Text
ff. 1b–412a · 822 folio sides
- 1b
rgya gar skad du/ mu la mA d+h+ya mi ka br-it+ti pra sanA pa da nA ma/ bod swAdang/ dbul rtsa ba'i 'tshul la tshogags pa gnas bya ga/ 'alags dpal gzhon nur gyur pa la phyag 'tshal lo// gang zhig mtha' gnyis gnas la mdzod kyi zab mo nyid ji ltar// rjes su rtogs bzhin thugs rjes ston par mdzod/
- 2a
gang gi lta ba'i me dag gis// dadung pas rgol ga'ang lpags kyi// bud shing dang ni 'jig rten yid kyi phun rnams 'joms par mdzad// gang gi gnyis med ye shes gsung mda'i tshogs// wA sa pa'i gdu' bya'i 'jig rten la// khams gsum dag tu rgya la thabs legs mdzad pas// srid pa 'das bsras 'joms mdzad pa// klu swAb de la phyag 'tshal nas ni da // tshig le'u byas pa'i 'grel bapa slab dang // sdeb legs dag gis snang zhing rtog ge yi// rlung gis ma dkrugs rab tu gsal ba bya/ del bdag las pa yid gzhan las med// zhes bya ba la sogs pa ni 'chad par 'gyur ba'i bstar mas / tu rgyu tu rgyurgyu rgyu rgyu rgyu
- 2b
de'i 'brel pa dang brjod par bya ba dang / dgos pa'i dgos pa dag gang yin zhes 'dri na/ dbu ma la 'jug pa las bstan pa'i tshul gyis sems bskyed pa dang po gnyis su med pa'i ye shes kyis brgyan pa/ snying rje chen po sngon du 'gro ba/ de bzhin gshegs pa'i ye shes 'byung ba'i rgyur gyur pa thog mar mdzad nas/ mthar shes rab kyi pha rol tu phyin pa'i tshul phyin ci ma log pa thugs su chud par gyur pa'i slob dpon klu sgrub kyis gzhan khong du chud par bya ba'i phyir snying rjes bstan chos mdzad do// zhes bya ba 'di ni re zhig bstan bcos kyi 'brel pa yin no// slob dpon rang nyid 'chas par 'gyur ba'i bstan chos mtha' dag gi brjod par bya ba'i don dgos pa dang bcas pa ston zhing / de phyin ci ma log par ston par mdzad pa nyid kyi sgo nas che ba'i bdag nyid brjod nas de'i ngo bo dang tha mi dad par gas pa'is pa dam pa ga shegs pa la bas ba cas rgyam pa na gyi ga sa da dpar ba nas// rten byed la pa stsu // gagapa ya pa skye me ga// sa pa med med pa// 'ong ba med pa 'gro med pa// tha dad don min don gcig min// spros pa nyer shi'i zhes bya ba la sogs pa gsungs so// de la rten cing 'brel bar 'byung ba 'gag pa med pa la sogs pa rgyad par brgyad kyis khyad par du byas pa ni/ bstan chos kyi brjod par bya ba yin zhing mya ngan las 'das pa spros pa thams cad nye bar zhi zhing zhi ba'i mtshan nyid can ni bstan chos kyi dgos par bstan la/ smra rnams kyi dam pa de la phyag 'tshal lo// zhes bya ba 'dis ni phyag 'tshal ba bstan te/ de ltar ni 'di ni re zhig tshigs su bcad pa gnyis kyi spyi'i don yin no// yan lag gi don yang rnam par dbye bar bya ste/ de la pra ti ni
- 3a
phrad pa'i don to// i ti ni 'gro ba'i don to// khyab kyi mtha' can pra tI t+ya'i sgra ni phrad pa ste bltos pa la 'jug pa yin te/ skad kyi byings ni nye bar bsgyur bas yongs su bsgyur ba'i phyir ro// nye bar bsgyur ba'i dbang gis ni// skad byings don ni yongs bsgyur te// gang+gA'i chu ni mngar mod kyi// rgya mtsho chu yis ji bzhin no zhes bshad do// sa mud gong na yod pa'i pa ta ni 'byung ba'i don can yin pas sa mud pa ta'i sgra ni 'byung ba la 'jug go/ de'i phyir dngos po rnams kyi 'byung ba rgyu dang rkyen la bltos pa ni rten cing 'brel par 'byung ba'i don to// gzhan dag ni pra ti ni zlos pa'i don to// i ti ni 'gro ba'i ste chas pa dang 'jig pa'o// i t+ya ni 'gro bar rung ba dag go zhes de ltar i t+ya'i sgra de la phan pa'i mtha' can du bye brag tu bshad nas/ so so so sor 'gro zhing 'jigs pa dang ldan pa rnams kyi 'byung ba ni rten cing 'brel par 'byung ba'o zhes brjod par byed do// de dag gi ltar na dge slong dag khyed la rten cing 'brel par 'byung ba bstan par bya yis/ sus rten cing 'brel par 'byung ba mthong ba des chos mthong ngo // zhes bya ba de lta bu la sogs pa'i yul la ni zlos pa'i don srid pa'i phyir dang / tshig bsdu ba yod pa'i phyir bye brag tu bshad pa legs par 'gyur na/ mig dang gzugs la brten nas mig gi rnam par shes pa 'byung ngo // zhes bya ba de lta bu la sogs pa'i yul 'dir ni mig dang gzugs la brten nas zhes don gyi khyad par dngos su zhal gyis bzhes shing / mig gi dbang po gcig gi rgyu can gyi rnam par shes pa gcig kyang skye bar bzhed/ phan brten nas zhes bya ba'i sgra la zlos pa'i don nyid yod par ga la 'gyur/ phrad pa'i don ni phrad nas 'byung ba ni rten cing 'brel par 'byung ba'o zhes don gyi khyad par zhal gyis ma bzhes pa'i rten cing 'brel bar 'byung
- 3b
ba'i sgra la yang yod pa yin la/ don gyi khyad par zhal gyis bzhes pa la yang yod pa yin te/ mig dang gzugs la brten nas mig dang gzugs phrad cing mig dang gzugs la bltos nas zhes bshad pa'i phyir ro// i t+ya'i sgra de la phan pa'i mtha' can yin na ni mig dang gzugs la brten nas mig gi rnam par shes pa 'byung ngo // zhes bya ba 'dir pra ti t+ya'i sgra ni zad pa ma yin pa'i phyir dang / tshig bsdu pa yod pa ma yin pa'i phyir rnam par dbye ba thos par 'gyur ba yin dang / ming dang gzugs la brten pa rnam par shes pa zhes bya bar 'don par 'gyur ba zhig na/ 'di ni de lta bu yang ma yin pas/ khyab kyi mthu' can mi zad pa kho nar bye brag tu bshad pa khas blang bar bya'o// gang zhig kha cig na re rten cing zhes bya ba'i nye bar bsgyur ba ni zlos pa'i don yin pa'i phyir dang / 'brel pa zhes bya ba phrad pa'i don yin pa'i phyir dang / 'byung ba zhes bya ba'i sgra ni skye ba'i don yin pa'i phyir rkyen de dang de la brten nas 'byung ba ste phrad nas 'byung ba'o zhe'o// gzhan dag na re so so so sor 'jig pa dang ldan pa rnams kyi 'byung ba ni rten cing 'brel par 'byung ba'o// zhe'o zhes gzhan gyi bshad pa rjes su brjod nas sun 'byin par byed pa de ni/ re zhig gzhan gyi phyogs rjes su brjod pa la mi mkhas pa nyid do snyam mo// ci'i phyir zhe na/ gang zhig rten cing 'brel par 'byung ba'i sku phrad pa'i don can du 'chad pa des ni rten cing zhes bya ba zlos pa'i don du ma yin zhing 'brel par zhes bya ba phrad pa'i don du yang ma yin no// 'o na ci zhe na rten cing ni phrad pa'i don yin zhing / 'brel par 'gro ba'i don yin la/ tshogs pa rten cing 'brel pa'i sgra ni phrad pa nyid yin par 'chad par byed do// des na da ni phrad nas 'byung ba ni rten cing 'brel par 'byung ba'o zhes de ltar bshad par gyur pa'i rten cing 'brel par 'byung ba'i sgras gal te
- 4a
dngos po srid tshad ma lus pa 'dzin par brjod par 'dod pa de'i tshe ni/ chu dang rkyen gyi tshogs pa de dang de zad nas 'byung ba ni rten cing 'brel par 'byung ba'o zhes zlos pa dang 'brel bar byed la/ 'on te bye brag 'dzin pa de'i tshe ni mig dang gzugs la brten nas zhes zlos pa dang 'brel pa ma yin no// de ltar na re zhig slob dpon ni rjes su brjod pa la mi mkhas so// de yang mi rung ste mig dang gzugs la brten nas mig gi rnam par shes pa 'byung zhes gsungs pa 'di la don gnyi ga med pa'i phyir ro zhes sun 'byin smras pa gang yin pa de yang mi 'thad do// ci'i phyir zhe na/ ji ltar med ces bya ba'i rigs pa ma bkod pas/ dam bca' ba tsam yin pa'i phyir ro// 'on te rnam par shes pa ni gzugs can ma yin pa'i phyir mig dang phrad pa yod pa ma yin te/ gzugs can rnams kho na la de dang phrad pa mthong ba'i phyir ro// snyam pa'i/ bsam pa 'di yin na ni/ de yang mi rigs te/ dge slong 'di ni 'bras bu thob pa yin no zhes bya ba 'dir phrad pa khas blangs pa'i phyir dang / phrad nas zhes bya ba'i sgra yang bltos nas zhes bya ba'i sgra'i rnam grangs yin pa'i phyir dang / rten cing 'brel par zhes bya ba'i sgra ni/ de dang de rten gang 'byung ba/ rang gi dngos por de ma skyes/ zhes slob dpon klu sgrub kyis kyang phrad nas zhes bya ba'i don nyid du zhal gyis bzhes pa'i phyir ro// des na skyon yang mi 'thad do zhes gzhan dag zer ro// gang yang 'o na gang yin zhe na/ 'di yod pas 'di 'byung la/ 'di skyes pa'i phyir 'di skye ba ste zhes bya ba rkyen 'di dang ldan pa nyid kyi don ni rten cing 'brel par 'byung ba'i don to zhes rang gi lugs rnam par bzhag pa de yang 'thad pa ma yin te/ rten cing 'brel par zhes bya ba dang 'byung ba zhes bya ba'i sgra gnyis re re la don gyi khyad par ma brjod pa'i phyir la/ de bye brag tu bshad
- 4b
payang brjod par 'dod pa'i phyir ro// tsa k+She yang dgon pa'i thig le zhes bya ba la sogs pa ltar rten cang 'brel bar 'byung ba'i spyan gting rmugs pa'i slar khas blangs nas de skad du brjod da zhe na/ de yang / mi 'thad de/ rten cing 'brel par 'byung ba'i sgra ni slob dpon gyis/ de dang de brten gang 'byung ba// rang gi dngos por de mi skyes// zhes yan lag gi don dang rjes su 'brel pa nyid du zhal gyis bzhes pa'i phyir ro// ci ste 'di yod na ni 'di 'byung ste/ thung ngu yod na ring po bzhin/ zhes bya bas 'chad par byed pas ni thung ngu dang phrad cing thung ngu brten te/ thung ngu la bltos nas ring por 'gyur ro zhes de nyid khas blangs par 'gyur ro// de'i phyir gang zhig sun 'byin pa de nyid khas blangs par rigs pa ma yin no// shin tu spros pas tshig go/ de'i phyir de ltar na 'dir bcom ldan 'das kyis dngos po rnams kyi 'byung bcu dang rkyen la bltos pa yongs su gsal bar mdzad pa na/ dngos po rnams rgyu med pa nyid dang / chu gcig pu nyid dang / mi mthun pa'i rgyu las byung ba nyid dang / rang dang gzhan dang gnyi gas byas pa nyid bkag par 'gyur la/ de dag bkag pas ni dngos po kun rdzob pa rnams kyi rang gi po kun rdzob pa ji ltar gnas pa bzhin gsungs par 'gyur ro// da ni rten cing 'phel bar 'byung ba kun rdzob pa de nyid rang bzhin gyis ma skyes pa nyid kyi phyir 'phags pa'i ye shes la bltos nas 'di la 'gag pa yod pa ma yin pa nas 'di la don gcig yod pa ma yin pa zhes bya ba'i bar 'gag pa med pa la sogs pa khyad par brgyad kyi khyad par du byed de/ 'gag pas na 'gag pa ste/ skad cig mar 'jig pa la 'gag pa zhes brjod do// skye bas na skye ba ste bdag nyid kyi dngos por red pa'o// chad pas na chad pa ste rdzun chad pa zhes bya ba'i don to// rtag pa ni ther zug pa ste dus thams cad du gnas pa zhes bya ba
- 5a
don to// 'ong bas na 'ong ba ste yul ring po na gnas pa rnams yul nye bar 'ong ba'o// 'gro bas na 'gro bas te yul nye ba na gnas pa rnams yul ring por 'gro ba'o// tha dad pa'i don ni don tha dad pa ste/ don so so ba zhes bya ba'i tha tshig go// don yang de yin la gcig kyang de yin pas na don gcig ste/ don tha mi dad cing so so ma yin zhes bya ba'i tha tshig go// rten cing 'brel par 'byung ba la ji ltar 'gag pa la sogs pa med pa de ltar ni bstan bcos mtha' dag gis ston par 'gyur ro// rten cing 'brel par 'byung ba la khyad par mtha' yas pa yod du zin kyang brgyad dag gcig kho na nye bar bkod pa ni 'di dag kho na gtsor rtsod pa'i yan/ lag tu gyur pa'i phyir ro// rten cing 'brel par 'byung ba ji ltar gnas pa bzhin 'phags pa rnams kyis gzigs na/ brjod bya dang rjod byed dang / mtshan nyid dang mtshon bya la sogs pa'i spros pa rnams rnam pa thams cad du zlog pa'i phyir/ 'dir spros pa dag nye bar zhi bas rten cing 'brel par 'byung ba de nyid spros pa nyer zhi zhes bya'o// 'di la sems dang sems las byung ba'i 'jug pa yang med dang / shes pa dang shes bya'i tha snyad log pa'i sgo nas skye ba dang rga ba dang na ba dang 'chi ba la sogs pa'i nye bar 'tshe ba ma lus pa dang bral ba'i phyir na zhi ba'o// ji skad bstan pa'i khyad par can gyi rten cing 'brel bar 'byung ba ni bstan par bya ba'i sgo nas 'dod pa dam pa yin pa'i phyir las su bstan te/ gang gis rten cing 'brel par 'byung // 'gag pa med pa skye med pa// chad pa med pa rtag med pa// 'ong ba med pa 'gro med pa// tha dad don min don cig min// spros pa nyer zhi zhi bstan pa// rdzogs pa'i sangs rgyas smra rnams kyi// dam pa de la phyag 'tshal lo// zhes bya ba'o// rten cing 'brel par 'byung ba ji skad du bstan pa thugs su chud pa'i phyir/ de bzhin gshegs pa nyag gcig don byin ci ma log par gsung
- 5b
ba nyid du gzigs shing pha rol po'i smra ba thams cad byis pa rdol thabs smra ba dang 'dra bar thugs su chud de de nas slob dpon shin tu dang ba dang ldan par gyur pas slar yang bcom ldan 'das la khyad par du mdzad pa ni/ spu rnams kyi dam pa zhes bya'o// 'dir 'gag pa sdang bkag pa ni skye ba dang 'gag pa dag la snga phyi'i rnam par bzhag pa med par bstan pa'i phyir te/ gal te skye bsngar gyur la// rga shi phyi ma yin na de// skye ba na shi med pa dang // ma shi bar yang skye bar 'gyur// zhes 'chad par 'gyur ro// de'i phyir skye ba ni snga bar gyur la/ rga shi ni 'byis so zhes bya ba'i nges pa gang yin pa 'di med do// da ni slob dpon rten cing 'brel par 'byung ba 'gag pa med pa la sogs pas khyad par du 'phags par gyur pa bstan par bzhed nas/ skye ba bkag pas 'gag pa la sogs pa dgag pa sla bar dgongs shing thog mar skye ba dgag pa rtsom pa mdzad do// skye ba yang gzhan gyis brtags pa na bdag gam gzhan nam gnyi ga 'am rgyu med pa zhig las tog grang na/ thams cad du 'thad pa ma yin no snyam du nges par mdzad nas bshad pa/ bdag las ma yin gnan las min// gnyis las ma yin rgyu med min// dngos po gang dag gang na yang // skye ba nam yang yod ma yin// de la gang dag ces bya ba'i sgra ni rten pa'i tshig ste/ su dag ces bya ba'i sgra'i rnam grangs so// gang na yang zhes bya ba'i sgra ni rten gyi tshig ste/ 'gag zhig na yang zhes bya ba'i sgra'i rnam grangs so// nam yang zhes bya ba ni gnar yang shes bya ba'i tha tshig go// de'i phyir bdag las dngos po gang dag gang na yang skye ba nam yang yod pa ma yin no zhes de ltar sbyar bar bya'o// de bzhin du dam bca' ba gsum po la yang sbyar bar bya'o// gal te bdag las skye ba ma yin pa nyid do zhes bya bar nges par bzung ba na/ gzhan las skye bo zhes mi 'dod pa nyid du 'gyur ba ma yin nam zhe na ma yin te/ med par dgag pa brjod par 'dod
- 6a
pa'i phyir dang / gzhan las skye ba yang 'gog par 'gyur ba'i phyir ro// 'thad pa gang gis bdag las skye bar mi 'gyur ba de ni/ de las de ni 'byung na yon tan 'ga' yang yod pa ma yin/ skyes par gyur pa slar yang skye bar rigs pa'ang ma yin nyid/ ces bya ba la sogs pas dbu ma la 'jug pa la sogs pa'i sgo nas nges par bya'o// slob dpon sangs rgyas bskyangs kyis kyang / dngos po rnams bdag las skye ba med de de dag gi skye ba don med pa nyid du 'gyur ba'i phyir dang / shin tu thal bar 'gyur ba'i phyir ro// dngos po bdag gi bdag nyid du yod pa rnams la ni yang skye ba la dgos pa med do// ci ste yod kyang skye nanam yang mi skye bar mi 'gyur ro zhes gsungs so// 'di la kha cig gis de ni rigs pa ma yin te/ gtan tshigs dang dpe ma brjod pa'i phyir dang gzhan gyis smras pa'i nyes pa ma bsal ba'i phyir ro// thal bar 'gyur ba'i tshig yin pa'i phyir skabs kyi don las bzlog pas bsgrub par bya ba dang / de'i chos bzlog pa'i don mngon pas dngos po rnams gzhan las skye bar 'gyur ba dang / skye ba 'bras bu dang bcas pa nyid du 'gyur ba dang skye ba zugs pa yod par 'gyur ba'i phyir grub pa'i mtha' dang 'gal bar 'gyur ro zhes skyon smra ste/ skyon 'di dag thams cad ni rigs pa ma yin par kho bo cag gis mthong ngo // ji ltar zhe na/ de la re zhig gtan tshigs dang dpe ma brjod pa'i phyir dang zhes gang smras pa de ni mi rigs so// ci'i phyir zhe na/ gang gi phyir bdag las zhes bya ba ni yod pa rgyu nyid dang de nyid skye'o zhes smras pa yin la/ yod pa ni yang skye ba la dgos pa ma mthong zhing thug pa med par yang mthong la/ khyod kyis skyes pa slar yang skye bar mi 'dod cing / thug pa med par yang mi 'dod do// de'i phyir khyed cag gi rtsod pa ni 'thad pa dang bral ba dang / rang gis khas blangs pa dang 'gal ba
- 6b
yin no zhes pha rol po bdag las skye bar 'dod pa la 'dri bar byed pa yin te/ gang las gtan tshigs dang dpe bkod pa 'bras bu dang bcas par 'gyur ba 'di dag tsam zhig gis brjod pa na ci pha rol po khas len par/ mi byed dam/ 'on te pha rol po rang gi khas blangs pa dang 'gal bas brtsad pas kyang mi ldog na ni/ de'i tshe ngo tsha med pa nyid kyis gtan tshigs dang dpe gnyis kyis kyang ldog par mi 'gyur ba nyid do// kho cag ni skyon pa dang lhan cig rtsod pa yang ma yin no// de'i phyir slob dpon ni gnas ma yin par yang rjes su dpag pa 'chang bar byed pa na/ bdag nyid rjes su dpag pa la dga' ba nyid mngon par byed pa yin no// dbu ma yin na ni rang gi rgyud kyi rjes su dpag par bya ba rigs pa yang ma yin te/ phyogs gzhan khas blangs pa med pa'i phyir ro// de skad du yang 'phags pa lhas// yod dang med dang yod med ces// phyogs ni gang la'ang yod min pa// de la yun ni ring po na'ang / klan ka brjod par nus ma yin// zhes bshad do// rtsod pa bzlog pa las kyang / gal te ngas dam bcas 'ga' yod// des na ngal skyon de yod// ngal dam bca' med pas na// nga la skyon med kho na yin// gal te mdun sam la sagus pa'i// don kyis ga zhin gas pa na pa na / kya la na nga// sag sa so// ngag des dathamapas ga da rjes su dadagapa pa nyid yin pa de'i tshe/ dam bca' ba'i don 'di gang yin/ ci bdag las shes bya ba 'bras bu'i bdag nyid las sam/ 'on te rgyu'i bdag nyid las yin grang / de las cir 'gyur/ gal te 'bras bu'i bdag nyid las yin na ni grub pa la sgrub pa yin la/ rgyu'i bdag nyid las yin na ni 'gal ba'i don nyid du 'gyur te/ skye ba dang ldan pa thams cad ni rgyu'i bdag nyid du yod pa kho na skye ba'i phyir ro zhes bya bar gang la grangs can pa dag gis
- 7a
phyir bzlog par byed par 'gyur ba/ nang gi skye mched rnams bdag las skye ba med de zhes bya ba'i rang gi rgyud kyi dam bca' ba lta ga la yod/ kho bo cag la ni gang zhig grub pa la sgrub pa nyid dam/ 'gal ba'i don nyid du 'gyur zhing / grub pa la sgrub pa nyid gang yin pa dang / 'gal ba'i don nyid gang yin pa de spang bar bya ba'i phyir 'bad pa byed par 'gyur ba yod pa'i phyir zhes bya ba'i gtan tshigs kyang ga la yod/ de'i phyir gzhan gyis smras pa'i nyes par thal bar mi 'gyur ba nyid kyi phyir slob dpon sangs rgyas bskyangs kyis de'i lan brjod par bya ba ma yin no// ci ste yang dbu ma pa rnams kyi ltar na phyogs dang gtan tshigs/ dang dpe dag ma grub pas rang gi rgyud kyi rjes su dpag pa mi brjod pa nyid kyi phyir bdag las skye ba dgag pa'i dam bca' ba'i don sgrub pa dang / gnyi ga la grub pa'i rjes su dpag pas gzhan gyi dam bca' ba bsal bar ma gyur mod/ gzhan gyi dam bca' ba la rang gi rjes su dpag pas 'gal ba brjod par ni bya dgos pas/ rang nyid la phyogs la sogs pa dang phyogs dang gtan tshigs dang dpe'i skyon dang bral ba dag yod par bya dgos so// de'i phyir de ma brjod pa'i phyir dang / de'i nyes pa ma bsal ba'i phyir nyes pa de nyid du 'gyur ro snyam na/ bshad par bya ste/ de ni de ltar ma yin no// ci'i phyir zhe na/ gang gi phyir don gang zhig gang gi dam bcas pa des ni rang nyid kyis nges pa bzhin du gzhan dag la nges pa bskyed par 'dod pas/ don 'di'i 'thad pa gang gi sgo nas khong du chud pa'i 'thad pa de nyid gzhan la bsnyad par bya dgos so// de'i phyir rang gis khas blangs pa'i dam bcas pa'i don gyi sgrub par byed pa ni pha rol po kho nas nye bar dgod par bya ba gang yin pa de ni re zhig lugs yin na/ 'di ni gzhan la gtan tshogs kyang ma yin no// gtan tshogs dang / dpe med pa'i phyir rang gi dam bca' ba'i don
- 7b
gyi sgrub par byed pa ni khas 'ches pa'i rjes su 'brangs pa 'ba' zhig nye bar bkod pa yin te/ de'i phyir 'thad pa dang bral ba'i phyogs khas blangs pas 'di ni bdag nyid kho na la slu bar byed pas gzhan la nges pa bskyed par mi nus so zhes bya bar/ gang rang gi dam bca' ba'i don gyi sgrub par byed pa la nus pa med pa 'di nyid 'di'i sun 'byin pa ches gsal po yin te/ 'dir rjes su dpag pas gnod pa brjod pa la dgos pa go ci zhig yod/ ci ste yang rang gi rjes su dpag pas 'gal ba gdon mi za bar brjod par bya ba yin no// zhe na/ de yang slob dpon sangs rgyas bskyangs kyis brjod pa nyid yin no// ji ltar zhe na/ gang gi phyir des ni 'di skad du bshad pa yin te/ dngos po rnams bdag las skye ba med de/ de dag gi skye ba don med pa nyid du 'gyur ba'i phyir dang zhes bshad pa'i phyir ro// de la de dag ces bya ba 'dis ni rang gi bdag nyid du yod pa 'dzin pa yin no// ci'i phyir zhe na/ 'di ltar rang gi bdag nyid du yod pa dag la ni yang skye ba la dgos pa med do zhes bya ba 'di ni mdor bzhag pa'i ngag de'i 'grel pa'i ngag yin la/ ngag 'dis ni chos mthun pa'i dpe gzhan la rab tu grags pa bsgrub par bya ba dang sgrub par byed pa chos dang ldan pa nye bar bzung ba yin no// de la rang gi bdag nyid du yod pa zhes bya ba 'dis ni gtan tshigs 'dzin pa yin no// skye ba don med pa nyid du 'gyur ba'i phyir dang zhes bya ba 'dis ni bsgrub par bya ba'i chos 'dzin pa yin no// de la ji ltar sgra mi rtag ste/ byas pa mi rtag pa'i phyir ro// byas pa ni mi rtag par mthong ste/ dper na bum pa bzhin no// de bzhin du sgra yang byas pa yin te/ de'i phyir byas pa nyid kyi phyir mi brtag pa yin no zhes 'dir nye bar sbyar bas gsal bar byas pa'i byas pa gtan tshigs yin pa de bzhin du/ 'dir yang dngos po rnams bdag las skye ba med de/ rang gi bdag nyid du yod pa la
- 8a
yang skye ba don med pa nyid du 'gyur ba'i phyir ro// 'di na ji ltar bum pa la sogs pa mdun na gnas shing gsal ba rang gi bdag nyid du yod pa ni yang skye ba la mi bltos par mthong ba de bzhin du/ 'jim pa'i gong bu la sogs pa'i gnas skabs na yang gal te rang gi bdag nyid du yod pa'i bum pa la sogs pa yod do snyam du sems na ni de'i tshe yang rang gi bdag nyid du yod pa de la skye ba yod pa ma yin no// de ltar na gtan tshigs nye bar sbyar bas gsal bar byas pa/ yang skye ba dgag pa la mi 'khrul ba// rang gi bdag nyid du yod pa nyid kyis grangs can la rang nyid kyis rjes su dpag pas 'gal ba brjod pa yin te/ des na de ni rigs/ pa ma yin te/ gtan tshigs dang dpe ma brjod pa'i phyir dang zhes ci ste brjod par byed/ gtan tshigs dang dpe ma brjod pa ma yin pa 'ba' zhig tu ma zad kyis/ gzhan gyis smras pa'i nyes pa ma bsal ba yang ma yin no// / ci ltar zhe na/ grangs can pa dag mdun na gnas pa'i bum pa mngon par gsal ba'i rang bzhin can ni yang mngon par gsal bar mi 'dod cing / de nyid 'dir dpe nyid du grub pa'i ngo bo yin pa'i phyir la/ nus pa'i ngo bor gyur cing mngon par gsal ba'i rang bzhin ma yin pa skye ba bkag pas khyad par du byas pa ni bsgrub par bya ba yin pa nyid kyi phyir/ grub pa la sgrub pa'i phyogs kyi skyon nyid du dogs pa'am/ gtan tshigs 'gal ba'i don nyid du dogs pa ga la yod/ de'i phyir rang gi rjes su dpag pas 'gal brjod pa na yang ji skad smras pa'i nyes pa brjod pa med pa'i phyir/ gzhan gyis smras pa'i nyes pa ma bsal ba med pa nyid de/ de'i phyir sun 'byin pa 'di dag ni 'brel pa med pa nyid do zhes shes par bya'o// bum pa la sogs pa zhes bya ba sogs pa'i sgras ni skye bar 'dod pa'i dngos po ma lus pa bsdu bar brjod par 'dod pa'i phyir snam bu la sogs pa dag gis ma nges par
- 8b
'gyur ba yang ma yin no// yang na sbyor ba 'di ni tshul gzhan yin te/ rang las skye bar smra ba'i skyes bu las tha dad pa'i don rnams ni bdag nyid las skye ba med de/ rang gi bdag nyid du yod pa'i phyir/ skyes bu bzhin no zhes dper brjod pa 'di nyid dper brjod par bya'o// gal te yang skye ba bkag pas mngon par gsal bar smra ba la gnod par byed pa ma yin pa de lta na yang skye ba'i sgras mngon par gsal ba la btags nas sngon dang phyi mar ma dmigs pa dang dmigs par chos mthun pas skye ba'i sgras mngon par gsal ba nyid brjod pa'i phyir/ 'di bkag pas gnod par byed pa ma yin no// yang ji skad smras pa'i don gyi rjod par byed pa med par rnam par dpyod pa 'di lta bu 'di ji ltar rnyed ce na/ bshad par bya ste/ don gyi ngag 'di dag ni don chen po can yin pas ji skad smras pa'i don bsdus nas 'jug pa yin la/ de dag kyang bshad na ji skad smras pa'i don gyi bdag nyid 'byin par byed pa yin pas/ 'dir ma bstan pa cung zad kyang mi srid do// thal bar 'gyur ba bzlog pa'i don dang yang pha rol po nyid 'brel pa yin gyi/ kho bo cag la ni ma yin te/ rang la dam bca' ba med pa'i phyir/ ro// de'i phyir kho bo cag la grub pa'i mtha' dang 'gal bag la yod// thal ba las bzlog pa bsgrub pas pha rol po la nyes pa mang po ci tsam du 'gyur ba de tsam kho bo cag mngon par 'dod pa kho na yin pas/ gang las 'di la gzhan gyis glags rnyed par 'gyur ba slob dpon klu sgrub kyi lugs phyin ci ma log pa'i rjes su 'brang ba slob dpon sangs rgyas bskyangs la glags dang bcas pa'i tshigs gsung ba nyid ga la yod/ rang bzhin med par smra bas rang bzhin dang bcas par smra ba la thal ba bsgrubs pa na thal ba las bzlog pa'i don can du thal bar ga la 'gyur te/ sgra rnams ni dbyug pa can dang zhags pa can bzhin du smra ba po rang dbang ma yin par byed pa ma yin
- 9a
no// 'o na ci zhe na nus pa yod na smra ba po'i brjod par 'dod pa'i rjes su byed pa yin no// de'i phyir thal ba sgrub pa ni pha rol po'i dam bca' ba 'gog pa tsam gyi 'bras bu can yin pa'i phyir thal ba las bzlog pa'i don du 'gyur ba yod pa ma yin no// de ltar yang slob dpon ni// nam mkha'i mtshan nyid snga rol na// nam mkha' cung zad yod ma yin// gal te mtshan las sngar gyur na// mtshan nyid med par thal bar 'gyur zhes bya ba dang / de bzhin du gzugs kyi rgyu ni ma gtogs par/ gzugs na gzugs kyi rgyu med par// thal bar 'gyur te don gang yang // rgyu med pa ni gang na'ang med ces bya ba dang / de bzhin du mya ngan 'das pa dngos po min/ rga shi'i mtshan nyid thal bar 'gyur// rga dang 'chi ba med pa yi// dngos po yod pa ma yin no// zhes bya ba la sogs pa phal cher thal ba bsgrub pa kho na'i sgo nas gzhan gyi phyogs sel bar mdzad do// ci ste slob dpon gyi ngag rnams ni don gyi ngag yin pa'i phyir don chen po nyid yin pas sbyor ba du ma'i rgyu nyid du rtog na ni/ slob dpon sangs rgyas bskyangs kyis ngag dag kyang ci'i phyir de ltar yongs su mi rtog/ 'on te sbyor ba'i ngag rgyas par rjod par byed pa gang yin pa 'di ni 'brel pa mkhan po rnams kyi lugs yin no zhe na/ de yang yod pa ma yin te/ rtsod pa bzlog pa'i 'grel pa mdzad pa na/ slob dpon gyis kyang sbyor ba'i ngag ma gsungs pa'i phyir ro// gzhan yang rtog ge pa 'dis bdag nyid rtog ge'i bstan chos la shin tu mkhas pa tsam zhig bstan par 'dod pas/ dbu ma pa'i lta ba khas len bzhin du yang rang gi rgyud kyi sbyor ba'i ngag brjod pa gang yin pa de ni ches shin tu nyes pa du ma'i tshogs kyi gnas su rtogs te/ ji ltar zhe na/ de la re zhig gang 'di skad du/ 'dir sbyor ba'i tshig tu 'gyur ba ni/ don dam par nang gi skye mched rnams
- 9b
bdag las skye ba med par nges te/ yod pa'i phyir dper na shes pa yod pa nyid bzhin no zhes smras pa yin no// 'dir don dam pa zhes bya ba'i khyad par ci'i phyir nye bar bkod pa yin/ gal te 'jig rten gyi kun rdzob tu skye bar khas blangs pa dgag par bya ba ma yin pa'i phyir dang / 'gog na yang khas blangs pas gnod par thal bar 'gyur ba'i phyir ro zhe na/ 'di ni rigs pa ma yin te/ bdag las skye ba ni kun rdzob tu yang khas ma blangs pa'i phyir ro// ji skad du mdo las sa bon gyi rgyu las byung ba'i myu gu de yang skye ba na/ bdag gis ma byas/ gzhan gyis ma byas/ gnyis ka sa ma byas/ dbang phyug gis ma byas/ dus kyis ma bsgyur/ rdul phra rab las ma byung / rang bzhin las ma byung / ngo bo nyid las ma byung / rgyu med pa las ma skyes zhes gsungs pa dang / de bzhin du/ sa bon yod na myu gu ji bzhin te// sa bon gang yin myu gu de nyid min// de las gzhan min de yang ma yin te// de ltar rtag min chad min chos nyid do// zhes gsungs pa dang / 'di nyid las kyang / gang la rten te gar 'byung ba// de ni re zhig de nyid min// de las gzhan pa 'ang ma yin phyir// de phyin chad min rtag ma yin// zhes 'chad do// gzhan gyi lugs la bltos te khyad par du byas so zhe na/ de yang rigs pa ma yin te/ de dag gi rnam par bzhag pa ni kun rdzob tu yang khas blangs pa med pa'i phyir ro// bden pa gnyis kyi phyin ci ma log par mthong ba las nyams pa'i mu stegs pa dag ni ji srid du gnyi ga'i sgo nas 'gog pa de srid du yon tan nyid yin par rtogs so// de ltar na gzhan gyi gzhung la bltos te khyad par brjod pa yang rigs pa ma yin no// gang las de la bltos nas kyang khyad par 'bras bu dang bcas par 'gyur ba 'jig rten pas kyang bdag las skye bar mi rtogs te/ 'jig rten pas ni bdag dang gzhan las zhes bya ba de lta bu la sogs pa'i rnam
- 10a
par spyod pa 'jug pa med par byas nas rgyu las 'bras bu 'byung ngo zhes bya ba 'di tsam zhig rtogs pa yin no// slob dpon yang de ltar rnam par bzhag pa mdzad pa yin te/ de'i phyir rnam pa thams cad du khyad par don med pa nyid do zhes bya bar nges so// gzhan yang gal te kun rdzob tu skye ba dgag par 'dod nas khyad par 'di 'god par byed na ni de'i tshe/ rang la gzhi ma grub pa'i phyogs kyi nyes pa 'am gzhi ma grub pa'i gtan tshigs kyi skyon du 'gyur te/ rang gis don dam par mig la sogs pa'i skye mched rnams khas ma blangs pa'i phyir ro// gal te kun rdzob tu mig la sogs pa yod pa'i phyir nyes pa med do zhe na 'o na don dam par zhes bya ba 'di gang gi khyad par yin/ gal te mig la sogs pa kun rdzob pa rnams don dam par skye ba 'gog pa'i phyir/ don dam pa smos pa ni skye ba la 'gog pa'i khyad par yin no zhe na/ de lta na ni 'o na mig la sogs pa kun rdzob pa don dam par skye ba yod pa ma yin te zhes de skad brjod par bya bar 'gyur na/ de skad du yang ma smras so// smra na yang pha rol po dag gis mig la sogs pa rnams rdzas su yod pa nyid du khas blangs pa'i phyir dang / brtags par yod par khas ma blangs pa'i phyir/ gzhan la gzhi ma grub pa'i phyogs kyi skyon du 'gyur bas 'di ni mi rigs so// ci ste ji ltar sgra mi rtag ces bya ba la chos dang chos can gnyis spyi nyid bzung ba yin gyi/ khyad par ni ma yin te/ khyad par 'dzin na ni rjes su dpag pa dang rjes su dpag par bya ba'i tha snyad med par 'gyur ro// 'di ltar gal te 'byung ba chen po bzhi las gyur pa'i sgra 'dzin na ni de pha rol po la ma grub po// 'on te nam mkha'i yon tan 'dzin na ni de rang nyid sangs rgyas pa la ma grub pa yin no// de bzhin du bye brag pa sgra mi rtag par dam 'cha' ba na yang / byas pa'i sgra 'dzin na de gzhan la ma grub bo//
- 10b
'on te mngon par gsal bar byas pa yin na ni de rang la ma grub pa yin no// de bzhin du ci rigs par 'jig pa yang gal te rgyu dang bcas pa yin na ni/ de sangs rgyas pa rang la ma grub pa yin la/ 'on te rgyu med pa yin na ni de pha rol po la ma grub pa yin no// de'i phyir ji ltar 'dir chos dang chos can spyi tsam zhig 'dzin pa de bzhin du/ 'dir yang khyad par dor ba'i chos can tsam zhig 'dzin par 'gyur ro zhe na/ de ni de ltar yang ma yin te/ 'di ltar gang gi tshe 'dir skye ba bkag pa bsgrub bya'i chos su 'dod pa de'i tshe kho nar de'i rten chos can phyin ci log tsam gyis bdag gi dngos po rnyed pa ni nyams par 'gyur bar 'dis rang nyid kyis khas blangs pa nyid do// phyin ci log dang phyin ci ma log pa dag ni tha dad pa yin no// de'i phyir/ gang gi tshe rab rib can gyi sra shad la sogs pa ltar phyin ci log gis yod pa ma yin pa yod pa nyid du 'dzin pa de'i tshe ni yod par gyur pa'i don cha tsam yang dmigs par ga la 'gyur/ gang gi tshe rab rib can ma yin pas skra shad la sogs pa ltar phyin ci ma log pas yang dag pa ma yin pa sgo mi 'dogs pa de'i tshe na yang gang gis na de'i tshe na kun rdzob tu 'gyur ba yod pa ma yin par gyur pa'i don cha tsam yang dmigs pa gal yod/ de nyid kyi phyir slob dpon gyi zhal snga nas kyis/ gal te mngon sum la sogs pa'i// don gyis 'ga' zhig dmigs na ni// sgrub pa 'am bzlog par bya na de// med phyi rang la klan ka med/ ces gsungs so// gang gi phyir de ltar phyin ci log pa dang phyin ce ma log pa dag tha dad pa de'i phyir phyin ci ma log pa'i gnas skabs na phyin ci log yod pa ma yin pa'i phyir na/ gang zhig chos can nyid du 'gyur ba mig kun rdzob pa lta ga la yor/ de'i phyir gzhi ma grub pa'i phyogs kyi skyon dang / gzhi ma grub pa'i gtan tshigs kyi skyor ldog pa med pa nyid pas 'di lan ma yin pa nyid do//
- 11a
dpe la yang 'dra ba yod pa ma yin no// der ni sgra'i spyi dang mi rtag pa nyid kyi spyi khyad par brjod par mi 'dod pa gnyi ga la yang yod na/ de bzhin du mig gi spyi ni stong pa nyid dang stong pa nyid ma yin par smra ba dag gis kun rdzob tu yang khas ma blangs la/ don dam par yang ma yin pas dpe la yang 'dra ba yod pa ma yin no// gzhi ma grub pa'i phyogs kyi nyes pa brjod pa'i tshul gang yin pa 'di nyid ni/ yod pa'i phyir zhes bya ba'i gtan tshigs 'di la ma grub pa'i skyon brjod pa la yang sbyar bar bya'o// de lta bu de ni 'di ltar yin te/ gang gi phyir ji skad snyad pa'i don 'di ni rtog ge pa 'dis rang nyid kyis khas blangs pa yin no// ji ltar zhe na/ nang gi skye mched rnams skyed par byed pa chu la sogs pa ni yod pa khon yin te/ de ltar de bzhin gshegs pas gsungs pa'i phyir ro// gang de bzhin gshegs pas ji skad gsungs pa de ni de bzhin te/ dper na mya ngan las 'das pa ni ni ba'o zhes bya ba bzhin no// zhes bya ba gzhan gyis bkod pa'i sgrub byed 'di la/ 'dir khyod kyis gtan tshigs don du 'dod pa gang yin/ de bzhin gshegs pas kun rdzob tu de skad gsungs pa'i phyir ram/ 'on te don dam par gsungs pa'i phyir/ gal te kun rdzob tu na ni rang la gtan tshigs kyi don ma grub pa nyid do// 'on te don dam par na ni// gang tshe chos ni yod pa dang // med dang yod med mi 'grub pas// de'i tshe 'bras bu yod pa dang med pa dang / gnyi ga'i bdag nyid kyi rkyen bsal ba'i phyir/ ji ltar sgrub byed rgyu zhes bya// de lta yin na mi rigs so// de ni sgrub par byed pa'i rgyu ma yin pa kho na'o zhes bya ba ni ngag gi don to// de'i phyir don dam par bsgrub par bya ba dang / sgrub par byed pa nyid ma grub pa'i phyir/ gtan tshigs ma grub pa'i don nyid dang 'gal ba'i don nyid do zhes 'das skyon 'di smras pa yin no// gang gi phyir de ltar 'dis rang nyid
- 11b
kyis tshul 'dis gtan tshigs ma grub par khas blangs pa de'i phyir dngos po'i chos gtan tshigs su bkod pa'i rjes su dpag pa thams cad la gtan tshigs la sogs pa rang la ma grub pa'i phyir sgrub par byed pa thams cad rnam par 'jig par 'gyur ro// 'di lta ste/ don dam par nang gi skye mched rnams de dag gi rkyen gzhan dag las skye ba med de/ gzhan yin pa'i phyir dper na bum pa bzhin no// yang na don dam par gzhan gyis brjod par 'dod pa mig la sogs pa'i nang gi skye mched 'grub par byed pa dag rkyen ma yin par nges te/ gzhan yin pa'i phyir/ dper na sAl ma la sogs pa bzhin no zhes bya ba 'dir gzhan nyid ces bya ba la sogs pa rang nyid la ma grub pa yin no// ji ltar 'dis nang gi skye mched rnams skyes pa kho na yin te/ de dag gi yul dang ldan pa'i tha snyad dpyad par can byed pa'i phyir ro// zhes gzhan gyis brjod pa'i gtan tshigs 'di la ma grub par brjod par 'dod pas/ 'di skad du 'on te don dam par rnal 'byor pa mnyam par bzhag pa'i shes rab kyi mig gis dngos po rnams kyi yang dag pa ji lta ba bzhin nyid mthong ba'i skye ba dang 'gro ba la sogs pa dag yod par bsgrub na ni/ de'i tshe de dag gi yul dang ldan pa'i tha snyad khyad par can byed pa'i phyir ro zhes bya ba'i gtan tshigs ma grub pa'i don nyid de/ 'gro ba yang skye ba bkag pa kho nas bkag pa'i phyir ro zhes smras pa yin te de bzhin du rang gis byas pa'i sgrub par byed pa la yang / don dam par ma sor ba la 'gro ba med de/ lam yin pa'i phyir/ song ba'i lam bzhin no// zhes bya ba'i gtan tshigs lam nyid rang nyid la ma grub pa'i don nyid du sbyar bar bya ba la/ don dam par brten pa dang bcas pa'i mig ni gzugs la blta bar mi byed de/ mig gi dbang po yin pa'i phyir/ dper na de dang mtshungs pa bzhin no zhes bya ba dang / de bzhin du mig ni gzugs
- 12a
la blta bar mi byed de/ 'byung ba las gyur pa nyid kyi phyir/ dper na gzugs bzhin no zhes bya ba dang / sa ni sra ba'i ngo bo ma yin te/ 'byung ba yin pa'i phyir/ dper na rlung bzhin no// zhes bya/ ba la sogs pa dag tu yang gtan tshigs la sogs pa rang nyid la ma grub pa sbyar bar bya'o// yod pa'i phyir zhes bya ba'i gtan tshig 'di yang pha rol po'i ltar na/ ci nang gi skye mched rnams yod pa'i phyir shes pa yod pa ltar bdag las mi skye ba zhig gam/ 'on te bum pa la sogs pa bzhin du bdag las skye ba zhig yin zhes ma nges pa yin no// gal te bum pa la sogs pa yang bsgrub byar mtshungs pa'i phyir ma nges pa nyid ma yin no zhe na/ de ni de ltar ma yin te/ de skad du yang ma smras pa'i phyir ro// gal te gzhan gyi rjes su dpag pa dag la skyon ji skad du smras pa de bzhin du rang gi rjes su dpag pa la yang ji skad smras pa'i nyes par thal bas gzhi ma grub pa dang / gtan tshigs ma grub pa la sogs pa'i skyon de nyid du 'gyur ba ma yin nam/ de'i phyir gang gnyi ga la skyon du 'gyur ba des ni gcig la brgal bar mi bya ste/ des na skyon 'di dag thams cad mi rigs par 'gyur ro zhe na brjod par bya ste/ rang gi rgyud kyi rjes su dpag pa smra ba dag la nyes pa 'dir 'gyur gyi/ kho bo cag ni rang rgyud kyi rjes su dpag pa mi sbyor te/ rjes su dpag pa dag ni gzhan gyi dam bca' ba 'gog pa tsam gyi 'bras bu can yin/ pa'i phyir ro// 'di ltar gzhan mig lta'o zhes bya bar rtog pa de ni mig la rang gi bdag nyid mi lta ba'i chos kyang 'dod la/ gzhan la lta ba'i chos med na mi 'byung ba nyid du yang khas blangs pa yin te/ de'i phyir gang dang gang la rang gi bdag nyid lta ba med pa de dang de la ni gzhan la lta ba yang yod pa ma yin te/ dper na bum pa bzhin no// mig la yang rang gi bdag nyid mi lta ba yod pa yin te/ de'i phyir gzhan la lta ba yang 'di la med do// de'i phyir rang
- 12b
gi bdag nyid mi lta ba dang 'gal bar sngon po la sogs pa gzhan la lta ba rang la grags pa'i rjes su dpag pa dang 'gal ba yin no// zhes de la grub pa'i rjes su dpag pas sel bar byed pa yin no// gang gi phyir rjes su dpag pa dag gis 'di tsam zhig brjod par bya ba yin pas/ gang las nyes pa mtshungs par 'gyur ba/ kho bo cag gi phyogs la ji skad ba snyad pa'i skyon 'jug pa ga la yod/ yang ci gang yang rung ba la grub pa'i rjes su dpag pa'i sgo nas kyang rjes su dpag pa'i gnod pa yod dam zhe na/ yod de de yang rang nyid la grub pa'i gtan tshigs nyid kyis yin gyi/ gzhan la grub pas ni ma yin te/ 'jig rten nyid du mthong ba'i phyir ro// 'jig rten na ni res 'ga' dbang po'i rgol ba dang phyir rgol gnyis kyis tshad mar byas pa'i tshig gis rgyal ba 'am 'pham par 'gyur la/ res 'ga' ni rang gi tshig kho nas 'gyur gyi/ gzhan gyi tshig gis ni rgyal ba 'am 'pham par 'gyur ba ma yin no// 'jig rten na ji ltar yin pa de bzhin du rigs pa la yang yin te/ 'jig rten pa'i tha snyad kho na rigs pa'i bstan chos su skabs su bab pa yin pa'i phyir ro// de nyid kyi phyir 'ga' zhig gis gzhan la grags pa'i dbang gis ni rjes su dpag pa'i gnod pa ma yin te/ gzhan la grags pa nyid dgag par 'dod pa'i phyir ro zhes bshad do// gang zhig gang gnyi ga la nges par brjod pa de ni bsgrub pa 'am sun 'byin pa yin gyi/ gang yang rung ba la grub pa'am the tshom za ba smra ba ni ma yin no snyam du sems pa des kyang 'jig rten gyi tha snyad kyi rnam par bzhag pa la brten nas rjes su dpag pa la ji skad smras pa'i tshul 'di nyid khas blang bar bya'o// 'di ltar lung gis gnod pa ni gnyi ga la grub pa'i lung kho na'i sgo nas ma yin te/ 'o na ci zhe na/ rang la grub pa'i sgo nas kyang yin no// rang gi don gyi rjes su dpag pa ni thams cad du
- 13a
rang la grub pa nyid brling ba yin gyi/ gnyi ga la grub pa ni ma yin no// de nyid kyi phyir rtog ge'i mtshan nyid brjod pa ni dgos pa med pa yin te/ sangs rgyas rnams kyis rang la ji ltar grags pa'i 'thad pas de kho na mi shes pa'i gdul bya'i skye bo la phan btags pa'i phyir ro// shin tu smos pas chog go// dkyus ma nyid bshad par bya'o// dngos po rnams ni gzhan las skye ba yang ma yin te/ gzhan med pa'i phyir ro// ring yang dngos po rnams kyi rang bzhin ni// rkyen la sogs pa yod pa ma yin/ zhes bya ba der 'chad par 'gyur ro// de'i phyir gzhan med pa nyid kyi phyir gzhan las kyang skye ba ma yin no// gzhan yang gzhan la brten nas gal te gzhan zhig 'byung bar 'gyur na ni/ 'o na me lce las kyang mun pa mthug po 'byung 'gyur zhing / thams cad las kyang thams cad skye bar 'gyur te/ gang gi phyir/ skyed par byed pa ma yin ma lus la'ang gzhan nyid mtshungs/ zhes bya ba la sogs pas gzhan las skye ba dgag pa dbum pa la 'jug pa las nges par bya'o// slob dpon sangs rgyas bskyangs ni dngos po rnams gzhan las skye ba med de/ thams cad las kyang thams cad skye bar 'gyur ba'i phyir ro// zhes rnam par 'chad do// 'di la slob dpon legs ldan 'byed ni des na de la thal bar 'gyur ba'i ngag yin pa'i phyir/ bsgrub par bya ba dang sgrub par byed pa bzlog par byas na/ dngos po rnams padag gas gnyis sa ma na med pa las skye bar 'byur ba dang / 'ga' zhig las 'ag zhig smra bar 'gyur ba'i phyir phyogs gang ma dang 'gal bar 'gyur ro// gzhan du na yang thams cad las thams cad skye bar 'gyur ba'i phyir ro// de bas na de la sgrub pa dang sun 'byon pa nyid med pa'i phyir/ don don 'bral ba med pa yin te zhes sun 'byin smra'o// 'di yang don 'brel pa med pa ma yin te/ gong lonar bstan zin pa'i phyir
- 13b
dang / gzhan gyis dam bcas pa'i don san 'byin par byed pa yin dang / sran 'byin pa nyid kyang yin pa bya dza bya na// nas na thar yang 'thad par ma byar// dngas pa rnams ni gnyig las skye ba yang ma yin/ phyogs gnyig la smras pa'i nyes par thal ba'i phyir dang / re re la skyed par byed pa'i nus pa med pa'i phyir ro// gal te re re byas 'gyur na// sdug bsngal gnyigs byas par 'gyur// zhes 'chad par 'gyur ro// rgyu med pa las kyang mi skye ste/ rgyu med na ni 'bras bu dang // rgyu yang 'thad par mi 'gyur ro// zhes byab la sogs pas 'chad par 'byur ba'i skyon du thal bar 'gyur ba'i phyir dang / gal te rgyu yis stong na 'gro ba 'di dag gzung bya min/ ji ltar nam mkha'i ut+pa la'i dri dang kha dge bzhin/ zhes bya ba la sogs pa'i nyes par thal bar 'gyur ba'i phyir ro// slob dpon sangs rgyas bsrungs ni dngos po rnams rgyu med pa las kyang skye ba med de// rtag tha thams cad las thams cad skye ba thal bar 'gyur ro zhes 'chad do// 'di la yang slob dpon legs ldan 'byed/ de la yang thal bar 'gyur ba'i ngag yin pa'i phyir/ gal te bsgrub par bya ba dang sgrub par byed pa bzlog pa gsal ba dag gi don du mngon par 'dod na/ de'i tshe 'di skad du/ dngos po rnams rgyu las skye bar 'gyur ba dang / lan 'gal ba cig las kha cig skye bar 'gyur ba dang / rtsom pa 'bras bu dang btsas pa nyid du 'gyur ba'i phyir ro// zhes bstan par 'gyur na/ bshad pa de ni mi rigs te/ sngar spras po'i skyon du 'gyur ba'i phyir ro// zhes sun 'byin par smra'o// gzhan dag na re 'di ni mi rigs te sngar lan btab zin pa'i phyi ro zhi'o// gang yang dbang phyug la sogs pa nye bar bsdu ba'i phyir yin no zhes bya ba de yang rigs pa ma yin te/ dbang phyug la sogs pa rnams ni las blangs pa ji lta ba bzhin du bdag dang gzhan dang gnyi ga'i phyogs dag tu
- 14a
'du ba'i phyir ro// de'i phyir skye ba yod pa ma yin no zhes bya ba 'di basbubs pa yin la/ skye ba yod pa ma yin pas/ rten cing 'brel par 'byung ba skye ba med pa la sogs pas khyad par du byas pa grub pa yin/ 'dir smras pa gal te de ltar rten cing 'brel par 'byung ba skye ba med pa la sogs pas khyad par byas pa rnam par bzhag na/ 'o na ni bcom ldan 'das kyis ma rig pa'i rkyen gyis 'du byed rnams skye ba dang / ma rig pa 'gags pas 'du byed 'gag ces bya ba dang / de bzhin du kye ma 'du byed rnams mi rtag/ skye zhing 'jig pa'i chos can yin// skyes nas 'jig par 'gyur ba ste// de dag nye bar zhi ba bde// zhes bya ba dang / de bzhin du de bzhin gshegs pa rnams byung yang rung / de bzhin gshegs pa rnams ma byung yang rung / chos rnams kyi chos nyid 'di ni gnas pa kho na ste zhes bya ba dang / sems can gnas par byed pa'i chos ni cig ste/ gang zas bzhi'o// 'jig rten skyong ba'i chos ni gnyis te/ ngo tsha shes pa dang khrel yod pa'o zhes bya ba la sogs pa dang // de bzhin du 'jig rten pha rol nas 'dir 'ongs so// 'jig rten 'di nas 'jig rten pa rol tu 'gro'o zhes de ltar rten cing 'brel par 'byung ba 'gag pa la sogs pas khyad par du byas pa bstan pa gang yin pa de ji ltar 'gal bar mi 'gyur zhe na/ gang gi phyir de ltar rten cing 'brel par 'byung ba 'gag pa la sogs pa dag yod par thos par 'gyur ba de nyid kyi phyir slob dpon gyis drang ba dang nges pa'i don gyi mdo sde'i rnam par dbye ba bstan par bya ba'i phyir dbu ma'i bstan chos 'di mdzad pa yin no// de la rten cing 'brel par 'byung ba lceb la mags pa dag pa sa pa gang yin pa dang das gas pa sa nga la pa dgag sa shes zag pa med pa la yul gyi pa na la pams dpa ni ma yinan// nacanan/ mngon pa'i gang kyi
- 14b
gros kyis mig nyams par byas pa dag gi shes pa'i yul la bltos nas yin no// de kho na gzigs pa la bltos nas ni bcom ldan 'das kyis dge slong dag 'di ni bden pa dam pa ste/ 'di lta ste/ bslu ba med pa'i chos can mya ngan las 'das pa'o// 'du byed thams cad ni rdzun pa bslu ba'i chos can no zhes bya ba la sogs pa gsungs so// de bzhin du 'di na de bzhin nyid dam byin ci ma log pa'i de bzhin nyid ni med kyi// 'di dag ni slu bar byed pa'i chos can no// 'di dag ni rdzun pa sgyu ma byis pa 'drid pa'o zhes gsungs so// de bzhin du/ gzugs ni dbu brdos pa 'dra// tshor ba chu yi chu bur bzhin// 'du shes smig rgyu lta bu ste// 'du byed chu shing sdong po 'dra// rnam shes sgyu ma lta bu zhes// nyi ma'i gnyen gyis bka' stsal to// zhes bya ba dang / de bzhin du dge slong brtson 'grus brtsams pa dran pa dang shes bzhin dang ldan pa nyin dang mtshan du chos la so sor rtog par byed pa na// 'du byed thams cad ni nye bar zhi ba'i go 'phang zhi ba/ chos rnams bdag med pa nyid rtogs par 'gyur ro// zhes bya ba la sogs pa gsungs so// de lta bur bstan pa'i dgongs pa mi shes pas/ 'dir de kho na'i don can gyi bstan pa ni gang zhig yin/ dgongs pa can ni 'dir gang zhig yin snyam du gang zhig the tshom du 'gyur ba dang / gang zhig blo zhan pa nyid kyis drang ba'i don gyi bstan pa la nges pa'i don du rtogs pa de gnyi ga'i the tshom dang log pa'i shes pa dag rigs pa dang lung gnyis kyi sgo nas bsal bar bya ba'i phyir/ slob dpon gyi 'di brtsams so// de la bdag las ma yin// zhes bya ba la sogs pas ni rigs pa gsungs pa yin no// bcom ldan 'das kyis chos gang zhig/ bslu ba de ni brdzun zhes gsungs// 'du byed thams cad bslu ba'i chos// des na de dag brdzun pa yin// sngon
- 15a
