Text

ff. 1a–194a · 387 folio sides

  1. 1a

    dbus mdza' rnam 'byed kyi 'grel pa slob dpon dbyig gnyen mdzad pa bzhugs/

  2. 1b

    rgya gar skad du/ ma d+hyA n+ta bi b+hA ga TI ka /bod skad du/ dbus dang mdza' rnam par 'byed pa'i 'grel pa/ bam po dang po/ /'jam dpal gzhon nur gyur pa la phyag 'tshal lo/ /bstan bcos 'di ni rab mdzad pa/ /bde gshegs nyid skyes bdag sogs la/ /'chad pa la yang mngon mchod nas/ /don rnams dbye phyir 'bad par bya/ / de la thog ma kho nar bstan bcos kyi lus rnam par bzhag ste/ mtshan nyid sgrib pa de kho na/ /gnyen po dag ni bsgom pa dang/ /

  3. 2a

    de yi gnas dang 'bras bu thob/ /theg pa bla na med pa'o zhes bya ba don bdun po 'di dag bstan bcos 'di las 'chad do/ /'di lta ste/ mtshan nyid dang/ sgrib pa dang/ de kho na dang/ gnyen po bsgom pa dang/ gnyen po bsgom pa de nyid kyi gnas dang/ 'bras bu thob pa dang/ theg pa bla na med pa ste don bdun pa'o/ /de la mtshan nyid las brtsams nas/ yang dag ma yin kun rtog yod/ /de la gnyis po yod ma yin/ /stong pa nyid ni 'di la yod/ /de la yang ni de yod do zhes bya ba gsungs

  4. 2b

    so/ /de la yang dag pa ma yin pa'i kun tu rtog pa'i ni gzung ba dang 'dzin par rnam par rtog pa'o/ /gnyis po ni gzung ba dang 'dzin pa'i dngos po dang bral ba'o/ /stong pa nyid ni yang dag pa ma yin pa'i kun tu rtog pa de gzung ba dang 'dzin pa'i dngos po dang bral ba nyid do/ /de la yang ni de yod do zhes bya ba ni yang dag pa ma yin pa kun tu rtog pa'o/ /de ltar gang na gang med pa de ni des stong par yang dag pa ji lta ba bzhin du yang dag par rjes su mthong ngo/ / 'di la lhag ma yod pa gang yin pa de ni 'dir yod par yang dag pa ji lta ba bzhin du rab tu shes te/ de ltar stong pa nyid kyi mtshan nyid phyin ci ma log par bstan pa yin no/ /stong pa ma yin mi stong min/ /de lta bas na thams cad bshad/ /yod pas med pas yod pas na/ /de ni dbu ma'i lam yin no/ /

  5. 3a

    stong pa ma yin zhes bya ba ni stong pa nyid dang yang dag pa ma yin pa kun tu rtog pas so/ /mi stong min zhes bya ba ni/ /gnyis pa ste/ gzung ba dang 'dzin pas so/ /thams cad ces bya ba ni yang dag pa ma yin pa kun tu rtog pa zhes bya ba 'dus byas dang/ stong pa zhes bya ba 'dus ma byas so/ /bshad ces bya ba ni bstan pa'o/ /yod pas ces bya ba ni yang dag pa ma yin pa kun tu rtog pa'o/ /med pas zhes bya ba ni gnyis pa'o/ /yod pas na bya ba ni yang dag pa ma yin kun tu rtog pa la stong pa nyid yod pa dang/ de la yang yang dag par ma yin pa kun tu rtog pa yod pa'o/ /de ni dbu ma'i lam yin no zhes bya ba ni thams cad gcig tu stong pa yang ma yin no/ /gcig tu mi stong pa yang ma yin pa gang yin pa'o/ /de ltar 'di ni shes rab kyi pha rol tu phyin pa la sogs pa'i nang nas 'di thams cad ni

  6. 3b

    stong pa yang ma yin/ mi stong pa yang ma yin zhes 'byung ba dang mthun par byas pa yin no/ /de ltar yang dag pa ma yin pa kun tu rtog pa yod pa'i mtshan nyid dang med pa'i mtshan nyid brjod nas/ da ni rang gi mtshan nyid brjod do/ /don dang sems can bdag rnam rig /snang ba'i rnam par shes pa ni/ /rab tu skye bo de'i don med de/ /de med pas na de yang med/ de la don du snang ba ni gzugs la sogs pa'i dngos por snang ba gang yin pa'o/ /sems can du snang ba ni dbang po lngar bdag dang gzhan gyis rgyud la snang ba gang yin pa'o/ /bdag tu snang ba'i bdag tu rmongs pa la sogs pa dang mtshungs par ldan pa'i phyir nyon mongs pa can gyi yod do/ /rnam par rig pa snang ba'i rnam par shes pa drug rnams so/ /de'i don med ces bya ba ni don dang sems can du snang ba rnams med pa dang/ bdag dang rnam par rig par snang ba ni log par snang ba'i phyir ro/ /don med pas 'dzin pa'i rnam par shes pa de yang med do/ /yang dag ma yin kun rtogs pa/ /de ni de phyir grub pa yin/ /de bzhin ma yin ye med min/ /'di ltar ji ltar snang ba 'byung ba de ni de bzhin du yod pa ma yin no/ /'khrul pa tsam 'byung ba'i phyir ye med pa yang ma yin no/ /ci'i phyir de med pa nyid du mi 'dod ce na/ /

  7. 4a

    'di ltar/ de zad nas ni grol bar 'dod/ /gzhan du na ni bcings pa dang thang par mi 'grub ste/ kun nas nyon mongs pa dang/ rnam par byang ba la skur pa 'debs pa'i nyes par 'gyur ro/ /de ltar yang dag ba ma yin pa kun tu rtog pa'i rang gi mtshan nyid nas/ yang dag pa ma yin pa kun tu rtog pa tsam du zad na/ ngo bo nyid gsum du ji ltar bsdu bar 'gyur ba'i bsdu ba'i mtshan nyid ston te/ brtags pa dang ni gzhan dbang dang/ /yongs su grub pa nyid kyang ngo/ /don phyir yang dag min rtog phyir/ /gnyis po med pa'i phyir bshad do/ /zhes bya ba'o/ /de la don ni kun tu brtags pa'i ngo bo nyid do/ /yang dag pa ma yin pa kun tu rtog pa ni gzhan gyi dbang gi ngo bo nyid do/ /gzung ba dang 'dzin pa med pa nyid ni yongs su grub pa'i ngo bo nyid do/ /da ni yang dag pa ma yin pa kun tu rtog pa de nyid kyi med pa'i mtshan nyid la 'jug pa'i thabs kyi mtshan nyid yongs su ston te/ dmigs pa la ni rten nas su/ /mi dmigs pa ni rab tu skye/ /mi dmigs pa la rten nas su/ /mi dmigs pa ni rab tu skye/ /zhes bya ba'o/ /rnam par rig pa tsam du dmigs pa la brten nas don mi dmigs pa skye'o/ /don mi dmigs pa la brten nas don mi dmigs pa skye'o/ /don mi dmigs pa la brten nas rnam par rig pa tsam yang

  8. 4b

    mi dmigs ba skyes te/ de ltar gzung ba dang 'dzin pa dag med pa'i mtshan nyid la 'jug go /de'i phyir na dmigs pa ni/ /mi dmigs ngo bo nyid du grub/ /dmigs par bya ba'i don med na dmigs pa mi rung ba'i phyir ro/ /de lta bas na dmigs pa dang/ mi dmigs mnyam par shes par bya/ /dmigs pa ni dmigs pa nyid du ma grub pa'i phyir ro/ /mi dmigs pa'i ngo bo nyid yin yang yang dag pa ma yin pa'i don du snang bas dmigs pa zhes bya'o/ /da ni yang dag pa ma yin pa kun tu rtog pa nyid kyi rab tu dbye ba'i mtshan nyid ston te/ yang dag ma yin kun rtog ni/ /sems dang sems byung khams gsum pa/ zhes bya ba'o/ /'dod pa dang/ gzugs dang gzugs med pa na spyod pa tha dad pas so/ /rnam grangs kyi mtshan nyid kyang ston te/ de la don mthong rnam par shes/ /de yi khyad par sems las byung/ zhes bya'o/ /don tsam mthong ba ni rnam par shes pa'o/ /don gyi khyad par mthong ba ni sems las byung ba rnams tshor ba la sogs pa'o/ /'jug pa'i mtshan nyid kyang ston te/ /gcig ni rkyen gyi rnam par shes/ /gnyis pa nye bar spyod pa can/ /nye bar spyod dang yongs gcod dang/ /de'i 'jug byed sems las byung/ zhes bya'o/ /kun gzhi rnam par shes pa ni rnam par shes pa gzhan dag gis rkyen yin pas rkyen gyi rnam par shes pa'o/ /de las byung ba 'jug pa'i rnam par shes pa ni nye bar spyod pa can no/ /nye bar spyod pa'i tshor ba'o/ /yongs su spyod pa ni 'du shes so/ /rnam par shes pa 'jug par byed pa dag ni 'du byed rnams te/ sems pa dang yid la byed pa la sogs pa'o/ /kun nas nyon mongs pa'i mtshan nyid kyang ston te/ sgrib pa'i phyir dang 'debs pa'i phyir/ /khrid pa'i phyir dang kun 'dzin phyir/ /rdzogs byed phyir dang gsum gcod phyir/ /nye bar spyod phyir sdud pa'i phyir/ /sbyor ba'i phyir dang mngon du'i phyir/ /sdug bsngal phyir na 'gro

  9. 5a

    nyon mongs/ /rnam gsum rnam gnyis kyang nyon mongs/ /rnam bdun yang dag mi rtog las/ zhes bya ba'o/ /de la sgrib pa'i phyir ni ma rig pas yang dag pa ji lta ba bzhin du mthong ba la bgegs byed pa'i phyir ro/ /'debs pa'i phyir ni 'du byed rnams kyis rnam par shes pa la las kyi bag chags 'jog pa'i phyir ro/ /khrid pa'i phyir ni rnam par shes pas skye ba'i gnas su phyin par byed pa'i phyir ro/ /kun 'dzin phyir ni ming dang gzugs kyi lus so/ /rdzogs byang? phyir ni skye mched drug gis so// gsum gcod phyir ni reg pas so/ /nye bar spyod pa'i phyir ni tshor bas so/ /sdud pa'i phyir ni las kyis btab pa'i yang srid pa sred pas so/ /sbyor ba'i phyir ni len pa rnams kyis rnam par zhes pa skye ba dang mthun par 'dod pa la sogs pa rnams su'o// mngon du'i phyir ni las byas pa'i rnam par smin pa srid pas yang srid par 'byin par mngon par byed pa'i phyir ro/ /sdug bsngal phyir ni skye ba dang rga shis 'gro ba rnams nyon mongs par byed pa'o/ /de yang/ rnam gsum rnam gnyis kyang nyon mongs/ rnam bdun yang dag min rtog las/ las kyi kun nas nyon mongs pa dang/ /skye ba'i kun nas nyon mongs pa'o/ /de la nyon mongs pa'i kun nas nyon mongs pa ni ma rig pa dang/ sred pa dang/ len pa rnams so/ /las kyi kun nas nyon mongs pa'i 'dud byed rnams dang/ /sred pa'o/ /skye ba'i kun nas nyon mongs pa ni yan lag lhag rnams so/ /kun nas nyon mongs pa rnam pa gnyis ni rgyu'i kun nas nyon mongs pa dang/ 'bras bu'i kun nas nyon mongs pa'o/ /de la rgyu'i kun nas nyon mongs pa ni nyon mongs pa dang/ las kyi ngo bo nyid kyi yan lag rnams kyis so/ /'bras bu'i kun nas nyon mongs pa ni yan lag lhag ma rnams kyis so/ /kun nas nyon mongs pa rnam pa bdun ni rgyu rnam pa bdun te/ ma rig pa ni phyin ci log gi rgyu'o/ /'du byed rnams ni 'debs pa'i rgyu'o/ /rnam par

  10. 5b

    shes pa ni nye bar khrid pa'i rgyu'o/ /ming dang gzugs dang skye mched drug ni kun 'dzin pa'i rgyu'o/ /skye ba dang/ rga shi ni skyo ba'i rgyu'o/ /kun nas nyon mongs pa 'di dag thams cad ni yang dag pa ma yin pa kun tu rtog pa las 'byung ba'o/ yang dag pa ma yin pa kun tu rtog pa'i don bsdus pa ni yod pa'i mtshan nyid dang/ med pa'i mtshan nyid dang/ rang gi mtshan nyid dang/ bsdu pa'i mtshan nyid dang/ med pa'i mtshan nyid la 'jug pa'i thabs kyi mtshan nyid dang/ rab tu dbye ba'i mtshan nyid dang/ rnam grangs kyi mtshan nyid dang/ 'jug pa'i mtshan nyid dang/ kun nas nyon mongs pa'i mtshan nyid de/ mtshan nyid rnam pa dgu bstan pa'o/ /de ltar yang dag pa ma yin pa kun rtog pa brjod nas stong pa nyid ji ltar shes par bya ba de ston te/ stong pa nyid ni mdor bsdu na/ /mtshan nyid dang ni rnam grangs dang/ /de yi don dang dbye ba dang/ /sgrub pa dag ste shes par bya/ zhes bya ba'o/ /mtshan nyid ji ltar shes par bya zhe na/ gnyis dngos med pa'i dngos med pa'i/ /dngos po stong pa'i mtshan nyid do/ /gnyis po gzung ba dang 'dzin pa'i dngos po med pa dang/ dngos po med pa de'i dngos po ni stong pa nyid kyi mtshan nyid do/ /de ltar dngos po med pa'i ngo bo nyid ni stong pa nyid kyi mtshan nyid du yongs su bstan pa yin no/ dngos po med pa'i ngo bo nyid gang yin pa de ni yod pa ma yin med pa'ang min/ /ji ltar yod pa ma yin zhe na/ 'di ltar gnyis po de'i dngos po med pa'o/ /ji ltar med pa yang ma yin zhe na/ 'di ltar gnyis po'i dngos po med pa'i dngos po de ni stong pa nyid kyi mtshan nyid do/ /de bas na yang dag pa ma yin pa kun tu rtog pa dang/ tha dad gcig pa'i mtshan nyid min/ tha dad yin na ni chos la chos nyid gzhan ma yin pa mi rung ste/ mi rtag pa nyid dang/ sdug bsngal ba nyid bzhin no/ /gcig pa yin tu zin na ni rnam par dag pa'i dmigs pa dang/ spyi'i mtshan nyid du mi 'gyur te/ nges de nyid dang gzhan las rnam par

  11. 6a

    grol ba stong pa nyid kyi mtshan nyid yongs su bstan pa yin no/ /rnam grangs ji ltar rig par bya zhe na/ stong pa nyid ni mdor bsdu na/ de bzhin nyid dang yang dag mdza' / /chos kyi dbyings ni rnam grangs so/ /rnam grangs kyi don ji ltar shes par bya zhe na/ gzhan min phyin ci log ma yin/ /de 'gags 'phags pa'i spyod yul dang/ /'phags pa'i chos kyi rgyu yi phyir/ /rnam grangs don te go rim bzhin/ /gzhan ma yin pa'i phyir de bzhin nyid de/ rtag tu de bzhin pa'i phyir ro/ /phyin ci log ma yin pa'i phyir yang dag pa'i mdza' ste/ phyin ci log gi gzhi ma yin pa'i phyir ro/ /mtshan ma 'gog pa'i phyir mtshan ma med pa ste/ mtshan ma thams cad med pa'i phyir ro/ /'phags pa'i ye shes kyi spyod yul yin pas don dam pa ste/ ye shes dam pa'i yul yin pa'i phyir ro// 'phags pa'i chos kyi rgyu yin pas chos kyi dbyings te/ 'phags pa'i chos rnams ni de la dmigs pas 'byung ba'i phyir ro/ /'dir dbyings kyi don ni rgyu'i don to/ /stong pa nyid kyi rab tu dbye ba ji ltar shes par bya zhe na/ kun nas nyon mongs rnam par dag /ces bya ba ste/ de'i rab tu dbye ba'o/ /gang gi tshe kun nas nyon mongs pa la/ gang gi tshe rnam par dag ce na/ de ni dri bcas dri ma med/ /gang gi tshe dri ma dang bcas par gyur pa de'i tshe kun nas nyon mongs pa nas pa'o/ /gang gi tshe dri ma spangs pa de'i tshe rnam par dag pa'o/ /gal te dri ma dang bcas par gyur na 'gyur pa'i chos can yin pas ji ltar mi rtag par mi 'gyur zhe na/ de ni 'di ltar/ chu khams gser dang nam mkha' rnams/ /dag pa bzhin du dag par 'dod/ /glo bur gyi dri ma dang bral ba la bya ba'i de'i ngo bo nyid gzhan du 'gyur ba ni ma yin no/ /gzhan yang rab tu dbye ba ni stong pa nyid rnam pa bcu drug po 'di lta ste/ nang stong pa nyid dang/ phyi nang stong pa nyid dang/ phyi nang stong pa nyid dang/ stong pa nyid stong pa nyid dang/ chen po stong pa nyid dang/ don dam pa stong pa nyid

  12. 6b

    dang/ 'dus byas stong pa nyid dang/ 'dus ma byas stong pa nyid/ mdza' las 'das pa stong nyid dang/ thog ma dang tha ma med pa stong pa nyid dang/ dor ba med pa stong pa nyid dang/ rang bzhin stong pa nyid dang/ rang gi mtshan nyid stong pa nyid dang/ chos thams cad stong pa nyid dang/ dngos po med pa stong pa nyid dang/ dngos po med pa'i ngo bo nyid stong pa nyid dang/ de yang mdor bsdu na zhes bya bar rig par bya'o/ /za ba bza' dang de yi yul/ /gnas kyi gzhi yi stong pa nyid/ /de yang gang gis ji ltar mthong/ /gang phyir de yang stong pa nyid/ /dge gnyis thob par bya ba'i phyir/ /rtag tu sems can phan bya'i phyir/ /'khor ba btang bar mi bya'i phyir/ /dge ba mi zad bya ba'i phyir/ /rigs kyang rnam par dag bya'i phyir/ /mtshan dang dpe byad thob bya'i phyir/ /sangs rgyas chos rnams dag bya'i phyir/ /byang chub sems dpa' sgrub par byed/ /de la za ba stong pa nyid ni nang gi skye mched rnams brtsams so/ /bza' ba stong pa nyid ni phyi rol gyi rnams so/ /de'i lus ni zab dang bza' ba de gnyis kyi gnas gang yin pa ste khog pa'o/ /de'i stong pa nyid ni phyi nang stong pa nyid ces bya'o/ /gnas kyi gzhi ni snod kyi 'jig rten te/ de rgya che ba'i phyir de'i stong pa nyid ni chen po stong pa nyid ces bya'o/ /nang gi skye mched la sogs pa de yang gang gi stong par mthong zhe na/ stong pa nyid shes pas te/ de'i stong pa nyid ni stong pa nyid do/ /ji ltar don dam pa'i rnam par mthong ba de'i stong pa nyid ni don dam pa stong pa nyid do/ /gang gi phyir byang chub sems dpa' sgrub par byed pa de yang stong pa nyid do/ /ci'i phyir sgrub par byed na/ dge gnyis thob par bya ba'i phyir/ /zhes bya ba ste/ dge ba gnyis ni 'dus byas dang 'dus ma byas so/ /rtag tu sems can phan bya'i phyir ro/ /'khor ba btang bar mi bya'i phyir zhes bya ba ni 'khor ba thog ma dang tha ma med pa stong pa nyid du ma mthong na skye ste

  13. 7a

    'khor ba yongs su gtong ngo/ /dge ba mi zad bya ba'i phyir/ /zhes bya ba ni phung po lhag ma med pa'i mya ngan las 'das pa na yang mi gtong zhing mi 'dor ba gang yin pa'o/ /rigs kyang rnam par dag bya'i phyir/ /zhes bya ba la/ rigs ni rang bzhin ste/ ngo bo nyid kyi phyir ro/ /mtshan dang dpe byad thob bya'i phyir zhes bya ba ni skyes bu chen po'i mtshan rnams dang/ dpe byad bzang po rnams dang bcas pa thob par bya ba'i phyir ro/ /sangs rgyas chos rnams dag bya'i phyir/ /byang chub sems dpa' sgrub par byed/ /ces bya ba ni stobs dang mi 'jigs pa dang ma 'dres pa la sogs pa'o/ /de ltar re zhig stong pa nyid bcu bzhi rnam par bzhag par shes par bya'o/ /'di la stong pa nyid gang yin zhe na/ gang zag dang ni chos rnams kyi/ /dngos po med 'dir stong pa nyid/ /de dngos med pa'i dngos yod la/ /de ni de las stong nyid gzhan zhes bya'o/ /gang zag dang chos kyi dngos po med pa ni stong pa nyid do/ /dngos po med pa'i de'i dngos po yod pa yang stong pa nyid do/ /za ba la sogs pa stong pa nyid ces gong du ji skad smos pa der stong pa nyid kyi mtshan nyid bstan pa'i phyir/ /dngos po med pa stong pa nyid dang/ dngos po med pa'i ngo bo nyid stong pa nyid dang/ stong pa nyid rnam pa gnyis tha mar rnam par 'jog ste/ gang zag dang chos su sgro 'dogs pa dang/ de'i stong pa nyid la skur pa 'debs pa bsal ba'i phyir go rim bzhin no/ /de ltar stong pa nyid kyis rab tu dbye ba shes par bya'o/ /sgrub pa ji ltar shes par bya zhe na/ gal te nyon mongs de ma gyur/ /lus can thams cad grol bar 'gyur/ /gal te rnam dag de ma gyur/ /'bad pa 'bras bu mang par 'gyur/ /gal te gnyen po ma skyes par yang chos rnams kyi stong pa nyid glo bur gyi nyon mongs pa rnams kyis kun na nyon

  14. 7b

    mongs par mi 'gyur na ni kun nas nyon mongs pa med pas 'bad pa med par sems can thams cad grol bar 'gyur ro/ /ci ste gnyen po skyes kyang rnam par dag par mi 'gyur na ni thar bar bya ba'i phyir rtsom pa 'bras bu med par 'gyur ro// de lta bas na/ nyon mongs ma yin mi rmongs min/ /de ni ngag dang ma dag? min/ /ji ltar nyon mongs par gyur pa ma yin la ma dag pa yang ma yin zhe na/ sems rang bzhin gyi 'od gsal ba'i phyir ro/ /ji ltar nyon mongs par gyur pa ma yin pa yang ma yin la/ /dag pa yang ma yin zhe na/ glo bur gyis nyon mongs pa'i phyir ro/ /de ltar stong pa nyid kyi rab tu dbye ba bstan pa bsgrub pa yin no/ /de yang stong pa nyid kyi don bsdus pa ni mtshan nyid rnam par bzhag par rig par bya'o/ /de la mtshan nyid ni dngos po med pa'i mtshan nyid dang/ dngos po'i mtshan nyid do/ /dngos po'i mtshan nyid kyang dngos po yod pa dang dngos po med pa las rnam par grol ba'i mtshan nyid dang/ de nyid dang gzhan las rnam par grol pa'i mtshan nyid do/ /rnam par gzhag pa ni rnam grangs la sogs pa rnam par bzhag par rig par bya'o/ /de las rnam pa bzhi po 'di dag bstan pas ni rnam par rtog pa dang/ skrag pa dang/ le lo dang/ the tshom nye bar zhi par bya ba'i phyir stong pa nyid rang gi mtshan nyid dang/ las kyi mtshan nyid dang/ kun nas nyon mongs pa dang/ rnam par byang ba'i mtshan nyid dang/ rigs pa'i mtshan nyid brjod pa yin no// //bstan bcos dbus dang mdza' rnam par 'byed pa las mtshan nyid kyi le'ur bcad pa zhes bya ba dang po'i 'grel pa'o// //sgrib pa'i dbang du mdzad de/ khyab dang nyi tshe lhag pa dang/ /mnyam dang len dang spong ba ni/ /gnyis kyi sgrib par bstan pa yin/ /zhes bya ba gsungs

  15. 8a

    so/ /de la khyab pa ni byang chub sems dpa' i rigs can rnams kyi nyon mongs pa dang shes bya'i sgrib pa ste/ mdza' dag la sgrib pa'i phyir ro/ /nyi tshe ba ni nyan thos la sogs pa'i rigs can rnams kyi nyon mongs pa'i sgrib pa'o/ /lhag ma ni de dag nyid kyi sgrib pa ste/ 'dod chags la sogs pa'i spyod ba rnams kyi sgrib pa'o/ /mnyam pa ni cha mtshungs par spyod pa rnams kyi sgrib pa'o/ /'khor ba len pa dang spong ba'i sgrib pa ni byang chub sems dpa' i rigs can rnams kyi sgrib pa ste/ mi gnas pa'i mya ngan las 'das ba la sgrib pa'i phyir ro/ /de ltar 'di dag ni ci rigs par byang chub sems dpa' i rigs can rnams dang/ nyan thos la sogs pa'i rigs can rnams dang gnyi ga'i sgrib par bstan to/ /yang/ nyon mongs mtshan nyid rnam dgu'o/ /kun tu sbyor rnams sgrib pa yin/ /kun tu sbyor ba dgu ni nyon mongs pa'i sgrib pa'o/ /de dag gang la gang sgrib ce na/ skyo ba dang ni btang snyoms dang/ /de kho na ni mthong ba dang/ /rjes su chags pa'i kun tu sbyor ba ni kun tu skyo ba la sgrib pa'o/ /khong khro ba'i kun tu sbyor ba ni btang snyoms la sgrib ste/ des ni mi mthun pa la khong khro ba'i gzhi la btang snyoms su mi nus so/ /lhag ma rnams ni de kho na mthong pa la/ ji ltar zhe na/ de dag ni go rim bzhin du/ 'jig tshogs lta dang de gzhi dang/ /'gog dang lam dang dkon mchog dang/ /rnyed pa dang ni bkur sti dang/ /yo byad bsnyungs pa yongs shes la/ /sgrib pa yin no/ /nga rgyal gyi kun tu sbyor ba ni 'jigs tshogs la lta ba yongs su shes pa la sgrib pa ste/ mngon par rtogs pa'i dus na nga'o snyam pa'i nga rgyal bar chad dang bcas pa dang bar chad med par kun tu 'byung ba'i dbang gis de ma spangs pa'i phyir ro/ /ma rig pa'i kun tu sbyor ba ni 'jigs tshogs lta ba'i gzhi yongs su shes pa la sgrib ste/ des nye bar len pa'i

  16. 8b

    phung po rnams yongs su mi shes pa'i phyir ro/ /lta ba'i kun tu sbyor ba ni 'gog pa'i bden pa yongs su shes pa la sgrib ste/ 'jig tshogs mthar 'dzin par lta ba gnyis kyis de la skrag pa dang/ log par lta bas de la skur pa 'debs pa'i phyir ro/ / mchog tu 'dzin pa'i kun tu sbyor ba ni lam gyi bden pa yongs su shes pa la sgrib ste/ rnam pa gzhan gyis mchog gi dag par mchog tu 'dzin pa'i phyir ro/ /the tshom gyis kun tu sbyor ba ni dkon mchog gsum yongs su shes pa la sgrib ste/ de'i yon tan la mngon par yid mi ches pa'i phyir ro/ /phrag dog gi kun tu sbyor ba ni rnyed pa dang bkur sti yongs su shes pa la sgrib ste/ de'i nyes pa mi mthong ba'i phyir ro/ /ser sna'i kun tu sbyor ba ni yo byad bsnyungs pa yongs su shes pa la sgrib ste/ yo byad pa lhag par zhen pa'i phyir ro/ /dge la sogs pa bcu la gzhan/ dge ba la sogs pa rnam pa bcu la sgrib pa gzhin du rig par bya'o/ /sgrib pa de ni gang/ dge ba la sogs pa ni gang zhe na/ sbyor ba med dang skye mched min/ /rnal 'byor min pas gang bskyed dang skye ba med dang yid mi byed/ /tshogs ni rab tu ma rdzogs dang/ /rigs dang bshes gnyen mi ldan dang/ /sems ni yongs su skyo ba dang/ /sgrub pa dang yang mi ldan dang/ /skye bo ngan dang 'grogs pa dang/ /rang gi gnas ngan len gsum las/ /lhag ma shes rab ma smin dang/ /rang bzhin gyis ni gnas ngan len/ /le lo dang yang bag med dang/ /srid dang longs spyod chags pa dang/ /sems ni zhum par gyur pa dang/ /ma dang ba dang ma mos dang/ /sgra bzhin du ni spyod pa dang/ /dam chos ched cher mi 'dzin dang/ /rnyed la gdung dang snying rje med/ /thos pas phongs dang nyung ba dang/ /ting 'dzin sbyangs pa ma byas pa'o/ /de dag ni sgrib pa'o/ /dge ba la sogs pa gang zhe na/ dge dang byang chub yang dag 'dzin/ /blo ldan 'khrul med sgrib pa med/ /bsngo dang mi skrag ser sna med/ /dbang ni dge

  17. 9a

    ba la sogs pa'o/ /zhes bya ba'o/ /dge ba la sogs pa 'di dag la gang gang la sgrib pa du yod par shes par bya zhe na/ de dag gi ni sgrib pa rnams/ /gsum gsum dag tu shes par bya/ /zhes gsungs so/ /dge ba la sgrib pa gsum ni sbyor ba med pa dang/ skye mched ma yin pa la sbyor ba dang/ tshul bzhin ma yin pa la sbyor ba'o/ /byang chub kyi sgrib pa gsum ni dge ba mi bskyed pa dang/ yid la mi byed pa dang/ tshogs yongs su ma rdzogs pa'o/ /yang dag par 'dzin pa ni byang chub tu sems bskyed pa ste/ de'i sgrib pa gsum ni rigs dang mi ldan pa dang/ dge ba'i bshes gnyen dang mi ldan pa dang/ sems yongs su skyo ba'o/ /blo dang ldan pa ni byang chub sems dpa' nyid de/ de'i rab tu shes pa la sgrib pa gsum ni sgrub pa dang mi ldan pa dang/ skye bo ngan pa dang 'grogs pa dang/ skye bo sdang ba dang 'grogs pa'o/ /de la skye bo ngan pa ni skye bo blun pa'o/ /skye bo sdang ba ni zhe 'gras pa rnams so/ /'khrul pa med pa la sgrib pa gsum ni phyin ci log gi gnas ngan len dang/ nyon mongs pa la sogs pa'i sgrib pa gsum las lhag ma gang yang rung ba dang/ rnam par grol ba yongs su smin par byed pa'i shes rab yongs su ma smin pa'o/ /sgrib pa spangs pa ni sgrib pa med pa ste/ de la sgrib pa gsum ni lhan cig skyes pa'i gnas ngan len dang/ le lo dang bag med pa'o/ /yongs su bsngo ba'i sgrib pa gsum ni gang dag gis sems gzhan du yongs su bsngo bar byed kyi/ bla na med pa yang dag par rdzogs pa'i byang chub tu ni yongs su mi bsngo ba ste/ srid pa la chags pa dang/ longs spyod la chags pa dang/ sems zhum pa'o/ /mi skrag pa'i sgrib pa gsum ni gang zag la mi srid snyam pa dang/ chos la mi mos pa dang/ don la sgra ji bzhin du dpyod pa'o/ /ser sna med pa'i sgrib pa gsum

  18. 9b

    ni dam pa'i chos la ched cher mi 'dzin pa dang/ rnyed pa dang bkur sti dang/ mchod pa la ched cher 'dzin pa dang/ sems can rnams la snying rje med pa'o/ /dbang gi sgrib pa gsum ni/ gang dag gis dbang byed pa mi 'thob pa ste/ chos kyis phongs par 'gyur pa'i las bskyed pas thos pas phongs pa dang/ thos pas nyung ba dang/ ting nge 'dzin yongs su sbyang ba ma byas pa'o/ /sgrib pa 'di ni dge ba la sogs pa don gang la byed rgyu bcur 'gyur ba don de'i skabs kyis rig par bya ste/ byed rgyu bcu la 'byung ba'i byed rgyu ni dper na mig gi rnam par shes pa la sogs pa'i mig la sogs pa lta bu'o/ /gnas pa'i byed rgyu ni dper na sems can rnams kyi zas bzhi lta bu'o/ /rten pa'i byed rgyu ni gang gi gnas su gang gyur pa ste/ dper na sems can gyi 'jig rten gyi khams kyi snod kyi 'jig rten lta bu'o/ /gsal ba'i byed rgyu ni dper na gzugs kyi snang ba lta bu'o/ /'gyur ba'i byed rgyu ni dper na gtso bo la sogs pa'i me la sogs pa lta bu'o/ /'bral ba'i byed rgyu ni dper na brda bar thab la sogs pa'i zor ba la sogs pa lta bu'o/ /sgyur ba'i byed rgyu ni dper na gser la sogs pa'i gser 'gar la sogs pa lta bu ste/ gdu bu la sogs pa'i dngos por bsgyur ba'o/ /yid ches pa'i byed rgyu ni/ /dper na me la sogs pa'i du ma la sogs pa lta bu'o/ /yid ches par byed pa'i rgyu ni dper na dam bca' ba dang/ gtan tshigs lta bu'o/ /'thob pa'i byed rgyu ni dper na mya ngan las 'das pa la sogs pa'i lam la sogs pa lta bu'o/ /de bzhin du skyes pa la sgrib pa ni dge ba la sgrib pa ste/ de skyed par bya ba'i phyir ro/ /gnas pa la sgrib pa ni byang chub la sgrib ste/ de mi 'khrugs pa'i phyir ro/ /rten gyi sgrib pa ni yang dag par 'dzin pa la sgrib ste/ byang chub sems gzhir gyur pa'i phyir ro/ /gsal ba la sgrib pa ni blo dang ldan pa la sgrib ste/ de bstan par bya ba'i phyir ro/ / 'gyur ba la sgrib pa ni 'khrul pa med pa la sgrib ste/ de ni 'khrul pa log pas 'gyur ba'i phyir ro/ /'grel ba la sgrib pa ni sgrib pa med pa

  19. 10a

    la sgrib ste/ de'i sgrib pa dang bral ba'i phyir ro/ /sgyur ba la sgrib pa ni bsngo ba la sgrib ste/ byang chub tu sems yongs su bsngo ba'i mtshan nyid kyi phyir ro/ /yid ches pa la sgrib pa ni mi skrag pa la sgrib ste/ yid mi ches pas skrag pa'i phyir ro/ /yid ches par byed pa la sgrib pa ni ser na med pa la sgrib pa ste/ chos la ser sna med pas gzhan yid ches par byed pa'i phyir ro/ /thob pa la sgrib pa ni dbang la sgrib ste/ /dbang byed pa 'thob pa'i mtshan nyid kyi phyir ro/ /byed rgyu bcu ni skye ba dang/ /gnas brten dang bstan bya dang/ /'gyur dang 'bral dang gzhan du dang/ /yid ches go byed 'thob rnams la/ /mig dang zas sa mar me dang/ /me la sogs pa de yi dpe/ /zor ba bza' shes du ba dang/ /rgyu dang lam la sogs pa gzhan/ /dge ba la sogs pa'i go rim ni 'di yin te/ byang chub thob par 'dod pas thog ma nyid du dge ba'i rtsa ba bskyed par bya'o/ /de'o 'og tu dge ba'i rtsa ba'i stobs bskyed na/ byang chub thob par bya'o/ /dge ba'i rtsa ba bskyed pa de'i gnas ni byang chub kyi sems so// byang chub kyi sems de'i gnas ni byang chub sems dpa' o/ /byang chub kyi sems bskyed de/ dge ba'i rtsa ba'i stobs bskyed pa thob pa'i byang chub sems dpa' des phyin ci log spang ba'i phyin ci ma log pa bskyed par bya'o/ /de'i 'og tu mthong ba'i lam la phyin ci ma log pas bsgom pa'i lam gyi sgrib pa thams cad spang bar bya'o/ /sgrib pa spangs nas dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo bar bya'o/ /de'i 'og tu bsngo ba'i stobs bskyed nas chos zab cing rgya che ba bstan pa dag la mi skrag par bya'o/ /de ltar mi skrag pa'i yid kyis chos rnams kyi yon tan mthong nas gzhan dag la chos de dag rgya cher yang dag par bstan par bya'o/ /de'i 'og tu byang chub sems dpa' de ltar yon tan sna tshogs

  20. 10b

    kyis stobs bskyed pa thob pa de myur du bla na med pa yang dag par rdzogs pa'i byang chub thob nas chos thams cad la dbang 'thob bo/ /phyogs dang pha rol phyin sa la/ /sgrib pa dag ni gzhan yin no/ /byang chub kyi phyogs kyi chos rnams la sgrib pa ni/ gzhi la mi mkhas le lo dang/ /gnyis kyis ting 'dzin nyams pa dang/ /mi skyed pa dang nyam chung dang/ /lta dang gnas ngan len skyon chags/ /gzhi la mi mkhas pa ni dran pa nye bar gzhag pa rnams la sgrib bo/ /le lo ni yang dag par spong ba rnams la sgrib bo/ /gnyis kyi ting nge 'dzin nyams pa ni 'dun pa dang brtson 'grus dang sems pa dang/ dpyod pa rnams la gang yang rung ba zhig ma tshang bas yongs su ma rdzogs pa dang/ spong ba'i 'du byed sgom pa ma tshang bas rdzu 'phrul gyi rkang pa rnams la sgrib po/ /thar pa'i cha dang mthun pa rnams mi skyed pa ni dbang po rnams la sgrib po/ /dbang po de dag nyid kyis nyam chung ba ni stobs rnams la sgrib ste/ mi mthun pa'i phyogs dang 'dres pa'i phyir ro/ /lta ba'i nyes pa ni byang chub kyi yan lag rnams la sgrib ste/ de dag mthong ba'i lam gyis rab tu phye ba'i phyir ro/ /gnas ngan len gyis nyes pa ni lam gyi yan lag rnams la sgrib ste/ de dag bsgom pa'i lam gyis rab tu phye ba'i phyir ro/ /pha rol tu phyin pa rnams la sgrib pa ni/ / phyug po dang ni bde 'gro dang/ /sems can mi gtong sgrib pa dang/ /nyes pa dag dang yon tan rnams/ /'bri dang 'phel dang 'dzud pa dang/ /grol bar byed dang mi zad dang/ /dge ba rgyud mi 'chad pa dang/ /nges par byed dang chos rnams la/ longs par spyod dang yongs smin byed/ /'di la pha rol tu phyin pa bcu po dag pha rol phyin pa gang gi 'bras bu gang yin pa de la sgrib pa zhes brjod pa yin no/ /de la sbyin pa'i pha rol tu phyin pa'i 'bras bu phyug po dang/ bdag po la sgrib pas sgrib pa'i/ /tshul

  21. 11a

    khrims kyi pha rol tu phyin pa'i 'bras bu bde 'gro la sgrib bo/ /bzod pa'i pha rol tu phyin pa'i 'bras bu sems can yongs su mi gtong ba la sgrib bo/ /brtson 'grus kyi pha rol tu phyin pa'i 'bras bu nyes pa dang yon tan 'bri zhing 'phel ba sgrib bo// bsam gtan gyi pha rol tu phyin pa'i 'bras bu gdul bya 'dzud pa la sgrib po/ /shes rab kyi pha rol tu phyin pa'i 'bras bu rnam par grol bar byed pa la sgrib po/ /thabs kyi pha rol tu phyin pa'i 'bras bu sbyin pa la sogs pa mi zad pa la sgrib ste/ byang chub tu yongs su bsngos pas de mi zad pa'i phyir ro/ /smon lam gyi pha rol tu phyin pa'i 'bras bu tshor bas thams cad dge ba rgyun mi 'chad par 'byung ba la sgrib ste/ /smon lam gyi dbang gis de dang mthun pa'i skye ba yongs su 'dzin pa'i phyir ro// stobs kyi pha rol tu phyin pa'i 'bras bu dag ba de nyid nges par byed pa la sgrib ste/ so sor rtog pa dang bsgom pa'i stobs kyis mi mthun pa'i phyogs kyis zil gyis gnon pa'i phyir ro/ /ye shes kyi pha rol tu phyin pa'i 'bras bu bdag dang gzhan chos la longs spyod pa dang/ yongs su smin par byed pa la sgrib ste/ thos pa'i don sgra ji bzhin ma yin par khong du chud pa'i phyir ro/ /sa rnams la yang go rim bzhin te/ kun tu 'gro don mchog gi don/ /rgyu mthun don gyi mchog nyid dang/ /yongs su 'dzin pa med don dang/ /rgyud rnams tha dad med don dang/ /nyon mongs rnam dag min don dang/ /tha dad med pa'i don nyid dang/ /dri med 'phel ba med don dang/ /dbang ni rnam pa bzhi yi gnas/ /chos kyi dbyings la ma rig pa/ /nyon mongs can min sgrib pa bcu/ /sa bcu'i mi mthun phyogs rnams kyi/ /gnyen po dag ni sa yin no/ /kun tu 'gro ba'i don la sogs pa'i chos kyi dbyings rnam pa bcu la nyon mongs pa can ma yin pa'i mi shes pa gang yin pa de ni byang chub sems dpa' i sa bcu

  22. 11b

    la go rim bzhin du sgrib ste/ de'i mi mthun pa'i phyogs su gyur pa'i phyir ro/ /'di lta ste/ sa dang po la ni chos kyi dbyings kun tu 'gro ba'i don la kun tu 'gro ba'i don du rtogs te/ des bdag dang gzhan mnyam pa nyid rab tu 'thob po/ gnyis pa la ni mchog gi don du rtogs te/ des 'di snyam du sems te/ de lta bas na bsgrub du mtshungs pa la bdag gis rnam pa thams cad du yongs su spyad pa mngon par bsgrub pa nyid la mngon par brtson par bya'o snyam mo/ /gsum pa la ni de'i rgyu mthun pa don gyi mchog tu rtogs te/ des chos kyi dbyings kyi rgyu mthun pa thos pa mchog tu rig nas/ de'i phyir me'i 'obs stong gsum gyi stong chen po'i tshad tsam du yang bdag nyid 'chang ngo/ /bzhi pa la ni yongs su 'dzin pa med pa'i don du rtogs te/ 'di ltar chos la sred pa la yang rtog go /lnga pa la ni rgyu tha dad pa med pa'i don du rtog ste/ rnam par dag pa la sems dang bsam pa mnyam pa nyid du bcus rtogs so/ /drug pa la ni kun nas nyon mongs pa dang/ rnam par byang ba ma yin pa'i don du rtogs te/ rten cing 'brel par 'byung ba'i don la gang kun nas nyon mongs par 'gyur ba 'am rnam par dag par 'gyur ba'i chos de gang yin yang med par rab tu rtogs pa'i phyir ro/ /bdun pa la ni tha dad pa med pa'i don du rtogs te/ mtshan ma med pas mdo la sogs pa'i chos kyi mtshan ma tha dad par mi 'byung ba'i phyir ro/ /brgyad pa la ni bri ba med cing 'phel ba med pa'i don du rtogs te/ mi skye ba'i chos la bzod pa thob pas kun nas nyon mongs pa 'am/ rnam par byang ba na yang bri ba 'am 'phel ba mi mthong ba'i phyir ro/ /dpang rnam pa bzhi ni rnam par mi rtog pa la dbang ba dang/ zhing yongs su dag pa la dbang ba dang/ ye shes la dbang ba dang/ las la dbang ba'o//

  23. 12a

    de la brgyad pa nyid la chos kyi dbyings la dbang ba dang po dang/ /dang 'og gi gnas nyid du rab tu rtogs so/ /dgu ba la ni ye shes la dbang ba'i gnas nyid du rtogs te/ so so yang dag par rig pa thob pa'i phyir ro/ /bcu pa la ni las la dbang ba'i gnas nyid du rtogs te/ ji ltar bzhed pa bzhin du sprul pa rnams kyis sems can gyi don mdzad pa'i phyir ro/ /mdor bsdu na/ nyon mongs pa'i sgrib pa dang/ shes bya'i sgrib pa nyid du bstan der ni sgrib pa thams cad de/ de zad nas ni grol bar 'dod/ /sgrib pa rnam pa gnyis po 'di zad na sgrib pa thams cad las/ grol bar 'dod do/ /sgrib pa rnams kyi don bsdus pa ste/ sgrib pa chen po ni khyab pa gang yin pa'o/ /sgrib pa chung ngu ni nyi tshe ba gang yin pa'o/ /spror ba'i sgrib pa ni lhag pa gang yin pa'o/ /thob pa la sgrib pa ni mnyam pa gang yin pa'o/ /tshe pa khyad par can la sgrib pa ni len pa dang spong ba gang yin pa'o/ /yang dag par sbyor ba la sgrib pa ni nyon mongs pa'i sgrib pa rnam pa dgu gang yin pa'o/ /rgyu la sgrib pa ni dge ba la sogs pa rnam pa bcu la sgrib pa gang yin pa ste/ rgyu'i don gyi skabs kyi phyir ro/ /de kho na la 'jug pa ni sgrib pa ni byang chub kyi phyogs rnams la sgrib pa gang yin pa'o/ /dge ba bla na med pa la sgrib pa ni pha rol tu phyin pa rnams la sgrib pa gang yin pa'o/ /de khyad par du 'gro ba la sgrib pa ni sa rnams la sgrib pa gang yin pa'o/ /bsdus pa'i sgrib pa ni mdor bsdus pa rnam pa gnyis po gang yin pa'o/ /bstan bcos dbus dang mdza' rnam par 'byed pa las sgrib pa'i le'ur bcad pa zhes bya ba gnyis pa'i 'grel pa'o// //de kho na'i dbang du mdzad de gsungs pa/ rtsa ba mtshan nyid de kho na/ /phyin ci ma log mtshan nyid dang/ /'bras bu rgyu yi de kho na/ /phra ba dang ni rags pa dang/ /grags dang rnam par dag yul dang/ /bsdu dang dbye ba'i mtshan nyid dang/ /mkhas de kho na rnam bcu

  24. 12b

    ni/ /bdag du lta ba'i gnyen po'o/ /zhes bya ba 'di dag ni de kho na rnam pa bcu ste/ 'di lta ste/ rtsa ba'i de kho na dang/ mtshan nyid kyi de kho na dang/ phyin ci ma log pa'i de kho na dang/ 'bras bu dang rgyu'i de kho na dang/ rags pa dang phra ba'i de kho na dang/ grags pa'i de kho na dang/ rnam par dag pa'i spyod yul gyi de kho na dang/ bsdu ba'i de kho na dang/ rab tu dbye ba'i de kho na dang/ mkhas pa'i de kho na ste/ rnam pa bcu po de yang bdag tu 'dzin pa rnam pa bcu po de yang bdag tu 'dzin pa rnam pa bcu'i gnyen por rig par bya'o/ /'di lta ste phung po la mkhas pa dang/ khams la mkhas pa dang/ skye mched la mkhas pa dang/ rten cing 'brel bar 'byung ba la mkhas pa dang/ ngas pa dang gnas ma yin pa la mkhas pa dang/ dbang po la mkhas pa dang/ dus la mkhas pa dang/ bden pa la mkhas pa dang/ theg pa la mkhas pa dang/ 'dus byas dang 'dus ma byas kyi chos la mkhas pa'o/ /de la rtsa ba'i de kho na ni ngo bo nyid rnam pa gsum ste/ kun brtag pa dang/ gzhan gyi dbang dang/ yongs su grub pa ste/ de la de kho na gzhan rnam par bzhag pa'i phyir ro/ /ci'i phyir 'dir ngo bo nyid gsum la de kho na zhes bya bar 'dod ce na/ ngo bo nyid gsum rtag med dang/ /yod kyang kho na ma yin dang/ /yod dang med de kho na ste/ ngo bo nyid ni gsum du 'dod/ /kun tu brtags pa'i mtshan nyid ni rtag tu med pa'o/ /de ni kun brtags pa'i ngo bo nyid la de kho na zhes bya ste/ phyin ci log pa'i phyir ro/ /gzhan gyi dbang gi mtshan nyid ni yod kyang yang dag pa ma yin te/ 'khrul pa'i phyir ro/ /de bas na gzhan gyi dbang gi ngo bo nyid la de kho na zhes bya'o/ /yongs su grub pa'i mtshan nyid ni/ yod pa dang med pa'i de kho na ste/ de bas na 'di ni yongs su grub pa'i ngo bo nyid la de kho na'o/ /mtshan nyid kyi de kho na gang zhe na/ 'di la chos dang gang zag dang/ /gzung ba dag dang 'dzin pa dang/ /yod dang med par sgro 'dogs dang/ /skur pa 'debs par lta ba dag /gang

  25. 13a

    shes nas ni mi 'byung ba/ /de de kho na'i mtshan nyid do/ /gang shes nas gang zag dang chos gnyis la sgro 'dogs pa dang/ skur pa 'debs par lta ba mi 'byung ba de ni kun brtags pa'i ngo bo nyid de kho na'i mtshan nyid do/ /gang shes nas gzung ba dang 'dzin pa gnyis la sgro 'dogs pa dang/ skur pa 'debs par lta ba mi 'byung ba de ni gzhan gyi dbang gi ngo bo nyid kyi de kho na'i mtshan nyid do/ /gang shes nas dngos po dang dngos po med par sgro 'dogs pa dang/ skur ba 'debs par lta ba mi 'byung ba de ni yongs su grub pa'i ngo bo nyid kyi de kho na'i mtshan nyid do/ /rtsa ba'i de kho na la mtshan nyid kyi de kho na phyin ci ma log pa 'di ni mtshan nyid kyi de kho na zhes bya'o/ /phyin ci ma log pa'i de kho na ni rtag pa la sogs par phyin ci log pa'i gnyen por mi rtag pa dang/ sdug bsngal ba dang/ stong pa dang bdag med pa nyid do/ /rtsa ba'i de kho na ji ltar na mi rtag pa la sogs pa nyid rig par bya'o/ /zhe na/ mi rtag don ni med don dang/ skye zhing 'jig pa'i mtshan nyid dang/ /drir bcas dri ma med don te/ /rtsa ba'i kho nar go rim bzhin/ /mi rtag pa'i don ni rnam pa gsum ste/ med pa'i don dang/ skye zhing 'jig pa'i don dang/ dri ma dang bcas shing dri med pa nyid kyi don ni rtsa ba'i de kho nar ngo bo nyid gsum po dag dang go rim bzhin no/ /sdug bsngal len dang mtshan nyid dang/ /'brel pa gzhan du 'dod pa yin/ /gang zag dang chos la mngon par zhen pa nye bar len pa'i phyir/ nye bar len pa'i sdug bsngal ba dang/ sdug bsngal ba nyid gsum gyi mtshan nyid yin pas mtshan nyid dang/ sdug bsngal dang 'brel pa'i phyir 'brel ba yang ste/ rtsa ba'i de kho na nyid kyi nang du go rim bzhin no/ /dngos med de yi dngos ma yin/ /rang bzhin gyis ni stong par 'dod/ /kun brtags pa'i mtshan nyid ni rnam pa gang gis kyang yod pa ma yin te/ dngos po med pa nyid pas de'i stong pa nyid do/ /gzhan gyi dbang gi mtshan nyid ni ji ltar

  26. 13b

    kun brtags pa de ltar med kyi ye med pas ni ma yin te/ /de yin pas de'i stong pa nyid do/ /yongs su grub pa'i mtshan nyid ni/ /stong pa nyid kyi ngo bo nyid kho na yin pas rang bzhin gyi de kho nas de'i stong pa nyid do/ /mtshan nyid med pas bdag med dang/ /de dang mi mthun mtshan nyid dang/ /rang gi mtshan nyid bstan pa yin/ /kun brtags pa'i ngo bo nyid ni mtshan nyid kyis med pa'i phyir ro/ /mtshan nyid de'i bdag med pa nyid do/ /gzhan gyi dbang gis mtshan nyid ni yod kyang ji ltar kun tu brtags pa bzhin du med pas de dang mi mthun pa'i mtshan nyid kyis de'i bdag med pa'o/ /yongs su grub pa ni ngo bo nyid kyis bdag med pa nyid pas rang gi mtshan nyid de'i bdag med pa'o/ /rtsa ba de kho na rnam pa gsum la mi rtag pa nyid rnam pa gsum yongs su bstan te/ med pa'i don mi rtag pa nyid dang/ skye zhing 'jig pa mi rtag pa nyid dang/ dri ma dang bcas shing dri ma med pa mi rtag pa nyid do/ /sdug bsngal nyid rnams gsum ste/ nye bar len pas sdug bsngal nyid dang/ mtshan nyid kyi sdug bsngal nyid dang/ 'brel pas sdug bsngal nyid do/ /stong pa nyid rnam pa gsum ste/ dngos po med pas stong pa nyid dang/ de ma yin pas stong pa nyid dang/ ngo bo nyid kyis stong pa nyid do// bdag med pa rnam pa gsum ste/ mtshan nyid med pas bdag med pa dang/ mi mthun pa'i mtshan nyid kyis bdag med pa dang/ rang gi mtshan nyid kyis bdag med pa'o/ /'bras bu dang rgyu'i de kho na ni rtsa ba'i de kho na nyid la sdug bsngal dang/ kun 'byung dang/ 'gog pa dang/ lam gyi bden pa nyid/ /de lta rtsa ba'i de kho na rnam pa gsum las sdug bsngal la sogs pa'i bden pa zhes bya zhe na/ 'di ltar de mi rtag pa la sogs pa'i mtshan nyid kyis te/ de'i phyir sdug bsngal bden par 'dod/ kun 'byung ba'i don rnam pa gsum gyis kun 'byung ba'i bden pa ste/ kun 'byung ba'i don rnam pa gsum ni/ bag chags dang ni kun nas 'byung/ /ma bral ba yang de bzhin no/ /bag chags kyis kun 'byung ba ni/ /kun brtags pa'i ngo bo nyid la mngon par zhen pa'i bag chags so/ /kun nas 'byung ba'i kun 'byung ba ni las dang nyon mongs pa rnams so/ /ma bral ba'i

  27. 14a

    kun 'byung ni de bzhin nyid sgrib pa dang ma bral ba'o/ /'gog pa rnam pa gsum gyi 'gog pa'i bden pa ni 'gog pa rnam pa gsum ni/ ngo bo nyid dang gnyis mi skye/ /dri ma zhi ba gnyis su 'dod/ /ngo bo nyid kyis mi skye ba dang/ gzung ba dang 'dzin pa gnyis mi skye ba dang/ dri ma zhi ba gnyis kyang ste/ /so sor brtags pa'i 'gog pa dang/ /de bzhin nyid ces bya'o/ /'di ni 'gog pa rnam pa gsum ste/ 'di lta ste/ ngo bo nyid kyi 'gog pa dang/ gnyis po 'gog pa dang/ rang bzhin gyis 'gog pa'o/ /lam gyis bden pa rtsa ba'i de kho na rnam pa gsum du ji ltar bzhag ce na/ yongs su shes dang spang ba dang/ thob par mngon sum bya bas ni/ /lam gyi bden pa yang dag bshad/ /kun brtags pa ni yongs su shes par bya'o/ /gzhan gyi dbang ni yongs su shes par bya ba dang/ spang ba'o/ /yongs su grub pa ni yongs su shes par bya ba dang/ thob par mngon sum du bya'o/ /de ltar 'dir yongs su shes par bya ba dang spang ba dang/ mngon sum du byas pas lam gyi bden pa rnam par bzhag par rig par bya'o/ /rags pa dang phra ba'i de kho na ni kun rdzob dang don dam pa'i bden pa'o/ /de rtsa ba'i de kho nar ji ltar rig par bya zhe na/ brtags pa dang ni shes pa dang/ /de bzhin brjod pa rags pa yin/ /kun rdzob ni rnam pa gsum ste/ brtags pa'i kun rdzob dang/ shes pa'i kun rdzob dang/ brjod pa yang dag pa'i kun rdzob bo/ /des kun rdzob kyi bden pa nyid de rtsa ba'i de kho nar go rim bzhin du rig par bya'o/ /dam pa'i don ni gcig pu'o/ /don dam pa'i bden pa ni yongs su grub pa'i ngo bo nyid gcig pur rig par bya'o/ /de yang ji ltar don dam pa yin zhe na/ don dang thob par grub pa ni/ /don dam rnam pa gsum du 'dod/ /don dam pa ni de bzhin nyid de/ ye shes dam pa'i don yin pa'i phyir ro/ /thob par bya ba'i don dam pa ni mya ngan las 'das pa ste/ don gyi dam pa yin pa'i phyir ro/ /sgrub pa don dam pa ni lam ste/ de'i don ni dam pa yin pa'i phyir ro/ /'dus ma byas dang 'dus byas yongs su grub pa'i ngo bo nyid du ji skad brjod ce

  28. 14b

    na/ 'gyur med phyin ci ma log pa/ /yongs su grub pa rnam pa gnyis/ /'dus ma byas ni 'gyur ba med par yongs su grub pas yongs su grub pa'o/ /'dus byas ni lam gyis bsdus pa ste/ phyin ci ma log pas yongs su grub pa ste/ shes bya'i dngos po la phyin ci log med pa'i phyir ro/ /grags pa de kho na rtsa ba'i de kho na la blo ji ltar rnam par bzhag ce na/ grag spa'i de kho na ni rnam pa gnyis te/ 'jig rten gyi grags pa dang/ rigs pa'i grags pa'o/ /de la gcig gis 'jig rten grags pa ste/ kun brtags pa'i ngo bo nyid kyis te/ 'jig rten pa thams cad kyi brda la 'dris pa'i rjes su zhugs pa'i blos dngos po gang la 'di ni sa yin gyi me ma yin no zhes bya ba dang/ 'di ni gzugs yin gyi sgra ma yin no zhes bya ba la sogs par lta ba mthun pa yin no/ /gsum gyis rigs pa'i grags pa'o/ /gang zag dam pa rig pa'i don la mkhas pa rtog ge pa spyod yul can dag tshad ma gsum la brten nas 'thad pas sgrub pa'i rigs pas grags pa'i dngos po'o/ /rnam par dag pa'i spyod yul gyi de kho na nyid rnam pa gnyis te/ nyon mongs pa'i sgrib pa rnam pa dag pa'i ye shes kyi spyod yul dang/ shes bya'i sgrib pa rnam par dag pa'i ye shes kyi spyod yul lo/ /rnam dag spyod yul rnam gnyis te/ /gcig pu kho nar brjod pa yin/ /yongs su grub pa'i ngo bo nyid du brjod de/ ngo bo nyid gzhan ni rnam par dag pa'i ye shes rnam pa gnyis kyi spyod yul ma yin no/ /bsdu ba'i de kho na rtsa ba'i de kho nar ji ltar rig par bya zhe na/ rgyu dang rnam par rtog pa dang/ /ming ni rnam pa gnyis su bsdus/ /ci rigs su sbyar ro/ /dngos po lnga las brtsams te/ rgyu dang rnam par rtog pa gnyis ni/ gzhan gyi dbang du bsdu'o/ /ming ni kun brtags par bsdu'o/ /yang dag ye shes rab kho na/ /gcig pu kho nar bsdus pa yin/ /de bzhin nyid dang yang dag pa'i mdza' i ye shes ni yongs su grub pa'i ngo bo nyid kyis bsdus so/ /rab tu dbye ba'i de kho na rnam pa bdun te/ 'jug pa'i de kho na dang/ mtshan nyid kyi de kho na dang/

  29. 15a

    gnas pa'i de kho na dang/ log par sgrub pa'i de kho na dang/ rnam par dag pa'i de kho na dang/ yang dag pa sgrub pa'i de kho na ste/ dgongs pa nges par 'grel pa'i mdo las/ de bzhin nyid rnam pa bdun 'byung ba gang yin pa de dag nyid do/ /de la 'jug pa'i de kho na rnam pa gnyis/ rtsa ba'i de kho na kun brtags pa dang/ gzhan gyi dbang gi mtshan nyid du rig par bya'o/ /'jug pa'i de kho na ji lta ba bzhin du/ gnas pa dang ni ngan par zhugs/ /gnas pa dang log par sgrub pa'i de kho na yang de bzhin du rtsa ba'i de kho na rnam pa gnyis su rig par bya'o/ /mtshan nyid rnam par rig dang dag /yang dag sgrub pa gcig pu'o/ /mtshan nyid kyi de kho na la sogs pa bzhi ni rtsa ba'i de kho na gcig ste/ yongs su grub pa'i mtshan nyid do/ /mkhas de kho na rnam bcu ni/ /bdag tu lta ba'i gnyen po'o/ /zhes gsungs na/ phung po la sogs pa la bdag tu lta ba rnam pa bcu po de dag ji lta zhe na/ gcig dang rgyu dang za ba dang/ /byed pa dang ni dbang sgyur dang/ /bdag po'i don dang rtag pa dang/ /nyon mongs pa dang dag pa'i gnas/ /rnal 'byor can dang ma grol grol/ /'di dag la ni bdag tu lta/ /bdag med pa la 'dzin pa rnam pa 'di bcu ni/ /phung po la sogs pa la 'jug ste/ de'i gnyen por mkhas pa rnam pa bcu'o/ /'di lta ste/ gcig pur 'dzin pa dang/ rgyur 'dzin pa dang/ za bar 'dzin pa dang/ byed par 'dzin pa dang/ rang dbang du 'dzin pa dang/ bdag por 'dzin pa dang/ rtag par 'dzin pa dang/ kun nas nyon mongs pa dang/ rnam par byang bar 'dzin pa dang/ rnal 'byor can du 'dzin pa dang/ ma grol ba dang grol bar 'dzin pa'o/ /mkhas pa'i de kho na rnam pa bcu po 'di dag rtsa ba'i de kho nar ji ltar 'dus she na/

  30. 15b

    'di ltar ngo bo nyid gsum du phung po la sogs pa de dag gsungs so/ /ji ltar 'dus zhe na/ kun tu rtog dang rnam rtog don/ /chos nyid don gyis de dag der/ /zhes bya ba'o/ /gzugs la rnam pa gsum ste/ kun brtags pa'i gzugs ni gang gzugs kyi kun brtags pa'i ngo bo nyid do/ /rnam par brtag pa'i gzugs ni gang gzugs kyi gzhan gyi dbang gi ngo bo nyid do/ /de la gzugs su rnam par rtog par byed do/ /chos nyid kyi gzugs ni gang gzugs kyis yongs su grub pa'i ngo bo nyid do/ /gzugs la ji lta ba de bzhin du tshor ba la sogs pa'i phung po rnams dang/ khams dang/ skye mched la sogs pa la yang sbyar bar bya'o/ /de ltar ngo bo nyid gsum du phung po la sogs pa 'dus pa'i phyir mkhas pa'i de kho na rnam pa bcu ni rtsa ba'i de kho na nyid du blta'o/ /ji ltar bdag tu lta ba rnam pa bcu'i gnyen por phung po la sogs pa la mkhas pa'i de bshad na/ phung po la sogs pa'i don ma bshad pas/ de da brjod par bya ste/ thog ma du ma nyid dang ni/ /bsdus dang yongs su phye ba'i don/ /thog ma kho nar phung po de dag don rnam pa gsum du rig par bya ste/ du ma'i don gzugs dag ci yang rung ste/ 'das pa dang ma 'ongs pa zhes rgya cher 'byung ba'o/ /bsdus pa'i don ni de dag thams cad gcig tu bsdus te zhes 'byung ba'o/ /yongs su phye ba'i don ni gzugs la sogs pa'i mtshan nyid tha dad du rnam par bzhag pa'i phyir ro/ /phung po'i don ni spungs pa'i don te/ de ltar 'jig rten na spungs pa'i don mthong ngo/ /'dzin dang gzung dang de 'dzin pa/ sa bon don te gzhan du 'dod/ /gzhan gang zhe na/ khams so// de la 'dzin pa'i sa bon gyi don ni mig gi khams la sogs pa'o/ /gzung ba'i sa bon gyi don ni gzugs kyi khams la sogs pa'o/ /de 'dzin pa'i sa bon gyi don ni mig gi rnam par shes pa'i khams la sogs pa'o/ /tshor dang don rnams

  31. 16a

    yongs gcod kyi/ /nyer spyod 'byung sgo gzhan yin no/ /gzhan gang yin zhe na/ skye mched do/ /de la nang gi skye mched drug po dag ni tshor ba nye bar spyod pa'i skye ba'i sgo'i phyir ro/ /phyi'i drug po dag ni don yongs su spyod pa'i nye bar spyod pa'i skye ba'i sgo'i phyir ro/ /rten cing 'brel par 'byung ba'i don ni/ rgyu dang 'bras bu rtsol ba la/ /sgro 'dogs med cing skur 'debs med/ /rgyu dang 'bras bu dang byed pa rnams la sgro 'dogs pa med pa dang/ skur pa 'debs pa med pa'i don no/ de la rgyu la sgro 'dogs pa ni 'du byed la sogs pa'i mi mthun pa'i rgyu la rtog pa'i phyir ro/ /rgyu la skur pa 'debs pa ni rgyu med pa can du rtog pa'i phyir ro/ /'bras bu la sgro 'dogs pa ni bdag dang bcas pa'i 'du byed la sogs pa ni ma rig pa la sogs pa'i rkyen las 'byung bar rtog pa'i phyir ro/ /'bras bu la skur pa 'debs pa ni 'du byed la sogs pa ma rig pa la sogs pa'i rkyen gyis 'byung ba med par rtog pa'i phyir ro/ /byed pa la sgro 'dogs pa ni 'du byed la sogs pa skye ba la ma rig pa la sogs pa la byed par rtog pa'i phyir ro/ /byed pa la skur pa 'debs pa ni nus pa med par rtog pa'i phyir ro/ /de med pa'i phyir sgro 'dogs pa med pa dang/ skur pa 'debs pa med par rig par bya'o/ /mi 'dod 'dod dang rnam dag dang/ /mnyam du 'byung dang dbang byed dang/ /'thob dang kun tu spyod pa dag /gzhan dbang nyid kyi don te gzhan/ /gnas dang gnas ma yin pa ni gzhan gyi dbang nyid rnam pa bdun gyi don gyis rig par bya ste/ de la mi 'dod pa gzhan gyi dbang nyid ni nyes par spyod pas mi 'dod bzhin du yang ngan 'gror 'gro ba'i phyir ro/ /'dod pa gzhan gyis dbang nyid ni legs par spyod pas bde 'gror 'gro ba'i phyir ro/ /rnam par dag pa gzhan gyi dbang nyid ni sgrib pa lnga ma spangs la byang chub kyi yan lag

  32. 16b

    bdun gyi bar du ma bsgoms na sdug bsngal gyi mthar mi byed pa'i phyir ro/ /mnyam du 'byung ba gzhan gyi dbang nyid ni/ de bzhin gshegs pa dang/ 'khor los sgyur ba gnyis gnyis snga phyi med par 'jig rten gyi khams gcig tu mi 'byung ba'i phyir ro/ /dbang du byed pa gzhan gyis dbang nyid ni/ /bud med 'khor los sgyur ba la sogs pa mi byed pa'i phyir ro/ /'thob pa gzhan gyi dbang nyid ni bud med kyis rang byang chub dang/ bla na med pa'i byang chub mngon par rdzogs par byang chub par mi 'gyur ba'i phyir ro// kun tu spyod pa gzhan gyi dbang nyid ni/ /lta ba phun sum tshogs pa gsod pa la sogs pa kun tu mi spyod pas so/ /so so'i skye bo ni kun tu spyod pa'i phyir te/ rgya cher ni khams mang po can gyi mdo las 'byung ba bzhin du khong du chud par byed pa'o/ /dbang po ni rnam pa nyi shu rtsa gnyis te/ 'dzin dang gnas dang rgyun mi 'chad/ /spyod dang dag pa gnyis kyi phyir/ /'dzin pa'i phyir nas rnam par dag pa gnyis kyi bar du ste/ de dag la de dbang byed pa'i phyir ro/ /gzugs la sogs pa yul 'dzin pa la ni mig la sogs pa drug po dag dbang byed do/ /gnas par bya ba la ni srog gi dbang po byed do/ /de'i dbang gis mi 'chi ba'i phyir ro/ /rigs 'tsho ba la ni pho dang mo'i dbang po gnyis dbang byed de/ bu 'byung bar dbang byed pa'i phyir ro/ /nye bar spyod pa la ni tshor ba'i dbang po rnams te/ dge ba dang mi dge ba'i las kyi 'bras bu la nye bar spyod pa'i phyir ro/ /'jig rten par rnam par dag pa ni dang pa la sogs pa'o/ /'jig rten las 'das pa'i rnam par dag pa ni kun shes par byed pa'i dbang po la sogs pa'o// 'bras bu rgyu rnams spyad zin dang/ /de bzhin ma spyad gzhan yin no/ /gzhan gang zhe na/ dus gsum mo/ /ci rigs su sbyar te/ 'bras bu dang/ rgyu spyad zin pa'i phyir 'das pa'i dus so/ /'bras bu dang rgyu ma spyad pa'i phyir ma 'ongs pa'i dus so//

  33. 17a

    rgyu spyad pa la 'bras bu ma spyad pa'i phyir da ltar 'byung ba'i dus su rig par bya'o/ /tshor ba rgyu dang bcas pa'i don/ /de yi rgyu ni sgrub pa yin/ /de bzhin pa dang gnyen po'i don/ /ldan pa'i phyir na gzhan du 'dod/ /bden pa bzhi po de la sdug bsngal gyi bden pa ni tshor ba rgyu dang bcas pa'i don te/ gang ci tshor yang rung de ni 'dir sdug bsngal lo zhes bya ba'i phyir ro/ /tshor ba'i rgyu ni tshor ba'i gnas kyi chos rnams su rig par bya'o/ /de'i rgyu ni sgrub pa yin/ /kun 'byung ba'i bden pa ste// sdug bsngal gyi rgyu ni sgrub pa gang yin pa'o/ /de gnyis zhi ba'i phyir 'gog pa'i bden pa'o/ /gnyen po'i phyir lam gyi bden pa'o/ /yon tan skyon dang rnam mi rtog /shes pas gzhan las bdag gis ni/ /nges par 'byung phyir gzhan zhes bya/ /theg pa gsum ste ci rigs su sbyar bar bya'o/ /de las mya ngan las 'das pa dang/ 'khor ba la yon tan dang skyon du shes shing gzhan las thos nas nges par 'byung ba'i phyir nyan thos kyi theg pa'o/ /gzhan las ma thos par de nyid kyis bdag gis nges par 'byung ba'i phyir rang sangs rgyas kyi theg pa'o/ /bdag gis rnam par mi rtog pa'i ye shes kyis nges par 'byung ba'i phyir theg pa chen por rig par bya'o/ /brtags bcas rgyur bcas rgyu mtshan dang/ /rab tu zhi ba'i don bcas ni/ /tha ma nyid du bshad pa yin// 'dus byas dang 'dus ma byas so/ /de la btags pa ni ming gi tshogs la sogs pa'o/ /rgyu ni sa bon du bsdus pa'i kun gzhi rnam par shes pa'o/ /rgyu mtshan ni gnas dang lus la longs spyod du bsdus pa dang/ 'jug pa'i rnam par shes par bsdus pa yid dang/ 'dzin pa dang/ rnam par rtog pa ste/ brtags pa dang bcas shing rgyu dang bcas pa'i rgyu mtshan mtshungs par ldan pa dang bcas pa 'di ni 'dus byas su rig par bya'o/ /de la yid ni gang rtag tu rlom sems pa ni rnam pa'o//

  34. 17b

    'dzin pa ni rnam par shes pa'i tshogs lnga'o/ /rnam par rtog pa ni yid kyi rnam par shes pa ste/ de ni rnam par rtog par byed pa'i phyir ro/ /'dus ma byas ni rab tu zhi ba 'gog pa dang/ rab tu zhi ba'i don de bzhin nyid de/ lam gyi dmigs pa yin pa'i phyir ro/ /lam yang rab tu zhi ba nyid do/ /des rab tu zhi bar byed pa'i phyir ro/ /de ltar 'dis phung po la sogs pa shes pa ni phung po la sogs pa la mkhas par rig par bya'o/ /de la kho na'i don bsdus pa ni mdor bsdu na de kho na rnam pa gnyis te/ me long lta bu'i de kho na dang/ snang ba'i de kho na'o/ /de la me long lta bu'i de kho na ni rtsa ba'i de kho na ste/ lhag ma rnams der snang ba'i phyir ro/ /snang ba'i de kho na ni rnam pa dgu ste/ nga rgyal med pa'i snang ba'i de kho na dang/ phyin ci log gi gnyen po'i snang ba de kho na dang/ nyan thos kyi theg pa'i nges par 'byung ba snang ba'i de kho na dang/ rags pas yongs su smin par byed cing phra bas rnam par grol bar byed pa'i phyir theg pa chen pos nges par 'byung ba snang ba'i de kho na dang/ dpe la brten te rigs pas char gcod pa'i phyir phas rgol ba tshar gcod pa snang ba'i de kho na dang/ theg pa chen po mngon par brjod pa'i snang ba'i de kho na dang/ shes bya'i rnam pa thams cad la 'jug pa snang ba'i de kho na dang/ ma nor ba'i de bzhin nyid mngon par brjod pa snang ba'i de kho na dang/ bdag tu 'dzin pa'i gzhi la dgongs pa thams cad rtogs pa snang ba'i de kho na'o/ /bstan bcos dbus dang mdza' rnam par 'byed pa las de kho na zhes bya ba'i le'ur bcad pa gsum pa'i 'grel pa'o// //bstan bcos dbus dang mdza' rnam par 'byed pa'i 'grel pa/ /bam po gnyis pa ste tha ma'o/ gnyen po bsgom pa ni byang chub kyi phyogs bsgom pa ste/ de da brjod par bya'o/ /de la re zhig dang por/ gnas ngan len phyir srang rgyu'i phyir/ /gzhi yi phyir dang ma rmongs phyir/ /bden pa bzhi

  35. 18a

    la 'jug bya bas/ /dran pa nye bar bzhag pa bsgom/ /lus kyis ni gnas ngan len rab tu ston te/ de yang yongs su brtags pas sdug bsngal gyi bden pa la 'jug go /de'i mtshan nyid ni gnas ngan len dang bcas pa'i 'du byed yin pa'i phyir ro/ /gnas ngan len ni 'du byed kyi sdug bsngal nyid de des zag pa dang bcas pa'i dngos po thams cad 'phags pas sdug bsngal du gzigs so/ /sred pa'i rgyu tshor ba ste/ de la yongs su brtags pas kun 'byung gi bden pa la 'jug go /bdag tu mngon par zhen pa'i gzhi ni sems te/ de la yongs su brtags pas 'gog pa'i bden pa la 'jug ste/ bdag chad par dogs pa'i 'jig pa med pa'i phyir ro/ /chos la yongs su brtags pas/ kun nas nyon mongs pa dang rnam par byang ba'i chos la rmongs pa med pa'i phyir lam gyi bden pa la 'jug go /de bas na bden pa bzhi la 'jug par bya ba'i phyir thog mar dran pa nye bar gzhag pa bsgom pa rnam par bzhag go /de'i 'og tu yang dag par spong ba bsgom pa ste/ 'di ltar mi mthun phyogs dang gnyen po rnams/ /rnam pa thams cad yongs shes nas/ /de dag spang phyir brtson 'grus ni/ /rnam pa bzhi dag rab tu 'byung/ /dran pa nye bar gzhag pa bsgoms pas mi mthun pa'i phyogs dang gnyen po thams cad du yongs su shes nas/ mi mthun pa'i phyogs bsal zhing gnyen po bskyed pa'i phyir brtson 'grus rnam pa bzhi rab tu 'byung ste/ sdig pa mi dge ba'i chos skyes pas rnams spang ba'i phyir zhes rgya cher 'byung ba'o/ /de gnas las su rung ba nyid/ /don rnams thams cad 'byor bar 'gyur/ /nyes pa lnga spong 'du byed brgyad/ /brten pa'i rgyu la byung ba'o/ /de spangs pa'i phyir brtson 'grus rtsom pa de la sems gnas pa'i las su rung ba nyid ni rdzu 'phrul gyi rkang pa bzhi po dag ste/ don thams cad 'byor ba'i rgyu yin pa'i phyir ro/ /gnas pa ni 'dir sems gnas pa ste/ ting nge 'dzin du rig par bya'o/ /de'i phyir yang dag par spong ba'i 'og tu

  36. 18b

    rdzu 'phrul gyi rkang pa rnams so/ /las su rung ba de yang nyes pa lnga spang ba'i phyir spong ba'i 'du byed brgyad bsgoms pa'i rgyu las byung bar rig par bya'o/ /nyes pa lnga po de dag gang zhe na/ gsungs pa/ le lo dang ni gdams ngag rnams/ /brjed dang bying dang rgod pa dang/ /'du mi byed dang 'du byed dang/ /'di dag nyes pa lngar 'dod de/ /de la bying ba dang rgod pa ni nyes pa gcig tu bsdu'o/ /bying ba dang rgod pa rab tu zhi bar bya ba'i dus na mngon par 'du mi byed na nyes pa'o/ /rab tu zhi ba'i tshe ni mngon par 'du byed pa'o/ /de dag spangs pa'i phyir spong pa'i 'du byed brgyad ji ltar rnam par bzhag ce na/ le lo spang pa'i phyir bzhi ste/ 'dun pa dang/ rtsol ba dang/ dad pa dang/ shin tu sbyangs pa'o/ /de dag kyang go rim bzhin du rig par bya ste/ gnas dang de la gnas pa dang/ /rgyu dang 'bras bu nyid du'o/ /rtsol ba'i gnas ni 'dun pa'o/ /gnas pa ni rtsol ba'o/ /gnas 'dun pa de'i rgyu ni dad pa ste/ yid ches par gyur na mngon par 'dod pa'i phyir ro/ /gnas rtsol ba de'i 'bras bu ni shin tu sbyangs pa ste/ brtson 'grus brtsams pas ting nge 'dzin gyi khyad par thob pa'i phyir ro/ /spong ba'i 'du byed lhag ma bzhi ni dran pa dang/ shes bzhin dang/ sems pa dang/ btang snyoms te/ nyes pa bzhi'i gnyen por grangs bzhin no/ /de dag kyang dran pa la sogs par rig par bya ste/ go rim bzhin no/ /dmigs pa brjed par ma gyur dang/ /bying dang rgod pa rtogs pa dang/ de spang mngon par 'du byed dang/ /zhi tshe rnal du 'jug pa'o/ /dran pa ni dmigs pa ma brjed pa'o/ /shes bzhin ni dran pa ma brjed par gyur na bying ba dang rgod pa rtogs pa'o/ /rtogs nas de dang 'bral ba'i phyir mngon par 'du byed pa ni sems pa'o/ /bying ba dang rgod pa de nye bar zhi bar gyur ba na rnal du 'jug pa ni sems btang snyoms su byed pa'o/ /rdzu 'phrul gyi rkang ba'i 'og tu dbang po rnams te/ dad pa la sogs pa'o/ /de

  37. 19a

    dag las ji ltar rnam par bzhag ce na/ thar pa'i cha dang mthun bskyed nas/ /'dun dang sbyor ba dbang byed de/ /dmigs pa brjed par ma gyur dang/ /mi 'phro rnam par 'byed kyang ngo/ /dbang byed pa zhes bya bar snyems so/ /rdzu 'phrul gyi rkang pa rnams kyi sems las su rung ba dang/ thar pa'i cha dang mthun pa'i dge ba'i rtsa ba bskyed nas/ 'dun pa ni dbang byed pa/ sbyor ba ni dbang byed pa/ dmigs pa ma brjed pa ni dbang byed pa/ mi 'phro ba ni dbang byed pa/ rab du rnam par 'byed pa ni dbang byed pa ste/ dad pa la sogs pa dbang po lnga dag dang/ go rim bzhin du rig par bya'o/ /dad pa la sogs pa de dag nyid stobs dang ldan par 'gyur ba la stobs rnams shes bya ste/ de dag mi mthun phyogs ni bsrabs pa'i phyir ro/ /stobs ldan gang gi tshe de dag nyid ma dad pa la sogs pa snga phyir bstan ce na/ 'di ltar snga ma'i 'bras bu phyi ma yin/ dad par gyur pa de rgyu dang 'bras bu la brtson 'grus rtsom mo brtson 'grus brtsams pa ni/ dran pa nye bar gnas pa ni sems mnyam par 'jog go /sems mnyam par bzhag pa ni yang dag pa ji lta ba bzhin du rab tu shes so/ /thar pa'i cha dang mthun pa bskyed zin nas dbang po rnams bstan na/ /nges par 'byed pa'i cha dang mthun pa rnams ci dbang po'i dus la rig par bya 'am/ 'on te stobs kyi dus la rig par bya zhen/ dbang po rnams dang stobs rnams la/ nges 'byed cha mthun gnyis gnyis so/ /dro bar gyur pa rnams dang rtse mo dag gi tshe dbang po rnams la/ nges 'byed cha mthun gnyis gnyis so/ /dro bar gyur pa rnams dang rtse mo dag gis tshe ni dbang po rnams so/ /bzod pa dag dang 'jig rten pa'i chos kyi mchog rnams kyi cha ni stobs rnams so/ /stobs kyi 'og tu byang chub kyi yan lag rnams te/ de dag ji ltar rnam par bzhag ce na/ rang bzhin yan lag gnas yan lag /gsum pa nges 'byung yan lag ste/ bzhi pa phan yon yan lag yin/ /rnam gsum nyon

  38. 19b

    mongs med yan lag /mthong ba'i lam la byang chub kyi yan lag bdun du gyur pa dag ni byang chub kyi yan lag rnams so/ /de la dran pa ni byang chub kyi gnas kyi yan lag go /brtson 'grus ni nges par 'byung pa'i yan lag go /dga' ba ni phan yon gyi yan lag go /rnam pa gsum ni kun nas nyon mongs pa med pa'i yan lag ste/ shin tu sbyangs pa dang/ ting nge 'dzin dang/ btang snyoms so/ /ci'i phyir kun nas nyon mongs pa med pa'i yan lag rnam pa gsum du bstan ce na/ 'di la gzhi dang gnas dang ni/ ngo bo nyid du bstan pa yin/ /kun nas nyon mongs pa ni gnas ngan len gyi rgyu las byung ba'i phyir ro/ /shin tu sbyangs pa ni kun nas nyon mongs pa med pa'i gzhi ste/ /de ni de'i gnyen po yin pa'i phyir ro/ /ting nge 'dzin ni gnas so/ /btang snyoms ni ngo bo nyid do/ /byang chub kyi yan lag gi 'og tu lam gyi yan lag rnams te/ de dag ji ltar rnam par bzhag ce na/ /yongs su gcod dang go byed dang/ /rnam gsum gzhan yid ches par byed/ /mi mthun phyogs kyi gnyen por ni/ /lam gyi yan lag de brgyad do/ /yang dag pa'i lta ba ni bsgom pa'i lam gyi tshe mthong ba'i lam la yongs su gcod pa'i yan lag ste/ /'jig rten las 'das pa'i rjes las thob pa 'jig rten pa des rang gi rtog pa yongs su gcod do/ /yang dag pa'i rtog pa dang/ yang dag pa'i dag ni gzhan go bar byed pa'i yan lag ste/ kun slong ba dang bcas pas ngag gis de go bar byed pa'i phyir ro/ /gzhan yid ches par byed pa'i yan lag ni rnam pa gsum ste/ yang dag pa'i dag dang/ las kyi mdza' dang/ 'tsho ba'o/ /de dag kyang go rim bzhin du/ lta dang tshul khrims yo byad bsnyungs/ /gzhan la rnam par rig byed 'dod/ yang dag pa'i dag gis bsnyad pa dang/ 'brel ba'i gtam rnam par nges pas shes rab la yid ches par 'gyur ro/ /yang dag pa'i las kyi mdza' ni/ tshul khrims la ste/ bya ba ma yin pa mi byed pa'i phyir ro/ /yang dag pa'i 'tsho bas ni yo byad bsnyungs pa la ste/ chos kyi gos la sogs pa tshor zin par tshol ba'i phyir ro/ /mi mthun pa'i phyogs kyi gnyen po'i yan lag ni rnam pa gsum ste/ yang dag pa'i rtsol

  39. 20a

    ba dang/ dran pa dang ting nge 'dzin to/ /de dag ni go rim bzhin du/ nyon mongs nye ba'i nyon mongs dbang/ /mi mthun phyogs kyi gnyen pa'o/ /mi mthun phyogs ni rnam pa gsum ste/ bsgom pas spang bar bya ba'i nyon mongs pa dang/ nye ba'i nyon mongs pa bying ba dang rgod pa dang/ dbang gi mi mthun pa'i phyogs te/ yon tan khyad par can mngon par sgrub pa'i gegs su gyur pa'o/ /de la dang po'i gnyen po ni yang dag pa'i rtsol ba ste/ des lam bsgom pa'i phyir ro/ /gnyis pa ni yang dag pa'i dran pa ste/ zhi gnas la sogs pa'i rgyu rnams la dran pa shin tu nye bar gnas pas bying ba dang rgod pa med pa'i phyir ro/ /gsum pa ni yang dag pa'i ting nge 'dzin te/ bsam gtan la gnas nas mngon par shes pa la sogs pa yon tan mngon par bsgrub pa'i phyir ro/ /gnyen po bsgom pa de mdor bsdus na rnam pa gsum du rig par bya ste/ rjes su mthun pa phyin ci log / rjes su 'brel bcas bzlog pa dang/ phyin ci ma log phyin ci log /rjes su 'brel med bsgom pa'o/ /phyin ci ma log pa'i rjes su mthun la phyin ci log pa dang/ phyin ci log med la phyin ci log rjes su 'brel pa dang/ phyin ci log kyang med la phyin ci log rjes su 'brel pa yang med pa ste/ so so skye bo dang/ slob pa dang/ mi slob pa dang/ go rim bzhin no/ /byang chub sems dpa' rnams kyi dmigs pa dang/ yid la byed pa dang/ thob pas de khyad par du 'phags te/ nyan thos dang rang sangs rgyas rnams ni rang gi rgyud du gtogs pa'i lus la sogs pa la dmigs so/ /byang chub sems dpa' rnams ni bdag dang gzhan gyi rgyud du gtogs pa rnams so/ /nyan thos dang rang sangs rgyas rnams ni lus la sogs pa mi rtag pa la sogs pa'i rnam par yid la byed do/ /byang chub sems dpa' rnams ni mi dmigs pa'i tshul rnam par yid la byed do/ /nyan thos dang rang sangs rgyas rnams ni ci nas kyang lus la sogs pa dang bral bar bya ba'i phyir dran pa nye bar gzhag pa la sogs pa bsgom mo/ /byang chub sems dpa' rnams ni 'bral bar bya ba'i phyir yang ma yin/ mi 'bral bar bya ba'i phyir yang ma yin/ ci nas kyang mi gnas pa'i mya ngan las 'das pa'i phyir bsgom mo//

  40. 20b

    gnyen pa bsgom pa bshad zin to/ /de'i gnas gang zhe na/ rgyu yi gnas dang zhugs pa dang/ /sbyor dang 'bras bur brjod pa dang/ /bya dang bya med khyad par dang/ /de ni bla ma bla na med/ /mos pa dang ni 'jug pa dang/ /nges par 'byung dang lung bstan dang/ /brjod pa dang ni dbang bskur dang/ /phyin pa dang ni phan yon dang/ /bya bsgrub pa bstan pa'o/ /de la rgyu'i gnas ni gang rigs la gnas pa'i gang zag go /zhugs pa'i gnas ni sems bskyed pa'o/ /sbyor ba'i gnas ni sems bskyed nas 'bras bu ma thob tshun chad do/ /'bras bu'i gnas ni thos pa'o/ /bya ba bcas pa'i gnas ni slob pa'o/ /bya ba med pa'i gnas ni mi slob pa'o/ /khyad par gyi gnas ni mngon par shes pa la sogs pa'i yon tan gyi khyad par dang ldan pa'o/ /bla ma'i gnas ni nyan thos la sogs pas sar zhugs pa'i byang chub pa'o/ /bla na med pa'i gnas ni sangs rgyas te/ de'i gong na gnas med pa'i phyir ro/ /mos pa'i gnas ni byang chub sems dpa' rnams kyi mos pas spyod pa'i sa thams cad do/ /'jug pa'i gnas ni sa dang po'o/ /nges par 'byung ba'i gnas ni de'i gong mas drug po dag go /lung bstan pa'i gnas ni sa brgyad pa'o/ /brjod pa'i gnas ni sa dgu pa'o/ /dbang bskur ba'i gnas ni sa bcu pa'o/ phyin pa'i gnas ni sangs rgyas kyi chos kyi sku'o/ /phan yon gyi gnas ni longs spyod rdzogs pa'i sku'o/ /bya ba sgrub pa'i gnas ni sprul pa'i sku'o/ /gnas rnam pa mang po 'di dag thams cad kyang mdor bsdu na/ chos kyi dbyings la rnam gsum ste/ /zhes bya bar rig par bya ste/ ma dag ma dag dag pa dang/ /rnam par dag par ci rigs sbyar/ /de la ma dag pa'i gnas ni rgyu'i gnas nas nye bar bzung ste/ sbyor ba pa'i bar du'o/ /ma dag pa dang dag pa'i gnas ni slob pa rnams so/ /rnam par dag pa'i gnas ni mi slob pa rnams so/ /'di las ji ltar 'os 'os su/ gang zag rnam par bzhag par 'dod/ /gnas rab tu dbye ba 'di las ci rigs par gang zag rnams rnam par bzhag par rig par bya ste/ 'di ni rigs la gnas pa'o/ /'di ni zhugs pa'o zhes bya ba la sogs pa'o/ /gnas bshad zin to/ /'bras bu thob pa gang zhe na/ snod gyur rnam par smin

  41. 21a

    brjod dang/ /de yi dbang gis stobs dang ni/ 'dod dang 'phel dang rnam dag ste/ /de dag 'bras bu go rim bzhin/ /snod du gyur pa ni gang dge ba dang rjes su mthun pa'i rnam par smin pa'o/ /stobs ni gang snod du gyur pa'i dbang gis dge ba shas cher gyur pa'o/ /'dod pa ni sngon goms par byas pas dge ba 'dod pa'o/ /'phel pa ni gang da ltar byung ba na dge ba'i chos la goms par byas pas dge ba'i rtsa ba rgyas pa'o/ /rnam par dag pa ni gang sgrib pa spangs pa'o/ /'di dag ni 'bras bu rnam pa lnga dang go rim bzhin te/ rnam par smin pa'i 'bras bu dang/ bdag po'i 'bras bu dang/ rgyu mthun pa'i 'bras bu dang/ skyes bu byed pa'i 'bras bu dang/ bral ba'i 'bras bu'o/ /phyi ma phyi ma thog ma dang/ /de goms byas dang rdzogs pa'o/ /rjes su mthun dang mi mthun phyogs/ /bral ba dang ni khyad par dang/ /bla ma dang ni bla na med/ /'bras bu gzhan te mdor bsdus pa'o/ /phyi ma phyi ma 'bras bu ni rigs las sems bskyed pa zhes bya ba de lta bu la sogs pa'o/ /gcig nas gcig tu brgyud par rig par bya'o/ /thog ma'i 'bras bu ni dang por 'jig rten las 'das pa'i chos theb pa'o/ /goms par byas pa'i 'bras bu ni de'i pha rol slob pa'i gnas so/ /rdzogs pa'i 'bras bu ni mi slob pa'i chos rnams so/ /rjes su mthun pa'i 'bras bu ni rgyu'i dngos pos phyi ma phyi ma 'bras bu nyid du rig par bya'o/ /mi mthun pa'i phyogs kyi 'bras bu ni spong ba'i lam ste/ thog ma'i 'bras bu gang yin pa de nyid de/ de ni mi mthun pa'i phyogs gnyen po la bya bar 'dod do/ /bral ba'i 'bras bu ni goms par byas pa'i 'bras bu dang/ rdzogs pa'i 'bras bu ste/ nyon mongs pa dang bral bar ni slob pa dang mi slob pa dang go rim bzhin no/ /khyad par gyi 'bras bu ni mngon par shes pa la sogs yon tan gyi khyad par ro/ /bla ma'i 'bras bu ni byang chub sems dpa' i sa rnams te/ de ma yin pa'i theg pa las bla mar gyur pa'i phyir ro/ /bla na med pa'i 'bras bu ni sangs rgyas kyi sa'o/ /bzhi po 'di dag ni goms par byas pa dang/ rdzogs pa'i 'bras bu'i rab tu dbye ba nyid do/ /'bras bu gzhan 'di dag ni/ mdor bstan pa ste/ rgyas par bya ba dpag tu med

  42. 21b

    do/ /de la gnyen po bsgom pa'i don bsdus pa ni byang bar bya ba'i sgom pa dang/ bsrabs pa'i sgom pa dang/ yongs su sbyang ba byas pa'i sgom pa dang/ mthong ba'i lam dang 'dre ba'i phyir 'dre ba'i sgom pa dang/ zhugs pa'i sgom pa dang/ mchog gi bsgom pa dang/ thog ma'i bsgom pa dang/ bar ma'i sgom pa dang/ mdza' i sgom pa dang/ bla ma dang bcas pa'i sgom pa dang/ bla na med pa'i sgom pa ste/ /gang dmigs pa dang/ yid la byed pa dang/ thob pa khyad par du 'phags pa'o/ /gnas rnams kyi don bsdus pa ni rigs la gnas pa'i skal pa yod pa'i gnas dang/ sems bskyed nas bzung ste/ sbyor ba'i bar du rtsom pa'i gnas dang/ ma dag pa dang dag pa'i gnas dang/ shin tu dag pa'i gnas dang/ rgyan dang bcas pa'i gnas dang/ sa bcu khyab pa'i phyir khyad par bya ba'i gnas dang/ bla na med pa'i gnas so/ /'bras bu rnams kyi don bsdus pa dang de'i bye brag dang/ sngon goms par byas pa dang/ gong nas gong du bsgrub pa dang/ bstan pa dang/ bshad pa'o/ /de la bsdus pa ni 'bras bu lnga'o/ /de'i bye brag ni lhag ma rnams so/ /sngon goms par byas pa ni/ rnam par smin pa'i 'bras bu'o/ /de grong nas grong du bsgrub pa ni/ de ma yin pa gzhan bzhi'o// bstan pa ni phyi ma phyi ma'i 'bras bu la sogs pa bzhi'o/ /bshad pa ni rjes su mthun pa'i 'bras bu la sogs pa drug ste/ de dag nyid bshad pa'i phyir ro/ /bstan bcos dbus dang mdza' rnam par 'byed pa las gnyen po bsgom pa zhes bya ba'i le'ur bcad pa bzhi pa'i 'grel pa'o// //da ni theg pa bla na med pa bshad dgos pas de brjod do/ /bla med nyid ni sgrub pa dang/ dmigs pa dang ni yang dag 'grub/ /bstan pa yin par 'dod pa'o/ /theg pa chen po bla na med pa nyid rnam pa gsum ste/ des bla na med pa nyid du 'gyur ro/ /sgrub pa bla na med pa nyid dang/ dmigs pa bla na med pa nyid dang/ yang dag par 'grub pa bla na med pa nyid do/ /de la sgrub pa bla na med pa nyid ni pha rol tu phyin pa bcu bsgrub par rig par bya'o/ /sgrub pa dag ni rnam drug ste/ pha rol phyin pa de dag la'o/ /dam pa dang ni yid byed dang/ /rjes mthun

  43. 22a

    chos mdza' spangs pa dang/ khyad par can dang khyad par med/ /rnam pa drug po 'di dag ni sgrub pa ste/ 'di ltar dam par sgrub pa dang/ yid la byed pa la sgrub pa dang/ rjes su mthun pa'i chos sgrub pa dang/ mdza' gnyis rnam par spangs pa sgrub pa dang/ khyad par can sgrub pa dang/ khyad par med pa sgrub pa'o/ /de la dam pa bcu gnyis bdag nyid de/ rgya che ba dang yun ring dang/ /ched du bya dang mi zad dang/ /rgyun mi 'chad dang tshegs med dang/ /dbang 'byor pa dang yongs bzung dang/ /rtsom dang thob dang rgyu mthun dang/ /'grub pa dam par 'dod pa yin/ rnam pa bcu gnyis po 'di dag ni dam pa ste/ 'di ltar rgya che ba dam pa dang/ yun ring ba dam pa dang/ ched du bya ba dam pa dang/ zad mi shes pa dam pa dang/ rgyun mi 'chad pa dam pa dang/ tshegs med pa dam pa dang/ dbang 'byor pa dam pa dang/ yongs su bzung ba dam pa dang/ rtsom pa dam pa dang/ rab tu thob pa dam pa dang/ rgyu mthun pa dam pa dang/ 'grub pa dam pa'o/ /de la rgya che ba dam pa ni/ 'jig rten gyi phun sum tshogs pa thams cad mi 'dod pa dang/ mchog tu rig par bya'o/ /yun ring ba dam pa ni/ bskal pa grangs med pa gsum du yongs su bsgoms pa'i phyir ro/ /ched du bya ba dam pa sems can thams cad kyi don bya ba'i ched kyi phyir ro/ /zad mi shes pa dam pa ni/ byang chub chen por yongs su bsngos pas gtan du yongs su gtugs par mi 'gyur ba'i phyir ro/ /rgyun mi 'chad pa'i dam pa ni/ bdag gzhan mnyam pa nyid du mos pa'i phyir te/ sems can thams cad la sbyin pa la sogs pas pha rol tu phyin pa rnams yongs su rdzogs par byed pa'i phyir ro/ /tshegs med pa dam pa ni gzhan gyi sbyin pa la sogs pa la rjes su yi rang ba tsam gyi pha rol tu phyin pa yongs su rdzogs par byed pa'i phyir ro/ dbang 'byor pa dam pa ni nam mkha' mdzod kyi ting nge 'dzin la sogs pa sbyin pa la sogs pa yongs su rdzogs par byed pa'i phyir ro/ /yongs su bzung ba dam pa ni rnam par mi rtog pa'i ye shes kyis yongs su bzung ba'i phyir ro/ /rtsom pa dam pa ni mos pas spyod pa'i sa

  44. 22b

    la bzod pa cher gyur pa'o/ /'thob pa dam pa ni sa dang po la'o/ /rgyu mthun pa dam pa ni de ma yin pa gzhan brgyad po dag la'o/ /'grub pa dam pa ni sa bcu pa dang/ de bzhin gshegs pa'i sa la byang chub sems dpa' 'grub pa dang/ sangs rgyas 'grub pa'i phyir ro/ /de phyir dam pa'i don gyis na/ pha rol phyin pa bcur 'dod do/ /'di ltar dam pa bcu gnyis po 'di dag ni de dag la yod pa'i phyir ro/ /dam pa zhes bya ste/ don 'dis pha rol tu phyin pa drug po dag tu 'dod do/ /kha cig bcu gang yin snyam du sems pa la/ de dag gis ming bstan bar bya ba'i phyir/ /sbyin dang tshul khrims bzod brtson 'grus/ /bsam gtan dang ni shes rab thabs/ /smon lam stobs dang ye shes dang/ /'di dag pha rol phyin pa bcu'o/ /zhes bya ba brjod do/ /'di dag gi so so'i las ci zhe na/ las ni rjes su 'dzin byed dang/ gnod mi byed dang de la bzod/ /yon tan 'phrel dang 'dzud nus dang/ /rnam par grol bar byed pa dang/ /mi zad pa dang rtag 'jug dang/ /nges par longs spyod smin par byed/ /'di dag ni go rim bzhin du de dag gi las te/ byang chub sems dpa' i sbyin pas ni sems can rnams rjes su 'dzin to/ /tshul khrims kyis ni de dag la gnod par mi byed do/ /bzod pas ni gzhan dag gi gnod par byas pa la ci mi snyam par byed do/ /brtson 'grus kyis ni yon tan rnams 'phel bar byed do/ /bsam gtan gyis ni rdzu 'phrul la sogs pas mgu bar byas te 'dzud do/ /shes rab kyis ni yang dag pa'i gdams ngag byin pas rnam par grol bar byed do/ /thabs la mkhas pa'i pha rol tu phyin pas ni byang chub chen por yongs su bsngos pas sbyin pa la sogs pa mi zad par byas? smon lam gyi pha rol tu phyin pas ni/ mthun pa'i skye bo yongs su 'dzin pas tshe rabs thams cad du sangs rgyas 'byung ba mnyes par byed cing sbyin pa la sogs pa la rtag tu 'jug go /stobs kyi pha rol tu phyin pas ni so sor rtog pa dang/ sgom pa'i stobs gnyis

  45. 23a

    kyis mi mthun pa'i phyogs kyis zil gyis gnon pa'i phyir sbyin pa la sogs pa la nges par 'jug go /ye shes kyi pha rol tu phyin pas ni chos la dgra bzhin du rmongs pa dang bral bas sbyin pa la sogs pa'i dbang du mdzad pa'i chos la longs spyod pa myong ba dang/ sems can rnams kyang yongs su smin par byed do/ /dam pa bsgrub pa bshad zin to/ /yid la byed pa bsgrub pa gang zhe na/ theg pa chen por ci lta bur chos rnams btags pa mdzad pa dag /byang chub sems dpa' rtag par yang/ /shes rab gsum gyis yid la byed pa'o/ /sbyin pa la sogs ba'i dbang du mdzad nas theg pa chen por mdo la sogs pa ji ltar btags pa'i chos rnams thos pa dang/ bsams pa dang/ bsgoms pa las byung ba'i shes rab kyis rgyun du yid la byed pa ni/ yid la byed pa bsgrub pa'o/ shes rab rnam pa gsum gyis yid la byed pa des yon tan ci zhig thob ce na/ khams rtas byed dang 'jug byed dang/ /de ni don rnams 'grub par 'gyur/ /thos pa las byung ba'i shes rab kyis yid la byed pas khams rtas par 'gyur ro/ /bsams pa las byung bas ni thos pa don la snying nas 'jug par byed do// bsgoms pa las byung bas ni don 'grub par 'gyur te/ sa la 'jug pa yongs su spyod ba'i phyir ro/ /de ni chos sbyong rnam bcu dang/ /yang dag ldan par shes par bya/ /yid la byed pa sgrub pa ste/ /de yang chos spyod pa rnam pa bcus yongs su bzung bar rig par bya'o/ chos spyod rnam pa bcu gang zhe na/ yi ge 'dri mchod sbyin pa dang/ /nyan dang klog dang len pa dang/ 'chad dang kha ton byed pa dang/ /de sems pa dang bsgom pa dang/ theg pa chen po'i yi ger 'dri pa dang mchod pa dang/ gzhan dag la sbyin ba dang/ gzhan glog pa la nyan pa dang/ bdag nyid klog pa dang/ len pa dang/ tshig dang don 'chad pa dang/ kha ton byed pa dang/ sems pa dang/ sgom pa'o/ /spyod pa de bcu'i bdag nyid ni/ /bsod nams phung po dpag tu med/ /ci'i phyir mdo dag las theg pa chen po nyid kyi chos spyod pa

  46. 23b

    shin tu 'bras bu che bar bstan gyi/ nyan thos kyi theg pa la ni ma yin zhe na/ rnam pa gnyis kyi phyir te/ khyad par phyir dang mi zad phyir/ /khyad par phyir ni ci lta bu/ /mi zad pa'i phyir ci lta bu zhe na/ gzhan la phan 'dogs ma zhi'i phyir/ /gzhan la phan 'dogs par zhugs pa'i phyir khyad par du 'phags so/ /yongs su mya ngan las 'das pa na yang zhi ba med cing rgyun mi 'chad pa'i phyir mi zad par rig par bya'o/ /yid la byed pa bsgrub pa bshad zin to/ /rjes su mthun pa'i chos bsgrub pa gang zhe na/ mi g.yeng phyin ci ma log par gyur pa rjes su mthun pa'i chos sgrub pa ste/ 'di ltar rnam par mi g.yeng ba dang/ phyin ci ma log par gyur pa'o/ /de la rnam par mi g.yeng ba ni rnam pa drug med pa'i phyir/ mi g.yeng ba'o/ /g.yeng ba rnam pa drug ni/ rang bzhin gyis rnam par g.yeng pa dang/ phyi rol tu rnam par g.yeng ba dang/ nang gi rnam par g.yeng ba dang/ mtshan ma'i rnam par g.yeng ba dang/ gnas ngan lan gyi rnam par g.yeng ba dang/ yid la byed pa'i rnam par g.yeng ba'o/ /'di dag gi mtshan nyid ci lta bur rig par bya zhe na/ ldang dang yul la 'jug pa dang/ /de bzhin ro myang bying dang rgod?/ /yid ches pa yi bsam pa dang/ /yid la byed pa ngar 'dzin dang/ /chung ngu'i sems kyi g.yeng ba ste/ /blo ldan rnams kyis shes par bya/ /rnam par g.yeng ba rnam pa drug gi mtshan nyid ni de lta bu yin te/ de byang chub sems dpa' yongs su shes par bya'o/ /de ldang ba ni rnam par shes pa'i tshogs lnga rnams kyis ting nge 'dzin las ldang ba ste/ rang bzhin gyis rnam par g.yeng ba'o/ /yul la 'jug pa ni phyi rol tu rnam par g.yeng ba'o/ /ting nge 'dzin gyis ro myang ba dang/ /bying ba dang/ rgod pa ni nang gi rnam par g.yeng ba'o/ /yid ches pa'i bsam pa ni mtshan ma'i rnam par g.yeng ba ste/ de mtshan mar byas nas sbyor ba'i phyir ro/ /ngar 'dzin pa dang bcas pa'i yid la byed pa ni gnas ngan len gyi rnam

  47. 24a

    par g.yeng ba ste/ gnas ngan len gyi dbang gis nga'o snyam pa'i nga rgyal kun tu 'byung ba'i phyir/ dman pa'i sems ni yid la byed pa'i rnam par g.yeng ba ste/ theg pa dman pa yid la byed pa kun du 'byung ba'i phyir ro/ /de la phyin ci ma log pa'i dngos po ni rnam pa bcus rig par bya ste/ 'di lta ste/ yi ge don dang yid byed dang/ /mi 'phro ba dang mtshan nyid gnyis/ /ma dag dag dang glo bur dang/ /mi sdang ba dang khengs pa med/ /de la 'brel pa'i phyir dang 'dres phyir dang/ /ma 'brel phyir dang ma 'dres phyir/ /don yod pa dang med pa ste/ /de ni yi ger ma log pa'o/ yi ge rnams dang 'brel te rgyun mi 'chad par brjod pa dang/ 'di'i ming ni 'di zhes bya'o zhes 'dris pas don yod pa nyid do/ /bzlog pa ni don med pa nyid do/ /zhes de ltar mthong ba gang yin pa de ni yi ge la phyin ci ma log par rig par bya'o/ /don la phyin ci ma log pa ji lta bu zhe na/ gnyis su snang bar gyur pa ni/ de ltar yod pa yin te/ /de ni don la ma log pa/ /yod dang med pa rnam par spangs/ /gnyis ni gzung ba dang 'dzin par snang ba ste/ de'i rnam par 'byung ba'i phyir ro/ /rtog pa de yis bsgos pa ni/ /rtog pa yid byed de'i gnas ni/ /yid la byed pa ma log pa/ /gnyis su snang ba'i rgyu la'o/ /gzung ba dang 'dzin par rtog pas yongs su bsgos pa ni rtog pa'i yid la byed pa ste/ gzung ba dang 'dzin pa rnam par rtog pa de'i rten yin pas/ 'di ni yid la byed pa la phyin ci ma log pa'o/ /yid la byed pa gang la phyin ci ma log ce na/ gzung ba dang 'dzin pa gnyis su snang ba'i rgyu la ste/ rtog pa yid la byed pa de ni brjod pa'i 'du shes kyis yongs su bsgos pa'i phyir ro/ /don gyis med dang yod pa ste/ /sgyu ma la sogs bzhin du 'dod/ /de ni mi 'phro ma log ste/ /yod dang med par mi 'phro'i phyir/ don gyi med pa dang yod pa gong du bshad ma thag gang yin pa de ni sgyu ma la sogs pa bzhin du 'dod de/ dper na sgyu

  48. 24b

    ma'i glang po che la sogs pa'i dngos por yod pa yang ma yin la/ /de'i 'khrul pa tsam du yod pa'i phyir med pa yang ma yin no/ /de bzhin du don kyang ji ltar gzung ba dang 'dzin par snang ba ltar yod pa ma yin la/ de la 'khrul ba tsam du yod pa'i phyir med pa yang ma yin no/ /sogs pa zhes bya ba'i sgras ni smig rgyu dang/ rmi lam dang/ chu zla la sogs pa'i dpe rnams te/ ci rigs su rig par bya'o/ /de ltar don la sgyu ma la sogs pa lta bur mthong nas sems mi 'phro bar mthong ba gang yin pa de ni mi 'phro ba la phyin ci ma log pa ste/ des yod pa dang med pa la sems 'phro ba med pa'i phyir ro/ /rtog pa thams cad mi 'jug phyir/ /thams cad mi gtsang kho na ste/ /rang gi mtshan nyid ma log pa'o/ gang 'di mig dang gzugs rnams nas/ /yid dang chos rnams shes bya'i bar 'di dag thams cad ni ming tsam mo zhes de ltar gang shes pa ni rnam par rtog pa thams cad kyi gnyen po yin pas 'di ni rang gi mtshan nyid la phyin ci ma log pa'o/ /rang gi mtshan nyid gang la zhe na/ don dam rang gi mtshan nyid la'o/ /kun? rdzob du ni 'di ming tsam mo/ /zhes 'dzin pa med do/ /chos kyi dbyings ni ma gtogs par/ /'di ltar chos yod ma yin te/ /de'i phyir spyi'i mtshan nyid der/ de ni phyin ci ma log pa'o/ /chos la bdag med pa las ma gtogs par chos gang med de/ de bas na chos kyi dbyings ni chos thams cad kyi spyi'i mtshan nyid do/ /zhes de ltar shes pa gang yin pa nga ni spyi'i mtshan nyid la phyin ci ma log pa'o/ /phyin ci log gi yid la byed/ /ma spangs pa dang spangs pa las/ /de ni ma dag rnam dag ste/ /de yang de la ma log pa'o/ /phyin ci log gi yid la byed pa ma spangs pa ni chos kyi dbyings de rnam par ma dag pa'o/ /spangs pa ni rnam par dag pa'o/ /zhes de ltar shes pa gang yin pa de ni rnam par ma dag pa dang/ rnam par dag pa la phyin ci ma log pa

