u bstan pa zhes pa'i bshad pa/ de nas gzhan yang rnam par dag pa'i le'u gsungs pa/ de nas gzhan yang zhes bya ba la sogs pa la/ rnam par dag pa ni kun rdzob dang don dam pa'i rang bzhin no/ /don dam pa'i rnam par dag pa gsungs pa/ thams cad kyi zhes pa la sogs pa la/ nges par gyi sgra ni don dam pa'i tshig go /des na yang dngos po rnams ni phung po la sogs pa rnams te don dam par na'o/ /rnam par dag pa ci zhe na/ gang de bzhin nyid du brjod pa ste/ de yang rang bzhin stong pa nyid la sogs pa stong pa/ rdzogs pa'i rang bzhin te/ lhan cig skyes pa zhes bya ba'i bar du'o/ /gang yang de rnams kyi snang ba'i rang bzhin brdzun pa de ni kun rdzob rnam par dag par bstan pa'i don du gsungs pa/ phyi nas zhes bya ba la sogs pa ste/ lha rnams kyi'o/ /re re'i dbye ba ni khyad par ro/ /lha rnams ni phung po la sogs rnam par dag pa brjod ces par 'brel to/ /rnam par dag pa ni rnam par dag par 'gyur ba'o/ /de yang phung po la sogs pa rnams tha mal gyi gzugs mngon par 'dod pa ma yin pa yongs su spangs pas sngar gyi mngon par 'dod pa'i rang bzhin du sbyor ba'o/ /de yang don dam par na bdag med pa'i sa gzung ba la sogs pa mngon par 'dod pa ma yin pa'i rang bzhin yongs su spong ba ni mngon par zhen pa rnams mngon par 'dod par bya ba'i rang bzhin ma yin no zhes sbyar bar bya'o/ /kun rdzob tu lha'i gzugs kyis mchod yon la sogs pas mchod pa'i tshul mi spongs pa ste/ mchod pa la sogs pa'i tshul can no/ zhes bya bar sbyar ro/ /don dam par rnam par dag pa'i tshul de srid pa

  508. 254b

    gsungs pa/ dbang po drug ces bya ba la sogs pa la/ phung po lnga dang dbang po drug ces bya ba ni/ phung po lnga ni nye bar len pa'i phung po lnga rnams so/ /skye mched drug ces bya ba ni phyi rol gyi skye mched drug go /'byung chen lnga zhes bya ba ni sa la sogs pa'i 'byung ba lnga rnams so/ /rang bzhin gyis ni rnam par dag ces bya ba ni de rnams ngo bos sam rang bzhin nyid kyis so/ /rnam par dag pa ni gzung ba la sogs pa'i dri ma spangs pa'o/ /gang de ltar de dag gis ci rnam par dag ce na/ gsungs pa/ shes bya'i zhes bya ba la sogs pa ste/ shes bya'i sgrib pa ni mi shes pa ste/ gzung ba la sogs par mngon par zhen pa'i rang bzhin rmongs pa zhes pa'i don to/ /nyon mongs pa zhes pa ni 'dod chags dang/ zhe sdang dang/ nga rgyal dang/ gti mug dang/ lta ba dang/ the tshom rnams te de rnams kyis bsgribs pa'o/ /dbang po la sogs pa las byung ba ni cung zad bsgrib pa ste/ de'i dri ma rnams ni rang bzhin ma yin ba nyid las so/ /sbyang bya zhes pa ni gnyug ma phun sum tshogs pa'i rang bzhin du byed pa'o/ /gang gi phyir de rnams ni rang bzhin gyis dri ma med pa gnyug ma'i rang bzhin ni spas shing byibs nas/ gzung ba la sogs pa'i rang bzhin blo bur ba'i rmongs pa ni bsal bar byas pa'o/ /ji ltar nam mkha' ni thog ma med pa nas grub pas dri ma med pa nyid de/ mun pa dang/ khug rna la sogs pa'i sgrib g.yogs kyis bkab pas blo bur ba'i rang bzhin nyid kyi gnas skabs bsal bar byed do/ /de yang ji ltar gnyen pos bsal ba'i gnas nam mkha' nyid de bsal bas ni dri ma med pa zhes brjod do/ /de bzhin du gti mug la sogs pa'i mi mthun pa yang gnyen por gyur pa dag bdag med pas

  509. 255a

    bsal bas na/ phung po la sogs pa yang gzung ba la sogs pa'i dri ma bsal ba'o/ /gzhan yang dag par gyur pa'i lhan cig skyes pa'i bdag nyid ces pa yang gsungs pa/ rang rig bdag nyid dam pa nyid ces pa'o/ /kun rdzob tu rnam par dag pa lta zhog gi /don dam pa'i rnam par dag pa ji lta bu zhe na/ gsungs pa/ gzhan gyis zhes bya ba la sogs pa la/ gzhan ni kun rdzob 'ba' zhig rnam par dag pa 'dis so/ /rnam grol min ni don dam pa'i rnam par rtog pa la ma bltos par ro/ /de yang gzung ba la sogs par gzung bas ni grol bar mi 'gyur zhing/ 'dzin pa yang sdug bsngal gyi rgyu ste/ gang gi phyir bsgrub bya ni bde ba las so/ /phung po la sogs pa dang rang rig pa nyid ji ltar 'brel zhe na/ gsungs pa/ yul gyis nye bar mtshon nas phung po la sogs pa yang gzung ngo/ /des na yul la sogs pa rnams ni rang rig pa'i bde ba mchog go /'brel pa zhes pas na/ ci zhe na/ gsungs pa/ dngos po dag pa zhes bya ba la/ dag pa'i dngos po ni gnyug ma chos kyis dbyings kyi rang bzhin gang yin pa de dag yul la sogs pa de rnams su gyur pa ste rnam par dag pa'i rang bzhin te/ rnam par dag pa'i rang bzhin nyid do/ /des na dngos po 'di yang yul la sogs pa rnams kyi rang bzhin te/ rang bzhin mchog tu rnam par dag pa de'i bdag nyid kyang rang gis rig pa'i bde ba'o/ /des na yul la sogs pa dang 'brel par 'gyur ba zhes pa'o/ /ci zhe na/ gsungs pa/ gzugs zhes bya ba la sogs pa la gzugs la sogs pa'i yul zhes pa'i gzugs la sogs pa'i sgra la sogs pa ste/ gang gi yul yin pa de dag go /gang yang gzhan rnams zhes pa ni phung po la sogs par snang ba'i rnal 'byor ma rnams so/ /zhes pas yi ge dgu'i tshig go /gang gzugs la sogs pa'i yul rnams dang/ phung po

  510. 255b

    la sogs kun rang bzhin gyis dag pa'i rnal 'byor pa mthong zhing snang ba yin gyi/ so so skye bos ni ma yin no zhes pa'i don to/ /gang gi phyir de rnams shes bya'i sgrib pa rab rib kyis mthong ba nyams pa rnams kyis gzugs la sogs pa dngos por mthong ba'o zhes gsungs pa/ dngos po 'di kun dag pa nyid ces pa ste/ nyid ni nges par gzung ba'o/ /des na dngos po dag pa nyid ni ji lta bu zhe na/ gsungs pa/ ji ltar 'gro ba sangs rgyas bdag ces pa ni phung po la sogs pa sangs rgyas kyi rang bzhin te 'gro ba ni phung po'i rang bzhin no// sangs rgyas ni gnyis su med pa'i ye shes te/ des na 'di ni rnam par dag pa'i rang bzhin no/ /phung po la sogs pa 'di thams cad do zhes par 'brel to/ /gang dang gang gi rang bzhin las ma rtogs pa de dang de ni skad cig tsam du yang mi gnas te/ ji ltar me'i tsha ba bzhin no/ / des na rnal 'byor pas phung po la sogs pa rnams gnyis su med pa'i ye shes kyi rang bzhin du shin tu gsal bar kun tu snang zhing mthong ba'o zhes pa'o/ /de skad du yang/ shes rab pha rol tu phyin ye shes/ /gnyis med de ni de bzhin gshegs zhes gsungs so/ /kye bcom ldan 'das zhes bya ba la sogs pa ni rdo rje snying pos dris so/ /gzugs la sogs pa'o zhes pa ni bcom ldan 'das kyis dris pa'i lan no/ /ci'i slad du zhe na/ zhes pa ni yang dris pa'o/ /gzung ba zhes pa la sogs pa ni/ yang lan btab pa'o/ /gang lags zhes pa ni yang dris pa'o/ /de nyid kyang gsungs pa/ mig gis shes bya ba la sogs pa ste/ mig la sogs pas gzugs la sogs pa rim pa bzhin du 'dzin pa nyid de/ de bdag la brten nas shes pas 'dzin pa nyid kyis so/ /des na mig la sogs pa'i dbang po rnams dang/ de'i rnam par shes pa rnams kyis 'dzin pas na rnam par ma dag pa nyid du grub bo/ /de yang yul rnams dang/ dbang po rnams ni gcig dang du ma'i rang bzhin dang bral bas na ma grub pa'o/ /de dag gi rnam par shes pa rnams kyang

  511. 256a

    ma grub ste/ bden pa ma yin pa dag la brten cing dmigs pa'i phyir ro/ /de yang de rnams la dmigs pa nyid ni gzung ba dang 'dzin pa nyid kyis so/ /des na yul dang dbang po dang rnam par shes pa rnams ni mi bden pa'i rang bzhin pas na gsal ba nyid du rnam par ma dag pa nyid do/ /gang gi phyir de rnams de dag dang bral bas ni dman pa ma yin pa'i rang bzhin no/ /dman zhing ngan pa ma yin pa yang rnam par dag pa zhes bya'o/ /de lta mod kyi spyod yul dag tu mi 'grub bo/ /zhe na gsungs pa/ bsten bya zhes bya ba la sogs pa ste/ 'di dag ces bya ba ni yul 'di dag nyid bsten par bya ba'o/ /ji ltar bsten par bya ba 'am mi bya zhe na gsungs pa/ bsten bya zhes pa'o/ /ji ltar byas nas bsten par bya zhe na/ gsungs pa/ dag pas dug med byas nas ni zhes pa la/ dug ni bi sha ma'i sgras dka' ba ste/ gzung ba la sogs pa'i mngon par zhen pa'o/ /de yang de rnams las nges par 'byung ba ni dug med pa ste yul rnams so/ /de nyid ma mthong ba rnams la dug med par byas te des na dug med par byed pa yang yul dag la'o zhes par 'brel to/ /de skad du yang/ 'dod pa'i yon tan lnga rnams kyang/ bsten na myur du 'grub pa'o zhes gsungs so/ /gang de lta bu'i de kho na nyid ma mthong ba'i log pa'i blo dang ldan pa dag ni dug yin la/ de 'di lta bu ni dug med pa ste de kho na nyid mthong ba ma 'khrul pa'i blo dang ldan pa dag las so/ dag pas zhes pa ni dag pa dag ste/ gang gi phyir de bzhin du lha'i rnam pa nyid kyis yul la mi 'dzin zhing rnam par dag pas nye bar longs spyad par bya ba dang/ bsgom par bya bas bsten pa nyid do// yul gyis nye bar mtshon pa'i phung po la sogs pa yang dag par bsten pa'o/ /rnam par dag pa de gsungs pa/ gzugs dang zhes bya ba la sogs pa smos te/ gzugs ni dbang po lnga dang don rnams so/ /tshor ba ni bde ba dang sdug bsngal du nyams su myong

  512. 256b

    ba'i bdag nyid can/ /'du shes ni mtshan mar 'dzin pa'i bdag nyid can no/ /'du byed ni sems mngon par 'du byed pa'o/ /rnam par shes pa ni yul dag gi rnam par shes par byed pa'o/ /gang phyir rtag tu rnam dag pas/ /de nyid rnal 'byor pas 'grub ? zhes ba ni gzugs la sogs pa 'di rnams rdo rje ma la sogs pa'i lha rnams su 'brel to/ /phung po rnam par dag pa ni kun rdzob kyi rang bzhin ni/ de nyid ni don dam par rnam par dag pa'i rnal 'byor pas kyang 'grub nyid do/ /bzhag ces pa ni rnam par bzhag pa'o/ /de nas phyi'i 'phar ma bshad/ /yang ni lha mo dkar mo sogs shes pa ni gzhan pa'i gau rI la sogs pa'i lha rnams so/ /'di dag phyi rol gyi 'phar ma la'o/ /gzhan dag gi gau rI la sogs pa'i lha rnams de yang bshad ces 'brel to/ /phyi rol gyi 'phar ma'i grwa rnams su puk+ka sI la sogs bar sngar gsungs pa/ de'i rjes su gzhan dag gi gau rI la sogs pa dang ldan par bshad ces bya bar dgongs so/ /nang na yang gau rI yod pas na/ gzhan gyi sgra ni sgo srungs nyid du khyad par du byas pa'o/ /'og tu sa spyod ma zhes pa ni bsgom pa'o/ /'dri ba la phyi rol gyi 'phar ma'i nub sgo'i nang du'o/ /rdo rje ma la sogs pa brgyad po rnams ni phyogs rnams su nges par byas pa'o/ /'dir ni phyi rol gyi gau rI la sogs pa rnam pa bcu po rnams shes pa'o/ /des na gsungs pa/ bskyed pa'i rim pa nyid kyi phyogs shes pa ste/ des na yang dbang ldan du ni zhes bya ba la sogs pa gsungs pa nas 'di'i mthar thug pa'i gzhung gis ni bskyed pa'i rim pa nyid kyi dbang du byas te rtogs par bya'o/ /srid pa dang mya ngan las 'das pa dag ni shin tu mngon par zhen pa zad par bya ba'i don du sa spyod ma dang/ mkha' spyod ma dag rim pa ji lta ba bzhin du rnam par dag ces pa'o/ /des na gsungs pa/ srid dang zhes bya ba la sogs pa'o/ /lha mo 'di gnyis shes pa ni lha mo de dag gnyis so/ /de ltar

  513. 257a

    phung po lnga rnam par dag pa gsungs nas/ gzugs la zhes bya ba la sogs pa ste/ ro la g+hasma rI rab grags/ shes pa ni yi ge dgu pa'i tshig go /chos ni dngos po rnams so/ /khams ni rang bzhin te bde ba'o/ /phyag bcu drug pa'i rnam par dag pa'i cha gsungs pa/ phyag rnams zhes bya ba la sogs pa ste/ stong pa nyid bcu drug gis phyag bcu drug rnam par dag pa'o zhes par 'brel to/ /'di lta ste nang stong pa nyid ni nang gi chos mig la sogs pas stong zhes pa'o// phyi stong pa nyid ni phyi'i chos gzugs la sogs pa'i yul rnams gzugs la sogs pa nyid kyis stong zhes pa'o/ /phyi nang stong pa nyid ni nang gi chos phyi'i chos kyis stong la/ phyi'i chos nang gi chos kyis stong zhes pa'o/ /stong pa nyid stong pa nyid ni chos thams cad stong pa nyid kyis chos kun stong zhes pa'o/ /chen po stong pa nyid ni/ shar la sogs pa'i chos stong zhes pa'o/ /don dam pa'i stong pa nyid ni don dam pa mya ngan las 'das pa nyid kyis stong zhing mya ngan las 'das zhes pa'o// 'dus byas stong pa nyid ni 'dod pa dang gzugs dang gzugs med pa rnams 'dus byas pa rnams nyid kyis stong zhes pa'o/ /'dus ma byas stong pa nyid ni skye ba dang 'gag pa la sogs pas stong pa ni 'dus ma byas pa ste/ des na de ni stong pa zhes bya'o/ /mdza' las 'das pa'i stong pa nyid ni/ gang gi mthar mi dmigs pa der skyes pa de ni mdza' las 'das pa stong pa zhes pa'o/ /thog ma dang tha ma med pa stong pa nyid ni gang gi thog ma dang tha mar yang ma grub pa de ni thog ma dang tha ma med pa stong zhes pa'o/ /dor ba med pa stong pa nyid ni gang gi chos rnams spong zhing dor ba ste/ /bar zhing btang ba'o/ /de ni dor ba med par stong pa nyid ces pa'o/ /rang bzhin stong pa nyid ni 'dus byas dang 'dus ma byas kyi chos rnams gang gi rang bzhin

  514. 257b

    ni de nyid kyis stong zhes pa'o/ /chos thams cad stong pa nyid ni phung po lnga la sogs pa'i chos thams cad de nyid kyis stong zhes pa'o/ /rang gi mtshan nyid stong pa nyid ni gzugs la sogs pa rang gi mtshan nyid kyis gzugs kyi phung po la sogs pas stong zhes pa'o/ /mi dmigs pa stong pa nyid ni 'das pa dang/ ma 'ongs pa dang/ da ltar byung ba'i chos rnams ni 'das pa dang/ ma 'ongs pa dang/ da ltar byung bas dmigs pa'o zhes pa'o/ /dngos po med pa'i ngo bo nyid stong pa nyid ni 'du zhing sbyor ba med pa'i gang gang gi chos rnams kyi dngos po ni rten cing 'brel par 'byung ba nyid kyi sbyor ba ste/ sbyor ba des stong zhes pa'o/ /dngos po stong pa nyid ni gang gi phyir yang dag par sbyor ba'i rang bzhin dang bral ba las dngos po med pa'i ngo bo yin la/ dngos po ni nye bar len pa'i phung po'o/ /dngos po de yang dngos po nyid kyis stong zhes pa'o/ /dngos po med pa stong pa nyid ni dngos po med cing 'dus ma byas pa des stong zhes pa'o/ /rang gi dngos po stong pa nyid ni ngo bo ste/ rang bzhin phyin ci ma log pa des stong zhes pa'o// gzhan gyi dngos po stong pa nyid ni de bzhin gshegs pa rnams byung yang rung/ ma byung yang rung ste/ chos rnams kyi chos nyid ye nas gnas pa ste/ gnas pa dang/ chos kyi dbyings dang/ chos mi 'gyur ba dang/ de bzhin nyid dang/ ma nor ba de bzhin nyid dang/ gzhan ma yin pa de bzhin nyid dang/ yang dag pa'i mdza' ste/ de dag ni des stong pa'o/ /de ni gzhan gyi cha'o/ /'dir ni stong pa nyid bzhi po nang du gtogs par bya ste/ stong pa nyid bcu drug tu gzung ba'o/ /bdud dag pa las zhabs rnams nyid ni ces pa la/ phung po'i bdud ni tshangs pa'i gzugs 'dzin pa'o/ /nyon mongs pa'i bdud ni gnod sbyin gyi gzugs so/ /'chi bdag gi bdud ni gshin rje'i gzugs so/ /lha'i bu'i bdud ni dbang po'i gzugs shes pa'o/ /des na bdud bzhi las rnam par rgyal

  515. 258a

    ba'i dag pa ni zhabs bzhi rnam par dag pa'o/ /rnams kyi tshig ni mang po'i tshig nyid do/ /rnam mthar brgyad kyi zhal rnams nyid ces pa ni zhal brgyad kyi rnam par dag pa ni rnam par thar pa'o/ /de la rnam par thar pa brgyad ni gzugs can dang gzugs la sngon po dang bral zhing gnag pa la sogs pa dang bral bar blta ba ni rnam par thar pa dang po'o/ /nang gzugs med pa'i 'du shes dang ldan zhing phyi rol gyi gzugs ni sngar bzhin zhes pa ni gnyis pa'o/ /de dag kyang gnyis kyi dngos pos dngos po med pa'i rang bzhin te/ sngon po la sogs pa dang bral ba ste/ 'dod pa na spyod pa'o/ /bsam gtan dang po'i sa dag ni kha dog dang chags pa dag grangs ji lta ba bzhin du bsam gtan dang po dang/ gnyis pa gnyen po ste sa gzhan dag ni ma yin no/ /rnam par thar pa dkar zhing bzang ba'i lus kyi mgo? sum du byed pa shes nas gnas so/ zhes pa ni dkar po'i rnam par thar pa bsam gtan bzhi pa ste rnam thar gsum pa'o/ /de yang snang zhing gsal ba'i rang bzhin pas mi dge ba'i rang bzhin ma yin te/ dge ba'i rnam pa nyid kyis so/ /gzugs med pa'i rnam par thar pa bzhi pa de rnams ni dge zhing mnyam par bzhag pa nyid de/ gzugs med pas ni rnam par thar pa zhes pa thob cing nyon mongs pa dang mnyam par ma bzhag pa ma yin te/ ji ltar 'chi ba srid pa la sogs pa bzhin no/ / 'du shes dang tshor ba 'gog pa ni rnam par thar pa brgyad pa 'gog pa'i snyoms par 'jug pa ste/ 'du shes dang tshor ba 'gog pa ni gzugs med pa'i'o/ /rnam par thar pa bzhi ni stong pa nyid dang/ mtshan ma med pa dang/ smon pa med pa dang/ rang bzhin gyis 'od gsal ba'i mtshan nyid do/ /sa'i khams la sogs pa'i rnam par dag pa gsungs pa/ sa ni zhes bya ba la sogs pa'o/ /nyon mongs pa'i rnam par dag pa gsungs pa/ rdo rje can zhes pa ste bdag med pa'o/ /de yang zhe sdang ste zhe sdang gi rang bzhin yin

  516. 258b

    pa'i phyir ro/ /la lar ni 'khor lo can zhes pa ste/ de'i tshe bdag med ma dkyil 'khor gyi 'khor lo can te/ dkyil 'khor gyi gtso mo zhes pa'i don to/ /phra ma ni 'di ltar yang rang gi don nyid du mthun pa dag 'byed pa'i tshig ste de'i rang bzhin ni phra ma'o/ /gsang ba'i gau rI ni nang gi 'phar ma la gnas pa nyid do/ /gti mug ces pa ni rnam par dbye ba ma byas pa'o/ /des na yang bdag med ma dang chu ma dang/ rdo rje mas rnam par dag pa zhe sdang dang/ 'dod chags dang/ phrag dog dang/ phra ma dang/ gti mug rnams rim pa bzhin du blta bar bya'o 'di ltar bskyed pa'i lha'i gzugs kyis phung po la sogs pas phung po dag par byed pa 'di lta bu gsungs pa/ 'dis ni zhes pa la sogs pa ste/ phung po zhes pa ni tshogs te/ phung po la sogs pa'i tshogs pa zhes pa'i don te/ phung po la sogs pa'i mtshan nyid ni 'khor ba'o/ /'dis ci ltar grol zhe na/ gsungs pa/ gang dag ces bya ba la sogs pa la 'ching ba ni 'ching bar byed pa ste 'ching ba las grol zhes pa ni bcings pa las grol ba'o/ /ji lta bu nyid gsungs pa/ 'jig rten zhes bya ba la sogs pa la grol ba ni shes bya'i sgrib pas 'dzin pa las so/ /gang las she na/ gang lhan cig skyes pa'i de nyid ma rig pa nyid do/ /de kho na nyid la zhugs pas 'khor ba nyid bsgom par byas nas grol bar 'gyur ba nyid ces pa'o gsungs pa/ de nyid rnam spangs dngos grub rnyed mi 'gyur zhes bya ba la/ dngos grub mi thob pa ni de kho na nyid spangs pa'o/ /don dam pa'i rnam par dag pa nye bar bsdu ba gsungs pa/ de'i phyir zhes bya ba la sogs pa ste/ gang gi phyir thams cad kyang rang bzhin gyis rnam par dag pa nyid phung po la sogs pa 'di dag go /de'i phyir phung po la sogs pa ni don dam pa ma yin no zhes bya bar 'brel to/ /de dag gi ming rnams ji ltar gsal bar byed ce na gsungs pa/ sems kyi rnam par dag ces pa ste/ sems nyid de dang de'i rang bzhin

  517. 259a

    du snang ba ste/ bag chags kyis dkris pa'i phyir ro/ /de skad du yang ji ltar byis pas rnam brtags pas/ /phyi rol don du yod ma yin/ /bag chags kyis ni dkrugs pa'i sems/ /don du snang ba rab tu 'byung/ zhes pa dang/ gang phyir bsgoms pa gang gang gis/ /mi rnams yid ni yang dag sbyor/ /des na de yi rang bzhin 'gyur/ /sna tshogs gzugs can nor bu bzhin zhes pa'o/ /yang na ji ltar snang ba de bzhin du gzugs la sogs pa 'di rnams yod pa ma yin te/ 'on kyang sems rnam par dag pa ste/ sems tsam nyid kyi rang bzhin zhes pa'i don to/ /rnam par dag pa'i sgra ni don mang po'i tshig ste rnam par dbye ba ma byas pa'o/ /de dag gi don nye bar bsdu ba gsungs pa/ dag ces bya ba la sogs pa gsungs te/ gang gi rang bzhin dag pa ni dag pa'i rang bzhin te/ /de lta bu'i 'gro ba'i rang bzhin de ni rang bzhin dag pa'i 'gro ba zhes pa ste dag pa'i rang bzhin gyi 'gro ba ni don to/ /'gro ba'i rnam par dag pa'i rang bzhin du shes pa ni ngas shes pa ste/ sems rnam par dag ces pa ni lhag ma'o/ /de ltar ston pa'i nga rgyal de bzhin du sgrub pa po gzhan gyis blos kyang bya zhes dgongs so/ /de dag ni dgyes pa'i rdo rje'i rnam par 'grel pa las rnam par dag pa'i le'u ste dgu pa'o// //de kho na nyid kyi bslab pa rab tu gsal bar bya'o zhes pa dbang ma gtogs par lhan cig skyes pa ji lta ba bzhin du ston mi nus pas na de'i don du dbang gi le'u gsungs pa/ de nas zhes bya ba la sogs pa ste/ de nas zhes bya ba ni rnam par dag pa'i rjes la'o/ /des na 'dir dbang la ma bltos par de kho na nyid brjod pa ma yin no/ /ji ltar dkyil 'khor gyi rim pa zhes bya ba ni dkyil 'khor gyi lugs so/ /brjod pa de rnams kyis kyang dbang bskur ba ma gtogs

  518. 259b

    par de kho na nyid brjod pa ma yin la dbang bskur ba la yang dkyil 'khor med par ma yin no/ /rgyu des na dkyil 'khor gyi rim pa ji lta ba bzhin bshad ces par 'brel to/ /dkyil 'khor yang dbang bskur ba'i thabs med par ma yin pas dbang bskur zhes pa de'i phyir gsungs pa slob ma zhes bya ba la sogs pa'o/ /da ni dkyil 'khor gyi rim pa de snyed gsungs pa/ nor 'dzin zhes bya ba la sogs pa ste/ lha'i bdag nyid ces pa ni ting nge 'dzin gsum gyi sbyor ba bsgom pa'o/ /hUM las rdo rje can zhes bya ba la sogs pa ni/ de? ? las ni nyi ma rnam par bsgom zhes pa la sogs pa'i tshigs su bcad pa'i don bstan pa'o/ /des na de nyid kyang 'chad par 'gyur te/ sngar gsungs pa nyid ces pa la sogs pa'o/ /dkyil 'khor byed pa'i rnal 'byor gyi gnas gsungs pa/ skyed tshal zhes bya ba la sogs pa ste/ /dben pa zhes pa ni skye bo ma rungs pa spangs pa'i phyogs shes pa gang yang rung ba'i phyogs gcig go /rdul tshon dam pa zhes pa ni mi'i rus pa'i tshon gyis bris pa'o/ /'bring po bstan pa'i bshad pa ni/ rin chen lnga zhes pa la sogs pa'o/ /tha ma'i tshon kyang 'bras dang gro la sogs pa ji ltar rnyed pa de nyid gsungs ba/ yang na 'bras la sogs pas so zhes so/ /yang na rdul tshon gyis dam par bri zhes pa ste/ yo ba dang chad pa med par rdul mtshon snying pos bri ba'o/ /yang na ni bdag gi sgra ste bsdu ba'o/ /'bring po zhes pa ni shin tu spom zhing phra ba ma yin pa'o/ /mthe bong gsum ni lhag par bya zhes pa ni nas gang ngam/ mthe bos lhag pa'o/ /lag pa'i khrus 'jal ba yang skyes bu tshed ma'i mthe bo'am nas nyi shu rtsa bzhir gyur pa'o/ /dkyil 'khor yang rig ma med par gsang ba dang bzhi pa'i dbang med pas na de der rab tu bzhugs par bya'o/ zhes pa des na gsungs pa/ rig ma zhes bya ba la sogs pa la bzang mo zhes pa ni bzhin la sogs pa mdzes shing

  519. 260a

    chos kyi de kho na shes pa'o/ /yang na ji ltar gang rnyed de zhes pa ni yi ge dgu'i tshig ste/ dbang bskur ba'i don du gzhug par bya'o/ zhes pa lhag ma'o/ /bcu drug lo na zhes pa ni thun mong gi la'o nges pa bstan pa'o/ /lo bcu drug gis nye bar mtshon te bcu gnyis nas brtsams nyi shu rtsa lnga'i bar du'o/ /bsten pa'i sgra ni de dag nyid la bstan pa'i don du gsungs pa/ de srid ces bya ba la sogs pa ste/ lo bcu gnyis pa nas btsams nas nyi shu rtsa lnga'i bar ni lhag pa'i zhu ba 'byung par 'gyur ro zhes dgongs so/ /phyag rgya'i sgo yang bcing ba dang/ /thabs kyi sgo yang de bzhin no/ /zhes pa ni shes rab kyi pad+ma'i ze'u 'bru'i bug sgo dang/ thabs kyi rdo rje'i nor bu'i bug sgor phaT yig ser pos bkag nas/ phyag rgya bsten zhes bya bar 'brel to/ /de dag gis ni hUM yig las pad+mar gyur nas/ a yig gis de'i ze'u 'brur ro/ /yang hUM yig gis ni rdo rje ste/ rab tu zhugs pa ni de'i ze'u 'bru'o zhes bstan to/ /'di ltar de bstan pa'i don du gsungs pa/ bsten pa zhes pa ste/ de'i shes rab bsten pas so/ /gang 'byung ba ni byang chub kyi sems so/ /mthe bo dang srin lag dag gi rdo rje'i lag pas gzung ste ji ltar sngon gyi sangs rgyas zhes bya ba la sogs pa'i tshigs su bcad pa brjod cing chu la sogs pa'i dbang sngon du thob pa'i slob ma'i khar ni btung bar bya zhes pa ste/ gsang ba'i dbang bstan to/ /shes rab ye shes bstan pa'i don du gsungs pa/ bya bar bya zhes pa la sogs pa ste/ sngar bstan pa bzhin du rigs lnga la sogs pa dang/ 'brel ba'i bcu drug la sogs pa'i sgras dam tshig dang sdom pa la sogs pa'i yon tan dang ldan pa'i shes rab nyid do/ /ro mnyam zhes pa ni lhan cig skyes pa'o/ /slob ma'i spyod yul zhes pa ni lhan cig skyes pa slob ma'i spyod yul du zhes pa ste shin tu

  520. 260b

    bzang po'i slob ma la'o/ /de yang slob ma la chu la sogs pa'i bskur ba'i rim pas gsang ba'i dbang yang thob pa de nyid kyi spyod yul te/ gang gi yul du gyur pa'o/ /slob ma'i spyod yul zhes pa ni ro mnyam pa de lta bu'i rnam par bya zhes par 'brel te bya bar bya zhes pa'i don to/ /des cir 'gyur zhe na/ gsungs pa/ rang rig ces bya ba la sogs pa ste/ lhan cig skyes pa'i bstan pa shin tu bshad pa ni/ rang rig ces pa la sogs pa ste/ rang gi bde ba nyams su myong ba las shes par bya'o/ zhes pa la la dag gi tshig go /de ltar 'gyur ba ni lus las so zhes bshad do/ /lhag ma ni go sla'o/ /rdul bral zhes pa ni nyon mongs pa'i cha'i rdul te de las khyad par du gyur cing tha mal gyi bya ba la sogs pa mi byed pas 'dir rtogs par byas nas shes pas de bzhin du bstod do/ /stong pa zhes pa ni gzung ba la sogs pa'o/ /mchog ces pa ni dga' bral dag las so/ /des na gsungs pa/ mdza' zhes pa ste/ mthar 'gyur bas na mdza' o/ /de yang gsungs pa/ dga' bral dang po zhes pa ste/ dga' bral gang gi dang por de bzhin no/ /phyi nas skad cig ma'i zhu ba de dag dbyer mi phyed par gsungs pa/ shes zhes bya ba la sogs pa ste go sla'o/ /de nyid srog chags rnams kyi srog ces pa la srog ni rlung ste/ rlung gi de kho na nyid rig pa srog chags kun dang 'brel bas so/ /de nyid 'gro ba'i bdag nyid de/ zhes pa ni sems can dang rdul dang mun pa mnyam zhing gnas skabs ni rang bzhin no zhes rang bzhin du smra ba rnams kyi'o/ /des na rang bzhin don gyi rnam pa ni 'gro ba'o zhes pas na 'gro ba'i bdag nyid do/ /de nyid thams cad khyab pa po zhes pa ni bdag tu smra ba rnams te 'gro ba thams cad la bdag gis khyab cing byas pa'i rang bzhin ni 'di'o zhes pa'i don to/ /de bzhin du lus thams cad la khyab cing