mtha' sngon nam zhes zhus tshe// thub pa chen pos min zhes gsungs// 'khar ba thog ma mtha' med de// de la sngon med phyi ma med// bcom ldan dngos dang dngos med pa// mkhyen pas kA t+yA ya na yi// gdams ngag las ni yod pa dang // med pa gnyi ga'ang dgag pa mdzad// zhes bya ba la sogs pa lung gsungs pa yin no// 'phags pa blo gros mi zad pas bstan pa'i mdo las/ nges pa'i don gyi mdo sde ni gang // drang ba'i don gyi mdo sde ni gang zhe na/ mdo sde gang dag lam la 'jug pa'i phyir bstan pa de dag ni drang ba'i don zhes bya'o// mdo sde gang dag 'bras bu la 'jug pa'i phyir bstan pa de dag ni nges pa'i don zhes bya'o// mdo sde gang dag bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bdag dang / byed pa po dang / tshor ba po dang / sgra rnam pa sna tshogs su bshad pa dang / bdag po med pa la bdag po dang bcas par bstan pa de dag ni drang ba'i don zhes bya'o// mdo sde gang dag stong pa nyid dang // mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba dang / dngos po med pa dang / bdag med pa dang / sems can med pa dang / srog med pa dang / gang zag med pa dang / bdag po med pas na// rnam par thar pa'i sgo'i bar du bstan pa de dag ni nges pa'i don zhes bya ste/ 'di dag ni nges pa'i don gyi mdo sde la rton gyi/ drang ba'i don gyi mdo sde la mi rton pa zhes bya'o zhes gsungs pa dang / de bzhin du 'phags pating nge 'dzin gyi rgyal po las kyang / ston pa bde bar gshegs pas bshad pa ltar// nges don mdo sde dag gi bye brag shes// gang las sems can gang zag skyes bu bstan// chos de thams cad drung ba'i don du
- 15b
shes zhes gsungs so// de'i phyir skye ba la sogs pa bstan pa rnams rdzun pa'i don can du bstan pa'i phyir/ slob dpon gyis rten cing 'brel par 'byung rjes su ston pa brtsams so// gal te skye ba la sogs pa mi srid pa yin dang / chos thams cad rdzun pa nyid du bstan par bya ba'i phyir slob dpon gyis 'di brtsams pa yin na/ de lta na ni gang rdzun pa de ni yod pa ma yin pas mi dge ba'i las dag med par 'gyur la/ de med pas ngan 'gro dag med par 'gyur zhing / dge ba dang bde 'gro dag kyang med par 'gyur ro// bde 'gro'ang ngan 'gro med pa'i phyir 'khor ba yang yod pa ma yin pas/ rtsom pa thams cad don med pa nyid du 'gyur ba ma yin nam zhes bshad par bya ste/ kun rdzob kyi bden pa la bltos nas 'di bden par zhen pa'i 'jig rten pa'i gnyen po nyid du kho bo cag gis dngos po rnams rdzun pa'i don du bstan gyi/ gang zhig rdzun pa 'am rdzun pa ma yin par 'gyur ba 'phags pa rnams kyis ni cung zad kyang gzigs pa ma yin no// gzhan yang gang gis chos thams cad rdzun pa'i don can nyid du yongs su mkhyen pa de la ci las yod cing 'khor ba yod dam/ 'dis ni chos 'ga' yang yod pa nyid dam med pa nyid du dmigs pa yang ma yin no// ji skad du bcom ldan 'das kyis 'phags pa dkon mchog brtsegs pa'i mdo las/ 'od srungs sems ni kun tu btsal na mi rnyed do// gang ma rnyed pa de ni mi dmigs pa'o// gang mi dmigs pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no// gang 'das pa yang ma yin/ ma 'ongs pa yang ma yin/ da ltar byung ba yang ma yin pa de la ni ngo bo nyid med do// gang ngo bo nyid med pa de la 'byung ba med do// gang 'byung ba med pa de la 'gag pa med do// zhes rgya cher gsungs pa lta bu'o// gang dag phyin ci log dang ldan pas
- 16a
chos rnams rdzun pa nyid du khong du mi chud cing / dngos po rnams rang bzhin yod par rtogs nas mngon par zhen pa de ni chos rnams la 'di bden par mngon par zhen pa nyid kyi sgo nas mngon par zhen par gyur dang / las kyang byed cing 'khor bar 'gyur la/ phyin ci log la gnas pas mya ngan las 'das pa thob pa'i skal ba can du yang mi 'gyur ro// yang ci dngos po rdzun pa'i rang bzhin can rnams kyang / kun nas nyon mongs pa dang rnam par byang ba'i rgyur 'gyur ram zhe na/ 'gyur te dper na sgyu ma'i na chung ni de'i rang bzhin mngon par mi shes pa rnams kyi kun nas nyon mongs pa'i rgyu yin la/ de bzhin gshegs pa'i sprul pa ni dge ba'i rtsa ba bsags pa rnams kyi rnam par byang ba'i rgyur 'gyur ba bzhin no// lhag pa'i bsam pa bstan pa'i mdo las/ rigs kyi bu 'di lta ste/ dper na la la zhig gis sgyu ma mkhan gyi rol mo byung ba'i sgyu ma mkhan gyis sprul pa'i bud med mthong nas 'dod chags kyis sems dkris nas 'khor gyis 'jigs shing bag tsha ste/ stan las langs nas song ste/ de song nas bud med de nyid la/ mi sdug pa dang / gtsang ba dang / mi rtag pa dang / sdug bsngal ba dang / stong pa dang / bdag med par yid la byed na zhes rgyas par gsungs so// 'dul ba las kyang / 'khrul 'khor mkhan gyis byas pa'i 'khrul 'khor gyi na chung ni yang dag par bden pa'i na chung gis stong bzhin du/ ri mo mkhan gyi 'dod pa'i 'dod chags kyi gzhir gyur par bshad do// dpe de bzhin du dngos po rdzun pa'i rang bzhin can rnams kyang byis pa rnams kyi kun nas nyon mongs pa'i rgyu yin no// de bzhin du 'phags pa dkon mchog brtsegs pa las kyang / de nas dge slong bsam gtan thob pa lnga brgya ni bcom ldan 'das kyi chos bstan pa 'di la mi 'jug ste/ ma togs ma mos pas stan las langs
- 16b
te dong ngo // de nas bcom ldan 'das kyis dge slong de dag la ma gang nas dong ba'i lam der dge slong gnyis shig sprul pa sprul te/ de nas dge slong lnga brgya po de dag dge slong de gnyis lam gang nas dong ba'i lam der dong ste phyin pa dang 'di skad ces smras so// tshe dang ldan pa dag gar dong / sprul pa gnyis kyis smras pa/ kho bo cag ni dgon pa'i gnas su bsam gtan gyi bde ba la reg par gnas par bya bar dong ngo // de ci'i phyir zhe na/ kho bo cag ni bcom ldan 'das kyi chos bstan pa gang yin pa'i chos bstan pa de la mi 'jug ste/ ma rtogs mi mos shing / skrag ste kun tu dngangs/ kun tu rab tu dngangs par gyur nas kho bo cag dgon pa'i gnas rnams su bsam gtan gyi bde ba la reg par gnas pa rnams kyis gnas par bya'o// de nas dge slong lnga brgya po de dag gis 'di skad ces smras so// tshe dang ldan pa dag/ kho bo cag kyang bcom ldan 'das kyis chos bstan pa la mi 'jug ste/ ma rtogs ma mos shing skrag ste/ kun tu dngangs kun tu rab tu dngangs par gyur te/ de'i phyir kho bo cag kyang dgon pa'i gnas rnams su bsam gtan gyi bde ba la reg par gnas pa rnams kyis gnas par bya'o// sprul pa dag gis smras pa/ tshe dang ldan pa dag de'i phyir bdag cag yang dag par 'gro bar bya'o// rtsod par mi bya'o// rtsod pa med pa lhur byed pa ni dge sbyong gi chos so// tshe dang ldan pa dag gang 'di yongs su bya ngan las 'das pa zhes bya ba gang / yongs su mya ngan las 'da' bar 'gyur ba'i chos de gang / lus 'di la bdag gam/ sems can nam/ srog gam/ skye ba po 'am/ skyes bu 'am/ gang zag gam/ shed las skyes sam/ shed bu'am/ gang yongs su mya ngan las 'da' bar 'gyur/ gang zad pas yongs su mya ngan las 'da'/ de dag gis smras pa/ 'dod chags zad zhe sdang zad gti mug zad pas yongs su mya ngan
- 17a
las 'da'o// sprul pa gnyis kyis smras pa/ tshe dang ldan pa dag/ 'dod chags dang zhe sdang dang gti mug yod pa yin nam/ ci nam de zad par bya/ de dag gis smras pa/ de dag ni nang na yang med phyi rol na yang med/ gnyi ga med par yang mi dmigs te/ de dag ni yongs su ma brtags pa las kyang mi skye'o// sprul pa gnyis kyis smras pa/ tshe dang ldan pa dag de lta bas na bdag tu ma rtog rnam par ma rtog cig/ tshe dang ldan pa dag nam mi rtog rnam par mi rtog pa de'i tshe chags par mi 'gyur chags pa dang bral bar yang mi 'gyur ro// chags pa med cing chags pa dang bral ba yang med pa gang yin pa de ni zhi ba zhes bya'o// tshe dang ldan pa dag tshul khrims ni mi 'khor zhing yongs su mya ngan las mi 'da'o// tshe dang ldan pa dag ting nge 'dzin dang / shes rab dang / rnam par grol ba dang / rnam par grol ba'i ye shes mthong ba yang mi 'khor zhing yongs su mya ngan las mi 'da'o// tshe dang ldan pa dag/ chos de dag gis yongs su mya ngan las 'da' bar ston na/ chos de dag kyang stong pa dben pa gzung du med pa'o// tshe dang ldan pa dag 'di lta ste/ mya ngan las 'das pa'i 'du shes spongs shig/ 'du shes la yang 'du shes su ma byed cig/ 'du shes la 'du shes kyis yongs su shes par ma byed cig/ gang 'du shes la 'du shes kyis yongs su shes pa de'i de ni 'du shes la yongs su bcings pa yin no// tshe dang ldan pa dag/ khyed 'du shes dang tshor ba 'gog pa'i snyoms par 'jug pa la snyoms par zhugs shig/ tshe dang ldan pa dag/ dge slong 'du shes dang tshor ba 'gog pa'i snyoms par 'jug pa la snyoms par zhugs pa las gong na bya ba med do zhes smra'o// chos kyi rnam grangs 'di bshad pa'i tshe dge slong lnga brgya po de dag len pa med par zag pa rnams las sems rnam par grol lo// de dag
- 17b
sems rnam par grol nas bcom ldan 'das ga la ba der dong ste lhags pa dang / bcom ldan 'das kyi zhabs la mgo bos phyag 'tshal te/ phyogs gcig tu 'khod do// de nas tshe dang ldan pa rab 'byor gyis dge slong de dag la 'di skad ces smras so// tshe dang ldan pa dag gar dong / gang nas lhags/ de dag gis smras pa/ btsun pa rab 'byor gang du yang 'gro ba med pa dang / gang nas kyang 'ong ba med pa'i phyir bcom ldan 'das kyis chos bstan to// smras pa tshe ldan pa dag khyed kyi ston pa gang yin/ smras pa gang ma skyes shing yongs su mya ngan las mi 'da' ba'o// smras pa khyed kyis ji ltar chos thos/ smras pa bcings pa'i phyir yang ma yin/ thar pa'i phyir yang ma yin no// smras pa khyed sus btul// smras pa su la lus med cing sems med pas so// smras pa khyed ji ltar brtson/ smras pa ma rig pa spang ba'i phyir yang ma yin rig pa bskyed pa'i phyir yang ma yin no// smras pa khyed ji ltar rnam par grol/ smras pa/ sbyor ba'i phyir yang ma yin/ spang ba'i phyi na yang ma yin no// smras pa khyed su'i nyan thos/ smras pa gang gis thob pa med cing mngon par rdzogs par sangs rgyas pa med pa'i 'o// smras pa khyed kyi tshangs pa mtshungs par spyod pa gang / smras pa gang khams gsum na mi rgyu ba rnams so// smras pa tshe dang ldan pa dag ji srid cig na/ yongs su mya ngan las 'da'/ smras pa de bzhin gshegs pa'i sprul pa nam yongs su mya ngan las 'da' ba na'o// smras pa khyed kyi bya ba byas sam/ smras pa ngar 'dzin pa dang yir 'dzin pa yongs su shes pas so// smras pa khyed kyi nyon mongs pa zad dam/ smras pa chos thams cad gtan du zad pa'i phyir ro// smras pa khyed kyis bdud btul lam/ smras pa phung po'i bdud mi dmigs pa'i phyir ro// smras pa khyed kyis ston pa la bsnyen
- 18a
bkur byas sam/ smras pa lus kyis kyang ma byas/ ngag gis kyang ma byas/ sems kyis kyang ma byas so// smras pa khyod kyis yon gnas kyis sbyangs sam/ smras pa 'dzin pa med cing sdud pa med pas so// spras pa khyed 'khor ba las brgal tam/ spras pa chad pa med cing rtag pa med pa'i phyir ro// smras pa khyed yon gnas kyisar zhugs sam/ smras pa 'dzin pa thams cad las rnam par grol ba'i phyir ro// smras pa tshe dang ldan pa dag gar 'gro// smras pa de bzhin gshegs pa'i sprul pa gang du bzhud par ro// de ltar tshe dang ldan pa rab 'byor gyis yongs su dris te/ dge slong de dag gis lan btab nas 'khor de'i dge slong brgyad brgya ni len pa med par zag pa rnams las sems rnam par grol lo// srog chags sum khri nyis stong ni chos rnams la chos kyi mig rdul med cing dri ma dang bral ba rnam par dag go// zhes gsungs so// de ltar na dge slong de bzhin gshegs pa'i sprul pardzun pa'i rang bzhin can gnyis kyis dge slong lnga brgya'i rnam par byang ba'i rgyu byas pa yin no// 'phags pa rdo rje snying po las kyang / 'jam dpal 'di lta ste dper ni/ gtsub shing deng gtsu bstan la brten/ me'i lag pa'i rtsol ba la brten nas dub 'byung zhing / me mngon par 'grub ste/ me de yang gtsub shing la'ang mi gnas gtsub stan la'ang mi gnas/ mi'i lag pa'i rtsol ba la'ang mi gnas so// 'jam dpal de bzhin du med pa las skyes bu gang zag rmongs pa la 'dod chags dang zhe sdang dang gti mug gi yongs su gdung ba'ang 'byung ste/ yongs su gdung ba deyung nang na'ang mi gnas kyi rol na'ang mi gnas/ gnyig med par yang mi gnas mod kyi/ 'jam dpal 'on kyang gti mug ces bya'o// de ci'i phyir gti mug ces brjod par bya zhe na/ 'jam dpal gti mug nga mam pamam ma mtsham sa mam ma mamam se ba ba sa ba nga mtsha ma ma ma ma mams mam mas ma ma ma bams mang
- 18b
ni chos thams cad rab tu grol ba ste/ des na gti mug ces bya'o zhes bya ba dang / de bzhin du 'jam dpal chos thams cad ni sems can dmyal ba'i sgo ste/ 'di ni gzungs kyi tshig go// gsol pa bcom ldan 'das ji ltar na 'di gzungs kyi tshig lags/ bka' stsal pa 'jam dpal sems can dmyal ba dag ni byis pa so so'i skye bo rnams kyis yod pa ma yin pa la phyin ci log gis bsgrubs shing / rang gi rnam par rtog pa las byung ba'o// gsol pa bcom ldan 'das sems can dmyal ba dag gang du yang dag par 'du bar 'gyur/ bcom ldan 'das kyis bka' stsal pa/ 'jam dpal sems can dmyal ba dag ni nam mkhar yang dag par 'du bar 'gyur ro// 'jam dpal de ji snyam du sems/ sems can dmyal ba rang gi rnam par rtog pa las byung ngam/ 'on te ngo bo nyid las byung / gsol pa/ bcom ldan 'das byis pa so so'i skye bo rnams ni rang gi rtog pa kho nas sems can dmyal ba dang / dud 'gro'i skye gnas dang / gshin rje'i 'jig rten du 'du shes te/ de dag ma mchis pa la spro btags pa'i slad du tshor ba sdug bsngal myong zhing / ngan song gsum du sdug bsngal nyams su myong bar 'gyur lags so// bcom ldan 'das bdag gis ni ji ltar sems can myal pa ma thams pa de bzhin du sems can dmyal ba'i sdug bsngal yang mkhums so// bcom ldan 'das 'di lta ste/ skyes bral la zhig gnyid kyis log ste rmi laman bdag nyid sems can dmyal bar ltung bar 'du shes par gyur la/ des de na lcags kyi bum pa skyes bu du ma dang ldan pa khol ba 'bar bar bdag nyid bcug par yang 'du shes par 'gyur ro// des de na sdug bsngal gyi tsher ba drag cing mi bzad la gnag par dga' zhing yid du mi 'ong ba myong bar 'gyur ro// des de na yid kyi yongs su gdung ba myong bar 'gyur/ de de na
- 19a
skrag par 'gyur/ dngangs par 'gyur/ kun tu dngangs par 'gyur ro// de de nas sad par gyur zhing rlom pa dang bcas pas kye ma sdug bsngal lo// kye ma sdug bsngal lo zhes du zhing / tshangs 'debs la smre sngags 'don par 'gyur lags so// de nas de la thogs po dang mnyen dang stag gi gnyen mtshams rnams kyis ma zhig gis 'di ltar 'di sdug bsngal bar gyur nas dris pa dang / dpogs po dang gnyen dang sdug gi gnyen mtshams de dag la 'di skad dungs ni sems can dmyal ba'i sdug bsngal nyams su myong ngo zhes smra bar bgyid/ de bdag gis ni sems can dmyal ba'i sdug bsngal nyams pa myong na/ khyed cag ci zhig gis 'di ltar khyod sdug bsngal bar gyur zhes 'dri bar byed dam zhes de ga la cho nges 'debs par bgyid/ spyo bar bgyid do// de nas skyes bu de la grogs po dang gnyen dang sdug gi gnyen mtshams de dag 'di skad du/ kye skyes bu ma 'jigs shig ma 'jigs shig/ khyod ni gnyid kyis log pa yin m+b+hi/ khyod kyi pa 'di nas gar yang song ba med do zhes su byur bgyid do// de yang bdag ni gnyid kyis log par gyur te/ yang dag pa ma yin pa 'di bdag gis kun tu brtags so snyam du de la dran pa skye bar 'gyur zhing / slar yang de yid bde ba 'thob par 'gyur lags so// bcom ldan 'das ji ltar skyes bu ga nyid kyis log pa de yod pa ma yin pa la sgro btags nas bdag nyid rmi lam du dmyal bar song bar 'du shes par 'gyur ba de bzhin du/ bcom ldan 'das byis pa sa so'i skye ba bden pa ma lags pa'i 'dod chags kyis kun nas bcings pa thams cad bud ma la mtshan mar rtag par bgyid da// de dag bud med la mtshadamar btags nas bdag nyid de dag dang stan cig ce zhing dga' bar 'dugs so// byis pas sa 'gyi ba de 'di sams
- 19b
bdag ni skyes pa'o// 'di ni bud med do// bud med 'di bdag gi'o snyam du 'gyur zhing de 'dun pa'i 'dod chags kyis kun nas dkris pa'i sems des longs spyod tshol bar sems 'jug par 'gyur lags so// de gzhi de las 'thab pa dang / rtsod pa dang g.yul 'gyed par bgyid cing / gdug pa'i dbang po dang ldan pa de la 'khon du 'dzin pa 'byung bar 'gyur lags so// rlom pa dang bcas pa de 'du shes phyin ci log des 'chi ba'i dus bgyis par gyur nas bdag nyid bskal pa stong phrag mang por sems can dmyal ba dag tu sdug bsngal gyi tshor ba myong bar 'du shes so// bcom ldan 'das ji ltar skyes bu de la grogs po dang / gnyen dang stag gi gnyen mtshams rnams kyis 'di skad du kyi skyes bu ma 'jigs ma 'jigs shig khyod ni gnyid kyis log pa yin gyi/ khyod khyim 'di nas gar yang song ba med do zhes smra bar bgyid pa de bzhin du/ bcom ldan 'das sangs rgyas bcom ldan 'das rnams kyis kyang phyin ci log bzhis phyin ci log tu byung ba'i sems can rnams la 'di skad du chos bstan te/ 'di la bud med kyang med skyes pa yang meng+ge/ snrums pa yang med/ srog kyang zad / gas pa yang zad/ gang na cung mdas/ sa 'di thams pa ni mig pa/ sa di tha thams cadan med pa ma yin pa/ da thams cad ni sbyin ci log gis bsgrubs pa/ chos 'di dag thams cad ni snyam lta bu/ rmi la ma lta bu/ chos 'di dag thams cad ni sprul pa lta ba/ chos 'di dag thams cad ni chu sra bu ste zhes rgyas par 'byung ba dang / de bzhin du de dag de bzhin gshegs pa'i chos bstan pa thos nas chos thams cad 'dod chags dang bral bar khams so// chos thams cad zhe sdang dang bral ba dang / gti mug dang bral ba dang / ra ba nyid med pa dang sgrib pa med par
- 20a
khums so// de dag sems nam mkha' la gnas pas 'chi ba'i dus bgyid par 'gyur zhing / 'chi ba'i dus bgyis ma thag tu phung po lhag ma med pa'i mya ngan las 'das pa'i dbyings su mya ngan las 'da' ste/ bcom ldan 'das de ltar bdag gis sems can dmyal ba khums lags so zhes gsungs so// 'phags pa nye ba 'khor gyis zhus pa las kyang / sems dmyal 'jigs pa nga yis bstan byas te// sems can stong phrag du ma skyo byas kyang // gang dag shi 'phos ngan song drag 'gro ba'i// 'gro ba de dag nam yang yod ma yin// gang dag ral gri mda' chen mtshon 'byin pa'i// gnod pa byed pa yod pa ma yin/ te// rtog pa'i dbang gis ngan song de dag na// lus la 'bab mthong de na mtshon cha med// sna tshogs yid dka' me tog kha bye zhing // gser gyi khang mchog 'bar ba yid 'ong ba// 'di na de la'ang byed pa 'ga' med do// de dag rtog pa'i dbang gis bzhag pa yin// rtog pa'i dbang gis 'jig rten rnam brtags te// 'du shes 'dzin pas byis pa rnam par phye// 'dzin dang 'dzin med de yang 'byung min te// yongs su rtog/ pa sgyu ma smig rgyu bzhin// zhes gsungs so// de'i phyir de ltar na dngos po yod pa ma yin pa'i rang bzhin can phyin ci log gis bzhag pa rnams ni 'khor ba na byis pa rnams kyi kun nas nyon mongs pa'i rgyur 'gyur ro/ zhes bya bar gnas so// dngos po rdzun pa'i rang bzhin can rnams ji ltar kun nas nyon mongs pa dang / rnam par byang ba'i rgyu nyid yin pa de ltar ni rgyas par dbu ma la 'jug pa las nges par bya'o// 'dir smras pa// / gal te bdag dang gzhan dang gnyi ga dang rgyu med pa las dngos po rnams skye ba yod pa ma yin na/ ji ltar bcom ldan 'das kyis ma rig pa'i rkyen gyis 'du byed rnams zhes gsungs/ bshad par bya ste/ 'di ni kun
- 20b
rdzob yin gyi de kho na nyid ni ma yin no// ci kun rdzob rnam par bzhag pa brjod par bya ba yin nam zhe na/ rkyen nyid 'di pa tsam gyis kun rdzob grub par khas len gyi/ phyogs bzhi khas blangs pa'i sgo nas ni ma yin te/ dngos po rang bzhin dang bcas pa smra bar thal bar 'gyur ba'i phyir dang / de yang rigs pa ma yin pa'i phyir ro// rkyen nyid 'di pa tsam zhig khas blangs na ni rgyu dang 'bras bu gnyis phan tshun bltos pa'i phyir/ ngo bo nyid kyis grub pa yod pa ma yin pas dngos po rang bzhin dang bcas par smra bar 'gyur ba ma yin no// de nyid kyi phyir/ sdug bsngal rang gis byas pa dang // gzhan gyis byas dang gnyigs byas// d+hu mad ga pa yis 'did// khyad kyis brten nas 'byung bar gsungs/ zhes gsungs so// 'di nyid las kyang / byed pa las la brji byas shing // lus kyang byed pa 'ad la// bzhin nus 'byung ba mag gas po// grub pa'i rgyu ni ma mthong ngo // zhes 'chad par 'gyur ro// bcom ldan 'das kyis kyang de la chos kyi brda ni 'di yin te/ 'di lta ste 'di yod pas 'di 'byung la/ 'di skyes pas 'di skye ste/ gang 'di ma rig pa'i rkyen gyis 'du byed rnams/ 'du byed kyi rkyen gyis rnam par shes pa zhes bya ba la sogs pa 'di tsam zhig kho na gsungs so// 'dir 'ga' zhig dag rgol bar byed de/ dngos po rnams skye ba med do snyam pa'i nges pa 'di tshad ma las skyes pa zhig gam/ 'on te tshad ma ma yin pa las skyes pa zhig yin grang / de la gal te tshad ma las skyes par 'dod na ni/ tshad ma dag ni du zhig/ mtshan nyid ni gang // yul dag ni ci zhig ci bdag las skyes pa zhig gam/ gzhan nam gnyi ga 'am rgyu med pa las yin zhes bya ba 'di brjod par bya'o// 'on te tshad ma ma yin pa las skyes pa yin na ni/ de ni mi rigs te/ gzhal bya rtogs pa ni tshad ma la rag/
- 21a
las pa'i phyir te/ rtogs par ma gyur pa'i don ni tshad ma med par rtogs par mi nus so// tshad ma med pas don rtogs pa yang med na ni khyod kyi yang dag pa'i nges pa 'di ga las 'gyur te/ de'i phyir dngos po rnams skye ba med do zhes bya ba 'di ni rigs pa ma yin no// yang na khyed kyi dngos po rnams skye ba med do zhes bya ba'i nges pa 'di gang las gyur pa 'di nyid las nga'i dngos po thams cad yod pa yin no zhes bya ba yang yin la/ yang ji ltar khyod kyi dngos po thams cad skye ba med do zhes bya ba'i nges pa 'dir 'gyur ba de kho na ltar nga'i dngos po thams cad skye bar yang 'gyur ro// ci ste khyod la dngos po thams cad skye ba med do snyams pa'i nges pa 'di med na ni/ de'i tshe rang nyid kyis kyang ma nges pas gzhan khong du chud par byed pa mi srid pa'i phyir bstan chos rtsom pa don med pa nyid du 'gyur te/ des na dngos po thams cad bkag pa/ med par yod pa yin no zhe na/ brjod par bya ste/ gal te kho bo cag la nges pa zhes bya ba 'gag zhig yod par 'gyur na ni/ de tshad ma las skyes pa'am/ tshad ma ma yin pa las skyes pa zhig tu 'gyur na/ yod pa ni ma yin no// ci'i phyir zhe na/ 'dir ma nges pa yod na ni de la bltos shing de'i gnyen por gyur pa'i nges pa yang yod par 'gyur ba zhig na/ gang gi tshe re zhig kho bo cag la ma nges pa nyid yod pa ma yin pa de'i tshe na de dang 'gal ba'i nges pa yod par ga la 'gyur te/ 'brel pa can gzhan la ma bltos pa'i phyir/ bong bu'i rwa'i ring ba dang thung ba nyid bzhin no// gang gi tshe de ltar nges pa med pa de'i tshe ci zhig 'grub par bya ba'i phyir tshad ma dag yongs su rtog par byed/ de dag gi grangs dang mtshan nyid dang yul dang / bdag gam gzhan nam gnyi ga'am rgyu med pa las skye zhes bya bar yang ga la 'gyur te/ 'di dag thams cad ni kho bo cag gis brjod par bya ba ma yin pa
- 21b
zhig go// gal te de ltar khyod la nges pa yod pa ma yin na/ khyed cag gi dngos po rnams ni/ bdag las ma yin gzhan las min/ gnyis las ma yin rgyu med min/ zhes bya ba'i nges pa'i rang bzhin gyi dag 'di ji ltar dmigs she na/ brjod par bya ste/ nges par gyur pa'i ngag 'di ni rang la grub pa'i 'thad pa'i sgo nas 'jig rten la yod kyi/ 'phags pa rnams la ni ma yin no// ci 'phags pa rnams la rigs pa mi mnga' 'am zhe na/ yod pa'am med pa 'di sus smras/ 'phags pa rnams kyi don dam pa ni cang mi gsung ba yin te/ de'i phyir gang la 'thad pa dang 'thad pa ma yin pa mi mnga' bar 'gyur ba de dag la spros pa mnga' bar ga la 'gyur/ gal te 'phags pa rnams 'thad pa gsung bar mi mdzad na/ da ni ci zhig gis 'jig rten pas don dam pa khong du chud par mdzad ce na/ 'phags pa rnams ni 'jig rten gyis tha snyad kyi 'thad pa mi gsung gi/ 'on kyang 'jig rten kho na la rab tu grags pa'i 'thad pa gang yin pa de dag gzhan rtogs par bya ba'i phyir zhal gyis bzhes nas de nyid kyis 'jig rten khung du chud par mdzad do// ji ltar lus la mi gtsang ba nyid yod du zin kyang phyin ci log gi rjes su song ba'i 'dod chags can rnams kyis dmigs par mi 'gyur zhing / yang dag pa ma yin yang gtsang ba'i rnam par spro btags nas yongs su nyon mongs par 'gyur ro// de dag 'dod chags dang bral bar bya ba'i phyir de bzhin gshegs pa'i sprul pa 'am lhas/ lus 'di la skra zhes bya ba la sogs pas sngar gtsang ba'i 'du shes kyis bkab pa'i lus kyis skyon rnams nye bar ston par byed do// de dag kyang gtsang ba'i 'du shes de dang bral bas 'dod chags dang bral ba thob par 'gyur ba de bzhin du 'di nas so so'i skye bo dag kyang ma rig pa'i rab rib kyis blo gros kyi mig nyams pa nyid kyis dngos po rnams kyi rang bzhin phyin ci log
- 22a
'phags pa rnams kyis rnam pa thams cad du ma dmigs pa'i bdag nyid can dang / 'ga' zhig tu khyad par 'ga' zhig lhag par sgro btags nas chos shin tu nyon mongs par 'gyur te/ de dag da lta 'phags pa rnams kyis bum pa yod pa 'jim pa la sogs pa dag las skye ba ma yin no zhes khas blangs pa de bzhin du skyes pa'i snga rol nas yod pa la yang skye ba yod pa ma yin te/ yod pa'i phyir ro zhes bya bar nges par gyis shig/ yang ji ltar me dang sol ba la sogs pa gzhan du gyur pa dag las myu gu skye ba yod pa ma yin no zhes bya bar khas blangs pa de bzhin du sa bon la sogs pa brjod par 'dod pa dag las kyang yod pa ma yin no zhes nges par gyis shig/ ci ste yang 'di ni kho bo cag gis nyams su myong ba yin no snyam na 'di yang mi rigs te/ 'di ltar nyams su myong ba ni rdzun pa'i don can yin te/ nyams su myong ba yin pa'i phyir rab rib can gyis zla ba gnyis nyams su myong ba bzhin no// de'i phyir nyams su myong ba yang bsgrub par bya ba dang mtshungs pa nyid yin pa'i phyir bzlog par rigs pa ma yin no zhes de dag la grags pa nyid kyis khong du chud par mdzad pa yin no// de'i phyir dngos po rnams skye ba med pa yin no// de ltar re zhig de'i rang bzhin phyin ci log lhag par sgro btags pa'i gnyen por rab tu byed pa dang po brtsams pa yin no// de nas khyad par 'ga' zhig 'ga' zhig tu sgro btags pa'i khyad par de bsal bar bya ba'i phyir rab tu byed pa lhag ma brtsams pa yin te/ rten cing 'brel par 'byung ba la 'gro ba dang po dang bgrod par bya ba dang 'gro ba la sogs pa khyad par ro cog ma lus pa yang yod pa ma yin no zhes bstan par bya ba'i don du'o// ci ste tshad ma dang gzhal bya'i tha snyad 'jig rten pa 'di nyid kho bo cag gi bstan bcos su
- 22b
brjod pa yin no snyam na/ 'o na ni de brjod pa'i dgos pa bsnyad par bya dgos so// gal te rtog ge pa dag gis mtshan nyid phyin ci log brjod pas/ de brlag par byas pas kho bo cag gis de'i mtshan nyid yang dag par brjod pa yin no zhe na/ 'di yang mi rigs te/ gal te 'jig rten la rtog ge ngan pas mtshan nyid phyin ci log brjod pas byas pa'i mtshon bya phyin ci log yod par 'gyur na ni de'i don du 'bad pa 'bras bu dang bcas par 'gyur ba zhig na/ de ni de ltar yang ma yin pas 'bad pa 'di don med pa nyid do// gzhan yang gal te gzhal bya rtogs pa tshad ma la rag las pa yin na/ tshad ma de dag gang gis yongs su gcod par byed ces bya ba la sogs pa bzlog pa las bshad pa'i skyon de ma spangs pas yang dag pa'i mtshan nyid gsal bar byed pa nyid kyang yod pa ma yin no// gzhan yang gal te rang dang spyi'i mtshan nyid gnyis kyi dbang gis mtshan ma gnyis smras na ni/ ci mtshan nyid de gnyis gang la yod pa'i mtshan gzhi de yod dam 'on te med/ gal te yod na ni de'i tshe de dag las gzhan pa'i gzhal bya yod pas ji ltar tshad ma gnyis yin/ 'on te mtshan gzhi med na ni de'i tshe rten med pas ni mtshan nyid kyang yod pa ma yin pa ji ltar tshad ma gnyis su 'gyur te/ mtshan nyid 'jug pa ma yin na// mtshan gzhi 'thad par mi 'gyur ro// mtshan gzhi 'thad pa ma yin na// mtshan nyid kyang ni yod ma yin// zhes 'chad par 'gyur ro// ci ste yang 'dis mtshon par byed pas ni mtshan nyid ma yin gyi/ 'o na ci zhe na/ byed pa dang lu nA ni phal che'o zhes bya bas las la lu TA byas nas 'di mtshon par bya bas na mtshan nyid yin no snyam na/ de lta na yang de nyid kyis mtshon par bya ba nyid du mi srid pa'i phyir gang gis de mtshon par byed pa'i byed pa de dang la ma tha dad pa yin pa'i phyir nyes pa de nyid du 'gyur ro//
- 23a
ci ste shes pa byed pa yin pa'i phyir la/ de yang rang gi mtshan nyid kyi khongs su 'dra ba'i phyir nyes pa 'di med na snyaman/ bshad par bya ste/ re zhig 'dir ji ltar des de mtshon par byed pa'i sra ba dang / tshar ba'i myong ba dang / rnam par shes pa'i yul sa sar rnam par rig pa ltar bdag nyid kyi rang gi ngo bo gzhan dang thun meng ma yin pa gang yin pa de ni rang gi mtshan nyid yin na/ rab tu grags pa dang rjes su 'brel ba'i bye brag tu bshad pa bor nas/ las su sgrub pa khas len zhing rnam par shes pa byed pa'i ngo bor rtogs pas ni/ rang gi mtshan nyid khon las nyid yin zhing / rang gi mtshan nyid gzhan nibyed pa'i ngo bo yin no zhes bya ba 'di smras par 'gyur ro// de la gas te rnam par shes pa'i rang gi mtshan nyid byed pa yin na ni/ de la tha dad par gyur pa'i las shig yod par 'gyur dgas pas nyes pa de nyid du 'gyur ro// ci stes la sogs par gtogs pa'i sa ba la sogs pa rnam par shes pas rtogs par bya ba gang yin pa de ni de'i las yin la/ de yang rang gi mtshan nyid las tha dad pa ma yin no snyam na/ delta na ni 'o na rnam par shes pa'i rang gi mtshan nyid las ma yin pa'i phyir gzhal bya nyid du mi 'gyur te/ las kyi rang bzhin gyi rang gi mtshan nyid kho na gzhal bya yin pa'i phyir ro// de'i phyir gzhal bya ni rnam pa gnyis te/ rang gi mtshan nyid dang spyi'i mtshan nyid do// zhes bya bar/ rang gi mtshan nyid cung zad cig ni gzhal bya yin te/ mtshan par bya bas na zhes de ltar bsnyad pa gang yin pa'o// cung zad cig ni gzhal bya ma yin te/ 'dis mtshan par byed pas na zhes brjod pa gang yin pa'o zhes khyad par 'di tsam zhig brjod par bya dgas so// ci ste yang las su sgrub pa yin na ni/ de'i tshe de la byed pa gzhan zhig yod par bya dgos la/ shes
- 23b
pagazhan zhig byed pa'i ngo bar rtog na yang thug pa med pa'i skyon du 'gyur ro// ci ste rang rig pa yod de des na rang rig pas des 'dzin pa'i phyir las yin dang / gzhal bya'i khongs su 'du ba yod pa yin/ no snyam du sems na/ bshad par bya ste/ dbu ma la 'jug pa las rang rig pa rgyas par bkag pa'i phyir rang gi mtshan nyid ni rang gi mtshan nyid gzhan gyis mtshon par byed la/ de yang rang rig pa des mtshon par byed do zhes bya ba ni rigs pa ma yin no// gzhan yang shes pa de yang mi srad pa'i phyir rang gi mtshan nyid las tha dad par mgrub la/ mtshan gzhi med na rten med pa'i mtshan nyid 'jug pa med pa'i phyir rnam pa thams cad du yod pa ma yin pas rang rig pa gal yod/ de sad du yang 'phags pa gtsug na rin po ches nus pa las/ de sems yang dag par rjes su ma mthong bas/ sems gang las byung zhes sems kyi rdzun kun du tshol zhing de 'di snyam du sams te/ dmigs pa med pa las sems 'byung bar 'gyur ro snyam mo// de yang 'di snyam du sems te/ ci dmigs pa de yang gzhan la sems de yang gzhan nam/ 'on ted rigs pa gang yin pa de nyid sems yin/ gal ter zhig dmigs pa yang gzhan la sems kyang gzhan na ni sems dganyis smra gyu ro// 'on te dmigs pa gang yin pa de nyid sems yinan na/ sems kyis mapa rA nga mthang bar 'gyur / sems kyis sems dmathang bar mi rung // 'di lta sa dab na dam the'i ma nyid kyis ram ze'i sa da nyid bcad par mi nus pa dang / mar ma byem nyid kyi mamang pa'i rtsem dang rig par mdzus pa de bzhin du/ sems de ny-id kyis sems nyid mthang bar mi nums snyam nas/ 'di lang tshul banin lan gyung cal/ gang sems mi gnas pa/ chad pa ma yin pa/ btag pa pa'i
- 24a
pa// ther zug tu mi gnas pa/ rgyu med pa ma yin pa/ rkyen dang mi 'gal ba/ de las kyang ma yin/ gzhan las kyang ma yin pa/ de nyid kyang ma yin gzhan yang ma yin pa'i sems kyi rgyud sems kyi 'khri shing / sems kyi chos nyid/ sems kyi mi gnas pa dang / sems kyi rgyu ba med pa dang / sems snang ba med pa dang / sems kyi rang gi mtshan nyid de ji ltar de bzhin nyid 'khrug par mi byed pa de ltar shes so// de ltar mthong ngo // de bzhin nyid ji lta ba de bzhin du sems de dag dben pa nyid du rab tu shes/ de bzhin du mthong ba 'di ni rigs kyi bu byang chub sems dpa'i sems la sems kyi rjes su lta ba'i dran pa nye bar gzhag pa'i spyod pa yongs su dag pa'o zhes gsungs so// de'i phyir de ltar rang rig pa med la/ de med pas gang zhig gang gis mtshon par byed/ gzhan yang mtshan nyid de mtshan gzhi las tha dad par 'gyur ram tha mi dad par 'gyur grang / de la gal te re zhig tha dad pa yin na ni/ de'i mtshan gzhi las tha dad pa'i phyir mtshan nyid ma yin pa bzhin du mtshan nyid kyang mtshan nyid ma yin par 'gyur la/ mtshan nyid las tha dad pa'i phyir mtshan gzhi yang mtshan gzhi ma yin pa ltar mtshan gzhir mi 'gyur ro// de bzhin du mtshan nyid mtshan gzhi las tha dad pa'i phyir mtshan gzhi mtshan nyid la bltos pa med par yang 'gyur te/ de'i phyir de mtshan gzhi ma yin te/ mtshan nyid la bltos pa med pa'i phyir nam mkha'i me tog bzhin no// ci ste mtshan nyid dang mtshan nyid kyi gzhi dag tha mi dad pa yin na ni de'i tshe mtshan nyid las tha mi dad pa'i phyir/ mtshan nyid kyi phyir rang gi bdag nyid bzhin du mtshan gzhi'i mtshan gzhi nyid nyams par 'gyur ro// mtshan gzhi las tha mi dad pa'i phyir mtshan nyid kyang mtshan nyid
- 24b
kyi rang bzhin du mi 'gyur te/ mtshan gzhi'i rang gi bdag nyid bzhin no// ji skad du mtshan nyid mtshan gzhi las gzhan na/ mtshan gzhi de mtshan med par 'gyur// tha dad med na de dag ni// med par khyod kyis gsal bar bstan// zhes bshad do// de nyid dang gzhan nyid las ma gtogs par mtshan gzhi dang mtshan nyid 'grub pa'i thabs gzhan yod pa yang ma yin te/ de skad du gang dag dngos po gcig pa dang / dngos po gzhan pa nyid du ni// 'grub par 'gyur ba yod min na// de gnyis grub pa ji ltar yod// ces 'chad par 'gyur ro// ci ste brjod du med pa nyid du 'grub par 'gyur ro zhe na/ de ni 'di ltar ma yin te/ phan tshun rnam par dbye ba yongs su shes pa med pa yin na/ brjod du med pa nyid ces bya bar 'gyur na/ gang na rnam par dbye ba yongs su shes par 'gyur ba med pa der ni 'di ni mtshan nyid do// 'di ni mtshan gzhi'o zhes khyad par du yongs su gcod pa med pas gnyi ga yang med pa nyid de/ de'i phyir brjod du med pa nyid du yang 'grub pa med do// gzhan yang gal te shes pa byed pa yin na yul yongs su gcod pa'i byed pa po gang zhig yin/ byed pa pa med par byed pa la sogs pa rnams yod pa yang ma yin te/ gcod pa'i bya ba bzhin no// cis der sems la byed pa po nyid du rtog na/ de yang rigs pa ma yin te/ 'di ltar don tsam lta ba ni sems kyi bya ba yin la don gyi khyad par lta ba ni sems las byung ba rnams kyi bya ba yin te/ de la don mthong rnam par shes// de yi khyad pas sems las byung // zhes khas blangs pa'i phyir ro// byed pa la sogs pa rnams ni bdag nyid ji lta bu'i bya ba phal ba sgrub pa'i sgo nas/ gtso bor gyur pa'i bya ba cig bsgrub par bya ba la yan lag gi ngo bor gyur pa las byed pa la sogs
- 25a
pa nyid du 'gyur na/ 'dir ni shes pa dang rnam par shes pa gnyis la gtso bor gyur pa'i bya ba gcig med do// 'o na ci zhe na/ rnam par shes pa'i gtso bor gyur pa'i bya ba ni don tsam yongs su gcod pa yin la/ don gyi khyad par yongs su gcod pa ni shes pa'i gtso bor gyur pa'i bya ba yin te/ des na shes pa byed pa nyid ma yin la/ sems kyang byed pa po nyid ma yin no// de'i phyir nyes pa de nyid du 'gyur ro// ci ste chos thams cad bdag med pa zhes bya ba'i lung las na/ byed pa po rnam pa thams cad du med pa'i phyir bya ba la sogs pa'i tha snyad ni byed pa po med kyang yod pa nyid do snyam na 'di yang yod pa ma yin te/ lung gi don yang dag par ma bzung ba'i phyir ro// 'di yang dbu ma la 'jug pa las bstan zin to// ci ste yang dper na mchi gu'i lus sgra gcan gyi mgo zhes bya ba la/ lus dang mgo las tha dad pa'i khyad par med kyang khyad par dang khyad par gyi gzhi'i dngos po yod pa de bzhin du/ rang gi mtshan nyid las tha dad pa'i las la sogs pa med kyang sa'i rang gi mtshan nyid ces bya bar 'gyur ro snyam na/ de ni de ltar ma yin te/ mi mtshungs pa'i phyir ro// lus dang mgo'i sgra dag ni blo dang lag pa la sogs pa ltar lhan cig 'byung ba'i dngos po gzhan la bltos pa dang bcas te 'jug pas/ lus dang mag yi sgra tsam la dmigs pa'i blo skyes pa lta zhig/ gang gis lus gang gi mgo snyam du lhan cig dpyod pa'i dngos po gzhan la re ba dang bcas pa nyid du 'gyur la/ cig shos kyang khyad par gzhag dang 'brel pa bsal bar 'dod pas 'jig rten pa'i brda'i rjes su byed pa/ khyad par mchi gu dang sgra gcan gyi sgras rtogs pa po'i re ba sel bar byed do zhes bya bar rigs/ 'dir ni sra ba la sogs pa las tha dad pa'i sa la
- 25b
sogs pa med pas khyad par dang khyad par can gyi dngos po mi rigs so// gal te mu stegs pa dag gis mtshan gzhi tha dad par khas blangs pa'i phyir de'i ngor khyad par brjod pa la skyon med do zhe na/ de ni de ltar ma yin te/ mu stegs pas kun tu brtags pa'i dngos po rigs pa dang 'gal ba dag ni rang gi gzhung lugs la khas blang bar mi rigs te/ tshad ma gzhan la sogs pa khas blangs par thal bar 'gyur ba'i phyir ro// gzhan yang lus kyi rten can khyad par byed pa 'jig rten pa'i tha snyad kyi yan lag tu gyur pa ma brtags na grub pa rten pa po mchi gu dang / mgo'i rten can brten pa po skrag can ni gang zag la sogs par brtags pa ltar yod pa'i phyir dpe 'di rigs pa ma yin no// gal te de tsam zhig dmigs pas lus dang mgo las tha dad pa'i don gzhan ma grub pa'i phyir dpe grub pa nyid do zhe na/ de ni de ltar ma yin te/ 'jig rten pa'i tha snyad la de ltar rnam par dpyod pa mi 'jug pa'i phyir dang / 'jig rten pa'i dngos po rnams ni ma brtags par yod pa'i phyir ro// ji ltar rnam par dpyad na gzugs la sogs pa las tha dad par bdag med mod kyi/ 'on kyang phung po la brten nas 'jig rten gyi kun rdzob tu 'di yod pa nyid yin pa de bzhin du/ sgrag can dang mchi gu gnyis kyang yin pas dpe grub pa med do// de bzhin du rnam par dpyad nas la sogs pa dag la yang sra ba la sogs pa las tha dad pa'i mtshan gzhi med la/ mtshan gzhi las tha dad par rten med pa'i mtshan nyid kyang yod mod kyi/ de lta na yang 'di ni kun rdzob tu yod de/ de bas na slob dpon rnams kyis phan tshun bltos pa tsam gyis grub pa'i sgonas grub par rnam par bzhag pa mdzad do// 'di ni de kho na ltar gdon mi zab las blang bar bya ste/ de lta ma yin na kun rdzob 'thad pa dang ldan pa ma yin nam
- 26a
des na 'dim tshan nyid du 'gyur gyi kun rdzob tu mi 'gyur ro// 'thad pas rnam par dpyad pa na mchi gul sogs pa dag zhon mi srid pa ni ma yin te/ 'on ci zhe na/ 'chad par 'gyur ba'i 'thad pas gzugs dang tshor ba la sogs pa rnams kyang yod pa ma yin pas/ de dag kyang mchi gu la sogs pa bzhin du kun rdzob tu yod pa ma yin pa nyid du khas blangs par 'gyur na/ de ltar yang ma yin pas/ 'di ni yod pa ma yin no// brten nas brtags par rnam par bzhag pa 'di yang dbu ma la 'jug pa las rgyas par brtan pas de nyid las yongs su btsal bar bya'o// ci ste zhib mor dpyad pa 'dis ci zhig bya ste/ kho bo cag tshad ma dang gzhal bya'i tha snyad thams cad bden pa yin no zhes ni mi sma'i/ 'on kyang 'jig rten la rab tu grags pa 'di tshul 'dis rnam par 'jog par byed par 'gyur ro snyam na/ bshad par bya ste/ dpyad pa zhib mo 'jig rten pa'i tha snyad la bcug pa 'dis ci dgos zhes kho bo cag kyang de skad du sma ste/ kun rdzob phyin ci log tsam gyis bdag gi rab yod par rnyed pa/ thar pa 'dod pa rnams kyi thar pa 'then par byed pa'i dge ba'i bgasog pa'i rgyur gyur pa 'di ni ji srid de kho na nyid ma rtogs pa de srid du gnas par gyur mod/ khyod ni don dam pa dang kun rdzob kyi bden pa la mi mkhas pas la lar 'thad pa bcug nas rigs pa ma yin pa las 'jig par byed pa yin no// kho bo ni kun rdzob kyi bden pa rnam par 'jog pa la mkhas pa'i phyir/ 'jig rten pa'i phyogs nyid la gnas te kun rdzob kyi phyogs gcig bsal ba'i phyir bkod pa'i 'thad pa gzhan 'thad pa gzhan gyis klog par byed cing 'jig rten gyi rgan rabs ltar/ 'jig rten gyi chos lugs las nyams pa khyod khon bzlog par byed pa yin gyi kun rdzob ni ma yin no// de'i phyir gal te 'jig rten pa'i tha skad du yin na ni/
- 26b
de'i tshe mtshan nyid bzhin du mtshan gzhir yang gdon mi za bar 'gyur bar bya dgos te/ de'i phyir nyes pa de nyid du 'gyur ro// 'on te don dam pa yin na ni de'i tshe mtshan gzhi med pas mtshan nyid gnyis kyang med pas tshad ma gnyis su ga la 'gyur/ ci ste sgra rnams la bya ba dang byed pa po'i 'brel pa sngon du 'gro ba can gyi bye brag tu bshad pa de lta bu khas len par mi byed do zhe na/ 'di ni shin tu dka' ste/ khyod bya ba dang byed pa po'i 'brel pas rab tu zhugs pa'i sgra de dag kho nas tha snyad byed cing / bya ba dang byed pa po la sogs pa'i sgra'i don yang mi 'dod pas e ma kyi hud khyod ni 'dod pa tsam la rag las te 'jug pa nyid do// gang gi tshe de ltar gzhal bya gnyis gnas pa med pa de'i tshe lung la sogs pa rang dang spyi'i mtshan nyid kyi yul can ma yin pa nyid kyi sgo nas tshad ma gzhan nyid ma yin pa ma yin no// gzhan yang bum pa mngon sum mo zhes bya ba de lta bu la sogs pa 'jig rten pa'i tha snyad ma bsdu ba'i phyir dang / 'phags pa ma yin pa'i tha snyad khas blangs pa'i phyir mtshan nyid ma khyab pa nyid du 'gyur te/ des na 'di ni mi rigs so// ci ste bum pa'i nye bar len pa sngon po la sogs pa dag ni mngon sum gyi che mas yongs su gcad par bya ba yin pa'i phyir mngon sum yin te/ de'i phyir ji ltar rgyal 'bras bu btags pa byas te/ sangs rgyas rnams ni 'byung ba bde zhes spya pa de bzhin du/ sngon po la sogs pa mngon sum du gyur pa'i rgyu can gyi bum pa yang 'bras bu la rgyu btags pa byas nas mngon sum zhes bya bar brjod do// snyam na/ rnam pa de lta bu'i yul la ni btags pa mi rigs/ te/ 'byung ba ni 'jig rten na bde ba las tha dad par dmigs la de yang 'dus byas kyi mtshan nyid kyi rang bzhin yin pa'i phyir dang / dka' ba brgya phrag du ma'i rgyu can yin pa'i phyir bde ba ma yin pa nyid do// de la bdes
- 27a
zhes brjod pa na 'brel pa med pa nyid yin pas rnam pa de lta bu'i yul la nye bar btags pa rigs na/ bum pa mngon sum zhes bya ba 'dir ni gang zhig btags nas mngon sum nyid du 'gyur ba bum pa zhes bya ba mngon sum ma yin pa logs shig tu dmigs pa yang ma yin no// gal te sngon po la sogs pa las tha dad pa'i bum pa med pa'i phyir btags pa'i mngon sum nyid du 'gyur ro zhe na/ de lta na yang ches shin tu btags par mi rigs te/ gzhi gdags bya med pa'i phyir ro// bong bu'i rwal rnon po nye bar 'dogs pa ni ma yin no// gzhan yang gal te 'jig rten gyi tha snyad kyi yan lag tu gyur pa'i bum pa sngon po la sogs pa las tha dad par gyur pa med pa'i phyir/ de nye bar btags pa pa'i mngon sum nyid du rtog na ni de lta na ni sngon po la sogs pa yang sa la sogs pa las tha dad pa med pas sngon po la sogs pa yang btags pa pa'i mngon sum nyid du rtogs shig/ ji skad du/ ji ltar gzugs sogs ma gtogs par// bum pa yod par ma yin pa// de bzhin rlung la sogs pa ni// ma ga rtogs gzugs kyang yod ma yin// zhes bshad/ do// de'i phyir de lta bu la sogs pa'i 'jig rten gyi tha snyad ni mtshan nyid kyis ma bsdus pa'i phyir mtshan nyid ma khyab pa nyid do// de kho na nyid gzigs pa la bltos nas ni bum pa la sogs pa dang sngon po la sogs pa rnams mngon sum nyid du mi 'dod do// 'jig rten gyi kun rdzob tu ni bum pa la sogs pa rnams mngon sum nyid du khas blangs par bya ba kho na'o// ji skad du brgya pa las/ gzugs mthong chen bum pa ni// thams cad khon mthong mi 'gyur// bum pa mngon sum zhes bya'ang // de nyid rigs pa su zhig smra// rnam par dpyad pa 'di nyid kyis// blo mchog ldan pas dri zhim dang // mngar dang 'jam pa thams cad dag/ so sor dgag par
- 27b
bya ba yin// zhes bshad do// gzhan yang mngon sum gyi sgra ni lkog tu ma gyur pa'i don gyi rjod par byed pa yin pa'i phyir/ dbang po mngon du phyogs pa'i don ni mngon sum yin no// 'di la dbang po mngon du phyogs pas zhes byas nas bum pa dang sngon po la sogs pas lkog tu ma gyur pa rnams mngon sum nyid du grub par gyur la/ de yongs su gcod par byed pa'i shes pa ni rtsa dang sogs ma'i me bzhin du mngon sum gyi rgyu can yin pa'i phyir mngon sum nyid du rjod par byed do// gang zhig dbang po dang dbang po so so la 'jug pas zhes bya bas mngon sum gyi sgra bye brag tu 'chad par byed pa/ de'i ltar na ni shes pa ni dbang po'i yul can ma yin pa'i phyir dang / yul gyi yul can yin pa'i phyir/ bye brag tu bshad pa mi rigs par 'gyur te/ yul so so ba'am don so so ba nyid ces bya bar ni mi 'gyur ro// ci ste ji ltar rnam par shes pa 'byung ba gnyi ga la rag las pa yin yang rnam par shes pa rnams rten gsal ba dang zhan pa'i rjes su byed pa'i phyir dang / de dag 'gyur na 'gyur ba'i phyir/ mig gi rnam par shes pa zhes rten nyid kyis ston par 'gyur ba de bzhin du/ don dang don so so la 'jug mod kyi de lta na yang dbang po dang dbang po la brten nas 'jug pa'i rnam par shes pa ni brten gyis bstan pas mngon sum nyid du 'gyur te/ za'i sgra nas kyi myu gu zhes thun mong ma yin pa'i rgyus stong pa ni mthong ba yin no snyam na/ 'di ni snga ma dang mi 'dra ba yin te/ der ni gzugs kyi rnam par shes pa zhes bya ba de lta bu la sogs pas yul gyis rnam par shes pa bstan na/ rnam par shes pa drug gi dbye ba ma bstan par 'gyur te/ yid kyi rnam par shes pa ni mig la sogs pa'i rnam par shes pa dang lhan cig yul cig la 'jug pa'i phyir ro// 'di ltar sngon po la sogs pa'i rnam par shes pa drug la rnam par shes pa zhes
- 28a
brjod na ni/ ci rnam par shes pa 'di dbang po gzugs can las skyes pa zhig gam/ 'on te yid las byung ba zhig ces shes pa re ba dang bcas pa yid du 'gyur la/ rten gyis bstan na ni yid kyis rnam par shes pa mig la sogs pa'i rnam par shes pa'i yul la 'jug pa yin yang phan tshun dbye ba grub par 'gyur ro// 'dir ni tshad ma'i mtshan nyid brjod par 'dod pas rtog pa dang bral ba tsam zhig mngon sum nyid du khas blangs pas rnam par rtog pa las 'di khyad par du mngon par 'dod pa'i phyir/ thun mong ma yin pa'i rgyas bstan pa la dgos pa cung zad kyang ma mthong ngo // tshad ma'i grangs su 'jug pa gzhal bya'i gzhan gyi dbang yin pa'i phyir dang / gzhal bya'i rnam pa'i rjes su byed pa tsam gyis rang gi ngo bo yod par rnyed pa'i tshad ma dag gi rang gi ngo bo rnam par 'jog pa'i phyir dbang pos bstan pa cung zad kyang mi mkho bas rnam pa thams cad du yul kho nas bstan par rigs so// gal te 'jig rten na brjod par 'dod pa'i don la mngon sum gyi sgra rab tu grags pa'i phyir dang / don so so zhes bya ba'i sgra ma grags pa'i phyir rten kho nas bye brag tu bshad pa la brten par byed do zhe na/ bshad par bya ste/ mngon sum gyi sgra 'di 'jig rten la grags pa ni yod mod kyi/ de ji ltar 'jig rten yin pa de ltar ni kho bo cag gis smras pa nyid do// 'jig rten pa'i don ji ltar gnas pa spangs nas de bye brag tu 'chad par byed na ni/ rab tu grags pa'i sgra yang spong bar 'gyur ro// de'i phyir mngon sum zhes bya ba de ltar mi 'gyur ro// zlos pa'i don med pa'i phyir dbang po'i sad cig gcig gis rten can mig gi rnam par shes pa cig mngon sum nyid du yang mi 'gyur la re re la mngon sum nyid med na ni mang po rnams la yang mi 'gyur ro// rtog pa dang bral ba'i shes pa nyid mngon sum nyid du khas blangs pa'i phyir dang / des kyang /