  49. 25a

    ste/ go rim bzhin no/ /chos kyi dbyings ni rang bzhin gyis/ /rnam par dag phyir nam mkha' bzhin/ /gnyis ni glo bur byung ba ste/ de yang de lam log pa'o/ chos kyi dbyings ni nam mkha' bzhin rang bzhin gyis rnam par dag pa'i phyir/ rnam par ma dag pa dang/ phyis rnam par dag ces bya ba 'di gnyis kyang glo bur yin par de ltar shes pa gang yin pa de ni glo bur du byung ba nyid la phyin ci ma log pa'o/ /chos rnams dang ni gang zag gis/ /kun nas nyon mongs rnam dag med/ /med phyir de bas skrag dang ngo/ /med de de 'dir ma log pa/ /gang zag gi kun nas nyon mongs pa med pas rnam par dag pa med do/ /chos kyi yang med de/ /'di ltar gang zag med cing chos med pa'i phyir ro/ /gang gi phyir kun nas nyon mongs pa gang yang med cing rnam par byang ba yang med pa de'i phyir kun nas nyon mongs pa'i phyogs la su yang 'grub pa yang med la/ rnam par byang ba'i phyogs la su'i khyad par du 'gyur ba'ang med na/ de'i phyir skrag pa 'am nga rgyal du gyur te/ 'di ni skrag pa med pa dang/ khengs pa med pa la phyin ci ma log pa'o/ /phyin ci ma log pa bcu po 'di dag ni rdo rje'i tshig bcu bo dag rang go rim bzhin du sbyar bar bya ste/ rdo rje'i tshig bcu po 'di dag ni/ yod pa dang med pa dang/ phyin ci ma log pa dang/ gnas dang/ sgyu ma lta bu nyid dang/ rnam par mi rtog pa nyid dang/ rang bzhin gyis 'od gsal ba nyid dang/ kun nas nyon mongs pa dang/ rnam par byang ba dang/ nam mkha' lta bu dang/ 'grib pa med pa dang/ khyad par du 'phags pa med pa'o/ /rdo rje'i tshig rnams kyi lus rnam par bzhag pa ni ngo bo nyid rnam gsum dmigs pa dang/ rnam par mi rtog pa nyid dang/ brgal ba dang/ lan te/ rdo rje'i tshig lhag ma rnams so/ /lus rnam par bzhag pa gnyis pa ni/ gang la gang zhig gang gis 'khrul/ /ma 'khrul gang zhig gang la dang/ /'khrul dang ma 'khrul 'bras bu nyid//

  50. 25b

    de gnyis kyis ni mdza' ma'o/ /rdo rje'i tshig rnams kyis bsdus pa'i don ni ngo bo nyid gsum ni dmigs pa ste/ yongs su grub pa dang/ kun brtags pa dang/ gzhan gyis dbang zhes bya ba dag ste/ tshig dang po gsum dang/ go rim bzhin no/ /rnam par mi rtog pa nyid ni gang gis rnam par mi rtog ce na/ rnam par mi rtog pa'i ye shes kyis so/ /gang la rnam par mi rtog ce na/ rang bzhin gyis 'od gsal ba nyid la'o/ /de bas na 'dis shes bya dang/ shes pa rnam par bzhag pa 'di lta ste/ ngo bo nyid gsum dang/ rnam par mi rtog pa nyid dang go rim bzhin du rigs par bya'o/ /brgal ba dang/ lan ni lhag ma rnams so/ zhes bya ba de la brgal ba ni 'di yin te/ gal te kun brtags pa dang/ gzhan gyi dbang gi mtshan nyid kyis chos de dag med na ji ltar dmigs par 'gyur pa ci ste yod na de lta na go chos rnams rang bzhin gyis 'od gsal ba nyid du ring ngo zhe na/ de'i lan ni sgyu ma lta bu nyid yin te/ dper na sgyu ma byas pa ni med kyang dmigs pa lta bu'o/ /gal te chos rnams rang bzhin gyis 'od gsal ba nyid yin na ji ltar sngar kun nas nyon mongs la phyis rnam par byang zhe na/ de'i lan ni kun nas nyon mongs pa dang/ rnam par byang ba nam mkha' lta bur rig par bya ba yin te/ dper na nam mkha' rang bzhin gyis rnam par dag pa la kun nas nyon mongs so/ /rnam par byang ngo zhes bya ba lta bu'o// gal te sangs rgyas dpag tu med pa byung ste/ sems can dpag tu med pa dag gis kun nas nyon mongs pa bsal na/ de'i phyir ci ltar 'khor ba rgyun chad par mi 'gyur zhing mya ngan las 'das 'das pa 'phel bar mi 'gyur zhe na/ de'i lan ni 'grub pa med pa dang/ khyad par du 'phags pa med pa nyid yin te/ sems can gyi khams dang/ rnam par byang ba'i phyogs dpag tu med pa'i phyir ro/ /yod med phyin ci ma log dang/ /gnas dang sgyu ma lta bu nyid/ /mi rtog pa dang rang bzhin gyis/ /rtag par 'od

  51. 26a

    gsal nyid dang ni/ /kun nas nyon mongs rnam byang dang/ /de bzhin nam mkha' lta bu nyid/ /'grib pa med dang lhag med pa/ /rdo rje tshig ni bcu zhes bya/ /rjes su mthun pa'i chos sgrub pa bshad zin to/ /mdza' gnyis spangs pa bsgrub pa gang zhe na/ gang dkon mchog brtsegs pa las dbu ma'i lam bshad pa'o/ /mdza' gang dang gang spangs pas de rig par zhe na/ tha dad pa dang gcig mdza' dang/ /mu stegs nyan thos gnyis ka dang/ /gang zag chos la sgro 'dogs dang/ /skur 'debs mdza' rnam gnyis gnyis dang/ /mi mthun phyogs dang gnyis po'i mdza' / /rtag dang chad par 'du shes dang/ gzung dang 'dzin dang kun snyoms dang/ /rnam par byang la gnyis dang gsum/ /rnam par rtog pa gnyis kyi mdza' / /de ni rnam pa bdun du 'dod/ /dngos yod dngos med zhi byed dang/ /zhi byed skrag bya de las 'jigs/ /gzung dang 'dzin dang yang dag nyid/ /log pa nyid dang byed dang min/ /skye ba med dang mnyam pa'i dus/ /de ni rnam rtog gnyis kyi mdza' / /de la gzugs la sogs pa dang bdag tha dad ces bya ba yang mdza' o/ /gcig ces bya ba yang mdza' o/ /de yongs su spangs pa'i phyir dbu ma'i lam ste/ gang bdag med par so sor rtogs nas/ shed bu med par so sor rtog pa'i bar du'o/ /bdag tu lta ba ni srog kyang gzhan la lus kyang gzhan pa dang/ srog de nyid lus yin zhes bya bar lta ba yin no/ /gzugs la sogs pa rtag go /zhes bya ba ni mu stegs can gyi mdza' o/ /mi rtag go zhes bya ba ni nyan thos kyi mdza' o/ /de yongs su spang pa'i phyir dbu ma'i lam ste/ gang gzugs la sogs pa la rtag pa yang mi rtog /mi rtag par yang mi rtog pa'o/ /bdag ces bya ba ni gang zag tu sgro 'dogs pa'i mdza' o/ /bdag med ces bya ba ni/ skur pa 'debs pa'i mdza' ste/ btags pa'i yod pa la skur pa 'debs pa'i phyir ro/ /de yongs su spang pa'i phyir dbu ma'i lam ste/ gang bdag dang bdag med pa gnyis kyi dbus ni rnam par mi rtog pa nyid

  52. 26b

    do/ /sems yang dag pa'o zhes bya ba ni chos la sgro 'dogs pa'i mdza' o/ /sems yang dag pa ma yin no zhes bya ba ni skur pa 'debs pa'i mdza' o/ /de yongs su spang ba'i phyir dbu ma'i lam ste/ gang la sems med pa dang/ sems pa med pa dang/ yid med pa dang/ rnam par shes pa med pa'o/ /mi dge ba la sogs pa'i chos rnams ni kun nas nyon mongs pa'o zhes bya ba ni mi mthun pa'i phyogs kyi mdza' o/ /dge ba la sogs pa ni rnam par byang ba'o zhes bya ba ni gnyen po'i mdza' o/ /de yongs su spang ba'i phyir dbu ma'i lam ste/ gang mdza' de gnyis khas mi lan cing mi brjod cing mi smra ba'o/ /gang zag dang chos yod do zhes bya ba ni rtag pa'i mdza' o/ /med do zhes bya ba chad pa'i mdza' o/ /de yongs su spang ba'i phyir dbu ma'i lam ste/ mdza' de gnyis kyi dbus gang yin pa'o/ /ma rig pa la gzung ba'o 'dzin pa'o// zhes bya ba ni mdza' ste/ de bzhin du rig pa dang 'du byed rnams dang/ de'i gnyen po 'dus ma byas dang/ rga shi'i par la gzung ba'o/ /'dzin pa'o zhes bya ba yang mdza' o/ /de 'gog pa la gzung ba'o zhes bya ba yang mdza' ste/ lam gang gis de 'gag pa'o/ /de bzhin du nag po dang dkar po'i phyogs kyi bye brag gis gzung ba dang 'dzin pa'i mdza' rnam pa gnyis so/ /de yongs su spang ba'i phyir dbu ma'i lam ste/ rig pa dang ma rig pa 'di ni gnyis su med ces rgya cher 'byung ste/ rig pa dang ma rig pa la sogs pa la gzung ba dang/ 'dzin pa'i dngos po med pa'i phyir ro/ /kun nas nyon mongs pa rnam pa gsum ste/ nyon mongs pa'i kun nas nyon mongs pa dang/ las kyi kun nas nyon mongs pa dang/ skye ba'i kun nas nyon mongs pa dang/ de la nyon mongs pa'i kun nas nyon mongs pa yang rnam pa gsum ste/ lta ba dang/ 'dod chags dang/ zhes sdang dang gti mug gi rgyu dang/ yang srid pa la smon pa'o/ /de'i gnyen po ni stong pa nyid shes pa dang/ mtshan ma med pa'i shes pa dang/ smon pa med pa'i shes pa'o/ /las kyi kun nas nyon mongs pa ni dge ba dang mi dge ba'i las

  53. 27a

    mngon par 'du byed pa'o/ /de'i gnyen po ni mngon par 'du mi byed pa shes pa'o/ /skye ba'i kun nas nyon mongs pa ni yang srid par skye ba dang/ skye ba'i sems dang sems las byung ba rnams skad cig re re la 'byung ba dang/ yang srid pa'i rgyun to/ /de'i gnyen po ni skye ba med pa shes pa dang/ 'byung ba med pa shes pa dang/ ngo bo nyid med pa shes pa'o/ /kun nas nyan mongs pa rnam pa de gsum dang bral ba ni rnam par byang ba'o/ /de la stong pa nyid shes pa la sogs pas shes bya stong pa nyid la sogs pa'i chos rnams kun nas nyon mongs pa rnam pa gsum po de dag dang ci rigs par stong pa nyid la sogs pa'i bar du mi byed kyi/ /rang bzhin gyis stong pa nyid kyi la sogs te/ chos kyi dbyings rang bzhin gyis kun nas nyon mongs pa can du ma gyur pa'i phyir ro/ /gal te chos kyi dbyings kun nas nyon mongs par gyur pa'am/ rnam par dag par 'gyur ba'o/ /snyam du rnam par rtog pa 'di ni mdza' ste/ rang bzhin gyis kun nas nyon mongs pa can ma yin pa la kun nas nyon mongs pa dang/ rnam par byang ba med pa'i phyir ro/ /mdza' de gnyis yongs su spang ba'i phyir ro/ /dbu ma'i lam ste/ gang stong pa nyid kyis chos rnams stong par mi byed mod kyi/ chos rnams nyid kyis stong pa'o zhes 'byung ba la sogs pa'o/ /gzhan yang rnam par rtog pa'i mdza' gnyis rnam pa bdun te/ 'di lta ste/ dngos po yod par rnam par rtog pa yang mdza' o/ /gang zag yod do de gzhig pa'i phyir stong pa nyid do/ /yang na bdag med pa yang med do/ /snyam du rtog pa'i phyir te/ rnam par rtog pa'i mdza' 'di gnyis spang ba'i phyir dbu ma'i lam ste/ 'di lta ste/ gang zag rnam par gzhig pa'i phyir stong pa nyid ma yin gyi stong pa nyid kyis stong ste/ sngon gyi mdza' stong pa dang/ phyi ma'i mdza' stong pa zhes bya ba la sogs pa rgya cher 'byung ba'o/ /zhi bar bya bar rnam pa yang mdza' o/ /zhi bar byed pa rnam pa rtog pa yang mdza' ste/ spang bar bya ba dang/ spong bar byed

  54. 27b

    pa rnam par rtog pas stong pa nyid kyi skrag pa'i phyir ro/ /rnam par rtog pa'i mdza' de gnyis yongs su spangs pa'i phyir dben mkha' o/ /skrag par bya par rnam par rtog pa yang mdza' o/ /skrag par bya ba de las 'jigs par rnam par rtog pa yang mdza' ste/ sdug bsngal gyis khong 'das? pas kun brtags pa'i gzugs la sogs pa la skrag pa'i phyir ro/ /rnam par rtog pa'i mdza' de gnyis yongs su spangs pa'i phyir dpe ni ri mo mkhan no/ /dpe snga ma ni nyan thos rnams las brtsams pa'o/ /'di ni byang chub sems dpa' rnams las brtsams pa'o/ /gzung bar rnam par rtog pa yang mdza' o/ /'dzin par rnam par rtog pa yang mdza' o/ /rnam par rtog pa'i mdza' de gnyis yongs su spang ba'i phyir dpe sgyu ma mkhan no/ /rnam par reg pa tsam du shes pas don dngos po med par byas nas/ don dngos po med par shes pa des kyang rnam par rig pa tsam du shes pa de nyid rnam par bzlog go /don dngos po med na rnam par rig pa mi srid pa'i phyir te/ de ltar ni 'di ni? 'dir mtshungs so/ /yang dag pa nyid du rnam par rtog pa yang mdza' o/ /log pa nyid du rnam par rtog pa yang mdza' ste/ yang dag par so sor rtog pa na yang dag pa nyid du 'am/ log pa nyid du rtog pa'o/ /mdza' i de gnyis yongs su spang ba'i phyir dpe shing gnyis las me 'byung ba ste/ dper na me'i mtshan nyid ma yin pa shing gnyis las me 'byung ste/ byung nas kyang shing gnyis tshig par byed do/ /de bzhin du yang dag pa gnyis kyi mtshan nyid ma yin pa yang dag pa ji lta ba bzhin du so sor rtog pa las yang dag pa nyid kyi mtshan nyid 'phags pa'i shes rab kyi dbang po skye ste/ skyes nas kyang yang dag par so sor rtog pa de nyid rnam par 'jig par byed de/ de lta bas na 'di ni 'dir mtshungs so/ /yang dag par so sor rtog pa yang dag pa nyid kyi mtshan nyid ma yin kyang log pa nyid kyi mtshan nyid kyi ma yin te/ yang dag pa nyid kyi rjes su mthun pa'i phyir ro/ /byed bar rnam par rtog pa yang mdza' o/ /mi byed par rnam par rtog pa yang mdza' ste/ ye shes

  55. 28a

    blo sngon du 'gro bas byed pa 'am mthun med par rtog pa'o/ /rnam par rtog pa'i mdza' de gnyis yongs su spang ba'i phyir dpe mar me'o/ /skye pa med par rnam par rtog pa yang mdza' o/ /dus mnyam pa nyid du rnam par rtog pa yang mdza' ste/ /gal te gnyen po ma skyes pa'am/ /kun nas nyon mongs pa yun ring ba nyid du rtog pa'o/ /rnam par rtog pa'i mdza' de gnyis spang ba'i phyir mar me'i dpe gnyis pa'o/ /mdza' gnyis spang ba'i sgrub pa bshad zin to/ /khyad par can dang khyad par med pa sgrub pa gang zhe na/ khyad par can dang khyad par med pa ni/ sa bcu dag tu shes par bya/ /sa gang la pha rol tu phyin pa gang gi shes che ba de ni khyad par can no/ /thams cad du thams cad la yang dag par bsgrub pa na khyad par med pa'o/ /bsgrub pa bla na med pa nyid bshad zin to/ /dmigs pa bla na med pa nyid gang zhe na/ rnam par bzhag dang de bzhin dbyings/ /sgrub dang sgrub dang 'dzin pa dang/ /nges par 'dzin dang rab tu 'dzin/ /rab tu rtogs dang rab rgyas dang/ /rnam par rtog dang rnal 'dug dang/ /phul du byung ba'i dmigs par 'dod/ /dmigs pa ni rnam pa bcu gnyis po 'di dag ste/ 'di ltar chos brtags pa rnam par bzhag pa'i dmigs pa dang/ chos kyi dbyings kyi dmigs pa dang/ sgrub pa'i dmigs pa dang/ 'dzin pa'i dmigs pa dang/ nges par 'dzin pa'i dmigs pa dang/ rab tu 'dzin pa'i dmigs pa dang/ rab tu rtog pa'i dmigs pa dang/ rab tu rgyas pa'i dmigs pa dang/ rnam par khong du chud pa'i dmigs pa dang/ rnal du 'dug pa'i dmigs pa dang/ phul du byung ba'i dmigs pa'o/ /de la dang po ni pha rol tu phyin pa la sogs pa'i chos gang dag rnam par 'jog pa'o/ /gnyis pa ni de bzhin nyid do/ /gang gsum pa dang/ bzhi pa de dag nyid la go rim bzhin te/ chos kyi dbyings rab tu rtogs

  56. 28b

    pas pha rol tu phyin pa la sogs pa'i chos rnams khong du chud pa'i phyir ro/ /lnga pa ni thos pa las byung pa'i shes pa'i dmigs pa'o/ /drug pa ni bsam pa las byung ba'i ste/ /rtogs nas 'dzin pa'i phyir ro/ /bdun pa ni bsgoms pa las byung ba'i ste/ so so rang gis 'dzin pa'i phyir ro/ /brgyad pa ni sa dang po la mthong ba'i lam gyi'o/ /dgu pa ni bsgom pa'i lam gyi ste/ sa bdun pa'i bar du'o/ /bcu pa ni de nyid la 'jig rten pa dang 'jig rten las 'das pa'i lam gyi ste/ chos rnam par khong du chud pa'i phyir ro// bcu gcig pa ni sa brgyad pa la'o/ /bcu gnyis pa ni sa dgu pa la sogs pa gsum la'o/ /dang po'i gnyis po de dag ni de dang de'i dus na de dang de'i dmigs pa'i ming 'thob bo/ /dmigs pa bshad zin to/ /yang dag par 'grub pa gang zhe na/ ma tshang med dang mi spong dang/ /mi g.yeng ba dang rab rdzogs dang/ /yang dag bskyed dang phel ba dang/ /las su rung dang mi gnas dang/ /sgrib pa med pa nyid dang de/ /rgyun mi gcod pa yang dag 'grub/ /yang dag par 'grub pa ni rnam pa bcu po 'di dag ste/ de la rkyen ma tshang ba med pa ni/ rigs yang dag par 'grub pa'o/ /theg pa chen po mi spang ba ni mos pa yang dag par 'grub pa'o/ /theg pa dman par mi g.yeng ba ni sems skyed pa yang dag par 'grub pa'o/ /pha rol tu phyin pa yongs su rdzogs pa ni bsgrub pa yang dag par 'grub pa'o/ /'phags pa'i lam bskyed pa ni skyon med par 'jug pa yang dag par 'grub pa'o/ /dge ba'i rtsa ba 'phel ba ni yun ring po nas 'dris par bya ba'i phyir/ /sems can yongs su smin par byed pa yang dag par 'grub pa'o/ /sems las su rung ba ni/ zhing yongs su dag pa yang dag par 'grub pa'o/ /'khor ba dang mya ngan las 'das pa la mi gnas pa ni phyir mi ldog pa'i sa la lung bstan pa 'thob pa yang dag par 'grub pa ste/ 'khor ba dang mya ngan

  57. 29a

    las 'das pa gnyis las mi ldog pa'i phyir ro/ /sgrib pa med pa ni sangs rgyas kyis yang dag par 'grub pa'o/ /de rgyun mi gcod pa ni byang chub kun tu ston pa yang dag par 'grub pa'o/ /de ltar na 'di ni/ dbus rnam 'byed pa'i bstan bcos te/ dbu ma'i lam rab tu ston pa'i phyir ro/ /'di ni dbus dang mdza' rnam par 'byed pa yang yin te/ dbus dang mdza' gnyis rab tu ston pa'i phyir ro/ /yang na thog ma dang tha ma spangs pa'i dbus rab tu ston pa'i phyir ro/ /rtogs par dka' dang snying po don/ rtog ge spyod yul ma yin pa dang/ phal gyi rgol ba dag gis ma shigs pa'i phyir te/ go rim bzhin no/ /don chen ni bdag dang gzhan gyi ched kyi phyir ro/ /de bzhin kun gyi don ni theg pa gsum car gyi dbang du byas pa'i phyir ro/ /don med thams cad sel ba'o/ /zhes bya ba na nyon mongs pa dang shes bya'i sgrib pa spong bar byed pa'o/ /bla na med pa nyid kyi don bsdus pa ni mdor bsdu na bla na med pa nyid rnam gsum ste/ bsgrub pa dang/ bsgrub pa'i gzhi dang/ bsgrub pa'i 'bras bu'o/ /bsgrub pa de yang ji lta bu zhe na/ dam pa'o/ /gang gis zhe na/ theg pa chen por ji lta bur/ /chos rnams rab tu bzhag pa dag /ces bya ba la sogs pas so/ /ji lta bur zhe na/ rnam pa gang gis zhi gnas bsgom pa la g.yeng ba med par gyur pa dang/ lhag mthong bsgom pa la phyin ci ma log par gyur pa'o/ /gang gi don du zhe na/ dbu ma'i lam gyis nges par 'byung bar bya ba'i don du'o/ /gang du zhe na/ sa bcu dag tu ste/ khyad par can dang/ khyad par med pa'o zhes bya ba'o/ /phyin ci ma log pa rnams kyi don bsdus pa ni/ yi ge la phyin ci ma log pas zhi gnas kyi mtshan ma rab tu rtogs pa dang/ don la phyin ci ma log pas lhag mthong gi mtshan ma rab tu rtogs pa dang/ yid la byed pa phyin ci log par phyin ci log gi gzhi yongs su spong ba dang/ mi 'phro ba la phyin ci ma log pas de'i mtshan ma legs par rtogs par byed pa dang/ rang gi mtshan nyid phyin ci ma

  58. 29b

    log pas de'i gnyen po rnam par mi rtog pa'i lam bsgom pa dang/ spyi'i mtshan nyid la phyin ci ma log pas rnam par byang ba'i rang bzhin du rab tu rtogs pa dang/ ma dag pa dang dag pa yid la byed pa la phyin ci ma log pas de'i sgrib pa ma spangs pa dang/ spangs par rab tu shes pa dang/ de'i glo bur du byung bral phyin ci ma log pas kun nas nyon mongs pa dang rnam par byang ba yang dag pa ji lta ba bzhin du rab tu shes pa dang/ mi skrag pa dang/ khengs pa med pa la phyin ci ma log pas sgrib pa med par nges par 'byung ba'o/ /bshad pa 'di byas pa yi bsod nams gang yod des/ /'gro ba bsod nams 'byung ba che dang ye shes kyang/ /'byung bar gyur cig de las mngon mtho? chen po dang/ /byang chub gsum yang 'gro bas myur du thob gyur cig /bstan bcos dbus dang mdza' rnam par 'byed pa las theg pa bla na med pa zhes bya ba'i tshig le'ur bcad pa lnga pa'i 'grel pa ste/ slob dpon dbyig gnyen gyis mdzad pa rdzogs so// //rgya gar gyi mkhan po dzi na mi tra dang/ shI len+d+ra bo d+hi dang/ zhu chen gyi lotsA ba bande ye shes sdes bsgyur cing zhus te gtan la phab pa'o// // */ (/chos dang chos nyid rnam par 'byed pa'i 'grel ba bzhugs so/) /rgya gar skad du/ d+harma d+harma tA baM b+hi sha? prit+ta/ bod skad du/ chos dang chos nyid rnam par 'byed pa'i 'grel pa/ bcom ldan 'das ma pham pa la phyag 'tshal lo/ /ma pham gang gis sgra bzhin don 'dzin pa'i/ /'khrul pas 'jig rten lam gol song mkhyen nas/ /bstan pa bsdu ba mdzad de 'di gsungs pa/ /bla ma de la thal sbyar rab btud nas/ /bla ma rnams las thos nas de nyid kyis/ /gnas pa'i? tshig bsdus bstan bcos 'di yi don/ /zab mo nyid ni cung zad tshig de nas/ /rang nus nyid kyis rnam par dbye phyir 'bad/ /gang phyir shes nas 'ga' zhig spang bya zhing/ /gzhan 'ga' zhig ni mngon sum nyid byung/ /des na de dag mtshan nyid sgo nas ni/ rnam dbye 'dod pas

  59. 30a

    bstan bcos 'di byas so/ /gang phyir shes nas 'ga' zhig spang bya zhing/ /gzhan 'ga' zhig ni mngon sum nyid bya ba zhes bya ba ni rim pa ji lta ba bzhin du kun nas nyon mongs pa'i mtshan nyid kyi chos dang/ rnam par byang ba mtshan nyid kyi gnas yongs su gyur pas rab tu phyi ba'i chos nyid kyi dbang du byas te gsungs pa'o/ /de dag mtshan nyid kyi sgo nas rnam par dbye zhes bya ba ni yul tha dad pa'i sgo nas ma yin no zhes bya ba'i don to/ /lhag ma ni don go bar zad do/ /smras pa/ de dag mtshan nyid sgo nas ni rnam par dbye zhes bya ba ci re shig chos dang chos nyid de dag nyid rnam par dbye'i gzhan ni ma yin nam/ 'on te 'di dag tsam du zad pa yin zhe na/ brjod pa mang po rnams las bkol nas gnyis su rnam par dbye ba byed pa ni ma yin no/ /'o na ci zhe na/ bcom ldan 'das kyis phung po dang/ khams dang/ skye mched la sogs pa rnam par bzhag pa gang yin pa de mdor bsdus pas/ 'di thams cad ni gnyis te/ ci'i phyir zhe na/ chos dang chos nyid kyis bsdus pa'i phyir ro/ /phung po dang khams dang skye mched la sogs pa de ni/ bsdu na rnam pa gnyis su 'gyur te/ 'di lta ste/ chos dang/ chos nyid do/ /de la 'di zhes smos pa ni gang zhig bstan pa 'di nyid du bshad pa de gzung ba'i don du'o/ /thams cad smos pa de yang 'di tsam nyid do zhes bstan pa'i don du yin te/ de las gzhan ni 'di nyid du 'dus pa'i phyir ram med pa'i phyir ro/ /de ltar khyab par med par brjod na/ gang zhig gis bsdus shes 'khor ba dang mya ngan las 'das pa dag gis rnam par dbye ba mi shes so zhe na/ de'i phyir gsungs pa ni/ chos kyis rab tu phye ba'i 'khor ba'o/ /de las ni kun nas nyon mongs pa'i mtshan nyid can yin pa'i phyir de'i rang bzhin 'khor ba chos kyis rab tu phye ba zhes brjod do/ /cig shos kyang/ chos nyid kyis rab tu phye ba ni theg pa gsum gyi mya ngan las 'das pa'o/ /mya ngan las 'das pa ni theg pa gsum gyis thob par bya ba yin pa'i phyir theg pa gsum gyis mya ngan

  60. 30b

    las 'das pa zhes brjod do/ /yang na theg pa gsum yang yin la mya ngan las 'das pa yang yin pas theg pa gsum gyi mya ngan las 'das pa zhes bya'o/ /de la chos nyid ni gnas yongs su gyur pa'i mtshan nyid can yin pa'i phyir na des bsdus pa'i mya ngan las 'das pa ni chos nyid kyis rab tu phye ba zhes brjod do/ /'khor ba dang mya ngan las 'das pa dag de ltar chos dang chos nyid kyis rab tu phye ba yin mod/ mtshan nyid ma brjod pa'i phyir na/ 'di mtshan nyid ji lta bu yin zhes chos de nyid ni mi shes so zhe na/ des na de'i mtshan nyid bstan pa'i don du gsungs pa/ gnyis dang ji ltar mngon par brjod par snang ba ni yang dag pa ma yin pa'i kun tu rtog pa ste chos kyi mtshan nyid do/ /gnyis su snang ba dang ji ltar mngon par snang ba ni gnyis dang ji ltar mngon par brjod par snang ba'o/ /de la gzung ba dang 'dzin pa'i dngos po mig dang gzugs la sogs pa'i gnyis su snang ba gang yin pa dang/ de la brten pa ji ltar mngon par brjod pa gang yin pa ste/ ngo bo nyid dang khyad par du gdags pa'i rten gyi ngo bo/ de ni yang dag pa ma yin pa'i kun tu rtog pa'o/ /de ni chos kyi mtshan nyid do zhes bya bas ni chos kyi mtshan nyid phyin ci ma log pa dang lus pa brjod pa'o/ /de la yang dag pa ma yin pa'i nges pa'i tshig ni/ med pa snang ba'i phyir yang dag pa ma yin pa'o/ /gang gi phyir chos 'di yod pa ni ma yin pa/ kun tu sgra dang rtog pa'i sgra dag gis nges pa'i tshig ni/ thams cad du don med cing rtog pa tsam yin pa'i phyir kun tu rtog pa'o/ /don med pa nyid kyang snang ba de'i bdag nyid yongs su ma grub pa'i phyir ro/ /rtog pa tsam nyid ni snang ba 'khrul pa tsam du yod pa'i phyir ro/ /chos kyi mtshan nyid bshad zin to/ /chos nyid kyi mtshan nyid ni/ gzung ba dang 'dzin pa dang/ brjod par bya ba dang/ rjod par byed pa khyad par med pa'i de bzhin nyid de ni chos nyid kyi mtshan nyid do/ /gzung ba dang 'dzin pa'i khyad par med pa gang yin pa dang/ brjod par bya ba dang/ rjod par byed pa khyad par med pa gang yin pa de ni de bzhin nyid yin la/ de yang chos

  61. 31a

    nyid kyi mtshan nyid yin no/ /khyad par med pa nyid ni rim pa ji lta ba bzhin gnyis su med pa'i phyir dang/ brjod du med pa'i phyir te/ gang la khyad par yod pa ma yin pa de ni khyad par med pa zhes bya bas so/ /'di ni bzung ba'o/ /'di ni 'dzin pa'o zhes bya ba 'am/ 'di ni brjod par bya ba'o/ /'di ni rjod par byed pa'o zhes gnyis sam/ brjod bya dang rjod byed yod na mi khyad par yod par 'gyur la/ de med pa'i phyir ni khyad par med pa'i de bzhin nyid do/ /de yang chos nyid kyi mtshan nyid do zhes bya bas ni chos nyid kyi mtshan nyid phyin ci ma log pa dang ma lus par bstan pa yin no/ /sdang bstan pa'i chos kyi mtshan nyid gang yin pa de ni/ med pa snang ba'i phyir 'khrul pa ni kun nas nyon mongs pa'i rgyu yin te/ gang gi phyir yod pa ma yin pa snang ba de'i phyir de ni med pa snang la/ de'i phyir de 'khrul pa tsam yin no zhes rtog par bya ba'o/ /de nyid kyi phyir na kun nas nyon mongs pa'i rgyu yang yin te/ de la mngon par zhen pas ni phyi ma la kun nas nyon mongs pa rnam pa gsum 'byung ba'i phyir ro/ /med pa snang ba yang ji lta bu zhe na/ gsungs pa sgyu ma'i glang po che la sogs pa snang ba bzhin no/ /dper na sgyu mar byas pa'i glang po che la sogs pa dang/ nor dang 'bru la sogs pa ni ji ltar snang ba de ltar med la/ snang ba yang yin pa de bzhin du yang dag pa ma yin pa'i kun tu rtog pa yang med pa bzhin du snang ba yin no/ /gzhan yod pa yang mi snang ba'i phyir ro/ /'khrul pa zhes rjes su 'jug go /de la yod pa yang mi snang ba'i phyir ro/ /zhes bya ba ni bdag med pa rnam pa gnyis yod pa mi snang ba'i phyir yang 'khrul pa yin no/ /tho yor dang mi'i rnam pa yod pa dang med pa dag mi snang ba gang yin pa de ni 'khrul pa'i mtshan nyid do zhes de ltar 'jig rten mthong ba'i phyir ro/ /yang ci'i don gyis med pa dang/ snang bdag las gang rung zhig med par mi 'dod ce na/ gsungs pa/ med pa dang snang ba dag las gang rung zhig med na ni 'khrul pa dang/ kun nas nyon mongs pa dang rnam par byang ba mi 'thad do/ /gal te

  62. 31b

    med pa kho nar gyur te snang bar ma gyur na ni de med pas 'khrul par mi 'gyur te/ med pa ni med pa nyid du ma 'khrul pa'i phyir ro/ /'khrul pa med na ni ma 'khrul pa yang med par 'gyur te/ ma 'khrul pa ni de sngon du 'gro ba can yin pa'i phyir ro/ /des na kun nas nyon mongs pa yang med par 'gyur ba yin te/ de ni 'khrul pa'i rgyu can phyir ro/ /de med na rnam par byang bar yang mi 'gyur te/ rnam par byang ba ni kun nas nyon mongs pa sngon du 'gro ba can yin pa'i phyir ro/ /de'i phyir de med na 'bad pa med par grol bar 'gyur bas na mngon sum dang 'gal lo/ /'on te snang ba kho nas 'gyur gyi med par ma gyur na/ de lta na yang med pas 'khrul par mi 'gyur te/ snang ba de'i bdag nyid du yongs su grub na ma 'khrul pa'i phyir ro/ /'khrul pa med na snga ma bzhin lhag mar yang mi 'gyur ro/ /de'i phyir skyes bu'i byed pa don med par 'gyur bas rigs pa dang 'gal lo/ /'jig rten na yang de ltar so sor grub pa'i tho yor dang/ skyes bu dag la 'khrul par ming 'dogs pa'i phyir ro/ /gnyis pa dang mngon par brjod pa ji lta bar snang ba chos kyis mtshan nyid dang/ de khyad par med pa'i chos kyi mtshan nyid bshad zin to/ /de ni de lta yin na ci chos dang chos nyid dag gcig tu khas blang bar bya ba'am/ 'on te tha dad pa nyid du snyam na/ gsungs pa/ gnyis po dag ni gcig nyid ma yin zhing so so nyid ma yin te/ yod pa dang med pa dag khyad par med pa'i phyir ro/ /gnyis po dag ces bya ba chos dang chos nyid ni gcig pa nyid dang tha dad pa nyid du mi 'dod do/ /de ci'i phyir zhe na/ yod pa dang med pa dag khyad par yod pa dang khyad par med pa'i phyir ro/ /re zhig chos dang chos nyid du ni 'thad pa ma yin te/ de ci'i phyir zhe na/ yod pa dang med pa dag khyad par yod pa'i phyir ro/ /chos nyid ni yod pa min la chos ni med pa yin pas yod pa med pa khyad par can dag ci ltar gcig

  63. 32a

    nyid du 'gyur/ tha dad pa nyid kyang ma yin no/ /ci'i phyir zhe na/ yod pa dang med pa dag khyad par med pa'i phyir ro/ /ji ltar khyad par med ce na/ chos nyid ni chos med pa tsam gyis rab tu phye ba yin pa'i phyir te/ gzung ba la sogs pa'i khyad par med pa'i phyir ro/ /chos dang chos nyid dag gcig nyid ma yin pa dang/ so so ma yin pa nyid bshad zin no/ /'on kyang de ltar tha dad pa med pa de dag las ji ltar chos de la zhugs pa'am/ ji ltar legs par zhugs par 'gyur zhe na/ gsungs pa rnam pa drug gi chos la 'jug pa bla na med pa yin te zhes bya ba yin pa ste/ 'chad par 'gyur ba rnam pa drug gis so/ /'di lta ste/ mtshan nyid dang/ grub pa dang/ gcig nyid ma yin zhing so so ba nyid ma yin pa dang/ gnas thun mong pa dang/ thun mong ma yin pa dang/ gzung ba dang 'dzin par snang ba med pa la 'jug pas so/ /de la mtshan nyid dang/ grub pa dang/ gcig nyid ma yin zhing so so nyid ma yin pa ni mdo ji lta ba bzhin no zhes bya ba la/ gsum po 'di dag ni mdo ji lta ba bzhin rig par bya ste/ 'di lta ste/ mtshan nyid dang/ grub pa dang/ gcig nyid ma yin zhing so so ba nyid ma yin pa'o/ /mtshan nyid ni gnyis dang/ ji ltar mngon par brjod par snang ba yang dag pa ma yin pa'i kun tu rtog pa ste/ chos kyi mtshan nyid do/ /grub pa ni med pa dang snang ba dag las gang yang rung ba zhig med na 'khrul pa dang ma 'khrul pa dang/ kun nas nyon mongs pa dang rnam par byang ba mi 'thad pa'i nyes par 'gyur bas/ de gnyi ga khas blangs pas 'bras bu dang bcas pa grub pa'o/ /gcig nyid ma yin zhing so so ba nyid ma yin pa ni yod pa dang med pa dang khyad par yod pa dang khyad par med pa'i phyir zhes bya ba ste/ mdo ji lta ba bzhin no/ /gnas ni gang zhig gang du 'khod pa de ni gnas pa yin te/ sems can gyi khams

  64. 32b

    dang 'jig rten gyi khams so/ /de la gang zhig 'khor ba dang gang du 'khor ba de ni chos kyi gnas yin no/ /de yang rim pa ji lta ba bzhin brten pa dang rten gyi dngos po sems can gyi khams dang 'jig rten gyi khams so/ /de la 'jig rten gyi khams ni thun mong pa lta bu'i rnam par rig pa ste/ rgyud so sor sems can thams cad la der snang ba'i rnam par shes pa skye ba'i phyir ro/ /de yang gcig shos ni sems can gyi khams so/ /de yang thun mong dang thun mong ma yin pa'o/ /de yang skye ba dang tha snyad dang/ phan pa dang gnod pa dang/ yon tan dang skyon ni phan tshun bdag po nyid kyis phan tshun rgyu yin pa'i phyir thun mong pa'o/ /skye ba dang lta ba la sogs pa'i tha snyad dang/ phan pa dang gnod pa dang/ yon tan dang skyon rgyud so so la yod pa rnams ni phan tshun der snang ba'i rnam par shes pa skye ba la bdag po nyid kyis phan tshun rgyu yin pa'i phyir sems can gyi khams thun mong pa zhes brjod do/ /phan tshun rgyu yin pa'i phyir zhes bya bas grub bzhin du bdag po smos pa ni dmigs pa'i rgyu bsal ba'i don du'o/ /'di thun mong ma yin pa ji ltar zhe na/ gsungs pa/ gnas dang/ rnam par rig pa dang/ las dang/ bde sdug dang/ 'chi 'pho ba dang/ skye ba dang/ bcings pa dang grol ba ni thun mong ma yin pas na thun mong ma yin pa'o/ /de la gnas ni kun gzhi rnam par shes pa ste/ der snang ba'i rnam par shes pa'i bag chags rnams ni de la gnas pa'i phyir ro/ /rnam par rig pa ni 'jug pa'i rnam par shes pa'o/ /las ni dge ba dang/ mi dge ba dang/ lung du ma bstan pa'o/ /lhag ma ni mdo ji lta ba bzhin du rtogs par bya'o/ /de la gnas la sogs pa rnams ni lus can ma yin pa'i phyir na/ phan tshun rgyud so sor der snang ba'i rnam par rig pa skye ba'i rgyu ma yin pas sems can

  65. 33a

    gyi khams thun mong ma yin pa zhes brjod do/ /lus ngag gi las kyi rnam par rig pa dag phan tshun der snang ba rnam par rig pa skye ba'i rgyu yin yang tha snyad kyis ma bsdus pa ci'i phyir zhe na/ brjod pa/ lus ngag gi rnam par rig pa tha snyad kyis ni bsdus mod kyi/ /de las kyis/ rnam par rig pa ni ma yin no/ /'di ni dge ba nyid gang gis de las nyid du rtogs par 'gyur ba de'i dbang du byas te bstan pa yin no/ /der snang ba'i rnam par rig pa de yang phan tshun du der snang pa'i rnam par rig pa skye pa'i rgyu ma yin pas na lus ngag gi las kyi rnam par rig pa yang thun mong ma yin pa nyid do/ /gzung ba dang 'dzin par snang ba med pa la 'jug pa ni gzung bar snang ba med pa la 'jug pa'i dbang du byas te gsungs pa/ phyi rol gyi gzung ba thun mong bar snang ba 'dzin pa'i rnam par rig pa las rnam par shes pa las phyi rol gyi don med de/ thun mong ma yin pa'i phyir ro zhes bya ba ni gang gi phyir snod kyi rnam par rig par snang ba 'dzin pa'i rnam par rig pa nyid rgyud so so la skye ba de'i phyir ro/ /'dzin pa'i rnam par rig par gyur pa la der snang ba 'dzin pa'i rnam par shes pa las phyi rol du gyur pa 'dzin pa'i rnam par rig par gyur pa gzhan yod pa ma yin la/ rnam par rig pa de nyid kyang gzhan gyis yul du 'gyur ba ma yin// gang gi phyir rnam par rig pa thun mong pa yin pas na rgyud so so la der snang ba'i rnam par shes pa rig pa skye ba de'i phyir gcig gi rnam par rig pa gang yin pa de gzhan gyi yul du 'gyur ba ma yin no/ /des na don med do/ /sems can gyi khams thun mong pa'i gzung ba'i rnam par rig pa yang 'dis bsal ba yin no/ /cig shos thun mong ma yin pa'i gzung ba rnam par rig pa'i don gang yin pa gzhan gyi sems las byung ba zhes bya ba de yang mnyam par ma bzhag pa dang/ mnyam

  66. 33b

    par bzhag pa'i 'dzin pa'i rnam par rig pa rnam la gnyis gang yang phan tshun yul du 'gyur ba ma yin pa ste/ de ci'i phyir zhe na/ mnyam par ma bzhag pa la ni/ rang gi rnam par rtog pa snang ba'i phyir ro/ /gang gi phyir mnyam par ma bzhag pa la rang gi rnam par rtog pa la snang ba'i gzung ba rang gi rnam par rig pa nyid yul du 'gyur ba de'i phyir gzhan gyi sems la sogs pa de'i yul ma yin no/ /cig shos mnyam par bzhag pa la yang ting nge 'dzin gyi spyod yul la de'i gzugs brnyan snang ba'i phyir gzhan gyi sems la sogs pa yul ma yin no/ /zhes rjes su 'jug go /gang gi phyir mnyam par bzhag pa'i rnam par rig pa la yang ting nge 'dzin gyis spyod yul de'i gzugs brnyan du snang ba'i rnam par rig pa nyid yul du 'gyur ba de'i phyir de'i yul yang gzhan gyi sems la sogs pa ma yin no/ /de ltar na yang rang gi rnam par rig pa nyid yul yin pa'i phyir rnam par shes pa las phyi rol tu gyur pa'i don la de med pa'i phyir gzung bar snang ba med do/ / /gzung bar snang ba de med par grub pa na yang 'dzin par snang ba med par grub ste/ gzung ba med pa ni 'dzin pa med pa'i phyir ro/ /de las kyang gzung ba dang 'dzin par snang ba med par 'jug pa'i rim gyis grub par rig par bya'o// de ci'i phyir zhe na/ thog ma med pa'i kun nas ldang ba grub pa'i phyir ro/ /gang zhig de bzhin nyid mi shes pa med pa'i gnyis snang ba/ phyin ci log gi rgyu de ni thog ma med pa'i kun nas ldang ba yin no/ /des na thog ma med pa'i kun nas ldang ba de grub pa'i phyir te/ yongs su grub pa'i phyir na gzung ba dang 'dzin par snang ba med pa yin te/ phyin ci log rnam pa gnyis yang dag pa ma yin pa'i phyir ro/ /'di las kyang gzung ba dang 'dzin par snang ba med do/ /gang las zhe na/ gnyis yongs su ma grub

  67. 34a

    par rab tu grub pa'i phyir ro/ /gnyis yongs su ma grub par yang 'gal ba'i rnam par shes pa skye bar mthong ba la sogs pa'i rgyu las rtog par bya'o/ /gang gis de ltar yongs su shes pa de ni chos la 'jug pa bla na med pa yin no/ zhes brjod do/ /chos la 'jug pa bshad zin to// //gang gi phyir da ni chos nyid la 'jug pa brjod par bya ba yin pas de'i dbang du gsungs pa ni/ rnam pa drug gis chos nyid la 'jug pa la bla na med pa yin te/ zhes bya ste/ 'chad par 'gyur ba drug gis so/ /'di lta ste/ mtshan nyid dang/ gnas dang/ nges par rtog pa dang/ de'i bdag nyid du nye bar song ba 'jug pas so/ /de la mtshan nyid ni gzung ba dang/ 'dzin pa dang/ brjod par bya ba dang/ rjod par byed pa khyad par med pa'i de bzhin nyid ni chos nyid kyi mtshan nyid do zhes mdo ji lta ba bzhin no/ /de la gnas ni/ chos thams cad dang/ gsung rab yan lag bcu gnyis gtogs pa'i mdo sde thams cad do zhes bya ba la/ chos thams cad ni gzugs la sogs pa'o/ /yan lag bcu gnyis ni mdo dang dbyangs kyi bsnyad pa la sogs pa'o/ /gnyis smos pa ni kun nas nyon mongs pa dang/ rnam par byang bas bsdus pa'i dbang du byed pas so/ /de la nges par rtog pa ni/ theg pa chen po'i mdo sde la brten pa'i tshul bzhin du yid la byed pas bsdus pa'i sbyor ba'i lam thams cad do zhes bya ba la/ thams cad ni thos pa dang bsams pa dang bsgoms pas rab tu phye ba ste/ des de la nges par rtog pa'i phyir ro/ /de la reg pa ni yang dag pa'i lta ba thob pa'i phyir mthong ba'i lam gyis mngon sum gyi tshul du de bzhin nyid thob cing nyams su myong ba'o zhes bya ba la/ reg pa ni mthong ba'i lam gyis de bzhin nyid so sor rig pa yin la/ de yang thob cing nyams su myong ba zhes brjod do/ /thob pa nyid nyams su myong ba ni thob cing nyams su myong ba zhes bya bas so/ /yang nyams su myong ba 'di ji ltar rnam par

  68. 34b

    bzhag par bya zhe na/ gsungs pa/ mngon sum gyi tshul du'o/ /mngon sum du byed ba gang yin pa de nyid nyams su myong ba yin no/ /zhes bya ba'i don du 'di ston pa yin no/ /reg pa'i don de dag tu rjes su dran pa yin pas de ston pa ni/ rjes su dran pa ni de'i dri ma drungs dbyung ba'i don du ji ltar mthong ba nyid sgom pa'i lam byang chub kyi phyogs kyis bsdus pa thams cad do zhes bya'o/ /de la mthong ba'i lam gyis de ma thag pa'i bsgom pa'i lam de la rjes su dran pa zhes brjod do/ /thob zin pa'i lam la de yongs su gcod pa'i rjes su dran pas mngon sum du phyogs par byed de/ de yang ci'i don du zhe na/ gsungs pa/ de'i dri ma drungs dbyung ba'i don du ste/ de bzhin nyid la bsgoms pas spang bar bya ba'i mtshan nyid kyi dri ma lhag ma spang ba'i don du'o/ /zhes bya ba'i tha tshig go /rjes su dran pa'i de ma thag tu de'i bdag nyid du nye bar son pa yin pas de ston pa ni/ de'i bdag nyid du nye bar son pa ni de bzhin nyid dri ma med par gyur pa na thams cad de bzhin nyid tsam du snang ba zhes bya ba las/ de la bsgom pa'i lam gyis dri ma lhag pa spang pa'i phyir de bzhin nyid dri ma med par gyur pa na gang zhig mthar thug pa'i lam gyis rnam pa thams cad nas de bzhin nyid tsam du snang ba ste/ dri ma thams cad dang bral bas de bzhin nyid tsam du gyur pa'i de ni de'i bdag nyid du nye bar son ba zhes brjod do/ /de yang gnas yongs su gyur pa yongs su grub pa yin te/ de'i bdag nyid yin pa'i phyir ro/ /mthong ba'i lam la sogs pa'i gnas skabs na yang yongs su gyur pa yod pas na/ 'di la yongs su grub pa bstan te/ dri ma ma lus spang ba'i phyir ro/ /gnas yongs su gyur pa de la yang ji ltar 'jug par bya zhing/ ji ltar de la zhugs pa bla na med par 'gyur zhe na/ gsungs pa/ rnam pa bcus gnas yongs su gyur pa la 'jug pa bla na med pa yin te zhes bya ba ste/ 'chad par 'gyur pa rnam pa bcus so/ /'di lta ste/ rang bzhin dang/

  69. 35a

    dngos po dang/ gang zag dang/ khyad par dang/ dgos pa dang/ rten dang/ yid la byed pa dang/ sbyor ba dang/ nyes dmigs dang/ phan yon la 'jug pas so/ /de la dang por rang bzhin la 'jug pa ni blo bur gyi dri ma dang/ de bzhin nyid mi snang ba dang/ snang ba'i don du de bzhin nyid dri ma med pa'o/ /glo bur gyi dri ma mi snang ba'i don dang de bzhin nyid tsam snang ba'i don du de bzhin nyid dri ma med par gyur pa gang yin pa de ni gnas yongs su gyur pa'i rang bzhin yin no/ /gang zhig de ltar yongs su shes pa de la ni rang bzhin la 'jug pa bla na med pa zhes brjod do/ /de la dngos po la 'jug pa ni thun mong pa snod kyi rnam par rig pa'i de bzhin nyid yongs su gyur pa dang/ mdo sde'i chos kyi dbyings kyi de bzhin nyid yongs su gyur pa dang/ thun mong ma yin pa sems can gyi khams kyi de bzhin nyid yongs su gyur pa'o zhes bya ba la/ gnas yongs su gyur pa'i dngos po ni de bzhin nyid rnam pa gsum yongs su gyur te/ de la rjes su song ba'i dbye ba las kyang 'bras bu'i dbye ba las so/ /snang ba dang/ 'doms pa dang/ kun du ston pa'i 'bras bu tha dad pa'i phyir ro/ /de la gang zag la 'jug pa ni dang po gnyis ni sangs rgyas dang/ byang chub sems dpa' rnams nyid kyi de bzhin nyid yongs su gyur par 'gyur gyi/ byang chub sems dpa' rnams kyi ma yin pa'i phyir ro/ /phyi ma ni nyan thos dang rang sangs rgyas rnams kyi yang yin la/ sangs rgyas dang byang chub sems dpa' rnams kyis yang yin la thun mong ma yin pa'i phyir ro/ /de la khyad par 'jug pa ni sangs rgyas dang/ byang chub sems dpa' rnams kyi zhing yongs su dag pa'i khyad par dang zhes bya ba la/ zhing yongs su dag pa'i khyad par ni sangs rgyas dang/ byang chub sems dpa' rnams nyid kyi yin gyis nyan thos rnams kyi ma yin te/ de la ni mtho dman can du snang ba'i phyir ro/ /chos kyi sku

  70. 35b

    dang/ longs spyod rdzogs pa dang/ sprul pa'i sku thob pas ston pa dang/ 'doms pa dang/ dbang 'byor ba nyid thob pa'i khyad par las so zhes bya ba la/ de la ston pa nyid thob pa'i khyad par ni shes bya'i rnam pa thams cad mngon sum du gyur pa las rtog par bya'o// 'doms pa nyid thob pa'i khyad par ni zab pa dang/ rgya che ba dang/ ngo mtshar du ma'i sgo bsam gyis mi khyab pa ston pa'i phyir ro/ /dbang 'byor pa nyid thob pa'i khyad par ni sems can gyi bya ba sgrub pa'i rten thogs pa med pa'i mngon par shes pa la sogs pa bsam gyis mi khyab pa'i yon tan thob pa'i phyir ro/ /de dag ni rim pa ji lta ba bzhin chos sku dang/ rdzogs par longs spyod pa dang/ sprul pa'i sku thob pa las yin par rig par bya'o/ /de la dgos pa la 'jug pa ni/ sngon gyi smon lam gyi khyad par las dang/ theg pa chen po ston pa'i dmigs pa'i khyad par las dang/ sa bcu po rnams su sbyor ba'i khyad par las so zhes bya ba la/ de la dgos pa'i khyad par rnam pa gsum gyis nyan thos dang rang sangs rgyas rnams las byang chub sems dpa' rnams kyis gnas yongs su gyur pa khyad par du 'phags pas so/ /khyad par rnam pa gsum las smon lam gyi khyad par ni sngon gyi smon lam gyis khyad par las te/ byang chub tu smon pa las so dmigs pa'i khyad par ni theg pa chen po ston pa'i dmigs pa'i khyad par las te/ 'dres pa dang ma 'dres pa'i chos thams cad la dmigs pa dang de'i de bzhin nyid la dmigs pa las so/ /sbyor ba'i khyad par ni sa bcu po rnams su sbyor ba'i khyad par las te/ sgrib pa thams cad spangs pa'i don du de'i gnyen po bsgom pa sbyor ba'i phyir ro/ /de la gnas yongs su gyur pa'i rten ni rnam par mi rtog pa'i ye shes yin te/ rten nges de thob pa'i phyir ro/ /de la 'jug pa ji lta bu yin zhe na/ /gsungs pa/ rnam par mi rtog pa'i ye shes la 'jug pa rnam pa drug gis so/ /'jug pa rnam pa drug kyang/

  71. 36a

    dmigs pa dang/ mtshan ma spangs pa dang/ yang dag pa'i sbyor ba dang/ mtshan nyid dang/ rjes su bsngags pa dang/ phan yon dang/ yongs su shes pa las so/ /de la dmigs pa la 'jug pa ni rnam pa bzhi ste zhes bya ba ni de ma thag tu 'chad par 'gyur bas so/ /'di lta ste/ theg pa chen po ston pa dang/ de la mos pa dang/ nges pa dang/ tshogs yongs su rdzogs pas so/ /rnam par mi rtog pa'i ye shes de'i dmigs pa ni theg pa chen po ston pa dang/ de la mos pa dang/ nges pa dang tshogs yongs su rdzogs pa yin te/ gang rung zhig med na de mi skye ba'i phyir ro/ /de nas dmigs pa la 'jug pa mdza' dag bstan pa yin no/ /de la mtshan ma spang ba la 'jug pa ni rnam pa bzhi ste/ mi mthun pa'i phyogs dang/ gnyen po dang/ de bzhin nyid dang/ rtogs pa'i mtshan ma spangs pa las/ rjes su rtogs par bya'o/ /de la mi mthun pa'i phyogs kyi mtshan ma spangs pa ni 'dod chags la sogs pa'i mtshan ma spangs pa las so/ /gnyen po'i mtshan ma spangs pa ni mi sdug pa la sogs pa'i mtshan ma spangs pa las so/ /de bzhin nyid kyi mtshan ma spangs pa ni 'dir de bzhin nyid de zhes bya ba'i 'bad rtsol yang spangs pa las so/ /rtogs pa'i mtshan ma spangs pa ni sa rnams su bsgoms pas rtogs par bya ba thob pa'i mtshan ma'o/ /de lta yin dang 'dis ni rim pa ji lta ba bzhin rags pa dang/ 'bring dang/ phra mo dang/ ring du rjes su 'brel pa rnams brjod pa yin no/ /de la mi mthun pa'i phyogs kyi mtshan ma ni gnas ngan len gyi rgyu yin pa'i phyir dang/ rtogs par sla ba'i phyir rags pa yin no/ /de'i gnyen po yin pa'i phyir gnyen po'i mtshan ma ni 'bring yin no/ /de bzhin nyid kyi mtshan ma ni phra ba yin te/ de las gzhan thams cad kyi gnyen po yin pa'i

  72. 36b

    phyir ro/ /rtogs pa'i mtshan ma ni bsgoms pa'i 'bras bu yin pa'i phyir ring du rjes su 'brel pa yin par rig par bya'o/ /de la yang dag pa'i sbyor ba la 'jug pa ni rnam pa bzhi ste/ 'di lta ste/ dmigs pa'i sbyor bas ni rnam par rig pa tsam dmigs pa'i sbyor ba las so/ /mi dmigs pa'i sbyor bas ni don mi dmigs pa las so// //dmigs pa mi dmigs pa'i sbyor bas ni don med na rnam par rig pa tsam mi dmigs pa las te/ rnam par rig par bya ba'i don med na rnam par rig pa mi 'thad pa'i phyir ro/ /dmigs pa mi dmigs pa'i sbyor ba ni gnyis pa mi gnyis ba ma dmigs pas gnyis med pa dmigs pa las so/ /de la mtshan nyid la 'jug pa ni rnam pa gsum gyis te/ 'di lta ste/ chos nyid gnas pa las ni gnyis su med cing brjod du med pa'i mtshan nyid la gnas pa'i phyir te/ de dmigs pa'i phyir ro/ /mi snang ba las ni gnyis dang/ ji ltar mngon par brjod pa dang/ /dbang po dang/ yul dang/ rnam par rig pa dang/ snod kyi 'jig rten mi snang ba'i phyir ro/ /gang du gnyis dang ji ltar mngon par brjod pa dang/ dbang po dang/ yul dang/ rnam par rig pa dang/ snod kyi 'jig rten snang ba med par gyur pa de ni rnam par mi rtog pa'i ye shes yin no/ /de ltar gyur na ci zhig bstan par 'gyur zhe na/ gsungs pa/ de ltar na 'dis ni brtag tu med pa/ bstan du med pa/ mi gnas pa/ snang ba med pa/ rnam par rig pa med pa gnas pa med pa zhes bya ba rnam par mi rtog pa'i ye shes kyi mtshan nyid mdo ji lta ba bzhin brjod pa yin no/ /de la gzung ba dang 'dzin pa'i dngos po la gnyis su brtag du med pa'i phyir brtag tu med pa'o/ /mngon par brjod pas bstan par mi nus pa'i phyir bstan du med pa'o/ /mig gi dbang po la sogs par mi gnas pa'o/ /yul ma yin pa'i phyir snang ba med pa ste/ gzugs

  73. 37a

    la sogs pa yul snang ba med pa'i phyir ro/ /rnam par rig pa ma yin pas rnam par rig pa med pa'o/ /gnas kyi dngos po ma yin pas/ gnas med pa'o/ /snang ba las chos thams cad nam mkha' i dkyil 'khor dang mnyam par snang ba'i phyir ro/ /de'i yul can gyi mtshan ma thams cad spangs pa'i phyir ro/ /'du byed thams cad sgyu ma la sogs pa lta bu la sogs pa lta bur snang ba'i phyir te/ de yang dag pa ma yin par snang bar rtogs pa'i phyir ro/ /sogs pa smos pa ni smig rgyu dang rmi lam la sogs pa lta bar bya'o/ /de la phan yon la 'jug pa ni rnam pa bzhi ste/ chos kyi sku rdzogs par thob pas ni gnas yongs su gyur pas so/ /bde bar gnas pa mchog thob pas ni/ zag pa dang bcas pa'i bde ba spangs pa dang/ gtan du de yi bdag nyid du gyur pa'i phyir ro/ /ston pa la dbang 'byor pas ni shes bya ji lta ba dang/ ji snyed pa rtogs pa'i phyir ro/ /'doms pa la dbang 'byor pa nyid thob pas ni ji ltar 'os par bstan pa'i sgo du ma la 'jug pa'i phyir ro/ /phan yon rnam pa bzhi thob pa'i rgyu yin pa'i phyir na/ ye shes de'i phan yon rnam pa bzhir brjod do/ /de la yongs su shes pa las 'jug pa ni rnam pa bzhi ste/ gnyen po yongs su shes pa dang/ mtshan nyid yongs su shes pa dang/ khyad par yongs su shes pa dang/ las yongs su shes pa las so/ /de la gnyen po yongs su shes pa ni/ rnam par mi rtog pa'i ye shes chos dang gang zag dang/ yongs su 'gyur ba dang/ tha dad pa dang/ skur pa 'debs pa ste/ med par 'dzin pa rnam pa lnga'i gnyen po yin pa'i phyir ro zhes bya ba la/ med par 'dzin pa rnam pa lnga'i gnyen po ni rnam par mi rtog pa'i ye shes yin no/ zhes de ltar shes pa gang yin pa de la ni gnyen po yongs su shes pa zhes brjod do/ /med par 'dzin pa rnam pa lnga ni med pa'i chos

  74. 37b

    'dzin pa dang/ med pa'i gang zag 'dzin pa ste/ don dam par 'dzin pa'o/ /med pa'i yongs su gyur pa 'dzin pa ste/ chos rnams skye ba dang 'gag par 'dzin pa gang yin pa'o/ /med pa tha dad pa 'dzin pa ni chos dang chos nyid dag so so bar mngon par zhen pa'i phyir med pa'i skur ba nyid 'dzin pa ni chos dang gang zag dag btags par yod pa la yang skur ba 'debs pa'i phyir ro/ /de la mtshan nyid yongs su shes pa ni yid la mi byed pa dang/ yang dag par 'das pa dang/ nye bar zhi ba dang/ ngo bo nyid kyi don dang/ mngon rtogs su byed pa ste/ rnam pa lnga spangs pa'i rang gi mtshan nyid kyis so/ /re zhig rnam par mi rtog pa'i ye shes de rnam par rtog pa yid la mi byed pas ni rnam par mi rtog pa'i rang bzhin du mi rigs so/ /gal te rnam par rtog yid la mi byed pas rnam par mi rtog pa yin na ni/ de la bu chung dang byis pa la sogs pa'i shes pa yang rnam par mi rtog par 'gyur te/ gang gi phyir de dag kyang gnas skabs de'i tshe rnam par rtog par mi byed pas so/ /rnam par rtog pa las yang dag par 'das pa'i rang bzhin yang yin par rigs pa ma yin te/ gal te yang dag par 'das pa'i rang bzhin de las bsam gtan gnyis pa la sogs pa'i snyoms par 'jug pa la snyoms par zhugs pa yang der 'gyur te/ rtog dpyod med pa la rnam par rtog pa med pa'i phyir ro/ /rnam par rtog pa nye bar zhi ba'i rang bzhin yang yin par mi rigs te/ gal te rnam par rtog pa nye bar zhi bas rnam par mi rtog pa yin na ni des na gnyid log pa dang/ myos pa dang/ brgyal ba rnams kyang der 'gyur te/ gang gi phyir de dag kyang gnas skabs de'i tshe rnam par rtog par mi byed pas so/ /'on te ngo bo nyid kyi don kho nas rnam par mi rtog pa yin na ni gzugs la sogs pa'i yul yang rnam par rtog par mi 'gyur te/ gang gi phyir de dag kyang g.yo ba med pa'i phyir rnam par rtog pa

  75. 38a

    mi byed pas so/ /rnam par mi rtog pa'i rnam pa nyid mngon rtags su byed pa yang de yin par mi rigs so/ /'di ltar rnam par mi rtog pa'o rnam par mi rtog pa'o zhes yid la byed bzhin na ni shes pa de skye ba ma yin te/ rnam par mi rtog par rnam rtog cing rjod pa'i ming la byed pa yang rnam par rtog pa'i rnam pa nyid yin pa'i phyir ro/ /de'i phyir shes pa de ni rnam pa 'di lnga'i rang gi mtshan nyid las grol bar rig par bya'o/ /de la khyad par yongs su shes pa ni rnam par mi rtog pa dang/ nyi tshe ba ma yin pa nyid dang/ mi gnas pa nyid dang/ gtan du ba nyid dang/ bla na med pa nyid dang/ khyad par rnam lngas so/ /shes pa de na rnam pa lngas nyan thos dang/ rang sangs rgyas rnams kyi las khyad par du 'phags pas so/ /da la nyan thos dang rang sangs rgyas rnams ni mya ngan las 'das pa dang/ 'khor ba'i yon tan dang nyes pa la rnam par rtog pa'i phyir na de'i shes pa yang rnam par rtog pa dang bcas pa'i phyir ro/ /nyi tshe ba yang yin te/ 'phags pa'i bden pa bzhi'i spyi'i mtshan nyid tsam la dmigs pa'i phyir ro/ /gnas pa yang yin te/ mya ngan las 'das pa la gnas pas so/ /gtan du ba yan ma yin te/ phung po lhag ma med pa'i mya ngan las 'das par 'chad ba'i phyir ro/ /gzings lta bu'i mdo las bstan pa bzhin no/ /bla na med pa yang yin te/ sangs rgyas kyi ye shes bla na yod pa'i phyir 'di dag las bzlog nas khyad par rnam pa lngas sangs rgyas dang/ byang chub sems dpa' rnams kyi ye shes khyad par du 'phags so/ /rnam par mi rtog pas ni mya ngan las 'das pa dang/ 'khor ba dag ni yon tan dang nyes pa'i rnam par mi rtog pa'i phyir ro/ /nyi tshe ba ma yin pa ni shes bya mdza' dag gi rang dang spyi'i mtshan nyid ji lta ba bzhin yul du byed pa'i phyir ro/ /mi gnas pa nyid ni mya ngan las 'das pa dang/

  76. 38b

    'khor ba dag ni mi len pa dang mi 'dor ba'i phyir ro/ /gtan du ni rten chos kyi sku rtag pas na phung po lhag ma med pa'i mya ngan las 'das pa na yang rgyun mi 'chad pa'i phyir ro/ /bla na med pa de las mchog tu khyad par 'phags pa med pa'i phyir ro// de la las yongs su shes pa ni rnam par rtog pa ring du byed pa dang/ bla na med pa'i bde ba sgrub par byed pa dang/ nyon mongs pa dang shes bya'i sgrib pa dang bral bar byed pa dang/ de'i rjes las thob pa'i ye shes shes bya'i rnam pa thams cad la 'jug bar byed pa dang/ sangs rgyas kyi zhing yongs su spyod pa dang/ sems can yongs su smin par byed pa dang/ rnam pa thams cad mkhyen pa nyid gtod par byed pa ste/ las kyi khyad par rnam pa lngas so zhes bya ba la/ ye shes des ni las rnam pa lnga byed do// 'di lta ste/ rnam par rtog pa mngon du rgyu las ring du byed de/ kun nas ldang ba bcom pa'i phyir ro/ /bla na med pa'i bde ba sgrub par byed do/ /shes bya ji lta ba dang/ ji snyed pa rtogs pas phyin ci ma log cing gtan du ba'i bde ba khyad par du 'phags pa thams cad sgrub pa'i phyir ro/ /nyon mongs pa dang shes bya'i sgrib pa dang bral ba thob par byed do/ /phra rgyas bag chags dang bcas pa yang dag par bcom pa'i phyir ro/ /rnam par mi rtog pa'i rjes las thob pa rang gi mtshan nyid kyi yul can gyi ye shes kyis shes bya'i rnam pa thams cad la 'jug par yang byed do/ /sangs rgyas kyi zhing yongs su spyod pa dang/ sems can yongs su smin pa dang/ rnam pa thams cad mkhyen pa nyid gter par yang byed do/ /des yid la byed pa la 'jug pa ni ci na ltar rnam par? mi rtog pa la 'jug par 'dod pa'i byang chub sems dpa' de 'di sum du yid la byed do/ /go rim kyang ston te/ yang dag pa ma yin pa'i kun tu rtog pas sa bon thams cad pa zhes bya ba ni kun gzhi rnam par shes pas bsdus pa'o/ /med pa gnyis su

  77. 39a

    snang ba'i rgyu zhes bya ba ni gnyis su mngon par zhen pa'i bag chags kyis yongs su zin pa'i phyir ro/ /de la brten pa'i rgyud gzhan zhes bya ba ni 'jug pa'i rnam par shes par rtogs pa'o/ /de bzhin nyid shes pa las yin te zhes bya ba ni thog ma med pa'i dus can gyi ma rig pa'i bag chags las so/ /de'i phyir zhes bya ba ni mi shes pa phyin ci log gi rgyu yin pa'i phyir ro/ /rgyu dang bcas pa'i 'bras bu ni snang du zin kyang yod par ma yin no zhes bya ba ni yang dag pa ma yin pa'i kun tu rtog pa de ni rtag tu shes pa la snang du zin kyang yod pa ma yin pa kho na'o/ /gzhan yang de snang ba ni chos nyid mi snang bzhi zhing zhes bya ba ni de bzhin nyid mi snang ba'o/ /de mi snang bas ni chos nyid snang ba yin no zhes bya ba ni de ni de med pas rab tu phye ba yin pa'i phyir ro/ /gang zhig mos pa yid la byed pas de ltar yid la byed pa'i byang chub sems dpa' rnam par mi rtog pa'i ye shes la 'jug pa yin no zhes bya ba ni sbyor ba'i lam gyis bsdus pa'o/ /de ltar dmigs pa las ni zhes bya ba ni yang dag pa ma yin pa kun tu rtog pa ni snang du zin kyang med par dmigs pa la sogs pa rnam par rig pa tsam du dmigs pa la 'jug go zhes bya ba ni rnam par rig pa gnyis su snang ba yin pa'i phyir ro/ /rnam par rig pa tsam du dmigs pa las ni don thams cad mi dmigs pa la 'jug go /zhes bya ba ni rnam par rig pa nyid don du snang bas na phyi rol gyi don med pa'i phyir ro/ /don thams cad mi dmigs pa las ni rnam par rig pa tsam mi dmigs pa la 'jug go zhes bya ba ni/ rnam par rig pa rnam par rig pa nyid du mi 'grub pa'i phyir te/ rnam par rig par bya ba'i don med na rnam par rig pa mi rigs pa'i phyir ro/ /de mi dmigs pa la ni zhes bya ba ni gzung ba dang 'dzin pa mi dmigs pa las so/ /gnyis po khyad par med pa dmigs pa la 'jug go /zhes bya ba ni gnyis su med pa nyid kyis gnyis

  78. 39b

    po khyad par med pa'i phyir ro/ /gnyis po gzung ba dang 'dzin pa'i ngo bor ma dmigs pa gang yin pa de nyid gnyis po khyad par med par dmigs pa yin par rig par bya ste/ khyad par ni gnyis yod na rtogs pa'i phyir ro/ /de la gnyis mi dmigs pa gang yin pa gang zhes bya ba ni gzung ba dang 'dzin pa mi dmigs pa'o/ /de ni rnam par mi rtog pa'i ye shes zhes bya ba ni brjod par bya ba bstan te/ de ltar rnam par mi rtog pa la 'jug par 'dod pa'i byang chub sems dpa' ni de ltar yid la byed la/ de ltar yid la byed pa yang rnam par mi rtog pa'i ye shes la 'jug pa yin no/ /zhes gang sngar bstan pa de nyid ston par byed pa'o/ /yul med cing zhes bya ba ni mig la sogs pa ltar yul dang bcas pa nyid yin pa bsal ba'i don du ste/ dmigs pa med kyang yul dang bcas pa yod pas so/ dmigs pa med kyang yul dang bcas pa yod pas so/ /dmigs pa med pa zhes bya ba ni gzugs la sogs pa'i yul la dmigs pa ma yin pa ston te/ de ni mtshan thams cad mi dmigs pas rab tu phye ba yin pa'i phyir ro/ /ye shes kyi mtshan nyid 'jug pa dang bcas pa bshad zin to/ /da ni byang chub sems dpa' ji ltar spyod na/ ye shes de 'thob par 'gyur ba'i sbyor ba ston to/ /sbyor ba la 'jug pa de yang rnam pa bzhi ste/ mos pa'i sbyor bas ni mos pas spyod pa'i sa la ste/ de ni sngar bstan pa'i nges par rtogs pa'i gnas skabs gang yin pa de nyid do/ /rab tu rtogs pa'i sbyor bas ni sa dang por te/ de ni mthong ba'i lam gyis chos kyi dbyings rab tu rtogs pa yin pa'i phyir ro/ /de yang sngar bstan pa'i reg pa'i gnas skabs gang yin pa nyid do/ /sgom pa'i sbyor bas ni yongs su ma dag pa'i sa drug dang zhes bya ba ni/ sa gnyis pa la sogs pa'o/ /yongs su ma dag pa nyid kyang mtshan ma kun tu spyod pa'i phyir ro/ /yongs su dag pa'i sa gsum du zhes bya ba ni brgyad pa la sogs par ro/ /yongs su dag pa nyid kyang mtshan ma kun tu mi spyod pa'i phyir te/ de'i gnyen po lam rang gis dang gis 'jug pa'i phyir ro/ /de yang sngar

  79. 40a

    bstan pa'i rjes su dran pa'i gnas skabs nyid de/ mthar thug pa'i sbyor bas ni sangs rgyas kyi sa la lhun gyis grub par sangs rgyas kyis mdzad pa rgyan mi 'chad par thob pa de la ni mthar thug pa'i sbyor ba zhes brjod do/ /de yang sngar bstan pa'i de'i bdag nyid du nye bar son pa'i gnas skabs nyid do/ /de'i bdag nyid du nye bar son pa nyid kyang ye shes de'i rang bzhin du gyur pas na/ gnas yongs su gyur pa'i ye shes dang ro cig pa'i phyir ro/ /de la nyes dmigs la 'jug pa ni/ gnas yongs su gyur pa med pa'i nyes dmigs bzhi ste/ 'di lta ste/ nyon mongs pa mi 'jug pa'i rten med pa'i nyes dmigs te/ gal te gnas yongs su gyur pa med na gnas yongs su gyur ba med pas rten med par nyon mongs pa rnam pa phyis mi skye ba'i chos nyid du gnas pa'i 'jug pa gang yin pa de ji ltar 'gyur des na nyon mongs pa 'jug pa'i rten bzhin du/ de'i rten yod pa dgos so zhes bya ba ni/ nyon mongs pa mi 'jug pa'i rten med pa'i nyes pa'o de bzhin du ji ltar zag pa dang bcas pa'i rnam par shes pa rten dang bcas par 'jug pa de bzhin du/ de'i gnyen po yang rten dang bcas par 'gyur dgos te/ des na lam 'jug pa'i rten med pa'i nyes par 'gyur ro/ /yang dper na 'khor ba'i gang zag la 'khor ba'o/ /zhes phung po rnams la 'dogs pa de bzhin du yongs su mya ngan las 'das pa'i gang zag la yang gdags pa'i gzhi yod dgos so/ /re zhig sems de nyid ni yin par mi 'thad de/ mi 'thun pa'i phyogs dang gnyen po dag gi skye ba dang/ 'gag pa'i dus gcig pa yin pa'i phyir dang/ 'gal ba dag ni rten gcig par mi 'thad pa'i phyir te/ grang pa dang dro ba'i reg pa rten par mi 'thad pa bzhin no/ /phung po lhag ma med par mya ngan las 'das pa na yang gdags pa'i gzhi med pa'i phyir ro/ /de bas na phung po bzhin du mya ngan las 'das pa'i gang zag tu gdags

  80. 40b

    pa'i bzhi med dgos so zhes bya ba ni mya ngan las 'das pa'i gang zag tu gdags pa'i gzhi med pa'i nyes pa'o/ /byang chub gsum gyi khyad par gdags pa'i bzhi med pa'i nyes pa ni bzhi pa yin no/ /de'i phyir gzhi'i dngos po byed pa'i gnas yongs su gyur pa ni yod pa yin lags de las kyang gnas yongs su gyur pa yod na de las bzlogs pa phan yon rnam pa bzhi nyid yin par rig par bya'o/ /de ltar na 'di ni gnas yongs su gyur pa la 'jug pa rnam pa bcu yin par rig par bya'o/ /ji ltar yang dag pa ma yin pa'i kun tu rtog pa snang yang yod pa ma yin pa ni bshad zin to// //'on kyang 'dir de la yid ches par byed pa'i dpe brjod par bya ba gsungs pa/ med par snang ba'i dpe ni sgyu ma dang/ rmi lam la sogs pa yin te/ dper na sgyu ma dang/ rmi lam la sogs pa dmigs par gyur kyang yod ba ma yin pa de bzhin du chos snang yang med pa kho na'o/ /sogs pa smos pa ni ri dags sred pa dang/ dri za'i grong khyer pa sogs pa dang/ smig rgyu dang/ sgra brnyan dang/ chu zla la sogs pa yang rtog par bya'o/ /ji ltar rnam pa bcus yongs su gyur pa la 'jug pa bla na med pa yin de bshad zin pa de la/ gal te gnas yongs su gyur pa na gzhan du gyur pas na gnas yongs su gyur pa'i rnam par 'gyur ba'i chos can du ji ltar mi 'gyur zhe na/ de'i phyir yongs su gyur pa yin yang ci ltar rnam par 'gyur ba'i chos can ma yin pa de ltar dpes grub par gsungs pa ni gnas yongs su gyur pa'i dpe ni nam mkha' dang gser dang chu la sogs pa yin no/ zhes bya ba'o/ /dper na nam mkha' rang bzhin gyis dag pa kho na te/ glo bur gyi khug rna la sogs pa dang 'brel ba las de ma gtogs bar zad la/ de dang bral ba la ni dag ba yin no/ /ma dag pa ni dag par 'gyur ba ma yin no zhes bya bas dag pa nyid skye ba ni ma yin gyi/ 'on kyang mi dmigs pa'i rgyu dang bral bas dmigs par zad do/ /rab tu dag pas nam mkha' rnam par 'gyur pa'i chos

  81. 41a

    can du khas blang bar bya yang ma yin no/ /de bzhin du gser yang bzang ba nyid du gnas pa kho na te/ glo bur gyi dri mas zil gyis mnan pas de ma dmigs par zad la/ de dang bral ba las ni dmigs pa yin no/ /dmigs pas skyes par gyur pa yang ma yin no/ /de bzhin du chu ni dang bar gnas pa kho na ste/ chu de la sa'i rdzas dang 'bral pas de ma dmigs pa zad la/ sa'i rdzas dang bral ba las ni dmigs pa yin no/ /dmigs pa las rgyun gyis 'jug pa'i chu'i rdzas der ma byung ba las skyes pa yang ma yin la/ dang ba nyid dmigs pas chu'i rdzas rnam par 'gyur ba'i chos zan du khas blangs pa yang ma yin no/ /de bzhin du gnas yongs su gyur pa la yang rang bzhin gyis 'od gsal ba gang yin pa de sngar med pa ma yin te/ 'on kyang glo bur gyi sgrib pa snang bas snang bar zad do/ /ma dag pa dang/ bzang ba ma yin pa dang/ ma dang ba nyid bzhin no/ /de dang bral ba las ni snang ba yin la/ gang la chos nyid rnam par 'gyur ba dang bcas pas rnam par 'gyur ba snang ba las yang ma byung ba las skyes pa yang ma yin no// de med pas na chos nyid dang/ des rab tu phye ba'i gnas yongs su gyur pa rtag pa yin no/ /'dir gser dang chu'i dpes ni rdzas la ma ltos par yon tan tsam chos mthun par bstan pa yin la/ nam mkha' i dpes ni thams cad bstan pa yin no/ / sogs pa smos pas ni rnam pa de lta bu gzhan yang rtogs pa bya ste/ gos la sogs pa dri ma dang bral bas dag par gyur pa nyid du gnas pa la sogs pa'o/ /chos dang chos nyid rnam par 'byed pa'i 'grel pa slob dpon dbyig gnyen gyis mdzad pa rdzogs so// //kha che'i paN+Di ta ma hA dza na dang/ lo tsA ba blo ldan shes rab kyis bsgyur ba'o// (//mdo sde rgyan gyi 'grel bshad btsun pa ngo bo nyid med kyis mdzad pa bzhugs so//) // */ /rgya gar skad du/ ma hA yA na sU trA

  82. 41b

    langka ra? ka/ bod skad du/ theg pa chen po'i mdo sde'i rgyan gyi rgya cher bshad pa/ sangs rgyas dang byang chub sems dpa' thams cad la phyag 'tshal lo/ /dkon mchog gsum po yon tan gtar gyur pa/ /shAkya thub pa'i sras kyi thu bo dang/ /rgyal ba'i sras gzhan ? dang de dag dang/ /thogs med zhal snga nas dang de'i gcung dang/ /bla ma gang las bdag gis skye bo la/ /gsal zhing snang byed bstan bcos 'di thos de/ /kun la bdag rtag mgo bo sar gtugs nas/ /zhes sa dang bcas yang dag gus phyag 'tshal/ /don bsam rnams la blo brtul bstan bcos 'di/ /tshig don thob par rnam bsams bshad sbyad dag /bya ba'i bsam pa'ang bdag la 'ga' yang med/ /de ltas rang la phan phyir cung zad bya/ /theg pa chen po'i mdo sde'i rgyan gyi lus ni byang chub sems dpa' rigs la gnas pa dag bla na med pa yang dag par rdzogs pa'i byang chub tu sems bskyed pas byang chub sems dpa' i spyod pa la slo bo/ /byang chub sems dpa' i spyod pa gang yin zhe na/ byang chub sems dpa' i spyod pa ni mdor bsdu na/ rnam pa gsum po de gang la slob pa dang/ ji ltar slob pa dang/ gang dag slob pa yin te/ de dag thams cad gcig tu bsdus nas/ byang chub sems dpa' i spyod pa zhes bya'o/ /yang byang chub sems dpa' dag gang la slob ce na/ gnas bdun la slob po/ /gnas bdun po gang dag yin zhe na/ rang gi don dang/ gzhan gyi don dang/ de kho na nyid kyi don dang/ mthu dang/ bdag nyid kyi sangs rgyas kyi chos yongs su smin pa dang sems can yongs su smin pa dang/ gnas bdun pa ni bla na med pa yang dag rdzogs pa'i byang chub po/ /rang gzhan don dang de nyid don/ /mthu dang rang gi sangs rgyas kyi/ /chos dang sems can yongs smin dang/ /bdun pa byang chub mchog yin no/ /byang chub sems dpas gang la bslab par bya ba de ni bstan zin to/ /ji ltar bslab par bya ba de bstan par bya ba ste/ 'di la byang chub sems dpa' bslab pa

  83. 42a

    rnams la slob par 'dod pa'i byang chub sems dpas dang po kho nar theg pa chen po'i chos la mos pa mang par bya ba dang/ chos tshol ba dang/ chos ston pa dang/ chos dang mthun pa'i chos sgrub pa dang/ yang dag pa'i gdams dag rjes su ston pa la gnas pa dang/ lus dang ngag dang yid kyis las thabs kyis zin par bya ste/ rim pa 'dis gang dag slob pa yin zhes bya bar de khong du chud par bya'o/ /de ltar slob pa'i byang chub sems dpa' ni bla na med pa yang dag par rdzogs pa'i byang chub 'tshang rgya'o/ /sdom ni mos pa mang ba nyid dang ni/ chos tshol ba dang ston pa dang/ /de bzhin sgrub dang yang dag pa'i/ /gdams ngag rjes su ston pa dang/ /lus dang ngag dang yid kyi las/ /thabs kyi zin pa tha ma yin/ /gang dag slob pa yin zhes bshad pa gang yin pa gang dag cig slob ce na/ byang chub sems dpa' dag slob po/ /de ltar slob na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i byang chub sems dpa' mtshan nyid ji lta bur gcig yin zhe na/ de dag ni mdor bsdu na bcur rig par bya ste/ rigs la gnas pa dang/ zhugs pa dang/ bsam pa ma dag pa dang/ bsam pa dag pa dang/ bsam pa yongs su ma smin pa dang/ bsam pa yongs su smin pa dang ma nges par rtogs pa dang/ skye ba gcig gis thogs pa dang/ srid pa tha ma pa'o/ /yang byang chub sems dpa' 'di dag thams cad kyi ming bye brag med par ni de lta bu'i cha dang mthun pa 'di dag yin par rig par bya ste/ 'di lta ste/ byang chub sems dpa' sems dpa' che/ /blo dang ldan pa gsal ba'i mchog ces bya ba la sogs pa yin no/ /de'i lus ni de yin te de ni phyogs yin no/ /phyogs des gzhan yang khong du chud par bya'o/ /de la bsdus te bshad pa ni/ tshigs su bcad pa dang po gsum

  84. 42b

    gyis ji lta ba bzhin du yod pa dang/ ji snyed yod pa bstan te/ ji lta ba bzhin yod pa'i bshad pa ni/ ci zhes bstan pas ston to/ /ji lta ba zhe na/ byed pa bo dang/ las dang/ byed pa dang de'i phyir dang rgyu'i don dang/ yan lag gi don dang/ ched kyi don te/ rnam par dbye ba bdun po 'di dag dang/ don shes don ston rab tu byed pa zhes bya ba nas bzung ste/ de yis 'gro ba sems can la zhes bya ba'i bar dang/ go rims bzhin no/ /ji snyed yod pa'i bshad pa ni/ grangs bstan pas rnam pa ji snyed pa'o/ /de yang rnam pa du zhig ce na/ rnam pa lnga ste/ 'byor pa'i don tshul bla med gyur pa lnga'i bdag nyid ces bya ba 'di nas bzung ste/ gser las brdungs byas pa la sogs pa lta bu dpe lngas bstan pa'i bar yin no/ /gzugs rgyan gyi dpes ni don 'di kho na rgyan nyid du ston par byed do/ /de ltar na bsdus te bshad pa/ rnam pa thams cad kyi don dang ldan pa'i phyir phyin ci ma log pa yin la/ rnam pa thams cad yongs su rdzogs pa'i phyir rgyas pa yang yin no/ /de la grong khyer la sogs pa'i ngag ni yan lag brgyad dang ldan pa yin par rig par bya ste/ grong khyer ba dang/ snyan cing 'jebs pa dang/ rnam par gsal ba dang/ rnam par rig par byed pa dang/ mnyan par 'os pa dang/ rten pa med pa dang/ mi mthun pa med pa dang/ gtugs pa med pa'o/ /de la grong khyer pa ni mya ngan las 'das pa'i grong khyer gyi dbang du byas pa'i phyir ro/ /snyan cing 'jebs pa ni gdangs snyan pa'i phyir ro/ /rnam par gsal ba ni nges pa'i tshig dang/ yi ge bzang ba'i phyir ro/ /rnam par rig par byed pa ni go bar byed pa yin pa'i phyir ro/ /mnyan par 'os pa ni chos kyi don dang ldan pa'i phyir ro/ /rten pa med pa ni rab tu dang pa lhag pa'i rten yin pa'i phyir ro/ /mi mthun pa ni mngon par 'dod pa brjod pa'i phyir ro/ /gtugs pa med pa ni rgya chen la mkhas pa'i phyir ro/ /rnam pa brgyad dang ldan

  85. 43a

    pa'i ngag 'di ni mdor bsdus na yon tan gsum dang ldan par rig par bya ste/ dbang du bya ba'i sgo nas ni rnam pa dang po gcig gis so/ /ngo bo nyid kyi sgod pa ni rnam pa gnyis kyi so sbyor ba'i sgo nas ni rnam pa lhag ma rnams kyis so/ /tshig dri ma med pas zhes bya ba ni tshig dang yi ge rigs pa dang 'brel zhes bya ba ni tshig dang yi ge rigs pa zhes bya ba nas 'grus skyong gi yan lag gi tshogs zhes bya ba'i bar yin te/ tshig dang yi ge rigs pa dang/ 'brel pa dang/ mthun pa dang/ rung ba dang/ 'byor ba dang/ 'phrod pa dang/ 'tsham pa dang/ 'grus skyong gi yan lag gi tshogs so/ /de la rigs pa ni ming dang tshig dang yi ge'i tshogs rnams go rim su legs par bkod pa'i phyir ro/ /yang rigs pa rnam pa bzhi la rten pa'i phyir rigs pa yin no/ /'brel pa ni sgrub pa dang 'byor pa'o/ /rung ba ni tshig dang yi ge gsal ba'o/ /'byor pa ni snying la 'bab phyir ro/ /'phrod pa ni 'khor ji lta ba bzhin du'o/ /'tsham pa ni chos dang mthun dang don dang ldan pa dang dus dang 'tsham pa yin no// 'grus skyong gi yan lag gi tshogs zhes bya la/ 'grus skyong zhes bya ba ni mkhas par byed pa dang/ rtag tu byed pa ste/ de'i yan lag ni yang dag pa'i lta ba la sogs pa yin no/ /gser las brdungs byas zhes bya ba ni tshigs su gcad pa 'dis ni dpe lngas theg pa chen po'i chos de don rnam pa lnga'i dbang du byas nas bstan pa yin te/ bsgrub par bya ba dang/ bye brag tu shes par bya ba dang/ bsam par bya dang/ bsam gyis mi khyab pa dang/ yongs su grub pa rtogs pa'i don so so rang gis rigs par bya ba byang chub kyi phyogs dang mthun pa'i ngo bo nyid do/ /'di ni theg pa chen po dngos po lnga po dang/ ngo bo nyid gsum dang/ gang zag rnam par bzhag pa ste/ rnam pa gsum gyis 'grel to/ /de la dngos po lnga gang

  86. 43b

    zhe na/ ming dang rgyu mtshan dang/ rnam par rtog pa dang/ de bzhin nyid dang/ rnam par mi rtog pa'i ye shes so/ /de la ming ni brdar tha snyad gdags pa mngon par brjod pa'i rang bzhin yin te/ de yang 'jig rten ni chos 'di dag ji ltar ming gis mngon par brjod pa de kho na bzhin du ngo bo nyid du yod do zhes ming gi sgo nas chos thams cad la mngon par zhen to/ /ming gis mngon par brjod pa gang yin pa de ni med de/ bcom ldan 'das kyi ji skad du/ ming ni gang dang gang dag gis/ /chos zhi gang dang gang brjod pa/ /de ni de la yod min te/ 'di ni chos rnams chos nyid yin/ /zhes gsungs pa lta bu'o/ /ming gi sgo nas chos rnams la ngo bo nyid du mngon par zhen pa de dag la ming gi mngon par brjod pa gang yin pa de ni ngo bo nyid kyis med do zhes bya ba 'di shes par bya dka' ba'i phyir bsgrub par bya ba yin no/ /de dang chos mthun par gser las brdungs byas pa dang 'dra ste/ dper na bsreg pa dang chus gdab pa dang/ brdung ba la sogs pa 'bad pa chen pos gser las su rung bar byas pa brgyan la sogs par brdungs na rnam par mdzes pa de bzhin du theg pa chen po 'di yang ming gis ngo bo nyid du mngon par zhen pa rnams la ming gis mngon par brjod pa gang yin pa de ni ngo bo nyid med do zhes rang gi phyogs sgrub pa dang/ gzhan gyi phyogs sun dbyung ba la sogs pas bsgrubs na gser las brdungs su byas pa bzhin dga' ba'i mchog bskyed pas sgrub pa zhes bshad do/ /rgyu mtshan ni gang la brten nas mi 'jug pa ste/ mngon par brjod pa'i bdag nyid kyi mi de nyid kyi rten gyi dngos po gzhan gyi dbang gi ngo bo nyid bzung ba'i cha yin no/ /dngos po de yang rten cing 'brel par 'byung ba snang ba tsam dang rig pa yin te/ de ni bye brag tu shes par bya ba 'ba' zhig tu zad do/ /rang rig pa de la ni 'jig rten mtshar gcig log par rtogs pa med pas bye brag tu shes par bya ba 'ba' zhig tu zad do/ /de dang chos mthun par dpe pad+ma ste/ dper

  87. 44a

    na 'bad pa med par nyi ma'i 'od zer gyis kha bye ba'i pad+ma dga' ba'i mchog bskyed pa de bzhin du rten cing 'brel par 'byung ba'i dngos po 'bad pa med par shes par byas pa yang dag pa'i mchog skyed pas bye brag tu shes par bya ba nas bshad do/ /rnam par rtog pa ni rten cing 'brel par 'byung ba dngos po tsam de nyid sems dang sems las byung ba 'dzin pa'i char rab tu skye ba yin te/ tshul bzhin du rnam par rtog pa dam pa'i chos mnyam pa'i rgyu las byung ba dag gis bsam par bya ba yin no/ /ji skad du chos mngon pa kun las btus pa las chos la rab tu btsan brtson pa chos rnams dpyod par byed ce na/ ltos pa'i rigs pa dang/ bya ba byed pa'i rigs pa dang/ 'thad pa sgrub pa'i rigs pa dang/ chos nyid kyi rigs pa ste/ rigs pa bzhis so/ /rigs pa 'di bzhis tshul bzhin bu rnam par brtags na kun nas nyon mongs pa spong ba dang/ rnam par byang ba dang/ mthun par yang 'gyur ro zhes bshad pa lta bu'o/ /de dang chos mthun par dpe g.yos legs pa'i kha zas te/ dper na g.yos legs pa'i kha zas kha dog dang ro la sogs pa phun sum tshogs pa bkres pas nyen pa rnams kyis zos na dga' ba'i mchog bskyed pa de bzhin du/ theg pa chen po'i chos bdud rtsi dang 'dra ba 'di yang dam pa'i chos mnyan pas bkres pa tshul bzhin du rnam par rtog pa rnams kyis dpyad pa dga' ba'i mchog skyed par bsam par bya ba zhes bshad do/ /de bzhin nyid ni bsam gyis mi khyab pa yin te/ bsam pa'i spyod yul las yang dag par 'das pa'i phyir dang so so rang gis rig par bya ba yin pa'i phyir ro/ /ji ltar du theg pa chen po bsdus pa las chos kyi sku ni bsam gyis mi khyab pa'i mtshan nyid do/ /zhes bshad pa lta bu ste/ de bzhin nyid rnam par dag pa de 'jig rten na dpe med pa dang/ rtog pa'i spyod yul ma yin pas so so rang gis rig par bya ba yin pa'i phyir ro/ /de dang chos mthun par dpe phrin yig ste/ dper na phrin

  88. 44b

    yig legs par mkhas pa rnams kyi lag tu son na don log pa'i rnam par rtog pa spangs pa'i sgo nas mchog tu dga' ba bskyed pa de bzhin du/ de bzhin nyid so so rang gis rig par bya ba rtog ge'i spyod yul las yang dag par 'das pa yang sangs rgyas dang byang chub sems dpa' rnams las dang po thob pa'i dus nas bzung ste/ dga' ba zag pa med pa skyed par byed de/ byis pa de kho na nyid ma rtogs pa rnams kyi bsam pa'i yul las yang dag par 'das pa'i phyir bsam gyis mi khyab pa zhes bya bshad do/ rnam par mi rtog pa'i ye shes byang chub kyi phyogs dang mthun pa'i ngo bo ni yongs su grub pa rtogs pa'i don so so rang gis rig par bya ba byang chub kyi phyogs dang mthun pa'i ngo bo nyid yin no/ /yang ci'i phyir yongs su grub pa'i ngo bo nyid du 'dra ba las de bzhin nyid ni bsam gyis mi khyab par bshad la/ rnam par mi rtog pa'i ye shes la sogs pa/ byang chub kyi phyogs dang mthun pa'i chos rnams ni ma yin zhe na/ de ni de ltar bden mod kyi/ de bzhin nyid ni nam yang de kho na nyid ma rtogs pa rnams kyis rang gis rig par bya ba ma yin no/ /byang chub kyi phyogs dang mthun pa'i sems dang sems las byung ba'i ngo bo nyid dag ste/ zag pa med pa/ de dag de kho na nyid rtogs pa rnams kyi so so rang gis rig par bya ba yin mod kyi/ de yang thos pa dang bsam pa'i gnas skabs na de kho na nyid ma rtogs kyang chos kyi sku'i rgyu mthun pa theg pa chen po'i dam pa'i chos mnyan pas tshul bzhin rab tu sbyor ba rnams kyi so so rang gis rig par bya ba dang mthun par 'gyur ro/ /ji skad du thog pa chen po bsdus pa las yongs su grub pa'i ngo bo nyid du ji lta bu yin par rig par bya zhe na/ rnam par byang ba'i chos rnam pa bzhi bstan pas rig par bya'o/ /rnam par byang pa'i chos rnam pa bzhi bstan pa la rang bzhin gyis rnam par byang ba ni de bzhin nyid la sogs pa'o/ /dri ma dang bral bas

  89. 45a

    rnam par byang ba ni 'di lta ste/ de nyid sgrib pa thams cad dang bral ba'o/ /de 'thob pa'i lam gyis rnam par byang ba ni byang chub kyi phyogs dang mthun pa'i chos thams cad do/ /skye ba'i dmigs pa ni rnam par byang ba ni 'di lta ste/ theg pa chen po'i dam pa'i chos bstan pa'o zhes bshad pa lta bu ste/ 'di ltar de ni rnam par byang ba'i rgyu mtshan yin pa'i phyir kun brtags pa yang ma yin la/ chos kyi dbyings shin tu rnam par dag pa'i rgyu mthun pa yin pa'i phyir/ gzhan gyi dbang yang ma yin no// de'i phyir thos pa dang bsam pa'i gnas skabs na byang chub kyi phyogs dang mthun pa zag pa med pa dang mthun pas zag pa med pa bzhin nye bar gdams te/ 'di ni khyad par yin par mngon no/ /de ltar re zhig theg pa chen por dngos po lnga dang chos mthun par bsgrub par bya ba la sogs pa'i dngos po lnga gser las brdungs byas pa la sogs pa'i dpe lnga dang bcas te/ bshad pa yin no/ /rnam pa gcig tu ngo bo nyid gsum du bshad do/ /ji lta zhe na/ re zhig bsgrub par bya ba zhes smos pa gang yin pa de'i bshad pa ni ji skad du theg pa chen po bsdus pa las sangs rgyas bcom ldan 'das rnams kyis theg pa chen po shin tu 'das pa bstan pa gang yin pa'i bstan pa de la kun brtags pa'i ngo bo nyid ji lta bu yin par rig par bya zhe na/ rab 'byor sangs rgyas med do/ /chos med do/ /dge 'dun med do zhes bya ba de lta bu la sogs pa bstan pas so zhes bshad pa lta bu ste/ tshig dang yi ge skrag pa skyed par byed pa 'di dag ni 'jig rten gyis thos na skrag par 'gyur ro/ /kun brtags pa'i ngo bo nyid de ni bsgrub par bya'o zhes bshad de/ chos 'di dag ni rnam pa thams cad du med pa kho na ma yin no/ /'on kyang byis pa skye bos kun brtags pa'i bdag nyid du med de/ ji skad du bcom ldan 'das kyis/ /chos

  90. 45b

    kun med phyir rnam dag gang/ /kun nas nyon mongs med de gang/ /ji ltar mthong ba de ltar med/ /de dag med na kho na 'ang min zhes gsungs pa lta bu'o/ /de dang chos mthun par dpe gser te/ dper na gser bsregs pa dang/ brdung ba la sogs pa 'bad pa chen pos las su rung bar byas pa gdu bu dang dpung rgyan la sogs pa'i ngo bor brdungs su byas pa dga' ba bskyed pa de bzhin du kun brtags pa'i ngo bo nyid kyang bsgrubs na yang dag pa ji lta ba bzhin rtogs pa'i sgo nas skye bo ya rabs kyi dga' ba'i mchog bskyed pas bsgrub par bya'o zhes bshad do/ /gzhan gyi dbang gi ngo bo nyid ni rten cing 'brel par 'byung ba bde ba dang/ sdug bsngal la sogs pa so so rang gis rig par bya ba yin te/ theg pa chen po las kun brtags pa'i ngo bo nyid bsgrubs na gzhan gyi dbang gi bsdus pa'i chos rnams bye brag du shes par bya slabs bye brag tu shes Tpar bya'o/ zhes bshad do/ /de dang chos mthun par dpe pad+ma ste/ snga ma dang mthun par khong du chud par bya'o/ /gzhan gyi dbang gi ngo bo nyid kho na nyid bsam par bya ba yin te/ sems dang sems las byung ba'i ngo bo nyid de ni 'dod chags la sogs mi dge ba'i chos bas ? ba dang/ dad pa la sogs dag pa'i chos la goms pas tshul bzhin du bsam par bya ba yin no/ /de dang chos mthun par dpe kha zas te snga ma dang mthun par khong du chud par bya'o/ /yongs su grub pa'i ngo bo nyid ni rnam pa gnyis te/ de bzhin nyid kyi ngo bo nyid dang/ rnam par mi rtog pa'i ye shes byang chub kyi phyogs dang mthun pa'i ngo bo nyid do/ /de la de bzhin nyid ni bsam gyis mi khyab pa yin te/ ji skad du sngar bshad pa yin no// 'phags pa dkon mchog mchog sprin gyi mdo las kyang/ byang chub sems dpa' sgrib pa thams cad rnam par sel bas gsol pa/ bcom ldan 'das de kho na nyid ces bgyi ba 'di ci lags/ bcom ldan 'das kyis bka' stsal pa/ rigs kyi bu 'di lta ste/

  91. 46a

    de kho na nyid ces bya ba ni yang dag pa'i don gyi tshig bla dags yin no/ /gsol pa/ bcom ldan 'das yang dag pa zhes bgyi ba 'di ci lags/ bcom ldan 'das kyis bka' stsal pa/ rigs kyi bu mi slu ba gang yin pa de ni yang dag pa yin no// gsol pa/ bcom ldan 'das mi slu ba zhes bgyi ba 'di ci lags/ bcom ldan 'das kyis bka' stsal pa/ de bzhin nyid dang phyin ci ma log pa de bzhin nyid dang gzhan ma yin pa de bzhin nyid gang yin pa'o/ /gsol pa/ bcom ldan 'das de bzhin nyid ces bgyi ba de ci lags/ bcom ldan 'das kyis bka' stsal pa/ rigs kyi bu chos 'di ni so so rang gis rig par bya ba yin gyi/ chos 'di yi ge dag gis gdags par ni mi nus so/ /de ci'i phyir zhe na/ chos 'di ni yi ge thams cad las yang dag par 'das pa'o/ /chos 'di ni mngon par brjod pa thams cad las yang dag par 'das pa ste/ ngag gi spyod yul las yang dag par 'das pa/ ngag gi lam thams cad las yang dag par 'das pa/ spros pa thams cad dang bral ba'o/ /rtog ge thams cad dang bral ba ste/ brtag par bya ba ma yin pa/ rtog ge'i spyod yul ma yin pa/ rtog ge'i spyod yul las yang dag par 'das pa'o/ /byis pa'i spyod yul las yang dag par 'das pa ste/ byis pa'i spyod yul las yang dag par 'das pa'o/ /rnam par shes pa'i spyod yul las yang dag par 'das pa ste/ chos kyi dbyings bsam gyis mi khyab pa zhes bya'o/ /zhes gsungs so/ /de ltar na de bzhin nyid ces bya ba'i chos 'di ni spros pa dang rtog ge dang rnam par shes pa'i spyod yul thams cad las yang dag par 'das pa'i phyir byis pa rnams kyis bsam gyis mi khyab pa zhes bya'o/ /de dang chos mthun par dpe phrin yig kyang snga ma dang mthun par khong du chud par bya'o/ /rnam par mi rtog pa'i ye shes byang chub kyi phyogs dang mthun pa'i

  92. 46b

    ngo bo nyid so so rang gis rig par bya ba rtogs pa'i don de dang chos mthun par dpe rin po che'i sgrom ste/ dper na rin po che'i sgrom kha gab phye na dga' ba'i mchog bskyed pa de bzhin du/ 'di yang byang chub sems dpa' de kho na nyid kyi don rtog pa byang chub kyi phyogs dang mthun pa rnam par mi rtog pa la sogs pas rgyud gsal bar byas pa rnams la dga' ba chen po bskyed pas yongs su grub pa rtogs pa don so so rang gi rig par bya ba byang chub kyi phyogs dang/ mthun pa'i ngo bo nyid du bshad do/ /ngo bo nyid gsum du bshad pa ni de lta bu yin no/ /de nas gang zag rnam par bzhag pas bshad pa ji lta bu zhe na/ 'di na gang zag rnam pa gsum zhig snang ste/ mi shes pa dang the tshom can dang log par shes pa rnams so/ /de la log par 'dzin pa la mngon par zhen pa rnams dang the tshom can rnams la ni log par 'dzin pa dang the tshom gsal ba'i phyir 'di kho na theg pa chen po kho na yin gyi/ gzhan gyi ni ma yin no/ /zhes theg pa chen po'i chos bsgrub par bya ba yin no/ /de dang chos mthun par dpe gser te/ snga ma bzhin du rig par bya'o/ /de ltar zhugs pa'i gang zag de dag nyid kyis bsam gyis mi khyab pa'i gnas rnams spang bar bya ste/ ji skad du sangs rgyas kyi bya ba sgrub pa'i phrin las bsam gyis mi khyab po/ /phyi rol gyi dngos po thams cad sna tshogs mngon par 'grub par byed pa'i las bsam gyis mi khyab po/ /nor bu dang sman dang mkhyud dpyad kyi sbyor ba dang ldan pa'i las bsam gyis mi khyab po zhes gsungs pa lta bu ste/ de la sogs pa bsam gyis mi khyab pa'i gnas rnams la sems na sems bslad pa'i gnas dag tu 'gyur bas bsam gyis khyab par bshad do// de'i phyir bsam gyis mi khyab pa'i gnas spong ba'i phyir ro/ /bsam par bya ba'i gnas sems pa'i phyir dga' pa chen po skye bas dpe phrin yig dang kha zas te/ snga ma dang mthun par khong du chud par bya'o/ /gang zag de dag nyid tshul bzhin du rab tu sbyor na

  93. 47a

    yongs su grub pa rtogs pa'i don so so rang gis rig par bya ba byang chub kyi phyogs dang mthun pa'i ngo bo nyid rtogs par 'gyur ro/ /de dang chos mthun par rin po che'i sgrom ste/ /dper na rin po che'i sgrom kha gab phye ste/ rin po che dag snang na dga' ba bskyed pa de bzhin du/ byang chub kyi phyogs dang mthun pa'i chos rnams kyi theg pa chen po'i chos pa dang pha rol tu phyin pa zhes bya ba'i mi mthun pa'i phyogs su gyur pa'i chos nyon mongs pa dang/ shes bya'i sgrib pa'i gnas lta bu gang dag yin pa de dag bsal bas dga' ba chen po yang skye la/ rgyud kyang gsal bar 'gyur ro/ /de'i phyir don lnga pa yongs grub pa byang chub kyi phyogs kyi ngo bo nyid so so rang gis rig par bya ba zhes bya ste/ de ni gang zag rnam par bzhag pas bshad pa yin no/ /theg pa chen po las ni gdul ba'i skye bo la bltos te/ bsgrub par bya ba la sogs pa'i don gyi khyad par de dag tsam zhig ston te/ ngo bo nyid med pa la sogs pa'i don ni bsgrub par byed do/ /gzhan gyi dbang gi ngo bo nyid du bsdus pa sems dang sems las byung ba'i rang bzhin dag bre brag tu shes par bya ba yin no/ /de dag nyid mi dge ba'i chos yongs su spangs pa dang/ dge ba'i chos sgoms pas bsam par bya ba yin pas na bsam par bya ba dag tu bstan to/ /sangs rgyas kyi bya ba bsgrub pa dang/ phyi rol gyi dngos po sna tshogs mngon par 'grub par byed pa dag ni bsam gyis mi khyab pa'i gnas su gyur pa'i phyir bsam gyis mi khyab pa zhes bshad do/ /yongs su grub rtogs pa'i don so so rang gis rig par bya ba byang chub kyi phyogs dang mthun pa'i chos rnams yin te/ mdo sde'i rgyan 'dis rnam par bkrol lo/ /chos lnga po 'di dag gis ni/ chos thams cad yang dag par bsdus par bstan la/ 'di dag yang dag par rnam par bkrol bas gser la sogs pa dang/ chos mthun par mkhas pa rnam dga' bskyed de de ni

  94. 47b

    bsdus pa'i don yin no/ /don shes pa don ston par ni chos de rgyan par byed kyi/ gzhan gdu bu dang dpung rgyan la sogs pas ma yin pas de'i phyir phyogs snga ma gang gi tshe chos de rang bzhin gyis yon tan dang ldan pa yin na/ ji ltar de brgyan par byed ces bya ba gleng bar byed do/ /de yongs su spang ba'i phyir tshigs su bcad pa rtsom par byed de/ gzugs rgyan ces bya ba la sogs pa ni ji ltar gdong gi gzugs bzang po brgyan pa me long gi nang du song na/ shin tu dga' ba bskyed pa de bzhin du/ theg pa chen po'i chos kyi gzugs sa dang pha rol tu phyin pa la sogs pa thun mong ma yin pa bstan pa rang bzhin gyis yon tan dang ldan pa 'di yang don bstan pa'i me long shin tu dri ma med pa'i nang du snang ba skyed pas brgyan pa yin no/ /nga ni sman la sogs pa'i dpe gsum gyis chos kyi bsngags pa ston par byed do/ /sman gyi rigs la la 'di 'dra ste/ gang gi tshe bsnams na ni sna'i dbang po tshim par mi byed cing/ skyo ba bskyed la/ sman de nyid gang gi tshe lce'i dbang pos myangs na ni ro phun sum tshogs pas lce'i dbang po tshim par byed cing dga' ba yang skyed/ spyad de 'jug pa na rim gyis lus la yod pa'i nang thams cad kyang sel bar byed do/ /de bzhin du theg pa chen po'i chos gnyis su gnas pa yang go rim bzhin du sman dku la zhim pa dang 'dra bar mi dga' ba bskyed par byed pa dang dga' ba bskyed par byed pa yin te/ rab 'byor sangs rgyas med do/ /chos med do/ /dge 'dun med do/ /zhes bya ba de lta bu la sogs pa'i ming dang tshig dang yi ge dag thos nas/ mnams na rab tu dku ba'i sman bzhin du skyo ba bskyed do/ /gang gi tshe dge ba'i bshes gnyen dang 'phrang ming dang/ tshig dang yi ge 'di dag gi don ni sgra ji bzhin pa ma yin no/ /zhes bya ba de lta bu la sogs pa theg pa chen po'i don rtogs pa de'i tshe myangs na zhim pa'i sman myangs pa bzhin du dga' ba skyed la/ thos pa dang bsam pa dang bsgom pa'i rim