  521. 261a

    gnas pa'o zhes par yang gsungs pa/ thams cad ces bya ba la sogs pa'o/ /yang na thams cad kyi lus rnams la gnas pas so/ /sems can zhes pa ni 'gro ba kun rtag pa'i sems nyid tsam mo zhes rigs byed kyi mdza' ba rnams kyi'o/ /rnam par shes pa'i tshul zhes pa ni/ sangs rgyas pa nyid kyi rnam par shes par smra ba rnams kyi'o/ /skyes bu sngon rabs zhes pa ni rig byed pa rnams kyi'o/ /dbang phyug ces pa ni dbang phyug byed pa po rnams kyi ste yi ge dgu'i tshig go /bdag dang zhes pa ni sngar gyi bstan pa de 'dir bshad pa'o/ /gso ba zhes pa ni brtan g.yo thams cad srog dang bcas pa ste/ zhes pa phyogs kyi gos can la'o/ /sems can zhes bya ba ni bi tra ma ba ti te rgyal po'i bstan bcos rig pa'i lugs shes pa'i don to/ /dus shes pa ni 'byung ba rnams ni dus las gyur/ skye dgu rnams kyang dus kyis bsdus shes dus su smra ba rnams kyi'o/ /gang zag nyid dang zhes pa ni nyan thos pa rnams kyi'o/ /de dag gi don bsdu ba gsungs pa/ dngos po kun gyi zhes bya ba la sogs pa'o/ /da ni dga' ba rnams kyi grangs kyi rim pa gsungs pa dang/ dngos por zhes bya ba la la sogs pa'o/ /lhan cig skyes pa'i mtshan nyid rdo rje snying po la sogs pas thos nas ngo mtshar ba gsungs pa/ de skad ces bya ba la sogs pa'o/ /de skad ces bya ba ni lhan cig skyes pa'o/ /mchog tu ngo mtshar gyur nas zhes pa ni yi ge dgu pa'i tshig go /ngo mtshar ni sngar ma mthong ba'i sems kyi gnas skabs las so/ /rgyal ba ni yul dag pa spangs pas so/ /sa la 'gyel bar gyur zhes pa ni de yang a phyis pa ste gsung rab las so/ /de nyid ji lta bu zhe na gsung pa/ dang por zhes bya ba la sogs pa la 'gro ba'i gzugs zhes bya ba ni phung po la sogs pa ste/ de dang mi phyed pa'i mchog tu dga' ba la dmigs pa ste/ bde ba las ma gtogs pa'i phung po la sogs pa ni ma yin no/ /de nyid ji lta

  522. 261b

    bu zhe na/ gsum pa lhan cig skyes pa med ces pa'o/ /de zhes pa'i sgra ni gtan tshigs te/ dga' ba la sogs pa rnams la lhan cig skyes pa med pa'i gtan tshigs so/ /gang gi phyir lhan cig skyes pa ni yod pa dang/ med pa dang rtag pa dang/ mi rtag par ma grub cing spangs pa dang blang ba la sogs pa gnyis rnam par spang pas phung po la sogs pa rnams kyang yod pa dang med pa la sogs pa'i rang bzhin spangs pa'o/ /tshigs su bcad pa de yang yi ge dgu'i tshig bzhi pa'o/ /'di nyid kyi don rgyas par bshad pa gsungs pa/ bcom ldan 'das zhes bya ba la sogs pa ste/ bcom ldan bka' stsal kye rdo rje zhes bya ba ni thabs dang shes rab kyi bdag nyid can gyi rdo rje 'chad ba'o/ /sangs rgyas kun gyi sku gcig pa zhes pa ni rnam par snang mdzed la sogs pa'i sangs rgyas thams cad gcig pa'o/ / mi phyed pa'i sku ni de'i zhes pa ste/ de bzhin du'o/ /ci gsungs she na gsungs pa/ the tshom zhes pa la sogs pa ste/ the tshom sel ba bzang po zhes pa'i the tshom ni gnyis te/ lhan cig skyes pas yang dag par rdzogs pa'i byang chub ma yin zhes pa dang de gsal bya zhes pa de lta bu'i tshig go /rdo rje snying pos zhes pa ni de'i gnas skabs su'o/ /rtogs bya'i phyir zhes pa ni lhan cig skyes pa la gcig tu nges par bya ba'i phyir ro/ /des na yang bzang po'i tshig go /da ni bcom ldan 'das kyis gsung bstan par bya ste/ 'dod chags med cing zhes bya ba la sogs pa ste/ don de nyid ni slar brjod pa/ /don gzhan la ni brten pas so/ /zhes pa'i rigs pas tshigs su bcad pa phyed kyi zlos pa'i skyon spangs so/ /gsum pa spangs pa nyid phyir zhes pa ni 'dod chags spangs pas dga' ba dang mchog dga' spangs pa'o/ /chags bral spangs pas dga' bral spangs pa'o/ /'dod chags dang chags bral de gnyis kar bsgom pa spangs pa nyid ni/ lhan cig skyes pa byang chub brjod ces pa yi ge dgu'i tshig go /brjod ces pa ni 'di dag brjod pa tsam ste don dam par na lhan

  523. 262a

    cig skyes pa'i byang chub ni dag gi spyod yul las 'das pa'o/ /lhan cig skyes pa de ji ltar mtshon ce na gsungs pa/ dga' bral dang por zhes bya ba la sogs pa/ dga' bral yang de yin la dang po yang de yin pas dag 'bral dang po ste der mtshon par byed pa ste/ dga' bral dang por byas pa ni mtshan zhes par dgongs so/ /lhag ma ni go sla'o/ /dang po sprin dang 'dra ba yin/ zhes pa ni/ dang por zhes pa ni ye shes kyi dkyil 'khor te/ gang zhig snang ba ni sprin dang 'dra zhes par brel te// de yang ji ltar nam mkha' la sprin gnas pa ni cung zad kyang dmigs su med do/ /de bzhin du ye shes kyi dkyil 'khor yang snang ba nyid na don dam par gcig dang du ma la sogs pa dang bral bas don dam par na dmigs su med do/ /gang gi tshe grub ce na/ gsungs pa/ grub pa zhes pa smos pa'i sgra ni lhan cig skyes pa'i yin te/ rang bzhin gyis grub pa'i phyir ro/ /nyid kyi sgra ni khyad par te lhan cig skyes pa brtan par gyur pa ni dkyil 'khor khyab par du gyur pa'i rang bzhin gyi snod yin zhes dgongs so/ /mi gnas pa'i rnal 'byor la gnas pa'i dpe gsungs nas/ sgyu ma'i dpe gsungs pa ni/ sgyu ma'i dpe gsungs pas/ sgyu ma lta bu zhes pa la ni/ sgyu ma lta bu ste/ de yang ji ltar glang po che dang rta'i tshogs sprul pa'i tshe sgyu ma mtshan sprul ba'i shes pa ni bden pa ma yin par snang ba'o/ /de bzhin du lhan cig skyes pa mngon du gyur pa'i rnal 'byor pa la dkyil 'khor gyi ye shes 'byung bar 'gyur ro/ /rmi lam gyi dpe gsungs pa/ rmi lam 'dra zhes pa ni yud tsam ste/ yud tsam du shes pa'i stobs gyis so/ /rmi lam zhes pa ni rmi lam na don du snang ba'i shes pa bzhin te/ ji ltar rmi lam na 'dod chags can la sogs pas don med bzhin du snang ba'o/ /de bzhin du lhan cig skyes pa mngon du gyur pa'i dkyil 'khor snang ba 'di yang ngo/ /de'i don la

  524. 262b

    par bya ba'i phyir/ rmi lam sad pa mi phyed pa/ zhes pa la/ rmi lam ni nyal zhing log pas ni rmi lam zhes pa'i don to/ /nyal zhing log pa'i rmi lam tsam dang sad pa'i shes pa mi phyed pa ni sad pa dang/ mi phyed pa'i ye shes so/ /sad pa dang mi byed pa'i ye shes dang 'dra ba ni sang pa dang mi byed pa bzhin no/ /de'i don ni 'di yin te/ ci bdag nyid ni nyal lo zhe 'am rmi lam rmi'o zhe 'am/ sad do zhes phyed zhing byed pa'i ye shes rnal 'byor pa las 'byung bar mi 'gyur ro/ /yang na don la dmigs pa yang bden pa ma yin rdzun pa ma yin pa ni de'i don to/ /de bzhin du lhan cig skyes pa mngon du gyur pa'i ye shes kyi dkyil 'khor yang ngo/ /gang gi phyir ci der dkyil 'khor bsgom pa yang ci med ces pa snyem pa yang rnal 'byor pa la 'byung bar mi 'gyur ro/ /de bzhin du dkyil 'khor yang 'byed par mi dmigs so/ /des na de nyid 'chad par 'gyur te/ ji ltar rmi lam de bzhin rgyu zhes pa la sogs pa'o/ /mi phyed mtshan nyid dngos grub po zhes pa la/ mtshan nyid ni skyes pa ste dkyil 'khor gyi'o/ /dngos grub ni a sa man+ta ste/ kun nas grub pa ste/ de yang goms pas phul du gyur pa las/ mthar thug par 'gro ba dang/ /bskyed pa dang/ skyed pa po dang/ thog ma dang tha ma can la sogs pa mi phyed pa'i mtshan nyid can gyi dngos grub po de lta bu'i phyag rgya rnal 'byor pa yis 'grub ces bya bar 'grel to/ /ston pas dkyil 'khor 'di skad gsungs zhes pa la/ 'di skad kyi sgra ni gyu mtshan te gang gi phyir dkyil 'khor du 'jug pa mngon du 'gro bas dbang bskur dang de kho na nyid bstan to/ /des na dkyil 'khor gsungs so zhes dgongs so/ /ston pa ni nges par 'gyur ba'i bstan pa las so/ /lhag ma ni go sla'o/ /rin chen lnga zhes pa ni gser dang/ dngul dang/ mu tig dang/ byi ru dang/ dung zhes pa ste rin chen lnga'o/ /sar la zhes bya ba la sogs pa ni las gzhan dag las khyad

  525. 263a

    par du gyur pa ste/ sar pa ni sra ba'o/ /legs par bkal ba zhes pa ni sangs rgyas lngas byin gyis brlabs pa'i skud pa lngas so/ /shin tu tshad ma zhes pa ni dkyil 'khor las nyis 'gyur gyis ring ba'o/ /mdzes pa zhes pa ni legs par bsgril ba'o/ /srad bus zhes pa ni dkyil 'khor zhes par 'brel te/ shes rab can zhes pa ni dkyil 'khor gyi bya ba shes pa'o/ /gdab pa ni dkyil 'khor la bri ba'o/ /dkyil 'khor gyi bdag po'i sngags 'bum bzlas pa dang/ dkyil 'khor ba so so rnams kyi sngags khri khri nyid do zhes gsungs la/ 'khor lo'i bdag po bzlas pa 'bum/ /dkyil 'khor ba yi de bzhin khri/ zhes pa ni yi ge bcu bdun pa'i tshigs su bcad pa'o/ / gtor ma byin nas sa sbyang ba la sogs pa bya'o zhes gsungs pa/ gtor ma zhes bya ba la sogs pa ste/ sbyin zhes pa ni sbyin par byas nas so/ /bsrung ba zhes pa ni bya ba la sogs pa 'dir blang bar bya'o/ /gang zhig dbang ni rab dbye ba/ rang gi dkyil 'khor cho gas sbyin/ zhes pa ni 'dir 'chad par 'gyur ba slob dpon la sogs pa'i dbang rnams dang/ rgyud gzhan las gsungs pa'i chu la sogs pa sbyin par bya'o/ /dkyil 'khor zhes pa ni sgrub pa pos bsgom pa'i lha'o/ / cho gas zhes pa ni cho ga rnams kyis te/ cho ga dang 'dra ba'i tshig nyid ni ma yin pa'o/ /de yang cho ga ni dkyil 'khor mthong ba la sogs pa'i mtshan nyid can no/ /mchod pa la sogs pa 'dir 'chad par 'gyur ba ji ltar rab tu bsgrub pa nyid de/ des na gsungs pa/ mchod dang zhes bya ba la sogs pa'o/ /'khor lo 'phar ma gnyis bzang bri/ zhes pa ni yi ge dgu pa'i tshig go/ /dbang ldan du ni gsungs pa zhes bya ba ni yang ngo/ /de ltar de ltar 'og dang steng zhes bya

  526. 263b

    ba la/ 'og gi sgra ni sa yig phyis pa las grangs med pa nyid do/ /rdo rje sems dpa' snyems byas nas/ zhes bya ba ni bdag med ma dang brtsam par bya ba'o/ /rkang pa g.yas pa brkyang byas te zhes pa ni rkang pa brkyang bar byas pa ste/ rkang pa g.yas pas lan lngar gdab cing brkyang ba'o/ /de ni g.yas brkyang ba'i stangs stabs su shes par bya'o/ /yang g.yon pa yang bskum par bya'o zhes pa ste rkang pa g.yon pa bskum par byas nas so/ /slob dpon dkyil 'khor 'jug pa nyid ces pa la/ dkyil 'khor ni gnyis pa'i tshig mi mngon par byas pa'o/ /lhag ma ni go sla'o/ phyi nas zhes pa ni shes rab ye shes kyi dbang bskur ba'i rdzas la'o/ /de nyid ces bya ba la sogs pa ni go sla'o/ /de nyid ni 'khor ba dang mya ngan las 'das pa mi gnas pas gsungs pa/ 'khor ba zhes bya ba la sogs pa ste/ 'khor ba ni bdag dang bdag gir gyur pa ste/ 'dir phung po lnga'i bdag nyid can gyi 'khor ba'o/ /mya ngan las 'das pa ni rnam par byang ba'am rnam par dag pa'o// 'khor ba dang mya ngan las 'das pa dag mi byed pa ni phan tshun du khyad par yod ma yin zhes pa ste gnyis yang rang bzhin gyis rnam par dag pa'i phyir ro/ /de skad du yang/ 'khor ba nyid ni mya ngan 'das/ /ji ltar gyur pa'i don bstan pa'o zhes gsungs so/ /da ni le'u 'dir de kho na nyid kyi don bsdu ba gsungs pa/ mchog dgar zhes bya ba la sogs pa ste/ mchog dgar zhes bya ba ni lhan cig skyes pa'o/ /sgom pa ni bsgom par bya'o/ /sgom pa po ni tsho rang po'o/ /lus kyang zhes pa ni rnam par shes pa gzung ste/ gang rnams de rnams kyis gzung ba ni dbang po rnams so/ /gzung ba zhes pa ni yul rnams so/ /'dzin pa zhes pa ni rnam par shes pa rnams so/ /skyug bro zhes pa ni smad cing dman pa dag go /

  527. 264a

    rmongs pa zhes pa ni mi gtsang bas rmongs pa'o/ /gtsang sbra ni yang dag par byung ba'i dngos po'o/ /de yang 'dod chags zhe sdang gti mug dang/ /de bzhin nga rgyal phrag dog gis/ /de kun de gnas nyams dga' bar/ lo bcu drug char yang mi phod do zhes pas kyang ngo/ /'dod chags la sogs pa mi dmigs pas bstan pa de dag gi bkod pa ni/ chags med ces bya ba la sogs pa ste/ phra ma zhes pa ni ngag gi nye bar spyod pa ste/ nyon mongs ba'i cha'o zhes dgongs so/ /mthong bya zhes pa ni dkyil 'khor ro/ /sgom dang zhes pa ni de bsgom pa'o/ /sgom pa po zhes pa ni rnal 'byor pa'o/ /bshes dang zhes pa ni rjes su mthun pa'i dngos po'o/ /dgra zhes pa ni de las bzlog pa'o des cir 'gyur zhe na/ gsungs pa rlom sems med pa'i zhes pa la/ rlom sems ni rnam par rtog pa'i lhan cig skyes pa zhes bya ba ni sna tshogs pa'o/ /zhes pa la/ lhan cig skyes pa'i ming ni sna tshogs rmad du byung ba 'am/ khyad par du gyur pa'i yid kyi shes pa'o/ /'o na phung pa la sogs pa mtshan nyid can ni lus te/ de yang rang bzhin med pa yin na/ ji ltar 'byung ba'i bdag nyid ces pa de nyid gsungs pa/ 'di skad gsol zhes pa ste/ gzod nas zhes pa thog ma nyid nas so/ / rdo rje can zhes pa ni rdo rje sems dpa' o/ /lhag ma ni go sla'o/ /bo la zhes bya ba la sogs pa/ sa ni de las zhes pa ni chos thams cad bdag med pa las mer mer po'i rang bzhin du skyes pa sgyu ma la sogs pa'i rnam pas sa la sogs pa 'byung zhes dgongs so/ /des na lnga po rnams kyis yongs su bskor zhes par 'brel to/ /de'i phyir zhes bya ba la sogs pa ni gang phyir 'byung ba che bde ba zhes pa ni gcig dang du ma la sogs pas mi phyed pas de phyir de nyid min pa'o/ /yang na

  528. 264b

    dbang po gnyis sbyor ba las gang rtogs pa'i bde ba de ni 'byung ba'i che'o/ /de nyid kyang de kho na nyid dang 'dra bas so/ /'on kyang dpyad par ma byas pa ma yin pas de nyid min zhes brjod do/ /de kho na nyid ni lhan cig skyes pa'o/ /de kho na nyid ci zhe na gsungs pa/ lhan cig skyes zhes bya ba la sogs pa ste/ mchog tu gyur pa dag gi lhan cig skyes pa'i dga' ba'i zhu ba de dag las 'byung bar 'gyur te/ de yang lhan cig skyes pa'i dga' pa 'di ni goms pa las 'di ltar rtogs shing gang gi tshe mngon du 'gyur ba'o/ /de'i tshe las dang nyon mongs pa'i rang bzhin du slar mi ldog pa'o/ /goms pa phul du byung ba mthar thug pa ma yin na go /las dang nyon mongs pa slar 'byung ba nyid do/ /nges na yang lhan cig skyes pa de ci zhe na/ gsungs pa/ rang bzhin zhes bya ba la sogs pa ste phung po la sogs pa'i ngo bo ni rang bzhin no/ /de yang chos kyi dbyings ni thams cad kyi rnam pa ste/ phung po la sogs pa snang ba'i sems nyid gcig tu bsdus pa na/ rnam pa thams cad sdom gcig pa zhes pa ste lhan cig skyes pa'o/ /snying rje thabs zhes pa la/ thabs ni nye ba ste/ chos mthun pa las rang gi ngo bo'i bsgom pa'i yan lag tu gyur pa'o/ /yang thabs ni rnam par spyod pa'i rang bzhin du gzung ste/ de yang blo'i khyad par las sems can du dmigs pa'i blo snying rje ni thabs ji lta ba bzhin te/ mngon par zhen pa rnams la/ snying rje ldan pa ni kun rdzob tha snyad du'o zhes dgongs so/ /des na gsungs pa/ phyag rgya rgyu dang bral ba las shes pa ste/ rgyu dang bral ba ni rgyu la sogs pa dang bral ba'o/ /shes rab ston pa nyid ni phyag rgya'o/ /de'i don gsal bar gsungs pa/ stong dang zhes bya ba la sogs pa ste/ chos thams cad kyi rang bzhin ni stong pas de rnam kyang rang bzhin gyis

  529. 265a

    stong pa ste/ snying rje yang ngo/ /chos thams cad de nyid rnam par spyad pas stong pa nyid dbyer mi phyed pa ste/ de'i rang bzhin yin pa'i phyir ro/ /de dag dbyer med cing so so ma yin pa ci zhe na gsungs pa/ byang chub sems zhes pa la/ byang chub ni gnyis su med pa'i ye shes so/ /sems ni sgyu ma la sogs pa'i rang bzhin tsam du dngos po gzung pa'i blo dang ldan pa'o/ /des na byang chub kyang yin la sems kyang yin pas byang chub sems te/ thabs dang shes rab kyi bdag nyid can gyi ye shes la rab tu brjod ces par 'brel to/ /byang chub sems kyi sgra ni phyi rol gyi don to/ /zhes pa'i sgra ni dgongs pa gsal bar byed ces pa'o/ /don dam par ni bla ma'i man ngag las rtogs pa dang/ rang las rtogs pa'i tshul lo/ /de bas na bzlas pa la sogs pa gzhan du gyur pa cung zad yod pa ma yin no zhes gsungs pa sngags med ces bya ba la sogs pa ste/ gang de lta bus byang chub thob par 'gyur zhe na/ gsungs pa/ de nyid sngags zhes bya ba la sogs pa'o/ /de yang sngar gsung pa'i sems de nyid dang lhan cig ste/ stong pa nyid kyi sems dang de nyid du lhan cig bsdus pa zhes pa de bzhin du ste/ thabs dang shes rab kyi bdag nyid can gyi sems su 'dus pa'o/ /de'i gzugs can 'di ni sngags bzlas pa la sogs pa rnam pa thams cad du med pa ma yin no/ /de lta mod kyi gzung pa dang 'dzin pa la sogs pa'i rang bzhin nyid ni yod pa ma yin la/ /mngon par zhen pa med pa nyid du gnas pa ste/ de lta bu nyid kyis rdzogs pa'i byang chub thob ces dgongs so/ /tshigs su bcad pa 'di ni me mar lnga pa'o/ /de dag ni dgyes pa'i rdo rje'i rnam par 'grel pa las dbang gi le'u bcu pa'o// //le'u

  530. 265b

    dang por lta stangs mdor bstan pa de bshad pa'i don du le'u bcu gcig pa gsungs pa/ mnyam par zhes pa la de mnyam par la ni rengs pa'i lta stangs kyi khyad par ro/ /ltung bar byed pa'i lta stangs gsungs pa/ ma rungs zhes pa ni drag po'i las kyi sgo yis so/ /dpral can zhes pa ni gnas kyi khyad par gyi sgos gnyis yin no/ /ltung bar byed pa ni de ltar 'gyel bar byed pa'o/ /ltung ba yang las kyi sgo nas ming gi tha snyad do/ /dbang gsungs pa/ dbang gi zhes bya ba la sogs pa ste/ gnyis ni mig 'bras te gnyis su brjod pas ni mig 'bras gnyis ka yang g.yon du bzlog pa'i zhes pa ste/ phyi ma dag la yang rtogs par bya ba nyid do/ /dgug pa gsungs pa/ dgug pa zhes bya ba la sogs pa ste/ dgug pa sbyar nas lta stangs sbyar ba ni mig 'bras gnyis po yang zhes bsgre bar bya'o/ /de nas yang g.yas pa'i cha'i mig 'bras gnyis bzlog cing blta bar bya'o/ /steng nas kyang ni mig 'bras gnyis sbyar ro zhes bya ba ni ltung ba'i mig 'bras kyi lta stangs bzhin du dpral bar sbyar bar bya'o/ /de nas dpral ba zhes pa de nyid gsungs pa'o/ /rengs pa bshad pa ni/ dbu ma zhes pa la sogs pa ste/ g.yon du bsten pa la sogs pa dang bral ba ni mnyam pa ste des na dbu ma'o// gnyis ga'i sna'i bem po'i mdza' zhes bya ba ni mig 'bras gnyis po sna bug gnyis kyi dbu ma nyid du gnas pa'o zhes rtogs par bya ba ste/ mnyam pa nyid du'o/ /de yang dbang la ni ho yig dmar po'am/ hi yig blta bar bya ba yin la dgug pa'i lta stangs la ni hUM yig dmar po'am/ dza yig go /rengs pa la lam yig ser po 'am/ hUM yig go /ltung ba la ni phaT yig nag po'o/ /'byung pa'i rlung la sogs pa'i sbyor bas/ ltung ba la sogs pa goms par bya'o/

  531. 266a

    zhes pas na gsungs pa/ 'byung ba nyid kyis ltung bar byed ces bya ba la sogs pa ste go sla'o/ /rdo rje'i shing la bya ba ni snum dang ldan pa'i shing rnams so/ /g.yo bcas zhes pa ni g.yo 'gul can no/ /de yang 'di ltar dus ring por gus pa rgyun mi 'chad par goms pas rnal 'byor ba'i lta stangs phul du gyur nas 'grub pa'o/ /des na gsungs pa zla drug ces bya ba la sogs pas so/ /'di la 'khrul pa mi bya zhes pa ni 'dir de lta bu'i blos 'khrul pa zhes pa ste/ rgyu 'bras 'bras bu bya ba dang byed pa la blos 'khrul pa ste/ de mi byed pa ste/ gang las she na gsungs pa/ bsam gyis mi khyab ces pa ste lta stangs ni sgrub par byed pa yin la/ bsgrub par bya ba de ni mthu'o/ /bsam par mi bya ba zhes pa ni bsgrub par bya ba dang/ sgrub par byed pa'i rang bzhin yang lung dang rigs pa'i gnod pa'i lta stangs las 'byung ba dbang la sogs pa bsgrub par bya ba lta bur mi bsam pa ste skyon med pa'i lta stangs rnams la goms par bya'o zhes dgongs so// de nyid ci zhe na/ gsungs pa/ sangs rgyas zhes pa ste/ dngos po rnams kyi gang lhan cig skyes pa'i chos mkhyen pa dang ldan pa ni sangs rgyas te/ sngar gyi rnal 'byor pa nyid do/ /de'i mthu yang don ci zhe na/ gsungs pa/ rdzu 'phrul zhes pa ste/ gang de dag ni grub pa'i rnal 'byor pas rol par mdzad pa'o/ /de yang gar la sogs pas rol pas/ dgos pa'i blos byed pa ni mkhas shing blo dang ldan pa la ci yang yod pa ma yin te/ 'on kyang sems can rnams gzhug par bya zhes pa'i blo ste/ yi ge dgu'i tshig go /sems can rnams rang gi bstan pa la'o zhes kyang sbyar ro/ /des sems can ji ltar 'jug par 'gyur te/ ltung ba la sogs pa ni 'chi ba nyid kyis so zhe na/ de dgag pa gsungs pa/ bsad par

  532. 266b

    'dir ni bya ba min zhes pa ste/ bya ba zhes pa ni gnod cing slu ba la sogs pa ste/ de mi bya ba'o/ /'on kyang mngon par 'dod pa shin tu 'byung ba ma yin pa'o zhes pas na gsungs pa/ dam tshig ces pa la sogs pa ste/ sangs rgyas rnams kyi dam tshig ni sems can rnams kyi don nges pa nyid du rdzogs par byed pa'o/ /de'i nyams pa ni mi gnas par byed pa 'ba' zhig yin no/ /shing la sogs pa ltung ba la sogs pa'i nus mthu mthong ba dang/ ma rungs pa'i sems can rnams gzhug par bya ba'i don dang/ lhag ma dbang la sogs pas kyang ngo zhes dgongs so/ /sems can bslu ba spangs nas su/ /bya min thams cad bya ba'o/ /zhes bya ba la bya min thams cad ni dge ba bcu'i mtshan nyid gang yin pa ste bya ba'o/ /'on kyang sems can bslu ba spangs pa'o/ /bslu ba ni 'dod pa'i don la sbyor bar mi byed pa'o/ /de'i don ni 'di yin te/ sems gcig tu sdud pa ni srog gcod pa'o/ /btsun mo la khu ba ma byin pa ni ma byin par len pa'o/ /rang gi rig ma bsten pa ni 'dod pas log par g.yem pa'o/ /sems can thams cad bsgral ba ni brdzun du smra ba'o/ /las ngan pa las sems can 'byed pa ni phra ma'o/ /tshig rtsub mo ni/ sku ni mi gtsang smyang ba ste/ /sred pa ngan pa'ang 'byung mi 'gyur/ /nam mkha' i dbang po'i gzhu 'dra ba'i/ /sku dang ldan par ston pa'o zhes pa'i brtse ba med pa'i tshig go /ngag khyal ba ni bzhin bzang lang tsho zhes bya ba la sogs pa ni/ shes rab yang dag par bsngags pa'o/ /bsten par bya zhes bya ba la sogs pa rnams kyang rnam par dag pa'i yul la longs spyod par sngags pa'o/ /brnab sems ni nyon mongs pa la bde blag par byed pa'i sems so/ /gnod sems ni bya ba ngan pa'i las sel bar bya ba'i don du sems can la 'tshe ba med pa'i sems so/ /log par blta ba ni brdzun pa la sogs pa'i

  533. 267a

    chos thams cad don dam par na ma grub la dge ba dang mi dge ba la sogs pa yang kun rdzob tsam ste don dam par ni ma yin no/ /zhes pa de lta bu dag ni rnal 'byor pas bya ba'o/ /des na tha mal pa rnams ni bya ba ma yin te byed par mi nus shing dka' ba'i phyir ro/ /bslu ba yis nyes pa ci yod ce na/ gsungs pa/ /sems can gnod pa zhes bya ba la sogs pa gsungs te/ sems can thams cad kyi don bsgrub pa dang/ sems can la phan pas ni de bzhin gshegs pa la sogs pa bsgrub pa'i thabs mang pos ni bsgrub bya phyag rgya chen po 'grub pa'o/ /sems can gnod pa gcig pus ni dngos grub rnyed mi 'gyur zhes dgongs so/ /de skad du yang/ sems can la phan dbang gis na/ dngos grub nyid du bgrong pa'o zhes gsungs so/ /de la dam tshig bza' bya ba zhes pa la/ dam tshig ni mi 'da' bas so/ /de la zhes pa ni dngos grub bsgrub pa la'o/ /dgyes pa'i rdo rje zhes pa ni dam tshig rnams ji srid dgyes pa'i rdo rje gsungs pa de srid rnams dgyes pa'i rdo rje'i rnal 'byor pas bsten no zhes rtogs par bya'o/ /des na dngos grub ni gdon mi za bar nye bar 'gyur ba ma yin no zhes gsungs pa/ dngos grub phyir zhes pa'o/ /dam tshig gsungs pa na dang po zhes bya ba la sogs pa'o/ /bdud rtsi lnga yang de bzhin bza' zhes pa la/ de bzhin ni dang po la sogs pa'i sgron ma lnga'i dam tshig brjod pa nyid do/ /rnam par snang mdzad la sogs pa'i yang ste/ bdud rtsi rnam pa lnga dang mi phyed pa'i dam tshig mngon par brjod pa rnams so/ /de la na dang po dang/ rnam par snang mdzad ni bum yig las skyes pa'o/ /ga dang po dang mi bskyod pa ni hUM yig las byung ba'o/ /dang po shwa dang rin chen 'byung ldan ni aM yig las byung ba'o/ /ha dang po dang don yod grub pa ni khaM yig las byung ba'o/ /mdza' i Sha dang/ snang ba mdza' yas

  534. 267b

    ni dzri yig las byung ba'i'o/ /de skad du yang rdo rje gdan bzhi pa las/ lcags kyu chen po zhes bya ba/ ye shes ldan pa 'dod pa'i lha/ rdo rje lcags kyu mi bskyod pa/ gnas pa'i lcags kyu rin chen 'byung/ don yod grub pa lcags kyu rgyal/ /'od dpag med pa lcags kyu g.yo zhes gsungs so/ /rnam par mdzad dang/ rin chen 'byung ldan dang/ snang ba mdza' yas dang/ don yod grub pa dang/ mi bskyod pa ni bdud rtsi lnga la brjod do/ /bum dang/ aM dang/ dzri dang/ khaM dang/ hUM yig rnams las rim pa ji lta ba bzhin 'byung ba'o/ /de bzhin bza' zhes pa ni sbar ba dang/ sbyang ba la sogs par bsgrubs nas so sor nye bar longs spyad par bstan to/ /de skad du yang/ ji ltar bdud rtsi lnga bza' ba/ brtson 'grus lnga yang de bzhin bza' zhes gsungs so/ /gzhan dag ni ge sla'o/ /skye ba bdun pa mdor bstan pa'i bshad pa ni/ skye ba bdun pa zhes bya ba la sogs pa ste/ dga' bral dga' ba la smod ces pa la bral ba ni nyan thos kyi byang chub bo/ /dga' ba ni 'khor ba'o/ /de dag sun 'byin pa zhes pa ni dga' bral gyi don 'dis sun 'byin pa ste/ des na dga' bral dga' ba smod pa 'khor ba dang mya ngan las 'das pa smad nas mi gnas pa la gnas zhes pa'i don to/ /skad snyan mig dang ldan pa zhes pa ni yi ge bdun gyi tshig go/ de'i thos pa tsam gyis ni zhes pa ni zos pa tsam gyis so/ /mkha' spyod 'gyur zhes pa la skad cig ces pa ni de ma thag tu'o/ /des na sha chen zos pa tsam gyis mkha' spyod nyid du ste/ skye ba bdun pa'i mtshan nyid do/ /ku ru kul+le'i sgrub thabs gsungs pa'i thabs kyi rim pa ni/ ku ru ku l+le'i bshad zhes pa ste yi ge bcu pa'i tshig go /brtag pa bcu gnyis zhes pa ni dgyes pa'i rdo rje brtag pa bcu gnyis pa'o/ /sgrub thabs gsungs pa/ h+rI(rgyud 'grel): yig ces bya ba la sogs pa ste/ 'di yang mngon par byang chub pa rnam pa lnga las yang dag par byung ba'i mtshan dang kha dog