- 28b
'jig rten pa'i tha snyad byed pa med pa'i phyir dang / 'jig rten pa'i tshad ma dang gzhal bya'i tha snyad bshad par 'dod pa'i phyir mngon sum tshad mar rtog pa ni don med pa nyid du 'gyur ro/ mig gi rnam par shes pa dang ldan pas sngon po shes kyi sngon po snyam du ni ma yin no zhes bya ba'i lung yang mngon sum gyi mtshan nyid brjod pa'i don can gyi skabs ma yin pa nyid kyi phyir dang / dbang po'i rnam par shes pa lnga po rnams blun pa nyid du ston par byed pa nyid yin pa'i phyir/ lung las kyang rtog pa dang bral ba'i rnam par shes pa kho na mngon sum nyid ma yin pas 'di ni mi rigs so// de'i phyir gal te mtshan gzhi'am rang gi mtshan nyid dam spyi'i mtshan nyid kyang rung ste/ 'jig rten na yod na ni thams cad mngon sum du dmigs par bya ba yin pa'i phyir na lkog tu ma gyur pa yin te/ de'i phyir de'i yul can gyi rnam par shes pa dang lhan cig tu mngon sum nyid du rnam par bzhag go/ zla ba gnyis la sogs pa dag ni rab rib can ma yin pa'i shes pa la bltos nas mngon sum nyid ma yin la/ rab rib can la sogs pa la bltos nas ni mngon sum nyid kho na'o// lkog tu gyur pa'i yul can rtags bsgrub par bya ba la mi 'khrul pa las skyes pa'i shes pa ni rjes su dpag pa'o// dbang po las 'das pa'i don mngon sum du rig cing yid ches par gyur pa dag gis tshig gang yin pa de ni lung ngo // 'dra ba las nyams su myong ba'i don rtogs pa ni nye bar 'jal ba ste/ dper na ba min ni ba lang 'dra'o snyam pa lta bu'o// de'i phyir de ltar tshad ma bzhi las 'jig rten gyis don rtogs par 'jog pa yin no// de dag kyang phan tshun bltos pas 'grub par 'gyur te/ tshad ma dag yod na gzhal bya'i don dag tu 'gyur la/ gzhal bya'i don dag yod na tshad ma dag tu
- 29a
'gyur gyi/ tshad ma dang gzhal bya gnyis ngo bo nyid kyis grub pa ni yod pa ma yin no// de'i phyir mthong ba ji lta ba bzhin du 'jig rten pa nyid yin la rag ste/ spros pas chog go// dkyus ma nyid bshad par bya'o// 'dir rang gi sde pa dag na re/ gang 'di 'di skad du dngos po rnams bdag las skye ba ma yin te/ zhes smras pa de ni rigs te/ rang las skye ba don med pa'i phyir ro// gang yang gnyi ga las skye ba ma yin te zhes smras pa de yang rigs te/ yan lag gcig ma tshang ba'i phyir ro// rgyu med pa'i phyogs ni shin tu tha chad yin pa'i phyir// de dgag pa yang rigs na/ gang 'di/ skad du gzhan las skye ba yang ma yin te zhes smras pa de ni rigs pa ma yin te/ gang gi phyir bcom ldan 'das kyis gzhan du gyur pa dag kho na dngos po rnams kyi skyed par byed par bstan pa'i phyir te/ rkyen rnams/ bzhi ste rgyu dang ni// dmigs pa dang ni de ma thag/ bdag po yang ni de bzhin te// rkyen lnga pa ni yod ma yin// de la sgrub par byed pa ni rgyu yin no zhes bya ba'i mtshan nyid las na gang zhig gang gi sgrub byed sa bon gyi ngo bor gnas pa de ni de'i rgyu'i rkyen no// dmigs pa gang gis skye bar 'gyur ba'i chos can bskyed pa de ni de'i dmigs pa'i rkyen no// rgyu 'gags ma thag pa ni 'bras bu 'byung ba'i rkyen yin te/ dper na sa bon 'gag ma/ thag pa myu gu 'byung ba'i rkyen yin pa bzhin no// gang zhig yod pas gang 'byung ba// de ni de'i bdag po'o// 'di dag ni rkyen bzhi'o// gzhan gang dag sngar skyes pa dang lhan cig skyes pa dang / phyis skye ba la sogs pa de dag ni 'di rnams kyi khongs su 'dus pa yin no// dbang phyug la sogs pa dag ni rkyen ma yin te/ de nyid kyi phyir rkyen lnga pa ni yod ma yin zhes nges par gzung ba yin no// de'i phyir gzhan du gyur pa 'di dag
- 29b
las dngos po rnams skye ba'i phyir gzhan las skye ba yod pa yin no// zhes 'dzer to// de la bshad par bya ste/ dngos po rnams ni rkyen gzhan du gyur pa dag las skye ba ma yin pa nyid de/ 'di ltar dngos po rnams kyi rang bzhin ni/ rkyen la sogs la yod ma yin// bdag gi dngos po yod min na// gzhan dngos yod pa ma yin no// gal te 'bras bur gyur pa'i dngos po rnams rgyu la sogs pa'i rkyen gzhan du gyur pa 'dus pa'am so so ba 'am 'dus pa dang / so so ba dag gam/ rgyu dang rkyen gyi tshogs pa las gzhan 'ga' zhig la yang rung ste/ skyes pa'i snga rol tu yod par gyur na ni/ de dag las skye bar 'gyur ba zhig na/ gang zhig skye ba'i snga rol tu yod par 'gyur ba de ltar yang ma yin te/ gal te yod par 'gyur na ni/ gzung du yod pa 'am skye ba don med par 'gyur ro// de'i phyir dngos po rnams kyi rang bzhin ni rkyen la sogs pa dag la yod pa ma yin no// bdag gi dngos po yod pa ma yin pa nyid yin na gzhan gyi dngos po yod pa ma yin no// 'byung bas na dngos po ste skye ba'o// gzhan gyi dngos po ni gzhan dag las skye ba ste de yod pa ma yin no// de'i phyir dngos po rnams gzhan du gyur pa dag las skye bo zhes bya ba 'di rigs pa ma yin no// rnam pa gcig tu na rgyu med pa can du thal bar 'gyur ba'i phyir myu gu la sogs pa 'bras bur gyur pa'i dngos po rnams kyi rang bzhin ni/ sa bon la sogs pa rkyen rnam par 'gyur ba med pa'i rang bzhin can dag yod pa na yod pa ma yin no// de'i phyir rkyen la sogs pa rnams ci la bltos nas gzhan nyid du 'gyur te/ byams pa dang nyer sbas dag ni yod pa gnyis kho na phan tshun bltos pa'i gzhan nyid du 'gyur na/ sa bon dang myu gu gnyis ni de ltar cig car ba ma yin no// de'i phyir 'bras bu rnams
- 30a
ni bdag gi dngos po yod pa ma yin na/ sa bon la sogs pa rnams la gzhan gyi dngos po te gzhan nyid yod pa ma yin no// de'i phyir gzhan du bsnyad du med pa kho na'i phyir gzhan las skye ba ma yin pas dngos po rnams gzhan las skye'o zhes bya ba 'di ni mi rung ngo // de'i phyir gzhan gyi lung gi dgongs pa mngon par ma shes pa nyid de/ de bzhin gshegs pa dag ni rigs pa dang 'gal ba'i ngag mi gsung la/ lung gi dgongs pa yang gong du nye bar bstan zin to// de'i phyir de ltar rkyen dag las skye bar smra ba bkag pa yin dang / bya ba las skye bar smra ba ni/ mig dang gzugs la sogs pa'i rkyen dag ni dngos su rnam par shes pa skyed par mi byed kyi/ rnam par shes pa skye ba'i thub sgrub par byed de'i phyir byin zhes bya la/ bya ba des kyang rnam par shes pa sred par byed de/ de'i phyir rnam par shes pa skye ba'i bya ba rkyen dang ldan pa ni rnam par shes pa skyed par byed pa yin gyi rkyen dag ni ma yin te/ dper na/ 'bras chan gyi 'tshed pa'i bya ba bzhin no snyam du sems so// bshad pa bya ba rkyen dang ldan pa med// gal te bya ba 'ga' zhig yod par gyur na ni/ de mig la sogs pa'i rkyen dag gi rkyen dang ldan pas rnam par shes pa byed par byed pa zhig na/ yod pa ni ma yin no// ji ltar zhe na/ 'dir bya ba 'di 'dod pa na/ rnam par shes pa skyes zin pa la 'dod dam/ ma skyes pa'am skye bzhin pa la yin grang na/ de la skyes zin pa la yang mi rigs te/ bya ba ni dngas po sgrub par byed pa yin na/ dngos po grub par gyur na ni de la byam ci zhig dgos te/ 'di ni skyes par gyung ba slar yang skye bar rigs pa'am ma yin nyid/ ces bya bra la sogs pa dbum la 'jug pa las bstan pa yin no// ma skyes pa la yang mi rigs te/ skye ba 'dir byed pa
- 30b
med par rigs pa'i ngo bo'ang min/ zhes bya ba la sogs pa 'byung ba'i phyir ro// dngos po skye bzhin pa la yang bya ba srid pa ma yin te/ skyes pa dang ma skyes pa las ma gtogs pa'i skye bzhin pa med pa'i phyir ro// ji skad du/ sde bzhin pa ni byed kyis b+hair// ske bzhin pa ni skyeb min// yang nathams cad skye bzhin pa// nyid ni yin par thal bar 'gyur/ zhes gsungs so// gang gi phyir/ da ltar dus gsum du skye ba'i bya ba mi srid pa de'i phyir de ni yod pa ma yin no// de nyid kyi phyir bya ba rkyen dang ldan pa med ces gsungs te/ mo gsham gyi bu ba glang dang ldan no zhes ni brjod par bya ba ma yin no// 'di ni khyad par med par khyad par can yod min zhes bya ba la sogs pas dbu ma la 'jug pa las bstan pa nyid do// gal te de lta na/ 'on rkyen dang mi ldan par 'gyur ro zhe na/ 'di yang rigs pa ma yin no zhes bshad pa ni/ rkyen dang mi ldan bya ba med/ gang gi tshe bya ba rkyen dang ldan pa med pa de'i tshe ji ltar rkyen dang mi ldan pa rgyu med pa yod par 'gyur te/ snam bu sAl ma'i rang bzhin du mi rigs pas/ 'dzag ma'i rang bzhin du bas len pa ni ma yin no// de'i phyir bya ba dngos po'i skyed par byed pa ma yin no// 'dir smras pa/ gal te de ltar bya ba med na/ 'o na ni rkyen dag dngos po rnams kyi skyed par byed par 'gyur ro// bshad par bya ste/ bya ba ma ldan rkyen ma yin// gang gi tshe bya ba med pa de'i tshe/ rkyen bya ba dang bral ba dang bya ba dang mi ldan pa rgyud med pa rnams ji ltar skyed par byed pa yin ji ste bya ba dang ldan pa dag kho na skyed par byed pa yin no zhe na bshad pa/ bya ba ldan yod 'on te na// ma yin no zhes skabs dang sbyar ro// 'on te na'i sgra ni nges par gzung ba'o// de la bya ba med par bshad na/ rkyen rnams ji ltar bya ba dang ldan pa nyid yin ji ltar rnam
- 31a
par shes pa'i skye ba'i bya ba la brjod pa de bzhin du 'tshed pa'i bya ba la sogs pa'i dngos po dag la yang brjod par rig par bya'o// des na bya ba las kyang dngos po rnams skye ba med pas skye ba'i rjod par byed pa don gyis stong par 'gyur ro// 'dir smras pa/ rkyen bya ba dang ldan no zhes bya ba la sogs pa'i rnam par dpyad pa 'dis kho bo cag la ci dgos/ gang gi phyir mig la sogs pa'i rkyen dag la brten nas dngos po rnam par shes pa la sogs pa rnams skye bar 'gyur te/ de'i phyir mig la sogs pa rnams rkyen nyid yin zhing / rnam par shes pa la sogs pa rnams kyang de dag las skye ba yin no// 'di yang rigs pa ma yin no zhes bshad pa/ 'di dag la brten skye bas na/ de phyir 'di dag rkyen ces grag/ ji srid mi skye de srid du// 'di dag rkyen min ji ltar min// gal te mig la sogs pa'i rkyen rnams la brten nas rnam par shes pa skye bas na 'di dag de'i rkyen zhes brjod na ni/ ji srid rnam par shes pa zhes bya ba'i 'bras bu de mi skye ba de srid du/ mig la sogs pa 'di dag rkyen ma yin pa ji ltar ma yin te rkyen ma yin pa nyid do snyam du dgongs pa'o// bye ma dag las til mar bzhin du rkyen ma yin pa dag las ni skye ba yang ma yin no// ci ste sngar rkyen ma yin par gyur pa las rkyen gzhan ci zhig gcig la bltos nas rkyen nyid du 'gyur ro zhes bya bar 'dod na/ 'di yang mi rung ste/ gang zhig rkyen ma yin pa 'di'i rkyen nyid du rtog pa/ rkyen gzhan de'i rkyen nyid de yang rkyen yod na yin pas 'di la yang dpyad pa de nyid yin no// / de'i phyir de ni mi rigs so// gzhan yang mig la sogs pa 'di dag rnam par shes pa'i rkyen du rtog pa na/ 'di yod pa 'am med pa zhig la rtog grang na/ rnam pa thams cad du mi rigs so zhes bya bar
- 31b
bshad pa/ med dam yod pa'i don la yang // rkyen ni rung ba ma yin te// ci'i phyir zhe na/ bshad pa/ med na gang gi rkyen du 'gyur// yod na rkyen gyis ci zhig bya// med pa ste/ yod pa ma yin/ pa'i don la ni rkyen du ji ltar 'gyur/ gal te 'byung bar 'gyur bas ston par 'gyur ro zhe na/ de ltar ni ma yin te/ gal te 'byung bar 'gyur bas bsnyad 'dod na/ nus pa med par 'di yi 'byung 'gyur med/ ces bya ba la sogs pas nyes pa brjod pa'i phyir ro// yo da na ste bdog pa skye ba thob zin pa la yang rkyen yongs su brtag pa 'bras bu med pa nyid do// de ltar rkyen 'dus pa rnams 'bras bu bskyed par nus pa med pas rkyen nyid ma yin par bsnyad nas/ de'i 'og tu so so ba rnams rkyen nyid ma yin par bstan par bya'o// 'dir smras pa/ gal te de ltar rkyen rnams mi sred mod kyi/ de lta na yang mtshan nyid nye bar bstan pa las rkyen grub pa yod pa nyid do// de la sgrub par byed pa'i rgyu'o zhes rgyu'i rkyen gyi mtshan nyid brjod de yod pa ma yin pa mo gsham gyi bu la ni mtshan nyid nye bar ston pa mi brjod do// gal te de'i mtshan nyid yod par gyur na ni// rgyu'i rkyen du 'gyur ba zhig na/ yod pa ni ma yin te/ gang gi phyir/ gang tshe chos ni yod pa dang // med dang yod med mi 'grub pa// ji ltar sgrub byed rgya zhes bya// de lta yin na mi rigs so// de la sgrub par byed pa ni skyed par byed pa ste/ gal te bsgrub par bya ba'i chos 'grub na ni/ skyed par byed pa'i rgyus de bskyed par 'gyur na/ 'grub pa yang ma yin te/ yod pa dang med pa dang gnyi ga la ngo bo 'grub pa med pa'i phyir ro// de la yod pa ni 'grub pa ma yin te yod pa'i phyir ro// med pa yang ma yin te yod pa ma yin pa'i phyir ro// yod pa dang
- 32a
med pa yang ma yin te/ phan tshun 'gal ba'i don gcig med pa'i phyir dang / phyogs gnyi ga la brjod pa'i skyon du 'gyur ba'i phyir ro// gang gi phyir de ltar 'bras bu bskyed pa med pa de'i phyir rgyu'i rkyen yang yod pa ma yin no// de'i phyir mtshan nyid yod pa'i phyir rgyu'i rkyen yod pa yin no zhes smras pa gang yin pa de/ de lta yin na mi rigs so// da ni dmigs pa'i rkyen dgag pa'i phyir/ yod pa'i chos 'di dmigs pa ni// med pa kho na nye bar bstan// ci ste tshes ni dmigs med na// dmigs pa yod par ga la 'gyur/ zhes gsungs so// 'dir dmigs pa dang bcas pa'i chos gang dag ce na/ sems dang sems las byung ba thams cad do zhes bya ba'i lung las ni/ sems dang sems las byung ba rnams gzugs la sogs pa'i dmigs pa gang gis ci rigs par skyed par byed pa de ni de dag gi dmigs pa'i rkyen yin pa na/ yod pa dag la brtag gam/ med pa dag la yin grang / de la yod pa dag la ni dmigs pa'i rkyen de don med de/ chos bskyed par bya ba'i phyir dmigs pa yongs su rtog par byed na/ de ni dmigs pa'i snga rol tu yod pa nyid kyi phyir ro// ci ste de ltar chos rang gi bdag nyid dmigs pa med par rab tu grub na/ 'di ni dmigs pa dang ldan par brtags pas ci zhig bya/ de'i phyir yod pa bdog pa'i chos sems la sogs pa 'di dmigs pa med pa kho na byed cag gis rang 'dod kyis dmigs pa dang bcas pa yin no zhes nye bar bstan pa 'ba' zhig tu zad kyi/ 'di la dmigs pa dang 'brel pa cung zhig yod pa ni ma yin no// ci ste med pa la dmigs pa yongs su rtog par byed na/ de yang rigs pa ma yin te// chos 'di dmigs pa med
- 32b
bar ni// yin pa kho nar nye bar bstan// zhes bya ba la sogs pa la/ 'di ltar yod pa ma yin pa la ni dmigs pa dang 'brel pa yod pa ma yin no// chos 'di dmigs pa med pa ni// yin pa ste gyur/ pa kho na khyed kyis nye bar bstan te/ dmigs pa dang bcas par zhes bya ba ni tshig gi lhag ma'o// ci ste chos ni dmigs med na// dmigs pa yod par ga la 'gyur// zhes bya ba la/ ci ste'i sgra ni dri ba'o// ga la 'gyur zhes bya ba ni gtan tshigs so// des na don ni/ ci ste de ltar chos yod pa ma yin zhing mi bdog pa ni dmigs pa med na/ yang dmigs pa yod par ga la 'gyur zhes bya ba 'dir 'gyur te/ dmigs par byed pa med pa'i phyir dmigs pa yang med do zhes bya bar dgongs pa'o// ji ltar sems dang sems las byung ba rnams dmigs pa dang bcas par 'gyur zhe na/ mtshan nyid 'din kun rdzob pa yin gyi/ don dam pa ni ma yin pas nyes pa med do// da ni mtshungs pa de ma thag pa'i rkyen dgag pa'i phyir/ chos rnams skyes pa ma yin na// 'gag pa 'thad par mi 'gyur ro// de phyir de ma thag mi rigs// 'gags na rkyen yang gang zhig yin// zhes bya ba gsungs te/ de la tshigs su bcad pa phyed phyi ma'i rkang pa go bsnor bar blta bar bya'o// yang gi sgra ni 'gags na yang zhes rim pa bzhin du sbyar ro// / des na 'di skad du/ 'gags na rkyen yang gang zhig yin// de'i phyir de'i thag mi rigs zhes 'don par 'gyur te/ de skad du gsungs pa ni tshigs su bcad pa sdeb pa'i phyir yin no// de la rgyu 'gags ma zathag pa 'bras bu skye ba'i rkyen du 'gyur ba ni mtshungs pa de ma thag pa'i rkyen gyi mtshan nyid yin te/ 'di la dpyad par bya'o// myu gu la sogs pa 'bras bur gyur pa'i chos rnams skyes pa ma yin na/ rgyu sa bon
- 33a
la sogs pa'i 'gag pa 'thad par mi 'gyur ro// gang gi tshe 'di de lta yin pa de'i tshe rgyu 'gag pa med pa'i phyir/ myu gu'i mtshungs pa de ma thag pa'i rkyen gang zhig yin par 'gyur ci ste 'bras bu ma skyes par sa bon 'gag par 'dod na ni/ de lta na sa bon 'gags na ste med par gyur na/ myu gu'i rkyen yang gang zhig yin la/ sa bon 'gag pa'i rkyen yang gang zhig yin te/ 'di gnyi gargyu med par 'gyur ro// zhes 'chad pa ni/ 'gags na rkyen yang gang zhig yin zhes bya ba'o// yang gi sgra ni skye ba med pa la bltos pa ste/ des na myu gu ma skyes par sa bon 'gag par 'dod na yang gnyi ga rgya med pa can du 'gyur te/ de'i phyir de ma thag mi rigs zhes bya ba'o// yang na bdag las ma yin gzhan las min zhes bya ba la sogs pas skye ba bkag pa yin la/ skye ba bkag pa de la dgongs nas/ chos rnams skyes pa ma yin na// 'gag pa 'thad par mi 'gyur ro// de phyir de ma thag mi rigs// zhes gsungs so// gzhan yang / 'gags na rkyen yang gang zhig yin te/ 'di la bshad pa ni snga ma nyid sbyar bar bya'o// da ni bdag po'i rkyen bsal bar bzhed nas bshad pa/ sa bon la sogs pa/ dngos po rang bzhin med rnams kyi// yod pa gang phyir yod min na// 'di yod pas na 'di 'byung zhes// bya ba 'di ni 'thad ma yin// 'dir gang zhig yod pas gang 'byung ba de ni de'i bdag po yin no zhes bya ba ni bdag po'i rkyen gyi mtshan nyid yin na/ dngos po rnams ni rten cing 'brel par 'byung ba'i phyir/ rang bzhin med pa na gang zhig 'di zhes rgyu nyid du bsnyad pa de ga la yod cing / gang yang 'di zhes 'bras bu de nyid du ston pa de ga la yod/ de'i phyir mtshan nyid las kyang rkyen grub pa yod pa ma yin no// 'di smras pa/ sAl ma
- 33b
la sogs pa dag las snam bu la sogs pa skye bar dmigs nas/ sAl ma la sogs pa dag snam bu la sogs pa'i rkyen yin no// bshad pa bya ste/ snam bu la sogs pa 'bras bu 'byung ba nyid yod pa ma yin na/ rkyen rnams kyi rkyen nyid lta 'grub par ga la 'gyur/ ji ltar snam bu la sogs pa 'bras bu 'byung ba med pa de ltar bstan pa'i phyir/ rkyen rnams so so 'dus pa la// 'bras bu don med pa nyid// rkyen rnams la ni gang med pa// de ni rkyen las ji ltar skye// zhes gsungs so// de la snal ma dang tshig pa dang thag zangs dang / son shing la sogs pa so so ba dag la snam bu so sor yod pa ni ma yin te/ de dag la ma dmigs pa'i phyir dang / rgyu mang bas 'bras bu mang por thal bar 'gyur ba'i phyir ro// snal ma la sogs pa 'dus pa dag la yang snam bu yod pa ma yin te/ yan lag re re ba dag la med pa'i phyir dang / 'bras bu dum bur skye bar 'gyur ba'i phyir ro// de'i phyir 'bras bu med pas rkyen dag med do// ci ste 'bras bu de med kyang // rkyen de dag las skye 'gyur na// rkyen min las kyang 'bras bu ni// ci yi phyir na skye mi 'gyur// zhes bya bar bsams par gyur na ni// rkyen ma yin pa dag la yang // 'bras bu yod pa ma yin pas// rkyen ma yin pas 'dzag ma dag las kyang snam bu ci'i phyir na skye bar mi 'gyur/ de'i phyir 'bras bu 'byung ba med do// 'dir smras pa/ gal te 'bras bu gzhan zhig yin zhing rkyen yang gzhan yin par 'gyur na ni/ de'i tshe ci rkyen dag la 'bras bu yod dam med ces bya bar bsams par gyur na/ 'bras bu tha dad pa ni med do// 'o na ci zhe na/ rkyen gyi rang bzhin kho na yin no// bshad par bya ste/ 'bras bu rkyen gyi rang bzhin na// rkyen rnams bdag gi rang bzhin min//
- 34a
bdag dngos min las 'bras bu gang // de ni de ltar rkyen rang bzhin// gal te 'bras bu rkyen gyi rang bzhin rkyen gyi rnam par 'gyur ba yin no zhes rnam par 'jog na ni/ de mi rigs te// gang gi phyir/ rkyen de rnams kyang bdag gi rang bzhin ma yin te/ rkyen ma yin pa'i ngo bo zhes bya ba'i don to// snam bu la snam bu ni snal ma'i rang bzhin can no zhes bya bar brjod na ni/ gal te snal ma dag rang gi ngo bor grub par gyur na/ snam bur 'gyur na/ de dag ni cha shas kyi rang bzhin cha shas rnam par 'gyur ba yin gyi/ rang bzhin gyis grub pa ni yod pa ma yin no// de'i bdag nyid kyi rang bzhin ma yin pa de dag la snam bu zhes bya ba'i 'bras bu gang yin pa de ji ltar snal ma'i rang bzhin du 'gyur/ ji skad du/ snam bu rgyu las 'grub 'gyur zhing // rgyu yang gzhan las 'grub 'gyur bas// gang zhig rang gi 'grub med pa// des gzhan bskyed par ji ltar 'gyur// zhes bshad do// de phyir rkyen gyi rang bzhin min// de'i phyir rkyen gyi rang bzhin gyi 'bras bu ni yod pa yin no// 'o na rkyen ma yin pa'i rang bzhin du 'gyur zhe na/ rkyen min rang bzhin 'bras bu ni// yod min te/ gang gi tshe snam bu snal ma'i rang bzhin du yang med pa de'i tshe 'gal ba 'dzag ma'i rang bzhin du ji ltar 'gyur da smras pa/ 'bras bu ma du bad bad+ma/ rkyen dang rkyen ma yin pa'i ngas par yod pa yin te/ dka yang byed kyis/ kAs tAM bras bu med parkyen dag la ba byen/ rkyen ma yin pa dag las phyir skye ba ma yin zhes smras la/ snam bu dang re lde zhes bya ba'i 'bras bu med na ni snal ma dang 'dzag ma dag rkyen dang rkyen ma yin pa nyid du yang mi rigs te/ des na 'bras bu yang yod pa ma yin no//
- 34b
bshad par bya ste/ gal te 'bras bu yod par gyur na ni/ rkyen dang rkyen ma yin pa dag tu 'gyur ro// 'di ltar 'bras bu yod na ni 'di dag ni 'di'i rkyen yin no// 'di dag ni rkyen ma yin no zhes bya bar 'gyur na/ de yang rnam par dpyad pa na med pa nyid de/ de'i phyir 'bras bu med pas na/ rkyen min rkyen du ga la 'gyur te rkyen dang rkyen ma yin par zhes tshig bsdu'o// de'i phyir dngos po rnams skye ba yod pa ma yin no// ji skad du 'phags pa dkon mchog 'byung gnas kyi mdo las/ gang na'ang stong pa rig pa med pa ni// nam mkha' bar snang bya'i rjes dang mtshungs// gang na'ang ngo bo nyid 'ga' yod min pa// de ni nam yang gzhan gyi rgyur mi 'gyur// gang gi ngo bo nyid ni mi rnyed pa// rang bzhin med de ji ltar gzhan gyi rkyen// rang bzhin med pa gzhan gyi ci zhig bskyed// rgyu de bde bar gshegs pas bstan pa'o// thams cad chos kyang mi g.yo brtan par gnas// mi 'gyur 'tshe ba med cing zhi ba ste// ji ltar nam mkha' shes pa med pa bzhin// de la mi shes 'gro ba rmongs par 'gyur// ji ltar ri bo dag ni mi skul ba// de bzhin chos rnams rtag tu bstod mi nas// 'chi 'gro med cing skye ba med pa yi// chos rnams de sa rgyal bas rab tu bstan// zhes bya ba la sogs pa dang / de bzhin du chos gang skyeb med cing 'byung ba med 'chi 'pho med cing rga bar mi 'gyur ba// mi yi seng ge yis ni der ston zhing // sems can brgya phrag dag ni de la bkod// gang la ngo bo nyid ni gang yang med// gzhan yang ma yin sus kyang ma rnyed pa// nang na ma yin phyi rol dag na yang // mi rnyed de dag la ni mgon pos bkod// bde bar gshegs pas zhi ba'i 'gro gsungs kyang // 'gro ba gang yang rnyed par mi 'gyur te// de dag 'gro las grol bar//
- 35a
rnam par gsungs// grol nas sems can mang po grol bar mdzad zhes gsungs pa lta bu'o// slob dpon zla ba grags pa'i zhal snga nas sbyar ba'i tshig gsal ba las/ rkyen brtag pa zhes bya ba rab tu byed pa dang po'i 'grel pa'o// // 'dir smras pa/ gal te yang skye ba bkag pa las rten cing 'brel par 'byung ba'i khyad par 'gag pa med pa la sogs pa grub mod kyi/ de lta na yang rten cing 'brel par 'byung ba 'gro ba med pa dang 'ong ba med pa grub par bya ba'i phyir/ 'gro ba dang 'ong ba'i bya ba dgag par bya ba'i ched du/ rab tu grags pa'i 'thad pa gzhan cung zad brjod par bya dgos so// brjod par bya ste/ gal te 'gro ba zhes bya ba nges pa zhig yod na de song ba'i lam gyi rnam pa'am/ ma song ba'am bgom pa zhig la brtag grang na/ rnam pa thams cad du rigs pa ma yin no zhes bshad pa re zhig song la mi 'gro ste// ma song ba la'ang 'gro ba med// song dang ma song ma gtogs par// bgom pa shes par mi 'gyur ro// de la lam gyi rnam par 'gro ba'i bya ba 'gags pa la ni song ba zhes bya'o// 'gro ba'i bya ba ma skyes pa la ni ma song ba zhes bya la/ da ltar ba 'gro ba'i bya bas zin pa la mi bgom pa zhes brjod do// de la song ba 'gro ba'i bya ba 'gags pa gang yin pa de ni bgom pa zhes bya ba'i sgra 'gro ba'i bya ba da ltar ba dang 'brel pa brjod pa 'dis brjod na 'brel pa med pa de'i phyir na re zhig song ba la 'gro'o zhes bya ba ni mi rigs so// re zhig gi sgras ni dgag pa'i rim pa ston pa'o// ma song ba la yang 'gro ba ma yin te/ ma song ba ni 'gro ba'i bya ba ma skyes pa ma 'ongs pa la brjod la/ 'gro ba zhes bya ba ni da ltar byung ba yin te/ de'i phyir ma 'ongs pa dang / da ltar 'byung ba gnyis shin tu tha dad pas/ ma song ba la yang
- 35b
'gro ba zhes bya ba mi rigs te/ gal te ma song ba yin na ji ltar 'gro ba yin la/ 'on te 'gro na ni de ji ltar ma song ba yin/ bgom pa la yang 'gro ba med de/ gang gi phyir/ song dang ma song ma gtogs par// bgom pa shes par mi 'gyur ro// 'di na 'gro ba pos yul gang brgal bar gyur pa de ni/ de'i song ba'i yul yin la/ gang brgal bar ma gyur pa de ni de'i ma song ba yin na/ song ba dang ma song ba las tha dad par bgom pa zhes bya ba lam gyi rnam pa gzhan gsum pa ni ma mthong ngo // gang gi phyir de ltar bgom pa shes par mi 'gyur ro ste/ shes par mi 'gyur ba de'i phyir bgom pa yod pa ma yin no// de'i phyir de 'gro ba'i bya bas zin pa ma yin zhing 'gro ba ma yin pas bgom pa la yang 'gro ba med do// ci ste 'gro bzhin pa'i 'gro ba po'i rkang pas mnan pa'i phyogs gang yin pa de ni bgom pa yin par 'gyur ro snyam na/ de ltar ma yin te/ rkang pa yang rdul phra rab 'dus pa yin pa'i phyir sor mo'i rtse mo la gnas pa'i rdul phra rab kyi rgyab kyi phyogs gang yin pa de ni de'i song ba'i khongs su gtogs la/ rkang pa'i rdul phra rab rting par gnas pa'i mdun gyi phyogs gang yin pa de ni de'i ma song ba'i khongs su gtogs pa yin zhing / rdul phra rab las ma gtogs pa'i rkang pa yang yod pa ma yin te/ de'i phyir song ba dang ma song ba las tha dad par bgom pa yod pa ma yin no// de ltar rkang pa la ji ltar rnam par dpyad par byas pa de bzhin du/ rdul phra rab rnams la yang shar nub kyi phyogs kyi cha dang 'brel pa'i sgo nas rnam par dpyad par bya'o// de'i phyir de ma thag tu skye bzhin pa'i rnam par dpyad pas gyad song bar gyur pa'i bgom pa rig pa ma yin no// de'i phyir bgom pa la 'gro ba ma yin no// zhes bya bar grub po// 'dir smras pa/
- 36a
bgom pa la ni 'gro ba yod pa nyid de 'dir/ gang na g.yo ba den 'gro// de yang gang phyir bgom pa la// g.yo ba song min ma song min// de phyir bgom la 'gro ba yod// de la g.yo ba ni rkang pa 'degs pa dang 'jog pa'i mtshan nyid can no// gang gi phyir 'gro bzhin pa'i 'gro ba po'i g.yo ba yul gang na yod pa'i yul de nyid na 'gro ba yod pa yin la/ g.yo ba de yang song ba'i lam la yod pa ma yin zhing / ma song ba la yang ma yin te/ 'on kyang bgom pa kho na la yod pa yin no// de'i phyir bgom pa kho na la 'gro ba yod pa yin te/ gang zhig tu 'gro ba dmigs pa de ni bgom pa yin pa/ de yang byabs zin pa yin no// de'i phyir bgom pa khon la 'gro ba yod do// 'dir 'gro ba gcig ni shes pa'i don yin la/ gzhan ni yul gzhan du phyin pa'i don yin no zhes bya ba'o// de ltar brtags kyang bgom pa la 'gro ba med do zhes bya bar bshad pa/ bgom la 'gro ba yin par ni// dza lta bur na 'thad par 'gyur// gang tshe 'gro ba med pa yi// bgom pa 'thad pa med phyir ro// 'dir khyod 'gro ba'i bya ba dang ldan pa nyid las bgom par brjod par 'dod cing / de la yang 'gro'o zhes smra na/ 'dir 'gro ba'i bya ba ni gcig yin pas/ des lam bgom par brjod par 'gyur mod/ 'gro'o zhes yang bgom par bya ba dang 'brel par ni mi rigs te/ de'i phyir bgom pa la 'gro ba yin par ni/ ji lta bur ni 'thad par 'gyur zhes bya'o// gtan tshigs bshad pa/ gang tshe 'gro ba med pa ya// bgom pa 'thad pa med phyir ro// 'gro ba med pa ni 'gro ba dang bral ba'o// bgom pa zhes bya ba ni 'gro bzhin pa zhes bya ba'i don do// dgongs pa ni gang gi tshe 'gro ba'i bya ba cig ni bgom pa zhes bya ba der nye bar mkho ba'i phyir dang / gnyis pa med pa'i phyir la/ 'gror/
- 36b
zhes bya ba'i brjod pa 'di yang 'gro ba med par mi 'thad pa de'i tshe bgom pa la 'gro'o zhes bya ba la ngag gi don yongs su rdzogs pa yod pa ma yin no// zhes bya ste// bya ba gnyis pa med pa'i phyir bgom pa zhes bya/ ba 'di tsam zhig srid kyi/ 'gro'o zhes bya ba ni ma yin no// ci ste 'gro'o zhes bya ba de nyid dang / 'gro ba'i bya ba 'brel par 'dod na/ de lta yin na bgom pa'i brjod pa la bya ba dang 'brel pa med pas/ ngag gi don yongs su rdzogs pa nyid ma yin no zhes bshad pa/ gang gi bgom pa la 'gro ba// de yi bgom la 'gro med par// thal bar 'gyur te gang gi phyir// bgom la 'gro ba yin phyir ro// brgol ba gang gi bgom pa la 'gro'o zhes bya ba'i phyogs yin zhing / gang zhig bgom pa'i ming can du gyur pa 'gro ba'i bya bas stong pa la 'gro ba'i bya ba brten par gyur par 'dod pa de'i phyogs la bgom pa la 'gro ba med par thal bar 'gyur te/ de'i bgom pa 'gro ba dang bral bar 'gyur ro// 'di ltar 'di'i bgom pa la 'gro ba yin pa'i phyir ro// gang gi phyir gyi sgra ni 'di ltar gyi don no// 'di ltar rgol ba de'i ltar na ni 'gro'o zhes bya ba der bya ba nye bar mkho ba'i phyir 'gro ba dang bral ba'i bgom pa kho na 'gro ba yin te/ de'i phyir bgom pa la 'gro ba dang bral bar thal bar 'gyur ro// ci ste bgom pa dang 'gro'o zhes bya ba gnyi ga yang bya ba dang 'brel par 'dod na ni/ de lta na yang / bgo ma la 'gro ba yod na ni// 'gro ba gnyis su thal 'gyur te// gang gis de bgo ma gyur pa dang // de la 'gro ba gang yin pa'o// 'gro ba gang dang ldan pas lam gyis bgom pa zhes bya ba'i brjod pa rnyed// par 'gyur ba de ni 'gro ba gcig yin no// gang gis lam de bgrod pa'i gzhir gyur pa'i bgom pa de la 'gro ba ni gnyis pa ste/ bgom pa la 'gro ba yod na 'gro ba 'di gnyis su thal bar 'gyur ro// 'gro ba gnyis
- 37a
yod mod skyon ci yod ce na/ skyon 'di yod de gang gi phyir// 'gro ba gnyis su thal 'gyur na// 'gro ba po yang gnyis su 'gyur// yang ci'i phyir 'gro ba po gnyis sa thal bar 'gyur zhe na/ bshad pa/ gang phyir 'gro ba med par ni// 'gro po 'thad par mi 'gyur phyir// gang gi phyir bya ba ni/ gdon mi za bar las sam byed pa po yang rung ste/ rang gi sgrub par byed pa la bltos pa yin la/ 'gro ba'i bya ba 'di yang byed pa po la gnas pa yin te/ de'i phyir 'gro ba po la bltos pa yin no// lhas byin gcig 'gro ba na byed pa po gnyis pa yod pa yang ma yin te/ de'i phyir byed pa po gnyis pa med pa'i phyir bya ba gnyis med do// de'i phyir bgom pa la 'gro ba yod do zhes bya ba 'thad pa ma yin no// ci ste gang gi tshe lhas byin 'di 'dug bzhin du de'i tshe byed pa po gcig bya ba du ma dang ldan par mthong ba de bzhin du/ 'gro ba po gcig la bya ba gnyis yod par 'gyur ro snyam na ma yin te/ gang gi phyir nus pa byed pa po yin gyi rdzas ni ma yin la bya ba tha dad pas de'i sgrub byed nus pa yang tha dad par grub pa yin te/ 'dug pa'i bya bas smra ba por 'gyur ba ni ma yin no// gal te rdzas gcig yin no zhe na/ de lta yin du chug mod rdzas ni byed pa po ma yin te/ 'o na ci zhe na/ nus pa yin la de yang tha dad pa kho na yin no// gzhan yang gcig dus gcig tu bya ba 'dra ba gnyis kyis byed pa po nyid yin par yang ma mthong ste/ de'i phyir 'gro ba po gcig la 'gro ba gnyis med do// 'dir smras pa/ gal te yang de ltar yin mod kyi/ 'on kyang lhas byin 'gro'o zhes brjod pa las na 'gro ba po lhas byin la 'gro ba dmigs pa yin no// de'i phyir 'gro ba ni yod pa nyid de/ 'gro ba'i rten 'gro ba po yod pa'i phyir ro// brjod par bya ste/ gal te 'gro ba'i rten 'gro ba po yod na de ltar 'gyur ba zhig na de ni med do// ci ltar zhe na//
- 37b
bshad pa/ gal te 'gro po med 'gyur na// 'gro ba 'thad par mi 'gyur te// 'gro ba med na 'gro ba po// yod pa nyid du ga la 'gyur// 'gro ba po med par rten med pa'i 'gro ba med do zhes bshad zin to// de'i phyir gal te 'gro ba po med 'gyur na ste bsal na 'gro ba yod pa ma yin la/ 'gro ba med na rgyu med pa'i 'gro ba yod par ga la 'gyur/ de'i phyir 'gro ba med do// 'dir smras pa/ 'gro ba ni yod pa nyid de/ de'i sgo nas de dang ldan pa brjod pa'i phyir ro// 'di na 'gro ba po ni 'gro ba dang ldan pa yin la/ de dang ldan pa las kyang 'gro ba yin no// gal te 'gro ba med par gyur na ni/ 'gro ba dang mi ldan pa'i lhas byin la 'gro'o zhes brjod par mi 'gyur te/ 'khar ba med na 'khar ba can du brjod pa med pa bzhin no// brjod par bya ste/ gal te 'gro'o zhes bya ba'i brjod pa 'di nyid yod na/ 'gro ba yod par 'gyur na de ni med de/ gang gi phyir/ re zhig 'gro po mi 'gro ste/ 'gro ba po min 'gro ba min// 'gro po 'gro po min las gzhan// gsum pa gang zhig 'gro bar 'gyur// 'dir 'gro bar byed pas na 'gro ba po yin na/ de ni re zhig mi 'gro'o// ji ltar mi 'gro ba de ltar ni tshigs su bcad pa 'og ma gsum gyis ston par 'gyur ro// 'gro ba po ma yin pa yang mi 'gro ste/ 'gro ba po ma yin pa zhes bya ba ni gang zhig 'gro ba'i bya ba dang bral ba yin la/ 'gro'o zhes bya ba'i sgra 'di ni 'gro ba'i bya ba dang ldan pa la 'jug pa yin te/ de'i phyir 'di gal te 'gro ba po ma yin na ni ji ltar 'gro la/ 'on te 'gro na ni 'di 'gro ba po ma yin zhes bya/ gal te de gnyis las tha dad pa zhig 'gro'o zhe na/ de ltar ma yin te/ gang zhig la 'gro'o// zhes bya bar rtog pa 'gro ba po dang 'gro ba po ma yin pa las ma gtogs pa'i gsum pa zhes bya ba yang gang zhig yod/ de'i phyir 'gro ba med do// 'dir smras pa/ 'gro ba po ma yin pa mi 'gro la/ gnyi ga ma gtogs/
- 38a
pa yang mi 'gro ste/ 'o na ci zhe na/ 'gro ba po kho na 'gro ba yin no// 'di yang yod pa ma yin no// ci'i phyir zhe na/ 'di ltar/ gang tshe 'gro ba med par ni// 'gro po 'thad par mi 'gyur na// re zhig/ 'gro po 'gro'o zhes// ji ltar 'thad pa nyid du 'gyur// 'gro ba po 'gro'o zhes bya ba'i ngag 'dir 'gro ba'i bya ba ni gcig nyid yin la/ des kyang 'gro'o zhes bya bar brjod par 'gyur zhing / 'gro ba po zhes bya ba'i brjod pa la ni 'gro ba'i bya ba gnyis pa yod pa ma yin pas gang gi tshe 'gro ba med par 'gro ba po ste/ mi 'gro bar 'gro ba po zhes bya ba yod pa ma yin pa de'i tshe 'gro ba po 'gro'o zhes bya ba mi rigs so// 'gro'o// zhes bya ba ni yin du chug na/ 'gro ba po zhes bya ba 'di mi srid pas rigs pa ma yin no// ci ste 'gro ba dang ldan pa las 'gro ba po 'gro ba dang bcas pa nyid yin no zhe na/ de lta na yang 'gro ba'i bya ba gnyis pa med pa'i phyir 'gro'o zhes brjod pa yod par mi 'gyur ro zhes bshad pa/ gang gi phyogs la 'gro ba po// 'gro ba de la 'gro med pa'i// 'gro po yin par thal 'gyur te// 'gro po 'gro bar 'dod phyir ro// rgol ba gang gi 'gro ba dang ldan pa nyid las 'gro ba po yin no zhes bya ba'i phyogs yin zhing / 'gro ba po 'gro bar 'dod pa de la/ 'gro ba po'i brjod pa 'gro ba dang bcas pas/ 'gro ba med par 'gro ba po 'gro'o zhes bya bar 'gyur te/ 'gro ba'i bya ba gnyis pa med pa'i phyir ro// de'i phyir 'gro ba po 'gro'o zhes bya ba mi rigs so// 'gro ba med pa'i 'gro ba po yin par zhes bya ba'i ngag 'di'i 'gro ba po zhes bya ba'i sgra ni 'gro ba 'di'i don la 'jug go/ ci ste 'gro ba po 'gro zhes gnyi ga yang / 'gro ba dang ldan par 'dod do zhe na/ de ltan yang / gal te 'gro po 'gro 'gyur na// 'gro ba gnyis su thal 'gyur te// gang gis 'gro por mngon pa dang // 'gro por gyur nas gang 'gro ba'o// 'gro ba/
- 38b
gang dang ldan pas 'gro ba po zhes bya bar mngon zhing brjod pa 'gro ba gcig po de dang / 'gro por gyur nas gang 'gro ba ste/ 'gro ba'i bya ba gang zhig byed pa ste/ 'gro ba gnyis po 'di dag tu thal bar 'gyur ro// de'i phyir 'gro ba po gnyis su yang thal bar 'gyur ro zhes gong ma bzhin du skyon brjod par bya'o// de'i phyir 'gro'o zhes bya bar brjod pa don med par 'gyur ro// 'dir smras pa/ gal te yang de ltar yin mod kyi/ de lta na yang lhas byin 'gro'o zhes bya ba'i brjod pa yod pa'i phyir 'gro ba yod do// de ltar ni ma yin te/ gang gi phyir ci 'di 'gro por gyur pa zhig gam/ 'on te 'gro ba po ma yin pa zhig gam/ de gnyis las tha dad pa zhig 'gro grang / zhes dpyad pa 'di ni lhas byin gyi rten can yin la/ rnam pa thams cad du 'thad pa yang ma yin pas 'di ni gyi na'o// 'dir smras pa/ 'gro ba ni yod pa nyid de/ de'i rtsom pa yod pa'i phyir ro// 'di na lhas byin sdod pa btang nas 'gro bar rtsom la/ rus sbal gyi spu yod pa ma yin pa'i gos ni rtsom pa yang ma yin no// brjod par bya ste/ gal te de'i rtsom pa nyid yod na/ 'gro ba yod par 'gyur ba zhig na/ de ni med do// song la 'gro ba'i rtsom med de// ma song ba la'ang 'gro rtsom med// bgom la rtsom pa yod min na// gang du 'gro ba rtsom par byed// gal te 'gro ba'i rtsom pa de yod na// de'i tshe song ba'i lam la'am// ma song ba'am bgom pa zhig la rtsom par 'gyur ba zhig na/ de song ba la ni 'gro ba'i rtsom pa med do// song ba ni 'gro ba'i bya ba 'gags pa yin na/ gal te der 'gro ba rtsom na ni de song ba nyid du mi 'gyur te/ 'das pa dang da ltar ba dag ni 'gal ba'i phyir ro// ma song ba la 'gro ba'i rtsom pa med de/ ma song ba ma 'ongs pa dang da ltar bdag ni 'gal ba'i phyir ro// bgom pa la yang yod pa ma yin te/ de med pa'i phyir dang / bya ba gnyis su thal bar 'gyur ba'i/
- 39a
phyir dang / byed pa po gnyis su thal bar 'gyur ba'i phyir ro// de'i phyir de ltar thams cad du 'gro ba'i rtsom pa ma gzigs nas/ gang du 'gro ba rtsom par byed ces gsungs so// ji ltar 'gro ba yod pa ma yin pa de ltar bstan par bya ba'i phyir bshad pa/ 'gro brtsom pa'i snga rol na// gang du 'gro brtsom 'gyur ba// bgom pa med cing song ba med// ma song 'gro ba ga la yod// 'di ltar gang gi tshe lhas byin 'dug par gyur pa de'i tshe 'gro ba rtsom pa yod pa ma yin te/ de la 'gro brtsom pa'i snga rol tu ni gang du 'gro ba rtsom par 'gyur ba bgom pa'i lam gyi rnam pa yod pa ma yin la/ song ba yang yod pa ma yin no// de'i phyir song ba dang bgom pa med pa'i phyir 'di gnyis la 'gro ba'i rtsom pa med do// ci ste ga la ste yang 'gro brtsom pa'i snga rol tu song ba med cing bgom pa med mod kyi/ de lta na yang gang du 'gro ba rtsom par 'gyur ba ma song ba ni yod pa yin te/ der 'gro ba rtsom par 'gyur ro snyam na brjod par bya ste/ ma song 'gro ba ga la yod// ma song ba ni 'gro ba'i bya ba ma skyes shing 'gro ba'i bya ba ma brtsams pa yin na/ der 'gro brtsom mo zhes bya ba 'di ni ma 'brel pa yin no zhes bshad pa ni/ ma song 'gro ba ga la yod ces bya'o// gal te yang song ba dang ma song ba dang bgom pa dag la 'gro ba'i rtsom pa med mod kyi/ song ba dang ma song ba dang bgom pa dag ni yod pa yin la/ 'gro ba med na ni 'di dag mi rung ngo zhe na/ brjod par bya ste/ gal te 'di dag nyid yod na 'gro ba yod par 'gyur ba zhig go// 'gro ba'i rtsom pa yod na ni/ gang du 'gro ba'i bya ba 'gags pa de ni song ba zhes brtag par bya la/ gang dud ltar bar gyur pa de ni bgom pa yin zhing / gang du ma skyes pa de ni ma song ba yin no zhes brtag na/ gang gi tshe 'gro ba'i bya brtsom pa nyid yod pa ma yin pa de'i tshe/ 'gro rtsam rnam pa thams cad du/
- 39b
snang ba med pa nyid yin na// song ba ci zhig bgom pa ci// ma song ci zhig rnam par brtag/ thams cad du 'gro ba'i rtsom pa nyid dmigs pa med na/ phyin ci log tu dus gsum du rtog par ci ste byed/ de'i brjod pa'i rgyu 'gro ba yang lta ga la yod/ de'i phyir 'di ni rigs pa ma yin no// 'dir smras pa 'gro ba ni yod pa nyid de/ de'i gnyen po yod pa'i phyir ro// gang la gnyen po yod pa de ni yod pa yin te/ snang ba dang mun pa bzhin dang / pha rol dang tshu rol dang the tshom dang gtan la phebs pa bzhin no// 'gro ba la yang gnyen po gnas pa yod pa yin no// brjod par bya ste/ gal te de'i gnyen po gnas pa yod na ni 'gro ba yod par 'gyur ba zhig na de ni med do// ji ltar zhe na/ 'dir gnas pa ni 'gro ba po 'am/ 'gro ba po ma yin pa 'am/ de gnyis las gzhan pa zhig la brtag grang na/ rnam pa thams cad du mi rung ngo zhes bshad pa/ re zhig 'gro po mi sdod de// 'gro ba po min snod pa min// 'gro po 'gro po min las gzhan// gsum pa gang zhig sdod par 'gyur// 'gro ba po ji ltar mi sdod pa de ltar ni tshigs su bcad pa phyi mas ston par 'gyur ro// 'gro ba po ma yin pa yang mi sdod de/ de ni sdod pa nyid yin na/ de la gnas pa gzhan gyis dgos pa ci zhig yod/ gnas pa gcig gis ni 'gro ba po ma yin par 'gyur la/ gzhan gyis ni sdod par 'gyur ro zhes gnas pa gnyis su thal bar 'gyur ba'i phyir gnas pa po yang gnyis su thal bar 'gyur bas nyes pa snga ma bzhin du 'gyur ro// 'gro ba po dang 'gro ba po ma yin pa la sa ma gtogs pa'i don yang med do// 'dir smras pa/ 'gro ba po ma yin pa mi sdod la/ 'gro ba po dang 'gro ba po ma yin pa las gzhan pa yang mi sdod de/ 'o na ci zhe na/ 'gro ba po nyid sdod do// de ltar ni ma yin te gang gi phyir/ gang tshe 'gro ba med par ni// 'gro bo 'thad par mi 'gyur
- 40a
na/ re zhig 'gro po sdod do zhes// ji ltar 'thad pa nyid du 'gyur// gang gi tshe 'di sdod do zhes brjod pa de'i tshe de la gnas pa dang / 'gal ba'i 'gro ba yod pa ma yin la/ 'gro ba med par yang 'gro ba por brjod pa yod pa ma yin te/ de'i phyir 'gro ba po sdod do zhes bya ba ni mi 'thad do// 'dir smras pa/ 'gro ba ni yod pa nyid de ldog pa yod pa'i phyir ro// 'di na 'gro ba las ldog pa na gnas pa rtsom par byed na/ 'gro ba med na ni de las ldog par mi 'gyur ro zhe na/ brjod par bya ste/ gal te de las ldog pa nyid yod na/ 'gro ba yod par 'gyur na de ni med de/ 'di ltar/ bgom las ldog par mi 'gyur te// / song dang ma sor las kyang min// de la 'gro ba po song ba'i lam las ni mi ldog ste/ 'gro ba med pa'i phyir ro// ma song ba las kyang ma yin te/ 'gro ba med pa nyid kyi phyir ro// bgom pa las kyang mi ldog ste/ de ma dmigs pa'i phyir dang / 'thaba' byab mad pa'i phyir // de'i phyir 'tho ba las lhag pa med pa/ 'dir smras pa/ gal te'atho ba sa zan tha banas pa mad pas 'aza ba med pa yin na/ de ltar ra 'thub thab par bya ba'i phyir gnas pa grub par bya ste/ de grub pas 'gro ba grub pa yin no// de'i phyir gnas pa ni yod pa nyid de 'gran zla yod pa'i phyir ro// gnas pa'i 'gran zla ni 'gro ba yin la/ de ni yod pa yin no// de'i phyir gnas pa yang yod pa yin te/ 'gran zla yod pa'i phyir ro zhe na/ 'di yang mi rung ste 'di ltar// 'gro ba dang ni 'jug pa dang // ldog pa yang ni 'gro dang mtshungs// 'dir gnas pa bsgrub pa'i phyir bkod pa'i 'gro ba gang yin pa de ni tshwa dang mtshungasate/ 'thab su byed pa dang 'dra' nas kya 'dzin te// de gang dzinig za ba ba ma srid de nas thab la sogs pas/ 'grabarab tu bachub pa byor gtan chags du par ba dang na
- 40b
la sun 'byin pa brjod pa de bzhin du 'dir yang gnas pa bsgrub pa'i phyir gtan tshigs nyid du nye bar bkod pa'i 'gro ba la yang / re zhig gnas po mi 'gro ste// zhes bya ba la sogs pas tshigs su bcad pa gnyis 'don pa go bsnor te sun 'byin pa brjod par bya'o// des na 'gro ba med la de med pas 'gran zla gnas pa yang med do// de ltar na re zhig 'gro ba ni 'gro ba dang 'dra bar gsal bar bya'o// ci ste gnas pa ni yod pa nyid de/ de'i rtsom pa yod pa'i phyir ro// 'dir 'gro ba btang nas gnas pa rtsom par 'gyur la/ rtsom pa gang yin pa de yang yod par ji ltar mi 'gyur snyam na/ brjod par bya ste/ 'jug pa yang 'gro ba dang mtshungs par brjod par bya'o// de la ji ltar sngar song la 'gro ba'i rtsom med de/ zhes bya ba la sogs pas 'gro ba'i rtsom pa bkag pa de bzhin du/ 'dir yang gnas la gnas pa'i rtsom med de/ zhes bya ba la sogs pas tshigs su bcad pa gsum gyi bsnor te gnas pa'i 'jug pa la yang 'gro ba dang mtshungs par bsal bar bya'o// ci ste gnas pa ni yod pa nyid de de las ldog pa yod pa'i phyir ro// 'dir lhas byin gnas par gyur nas gnas pa las ldog pa na 'gro ba com par 'gyur te/ gal te gnas pa yod par mgyur na ni de las ldog par yang mi 'gyur ro snya man/ brjod par bya ste/ gal te de'i ldog pa yod par gyur na ni gnas pa yod par 'gyur na/ de ni med de/ gang gi phyir ldog pa yang ni 'gro dang mtshungs te/ gnas pa las ldog pa yang 'gro ba las ldog pa dang mtshungs par bsal bar bya ba yin no// ji ltar 'gro ba 'gog pa na// bgo ma las ldog par mi 'gyur te// song dang ma song las kyang min// zhes 'gro ba la sun 'byin pa brjod pa de bzhin du gnas pa dgag pa la yang / gnas bzhin pa las mi ldog ste// gnas dang mi gnas las kyang min zhes 'gro ba dang sun 'byin pa 'dra ba
- 41a
yin te/ de'i phyir gnas pa med do// de med pas 'gro ba'i gnyen po gnas pa yod par smra ba rnams kyi 'gro ba grub par ga la 'gyur te/ de'i phyir 'gro ba rnam pa thams cad du med pa nyid do// gzhan yang gal te 'gro ba yod par gyur na/ de 'gro ba po las tha dad par ram tha mi dad par yod par 'gyur ba zhig na/ rnam par dpyad pa na rnam pa thams cad du yod pa ma yin no zhes bshad pa/ 'gro ba de dang 'gro ba po// de nyid ces kyang byar mi rung // 'gro ba dang ni 'gro ba po// gzhan nyid ces kyang byar mi rung // yang ji ltar mi rung zhe na/ bshad pa/ gal te 'gro ba gang yin pa// de nyid 'gro po yin 'gyur na// byed pa po dang las nyid kyang / gcig pa nyid du thal bar 'gyur// 'gro ba'i bya ba gang yin pa de gal te 'gro ba po las tha mi dad par 'gyur na ni/ de'i tshe byed pa po dang bya ba yang gcig pa nyid du 'gyur ro// de'i phyir 'di ni bya ba'o 'di ni byed pa po'o zhes bya ba'i khyad par du yang mi 'gyur na/ gcod pa'i bya ba dang gcod pa po ni gcig pa yang ma yin te/ de'i phyir 'gro ba gang yin pa de nyid 'gro ba po yin no zhes bya bar mi rung ngo // 'gro ba dang 'gro ba po gzhan pa nyid du yang ji ltar med pa de ltar bstan pa'i phyir bshad pa/ gal te 'gro dang 'gro ba po// gzhan pa nyid du rnam brtag na// 'gro po med pa'i 'gro ba dang // 'gro ba med pa'i 'gro por 'gyur// gal te 'gro ba po dang 'gro ba dag gzhan nyid du gyur na ni/ de'i tshe 'gro ba la ma bltos pa'i 'gro ba por 'gyur zhing / bum pa las snam bu ltar 'gro ba po la bltos pa med par gzhan du grub pa'i 'gro ba bzung bar bya bar 'gyur na/ byed pa po las logs su grub pa'i 'gro ba ni 'dzin pa yang ma yin pas/ 'gro ba las 'gro ba po gzhan nyid yin no zhes bya ba ni mi rigs so zhes bya ba 'di ni rab tu bsgrubs pa yin no// de'i phyir de ltar/ gang dag dngos po gcig
- 41b