  95. 48a

    gyis bsgoms na nyon mongs pa dang shes bya'i sgrib pa'i nang nye bar zhi bar byed pas sgrib pa spang ba'i rgyu nyid du bstan to/ /rgyal po mnyes par dka' ba zhes bya ba ni/ yab dang sras mjal ba'i mdo las/ 'char byed kyis ji skad du/ rgyal po rnams ni bsnyen par dka' ba lags te/ mnyes par bgyi dka' ba lags so/ /nam zhig mnyes par bgyis na ji ltar 'dod pa'i don rtsol bar bgyid pa lags so zhes bshad pa lta bu'o/ /de bzhin du theg pa chen po'i chos kyang mnyes par dka' ba yin te/ ji skad du 'phags pa blo gros rgya mtsho'i mdo las/ blo gros rgya mtsho sangs rgyas su 'gyur bar bya'o/ /zhes bya ba 'di ni rnyed par sla'o/ /tshogs rnams yang dag par bsgrub par bya ba ni dka' o zhes gsungs pa lta bu yin no/ /gang gi tshe go cha'i brtson 'grus brtsams pas mgu bar byed pa de'i tshe yon tan khyad par can mngon par shes pa dang/ stobs dang mi 'jigs pa la sogs pa'i yon tan rnams kyi dbang phyug rnyed par 'gyur bas dbang 'byor pa'i rgyu nyid du bstan to/ /rin po che rigs dang ldan pa'i rang bzhin gyis 'od gsal zhing dbyings kyi tshad la sogs pa phun sum tshogs pa yin te/ rin po che de lta bu skye bo lta mi shes pa'i lag du son na skye bo lta mi shes pa de'i sems yongs su mgu bar mi 'gyur gyi/ de nyid skye bo lta shes pa'i lag tu son na skye bo de rab tu dga' ba mchog gis mgu bar byed cing gser la sogs pa gzhan mang po'i rgyur yang 'gyur ro/ /de bzhin du theg pa chen po'i chos 'di yang skye bo lta mi shes pa don mngon par mi shes pa'i lag du son na dga' ba mi bskyed kyi gang gi tshe 'di nyid skye bo lta shes pa'i lag du son par gyur pa de'i tshe dga' ba dang rab tu dga' ba'i mchog kyang skyed la/ 'phags pa'i nor dad pa dang/ tshul khrims dang thos pa dang gtong ba dang shes rab dang/ ngo tsha shes pa dang/ khrel yod pa la nye bar spyod pa'i rgyu mtshan yin pas 'phags

  96. 48b

    pa'i nor la spyod pa'i rgyu nyid du bstan to/ /nga ni chos kyi yon tan brjod bsgrub pa'i skabs yin te/ spyod yul ma yin zhes bya ba ni las 'di snyam du theg pa chen po 'di ni rtog ge ba rnams kyis gzhan/ dag bslu bar bya ba'i phyir bkod pa yin te/ 'di ltar de dag la yang tshul 'di lta bu dmigs so/ /de bas na kho bo nyid de dogs so zhes bya bar sems na/ de ltar dogs par byar mi rung ba nyid de/ sa dang pha rol tu phyin pa la sogs pa'i tshul zab cing rgya ce ba dang ldan pa de lta bu ni mu stegs can gyi bstan bcos dag la mi dmigs so/ /gzhan yang khyod pha rol tu phyin pa bstan pa la dad pa yin na/ ji ltar 'phags pa blo gros mi zad pa dang/ blo gros rgya mtsho dang/ dkon mchog sprin dang/ lag bzangs la sogs pa'i mdo las/ pha rol tu phyin pa bstan pa thos nas/ 'di ni rtog ge bas bkod pa yin no zhes bya bar sems dad par 'gyur ro/ /bdag med pa la sogs pa'i tshig gi don gang yin pa dag la ma mos pa de dag ni gang zag la sogs pa bstan pa bzhin du sgra ji bzhin pa'i don ma yin te/ de dag byis pa'i skye bos kun brtags pa'i bdag nyid du ngo bo nyid med pa yin gyi/ 'phags pa'i ye shes dang de'i rjes la thob pa'i ye shes kyi yul nyid du ma yin pas gnas ma yin par dogs par ma byed cig /yod dang med na yod med dang/ zhes bya ba la/ yod pa dang med pa ni yod dang med do/ /de yod dang med na go rim bzhin du yod pa'i phyir dang/ med pa'i phyir te/ gal te theg pa chen po cung zad cig yod na ni de yod dang 'di sangs rgyas kyi bka' yin par grub ste/ 'di la gzhan pa'i theg pa chen po med pa'i phyir ro/ /zhes bya ba 'di yod na yod pa'i rnam par bshad pa yin no/ /'on te med na ni de med dang nyan thos kyi theg pa yang med de/ sangs rgyas kyi theg pa med par nyan thos kyi theg pa med do/ /'di ni med pa'i rnam par bshad pa yin no/ /bsod nams dang ye shes kyi

  97. 49a

    tshogs kyi bsdus pa'i ston pa yang chung la zhes bya ba ni gzar bu gang tsam byin pas gang zag la bdag med pa yongs su 'dzin pa yin no/ /rang gi theg pa chen po'i mdo sde la yang 'jug pa kho na'o/ /zhes bya ba 'di'i sbyar ba gang yin zhe na/ nyan thos kyi theg pa pa rnams na re sangs rgyas bcom ldan 'das kyis gsung gi mtshan nyid ni nag po bstan pa dang/ chen po bstan pa las gang mdo sde la yang 'jug /'dul ba la yang snang/ chos nyid dang yang mi 'gal ba'o/ zhes bstan te/ de ni sangs rgyas kyi bka' yin na theg pa chen po 'di ni chos thams cad ngo bo nyid med bar ston pa'i phyir mdo sde la yang mi 'jug la sangs rgyas med do/ /chos med do/ /dge 'dun med do zhes bya ba de lta bu la sogs pa 'don na ltung byed dang bcas par 'gyur bas 'dul ba la yang ma snang ngo zhes zer ba la sogs pa ni de dag gi tshig gis skabs yin no/ /de dag la 'di 'dri bar bya ste/ theg pa chen po'i mdo sde ni gang la mi 'jug /'dul ba ni gang la mi snang/ re zhig gal te 'phags pa thams cad yod par smra ba'i lung gi mdo sde la yang mi 'jug go /'dul ba la mi snang ngo zhe na da ni sde pa bco brgyad kyi mdo sde mang po rnams phan tshun 'gal te/ 'phags pa mang pos bkur ba'i sde pa rnams ni stong pa nyid dang ldan pa'i mdo sde rnams mi brjod do/ /'phags pa dge 'dun phal chen sde pa rnams ni srid pa bar ma ston pa'i mdo sde rnams spong ngo/ /de bzhin du mdo sde gzhan dang gzhan dag kyang sde pa tha dad pa rnams kyi phan tshun 'gal bas de dag kyang sangs rgyas kyi bka' ma yin pa nyid du 'gyur la/ 'dul ba dang chos mngon pa cho ga tha dad pa dang gzhung lugs tha dad pa dang gzhung lugs tha dad pas phan tshun 'gal ba'i phyir/ sangs rgyas kyi bka' ma yin pa nyid du 'gyur ro/ /'on te bdag nyid kyi sde pa rnams la rang gi

  98. 49b

    sde pa'i mdo sde la 'jug pa yin no zhe na/ theg pa chen po yang rang gi theg pa chen po'i mdo sde la yang 'jug pa kho na'o/ /nyon mongs pa 'dul ba la sogs pa la yang snang ngo/ /zab cing rgya che ba'i chos nyid dang yang mi 'gal te/ byang chub chen po 'thob par 'gyur ba'i chos nyid ni 'di kho na yin na ji ltar sangs rgyas kyi bka' nyid ma yin/ 'on te sde pa thams cad kyis bsdus pa gang yin pa de sangs rgyas kyi bka' yin no zhe na ni sde pa thams cad bsdus pa'i phyir theg pa chen po kho na sangs rgyas kyi bka' yin par 'gyur gyi// nyan thos kyi theg pa ni ma yin no/ /de bas na mtshan nyid dang mi 'gal ba'i phyir theg pa chen po sangs rgyas kyi bka' yin no zhes bya ba 'di ni 'thad pa yin no/ /de las gzhan dang gzhan med ces bya ba ni 'di de las gzhan pa'i theg pa chen po yang med pa'i phyir la/ nyan thos dang rang sangs rgyas kyang med pa'i phyir ro/ /gzhan dang gzhan zhes smos pa ni theg pa chen po dang nyan thos dang rang sangs rgyas dag dang sbyar bar bya'o/ /sangs rgyas bcom ldan 'das rnams kyi dgongs pa ni shin du zab ces bya ba la/ dgongs pa ni bsam pa ste/ sangs rgyas bcom ldan 'das ni bsam pa dang/ bag la nyal yongs su mkhyen pa'i phyir dgongs pa mang pos chos ston pas sangs rgyas bcom ldan 'das rnams kyi dgongs pa ni zab ces bya'o/ /ring du rjes su zhugs pa'i ye shes kyi spyod yul ni ring du rjes su zhugs pa'i ye shes kyi spyod yul te/ gang la thams cad du thogs pa med pa'i ye shes 'jug pa yod pa des spong bar bya bar rigs na de med pa na go ji ltar spong bar byed/ de las de'i 'bras bu chos 'thob bo zhes bya ba'i yang dag pa'i lta ba'i 'bras bu rnam par grol ba dang/ rnam par grol ba'i ye shes te de dag 'thob bo/ /re zhig gal te bdag gis 'di mi shes pas skrag? sa'i gnas yin no zhe na/ de ni rigs pa ma yin no/ /ci'i phyir zhe na/ 'di ni dge ba'i rtsa ba ma bsags

  99. 50a

    pa dge ba'i bshes gnyen la bsnyen bkur ma byas rnams kyis rtogs par mi nus so/ /rtogs par dka' ba 'di nyid sems la bzhag nas sems dang bcas pas theg pa chen po rtogs par byed pa'i phyir/ mgo dang gos la me 'bar ba bzhin du dge ba'i bshes gnyen la bsnyen bkur bya ba la 'bad par bya'o/ /'dir tshigs su bcad pa/ gal te thabs tshul mkhas pas blo rnams ma ru ba na/ skye bo thabs la mkhas pa'i spyod pa'i rjes su 'brongs/ /gal te de yang mi 'dod mchog dga' dral ba yin/ phongs pa mang du yongs su spyod par sta gon gyis/ /'on te sangs rgyas kyang tshig gi don zab mo thugs su chud pa ma yin na/ de ci'i phyir zab mo ston par 'gyur zhes skrag pa'i gnas yin no zhe na/ de yang rigs pa ma yin no/ /ci'i phyir zhe na/ bcom ldan 'das kyi mtshan nyid 'di ni/ don dang mthun pa yin te/ nyon mongs pa dang shes bya'i sgrib pa bag chags dang bcas te spangs pa'i phyir dang/ shes bya thams cad la rnam par mi rtog pa'i ye shes kha bye ba'i phyir sangs rgyas yin no/ /gal te sems can 'di lta bus kyang khyad par dag thugs su chud na bdag cag la sogs pas lta smos kyang ci dgos te/ de la yang skrag par rigs pa ma yin gyi/ dge ba'i bshes gnyen la bsnyen bkur bya ba kho na la 'bad par gyis shig dang/ de nas ci sangs rgyas kyis zab mo thugs su chud dam 'on te ma yin zhes bya ba dag nyid kyis shes par 'gyur ro/ /'on te ci'i phyir zab mo rtog ge pa'i spyod yul ma yin zhes skrag pa'i gnas yin no zhe na/ de yang rigs pa ma yin no/ /ci'i phyir zhe na/ rtog ge gsal ba la 'bad par bya ba'i skrag par bya ba ma yin no/ de ltar na theg pa chen po'i chos di ni rtog ge pa rnams kyi spyod yul yang ma yin no/ /gang gi phyir de ltar yin pas ma bcom ldan 'das la byang chub sems

  100. 50b

    dpa' dang/ nyan thos la sogs pas bstod pa/ thub pa skyes mchog dgongs pa ni/ /rtog ge pa yi yul ma lags/ /byis pa'i spyod yul ma lags te/ /sems dang sems byung rnams las 'das/ /slob dpon ma khol gyi zhal snga nas kyis kyang bdag ni rtog ge pa yin na/ nyan thos rtogs pa po gang dag yin pa de dag kyang stobs dang mi 'jigs pa la sogs la nus pa thugs so snyam nas/ bcom ldan 'das bstod pa/ gal te skal chen de dag kyang ni khyod la mthu rdugs na/ /bdag 'dra srid pa'i phyi ba'i srin bus bsam skabs ga la mchis/ /yid kyi nyes pa rang bzhin gdug pa ste/ mi rig pa yi gzugs la'ang mi rigs na/ zhes bya ba ni mi rigs pa'i gzugs phan pa ma yin pa la sogs pa byed pa sgra la sogs pa gang yin pa de la yang khong khro ba bskyed par rigs pa ma yin no/ /ci'i phyir zhe na/ chos mngon pa kun las btus las/ ji skad du nyon mongs pa'i skabs nas/ mtshan nyid kyis ji lta bu zhe na/ chos gang zhig skye ba na rab tu ma zhi bar skye la/ gang zhig skye nas kyang sems kyi rgyud rab tu ma zhi bar 'byung ba de ni nyon mongs pa'i mtshan nyid do/ /de lta bas na gang zhig skyes na sems kyi gnas skabs 'di 'dra bar 'gyur ba khong khro ba ni sgra la sogs pa phan pa ma yin pa la sogs pa la zhugs pa dag la yang bskyed par mi bya'o zhes bshad pa lta bu'o/ /bcom ldan 'das kyis kyang mdo sde de dang de dag las lhangs por bkag ste/ bcom ldan 'das kyis sog le lta bu la sogs pa'i mdo las/ sdong du ma tshig pa la yang zhes bya ba rgyas par gsungs so/ /gang la the tshom za ba de la sems dang bcas pas ji ltar khong khro ba bskyed par rigs/ /de nyid kyi phyir mkhas pa rnams/ grog mkhar du ni lag bcug nas/ yon tan cung zhig rnyed mi 'gyur/ /gal te sprul zhig yod gyur na/ /byis pa dag ni phung bar 'gyur zhes gdon to/ /gzhan dag kyang/ 'jig rten pha rol the tshom yang/ /'jongs pa rnams kyis sdig pa

  101. 51a

    spangs/ /brgya la med na'ang der zad mod/ /gal te yod na med lta brlag ces zer re/ /re zhig mkhas pas ni gzu bo'i gzhung bzung la skye bo mkhas pa mgu bar 'gyur ba'i rigs pa 'di khong du chud par byas pa dang/ ci 'di khong khro pa'i gzhi yin nam/ 'on te dang ba'i gzhi yin zhes bya ba 'di bdag nyid kyis shes par 'gyur ro/ /rigs pa khas mi len ma ni blo the tshom can rang bzhin gyi kha na ma tho ba dang bcas pa khong khro ba spong bar 'dod pas btang snyoms su bya'o/ /theg pa chen po sgrub pa'i skabs so// // don shes pa don ston pas chos rgyan par byed do zhes bshad pa dang gang gi tshe chos de rang bzhin gyis yon tan dang ldan pa yin na ji ltar rgyan par byed ces bya ba'i klan ka 'di yongs su spang ba'i phyir/ gzugs rgyan rang bzhin yon tan ldan pa me long nang song na/ zhes bya ba smos te/ 'di kho nas 'di rgyan nyid yin par bstan to/ /chos kyi bsngags pa ni sman la sogs pa'i dpe gsum gyis bshad do/ /de'i 'og tu kha cig theg pa chen po 'di sangs rgyas kyi bka' yang ma yin na/ de la yon tan 'di lta ga la yod ces log par zhugs ba la chos bsngags par yon tan brjod pa bsgrub pa'i skabs su ji ltar theg pa chen po 'di kho na yin gyi gzhan ni ma yin no zhes bya ba de ltar theg pa chen po bsgrub par byas so/ /theg pa chen po bsgrubs pa dang sangs rgyas nyid thob par byed pa'i lam ni 'di kho na yin gyis gzhan ni ma yin no zhes rangs par gyur pa gang dag sangs rgyas nyid don du gnyer ba de dag la theg pa'i mchog bstan pas ji ltar na sangs rgyas la sogs pa dkon mchog dag la skyabs su 'gro bar 'gyur ba de ltar skyabs su 'gro ba'i dbang du byas te/ rang dang gzhan la legs par byed pa sangs rgyas nyid don du gnyer bas chos la 'dzud do/ /nges pa zhes bya ba'i sgra ni smon lam yin par bshad do/ /theg pa chen po la skyabs su 'gro ba ni/ 'jig rten pa dang/ 'jig rten las 'das pa'i grags

  102. 51b

    pa dag gi rgyu yin no/ /de dag gi nyes pa dang yon tan la rnam par mi rtog pa'i phyir/ /de la 'khor ba dang mya ngan las 'das pa la bye brag med do/ /zhes bya ba ni shes rab kyis 'khor ba'i nyes pa dang/ snying rjes mya ngan las 'das pa'i yon tan la mi rtog go /de kho na'i dngos po don du gnyer ba ste zhes bya ba ni skyabs 'os kyi dngos po ste/ bdag kyang sangs rgyas su gyur cig ces bya ba yin no/ /'khor los sgyur ba'i bu mtshan nyid ji lta bu dang ldan pa zhig 'khor los sgyur ba'i rigs rgyud mi gcod par rung zhe na/ gal te 'khor los sgyur ba kho na btsun mo dam pa la sa bon 'jog par byed kyi/ ngan pa dang bran mo la sogs pa la ma yin pa dang/ pha dang ma phun sum tshogs pa'i sa bon de yang gal te mngal gyi gnas su son pa ni rlung dang mkhris pa dang bad kan la sogs pa'i gnod pas ma nyams pa yin/ gang gi tshe 'khor los sgyur ba'i bu de zla ba tshang nas bde blag tu legs par bcas pa de'i tshe yang ma ma bzang mo'i lag tu son pa yin te/ de ltar rim gyis bskyed pa ni 'khor los sgyur ba'i rigs rgyun mi gcod par byed pa yin no/ /de bzhin du 'di la yang theg pa chen po'i chos la brten nas byang chub sems dpa' rnams kyis sems bskyed pa ni sangs rgyas kyi gdung mi 'chad pa'i byed pa'i sa bon yin no/ /de yang gal te sangs rgyas kyi rigs can kho na zhig sems skyed par byed kyi rigs med pa dang ma nges pa'i rigs can yang ma yin pa dang/ sa bon de'i ma yang gal te shes rab kyi pha rol tu phyin pa yin gyi gzhan ma yin pa dang/ gal te yang bsod nams dang ye shes kyi tshogs dang ldan pa mngal gyi gnas yin pa dang/ de la yang gal te mi mthun pa'i phyogs su gyur pa'i chos rnams kyis bar chad ma byas te/ de ltar ma nyams pa yin pa dang/ skye gnas kyang gal te snying rje ma ma yin pa de yang mya ngan las 'das pa'i mthar thug par skyong ba'i phyir skyed par byed pa yin na/ de ltar na byang chub sems dpa'

  103. 52a

    legs par skyes pa nyid kyis sangs rgyas kyi gdung mi 'chad par byed pa yin no/ /sna tshogs zhes smos pa ni 'khor los bsgyur ba la sogs pa'i mtshan pas ches gsal bar bstan pa'i phyir ro/ /sogs pa zhes smos pa ni brgya byin tshangs pa la sogs pa bsdu'o/ /blon po chen po zhes smos pa ni blon po chen po'i khyad par bstan pas byang chub sems dpa' i khyad par ston par byed do/ /rtag tu rgyun mi 'chad par sems can mang po'i don zhes bya ba las/ rtag tu zhes bya ba ni skye ba brgyud pa'o/ /rgyun mi 'chad ces bya ba ni skad cig ma brgyud pa ste/ dper na smra ba po nyin re zhing lan re sbyin pa sbyin pa la rtag tu sbyin pa'o zhes bya'o/ /gzhan zhig gis nyin re zhing lan cig ma yin gyi rgyun chags su yang dang yang sbyin pa sbyin na rgyun mi 'chad par sbyin pa sbyin pa'o/ zhes bya'o zhes zer ba lta bu'o/ /sems can mang po'i don byed pa ni sems can rgya chen po'i don byed pa'o/ /mang po zhes bya ba'i sgra 'di ni mdza' yas pa dang yangs pa dang rgya chen po'i rnam grangs yin par lta bar bya ste/ sems can mang pa rnams kyi don byed pa'i phyir ro/ /mngon par rtags pa'i dus na sems can thams cad bdag nyid du khas blangs pas sdug bsngal gyi phung po chen por rab tu zhi ba zhes bya ba ni 'di ltar sa dang po thob pa'i dus na chos kyi dbyings kun tu 'gro ba rtogs so/ /de rtogs pas sems can thams cad bdag mnyam pa nyid 'thob bo/ /de nyid kyi phyir sa dang po'i nges pa'i tshig ci'i phyir sa dang por sa dang po rab tu dga' ba zhes bya zhe na/ des dang por rang dang gzhan gyi don phun sum tshogs pa thob pa'i phyir ro zhes 'chad par 'gyur te/ rtogs pa des bdag dang sems can thams cad kyi sdug bsngal rab tu zhi bar byed do/ /rtogs pa 'dis bdag dang gzhan dag gis sdug bsngal rab tu zhi bar byed pas na rab tu zhi

  104. 52b

    zhes bya'o/ /de nyid kyi phyir sa dang po la sdug bsngal gyi phung po nye bar zhi bas 'jigs pa lnga las yang dag par 'das pa yin te/ sa dang po la ji ltar bdag gis sdug bsngal rab tu zhi bar byas pa de bzhin du sems can thams cad kyis bya'o snyam pa lhag pa'i bsam pa 'thob bo/ /mi skye pa'i chos la bzod pa thob pa'i dus na blo mchog gi bde ba'o zhes bya ba ni sa brgyad pa la rnam par mi rtog pa'i ye shes lhun gyis grub pa thob pa'i phyir/ blo mchog gi bde ba zhes bya ste/ de nyid kyi phyir mchog ces bya ba smos so/ /sa de la mngon par 'du byed pa med par rang gis ngang gis 'byung ba nyid kyi phyir dpe gru bo che 'byung ngo/ /srid pa dang zhi ba dag las rnam par grol ba zhes bya la/ srid pa las rnam par grol ba ni/ 'di ltar 'khor ba'i skyon gyis mi gos pa'o/ zhi ba las rnam par grol ba ni 'di ltar nyan thos bzhin du mya ngan las 'das pa la gzhol ba ma yin pa'o/ /dge ba dang dge ba'i rtsa ba zhes bya ba ni don gzhan ma yin no/ /dge ba'i rtsa ba rgya chen po nyid dang zhes bya ba la sogs pa bstan pa gang yin pa dge ba rnam gzhi bshad pa gang yin pa de yang 'jig rten dang 'jig rten ma yin pa la sogs pa yin te/ dge ba'i rtsa ba rgya che ba nyid ni 'jig rten pa'o/ /don che ba nyid ni 'jig rten las 'das pa'o/ /tshad med pa nyid ni yongs su smin par byas pa ste/ byang chub sems dpa' rnams kyis dge ba yongs su smin par byed pa de ni sa dang po pha rol tu phyin pa dang/ stobs dang mi 'jigs pa la sogs pa yon tan gyi khyad par gyi tshad med pa'i phyir tshad med pa yin no/ /zad mi shes pa nyid kyis so/ zhes bshad pa gang yin pa de ni dbang 'byor pa yin par rig par bya ste/ phung po'i lhag ma med pa'i mya ngan las 'das pa na yang mi zad pa'i phyir ro/ /sangs rgyas nyid 'dod pas khas len pa ni skyabs su 'gro ba'i ngo bo nyid yin no/ zhes bya ba ni skyabs 'os su

  105. 53a

    khas len pa nyid kyis bdag kyang skyabs 'os su gyur cig /sems can thams cad kyi sdug bsngal thams cad nye bar zhi bar bya'o/ /zhes bya ba yin gyi/ nyan thos ltar dkon mchog gsum la skyabs su song bas 'khor ba las grol bar gyur kyang ci ma rung zhes bdag nyid bskyab pa'i phyir skyabs su 'gro ba ni ma yin no/ /sems can rnams la phan pa dang/ bde bar byed ces bya ba la/ phan pa byed pa ni phyi ma pa'i lha la sogs pa'i bde ba la sbyor ba'o/ /bde ba byed pa ni mthong ba'i chos kho na la bde ba la sbyor ba'o/ /nges par 'byung bar bya ba la theg pa thams cad kyis ston pa'i yon tan dang ldan pa'o zhes bya ba ni theg pa gsum ston par byed pas sems can thams cad kyi ston par 'gyur ba yin no/ zhes bya ba'i tshig go /brdar brtags pa'i skyabs su 'gro ba ni/ dge ba'i bshes gnyen dang phrad nas 'byung ba gang yin pa'o/ /chos nyid kyis thob pa ni rtogs pa'i dus na ste/ de nyid kyi phyir rags pa dang/ phra ba'i khyad par ro/ /gzhan gyi don sgrub pa yang bsam pa'i sgo nas ni snying rjes khyab pas zhes bya ba ni snying rje chen pos 'gro ba khyab par byed do/ zhes bya ba'i tha tshig go /sbyor ba'i sgo nas ni theg pa chen po'i chos rgyas par byed pa'i phyir/ /zhes bya ba ni gdul ba'i rgyud byang chub sems dpa' i rigs can dag la bsnyad pa'i phyir rgyas par byas pa yin te/ rgya bskyed ces bya ba'i don to/ /theg pa chen po ni 'phags pa chen po rnams kyi chos yin no/ zhes bya ba la/ 'phags pa ni sangs rgyas dang byang chub sems dpa' rnams so/ /nyan thos rnams kyang 'phags pa yin pas de las khyad par du bya ba'i phyir ro/ /rgya chen po zhes bya ba ni sgra sbyor ro/ /'phags pa che ba ni 'phags pa chen po ste/ sangs rgyas dang byang chub sems dpa' rnams so zhes bya ba'i tha tshig go /theg pa chen po ni de dag gi chos yin pas/ byang

  106. 53b

    chub sems dpa' chen po rnams kyis/ theg pa chen po kho na yin gyi/ chung ngu ni ma yin no// //skyabs su 'gro ba'i skabs so// //skyabs su 'gro ba'i 'og tu/ rigs kyi skabs yin te/ 'di'i 'brel ba gang yin zhe na/ skyabs su 'gro ba 'dir song don che ste/ /de ni tshad med yon tan tshogs 'phel 'gyur/ /'gro ba 'di la snying rje bsam pas khyab/ /mtshungs med 'phags chen chos kyang rgyas par byed/ /ces bshad ma thag pa'i tshigs su bcad pa 'dis ni skyabs su 'gro ba don che ba nyid rang bzhin gyis don bsgrub pa dag bstan to/ /rang dang gzhan gyi don phun sum tshogs pa de lta bu de ci nges pa med par sangs rgyas nyid don du gnyer ba thams cad kyi yin nam/ 'on te nges pa ci zhig yod ce na/ smras pa yod do/ /nges pa gang yin zhe na/ gzhan gyi don phun sum tshogs pa yon tan gyi tshogs 'byor pa dang ldan pa 'di ni sangs rgyas kyi rigs can yin gyi/ /gzhan gyi ni ma yin pas de'i phyir skyabs su 'gro ba'i 'og tu rigs kyi skabs yin no/ /ma nges pa'i rigs can gyi ni/ gal te ma yin pas gdon mi za bar ma smos so/ sangs rgyas kyi de'i bskal pa yod pa ni rigs yin te/ rigs ni sangs rgyas kyi chos thams cad kyi sa bon yin no/ /sa bon med par yang 'bras bu ma mthong ste/ de'i phyir de 'thob pa'i bskal pa dang ldan pa'i don du skyabs su 'gro ba'i 'og tu rigs yin no// sems can rnams ni khams sna tshogs pa yin pa'i phyir ro/ /khams kyi dbye ba dpag tu med de/ ji skad du ba ru ra'i mdo las bshad pa lta bu'o/ /zhes bya ba ni de las bcom ldan das kyis dge slong dag dper na ba ru ra'i phung po 'phang du dpag tshad tsam/ rgyar yang dpag tshad tsam zhig yod par gyur la/ ba ru ra'i phung po de las 'ga' zhig gis lo brgya lo brgya 'das shing ba ru ra re re zhig blangs te/ ba ru ra 'di ni khams che ge mo zhig tu dor ro zhes de skad

  107. 54a

    zer na/ ba ru ra'i phung po de ni myur ba kho nar zad pa dang yongs su gtugs par 'gyur gyi/ khams ni de ltar yongs su gtugs pa ma yin no zhes bshad do/ /gsung rang las byung ba'i khams kyi don gang yin zhe na/ mig la sogs pa'i khams kyi dbye ba bstan pa dang/ khams mang po'i mdo dang sbyar na ni khams kyi dbye ba rnam pa mang po zhig yod de/ /rigs kyi skabs 'dir ni rigs sa bon yin te/ khams dang rgyu zhes bya ba ni rnam grangs so/ /ji ltar sems can rnams la 'dod chags la sogs pa'i chos skye ba'i rgyur 'gyur ba gang yin pa so so rang rang rgyud kyi khyad par chos du ma'i nus pa dang ldan pa dag yod pa de bzhin du theg pa gsum gyi rigs kyi khyad par yang yod par 'gyur te/ rigs tha dad ba med pa ni theg pa tha dad par 'os pa ma yin pas theg pa gsum gyi rigs tha dad pa yod do/ /rang bzhin du gnas pa'i rigs ni yang dag par ma bsgrubs pa gang yin pa ste/ skye mched drug gi khyad par thog ma med pa'i dus can gdon mi za bar bla na med pa yang dag par rdzogs pa'i byang chub mngon par rdzogs par 'tshang rgya ba'i skal pa can gang yin pa de lta bu yod do/ /rang bzhin gyis rigs de lta bu la gnas pa'i byang chub sems dpa' rnams gang gi tshe dge ba'i bshes gnyen dag gis bla na med pa yang dag par rdzogs pa'i byang chub yang dag par len du bcud pa de'i tshe rigs de yang dag par bsgrubs pa zhes bya'o/ /rang bzhin du gnas pa gang yin pa de ni yang dag par bsgrubs pa'i rten du gyur pa yin no/ /yang dag par bsgrubs pa ni rten pa'i ngo bo nyid yin no/ /de ni rgyu'i dngos por yod do/ /'bras bu'i dngos por med do/ /zhes bya ba'i rang bzhin gyi rigs de'i 'bras bu ni yang dag par bsgrubs pa'i rigs yin no/ /de'i phyir de ni rgyu'i dngos por yod la 'bras bu'i dngos por

  108. 54b

    med ces bya ste/ rgyur gyur pa'i rigs de ni nam yang 'bras bur 'gyur ba 'os pa ma yin no/ /'di ltar de dag la brten nas 'bras bur 'gyur bar 'os pa ma yin no/ /'di ltar de dag la brten nas 'bras bur gyur pa stobs dang mi 'jigs pa la sogs pa yon tan thams cad 'grub par 'gyur ro/ /rigs nges pa ni nyan thos dang/ rang sangs rgyas dang/ sangs rgyas kyi rigs su nges par gnas pa gang yin pa ste/ nyan thos nyid 'thob par nges pa'i rigs gang yin pa de ni nam yang rang sangs rgyas dang sangs rgyas nyid 'thob pa'i rgyur mi 'gyur ro/ /de bzhin du rang sangs rgyas dang sangs rgyas kyi rigs dag kyang sbyang bar bya'o/ /ma nges pa'i rkyen gyi dbang gis nyan thos dang sangs rgyas dang sangs rgyas kyis rigs rnams kyi rgyud la gyur te/ dper na ri'i phyogs gang dag la gdon mi za bar gser 'ba' zhig 'byung gi dngul 'ba' zhig kyang ma yin la zangs 'ba' zhig kyang ma yin pa de lta bu yang yod la/ phyogs gang zhig ?? gong dril ba la sogs pa'i bcos legs bya ba'i dbang gi gdon mi za bar res 'ga' gser 'byung la/ res 'ga' dngul la sogs pa 'byung bar yang yod pa de lta bu'o/ /de nyid kyi phyir rigs nges pa ni/ rkyen rnams kyis mi 'phrogs la ma nges pa ni/ 'phrogs pa yin no/ /yo byad kyis phongs pa zhes bya ba ni dbul na sbyin pa la sogs pa byang chub sems dpa' i spyod pa la mi 'jug go /gzhan gyi dbang du gyur pa ni bran la sogs par gyur pa'o/ /der skyes pa'i sems can rnams zhes bya ba ni ngan song du skyes pa rnams zhes bya ba'i tha tshig go /'od gsal ba dang dri ma med pa'i gnas su 'gyur ba la/ 'od gsal ba ni gsal ba la bya'o/ /la la dri ma cung zad chags kyang 'od gsal bas gang la dri ma cung zad kyang chags pa med pa de ni dri ma med pa zhes bya'o/ /yang na gser 'od gsal ba kha cig bsregs na kha dog ngan par 'gyur bas gang la bsregs kyang

  109. 55a

    kha dog ngan par 'gyur ba med pa de ni dri ma med pa zhes bya'o/ /nyon mongs pa'i dri ma med pa 'thob pa'i gnas zhes bya ba ni rigs de nyon mongs pa'i gnas ngan len dang 'bral zhing mi ldan pa thob pa'i gnas yin pa'am/ yang na rigs de nyon mongs pa spangs na zag pa med pa'i chos dri ma med pa rnams kyis 'thob pa gang dag yin pa de dag gi gnas yin pa na nyon mongs pa'i dri ma med pa 'thob pa'i gnas zhes bya'o/ /byang chub chen po'i rgyu mtshan yin pa'i phyir ro/ zhes bya ba ni mthar thug pa'i gnas skabs byang chub chen po ni rin po che dri ma med pa lta bu yin te/ de ni rdo rje lta bu'i ting 'dzin gyi mjug thogs su 'byung ba yin no/ /ye shes chen po ni bya ba sgrub pa'i ye shes la sogs pa'o/ /don 'di la rigs med pa la gnas pa yongs su mya ngan las mi 'da' ba' i chos can yin par bshad do zhes bya ba ni med pa zhes bya ba 'di la lar ni smad pa la mthong ste/ chung ma ngan ba la chung ma med do zhes bya ba dang/ bu ngan pa la byu med do zhes bya ba lta bu'o/ /la lar mi cung zad yod pa'i don la ste/ bu mo lto med ces bya ba lta bu'o/ /la lar ni med pa la mthong sa ste/ rnyed pa med ces bya ba lta bu'o/ /med ces bya ba 'di ni smad pa dang med pa la blta bar bya ste/ la la gcig tu nyes par spyod nges yod ces bya ba nas bzung ste/ dge ba'i rtsa ba dman pa yod pa tshogs yongs su ma rdzogs pa'o/ /zhes bya ba'i bar 'di ni de'i dus su yongs su mya ngan mi 'da' ba' i phyir rigs par med par bshad pa yin pas med pa zhes bya ba 'di ni smad pa la blta bar bya'o/ /la la gcig tu nyes pa spyod nges yod ces bya ba ni las byed par nges pa'i dbang du byis? nas bshad pa yin te/ gcig tu las byed par nges pa gang gis gdon mi za bar ma la sogs pa gsod bar 'gyur

  110. 55b

    ba de ni/ gnas skabs de na rigs yod du zin kyang ma la sogs pa bsad pa'i smad pas rims med pa zhes bya'o/ /dkar po'i chos kun du bcom pa la sogs pa yang de bzhin du ci rigs par sbyar bar bya'o/ /rgyu dang bral ba'i yongs su mya ngan las mi 'da' ba' i chos can zhes bya ba'i med pa zhes bya ba 'di ni med pa la bstan par bya'o/ /zab cing rgya che ba'i don mi shes pa bzhin du mos pa rgya chen po 'byung zhes bya ba ni sgra tsam thos nas kho nas mos kyi don yongs su shes pa las ni ma yin pa'o/ /rnam pa gnyis kyi mchog ces bya ba ni 'jig rten pa dang/ nyan thos kyi phun sum tshogs pa bas sangs rgyas dang byang chub sems dpa' rnams kyi phun sum tshogs pa mchog dang/ phul dang rab dang rab mchog yin no/ /byang chub gang la yon tan shin tu rgya chen po yod pa de ni yon tan shin tu rgya che ba'i byang chub po/ /yon tan shin tu rgya che ba'i byang chub nyid shing yin pas na/ yon tan shin tu rgya che byang chub shing ngo/ /yon tan shin tu rgya che ba rnams kyi byang chub kyi shing yin pa na yon tan shin tu rgya che ba byang chub shing ngo/ /de bskyed pa ni yon tan shin tu rgya che ba byang chub kyi shing bskyed pa'o/ /de'i phyir te/ yon tan shin tu rgya che byang chub shing bskyed phyir ro/ ci zhe na/ 'og nas rigs de rtsa ba yin no zhes 'chad par 'gyur ro/ /bde dang sdug bsngal chen po zhi ba thob bya'i phyir/ zhes bya ba ni 'dir go rim ji lta ba bzhin blta bar bya ba ma yin no/ /'on kyang de ni bde ba chen po thob par bya ba'i phyir dang/ sdug bsngal chen po zhi bar bya ba'i rtsa ba yin no/ /de lta bas na rigs 'di byang chub kyi shing de lta bu'i rtsa ba yin pa dang/ rang gi don dang gzhan gyi don sgrub par byed pas/ bdag dang gzhan la phan bde byed pa 'bras bu zhes bshad de/ yon tan shin tu rgya che byang chub shing bskyed phyir/ zhes bya ba ni rang gi don

  111. 56a

    to/ /gzhan ni gzhan gyis don to/ /rigs kyi skabs so// //rigs kyi 'og tu sems bskyed pa'i skabs yin te/ 'di'i 'brel pa gang yin zhe na/ yon tan shin tu rgya che byang chub shing bskyed phyir/ /bde dang sdug bsngal chen po zhi ba thob bya'i phyir/ /bdag dang gzhan la phan bde byed pa 'bras bu'i phyir/ /rigs mchog de ni rtsa ba bzang po lta bu yin/ /zhes bshad ma zag pa yin te/ ji ltar shing ljon pa rtsa ba bzang po zug na rang gi don phun sum tshogs pa yal ga dang lo ma dang me tog dang 'bras bu la sogs pa phal mo che 'byung la/ phun sum tshogs pa de lta bu de ni skye bo phal po ches longs spyod par yang 'gyur bas gzhan gyi don phun sum tshogs pa zhes bya ba de bzhin du byang chub sems dpa' la rang bzhin gyi rigs la gnas pa yod na gnyis 'grub par 'gyur ro/ /gnyis 'grub pa de yang sems bskyed pa la sogs pa'i rim gyis 'gyur gyi gzhan du ni ma yin no/ /byang chub kyi sems bskyed pa la sogs pa yang rigs yod na 'gyur te/ gang la byang chub sems dpa' i rigs yod pa de bla na med pa yang dag par rdzogs pa'i byang chub tu sems skyed par byed pas de'i phyir rigs kyi 'og tu sems bskyed pa'i skabs yin no/ /yang na sems bskyed pa ni don du gnyer ba yin no/ /gang zhig don du gnyer zhe na/ byang chub chen po ste/ sems can gyi don byed par 'dod pa ni des de'i thabs su gyur pa byang chub chen po 'dod la/ /rigs kyi stobs kyis sems bskyed pa yang mi bzlog pa'i chos can du 'gyur bas don 'di yang dag par bstan pa'i phyir rigs kyi 'og tu sems bskyed pa'i skabs yin no/ /sems 'byung ba zhes bya ba la/ 'byung ba dang bskyed pa zhes bya ba ni don tha dad pa ma yin no/ /sems dpa' i mtshan nyid kyi sems bskyed de pa

  112. 56b

    ste/ sems pa'i ngo bo nyid ces bya ba'i tha tshig go /sems bskyed pa rnam par gtan la dbab pa zhes bya ba ni sems bskyed ba dri ba sngon du btang ba'i rnam par gtan la dbab pa la sems bskyed pa rnam par gtan la dbab pa zhes bya'o/ /dri ba sngon du btang ba ji lta bu zhe na/ byang chub sems dpa' rnams kyi sems bskyed pa rnam pa bzhi pa 'di'i rtsa ba ni gang/ bsam pa ni gang/ mos pa ni gang zhes bya ba la sogs pa yin no/ /snying rje chen po ni sems bskyed pa'i rtsa ba'o zhes bya ba ni de ni 'gro pa'i? byung de 'dug pa yin no/ /gal te snying rje chen po rtsa ba yin par ma gyur na byang chub sems dpa' rnams nam yang bla na med pa yang dag par rdzogs pa'i byang chub tu sems bskyed par mi 'gyur gyis/ sems can la mi lta bas nyan thos dag bzhin du mya ngan las 'das pa la gzhol bar 'gyur ro/ /so so rang gis sa la sbyor bas gang zhig sa gang la sbyor bas zhugs pa'i sa de ni de'i mthar thug pa yin no/ /zhes bya ba ni sa dang sa la sbyor ba nas bzung ste bsgoms pa mthar thug par 'gre ba'i phyir mthar thug pa zhes bya ste/ de dang mtshungs par ldan pa sems pa'i khyad par gyi mthar thug pa ni sa yin par brjod do/ /yang dag par blangs pa brda las byung ba'i sems bskyed pa zhes bya ba ni dge ba'i bshes gnyen la sogs pas smras pa bzlas pa'i tshul gyis mnos pa'o/ /sangs rgyas nyid la sems mnyam pa nyid ni de'i chos kyi dbyings dang/ bdag dbyer med par rtogs pa'i phyir ro zhes pa ni chos kyi sku dang tha mi dad pa thob pa'i phyir ro/ /zhes bya ba'i tha tshig go /ji skad du sa dang po la bdag ni sangs rgyas kyi sa dang nye bar gyur to/ zhes 'byung ba lta bu yin te/ nye ba nyid du rtogs pa'i phyir tha mi dad par mes par 'gyur ro/ /sangs rgyas nyid mchog ces smos pa ni rang sangs rgyas gsal

  113. 57a

    ba'i phyir ro/ /de la skye ba ni sa bon dang ma dang mngal dang/ ma ma'i bye brag las rig par bya'o/ zhes bya ba la/ de la zhes bya ba'i bdun pa ni dmigs kyis dbye ba'i don yin te/ skye ba dang rgya che ba la sogs pa don drug sngar bstan pa de dag las skye ba dkar te sa bon la sogs pa'i khyad par gyis khyad par du ston to/ /chos la mos pa sa bon dang zhes bya ba ni theg pa chen po'i chos la mos pa chen po gang yin pa de ni sa bon no/ /pha rol tu phyin pa'i mchog shes rab kyi pha rol tu phyin pa ni ma yin no/ /bsam gtan las byung bde ba'i mngal zhes bya ba ni gnas pas gnas bstan pa yin te/ mngal gyi gnas ni bsam gtan dag yin no/ /rgya chen po ni smon lam chen po bcu mngon par sgrub pa'i phyir ro/ zhes bya ba ni ji skad du 'phags pa sa bcu las 'di skad de/ sangs rgyas ma lus pa las mchod pa dang/ rim gro lhag ma med pa mdza' dag bya ba'i phyir/ rnam pa thams cad kyi mchog dang ldan pa/ mos pa rgya chen pos rnam par dag pa/ chos kyi dbyings ltar rgya che ba/ nam mkha' i khams kyi mthas gtugs pa/ phyi ma'i mdza' mur thug pa bskal pa bgrang bar sangs rgyas 'byung ba/ bgrangs pa thams cad la mchod pa dang rim gro chen po bya ba rgyun mi 'chad pa'i smon lam dang po mngon par bsgrub po zhes gsungs pa lta bu yin te/ sa dang po las de lta bu la sogs pa smon lam bcu 'byung ngo/ /bsam pa dag pa ni byang chub dang nye bar shes pa'i phyir zhes bya ba ni sa dang po rtogs pa'i dus na bsam pa dag pa thob ste/ de thob de 'di snyam du bdag ni sangs rgyas kyis dang/ nye bar gyur to snyam du sems so/ /byang chub sems dpa' rnams kyi sems bskyed pa dang po ni sa dang mtshungs te/

  114. 57b

    sangs rgyas kyi chos thams cad dang/ de'i tshogs 'phel ba'i rten du gyur pa'i phyir ro zhes bya ba ni/ sangs rgyas kyi chos rnams ni sangs rgyas kyi sa la mchog tu mthar thug par gyur ba yin te/ de dag dang de dag gi tshogs rnams thob par bya ba'i phyir/ 'di ltar gang gi tshe byang chub sems dpa' mos pas spyod pa'i sa la sems bskyed pa'i byed pa'i sems bskyed pa de ni rten du gyur ba yin te/ gang gi phyir sa la brten nas rtsa dang gel ba dang sman dang/ nags tshal dag bzhin du de la brten nas sangs rgyas kyi chos rnams dang de dag gis tshogs rnams yongs su rdzogs par 'gyur ba de'i phyir sems bskyed pa dang po ni sa dang mtshungs pa zhes bya'o/ /phan pa'i bsam pa ni gang gis tshe rabs gzhan du yang phan pa dang sprod par byed pa'o/ /bde ba'i bsam pa ni gang gis tshe 'di kho na la bde ba dang sprod par byed pa'o/ /gser bzang po dang 'dra ste/ 'gyur ba mi rten pa'i phyir ro zhes bya ba ni gser bzang po bsregs pa dang/ bcas pa dang bdar ba la sogs pas brtags na 'gyur pa mi rten pa de bzhin du byang chub sems dpa' i sems bskyed pa phan pa dang bde ba'i bsams pa can yang gnas skabs thams cad du 'gyur ba mi ston to/ /sbyin pa'i pha rol tu phyin pa dang ldan pa'i sems bskyed pa ni gter chen po bzhin zhes bya ba ni ji ltar mdo dag las rung la sogs pa gter chen po bzhi 'byung ba de dag ni byin te por yang zad par mi 'gyur zhing 'jig rten yang tshim par byed pa bzhin du/ byang chub sems dpa' rnams kyang chos dang zang zing la sogs pa'i longs spyod kyis sems can dpag tu med pa tshim par byed cing sbyin pa de yang phung po'i lhag ma med pa'i mya ngan las 'das pa'i dbyings su zad par yang mi 'gyur bas mi zad pa zhes bya'o/ /mi shigs pa nyid kyi

  115. 58a

    sra ba'i phyi rol zhes bya ba ni le los mi shigs pa nyid kyis so/ /sman gyi rgyal po zhes bya ba lta bu ni/ ji ltar sman gyi rgyal po mthong ba dang/ mnams pa dang myangs pa dang reg pa la sogs pas nad thams cad nye bar zhi bar byed pa de bzhin du/ shes rab kyi pha rol tu phyin pa dang/ ldan pa'i sems bskyed pa yang mnyan pa dang bsam pa dang bsgom pa la sogs pas rnam par sun 'byin pa dang rnam par gnod pa dang spong ba la sogs pas nyon mongs pa dang/ shas bye'i sgrib pa'i nad thams cad rab tu zhi bar byed pas/ sman gyi rgyal po lta bu zhes bya'o/ /tshad med pa dang ldan pa ni mdza' bo chen po dang 'dra zhes bya ba ni/ byams pa dang ldan snying rje dang dga' ba dang btang snyoms dag gnas skabs thams cad du sems can 'ga' yang yal bar 'dor bar mi 'gyur te/ bde ba dang sdug bsngal ba dang/ bde ba yang ma yin/ sdug bsngal ba yang ma yin pa'i gnas skabs thams cad du dmigs pa'i phyir ro/ /rten pa dang ldan pa ni rgyal po chen po lta bu ste/ chung mi za ba'i rgyu yin pa'i phyir ro/ zhes bya ba ni/ dper na rgyal po rang gi rigs su gtogs pa la/ bsnyen bkur legs pa nyid dang legs pa nyid ma yin par byed pa dag go /rim bzhin du chud mi za ba dang chung za pa'i rgyu yin pa de bzhin du/ rten pa dang ldan pa'i sems bskyed pa yang chud za ba'i rgyu dang chung mi za ba'i rgyu yin no/ /ji ltar na chung za ba'i rgyu yin/ ji ltar na chung mi za ba'i rgyu yin zhe na/ gal te gang zag dang tshig 'byung dang drang ba'i don gyi mdo dang rnam par shes pa la rten par gyur na chung za ba'i rgyu yin no/ /bzlog na chung mi za ba'i rgyur 'gyur bas chung mi za ba'i rgyu zhes bya'o/ /zhi gnas lhag mthong dang ldan pa ni theg pa lta bu zhes bya ba ni

  116. 58b

    gang gi tshe sems dpa' i khyad par zung du 'brel bar 'byung bas zhi gnas dang lhag mthong dang ldan pa yin pa de'i tshe byang chub sems dpa' sa 'dis sems can gyi khur ba de blag tu khyer bas na theg pa lta bu zhes bya'o/ /gzungs dang spobs pa dang ldan pa ni bkod ma lta bu ste/ chu 'dzin cing mi zad par 'byin pa dang chos mthun par thos pa dang ma thos pa'i chos dang don 'dzin cing mi zad bar 'byin pa'i phyir zhes bya ba ni gzungs kyi stobs kyis thos pa'i chos dang don 'dzin par byed la/ spobs pa'i stobs kyis ma thos pa'i chos dang don 'dzin par byed pas na bkod ma lta bu zhes bya ste/ steng phyogs na chu'i dong dag la bkod ma zhes bya'o/ /chos bshad pa dang ldan pa ni kun dga' ba'i sgra dang 'dra ste/ thar pa 'dod pa'i gdul ba rnams la snyan pa thos par byed pa'i phyir ro zhes bya ba ni 'du byed thams cad ni mi rtag pa'o/ /sdug bsngal ba'o/ /bdag med pa'o/ /mya ngan las 'das pa ni zhi ba'o/ /zhes bya ba thos nas thar pa 'dod pa rnams 'dud rtsis tshim par 'gyur ba dang 'dra bas kun dga' ba'i sgra dang 'dra zhes bya'o/ /mi skye ba'i chos la bzod pa thob pa na/ rang gi rang gis 'byung ba'i phyir ro zhes bya ba ni sa brgyad pa la byang chub sems dpa' chos thams cad ma skyes pa'o zhes bya bar rnam par smin pa las byung ba'i ye shes rang gi ngang gis 'byung bas chos thams cad shes so/ /sa dang po rtogs pa'i dus na yang 'dis de ltar shes mod kyi/ /sa brgyad pa la ni rgya mtshor? btang ba'i gru po che dang/ /chos mthun par rang gi ngang gis 'byung ba de bzhin du/ sems phyir mi skye ba'i chos la bzod pa zhes bya'o/ /ji ltar snod kyi 'jig rten gyi 'byor pa thams cad sprin las 'byung ba ltar zhes bya ba ni ji ltar snod kyi 'jig rten sa la 'bru dang/ sman dang nags

  117. 59a

    tshal la sogs pa 'byor pa thams cad sprin las 'byung ba de bzhin du/ sems can gyi 'jig rten gyi 'byor pa mtho ris dang byang grol gyis phyugs pa thams cad kyang shes rab dang snying rje'i thabs mkhas pa dang ldan pa'i sems bskyed pa las byung bas sprin lta bu zhes bya'o/ /dpe nyi shu rtsa gnyis dang ldan pa'i sems bskyed pa 'di ni 'phags pa blo gros mi zad pas bstan pa'i mdo las mi zad pa nyid du 'byung ba dang sbyar bar khong du chud par bya'o/ zhes bya ba ni 'phags pa blo gros mi zad pas bstan pa'i mdo las/ sems bskyed pa dang/ bsam pa dang/ sbyor ba dang/ lhag pa'i bsam pa dang/ pha rol tu phyin pa dang/ tshad med pa dag dang/ mngon par shes pa dang/ bsdu ba'i dngos po dang/ so so yang dag par rig pa dang/ rton pa dang/ bsod nams dang/ ye shes kyi tshogs dang/ byang chub kyi phyogs dang mthun pa dang/ zhi gnas dang/ lhag mthong dang/ gzungs dang/ spobs pa dang/ chos bshad pa dang/ bgrod pa gcig pa'i lam dang/ thabs la mkhas pa dang/ de la sogs pa go rim bzhin du 'byung ste/ ji skad du bshad pa'i sems bskyed pa 'di dag kyang go rim 'di kho nas sbyar bar bya'o/ /ngan 'gro dang yongs su skyo bas 'jigs pa med pa'i phyir sems bskyed pa bsngags par tshigs su bcad pa zhes bya ba ni sems bskyed pa dang dus mnyam pa nyid na sems de 'gro ba thams cad kyis bsngags par bya ba yin te/ ji skad du gang gi tshe na khyod kyi thugs/ /dang po skyes pa de yi che/ /khyod ni 'jig rten 'di dag gi /mchod gnas bla na bzhugs pa lags/ zhes bya ba la sogs pa 'byung ba lta bu'o/ /sems bskyed pa bsngags par bya ba/ de yod na rab tu bsdams pa'i sems dang ldan pas dang

  118. 59b

    po rtogs pa'i dus nas bzung ste ngan song dag gis 'jigs par mi 'gyur ro/ /byang chub sems dpa' brtse ba dang ldan pa'i phyir sems can gyi bya ba mang po'i yongs su skyo bas 'jig par mi 'gyur bas ngan song dang yongs su skyo bas 'jigs pa med pa zhes bya'o/ /skye ba skyed mos tshal du 'gro ba lta bur mthong ba'i phyir rgud pa'i dus na sdug bsngal gyis mi 'jigs pa zhes bya ba ni don gyi rnam pa phun sum tshogs pa dag la gang gi tshe/ chom rkun dang/ chu dang me la sogs pas rgud bar byas pa de'i tshe de dag rgud na rgud pas 'jigs pa med do yo byad kyis 'phongs na 'chi bar 'gyur na gang zhig legs par byed pa'i las byas pas skye ba skyed mos tshal gyi dga' ston lta bur lta ba de ltar sdug bsngal dag gis 'jigs par 'gyur ro/ /nyan thos kyi brtson 'grus pas brtson 'grus brgya 'gyur du bya ba'i rigs zhes bya ba'i/ brgya zhes smos pa ni grangs bstan pa'i phyir te/ de brtson 'grus tshad med pa bya dgos so/ /bdag dang gzhan 'ching ba rnam pa sna tshogs pa nyon mongs pa dang las dang skye ba'i ngo bo nyid dag gis shin tu bcings pa yin no/ /zhes bya ba ni mtshams med pa'i las rnams dang/ nyon mongs drag dang ngan 'gro dang/ /sgra mi snyan dang 'du shes med/ /sems can sgrib pa gsum du 'dod ces bya ba yin te/ 'di dag ni 'phags pa'i lam la sgrib pa'i phyir 'jig rten 'khor bar 'khyam par byed pas 'chid ba dag ces bya'o/ /sems bskyed pa'i skabs so// //sems bskyed pa'i 'og tu sgrub pa'i skabs yin te/ 'di'i 'brel pa gang zhe na/ byang chub sems dpa' mgo la sems can gyi khur chen po thogs nas pha rol gnon pa dal ba ni mi mdzes kyi/ des nyan thos kyi brtson 'grus pas brtson 'grus brgya 'gyur du bya ba'i rigs

  119. 60a

    zhes bshad ma thag pa yin te/ sgrub pa med par sems bskyed pa tsam kho nas ni bla na med pa yang dag par rdzogs pa'i byang chub 'thob pa ma yin no/ /de'i phyir sems bskyed nas gdon mi za ba sgrub pas bsgrubs par bya dgos pas sems bskyed pa'i 'og tu bsgrub pa'i skabs yin no/ /de nyid kyi phyir sgrub pa'i gnas chen po ni sems bskyed pa la gnas pa'i phyir ro zhes bshad do/ /byang chub sems dpa' rnams bla na med pa yang dag par rdzogs pa'i byang chub tu sems bskyed nas de la brten te bsgrub pa la rab tu sbyor ba'o/ /sems bskyed pa yod du zin kyang bsgrub pa dang ldan pas gzhan gyi don 'grub kyi sgrub pa dang mi ldan pas ni ma yin pas sems bskyed pa'i 'og tu sgrub pa'i skabs yin no/ /yang na byang chub kyi sems bskyed nas/ bslab par bya'o zhes mjug thogs su bslab pa bstan pa de dmigs pa gang gis 'jug pa de brjod dgos pas/ de'i phyir 'jug thogs su bslab pa'i dmigs pa'i khyad par can no/ /bslab pa'i dmigs pa khyad par can yang gang zhe na/ gzhi lnga'o/ /gzhi gang lnga gang zhe na/ rang dang gzhan gyi don dang/ de kho na nyid kyi don dang/ mthu dang yongs su smin par byed pa dang/ bla na med pa yang dag par rdzogs pa'i byang chub po/ /ji ltar na 'di ni nyan thos kyi theg pa las khyad zhugs pa yin zhe na/ nyan thos la sogs pa'i bslab pa'i dmigs pa ni/ rang gi don dang/ de kho na nyid kyi don gang zag la bdag med pa dang/ mthu chung ba dang/ bdag yongs su smin par byed pa dang/ de'i 'bras bu byang chub dman pa yin pa yin no/ /byang chub sems dpa' rnams kyi bslab pa'i dmigs pa ni de las bzlos pa

  120. 60b

    rang dang gzhan gyi don la sogs pa'i khyad par du 'phags pa yin par shes par bya'o/ /yang gzhi lnga po 'di dag la ji tar dmigs zhe na/ bzhi pa la ni rgyu nyid du'o/ /lnga pa ni 'bras bu nyid du'o/ /yang na byang chub sems dpa' rnams kyis sems bskyed nas/ bslab par bya'o zhes bya ba gang la bslab par bya ba de bstan rang dang gzhan gyi don la sogs pa la bslab par bya ba yin pas/ de'i phyir sems bskyed pa'i 'og tu bsgrub pa'i skabs yin te/ rang dang gzhan gyi don la sogs pa 'di dag kyang sgrub pa dang ldan pa yin gyi gzhan gyi ni ma yin no/ /de dag nyid kyi go rim bzhin du zhes bya ba ni/ gnas rtsom 'bras bu 'byung ba che bdag nyid/ /ces bya tshigs sum 'di dag /rtag tu len pa che dang bzod pa che/ /don chen yang dag bsgrub pa'i bya ba byed/ ces bya ba'i tshig rnams dang/ sbyang? bar bya'o/ /len pa chen po sems can thams cad nye bar len pa'i phyir ro/ zhes bya ba ni 'di ltar sems can thams cad nye bar len par byed de/ sems can rnams bdag gis bskyab po/ snyam du sems so zhes zer ba'i phyir ro/ /gzhan gyi don du bdag nyid la shin tu gdung bar byed pa'i phyir ro/ zhes bya ba ni gzhan dag la phan pa dang bde ba'i don du bdag nyid la shin tu gdung bar byed do zhes bya ba'i tha tshig go /rjes su bstan pa dang/ kun rjod pa'i cho 'phrul dag gis legs pa ston pa zhes bya ba ni kun brjod pa'i cho 'phrul gyis khyod kyi sems ni 'di lta bu yin no/ /khyod kyi sems ni snyam pa yin no/ zhes bya ba la sogs pas sems kun brjod nas rjes su bstan pa'i cho 'phrul gyis gdams ngag thun mong ma yin pa de kho na nyid rtogs pa'i shes rab phyin ci ma log pa dang rjes su ldan pas rjes su ston to/ /de la yon tan khyad par can yang dag par

  121. 61a

    'grub pa'i bar ni gzhan gyi don bya ba nyan thos la sogs pa dang thun mong pa yin no/ /de bzhin gshegs pa'i rigs su skye ba la sogs pa ni byang chub sems dpa' i don thun mong ma yin pa yin no/ /gal te rigs la gnas pa'i skye bo dang mthun zhing phyin ci ma log par 'chad par 'gyur ba zhes bya ba la/ rigs zhes smos pas ni nyan thos la sogs pa'i rigs can kyi? skye bo gzung ngo/ /phyin ci ma log par 'chad par 'gyur ba zhes smos pas ni nyan thos la sogs pa de dag nyid las 'dod chags la sogs pa spyod pa'i bye brag gis mi sdug pa la sogs pa 'chad par 'gyur ba ston te/ bzlog pa ni phyin ci log tu 'chad pa yin no/ /zhugs pa rnams la bdag gi bar 'dzin pa med pa zhes bya ba ni bdag gi bar 'dzin na khong khro ba dang rjes su chags pa dag tu 'gyur ro/ /don rnam par nges par bya ba la mkhas pa'i sgrub pa yin zhes bya ba ni mi shes pa dang the tshom can dang log pa'i shes pa la mngon par zhen pa rnams kyi mi shes pa la sogs pa sel ba'i phyir ro/ /rigs su skye ba la sogs pa shin tu ring du song ba'i sgrub pa yin zhes bya ba ni gal te 'dis dang po la rtogs pa thob pa'i phyir ro/ /de bzhin gshegs pa'i rigs su skyed pa yin/ sa brgyad pa yin la sogs par lung bstan pa thob pa'i phyir lam mngon par 'du bya ba med par rang gis 'byung bas byang chub sems dpa' i spyod pa la mkhas pa yin/ sa bcu pa la 'od zer dag gis dbang bskur ba thob pa'i phyir dbang bskur ba yin na de lta na gzhan dag rigs su skye ba la sogs par bya bar nus so/ /mi rtag pa nyid kyi phyir zhes bya ba ni bde ba'i tshor ba ni skye ba'i dus na phan 'dogs pa yin la 'jig pa'i dus na gnod par byed pa yin

  122. 61b

    te/ de bas na mi rtag pa'i phyir sdug bsngal ba zhes bya ba'o/ /zhi dga' rang gis len pa rab zhi la/ zhes bya ba ni nyan thos rnams ni so so rang gi bdag nyid kyis len pa nyon mongs pa nye bar zhi bar byed de/ nyon mongs pa nyid len pa yin pas na len pa nyon mongs pa'o/ /ji skad du shes rab kyi pha rol tu phyin pa las/ rab 'byor gal te gzugs dngos por gyur gyi dngos po med pa ma yin na shes rab kyi pha rol tu phyin pa 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur zhes bya ba ni 'di skad du bshad pa yin te/ gal te gzugs la sogs pa'i chos 'di dag ji ltar byis pa rnams kyis mngon par brjod cing 'dzin pa de kho na ltar 'di dag yongs su grub pa nyid du gyur cing dngos por gyur gyi zhes bya ba'i tha tshig go /dngos po med pa ma yin na shes rab kyi pha rol tu phyin pa 'dis lha dang mi la sogs pa dang bcas pa'i 'jig rten zil gyis mnan cing nges par 'byung bar mi 'gyur ro/ /ci'i phyir zhe na/ byis pa dang mkhas pa dag la khyad par med pa'i phyir thams cad de kho na nyid mthong ba kho nar 'gyur te/ de ci skad du bcom ldan 'das kyis/ dngos po rnams yod pa nyid ji ltar byis pa rnam brtags shing/ /de ltar mthong ste gal te yin/ /thams cad de nyid mthong bar 'gyur zhes gsungs pa lta bu'o/ /gang gi phyir gzugs la sogs pa'i chos dang/ 'di dag byis pas kun brtogs pa'i bdag nyid kyis med pa'i ngo bo nyid yin pa de'i phyir sangs rgyas dang byang chub sems dpa' tshul bzhin rab tu spyod pa rnams la rnam par mi rtog pa'i ye shes skye la/ rnam par mi rtog pa'i ye shes kyang theg pa chen po yin te/ rgyu 'di nyid kyis lha dang

  123. 62a

    mi dang lha ma yin du bcas pa'i 'jig rten zil gyis mnan nas nges par 'byung par 'gyur ro// //sgrub pa'i 'og tu de kho na nyid kyi skabs yin te/ 'di'i 'brel pa gang yin zhe na/ sgrub pa 'di ni srid dang 'gro ba kun zil gyis mnan 'gro zhi ba mchog dang ldan/ /zhes bya ba la sogs pa bshad ma thag pa yin te/ che ba nyid de rnam pa bzhi char yang sgrub pa dang ldan pa de kho na nyid mthong ba yin gyi/ gzhan gyis ni ma yin pas rang dang gzhan gyi don bsgrub pa ni bshad ma thag pa yin no/ /rang dang gzhan gyi don la zhugs pa yang kun nas nyon mongs pa med par bya dgos pas de'i phyir mjug thogs su kun nas nyon mongs pa med pa'i thabs de kho na nyid kyi ston to/ /kun brtags pa dang gzhan gyi dbang gi mtshan nyid dag gis ni yod pa ma yin no/ /zhes bya ba ni chos kyi dbyings kyi dbang du byas nas bshad pa yin te/ de ni bslab pa'i dmigs pa nyid du bshad do/ /rnam par mi rtog pa'i ye shes kyang lam gyi ngo bo nyid yin pa'i phyir yongs su grub pa'i ngo bo nyid yin mod kyi nas tshigs su bcad pa 'dir ma smos te/ de'i mtshan nyid ni logs shin tu 'chad par 'gyur ro// //kun brtags pa dang gzhan gyi dbang dag dang yongs su grub par gcig pa nyid med pas de bzhin ma yin no zhes bya ba ni kun brtags pa'i chos rnams ni yod pa ma yin pa las yang dag pa ma yin pa nyid du snang ba yin la/ yongs su grub pa'i ngo bo nyid ni bden pa yang dag pa phyin ci ma log pa yin te/ des na 'di kun brtogs pa'i ngo bo nyid ma yin no/ gzhan gyi dbang gi ngo bo nyid kyang kun brtags ba de'i gzhir

  124. 62b

    'gyur ba rten cing 'brel par 'byung ba kun nas nyon mongs pa'i bdag nyid snang ba yin la/ chos kyi dbyings ni de las bzlog pa yin te/ de lta bas na gzhan gyi dbang gi ngo bo nyid kyang ma yin no/ /de dag kho na dang gzhan pa nyid med pas gzhan ma yin no zhes bya ba ni gang gi phyir gzhan gyi dbang gi ngo bo nyid kun brtags pa'i ngo bo nyid dang bral ba ni yongs su grub pa'i ngo bo nyid yin pa de'i phyir gzhan nyid du yang rnam par mi bzhag ste/ mi rtag pa nyid la sogs pa bzhin no/ /'gag pa dang skye ba na de bzhin gnas pa'i phyir zhes bya ba ni chos kyi dbyings ni 'dod chags la sogs pa kun nas nyon mongs pa'i chos 'gag pa na yang nyams pa med la/ rnam par byang ba lam gyi ngo bo nyid kyi chos skye ba na yang 'phel ba med de/ nam mkha' la sprin dang khug rna glo bur ba 'ongs pa dang bral ba bzhin no/ /bdag tu lta ba'i phyin ci log dgag pa zhes bya ba ni gang zag la bdag med pa'i dbang du byas pa yin no/ /re zhig bdag du lta ba nyid ni bdag gi mtshan nyid ma yin no/ /ci'i phyir zhe na/ bdag ni rtag pa dang thams cad na yod pa zhes bya ba de lta bu la sogs pa yin la/ bdag tu lta ba ni 'jig tshogs la lta ba ste/ sems las byung ba chos thams cad ni yod pa ma yin pa mi rtag pa bdag nyid thob pa'i dus na yang byed pa dang bcas pa lta bur snang bas bya ba dang bcas pa yin te/ de lta bas na bdag tu lta ba nyid ni bdag gi mtshan nyid pa yin no/ /rnam pa 'di nyid kyis ngan par gnas pa yang bdag gyis mtshan nyid ma yin te/ ngan par gnas pa zhes smos pas ni nye bar len pa'i phung po lnga bzung ngo/ /'di gnyi ga las gzhan pa'i bdag gi mtshan nyid kyang mi dmigs zhes bya ba ni dngos po yod pa gang dag yin pa de dag ni mngon

  125. 63a

    gsum gyi tshad ma 'am rjes su dpag pas dmigs te/ gzugs la sogs pa ni mngon sum gyis so/ /mig la sogs pa ni rjes su dpag pas so/ /bdag gi mngon sum dang rjes su dpag pa dag gis mi dmigs te de lta bas na bdag ni med kyi/ sems kho na la bdag tu 'dogs par zad do/ /bdag tu lta ba gang yin pa de ni nor pa skyes pa yin no/ /zhes bya ba ni thag pa la sprul du 'khrul ba bzhin no/ /thar pa yang nor ba tsam zad pa yin zhes bya ba ni theg pa la sprul du 'khrul pa dang bral bas lus dang sems nyam nga ba med pa dang/ 'dra'o/ /tsam zhes smos pa ni bdag gi dngos po med pa'i phyir nor pa tsam kho na yod kyi/ bdag ni ma yin no/ /zhes bya ba yin no/ /sdug bsngal rang bzhin rgyun chags rtogs mi 'gyur/ zhes bya ba ni sdug bsngal gyi rang bzhin nye bar len pa'i phung po lnga po 'jig tshogs la lta ba dang bcas pa'i ma rig pas sgribs pa rtags par mi 'gyur zhes bya ba yin no/ /rig min zhes bya ba ni zag pa dang bcas pa'i shes pas nyams su myong ba'i rnam pa can gyis so/ /de ji ltar mthong ba la sogs pa ni gzhan gyis byas zhes bya ba'i lta ba 'di la brten ces bya ba ni mthong ba dang thos pa dang sgom pa dang myong ba dang rag pa dang rnam par shes pa gang yin pa de ni dbang phyug la sogs pas byas so zhes bya ba ste/ 'dzangs shing mkhas pa su zhig rten cing 'brel par 'gyur ba mthong nas dbang phyug la sogs pas byas par lta ba 'di la brten/ bdag med par zhi ba rung bar tshigs su bcad pa zhes bya ba ni bdag ces bya ba'i sgra ni gang zag la sogs pa'i rnam grangs pa yang mthong ste/ bdag dang sems can dang srog dang skye ba po zhes bya ba la sogs pa'i

  126. 63b

    rnam grangs dag la'o/ /chos dag la yang mthong ste/ chos ngo bo nyid dang bcas pa zhes bya ba ni bdag dang bcas pa zhes bya bar shes so 'di? las phyi rol pa phyin ci log tu gyur pa dag ni bdag med pa las bdag tu mngon par zhen la/ /nyan thos kyi theg pa rnams ni chos 'di dag ji ltar byis pa so so'i skye bo dag gis dmigs pa de kho na bzhin du 'di dag bdag gi ngo bo nyid yod do zhes chos rnams la phyin ci log ste/ phyin ci log tu gyur pa bdag tu lta ba dang chos su lta ba la gnas par dmigs pa de dag gal te bdag gam chos shig med na ji ltar na thar su zhig ni thar zhes phyir rgol bar byed de/ de dag la byis pa'i skye bos kun brtags pa'i bdag dang chos rnams med na thar gyis yod na ni ma yin no zhes bshad do/ / 'di la don dam tshul gyis zhi ba dang/ /skye ba de gnyis khyad par ci yang med/ ces bya ba ni don dam pa'i tshul bdag med par mnyam pa nyid kyis ni ji ltar 'khor ba gang zag dang byis pa'i skye bos kun brtags pa'i chos rnams kyi stong pa ltar mya ngan las 'das pa'i yang yin pas rgya 'di na 'khor ba dang mya ngan las 'das pa dag la khyad par ci yang med do/ /skye ba ni 'khor ba yin te/ de ni phyin ci log tshul bzhin ma yin pa yid la byed pa'i rgyu las byung ba la sogs pas skye ba yin no/ /skye ba de zad pa ni thar pa thob pa yin la/ /de yang dge ba byed pa tshul bzhin yid la byed pa'i rgyus lam bsgom pa rnams kyi yin pas skye ba zad par thar pa zhes bya'o/ /don dam pa'i ye shes la 'jug pa'i tshigs su bcad pa bzhi ste/ zhes bya ba ni rnam par mi rtog pa'i ye shes 'jug pa thun mong ma yin pa'i dbang du byas pa ste/ byang chub sems dpa' rnams kyis ji ltar chos la bdag med par rtogs par 'gyur ba de'i dbang du byas nas tshigs su bcad pa yin no/ /

  127. 64a

    sngar ni gang zag la bdag med par bshad pa yin no/ /da ni chos la bdag med pa'o/ /don gyis rnam par brjod pa'i rgyud can rtogs/ /zhes bya ba ni sna tshogs 'di ni yid la rjod pa tsam kho nar zad kyi/ 'di la phyi rol gyi gzugs la sogs pa'i don ni yod pa ma yin no/ /zhes bya ba ste/ dro bar gyur pa'i gnas skabs snang ba thob pa'i ting nge 'dzin yin no/ /mdza' yas pha rol zhes bya ba ni bskal pa grangs med pa dang po'i pha rol tu phyin nas sa dang po rtogs par 'gyur ro/ /zhes bya ba'i don to/ /de yis brjod pa tsam du don rigs nas/ zhes bya ba ni dri bar gyur pa'i rab kyi mthar phyin te/ rtse mo 'jug pa'i gnas skabs snang ba mched pa'i ting nge 'dzin ces bya'o/ /der snang ba sems tsam la ni yang dag gnas/ zhes bya ba ni de kho na'i don gyi phyogs cig la zhugs pa'i ting nge 'dzin te/ bzod pa'i gnas skabs yin no/ /de nas chos dbyings gnyis kyi mtshan nyid dang bral ba mngon sum nyid du rtogs par 'gyur/ zhes bya pa ni bar chad med pa'i ting nge 'dzin te/ 'jig rten pa'i chos kyi mchog gi gnas skabs so/ /gnyis kyi mtshan nyid dang bral ba ni gzung ba dang 'dzin pa'i mtshan nyid dang ngo/ /de nas ni mthong ba'i lam gyi gnas skabs su 'gyur ro/ /gong du de yis brjod pa tsam du don rig nas/ der snang sems tsam la ni yang dag gnas/ zhes bshad pa de ni gzung ba med par bstan to/ /sems las gzhan med par ni blos rig nas/ de nas sems kyang med pa nyid du rtogs/ zhes bya bas ni 'dzin pa med par bstan to/ /bzod pa chen po'i gnas skabs na ni bzung ba ma lus par med par rtogs so/ /de'i mjug thogs su 'jig rten pa'i chos kyi mchog gi gnas skabs ni gzung

  128. 64b

    ba med na gang 'dzin ces 'dzin pa med par rtogs te/ rim pa 'dis bzung ba dang 'dzin pa med par ston to/ /'di la rten pa'i nyes tshogs tshang tshing dag /dug sman chen pos dug bzhin sel bar byed/ ces bya ba la/ de la rten pa'i zhes bya ba ni byang chub sems dpa' ga la brten nas rnam par mi rtog pa'i ye shes skye ba de la/ brten nas skyes pa rnam par mi rtog pa'i ye shes dug sman lta bu nges de la brten nas skyes pa nyes pa'i tshogs tshang tshing nas zhugs pa gang yin pa de sel bar byed pa yin no/ /byang chub sems dpa' don dam pa'i ye shes la zhugs pa nges sangs rgyas kyis gsungs pa'i dam pa'i chos legs par bzhag pa rtsa ba'i sems bsdus pa'i chos la dmigs pa'i chos kyi dbyings la blo gros bzhag ste/ zhes bya ba la rtsa ba'i sems bsdus pa'i chos la dmigs pa zhes ji ltar shes she na/ mdo sde'i rgyan 'di nyid las shes te/ 'di ltar 'di nyid las gdams ngag rjes su bstan pa'i le'u las de nas mdo la sogs pa'i chos/ mi gnyis don sngon byed pa la/ /thog ma kho nar sdom brtson de/ /mdo sogs ming la sems 'jog go /de nas tshig par byed rnams la/ /rim gyi rnam par dpyod par byed/ ces 'chad par 'gyur te/ de la sogs pa'i tshigs su bcad pa gsum gyis sems drug po rtsa ba'i sems dang rjes su dpyod pa'i sems dang/ rnam par dpyod pa'i sems dang/ nges par 'dzin pa'i sems dang/ sdom pa'i sems dang/ reg pa'i sems zhes 'chad par 'gyur ro/ /de la rtsa ba'i sems ni mdo la sogs pa'i chos rnams kyi ming la dmigs pa gang yin pa ste/ mdo'i sde dang dbyangs kyis bsnyad pa'i sde la sogs pa'i chos la mdo'i sde zhes zhes bya ba ni sa bcu pa yin no zhes bya ba la sogs pa lta bu'o/ /

  129. 65a

    yang na theg pa chen po'i chos mdza' dag la sems gang gis dmigs pa de ni rtsa ba'i sems yin no/ /tshig rab tu dbye ba dag las grangs te bsdus pa'i chos la dmigs pa'i sems gang yin pa de ni las su rung ba yin no zhes rnal 'byor spyod pa rnams 'chad do/ /bsdus pa'i chos la dmigs pa de'i chos kyi dbyings la blo gros bzhag nas dran pa gang dang gang skye ba'i dran pa 'jug pa de dag thams cad rtog pa tsam du khong du chud de/ de ltar na myur du yon tan rgya mtsho'i pha rol sangs rgyas nyid du 'gro bar 'gyur te/ tshigs su bcad pa 'dis ni ji ltar na bsgom pa'i lam gyi mthar thug par gyur ba sangs rgyas kyi sa la 'jug pa de bzhin du bstan to/ /tshigs su bcad pa 'di rnams kyis bsdus pa'i don ni dang pos ni tshogs kyi lam bstan to/ /gnyis pa'i phyed kyis ni sbyor ba'i lam mo/ /gnyis pa'i phyed 'og mas ni mthong ba'i lam mo/ /bzhi pas ni bsgoms pa'i lam mo/ /lnga pas ni mthar thug pa'i lam mo/ / de kho na nyid kyi skabs su// //de kho na nyid kyi skabs kyi 'og tu mthu'i skabs yin no/ /'di'i 'brel pa gang zhe na/ byang chub sems dpas ni rang gi don dang gzhan gyi don gnyis bya dgos so/ /de la sangs rgyas kyi chos yongs su rdzogs pa ni rang gi don yin no/ /sems can yongs su smin par byed pa ni gzhan gyi don yin no/ /de kho na nyid rtogs pa las ni sangs rgyas kyi chos yongs su rdzogs par 'gyur la/ de'i 'og tu ni de kho na nyid rtogs pas sems can yongs su smin par bya ba la/ yon tan khyad par can mngon par sgrub pas sems can yongs su smin par byed do/ /mngon par shes pa la sogs pa yon tan khyad par can de dag kyang rjes la mngon par rtogs pa dang/

  130. 65b

    mthar thug pa'i mngon par rtogs pas de kho na nyid kyi skabs kyi 'og tu mthu'i skabs yin no/ /yang na kun nas nyon mongs pa med pa'i skabs su de kho na nyid kyi don bshad do/ /kun nas nyon mongs pa med pa yang ji srid du 'dul ba dag la dbang ma thob pa de srid du gdul ba bsgo ba mi nyan pas yongs su skyo bar 'gyur te/ de dag dang par byed mi nus pa'i phyir ro/ /de'i phyir de kho na nyid kyi 'og tu yongs su mi skyo ba'i thabs mthu'i skabs yin no/ /gzhan dag gi skye ba shes pa ni 'chi 'pho dang/ skye ba mngon par shes pa yin no/ /zhes bya ba ni gzhan dag gi skye ba shes pa 'ba' zhig tu ma zad kyi/ des ni 'chi 'pho yang shes te/ du ba las me bzhin du gang na skye ba shes pa yod pa de na 'chi 'pho shes pa yang gdon mi za bar yod pas skye ba shes pa kho na bshad do/ /de dang de dag tu skyes ba rnams ji skad du smra ba'i tshig ces bya ba ni sems can rnams kyi tshig gang smra ba de dag byang chub sems dpa' i lha'i rna bas thos so/ /sngon dge ba dang mi dge ba bskyed pa shes pa ni sngon gyi gnas mngon par shes pa'o/ /zhes bya ba ni gang zag gi tshe rabs snga ma gzhan dag la dge ba 'am mi dge ba'i las gang zhig byas pa'i las bag chags kyi gnas skabs de shes pa ni dge ba dang mi dge ba bskyed pa shes pa'o/ / ji ltar rnam par gnas pa yin la byed pa ni mngon par shes pa gang dang gang rnam pa gang gis skye ba 'gyur ba 'di lta ste/ rdzu 'phrul gyis mngon par shes pa'i lus yang dag par mos pa la sogs pa lta bu de lta de ltar yid la byed pa las tshul bzhin yid la byed pa skye la/ de las rnam par mi rtog pa'i ye shes skye bas ji ltar rnam gnas yid la byed pa las/ zhes bya ste/ rim pa 'dis dang rgyu 'di dang byed rgyu 'dis mthu 'grub par 'gyur ro/ zhes bya

  131. 66a

    ba'i tha tshig go /gang gis 'phags dang lha dang tshangs pa yi/ /gnas pa zhes bya ba ni bshad ma thag pa'i mthu gang gis gnas pa dang yang dag par 'chos par byed pa dang rnam par dag ba skyed par byed pa zhes bya bar sbyar ro/ /'phags pa la sogs pa'i bde bar gnas pa zhes bya ba la/ 'phags pa'i gnas pa ni stong pa nyid dang/ mtshan ma med pa dang smon pa med pa dang/ 'phags pa'i bden pa bzhi dang/ sa dang pha rol tu phyin pas bsdus pa'o/ /lha'i gnas pa ni bsam gtan dang/ gzugs med pa'o/ /tshangs pa'i gnas byams pa dang/ snying rje dang/ dga' ba dang/ btang snyoms so 'jig rten gyi khams rnams sgyu ma lta bu? nyid du mthong la zhes bya ba ni ji ltar sgyu ma la yang dag pa ma yin pa glang po che dang/ rta la sogs pa skye ba yang snang/ 'jig pa yang snang ba de bzhin du byang chub sems dpas kyang 'jig rten gyi khams gzhan dga' chags par mthong la/ gzhan dag ni 'jig par mthong ngo/ /sangs rgyas kyi 'khor gyi dkyil 'khor gyi nang du ting nge 'dzin dpag tu med pas rnam par rol pas kun tu ston pa'i phyir zhes bya ba ni ji ltar byang chub sems dpa' 'phags pa 'jam dpal bcom ldan 'das kyi 'khor gyi nang du ting nge 'dzin la snyoms par zhugs pa byang chub sems dpa' gang gis kyang ting nge 'dzin de las bslad bar ma nus pa las bu mo blo gros bzang mos bslad pa lta bu ste/ de lta bu la sogs pa ting nge 'dzin gyis rnam par rol pa theg pa chen po'i mdo sde las 'byung ba dag yin no/ /mngon par shes pa ni drug ste/ 'pho ba dang/ mthun par thos pa dang/ sems kyi spyod pa dang/ 'jug pa dang/ 'gro

  132. 66b

    ba dang/ 'od pa dang/ nges par 'byung ba'i sgo nas rig par bya'o/ /rig pa ni gsum ste/ sngon gyi mdza' la sogs pa lam rig par bzlog pa'i phyir ro/ /rnam par thar pa ni brgyad de/ gzugs can gzugs rnams las blta ba ni rnam par thar pa dang po'o/ /nang gzugs med par 'du shes pas phyi rol gyi gzugs rnams la blta ba ni/ rnam par thar pa gnyis pa'o/ /sdug pa'i rnam par thar pa lus kyis mngon sum du bya ba nas rdzogs par bya ste/ gnas pa ni gsum pa'o/ /nam mkha' mdza' yas skye mched ni bzhi pa'o/ /rnam shes mdza' yas skye mched ni lnga pa'o/ /ci yang med pa'i skye mched ni drug pa'o/ /yod min med min skye mched ni bdun pa'o/ /'gog pa'i snyoms par 'jug pa ni brgyad pa'o/ /zil gyis gnon pa'i skye mched ni brgyad de/ nang gzugs su 'du shes pas phyi rol gyi gzugs chung ngu kha dog bzang po dang/ kha dog ngan pa rnams la blta zhing gzugs de dag zil gyis mnan nas shes zil gyis mnan nas mthong ste/ de ltar 'du shes pa 'di ni zil gyis gnon pa'i skye mched dang po'o/ /gzugs chen po la yang de dag 'dra ste/ 'di ni gnyis pa'o/ /nad gzugs med par 'du shes pas phyi rol gyi gzugs chung ngu kha dog bzang po dang/ kha dog ngan pa rnams la blta zhing gzugs de dag zil gyis mnan nas shes zil gyis mnan nas mthong ste/ de ltar 'du shes pa de ni zil gyis mnan pa'i skye mched gsum pa'o/ /nang gzugs med par 'du shes pas phyi rol gyi gzugs chen po kha dog bzang po ngan pa rnams la blta zhing zhes bya ba la sogs pa 'di ni bzhi pa'o/ /bzhi ni sngon po dang/ ser po dang dmar po dang dkar po dag go /zad par gyi skye mched ni

  133. 67a

    zad par sa dang chu dang me dang rlung dang/ sngon po dang ser po dang dmar po dang dkar po dang/ nam mkha' mdza' yas skye mched dang/ rnam shes mdza' yas skye mched dag go /ting nge 'dzin dpa' bar 'gro ba la sogs pa dpag tu med pa'o/ /mthu dang che ba'i bdag nyid la khyad par can yod ce na/ mthu ni rang gi rten la yod pa'o/ /che ba'i bdag nyid ni mthu dang ldan pa gzhan dag la phan pa byed pa'o/ /mthu'i skabs rdzogs so// // mthu'i 'og tu yongs su smin pa'i skabs yin te/ de'i 'brel pa gang yin zhe na/ sngar rgya che phyir dang zab pa'i phyir/ yongs su smin pa dang mi rtog /de phyir 'di las gnyis bstan te/ de ni bla na med pa'i thabs zhes bshad pas mthu rgya chen po bstan pa mthong bas ni sems can rnams yongs su smin par 'gyur te/ byang chub sems dpa' i mthu mthong nas de la mos pa rnams de thob par bya ba'i phyir 'bad do/ /zab mo bstan pas ni rnam par mi rtog ste/ de dag gis go rim bzhin du sems can rnams yongs su smin pa dang/ bdag nyid kyis sangs rgyas kyi chos yongs su smin par byed do zhes de skad du bshad do/ /de'i phyir mthu'i 'og tu yongs su smin pa'i skabs yin no/ /rnam pa gcig tu na yongs su mi skyo ba'i thabs mthu bshad ma thag pa yin te/ 'khor ba'i log par bsgrub pa dang/ sdug bsngal dag gis mi skyo ba'i dus ring por sangs rgyas kyis chos dang/ sems can yongs su smin par byed pa na dge ba'i chos rnams kyis 'phel bar 'gyur bas de'i 'og tu dge ba 'phel pa'i thabs yongs su smin pa'i skabs yin no/ /spong ba'i yan lag rnams

  134. 67b

    dang ldan pa nyid do zhes bya ba la/ spong ba'i yan lag ni lnga ste/ dad pa dang/ g.yo med pa dang/ sgyu med pa nyid dang/ nang nyung ba dang/ shes rab bsgom pa'o/ /nyon mongs pa sel ba ni byang chub sems dpa' i zhi ba zhes bya ba ni sdom pa nod pa'i dus nas bzung ste/ dbang po'i sgo bsdams pa la sogs pas tshogs kyi lam dang/ sbyor ba dang/ mthong ba dang/ sgom pa dang/ mthur thug pa'i lam dag gis 'dod pa'i gnod sems la sogs pa nyon mongs pa rnams rab tu zhi ba ste/ byang chub sems kyi nyon mongs pa ni rnam par rtog pa yin pas dngos po dang dngos po med pa la sogs par rnam par rtog pa'i nyon mongs pa rnams spangs pa la rab tu zhi ba zhes bya'o/ /rang bzhin snying brtse ba zhes bya ba la/ rang bzhin zhes bya ba'i sgras ni rigs bzung ste/ de skad du byang chub sems dpa' i sa las/ rigs dang khams dang sa bon dang rang bzhin zhes bya ba ni rnam grangs so/ /zhes bshad pa lta bu'o// rang bzhin brtan pa zhes bya ba 'dir yang rang bzhin zhes smos pas ni bzod pa'i rigs bzung ste/ las dang po pa bzod pa dang ldan pa'i chos dag ma thos par gnod pa byed pa la ji mi snyam pa'i bzod pa la sogs pa 'jug pa gang yin pa de ni rigs kyi stobs kyis yin no/ /so sor brtags pa ni shes rab ste/ shes rab kyis bzod pa dang ldan pa'i chos rnams dpyad cing dpyad nas de'i 'og tu sems can dag las mi 'dod pa 'bab pa la sogs pa bzod pa gang yin pa de ni shes rab kyi stobs kyis yin no/ /de'i 'og tu mnyam par bzhag pa'i gnas skabs na sgom pa'i stobs kyis so/ /dran pa dang shes rab mtshungs par ldan pa la yid gzhungs pa zhes bya ba'i chos

  135. 68a

    gdags so/ /yang na 'di ltar gsung rab las yid gzhungs pa zhes bya ba ni shes rab kyi rnam grangs su 'byung bas yid gzhungs pa zhes bya ba ni shes rab kyi rnam grangs kho? na yin te/ ji skad du bcom ldan 'das kyis mdo gzhan las shes rab kyi dbang du mdzad na shes rab dang shes rab gsal dang yid gzhungs pa dang mkhas pa zhes gsungs pa lta bu'o/ /'jig rten las 'das pa'i shes rab kyi skye bar rung ba nyid ni yid gzhungs pa'i las so zhes brjod pa gang yin pa der ni de kho na nyid ma rtogs pa'i shes rab bskal pa grangs med pa dang po la nges par skyes pa gang yin pa de la yid gzhungs pa zhes bya'o/ /yid gzhungs pa'i rang bzhin gyis shes rab de yang 'jig rten las 'das pa'i shes rab skye bar rung ba yin pas de ni de'i las su bstan te/ chos de nyid chos de nyid kyi las su ji ltar 'gyur zhe na/ tshul 'dis nyes pa med do/ /nam bdud kyis bar chad bya mi nus zhes bya ba ni thos pa dang bsam pa dang bsgom pa'i gnas skabs na byang chub sems dpa' shes rab can chos kyi rjes su 'brang ba la/ gang gi tshe bdud byang chub sems dpa' dang bskal pa 'dra ba lta bu nye bar 'ong bas bar chad bya bar mi nus pa de'i tshe mi 'phrogs pa nyid yin te/ rang bzhin gyis yongs su smin pa yin no/ /byang chub sems dpa' yongs su smin pa'i skabs so// //byang chub sems dpa' yongs su smin pa'i 'og tu sems can yongs su smin pa ste/ 'di'i 'brel pa yang de nyid yin la bdag yongs su smin pas kyang/ sems can yongs su smin par byed par rung ba yin no/ /de bzhin rten 'dir phyogs gnyis zhi ba dang/ /

  136. 68b

    de bzhin spyad pa nyid du sman pa bstan/ ces bya ba ni go rim bzhin du mi mthun pa zhi ba dang gnyen po sbyar ba'o/ /phyi rol pa'i yongs su smin pa las khyad par du 'phags pa'i phyir mchog tu smin par byed pa ni rab tu smin pa byed pa'o zhes bya ba ni mu stegs can gyis yongs su smin pa las yongs su smin par khyad par du 'phags pa yin no/ /'tsham par smin par byed pa zhes bya ba ni 'dod chags la sogs pa spong pa rnams la mi sdug pa la sogs pa ston pas so/ /rtogs pas smin par byed pa ni rtogs pa smin par byed pa'o/ /zhes bya ba ni ched kyi don du gsungs pa yin te/ dper na zas kyi sdod do zhes bya ba lta bu'o/ /yang na byang chub sems dpa' de kho na nyid rtogs pas smin par byed pa ni rtogs par smin par byed pa zhes bya'o/ /phyin ci ma log pa'i don gyis rtag tu smin par byed pa ni rtag tu smin par byed pa'o/ /zhes bya ba ni ming gi tshogs dang/ tshig gi tshogs dang yi ge'i tshogs rnams kyi don phyin ci ma log par ston pa ste/ 'das pa dang da ltar byung ba'i sangs rgyas bcom ldan 'das rnams kyi chos bstan pa gang yin pa de la ming gi tshogs la sogs pa gang dag yod pa de dag gis don gdul ba'i skye bo la bltos nas phyin ci ma log par bstan pa gang yin pa'i don de rtag tu de kho na bzhin du rab tu bstan pas sems can rnams yongs su smin par 'gyur ba gang yin pa de ni rtag tu smin par byed pa'o/ /rnam pa gcig tu na mi rtag pa dang/ sdug bsngal pa dang/ stong pa dang/ bdag med pa'i ngo bo nyid kyis chos rnams la nam yang rtag par dang? bde ba la sogs par mngon par zhen nas phyin ci log tu ston par mi byed kyi/ rtag tu mi rtag par sogs pa la phyin ci ma

  137. 69a

    log pa'i don rab tu ston pas sems can rnams yongs su smin par byed pas rtag tu smin par byed pa zhes bya'o/ /yongs su nyams par mi 'gyur ba'i don gyis gong nas gong du rim gyis smin par byed pa ni gong du smin bar byed pa zhes bya ba ni byang chub sems dpa' sa dang po la gnas pa dang/ nyan thos rgyun tu zhugs pa yongs su smin par bya ba dag sangs rgyas nyid dang/ dgra bcom pa nyid 'thob pa ste/ de dag gis yongs su smin pa gang yin pa de ni gong du 'gro ba'i phyir gong du smin pa zhes bya'o/ /de bzhin pha dang ma dang gnyen bshes rnams/ /bu dang gnyen pa rnams la legs mi gnas/ zhes bya ba 'di ni ji ltar byang chub sems dpa' sems can rnam pa la legs par gnas pa de ltar pha dang ma dag kyang bu rnams la legs par mi gnas la/ de ltar gnyen bshes rnams kyang gnyen pa dag la legs par mi gnas so/ /zhes de skad du sbyar bar bya'o/ /'jig rten bdag la byams pa ni bdag nyid la phan pa ma yin pa dang bde ba ma yin par sbyar ro/ /zhes bya ba ni rmongs pa ni bdag nyid bde bar bya'o/ snyam nas ma byin par len pa la sogs pa la rab tu sbyar ro/ /de'i ma byin par len pa la sogs pa de yang tshe phyi ma la ngan 'gror khrid par byed pa yin pas phan pa ma yin par 'gyur te/ de ltar na 'jig rten ni bdag nyid phan pa ma yin pa la sbyor ro/ /de'i rkyen gyis 'di nyid la gsad pa dang bcing ba dang/ brdeg pa la sogs pa'i sdug bsngal gang yin pa de ni de'i bde ba ma yin pa'o/ /yang na mu stegs can gyi lta ba bsten pa'i phyir te/ kun tu gdung ba dang/ yongs su gdung ba dang/ mer 'jug pa dang/ zas mi za ba la sogs pa brten pas 'di nyid la sdug bsngal ba thob po/ /

  138. 69b

    de'i phyir bde ba ma yin pa la sbyar ro/ /de'i rkyen gyis ngan 'gror 'gro ba gang yin pa de ni phan pa ma yin pa la sbyor ro/ /byang chub sems dpa' ni pha dang ma dang gnyen bshes kyi bsam pa bas bkres pa dang/ skom pa dang/ grang ba dang/ tsha ba la sogs pa srog la 'bab pa'i sdug bsngal yang brtsis la ma chags par go cha dang/ sbyor ba dang/ mi 'god ba dang/ mi 'khrug pa dang/ chog mi shes pa'i brtson 'grus kyis bdag la mi lta ba sbyin pa dang/ snyan par smra ba la sogs pas sems can rnams kyis ji ltar bsam pa'i don yongs su rdzogs par byed pa'i phyir bde ba'i bsam pa can zhes bya'o/ /de'i 'og tu bsgrub pa'i dngos po rnams kyis bsdus nas bstan pa la 'jud? pa dang/ rab tu 'byung ba la sogs pa phan pa la sbyor ba'i phyir phan pa'i bsam pa can zhes bya'o/ /rang gi lus dang longs spyod thams cad sbyin pa zhes bya ba ni/ mgo dang rkang pa dang/ lag pa dang/ mig dang/ sha dang khrag dang/ tshil dang/ rkang la sogs pa sbyin pa'i phyir/ rang gi lus thams cad sbyin pa yin no/ /nor dang/ 'bru dang/ mdzed dang/ bang mdzod dang/ nor bu dang/ mu tig dang/ rgyan dang glang po che dang/ rta dang bu dang/ bran la sogs pa sbyin pa'i phyir longs spyod thams cad sbyin pa yin no/ /mi mnyam pa med par sbyin pa dang ngoms pa med par sbyin pas so/ /zhes bya ba tshigs su bcad pa las tshig gang dang gang gis bstan ce na/ mnyam par sbyin pa'i yon tan ngoms par mi 'gyur ro/ zhes bya ba ste/ mi mnyam pa med par sbyin pa nyid dang/ ngoms pa med par sbyin pa nyid gang dag yin pa'i yon tan yin no/ /mi mnyam pa med par sbyin pa ni snying rjes snod kyi

  139. 70a

    khyad par la mi blta ba'i phyir ro/ /tshe 'di dang tshe phyi ma la phan 'dogs pas te zhes bya ba tshigs su bcad pa'i tshig /phan 'dogs rnam pa gnyis kyis gzhan smin byed/ ces bya ba 'dis bstan to/ /rtag pa zhes bya bas ni brtan pa'i tshul khrims ston te/ yang dag par blang ba len pa gang yin pa de dus thams cad rjes su 'jug cing srog la bab kyang yongs su mi gtong bas de'i phyir bstan pa'i tshul khrims zhes bya'o/ /rang bzhin gyi tshul khrims zhes bya ba ni tshul khrims la shin tu goms pa'i phyir rang bzhin gyis tshul khrims can du 'gyur ba ste/ so sor brtags nas tshul khrims yang dag par len pa la 'jug pa ma yin no/ /gzhan la tshe phyi ma la phan 'dogs pa ni rnam par smin pa dang rgyu mthun pa'i yon tan dag brgyud pas byed de/ de'i rnam par smin pa dang rgyu mthun pa dag phan tshun mthun pas rgyun mi 'chad pa'i phyir ro/ /zhes bya ba ni 'di ltar tshul khrims dang/ ldan pa bde 'gror skye ba ni rnam par smin pa'i 'bras bu'o/ /de sngon goms pa'i dbang gis yang dang yang du tshul khrims yang dag par blangs pa la 'jug pa ni rgyu mthun pa'i 'bras bu ste/ rgyu mthun rgyu dang 'dra ba'o zhes 'byung ba'i phyir ro/ /de nas shi 'phos nas yang goms pa'i dbang gis tshe rabs gzhan dag du de kho na bzhin du 'jug pa'i phyir brgyud pas shes bya ste/ rnam par smin pa dang/ rgyu mthun pa dag phan tshun mthun pas rgyun mi 'chad pa'i phyir ro/ /brtson 'grus mchog la zhes bya ba ni/ brtson 'grus chen po la zhes bya ba'i don to/ /gzhan gyi sems dge ba gcig gi phyir yang zhes bya ba ni gal te gzhan bskal pa bye ba

  140. 70b

    stong gis dge ba'i sems gcig skyed pa byed na yang nges kyang byang chub sems dpa' la skyo ba med pa'o/ /zang zing med pa gzhan gyis mchod 'dod pa thams cad nges par bcom pa zhes bya ba ni de snyam du gzhan dag bdag la mchod pa dang bkur sti la sogs pa byed par 'gyur bas de'i phyir bdag gis bsgrim par bya'o/ /snyam du mi sems kyi/ zang zing med pa'i sems mchod pa dang bkur sti 'dod pa dang bral bas yongs su smin par byed do/ /de nyid kyi don gyi tshul ni don dam pa'i tshul lo/ /dgongs don tshul ni dgongs pa'i don gyi tshul lo yongs su smin pa'i skabs so// //yongs su smin pa'i 'og tu thams cad mkhyen pa nyid de de'i 'brel pa gang yin zhe na/ byang chub sems dpa' de ltar dge ba'i rtsa ba'i tshogs yongs su smin pa ni bla na med pa yang dag par rdzogs pa'i byang chub la reg par 'gyur bas de'i phyir de'i 'og tu byang chub kyi skabs yin no/ /rnam pa gcig na bslab pa'i dmigs pa rang dang gzhan gyi don la sogs pa dngos po bdun pa bshad de/ 'di ltar byang chub kyi sems kyis byang chub don du gnyer ro/ /de yang ci'i phyir zhe na/ bdag dang gzhan la phan par bya ba'i phyir te/ de'i phyir rang dang gzhan gyi don gyi skabs yin no/ /rang dang gzhan gyi don la zhugs pa ni kun nas nyon mongs pa med par bya dgos pas de'i 'og tu kun nas nyon mongs pa med pa'i thabs de kho na nyid kyi skabs bshad do/ /de'i 'og tu gdul ba'i sems kyi don du yongs su mi skyo ba'i thabs mthu'i skabs bshad do/ /de kho na nyid dang mthu 'di dag kho nas go rim bzhin du byang chub sems dpa' i sangs rgyas kyi chos yongs su smin pa dang/ sems can yongs su

  141. 71a

    smin par 'gyur te/ 'di ltar byang chub sems dpa' de kho na nyid rtogs pa'i bdag yongs su smin pa dga' ba la sogs pa rnam pa dgu po shin tu chen por 'gyur gyi de kho na nyid ma rtogs pa ma yin no/ /mthu dang ldan pa yongs su skyo ba med pas sems can yongs su smin par 'gyur gyi mthu mi ldan pas ni ma yin pas de'i phyir yongs su skyo ba med pa'i thabs mthu bshad do/ /de ltar bdag dang sems can yongs su smin par byas nas tshogs yongs su rdzogs pa de de'i rjes la bde blag tu bla na med pa yang dag par rdzogs pa'i byang chub tu mngon par rdzogs par 'tshang rgya bar yongs su smin pa'i 'og tu byang chub kyi skabs so/ /rang dang gzhan gyi don la sogs pa dngos po bzhi ni rgyur gyur pa yin no/ /de nyid kyi phyir byang chub sems dpa' rnams dngos po bzhi pa la ni rgyu nyid du dmigs la/ lnga pa la ni 'bras bu nyid du dmigs te/ de bas na go rim kho na ma tho ba med pa yin no// bskal mchog dus ring 'gro ba zhes bya ba la/ mchog ces bya ba'i sgra ni bskal pa chen po bzung ba'i phyir ro/ /bskal pa mchog de dag dus ring por 'gro ba ste/ bskal pa grangs med pa gsum gyis zhes bya ba'i tha tshig go /ring zhes bya ba ni bskal pa grangs med pa gsum bzung ba'i phyir ro/ /gnyis su med pa'i mtshan nyid mthu dang bcas pa la zhes bya ba ni sangs rgyas nyid ni kun brtags pa'i ngo bo nyid kyis yod pa'i mtshan nyid kyang ma yin la/ yongs su grub pa'i ngo bo nyid kyis med pa'i mtshan nyid kyang ma yin no rin po che'i 'byung gnas lta bu nyid ni mthu yin no/ /de bzhin nyid tha dad pa'i rang bzhin ma yin pa'i phyir dang/ sangs rgyas nyid kyang de rnam

  142. 71b

    par dag pas rab tu phye ba'i phyir chos thams cad kyang sangs rgyas nyid yin zhes bya ba ni de bzhin nyid ni chos thams cad kyi rjes su song ba yin la/ chos dang chos can dag kyang tha mi dad pas de'i phyir chos thams cad sangs rgyas nyid du brjod do// de dag gis de bstan par bya ba yang ma yin zhes bya ba ni pha rol tu phyin pa la sogs pa kun brtags? pa'i ngo bo yongs su ma grub pa'i phyir ro/ /gdul ba'i rgyud kyi zhing la dge ba'i lo tog rnams zhes bya ba ni der rab tu bskrun pa'i phyir ro/ /zhes bya bar sbyar ro/ /sangs rgyas nyid de ni gdul ba'i zhing dag la dge ba'i chos kyi lo tog mngon par 'phel ba gang yin pa de'i rgyu yin te/ dge ba'i lo tog 'phel ba de ni de las rab tu skye'o/ / skye dgu rnams la legs par bshad pa mi zad pa'i chos kyi char chen po 'bebs pas na zhes bya bas 'dir tshig rnam par sbyar bar rig par bya'o zhes bya ba ni tshigs su bcad pa las/ skye dgu rnams la legs par bshad pa mi zad pa'i chos kyi char chen 'bebs pas na/ zhes gang bshad pa'i tshigs su bcad pa'i bzhi cha 'di las chos kyi char zhes bya ba'i sgra dang/ 'bebs pa zhes bya ba'i sgra ni dang por 'byung la/ legs bshad dang mi zad pa zhes bya ba'i sgra ni mjug nas 'byung ngo/ /de la legs bshad dang/ mi zad ces bya ba'i tshig dag ni dang por rig par bya la/ chos kyi char dang 'beb pa zhes bya ba'i sgra ngag ni tha mar rig par bya'o/ /de ltar na skye dgu rnams la legs par bshad pa mi zad pa'i chos kyi char chen po 'bebs pas na zhes bya ba yin te/ tshig rnam par sbyar ba 'di mthun par 'gyur ro/ /de bzhin du/ rin chen chos rab che yangs 'byung phyir zhes bya ba de la yang

  143. 72a

    sbyar bar bya'o// //sangs rgyas nyid kyi ngo bo 'og tu skyabs bla na med pa'i khyad par te/ 'di'i 'brel pa gang yin zhe na/ 'di skad du bshad pa yin te/ mthu'i khyad par 'di lta bu dang ldan pa'i bcom ldan 'das ni skyabs bla na med pa yin pas bla na med pa'i skyabs so/ /gong du theg pa mchog phyir dkon mchog skyabs rab song ba gang/ de nyid skyabs su song ba rnams kyi mchog shes bya/ /zhes bya ba ni gang zag gi khyad par gyi sgo nas skyabs su 'gro pa bshad pa yin te/ gang zag 'jigs pas skrag pa gang dag ri la sogs pa la skyabs su 'gro ba dang/ nyan thos la sogs pa'i gang zag 'khor ba'i 'jigs pas skrag pa gang dag bdag nyid bskyab pa'i phyir dkon mchog gsum la skyabs su 'gro ba'i gang zag de dag pas byang chub sems dpa' i gang zag bdag nyid sangs rgyas kyi don du gnyer ba gang zhig bdag kyang sangs rgyas nyid thob nas skyabs su 'gro bar bya'o/ /zhes de snyam du bsam nas dkon mchog gsum la skyabs su 'gro ba 'di nyid mchog yin no/ /skabs kyi don ni skyob pa'i don yin pas bcom ldan 'das 'tshe ba gang dag las skyob pas skyabs bla na med pa yin pa dang/ rgyu gang dag gis na skyabs ri la sogs pa bas skyabs bla na med pa yin pa de ston par byed do/ /sngar ni skyabs su 'gro ba'i skabs kyis bsams so/ /nga ni byang chub kyi skabs kyis bsams te/ sangs rgyas nyid ni bla na med pa yin la/ de yang skyabs thams cad pas skyabs gtso bo yin no// rga dang 'chi ba dag las kyang/ /zhes bya ba ni skye ba med par rga ba dang 'chi ba med do/ /rga ba dang 'chi ba zhes bya ba'i sgras? ni skye ba'i kun nas nyon mongs pa bshad do/ /sna tshogs 'jig gyur 'jig tshogs kun dang

  144. 72b

    theg pa dang/ ngan song rnam mang sdug bsngal thabs min song ba rnams/ zhes bya ba ni long ba la sogs pa 'tshe ba sna tshogs dag dang/ 'jigs pa'i bdag nyid lha dang mi la sogs pa thams cad las ni theg pa gnyis kyis yongs su skyob po/ /ma nges pa'i rigs can rnams ni theg pa dman pa las yongs su skyob bo/ /ngan song dag na sdug bsngal rnam pa mang po yod pa gang dag yin pa de dag las yongs su skyob pas na/ ngan song rnam mang sdug bsngal las yongs su skyob pa'o/ /thabs min song zhes bya ba ni thabs ma yin pa las yongs su skyob pa ste/ thabs ma yin pa las yongs su skyob pa nyid kyang mu stegs can gyi lta ba las slong ba'i phyir ro/ /dam chos la sems can gdul ba'i thabs mkhyen pa'i phyir zhes bya ba ni legs par gsungs pa'i chos gdul pa la sems can rnams 'dod chags spyod pa la sogs pa la mi sdug pa bstan pa la sogs pa rnam pa gang dang gang gis gdul par bya ba de thams cad dang ji ltar bzhin mkhyen to/ /thugs rjes pha rol tu phyin pa'i phyir ro/ /zhes bya ba ni thugs rjes bskul pas sangs rgyas kyi yon tan thams cad kyi pha rol tu phyin pa yin no/ /yang bla na med pa yang dag par rdzogs pa'i byang chub brnyes phyir thugs rje'i pha rol tu phyin pa yin te/ mthar phyin pa brnyes so zhes bya ba'i tha tshig go /'jig rten ji skad ces bya ba ni/ 'jig rten gyi khams kyi mthar thug pa'i mdza' gang yin pa de skyabs sangs rgyas kyi mdza' yang de yin no/ /'jig rten gyi khams kyi mdza' la ni mthar thug pa med la skyabs la yang mthar thug pa med pas sangs rgyas nyid de ni skyabs dpe mang cing mchog yin