  535. 268a

    mthun pa'i rnal 'byor ma bcu bzhi pos bskor ba ni bdag med ma dang 'dra la kha dog dang mtshan ma ni mi mthun pa'o/ /lhag ma ni go sla'o/ rdo rje snying po mngon par byang chub pa zhe pa ni rdo rje snying po mngon par byang chub pa ste 'dir yang dag par rtogs pa zhes pa'o/ /de nyid rtog pa'i rgyal po ste/ rtog pa ni gzhung dum bur byas pa'o/ /de ltar na rgyal po yang yin zhing de bzhin du rtog pa yang ngo/ /rdzogs so zhes pa ni gzhung dang don dag par len cing 'dzin pa 'am mthar thug pa'o/ /dpal? dgyes pa'i rdo rje le'u bcu gcig gi bdag nyid can gyi rnam par 'grel pa zhes bya ba ste brtag pa dang po'o// //da ni gang yang chos thams cad mi gnas pa'i mya ngan las 'das pa'i chos can te/ de'i tshe yang so so'i skye bo sems dga' pa'i don du sku gzugs la sogs pa rab tu gnas pa bshad par byed pa'i le'u gsungs pa/ bshad du gsol zhes pa la sogs pa ste/ gsol ba ni rdo rje snying pos so/ /rab gnas mtshan nyid ni rang bzhin te/ bcom ldan 'das kyis bshad du gsol zhes par 'brel to/ /rdo rje snying po bdag ces pa la/ rdo rje ni de bzhin gshegs pa thams cad do/ /snying po ni de rnams kyi ste/ mi gnas pa'i mya ngan las 'das pa'o/ /bdag nyid ni gang gi ste de bzhin du'o/ /thams cad ces pa ni sangs rgyas thams cad do/ /gcig pa ni dbyer mi phyed pa gang gi lus de dag go /de nas gsol ba gdab pa'i rjes la bstan pa gsungs pa/ sbyin sreg zhes bya ba la sogs pa ste/ ci gsungs zhes bya ba ni de kho na nyid bsdus par dkyil 'khor bzhengs su gsol ba ltar zhes pa'o/ /de skad du gsungs par gyur pas ni bgegs byung bar gyur na bgegs gzhom pa'i don du nyi ma gung la mngon spyod kyi sbyin sreg bya ba'o/ /dus gzhan la 'chad par 'gyur ba'i zhi ba la sogs pa byas las spyod pa sngon du 'gro ba can gyi

  536. 268b

    dkyil 'khor bzhengs par bya'o/ /de sngon du 'gro ba can gyi rab tu gnas pa ni sku gzugs la spyod pa'o zhes pa ste/ des na gsungs pa srod la zhes pa la sogs pa ste/ mtshan mo'i dus ni sta gon gyi dbang du byas nas so/ /snga dro sku la sogs pa'i rab tu gnas pa zhes pa'o/ /blo ldan nam rab mthong zhes pa ni rab tu gnas pa shes pa'o/ /bstan pa dang 'chad par 'gyur ba'i cho ga ni bdag gis dkyil 'khor gyi cho gar rgyas pas der shes par bya'o/ /sngags kyi pha rol son zhes pa ni sngags bzas pa'o/ /dkyil 'khor mchod pa'i don du ma tog dbul ba'i sngags oM badzra puShpe hUM zhes pa la sogs pa'o/ /mchod yon dang zhabs bsil la sogs pa sngar bzhin pas na/ gong ma rgyud kyi cho ga rim pa zhes pa ste/ gong ma'i rgyud kyi sgras ni de kho na nyid bsdus pa la sogs pa'o/ /der arg+haM la sogs pa dud chos la sogs pa'i phyag rgyas oM pra ba ra sarbA ra arg+haM pra tIts+tsha zhes bya ba la sogs pa'i sngags kyis dbul bar bya'o/ /da ni sbyin sreg gsungs pa/ zhi ba zhes bya ba la sogs pa'o/ /me lta'i mchod yon la sogs pa'i sngags gsungs pa/ oM dza(rgyud 'grel): hUM zhes pa la sogs pa'o/ /de dag ni dgyes pa'i rdo rje'i rnam par 'grel pa las rab tu gnas pa bstan pa'i brtag pa gnyis pa'i le'u dang po'o// //sgrub thabs la rab tu zhugs shing bsgoms pas kyang ci dngos grub kyi mtshan ma mthong bar gyur na yang der ldog pa la the tshom skyed pas de sel ba dngos grub gtan la dbab pa'i le'u gsungs pa/ rdo rje snying po zhes bya ba la sogs pa ste/ nam mkha' lta bu'i chos kun la zhes pa ni yi ge dgu'i tshig ste/ ji ltar nam mkha' ni rang bzhin med pa ste/ phung po la sogs pa'i chos rnams kyang rang bzhin med pa yin na ji ltar na sems can 'grub ces par 'grel to/ /ji lta bu zhe na gsungs pa/ rgya mtsho dgu ba ji lta bu zhes pa ste/ rgya mtshor ku bas 'grub par byed pa ni yod pa ma yin no/ /yang na der gang gi tshe 'grub pa yin

  537. 269a

    na de'i tshe sems can 'dis 'dod pa'i lha'i rnal 'byor rnam pa ji lta bu las 'grub ces dris pa'o/ /dris pa'i lan ni dngos grub 'grub pa'i thabs bsam gyis mi khyab pa'i rnam pa bcom ldan 'das kyis bka' stsal pa bdag med ces bya ba la sogs pa 'di ni yi ge bdun gyi tshigs su bcad pa byed do/ /des na bdag med pa'i rnal 'byor gyi bdag nyid dam dpal he ru ka'i rnal 'byor gyi bdag nyid kyis rtag tu gnas pa'o/ /dngos grub 'dod pas zhes bya ba la dngos grub ni nus pa ste/ de 'dod pa'o/ /dang por rnal 'byor pa gang gis rang gi khyim la sogs par bsgom par bya'o zhes pas na gsungs pa/ rang khyim zhes pa'o/ /mtshan dus su zhes pa ni mtshan mo nyid la dngos grub mang bar 'gyur bas so/ /bdag nyid grub pa'i sems kyis zhes pa ni gang gi phyir bdag nyid nga rgyal sngon du song bas thams cad kyi dngos grub tu 'gyur ba'o/ /de skad du yang/ phung po bdag las byung ba yi/ /gang zhig 'khor ba 'di rnams kyi/ /bdag nyid nga rgyal sbyor sangs rgyas/ /de nyid sangs rgyas rang bzhin no zhes gsungs so/ bza' dang btung dang zhes bya ba la sogs pa ni mdor bstan pa ni/ gzhan pa'i sems kyis skad cig kyang mi gnas so zhes pa 'dis bshad pa'o/ /rgyun mi 'chad pa'i bshad pa gsungs pa rkang pa 'khrud bar zhes bya ba la sogs pa ste go sla'o/ /dang por gang gis rang khyim la sogs par thun gsum dang/ gzhan pa'i dus su yang bsgom par bya ste/ 'dod pa'i ltar lhag par mos par gnas par bya zhes dgongs so/ /des na gsungs pa skad cig kyang zhes bya ba la sogs pa la/ dngos grub don du zhes pa ni dngos grub ni nus pa'i don du'o/ /dngos grub 'dod pas zhes bya ba ni phyag rgya chen po'i dngos grub 'dod pas so/ /bsam gtan sdig pa 'jig byed pa zhes bya ba ni rang gi khyim la sogs pa gang gis

  538. 269b

    dang por bsam gtan gyi thog ma med pa nas grub pa'i sdig pa 'jig par byed do/ /de nas sdig pa med pa dang/ nyon mongs pa phra par gyur pa'i rjes la dur khrod la sogs par byas pas dgug pa la sogs pa'i nus pa skye bar 'gyur ba'o/ /sdig pa 'jig pa zhes pa yang ji ltar shes she na/ gsungs pa/ dngos grub phyir zhes pa la sogs pa ste/ sdig pa zhig pa dang/ nyon mongs pa cung zad phra bar 'gyur la de nas le'u brgyad pa las gsungs pa'i dang po nag por bsgom par bya zhes pa la sogs pa dngos grub kyi mtshan ma dag kyang 'byung ba ste/ zla ba phyed du bsgom zhes bya ba'i don to/ /thabs gzhan dang thun mong ma yin pa gsungs pa/ thabs gzhan zhes bya ba la sogs pa ste/ bdag med ma 'am he ru ka'i sgom pa ma gtogs par 'khor bar thabs gzhan yod pa ma yin pa'o/ /de ci'i phyir zhe na/ gsungs pa/ rang gzhan don te/ 'khor ba las sgrol ba'o/ /des na rab sgrub phyir ni mi gnas pas mya ngan las 'das pa'o/ /de'i don gyi thabs gzhan yod pa ma yin no zhes 'grel to/ /rig ma lhan cig goms byas pas zhes pa ni rgyud gzhan las ni 'phral du mngon du byed par 'gyur ba ma yin la pha rol tu phyin pa'i lugs kyis kyang bskal pa grangs med pa gsum gyis byang chub nyid du'o/ /de yang sdig pa 'joms shing mngon du 'gyur ba ni bskal pa gcig la sogs pa gtogs par mi 'byung zhes pa'o/ /de la bltos nas zla ba phyed duAm/ nyi ma gcig ni lan cig tsam nyid do/ /'phral duAm de ma thag ces pa ni zla ba phyed kyi mthar ram/ nyi ma phyed kyi mthar te/ tshe 'di nyid la sangs rgyas pa 'am rdo rje 'dzin pa thob par 'gyur ro/ /sdig pa zhig nas mngon du 'gyur ba gsungs pa/ 'jigs smyo zhes bya ba la sogs pa ste/ 'jigs pa ni sreg par byed pa'o/ /smyo ba ni sems rnam par 'khrul pa'o/ /sdug bsngal dang zhes pa ni

  539. 270a

    'bras dang chu bur la sogs pa'o/ /mya ngan ni yid kyi dud ba'o/ /'tshe ba ni 'ching ba dang sdom pa la sogs pa'i mtshan nyid can no/ /sogs kyi sgras ni phra ma dang/ dag rtsub mo la sogs pa'o/ /gzhan yang srin po la sogs pa dang/ rgyal po'i chad pa la sogs pa yang byed pa'o/ /'dod chags la sogs pa nyon mongs pa drug ste/ 'dod chags kyis nye bar mtshon pa nyid las so/ /de rnams kyis sgrub pa po la gnod par mi 'gyur zhes pa des na gsungs pa/ sgrub pa po ni nyon mi mongs zhes pa ste/ sdig pa zhig pa nyid phyir ro/ /des na bzod pa'i pha rol tu phyin pa yongs su rdzogs pa'i don nyid du bskyed pa ste/ tha mal gyi las kyi 'bras bu'i rnam par smin pa ni ma yin te/ de'i rnam par dag pa nyid las so/ /yang na rnam par dag pa la goms pa'i las kyis 'jigs pa la sogs pa'i mtshan nyid la mngon du bzod pa ni/ 'bras bu nye bar spyod par 'gyur ba'o/ /chos la bzod pa'i bsam gtan du bstan pa'i don du gsungs pa/ de ltar zhes bya ba la sogs pa ste/ de ltar zhes pa ni de bzhin du zhes pa sgra'i don to/ /ji ltar ni 'jigs pa la sogs pa dang/ 'dod chags pa'i nyon mongs pa'i sgrib pa rnams kyis gang mi gnod pa de bzhin du rnal 'byor pa de yang skad cig tsam yang du 'bod kyis 'jigs par te/ tsha ba la sogs pa'i dmyal bar ji ltar skye zhing gnas te mi gnas zhes pa'i don to/ /gsungs pa/ de dag gis ni dmyal ba la sogs par skye ba'i las dang sdug bsngal dang rnam par smin pa'i sgrib pas mi gnod pa'o/ /rnam par dag pa nyid ni thams cad kyi byed pa med pa cis mi gnas shes na gsungs pa/ nges par shes zhes bya ba la sogs pa ste/ phan dang zhes pa ni de dag gi don la phan pa'o/ /gnod pa zhes pa ni de las bzlog pa'o/ /de lta bu'i 'bras bu byung ba dag go /gang gi phyir rnam

  540. 270b

    bar dag pa'i las kyis ni phan pa'i 'bras bu byung ba ste/ thun mong du gyur pa'i gcig gi tshig /de lta bu'i las kyi 'bras bu de 'am/ byed pa po de dag gnyis ka longs spyod pa ni rang bzhin med pa nyid du nges par shes shing rnam par dpyod pa mi gnas pa'o/ /gang gi phyir nyon mongs pa zad par 'gyur ba ni de lta bu bsam pas skyes pa'o/ /ji ltar dmyal bar gnas pa'i rnal 'byor pa gnas kyang gnas pa nyid ma yin no zhes dag pa gsungs pa/ mtshams med lnga zhes pa la sogs pa la/ lnga ni ma dang pha dang/ dgra bcom pa gsod pa dang/ dge 'dun gyi dbyen dang/ de bzhin gshegs pa la ngan sems kyi khrag 'byin pa'o/ /mtshams med pa ni shi nas dmyal ba nyid du 'gro ba zhes brjod do/ /des na mtshams med pa lnga'o/ /de lta bu'i las kyi sgrib pa byed ba ni srog gcod pa la dga' ba ste/ des na 'dir yan lag rnam pa lngas srog gcod pa ston to/ /gzhan yang skye ba dman pa dang zhes pa ni skye ba'i sgrib pa dang ldan pa gdol pa la sogs pa'o/ /rmongs dang zhes pa ni shes bya'i sgrib pa dang ldan pa'o/ /ma rungs las byed ces pas ni ma byin par len pa la sogs pa gnod pa'i las byas pas yi dags su'o/ /gzugs ngan yan lag ma tshang ba zhes pa la gzugs ngan ni blta bar mi 'os pa'o/ /yan lag ma tshang ba ni mig la sogs pa mtshan ba ste/ gzugs dman bar gyur pa zhes dgongs so/ /de dag thams cad du ji ltar skyes pa ni mi khom pa brgyad du gnas pa ste/ de dag gis kyang mi byed par sdom pa dang/ thabs la goms par byas pas phyag rgya chen po'i dngos grub thob par 'gyur ro zhes pa des na gsungs pa/ de rnams 'grub par 'gyur zhes pa'o/ /dge ba bcu byas pas 'grub par gsungs pa/ dge ba bcu zhes bya ba la sogs pa ste/ bla ma la gus zhes bya ba la ni lus dang srog phul nas kyang bla ma bsten pa'o/ /de lta bu yang bla ma bskyen bkur bar bstan par blta'o/ /dbang po dul zhes pa ni dad pa dang ?

  541. 271a

    dang dran pa dang/ ting nge 'dzin dang shes rab kyi mtshan nyid kyi dbang po ste/ des dul zhing gang ldan par byas pa de dag go /spyod pa'i dus rnam par bzhag pa'i don du gsungs pa/ rtag tu zhes bya ba la sogs pa la dngos grub ces pa ni dgug pa la sogs pa'i dngos grub bo/ /mnyam gzhag pas zhes pa ni dngos grub kyi bar chad sel ba'o/ /gsang la spyod ces pa ni ji ltar gyur pa'i gsang bas de bzhin du spyod pa'o/ /dngos grub ni gsang bar spyad par gnas pa zhes pa'i don to/ /sngags pa la zhes pa la/ thabs shes rab can gyi ye shes ni sngags so/ /de rtag tu yod pas rnal 'byor pa'o/ /de bzhin du rnal 'byor ma zhes pa ni mi snang ba'i lha rnams kyis so/ /gnang ba rnyed ces pa ni rmi lam la sogs par ro/ /gnad pa byin pa gsungs pa/ khyer zhes bya ba la sogs pa'o/ /che ge mo zhes pa ni rigs lnga'i nang nas gang rung ba gcig gi'o/ /sems can don gyis zhes pa ni byin gyis brlabs pa'i phyag rgya de dang lhan cig tu gnas shing ji srid spyod pa bya ba'o/ /des na de dag ni rang dang 'dra ba'i phun sum tshogs dang ldan pa dang/ dkyil 'khor la sogs pa sngon du 'gro bas phyag rgya chen po'i dngos grub bsgrub par bya'o/ /des grub pa dang ji ltar 'dod pa bzhin du sems can gyi don bya zhes par 'brel to/ /de ni sems can gyi don bya ba'i tshul khrims zhes bya bar dgongs so/ /yang na gang gi tshe phyi rol gyi phyag rgya la ma bltos par phyag rgya chen po'i dngos grub sgrub par byed pa ni de'i tshe dkyil 'khor nyid 'ba' zhig nye bar bstan pa de lta bur de'i bdag nyid kyi rnal 'byor pas rdzogs pa'o zhes pa ni man ngag go /rdo rje 'dzin zhes ba ni sprul pa la sogs sku gsum gyi rdo rje gang gis 'dzin par byed pas na rdo rje 'chang ngo/ /gang gi tshe sprul pa la sogs pa'i sku rdzogs pas sems can gyi don byed ces pa'i don to/ /gang gi phyir

  542. 271b

    sprul pa la sogs pa'i sku rdzogs pa nyid ni phyag rgya chen po'i dngos grub nyid do/ /sihla ga pur zhes bya ba la sogs pas nad med pa nyid du rtogs par bya'o/ /byang chub sems kyi sa bon bcug ste/ zhes mdor bstan pa'i bshad pa ni phyag rgya la chos bstan pa byang chub sems kyi zhes bya ba la sogs pa ste/ de yang bla ma sangs rgyas phyag 'tshal 'dud/ /chos la phyag 'tshal skyabs su mchi/ /dge 'dun che la phyag 'tshal lo /gsum po dag la'ang bdag phyag 'tshal/ /dkon mchog gsum la bdag skyabs mchi zhes bya bas dkon mchog gsum po dag la phyag 'tshal zhing skyabs su 'gro ba'o/ /dkon mchog gsum la skyabs su song ba dang/ de srid de sdig pa thams cad so sor bshags zhes bya bas ni sdig pa bshags pa'o/ /'gro ba'i dge la rjes yi rang zhes pas ni bsod nams la rjes su yi rang bar bya ba dang/ bdag gzhan don ni rab bsgrub phyir/ /byang chub sems ni bskyed bar bgyi/ zhes pas byang chub kyi sems gzung ba'i mthar de la dge ba bcu la sogs pa'i chos bstan par bya'o zhes pa des na gsungs pa/ dge ba bcu nas brtsams nas ni/ de la chos ni rab tu dbye zhes pa'o/ /lha'i gzugs kyi sems dang zhes pa la/ lha'i gzugs ni brtags shing bsgoms pa'i lha'i gzugs/ /de yi sems kyang de bzhin du'o/ /dam tshig kyang zhes pa ni 'di dam tshig ni sems kyang gcig pa nyid ces te lhan cig skyes pa'o/ /des na rab tu dbye zhes pa sngar gyi bya bar 'brel to/ /zla ba gcig gis zhes pa la/ zla ba yang yin la gcig kyang yin pa'o/ /dus de dag de tsam gyis ji ltar snod du 'gyur zhe na/ gsungs ba/ mchog thob ces bya ba la sogs pa'o/ /de'i sngon du lha rnams kyi byin gyis brlabs pa 'jig rten pa'i rnam par rtog pas stod pa/ chos nyid zab mo bla ma las rtogs pa dang des chos shes pa yang cung zad bsgribs pa gsal bar

  543. 272a

    byed pa'o zhes ston to/ /yang na zhes bya ba la sogs pa ni phyogs gzhan gyis grub mdza' gsungs pa'o/ /de yang zhes pa la/ yang ni phyogs gzhan du'o/ /des na mchog thob pa'am yang na bdag gi nus pas bkug gnas khyer te/ spyod pa spyad do zhes dgongs so/ /spyod pa zhes pa ni spyod pa'i le'ur gsungs so/ /bdag gi ngal ba mngon du'o phyir zhes pa ni brtan pa dang ldan pa'i lung rigs pa mang du shes pa ste/ de yis dngos po med par byas shing rnam par dag pa de'i rigs lngar gnas shing rgyu ba la sogs pa'i mtshan nyid dang ldan pa'i phyogs yongs su mi gtong bar bya'o/ /des kyang mngon du byed pas na dal ba mngon du'i phyir ro/ /des na spyod pa ni brtan pa nyid du byed pa ste/ ngal zhing brtan pa mngon du bya ba'i spyod pa byed do zhes bya ba'i don to/ /'jig rten pa'i lugs las 'das pa'i spyod pa byed pa ma yin nam zhe na/ bsgrub pa pos 'jig rten las 'das pa nyid bsgrubs nas phyir mi ldog pa'i sems kyis 'grub par 'gyur ba yin gyi/ de ma yin yang 'jig rten du 'jug pa'i bya ba ni nus pa ma yin no zhes pa'o/ /spyod pa byed pa yang dngos grub tu nges pa can te/ gang gi tshe 'di lta bu'i spyod pa dag gis grub pa ni phyag rgya chen po'i dngos grub kyang 'dod pa'o zhes nges pa skye bar 'gyur te/ des na yang ngal ba'ang brtan pa'o zhes dgongs so/ /de lta bu ston pa gsungs pa/ spyod pa min zhes bya ba la sogs pa ste/ 'jigs pa'i gzugs can zhes bya ba ni byis pa dag la rab tu 'jigs pa'i gzugs can gyis so/ /'o na thabs dang shes rab kyi bdag nyid can gyi lha'i sku chen po de ji ltar bdag med pa'i rnal 'byor pas phyag rgya dang bcas pas spyod ba/ spyod pa'i dngos grub bsgrub pa'i dus su shes rab 'ba' zhig gis yin gyi gnyis kyi bdag nyid kyis byed pa ma yin no zhes pa/ phyag rgya'i khyad par ji

  544. 272b

    ltar zhes pa yi ge dgu'i tshig go /phyag rgya ji lta bu zhes pa'i khyad par gyis khyad par du byed pa ste/ gzhan ma yin pas ji ltar byed ces pa'i don to/ /de nyid gsungs pa/ phyag rgya nyid zhes bya ba la sogs pa'o/ /bud med ces bya ba la sogs pas ni lan gsungs pa'o/ /nu ma spangs zhes pa ni nu ma spangs nas po lar 'gyur zhes pa ste/ bo la nyid du 'gyur zhes pa'i don to/ /gang du gnas par bsgom zhe na/ gsungs pa/ kak+ko la dbus zhes pa'o/ /'gram gnyis dril bu zhes pa ni bo la'i ngos su 'bras bu'i legs par bsgom par bya'o/ /dbus kyi khyad par ni ze 'bru po la can du 'gyur zhes pa'o/ /chos 'byung nyid rdo rje ste 'bras bu pags pa'i gzugs brnyan gyis gnas so zhes pa ni lhag ma'o/ /gsungs pa/ de dag gis bdag med pa'i rnal 'byor pas spyod pa byed pa phyag rgya dang snyoms par 'jug pa'i dus dang/ dngos grub bsgrub pa'i dus su rigs rnam pa lnga'i nang nas de blang bar bya ste/ bdag nyid skad cig tsam gyis 'di lta bu'i skyes bur bsgoms nas snyoms par 'jug pa las lhan cig skyes pa mtshon pa 'am/ phyag rgya chen po'i dngos grub bsgrub par bya zhes pa'o/ /la la dag ni gzhung 'dis bud med nyid spangs te skad cig tsam gyis mngon du byed pa'i nus pa rnyed nas spyod pa bya'o zhes bya bar bstan to/ /lhag ma zhes bya ba la sogs pas ni rgyan dang sku mdog la sogs pa can gyi phyag gnyis pa'i he ru ka nyid ston to/ /phyag mtshan ni gri gug dang thod pa nyid do/ /gzhan du na bdag med pa nyid du 'grub par mi 'gyur ro zhes pa'o/ /yang na bdag med ma'i rnal 'byor pas spyod pa ma byas kyang phyag rgya zhes pa'i dngos grub bsgrub pa de'i tshe rjes su mthun pa'i gzugs dang ldan pa'i bdag med mar bsgom pa 'ba' zhig gis 'grub ces pa'o/ /bdag nyid chen po nyid ces pa ni mthu chen pos so/ /dga' chen zhes pa ni thog ma med pa nas rol pa la rab

  545. 273a

    tu 'jug pa chos 'byung spangs pa/ rdo rje dang 'bras bu'i pags pa gnyid dang ldan pa'i he ru ka'i lhag ma'i gzugs 'dzin pa skyes bur gyur cing thob pas 'grub pa'o zhes gsungs pa/ he ru ka zhes bya ba la sogs pa'o/ 'di las zhes bya ba ni spyod pa byas pa las so/ /gsal bar zhes pa ni gsal bar nus pa yis te/ 'jig rten pa'i lugs nyid du gsal bar nus pa yis so/ /ji ltar bdag med pa 'am dpal he ru ka'i rnam par bsgom par bya zhe na/ gsungs pa/ skye dang zhes bya ba la sogs pa ste/ skye ba ni phung po'i rjes su 'dzin pa'o/ /'jig pa ni mi gnas pa'o/ /de dag ni thabs dang shes rab gnod mi 'gyur ba ste/ thabs dang shes rab kyi sa de dag sel zhes pa'i don to/ /gang las she na/ gsungs pa/ gang phyir thabs ni zhes bya ba la sogs pa ste/ gang 'byung ba ni skye ba'o/ /de thabs kyi sgras mngon par brjod do/ /'jig ces pa ni rab tu 'jig pa ste/ de yang shes rab ces pa'i sgras mngon par brjod pa'o/ / srid pa skye ba'i mthar byed pas na srid mthar byed ces pa ste/ skye ba dang srid pa'i mthar byed ces pa'i don to/ /de yang skye ba ni nges pa nyid du mi 'jig pa ma yin pas 'jig pa'o/ /'jig cing mi 'jig pa ma yin pa las skye ba'o zhes pa ste/ de dag kyang phan tshun du bltos nas 'byung ba dang 'jig pa dag go /de dag ni thabs dang shes rab kyi rang bzhin dag gis 'gro ba mnan pa ste/ de yang sgyu ma lta bu'i rnam pa nyid ni de kho na nyid ma yin te/ tshad ma dang lung gis ma grub? pa'i phyir ro/ /de dag ni skye ba dang 'jig pa dag gi yang chos de lta bu'i chos can gyi rjes su byed cing brjod pa'o zhes pa des na gsungs pa/ des na 'di la zhes pa la sogs pa ste/ 'di la zhes pa ni 'gro ba la'o/ /ji ltar

  546. 273b

    de dag la de kho na nyid du mi gnas she na/ gsungs pa/ de nyid la ni chags pa med ces ba ste chags pa med cing 'jig pa'i rjes la ni chags shing skye ba ste/ rol cing skye zhes bya ba'i bar du'o/ /'jig pa'i dngos med zad pa med ces pa la/ 'jig pa ni rol pa dang skye ba ste/ dngos po med pas mi zad pa zhes bya'o/ /de kho na nyid kyi bsam gtan byas nas bskyed pa'i rim pa rnam par bsgom pa'o zhes pa des na gsungs pa/ bskyed pa'i rim pa zhes bya ba la sogs pa la/ spros pa zhes pa ni dkyil 'khor gyi 'khor lo la sogs pa rgyas pa zhes pa'i don to/ /brtul zhugs zhes pa ni mdza' gcig du nges pa dang ldan pa'o ci byas nas bsgom zhe na/ gsungs pa/ spros pa'i lam zhes bya ba la sogs pa'o/ /yang des ci byed ce na/ gsungs pa par? spros pa nyid ni zhes bya ba la sogs pa'o/ /de yang spros pa rnams rmi lam dang 'dra bas bsgom pa rab kyi mthar thug pa'i bar du gyur pas bdag dang gzhan la sogs pa'i spros pa med par byed pa dang/ nyon mongs pa dang nye ba'i nyon mongs pa'i mtshan nyid 'jig pa'o/ /bar ma'i srid pa zhes bya ba ni 'chi ba'i srid pa dang skye ba'i srid pa dag gi bar du rkyen tshogs par ma gyur na zhag bdun gyi bar du gnas pa'o/ /sems can de ni bden pa yang ma yin brdzun pa yang ma yin pas lhun cig skyes pa ste/ de las mi gzhan pa'i dkyil 'khor zhes pa'o/ /de bstan pa'i don du gsungs pa/ phyag rgya chen po zhes bya ba la sogs pa ste/ phyag rgya chen po ni ji skad gsungs pa'i mtshan nyid can gyi shes rab bo/ /dpal ni de? yis dbang bskur ba'o/ /gsungs pa de dag gis ni dbang po gnyis snyoms par 'jug pa las rdo rje nor bu'i nang du chud pa'i byang chub kyi sems gnas shing brtan par byas pa las rtogs pa ni lhan cig skyes pa ste/ de nyid bla ma'i man

  547. 274a

    dag gis nges pa nyid du byed pa gang yin pa de ni dbang bskur ba bzhi pa'o/ /des na phyag rgya chen po'i dbang bskur bas ji ltar rtogs pa ni lhan cig skyes pa ste de'i bdag nyid can gyi dkyil 'khor zhes par 'brel to/ / des na gsungs pa/ de'i 'di ni zhes bya ba la sogs pa ste/ 'di ni zhes pa ni dkyil 'khor ro/ /byin brlabs sam mthu ni phul du gyur par byung ba las so/ /de'i zhes pa ni gsungs pa de dag gis te/ lhan cig skyes pa las rnam par dag pa'i dkyil 'khor sprul zhes pa'i don to/ /lhag ma ni go sla'o/ /lhan cig skyes pa'i bdag nyid dkyil 'khor ni bde ba'i rang bzhin lhan cig skyes pa ste/ de bas na bde ba'i dkyil 'khor dag ni de'i bdag nyid do zhes bstan pa'i don du gsungs pa/ bde ba zhes pa la sogs pa ste/ nag po la sogs pa ni bde ba yang yin dkyil 'khor yang yin pa des na bde ba dang dkyil 'khor tha dad pa ma yin pa'o/ /dngos po zhes pa ni skye ba'o/ /dngos med ni skye ba med pa'o/ /lhag ma ni go sla'o/ /da ni ma 'ongs ba'i sems can the tshom skye bar 'gyur ba bsal ba'i don du rdo rje snying po bskyed pa'i rim pa dgos pa med pa'o zhus pa la bstan pa'i don du gsungs pa/ rdo rje snying po zhes bya ba la sogs pa ste/ rdzogs pa'i rim pa'i rnal 'byor zhes pa ni/ rdzogs pa'i rim pa'i rnal 'byor te/ rim par sbyor bas so/ /ci zhe na gsungs pa/ 'di zhes pa ste/ de yang nam mkha' i khams ni pad+ma la zhes pa la sogs pa brtag pa dang po'i le'u brgyad par bstan pa'i bshad pa ni rnal 'byor pa 'di yis yin no/ rdzogs pa nyid ci zhe na/ gsungs pa/ dam pa'i bde chen brjod ces pa ste/ yi ge dgu'i tshig go /gang yang bde ba chen po ni de'i bde ba ste/ zag pa med pa zhes pa'i don to/ /de nyid lhan cig skyes pa'i ye shes so/ /de'i don ni 'di yin te/ 'di