pa dang // dngos po gzhan pa nyid du ni// grub par gyur pa yod min na// de gnyis grub pa ji ltar yod// 'gro ba dang 'gro ba po gang dag la ji skad bshad pa'i tshul gyis gcig gis ngo bo dang gzhan gyi ngo bo grub par gyur pa ji ltar yang yod pa ma yin na/ de gnyis rnam pa gzhan gang du grub par 'gyur// de nyid kyi phyir de gnyis grub pa ji ltar yod ces gsungs te/ 'gro ba dang 'gro ba po gnyis grub pa med do snyam du dgongs pa'o// 'dir smras pa/ 'di na 'gro ba po lngas byin 'gro'o zhes bya bar ni 'jig rten du grags yin no// de la smra ba po tshig smra'o// byed pa po bya ba byed do// zhes ji ltar grags pa de bzhin du 'gro ba gang gis 'gro ba por mngon pa de 'gro'o zhes bya ba yang yin pas/ ji skad du brjod pa'i nyes par mi 'gyur ro// 'di yang yod pa ma yin te gang gi phyir/ 'gro ba gang gis 'gro por mngon// 'gro ba de ni de 'gro min// 'gro ba gang gis lhas byin 'gro ba po zhes bya bar mngon par gsal ba de ni 'gro ba ma yin te/ yin par mi 'gyur ba 'am/ byed pa ma yin no zhes bya ba'i don to// 'di ltar gang phyir 'gro ba'i snga rol med// de'i 'gro ba'i snga rol ni// de 'gro ba'i snga rol lo// gal te 'gro ba'i snga rol tu 'gro ba po grub par 'gyur na ni/ de der 'gro bar 'gyur zhig go/ ji ltar zhe na/ gang gi phyir/ gang zhig gang du 'gro bar 'gyur// lhas byin gang zhig don gzhan du gyur pa'i grong ngam grong khyer gang zhig tu 'gro bar mthong ba yin na/ de bzhin du 'gro ba gang gis 'gro ba po zhes brjod pa de'i snga rol tu gang zhig de 'gro bar 'gyur ba 'gro ba la mi bltos pa'i 'grob po zhes bya ba ni yod pa yang ma yin no// ci ste 'gro ba gang gis 'gro ba bo zhes mngon pa de nyid ni 'dir 'gro ba ma yin te/ 'on ci zhe na/ de las gzhan 'gro'o snyam du sems na/ 'di yang yod pa ma yin te/ gang gi phyir/ 'gro ba gang gis 'gro por mngon// de las
- 42a
gzhan pa de graman// gang phying 'gra ba gcig po la// 'gro gnyis su mi 'thad do// 'grob par gyur pa doni 'gro ba gang gis 'grib par mngon pa de las gzhan yang 'gro ba ma yin te/ 'gro ba gnyis/ mthal bar 'gyur ba'i phyir ro// 'bru gang gis 'thab bar mngan pa dgasal pa dang / 'thob par byung nas gzhin gang zhig 'gre zhes byab ste/ 'gro ba 'di gnyis sa thal bar 'gyur na/ 'grib pag ce/ la 'gro ba gnyis kyang me pas 'di ni mi rigs so// 'dis ni sgrub po tshig smra'o zhes pa dang / byed pa'i bya byed do// zhes byab yang bsal ba yin no// de'i phyir de sar/ 'bru ba yin par gyung pa ni// 'bru rnams pasmra mapakyin// ma y-i ya / gas ma na/ na gyu yang// ngas gas ma dun pa // da gru byung nas del grub pa yin pa gyur pan/ ga shig+sa 'gro pa'i thab dang ldan pa'o// gr-i ba ma yin pa ba pa ni 'khra ba'i byi ba thal bag// yin pa dang ma yin pa byung bani/ gnyi TIgang yin pa'o// rdu thab yang zla ba ba dang khrem pa sanas ma pags mdu rig par bya'o// de la 'thub pa par gyu ni yin par byung ba dang ma yin pa byung ba dang / len pa rlu ma yin pang thu pags ma du gro bar mi byed de// 'di yang las dang byed pa brtag pa las 'chad par 'gyur ro// de bzhin du 'grib pa ma yin par gyu pa yang 'gro ba rnam pags mdu 'gro bar mi cid pa/ yin pa dang ma yi byung ba yang mi byed do// nes de ny-id las ston par 'gyur ro// gang gi phyir de sar rnam par thad pa/ 'thab pa dang bad pa dang 'gro ba rnams yod pa ma yin pa/ depyong 'gro dang 'tha ba dang // bgrad par bya sa
- 42b
ma yin// zhes bya'o// ji skad du/ 'phags pa blo gros mi zad pas bstan pa'i mdo las/ btsun pa shA ra dwa ti'i bu 'ong ba zhes bya ba de ni bsdu ba'i tshig go/ btsun pa shA ra dwa ti'i bu 'gro ba zhes bya ba de ni bsal ba'i tshig go/ gang la bsdu ba'i tshig med pa dang / bsal ba'i tshig med pa de la 'ong ba yang med/ 'gro ba yang med do// 'ong ba dang 'gro ba med pa ni/ 'phags pa rnams kyi 'gro ba'o zhes gsungs pa lta bu'o// gal te sa bon nyid myu gur 'pho ba yin na ni de sa bon yin gyi myu gu ma yin pa dang / rtag pa'i skyon du thal bar 'gyur ro// 'on te myu gu gzhan nas 'ong na ni rgyu med pa'i skyon du thal bar 'gyur na/ rgyu med pa ni skye ba yang ma yin te/ bong bu'i rwa bzhin no// de nyid kyi phyir bcom ldan 'das kyis kyang / sa bon yod na myu gu ji bzhin te// sa bon gang yin myu gu de nyid min// de las gzhan min de yang ma yin te// de ltar rtag min chad min chod nyid do// / zhes bya ba dang / rgya las rgya'i 'bur ni snang mod kyi// rgya de 'phos par dmigs pa'ang yod pa ma yin/ de la de med gzhan la ma yin te// de ltar 'dus byas rtag med chad pa med// zhes bya ba dang / me long ngos dang 'brumar snod rnams la// bud med pa bzhin brgyan pas bskus pan// byis pa de ni de la chags bsnyed nas// 'dud pa tshol ba 'phyir yang shin/ rtsu// bzhid ni dar yang 'brab ma yin te// gzugs brnyan man nam yang bzhin mi rnyed// rmongs pa de dag 'dod chags bskyed pa ltar// chos rnams thams cad de bzhin shes par gyis// zhes gsungs so// ji skad du/ 'phags pa ting nge 'dzin gyi rgyal po las kyang / de tshe sdig med stobs bcu ldan pa yi// rgyal ba de ni ting 'dzin mchog 'di 'chad// srid pa'i 'gro ba rmi lam lta bu ste// 'di la su yang mi skye 'chi ba med// sems can mi dang srog kyang mi rnyed de// chos 'di rnams ni dbub chu shing
- 43a
'dra// sgyu ma lta bu nam mkha'i glog 'dra ste// chu yi zla ba 'dra zhing smig rgyu bzhin// mi 'ga' 'jig rten 'dir yang shi nas ni// 'jig rten gzhan du 'pho zhing 'gro med kyang // las byas rnams ni nam yang chud mi za// 'khor ba na yang dkar nag 'bras bu smin// rtag pa ma yin chad par mi 'gyur te// las bsags med cing gnas pa dag kyang med// de yang byas nas reg par mi 'gyur min// gzhan gyis// byas pa tshor bar 'gyur ba'ang med// 'pho ba med cing phyir yang 'ong ba med// thams cad yod pa ma yin med pa'ang min/ 'di na lta gnas 'jug pa dag pa min// sems can dpyod pa rab zhi 'jug pa med// srid gsum rmi lam dang 'dra snying po med// myur du 'jig cing mi rtag sgyu ma bzhin// 'ong ba med cing 'di nas 'gro ba'ang med// rgyun rnams rtag tu stong zhing mtshan ma med// bde gshegs spyod yul rgyal ba'i yon tan ni/ skye med zhi ba mtshan ma med pa'i gnas// stobs dang gzungs rnams dang ni stobs bcu'i stobs// 'di ni sangs rgyas khyu mchog gyur pa'i mchog/ dkar po'i chos mchog yon tan bsags pa ste// yon tan ye shes gzungs dang stobs mchog dang // rdzu 'phrul rnam par 'phrul par bya ba'i mchog/ mngon shes mchog lnga thob pa dam pa'i tshul// zhes rgya cher gsungs pa lta bu'o// de bzhin du/ tshe dang ldan pa dag gar dong / gang nas lhags de dag gis smras pa/ btsun pa rab 'byor gang du yang 'gro ba med pa dang / gang nas kyang 'ong ba med pa dang / gang nas kyang 'ong ba med pa'i phyir bcom ldan 'das kyis chos bstan to zhes gsungs so// slob dpon tha bgrags pa'i zhal snganas sbyang ba'i tshig gsal ba las/ 'gro ba dang 'ong ba brtag pa zhes bya ba ste/ rab tu byed pa gnyis pa'i 'grel pa'o//
- 43b
'di smras pa/ gal te yang 'gro ba dang 'gro ba po dang bgrod pa yod pa ma yin mod kyi/ de lta na yang gsung rab las rab tu grub pa la bltos nas lta ba po dang blta bar bya ba dang / lta ba la sogs pa rnams yod par khas blang dgos so// de skad du yang / chos mngon pa las/ lha dang nyan dang sdom pa dang // myang bar byed dang reg byed yid// dbang po drug ste de dag gi/ spyod yul blta bar bya la sogs// zhes gsungs so// de'i phyir lta ba la sogs pa dag ni rang bzhin gyis yod pa yin no// yod pa ma yin te/ 'dir mig ni lta bas na lta bar byed pa yin la/ gzugs ni de'i yul nyid yin par nye bar bstan to// ji ltar lta ba gzugs la mi lta ba de ltar bstan pa'i phyir bshad pa/ lha de rang gi bdag nyid ni// de la lta ba ma yin nyid// gang zhig bdag la mi lta ba// de gzhan dag la ji ltar lta// de la lta ba der rang gi bdag nyid la lta ba ma yin pa nyid de// rang gi bdag nyid la bya ba 'gal ba'i phyir ro// de'i phyir rang gi bdag nyid la mi lta ba'i phyir rna ba la sogs pa bzhin du sngon po la sogs pa la'ang mi lta bar 'gyur ro// de'i phyir lta ba yod pa ma yin no// gal te yang lta ba rang gi bdag nyid la mi lta mod kyi/ de lta na yang gzhan la lta ba yin te me bzhin no// 'di ltar me ni gzhan gyi bdag nyid kho na sreg par byed kyi/ rang gi bdag nyid ni ma yin no// de bzhin du lta ba yang gzhan la nal lta'i/ rang gi bdag nyid ni ma yin no zhe na/ 'di yang rigs pa ma yin te gang gi phyir/ lta ba rab tu sgrub pa'i phyir// me yi dpes ni nus ma yin// lta ba rab tu bsgrub par bya ba'i phyir khyod kyis me'i dpe nyebar bkod pa gang yin pa des ni nus pa ma yin te/ mi chog pa dang / mthu med pa dang / mi rigs so zhes bya ba'i don to// gang gi phyir/ song dang ma song bgom pa yis// de ni ltar bcas lan btab bo//
- 44a
lta ba dang lhan cig gnas pas na ltar bcas so// khyod kyis lta ba rab tu bsgrub pa'i phyir me'i dpe bstan pa gang yin pa de yang dngos kyi don lta ba dang lhan cig lan btab po ste sun 'byung ba yin no// / gang gis she na/ song dang ma song bgom pa yis/ zhes gsungs te/ gang gi phyir ji ltar song ba la mi 'gro zhing / ma song ba la yang ma yin la/ bgom pa la ma yin pa de bzhin du/ mes kyang bsregs pa la mi sreg la// ma bsregs pa la yang mi sreg go/ zhes bya ba la sogs pas mtshungs par brjod par bya'o// yang ji ltar song ba dang ma song ba dang bgom pa la mi 'gro ba bzhin du/ re zhig bltas la mi lta ste// ma bltas pa 'ang lta ba min// bltas dang ma bltas ma gtogs par// lha bzhin shes par mi 'gyur ro// zhes bya ba la sogs pa brjod par bya'o// ji ltar re zhig 'gro po mi 'gro ste// zhes bya ba la sogs pa bshad pa de bzhin du/ re zhig sreg po mi sreg ste zhes bya ba la sogs pa brjod par bya zhing / de bzhin du re zhig lta po mi lta ste zhes bya ba la sogs pas/ me'i dpe dang lhan cig tu song ba dang ma song ba dang bgom pa dag dngas na byung ba mtshungs pa de'i snying mo bzhin du lnga bgrub pa zhes b+hab ma rigs so// de gyur lta ba rang gi bdag bzhin du/ gzhan dgal yang ltab ma yin no zhes bya 'di zab pa yin no// glang gi yin pa de'i tshe/ gang tshe cung zad mi lta ba// lta bar byed pa ma yin no// lta bas lta bar byed ces byar// de ni ji ltar rigs par 'gyur// gang gi tshe de ltar cung zad kyang mi lta bas lta bar byed pa ma yin pa de'i tshe/ mi lta ba la lta bar byed pa de nyid mi rigs pa'i phyir lta bas na/ lta bar byed pa'o zhes brjod pa mi rigs te/ ka ba la sogs pa bzhin no// gal te yang tshigs su bcad pa sdeb pa'i ngor lta bar byed pa ma yin/
- 44b
no zhes bya ba'i mjug thogs su lta byed lta bas yin zhes byar/ zhes bya bar 'don mod kyi/ de lta na yang 'chad pa'i dus su lta bas lta bar byed ces byar/ de ni ji ltar rigs par 'gyur zhes gdon par bya'o// / gzhan yang 'dir lta bas na lta bar byed pa'o zhes brjod pa na lta ba'i bya ba dang mig lta ba'i rang bzhin can zhig gam/ lta ba'i rang bzhin can ma yin pa zhig 'brel par rtog grang / gnyi ga ltar yang mi rung ngo zhes bshad pa/ lta ba lta nyid ma yin te// lta ba min pa mi lta nyid// re zhig lta ba'i rang bzhin can lta ba'i bya ba dang 'brel par mi 'thad de/ lta ba'i bya ba gnyis su thal bar 'gyur ba'i phyir dang / lta bar byed pa gnyis su thal bar 'gyur ba'i phyir ro// lta ba'i rang bzhin can ma yin pa yang mi lta ste/ lta ba'i bya ba dang bral ba'i phyir sor mo'i rtse mo bzhin no zhes bya bar dgongs so// gang gi tshe de ltar lta ba lta nyid ma yin te/ lta ba min pa mi lta nyid// yin pa de'i tshe/ ltabs lta bar byed ces byar/ de ni ji ltar rigs par 'gyur zhes bya ba 'di nyid dang sbyar bar bya'o// kha cig skye bzhin par gyur pa chos tsam po 'di ni bya ba med par skye bas 'gags kyang yul cung zad kyang mi lba ste/ bya ba med pa'i phyir ro// de'i phyir lta ba mi lta'o zhes bya ba 'di ni grub pa la sgrub pa yin no snyam du sems so// 'di la brjod par bya ste/ gal te tha snyad kyi yan lag tu gyur pa'i bya ba med na ni/ de'i tshe chos tsam po yang med par 'gyur te/ bya ba dang bral ba'i phyir nam mkha'i me tog bzhin no// des na bya ba dang bral ba'i chos tsam du go ga la 'gyur/ de'i phyir gal te tha snyad kyi bden pa yin na ni chos tsam po bzhin du/ bya ba la yang khas long la/ 'on te de kho na nyid sems na ni bya ba bzhin du chos tsam po yang yod pa ma yin no zhes khas blang bar bya'o// ji skad du brgya pa las/ bya ba dang ldan
- 45a
rtag pa nyid// kun tu 'gro la bya ba med// bya ba med pa med dang mtshungs// bdag med la khyod cis mi dga'// zhes bshad do// de'i phyir gzhan gyi tshul 'di gnod par byed pa ma yin la/ kho bo cag la grub pa la sgrub pa'i skyon du yang mi 'gyur ro// 'dir smras pa/ lta bas na lta bar byed pa'o zhes byed pa po sgrub pa ni khas mi len gyi/ 'o na ci zhe na/ 'dis lta bar byed pas na lta ba'o zhes byed pasgrub pa yin no// des ni ji skad smras pa'i skyon du thal bar mi 'gyur ro// gang zhig byed par gyur pa'i lta ba 'dis lta bar byed pa de ni lta ba po yin la/ 'di yang rnam par shes pa 'am bdag yin yang rung ste yod pa nyid do// byed pa po yod pa las kyang lta ba grub pa yin no// brjod par byas/ lta ba nyid kyis lta ba po'ang // rnam par bshad par shes par bya// de la ji ltar/ lha de rang gi bdag nyid ni// zhes bya bal sogs pas lta ba la sun 'byin pa brjod pa de bzhin du lta ba po la yang sun 'byin pa lta ba dang 'dra bar rig par bya'o// 'di lta ste/ lta po rang gi bdag nyid ni// lhubs lta ba ma yin nyid// gang zhig bdag la mi lta ba// de gnan dag la ji ltar lta// zhes bya ba la sogs pas brjod par bya ste/ de'i phyir lta ba bzhin du lta ba po yang yod pa ma yin no zhes bya bar grub bo// 'dir smras pa/ lta ba po ni yod pa nyid de/ las dang byed pa yod pa'i phyir/ 'dir gang med pa de la ni las dang byed pa med de/ dper na mo gsham gyi bu bzhin no// byed pa po la ni byed pa lta ba dang blta bar bya ba las kyang yod pa yin te/ de'i phyir gcod pa po bzhin dra las dang byed pa yod pa'i phyir ltab po yod pa nyid do// brjod par bya ste/ blta bar bya ba dang lta ba ni yod pa ma yin pa nyid de/ de'i phyir ltab po yod par gal 'gyur/ blta bar bya ba dang lta ba ni ltab po la bltos
- 45b
pa yin la/ de yang nges par spyad pa na// ma spangs lta bo yod min te// lta ba spangs par gyur kyang ngo // 'dir lta ba po zhes bya ba 'ga' zhig yod na ni de lta ba la bltos pa dang bcas pa 'am/ bltos pa med pa zhig tu 'gyur grang / de la gal te lta ba la bltos pa dang bcas pa ma spangs pa'i lta ba po 'dod na ni/ de'i tshe grub pa zhig gam ma grub pa zhig lta ba la bltos par 'gyur ba zhig na/ de la grub pa'i lta ba po ni lta ba la bltos pa ma yin te/ grub par gyur nas lta ba po yang lta ba la bltos pas ci zhig byed/ grub pa ni slar yang bsgrub par bya ba ma yin no// ci ste ma grub pa'i lta ba po lta ba la bltos so zhe na/ ma grub pa'i phyir mo gsham gyi bu bzhin du lta ba la bltos pa med do// de ltar re zhig ma spangs pa ste lta ba la bltos nas lta ba por gyur pa med pa yin no// lta ba po lta ba spangs par gyur pa yang mi 'grub ste/ lta ba la bltos pa med pa'i phyir te sngar bshad pa yin no// de'i phyir de ltar gang gi tshe lta ba spangs pa dang / ma spangs pa'i lta ba po yod pa ma yin pa de'i tshe/ lta bo med na blta bya dang // lta ba de dgag la yod// lta ba po med na rgyu med pa'i blta bya dang lta ba dag mi srid pas de dag yod pa las lta ba po grub par ga la 'gyur// 'dir smras pa/ blta bar bya ba dang lta ba dag ni yod pa nyid de/ de dag gi 'bras bu yod pa'i phyir ro// de la ji ltar ba dang ma dag la// brten nas bu ni 'byung bshad pa// de bzhin mig dang gzugs brten nas// rnam par shes pa 'byung bar bshad// ces bya ba la/ blta bar bya ba dang lta ba la brten nas rnam par shes pa 'byung la gsum 'dus par gyur pa las reg pa zag pa dang bcas pa 'byung zhing / reg pa dang lhan cig 'byung ba ni tshor ba yin la/ de'i rkyen gyi sred pa yin no// de ltar na srid pa'i yan lag bzhi po blta bar bya ba dang
- 46a
lta ba'i rgyu can dag ni yod pa yin te/ de'i phyir/ de dag gi 'bras bu yod pa'i phyir blta bar bya ba dang lta ba gnyis yod do// brjod par bya ste/ gal te rnam par shes pa la sogs pa bzhi po nyid yod na/ de gnyis yod par 'gyur na/ yod pa ni ma yin no// 'di ltar blta bya lta ba med pa'i phyir/ rnam par shes la sogs pa bzhi// yod min/ 'dir lta ba po med pas blta bar bya ba dang lta ba gnyis kyang med do zhes bshad zin to// de'i phyir rnam par shes pa dang reg pa dang tshor ba dang sred pa zhes bya ba rnam par shes pa la sogs pa bzhi po yod par ga la 'gyur/ de'i phyir rnam par shes pa la sogs pa rnams med do// 'dir smras pa/ de dag ni yod pa nyid de de dag gi 'bras bu yod pa'i phyir ro// 'dir srid pa'i rkyen gyis len pa zhes bya ba sogs pas len pa dang srid pa dang skye ba dang rga shi la sogs pa ni rnam par shes pa la sogs pa bzhi las skye ste/ de'i phyir rnam par shes pa la sogs pa dag yod de de dag gi 'bras bu yod pa'i phyir ro// brjod par bya ste/ gal te rnam par shes pa la sogs pa bzhi po yod na ni len pa la sogs pa dag yod par 'gyur na/ gang gi tsha blta bar bya ba dang lbab med pas rnam par shes pa la sogs pa bani po yod pa ma yin pa yod pa ma yin pa da ci/ nye bar ldan la sogs// ji lta bur na yod par 'gyur/ nye bar len pa la sogs pa rnams yod par mi 'gyur ro// zhes bya ba'i don to// da ni dbang po lhags ma rnam par bshad pa lta ba dang 'dra bar bsgre bar bya ba'i phyir/ lta bas nyan dang sdom pa dang // myang bar byed dang reg byed yid// nyan pa po dang mnyan la sogs// rnam par bshad par shes par bya// zhes bya ba gsungs so// bcom ldan 'das kyis mig gis gzugs
- 46b
rnams mi mthong zhing // yid kyi chos rnams mi shes te// gang du 'jig rten mi 'jug pa// 'di ni bden pa'i mchog yin no// gang du rkyen tshogs pas mthong ba// 'dren pa rab tu ston mdzad pa'i// sa de don/ dam 'dzin pa ni// nye bar brtag par chub par 'gyur// zhes bya ba dang / de bzhin du/ mig dang gzugs la brten nas ni// mig gi rnam shes 'dir skye yang // gzugs ni mig la brten ma yin// gzugs ni mig la 'pho ba'ang min// bdag med mi sdug chos 'di dag/ slar yang bdag dang sdug ces brtags// med la log par brtags pa ste// de las mig gi rnam shes 'byung // rnam shes 'gag dang 'byung ba las// rnam shes zad dang 'phel bar mthong // 'gar yang 'gro 'ong med stong // sku 'drar rnal 'byor pa yis mthong // zhes gsungs so// de bzhin du 'phags pa nye bar 'khor gyis zhus pa las kyang / mig/ ni thams cad ldan na mthong 'gyur te// mig gis gzugs rnams mthong ba gang yin pa'ang // mtshan mo rkyen rnams med na mthong mi 'gyur// de phyir ldan dang bral ba rnam rtog yin// mig ni snang la brten te yid 'ong dang // yid du mi 'ong sna tshogs gzugs mthong bas// de ltar snang la brten te mthong bas na// de phyir mig gis nam yang mthong ba med// yid du 'ong ba'i sgra grag gang yin pa// de yang nam yang nang du zhugs pa med// de 'gro dmigs su yod pa ma yin te// rtog pa'i dbang gis sgra rnams 'byung ba yin// zhes gsungs so// de bzhin du/ glu dang gar dang rol mo'i sgra yang gzung bya min// rmi lam lta bu mi mkhas rmongs dang chags pa'i rgyu// mi mkhas kun tu rtog la zhen rnams brlag 'gyur zhing // skye bo byis pa nyon mongs bran bzhin bdag gyur tam/ zhes gsungs so// slob dpon zla ba grags pa'i zhal snga nas sbyar ba'i tshig
- 47a
gsal ba las/ dbang po brtag pa zhes bya ba rab tu byed pa gsum pa'i 'grel pa'o// // 'dir smras pa/ gal te de ltar dbang po rnams med na// phung po lnga ma bkag pa'i phyir dang / dbang po rnams kyang de'i khongs su 'dus pa de'i phyir de rnams kyang yod par 'gyur ro// brjod par bya ste/ gal te phung po rnams yod na de ltar 'gyur ba zhig na de rnams ni med do// de la gzugs kyi phung po'i dbang du mdzad nas bshad pa/ gzugs kyi rgyu ni ma gtogs par// gzugs ni dmigs par mi 'gyur ro// gzugs zhes bya ba ma gtogs par// gzugs kyi rgyu yang mi snang ngo // de la gzugs ni 'byung ba las gyur pa'o// de'i rgyu ni 'byung ba chen po bzhi'o// de dag las tha dad cing gzhan du gyur pa 'byung ba las gyur pa'i gzugs ni bum pa las snam bu ltar dmigs par mi 'gyur ro// gzugs zhes bya ba ma gtogs par te gzugs las gzhan du gyur pa'i gzugs kyi rgyu yang dmigs par mi 'gyur ro// dam bca' ba 'di gnyis rab tu sgrub par bzhed nas bshad pa/ gzugs kyi rgyu ni ma gtogs par// gzugs na gzugs ni rgyu med par// thal bar 'gyur te don gang yang // rgyu med pa ni gang na'ang med// ji ltar bum pa las de na gzhan du gyur pa'i snam bu bum pa'i rgyucan ma yin pa de bzhin du/ gzugs kyi rgyu 'byung ba chen po las tha dad par gyur pa 'byung ba las gyur pa'i gzugs 'dod na yang 'byung ba'i rgyu can du mi 'gyur te/ rgyu med pa can du 'gyur na/ don gang zhig rgyu med pa ni gang na yang yod pa ma yin no// de'i phyir rgyu med par thal bar 'gyur ba'i phyir na gzugs kyi rgyu las ma gtogs pa'i gzugs khas blangs par bya ba ma yin no// da ni gzugs las ma gtogs par gzugs kyi rgyu yang ji ltar med pa de ltar bstan pa'i phyir bshad pa/ gal te gzugs
- 47b
nim gtogs par// gzugs kyi rgyu zhig yod na ni// 'bras bu med pa'i rgyur 'gyur te// gal te 'bras bu'i gzugs ma gtogs pa'i gzugs kyi rgyu zhig yod par gyur na ni de'i tshe ji ltar snam bu las tha dad par grub pa'i mkhar zhong snam bu'i rgyu can ma yin pa de bzhin du 'bras bu las tha dad par 'dod pa'i rgyu yang rgyu med par 'gyur ro// rgya rgyu nyid du bya ba'i rgyu ni 'bras bu 'jug pa yin na/ tha dad par grub pa nyid kyi phyir 'bras bu la ma bltos pa'i rgyu las ni 'bras bu 'jug pa yod pa ma yin no// 'bras bu med pa'i rgyu gang yin pa de ni rgyu med pa can yin pa'i phyir nam mkha'i me tog ltar med pa nyid yin no zhes bshad pa ni/ 'bras bu med pa'i rgyu med do zhes bya ba'o// gzhan yang gzugs kyi rgyu 'di 'dod pa na/ gzugs yod pa na rgyu nyid du 'dod dam/ med pa na 'dod grang na/ gnyi ga ltar yang mi 'thad do zhes bshad pa/ gzugs yod na yang gzugs kyi ni// rgyu yang 'thad par mi 'gyur nyid// gzugs med na yang gzugs kyi ni// rgyu yang 'thad par mi 'gyur nyid// de la gzugs yod pa na ste bdog pa na ni gzugs/ kyi rgyus dgos pa ci zhig yod/ med na yang ste gzugs yod pa ma yin na yang gzugs kyi rgyus dgos pa ci zhig yod/ yang na de gang gi rgyu yin par brtag/ de'i phyir gzugs med na yang gzugs kyi rgyu ni 'thad par mi 'gyur ro// ci ste gal te yang de ltar gzugs kyi rgyu mi srid mod kyi de lta na yang 'bras bu'i gzugs ni yod la/ de yod pa las rgyu yang yod par 'gyur ro snyam na/ gal te 'bras bu'i gzugs yod na de ltar 'gyur na/ yod pa yang ma yin te/ gang ga phyir/ rgyu med pa'i gzugs dag ni// 'thad par mi rung rung min nyid// gzugs kyi rgyu ni ji ltar med pa de ltar bshad zin to// rgyu med na ni 'bras bu'i gzugs rgyu med pag
- 48a
la yod/ mi rung mi rung min nyid ces bya ba nges par bzung ba dang bcas pa'i dgag pa gnyis po 'dis ni rgyu med par smra ba shin tu tha chad yin par ston par mdzad pa'o// gang gi phyir/ de ltar gzugs rnam par dpyad pa na rnam pa thams cad du med pa de'i phyir rnal 'byor pa de kho na nyid gzigs pas gzugs kyi rnam par rtog pa ni/ 'ga' yang rnam par brtag mi bya// thogs pa dang bcas pa dang thogs pa med pa dang / bstan du yod pa dang bstan du med pa dang / 'das pa dang ma 'ongs pa dang / sngon po dang ser po la sogs pa'i rnam par rtog pa gzugs la dmigs pa 'ga' yang brtag par mi 'os so// zhes bya ba'i don to// gzhan yang 'di gzugs kyi rgyur 'dod pa na/ 'bras bu 'dra ba 'am mi 'dra ba zhig sgrub par byed grang / gnyi ga ltar yang mi 'thad do zhes bshad pa/ 'bras bu rgyu dang 'dra ba zhes// bya ba 'thad pa ma yin te// 'bras bu rgyu dang mi 'dra zhes// bya ba'ang 'thad pa ma yin no// de la gzugs kyi rgyu ni sra ba dang gsher ba dang dro ba dang g.yo ba'i ngo bo yin la/ 'byung ba las gyur pa nang gi bdag nyid mig la sogs pa ni mig gi rnam par shes pa la sogs pa'i rten gzugs dang ba'i bdag nyid can yin zhing / phyi rol gzugs la sogs pa'i skye mched ni mig gi rnam par shes pa la sogs pas gzung bar bya ba'i mtshan nyid can yin gyi/ 'byung ba chen po'i rang bzhin can ma yin pa de'i phyir mtshan nyid tha dad pas mya ngan las 'das pa bzhin du rgyu dang 'bras bu gnyis la 'dra ba nyid yod pa ma yin te/ de'i phyir 'bras bu rgyu dang 'dra ba zhes bya ba 'thad pa ma yin no// sa lu'i sa bon la sogs pa 'dra bar gyur pa rnams la phan tshun rgyu dang 'bras bu'i dngos po ma mthong ste/ 'di'i phyir yang / 'bras bu rgyu dang 'dra ba zhes bya ba 'thad pa ma yin no// 'bras bu rgyu dang mi
- 48b
'dra ba zhes bya ba yang 'thad pa ma yin te/ mtshan nyid tha dad pa'i phyir mya ngan las 'das pa bzhin no zhes bya bar dgongs pa'o// ji ltar gzugs 'di rnam par dpyad pa na rnam pa thams cad du mi 'thad pa de bzhin du tshor ba la sogs pa yang yin no zhes bya bar bsgre ba'i phyir bshad pa/ tshor dang 'du shes 'du byed dang // sems dang dngos po thams cad kyang // rnam pa dag ni thams cad du// gzugs nyid kyi ni rim pa mtshungs// tshor ba la sogs thams cad kyang gzugs rnam par dpyad pa dang mtshungs par sbyar bar bya'o// dbu ma pas ni ji ltar chos cig stong pa nyid du bstan par 'dod pa de bzhin du chos thams cad kyang yin pa de'i phyir/ stong pa nyid kyis brtsad byas tshe// gang zhig lan debs smra byed pa// de yi thams cad lan btab min// bsgrub par bya dang mtshungs par 'gyur// de la brtsad pa ni gzhan gyi phyogs sun 'byin pa'o// stong pa nyid rgyur gyur pas gzugs rang bzhin med do// zhes bya bas de ltar rang bzhin dang bcas par ba bkag pa na/ gal te gzhan lan du tshor ba la sogs pa ni re zhig yod la/ de bzhin du gzugs kyang yod do zhes smra na/ de'i de lta bu de thams cad ni lan btab pa ma yin te/ gang gi phyir tshor ba la sogs pa rnams kyi yod pa yang bsgrub bya gzugs kyi yod pa dang mtshungs par rig par bya'o// ji ltar gzugs ni rang gi rgyu las de nyid dang gzhan nyid du rnam par dpyad pa na med pa de bzhin du/ reg pa'i rkyen gyi tshor ba dang / rnam par shes pa dang lhan cig 'byung ba'i 'du shes dang / ma rig pa'i rkyen gyis 'du byed dang / 'du byed kyi rkyen gyis rnam par shes pa yang reg pa la sogs pa rang gi rgyu las/ de nyid dang gzhan nyid du rnam par dpyad na/ yod pa ma yin pas 'di dag thams cad bsgrub par bya ba dang mtshungs pa yin
- 49a
no// ji ltar tshor ba la sogs pa dag bsgrub par bya ba dang mtshungs pa de bzhin du mtshan nyid dang / mtshan gzhi dang / chu dang 'bras bu dang / yan lag dang yan lag can la sogs pa dngos po thams cad kyang bsgrub par bya ba dang mtshungs pa yin no// de'i phyir gzhan gyis lan btab pa lta yod par ga la 'gyur te 'di'i tshig thams cad bsgrub par bya ba dang mtshungs par 'gyur bas bstan chos su smras pa'i lan thams cad la dbu ma pas bsgrub par bya ba dang mtshungs pa nyid brjod par bya'o zhes slob dpon slob par mdzad do// ji ltar gzhan gyi phyogs sun 'byin pa la tshul 'di brjod pa de bzhin du bshad pa byed pa'i tshe na yang yin no zhes bshad pa/ stong pa nyid kyis bshad byas tshe// gang zhig skyon 'dogs su byed pa// de yis thams cad skyon btags min// bsgrub par bya dang mtshungs par 'gyur// bshad pa byed pa'i dus su yang slob ma lta bu gang zhig rgol bar byed pa de'i brgal ba de yang snga ma bzhin du bsgrub par bya ba dang mtshungs par rigs par bya'o// ji skad du dngos po gcig gi lta po gang / de ni kun gyi lta por brjed// gcig gi stong pa nyid gang yin pa// de ni kun gyi stong pa nyid// zhes gsungs pa lta bu'o// 'phags pa nam mkha' mdzod kyi ting nge 'dzin gyi mdo las kyang / chos gcig gis chos rnams thams cad sgyu ma dang / smig rgyu dang 'dra gzung byar med cing gsog dang ni// rdzun zhing ther zug min par rjes su rtogs gyur pa// de ni ring por mi thogs byang chub snying por 'gro zhes gsungs so// de bzhin du ting nge 'dzin gyi rgyal po'i mdo las kyang / ji ltar khyod kyis bdag gi 'du shes no// shes pa de bzhin kun la thos sbyar bya// chos rnams thams cad de yi ngo bo nyid// rnam par dag pa nam mkha' lta bu yin// gcig gis/
- 49b
kyang ni thams cad shes// gcig gis kyang ni thams cad mthong // ji snyed mang po bshad byas kyang // de la dregs pa skye ba med// zhes gsungs so// slob dpon zla ba grags pa'i zhal snga nas sbyar ba'i/ tshig gsal ba las/ phung po brtag pa zhes bya ba rab tu byed pa bzhi pa'i 'grel pa'o// // 'dir smras pa/ khams rnams ni yod de/ bkag pa ma byas pa'i phyir ro// bcom ldan 'das kyis kyang // rgyal po chen po skyes bu gang zag 'di ni khams drug pa'o zhes bya la sogs pa gsungs so// de'i phyir gsung rab 'don pa las na khams bzhin du phung po dang skye mched kyang yod do// brjod par bya ste/ gal te khams nyid yod na phung po dang skye mched rnams yod par 'gyur na de dag ni med do// ji ltar zhe na bshad pa/ nam mkha'i mtshan nyid snga rol na// nam mkho' cung zad yod ma yin// gal te mtshan/ las sngar gyur na// mtshan nyid med par thal bar 'gyur// de la khams drug gsungs pa ni// sa dang chu dang me dang rlung dang nam mkha' dang rnam par shes pa zhes bya ba rnams so// de la nam mkha'i dbang du byas nas sun dbyung ba brjod par bya ste/ 'dir nam mkha'i mtshan nyid ni sgrib pa med pa zhes bya ba la/ gal te sgrib pa med pa'i mtshan nyid 'di las sngar mtshan gzhi nam mkha' yod par gyur na/ de la mtshan nyid 'jug par 'gyur na/ mtshan nyid sgrib pa med pa'i snga rol tu nam mkha' yod pa yang ma yin no// gang gis tshe de ltar nam mkha'i mtshan nyid snga rol na/ nam mkha' cung zad yod ma yin pa de'i tshe gang du mtshan nyid 'jug par 'gyur// de med na nam mkha'i me tog ltar nam mkha' med do zhes bshad pa/ gal te mtshan las sngar gyur na// mtshan nyid med par bral bar 'gyur// mtshan nyid med pa'i
- 50a
dngos po ni// 'ga' yang gang na'ang yod ma yin// 'dir smras pa/ re zhig mtshan nyid 'jug pa ni yod la// de yang mtshan gzhi la yin pas// de yod pas na mtshan gzhi yang yod// / do// 'di yang yod pa ma yin te// 'di ltar/ mtshan nyid med pa'i dngos med na// mtshan nyid gang du 'jug par 'gyur// mtshan nyid kyi snga rol na mtshan nyid med pa'i dngos po med do zhes bshad zin to// de'i phyir mtshan nyid med pa'i dngos po med cing mi bdog na/ da ni mtshan nyid gang du 'jug par 'gyur te/ des na mtshan nyid 'jug pa med do// gzhan yang / mtshan nyid 'di 'jug pa na mtshan nyid dang bcas pa'am/ mtshan nyid med pa la 'jug par 'gyur ba zhig na/ gnyi ga ltar yang mi 'thad do zhes bshad pa/ mtshan nyid med la mtshan nyid na// mi 'jug mtshan nyid bcas la min// mtshan bcas mtshan nyid med pa las// gzhan la'ang 'jug par mi 'gyur ro// de la mtshan nyid med pa la ni mtshan nyid 'jug pa ma yin te/ bong bu'i rwal bya ba bzhin no// mtshan nyid dang bcas pa'i dngos po la yang mtshan nyid 'jug pa mi 'thad de dgos pa med pa'i phyir ro// mtshan nyid dang ldan par grub pa la slar yang mtshan nyid kyis bya ba ci yod/ de ltar na thug pa med par thal bar yang 'gyur ro// 'di ni nam yang mtshan nyid dang bcas pa ma yin par mi 'gyur bas/ rtag tu mtshan nyid 'jug par thal bar 'gyur na/ de ltar ni 'dod pa yang ma yin no// de'i phyir mtshan nyid dang bcas pa'i dngos po la yang mtshan nyid 'jug par 'thad pa ma yin te/ dgos pa med pa'i phyir ro// de la 'di snyam du mtshan nyid dang bcas pa dang mtshan nyid med pa gnyis las gzhan pa zhig la 'jug par 'dod par 'gyur ro/
- 50b
snyam na/ brjod par bya ste/ mtshan bcas mtshan nyid med pa las// gzhan la'ang 'jug par mi 'gyur ro// ci'i phyir zhe na/ mi srid pa'i phyir ro// gal te mtshan nyid dang bcas pa yin na ni/ mtshan nyid med pa ma yin no// de ste mtshan nyid med pa yin na ni mtshan nyid dang bcas pa ma yin te/ de'i phyir mtshan nyid dang bcas pa yang yin la/ mtshan nyid med pa yang yin no zhes bya ba 'di ni 'gal ba yin na// / 'gal bar gyur pa ni srid pa yang ma yin no// de'i phyir mi srid pas mtshan nyid dang bcas pa yang yin la/ mtshan nyid med pa yang yin pa la mtshan nyid 'jug pa mi 'thad do// ci ste yang gal te mtshan/ nyid 'jug pa med pa de ltar na yang mtshan gzhi yod do snyam na/ 'di yang yod pa ma yin te// gang gi phyir/ mtshan nyid 'jug pa ma yin na// mtshan gzhi 'thad par mi 'gyur ro// gang gi tshe mtshan nyid 'jug pa nyid med pa de'i tshe ji ltar mtshan gzhir 'gyur te/ yod pa ma yin pa nyid do snyam du dgongs pa'o// 'dir smras pa/ khyod kyis 'jug pa bkag pa yin gyi mtshan nyid ni ma yin te/ de'i phyir mtshan/ nyid yod pas mtshan gzhi yang yod pa yin no// brjod par bya ste/ mtshan gzhi 'thad pa ma yin na// mtshan nyid kyang ni yod ma yin// zhes bya ba'o// mtshan nyid 'jug pa ma yin na// mtshan gzhi 'thad par mi 'gyur ro zhes bstan pa de'i tshe/ mtshan gzhi 'thad pa ma yin dang // mtshan nyid kyang yod pa ma yin te ten med pa'i phyir ro// gang gi tshe de ltar mtshan nyid yod pa ma yin pa de'i tshe/ mtshan nyid yod pa'i phyir mtshan gzhi yang yod do zhes gang smras pa de med do// gang gi phyir 'di de ltar yin pa/ de'i phyir mtshan gzhi yod min te// mtshan nyid yod pa nyid ma yin// zhes mjug bsdus pa yin no// 'dir smras pa//
- 51a
gal te yang mtshan nyid dang mtshan gzhi dag med pa de lta na yang dngos po'i rang bzhin gyi nam mkha' yod pa yin la/ nam mkha' dngos po'i rang bzhin can du gyur na ni mtshan gzhi 'am mtshan nyid du yang 'gyur te/ de'i phyir mtshan gzhi dang mtshan nyid dag kyang yod do// 'di yang mi rigs so zhes bshad pa/ mtshan gzhi mtshan nyid ma gtogs pa'i// dngos po yang ni yod ma yin// / mtshan gzhi dang mtshan nyid dag ji ltar med pa de ltar ni gong du bshad zin to// gang gi tshe 'di dag med pa de'i tshe mtshan gzhi dang mtshan nyid dang bral ba'i phyir nam mkha'i me tog ltar nam mkha' med do// gal te nam mkha' dngos por gyur pa med na/ 'o na dngos po med pa yod par 'gyur ro zhe na/ 'di yang yod pa ma yin te// 'di ltar/ dngos po yod pa ma yin na// dngos med gang gi yin par 'gyur// gang gi/ tshe de ltar nam mkha' dngos po ma yin pa de'i tshe dngos po yod pa ma yin na/ dngos po med pa gang gi yin par brtag par bya ste/ gal te dngos po ma grub na// dngos po med pa 'grub mi 'gyur// dngos po gzhan du gyur pa la// dngos po med ces skye bo smra// zhes 'chad par 'gyur ro// de'i phyir dngos po med pas nam mkha' dngos po med pa yang med do// nam mkha' zhes bya ba ni gzugs med pa la rnam par banag ste/ de'i phyir gal te gzugs yod na ni de'i tshe gzugs med pa la nam mkha' zhes bya bar 'gyur na/ gang gi tshe ji skad bshad pa'i rigs pas gzugs nyid yod pa ma yin pa de'i tshe go gang gi tshe dngos po med pa med pa nam mkhar 'gyur/ 'dir de dag yongs su rtog par byed pa po yod pa'i phyir/ dngos po dang dngos po med pa gnyis ni yod pa nyid yin la/ gang zhig 'di skad du/ dngos po yod pa ma yin na// dngos
- 51b
med gang gi yin par 'gyur zhes smra ba dngos po dang dngos po med pa dag gi yongs su rtog par byed pa khyod yod pa yang yin te/ de'i phyir dngos po dang dngos po med par rtog par byed pa khyod yod pa brtag bya dngos po dang dngos po med pa gnyis kyang yod pa yin no zhes smra'o// brjod pa 'di yang mi rung ste/ gang gi phyir/ dngos dang dngos med mi mthun chos// gang gis dngos dang dngos med shes// gal te de gnyis kyi rtog par byed pa po yod na ni/ dngos po dang dngos po med pa dag tu yang 'gyur na/ yod pa yang ma yin no// yongs ni yongs su rtog par byed pa gang yin pa de dngos po'am dngos po med pa zhig tu 'gyur grang / gal te dngos po yin par 'dod na ni// mtshan gzhi mtshan nyid ma gtogs pa'i// dngos po yang ni yod ma yin zhes 'di'i sun 'byin pa bshad zin to// 'on te dngos po med pa yin na ni// dngos po yod pa ma yin na// dngos med gang gis yin par 'gyur zhes bya ba der sun 'byin pa bshad zin to// gang zhig 'di gnyis kyi rtog par byed par 'gyur ba/ dngos po dang dngos po med pa dang chos mi mthun pa gsum pa 'ga' zhig yod pa yang ma yin te/ de'i phyir dngos po dang dngos po med pa dag gi yongs su rtog par byed pa med do// de nyid kyi phyir/ bcom ldan 'das kyis kyang / gang gi dngos rnams dngos med shes pa de// nam yang dngos po kun la chags mi 'gyur// gang zhig nam yang dngos kun chags med pa// de ni ting 'dzin mtshan ma med la reg/ ces bya ba dang / de bzhin du/ gang dag chos rnams stong la sems byed pa'i// byis pa de dag lam ngan zhugs pa yin// chos rnams stong pa yi ges brjod pa yin// de dag yi ge med par yi ges bstan// gang dag zhi zhing rab zhi'i chos sems pa'i//
- 52a
sems dpa' de yang nam yang byung ma yin// spros kun sems kyi rnam par rtog yin te// de phyir chos rnams bsam yas rtogs par gyis// zhes bya ba la sogs pa gsungs so// / da ni ji ltar bstan pa de ltar mjug bsdu ba'i phyir/ de phyir nam mkha' dngos po min// dngos med ma yin mtshan gzhi min// mtshan nyid ma yin zhes bya ba gsungs so// nam mkha' ji lta ba bzhin du khams/ lnga po gzhan gang dag kyang nam mkha' mtshungs/ sa la sogs pa'i khams lnga po gzhan gang dag lhag mar gyur pa de dag kyang nam mkha' ltar dngos po dang dngos po med pa dang / mtshan gzhi dang / mtshan nyid dang bral bar shes par bya'o// zhes bya ba'i tha tshig go// de'i phyir dngos po rnams kyi rang bzhin de ltar rnam par gnas pa yin dang / ma rig pa'i rab rib kyis blo gros kyi mig nyams par gyur pa nyid kyis 'khor ba thog ma med pa nas dngos po dang dngos po med pa la sogs pa phyin ci log tu lta ba goms pa rang bzhin med pa phyin ci ma log par mthong ba'i lam/ mya ngan las 'das pa dang mthun par 'gro ba las nyams pa/ tho chung gang dag dngos rnams la// yod pa nyid dang med nyid du// lta ba des ni blta bya ba// nye bar zhi ba zhi mi mthong // blo zhan pa nyid kyis yod pa nyid dang med pa nyid du mngon par zhen pa de dag gis mya ngan las 'das pa blta bar nye bar zhi zhing zhi ba'i mtshan nyid rtog pa thams cad dang bral ba/ shes pa dang shes bya log pa'i ngo bo don dam pa/ stong pa nyid kyi rang bzhin can mi mthong ngo // ji skad du rin po che 'phreng ba las/ med pa pa ni ngan 'gror 'gro/ yod pa pa ni bde 'gror 'gro// yang dag ji bzhin yongs shes phyir// gnyis la mi brten thar par 'gyur zhes bshad do// mdo las kyang bcom ldan 'das/
- 52b
kyis/ yod dang med ces bya ba gnyi ga mtha'// dag dang ma dag 'di yang mtha' yin te// de phyir gnyi ga'i mtha' ni rnam spangs nas// mkhas pas dbus la'ang gnas par yong mi byed// yod dang med ces bya ba rtsod pa ste// dag dang ma dag 'di yang rtsod pa yin// rtsod par gyur pa sdug bsngal zhi mi 'gyur// rjod pa med par gyur pa sdug bsngal 'gag/ ces gsungs so// de'i phyir 'khor ba'i lam gyis mya ngan las 'das pa dam pa 'thob pa zhes bya ba gang yin pa ni srid pa ma yin no// slob dpon bre ba'i zhal snga nas sbyar ba'i tshig gsal ba las/ khams brtag pa zhes bya ba rab tu byed pa lnga pa'i 'grel pa'o// // 'dir smras pa/ pung po dang khams dang skye mched rnams ri yod pa nyid de/ de'i rten can kun nas nyon mongs pa dmigs pa'i phyir ro// 'di na gang yod pa ma yin pa de'i rten can gyi kun nas nyon mongs pa ni dmigs pa med de/ dper na/ mo gsham gyi bu dang mo gsham gyi bu mo'i kun nas nyon mongs pa bzhin no// 'dod chags la sogs pa nyon mongs pa'i kun nas nyon mongs pa'i chu dag ni yod pa yin te/ ji skad du/ bcom ldan 'das kyis dge slong dag byis pa so so'i skye bo thos pa dang mi ldan pa btags par lhung ba ni mig gi gzugs rnams mthong nas yid bde ba'i gnas su mngon par zhen par 'gyur ro// de mngon par zhen par gyur nas 'dod chags skyed par byed do// chags par gyur nas lus dang ngag dang yid kyis 'dod chags las byung ba'i las mngon par 'du byed par 'gyur ro// zhes rgya cher gsungs so// brjod par bya ste/ gal te 'dod chagasal sogs pa dag nyid yod na/ phung po dang khams dang skye mched rnams yod par 'gyur na/ yod pa ni ma yin te/ 'dir 'dod chags 'di yongs su brtags pa na/ chags pa yod pa'am med pa na rtog pa zhig na//
- 53a
gnyi ga ltar yang mi rung ngo zhes bshad pa/ gal te 'dod chags snga rol na// 'dod chags med pa'i chags yod na// de la brten nas 'dod chags yod// chags yod 'dod chags yod par 'gyur// 'dod chags dang / chags zhe na dang / lhag par zhen pa dang / phrad zhe na dang / mngon par zhen pa zhes bya ba dag ni rnam grangs so// chags pa ni 'dod chags kyi rten yin te/ gal te 'dod chags kyi snga rol na/ 'dod chags pa med pa ste/ 'dod chags dang bral ba zhig yod par gyur na ni/ 'dod chags dang bral ba'i chags pa de la brten nas 'dod chags yod par 'gyur ro// de lta na ni chags pa yod pa na 'dod chags yod do zhes bya ba rigs par 'gyur na/ 'dod chags dang bral yang chags pa yin par 'gyur ba gang yin pa de lta bu ni med de/ dgra bcom pa dag la yang 'dod chags yod par thal bar 'gyur/ ba'i phyir ro// gal te de ltar chags pa yod pa na 'dod chags med na/ 'o na chags pa med par yin no zhe na/ 'di yang rigs pa ma yin no zhes bshad pa/ chags pa yod par ma gyur na'ang // 'dod chags yod par gal 'gyur// gang gi tshe chags pa yod pa na 'dod chags yod pa ma yin pa de'i tshe/ ji ltar chags pa yod par ma gyur pa na/ rten med pa'i 'dod chags grub par gal 'gyur te/ shing thogs med par de'i smin pa nyid yod pa ni ma yin no// 'dir smras pa/ gal te yang khyod kyis 'dod chags bkag mod kyi/ de lta na yang chags pa ni yod pa yin te/ ma bkag pa'i phyir ro// chags pa yang 'dod chags med par ni mi rigs te de'i phyir 'di yang yod do// brjod par bya ste/ gal te chags pa yod na 'dod chags yod par 'gyur ba zhig na/ yod pa ni ma yin te/ 'di ltar chags pa 'di 'dod pa na/ 'dod chags
- 53b
yod pa 'am med pa na rtog grang na/ gnyi ga ltar yang 'thad pa ma yin no zhes bshad pa/ chags pa la yang 'dod chags ni// yod dam med kyang rim pa mtshungs// de la gal te 'dod chags yod pa na chags pa yod par rtog par byed na ni/ de lta na yang gal te chags pa'i snga rol na// chags med 'dod chags yod na ni// zhes bya ba la sogs pas chags pa la yang bshad ma thag pa 'dod chags mi 'thad pa'i rim pa 'di nyid mtshungs so// ci ste 'dod chags med par chags pa 'dod na ni/ 'di yang mi rigs te/ 'di ltar 'dod chags yod par ma gyur na'ang // chags pa yod par gal 'gyur// de'i phyir chags pa yang med do// 'dod chags dang chags pa med pa'i phyir na phung po la sogs pa dag kyang med do// 'dir smras pa/ gang las skyon 'dir 'gyur ba 'dod chags dang chags pa dag snga phyir 'byung ba ni ma yin pa nyid de/ 'o na ci zhe na/ 'dod chags dang chags pa dag ni lhan cig kho nar 'byung ste/ sems dang lhan cig 'byung ba'i 'dod chags kyis/ sems chags par byas la/ de yang chags pa yin te/ de'i phyir 'dod chags dang chags pa dag yod do zhe na/ brjod par bya ste/ de lta na yang / 'dod chags dang ni chags pa dag/ lhan cig nyid du skye mi rigs// 'dod chags dang chags pa gnyis lhan cig skye ba yang mi rigs te/ gang gi phyir/ 'di ltar 'dod chags chags pa dag/ phan tshun bltos pa med par 'gyur// lhan cig 'byung ba'i phyir ba lang gi rwa g.yas g.yon bzhin no// snyam du dgongs pa'o// gzhan yang 'dod chags dang chags pa 'di dag lhan cig/ pa nyid du gcig nyid dam/ tha dad pa zhig la rtog grang // de la gal te gcig nyid la yin na ni de mi rung ngo // gang gi phyir/ gcig nyid lhan cig nyid med de// yang ci'i phyir med ce na/ de nyid de dang lhan cig min// 'di
- 54a
ltar 'dod chags kyi rang gi bdag nyid 'dod chags las tha mi dad pa ni 'dod chags dang lhan cig pa yin no zhes brjod pa ma yin no// da ni tha dad pa nyid la yang lhan cig pa nyid med par bshad pa// ci ste tha dad nyid yin na// lhan cig tu ni ji ltar 'gyur// snang ba dang mun pa 'am 'khor ba dang mya ngan las 'das pa tha dad par gyur pa dag la ni lhan cig pa nyid ma mthong ngo // gzhan yang gal te gcig pu lhan cig na// grogs med par yang der 'gyur ro// gal te tha dad lhan cig na// grogs med par yang der 'gyur ro// gal te gcig nyid la lhan cig pa nyid du 'gyur na ni/ de'i tshe gang dang gang na gcig pa nyid yod pa de dang de na lhan cig pa nyid yod do zhes bya ba gcig pu zhig lhan cig pa nyid yod par 'gyur ro// tha dad pa nyid la lhan cig pa nyid 'dod na yang / gang dang gang na tha dad pa nyid yod pa de dang de na lhan cig pa nyid yod do zhes bya bas ba glang rta la sogs pa las tha dad cing so sor gnas pa grogs med pa la yang lhan cig pa nyid yod par 'gyur ro// gal te tha dad lhan cig na// ci go 'dod chags chags pa dag tha dad nyid du 'grub 'gung ngam// des na de gnyis ldan cig 'gyur// gal te yang 'dod chags dang chags pa dag tha dad pa nyid la lhan cig pa nyid du rtog nan/ ci 'di gnyis tha dad pa nyid du grub pam/ gang las de dag lhan cig pa nyid du 'gyur ba/ ci go 'dod chags chags pa la mi bltos pa 'am/ chags pa yang 'dod chags la mi bltos pa zhes bya bar grub bam/ 'di ltar tha dad par grub pa'i ba glang dang rta dag kho na la lhan cig pa nyid du mthong ba lta bu yin na/ 'dod chags dang chags pa dag ni de ltar tha dad par grub pa ma yin pas 'di gnyis la lhan gcig pa nyid med do// ci ste yang tha dad par ma grub pa dag la lhan cig/
- 54b
pa nyid med pa'i phyir/ gal te 'dod chags chags pa dag/ tha dad nyid du grub gyur na// ste khyod rtog par 'gyur nad ni cung zad kyang mi byed pa'i lhan cig pa nyid brtags pa ci zhig bya zhes bshad pa/ de dag lhan cig nyid du ni// ci'i phyir na yongs su rtog/ 'dod chags dang chags pa dag grub par bya ba'i phyir lhan cig pa nyid rtog par byed la/ de yang tha dad par ma grub pa dag la yod pa ma yin pas tha dad par grub par khas len na ni/ de ltar grub pa'i phyir 'di dag gi lhan cig pa nyid kyi ci zhig bya/ 'on te/ tha dad grub par ma gyur pas// de phyir lhan cig 'dod byed na// ste/ 'dod chags dang chags pa dag tha dad par grub pa yod pa pa yin pa 'byor/ gal te 'di dag ldan/ ga pa nyid du 'dod da ni/ de yang tha dad par mgrub pa dag la yod pa ma yin pas/ ldan cig rab tu sgrub pa'i phyir// tha dad nyid du yang 'dod dam// de ltar yin na ni/ grub pa phan tshun rten par gnas pa yin dang / gang grub pas gang zhig grub par 'gyur te/ gang gi phyir tha dad dngos po ma grub pas/ lhan cig dngos po 'grub mi 'gyur// tha dad dngos pa gang yod na// lhan cig dngos por 'dod par byed// tha dad pa'i dngos po gang zhig yod na/ lhan cig pa'i dngos po 'grub par 'gyur ba lhan cig pa'i dngos pa la mi bltos pa/ tha dad pa'i dngos po de ni yod pa ma yin/ pa nyid do// de'i phyir mi srid par dgongs nas bshad pa/ tha dad dngos po gang yod na// lhan cig dngos por 'dod par byed// de'i phyir de ltar ji skad bshad pa'i rnam par dpyad pas gzhigs pas 'dod chags dang chags pa gnyis ma grub pa mjug bsdu ba'i phyir/ de ltar 'dod chags chags pa dag/ lhan cig lhan cig min mi 'grub// ces gsungs so// ji ltar 'dod chags dang chags pa dag snga phyir ma grub
- 55a