  145. 73a

    bar 'dod do/ /de ni mi rtog ye shes lam gyis 'thob ces bya ba ni 'jig rten las 'das pa'i ye shes shin tu rnam par dag pa'i lam thob pas so/ /shin du yul chen ye shes lam gyi thob/ /ces bya ba ni de'i rjes la 'thob pa shes bya mdza' yas pa'i yul can gyi lam thob pas te/ 'di gnyis bshad par bya ba'i tshig yin par sbyar ro/ /sangs rgyas kyi sems can gyi tshogs kun tu song ba nyid ni sems can thams cad bdag nyid du zhal gyis bzhes pa yongs grub pa las rig par bya'o/ /zhes bya ba ni nges sa dang po la chos kyi dbyings thams cad du 'gro ba'i don du rtogs pas bdag gang yin pa de nyid sems can rnams yin zhes sems can thams cad dang mnyam pa nyid 'thob po/ /sems can thams cad bdag nyid du khas blangs pa de sangs rgyas kyis la yongs su grub ste/ de bzhin nyid ni thams cad du song ba nyid du rab tu grub pas 'di ni khyad par gzhan yin no/ /ji ltar rnga dag ma brdungs par zhes bya ba ni ji ltar sems can rnams kyi sngon gyi dge ba'i rtsa ba'i dbang gis rnga dag ma brdungs pa las gzas pa med par grog po dag 'dod pa rnams ni mi rtag pa mi brtan pa yid brtan du mi rung ste/ ngan 'gro'i rgyu yin no zhes bya ba de lta bu la sogs pa'i sgra 'byung ba de bzhin du/ sangs rgyas bcom ldan 'das rang bzhin gyi sku la bzhugs pa rnams kyang sngon gyi smon lam gyi stobs kyis lhun gyis grub par chos 'chad pa 'byung ngo/ /de bzhin du ji ltar nor bu 'bad pa med par rang gi 'od ston pa lta bu ste/ nor bu 'di snyam du bdag gis 'od kyis bya ba bya'o/ snyam du mi sems mod kyi/ /'on kyang rtog pa med par 'od ston par 'gyur la/ yid bzhin gyi nor bu yang mthu ston to

  146. 73b

    de bzhin du sangs rgyas bcom ldan 'das rnams kyang lhun gyis grub pa'i gnas skabs na gza' ba mi mnga' ba rnam par mi rtog pa bzhin du sangs rgyas kyis mdzad pa mdzad par 'gyur ro/ /tshigs su bcad pa 'di gnyis kyis ni lhun gyis 'grub pa nyid bstan to/ /da ni tshig su bcad pa gnyis kyis sangs rgyas kyi mdzad pa rgyun mi 'chad pa nyid ston par byed de/ ji ltar nam mkha' la 'jig rten gyi bya ba rgyun mi 'chad par snang ba lta bu'o/ /ji ltar 'jig rten gyi khams thams cad du rgyun mi 'chad ce na/ 'jig rten gyi khams gzhan zhig ste/ stongs pa dag tu 'jig rten gyi bya ba rnams mi snang mod kyi/ 'on kyang gang dag chags pa de dag na 'jig rten gyi bya ba rnams rgyun mi 'chad par snang ngo/ /de bzhin du zag pa med pa'i dbyings nam mkha' ltar chad pa med pa la yang sangs rgyas kyis mdzad pa rgyun mi 'chad par 'byung ngo/ /ji ltar nam mkha' la rtag tu bya ba rnams skye zhing 'jig par 'gyur ba de bzhin du zag pa med pa'i dbyings la sangs rgyas kyi phrin las skye zhing 'bri ste/ sems can gang dag skal ba dang ldan pa de dag la ni skye la/ skal pa dang mi ldan pa de dag la ni 'bri'o/ /snga ma dang phyi ma khyad par med pa'i phyir dag pa yang ma yin zhes bya ba ni gang gi phyir sngar yang kun nas nyon mongs pa ma yin la/ phyis kyang ma yin pa de'i phyir dag pa ma yin te/ gang la dri ma yod pa de dag par 'gyur na chos kyi dbyings de ni sngar ram phyis kyang dri ma can ma yin no/ /glo bur gyi sgrib pa thams cad kyi dri ma dang bral ba'i phyir ma dag pa yang ma yin no/ /bdag med pa'i mchog ni de bzhin nyid rnam par dag pa'o/ /de yang ngo bo nyid kyi don gyis sangs rgyas rnams kyi bdag yin no zhes bya ba la bdag ces bya ba'i sgra

  147. 74a

    'di ni brtags pa'i bdag la mthong ngo/ /chos kyi ngo bo nyid la yang mthong ste/ dper na sa ni sra ba'i bdag nyid do zhes bya ba sra ba'i bdag nyid do zhes bya ba shes pa dang/ me ni dro ba'i bdag nyid do zhes bya ba ni dro ba'i ngo bo nyid do zhes bya bar shes pa ltar 'dir yang de dang 'dra ste/ bdag med pa'i mchog ni de bzhin nyid rnam par dag pa yin la/ sangs rgyas bcom ldan 'das rnams kyang de rnam par dag pa'i ngo bo nyid yin pas de'i phyir bdag ces bya ba'i sgra ni bdag med pa'i mchog gi ngo bo nyid yin par blta bar bya'o/ /de'i phyir sangs rgyas yod min zhing/ /med par yang ni mi brjod do/ /de bzhin nyid kun brtags pa'i gang zag dang chos med pa'i mtshan nyid yin pa'i phyir ro/ /'di ltar de bzhin nyid ni gang zag gi ngo bo nyid kyi mtshan nyid kyang ma yin la/ chos kyi ngo bo nyid kyi mtshan nyid kyang ma yin te/ kun brtags pa'i gang zag ri bong gi rwa dang 'dra la/ kun brtags pa'i chos kyang de kho na dang 'dra bas so/ /dgongs pa 'dis ni sangs rgyas nyid yin no/ /de bzhin nyid kyi mtshan nyid du yod pa'i phyir med pa yang ma yin no/ /ji ltar lcags la tsha ba zhi ba dang/ mig la rab rib zhi ba ni gdung ba dang/ rab rib med pa'i mtshan nyid yin pa'i phyir yod pa yang ma yin zhes bya ba ni 'di ltar tsha ba med pa dang/ rab rib med pa ni yod pa yang ma yin te/ rims nad med pa bzhin no/ /ji ltar rims nad dang bral ba yod pa ma yin no/ /zhi ba'i mtshan nyid du yod pa'i phyir mang pa'i yang ma yin no/ /zhes bya ba ni tsha ba zhi ste lcags grong mor gyur pa lcags kyis lcags kyi bya ba mi byed pa yang ma yin la/ mig la

  148. 74b

    rab rib zhin yang mig gis mthong ba'i bya ba mi byed pa ma yin no/ /gal te med pa tsam zhig yin par gyur na ni gzugs med pa'i phyir lcags kyis lcags kyi bya ba mi byed la/ mig gis kyang mig gi bya ba mi byed par 'gyur ro/ /ji ltar rims nad nye bar zhi ba med pa tsam kho na ma yin gyi/ rims nad nye bar zhin lus la nad sos pa gzhan 'byung ba de bzhin du/ sangs rgyas bcom ldan 'das rnams kyi sems dang ye shes la gdung ba dang rab rib lta bu 'dod chags dang ma rig pa dag zhi ba ni yod par mi brjod do/ /sems dang shes rab rnam par grol ba dag ni nges rab tu phye ba'i phyir ro zhes bya ba ni 'dod chags med pa dang/ ma rig pa med pa dang/ 'gags pa dang/ nye bar zhi ba dang/ nus pa ni yod pa ma yin no/ /med pa yang ma yin te/ rnam par grol ba'i mtshan nyid de lta bur yod pa'i phyir ro zhes bya ba la/ rnam par grol ba'i mtshan nyid ni rnam par grol ba bdag ni rnam par grol lo snyam pa'i ye shes bdag nyid kyis so sor rang gis rig pa 'byung ba 'di yin te/ ji ltar rims nad nub ste nye bar zhi na so so rang gis rims nad sos pa so sor nyams su myong ba de bzhin du 'dod chags kyi rims nad dang ma rig pa'i rab rib dag nub ste nye bar zhi na so so rang gis rnam par grol ba'i mtshan nyid kyi nad sos pa so so rang gis nyams su myong bar 'gyur ro/ /tshigs su bcad pa snga ma rnams ni de bzhin nyid kyi gnas su gyur pa'i mtshan nyid do/ /tshigs su bcad pa 'di ni gdung ba dang rab rib zhi ba lta bu gnas ngan len gyi lam gyi rten gyur pa'i mtshan nyid do/ /nam mkha' ltar lus med pas na mang po nyid kyang ma yin no zhes bya ba ni 'di ltar bdag tu 'dzin pa med pa'i phyir rten tha dad par brjod par mi

  149. 75a

    nus te/ bdag tu 'jug pa yod na ni 'di ni bdag go /lhas byin ni gzhan no/ /snyam pa de ltar 'gyur gyi bdag tu 'dzin pa med pa la ni de lta bur mi 'gyur ro/ /de bas na bdag tu 'dzin pa med pa'i phyir sangs rgyas bcom ldan 'das chos kyi sku la gnas pa rnams nam mkha' bzhin du tha dad par bya bar mi nus so/ /byang chub sems dpa' i spyod pa la gnas pa chos kyi sku yongs su ma rdzogs pa rnams la ni tha dad du mi bya ba ma yin no/ /ye shes snang pa byed pa'i phyir/ nyi ma chen po 'dra bar 'dod/ ces bya ba la/ nyi ma chen po ni kun brtags par bya ba yin te/ gang stong gsum gyi stong chen po'i 'jig rten snang bar byed pa'i nyi mtshan po de lta bu 'ga' zhig yod par gyur na'o/ /sprul pa la sogs pa'i mdzad pa la 'dres pa'i mdzad pa gcig pa nyid ston to/ /zhes bya ba la sogs pa zhes smos pas ni byin gyis brlabs kyi mdzad pa la sogs pa bsdu bar rig par bya ste/ sangs rgyas bcom ldan 'das rnams kyis mdzad pa ni 'dres pa yin pa'i phyir sangs rgyas gcig gis sprul pa la sogs pa sangs rgyas kyi mdzad pa gang yin pa de de las gzhan pa dag gis kyang mdzad pa yin no/ /sangs rgyas thams cad kyi ye shes dus gcig tu 'jug par ston to/ /zhes bya ba ni sangs rgyas bcom ldan 'das rnams ni rtag tu mnyam par bzhag pa yin pa'i phyir lhun gyis grub par 'jug pa la sangs rgyas thams cad kyi ye shes dus gcig tu 'jug ste mdzad pa gcig pa'i phyir ro/ /nyi ma 'od zer gtong ba rnam par rtog pa med par 'char ba ni 'od zer kha cig sngar 'char la/ gzhan dag phyis 'char ba ma yin gyi thams cad du dus gcig kho nar 'byung ngo/ /de bzhin du sangs

  150. 75b

    rgyas bcom ldan 'das mdzad pa tha mi dad pa rnams kyang ngar 'dzin pa dang nga yir 'dzin pa dang bral ba'i phyir gang gi tshe de kho na gcig gi ye shes 'byung ba de'i tshe kho na sangs rgyas thams cad kyi 'byung ngo/ /ji ltar nyi ma'i nyi zer dag / 'jug la bdag gir bya ba med/ /ces bya ba ni rnam par rtog pa med pa'i phyir ro/ /nyi ma ni 'od zer rnams 'jug pa la bdag gar bya ba med de/ lhun gyis 'grub par 'jug pa'i phyir ro/ /nyi ma 'di snyam du bdag ni bsregs pa dang skems pa la sogs pa'i las la zhugs pa yin pas bdag gis bsreg par bya'o snyam du mi sems mod kyi/ 'on kyang rnam par mi rtog pa bzhin du bdag gir bya ba med par 'od zer 'gyed par 'gyur ro/ /de bzhin du sangs rgyas bcom ldan 'das chos kyi sku la gnas pa nyon mongs pa dang shes bya'i sgrib pa bag chags dang bcas te spangs pa ngar 'dzin pa dang nga yir 'dzin pa spangs pa rnams kyi ye shes me long lta bu la sogs pa gang dag yin pa de dag 'jug pa la yang bdag gir 'dzin pa mi mnga' i/ nga yir 'dzin pa mi mnga' bar shes bya thams cad la 'jug go /snyigs ma lnga shas che ba zhes bya ba la/ snyigs ma lnga ni nyon mongs pa dang/ lta ba dang/ sems can dang/ bskal pa dang/ tshe snyigs ma dag yin te/ snyigs ma zhes bya ba ni snyigs ma dang ngan pa dang tha shal yin no/ /lhag ma rnams kyis ni phrin las zab pa'o/ zhes bya ba la/ stobs sogs sangs rgyas chos rnams la/ byang chub rin chen 'byung gnas 'dra/ zhes bya ba 'dis ni byang chub kyi phyogs la sogs pa rin po che'i gnas nyid kyi phrin las bstan to/ /'gro ba'i dge ba'i lo tog la/ /sprin chen dang yang 'dra

  151. 76a

    bar 'dod/ /ces bya ba phyed 'dis ni sems can yongs su smin par mdzad pa'i 'phrin las bstan te/ /bsod nams ye shes rab rdzogs phyir/ /zla ba nya ba lta bur 'dod/ /ces bya ba 'dis ni mthar thug par gshegs pa'i phrin las brjod do/ /ye shes snang ba byed pa'i phyir/ /nyi ma chen po 'dra bar 'dod/ /ces bya ba 'dis ni chos ston pa'i phrin las brjod do/ /ji ltar nyi ma'i dkyil 'khor gyis/ 'od zer dpag tu med 'dres shing/ zhes bya ba 'dis dang/ de bzhin zag med dbyings na yang/ /sangs rgyas dpag tu med 'dres shing/ /zhes bya ba'i tshigs su bcad pa gnyis po 'di thams cad kyis ni sprul pa la sogs pa mdzad pa'i phrin las bstan to/ /dper na nyi ma'i 'od zer gcig /ces bya ba'i tshigs su bcad pa 'dis ni ye shes 'jug pa'i phrin las bstan to/ /ji ltar nyi ma'i 'od zer dag /ces bya ba 'dis ni rnam par mi rtog pa'i phrin las brjod do/ /nyi ma'i 'od zer gcig btang bas/ zhes bya ba 'dis ni ye shes rnam pa sna tshogs pa'i phrin las bstan to/ /ji ltar nyi ma'i 'od zer rnams zhes bya ba 'dis ni ye shes mi 'jug pa'i phrin las brjod do/ /nyan thos dang rang sangs rgyas rnams kyi shes pa ni sna tshogs pa ma yin te/ shes bya'i sgrib pa ma spangs pa'i phyir shes bya sna tshogs pa dag la shes pa mi 'jug go /dri med dbyings la sangs rgyas kyi/ /mtshan nyid dang ni gnas pa dang/ /phrin las zab pa 'di bshad pa/ /mkha' la tshon gyi ri mo 'bri/ /zhes bya ba ni dper na 'ga' zhig nam mkha' la ni ri mo 'bri ba dka' ba byed pa de bzhin du/ sangs rgyas bcom ldan 'das rnams so so rang gis rig pa'i chos bsnyad pa'i rnam par ston pa mdzad pa gang yin pa de ni/ dka' ba mdzad pa yin no/ /gos bkra ba nyid dang nam mkha'

  152. 76b

    la ri mo nyid ni rgya mtsho'i blo gros kyi mdo'i rjes su 'brang bar khong du chud par bya'o/ /'byor pa rnam par dbye ba la zhes bya ba ni nyan thos dang rang sangs rgyas dang sangs rgyas rnams kyi 'byor pa tha ma dang/ 'bring dang/ mchog tu rnam par dbye bas so/ /de nyid kyi phyir rim gyis gzhan dang gzhan zil gyis gnon to/ /rnam pa'i rab tu dbye ba'i khyad par dang/ zab pa'i khyad par gyis 'byor pa ston to zhes bya ba sbyar te/ dpag tu med pa nyid kyis ni rnam pa'i rab tu dbye ba'i khyad par bstan la/ bsam gyis mi khyab pa nyid kyis zab pa'i khyad par bstan to/ /ji ltar bsam gyis khyab pa yin ji ltar tshad med pa yin zhe na/ smras pa de gang zag dang gang gi don dang/ 'jig rten gyi khams gang du dang/ rnam pa ci 'dra ba dag dang/ bskal pa ci tsam du byang chub kyi ched du bzhugs nas 'jug pa ste/ de lta bu la sogs pa la sangs rgyas bcom 'das rnams ji ltar 'jug pa de tshad gzung ba dang bsam par mi nus so/ /dbang po lnga gzhan du gyur na 'byor pa dam pa rnam pa gnyis 'thob bo zhes bya ba gzugs med na ji ltar dbang po gzhan du 'gyur bar 'dod ce na/ rang gi sa bon gang las su/ /rnam rig snang ba gang byung ba/ /de dag de'i skye mched ni/ /rnam pa gnyis su thub pas gsungs/ /rang gi sa bon yongs su gyur pa'i khyad par thob pa gang las gzugs su snang pa'i rnam par rig pa 'byung ba'i sa bon gang yin pa de dang snang ba gang yin pa de ste/ de dag ni bcom ldan 'das kyis go rim bzhin du de'i mig dang gzugs kyi skye mched nas lus dang reg bya'i skye mched kyi bar du gsungs so/ /gang gi tshe byang chub sems dpa' rnams khams gsum pa 'di sems tsam mo zhes bya bar thos pa dang bsam pa dang sgom pa'i rim gyis gzugs kyi 'du shes zil gyis mnan te/ gzugs su phyin ci log spong bar byed pa de'i tshe skye mched nyid du phyin ci log par gyur pa'i rnam

  153. 77a

    par rig pa gang yin pa de dag yongs su gyur na phyin ci log spangs pa'i phyir dbang po lnga gzhan du gyur pa rnam par bzhag go /'byor ba rnam pa gnyis la dbang po lnga po thams cad don lnga po thams cad la 'jug pa zhes bya ba ni mig gis gzugs mthong ba nas reg bya la reg pa'i bar du ste/ dbang po re re la yang 'byor pa de lta bu dang gzugs la sogs pa mthong bas yon tan brgya phrag bcu gnyis 'thob pa'o/ /gzugs la sogs pa mngon par zhen pa yod pa? don thams cad la 'jug pa 'gal gyi/ de mngon par zhen na spangs pa'i phyir nyes pa med de/ don 'di ni 'phags pa gzungs kyi dbang phyug gi rgyal po dang/ dam pa'i chos pad+ma dkar po la sogs pa'i mdo las khong du chud par bya'o/ /yid gzhan du gyur na 'gyur ba dang mthun par spyod pa rnam par mi rtog pa'i ye shes shin du rnam par dag pa la 'byor ba'i mchog rnyed par gyur te/ zhes bya ba ni nyon mongs pa can gyi yid gzhan du gyur na'o/ /rnam par mi rtog pa'i ye shes ni yid kyi rnam par shes pa dang mtshungs par ldan par 'jug la/ de'i rten ni yid yin te/ mig gi rnam par shes pa la sogs pa'i mig la sogs pa lta bu'o/ /ji srid du nyon mongs pa can gyi yid de gzhan du ma gyur pa'i bar du 'jig tshogs la lta ba la sogs pa nyon mongs pa bzhi dang/ mtshungs par ldan par kun gzhi rnam par shes pa lar mig? sa nas phyin ci log tu 'jug pa de srid du de la brten pa yid kyi rnam par shes pa yang gzugs la sogs pa'i yul la ci rigs par gzugs la sogs pa'i yul med bzhin du yod pa yang rag par bzung nas phyin ci log tu 'jug go /nyon mongs pa can gyi yid de bzhin du gyur na de la brten pa rnam par mi rtog pa'i ye shes la 'byor pa 'thob ste/ byang chub sems dpa' rnams kyi 'byor pa de la rag las ba dang/ de'i rjes 'thob

  154. 77b

    pa'i ye shes la rag las pas ni de dang mthun par spyod pa yin no/ /don gzhan du gyur pa gzugs la sogs pa yul lnga gzhan du gyur pa'o/ /'dzin pa gzhan du gyur pa ni mig gi rnam par shes pa la sogs pa lnga gzhan du gyur pa ste/ ji ltar rnam par ma dag pa'i gnas skabs na yul lnga po sna tshogs su dmigs pa de bzhin du/ gzhan du gyur pa'i gnas skabs na bai DUrya la sogs pa'i zhing sna tshogs su snang ba rnam par dag pa yin no/ /rnam par rtog pa gzhan du gyur na zhes bya ba ni yid kyi rnam par shes pa gzhan du gyur ba ston to/ /ye shes thams cad ces bya ba ni/ me long lta bu'i ye shes la sogs pa lta bu'o/ /phrin las thams cad la zhes bya ba ni sprul pa'i phrin las sogs pa la ste/ dus thams cad du thogs pa med pa la 'byor pa'i mchog thob par 'gyur ro zhes bya ba yin no// rten ni gzhan du gyur pa na zhes bya ba la rten du gyur pa ni sa te de bzhin du gyur na mi gnas pa'i mya ngan las 'das pa la 'byor ba la thob par 'gyur ro/ /'di ni kun gzhi rnam par shes pa'i dmigs pa gzhan du gyur pa yin te/ 'di ltar kun bzhi'i rnam par shes pa ni/ de ni len pa ngag dang gnas/ /rnam par rig pa mi reg pa zhes bya ba 'byung ba yin no/ /rten de gzhan du gyur pa ni gnas ngan len gyi rten gyi dmigs pa gzhan du gyur pa gzhan du rnam par bzhag go /'khrig pa gzhan du gyur pa ni lus kyi dbang po'i phyogs gcig go /de ltar sangs rgyas dri med pa'i/ /gnas na gzhan gyur dpag med pas/ /zhes bya ba ni dbang po lnga gzhan du gyur pa la sogs pa ji skad bshad pa 'di ni sgo tsam du zad kyi/ rgyas par ni chos mang po gzhan du gyur pa theg pa chen po'i mdo dag las khong du chud par bya'o/ /'byor pa'i skabs kyi 'og tu sangs rgyas nyid kyi sems can yongs su smin par mdzad pa'i skabs yin te/ 'di'i 'brel pa gang yin zhe na/ de ltar 'byor pa brnyes pa rang gi don gyi mthar phyin pa'i sangs rgyas

  155. 78a

    bcom ldan 'das rnams ni 'di ltar rtsol ba mi mnga' par rnam par mi rtog pa bzhin du/ sems can yongs su smin par mdzad pas 'di'i dbang du byas yongs su smin par mdzad pa'i skabs yin no/ /sngar ni byang chub sems dpa' i spyod pa la gnas pa'i yongs su smin pa yin no/ /nga ni mthar phyin pa mnyes pa sangs rgyas kyis sa la bzhugs pa yin no/ /ma smin pa ni smin par 'gro la/ smin pa ni rnam par dag par 'gro ste/ de ltar dus rtag tu 'gro yang zhes bya ba ni 'jig rten dang sbyar ro/ /de ltar thob dka' zhes bya ba ni tshogs chen pos 'thob pa nas thob dka' ste/ thob par dka' ba de'o/ /la lar skye ba mi snang zhes bya ba ni skye ba dang mi snang ba ni skye ba mi snang ba'o/ /yang na skye ba mi snang ba'i skye ba mi snang ba'o/ /ji ltar gang na gnas te sems can rnams 'dul pa'i zhes bya ba ni cig car la lar sgo mang brgya nas chos kyi 'khor lo dang zhes bya ba de lta bu la sogs pa'i rnam pas 'dul ba ni ji ltar 'dul ba yin no/ /chos kyi sku las ma g.yos par 'dul ba ni/ gang la gnas te 'dul ba zhes bya'o/ /yongs su smin par mdzad pa'i 'og tu chos kyi dbyings rnam par dag pa'i skabs te/ 'di'i 'brel pa gang yin zhe na/ 'di ni byang chub kyi skabs yin no/ /sngar ni ngal brgyas rmad byung dka' spyad? dge kun bsags/ /bskal mchog dus ring 'gro ba sgrib kun zad/ /sar gtogs sgrib pa phra bcom sangs rgyas te/ /de ni mthu chen rin chen snod phye bzhin/ /zhes bya ba la sogs pa ni rnam pas byang chub phyir bsams so/ /de'i 'og tu ni sangs rgyas nyid brnyas pa'i gnas skabs na sems can yongs su smin par mdzad pa bsams so/ /nga? mi ngo bo nyid dang/ rgyu dang/ 'bras bu dang/ phrin las dang/ ldan pa dang/ 'jug pa'i rab tu dbye bas bsam mo/ /yang na 'di ni byang chub kyi skabs yin no/ /sngar ni byang chub sems dpa' gang dag la slob ce na/ gnas bdun po

  156. 78b

    rang dang gzhan gyi don nas bzung ste byang chub kyi bar la slob po zhes bshad do/ /byang chub kyang mdo ngag las rnam pa mang po zhig 'byung bas sngar byang chub bsams pa ni ji ltar mdo gzhan dang gzhan dag las 'byung ba de ltar bsam mo/ /de bas na 'di'i dbang du byas nas chos kyi dbyings rnam par dag pa'i skabs yin te/ 'dir ni go rim 'di nyid legs so/ /sangs rgyas kyi sa'i mdo las sangs rgyas kyis ni chos lnga po chos kyi dbyings dang/ me long lta bu'i ye shes dang/ mnyam pa nyid kyi ye shes dang/ so so rtog pa'i ye shes dang/ bya ba grub pa'i ye shes kyis bsdus par 'byung bas/ sangs rgyas kyi sa'i dbang du byas nas/ chos lnga po go rim bzhin rnam par gtan la dbab bo/ /de las kyang chos dbyings dang por bstan pas de'i phyir dang por chos kyi dbyings rnam par dag pa'i skabs so// //de'i 'og tu ye shes bzhi sems par 'gyur ro/ /chos lnga po 'di dag gis rnam par gtan la dbab par rab tu dbye ba rgyas par ni theg pa chen po sangs rgyas kyis kho na las blta bar bya'o/ /chos thams cad kyi de bzhin nyid nyon mongs pa dang/ shes bya'i sgrib pa gnyis rnam par dag pa'i mtshan nyid ces bya ba ni nyon mongs pa dang shes bya'i sgrib pa dag las rnam par dag pas nyon mongs pa dang shes bya'i sgrib pa rnam par dag pa'o/ /gang zhig rnam par dag ce na/ chos thams cad kyi de bzhin nyid de/ 'dis ni de bzhin nyid kyi gnas yongs su gyur pa bstan to/ /dngos po shes pa ni rjes la thob pa'i ye shes so/ /dngos po zhes bya ba'i sgras ni kun gzhi rnam par shes pa zhes bya ba gzhan gyi dbang gi ngo bo nyid gzung ste/ 'dis ni gnas ngan len gyi gnas yongs su gyur pa bstan to/ /gzhan gyi dbang gi ngo bo nyid yongs su gyur na rnam par mi rtog pa'i rjes la thob pa'i ye shes kyi spyod yul du 'gyur gyi/ gzhan gyi ni ma yin no/ /de la dmigs/ dbang zad mi shes

  157. 79a

    pa'i mtshan nyid do/ /zhes bya ba 'dis ni lam gyi gnas yongs su gyur pa bstan to/ /de zhes bya ba'i sgra ni bshad ma thag pa'i chos kyi dbyings bzung ngo/ /dbang zad? mi shes pa'i mtshan nyid do/ /zhes bya ba ni rnam par mi rtog pa'i ye shes ni de bzhin nyid dbang zad? mi shes pa 'thob ste/ bzhed dgur mnyam par 'jog pa'i phyir ro/ /de'i rjes la thob pa ye shes ni phyin ci ma log pa'i don gyis/ gzhan gyi dbang gi ngo bo nyid la dbang zad mi shes pa thob bo/ /de bzhin nyid shes thams cad nas/ bsgom pa las shes bya ba la/ de bzhin nyid shes pa ni rnam par mi rtog pa'i ye shes te/ sa dang po rtogs pa'i dus na thob pa yin no/ /de bsgom pa ni sa lhag ma rnams su ste/ shes pa de ji ltar thos pa dang/ bsam pa dang bsgom pa la sogs pa'i rim gyis sbyor ba la sogs pa'i gnas skabs na chos kyi rnam grangs kyi sgo thams cad nas sgom pa de lta de ltar chos kyi dbyings rnam par dag pa'i rgyur 'gyur ba de ni bsgom pa yin no/ /de'i stobs kyi sems can thams cad la phan pa bskyed pa dang/ bde ba bskyed pa dang/ gnyis mdzad pa gang yin pa de ni de'i 'bras bu yin no/ /sku la sogs pa rnam pa gsum sprul pa ni phrin las so zhes bya ba la/ gsung sprul pa ni nam mkha' dang shing dang nags tshal dang/ rtsig pa la sogs pa las chos ston pa'i sgra grags pa gang yin pa'o/ /thugs sprul pa ni gang gis na nges rtogs par 'gyur bar gzhan gyi sems sprul nas chos ston par mdzad pa gang yin pa'o/ /rnam pa gcig tu na gzhan gyi sems ji ltar gnas brtan rab 'byor la sogs pa theg pa chen po 'chad pa de ltar sprul par mdzad de/ de lta bu la sogs pa gzhan yang blta bar bya'o/ /sprul ba'i sbyor ba thabs kyi las can te/ zhes bya ba ni sprul pa'i? sbyor pa'i thabs gang yin pa ste/ thabs de mkhyen pa'i phyir de'i phrin las can zhes bya'o/ /chos kyi dbyings rnam par dge ba de nyid sku gsum

  158. 79b

    gyi bye brag gis tha dad du? 'gyur? la yin no/ /chos kyi dbyings de ni/ chos rnams kun gyi de bzhin nyid/ /sgrib gnyis dag pa'i mtshan nyid de/ zhes bya ba nas bzung ste/ ngo bo nyid dang/ rgyu dang 'bras bu dang/ las dang/ ldan pa dang/ 'jug pa'i don gyi bstan pa yin no 'khor yongs su sdud pa'i bye brag ni 'khor gyi dkyil 'khor? gyi bye brag go /zhing gi bye brag ni longs spyod rdzogs pa'i sku la la'i sangs rgyas kyi zhing shel gyi rang bzhin yin la/ la la'i sangs rgyas kyi zhing ni baiDUrya'i rang bzhin yin pa de lta bu la sogs pa'o/ /mtshan gyi bye brag ni dper na 'od dpag med ces bya ba dang/ rnam par snang mdzad ces bya ba de lta bu la sogs pa'o/ /sku la bye brag ni la las shel la sogs pa'i rang bzhin gyis bye brag gis sam/ sku chung ngu sku chen po'i bye brag gis rnam pa 'ga' zhig gis mthong ba'o/ /chos la longs spyod rdzogs pa'i bye brag gis sa bcu pa dang/ blo gros mi zad pa bstan pa la sogs pa'i chos kyi rnam grangs kyi sgo tha dad pas so/ /mdzad pa'i bye brag ni byang chub sems dpa' 'dus pa'i bsam pa las bltos nas mdzad pa yin no/ /longs spyod rdzogs pa'i sku de dang/ 'brel pa zhes bya ba la/ 'di'i 'brel pa nyid gang yin zhe na/ de'i rgyur gyur pa nyid de/ 'di ltar chos kyi sku ni? longs spyod rdzogs pa'i sku'i rgyu yin no/ /longs spyod rdzogs pa ni de'i rgyu'o mthun pa'i 'bras bur gyur pa'i phyir 'khor gyi dkyil 'khor dag tu byang chub sems dpa' sar chung pa rnams la theg pa chen po'i chos thun mong ma yin pa ston pas de'i phyir longs spyod rdzogs pa chos sku dang 'brel pa zhes bya'o/ yang na longs spyod rdzogs pa'i sku ni rnam par mi rtog pa'i rjes la thob pa'i ngo bo nyid yin la/ rnam par mi rtog pa'i rjes la thob pa de yang rtogs pa dang/ rjes su dran pa dang/ rnam par 'jog pa dang/ 'dres pa dang/ nges par spyod pa'i ngo bo nyid dang/ rnam pa

  159. 80a

    lngar bstan te/ de'i phyir yang longs spyod rdzogs pa'i sku ni chos kyi sku dang 'brel pa zhes bya'o/ /longs spyod rdzogs pa ni rang gi don phun sum tshogs pa'i mtshan nyid do/ /zhes bya ba ni byang chub sems dpa' sar chud pa rnams dang/ thabs gcig tu theg pa chen po'i chos thun mong ma yin pa'i longs spyod rdzogs par sku nyams su bstar ba'i phyir ro/ /phun sum tshogs pa de ni chos kyi sku la brten pa yin no/ /gzhan gyi don phun sum tshogs pa de ni longs spyod rdzogs pa'i sku la brten pa yang yin la/ sprul pa'i sku la brten pa yang yin te/ de dag ni sku gsum yin no/ /sangs rgyas thams cad kyi sku gsum po de dag gi go rim bzhin du rnam pa gsum gyis khyad par med de/ zhes bya ba la/ 'jig rten gyis ni sangs rgyas thams cad kyi chos kyi sku tha mi dad do/ /ji ltar tha mi dad ce na/ de'i phyir smras pa/ chos kyi dbyings tha mi dad pa'i phyir ro/ /dgongs pas ni longs spyod rdzogs pa'o/ /sangs rgyas kyi dgongs pa tha dad pa med pa'i phyir te/ longs spyod rdzogs pa'i sku ni 'ga' la yang dgongs pa mtho dman gyi bye brag tha dad pa mi mnga' o/ /phrin las kyis ni sprul pa'i sku/ /phrin las thun mong pa'i phyir te/ ji ltar sprul pa'i sku gcig gis sprul pas phrin las mdzad pa de bzhin du gzhan dag kyang mdzad pas gcig gis mdzad pa gang yin pa de thun mong ma yin pa'i phyir gzhan gyis kyang mdzad pa de kho na yin no/ /sku gsum gyi skabs kyi 'og tu ye shes kyi skabs te/ 'di'i 'brel pa gang yin zhe na/ 'di ni byang chub kyi skabs yin no/ /sangs rgyas kyi sa ni chos lnga po chos kyi dbyings dang/ me long lta bu'i ye shes la sogs pa gzhis bsdus so/ /de la chos kyi dbyings brtags pa'i skabs kyi chos kyi dbyings ni/ rang bzhin rdzogs pa'i longs spyod dang/ sprul pa dag gis tha dad 'jug /ces dbye ba'i dbang du byas nas chos kyi dbyings

  160. 80b

    la sku gsum pa byas so/ /nga? ni ye shes kyi dbang du byas nas sangs rgyas kyi ye shes me long lta bu la sogs pa bzhi bsam mo/ /me long ye shes nga yi med/ yongs su mchad ces bya ba ni ngar 'dzin pa dang/ nga yir 'dzin pa dang/ gzung ba dang 'dzin pa med pa'i phyir nga yi ba med pa yin no/ /yul gyi sgo nas yongs su ma chad pa zhes bya ba ni 'di la shar la sogs pa yul tha dad par yongs su chad pa med pa'o/ /rtag tu sgrib pa dang bral ba'i phyir shes bya ba thams cad la ma rmongs pa yang yin zhes bya ba ni 'di la 'di ltar de ni dus thams cad du nyon mongs pa dang/ shes bya'i sgrib pa dang/ bral bas so/ /rnam pa med pa'i phyir chos de dag la mngon du phyogs pa yang ma yin no/ /zhes bya ba de ni shes bya dag la gzugs la sogs pa la dmigs bzhin du dmigs pa'i bye brag gam sngon po la sogs pa'i rnam pa'i bye brag gis 'jug pa yin pa'o/ /de ni dmigs par bye ba dang/ dmigs par byed pa mnyam pas mnyam pa rnam par mi rtog pa de bzhin nyid la dmigs pa'i ngo bo nyid de/ de nyid kyi phyir mi g.yo ba yin no/ /mnyam pa nyid kyi ye shes la sogs pa de dag gi rnam pa thams cad kyi rgyu yin pa'i phyir ye shes thams cad kyi 'byung gnas lta bu'o/ /zhes bya ba ni de bzhin gshegs pa skye ba 'byung ba bstan pa'i mdo las/ sangs rgyas bcom ldan 'das rnams ni rnam pa thams cad mkhyen pa'i rten gyi ye shes dang ldan pa'i phyir ye shes kyi 'byung gnas chen po'o/ /zhes 'byung ba'i mdo'i dum bu 'di dang sbyar bar bya'o/ /de ni longs spyod rdzogs pa'i sangs rgyas kyang yin la zhes bya ba ni longs spyod rdzogs pa'i sangs rgyas kyi rgyu yin pa'i phyir/ longs spyod rdzogs pa'i sangs rgyas zhes bya'o/ /ye shes kyi gzugs brnyan 'byung ba'i phyir de zhes bya ba'i sgra ni me long lta bu ye shes dang sbyar bar bya'o/ /dus thams cad du byams pa chen po dang/ thugs rje chen

  161. 81a

    po dang/ ldan zhes bya ba mnyam pa nyid kyi ye shes 'di la dpe ni mdo las/ sangs rgyas bcom ldan 'das rnams ni mthong na thams cad dga' ba'i phyir/ ye shes chen po'i zla ba yin no zhes 'byung ba yin no so sor rtog pa'i ye shes ni shes bya kun la rtag mi thogs/ /zhes bya ba ni chos thams cad la rnam pa thams cad kyi khyad par gyis 'jug pa'i phyir shes bya thams cad la thogs pa mi mnga' ba yin no/ /'khor gyi dkyil 'khor rnams su ni/ 'byor pa thams cad ston mdzad pa/ /the tsom thams cad gcod pa yi/ /chos chen char ni rab tu 'bebs zhes bya ba 'di la ni dpe mdo las/ sangs rgyas bcom ldan 'das rnams ni rnam pa thams cad du shes bya yang dag par rab tu gsal bar mdzad pa'i phyir/ ye shes chen po'i nyin yin no/ /zhes 'byung ba 'di sbyar bar bya'o/ /bya ba grub pa'i ye shes ni/ zhes bya ba'i 'di la ni dpe mdo las/ sangs rgyas bcom ldan 'das rnams ni nyon mongs pa'i nad thams cad rab tu zhi bar mdzad pa'i phyir/ ye shes chen po'i sman yin no zhes 'byung ba yin no/ /'dzin pa'i phyir ni thos pa'i chos rnams so/ /bya ba ni rgyu 'di dang rim pa 'dis me long lta bu'i ye shes yang dag par 'grub par 'gyur ro/ /sems mnyam pa'i phyir ni sems can thams cad la bdag dang gzhan mnyam pa nyid kyi phyir mnyam pa nyid kyi ye shes yang dag par 'grub pa ste 'di ltar de ni sems can thams cad la byams pa chen po mnyam pa nyid bsgoms pas yang dag par 'grub po so sor rtog pa'i ye shes ni chos yang dag par rab tu ston pa'i rgyu las 'byung ba yin no/ /bya ba grub pa'i ye shes zhes bya ba ni ye shes thams cad sgrub pa'i rgyu las 'byung ba yin te/ sbyor ba la sogs pa'i gnas skabs 'di dag

  162. 81b

    yongs su dag na me long lta bu'i ye shes la sogs mthar phyin par 'gyur ro/ /sangs rgyas kyi sa'i skabs kyis ci sangs rgyas gcig kho nar zad dam/ 'on te mang po zhig ce na/ de la re zhig kha cig na re ji srid du 'jig rten gyi khams gcig na yod pa de srid du 'jig rten gyi khams gzhan du sangs rgyas mi 'byung ngo zhes zer ro/ /gzhan dag na re 'jig rten gyi khams thams cad na sangs rgyas gcig kho na zhig lcags sdong bzhin du bzhugs shing sangs rgyas kyi mdzad pa mdzad kyi/ mang po mngon par rdzogs par 'tshang rgya ba ni med do zhes zer ro/ /gzhan dag na re sangs rgyas ni mang po zhig yin na chos kyi sku la bzhugs pa ngar 'dzin pa dang nga yir 'dzin pa dang/ nyon mongs pa dang/ shes bya'i sgrib pa bag chags pa dang/ bcas te spangs pa de dag kyang mang po nyid yin no/ /zhes zer te/ de dag 'gags pa'i phyir sangs rgyas gcig pa nyid mang po nyid ma yin pa'i skabs so/ /tha dad rigs don med phyir dang/ /rdzogs dang thog ma med pa'i phyir/ /sangs rgyas gcig ma yin no/ /dri ma med gnas te zag pa med pa'i dbyings na chos kyi sku tha dad min te mang po nyid ma yin gyi/ gcig pa nyid do/ /sangs rgyas nyid de la ji ltar 'jug pa de'i thabs kyi dbang du byas nas tshigs su bcad pa bzhi'o/ /bsgom pa'i mi dmigs pa gang yin pa de nyid bsgom pa dam pa yin zhes bya ba ni gang gi tshe 'di kun brtags pa gzung ba dang 'dzin pa dang ngar 'dzin pa dang/ nga yir 'dzin pa thams cad dang rnam par rtog pa thams cad dang/ bral ba bsgom pa ste/ sa dang po thob nas bzung ste mthar thug pa'i bar gyi lam bsgom pa de ni sgom pa dam pa zhes bya'o/ /don 'di nyid ni don gyi ngo bo nyid yongs su gtod par byed pa 'phags pa shes rab kyi pha rol tu phyin pa lnga brgya pa las blta bar bya'o/ /gang dag

  163. 82a

    sangs rgyas nyid la bla ma ya mtshan gyi chos dang ldan par lta ba zhes bya ba la/ ya mtshan gyi chos dang ldan pa ni sangs rgyas nyid do/ /thob par bya'o zhes de ltar rnam par brtags nas khengs par 'gyur ba ste/ sangs rgyas nyid brtson 'grus chen po yun ring po gnas goms pas dka' ba spyad pa mang po phul du phyin pas thob par bya ba yid la/ bdag kyang byang chub tu smon lam btab pa yin pas rnam pa de lta bus sangs rgyas nyid thob par bya'o snyam du bsam nas gzhan dag khyad du bsad de gyong par 'gyur ba de dag ni de ltar nga rgyal kun tu spyod pa'i phyir sangs rgyas nyid las thag ring par 'gyur ro/ /yang na nga rgyal zhes bya ba'i sgra ni 'dir dmigs pa'i rnam par rtog pa'i rnam grangs yin pa lta bar bya'o 'di dag thams cad ni rtog pa tsam mi zhes bya ba ni/ bla ma ring dang mtshan ma dang/ zhes bya ba de lta bu la sogs pa bshad ma thag pa gang yin pa'o/ /mi skye ba'i chos la bzod pa thob pa'i gnas skabs na zhes bya ba ni sa brgyad pa la lam mngon par 'du bya ba med par 'byung phyir ro/ /bslab pa'i dmigs pa'i khyad par bshad zin to/ da ni ji ltar bslab pa yin pa de brjod par bya'o/ /de ni ji ltar bslab pa yin zhe na/ sbyor ba'i sa la rnam pa gang dag gis de slob pa ste/ bsam pa'i khyad par dang/ sbyor ba dang/ gzhan la phan pa sgrub pa dang/ rang la phan pa sgrub pa dang/ rang dang gzhan la phan pa rnam par dag pa nges par 'byung ba'i khyad par gyi sgo nas so/ /bsam pa'i sgo nas ji ltar slob ce na/ dam pa'i chos la mos pa rgyu dang 'bras bu 'tsham zhing phyin ci ma log par rang dang gzhan gyi don la sogs pa gzhi lngas bsdus pa mthong ba des? dang po kho nar chos zab cing rgya che ba de la nges par brtags pa lhur blang ba bya

  164. 82b

    dgos pas de'i phyir byang chub gyi 'og tu mos pa'i skabs so/ /yang na byang chub sems dpa' dag gis gang bslab par bya ba rang dang gzhan gyi don nas bzung ste/ byang chub kyi bar gzhi bdun po de ni bshad zin to/ /nga ni ji ltar byang chub sems dpa' rnam pa gang gis/ slob pa de ston to/ /ji ltar slob ce na/ mos pa dang chos yongs su tshol ba la sogs pa'i rim gyis so/ /ji ltar phung po'i don las brtsams te/ gzugs gang ci yang rung 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ nye ba na 'dug pa gang yin pa 'am/ thag ring po na 'dug pa gang yin pa zhes bya ba'i rim pa 'dis gzugs kyi phung po la sogs pa'i rab tu dbye ba bstan pa de bzhin du mos pa yang mdo dag las 'das pa la sogs pa'i bye brag gis dbye ba bstan to/ /gzung bar gyur pa ni phyi rol gyi ste gang la dmigs pa nyid du mos pa'o zhes bya ba ni mos pa ni sems las byung ba'i chos yin te/ gang gi tshe de theg pa chen po'i chos la dmigs te skye ba de'i tshe ni 'dzin pa nyid du bstan to/ /gang gi tshe de nyid la 'das pa la ro myang ba 'am/ rjes su yi rang ba 'am/ ma 'ongs pa la mngon par dga' ba la sogs par dmigs pa de'i tshe ni bzung ba nyid du bstan to/ /yang na sems nyid thams cad du gnyis kyi rnam pa can du 'jug pas mos pa rnam pa gnyis su brjod do/ /log par mos pa'i phyir ro/ /zhes bya ba ni dper na nyan thos kyis theg pa pa rnams nyan thos kyi theg pa cher bsgom pa kho nas sangs rgyas nyid thob par 'gyur ro zhes bya bar mos pa lta bu ste/ dgongs pa can gyi don la sgra ji bzhin du mos na log par mos pa'i phyir nor ba zhes bya'o/ /mngon sum pa nye ba ste/ rkyen nye ba'i phyir ro/ /zhes bya ba ni dge ba'i bshes gnyen la

  165. 83a

    sogs pa rkyen nyen de las de thos ma thag tu mos pa skye ba'o/ /'phrogs dang 'dres dang mi mthun phyogs ma 'dres/ zhes bya ba mos pa'i rab tu dbye ba 'di ni mdo las/ chung ngu dang/ 'bring dang/ chen po dang/ dman pa dang/ rgya chen po dang/ bsgribs pa dang/ ma bsgribs pa dang/ brtson pa dang/ mi brtson pa dang/ bsags pa dang/ ma bsags pa dang/ bstan pa dang/ ring du zhugs pa'i bye brag gis brjod pa ste gzhon yin no/ /'dres pa ni 'bring po'o/ /zhes bya ba ni res 'ga' mi mos pa ste/ ma mos yang mos pa 'dres pa'i phyir 'dres pa zhes bya'o/ /ma mos pa ni 'dun pa med pa dang/ le lo la sogs pa'o/ /bsgribs pa ni khyad par du 'gro bar bya ba la sgrib pa dang bcas pa'o zhes bya ba ni mos pa yod du zin kyang bya ba ngan pas brel bas khyad par mi 'thob ste/ de'i phyir sgrib pa zhes bya'o/ /yang na gang gis na tsha phyi ma la mos par 'gyur ba dam pa'i chos kyis phongs par 'gyur ba'i las byas pa'i phyir sgrib pa dang bcas pa zhes bya'o/ /rtag tu zhes bya ba ni rtug rgyun ma chad par ro/ /rtag tu yin yang la la bsam pa drag pos mi byed pas de yongs su spangs pa'i phyir gus pas byas te zhes bya ba smos so/ /bsags pa ni de rtogs par rung ba'o/ /zhes bya ba ni bsod nams dang ye shes kyi tshogs bskal pa grangs med pa dang pos bsdus pa tsam gyis so/ /gzung ba dang 'dzin par gyur pa la ni rnal 'byor 'khrugs pa zhes bya ba ni las dang po pa la gzung ba dang/ 'dzin pa'i dngos po sngar bshad pa'i tshul du bden par rnam par 'jog go /gang gi tshe thams cad du gzung ba dang/ 'dzin pa la gzhol bar gyur na de ni rnal 'byor 'khrugs pa zhes bya'o/ /su'i 'khrugs she na/ rnal 'byor pa'i ste/ rnam par mi rtog pa'i ye shes gzung ba dang/ 'dzin pa dang/ bral ba la gnyis su mngon par

  166. 83b

    zhen pa'i phyir ro/ /bdag nyid mos pa la ni dge ba'i rtsa ba nyam chung ba'o/ zhes bya ba ni dang pa dang ma chags pa la sogs pa dge ba'i rtsa ba dag yang dang yang du ma goms par gyur pa'o/ /nor pa'i mos pa'i bar du gcod pa ni bsam par mi bya ste de nyid bar du gcod pa yin pas so// //dkar po'i phyogs kyi mos pa kho na'i bar du gcod pa bsam par bya ba yin pas mngon sum pa ma yin pa'i bar du gcod pa yang bsam par mi bya ste/ rang nyid rab tu gcod pa'i ngo bo nyid yin pa'i phyir ro/ /zhi gnas tsam gyis mngon pa'i nga rgyal byed pa'o/ /zhes bya ba ni lhag mthong la mngon par brtson par mi byed pa ste/ gang gi tshe zhi gnas dang lhag mthong ngag mnyam par 'jug pa de'i tshe zung du 'brel ba'i lam thob pa'i phyir mos pa gags? med par 'gyur ro/ /ma bsgribs pa la ni sgrib pa'o zhes bya ba ni gang gi tshe le lo la sogs pa mi mthun pa'i phyogs dag gis don ngan pa la 'brel pa'i bya bas gong nas gong du khyad par du 'gro bar mi 'gyur ro/ /skyes pa da ltar byung ba'i ni bsod nams chen po'o zhes bya ba ni sngar mos pa ni 'das pa dang/ da ltar byung ba rnam pa gnyis su bshad do/ /de la da ltar byung ba'i phan yon ni bsod nams chen po yin no/ /'das pa ni mngon par dga' ba la sogs pa'i mos pas yang dang yang du goms par byas pa la 'gyod pa med pa phan yon yin te/ yid la gcags pa med pa'i phyir ro/ /'dzin pa dang gzung bar gyur pa'i ni yid bde ba chen po ste/ ting nge 'dzin dang yang ldan pa'i phyir ro/ /zhes bya ba ni gang gi tshe gzung ba dang 'dzin par 'gyur pa'i mos pa de la mngon par zhen par mi byed kyi gzung ba dang 'dzin pa nyid rnam par 'jig par byed pa de'i tshe mngon par zhen pa bor bas ting nge 'dzin 'thob po/ /rgya chen po'i ni gzhan gyi don thob pa'i mchog go zhes bya ba ni sangs rgyas nyid thob pa'o//

  167. 84a

    zhes bya ba'i tha tshig go /phan yon ni mngon par shes pa myur ba nyid do zhes bya ba la/ mngon par shes pa myur ba nyid ni dbang po rnon po nyid de/ mgo smos pas go ba'i phyir chos myur du rab tu shes pa yin no/ /'jig rten pa'i ting nge 'dzin dang ldan pa rnams kyi ni rus sbal bzhin no zhes bya ba ni chos thams cad kyi rang gi mtshan nyid dang/ spyi'i mtshan nyid khong du ma chud pa'i phyir mos pa 'khums pa zhes bya'o/ /yang na bsam gtan dang ting nge 'dzin dang/ snyoms par 'jug pa thob pa tsam gyi phyir dang/ de tsam gyis chog par 'dzin pa'i phyir dang/ de kho na nyid ma rtogs pa'i phyir dang/ yon tan khyad par can ma thob pa'i phyir 'khums pa zhes bya'o/ /rang gi don dang ldan pa nyan thos rnams kyis ni gang zag la bdag med pa rtogs pa'i phyir chos thams cad spyi'i rnam par shes so/ /de gnyis kyi phyir de dag gi mos pa rus sbal lta bu ni ma yin no/ /'on kyang rang gi don lhur len pa'i phyir 'khor bas skrag pas skye ste/ bran bzhin du 'jigs shing skrag pa'i lus kyis rnam par rgyu bas de'i phyir bran dang 'dra'o zhes bya'o/ /don de nyid gzhan gyis bstan nas zhes bya ba ni/ ji ltar khyi ni rtag tu ltogs shing sdug bsngal gyis nyen chog mi shes/ zhes bya ba'i tshigs su bcad pa 'di ni tshigs su bcad pa dang po las gzhan yin no/ /'dis bstan nas de'i 'og tu gsum pas theg pa chen po la mos pa yang dag par len du 'jug pa yin te/ theg pa chen po de la de mchog tshul bzhin rig nas ni/ 'di na bstan pas de la de nyid rtag par rab tu tshol/ /zhes de skad du theg pa chen po la mos pa yang dag par len du 'jug go /bdag nyid za ba ma yin pa'i zhes bya ba ni rang gi don gyi dbang du byas nas zhes bya bar sbyar ro/ /re zhig gang zhig rtse ba'i don dang rgyags pa dang cha ba la sogs pa'i don du za ba de'i zas de ni bsod nams ma yin pa kho nar 'gyur ro/ /gang zhig

  168. 84b

    lung du ma bstan par za ba de'i zas de ni bsod nams kyang ma yin/ bsod nams ma yin pa yang ma yin no/ /gang zhig rgyags pa la sogs pa pa'i don du mi za'i/ 'on kyang khal dgal ba'i don du shing rta'i srog shing skud pa lta bu'i tshul du lus 'tsho bas dge ba'i phyogs la rung bar 'gyur zhing dge sbyong gi tshul du 'bras bu 'thob par 'gyur ro snyam nas lus 'tsho bar bya ba'i don du za ba'i zas de ni bsod nams su 'gyur gyi bsod nams 'byung ba chen por ni mi 'gyur ro/ /de bzhin du nyan thos kyi theg pa'i chos la mos pa las kyang gzhan gyi don gyi rten theg pa chen po'i chos bstan pa tshigs su bcad pa gcig nyan pa dang/ ston pa la sogs pa las phan yon ji skad du theg pa chen po'i mdo de dang de dag las 'byung ba ci 'dra bar bsod nams 'byung ba chen po ma yin no/ /de ltar 'phags pa chen po'i chos ni yangs/ gyur la zhes bya ba la/ yangs par gyur pa ni theg pa chen po ste/ mdo sde 'bum pa du ma bstan pa'i phyir ro/ /gang la dang gang zhig dang mos pa ji lta bus 'bras bu gang yongs su 'dzin pa zhes bya ba la/ gang la zhes bya ba ni theg pa chen po'i chos yangs pa la'o/ /gang zhig ces bya ba ni byang chub sems dpa' blo dang ldan pa'o/ /mos pa ji lta bu zhes bya ba ni mos pa yongs su nyams par mi 'gyur ba rgya chen pos te/ mos pa che zhes gang bshad pa yin no/ /'bras bu gang yongs su 'dzin pa zhes bya ba ni bsod nams rgya chen po 'phel ba la sogs pa 'bras bu rnam pa gsum yongs su 'dzin pa'o// //mos pa'i skabs kyi 'og tu chos yongs su cho la ba'i skabs te/ 'di'i 'grel pa gang yin zhe na/ de ltar mos pa mang po'i byang chub sems dpa' ni chos yongs su tshol lo/ /chos yongs su tshol ba de'i dmigs pa ci zhig yin zhe na/ de'i phyir/ sde snod dag ni gsum mam gnyis kyang rung/ zhes bya ba smos so/ /de la gsung gi yan lag tu gtogs pa bcu gnyis las shin tu rgyas pa'i sde

  169. 85a

    dang/ skyes pa'i rabs kyi sde gang yin pa de ni byang chub sems dpa' i sde snod yin no/ /lhag ma ni phal cher nyan thos kyi sde snod yin no/ /phal cher zhes smos pa ni yan lag kha cig ni theg pa chen po dang nyan thos kyi theg pa thun mong yin pas so/ /de yang gsum mam gnyis yin no/ ci'i phyir sde snod ces bya zhe na/ smras pa/ bsdus pa'i phyir te don thams cad bsdus pa'i phyir ro zhes bya ba ni dper na gnas gzhan kha cig ni bre bcu shong pa la bre bcu bsdus pa'i phyir sde snod ces bya ba de bzhin du 'dir yang shes bya ba'i don thams cad bsdus pa'i phyir sde snod ces bya ba de bzhin du 'dir yang shes bya'i don thams cad bsdus pa'i phyir sde snod ces bya'o/ /ci'i phyir gsum kho na zhe na/ rgyu dgus zhes bya ba ni mdo sde dang/ chos mngon pa dang/ 'dul ba rnams la so sor the tshom dang mdza' gnyis dang/ lta ba mchog tu 'dzin pa la sogs pa ste/ re re la rgyu gsum yod pas rgyu dgur 'gyur ro/ /the tshom gyi gnyen por ni mdo sde ste/ gang zhig don gang la the tshom za ba de nges par bya ba'i ched du bshad pa'i phyir ro/ /zhes bya ba ni gang zhig don gang la the tshom za ba de bsal ba'i phyir te/ phung po dang/ khams dang/ skye mched dang/ rten cing 'brel par 'byung ba dang/ bden pa dang/ sa dang pha rol tu phyin pa la sogs pa'i rang dang spyi'i mtshan nyid dag la the tshom za ba rnams la the tshom spang ba'i phyir de dang 'tsham par bshad pa mos pa'i tshul du mdo sde bshad pas de'i phyir the tshom gyi gnyen por mdo sde bshad do/ /mdza' gnyis la sbyor ba'i gnyen po ni 'dul ba ste/ kha na ma tho ba dang bcas pa'i yongs su spyang ba bkag pa'i sgo nas zhes bya ba ni mdza' gnyis la sbyor ba ni 'dod pa'i bsod nyams dang bdag nyid du ba pa la sbyor ba dag go /'dod pa bsod nyams la sbyor ba ni dper na 'dod pa can yongs su spyod pa lta bur bcom ldan 'das kyis bslab pa'i gzhi bcas pa de las langs te gsog 'jog byas pa la sogs pa yongs su spyod pas bdag nyid cha ba la sogs pa'i

  170. 85b

    don du yongs su spyod pa gang yin pa ste/ de'i gnyen po'o/ /ji ltar zhe na/ gang zhig yongs su spyad pa bkag ba mdzad pa de lta bu de thag bsrings te yongs su spong ba ni gus pa drag pos bslab pa'i gnas ji ltar bcas pa dag la gus par byed pas/ de ltar na/ /kho na ma tho pa dang bcas pa'i yongs su spyad pa bkag pa yin no/ /bdag nyid dub pa la sbyor ba'i mdza' i gnyen por ni kha na ma tho ba med pa'i yongs su sbyang pa'o/ /kho na ma tho ba med pa bcom ldan 'das kyis ji ltar snang ba de yongs su spyod kyi bdag nyid nub gsum dang nub drug tu gdung ba dang/ yongs su gdung ba la sogs pas dub par mi byed pa ste/ ji skad du bcom ldan 'das kyis dge slong tshul khrims dang ldan pa la ni ngas zas ro brgya dang ldan pa dang/ 'bum ri ba yang gnang ba zhes gsungs pa lta bu'o/ /zas de yang za ba na chags shing rgyags pa la sogs pa'i don du ma yin par zan/ de lta na kha na ma tho ba med pa'i yongs su spyad pa bdag nyid du ba pa la sbyor ba'i mdza' i gnyen pa'o 'gyur ro/ /'dul bas ni chos dang don 'grub pa ste/ nyon mongs pa 'dul ba la rab tu brtson pas de gnyis rtogs pa'i phyir ro zhes bya ba la/ nyon mongs pa 'dul ba ni 'dod chags la sogs pa nyon mongs pa rnams mi sdug pa la sogs pa la sogs pa bsgom pa gang yin pa'o/ /chos dang don dag gis ji ltar rtogs she na/ chos ni ming gi tshogs la sogs pas bsdus pa'o/ /don de ni de dag gis brjod par bya ba'o/ /gal te ming de yang don la glo bur ba yin la don yang ming ba glo bur ba yin par lta'o/ /don yang ming gi ngo bo nyid ma yin la ming yang don gyi ngo bo nyid ma yin par 'dzin na/ de ltar tshul bzhin rab tu brtson pas chos dang don rtogs par 'gyur ro/ /yang na tshul khrims dang ldan pa 'gyod pa med pa la sogs pa'i rim gyis de kho na nyid rtogs pa'i phyir yang dag pa ji lta ba bzhin gyis don du chos dang don 'grub ces

  171. 86a

    bya'o/ /thos pas ni sems la bag chags kyi sgo nas so zhes bya ba ni chos kyi dbyings shin tu rnam par dag pa'i rgyu !mthun pa thos pa'i bag chags kyi sgo nas so/ /bsams pas ni rtogs par byed pa'i sgo nas so/ /zhes bya ba ni thos pa de ji lta ji ltar bsams pa de lta de ltar de rtogs par 'gyur ro/ /rtogs nas shes rab dang ldan pa bsgom pa la rab tu brtson pa zhi gnas 'thob par 'gyur bas bsam gtan gyi stobs kyis nyon mongs pa rnams zhi bar byed do/ /mnyam par bzhag pas lhag mthong gis yang dag pa ji lta ba bzhin du rab tu shes pas de kho na nyid rtogs pa ste de ltar na sems can rnams kyang rnam par grol bar byed pa la sangs rgyas nyid kyang 'thob bo/ /gnas ni yul gang du gang gi phyir bshad pa'o/ zhes bya ba ni gnas rnam pa gsum bshad pa'o/ /de la gang du zhes bya ba ni ji skad du mdo gzhan de dang de dag las/ 'di skad bdag gis thos pa dus cig na bcom ldan 'das rgyal po'i khab na bzhugs so zhes gsungs pa lta bu ste/ rgyal po'i kha ba la sogs pa'i gnas nyid du bstan te/ /gang gis zhes bya ba ni bcom ldan 'das gnas nyid bstan pa'o/ /gang gi phyir zhes bya ba ni gang zag gang gi phyir chos 'chang ba'i gang zag gnas nyid du bstan pa yin no/ /kun rdzob kyi bden pa'i mtshan nyid dang/ don dam pa'i bden pa'i mtshan nyid do zhes bya ba ni bum pa dang/ ras yug dang/ gang zag la sogs pa bshad pa ni kun rdzob kyi bden pa ste/ brjod pa dang de las gzhan pa la bltos pa 'am dbang po'i sbyong yul gang yin pa de ni kun rdzob kyi bden pa'o/ /don dam pa'i bden pa ni rnam par mi rtog pa'i ye shes gyi spyod yul gang yin pa de ni kun rdzob gyi bden pa yin la/ bzlog pa ni don dam pa'i bden pa yin no/ /zas ni bzhi ste/ kha ma dang/ reg pa dang/ yid la sems pa dang/ rnam par shes pa'o/ /bden pa dang byang

  172. 86b

    chub kyi phyogs dang/ mthun pa dang/ rnam par thar pa'i skol sogs pa ston pa'i phyir ro/ /mya ngan las 'das pa la mngon du phyogs pa'o zhes bya bar sbyor ro/ /ltung ba'i rigs sngags ni phas pham pa dang/ dge 'dun lhag ma dang/ nyes pa sbom po dang/ ltung byed dang/ so sor bshags pa'i ltung ba'o/ /bag med na shes su zin kyang khye'u dang bu mo dang khyim la 'dris pa la sogs pas bya ba ngan pa la brel ba'i phyir ltung ba dang bcas par 'gyur ro/ /ma gus pa las ni 'tsho ba med pa la sogs pa'i 'jigs pas rab tu byung ba ni bslab pa dag la ma gus pa 'byung ngo/ /rab tu 'byung ba'i bsam pas rab tu byung yang le lo la sogs pas bslab pa dag la ma gus par byed do/ /bslab pa byin pa la sogs pa chad pa'i las khas len pa ni khas len pa ste gang zag gang zhig pas pham pa'i ltung ba byung yang kha na ma tho ba gcig kyang bcab pa'i sems med pa de la chad pa'i las 'di lta ste/ gang zag bsnyen par rdzogs pa rnams kyi mjug tu bza' bar bya ba dang/ tha mar bkan par bya ba nges bsnyen par rdzogs pa rnams kho na la drang bar bya ba dang/ de bdag nyid kyis kyang dge sbyong la sogs pas drangs la bza' bar bya ba gang yin pa chad pa'i las de lta bu la sogs pa khas blangs pas ltung ba las 'byung bar 'gyur ro/ /dge 'dun tshogs pas bslab pa'i gzhi bag yangs su bya ba zhes bya ba ni bcom ldan 'das kyis 'phags pa kun dga' bo mya ngan las 'da' ba' i tshe sku la cig dang/ bslab pa'i gzhi ji ltar bcas pa dag las bslab pa'i gzhi phran tshegs pra mo kha cig bag yang su bya'o zhes bka' stsal pa dang/ yongs su mya ngan las 'da' ba' i tshe 'phags pa kun dga' bo mya ngan gyis non pas brjod brjod de/ bcom ldan 'das yongs su mya ngan las 'das pa dang/ 'phags pa 'od srungs chen po la sogs pa yang dag

  173. 87a

    par sdud par byed pa rnams kyis gzhi de las 'phags pa kun dga' bo la bcom ldan 'das kyis ni yongs su mya ngan las 'da' ba' i tshe bslab pa'i gzhi phran tshegs phra mo kha cig bag yangs su mdzad do/ /snyam pa'i dgongs pa 'dis bka' stsal nas/ ci'i phyir khyod kyis bcom ldan 'das la ma bskul zhes chad pa'i las byed du bcug go /'phags pa thams cad yod par smra ba'i sde pa la ni bslab pa'i gzhi phran tshegs phra mo kha cig gal te dge 'dun tsho gag pas bag yangs su byas na bag yangs yin no zhes grag go /'di yang grag pa tsam du zad kyi bslab pa'i gzhi 'ga' yang dge slong gi dge 'dun gyis bag yangs su byas pa'am byed pa ni med kyi/ bye brag tu smra ba 'dul ba 'dzin pa dag ltung ba las ljang ba de lta bu 'dod do zhes grag go /ltung ba thun mgon ma yin pa zhes bya ba ni dge slong la mo'i mtshan dod na dge slong gi ltung ba thun mong ma yin pa'i ltung ba gang yin pa'i ltung ba de las ni dge slong mtshan du gyur na bshags pa la sogs pa'i bya ba med par langs par 'gyur la/ /dge slong ma'i ltung ba thun mong ma yin pa las ni mo'i mtshan nub nas pho'i mtshan skyes na ci rigs par ltung ba slar bcos pa med par ldang bar 'gyur ro/ /chos kyi sdom gyis rnam par so sor rtog par khyad par ste/ yang dag par so sor rtog pa zhes bya ba ni gang gi tshe chos rnams la chos kyi sdom stong pa nyid dang/ mtshan ma med pa dang/ smon pa med pa dag tu tshul bzhin du so sor rtog pa de'i tshe ltung ba phra mo'i yang phra mo dag las ldang bar 'gyur ro/ /rab tu dbye ba las zhes bya ba ni dper na rtsa sngon po dang chu la sogs par bshang ba dang gci ba mi bya'o zhes bslab pa'i gzhi bcas pa 'di'i rab tu dbye ba drug ste/ rgyal po'i skyed mos tshal du dong ba dag gis rol ba'i ne'u seng dang chu la sogs par bshang ba dang gci ba la

  174. 87b

    sogs pa byas pa dang de'i phyir bslab pa'i gzhi bcas pa yin pa lta bu ste/ de bzhin du bslab pa'i gzhi gzhan dag la yang shes par bya'o// //chos kyi dmigs pa yongs su tshol ba'i skabs kyi 'og tu dmigs pa rnyed pa yongs su tshal ba ste/ dmigs pa nyes par bzung nas de'i 'og tu ji ltar 'di rnyed par 'gyur zhes dmigs pa rnyed pa yongs su tshol ba'i skabs yin no/ /de la dmigs pa ni rnam pa bzhi ste/ dmigs pa chos ni bshad pa gang yin pa'o/ /zhes bya ba ni theg pa chen po'i chos mdo sde dang dbyangs kyi bsnyad pa'i sde la sogs pa ste/ de ni byang chub sems dpa' shes rab rnon pa'i dmigs pa yin gyi thams cad kyi ni ma yin pa nyid do/ /lus la sogs pa ni nang ste zhes bya ba ni dmigs pa gnyis pa'o/ /sogs pa zhes smos pa ni tshor ba dang sems dang chos rnams bsdu'o yang na dmigs pa chos so zhes smos pa ni skye ba na yang kun nas nyon mongs pa dang/ rnam par byang ba'i chos rnams kho na skye la 'gag pa na yang 'gag gi gzhan nang byed pa'i skyes bu ni 'ga' yang med do zhes bya ba yin no/ /de la nang gi dmigs pa 'dzin par gyur pa ni dbang po'i gzugs can mig la sogs pa dag yid do/ /phyi rol gyi dmigs pa gzung ba ni 'dzin pa'i spyod yul gyi don nyid dam/ gzugs la sogs pa ste gsum pa yin no/ /nang dang phyi de dag nyid kyi de bzhin nyid gnyis ni dmigs pa bzhi pa yin te/ 'don tshogs su bcad pa las/ dmigs pa chos dang nang dang ni/ /phyi dang gnyis ni yin par 'dod/ /ces dmigs pa rnam pa bzhi bshad pa gang yin pa rnam par phye ba yin no/ /de la nang gi dmigs pa la sogs pa ni 'dzin pa la sogs pa'i bye brag gis rtsa ba'i gzhung nyid las shin tu rnam par phye bar yang zad na dmigs pa de dag nyid kyi de bzhin nyid gnyis so zhes bya ba de bzhin nyid la ni tha dad pa yod pa ma yin no zhe na/ nang gi la sogs pa'i dbye bas de bzhin nyid kyi dbye ba tha dad par bzhag ste/ dper na bum pa'i nam mkha' dang

  175. 88a

    gnas khang gi nam mkha' zhes bya ba dang 'dra bar chos can gyi bye brag gis tha dad par bzhag gi rang gi ngo bos ni ma yin no/ /de la chos kyi dmigs pa dang por bstan pa dang de ni brjod par bya ba mang ba'i phyir tshigs su bcad pa gnyis pa dang gsum pa dag gis rgyas par 'gyur ro/ /nang gi dmigs pa la sogs pa ni brjod par bya ba nyung bas de dag gi dmigs pa rnyed pa dang po brjod do/ /de la nang dang phyi'i dmig pa gnyis ni don gnyis kyis go rim bzhin du rnyed de/ gal te bzung pa'i don las 'dzin pa'i don tha mi dad par mthong ba 'am/ zhes bya ba ji ltar tha mi dad par mthong zhe na/ gnyis snang ba 'di yang rnam par shes pa kho na rnam par zad kyi/ dmigs dang gzugs la sogs pa rnam par shes pa ma rtogs par rang gi ngo bo gnyis su yongs su grub pas grub pa ni med do/ zhes bya bar sbyar te/ b+ha dri ha ri ji skad du/ nam mkha' sa rlung nyi ma dang/ rgya mtsho gling dang phyogs rnams so/ /nang gi shes pa'i ngo bo yi/ /cha las phyi rol lta bur 'dug ces bshad pa lta bu yin no 'dzin pa'i don las bzung ba'i don tha mi dad mthong ba'o/ /zhes bya ba ni gzung ba dang 'dzin pa ni rnam par shes pa kho nar zad kyi rnam par shes pa la ma rtogs pa byis pas kun brtags pa mig la sogs pa 'dzin pa'i don ni yod pa ma yin no zhes bya bar te/ de'i phyir don du snang ba thams cad sems kho na yin par blta'i/ don sems las gzhan par ni mi blta'o/ /de'i tshe ni 'di'i gzung ba la rnam par g.yeng ba spangs la 'dzin pa'i rnam par rtog pa 'ba' zhig lus te/ de ni bzod pa'i gnas skabs yin no/ /de nas myur du bar chad med pa'i ting nge 'dzin thob ste/ de ni 'di'i 'jig rten pa'i chos kyi mchog gi gnas skabs yin no/ /de ltar na nang dang phyi'i dmigs pa thob pa yin no/ /phyi dang nang gi dmigs pa gnyis po

  176. 88b

    thams cad kyi de bzhin nyid rnyed pa ni gzung ba dang 'dzin pa de gnyis nyid mi dmigs pa las rig par bya'o/ zhes bya ba ni ji skad du/ de nas de ni 'jig rten las/ /'das pa'i ye shes bla med pa/ /rnam par mi rtog dri ma med/ /'dzin pa gnyis dang bral ba 'thob/ /ces bya bar 'gyur ba lta bu yin no/ /nang dang phyi dang phyi nang gi de bzhin nyid kyis dmigs pa la rnyed pa bshad zin to/ /nga ni chos kyi dmigs pa ji ltar rnyed pa de bzhin du skabs dang sbyar ro/ /de la mnyam par bzhag pa'i sems kyis zhes bya ba ni sems rnam par g.yeng bas ma yin pa ste/ gang gi tshe chos dag nyan pa na sems rtse gcig pas nyan pa'o/ /sems mnyam par bzhag pa nyid ni 'dir rna gtong pa yin no/ /yid kyi brjod pa dag gis zhes bya ba ni yang dag par rtog pa dag gis te/ rna ba'i rnam par shes pa rnam par rtog pa med pas ni don nges par 'dzin par byed nus pa ma yin gyi/ rna ba'i rnam par shes pa'i rjes la yid kyi brjod pa rnam par rtog pa dang bcas pa dag gis mdo dang dbyangs kyis bsnyad pa'i sde la sogs pa'i chos kyi don ji skad bshad pa nges par 'dzin par byed do/ /de ltar na re zhig thos pa las byung ba'i shes pas chos kyi dmigs pa rnyed pa yin no/ /dmigs pa gnyis rnyed pa las ji skad bshad pa ltar yid kyi brjod pa las gzhan pa ni ma yin na zhes bya bar mthong na'o/ /zhes bya ba ni gal te gzung ba'i do las 'dzin pa'i don tha mi dad par mthong ba 'am zhes bya ba yin no/ /'di skad du chos 'chad pa na sems kho na ming gi tshogs dang gyi ge'i tshogs nyid du snang gi /sems la ma gtogs pa don gzhan ni yod pa ma yin no/ zhes bya bar mthong na'o zhes bya bar bshad par 'gyur te/ de ltar na bsam pa las byung ba'i shes pas chos kyi dbyings kyi dmigs pa rnyed pa yin no/ /sems ni ming la gnas pa'i phyir bsgoms pa las byung ba'i ye shes pas zhes bya ba la/ ming ni gzugs can ma yin pa'i phung bzhi'o/ /de la

  177. 89a

    ji ltar gnas she na/ ming gi de bzhin nyid la gnas pa'i phyir ming la gnas pa yin te/ chos dang chos can dag tha mi dad pa'i phyir ro/ /de nyid kyi phyir mjug thogs su bsgom pa las byung ba'i shes pas de rnyed par rig par bya'o/ /zhes bshad do/ /gnyis mi dmigs pas rnyed pas ji skad bshad pa ltar gnyis mi dmigs pa'i phyir ro/ /zhes bya ba ni sngar phyi nang gi dmigs pa gnyis po thams cad kyi de bzhin nyid rnyed pa ni gzung ba dang 'dzin pa de gnyis nyid mi dmigs pa las rig par bya'o/ zhes gnyis ka'i dmigs pa rnyed pa lta bu bshad pa yin te/ de ltar na bsgoms pa las byung ba'i shes pas chos kyi dmigs pa rnyed par rig par bya'o/ /de nyid kyi phyir dmigs pa rnam pa gsum rnyed pa sngar bshad pa de ni chos kyi dmigs pa rnyed pa las yang dag par rten pa yin par rig par bya'o/ /zhes bya ba ni chos kyi dmigs pa rnyed pa kho nas nang gi dmigs pa la sogs pa sngar bshad pa'i dmigs pa rnam pa gsum rnyed par 'gyur ro/ /de nyid kyi phyir chos kyi dmigs pa rnyed pa thams cad kyi nang na gtso bo yin la gsum pa ni de la brten pa yin no// //dmigs pa rnyed pa'i 'og tu yid la byed pa yongs su tshol ba'i skabs te/ de ji ltar bshad pa'i dmigs pa rnyed pa las yid la byed pa rnyed pa ni rnal 'byor pa zhes bya'o/ /yang ni yid la byed pa'i khyad par ji lta bu dag gis dmigs pa rnyed par 'gyur pa de ltar rnam par gtan la dbab pa brtsam par bya'o/ /de la rigs nges pa ni nyan thos la sogs pa'i rigs su nges pa gang yin pa'o/ zhes bya ba ni yid la byed pa spyir bsam pa yin no/ /tshogs bsags pa'i bya ba byed pa zhes bya ba ni rtogs pa'i gnas skabs na'o/ /mi gnod rten bcas gzhan yin no/ /zhes bya ba ni gnod pa'i rten dang bcas pa ste/ khyim na gnas pa'i

  178. 89b

    rten can dang rab tu byung ba'i rten can zhes bya ba'i tha tshig go /mos pa 'jog par byed pa ni sangs rgyas rjes su dran pa dang ldan pa gang yin pa'o/ /zhes bya ba ni theg pa chen po bsdus pa la sogs pa la zhes ji skad du/ byang chub sems dpa' rnams ni mdor bsdu na/ rnam pa bdun gyis sangs rgyas rjes su dran pa bsgoms par byed do/ zhes sangs rgyas rjes su dran pa bshad pa lta bu ste/ sangs rgyas rjes su dran pa dang ldan pa yid la byed pa 'di ni sangs rgyas dkon mchog la sogs pa la mos pa drag po 'jog par byed pa yin no/ /'dun pa skyed par byed pa ni de la yid ches pa dang ldan pa gang yin pa'o/ /zhes bya ba ni sangs rgyas dkon mchog la sogs pa la dad pa rab tu dang ba dang ldan pa gang yin pa de ni 'dun pa bskyed par byed pa ste/ de nyid kyi phyir dang pa ni 'dun pa bskyed pa'i las can yin no/ /ting nge 'dzin la brten pa ni nyer bsdogs dang dngos gzhi'i ting nge 'dzin dang ldan pa gang yin pa ste/ zhes bya ba ni dman pa'i rten can ni nyer bsdogs kyi ting nge 'dzin dang ldan pa yin no/ /rdzogs pa'i rten can ni dngos gzhi'i bsam gtan dang ldan pa yin no/ /rjod pa dang bcas pa ni nyer bsdogs dang bsam gtan dang po dang bsam gtan khyad par can la sogs pa na'o/ /rjod pa med pa ni bsam gtan gnyis pa la sogs pa na'o/ /shes pa dang mtshungs par ldan pa yid la byed pa ni rnal 'byor gyi rgyu dang bcas pa zhes bya ba ni thos pa'i gnas skabs dang bsams pa'i gnas skabs dang/ bsam pa'i gnas skabs na yid la byed pa gang yin pa ste/ 'di ltar thos pa'i gnas skabs dang bsams pa'i gnas skabs ni rnal 'byor gyi rgyur gyur pa yin no/ /rnal 'byor gyi shes pa dang bcas pa gang yin pa zhes bya ba ni bsgom pa'i gnas skabs na ste/ gnas skabs de ni zhi gnas dang lhag mthong gi lam rnal 'byor yin no/ /'dres pa la dmigs pa na? mdo dang sdom gyi tshigs su bcad

  179. 90a

    pa la sogs pa las dmigs pa zhes bya ba ni mdo thams cad las don gyi khyad par gsungs pa gang dag yin pa de dag tshig rab tu dbye ba'i sgo nas bsdoms te spyod par byed cing so so rang gis tshul bzhin du yongs su brtags pa nges par bzung nas don de dag chos la sdom par byed de/ mdo 'di ni sa bcu pa yin no/ /zhes der don thams cad nye bar sdud par byed do/ /de bzhin du sdom gyi tshigs su bcad pa la sogs pa las don rgyas par bstan pa dag kyang gcig tu sdom par byed do/ /ma 'dres pa la dmigs pa zhes bya ba ni tha dad pa rnam pa du mar dmigs pa zhes tshig ste/ ming la dmigs pa las kyang tshig la dmigs pa tha dad pa la/ tshig la dmigs pa las kyang yi ge la dmigs pa tha dad do/ /gang zag la bdag med pa la dmigs pa las kyang chos la bdag med pa la dmigs pa tha dad la/ de bzhin du gzugs can dang gzugs can ma yin pa dag kyang tha dad pa yin no/ /mthong ba'i rnam pa bsgom pa'i yid la byed pa ni mthong ba'i lam gyi gnas skabs na ste/ 'di ltar bsgom pa'i gnas skabs na ni shes pa dag kho na 'thob po/ /yang na mthong ba'i rnam pa bsgom pa ni bzod pa'i gnas skabs na'o/ /shes pa'i rnam pa bsgom pa ni shes pa'i gnas skabs na'o/ /zhi gnas dang lhag mthong gis byas pa'i khyad par yod de/ mthong ba'i rnam pa bsgom pa ni zhi gnas kyi gnas skabs na'o/ /shes pa'i rnam pa bsgom pa ni lhag mthong gi gnas skabs na'o/ /sdug bsngal gyi rnam pa bsgom pa ni tshor ba dang ldan pa ste/ tshor ba ni sdug bsngal ba'i phyir ro/ /bsal ba'i rnam pa sgom pa ni sdig pa mi dge ba'i chos skyes pa rnams spong bar byed pa yin no/ /ji ltar na sdig pa mi dge ba'i chos skyes zin pa rnams spong bar 'gyur zhe na/ mi dge ba'i chos rgyun gyis skye ba rnams rnam par

  180. 90b

    gcod par byed pa gang yin pa 'am sa bon spangs pa'i sgo nas spong ba yin no/ /de lta ma yin na chos skyes pa rnams ni rang gi ngang gis skad cig mar 'jig pas 'gag par 'gyur ro/ /gnyen po'i rnam pa bsgom pa ni sdig pa mi dge ba'i chos ma skyes pa mi skyed pa'i phyir gnyen po 'thob pa yin no/ /gnyen po thob nas ni sa bon kun nas 'joms par byed la/ de kun nas bcom pas kyang sdig pa mi dge ba'i chos ma skyes pa rnams mi skye ste/ de ltar na sdig pa mi dge ba'i chos ma skyes pa rnams mi skye bar 'gyur ro/ /chog par 'dzin pa'i gnyen po yid la byed pa bsgom pa ni gang gi tshe 'dun pa skyed par byed pa na'o/ /zhes bya ba ni dge ba'i chos bsgom pa cung zad tsam gyi tshig? par 'dzin pa gang yin pa de'i gnyen por 'dun pa skyed par byed pa yin no/ /rnam par g.yeng ba'i gnyen po ni/ 'bad pa dang ldan pa'i yid la byed pa yin no/ /the tshom gyi gnyen po ni brtson 'grus dang ldan pa'i yid la byed pa yin no/ /rgod pa'i gnyen po ni zhi gnas dang ldan pa'i yid la byed pa yin no/ /zhum pa'i gnyen po ni lhag mthong dang ldan pa'i yid la byed pa yin no/ /sems gnas pa zhes bya ba ni/ 'jig rten pa'i ting nge 'dzin la gnas pa'o/ /'jig rten las 'das pa'i phun sum tshogs pa la yid ches pa'i rnam pa bsgom pa zhes bya ba ni 'jig rten las 'das pa'i lam mngon sum du bya ba la dad pa'i dbang po dang ldan pa ste/ dad pa ni yid ches pa'i rnam pa yin no/ /rdzogs pa'i byang chub rab tu snang ba'i rnam pa bsgom pa zhes bya ba'i don te/ de nyid la rnam par 'byed pa zhes bya ba ni ma brdzad? pa'i rnam par 'byed pa gang yin pa'o/ mthong ba'i lam gyi gnas skabs na rnam par 'byed pa gang yin zhe na/ de kho na nyid yang dag par rtogs pa gang yin pa'o/ /yongs su spyad pa'i sa shes pa'i rnam pa sgom pa zhes bya ba ni rnal 'byor pa des thos pa dang bsam pa dang bsgom pa'i rim gyis de kho

  181. 91a

    na nyid rtogs te langs pa dang bdag gis rim pa 'dis de kho na nyid rtogs so zhes yongs su sbyong ba'i sa de ji lta ba bzhin shes par byas nas rjes la de kho na nyid rtogs pa rnams de kho na bzhin du yang dag pa'i rtogs pas ston par byed pa yin yang dag pa'i dag dang yang dag pa'i las kyis mdza' ni 'phags pa rnams dgyes pa dang bzhed pa dang thugs su byon pa'i tshul khrims yin no/ /yo byad bsnyungs pa'i tshul kun tu spyod pa'i rnam pa bsgom pa'i yid la byed pa ni yang dag pa'i 'tsho ba yin no/ /sngon bsgoms pas thob pa'i lam goms pa'i rnam pa bsgom pa zhes bya ba ni mthong ba'i lam la brtson 'grus kyi khyad par thob pa gang yin pa ste/ de'i phyir sngon bsgoms pas thob pa'i lam goms pa'i rnam pa bsgom pa zhes bya'o/ /chos gnas pa'i rgyu mtshan rnal 'byor pas shes pa gang dag yin pa de dag la dran pas mi brjed pa yin te/ de dag kyang gang zhe na/ zhi gnas dang rab tu 'dzin pa dang/ btang snyoms kyi rgyu mtshan dag yin no/ /mtshan ma med pa la sems gnas pas gnas yongs su gyur pa'i rnam par sgom pa zhes bya ba ni rnam par g.yeng ba'i rgyu mtshan gang dag yin pa de dag la mtshan mar 'dzin pa yin te/ des na sems gnas pa 'thob po/ /sems gnas na gnas yongs su 'gyur ro/ /zhi gnas dang lhag mthong bsgom pa lam gyi rang bzhin dag la bshad pa gang yang med do/ /zhes bya ba ni 'di ltar zhi gnas dang lhag mthong gi lam dag ni yid la byed pa thams cad sdud par byed pa yin no/ /phan yon yid la byed pa ni rnam gnyis te/ gnas ngan sel ba dang zhes bya ba ni gang gis lus kyi gnas ngan len dang/ sems kyi gnas ngan len sel par byed pas te/ lus kyi gnas ngan len srog gcod pa la sogs pa mi dge ba'i las la 'jug pa'o/ /sems kyi gnas ngan len ni de kun nas spong bar

  182. 91b

    byed pa'i nyon mongs pa kun du spyod pa'o/ /lta ba'i mtshan ma sel ba'o/ zhes bya ba ni lta ba nyid mtshan ma yin pas lta ba'i mtshan ma ste/ 'jig tshogs la lta ba la sogs pa'o/ /lta ba'i mtshan ma de yid la byed pa gang gis sel bar byed pa'i yid la byed pa de ni lta ba'i mtshan ma sel ba yin no/ /ting 'dzin gyi spyod yul la grangs nye bar rtog pa sbyor ba zhes bya ba ni sbyor ba'i dus na ting nge 'dzin la dmigs pa'i sems kyi yid la byed pa gang yin pa'o/ /gnas pa nye bar sbyor ba pa ni gang gis na gnas pa rnam pa gnyis nye bar rtog par byed pa ste zhes bya ba la/ tshad yod par gnas pa ni yi ge rnams so zhes bya ba ni 'di ltar yi ge rnams ni a A zhes bya ba nas bzung ste/ k+Sha zhes bya ba la thug pa'i bar yi ge bzhi bcu rtsa brgyad yod pas tshad yod pa yin te/ de ltar na yi ge rnams ni tshad yod par gnas pa yin no/ /tshad med par gnas pa ni ming dang tshig dag go /zhes bya ba ni mdo sde 'bum pa du ma dmigs pa'i phyir te/ mdo sde dang de dag la ming dang tshig dpag tu med pa dag yod do/ /yi ge ni kun brtag par bya ba ma yin no/ /zhes bya ba ni yi ge gcig ni ming ma yin la/ ming med par yang don kun tu rtog par mi 'gyur bas so/ /gang yang ka zhes bya ba ni skye dgu bdag por bstan to/ /ko zhes bya ba ni rlung yin par brjod do/ /zhes bya ba lta bu la sogs pa lta yang a dang ldan pa'i phyir dang/ tshig gis bcad par bya ba yin pa'i phyir yi ge gcig pa ma yin no/ /rim pa nye bar rtog pa sbyor ba pa ni gang gis ming 'dzin pa sngon du 'gro ba can gyis don 'jug pa nye bar rtog par byed pa'o/ /zhes bya ba ni 'di ltar 'jig rten ni dang po nyid du tha dad du bya ba'i phyir don de dang de dag la lhas byin zhes bya ba dang bum pa zhes bya ba dang ras yug ces bya ba la sogs pa de lta bur ming 'dogs so/ /gang gi che ming 'dis ni don 'di ston to/ /zhes ming de la brdar btags pa la de'i tshe rim pa 'dis ming

  183. 92a

    'dzin pa sngon du 'gro ba can gyi don 'dzin pa la 'jug pa nye bar rtog pa/ des na don de dang de dag gis tha dad la mkhas par 'gyur ro/ /rtogs pa sbyor ba pa zhes bya ba lnga pa yin no/ /nga ni rnam pa bcu gcig ste/ glo bur pa nyid rtogs pa zhes bya ba ni ming yang don la glo bur ba yin te/ ming gi sngon rol na don gyi blo med pa'i phyir ro/ /snang ba'i rgyu mtshan rtogs pa zhes bya ba la/ don du snang ba'i rgyu mtshan ni sems dang sems las byung ba 'khrul pa gzung ba dang/ 'dzin par snang ba dag ste/ 'di ni drod dang rtse mo'i gnas skabs na rtogs so/ /don mi dmigs pa rtogs pa zhes bya ba ni bzod pa'i gnas skabs na'o/ /dmigs pa mi dmigs par rtogs pa ni 'jig pa'i chos kyi mchog gi gnas skabs na ste/ de med pas ni de yang med ces bya ba'i phyir ro/ /gzung ba'i don med na 'dzin pa'i sems gang gis dmigs pa de yang mi dmigs par 'gyur bas de'i 'og tu gzung ba dang 'dzin pa med na chos kyi dbyings rtogs pa yin no/ bsam pa dman pa rtogs pa zhes bya ba nyan thos kyi theg pa rnams kyi'o/ /ji ltar rtogs pa'i chos rnam par gzhan par rtogs pa zhes bya ba ni yang dag pa'i gnas skabs na'o/ /chos rnam par bzhag la rtogs pa zhes bya ba ni/ bsgom pa'i lam la yang dag par rtogs pa'i gnas skabs na'o/ /yon tan mngon par bsgrub pa shin du rnam par dag pa'o/ /zhes bya ba yid la byed la gang gis yon tan khyad par yon tan can mngon par sgrub par byed pa'o// //yid la byed pa rnyed pa'i 'og tu chos kyi de kho na nyid kyi don yongs su tshol pa'i skabs te/ 'di ltar sems rtse gcig pa nyid rnyed pas chos rnams kyi de kho na nyid rtogs par 'gyur ro/ /de kho na nyid mi

  184. 92b

    bslu ba dang/ phyin ci ma log pa gang yin pa'o/ /de 'jig rten las 'das pa'i ye shes thob pas dmigs pa gang yin pa de ni kho na nyid yin te/ kun nas nyon mongs pa dang rnam par byang ba pa'i chos thams cad kyi de kho na nyid spyir brtag pa yin no/ /kun brtags pa'i ngo bo nyid kyi de kho na nyid ni gnyis dang bral ba yin la/ gnyis su snang ba nyid ni 'khrul pa yin te/ ji srid du 'di 'khrul pas dmigs pa de srid de'i yang dag pa dmigs pa med do/ /des der kun rtog pa'i phyir ro/ /zhes bya ba ni gzhan gyi dbang gi ngo bo nyid 'khrul pas gnyis po der kun rtog ste/ thag pa la sprul bzhin no/ /chos nyid dang chos tha mi dad pa'i phyir ro/ /zhes bya ba ni gang gi phyir chos kyi dbyings ni spyi'i rnam par chos thams cad kyi rjes su zhugs pa yin pa'i phyir ro/ /chos thams cad chos kyi dbyings la tha dad pa ma yin no/ /yod pa kun nas spangs te/ med la mngon zhen gang yin pa/ /'jig rten rmongs pa'i rnam pa tsha ba chen 'di go ji lta bu/ zhes bya ba la/ yod pa kun nas spangs te zhes bya ba ni chos kyi dbyings yod pa yin na 'jig rten gnyis su 'dzin pas de la rmongs nas chos kyi dbyings de spangs te gzugs la sogs pa yod pa ma yin pa gzhan kho na la mngon par zhen to/ /med pa ni byis pas kun brtags pa'i gzugs la sogs pa ste/ 'jig rten ni thog ma med pa'i dus nas gzugs la sogs pa 'di dag yod pa las yang dag pa nyid du sang ba yin no/ zhes de la rmongs pas 'jug cing de dag la yang dag pa nyid du mngon par zhen to/ /yang 'gro ba dag na de las gzhan yang cung zad yod min la/ zhes bya ba ni ngo bo nyid gsum ste/ 'gro ba na ngo bo nyid gsum la ma gtogs pa gzhan ni cung zad kyang? yod pa ma yin la/ 'gro ba ma lus yang de la rmongs te phyin ci log tu 'dzin pa la mngon par zhen pa'i phyir ro/ /de kho na nyid sgyu ma lta bu yongs su tshol pa zhes bya ba de kho na nyid

  185. 93a

    ni yang dag pa ma yin pa 'am yang dag pa nyid du 'ang rung/ gang gi ngo bo nyid gang yin par phyin ci ma log pa ste/ yang dag pa nyid ma yin pa la yang dag pa ma yin pa nyid du yongs su shes pa gang yin pa de yang de kho na nyid yin no// yang dag pa la yang dag pa nyid du yongs su shes pa gang yin pa de kho na nyid yin te/ rtag tu gnyis bral 'khrul ba'i rten gang yin dang gang zhig rnam pa kun tu/ brjod par nus pa ma yin zhing spros pa med pa'i bdag nyid de kho na zhes bshad ma thag pa 'ang yin no/ /kun brtags pa dang gzhan gyi dbang dang/ yongs su grub pa'i ngo bo nyid gsum ni go rim bzhin gnyis dang bral ba dang 'khrul pa'i rten dang brjod du med pa'i spros pa med pa'i bdag nyid du bstan te/ 'di ni go rim bzhin du de dag gi de kho na nyid yin no/ /'di ni de kho na nyid de la rnam pa gang gi sgyu ma lta bu nyid yin pa de'i dbang du byas pa yin te/ gtsug lag gi mdo sde dang de dag las kyang chos rnams ni sgyu ma lta bu'o zhes 'byung ngo/ /de la 'khrul pa'i rgyu mtshan shing dang bong ba la sogs pa sgyu ma'i sngags kyi btab pa ji lta ba de bzhin du yang dag pa ma yin pa'i kun tu rtog pa gzhan gyi dbang gi ngo bo nyid rig par bya'o/ /zhes bya ba ni sems dang sems las byung ba rten cing 'brel par 'byung pa rnams la rig par bya ba ste/ de dag ni shing dang bong ba la sogs pa sgyu ma'i sngags kyis btab pa lta bu yin par rig par bya la/ gzugs la sogs pa ni sgyu ma bya ba rta dang glang po che la sogs pa lta bu yin par rig par bya'o// ji ltar de la de med pa ste/ sgyu ma byas pa de la glang po che la sogs pa med pa de bzhin du gzhan gyi dbang de la kun brtags pa gnyis kyi mtshan nyid med pa don dam par 'dod do zhes bya ba ni ji ltar thag pa la sprul med par mthong ba de bzhin du

  186. 93b

    gzhan gyi dbang gi ngo bo nyid la gnyis med par mthong ngo/ /gnyis dang bral ba nyid mthong bas gnyis su 'khrul pa dang bral ba'o/ /gnyis su 'khrul pa dang bral ba rnam pa can gyis kyang yongs su 'grub pa'i ngo bo nyid mthong bar 'gyur ro/ /gang gi tshe 'jig rten las 'das pa'i rjes la thog pa dag pa 'jig rten pa phyin ci ma log pas gzhan gyi dbang de mthong ba de'i tshe yang gnyis su 'khrul pa de mi 'byung ba kho na'o/ /ji ltar sgyu ma byas pa de glang po che la sogs pa'i ngo bor dmigs pa de bzhin du yang dag pa ma yin pa las kun brtags pa de kun rdzob kyi bden par dmigs so zhes bya ba ni de ltar na de ni yang dag par ma yin pa nyid du snang ba na kun nas nyon mongs pa'i dmigs par 'gyur ro/ /gang yang de dang de las bden pa ni gnyis te/ kun rdzob kyi bden pa dang/ don dam pa'i bden pa'o zhes 'byung de yang yang dag pa ma yin pa'i kun tu rtog pa'i ngo bo nyid kho na la de ltar rnam par bzhag go /de bzhin du gnas gzhan du gyur na gnyis su 'khrul pa med pa'i phyir yang dag pa ma yid pa'i kun tu rtog pa'i don yang dag pa dmigs so zhes bya ba ni gnyis su 'khrul pa med pa'i phyir yongs su grub pa'i ngo bo nyid de dmigs par 'gyur ro/ /de mthong na phyin ci ma log pa rnam par mi rtog pa'i rjes la thob pa'i ye shes kyis gzhan gyi dbang gi ngo bo nyid gnyis dang bral ba mthong ste/ de ltar na de'i don yang dag pa dmigs par 'gyur la/ gnyis su 'khrul pa dang bral bas kyang rnal 'byor pa'i gnas gzhan du 'gyur ro/ /de lta bu ni de la yod/ de'i dngos po yod ma yin/ /de ltas sgyu ma la sogs la// yod dang med pa nyid du brjod/ /tshigs su bcad pa 'di ni don go bar zad do/ /ji ltar don go zhe na/ ji ltar sgyu ma byas pa glang po che la sogs pa'i gzugs de'i ngo bor te/ glang po che la sogs pa gzugs nyid du snang ba'i glang po che'i gzugs de ni glang po che

  187. 94a

    nyid du yod pa ma yin pa kho na yin la/ sems dang sems las byung ba'i phyin ci ma log pa rnams ni glang po che la sogs pa lta bu nyid du yod pas de lta ba na yod pa nyid dang med pa nyid du brjod de/ de lta bu nyid du yod pa la yang dag pa'i don du ni med do zhes bya ba de bzhin du/ yang dag pa ma yin pa'i kun tu rtog pa de la gnyis su 'khrul pa gzugs la sogs pa gzung ba dang 'dzin pa nyid du snang ba de ni yod do/ zhes bya'o/ /ji ltar sgyu ma yongs su shes nas glang po che la sogs pa mi snang ba'i phyir glang po che la sogs med do/ zhes bya ba de bzhin du rnam par mi rtog pa'i ye shes thob nas gnyis po mi snang ba'i phyir med do zhes bya'o/ /de la yod pa med pa yin zhes bya ba ni sgyu ma la glang po che lta bu yod pa ni med par mi 'dod do/ /yang dag pa ma yin pa kun tu rtog pa nyid du yod pa'i phyir ro/ /med pa yod pa nyid ma yin/ zhes bya ba ni byis pa rnams kyis yang dag pa nyid du kun brtag pa'i glang po che la sogs pa med pa gang yin pa de ni don dam par dpyad na yod pa nyid ma yin no/ /'o na ci zhe na/ sgyu ma dag la sogs pa la/ yod med khyad par med pa'ang brjod/ /ces bya ba ni de la de lta bu yod pa ste/ glang po che lta bu yod pa gang yin pa de nyid glang po che la sogs med pa yin no/ /de la 'dra ba tsam dang 'khrul pa tsam yod kyi/ yang dag pa nyid du glang po che yod pa ni ma yin pas gang gi tshe de ltar shes pa de'i tshe glang po cher 'dzin pa ldog ste/ glang po che lta bu tsam du snang ba gang yin pa de nyid glang po che med pa yin no/ /de ltar na 'di mnyam pa nyid du 'gyur te/ dbus dang mdza' rnam par 'byed pa las ji skad du/ de'i phyir na dmigs pa dang/ mi dmigs mnyam par shes par bya zhes bya ba lta bu yin no/ /rim pa 'dis na yod pa dang med pa khyad par med par mthong ste/ dper na gang gi tshe kho na nyi bar len pa'i phung po lngar ma mthong de kho na'i tsha bdag yod pa blta la/ gang gi tshe kho na bdag

  188. 94b

    ming bar mthong ba de'i tshe phung po tsam du lta ba dang 'dra'o/ /de ltas gzugs la sogs pa la/ yod pa dang med pa nyid du brjod/ /ces bya ba ni yang dag pa ma yin pa'i kun tu rtog pa'i ngo bo nyid la kun rdzob tu gzugs la sogs pa yod pa nyid du brjod par bya ste/ dbus dang mdza' rnam par 'byed pa las ji skad du yang dag ma yin kun rtog yod/ /de la gnyis po yod ma yin zhes bshad pa lta bu ste/ de la ni gnyis po gzung ba dang/ 'dzin pa kun rdzob tu yod kyi/ /don dam par ni ma yin no/ /gang gi tshe rnam par mi rtog pa'i ye shes mi mthun pa'i phyogs pas la cing spros pa thams cad dang bral bas byis pas kun brtags pa'i gzugs la sogs pa chos su bzung ba med par mthong ba de'i tshe med do zhes bya'o/ /med pa ni yod pa nyid ma yin te/ gnyis kyi dngos po med pa nyid gang yin pa'o/ /zhes bya ba ni gnyis kyi dngos po med pa gang yin pa de ni don dam par yod pa nyid ma yin no/ /'o na ci zhe na/ med pa ma yin no/ /gnyis po snang bar 'gyur ba gang yin pa de nyid kyi dngos por med pa yin pas so zhes bya ba la/ gnyis po snang ba ni yang dag pa ma yin pa'i kun tu rtog pa'i ngo bo nyid ma yin no/ /gang gi tshe yang dag pa ma yin pa'i kun tu rtog pa ste/ ming dang gzugs la sogs pa gnyis dang bral zhing sems dang sems las byung ba'i ngo bo nyid du shes pa de'i tshe 'di gnyis su 'dzin pa ldog cing/ 'di la sems dang sems las byung bar snang ba nyid du 'gyur te/ de ltar na gnyis po snang ba gang yin pa de nyid gnyis kyis dngos po med pa yin pas yod pa dang med pa dag mnyam pa nyid du 'gyur ro/ /theg pa dman pas 'gro ba dgag pa'i phyir zhes bya ba la/ theg pa dman pas 'gro ba ni theg pa dman pas 'gro ba'o/ /theg pa dman pas 'gro ba po? dgag pa'i phyir yod pa dang med pa dag khyad par med pa bsgom pa yin te/ yod pa dang med par khyad par med pa nyid du

  189. 95a

    rig nas yod pas yid 'byung bar mi 'gyur ro/ /ji ltar na sgro 'dogs pa bkag ba yin/ ji ltar na skur pa 'debs pa bkag pa yin no/ /ji ltar na yod pa dang med pa dag khyad par med par bsgom pa yin te/ de la yod pa med pa yin/ zhes bya ba ni gnyis su snang ba gang yin pa ste/ gnyis su snang ba yod pa gang yin pa de ni med pa ma yin no/ /'o na ci zhe na/ de ni yod pa kho na'o/ /de ltar bzod pa'i gnas skabs na rnam par shes pa 'di nyid gnyis su snang bar rab tu 'byung gi /phyi rol gyi don ni med do zhes phyi rol gyi don rnam par 'jig pas sems tsam du rtog par 'gyur te/ de'i che yod par rig nas skur pa 'debs par mi byed do/ /med pa yod pa nyid ma yin/ zhes bya ba ni kun brtags pa gnyis kyi dngos po med pa nyid gang yin pa ste/ med pa ni yod pa nyid ma yin no/ /'o na ci zhe na/ de ni rtag tu med pa kho na yin te/ de ltar na med pa la med par rig nas sgro 'dogs par mi byed do/ /ji ltar na de dag khyad par med pa yin zhe na/ gzhan gyi dbang gi gnyis su snang ba gang yin pa de nyid rnam par shes pa la mi gtogs pa'i phyi rol gyi gzugs la sogs pa yod pa nyid du kun brtags pa'i bdag nyid kyis med pa yin la/ phyi rol gyi gzugs la sogs pa kun brtags pa'i bdag nyid kyis med pa gang yin pa de nyid rnam par rig pa tsam yin te/ de ltar na mthong ba de ni byis pas kun brtags pa yod pa la mngon par zhen pa las yid 'byung bar mi 'gyur ro/ /nyan thos ni gzugs la sogs pa la yod pa nyid du kun brtags nas/ 'di dag la skye ba dang 'jig pas sdug bsngal gyi rang bzhin yin par dmigs pa na 'khor ba'i ngo bo nyid las yid 'byung bar 'gyur ro/ /yid byung na 'dod chags dang bral bas de'i phyir nyan thos kyi theg pas nges par 'byung gi /byang chub sems sems dpa' ni ji skad bshad

  190. 95b

    pa'i tshul 'dis yod pa dang med pa dag khyad par rig nas 'khor ba las yid 'byung bar mi 'gyur ro/ /yid mi 'byung na nyan thos mgo dang gos la me 'bar ba ltar byed pa bzhin du mya ngan las 'das pa la gzhol bar mi 'gyur bas de'i phyir nyan thos kyi theg pas nges par mi 'byung ngo/ /'khrul pa'i rgyu dang 'khrul pa ni/ zhes bya ba ni byis pa rnam par rig pa 'di ni rnam pa gnyis su 'byung ste/ 'di lta ste 'khrul pa'i rgyu dang/ 'khrul pa'o/ /de la 'khrul pa'i rgyu ni gzugs kyi rnam par rig pa yin par 'dod de/ gzugs zhes smos pas ni ming dang gzugs la sogs kyi phung po bsdu'o/ /'di lta ste byis pa rnams ni thog ma med pa'i dus nas goms pas bdag med bzhan du gzugs la sogs pa nye bar yin pa'i phung po rnams bdag nyid du snang ngo/ /de ltar byis pas kun brtags pa mig dang gzugs la sogs pa'i don med bzhin du thog ma med pa'i dus nas goms pa'i dbang gis byis pa rnams la yang dag pa ma yin pa'i kun tu rtog pa mig dang gzugs la sogs pa nye bar len pa'i phung po rnams bdag nyid du snang ngo/ /de ltar byis pas kun brtags pa mig dang gzugs la sogs pa de ni 'di yin no zhes 'dzin pa'i rnam pa'i rnam par 'jug pa gang yin pa gzugs can ma yin pa'i rnam par rig pa 'di ni 'khrul pa'i ngo bo nyid yin no/ /'khrul pa'i rgyur gyur cing gzhir gyur pa gzugs su snang ba'i rnam par rig pa de med pa'i phyir cig shos mig gi rnam par shes pa la sogs pa gzugs can ma yin pa rnam par rig pa yang med par 'gyur ro/ /rgyu med pa'i phyir ro/ /zhes bya ba la/ rgyu ni ming dad? gzugs la sogs pa ste rgyu de med pa'i phyir 'bras bu gyur pa'i rnam par rig par mig gi rnam par shes pa la sogs pa yang med par 'gyur ro/ /de la gnyis po ji lta bar med kyang gnyis su yang dmigs so/ /zhes by ba ni sgyu ma'i glang po che'i gzugs su 'khrul ba yang dag pa nyid

  191. 96a

    du glang po che la sogs pa gzung ba dang 'dzin pa med mod kyi/ 'on kyang byis pa ma rig pas ldongs pa rnams glang po che'i gzugs su 'khrul pa'i sgo nas 'di dag ni glang po che la sogs pa'o/ /bdag ni 'di dag 'dzin pa'o zhes bya bar gnyis su mngon par zhen to/ /keng rus kyi ni gzugs 'dzin pa/ 'khrul phyir gnyis su brjod pa ste/ zhes bya ba'i ting nge 'dzin gyi gnas skabs las dang po pa'i rnal 'byor can rus pa'i keng rus sgom par byed pa'i ting nge 'dzin gyi me long la keng rus kyis gzugs brnyan snang la/ keng rus kyi gzugs su 'khrul pa de las gzung ba dang 'dzin pa gnyis su brjod do/ /de la ni yang dag pa nyid du na rus pa'i keng rus kyang med la de med na 'dzin pa yang med mod kyi/ 'on kyang de bzhin du yang snang ngo/ /yod pa dang med pa de dag kyang khyad par med pa'i phyir ro/ /yang yod pa yang yin la med pa yang yin no/ /sgyu ma'i mtshan nyid kyang de dang 'dra ste/ de bas na sgyu ma lta bu yin no/ /zhes pa ni de la glang po che'i gzugs yod pa gang yin pa de nyid glang po che nyid la sogs par med pa yin la/ glang po che nyid la sogs par med pa de nyid glang po che'i gzugs su yod pa yin no/ /de lta bas na sgyu ma la yod pa dang med pa nyid du khyad par med de/ sgyu ma la yod pa nyid gang yin pa de ni kun rdzob tu'o/ /med pa nyid gang yin pa de nyid don dam par ro/ /sgyu ma la yod pa dang med pa dag khyad par med par bshad pa ji lta bar gzugs la sogs pa'i chos rnams la yang de dang 'dra ste/ ji skad de bzhin nyid snang de la yod/ /de yi dngos po yod ma yin/ /de ltas gzugs la sogs pa lta bu yin no/ /yang dag pa ma yin pa'i kun tu rtog pa'i ngo bo nyid de la rnam par shes pa'i gnyis su snang ba gang yin pa de ni de la yod la/ rnam par shes pa snang ba gsal te yang dag pa nyid du gzugs la sogs pa'i don