  548. 274b

    ni sngar gsungs pa'i rdzogs pa'i rim pa'i rnal 'byor gang yin pa de ni bde ba chen por bsgrub pa'o/ /gzhan yang khyad par du gyur pa 'di ni rdzogs pa bsgom pa med pa ste/ rdzogs pa zhes pa ni rdzogs pa'i rim pa'i rnal 'byor ro/ /ci zhig 'tshal zhes brjod pa'i don du gsungs pa bskyed pa yis ni ci zhig 'tshal zhes pa ste/ bskyed pa'i rim pa la gnas shing ngal bso ba ni sgom pa dman pa'i rim pas sgrub par byed pas ni ci zhig bya ste/ de bsgoms pas mi 'grub pa'i phyir ro zhes dgongs so/ /bcom ldan 'das kyis bka' stsal pa ni lan te/ e ma'o zhes bya ba la sogs pa la/ e ma'o zhes pa'i dad pa che ba'i bdag nyid do/ /dad pa'i shugs zhes pa ni dad pas bskul ba'i bdag nyid pas na shugs te/ de lta bu ni bcom ldan 'das kyis kyang gzugs la sogs shes pa yod pa ma yin no sngar brjod pa nyid do/ /de la dang por ni sems rab tu dang ba'o/ /de nas ni yid ches pa'o/ /de'i rjes la mngon par 'dod cing rab tu 'jug ces pa'o/ /nyams shing mi gnas zhes pa ni nyams myong med par 'jug pa dag ces dgongs so/ /bskyed pa'i rim pa ni sgyu ma lta bu yin la/ des na sgyu ma lta bu nyid kyis rab tu 'jug par mi byed ci thams cad du de lta bu 'dor ba ni nyams shing mi gnas pa nyid do/ /de yang dngos po thams cad sgyu ma lta bur nyams su myong ba dang rtogs pas so/ /de lta bur skyed rim med na lus med la de med na rdzogs pa'i rim pa'i rnal 'byor med la/ de med na bde ba chen po rtogs pa yang yod pa ma yin no/ /gang gis phyir lus las bskyed pa'i rim pa'i rnal 'byor gyis bde ba nye bar thob pa'o/ /bde ba yang nyams su myong ba'i yul yin la/ nyams su myong ba yang gzugs la sogs pa las logs shig na med do/ /gzugs la sogs pa'i bdag nyid kyang lus te/ des na de dag med par bde ba thob par mi 'gyur ba'o/ zhes pas na gsungs pa/ lus kyi dngos

  549. 275a

    med ces bya ba la sogs pa ste/ bde ba smra bar mi nus zhes pa ni nyams su myong ba tsam du rtogs pa las/ lhag ma ni go sla'o/ /bde ba ni gzugs la sogs pa de'i bdag nyid du gsungs pa/ ji ltar zhes pa la sogs pa ste/ gang dang gang gi rang bzhin yin pa de ni de med par dmigs par mi 'gyur te/ ji ltar me tog med par dri mi dmigs pa bzhin no/ /gzugs la sogs pa'i rang bzhin gyi bde ba yang ngo zhes pa ni sbyor ba'o/ /me tog la gnas zhes pa ni me tog dang 'brel ba'i dri ste/ 'brel ba yang 'brel pa'i yul gyi rang bzhin nyid do/ /gzugs la sogs pa'i rang bzhin yang bde ba'o/ /zhes pa ni phyogs kyi chos nye bar bsdu ba'o/ /de bzhin zhes pa la sogs pa ni shing med na sha pa med pa lta bu zhes dgongs so/ /ji ltar bde ba chen po'i bdag nyid ni 'gro ba ste/ de bzhin du bdag nyid kyang ngo zhes bcom ldan 'das kyis bstan pa'i don du gsungs pa/ dngos po zhes bya ba la sogs pa ste/ dngos po zhes pa ni sgyu ma lta bu'i dngos por dmigs pa'o/ /dngos po med ces pa ni rang bzhin med pa nyid las so/ /dngos po rtogs phyir sangs rgyas nga/ zhes pa ni stong pa la sogs pa rang bzhin gyis rtogs pa las so/ /rmongs pa zhes pa ni shes bya'i sgrib pas g.yogs pa'o/ /le lo can zhes pa ni gzung ba la sogs par 'dzin pa la 'dug pas snyoms las te/ de dag gi ngo bo'o/ /de na le los bsnun pa dang zhes pa dang des kyang mi shes shes sngar gyi dang 'brel te/ /bde ba can du zhugs zhes pa ni kun gzhi rnam par shes pa'i rang bzhin nyid kyis so/ /rdo rje btsun mo b+ha ga bzang zhes pa ni rnam par dag pa nyid las so/ /e'i rnam pa'i cha byad gzugs zhes pa ni sku la sogs pa'i rang bzhin gyis gru gsum gyi rnam pa nyid do/ /sangs rgyas rin chen za ma tog ces pa ni mchog tu zag pa med pa bde ba chen po'i rang bzhin gyi dga' bas rgyas pa zhes pa ste/

  550. 275b

    rin po che ni rnyed par dka' bas so/ /sangs rgyas kyang yin la rin po che yang yin pas sangs rgyas rin chen no/ /de rnams kyi za ma tog ni gnas gzhi ste/ gang gi phyir na nam mkha' i dbus kyi gzhal yas khang du ji ltar gnas pa'i he ru ka la sogs pa'i gzugs 'dzin cing gnas par byed pas so/ /'chad pa zhes pa ni gzhal yas khang der gnas te 'chad pa'o/ /chos kyang zhes pa ni gsung rab yan lag dgu ste/ de la mdo sde ni don mang po ston par byed pa'o/ /dbyangs kyis bsnyad pa ni gang tshig gis don brjod pa'i mthar glus 'jug cing tshigs su bcad pa blangs pas rtogs pa mang du 'phel ba de'o/ /lung du bstan pa ni gang drang ba'i don gyi mdo sde dag las gang du ma 'ongs pa'i don 'byung ba la sogs pa dgos lung ston par byed pa de dag go / tshigs su bcad pa'i sde ni nges pa'i don gyi sde yis brjod pa'i don gsal bar byed pa ste tshig gnyis la sogs pa nas tshigs su bcad pa drug gi bar du'o/ /ched du brjod pa'i sde ni 'dul ba'i bsam pas dris pa'i don kun brjod pa ni ming mchog tu gyur pa nang du yid la byas te brjod pa'o/ /gleng gzhi'i sde ni nges par byed pa'i gsung du yul dang dus la sogs pa'i so sor nges par brjod pa'o/ /rtogs pa brjod pa ni rtogs pa 'di dag gis nges par byed pa dag las dbes mthun pa'i don ston pa dag go /de lta bu byung ba'i sde ni sngon gyi byung tshul brjod pa'o/ /skyes pa rabs kyi sde ni byang chub sems dpa' i spyod pa'i gnas skabs brjod pa dag go /shin tu rgyas pa'i sde ni byang chub sems dpa' rnams kyis bdag med pa gnyis brjod pa dang/ bden pa rnam pa gnyis rab tu gsal zhing rgyas pa dag go /chos rmad du byung ba'i sde ni cho 'phrul chen po ston pa rnams so/ /gtan la phab pa bstan pa'i sde ni bshad pa rab tu gsal bar byed pa'o/ /de la 'phags pa dge 'dun phal chen gyi sde pa rnams

  551. 276a

    kyi 'dod pa ni gleng gzhi'i sde dang/ rtogs pa brjod pa dang/ gtan la phab pa'i ming du byas pa'i yan lag gsum mdo sde la sogs pa'i nang du gtogs so zhes pas ni 'dir yan lag bcu gnyis sam yan lag dgu'i chos te/ de dag tu rtogs pa'i rang bzhin yang nga yin pa ste/ chos kyi sku'i rang bzhin zhes pa'i don to/ nyan pa nga zhes pa ni de lta bu'i chos nyan pa'o/ /rang gi tshogs ldan zhes pa ni skal ba dang ldan pa'i 'khor bsten pa'o/ /'dis ni longs spyod rdzogs pa'i sku'i rang bzhin du ston to/ /chos la goms pas sgrub pa'i rang bzhin nyid du gsungs pa bsgrub bya zhes pa ste/ de yang 'gro ba thams cad kyi nye bar 'tsho ba mchog tu gyur pa ni zag pa med pa'i bde ba chen po'i rang bzhin nyid las so/ /'gro ba'i ston pa zhes pa ni sna tshogs su sprul pas 'gro ba'i rjes su 'dzin pa'o zhes pa 'dis so/ /des ni sprul pa'i sku'i rang bzhin du bstan to/ /'jig rten zhes pa ni rigs can dang rigs can ma yin par gnas pa'o/ /'jig rten pa zhes bya ba ni rigs can dang rigs can ma yin pa la sogs pa'i tha snyad kyi lugs so/ /yang na 'jig rten ni bskyed pa'i rjes su 'jug cing brten pa'o/ /'jig rten pa ni de'i chos skye ba la sogs pa'i mtshan nyid can no/ /lhan cig skyes dga' i ngo bor zhes pa ni lhan cig pa nyid spros pa 'di lta bu'i dang tshul can no/ /de nyid ji ltar zhe na/ gsungs pa/ dga' bral nges par rdzogs pa'o zhes pa'o/ /rdzogs pa ni g.yeng ba med pa dang/ phun sum tshogs pa dang/ ji srid gang ba'i mthar thug pa'i bar du'o/ /des na dga' bral las gang zhig rdzogs pa ni lhan cig skyes pa dge bar gyur pa ni nga yin no/ /zhes dgongs so/ /yang na 'di ltar rdzogs pa'i bar du bkag pa ste/ bar ram nang du chud ces brjod do/ /glegs bam la lar ni/ mchog mdza' dga' bral dang por ni/

  552. 276b

    zhes pa'i tshig go /de lta bu'i bshad pas ni rang bzhin ji lta bur byed ces na/ gsungs pa/ dga' bral dang po zhes pa ste/ dga' bral yang yin la dang po yang yin pas dga' bral dang po ste/ dga' bral de dang por byas nas lhan cig skyes pa'i rang bzhin ni nga yin no zhes dgongs so/ /dga' bral dang po des cir 'gyur zhe na/ gsungs pa/ mchog mdza' zhes pa ste mchog dga' i mthar thug pa'o/ /gnyis pa'i tshig mthong bya'o zhes pa blang bar bya'o/ /yang na 'di ltar sbyar bar bya ste/ gang gi rang bzhin nyid ni lhan cig skyes pa'i ye shes so/ /ci zhe na gsungs pa/ mchog mdza' dga' bral dang po zhes pa ste/ dga' bral gyi pha rol tu'o/ /mdza' yang mthar gyur pas na mdza' ste dga' bral nyid kyi mdza' o/ /dga' bral dang po zhes pa ste/ gang gi dga' bral dang po can ni lhan cig skyes pa'i ye shes glegs bam la lar mchog mdza' dga' bral dang po can zhes pa'i tshig ste yi ge bcu'i tshig go /de yang mchog ces pa ni mchog dga' i ye shes so/ /dga' ba zhes pa ni dang por dga' ba'i ye shes so/ /bral zhes pa ni dga' bral ye shes te/ de dag gi rang bzhin ni nga yin no zhes pa ni lhag ma'o/ /da ni bdag nyid kyi ye shes kyi rang bzhin gsungs pa/ de bzhin zhes bya ba la sogs pa ste/ de bzhin zhes pa ni kun bsdus pa yang nga yin zhes pa ste/ gang dngos po'i de kho na nyid phul du byung bar shes pa ste/ de rkyen gyis khyad par du shes pa'o/ /ci 'dra zhe na/ gsungs pa/ mun pa la ni mar me ltar zhes pa ste/ ji ltar mar me'i rang bzhin rab tu gsal bar byed cing mun pa yang sel ba dang/ dngos po dag kyang rab tu gsal bar byed do/ /de bzhin du 'phags pa'i spyod yul gyi ye shes kyang rang bzhin gsal zhing shes bya'i sgrib pa'i rab rib sel ba dang 'phags pa'i spyod yul gyi dngos po dag kyang rang bzhin gyis gsal bar byed do/ /ston pa sum cu rtsa gnyis mtshan zhes bya ba ni de bzhin

  553. 277a

    gshegs pa rnams kyi phyag dang zhabs kyi mthil la 'khor lo rtsibs stong dang ldan zhing mu khyud can lte ba dang bcas pa rnam pa thams cad yongs su rdzogs pas phyag dang zhabs 'khor lo'i mtshan dang ldan pa'o/ /phyag dag gi mthil mnyam zhing sa la reg pa bskum pa ma yin pa nyid do/ /zhabs dag kyang legs par gnas pa ni phyag gi mthil bzhin no/ /dad pa'i rgyal po ltar phyag dang zhabs kyi sor mo dra bas 'brel bas phyag dang zhabs 'brel pa'o/ /phyag dang zhabs shing bal ltar gzhon zhing mnyam pas phyag zhabs mnyen pa'o/ /phyag dang zhabs rgyas pa dang spyi gtsug mtho zhing mgur lhun mtho bas mdun mtho ba'o/ /phyag dang zhabs kyi sor mo ring bas sor mo ring ba'o/ rting pa ring bas rting ba yangs pa'o/ /sku mdun du 'phags shing drang bas sku che zhing drang ba'o/ /long bu mdzes par nub pas zhabs legs par mtho ba'o/ /spu gyen du g.yas phyogs su khyil bas yan lag gi spu gyen du 'khyil ba'o/ /byin pa chags pa dang bcas pa ri dags e Ne ltar mdzes pas byin pa ri dags e Ne ye ltar rim gyis gzhol ba'o/ /brla mnyam zhing dpung mgo mnyam pa de'i phyag mthil gnyis kyis pus mo'i lha nga sa la reg pas phyag gi brla slebs pa'o/ /glang po dang rta cang shes ltar gsang ba'i gnas shin du mdzes par sbubs su nub pa'o/ /pags pa mdog bzang po dang ldan pas gser gyi mdog lta bu'o/ /gser dngul shin tu sbyangs pa ltar pags pa snyoms shing sku la rdul gyis mi gos pas mdog 'jam pa'o/ /ba spu khung bu re re nas skyes shing gnyis su med pas ba spu khung bu re re'o/ /'od gsal ba'i mdzod spu smin mtshams shin tu rgyas pas zhal mdzad spus brgyan pa'o/ /sku'i ro stong che bas sku seng ge'i stong ngo/ /mgur legs shing lhun zlum pas phrag pa'i

  554. 277b

    lhun mdzes pas so/ /gser gyi gtan pa byis pa ltar phrag so legs par grub pas phrag so shin tu rgyas pa'o/ /rlung dang mkhris pa dang bad kan gyis ma nyams shing rnam par shes pa 'dra ba med pas ro bro ba'i mchog go /'dom du mnyam zhing ched du mnyam pas shing n+ya gro d+ha ltar chu zheng gang ba'o/ /spyi gtsug zlum zhing legs la g.yas phyogs su 'khyil ba'i dbu dang ldan zhing legs par grub pas dbu gtsug tor dang ldan pa'o/ /utpal dmar po'i 'dab ma'i kha dog lta bu dang ldan pas ljags yangs shing srab pa'o/ /bya ka la ping ka'i gsung mnga' bas tshangs pa'i dbyangs so/ /'gram pa me long gi dkyil 'khor ltar legs par grub cing mdzes par skyes te yid du 'ong bas seng ge'i 'gram pa lta bu'o/ /me tog kun da dang zla ba ltar shin tu dkar ba'i tshems mnga' bas tshems shin tu dkar ba'o/ /tshems mthon dman med pas tshems mnyam pa'o/ /tshems la bar mtshams med pas tshems thigs bzang ba'o/ /bla 'og gye gu med pas tshems mnyam zhing bzhi bcu tshang ba'o/ /dkar nag cha ma 'dres la mnyam shing mdog dmar pos ma g.yogs pas spyan dkar nag 'byes pa'o/ /rdzi ma bla 'og shin tu legs par gnas la ma 'dzings bas ba'i rdzim lta bu'o/ /zhes bya ba dag ste/ mtshan bzang po sum cu rtsa gnyis rtag tu ldan pa gang yin pa de dag ni ston pa'i mtshan nyid dang ldan pa'o/ /dpe byad bzang po brgyad cu ni mngon par 'du bya ba thams cad la sems chags pa dang bral bas sen mo zangs kyi mdog tu 'dug pa yin/ sems can la phan pa dang bde ba'i thugs mnga' bas sems can thams cad la phan pa dang bde ba ste sen mo'i mdog snum pa yin rigs dang rgyud mtho ba dang ldan pas sen mo mtho ba yin/ kha na ma tho ba mi mnga' bas sor mo zlum pa yin/

  555. 278a

    dge ba'i rtsa ba shin tu tshogs pas ser mo rgyas pa yin/ dge ba'i rtsa ba rim gyis bsags pas sor mo rim gyis gzhol ba yin/ sku la sogs pa'i phrin las dang cho ba shin tu dben pas rtsa mi mngon pa yin/ nyon mongs pa'i mdud pa grol bas na rtsa mdud pa med pa yin/ shin tu gsal ba'i chos mnga' bas na long bu mi mngon pa yin/ mi mnyam pa thams cad las sgrol bas na zhabs mi mnyam pa med pa yin/ mi'i seng ge yin pas na seng ge'i stabs su gzhud pa yin /glang po dgu'i stobs dang ldan pas na glang po'i stabs su bzhud pa yin/ dang pa'i rgyal po ltar nam mkha' la gshegs pas dang ba'i stabs su bzhud pa yin/ mi'i khyu mchog yin pas khyu mchog gi stabs su bzhud pa yin rjes su mthun pa'i lam mnga' bas g.yas phyogs su bzhud pa yin/ blta na mdzes pas mdzes bar bzhud pa yin rtag tu thugs yon po mi mnga' bas ma yo bar bzhud pa yin/ tshul rnam par dag pa'i yon tan ston pas sku legs pa yin/ sdig pa'i chos rnams shin tu sbyangs bas na sku shin tu sbyangs pa yin/ chos rim gyis ston bas na sku rim gyis gzhol ba yin/ sku la sogs pas gtsang ba dang ldan pas na sku shin tu gtsang ba yin/ rang bzhin gyis thugs 'jam pa dang ldan pas sku shin tu 'jam pa yin/ rang bzhin gyis thugs 'jam pas sku shin tu dag ba yin/ chos dang 'dul ba shin tu rdzogs pas na sku shin tu rdzogs pa yin/ yon tan spags shing bzang ba ston bas na sku che zhing mdzes pa yin/ sems can thams cad la mnyam pa'i thugs mnga' bas sku legs par mnga' ba yin/ shin tu rnam par dag pa'i chos ston pas spyan shin tu rnam par dag pa yin/ shin tu 'jam pa'i chos ston pas na sku shin tu gzhon pa yin/ thugs rtag tu zhum pa

  556. 278b

    mi mnga' bas na sku zhum ba med pa yin/ sems can thams cad la mnyam pa'i thugs mnga' bas dge ba'i rtsa ba rdzogs pas na sku shin tu rgyas pa yin/ srid pa bcom zhing zad pas shin tu mkhregs pa yin/ rten cing 'brel bar 'byung ba'i yan lag dang nyid lag legs bar ston pas na yan lag dang nyid lag so sor mdzes pa yin/ shin tu dag par gzigs pas na snang ba rab rib med cing rnam par dag pa yin/ gzhi tshul dang ldan pa'i slob ma mnga' bas na dgu skabs zlum pa yin/ 'khor ba'i nyes pa thams cad sbyangs pas ni dgu skabs byang ba yin/ nga rgyal gyi de'u bcom pas na dku skabs ma zhom pa yin/ chos zad par rnam par bzlog pas phyal phyang de ba yin/ chos zab mo thugs su chud pas lte ba zab pa yin/ mthun par 'dzin pa'i slob ma mnga' bas lte ba g.yas su 'khyil ba yin/ slob ma kun nas mdzes pa'i dge 'dun mnga' bas mdzes ba yin /thugs shin tu gtsang ba'i mchog dang ldan pas kun nas spyod pa gtsang ba yin/ chos nag po ston pa dang bral ba'i chos 'dul ba mnga' bas sku la sme ba med pa yin/ shing bal ltar rab tu yang ba thob pa'i chos ston pas shing bal ltar 'jam pa yin/ skye bo la byams shing dge sbyong chen po mnyes pas phyag gi ri mo snum pa yin/ mchog tu zab cing brtan par bzhugs pas phyag gi ri mo zab pa'o/ /bzod pa'i chos yangs pa ston pa phyag gi sor mo ring ba yin/ bslab pa'i gnas mi ring bar 'cha' bas zhal ha cang yang mi ring ba yin/ gzugs brnyan 'jig rten du bkye bas zhal gyi gzugs brnyan snang ba yin/ 'jam ba sngon du btang zhing dul bas ljags shin tu 'jam pa yin/ /yon tan phra ba'i tshogs dang ldan pas ljags shin tu sra ba yin/ byis pa'i skye bo'i 'dod chags kyi chos dang 'dul ba gting dpag dka' bas na lhags dmar ba yin /glang po'i sgra dang 'brug gi sgra

  557. 279a

    lta bus snyems pa mi mnga' bas glang po'i nga ro dang 'brug gi dbyangs dang ldan pa yin/ snyan cing 'jam pa dang nyams su bde bar smra ba'i slong ma mnga' bas snyan cing 'jam pa dang nyams su bde ba'i gsung dang ldan pa yin/ srid pa kun tu sbyor ba las 'das pas tshems mche ba zlum pa yin/ skye bo rno ba rnams shin tu 'dul ba dang ldan pas tshems mche ba rno ba yin/ shin tu dkar ba'i chos kyis 'dul bas tshems mche ba dkar ba yin/ sa phyogs mnyam pa la zhugs pas mche ba mnyam pa yin/ mngon par rtogs pa'i chos rim gyis ston pas tshems mche ba rim gyis gzhol ba yin/ shes rab mthon po'i ri bo la bzhugs pas shangs mtho ba yin/ gtsang ba'i 'dul ba mnga' bas shangs gtsang ba yin/ sangs rgyas kyi cho 'phrul yangs pa mnga' bas spyan yangs pa yin/ gzigs pa rnam par dag pas spyan rnam par dag pa yin/ sems can gyi tshogs bsags pas rdzi ma stug pa yin/ lha dang lha ma yin dang/ skye bu dang na chung gi mig dkar nag 'byes shing pad+ma'i 'dab ma ltar 'dug pas mngon par dga' bar byas pa nas spyan dkar 'byes shing pad+ma'i 'dab ma lta bu yin/ rtag tu yangs pa gzigs pas smin ma ring ba yin/ 'jam par 'dul ba la mkhas pas smin ma gnyis 'jam pa yin/ skyon thams cad mkhyen pas smin ma spu mnyam pa yin/ dge ba'i rtsa ba'i snum gyis sems can snum pa'i skye bo 'dul bas smin ma gnyis snum pa yin/ chos mchog tu yangs shing don mang po dang ldan pas snyan shal ring ba yin/ nyon mongs pa'i rgyud las rgyal bas snyan mnyam pa yin/ sems can bsam pa ma nyams par 'dul bas snyan gyi dbang ma nyams pa yin/ lta ba'i rnam pa thams cad byang bas dpral ba legs

  558. 279b

    pa yin /bram ze dang dge sbyong la sogs pa phas kyi rgol ba 'dul bas dpral ba yangs pa yin/ smon lam yongs su rdzogs pas na dbu rgyas pa yin/ yul la rol ba'i bung ba bzlog pas dbu skra bung ba ltar gnag pa yin/ mthong ba dang bsgom pas spong ba'i nyon mongs pa zad pas dbu skra 'khyil ba yin/ thugs mnyam par bstan pa'i snying po mkhyen pas dbu skra 'jam pa yin/ rtag tu thugs ma 'khrul bas dbu skra ma 'dzings pa yin/ skyes bu ngas pa'i gsung dang ldan pas dbu skra mi rtsub pa yin/ byang chub kyi yan lag gi spos kyis skye bo mthun par sgrub pas dbu skra dri zhim pa yin/ phyag dang zhabs dpal be'u dang/ bkra shis dang dge ba 'khyil pas brgyan bas phyag dang zhabs de dag gis brgyan pa ste/ dpe byad bzang po brgyad cus brgyan pa dang rtag tu ldan pa de dag go /mtshan dang dpe byad kyi gzhi yin pas na longs spyod rdzogs pa'i skur bstan to/ /gtso bo zhes pa ni dkyil 'khor gyi bdag po nyid kyis so/ /zhu ba zhes pa ni nur nur por gyur pa'i skabs lta bu ste/ de'i shin tu bshad pa ni/ de med pas na zhes bya ba la sogs pa ste/ zhu ba de dag ni phan tshun bltos nas 'byung bar shes par bya'o/ /de'i rigs la ltos nas de bzhin du 'gyur ba ste/ rgyu la bltos pa 'am/ phan tshun du bltas pa ste/ zhu bar gyur nas bde ba skyed par byas pa'o// de ltar zhu bar gyur nas bde ba skyed par byas pas so/ /de ltar zhu ba dang bde ba ni de bzhin gshegs pa'i sku'i mtshan nyid yin te/ de bzhin gshegs pa nyid bzhin no/ /lha'i rnal 'byor bsgom pa yang zag pa med pa'i bde ba las skye'o/ /zhes pa des na gsungs pa/ bltos dang bcas zhes pa la sogs pa ste/ zhu ba'i bdag nyid kyi phung po de nyid las lha rnams kyi rang bzhin gyis bsgrub pa ni bde ba las byung ba'o zhes dgongs so/ /de phyir zhes bya ba la sogs

  559. 280a

    pa ni gang gi phyir phyag dang zhal dang gzugs kyi rnam par nyams su myong ba de ni sangs rgyas zhes bya bar 'brel to/ /des na dngos po med cing dngos med min pa ni sangs rgyas yin pa ste/ zhal phyag la sogs pa ni dbyibs kyang zhes bya bar sbyor ro/ /yang na dngos po med cing dngos med min zhes gsungs pa la/ dngos po ni rang bzhin te/ de yang ma yin zhes pa'o/ /des na dngos po ni rjes su bshad do zhes pa'i don te/ /gang las shes na/ gsungs pa/ mchog tu bde bas gzugs med pa zhes bya ba la/ gang gi phyir mchog tu bde ba ni gnod pa thams cad dang bral ba'o/ /de phyir zhes bya ba la sogs pa la/ gang gi phyir lhan cig skyes pa ni rang bzhin gnyug mar brjod pas/ de phyir 'gro kun lhan cig skyes shes bar 'brel to/ /rang bzhin ni dngos po rnams kyi gnyug ma'i rang bzhin no/ /de nyid chos kyi dbyings dang mya ngan las 'das pa'o/ /rang bzhin ni gzhan ma yin no zhes pa de nyid gsungs pa/ rang bzhin mya ngan 'das pa nyid ces pa'o/ /ji lta bu zhe na/ gsungs pa/ rnam par dag pa'i sems kyis ni zhes pa ste/ don dam par rnam par dag pa'i rnam pa ni rang bzhin te/ gang gi sems de de bzhin du ste/ rnam par dag pa'i rnam pa ni sems so zhes pa'i tha tshig go / 'dir lha'i rnam pa ni rnam par dag pa'i rnam pa las gyur pas na sems rnam par dag pa'i rnam pa'o/ /gzhan yang lha'i rang bzhin nyid 'gro ba'i rang bzhin yin pa ni sems rnam par dag pa de nyid do/ /de nyid gsungs pa/ lha'i zhes bya ba la sogs pa ste/ gang yang lha ni ji ltar nyon mongs pa dang bcas she na/ gsungs pa/ 'on kyang bag chags ba las so/ /zhes pa la/ phal pa'i bdag tu 'dzin pa'i bag chags las bdag dang bdag gir 'dzin pa'i tshul te/ de yang gang gi phyir rnam par dag pa'i ngar 'dzin pa ni

  560. 280b

    sangs rgyas su nga rgyal byed pa'o/ /rnam par ma dag par 'dzin pa'i rten ni phung po nyid de 'khor ba'o/ /de nyid phyag dang zhal la sogs pa dbyibs dang ldan pa ste/ yongs su dag pa'i ngar 'dzin pa'am/ nga rgyal ba'i rten ni sangs rgyas so zhes dgongs so/ /de skad du yang/ nga las phung po rnams ni byung/ /'khor ba rnams kyang ji lta bar/ /sangs rgyas sbyor ba'i nga rgyal las/ /sangs rgyas rang bzhin de nyid do zhes gsungs so/ /rnam par dag pa'i rnam pa yang mya ngan las 'das pa nyid ces pa'o/ /de'i dper bya ba ni de nyid ces bya ba la sogs pa ste/ de nyid ces pa ni rab tu grags pa ste/ dug gi dum bus 'chi bar byed pa de nyid kyis/ 'chi bar byed pa ni 'gro ba thams cad do zhes pa'o/ /de yang 'gro ba rnams kyi nang nas gang yang rung ba gcig gis gal te dug gi dum bu de zos na de nges pa nyid du 'chi 'o zhes dgos so/ / de nyid kyis na 'chi bar byed ces pa'o/ /dug yod dug ni yod pa ste/ /srid gsum kun na dug ni yod/ /dug med dug ni med pa ste/ /srid gsum kun na dug ni med/ ces pa'o/ /des na gang gi de kho na nyid du nga rgyal byed pa de ni de kho na nyid yin pas dug gi de kho na nyid yin pas na dug gi de nyid shes pa'o/ /yang na dug gi de kho na nyid ni dug gi sngags so/ /de nyid shes pa ni dug 'joms pa ste/ sel bar byed ces pa'i don to/ /gang gi phyir ji ltar 'dus byas shing sbyangs pa'i skyon dang bral ba ste dug mchog tu byas pas kyang dug med pa'o/ /de bzhin du rnam par bkod cing sbyangs pas kyang skyon dang bral ba yin la/ mchog gi rnam pas kyang nyon mongs pa med par byed pa'o/ /ji ltar zhes bya ba la sogs pa la/ mon sran gre'u bza' ba zhes pa ni mar la sogs pa dang lhan cig tu bcos shing sbyangs pa dang ldan pa'i sran ma zos na rlung la bsnun par byed pa yin la/ gzhan du na rlung nyid skye bar byed pa'o/ /rnam rtog dang ni rnam rtog pa zhes pa la/ rnam rtog dang ni phung po la sogs pa'i

  561. 281a

    bdag nyid do/ /yang rtog pa ni lha'i rnam pa nyid 'khor ba'o/ /des na dag 'jig rten pa'i srid pa zhes dgongs so/ /ji ltar rna bar chu zhugs pa/ /chu gzhan gyis ni dgug par bya/ zhes pa la/ rna ba gnyis su chu gzhan yang ste/ thal mo kha sbyor gyi nang du bzhag pa ste blug par byas na dgug pa'o/ /de bzhin du 'khor ba'i srid pa ni gdungs shing gdungs pa nyid do/ /da ni dpe las byung ba sgom pa so so nye bar gsang bar gsungs pa de bzhin zhes bya ba la sogs pa ste/ 'di yang tshig gnyis pa'i tshigs su bcad pa'o/ /nyon mongs pa dag gi dpe gsungs pa/ ji ltar zhes bya ba la sogs pa mes tshig pa'i gnas su snum bskus te/ me la shin tu ring ba yang ma yin nye ba yang ma yin par bsro zhing gdung ba'o/ /de ltar bsro zhing gdungs pas ni mes me nyid sbyong ba'o/ /lhag ma ni go sla'o/ /sangs rgyas mu stegs zhes bya ba ni nyan thos la sogs pa rnams kyis so/ /bo la kak+ko la sbyor bas zhes pa ni gong gi le'u bcu par bstan pa de bshad pa'i tshig tu byas pa'i phyir gsungs pa/ kun tu ru las zhes bya ba la sogs pa ste/ kun tu ru dag las 'byung ba chen po'i rang bzhin gcig nyid de la lnga lnga'o/ /des na 'byung ba lngar 'gro ba zhes par 'brel to/ /'byung ba lnga ni nyon mongs pa lnga dang/ phung po lnga ste/ de lta bu'i 'byung ba lnga'i rang bzhin las lnga lnga dag tu 'gro ba'o/ /ci zhe na gsungs pa/ dbye bas shes pa ste/ kun rdzob tu zhes pa'i don to/ /lnga lnga nyid du 'gro ba gsungs pa/ bo la kak+ko la sbyor bas shes pa la sogs pa ste/ lhag ma ni go sla'o/ /lnga'i gzugs kyis rnam par mtshon zhes pa la/ lnga'i gzugs ni de bzhin gshegs pa lnga'i gzugs dang/ 'byung ba lnga'i gzugs dang/ phung po lnga'i gzugs dang/ 'dod chags la sogs pa nyon mongs pa lnga'i gzugs kyis so/ /mtshon zhes pa ni brtags