la/ lhan cig pa nyid du yang ma grub pa de bzhin du dngos po thams cad kyang yin no zhes bsgre ba'i phyir bshad pa/ 'dod chags bzhin du chos rnams kun// lhan cig lhan cig min mi 'grub/ zhe sdang dang sdang ba dang / gti mug dang rmongs pa rnams la yang 'dod chags dang chags pa ltar ma grub par sbyar bar bya'o// de nyid kyi phyir bcom ldan 'das kyis/ gang 'dod chags pa dang / gang la 'dod chags pa dang / gang gis 'dod chags pa dang / gang zhe sdang ba dang / gang la zhe sdang ba dang / gang gis zhe sdang ba dang / gang gti mug pa dang / gang la gti mug pa dang / gang gis gti mug par 'gyur ba'i chos de des yang dag par rjes su mi mthong zhing chos de mi dmigs so// des chos de yang dag par rjes su ma mthong zhing ma dmigs pas/ 'dod chags med pa/ zhe sdang med pa/ gti mug med pa/ sems phyin ci ma log pa/ mnyam par bzhag pa zhes bya'o// brgal ba pha rol tu phyin pa zhes bya'o// bde bar son pa zhes bya'o// mi 'jigs pa thob pa zhes bya ba nas zag pa zhes bya'o// nyon mongs pa med pa dbang dang ldan pad+ma g+hA ba/ sems shin rnam par rdum pa/ shes da shin rnam par tha ga/ tsang shesug klung ba dag// k+Sha bzlas pa/ da paHsa pa/ ga bdag sa na sa su dzub pa/ seM pa sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu phyin pa'i dge sbyong zhes bya'o zhes bya ba'i bar du rgya cher gsungs so// de bzhin du/ gang dag 'dod chags zhe sdang rgyags dang gti mug gi/ ngo bo kun rtog gis bskyed log par zhugs shes nas/ rnam par rtog par mi byed chags bral mi 'gyur ba'i// sgom pa de dag gnas//
- 55b
ni dngos po thams cad yin// zhes gsungs so// slob dpon zla ba grags pa'i zhal snga nas sbyar ba'i tshig gsal ba las/ 'dod chags dang chags pa brtag pa zhes bya ba ste/ rab tu byed pa drug pa'i 'grel pa'o// // 'dir smras pa/ phung po dang khams dang skye mched 'dus byas kyi rang bzhin can dag ni yod pa nyid de/ de dag gi 'dus byas kyi mtshan nyid skye ba la sogs pa yod pa'i phyir ro// bcom ldan 'das kyis kyang dge slong dag gsum po 'di ni 'dus byas kyi mtshan nyid dag ste/ 'dus byas skye bar yang mngon/ 'jig par yang mngon/ gnas pa las gzhan du 'gyur ba yang mngon no zhes/ gsungs so// med pa la ni ri bong gi rwa ltar skye ba la sogs pa mtshan nyid yod pa ma yin no// de'i phyir 'dus byas kyi mtshan nyid nye bar bstan pa las na phung po dang khams dang / skye mched rnams yod pa nyid do// brjod par bya ste/ gal te khyod kyi lugs ltar skye ba la sogs pa mtshan nyid yod na ni/ phung po dang khams dang skye mched 'dus byas kyi rang bzhin can dag yod par 'gyur ba zhig na/ yod pa ni ma yin no// / 'dir skye ba ni 'dus byas kyi mtshan nyid du 'dod pa na/ 'dus byas zhig gam 'dus ma byas zhig de'i mtshan nyid du 'dod grang na/ de la/ gal te skye ba 'dus byas na// de la mtshan nyid gsum ldan 'gyur// mtshan nyid gsum gyi tshogs ni mtshan nyid gsum mo// gal te skye ba 'dus byas su rtog na ni/ des na skye ba la yang mtshan nyid gsum yod par thal bar 'gyur te/ skye ba dang gnas pa dang 'jig pa'i tshigs kyi rang bzhin 'di ni 'dus byas thams cad la mi 'khrul pa yin pa'i phyir ro// de'i phyir gzugs la sogs pa bzhin du skye ba mtshan gzhi nyid du 'gyur gyi 'dus byas kyi mtshan nyid du ni mi 'gyur ro// ci ste/
- 56a
skye ba la mtshan nyid gsum mi 'dod na ni/ de'i tshe mtshan nyid gsum dang bral ba'i phyir de 'dus byas kyi mtshan nyid yin pa nyams par 'gyur te/ nam mkha' bzhin no zhes bshad pa ni// ci ste skye ba 'dus ma byas// ji ltar 'dus byas mtshan nyid yin// zhes bya ba ste/ 'di ni 'dus byas kyi mtshan nyid ma yin no// snyam du dgongs pa'o// gzhan yang / skye ba la sogs pa 'di dag 'dus byas kyi mtshan nyid du rtog pa na/ so so ba ste re reb zhig gam/ 'dus pa ste lhan cig pa zhig mtshan nyid du rtog pa zhig na/ gnyi ga ltar yang mi rung ngo zhes bshad pa/ skye la sogs gsum so so yis// 'dus byas mtshan nyid bya bar ni// nus min gcig la dus gcig tu// 'dus pa yang ni ji ltar rung // de la so so ba dag gis ni mtshan nyid bya bar mi rigs te/ gal te skye ba'i dus na gnas pa dang 'jig pa med na/ de'i tshe nam mkha' ltar gnas pa dang 'jig pa dang bral ba la skye ba 'dus byas kyi mtshan nyid du 'thad pa ma yin pa nyid do// ci ste gnas pa'i dus na skye ba dang 'jig pa dag med na ni de'i tshe de dag dang bral ba la gnas pa yod par 'gyur na/ skye ba dang 'jigs pa dang bral ba'i dngos po ni yod pa ma yin pas/ nam mkha'i me tog ltar med pa 'di la gnas pa yod par mi rigs so// gzhan yang gnas pa dang ldan pa ni phyis mi rtag pa nyid dang yang ldan par yang mi 'gyur te/ de dang 'gal ba'i chos dang ldan pa'i phyir ro// ci ste sngar rtag par gyur pa las phyis mi rtag par 'gyur ro snyam na/ dngos po gcig rtag pa dang mi rtag pa dang ldan par ni mi rigs so// de'i phyir skye ba dang 'dzag pa dang bral ba la gnas pa med do// de bzhin du 'jig pa'i dus na gnas pa dang skye ba med na/ de lta na yang skye ba med cing gnas pa dang bral ba 'di la 'jig pa
- 56b
yang yod pa ma yin te nam mkha'i me tog bzhin no// de ltar na re zhig skye ba la sogs pa gsum po so so ba dag gis mtshan nyid kyi bya ba nus pa ma yin no// nus pa ma yin pa ni mthu yod pa ma yin no zhes bya ba'i don to// da ni 'dus pa dag kyang mi rung ngo zhes bshad pa/ gcig la dus gcig tu/ 'dus pa yang ni ji ltar rung / dngos po gcig la dus gcig tu 'dod chags dang 'dod chags dang bral ba bzhin nam snang // ba dang mun pa ltar/ phan tshun 'gal ba'i phyir mi rigs so snyam du dgongs pa yin no// skad cig gang kho na la dngos po skyes par gyur pa'i skad cig de kho na la gnas pa dang 'jig pa yin no zhes sems dang / bcas pa su zhig gis rtogs par 'gyur te/ de'i phyir skye ba la sogs pa 'dus pa rnams la yang 'dus byas kyi mtshan nyid kyi bya ba la mthu yod pa ma yin no// 'dir gal te skye ba 'dus byas na/ zhes brjod pa de la/ gal te skye ba la sogs pa rnams la mtshan nyid gsum yod par 'gyur zhing thal bar 'gyur na/ de las nyes pa cir 'gyur la/ de ste 'dus ma byas yin pa de lta na yang nyes pa ci yod na/ brjod par bya ste/ skye dang gnas dang 'jig rnams la// 'dus byas mtshan nyid gzhan zhig ni// gal te yod na thub med 'gyur// med na de dag 'dus byas min// gal te phyogs gnyi ga la yang nyes pa brjod zin pa nyid ma yin nam/ de la blos bu brjod pas ci zhig bya zhe na/ nyes pa brjod pa bden mod kyi/ de slob dpon gyis gsungs pa ni ma yin no// 'o na ci zhe na/ 'grel pa mkhan gyis yin no// rnam pa gcig tu na sngar dam bcas pa kho na skyon gzhan brjod pa'i sgo nas gsal bar bya ba'i phyir slob dpon gyis slar gsungs pa yin te/ gal te skye ba dang gnas pa dang 'jig pa rnams la skye ba la sogs pa 'dus byas kyi mtshan nyid
- 57a
gzhan 'dod na ni/ de'i tshe de dag la yang gzhan yin pas mtha' thug pa med pa'i skyon du 'gyur ro// thug pa med pa'i skyon du gyur na yang / gang la dus phyi mar gzhan du 'gyur ba/ snga ma ci zhig yod par 'gyur// de'i phyir rnam par bzhag pa med pas skye ba la sogs pa rnams mi srid pa nyid do snyam du dgongs pa yin no// yang na sngar ni gtso bo yin pas skye ba kho na la sun 'byin pa brjod la/ da lta ni thun mong du yin no// med na de dag 'dus byas min zhes bya ba 'di ni don go bar zad do// 'dir mang pos bkur ba dag/ skye ba la sogs pa rnams la skye ba la sogs pa dag yod la/ thug pa med par thal bar yang mi 'gyur te/ mtshan nyid dang mthun pa'i mtshan nyid rnams phan tshun sgrub par byed pa'i phyir ro// gang gi phyir 'dis 'dus byas kyi chos dge ba 'am nyon mongs pa can zhig/ skye ba na/ bdag nyid dang bco lnga skye bar 'gyur te/ chos de nyid dang / de'i skye ba dang / ldan pa dang / gnas pa dang / rga ba dang / mi rtag pa nyid dang / gal te chos de nyon mongs pa can zhig yin na ni/ de'i log po'i rnam par grol ba dang / 'on te dge bzhig yin na ni/ de'i yang dag pa'i rnam par grol ba dang / gal te nges par 'byung ba zhig yin na ne de'i nges par 'byung ba nyid dang / de ste nges par 'byung ba ma yin pa zhig yin na ni/ de'i nges par 'byung ba ma yin pa nyid de/ de ltar na 'di dag ni 'khor yin no// de nas gzhan skye ba'i skye ba nas/ nges par 'byung ba ma yin pa'i nges par 'byung ba ma yin pa nyid ces bya ba'i bar 'di dag ni 'khor gyi 'khor yin na ni/ de la rtsa ba'i skye ba gang yin pa des ni bdag nyid ma gtogs pa chos gzhan bcu bzhi skyed par byed pa la/ skye ba'i skye ba'i ming can mthun pa'i mtshan nyid du gyur pa'i
- 57b
skye bas ni rtsa ba'i skye ba kho na skyed par byed do// de bzhin du/ nges par 'byung ba ma yin pa nyid kyis ni chos bcu bzhi nges par 'byung bar mi byed de/ de dag gis mya ngan las 'das pa thob par mi byed do zhes bya ba'i don to// nges par 'byung ba ma yin pa'i nges par 'byung ba ma yin pa nyid kho na nges par 'byung bar mi byed do zhes bya ba'i bar du yin no// de'i phyir de ltar skye ba la sogs pa rnams kyi thug pa med pa spang ba'i phyir/ skye ba'i skye bas rtsa ba yi// skye ba 'ba' zhig skyed par byed// rtsa ba'i skye bas skye ba yi// skye ba'ang skyed par byed pa yin// zhes smras so// skye ba ni rnam pa gnyis te/ gcig ni rtsa ba'i skye ba'o// gzhan ni skye bo'i skye ba zhes bya ba ste/ skye ba'i skye ba ni skye ba'i skye ba'o zhes bya ba'i phyir ro// de la gang skye ba'i skye ba zhes bya ba'i skye des ni rtsa ba'i skye ba 'ba' zhig gi skyed par byed pa yin la/ de nas skye ba'i skye ba zhes bya ba'i skye ba de ni rtsa ba'i skye bas skyed par byed pa yin no// de'i phyir de ltar phan tshun sgrub par byed pa'i phyir skye ba la sogs pa rnams la mtshan nyid gsum po yod pa yin la/ thug pa med par thal bar yang mi mi 'gyur ro// zhes smra'o// 'di la brjod par bya ste/ gal te khyod kyi skye ba'i skyes// rtsa ba'i skye ba skyed byed na// khyod kyi rtsa bas ma bskyed des// de ni ji ltar skyed par byed// gal te skye ba'i skye bas rtsa ba'i skye ba skyed par byed pa yin no zhes bya ba khyod kyi lugs yin na/ da ni rtsa ba'i skye bas ma bskyed par gyur pa'i skye ba'i skye ba des ji ltar rtsa ba skyed par byed pa yin/ ci ste rtsa ba'i skye bas bskyed pa'i skye ba'i skye ba kho nas rtsa ba skyed par byed de snyam du sems na/ 'di yang yod pa ma yin no zhes bshad pa/ gal te khyod kyis rtsa ba yis// bskyed pa de yis rtsa ba skyed na// des ma bskyed pa'i rtsa ba des// de ni ji
- 58a
ltar skyed par byed// gal te skye ba'i skye ba zhes bya ba'i skye ba rtsa bas bskyed pa des rtsa ba skyed par byed na/ des ma skyed cing yod pa ma yin pa'i rtsa ba'i skye ba des ji ltar skye ba'i skye ba bskyed par 'gyur/ de'i phyir rtsa bas bskyed par ma gyur pa'i skye ba'i skye bas rtsa ba bskyed par 'gyur ro zhes bya ba mi rigs so// de'i phyir phan tshun sgrub par byed pa med pa'i phyir thugs pa med par thal ba de nyid du 'gyur ro// de'i phyir skye ba med do// 'dir smras pa/ rtsa ba'i skye ba skye bzhin pa nyid kyis skye ba'i skye ba skyed par byed la/ skye ba'i skye ba de nyid kyis rtsa ba'i skye ba skyed par 'gyur ro zhe na/ gal te ma skyes pa de yis// de skyed par ni byed mi nus// khyod kyi skye bzhin pa de yis// de bskyed par ni 'dod la rag/ gal te rang nyid ma skyes pas ma skyes pa gzhan bskyed par nus na ni/ rtsa ba'i skye ba skye bzhin pa des skye ba'i skye ba bskyed par 'dod la rag pa zhig na/ skye bzhin pa yin zhes bya ba ni ma 'ongs pa yin la/ de yang ma skyes pa yin pas ji ltar gzhan skyed par 'gyur te/ 'di ni mi rigs so snyam du dgongs pa'o// skye ba'i/ skye ba la yang de bzhin du brjod par bya'o// 'dir smras pa/ gang las thug pa med par thal bar 'gyur ba/ skye ba la ni skye ba gzhan yod pa ma yin to// 'o na ci zhe na/ ji ltar mar me rang dang gzhan// snang bar byed pa de bzhin du// skye ba'ang rang dang gzhan gyi dngos// gnyi ga skyed par byed pa yin// ji ltar mar me snang ba'i rang bzhin yin pa'i phyir/ bdag nyid dang bum pa snang bar byed pa de bzhin du/ skye ba yang skye ba'i rang bzhin yin pa'i phyir/ bdag nyid dang gzhan nyid bskyed par 'gyur ro// brjod par bya ste/ gal te mar me rang dang gzhan gyi bdag nyid snang bar byed na ni/ 'di de ltar 'gyur ba zhig na//
- 58b
byed pa yang ma yin te/ 'di ltar/ mar me dang ni gang dag na// de 'dug pa na mun pa med// mar mes ci zhig snang bar byed// mun pa sel bas snang byed yin// 'dir snang bar byed pa zhes bya ba ni mun pa sel bas yin na/ mun pa gang sel bar byed pas rang gi bdag nyid snang bar byed pa nyid du 'gyur ba/ re zhig mar me'i rang gi bdag nyid la ni mun pa yod pa ma yin te/ 'gal ba'i phyir ro// mun pa gang sel bar byed pas mar me la gzhan snang bar byed pa nyid yod par 'gyur ba/ yul gang na mar me 'dug pa de na yang mun pa yod pa ma yin no// de'i phyir mar me la rang dang gzhan gyi bdag nyid snang bar byed pa nyid med do// gang gi tshe de ltar yin pa de'i tshe mar me bzhin du skye ba la rang dang gzhan gyi bdag nyid skyed par byed pa nyid yod par 'gyur ro// zhes bya ba 'di ni rigs pa ma yin no// 'dir smras pa/ mang me dang ni gang dgan// de 'dug pa namun pa med ces gang smras pa do ldan pa bsal ba mdan/ dasgyur brjod par mi rigs pa'i ste/ gdagi kyang / skye bzhin pa'i minyid kyis munapa bsal bu yin te/ phyir mar me la mun pa med cing / gang na mar me yod pa de na yang mun pa med do zhes bya bar rigs pa yin no// gal te mar mes mun pa bsal bar ma byas par 'gyur na ni/ de'i tshe mar me mi 'bar ba de bzhin du 'bar ba na yang / bum pa la sogs pa rnams dmigs par mi 'gyur te/ sngar gyi gnas skabs bzhin du mun pa bsal ba med pa'i phyir ro// de'i phyir mar mi la mun pa sel ba'i mtshan nyid can/ gyi snang bar byed pa yod pa yin la/ de yang mar me skye bzhin pa 'dis byas pa yin no// brjod par bya ste/ gang tshe mar me skye bzhin pa// mun pa dang ni brad med na// ji ltar mar me skye bzhin pas// mun pa
- 59a
sel bar byed pa yin// 'dir snang ba dang mun pa gnyis la cig car ba nyid med pa'i phyir phrad pa med la/ gang gi tshe de ltar phrad pa de'i tshe/ da ni ji ltar te rnam pa gang gis mar me skye bzhin pas mun pa sel lo zhes brtag par rigs par 'gyur/ gang gi phyir de ltar mar me skye bzhin pa mun pa dang phrad pa med la/ phrad pa med pa de'i phyir mar mes cung zad kyang snang bar byed pa ma yin/ no zhes bya bar nges par bya'o// ci ste ye shes kyis ma rig pa ma phrad pa kho na 'joms pa dang / mig gis gzugs ma phrad pa nyid mthong ba dang / nor bu kha ba len gyis lcags ma phrad pa kho na 'dren par byed pa de bzhin du mar mes ma phrad pa'i mun pa sel bar 'gyur ro snyam du sems na/ 'di yang snying po med do zhes bshad pa/ mar me phrad pa med par yang // gal te mun pa sel byed na// 'jig rten kun na gnas pa'i mun// 'di na gnas pa des bsal 'gyur// gal te mar mes phrad pa med par mun pa sel na ni/ de lta yin dang 'di na gnas pa'i mar mes 'jig rten ne cog na gnas pa'i mun pa sel bar 'gyur te/ ma phrad pa'i phyir nye ba na gnas pa bzhin no snyam du dgongs so// tshul 'dis ni ye shes kyis ma rig pa 'joms shing / mig gis gzugs mthong la/ nor bu khab len gyis lcags 'dren no zhes bya ba de lta bu la sogs pa yang bsgrub par bya ba dang mtshungs par bya shes par bya'o// ci ste ma phrad pa yin yang nor bu khab len la sogs pa rung ba'i yul na gnas pa rnams kho nas rang gi 'bras bu byed pa nyid du 'gyur ro zhe na/ de yang mi rung ste/ ma phrad pa yin na ni/ yul gzhan thag ring ba na gnas pa dang / bar du chod pa'i yul gzhan na gnas pa bzhin du ma phrad pa'i phyir ni/ rung ba'i yul na gnas pa rnams kyi/
- 59b
rung ba'i yul na gnas pa nyid mi rigs pas rung ba'i yul na gnas pa'i sgo nas rang gi 'bras bu byed pa nyid kyang gang las 'grub par 'gyur/ gal te 'jig rten du mthong ngo zhe na/ de ni de ltar ma yin/ te/ ji ltar khyod rtog par byed pa de ltar ni 'jig rten du ma mthong ngo // 'di ltar 'jig rten ni de lta bu'i yul la sogs pa la phrad pa dang / ma phrad pa'i dpya dar bcug nas/ mar me la sogs pa rnams la snang bar byed pa nyid la sogs pa rtog par mi byed de/ ji skad brjod pa'i rnam par dpyad pa mi 'jug par mar mes mun pa sel ba dang / mig gis gzugs mthong ba dang / nor bu khab len gyis lcags 'dren no zhes bya ba la sogs par 'dod pa yin no// de'i phyir khyod kyis ji skad smras pa de ltar 'jig rten du ma mthong ba nyid do// yang na 'jig rten gyis de ltar mthong mod/ de kho na rnam par dpyod pa'i dus su 'jig rten tshad ma ma yin pa'i phyir des gnod par byed mi nus so// de ltar na re zhig ma phrad par snang bar byed pa mi rigs so// yul la sogs pa 'dzin pa ni phrad na yang mi rigs pa nyid de/ phrad pa ni gcig nyid yin par 'gyur la/ gang gi tshe gcig nyid yin pa de'i tshe ni rang gi ngo bo bzhin du mthong ba dang 'dren pa la sogs pa yod pa ma yin no// gal te yang 'thad pa dang bral ba nyid kyis 'di rdzun pa'i don can nyid yin pa'i phyir/ 'jig rten pa'i tha snyad la phrad pa dang ma phrad pa la sogs pa'i bsam pa 'di 'jug mod kyi/ de lta na yang don dam par yang 'thad pa dang bral ba'i phyogs khas blangs par 'gyur du 'ongs pas de kho na nyid rnam par dpyod pa na gzhug par bya ba yin no// spros pas chog go// gal te mar me rang dang gzhan gyi bdag nyid snang bar byed par rtog na/ 'o na ni gnyen
- 60a
por gyur pa mun pa la yang rang dang gzhan gyi bdag nyid sgrib par brtag par bya dgos so zhes bshad pa/ mar me rang dang gzhan gyi dngos// gal te snang bar byed 'gyur na// mun pa'ang / rang dang gzhan gyi dngos// sgrib par 'gyur bar the tshom med// 'gal zla yin pa'i phyir/ mar me bzhin du mun pa yang rang dang gzhan gyi dngos por rtogs pa'i bya ba byed par 'gyur ro// de'i phyir gzhan bzhin du/ bdag nyid la yang sgrib par 'gyur ro// gal te mun pas bdag nyid sgrib par byed na ni/ mun pas bsgrib pa'i phyir de nyid kyang mi dmigs par 'gyur te/ bum pa la sogs pa bzhin no// de nyid kyi phyir 'phags/ pa nye bar 'khor gyis zhus pa las kyang / shin tu dga' ba'i bstan pa 'di la ni/ khyim pa'i rtags spangs rab tu byung gyis dang / 'bras bu yod cing mchog tu 'gyur gyis shes// thugs rje can gyis de skad bstan pa'ang mdzad// khyim pa'i rtags spangs rab tu byung gyur nas// 'bras bu thams cad thob par gyur yang ni// chos kyi rang bzhin dag la gzhal byas nas// 'bras bu kun med 'bras bu thob pa'ang med// / 'on kyang 'bras bu thob pa thob 'gyur ba// kye ma'o mi mcho gzugs rje ldan pa yi// rgyal bas rigs pa shin tu legs bshad ces/ de dag ngo mtshar che ba skye bar 'gyur// zhes gsungs pa dang / de bzhin du 'phags pa dkon mchog brtsegs pa'i mdo las kyang / dper na khyim du mi 'ga' la la yis// yun ring lon nas mar me bus byas na// de la mun pa bdag gnas ring lon gyis// 'di nas mi 'gro snyam du sems pa med// mar me byung na mun pa mun nag la// med par mi 'gyur ba yi nus pa med// mar me brten nas mun pa med par 'gyur// gnyi ga stong la rlom sems ci yang med// de bzhin zag med 'phags//
- 60b
pa'i ye shes brten// mi shes nyon mongs bsags pa med par 'gyur// ye shes dang ni nyon mongs rtag par yang // de dag lan 'ga' tsam yang 'grogs pa med// ye shes mi shes med bya mi sems kyang // ye shes brten nas mi shes med par 'gyur// gnyi ga gzung med nam mkha'i me tog bzhin// de bzhin ye shes mi shes gnyi ga stong // zhes gsungs so// gzhan yang 'dir gal te skye ba 'dis bdag nyid skyed par byed na/ de skyes pa zhig gam ma skyes pa zhig gis rang gi bdag nyid skyed par byed grang / gnyi ga ltar yang mi 'thad do zhes bshad pa/ skye ba 'di ni ma skyes pas// rang gi bdag nyid ji ltar bskyed// / citso ste skyes pas skyed byed na// skyes na ci zhig bskyed du yod// gal te skye ba ma skyes pas rang gi bdag nyid skyed par byed na ni/ nam mkha'i me tog kyang rang gi bdag nyid skyed par byed par 'gyur ro// 'on te skyes pas skyed par byed na ni// skyes zin pa la skye ba gzhan gyis dgos pa ci zhig yod/ de ltar re zhig skyes pas bdag nyid bskyed pa ma yin no// da ni gzhan yang ji ltar mi bskyed pa de ltar bstan pa'i phyir bshad pa/ skyes dang ma skyes skye bzhin pa// ci lta bur yang mi bskyed pa// de ni song dang ma song dang // bgom pas rnam par bshad pa yin// gal te 'ga' zhig skye bar 'gyur na ni// de skye bas skyed// bar byed pa zhig na// 'ga' yang skye ba ni ma yin te/ dus gsum kar yang skye ba med pa'i phyir ro// 'di yang sngar song ba dang ma song ba dang / bgoms pas bshad pa yin no// de la ji ltar song ba la ni 'gro ba ma yin te/ 'das pa dang de ltar ba dag 'gal ba'i phyir ro// ma song ba la yang 'gro ba ma yin te/ ma 'ongs pa dang da ltar ba gnyis 'gal ba'i phyir ro// bgom pa la yang 'gro ba ma yin te/ song //
- 61a
ba dang ma song ba las ma gtogs pa'i bgom pa ma dmigs pa'i phyir ro// zhes bshad pa de bzhin du/ skyes pa ni mi skye ste/ 'das pa dang da ltar ba dag 'gal ba'i phyir ro// skye ba'i bya ba 'gags pa la ni skyes pa zhes bya la/ skye ba zhes bya ba ni bya ba da ltar bas zin pa la bya ste/ de'i phyir skyes pa skye'o zhes brjod pa na/ 'das pa dang da ltar ba gnyis dus gcig pa nyid du 'gyur ro// skyes pa yang mi skye ste ma 'ongs pa dang da ltar ba gnyis 'gal ba'i phyir ro// skye bzhin pa'i dngos po yang mi skye ste/ skyes pa dang ma skyes pa las ma gtogs pa'i skye bzhin pa de med pa'i phyir ro// de'i phyir skye bas gzhan spyad par byed do zhes bya ba mi rigs so// 'dir smras pa/ skye bzhin pa kho na skye'i skyes pa dang ma skyes pa ni ma yin no// ci ste ma skyes pa dang skyes pa las tha dad par skye bzhin pa med pa'i phyir skye bzhin pa skye ba ma yin no snyam du sems na/ 'di yang yod pa ma yin te/ gang gi phyir 'dir skye ba'i bya ba dang ldan pa la skye bzhin pa zhes bya bar brjod de/ de'i phyir skye ba yod dang skye ba la brten nas skye bzhin pa grub pa'i phyir skye bzhin pa kho na skye la/ skye bzhin pa de yang skye bas skyed par byed do// brjod par bya ste/ gang tshe skye ba yod pa na// skye bzhin 'di 'byung med pa'i tshe// ji ltar skye la brten nas ni/ skye bzhin zhes ni brjod par bya// skye ba la brten nas skye bzhin par 'gyur la/ de yang skye ba yin no zhes gang smras pa des ni 'di'i skye ba la brten nas skye bzhin pa 'di zhes bya bar 'gyur ro// zhes bye brag tu smra bar bya dgos na/ de skad du ni smras pa yang ma yin no// skye bzhin pa de ni skye bzhin pa de 'di yin no// zhes bya bar bye brag tu nges par gzung bar yang mi nus te/ ma skyes pas de'i mtshan ma ma gzung
- 61b
ba'i phyir ro// de'i phyir skye bzhin pa med pa'i phyir skye ba'i bya ba yang med pas ji ltar na skye ba med par de la brten nas skye bzhin par 'gyur/ de'i phyir skye bzhin pa ske la/ de yang skye bas skyed par byed do// zhes bya ba ni mi rigs so// 'dir smras pa/ e ma kyi hud bdag ni gang zhig de bzhin gshegs pa'i gsung rab rnam par 'chad pa'i zol gyis bdag nyid sun 'byin par byed pa tsam la mkhas pa nyid du mngon par byed cing don dam pa'i bden pa/ drang srong mchog gis gsungs pa/ rkyen nyid 'di ba tsam gyi rten cing 'brel par 'byung ba'i mtshan nyid can 'jig par byed pa mthong ba dang ma mthong ba'i dngos po la bltos pa med pa gtan med par smra ba khyod la shin tu 'jigs te/ 'dir bcom ldan 'das de bzhin gshegs pas ni 'di lta ste/ 'di yod pas 'di 'byung la/ 'di skyes pas 'di skye ste zhes bya ba la sogs pas rten cing 'brel par 'byung ba phyin ci ma log par gsal bar mdzad cing / rang bzhin dang / dbang phyug dang / ngo bo nyid dang / dus dang / rdul dang / sred med kyi bu la sogs pa byed pa por smra ba bsal nas/ dngos po rnams kyi de kho na nyid bstan par mdzad pa yin la/ khyod kyis ni skyes dang ma skyes skye bzhin pa/ ji lta bur yang mi bskyed pa zhes bya ba la sogs pas de sun 'byin par byed pa na/ de bzhin gshegs pa bsnun par mdzad pa'i yum rten cing 'brel par 'byung ba bsad par byas pa yin te/ de'i phyir thams cad med par smra ba pa khyod dang brtsad pas chog go// brjod par bya ste// bdag ni de bzhin gshegs pa bskrun par mdzad pa'i yum rten cing 'brel par 'byung ba nyams par byed pa ma yin gyis/ khyod nyid rten cing 'brel par 'byung ba mchog tu zab pa la mos pa dang bral bas de
- 62a
don phyin ci log tu bzung nas kho bo cag la smod par byed pa yin te/ bcom ldan 'das de bzhin gshegs pas ni 'di la brten nas 'di 'byung ngo zhes de skad gsungs pa na/ chos thams cad rang bzhin med pa nyid du gsal bar bstan pa yin no// gang gi phyir/ rten cing 'byung ba gang yin pa// de ni ngo bo nyid kyis zhi// 'di ltar dngos po yod pa'i rang bzhin can gang zhig rang gi bdag nyid kyis rang gi rang bzhin nyams pa med pa 'dzin pa de ni yod par gyur pa'i phyir gzhan 'ga' la yang bltos pa med cing / skye ba yang med pa de'i phyir na dngos po rang bzhin dang bcas par khas blangs pa na rten cing 'brel par 'byung ba yod par ga la 'gyur/ de'i phyir khyod kho nas rang bzhin dang bcas pa nyid du khas blangs pa na/ rnam pa thams cad du dngos po rnams kyi rten cing 'brel par 'byung ba la gnod pa byas par 'gyur ro// de'i phyir sus rten cing 'brel par 'byung ba mthong ba des chos mthong ngo // sus chos mthong ba des sangs rgyas mthong ngo zhes bya ba'i lung las na chos dang sangs rgyas mthong ba la yang gnod pa byas par 'gyur ro// kho bos ni sa bon zhes bya ba'i rgyu gang zhig la brten nas myu gu zhes bya ba'i 'bras bu gang zhig 'byung la/ de gnyi ga yang rten cing 'brel par 'byung ba zhi pa rang bzhin dang bral bar ston pa na/ rnam pa thams cad du bcom ldan 'das/ de bzhin gshegs pa rnams kyi yum rten cing 'brel par 'byung ba gsal bar byas par 'gyur ro// gang gi phyir de lta yin pa/ de'i phyir skye bzhin nyid dang ni// skye ba yang ni zhi ba nyid// ces bya bar gsal bar nges par bya'o// 'dir smras pa/ gang tshe skye ba yod pa na// skye bzhin 'di 'byung med pa'i tshe// ji ltar skye la brten nas
- 62b
ni// skye bzhin zhes ni brjod par bya// zhes bya ba ni rigs pa ma yin te// gang gi phyir skye bzhin pa 'di zhes bya ba de lta bu 'byung bar 'gyur te/ bum pa'i skye ba la brten nas bum pa skye bzhin par 'gyur la/ skye bzhin pa de yang skye bas skyed par byed do zhe na/ brjod pa 'di yang mi rigs te/ gang gi phyir/ gal te dngos po ma skyes pa// 'ga' zhig gang na yod gyur na// de ni skye 'gyur dngos po de// med na ci zhig skye bar 'gyur// gal te skye ba'i sngon rol na bum pa zhes bya ba ma skyes pa 'ga' zhig gang zhig yod na ni/ de skye ba'i bya ba la brten nas skye bar 'gyur ba zhig na/ de lta bu ni cung zad kyang skye ba'i sngon rol na gang yang yod pa yin no// bum pa de med na yang ci zhig skye bar 'gyur/ ci ste skye ba'i sngon rol na bum pa med mod kyi/ de lta na yang skyes par gyur nas bum pa'i ming rnyed par 'gyur te/ de'i phyir 'byung bar 'gyur ba'i ming gis nyes pa med do snyam na/ 'di yang rigs pa ma yin te// gal te skye ba'i bya ba 'jug na ni de'i tshe da lta bar gyur pa'i dngos pos bum pa'i brjod pa 'thob par 'gyur ba zhig na/ gang gi tshe dngos po ma 'ongs pa dang ma 'brel pas bya ba mi 'jug pa de'i tshe da ltar ba nyid yod par ga la 'gyur/ ci ste bum pa yin pa la brten nas bya ba rtsom mo zhe na/ bum pa ma yin pa gang yin pa de ci zhig yin par 'os pa de brjod par bya dgos te/ ci yang snam bu'am ci yang ma yin pa zhig tu 'gyur grang / gal te skye bzhin pa'i snam bu yan na ni/ de skyes nas bum par ji ltar 'gyur// 'on te ci yang ma yin pa zhig yin na ni/ de'i tshe ji ltar de'i rten can gyi bya ba 'jug pa 'am/ de skyes nas bum par 'gyur te/ de'i phyir 'byung bar 'gyur ba'i rtog pa yang rnam pa thams cad du mi rigs so// /
- 63a
de'i phyir skye bas skye bzhin pa yang skyed par mi byed do zhes bya ba grub po// gzhan yang de ltar skye bzhin pa skye bar mi rigs su zin kyang / khyod kyi lugs khas blangs nas brjod par bya ste/ gal te skye ba de yis ni// skye bzhin pa ni skyed byed na// skye ba de ni skye ba lta// gang zhig gis ni skyed par byed// gal te yang khyod kyi lugs kyi skye bas dngos po skye bzhin pa skyed par byed pa yin na/ da ni skye ba de skye ba rang ngam gzhan gang gis bskyed par 'gyur ba 'di ni brjod par bya dgos so// ci ste skye ba 'di'i skyed par byed pa/ skye ba gzhan rtog par 'gyur na ni/ de'i tshe thug pa med pa'i skyon du thal bar 'gyur ro// zhes bshad pa ni/ gal te skye ba gzhan zhig gis// de bskyed thugs pa med par 'gyur// zhes bya ba ste/ 'di ni bshad zin to// 'on te 'di la skye ba gzhan mi 'dod na ni de lhar yin skye ba med par yang skye ba skye ba yin no zhes bya ba de ltar 'gyur ba ma yin nam/ de'i phyir/ skye bas bskyed par bya ba'i dngos po rnams kyang / skye ba med par skye bar 'gyur te dngos po yin pa'i phyir skye ba bzhin no zhes bstan pa'i phyir/ ci ste skye ba med skye na/ thams cad de bzhin skye bar 'gyur// zhes bya ba gsungs pa yin no// gzhan yang skye bas rang dang gzhan skyed par byed do zhes bya ba'i phyogs 'di la da lta bdag cag gis skyon brjod par bya ba ma yin pa nyid de/ gang gi phyir phyogs 'di la sun dbyung ba// re zhig yod dang med pa dang // skye bar rigs pa ma yin zhing // yod med nyid kyang ma yin zhes// gong du bstan pa nyid yin no// yod dam med pa'i don la yang // rkyen ni rung ba ma yin te/ zhes bya ba dang / gang tshe chos ni yod pa dang // med dang yod med mi 'grub pa// zhes bya ba la sogs
- 63b
pas sngar skye ba bkag pa yin no// de'i phyir de ltar skye ba bkag pa yin dang / skye ba skye bzhin pa bskyed pa dang / rang dang gzhan gyi bdag nyid bskyed do zhes bya ba'i rtog pa 'di 'jug pa med pa nyid do// de'i phyir skye ba skye ba dang / skye bzhin pa skye ba dang / rang dang gzhan gyi bdag nyid bskyed pa zhes bya ba 'dig las 'grub par 'gyur/ gzhan yang 'dir skye ba 'di brtags pa na/ dngos po da ltar ba mi rtag pa dang rjes su 'brel po 'gag bzhin pa 'am/ 'das pa dang ma 'ongs pa mi rtag pa nyid dang bral ba 'gag bzhin pa zhig la rtog grang na/ gnyi ga ltar yang mi 'thad do zhes bshad pa/ dngos po 'gag bzhin nyid la ni// skye ba 'thad par mi 'gyur ro// gang zhig 'gag bzhin ma yin pa// de ni dngos por mi 'thad do// de la da ltar ba 'gag bzhin pa la ni skye ba 'thad pa ma yin pa ste yod pa'i phyir ro// 'das pa dang ma 'ongs pa 'jig pa dang bral ba/ dngos po'i mtshan nyid dang mi mthun pa 'gag bzhin ma yin pa la yang nam mkha'i me tog ltar skye ba yod pa ma yin no// de ltar re zhig dngos po rnams la skye ba med par bstan nas/ de'i 'og tu gnas pa dpyad par bya'o// 'dir smras pa/ dngos po rnams kyi skye ba ni yod pa nyid de/ de yod na yod pa'i chos yod pa'i phyir ro// skye ba med pa la ni gnas pa yod pa ma yin te// de'i phyir skye ba yod pas gnas pa yod pa'i phyir gnas pa ni skye ba yod na yod pa can du 'gyur ro// de'i phyir skye ba yang yod de/ de yod na yod pa'i chos yod pa'i phyir ro// 'dir gang med par yod na yod pa'i chos yod pa ni ma yin te/ dper na nam mkha'i me tog gi dri zhim po bzhin no// brjod par bya ste/ gal te de yod na yod pa'i gnas pa nyid yod na ni/ skye ba la yang yod par 'gyur ba zhig na yod pa ni
- 64a
ma yin te/ 'di ltar/ dngos po gnas pa mi gnas te/ dngos po mi gnas gnas pa min// gnas bzhin pa yang mi gnas te// ma skyes gang zhig gnas par 'gyur// de la gnas pa ni mi gnas/ pa ste// de la gnas pa'i bya ba 'gags zin pa'i phyir ro// dngos po mi gnas pa yang gnas pa ma yin te gnas pa dang bral ba'i phyir ro// gnas bzhin pa yang mi gnas te// gnas pa gnyis su thal bar 'gyur ba'i phyir dang / gnas pa dang mi gnas pa las tha dad pa'i gnas bzhin pa med pa'i phyir ro// gzhan yang ma skyes gang zhig gnas par 'gyur te/ 'dir skye ba bkag pa'i phyir gang zhig gnas par 'gyur ba ma skyes// pa'i dngos po de gang zhig yod/ de'i phyir gnas pa rnam pa thams cad du med do// gzhan yang gnas pa 'di 'gag bzhin pa'am 'gag bzhin pa ma yin pa zhig la 'gyur grang / gnyi ga ltar yang mi rigs so/ zhes bstan pa'i phyir bshad pa/ dngos po 'ga' bzhin nyid la ni// gnas pa 'thad par mi 'gyur ro// gang zhig 'gag bzhin ma yin pa// de ni dngos por mi 'thad do// re zhig dngos po 'gag bzhin pa 'gag pa la mngon du phyogs pa la ni 'gal ba gnas pa yod pa ma yin no// gang yang 'gag bzhin pa ma yin pa de ni dngos po nyid du mi 'gyur na/ de la gnas pa yod par ga la 'gyur/ gzhan yang dngos po thams cad ni rga ba dang / 'chi bas skad cig tsam yang mi gtong ba yin la/ gang gi tshe 'di de lta bu yin pa de'i tshe dngos po rnams la rga ba dang 'chi ba dag dang 'gal ba'i gnas pa 'jug pa'i sgo nas go skabs nyid yod pa ma yin pa'i phyir ro zhes bstan pa'i phyir bshad pa/ dngos po thams cad dus kun tu// rga dang 'chi ba'i chos yin na// gang dag rga dang 'chi med par gnas pa'i dngos po gang zhig yin/ gang dag la gnas
- 64b
pa yod par 'gyur ba rga ba dang 'chi ba dang bral ba'i dngos po gang zhig yod/ de'i phyir gnas pa med pa nyid do snyam du dgongs pa yin no// gzhan yang gnas pa 'di la/ gnas pa'i ched du gnas pa gzhan zhig rtog gam/ rang gis rang gi bdag nyid gnas par byed grang na/ gnyi ga ltar yang rigs pa ma yin no// zhes bshad pa/ gnas pa gnas pa gzhan dang ni// de nyid kyis kyang gnas mi rigs// ji ltar skye bar rang dang ni// gzhan gyis bskyed pa ma yin bzhin// skye ba 'di ni ma skyes pas// rang gi bdag nyid ji ltar bskyed// ces bya ba la sogs pas ji ltar skye bas bdag nyid mi bskyed par bshad pa de ltar/ gnas pas kyang bdag nyid gnas par mi byed par brjod par bya ste/ gnas pa 'di ni mi gnas pas// rang gi bdag nyid ji ltar gnas// gal te gnas pas gnas byed na// gnas na ci zhig gnas su yod// ces sbyar bar bya'o// yang gal te skye ba gzhan zhig gis// de bskyed thug pa med par 'gyur zhes/ ji skad du/ skye ba la rnam par bshad pa de bzhin du/ gal te gnas pa gzhan zhig gis// de nas thug pa med par 'gyur// zhes gnas pa la yang brjod par bya'o// de ltar gnas par yang mi rigs so// de nyid kyi phyir bcom ldan 'das kyis/ chos 'di dag ni mi gnas te// 'di dag la ni gnas yod min// gnas med gnas pa'i sgras brjod kyang // rang gi ngo bos rnyed ma yin// 'jig rten mgon pos gnas pa dang // skye ba bstan pa ma yin te// des na de lta'o// / 'jig rten mgon// rig nas ting 'dzin shes par gyis// zhes gsungs so// de bzhin du 'phags pa sdud pa tshigs su bcad pa las kyang / mkha' la rlung brten de la chu yi phung po brten/ de las chen 'di brten de la
- 65a
'gro ba brten/ zhes bya ba nas gnas med gnas yin 'di ni rgyal bas gnas par gsungs zhes bya ba'i bar du rgya cher gsungs so// 'dir smras pa/ skye ba dang gnas pa dag ni yod pa nyid de/ de dang lhan cig spyod pa'i chos yod pa'i phyir ro// 'dir 'dus byas rnams la skye ba dang gnas pa'i mtshan nyid dang lhan cig spyod pa mi rtag pa nyid yod pa yin te/ de'i phyir skye ba dang gnas pa nyid kyang yod pa yin no// brjod par bya ste/ gal te mi rtag pa nyid yod na ni/ skye ba dang gnas pa dag kyang yod par 'gyur na/ yod pa ni ma yin no// ci ltar zhe na/ 'di ltar/ 'gags pa 'gag par mi 'gyur te// ma 'gags pa yang 'gag mi 'gyur// 'gag bzhin pa yang de bzhin min// ma skyes gang zhig 'gag par 'gyur// gal te mi rtag pa zhes bya ba 'ga' zhig yod na ni/ de/ dngos po 'gags pa'am ma 'gags pa'am/ 'gag bzhin pa zhig la 'gyur ba zhig na/ de la 'gags pa 'gag go zhes bya ba ni mi rung ste/ 'das pa dang da ltar ba gnyis 'gal ba'i phyir ro// ma 'gag pa la yang mi rigs te/ 'gag pa dang bral ba'i phyir dang / gang zhig ma 'gags pa ni ji ltar 'gag par 'gyur zhes phan tshun 'gal ba'i phyir ro// 'gag bzhin pa yang de bzhin min// te 'gag mi 'gyur zhes bya ba 'di dang sbyar ro// 'gag bzhin pa yang 'gag par mi 'gyur te/ 'gag bzhin pa med pa'i phyir dang / 'gag pa gnyis su thal bar 'gyur ba'i phyir ro// gang gi phyir/ de ltar dus gsum kar yang 'gag pa mi srid pa de'i phyir 'gag pa yod pa ma yin pas/ de dang lhan cig rku ba'i skye ba dang gnas pa yod par gal 'gyur/ gzhan yang sngar skye ba bkag pa'i phyir
- 65b
bkag pa yod pa ma yin pa nyid do zhes bshad pa ni/ ma skyes gang zhig 'gag par 'gyur zhes bya ba'o// gzhan yang / 'gag pa 'di dngos po gnas pa'am mi gnas pa zhig la 'gyur grang na gnyi ga ltar yang mi rung ngo zhes bshad pa/ re zhig dngos po gnas pa la// 'gag pa 'thad par mi 'gyur ro// 'gag pa dang 'gal ba gnas pa la ni 'gag pa yod pa ma yin no// dngos po mi gnas pa la yang // 'gag pa 'thad par mi 'gyur ro// dngos po mi gnas pa yod pa ma yin pa la yang 'gag pa yod pa ma yin no// de'i phyir 'gag pa rnam pa thams cad du mi 'thad do// gzhan yang / gal te 'dir 'gag pa zhig tu 'gyur na/ de gnas skabs de nyid kyis gnas skabs de nyid la 'am/ gzhan gyis gzhan la 'gyur ba zhig na/ rnam pa thams cad du mi 'thad do zhes bstan pa'i phyir bshad pa/ gnas skabs de yis gnas skabs ni// de nyid 'gag pa nyid mi 'gyur// gnas skabs gzhan gyi gnas skabs ni// gzhan yang 'gag pa nyid mi 'gyur// re zhig 'o ma'i gnas skabs de nyid kyis 'o ma'i gnas skabs de nyid 'gag par ni mi 'gyur te/ rang bdag nyid la byed pa 'gal ba'i phyir ro// gzhan zho'i gnas skabs kyis kyang 'o ma'i gnas skabs 'gag par mi 'gyur te/ yod ni 'o ma dang zho'i gnas skabs gnyis dus gcig tu 'gyur na ni/ de gnyis gzhig par bya ba dang 'jig par byed pa'i dngos por 'gyur ba zhig na/ zho'i gnas skabs ni 'o ma'i gnas skabs yod pa ma yin no// gang gi tshe med pa de'i tshe ni med par 'gyur ba gang zhig 'jig par byed de/ gal te 'jig par byed na ni/ bong bu'i rwa'i rno ba nyid kyang rnam par 'jig par byed par 'gyur ba zhig go// de'i phyir gnas skabs gzhan gyis kyang gnas skabs/
- 66a
gzhan 'gag par 'gyur ba ma yin pa nyid do// 'dir smras pa/ gal te yang gnas skabs de nyid kyis gnas skabs de nyid dam/ gnas skabs gzhan gyis gnas skabs gzhan 'gag par ma 'gyur mod kyi/ de ldan yang 'o ma'i gnas skabs la ni re zhig 'gag pa yod pa yin no// de'i phyir skye ba yang yod par 'gyur ro// brjod par bya ste/ kye ma mal khyod ni bdag nyid shin tu thun pa nyid du mngon par byed pa yin te/ sngar bshad pa'i tshul gyis/ gang tshe chos rnams thams cad kyi// skyeb 'thad par mi 'gyur bar// bshad pa/ de tshe chos rnams thams cad kyi// 'gag pa'athed par mi 'gyur ro// zhes ches gsal ba nyid du bsan par 'gyur ba ma yin nam/ gzhan yang / gal te 'gag pa zhes bya ba 'ga' zhig yod na ne/ de dngos po yod pa'am med pa nig 'gyur/ zang / del ba zhig dngos po yod la/ 'gag pa 'thad par mi 'gyur ro// dngos po yod pa dang bzhin lngas ma rnams pa la ni 'gag pu mi rigs te/ gang gi rtser/ gcig nyid na ni dngos po dang / dngos po med par 'thad pa med// dngos po gang zhig la 'gag pa zhes bya ba dngos po med pa de yod pa de ni med pa nyid du 'gyur ro// de'i phyir dngos po yod pa la 'gag pa yod par smra ba na/ dngos pa dang dngos po med pa gnyi gzhi gcag pa nyid du las blangs par 'gyur la/ gcig nyid yin na ni gnyig mi rigs te/ da lta ga la te dngas po yin na de'i tshe 'gag pa dngos po med pas thod pa'i b+h+ring dngas por bsnyad pa ma rigs ma'on teng dngas pa med pa yin na/ dayang 'dil mo rigs te/ dngas pa med pa dang 'gal pa dngas pa nyid dang bral ba ma yin pa'i phyir ro// de'i phyir
- 66b
dngos po dang dngos po med pa dag gcig nyid yin na dngos po de dngos po ma yin zhing / dngos po med pa yang yin no zhes bya bar rung ngo // rnam pa gcig tu na gcig nyid yin na phan tshun 'gal ba'i phyir snang ba dang mun pa ltar/ dngos po yang yin la dngos po med pa yang yin pa mi 'thad do zhes bya ba'o// de'i phyir de ltar re zhig dngos po yod pa la 'gag pa mi rigs pa yin no// da ni/ dngos po med par 'gyur ba la'ang / 'gag pa 'thad par mi 'gyur ro// dngos po yod par ma gyur pa la'ang 'jig pa yod pa ma yin te/ yod pa ma yin pa'i phyir nam mkha'i me tog bzhin no// / mgo gnyis pa la ji ltar ni// bcad du med pa de bzhin no// mgo bo gnyis pa med par rab tu grags pa nyid dper nye bar bkod pa'i phyir bshad pa ma tshang ba nyid du 'gyur bas med pa zhes nye bar ma bkod do de'i phyir/ de ltar dngos po yod pa dang dngos po med pa la 'gag pa med do// gang zhig gnyi ga ltar yang med pa de bdag nyid gzhan gang gis yod par 'gyur te/ 'gag pa med pa nyid do zhes rtogs par bya'o// gzhan yang / gal te 'gag pa zhes bya ba dngos po rnams kyi 'gag par byed pa yin no// zhes bya bar rtog na/ da ni ci de la yang 'gag pa gzhan 'dod dam 'on tem yin/ gal te 'dod na ni de mi rigs te/ gang gi phyir/ 'gag pa rang gi bdag nyid kyis// yod min 'gag pa gzhan gyis min// ji ltar yod pa ma yin pa de ltar bstan pa'i phyir/ ji ltar skye ba rang dang ni/ gzhan gyis bskyed pa ma yin bzhin// zhes bya ba gsungs so// de la ji ltar/ skye ba 'di ni ma skyes pas// rang gi bdag nyid ji ltar bskyed// ces bya ba la sogs pas/ skye bas rang gi bdag nyid mi bskyed pa//
- 67a
de bzhin du/ 'gag pas kyang rang gi bdag nyid 'gag par mi byed do// ji ltar zhe na/ brjod par bya ste/ 'gag pa 'di ni ma 'gags pas// rang gi bdag nyid ji ltar 'gog/ ci ste 'gags pas 'gog byed na// 'gags na ci zhig dgag tu yod// ces skye ba dang mtshungs par brjod par bya'o// de ltar na 'gag pa la rang gi bdag nyid kyis 'gag pa yod pa ma yin no// gzhan gyi bdag nyid kyis kyang yod pa ma yin no// ji ltar zhe na/ de la ji ltar gal te skye ba gzhan zhig gis/ zhes bya ba la sogs pa skye ba la bshad pa de bzhin du/ gal te 'jig pa gzhan zhig gis// de 'jig thug pa med par 'gyur// ci ste 'jig med de 'jig na// thams cad de bzhin 'jig par 'gyur// zhes 'gag pa la yang brjod par bya'o// de'i phyir de ltar gzhan gyi bdag nyid kyis kyang 'gag pa yod pa ma yin pas 'gag pa'i 'gag pa med do// ci ste 'gag pa la ni 'gag pa med pa nyid do snyam du sems na/ da ni mi rigs te/ gal te 'gag pa la 'gag pa med na de'i tshe 'gag pa dang bral ba'i phyir 'dus byas kyi mtshan nyid nyams par 'gyur ro// de'i phyir de ltar gal te 'jig pa la 'jig pa brtags pa de lta na yang 'jig pa mi rigs la/ 'on te ma brtags pa de lta na yang mi rigs pas/ da ni ji ltar gzhan gyis 'jig par 'gyur/ ci ste de ltar rnam par dpyad pa yin na khyod la yang 'jig pa mi rigs te/ de'i phyir gang zhig gnyi ga'i skyon yin pa des gcig la brgal bar bya ba ma yin no snyam na/ brjod par bya ste/ bdag la ni brgal ba 'dir mi 'gyur ba nyid de/ 'di ltar dngos po rnams ni rang nyid rang bzhin med pa yin la/ de dag kyang rang bzhin med pa nyid du gyur pa na//
- 67b
ma brtag par grub pa'i tshul gyis byis pa 'di bden par mngon par zhen pa rnams kyi tha snyad kyi lam du nye bar 'gro ba yin te/ kho bo cag gi ltar na de dag la ji skad bshad pa'i rnam par dpyad pa yod pa ma yin no// 'jig rten pa'i dngos po rnams ni sgyu ma dang rmi lam dang dri za'i grong khyer la sogs pa ltar 'thad pa dang bral bar gyur zhing / ma rig pa'i rab rab kyis blo gros kyi mig nyams par gyur pa'i 'jig rten la grub par gyur pas phan tshun bltos pa nyid kyis 'grub par gyur pa 'ba' zhig byis pa rnams kyis khas len pa yin no// ji skad du brgya pa las mgal me'i 'khor lo sprul pa dang / rmi lam sgyu ma chu zla dang // khug rna nang gi brag ca dang // smig rgyu sprin dang srid pa mtshungs// zhes bshad do// de'i phyir bskyed bya yod na skyed byed dang // skyed byed yod na bskyed bya yod cing / 'gag pa yod na dgag bya dang // dgag bya yod na 'gag pa yod pa yin no// de ltar 'jig rten pa'i tha spyad khas grangs pa'i phyi kho bo cag gi phyogs la thal bar 'gyur ba mtshungs pa nyid du 'gyur bar ga la 'os/ gang zhig 'jig pa rgyu med pa nyid du khas blangs nas 'dus byas rnams skad cig ma nyid du smra ba de'i ltar na nam mkha'i me tog ltar rgyu med pas 'jig pa med pa'i phyir dngos po rnams skad cig ma nyid dang / 'jig pa dang bral ba rnams 'dus byas nyid du'ang 'grub par ga la 'gyur/ de'i phyir de'i thams cad mi 'grig pa nyid du 'gyur ro// skye ba'i rkyen gyi rga shi zhes bya ba dang / 'dus byas kyi mtshan nyid rnams kyang 'du byed kyi phung po'i nang du 'du bar gsung ba na/ bcom ldan 'das kyis 'jig pa rgyu dang bcas pa nyid du gsal bar bstan pa ma yin nam/ skye ba
- 68a
tsam la bltos pa'i phyir 'di'i skad cig mar 'jig pa yang sgrub par sla ste/ de'i phyir thams cad legs par gnas par 'gyur ro// ci ste 'jig pa zhes bya ba 'di ni dngos po med pa yin na gang zhig dngos po med pa de la chus ci zhig byed/ de'i phyir 'jig pa rgyu med pa yin no snyam na/ dngos po la yang rgyu med par thal bar 'gyur ba ma yin nam/ 'di ltar dngos po ni yod par gyur pa yin la/ yod pa gang yin pa de la ni rgyus dgos pa ci zhig yod de/ skyes zin pa la ni yang bskyed du med do// de'i phyir thams cad du rgyu med par thal bar 'gyur bas 'di ni me rigs so// gzhan yang ji ltar sngar med pa'i phyir dang / phyis yod pa'i phyir skye ba rgyu dang bcas pa yin pa de bzhin du/ 'jig pa yang yin par 'dod par bya'o// 'jig pa yang thams cad kyi tshe 'gyur ba ni ma yin te/ skye ba'i sngar med pa'i phyir dang / phyis ni yod pa'i phyir ro// gang yang gang zhig dngos po med pa de la rgyus ci zhig byed ces smras pa de yang mi rigs te/ gang gi phyir/ kha bo cag ni 'dzag pa la rgyus cung zad cig byed par ni mi 'dod kyi/ 'o na ci zhe na/ 'on kyang 'jig pa nyid byed pa yin no// zhes smra'o// gal te de lta na byed bzhin pa yin pa'i phyir 'jig pa yang dngos por 'gyur ba ma yin nam zhe na/ 'di ni 'dod pa nyid yin te/ 'jig pa ni rang gi ngo bo la bltos nas dngos po yin la/ gzugs la sogs pa'i chos log pa'i rang bzhin yin pa'i phyir na ni dngos po med pa yin ro// gzhan yang 'chi ba yang bya ba gnyis su nye bar gnas pa yin te/ 'du byed 'jig par yang byed pa dang / yongs su mi shes pa thun mi 'chad pa'i rgyu yang 'byin pa'o zhes bya
- 68b
ba'i lung las ni ji ltar 'jig pa rgyu dang bcas pa ma yin par 'gyur/ gzhan yang / gzhan gyis brtags pa'i dngos po med pa'i dngos po'i mtshan nyid can stong pa nyid dngos po'i ngo bor khas blangs pa na ji ltar dngos po med pa dngos po nyid du khas ma blangs par 'gyur/ dngos po yin pa'i phyir na yang ji ltar stong pa nyid 'dus ma byas yin te/ de'i phyir khas blangs pa thams cad nyams par 'gyur ro// de nyid kyi phyir/ ji ltar mya ngan 'das pa ni// dngos dang dngos med gnyis yin te// mya ngan 'das pa 'dus ma byas// dngos dang dngos med 'dus byas yin// zhes 'chad par 'gyur ro// spros pas chog go/ dkyus ma nyid bshad par bya'o// 'dir smras pa/ gal te 'dus byas kyi skye ba dang gnas pa 'jig pa dag bkag mod kyi/ de lta na yang khyad par gyi mtshan nyid dang ldan pa'i 'dus byas ni yod pa yin te/ 'di ltar sra ba la sogs pa dang / lkog shal la sogs pa ni de'i khyad par gyi mtshan nyid du nye bar bstan pa yin no// de'i phyir 'dus byas yod pa de'i mtshan nyid kyang yod do// brjod par bya ste/ gal te 'dus byas nyid yod na// de ltar 'gyur ba zhig na yod pa ni ma yin te/ 'di ltar/ skye dang gnas dang 'jig pa dag/ ma grub phyir na 'dus byas med// gang gi tshe ji skad bshad pa'i tshul gyis skye ba dang gnas pa dang 'jig pa dag kho na bkag pa de'i tshe 'dus byas ga la yod/ de'i phyir de'i khyad par ga la yod/ 'dir smras pa/ 'dus byas ni yod pa nyid de/ de'i gnyen po 'dus ma byas yod pa'i phyir ro// brjod par bya ste/ gal te 'dus ma byas nyid yod na/ 'di de ltar 'gyur na/ yod pa ni ma yin te/ gang gi phyir/