  192. 96b

    gyis gnyis kyi ngo bo gang yin pa de ni de la med do/ /yang dag pa ma yin pa'i kun tu rtog pa de la gnyis su snang ba gang yin pa de nyid gnyis su med pa yin te/ de ltar na yod pa dang med pa dag khyad par med pa yin no/ /de lta bas na chos 'di dag sgyu ma bzhin du yang pa nyid dang med pa nyid yin pas de'i phyir sgyu ma lta bu brjod do/ /kun nas nyon mongs pa 'grub pa la dbang byed pa'i phyir ro/ zhes bya ba ni kun nas nyon mongs pa'i chos rnams kun tu spyod pa dang ldan pa yin na kun nas nyon mongs pa rnams yang dang yang du 'grub par 'gyur bas so/ /mig yor lta bu ni nang gi skye mched rnams kyi grib ma lta bu yin pa'i phyir phyi'i skye mched drug kho na ste/ de'i dbang gis 'byung bas so zhes bya ba ni ji ltar gdugs la sogs pa'i dbang gis grib ma 'byung ba de bzhin du nang gi skye mched gdugs lta bu rnams kyi dbang gis phyi'i skye mched grib ma lta bu rnams 'byung ngo/ /brag ca lta bu ni bshad pa'i chos rnams so zhes bya ba ni ji ltar brag ca yod pa ma yin mod kyi/ 'on kyang brag pa ltar bshad pa'i chos rnams kyang de dang 'dra'o/ /'di dag la ma rig pa dang nyon mongs pa rnams dang lhan cig 'jug pa yod pas ni 'di dag ni ma rig pa dang nyon mongs pa dang lhan cig 'jug pa yin no/ /zhes bya ba la/ ma rig pa ni ma rig pa nyid do/ /nyon mongs pa ni 'dod chags la sogs pa ste drug gam bcu'o/ /ma rig pa logs shig tu smos pa ni dbang byed pa'i don to/ /ma rmongs pa la gzhan mi 'byung ba'i phyir ro/ /nyon mongs pa smos pas ni khro ba dang kho na du 'dzin pa la sogs pa nye ba'i nyon mongs pa rnams kyang bsdus par rig par bya'o/ /gzugs dang sgra la sogs pa'i rnam par rtog pa 'di dag la ma rig pa dang nyon mongs pa dang nye ba'i nyon mongs pa rnams dang lhan cig 'jug pa yod pas na 'di dag ni ma rig pa dang nyon mongs pa dang/ lhan cig

  193. 97a

    'jug pa yin te/ rnam par rtog pa dang gang kun tu 'byung ba na kun gzhi rnam par shes pa la bag chags 'jog pa'i bag chags de nyid rnam par rtog pa de dang de'i rgyur 'gyur ro/ /de ni sngar bshad zin to/ /zhes bya ba ni thos pa la sogs pa'i shes pa gsum gyis/ chos kyi dmigs pa rnyed par 'gyur zhes bya ba de lta bu la sogs pa'i gzhung gis so/ /rang gi dbyings ni rnam par mi rtog pa rnams kyi de bzhin nyid do zhes bya ba 'di ni rnam par byang ba'i skabs kyis 'ong ba yin pas rang gi dbyings ni rnam par byang ba tshul bzhin rnam par rtog pa rnams kyis chos kyi dbyings yin te/ 'di ni de bzhin nyid kyi rnam grangs kyi ming yin no/ /de bzhin nyid kyi phyir dbus dang mdza' rnam par 'byed pa dang/ chos mngon pa kun las btus pa la sogs pa las chos kyi dbyings kyi nges pa'i tshig nyan thos dang/ rang sangs rgyas dang/ sangs rgyas kyi chos thams cad kyi rgyu mtshan nyid kyi phyir chos kyi dbyings zhes bya'o zhes 'byung ngo/ /ming la sems gnas pa'i phyir ro/ /zhes bya ba la/ ming ni gzugs can ma yin pa'i phung po bzhi ste/ de la spyi'i rnam par gnas pa'i phyir ming la gnas pa yin no/ /rnam par mi rtog pa'i ye shes rnyed nas ming la gnas par 'gyur te/ de'i phyir sangs rgyas kyi chos rnams rnam par byang bar 'gyur ro/ /zhi gnas bsgoms pa tshul lta bu ni tshul bzhin ma yin pa'i rnam par rtog pa dag gis khengs par byas pa'i sems de mnyen par 'gyur ro/ /lhag mthong bsgoms pa me long lta bus ni las dang po pa'i gnas skabs na lta ba ngan pa la sogs pas yon por gyur pa'i shes rab mnga' yon pa lta bu gang yin pa de mnyam par bzhag pa'i gnas skabs na lhag mthong goms pas mnga' mes bsros pa bzhin du drang por 'gyur ro/ /de'i phyir sems rang shes rab 'dod chags dang ma rig pa'i nyon mongs pa dag dang tshul bzhin ma yin pa'i

  194. 97b

    rnam par rtog pa rnams las rnam par grol bar 'gyur zhing/ gnas yongs su gyur pa la khengs pa dang yon po nyid du byed pa'i rnam par rtog pa de dag nyid kyang gnyis su snang bar mi 'jug go /rnam par rig pa tsam yongs su tshol ba zhes bya ba la/ tsam zhes smos pa ni don dgag pa'i ched yin no/ /sems 'ba' zhig gzung ba ni ma yin/ sems de yang 'dir mtshungs par ldan pa dang bcas par blta bar bya'o/ /zhes bya ba'i phyir 'dir ni sems las byung ba rnams kyang bzung ngo/ /sems tsam po 'di gzung bar snang ba dang 'dzin par snang ba dang gnyis su snang bar 'dod de/ zhes bya ba ni phyi rol gyi don med do/ /zhes bya ba'i tha tshig go /de bzhin du de bzhin nyid 'dod chags la sogs pa nyon mongs pa snang ba 'am dang pa la sogs pa dge ba'i chos su snang bar 'dod la zhes bya ba ni gang gi tshe 'dod chags la dmigs pa 'am/ dang pa la dmigs pa skye ba de'i tshe sems de nyid de ltar snang gi 'dod chags la sogs pa dmigs pa nyid du yod pa ni ma yin la/ sems la 'dod chags la sogs pa dang/ mtshungs par ldan par mi 'dod pa yang ma yin no/ dper na gnyis su snang ba las gzhan pa gnyis kyi mtshan nyid med pa bzhin no zhes bya ba ni sems snang ba la ma gtogs pa mig dang/ gzugs la sogs pa gzung ba dang 'dzin pa'i mtshan nyid kyi don dam pa nyid du med pa ltar 'dod chags la sogs pa yang de dang 'dra'o/ /sems 'di nyid rnam grangs kyis 'dod chags su snang ba 'am/ zhe sdang du snang ba 'am/ de las gzhan pa'i chos su snang ba sna tshogs su snang ba can du 'jug go zhes bya ba ni 'di skad du bshad pa yin te/ 'dod chags la sogs pa'i dmigs pas rnam grangs kyi 'dod chags la sogs par snang ba'i sems skye ba gang yin pa de ni sems nyid sems las byung ba rnam sa dang lhan cig skye ba yin gyi 'dod chags la sogs pa ni ma yin no/ /ji ltar gzugs la sogs pa ngan gzhan du gyur pa? dmigs

  195. 98a

    pa nyid du yod pa med pa ma yin pa ltar 'dod chags la sogs pa yang de dang 'dra ste/ ji skad du slob dpon gyi zhal snga nas kyis/ rnam par rig pa tsam la sems kyang sems gzhan gyis dmigs par yod pa ma yin no/ zhes bshad pa lta bu'o/ /cig car dad pa dang brtson 'grus la sogs pa'i rnam pa ste/ rnam pa sna tshogs can du 'jug go zhes bya ba ni 'di nyid kyi sems las 'byung ba dag yod kyi de dag sel ba ni ma yin no/ zhes bya ba shes te/ sems las byung ba dag yod de dag gi rnam par skye bas rnam pa sna tshogs nyid srid kyi med par ni ma yin no/ /gal te sems kho na rnam grangs kyis skye ba na sems las byung ba zhes bya bar 'gyur ro zhe na/ sems las byung ba dag med par gang zhig cig car sna tshogs kyi rnam pa nyid du 'gyur ro/ /de lta bas na sems las byung ba dag ni yod do/ /nyon mongs pa dang dge ba'i gnas skabs kyi sems la snang ba yod pa dang/ med pa zhes bya ba ni sems las byung bar snang ba nyid yod pas yod pa'o/ /de ma gtags pa gzhan gzung ba dang 'dzin par gyur pa'i chos dag med pas na med pa'o/ /gang dag sems las byung ba yod par mi 'dod pa de dag gi ltar na ni tshigs su bcad pa dag gis don go bar zad do/ /mtshan gzhi ni mtshon par bya ba yin pas mtshan gzhi'o/ /mtshan nyid ni ngo bo nyid gsum mo// de bas na mtshan gzhi dang mtshan nyid 'di ni las lta bu yin la/ mtshon pa ni byed pa po lta bu yin te/ 'di ltar des mtshan gzhi dang mtshan nyid de mtshon par byed do zhes 'chad par 'gyur ro/ /sems ni ltar bcas gang yin dang/ zhes bya ba la/ sems zhes smos pas ni gnyis su snang ba'i sems gzung par snang ba dang/ /'dzin par snang ba bzung ste/ de la sems ni rnam par shes pa dang gzugs sogs zhes 'byung bas so/ /lta ba na sems las byung pa'i chos rnams so zhes bya ba ni

  196. 98b

    gsal ba'i phyir thams cad lta ba yin par tha snyad gdags so/ /de'i rnam par rig pa rtag tu de bzhin du 'jug pa'i phyir ro zhes bya ba ni nam mkha' la sogs pa'i rnam par rig pa la 'gyur ba med pas rtag pa'o/ /bag chags de las kyang zhes bya ba ni bag chags la gnas pa'i brjod pa de las kyang zhes bya ba'i tha tshig go /tha snyad la mi mkhas pa rnams la don du snang ba gang yin pa'o/ /zhes bya ba ni byis pa chung ngu rnams la'o/ /brjod pa'i don gyi 'du shes med par shes bya ba ni byis pa chung ngu la sogs su pa la bum pa zhes bya ba'i sgras ni brjod par bya'i don lto yangs pa dang/ mgrin pa phra ba gang yin pa brjod do/ /zhes bya bar bye brag tu rtogs pa de med de/ brjod pa'i don gyi 'du shes med bzhin du ci zhig tu rnam par rtogs par byed do/ /brjod pa ji lta ba bzhin du don du 'du shes pa zhes bya ba ni bum pa la sogs pa'i mngon par brjod pa ci 'dra ba'i sems las byung ba mtshan ma 'dzin pa'i bdag nyid ni 'du shes so/ /sems las byung ba zhes smos pas ni lhas byin zhes bya ba lta bu mi gsal ba yin no/ /'du shes de'i dmigs pa sngon po dang ser po dang skyes pa dang bud med la sogs pa gang yin pa de ni rgyu mtshan yin te/ rgyu mtshan nges 'du shes de 'jug go /de ltar na tha snyad la mkhas pa 'am tha snyad la mi mkhas pa brtag par bya ba bum pa la sogs pa don gang yin pa dang rgyu gang las yin zhes bya ba ni bag chags gang las yin pas te/ de dag ni kun brtags pa'i mtshan nyid yid pa la rig par bya'o/ /gal te ming ji lta bar don du snang ngam zhes ba la sogs pa ni gang zhig don ming gi ngo bo nyid kho na yin pa 'am/ ming don gyi ngo bo nyid kho na yin pa'i/ ming don gyi ngo bo nyid yin par kun rtogs par byed pa ste/ gang dag ming dang don dag glo bur ba nyid yin par bsams nas don ming gi rang

  197. 99a

    bzhin yin pa 'am/ ming don gyi rang bzhin yin par rtog par byed do/ /gnas su snang ba zhes bya ba ni sa la sogs par snang ba ste/ kun gzhi rnam par shes pa gnas kyi rnam par rig pa la dang snang ba nyid du ston to/ /don du snang ba zhes bya ba ni gzugs la sogs pa yul rnams so/ /lus su snang ba ni mig la sogs pa dbang po rnams so/ /yod pa dang med pa de dag tha mi dad pa'i phyir yod pa dang med pa mnyam pa nyid kyang yin no/ /zhes bya ba ni de bzhin nyid ni sangs rgyas nyid yin pas ji skad du sangs rgyas nyid la 'jug pa'i thabs kyi skabs nas/ med pa gang yin de nyid ni/ yod pa yi ni dam pa yin zhes bshad pa lta bu ste/ kun brtags pa'i mtshan nyid gnyis pa med pa gang yin pa de nyid de bzhin nyid yod pa yin la/ de bzhin nyid yod pa gang yin pa de nyid kun brtags pa'i mtshan nyid med pa yin no/ /rnal 'byor gyis ni zhi gnas dang lhag mthong zung du 'brel pa'i lam ste/ de yang rnam pa lnga'o/ /me long lta bu ni sems kyi dbyings la gnas pa'i ting nge 'dzin te/ gong du ming la gnas par bshad pa gang yin pa nyid do/ /zhes bya ba gong du ji skad bshad ce na/ sems ming la gnas pa'i phyir bsgoms pa las byung ba'i shes pa rnyed par reg par bya ste/ gnyis mi dmigs pa las rnyed pa las ji skad bshad pa lta bur gnyis mi dmigs pa'i phyir ro zhes bshad de/ gzung ba dang 'dzin pa mi dmigs pa'i phyir ro zhes bya ba'i tha tshig go /'di ni mthong ba'i lam gyi gnas skabs yin no/ /rten ni gnas gzhan du gyur pa'o zhes bya ba ni med pa yin pa'i phyir rten smos kyis/ tshigs su bcad pa las ni rten smos pa med do/ /rnal 'byor gyi sa thob pa 'dis mnyam pa nyid du 'gyur ba la sogs pa yin no/ /rnal 'byor gyis nges mtshan gzhi lnga dang mtshan nyid de mtshon par byed do/ /mtshan gzhi

  198. 99b

    de gang zhe na/ gzugs dang/ sems dang/ sems las byung ba dang/ sems dang ldan pa ma yin pa'i 'du byed dag dang 'dus ma byas shes bya ba rnam pa lngas bshad pa yang yin pa'o/ /mtshan nyid ni kun brtags pa dang/ gzhan gyi dbang du yongs su grub pa'i mtshan nyid rnams so/ /mtshon bya ni rnam pa lnga yin pas gzhi dang skyed pa dang me long lta bu dang snang ba dang rten gyi bye brag gis tha dad pa lam rnam pa lnga'i ngo bo nyid du rig par bya ste tshogs dang sbyor ba dang mthong ba dang bsgom su dang mthar thug pa'i lam gyi ngo bo nyid go rim bzhin no/ /mtshon pa shes rab kyi ngo bo nyid des mtshan gzhi dang mtshan nyid de mtshon par byed de/ thos pa dang bsams pa dang/ bsgoms pa la sogs pa'i rims kyis yang dag par shes par byed do/ /zhes bya ba'i don to/ /mnyam pa nyid du 'gyur ba ni zag pa med pa'i dbyings na zhes bya ba ni/ zag pa med pa'i dbyings na dmigs par bya ba dang/ dmigs par byed pa mnyam pa dang mnyam pa'i ye shes thob pa'i phyir 'gyur ro/ /de nyid kyi phyir ro/ /de nyid kyi phyir mjug thogs su/ 'phags rigs shin tu dri med pa zhes bshad do/ /de ltar na rnal 'byor gyis rnam pa lnga po 'di zhes bya ba'i mnyam pa nyid du 'gyur ba la sogs pa dang bcas pa'o/ /sa bon gzhan du gyur pa'i phyir/ gnas don lus su snang ba dag /gzhan du gyur pa zag med dbyings/ de ni rten kun 'gro ba can/ /zhes bya ba ni tshigs su bcad pa 'di las dbyings zhes bya ba'i sgra rkang pa gsum pa'i dang po nas 'byung ba zag pa med pa zhes bya ba'i sgra rkang pa gnyis pa nas 'byung ba dang lhan cig sbyar bar bya ste/ ji skad du/ gzhan du gyur pa zag med dbyings zhes bshad pa yin no/ /gnas dang don dang lus su snang ba'i rnam par shes pa rnams gzhan du gyur pa zhes bya ba la/ gnas ni rten yin pas gnas smos pas rten du gyur pa sa la sogs pa bzung ste/ de dag gzhan las gyur pa zhes bya ba'i tha tshig

  199. 100a

    go /gzugs la sogs pa don gyi rnam par rig pa dang mig la sogs pa lus kyi rnam par rig pa gzhan du gyur pa ni zag pa med pa'i dbyings yin no/ /yid dang 'dzin dang rnam par rtog /gyur phyir zhes bya ba ni dbang rnam pa bzhi 'thob po zhes bya bar sbyar ro/ /nyon mongs pa can gyi yid gzhan du gyur na rnam par mi rtog pa gang la dbang thob ste/ 'di ltar gong du/ yid ni gzhan du gyur pa na/ /'byor dang mthun spyod mi rtog pa'i/ /ye shes shin tu dri med la/ /'byor pa dam pa thob par 'gyur/ /zhes bshad pa yin no/ /'dzin pa gzhan du gyur na zhing la dbang 'byor ba thob ste/ 'di ltar don bcas yid ni gzhan du gyur pa na/ /ji ltar 'dod bzhin longs spyod dag /bstan phyir zhing ni dag pa la/ /'byor ba dam pa 'thob par 'gyur/ zhes bshad pa yin no/ /rnam par rtog pa ni yid kyi rnam par shes pa'o/ /de bzhin du gyur na ye shes dang las la dbang ba nyid 'thob ste/ ji skad du rnam rtog gzhan du gyur na ni/ dus rnams rtag tu ye shes dang/ /las rnams kun la thog med la/ /'byor pa dam pa thob par 'gyur/ /zhes bshad pa lta bu yin no/ /bdag med pa rnam pa gnyis po de yang mnyam par shes nas zhes bya ba la/ bdag ces bya ba'i sgra ni kun brtags pa'i gang zag la sogs pa la yang blta bar bya'o// chos rnams kyi ngo bo nyid la yang blta bar bya ste/ me ni tsha ba'i ngo bo nyid do zhes bya ba tsha ba'i bdag nyid do zhes bya ba'i tha tshig go /de ni ji ltar kun brtags pa'i gang zag bdag med pa ltar kun brtags chos bdag med par shes te/ de ltar bdag med pa rnam pa gnyis shes so/ /'di ni 'dzin pa tsam mo zhes bya ba la/ tsam zhes bya ba'i sgra ni don gsal ba'i phyir te/ /phyi rol gyi don dang bral ba 'dzin pa tsam sems las byung ba tsam mo zhes bya ba'i tha tshig go /de kho na nyid rnam par rig pa tsam

  200. 100b

    zhes bya ba ni ji ltar rnam par rig pa tsam de kho na nyid yin zhe na/ 'di ltar rnam par rig pa tsam nyid la zhugs na bzod pa'i gnas skabs na gzung ba'i don dmigs par 'gyur la de yang de kho na'i don gyi phyogs gcig la zhugs pa dang ldan pa'i ting nge 'dzin yin pas de kho na nyid ces bya'o/ /sngon gyi tshogs kyi stobs kyis so zhes bya ba ni tshe rabs gzhan dag la bsod nams dang ye shes kyi tshogs yang dag par bsgrubs pa gang dag yod pa yin pa'o/ /ming tsam du mthong bar 'gyur ro/ /zhes bya ba ni mngon par brjod pa tsam du ste zhes bya ba mngon par brjod pa ni yid kyi brjod pa tsam zhes bya ba'i don te/ de nyid kyi phyir 'jug thogs su don dang bral bar ro zhes bshad do/ /don med na de'i rnam par rig pa mi mthong ba'i phyir ro/ /zhes bya ba ni gzung ba'i don med na 'dzin pa yang mi mthong pas so/ /bdag tu lta ba'i zhags pas zin pa zhes bya ba ni bdag tu lta bas bcings pa zhes bya ba'i don to/ /bdag tu lta ba'i 'ching ba de ni gnas ngan len yin te/ len ces bya ba'i skad kyis dbyings 'di ni len par byed pa'i don la 'byung ngo/ /sems de ni ji lta ji ltar phyin ci log tu gyur nas bdag tu lta ba len pa de lta de ltar 'gro ba lnga'i 'khor ba na sdug bsngal mang po la brten par 'gyur ro/ /de ltar na ngo bo nyid med pa rnam pa gsum po 'di ni 'dus byas kyi mtshan nyid gsum po 'di dang sbyar bar rig par bya'o zhes bya ba la 'dus byas kyi mtshan nyid ni gsum ste/ skye ba dang 'jig pa dang gnas pa gzhan du 'gyur ba'o/ /'dus byas kyi mtshan nyid gsum po 'di ni/ dus gsum dang sbyar bar bya ste/ rang med pa'i phyir ngo bo nyid med pa zhes bya ba ni ma 'ongs pa'i dus nas chos rnams ma byung ba las 'byung ba gang yin pa de ni skye ba yin gyi grangs can pa rnams kyi ltar gtso bo las yod pa kho na skye ba ma yin no/ /rang gi bdag nyid ni med pa'i phyir ngo bo nyid med pa zhes bya ba ni chos 'gags pa de dag grangs can pa rnams kyi ltar

  201. 101a

    mi snang bar gyur cing rang gi ngo bor gnas pa ni ma yin no/ /de'i phyir yang ngo bo nyid med pa yin te/ 'di ni 'dus byas kyi mtshan nyid gnyis 'jig pa yin no/ /rang gi ngo bo la mi gnas pa'i phyir zhes bya ba ni skyes pa skad cig las phyin chad mi gnas pa'i phyir te/ de ltar byung ba rnams skad cig las phyin chad gnas pa ni med do/ /de'i phyir yang ngo bo nyid kyi med de/ 'di ni 'dus byas kyi mtshan nyid gsum pa ma yin no/ /'dzin pa bzhin ni de med phyir/ zhes bya ba ni ji ltar byis pa rnams chos rnams la rtag pa dang bde ba dang gtsang ba dang bdag tu 'dzin pa 'am/ ji ltar gzugs la sogs pa'i chos rnams la/ gnyis su mngon par zhen par 'dzin pa de ltar med pa'i phyir ngo bo nyid med de/ de skad du bcom ldan 'das kyis/ chos kun gal te byis pa yis/ /ji ltar rnam brtags mthong ba bzhin/ /de dag yod par gyur na ni/ /thams cad de nyid mthong bas 'gyur zhes bshad pa lta bu yin no/ /phyi ma phyi ma'i rten yin pas/ /ngo bo nyid ni med pa yis/ /skye med 'gag med gzod nas zhi/ /rang bzhin mya ngan 'das pa grub ces bya ba ni snga ma snga ma phyi ma phyi ma'i rten yin te/ gzhi snga ma ngo bo nyid med pa ni phyi ma ma skyes pa'i rten yin no/ /ji ltar ngo bo nyid med pas grub ce na/ ji ltar rang med pa'i phyir dang/ rang bdag nyid du med pa'i phyir dang/ rang gi bdag nyid du med pa'i phyir dang/ rang gi ngo bo la mi gnas pa'i phyir dang 'dzin pa bzhin du de med pa'i phyir ngo bo nyid med pa de bzhin du rang ma skyes pa'i phyir dang/ rang gi bdag nyid du ma skyes pa'i phyir dang/ rang gi ngo bo la mi gnas pa'i phyir zhes bya ba de lta bu la sogs pa'i rim kyis ngo bo nyid med pa la brten nas chos rnams ma skyes pa yin no/ /gang dag ma skyes pa de dag ni ma 'gags pa yin no/ /byis pas kun brtags pa'i ngo bo nyid ma skyes pa dang/ ma 'gags pa gang yin pa de ni gzod ma nas zhi ba yin no/ /de lta bas na

  202. 101b

    ma skyes pa dang ma 'gag pa'i gzhi de dag kho na la brten nas gzod ma nas zhi ba nyid 'grub ste/ 'du byed skye ba dang 'gags pa g.yen skyo ba sog le bsregs pas gshags pa lta bur mi bzad pa lcags kyi gar bu rab tu 'bar bas reg pa lta bus rab tu ma zhi ba rnams ni 'phags pa rnams kyis mchog tu yid byung bar bya ba yin la/ skye ba dang 'gag pa spangs pa bdud rtsi'i dbyings ni 'phags pa rnams shin tu dgyes pa yin pas so/ /gzod ma nas zhi ba de nyid la brten nas chos thams cad rang bzhin gyi yongs su mya ngan las 'das pa yongs su grub pa'i mtshan nyid yin par rig par bya ste/ gang zhig gzod ma nas zhi ba de ni rang bzhin gyis yongs su mya ngan las 'das pa rab tu skyid pa'i mtshan nyid yin gyi/ 'phags pa rnams kyi lam bsgom pas yongs su mya ngan las 'das par bya ba ni ma yin no/ /de ltar na ngo bo nyid med pa la sogs pa 'di dag ni phyi ma phyi ma'i rten yin pas 'grub par rig par bya'o/ /thog ma ni 'khor ba la ste de thog ma skye ba med do/ /zhes bya ba ni gang dag 'khor ba thog ma dang ldan par rtog par byed pa'i 'khor ba'i thog ma kun brtags pa de la mi skye ba'i chos la bzod pa thob pa ste/ 'khor ba ni thog ma med pa can yin gyis/ 'di la dang po 'byin pa dbang phyug la sogs pa ni 'ga' yang med do/ zhes da ltar bzod pas/ de'i phyir 'khor ba la skye ba med par bzod pa thob pa zhes bya'o/ /de nyid dang gzhan nyid ni snga ma dang phyi ma rnams la sde zhes bya ba de'i ngo bo nyid ni de nyid do/ /'khor ba na chos gang dag sngar skyes pa de dag nyid skye ba ni med de/ de'i ngo bor mi skye ba'i phyir ro// zhes bya ba ni chos sngar skyes pa rnams de'i ngo bo nyid kho nar mi skye bar bzod pa'i phyir bzod pa thob pa zhes bya'o/ /phyis ma 'ongs pa'i dus nas skye ba gang dag yin pa de dag kyang sngon med pa mi skye ste/ phung po dang khams dang skye mched la sogs pa chos

  203. 102a

    grags pa gang dag yin pa kho na skye'i/ sngon med pa'i sems can 'byung ba ni med pas gzhan dag kyang sngon med pa skye ba med par bzod pa'i phyir bzod pa thob pa zhes bya'o/ /gzhan gyi dbang la ni rang skye ba med par bzod pa'i phyir ro/ /yongs su grub pa la ni gzhan du 'gyur ba med par bzod pa'i phyir te/ 'dus ma byas yin pa'i phyir de la gzhan du 'gyur bar skye ba med do/ /zad pa shes pa thob pa'i dgra bcom pa la kun nas nyon mongs pa skye bar mi blta'o/ /zhes de ltar bzod pa'i phyi skye ba med pa la bzod pa thob pa zhes bya'o/ /theg pa gcig pa nyid yongs su tshol ba la chos kyi dbyings mtshungs pa'i phyir dang/ bdag med pa mtshungs pa'i phyir dang/ rnam par grol ba mtshungs pa'i phyir ro/ /de la chos kyi dbyings mtshungs pa'i phyir zhes bya ba ni nyan thos la sogs pa'i chos kyi dbyings ni mtshungs te/ nam mkha' bzhin no/ /nam mkha' la ni gang du yang mi mtshungs pa med pa ltar chos kyi dbyings kyang de dang 'dra'o/ /bgrod par bya bas na theg pa yin pas so// zhes bya ba ji ltar na bgrod par bya ba yin zhe na/ 'di ltar chos kyi dbyings la brten cing chos kyi thob nas nyan thos la sogs pa la nyan thos la sogs pa'i chos 'byung bar 'gyur bas so/ /bdag med pa 'dra bas na zhes bya ba ni 'gro ba po'i gang zag nyan thos gang dag yin pa de dag kyang bdag med la/ sangs rgyas bcom ldan 'das kyang bdag med de/ de'i phyir bdag med pa mtshungs pa nyid kyis gang zag la theg pa nye bar brtags pa'i phyir theg pa gcig pa nyid do/ /'gro bas ni theg pa ma yin pas so zhes bya ba ni rnam par grol ba la tha dad du bya ba med pas rnam par grol ba la theg pa nye bar brtags pa'i phyir te/ ngo bo nyid sgrub pas so/ /rigs tha dad pa'i phyir theg pa gcig pa nyid ces bya ba ni rigs nges pa tha dad pa'i phyir dang ma nges

  204. 102b

    pa'i rigs tha dad pa'i phyir te/ ma nges pa'i rigs can gang dag yin pa/ de dag nyan thos kyi spyod pa spyad nas de nas dus phyis dge ba'i bshes gnyen sangs rgyas dang byang chub sems dpa' dang phrad pa'i sgo nas nyan thos kyi spyod pa por te/ theg pa chen pos nges par 'byung ngo/ /de pas na nyan thos kyi spyod pa spyad pa rnams theg pa chen pos nges par 'byung bas theg pa gcig pa nyid de/ rigs la theg pa nye bar btags pa'i phyir ro/ /bsam pa gnyis thob pa'i phyir theg pa gcig pa nyid de/ sangs rgyas rnams kyis sems can thams cad la bdag nyid kyi dgongs pa brnyes pa'i phyir zhes bya ba ni byang chub sems dpas sa dang po thob pa'i dus na sems can rnams la bdag dang gzhan mnyam pa nyid kyi bsam pa thob pa gang yin pa de sangs rgyas kyi gnas skabs na shin tu rnam par dag par 'gyur te/ bdag gang yin pa de nyid sems can rnams yin no snyam pa'i phyir ro// nyan thos de'i rigs su nges pa sngon byang chub kyi tshogs bsags pa rnams zhes bya ba ni nyan thos kyi rigs can sngon byang chub sems dpa' i spyod pa spyad pa rnams te/ nyan thos kyi rigs su nges pa'i phyir byang chub sems dpa' i spyod pa bor nas nyan thos nyid du nges par 'byung ba de dag la sangs rgyas bcom ldan 'das rnams kyis 'di dag ni sngon byang chub sems dpa' i spyod pa la spyad pa yin no zhes bya bar rnam par gzigs te/ thob pa gang zhig sangs rgyas dang rgyud tha mi dad par mos pa nyid kyis 'thob par 'gyur ba sangs rgyas kyi dgongs pa thob pa la sbyor bar mdzad do/ /de bzhin gshegs pa'i nges bzung ba'i khyad par phyogs pa tsam thob par bya ba'i phyir zhes bya ba ni sangs rgyas kyi dgongs pa thob pa gang zhig rgyud tha mi dad par mos pa'i sgo nas thob pa'i dgongs pa thob pa de phyogs tsam zhig thob kyi dus gtan du thob pa ni ma yin no zhes bya ba'i tha tshig go /phyogs tsam thob par bya ba'i phyir zhes bya ba ni de'i tshed kyi bzhi pa yin te/ sangs rgyas bcom ldan 'das rnams sangs rgyas kyi dgongs pa thob pa 'dzin du 'dzud pa

  205. 103a

    mdzad do/ /de bas na sangs rgyas bcom ldan 'das de'i nyan thos rnams bsam pa gcig pa nyid rnyed pa'i phyir theg pa gcig pa nyid do/ /mthar thug pa'i phyir yang theg pa gcig pa nyid de/ gang phan chad bgrod par bya ba med pa de ni theg pa yin pas sangs rgyas nyid kho na theg pa gcig pa yin no/ zhes bya ba ni dper na/ sgra ngan rgya mtshos klas pa can/ /gzhu bdud mi ni ji snyed pa/ /gzhu mchog can gyi gnan? ni/ /bud med yin par shes par gyis/ /zhes bya ba lta bu ste/ 'di skad du/ pho ni de gcig kho nar zad kyis de las rtsal che ba gzhan na med do/ /zhes smras pa yin no/ /de bzhin theg pa thams cad kyi mthar thug pa ni theg pa chen po yin te/ de'i phyi rol na theg pa khyad par can gzhan med pas theg pa gcig pa nyid do/ /nyan thos kyi rigs can ma nges pa gang dag yin pa'o zhes bya ba ji ltar na nyan thos kyi rigs can yin la ma nges pa yin zhes kyang bya zhe na/ de dag ni nyan thos kho na yin no/ /'o na ci zhe na/ ma nges pa'i rigs can dag cig nyan thos kyi spyod pa la spyad pas na de'i phyir nyan thos kyi rigs can zhes bya ste/ byang chub sems dpa' i rigs can ma nges pa dag la yang de bzhin du sbyar bar bya'o/ /yang ci'i phyir sangs rgyas dang byang chub sems dpa' rnams kyis ma nges pa'i rigs can dag yal bar bor/ gang gis na nyan thos kyi spyod pa la rab tu sbyor gyi byang chub sems dpa' i spyod pa la ma yin zhe na/ gnas skabs nges pa'i phyir btang snyoms su 'jug go /gnas skabs der ma byin par ma nges pa'i rigs can rnams byang chub sems pa'i spyod pa la spyad par ni mi nus te/ ji skad du 'phags pa ma khol gyi zhal snga nas kyi/ 'di ni g.yang sa'i yul gyi mur ma phyin par nor can nyid mi 'gyur zhes bya ba la sogs pa bshad pa lta bu yin no/ /nyan thos ma nges pa yang rnam pa gnyis te/ theg pa'i don mthong ba dang theg pa'i don ma mthong ba'o/ zhes bya ba ni bden

  206. 103b

    pa mthong ba dang bden pa ma mthong ba'o/ zhes bya ba'i don to/ /'phags pa'i lam de skye bar bsgyur ba ni bsam gyis mi khyab ste/ zhes bya ba ni/ 'phags pa'i lam gyi skye ba la sdang ba yin na ji ltar skye bar sgyur bar byed ce na/ de ni bden na de 'phags pa'i lam kho nas skye ba ni ma yin no/ /'o na ci zhe na/ nyon mongs pa lhag ma ma spangs pa rnams kyis te/ sangs rgyas bcom ldan 'das rnams ni nges pa'i rigs can gyi nyon mongs pa de dag la sangs rgyas nyid thob par bya ba'i phyir ci nas kyang lhag mthong lhur len cing thar pa la smon pa'i lam 'dor zhing 'khor ba la mngon du phyogs pa snying rje bsgom pa'i lam la sbyor ba de ltar 'doms la/ snying rje'i dbang gis na 'phags pa'i lam srid pa la sdang ba de ci nas kyang srid pa la rgyab kyis phyogs te mi gnas pa dang mya ngan las 'das pa la gzhol bar mi 'gyur ba dang/ sems can gyi don du yang dang yang du skye ba len pa de ltar nges par byed de/ de ltar na skye bar bsgyur ba yin no/ /de nyid kyi phyir skye ba de ni bsam gyis mi khyab par bsgyur ba yin no/ /gcig ste 'dod chags dang ma bral ba gang yin pa de ni smon lam gyi dbang ji ltar 'dod pa bzhin du skye ba 'dzin to/ /zhes bya ba ni bsam gyis mi khyab pa'i skye ba yongs su 'dzin pa'i sgo nas yin gyi/ las dang nyon mongs pa'i dbang gi skye ba ni ma yin no/ /zhes bya ba'i tha tshig go /de ni 'dod chags dang ma bral ba yin te/ gang dang gang du sems can gyi don mthong ba de dang der skye bar smon lam 'debs so/ /'dod pa las 'dod chags dang bral ba gang yin pa ni phyir mi 'ong ba dang ldan pa'i stobs kyis zhes bya ba ni bsam gtan gyi stobs kyis zhes bya pa'i don te/ bsam gtan gyi stobs kyi sprul pa rnams sprul nas de dag tu skye ba kun du bstan pas sems can gyi don byed do/ /bden pa mthong ba 'dod chags dang bral ba'i don ma byas pa slob pa gang yin pa de zhes bya ba ni slob pa dang 'dod chags dang ma

  207. 104a

    bral ba ste/ 'dod pa na spyod pa'i lha tshe ring po rnams kyi nang du skye la/ 'dir ni bstan pa nub par 'gyur ba dang de'i 'og tu shis phos nas sangs rgyas med pa'i dus su skyes te bsam gtan gyi don du brtson par 'gyur ro/ /ci'i phyir bsam gtan gyi don du brtson zhe na/ sprul pa don du gnyer bas te/ de ni sngon 'phags pa'i lam thob pa'i stobs kyis 'dod pa'i khams kyang rnam par sun 'byin par byed la de'i sems yul dag la yang mngon par mi dga' o/ /de nas sngon goms pa'i stobs kyis slob dpon med par 'phags pa'i lam mngon sum du byed cing bsam gtan dag skyed par byed do/ /de nas rdzu 'phrul gyi rkang pa bzhi bsgoms pas rang gis lus yun ring po gnas par bya ba'i phyir sprul par byed de/ 'di ni de'i rang bzhin sangs rgyas kyi gnas skabs yin no/ /tshogs yongs su rdzogs par bya ba'i phyir sprul pa gzhan dang gzhan dag kyang sprul te/ de nas rim gyis shes bya'i sgrib pa spangs nas bla na med pa yang dag par rdzogs pa'i byang chub 'thob po/ /me'i dpe zhes bya ba ni dper na lci ba'i me las rtsa'i mer 'gyur la/ rtswa'i me las shing gi mer 'gyur ba ltar zhes bya ba yin no/ /gang gi tshe sngon bden pa mthong ba'i gnas skabs dang/ gang gi tshe sangs rgyas med pa'i dus su bdag nyid kyis yongs su bsam gtan bskyed nas skye ba'i lus bor te zhes bya ba ni 'dis dus 'di srid cig thub po zhes bya ba ste/ rdzu 'phrul gyi rkang pa bzhi bsgoms pas gnas skabs de bor nas sprul ba'i lus yongs su 'dzin to/ /de'i 'og tu bla na med pa byang chub 'thob po/ /rten la de rjes su dran pa yid la byed pa zhes bya ba ni de dag rjes su dran pa ni de'i rjes su dran pa ste/ pha rol tu phyin pa rjes su dran pa zhes bya ba'i tha tshig go /rjes su dran pa zhes bya ba'i sgras ni mthong ba'i bya ba ston te/ de nyid kyi

  208. 104b

    phyir 'grel pa byed pas rten du gyur pa byang chub kyi sems yang dag par rjes su mthong ba dang/ zhes bshad do/ /yang na pha rol tu phyin pa rnams kyi rten ni byang chub kyi sems so/ /pha rol tu phyin pa'i rten du gyur pa byang chub kyi sems de yang dag par rjes su mthong ba dang zhes bya bas ni dran pa shes rab dang bcas pa ston te/ shes rab kyis byang chub kyi sems yang dag par rjes su mthong zhing dran pas bshad ma thag pa'i rigs yang dag par rjes su dran zhing ngo/ /ji ltar byang chub pa ni pha rol tu phyin pa'i de kho na nyid thugs su chud pa ste/ de nyid kyi phyir mjug thogs su/ /ji ltar mngon par rdzogs par sangs rgyas pa dang/ zhes bya ba la sogs pa smos so/ /mthu rnam pa bzhi yang dag par mthong nas dga' ba'i phyir ro zhes bya ba la/ mthu ni stobs so/ /mthu stobs med par sems can gyi don bya ba mi 'grub pas kun nas nyon mongs pa med pa'i thabs de kho na nyid kyi don rtogs pa la mos nas mthu stobs dang ldan pa'i yid la byed pa yongs su tshol te/ mi mthun pa'i phyogs spong ba la sogs pa mthu yid la byed pa rnam pa bzhi'o rnam par smin pa dang rgyu mthun pa'i 'bras bu 'byin pa nyid do/ /zhes bya ba ni sbyin pa'i pha rol tu phyin pa'i rnam par smin pa ni dbang phyug go /tshul khrims kyi pha rol tu phyin pa ni bde 'gro'o/ /bzod pa'i pha rol tu phyin pa ni 'khor to/ /brtson 'grus kyi pha rol tu phyin pa'i ni las kyi mdza' grub pa nyid do/ /bsam gtan gyi pha rol tu phyin pa ni gnod pa chung ngu nyid do/ /shes rab kyi pha rol tu phyin pa'i ni rig pa'i gnas thams cad la mkhas pa'o/ /rgyu mthun pa'i 'bras bu ni sbyin pa la sogs pa gong du bya ba kun tu spyod pa gang yin pa'o/ /sems can dang rang gi sangs rgyas kyi chos yongs su smin pa las brtsams te zhes bya ba ni sems can yongs su smin pa las brtsams pa dang/ rang gi sangs rgyas chos yongs su smin pa las brtsams pa ste/

  209. 105a

    sems can yongs su smin par bya ba la sems can thams cad kyi log par bsgrub pas skyo ba med la/ rang gi sangs rgyas kyi chos yongs su smin par bya ba la phyi dang nang gi sdug bsngal 'bab pa thams cad kyis skyo ba med de/ sgrub pa rnam pa bzhi yid la byed pa la mdo'i tshig bzhi ste/ sdig pa thams cad 'chags so/ /bsod nams thams cad kyi rjes su yi rang ngo/ /sangs rgyas thams cad la gsol ba la 'tshal lo/ /bdag gi ye shes bla na med par gyur cig ces bya ba yin no/ /rab tu dang ba yid la byed pa'o/ /zhes bya ba ni dad pas mos pa dang bcas pa yongs su bzung ngo/ /chos de nyid la mi smos pa'i tshul gyis zhes bya ba la/ mi smod pa ni mi spong pa ste/ pha rol tu phyin pa zhes bya ba'i chos la gus pas yang dag par nod cing len ces bya ba'i tha tshig go /yid la byed pa gsum po 'di dag kho na rjes su ston pa dang sbyar bar bya'o zhes bya ba ni go cha dang smon lam dang mngon par dga' ba yid la byed pa rnams te/ 'di ltar de bzhin bsgrub dang yang dag pa'i// gdams ngag rjes su ston pa dang/ /zhes 'byung ba'i phyir bsgrub pa'i 'og tu gdams ngag rjes su ston pa yin pas so/ /gdams ngag gi don du go cha gyon par byed/ smon lam 'debs/ mngon par dga' ste/ a la la bdag gis 'doms pa por 'gyur ro/ /sangs rgyas bcom ldan 'das rnams kyang bdag la 'doms par 'gyur ro/ /snyam nas mngon par dga' o// //gdams ngag rjes su ston pa'i skabs kyi 'og tu thabs dang ldan pa'i las kyi skabs yin pas de'i phyir de yid la byed pa'i 'og tu sbyin pa'i pha rol tu phyin pa'i skabs so/ /sbyin pa'i sbyin pa zhes bya ba la/ sbyin pa ni dge ba'i phung po lnga'o/ /sbyin pa'i ngo bo nyid de dag gis gang gi tshe gzhan la nang dang phyi'i sbyin pa sbyin par byed pa ni/ sbyin pa sbyin

  210. 105b

    pa yin no/ /yang na nang dang phyi'i nor dang 'bru la sogs pa gang yin pa de ni sbyin pa zhes bya'o/ /de ni sbyin pa'i phyir sbyin pa sbyin pa yin no/ /tshul khrims la sogs pa'i sbyin pa ni gang gi tshe gzhan gyi rgyud la tshul khrims la sogs pa 'jog pa 'am ston pa'o pha rol tu phyin pa dag kho nas bsdu ba'i dngos po'i sbyor bas sems can yongs su smin pa la zhes bya ba ni spro ba yid la byed pa zhes bya bar sbyar te/ nam zhig na bdag bsdu ba'i dngos po dag gi sems can rnams yongs su smin par byed pa gang yin pa der 'gyur snyam nas/ de nas pha rol tu phyin pa dang ldan pa'i sbyin pas sems can rnams rjes su 'dzin to/ /snyan par smra ba ni pha rol tu phyin pa ston pa kho na yin no/ /don spyod pa ni pha rol tu phyin pa yang dag par len du 'jug pa'o/ /don mthun pa nyid ni gang la gzhan yang dag par lan du 'jug pa de la bdag rjes su 'jug pa'o/ /lhag ma rnams kyis bsgrub pa'i mchod pa dang zhes bya ba ni tshul khrims dang/ bzod pa dang/ brtson grus dang/ bsam gtan dang/ shes rab kyi pha rol tu phyin pa dag gis sgrub pas mchod pa'o/ /sbyin pa la sogs pa sgrub pas byams pa zhes bya ba la/ byams pa ni bde ba dang phrad par 'dod pa ste/ byang chub sems dpa' ni bde ba dang 'dod pa 'ba' zhig tu ma zad kyi bde ba dang sbyor bar yang byed do/ /ser sna la sogs pa dang 'grogs pa'i sems can rnams la snying rje ba zhes bya ba la/ snying rje ni sdug bsngal dang bral bar 'dod pa'i rnam pa'o/ /ser sna la sogs pa dang 'grogs pa ni sems can rnams kyi sdug bsngal gyi rgyu yin pa'i sdug bsngal te/ de'i phyir sems can ser sna can rnams la snying rje'o/ /snying rje 'ba' zhig tu ma zad kyi ser sna 'dor du yang 'jug go /de dag la kun nas nyon mongs pa med par mos pa'i sgo nas btang snyoms su byed ces bya ba ni sems can bde ba dang ldan pa rnams ni sems can

  211. 106a

    'di dag bde ba la sogs pa la rjes su 'chags par ma gyur cig /de 'phrog par byed pa rnams la ni kun nas nyon mongs pa khong khro bar ma gyur par btang snyoms su gyur cig ces de dag la kun nas nyon mongs pa med par mos par byed do// sbyin pa la sogs pa ma byas pa 'am/ yongs su ma rdzogs pa 'am log par byas pa dag la zhes bya ba ni mi byed pa ni sbyin pa la sogs pa la mi 'jug pa gang yin pa'o/ /yongs su ma rdzogs par byed pa ni chos kyi sbyin pa dang/ zang zing gi sbyin pa dang/ mi 'jigs pa sbyin pa dag las gang yang ru ba zhig la/ 'jug pa dang/ gang la 'jug pa de yang yongs su rdzogs par mi byed pa'o/ /log par byed pa ni bcos pa byed pa gang yin pa'o/ /ngo tsha nas ni 'jug pa ldog par bya ba'i phyir yun mi ring bar 'gyod pa byed do/ /zhes bya ba la/ yun ring po ni rtag tu rjes su 'brel pa'o/ /gang gi tshe sbyin pa la sogs pa ma byas pa la 'gyod pa na rgyun chags su rjes su 'brel par 'gyod par ni mi byed de/ 'di ltar rgyun chags par 'gyod na dge ba la 'jug pa nyid du yang 'gyur ro/ /de bas na sbyin pa la sogs pa ma byas pa'am/ ngan par byas pa gang yin pa de la yud tsam zhig byang chub sems dpa' sbyin pa la sogs pa mi byed pa 'am ngan par byed pa 'am byed pa ni rigs pa ni ma yin no/ /snyam du sems la bsams nas de'i 'og tu sbyin pa la sogs pa ma byas pa 'am yongs su rdzogs par ma byas pa dag la 'gyod pa bzlog pa'i phyir ma byas pa gang yin pa de la ni bya ba'i phyir 'jug la/ rdzogs par ma byas pa gang yin pa de la ni rdzogs par bya ba'i phyir rtag tu bya ba dang gus par byas te 'jug go /sbyin pa la sogs pa log par byas pa dag la ni phyin chad sogs pa mi 'jug go zhes log par byed pa ldog par byed do/ /de ltar na 'di'i 'gyod pa de ldog go /yul la dga' zhes bya ba ni sbyin pa la sogs pa yul la

  212. 106b

    ste/ sbyin pa la sogs pa dmigs pa la zhes bya ba don to/ /pha rol tu phyin pa dang ldan pa'i bstan bcos 'god par mngon par 'du byed pa'i phyir ro/ zhes bya ba ni ji ltar mdo sde rgyan 'di nyid las grangs dang de'i mtshan nyid go rim dang/ zhes bya ba'i rim pa pha rol tu phyin pa 'god pa mngon par 'du byed pa ltar pha rol tu phyin pa rnams 'god par mngon par du byed pa yin no/ /snod ji lta ba bzhin du brjod pa zhes bya ba ni kha cig ni sbyin pa'i pha rol tu phyin pa'i chos bstan du rung gnas shes rab kyi pha rol tu phyin pa'i chos bstan du rung ba'i bar yin no/ /rten ni sbyin pa la sogs pa yin gyi/ /dbang phyug la sogs pa ma yin pa'i phyir zhe bya ba ni phyi rol tu phyin pa ma gtogs par dbang phyug la sogs pa ni rdzogs pa'i byang chub kyi rten du mi 'gyur ba'o/ /ser sna la sogs pa la ni skyon nyid du so so yang dag par rig la/ sbyin pa la sogs pa ser sna la sogs pa'i gnyen po la ni yon tan nyid du so so yang dag par rig go /sbyin pa la sogs pa byang chub kyi phyogs dang mthun pa'i ngo bo nyid kyis byang chub chen po 'thob pa'i don du yang dag par mthong ba'i phyir zhes bya ba la/ byang chub chen po ni byang chub sems dpa' rnams kyi rnam par mi rtog pa'i ye shes te/ pha rol tu phyin pa 'di dag bsgoms pa na byang chub chen po de'i phyogs dang mthun pa'i ngo bor gnas so/ /tshogs kyi 'og tu yang byang chub kyi phyogs dang mthun par bsgom pa 'byung ste/ 'di dang ldan pa'i yid la byed pa ni don chen po yin no/ /rnam par mi rtog pa 'dod pa yid la byed ba ni pha rol tu phyin pa yongs su rdzogs par bya ba'i don du thabs la mkhas pa 'dod pa'i phyir ro/ zhes bya ba ni pha rol tu phyin pa yongs su rdzogs par bya ba'i thabs ni rnam par mi rtog pa'i ye shes te/ de la 'dod pa yid la byed do/ /yang na sbyor ba'i

  213. 107a

    gnas skabs nyid na rtogs pa med cing rnam par rtog pa med par sbyin pa la sogs pa 'jug par 'gyur bar mngon par 'du byed do/ /de nas rnam par mi rtog pa'i ye shes thob nas ni rnam par mi rtog pa kho nar sbyin pa la sogs pa 'jug par 'gyur ro/ /'dzin pa 'dod pa yid la byed pa zhes bya ba ni gzungs kyi dbang du byas nas/ /rnam smin thos la goms pa dang/ /ting nge 'dzin gyi gzungs dag ni zhes bya ba la/ /sogs pa 'byung ba lta bu yin no/ /rkyen dang phrang ba 'dod pa yod la byed pa zhes bya ba ni sbyin pa'i pha rol tu phyin pa la sogs pa yongs su rdzogs par bya ba'i phyir de skye ba thams cad du dge ba'i bshes gnyen gnyen dang phrad pa la sogs pa dang ldan par gyur cig ces rkyen tshogs par smin lam 'debs pa yin no// med pa la yod par 'dzin pa zhes bya ba ni bdag med pa 'am/ kun brtags pa'i chos rnams la yod pa nyid du 'dzin pa ste/ de'i gnyen por stong pa nyid kyi ting nge 'dzin to/ /nyes pa dang ldan pa la yon tan dang ldan pa la yon tan dang ldan pa nyid du 'dzin pa zhes bya ba ni 'khor ba'i nyes pa dang/ ldan pa yin na de rtag pa dang bde ba dang gceng ba la sogs par yon tan dang ldan pa nyid du 'dzin te/ de'i gnyen por smon pa med pa'i ting nge 'dzin to/ /yon tan dang ldan pa la yon tan dang ldan pa ma yin pa nyid du 'dzin pa zhes bya ba ni mya ngan las 'das pa ni yon tan thams cad phun sum tshogs pa yin no/ /de la byis pa thams cad pa'i 'jigs pas yon tan dang ldan pa ma yin par 'dzin to/ /'du byed de thams cad ni sdug bsngal ba'o/ zhes bya ba ni zag pa dang bcas pa kho na ste/ thams cad ces bya ba'i sgra phyogs gcig brjod pa yin par blta'o/ /chos thams cad ni bdag med pa'o zhes bya ba ni zag ba dang bcas pa dang zag pa med pa

  214. 107b

    dang/ 'dus byas dang 'dus ma byas rnams te/ thams cad ces bya ba'i sgra 'dir ni ril brjod pa yin par blta'o/ /ngo mtshar la 'du shes rnam pa bzhi yid la byed pa ni pha rol tu phyin pa rnams la rgya che ba'i 'du shes dang zhes bya ba ni 'di la ngo mtshar tsha ba de ci zhig ce na/ re zhig sbyin pa'i pha rol tu phyin pa la ni rang gi lus gtong ba ngo mtshar che'o/ /tshul khrims la ni sdom pa'i phyir phun sum tshogs pa rgya chen po gtong ba ngo mtshar che'o/ /bzod pa la ni mthu med pa dag la bzod pa ste/ ma rabs bkren pa gdol pa'i bu la sogs pas lan cig ma yin par gnod pa byas kyang du gcig pa la byams pa bzhin du bzod pa ngo mtshar che'o/ /bsam gtan la ni bde ba'i bdag nyid kyi bsam gtan dag la yang ro myang ba med pa ngo mtshar che'o/ /shes rab la ni mi rtog pa ngo mtshar che ba ste/ de ltar na 'di dag ni ngo mtshar che ba nyid kyis rgya che ba yin no/ /yun ring ba'i 'du shes zhes bya ba ni de ltar ngo mtshar che ba nyid kyis rgya chen po'i pha rol tu phyin pa rnams kyang bskal pa grangs med pa gsum du kun tu spyod de/ 'di yang ngo mtshar che ba yin no/ /sems can gang dag la pha rol tu phyin pa rnams kyis phan 'dogs par byed pa yang lan la re ba med pa 'di yang ngo mtshar che ba yin no/ /rnam par smin pa la mi lta ba'i 'du shes so/ /zhes bya ba ni sbyin pa la sogs pa tshe phyi ma'i dbang phyug la sogs pa la mi lha'o/ /ngo mtshar med pa la yang 'du shes rnam pa bzhi yid la byed de zhes bya ba la/ ngo mtshar med pa rnam pa bzhi ni pa rol tu phyin pa rnams rgya che ba dang yun ring ba nyid yin na ni 'bras bu sangs rgyas nyid mngon par 'grub pa dang zhes bya ba ni rgyu 'di lta bu'i 'bras bu sangs rgyas nyid yin no zhes bya ba la ngo mtshar che ba med do/ /gnyis po de nyid yod na zhes bya ba ni rgya che dang yun ring ba nyid do/ /rang dang gzhan la

  215. 108a

    sems mnyam par 'jog pa gang yin pa de ngo mtshar che ba med do/ /zhes bya ba ni byang chub sems dpa' ni sems can phal ba bzhin du gnod pas rang gi don bsgrubs pa 'am/ gzhan la mi lta bar bdag nyid kho na'i don byed pa ma yin gyi 'di ltar de ni rang gi lus yongs su gtong ba la sogs pa byed la/ rang gi lus yongs su gtong ba la sogs pa de yang bskal pa mi nyung bar kun tu spyod de rgya che ba dang yun ring ba nyid 'dis rang dang gzhan la sems mnyam par 'gyur pa la ngo mtshar che ba med do/ /de dag pas khyad par du 'phags pa zhes bya ba ni sems can skye bo sdug bsngal bar gyur pa dag pas khyad par du 'phags pa ste/ /brgya byin la sogs pa ni byang chub sems dpa' sems can sdug bsngal par gyur pa gang dag la sbyin pa la sogs pas phan 'dags par byed pa de dag las bltos na khyad par du 'phags pa yin no/ /brgya byin la sogs pa las mchod pa rnyed du zin kyang lan la mi lta na/ gang dag la sbyin par bya ba nyid kyang med pa'i sems can sdug bsngal bar gyur pa rnams la lta smos kyang ci dgos zhes bya ba la ngo mtshar che ba med de/ gang zhig brgya byin la sogs pa ches khyad par du 'phags pa yang lan la mi blta ba de ji ltar skye bo gzhan la yang lan re bar 'gyur ro/ /'jig rten thams cad la mngon par 'phags pa'i lus dang longs spyod 'thob tu zin kyang rnam par smin pa la mi lta ba nyid do/ /zhes bya ba ni gang zhig sbyin pa la sogs pa'i 'bras bu dbang phyug la sogs pa'i bdag nyid mi 'dod bzhin du 'jig rten thams cad las mngon par 'phags pa'i lus kyang 'thob la/ longs spyod rnam pa sna tshogs kyang 'thob pa de rnam par smin pa las mi lta'o/ zhes bya ba 'di ni ngo mtshar che ba med do/ /snyoms

  216. 108b

    pa yid la byed pa ni sbyin pa la sogs pas sems can thams cad la mnyam pa nyid 'jug par mngon par 'du byed pa'i phyir ro/ /zhes bya ba ni byang chub sems dpa' i sbyin pa la sogs pa'i bya ba la zhugs pa la ni 'di snyam du sems can 'di dag ni gnyen po la sogs pa ste/ bdag la byams pa yin pas 'di dag ni sbyin pa la sogs pa rab tu sbyin par bya'o/ /'di dag ni gnyen po ma yin te/ byams pa ma yin pa 'di dag la ni rab tu sbyin par mi bya'o snyam du sems pa'i ma snyoms par 'gyur ba med do/ /'o na ci zhe na/ khyad par med par sems can thams cad la sbyin pa la sogs pa la 'jug go /bdag nyid chen po mthong ba yid la byed pa ni pha rol tu phyin pa rnams la sems can la phan pa nyid du yang dag par mthong ba'i phyir ro/ /zhes bya ba ni sbyin pas ni sems can rnams dge ba bya ba'i snod nyid la 'god par byed do/ /'di ni sbyin pa'i pha rol tu phyin pa'i phan pa nyid yin no/ /tshul khrims kyi pha rol tu phyin pa'i phan pa nyid ni gzhan dag sdom pa la sogs pa tshul khrims gsum la 'god pa yin no/ /bzod pas phan pa nyid ni gnod pa byed pa la bzod pa yin no/ /brtson 'grus kyis ni don byed par gyur ba nyid yin no/ /bsam gtan gyis ni mthu'i khyad par dang ldan pa'i phyir dang par byed pa yin no/ /shes rab kyis ni the tshom can rnams kyi the tshom gcod pa yin no/ /lan re yid la byed pa ni gzhan dag la sbyin pa la sogs pa'i yon tan la 'jug pas so/ /zhes bya ba ni gal te gzhan dag la sbyin pa la sogs pa rab tu sbyor na de ltar na de dag gis byang chub sems dpa' la lan du phan gdags par 'gyur ro/ /smon pa yid la byed pa ni sems can dag la pha rol tu phyin pa rnams gsum du smon pa'i phyir te zhes bya ba ni/ rtag tu 'phel dang nyams pa dang/ /sems

  217. 109a

    can rab tu smin pa dang/ /sa la khyad par 'gro ba dang/ /bla na med pa'i byang chub 'dod/ /ces 'byung ba lta bu yin no/ /rgyun tu yid la byed pa ni sbyin pa la sogs pas dus don yod par byed par mngon par 'du byed pa'i phyir ro/ zhes bya ba ni/ 'dzag spangs yang dag bskyed pa dang/ the tshom dag ni gcod pa dang/ zhes bya ba lta bu la sogs pa lta bus dus don yod par byed par mngon par 'du byed do/ /yang dag pa'i sbyor ba yid la byed pa ni phyin ci ma log par bsgrub pa yid la byed pa dang/ tshu rol tu mi gnas pa'i yid la byed pas de ston par byed de/ ji skad du 'phags pa dkon mchog brtsegs pa'i mdo las/ rnam par smin pa la re ba med pa'i sbyin pas zhes bya ba la sogs pas ji srid kyis thob par bya ba'i don mthar phyin pa de srid du phyin ci ma log pa'i sbyor bas rab tu sbyor ro/ /ji srid du thob par bya ba'i don de ma thob pa de srid du rnam pa gang gis kyang tshu rol tu mi gnas so zhes 'byung ba lta bu ste/ yang dag pa'i sbyor ba yid la byed pa ni de lta bu yin par rig par bya'o// ma dad pa zhes bya ba ni pha rol tu phyin pa ltar bcos pa las ma dad pa zhes bya bar sbyar ro/ /yang dag pa la ni dad pa ste/ re ba med pa'i sbyin pa dang/ yang srid pa mi 'dod tshul khrims dang/ zhes bya ba la sogs pa 'byung ba lta bu yin no/ /dang du mi len pa yid la byed pa zhes bya ba ji ltar na dang du len par mi byed ce na/ 'di ltar ser sna la sogs pa mi mthun pa'i phyogs 'dul bar mngon par 'du byed pas ste/ mi mthun pa'i phyogs de dag ci nas kyang yang mi 'byung ba de ltar 'dul bar byed do/ /dga' ba yid la byed pa ni rnam pa gnyis te/ pha rol tu phyin pa yongs su rdzogs pa lung bstan pa thob par dga' ba yid la byed pa dang zhes bya ba ni/ gang zag dus kyi bye brag gis/ blo ldan lung bstan rnam pa gnyis/ /byang chub dang ni lung bstan par//

  218. 109b

    zhes bya ba la sogs pa 'byung ba lta bu yin no/ /dga' ba yid la byed pa ni pha rol tu phyin pa yongs su rdzogs pa lung bstan pa 'thob par byed pa'i ched du ste/ dus 'di srid pa cig na pha rol tu phyin pa rnams yongs su rdzogs par 'gyur ro zhes de ltar lung ston pa'i phyir ro// byang chub sems dpa' la ni lung ston pa de lta bu la dga' ba yid la byed pa 'byung ngo/ /pha rol tu phyin pa nges pa'i sa la gnas pa 'thob par 'gyur snyam du de ltar dga' ba yid la byed pa bskyed pa'o/ /pha rol tu phyin pa rnams nges pa'i sa la gnas 'thob pa ni sa thob pa'i dus nas bzung ste/ blo ldan rnam pa thams cad du/ /phun sum tshogs dang skye ba nges/ zhes bya ba la sogs pa nges par 'gyur ba rnam pa drug 'chad par 'gyur ba lta bu yin no/ /phun sum tshogs pa nges par gyur na rtag tu longs spyod phun tshogs pa rgya chen po thob pa'i phyir ro/ /de bzhin du tshul khrims kyi pha rol tu phyin pa la sogs pa'i'o/ /skye ba la sogs pa nges par 'gyur ba ni ji ltar 'dod pa bzhin du skye ba yongs su 'dzin pa la sogs pa yin par rig par bya'o/ /tshe phyi ma la mthong ba'i phyir 'jug pa yid la byed pa ni byang chub sems dpa' yin phan chad 'gro ba gang du son yang sbyin pa la sogs pa gdon mi za bar bya dgos so snyam du mngon par 'du byed phyir ro zhes bya ba ni byang chub sems dpa' i rigs la gnas pa ni 'di ltar byang chub sems dpa' ni nam yang rung ste/ gdon mi za bar pha rol tu phyin pa rnams la gnas par bya dgos so/ /'di dag la mi gnas phan chad byang chub sems dpa' nyid kyang ma yin no zhes de ltar lta ste/ mchod bslab yang dag blang ba dang/ /snying rje dag pa bsgom pa dang// zhes bya ba la sogs 'byung ba lta bu yin no/ /mnyam pa nyid du blta ba yid la byed pa ni de las gzhan pa'i byang chub sems dpa' rnams bdag dang lhan cig pha rol tu phyin pa rtag du bya bar mos pa'i phyir ro/ /zhes bya ba ni bdag gang yin pa de nyid byang chub

  219. 110a

    sems dpa' gzhan dag kyang yin no/ /zhes mnyam pa nyid du lta ba'i phyir te/ de dag pha rol tu phyin pa rnams la kun tu spyod pa gang yin pa de bdag gis yang yin la/ bdag pha rol tu phyin pa rnams la sbyor ba byed pa gang yin pa de la gzhan dag kyang sbyor ba yin no zhes de ltar mos pa'i phyir rtag tu phyed pa nyid du 'gyur te/ 'di ltar 'jig rten gyi khams mdza' yas mu med pa dag na byang chub sems dpa' rnams skad cig re re rtag tu gus par byas te/ sbyor bas pha rol tu phyin pa rnams la rab tu sbyor ro/ /bdag nyid mchog tu nges par 'dzin pa yid la byed pa ni pha rol tu phyin pa mchog gis chos la zhugs pas bdag nyid gtso bo'i ngo bor yang dag par mthong ba'i phyir ro zhes bya ba ni byang chub sems dpa' gang gi tshe pha rol tu phyin pa rnams la 'jug pa de'i tshe pha rol tu phyin pa rnams la sbyor ba ni 'jig rten gyi chos dge pas gtso bo dam pa yin no/ /zhes pha rol tu phyin pa la sbyor ba mchog nyid du 'dzin to/ /yang na pha rol tu phyin pa rnam pa gsum po dag la chos kyi sbyin pa dang/ zang zing dang mi 'jigs pa sbyin pa rnams kyi nang na ni chos kyi sbyin pa gtso bo yin la/ tshul khrims rnam pa gsum la ni zlog pa'i tshul khrims gtso bo yin no zhes bya ba de lta bu la sogs par ro/ /pha rol phyin bcu'i brgyud byung ba/ /dge ba yid la byed 'di dag? /ces bya ba ni pha rol tu phyin pa bcu dang ldan pa'i phyir brgyud las byung ba zhes bya'o/ /rtag tu byang chub sems dpa' yis/ /kham ni rtas par byed pa yin/ /zhes bya ba ni pha rol tu phyin pa'i rigs rtas par byed pa yin no/ zhes bya ba'i don to/ /chos yongs su tshol ba'i rab tu dbye ba la tshigs su bcad pa gnyis te/ zhes bya ba ni chos yongs su tshol ba'i rab tu dbye ba gang dag yin pa de dag gi dbang du byas te/ tshigs su bcad pa gnyis

  220. 110b

    so/ /thos pa la mos pa brgyas pas so/ /zhes bya ba ni las dang po pa'i gnas skabs na theg pa chen po la mos pa/ /skye ba gang yin pa'o/ /lhag pa'i bsam pa'i ni chos kyi sgo'i rgyun gyis so zhes bya ba la/ bsam pa lhag min lhag pa'i bsam pas te sa dang po thob pa'i dus kyi na'o/ /lhag pa'i bsam pa de ni chos kyi rgyun gyis 'thob ste/ 'di ltar chos kyi rgyun gyi ting nge 'dzin ni mos pas spyod pa'i sa rtser phyin pa las 'byung la de'i mjug thogs su ni sa thob bo/ /de nyid kyi phyir spang pa med pa ni gnyis pa'o zhes 'chad par 'gyur ro/ /chen po ni dbang 'byor pa thob pa rnams kyi 'o zhes bya la/ dbang 'byor pa ni brgyad pa la sogs pa sa chen po la zhugs pa rnams yin no/ /sku dang bcas pa ni mos pas spyod pa ni bsgoms pa las byung ba'o/ /zhes bya ba ni mos pas spyod pa'i gnas skab na'o/ /sa dang po ma thob par ji ltar sku dang bcas pa yin zhe na/ gzung ba dang 'dzin pa'i don 'jig pas cung zad cig thob pa'i phyir sku dang bcas pa yin no/ /sa dang po la sogs pa la ni mthong pa'i lam gyis spang bar bya ba 'jig tshogs la lta ba la sogs pa spangs pa'i phyir dang gnyis su 'dzin pa dang bral ba'i phyir sku thob pa zhes bya'o/ /rgyu nyid kyi chos yongs su tshol ba la tshigs su bcad pa zhes bya ba ni 'di ltar chos yongs su btsal na mtshan dang dpe byang bzang po la sogs pa'i rgyur 'gyur bas so/ /chos ni gzugs la ni mtshan gyi rgyu'o zhes bya ba ni gzugs kyi phung po la mtshan rnams gsal gyi tshor ba la sogs pa gzugs can ma yin pa la ni yin pas/ de'i phyir chos ni gzugs la ni mtshan gyi rgyu'o zhes bshad do/ /gzugs can ma yin pa la ni nad med pa'i rgyu zhes bya ba la chos gzugs can ma yin pa ni sems dang sems las byung ba rnams te/ 'dod chags la sogs pa kun nas nyon mongs pa gang dag gis sems kun nas nyon mongs par byed

  221. 111a

    pa de dag nye bar zhi bar byed pas de'i phyir chos ni nad med pa'i rgyur bshad do/ /de dag zad mi shes pa nyid kyi rgyu yin pa'i phyir mya ngan las 'das par 'du shes zhes bya ba la/ de dag ces bya ba'i sgras ni mngon par shes pa la sogs pa'i nor bzung ste/ sangs rgyas dang byang chub sems dpa' rnams kyi mya ngan las 'das pa la ni rnam pa gang gis kyang zad pa med pas de'i phyir mya ngan las 'das pa bzhin du mngon par shes pa la sogs pa'i nor yang yongs su zad par mi 'gyur ro// 'jig rten ni nor zad pas 'jigs par 'gyur na/ sangs rgyas dang byang chub sems dpa' rnams kyi mngon par shes pa la sogs pa'i nor la ni zad pa med pas de'i phyir 'jigs pa med do/ /rnam par rtog pa ni dang po med pa dang yod par rnam par rtog pa de dag ni gang zag la bdag med pa'i mi mthun pa'i phyogs su gyur pa yin no/ /gnyis pa dag ni chos la bdag med pa'i mi mthun pa'i phyogs su gyur pa yin no/ /gzugs nyid stong pa nyid ces bya ba ni chos dang chos can gzhan ma yin pa'i phyir te/ stong pa nyid gzugs so zhes bya ba yang de dang 'dra'o/ /thabs kyi che ba nyid ni brtson 'grus drag pos nyid kyi phyir zhes bya ba ni brtson 'grus mi dman pa dang ni mi 'khrug pa dang chog par mi 'dzin pas te/ brtson 'grus drag po de yang thab kyis yongs su zin pa yin gyis/ gzu lums kyi brtson 'grus kyis ni ma yin no/ /de bzhin nyid bcas gnyis kyis chos nyid yongs btsal ba/ /zhes bya ba ni kun rdzob kyi bden pa'i chos nyid dang/ don dam pa'i bden pa'i chos nyid do/ /de yongs su tshol ba ni gnyis kyis yongs su tshol ba ste/ 'di skad du kun rdzob kyi bden pa'i chos la mkhas pa dang/ don dam pa'i chos la mkhas pa zhes bshad pa yin no/ /chos yongs su tshol ba'i skabs rdzogs so// //chos yongs su tshol ba'i skabs kyi

  222. 111b

    'og tu chos ston pa'i skabs te/ 'di'i 'brel pa gang yin zhe na/ gong du rnam par gang dag gis de sbyor ba'i sa la slob pa de dag ni slob pa'i rnam pa'i khyad par yin te/ de dag kyang bsam pa'i khyad par la sogs pa'o zhes bshad pa la bsam pa dang sbyor ba'i khyad par dag mos pa yongs su tshol ba'i skabs su bshad zin to/ /da ni gzhan la phan pa bsgrubs pa'i khyad par gyi skabs la bab pas de brjod do/ /ji ltar na gzhan la phan pa bsgrub pa yin zhe na/ gzhan dag la dam pa'i chos yang dag par rab tu ston pa'i phyir te/ de bas na chos yongs su tshol ba'i skabs kyi 'og tu chos ston pa'i skabs yin no/ /chos ston pa la ser sna dag pa'i tshigs su bcad pa zhes bya ba ni ji ltar na chos ston pa la byang chub sems dpa' rnams kyi ser sna'i skabs nyid med pa de ston par byed pa'o/ /byang chub sems dpa' rnams ni snying rjes srog dang/ longs spyod tshogs chen pos rnyed cing zad par 'gyur bas snying po med pa dag kyang sems can sdug bsngal bar gyur pa rnams la sbyin par byed pa na zhes bya ba ni yo byad zad na'ang sdug bsngal bar 'gyur la/ srog zad na yang 'chi bar 'gyur bas gang zhig zad par 'gyur ba de ni sbyin par mi nus kyi/ gang zhig sbyin yang zad pa med pa de la ni sems zhum par mi 'gyur ro/ /chos ni byin yang zad par mi 'gyur gyi/ mar me las mar me 'bar ba bzhin du 'phel bar 'gyur ro/ /longs spyod kyang tshogs chen pos bsgrub par bya ba yin la/ mi nyid kyang yid la smon pa brgya phrag mang pos 'thob te/ gang zhig de ltar tshogs chen pos rnyed pa'i lus dang longs spyod de dag kyang yongs su gtong ba de ji ltar tshegs chen pos rnyed pa ma yin pa chos yongs su gtong bar mi byed/ chos ni srog dang longs spyod dag pas kyang ches shin tu rnyed par dka' bas tshigs su bcad pa'i phyed tsam gyi phyir yang byang chub sems dpa' bdag nyid yongs su btang

  223. 112a

    ste/ ji skad du/ legs gsungs tshigs bcad phyed tsam yang/ /nyid kyi sku yi drin gyis bsgrubs zhes bya ba la sogs pa bshad pa lta bu dang/ ji skad du bdag ni tshigs bcad gcig gi phyir yang bdag nyid tshangs pa'i 'jig rten nas me'i 'o bas su 'dor bar spro'o zhes gsungs pa lta bu'o/ /de lta bas na gang zhig de ltar rnyed dka' ba de la 'di skad du/ rnyed par sla ba zhes ji skad du brjod ce na/ de ni de ltar mi bzung gi /sangs rgyas byung ba nas bzung ste/ ji srid du bstan pa gnas pa de'i bar du ni dam pa'i chos tshegs chen pos rnyed pa ma yin te/ 'di ltar sangs rgyas bcom ldan 'das rnams ni 'dul ba'i skye bo'i tha dad du gshegs shing gshegs nas yul dang dus la sogs pa la bltos te/ sems can dag la ni mi 'dod bzhin du yang ston par mdzad pas de'i phyir tshegs chen pos rnyed pa ma yin pa zhes bya'o/ /chos yangs pa ni theg pa chen po'i chos so/ /gang phyir rang rig chos pas bcom ldan 'das kyis ma bstan ces bya ba ni gang gi phyir chos ni so so rang gis rig par bya ba yin pas/ bcom ldan 'das kyis ma bstan de'i phyir chos bstan pa don med de/ sangs rgyas bcom ldan 'das rnams kyi thugs su chud pa'i chos so so rang gis rig par bya ba'i gnas skabs gang yin pa'i so so rang gis rig par bya ba de ni gzhan dag la bstan par mi nus so/ /me zhes bya ba'i sgras ni me'i rang gi ngo bo brjod par mi nus te/ gal te me zhes bya ba'i sgras me'i rang gi ngo bo brjod na ni me zhes bya ba'i sgras brjod pa'i dus na kha tshig par 'gyur ro zhe na/ tshig gis chos kyi ngo bo nyid brjod par mi nus mod kyi/ 'on kyang sangs rgyas bcom ldan 'das rnams de dang mthun pa'i gtam bsnyad pa chos bstan pas so so rang gis rig par bya ba la gdul ba rnams kyis rtogs pa bskyed par mdzad do/ /de'i phyir 'di skad du/ rigs bshad chos rnams kyis/ skye bo nyid kyis chos la kun nas drangs/ zhes

  224. 112b

    bya ba smos so/ /'di ltar rig par bshad pa'i chos bstan pas 'jig rten nyid kyi chos la kun nas drangs te/ rgyu 'dis na chos bstan pa don med pa ma yin no/ /nyid kyi chos ni bcom ldan 'das kyi bka' ste/ chos bstan pa de la 'god par mdzad do/ /yang na nyid kyi chos ni bstan pa la 'jug pa ste/ zhugs na thos pa dang bsams pa dang bsgom pa'i rim gyis rtogs pa 'thob pas chos bstan pa don med par mi 'gyur ro/ /ji ltar na chos bstan pa don med par mi 'gyur ba ni tshigs su bcad pa gnyis pa'i phyed kyis ston to/ /gal te thos pa tsam gyis don mthong bar 'gyur na bsgom pa don med par 'gyur zhes bya ba la/ gal te mthong ba zhes bya ba ni don rtogs pa gang yin pa zhes bya ba'i tha tshig ste/ gal te don gang zhig rtogs pas mngon sum du bya ba de thos pa tsam kho nas mngon du byed cing rtog par 'gyur na ni de'i phyir bsgom pa don med par yang 'gyur ba zhig na/ gang gi phyir don de bsgom pas mngon sum du byed pa de'i phyir bsgom pa don med par mi 'gyur ro/ /de ltas bde bar gshegs kyi bstan pa gang yin pa de yang don med min/ zhes bya ba ji ltar bstan pa don med par mi 'gyur ba de ni rkang pa tha ma/ gal te ma thos par yang bsgom 'jug 'gyur na bstan pa don med 'gyur/ zhes bya bas bstan te/ mnyam par ni bsgom par 'gyur ro/ /de lta bas na chos bstan pa don med pa ma yin te/ ji skad du chos mngon pa kun las btus pa las/ gnyis ka la brten na gnyi gar gnas par 'gyur ro/ /zhes bshad pa lta bu'o/ /ston pa rnam par dbye ba la tshigs su bcad pa zhes bya ba ji ltar na lus la sogs pas ston pa rnam par dbye ba yin zhe na/ lung las rnam par dbye ba ni 'di ltar byang chub sems dpa' rnams sangs rgyas dag las chos thos nas gzhan dag la ston par byed de/ de lta bas na lung las kyang chos rnam par dbye ba byas pa yin no/ /rtog pa las kyang zhes bya ba ni chos rtogs nas de

  225. 113a

    nyid sems can dag las ston par byed de/ de ltar na rtogs pa las kyang rnam par phye ba yin no/ /gzugs kyang zhes bya ba ni chos gzugs can shing dang sil snyan la sogs pa las chos ston pa 'byung ba gang yin pa'o/ /dam pa'i chos yongs su 'dzin pas ni don sna tshogs kyang rtogs par 'gyur la/ mang du thos pa yang 'phel bar 'gyur te/ de bas na ston rgya chen por 'gyur ro/ /skyes bu dam pa'i las byed pa zhes bya ba ni gal te kha na ma tho med pa'i las byed pas kha na ma thob med pa'i las can sgrub pa la gnas pa zhig chos ston na des na phun sum tshogs par 'gyur te/ de ltar na tshig bzung bar 'os par 'gyur ro/ /chos kyi sbyin pa chen po rnam par 'byed do/ /zhes bya ba ni gzhan dag la rnam par 'byed cing/ / tshig don rgyas par snyod pa yin no/ /rgyags pa dang bral ba ni bstod dam grub na rgyags par mi 'gyur ba'i phyir ro zhes bya ba ni bshad pa nges rangs par byas pa gang yin pas bstod na nga rgyags pa 'am khengs par mi 'gyur la/ gang gi tshe don rtogs par dka' ba gang yin pa de bshad pas gsal bar byed sgrub byed la/ de grub na de 'di snyam du a la la bdag gis don rtogs par dka' ba bsgrubs so/ /snyam du rgyags par mi 'gyur ba yin no/ /mi skyo ba'i dub pa med pa'i phyir ro/ /zhes bya ba la dub pa ni skyo ba yin te/ byang chub sems dpa' chos ston pa la dub pa nyid med pa'i phyir ston pa mi skyo ba zhes bya'o/ /zang zing med pa ni dad pa'i lhag par bya ba don du mi gnyer ba'i phyir ro/ /zhes bya ba ni byang chub sems dpa' ni sems la 'di snyam du 'jig rten gyi chos thos te yi rangs nas rnyed pa dang bkur sti la sogs pas mchod pa byed par 'gyur ro/ /snyam du bsams nas chos ston par mi byed kyi/ 'on kyang zang zing med pa'i sems kyis rnyed pa dang bkur sti la sogs pa don du mi gnyer bar snying rjes

  226. 113b

    chos ston to/ /grong khyer pa'i gsung dang/ snyan cing 'jebs pa dang/ rnam par gsal ba dang/ rnam par rig par byed pa dang/ mnyan par 'os pa dang/ brten pa med pa dang/ mi thun pa med pa dang/ gtugs pa med pas chos ston to/ /zhes bya ba'i mdo'i tshig 'di dag /rgyal sras tshig ni mi zhan pa snyan cing legs bshad grags pa dang/ /zhes bya ba'i tshigs su bcad pa'i tshig 'di dag gi 'grel pa las sbyar bar shes par bya ste/ snyan cing 'jebs pa ni bzang po'o zhes bya ba'i tha tshig go /ran pa ni mi mthun pa med pa ste/ ji ltar mi mthun pa med ce na de ston te/ tshig ran pa la mi skyo ba'i phyir ro/ /'di ltar bshad pa'i tshad nges pa med pa ni 'jig rten dang mi mthun par 'gyur ro/ /mi mthun pa'i phyir skyo ba skye'o/ /de nyid kyi phyir slob dpon gyis 'grel pa las ran pa la mi skyo ba'i phyir ro/ /zhes bstan te/ yi ge mdor bsdus te bstan na dga' bar 'gyur zhing skyo ba mi skye'o/ /yangs pa ni gtugs pa med pa'o/ /zhes bya ba ni tshig 'di la gtugs shing yongs su zad pa med pas gtugs pa med pa zhes bya'o/ /tshig dang yi ge rig pa dang/ 'brel pa dang/ mthun pa dang/ rung ba dang/ 'byor pa dang/ 'phrog pa dang/ mtsham pa dang/ 'grus skyong gi yan lag gi tshogs dag gis/ zhes bya ba'i mdo'i tshig 'di dag gis slob dpon gyi zhal snga nas kyis/ bstan dang de bzhin bshad pa dang/ /zhes bya ba'i tshigs su bcad pa 'di'i 'grel pa las sbyar bar shes par bya'o/ /rtag tu mkhas par skyong ba'i phyir/ /'grus skyong ste slob pa la bya'o/ /der mdor sems dpa' mchog rnams kyi/ /yi ge phun tshogs yin zhes te/ /bder gshegs gsung ni mdza' yas te/ /yan lag drug cu bsam mi khyab/ /byang chub sems dpa' rnams kyi yi ge phun sum tshogs pa de rnam par sbyangs na/ sangs rgyas kyi gnas skabs na gsung rnam pa drug cu dang ldan

  227. 114a

    pa bsam gyis mi khyab par 'gyur ro/ /mnyen pa ni sems can gyi khams kyi dge ba'i rtsa ba ston pa'i phyir ro zhes bya ba ni dper na chu mnyen po rtswa dang gel ba dang/ sman dang nags tshal rnams kyi rtsa ba nye bar ston par byed cing/ de dag nye bar bstan na 'phel zhing rgyas pa nyid du 'gyur ba de bzhin du/ sangs rgyas bcom ldan 'das rnams kyi gsung mnyen pa de thos pa'i sgo nas sems can dge ba'i rtsa ba ma bsags pa rnams dge ba'i rtsa ba bsogs par 'gyur zhing/ de dag nye bar bsags na dge ba'i chos 'phel bar 'gyur ro/ /'jam pa ni mthong ba'i chos kho na la reg na bde ba'i phyir ro/ /zhes bya ba ni dar dang/ ras bal gyi 'dab ma dang/ ga tsa lin di ka'i ras la sogs par 'jam pa'i phyir lus kyi dbang po reg pa tsam kho nas bde ba skyed par byed pa de bzhin du sangs rgyas bcom ldan 'das rnams kyi gsung 'jam po yang mthong ba'i chos kho na la mnyan pa'i dus nyid na bde ba'i rig pa bskyed do/ /yid du 'ong ba ni don bzang po'i phyir ro zhes bya ba ni 'di ltar yid kyis don rnams bye brag tu shes kyi rna ba'i rnam par shes pas ni don nges par gzung bar bya mi nus pas so/ /bdag pa ni 'jig rten las 'das pa gong na med pa'i rjes la thob pa'i phyir ro/ /zhes bya ba ni nyan thos rnams kyang 'jig rten las 'das pa yin mod kyi/ nyan thos rnams kyang 'jig rten las 'das pa yin du zin kyang sangs rgyas dang byang chub sems dpa' la bltos na gong ma dang bcas pa yin no/ /de bas na sangs rgyas rnams kyi bka' ni 'jig rten las 'das pa gong na med pa yin te/ de bas ches gong mar gyur pa'i tshig med pas na 'jig rten las 'das pa gong na med pa zhes bya'o/ /mu stegs can blo gros ngan pa thams cad kyi lta ba 'joms par byed pa'i stobs ni mu stegs can blo gros ngan pa thams cad kyi

  228. 114b

    lta ba 'joms pa'i stobs so/ /stobs nyid yon tan yin pas na stobs kyi yon tan no/ /de dang ldan pa'i phyir stobs kyi yon tan dang ldan pa zhes bya ste/ ldan pa'i phyir snyan cing 'debs pa yin no/ /mnyan par 'os pa ni bsgrub pas nges par 'byung ba'i phyir ro/ /zhes bya ba ni de mnyan pa'i sgo nas nyan pa po sgrub pa dang ldan par 'gyur zhing de'i 'og tu nges par 'byung bar 'gyur ro/ /mi tshugs pa ni phas kyis rgol ba thams cad kyi mi rdzi ba'i phyir ro/ /zhes bya ba ni 'di ltar/ bung ba'i sbrang rtsi gnod byed pa// bdud rtsi lta bu 'dod pa ltar/ /phas kyi rgol ba thams cad kyis/ /rdzi zhing gnod par mi nus so/ /mi rtsub pa ni bslab pa chad pa'i thabs bde ba'i phyir ro zhes bya ba ni bcom ldan 'das kyis bslab pa bca' ba gang yin pa de ni kho na nyid rtogs par byed pa'i thabs bde ba yin gyi/ dge sbyong gcer bu pa'i la sogs pa lta bur gdung ba dang/ yongs su gdung ba dang/ skra 'bal ba dang/ ri dang g.yangs nas mchod pa dang/ me dang chur 'jug pa la sogs pas tshe 'di dang phyi ma'i sdug bsngal nyams su myong bar 'gyur ba ni ma yin no/ /yang na bslab pa'i gzhi 'cha' ba' i dus ni 'di ni khyed la phan par 'gyur ba dang/ bde bar 'gyur ba yin no/ /zhes de skad du snyan par brjod pa'i phyir mi rtsub pa yin no/ /mi brlang pa de las 'das na nges par 'byung ba'i thabs yang dag par ston pa'i phyir ro/ /zhes bya ba ni 'di ltar bslab pa las 'das na nges par 'byung ba'i thabs yang dag par ston pas des phyir mi bslab pa zhes bya'o/ /lus tshim par byed pa ni ting nge 'dzin bskyed pa'i phyir ro zhes bya ba ni 'di ltar zhi gnas kyi lam skyed pas so/ /yongs su gdung ba med pa ni sgrub pa la 'gyod pa med pa'i phyir ro zhes bya ba ni/ de'i tshe de mnyan pa'i sgo nas sgrub pa la sbyor zhing bsgrubs nas mjug tu mngon sum du mthong na

  229. 115a

    'gyod pa med par 'gyur ro/ /kun shes par byed pa ni bsam gyis mi khyab pa'i phyir chos yang dag par ston pa'i phyir ro zhes bya ba la bsam gyis mi khyab pa'i chos ni so sor rang rig par bya ba sa dang pha rol tu phyin pa dang dbang bcu la sogs pa'o/ /yang na chos nyid gang zhig bsams na smyo ba dang/ khrag tu sgyug pa la sogs par 'gyur ba phyi rol gyi dngos po rnam pa sna tshogs 'grub par byed pa'i las ni bsam gyis mi khyab pa yin te/ chos de lta bu la sogs pa ci nas kyang bsam gyis mi khyab pa de dag nyan pa po mngon par mi brtson zhing yongs su spyod par bya ba'i gnas rnams yongs su spong bar 'gyur bar yang dag par ston to/ /zlos pa'i skyon med pa ni don med pa ma yin pa'i phyir zhes bya ba la/ mi rigs pa gang zhe na/ kun tu rmongs pa'o zhes bya ba'i tshig de lta bu dag ni zlos pa'i skyon med pa yin te/ 'di ltar 'dul ba mang po nye bar gnas na la la rnam grangs 'ga' zhig gis go bar 'gyur ro/ /de bas na sangs rgyas bcom ldan 'das rnams ni ston pa don yod par mdzad pa yin no/ /gzhan dag gis so so yang dag par rig pa'i sa bon skyed pa'i phyir/ rnam grangs brjod de/ rnam grangs kyi dgos pa rgyas par ni rnam par bshad pa'i rigs pa las blta bar bya'o/ /glang po che'i sgra skad ni rgya che ba'i phyir ro zhes bya ba la/ glang po che ni glang po che sa bsrung gi bu la sogs pa gzung ngo/ /de dag gi sgra ni rgya che ba dang/ brjid che ba yin no/ /klu'i dbang po'i sgra ni gzung bar 'os pa'i phyir ro zhes bya ba ni klu'i rgyal po rnams ni klu'i gnas dag na tshig mnyan pa yin te/ klu gzhan dag gi tshig las mi 'da' o/ /ka la ping ga'i sgra dbyangs ni rno ba dang 'jig pa'i phyir ro/ /zhes bya ba ni ka la ping ka'i sgra ni zhin par 'jug pa dang/ 'jig pa'i ngang can yin la yid du 'ong ba nyid kyis zhig na/ yang mnyan par bya ba'i dga' ba chen po skye ba de bzhin du sangs rgyas bcom ldan 'das kyi gsung yang nyan pa

  230. 115b

    bo rnams kyi snying la 'bab cing gsung dbyangs zhig na yang de nyan par bya ba'i dga' ba 'byung ngo/ /gzhan dag ni yang dang yang du 'jig pa'i phyir ro/ /zhes bya bar 'don to/ /de dag gi ltar na ba dan bzhin du yang dang yang du 'jig pa yin te/ yang dang yang du gzhan rnam pa sna tshogs 'byung ba'i phyir ro/ /sgra thams cad kyi rjes su zhugs pa ni thams cad lung bstan pa'i mtshan nyid la rnam pa thams cad du rjes su zhugs pa'i phyir ro/ /zhes bya ba la/ thams cad du lung bstan pa zhes bya ba ni nyan thos dang byang chub sems dpa' rnams la bstan pa gang dag yin pa ste/ ji ltar nyan thos rnams skye bar lung ston pa dang ji ltar byang chub sems dpa' rnams sangs rgyas nyid du lung snon pa zhes bya ba de'i sgra la zhugs pa'i phyir sgra thams cad kyi rjes su zhugs pa zhes bya'o/ /tha ba dang bcas pa'i ched ni sems can rnams kyi de dag gi don thams cad bsgrub par byed pa'i phyir ro/ /zhes bya ba ni sems can tha ba can dang bcas pa'i don sgrub par byed pa'i phyir te/ sems can dge ba'i rtsa ba ma bskyed pa rnams ni tha bar gyur pa yin no/ /dge ba'i rtsa ba bskyed pa rnams ni tha bar gyur pa yin no/ /dge ba'i rtsa ba bskyed pa rnams ni tha ba ma yin pa'o/ /de dag gi don thams cad sgrub par byed pa'i phyir tha ba dang bcas pa'i ched ces bya'o/ /sgra thams cad rdzogs par byed pa ni gsung gcig las sgra'i rnam par rig par rnam pa du ma nye bar gnas pa'i phyir ro zhes bya ba ni bcom ldan 'das kyi gsung ngo bo gcig ston pa yin yang gsung gis bsnyad par bya ba lta dang/ klu dang/ gnod sbyin dang/ dri za dang/ lha ma yin dang/ yi dags dang/ ri rgod pa dang/ gdol pa dang/ kla klo la sogs pa gang zhig sgra'i khyad par ji lta bu mngon par shes pa des de kho na bzhin du thos so/ /gcig las don du ma'i rnam par rig pa nye bar gnas pa'i phyir ro/ /zhes bya ba ni gang zhig don gyi rnam par rig pa lta bu la yid ches par

  231. 116a

    'gyur ba de la de bzhin du gcig yin pa la gdul ba thams cad kyi don rtogs pa'i phyir dbang po thams cad tshim par byed pa yin/ yang na dad pa'i dbang po la sogs pa'i don tshim par byed pa yin no/ /ma smad pa ni dam bcas pa ji lta ba bzhin pa'i phyir ro/ /zhes bya ba ni ji ltar dam bcas pa de kho na bzhin du mang pos sgrub par byed pas de'i phyir ma smad pa zhes bya'o/ /mi 'gyur ba ni dus la bab par rab tu sbyor ba'i phyir ro zhes bya ba ni gang zhig dus gang du dge ba'i phyogs la rung bar 'gyur ba de la de'i dus kho nar dge ba'i rtsa ba bskyed pa la sogs pas so sor thar par byed pa'i phyir te/ ji skad du/ la lar zhugs kyang mi gsung la/ /tshe dkar yang ni gsung bar mdzad/ ces bshad pa lta bu yin no/ /brjod 'dogs so/ /rnam par 'byed do// rnam par 'grel to/ /gsal bar byed do/ /ston to/ yang dag par rab tu ston to/ /zhes bya ba'i mdo'i tshig 'di dag slob dpon gyis/ ngag tshig shin tu rigs pa dang/ /snyan du rnam 'byed the tshom gcod/ ces bya ba'i tshigs su bcad pa 'di'i 'grel pa las sbyar bar shes bya ste/ 'dogs pa ni tshig shin tu rigs pa dag gis so zhes bya ba ni rigs pa'i don rjod par byed pa dag gis so/ /'khor gsum gyis dag pa zhes bya ba la/ 'khor zhes bya ba'i sgra ni rnam par dag pa brjod pa yin par blta bar bya'o/ /gang gis ston pa ste/ ngag dang tshig dag dang/ zhes bya ba'i ngag dag pa dang/ tshig dag pa ni 'khor ba dag pa gcig yin no/ /ji ltar ston pa ni bstan pa dang/ rnam par 'byed pa dang/ the tshom gcod pa dang/ lan mang du byed pa dag tu ste bstan pa dag dang/ rnam par 'byed pa dag dang/ the tshom gcod pa dag dang/ lan mang du byed pa dag dang/ dag pa gzhi dag pa gcig tu bya'o/ /'di ltar rnam pa 'di bzhis ston pas 'di ni ston pa dag pa yin te/ de ni 'khor dag pa gnyis pa yin no/ /mgo smos pa dang

  232. 116b

    rnam par spros pa ni go ba rnams la don ston pa'i khor dag pa gsum pa yin te/ gang zhig glengs pa tsam gyis go ba de ni mgo smos pas go ba yin no/ /sangs rgyas bcom ldan 'das chos thog mar dge ba/ bar du dge ba/ tha mar dge ba dang/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba ston to/ /zhes bya ba mdo'i tshig 'di dag /dad dang dga' dang blo rnams kyi/ /rgyu phyir chos ni dge ba yin/ /zhes bya ba'i tshigs su bcad pa 'di las sbyar bar shes par bya'o/ /chos thog ma dang/ bar dang tha mar dge ba yin no zhes bya ba la/ thos pas ni thog mar dge ste/ 'di ltar thos nas 'di la yid ches pa las skyes pa'i mos pa 'byung ste/ thos pa de ni 'di'i mos pa'i rgyu yin no/ /bsams pas ni bar du dge ste rigs pas nges par brtags pa las skyes pa'i shes rab kyis rnam par dpyad na thob par nus pas dga' ba'i rgyur 'gyur ro/ /bsgoms pas ni tha mar dge ba yin te/ sems mnyam par bzhag na yang dag pa ji lta ba bzhin yongs su shes pa'i phyir ro/ /yongs su byang ba ni dri ma rnam par dag pa'i sgo nas zag pa zad pa rnams kyi rgyu rnam par dag pa'i phyir ro/ /zhes bya ba ni sngon zag pa dang bcas pa'i chos dang ldan pas rgyu dri ma dang bcas par gyur pa las zag pa med pa'i chos dang ldan pas dri ma yongs su byang ba zhes bya'o/ /gzhug pa la ldem por dgongs pa ni nyan thos rnams la blta bar bya ste/ bstan pa la 'jug par bya ba'i don du mi skrag par bya ba'i phyir gzugs la sogs pa yod pa nyid du bstan pa'i phyir ro/ zhes bya ba ni nyan thos rnams kyi gzugs la sogs pa'i chos rnams yod do zhes chos yod pa nyid du zhal gyis bzhes nas gang zag la bdag med par bzung bar spyod do/ /de lta ma yin na gang zag kyang med pa gzugs la sogs pa'i chos rnams kyang med do snyam nas/ bcom ldan 'das kyis bstan pas dang zhing

  233. 117a

    'jug par mi 'gyur ro/ /de bas na bstan pa la 'jud pa la sogs bltos nas gzugs la sogs yod pa nyid du ston pa mdzad do/ /mtshan nyid la ldem por dgongs pa ni kun brtags pa la sogs pa ngo bo nyid gsum la blta bar bya ste/ zhes bya ba ni gang du med par bshad pa bstan der ni kun brtags pa'i ngo bo nyid du shes par bya'o/ /gang du sgyu ma dang smig rgyu dang rmi lam la sogs pa lta bur bshad pa de ni gzhan gyi dbang gis ngo bo nyid bshad pa yin par shes par bya'o/ /gang du sa dang/ pha rol tu phyin pa dang/ byang chub kyi phyogs dang mthun pa la sogs pa'i chos bshad pa de ni yongs su grub pa'i ngo bo nyid yin par rig par bya'o/ /gnyen po la ldem por dgongs pa ni nyes pa rnams gdul ba la blta bar bya ste/ gang du mi sdug pa bshad pa de ni 'dod chags kyi gnyen por bshad par shes par bya'o/ /de bzhin du ci rigs par zhe sdang la sogs bshad pa ni gnyen por bshad pa yin par khong du chud par bya'o/ /phyin ci log par legs par gnas/ zhes bya ba ni rtag pa dang bde ba dang gtsang ba dang bdag tu 'dzin pa las bzlog ste phyin ci log mi rtag pa la sogs pa la yongs su mi nyams pa'i sgo nas legs par gnas pa yin no zhes bya ba ni bzlog ste gnas pa'i phyin ci log go /mi rtag pa la sogs pa ni rtag pa la sogs pa las bzlog pa yin te/ mi rtag pa la sogs pa de dag la yongs su mi mnyam pa'i sgo nas gnas pa phyin ci log la legs par gnas zhes bya'o/ /yang na phyin ci log la legs par gnas zhes bya ba ni rtag pa la sogs pa la phyin ci log kho na la legs par gnas pa yin no/ /ji ltar legs par gnas she na/ de'i blo la 'di snyam du dngos po rtog pa la sogs pa ni dus rtag tu phyin ci log tu gyur pa kho na yin gyi de dag nam yang phyin ci log tu ma gyur pa ni ma

  234. 117b

    yin no snyam du mi g.yo ba yin no/ /'dod chags spyod pa'i sgrib pa'i gnyen por gsungs pa ni gang du bcom ldan 'das kyis sangs rgyas kyi zhing gi 'byor pa shin tu bsngags pa lta bu'o/ /zhes bya ba ni/ gang dag la khams gsum pa'i 'dod chags mngon par zhen pa khams gsum pas bsdus pa'i phun sum tshogs pa gang yin pa nyid mchog dang gtso bo yin no/ /snyam pa yod pa de'i gnyen por sangs rgyas kyi zhing gi 'byor pa bsngags so/ /nga rgyal spyod pa'i sgrib pa'i gnyen por gsungs pa ni gang du bcom ldan 'das kyis sangs rgyas kyi zhing la la'i phun sum tshogs pa lhag par bsngags pa lta bu'o zhes bya ba la/ nga rgyal gang zhe na/ 'jig tshogs la lta ba la brten nas nye bar len pa'i phung po lnga la sems khengs pa gang yin pa'o/ /lha dang/ klu dang/ gnod sbyin dang/ dri za la sogs pa kha cig bdag ni gzugs dang ldan pa ste/ blta na sdug pa dang ldan pa mthu dang ldan pa yin no/ /bdag pas mthu la sogs pas ches khyad par du 'phags pa gzhan ni med do snyam nas/ gzugs dang mthu dang yangs pa dang dbang phyug la sogs pas sems khengs par 'gyur ro/ /rgyags pas gos pa de lta bu de dag gi sems spang pa'i phyir ro/ /sangs rgyas bcom ldan 'das rnams kyi phun sum tshogs pa ni lha dang mi dang lha ma yin la sogs pa thams cad las khyad par du 'phags te/ bsam gyis mi khyab po zhes sangs rgyas la la'i phun sum tshogs pa lhag par bsngags ste/ des na gzugs dang na tshod dang dbang phyug dang/ rigs pa la sogs pas dregs pa yongs su 'dor bar 'gyur ro/ /'gyod pa'i sgrib pa'i gnyen por gsungs pa ni gang dag sangs rgyas dang byang chub sems dpa' rnams la gnod pa byed pa de dag thams cad ni mtho ris su 'gro bar 'gyur ro/ zhes bya ba de lta bu'o/ /zhes bya ba ni gang dag mi shes pas sangs rgyas dang byang chub sems

  235. 118a

    dpa' rnams la gnod pa byed pa de dag dge ba'i bshes gnyen dang phrad nas 'gyod pa chen po skyes te/ bsod nams phung po 'di lta bu la bdag gis gnod pa byas so snyam nas rtag tu 'gyod pa rgyun chags par kho nar 'gyur zhing/ dge ba'i las la yang mi sbyor/ 'gyod pa'i gnyen po yang mi bsten pas/ de dag gi ched du 'di skad du/ gang dag sangs rgyas dang byang chub sems dpa' rnams la gnod pa byed pa de dag thams cad ni mtho ris su 'gro bar 'gyur ro zhes gsungs so/ /de skad du bshad na de'i tshe sems can de dag 'di ltar sangs rgyas dang byang chub sems dpa' rnams la gnod pa byas pas kyang mtho ris su 'gro bar 'gyur na phan pa byas pas lta smos kyang ci dgos zhes rjes su 'brel ba'i 'gyod pa yongs su 'dor ro/ /de nas gnyen po bsten cing sangs rgyas dang byang chub sems dpa' rnams la bkur sti rnam pa mang po byed par 'gyur ro/ /de bas na gnod par byed pa sngon du 'gro ba'i phan pa byed pas mtho ris su 'gro bar 'gyur bas gnod pas mtho ris su 'gro'o zhes bya ba tha snyad 'thob bo/ /ma nges pa bzlog pa'i sgrib pa'i gnyen por gsungs pa ni de la ma nges pa bzlog pa ni byang chub sems dpa' nges pa rnams theg pa chen po las zlog pa ste/ byang chub sems dpa' ma nges pa'i rigs can gang dag byang chub sems dpa' i spyod pa spyad pa de dag mi dge ba'i grogs po dang phrad pas byang chub sems dpa' i spyod pa de yongs su bor nas nyan thos kyi theg pas mya ngan las 'da' bar 'dod do/ /de dag gi theg pa dman par 'gro zhing ltung ba de ni sgrib pa yin te/ de gnyen por 'phags pa dam pa'i chos pad ma dkar po la sogs pa las theg pa ni gcig kho na ste/ gnyis pa med do zhes theg pa yang gcig tu bshad la/ nyan thos chen po rnams kyang sangs rgyas nyid du lung bstan to/ /nyan thos

  236. 118b

    lung bstan pa dang theg pa gcig bshad pa de thos nas kyang byang chub sems dpa' ma nges pa'i rigs can de dag nyan thos kyi theg pa yongs su bor nas theg pa chen po kho na bsten cing de kho na la sbyor bar byed do/ /rgyu lnga ni gang gis phyin ci ma log par 'chad pa zhes bya ba ni de ltar blo bzang zhes bya ba ni de ltar blo bzang zhes bya ba'i tshig 'dis ston te/ byang chub sems dpa' blo bzang pos phyin ci ma log par 'chad pa yin no/ /yang dang yang du 'chad pa zhes bya ba ni skyo ba med ldan zhes bya ba'i tshig 'dis so/ /zang zing med pa'i sems kyis 'chad pa ni brtse ba can zhes bya ba'i tshig 'dis so/ /tshig bzung bar 'os pas tshad pa zhes bya ba ni snyan par rab grags zhes bya ba'i tshig 'dis so/ /gdul ba dang 'tsham par 'chad pa zhes bya ba ni/ cho ga bzang shes ldan pa yi/ zhes bya ba'i tshig 'dis so// //chos ston pa'i 'og tu sgrub pa'i skabs te/ 'di'i 'brel pa gang yin zhe na/ gzhan la phan pa bsgrub pa ni chos bshad pa yin no/ /bdag la phan pa bsgrub pa ni bdag nyid de'i don spyod pa yin no/ /gzhan dag la chos yang dag par ston pa yang mang du thos pas bya dgos la rang gi don yang sgrub pas bsgrub dgos pas ston pa'i 'og tu sgrub pa'i skabs yin no/ /ji skad du don kun shes shing chos kun shes nas chos dang mthun pa'i chos la zhugs pa yin/ mthun par zhugs pa yin/ mthun pa'i chos la spyod pa yin zhes bya ba mdo'i tshig 'di dag ni sgrub pa rnam par dbye ba la tshigs su bcad pa drug ste zhes bya ba de la mdo'i tshig bzhin du ni tshigs su bcad pa bzhi dang/ go rim bzhin du sbyar ro/ /tshig tha ma mthun pa'i chos la spyod pa yin zhes bya ba 'di ni tshigs su bcad pa gnyis dang sbyar bar bya'o/ /gang zag dang chos la bdag med par shes pa'i ltar rnam pa gnyis yin zhe na/ de ston par byed do/ gzung ba dang 'dzin pa med pa'i phyir ro/ /gang zag kyang gzung ba nyid 'dzin pa nyid du med la/

  237. 119a

    byis pas kun brtags pa'i chos rnams kyang de dang 'dra ba 'di ni bdag med pa rnam pa gnyis yin no/ /gang la shes she na/ med pa dang yod pa gnyis la ste/ de la kun brtags pa'i ngo bo nyid med pa la ni stong pa nyid kyi ting nge 'dzin te/ stong pa nyid kyi ting nge 'dzin gyis kun brtags pa'i gang zag med pa chos med par shes so/ /yod pa la ni smon pa med pa dang/ mtshan ma med pa'i ting nge 'dzin dag yin te/ gzhan gyi dbang po ni smon pa med pa'o/ /yongs su sgrub pa la ni mtshan ma med pa ste/ smon pa med pa'i ting nge 'dzin gyis ni yang dag pa ma yin pa'i kun du rtog pa gzhan gyi dbang zhes bya ba nyes pa mang po skyon can du gyur pa la smon par mi byed do/ /mtshan ma med pa'i ting nge 'dzin gyis ni mtshan ma'i nyes pa thams cad dang bral ba yongs su grub pa'i ngo bo nyid shes so/ ting nge 'dzin gsum po de ji ltar yang dag pa nyid dam log pa nyid ma yin zhe na/ de'i phyir smras pa/ 'jig rten dang 'jig rten las 'das pa'i gnas skabs la bltos pa'i phyir ro/ /de ltar na thos pa dang bsams pa las byung ba'i shes pas don shes pa yin no/ /de ltar don shes pa'i chos thams cad gzings lta bur shes shing zhes bya ba ni 'di skad du bsams pa las byung ba'i shes rab la gus pa skye bar 'gyur gyi/ thos pa las byung ba la ni ma yin no/ /de nyid kyi phyir thos pa tsam gyis chog par 'dzin pa spong bar byed de/ zhes smos pa yin te/ de ltar na chos shes pa yin no/ /zhes bshad pa yin no/ /de ltar thos pa'i gnas skabs dang/ bsams pa'i gnas skabs na so so'i skye bo'i shes pas don dang chos shes nas so so'i skye bo'i shes pa de rnam par dag par bya ba'i phyir chos kyi rjes su mthun pa'i chos sgrub po/ /'di skad du don dang chos de ji lta ba bzhin du thos pa dang bsams pas shes nas de'i 'og tu bsgrub pa ste/ sgom pas chos dang mthun pa'i chos sgrub cing ting nge 'dzin 'thob ste/ de ltar na chos dang mthun pa'i chos

  238. 119b

    la zhugs pa yin no/ /zhes bshad pa yin no/ /'di ni nges par 'byed pa'i cha dang/ mthun pa'i gnas skabs yin te/ de'i 'og tu ni bsgom pa la rab tu sbyor ro/ /rnam par 'jog par byed pa'i ye shes kyis zhes bya ba ni 'jig rten las 'das pa'i rjes la thob pa gang yin rnam par bzhag pa shes nas mthun pa'i gnas skabs yin te/ de'i 'og tu rnam par mi rtog pa'i ye shes kyis sa de yongs su sbyor bar byed cing sa ma thob pa rnams kyang thob par byed de/ de ltar mthun pa'i chos la spyod pa yin no/ /lhan cig spyod pa yis zhes bya ba ni rjes su 'brel par spyod pa ste zhes bya ba rnam par mi rtog pa dang rnam par mi rtog pa'i rjes la thob pa'i ye shes bar du chod pa dang bcas pa dang/ bar du chod pa med par kun du 'byung bas so/ /'khor lo bzhis bag yod pa'i shing rta 'gro bar 'gyur te/ 'khor lo bzhi ni mthun pa'i yul du gnas pa dang/ skyes bu dam pa la brten pa dang/ bdag nyid kyi yang dag pa'i smon lam dang/ sngon bsod nams byas pa nyid do/ /mdo'i tshig 'di dag ni sgrib pa la bag yod par bya ba'i tshigs su bcad pa bzhi dang go rim bzhin du sbyar bar bya'o/ /grogs bzang po ni grogs tshul khrims dang lta ba mthun pa'i phyir ro/ /zhes bya ba ni gal te yul de na rnal 'byor pa de la grogs bzang po tshul khrims mthun pa dang lta ba mthun pa dag yod na de lta na yul grogs bzang po can yin par rig par bya'o/ /rnal 'byor bde ba ni nyin par 'du 'dzi nyung zhing ljan ljin nyung ba'i phyir zhes bya ba la/ rnal 'byor ni zhi gnas dang lhag mthong gi bsdus pa'i lam zung du 'brel bar 'byung ba yin no/ /gal te zhi gnas dang lhag mthong gi mi mthun pa'i phyogs spangs par gyur na de lta na yul de rnal 'byor bde ba can yin te/ des na rnal 'byor pa de yul der sems mnyam par 'jog pa yin no/ /de'i mi mthun pa'i phyogs ni khye'u dang bu mo 'du