  562. 281b

    pa ste/ lnga'i gzugs nyid ni don dam par na yod pa ma yin zhes bya bar dgongs so/ /de yang lhan cig skyes pa nyid las sprul pa ni lnga'i gzugs dang/ drug nyid dang/ brgya dang/ stong dang/ grangs med pa'i rang bzhin no zhes pa ste/ de nyid gsungs pa/ rigs ni lnga po de nyid ces bya ba la sogs pa'o/ /lhag ma ni go sla'o/ /dgyes pa'i rdo rjes zhes bya ba la sogs pa la/ dngos grub ni phyag rgya chen po'i dngos grub bo/ /gtan la dbab pa ni nyon mongs pa de rnams nyams smad pa la sogs pa gdon mi za bar 'gyur ba dang/ nges pa nyid du byed pa ste/ des na dngos grub gtan la dbab pa'i le'u'o/ /ji lta bu'i yul zhe na/ gsungs pa/ kye'i rdo rje zhes pa ste/ dgyes pa'i rdo rje'i rgyud do/ /mkha' 'gro ma dra ba'i sdom pa zhes pa ni/ d+he ba ya sag+ha mi ni/ /byings las nye bar brtags pa ste/ /nam mkha' kun tu rgyu grub pas/ /mkha' 'gro ma zhes brjod pa'o/ /de yang d+ha zhes bya ba ni/ bcom ldan 'das nyid kyis byings su byas pa ste/ nam mkha' 'gro ba ni sprul pa rnams kyis nam mkha' thams cad du khyab pa'i rang bzhin gang yin pa des na nam mkha' 'gro ba'o phyis yang ya'i gnas su ka yig ste/ nges pa'i tshig las mkha' 'gro ma zhes bya bar 'gyur te/ mkha' 'gro ma ni lha mo rnams so/ /dra ba ni de rnams kyis te sprul pa'o/ /sdom pa ni des sgrub par byed pa ste/ lhan cig skyes pa'o/ /des na 'dir de dag ni mkha' 'gro ma dra ba'i sdom pa'i dgyes pa'i rdo rje'i rgyud 'di dag ni brtag pa gnyis pa'i le'u gnyis pa'o// //yang nam mkha' 'gro ni shes rab ste/ dra ba ni thabs so/ /de dag gi dbu ma ni sdom pa ste/ 'dir ni de bzhin du'o/ /rgyud kyi nang du le'u brjod pa 'di yang bdun pa'i tshig gnyis kyi don to/ /le'u sngar gyi dang gzhan las rdzogs so zhes shes par bya'o/ /de dag ni dgyes pa'i rdo rje'i rnam par 'grel pa las/ brtag pa gnyis pa'i le'u gnyis pa'o// //de nas zhes pa ni dngos grub gtan la dbab pa gsungs pa'i

  563. 282a

    rjes la rdo rje 'chang gis thabs gsungs so/ /zhes par 'brel to/ /thabs kyi ming ci zhe na gsungs pa/ rgyud thams cad kyi gleng gzhi zhes bya ba zhes pa la/ gleng gzhi'i rgyud 'di'i bsdus pa ste/ gang nges par 'chad pa de bzhin du'o/ /de'i ming ni thabs te rgyud rtogs par byed pa'i sgo'o/ /ji ltar nges par byed pa'i gsung yin zhe na/ gsungs pa/ rnal 'byor ma rnams zhes pa ste/ de yang rnal 'byor ma'i dbang du byas te rgyud la 'jug pas rnal 'byor ma gtso bor gyur pa ste/ gang rnal 'byor ma rnams ni rgyud kyi don skye ba'i thabs so/ /des na de'i gsung ni ma zhus pa nyid du bcom ldan 'das nyid kyis gsungs pa'o zhes dgongs so/ /rgyud thams cad du sdud pa pos bstan pa yin no/ /sdom pa dang zhes bya ba la sogs pa la/ sdom pa ni le'u dang po mdor bstan la dbang dang zhes pa ni dbang gi le'u mdor bstan pa'o/ /de bzhin zhes pa ni le'u dang por mdor bstan pa ni dga' ba la sogs pa ste/ de bzhin zhes pa'i sgra'i don to/ /gzhan yang ston pa la sogs zhes pa ni rang gis thams cad ston pas bstan par bya zhes par 'brel to/ /de nas bcom ldan 'das kyis nges par byed pa'i gsung bstan pa'i don du gsungs pa/ de la zhes bya ba la sogs pa ste/ de la ni de rnams las te/ sdom pa la sogs pa rnams las so/ /re zhig sdom pa gsungs pa/ sdom pa ni zhes pa la sogs pa ste/ sangs rgyas kun zhes pa'i sangs rgyas ni rtogs pa nyid kyis so/ /sdom pa ni gang gi phyir sangs rgyas kun yang dag par sdom pas so/ /dbang las yang dag shes zhes pa ni phyag rgya chen po'i dbang bskur bas ji ltar shes pa'i bde ba chen po zhes pa der bshad pa nyid do/ /mkha' 'gro ma'i sdom pa nyid ces pa ni nyid kyi sgra ni bsdus pa'o/ /de la e baM rnam pa ci zhes brjod pa ni mkha' 'gro ma rnams kyi sdom pa yang ci zhes brjod ces par

  564. 282b

    'gyur ba'o/ /bde ba thams cad kyi ni gnas zhes pa ni gang gi phyir 'jig rten dang 'jig rten las 'das pa'i bde ba rnams kyi nang nas bde ba nyid bsgrub par bya ba ste/ de yang zag pa dang bcas pa dang/ zag pa med pa'o/ /de la zag pa dang bcas pa ni byis pa rnams kyi yin la/ cig shos ni 'phags pa rnams kyi'o/ /gnyi ga'i rang bzhin gyi bde ba ni gnyis po dag rnams kyi ste de lta bur grub pa'o/ /dga' ba rnams kyang chos 'byung du rtogs par bya ba'o/ /de nyid gsungs pa/ dga' ba zhes bya ba la sogs pa'o/ / ji lta bu zhe na gsungs pa/ skad cig ces pa la sogs pa ste/ skad cig dbye bas kyang phye ba'o/ /ci zhe na gsungs pa/ skad cig dbye ba zhes bya ba la sogs pa'o/ /gang gi phyir skad cig gi dbye bas dga' ba la sogs pa'i bde bas zhes pa ni e baM yi ge rab tu gnas shing rab tu 'brel pa'o/ /gang gi phyir 'dod cing 'khyud pa las kyang gang bde ba de ni e baM yi ge'i chos so/ /skad cig gsungs pa/ sna tshogs dang zhes bya ba la sogs pa'o/ /skad cig bzhi ni yang dag shes/ /de ltar rnal 'byor pas shes 'gyur zhes pa ni de ltar dga' ba la sogs pa shes pa'i rnal 'byor pa nyid kyis yin gyi/ gzhan gyis ni ma yin no/ skad cig bzhi po dag gis cir 'gyur zhe na/ rim pa ji lta bu bzhin du yang dag par rtogs pa ni shes par 'gyur zhes pa ste/ skad cig bzhis yang dag par rtogs pa'o/ /de yang glegs bam la lar ni/ skad cig bzhir ni yang dag rtogs shes pa'i tshig ste/ 'dir yang skad cig bzhis yang dag par rtogs shes bshad pa ste/ lhag ma ni snga ma bzhin no/ /skad cig gi mtshan nyid gsungs pa/ rnam pa sna tshogs shes pa la sogs pa'o /rnam pa sna tshogs de yi bshad pa ni/ 'khyud dang 'o byed ces bya ba la sogs pa ste/ sogs pa'i sgra ni/ sen mo gdab

  565. 283a

    pa la sogs pa'o/ /rnam par smin pa de las bzlog ces pa ni/ de'i 'khyud pa la sogs pas mtshon pa'i skad cig ma las gzhan du bzlog pa nyid gang yin pa de'i tshe de bzhin du skad cig ma'o/ /de nyid rnam par smin pa'i zhes brjod do/ /de nyid de'i 'bras bu'o /skad cig 'di yis ci byed ce na/ gsungs pa/ bde ba'i ye shes spyod pa nyid ces pa ni/ gang bde ba'i ye shes mngon sum du nyams su myong ba'o zhes rtogs par bya'o/ /gros ni rnam par nye bar brjod ces pa ni rnam par rtog pa ste/ yul rnams la song zhing nyed pas na rnam par nyed pa'i skad cig ma'o/ /gzhan yang gros ni 'di'o zhes gros su byed pa'o/ /de nyid la 'dir ci gros su bya zhe na gsungs pa bdag gi bde ba thos pa'o zhes pa ste/ mig la sogs pa dbang po lnga dang/ gzugs dang sgra la sogs pa yul rnam pa lnga spangs par gyur nas yid kyi dbang po 'ba' zhig gis kyang bde ba'i yul la dmigs nas gnas pa ni/ gang du bde ba ni nga 'am bdag gi ba de rnam par nyed pa'i skad cig ma'o/ /mtshan nyid dang bral ba'i zhes pa ni mi 'dra bar gyur pa'i mtshan nyid 'di ni mtshan nyid dang bral ba'i skad cig ma'o/ /dga' ba rnam pa skad cig ma sbyar ba gsungs pa/ sna tshogs zhes bya ba la sogs pa'o/ /le'u dang por de ltar na thams cad bzhi'o zhes pa 'dis dbang bzhi yang bsdus pa ste/ de dag ma rtogs par dga' ba la sogs pa shes par mi nus so zhes bstan pa'i don du slob dpon zhes bya ba la sogs pa'o/ / dga' ba la sogs pa rim shes pas/ dbang gi grangs ni rnam pa bzhi zhes pa ni dga' ba bzhi la sogs pa rnam par dag pa ni dbang bzhi zhes pa'i don to/ /de yang rgyud gzhan las gsungs pa'i chu la sogs pa 'dir yang blta bar

  566. 283b

    bya'o/ /dbang bskur ba'i le'u las dbang ni rab tu bshad ces pa ni thun mong tshig go /rgod pa dag pa slob dpon nyid/ /ces pa ni bya ba dang spyod pa'i rgyu bdag tu rgod pa zhes pa'i ming gis te de dag pa ni slob dpon gyi dbang ngo/ /de yang 'khrul bas na ste dbang ? rjes su blta bar bya'o/ /lta bar gsang ba de bzhin no zhes pa la/ lta ba'i sgras ni rnal 'byor gyi rgyud de/ de rnam par dag pa ni gsang ba'i dbang ngo/ /lag bcangs la ni shes rab nyid ces pa ni yi ge drug gi tshig ste/ lag bcangs zhes pa'i sgra ni rnal 'byor ma'i rgyud de/ de rnam par dag pa ni shes rab ye shes so/ /gnyis gnyis ldan pa de yang nyid ces pa ni gnyis ldan gyi rgyud ni rnal 'byor bla na med pa'i rgyud de/ de rnam par dag pa dbang bzhi pa'o/ / dbang ni zhes pa ni go sla'o/ /bkrus dang zhes bya ba la sogs pas ni dbang gi don gsungs pa ste/ bkrus dang zhes pa ni 'khru bar byed pa ste/ sems dag par byed pa dbang bskur ba 'dis so/ /de yang 'dis nyon mongs pa'i sgrib pa sel bar byed pa'o/ /lag pa dag gis yang dag 'khyud ces pa ni yi ge bdun gyi tshig ste/ 'khyud pa las mngon sum nyid du lhag par mos pa nyid do/ /shin tu bzhin bzangs zhes bya ba la sogs pa la/ rigs rnam pa lnga'i nang nas de lta bu'i rnam pa can bsten pa nyid ni bsten pa las phun sum tshogs pa dang ldan pa'i byang chub kyi sems nyid rgan po dang srin lag dag gis rdo rje nor bu gzung ste slob ma'i khar ltung bar byed pa ni gsang ba'i dbang zhes bya'o/ /shes rab ces bya ba la sogs pas ni shes rab ye shes kyi dbang bstan to/ /ci brjod cing gtang par bya zhe na/ gsungs pa/ ston pas zhes bya ba la sogs pa'o/ /bla mas bstod pa'i tshe gang brjod par bya ba bstan pa'i don du gsungs pa/ shes nas ni zhes bya ba la

  567. 284a

    sogs pa'o/ /gnang ba sbyin pa cis shes na/ gsungs pa/ kun tu ru gyis rdo rje 'dzin zhes ba ste/ bla mas rjod ces par dgongs so/ /kye bcom ldan 'das zhes pa nas bsgral zhing bskyabs pa zhes pa'i mthar thug pa'i gzhung ni gsol ba gdab pa'i don to/ /lhag ma ni go sla'o/ /slob mas mchod pa 'di rnams ni yi ge bdun gyi tshig go /ston pa zhes bya ba la sogs pa'i tshig gis ni dbang bzhi pa gsungs pa'o/ /dkyil 'khor 'khor lo sogs kyis zhes pa la/ sogs shes pa'i sgras ni thabs dang shes rab ston par byed pa'i thabs so/ /da ni rdo rje snying pos 'dri ba gsungs pa/ de nas zhes pa la sogs pa ste/ bzod pa ni sring mo rnams la bzod par gsol bar bstan pa'i don to/ /bcom ldan bdag ni 'khrul gyur pas/ /ji ltar rigs par zhes pa'i mang po'i tshig ni gus par shes par bya ba nyid do/ /dkyil ni snying po zhes brjod de zhes pa ni ji ltar dkyil 'khor gzhan gyi snying po zhes pa'i don to/ /de bzhin du phung po la sogs pa'i yang dkyil 'khor lam snying po ste/ cis she na/ gsungs pa/ byang chub sems ni bde chen po zhes pa'o/ /de len par byed pas na zhes pa ni de len cing 'dzin par byed pas na dkyil 'khor te/ snying po len pas dkyil 'khor zhes dgongs so/ /de ci zhe na gsungs pa/ 'dus pa zhes pa ste/ lha rnams 'dus pa zhes dgongs so/ /de nyid ji ltar dkyil 'khor yin zhe na/ gsungs pa/ 'khor lo zhes pa la sogs pa ste/ rgyun gnas ni phung po lnga'o/ /khams shes pa ni sa la sogs pa'o/ /ak+Sha'i sgra ni dbang po rnams so/ /yul ni gzugs la sogs pa'o/ /des na rgyun gnas pa phung po dang khams dang/ dbang po dang/ yul la sogs par gyur pa gang yin pa de rnams dang/ de bzhin

  568. 284b

    du 'dod chags dang/ zhe sdang la sogs pa nyon mongs pa de dag go /rnam par sbyong ba de ni de rnams kyi dri ma gcod par byed pa nyid ni rnam par spyod ba ste 'khor lo'o/ /rnam par spyad ba yang gsungs pa dang/ 'chad par 'gyur ba ste/ /de la rnam par shes pa'i phung po thams cad nges par rnam par shes pa drug go /des na dkyil 'khor yang yin la 'khor lo yang yin pas dkyil 'khor 'khor lo'o/ /de'i don ni 'di yin te/ lha rnams tshogs pa'i snying po len pa'i dkyil 'khor nyid kyis 'dir tshogs rnam par dag pa nyid kyi dkyil 'khor zhes par thob pa'o/ /'o na bde chen po zhes bya ba'i snying po ji ltar len par byed ce na/ bo la kak+ko la sbyor bas/ /de yi bde ba shes par 'gyur zhes pa'o/ /lhag ma ni go sla'o/ / lha mo thams cad dga' bar 'gyur zhes pa ni rengs par gyur pa'o/ /spyod pa'i dus su bza' ba la sogs mdor bstan pa'i bshad pa ni/ bza' btung zhes bya ba la sogs pa'o/ /dogs pa med pa'i sems kyis zhes pa ni gnyis spangs pa'o/ / de skad du yang/ thabs dang shes rab sems kyis ni/ /mi bza' cung zad yod ma yin/ /rtag tu the tshom bral gyur pas/ /'dod pa lnga la nyar longs spyod/ ces gsungs so/ /lha 'di rnams la phyag mi bya/ zhes pa la sogs pa ni rnal 'byor pa sems bsgom pa la chags pas phyi rol gyi lta la phyag byed pa bkag pa yin la/ lhag par mos pa tsam la zhugs pa'i rnal 'byor pas ni ma yin te phyag bya'o/ /dpal dgyes pa'i rdo rje dbang bskur bas dgongs pa'i skad kyis smra'o/ /zhes pas na nges pa gsungs pa/ gang zhig dbang bskur dgyes rdor 'dir zhes pa la sogs pa ste/ gang dgongs pa'i skad kyis mi smra ba'i dam tshig rig ba de ni nyams par 'gyur zhes par 'brel to/ /ci zhe na gsungs ba/ 'tshe ba 'dir dag ces pa la sogs

  569. 285a

    pa ste/ de yang char mi 'bab cing char ches pa/ byi ba ne tso chag pa/ thog ser 'di drug blo ldan gyis/ /mtshungs pa nyid du 'tshe bar shes/ /zhes pa la sogs pa'i mtshan nyid can no/ /dgongs pa'i skad kyi bya ba gsungs pa/ rang rig dam tshig rig rnyed nas/ zhes pa'o/ /gzhan yang 'tshe ba de rnams 'ba' zhig ma yin pa dag gis kyang 'joms so zhes brjod pa'o/ /dgongs pa'i skad dang ldan pa'i rnal 'byor ma rnams kyis 'tshe bar byed ces bstan pa'i don du/ de'i tshe na zhes bya ba la sogs pa ste/ gnas bzhi las skyes zhes pa ni sprul pa dang/ chos dang/ longs spyod dang/ bde ba chen po'i 'khor lo rnams su sba'i gzugs kyis sam/ byang chub kyi sems kyi gzugs kyi gnas pa'i rnal 'byor ma'o// rgyud thams cad kyi gleng gzhi dang dgongs pa'i skad gang du ston par byed pa de la yang/ rgyud thams cad kyi gleng gzhi dang gsang ba'i skad ces bya ba'i le'u'o/ /de dag ni dgyes pa'i rdo rje'i rnam par 'grel pa las brtag pa gnyis pa'i le'u gsum pa'o// //da ni yang spyod pa'i le'ur glu dang gar la sogs pa mdor bstan pa'i bshad pa dang/ rgyud thams cad kyi phyag rgya bsdus pa'i don gyi le'u gsungs pa/ de nas zhes bya ba la sogs pa la/ de nas zhes pa ni gleng gzhi'i tshig dang/ dgongs pa'i skad thos pa'i rjes la'o/ /lha dbang bskur ba las gang gsungs pa/ zhe sdang la sogs phyag rgya rnams zhes pa la/ dbang bskur ni dbang bskur nas spyi bor rang gi rigs kyi bdag por gyur pa zhes pa 'dis ston pa ste/ zhe sdang la sogs phyag rgya rnams so/ /rnam par dag pa ni rtsa rnams kyi tshogs so/ /de'i dang por glu bstan par bya ste/ ko l+la e reTThi zhes bya ba la sogs pa'o/ /'dir glu'i sgra ji bzhin pa'i don ni rab tu grub pa nyid yin la/ sbas pa'i don du bshad pa yang/ ko l+la

  570. 285b

    e reTThi zhes pa ni spyi bo na gnas pa'o/ /pho la can ni thabs te haM yig go /mummu ni de kak+ko la zhes pa ni lte bar gnas pa'i kak+ko la can te shes rab e yig go /de nas yang gsungs pa/ g+ha Na ki pi ta ho badzdza i zhes pa la/ ki pi ta ni cang te'u ste sgra'i bdag nyid kyis na sngags ste cang te'u'i sgra 'dra ba nyid du brjod do/ /des na g+ha Na ki pi ta ho badzdza i zhes par sbyar te/ rgyun mi 'chad par brjod pa'o/ /de'i don ni 'di yin te/ i dang haM zhes pa bris pa'i gzugs lta bu'i sngags rim la ji lta bar lte pa dang spyi bor las dang nyon mongs pa'i bag chags 'joms pa'i rang bzhin du skad cig rgyun mi 'chad sgrogs zhes pa'o/ /ka ru Na ki a i i na ro lA zhes pa la/ ka ru Na ni bdud rtsi 'dzag pa'o/ /des na rol ni 'gal bar mi bya ba'o/ /de dag gis 'di skad du bstan pa yin te/ lte ba sprul pa'i 'khor lo'i 'dab ma'i lte ba la/ aM yig gi thig le'i 'od zer gyis bde ba chen por gnas pa'i haM yig gi thig le bskur ba las gang bdud rtsi'i rnam pa zhu ba de nyid ni skra'i rtse mo brgya stong gi cha'i tshad tsam gyis lus thams cad khyab cing zhugs shes pa'o/ /de lta bu'i sbyor ba la goms par byas nas ci byed ce na gsungs pa/ ta hi zhes bya ba la sogs pa ste/ ta hi ni sbyor ba la goms par gnas nas so/ /ba las ni gzung bar mngon par zhen pa'o/ /khA dza zhes pa ni zos pa'o zhes dgongs so/ /gA DaM ma a Na pi dzdza a i zhes pa la ma da na ni 'dzin par mngon par zhen pa'o/ /de yang pi dzdza i ni 'thung ba ste/ snang ba med par byed pa'o/ /gA DaM zhes pa ni ji lta ba bzhin du brtan par gyur pa'o/ /de yang sngar dang phyis kyi sbyor ba 'dra bar rtogs par bya'o/ /yang ha le ka liny+dza ra pa ni a i zhes pa'i tshig gis rnal 'byor ma rnams la bod pa'o/ /ka liny+dza ra zhes pa ni thabs dang shes rab kyi bdag nyid can gyi ye shes

  571. 286a

    te/ de rab tu 'jug pa'o/ /dud+du ra badzdza i a i zhes bya ba la dud+du ra ni stong pa nyid du mngon par zhen pa'o/ /de'i bar dza hi ti ni spang bar bya ba ste de ru'o/ /ji ltar sbyor ba goms par bya zhe na gsungs pa/ tsa a'u? sa ma kats+tshu ri sihla ka pU rU lA oM a i zhes pa ni ya ra la wa bzhi po mnyam por rlung dang me dang sa dang chu rnams skyed par byed pa'i rgyu'i rim pas sgrol ma dang/ gos dkar mo dang/ sangs rgyas spyan dang/ mA ma kI'i lha mo'i bdag nyid can de dag kyang chos dang/ longs spyod dang/ sprul pa dang/ bde ba chen po'i 'khor lo rnams su 'brel pa pad+ma'i 'dab ma'i yang dbang ldan la sogs pa'i grwa rnams su rim pa bzhin du gnas par sbyar bar bya'o/ /kastu ri zhes pa ni hUM yig ste de yang chos kyi 'khor lo'i pad+ma'i ze 'brur sbyar bar bya'o/ /sihla zhes bya ba ni rab bsngags te longs spyod kyi 'khor lo'i pad+ma'i ze 'brur sbyar bar bya'o/ /ka spur zhes bya ba ni dbyangs yig bcu drug pa de ba chen po'i 'khor lo'i pad+ma'i 'dab mar sbyar bar bya'o/ ma la i zhes pa ni sprul pa'i 'khor lo'i pad+ma'i 'dab ma rnams la sogs par a ka tsa Ta ta pa ya sha zhes pa dgongs par bya'o/ /in+d+ra na zhes pa ni a A i a'i u a'u e i zhes pa'i dbyangs yig rnams las chos kyi 'khor lo'i dbang po la sogs pa'i 'dab ma bzhi la dbyangs thung ngu bzhi'o/ /longs spyod kyi 'khor lor dbang po la sogs pa'i 'dab ma bzhi la dbyangs ring po bzhi'o/ /sa li dza ta haM b+haM ru kha i zhes pa la/ sa li dza'i sgras ni phung po dang khams la sogs pa can no/ /b+ha ru zhes pa ni de dag tu nges par gang ba'o/ /khAdzdza zhes pa ni za ba ste nye bar longs spyod ces bya ba'i tha tshig go /des na rnal 'byor la goms pa 'dis ni phung po la sogs pa rnam par dag nas dam pa'i bde ba thob par 'gyur zhes dgongs so/ /slar

  572. 286b

    yang goms shing rtogs par bya ba gsungs pa/ phrem kha na zhes bya ba la sogs pa ste/ phrem kha na zhes pa ni lte bar sprul pa'i 'khor lor gnas pa'i dbyangs yig dang po'i thig le'i 'od zer steng du 'gro ba'o/ /khe Da zhes pa ni 'od zer de dag gis zhu ba ste/ bde ba chen po'i 'khor lor gnas pa'i haM yig thig le las byung ba'i bdud rtsi'i thig le'i 'og tu 'gro ba'o/ /de lta bu byas nas shud+d+hA shud+d+hA ste dag pa dang ma dag par shes par bya ba ma yin pa'o/ /yang rnal 'byor gyis dag par bya ba'i don du gsungs pa/ ni raM su aM ga zhes bya ba la sogs pa ste/ ni zhes pa ni lhag ma ma lus par dag pa'i/ /ni raM su ni de'i 'od zer ro/ /des na ni raM su ste zla ba phyed po/ /aM ga ni lus la thams cad du 'khor lo bzhi'i yi ge rnams kyi mgo bor zla phyed thig le gzhag par bya'o/ /des na ti haM dza sa rA wa pa Ni a i zhes par 'brel te/ de la yang dza'i sgra ni phyi rol gyi rgyan no/ /de yang mgo bo'i steng nas thig le 'dzag pas rab tu 'jug pa dang gsal bar byed ces pa'i don to/ /de dag gis ni thig le'i rnal 'byor bstan to/ /da ni phra mo'i rnal 'byor gsungs pa/ ma la a tsa kun d+hu ru ba Da i zhes pa ste/ lte ba nas steng sor bzhi bcad par 'og gi 'od zer steng du song bas bdud rtsi'i thig ler sbyor bas na ma las dzaM bo/ /der til 'bras tsam du sems 'dzin pas kun d+hu ru'o/ /kun d+hu ru sgra ni a ba brang shi te bas ni kun da zhes pa yin no/ /de dgongs pa phun sum tshogs pa ji lta bu zhig byed ce na/ gsungs pa/ DiN+Di ma ta hiN+Na badzdza a i re zhes pa ste/ DiN+Di ma ni a ba d+hU tI'i rtsa'o/ /der na badzdza sti mi spong ba ste/ ma lus par bsgom zhes pa'i tha tshig go /de'i sgra ni yang dag par bod ba ste/ 'dis ni bstan pa'i tshig go /da ni bsdus pa'i don brjod par bya ste/ lte bar

  573. 287a

    pad+ma 'dab ma drug cu rtsa bzhi mdog ser po de'i dbus su dang po'i dbyangs yig zla phyed thig le dang bcas pa shar la sogs pa'i 'dab ma brgyad la rim pa bzhin du a ka tsa Ta ta pa ya sha zla phyed thig le dang bcas pa'o// snying kar pad+ma 'dab ma brgyad pa dkar po'i dbus su dbyangs yig drug pa la zhen pa thig le dang bcas pa'i hUM kha thur du bltas pa'o/ /shar la sogs pa'i 'dab ma bzhi la dbyangs yig dang po dang/ gsum pa dang/ lnga pa dang/ bcu gcig pa'o dbang ldan la sogs pa'i 'dab ma bzhi la rim pa ji lta ba bzhin du ya ra la wa zla phyed thig le dang bcas pa'o/ /mgrin par 'dab ma bcu drug po dmar pa'i ze 'bru la phyag 'tshal ba 'og tu bltas pa'o/ /'dab ma bzhi po dag la rim pa ji lta bar dbyangs yig gnyis pa dang/ bzhi pa dang/ drug pa dang/ bcu gnyis pa'o/ /dbang ldan la sogs pa'i 'dab ma bzhi la de bzhin du ya ra la wa'o/ /smin mtshams su 'dab ma sum cu rtsa gnyis pa sna tshogs pa'i kha dog can gyi ze'u 'brur yang haM yig kha thur du bltas pa'o/ /shar la sogs pa'i 'dab ma rnams la re re bor zhing dbyangs yig bcu drug go /lte bar gtum mo'i ming du btags la dbyangs yig dang po las pad+ma'i skud pa ltar dkar zhing phra ba steng du song ba ni ji srid yang dag par sbyor ba'i bar du ste/ de'i thig le dang 'od zer gyis hUM yig dang phyag 'tshal ba dang/ thig le gnyis po zhu ba la haM yig gi thig le zhu zhing thim pa'o/ /de bas na haM yig gi thig le zhu ba yang skra'i rtse mo brgya stong gi cha ste/ der 'od zer bskul bas gtum mo'i thig ler zhugs pa'o/ /de yang sngar gyi bya ba ji lta ba de bzhin du yang bya ste/ de dag nyid 'phra zhing dkyil 'khor dang bcas pa 'dod pa lhar mos par bya ba ni/ song pa dang 'ong ba ji ltar rdzogs par bsgom par bya ste/ thig le'i rnal 'byor ro/ /

  574. 287b

    lte gnas te sor bzhi'i cha bor? ba ru 'od zer gyis thig le zhu ba'i spyod ba ni sems til 'bras tsam du rten dang brten pa'i dkyil 'khor gyi rnam par sems gzung bar bya'o zhes pa ste/ phra mo'i rnal 'byor ro/ /sbyor ba 'di dag gis ni chen po las kyang chen por gyur pa'o/ bsnyen pa la sogs par lhag par mos par bya'o/ /de yang dkyil 'khor rgyal po mchog gi rjes la sbyor bar brjod par bya'o/ /sbyor ba 'dis ni tha mal gyi gzugs bsregs te phung po la sogs pa sbyor bar byed pa'o/ /des na 'dir ni/ lto bar gtum mo spar ba yis// de bzhin gshegs pa lnga bsregs shing/ /spyan la sogs pa yang bsregs te/ /bsregs pas haM las ri bong 'dzag ces rdo rje rigs kyi le'u las gsungs pa tshigs su bcad pa legs par gnas pa yin te/ de yang phung po lnga ni mdor bsdus na/ /sangs rgyas lngar ni rab tu grags shes pa ste/ de bzhin gshegs pa lnga'i sgras ni phung po lnga la bya'o/ /yang na sa ni spyan mang gsungs pa ste/ /chu khams mA ma kI ru brjod/ me ni gos dkar mo yin la/ /rlung gi khams ni sgrol mar brjod ces pa ste/ spyan la sogs pa'i sgra ni sa la sogs pa nyid do/ /phung po lngas ni khams dang skye mched kyang bsdus pa'o/ /haM yig ni ri bong can nyid de/ de yang thig le zhu ba'i gzugs kyis 'dzag pa'o/ /zhu ba'i dus gsungs pa/ bsregs zhes pa ste/ bsregs nas so/ /des na bsregs pa ni 'od zer 'bar ba'o/ /gtum mo 'bar ba'i rang bzhin las phra ba'i gzugs byung nas phung po la sogs bsregs te gnas so zhes shes par bya'o/ /de yang me 'bar ba med na lus kyi bdud rtsi 'byung ba med pa yin la/ ji ltar phyi rol gyi zla ba dang nyi ma bzhin du lus kyi yang haM yig dang gtum mo dag shes par bya'o/ /da ni lte ba la sogs pa gsungs pa/ lte ba zhes pa la sogs pa'o/ /dran pa mi 'phrogs rnal 'byor pas/ zhes bya ba la/ dran pa ni bskyed pa'i

  575. 288a

    rim pa dang/ rdzogs pa'i rim pa dag mngon par shes pa'o/ /de yang nyon mongs pas ma phrogs shing ma bcad pa ni 'dir dran pa mi 'phrogs pa'o/ /rnal 'byor ni thams cad kyis te de bzhin du ting nge 'dzin kyang ngo/ /de lta bu'i rnal 'byor gyis sdig par mi byed do zhes 'dir glu blang bar bya'o/ /des na gsungs pa/ 'dod chags sems kyi bsgom pa nyid/ ces pa ste/ rnal 'byor pas zhes pa ni lhag ma'o/ /de lta bu nyid bshad pa gsungs pa/ chags bral min goms sems kyis ni/ zhes pa'o glu dang gar dag ci dang bcas pas byed ce na gsungs pa/ rdo rje zhes bya ba la sogs pa ste/ rdo rje chos zhes pa ni byang chub sems dpa' o/ /rnal 'byor ma dang ma mo yis zhes pa ni shes rab kyis te/ gau rI la sogs pa rnams kyis zhes pa'i don to/ / des na phyi rol gyi rnal 'byor pas sangs rgyas dang/ byang chub sems dpa' i gzugs dang/ gau rI la sogs pa rang rang gi gzugs dang bcas par gar dang glu blang bar bya'o/ /'di dag gis zhes pa ni tha mal gyi glu dang gar sel ba'o/ /des na 'di nyid goms pa yang goms pa 'ba' zhig ces pa'i don to/ /rim pa 'dis ni bdag gzhan gnyis ka bsrung bar 'gyur ba'o/ /'jig rten pas kyang de la gnas te bzlas dang bsgom par bya ba yin no zhes pa gsungs pa/ 'di nyid kyis ni tshegs bsrungs zhes pa ste/ ni'i sgra ni sgom pa ston to/ /spyod pa'i le'ur gsungs pa yi/ /glu ni rnam dag sngags su gnas/ /gar ni sgom par brjod pa ste/ zhes pa'o/ /glu dang gar byin gyis brlabs pa gsungs pa gus par zhes pa ste/ gus par zhes pa ni nye bar mtshon pa ste/ dus yun ring bor rgyun mi 'chad pa gar la sogs par bya'o/ /gang du de ru ste/ lhar byin gyis brlabs pa yin pa'o/ /de dag gi mtshan ma ci zhe na/ gsungs pa/ tshogs kyi bdag pos zhes bya ba la sogs pa ste/ ga