- 69a
'dus byas rab tu ma grub pas// 'dus ma b+has ni ji ltar 'grub// 'dir kha cig ni/ nam mkha' dang so sor brtags pa ma yin pa'i 'gog pa dang / mya ngan las 'das pa rnams ni/ 'dus ma b+has yin no zhes rtog par byed la/ gzhan dag ni de bzhin nyid kyi mtshan nyid can stong pa nyid la 'dus ma byas su rtog par byed pa de thams cad 'dus byas rab tu ma grub par gyur pas yod pa ma yin pa nyid do zhes gsal bar bstan to// 'dir smras pa/ gal te skye ba dang gnas pa dang 'jig pa yod pa ma yin no zhes nges par gzung na/ 'o na thub pa ye shes sgrib pa med pa mnga' bas/ dge slong dag 'dus byas ni skye bar yang mngon 'jig pa dang gnas pa las gzhan du 'gyur bar yang mngon no zhes gang gsungs pa de ji ltar rig par bya zhe na/ brjod par bya ste/ rmi lam ji bzhin sgyu ma bzhin// dri za'i grong khyer ji bzhin du// de bzhin bskyed dang de bzhin gnas// de bzhin du ni 'jig pa gsungs// ji ltar sgyu ma la sogs pa rnams rang bzhin gyis ma skyes pa yin yang // 'jig rten la sgyu ma la sogs pa'i sgra'i brjod bya dang / sgyu ma la sogs pa'i rnam par shes pa'i rtogs par bya bar 'gyur ba de bzhin du/ skye ba la sogs pa de dag kyang rang bzhin gyis yod pa ma yin yang 'jig rten la grags pa tsam gyi sgo nas/ bcom ldan 'das kyis bstan pa yin no// de skad du yang / pags rgyus sha rus 'dus la 'di dag gi/ chung ma yin snyam 'du shes bskyed nas ni// byis pa rmongs rnams 'dod chags skyed byed cing / sgyu ma ji bzhin bud med mi shes so// ji ltar bu mo gzhon nu'i rmi lam na// bu pho byung zhing shi ba des mthong nas// byung nas dga' zhing shi na sa mi
- 69b
dga' ltar// chos rnams thams cad de bzhin shes par gyis// ji ltar dri za'i grong khyer smig rgyu dang // sgyu ma ji bzhin rmi lam ci 'dra bar// chos rnams thams cad de bzhin shes bya ste// mtshan ma sgom pa ngo bo nyid kyis stong // zhes bya ba dang / de bzhin du/ 'dus byas 'dus ma byas kun dben pa ste// drang srong de dag la ni rnam rtog med// 'gro ba kun tu 'dus ma byas 'thob pas// lta ba dag las 'khor mor rnam par dben// gang dag 'di 'dra'i chos rnams shes pa ni// rtag tu ma chags mi gtum mi rmongs te// de yi sems ni rang bzhin mnyam par bzhag/ de ni ting 'dzin stobs can stobs dang ldan// zhes gsungs so// slob dpon zla ba grags pa'i zhal snga nas sbyar ba'i tshig gsal ba las/ 'dus byas brtag pa zhes bya ba rab tu byed pa bdun pa'i 'grel pa'o// 'dir smras pa/ rnam par shes pa la sogs pa 'dus byas kyi chos 'dus byas kyi rang bzhin can rnams ni yod pa nyid de/ de'i rgyu las dang byed pa po yod pa'i phyir ro// bcom ldan 'das kyis kyang / ma rig pa dang rjes su 'brel ba'i skyes bu gang zag 'di ni bsod nams mngon par 'du bya ba yang mngon par 'du byed do// bsod nams ma yin pa dang mi g.yo ba mngon par 'du bya ba yang mngon par 'ang byed do zhes bya ba la sogs pas las kyi byed pa pod las de dang / 'bras bu rnam par shes pa la sogs pa 'dus byas kyang nye bar bstan pa yin no// gang la byed pa po yod pa de ni yod pa yin te/ dper na bum pa bzhin no// gang zhig med pa de la ni byed pa po med de/ dper na rus sbal gyi spu'i gos bzhin no// brjod par bya ste/ gal te de'i skyed par byed pa las dang byed pa po gnyis yod na ni/ rnam par shes pa la sogs pa 'dus byas kyang yod par 'gyur ba zhig na/ de dag ni
- 70a
med do// 'di ltar/ byed po yin par gyur pa de// las su gyur pa mi byed de// byed po ma yin gyur pa yang // las su ma gyur mi byed do// de la byed pas na byed pa po'o// cung zad byed pa kho na la byed pa por ba snyad kyi// mi byed pa ni ma yin la/ byed pa de yang byed pa po yin par gyur pa'am/ ma yin par gyur pa'am yin pa dang ma yin par gyur pa zhig la rtog pa zhig go/ bya bas na las de byed pa po'i 'dod par gyur pa dam pa'o// / de yang rnam pa gsum ste/ yin par gyur pa dang / ma yin par gyur pa dang / yin pa dang ma yin par gyur pa'o// de la byed pa po yin par gyur pa bya ba dang ldan pa ni las su gyur pa ste/ bya ba dang ldan pa mi byed do zhes bya ba ni dam bca' ba gcig go// de nas byed pa po ma yin par gyur pa bya ba dang bral ba yang las su ma gyur pa ste/ bya ba dang bral ba mi byed do zhes bya ba ni dam bca' ba gzhan yin no// de la drang rab tu sgrub par bzhed nas/ bshad pa/ yin par gyur la bya ba med// byed po med pa'i las su'ang 'gyur// byed pa por brjod pa ni/ bya ba'i rgyu can yin pa'i phyir byed do zhes bya ba'i bya ba dang ldan pa yin par gyur pa 'ga' zhig kho nas/ byed pa po'i brjod pa 'thob par 'gyur te/ de'i phyir bya ba'i rgyu can gyi byed pa pa'i brjod pa thob pa rnam pa de lta bu de la ni/ gang gis las de byed par 'gyur ba bya ba gzhan med do// gang gi tshe/ bya ba med pas byed pa po las mi byed pa de'i tshe byed pa po la bltos pa med cing byed pa po med pa'i las su 'gyur na/ byed pa po med pa'i las ni srid pa yang ma yin te/ mo gsham gyi bus bum pa byed pa bzhin no// de ltar na re zhig yin par gyur pa la bya ba med pa dang / byed pa po med pa'i las su yang 'gyur ro zhes bya ba'i nyes par thal bar 'gyur ba'i phyir/ byed pa po yin par gyur pa
- 70b
las mi byed do// da ni las yin par gyur pa yang byed pa pos byed pa ma yin no zhes bstan pa'i phyir/ yin par gyur la bya ba med// las med byed pa por yang 'gyur// zhes gsungs so// las yin par gyur pa zhes bya ba ni/ bya ba dang ldan pa yin la// bya ba'i rgyu can gyis las kyi brjod pa thob zin pa de la ni/ bzod yang gang gis las de byed par 'gyur ba'i bya ba gzhan yod pa yang ma yin no// de lta na ni/ re zhig las yin par gyur pa la bya ba med pa yin no// gang gi tshe/ bya ba gzhan med pa de'i tshe ni las yin par gyur pa de byed pa pos mi byed pa nyid do// gang gi tshe/ las la bya/ ba gnyis pa med pas mi byed pa de'i tshe ni las de'i byed pa po ni/ las med pa ste/ las mi bdog cing las de mi byed pa kho nar byed pa por 'gyur na/ 'di ni rigs pa yang ma yin te/ mtshams med// / pa'i las ma byas pa la ni/ mtshams med pa'i las kyi byed pa po nyid ma mthong ngo // de ltar byed pa po yin par gyur pa las yin par gyur pa mi byed do zhes yang dag par bsgrubs nas/ da ni byed/ pa po ma yin par gyur pa yang las ma yin par gyur pa/ ji ltar mi byed pa de ltar bstan pa'i phyir bshad pa/ gal te byed por ma gyur pa// las su ma gyur byed na ni// las la rgyu ni med par 'gyur// byed pa po yang rgyu med 'gyur// las ma yin par gyur pa ni rgyu med par 'gyur ro// byed pa po ma yin par gyur pa ni bya ba dang bral ba yin la/ bya ba yang byed por bsnyad pa'i rgyu yin pa'i phyir na/ bya ba dang bral ba'i byed pa po yang rgyu med par 'gyur ro// rgyu med par smra ba khas len pa yin na yang rgyu dang 'bras bu ril bsal bar 'gyur ro zhes bshad pa/ rgyu med na ni 'bras bu dang / rgyu yang 'thad par
- 71a
mi 'gyur ro// rgyu khas blangs par gyur na ni gang zhig rgyus bskyed pa de ni 'bras bu yin la/ de'i skyed par byed pa gang yin pa de ni rgyu yin no zhes bya bar rig ste/ dper na bum pa'i rgyu ni 'jim pa yin la/ bum pa 'bras bu yin zhing 'khor lo la sogs pa de'i byed rgyu yin pa bzhin no// rgyu med par smra ba khas blangs na ni rgyal mi bltos pa'i phyir/ nam mkha'i me tog ltar burma pa med la/ bum pa med na de'i byed rgyu yod par ga la 'gyur/ de ltar na rgyu med na ni 'bras bu dang / rgyu yang 'azad par mi 'gyur ro// de'i phyir/ de med na ni bya ba dang // byed pa po dang byed mi rigs// de med na ste/ 'bras bu dang rgyu med na/ ci zhig byed pa la bya ba yod par 'gyur zhing / bya ba gang zhig la rdza mkhan rang dbang du gyur pas byed pa po nyid du 'gyur/ 'jim pa dag kyang de'i bdag nyid kyis nye bar gyur pa las sgrub par byed pa dam pa nyid yin pa'i sgo nas byed par rigs pa ma yin no// de ltar na re zhig/ de med na ni bya ba dang // byed pa po dang byed mi rigs zhes bya'o// de'i phyir/ bya ba la sogs mi rigs na// chos dang chos min yod ma yin/ 'di ltar lhas byin srog gcod pa spong ba'i bya ba la rang dbang du gyur pa las byed pa por gyur nas/ las byed par gyur pa'i sgo nas srog gcod pa spong ba'i bya byed pa de'i tshe/ de la chos nye bar skye bar 'gyur ro// de bzhin du dge ba'i las kyi lam dge ba'i bya bas bsgrub par bya ba bcu char dang / dge ba'i chos kyi rtsom pa dkon mchog gsum dang / pha dang ma dang / de las gzhan mchod par 'os pa mchod pa la sogs pa'i mtshan nyid can dag la yang sbyar bar bya'o// de bzhin du bya ba dang byed pa po dang byed pa rnams med na chos ma yin pa srog gcod pa la sogs pa'i mtshan nyid can yang med par thal bar 'gyur ba dge ba las
- 71b
bzlog ste brjod par bya'o// gang gi tshe/ de ltar chos dang chos ma yin pa med pa de'i tshe/ de'i 'bras bu yang med do zhes bstan pa'i phyir bshad pa/ chos dang chos min med na ni// de las byung ba'i 'bras bu med// / chos dang chos ma yin pa gnyis med na ni/ chos dang chos ma yin pas bskyed pa'i 'bras bu 'dod pa dang / mi 'dod pa yang med par 'gyur ro// de'i phyir/ 'bras bu med nathar pa dang // mtho ris 'gyur ba'i lam mi 'thad// gal te 'jig rten pa'i lam gyi 'bras bu bsam gtan dang gzugs med pa'i mtshan nyid can bde 'gro yod par gyur na ni de'i tshe de'i don du 'jig rten pa'i lam sgom pa mdzes par 'gyur la/ gal te yang 'bras bu mya ngan las 'das pa thar pa'i mtshan nyid can yod na yang de'i don du/ 'jig rten las 'das pa 'phags pa'i lam yan lag brgyad pa sgom par 'gyur ba zhig na/ gang gi tshe 'bras bu yod pa ma yin pa de'i tshe// 'bras bu med na thar pa dang // mtho ris 'gyur ba'i lam mi 'thad// gzhan yang / de ltar 'bras bu med na ni// bya ba dag ni thams cad kyang // don med nyid du thal bar 'gyur// zhing las dang tshong spogs dang // rma bkol gyi bya ba la sogs pa gang dga'abras bu'i don du rtsom pa de dag thams cad kyang 'bras bu med na mi 'thad do// de'i phyir de ltar bya ba dag ni thams cad kyang / don med nyid du thal bar 'gyur na/ 'di dag ni don med pa yang ma yin no// de'i phyir nyes pa ma lus pa'i 'byung khungs su gyur pa mtho ris dang byang grol la skur pa 'debs pa/ sems can dmyal ba la sogs pa'i g.yangs chen po'i rgyu mthong ba dang ma mthong ba'i rgyu'i dngos po dang 'gal ba yin pa'i phyir/ byed pa po yin par ma gyur pa las su ma gyur pa byed do zhes bya ba'i phyogs 'di ni tha chad kho na yin no// de'i phyir de ltar dam bca' ba gnyis yang dag par bsgrubs nas/ da ni byed pa po gnyi ga'i ngo bo lam gnyi
- 72a
ga'i ngo bo yang mi byed do zhes bshad pa/ byed pa por gyur ma gyur pa// gyur ma gyur de mi byed de// las yin pa dang ma yin par gyur pa bya ba dang ldan pa/ bya ba dang mi ldan pa gang yin pa de ni byed pa po yin pa dang / ma yin par gyur pas mi byed do// gang gi phyir/ yin dang ma yin gyur cig la// phan tshun 'gal bas ga la yod// dngos po gcig la dus gcig tu bya ba dang ldan pa yang yin la bya ba dang mi ldan pa yang yin pa zhes bya ba 'di ni mi rigs pa nyid do// de'i phyir/ byed pa po yin pa dang ma yin par gyur pa yang las yin pa dang ma yin par gyur pa mi byed de/ yod pa ma yin pa'i phyir ro snyam du dgongs pa'o// de ltar phyogs mthun pa la skyon brjod nas/ phyogs mi mthun pa yang bsal bar bzhed nas bshad pa/ byed pa por ni gyur pa yis// ma gyur las ni mi byed de// ma gyur pas kyang gyur mi byed// re zhig byed pa po yin par gyur pa bya ba dang ldan pas ni las su ma gyur pa bya ba dang mi ldan pa mi byed de/ gang gi phyir/ 'dir yang skyon der thal bar 'gyur ba'i phyir ro// yin par gyur la bya ba med// byed po med pa'i las su'ang 'gyur// zhes bya ba de ltar byed pa po yin par gyur pa las mi byed do// las yin par ma gyur pa'ang byed pa ma yin te/ las yin par ma gyur pa ni rgyu med par 'gyur la/ de'i phyir rgyu med ni ni 'bras bu dang / zhes bya ba la sogs pa'i skyon thams cad du 'gyur ro// de'i phyir phyogs mi mthun pa ni sngar bshad zin pa'i gtan tshigs dag gi sun phyung ba'i phyir/ yang gtan tshigs dgod par mi bya'o// byed pa po yin par gyur pas las yin par ma gyur pa mi byed do// zhes bya ba ji ltar bstan pa de bzhin du bshad zin pa'i 'don pa'i rjes su 'brangs nas byed pa po ma yin par gyur pa bya ba dang mi ldan pas las yin par gyur pa mi byed do zhes bya ba yang rnam
- 72b
par bshad par bya'o// de ltar re zhig/ phyogs mi mthun pa la tshig re re dpyad pa'i sgo nas skyon brjod nas/ da ni tshig re re la tshig gnyis gnyis dpyad nas/ skyon brjod par bzhed nas bshad pa/ byed pa por ni gyur pa dang // bcas pa las ni ma gyur dang // gyur ma gyur pa mi byed de// gtan tshigs gong du bstan phyir ro// byed pa por gyur pa dang bcas pa de ni las yin par ma gyur pa dang / yin par gyur pa dang yin par ma gyur pa mi byed do// ji ltar zhe na/ gtan tshigs gong du bstan pa'i phyir ro zhes bya ba gsungs so// de la yin par gyur la bya ba med ces bya ba la sogs pa byed pa por gyur pa dang bcas pas ni mi byed do// las su ma gyur pa yang mi byed do// las la rgyu ni med par 'gyur// rgyu med na ni 'bras bu dang // zhes bya ba la sogs pas skyon bstan zin pa'i phyir ro// las su gyur pa dang ma gyur pa yang mi byed de/ yin dang ma yin gyur cig la// phan tshun 'gal bas gang la yod// ces bshad pa'i phyir ro// de ltar re zhig byed pa po yin par gyur pas las yin par ma gyur pa dang yin pa dang ma yin par gyur pa byed pa ma yin no// da ni byed pa po ma yin par gyur pa yang / las su gyur dang bcas pa dang gyur pa dang ma gyur pa byed pa ma yin no zhes bshad pa/ byed pa por ni ma gyur pa// las ni gyur dang bcas pa dang // gyur ma gyur pa mi byed de// gtan tshigs// gong du bstan phyir ro// byed pa po yin par ma gyur pa ni rgyu med par 'gyur la/ rgyu med na ni 'bras bu dang zhes bya ba la sogs pas nyes pa bshad zin pa'i phyir/ byed pa por ma gyur pa ni mi byed pa yin no// las su gyur pa dang bcas pa yang mi byed de/ yin par gyur la bya ba med// las med byed pa por yang 'gyur zhes bya bar thal bar 'gyur ba'i phyir ro// las yin par gyur pa dang / yin par ma gyur pa yang mi byed de/ yin dang
- 73a
ma yin gyur cig la// phan tshun 'gal bsag la yod// ces bshad pa'i phyir ro// da ni byed pa po yin par gyur pa dang / yin par ma gyur pa nyid kyang gnyi ga'i ngo bo yin pa na/ las yin par gyur pa dang ma yin par gyur pa gang yang rung ba ji ltar mi byed pa de ltar bstan pa'i phyir bshad pa/ byed pa por gyur me gyur ni// las su gyur dang ma gyur pa// mi byed 'di yang gtan tshigs ni// gong du bstan pas shes par bya// byed pa po yin par gyur pa dang // ma yin par gyur pa ni mi byed de// yin dang ma yin gyur cig la// phan tshun 'gal bas ga la yod ces bshad pa'i phyir ro// las su gyur pa yang mi byed de// yin par gyur la bya ba med// / las med byed pa por yang 'gyur// zhes bya bar thal ba'i phyir ro// las su ma gyur pa rgyu med pa yang mi byed de/ rgyu med na ni 'bras bu dang // zhes bya ba la sogs pas skyon bshad zin pa'i phyir ro// de'i phyir/ de ltar phyogs mthun pa dang phyogs mi mthun pa dag la byed pa po dang las su grub pa rnam pa thams cad du rigs pa ma yin no// de'i phyir rnam par shes pa la sogs pa 'dus byas kyi rang bzhin can dag ni yod pa nyid de/ de'i rgyu las dang byed pa po yod pa'i phyir ro zhes gang smras pa/ de ni mi rigs pa yin no// 'dir smras pa/ dngos po rnams med do zhes bya ba 'di ci khyod kyis nges par gzung ba yin nam zhe na/ ma yin te/ dngos po rang bzhin dang bcas par smra ba khyod la ni dngos po dang bral ba las thams cad la skur pa 'debs pa srid kyi/ kho bo cag gis ni brten nas skyes pa'i phyir dngos po thams cad kyi rang bzhin nye bar ma dmigs te/ des na gang zhig la skur pa 'debs par 'gyur/ ji skad du rin po che'i phreng ba las/ smig rgyu la ni 'di chu zhes// bsams te der ni song ba las// gal te chu de med do zhes// 'dzin pa de ni thun pa nyid// de bzhin smig
- 73b
rgyu chu lta bu'i// 'jig rten yod ce'am med pa zhes// 'dzin pa de ni rmongs pa ste// rmongs pa yod na mi 'grol lo// mi shes pa las sngar brtags shing // phyi nas de nyid don nges na// gang tshe dngos po mi dmigs pa// / de tshe dngos med ga la 'gyur// zhes gsungs so// de'i phyir/ de ltar dngos po rang bzhin med pa rnams la ji skad smras pa'i rnam pa grub pa ga la yod/ de'i phyir/ dngos po kun rdzob pa smig rgyu'i chu dang mtshungs pa rnams ni 'jig rten pa'i phyin ci log khas blangs nas rkyen nyid 'di pa tsam du khas blangs pa kho nas grub pa yin gyi/ gzhan gyis ni ma yin no zhes bshad pa/ byed po las la brten byas shing // las kyang byed po de nyid la// / brten nas 'byung ba ma gtogs pa// grub pa'i rgyu ni ma mthong ngo // 'dir mi byed cing las bltos pa med pa ni byed pa po nyid ma yin pa'i phyir/ byed pa po'i byed pa po nyid ni las la bltos nas yin zhing / byed pa pos byed bzhin pa ma yin pa ni 'ga' yang las nyid du mi 'gyur bas byed bzhin pa nyid la las su brjod pa'i phyir las kyang byed pa po de nyid la brten nas byung ba yin no// de ltar las dang byed pa po dag phan tshun bltos pa'i grub pa las ma gtogs par grub pa'i rgyu gzhan ni mthong ngo // ji ltar las dang byed pa po gnyis phan tshun bltos pa'i grub pa yin pa de bzhin du dngos po gzhan rnams kyang yin no zhes bsgre ba'i phyir bshad pa/ de bzhin nyer len shes par bya// las dang byed po bsal phyir ro// de bzhin zhes bya ba 'dis ni las dang byed pa po'i tha snyad thal ma thag pa ston pa'o// nye bar len pas na nye bar len pa ste de ltar na 'dis ni nye bar len pa'i bya ba bstan la/ des kyang rang gi sgrub byed byed pa po de nye bar len pa po dang nye bar blang bar bya ba las 'dzin par byed cing / nye bar blang ba dang nye bar len pa po de gnyis kyang las dang byed pa po ltar phan tshun bltos pas grub pa yin gyi ngo bo nyid kyis ni ma yin no// /
- 74a
yang ci'i phyir ngo bo nyid kyis ma yin zhe na/ las dang byed po bsal phyir ro// zhes gsungs so// bsal ba ni 'azlog pa'o// bIr ro'i sgras ni gtan tshigs 'dzin pa'o// de'i phyir don ni bdag cag gis gtan tshigs gang dag gis las dang byed pa po bsal bar bshad pa'i gtan tshigs de dag kho nas nye bar blang ba dang nye bar len po'ang bkag par rig par bya'o// zhes bya ba 'di 'thad par 'gyur ro// las dang byed pa po bkag pas 'di gnyis phan tshun bltos pa'i grub pa yin par nges par bya ba 'ba' zhig tu ma zad kyi// gzhan yang / byed pa po dang las dag gis/ dngos po lhag ma shes par bya// ste shes rab can gyis zhes bya ba ni tshig gi lhag ma'o// shes rab can gyis las dang byed pa po dang nye bar blangs pa dang nye bar len pa po las tha dad pa'i dngos po gzhan gang dag bskyed bya dang skyed byed dang / 'gro ba dang 'grob po dang / bal bya dang la byed dang / mtshan nyid dang mtshan gzhi dang / 'byung bar/ byAbya ba dang 'byung bar byed pa dang / de bzhin du/ yan lag dang yan lag can dang / yon tan dang yon tan can dang / tshad ma dang gzhal byal ba'i dngos po ma lus pa de dag las dang byed pa po'i rnam par spyad pas ngo bo nyid kyis yod pa bkag te/ phan tshun bltos pa'i grub pa nyid yin par shes par bya'o// de dag rnam par dpyad pa yang dbu ma la 'jug pa las nges par bya'o// gal te/ dngos po lhag ma shes par bya/ zhes bya ba 'di nyid kyis/ nye bar blang ba dang nye bar len pa po'i don rtogs zin pa'i phyir yang bkod pa mi rigs pa ma yin nam zhe na/ 'di ni bden mod kyi/ 'on kyang rnam par dpyad par bya ba la gtso bor gyur par shes par bya ba'i phyir/ nye bar blangs pa dang nye bar len pa po logs shig tu bkod de/ 'di ltar rab tu byed pa phyi ma dag tu yang 'di gnyis kho na'i brtag pa phal cher 'byung bar 'gyur ro// de nyid kyi phyir bcom ldan 'das kyis/ sems dmyal 'jigs par
- 74b
yis bstan bya ste/ sems can stong phrag du ma skyo byas kyang // gang dag shi 'phos ngan song drag 'gro ba'i// 'gro ba de dag nam yang yod ma yin// gang dag ral gri mda' chen mtshon 'byin pa'i// gnod pa byed pa yod pa ma yin te// rtog pa'i dbang gis ngan song de dag na// lus la 'bab mthong de na mtshon cha med// sna tshogs yid dga' me tog kha phye zhing // gser gyi khang mchog 'bar ba yid 'ong ba// 'di na de la'ang byed po 'ga' med de// de dag/ rtog pa'i dbang gis bzhag pa yin// rtog pa'i dbang gis 'jig rten rnams brtags te/ 'du shes 'dzin pas byis pa rnam par phye// 'dzin dang 'dzin med de yang 'byung ba min// yongs su rtog pa sgyu ma smig rgyu bzhin// zhes gsungs so// slob dpon zla ba grags pa'i zhal snga nas sbyar ba'i tshig gsal ba las/ las dang byed pa po brtag pa zhes bya ba rab tu byed pa brgyad pa'i 'grel pa'o// // 'dir/ de bzhin nyer len shes par bya// las dang byed po bsal phyir ro// zhes gang smras pa de ni mi rigs te/ 'di ltar/ lha dang nyan la sogs pa dang // tshor sogs dang yang dbang byas pa// gang gi yin pa de dag gi/ snga rol de yod kha cig smra// lta ba dang nyan pa dang snom pa dang myang ba la sogs pa rnams dang / tshor ba dang reg pa dang yid la byed pa la sogs pa rnams nye bar len pa po gang gis nye bar len pa yin pa'i nye bar len pa po de ni nye bar len pa de dag gi snga rol na yod do zhes mang pos bkur ba pa smra'o// ci'i phyir zhe na/ gang gi phyir/ dngos po yod pa ma yin na// lta ba la sogs ji ltar 'gyur// de phyir de dag snga rol na// dngos po gnas pa de yod do// 'di na lhas byin yod par gyur pas nor gsog par byed kyi/ yod pa ma yin pa'i mo gsham gyi bus ni ma yin no// de bzhin du gal te re zhig lta ba la sogs pa dag gi snga rol na gang zag gnas par ma gyur na ni/ des lta ba la sogs pa nye bar len par byed par yang mi 'gyur ba nyid do// de'i phyir nor gyi snga rol na
- 75a
lhas byin gnas pa ltar/ lta ba la sogs pa dag gi snga rol na/ gang zhig 'di nye bar len par byed par 'gyur ba gang zag de yod pa yin no zhes 'dzer to// brjod par bya'o// lha dang nyan la sogs pa dang // tshor ba la sogs nyid kyis ni// snga rol dngos po gang gnas pa// de ni gang gis gdags par bya// gang zag ces bya ba lta ba la sogs pa'i sngon rol na yod do zhes rnam par bzhag pa gang yin pa de dag gis gdags par bya// 'di ltar/ gang zag tu tha snyad gdags pa'i rgyu ni lta ba la sogs pa yin na/ de gal te de dag las sngar rnam par gnas par yod par rtog na ni/ de'i tshe bum pa dang snam bu ltar/ lta ba la sogs pa la bltos pa med par 'gyur la/ gang zhig rang gi rgyu la bltos pa med pa de ni rgyu med pa yin te/ nor la sogs pa la mi bltos pa'i nor can skar med pa yin no// snyam du dgongs pa'o// gzhan yang / lta ba la sogs par yang // gal te de ni gnas 'gyur na// de med par yang de dag ni// yod par 'gyur bar the tshom med// gal te lta ba la sogs pa dag gis sngon rol na gang zag ces bya ba zhig yod pa des lta ba la sogs pa nye bar len par byed do snyam du sems na/ de lta na ni the tshom med par lta ba la so// pa 'di dag kyang gang zag med par yod par 'gyur ro// 'di ltar nor dang 'brel pa'i sngon rol na lhas byin nor las tha dad par rnam par gnas par gyur nas nor so sor grub cing don gzhan du gyur pa gsog par byed pa de bzhin du/ nye bar len pa po la yang nye bar len pa lta ba la sogs pa rang las tha dad par don gzhan du gyur pa yod par 'gyur ba zhig go/ sred pa yang ma yin no zhes gsungs pa ni/ ci yis gang zhig gsal bar byed// gang gis ci zhig gsal bar byed// ci med gang zhig ga la yod gang med ci zhig ga la yod// ces bya ba ste/ 'di na 'di ni 'di'i chu yin la// 'di ni 'di'i 'bras bu yin no// zhes bya bar sa bon zhes bya ba'i rgyus myu gu zhes bya ba'i 'bras bu gang zhig mngon
- 75b
par gsal bar byed cing / 'bras bu des kyang sa bon zhes bya ba'i rgyu ci zhig mngon par gsal bar byed pa de bzhin du gal te 'di ni 'di'i nye bar len pa po'o zhes bya bar lta ba la sogs pa nye bar len pa ci zhig gis bdag gang/ zhig mngon par gsal bar byed cing / 'di ni 'di'i nye bar len pa'o zhes bya bar bdag gang gis lta ba la sogs pa nye bar len pa ci zhig mngon par gsal bar byed par 'gyur na ni/ de'i tshe phan tshun bltos nas nye bar len pa dang nye bar len pa po dag grub par 'gyur na/ gang gi tshe/ nye bar len pa po med par logs shig tu/ lta ba la sogs pa khas len pa de'i tshe ni rten med pas de med pa nyid yin no// de'i phyir gnyi ga yang grub pa med pas/ lta ba la sogs/ ba las tha dad par nye bar len pa po gnas pa yin no zhes bya ba 'di ni mi rigs so// 'dir smras pa/ lha dang nyan la sogs pa dang zhes bya ba la sogs pa gang smras pa de la brjod par bya ste/ gal te lta ba la sogs pa thams cad kyi snga rol na gnas so zhes bya bar khas blangs par gyur na ni/ nyes pa 'dir 'gyur ba zhig na/ gang gi tshe/ lta ba la sogs thams cad kyi// snga rol gang zhig yod pa min no// 'o na ci zhe na/ re re'i snga rol na yod pa yin no// gang gi tshe de lta yin pa de'i tshe// lha sogs nang nas gzhan zhig gis// gzhan gyi tshe na gsal bar byed// gang gi tshe lta ba po zhes bya bar lta bas gsal bar byed pa de'i tshe ni/ nyan pa la sogs pa dag la brten nas nye bar gdags pa bya ba ma yin no// de'i phyir sngar smras pa'i nyes pa'i go skabs med do zhe na/ brjod pa 'di yang rigs pa ma yin te/ ci'i phyir zhe na/ lta ba la sogs pa dang bral ba ni nye bar len pa med pa/ rgyu med pa gsal byed dang bral ba ni yod pa nyid ma yin pa'i phyir ro// lha la sogs pa thams cad kyi/ snga rol gal te yod min na// ste/ de ltar rtog na/ de lta na yang / lha la sogs pa re re yi// snga rol de ni ji ltar yod// gang zhig thams cad kyi snga
- 76a
rol na yod pa ma yin pa de ni re re'i snga rol na yang ma yin te/ dper na shing thams cad kyi snga rol na nags med pa de'i tshe re re'i snga rol na yang med la/ bye ma thams cad la til mar 'byin pa med na/ bye ma re re la yang til mar med pa bzhin no// gzhan yang / gang zhig re re'i snga rol tu yod par 'gyur ba de ni thams cad kyi snga rol na yang yod par khas blangs par 'gyur te/ re re ma gtogs par thams cad med pa'i phyir ro// de'i phyir re re'i snga rol na yod do zhes bya ba ni mi rigs so// 'di'i phyir yang mi rigs te/ gang gi phyir/ lta bo de nyid nyan po de// gal te tshor po'ang de nyid na/ de'i tshe/ re re'i snga rol yod 'gyur na// lta ba po gang yin pa de nyid nyan pa po yin no zhes bya bar brjod par ni rigs pa yang ma yin no// gal te yin na ni/ de'i tshe lta ba'i bya ba dang bral ba'i nyan pa po yang lta ba po nyid du 'gyur la/ nyan pa'i bya ba dang bral ba'i lta ba po yang nyan pa por 'gyur na/ lta ba'i bya ba dang bral ba yang lta ba por 'gyur zhing / nyan pa'i bya ba dang bral ba yang nyan pa por 'gyur ba zhes bya ba gang yin pa de lta bu ni mthong ba yang ma yin no// de nyid kyi phyir/ de ni de ltar mi rigs so zhes bshad do// bya ba so so byed pa bab dad pa'i phyir 'di ni de ltar yad par gal 'gyur zhes bstan pa'i phyir/ don de ltar mi rigs so zhes gsungs so// slab dpa nasangs rgyas brgyang sa ni bdag cig yin na ni/ dbang pa gnan la 'gro bar thal bar 'gyur/ skyes bu ltar khung gzhan du nye bar 'gro ba bzhin no zhes rnam par 'chad do// slob dpon legs ldan 'byed ni/ thams cad na yod pa'i bdag la dbang po gzhan la 'gro ba yod pa ma yin pas thal bar 'gyur ba'i skyon mi rigs so zhes de la sun 'byin pa smra'o// 'di ni mi rigs te/ rang gi sde pas brtags pa'i gang zag tu smra ba dag gi skabs su bab pa'i phyir dang / de yang thams cad na yod pa nyid du khas ma 'ches pa'i phyir ro// de'i phyir thal bar 'gyur
- 76b
ba'i skyon rigs pa nyid do// 'on te yang ji skad bshad pa'i skyon spang bar 'dod pas/ gal te lta po gzhan nyid la// nyan pa po gzhan tsher gzhan na// ste/ rtog par byed na de yang mi rigs te/ de ltar 'dod par gyur na/ lta po yod tshe nyan por 'gyur// bdag kyang mang po nyid du 'gyur// ji ltar ba glang las gzhan du gyur pa'i rta ni ba lang yod pa'i tshe cig car du yod par mi 'gyur ba ma yin pa de bzhin du/ gal te nyan pa po lta ba po las gzhan du 'gyur na ni// de lta ba po yod pa'i tshe na yang cig car du yod par 'gyur ba zhig na/ de ltar ni mi 'dod pas gzhan nyid yod pa ma yin no// gzhan yang de lta yin na ni bdag mang por 'gyur te/ lta ba po dang nyan pa po dang tshor ba po la sogs pa rnams so so so sor grub par khas blangs pa'i phyir ro// de'i phyir/ gang zag ces bya ba ni lta ba la sogs pa re re'i snga rol na yang 'ga' zhig kyang med do// 'dir smras pa/ bdag ni lta ba la sogs pa thams cad kyi snga rol na yod pa nyid do// ci ste gal te de yod na de ni gang gis gdags par bya snyam du sems na/ de la brjod par bya ste/ 'di ltar lta ba la sogs pa dag gis snga rol na ming dang gzugs kyi gnas skabs na/ gang las rim gyis ming dang gzugs kyi rkyen gyis skye mched drug go zhes lta ba dang nyan pa la sogs pa 'byung bar 'gyur ba/ 'byung ba chen po bzhi yod de/ de'i phyir lta ba la sogs pa dag gi snga rol na/ bdag 'byung ba chen po bzhi'i nye bar len pa can yod do// de lta na yang / lha dang nyan la sogs pa dang // tshor ba dag la sogs pa yang // gang las 'gyur ba'i 'byung de la'ang // de ni yod pa ma yin no// 'byung ba chen po gang dag las lta ba la sogs pa skye ba de dag la'ang / nye bar len pa 'byung ba chen po'i rgyu can 'di yod pa mi rigs te/ sngar bshad pa'i gtan tshigs kyis so zhes bya bar dgongs so// de la ji skad sngar/ ci med gang zhig gang la yod// gang med ce zhig ga la yod// ces bshad pa de//
- 77a
kho na ltar 'dir yang brjod par bya'o// gal te nye bar len pa 'byung ba chen po'i snga rol tu bdag grub par 'gyur na ni/ de 'byung ba chen po dag nye bar len par 'gyur na/ de ltar ni ma yin te/ rgyu med pa'i phyir ro// gang zhig yod pa ma yin pa de ni ji ltar 'byung ba chen po dag nye bar len par 'gyur/ de'i phyir/ lta ba'i nye bar len pa can ltar 'byung ba chen po'i nye bar len pa can la yang skyon brjod pa nyid yin pas slar yang ma brjod do// gang gi phyir de lta yin pa de'i phyir 'di ni 'byung ba dag la yang yod pa ma yin no// 'dir smras pa/ gal te yang de ltar bdag bkag mod kyi/ 'on kyang lta ba la sogs pa ni yod pa nyid de/ bkag pa ma byas pa'i phyir ro// / bum pa la sogs pa bdag gi rang bzhin ma yin pa rnams la ni lta ba la sogs pa dang 'brel pa yod pa ma yin no// de'i phyir de dag dang 'brel pa can bdag yod pa kho na'o// brjod par bya ste/ gal te lta ba la sogs pa rnams nyid yod na/ bdag kyang yod par 'gyur na/ yod pa na ma yin te/ lta ba la sogs pa bdag gang gi nye bar len pa yin pa de med do zhes bstan pa de'i tshe/ nye bar len pa po bdag de med na lta ba la sogs pa nye bar len par gyur pa rnams yod pa nyid du ga la 'gyur zhes gsungs pa ni/ lha dang nyan la sogs pa dang // tshor ba dag la sogs pa yang // gang gi yin pa gal te med// de dag kyang ni yod ma yin// zhes bya ba ste/ lta ba la sogs pa dag gang gi yin par// / rtog pa de gang gi tshe med do// zhes bshad pa de'i tshe kho nar lta ba la sogs pa de yang med do zhes gsal bar bstan pa ma yin nam/ de'i phyir lta ba la sogs pa med pa'i phyir bdag med do// 'dir smras pa/ ci bdag med do/ snyam du de ltar khyod kyis nges sam/ de skad sus smras/ lta ba la sogs pa med pa'i phyir/ bdag kyang med do zhes thal ma thag tu smras pa ma yin nam zhe na/ de skad du kho bo cag gis smras mod kyi/ 'di'i don ni khyod kyis yang // /
- 77b
dag par gtan la ma phab pa yin no// gang gi phyir bdag dngos po'i rang bzhin can yod de zhes brtags pa yin la/ de yang ngo bo nyid kyis yod pa ma yin zhing / bdag gis kyang yang dag pa ma yin pa'i phyin ci log gi gnyen po de la rang bzhin du mngon par zhen pa bzlog par byed pa'i tshig smras pa yin gyi/ 'di'i dngos po med pa brtags pa ni ma yin te/ 'di ltar 'di gnyis ni spang bar bya ba yin te/ gang dngos po la mngon par zhen pa dang / gang yang dngos po med pa la mngon par zhen pa'o// ji skad du slob dpon 'phags pa lhas/ khyod kyi bdag gang nga'i bdag min// des bdag nges med de byir med// dngos po mi rtag pa rnams la// rtog pa zhes kyang nye bar skye// zhes gsungs pa lta bu'o// de nyid bstan pa'i phyir/ gang zhig lta ba la sogs pa yi// snga rol da lta byin med// de la yod do med do zhes// rtog pa dag ni ldog par 'gyur// zhes bya ba gsungs so// re zhig lta ba la sogs pa dag gi snga rol na ni bdag med de/ de dang bral ba yod pa nyid med pa'i phyir ro// lta ba la sogs pa dang lhan cig tu gyur pa med do// so so so sor ma grub pa de la lhan cig pa nyid ma mthong ba'i phyir dang / ri bong gi rwa gnyis ltar phan tshun bltos pa med pa'i bdag dang nye bar blang ba dag kyang so so so sor ma grub pa'i phyir da ltar yang med do// phyis kyang med de/ 'di ltar gal te lta ba la sogs pa dag gong du yod par 'gyur zhing / bdag 'og rol gyi dus su yod par 'gyur na ni de'i tshe phyis 'byung bar 'gyur na/ de ni de ltar/ ma yin te/ byed pa po med pa'i las ma grub pa'i phyir ro// bdag gang zhig de ltar yongs su btags pa na lta ba la sogs pa dag gis sngar ram gyis sam lhan cig yod pa ma yin pa de'i tshe/ dmigs pa med pa'i rang bzhin de la yod pa'am/ med pa nyid du shes rab can su zhig rtog par byed/ de'i phyir nye bar len pa dang nye bar len pa po gnyis las dang byed pa po bzhin du phan tshun bltos pa'i grub pa nyid yin gyi/ ngo bo nyid kyis ni ma yin no zhes
- 78a
bya bar gnas so// de nyid kyi phyir/ bcom ldan 'das kyis/ 'phags pa ting nge 'dzin gyi rgyal po'i mdo las/ de tshe sdig med stobs bcu ldan pa yi// rgyal ba de ni ting 'dzin mchog 'di 'chad/ srid pa'i 'gro ba rmi lam lta bu ste// 'di la su yang mi skye 'chi ba med// sems can ming dang srog kyang mi rnyed de// ches 'dis rnams ni dbu ba chu shing 'dra// sgyu ma lta bu nam mkha'i glog 'dra ste// chu yi zla ba 'dra zhing smig chu bzhin// mi 'ga' 'jig rten 'dir yang shi nas ni// 'jig rten gzhan du 'pho zhing 'gro med kyang // las byas rnams ni nam yang chud mi za// 'khor ba na yang dkar nag 'bras bu smin// rtag pa ma yin chad par mi 'gyur te// las bsags// med cing gnas pa dag kyang med// de yang byas nas reg par mi 'gyur min// gzhan gyis byas pa tshor bar 'gyur ba'ang med// 'pho ba med cing phyir yang 'ong ba med// thams cad yod pa ma yin med pa'ang min// 'di na lta gnas 'jug pa dag pa min// sems can spyod pa rab zhi 'jug pa med// bde gshegs spyod yul rgyal ba'i yon tan ni// skye med zhi ba mtshan ma med pa'i gnas// stobs dang gzungs rnams dang ni stobs bcu'i stobs// 'di ni sangs rgyas khyu mchog dam pa'i mchog/ ces rgya cher gsungs so// slob dpon zla ba grags pa'i zhal snga nas sbyar ba'i tshig gsal ba las/ snga rol na gnas pa brtag pa zhes bya ba rab tu byed pa dgu pa'i 'grel pa'o// 'dir smras pa/ nye bar len pa dang nye bar len pa po gnyis ngo bo nyid kyis grub pa ni ma yin no zhes gang smras pa ni rigs pa ma yin te/ dngos po bltos pa dang bcas pa rnams la yang ngo bo nyid dang bcas pa nyid mthong ba'i phyir/ ro// 'di ltar bud shing la bltos nas me 'byung mod kyi/ me rang bzhin med pa ni ma yin te/ tsha ba dang sreg par byed pa nyid rang bzhin dang 'bras bu dmigs pa'i phyir ro// de bzhin du me la bltos nas bud shing yin mod kyi/ de rang bzhin
- 78b
med pa ni ma yin te/ bsreg par bya ba 'byung ba chen po bzhi'i rang bzhin nyid yin pa'i phyir ro// de bzhin du/ nye bar len pa la bltos pa dang bcas pa'i nye bar len pa po dang / nye bar len pa po la bltos pa dang bcas pa'i nye bar len pa yang ngo bo nyid yod par 'gyur ro/ de'i phyir me dang bud shing bzhin du nye bar len pa dang / nye bar len pa po de gnyis kyang 'byung bar 'gyur ro// brjod par bya ste/ gal te me dang bud shing dag nyid yod na de ltar 'gyur na// yod pa ni ma yin no// 'dir gal te me dang bud shing dag yod par 'gyur na/ de dag nges par gcig nyid dam tha dad pa nyid du yod par 'gyur grang / gnyi ga ltar yang mi rigs so zhes gsungs pa/ bud shing gang de me yin na// byed pa po dang las gcig 'gyur// gal te shing las me gzhan na// shang med par yang 'byung bar 'gyur// bud shing bsreg par bya ba shing la sogs pa las su gyur pa gang yin pa de'i sreg par byed pa po ni me yin no// de lags te bud shing de nyid me yin no zhes bya bar rtog na ni de'i tshe byed pa po dang / las dag gcig nyid du 'gyur na/ de ltar ni ma mthong ste/ rdza mkhan dang bum pa dag gam/ bcad bya dang gcod pa po yang gcig nyid du thal bar 'gyur ba'i phyir la/ de yang khas ma blangs pa'i phyir ro// gal te gzhan nyid yin na/ de lta na yang / gal te bud shing las me gzhan du 'gyur na/ de'i tshe bud shing la bltos pa med par yang mi dmigs par 'gyur ro// bum pa las gzhan du gyur pa'i snam bu ni de la bltos pa med par mthong ba ma yin pa ma yin no// bud shing la bltos pa med pa'i me ni de ltar yang ma yin pas/ 'di ni mi rigs so// gzhan yang gal te bud shing las me gzhan du 'gyur na ni de'i tshe// rtag tu 'bar ba nyid du 'gyur// 'bar byed rgyu las mi 'byung zhing // rtsom pa don med nyid du 'gyur// de ltar yin na las kyang med// me bud shing las tha dad par gyur par 'dod pa na rtag tu 'bar ba nyid du 'gyur zhing / 'bar byed rgyu/
- 79a
las mi 'byung bar 'gyur la// yang rtsom pa don med par 'gyur zhing // de lta yin dang / las kyang med par 'gyur ro// don 'di nyid bstan par bzhed nas/ gzhan la bltos pa med pa'i phyir// 'bar byed rgyu las mi 'byung zhing // rtag tu 'bar ba yin na ni// rtsom pa don med nyid du 'gyur// zhes bya ba gsungs so// de la des 'bar bar byed pas na 'bar byed de/ bud shing ngo // 'di la 'bar bar byed pa rgyur yod pas na 'bar bar byed pa'i rgyu las byung ba'o// 'bar bar byed pa'i rgyu las byung ba ma yin pa ni/ 'bar bar byed pa'i rgyu las mi 'byung ba'o// gal te 'bar bar byed pa las me gzhan yin par gyur na ni de'i tshe bud shing la bltos pa med par 'gyur ro// / gang zhig gang las gzhan yin pa de ni de la bltos pa med de/ bum pa dang sngam bu bzhin no// de'i phyir gzhan la bltos pa med pa'i phyir 'bar bar byed pa'i rgyu las mi 'byung bar 'gyur ro// de'i phyir rtag tu 'bar bar 'gyur ro// 'bar bar byed pa la bltos pa dang bcas pa'i me ni de med na 'chi bar 'gyur na/ gang gi tshe/ 'bar bar byed pa la bltos pa med pa de'i tshe ni 'chi ba'i rkyen ma tshang bas rtag tu 'bar ba nyid du 'gyur ro// rtag tu 'bar ba yin na ni// mi 'chi bar bya ba'i phyir de nye bar len pa dang skur ba la sogs pa'i rtsom pa de na mang pa rjid du 'gyur ro// de lta yin napa las med cing mi bdag pa yin panan byed pa par yang 'byur ro// las yod pa ma yin pa ni byed pa pa nyid na yin te/ mo gsham gyi bu bzhin no// de'i phyir bud shing las me gzhan pa nyid kyang mi rigs so// 'dir smras pa/ gang 'di skad du/ gal te shing las me gzhan na/ shing med par yang 'byung bar 'gyur/ zhes gang smras pa de ni mi rigs te/ 'dir me dang bud shing dag gzhan nyid yin yang / bud shing med par me yod pa nyid ma yin te/ gang gi phyir/ 'bar ba dang ldan pa'i don mes bsreg par bya ba'i mtshan nyid can ni bud shing yin la/ me yang de la brten
- 79b
nas dmigs kyi/ so sor ni ma yin no// gang gi tshe/ de ltar me dang 'brel pa las bud shing du brjod par 'gyur zhing / me yang bud shing la brten nas dmigs kyi so sor ma yin pa de'i tshe/ gal te shing las me gzhan na// zhes bya ba la sogs pa'i nyes par thal ba'i go skabs med do zhe na/ phyogs 'di yang mi rigs pa nyid du brjod pa'i phyir/ de la gal te 'di snyam du// sreg bzhin bud shing yin sems na// gang tshe de tsam de yin na// gang gis bud shing de// sreg byed// ces bya ba gsungs te/ gal te 'bar ba dang ldan pa'i don bsreg par bya ba'i mtshan nyid can ni bud shing yin la/ me ni de'i brten can yin no snyam du sems na/ de ltar brtags kyang / mes bud shing sreg go zhes bya ba mi 'thad de/ gang gi phyir/ gang tshe de tsam de yin na// gang gi bud shing de sreg byed// ces bya ba 'byung ngo // gang tshe de tsam de yin na// zhes bya ba ni gang gi tshe// sreg bzhin pa tsam zhig de yin pa na zhes bya ba'i don to// 'dir mes bud/ shing bsreg go zhes rtog pa na/ bud shing ni 'bar bar gyur pa bsreg par bya ba yin no zhes bya bar 'gyur ro zhe na/ 'di las ma gtogs par gang gis bud shing sreg par byed pa'i me gnan ni ma mthong ngo // de'i phyir 'di tsam zhig tu gyur pa 'di nye bar dmigs te/ 'di lta ste/ 'bar bar gyur pa'i bsregs par bya ba tsam mo// gang gi tshe de las tha dad pa'i me yod pa ma yin pa de'i tshe bud shing de gang gis sreg par byed/ de'i phyir mes bud shing mi sreg ste/ delas ma gtogs pa'i me med pa'i phyir ro// gang gi tshe de lta yin pa de'i tshe 'bar bar gyur pa 'ga' zhig kyang gal yod de/ de'i phyir nyes pa de nyid bzlog tu med do// gzhan yang me dang bud shing dag gzhan nyid du las len na/ sreg bzhin pa'i brjod pa med pas/ sreg bzhin pa bud shing dug la 'gyur zhing / med bud shing bsreg par yang ga la 'gyur zhes bstan pa'i phyir/ gzhan phyir mi phrad phrad med na// sreg par mi 'gyur mi sreg na// 'chi bar
- 80a
mi 'gyur mi 'chin// rang rtag dang yang ldan par gnas// zhes gsungs te/ gal te bud shing las me gzhan du 'gyur na ni/ de gzhan yin pa'i phyir snang ba dang mun pa ltar bud shing dang phrad par mi 'gyur/ ro// phrad pa med pa'i phyir sreg par yang mi 'gyur te/ bskal pa'i yul na gnas pa bzhin no snyam du dgongs so// de ltar na sreg bzhin pa bud shing yin no zhes bya ba mi 'thad pa nyid do// de'i phyir me 'chi bar mi 'gyur la// me 'chi na rang gi rtags dang ldan pa nyid du gnas par 'gyur te/ rab tu 'bar zhing zhes bya ba'i tha tshig go/ yang gi sgra ni rang gi rtags dang ldan pa kho nar gnas par 'gyur ba 'am/ yang na bud shing las me gzhan du gyur pa nyid med do zhes nges par bzung ba'am rnam par rtog pa'i don du blta bar bya'o// yang na gzhan yin pa'i phyir mi phrad pa dang / phrad pa med na sreg par mi 'gyur ba dang / mi sreg na 'chi bar mi 'gyur ba dang / mi 'chi na rang gi rtags dang yang ldan par 'gyur ro// zhes bsdu bar bya ba'i phyir ro// de'i phyir bud shing las me gzhan nyid du yang mi rigs so// 'dir smras pa/ me dang bud shing dag gzhan yin na/ gzhan phyir mi phrad phrad med na// sreg par mi 'gyur zhes bya ba la sogs pa gang smras pa de ni mi rigs te/ 'di ltar skyes pa dang / bud med dag gzhan nyid yin yang phrad par mthong ba yin la/ me dang bud shing dag kyang de bzhin du 'gyur ro// brjod par bya ste/ ji ltar bud med skyes pa dang // skyes pa'ang bud med phrad pa bzhin// gal te shing las me gzhan na// shing dang phrad par rung bar 'gyur// gal te me dang bud shing dag skyes pa dang bud med ltar/ phan tshun bltos pa med par grub par gyur na ni/ de de ltar 'gyur ba zhig na/ 'gyur ba ni ma yin no zhes gsungs pa ni/ gal te me dang shing dag ni// gcig gis gcig ni bsal gyur na// shing las me gzhan nyid yin yang // shing dang phrad par 'dod la rag
- 80b
ces bya ba ste bud shing la bltos pa med par me yod par 'gyur zhing / me la mi bltos par bud shing yod par 'gyur ba gang yin pa de lta bu ni mi srid do// de'i phyir dpe 'di ni don med pa yin te/ gzhan nyid yin yang phan tshun bltos pa la rag las te/ skyes par gyur pa gang dag phrad par grub pa de dag nyid dper nye bar dgod par rig par 'gyur na/ de dag kyang yod pa ma yin pas gzhan nyid yin bzhin du phrad pa yod do zhes bya ba mi rigs so// 'dir smras pa/ gal te yang me dang bud shing dag la skyes pa dang bud med ltar phan tshun bltos pa med par grub pa med mod kyi/ de lta yang phan tshun bltos pa ni re zhig yod pa yin no// phan tshun bltos pa de'i phyir me dang bud shing dag gi ngo bo grub pa ni yod pa yin te/ yod pa ma yin pa'i mo gsham gyi bu dang bu mo dag ni/ phan tshun bltos pa dang bcas pa nyid du ma mthong ngo // brjod par bya ste/ de lta na yang / gal te shing bltos me yin la// gal te me bltos shing yin na// gang bltos me dang shing 'azur ba// dang por grub pa gang zhig yin// gal te me 'don bud shing 'di'i sreg par byed pa'i byed pa po yin no zhes de ltar bud shing la bltos nas mer rnam par 'jog cing / gal te bud shing 'di ni me 'di'i las yin no zhes de ltar me la bltom te/ bud shing rnam par 'jog pa de'i tshe de gnyis las sngar grub pa gang zhig yin te/ ci bud shing la bltos nas mer 'gyur ram/ 'on te me la bltos te bud shing du 'gyur/ de la gal te bud shing dang por grub po zhes rtog na ni/ de ni mi rigs te me la bltos pa med cing sreg bzhin pa ma yin pa ni bud shing nyid ma yin pa'i phyir dang / chu la sogs/ pa thams cad kyang bud shing nyid du thal bar 'gyur ba'i phyir ro// ci ste dang por me yin la phyim bud shing yin no zhe na/ de yang rigs pa ma yin te/ bud shing las sngar grub pa'i me med pa'i phyir dang / rgyu med pa pa nyid du thal bar/
- 81a
'gyur ba'i phyir dang / phyis bltos pa dgos pa med pa'i phyir ro// de'i phyir 'dir gang la bltos nas cig shos 'grub par 'gyur ba dang por grub pa gang yang med do// ci ste yang sngar bud shing yin la phyis me yin no snyam du sems na/ de lta na yang / gal te shing bltos me yin na// me grub pa la sgrub par 'gyur// gal te bud shing la bltos nas mer 'gyur ro zhes rtog na/ de ltar na 'o na me grub zin pa la yang sgrub par 'gyur te/ dngos po yod cing grub pa'i ngo bo can kho na bltos par rigs kyi/ yod pa ma yin pa'i lhas byin ni khyim gyi 'ga' la yang bltos pa ma yin no// gal te de ltar me yod par mi 'gyur na ni/ de bud shing la bltos par mi 'gyur ro// de'i phyir me yod par khas blang bar bya dgos la/ de'i tshe na yang 'di bud shing la bltos pas ci zhig bya/ gang gi don du bud shing la bltos pa 'bras bu dang bcas par 'gyur ba/ grub zin pa'i me ni yang bud shing gis byar med do// de'i phyir bud shing la bltos nas mer 'gyur ro zhes bya ba ni mi rigs so// gzhan yang gal te bud shing la brten nas mer 'gyur ro zhes rtog na/ de lta yin na/ bud par bya ba'i shing la yang // me med par ni 'gyur ba yin// gal te bud shing grub par ma gyur na ni de la me mi bltos pa nyid de/ ma grub pa la bltos pa mi rung ba'i phyir ro// de'i phyir bud shing me med par grub par khas blang bar bya bar 'gyur na/ de ni de lta bu yang ma yin no// de'i phyir 'di ni yod pa ma yin no// ci ste dus gcig kho nar bud shing grub pas/ me 'grub cing me grub pas kyang bud shing 'grub par 'gyur te/ de'i phyir/ gcig kyang sngar grub par khas ma blangs pa'i phyir/ gang bltos me dang shing 'gyur ba dang por grub pa gang zhig yin/ zhes der smras pa/ gang yin pa de mi rigs so zhes 'dod na/ brjod par bya ste/ de ltar 'dod na ni yang gnyi ga grub pa yod pa ma yin te/ 'di ltar/ gal te dngos po
- 81b