  239. 120a

    'dzi dang skye bo khyim pa dang 'dra ste/ de nyin ljan ljin te lang long yin no/ /yang na phyag dar la sogs pa yin no/ /mtshan mo sgra chung ba la sogs pa'i phyir ro zhes bya ba la sogs pa zhes smos pas ni sbrang bu mchu rings dang/ sha sbrang dang/ rlung dang/ nyi ma dang/ sdig sprul la sogs pa shes par bya ste/ sgra ni bsam gtan gyi tsher ma yin pa'i phyir ro/ /de las bzlog na yul rnal 'byor bde ba can yin par bshad pa yin no/ /zhi gnas la sogs pa'i rgyu mtshan dus su bsgom pa zhes bya ba la/ 'di dag dus su bsgom pa gang yin zhe na/ gang gi tshe sems rgod par 'gyur ba de'i tshe zhi gnas kyi rgyu mtshan bsgom pa la rab tu sbyor ro/ /gang gi tshe zhum pa de'i tshe lhag mthong gi rgyu mtshan bsgom pa la rab tu sbyor ro/ /gang gi tshe mnyam par 'dug pa de'i tshe btang snyoms su 'jug go /de ltar na de thabs bzang po can du bstan pa yin te/ yang dag pa'i smon lam dang sbyar ro/ /nges par 'byung ba bzung ba nyid kyis ni gong du bya ba yod pas cung zad tsam gyis chog par mi 'dzin pa yin no/ /sbyor ba zhes bya ba'i sgras ni rtag tu gus par byas te/ sbyor ba nyid ston to/ /dga' ba'i rgyu nyid ces bya ba ni 'dis sngon gyi mi mthun pa'i yul na gnas na yang dga' ba'i rgyur 'gyur ba gang yin pa de lta bu'i rgyu bsod nams byas pa yin nad med pa dang ting nge 'dzin dang shes rab kyi rgyu ni 'dis sngon gang gis na yang dag par 'jog pa'i rgyur 'gyur ba de lta bu bsags pa yin te/ yang dag par 'jog pa ni don thams cad 'grub po/ /ma rig pa dang byang chub kyi chos nyid la de dag la nye bar brtags pa'i phyir ro/ /zhes bya ba ni ma rig pa dang/ byang chub kyi chos nyid gang yin pa'i chos nyid de la ma rig pa gang yin pa de nyid byang chub yin no zhes ma rig pa dang byang chub nye bar brtags te chos dang chos can dag tha mi dad pa'i phyir ro/ /'dod chags la sogs pa de dag kho na la tshul bzhin

  240. 120b

    du 'jug na de dag las rnam par grol bar 'gyur ro zhes bya ba la/ ji ltar tshul bzhin du 'jug ce na/ 'dod chags la sogs pa kun nas nyon mongs pa'i chos rnams ni mi dge ba/ sdug bsngal gyi rtsa ba/ rims nad dang bcas pa/ 'khrug pa dang bcas pa ste/ 'dod chags la sogs pa kun 'byung ba'i bden pa'i gnas lta bu dag yod na skye ba la sogs pa'i sdug bsngal 'byung bas 'di dag ni spang bar bya zhing dor bar bya ba dge ba'i chos rnams kyi mi mthun pa'i phyogs su gyur pa yin no/ /zhes bya bar shes par byas nas tshul bzhin yid la byed pa la sogs pa yang dag par bsgrubs na spong ste des na rnam par grol bar 'gyur ro/ /byang chub dri med yangs pa'i bar du gcod byed yin/ zhes bya ba la/ dri ma med pa ni nyon mongs pa dang shes rab bya ba'i sgrib pa bag chags dang bcas te spangs pa'i phyir ro/ /yangs pa ni shes bya thams cad yul yin pa'i phyir ro/ /gzhan gyi dbang gi sems ni rtag tu rang bzhin gyis 'od gsal bar rung ba ma yin te/ gang gi phyir sems de ni skad cig gcig la 'dod chags dang dad pa la sogs pa gang zag pa dang bcas pa'i chos rnams dang lhan cig skye ba dang 'gag pa nyid kyis kun nas nyon mongs la/ thog ma med pa'i dus nas gang zag pa bcas pa'i chos dang 'brel pa yang yin pa de'i phyir gzhan gyi dbang gis sems ni rtag tu 'od gsal ba nyid du mi 'thad do/ /sems kyi chos nyid ni rtag tu 'od gsal ba ste/ der ni res 'ga' yang 'khor ba'i chos zag pa dang bcas pa dag gis lhan cig skye ba dang 'gag pa'i rim gyi ma rnyogs pa yin no/ /de lta bas na de kho na rtag tu 'od gsal ba nyid du brjod do/ /sems can rnams la phan byed phyir/ /de la chags skyes ltung mi 'gyur/ zhes bya ba la/ byang chub sems dpa' sems can rnams la byams pa gang yin pa ni 'dir 'dod chags su dgongs te/ zhes bya ba ni 'di ltar byang chub

  241. 121a

    sems dpa' sems can rnams la byams shing dga' ba gang yin pa de ni sems can yongs su smin par bya ba'i phyir phan pa yin te/ des na de dag la des byas pa'i ltung ba dgag go /khong khro ba las skyes pa'i ltung ba ni nyes pa med ste/ 'di ltar yid kyi nyes pa ni rang bzhin gyi skyon chags pa yin no/ /de ltar re zhig byang chub sems dpa' rab tu byung ba la sems can thams cad las 'dod chags las skyes pa'i ltung ba rnam par mi bzhag go /byang chub sems dpa' khyim pa'i bu dang chung ma la sogs pa la byams pas byas pa'i 'dod chags gang yin pa de yang ha cang nyes pa mang ba yin te/ 'dod chags kyis ni sems can yongs su gtong ba med la/ khong khro ba ni yongs su gtong ba'i mtshan nyid yin no/ /de lta bas na byang chub sems dpa' la ni khong khro bas byas pa kho na'i ltung ba rnam par bzhag gi 'dod chags las skyes pa ni ma yin no/ /gang gi phyir don byed de/ phyir sgyu sems 'gal zhes bya ba la/ sgyu ni g.yo yin te/ 'di ltar don bsgrub par 'dod la de g.yo dang sgyu dang dor dang thabs la sogs pa gzhan slu bar byed do/ /zhes bya ba de ni 'gal lo/ /ji ltar nad pa sman bzang po kha zhing tsha ba la sogs pa la yang so sor brtags nas 'jug pa de bzhin du byang chub sems dpa' yang 'khor ba la sogs pa rtags nas yongs su mi 'dor bar 'jug go zhes bya bar sbyar ro/ /ji ltar sman pa phan par 'dod pas nang pa la sgrub pa de bzhin du byang chub sems dpa' phan par 'dod pa sman pa lta bu yang sems can nad pa lta bu rnams la bsgrub po/ /ji ltar na jo bo bran ma grub pa la grub par bya ba'i phyir sgrub pa de bzhin du byang chub sems dpa' yang bdag nyid la sgrub par byed de/ sems can la bdag nyid ces nye bar btags so/ /sems can ma grub pa grub par

  242. 121b

    bya ba'i phyir sgrub ste/ ji skad du 'phags pa dkon mchog brtsegs pa las/ 'od srung 'di lta ste/ rta mkhan mkhas pa ni gang dang gang du rta 'brum pa 'am/ mi bsrun par 'gyur ba de dang der de tshar gcod par byed do/ /de bzhin du dge slong rnal 'byor spyod pa yang gang gang kho nar sems 'gyur bar mthong ba de dang de kho nar de char gcad pa'i phyir sgrub ste/ de ni ci nas kyang phyis 'khrug par mi 'gyur ba de lta de ltar sems tshar bcad do/ /zhes gsungs pa lta bu'o/ /de ltar byang chub sems dpa' de bdag nyid la sgrub pa yin te/ 'di ni rang gi sems legs par 'chos pa'i phyir zhes bya ba'i des rnam par bshad do/ /ji ltar tshong ba zong la sgrub pa bzhin te/ tshong pa rnams zong 'di dang bar bya'o zhes dar bar bya ba'i don du zong sgrub par byed/ tshong ba rnams dar bar bya ba'i phyir dang/ bu dang chung ma'i don du sred pas kyang zong sgrub par byed pas de ni 'dir ma sbyar gyi/ 'dir ni dar bar tsam zhig chos mthun pa yin te/ de dang 'dra bar ro/ /yul gzugs dang sgra dang dri dang ro dang reg bya rnams ni 'dod pa zhes bya ste/ ji skad du bcom ldan 'das kyis/ 'dod pa 'dod pa rnams zhes bya ba'i 'dod pa 'di ni yul lnga'i tshig bla dags yin no zhes gsungs pa lta bu'o/ /byang chub sems dpa' ni sems can rnams kyi longs spyod 'phel bar bya ba'i phyir yul de dag sgrub po// ji ltar btso blags mkhan gos la gos dag par bya ba'i phyir sgrub pa de bzhin du byang chub sems dpa' yang lus la sogs pa'i las yongs su dag par bya ba'i phyir bsgrub po/ /yid brtan pa ni 'dir dkor gyi bla ma lta bu ste dkor spyan zhes bya ba'i tha tshig go /ji ltar rgyas po'i dkor spyan gtsang ma rgyal po'i dkor la rnam par gang gis kyang sred pa mi skye rang gir bya bar mi sgom na de lta na 'di yid brtan par 'os pa yin no/ /byang chub sems dpa' yang bsam gtan gyi pha rol tu

  243. 122a

    phyin pa la rab tu sbyor ba ni sred pa'i ro myang ba la sogs pa'i nyes pa dang gral bas rab tu sbyor ro/ /rtag tu brtson 'grus dang ldan pa nyid ni rtag tu rgyun chags pas so/ /brtson 'grus rgya chen po dang ldan pa nyid ni theg pa chen po alas bstan te/ brtson 'grus rgya chen po'i tshul gyis so/ /sgrub pa'i skabs rdzogs so// //sgrub pa'i skabs kyi 'og tu gdams ngag rjes su bstan pa'i skabs te/ de'i 'brel pa gang yin zhe na/ 'di bslab pa'i rnam par bshad par bya ba'i skabs yin no/ /bslab pa'i rnam pa'i khyad par yang mos pa'i skabs nas bzung ste/ gdams ngag rjes su bstan pa'i skabs kyi bar 'di dag yin te/ de la mos pa'i skabs la sogs pa la ni bsam pa dang sbyor ba la sogs pa'i khyad par la sogs rnam par bshad zin to/ da ni rang dang gzhan la phan pa rnam par dag pa'i mthar thug par nges par 'byung ba'i khyad par gyis gdams ngag rjes su bstan pa brtsal ba dang gzhan dag la yang gdams ngag bya dgos so/ /de bas na bsgrub pa'i 'og tu gdams ngag rjes su bstan pa'i skabs yin no/ /de nyid kyi phyir 'og nas de tshe chos kyi rgyun la ni/ sangs rgyas rnams las zhi gnas dang/ /ye shes yangs pa thob bya'i phyir/ /gdams ngag rgya chen rnyed par 'gyur/ zhes 'chad par 'gyur ro/ /bskal pa grangs med nges 'byung zhing/ zhes bya ba ni bskal pa grangs med pa dang po byang chub sems dpa' spyod pa spyad pa zhes bya ba'i tha tshig go /de'i tshe chos kyi rgyun la sangs rgyas rnams las gdams ngag 'thob po zhes bya gdams ngag ji lta bu zhig 'thob ces/ rgya chen po ste/ sar gtogs par btub pa yin no/ /'dis ni nyan thos kyi gdams ngag bsal ba byas pa yin no/ /ci'i phyir 'doms she na/ zhi gnas dang ye shes yangs pa thob par bya ba'i phyir te/ zhi gnas yangs pa thob par bya ba'i phyir

  244. 122b

    dang/ lhag mthong yangs pa thob par bya ba'i phyir ro/ /de nas dang por sdom brtson de/ mdo yi sde la sogs pa'i chos/ /mig gnyis don ni rnam 'byed pa/ zhes bya ba la/ gnyis su med pa'i chos gzung ba dang/ 'dzin pa dang bral ba rnam par 'byed pa ni theg pa chen po'i mdo sde dang/ dbyangs kyis bsnyad pa'i sde la sogs pa yin no/ /sems drug ni rtsa ba'i sems dang/ rjes su spyod pa'i sems dang/ rnam par dpyod pa'i sems dang/ nges par 'dzin pa'i sems dang/ sdom pa'i sems dang/ smon pa'i sems so/ /de la rtsa ba'i sems ni mdo'i sde la sogs pa'i chos rnams kyi ming la dmigs pa gang yin pa ste/ gdams ngag 'thob nas sam/ bdag nyid kyis brtags nas 'di lta ste/ 'di ni sa bcu pa'i mdo sde yin no/ /snyam pa yin no/ la sogs pa zhes smos pas ni tshigs su bcad pa'i sde dang gleng gzhi'i sde la sogs pa bzung ngo/ /rjes su spyod pa'i sems ni gang gi mdo'i sde la sogs pa ming gi sgo nas dmigs pa rnams kyi tshig gi don rjes su 'gro ba'o/ /rnam par dpyod pa'i sems ni gang gis na don dang yi ge dpyod par byed pa'o/ /de la don ni rnam pa bzhis spyod par byed de/ bgrang ba dang/ 'jal ba dang/ rtog pa dang/ so sor rtog pas so/ de la bgrang ba ni grangs 'dzin te/ dper na gzugs kyi skye mched bcu dang/ gcig gi phyogs so/ tshor ba ni tshor ba drug gi tshogs so/ /zhes bya ba de lta bu la sogs pa'o/ /'jam pa ni grangs dang ldan pa'i chos kyi mtshan nyid la sgro 'dogs pa dang skur ba 'debs pa med par 'tsham par 'dzin pa'o/ /rtog pa ni tshad mas rtog pa'o/ /so sor rtog pa ni bgrangs pa dang/ gzhal ba dang brtag pa'i ngan la blta ba'o/ /rnam par dpyod pa'i sems gnyis pa ni yi ge na rnam pa gnyis kyis dpyod par byed de/ yi ge tshogs pa rnams don dang bcas pa nyid dang/ si lta bu rnams don med pa nyid kyis so/ /nges par 'dzin pa'i sems ni

  245. 123a

    gang gis ji ltar rjes su dpyad pas 'am/ rnam par dpyad pa de'i rgyu mtshan nges par 'dzin pa'o/ /sdom pa'i sems ni ji ltar rnam par dpyad pa'i don ni rtsa ba'i sems la bsdus te kun nas sdom pa'i rnam par 'byung ba'o/ /smon pa'i sems ni ting nge 'dzin gyi don tam/ de yongs su rdzogs par bya ba'i don tam/ dge sbyong gi tshul gyi 'bras bu'i don dam/ sa la 'jug pa'i don tam/ khyad par du 'gro ba'i don kyang rung/ gang gi don du rab tu brtson pa de la 'dun pa dang lhan cig 'byung ba'o/ /'di sems kho na dmigs par snang bar 'byung gi /sems la ma gtogs pa'i dmigs pa ni med do zhes sems tsam du shes kyang rung ma shes kyang rung ste/ dmigs pa ni sems yin gyi gzhan ni ma yin pas sems rnam pa drug po dmigs par snang bar rnam par bzhag go /btsal bya zhes bya ba 'dis ni rtog pa dang bcas shing dpyod pa dang bcas pa'i yid la byed pa bshad do/ /tshol ba zhes bya ba 'di ni kun du tshol ba'i rnam par rtog pa'i ming gi rnam grangs yin te/ rtog pa'i mtshan nyid las ji skad du/ rtog pa gang zhe na/ sems pa'am shes rab la brten nas kun du tshol ba yid kyi brjod pa ste/ sems rags pa gang yin pa'o/ /zhes bshad pa lta bu'o/ /'dod chags dang ma bral ba ni/ gang la rtog pa yod pa de la gdon mi za bar dpyod pa yod pas tshol ba zhes bya ba'i sgras gnyi ga yang bsdus so/ /so sor brtag par bya zhes bya ba 'di ni rtog pa med pa la dpyod pa tsam gyi yid la byed pa bstan to/ /so sor rtog pa zhes bya ba'i sgras dpyod pa bstan par ci mngon ce na/ dpyod pa'i mtshan nyid las ji skad du dpyod pa gang zhe na/ sems pa 'am shes rab la brten nas so sor rtog pa yid kyi brjod pa ste/ zhes ji skad du bshad pa lta bu ste/ 'di las mngon no/ /yid la byed pa brjod med pa/ /ro gcig

  246. 123b

    pas kyang dpyad par bya/ zhes bya ba 'dis ni rtog pa yang med dpyod pa yang med pa bstan to chos kyi ming ni bsdoms pa'ang 'di'i zhes bya ba ni ming gang gis bsdoms pa'i chos 'dzin par byed pa sdoms pa'i chos la dmigs pa'i ming la sems nye bar gtong pa yin te/ 'di zhes bya ba'i sgra ni gtong pa 'dren to/ /dmigs pa la ni sems gtang nas/ zhes bya ba ni sems 'jog pa yin no/ /de'i rgyun rnam par g.yeng mi bya/ zhes bya ba ni kun tu 'jog pa yin no/ /rnam g.yeng myur du rtog byas nas/ /de la slar ni blan par bya/ zhes bya ba ni sems nges par gnas pa yin te/ myur du rtog par byas nas zhes bya ba ni myur tu shes par bya ba nas zhes bya ba'i don to/ /de bas na g.yeng ba rtogs par byas nas sems de nges par 'jog par byed do/ /gang gi tshe rnal 'byor ba'i sems de rnam par g.yeng ba de'i tshe// /rnam par g.yeng par g.yeng ba de la skyon du lta bar 'gyur ro/ /rnam par g.yengs na yang sems de dmigs pa de la mi dga' o/ /gnyen po bsgoms par rnam par g.yeng ba dang bral ba'i phyir mi dga' ba de zhi bar byed de/ de bas na zhi gnas kyi rnam par sems gnas pa zhes bya'o/ /de nas de yi lus dang sems/ /shin tu sbyar ba che thob nas/ yid la byed dang bcas shes bya/ /yid la byed pa thob pa zhes bya ba'i tha tshig ste/ de'i tshe rnal 'byor pa de yid la byed pa thob pa zhes bya'o/ /de yid de ni 'phel byas nas/ zhes bya ba ni rnal 'byor pa des yid la byed pa bshad ma thag pa bcu gcig po 'phel bar byas na'o/ /'phel ba ring du 'gro ba yis/ /dngos gzhi'i gnas pa des 'thob bo/ /de nye bsdogs pas dngos gzhi'i bsam gtan la 'jug ste/ de ni dngos gzhi'i gnas pa yin no/ /mngon shes don du gnyer bas de/ /sbyang na las su rung ba'i mchog /bsam gtan la 'thob ces bya ba ni dngos gzhi'i bsam gtan de thob nas/ de'i 'og tu sbyangs na las su rung ba'i mchog thob po/ /gang la 'thob

  247. 124a

    ce na/ bsam gtan la ste/ mngon par shes pa sgrub pa'i bsam gtan la las su rung ba'i mchog 'thob po/ de nas rnal 'byor pa de 'jig rten gyi khams rnams su 'gro'o/ /ci'i phyir 'gro zhe na/ sangs rgyas dpag tu med pa la mchod pa'i phyir dang/ theg pa chen po'i chos mnyan pa'i phyir ro/ /lhag pa'i bsam pa dag pa'i sa ni sa dang po ste/ ji srid du sa de ma thob pa de thob par de mngon par rtogs pa'i sngon rol du lus gnas ngan len gyi lus kun zad par 'gyur ba la sogs pa phan yon lnga 'thob bo/ /'di lus gnas ngan len lus kun/ /skad cig re re la zad 'gyur/ zhes bya ba ni zhi gnas chu lta bu ste/ des gnas ngan len de bul tog gi chus gos kyi dri ma bzhin du lus las 'dag par byed do/ /lus dang sems ni kun tu yang// shin tu spyangs pas gang bar 'gyur/ zhes bya ba ni las dang sems shin tu sbyangs pas rab tu gang ba ste/ gnas ngan len 'dag pa dang/ phan yon 'di gsum ni zhi gnas kyi phyogs dang mthun par rig par bya'o/ /yongs su chad pa med pa dang yang dag pa yi mtshan ma ni/ /ma brtags pa dag rab tu mthong/ zhes bya bas thob pa'i dus na lus las srin bu phyir 'byung bar mthong ba dang/ lus mi gtsang bas sbags pa sbyor bar mthong ba dang/ de lta bu la sogs pa brtags pa ma yin pa'i mtshan ma mthong ba ste/ rgyas par ni 'phags pa blo gros mi zad pa'i mdo chung ngu las mtshan ma kun tu 'byung ba bzhin blta bar bya'o/ /'di dag ni yongs su chad pa med pa dang/ ma brtags pa'i phan yon yin te/ 'di gnyis ni lhag mthong gi phyogs dang mthun par rig par bya'o/ /rang gi mtshan nyid dang spyi'i mtshan nyid du snang bar zhes bya ba la gzugs ni gzugs su rung ba'i mtshan nyid do/ /tshor ba ni myong ba'i mtshan nyid do/ /zhes bya ba de lta bu la

  248. 124b

    sogs pa ni chos rnams kyi rang gi mtshan nyid do/ /chos zag pa dang bcas pa dang/ /chos zag pa med pa rnams dang/ 'dus byas rnams dang/ 'dus ma byas rnams dang/ gzugs can rnams dang/ gzugs med pa ma yin pa rnams zhes bya ba ni chos rnams kyi spyi'i mtshan nyid yin no/ /mi rtag pa sdug bsngal ba la sogs pa yang spyi'i mtshan nyid yin no/ /snang ba zhes bya ba 'di ni chos la nges par brtag pa'i bzod pa'i tshig bla dags so/ /zhes bya ba ni de ltar ji skad bshad pa'i tshul gyis bzung ba'i don rnam sar gzhig pa'i sgo nas chos thams cad sems tsam mo zhes bya bar bzod pa'i phyir chos la nges par rtog pa'i bzod pa zhes bya ste/ de nyid chos rnams kyi snang ba yin no/ /'di dag sems yin par rtogs pa'i phyir de'i tshe de la mnyam par bzhag pa'i gnas skabs na 'di'i sems kho nar zad do snyam pa'i shes pa yang dag pa 'byung ngo/ /gzung ba'i rnam par rtog pa rnam par bshig ste bzung ba med na gang la 'dzin ces de'i 'og tu 'dzin pa'i rnam par rtog pa rnam par 'jig par byed de/ 'dzin 'jig rten pa'i chos kyi mchog gi gnas skabs yin no/ /de nas de ni 'jig rten las/ /'das pa'i ye shes bla med pa/ /rnam par mi rtog dri ma med/ /'dzin pa gnyis pa bral ba 'thob/ /gzung dang 'dzin pa'i rdul dang bral ba'i phyir rdul dang bral pa'o/ /mthong bas spang bar bya ba'i nyon mongs pa spangs pa'i phyir dri ma dang bral ba'o/ /rang dang gzhan gyi rgyud dag la bdag med pa dang sdug bsngal ba dag khyad par med pa'i phyir ro/ /zhes bya ba ni ji ltar bdag med bltar sems can thams cad kyang de dang 'dra la/ ji ltar rang gis bdag nyid kyi sdug bsngal nye bar zhi bar bya dgos pa ltar sems can thams cad kyi yang de dang 'dra bas so/ /rnam pa gcig tu na ji ltar rang gi 'du byed zag pa bcas pa rnams sdug bsngal yin pa ltar sems can thams cad kyi dang de dang 'dra bas so/ /sdug bsngal gyi rnam pa ni rgyu mi

  249. 125a

    rtog pa'i rnam pas 'dren te/ de bas na sdug bsngal gyi rnam pa kho na smos so/ /bdag med pa'i rnam pa ni stong pa nyid kyi rnam pas 'dren te/ de bas na bdag med pa'i rnam pa kho na smos te/ de'i phyir mtshungs pa nyid gnyis kho na smos pa yin no// des ni khams gsum pa'i 'dus byas rnams yang dag pa ma yin pa'i kun tu rtog pa tsam du mthong zhes bya ba ni khams gsum pa ni sems tsam mo zhes bya ba de ltar phyin ci ma log pa ni bsgom pa'i lam la rnam par mi rtog pa'i rjes la thob pa'i ye shes kyis sgyu ma mkhan gyis sgyu ma lta bur gzhan gyi dbang gi ngo bo nyid mthong ngo/ /med pa'i stong pa nyid shes shing/ zhes bya ba ni kun brtags pa'i ngo bo nyid kyi'o/ /de bzhin yod pa'i stong pa nyid dang/ zhes bya ba ni gzhan gyi dbang gi ngo bo nyid kyi ste/ gzhan gyi dbang gi ngo bo nyid ni byis pa phyin ci log gi blo can gzung ba dang 'dzin pa la mngon par zhen pa rnams kyis ji ltar bzung ba de ltar stong ngo/ /rang bzhin stong pa nyid shes nas/ zhes bya ba ni yongs su grub pa'i ngo bo nyid de/ stong pa nyid kyi ngo bo nyid yin pa'i phyir ro/ /stong pa nyid de'i ngo bo nyid de bzhin nyid kyi mtshan nyid gang yin pa'i de bzhin nyid de shes nas so/ /de'i ngo bo nyid kyang gang zhe na/ kun nas brtags pa'i gnyis med pa'i ngo bo gang yin pa sangs rgyas dang byang chub sems dpa' rnams kyi so so rang gis rig par bya ba'i gnas skabs bstan du med cing bsam gyis mi khyab pa rtog ge'i spyod yul las yang dag par 'das pa ste/ ji skad du theg pa chen po bsdus pa las/ chos kyi sku de bzhin nyid kyi mtshan nyid ni bsam gyis mi khyab pa'i mtshan nyid de/ de bzhin nyid de ni 'jig rten na dpe med pa'i phyir dang/ rtog ge'i spyod yul ma yin pa'i phyir so so rang gis rig par bya ba yin no/ zhes bshad pa lta bu dang/ 'phags pa dkon mchog sprin la sogs pa'i mdo las don dam pa bstan pa'i skabs nas ji ltar bstan pa lta bu yin no/ /mtshan

  250. 125b

    med bzhin ni rnam rtog rnams/ /yang dag zad pa yin zhes bya/ zhes bya ba la/ rnam par rtog pa yang dag par zad pa ni rnam par rtog pa 'gags pa'o/ /gang du rnam par rtog pa yang dag par zad pa de ni gzhi zhes bya ste/ ji skad du chos mngon pa kun las btus pa las/ 'gog pa'i bden pa'i mtshan nyid las ji ltar shes par bya zhe na/ gang du 'gog par 'gyur ba de bzhin nyid dang/ gang gis 'gags par 'gyur ba lam dang/ 'gag pa gang yin pa nyon mongs pa mi skye ba'o zhes bshad pa lta bu ste/ de bzhin nyid gang du rnam par rtog pa'i zad pa de ni mtshan ma med pa'i ting nge 'dzin gyi dmigs pa zhes bya'o/ /smon pa med pa'i ting nge 'dzin gyi de/ yang dag pa ma yin kun rtog go /gzhi ste dmigs pa'i zhes bya ba'i tha tshig go /de zhes bya ba'i sgras ni gzhi ste/ dmigs pa gzung ngo/ /sdug bsngal rgyas pa tsam shes zhes bya ba ni 'di ni 'du byed tsam ste kun brtags pa'i gang zag dang chos dang bral ba sdug bsngal rgyas shing rgya che bar shes so/ /sems can thams cad la bdag dang mtshungs pa'i sems rnyed pa'i phyir bdag tu blta ba rnam par mi rtog pa'i ye shes 'thob ste/ de thob pas na sems can thams cad la bdag dang mtshungs pa'i lta ba can du 'gyur ro/ /'di na 'jig rten tshe gcig rang sdug bkur mi nus/ 'jig rten gnas pa srid du gzhan sdug bsngal/ / bsdoms pa smos ci dgos te bsam du med/ ces bya ba ni 'jig rten ni tshe gcig rang gi sdug bsngal bkur bar yang mi nus na/ 'jig rten ji srid pa de srid du rang gi sdug bsngal bkur zhes bya ba 'di la lta bsam du yang med pa nyid do/ /byang chub sems dpa' ni 'jig rten de la de las bzlog pa yin pas 'jig rten srid pa de srid du sdug bsngal bsdoms pa thams cad bkur bar nus te/ byang chub sems dpa' phan pa dang bde ba bzhed pas/ ba be'u le byams pa bzhin du/ sems can de dag byams

  251. 126a

    pas len to/ /de nas 'di ni lhag ma yi/ /sa rnams bsgom pa'i lam 'di la/ zhes bya ba ni sa dang po la yang mthong ba'i lam gyi 'og tu bsgom pa'i lam yod mod kyi/ sa ma lus par yongs su dag pa las sa gnyis pa la sogs pa'i bsgom pa'i lam gang yin pa de'i dbang du mdzad nas/ 'di skad du de nas 'di ni lhag ma yi/ sa rnams bsgom pa'i lam 'di la/ zhes bshad do/ gang gi phyir/ de nas des ni 'jig rten las/ /'das pa'i ye shes bla med pa/ /rnam par ni rtog dri ma med/ /'dzin pa gnyis dang bral ba 'thob/ /de 'di'i gnas yongs gyur pa ste/ /sa ni dang po yin par 'dod/ /'di'i de bskal pa dpag med kyis/ /shin tu rnam par dag par 'gyur zhes bshad pa 'di lta bu las gyang sa dang po la yang bsgom pa'i lam yod par mngon te/ sa thob pa de bskal pa dpag tu med pas yongs su spyod pa gang yin pa yang nas yang du goms par byed pa de ni bsgom pa'i la ma zhes bya'o/ /rnam par rtog pa'i bag la nyal gyis mi shig pa'i don gyis zhes bya ba ni rnam par rtog pa'i bag chags las rnam par rtog pa gang dag 'byung ba'i rnam par rtog pa de dag gis rdo rje lta bu'i ting nge 'dzin de gzhig par mi nus la/ des ni rnam par rtog pa'i bag chags thams cad ma lus par shigs pas so/ /de'i 'og tu gnas gzhan dag du 'gyur ba'i mthar phyin pa 'thob po/ /zhes bya ba ni kun gzhi rnam par shes pa la gnas ngan len ma lus par spangs pas rdo rje lta bu'i ting nge 'dzin gyi mjug thogs su gnas gzhan du gyur pa mthar thug pa 'thob po/ /thams cad mkhyen pa nyid kyi go 'phang bla na med pa nyon mongs pa dang/ shes bya'i sgrib pa thams cad kyi dri ma med pa 'thob bo/ /zhes bya ba ni lam gyi gnas yongs su gyur pa 'thob pa'o/ /sangs rgyas rnams ni rtag tu rang don yang dag sbyor la legs par

  252. 126b

    bsngags pa dang/ zhes bya ba ni gdams ngag rjes su bstan pa mdor bsdus nas tshigs su bcad pa gcig gis ston te/ lhag pa'i tshul khrims kyi dbang du mdzad nas/ rang don yang dag par sbyor la zhes bya ba gsungs so/ /lhag pa'i tshul khrims kyi bslab pa ni byang chub sems dpa' i sdom pa ste/ byang chub sems dpa' i rang gi don yin no/ /de la yang dag par sbyor ba'i byang chub sems dpa' la sangs rgyas bcom ldan 'das rnams legs so legs so/ /zhes yang dag par gzengs bstod cing bsngags pa mdzad do/ log par sbyar ba le lo can rab tu mi sbyar ba rnams la ni smod par mdzad do/ /lhag pa'i sems lhag pa'i shes rab kyi dbang mdzad nas/ gnas dang rnam 'byed lhur len ces gsungs te/ zhi gnas dang gnas pa dang/ ting nge 'dzin ces bya ba ni rnam grangs so/ /rnam par 'byed pa ni lhag mthong gi rnam grangs so/ /gang zhig spangs pa dang rten pas zhes bya ba ni bar chad dang bcas pa'i chos rnams ni spong la mthun pa ni bsten to/ /de ni mthong pa rab? dag ces bya ba ni me long lta bu'i ye shes la sogs pa'o/ /mi rtog byang chub kyis zhes bya ba ni/ rtog pa med pa'i ye shes kyis zhes bya ba'i tha tshig ste/ me long lta bu'i ye shes la sogs pa dang bral ba de dag gis so/ /mun pa chen po zhes bya ba la/ mun pa chen po ni shes bya'i tshogs chen po la sgrib pa'i phyir shes bya'i sgrib pa yin te/ mun pa de ye shes 'di dag gis bsal nas so/ /nyi ma chen po dag shar ba bzhin du 'gro ba rnams la lam me'o/ /zhes bya ba ni nyi ma brtags par byas pa ste/ nyi ma gang zhig stong gsum gyi stong chen po'i 'gro ba thams cad la snang bar yang byed la rtag tu yang snang bar byed cing/ nub par yang mi 'gyur ba de lta bu 'ga' zhig yod par gyur na de dang 'dra bar byang chub sems dpa' mun pa chen po shes bya'i sgrib pa bsal nas ye shes

  253. 127a

    kyi 'od zer dag gis 'gro ba thams cad la snang bar byed de/ /gdams ngag rjes su bstan pa'i skabs rdzogs so// //gdams ngag rjes su bstan pa'i skabs kyi 'og tu thabs dang ldan pa'i las kyi skabs te/ 'di 'brel pa gang yin zhe na/ 'di skad du/ bslab pa gang yin pa dang zhes bshad pas de'i phyir de ni dmigs pa gang la rnam pa 'di dag gis 'jug dgos pas mjug thags su bslab pa'i khyad par brjod par bya'o/ /de la bslab pa ni gang yin/ de'i khyad par ni gang yin zhe na/ bslab pa ni rang gi bya ba sgrub pa yin no/ /de'i khyad par ni thun mong ma yin pa nyid yin no/ /rang gi bya ba sgrub pa ni 'dir thun mong dang khyad par ste/ de la thun mong ni las mngon par 'du bya ba phyin ci ma log par byed pa ste/ thabs dang ldan pa'i las gang zhes gang bshad pa yin no/ /de'i thun mong ni las mngon par 'du byed pa dge ba thams cad la kun tu 'gro ba'i phyir ro/ /khyad par ni pha rol tu phyin pa 'chad par 'gyur ba dag lta bu yin no/ /thabs dang ldan pa'i las rnam par dbye ba zhes bya ba la/ thabs dang ldan pa'i las rnam par dbye ba ni 'di ltar 'jug nas/ des na 'dis ni de'i thabs yang dag bzung ba'i phyir/ las rnams dag pa mdza' yas de'i pha rol 'gro zhes 'chad par 'gyur ba lta bu yin no/ /dper na sems can dang sems ma yin par bgrang ba'i rten sa yin pa lta bu ste/ sems can smos pas ni sems can du bgrang ba ji snyed pa thams cad bsdus te/ de dag kyang nye bar spyod pa po nyid du bstan to/ /sems can ma yin par bgrang pa ni nags tshal dang/ ri dang/ chu bo zhes bya ba la sogs pa lta bu ste/ nye bar spyad par bya ba nyid du bstan to/ /brtan pa ni ri la sogs pa'o/ /mi brtan pa ni chu bo la sogs pa'o/ /'di dag thams cad kyi rten

  254. 127b

    sa yin pa de bzhin du/ sbyin pa la sogs pa'i dge ba pha rol tu phyin pa dang/ byang chub kyi phyogs dang mthun pa la sogs pa'i rten kyang lus la sogs pa'i las gsum yin no/ /'di ni las dge ba'i thabs yin te/ ji ltar sa la brten nas nags tshal la sogs pa skye ba de bzhin du dge ba'i chos thams cad kyang lus la sogs pa'i las gsum la brten pa yin gyi/ lus la sogs pa'i las gsum med par ni dge ba'i chos 'ga' yang kun nas ldang ba med do/ zhes de ltar thabs yin par khong du chud nas/ byang chub sems dpa' las gsum yongs su sbyangs pa'i phyir 'jug bas na/ kun nas slong pa'i thabs zhes bya'o/ /shin tu dka' ba'i las ni ngo bo sna tshogs pa/ bskal pa mang pos mthar phyin pa sngon brtson bdag nyid can/ zhes bya ba la/ byang chub sems dpa' rnams kyi las shin tu dka' ba ngo bo sna tshogs pa ni sbyin pa'i pha rol tu phyin pa la sogs pa dang las bsdus pa rnams so/ /sbyin pa la sogs pa'i las yan lag gi dam pa mi go dang lag pa dang rkang pa dang mig la sogs pa yongs su gtong bas lhag par spyod pa gang yin pa sna tshogs pa de dag nyid bskal pa mang pos yongs su rdzogs par 'gyur te/ bskal pa rdzogs pa ni tshar phyin pa zhes bya'o/ /de ltar rab tu sbyor ba'i byang chub sems dpa' rnams la lus la sogs pa'i las la skyo ba med do/ /de ci'i phyir zhe na/ yun ring po nas 'dris pa'i phyir ro/ /des ni yun ring po nas theg pa chen po'i chos la goms pa dang du gyur pa yin te/ ji skad du/ dge ba'i chos 'di dag nyid gos pa la brten nas gang gis na so sor ma brtags par de dag kho na la dga' bar 'gyur ba de lta bu'i rnam par smin pa mngon par 'grub par byed do zhes gsungs pa lta bu'o/ /de ltar bskal pa mang po tshar phyin pas byang chub sems dpa' theg

  255. 128a

    pa chen po la/ skyo ba 'byung bar mi 'gyur te/ ngang du gyur pa ni rmi lam na yang kun tu spyod do/ /'di ltar bdag la phan par 'dod cing gson par 'dod pa ni dug dang mtshon dang gnam lcags chen po dang/ dgra las bdag nyid skyob par byed do/ /de bzhin du byang chub sems dpa' yang lus la sogs pa'i las nyan thos dang rang sangs rgyas kyi theg par ltung ba las skyob par byed cing nyan thos kyi theg par yongs su mi bsngo'o/ /byang chub sems dpa' byang chub sems dpa' i spyod pa la rab tu zhugs pa de yongs su bor nas theg pa dman pa la brten pa ni 'chi ba yin pas byang chub sems dpa' i lus la sogs pa'i las dge ba theg pa dman par yongs su bsngos pa ni dug dang mtshon dang gnam lcags chen po dang dgra dang 'dra'o zhes bya bar rig ste/ byang chub tu sems bskyed la/ yang de yongs su por ba ni rigs pa ma yin no snyam nas theg pa dman par yongs su bsngos pa'i sems de de las bslang ste theg pa chen po kho na la 'jug par byed pas na ldang ba'i thabs zhes bya'o/ /theg pa chen po la dge ba'i rtsa ba gcod pa'i phyir dang/ dge ba ma skyes pa mi skyed cing zhes bya ba ni ji ltar mtshon la sogs pas shing la sogs pa'i rtsa ba bcad na/ yal ga dang lo ma dang/ me tog la sogs ma skyes pa rnams ma skye ba de bzhin du byang chub sems dpa' i lus la sogs pa'i las theg pa dman par yongs su bsngos pas mtshon la sogs pa dang 'dra bas de bzhin gshegs pa'i ljon shing skye bar 'dod pa'i rtsa ba kun chad par 'gyur ro/ /des na sa dang pha rol tu phyin pa dang stobs dang mi 'jigs pa la sogs pa yal ga dang lo ma dang me tog dang 'bras bu dag skye bar mi 'gyur ro/ /dge ba'i lo tog skyes pa 'joms pa ni gnam lcags dang chos mthun pas so/ /

  256. 128b

    sangs rgyas nyid phun sum tshogs pa 'thob pa'i gnas su gyur pa ni dgra dang chos mthun pas so/ /rtag tu rnam par mi rtog las can las min zhing/ /las kyi bya ba dang/ rnam gsum la mi lta ste/ zhes bya ba ni byang chub sems dpa' rtag tu rnam par mi rtog pa ni/ byed pa por yang mi rtog /las su yang ma yin/ las kyi bya bar yang ma yin no/ /las mngon par 'du byed pa ni dge ba'i chos thams cad la kun du 'gro ba yin pa'i phyir bslab pa'i phyir bstan to/ /da ni khyad par brjod dgos te/ de bsnyad do/ /las ni rang gi sangs rgyas kyi chos tshogs pha rol tu phyin pa dang rjes su 'dzin pa'i bya ba dge ba'i las kun tu 'gro ba'i phyir gtso bo yin te/ de'i phyir 'di dang por smos so/ /rang la phan pa phun sum tshogs na gzhan la phan pa sgrub par bzod par 'gyur bar de'i phyir dang por rang la phan pa sgrub pa'i phyir pha rol tu phyin pa rnams so/ /de'i 'og tu gzhan rjes su bzung ba'i phyir bsdu ba'i dngos po rnams 'byung ngo/ /sbyin pa dang tshul khrims dang bzod pa dang brtson 'grus kyi pha rol tu phyin pa dag gis ni mngon par mtho ba rnam pa bzhi bstan ces bya ba ni de dag bsten pas tshe phyi ma la phun sum tshogs pa'i longs spyod dang lus khyad par du 'phags pa 'thob pa la sogs pa las gang yin pa de dag bstan to/ /shes rab kyi pha rol tu phyin pas ni bya ba brtsam pa la phyin ci ma log par bstan to/ /mngon par mtho ba dang nges par legs pa thams cad ni 'di tsam du zad la/ de dag kyang pha rol tu phyin pa drug po kho nas 'gyur gyi/ nyung dus kyang ma yin la/ mang pos kyang ma yin no/ /rnam par mi 'tshe ba zhes bya ba ni bdag nyid rnam par 'tshe bar mi byed pa'o/ /rnam par 'tshe ba bzod pa zhes bya ba ni gzhan dag gis dbyug pa dang/ mtshon la sogs pas rnam par gtses pa thams cad bzod pa'o/ /sems can dang sems can ma yin pas byas pa'i sdug bsngal zhes

  257. 129a

    bya ba la/ sems can gyis byas pa'i sdug bsngal ni mi la sogs pas byas pa gang yin pa'o/ /sems can ma yin pas byas pa ni rlung dang nyi ma dang char pa dang ser ba la sogs pas byas pa gang yin pa'o/ /tshul khrims ni de thob pa'i rnam par g.yeng ba yang dag par sdom pa rnams kyi lam ste/ zhes bya ba la de zhes bya ba'i sgras ni yul bzung ngo/ /de dag thob pa ni de thob pa'o/ /de thob par bya ba'i phyir rnam par g.yeng ba ni de thob pa'i rnam par g.yeng ba'o/ /de thob pa'i rnam par g.yeng ba yang dag par sdom pa ni thob pa'i rnam par g.yeng ba yang dag par sdom pa ste/ dge slong gi sdom pa la gnas pa la yul thob par bya ba'i phyir rnam par g.yeng ba gang dag yin pa de dag mi 'byung ngo/ /de gnyis kyis nyon mongs pa dang/ shes bya'i sgrib pa rnam par spyod pa'i phyir ro/ /zhes bya ba ni bsam gtan gyi pha rol phyin pas ni nyon mongs pa'i sgrib pa la sogs pa rnam par gnod par byed do/ /shes rab kyi pha rol tu phyin pas ni ma lus par rtsa nas 'don par byed do/ /dang po gsum zhes bya ba la bslab pa dang po ni lhag pa'i tshul khrims kyi bslab pa ste/ sbyin pa dang tshul khrims dang bzod pa dag ni lhag pa'i tshul khrims kyi bslab pa'o/ /tshogs dang bcas pa dang 'khor dang bcas pa gzung ba'i phyir ro/ /zhes bya ba ni lhag pa'i tshul khrims kyi bslab pa'i tshogs ni sbyin pa'i pha rol tu phyin pa'o/ /de'i ngo bo nyid ni tshul khrims kyi pha rol tu phyin pa'o/ /'khor ni bzod pa'i pha rol tu phyin pa'o/ /sbyin pa ni mi mthun pa'i phyogs ser sna nyams pa dang/ rnam par mi rtog pa'i ye shes dang ldan pa dang 'dod pa thams cad yongs su rdzogs par byed pa dang/ sems can yongs su smin par byed pa ste/ mtshan nyid rnam pa 'di bzhi dang ldan pa'i sbyin pa ni sbyin pa'i pha rol tu phyin pa zhes bya ba'i ming 'thob kyi/ gzhan du ma

  258. 129b

    yin no/ /gzhan dag la lus dang ngag thams cad yang dag par sdom pas 'dod pa yongs su rdzogs par byed pa'i phyir ro/ zhes bya ba ni gal te gzhan 'di snyam du/ kye ma bdag la lus dang ngag dang yid kyis rnam par mi 'tshe yang ci ma rung snyam na/ byang chub sems dpa' thams cad kyis kyang gzhan la rnam par 'tsho ba mi skyong ngo/ /gnod pa byed pa la bzod pas gzhan dag gi 'dod pa yongs su rdzogs pa ni gal te gzhan dag lus la sogs pas byang chub sems dpa' la gnod pa rnam pa sna tshogs byed cing gnod pa byed pa de dag kyang 'di snyam du/ kye ma bdag gis lus la sogs pas gnod pa byas pa bzod do/ /snyam du sems la byang chub sems dpa' yang bu gcig pa la byams pa lta bus thams cad bzod de/ lan mang po zhig tu rnam par gces kyang gzhan dag la gnod pa bya ba'i phyir mi 'jug go /de bzhin du brtson 'grus la sogs pas grogs byed par 'dod pa la sogs pa la yang sbyar bar bya'o/ /sbyin pa ni nyon mongs pa mang ba nyid kyis dman la tshul khrims ni mchog yin te/ lus dang ngag dang yid bsdoms pa la nyon mongs pa nyung ba'i phyir ro/ /sbyin pa ni 'jug sla ba'i phyir rags zhes bya ba ni sbyin pa la ni 'jug par yang sla la bya bar yang sla ste/ 'di ltar sbyin pa ni kla klo dang gdol pa la sogs pa yang sbyin par byed la/ de dag tshul khrims yang dag par blang bar ni rnam pa gang gis kyang mi bzod do/ /pha rol tu phyin pa bsgom pa rnam pa bzhi zhes bya ba ni dngos po la brten pa ni rnam pa bzhi'o/ /yid la byed pa la brten pa yang rnam pa bzhi'o/ /bsam pa la brten pa yang rnam pa drug go /thabs la brten pa ni rnam pa gsum mo/ /dbang 'byor pa nyid la yang rnam gsum kho na ste/ 'di dag gi rnam par dbye ba ni 'grel pa kho na las legs par rnam par phye ba yin no//

  259. 130a

    dngos po la brten pa zhes bya ba la/ dngos po ni gzhi zhes bya ba la don tha dad pa ma yin pas gzhi la brten pa zhes bya ba'i tha tshig ste/ ji skad du/ dngos po las byung ba'i bsod nams bya ba'i gzhi bdun po 'di dag dang ldan pa'i dad pa'i rigs kyi bu zhes bya ba la sogs pa 'byung ba gzhi dang bcas pa'i bsod nams bya ba'i gzhi zhes bya bar mngon pa lta bu'o/ /rgyu la brten pa ni rigs kyi stobs kyis pha rol tu phyin pa rnams la bsgrub pa goms pa gang yin pa'o// zhes bya ba ni dge ba'i bshes gnyen la brten pa la sogs pa med par skye mched drug gi khyad par thog ma med pa nas brgyud de 'ongs pa chos nyid kyis thob pa kho na de 'dra ste/ de'i stobs kho nas pha rol tu phyin pa rnams la 'jug pa gang yin pa de ni rgyu la brten pa zhes bya'o/ /rnam par smin pa la brten pa ni lus phun sum tshogs pa'i stobs kyis gang yin pa'o/ /zhes bya ba ni sngon sbyin pa la sogs pa gang gis na tshe rabs gzhan dag na so sor brtag pa med par sbyin pa la sogs pa la dga' ba 'byung bar 'gyur ba de lta bu'i rnam par smin pa mngon par 'grub par 'gyur ba de ltar shin tu goms pa yin no/ /smon lam gyi stobs kyis zhes bya ba ni sngon sbyin pa la sogs pa la goms pa med kyi smon lam btab pa 'ba' zhig tu zad pa ste/ nga dang nga yi zhes bya bral/ /dngos po kun la mi brten cing/ /ser sna med par sems can dag /kun la phan phyir sbyin pa sbyin/ /zhes bya ba la sogs pa de lta bu'i smon lam gyi stobs kyis sbyin pa la sogs pa la 'jug pa gang yin pa de ni smon lam gyi stobs zhes bya'o/ /so sor rtog pa'i stobs la brten pa ni shes rab kyi stobs kyi pha rol tu phyin pa rnams sgrub pa gang yin pa'o/ /zhes bya ba ni shes rab kyi stobs kyis yul gyis

  260. 130b

    nye bar spyad pa rnams ni rmi lam gyi nye bar spyad pa lta bu ste/ mi bstan pa/ yid brtan du mi rung ba/ 'jig pa'i chos can yin no zhes de ltar yongs su dpyad nas sbyin pa la sogs pa la 'jug pa gang yin pa de ni so sor rtog pa'i stobs la brten pa zhes bya'o/ /mos pa yid la byed pa ni pha rol tu phyin pa dang ldan pa'i mdo sde thams cad la mos pa yin no/ /zhes bya ba ni ji ltar mos pa de lta de ltar pha rol tu phyin pa'i khams rtas par 'gyur ba'o/ /ngoms mi shes pa'i bsam pa rnam par zhi la dngos pos ngoms mi shes pa'i bsam pa ni 'jig rten gyi khams gang gA'i klung gi bye ma snyed rin po che sna bdun gyis bkang ba sbyin par byed ces gang bshad pa yin no/ /bdag nyid yongs su gtong ba yin pas mi shes pa'i bsam pa ni lus gang gA'i klung gi bye ma snyed sbyin par byed cing zhes gang bshad pa yin no/ /dus kyis ngoms mi shes pa'i bsam pa ni de bzhin du bskal pa gang gA'i klung gi bye ma snyed du skad cig ma re re la sbyin par byed ces gang bshad pa yin no/ /sems can rnams ngoms mi shes pa'i bsam pa ni sems can gcig la ji lta ba bzhin du bla na med pa yang dag par rdzogs pa'i byang chub tu yongs su smin par bya ba'i sems can gyi khams ji snyed pa de dag la rnam grangs 'dis sbyin par byed kyang/ byang chub sems dpa' i sbyin pa'i bsam pa la ngoms pa med pa nyid ces bshad pa yin te/ da ni mdor bsdus na dngos pos ngoms mi shes pa'i bsam pa dang/ bdag nyid yongs su gtong bas ngoms mi shes pa'i bsam pa dang/ dus kyis ngoms mi shes pa'i bsam pa dang/ sems can rnams la ngoms mi shes pa'i bsam pa yin no/ /nyams par mi byed ces bya ba na skad cig ma 'dab chags su zin kyang gal te na dus cung zad cig 'jug srid pas de yongs su spang ba'i phyir byang chub kyi snying po

  261. 131a

    la 'dug pa'i bar rgyun gcod par mi byed ces bya ba smos so/ /de dag ni bla na med pa yang dag par rdzogs pa'i byang chub nye bar ston pa yin pa'i phyir ro zhes bya ba ni sems can de dag la de ltar phan brtags na byang chub nye bar ston par 'gyur ba'o/ /lus gcig gis sdug bsngal nyams su myong ba ni ha cang dka' ba ma yin pas de'i phyir byang chub sems dpa' lus gang gA'i klung gi bye ma snyed kyis zhes bya ba smos te mang ba nyid du ston to/ /lus mang du zin kyang che'i tshad lo brgya la sogs par sdug bsngal nyams su myong bar ni ha cang dka' ba ma yin pas de'i phyir/ de'i tshad bskal pa gang gA'i klung gi bye ma snyed du zhes bya ba smos so/ /rtag par yo byad thams cad kyis phongs bzhin du stong gsum gyi stong chen po'i 'jig rten gyi khams me mar mur gyis rab tu gang bar zhes bya ba ni mes bsreg pa la me zhi bar byed pa'i yo byad chu dang/ tsan dan dang byug pa la sogs pa thams cad kyis phongs pa ste/ sreg pa la gnyen por gyur pa chu la sogs pa de dag med par ro/ /de ltar sreg kyang gal te spyod lam 'ga' zhig gis/ 'dug pa 'am nyal ba la me'i tsha ba ha cang bya dka' ba ma yin pa de'i phyir/ spyod lam rnam pa bzhi byed cing zhes bya ba la sogs pa smos so/ /spyod lam bzhi la zhugs pa'i yang tshul khrims kyi phung po la sogs pa mdza' dag yongs su rdzogs par 'gyur na ni ha cang bya dka' ba ma yin pas de'i phyir/ tshul khrims kyi pha rol tu phyin pa la sogs pa'i skad cig ma gcig sgom par byed cing zhes bya ba smos te/ rnam grangs 'dis na byang chub sems dpa' i ngoms shes pa'i bsam pa nyid yin no/ /tshul khrims kyi pha rol tu phyin pas sems can rnams rjes su 'dzin pa na zhes bya ba ji ltar tshul khrims kyi pha rol tu phyin pas sems can rjes su 'dzin ce na/ sdom

  262. 131b

    pa'i tshul khrims kyis sems can rnams la srog gcod pa la sogs pa lhag par mi spyod de/ de ltar na de dag rjes su bzung ba yin no/ /byang chub sems dpa' rnams kyi dge ba'i chos sdud pa'i tshul khrims kyang sems can gyi don kho na yin no/ /sems can gyi don byed pa'i tshul khrims ni des dang po kho nar sems can rnams rjes su 'dzin te/ de ltar tshul khrims rnam pa gsum gyis kyang rjes su bzung ba yin no/ /pha rol tu phyin pa bsgom pa thabs la brten pa ni rnam pa gsum ste/ zhes bya ba ni 'khor gsum yongs su dag par so sor rtog pa ste/ sbyin pa po mi dmigs zhes bya bas ni gang zag la bdag med par ston to/ /'dis ni bdag mngon par zhen pa gang yin pa de mi 'byung ngo/ /sbyin par bya ba dang len pa po mi dmigs zhes bya ba 'dis ni chos la bdag med par ston te/ rnam par mi rtog pa'i ye shes yongs su bzung bas dngos po la mngon par zhen pa dang/ 'di la ni sbyin no zhes 'di la ni mi sbyin no zhes bya ba de lta bu la sogs pa len pa po la mngon par zhen pa gang yin pa de mi 'byung ngo/ /yang na rnam par mi rtog pa'i ye shes thob pa'i phyir de gsum char yang mi 'byung bas yongs su 'dzin pa med pa nyid mchog yin no/ /sku la dbang 'byor pa nyid ni de bzhin gshegs pa'i sku gnyis po ngo bo nyid kyi dang/ longs spyod rdzogs pa'i yin par blta bar bya'o/ /zhes bya ba ni de bzhin gshegs pa rnams kyi sku 'di gnyis ni dbang 'byor pa thun mong ma yin pa brnyes pa ste/ de bzhin gshegs pa rnams kyi ngo bo nyid kyi sku ni so so rang gis rig par bya ba thams cad du thogs pa med pa'i phyir nam mkha' lta bu dbang 'byor pa rnyed pa yin no/ /longs spyod rdzogs pa'i ni sangs rgyas kyi 'khor gyi dkyil 'khor du theg pa chen po'i chos thun mong ma yin pa la rdzogs par longs spyad pa dang/ sangs rgyas kyi 'byor pa ston pas dbang 'byor pa brnyes pa yin no/ /rgyu ni ma chags pa la sogs pa dang lhan cig

  263. 132a

    skyes pa'i sems pa'o zhes bya ba ni ma chags pa dang zhe sdang med pa dag gti mug med pa dang lhan cig skyes pa'i sems pa gang yin pa de ni rgyu yin te/ rgyu 'dis sbyin pa la 'jug go /gnas lnga pa'i mdo las byung ba bzhin no/ /zhes bya ba ni gzhan dag la nges? byin na gnas lnga 'thob par 'gyur te/ tshe dang kha ngo kha dang stobs dang bde ba ldan pa ni spobs pa yin no/ /zhes 'byung ba lta bu ste de ni 'bras bu yin no/ /gnyis rjes 'dzin pa zhes bya ba ni rang dang .../ ... gzhan rjes su 'dzin pa'o/ /rdzogs par byed pa zhes bya ba ni byang chub chen po'i tshogs yongs su rdzogs par byed pa ste/ 'di ni yas yin no/ /de yang ser sna med dang ldan/ zhes bya ba ni sems can ser sna med pa dang las yod de 'di ni ldan pa yin no/ /chos dang zang zing dang mi 'jigs pa la mthong zhes bya ba'i bdun pa gsum pa'i don yin no/ /yan lag drug ni tshul khrims dang ldan par gnas pa dang/ so sor thar pa'i sdom pas bsdams pa dang/ cho ba phun sum tshogs pa dang/ spyod yul phun sum tshogs pa dang/ kha na ma tho ba phra rab tsam dag la yang 'jigs par blta ba dang/ bslab pa'i gzhi rnams la yang dag par blangs te slob pa yin no/ /mya ngan las 'das pa'i bsam pas yang dag par len pa'i phyir ro/ /zhes bya ba ni mya ngan las 'das pa'i rgyu can gyi tshul khrims yang dag par len par byed de/ dper na zas gnas so/ /rig pas gnas so zhes bya ba ni zas kyi rgyu can dang rig pa'i rgyu can du gnas pa yin par khong du chud pa de bzhin du mya ngan las 'das pa'i rgyu can gyi tshul khrims yang dag par len pa yin no/ /nyon mongs pa'i yongs su gdung ba zhi bas zhi ba'o zhes bya ba ni tshul khrims yang dag par blangs pas nyon mongs pa rnams rnam par gnod

  264. 132b

    par byed do/ /de nas tshul khrims la brten nas bsam gtan thob pa re zhig tsam spong la/ 'phags pa'i shes rab kyis sa bon kun nas bcom pa'i sgo nas de gtan du spong ste/ de ltar na nyon mongs pa'i yongs su gdung bzhi pas zhi ba zhes bya'o/ /srog gcod pa la sogs pa'i rkyen can gyis 'jigs pa dang/ kho na ma tho ba dang kho na rnams mi 'byung ba'i phyir 'jigs pa med pa'o/ /zhes bya ba ni tshul khrims yang dag par blangs pas srog gcod pa rang ma byin par len pa la sogs pa'i rkyen can gang dag yin pa ste/ de'i rgyu can zhes bya ba'i tha tshig go /de dag kyang gang zhe na/ 'jigs pa dang mya ngan la sogs pa mi 'byung ba ste/ de dag ni de'i rtsa ba can yin pas de dang bral ba'i phyir de dag kyang med de/ de bzhin du srog gcod pa la sogs pas sems can dmyal ba la sogs pas sems can dmyal ba la sogs pa 'gro ba gang yin pa de yang mi 'byung ngo/ /mi dge ba byed pa srog gcod pa pa de nyid la sha khon du 'dzin pa rnams tshul yang dag par blangs pa'i phyir de la 'byung ste/ de ltar na/ rten dang gzhi dang 'jigs pa med ces bya'o/ /rab tu dbye ba rnam pa gsum gyis 'jug pa'i phyir ro/ /zhes bya ba ni so sor thar pa'i sdom pas bsdus pa dang/ bsam gtan gyi sdom pas bsdus pa dang/ zag pa med pa'i sdom pas bsdus pa'o/ /mi mjed ji mi snyam shes dang/ zhes bya ba ni bzang ba rnam pa gsum gyi ngo bo nyid yin no/ /zhes bya ba ni gnod pa byed pa la mi mjed pa'i bzod pa ni mi mjed pa zhes bya ba'i sgrar bshad de/ mi mjed pa ni mi thing? ba yin pa'i phyir ro/ /sdug bsngal la ji mi snyam pa'i bzod pa ni ji mi snyam pa zhes bya ba'i sgrar bshad de/ ji mi snyam pa ni dang du len pa'i yin pa'i phyir ro/ /chos la nges par rtog pa'i bzod pa ni shes pa zhes bya ba'i sgrar bshad de/ mi rtag pa dang sdug bsngal ba la sogs pa byis

  265. 133a

    pas kun brtags pa'i chos rnams la gang gi tshe shes pas chos ngo bo nyid med par bzod pa de ni chos la nges par rtog pa'i bzod pa zhes bya ste/ mi mjed pa dang ji mi snyam pa dang shes pa zhes bya ba 'di ni bzod pa rnam pa gsum char gyi ngo bo nyid yin no/ /snying rje dang chos la brten pa ni rgyu'o/ /zhes bya ba ni snying rje chen po bzod pa'i rgyu yin te/ snying rje dang ldan pa ni bzod pa byed do/ /chos la brten pa ni tshul khrims yang dag par len pa dang thos pa chub pa'o zhes bya ba ni tshul khrims yang dag par len pa'i rgyu can gyi bzod pa byed kyi/ byang chub sems dpa' lus dang ngag dang yid bsngams? pa gzhan dag la mi bzod pa ni cha ma yin no/ /thos pa chung ba'i rgyun can gyi bzod par yang byed de/ thos pa'i stobs kyis bzod pa'i pha rol tu phyin pa dang ldan pa'i theg pa chen po'i chos tshig dang don gyi sgo nas thos nas de'i stobs kyis bzod par byed de/ de bas na/ snying rjes tshes la brten pa'i phyir/ zhes bya ba ni rgyu yin no/ /mi mjed pa dang ji mi snyam pa dang/ shes pa zhes bya pa'i dbang du byas pa'o/ /zhes bya ba de ni zhes byas ba'i dbang du byas pa yin no/ /dad dang 'dun pa brten pa dang/ zhes bya ba ni dad pa ni brtson 'grus kyi rten yin te/ 'di ltar dad pa dang don du gnyer ba brtson 'grus rtsom par byed do/ /ma chags pa la sogs yon tan ldan/ zhes bya ba ldan pa'o/ /zhes bya ba ni 'di ltar ma chags pa la sogs pa ni dge ba'i rtsa ba yin te/ gang gi tshe dge ba'i chos dag la nges par brtson 'grus dang ldan par gnas pa de'i tshe/ ma chags pa la sogs pa dang ldan pa yin no/ /lus kyi brtson 'grus ni rnam par shes pa lnga dang mtshungs par ldan pa ste/ de ni dbang po'i sgo bsdams te gnas pa nyid kyis lhag pa'i tshul khrims zhes bya'o/ /lhag pa'i sems ni rnam pa drug pa'o/ /lhag pa'i shes rab ni rnam

  266. 133b

    pa bdun pa'o/ /de nyid kyi phyir 'grel pa las/ lus dang sems kyis zhes ston to/ /lus kyi rnam pa lnga dang/ sems kyi rnam pa gnyis so/ /dga' ba dang ldan pa ni bsam gtan gnyis kyi'o/ /sim ba dang ldan pa ni bsam gtan gsum pa'i ste/ sems kyi tshor pa la ni sim pa zhes bya'o/ /btang snyoms dang ldan pa ni bsam gtan bzhi pa la sogs pa'i 'o/ /shes bya ba zhes bya ba ni 'jig rten pa'i bya ba yang dag par rab tu rnam par 'byed pa bsal ba'i phyir ro/ /zhes bya ba ni 'di las phyi rol pa rnams kyi shes bya ltar snang ba gang yin pa de ni phyin ci log dang ldan pa'i phyir yang dag pa'i shes bya ma yin no/ /bden pa bzhis bsdus pa dang/ byang chub sems dpa' i theg pa gsum la mkhas pa dang/ khyad par du na theg pa chen po gang yin pa ni shes bya yin te/ reg pa'i gnas lnga ni de dag gi khongs su 'dus pa nyid do/ /kun nas nyon mongs shin tu grol/ zhes bya ba ni shes rab rab tu rnam par 'byed pa zhes bya ba'i skabs dang sbyar ro/ /byang chub sems dpa' rnams kyi shes rab rab tu rnam par 'byed pa na shin tu rnam par grol ba'i tshang yin te/ ngas nyon mongs pa las shin tu rnam par grol bar 'gyur ro/ /ji ltar shin tu rnam par grol zhe na/ 'jig rten pa la sogs pa'i shes rab rab tu rnam par 'byed pas zhes bya bas de ston par byed do/ /bshad pas ni chos yang dag par 'chad par byed do/ /shes rab ni chos thams cad kyi mchog go zhes bya ba ni shes rab ni chos rnams kyi mchog ste/ shes rab ni gtso bo yin no/ /sbyin pa dang yang dag par blangs pa'i tshul khrims dag ni mnyam par bzhag pa ma yin pa'i phyir ro/ /zhes bya ba ni sbyin pa ni rnam pa gsum char yang mnyam par bzhag pa ma yin no/ /tshul khrims ni so sor thar pa'i sdom pas bsdus pa rnam par bzhag pa ma yin te/ 'di ltar bsam gtan dang

  267. 134a

    zag pa med pa'i sdom bas tshul khrims dang/ dge ba'i chos sdud pa'i tshul khrims ni mnyam par gzhag pa yin par 'dod do/ /bsam gtan dang yang dag pa ji lta ba bzhin gyi shes rab dag ni mnyam par bzhag pa yin pa'i phyir ro zhes bya ba yang dag pa bzhin zhes smos pa ni thos pa las byung ba dang bsams pa las byung ba'i shes rab gsal ba'i phyir te/ de dag ni mnyam par bzhag pa ma yin pas de dag mnyam par ma bzhag pa'i phyogs kho nar bslan to/ /bzod? pa dang brtson 'grus ni mnyam par gzhag pa'i gnas skabs na yang yod la mnyam par ma bzhag pa'i gnas skabs na yang yod do/ /de'i mi mthun pa'i phyogs chags pa'i bag la nyal yang dag par ma bcom pa'i phyir zhes bya ba ni ji srid du chags pa'i bag la nyal yang dag par ma bcom pa de srid du yo byad rnams la chags par 'gyur/ de yang dag par bcom pas chags pa med de/ ji skad du/ chos mngon pa kun las btus pa las/ nyon mongs pa'i bag la nyal yang ma spangs pa yin la/ nyon mongs pa'i gnas lta bu'i chos rnams kyang snang bar 'gyur na/ de lta na nyon mongs ba skye bar 'gyur ro/ /zhes bshad pa lta bu'o/ /tshul khrims kyi pha rol tu phyin pa la 'chal ba'i tshul khrims la chags pa ni/ srog gcod pa la sogs pa la yid? chags pa gang yin pa'o/ /la la ni 'dod chags kyi sgo nas chags pa la/ la la ni zhe sdang gi sgo nas dang/ la la ni gti mug gi sgo nas te/ 'di ltar mi dge ba'i las kyi lam gyi bcu char yang rnam pa gsum gsum du 'dod pas srog gcod pa yang 'dod chags las skyes pa dang/ zhe sdang las skyes pa dang/ gti mug las skyes pa yin no/ /tshul khrims la bshol ba la chags pa ni tshul khrims yang dag par blang ba la med pa mi 'jug ba 'am/ gsad par bya ba

  268. 134b

    la sogs pa bzung nas bshol te gtong ba yin no/ /tshul khrims lan re ba la chags pa ni 'dis bdag la phan pa byas pa 'am byed par 'gyur ro zhes lan la lta bas srog chags mi gsod pa dang/ ma byin par len pa la sogs pa mi spyod pa yin no/ /tshul khrims la mi mthun pa'i phyogs la chags pa ni 'dod chags dang zhe sdang dang gti mug rnams yang dag par ma bcom pa gang yin pa'o/ /bzod pa'i chags pa ni zhe sdang la chags pa gang yin ba ste/ rtag tu sems can rnams la sdang ba yin no// bzod pa'i bshol ba la chags pa ni/ bshol zhing bzod par byed kyis myur du ma yin pa dang/ bsdigs nas bzod par byed pa gang yin pa'o/ /mi mthun pa'i phyogs la chags pa ni zhe sdang yang dag par ma bcom pa'i phyir ro/ /brtson 'grus kyi mi mthun pa'i phyogs ni le lo'o/ /de la chags pa gang yin pa de ni brtson 'grus kyi mi mthun pa'i phyogs la chags pa ste/ de la chags pa yang rtag tu le lo can las ngan pa'i mdza' la sbyor zhing 'dug pa yin no/ /bshol ba la chags pa ni dge ba'i chos rnams la myur du mi 'jug pa yin no/ /mi mthun pa'i phyogs la chags pa ni le lo rab tu mi spong ba yin no/ /bsam gtan gyi mi mthun pa'i phyogs la ni rnam par g.yeng ba'o/ /rnam par g.yeng ba la chags pa gang yin pa de ni bsam gtan gyi mi mthun pa'i phyogs la chags pa ste/ ji srid du rnam par g.yeng zhing kha phyir bltas pa de srid du mnyam par bzhag pa mi 'thob bo/ /shes rab kyi mi mthun pa'i phyogs ni 'chal pa'i shes rab ste/ shes rab 'phel bar bya ba'i phyir/ dge ba'i bshes gnyen la bsnyen bkur bya ba la brtson par mi byed pa gang yin pa 'di ni shes rab kyi mi mthun pa'i phyogs la chags pa yin no/ /de las bzlog pa ni ma chags pa ste/ ji skad du/ gang zhig 'don dang 'dri dang spyod pa dang/ /gzhan la 'dri

  269. 135a

    zhing thos pa 'dzin byed pa/ /de yi blo ni nyi ma'i 'od zer gyis/ /pad ma bzhin du rnam par kha phye'o/ /zhes gsungs pa lta bu'o/ /rab tu dbye ba'i 'og tu yon tan gyi skabs te/ sbyin pa la sogs pa'i pha rol tu phyin pa rnams so so la yon tan rnam pa bzhi'o/ /yon tan rnam pa bzhi ni rgya che ba nyid dang/ zang zing med pa nyid dang/ don chen po nyid dang/ mi zad pa nyid do/ /de la rtsa ba dang pos ni sbyin pa'i pha rol tu phyin pa'i rgya che ba nyid bshad do/ /ji lta zhe na/ sangs rgyas sras rnams slong dang phrad nas rang gi srog kyang rtag tu btang/ zhes bya bas de ston to/ /rang gi srog sbyin par yongs su bsgrags pas phyi rol gyi dngos po lta smos kyang ci dgos te/ ji skad du slob dpon ma kho la gyi zhal snga nas kyi/ nyid kyi sha yang btang gyur na/ dngos po gzhan lta smos ci 'tshal/ zhes bshad pa lta bu'o/ /rang gi srog de yang ris 'ga' zhig yongs su gtong ba ma yin gyi/ slong ba po gang gi tshe srog don du gnyer ba de kho na'i tshe/ dpyad pa med par sbyin par byed do/ /rang gi srog sbyin pa smos pas/ yan lag dang nying lag sbyin pa ni dpyad du yang med pa nyid de/ 'dis ni sbyin pa'i rgya che ba nyid bshad do/ /snying rjes gzhan las lan kyang mi re 'dod pa'i 'bras bu don mi gnyer/ ces bya ba 'dis ni sbyin pa'i zang zing med nyid bstan te/ rgyud snying rjes brlan pa ni slong ba po rnams la rang gi srog kyang sbyin par byed cing de dag las lan kyang mi re la/ 'bras bu dbang phyug la sogs pa yang don du mi gnyer ro/ /sbyin pa gang zhig lan la blta ba 'am/ 'bras bu la lta bas sbyin par byed pa de ni sred pas bdag gir byas pa yin no/ /des bdag gir byas pa'i sbyin pa ni 'khor bar ltung ba kha na ma tho ba bcas pa ste/ de ni byang chub sems dpa' i gos pa dang bcas pa yin no/ /de las bzlog pa ni kha na ma tho ba med pa ste/ rtsa ba gnyis pa

  270. 135b

    'dis ni snying rjes yongs su zin pa'i phyir sbyin pa'i zang zing med pa nyid bshad do/ /sbyin pa de nyid kyis kyang skye bo thams cad byang chub gsum la bkod/ ces bya ba/ 'dis ni sbyin pa'i don chen po nyid bstan te/ skye bo thams cad skal pa ji lta ba bzhin byang chub gsum la bkod pa'i phyir ro/ /theg pa gang yang rung ba zhig yongs su btang ba 'am/ sems can gang yang rung ba zhig yongs su btang bas ni/ don chen po nyid du mi 'gyur bas de'i phyir skye bo thams cad kyang smos la/ theg pa gsum char yang smos so/ /'jig rten dag na mi zad bzhag /ces bya ba 'dis sbyin pa mi zad pa nyid yongs su bstan to/ /ji ltar zhe na/ re zhig ji ltar 'jig rten pa dag sbyin pa byin pa ltar gal te byang chub sems dpa' yang de kho na ltar sbyin par byed na ni dbang phyug dang/ mtho ris dang/ gzugs bzang po la sogs pas kyang bdag gir byas pa'i phyir 'khor bar ltung bas te/ de ni rnam par smin pa zad pas zad par 'gyur ro/ /'on te nyan thos lta bur 'khor bas 'jigs shing 'khor ba la rgyab kyis phyogs la mya ngan las 'das pa la gzhol bas rang grol bar bya ba'i phyir sbyin par byed na de yang phung po lhag ma med pa'i mya ngan las 'das par zad pas zad par 'gyur ro/ /de bas na byang chub sems dpa' rnams ni de gnyis ka yongs su spangs nas rnam par mi rtog pa'i ye shes kyis yongs su zin pas sbyin pa byin par byed de/ /de nyid kyi phyir 'khor ba dang/ mya ngan las 'das pa la mi gnas pa'i sgo nas/ mi zad pa nyid du bstan te/ tshul khrims la sogs pa la yang de bzhin du sbyar bar bya'o/ /sangs rgyas sras rnams shin tu bya dka' bzod do/ /zhes bya ba ni sdug bsngal la ji mi snyam pa'i bzod pa ste/ sems can gyi don la rab tu sbyor ba las sdug bsngal gang dag 'byung ba de dag la ji mi snyam par

  271. 136a

    byed cing sdug bsngal des ci la ma chags par byas nas sems can gyi don bya ba dag la 'jug go /de bzhin mi'i gnod kun bzod ces bya ba ni gnod pa byed pa la mi mjed pa'i bzod pa ste/ sems can gang dag dbyug pa dang/ mtshon cha dang por ba la sogs pas bsnun par byed pa de dag thams cad la bu gcig pa la byams pa lta bus bzod do/ /chos la nges par rtog pa'i bzod pa ni 'di'i khongs su 'dus pa kho nar blta bar bya'o/ /rgyal ba'i sras rnams go cha sbyor ba'i bdag nyid brtson 'grus dpe med byas/ zhes bya ba 'dis ni go cha'i brtson 'grus ston te/ 'di nyid kyi brtson 'grus kyi rgya che ba nyid ston to/ /dpe med pa nyid kyi ni 'jig rten pa dang nyan thos dang/ rang sangs rgyas kyi brtson 'grus dag las byang chub sems dpa' i brtson 'grus khyad par du byed do/ /byang chub sems dpa' i go cha'i brtson 'grus ji ltar dpe med pa yin zhe na/ ji skad du 'phags pa blo gros mi zad pa'i mdo las/ btsun pa shA ri'i bu de la byang chub sems dpa' i go cha mi zad pa gang zhe na/ 'khor ba na yongs su mi skyo ba gang yin pa ste/ de ni bskal pa 'di snyed cig tu go bgo'o/ /zhes bskal pa grang bas byang chub tshol bar mi byed kyi/ 'on kyang bsam gyis mi khyab pa kho nar go gyon par byed do/ /zhes bya ba de lta bu la sogs pa gsungs pa lta bu ste/ 'di ni brtson 'grus kyi rgya che ba nyid bshad do/ /rang dang gzhan gyi nyon mongs tshogs gzhom byang chub dam pa thob par byed do/ /zhes bya ba 'dis ni zang zing med pa nyid kyi sbyor ba'i brtson 'grus ston to/ /ji ltar zang zing med pa yin zhe na/ rang dang gzhan gyi nyon mongs pa yang dag par gzhom pa'i phyir dang/ bla na med pa'i byang chub kyi phyir brtson 'grus rtsom par byed do/ /de ni sred pas bdag gir ma byas pa'i phyir nyon mongs pa gtan du yang dag par

  272. 136b

    'joms pas zang zing med pa yin no/ /brtson 'grus gang zhig bdag gis dngos por dang/ lta ba sred pas bdag gir byas pa de ni zang zing dang bcas pa yin no/ /'di ji ltar sbyor ba'i brtson 'grus yin zhe na/ ji skad du 'phags pa blo gros mi zad pa'i mdo kho na las sbyor ba'i brtson 'grus kyi dbang du mdzad de/ de la byang chub sems dpa' i pha rol gnon pa mi zad pa gang zhe na/ gang stong gsum gyi stong chen po'i 'jig rten gyi khams mes yongs su gang bar yang brgal nas de bzhin gshegs pa la blta bar spros pa na byang chub sems dpa' i pha rol gnon pa yin no/ /dam pa'i chos mnyan pa'i rgyu can gyi spro ba ni byang chub sems dpa' i pha rol gnon pa yin no/ /sems can yongs su smin par byed pa'i rgyu can gyi spro ba ni byang chub sems dpa' i pha rol gnon pa mi lhor pa/ mi zhan pa brtan pa/ mi bzlog pa/ dge ba'i bsam pa can/ snying rje chen po la brten pa zhes bya ba de lta bu la sogs pa yin te/ de nas pha rol gnon pa zhes bya'o/ /zhes gsungs pa lta bu yin no/ /rgyal ba'i sras rnams ting nge 'dzin mang ldan bsam gtan rnam pa thams cad bsgrubs/ zhes bya ba 'dis ni ting nge 'dzin med pa nyid dang/ rnam pa thams cad mkhyen pa nyid kyi bsam gtan gyi rgya che ba nyid ston te/ ji skad du chos mngon pa kun las btus pa las 'di lta ste/ sangs rgyas dang byang chub sems dpa' rnams bsam gtan gyi pha rol tu phyin pa la rten nas bsam gtan dang pos bsdus pa'i ting nge 'dzin ji snyed pa la snyoms par zhugs pa de dag ni nyan thos dang/ rang sangs rgyas rnams kyi ming yang shes par mi 'gyur te/ bsam gtan dang pos bsdus pa ji lta bar bsam gtan lhag ma dang/ gzugs med pas bsdus pa rnams kyang de dang 'dra'o/ /zhes bshad pa lta bu'o/ rgyal pa'i sras rnams de nyid shes bya

  273. 137a

    gang yin mdza' dag rnams kun shes/ zhes bya ba 'dis ni shes rab kyi rgya che ba nyid bstan te/ de nyid ces bya ba ni bzang po zhes bya ba'i don to/ /gzhan dag na re de nyid ces bya ba ni spyi'i mtshan nyid kyis bsdus pa ste/ gnyis la bdag med pa yin no zhes zer ro/ /rang gi brda la sogs pa'i mtshan nyid kyi dbye ba mdza' yas pas tha dad pa'i shes bya gang yin pa de yin no/ /zhes bya ba ni ri khrod pa dang kla klo la sogs ba'i yul gang dang gang dag na rang gi brda'i mtshan nyid kyi dbye bas tha dad pa'i shes bya de sgyu ma mkhan la sogs pa sgyu ma byas pa la sogs pa la mngon par zhen pa med pa ltar/ zag pa dang bcas pa dang zag pa med pa dang 'dus byas dang 'dus ma byas la sogs pa'i chos rnams la kun tu ma smros pas 'jig rten la tha snyad du bya ba'i phyir rnam par mi rtog pa'i rjes la thob pa'i ye shes kyi sgyu ma dang smig rgyu dang chu zla'i tshul du tha snyad 'dogs shing thams cad ji lta ba bzhin du yang shes so/ /ye shes sems can yongs su bzung bas 'jig rten dag na mi zad bzhag/ ces bya ba 'dis ni ye shes mi zad pa nyid ston te/ snying rjes yongs su bzung ba'i rnam par mi rtog pa'i ye shes ni mi zad par 'gyur ro/ /snying rjes ni sems can yongs su mi gtong ste/ des na nyan thos bzhin du mya ngan las 'das pa la gzhol bar mi 'gyur ro/ /rnam par mi rtog pa'i ye shes kyis ni 'jig rten pa dag ltar 'khor ba la gnas par mi 'gyur bas de ni mi zad pa yin no/ /de bas na 'khor ba dang mya ngan las 'das pa la mi gnas pa'i phyir ye shes de phung po lhag ma med pa'i mya ngan las 'das pa na yang mi zad par 'gyur ro/ /byang chub sems dpa' rnams kyi phung po'i lhag ma med pa'i mya ngan las 'das pa ni sprul pa'i skus ston pa gang yin pa'o/ /slong ba po'i sbyin pa po mthong

  274. 137b

    bas dga' ba yin pa dang/ mthong nas re ba yongs su rdzogs pas dga' ba gang yin pa dang/ slong ba po'i sbyin pa po ma mthong bas mi dga' ba gang yin pa dang/ slong ba po'i yid la re ba yongs su ma rdzogs pas yongs su mi dga' ba gang yin pa dang/ /slong ba po'i smon pa po gang yin pa ste/ sbyin pa po mthong ba dang/ yid la re ba yongs su rdzogs par smon pa gang yin pa dga' ba dang mi dga' ba dang smon pa de dag thams cad ni byang chub sems dpa' brtse ba dang ldan pas snying rje lhag par ldan pa'i sgo nas zil gyis gnon te/ byang chub sems dpa' i rgyud snying rjes brlan pas slong ba po mthong ba dang/ de'i yid la re ba yongs su rdzogs pas slong ba po bas lhag par dga' ba skye la/ byang chub sems dpa' slong ba po ma mthong ba dang/ de'i yid la re ba yongs su ma rdzogs pas kyang slong ba po bas lhag par mi dga' ba skye'o/ /byang chub sems dpa' slong ba po mthong bar smon pa dang/ de'i yid la re ba yongs su rdzogs par smon pa yang slong ba po bas lhag par skye bas de'i phyir zil gyis gnon te/ /'di ni sbyin pa'i pha rol tu phyin pa'i yon tan gyi khyad par ste/ tshigs su bcad pa gcig gis bstan pa yin no/ /byang chub sems dpa' i tshul khrims ni/ dge ba bcu'i las kyi lam gyis bsdus pa yin pas/ de la bsam par bya ste/ byang chub sems dpa' sems can rnams la srog dang longs spyod dang chung ma dag gtong zhing shin tu dga' bar byed pas te/ rab tu zhes bya ba'i tha tshig ste/ de ji ltar srog gcod pa dang/ ma byin par len pa dang/ 'dod pas log par g.yem par sbyong par 'gyur byang chub sems dpa' ni gnod pa byed pa la yang phan pa'i 'du shes 'thob la/ gzhan la phan par bya ba la brtson pa la rlung rang nyi ma dang sdig sprul la sogs pa la sdug bsngal bskyed pa gang yin pa de la yang byang chub sems dpa' mchog tu

  275. 138a

    dga' ba rnyed par 'gyur te/ bzod pa'i tshogs yongs su rdzogs pa'i rgyu mtshan yin pa'i phyir gnod pa byed pa gang yin pa la yang phan pa'i 'du shes thob la gzhan la phan par brtson pa la sdug bsngal skye ba gang yin de la yang dga' ba 'thob na gang la dgra la sogs pa la yang gnod pa byed pa'i 'du shes mi 'byung la/ gzhan gyi don la brtson pa la sdug bsngal la yang sdug bsngal gyi blo mi 'byung ba des gang la ci zhig bzod par bya/ 'di dag gis ni go rim bzhin du gnod pa byed ba la mi mdzed pa dang/ sdug bsngal la ji mi snyam pa'i bzod pa dag bshad do/ /bdag pas ches lhag gzhan la rtag byams dang/ zhes bya ba ni ji skad du sgrub pa'i skabs nas/ ji ltar snying rje'i bdag nyid gzhan gyi don gyi phyir/ bdag la sdug bsngal mi bzad gdung ba rab byed pa/ /de ltar 'jig rten gdung ba'i las kyi gzhan dgra la/ /shin tu brtse ba med par rab tu 'jug ma yin/ zhes bshad pa lta bu'o/ /ji ltar mun khung na lag nom dag gis shes pa yul chung ba/ zhes bya ba ni lag pa la sogs pas mnams nas de'i rjes la dran pas 'di ni bum pa'o/ /'dis ni ras yug go zhes bya bar shes pa de ni shes pa yul chung ngu can yin no/ /mngon sum ma yin pa zhes bya ba ni dngos po dmig gi mngon sum du ma gyur pa'i phyir te/ lag nom gyi gzung ba'i kha dog la sogs pa yongs su bcad pa ni mi nus so/ /shin tu dri ma med pa ma yin pa ltar zhes bya ba ni/ nyan thos rnams kyi shes pa de ni bag chags dang ldan pa'i phyir bag chags dang bcas pa yin no/ /yang na byis pas kun brtags pa'i chos la 'dzin pa ma spangs pa'i phyir ro/ mi 'jigs pa sbyin pa ni ngan song dang 'khor bas 'jigs pa dag la de dag gis mi 'jigs pa zhes bya ba ni so so'i skye bo rnam kyi rgyud la 'phags pa'i lam bskyed pas ngan song las yongs su skyob la/

  276. 138b

    bden pha mthong ba ni 'jigs pa lnga las yang dag par bzla bas skyob bo/ /rgyun tu zhugs pa la sogs pa ni dgra bcom pa nyid la 'god pas 'khor ba las yongs su skyob bo rgyu mtshan ni snying rje'o/ zhes bya ba ni/ snying rjes yongs su zin pa'i sbyin pa ni sbyin pa mchog yin te/ snying rjes yongs su zin pas sbyin pa gzhan dag las khyad par 'phags so/ /rgyu ni sngon gyi sbyin pa'i pha rol tu phyin pa la goms pa'i bag chags so/ /zhes bya ba ni tshe rabs gzhan dag na ma chags pa la sogs pa'i dge ba'i rtsa ba dang mtshungs par ldan pa'i sems pa kun tu sbyad pas bag chags bzhag pa gang yin pa'i bag chags de'i stobs kyi sbyin pa la sogs pa'i pha rol tu phyin pa la 'jug pa de ni rgyu ste/ des na mchog tu 'dod do/ /gong du ni snying rje'i rgyu mtshan can gyi sbyin pa gang yin pa de ni rgyu mtshan gyi sgo nas mchog yin no/ /zhes bshad do/ /da ni sngon gyi sbyin pa'i pha rol tu phyin pa la goms pa'i bag chags las rgyu'i sgo nas mtshog yin no zhes bshad na/ rgyu dang rgyu mtshan la khyad par ci yod ce na/ rgyu ni thun mong ma yin pa'i rgyu ste/ dper na myu gu'i sa bon lta bu'o/ /rgyu mtshan ni lhan cig byed pa'i rgyu mtshan te/ dper na myu gu de nyid kyis byed rgyu sa dang chu la sogs pa lta bu'o/ /de ltar na grangs bzhin du sbyin pa la sogs pa'i dge ba la goms pa'i bag chags ni rgyu lta bu ste/ thun mong ma yin pa'i rgyu yin no/ /snying rje ni thun mong gi rgyu ste/ sa dang chu la sogs pa lta bu'o/ /zhing ni rnam pa lnga ste/ slong ba dang/ sdug bsngal ba dang/ rten med pa dang/ nyes par sbyad pa spyod pa dang/ yon tan dang ldan pa'o zhes bya ba gong du rnam par mi rtog pa'i ye shes kyi yongs su zin pas sbyin pa po dang/ sbyin par bya ba dang len pa po rnam par mi rtog pa'i phyir sbyin pa khyad par du 'phags so/ /zhes bshad ma thag tu ma yin nam/ da ni don la sogs par

  277. 139a

    rnam par rtog pa'i phyir snga phyi mi 'gal zhe na/ 'gal ba med de/ 'di ltar 'di ni sbyin pa'i pha rol tu phyin pa yongs su ma rdzogs pa'i gnas skabs na so so'i skye bo'i gnas skabs nyam nga bar 'gyur ba yin no/ /rnam par mi rtog pa'i gnas skabs ni sbyin pa'i pha rol tu phyin pa yongs su rdzogs pa'i gnas skabs te/ de'i tshe ni 'di gang zhig gang slong ba de la sbyin par byed do/ /don la sogs par rnam par rtog pa'i gnas skabs ni byang chub sems dpa' i dbul pa'i gnas skabs yin par slong ba po thams cad la sbyin pa sbyin par nus par 'gyur ba gang yin pa 'di mi srid do/ /rnam par mi rtog pa'i ye shes kyi stobs kyis ni/ de la sbyin pa po dang sbyin pa dang len pa por mngon par zhen pa mi 'byung ste 'dir yang mngon par zhen pa 'gog par zad pas 'gal ba med do/ /mos pa dang yid la byed pa dang ting nge 'dzin gyi sgo nas sbyin pa mchog tu 'dod de/ mos pa'i sgo nas ji lta bu zhe na/ sbyin pa'i pha rol tu phyin pa dang/ ldan pa'i mdo sde thams cad la bsam pa theg pa'i bar du dang bas mos pa'o/ /yid la byed pa'i sgo nas ji lta bu zhe na/ ro myang ba byed pas pha rol tu phyin pa thob pa rnams la yon tan du lta ba'i tshul gyi ro myang bar byed pa dang/ rjes su yi rang ba yid la byed pas 'jig rten thams cad na sems can thams cad kyi sbyin pa la sogs pa la rjes su yi rang ba dang/ mngon par dga' ba yid la byed pas bdag nyid dang sems can rnams kyi pha rol tu phyin pa'i khyad par ma 'ongs pa rnams la mngon par dga' ba yin no/ /ting nge 'dzin la brten pas sbyin pa mchog yin no/ /ting nge 'dzin nam mkha' mdzod la sogs pas to/ sa brgyad pa la sogs pa la byang chub sems dpa' i lam mngon par 'du byed pa med pa'i

  278. 139b

    gnas skabs nam mkha' nyid mdzad du gyur te/ gang dang gang la ci dang ci dgos pa de dang de la nam mkha' kho na las thams cad sbyin par byed cing nam mkha' mdzod la sogs pa ting nge 'dzin gyi rnam pa du ma yang ston to/ /ji skad du de nyid las dbang 'byor pa bshad pa lta bu'o/ /zhes bya ba gang nas bshad ce na/ pha rol tu phyin pa sgoms pa dbang 'byor pa nyid la brten pa ni rnam pa gsum ste/ sku la dbang 'byor ba nyid dang/ sbyod pa la dbang 'byor pa nyid dang/ ston pa la dbang 'byor pa nyid do zhes bshad do/ / de la sku la dbang 'byor pa nyid ni de bzhin gshegs pa'i sku gnyis po ngo bo nyid kyi dang/ longs spyod rdzogs pa'i blta ba ste/ sku 'di gnyis ni chos dkar po thams cad kyi tshogs yin no/ /chos dkar po'i tshogs nyid yin du zin kyang/ ting nge 'dzin smon pas dbang 'byor pa'i phyogs gcig gzung ste/ nam mkha' mdzod kyi ting nge 'dzin la sogs pa gzung ngo/ /de ltar na ting nge 'dzin la brten pas sbyin pa mchog yin par 'dod do/ /rnam pa ji snyed sbyin pa ni sbyin pa yin no zhes bya ba de ni mos dang/ yid la byed pa dang ting nge 'dzin la brten pa'i rnam pa'i dbye bas rnam pa'i bye brag shes par byas yin no/ /tshul khrims kyi rten ni byang chub sems dpa' o/ /gzhi mchog ni byang chub sems dpa' i sdom pa'o/ zhes bya ba ni byang chub sems dpa' i sdom pas tshul khrims rnam pa gsum po sdom pa dang/ dge ba'i chos sdud pa dang/ sems can gyi don byed pa'i tshul khrims zhes bya ba la bsdus so/ /bzod pa ni ngan pa stobs chung ngus gsod pa dag go zhes bya ba ni lag dbyug dang/ thal lcags la sogs pa bzod pa gang yin pa de ni ngo mtshar mi che'i/ rje dpon yin la gsod pa ngan pa bran dang gdol pa la sogs pa'i bzod pa gang yin pa 'di ni rab tu ngo mtshar che'o/ /ngan du zin kyang

  279. 140a

    gal te stobs dang ldan ba yin na stobs dang ldan pa bzod pa gang yin pa de yang tshar gcig ngo mtshar mi che'o/ /gal te ngan pa stobs kyang chung na ngo mtshar che ste/ de'i bzod pa gang yin pa de ni gzhi mchog tu gyur pas bzod pa khyad par du 'phags so/ /yang na ngan pa yang gzhan kho na yin la/ stobs chung ngu yang gzhan yin te/ ngan pa ni bran la sogs pa'i/ de las gzhan pa rigs mthun zhing/ dbang phyug la sogs pa dang bral bar bya ba'i mthu med pa de ni stobs chung ba'o/ /shes rab kyi gzhi mchog ni/ de bzhin nyid do zhes bya ba la/ de bzhin nyid ni gnyis la bdag med pa'o/ /de la dmigs pa'i shes rab gang yin pa de ni mchog yin te/ gzhi zhes bya ba'i sgra ni dmigs par bshad do/ /tshul khrims la sogs pa'i pha rol tu phyin pa'i zhing ni theg pa chen po zhes bya ba ni nyan thos dang/ rang sangs rgyas rnams kyi de dag gi theg pa'i zhing gi bsdus pa'i tshul khrims la sogs pa gang yin pa de ni mchog ma yin gyi/ theg pa chen po bstan pas theg pa chen po la zhugs pa rnams kyi gang yin pa de ni theg pa dman pa'i zhing mchog tu 'dod do/ /gnas ni mos pa la sogs te/ mos pa'i tshul khrims kyi pha rol tu phyin ba la sogs pa dang ldan pa'i chos la mos pa'o/ /de ltar mos na mos pa la brten pa'i tshul khrims la sogs ba mchog ces bya'o/ /yid la byed pa ni ro myang ba dang rjes su yi rang ba dang/ mngon par dga' ba'i yid la byed pa'i sgo nas ro myang ba yid la byed pa la sogs pas tshul khrims kyi pha rol tu phyin pa la sogs pa la ro myang bar byed pa dang rjes su yi rang bar byed pa dang/ mngon par dga' bar byed pa yin no/ /ting nge 'dzin la brten pas tshul khrims kyi pha rol tu phyin pa la sogs pa mchog tu

  280. 140b

    'dod de/ tshul khrims ni dge ba'i chos sdus pa gang yin pa de'i phyogs gcig gzung ngo/ /de bzhin du bzod pa la sogs pa la yang sbyar bar bya ste/ ting nge 'dzin 'grub par bya ba'i phyir sbrang bu mchu rings dang/ sha sbrang la sogs pa'i phyir nang gi sdug bsngal bzod pa dang/ ting nge 'dzin dang ldan pa'i chos bshad na/ chos la nges bar rtog pas bzod pas bzod pa gang yin pa'i bzod pa de ni ting nge 'dzin pas mchog yin par 'dod de/ 'di ltar bzod pa la brten nas ting nge 'dzin de dag 'grub pas so/ /'di ni pha rol tu phyin pa rnams kyi yon tan gyi gnas skabs yin pas yon tan gyi skabs nyid kyi sbyin pa dang/ brtson 'grus kyi pha rol tu phyin pa dag gis yon tan lhag par bsngags te/ byang chub sems dpa' i sbyin pa ni/ sems can gcig bde bskal mang du/ gnod pa byed kyang dga' 'gyur na/ zhes bya ba la sogs pa'i tshigs su bcad pas/ sbyin pa dang brtson 'grus kyi pha rol tu phyin pa dag gi yon tan lhag par brjod do/ /de'i tshe rdzas ngan lta la mos kyang ci zhig dgos/ zhes bya ba ni lus las gzhan ni rdzas ni ngan pa ste/ mchog ma yin no zhes bya ba'i tha tshig go/ btang dga' longs spyod can zhes bya ba ni btang ba nyid longs spyod yin la/ dga' ba nyid longs spyod yin te/ de gang la yod pa de ni btang dga' longs spyod can no/ /byang chub sems dpa' kho na la yon tan 'di dag yod kyi mi gzhan la ni med do/ /yang na btang ba la dga' ba ni btang dga' o/ /dga' ba nyid longs spyod yin pas na btang dga' longs spyod do/ /gtso bo la sogs pa'i bye brag gis brtson 'grus kyi pha rol tu phyin pa'i yon tan lhag par bsngags so/ /brtson 'grus kyi ni srid sbyong 'dod pa thob/ ces bya ba ni 'dod pa'i srid par gtogs pa'i longs spyod ni srid sbyod do/ /brtson 'grus kyi ni dag pa rab 'gyur ldan/

  281. 141a

    zhes bya ba ni gzugs dang gzugs med pa'i dag pa ste/ 'jig rten pa'i bsam gtan dang gzugs med pas bsdus pa yin no/ /brtson 'grus kyis ni 'jig tshogs gnas nas grol/ zhes bya ba ni nyan thos dang/ rang sangs rgyas rnams gang zag la bdag med par mthong bas so/ /brtson 'grus kyi ni byang chub mchog sangs rgyas zhes bya ba ni byang chub sems dpa' rnams brtson 'grus gang yin pa'o/ /gzhan yang nyams 'phel ba'i brtson 'grus dang/ zhes bya ba la sogs pa tshigs su bcad pa gnyis kyis ni yang dag par spong ba dang/ dbang po dang/ stobs dang/ byang chub kyi yan lag dang/ 'phags pa'i lam rnams brtson 'grus kyi rnam pas dbye ba bstan to/ /rdzu 'phrul gyi rkang pa rnams ni bsam gtan gyi ngo bo nyid yin pas de dag tu brtson 'grus ma bstan to/ /nyan thos rnams kyi ni bsam pa dang/ blo zhan pa dang ldan pa'i phyir ro/ /byang chub sems dpa' rnams kyi ni bsam pa dang blo rgya chen po dang ldan pa'i phyir ro/ /longs spyod la chags pa ni de kun tu 'dzin pa'i phyir ro/ /zhes bya ba ni longs spyod gzugs la sogs pa'i yul bsgrubs pa dag la chags pa gang yin pa mi spyod pa dang mi brten pa bar du spyod pa de'i gnyen por/ brtson 'grus ldan pa longs spyod kyi pham med/ ces brjod de spyad par bya ba ni longs spyod yin pa'i phyir ro/ /nyon mongs pa ni de yongs su spyod pa la lhag par zhen pa'i phyir ro/ zhes bya ba ni longs spyod dag spyod pa la lhag par chags shing sred pa gang yin pa bar du gcod pa de'i gnyen por/ brtson 'grus ldan pa nyon mongs kyis pham med/ ces bya ste/ brtson 'grus dang ldan pa dge ba'i chos la brtson pa ni nyon mongs pa rnams kyi pham par mi 'gyur ro yon tan gyi skabs rdzogs so// //mi 'jigs pa'i

  282. 141b

    sbyin pas ni tshul khrims dang bzod pas bsdus te/ de ltar 'di gnyis kyi mi 'jigs pa sbyin par byed do zhes bya ba ni tshul khrims yang dag par len pa ni sems can thams cad la mi 'jigs pa sbyin par byed cing gzhan gshe ba dang rdeg pa la sogs pas rnam pa du mer 'tshe ba yang thams cad bzod cing dang du len te/ 'di ltar tshul khrims yang dag par blangs pas ni gshes kyang slar mi gshe bar bya/ khros kyang slar mi khro bar bya/ rdeg kyang slar mi rdeg par bya/ mtshang 'bru yang slar mtshang 'bru bar mi bya'o/ /snyam du de ltar so sor brtags nas bzod pa gzhan dag la mi 'jigs pa sbyin par byed pas/ mi 'jigs pa sbyin pas ni tshul khrims dang bzod pa bsdus par rig par bya'o/ /chos sbyin pas ni bsam gtan dang shes rab dag ste/ 'di ltar de nyid kyis chos sbyin par byed do zhes bya ba ni bsam gtan gyis rdzu 'phrul dang kun rdzob pa la sogs pas mgu bar byas te/ snod du rung bar byas nas chos ston to/ /gnyi gas ni brtson 'grus te/ 'di ltar des gnyi ga sbyin par byed do/ zhes bya ba ni mi 'jigs pa sbyin pa'i dus na chos sbyin pa'i dus na brtson 'grus gdon mi za bar yod pas so/ /dge ba'i chos sdud pa'i tshul khrims kyi ni sbyin pa la sogs pa thams cad bsdus te zhes bya ba ni 'di ltar sbyin pa dang/ tshul khrims dang bzod pa dang/ brtson 'grus dang/ bsam gtan dang/ shes rab kyi pha rol tu phyin pa rnams ni dge ba'i chos kyi tshogs yin pas de bas na dge ba'i chos sdud pa'i tshul khrims kyis thams cad bsdus so/ /de bzhin du gzhan dag kyang sbyar bar bya'o/ /zhes bya ba ni gnod par byed pa la mi mjed pa'i bzod pas ni mi 'jigs pa sbyin pa dang/ tshul khrims dag bsdus te/ 'di ltar de gnyis kyi ni gnod par byed pa la mi mjed pa byed do/ /chos la nges par rtogs pa'i bzod pas ni bsam gtan dang shes rab dag bsdus te/ 'di ltar de gnyis kyi go rim bzhin du sems mnyam par bzhag

  283. 142a

    pas yang dag pa ji lta ba bzhin du rab tu shes so/ /gnyi gas ni brtson 'grus te/ 'di ltar des gnyi ga sbyin par byed do/ /brtson 'grus kyis ni thams cad bsdus so/ /mngon par bsgrub par bya ba sgrub pa'i bsam gtan gyis kyang thams cad bsdus te/ sbyin pa la sogs pa'i dus na nam mkha' mdzod la sogs pa mngon par bsgrub pa'i phyir ro/ /shes rab kyis kyang thams cad sdus te/ 'di ltar shes rab kyi rnam par dpyad nas sbyin pa la sogs pa'i rab tu sbyor bas so/ /sbyin pa'i sbyin pa dang/ tshul khrims kyi sbyin pa nas shes rab kyi sbyin pa'i bar yin no zhes bya ba la/ sbyin pa'i sbyin pa gang zhe na/ gzhan dag la nor dang 'bru la sogs pa'i dngos po sbyin pa gang yin pa de ni sbyin pa'i sbyin pa zhes bya'o/ /tshul khrims kyi sbyin pa ni gzhan gyi rgyud dag la sdom pa'i tshul khrims la sogs pa 'god pa ste/ shes rab kyi sbyin pa'i bar du yang de dang 'dra bar rig par bya'o/ /yang na de dag dang ldan pa'i chos ston pa yin no/ /chos nyid kyi rnam par nges pa'i sbyin pa la sogs pa'i don gang la mdo la sogs pa snang ba gang dag yin pa dang/ mdo la sogs pa'i chos gang dag la sbyin pa la sogs pa snang ba gang dag yin par rig par bya'o/ zhes bya ba ni brjod pa dang brjod par bya ba bsdus pa zhes bya ba'i don to/ /sbyin pa ni tshul khrims la sogs pa'i rgyu mtshan yin te/ longs spyod la mi lta na tshul khrims la sogs pa la 'jug pa'i phyir ro/ /zhes bya ba ni 'di ltar longs spyod la mi lta na tshul khrims kyang yang dag par len la/ gzhan dag gis phrogs na yang de la mi lta bas bzod do/ /longs spyod la kun tu chags pa'i le lo dge ba'i chos rnams la mi 'jug pa gang yin pa de yang mi lta ba la mi 'jug ste/ rnam par g.yeng ba dang 'chal ba'i shes rab kyang de dang 'dra'o/ /tshul khrims kyang sbyin pa la brtson

  284. 142b

    pa'i rgyu mtshan yin te/ dge slong gi sdom pa yang dag par blangs na yongs su 'dzin pa thams cad gtong ba'i phyir dang/ tshul khrims la gnas na bzod pa la sogs pa dang ldan pa'i phyir ro/ /zhes bya ba'i tshul khrims yang dag par blangs pa ni gzhan dag las lus dang ngag las byung ba'i mi 'dod pa 'ongs pa thams cad bzod do/ /tshul khrims yang dag par blangs pa ni dge ba'i chos rnams la spro ba 'phel bar 'gyur zhing 'gyod pa med pa'i rim gyis sems rtse gcig pa nyid du yang 'gyur la/ de nas yang dag pa ji lta ba bzhin du yang yongs su shes so/ /bzod pa dang ldan pa ni sbyin pa la sogs pa'i dus na nyes par smras shing mi snyan par gyur pa'i tshig gi lam dang brdeg pa la sogs pa thams cad bzod do/ /de bzhin du tshul khrims ma nyams pa yin zhing brtson 'grus dang ldan pa yin pa sems rtse gcig pa nyid las yongs su 'thob pas bzod pa yang pha rol tu phyin pa thams cad kyi rgyu yin no/ /de bzhin du brtson 'grus dang bsam gtan dang shes rab kyang sbyar bar bya'o/ /pha rol tu phyin pa'i skabs rdzogs so// //pha rol tu phyin pa'i skabs kyi 'og tu bsdu ba'i dngos po'i skabs yin te/ 'di'i 'brel ba gang yin zhe na/ pha rol tu phyin pa la sbyor ba ni byang chub sems dpa' i sangs rgyas kyi chos yongs su rdzogs par byed pa yin pas rang gi don to/ /bsdu ba'i dngos po rnams ni gzhan gyi don to/ /de'i phyir bsdu ba'i dngos po'i skabs te/ bsdu ba'i dngos po bzhis gzhan gyi don byed do/ /sbyin mtshungs zhes bya ba ni grangs dang de'i mtshan nyid go rim dang/ zhes bya ba la sogs pas ji skad du bstan pa lta bu yin no/ /don spyod pa ni de yang dag par len du 'jug pa'o zhes bya ba ni pha rol tu phyin pa yang dag par len du 'jug pa ni don spyod pa zhes bya'o/ /de la bdag nyid rjes su 'jug pa'o/ zhes bya ba ni sbyin pa la

  285. 143a

    sogs pa gang la gzhan yang dag par len du 'jug pa de nyid la snyem du bsams so/ /don mthun pas ni yun ring por sgrub pa'i phyir/ sgrub pa de rnam par spyod bar byed cing bya ba ni yang dag par len du 'jug pa po ni ji skad smra ba de bzhin phyed pa yin no/ /zhes bya bar rig nas yun ring por gus pas sgrub pa de sbyor bar byed do/ /yang bcom ldan 'das kyis gdul ba mdor bsdus pa la dad pa la bltos nas/ bsdu pa gzhan gnyis gsungs pa'i bsdu ba gnyis po nges kyang bsdu ba bzhi po 'di dag bsdus so/ /dmigs pa'i chos ni pha rol tu phyin pa'i chos so/ /dmigs pa'i chos des snyan par smra ba bsdus te/ 'di ltar byang chub sems dpa' pha rol tu phyin pa'i chos la dmigs nas gzhan dag la bye brag tu shes par yang byed/ the tshom gcod par yang byed do/ /sgrub pa'i chos kyis ni don spyod pa bsdus te/ sgrub pas pha rol tu phyin pa rnams la rab tu sbyor ba na don spyod pa la rab tu brtson pa yin no/ /de rnam par spyod ba'i chos kyis ni don mthun pa bsdus te/ don mthun pa'i sgrub pa de rnam par spyod bar byed do/ /phal cher don med pa ni mos pas spyod pa'i sa la'o/ /zhes bya ba ni gdul ba rnams kyi bsam pa dang bag la nyal ba yang dag par ji lta ba bzhin yongs su mi shes pa'i phyir de kho na nyid ma mthong ba'i ni phal cher don med pa yin no/ /phal cher zhes smos pas rnam pa thams cad du don med pa ni ma yin no/ /de ltar rtag tu longs spyod ma chags blo/ zhes bya ba ni sbyin pa'i pha rol tu phyin pas longs spyod dag la ma chags pa ston to/ /zhi zhes smos pas ni tshul khrims kyi pha rol tu phyin pa ston te/ lus dang ngag dang yid kyi las mi dge ba nye bar byed pa'i phyir ro/ /sdom zhes smos pas ni bzod pa'i pha rol tu phyin pa sngon to/ /'di ltar sdom pa bya ba'i skad kyi

  286. 143b

    byings ni nye bar zhi ba'i don du 'don te/ bzod pa dang ldan pa ni gshe ba dang brdeg pa thams cad bzod do/ /srid yul mtshan ma rnam par mi rtog pa/ zhes bya ba la/ srid pa zhes smos pas ni nang gi chos rnams gzung ngo/ /yul zhes smos pas ni phyi rol gyi dngos po rnams gzung ste/ byang chub sems dpa' ni rnam par mi rtag pa'i ye shes thob pa'i phyir de dag la rnam par rtog par mi byed do/ /de ni sems can tshogs sdud byed pa yin/ zhes bya ba ni bsdu ba'i dngos po bzhis sems can gyis tshogs sdud par byed do/ /bsdu ba'i dngos pa'i skabs rdzogs so// //'di man chad ni sangs rgyas la mchod pa dang/ dge ba'i bshes gnyen la brten pa dang/ tshad med pa rnams te/ 'di dag gi 'brel ba gang yin zhe na/ rang la phan pa bsgrubs pa'i phyir sngar pha rol tu phyin pa bstan to/ /gzhan la phan pa bya ba bsgrub pa'i phyir/ bsdu ba'i dngos po rnams bstan to/ /rang la phan pa phun sum tshogs pa la bde ba la lhag par zhen pa srid pas de'i phyir de'i 'og tu bde ba la lhag par zhen pa'i gnyen por sangs rgyas la mchod pa dang/ bshes gnyen la brten pa ste/ sangs rgyas la mchod pa'i phyir/ sgrub pa'i dngos po yongs su gtong ba la goms pas longs spyod kyi bde ba lhag par zhen par mi 'gyur la/ lus dang srog la mi lta zhing bshes gnyen mgu bar bya ba la rab tu zhugs pa yang bdag nyid bde ba la longs spyod par mi 'gyur bas sangs rgyas la mchod pa dang/ dge ba'i bshes gnyen la brten pa 'di gnyi ga yang bde ba la lhag par zhen pa'i gnyen por bshad do/ /bsdu ba'i dngos po rnams kyis gzhan la phan pa la 'jug par rab tu sbyor ba de'i log par bsgrub pas sdug bsngal yal bar 'dod te/ ji lta ji ltar sems can de dag yongs su smin par byed pa ni log par bsgrub cing 'dul ba la mi gnas