  576. 288b

    bur pa la ya dzeM de'i rjes su glu'i byin rlabs mtshan nyid do zhes pa ste/ yi ge bcu bdun gyi tshigs su bcad pa'o/ /sgog pa la sogs pa'i dri ni gar gyi byin rlabs mtshan nyid do zhes blta bar bya'o/ /de'i rjes la glu'i byin rlabs mtshan nyid do/ /zhes blta bar bya'o/ /de'i rjes la glu'i byin rlabs mtshan nyid do/ zhes 'tshad par 'gyur ba de nyid gsungs pa/ bung ba'i sgra zhes bya ba la sogs pa ste/ ba lang tshe'i sgra yang ni phyi rol tshal du yang thos par sbyar la mtshan no zhes dgongs so/ /phyag rgya bstan pa'i don du gsungs pa/ phyag rgya zhes bya ba la sogs pa ste/ rtags dang mtshan ma ni rtags dang mtshan ma dang phyag rgya ste ming gi rnam grangs so/ /phyag rgyas rigs zhes pa ste/ de yang lha gang gi rigs gang yin pa de dag des dbang bskur bar gyur pas dngos grub mngon sum nyid du ster bar 'gyur ba'o/ /gzhan du na ma yin no/ /'di nyid gsungs pa/ rigs 'chol zhes bya ba la sogs pa'o/ /phyag rgya gsungs pa/ bdag med ces bya ba la sogs pa ste/ go sla'o/ /rnal 'byor ma rnams kyi sa bon gsungs pa/ A li dang po zhes bya ba la sogs pa ste/ sa bon de rnams ni zla phyed thig le dang bcas pas mtshan pa'o/ /gzhan dag ni go sla'o/ /rtsa rnams ni rnal 'byor ma rnams su rnam par dag pa'i don du gsungs pa/ rigs kyi le'u zhes bya ba la sogs pa ste/ rtsa ni gnyis gnyis rnal 'byor ma/ /re re rim pa ru ni 'dod ces bya ba ni yi ge bcu bdun pa'i tshigs su bcad pa phyed do/ /gsungs pa/ de dag gis ni mi phyed pa dang gzhol ma zhes pa 'di gnyis ni rdo rje ma'o/ /phra gzugs ma dang mdog nag ma zhes pa 'di gnyis ni gsad ba'i gau rI'o/ /bzang mo dang skyon ma zhes pa gnyis ni chu ma'o/ /g.yon pa dang rgyu sbyin ma zhes pa 'di gnyis ni rdo rje mkha' 'gro ma'o/ /thung ngu ma dang sbyor bral ma dang zhes pa gnyis ni puk+ka sI'o/

  577. 289a

    ru spal skyes ma dang tsha ba ma zhes pa gnyis ni ri khrod ma'o/ /sgom pa ma dang grub ma zhes pa gnyis ni gtum mo'o/ /dbang ma dang 'tshed ma zhes pa gnyis ni g.yung mo'o/ /skyon ma dang yid bzangs ma gnyis ni dkar mo'o/ 'jug ma dang sum skor ma zhes pa gnyis ni chom rkun ma'o/ /ma mo dang 'dod ma zhes pa gnyis ni ro langs ma'o/ /mtshan mo dang khyim ma zhes pa gnyis ni za phong ma'o/ /bsil sbyin ma dang gtum mo zhes pa gnyis ni mkha' sbyor ma'o/ /drod ma dang bdud 'dral zhes pa gnyis ni sa spyod ma'o/ /rkyang ma dang ro ma dang a ba d+hU tI zhes pa gsum ni bdag med ma'o/ /de nyid gsungs pa/ rkyang ma ro ma kun dar ma/ /bdag med rnal 'byor ma zhes brjod ces pa'o/ /bdud 'dzin ma bor bar bya bar brjod pa gsungs pa/ kun gyi lhag ma zhes bya ba la sogs pa'o/ /gang las she na/ gang phyir bcu drug cha yang med pas shes pa'o/ /ci'i rgyus de med ce na/ gsungs pa/ don gyi bya ba mi byed phyir zhes pa la sogs pa ste/ rtsa gnyis ni cha'o/ /bdud 'joms ma ni rtsa gcig ste/ ji ltar byed pa zhes snyam du dgongs so/ /de yang phyi rol gyi zla ba yang rtsa'i bdag nyid can gyi cha bco lnga'i bdag nyid kyi byang chub kyi sems ni zla ba'am/ de bzhin du'o zhes gsungs pa zla ba byang chub sems su 'gyur/ bco lnga'i cha yi bdag nyid can zhes pa ste/ rnal 'byor ma rnams kyi A li dag gis ji ltar sa bon byed ce na gsungs pa/ A li zhes bya ba la sogs pa ste/ bde ba chen po gang zhig las gyur pa ste/ de'i bde ba ni byang chub sems A li'i gzugs so/ /de lta bu'i brjod pa yang gang dang gang gi yin zhe na/ gsungs pa/ rnal 'byor ma rnams de'i cha zhes pa ste/ byang chub sems dag gi rnal 'byor ma rnams cha can te cha shes so/ /cha 'di dag kyang byang chub sems

  578. 289b

    kyi cha shas las gyur pa'i rnal 'byor ma de dag A li'i gzugs so/ /des na yang A li'i gzugs las rnal 'byor ma rnams kyi sa bon ni sa bon du bzung ste aM yig la sogs pa nyid sa bon no/ /ga pur zhes bya ba ni kun rdzob dang don dam pa'i gzugs rnal 'byor ma kun las byung ba zhes bya ba ni rnal 'byor ma kun gyi 'byung ba las shes pa'o/ /yang thams cad las sam/ rnal 'byor ma rnams las byung zhes de bzhin du brjod do/ /zad med ces pa ni dam pa'i bde ba de nyid kyi so zad pa'i gzugs can zhes pa ni me tog kun da lta bur gyur pa'i bdag nyid kyis so/ /glegs bam la lar ni btud mchog nam mkha' zhes pa ste/ des na der 'byung ba'i bdag nyid can dang/ de bzhin du bde ba'i rang bzhin nyid do/ /dkyil 'khor 'khor lo sogs thabs dang/ rang byin rlabs pa'i rim pas kyang/ zhes pa la sogs pa'i sgras ni 'dod pa'i yon tan lnga po nye bar spyod pa can no/ /shin tu byin gyis brlabs pa zhes bdag byin gyis brlabs pa'i rim pa'i thabs ni dkyil 'khor gyi 'khor lo'o/ /zhu ba ni bde ba yang dag par sdud par byed pas na kun rdzob bo/ /de'i khyad par gyis 'dzin pa ni kun nas 'dzin par byed ces pa ste don dam mo/ /bde ba ni rdo rje 'chang chen po zhes pas ni rdo rje 'chang gi byang chub tu sems bskyed pa yang gnyis te/ kun rdzob don dam gzugs can no/ /de dag tu rtogs par 'gyur ba bstan pa'i don du gsungs pa/ e baM zhes bya ba la sogs pa'o/ /bdag dang bdag gir 'dzin pas ni 'dir 'khor ba ste/ 'khor ba gzugs dang sgra la sogs zhes pa'o/ /de yang rang bzhin gyis 'od gsal ba nyid kyis na 'dir gzugs la sogs pa gzung ba la sogs pa'i rnam par rtog pa nyid snying po med pa nyid 'ching ba yin la/ snying po med pa nyid grol ba yang yin no/ /snying po med pa de gsungs pa/ 'di nyid mya ngan 'das pa zhes pa ste/ gnyis ka yang ngo/ /nyid

  579. 290a

    sgra ni phyogs snga ma khas blangs pa ste/ 'khor ba dang mya ngan las 'das pa ming du gyur ba ni/ sgyu ma lta bu nyid kyis snying po med pa rnam pa gnyis shes dgongs so/ /rang bzhin gyis rnam par dag pa las 'khor ba dang mya ngan las 'das pa mi phyed par bstan pa'i don du gsungs pa/ 'khor ba spangs nas zhes bya ba la sogs pa ste/ de skad du yang/ 'khor ba dang ni mya ngan 'das/ /gnyis po 'di dag yod ma yin/ /srid pa nyid ni yongs shes pa/ /mya ngan 'das pa zhes su brjod ces gsungs pa/ 'khor ba nyid ni mya ngan 'das/ /ji ltar gyur pa'i don rnams mthong zhes pa dang/ yang sngar gsungs te/ 'khor ba dang ni mya ngan 'das/ /khyad par cung zad yod ma yin zhes pa'o/ /de bzhin du sangs rgyas thams cad kyi yul la 'jug pa ye shes snang ba rgyan gyi mdo las/ chos rnams thams cad mya ngan 'das dang mnyam zhes gsungs so/ /des na yang 'khor ba dang mya ngan las 'das pa dag de kho na nyid du rtogs par bya ste/ de'i thabs su rnal 'byor pas bsgom par bya'o/ / de kho na nyid kyang bla ma'i zhabs kyi bka' drin dang/ bsod nams lhag par gyur pa las te/ rang nyid kyis rtogs shing goms pa las shes dgongs so/ /gang gi phyir de kho na nyid ni bla mas yang brjod par mi nus pa ste/ de kho na nyid rtogs pa'i thabs tsam du brjod pas ni de kho na nyid brjod do zhes nye bar brtags so/ /de dag gis ni de kho na nyid la bslab bo zhes gsal bar rab tu grub bo/ /'khor ba gsungs pa/ 'khor ba gzugs shes bya ba la sogs pa'o/ /mya ngan 'das pa zhes gsungs pa/ 'di rnams chos ni mya ngan 'das zhes pa'o/ /gal te 'di rnams mya ngan 'das pa'i rang bzhin yin na/ 'o na ji ltar 'khor ba'i rang bzhin du 'gyur zhe na gsungs pa/ rmongs par 'khor ba'i gzugs can te/ zhes pa la/ rmongs pa dang/ shes

  580. 290b

    bya'i sgrib pa dag 'khor ba rnams ni don tha dad pa ma yin pa ste/ mya ngan las 'das pa zhes dgongs/ 'o na ji ltar shes bya'i sgrib pa spang zhe na gsungs pa/ rmongs med 'khor bdag pas zhes bya ba la dag pa ni 'khor pa'i rmongs pa med par gyur pa ste/ shes bya'i sgrib pa spang ba zhes pa'i don du'o/ /'dis kyang 'khor ba sgrib pa med par byed pa'o/ /sgrib pa med pa ni mya ngan las 'das pa'o/ /sgrib pa med pa ni sgrib pa med pa dang 'dra bas na rgyu ni spyod pa'o/ /mya ngan las 'das pa yang mya ngan las 'das pa dang 'dra bar gyur zhes pa'i don to// des na mya ngan las 'das pa ni zhen pa spangs pas bral zhing mdza' gcig tu nges pas na mya ngan las 'das pa'o/ /yang na 'khor ba ni sgrib pa dang bral ba dang/ mya ngan las 'das pa dang/ rab tu mi gnas pa'i rang bzhin du go bar bya ba'i phyir khyod dang 'brel pa yin no zhes rdo rje snying po la bos nas bstan to zhes pa ste bshad pa'o/ /byang chub sems shes pa'i tshig nas brtsams nas/ sihla ga pur 'byung ba zhes pa'i mthar tshig lnga'i tshigs su bcad pa 'dis don dam byang chub sems ni bde ba'o/ /ni'i sgras ni zhu ba blangs te don dam dang kun rdzob byang chub sems kyi rang bzhin blangs shing sprel te brjod cing bstan pa'i don du gsungs pa/ shin tu bzhin bzangs zhes bya ba la sogs pa ste/ rigs bzangs ma ni zhes pa rigs lnga dang 'brel ba'o/ /ni'i sgra ni spang ste/ yon tan 'di lta bu dang ldan pa gzhan dag kyang gzung ngo/ /sihla ga pur yang dag 'byung zhes pa ni nad med pa ste/ de yang nad kyis thabs pa la ni sihla dang ga pur dag gnyis ka yang 'byung ba ma yin pa'o/ /de lta bu rnyed nas dkyil 'khor gyi 'khor lo bsgom pa sngon du 'gro ba can gyis byang chub kyi sems bskyed pa la sogs pa bya'o zhes bya ba'i rim pa 'dir blang ba'o/ /de yang/ nus pa med phyir bltos dang bcas/ /lha'i rnal 'byor las bde zhes pa dang/ dkyil 'khor 'khor lo sogs thabs

  581. 291a

    shes sngar gsungs pas so/ /der ni chang yang 'thung bar byed ces pa/ shes rab 'di yis lta ba ngan cing log pa spong zhing sel ba ste/ de la yang chang blud par byed pa dang/ chags par bya ba'i don tsam du'o/ /rang yang btung ba nyid ni chags pa skye ba'i don tsam du'o/ /'o na chags pa ni rang 'byung du yod na ji ltar 'thung bar byed ce na/ phyi nas phyag rgya rjes chags bya/ zhes pa ste yi ge dgu'i tshig go /kun ru la bslab par bya ba gsungs pa/ bo la ka ko la sogs pa'o/ /dag gi lam du yul gyi khyad par gyi bde ba mngon par 'dod pa la mkhas pas rdo rje las pad+mar ltung ba'i ga pur lag pa la sogs par blang par bya ba ma yin pa'o/ zhes pa gsungs pa/ lag tu mi blang zhes pa la sogs pa'o/ /ji ltar blang zhes na/ gsungs pa/ bdud rtsi zhes pa ste/ bdud rtsi ni zhu ba'o/ /de skad du yang/ bdud rtsi zhu ba zhes su brjod ces gsungs so/ /lce yis blang ba nyid kyang de bzhin du gsungs pa/ de bzhin gzhan nas blang ba min/ /lag par sor mo'ang de bzhin no/ /rmongs pas de ltar byed na yang/ /blang ba nyid kyis nyams pa 'gyur/ /rtag tu ngag lam nyid du sbyin/ /lce yi rol pas de bzhin no/ /nor bu'i rtse nas lag la sogs/ /blang zhing gzung bar mi bya'o/ /gang gis she ma gsungs pa/ lce yis so/ /de nas yang blo zhes bya ba ni rang gi bde ba 'phel bar 'gyur ba'o/ /stobs kyi zhes pa ni lhan cig skyes pa'i ye shes kyi stobs so/ /ga pur gyi sgras ni bde ba la yang mngon par brjod ces pa ji lta bu zhe na/ ga pur zhes bya ba la sogs pa'o/ /ga pur la brjod na bdag med pa'i blo de cis she na/ gsungs pa/ bde ba bdag med tshul can nyid ces pa ste/ gang bdag med pa'i blo de ni bde ba'o zhes dgongs so/ /des na bde ba yang ga pur dang dbyer med par brjod do/ /de'i bde ba zhes pa la de'i ste spyi bor gnas pa'i zhu ba bde bar 'brel cing bde bar 'gyur ba yin te/ /de las skyes pa'i phyir ro/ /phyag rgya che lte ba'i dkyil 'khor nyid du gnas zhes pa ni/ /de'i zhu ba ni phyag rgya chen po'i thabs

  582. 291b

    yin la/ des ni shes rab bde ba lhan cig gnas pa de ni zhu ba las skyes pa ste/ de ni zhu ba las bsgrubs nas bde ba skye bar byed pa'o/ /dang po'i dbyangs yig rang bzhin te zhes pa ni gsal bar bstan pa nyid do/ /blo zhes pa ni rtogs pa'i don to/ /blo'i rnam pa ni shes rab kyis rang bzhin yin pas so/ /lhan cig skyes pa 'byung ba nyid ni shes rab bde ba'i rang bzhin du brjod par bya bas na gsungs pa/ de nyid ces pa la sogs pa ste des na de nyid kyang 'chad par 'gyur te/ lhan cig skyes dga' byed pa can zhes pa ste/ de lta bu nyid la ring ba dang thung ba la sogs pa dgag pa ste/ bde ba'i rang bzhin nyid las so/ /de las skyes pa'i rnal 'byor pa zhes pa la/ de las te shes rab stong pa nyid kyi rang bzhin las skye bar 'gyur ba zhes pa'i tha tshig go /rnal 'byor ni/ ye shes tsam la snyoms 'jug pa/ rnal 'byor zhes su brjod pa'o zhes pa'o/ /de dang ldan pa'i rnal 'byor pa'o/ /de dang lan cig dngos grub 'gyur zhes bya ba la/ de dang ni bdag med ma'i rang bzhin de dang lhan cig pas dngos grub tu 'gyur ba'o/ /de nyid thabs dang shes rab gyi lha'i rang bzhin yin pas na phyag rgya chen po'i bde ba ster zhes pa ste/ nus mthu'o/ /de yang bde chen bzang po'i rnal 'byor ma zhes pa'i yi ge dgu pa'i tshig gis so/ /'khor lo bsgom pa'i lam dang/ zhes pa ni tshangs pa'i gnas bzhi dang stong pa nyid la sogs pa'o/ /bcom ldan 'das kyis sngar gsungs na zhes pa ni yi ge dgu'i tshig go /rnal 'byor ma'i lus dbus gnas zhes pa ni rang gi spyi bo'i gnas su haM yig gi rang bzhin no/ /mchog ces pa ni sdom pa ste/ aM yig go /de yang lus kyi dbus kyi lte ba'i gnas su yang dag par gnas pa ste/ rtag tu de gnas pa'i phyir ro/ /de yang rnal 'byor bdag med ma dang 'brel zhes pa ste/ sa bon nyid yin pas so/ /de yang sngar gsungs pa ste/ lte ba'i dkyil 'khor nyid du gnas/ /dang po dbyangs yig nyid yin te/ zhes pa dang/ 'chad par yang 'gyur te/ a

  583. 292a

    ya ki rnal 'byor ma 'khor lo/ /ha yi rnam pa bde chen po/ /zhes pa'i yi ge bcu bdun pa'i tshigs su bcad pa phyed do/ /'dis ni gtum mo'i rnal 'byor ston to/ /ji ltar phyi rol de bzhin nag zhes pa ni ji ltar phyi rol gyi nyi ma'i dro ba'i 'od zer 'og na gnas pa'i nyi ma 'od zer gyi zla ba bsil ba'i 'od zer steng nas 'dzag par gyur pas srid pa gsum po tshim par byed do/ /de bzhin du yang 'di lta ste/ lte bar gnas pa'i a yig shes rab kyi rang bzhin gyis longs spyod par du song ste/ smin phrag na gnas pa'i haM yig thig le zhu bar byas pa des bdud rtsi'i rang bzhin skra'i rtse mo brgya stong gi cha 'dzags nas lus thams cad tshim par gyur pa'o/ /sdom pa de nyid rab tu phyed zhes bya ba la/ sdom pa zhes bya ba yod pa de ba 'ba' zhig ma yin te/ 'on kyang aM yig sdom pa'o zhes dgongs so/ /bo la'i bde ba phyag rgya che/ /rdo rje skye mched thabs nyid do zhes pa la rdo rje 'dzin pa byang chub kyi sems nor bu'i dbus su gnas pa'i bde ba gang yin pa de ni/ bo la'i bde ba'o/ /de nyid shes rab yang ste phyag rgya chen po'o/ /rdo rje'i bde ba yang yin la/ skye mched kyang yin pas rdo rje skye mched de/ zhu ba zhes brjod do/ /de yang thabs te de dag nyid las lhan cig skyes pa 'byung bas na'o/ /de nyid gsungs pa/ 'dis ni zhes bya ba la sogs pa ste/ 'dis ni gsang ba'i snyoms 'jug pas zhes pa ni yi ge dgu pa'i tshig go /gsang ba'i thabs dang shes rab dang zhu ba de'i rang bzhin dag go /snyoms 'jug la ni yang dag par 'dus pa'o/ /de yang phyi rol gyi thabs dang shes rab gnyis sbyor bar ni bstan pa pa ma yin te/ 'di ni nor bu'i dkyil du zhu ba de gnyis snyoms par 'jug pa gang gi tshe brtan par gyur pa de'i tshe lhan cig skyes pa'i ye shes yang dag par byung ba yin gyi phyi rol gyi bdag nyid can gyi thabs

  584. 292b

    dang shes rab dag sbyor bar mi dmigs shes dgongs so/ /da ni/ byang chub phyogs mthun tshad med dang/ /rnam par thar dang mthar gyis ni/ /snyoms 'jug dgu yi bdag nyid dang/ /zad par bcu yi bdag nyid dang/ /zil gyis gnon pa'i skye mched ni/ /rab tu dbye bas rnam brgyad dang/ /nyon mongs med dang smon mkhyen dang/ /mngon shes so so yang dag rig /rnam pa thams cad dag bzhi dang/ /dbang bcu dang ni stobs bcu dang/ /mi 'jig pa ni bzhi dag dang/ /srungs pa med pa rnam gsum dang/ dran pa nye gzhag rnam gsum dang/ /bsnyel ba mi mnga' i chos nyid dang/ /bag chags yang dag bcom pa dang/ /skye la thugs rje chen po dang/ /thub pa kho na'i ma 'dres chos/ /bco brgyad bshad pa gang yin dang/ /rnam pa thams cad mkhyen nyid la/ /chos kyi sku zhes brjod pa yin/ / mtshan ni sum cu rtsa gnyis dang/ /dpe byad brgyad cu'i bdag nyid 'di/ /theg chen nye bar longs spyod phyir/ /thub pa'i longs spyod rdzogs skur bzhed gang gis srid par ji srid par/ 'gro la phan pa sna tshogs dag/ /mnyam du mdzad pa'i sku de ni/ /thub pa'i sprul sku rgyun mi 'chad/ ces gang bstan pa de rnams kyi mtshan nyid ni sku gsum phyi rol tu rnam par bzhag pa'o/ /yang bstan pa de rnams kyi lus su rnam par bzhag pa gsungs pa sku gsum zhes bya ba la sogs pa ste/ de yang sprul pa la sogs pa'i 'khor lo gsum pa'i sku gsum mo/ /bde ba chen po'i 'khor lo ni sku gsum yongs su shes pa nyid do/ /de nyid gsungs pa/ sku gsum yongs su zhes bya ba la sogs pa te/ sku gsum yongs su shes pa yang sku gsum gyi gnas ji lta ba bzhin yongs su shes pa ste/ sku gsum yongs su shes shing rnam par dag pa ni bde ba chen po'i 'khor lo'o/ /bde ba chen po rtogs pa'i rgyu yin pas bde ba chen po byang chub kyi sems shes nye bar brtags so/ /de'i gnas kyang spyi bo yin te/ der gnas pas na bde ba chen po'i 'khor lo brjod pa'o/ /'khor lo ni mi shes pa gcod pa'o/ /'khor lo'i

  585. 293a

    grangs gsungs pa/ chos dang longs spyod sprul pa dang/ /de bzhin du yang bde chen nyid ces pa'o/ /'khor lo rnams kyi gnas gsungs pa/ skye gnas zhes bya ba la sogs pa ste/ skye gnas ni lte ba'o/ /lte ba la sogs pa'i gnas de rnams su sku gsum 'khor lo'i gzugs kyis rnam par gnas pa'o/ /'dir ni sku gsum nyid du 'dod pa ni rnam par smin pa'i sku dang/ ngo bo nyid kyi sku dang/ longs spyod rdzogs pa dang/ chos kyi sku'i nang du rim pa ji lta ba bzhin gtogs pa'o/ /gnas la sogs pa'i bshad pa gsungs pa/ ma lus pa zhes bya ba la sogs pa ste/ sems can rnams ni sgong las skyes pa dang/ mngal nas skye ba la sogs pa rnams skyes so cho ga de dag ni sprul pa'i sku'o/ /de yang sems can rnams ni ma'i lto ba'i skye gnas las skyed par byed pa zhes pas so/ /de yang ji lta bu zhe na gsungs pa/ sprul pa zhes bya ba la sogs pa ste/ sprul pa gnas brtan gyi gzugs ni sku rdo rje'i rang bzhin zhes pa'i don to/ /sprul pa la sogs pa ni skyes pa ste/ de yang skyed pas na gnas su rnam par bzhag pa'o/ /sems ni chos kyis rang bzhin nyid/ /chos kyi sku yang snying kar 'gyur zhes pa ni thugs kyi rdo rje'i rang bzhin ni chos kyi sku yin la/ thugs kyi rdo rje'i gnas ni snying ga'o/ /des na yang chos kyi sku ni snying gar sbyar ba'o/ /snying ga zhes pa ni bdun pa phyis nas so/ /bza' ba nges par longs spyod brjod/ /ro rnams drug gi gzugs can nyid ces pa ni sgyur ba dang/ mdar ba dang/ bskal ba dang/ kha ba dang/ tsha ba dang/ lan tshwa rnams te ro drug pa de rnams lce'i sgor dmigs pa ni mgrin pa nyid du'o/ /de nyid gsung rdo rje'i rang bzhin yin la gsung gi rdo rje'i gnas ni mgrin pa nyid do/ /de nas de nyid du longs spyod rdzogs pa'i sku rnam par gzhag pa

  586. 293b

    zhes dgongs so/ /spyi bor bde ba chen po gnas zhes pa ni yi ge dgu'i tshig ste/ bde ba chen po'i 'khor lo spyi bor gnas pa'o/ /'bras bu gsungs pa/ e baM yi ge zhes bya ba la sogs pa ste/ lus kyi dbye ba'i gnas bzhir 'bras bu bzhi rnam par bzhag pa'o/ /lhag ma ni go zla'o/ /sde ba zhes pa sku ru brjod ces pa la/ sku ni lus so/ /skye gnas shes pa ni lto ba'o/ /de bzhin ma ni mkhan po nyid ces pa ni yi ge dgu'i tshig go /'gro ba'i bya ba zhes pa ni rtog pa ma lus pa bskyed pas so/ /dge slong du skyes sngags 'don pa zhes pa ni a haM zhes pa'i sngags 'don pa'i dge slong du rang byung zhes pa'i don to/ /rnam par dag pa 'dis ni rkyen gyis sems can sangs rgyas nyid do/ /rnal 'byor ma rnams bud med kyi rnam pa nyid kyis sems can rnams ni nyon mongs pa la sogs pa shin tu mang bas na ngo mtshar la sogs par byed pa'o zhes gsungs pa/ de nas shes bya ba la sogs pa ste/ mchog tu ngo mthar du gyur zhes pa ni 'di lta lta bu'i gsung bdag gis gang du yang ma thos pa thos nas sems 'khrug pa thob par gyur to/ /de bas na snga ma thos pas de rnams skrag pa dang myos pa'o zhes pa la sogs pa rig par blta bar bya'o/ /sa la 'gyel ba ni nyal ba'o/ /sgra thos pas lus yan lag g.yo ba rnyed pa ni 'dar ba'o/ /yang na chos nyid ji lta ba bzhin rtogs pa'i byin gyis brlabs kyis de lta bu dag byung ba yin te bden pa nyid du ston pa'i blo dang ldan pa'i phyir ro/ /de bzhin du yang 'jig rten pa'i blos de rnams la tshogs pa bzhis zhes bsam pa'o/ /du ni rang bzhin zhes bya ba'i tshul gyis bstod pa gsungs pa/ sa dang zhes bya ba la sogs pa ste/ sa ni gti mug go /gang gi phyir sa ni gti mug gi chos dang ldan pas so/ /chu ni zhe sdang ngo/ /gang gi phyir chu mi bskyod pa de ni zhe sdang gi chos so/ /rlung ni phrag dog ste/ gang gi phyir rlung ni don yod grub pa'o/ /me ni 'dod chags te/

  587. 294a

    gang gi phyir de'i chos te/ ma ni snang ba mdza' yas so/ /gang gi phyir de yang 'dod chags kyi chos shes pa ste/ drug pa'i tshig go /khyed? ces pa ni 'bru mang po pa'i tshig go /sring mo zhes pa ni i yig thung ngu ste/ /i yig thung ngu sring mo'i snod can zhes pa'i don to/ /lha mo zhes pa yang i yig thung ngu'o/ /des na sa dang chu rlung byin za yi/ /kye lha mo khyed ni snod yin te/ zhes pa bsdus pa'i don to/ /khyed ni gti mug la sogs pa'i nyon mongs pa rnam par dag pa la brten pa'o zhes dgongs so/ /bstod cing bos pa mdzad pa'o/ /zhes sbyar ba'i don du gsungs pa nyon zhes bya ba la sogs pa ste/ spro yis zhes pa ni nga yis spro bar bya ba'o/ /de nyid ces pa ni de kho na nyid do/ /des na nga yis de kho na nyid spro bya is nyon cig ces 'brel to/ /de yang spros pa ni bskyed pa dag ste/ des na sngar gsungs pa/ bskyed pa'i rim pa'i rnal 'byor pa/ /brtul zhugs can gyis spros pa bsgom/ /spro ba rmi lam ltar byas nas/ /spros pa nyid ni spros med byed ces pa'o/ gal te spros pa'i de kho na nyid de ni 'gro ba thams cad kyis rtogs pa yin pa des na thams cad 'di nyid du grol bar 'gyur ro zhes na gsungs pa/ gang zhig sus kyang mi shes pa zhes pa'o/ /gal te 'am brgya lam na gang de kho na nyid kyang nyon cig ces par 'brel to/ /spros pa rnam par dag nas kyang de kho na nyid na nyid du gyur ba ste/ rnam par dag pa de yang nyan thos la sogs pa gang gis kyang shes pa ma yin no/ zhes dgongs so/ /bstod pa'i glu 'di yang bdag med ma'i dkyil 'khor du yang blta bar bya'o/ /bzhengs pa'i rjes la/ bcom ldan 'das kyis bka' stsal pa/ sems can rnams ni sangs rgyas nyid ces pa'o/ /'o na ji ltar nyon mongs pa dang bcas pa nyid yin zhe na gsungs pa/ 'on kyang zhes bya ba la

  588. 294b

    sogs pa ste/ de yis bsal nas sangs rgyas nyid ces pa la/ de'i don 'di yin te/ sems can rang bzhin gyis rnam par dag pa ste des na yang dag pa'o/ /de yang sems can rnams ni sangs rgyas yin no zhes brjod pa ni ma yin la 'on kyang dri ma bsal bar bya zhes pa ste/ gang gi phyir sangs rgyas su ni rang bzhin gyis grub pas so/ /de'i don dpe yis bstan par bya zhing dri ma bsal ba'i thabs gsungs pa/ brgyal ba zhes bya ba la sogs pa ste/ brgyal ba ni 'khrul pa ste/ btsan dug rnams zos pas zhes par 'brel te su yis she na/ gsungs pa/ gang gis mi shes 'jig rten pa zhes pa ste/ shes pa ni dug gi de kho na nyid shes pa ste/ gang de dang bral ba ni brgyal bar 'gyur zhes par 'brel to/ /gang zhig dug gi de kho na nyid shes pa de la ni cung zad kyang dug tu mi 'gyur ro zhes gsungs pa/ rmongs spangs zhes bya ba la sogs pa ste/ rmongs pa ni ma rig pa ste/ ngar 'dzin pa tha mal gyi rang bzhin no/ /de nyid yid kyis zhes bya ba ni dug gi de kho na nyid kyi yid kyis so/ /de yi zhes pa ni de yis te mchog go /gcod pa ni de'i gcod pa ste/ de yang dug de nyid kyis so/ /des na gang gti mug spangs pa'i de kho na nyid kyi yid can gyis der mchog tu gyur pas dug gcod pa'o zhes 'brel to/ /de dag ni dug gi dum bu gang nyid kyis zhes pa la sogs pa'i sngar gyi tshigs su bcad pa phyed kyang dran par bya zhes pa ste/ des na bskyed pa'i rim pa nyid rnam par dag pa bsgom zhes dgongs so/ /sngar gyi dpe bstan par bya ba gsungs/ de bzhin zhes bya ba la sogs pa ste dag par byed pa phyi mar sbyar bar bya ste/ zhi ba ni mya ngan las 'das pa'o/ /de'i thabs ni rnam par dag pa'o/ /dgyes pa'i rdo rjer ngal byas na zhes pa ni dgyes pa'i rdo rje bstan pa rnam par dag pa'i thabs bstan pa de lta bu ni gzhan la