gang bltos 'grub// de nyid la yang bltos nas ni// bltos bya gang yin de 'grub na// gang la bltos nas gang zhig 'grub// de la gal te me zhes bya ba'i dngos po gang zhig bud shing zhes bya ba'i dngos po gang zhig la bltos nas 'grub la/ bud shing zhes bya ba'i dngos po mes bdag nyid grub par bya ba'i phyir bltos par bya bar gyur pa gang yin pa de/ gal te me zhes bya ba'i dngos po de nyid la bltos nas 'grub na/ da ni gang la bltos nas gang zhig 'grub par 'gyur ba smros shig/ gal te me med pa na bud shing grub pa nyid yod pa ma yin pa de'i tshe/ rgyu med pas bud shing med pa'i phyir de'i rgyu can gyi me 'grub par ga la 'gyur/ de bzhin du gal te bud shing zhes bya ba'i dngos po gang zhig/ me zhes bya ba'i dngos po gang zhig bltos nas 'grub la/ me zhes bya ba'i dngos po bud shing gi bdag nyid 'grub par bya ba'i phyir/ bltos par bya bar gyur pa gang yin pa de yang gal te bud shing zhes bya ba'i dngos po de nyid la bltos nas 'grub na/ da ni gang la bltos nas gang zhig 'grub par 'gyur ba brjod par bya dgos so// gal te bud shing med pa na me 'grub pa nyid yod pa ma yin pa de'i tshe/ rgyu med pas me med pa'i phyir de'i rgyu can gyi bud shing yod par ga la 'gyur/ 'di'i phyir yang me dang bud shing dag phan tshun bltos nas grub pa med de/ grub pa dang ma grub pa dag bltos pa ma yin pa'i phyir ro// zhes bstan pa'i phyir gsungs pa/ dngos po bltos grub gang yin pa// da ma grub na ji ltar bltos// ci ste grub pa bltos shes na// de ni bltos par mi rigs so// me zhes bya ba'i dngos po bud shing zhes bya ba'i dngos po la bltos nas grub pa gang yin pa de ma grub pa'am grub pa zhig bud shing la bltos grang / gal te ma grub pa zhig yin na ni/ de'i tshe ma grub pa'i phyir/ bud shing la mi bltos te bong ba'i rwa bzhin no// ci ste grub pa yin na ni grub pa'i
- 82a
bIr de bltos ci dgos te/ don med par 'gyur ba'i phyir grub zin pa ni yang bsgrub par bya ba ma yin no// de bzhin du bud shing la yang brjod par bya'o// de'i phyir me dang bud shing dag phan tshun paltos par ram/ dus gcig tu grub pa med de// gang gi phyir de lta yin pa de'i phyir/ shing la bltos pa'i me med de/ zhes bya ba'o// ci ste'o nam bltos par mer 'gyur ro snyam na/ 'di yang mi rung ngo zhes gsungs pa ni/ shing lam bltos mi yang med// ces bya ba ste/ gzhan nyid bkag zin pa'i phyir dang / rgyu med pa nyid du thal bar 'gyur ba'i phyir ro// ji ltar bud shing la bltos pa 'am/ ma bltos pa'i me med pa de bzhin du bung shing yang yin no zhes gsungs pa ni/ me la bltos pa'i shing med na// me la ma bltos shing yang med// ces bya ba ste/ 'di'i don ni thal ma thag tu go bar zad pa nyid kyis na yang mi brjod do// 'dir smras pa dpyad pa shin tu phra mo 'dis kho bo cag la ci dgos te/ gang gi phyir kho bo cag ni mngon sum gyis bung shing mes sreg bzhin pa dmigs pa de'i phyir me dang brang shing dag yod do zhes bya ba 'di tsam zhig smra'o zhe na/ brjod par bya ste/ gal te mes bud shing skrag na de de ltar 'gyur na/ sreg pa ni ma yin te/ 'di ltar gal te shing la me yod na ni des bud shing sreg par 'gyur na/ yod pa ni ma yin no zhes gsungs pa/ me ni gzhan las mi 'ong ste// shing la'ang me ni yod ma yin// re zhig me ni bud shing ma gtogs par gzhan 'ga' zhig las 'ongs pa med de/ de ma mthong ba'i phyir dang / rgyu med pas bud shing dang bral ba'i me la 'ong ba med pa nyid kyi phyir dang / bud shing dang bcas pa 'ong ba la dgos pa med pa'i phyir dang / der yang bud shing dang brgal zhing brtag pa mtshungs pas thug pa med par thal bar 'gyur ba'i phyir te/ me ni gzhan las mi 'ong ste zhes
- 82b
bya ba'o// de bzhin du/ shing la yang me yod pa ma yin te/ de la ma dmigs pa'i phyir ro// ci ste rtsa ba dang chu la sogs pa ltar yod du zin kyang mngon par byed pa'i rkyen ma tshang bas sngar dmigs par ma gyur/ bzhin du phyis gtsub shing gtsubs pa la sogs pa mngon par gsal bar byed pa'i rkyen yod pa las dmigs pa yin no snyam na/ ci rtsa ba dang chu la sogs pa rnams la mngon par gsal bar byed pa'i rkyen dag gis ci zhig byed ces 'di nyid re zhig dpyad par bya'o// de la re zhig rang gi ngo bo ni mi byed de yod par gyur pa'i phyir ro// mngon par gsal bar byed do zhe na/ mngon par gsal ba zhes bya ba 'di ci zhig gsal ba'o// de ltar na ni/ 'o na de sngar yod pa ma yin pa'i phyir de nyid byed par 'gyur la/ de lta na rgya la 'bras bu yod par smra ba btang bar 'gyur te/ sngar mngon par gsal ba med pa'i phyir dang / phyis yod pa'i phyir ro// rang gi ngo bo skye ba'i rkyen la bltos pa med pa'i phyir mngon par gsal ba rkyen la bltos pa nyid du yang mi 'gyur to// nam mkha'i me tog bzhin no// gzhan yang mngon par gsal ba 'di ni dngos po mngon par gsal bar gyur pa'am/ mngon par gsal bar ma gyur pa 'ga' zhig la rtog pa zhig na/ de la re zhig mngon par gsal bar gyur pa gang yin pa de ni mngon par gsal bar bya ba ma yin te/ de la mngon par gsal bdon med pa'i phyir dang / thug pa med par thal ba'i phyir ro// mngon par gsal bar ma gyur pa yang mngon par gsal bar mi byed de/ mngon par gsal bar ma gyur pa'i phyir/ nam mkha'i me tog bzhin no// de ltar ma pa gas pa med pa pa yin// sa yang byed rnams kyis sa dpapa/ dpe gas pang ngacad pamadan rnam/ de na yang gas pashad kyid pang ba pa pa ca kyang pa /
- 83a
pa nyid du byas pa mngon par gsal bar ga la 'gyur/ phra ba nyid kyang chu med pas med pa'i phyir/ ci zhig rags par byas pa las mngon par gsal bar 'gyur/ de'i phyir de ltar rnam pa thams cad du bud shing la me mi srid pa'i phyir/ shing la'ang me ni yod ma yin zhes bya ba'o// yod pa ma yin pa'i mes ni bud shing sreg pa yang mi 'thad pas/ 'di ni khyod kyis mi bden pa zhig mthong ba yin no// gzhan yang song ba dang ma song ba dang bgom pa dag la sun 'byin pa sngar bshad pa ji lta ba/ de bzhin shing gi lhag ma ni// song dang ma song bgom pas bstan// bud shing mes sreg bzhin pa dmigs so zhes bya ba'i shing 'di'i ste/ bud shing gi sabs kyi sun 'byin lhag ma ni/ re zhig bsreg pa mi sreg ste// ma bsregs pa la'ang sreg pa med// bsregs dang ma bsregs ma gtogs pa'i// sreg bzhin shes par mi 'gyur ro// zhes bya ba la sogs pas bstan zin pa'i 'don pa bzlog pa'i sgo nas song ba dang ma song ba dang bgom pa sun 'byin pa dang mtshungs par rig par bya'o// gang gi phyir de la yin pa de'i phyir bud shing mes sreg pa yod pa ma yin no zhes rig par bya'o// da ni ji skad bstan pa'i don gyi mjug bsdu ba'i phyir/ shing nyid me ni ma yin te// shing las gzhan lam yang med// me ni shing dang ldan pa yin// me la shing med der de med/ ces bya ba gsungs so// de la bud shing gang de mi yin na// byed pa po dang las gcig 'gyur/ zhes bya ba 'dis me dang bud shing dag gcig nyid yin pa bkag pa'i phyir/ shing nyid me ni ma yin te// zhes bya'o// gal te shing las med gzhan na// shing med par yang 'byung bar 'gyur// zhes bya ba la sogs pas gzhan nyid yin pa bkag pa'i phyir/ shing las gzhan la me yang med do// de nyid dang gzhan nyid kyi phyogs gnyig bkag pa nyid kyis na de dang ldan pa dang rten dang brten pa'i phyogs dag kyang / don gyis
- 83b
bkag pa'i phyir de dag kyang mjug bsdu ba'i phyir/ me ni shing dang ldan ma yin// mel shing med der de med/ ces gsungs so// de la me ni shing dang ldan pa ma yin no// 'di'i 'am 'di la bud shing yod do zhes za dad pa 'am/ tha mi dad par bye brag tu 'chad grang na/ de la tha dad par ni/ dper na lngas byin bgrang dang ldan no zhes bya ba lta bu yin la/ tha mi dad par ni lhas byin blo dang ldan no// lhas byin gzugs dang ldan no zhes bya ba la sogs pa lta bu yin na/ me dang bud shing dag la phyogs gnyi ga yang bkag pa'i phyir/ me shing dang ldan no zhes bya ba'ang bkag pa byas pa yin no// gzhan du gyur pa'i 'khar gzhong ni rgya shugs rnams kyi rten nyid du rtog na/ me la ni bud shing las gzhan pa nyid kyang yod pa ma yin pas/ me la shing med ces bya bar rigs so// bud shing la yang me med de gzhan nyid bkag pa nyid kyi phyir ro// de ltar na rten dang brten pa nyid bkag pa yang don gyis bstan pa nyid yin no// ji ltar rnam pa lngar rnam par brtags pa na/ me yod pa ma yin pa de bzhin du/ bdag kyang yin no zhes bsgre ba'i phyir/ me dang shing gis bdag dang ni// nye bar len pa'i rim pa kun// bum sngam sogs dang lhan cig tu// ma lus par ni rnam par bshad/ ces gsungs so// de la nye bar blang bar bya bas na/ nye bar len pa ste nye bar len pa'i phung po lnga'o// de dag la nye bar brten nas brtags pa/ nye bar len pa po// 'dzin pa pa// sgrub par byed pa po gang yin pa de ni bdag tu 'dzin pa'i yul yin pa'i phyir 'di la bdag tu nga rgyal ba bzhag cing bskyed pas na bdeg ces bya'o// de'i phyir bdag de dang nye bar len pa'i thub pa'i rim pa de thams cad ma lus pa me dang bud shing dag gis rnam par bshad par khong du chud par bya'o// yang kun dang ma lus pa la khyad par tso ltar yod ce na/ kun smos pa ni thal
- 84a
ma thag pa'i phyogs lnga po sbyor bar byed pa yin te/ phyogs lnga po de dag thams cad kyang ma tshang ba med par me dang bud shing ltar bdag dang nye bar len pa gnyis la yang sbyar bar bya'o// 'di dag ston pa la 'thad pa'i tshul sngar brjod pa gang yin pa de ma lus pas bdag dang nye bar len pa dag dgag par rig par bya'o// bdag dang nye bar len pa dag dgag pa me dang bud shing dag dang bdag nyid thams cad kyis mtshungs pa ni 'di gnyis kyi sgo nas yin par rig par bya'o// zhes bstan par bya ba'i phyir/ rim pa kun/ ma lus par zhes bshad do// de la nye bar len pa gang yin pa de nyid bdag yin no zhes bya ba de ltar ni mi rigs te/ byed pa po dang las dag gcig tu thal bar 'gyur ba'i phyir ro// nye bar len pa gzhan la nye bar len pa po gzhan yang ma yin te/ bdag phung po las tha dad par yang dmigs par thal bar 'gyur ba'i phyir dang / gzhan la bltos pa med pa'i phyir/ zhes bya ba la sogs par thal bar 'gyur ba'i phyir ro// gcig nyid dang gzhan nyid bkag pa'i phyir bdag phung po dang ldan pa yang ma yin no// gzhan nyid med pa'i phyir bdag la phung po dag yod pa dang / phung po dag la bdag yod pa yang ma yin no// gang gi phyir de ltar rnam pa lngar bdag yod pa nyid ma yin pa de'i phyir las dang byed pa po ltar bdag dang nye bar len pa gnyis pa na tshun bltos pa'i grub pa yin no zhes bya bar gnas so// bdag dang nye bar len pa dag gi rim pa gang yin pa de yang de gnyis kho na'i ni ma yin te/ 'o na ci zhe na/ bum snam sogs dang lhan cig tu/ zhes gsungs te// / dngos po ma lus pa dag dang / lhan cig tu rnam pa thams cad rnam par bshad par rig par bya'o// bum pa la sogs pa ni nA dang 'bras bur gyur pa'am/ yan lag dang yan lag can du gyur pa'am/ mtshan nyid
- 84b
dang mtshan gzhir gyur pa'am/ yon tan dang yon tan can du gyur pa dag yin te/ de la 'jim pa dang dablag gu dang 'khor lo dang skud pa dang chu dang rdza mkhan gyi lag pa'i rtsol ba la sogs pa rnams ni bum pa'i rgyur gyur pa yin la/ bum pa ni 'bras bur gyur pa'o// dum bu la sogs pa 'am/ sngon po la sogs pa dag ni yan lag tu gyur pa yin la/ bum pa ni yan lag can yin no// lto ba yangs pa dang / mchu 'phyang ba dang / kha g.yel ba dang / mgul pa ring pa nyid la sogs pa rnams ni mtshan nyid yin la/ bum pa ni mtshan gzhi'o// sngo bsangs nyid la sogs pa dag ni yon tan yin la/ bum pa ni yon tan can yin no// / zhes de ltar rnam par bzhag pa la yang me dang bud shing ltar rim pa rnam par sbyar bar bya'o// bum pa la sogs pa rnams dang bdag dang nye bar len pa dag rnam par bshad pa ni dbu ma la 'jug pa las nges par bya'o// de'i phyir de ltar las dang byed pa po ltar bdag dang nye bar len pa dang bum pa la sogs pa rnams phan tshun bltos pa'i grub pa yin par rnam par bzhag pa la/ de bzhin gshegs pa'i gsung rab kyi don phyin ci ma log pa yin par rlom pa nyid kyis/ mu stegs pa'i gzhung lugs kyis nye bar brtags pa'i don gyi rnam par bzhag pa/ bde bar gshegs pa'i gsung rab las khong du chud pa'i don nyid du gcus nas/ shin tu blun pa nyid kyis na/ gang dag bdag dang dngos po rnams// de bcas nyid dang tha dad par// ston pa de dag bstan don la// mkhas so snyam du mi sems so// de la de dang lhan cig tu 'jug pas na de bcas so// de dang bcas pa'i dngos po nyid ni de bcas nyid de/ tha mi dad pa dang gzhan ma yin pa dang gcig nyid ces bya ba'i don to// gang dag de bcas pa nyid der smra ba de dag ni bstan pa'i don la mkhas par slob dpon mi dgongs
- 85a
so// 'di lta ste/ nye bar len pa gang gis bdag tu 'dogs pa'i nye bar len pa de dang de lhan cig pa nyid yod de/ so so ma yin zhing tha mi dad par yod par 'gyur ro zhes bya ba'i tha tshig yin pa dang / de bzhin du 'jam pa la sogs pa'i rgyu gang gis bum par 'dogs pa de dang der tha mi dad pa nyid du yod pa yin gyi/ so sor ni ma yin pa de ltar gang dag bdag dang dngos po rnams de dang bcas pa nyid du smra ba de dag ni/ rten cing 'brel par 'byung ba mchog tu zab pa/ rtag pa dang chad pa dang bral ba/ brten nas gdags pa'i ming can gyi de kho na nyid mthong ba ma yin no// gang dag bdag kyang gzhan la nye bar len pa yang gzhan/ 'bras bu yang gzhan rgyu yang gzhan no zhes bya ba la sogs pas so so so sor ston par byed cing gzhan nyid du mthong ba de dag kyang bstan pa'i don la mkhas par slob dpon mi dgongs so// ji skad du/ 'gro ba sgra brnyan dang 'dra bar// gcig nyid gzhan nyid dang bral zhing // 'pho dang 'jig pa dang bral bar// smad med khyod kyis thugs su chud// ces bshad pa lta bu'o// de ltar rdul 'byor pa me dang bud shing brtag pas chos kyi kho na nyid khong du chud pa'i lus ni dus mtha'i me dag gam/ nyon mongs pa 'dod chags dang zhe sdang dang gti mug gi me dag gis 'tshig pa ma yin no// ji skad du/ bcom ldan 'das kyis/ bskal pa ba phrag mang por rab bsregs kyang // nam mkha' sngon chad nam yang mi 'tshig bzhin// chos rnams nam mkha' mtshungs par rnam rig pas// de ni gzhar yang me nang yong mi 'tshig/ gal te sangs rgyas zhing rnams// 'bar gyur la// 'bar ba 'di dag ma lus zhi shog ces// ting 'dzin gnas nas smon lam 'di btab na// sa rnams zhig kyang de la 'gyur ba med// ces gsungs pa lta bu'o// de bzhin du/ ji ltar gtsub shing dang ni gtsub stan
- 85b
dang // lag pa'i rtsol ba 'di gsum 'dus pa yi// rkyen 'di dag las me ni 'byung 'gyur zhing // byung ste bya ba byas nas myur du 'gag/ de nas 'di ni gang nas 'ongs sam gar// song zhes mkhas pa gang zhig tshol bar byed// phyogs dang phyogs mtshams kun tu btsal ba na// 'di yi 'gro dang 'ong ba rnyed min bzhin// phung po dag dang skye mched khams rnams ni// nang yang stong la phyi rol stong pa ste// thams cad bdag gis dben zhing gnas med la// chos kyi mtshan nyid nam mkha'i ngo bo nyid// chos kyi mtshan nyid 'di 'dra 'di dag ni// mar me mdzad pa mthong nas khyod kyis rtogs// ji ltar nyid kyis rjes su rtogs pa ltar// de bzhin lha mir bcas pas rtogs par gyis// log pa yang dag ma yin brtags pa yis// 'dod chags zhe sdang dag gis 'gro ba gdungs// thugs rje'i sprin las zhi ba bsil ba'i chu// 'dren pa bdud rtsi'i rgyun ni rab tu pho ba/ ces bya ba la sogs pa gsungs so// slob dpon zla ba grags pa'i zhal snga nas sbyar ba'i tshig gsal ba las/ me dang bud shing brtag pa zhes bya ba rab tu byed pa bcu pa'i 'grel pa'o// 'dir smras pa/ bdag ni yod pa nyid de/ 'khor ba yod pa'i phyir ro// gal te bdag yod gyur na ni/ 'gro ba lnga'i 'khor bar 'gro ba dang 'ong ba'i ngo bor skye ba dang 'chi ba gcig nas gcig tu brgyud pas gang zhig 'khor bar 'gyur/ bcom ldan 'das kyis kyang / dge slong dag skye ba dang rga shi'i 'khor ba ni thog ma dang tha ma med do// sems can ma rig pa'i sgrib pa dang ldan pa/ sred pa'i kun tu sbyor ba can sred pa'i lu gu brgyud kyis bcings pa/ 'khor zhing rgyug pa rnams kyi sngon gyi mtha' mi mngon no zhes gsungs so// gang gi tshe bcom ldan 'das kyis bstan pas 'khor ba yod pa de'i tshe 'khor ba po yang yod la/ de la yang bdag ces bya'o//
- 86a
brjod par bya ste/ gal te 'khor ba nyid yod na/ bdag kyang yod par 'gyur na yod pa ni ma yin no// 'di ltar/ sngon mtha' sngon nam zhes zhus tshe/ thub pa chen pos min zhes gsungs// 'khor ba thog ma mtha' med de// de la sngon med phyi ma med// mtha' dang cha dang cha shas zhes bya ba rnams ni rnam grangs so// sngon gyi mtha' zhes bya ba ni sngon gyi cha zhes bya ba'i don to// gal te 'khor ba zhes bya ba 'ga' zhig yod na ni// bum pa la sogs pa dag bzhin du de la nges par sngon dang phyi ma yang yod par 'gyur na/ yod pa ni ma yin te/ bcom ldan 'das kyis kyang / dge slong dag skye ba dang rga shi'i 'khor ba ni thog ma dang tha ma med do zhes gsungs so// gang gi phyir de ltar 'khor ba thog ma dang tha ma med par gsungs pa de'i phyir 'khor ba nyid yod pa ma yin no zhes bcom ldan 'das kyis gsal bar gsungs pa ma yin nAm/ de'i phyir sngon dang phyi ma'i mtha' ma dmigs pa'i phyir/ 'khor ba med de mgal me'i 'khor lo bzhin no zhes bya bar gnas so// 'dir 'di dpyad par bya ste/ gal te bcom ldan 'das kyis 'khor ba'i sngon dang // phyi ma bkag na/ ji ltar dge slong dag de lta bas na/ 'khor ba zad par bya ba'i phyir nan tan du bya'o snyam du de ltar khyed kyis bslab par bya'o zhes bya ba 'di gsungs she na/ brjod par bya ste/ sems can ma rig pa'i sgrib pa dang ldan pa zhes bya ba la sogs pa'i khyad par nye bar bkod pas de dag kho na'i 'khor ba de thog ma dang tha ma med par rtogs kyi/ de kho na nyid kyi ye shes kyi rlung gi shugs kyis ma rig pa'i sgrib pa'i ljon shing drungs byung ba rnams kyi ni ma yin te/ 'jig rten las 'das pa'i lam gyi mes/ nyon mongs pa'i ljon shing ma lus par bsregs pa de dag la ni mtha' yod pa nyid do zhes shes par bya'o// yang ji ltar thog/
- 86b
ma dang bral ba rnams la za ma yod par bstan zhe na/ phyi rol gyi 'bru la sogs pa dag la thog ma med kyang / me la sogs pa dang phrad pa las za ma yod pa ni mthong ba nyid do// ji skad du/ 'phags pa'i lhas/ ji ltar sa bon mtha' mthong zhing // de la thog ma yod min ltar// de bzhin rgyu ni ma tshang phyir// skye ba'ang 'byung bar mi 'gyur ro// zhes bshad do// tha ma bstan pa de yang sems can 'khor ba'i btson rar bsdams pa rnams spro bar bya ba'i phyir/ 'jig rten pa'i tha snyad la bzhugs te/ 'jig rten pa'i shes pa la bltos nas mdzad pa yin te/ dngos po sems pa yin na ni/ 'khor ba nyid med na de'i phyir de zad pa lta ga la yod// 'dir smras pa/ 'jig rten pa'i shes pa la bltos te tha ma ltar thog ma yang ci ste ma gsungs she na/ brjod pa/ rgyu med pa'i skyon du thal bar 'gyur ba'i phyir/ 'jig rten pa'i shes pa la bltos nas kyang 'khor ba'i thog ma med de/ de'i phyir gnyi ga ltar yang thog ma med pa nyid do zhes shes par bya'o// 'dir smras pa/ gal te yang 'khor ba la thog ma dang tha ma gnyis yod pa ma yin mod kyi/ de lta na yang ma bkag pa'i phyir dbus yod pa yin no// de'i phyir 'khor ba yod do// dbus yod pa'i phyir ro// 'dir gang yod pa ma yin pa de la ni dbus med de/ dper na rus sbal gyi spu'i gos bzhin no// khyod ni bzhad gad bya bar 'os pa zhig ste/ gang la thog ma mtha' med pa// de la dbus ni ga la yod// ma yin nam/ thog ma zhes bya ba ni/ je dang sngon dang dang po la bya'o// tha ma zhes bya ba ni/ mtha' dang mjug dang rgyun chad pa la bya'o// 'khor ba gang la thog ma dang tha ma bkag pa de la dbus yod par ga la 'gyur/ de'i phyir 'khor ba ni nam mkha' ltar thog ma dang tha ma dang dbus dang bral ba'i phyir ming tsam zhig tu zad de/ mgal me'i 'khor lo la sogs pa bzhin no snyam du/
- 87a
dgongs pa yin no// 'khor ba med pa'i phyir/ bdag kyang yod pa ma yin no// gang gi phyir/ de ltar 'khor ba la thog ma dang tha ma dang dbus dag med pa de nyid kyi phyir 'khor ba med pas/ skye ba dang rga shi la sogs pa rnams la snga ba dang 'phyi ba dang / lhan cig pa'i rim pa yang yod pa ma yin pa nyid do zhes gsungs pa/ de phyir de la snga phyi dang // lhan cig rim pa mi 'thad do// ji ltar mi 'thad pa de ltar bstan pa'i phyir/ gal te skye ba sngar 'gyur la// rga shi phyi ma yin na ni// skye ba rga shi med pa dang // ma shi bar yang skye bar 'gyur// zhes bya ba gsungs te/ gal te skye ba snga bar gyur na ni// de'i tshe rga shi dang bral bar 'gyur na/ rga ba la sogs pa dang bral ba ni mi rung ste/ 'dus ma byas nyid du thal bar 'gyur ba'i phyir ro// rga shi dang bral ba'i dngos po la skye ba yod par rtog pa na/ lhas byin gzhan du ma shi bar 'dir dang por skye bar rtog par 'gyur ro// de'i phyir 'khor ba la thog ma yod par 'gyur zhing / rgyu med pa'i nyes par yang 'gyur ro// bdag 'das pa'i dus na byung bar gyur to zhes de ltar sngon gyi mtha' la rtog par yang mi 'gyur zhing / sngon byung bar ma gyur pa las gyis 'dir skye bar yang 'gyur ro// ci ste ji ltar a mra la sogs pa rnams sngar rga shi dang 'brel pa med par yang dang po kho nar skye bar mthong ste/ de bzhin du bdag kyang yin no snyam na/ de ltar ni ma yin te/ bsgrub par bya ba dang mtshungs pa'i phyir ro// a mra la sogs pa rnams kyang ni rang gi sa bon 'gags par gyur pa na skye ba'i phyir gzhan du ma zhig pa skye ba ma yin pas 'di ni gong ma dang mtshungs so// ci ste sa bon ni shing las gzhan nyid yin te/ de'i phyir shing gi skye ba ni gzhan du ma zhig pa/ sngon du 'gro ba can nyid do snyam na/ de ltar ni ma yin te/ rgyu dang 'bras bu dag gzhan nyid
- 87b
yin par ma grub pa'i phyir ro// de skad du yang / gang la brten te gang byung ba// de ni re zhig de nyid min// de ni gzhan yang ma yin te// de phyir chad min rtag ma yin/ zhes 'chad par 'gyur ro// de'i phyir sa bon las shing gzhan nyid ma yin te/ des na 'di ni bsgrub par bya ba dang mtshungs pa yin no// gang gi phyir/ gzhan du ma shi ba la 'dir skye ba yod pa yang ma yin pa de'i phyir skye ba snga ba yin par khas blang bar mi bya'o// ci ste rga shi sngal skye ba 'phyi ba yin na ni/ de lta na yang / gal te skye ba 'phyi 'gyur la/ rga shi snga ba yin na ni// skye ba med pa'i rga shi ni// rgyu med par ni ji ltar 'gyur// skye ba'i rkyen gyis rga shi zhes 'byung ba na/ bcom ldan 'das kyis rga shi skye ba'i rgyu can nyid du gsungs na/ gal te 'di snga ba yin na ni/ de'i tshe rgyu med par 'gyur ro// de'i phyir 'di ni mi rigs so// gang las/ bong ba btegs par gyur pa ni/ bteg pa la ni rgyu yod kyi// btes/ pa lta zhig rgyu las ni// gzhan pa lhung la med pa nyid// ces bshad pa der yang ji ltar bteg pa kho na ltung ba'i rgyu yin gyi/ gzhan ma yin pa de bzhin du// 'dir yang skye ba kho na 'jig pa'i rgyu nyid yin par smra'i gzhan ni ma yin no// de'i phyir 'jig pa rgyu med pa nyid yod pa ma yin no// 'dir skye ba'i rgyu can nyid yin pas 'byung ba kho na 'jig pa'i rgyu yin pa'i phyir na/ de ltar 'dus byas chos de dag/ rgyu dang bcas par 'gyur ba ste// skyes pa 'jig pa gang yin pa// 'di ni chos rnams rang bzhin no// zhes bya ba'i tshigs su bcad pa 'di yang legs par drangs par 'gyur ro// da ni skye ba dang rga shi dag lhan cig nyid du yang mi 'byung bar bstan pa'i phyir// skye ba dang ni rga shi dag/ lhan cig rung ba ma yin te// skye bzhin pa na 'chi 'gyur zhing // gnyi ga rgyu med can du 'gyur/ zhes bya ba gsungs te/ gal te skye ba dang rga shi dag lhan cig pa nyid du 'gyur na ni/ de'i tshe skye bzhin pa 'chi
- 88a
bar 'gyur na/ 'di ni rigs pa yang ma yin te/ mun pa dang snang ba ltar phan tshun 'gal ba'i phyir dus gcig pa nyid du rig pa ma yin zhing / skye bzhin pa nyid 'chi ba zhes bya ba gang yin pa de lta bu ni'ajig rten du yang ma mthong ngo // gzhan yang skye ba la sogs pa dag lhan cig 'byung bar rtog nani rgya med pa nyid du 'gyur ro// bkang gi rag yas g.yon lhan cig tu gyur pa dag ni phan tshun gyi chu can nyid du mthong ba yang ma yin pas 'di ni mi rigs so// de'i phyir de ltar/ gang la snga bye lhan cig gi/ rim pa de dag mi srid pa'i// sde ba de dang rga shid // ci yi phyir na spro bar byed// skye ba gang dang rga shig la sde ba dang 'gyi ba dang wAn TIg gi rim pa de dag med pa'i lte ba ma dmigs pa na/ 'phags pa rnams ci'i phyir sngo bar byed/ ci'i phyir rje sa ni mi srid pa la byas/ spro bar mi mdzod pa nyid do zhes bya ba'i don to// rga shaM de yang ma dmigs pan ci'i phyir spro bar byed/ yang dag pa ji la ba bzhin gzigs pa nyid kyi phyir ro snyam du dgongs so// yang na de ltar ste ba la sogs pa dag yod pa ma yin na/ byis pa rnams yod pa ma yin pa'i sde ba de dang / gang nin yod pa ma yin pa'i na shi de ci'i gli spyo ra byed/ de'i phyir byis pa rnams kyis spros pa ni dngos pa yod pa ma yin pa nyid do zhes bya bar dgongs pa'o// ji ltar 'khor ba la son gyi mtha' yod pa ma yin pa de bzhin du dngos po gzhan rnams la yang yin ni nis gsungs pa/ 'khor ba 'ba' zhig sngon gyi mtha'// yod ma yin par ma zad kyi// rgyu dang 'bras bu nyid dang ni// mtshan nyid dang ni mtshan ga ni nyid// tshor dang tshang po nyid da po dgang dag ci yang rung// dngas rnams thams cad nyid la yang // sran gyi mtha' na yod ma yin// de la gal te mus la 'bras pa 'phye bar 'gyur nade/ 'bras bu me pa'i sman med par 'gyur ro// 'on te rdzas rba
- 88b
stsal d+ha byin ni/ de ltan yang chubs snga ba'i 'bras bu rgyu med pa nyid du 'gyur ro// ci ste rgyu dang 'bras bu cig car du 'gyur na ni/ de ldan yang gnyig tu med par 'gyur ro// de bzhin du mtshan nyid dang mtshan gzhi dag dang tshor ba dang tsha ba po dag pa yang sbyar bar bya'o// 'ab ba'i bshad pa d+hA nga 'bras bral sogs pa bshad par rig par bya ba 'ba' nig nam pad kyi/ gzhan yang dngos po gzhan gang dag shes pa dang shes bya dang / tshad dang gzhal bya dang / bsgrub bya dang sgrib byed dang / yan lag dang yan lag can dang / yon tan dang yon tan can la sogs pa de dag la yang sngon gyi mtha' mi rigs so zhes bya bar sbyar bar bya'o// de nyid kyi phyir 'phags pa dkon mchog sprin gyi mdo las/ chos kyi 'khor lo bskor ban// gzad nas ni nang ma skyes pa// rang bzhin mya ngan 'das pa yi// chos rnams mgon po khyod kyis bstan/ zhes 'phags pa byang chub sems dpa' chen pa sgrub pa thams cad rnam pa selabs bcom ldan 'das la bstod pa yidan no// de bzhin du/ gzod ma nas ni stong zhing ma' mtshas// song ba med cing gnas med gnas kyis dbes// bla ma'i rang ban nag tu snying pa med// thams cad dag cing rnam dag nam mkha' bzhin// rgyal ba'i chos da gang dag rab ston pa// der yang mi zad pas na mi mthongs// chos 'dis nas bdag med sems can med// de dag rab tuston/ kyang mi zad 'gyur// btags pa tsam du btags nas bstan pa yin// 'khor ba la nirnam mi rnyed de// gang dag sngon byung mtha' de mtshan nyid med// pa 'das dus kyang shes par bya ba'i phyir// las dang bya ba de lta 'gyur te// bar dang tha ma dag tu'ang 'byung bar 'gyur// chos rnams rab tu thun zhing rang bzhin stong // thams cad bdag med par yang shes par gyis/ zhes bya ba la sogs pa 'byung ngo // slob dpon zla ba grags pa'i zhal snga
- 89a
nas sbyar ba'i tshig gsal ba las/ sngon dang phyi ma'i mtha' brtag pa zhes bya ba rab tu byed pa bcu gcig pa'i 'grel pa'o// // 'dir smras pa/ bdag ni yod pa nyid de/ de dang 'brel pa can gyi sdug bsngal yod pa'i phyir ro// 'dir nye bar len pa'i phung po lnga la sdug bsngal zhes brjod do// de yang yod la/ sdug bsngal de yang 'ga' zhig la 'gyur bar bya dgos te/ rten med par ni ma yin no// de'i phyir sdug bsngal la rten yod pa nyid yin la/ de yang bdag yin no// brjod par bya ste/ gal te sdug bsngal nyid yod na/ bdag yod par 'gyur na/ yod pa ni ma yin no// 'di ltar de ni yod na/ bdag gis byas pa'am/ gzhan gyis byas pa'am/ gnyi gas byas pa'am/ rgyu dang bral ba zhig tu 'gyur ba zhig na/ 'dod pa na yang rnam pa thams cad du de byas pa nyid yod pa ma yin no zhes bstan pa'i phyir/ kha cig sdug bsngal bdag gis byas/ gzhan gyis byas dang gnyi gas byas// rgyu med pa las 'byung bar 'dod// de ni bya bar mi rung ngo // zhes bya ba gsungs so// de la rgol ba kha cig gis ni/ sdug bsngal bdag gis byas so zhes bya bar rtogs so// gzhan po dag gis ni gzhan gyis byas par yin la/ gzhan dag gis ni gnyi gas byas par yin zhing 'ga' zhig dag gis ni sdug bsngal rgyu med par 'byung ba nyid do zhes bya bar rtogs so// 'dod par gyur pa'i sdug bsngal de ni rnam pa thams cad du bya bar te bskyed par bya bar mi rung ngo // 'di ni dam bca' ba tsam yin pa de sgrub pa'i phyir/ gal te bdag gis byas gyur na// de phyir brten nas 'byung mi 'gyur// gang phyir phung po 'di dag la// brten nas phung po 'di dag 'byung// zhes bya ba gsungs so// de la bdag gis zhes bya ba ni bdag rang gis zhes bya ba'i don to// gal te bdag gis sdug bsngal byas par gyur na ni/ sdug bsngal gyi rang gi ngo bo de nyid kyis sdug bsngal gyi rang gi ngo bo de nyid byas par
- 89b
'gyur ro// de'i phyir rten cing 'brel par 'byung bar mi 'gyur ro// rgyu dang rkyen la mi ltos par 'byung bar mi 'gyur ro// zhes bya ba'i don te/ rang gi ngo bor yod pa'i phyir ro// yod pa ma yin pas ni rang gi ngo bo byed pa ma yin no// 'di ni rten cing 'brel par 'byung ba yang yin te/ 'di ltar/ gang phyir phung po 'di dag la/ brten nas phung po de dag 'byung ba'i phyir te/ gang gi phyir/ 'chi ba'i dus kyi phung po 'di dag la brten nas/ skye ba'i char gtogs pa'i phung po de dag 'byung ba'i phyir ro// de'i phyir sdug sngal bdag gis byas so zhes bya ba mi rigs so// da ni gzhan gyis byas pa yang yod pa ma yin no zhes gsungs pa/ gal te 'di las de gzhan zhing gal te de las 'di gzhan na// sdug bsngal gzhan gyis byas 'gyur zhing // gzhan de dag gis de byas 'gyur// gal te 'chi ba'i dus kyi phung po 'di dag las skye ba'i cha'i phung po de dag gzhan du 'gyur zhing / skye ba'i char gtogs pa de dag las 'chi ba'i dus kyi phung po 'di dag gzhan yin na ni/ de'i tshe sdug bsngal gzhan gyis byas par 'gyur na/ de dag la ni gzhan nyid ma mthong ste/ rgyu dang 'bras bu'i 'brel par gnas pa med pa'i phyir ro// gang la brten te gar 'byung ba// de ni re zhig de nyid min// de las gzhan pa'ang ma yin phyir// de phyir chad min rtag ma yin// zhes 'chad par 'gyur ro// de'i phyir sdug bsngal gzhan gyis byas pa yang yod pa ma yin no// gal te gzhan nyid yin na ni// de yi tshe gzhan nyid yin dang // gzhan du gyur pa'i phung po de dag gis gzhan du gyur pa de dag byas so zhes bya bar brjod par nus par 'gyur na/ de ni de ltar yang ma yin no// de'i phyir sdug bsngal gzhan gyis byas pa yang yod pa ma yin no// ci ste gang gi phyir sdug bsngal nyid kyi sdug bsngal byas pa de'i phyir bdag gis byas so zhes ni mi smra'o// 'o na ci zhe na/ gang zag bdag gis gang bdag nyid
- 90a
kyis byas pa yin gyi/ gzhan gyis byas nas 'di la byin pa ma yin te/ de'i phyir sdug bsngal bdag gis byas so zhes smra'o snyam na/ brjod par bya ste/ gal te gang zag bdag gis ni// sdug bsngal byas na gang bdag gis// sdug bsngal byas pa'i gang zag de// sdug bsngal ma gtogs gang zhig yin// gal te mi'i sdug bsngal nye bar len pa'i phung po lnga'i mtshan nyid can 'di gang zag bdag nyid kyis byas so zhes bya bar rtog na/ gang bdag gis sdug bsngal de byas pa'i gang zag de rtog med gal te re zhig sdug bsngal gang gis gang zag bdag nyid der 'dogs par byed pa'i sdug bsngal de nyid des byas pa yin na ni/ sdug bsngal/ deni 'di yin la/ 'di'i byed pa po ni 'di yin no zhes byang brjod dgos so// ci ste yang mi'i sdug bsngal gyi nye bar len pa can gyi gang zag gis/ lha'i sdug bsngal byas par gyur na ni/ 'o na dgang zag bdag gis byas pa ma yin gyi/ gang zag gzhan gyis byas pa nyid du 'gyur ro// ce ste nye bar len pa tha dad kyang gang zag tha mi dad par 'dod na/ 'di yang yod pa ma yin te/ nye bar len pa las tha dad cing / gzhan du gyur pa'i gang zag bstan par mi nus pa'i phyir ro// de ltar na re zhig sdug bsngal gang zag bdag gis byas pa ma yin no// 'dir smras pa/ gang zag bdag gis sdug bsngal byas so zhes de skad du su smra/ 'o na ci zhe na/ sdug bsngal ni gang zag gzhan las 'byung ba yin no// 'di ltar mi'i gang zag ni lha'i sdug bsngal las gzhan nyid yin la/ gang gi phyir mi'i gang zag gis kyang / lha'i sdug bsngal byas nas lha'i gang zag la ster bar byed cing / lha'i sdug bsngal des kyang lha'i gang zag go zhes 'dogs par byed pa de'i phyir/ gang zag de'i sdug bsngal de ni gang zag gzhan las 'byung ba yin no// brjod par bya ste/ gal te gang zag gzhan las ni// sdug bsngal 'byung na gzhan zhig gis// sdug
- 90b
bsngal de byas gang sbyin te// sdug bsngal ma gtogs ci ltar rung // gal te lha'i sdug bsngal mi'i gang zag gis byas la/ mi'i gang zag des kyang sdug bsngal de byas nas/ gzhan lha'i gang zag la ster bar byed do/ zhes bya ba yin na ni/ gang la sbyin par bya ba'i lha'i gang zag de/ lha'i sdug bsngal las ma gtogs par ji ltar rung bar 'gyur/ de ltar na/ re zhig gang zag gzhan las byung ba'i sdug bsngal la len pa po nyid yod pa ma yin no// da ni gang zhig sbyin par byed pa de yang yod pa ma yin no// zhes gsungs pa/ gal te gang zag gzhan sdug bsngal// 'byung na gang gis de byas nas// gzhan la ster ba'i gang zag gzhan// sdug bsngal ma gtogs gang zhig yin// gang gis lha'i sdug bsngal byas nas lha'i gang zag ster bar byed cing / nye bar len pa gang gis mi'i gang zag der gdags pa de ni/ mi'i nye bar len pa las tha dad pa gang zhig yin par 'gyur/ de'i phyir gang zag gzhan las byung ba'i sdug bsngal yang yod pa ma yin no// de'i phyir bdag gis byas par ma grub pas/ sdug bsngal gzhan gyis gal byas// gzhan gyis sdug bsngal gang byed pa// de ni de yi bdag byas 'gyur// gal te lha'i gang zag gi sdug bsngal mi'i gang zag gi byas pa'i phyir/ gzhan gyis byas pa'i yin na ni/ de ni mi'i gang zag gi rang gis byas pa nyid du 'gyur na/ de yang yod pa ma yin no zhes bshad zin to// de'i phyir/ gang gi tshe bdag gis byas par ma grub pa'i phyir sdug bsngal de mi'i gang zag gis bdag gis byas pa de'i tshe/ lha zhes bya ba'i gang zag gzhan gyi sdug bsngal de gzhan gyis byas par ga la 'gyur zhes bya ba 'di las kyang sdug bsngal gzhan gyis byas pa yod pa ma yin no// da ni phyogs gnyis char rnam pa gzhan gyi sgo nas kyang yod pa ma yin par bstan pa'i phyir/ re zhig sdug bsngal bdag byas min// de nyid kyis ni de ma
- 91a
byas// gal te gzhan bdag ma byas na// sdug bsngal gzhan byas ga la 'gyur// zhes bya ba gsungs so// 'di las kyang sdug bsngal bdag dang gzhan dag gis byas par mi rigs so// gang gi/ phyir re zhig sdug bsngal bdag gis byas pa ni ma yin no// ci'i phyir zhe na/ gang gi phyir de nyid kyis de nyid byas pa ma yin pa'i phyir te/ bdag nyid la byed pa 'gal ba'i phyir ro// de'i phyir/ bdag gis byas pa yod pa ma yin no// gzhan gyis byas pa yang yod pa ma yin te/ gang gi phyir/ byed do zhes bya bar brtags pa'i gzhan gang yin pa de nyid re zhig bdag gis ma byas shing bdag nyid kyis ma grub ste/ de yang rgyu gzhan la bltos pa'i phyir ro// gang zhig rang gi bdag nyid kyis grub pa ma yin pa de ni yod pa ma yin pa'i rang bzhin du gyur pas gzhan byed par ji ltar 'gyur te/ 'di ni mi rigs so// da ni sdug bsngal gnyis kas byas pa yang yod pa ma yin no// zhes gsungs pa/ gal te re res byas 'gyur na// sdug bsngal gnyi gas byas par 'gyur// gal te re res sdug bsngal byed par 'gyur na ni/ de tshe sdug bsngal gnyi gas byas pa yin na/ de ni re res byas pa yang ma yin te/ bshad zin pa'i skyon du 'gyur ba'i phyir ro// re res srog gcod pa ma byas par gnyi gas byas so zhes brjod pa ma mthong ngo // da ni sdug bsngal rgyu med pa las byung ba yang ji ltar med pa de ltar bstan pa'i phyir/ bdag gis ma byas gzhan ma byas// sdug bsngal rgyu med ga la 'gyur// zhes gsungs te/ gzhan gyis ma byas pa/ gzhan gyis ma bskyed pa 'di la yod pas na/ gzhan gyis ma byas pa'o// 'di la bdag gis ma byas pa yod pas na bdag gis ma byas pa'o// gal te ji skad bshad pa'i tshul gyis sdug bsngal bdag gis byas pa med cing / gzhan gyis byas pa yang med pa de'i tshe rgyu med pa yod par gal 'gyur te/ nam mkha'i
- 91b
me tog gi dri zhim po bzhin no// sdug bsngal med pa'i phyir na de'i rten du gyur pa'i bdag kyang lta ga la yod/ ji ltar rnam pa bzhin spyad na sdug bsngal yod pa ma yin pa de bzhin du/ phyi rol gyi dngos po sa bon dang myu gu dang bum pa dang snam bu la sogs pa dag kyang rig par bya'o zhes bstan pa'i phyir/ sdug bsngal 'ba' zhig rnam pa bzhi// yod ma yin pa ma yin gyi// dngos po thams cad dag la yang // rnam pa bzhi po yod ma yin// zhes bya ba gsungs te/ thams cad snga ma bzhin sbyar bar bya'o// gal te sdug bsngal la sogs pa 'di dag la rnam pa bzhi po med na/ 'o na da ni 'di dag rnam pa gang gis 'grub ce na/ brjod par bya ste/ gal te sdug bsngal la sogs pa 'di dag rang bzhin gyis yod par 'gyur na ni/ nges par rnam pa bzhi po 'di dag las gang yang rung ba zhig gis 'grub par 'gyur ba zhig na/ yod pa ni ma yin no// de'i phyir sdug bsngal la sogs/ pa dag rang bzhin gyis yod pa ma yin par nges so// 'on te byin ci log tsam gyis bdag nyid yod par rnyed pa/ sdug bsngal la sogs pa kun rdzob pa rten cing 'brel par 'byung ba'i rnam par bzhag pa tshal na ni/ de'i las dang byed pa po rtag pa'i rab tu byed par bshad pa'i rnam pas ji skad smras pa'i phyogs bzhi bsal nas rkyen nyid 'di pa tsam gyis don gyi rten cing 'brel par 'byung ba grub par khas blang bar bya'o// ji skad du/ sdug bsngal bdag gis byas pa dang // gzhan gyis byas dang gnyigs byas// rgyu med rtog ge pa yis 'dod// khyod kyis brten nas 'byung bar gsungs/ zhes bshad do// bcom ldan 'das kyis kyang / kun rdzob du ni rgyal bas chos bshad de// 'dus byas 'dus ma byas yin de ltar ltos// yang dag nyid du bdag dang yod med de// 'gro ba kun gyis mtshan nyid 'di 'dra'o// dge dang nag po'i las rnams mi 'jig ste/ bdag gis byas pa bdag gis
- 92a
myong bar 'gyur// las kyi 'bras bu 'pho bar mi 'gyur te// rgyu med par yang myong bar mi 'gyur ro// srid pa thams cad sgyu ma dbang med pa// gsog dang gsob tu gyur pa dbu ba bzhin// sgyu ma smig rgyu lta bur rtag tu stong // sgra yis bshad kyang de dag dben pa yin// brag phug ri dang gcong rong klung rnams su// rkyen gyis ji ltar brag ca 'byung ba ltar// de bzhin 'dus byas 'di kun rig par gyis// 'gro ba thams cad sgyu ma smig rgyu bzhin// zhes bya ba la sogs pa gsungs so// slob dpon zla ba grags pa'i zhal snga nas sbyar ba'i tshig gsal ba las/ bdag gis byas pa dang gzhan gyis byas pa brtag pa zhes bya ba rab tu byed pa bcu gnyis pa'i 'grel pa'o// // gang gi phyir de ltar rab tu byed pa thal ma thag pa'i tshul gyis rnam par dpyad pa na/ dngos po rnams la bdag dang gzhan dang gnyi gas byas pa dang / rgyu med pa las byung ba nyid med cing skyed par byed pa'i rnam pa gzhan yang med la/ ma rig pa'i rab rib kyis blo gros kyi mig nyams par byas pa rnams la dngos po 'di dag skye ba'i ngo bor yang snang ba de'i phyir/ rang bzhin med pa nyid du gyur pa na sgyu ma'i rta dang glang po che la sogs pas/ de mi shes pa rnams ltar byis pa rnams slu bar byed pa yin no// de nyid kyi phyir/ blo'i spyan chos thams cad kyi rang bzhin lkog tu ma gyur pa mnga' ba/ ma rig pa'i bag chags ma lus par drungs phyung ba/ sems can phyin ci log bzhis phyin ci log tu gyur cing skyabs med pa yongs su bskyab par mdzad pa'i slad du rang bzhin med pa phyin ci ma log par nye bar ston pa lhur mdzad pa/ thugs rje chen po mnga' ba'i sangs rgyas bcom ldan 'das kyis chos gang zhig/ bslu ba de ni brdzun zhes gsungs// 'du byed thams cad bslu ba'i chos// des na de dag rdzun pa yin// mdo las dge slong dag 'dus byas bslu
- 92b
ba'i chos can gang yin pa de ni rdzun pa yin la/ mi bslu ba'i chos can mya ngan las 'das pa gang yin pa de ni bden pa dam pa'o zhes bya ba dang / de bzhin du/ 'di ni slu bar byed pa'i chos can no// 'di ni 'jig pa'i// / chos can no// zhes gsungs so// de'i phyir/ tshul 'dis gang bslu zhing 'jig pa'i chos can de ni rdzun pa yin no zhes de skad du/ bcom ldan 'das de bzhin gshegs pas gsungs pa dang / 'du byed thams cad kyang bslu ba'i chos can yin pas de'i phyir/ 'du byed de dag bslu ba'i chos can nyid yin pas rdzun par 'gyur ro// de la bslu ba'i chos can ni 'drid par byed cing phyin ci log tu snang ba ste/ mgal me'i 'khor lo bzhin no// de'i rang bzhin ma yin pa nyid kyis na 'du byed thams cad rdzun pa ste/ bslu ba'i chos can yin pa'i phyir/ smig rgyu'i chu bzhin no// gang zhig bden pa de ni bslu ba'i chos can ma yin te/ dper na mya ngan las 'das pa bzhin no// de'i phyir/ bstan pa'i rigs pa dang lung 'di las/ dngos po rnams rang bzhin med par grub ste/ shes rab kyi pha rol tu phyin pa las chos thams cad ni stong pa ste/ rang bzhin med pa'i tshul gyis so zhes 'byung ba'i phyir ro// 'dir smras pa/ gal te de ltar bslu ba'i chos can nyid kyis/ 'du byed thams cad rdzun pa nyid du bstan na/ de lta na ni dngos po thams cad med pas dngos po thams cad la skur pa 'debs pa'i log par lta ba nyid du 'gyur ro// brjod par bya ste/ gang dag da rung du yang khyod slu bar byed pa 'du byed pa slu ba'i chos can dag yod pa 'di ni bden no// gal te bslu chos gang yin pa// de rdzun de la ci zhig bslu// ma yin nam/ gang gi tshe kho bo cag gis bslu ba can gang yin pa de ni rdzun pa'o zhes bshad pa/ de'i tshe de la ci zhig bslu ste/ de la ci zhig dngos po med par 'gyur/ gal te dngos po 'ga' zhig
- 93a
yod par gyur na ni/ de la skur pa btab pas med par lta ba'i log ltar 'gyur na/ gang gi tshe/ dngos po nyid cung zad kyang ma mthong ba de'i tshe/ der ci zhig bslu bar 'gyur te/ 'ga' zhig dngos po med par mi 'gyur bas/ khyod kyis klan ka 'di ni mi rigs so// 'dir gal te dngos po med pa'i lta ba yang mi ston na/ lung 'dis ci zhig ston/ brjod par bya ste/ bcom ldan 'das kyis de gsungs pa/ stong nyid yongs su bstan pa yin/ bcom ldan 'das kyis de skad bstan pa gang yin pa de ni dngos po med par ston pa ma yin gyi/ 'o na ci zhe na/ stong pa nyid yongs su ston pa yin te/ rang bzhin gyis ma skyes pa yongs su gsal bar byed pa'o// zhes bya ba'i don to// ji skad du mdo las/ gang zhig rkyen las skyes pa de ma skyes de la skye ba'i rang bzhin yod ma yin/ rkyen la rag las gang de stong par bshad// gang zhig stong nyid shes de bag yod yin/ zhes gsungs so// 'dir lung gis dngos po rang bzhin gyis ma skyes pa yongs su gsal bar byed pa ni ma yin te/ 'o na ci zhe na/ rang bzhin med pa ste/ rang bzhin mi gnas pa nyid dang / 'jig pa/ nyid ston par byed pa yin no// 'di gang las zhe na/ dngos rnams ngo bo nyid med de/ gzhan du 'gyur ba snang phyir ro// gzhan du 'gyur ba ste/ yongs su 'gyur ba mthong ba'i phyir ro zhes bya ba'i tha tshig go/ 'di skad du gal te/ dngos po rnams la rang bzhin med na/ de'i tshe 'di dag gzhan du 'gyur ba dmigs par mi 'gyur na/ yongs su 'gyur ba ni dmigs pa yang yin te/ de'i phyir rang bzhin mi gnas pa nyid mdo'i don yin par shes par bya'o// zhes bstan par 'gyur ro// 'di'i phyir yang de ni de ltar yin te/ gang gi phyir/ dngos po ngo bo nyid med de// gang phyir dngos rnams stong pa nyid// 'di ltar dngos po gang zhig ngo bo nyid med pa de
- 93b
ni yod pa ma yin te// dngos po rnams kyi chos stong pa nyid ces bya ba ni 'dod pa yin no// yod pa ma yin pa'i mo gsham gyi bu la/ de'i sngo bsangs nyid mi 'thad pas chos can med pas/ de la brten pa'i chos kyang mi 'thad pa de'i phyir dngos po rnams rang bzhin yod pa yin no// gzhan yang gal te ngo bo nyid med na/ gzhan du 'gyur ba gang gi yin// gal te dngos po rnams kyi rang bzhin med na/ yongs su 'gyur ba'i mtshan nyid can gyi gzhan du/ 'gyur ba gang yin pa de gang gis yin par 'gyur zhes 'dzer to// 'di la brjod par bya ste/ de ltar yongs su brtags kyang / gal te ngo bo nyid yod na// ji lta bur na gzhan du 'gyur// 'dir chos gang zhig dngos po gang la mi 'bul pa de ni de'i rang bzhin zhes brnyed de/ gzhan gyis gegs byar med pa'i phyir ro// de la mi 'khrul pa'i me'i tsha ba la ni 'jig rten na rang bzhin zhes brjod la/ tsha ba de nyid chu dag la dmigs pa na rkyen/ gzhan las byung ba'i phyir rang bzhin ma yin no// gang gi tshe de ltar rang bzhin ni 'khrul pa med par 'gyur ba yin par bya dgos pa de'i tshe 'khrul pa med pas gzhan du 'gyur ba med de/ me ni grang bar gyur pa ma yin no// de bzhin du dngos po rnams la yang rang bzhin pas len na gzhan du 'gyur ba nyid med par 'gyur na/ de dag ni gzhan du 'gyur ba nyid du dmigs pa yang yin te/ de'i phyir rang bzhin yod pa ma yin no// gzhan yang gang zhig snang ba las rang bzhin dang bcas pa nyid du 'gyur ba gzhan du gyur pa 'di ni dngos po rnams la mi srid pa nyid do// ji ltar mi srid pa de ltar bstan pa'i phyir/ de nyid la ni gzhan 'gyur med// gzhan nyid la yang yod ma yin// gang phyir gzhon nu mi rga ste/ gang phyir rgas pa'ang mi rga'o// zhes bya ba gsungs te/ re zhig dngos po gzhan gyi gnas skabs na gnas pa de nyid ni/ gzhan du 'gyur bar mi 'thad do// 'di ltar lang
- 94a
tshe'i gnas skabs nyid la gnas pa'i gzhon nu la ni gzhan du 'gyur ba yod pa ma yin no// tsaM ste gnas skabs gzhan thob pa nyid la gzhan du 'gyur ba nyid rtog na/ de yang me 'thad de/ gzhan du gyur pa zhes bya ba ni rgas pa'i rnam grangs yin te/ de gal te gzhon nu la mi 'dod kyi gzhan rgas pa kho na la 'gyur na ni/ de yang ma rigs te/ gang gi phyir rgas pa la ni yang rga ba dang 'brel pa dgos pa med pa'i phyir ro// rgas pa la yang rga ba dang 'brel pa med pas ci zhig bya ste/ de med par rgas pa nyid yod pas rgas pa rga'o zhes bya ba mi rigs so// ci ste gzhon nu nyid gzhan du 'gyur ro zhe na/ de ni mi rigs te/ rgas pa'i gnas skabs mthob pa la gzhon nu zhes brjod pa'i phyir dang / gnas skabs gnyis kyang phan tshun 'gal ba'i phyir ro// gzhan yang gal te de nyid gzhan 'gyur na/ 'o ma nyid ni zhor 'gyur ro// ci ste 'o ma'i gnas skabs btang nas/ zho'i gnas skabs su gyur pa de'i phyir 'o ma nyid nor mi 'gyur ro snyam na/ brjod par bya ste/ gal te phan tshun 'gal ba sa 'o ma nyid zhor 'gyur ro zhes bya bar mi 'dod na ni/ 'o ma las gzhan gang zhig ni zho yi dngos po yin par 'gyur/ ci chu zho'i dngos por 'gyur ram/ de'i phyir gzhan zho'i dngos por 'gyur ro zhes bya ba 'di ni ma 'brel pa yin no// de'i phyir/ de ltar gzhan du 'gyur ba med pa'i phyir de snang ba las dngos po rnams rang bzhin dang bcas par 'grub par ga la 'gyur/ de'i phyir 'di ni mi rigs so// ji skad du/ 'phags pa dkon mchog 'byung gnas zhes bya ba theg pa chen po'i mdo las/ chos gang skye ba med cing 'byung ba med// 'chi 'pho med cing rga bar mi 'gyur ba// mi yi seng ge yi ni der bstan zhing // sems can brgya phrag da ni da la bkod// gang la'ang ngo bo nyid ni gang yang med// gzhan yang ma yin sus kyang mi rnyed pa//
- 94b