  287. 144a

    pa de lta de ltar byang chub sems dpa' de dag yal bar 'dod par 'gyur de'i gnyen por tshad med pa rnams so/ /byang chub sems dpa' sems byams pa la sogs pas yongs su bsgom pas ni gnas skabs gang du yang sems can rnams yal bar mi 'dor bas de'i phyir tshad med pa dag bstan to/ /yongs su bsngo ba ni bsod nams dang ye shes kyi tshogs yongs su rdzogs par byed pa'o zhes bya ba ni mchod pa 'dis ring por mi thogs par bsod nams dang ye shes kyi tshogs yongs su rdzogs par gyur cig ces bcom ldan 'das la mchod pa de bsod nams dang ye shes kyi tshogs yongs su rdzogs par bya ba'i don du yongs su sngo bar byed pa'o/ /rgyu ni sngon gyi smon lam mo zhes bya ba ni tshe rabs gzhan dag na smon lam btab pa gang yin pa de rgyu yin te/ de nyid kyi phyir mjug thogs su/ bdag la sangs rgyas 'byung ba don yod par gyur cig ces bya ba smos so/ /zhing ni sems can tshad med pa rnams te/ de yongs su smin par bya ba'i phyir zhes bya ba'i phyir zhes bya ba ni sems can yongs su smin par bya ba'i don du zhes bya ba'i tha tshig go /de dag gis de la rab tu sbyar bas sems can de dag gis mchod pa de la rab tu sbyor bar byed do/ /de dag gis rab tu sbyar bas sems can zhing lta bu de dag la mchod pa sa bon la sogs pa lta bu ma 'ongs pa na sangs rgyas la mchod pa'i lo tog skye bar bya ba'i don du zhes bya ba'i phyir btab par 'gyur ro/ /mos pa la sogs pa zhes bya ba ni mos pa dang/ bsam gtan pa dang/ dbang 'byor pa nyid do/ /de la mos pa ni 'di lta ste mchod pa dang ldan pa'i theg pa chen po'i chos la mos pa'o/ /bsam pa ni bsam pa dgu po ro myang ba dang/ rjes su yi rang ba dang/ mngon par dga' ba'i bsam pa dag pa dang/ ngoms shing mi shes pa dang/ rgya chen po dang/ dga' ba dang/ phan pa dang/ ma gos pa dang

  288. 144b

    dge pa'i bsam pa dag go /dbang 'byor pa nyid ni nam mkha' mdzod la sogs pa'i ting nge 'dzin to/ /'di ni sems la brten pa'i mchod pa yin no/ /byang chub tu sems bskyed pa ste/ 'dir tshigs su bcad pa sbyar ba'i dor smon lam nyid bshad pa dang/ zhes bya ba ni 'di ltar tshigs su bcad pa ni smon pa zhes sbyor ro/ /smon lam gang yin pa de sems bskyed pa yin no/ /zhes sems bskyed pa'i rnam grangs su yang ston te/ 'di yang sems la brten pa'i mchod pa kho na yin la/ sems can la brtse ba'i mchod pa gang yin pa de yang sems la brten pa kho na yin par blta'o/ /gzhi la gtod dang rtogs pa dang/ zhes bya ba ni gzhi la gtod pa dang/ gzhi rtogs pa ste/ tshul bzhin yid la byed pa dang/ yang dag pa'i lta ba yin par ston te/ de bzhin nyid kyi sgo nas ni byang chub chen po 'thob pa zhes bya ba'i tha tshig ste/ byang chub sems dpa' sangs rgyas la mchod pa la sogs pa'i rim gyi 'jug pa rnam sangs rgyas nyid 'thob pa gang yin pa 'di ni sangs rgyas bcom ldan 'das rnams la mchod pa'i mchog yin no/ /rgyu dang 'bras bu nyid dang ni/ zhes bya ba nas gzung ste/ 'das pa dang/ ma 'ongs pa dang/ da ltar byung ba dang/ nad dang/ phyi dang/ rags pa dang/ phra ba dang/ dman pa dang gya nom pa'i dbye bas mchod pa shes par bya ste/ rkyen dang bkur sti'i sgo nas mchod pa la rnyed pa ni chos gos la sogs pa'o/ /bkur sti ni bstod pa dang phyag bya ba dang/ thal mo sbyar ba la sogs pa'o/ /yang nga rgyal dang bcas pa ni dman pa'o/ /nga rgyal med pa ni gya nom pa ste zhes bya ba ni tshigs su bcad pa las de rnam gnyis zhes bshad pa gang yin pa zhes bya ba'i sgras rnam pa gnyis nyid ston to/ /sgrubs pa de'i dman pa nyid chung ngu'i dbye ba dang nga rgyal gyi dbye bas rnam pa gnyis su ston te/ sgrub pa chung ngu yang dman pa

  289. 145a

    yin la/ nga rgyal dang bcas pa yang dman pa yin no/ /sgrub pa'i gya nom pa nyid kyang rnam pa gnyis su ston te/ sgrub pa chen po yang gya nom pa yin la/ nga rgyal med pa yang gya nom pa yin no/ /sbyor ba zhes bya ba ni dus gzhan dang/ de'i dus su sbyor ba'i bye brag gis so/ /'gro ba rnam par chad pas ni/ ring po'o zhes bya ba ni tshe rabs gzhan mang po zhig 'das na/ bcom ldan 'das la mchod pa thob par gyur pa gang yin pa'o/ /de ma thag pa'i nye ba'o/ zhes bya ba ni da ltar gyi dus kyis mchod pa gang yin pa ste/ de ni thob ma thag tu bcom ldan 'das la mchod pa la 'jug pa gang yin pa'o/ /don thams cad ni 'dres pa nye bar 'dres pa yin pa'i phyir ro/ zhes bya ba ni 'dres pa ma phul du byung bar ston to/ /dge ba'i bshes gnyen la brten pa'i gnas skabs su bde ba la lhag par zhen pa'i gnyen po ni bshad ma thag par kho nar sbyar bar bya'o/ /dul ba ni tshul khrims dang ldan pa'i phyir dbang po dul bas so/ /zhes bya ba ni kun tu chags par gyur ba'i dngos po dag la mtshan mar 'dzin par mi byed/ mngon rtags su 'dzin par mi byed par dbang po rnams kyi sgo bsdams te/ gnas pa yin no/ zhi ba'i ting nge 'dzin dang ldan pa'i phyir/ sems nang du zhi bar gnas pa'o/ /zhes bya ba ni gang gi tshe sems phyi rol tu 'phrogs pa zhi gnas kyi stobs kyis dmigs pa gcig la 'jug pa de'i tshe zhi ba zhes bya'o/ /nye bar zhi ba ni shes rab dang ldan pa'i phyir nyon mongs pas nye bar gnas pa nye bar zhi bas so zhes bya ba ni gang gi tshe 'di'i sems rnam pa 'ga' zhig gis phyi rol tu 'phro zhing nyon mongs pa rnams kyis dmigs pa las rab tu bskyod pa de'i tshe yang shes rab kyi gnyen po'i stobs kyis myur ba myur ba kho nar nye bar zhi bar byed pas so/ /bkur sti rnyed pa gang dang rim gro dang/ zhes bya ba la bkur sti ni yang

  290. 145b

    dag ba'i yon tan bsgrags pa dang phyag 'tshal ba dang/ ldang ba dang thal mo sbyar ba la sogs pa'o/ /rnyed pa ni chos gos dang bsod snyoms la sogs pa ste/ 'di dag gis dge ba'i bshes gnyen mchod par byed do/ /rim gro ni bsku ba dang/ phyi ba dang/ bkru ba la sogs pa'o/ /sgrub pa ni dge ba'i bshes gnyen gyi ji skad gdams pa de kho na bzhin du bsgrubs pa la sgrub par byed pa ste/ sgrub pas bsgrubs pas dge ba'i bshes gnyen mchod par 'gyur ro/ /de bzhin blo ldan chos la ni/ shes sam/ dus su 'dud pas bshes gnyen bgrod ces bya ba ni kun shes par 'dod pa nyid ston te/ kun shes par 'dod pa'i bsam pas dge ba'i bshes gnyen bgrod kyi/ rnam par tho 'tshams pa'i bsam pas kyang ma yin la/ chos brku ba'i phyir yang ma yin no/ / dus su zhes bya ba ni dus shes pa nyid ston te/ dus su dge ba'i bshes gnyen gyi drung du 'gro'i/ zan za ba la sogs pa'i dus su ni ma yin no/ /'dud pas zhes bya ba ni nga rgyal bcag cing dman pa'i sems kyis nye bar 'gro ba'o/ /de ni bsnyen bkur rnyed la 'dod ba med/ bsgrub par bya phyir de yongs sngo bar byed/ ces bya ba ni bsgrub par bya ba'i don du dge ba'i bshes gnyen brten gyi/ rnyed pa dang bkur sti'i don du ni ma yin pa ste/ bdag dge ba'i chos rnams la sgrub par gyur cig /rnyed pa dang bkur sti dang tshigs su bcad pa la sogs pa'i don du ni/ ma gyur cig ces bya ba yin no/ /zhing dag pa yang sbyang bar bya ba'i phyir zhes bya ba ni zhing dag pa sbyang ba yin no/ /'o na ci zhe na/ sangs rgyas kyi zhing yongs su dag pa ci 'dra ba de lta bur bdag gis kyang yongs su sbyang bar bya'o/ /zhes bya ba yin no/ /blo ldan rgyu dang 'bras bu dang/ zhes bya ba dge ba'i bshes gnyen la brten pa 'das pa ni da ltar byung ba'i rgyu yin no/ /da ltar byung ba ni 'bras bu yin no/ /de nyid ma 'ongs pa'i rgyu yin te/ 'di ni rgyu dang 'bras bur rnam par

  291. 146a

    bzhag pa'o/ /chos kyi sgo'i rjes su 'gro bas bshes gnyen la brten cing bya ba la/ chos kyi sgo'i rjes su 'gro ba ni chos kyi sgo'i rgyun gyi ting nge 'dzin te/ gang gi tshe dge ba'i bshes gnyen dang phrad nas ting nge 'dzin de thob la/ chos kyi rgyun de yang dang yang du sgom par byed na/ de ltar na dge ba'i bshes gnyen la bsnyen bkur byas par 'gyur ro/ /blo ldan sbyor dang 'gro ba dang/ mos pa'i sgo nas ring ba dang/ nye ba'i dbye ba ste/ snga ma bzhin du sbyar bar bya'o/ /zhes bya ba na 'gro ba rnam par chad pa ni ring ba'o/ /de ma thag pa'i ni nye ba'o/ /dus gzhan na sbyar bar bya ba ni ring ba'o/ /de'i dus su sbyar bar bya ba ni nye ba'o/ /dge ba'i bshes gnyen la brten pa gang zhig rab tu sbyar bar smon lam 'debs pa de ni ring ba'o/ gang zhig bya bar smon lam 'debs pa ni nye ba'o/ /bshes gnyen dam pa la brten pa'i mchog ni snga ma bzhin no zhes bya ba ni rnam par lngas rang gi sems kyis dge ba'i bshes gnyen rnams la brten pa mchog tu rig par bya'o/ /'di lta ste brtan pa dang ldan pa'i theg pa chen po'i chos la mos pa dang bsam pa ste/ bsam pa dgu po ro myang ba dang/ rjes su yi rang ba dang/ mngon par dga' ba'i bsam pa dge dang/ ngoms mi shes pa dang/ rgya chen po dang/ dga' ba dang/ phan pa dang/ ma gos pa dang/ dge ba'i bsam pa rnams dang/ dbang 'byor pa nyid de/ nam mkha' mdzod la sogs pa'i ting nge 'dzin dang/ rnam par mi rtog pa'i ye shes kyi thabs yongs su bzung ba dang/ byang chub sems dpa' chen po thams cad dang/ don gcig pa nyid la 'jug pa'i sgo nas te/ don thams cad ni 'dres pa nye bar 'dres pa yin pa'i phyir ro/ /de nyid sems kyi rnal 'byor yin no zhes bya ba ni bsam pa dang bsgom pa gang yin pa'o/ /tshad med pa rnam par dbye ba ni gzhan gyi

  292. 146b

    don bya ba dag la mi skyo ba'i thabs te/ byang chub sems dpa' tshangs pa'i gnas pa dag gis gnas pa ni gzhan gyi don bya ba dag la skyo bar mi 'gyur ro/ /btang snyoms ni tshor ba de dag la sems can rnams kyi kun nas nyon mongs pa med par sgrub pa'i rnam pa yin no/ /zhes bya ba ni kun nyon mongs pa med par sgrub pa'i rnam pa ni kun nas nyon mongs pa med pa sgrub pa'i rnam pas te/ sems can 'di rnams tshor ba 'di dag la rjes su chags pa dang/ khong khro ba'i nyes pa 'byung bar ma gyur cig snyam pa'o/ /dmigs pa med pa ni de bzhin nyid la 'jug pa ste/ de dag tu rnam par mi rtog pa'i phyir/ dmigs pa med pa dang 'dra pas na dmigs pa med pa'o/ /zhes bya ba ni kye ma bde ba'o/ /sdug bsngal ba'o/ /dga' bar gyur cig ces bya ba dang/ sems can rnams so zhes bya bar rnam par mi rtog par ro gcig pa'i phyir gnas skabs de na sems dang sems las byung ba'i tshogs kyi rnam pa de'i rnam pa so sor nges pa'i mtshan nyid ma yin pas dmigs pa med pa zhes bya'i/ de dag la gnas skabs de na de bzhin nyid la dmigs pa med pa ma yin pas/ rnam par shes pa lnga rnam par mi rtog pa lta bur rnam par mi rtog pa dag ces bya'o/ /khams rgyas pas de rnam par dag pa zhes bya ba ni chos dkar po 'phel bar gyur pas sdang ba la sogs pa mi mthun pa'i phyogs spangs pa'i phyir byams pa la sogs pa'i sa bon rgyas pa ni khams rgyas pa zhes bya'o/ /khams rgyas pas byis pa la sogs pa de dag sa brgyad pa la sogs pa la rnam par dag cing lhun gyis grub par 'jug ste/ de'i phyir gnas skabs de na dmigs pa med pa zhes bya'o/ / las gnyis te lus dang ngag gi las byams pa'i rgyu mthun pas bsdus pa gang yin pa zhes bya ba ni byams pas kun nas bslang ba'i lus dang ngag gi las zhi ba gang yin pa de ni byams pa'i rgyu mthun pa zhes bya ste/ lus dang ngag gi las

  293. 147a

    de yang gzugs kyi phung pos bsdus pa'i phyir dmigs pa med pa yin no/ /de bas na de la byams pa nye bar brtags nas byams pa dmigs pa med pa zhes bya'o/ /nyon mongs pa zad pas tshad med pa rnams dmigs pa med pa'o/ /ji ltar shes she na/ 'di ltar nyon mongs pa ni dmigs par bshad de/ yid kyi mdud pa rnams spangs pa'i phyir dmigs pa 'chad do zhes 'byung ba'i phyir ro/ zhes bya ba mdo'i dum bus de ston par byed do/ /nyon mongs pa ni dmigs par bshad pas nyon mongs pa spangs pa'i phyir/ byams pa la sogs pa dmigs pa med pa yin no/ /nyon mongs pa 'gag pa ni med pa'i phyir dmigs pa med pa ste/ 'gags pa de nub pa yin pa'i phyir ro/ /gnas pa khyad par du 'gyur ba'i skal pa can zhes bya ba ni gnas pa'i skal ba can zhes bya ba dang khyad par du 'gyur pa'i skal ba can no/ /de la chung ngu ni rnam pa drug ste/ zhes bya ba rnam pa drug gang zhe na/ mnyam par mi bzhag pa dang/ chung ngu dang/ 'bring dang/ dman pa'i sa pa dang/ bsam pa dman pa dang/ nga rgyal dang bcas pa rnams so/ /rnam pa drug po 'di dag ni dman pa ste/ chung ngu dag yin no/ /gzhan nyid lhag pa'o zhes bya ba gzhan ji lta bu zhe na/ mnyam par ma bzhag pa las bzlog pa mnyam par gzhag pa rnams ni mnyam par ma gzhag pa dag las lhag pa'o/ /chen po rnams ni chung ngur lhag pa'o/ /mchog gi sa pa dag ni dman pa'i sa dag pas lhag pa ste/ mos par spyod pa'i sa la chung ngu dag yin no/ /rab tu dga' ba la ni chen po dag yin no/ /de la ni chung ngu dag yin no// dri ma med pa la ni chen po dag yin te/ de bzhin du sa gong nas gong du sa 'og ma las ltos nas lhag par dag pa yin no/ /nyan thos dang rang sangs rgyas rnams kyi ni dman pa'o/ /sangs rgyas byang chub sems dpa' rnams kyi ni lhag pa'o/ /

  294. 147b

    nga rgyal dang bcas pa ni sa bdun pa la mi skye ba'i chos la bzod pa dang bral ba dag go /de yan chad ni mi skye ba'i chos la bzod pa thob pas lhag pa yin no/ /tshangs pa'i gnas dag gis gnas pa ni rgyu'o/ /zhes bya ba gang gi rgyu yin zhe na/ rnam par smin pa la sogs pa'i ste/ 'di ltar byang chub sems dpa' bsam gyis mi khyab pa'i bsam gtan gyis gnas pa ni tshangs pa'i gnas pa bsgom pas gzugs kyi khams su skye ba'i rigs pa las 'dul ba'i skye bo la bltos nas 'dod pa'i khams su skye ste/ 'di ni de'i rnam par smin pa'i 'bras bu yin no/ /tshogs rnams rdzogs par byed do zhes bya ba'i 'bras bu'i bdag pa'o/ /zhes bya ba ni tshangs pa'i gnas pa'i dbang gis tshogs rnams yongs su rdzogs par byed pa gang yin pa de ni bdag po'i 'bras bu'o zhes bya'o/ /sems can dag yongs su smin par byed do zhes bya ba ni skyes bu byed pa'i 'bras bu'o/ zhes bya ba ni skyes bu byed pa yang brtson 'grus kyi khyad par las 'gyur la/ sems can yongs su smin pa yang brtson 'grus kyi khyad par med par mi 'byung bas de'i phyir skyes bu byed pa las 'byung ba gang yin pa de ni skyes bu byed pa'i 'bras bu zhes bya'o/ /rkyen mi bzad pas kyang mi 'gyur ro zhes bya ba ni rtags so zhes bya ba ni gnod sems la sogs pa'i gnas lta bu'i yul mi bzad pa mthong bas kyang 'gyur ba med de/ rtags 'dis ni gzhan dag gis 'di ni byams pa la sogs pa thob pa yin no zhes bya bar shes so/ /gnod sems dang 'dod pa'i 'dod chags dag ni btang snyoms kyi yin no zhes bya ba rjes su chags pa dang/ khong khro ba ste/ 'dod chags kyis ni rjes su chags pa gnod sems kyis khong khro bar byed do/ /tshul khrims 'joms pas gnyi ga la yang gnod par byed ces bya ba ni tshul khrims 'joms pa ni ji lta bu/ de bcom pas ni ji ltar na gnyi ga la gnod par byed ce na/ gnyen po stobs chung ba ni gnod sems dang rnam

  295. 148a

    par 'tshe ba la sogs pas kun tu spyod pas tshul khrims yang dag par blangs pa mi dge ba'i chos lhag par spyod pas 'joms so/ /de bcom pas 'di nyid la gsad pa dang bcing ba dang brdeg pa la sogs pa'i sdug bsngal nyams su myong ba dang/ pha rol tu yang sems can dmyal bar 'gro ba la sogs pa'i gang yin pa de ni bdag nyid la gnod pa yin no/ /rang nyam can tshul khrims nyams pas srog gcod pa la sogs pa la 'jug pa gang yin pa de ni gzhan la gnod pa zhes bya ste/ de ltar na gnyi ga gnod par byed pa zhes bya'o/ /nyams bcas zhes bya ba ni tshul khrims nyams pa ste/ tshul khrims ral pa zhes bya ba'i don to/ /'di la bdag nyid smod ces bya ba ni sems can la bdag tu nye bar 'dogs te/ /'chal pa'i tshul khrims la gnas pa ni sems bdag nyid kyi ngo bo nyid kyi sems nyid la smod par byed de/ dge ba'i lam 'jigs pa med pa bor nas mi dge ba'i lam 'jigs pa dang bcas pa mkhas pa rnams kyi smad pa rnams la brten pa gang yin pa de ni dan to zhes de ltar smod pa'i phyir ro/ /rnyed pas dman zhes bya ba ni 'di la gzhan dag smod pa yin te/ chos gos dang bsod snyoms kyang mi rnyed la/ mthong na yang 'di skad du tshe dang ldan pa 'di ni 'di lta bu byed pa 'di lta bur spyod pa mi gtsang ba ste/ grong gi tsher ma yin no zhes smra'o/ /srung pas smad pa ni 'di tshul khrims dang ldan pa'i tshe bsrung ba byas pa'i lha gang dag yin pa de dag kyang smod cing bsrung bar mi byed do/ /de bzhin ston pas smad ces pa ni ston pa bcom ldan 'das kyis bong bu ltar kun tu sbyong ces bya ba la sogs pas smod cing tshul khrims nyams pas 'dor ba mdzad do/ /rtsod bcas ces bya ba ni 'di la tshangs pa mtshungs par spyod pa mkhas pa gzhan dag kyang chos nyid kyis rnam par smod do zhes bya ba'o/ /mi snyan zhes bya ba ni

  296. 148b

    phyogs mtshams su yang 'di'i sgra dang tshigs su bcad pa mi snyan pa dag 'byung ba'o/ /de ni gzhan du mi khom rnams su skye/ zhes bya ba ni tshe phyi ma'i kha na ma tho ba 'phel bar 'gyur ro zhes ston to/ /thob pa las nyams pa zhes bya ba ni byams pa la sogs pa thob pa las yongs su nyams pa yin pa ste/ 'di ni tshe kho na'i kha na ma tho ba yin no/ /ma tho ba nyams pas zhes pa 'dis ni tshe phyi ma'i kha na ma tho ba 'phel bar ston te/ 'di ltar ngo tsha ba rnam par dbye ba las slob dpon gyis thob pa dang ma thob pa las yongs su nyams pa ni tshe 'di dang phyi ma'i kha na ma tho ba dang sbyor bar 'gyur ro/ /yid la sdug bsngal chen po 'thob/ ces bya ba ni de las skyes pa sems kyi sdug bsngal dang yid mi bde ba lus kyi dang sems kyi tshe 'di dang tshe phyi ma la 'thob pa ste/ 'di ni tshad med pa rnams spyir bsam pa yin no/ /da ni khyad par te tshad med pa rnams kyi nang na snying rje mchog yin pas de dmigs pa la sogs pa'i dbye bas phal cher bsam to/ rab 'bar dgra'i dbang du song/ zhes bya ba la sogs pa'i rab tu dbye bas de brtsam par bya'o/ /dgra'i dbang du song ba ni gang gi tshe bdud kyis dge ba las rab tu bskyod par byed pa'o/ /bgrod dka' lam la kun tu zhugs/ zhes bya ba bgrod dga' ba ni 'khor ba ste/ der 'gro ba'i lam la kun tu zhugs pa ni bgrod dka' ba'i lam la kun du zhugs pa zhes bya'o/ /de dag kyang gang zhe na/ de dag bstan pa'i phyir/ yongs su mya ngan las mi 'da' ba' i chos can rnams te zhes bya ba smos so/ /lam rab tu stor ba ni mngon pa'i nga rgyal can rnams te/ thar pa'i lam nor ba'i phyir ro zhes bya ba ni de dag yongs su mya ngan las 'da' ba' i chos can yin pa las mngon pa'i nga rgyal can du 'gyur ba'i phyir yun ring mo zhig tu thogs te/ de dag ni de kho na nyid ma rtogs par rtogs par nga rgyal byed

  297. 149a

    do/ /da ltar na de dag ji srid du nga rgyal kun tu spyod pa de srid du 'phags pa rnams kyi lam stor bar 'gyur bas lam stor ba zhes bya'o/ /byang chub mchog gi sa bon nyid kyis ni bdag po'i 'bras bu'o zhes bya ba ni 'di ltar snying rje ni byang chub mchog sangs rgyas kyi ngo bo nyid kyi sa bon yin no/ /ji ltar sa bon yin zhe na 'di ltar de'i dbang gis de 'thob par 'gyur ro/ /go rim bzhin du gzhan dag bdag nyid la bde ba bskyed pa dang/ gdung bar byed pa nyid kyis ni skyes bu byed pa'i 'bras bu'o/ /zhes bya ba ni skyes bu byed pas ni sems can rnams kyi bde ba mtho ris dang byang chub grol gyi ngo bo nyid bskyed la/ bde ba skyed pa de yang nang dang phyi'i dngos po yongs su gtong bar 'gyur ro/ /chos la brten pa'i zhes bya ba ni ji skad bshad pa'i 'bras bu lnga dang ldan pa'i snying rje'i chos la brten pa'i zhes bya ba'i tha tshig go /byang chub sems dpa' 'khor bar rtog pa thams cad yang dag pa ji lta ba bzhin yongs su shes nas snying rje dang ldan pa'i phyir/ yongs su skyo bar yang mi 'gyur la/ zhes bya ba 'dis ni mya ngan las 'da' ba la mi gnas pa nyid ston te/ snying rje'i stobs kyis nyan thos bzhin du mya ngan las 'das pa la gzhol bar mi 'gyur ro/ /blo mchog dang ldan pa'i phyir nyes pa dag gis gnod par yang mi 'gyur ro/ zhes bya ba 'dis ni 'khor ba la mi gnas pa nyid ston te/ shes rab kyi stobs kyis 'jig rten pa bzhin du 'khor ba la gzhol bar mi 'gyur ro/ /de ltar na shes rab kyi stobs kyi so so'i skye ba bzhin du 'khor ba la yang mi gnas la/ snying rje'i stobs kyis nyan thos bzhin du mya ngan las 'das pa la yang mi gnas pas mi gnas pa'i mya ngan las 'das pa zhes bya'o/ 'jig rten sdug bsngal bdag nyid lta ba yin/ zhes bya ba ni sdug bsngal gyi ngo bo

  298. 149b

    nyid ces bya ba'i tha tshig go /snying rje'i bdag nyid can gyi brtse ba 'di/ rang bzhin dang zhes bya ba la/ rang bzhin gyi sgras ni brtse ba'i rigs bstan to/ /so sor brtag pa zhes bya ba ni yon tan dang skyon yongs su rtog pas so/ /de sngon goms par byas dang ldan pa dang zhes bya ba ni tshe rabs gzhan na yongs su bsgoms pas so/ /mi mthun phyogs nyams rnam dag thob pas zhi/ zhes bya ba ni 'dod chags dang bral ba thob pa'i sgo nas te/ de'i mi mthun pa'i phyogs rnam par 'tshe ba spang pa na snying rje rnam par dag pa thob par 'gyur ro/ /mnyam pa ma yin pa gang yin pa de ni brtse ba ma yin no zhes bya ba 'jig rten pa dang nyan thos dang/ rang sangs rgyas rnams kyi brtse ba ni sems can sdug bsngal zhing sdug bsngal gyi tshor bas nyen pa dag kho na la rtse bas mnyam pa ma yin gyi/ sangs rgyas dang byang chub sems dpa' rnams kyi brtse ba ni gang ci tshor ba de ni 'dir sdug bsngal ba'o zhes bya bas khams gsum du skyes pa'i sems can rnams la mnar med pa dag la ji lta bar srid pa'i rtse mor skyes pa rnams la yang de dang 'dra bar brtse ste/ de bas na sems can thams cad la mnyam pa zhes bya'o/ /ji ltar nyan thos rnams kyi phung po'i lhag ma med pa'i mya ngan las 'das pa zad pas zad par 'gyur ba lta bu rtag tu ma yin pa nga yang brtse ba ma yin te/ sangs rgyas bcom ldan 'das rnams kyi brtse ba ni rtag tu ste/ phung po'i lhag ma med pa'i mya ngan las 'das pa'i yang zad par mi 'gyur ro/ /de bzhin du lhag pa'i bsam pa la sogs pa thams cad la yang sbyar bar bya'o/ /'dod chags dang bral pas ni de'i mi mthun pa'i phyogs rnam par 'tshe ba spangs pa'i phyir ro zhes bya ba ni bag chags dang bcas te spangs pa'i phyir ro zhes bya ba'i don te/ de ltar na nyan thos de dag las kyang khyad par du 'phags so/ /mi skye ba'i chos la bzod pa thob pa'i phyir ro

  299. 150a

    zhes bya ba ni sa brgyad pa la sogs pa la lam mngon par 'du bya ba med pa'i phyir ro/ /de'i rtsa ba snying rje'o zhes bya ba ni snying rje'i shing gi zhes bya ba'i tha tshig ste/ shing la ni rtsa ba med na sdong po med do/ /sdong po med na yal ga med do// yal ga med na lo ma med do/ /lo ma med na me tog med do/ /me tog med na 'bras bu med do/ /de bzhin du snying rje'i shing la rtsa ba snying rje med na sdong po bzod pa med do/ /sdong po bzod pa med na sems can gyi don sems pa yal ga lta bu med do/ de med na skye ba bzang po yongs su bzung ba'i don smon pa lo ma lta bu med do/ /de med na skye ba bzang po me tog lta bu med do/ /de med na sems can yongs su smin pa 'bras bu/ lta bu med do/ /snying rje'i shing 'di ji ltar 'phel bar 'gyur ba de bsam par bya ste/ snying rje ni rtsa ba bshad do/ /rtsa ba de'i chu lta bu ni byams pa ste/ des rtsa ba 'chu bar byed do/ /snying rje'i sdug bsngal las/ bde ba skye ba gang yin pa'i bde ba des ni shing de'i sdong po bzod par rgyas par byed do/ /snga ma dang phyi ma 'gag pa dang skye ba'i rim gyi smon lam gyi rgyun ma bcad pas smon lam rnams lo ma 'dor ba dang len pa dang chos mthun par rig par bya'o/ /zhes bya ba ni dper na shing ni lo ma rnyings pa yongs su 'dor zhing sar pa yongs su len par byed pa de bzhin du byang chub sems dpa' yang sngon gyi smon lam chung ngu yongs su btang nas smon lam chen po mchog 'dzin par byed de/ de ltar na gong nas gong du bya bas smon lam chung ngu rnams ni yongs su gtong la/ chen po mchog rnams ni 'dzin par byed do/ /dper na dus bzang po las skyes pa'i shing dus dus su bcus pa las gdon mi za bar me tog la sogs pa 'byung ba de bzhin du nang gi rkyen grub ste/ rang gi rgyud yongs su smin pa las me tog la sogs pa lta

  300. 150b

    bu'i skye ba la sogs pa khyad par du 'phags par 'gyur ro/ /de dag la chags par 'gyur ba lta smos kyang ci dgos/ zhes bya ba ni 'jig rten pa'i bde ba dang rang gi srog la'o/ /'jig rten pa'i snying rjes gnas pa rnams kyi ni kha na ma tho ba med kyang 'jig rten pa yin no zhes bya ba ni gang zag dang bcas pa'o zhes bya ba'i tha tshig go /'dren pa'i thabs gang yin pa zhes bya ba ni snying rjes byams pa'i rang bzhin gyi thabs so/ /sems can rnams la sdug bsngal med par bya ba'i phyir ro zhes bya ba ni sems can rnams kyi sdug bsngal bsal ba'i rgyu mtshan du zhes bya ba'i tha tshig go /bdag dang gzhan mnyam pa nyid kyi sdug bsngal la yang dag pa nyid ji lta ba bzhin ma reg pa'i phyir ro/ /zhes bya ba ni 'dir ji srid du sa dang po ma thob pa de srid du bdag dang gzhan mnyam pa nyid 'thob par mi 'gyur gyi/ sa dang po thob na chos kyi dbyings kun tu 'gro ba rtogs pa'i phyir sdug bsngal gyi chos nyid rtogs pa'i sgo nas/ sems can thams cad kyi rgyud la yod pa'i sdug bsngal la reg par 'gyur ro/ /byang chub sems dpa' rnams kyi snying rjes bskyed pa'i sdug bsngal nyid 'di ltar 'jig rten pa'i bde ba nyid yin pa thams cad zil gyis gnon pa de lta bu'i bde bar 'gyur zhing zhes bya ba ni byang chub sems dpa' sems can skye ba la sogs pa'i sdug bsngal gyis g.yon spyo ba rnams kyis de las yongs su bskyabs pa'i phyir zhugs pa rnams la ni/ sems can dmyal ba'i sdug bsngal skye ba gang yin pa de yang sems can yongs su bskyab pa las bltos nas de dag gi bde ba chen po yin te/ 'jig rten pa'i bde ba gang yin pa de dag thams cad zil gyis gnon pa zhes bya ba ni snying rjes bskyed pa'i bde ba nges so/ /dgra bcom pa don byas pa rnams kyang bde ba dang mi ldan na zhes bya ba ni snying rjes sdug bsngal las skyes pa'i bde ba gang yin pa de ni nyan thos

  301. 151a

    rang gi don lhur len pa rnams la med pas de dag de dang mi ldan pa yin no/ /gzhan dag lta smos kyang ci dgos zhes bya ba ni 'jig rten pa rnams so/ /tshigs su bcad pa 'dis las ni sdug bsngal gyis bde ba nyams su myong ba skad du bshad la/ 'grel pa las ni snying rjes drangs pa'i bde bas bde ba nyams su myong bar bshad pa ni 'di ltar rung ngo/ /de lta ma yin na ji ltar don byas pa rnams kyang de dang mi ldan zhes brjod de/ bde ba de lta bu gang yin pa de dang nyan thos rnams mi ldan gyir? sdug bsngal dang ni ma yin no/ /'jig rten gsum gyi bde ba nye bar spang ba rnams kyis bde ba byas pa gang yin pa nges kyang zhes bya ba la/ kyang zhes bya ba'i sgras ni brtse bas sbyin pa dang/ ldan pa'i bde ba gang yin pa des kyang zhes bya bar sbyar ro/ /gsum dang de dag gi 'bras bu 'phel ba'i zhes bya ba ni gsum 'phel ba dang/ gsum po de las 'bras bu bde ba rnam pa gsum po de 'phel ba'i tshigs su bcad pa'o/ /de'i rjes su 'dzin par byed pa'i mthus byas pa'o zhes bya ba ni sems can rjes su 'dzin par byed pa'i mthus byas pa zhes bya ba'i tha tshig ste/ byang chub sems dpa' i sbyin pa sbyin pa ni yo byad kyis phongs par mi 'gyur ro/ /yo byad kyis phongs pa med pa sbyin pa'i dus na byang chub sems dpa' sbyin pa ji ltar 'dod pa bzhin sbyin pa'i mthu thogs pa med par 'gyur te/ 'di ni 'bras bu gsum pa yin no/ /ngo bo nyid rgyas pa zhes bya ba ni byang chub sems dpa' i sbyin pa sbyin pa'i snying rje rgyas par 'gyur ba 'di ni ngo bo nyid rgyas pa yin no/ / 'phel ba zhes bya ba ni brtse bas sbyin pa byin pa'i byang chub sems dpa' la brtse ba'i khyad par gyis sbyin pa chung ngu yang 'phel bar 'gyur te/ de bas na longs spyod dag gi snying rje 'phel bar byed do/ /sbyin la yongs su smin bya zhes bya ba

  302. 151b

    ni gsum pa'i don du bdun pa yin te/ de nyid kyi phyir 'grel ba las sbyin pas sems can yongs su smin par bya ba dang zhes bshad do/ /tshogs kun tu 'dren pa zhes bya ba ni sbyin pa dang tshul khrims la sogs pa'o/ /snying rje can ni rtag tu rang sbyin la/ ston dang 'dra ste zhes bya ba ni sbyin pa ni phyi'i dngos po yin pa'i phyir de ni sems pa med pa yin pas de la bstan du ci zhig yod/ de bas na ston dang 'dra zhes bya ste/ ji ltar sems pa dang bcas pa la rjes su ston pa de bzhin du de la rjes su ston pa yin no/ /rang bde mi 'dod pa zhes bya ba ni bdag nyid bde bar mi 'dod kyi rnam pa thams cad du sems can rnams kho na la bde bar 'dod pa'o/ /yang na tha dad min bde bdag la'ang min/ zhes bya ba ni sems can rnams dang tha dad pa ma yin pa'i bde ba zhes bya ba'i tha tshig go /sems can rnams la bde ba gang yin pa de nyid byang chub sems dpa' i bde ba yin te/ 'di ni bdag nyid kyi bde ba sems can rnams kyi dang tha dad bar mi 'dod pas tha dad pa ma yin pa'i bde ba'o/ /bdag gis sbyin pa dang sbyin pa'i 'bras bu gang yin pa thams cad sems can kho na la smin na/ ji ltar na bdag gis bde ba tha dad pa yin par sems de dag bde ba nyid bdag gi bde ba yin pas zhes bya ba de dag gi bde ba ni de dag bde ba ste/ sems bde ba zhes bya ba'i don to/ gang la de dag bde bas bde ba yod pa de ni de dag bde ba ste/ de bas na de dag bde ba'i bde bas bdag bde'o zhes bya bar ston to/ /bdag ni longs spyod dag de ltar nye bar gnas pa'i bde ba gang yin pa de ni mi 'dod ces bya ba'i longs spyod la rgyab kyis phyogs pa la longs spyod shin tu mang por 'gyur ba gang yin pa zhes bya ba'i tha tshig go/ gzhan yang gal te bdag cung zad cig yongs su gtong zhing cung zad cig bdag gir byed na ni/ de la 'di snyam du 'di ni bdag

  303. 152a

    nyid kyang sbyin pa'i 'bras bu don du gnyer zhing longs spyod 'dod pas sbyin pa byin no zhes bya bar dogs par yang 'gyur na/ gang gi tshe bdag bdog pa thams cad yongs su gtong zhing de yang brtse bas te/ lan dang rnam par smin pa la mi lta bar zhugs pa de nyid kyi phyir khyod kyis bdag la sbyin pa'i 'bras bu don du gnyer ba med pa nyid du shes par bya'o/ /zhes byang chub sems dpa' byin pa la rjes su ston par byed do/ /khyod kyi lan la lta dang bral bas na/ /'bras bu shin tu gzhan la gtong ba yin/ zhes bya ba ni khyod kyi thams cad lan la lta bas 'bras bu 'byin te/ bdag ni khyod kyi lan la lta ba dang bral bas 'bras bu gzhan la gtong ngo zhes de skad du byang chub sems dpa' sbyin pa la rjes su ston to/ /tshol ba med pa zhes bya ba ni gzhan gyi ma brtsal te/ don du ma gnyer ba gzhan gyi tshul tsam gyis byang chub sems dpa' sems dpa' shes pa sbyin pa byin par byed do/ /dga' ba ni so sor brtag pa med par rab tu dga' bas sbyin pa'i phyir ro/ /zhes bya ba ni shes rab kyi ser sna'i sems tshar bcad nas sbyin pa ma yin pa zhes bya ba'i tha tshig go /sbyin pa'i sgo nas dga' ba ni sbyin pas dga' ba'o/ /'di ltar snying rjes pha rol tu phyin pa rnams mngon par bsgrub par 'gyur ba de lta tshigs su bcad pa'o/ /snying rjes ji ltar pha rol tu phyin pa mngon par bsgrub par 'gyur zhe na/ de'i mthun pa'i phyogs rnam par sun 'byin pa'i phyir/ de ser sna dang 'chal ba'i tshul khrims la sogs pa rnam par sun 'byin pa'i phyir zhes bya ba'i tha tshig go /de ltar na de'i mi mthun pa'i phyogs rnam par sun phyung bas snying rje de ni/ pha rol tu phyin pa mngon par grub par byed par 'gyur te/ de bas na pha rol tu phyin pa mngon par bsgrub pa'i snying rje zhes bya'o/ /snying

  304. 152b

    rje'i rkyen brtan pa'i tshigs su bcad pa zhes bya ba ni mod las/ rkyen nyid gzhi gsungs te/ dmigs pa dang/ bdag po dang/ mtshungs pa de ma thag pa dang/ rgyu'i rkyen nyid do/ /snying rje'i dmigs pa la sogs pa'i rkyen ji lta bu zhe na/ de bsam par bya ste/ tshor ba rnam pa gsum car yang dmigs pa'i rkyen yin te/ bde ba'i tshor ba ni 'gyur ba'i sdug bsngal nyid kyis dmigs pa yin no/ /sdug bsngal ni sdug bsngal gyi ngo bo nyid kyis so/ /sdug bsngal yang ma yin bde ba ma yin pa'i tshor ba ni 'du byed kyi sdug bsngal nyid kyis dmigs pa yin no/ /'di ni bde ba dang sdug bsngal dag gi rgyu yin te/ yang de dag 'dren pa'i phyir ro/ /zhes bya ba ni 'di ltar sdug bsngal yang ma yin bde ba yang ma yin pa'i tshor ba'i mtshan nyid ni 'di yin te/ de gnyi ga'i gnas ngan len yongs su 'dzin pas gnyis las rnam par grol pa dang/ mi rtag pa nyid dang rjes su 'brel pa'i phyir/ sdug bsngal yang ma yin bde ba yang ma yin pa'i tshor ba tshor bar bshad do/ /de bas na bde ba dang sdug bsngal ba nyid kyi gnas ngan len pa dang rjes su 'brel pa'i phyir/ sdug bsngal yang ma yin bde ba yang ma yin pa'i dmigs pa nyid du bstan to/ /rgyu'i rkyen ni snying rje'i bag chags gang yin pa ste/ snying rje kun tu spyad pas rnam par smin pa'i rnam par shes pa la bag chags gzhan pa de'i rgyu'i rkyen to/ /dge ba'i bshes gnyen gyi dbang gis snying rjes kun tu spyod pa gang yin pa de ni bdag po'i rkyen to/ /sems dang sems las byung ba'i tshogs sngar byung ba ni snying rje skye bar 'gyur ba'i mtshungs pa de ma thag pa'i rkyen to/ /de'i bsam phyir bya ba de sems pa'i phyir yin par shes par bya'o/ /mi dmigs pa'i phyir ni bdag dang gzhan dang snying rjer mi dmigs pa'i phyir ro/ /zhes bya ba ni rnam par mi

  305. 153a

    rtog pa'i gnas skabs na'o/ /rang gi sems kyis byams pa la sogs/ bsgom pa mchog ces bya ba ni sems can gyi khams la khyim dang grong khyer la sogs pa'i dbye bas nyi tshe ba'i yo byad kyi rdzas kyis byams par byed pa gang yin pa de ni mchog ma yin gyi/ rang gi sems kyis byams pa la sogs pa bsgom pa gang yin pa de ni 'dir mchog dang gtso bo yin no/ /rang gi sems kyis ji lta bu zhe na/ de ston te chos la mos pa'i sgo nas ni mdo la sogs pa las tshad med pa'i dbang du byas pa'i chos gang yin pa thos nas chos de la shin tu snying nas mos shing sems can thams cad la dmigs nas byams pa la snyoms par 'jug pa yin no/ /bsam pa'i sgo nas ni ro myang ba la sogs pa'i bsam pa dgus so/ /dbang 'byor pa nyid kyis ni sems can tshad med pa la byams pa'o/ /rnam par mi rtog pa'i ye shes kyi thabs yongs su bzung ba dang/ byang chub sems dpa' thams cad dang don byed pa'i khyad par gyi sgo nas ni don thams cad 'dres shing nye bar 'dres pa'i phyir ro// rdzas chen pos zhes bya ba ni mu tig dang/ baiDUrya dang/ chos gos dang/ bsod snyoms la sogs pa rnyed pa'i gya nom pa dag gis so/ /bkur sti chen pos shin tu mchod pa dang/ ldan pa zhes bya ba ni yang dag par sgrub pa'i don du mchod pa'i phyir ro/ /rgyun ces bya ba ni rtag tu zhes bya ba'i tha tshig ste/ rtag tu bcom ldan 'das la mchod pa la sogs pa la 'jug pa yin pas tshigs su bcad pa phyed po 'dis ni mchod pa snyad do/ /yon tan mang ldan phan byed bshes la rtag brten pa zhes bya ba ni dge ba'i bshes gnyen la brten pa bshad do/ /'gro la rjes su brtse ba grub pa kun thob 'gyur/ zhes bya ba ni rjes su brtse bar byed pa nyid kyis tshad med pa rnams ston to/ /de bas na tshigs su bcad pa 'dis ni ji skad bshad

  306. 153b

    pa'i mchod pa dang/ brten pa dang tshad med pa rnams kyis go rim dang yon tan mdor bsdus nas bstan to/ /zhes bya ba la go rim na bshad ma thag pa'i tshul gyis bstan to/ /yon tan ni rdzas dang bkur sti chen pos zhes bya ba la sogs pas bstan to/ /yon tan mang po dang ldan pa ni de las gzhan pa dag dang ngo zhes bya ba ni bshes gnyen dul ba zhi zhing nyer zhi ba/ yon tan lhag pa brtson byas lung gis phyug /de nyid rab tu rtogs pa smra ma khas ldan/ /brtse ba'i bdag nyid skyo ba spangs la brten ces bya ba la sogs pa'i yon tan dang ldan pa ste/ snying rje'i skabs yin pa'i phyir de las gzhan pa zhes bya ba smos so/ /mchod pa dang rten pa dang tshad med pa'i skabs rdzogs so// //tshad med pa'i 'og tu ngo tsha ba'i skabs te/ 'di'i 'brel pa gang yin zhe na/ 'di ltar rang dang gzhan la phan pa la zhugs par sgrub pa'i don du de dang rjes su mthun pa'i lam sgom par byed pas/ de'i 'og tu byang chub kyi phyogs dang mthun pa'i skabs so/ /byang chub sems dpa' rnams kyi bslab pa'i dmigs pa rnam pa 'di ni ngo bo nyid dang/ khyad par kyi sgo nas bslab pa'i lam gyi rnam pa thams cad yin pas ngo tsha ba'i skabs nas bzung ste/ gang zag la bdag med pa'i skabs kyi bar thams cad ni byang chub kyi phyags dang mthun pa'i skabs yin par rig par bya'o/ /ngo tsha mi mthun phyogs spangs dang/ zhes bya ba ni ngo tsha ba'i ngo bo nyid bstan pa ste/ mi mthun pa'i phyogs ngo tsha mi shes pa dang/ khrel med pa spangs pa'i phyir ngo tsha ba mi mthun pa'i phyogs med par 'gyur pas de tsha ba'i ngo bo nyid du bshad do/ /grogs ni rnam par mi rtog pa'i ye shes so/ /yul kha na ma tho ba med cing dman pa ni nyan thos dang/ rang sangs rgyas kyi theg pas te/ zag pa med pa'i phyir

  307. 154a

    kha na mtho ba med pa yin la/ nyan thos kyi theg pa yin pa'i phyir dman pa'o/ /bstan rnams pha rol phyin pa drug /bsten pa las ni le lo las ngo tsha bar 'gyur ro zhes bya ba ni byang chub sems dpa' gang gi tshe bsten par 'os pa pha rol tu phyin pa rnams le lo byed cing sten par mi byed/ pha rol tu phyin pa rnams la rab tu mi sbyor na des na ngo tsha bar 'gyur ro/ /'di ni sbyor ba dang mi sbyor bas ngo tsha ba yin no/ /zhes bya ba ni sbyor ba ma yin pa la sbyor ba gang yin pa'o/ /sbyor ba ma yin pa la sbyor ba gang zhe na/ gang gi tshe le los nyon mongs pa dang mthun pa'i chos rnams la sbyor ba'o/ /'di ni ngo tsha chung du dang chen po ste/ sngar bshad pa'i rjes su 'brangs nas khong du chud par bya'o/ /zhes bya ba ni mnyam par gzhag pa'i sa ba'i ngo tsha ba dang/ mnyam par ma bzhag pa'i sa pa yang chung ngu dang 'bring dang dang dman pa dang nyan thos kyi theg pa mtshungs par ldan pa'i ngo tsha ba gang yin pa dang sa bdun pa dag la nga rgyal dang bcas pa ste/ ngo tsha ba ji skad bstan pa de dag thams cad ni dman pa'o/ /sa las bltos na ni dman pa yang yin la/ lhag pa yang yin no/ /de las bzlog pa lhag pa ste/ mnyam par gzhag pa'i sa gang yin pa dang mnyam par ma gzhag pa'i sa ba las kyang chung ngu dang/ 'bring ma gtogs pa ngo tsha ba chen po dang/ sa brgyad pa la sogs pa'i ngo tsha ba ni lhag pa yin par rig par bya'o/ /blo ldan ngo tsha med pa ni/ /tshul bzhin min pas nyon mongs dag dang du len ces bya ba ni tshul bzhin ma yin pa yid la byed pa kun tu spyod pas bdag nyid la gnod par byed pa yin no/ /khong khro bas ni gzhan la gnod par byed do/ /yal bar 'dor ba dang nga rgyal dag gis ni gnyi ga la gnod par byed do/ /de nyid kyi phyir yal bar 'dor

  308. 154b

    ba dang/ nga rgyal gyi mjug thogs su/ sems can rnams dang tshul khrims 'joms zhes bshad/ yal bar 'dor bas ni sems can gyi don la bag med par 'gyur la/ nga rgyal gyis ni sems can gdol pa yan chad kyi drung du song nas dge ba'i chos la sbyor bar mi byed do/ /de ltar na sems can la gnod pa yin no/ /bdag nyid la yang 'di ltar yal bar 'dor bas dag pa'i chos la 'jug pa yal bar 'dor zhing mi dge ba'i chos la 'jug pa dang du len to/ /nga rgyal gyis kyang khengs pa nyid kyis dge ba'i bshes gnyen gyi drung du 'gro zhing bsnyen bkur bya ba dang chos mnyan pa la sogs pa la mi 'jug go /de bas na mi dge ba'i bshes gnyen dang phrad pas na 'di'i tshul khrims la gnod par 'gyur ro/ /nga rgyal gyis nyams pa ni gang chung zad shes pa yang gzhan dag la mi ston zhing song zhing song nas sems can gyi don bya ba dag la yang mi 'jug ste/ de ltar bdag nyid dang gzhan la gnod pa yin no/ /'gyod pas bdag nyid la gnod par byed ces bya ste/ 'di ltar bshad ma thag pa'i khong khro ba la sogs pa kun tu spyod pa 'gyod pa dang bcas par 'gyur ro/ /de bas na 'gyod par byed pa ni bdag nyid la smod do/ /bkur stis dman pa'i phyir gzhan dag smod do/ /dang ldan mi min tshogs dang/ zhes bya ba ni lha'o/ ston pas btang snyoms su mdzad pa'i phyir ston pas/ bong bu ltar spyod pa zhes bya ba la sogs pas smod de/ bcom ldan 'das kyis 'di ni 'phags pa'i chos rnams kyi snod ma yin no zhes bya bar mkhyen nas btang snyoms su mdzad do/ /tshangs pa mtshungs par spyod pa mkhas pa dag chos nyid kyi rnam par smod pa'i zhes bya ba ni chos mthun pas rnam par smad pa'i phyir ro/ /phyogs dang phyogs mtshams su yang 'di mi snyan

  309. 155a

    pa 'byung ba'i phyir/ 'jig rten las mi snyan pa 'thob po bya ba'i tha tshig go /de las skyes pa'i sems la byung ba'i sdug bsngal dang yid mi bde ba so sor myong bar 'gyur ro/ zhes bya ba la/ sdug bsngal ni rnam par shes pa lnga dang mtshungs par ldan pa'o/ /yid mi bde ba ni yid kyi rnam par shes pa dang mtshungs par ldan pa'o/ /ngo tsha bas tshogs yongs su rdzogs par byed do/ /zhes bya ba 'dis ni bdag po'i 'bras bu'o zhes bya ba ni ngo tsha ba ni yon tan thams cad kyi rtsa ba yin te/ de'i dbang gis tshogs yongs su rdzogs par 'gyur ro/ /'dis ni ngo tsha med pa ni des las gzhan pa'i gos gyon yang nyes pas dri ma can yin pa'i phyir ro/ /ngo tsha ba ni gos khyad par du yang 'phags pa yin no/ zhes bya ba ni/ byis pas shes kyi g.yogs pa ni lus la sa'i rdul la sogs pa dri ma mi 'byung mod kyi/ 'on kyang nang gi 'dod chags la sogs pa'i dri ma dang ldan pas gos dang bcas kyang dri ma can yin pa'i phyir dri ma dang bcas pa zhes bya'o/ /byang chub sems dpa' ngo tsha shes pa'i gos kyis g.yogs pa ni gos med kyang nang gi 'dod chags la sogs pa'i dri ma med pa'i phyir ro/ /de kho na'i lus ji ma dang bral ba yin pas/ de kho na gos dang bcas pa yin gyi/ gzhan na ma yin no/ /de nyid kyi phyir/ rgyal sras ngo tsha shes pa'i gos can ni /dag pa pa med kyang nyes pa'i dri ma bral/ zhes bya ba bshad do/ /nam mkha' dang rgyan dang 'dra ba nyid du ston to/ /zhes bya ba ni/ nam mkha' dang 'dra ba nyid dang/ rgyan dang 'dra ba nyid do/ /'di skad du bshad pa yin te/ /ji ltar nam mkha' rang bzhin gyis dri ma med pa la sprin dang khug rna la sogs pas mi gos pa de bzhin du/ byang chub sems dpa' ngo tsha dang

  310. 155b

    ldan pa yang 'jig rten gyi chos rnyed pa dang mi rnyed pa la sogs pas mi gos so/ /ji ltar rgyan dang chos mthun pa yin zhe na/ ji ltar phal pa 'ga' zhig rgyan sna tshogs kyis brgyan te mi dag gi nang du song na mdzes pa ltar byang chub sems dpa' ngo tsha shes pa'i rgyan gyis brgyan pa yang de bzhin du mdzes so/ /bskyab par bya ba'i sems can yal bar ngor nas ngo tsha ba'i phyir ro/ /zhes bya ba ni byang chub sems dpa' ni ma lta bur byams pa dang ldan pas 'khor ba'i sdug bsngal las yongs su bskyab pa'i phyir/ bdag gis yal bar bor nas sems can 'ga' zhig log par ltung bar song na mi rung ngo/ /zhes sems can gyi don du rtag tu bag tsha ba kho nar gnas pas so/ /rta dang glang po che'i tshogs la sogs pa 'dra ba'i phyir ro/ /zhes bya ba ni ji ltar rgyal po glang po che dang/ rta dang shing rta la sogs pas phyir rgol ba dag las/ srung ba de bzhin du ngo tsha ba yang sems can 'khor ba pa rnams kyi nyes pa thams cad las kun tu srung bar byed pa yin no/ /gos la sogs pa'i dpe 'di rnams kyis ni ngo tsha bas gnas pa na/ nyon mongs pa'i gnyen po nyid ces bya ba ni/ rgyal sras ngo tsha shes pa'i gos can ni/ dag ba pa med kyang nye ba'i dri ma bral/ zhes gang bshad pa yin te/ gnas pa ni skyil mo krung bcas nas bsam gtan byed pa'i nang du yang par 'jog pa'i gnas skabs yin te/ 'chag pa dang nyal ba dang bgreng ba dag na yang de dang 'dra'o/ /rgyu ba na 'jig rten gyi chos kyi gnyen po nyid ces bya ba ni/ rgyal ba'i sras ni khrel dang ldan gyur pa/ nam mkha' bzhin du chos kyis mi gos 'gyur/ zhes gang bshad pa yin te/ rgyu ba ni bsod snyoms byed pa'i gnas skabs so/ /chos mthun pa dang/ gnas pa dang/ mthun pa nyid ces bya ba ni/ rgyal sras rnams

  311. 156a

    kyi nang du 'dus gyur pa/ ngo tsha shes pas brgyan pa mdzes pa yin/ zhes bya ba la sogs pa'o/ /sems can yongs su smin par byed pa dang mthun pa nyid ni/ byang chub sems dpa' rnams kyi/ ngo tsha bas/ gdul ba rnams la ma bzhin byams pa nyid/ ces bya ba 'di ston to/ /nyon mongs pa can ma yin par 'khor ba dang mthun pa nyid ni/ ngo tsha ba ni nyes pa thams cad las/ 'khor ba kun tu srung bar byed pa dang yin/ zhes bya ba 'dis bstan to/ /ngo tshe shes pa bsgom pa ni snga ma bzhin du rig par bya'o/ zhes bya ba ji ltar snga ma bzhin zhe na/ ji ltar dri dang phreng ba dang byug pa la sogs pas mchod pa gtso bo ma yin gyi/ rang gi sems kyis mchod pa gtso bo yin pa de bzhin du/ gzhan la ltos nas ngo tsha ba byed pa'i ngo tsha ba ni chung la rang gi sems kyis ngo tsha ba ni gtso bo yin no/ /rang gi sems kyis ngo tsha ba de yang rnam pa lngas mchog tu rig par bya ste/ 'di lta ste ngo tsha shes pa dang ldan pa'i theg pa chen po'i chos la mos pa dang bsam pa ste/ bsam pa dgu po ro myang bar byed pa dang/ rjes su yi rang pa dang/ mngon par dga' ba'i bsam pa dag dang/ ngoms mi shes pa dang/ rgya chen po dang/ dga' ba dang/ phan pa dang/ ma gos pa dang/ dge ba'i bsam pa rnams dang/ dbang 'byor ba ste/ sa chen po la zhugs pa rnams kyi ngo tsha ba gang yin pa dang/ rnam par mi rtog pa'i ste rnam par mi rtog pa'i ye shes kyi thabs yongs su bzung ba dang gcig pa nyid de/ don thams cad 'dres pa nye bar 'dres pa'i phyir ro/ /byang chub sems dpa' thams cad dang don gcig la 'jug pas so/ /ngo tsha ba'i skabs rdzogs so// //ngo tsha ba'i 'og tu bstan pa rnam par dbye ba ste/ 'di'i 'brel pa gang yin zhe na/ byang

  312. 156b

    chub kyi phyogs dang mthun pa'i chos rnams kyi gtso bor gyur pa ni ngo tsha ba yin pas sngar bstan to/ /de ltar khrel dang ldan pas byang chub kyi phyogs dang mthun pa bsgom pa la rab tu sbyor ba ni le lo dang/ rnam par g.yeng ba dang/ 'chal ba'i shes rab / bsal nas brtan pa phun sum tshogs par 'gyur ro/ /de nyid kyi phyir chos gsum po brtson 'grus dang/ ting nge 'dzin dang/ shes rab la snying stobs dang sran thub dang/ bstan pa zhes bya'o/ /chos de dag dang khrel dang ldan pa la 'grub pas de'i phyir ngo tsha shes pa'i 'og tu bstan pa rnam par dbye ba yin no/ /brtson 'grus la sogs pa'i mtshan nyid do/ zhes bya ba ni brtson 'grus dang ting nge 'dzin dang/ shes rab ces bya ba 'di ni brtan pa'i mtshan nyid de/ brtson 'grus la sogs pa'i chos gsum po 'di la snying stobs dang sran thub pa dang brtan pa zhes ming du gdags so/ /lhag ma ni sgrub pa'o zhes bya ba ni de gang phyir gsum gyi byang chub sems/ 'jig pa med par rab tu 'jug /ces bya ba yin te/ gang gi phyir chos gsum po 'di dag gis 'jigs pa med par 'gyur ba de'i phyir brtan pa zhes bya ba'i ming 'thob bo/ /zhes bya ba ni de ltar sgrub par byed do/ /de la mi spong ba'i phyir zhes bya ba ni zhum pa'i sems kyi bya ba dag la mi spro ba gang yin pa'o/ /yang na ni rmongs pas te/ de'i thabs mi shes pa'i phyir ro/ /zhes bya ba ni kun tu rmongs pa'i sems kyi bya ba sgrub pa'i shes pa gang yin pa'o/ /so sor brtags pa med par byed pa'o/ /zhes bya ba ni brtson 'grus la sogs pa rab kyi mthar phyin cing rang gis 'jug pa'o zhes bya ba'i tha tshig go /rang bzhin zhes bya ba ni rigs so/ /smon lam zhes bya ba ni sems bskyed pa'o/ /lta ba med pa nyid ni rang gi don to/ /sems can log par sgrub pa nyid ni gzhan gyi don to/ /

  313. 157a

    zab mo thos pa nyid ni de kho na nyid kyi don to/ /rgya che ba thos pa nyid ni mthu'o/ /gdul bar bya ba gdul dka' ba nyid ni sems can yongs su smin par byed pa'o/ /sku bsam gyis mi khyab pa ni byang chub mchog gi sgo nas te 'di ni bstan pa'i rab tu dbye ba yin no/ /yang bya dka' ba la zhes bya ba de lta bu la sogs pas kyang brtan pa rab tu dbye'o/ /ji ltar phye ma la ba dag gis ri rab bskyod par mi nus pa de bzhin du byang chub sems dpa' yang gogs po ngan pa dag gis byang chub sems dpa' i spyod pa las g.yos par mi nus so/ /grogs po ngan pa byang chub sems dpa' phye ma leb ltar yang bar snang ngo/ /ji ltar nam mkha' lding la sogs pa bya gzhan thams cad kyi 'dab lcag gis ri rab bskyod par mi nus pa de bzhin du phyi dang nang sdug bsngal 'bab pa dag gis byang chub sems dpa' byang chub sems dpa' i spyod pa las g.yos par mi nus so/ /ji ltar rgya mtsho dag gis ri rab bskyed par mi nus pa de bzhin du/ byang chub sems dpa' yang theg pa chen po shin tu rgyas pa'i sde zab cing rgya che bar thos nas de las mi g.yo'o/ /de nyid kyi phyir dpe gsum po 'dis ni byang chub sems dpa' i brtan pa'i mi 'gyur ba nyid bshad do zhes smos so// // brtan pa'i 'og tu mi skyo ba'i skabs te/ byang chub sems dpa' de ltar brtan pa dang ldan pa'i byang chub sems dpa' i spyod pa dag la skyo bar mi 'gyur bas mi skyo ba brjod do/ /de dag gis skyo ba skyes na ngo tsha zhing mi skyo bar yang byed do/ /zhes bya ba ni khrel yod pa dang ngo tsha ba la brten pas ni skyo ba mi skyed do/ /byang chub chen po la 'dun pa drag po ni ngo bo nyid do zhes bya ba ji ltar ngo bo nyid yin zhe na/ 'dun pa log na skyo par 'gyur bas so zhes bya bas

  314. 157b

    de ston te/ 'dir ni brtson 'grus dang ldan pa'i 'dun pa bzung ngo/ /mi skyo ba ni brtson 'grus kyi pha rol tu phyin pa'i ngo bo nyid do/ /de nyid kyi phyir brtson 'grus rtsom pa'i rten byed pa'i las can no zhes 'byung ngo/ /'dun pa yang mi skyo ba'i rgyu yin pas rgyu las bras bu btags nas rgyu ngo bo nyid du bstan to/ /mi skyo ba'i 'og tu bstan bcos shes pa nyid de/ mi skyo ba dang ldan pa ni bstan bcos mnyan pa'i phyir rab tu sbyor ro/ /bstan bcos shes pa nyid kyi gzhi ni rig pa'i gnas lnga ste/ zhes bya ba la/ gzhi zhes bya ba ni dmigs pa zhes bya ba'i tha tshig go /ched du bya ba ni rang dang gzhan gyi don bya'o/ zhes bya ba ni 'di ltar byang chub sems dpa' rnams ni rang gi don dang gzhan gyi don gyi ched du rig pa'i gnas dag la rab tu sbyor ro/ /gnyis pa la de'i skyon yongs su shes shing zhes bya ba ni brtsad pa'i skyon yongs su shes pa zhes bya ba'i tha tshig go /gzhan yid ches par byed pa zhes bya ba 'di ni bstan bcos shes pa yin no// zhes bya bar gzhan dag yid ches par byed pa'o/ /yang na bstan bcos shes par sngar tshig gi mtshams bcad nas/ de'i 'og tu tshig bsdu zhes bde lta bu la sogs pa'i rnam pas gzhan dag la don bstan la 'bebs pas yid ches pa skyed par byed do/ /des na yid ches par 'gyur na byang chub sems dpa' dbang du 'gro bar 'gyur ro/ /thos nas go rim bzhin du zhes bya ba ni spyir thos pa'o/ /'dzin pas ni 'dzin par 'gyur ro/ /kha ton byed pas ni gzhung la zhugs pa'i sgo nas tshig gis byang bar 'gyur ro/ /yid kyis legs par brtags pa zhes bya ba ni rab tu ngang ba'i yid kyis don phyin ci ma log par sems kyi sgo nas so/ /ji ltar don phyin ci ma log par sems pa'i

  315. 158a

    sgo nas yin zhe na/ ci rigs pa'i de dag gi skyon dang yon tan khong du chud pa'i sgo nas so/ /ji ltar mthong bas legs par rtogs pa dag yin zhe na/ bshad pa/ legs par bshad pa dang/ nyes par bshad pa dmigs phyed pa'i phyir te/ gsung rab kyi lugs kyi legs par bshad pa dag yin no/ /'di las phyi rol pa rnams kyi ni nyes par bshad pa dag yin no/ /yang na zang zing med pa'i sems kyis gzhan dag la rig pa'i gnas lnga po 'di dag yang dag par rab tu ston pas legs par bshad pa yin no/ /bzlog pa ni nyes par bshad pa yin no/ /yang na don bzang po sems nyid kyis yon tan du mthong ba yin no/ /bzlog pa ni skyon du mthong ba yin no/ /tshig 'bru bzang po rtogs pa'i phyir legs par bshad pa yin no/ /tshig 'bru phyin ci log tu bzung ba'i phyir nyes par bshad pa yin no/ /ting nge 'dzin gyi sgo dag nas de'i bya ba bsgrub pa'i phyir ro/ /zhes bya ba ni sems can gyi bya ba bsgrub pa'i phyir te/ rdzu 'phrul dang kun brjod pa'i cho 'phrul la sogs pas snod du byas nas/ skal pa ji lta ba bzhin du rig pa'i gnas ston pa'i phyir ro/ /dam pa'i chos 'dzin par byed pa yang yin te/ gzungs dag gis de 'dzin pa'i phyir ro/ /zhes bya ba ni gzugs ngag gis theg pa chen po la sogs pa'i rig pa'i gnas rnams pa de blag du 'dzin pa yin no/ /bstan bcos shes pa nyid kyi 'og tu 'jig rten shes pa nyid do/ /byang chub sems dpa' bstan bcos dag khong du chud nas bstan bcos thams cad la 'jigs pa med par 'gyur ro/ /bstan bcos shes pa ni 'jig rten shes par 'gyur la 'jig rten shes pa yang gang la gang zhig ji ltar bya ba shes pa'i phyir ro/ /de la de kho na bzhin du ston to/ /de'i

  316. 158b

    phyir bstan bcos shes pa nyid kyi 'og tu/ 'jig rten shes pa nyid de/ bstan bcos shes pa nyid de ni 'jig rten shes pas gsal bar byed do/ /gang 'byung ba ni sdug bsngal gyi bden pa'o/ /gang dag gis 'byung ba ni kun 'byung ba'i bden pa'o/ /nub pa gang yin pa zhes bya ba ni/ 'gog pa'i bden pa ste/ nyon mongs pa rnams nub pa'i 'gog pa'i bden pa yin no/ /gang gis nub par 'gyur ba zhes bya ba ni lam gyis bden pas so// //'jig rten shes pa nyid kyi 'og tu ston pa rnams te/ de ltar 'jig rten shes pa dang bstan bcos shes pa ni 'jig rten gyi ston par 'gyur ro/ /gtsug lag bstan pa'i chos dang ni zhes bya ba ni drang srong gis bshad pa'i chos ni ston pa yin no/ /drang srong ni sangs rgyas dang byang chub sems dpa' rnams te/ gzhan dag ni ma yin no/ /de dag gis bshad cing bstan pa'i chos ni ston pa yin gyi/ gang zag phyin ci log pas bshad pa ma yin no/ /de'i don dgongs pa can dang ni/ zhes bya ba ni gtsug lag gi chos dag gis dgongs pa can ni ston pa yin gyi/ pha dang ma ni bsad byas shing/ zhes bya ba la sogs pa lta bu'i tshig 'bru ni ma yin no/ /gsum pa la ni log par bsam pa'i don phyin ci log tu drangs pa'o/ /zhes bya ba ni ji skad du kha cig gang zag cig 'byung ba na 'byung ngo zhes bya ba'i tshig 'dis na/ gang zag yod do zhes zer zhing mngon par zhen pa lta bu'o/ /don de lta bu ni bsten par mi bya ste/ 'di ltar bstan pa de lta bu la sogs pa ni bcom ldan 'das kyis ming gzhan las rnam par phye ste/ mig dang gzugs rnams la rten nas mig gi rnam par shes pa skye'o zhes bya ba la sogs pa rgyas par gsungs nas/ de'i 'og tu 'di

  317. 159a

    la sems can dang/ ming dang gang zag dang shed las skyes dang shed bu zhes ming du dags so/ zhes bya ba la sogs pa gsungs pa de lta bu nges pa'i don la brten par bya'o/ /brjod pa dang bcas pa'i shes pa zhes bya ba ni brjod pa dang bcas pa'i shes pa bzung ba dang 'dzin pa dang ldan pa sngon po dang ser po la sogs pa'i rnam pa can/ shes bya sna tshogs kyi rnam pa can/ zag pa dang bcas pa gang yin pa de ni ston pa yin no/ /gsum pa ni gzhan las de'i don gyi tshul phyin ci ma log par thos pa las so/ /zhes bya ba ni ston pa tshad mar gyur pa 'am/ des tshang mar mdzad pa nyan thos la sogs pas nges par byas shing rnam par phye ba gang yin pa de las nyams par mi 'gyur ba yin no/ /rton pa'i 'og tu so so yang dag par rig pa rnams te/ de ltar yang dag par rab tu rnam par 'byed pa dang/ ldan pa ston par 'gyur ba ni chos dang/ don dang nges pa'i tshig dang/ spobs pa so so yang dag par rig pa thob pas sems can rnams la chos ston par byed do/ de bas na ston pa'i 'og tu so so yang dag par rig pa rnams so/ /rnam grangs shes pa de don re re'i ming gi rnam grangs ji snyed pa shes pa yin no/ zhes bya ba ni dper na/ ma rig pa dang mun nag dang kun tu rmongs pa dang mun pa zhes bya ba de lta bu la sogs pa'o/ /mtshan nyid shes pa zhes bya ba ni rang dang spyi'i mtshan nyid shes pa gang yin pa'o/ /gsum pa ni tshig shes pa ste/ yul mi so so'i skad gang dag yin pa de dag la thogs pa med par shes pa ni nges pa'i tshig so so yang dag par rig pa zhes bya'o/ /bzhi pa ni ye shes zhes bya ba ni bdag nyid kyi spobs pa zhes bya ba gang yin pa'i ye shes shes pa gang yin pa zhes bya ba'i tha tshig ste/ byang chub sems dpa' ni gang gis ni chos

  318. 159b

    ston 'di'i zag pa dang bcas pa dang/ zag pa med pa dang 'dus byas dang/ 'dus ma byas la sogs pa'i chos rab tu dbye ba spobs pa zad mi shes pa de lta bu'i spobs pa la dbang ba nyid 'thob bo/ /de la chos dang don dag ston pa ni chos ston pa dang/ bshad pa'i phyir ro/ /zhes bya ba ni gang gi tshe chos bstan nas tshig dang don gyi sgo nas 'chad par byed pa yin no/ /'dis ni so so yang dag par rig pa rnams kyi nges pa'i tshig bstan no zhes bya ba ni so so rang gi shes bya'i sgras ni so so zhes bya ba bsdus so/ /mnyam pa nyid de kho na nyid rig nas zhes bya ba ni yang dag par zhes bya ba bsdus so/ /rnam grangs la sogs pa rab tu zhes pa zhes bya ba ni rig pa zhes bya ba bsdus te/ 'di ni so so yang dag par rig pa zhes bya ba'i nges pa'i tshig yin no// //so so yang dag par rig pa'i 'og tu tshogs kyi skabs te/ de ltar so so yang dag par rig pa thob pa'i bsod nams dang ye shes kyi tshogs yongs su rdzogs par 'gyur bas tshogs kyi skabs yin no/ /kun nas nyon mongs pa med par 'khor bar 'gyur ro zhes bya ba ni ye shes kyi tshogs kyi kun nas nyon mongs pa med par 'khor bar 'gyur te/ sems can gyi don du ched du bsams bzhin du srid par skye ba yongs su 'dzin pa'i phyir 'khor ba'i nyes pa dag gis mi gos shing las dang nyon mongs pa'i dbang du 'gro bar mi 'gyur ro/ /bzod pa dang/ brtson 'grus dang/ bsam gtan gyi stobs kyis ni gnyi ga byed do/ /zhes bya ba ni/ gnod pa byed pa dang du len pa dang/ sdug bsngal la ji mi snyam pa'i bzod pa dag ni bsod nams kyi tshogs kyis bsdus so/ /chos la nges par rtog pa'i bzod pa ni ye shes kyi tshogs kyis bsdus so/ /'jig rten pa'i bsam gtan dang/ gzugs med pa'i snyoms par 'jug pa dag dang/ sems can

  319. 160a

    pa phan pa byed pa gang dag yin pa de dag ni bsod nams kyi tshogs kyis bsdus so/ /ting nge 'dzin gang zhig la brten nas rnam par mi rtog pa'i ye shes sgrub par byed pa de ni ye shes kyi tshogs kyis bsdus te/ brtson 'grus kyang de dang 'dra bar shes par bya'o/ /sbyin pa'i pha rol tu phyin pa la sogs pa lnga char yang ye shes kyi tshogs yin par 'dod de/ sbyin pa la sogs pa bla na med par yang dag par rdzogs pa'i byang chub tu yongs su bsngos pa'i phyir ro/ /tshogs kyi nges pa'i tshig la rgyun tu zhes bya ba ni/ sam zhes bya ba 'di bsdus so/ /bsgom pa thos nas zhes bya ba ni/ b+har zhes bya ba 'dis bsdus te/ de lta bu'i tshogs kyi nges pa'i tshig yin no/ /sa drug po dag gi ni mtshan ma med pa zhes bya ba ni mtshan ma med pa'i don du yin pas/ mtshan ma med par bya zhes bdun pa la 'jug pa'i phyir yin te/ de mtshan ma kun tu mi spyod pa'i phyir ro/ /gnyen pos ji lta bu zhe na/ lus la sogs pa'i chos la bdag med par 'jug pa'i sgo nas phyin ci log bzhi'i gnyen po mi gtsang ba dang/ sdug bsngal ba dang/ mi rtag pa dang/ bdag med pa'i 'du shes rnams kyi yang/ gnyen po yin pa'i phyir ro zhes bya ba ni 'di ltar 'di skad du bshad pa yin te/ nyan thos rnams kyi gtsang ba la sogs par phyin ci log pa'i gnyen por gyur pa mi gtsang ba la sogs pa'i rnam pa gang dag yin pa de dag kyang byang chub sems dpa' i mi mthun pa'i phyogs su gyur pa yin te/ 'di ltar lus la sogs pa ni gyis pas kun brtags pa'i bdag nyid du med do/ /de med pa'i phyir/ mi rtag pa la sogs pa'i rnam pa yang gzung ba dang/ 'dzin pa'i dngos por ma grub pa ste/ de bas na mi rtag pa la sogs pa'i rnam pa'i yang

  320. 160b

    gnyen po yin pa'i phyir/ byang chub sems dpa' rnams kyi dran pa nye bar bzhag pa dag ni/ nyan thos rnams dang thun mong ma yin zhes bya'o/ /dbus dang mdza' rnam par 'byed pa las ji skad bshad pa lta bu yin no/ /zhes bya ba ni lus kyi na gnas ngan len rab tu ston te/ /de la rab tu brtags pas sdug bsngal gyis bden pa la 'jug go /de'i mtshan nyid ni gnas ngan la dang bcas pa'i 'du byed yin pa'i phyir ro/ /gnas ngan len ni 'du byed kyi sdug bsngal nyid de/ des zag pa dang bcas pa'i dngos po thams cad 'phags pa'i sdug bsngal du gzigs so/ /srid pa'i rgyu ni tshor ba ste/ de yongs su brtags pas kun 'byung ba'i bden pa la 'jug go /bdag tu mngon par zhen pa'i gzhi ni sems te/ de la yongs su brtags pas 'gog pa'i bden pa la 'jug ste/ bdag chad par dogs pa'i 'jigs pa med pa'i phyir ro/ /chos la yongs su brtags pas kun nas nyon mongs pa dang rnam par byang ba'i chos la rmongs pa'i phyir lam gyi bden pa la 'jug go zhes bya ba ma yin no/ /sems can thams cad kyi lus la sogs pa la dmigs pa'i phyir ro/ /zhes bya ba ni bdag gis sems can thams cad kyi lus la sogs pa dran pa nye bar bzhag pa bsgom pa la sbyor bar bya'o// yid la byed pas ji lta bu zhe na/ lus la sogs par mi dmigs pa'i phyir ro/ /zhes bya ba ni byang chub sems dpa' ni ji ltar byis pa rnams kyis lus la sogs pa la bzung ba dang/ 'dzin pa nyid du dmigs pa de ltar dran pa nye bar bzhag pa bsgom pa yin gyi/ 'o na ci zhig ce na/ chos la bdag med par yid la byed do/ /thob pas ji lta bu zhe na/ lus la sogs pa dang bral bar bya ba'i phyir yang ma yin/ mi 'bral bar bya ba'i phyir/ yang ma yin pa'o/ /zhes bya ba ni

  321. 161a

    chos kyi sku dang ni bral pa'i phyir yang ma yin la kun nas nyon mongs pa can gyis lus la sogs pa dag ni mi 'brel bar bya ba'i phyir yang ma yin pa'o/ /mthun pas ji lta bu zhe na/ pha rol tu phyin pa dang mthun pas/ de'i mi mthun pa'i phyogs kyi gnyen po yin pa'i phyir ro/ /zhes bya ba ni byang chub sems dpa' lus la sogs pa dran pa nye bar bzhag pa sgom pas/ lus la 'di ni mi rtag pa la sogs pa yin no snyam nas nang dang phyi'i dngos po la lhag par ma zhen pas nang dang phyi'i dngos po thams cad yongs su btang ngo// //de bzhin du srog gi phyir yang srog gcod pa la mi 'jug go /gshe ba dang spyo ba dang dbyug pa dang/ mtshon gyis bsnan? pa la sogs pa thams cad kyang bzod do/ /le lo spangs pas sems can de dang de dag gi grogs kyi ngo bor yang 'gro'o/ /lus la sogs pa dran pa nye bar gzhag pa bsgoms pas rnam par g.yeng ba dang 'chal ba'i shes rab kyang rab tu spong ste/ de ltar na de'i mi mthun pa'i phyogs kyi gnyen po la ni pa'i phyir pha rol tu phyin pa dang mthun dran pa nye gzhag pa bsgom pa yin no/ /de dag la de bstan pa'i phyir de dang ldan pa'i dran pa nye bar gzhag pa bsgom pa'i phyir ro/ /zhes bya ba ni byang chub sems dpa' ni/ de bstan pa'i phyir mdo sde la sogs pa las 'jig rten pa dang/ nyan thos rnams kyi dran pa nye bar bzhag pa bsgom pa bshad pa gang yin pa de la mkhas par byed do/ /de kho na bzhin du yang dag pa ma yin pa'i ngo bor snang ba'i phyir ro/ /zhes bya ba ni ji ltar sgyu ma la sgyu ba ma byas pa'i glang po che la sogs pa yang dag pa ma yin pa ltar lus kyang de dang 'dra'o/ /sems ni nam mkha' bzhin du rang bzhin gyis 'od gsal ba yongs su shes so/ /zhes

  322. 161b

    bya ba la sems zhes bya ba'i sgras ni sems kyi chos nyid bzung ste/ de ni nam mkha' bzhin du gcig du 'od gsal bas so/ /chos rnams ni glo bur nyid du yongs su shes pas so/ /zhes bya pa ni chos dran pa nye bar gzhag pas bsdus pa'i chos kun nas nyon mongs pa dang rnam par byang pa gang dag yin pa de dag ni kun brtags pa ste/ dper na nam mkha' la glo bur gyi rdul dang du ba dang sprin dang khug rna lta bu yin no/ /'dres pa nye bar 'dres pa bsgom pa'i phyir ro/ /zhes bya ba ni sa brgyad pa la sogs pa la'o/ /sa bcu pa dang sangs rgyas kyi sa la ni ma lus par yang dag par 'grub pa nyid kyis yang dag par 'grub par 'gyur ro/ /dran pa nye bar gzhag pa'i 'og tu yang dag par slong ba bsgom ste/ dran pa nye bar gzhag pa bsgom pa ji snyed bshad pa de dag gi mi mthun pa'i phyogs nyes pa rnams kyi gnyen por yang dag spong pa bsgom mo/ /zhes bya ba ni brtan la sogs pas dran pa nye bar gzhag pa bsgom pa bshad pa la/ theg pa chen po thos pa dang bsam pa dang bsgom pa las byung ba'i shes rab la brten nas/ bsgom pa bshad pa shes rab de gsum char gyi mi mthun pa'i phyogs mi nyan pa la sogs yin pa de'i gnyen por yang dag par spong pa bsgom ste/ de bzhin du ma mthun pa'i phyogs lhag ma rnams kyi gnyen par yang dag pa spang pa bsgom par yang bya'o/ /'khor ba'i phun sum tshogs pa kun nas nyon mongs pa med par yongs su longs spyad pa zhes bya ba ni/ byang chub sems dpa' yang dag par spong pa bsgom pa sa? 'khor ba'i phun sum tshogs pa thams cad la kun nas nyon mongs pa med par yongs su spyod do/ /'dun pa la brten nas zhi gnas dang lhag mthong zhes bya ba'i rnal 'byor bsgom zhing 'bad do/ /zhes bya ba ni yang dag par spong ba bsgom pa yang brtson

  323. 162a

    brtson 'grus kyi ngo bo nyid yin la/ 'bad pa dang brtson 'grus rtsom zhes bya ba la sogs pa yang brtson 'grus kyi ngo bo nyid yin na/ de ji ltar 'bad do zhes bya zhe na/ de bstan par bya ste/ re zhig dang po kho nar rnal 'byor pa byed 'dod pa nyid du 'gyur ro/ /de la brten nas 'di nyon mongs pa dag dang lhan cig 'gyed par bya ba'i phyir zhi gnas dang lhag mthong zhes bya ba/ bsgom pa la rab tu brtson pa 'bad par byed do/ /'bad par byed pa de la nyon mongs pa'i dgra rnam par chad par byed de/ zhi gnas kyi mi mthun pa'i phyogs ni zhum pa'o/ /lhag mthong gi ni rgod pa'o/ /de dag bsal pa'i phyir rnal 'byor pa 'di brtson 'grus kyi gnas skabs ches khyad par du 'phags so/ /brtson 'grus bsgom pa de sems de zhum pa yang rab tu dzin la rgod pa yang yang dag par rab tu 'jog ste/ de nyid kyi phyir zhum pa dang rgod pa dag gi gnyen por brtson 'grus rtsom mo/ /zhes bshad do/ /gang gi tshe sems de la zhi gnas dang lhag mthong bsgom pa la mnyam pa thob par gyur pa de'i tshe ni btang snyoms su 'jog ste/ rab tu 'dzin par yang mi byed rab tu 'jog par yang mi byed do/ /yang dag par spong ba'i rab tu dbye ba ji skad bshad pa thams cad la gnyen po zhes bya'o/ /zhes bya ba ni bdun pa la ni brten nas su/ rnal 'byor rgyu mtshan bcas bsgom pa/ zhes bshad ma thag gang yin pa'o/ /dad cing don du gnyer na 'bad pa'i phyir ro/ / zhes bya ba ni dang na byed 'dod pa nyid du 'gyur te/ de nyid kyi phyir dad pa ni 'dun pa'i rten byed pa'i las can no zhes 'byung ngo/ /byed 'dod na brtson 'grus rtsom ste/ de nyid kyi phyir 'dun pa yang brtson 'grus kyi brten byed pa'i las can du

  324. 162b

    bstan to/ /gcig gis ni sems dmigs pa las mi 'phro bar byed pa'i phyir ro/ /zhes bya ba ni de dran pas so/ /gnyis pas 'phro ba can rab tu shes pa'i phyir ro zhes bya ba ni shes bzhin gyis so/ /shes bzhin shes rab kyi ngo bo nyid kyi chos te/ gang gi tshe sems de dag dmigs pa las gud du 'phro ba de'i tshe shes bzhin gyis myur ba kho nar bdag gi sems rnam par g.yongs so zhes bya bar yongs su gcod do/ sems dang btang snyoms ni gnyen po pa'i thabs zhes bya ba ni shes bzhin gyis ni sems de rnam par g.yengs so zhes bya ba de tsam zhig shes pa 'ba' zhig tu zad do/ /btang snyoms ni shes rab kyi khyad par te des nye ba'i nyon mongs pa rnams rab tu spong ba de'i phyir btang snyoms la gnyen pa'o zhes bya'o/ /sems pa ni sems kyi byed pa yin te/ des sems de dag pa la gtong par byed do/ /gang gi phyir sems pas zhum pa ni rab tu 'dzin la rgod pa ni rab tu 'jogs pa de'i phyir sems la gnyen po zhes bya'o/ /sha'i spyan zhes bya ba ni rdzu 'phrul gyi rkang pas bsgom pas byang chub sems dpa' gang gi na stong gsum la sogs pa'i 'jig rten gyi khams su gtogs pa'i gzugs kyi dbye bzhin du phra bas yang mthong ba de lta bu'i rnam par smin pa grub pa'i mig mngon par 'grub te/ 'phags pa shes rab kyi pha rol tu phyin pa las ji skad 'byung ba lta bu yin no/ /lha'i spyan ni bsam gtan gyi mngon par 'dus byas pa ste/ sha'i spyan pas ches khyad par du 'phags pa yin no/ /shes rab kyi spyan 'phags pa'i ni rnam par mi rtog pa'i ye shes de bzhin nyid spyod yul ba yin no/ /chos kyi spyan ni mdo'i sde dang dbyangs kyi bsnyad pa'i sde la sogs pa'i chos thams cad du thogs pa med pa yin no/ /gnas pas rnam par brtse ba zhes bya ba'i ting nge 'dzin gyis rnam par brtse ba ste/ ting nge 'dzin

  325. 163a

    ni gnas pa'i sgrar brjod do/ /ting nge 'dzin gyi dbang po'i dmigs pa ni zhi gnas yin no/ /zhes bya ba ni gang la brten na byang chub sems dpa' i yon tan thams cad phun sum tshogs par 'gyur ba zhig gnas khyad par can bzung ste/ ting nge 'dzin ni 'jig rten pa'i sems rtse gcig pa tsam thob pa'o/ /shes rab kyi dbang po'i gzhi ni lhag mthong ngo/ /zhes bya ba ni 'dir yang mnyam par ma bzhag pa'i gnas skabs sam/ 'jig rten pa'i mnyam par gzhag pa'i gnas kyi shes rab kyi dbang po yin par gzhag go /lhag mthong ni rnam par mi rtog pa'i ye shes te/ de bas na shes rab? kyi dbang po'i de'i dmigs pa ni rnam par mi rtog pa'i ye shes yin no zhes de dag gi don gyi skabs kho nas dad pa la sogs pa 'di dag dbang byed pa'i don gyi dbang po rnams shes bya'o/ /zhes bya ba ni dad pa la sogs pa'i dmigs pa byang chub la sogs pa'i don gang dag yin pa de dag la de rnams dbang byed do/ /sa la zhugs pa'i gnas skabs na go rim bzhin du chos la bdag med pa dang bdag dang gzhan mnyam pa nyid kyi chos thams cad dang/ sems can thams cad mnyam pa nyid du rtogs pa'i phyir ro/ /zhes bya ba ni chos la bdag med pas ni chos thams cad mnyam pa nyid du rtogs so/ /gang zag la bdag med pas ni sems can thams cad mnyam pa nyid du rtogs so/ /yang na byang chub sems dpas sa dang po thob pa'i dus na chos kyi dbyings kun tu 'gro ba rtog pas sems can thams cad bdag tu mnyam pa nyid 'thob ste/ sa dang po thob pa'i dus na bdag gang yin pa de nyid sems can rnams yin pas ji ltar bdag gis bdag nyid kyi sdug bsngal nye bar zhi bar bya ba de bzhin du sems can thams

  326. 163b

    cad kyang khyad par med pa nyid 'thob pas bdag dang gzhan mnyam pa nyid kyi sems can thams cad la mnyam pa nyid rtog zhes bya'o/ /shes bya ma rgyal rgyal bya ba'i phyir/ zhes bya ba ni byang chub sems dpa' mos pas spyod pa'i sa la gnas pa ni sa dang po ma rgyal ba yin te/ de rgyal bar bya ba'i phyir dran pa kun tu spyod de/ ma rtog pa rtogs pa gang yin pa de ni shes bya ma rgyal ba rgyal ba yin no/ /'di'i rnam 'byed rtog pa yi/ /mtshan ma thams cad 'joms par byed/ ces bya ba ni chos rnam par 'byed pa yang dag byang chub kyi yan lag ni gang zag dang chos su 'dzin pa'i rnam par rtog pa rnams 'joms par byed pa yin no/ /de'i rjes la thob pa'i gnas pas gzhan 'bul zhes bya ba ni rnam par mi rtog pa'i rjes la thob pa'i ye shes kyi ma rtogs pa gang yin pa de 'bul ba yin no/ /gzhan 'dor ba'i phyir zhes bya ba ni rtogs pa gang yin pa de 'dor ba yin no/ /rnam par mi rtog pa'i gnas pas de la rtsol ba med par gnas par byed pa'i phyir te zhes bya ba ni rnam par mi rtog pa'i ye shes kyi btang snyoms shes bya thams cad la phyin ci ma log pa des rgyal ba gang yin pa de la gnas par byed do/ /shin tu sbyangs pa dang ting nge 'dzin dang btang snyoms ni kun nas nyon mongs pa med pa'i yan lag ste zhes bya ba ni/ gang gis kun nas nyon mongs pa med pa ni shin tu sbyangs pas gnas ngan len dang bral ba'i phyir ro/ /gang la rten nas kun nas nyon mongs med par byed pa ni ting nge 'dzin la brten nas rnam par g.yeng ba dang bral ba'i phyir ro/ /kun nas nyon mongs pa med pa gang yin pa zhes bya ba ni btang snyoms so/ /rtog pa de nyid kyi rnam par bzhag pa yongs su gcod pa ni yang dag pa'i rtog pa'o/ /zhes bya ba ni yang dag pa'i rtog pas ni bdag gi

  327. 164a

    rnam pa 'dis kho na nyid 'di lta bu zhig rtogs so zhes de kho na nyid rtog pa gang yin pa ste/ rnam par 'jom par byed cing de kho na bzhin du gzhung du yang byed la gzhan dag la yang ston te/ de rnam par bzhag pa mdo'i sde la sogs pa bcom ldan 'das kyi gsungs pa la 'jug pa yang de nyid yin te/ des de'i don rtogs pa'i phyir ro zhes bya ba la/ de rnam par bzhag pa zhes bya ba'i tha tshig go mdo'i sde la sogs pa bcom ldan 'das kyis gsungs pa la zhes bya ba ni/ gsung rab yan lag bcu gnyis pa bcom ldan 'das kyis gsungs pa la zhes bya ba'i don to/ /'jug pa yang de nyid yin te zhes bya ba ni bdag ji ltar zhugs pa ltar ro/ /des de'i don rtogs pa'i phyir ro/ /zhes bya ba ni rtog pa sngon du 'gro ba can gyi yang dag par rtog pa des de'i don te gsung rab kyi don rtog pa'i phyir ro/ /zhes bya ba'i tha tshig ste/ gsung rab la mngon sum pa'i blo dang don phyin ci ma log par mthong ba yin no// las gsum rnam par dag pa ni yang dag pa'i ngag dang las kyi mdza' dang 'tsho ba ste/ zhes bya ba ni ngag rnam par dag pa dang/ lus rnam par dag pa'o/ /gnyi ga rnam par dag pa ni de nyid gnyi ga rnam par dag pa yin te/ 'tshog rnam par dag pa'o// 'di ni las gsum rnam par dag pa yin te/ ngag gis kha gsag dang gcam bu la sogs pa 'am/ lus kyi spyod lam bcos ma la sogs pas log par 'tsho bar byed na rnal 'byor pa 'di la ni mthong ba'i lam thob pa'i phyir de gnyi ga yang med la/ ngag gi las kha gsag dang gcam bu la sogs pa 'am/ lus kyi las spyod lam bcos ma la sogs pa la mi bya ba'i sdom pa 'thob po/ /de thob pas log par chos gos la sogs pa tshol bar mi byed de/ de nyid kyi phyir gnyi

  328. 164b

    ga rnam par dag pas yang dag pa'i 'tsho ba rnam par dag pa yin no/ /bzhi gnas dang lhag mthong gi chos 'di dag kyang byang chub kyi phyogs dang mthun pa'i ngo bo nyid yin pas/ de'i phyir zhi gnas dang lhag mthong rnam par dbye ba brtsam ste/ zhi gnas dang lhag mthong ni byang chub kyi phyogs dang mthun pa bsgom pa'i thabs yin no/ /yang dag pa'i ting nge 'dzin la brten nas zhes bya ba ni zhi gnas kyi ngo bo nyid yang dag pa'i ting nge 'dzin de la brten nas so/ /sems la sems 'jog pa'i phyir zhes bya ba ni 'di lta ste/ khams gsum pa 'di ni sems tsam mo zhes bya ba ste/ gang gi tshe de ltar sems la sems 'jog par gyur pa de'i tshe zhi gnas kyi ting nge 'dzin grub pa thob bo/ /zhi gnas thob pas mnyam par gzhag na yang dag pa ji lta ba bzhin du rab tu shes so/ /chos rab tu rnam par 'byed pa thob pas lhag mthong thob pa ni rnam par mi rtog pa'i ye shes te/ 'di ni byang chub sems dpa' zhi gnas dang lhag mthong gi lam thun mong ma yin pa yin no/ /zhi gnas dang lhag mthong cha gcig pa ni gang gi tshe zhi gnas bsgom par byed pa zhes bya ba ni gang gi tshe zhi gnas shes cha ba gzugs med pa dag yin pa de'i tshe ni zhi gnas bsgom pa kho na rab tu shes so/ /bsam gtan gsum gyi gnas skabs na ni lhag mthong bsal ba yin no/ /gnyi ga'i cha ni gang gi tshe cig car gnyi ga bsgom par byed pa'o zhes bya ba ni bsam gtan bzhi pa pa'o/ /byang chub sems dpa' rnams kyi zhi gnas dang lhag mthong de ni mos pas spyod pa'i sa la rgyu yin par 'dod do zhes bya ba ni ji ltar rgyu yin par 'dod ce na/ 'di ltar zhi gnas dang lhag mthong dang ldan pas sa dang po rtog pa dang nges par 'byung ba la sogs pa 'gyur bas/ zhi gnas dang lhag mthong ni don de dag gi rten yin no/ /rten

  329. 165a

    du gyur pa'i phyir rgyu yin no/ /zhi gnas dang lhag mthong gi rnal 'byor 'di ni thams cad sgrub par byed pa'i thabs yin no/ /zhi gnas dang lhag mthong bsgom pa la rab tu zhugs pa thabs mkhas pas de theg pa chen por yongs su bsngo bar byed pas de'i phyir thabs la mkhas pa rnam par dbye ba yin no/ /sangs rgyas kyi chos rnams rdzogs par bya ba'i thabs gang yin zhe na/ rnam par mi rtog pa'i ye shes so/ /myur du mngon par rdzogs pa'i byang chub pa'i thabs gang zhe na/ sdig pa thams cad so sor bshags so/ /bsod nams thams cad kyi rjes su yi rang ngo/ /sangs rgyas thams cad la gsol ba 'debs so/ /bdag gi ye shes rdzogs par byang chub par gyur cig ces bya ba ste/ gtsug lag gi tshig bzhi po 'di dag gi don ni go rim bzhin du so sor bshags pa dang rjes su yi rang ba dang gsol ba dang yongs su bsngo ba yin no/ /'di ni myur du mngon par rdzogs par byang chub pa'i thabs yin te/ de la mkhas pa gang yin pa'o/ /lam rgyun mi gcod pa'i thabs ni mi gnas pa'i mya ngan las 'das pa yin no/ /zhes bya ba ni de la mkhas pa shes rab kyi 'khor bar yang 'khor la chu yi pad+ma bzhin du 'khor ba pa'i nyes pa dag gis kyang mi gos so/ /snying rje'i stobs kyis nyan thos bzhin du mya ngan las 'das pa la yang mi gnas te/ 'di ni mi gnas pa'i mya ngan las 'das pa la mkhas pa yin no/ /byang chub sems dpa' i gzungs rnams kyang byang chub kyi phyogs dang mthun pa zhes bya ba'i ming thob pas de'i phyir gzungs bsam ste/ de ltar thabs la mkhas pa la rab tu zhugs pa'i byang chub sems dpa' ni gzungs kyi stobs kyi sangs rgyas dang byang chub sems dpa' thams cad kyi bshad

  330. 165b

    yang 'dzin par byed la/ 'di la sngon ma thos pa'i chos dag kyang rnam pa thams cad snang ngo/ /gzungs kyi rab tu dbye ba las bstan gyi ngo bo nyid ma bshad pa/ gzungs ni shes rab dang dran pa'i ngo bo nyid yin te/ shes rab dang dran pa khyad par du 'phags pa ni gzungs zhes bya ba'i ming thob bo/ /sngon gyi las kyi rnam par smin pa zhes bya ba ni 'dis tshe rabs gzhan dag na yi ger 'dri ba dang mchod pa la sogs pa gzungs mngon par 'grub par byed pa'i las bsags par gyur pa gang yin pa de'i dbang gis gang gis na lan cig gis len cing 'dzin par byed pa de lta bu'i rnam par smin pa thob ste/ ji skad du chos mngon pa kun las btus pa las/ skye bas thob pa'i dge ba gang yin zhe na/ dge ba'i chos rnams la sngon goms pa la brten nas gang gis na so sor brtags pa med par dge ba'i chos rnams la 'dod pa gom pa kun tu gnas pa de lta bu'i rnam par smin pa mngon par 'grub pa yin no zhes bshad pa lta bu'o/ /sa la ma zhugs pa rnams kyi ni chung ngu'o zhes bya ba ni mos pas spyod pa'i sa la gnas pa rnams kyi'o/ /gzhi ni ye shes so zhes bya ba ni sems ye shes su yongs su bsngos pa'i phyir ro/ /sems las mong la 'bras bur 'gyur ba yang sems tsam las ji ltar 'dod pa'i don 'grub pa'i sgo nas rig par bya'o/ /zhes bya ba ni ji ltar 'dod pa'i don 'grub pa ni mod kyi 'bras bu ste/ de ltar gyur cig snyam pa de'i 'jug thogs su de kho na ltar 'gyur ba yin no/ /lus brgya la sogs pa ni dang po nas bzung ste/ ston par byed do/ /gzungs dang smon lam phun sum tshogs pa de rnam par thar pa'i sgo gsum gyis sgrib pa thams cad spangs pa'i phyir sgrub par byed do/ /de la sgrub pa na bdag nyid dang gzhan dag gi phyin ci log gi nga rgyal? spang pa'i

  331. 166a

    phyir zhugs pa yin no/ /ting nge 'dzin rnam pa gsum gyi spyod yul rnam pa gsum du shes par bya ba ni dmigs pa rnam pa gsum du zhes bya ba'i tha tshig go /de gnyi ga la bdag tu 'dzin pa'i brten nye bar len pa'i phung po lnga zhes bya ba ni kun brtags pa'i gang zag la bdag tu 'dzin pa dang kun brtags pa'i chos la bdag tu 'dzin pa ste/ chos la bdag ces bya ba'i sgras smos pa ni ngo bo nyid kyi don du blta bar bya'o/ /bdag tu 'dzin pa gnyis po 'di'i rten nye bar len pa'i phung po lnga ni smon pa med pa'i ting nge 'dzin gyi dmigs pa yin no/ /brten te nye bar zhi ba zhes bya ba ni mya ngan las 'das pa thob na nye bar len pa'i phung po lnga nye bar zhi zhing nye bar len pa med par 'gyur ba med pas mtshan ma med pa'i ting nge 'dzin gyi dmigs pa ni nye bar len pa'i phung po lnga nye bar zhi ba ste/ mya ngan las 'das pa'o zhes bya ba'i tha tshig go /gzung ba rnam pa gsum zhes bya ba ni/ bdag med pa rnam pa gnyis dang/ nye bar len pa'i phung po lnga dang mya ngan las 'das pa ste gsum po dag la 'dzin pa stong pa nyid la sogs pa'i ting nge 'dzin gsum du shes par bya'o/ /smon pa med pa ni bdag tu 'dzin pa'i rten de la rgyab kyis phyogs pa yin no/ /zhes bya ba la/ bdag tu 'dzin pa'i brten ni nye bar len pa'i phung po lnga'o/ /smon pa med pa'i ting nge 'dzin ni de dag la rgyab kyi phyogs pa yin te/ sdug bsngal gyi bdag nyid de la smon par mi byed do/ /smon pa med pa'i ting nge 'dzin ni de dag la bdag tu 'dzin pa'i brten spang ba'i phyir yin no/ /zhes bya ba ni nye bar len pa'i phung po lnga ni spang bar bya ba yin te/ de spang ba'i phyir smon pa med pa'i ting nge 'dzin to/ /'du byed

  332. 166b

    thams cad ni mi rtag pa'o/ /'du byed thams cad ni sdug bsngal pa'o/ /zhes bya ba ni smon pa med pa'i ting nge 'dzin gyi rgyu'i dngos por stan to/ /zhes bya ba ni 'du byed thams cad mi rtag cing sogs la? bsreg pa lta bur sdug bsngal par rig nas de dag la smon par mi byed do/ /de'i phyir chos kyi sdoms 'di gnyis smon pa med pa'i ting nge 'dzin gyi rgyu'i dngos po gnas zhes bya'o/ /byang chub sems dpa' rnams kyi mi rtag pa'i don ni med pa'i don ces bya ba ni/ mi zhes bya ba ni dgag par brjod pa yin la/ rtag pa zhes bya ba'i sgra ni rtag pa brjod pa yin pas mi rtag pa zhes bya ba ni gang dus rtag tu med pa'o zhes bya ba'i tha tshig ste/ 'di ni rtag pa'i don rnam grangs med pa yin no/ /rtag tu med pa gang yin pa de ni mi rtag pa yin pas de dag gi kun brtags pa'i mtshan nyid gang yin pa'o/ /zhes bya ba ni 'du byed de dag gi kun brtags pa'i gang zag dang chos kyi mtshan nyid gang yin pa de ni rtag tu med pa yin no/ /sdug bsngal ba'i don yang dag pa ma yin pa'i rnam par rtog pa'i don te/ gzhan gyi dbang gi mtshan nyid gang yin pa'o/ /zhes bya ba ni 'di ltar sems dang sems las byung ba phyin ci log dag ni yang dag pa ma yin par rtog par byed do/ /yang dag pa ma yin pa gang yin pa de ni sgrub pa'i bdag nyid kyi phyir pa sdug bsngal yin te/ 'di skad du sems dang sems la byung ba'i phyin ci log pa rnams yang dag pa ma yin pa gang zag dang chos rnams su kun rtog par byed kyi 'di la gang zag dang chos yod pa ni ma yin no/ /zhes bshad pa yin no/ /yang na sems dang sems las byung ba/ gang zag dang bcas pa'i phyin ci log pa rnams kyi skyes ma thag tu 'jig pa gang yin pa de ni sdug bsngal ba yin no/ /de nyid kyi phyir mi rtag pa rnam pa lnga ste/ mi rtag

  333. 167a

    pa'i rnam pa ni sdug bsngal gyi rnam pa 'dren par byed do/ /'dis ni 'du byed thams cad ni sdug bsngal ba'o zhes bya ba ni chos kyi mdo 'di ston to/ /bdag med pa'i don ni kun tu rtog pa tsam gyi don te/ zhes bya ba 'dis ni chos thams cad ni bdag med pa'o zhes bya ba'i chos kyi mdo 'di ston te/ 'di skad du kun tu rtog pa tsam dang tha snyad tsam yod kyi don dam par ni chos thams cad kun brtags pa'i gang zag de chos med pa'i phyir bdag med pa'o zhes bshad pa yin no/ /de nyid kyi phyir kho na zhes bya ba'i sgras nges par gzung ba'i phyir kun brtags pa'i bdag ni med kyi kun tu rtog pa tsam zhig yod pas/ gang zag dang chos med pa'i don ni bdag med pa'i don to/ /zhes bshad pa yin no/ /zhes bya ba smos so/ /zhi ba'i don ni rnam par rtog pa nye bar zhi ba'i don to/ /yongs su grub pa'i mtshan nyid mya ngan las 'das pa yin no/ /zhes bya ba 'dis ni mya ngan las 'das pa ni zhi ba'o zhes bya ba ni chos kyi mdo 'di ston te/ sems dang sems las byung ba'i phyin ci log pa sdug bsngal gyi ngo bo nyid rnams so sor brtags pas 'gog pa'i phyir zhi ba ni mya ngan las 'das pa'o zhes bya'o/ /mi rung pa'i phyir zhes bya ba ni 'jug pa mi rung ba'i phyir ro/ /de'i mjug thogs su 'jug par mi 'gyur te/ zhes bya ba ni dus gzhan gyi bar du gnas nas/ 'gag par 'gyur ba'i bar du'o/ /ci'i phyir zhe na/ /der stan par rgyun med pa'i phyir ro zhes bya ba smos te/ gnas pa'i ngo bo nyid la ni rgyun rung ba ma yin no/ /rgyu las skyes pa'i phyir te zhes bya ba 'dis ni skad cig ma nyid du sgrub pa'i gtan tshigs gnyis pa yin no/ /de lta bas na gdon mi za bar skad cig re re la snga ma'i rgyun can gzhan

  334. 167b

    zhig yod do/ /zhes bya ba ni skad cig ma dang po ni rgyu yin la phyi ma ni 'bras bu yin pa'o/ /dus gzhan na 'gag pa nyid kyang 'gal ba'i phyir ro/ /zhes bya ba ni lung dang yid la byed par 'gal ba ston te/ de la lung dang 'gal ba ni chos thams cad ni skad cig pa ste/ dus re zhig pa yun thung ngu gnas pa'o/ /zhes 'byung bas te/ dus re zhig smos pa ni skad cig tsam gnas pa'i phyir ro/ /yun thung ngu zhes bya ba ni skad cig ma las phyin chad du mi gnas pa zhes bya ba'i tha tshig go /skye ba dang 'jig pa dag tu yid la byed pa zhes bya ba ni ?'di byad pa dang 'gal ba ston pa yin no/ /'chi ba'i dus la sogs pa na 'gal bar mthang ba gzhan dag ji lta bar/ zhes bya ba ni chos mi mthun pa'i dpe ste/ 'di skad du rnal 'byor pa yid la byed pa thob pa skad cig re re la skye ba dang 'jig par lta ba rnams yid byung ba dang 'dod chags dang bral ba rnam par grol ba dag tu 'gyur gyi gang dag skad cig re re la skye ba dang 'jig par lta ba med cing yun ring mo zhig na 'chi bar lta ba de dag ni yid byung ba la sogs par mi 'gyur ro/ /zhes bshad pa yin no/ /de'i mthun ni mi 'dra ba skye ba la rab tu grub/ ces bya ba ni sngon po nyid ni mtshan nyid kyis 'jig pa'i dang can yin pa'i phyir rang nyid 'gags la me dang 'brel bas ni dmar po nyid du 'gyur te/ 'di ni mi 'dra ba skye ba yin no/ /'di ltar de dang 'bral ba las sngon po nyid kyi rgyun mi 'dra bar 'dzin gyi rnam pa thams cad du mi 'jug pa nyid ni ma yin no/ /zhes bya ba ni 'di ltar lcags kyi thu lum bsregs pa slar sngon po nyid du 'gyur ba yang lcags kyi thu lum de la sngon po nyid kyis sa bon yod pas yang sngon po nyid du 'gyur te/ de lta bas na rnam pa thams cad du mi 'jug pa nyid du rab tu shes pa ni ma yin no zhes bya'o/ /'on te chu shin tu 'dus

  335. 168a

    pa rnam pa thams cad du mi 'jug pa nyid ma yin nam snyam du sems na/ de dag kyang rang gi rang kho nas 'jig ste/ me ni de dag gi rgyun mi 'dra ba skye ba'i rgyu yin no/ /gal te me dang 'brel pa las 'jig par gyur na ni de'i mod kho na la 'gyur ro/ /'dra ba'i phyir de'i blo 'byung gi de yod pa'i phyir ni ma yin no/ /zhes bya bar ci mngon zhes bya ba ni gnas pa de kho na bzhin du 'dug pa'i phyir ro zhes bya ba'i tha tshig go /skad cig ma dang po dang khyad par med pa'i phyir zhes bya ba ni gal te skyes ma thag tu mi 'jig gi yun ring mo zhig gnas nas 'jig go /zhes bya bar gzung na/ de la gang gis na khyad par khas blangs na khyad par 'dis na yun ring mo zhig gnas nas phyis 'jig go zhes bya ba skad ci ma dang po nas khyad par 'ga' zhig yod dam/ des rjes su zin par 'jug pa'i sgo nas zhes bya ba ni sems kyi rjes su zin par 'jug pa'i sgo nas te/ sems kyis yongs su zin pa'i 'du byed rnams sems de'i rjes su 'jug pas de lta bas na de ni sems kyi 'bras bu yin no/ /de bzhin du rnam par shes pa'i skyen gyis ming dang gzugs zhes kyang gsungs pa lta bu zhes bya ba ni rnam par shes pa ni ming dang gzugs kyi bdag po'i rkyen te rnam par shes pa'i dbang gis de 'grub pa'i phyir ro/ /de lta bas na sems kyi 'bras bu zhes bya'o/ /phyi'i dngos po rnams ngan par 'gyur zhes bya bas yang tsha sgo dang sdong du ma dang tsher ma la sogs pas gang bar 'gyur la/ gzugs dang sgra dang dri dang ro dang reg bya la sogs pa ngan par 'gyur ro/ /bzlog pa dge ba byed pa rnams la ni gya nom bdag yin no/ /dang po zhes bya ba ni dang por skye ba ste/ 'di ltar 'og nas/ gzugs brnyan du ni skye ba ste/