  589. 295a

    yod pa ma yin zhes dgongs so/ /ma rig sogs pas mi 'dzin te zhes pa ni zhes bya ba la sogs pa'i sgrib pa'o/ /de nyid kyi bshad pa gsungs pa/ gti mug la sogs 'ching ba min/ zhes pa ste/ ji ltar gti mug spangs nas de kho na nyid kyis yid kyi dug 'joms par byed do/ /de bzhin du zhi ba'i thabs shes pas ma rig pa la sogs pa gcod par byed ces par 'brel to/ /des na rnam par dag pa'i thabs kyis shes bya'i sgrib pa la sogs pa rnams bsal zhes par grub po/ /rnam pa gzhan gyis kyang sems can sangs rgyas yin no zhes gsungs pa/ sangs rgyas ma yin zhes bya ba la sogs pa ste/ 'gro pa drug po rnams kyi sems can sangs rgyas ma yin pa ni gcig kyang yod pa ma yin pa'o/ /gang las she na/ gsungs pa/ rang dang rang gis rtogs pa las zhes pa ni yi ge dgu'i tshig ste/ rang gi bde ba'o/ /yang dag rtogs ni sangs rgyas so/ /des na rang nyid bde bar rtogs pas na sangs rgyas zhes bya bar dgongs so/ /'am gyi sgras ni phyogs gzhan no/ /phyogs 'dis kyang sems can thams cad sangs rgyas yin pa'o/ /gang yang sangs rgyas ma yin pa ni su dag ce na gsungs pa/ dmyal ba zhes bya ba la sogs pa ste/ bshad ba'i srin bu la sogs pa ni bshad ba la sogs pa las skyes pa'o/ /sems can rnams la rang nyid kyis bde ba rtogs pa yod bar gsungs pa/ rtag tu rang bzhin bde ba pa zhes pa yi ge dgu'i tshig go /de dag gis ni dmyal ba la sogs pa'i 'gro ba'i sems can rnams rtag pa'i bde ba yin pa'o/ /cis she na gsungs pa/ rang bzhin zhes pa ste rang rang ni skyes gnas so/ /yang na rang rang gi rang bzhin te/ /rang rang gi bde ba'i rang bzhin la

  590. 295b

    gnas zhes dgongs so/ /rang gi bde ba rtogs pa cis she na/ gsungs pa/ bde ba gang phyir mi shes pa/ lha dang lha ma yin gyi yang/ zhes pa ni gang gi phyir ngan 'gro dang lha dang lha ma yin dang/ yang gi sgra ni mi rnams kyis kyang ste des na bde ba rtogs pa ma yin pa ste/ lha dang lha ma yin dang mi rnams kyis kyang dmyal ba la sogs pa'i bde ba yang rig pa ma yin par shes par bya'o/ /de yang sems can gnyug ma'i bde bar gyur bas na bde ba can yin la rang bzhin gyi bde bar gyur pa las gzhan pa ni bde ba yang sdug bsngal ba can no/ /gang gi phyir gang rang bzhin gyis 'brel pa ci tsam pa de ni sdug bsngal yang bde ba ste/ ji ltar bshad pa'i srin bu la sogs pa bzhin no/ /sangs rgyas ni sgrib g.yogs dang ldan pa yin no zhes dgag par gsungs pa sangs rgyas gzhan du rnyed mi 'gyur zhes pa la sogs pa'o/ /gang las she na/ sems te/ sems nyid rdzogs pa'i sangs rgyas nyid yin la/ de nyid sangs rgyas ma yin pa yang ngo/ /de yang sems nyid de bzhin gshegs pa'ang yin zhes pa'i dag las so/ /de ni thabs kyis nus mthu gsungs pa/ gdol pa zhes bya ba la sogs pa ste/ gdol pa ni mthar skyes kyi khyad par ro/ /de yang bye brag ni smyig ma mkhan dang/ mda' mkhan zhes pa ste rab tu grags so/ /sogs pa'i sgras ni bya gsod pas 'tsho pa la sogs pa gzung ngo/ /de dag gi khyad par ni gsod don zhes pa la sogs pa ste/ gsod pa nyid de dgos pa'o/ /des na gsod don ni rnyis 'dzin pa la sogs pas gsod pa don du sems shing skyes pa don du sems pa can no/ /yang na rang dbang du gyur pa'i tshig ste/ gsod pa'i don du ral gri la sogs don de sems par byed pa ste/ mtshon thogs pas nye bar mtshon pa rnams so/ /de yang skye ba'i sgrib pas bsgribs pa dang/ mi

  591. 296a

    dge ba'i las byed pa dag ste/ des kyang 'grub ces dgongs so/ /mi shes zhes bya ba ni gzung ba la sogs par zhen pa'i mtshan nyid dang shes bya'i sgrib pas so/ /'gro ba 'di dag ces pa ni rnam par dag pa'i gnas skabs so/ /mi shes zhes pa ni mi shes pa rnams so/ /'gro drug srid pa'i btson ra zhes pa ni drug po 'di dag gi rang bzhin du gyur pa ni gang gi srid pa'i btson ra ste/ de bzhin du btson ra ni dra ba'o/ /rnam par dag pa'i 'bras bu gsungs pa/ thabs rnyed nas zhes pa la sogs pa ste/ bla med ces pa ni sangs rgyas nyid du'o/ /sa la sogs pa ni go sla'o/ /de bzhin ro langs ma nyid dang/ de yis rigs pas g+hasma rI zhes bya ba la de'i don ni 'di yin te/ ro langs ma ni rin chen 'byung ldan gyi rnam par dag pa'i don to/ /g+hasma rI ni snang ba mdza' yas kyi rang bzhin gyis ro rnam par dag pa'o/ /de bzhin du bet+ta lI yang dri'i rang bzhin nyid kyis rin po che'i phyag rgyas btab po/ /g+hasma rI yang ro'i rang bzhin nyid kyis na snang ba mdza' yas kyi phyag rgya'o/ /de skad du yang sngar gsungs te dri'i yul la bet+ta lI/ /ro la g+hasma rI rab grags/ zhes pa'o/ /phyag rgya phyin ci ma log pa'o zhes pa ni bdag med ma la sogs pa rnams ni phung po dag pa phung po'i rang bzhin de bzhin gshegs pa lnga'i phyag rgyas so/ /da ni gtor ma'i bshad pa gsungs pa/ snyoms 'jug gnas pa'i zhes pa la sogs pa ste/ bgegs dang zhes bya ba ni tshogs kyi bdag po'i khyad par dag las so/ /oM la sogs pa rnams gtor ma gsungs pa/ de la in+d+ra ni brgya byin te/ spyan stong pa rin po che'i thor cog mdog dkar po/ /lag na rdo rje glang po la zhon pa'o/ /dza ma ni gshin rje ste phyag na dbyig pa

  592. 296b

    'dzin cing mdog gnag pa ma he la zhon pa/ rin po che'i dbu rgyan can no/ /dza la zhes pa ni chu bdag ste/ mdog dkar zhing chu srin la zhon ba phyag na zhags pa 'dzin cing rin po che'i gcod pan can no/ /dzak+kha ni gnod sbyin te/ rin po che'i dbu rgyan can mdog ser po/ /phyag na dpal 'bras can no/ /de dag ni rgyan thams cad kyis brgyan pa'o/ /de la gshin rje ni nyi ma'i gdan dang nyi ma'i 'od can no/ /lhag ma dag ni zla ba'i gdan dang zla ba'i 'od can no/ /b+hu ta zhes pa ni bgegs kyi bdag po ste/ spyan gsum pa ral ba'i thor tshugs can/ khyu mchog la zhon pa/ phyag na rtse gsum 'dzin cing mdog bkar po thal bas bskus pa/ stag gi pags pas brgyan pa/ sprul gyi rgyan can zla ba'i gdan dang 'od can no/ /bah+ni ni ma lha ste gsus pa 'phyang zhing mdog gshin tu ser pa/ me'u thung ra la zhon pa/ bgreng phreng dang ril pa spyi blugs 'dzin cing ral ba'i thor cog can/ nyi ma'i gdan dang nyi ma'i 'od can/ ras kyi gos kyis ga shar byas pa'o/ /bA yu ni rlung lha ste mdog nag po rin po che'i dbu rgyan can ri dags la zhon pa zla ba'i gdan dang zla ba'i 'od can/ rgyan thams cad kyis brgyan ba'o/ /rA kA ni srin po ste/ skra ser po gyen du 'greng ba gri gug dang thod pa 'dzin cing khros pa smin ma g.yo ba dang bcas shing mdog nag po/ /tsan ni zla ba ste mdog dkar zhing rta dkar po zhon pa/ rin po che'i dbu rgyan can phyag na pad+ma ku mu ta thogs shing rgyan thams cad kyis brgyan pa/ zla ba'i gdan dang 'od can no/ /sU dzdza zhes pa ni nyi ma ste mdog dmar zhing phyag bzhi pa pad+ma 'dzin cing rta ljang ku la zhon pa rin po che'i cod pan dang/ rgyan thams cad dang ldan pa/ rang gi gdan dang 'od zer can no/ /zla ba dang nyi ma ni nye bar

  593. 297a

    mtshon pa ste/ mig dmar la sogs pa'i gza' rnams kyang ngo/ /mA ta zhes pa ni ma ste/ sa'i lha mo'o/ /de yang mdog ser mo gos bzang po la sogs pas brgyan pa/ lag na bum pa 'dzin cing zla ba'i gdan dang zla ba'i 'od zer can no/ /bap+pa zhes pa la/ bap+pa ni pha'o/ /de yang tshangs pa ste/ mdog ser po ral pa'i thor tshugs can/ ngang pa la zhon cing lto che ba zla ba'i gdan dang zla ba'i 'od can no/ /ta la pA tA la aSh+Ta sap+pa klu brgyad de/ de la rigs ldan dang/ dung skyod dang/ 'jog po ni mdog ser po'o/ /nor skyong ni shin du dmar po'o/ /pad+ma dang pad+ma chen po ni dkar po'o/ /stobs kyi rgyu dang mdza' yas ni ljang ku dang sngon po'o/ /de dag kyang rin po che'i dbu rgyan can skyes bu'i gdod pa la sprul gyi gzugs can/ rgyan kun gyis brgyan pa'o/ /de nas gtor ma dbul ba ni/ bdud rtsi myang ba'i cho ga rdzogs par byas nas/ oM in+d+ra dza ma dza la dzk+kha/ b+hu ta bah+ni bA u rak+kha/ tsanDa su dzdza ma da bAp+pa ta la pA tA la aSh+Ta sap+pa swAhA zhes pa'i sngags dal bar brjod cing dril bu 'khrol zhing bskul bas brgya byin la sogs pa phyogs skyong ba brgyad rnams mdun du spyan drang ngo/ /'og gi pad+ma brgyad la gnas pa ni gnas ji lta bu bzhin du blta ba'i gzugs rnams la ste/ dbus su sa'i lha'o/ /rigs ldan la sogs pa sprul pa brgyad po ni shar la sogs pa'i pad+ma 'dab ma brgyad la'o/ /de'i steng gi dbus su ni klu lhag ma can te/ dkar po'o/ /stang gi pad+ma brgyad du ni gza' brgyad de/ nyi ma dang/ zla ba dang/ mig dmar dang/ gza' lhag dang/ phur bu dang/ pa bsangs dang/ spen pa dang/ sgra gcan te/ dmar po dang/ sngo bsangs dang/ ser po dang/ dkar po dang/ nag po dang/ du ba'i mdog can te de dag gi dbus su ni tshangs pa bsams la oM pra ba ra sa tak+Sha ra pra tIts+tsha swAhA/

  594. 297b

    zhes pa dang/ dung chos kyi phyag rgyas arg+haM mdun du dbul bar bya'o/ /zhabs bsil yang skam pa'i phyag rgyas zhabs gnyis la dbul bar bya'o/ /de nas tshangs pa la sogs pa rnams la ni oM yig las rnam par snang mdzad dang 'dra bar bskyed pa'i dbang po la sogs pa'o/ /dbang po la sogs pa rnams ni mi bskyod pa bzhin du hUM yig las skyes pa'o/ /rigs ldan la sogs pa sprul rnams ni snang ba mdza' yas las lhar a yig las skyes par yang bsam par bya'o/ /lha'i rnal 'byor gyis des gtor ma phul ba dang/ hUM yig las byung ba'i rdo rje lce'i sbu gus drangs te/ 'jig rten skyong ba de rnams kyang bdag nyid dkyil 'khor gyi 'khor los gsol ba'o zhes bsam par bya'o/ /dgos pa yang yid kyis bsams te/ de nas i daM ba liM b+huny+dzi dzaM g+ha /phu l+la d+hu ba maM sa paM g+ha/ am+b+ha sa p+pa ka dzdza/ sA dA khan ti khun Ni phe Da ga da zhes pa dal bar brjod cing dril bu dkrol bar bya'o/ /de nas rang nyid mngon par 'dod pa'i don du bsngos nas nye reg phul te sngags 'dis slar gshegs su gsol bar bya'o/ /oM a kA ro mu khaM sarbba d+harmma Ni A byA nu ta pa na na twAt oM A:hUM swAhA/ mu(rgyud 'grel): zhes pa dang dril bu dkrol bar bya zhes pa'o/ /'byung po thams cad ces pa ni bzhi pa'i don gyi gnyis pa'o/ /gsang gsum 'khor lo'i dbus su ni/ / sku gsung thugs su phyed pa las zhes pa ni 'og tu ni sku'o/ /dbus su ni thugs so/ /steng du ni gsung ngo/ /de dag nyid kyang gsungs pa/ 'og dang steng dang dbus gam kyi/ /'khor lo'i dbus su rnam par gnas shes pa la/ 'khor lo ni dkyil 'khor te de'i dbus su'o/ /ji ltar dkyil 'khor gyi dbus gnas pa de dbzhin du lus kyi dbus su yang ste/ sprul pa'i sku dang/ sku rdo rje dang/ sa'i rang bzhin no/ /thugs ni chos kyi sku dang/ sa 'og dang/ longs spyod rdzogs pa dang/ gsung rdo rje dang/ nam

  595. 298a

    mkha' o/ /dkyil 'khor gyi dbus su bdag med ma'i 'og ni sprul pa'i sku'o/ /steng ni longs spyod rdzogs pa'i sku'o/ /bdag med mar gnas pa nyid ni chos kyi sku'o/ /des na de nyid ni sa spyod sku'o/ /phyag rgya yis zhes pa ste/ de yang 'og zhal sku'i rdo rje ma zhes pa ste/ sku'i rdo rje rang bzhin nyid las so/ /mkha' spyod 'dod chags phyag rgya can/ /steng zhal gsungs gi rdo rje can zhes pa ni gsung gi rdo rje rang bzhin nyid las so shes dgongs so/ /des na yang gtor ma'i cho ga la yang sa 'og na gnas pa dbus su bya ste/ de lta bu nyid kyi sems can skabs 'dir sa spyod ma dang mkha' spyod ma blangs te/ phyag rgyar brtags pa'o/ /rigs bsdus pa gsungs pa/ /rigs ni rnam pa drug tu brjod ces pa ste go sla'o/ /phyag rgya gtso bor gyur pa'i bsdus pa'i don ni zhes pa ste/ gar dang glu la sogs pa'i mtshan nyid rgyud thams cad kyi phyag rgya bsdus pa'i don gang du ston par byed pa'i le'u la yang de skad ces bya'o/ /de dag ni dgyes pa'i rdo rje'i rnam par 'grel pa las brtag pa gnyis pa'i le'u bzhi pa'o// //da ni he ru ka'i dkyil 'khor brjod pa'i don du he ru ka bzhengs pa'i le'u gsungs pa/ phyag ni bcu drug ces bya ba la sogs pa'o/ /phyag bcu drug pa la sogs pa'i khyad par gyis khyad par du gyur pa'i rdo rje 'chang nyid la dris pa'o zhes bya ba gsungs pa zhus zhes bya ba la sogs pa ste/ 'dir 'khor lo zhes pa ni bsam gtan gyi dkyil 'khor dang rdul tshon gyis 'dri ba'o/ /gang gi phyir de bzhin du brtag pa dang po'i le'u brgyad par bdag med ma'i bsam gtan gyi dkyil 'khor gsungs pa/ /le'u bcu par ni rdul tshon gyi dkyil 'khor ro/ /bco lngas yongs su bskor ba zhes pa ni ye ge dgu'i tshig go /khyod kyi dkyil 'khor ji ltar lags zhes bya ba la/ khyod ni he ru ka'i gzugs kyi dkyil 'khor ro/ /ji ltar lags shes pa ni zhus pa ste/

  596. 298b

    ji lta bu'i khyab par dang ldan pa'o/ /'khor lo zhes pa ni bsam gtan gyis ji lta par zhes pa ni ji ltar khyed kyi rten gyi dkyil 'khor tsam ste/ chos 'byung gi nang du sa la sogs pa yongs su gyur pa'o/ /de la dbus su nga yod ces pa la de la ni dkyil 'khor la ste/ de'i yang dbus su he ru ka'i gzugs nyid nga yod pa ni rig pa dang/ rig ma ni bdag med ma ste/ bdag med ma dang snyoms par zhugs pa'o/ /de yang nga nyid ni dpal he ru ka'i gzugs zhes dgongs so/ /zhal brgyad ces bya ba la sogs pa nas/ bud ba bzhin zhes pa ni mthar gyi gzhung gis ni bdag po'i dbang du byas pa'o/ /de nas bde ba ster ba zhes pa'i mdza' nas rlung gi mtshams su zhes pa'i mthar thug pa'i gzhung gis bde ba ster ba'i mdza' las byung ba ni de rnams su blta bar bya'o/ /de la lha mo rnams kyis bskul zhes pa ni ho dmar po gnyis kyi dbus su yi ge gsum dang ldan par rang gi khar zhugs pa sngon du song ba can rdo rje'i lan nas lha mo'i pad+ma'i dbus su lhung ba'i yi ge gsum chags pa chen pos zhu ba'i 'od zer chags pa chen po'i stobs kyis rgyu'i rdo rje 'dzin pa rig ma dang bcas pa de yang zhu bar gyur pa'o/ /zhu bar gyur pa'i rjes la/ he ru ka'i smon lam gyis mdzad pas rnal 'byor ma rnams kyis yi ge gsum gyi sku la sogs pa'i rang bzhin du rnam par shes pa skul bar byed ces pa'i don to/ /lha mo rnams zhes pa ni byams pa la sogs pa sngar goms pas nga rgyal ba'i rang bzhin can rnams so/ /sna tshogs glu'i mchod pa zhes pa ni glu du mas mchod pa'o/ /bzhengs shig ces pa ni ldang ba ste/ sems can gyis don du rtsol pa mdzad ces pa'i don to/ /rje btsun zhes pa ni/ kye rje btsun ci'i phyir 'di lta bu zhes pa'o/ /bskul ba'i the tshom bsal ba gsungs pa/ snying rje'i yid ces pa la/ snying rje ni sems can rnams sdug bsngal dang sdug bsngal gyi rgyu las sgral bar 'dod

  597. 299a

    pa'o/ /des na kye de lta bu'i yid can gyis bzhengs shig par 'brel to/ /de lta bus bskyed snyam pa'i the tsom bsal ba'i don du gsungs pa/ puk+ka sI ni bdag la skyobs zhes pa la/ shin tu myur bar rang gi ming 'dzin pas lukra sI zhes bya ba ste/ puk+ka sI bdag ni sa dang byams pa'i rang bzhin yin pas yongs su skyobs shig pa'o/ /des na khyed snying rje'i bdag nyid can yin la/ bdag sa'i rang bzhin zhes pa'i don to/ /yongs su skyobs pa'i thabs gdungs pa/ bde chen zhes pa ste/ khyed bde ba chen po'i snyoms par 'jug pa'i sbyor bas bdag la 'di ltar gang gi phyir stong pa spong zhes pa ste/ nyi tshe ba'i stong pa'i rang bzhin du zhen pa spongs shig pa'o/ /byed med na ni bdag 'gum pas zhes pa ni khyed mi bzhugs na 'gum par 'gyur bas bzhengs shig ces pa ste sems can thams cad la bu gcig pa ltar brtse bas bzhengs shig pa'o/ /stong pa'i rang bzhin nyid spongs zhes pa'i stong bar chags pa spang ba'o/ /ri khrod ma 'bras grub par mdzod ces pa la/ ri khrod ma ni chu dang snying rje'i rang bzhin can no/ /dgos pa 'am 'bras bu ni snying rje de nyid du grub par mdzed cig pa'o/ /'jig rten mgron gnyer zhes pa ni 'jig rten pa la smon pa byang chub kyi sems kyis/ bdag gis dpal he ru kar gyur nas sems can thams cad he ru ka'i go 'phang la bzhag par bya'o/ /zhes mgron pos nas/ ci'i phyir stong pa nyid la bzhugs zhes bya bar 'brel to/ /de yang sems can thams cad bde blag tu sgrol zhing bde bsgrubs pas dga' ba dang/ gtso bo zhes bod pa'o/ /gtum mo bdag ni zhu ba bgyid ces pa la/ gtum mo ni me'i khams dang/ dga' ba'i rang bzhin no/ /mig 'phrul mnga' ba zhes pa ni kye mig 'phrul gyi sems

  598. 299b

    can thams cad kyi don mdzad pa'i gar gyi bdag po'o/ /bdag gis khyed kyi thugs 'tshal zhes pa ni khyod kyi thugs sems tsam du bdag gi 'tshal pa'o/ /g.yung mo bdag ni sgrin mo bzhes pa la/ g.yung mo rnams ni rlung gi khams dang/ btang snyoms kyi rang bzhin no/ /gcig la yang mang po'i tshig ni/ bud med yin yang nga rgyal mnga' ba dang dri ma med pa yid la byed pa dang/ btang snyoms gtso bor byed pa dang mnyam pa'i sems dang ldan pa'o/ /snying rje rnams gnod ma mdzad gcig ces pa ni mnyam par rab tu 'jug pa'i snying rje rnam par gcod pa'i stong par ro gcig par ma mdzad pa'o/ /de lta bu'i puk+ka sI la sogs pa'i sgra'i tshul gyis bskul ba yin gyi/ gzugs kyis ni ma yin no/ /de'i bdag nyid du byas pa yang rnal 'byor ma bzhi smon lam gyis grub pa ni gang gi rnam par shes pa las sgra'i tshul du spros ba'o/ /de yang thabs rnam par dag pas bskyed pa yin gyi/ 'khor ba'i nyes pas gos pa ma yin no/ /glus bskul ba de dag ni phyag bzhi pa dang/ phyag drug pa la yang thun mong ngo// glang po rta bong la sogs pa rnams ni 'jig rten skyong ba brgyad rnam par dag pa'o/ /sa dang chu la sogs pa rnams ni gza' brgyad rnam par dag pa'o/ /aM hUM dag gis rdo rje che/ /zhu ba'i gzugs las bzhengs nas ni zhes bya ba ni rdo rje sems dpa' zhu ba'i gzugs yongs su gyur pa dag ni zla phyed thig le dang bcas pa'i dbyangs yig dang po dang hUM yig go /de dag yongs su gyur pa ni de dag gis lte bar byin gyis brlabs pa'i gri gug dang rdo rje'o/ /sa bon dang mtshan ma de dag yongs su gyur ba las thabs dang shes rab kyi bdag nyid can gyi he ru ka'o/ /bdag med ma dang dpal he ru ka bdag gi sa bon oM yig dang hUM yig las A li dang kA li zhal du zhugs te/ rdo rje'i laM nas lha mo'i pad+mar lhung zhing zhu bar byas te/ de yongs su gyur pa las/ gaM yig la

  599. 300a

    sogs pas gau rI la sogs pa'i lha mo dbyung bar gsungs pa gtso zhes bya ba la sogs pa'o/ /de dag gis dkyil 'khor rgyal po mchog bstan to// //aM dang hUM dag ces pa'i bshad pa gsungs pa/ bdag pa zhes bya ba la sogs pa ste/ dga' ba'i sgras ni shes rab ste/ rtse zhing rol pa 'dis rnam par spros pa'o/ /phyag bzhi pa dang phyag drug pa'i dkyil 'khor la yang de lta bu'i mtshan ma dag go /tshangs pa zhes pa'i nas gdan gyi gzhung gi dbus de dag gi dbus su bdag bsam par bya zhing/ de dang de dag thams cad kyi/ mthar yang blta bar bya'o/ /des na yang gzhal yas khang rdzogs pa'i dus nyid du brgya byin la sogs pa'i snying khar nyi mas mnan par bzhengs pa'i bdag nyid du blta bar bya'o/ /dkyil 'khor rab tu bzhengs zhes pa ni rdul tshon gyi dkyil 'khor 'am/ bris pa'i dkyil 'khor te/ bsam gtan gyi dkyil 'khor yang rdul tshon gyi dkyil 'khor bzhin no/ /de dbus pad+ma zhes pa ni bsam gtan gyi dkyil 'khor yang blta bar bya'o/ /rig ma bde chen brgyad po nyid ces pa ni skyed byed ma la sogs pa brgyad po ste/ dpal he ru ka'i dkyil 'khor ro/ /bdag med ma'i dkyil 'khor du ni rnam pa lnga'o/ /rigs mchog tu byung ba nyid kyi rig ma de dag gzhug par bya ste/ de yang bzang po rigs lnga las byung ba zhes pa'i tshig go /'di rnams zhes pa ni 'di rnams kyi dbus su de mchod par bya'o/ /gos kyis mig ni bkab nas ni zhes pa ni gos ser po so/ /ji ltar ni bdag med ma'i dkyil 'khor du dbang ngo/ /dbang ni cho ga'o/ / gsungs pa nyid ni 'dir yang dkyil 'khor gyi cho gar rgyas par bstan pa las rtogs par bya'o/ /de kho na nyid ces pa ni lhan cig skyes pa'i dga' ba'i ye shes kyis skad cig ma'i gnas skabs ji lta bu zhes bdag med mas zhus pa lha de'i skad

  600. 300b

    cig ji ltar lags zhes pa'o/ /bcom ldan 'das de'i skad cig bka' stsal pa/ thog ma mdza' med des ni dbus zhes pa la/ thog ma ni skye ba'o/ /tha ma zhes pa ni 'gag pa ste/ de dag med pa'o/ /der ni dbus zhes pa ni dbu mar gnas ni der te/ lhan cig skyes ba'i skad cig ma zhes sngar gyi dang 'brel to/ /der zhes pa ni sgra ni sngar gyi dag kyang na 'ur gyur pa'o/ /srid pa ni las dang nyon mongs pas 'ching ba'o/ /mya ngan las 'das pa ni las dang nyon mongs pa spangs te/ de dag med pa'o/ /der zhes pas 'dir yang bsgre'o/ / 'di ni mchog tu bde chen yin zhes pa ni lhan cig skyes pa'i rang bzhin rdo rje 'chang chen po zhes pa'i don to/ /gzhan med bdag med ces pa la/ gzhan ni shes rab bo/ /bdag ni thabs te de dag med pa'o/ /yang na gzhan ni gzung ba'o/ /bdag ni 'dzin pa ste de dag med pa'o/ /'dir yang der zhes pas bsgre bar bya'o/ /gang du thog ma dang tha ma la sogs par mi dmigs ba de ni lhan cig skyes pa'i ye shes yin zhes dgongs so/ /ji lta bu zhe na/ gsungs pa/ rang gi g.yas dang lag gzhan zhes bya ba la sogs pa la/ g.yas pa ni shin tu bzang ba ste/ rang gi g.yas bzang po/ /gzhan ni de las cig shos te sdug bsngal can no/ /des na rang gi lag dang/ lag gzhan ni bde ba'o/ /de dag lag pas rjes su byed pa ni zhu ba'o/ /de'i rlabs gnyis kyis btsir zhes par 'brel to/ /yang rlabs ni shugs te/ des na rlabs kyang yin la/ gnyis kyang yin pas rlabs gnyis so/ /skad cig gnyis su gnas pa na shugs kyang gnyis te/ ji srid skad cig gnyis zhu par gnas par byed pa'o zhes pa'i don to/ /longs spyod ces pa ni yang dag pa'i ye shes kyi longs spyod nyams su myong bar gyur pa ni 'dir spyod de nor bu'i dkyil du'o/ /des ci lta bu nyid du byed ces/ gsungs pa rgan po zhes pa la sogs pa'o/ /rgan po ni stong pa nyid do/ /srin lag ni snying rje'o/ /de dag gi btsir bar bya

  601. 301a

    ba ste/ mngon par zhen pa med ces bya ba'i don to/ /rnal 'byor pa zhes pa ni shes rab dang snyoms par 'jug pa ste/ de dang ldan pas rnal 'byor ro/ /shes rab dang snyoms par zhugs pas rdo rje nor bu'i dbus su skad cig ma gnyis pa'o/ /mngon par zhen pa dang ldan pa'i zhu ba brtan par gnas par bya zhes bsdus pa'i don to/ /de dag gis kyang ci zhe na gsungs pa/ phyi nas zhes pa la sogs pa ste/ zhu ba brtan pa'i rjes la ye shes skyes pa ni lhan cig skyes pa'i dga' ba'i ming can no/ /ci 'dra zhe na/ gsungs pa/ gzhon nu ma zhes pa la sogs pa ste/ gang yang rung ba zhig la gzhon nu ma bde ba'i don du byin nas bdag nyid kyis gzung bar byas pa dang/ 'dzin pos kyang bde ba'i don du byin pa'o/ zhes shes la pha la sogs pa ma lus pa nyid kyis shes pa yin yang phul du gyur pa'i chos nyams su dogs pas su la yang smra bar byed/ des na bde ba de ni rang yang dag par rig par gyur cing brjod du med pa tsam nyid kyi ye shes gzhon nu ma'i bde bas nye bar 'jal bar byed do/ /'o na phul du gyur pa'i gzhon nu ma'i bde ba ni brjod par nus kyang brjod pa ma yin la/ lhan cig skyes pa dga' ba'i ye shes ni ji ltar brjod/ de mi nus pa nyid do zhe na/ des na rang gi g.yas dang lag gzhan nam/ lag pa g.yon pa'i rgan po dang srin lag gi rlabs gnyis te/ g.yas pa dang cig shos kyi rtsa gnyis mgrin pa longs spyod kyi gnas su btsir bar bya'o/ /de ltar byas pas phyi nas ye shes skyes pa ni gzhon nu ma'i bde ba bzhin no/ /gzhon nu mas ni shes rab nye bar mtshon no/ /des na yang la la dag ni shes rab dang 'dus pa las/ bde ba'i ye shes ji ltar skyes pa de ltar skyes pa de lta bur mgrin pa'i gnas su la la nA dang ra sa nA'i rtsa gnyis po dag kyang mnan pas skye bar 'gyur zhes pa'o/ /des kyang

  602. 301b

    mchog gis bsten pa nyid las te/ gang zhig bde ba'i thabs las lhan cig skyes pa'i ye shes rtogs par sla ba yin no/ /'dis kyang skad cig gnyis su gnas pa yis 'chi ba'i sdug bsngal nyid la yang yin no/ /de bzhin du yang tshom rkun ma rnams la de lta bu'i rig pa 'byung ngo zhes gtam brgyud las so/ /ye shes khyad par du gyur pa ni mchog gi mdza' ste/ dga' bral gyi zhes pa ste/ mchog ces pa ni dga' ba'i lhag ma nyid kyis so/ /des na gsungs pa/ mdza' zhes pa ste/ mthar gyur pa ni mdza' nyid do/ /gang gis she na/ gsungs pa/ dga' bral dbus zhes gsungs te/ de yang dbus ni mchog tu dga' ba'i ye shes kyi'o/ /gang gi phyir dga' bral gyi bdag nyid ni dga' bral gyi ye shes te/ de'i mthar gyur pas na mdza' zhes pa'i don to/ /'di ni yi ge bcu pa'i tshig go /stong dang stong min he ru ka zhes pa ni rang bzhin gyis stong pa yang sgyu ma lta bu nyid las so/ /yang na stong min ni rnam par dag pa'i 'khor ba yis so/ /de lta bu'i ye shes kyang dpal he ru ka'o/ /de skad du yang 'chad par 'gyur te/ 'khor ba'i rnam pa he ru ka zhes pa'o/ /gang du dgyes pa'i rdo rje mngon par 'byung ba de la de skad ces bya'o/ /de dag ni dgyes pa'i rdo rje'i rnam par 'grel pa las brtag pa gnyis pa'i le'u lnga pa'i'o// // de ni bris skur son pa'i bris pa'i dkyil 'khor bstan pa'i phyir dang/ phyag rgya lnga'i rnam par dag pa so sor rgyas par bstan pa'i don du bris sku'i cho ga'i le'u gsungs pa/ lha mo zhes bya ba la sogs pa ste/ thod par zhes pa la ka ni bde ba'o// pA ni skyong pas na ka pA la ste thod pa'o/ /mchan khung zhes pa ni chos 'byung gi ngos dag tu'o/ /sen mo zhes pa ni lcags kyu chen po'o/ /de dag gis ni phyi rol gyi shes rab dang rjes su chags par ston to/ /phyag rgya lnga ni rab tu phye zhes pa ni bcom ldan

  603. 302a

    'das de lta bur mdzad pa la/ bcom ldan 'das mas phyag rgya lnga'i rnam par dag par zhus la/ phyag rgya lnga'i rnam par dag pa rab tu phye zhes pa sdud pa po'i tshig go /des na bcom ldan 'das phyag rgya lnga'i rnam par dag pa rab tu phye pa'i tshig gsungs pa/ bla ma zhes pa la sogs pa ste 'khor lo la sogs pa 'dzin pas rtag tu 'jug pa ni/ phyag la sogs pa'i bya ba yod pa nyid du rtogs par bya'o zhes rnam par dag par bya ba'i sgo yis so/ /bris sku'i byed pa zhes bya ba ni bris sku dang/ ras la sogs pa yang rnal 'byor pa nyid kyis bya zhes blta bar bya'o/ /lus la ni rang su bsam zhes pa ni byings su sbyor ba gsungs pa las so/ /'dzin pa po zhes pa'i don to/ /bris sku'i cho ga zhes pa ni bris sku byed pa ste/ de'i cho ga'i le'u'o/ /de dag ni dgyes pa'i rdo rje'i rnam par 'grel pa las brtag pa gnyis pa'i le'u ste drug pa'o// //rnal 'byor pas 'jig rten pa'i lugs su rnam par dag pa cung zad bya ba ni dur khrod la sogs par bza' ba zos pas dngos grub thob par byed pa'o zhes dam pa'i chos gnas pa'i chos rgyu glegs bam 'dri ba nges par brjod pa sngon du 'gro ba can gyi bza' ba'i le'u gsungs pa/ de nas zhes bya ba la sogs pa ste/ de nas ni bris sku'i cho ga zhus pa'i lan gyi rjes la'o/ /glegs bam yang ni ji ltar 'gyur zhes pa ni lha mo la gsungs shes par 'brel to/ /gro gar zhes pa ni gro ga la sogs par dgyes pa'i rdo rje rgyud bris na bsod nams mang po 'byung ba'o/ /sbrang chen zhes pa ni rin chen 'byung ldan no/ /yang dag rab sbyin ldan pa la/ /res 'ga' brtsams zhing bstan pa nyid ces pa la/ sbyin zhes pa ni ster ba ste/ yang dag pa'i rtogs pa ster ba'o/ /des na yang dag rab sbyin no/ /gang snyoms par 'jug

  604. 302b

    pa las rtog par gyur pa nyid ni/ /de kho na nyid ces bya ste/ bla ma'i tshig gis slob ma'i don du rtogs par byed cing sbyin par byed ces pa'i don to/ /ldan pa ni de dag gis phul du gyur pas na'o/ /nyid kyi sgras ni brgya lam na'i don to/ /de yang gal te dgos pa yod par gyur na res 'ga' tsam glegs bam bstan pa ni yang dag rab sbyin ldan pa'i mchog de la bstan par bya ba yin gyis/ gzhan la glegs bam bstan par bya ba ma yin zhes dgongs so/ /gsungs pa de dag gi mtshan nyid kyis ni glegs bam bstan to/ /tshogs kyi dkyil 'khor bza' ba zhes pa la/ bza' ba ni ji skad gsungs pa'i mtshan nyid can no/ /tshogs ni rnal 'byor ma rnams 'dus pa'o/ /de nyid dkyil 'khor te lha rnams rnam par dag pa'i ji ltar gnas pa'i he ru ka'i dkyil 'khor ltar phyi rol gyi rnal 'byor pa rnams rnam par gnas shing bkod pa dag go /gang du zos pa zhes pa ni gang du bza' ba zos pas dngos grub du gyur pa lha mo nyon cig ces pa sngar dang 'brel to/ /mi med grong khyer zhes pa ni mi ma yin la sogs pas byin gyis brlabs pa'i nags tshal la sogs pa'o/ /rgya mtsho'i mdza' zhes pa ni chu klung la sogs par nye bar yang ngo/ /tshogs kyi dkyil 'khor gsungs pa/ brtag ces pa la sogs pa'o /bza' ba gsungs pa/ dam tshig ces bya ba la sogs pa ste/ dam tshig ces dam tshig ni lnga ste/ go ku da ha na'o/ /rgyal po'i sA lu zhes pa ni mi'i dam tshig dang rgyal po'i sA lu dang/ ru skyes zhes bya ba ni ming gi ma grangs so// pad+ma'i lag pas zhes pa ni lag pa gnyis pad+ma bsnams na pad+ma'i lag pa'o/ /sgrub pa po zhes pa ni sbyin bdag rnams so/ de dag ni dgyes pa'i rdo rje'i rnam par 'grel pa las/ brtag pa gnyis pa'i le'u bdun pa'i'o// //

  605. 303a

    phyi rol gyi shes rab kyi rang bzhin rtogs par bya ba'i don dang/ smon lam gdab pa bstan pa'i don dang/ snod du bya ba sngon du 'gro ba can gyi sems can la chos bstan par bya'o zhes bslab pa'i don du 'dul bar dka' pa 'dul ba'i le'u gsungs pa/ der zhes bya ba la sogs pa ste/ kun rdzob gzugs can zhes pa ni kun rdzob tu byed pa'i rang bzhin gyis/ gang gi phyir don dam pa las phyag rgya chen po'i lha'i rnam pa'i gzugs de yang 'dis sgrub par byed pas na 'di la yang phyag rgya chen po zhes nye bar btags so/ /pad+ma'i 'dab ma'i rnam pa 'dra zhes pa ni pad+ma'i 'dab ma ltar sngo bsangs so/ /rdul kyang dri zhim ldan par 'gyur zhes pa ni rgyas par bshad pa'o/ /ri dags lte ba'i dri dang mtshungs zhes pa ni go sla'o/ /pad+ma kha yang dbang mchog dri/ /skad cig pad+ma lta bu 'gyur/ zhes bya ba la/ pad ni chos 'byung ngo/ /des na pad+ma'i dri dang mtshungs zhes par 'brel to/ /skad cig ces pa ni skad cig so so la'o/ /cis dri dang mtshungs she na gsungs pa/ pad+ma lta bu zhes pa ste/ ji ltar me tog pad+ma'i dri zhim pa de bzhin du pad+ma can de yang zhes pa don to/ /pad+ma la yang dbang mchog dri zhes pa yang shes par bya ste/ lta bu zhes pa'i sgra 'dir yang blad bar bya'o/ /de nas zhes pa ni phyag rgya chen po dris pa'i lan gyi rjes la'o/ /gdul dka' ba zhes pa ni sgrub par dka' ba'o/ /gdul bar zhes pa ni bslab pas gdul bya rjes su 'dzin pa zhes pa ste/ de'i rang bzhin gyis 'dul ba ni 'dul ba'o/ /bsnyen gnas zhes pa ni srog gcod pa dang/ ma byin par len pa dang/ mi tshangs par spyod pa dang/ brdzun du smra ba dang/ chang 'thung ba dang/ dri zhim pa'i me tog phreng ba dang/ byug pa la sogs pa rnams spong ba ni bsnyen gnas so/ /bye brag smra ba zhes pa ni nyan thos dang rang sangs rgyas kyi lugs so//

  606. 303b

    de la nyan thos pa rnams kyi byang chub ni nyon mongs pa'i sgrib pa spangs pa'i rang bzhin no/ /rang sangs rgyas kyi byang chub ni nyon mongs pa dang shes bya'i sgrib pa'i phyogs gcig spangs pa'i rang bzhin no/ /mdo sde pa zhes pa ni mdo sde dag la klog par byed pa'o/ /rnal 'byor pa zhes pa ni rnam par shes pa tsam bden pa'o zhes rnal 'byor spyod pa'i lugs so/ /dbu ma zhes pa ni tham cad kun rdzob tsam mo zhes pa dbu ma pa'i lugs so/ /'dul ba gtso bor bstan pa'i le'u la de skad ces bya'o/ /de dag ni dgyes pa'i rdo rje'i rnam par 'grel pa las brtag pa gnyis pa'i le'u brgyad pa'i 'o// //brtag pa snga mar gsungs pa'i sngags rnams gang 'ga' zhig btu ba'i le'u gsungs pa/ de nas zhes bya ba la sogs pa ste/ de nas zhes pa ni gdul ba'i skabs kyi rjes la'o/ /yang de nas shes pa gang gi tshe 'dul bar dka' ba sngar gsungs pa'i rigs pas 'dul bar mi nus pa de'i tshe nus pa bstan pa nyid kyis 'dul bar bya'o/ zhes pas na/ kha sbyor dbye ba'i cho ga rab bshad bya/ zhes bya bar 'brel to/ /kha sbyor dbye ba'i cho ga yang bla ma'i man ngag las shes par bya'o/ /bsdu ba'i dngos po bzhi zhes pa ni sbyin pa dang/ snyan par smra ba dang/ don dpyod pa dang/ don mthun pa'i mtshan nyid can ni bsdu ba'i dngos po rnam pa bzhi'o/ /pags pa byang chub yan lag bdun zhes pa ni chos rab tu rnam par 'byed pa dang brtson 'grus dang/ ting nge 'dzin dang/ dran pa dang/ dga' ba dang/ shes bzhin dang/ btang snyoms kyi mtshan nyid can ni byang chub kyi yan lag bdun no// las kyi dngos grub nyid du 'gyur/ zhes bya ba la dngos grub nyid ni rengs pa la sogs pa'i las kyi dngos grub bo/ /de ltar 'gyur ba ni 'gro ba'o/ /dang por rnam par snang mdzad sbyin zhes pa ni oM yig sbyin zhes pa ste/ las dang 'brel ba las

  607. 304a

    kun kyang gnyis pa nyid do/ /uSh+ma rnams kyi bzhi pa la zhes pa ni Sha dang/ sha dang/ sa dang/ ha ni uSh+ma ste/ de rnams kyi bzhi pa ni ha 'o/ /puk+ka sI zhes pa ni dbyangs yig drug ba'o/ /stong pas mnan zhes pa ni thig les mnan pa'o/ /mdog dkar mthar ni swAhA sbyar zhes pa ni oM hUM swAhA/ zhes pa'i sngags so/ /dang por yi ge'i bdag po sbyin rdo rje mkha' 'gro ma de nas zhes bya ba la/ yi ge'i bdag po ni oM yig go /mkha' spyod ma ni dbyangs yig bco lnga pa'o/ /mthar ni swAhA zhes pa ni oM aM swAhA zhes pa ste/ snying po'i sngags mdog dmar po'o/ /rig byed rnams kyi dang po ni phyag 'tshal pa'o/ /dang po yi ni gnyis pa zhes pa la sde tshan dang po'i ka'o/ /de yi gnyis pa ni kha yig go /stong bcas swAhA mdza' ru 'o zhes pa ni oM khaM swAhA zhes pa ste/ sngags 'di ni nag po'o/ /rnam par snang mdzad ces pa ni sngar bzhin no/ /gnyis pa yi ni gsum pa la zhes pa la sde tshan gnyis pa ste/ de'i gsum pa ni dza yig go /ra dang ldan zhing chu mas brgyan/ zhes pa ni/ dzi yig gi 'og tu ra sbyin la mgo bor dbyangs sbyin par bya'o/ /stong bcas swAhA mdza' ru sbyar zhes pa ni/ oM dzrIM swAhA zhes pa ste nag po'o/ /yi ge'i dbang phyug ni phyag 'tshal lo/ /lnga pa nyid kyi gsum pa la zhes pa la lnga pa ni pa'i sde tshan no/ /de'i gsum pa ni pa yig go /stong pa zhes pa ni thig les mgo bo mnan pa'o/ /mkha' 'gro ma dang ldan zhes pa ni rdo rje mkha' 'gro ma'o/ /de'i sa bon yang mkha' 'gro ma ste dbyangs yig lnga pa'o/ /de yang sngags dang lha dag mi phyed pa'i phyir te de ltar sngar gyi dang/ phyis kyi dag pa yang sbyar bar bya'o/ /mthar ni swAhA zhes pa ni oM buM swAhA zhes pa ste/ mdog nag po'o/ /yi ge'i thu bo zhes pa ni/ oM

  608. 304b

    yig dang ste lhag ma ni go sla'o/ /gti mug rigs zhes pa yang oM yig ste lhag ma ni go sla'o/ /dang po rnam bar snang mdzad ces pa yang sngar bzhin no/ /dang po nyid kyi dang po la zhes pa la/ dang po ni ka'i sde tshan no/ / dang po ni ka yig go /rdo rje mkha' 'gro ma de sbyar zhes pa ni/ u yig dang ldan pa'o/ /mthar gnas pa'i gnyis pa la zhes pa la ni gnas pa'o/ /de rnams kyi gnyis pa ni ra yig go /rdo rje mkha' 'gro ma de ldan zhes pa ni sngar bzhin no/ /yang ni dang po'i rtse mo la zhes pa ni ka'o/ /rdo rje mkha' 'gro ma ni sngar bzhin no/ /mthar gnas pa'i gsum pa la zhes pa la yig go /yang ni de nyid yang dag ldan zhes pa ni la yig gis yang dag par ldan pa ste/ l+la zhes pa'o/ /steng du chom rkun ma yis brgyan zhes pa la/ tshom rkun ma ni e yig go /h+rI:yig bzlas pa'i rjes su swAhA mthar zhes pa'o/ /oM ku ru kul+le h+rI:swAhA zhes pa ni ku ru kul+le'i sngags so/ /zhes pa ste/ sngags 'di ku ru kul+le dang 'brel pas so/ /oM ni dang po bzhi pa yi/ /gsum pa chom rkun ma yis brgyan zhes pa la/ bzhi pa ni ta'i sde tshan no/ /de'i gsum pa ni da yig go /de chom rkun ma yis brgyan pa'o/ /de yang gang gi dang por ni oM yig yin pas 'di ltar oM yig dang por gyur ba'o/ /de bzhin du chom rkun ma yis brgyan pa la/ chom rkun ma ni e yig go /mthar gnas pa'i bzhi pa la ni wa yig go /pi tsu badzra ni tshig sbyor ba'o/ /uSh+ma rnams kyi bzhi pa la/ /puk+ka sIs ni rnam par brgyan/ /stong pas mnan cing zhes pa ni hUM yig ste/ de yang sum 'gyur du'o/ /lnga pa yi ni gnyis pa dang zhes pa ni pha'o/ /

  609. 305a

    gsum pa'i dang po zhes pa la/ gsum pa ni Ta'i sde tshan no/ /de'i dang po ni Ta yig ste/ de yang srog med do/ /mthar swAhA zhes pa ni oM de ba pi tsu badzra hUM hUM hUM phaT swAhA zhes pa'o/ /dgyes pa'i rdo rje'i snying po zhes pa ni phyag bcu drug pa'i zhes pa'i don to/ /snang mdzad dang po dzwa la gnyis/ /sbyar nas zhes bya ba la/ snang mdzad ni oM yig go /gang gi dang por rnam par snang mdzad gang yin pa de ni snang mdzad pa'o/ / lnga pa'i bzhi pa ni b+ha yig ces par 'brel to/ /dzwa la dzwa la'i sgras ni sngar gyi bzhin du sbyar ba'o/ /mthar gnas rnams kyi dang por sbyar zhes pa ni b+ha yig ste mthar gnas pa ste ya yig gis 'og tu ldan pa'o/ / g+hasma rI yis rnam par brgyan zhes pa ni o yig ste des brgyan pa'o/ /uSh+ma rnams kyi bzhi pa la/ /rdo rje mkha' 'gro ma yis brgyan/ /stong ba mnan cing sum 'gyur nyid ces pa ni hUM yig thung ngu gsum mo/ lnga pa yi ni gnyis pa dang/ gsum pa'i dang po swAhA mthar/ zhes pa ni oM dzwa la dzwa la b+hyo huM huM huM phaT swAhA zhes pa ste/ phyag bzhi pa'i snying po'i sngags so/ /dang por rnam snang dang po'i dang po zhes pa ni ji ltar oM yig dang por gyur pa de bzhin du'o/ /dang po'i dang po ni ka yig go /nang gi dkar mos brgyan zhes pa ni i yig brgyan pa'o/ /gsum pa nyid kyi dang po la/ /nang gi dkar mos rnam par brgyan/ /nyis 'gyur byas zhes pa ni Ta yig la i yig gis brgyan pa'o/ /des na ki Ti'i sgras lan gnyis su brjod pa'o/ /lnga pa'i gsum pa zhes pa ba yig go /gnyis pa'i gsum pa zhes ni dza yig go /me yis

  610. 305b

    rnam par brgyan zhes pa ni dza yig la ras brgyan cing hUM yig ring po gsum sbyar ba'o/ /lnga pa nyid kyi gnyis pa dang zhes pa ni dang pha yig go /gsum pa'i dang po zhes pa ni Ta yig ste de yang srog med do/ /mthar ni swAhA zhes pa ni oM ki Ti ki Ti badzra hUM hUM hUM phaT swAhA zhes pa ste/ /phyag drug pa'i snying po'i sngags shes par 'brel to/ /dang po rnam snang bzhi pa yi/ dang po zhes pa ni sde tshan bzhi pa'i dang po'i yi ge ste ta yig go /byin za yang dag ldan zhes pa ni 'og tu ra dang ldan pa'o/ /ro langs ma yis rnam par brgyan zhes pa ni i yig gis brgyan pa'o/ /mthar gnas pa'i gsum pa la ni zhes pa ni la yig go /g+hasma rI yis rnam par zhes pa ni o yig gis brgyan pa'o/ /dang po yi ni dang po la zhes pa ni ka yig go /mthar gnas pa'i dang po dang zhes pa ni ya yig gis sbyar ba'o/ /rdo rje ma yis rnam par brgyan zhes pa ni a yig gis brgyan pa'o/ /k+Sha ni chom rkun ma yis brgyan/ zhes pa ni k+Sha yig la es brgyan pa'o/ / lnga pa nyid kyi dang po ni pa yig go /uSh+ma rnams kyi bzhi pa la/ /rdo rje mkha' 'gro ma yis brgyan/ /stong pas mnan cing sum 'gyur te zhes pa ni thig les mnan pa'i hUM yig thung ngu gsum brjod pa'o/ /phaT dang mthar ni swAhA zhes ba ni oM trai lokyA k+She pa huM huM huM phaT swAhA zhes ba ste/ sngags 'di ni phyag gnyis pa'o/ /bdag med ces pa ni dbyangs yig dang po'o/ /dang po'i dang po zhes pa la sogs pas ni grong khyer dkrug pa'i sngags te/ /oM a ka tsa Ta ha ba ya sha swAhA zhes pa'o/ / mthar gnas pa'i gnyis pa ni ra'o/ /k+Sha'i rkang pa gnyis 'gyur nyid/ /hUM gi rnam pa gsum dang ldan/ /dang por rnam snang phaT yi ge /sbel te mthar ni swAhA zhes pa ni oM rak+Sha rak+Sha hUM hUM hUM phaT swAhA ste sa sbyong ba'i'o/ /dang por rnam snang de

  611. 306a

    rjes su/ /rdo rje ma yi mdza' ru hUM zhes pa la rnam par snang mdzad ni oM yig dang por gyur pa'o/ /de rjes rdo rje ma ni dbyangs yig gnyis pa ste/ de la thig le gnyis sbyar ba'o/ /de nas yang hUM yig ste A: yig gi pha rol tu thig le gnyis ni phyis pa'o/ /des na rdo rje ma'i mdza' ru hUM zhes pa'i mdza' drag po'i thig le dag ni thim zhing sbas pa'o/ /oM A hUM zhes pa'o/ /dang por rnam par snang mdzad ces pa la sogs pa ni 'byung po kun gyi gtor ma'i sngags te de yang go sla'o/ /sngags btu ba'i le'u zhes bya ba la/ btu ba ni btus pa ste/ gsal bar byas pa'o/ /sngags ni A li kA li'i tshogs kyi phung po btus pas na sngags btu ba ste/ ji ltar zhe'i nang nas mar bsdus pa bzhin no/ /de'i mngon par brjod pa can ni le'u ste yang dgu pa'o/ /de dag ni dgyes pa'i rdo rje'i rnam par 'grel ba las brtag pa gnyis pa'i le'u ste dgu pa'i'o// //sngags btus pa'i rjes la sngags kyi phreng ba gang gis/ dngos grub tu 'gyur bas de mngon par brjod pa'i le'u gsungs/ de nas zhes bya ba la sogs pa ste de nas ni sngags btu ba'i rjes la'o/ /chos kun sdom gcig ces pa la/ chos kun ni rengs pa la sogs pa'i las tshul lo/ /gcig pa ni de dag go /sdom pa ni phul du gyur pa nyid kyis bsrungs pa'o/ /zhes pa de bzhin du'o/ /bzlas pa'i yul zhes pa ni bzlas pa'i sngags bgrang pa'o/ /de nyid dngos grub rnams kyi yul yin pas bzlas pa'i yul ni rab tu phye zhes pa ste/ rab tu bstan pa'o/ /bzlas pa zhes pa ni brjod pa'o/ /'dir bgrang ba 'dis bzlas pa ni phreng ba la'o/ /dbang la tsandan dmar po zhes pa tsandan

  612. 306b

    gyi shing dmar po'o/ /la la dag ni rdo ba dmar po bdar pa'i ri lu dag la bya zhes pa'o/ /yang na zhes bya ba la sogs pa ni bsad pa la sogs pa rim pa ji lta ba bzhin dam tshig gi rjes la yang bstan par bya ste/ mdza' sha zhes pa ni bsad pa la rta'i'o/ /dang po'i sha zhes pa ni dgug pa la khyi'i'o/ /g+ha dang po zhes pa ni rnam par dbye ba la ba lang gi'o/ /ha dang po zhes pa ni glang po'i ste de yang bskrad pa la'o/ /bzlas pa mngon par brjod pa can ni bzlas pa'i le'u'o/ /de dag ni dgyes pa'i rdo rje'i rnam par 'grel pa las/ brtag pa gnyis pa'i le'u bcu pa'i'o// //da ni spyod pa'i le'u las ji skad gsungs pa dang 'dod lha'i rigs kyis bya'o zhes pas de rtogs par bya ba'i don du rnal 'byor ma rnams kyi thun mongs gi rigs dang snyoms par 'jug pa las lhan cig skyes pa rtogs pa'i don du lhan cig skyes pa'i le'u gsungs pa/ dam 'khyud ces bya ba la sogs pa ste/ 'khor lo'i 'dren pa 'di skad gsungs zhes pa ni rdo rje 'chang chen po la chos kyi 'khor lo bskor bar gsol ba btab pa'i rjes la/ 'di skad gsungs zhes bya bar 'brel to/ /lus can rnams kyi rang lus bshad ces pa ni bcom ldan 'das kyi gsung ngo/ /bshad pa gsungs pa/ srin lag ces bya ba la sogs pa la/ rdo rje rtse dgu par gyur pa/ mi bskyod pa'i rigs mchog nyid ces pa ni de'i zhes pa 'dir blang bar bya'o/ /'dir bud med dang skyes pa dag gis thun mong ngo zhes rtogs pa'i don du gsungs la/ bud med ces bya ba la sogs pa ste/ thun mong gi mtshan nyid kyis ni rigs thun mong pa ste/ de dang lhan cig tu spyod pa bya ba'o/ /yang na srin lag gi rtsa ba'i rdo rjes ni mi skyod pa'i rigs yin la/ /bud med la yang

  613. 307a

    srin lag gi rtsa bar rdo rjes mtshan pa ni rigs can yin pas de dang lhan cig tu spyod pa spyad do/ /rnam par snang mdzad kyi rigs dang rigs can la yang srin lag gi rtsa bar 'khor lo ste/ de dang lhan cig tu spyod pa spyad do/ /snang ba mdza' yas la sogs pa'i rigs la yang blta bar bya'o/ /bud med dang skyes pa dag mi bskyod pa'i rigs ni nag po nyid kyis thun mong gi rigs can dag lhan cig tu spyod pa nyid ni gau rI chen mo la sogs pa rnams dang yang blta bar bya'o/ /da ni rang rigs dang lhan cig tu spyod pa'i don du gsungs pa/ de la zhes bya ba la sogs pa ste go sla'o/ /myos pa'i mtshan ldan pa yi las/ zhes pa ni myos pa'i rtags te/ 'di zhes dang/ gdung ba'i sgra la sogs pa can te/ de byed pa la mkhas pa ni so dang sen mo la sogs pas so/ /las zhes pa ni snyoms par 'jug pa'o/ /po la ldan pa ni thabs so/ /bcing ba'i khyad par gsungs pa/ /khyogs dang zhes pa la sogs pa ste/ na ra la ri yis shin tu 'khrigs shing mdun gyi rkang pa'i phyogs dang rgyab tu yang ste/ khyogs zhes bya ste khyogs dang 'dra bas na khyogs so/ /de skad du yang bud med kyi ni mdun dang rgyab/ /rked par rim bzhin khyogs lta bur/ /chu so'i steng du mnyam par gnas/ /de ni khyogs su rab tu grags shes gsungs so/ /brla zhes pa ni/ na ra'i mgrin par sbyar zhing g.yas pa'i pus mo lha nga bteb/? pa dang/ rang gi lag pa g.yon par gzhug par bya zhing lag pa g.yas pas de'i rgyab tu bzung bar bya'o/ /zhes pa ni brla'i ming can gyi byed pa'o/ /de skad du yang/ na ra'i pus mo yang dag bteg /lag pa/

  614. 307b

    g.yas dang g.yon dag gis/ /sbyar te steng du byed pa na/ /gnyi ga mngon par phyogs te gnas zhes gsungs so/ /de yang gnyis mngon par phyogs te gnas zhes pa la gnyi ga ni skyes pa dang bud med do/ /gang gi tshe mngon par phyogs pa dag go /de nyid ni steng du sbyor ba'i byed pa zhes bya'o/ /shin tu bskyang ba zhes pa ni/ na ri brkyang pa'i g.yas dang g.yon pa'i rkang pa gnyis rang gi rkang pa gnyis kyis mnan pa ste/ lag pa dag ni ngang pa'i gshog pa ltar du brkyang bar bya zhes pa ste/ rab tu brkyang ba nyid ni rab tu brkyang ba'o/ /de skad du yang/ ngang pa'i gshog pa'i rnam pa 'dra/ /brkyang ba zhes ni rab tu grags/ /gnyis ka'i rkang pa rab tu brkyang/ / rab tu brkyang ba zhes su brjod ces gsungs so/ /steng dang 'og tu blta ba nyid ces pa ni gdong pa dang pad+ma lta zhes pa'i don to/ /lhan cig skyes pa'i le'u zhes pa ye shes de'i don du ka ra na rab tu rtogs pa dang/ shes rab kyi mchod pa gang du mngon par brjod pa'i le'u de la yang de skad ces bya'o// //de dag ni dgyes pa'i rdo rje'i rnam par 'grel pa las brtag pa gnyis pa'i le'u bcu gcig pa'i'o// // tshigs su bcad pa sngon du 'gro ba can gyi dbang sbyin pa dang/ rdo rje dang pad+ma byin gyis brlabs pa sngon du 'gro ba can gyi shes rab kyi mchod pa'o zhes pa ste/ de brjod pa'i don du le'u bcu gnyis pa gsungs pa/ de nas zhes bya ba la sogs pa ste/ de nas zhes pa ni gcod pa dang/ bstan pa dang thos pa'i rjes la'o/ /rdo rje can ni rdo rje snying pos bka' stsal pa'o/ /ci bka' stsal ce na gsungs pa/ dbang bzhi'i don

  615. 308a

    zhes pa ste/ gang gi tshe yang zhu ba'i ngag gi sgras ni yod pa ma yin pa de'i tshe slob dpon la sogs pa'i dbang rnams pa bzhi'i tshigs su bcad pas dbang bzhir gyur pa ste/ / dbang bzhi'i tshigs su bcad pa de dag la ji lta bu zhes mgo bo g.yo zhing 'dri bar blta bar bya'o/ /de yang bstan par bya zhes pa'i tshig las so/ /bstan par bya zhes pa ni zhu ba'i rjes la bcom ldan 'das kyis dris pa'i lan gyi dbang bzhi'i tshigs su bcad pa dag gnas pa bstan par bya zhes par 'brel to/ de dag nyid gsungs pa/ rdo rje che dang zhes bya ba la sogs pa ste chu dang/ dbu rgyan dang/ bdag po dang/ ming gi dbang bskur ba'i tshigs su bcad pa rnams ni rgyud gzhan dag tu gsungs so/ /dbang bskur ba'i gsol ba gdab pa ni yon dbul ba'i don du blta bar bya'o/ / rigs lnga'i shes rab byin gyis brlabs pa la sogs pa'i sngags bstan pa'i don du gsungs pa/ spyi bor oM zhes bya ba la sogs pa ste/ shes rab kyi smin ma'i dbus su hUM dang A(rgyud 'grel): yig dkar po/ /snying kar ni hUM yig ces pa ni snying gar nyi ma la hUM yig sngon po gnas pa'o/ /'dis nye bar mtshon pa tsam nyid kyis lte ba la sogs pa rnams swA yig la sogs pa blta bar bya ste/ de la lte bar ni nyi ma la swA yig ser po gnas pa'o/ /gsang bar ni nyi ma la gnyis gnyis pa'i a yig dmar po'o/ /brla gnyis su nyi ma la gnas pa'i hA yig ljang gu dag go /ze'u 'bru la A:yig gi rnam pa

  616. 308b

    zhes pa ni hUM yig gis pad+ma dang/ A(rgyud 'grel): yig gis de'i ze'u 'bru'o/ /hUM yig las skyes pa'i sna tshogs rdo rje dang/ oM yig las skyes pa'i nor bu de'i ze'u 'bru'i bug sgom phaT yig ser po zhes pas yi ge gsum bstan to/ /ze'u 'bru la A(rgyud 'grel): yig gi rnam ba zhes pas rgyud kyi mthar bsdus pa'o/ /le'u bcu gnyis pa brtag pa gnyis kyi bdag nyid ni dgyes pa'i rdo rje'i rgyud brtag pa gnyis kyi bdag nyid ces bya'o/ /de dag ni dgyes pa'i rdo rje'i rnam par 'grel pa las/ brtag pa gnyis pa rdzogs so/ //'di ltar snying ka'i snod du yang dag sbas pa yin/ /bla ma'i bka' yis rgyud kyi don rtogs pa/ /bdag gi khong du dran pa gnas pas bris/ /gang phyir gsung rab rtogs pa mkhas pa dag gi nor/ /gal te bla mas bstan pa 'di ni skyon med pa'o/ /gnyug ma'i dgongs pa las skyes legs par byas/ /gang tshe rgyun mi 'chad par dus ring mi bsten na/ /de nyid nyams myong de tshe ji ltar gsal/ /las dang nyon mongs rnam par dag pa'i thabs/ /mtshungs med dgyes pa'i rdo rje'i rnam par 'grel pa ni/ /bdag gis byas pa'i bsod nams gang thob pa/ /des ni 'gro kun dgyes pa'i rdo rje ldan par shog /dgyes pa'i rdo rje rnam par 'grel pa ba pa b+ha Ta zhabs kyis mdzad pa rdzogs so// //rgya gar gyi

  617. 309a

    mkhan po puN+ye kIrti dang/ /zhu chen gyi lo tsA bsod nams rgyal mtshan gyis/ /sgra don gnyis dang mi 'gal tsam du bsgyur/ /rnyed dang grags pa'i don du 'di ma yin/ /ma 'ongs dus su gzhan la phan phyir dang/ /rang gi slob ma rnams kyis gsol btab pas/ /gus shing spro ba'i sgo nas 'di bsgyur ba'i/ / dge ba gang thob kun gyi don phyir bsngo// bkra shis//