  336. 168b

    zhes 'chad par 'gyur ba yin no/ /dang por skye ba ni dang po nyid du bdag gi dngos po mngon par 'grub pa gang yin pa'o/ /zhes bya ba ni rnam par shes pa brgyal ba'i dus na nying 'tshams sbyor ba'i skad cig ma gang yin pa'o/ /'dod pa gzhan gyis sprul pa ni lha dag cig ste/ de dag ni bud med gang la dga' bar 'dod pa de la rang 'dod pa'i gos dang rgyan dang me tog dang skra la sogs pa sprul bar byed do/ /bud med dag kyang skyes pa gang la dga' bar 'dod pa de la de kho na bzhin du rang 'dod pa'i gos dang rgyan la sogs pa sprul par byed do/ /de ltar na 'dod pa gzhan dag gis sprul pa rnams zhes bya'o/ /'od mi gsal ba nyid du ni de las gzhan du skye ba rnams kyi gang yin pa'o/ /zhes bya ba ni dga' ldan dang 'thab bral dang sum cu rtsa gsum pa dang/ rgyal chen bzhi pa rnams dang/ de bzhin du dzam+bu'i gling la sogs par mi khyad par du 'phags pa gang yin pa'o/ /rgyu dang tshad kyi khyad par dang/ zhes bya ba ni rgyur khyad par dang tshad kyi khyad par ste/ tshad kyi khyad par ni nur nur po la sogs pa'i skabs so/ /gal te de zhes bya ba ni dang por skye ba'o/ /rgyu nyid kyis khyad par du ma gyur na zhes bya ba ni rgyu'i khyad par las skye ba khyad par can du ma gyur na zhes bya ba'i tha tshig go /de nyid kyi phyir des na rgyu khyad par med pa'i phyir 'du byed kyi 'jug pa phyi ma'i khyad par phyi ma phyi ma dmigs par mi 'gyur ro/ /khyad par yod na ni de'i phyi ma phyi ma dag las de bzhin yin pa'i phyir/ zhes bya ba ni khyad par phyi ma phyi ma dag las skye ba gzhan yin pa'i phyir skad cig ma nyid du 'grub bo/ /skad cig re re la gzhan du gyur pa med par tshad khyad par yod par mi 'gyur ro/ /zhes bya ba ni nur nur po dang mer mer po dang gor gor ba dang rkang lag ma 'gyus pa'i gnas skabs so/ /brten gnas

  337. 169a

    bzhin du de la brten pa mi gnas par ni mi rung ba ma yin/ zhes bya ba ni mi gnas bzhin du mig rnam par shes pa 'gro bar ni rigs pa ma yin te/ mig gi rnam par shes pa skad cig ma nyid yin la/ mig skad cig ma nyid ma yin no/ /zhes bya ba'i tha tshig go /gal te 'gro ba skyes pas chos yul gzhan du khyer ro zhe na/ des na 'gro ba'i dus na grang du yang ma song bas/ gnas pa kho na la 'gro ba 'thad pa ma yin no/ /zhes bya ba ni ji skad ji srid du 'gro ba'i bdag gi ngo bo ma thob pa de srid du 'du byed rnams la yul gzhan du 'gro ba'i bya ba med zhes bshad pa yin no/ /gnas pa ni yul gzhan du ma phyin pa'i phyir/ 'du byed yul de na gnas pa bzhin du 'gro bas khyer ro zhes bya ba ji ltar rung/ skad cig ma tha ma la sa bon med pa nyid du rung ba ma yin zhes bya ba ni de bzhin du gnas pa ni dus gzhan na sa bon med pa nyid du mi 'thad de/ /gal te skad cig re re la 'du byed rnams gzhan nyid du 'gyur na ni des na nyon mongs pa skye bar 'dod pa rnams kyi nyon mongs pa 'gag pas tha ma nyid du 'gyur ro/ /de med na tha ma nyid mi srid pa'i phyir ro/ /zhes bya ba gang med na skad cig cig re re la 'dus byas rnams gzhan nyid du 'gyur ba med na ste/ skad cig la 'jig pa'i ngang can yin na ni der 'gyur ro/ /de gnyi ga la yang skad cig re re la yongs su 'gyur ba med pa mi 'gyur te zhes bya ba la/ gnyi ga ni 'phel ba dang 'bri ba ste/ gal te chu de dag 'jig pa'i dang can yin na ni des na chu mig dang mtsho dang mtshe'u la sogs pa yang gang bar 'gyur la/ dral na 'bab pa yang 'gyur gyi/ de bzhin du gnas pa la ni 'bab pa med do/ /skam pa yang de kho na dang 'dra ste/ gal te de dag dang po nyid nas skad cig la 'jig

  338. 169b

    pa'i ngang can gyi rnam par 'jig na ni des na 'grib par 'gyur gyi gnas pa rnams la ni ma yin no/ /phyis kyang khyad par gyi rgyu med pa'i phyir ro zhes bya ba ni rim pa'i rgyu skad cig la ngang gis 'jig pa ma togs? par chu mig dang mtsho dang mtshe'u ba sogs pa 'am skam pa'i khyad par gyi rgyu gzhan ni med do/ /dus kyi byas pa ni dus gzhan gyi bar du yongs su gnas pas so/ /zhes bya ba ni dus gzhan gyi bar du yongs su gnas pas yul dang gnas dang grong dang grong khyer la sogs pa dgon par 'gyur ba'o/ /kha dog dang dri dang ro dang reg bya rnams ni la sogs pa dang rgyu 'dra ba'i phyir de kho na bzhin du skad cig ma nyid du rig par bya'o/ /zhes bya ba ni skam pa dang 'phel ba dang rang bzhin gyis g.yo ba dang 'phel ba dang 'grib pa srid pa'i phyir dang/ yongs su 'gyur ba bzhi la sogs pa'i rgyus te/ 'di ltar byas pa'i gzugs ni 'byung ba la brten pa yin pas/ de ltar skam pa dang 'phel ba la sogs pa'i rgyus 'byung ba rnams skad cig ma nyid du bstan pa ltar kha dog la sogs pa yang de kho na dang 'dra bar shes par bya'o/ /me 'byung na ma dang lhan cig byung ba'i bud shing de kho na bzhin du gnas pa ni med do/ /zhes bya ba ni me byung na bud shing 'jig ste/ bud shing zhig pa las byung ba'i mi gang yin pa de ji ltar brtan pa nyid du 'gyur mjug tu bud shing med pa yang gnas pas 'gyur du 'ong bas bud shing tshig pa'i me yang gnas par nus pa ma yin no/ /zhes bya ba la/ bud shing med pa'i gnas skabs ni thal ba'i gnas skabs te/ bdag mi'i gnas skabs kyis me la ni bud shing phra mo yod do/ /de med pas thal bar 'gyur te/ de'i me'o/ /gal te kho na bzhin du gnas par gyur na rang gi ngang gis 'jig pas/ rnam par 'jig

  339. 170a

    par mi 'gyur te/ mjug tu thal bar mi 'gyur ro/ /zhes bya ba'i tha tshig go /gal te 'di snyam du mar me la sogs pa ni de dag las gzhan pa'i 'du byed rnams dang mtshan nyid mi 'dra ba'i phyir ro/ / zhes bya ba ni mar me la sogs pa ni skad cig ma yin la/ ri la sogs pa ni brtan pa yin te/ 'di ni mi 'dra ba yin no/ /de nyid kyi phyir mar me la sogs pa skad cig ma nyid du rab tu grub pa rnams sam/ dper brjod par byed do// de dag rab tu grub na mar me la sogs pa rab tu grub pa dag gis ri la sogs 'du byed gzhan rab tu ma grub pa gang dag yin pa skad cig ma nyid du sgrub par byed do/ /mi 'dra ba rnam pa gnyis la ngo bo nyid mi 'dra ba ni sa dang chu dang me dang rlung la sogs pa'i sra ba la sogs pa phan tshun rang gi mtshan nyid kyis ni 'dra ba yin no/ /'jug pa mi 'dra ba zhes bya ba ni mar me la sogs pa'i 'jug pa yang gzhan la/ ri la sogs pa'i gzhan no/ / 'jug pa ni tshul te ji ltar mar me la sogs pa'i rgyun mi 'jug pa skad cig ma nyid du mngon pa ltar/ ri la sogs pa'i ni de lta ma yin no/ /de'i rgyun gyis zhes bya ba ni mar me'i rgyun gyis so/ /snying po skad cig re re la 'gyur ba skye ba'i phyir ro/ /zhes bya ba ni snying po yang skad cig re re la mar me 'gyur bas skye bar shes so/ /'du byed thams cad ni mi rtag pa'o zhes bya ba la/ mi rtag pa ni rnam pa gnyis te/ mi rtag pa'i don med pa'i don zhes bya ba ni shin tu med pa'i mi rtag pa nyid yin no/ /skad cig la 'jig pa'i don ? mi rtag pa'i don du rig par bya ba yin pas/ skad cig la 'jig pa'i mi rtag pa nyid bsgrubs pa yin no/ /da ni chos thams cad ni bdag med pa'o zhes bya ba gang zag la bdag med pa

  340. 170b

    sgrub bo/ /ji ltar mgo gcig du ma yin pa'i smra ba yongs su bzungs na zhes bya ba ni mgo gcig du gang zag yod do zhe 'am/ med do zhes smra ba yongs su bzung bar mi bya ste/ de'i phyir mgo gcig du ma yin pa'i smra ba yongs su 'dzin par byed do/ /dmigs pa zhes bya ba ni blos rtog pa yin na/ gang zag ni gang zag tu smra ba rnams kyis blos mi rtogs pa yang ma yin la/ zhes bya ba 'di ni gang zag tu mngon par zhen pa'i tshig yin no/ /de nyid kyis phyir mjug thogs su bcom ldan 'das kyis kyang mthong ba'i chos kho na la bdag tu dmigs shing 'dogs par byed do/ /zhes gsungs na/ ji ltar mi dmigs pa yin zhes lung gis gang zag dmigs par ston to/ /gcig dang gzhan du brjod bya min/ zhes bya ba ni gcig pa nyid du brjod par bya ba ma yin no/ /zhes bya ba'i tha tshig go /gzhan nyid yin na ni gang zag rdzas su yod pa yin du thal bar 'gyur ro/ /zhes bya ba ni bdag gi rab bzhin gang yin pa de phung po dag gi rang bzhin yin par zhes bya ba'i tha tshig go /gal te rdzas yod brjod min pa'i/ dgongs pa yang ni brjod dgos so/ /zhes bya ba ni ci'i phyir rdzas su yod pa yang yin la/ brjod par bya ba yang ma yin no zhes bya ba'i dgos pa brjod dgos so/ /'di ltar me rlung gis khyer ba ni 'bar bzhin du brgyangs bcad par yang 'gro'o/ /zhes bya ba la ni zhes smos pas ni me lce bzung ste bud shing med bzhin du rlung gis me 'bar bzhin du brkyangs bcad par 'gro'o/ /rnam par shes pa 'di lta bur gyur cig ces bya ba de la bdag po yin no/ /de'i rkyen can zhes bya ba ni gang zag gi rkyen can zhes bya ba'i tha tshig go /nyes pa gsum 'byung ba'i phyir byed pa rang byung ba yang ma yin la/ byed pa po ma yin pa

  341. 171a

    la sogs pas nyes pa 'chad par 'gyur gsum po de nyid kyi phyir gang zag gi rkyen can yang ma yin no/ /lta sogs byed pa med pa yin/ zhes bya ba ni byed pa med pa yang rkyen tshogs na mthong ba la sogs pa 'di thams cad du 'gyur te/ gang gi phyir rkyen tshogs na 'di thams cad du 'gyur ba de'i phyir gang zag la byed pa med pas lta ba la sogs pa la lta ba po nyid med pa nas rnam par shes pa po nyid kyis bar med do/ /'on te byed pa gang zag gi rkyen can yin do zhen zhes bya ba ni gang zag gis byed pa byed pa 'am/ de la brten nas byed pa rkyen zhes bya ba'i tha tshig go /de bzhin du gnas pa de ni rkyen nyid du rung ba ma yin te/ snga na med pa'i phyir ro/ /zhes bya ba ni rtag tu nye ba'i phyir ro zhes bya ba'i tha tshig go /snga na med pa'i phyir zhes bya ba ni/ byed pa skye ba'i sngon rol byed pa skyed par ma gyur pa gang yin pa de ni sngon gyi gnas skabs yin no/ /'on te de'i tshe gang zag med des na byed pa skyed par gyur to/ /zhes zer na/ de la nyes pa 'dir 'gyur te/ zhig pa yang rkyen nyid du mi rung ngo/ /ci'i phyir zhe na/ de'i phyir smra ba/ gang zag mi rtag ma nyid du thal bar 'gyur ba'i phyir te/ de yang gang zag du smra ba rnams mi 'dod do/ /lnga pa las ni bdag dmigs pa la nyes dmigs lnga bstan te/ /zhes bya ba ni gcig las 'phros pa'i lung las chos lnga lnga'i dbang du byas nas chos bshad pa ni lnga ba zhes bya ste/ bdag tu lta ba dang srog du lta bar 'gyur zhes bya ba ni gcig tu blta'o/ /stong pa nyid la yang 'di'i sems 'jug par mi 'gyur/ /dad par mi 'gyur/ yang dag par gnas par mi 'gyur mos par mi 'gyur zhes bya ba yang gcig tu 'ong/ /bcom ldan 'das kyis

  342. 171b

    kun shes pa dang ldan pa'i gang zag dang/ khur khyer ba'i gang zag dang/ dad pa rjes su 'brang ba dang/ chos kyi rjes su 'brang ba'i gang zag ces bya ba de lta bu la sogs pa'i bar du dbye bas/ gang zag kyang de dang des las bshad de zhes zer ba ni bdag du smra ba'o/ /kun nas nyon mongs pa'i chos dang ldan pa'i phyir kun nas nyon mongs pa'i gnas skabs na ni kun nas nyon mongs pa'i gang zag ces bya ba la/ rnam par byang ba'i chos dang ldan pa'i phyir rnam par byang ba'i gnas skabs na ni rnam par byang ba'i gang zag go /zhes bya ba ni gnas skabs kyi bye brag gis kun nas nyon mongs pa dang rnam par byang par byed pa yin no/ /kun nas nyon mongs pa dang rnam par byang ba de dag kho na la 'di ni kun nas nyon mongs pa'o/ /'di ni rnam par byang pa'o zhes bya ba ni gcod pa'i bye brag te/ gnas skabs kyi bye brag dang/ bcod pa'i bye brag 'di dag thams cad kyang tha snyad gdags pa'i don du gang zag gi tha snyad kyis ston to/ /de la gnas skabs kyi bye brag ni kun nas nyon mongs pa yang chung ngu dang/ 'bring po dang chen po'i gnas skabs kyi bye brag gis te/ rnam par byang pa yang de kho na dang 'dra'o/ /gang zag 'di ni 'dod chags chung ngo/ /'di ni 'dod chags 'bring ngo/ /'di ni 'dod chags chen po/ zhes bya ba dang/ nam par byang ba la yang gang zag 'di ni lam chung ngu thob pa'o/ /'di ni lam 'bring po dang chen po thob pa'o/ /zhes bya ba ni gnas bas kyi bye brag yin no/ /kun nas nyon mongs pa dang/ rnam par byang ba dag gis gcod pa'i bye brag gi gang zag gang zhig gcig tu mi dge ba'i las byed ba de ni kun nas nyon mongs pa yin par gcod pa'i bye brag dang gang zhig gcig tu rnam par byang ba'i las byed pa de ni

  343. 172a

    rnam par byang ba yin par gcod pa'i bye brag go /de dag gi 'jug pa'i bye brag dang/ rgyun gyi bye brag ces bya ba ni kun nas nyon mongs pa dang rnam par byang ba dag gi'o/ /'jug pa ni 'jug pa yin te/ tha snyad pa'i gang zag gang zhig la kun nas nyon mongs pa med pa 'am/ rnam par byang ba rab tu 'jug pa'i bye brag yin la/ rgyun gyi 'jug pa de ni/ rgyun gyi bye brag yin no/ /yongs su shes par bya ba'i chos rnams ni kun nas nyon mongs pa'o/ /zhes bya ba ni sdug bsngal dang kun 'byung gi bden pa dag go /yongs su shes pa ni rnam par byang ba'o zhes bya ba ni 'gog pa dang lam gyi bden pa dag te/ 'gog pa dang bden pa la yongs su shes pa nyid ces bya ba ni yongs su shes pa'i 'bras bu yin pas 'bras bu las rgyu nye bar brtag pa'i phyir ro/ /khur ni sdug bsngal gyi bden pa'o/ /khur 'dor ba ni rnam par byang pa'o/ /zhes bya ba ni 'gog pa dang lam gyi bden pa dag ste/ ji ltar de gnyis khur 'dor ba yin zhes na/ 'phags pa'i shes rab kyi sdug bsngal yongs su shes pa'i phyir dang/ kun 'byung spong ba'i phyir ro/ /gzugs la sogs pa'i phung po la kun shes pa dang/ ldan pa zhes bya ba dang khur khyer ba zhes bya bar tha snyad gdag pas mi nus kyi kun nas nyon mongs pa dang rnam par byang ba'i gang zag btag na tha snyad gdags par bla bas de'i phyir tha snyad kyi don du gang zag gdags pa mdzad do/ /de ltar yon tan de dag dang/ rtag ldan zhes bya ba ni ngo tsha shes pa la sogs pa'i yon tan dang ldan pa zhes bya ba'i tha tshig go /byang chub kyi phyogs dang mthun pa'i

  344. 172b

    skabs rdzogs so// //'di ni byang chub sems dpa' rnams kyi bslab pa'i dmigs pa dang/ rnam pa dang/ ngo bo nyid kyi khyad par gyi sgo nas bslab pa'i lam rnam pa thams cad bstan pa yin te/ de la slob pa rnams bsgrub pa'i dang rab tu bsngags pa'i yon tan dang ldan par 'gyur bas/ de'i phyir byang chub kyi phyogs dang mthun pa'i 'og tu yon tan gyi skabs so/ /de la sgrub pa'i yon tan ni rnam pa gsum te/ rgyu mthun pa'i yon tan dang/ bral pa'i yon tan dang/ sems can la mngon du phyogs pa'i yon tan no/ /de la rgyu mthun pa'i yon tan ni/ yun ring po nas bslab pa'i lam la goms pa'i phyir/ dge ba'i tshogs dang nye bar gyur ba'i lam phyi phyir zhig gzhan du mi 'gyur ba bstan pa dang/ nges pa dang ring bar 'jug pa nyid yin te/ brtson grus rtsom pa dang bsam gtan gyi/ bde la ro myang med/ ces bya ba'i tshigs su bcad pa 'di gnyis kyis ni rgyu mthun pa'i yon tan bshad do/ /bral ba'i 'bras bu ni mthong ba dang/ bsgom pa'i lam dag gis de dag gis spang bar bya ba'i gnas ngan len spang ba'i phyir gnas dri ma med pa nyid yin te/ de bzhin gshegs rigs skye ba dang/ zhes 'chad par 'gyur ba 'di ni mthong ba'i lam mo/ / de yan chad sa brgyad pa la lung bstan pa thob pa dang/ sa bcu pa la dbang bskur ba thob pa zhes bya ba'i bar 'di ni bsgom pa'i lam mo/ /byang chub thob pa ni sangs rgyas kyis la'o/ /de ltar yon tan phul du byung ba dang/ ldan pa'i phyi ngo mtshar mi che ba'i yon tan thob par 'gyur ro/ /sems can thams cad la bdag dang/ sems mnyam pa'i skabs nas/ ji ltar blo ldan sems can la/ zhes bya ba la sogs pa 'chad par 'gyur ba lta bu yin no/ /sems

  345. 173a

    mnyam pa ni rtag tu phan par bya ba la rab tu 'jug ste/ phan 'dogs pa nyid rnam par dbye ba las/ snod nyid du mi byed pa dang/ zhes bya ba la sogs pa tshigs su bcad pa bcu drug 'byung ba lta bu yin te/ phan 'dogs pa nyid kyi yon tan 'di ni sems can la mngon du phyogs pa'i yon tan yin par shes par bya'o/ /lan du phan 'dogs pa yang 'dod do/ /lan du phan 'dogs? pa rnam par dbye ba las/ longs spyod rnams la ma chags dang zhes bya ba la sogs pa 'chad par 'gyur ba lta bu'o/ /de lta rab tu brtson pa ni rtag tu de dag la phan pa dang bde bar 'dod do/ /smon pa rnam par dbye ba las/ rtag tu 'phel dang nyams pa dang/ zhes bya ba la sogs pa 'chad par 'gyur ba lta bu yin no/ /de ltar phan pa dang bde ba'i bsam pa can ni de dag la sbyor ba chung mi za bar byed do/ /chung mi zad nyid rnam par dbye ba la/ /'jigs spang yang dag skyed pa dang/ zhes bya ba la sogs pa 'chad par 'gyur ba lta bu yin te/ 'di ni sgrub pa'i yon tan gyi khyad par gong nas gong du sgrub pa yin no/ /de ltar byang chub sems dpa' phan yon gyi yon tan khyad par gyi sgo nas lung bstan pa 'thob kyi/ nyan thos dang rang sangs rgyas kyi ni ma yin na/ lung bstan pa ni phyir mi ldog pa'i sa la gnas par 'gyur ro/ /de la gnas pa ni gdon mi za bar bya dgos pa la mi brjod pa'i chos nyid thob po/ /de ltar mi brjod pa'i chos can ni sangs rgyas dang byang chub sems dpa' rnams kyi sems can thams cad kyi mchog tu gdags pa rnams kyi nang du 'dogs pa mdzad cing bya ba thams cad kyang yongs su nyams par mi 'gyur mi thob pa las yongs su nyams pas kyang yongs su nyam

  346. 173b

    par mi 'gyur ro/ /yongs su mi nyams pa ni zla ba yar gyi ngo la skye ba bzhin du rtag tu rgyun mi 'chad par dge ba'i chos rnams kyi 'phel bas/ byang chub sems dpa' chen por 'gyur gyis/ bcos ma ni ma yin no/ /yang dag pa'i byang chub sems dpa' ni sems can 'dul ba'i thabs rnam pa thams cad shes so/ /de shes pa ni de rnam par bzhag pa la mkhas pa 'gyur te/ gang dang ji ltar bcal bar bya ba de dag rnam par 'jog par byed do/ /rnam par bzhag pa la mkhas pa ni gdams ngag la mkhas par 'gyur ro/ /gdams ngag la mkhas pa ni tshad med pa la dmigs pa'i ting nge 'dzin gyi rgyal po thob po/ /ting nge 'dzin de thob pa ni chos bshad pa'i don yod par 'gyur te/ rnam pa sna tshogs kyis bshad pa 'bras bu dang bcad par yang byed/ theg pa chen po la nges par 'byung bar yang 'gyur ro/ /chen po nyid du nges par 'byung ba ni theg pa chen po bsdu ba la mkhas par 'gyur te/ de ltar na rgyu mthun pa dang bral ba dang/ sems can la mngon par phyogs pa'i yon tan gsum po 'di dag ni ngo mtshar che ba dang ngo mtshar mi che ba rab tu dbye ba nas bzung ste/ theg pa chen po bsdu ba'i skabs kyi bar gyi shes par bya'o/ /de'i 'og tu ni byang chub sems dpa' yon tan bstan pas rab tu bsngags pa'i yon tan 'chad par 'gyur ro/ /tshigs su bcad pa las/ sdoms pa'i phyir phun sum tshogs pa yongs gtong dang/ zhes bshad pa gang yin pa 'di ni/ ched kyis bdun par bstan pa'i phyir bshad pa yin te/ sdom pa'i ched du phun sum tshogs pa gtong ba 'di ni/ tshul khrims kyi pha rol tu phyin pa la ngo mtshar che ba yin no/ /lus dang srog la mi lta bar brtson 'grus rtsom pa gang yin pa de ni/ brtson 'grus kyi pha rol tu phyin pa la ngo mtshar che ba yin no/ /'dod chags dang

  347. 174a

    bral ba la brten nas sbyin pa la sbyor ba ngo tshar mi che'o/ /zhes bya ba ni byang chub sems dngos po srang stong rab gang yin pa de la 'dod chags dang bral ba bskyed nas yongs su gtong ngo zhes bya ba 'di ni ngo mtshar mi che'o/ /snying rje ni sdug bsngal dang bral ba'i rnam pa yin te/ snying rje la brten nas byang chub sems dpa' rnams gzhan la sdug bsngal bskyed par mi byed do/ /zhes bya ba ni tshul khrims kyi pha rol tu phyin pa la ngo mtshar mi che'o// snying rje ba yang gzhan dag las lus dang ngag gi mi 'dod pa byung ba thams cad bzod pas bzod pa'i pha rol tu phyin pa la ngo mtshar mi che'o/ /sems mnyam pa nyid kyang bslab pa'i phan yon yin pa kho na te/ sems can rnams ni bdag nyid la sogs pa la byams pa mnyam pa nyid dang/ ldan pa yang ma yin zhes bya ba ni bdag nyid la byams pa yang gzhan du yin la/ bu dang bshes dang chung la sogs pa la yang bzhan du yin pas so/ /gtan du ba yang ma yin zhes bya ba de bstan pa'i phyir 'di ltar res 'ga' bdag nyid kyang gsod par byed do/ /zhes bya ba smos so/ /tshul khrims la ni rtag tu phra rab tsam yang mi nyams pa'i phyir ro/ /zhes bya ba ni ji ltar rang bzhin gyis kha na ma tho ba'i bslab pa'i gzhi 'dral bar mi byed pa ltar bcad pa'i kha na ma tho ba rtswa gcod pa la sogs pa yang de dang 'dra ste/ da ltar na mnyam pa nyid yin no/ /rang dang gzhan gyi don dang dge ba thams cad kyi don du mnyam par sbyor ba'i phyir ro/ zhes bya ba ni brtson 'grus dang sbyor ro/ /sems can la mngon par phyogs pa'i yon tan ni ma la sogs pa dang 'dra ba nyid kyis ston par byed do/ /kho na 'dzin par byed ces bya ba ni lto na

  348. 174b

    'dzin par byed ces bya ba'i tha tshig ste/ lto yang kha cig du khong zhes bya ba'i sgrar brjod do/ /bsam pa ni khong lta bu te/ bsam pa mnyam zhing mtshung bas sems can la 'dzin par byed pas na/ bsam pa mnyam pas sems can rnams 'dzin par byed ces bya'o/ /'phags pa'i sa ni 'phags pa chos yin zhes bya ba ni zag pa med pa'i chos te/ nyan thos rnams kyi ni 'jig rten pa'i chos kyi mchog gi rjes la sdug bsngal la chos shes pa'i bzod pa la sogs pa slob pa dang mi slob pa'i lam dang/ de dag gis thob par bya ba so sor brtag pa'i 'gog pa'o/ /byang chub sems dpa' rnams kyi dang po thob pa'i dus nas bzung ste/ rnam par mi rtog pa'i ye shes dang/ de'i spyod yul/ de bzhin nyid do/ /mnun par byed/ gso bar byed/ kun tu skyed par byed ces bya ba ni las gcig ste/ mnun pa ni nu ma mnun pa'o/ /gso ba ni zhun mar dang mar dkar la sogs pas gso ba gang yin pa'o/ /kun tu skyed par byed pa ni byis pa la sku mnya la sogs pas yan lag dang nying lag rnams bskyed pa gang yin pa'o/ /byang chub sems dpa' yang sems can rnams bza' ba dang btung ba la sogs pa bsdu ba'i dngos po bzhis bsdus na gsog te/ 'jig rten dang 'jig rten las 'das pa'i dge ba'i chos rnams kyi kun tu skyed par byed do/ /bshes gnyen dam pa dag la 'doms par byed ces bya ba ni/ sangs rgyas la gsol pa 'debs pa'i sgo nas te/ bshes gnyen dam pa ni sangs rgyas dang byang chub sems dpa' rnams so/ /chag nyen med pa byed ces bya ba ni sgrib pa spong ba'i phyir ro/ /'os pa ma yin pa dag la zab mo bshad pa gsang ba'i phyir ro/ /zhes bya ba ni thob pa nyung ngu ni chos zab mo bshad pa 'os pa ma yin no/ /'jig rten pa'i phun sum tshogs pa ni

  349. 175a

    bde ba ste/ zhes bya ba ni 'khor los sgyur ba dang/ brgya byin dang tshangs pa nyid la sogs yongs su bsdus pa de ni 'jig rten pa'i phun sum tshogs pa yin no/ /byang chub sems dpa' snying rje ba'i bsam pas yongs su zin pa rnams ni skyo ba med pa'i phyir byang chub sems dpa' i bya ba las mi phyogs par 'gyur ro/ /byang chub sems dpa' rnams ni bran lta bu yin te/ byang chub sems dpa' rnams yang dag pa'i nges par 'byung ba smra ba nyid kyis mi slu ba yin no/ /phun sum tshogs pa nyid ni 'jig rten pa dang 'jig rten las 'das pa yin zhes bya ba ni byang chub sems dpa' rnams phun sum tshogs pa nyid sbyin par byed pa nyid kyis 'tho ba yin te/ sems can rnams kyis thams cad pa'i phyir ro/ /bdag nyid legs par bslab pa yin zhes bya ba ni sa brgyad pa la mi skye ba'i chos la bzod pa mngon par 'du byed pa med pa'i lam thob pa'i phyir ro/ /rnal 'byor grub par sbyor ba dang/ zhes bya ba la/ rnal 'byor grub pa ni zhi gnas dang lhag mthong gi rnal 'byor ste/ nyan thos sam byang chub sems dpa' las dang po bas/ zhi gnas lhag mthong la ji ltar sbyar bar bya ba'i sbyor ba de ston pa'i phyir/ byang chub sems dpa' rnams ni rnal 'byor grub pa ston par byed pa zhes bya'o/ /nges pa'i rang bzhin can ni tshig snyan pa sbyin pa la sogs pas khro nyor dang bral ba yin no/ /byang chub sems dpa' shin tu brtson pa rnams ni tshogs thams cad yongs su rdzogs par byed de/ tshogs rdzogs pa ni rab tu byung ba dang chos mthun pa yin no/ /tshogs bsags myur du gol bar byed ces bya ba ni bsnyen par rdzogs pa dang chos mthun pa yin te/ gang zag bsnyen par rdzogs pa ni bslab pa'i gzhi nyis brgya lnga bcu bsrung ba'i

  350. 175b

    sgo nas bya ba yin pa'i chos dag las grol bar 'gyur bas/ de'i phyir tshogs bsags pa dag las grol bar 'gyur bas/ de'i phyir tshogs bsags pa dag myur du grol bar byed pa shes pa'o/ /sbyor ba chud mi za ba rnam par dbye ba'i tshigs su bcad pa zhes bya ba ni skrag pa spang pa la sogs pa'i don du zhugs pa'i byang chub sems dpa' rnams kyi sbyor ba chud mi za ba yin no/ /nga rgyal ni bzod pa'i yongs su nyams par 'gyur ba'i skal ba can gyi chos yin no/ /zhes bya ba ni nga rgyal gyi mi bzod pa'i phyir ro/ /bcos ma'i yon tan rnam par dbye ba'i tshigs su bcad pa zhes bya ba ni sprul pa la sogs pa sgrub pa dang bral ba ni byang chub sems dpa' rnams kyi yon tan bcos ma yin la/ de dag nyid sgrub pa dang ldan pa tshe yang dag pa'i yon tan yin no/ /byang chub tu lung ston pa zhes bya ba ni gang gi tshe byang chub sems dpa' dag sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung ston par mdzad pa yin no/ /lung ston dang lung ston pa zhes bya ba ni nyid lung mi ston gyi gzhan 'di skad du lung ston to/ /zhes bya ba ste/ de nyid kyi phyir/ 'dis dus che ga mo zhig med bzhin gshegs pa mtshan 'di zhes bya bas lung ston par 'gyur ro/ /zhes bya ba smos so/ /mi skye ba'i chos la bzod pa thob par lung bstan nas nga rgyal spang pa dang mtshan ma'i rtsol ba thams cad spangs par 'gyur ro/ /de'i phyir mi skye ba dang ma thob pa yis/ nga rgyal dang rtsol ba spangs pa'i sgoms lung bstan pa zhes pa'o/ /pha rol tu mtshan ma kun tu spyod pas phun sum tshogs pa dang skye ba la sogs pa la gdon mi za bar 'gyur ba'i nges par 'gyur pa'o/ /rtag tu lhun gyis grub par rnam par ma rtog pa'i ye shes kyis gnas pa'i phyir ro/ /zhes bya ba ni sa brgyad/ /gnas

  351. 176a

    pa la sogs pa la shes rab kyi pha rol tu phyin pa yongs su rdzogs pas lhun gyi grub par rnam par mi rtog pa'i ye shes kyi gnas par 'gyur ro/ /rtag tu bya ba ni nyid yin gyi gdon mi za bar bya dgos pa ni rtag par rgyun chags su gdon mi za bar bya dgos pa ma yin no/ /'dod pa'i nyes bcigs pa dang/ zhes bya ba la gzugs? pa sogs pa'i yul rnams ni 'dod par byed pas 'dod pas dag ste/ de dag ni rus gong gi dum bu dang/ sha'i kham tshad la sogs pa lta bu dang chos mthun pa dang ldan pa'i phyir nyes dmigs dang bcas pa yin no/ /byang chub sems dpa' ni nyes dmigs dang bcas pa'i shes pa skyed pas gnas skabs gang du yang nam yang 'dod pa rnams la chags par mi 'gyur bas 'dod pa rnams la nyes dmigs su lta ba zhes bya'o/ /bde la ro myang med nyid dang/ zhes bya ba ni bsam gtan dag la ro myang bar mi byed pa nyid yin no/ /so so thar pa'i sdom pas bsdus pa dang/ bsam gtan gyi sdoms pas bsdus pa'i tshul khrims gang dag yin pa de dag pas na zag pa med pa'i sdom pas bsdus pa'i tshul khrims gtso bo yin no/ /sdug bsngal la ji mi snyam pa'i bzod pa dang/ gnod par byed pa dang du len pa'i bzod pa dang/ chos la nges par rtogs pa'i bzod pa yang/ sgra'i rjes su 'gro ba'i bzod pa gang yin pa de rnams ni de kho na'i don gyi phyogs gcig gis rjes su zhugs pa dang/ ldan pa'i ting nge 'dzin dang mtshungs par ldan pa'i bzod pa gang yin pa 'di dag gtso bo yin no/ /chos gdags pa rnam par bzhag pa dang/ bden pa dang rig pa dang theg pa dang gdags pa rnam par bzhag pa zhes bya ba la/ mdo'i sde dang dbyangs kyi bsnyad pa'i sde la sogs pa'i rnam pa'i bye brag gis rig pa'i

  352. 176b

    gnas lnga rnam par bzhag pa ni chos rnam par bzhag pa yin par rig par bya'o/ /de las gzhan pa'i rigs pa'i gnas rnams ni de'i khongs su 'dus par rton ste/ theg pa chen po las byang chub sems dpa' rnams la bshad do/ /zhes bya ba na nang rig pa chen po'i theg pa chen po ste/ rig pa'i gnas gzhan bzhi po gso ba dang/ gtan tshigs dang sgra dang/ bzo'i las kyis rigs pa'i gnas rnams ni de'i khongs su 'dus pa yin no/ /'jug pa'i de bzhin nyid ces bya ba la 'jug pa'i ngo bo nyid ni 'khor ba ste/ 'di ni 'khor ba'i bden pa yin no/ /de'i ngo bo ni de bzhin nyid de/ 'di lta ste 'jug pa'i ngo bo nyid du phyin ci ma log pa nyid yin no/ /mtshan nyid kyi de bzhin nyid ni ngo bo nyid gsum mo/ /rnam par rig pa'i de bzhin nyid ni 'di lta ste/ /khams gsum pa 'di ni rnam par rig pa tsam mo zhes bya ba lta bu ste/ 'di lta ste chos thams cad ni rnam par rig pa tsam mo zhes bya ba 'di ni 'dir bden zhing phyin ci ma log pa yin no/ /gnas pa'i de bzhin nyid ni sdug bsngal gyi bden pa'o/ /log par bsgrub pa'i de bzhin nyid ni kun 'byung gi bden pa ste/ las dang nyon mongs pa'i mtshan nyid kyi kun 'byung ba'i bden pa'o/ /log par sgrub pa ni nyon mongs pa rnams dang/ de dag gi rab tu bcug pa'i las de/ 'di lta ste/ log par bsgrub pa 'di ni kun 'byung ba'i bden pa de bzhin nyid phyin ci log pa yin no/ /rnam par dag pa'i de bzhin nyid ni 'gog pa'i bden pa ste/ rnam par dag pa'i ngo bo nyid kyis 'gog pa'i bden pa'o/ /'di ni 'di'i phyin ci ma log pa yin ste/ de bzhin nyid kyi dmigs pa der sdug bsngal rgyu dang bcas pa 'gog pa'i phyir ro/ /yang dag pa'i sgrub pa'i de bzhin nyid ni lam gyi bden pa ste/ lam 'dis 'phags pa rnams thar pa sgrub

  353. 177a

    pa'i phyir 'di ni phyin ci ma log pa'i de bzhin nyid yin no/ /de la ltos nas rkyen des 'jig rten las 'das pa'i yang dag pa'i lta ba bskyed pa'i phyir ro/ /zhes bya ba ni tshul bzhin yid la byed pa ltos nas yang dag pa'i lta ba skyed pa yin no/ /bya ba byed pa'i rig pa ni yang dag pa'i lta ba 'bras bu dang bcas pa'o zhes bya ba la/ yang dag pa'i lta ba'i bya ba byed pa ni 'di lta ste rjes su mthun pa'i 'bras bu sgrub pa 'di yin no/ /de'i 'bras bu gang zhig ce na/ rnam par grol ba yin no/ /'thad pa sgrub pa'i rig pa ni mngon sum la sogs pa'i tshad mas yongs su rtog pa'o zhes bya ba ni mig la sogs pas gzugs la sogs pa dang/ du bas me dang byas pa nyid la sogs pas sgra mi rtag par yongs su rtog pa gang yin pa 'di ni/ 'thad pa kho na yin no/ /bsam pa ji lta ba dang 'dod pa ji lta bar chos bshad pa yin no zhes bya ba ni gdul ba rnams kyi bsam pa dman pa dang 'bring dang/ mchog de kho na ji lta ba bzhin du shes nas chos 'chad pa yin no/ /de gnyis 'brel pa la zhes bya ba ni/ brjod pa dang brjod par bya ba 'brel pa la ste/ brjod pa ni ming ngo/ /brjod par bya ba ni dngos po'o/ /de dag 'brel ba ni de gnyis 'brel pa'o/ /ngo bo nyid 'dogs pa ni/ gzugs ni gzugs su rung ba'i mtshan nyid do/ /tshor ba ni nyams su myong ba'i mtshan nyid do/ /zhes bya ba de lta bu la sogs pa'o/ /khyad par 'dogs pa yongs su tshol pa ni gzugs ni mi rtag pa dang/ sdug bsngal ba dang/ stong pa dang 'dogs par gtogs pa dang 'dus byas dang zag pa dang bcas pa dang/ zag pa med pa'o zhes bya ba lta bu ste/ tshor ba la sogs pa la

  354. 177b

    yang de bzhin du sbyar bar bya'o/ /ngo bo nyid dang khyad par 'dogs pa yongs su tshol ba gang yin pa'o/ /de la rten rgyu mtshan ni/ snod kyi 'jig rten no zhes bya ba ni de ni kun gzhi rnam par shes pa'i rgyu mtshan dmigs pa yin no zhes bya ba'i tha tshig te/ 'di ltar kun gzhi rnam par shes pa ni gnas rnam par rig pa 'byung ba yin no/ /longs spyod kyi rgyu mtshan ni gzugs la sogs pa'i yul lnga'o/ /zhes bya ba la/ longs spyod ni mig gi rnam par shes pa la sogs pa rnam par shes pa drug go /de dag gi rgyu mtshan te dmigs pa ni/ gzugs la sogs pa'i yul rnams yin no/ /sa bon rgyu mtshan ni de dag gis sa bon kun gzhi rnam par shes pa gang yin pa zhes bya ba ni rnam par shes pa bshad ma thag pa rnams kyi sa bon 'jog pa dang ldan pa'i phyir ro/ /rgyu mtshan zhes bya ba'i sgra ni rten rgyu mtshan dang longs spyod rgyu mtshan dang sa bon rgyu mtshan zhes re re la sbyar ba bya'o/ /de la rten nyid rgyu mtshan yin pas na rten rgyu mtshan te las 'dzin par tshig bsdu'o/ /longs spyod kyi rgyu mtshan yin pas na longs spyod rgyu mtshan te/ de'i skyes bur tshig bsdu'o/ /sa bon nyid rgyu mtshan yin pas na sa bon rgyu mtshan no/ /rten ni mig la sogs pa yin zhes bya ba ni mig gi rnam par shes pa lnga'i rten ni mig la sogs pa'o/ /yid kyi rnam par shes pa ni nyon mongs pa can gyi yid do/ /bdag nyid 'dug pa ni sa dang ka ba dang bum pa la sogs pa gang yin pa'o/ /de ltar mi rtog pa'i rim pa de lta bus shes brjod par bya ste/ zhes bya ba ni thams cad la mi rtog pa'i rnal 'byor gyi byang chub sems mchog thob bo/ /rim gyis bsgom par byed pa rnal 'byor gyi byang chub kyis chog thob bo zhes bya ba ste/ de ni 'di skad du rten dang longs spyod dang sa bon la sogs pa'i 'chid ba yongs su shes

  355. 178a

    par byas nas mdun du bzhag la sogs pa'i rim gyis thar pa la 'jug pa de ltar na yang dag pa ji lta ba bzhin du yongs su shes pa yin no zhes bya bar sbyar ro/ /mtshan ma'i gnyen po ni rnam par mi rtog pa'i ye shes te/ de thob pas mtshan ma thams cad dang bral bar 'gyur ro/ /sngar ni bzhag pa rus gong la sogs pa'i mtshan ma mi mthong la/ phyis ni bdag nyid 'dug pa ka ba dang bum pa la sogs pa ste/ 'di skad du/ ji ltar rus pa'i rus gong la sogs pa dmigs pa nyid du yongs su ma grub kyi rang gi sems 'di nyid du rus gang la sogs pa nyid du snang ba ltar ka ba dang bum pa la sogs pa yang de dang 'dra'o/ zhes bshad pa yin no/ /de zad byed par zhes bya ba ni rgyu mtshan gyis bdun pa yin te/ zad par byed cing de zad par byed pa'i tshe yin no/ /rnam pa tha dad pa med pa sgoms pa ni mtshan ma dang de bzhin nyid dag tha mi dad pa nyid du thob pa'i phyir ro zhes bya ba mtshan ma'i ngo bo nyid ni 'khor ba ste/ byang chub sems dpa' rnams ni rnam par mi rtog pa'i ye shes thob pa'i phyir mtshan ma dang de bzhin nyid dag la tha dad pa nyid du mi lta'o/ /de nyid kyi phyir mjug thogs su/ byis pa yang dag nyid bsgrib nas/ yang dag ma yin kun du snang/ zhes bya ba la sogs pa 'chang par 'gyur ro/ /de dag mtshan ma med bdag tha dad pa nyid du mthong bas/ zhes bya bas ni nyan thos rnams so/ /ji ltar tha dad pa nyid du mthong zhe na/ mtshan ma'i rang bzhin 'khor bas ste/ de la ni ma zhi ba nyid du rtag go /mtshan ma med pa ni mya ngan las 'das pas te/ de la ni zhi ba nyid du rtog go /rnam par rtog pa ji lta ba bzhin du don thams cad 'grub par 'gyur ro/ /gzhan dang gzhan 'byung ba ni de bzhin nyid 'di yin no/ /zhes bya ba ni sa dang ri la sogs pa ste/ ji srid du snod kyi 'jig rten skad cig 'jig pas rnam par rig pa

  356. 178b

    tsam nyid du mthong de srid du/ /phyin ci log tu gyur pa'i sangs rgyas kyi zhing yongs su dag par mi 'gyur ro/ /gzhan dang gzhan zhes bya ba ni tha tshig go/ /yongs su smin par byar rung ba ni gdul ba'i khams so/ /zhes bya ba ni gdul bar 'os pa gang yin pa de ni gdul bar rung ba yin no/ /gong du bye brag tu ma phye ba yongs su smin par bya ba'i dngos po ni sems can gyi khams khyad par med pa'o/ /zhes bshad mod kyi 'on kyang de la gdul ba nyid du 'os pa gang yin pa de kho na gdul bar rung ba yin te/ nyi ma shar bas pad+ma smin pa kha byed pa bzhin no/ /yang dag par bshad pa'i dngos po ni gdul ba'i khams kyi thabs so/ /zhes bya ba ni byang chub sems dpa' rnams ni thabs gang gis 'dod chags spyod pa la sogs pa gdul bar 'gyur ba mi sdug pa bshad pa la sogs pa'i thabs de dang des sems can rnams dul byed do/ /dngos po zhes bya ba'i sgra ni lnga po re re la sbyar ro/ /brgyud de 'dzin pas dam pa'i chos kyang yun ring du gnas par 'gyur ro/ /zhes bya ba ni byang chub sems dpa' gang dag la dam pa'i bshad pa de dag gis kyang thos nas/ mar mes mar me sbar ba'i tshul du gzhan dag la 'chang par byed pa yin no/ /gnyis sgrub pa'i phyir ro zhes bya ba ni gnyis sgrub pa'i sgo? nas zhes bya ba'i tha tshig go /thabs la mkhas pa chen po nyid ni 'khor ba yongs su mi gtong zhing kun nas nyon mongs pa'i phyir ro/ /zhes bya ba ni snying rje dang rnam par mi rtog pa'i ye shes dang ldan pa'i phyir ste/ snying rjes ni 'khor ba yongs su mi gtong la rnam par mi rtog pa'i ye shes kyis ni der kun nas nyon mongs par mi 'gyur ro/ /dngos po rnam pa bcu po 'dis theg pa chen po mdza' dag bsdus te/ zhes bya ba ni rig nas bzung nas byang chub mchog sangs rgyas kyi sa'i bar gyi bcu tshan

  357. 179a

    'dis rgyu dang 'bras bu bsdud te/ theg pa chen po ni 'di tsam du zad do/ /de la byang chub sems dpa' rnams kyis rig ni skye mched drug gi khyad par chos nyid kyi thob pa thog ma med pa'i dus nas brgyud de 'ongs pa nyid de 'dra ba yin no/ /rigs kyi stobs kyis theg pa chen po'i chos zab cing rgya che ba bshad pa la mos pa gang yin pa de ni mos pa'o/ /de'i 'og tu bla na med pa yang dag par rdzogs pa'i byang chub du sems bskyed par byed/ de nas sbyin pa la sogs pa'i pha rol tu phyin pa drug la 'jug go /de nas bskal pa grangs med pa dang po la bsod nams dang ye shes kyi tshogs yang dag par sgrub pas sa dang po thob par 'gyur ro/ /lhag ma ni gzhung gi gzhi nyid las legs par bris par zad do/ /de ni rab tu bsngags pa'i yon tan la rten nas/ byang chub sems dpa' i yon tan sngags pa bstan pas ston te/ mos pa dang ldan pa'i mos pas spyod pa'i sa la'o/ /lhag pa'i bsam pa dag ni sa bcus dag la'o// nyid zab mo mthong ba ni bdag med pa gnyis kyi rnam par mi rtog pa'i ye shes thob pa yin te/ 'di ni shes rab kyi pha rol tu phyin pa sgrub pa ston to/ /byang chub dga' ldan zhes bya ba la/ dga' ba ni 'dod pa ste/ 'di ni byang chub chen por smon pa ston no/ phan 'dogs byed pa ni sbyin pa'i pha rol tu phyin pas so/ /gnod med lta ni tshul khrims kyi pha rol tu phyin pas so/ /gzhan gyi gnod pa dang du len pa ni bzod pa'i pha rol tu phyin pas so/ /sbyin pa'i pha rol tu phyin pa la goms pas rang bzhin yongs su gzung ba la nyes dmigs su blta bar 'gyur ro/ /longs spyod la ma chags pa ni longs spyod rnams spangs nas tshul khrims yang dag par len to/ /rnal 'byor ces bya ba ni brtson 'grus kyi pha rol tu phyin pa

  358. 179b

    dang ldan pas rnal 'byor ces bya'o/ /lta ngan med pa ni shes rab kyi pha rol tu phyin pa dang ldan pa'i phyir ro/ /nang rab gnas pa ni smon lam chen po dang ldan pa'i phyir ro/ /brtse ba dang ldan pa ni sbyin pa'i pha rol tu phyin pas so/ /ngo tsha ba ni yon tan gyi chos dang ldan pa'i phyir kha na ma tho ba phra rab tsam la yang 'jig par blta bas/ tshul khrims dang ldan par 'gyur ro/ /theg pa ni 'khrug pa ni smon lam chen po dang ldan pa'i phyir ro/ /sdug bsngal khas len pa ni smon lam chen po dang ldan pa'i phyir ro/ /chos la mi dga' ba'i sbyin pa'i pha rol tu phyin pas so/ /rang bzhin chos la dga' ba ni rang bzhin gyis tshul khrims kyis so/ /longs spyod bag yod pa ni sbyin pa'i pha rol tu phyin pas so/ /chags pa dang bral ba'i phyir bde ba la bag yod pa ste/ bsam gtan gyi bde ba dag la ma chags pa'i phyir ro/ /lta ba chung ngus ngo tsha ba zhes bya ba ni chos su 'dzin pa'i lta ba chung ngus kyang ngo tsha ba'i phyir ro/ /tshul khrims kyis ni skye ba khyad par can thob nas/ gzhan du sems can rnams la phan 'dogs par 'jug go /dbang 'byor pa nyid thob pas ni/ bsam gtan gyi pha rol tu phyin pas 'bar ba dang/ chu 'bebs pa dang/ kun brjod pa'i cho 'phrul la sogs pa'i dbang 'byor pa nyid kyi ni sems can gyi don byed pa'i phyir ro/ /bdag nyid rtog zhes bya ba ni kun rnam par shes pa ni chu bo'i rgyun bzhin du rgyun chags su 'jug pa ni byis pa rnams thog ma med pa'i dus nas bdag tu 'dzin pa la mngon par zhen pas bdag nyid du mngon par chags shing de la bdag tu nye bar 'dogs pas de rtogs pa'i phyir/ bdag rjes su rtog pa zhes bya'o/ /lta ba phra rtogs zhes bya ba ni nyon mongs pa can gyi yid rtogs pa'i phyir ste/ nyon mongs pa can gyi yid ni 'jig tshogs

  359. 180a

    la lta ba la sogs pa'i nyon mongs pa bzhi dang ldan pas kun gzhi rnam par shes par bdag nyid du mngon par zhen pa na lta ba'i ngo bo nyid ces bya'o/ /de rnams kyang yang dag pa ma yin pa'i kun tu rtog pa'i sgo nas zhes bya ba ni byang chub sems dpas kun gzhi rnam par shes pa dang/ nyon mongs pa can gyi yid dang 'jug pa'i rnam par shes pa drug po dag log par kun tu rtogs pas yang dag pa ma yin pa'i kun tu rtog pa'i ngo bo nyid du rtogs pa'i phyir byang chub sems dpa' zhes bya'o/ /dngos med rtog pa zhes bya ba ni kun rtags pa'i ngo bo nyid rtogs pa'i phyir ro/ /zhes bya ba'i don to/ /ma rtogs pas nyid du rtogs pa so sor rtogs pa zhes bya ba ni/ 'jig rten bzung ba dang 'dzin pa la mngon par zhen pa'i gzugs la sogs pa'i yul rnams la yang dag pa nyid du rtogs par mngon par zhen pa gang yin pa byis pas kun brtags pa'i ma rtogs pa de la byis pa rnams kyis gzung ba dang 'dzin pa mngon par zhen pas rtogs pas gang yin pa 'di ma rtogs pa yin no/ /zhes bya bar so sor rtogs pa'i phyir te/ de ltar na byang chub sems dpa' 'dis gnyis su 'dzin pa las rnam par grol ba yang yongs su dag par rtogs pa'i phyir/ byang chub sems dpa' zhes bya'o/ /don med rtogs zhes bya ba ni log par kun nas rtogs pa la goms pa'i bag chags dang ldan pa'i phyir gzhan gyi dbang gi ngo bo nyid ni don med par gyur pa ste/ de rtogs pa'i phyir byang chub sems dpa' zhes bya'o/ /don rtogs kun zhes bya ba ni/ skye mched bcu gnyis po byis pa rnams kyis gzung ba dang/ 'dzin pa nyid du kun brtags pa de dag rtogs pa'i phyir kun

  360. 180b

    brtags pa'i mtshan nyid rtogs pa yin no/ /rtog bya rtog gzhi rtogs pa rtogs pa'i rgyu zhes bya ba la/ rtogs par bya ba'i don to/ /rtog pa ni de'i yul can gyi shes pa'o/ /rtogs pa'i gzhi ni skye mched drug ste/ rtogs par bya ba dang/ rtogs pa po dang/ rtogs pa rnams kun rtags pa yin pa'i phyir/ 'khor gsum yongs su dag pa zhes bya'o/ /gnas rtogs zhes bya ba ni kun tu ston par byed pa rtogs pa'o/ /rtogs pa ma thob pa ni ma 'ongs pa'i dus so/ /rtogs pa ma thob pa ji ltar rtogs pa rnam par gzhag ce na/ 'di dge ba'i chos la rtag tu dang gus par byas te sbyor bas ma 'ongs pa na rtogs par nus te rtogs par bya ba'i mthu thob pa'i phyir byang chub sems dpa' zhes bya'o/ /so sor 'chad par byed pa'i rtog pa ni rigs pa'o/ /zhes bya ba ni thos pa'i gnas skabs nas bshad pa'i chos kyi rjes su 'brang ste/ rtogs pa gang yin pa'o/ /yon tan gyi skabs rdzogs so// //byang chub sems dpa' yon tan de lta bu dang ldan pa de dag gis ming yang dag pa'i don dang mthun pa spyir rab tu rnam par dbye bas de dag la bstod pa bsgrags pas de ltar rnam par 'phel ba'i yon rgya chen po sna tshogs dang/ bsam pa bzang po dang/ spyod pa'i bsam pa'i rnam dag gis/ /byang chub sems dpa' rnams yin no// zhes bya bar yongs su gcod pa de rab tu dbye ba'i phyir yon tan gyi skabs kyi 'og tu brtags te/ gang gis na byang chub sems dpa' rnams su mngon par byed pa zhes bya ba'i tha tshig go/ brtse ba ni byang chub kyi sems kyis sems can yongs su bzung ba'i phyir ro/ /zhes bya ba ni sems can yongs su bzung ba'i ched du ste/ sems can yongs su bzung ba'i phyir/ sems can rnams 'khor ba'i rgya mtsho las

  361. 181a

    bsgral bar bya'o/ /zhes byang chub tu sems bskyed par byed do/ /bstan pa nyid kyi rtag don gang la yin pa bstan pa'i phyir/ dka' ba spyod pa la sogs pas mi skyo ba'i phyir ro/ /yongs su bzung ba la sogs pa ni brtse ba la sogs pa'i las dang mdor bsdu ba yin no/ /brtse ba ni bsam pa'i sgo nas rig par bya'o/ /lhag ma ni sbyor ba'i sgo nas so zhes bya ba ni/ bcom ldan 'das kyis bstan pa la mos pa thob pa la sogs par bya ba'i phyir snyan par smra ba la sogs pas rab tu sbyor te/ brtse ba ni bsam pa'i sgo kho na nas yin gyis/ sbyor ba'i sgo nas ni ma yin no/ /rtags de yang khyim pa dang/ dge sbyong la rten nas 'jug ste/ de'i phyir de'i 'og tu de'i rten rab tu rnam par dbye'o/ / yang dag par len pas thos pa'i rab tu 'byung ba ni slob ma dang/ slob dpon du 'brel ba'i gsol ba dang/ bzhi'i las kyis kyang gang yin pa'o/ /chos nyid kyis thob pa ni rtog pa'i dus nas mi byed pa'i sdom pa thob pa'i phyir te/ de kho na nyid rtogs pa gang zhig 'di snyam du bdag gi dmyal ba yang zad/ /dud 'gro yang zad/ yid bdag kyang zad de/ bdag ni yang sdig pa'i las byed nas/ ngan song rnams su rnam par smin pa mngon par 'grub pa'i skal ba can ma yin no/ /snyam du sems pa yin no/ /de ltar phyogs gnyis la bslab pa yongs su rdzogs par byed pa ni dka' ba spyod pa la bsam pa brtan po 'thob par 'gyur bas/ de'i phyir de'i 'og tu bsam pa'i khyad par te/ bsam pa'i stobs can ni/ gzhan gyi don la zhum par mi 'gyur ro/ /mya ngan las 'das par 'dod pa ni de gnyi ga'i lhag pa'i bsam pa ste/ sems can phung po'i lhag ma dang bcas pa'i mya ngan las 'das pa thob pa rnams ni nyon mongs pa thams cad spangs pas 'di nyid la phan pa dang?

  362. 181b

    ldan par 'gyur ro/ /phung po lhag ma med pa'i mya ngan las 'das pa 'thob pa rnams ni phyi ma la skye ba la sogs pa'i sdug bsngal dang bral bas bde bar 'gyur ba'i phyir/ mya ngan las 'das par 'dod pa ni de gnyi ga'i lhag pa'i bsam pa yin zhes bya'o/ /gzhan dag na re bde ba'i lhag pa'i bsam pa ni mthong ba'i chos la bde ba la sbyor ba'i phyir ro/ /phan pa'i lhag pa'i bsam pa ni chos phyi ma la bde ba la sbyor ba'i phyir ro zhes zer ro/ /phyir mi ldog pa'i sa ni mi g.yo pa la sogs pa gsum te/ mngon par 'du byed pa med pa'i lam las mi ldog pa'i phyir ro/ /de ltar lhag pa'i bsam pa'i stobs dang ldan pa ni gzhan gyi don la zhum par mi 'gyur bas de'i 'og tu sems can nye bar len pa ste/ sems can yongs su 'dzin pa zhes bya ba'i tha tshig go /bdag pos yongs su 'dzin pa'i rje por gyur pa ni 'di gang dag gi rje bo yin pa'o/ /zhes bya ba ni 'khor los bsgyur ba la sogs pa rje bor gyur pa gling bzhi pa'i dbang phyug nyid yin pas gling bzhi pa la sogs pa'i sems can yongs su 'dzin pa yin no/ /de ltar smon lam la sogs kyis yongs su bzung bas mi gtang ba'i bsam pa yongs su 'dzin pa rnams kyang tshe cig po'i lus re zhig pas 'di dag gi don bsgrub par mi nus pas/ de'i phyir de'i 'og tu srid pa bskyed pa'i khyad par ste/ las kyi dbang gis 'dod pa'i gnas su skye ba zhes pa ni mos pas spyod pa'i sa las dkar po yongs su gzung ba'i dbang gis so/ /sems can yongs su smin par bya ba'i phyir dud 'gro la sogs pa'i gnas dman par skye zhes bya ba ni rtogs pa'i dus na/ byang chub sems dpa' ngan 'gro rnams ldog ste/ log kyang smon lam gyi stobs kyis ngan 'gror skye'o/ /ting nge 'dzin gyi dbang

  363. 182a

    gis ni bsam gtan rnams bzlog nas 'dod pa'i khams su skye ba gang yin pa'o/ /zhes bya ba ni mdo sde dag las byang chub sems dpa' rnams kyi bsam gtan bzlog pa la mkhas 'byung na/ bsam gtan ldog pa ci bsam gtan yongs su gtong ba yin nam zhe na/ smras pa ma yin no/ /bsam gtan gyi 'bras bu ldog pa ni bsam gtan bzlog pa ste/ bsam gtan gyi 'bras bu gzugs kyi khams su skye ba de bzlog nas/ 'dod pa'i khams su skye ba yin no/ /'phags pa rnams kyi skye ba bshad ma thag pa de yang skyes pa'i rabs kyi dbye bas mdza' yas te/ sems rnam par dag pas che chung gi rnam pa gang dag la rnam par gzhag pa brjod dgos pas/ de'i phyir de'i 'og tu rnam par dag pa'i gnas skabs kyi sa bcu'o/ /bzhi pa'i ni byang chub kyi phyogs dang mthun pas mang du gnas kyang/ byang chub kyi phyogs dang mthun pa rnams 'khor bar yongs su bsngo ba yin no/ /zhes bya ba ni byang chub kyi phyogs dang mthun pa'i chos rnams ni gcig tu 'khor ba la sdang ba yin na/ byang chub sems dpa' thabs la mkhas pas byang chub kyi phyogs dang mthun pa sgom pa snying rje chen pos yongs su zin pa'i phyir ro/ /de ni 'gro ba la 'khyud nas 'dug pa lta bu yin pas snying rje chen pos yongs su zin pa'i phyir 'khor bas yongs su bsngos pa rnams sems can la phan par byed kyi gtan du 'khor ba las rgyab kyis phyogs te 'dug pa ni ma yin no/ /lnga pa ni 'phags pa'i bden pa bzhis mang du gnas pas kun nas nyon mongs par mi 'gyur ro/ /des na sems can kun nas nyon mongs pa med pas sems can rnams yongs su smin par byed de/ 'di ni sa lnga pa'i mtshan nyid yin no/

  364. 182b

    der kun nas nyon mongs pa rjes su srung ba yin no zhes bya ba ni 'di'i ched du bsam nas srid pa skye ba gang yin pa der rten cing 'brel bar 'byung bas lan mang du gnas pa gnyis kyi kun nas nyon mongs par mi 'gyur ba yin no/ /bdun pa ni 'dres pa nye bar 'dres pa nyid kyis bgrod pa gcig pa'i lam gnas brgyad dang 'brel ba/ mtshan ma med par gcig tu nges pa'i lam yin no/ /zhes bya ba de la/ 'dres pa ni byang chub sems dpa' i mtshan ma med par gnas pa sa bdun pa la gnas pa rnams dang ngo/ /nye bar 'dres pa ni byang chub sems dpa' mngon par 'du byed pa med pa'i lam thob pas brgyad pa la gnas pa rnams dang ngo/ /brgyad pa ma thob na ji ltar nye bar 'dres pa yin zhe na/ nye ba zhes bya ba'i nye bar bsgyur ba 'di ni mtshan ma med par gnas pa'i mthar thug par gyur pa'i spyi bo la gnas pa mngon par 'du byed pa med pa gnas par gyur pa dang/ khang nye bar gnas shing bar chad med par 'thob pa yin pas nye bar 'dres pa zhes bya'o// yang na mngon par 'du byed pa dang/ bcas pa'i lam bsgom pa'i phyir 'dres pa nye bar 'dres pa zhes bya'o/ /gang zag dang chos su lta ba'i gnyen po'i ye shes thob pa'i phyir ro/ /gsum pa la ni mi nyams pa'i bsam gtan dang ting nge 'dzin 'thob pa'i phyir mnyam par bzhag pa yin no/ /zhes bya ba ni tshe rabs gzhan gyi gnas skabs na yang bsam gtan dag las nyams par mi 'gyur ro/ /bzhi pa la ni mdo sde la sogs pa'i chos la tha dad pa nyid nga rgyal spangs pa'i phyir ro?/ /zhes bya ba ni gsum pa la byang chub sems dpa' i chos la gus pa dang/ chos rin che bar byed pa de dag gis ches? kyi tshig gcig gi don du yang stong gsum gyi stong chen po'i mes rab tu gang bar tshangs pa'i 'jig rten

  365. 183a

    nas bdag nyid dor bar spro na/ me'i 'obs tha ma la lta smos kyang ci dgos snyam pa gang yin pa nges/ sa bzhi pa la ldog go /ji ltar ldog ces na/ de 'di snyam du gcig tu chos tshol ba gang yin pa 'di ni sems g.yeng bar 'gyur te/ de bas na chos tshol ba btang la byang chub kyi phyogs dang mthun pa la 'jug snyam du sems so/ /lnga pa la ni sems dang bsam pa rnam par dag pa bcus rgyud tha dad par nga rgyal med pa yin no/ /bcu gang zhe na/ 'di lta ste/ 'das pa'i sangs rgyas kyi chos rnam par dag pa la bsam pa mnyam pa nyid dang/ de bzhin du ma 'ongs pa dang/ da ltar byung ba'i sangs rgyas kyi chos rnam par dag pa la bsam pa mnyam pa nyid dang/ tshul khrims rnam par dag pa la bsam pa mnyam pa nyid dang/ sems rnam par dag pa la bsam pa mnyam pa nyid dang/ lta ba dang the tshom dang/ yid gnyis dang 'gyod pa sel bas rnam par dag pa la bsam pa mnyam pa nyid dang/ lam dang lam ma yin pa shes pa rnam par dag pa la bsam pa mnyam pa nyid dang/ lam shes pa rnam par dag pa la bsam pa mnyam pa nyid dang/ byang chub kyi phyogs dang mthun pa'i chos thams cad gong ma gong mas/ /rnam par 'jig pa rnam par dag pa la bsam pa mnyam pa nyid dang/ sems can thams cad yongs su smin pa byed pa rnam par dag pa la bsam pa mnyam pa nyid kyis so/ /sems dang bsam pa rnam par dag pa mnyam pa nyid bcu po 'di dag gis lnga pa la 'jug ste/ byang chub sems dpa' sa lnga pa thob pas ji ltar 'das pa la sogs pa'i sangs rgyas bcom ldan 'das rnams kyi sangs rgyas kyi chos rnam par dag pa de kho na bzhin du bdag gis sangs rgyas

  366. 183b

    kyi chos rnams kyang ring po mi thogs par rnam par dag par 'gyur ro/ /snyam pa de lta ba'i bsam pa thob par 'gyur ro/ /rten cing 'brel par 'byung ba'i de bzhin nyid de ni rang bzhin kho nas rnam par dag pa ste/ de la ma rig pa'i rkyen can la sogs pa kun nas nyon mongs pa pa'i rten cing 'brel bar 'byung ba glo bur bas dri ma can du gyur pa gang yin pa 'am/ ma rig pa 'gags pa la sogs pa dkar po'i phyogs kyi rten cing 'brel par 'byung bas rnam par dag gang yin pa 'di ni de'i ngo bo nyid ma yin no/ /de bas na nag po dang dkar po'i phyogs dag gis/ de bzhin nyid la kun nas nyon mongs pa dang/ rnam par byang bar mi lta ba'i phyir rten cing 'brel bar 'byung ba'i de bzhin nyid kyis mang du gnas pas kun nas nyon mongs pa dang/ rnam par byang ba tha dad pa'i nga rgyal dang bral bar 'gyur te/ de bzhin nyid rang bzhin gyis rnam par dag pa'i phyir ro/ /bdun pa la ni skad cig gcig dang ldan pa'i blo thob pa yin no/ /zhes bya ba ni de kho na las ji skad bshad pa lta bu ste/ sa bdun pa 'di nyid la sangs rgyas kyi chos thams cad kun nas slong bas/ /skad cig skad cig la lhag par byang chub kyi yan lag thams cad yongs su rdzogs par 'gyur ro/ /dgu pa la ni sems can yongs su smin par byed pa la mkhas pa ste/ snga ma bzhin no/ /zhes bya ba ni so so yang dag par rig pa shin tu rnam par dag pa thob pas sems can yongs su smin pa 'grub pa ste/ rnam pa thams cad du sems can yongs su smin par bya ba'i mthu rnyed pa'i phyir ro/ /bslab pa gsum rnams bzhag ste/ sa dang po la chos nyid de bzhin nyid rtog nas/ gnyis pa la lhag pa'i tshul khrims la slob po zhes bya ba ni dang po la yang lhag pa'i tshul khrims kyi/ bslab pa yod kyi/

  367. 184a

    de rnam par dag pa ni sa gnyis pa la 'gyur ro/ /gang gi phyir rmi lam na yang kha na ma tho ba dang bcas pa'i lam la mi 'jug pas de la bslab pa rnam par dag par 'gyur ba de'i phyir gnyis pa la lhag pa'i tshul khrims la slob po zhes bya'o/ /gsum pa la ni lhag pa'i sems kyis bslab pa mnyam par bzhag go /bzhi pa la ni byang chub kyi phyogs dang mthun pa bsgoms pas lhag pa'i shes rab kyi bslab pa'o/ /shes rab de yang spyod yul gnyis pa can de/ zhes bya ba ni dmigs pa gnyis pa can zhes bya ba'i tha tshig go /de mi shes pa dang/ shes pa la sogs pa'i 'jug pa rten cing 'brel bar 'byung ba lugs dang mthun pa dang/ lugs dang mi mthun pa'o/ /zhes bya ba la/ de zhes bya ba'i sgras ni/ bden pa bzhi bzung ste/ ma rig pa'i rkyen can la sogs pa'i rten cing 'brel bar 'byung ba ni de mi shes pa la sogs pa'i ngo bo nyid yin no/ /rig pa la sogs pa ni shes pa la sogs pa'i ngo bo nyid yin te/ de lta bas na sa gnyis ka la yang chos kyi de kho na nyid dang/ de mi shes pa dang/ shes pa la dmigs pa nyid kyis lhag pa'i shes rab kyi bslab pa rnam par bzhag go /bslab pa rnams dang bslab pa sgom pa'i 'bras bu bzhi ni sa ring du song ba la sogs pa bzhi la rnam par bzhag ste/ de ltar na bslab pa gsum po 'di dag rgyu dang 'bras bu bcas te sa bcu la rnam par bzhag go /'di man chad mi zag pa med pa'i phung po sa bcu la ji ltar rnam par bzhag pa de bsam par bya ste/ sa dang po la chos nyid rab tu rtog nas gnyis pa la tshul khrims kyis phung po spyod do/ /sa dang po la yang chos kyi dbyings rtogs pa ni tshul khrims kyi phung po thob pa yod mod kyi

  368. 184b

    yongs su dag pa ni ma yin te/ gnyis pa la de yongs su dag par 'gyur ro/ /ting nge 'dzin gyi phung po ni sa gsum pa la rnam par dag go /shes rab kyi phung po ni sa bzhi pa la byang chub kyi phyogs dang mthun pa bsgom pas rnam par dag go /lnga pa la bden pa bsgoms pas/ drug pa la rten cing 'brel bar 'byung ba lugs dang mthun pa dang lugs dang mi mthun pa bsgoms pas so/ /rnan par grol ba dang rnam par grol ba'i ye shes kyis phung po gnyis ni sa bdun pa nas bzung ste/ de bzhin gshegs pa'i sa'i bar la rnam par dag go /rnam par grol ba de yang 'bras bu rnam bzhi'i sgrib pa la rig par bya'o/ /sangs rgyas kyi sa la ni thogs pa'i sgrib pa las zhes bya la/ 'bras bu rnam pa bzhi ni bshad ma thag pa de/ mtshan ma med pa 'du byed dang bcas pa ni sa bdun pa'i 'bras bu'o/ /'bras bu gnyis pa de nyid mngon par 'du byed pa med pa dang/ sangs rgyas kyi zhing yongs su dag pa ni sa brgyad pa'o/ /'bras bu gsum pa sems can yongs su smin pa/ 'grub pa ni sa dgu pa'i 'o/ /'bras bu bzhi pa ting nge 'dzin dang gzungs 'grub pa ni sa bcu pa'i ste/ 'bras bu rnam pa bzhi po 'di'i sgrib pa mtshan ma dang/ mngon par 'du byed pa la sogs pa dang bral ba'i phyir rnam par grol ba'i phung po rnam par dag pa yin no/ /rnam par grol ba'i ye shes kyi phung po ni ye shes kyis la'o/ /de ji ltar de bzhin gshegs pa'i sa rnam par dag ce na/ de bstan pa'i phyir/ sangs rgyas rnams ni gang gi na dang gzhan dag shes pa thogs par 'gyur ba de las rnam par grol bas thams cad la ye shes thogs pa mi mnga' o/ /zhes bya ba smos so/ /rnam par grol ba ni/ 'gog pa'i ngo bo nyid yin te/ 'gog pa yang 'dus ma byas yin la/ phung po'i don yang spungs pa'i don yin na/ ji ltar 'dus ma byas phung po rnam par

  369. 185a

    bzhag ste/ bstan bcos gzhan dag las kyang phung po dag tu 'dus ma byas/ don du mi rung phyir ma bshad/ ces bshad do zhe na/ 'dus ma byas kyi rnam par grol ba ni phung po nyid rnam par mi 'jog go/ rnam par grol ba ni rnam pa gnyis te/ nyon mongs pa spangs pa'i mtshan nyid dang/ mos pa'i mtshan nyid do/ /de la mos pa'i mtshan nyid ni 'dus ma byas yin pa'i phyir rnam par grol ba'i phung por rnam par 'jog pas nyes pa med de/ de lta ma yin na rnam par grol ba'i phung po 'du byed kyi phung pos bsdus par mi 'gyur ro/ /mos bas spyod pa'i sa la ni sa rnams ma grub pa ste/ gnas skabs de nas gcig kyang mthob na thams cad ma grub pa kho nar rjod do/ / lhag ma rnams ni grub pa ste/ zhes bya ba ni de dag gis thob pa'i phyir ro/ /grub pa dag la yang bdun ni ma grub pa yin no zhes bya ba ni las mngon par 'du byed pa dang bcas par 'jug pa'i phyir/ sa brgyad pa la sogs pa la bltos nas ma grub pa zhes bya'o/ /gang dag gong du sa rab tu dga' ba grub pa bshad pa zhes bya ba ni mthong bas spang bar bya ba'i nyon mongs pa dang bral ba'i phyir dang chos kyi dbyings rtogs pa'i gags gzung ba dang/ 'dzin pa dang bral ba'i phyir grub pa zhes bya ba yin no/ /gang gi tshes rnam par bzhag par rtog tsam du shes shing zhes bya ba ni ming gi tshogs dang/ tshig gi tshogs dang/ yi ge'i tshogs rnam par bzhag pas/ sa rnam par bzhag pa gang yin pa de la sems 'di nyid sa rnam par bzhag par snang gi /sems las gzhan pa phyi'i don ni med do zhes sems tsam du shes shing de'i 'og tu gzung ba med na gang la 'dzin par byed ces gzung ba med na 'dzin par byed ces

  370. 185b

    pa rtog pa tsam de la yang rtog par mi byed pa yin te/ de bas na/ de nas de ni 'jig rten las/ 'das pa'i ye shes bla med pa/ /rnam par mi rteg ? ma med/ /'dzin pa gnyis dang bral ba 'thob/ /de 'di'i gnas yongs gyur pa ste/ /sa ni dang po yin par 'dod/ /ces bya ba de lta bur sa yongs su grub pa zhes bshad do/ /sa la bzhug pa'i rtags rnam par 'byed pa las thams cad rab tu rtags pa ni de dag la mngon par bsgrub pa la mkhas pa'i phyir ro zhes bya ba ni sa mngon par bsgrub pa las mkhas pa'i phyir te/ sa dang po thob pa'i don gyis thams cad rab tu rtog pa yin te/ sa dang po las ji skad bshad pa lta bu yin no/ /chos kyi dbyings rab tu rtogs pa na chos thams cad rtogs pa'i phyir te/ 'di ltar de'i rjes la thob pa'i ye shes kyis mngon par bsgrub pa la mkhas pa thob pa'i phyir thams cad la phyin ci ma log par 'gyur ro/ /bkris mi btub pa nyid ni snyan pa dang mi snyan pa'i sgra dag gis/ zhes bya ba la/ snyan pa'i yon tan sgrogs pa ste/ yon tan sgrogs pas sa dag las bkrir mi btub cing/ /rnam par mi g.yos pas so zhes bya ba'i tha tshig go /bstod pa ni yon tan brtags pa ste/ 'di las phyi rol pa dag gis bstod kyang sa dag las rnam par g.yos par mi 'gyur ro/ /thabs la mkhas pa ni rnam par mi rtog pa'i ye shes te mi dmigs pa'o/ /'di dag ni rtags gzhan no zhes bya ba ni 'di ltar gong du yang spyir/ brtse dang snyan par smra ba dang zhes bya ba la sogs pa rtags bshad pas/ de las ltos nas gzhan zhes bya ba smos so/ /rtag tu pha rol phyin pa rnams la sgrub pa'i mdun pa dang bral ba nyid ces bya ba ni sgrub bas sbyin pa la sogs pas rab tu sbyor ba yin no/ /chags pa dang 'khu pa'i snying med khro min le lo med/ /byams dang snying rje man pa'i bsam med blo gros

  371. 186a

    ngan rtog rnam rtogs 'brogs pa med/ ces bya ba 'di dag ni pha rol tu phyin pa drug gi mi mthun pa'i phyogs su gyur pa'i chos te/ de dag dang rtag tu bral ba yin no/ /byams dang snying rje min pa'i bsam med ces bya ba ni byams pa ma yin pa'i bsam pa med pa dang/ snying rje ma yin pa'i bsam pa med pa'o/ /byams pa dang snying rje ldan pa ni bsam gtan bzhi pa yin par shes te/ byams pa dang snying rje dang ldan pa'i phyir/ bsam gtan gyi pha rol tu phyin pa ni mi mthun pa'i phyogs gnod sems dang rnam par 'tshe ba spangs pa bshad pa yin no/ /blo gros ngan rtog rnam rtog 'phrogs pa med/ ces bya ba 'di ni shes rab kyi pha rol tu phyin pa thob pa'i rtags yin no/ / theg pa gzhan yid la byed pa'i sems rnam par ma g.yengs pa nyid ces bya ba ni 'di'i sems theg pa gzhan gyis rnam par mi g.yeng ba yin no/ /sna tshogs kyi 'du shes dang bral ba'i chos kyi dga' ba la dga' ba yang thob par 'gyur/ zhes bya ba ni gzugs can dang gzugs can ma yin pa'i chos kyi mtshan ma 'am/ 'dus byas dang 'dus ma byas kyi chos kyi mtshan ma yang rung/ de lta bu la sogs pa'i mtshan ma thams cad yid la mi byed pas spangs nas/ /mtshan ma med pa'i rnam pas chos kyi dga' ba 'thob ste/ zhi gnas thob pas rnam par mi g.yeng ngo zhes bya ba'i tha tshig go /thams cad du rnam par yongs su ma chad pa'i chos kyi snang ba tshad med pa yang yang dag par shes par 'gyur zhes bya ba ni gzugs can dang gzugs can ma yin pa'i chos rnams kyi rnam pa yongs su 'chad ba'i chos kyi snang ba yang dag par shes so zhes bya ba yin no/ /yang na thams cad du rnam pa yongs

  372. 186b

    su chad pa zhes bya ba ni/ phyogs bcu rnam pa yongs su ma chad pa'i chos kyi snang ba yang dag par shes so/ /zhes bya ba yin te/ gzhung la legs par zhugs pa gsal ba bzhin no/ /sa'i nges pa'i tshig rnam par dbyer la/ byang chub la ni nye ba dang/ zhes bya ba ni byang chub sems dpa' sa dang po thob pa na de 'di snyam du sems te/ bdag ni sangs rgyas kyi sa dang/ nye bar gyur to/ /zhes 'byung ba'i phyir ro/ /sems can don bsgrub mthong ba la/ zhes bya ba ji ltar sems can gyi don sgrub pa mthong zhe na/ rnam par mi rtog pa'i ye shes thob pa'i phyir dang/ sbyin pa'i pha rol tu phyin pa yongs su rdzogs pa'i phyir te/ de nyid kyi phyir dga' bar 'gyur la/ de nyid kyi phyir rab tu dga' ba zhes kyang bya'o/ /theg pa gzhan yid la byed pa'i dri ma las 'das pa'i khung su mdo sde'i dum bu de lta bas na bdag gis sgrub du mtshungs pa la rnam pa thams cad yongs su sbyang ba mngon par bsgrub pa kho na la brtson par bya'o/ /zhes bya ba ni sbyin par byed de/ nyan thos kyis mngon par bsgrub pa la ma yin no/ /zhes bya ba'i tha tshig go /bgrod pa gcig pa'i lam ni sngar bstan pa yin no/ /zhes bya ba ni bdun pa'i ni 'dres pa nye bar 'dres pa nyid kyis bgros pa gcig pa'i lam gnas pa brgyad dang 'brel pa mtshan ma med par gcig tu nges pa'i lam zhes bya ba ste/ sbyor ba'i mthar thug par 'gro ba'i phyir ro/ /ji ltar sprin gyis nam mkha' khyab pa de bzhin du/ ting nge 'dzin dang gzungs kyi sprin gyis thob pa'i chos rten la yod pa nam mkha' lta bu la khyab pa'i phyir te/ sngar sa dgu pa la gnas pas sangs rgyas bcom ldan 'das rnams las thos pa'i chos rten la gnas pa gang yin pa de ni sa bcu las bltos nas chung ngu yin no/ /ting nge 'dzin

  373. 187a

    gzungs kyi sgo'i sprin gyis khyab pa ni de dag gi stobs kyi sangs rgyas bye ba khrag khrig mang po dag la chos nyan pa'i phyir ro/ /sa de dag nyid dge ba sna tshogs mngon par bsgrub pa nyid kyis gnas bzhes bya'o/ /dge ba bsgrub pa rnam pa sna tshogs kyi phyir zhes bya ba ni dge ba sgrub pa rnam pa sna tshogs kyi ched du ste 'di ni ched kyi bdun pa yin te/ 'di ni sa rnams kyi gnas pa rnam par dbye ba'i don gyis nges pa'i tshig yin no/ /sa rnam par dbye ba'i don gyis des pa'i tshigs ni/ 'byung po dpag med 'jigs med phyir/ /dpag tu med pa de dag la/ phyi phyir gong du 'gro ldan phyir/ /zhes bya ba la sogs pas bstan to/ /re re la yang tshad med pa'i phyir/ zhes bya ba ni nges pa'i tshig gi tshul gyis rnams kyi nges pa'i tshig yin no/ /sdom pa'i tshigs su bcad pa las/ /nges pa'i tshig dang thob pa yis/ /gnas pa dang ni sa nyid do/ /zhes bshad pa gang yin pa der ni gnas pa'i nges tshig dang sa'i nges pa'i tshig ces go rim bzhin du sbyar bar yang blta bar bya ste/ sa rab tu dga' ba la sogs pa'i nges pa'i tshigs so so ba yang yin la/ spyir yang/ dpag tu med pa de dag la phyi phyir gong du 'gro ldan phyir zhes 'byung ba'i phyir ro// de'i 'og tu/ thob pa rnam par dbye ba la/ mos pas thob pa ni mos pas spyod pa'i sa la ji skad bshad pa la mos pas so zhes bya ba ni/ ji skad du/ bskal pa grangs med nges 'byung zhing/ /mos pa rnam par 'phel byed pa/ zhes bya ba la sogs pa'i gzhung gis bstan pa lta bu yin no/ /'di thams cad ni mthar thug pa'i skabs te/ de ltar rang gi rgyud kyi gnas skabs rnam pa thams cad du yongs su byang zhing nor bu rin po che ltar sems can thams

  374. 187b

    cad kyi don gyi ston par 'gyur ba'i byang chub sems dpa' 'di ni rnam pa thams cad du 'jig rten pa dang/ 'jig rten 'das las pa'i rnam par dag pas nges par 'byung ba la 'doms bar bzod pa yin pas/ de'i 'og tu theg pa thams cad kyis nges par 'byung ba'i spyod pa ste/ /spyod pa rnam par dag pa bzhi ni 'phags pa gtsug na rin chen gyi mdo las ji skad 'byung ba lta bu yin no/ /byang chub kyi phyogs dang mthun pa'i spyod pa ni/ nyan thos dang/ rang sangs rgyas kyi theg pa la mos pa rnams kyi phyir ro/ /zhes bya ba ni gtso bo smos nas brjod pa ste/ byang chub sems dpa' rnams la byang chub kyi phyogs dang/ mthun pa'i spyod pa med pa ma yin mod kyi/ byang chub kyi phyogs dang mthun pa'i bsgoms pas ni gtsor nyan thos rnams rnam par grol lo/ /byang chub sems dpa' rnams la yang pha rol tu phyin pa kun tu spyod pa gtso bor gyur pa yin te/ de nyid kyi phyir pha rol tu phyin pa spyod pa ni theg pa chen po la mos pa rnams kyi phyir bshad do zhes bya ba smos so/ /sems can yongs su smin par byed pa'i spyod pa ni gnyis po nyid kyis yongs su smin par bya ba'i phyir zhes bya ba ni gtsor ni byang chub sems dpa' rnams kyis sems can yongs su smin par byed pa yin no/ /nyan thos rnams la yang sbyin pa dang snyan par smra ba la sogs pa bsdu pa'i dngos po dag yod pas gnyi ga'i yang bshad do/ /bsam pa bzang po de lta bu dang ldan pa ni yang dag pa'i sbyor ba dang/ ldan pa'i lam gyi rnam pa thams cad du byang chub sems dpa' kun tu bzang po'i spyod pa mthar thug pa thob nas/ de bzhin gshegs pa rnams kyi rnam par dag pa mthar thug pa rjes su thob par 'os pas/ de'i 'og tu bla na med pa yang dag par rdzogs pa'i byang chub kyi yon tan thun mong ma yin pa gang dag yin pa de dag gis bstod do//

  375. 188a

    'dir sems can rnams la snying brtse ba nyid ni phan pa dang bde ba'i dgongs pa nyid kyis bstan to/ /zhes bya ba ni tshad med pa gsum gyis bde ba'i bsam pa nyid bstan to/ /bzhi pas ni phan pa'i bsam pa nyid do/ de yang kun nas nyon mongs pa nyid kyis dgongs pa'i mtshan nyid du 'di ga par bya'o zhes bya ba ni sems can rnams kyi kun nas nyon mongs pa rnam pa gnyis te/ rjes su chags pa dang/ khong khro ba'o/ /btang snyoms kyis ni 'di ltar sems can rnams bde ba'i tshor ba la chags pa dang/ sdug bsngal khong khro bar mi 'gyur bar chags pa med cing zhen pa med pa dang snang ba med par gyur gcig ces mos par byed do/ /rnam par thar pa ni brgyad de/ gzugs can gzugs rnams la blta ba/ 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa ni rnam par thar pa lus kyi mngon sum du byas te/ rdzogs par byas nas gnas pa 'di ni rnam par thar pa gsum pa'o/ /de la rnam pa thams cad du/ gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing/ sna tshogs kyi 'du shes yid la mi byed pas nam mkha' mdza' yas so snyam nas/ nam mkha' mdza' yas skye mched rdzogs par byas te/ gnas pa 'di ni rnam par thar pa bzhi pa'o/ /de rnam pa thams cad du nam mkha' mdza' yas skye mched las yang dag par 'das te rnam par shes pa mdza' yas so snyam nas/ rnam shes mdza' yas skye mched rdzogs par byas te/ gnas pa 'di ni rnam par thar pa lnga pa'o/ /de rnam pa thams cad du rnam shes mdza' yas skye mched las yang dag par 'das

  376. 188b

    te ci yang med do snyam nas ci yang med pa'i skye mched rdzogs par byas te/ gnas pa 'di ni rnam par thar ba drug pa'o/ /de rnam pa thams cad du ci yang med pa'i skye mched las yang dag par 'das 'du shes med/ 'du shes med min skye mched rdzogs par byas te/ gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te/ 'dur shes dang tshor ba 'gog pa lus kyis mngon sum du byas nas rdzogs par byas te/ /gnas pa 'di ni rnam par thar pa brgyad pa'o/ /zil gyis non pa'i skye mched brgyad de/ nang gzugs su 'du shes pas phyi rol gyi gzugs chung ngu kha dog bzang po dang kha dog ngan pa rnams blta zhing/ gzugs de dag zil gyis mnan nas mthong ste/ de lta bur 'du shes par gyur pa 'di ni zil gyis mnan pa'i skye mched dang po'o/ /nang gzugs su 'du shes pas phyi rol gyi gzugs chen por gyur pa kha dog bzang po dang kha dog ngan pa rnams blta zhing gzugs de dag zil gyis mnan nas mthong ste/ de lta bur 'du shes par gyur pa 'di ni zil gyis mnan pa'i skye mched gnyis pa'o/ /nang gzugs med pa 'du shes pas phyi rol gyi gzugs rnams la de kho na bzhin du chung ngu dang chen por rim gyis lta ba 'di ni zil gyis gnon pa'i skye mched gsum pa dang bzhi pa'o/ /nang gzugs med par 'du shes pas phyi rol gyi gzugs sngon po dang kha dog sngon po sngon po lta bur ston pa 'od sngon po 'byung ba rnams la lta ste/ dper na zar ma'i me tog gam/ yul ba ra NA si'i ras phun sum tshogs pa sngon po kha dog sngon po lta bur ston pa 'od sngon po 'byung ba de bzhin du nang gzugs med par 'du shes pas? phyi rol gyi?

  377. 189a

    gzugs sngon po kha dog sngon po sngon po lta bur ston pa/ 'od sngon po 'byung ba rnams la lta ba 'di ni zil gyi gnon pa'i skye mched lnga pa'o/ /nang gzugs med par 'du shes pas phyi rol gyi gzugs ser po kha dog ser po ser po lta bur ston pa 'od ser po 'byung ba rnams la lta ste/ dper na dod ka'i me tog 'am/ yul ba ra NA si ris phun sum tshogs pa ser po kha dog ser po ser po lta bur ston pa/ 'od ser po 'byung ba de bzhin du nang gzugs med par 'du shes pas phyi rol gyi gzugs ser po kha dog ser po ser po lta bur ston pa/ 'od ser po 'byung ba rnams la lta ba 'di ni zil gyi mnon pa'i skye mched drug pa'o/ /nang gzugs med par 'du shes pas phyi rol gyi gzugs dmar po kha dog dmar po dmar po lta bur ston pa/ 'od dmar po 'byung ba rnams la lta ste/ dper na ban du dzI ba'i me tog gam/ yul ba ra sNa'i ras phun sum tshogs pa dmar po/ kha dog dmar po dmar po lta bur ston pa/ 'od dmar po 'byung ba de bzhin du/ nang gzugs med pa 'du shes pas phyi rol gyi gzugs dmar po/ /kha dog dmar po lta bur ston pa/ 'od dmar po 'byung po rnams la lta ba 'di ni zil gyis mnon pa'i skye mched bdun pa'o/ /nang gzugs med par 'du shes pas phyi rol gyi gzugs dkar po kha dog dkar po lta bu ston pa/ 'od dkar po 'byung ba rnams la lta ste/ dper na skar ma pa wa sangs kyi mdog gam/ yul ba ra NA si'i ras phun sum tshogs pa dkar po kha dog dkar po dkar po lta bur ston pa/ 'od dkar po 'byung de bzhin du nang gzugs med par 'du shes pas phyi rol gyi gzugs dkar po kha dog dkar po dkar po lta bur ston pa/ 'od dkar po 'byung ba rnams la lta ba 'di ni zil gyis gnon pa'i skye mched brgyad pa'o/ /zad par mi skye mched ni bcu ste/ la la

  378. 189b

    zad par sa'o/ /zad pa chu'o/ /zad par me'o/ /zad par rlung ngo/ /zad par sngon po'o/ /zad par ser po'o/ /zad par dmar po'o/ /zad par dkar po'o// //zad par nam mkha' mdza' yas skye mched do zhes steng 'og dang thad kar gnyis su med cing tshad med par 'du shes par byed do/ /la la zad par rnam shes mdza' skye mched do zhes steng dang 'og dang thad gnyis su med cing tshang med par 'du shes su byed do/ /nyan thos rnams ni rnam par thar pa gsum gyis mya ngan las 'das pa'i sgrib las rnam par grol bar byed do/ /nam mkha' mdza' yas skye mched la sogs pa rnam par thar pa bzhes zhi ba rnam par thar pa la ma chags pa'i sgrib pa 'joms so/ /'du shes dang tshor ba 'gag pa'i rnam par thar pa de'i sgrib pa thag bsrid par byed do/ /sangs rgyas bcom ldan 'das rnams kyi ni nyon mongs pa dang shes bya'i sgrib pa thad pas nges par grol ba nyid kyi khyad par 'phags te/ rnam par thar pa rnams kyis ni dmigs pa la mos pa mdzad do/ /nyan thos ni zil gyis mnan pa'i skye mched rnams kyis dmigs pa zil gyi mnan te/ sangs rgyas bcom ldan 'das rnams ni 'jig rten thams cad zil gyis mnon pa dang/ nyid kyis thugs las mnga' sgyur bas ji ltar bzhed pa las dmigs pa dang sprul pa la sogs pa sprul par mdzad pas 'di ni khyad par yin no/ /nyan thos rnams ni zad par gyi skye mched dag gis rten dang bcas/ ? gzugs zad par sa la sogs par rgyas par byed do/ /sangs rgyas bcom ldan 'das rnams ni ye shes kyis shes bya thams cad khyab pa/ nyid kyis khyad par du 'phags so/ /nyon mongs pa gang zhe na/ bsam gtan la brten nas gzhan gyi nyon mongs pa skye pa'i rkyen rjes su srung ba'i rgyu mtshan gyi ting nge 'dzin dang/ shes rab gang yin pa de dag mtshungs par ldan pa'i chos

  379. 190a

    rnams so/ /smon nas shes pa'i chos gang zhe na/ bsam gtan la brten nas 'di shes par bya'o snyam pa'i smon lam 'grub pa'i ting nge 'dzin dang shes rab gang yin pa dang/ de dag la mtshungs pa sems dang sems byung ba'i chos rnams so/ /so so yang dag par rig pa bzhi ni chos so so yang dag par rig pa dang/ don dang nges pa'i tshig dang/ spobs pa so so yang dag par rig pa /chos rnams kyi ni rnam grangs dang/ rang gi mtshan nyid dang/ nges pa'i tshig dang rnam par dbye ba la 'phags pa rnams kyi ye shes thogs pa mi mnga' zhing/ ma chags pa gang yin pa ste/ 'di dag ni grangs bzhin du chos dang/ don dang/ nges pa'i tshigs dang/ spobs pa so so yang dag par rig pa yin no/ /mngon par shes pa drug ni rdzu 'phrul gyi yul dang/ lha'i mig dang/ lha'i rna ba dang/ gzhan gyi sems shes pa dang/ sngon gyi gnas rjes su dran pa dang/ zag pa zad par shes pa ste/ 'di dag ni mngon par shes pa drug go /skyes bu chen po'i mtshan sum cu rtsa gnyis la/ skyes bu chen po zhabs shin tu gnas pas sa la mnyam par gshegs pa 'di ni/ skyes bu chen po'i mtshan yin no/ /zhabs gnyis kyi mthil 'khor lo rtsibs stong pa mu khyung dang bcas shing rnam pa thams cad yongs su rdzogs pa mnga' zhes bya ba de lta bu la sogs pa'i mtshan yin no/ /dpe byad bzang po brgyad cu la/ phyag dang zhabs dag gi sor mo nyi shu'i tshigs legs pa dang sen mo bzang po ni dpe byad bzang po nyi shu ste de lta bu la sogs pa'o/ /mtshan dang dpe byad bzang po rgyas par ni/ theg pa chen po'i mdo sde dag dang/ byang chub sems dpa' i sa las shes par bya'o/ /yongs su dag pa bzhi ni brten yongs su

  380. 190b

    dag pa dang/ dmigs pa yongs su dag pa dang/ thugs yongs su dag pa dang/ ye shes yongs su dag pa dang/ de bzhin gshegs pa'i stobs bcu ni/ gnas dang gnas ma yin pa mkhyen pa'i stobs dang/ las bdag gi bya ba mkhyen pa'i stobs dang/ bsam gtan dang/ rnam par thar pa dang/ ting nge 'dzin dang/ snyoms par 'jug pa mkhyen pa'i stobs dang/ dbang po mchog dang mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ khams sna tshogs mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen pa'i stobs dang/ zag pa zad pa mkhyen pa'i stobs te/ 'di dag ni de bzhin gshegs pa'i stobs bcu yin no/ /rgyas par stobs bcu'i mdo las rig par bya'o/ /bde 'gro dang ngan 'gro'i thabs la rab tu slu ba zhes bya ba ni/ bdud ni phyugs gsod pa dang/ mer 'jug pa la sogs pas bde 'gror 'gro ba'i thabs la rab tu slu bar byed pa yin no/ /bzlog nas ni ngan 'gror 'gro bar 'gyur ro zhes de ltar lung 'bog pa'i phyir/ de ltar bdud ni ngan 'gro'i thabs la yang rab tu slu bar byed pa yin no/ /bcom ldan 'das kyis stobs gang gis bde 'gro dang ngan 'gro'i thabs la rab tu slu bar byed pa'i bdud bcom pa de bstan pa'i phyir/ gnas dang gnas ma yin pa mkhyen pa'i stobs kyis ni bcom ldan 'das don dang po la bdud 'joms pa mdzad pa yin par rig par bya'o zhes bya ba smos te/ bcom ldan 'das ni gnas dang gnas ma yin pa mkhyen pa'i stobs kyi srog gcod pa la sogs pas dmyal ba la sogs par skye ba gang yin pa de ni gnas yod de/ bde 'gror skye ba gang yin pa de ni gnas ma yin zhing go skabs med do zhes rgyu la

  381. 191a

    yang rgyur/ 'bras bu la yang 'bras bur/ yang dag pa ji lta ba bzhin du mkhyen cing/ rgyu med pa dang mi mthun pa'i rgyur smra ba'i dge spyod dang bram ze dge kyang tshar gcod par mdzad do/ /lha la sogs pa skyabs ma yin pa la skyabs su rab tu slu ba zhes bya ba ni/ lha rnams ni nges par 'byung ba'i lam sngon par mi shes pa'i phyir skyabs ma yin no/ /skyabs kyi don ni skyob pa'i don yin na/ de rnams ni thabs mi shes pa'i phyir 'khor ba dang ngan 'gro'i 'jigs pa thams cad las sems can rnams skyobs par mi nus so bdud de dag kyang 'jig rten gyi skyabs nyid du ston pa na skyabs su rab tu slu bar byed pa zhes bya ste/ lha rnams ni thabs ma yin pa rdzu 'phrul dang/ dam pa sbyin pa la sogs pas 'jig rten la rab tu slu bar byed do/ /bcom ldan 'das ni las bdag gir bya ba mkhyen pa'i stobs kyis bdud las rgyal ba'i phyir bdud 'joms par mdzad pa zhes bya'o/ /theg pa chen pos nges par 'byung ba la rab tu slu bar byed pa'o zhes bya ba ni bdud ni las dang po pa'i byang chub sems dpa' rnams la/ de'i sngags pa ma yin pa sgrags pas byang chub sems dpa' i spyod pa las 'dun pa bzlog nas nyan thos kyi theg pa la sbyor bar byed do/ /sangs rgyas bcom ldan 'das rnams ni stobs lhag ma dbang po mchog dang mchog ma yin pa mkhyen pa la sogs pas theg pa chen pos nges par 'byung ba la rab tu slu bar byed pa'i bdud bcom nas/ byang chub sems dpa' i spyod pa la sbyor zhing 'doms par mdzad do/ /'di'i phyir yang bcom ldan 'das kyang bdud 'joms par mdzad pa zhes bya'o/ /mi 'jigs pa bzhi ni kye ma mngon par rdzogs par sangs rgyas par zhal gyis mche ba la/ lha dang bcas/ bdud dang bcas/ tshangs pa dang bcas/ dge

  382. 191b

    sbyor dang zam ze skye dgur bcas/ lha dang mi dang lha ma yin du bcas pa'i 'jig rten 'di na chos 'di dag mngon par rdzogs pa sangs ma rgyas so zhes/ nga la 'ga' yang chos dang mthun pas gleng bar byed pa'i rgyu mtshan yang dag par rjes su mthong rgyu mtshan yang dag par rjes su mthong bas 'di ni nga bde ba thob pa dang/ 'jigs pa med par gyur cing gnas te/ khyu mchog gi gnas rlabs po che zhal gyis 'che zhing tshangs pa'i khor lo sngon 'jig rten dge sbyong dang bram ze sus kyang chos dang mthun par ma bskor ba/ skor pa mdzad do/ /kye ma nga zag pa zad par zhal gyis 'che ba la 'di na zag pa 'di dang yongs su ma zad do/ /zhes 'ga' yang zhes bya ba snga ma bzhin no/ /ngas par du gcod pa'i chos gsungs pa gang dag yin pa de bstan na bar du gcod par mi 'gyur ro/ /zhes bya ba thams cad do/ /ngas nges par 'byin pa'i chos su bshad pa gang dag yin pa de dag sten na de byed pa'i sdug bsngal yang dag par zad par byed par nges par 'byung ba yin no zhes 'di na nga la 'ga' yang zhes bya ba snga ma bzhin du rigs par bya'o/ /'di dag ni mi 'jigs pa bzhi yin no/ /bsrung ba med pa gsum ni de bzhin gshegs pa'i sku'i phrin las dang gsung dang thugs kyi phrin las bsrung ba med pa ste/ bsrung ba med pa gsum gyis ni de bzhin gshegs pa'i nyes pa mdzad pa 'chab pa rnam pa thams cad spangs pa 'di yongs su bstan to/ /gang yang dgra bcom pa la brgya lam na res 'ga' zhig brjed nas ngan par byas pa/ lung du ma bstan pa chung zad yod pa de yang/ de bzhin gshegs pa thams cad kyi thams cad du mi mnga' bas de'i phyir de bzhin gshegs pa ni ji ltar zhal gyi 'che ba de lta bu'i ngo bo nyid yin no/ /nyan thos rnams tshar gcad cing tshar gcad nas

  383. 192a

    ngos lhang por 'doms shing de dag kha cig ni brgyad kha cig ni bskrod pas brlang por mdzad kyang 'di la ni 'di dag la de 'di dga' bdag nyan thos rnams dang gnas pa'i rgyus/ sku dang gsung dang thugs yongs su ma dag pa kun tu/ spyod pa rig nas gzhi nges yid ma rangs shing ma mgu ba rnams gleng bar 'gyur zhing gzhan dag la yang sgrogs par gyur na mi rung ngo snyam pa'i bsrung ba mi 'byung ngo/ /ma 'dres pa'i dran pa nye bar bzhag pa gsum gang zhe na/ 'di ni ston pa thugs brtse ba thugs rje can don bzhed pa/ nyan thos rnams la kye dge slong dag 'di ni khyed la phan par byed pa/ 'di ni khyed la phan pa dang bde bar byed pa'o zhes 'khor gyi nang du chos ston par mdzad cing de la nyan thos rnams de la gus par byas te nyan par byed do/ /rna gtong par byed/ kun shes pa'i sems nye bar 'jog par byed na/ nges de bzhin gshegs pa dgyes pa yang mi mnga' / thugs so sor kyang mi 'gyur ba 'di ni dran pa nye bar gzhag pa dang po yin no// gzhan yang ston pa zhes bya ba nas phan pa dang bde bar mdzad pa'o zhes 'khor gyi nang du chos ston par mdzad cing zhes bya ba ni snga ma bzhin te/ de la nyan thos rnams de la gus par byas te nyan par mi byed do/ /rna gtong bar mi byed/ kun shes pa'i sems nye bar 'jog par ma byed na/ nges de bzhin gshegs pa mi bzod par mi 'gyur/ thugs ma rangs par mi 'gyur ba 'di ni dran pa nye bar bzhag pa gnyis pa'o/ /gzhan yang ston pa zhes bya ba nas phan pa dang bde ba byed pa'o/ /zhes 'khor gyi nang du chos ston par mdzad cing zhes bya ba'i bar snga ma bzhin no/ /de la nyan thos kha cig ni de la gus par byas te nyan par byed do/ /rna ba gtong bar byed/ kun shes pa'i sems nye bar 'jog par byed/ kha

  384. 192b

    cig ni gus par byas nas mnyan par mi byed/ rna gtong par mi byed/ kun shes pa'i sems nye bar 'jog par mi byed na/ de la gang dag de la gus par byas te/ nyan par byed/ rna gtong par byed/ kun shes pa'i sems nye bar 'jog par byed pa nges kyang de bzhin gshegs pa dgyes par yang mi 'gyur/ thug ya yo por yang mi 'gyur/ gang dag de la gus par byas te nyan par yang mi byed/ rna gtong par yang mi byed/ kun shes pa'i sems nye bar 'jog par mi byed na de kyang de bzhin gshegs pa mi bzod par yang mi 'gyur/ thugs ma rangs par yang mi 'gyur pa 'di ni dran pa nye bar bzhag pa gsum pa yin no/ /dran pa nye bar gzhag pa gsum gyis na mdor na de bzhin gshegs pa yun ring po nas 'di snyam du gdul ba rnams bdag gi legs par bshad pa'i chos la bsgrub pa ji lta ba bzhin du nan tan byed kyang ji ma rung snyam du dgongs pa yun ring po nas de ltar dgongs pa chos kyi rje 'khor yongs su sdud pa'i bzhed pa de phun sum tshogs pa dang rlung pa dag gis kun nas nyon mongs pa med par rab tu 'byed do/ /de dag kyang 'khor gsum gyi bye brag gis gsum du rnam par bzhag ste/ 'khor gsum po gang zhe na/ thams cad gcig tu yang dag bsgrub pa 'di ni 'khor gcig pa yin no// thams cad gcig tu log par bsgrub pa 'di ni 'khor gnyis pa yin no/ /gsum pa ni de dag kha cig yang dag par bsgrub la/ de dag kha cig ni log par bsgrub pa yin no/ /bag chags yang dag par bcom pa gang zhe na/ de la de bzhin gshegs pa la reg pa 'am gzigs pa 'am bzhugs pa la nyon mongs pa yod pa lta bu'i g.yo ba kun tu spyod pa rab tu rgyu ba gang yin pa de de bzhin gshegs pas bag chags dang bcas te yang

  385. 193a

    yang dag par bcom mo/ /dgra bcom pa rnams ni nyon mongs pa spangs kyang g.yo dang bltas pa dang smras pa dang/ gnas pa dag la nyon mongs pa yod pa dang 'dra ba'i g.yo ba yod pa kho na'o/ /bsnyel pa mi mnga' ba gang zhe na/ de la de bzhin gshegs pa ni gang zhig bsgrub par bya ba yin pa dang/ gang du yin pa dang/ ji ltar yin pa dang/ gang gi tshe yin ba de der de'i tshe de bzhin du legs par bsgrub pa'i phyir te/ 'di ni de bzhin gshegs pa'i bsnyel ba mi mnga' ba'i chos nyid yin no/ /'di la de bzhin gshegs pa'i mdzad pa thams cad dang/ yul thams cad dang/ mdzad pa thams cad kyis tha mas cad rnams la bsnyel ba mi mnga' zhing rtag tu dgos pa nye bar gnas pa gang yin pa 'di ni 'dir bsnyel ba mi mnga' ba'i chos nyid du blta bar bya'o/ /thugs rje chen po gang zhe na/ khams gsum na spyod ba'i sems can thams cad la rtag tu sdug bsngal gyi rnam pa thams cad la dmig pa'i thugs rjes gnas pa 'grub pa'i ting nge 'dzin dang/ shes rab gang yin pa dang/ de dag dang/ mtshungs par ldan pa'i chos rnams so/ /rnam pa thams cad mkhyen pa nyid gang zhe na/ thams cad du ye shes thogs pa mi mnga' ba'i phyir gang gi sems can thams cad kyi the tshom gcod pa'i phyir/ chos kyi tshul yang yun ring du gnas par mdzad/ bstan bcos ba'i chos de la brten nas sems can yongs su ma smin pa yang yongs su smin par mdzad/

  386. 193b

    smin pa rnams kyang rnams par grol bar mdzad pa mdzad pa yin no/ /pha rol tu phyin pa yongs su rdzogs pa gang zhe na/ sbyin ba la sogs pa pha rol tu phyin pa drug shes rab dang/ snying rje'i thabs la mkhas pas yongs su zin pas gong nas gong du 'dzeg pa'i rim gyis bskal pa chen po grangs med pa gsum gyi ser sna la sogs pa sgrib pa thams cad bag chags dang bcas te spangs pa'i phyir bla na med pa yang dag par rdzogs pa'i byang chub mngon par rdzogs par sangs rgyas pa'i sbyin pa la sogs pa'i pha rol tu phyin pa phun sum tshogs pa rnams pa thams cad yongs su rdzogs la/ yid bzhin gyi nor bu lta bur lhun gyis grub par sangs rgyas kyis mdzad pa rgyun mi gcod pa gang yin pa ste/ de bzhin gshegs pa bla na med pa brnyes pa rnams kyi pha rol tu phyin pa yongs su rdzogs pa zhib tu ni 'phags pa gtsug na rin po che'i mdo la sogs pa las blta bar bya'o/ /byang chub sems dpa' i sa thams cad las nges par byung ba nyid ni rgyu'o/ /zhes bya ba ni byang chub sems dpa' i sa rab tu dga' ba la sogs pa bcu ni sems can thams cad kyi mchog thob pa'i byed pa'i rgyur gyur pa yin te/ de nyid kyi phyir/ sems can thams cad kyi mchog tu gyur pa nyid ni 'bras bu'o zhes bya ba smos so/ /rnam pa thams cad du mi snang ba nyid ni chos kyi sku te zhes bya ba ni

  387. 194a

    ji skad du chos kyi sku ni so so rang gis rig par bya ba yin pa'i phyir bsam gyis mi khyab pa'i mtshan nyid do/ / rtog ge spyod yul ma yin pa'i phyir/ /'jig rten na dpe med pa nyid do/ /zhes bshad pa lta bu'o/ // theg pa chen po'i mdo sde'i rgyan gyi rgya cher bshad pa slob dpon ngo bo nyid med pas mdzad pa rdzogs so// // rgya gar gyi mkhan po shAkya sing ha dang/ zhu chen gyi lo tsa ba bande dpal brtsegs kyis bsgyur cing zhus te gtan la bab pa// sarba mang+ga laM/