nang na ma yin phyi rol dag na yang // mi rnyed de dag la ni mgon pos bkod// bde bar gshegs pas zhi ba'i 'gro gsungs kyang // 'gro ba gang yang rnyed par mi 'gyur te// de dag 'gro las grol bar rnam par gsungs// grol nas sems can mang po grol bar mdzad// bdag med par ni chos kun ston mdzad cing // sems can 'dzin las 'jig rten rnam par grol// bdag nyid 'gro las grol zhing 'gro grol bas// de bzhin pha rol gshegs kyang brgal ba'ang med// drang srong chen po srid pa'i pha rol phyin// pha rol gshegs pa gang yang mi rnyed 'gyur// pha rol yod ma yin zhing tshu rol med// pha rol song ba zhes kyang tshig tu gsungs// gang gis tshig tu smra ba de yang med// gang smras de yi tshig kyang yod ma yin// gang la smra ba de yang rnyed mi 'gyur// gang gis shes pa de yang yod pa ma yin// log par rtogs la chags pa'i dbang gis su// 'dir ni 'gro ba 'di kun rab tu 'khyams// skyes bu gang zhig zhi ba'i chos rig pa// des ni rang 'byung de bzhin gshegs pa mthong // chos mchog zhi ba rnams kyang rab tu shes// dga' ba rnyed nas sems can tshim par byed// nyon mangs rgyal nas de nyid rgyal bar 'gyur// bdag nyid rgyal bar gyur na gnas pa med// dor phyir rgyal ba'i byang chub rab tumakhyen// sangs rgyas nas ni 'gro ba shes par byed// ces bya ba la sogs pa gsungs pa lta bu'o// dngos po ngo bo nyid med pa ni yod pa ma yin te/ dngos po rnams stong pa nyid du ni 'dod pa yin no// de'i phyir stong pa nyid kyi brten du gyur pa dngos po'i rang bzhin yod do// zhes bya ba gang yin pa de yang mi rigs so zhes gsungs pa/ gal te stong min cung zad yod// stong pa'ang cung zad yod par 'gyur// mi stong cung zad yod min na// stong pa'ang yod par ga la 'gyur// gal te stong pa nyid ces bya ba zhig 'ga' zhig tu yod/
- 95a
na ni/ de'i tshe de'i rten dngos po'i rang bzhin yod par 'gyur na/ de ltar ni ma yin no// 'dir stong pa nyid dang bdag med pa nyid dag ni chos thams cad kyi spyi'i mtshan nyid yin no zhes khas blangs pas stong pa ma yin pa'i chos med pa'i phyir stong pa nyid ma yin pa yod pa ma yin no// gang gi tshe stong pa ma yin pa'i dngos po med cing stong pa nyid ma yin pa yang yod pa ma yin pa de'i tshe/ gnyen po la bltos pa dang bral bas nam mkha'i me tog gi phreng ba ltar stong pa nyid kyang yod pa ma yin no zhes nges par bya'o// gang gi tshe stong pa nyid yod pa ma yin pa de'i tshe de'i rten dngos po yang yod pa ma yin no// 'dir/ smras pa/ gang bstan par bya ba'i phyir sangs rgyas bcom ldan 'das/ 'gro ba mu stegs pa'i smra ba ma rig pa'i dmag chen po'i rjes su son pa la/ 'gro ba'i sgron ma gcig pur gyur pa/ bdag med pa nye bar ston pa'i me lce rgyun mi 'chad pa mnga' ba rnams 'byung ba/ rnam par thar pa'i sgo gsum po stong pa nyid dang mtshan ma med pa dang smon pa med pa zhes bya ba/ bcom ldan 'das kyis gdul bya rnams la rnam par grol bar bya ba'i phyir bstan pa mu stegs pa'i gzhung lugs thams cad thun mong ma yin pa dag ni/ bde bar gshegs pa'i gsung rab kho na la dmigs na/ khyod kyis ni da ltar de bzhin gshegs pa'i gsung rab rnam par 'chad pa'i rgyu thabs kyis stong pa nyid de spong bar brtsams pa yin pas/ mtho ris dang byang grol gyi lam rgyun gcod par byed pa khyod dang brtsad pas mchog go/ brjod par bya ste/ e ma kyi hud gnam du phyogs pa ltar shin tu phyin ci log tu gyur pas mya ngan las 'das pa'i grong khyer du 'gro ba'i lam zhi ba drang po bor nas/ dngos po la mngon par zhen pa'i sbal gyis dkris pa/ 'khor ba'i dgon par 'gro ba'i lam la thar pa'i grong khyer du
- 95b
'gro ba nyid du brten pa khyod ni dam pa dag gis smad par bya ba yin bzhin du mngon pa'i nga rgyal zhen pas bzung ba'i dbang nyid kyis de dag nyid la smod par byed pa zhig ste/ kA ye nyon mongs pa'i nad ma lus pa gso par mdzad pa sman pa'i rgyal po chen po// rgyal ba rnams kyi stong pa nyid// lta kun nges par 'byung bar gsungs// gang dag stong pa nyid lta ba// de dag sgrub tu med par gsungs// ma yin nam/ 'dir stong/ pa nyid ni lta bar gyur pa thams cad kyi mngon par zhen pa thams cad nges par 'byung ba ste log pa gang yin pa de yin la/ lta bar gyur pa rnams log pa tsam ni dngos po yang ma yin no// gang dag stong pa nyid de la yang dngos por mngon par zhen pa de dag la ni kho bo cag mi smra ste/ de'i phyir kho bo cag gi nye bar bstan pa las rtog pa mtha' dag log nas thar par 'gyur ba ga la yod// 'di ltar gang zhig la khyod la song ci yang mi ster ro// zhes smras pa dang / kye bdag la ci yang med pa zhes bya ba'i zong de nyid byin cig ces smras na/ de zong med par 'dzin du gzhug par thabs gang gis nus/ de bzhin du gang dag stong pa nyid la yang dngas par mang na pa zhin pa dag gi da la dngas par mngon par zhen pa de thabs gang gis 'gag par Sh+T+ri / dan phyir sman pa chen pa la ya shes pa'i 'du shes ya pa'i byu gas par ma pal mchog sman pa chen po de bzhin gshegs pa rnams kyis de dag bor ba nyid yin no// ji skad du 'phags pa dkon mchog brtsigs pa'i mdo las/ gang stong pa nyid kyi chos rnams stong par mi byed de/ chos rnams nyid stong pa dang / gang mtshan ma med pas chos rnams mtshan ma med par mi byed de/ chos rnams nyid mtshan ma med pa dang / gang smon pa med pas chos rnams smon pa med par mi byed de chos rnams nyid smon pa med par
- 96a
gang dag de ltar so sor rtog pa de ni 'od srungs dbu ma'i lam chos rnams la yang dag par so sor rtog pa zhes bya'o// 'od srungs gang dag stong pa nyid du dmigs pas stong pa nyid la rtog pa de dag ni ngas gsung rab 'di las nyams rab tu nyams shes bshad do// 'od srungs gang zag tu lta ba ri rab tsam la gnas pa ni bla'i/ mngon pa'i nga rgyal can stong pa nyid du lta ba ni de lta ma yin no// de ci'i phyir zhe na/ 'od srungs lta bar gyur pa thams cad las dbyung ba ni stong pa nyid yin na/ 'od srung gang stong pa nyid kho nar lta ba de ni gsor mi rung ngo zhes ngas bshad do// 'od srung 'di lta ste/ dper na mi nad pa zhig yod la/ sman pas de la sman btang nas sman des de'i nad thams cad bskyed de sman lto na 'dug pa de nyid mi 'byung na/ 'od srungs 'di ji snyam du sems/ mi de bro nad de las thar bar 'gyur ram gsol pa/ bcom ldan 'das de ni mi 'gyur lags te/ gang sman des nad thams cad bskyod nas sman ltor mchis pa nyid ma byung na/ mi de'i bro nad shin tu tshabs che bar 'gyur lags so// bcom ldan 'das kyis bka' stsal pa/ 'od srungs de bzhin du lta bar gyur pa thams cad las dbyung ba ni stong pa nyid kho na/ 'od srungs gang dag stong pa nyid kho nar lta ba de ni gsor mi rung ngo zhes ngas bshad do// zhes gsungs pa lta bu'o// slob dpon zla ba grags pa'i zhal snga nas sbyar ba'i tshig gsal ba las/ 'du byed brtag pa zhes bya ba rab tu byed pa bcu gsum pa'i 'grel pa'o// // 'dir smras pa/ dngos po'i rang bzhin ni yod pa nyid de/ de dag gi phrad pa nye bar bstan pa'i phyir ro// 'dir gang med pa de la ni phrad pa med de/ dper na mo gsham gyi bu dang bu mo gnyis bzhin no// mig dang gzugs la brten nas mig gi rnam par shes pa 'byung ngo zhes bya ba dang / gsum 'dus pa
- 96b
las reg pa'o// reg pa dang lhan cig 'byung ba ni tshor ba'o zhes rgya cher 'byung ba dang / de bzhin du tshor ba dang 'du shes zhes bya ba'i chos 'di gnyis ni phrad pa yin gyi// ma phrad pa ni ma yin no// zhes 'du byed rnams la/ ni phrad par bstan pa yang yin no// de'i phyir de ltar phrad pa bstan pa las ni dngos po'i rang bzhin yod pa nyid do// brjod par bya ste/ gal te phrad pa nyid yod par 'gyur na/ 'di de ltar 'gyur ba zhig na/ yod pa ni ma yin/ no// gang gi phyir/ blta bya lta blta ba po// gsum po de dag gnyis gnyis dang // thams cad kyang ni phan tshun du// phrad par 'gyur ba yod ma yin// de la blta bya ni gzugs so// lta ba ni mig go/ lta ba po ni mig gi/ rnam par shes pa'o// gsum po 'di dag las rnam pa gnyis gnyis phrad pa ni yod pa ma yin te/ mig dang gzugs sam/ mig dang rnam par shes pa 'am/ rnam par shes pa dang gzugs la phrad pa yod pa ma yin no// de ltar na rnam pa gnyis gnyis phrad pa yod pa ma yin no// thams cad kyang ni ste gsum po de dag cig car phrad pa yang yod pa ma yin no// ji blta bar bya ba dang lta ba dang lta ba po rnams gnyis gnyis sam thams cad du yang phrad pa med pa/ de bzhin 'dod chags chags pa dang // chags par bya ba blta bya ste// 'dod chags dang chags pa'am/ 'dod chags dang chags par bya ba la phrad pa yod pa ma yin la/ gsum po dag gcig car yang phrad pa yod pa ma yin no// 'di dag ji ltar yin pa de bzhin du/ nyon mongs pa/ lhag ma rnams dang skye mched kyi/ lhag ma'ang rnam gsum nyid kyis so// ste phan tshun du phrad par 'gyur ba yod pa ma yin no// rnam pa gsum ni rnam gsum mo// rnam pa gsum gyi dngos po ni rnam gsum nyid de/ rnam gsum nyid des so// nyon mongs pa lhag ma ni zhe sdang dang gti mug la sogs pa dag go/ de dag ni zhe sdang dang sdang ba po dang / sdang bya la sogs pa rnam pa
- 97a
gsum gyis yin la/ nyan pa dang nyan pa po dang / mnyan par bya ba la sogs pa gsum gyis kyang ngo // yang ci'i phyir 'di dag la phrad pa yod pa ma yin zhe na/ gzhan dang gzhan du phrad 'gyur na// gang phyir blta bya la sogs la// gzhan de yod pa ma yin pa// de'i phyir phrad par mi 'gyur ro// zhes gsungs te/ gang phyir zhes bya ba 'di ni gang gi phyir gyi don la'o// gal te blta bar bya ba la sogs pa dag la phan tshun gzhan nyid yod na ni de'i tshe chu dang 'o ma gnyis bzhin du phan tshun du phrad pa yod par 'gyur ba zhig na/ gang gi phyir blta bar bya ba la sogs pa dag la gzhan de yod pa ma yin pa de'i phyir/ de dag phrad par mi 'gyur ro// gzhan yang / blta bya la sogs 'ba' zhig la// gzhan nyid med par ma zad kyi// gang yang gang dang lhan cig tu// gzhan pa nyid du mi 'thad do// blta bar bya ba la sogs pa rgyu dang 'bras bu'i dngos por gnas pa rnams 'ba' zhig la/ gzhan nyid yod pa ma yin par ma zad kyi/ bum pa dang snam bu la sogs pa'i dngos po thams cad la yang / yod pa ma yin no zhes nges par bya'o// blta bar bya ba la sogs pa 'di dag la phan tshun gzhan nyid ji ltar med pa de ltar bstan pa'i phyir/ gzhan ni gzhan la brten te gzhan// gzhan med par gzhan gzhan mi 'gyur// gang la brten te gang yin pa// de ni de las gzhan mi 'thad// ces gsungs te/ 'dir bum pa zhes bya ba'i dngos po snam bu las gzhan no zhes brjod pa gang yin pa'i gzhan de ni gzhan la brten nas gzhan du 'gyur la/ dngos po gzhan med par te gzhan mi bdog par ni gzhan gzhan du mi 'gyur ro// bum pa zhes bya ba'i dngos po gang zhig snam bu zhes bya ba'i dngos po gzhan la brten nas gzhan yin par 'gyur ba'i bum pa zhes bya ba'i dngos po de ni snam bu'i dngos po de las gzhan du 'gyur ba ma yin no zhes bya bar nges par bya'o// gang gi phyir gang la brten nas gangazhig tu 'gyur ba
- 97b
de ni de las gzhan du mi 'gyur te/ bltos pa dang bcas pa'i phyir sa bon dang myu gu'am/ ring po dang thung ngu bzhin no// de skad du yang / gang la brten te gang 'byung ba// de ni re zhig de nyid min// de ni gzhan la'ang ma yin phyir// de phyir rtag min chad ma yin// zhes 'chad par 'gyur ro// 'dir smras pa/ gal te snam bu ni bum pa las gzhan yin la/ tha dad par gyur pa'i snam bu de la bltos nas bum pa gzhan du 'gyur na de'i tshe nyes pa ci zhig yod ce na/ brjod par bya ste/ gal te gzhan ni gzhan las gzhan// de tshe gzhan med par gzhan 'gyur// gzhan med par ni gzhan 'gyur ba// yod min de yi phyir na med// ces bya ba ste// // 'dir gzhan gyi sgra gcig ni nye bar bstan par bya ba yin la/ gzhan ni don gzhan 'dzin pa yin zhing / yang gzhan ni rab tu grags par gyur pa brjod pa yin pas/ gzhan gyi sgra gsum nye bar bkod do// gal te bum pa zhes bya ba'i dngos po de gzhan snam bu las gzhan yin par 'gyur na ni/ bum pa zhes bya ba'i dngos po de gzhan snam bu med par yang gzhan du 'gyur te/ de'i tshe snam bu lam bltos pa'i bum pa gcig pu gzhan nyid du 'gyur ro// 'di ltar gang zhig gang las gzhan yin pa de ni de med par yang 'grub ste/ dper na bum pa de nyid rang gi ngo bor 'grub pa/ gzhan snam bu la mi bltos pa bzhin no// de bzhin du/ gal te bum pa'i gzhan nyid gzhan snam bu las yin na ni/ de'i tshe snam bu la ma bltos pa'i bum pa la yang gzhan nyid yin par 'gyur na/ snam bu la ma bltos pa'i bum pa gcig pu la ni gzhan nyid ma mthong ngo // de'i phyir/ gzhan la brten nas gzhan du 'gyur ro zhes smra ba na/ gang la bltos nas gang zhig gzhan yin pa de ni/ de las gzhan ma yin no zhes gsal bar khas blangs par 'gyur ro// 'dir smras pa/ gal te de ltar 'ga' zhig
- 98a
las gzhan nyid 'ga' zhig la yod pa ma yin na/ de'i tshe gang gi phyir gzhan ni gzhan la brten nas gzhan yin pa de'i phyir/ de gzhan du mi 'gyur ro zhes bya ba 'di nyid kyang brjod pa mi srid pa ma yin// / nam/ brjod par bya ste/ gang gi phyir/ dngos po rnams kyi gzhan nyid grub pa phan tshun bltos pa pa yin pa de nyid kyi phyir/ 'jig rten pa'i tha snyad la gnas te gzhan zhes brjod kyi/ dngos su na gzhan nyid brtags/ pa na yod pa ma yin no zhes smra'o// gal te gzhan yod pa ma yin yang / 'jig rten pa'i kun rdzob tu bum pa snam bu las gzhan yin no zhes brjod na/ 'o na ni sa bon dang myu gu gnyis kyang gzhan nyid du ci'i phyir mi smra zhe na// / brjod par bya ste/ 'jig rten pas ni sa bon dang myu gu gnyis bum pa dang / sAm bu lar gzhan du mi rtog pa nyid de/ bum pa dang sngam bu lar bskyed bya skyed byed nyid med par thal ba'i phyir dang / tsog car yod pa thal bar 'gyur ba nyid kyi phyir ro// gzhan yang gang gi phyir 'jig rten pa ni shing 'dings btsugs so zhes sa bon tsam zhig btsugs nas sa bon gyi 'bras bu shing ston par byed pa yin te/ de'i phyir rgyu dang 'bras bur gyur pa rnams kyi gzhan nyid ni 'jig rten na yang yod pa ma yin no zhes bya bar rnam par 'jog pa yin no// 'dir smras pa/ gal te dngos po gzhan dngos po gzhan la bltos pa dang bcas pa'i gzhan gyi blo 'byung na ni/ de'i phyir de gzhan du mi 'gyur ro zhes bya ba'i nyes pa 'dir 'gyur na/ de skad du ni mi smra te/ 'o na ci zhe na/ 'di na gzhan nyid ces bya ba/ ci yang yin la khyad par yin pa zhig yod pa yin la/ de gang la 'du ba'i dngos po de ni dngos po gzhan la bltos pa med kyang gzhan zhes brjod par byed ste/ de'i phyir kho bo cag gi phyogs la smras pa'i nyes pa'i go skabs med do// brjod par bya ste/ gal te gzhan nyid yod na ni 'di de ltar 'gyur na yod pa ni ma yin no// 'dir
- 98b
gzhan nyid 'di rtog pa na/ gzhan nam gzhan ma yin pa zhig la rtog grang na/ gnyi ga ltar yang mi 'thad do zhes bstan pa'i phyir/ gzhan nyid gzhan la yod ma yin// gzhan ma yin la'ang yod ma yin// zhes gsungs/ so// de la gal te gzhan la gzhan nyid yod do zhes rtog na ni de gzhan nyid brtags pas ci zhig bya/ gzhan nyid du rtog pa ni gzhan du brjod pa grub par bya ba'i phyir yin na/ gzhan du brjod pa de ni gzhan nyid med par yang grub pa nyid de/ gang gi phyir gzhan du brjod pa rnyed pa'i dngos po gzhan la gzhan nyid rtog pa'i phyir ro// de ltar na re zhig gzhan la gzhan nyid mi srid do// da ni gzhan ma yin pa la yang gzhan nyid yod pa ma yin te/ gang gi phyir gzhan ma yin pa ni gcig nyid la bya la/ de la ni gzhan nyid dang 'gal ba gcig nyid yod pa de'i phyir 'gal bas/ gzhan ma yin pa la yang gzhan nyid yod pa ma yin no// gang zhig de ltar gzhan dang gzhan nyid ma yin pa la yod pa ma yin zhing / de dag las ma gtogs pa'i dngos po med pas de dag las ma gtogs pa'i dngos po la yang yod pa ma yin pa de ni med pa nyid do// gang gi tshe de ltar gzhan nyid med pa de'i tshe gzhan nyid dang 'du ba'i rgyu can blo dang sgra 'jug pa'i rgyu dngos po gzhan yang yod pa ma yin no zhes bya bar grub po// 'dir smras pa/ gal te gzhan nyid med pa de na yang gzhan ni re zhig yod pa yin la/ gzhan nyid med par ni gzhan yod par 'os pa yang ma yin te/ de'i phyir gzhan nyid kyang yod par 'gyur ro// brjod par bya ste/ gzhan nyid yod pa ma yin na// gzhan nam de nyid yod ma yin// gang gi tshe sngar gzhan nyid ni yod pa ma yin no zhes bstan zin pa de'i tshe gzhan nyid med par gzhan nam de nyid yod par ga la 'gyur/ de nyid ces bya ba ni gzhan ma yin pa nyid ces bya ba'i tha tshig go/ de'i phyir gzhan nam de nyid yod pa ma yin no// 'dir smras pa/ lta ba
- 99a
la sogs pa dag ni yod pa nyid de/ phrad pa yod pa'i phyir ro// 'dir gal te yang lta ba la sogs pa dag la gzhan nyid med do zhes bstan zin mod kyi/ de lta na yang reg pa ni gsum 'dus shing tshogs pa'o zhes bya bas phrad pa yod pa yin te/ de'i phyir phrad pa yod pas lta ba la sogs pa dag yod pa nyid do// brjod par bya ste/ gal te de dag nyid phrad pa nyid yod na ni de ltar 'gyur na/ yod pa ni ma yin no// ji ltar yod pa ma yin pa de ltar bstan pa'i phyir/ de ni de dang phrad pa med/ gzhan dang gzhan yang phrad mi 'gyur/ zhes gsungs te/ 'dir gal te lta ba la sogs pa dag phrad pa yin na/ de dag gcig nyid dam gzhan nyid du brtag grang / de la gcig nyid yin na ni phrad pa med de/ chu la bltos pa med pa'i 'o ma gcig pu la ni chu dang phrad pa zhes mi brjod do// tha dad pa yin na yang phrad pa med de/ chu las tha dad du gnas pa'i 'o ma la ni chu dang / phrad pa zhes mi smra'o// de ltar gal te lta ba la sogs pa dag gcig nyid yin pa na/ phrad par rtog na de ni mi 'thad de/ mig gcig pu la yang phrad pa yod par thal bar 'gyur ba'i phyir ro// 'on te tha dad pa nyid yin na// de ltan yang mi 'thad pa nyid de/ gzugs la sogs pa las so sor gyur pa'i mig gcig bral yang zad pa yod par thal bar 'gyur ba'i phyir ro// zad pa med na ni lba ba la sogs pa yang med do zhes bya bar grub pa// 'dir smras pa/ gal te yang phrad pa yod pa ma yin mod kyi/ de lta na yang phrad bzhin pa dang / zad pa dang / phrad pa po ni yod pa yin te/ de dag bkag pa med pa'i phyir ro// phrad bzhin pa dang phrad pa dang phrad pa po ni phrad pa med par yod pa yang ma yin te/ de'i phyir phrad pa yang yod par 'gyur ro// brjod par bya ste/ 'di yang mi rigs te/ gang gi phyir gang gi tshe phrad pa nyid med do zhes bstan pa de'i tshe phrad pa med par phrad bzhin pa la sogs pa yod
- 99b
pabapar ga la 'gyur/ de la phrad bzhin pa ni da ltar ba phrad pa'i bya ba'i sgrub byed las su gyur pa'o// phrad pa ni phrad pa'i bya ba rdzogs pa can no// phrad pa po ni byed pa po bya ba rdzogs par bya ba la rang dbang du gnas pa'o// de'i phyir 'dir phrad pa med pas/ phrad bzhin pa la sogs pa ma gzigs shing de dgag pa mjug bsdu ba'i phyir/ phrad bzhin pa dang phrad pa dang // phrad pa po yang yod ma yin/ zhes gsungs so// de nyid kyi phyir bcom ldan 'das kyis/ mig ni ldan na thams cad mthong 'gyur te/ mig gis gzugs rnams mthong ba gang yin pa'ang // mtshan mo rkyen rnams med na mthong mi 'gyur// de phyir ldan dang bral ba rnams rtog yin// mig ni snang la brten te yid 'ong dang // yid du mi 'ong sna tshogs gzugs mthong bas// de ltar ldan la brten te mthong bas na// de phyir mig gis nam yang mthong ba med// gang dag rang bzhin med chos 'di shes pa// dpa' bo de dag 'jig rten mya ngan 'da'// 'dod pa'i yon tan spyad kyang chags med cing // chags pa rnams spangs sems can 'dul bar byed// 'di na sems can 'ga' med srog med kyang // mi dbang rnams ni sems can phan pa mdzad// sems can yod pa min yang don mdzad pa// de dag rnams kyis de ni dga' ba che/ zhes bya ba nas/ de la nam yang chags pa yod ma yin// gang dag chos nyid 'di la mos gyur pa// de dag yid ni srid la chags mi 'gyur/ zhes bya ba'i bar dang / de bzhin du/ gang gi sa lam bsgoms chos kun stong pa dang // bdag med ye shes rab tu bskyed byas nas// chos 'di dag ni rnam par sgom 'gyur ba// de yi spobs pa thogs pa med par 'gyur/ zhes bya ba la sogs pa gsungs so// slob dpon zla ba grags pa'i zhal snga nas sbyar ba'i tshig gsal ba las/ phrad pa brtag pa zhes bya ba rab tu byed pa bcu bzhi pa'i 'grel pa'o// // 'dir smras pa/
- 100a
dngos po rnams kyi rang bzhin ni yod pa nyid de/ de dag skyed par byed pa'i rgyu dang rkyen nye bar len pa'i phyir ro// 'dir gang yod pa ma yin pa de la ni skyed par byed pa'i rgyu dang rkyen nye bar len pa yod pa ma yin te/ dper na nam mkha'i me tog bzhin no// myu gu dang 'du byed la sogs pa rnams skyed par byed pa'i rgyu dang rkyen sa bon dang ma rig pa la sogs pa dag nye bar len pa yang yin te/ de'i phyir dngos po'i rang bzhin yod pa nyid yin no// brjod par bya ste/ gal te dngos po 'du byed dang myu gu la sogs pa dag la rang bzhin yod na ni/ de'i tshe yod par gyur pa rnams la rgyu dang rkyen dag gis dgos pa ci zhig yod de/ ji ltar 'du byed dang mu gu la sogs pa da lta bar gyur pa rnams la yang bskyed par bya ba'i ched du ma rig pa dang sa bon la sogs pa dag nye bar len par mi byed pa de bzhin du/ gzhan la yang de skyed par bya ba'i phyir zang par mi bya bar 'gyur te/ de'i rang bzhin yod par 'gyur ba'i phyir ro zhes bstan pa'i phyir/ rang bzhin rgyu dang rkyen las ni// 'byung bar rigs pa ma yin no// zhes gsungs so// cis gang las de yod pa nyid kyis skye ba don med par 'gyur ba skye ba'i snga rol tu ni dngos po 'ga' la yang rang bzhin yod pa ma yin te/ 'o na ci zhe na/ skye ba'i snga rol tu yod pa ma yin pa'i rang bzhin kho na rgyu dang rkyen la brten te phyis 'byung bar 'gyur ro// snyam na/ de ltar 'dod na yang / rgyu dang rkyen las byung ba yi// rang bzhin byas pa can du 'gyur ro// ci ste rgyu dang rkyen las byung bas rang bzhin byas pa nyid du 'gyur ba ni 'dod pa kho na ste/ de'i phyir rang bzhin byas pa nyid du khas blangs pa'i phyir/ byas pa thal bar brtsad pa ni kho bo cag la gnod par byed pa ma yin no snyam na/ 'di yang mi rigs so zhes gsungs pa/ rang bzhin byas pa can zhes byar/ ji ltar bur na rung bar 'gyur//
- 100b
byas pa yang yin la/ rang bzhin yang yin no zhes bya ba 'di ni phan tshun 'gal ba'i phyir 'brel pa med pa'i don yin no// 'di ltar 'dir rang gi ngo bo na rang bzhin no zhes bya bar bye brag tu bshad pa las na dngos po byas pa gang yin pa de ni 'jig rten na rang bzhin zhes mi brjod de/ dper na chu'i tsha ba dang / ke ke ru la sogs pa dag nor sbyar mkhan gyi 'bad pas pad+ma ra ga la sogs pa'i dngos por byas pa lta bu'o// gang zhig rang bzhin yin pa de ni ma byas pa yin te/ dper na me'i tsha ba nyid dam/ pad+ma ra ga la sogs pa rigs ma rnams kyi pad+ma rag la sogs pa rnams kyi ngo bo bzhin te/ de ni dngos po gzhan dang phrad pas ma bskyed pa'i phyir de dag gi rang bzhin zhes bya'o// de'i phyir de ltar rang bzhin ni ma byas pa yin no zhes 'jig rten gyi tha snyad rnam par gnas pa yin dang / da ni kho bo cag tsha ba nyid gang yin pa de yang byas pa'i phyir me'i rang bzhin ma yin no zhes gzung bar bya'o zhes smra'o// 'dir nor bu dang me spu dang nyi ma phrad pa dang / gnub shing dang gtsubs pa las byung ba'i me ni rgyu dang rkyen las bltos pa dang bcas pa nyid du dmigs la/ me las gzhan pa'i da med para'i phyir byung bye nga ldan gyi bskyed pa sbyin// khyo byas pa yin / A pa yin pa rjir / mapa bzhi du nga ba nam yinan sa rgyab sngags nga nges pa yin no// gal te me'i rang bzhin ni tsha ba nyid do zhes skye bo ba glang rdzi dang bud med yan chad la grags pa ma yin nam zhe na/ ci kho bo cag gis ma grags so zhes smras sam/ 'di ni rang bzhin yin par mi 'ongs te/ rang bzhin gyis mtshan nyid dang bral ba'i phyir ro zhes bya ba 'di ni kho bo cag smra'o// ma rig pa'i phyin ci log gi rjes su song ba'i phyir 'jig rten pas ni dngos po'i rnam pa rang bzhin med pa nyid la rang bzhin dang bcas pa
- 101a
nyid du rtogs pa yin no// ji ltar rab rib can rnams kyis skra shad la sogs pa rang bzhin med pa nyid la rab rib kyi rkyen gyis rang bzhin nyid du mngon par zhen pa de bzhin du byis pa rnams ma rig pa'i rab rib kyis blo gros kyi mig nyams pa nyid kyis dngos po'i rnam pa rang bzhin med pa la rang bzhin dang bcas pa nyid du mngon par zhen par gyur nas gzhan du ma dmigs pa las thun mong ma yin pa nyid kyis/ me'i rang bzhin gyi rang gi mtshan nyid ni tsha ba'o zhes bya bar mngon par zhen pa ji lta ba bzhin mtshan nyid smra ste/ bdag nyid kyi mtshan nyid ni rang gi mtshan nyid do zhes bya ba'i phyir ro// de rnams la grags pa nyid kyi sgo/ nas bcom ldan 'das kyis kyang chos mngon par de dag gi rang gi ngo bo kun rdzob pa de rnam par bzhag pa mdzad la mi rtag pa la sogs pa thun mong pa ni spyi'i mtshan nyid do zhes bshad do// gang gi tshe ma rig pa'i rang rib dang bral ba dri ma med pa'i shes rab kyi spyan mnga' ba rnams kyi gzigs pa la bltos nas ni/ de'i tshe rab rib dang bral ba dag gis rab rab can gyis dmigs pa'i sra shad ma mthong ba ltar 'phags pa byis pa'i/ skye bo'i thos btags pa'i rang bzhin ma gzigs pa rnams kyis 'di ni dngos po rnams kyi rang bzhin ma yin no// zhes gsal bar gsung bar mdzad pa yin te/ ji skad du 'phags pa lang ka gshegs pa'i mdo las/ ji ltar rab rib can dag gis// spa shad log par 'dzin pa ltar// de bzhin dngos por rtog pa 'di// byis pas log par rnam par brtags// rang bzhin med cing rnam rig med// kun gzhi med cing dngos po med na// byis pa ngan pa rtog ge pa// ro dang 'dra bas 'di dag brtag/ zhes bya ba dang / de bzhin du tho gros chen po rang bzhin gyis ma skyes pa la dgongs nas ngas chos thams cad ma skyes pa'o zhes gsungs so zhes
- 101b
rgya cher gsungs pa lta bu'o// 'dir smras pa/ gal te me la sogs pa'i tsha ba nyid la sogs pa 'di rgyu dang rkyen las byung bas byas pa nyid yin pa'i phyir rang bzhin ma yin no zhes smra na/ da ni de dag gi rang bzhin gyi mtshan nyid gang yin zhing / rang bzhin de yang gang zhig yin pa brjod dgos so// brjod par bya ste/ rang bzhin de dag ni bcos min dang // gzhan la bltos pa med pa yin// 'di ni rang gi dngos po ni rang bzhin no zhes bya bas gang zhig dngos po gang gi bdag gi ba'i ngo bo yin pa de ni de'i rang bzhin yin no zhes brjod do// gang zhig gang gi bdag gi ba yin zhe na/ gang gis gang ma bcos pa'o// gang zhig bcos ma yin pa de ni / de'i bdag gi ba ma yin te/ dper na/ chu'i tsha ba nyid bzhin no// gang zhig gang la rag ma las pa de yang de'i bdag gi ba yin te/ dper na/ rang gi khol po dang rang gi nor dag bzhin no// gang zhig gi gzhan rag las pa gang yin pa de ni de'i bdag gi ba ma yin te/ dper na re zhig pa'i brnyan po rang dbang med pa lta bu'o// gang gi phyir de ltar bcos ma dang gzhan la bltos pa rang bzhin nyid du mi 'dod pa de nyid kyi phyir la mi 'khrul pa gnyug ma'i ngo bo ma bcos pa/ gang zhig sngar ma byung bas phyis 'byung ba ma yin pa/ gang zhig chu'i tsha ba 'am tshu rol dang pha rol lam/ ring po dang thung ngu ltar rgyu dang rkyen la bltos pa dang bcas par mgur pa gang yin pa de rang bzhin yin par brjod do// ci mo'i rang gi ngo bo de lta bur gyur pa de yod dam zhe na/ de ni rang gi ngo bos yod pa ma yin pa med pa yang ma yin no// de lta yin mod kyi/ 'on kyang nyan pa po
- 102a
rnams kyi skrag pa spang bar bya ba'i phyir/ sgro btags nas kun rdzob tu de yod do zhes bya bar smra'o// ji skad du bcom ldan 'das kyis/ yi ge med pa'i chos la ni// nyan pa gang yin ston pa gang // sgro btags pa las yi ge med// de ni nyan zhing ston pa'ang yin// zhes gsungs pa lta bu'o// 'di nyid las kyang / stong ngo zhes kyang mi brjod ste// mi stong zhes kyang mi bya zhing // gnyis dang gnyis min mi bya ste// gdags pa'i don du brjod par bya/ zhes 'chad par 'gyur ro// gal te spro btags pa las de yod do zhes brjod na/ de ci 'dra ba zhig yin zhe na/ de'i rang gi ngo bo ni chos rnams kyi chos nyid ces bya ba gang yin pa de nyid yin no// de nas chos rnams kyi chos nyid 'di yang gang zhig yin zhe na/ chos rnams kyi ngo bo'o// ngo bo 'di yang gang zhe na/ rang bzhin no// rang bzhin 'di yang gang yin/ stong pa nyid do// stong pa nyid 'di yang gang yin zhe na/ rang bzhin med pa'o// rang bzhin med pa 'di yang gang zhig yin/ de bzhin nyid do// de bzhin nyid 'di yang gang zhig ce na/ de bzhin nyid kyi ngo bo 'gyur ba med pa nyid dang / rtag tu gnas pa nyid de/ rnam pa thams cad du skye ba med pa nyid ni bcos ma ma yin pa'i phyir dang / gzhan la bltos pa med pa'i phyir me la sogs pa rnams kyi rang bzhin yin no zhes brjod do// 'di skad bstan par 'gyur te/ dngos po'i rnam pa ma rig pa'i rab rib kyis mthus dmigs pa ni ma gzigs pa'i tshul gyis/ bdag nyid gang gis 'phags pa ma rig pa'i rab rib dang bral ba rnams kyi yul du 'gyur te/ ngo bo de nyid de dag gi rang bzhin du rnam par bzhag go/ rang bzhin dag/ ni bcos min dang // gzhan la bltos pa med pa yin/ zhes bya ba 'di ni slob dpon dag gis de'i mtshan nyid du rnam par bzhag go zhes bya bar shes par bya'o// dngos po rnams kyi rang bzhin du gyur pa skye ba med pa de
- 102b
yang ci yang ma yin pa nyid kyis dngos po med pa tsam yin pas ngo bo med pa'i phyir dngos po'i rang bzhin du yod pa ma yin no zhes shes par bya'o// ji skad du bcom ldan 'das kyis/ gang gis dngos rnams dngos med shes pa ste// nam yang dngos po kun la chags mi 'gyur// gang zhig nam yang dngos kun chags med pa// de ni ting 'dzin mtshan ma med la reg/ ces gsungs pa lta bu'o// 'dir smras pa/ gal te yang dngos po rnams la rang bzhin yod pa ma yin pa de lta na yang re zhig gzhan gyi dngos po ni yod de/ de ma bkag pa'i phyir ro// gzhan gyi dngos po yod na ni rang bzhin yang yod par 'gyur te/ rang bzhin med par gzhan gyi dngos po mi grub pa'i phyir ro// brjod pa/ rang bzhin yod pa ma yin na/ gzhan gyi dngos po ga la yod// gzhan gyi dngos po'i rang bzhin ni// gzhan gyi dngos po yin zhes brjod// 'dir 'jig rten na ni rang bzhin 'ga' zhig kho na rang bzhin gzhan la bltos nas gzhan gyi dngos po zhes brjod do// gal te tsha ba nyid me'i rang bzhin yin na ni/ gsher ba'i rang bzhin can gyi chu la bltos nas gzhan gyi dngos po zhes brjod par 'gyur ba zhig na/ gang gi tshe rnam par dpyad pa na gang la yang rang bzhin nyid yod pa ma yin pa de'i tshe ni gzhan nyid yod par ga la 'gyur/ gzhan nyid med pas ni rang bzhin yang yod pa ma yin par grub po// 'dir smras pa/ gal te yang rang bzhin dang gzhan gyi dngos po dag yod pa ma yin pa de lta na yang dngos po ni re zhig yod pa yin te/ ma bkag pa'i phyir ro// dngos po de yod na yang rang bzhin nam gzhan gyi dngos po zhig tu 'gyur dgos te/ de'i phyir/ rang bzhin dang gzhan gyi dngos po dag kyang yod par 'gyur ro// brjod pa/ rang bzhin dang ni gzhan dngos dag/ ma gtogs dngos po ga la yod// rang bzhin
- 103a
dang ni gzhan dngos dag/ yod na dngos po 'grub par 'gyur// 'di ltar dngos po brtags pa na/ rang bzhin nam gzhan gyi dngos po zhig yin grang / de nyid kyang sngar bshad pa'i tshul gyis yod pa ma// yin te/ de'i phyir de gnyis med pas dngos po yang yod pa ma yin no zhes nges par bya'o// 'dir smras pa/ gal te yang khyod kyi dngos po bkag mod kyi/ de lta na yang dngos po med pa ni yod pa nyid de/ ma bkag pa'i phyir ro// de'i phyir 'gal zla yod pas dngos po yang yod par 'gyur te/ dngos po med pa bzhin no// brjod par bya ste/ gal te dngos po med pa nyid yod na/ dngos po yang yod par 'gyur na/ yod pa ni ma yin no zhes gsungs pa/ gal te dngos po ma grub na// dngos med 'grub par mi 'gyur ro// dngos po gzhan du gyur pa ni// dngos med yin par skye bo smra// 'di na gal te dngos po zhes bya ba 'ga' zhig yod par gyur na ni/ de gzhan du gyur pa las dngos po med par 'gyur ba zhig ste/ 'di ltar bum pa la sogs pa da ltar gyi gnas skabs las nyams shing / gzhan du gyur pa thob pa dag ni 'jig rten na dngos po med pa'i sgra'i brjod byar 'gyur ba yin no// gang gi tshe/ bum pa la sogs pa 'di dag dmas pa'i ngo bo nyid du ma grub pa de'icha yang pa ma yin pa'i rang bzhin can rnams la gzhan du 'gyur ba nyid yod par gal 'gyur/ do rgya dngos po med pa yang yod pa ma yin no// de'i phyir de ltar rnam pa thams cad du rang bzhin dang gzhan gyi dngos po dang / dngos po dang dngos po med pa dag yod pa ma yin pa la/ ma rig pa'i rab rib kyis blo gros kyi mig nyams pa nyid kyis phyin ci log tu gang dag rang bzhin gzhan dngos dang / dngos dang dngos med nyid lta ba// de dag sangs rgyas bstan pa la// de nyid mthong ba ma yin no// gang dag de bzhin gshegs pa'i
- 103b
gsung rab phyin ci ma log par rnam par 'chad par rlom pa nyid kyis/ sa'i rang bzhin ni sra ba'o// tshor ba'i ni myong ba'o// rnam par shes pa'i rang bzhin ni yul so sor rnam par rig pa'o zhes de ltar dngos po rnams kyi rang bzhin smra ba dang / gzugs gzhan la rnam par shes pa yang gzhan yin zhing / tshor ba yang gzhan nyid do zhes de ltar gzhan gyi dngos po smra ba dang / rnam par shes pa la sogs pa da ltar ba'i gnas skabs su gyur pa dngos por ram/ rnam par shes pa la sogs pa 'das par gyur pa dngos po med par smra ba de dag ni rten cing 'brel par 'byung ba mchog tu zab pa'i de kho na nyid smra ba ma yin no// gang gi phyir rang bzhin dang gzhan gyi dngos po la sogs pa rnams yod pa nyid ni ji skad bshad pa'i 'thad pa dang 'gal ba yin la/ de bzhin gshegs pa rnams ni dngos po'i rang bzhin 'thad pa dang 'gal ba gsung pa yang ma yin te/ rang nyid kyis dngos po ma lus pa'i de nyid byin ci ma log par thugs su chud pa'i phyir ro// de nyid kyi phyir/ mkhas pa dag ni sangs rgyas bcom ldan 'das rnams kho na'i gsung tshad mar brjod par byed de/ 'thad pa dang bcas pas mi bslu ba'i phyir ro// de nyid kyi phyir nyes pa ma lus pa spangs pa yid ches pa dag las 'ongs pa'i phyir ram/ kun tu go bar byed pa ste/ de kho na nyid kun nas go bar byed pa'i phyir ram/ mngon du phyogs nas 'gro ba ste/ de la brten nas 'jig rten mya ngan las 'das par 'gro ba'i phyir rdzogs pa'i sangs rgyas kyi gsung nyid lung du rnam par bzhag la/ de las gzhan gyi gzhung lugs rnams ni 'thad pa dang bral bas tshad ma ma yin pa nyid dang lung ma yin pa nyid du rnam par bzhag go/ gang gi phyir rang bzhin dang gzhan gyi dngos po dang / dngos po dang dngos po med par lta ba 'di dag
- 104a
rigs pa dang bral bas de kho na nyid ma yin pa de nyid kyi phyir/ gdul bya'i skye bo thar pa 'dod pa rnams la/ bcom ldan dngos dang dngos med pa// mkhyen pas kA t+yA ya na yi// gdams ngag las ni yod pa dang // med pa gnyi ga'ang dgag par mdzad pa yin no// bcom ldan 'das kyis kA t+yA ya na la gdams pa'i mdo las/ kA t+yA ya na gang gi phyir 'jig rten 'di ni phal cher yod pa nyid dang med pa nyid la mngon par zhen te/ des na skye ba dang rga ba dang na ba dang 'chi ba dang mya ngan dang smre sngags 'don pa dang / sdug bsngal ba dang yid mi bde ba dang / 'khrug pa dag las yongs su grol bar mi 'gyur// 'gro ba lnga'i 'khor ba las grol bar mi 'gyur/ 'chi ba'i gdung ba'i sdug bsngal las grol bar mi 'gyur zhes rgya cher gsungs pa yin la/ mdo sde 'di yang sde pa thams cad kyis 'don pa yin no// de'i phyir lung 'di yang ji skad bshad pa'i rigs pa las na shes rab can gyis rang bzhin dang / gzhan gyis dngos po dang / dngos po dang dngos po med par lta ba de bzhin gshegs pa'i bka' dang shin tu 'gal ba khas blang ba 'os pa ma yinate/ bcom ldan 'das kyis bkag pa'i ster ro// bcom ldan 'das ces byung par du 'phags pa zhig gis shen/ dngos dang dngos med pa/ mthun pas te/ 'di la dngas po dang rnam pa med pa dag mkhyen pa'i ngang tshul mnga' bas na/ dngos dang dngos med pa/ mkhyen pa'o// dngos po dang dngos po med pa'i rang bzhin ji ltar gnas pa bzhin phyin ci ma log par yongs su mkhyen pa'i phyir// bcom ldan 'das nyid dngos po dang dngos po med pa mkhyen pa zhes bya'o// gang gi phyir bcom ldan 'das dngos po dang dngos po med pa mkhyen pa des yod pa dang med pa nyid 'di gnyi ga yang dgag pa mdzad pa
- 104b
sas la nga nga nga bra sas sa sas sa 'a sa sa pa yag bsang ma sa sa sa sa tha ga ma sa sas sa gra ya sa pa la grag sa thams pa pa la 'das pa pa mang ban nas de'i phyir dngos po dang dngos po med par lta ba de kho na nyid yin no zhes khas blang bar rigs pa ma yin no// de bzhin du/ 'od srungs yod ces bya ba 'di ni mtha' gcig go/ med ces bya ba 'di ni mtha' gnyis so// de gnyis kyi dbus gang yin pa de ni dpyad du med pa/ bstan du med pa/ brten ma yin pa/ snang ba med pa/ rnam par rig pa med pa/ gnas pa med pa ste/ 'od srungs 'di ni dbu ma'i lam chos rnams la so sor rtog pa zhes bya'o zhes bya ba dang / de bzhin du/ yod dang med ces bya ba gnyi ga mtha'// gtsang dang mi gtsang 'di yang mtha' yin te/ de phyir gnyi ga'i mtha' ni rnam spangs nas/ mkhas pas dbus la'ang gnas par yong mi byed// yod dang med ces bya ba rtsod pa ste// gtsang dang mi gtsang 'di yang rtsod pa yin// rtsod par gyur pa'i sdug bsngal zhi mi 'gyur// rtsod pa med par gyur// pa sdug bsngal 'gag/ ces gsungs so// 'dir smras pa/ gal te yang de ltar me la sogs pa rang bzhin kho nas yod pa nyid du 'gyur na nyes pa cir 'gyur/ rgyu dang rkyen las byung ba yi// rang bzhin byas pa can du 'gyur/ zhes bya ba la sogs pas nyes pas bshad zin to// gzhan yang / gal te me la sogs pa 'di dag gi rang bzhin 'di nyid yod pa yin na ni/ yod par gyur pa de yang gzhan du 'gyur ba ma yin no zhes bstan pa'i phyir/ gal te rang bzhin gyis yod na/ de ni med nyid mi 'gyur ro// zhes gsungs te/ gal te 'di nyid me la sogs pa 'di dag gi rang bzhin te rang gi ngo bo yin par gyur na ni/ de'i tshe rang bzhin gyis yod pa'i rang bzhin de la slar yang gzhan du 'gyur ba med de/ gang gi phyir/ rang bzhin gzhan du 'gyur ba ni/ nam yang 'thad par mi 'gyur ro// gal te 'di nyid me la sogs pa 'di dag gi
- 105a
rang bzhin yin par gyur na ni/ de'i tshe rang bzhin ni mi 'gyur ba nyid yin pa'i phyir nam yang gzhan du 'gyur bar 'thad pa ma yin no// nam mkha'i mi sgrib pa nyid nam yang gzhan du 'gyur/ kha ma yin pa de bzhin du me la sogs pa rang bzhin gyis yod pa dag kyang slar gzhan du mi 'gyur ba zhig na/ de dag gzhan du 'gyur ba rgyun chad pa'i mtshan nyid can gyi 'jig pa ni khyod kyis dmigs pa yang yin/ no// de'i phyir rnam par 'gyur ba'i chos can yin pa'i phyir chu'i tsha ba nyid ltar 'di 'di dag gi rang bzhin ma yin no zhes shes par bya'o// 'dir smras pa/ gal te rang bzhin gyis yod pa la gzhan du 'gyur ba yod pa ma yin pa'i phyir dang / gzhan du 'gyur ba nyid kyang dmigs pa'i phyir dngos po 'di dag la rang bzhin yod pa ma yin no zhes brjod na/ de lta na yang / rang bzhin yod pa ma yin na// gzhan du 'gyur ba/ gang gi yin// da ni nam mkha'i me tog ltar rang bzhin te rang gi ngo bos yod pa ma yin pas gzhan du 'gyur ba gang gi yin par 'gyur/ de'i phyir rang bzhin yod pa ma yin pa la gzhan du 'gyur ba ma dmigs pa'i phyir la/ gzhan du 'gyur ba nyid kyang mthong ba'i phyir rang bzhin yod do// brjod par bya ste/ gal te khyod kyi lugs kyis rang bzhin te rang gi ngo bos yod pa ma yin pa la gzhan du 'gyur ba med pa'i phyir la/ gzhan du 'gyur ba yang mthong ba'i phyir rang bzhin yod do zhes smra ba yin na ni/ de lta na yang / rang bzhin yod pa yin na yang // gzhan du 'gyur ba ji ltar rung // da ni da ltar byung ba ltar rang bzhin te rang gi ngo bos yod pa'i phyir gzhan du 'gyur ba gang gi yin par 'gyur/ de'i phyir rang bzhin gyis yod pa la gzhan du 'gyur ba nyid yod pa ma yin pa'i phyir gzhan du 'gyur ba rnam pa thams cad du mi srid pa nyid do// de'i phyir dngos po
- 105b
rnams la rang bzhin med do zhes shes par bya'o// gang yang gzhan du 'gyur ba mthong ba'i phyir rang bzhin yod pa ma yin no// zhes bshad pa de yang gzhan la grags pa'i gzhan du 'gyur ba mthong ba'i dbang du byas nas brjod pa yin gyi/ kho bo cag gis nam yang gang la yang gzhan du 'gyur ba yod par khas ma blangs so// de'i phyir de ltar rang bzhin gtan yod pa ma yin dang / chos thams cad yod pa ma yin pa'i rang bzhin can yin pa dang / de dag la gzhan du 'gyur ba yang yod pa ma yin bzhin du/ da la gang zhig dngos po rnams yod pa nyid dang med pa nyid du rtog par byed de/ de ltar rtog pa de la ni nges pa kho nar/ yod ces bya ba rtag par 'dzin// med ces bya ba chad par lta// bar thal bar 'gyur ro// gang gi phyir rtag pa dang chad par lta ba 'di yang mtho ris dang byang grol gyi lam gyi bar du gcod par byed pa yin pa'i phyir don ma yin pa chen po byed pa/ de phyir yod dang med pa la// mkhas pas gnas par mi bya'o// yang ci'i phyir dngos po dang dngos po med par lta ba yod na rtag pa dang chad par lta bar thal bar 'gyur zhe na/ 'di ltar/ gang zhig rang bzhin gyis yod pa// de ni med pa min pas rtag/ sngon byung da ltar med ces pa// des na chad par thal bar 'gyur// gang zhig rang bzhin gyis yod par brjod pa de ni rang bzhin la ldog pa med pas nam yang med pa ma yin te/ de ltar na rang bzhin yod pa nyid du las blangs pas rtag par lta bar 'gyur la/ sngon gnas pa'i gnas skabs su dngos po'i rang bzhin khas blangs nas da ltar phyis de zhig pas med do zhes khas blangs pas chad par lta ba thal bar 'gyur ro// gang gi ltar na dngos po'i rang bzhin nyid mi 'thad pa de la ni rtags pa dang / chad par lta bar thal bar mi 'gyur te/ dngos po'i rang
- 106a
bzhin ma dmigs pa'i phyir ro// gal te dngos po rnams rang bzhin yod pa ma yin no zhes khas len pa la dngos por lta ba med pas rtag par lta ba med mod/ chad par lta bar thal bar ni nges par 'gyur ba ma yin nam zhe na/ de ltar med par lta bar mi 'gyur ro// 'di ltar gang zhig sngar dngos po'i rang bzhin khas blangs nas/ phyis de ldog pa la brten par byed pa de ni dngos po'i rang bzhin sngar dmigs pa la skur pa btab pas med par lta bar 'gyur gyi/ gang zhig rab rab can gyis dmigs pa'i skra shad dag la rab rib med pa ltar gyur zhing ci yang ma dmigs pa des med do zhes ci zhig/ smras pas/ med par smras par 'gyur te/ dgag bya med pa'i phyir ro// phyin ci log tu gyur pa rnams log par mngon par zhen pa bzlog par bya ba'i phyir rab rib med pa rnams ltar dngos po thams cad yad pa ma yin no zhes kho cig spu mod ky-i/ de skad smras pa na kho bo cag chad par lta bar bral bar 'gyur ba ni ma yin no// dzaM skad du mdo las/ bcom ldan 'das gang gis sngar 'dod chags dang zhe sdang dang ma / sa / gas lta bu'o// gang zhig gzhan dbang sems dang sems las byung ba dngos po tsam khas blangs nas/ de la kun tu brtags pa'i ngo bo nyid med pas yod par lta ba nyid spong zhing gzhan gyi dbang gis dngos pa kun nas nyon mongs pa dang rnam par byang ba'i rmar gyur pa tsam zhig yod pas med par lta ba nyid spong bar byed pa de'i ltar na/ kun tu brtags pa yod pa ma yin pa'i phyir dang / gzhan gyi dbang yod pa'i phyir
- 106b
yod pa nyid dang med pa nyid du lta ba gnyi gar yang 'gyur ba'i phyir mtha' gnyis spangs par ga la/ rgyu dang rkyen gyi bskyed pa ni rang bzhin dang bcas pa nyid du yod par mi rigs par bstan zin pa'i phyir bshad pa mi rigs pa nyid do// de'i phyir de ltar dbu ma pa'i lta ba kho na yod pa dang med pa nyid du lta bar thal ba med pa yin gyi/ rnam par shes par smra ba'i lta ba la sogs pa dag la ni ma yin no zhes shes par bya'o// de nyid kyi phyir/ rin po che'i phreng ba las/ gang zag phung por smra ba yi// 'jig rten grangs can 'ug phrug dang // gos med bcas la gal te zhig/ yod med 'das pa smran dris// de phyir sangs rgyas rnams kyi ni// bstan pa 'chi med yod med las// 'das pa zab mo zhes bshad pa// chos kyi khud pa yin zhes bgyis/ zhes gsungs so// don dam pa mthong ba'i thabs su gyur pa nyid kyi phyir/ gdul bya'i skye bo rnam pa de lta bu rtog pa'i ngor/ bcom ldan 'das kyis thugs rje chen po'i gzhan gyi dbang nyid kyis/ mang po bkur ba pa'i gang zag tu smra ba ltar/ rnam par shes par smra ba drang ba'i don nyid du bstan gyi/ nges pa'i don du ni ma yin no zhes shes par bya'o// ji skad du/ 'phags pa ting nge 'dzin gyi rgyal po'i mdo las/ stong pa bde bar gshegs pas bshad pa ltar/ nges don mdo sde dag gi bye brag shes// gang las sems can gang zag skyes bu bstan/ chos de thams cad drang ba'i don du shes/ zhes gsungs pa lta bu'o// 'di ni blo gros mi zad pas bstan pa la sogs pa dag las rgyas par khong du chud par bya'o// de'i phyir dam pa thar pa 'dod pa dag gis ji srid du dngos po dang dngos po med par lta ba gnyis kyi glags yod pa de srid du 'khor ba yin no zhes rtogs par byas nas/
- 107a
lta ba 'di gnyis gsal te/ dbu ma'i lam ji lta ba bzhin du bsgom par bya'o// bcom ldan 'das kyis/ thams cad bsam yas thams cad 'byung min pas// dngos dang dngos med shes pa rnam par shig/ byis pa gang dag sems kyi dbang song ba// de dag srid pa bye ba brgyar sdug bsngal zhes bya ba dang / de bzhin du/ sngon 'das dus kyi bskal pa bsam yas na// mi yi gtso bo byung ba ngas dran te// drang srong chen po gzings kyi don mdzad pa// ming ni dngos po med las byung zhes bya// skyes ma thag tu mkha' la rab tu gnas// chos rnams thams cad dngos po med par bstan// deni de dang mthun par mtshan btags te// smras ni 'jig rten kun tu grags par byas// lha rnams thams cad rab tu sgra 'byin pa// dngos po med ces bya ba'i rgyal bar gyur// skyes ma thag tu gom pa bdun bor te// rgyal bas chos rnams dngos po med par bshad// thub pa chos rnams thams cad ston pa yi// sangs rgyas chos kyi rgyal por nam 'byung tshe// rtsa shing ge la ba sman ri brag rnams la// chos rnams dngos po med ces sgra yang byung // 'jig rten de na ji snyed smra yod pa// thams cad dngos med ci yang med pa zhes// de lta bur ni 'jig rten 'dren pa yi// spa dbyangs rnam pa shin tu 'byung bar 'gyur/ zhes gsungs so// dngos po'i rang bzhin mi 'thad pa'i phyir/ chos rnams dngos po med ces sgra yang 'byung / zhes bya ba la sogs pas mdo'i don khong du chud par bya ste/ 'jig rten de na ji snyed sgra yod pa// thams cad dngos med ci yang med pa ste/ zhes bya ba la sogs pa 'byung bas na/ med par dgag pa brjod par 'dod pa'i phyir dngos po med pa'i don ni/ rang bzhin med pa'i don yin no// slob dpon zla ba grags pa'i zhal snga nas
- 107b
sbyar ba'i tshig gsal ba las/ rang bzhin brtag pa zhes bya ba rab tu byed pa bco lnga pa'i 'grel pa'o// // 'dir smras pa/ dngos po rnams kyi rang bzhin ni yod pa nyid de/ 'khor ba yod pa'i phyir ro// 'di na 'khor bas na 'khor ba ste/ 'gro bas na 'gro ba gzhan du 'gro ba la 'khor ba zhes bya'o// gal te dngos po rnams kyi rang bzhin yod pa ma yin na/ de'i tshe su zhig 'gro ba nas 'gro ba gzhan du 'gro zhing 'khor bar 'gyur/ mo gsham gyi bu'i 'du byed yod pa ma yin pa dag ni 'khor bar ma mthong ngo // de'i phyir 'khor ba yod pas dngos po rnams kyi rang bzhin yang yod pa nyid yin no// brjod par byas/ gal te 'khor ba nyid yod na dngos po rnams kyi rang bzhin yang yod par 'gyur ba zhig na/ yod pa ni ma yin no// 'dir gal te 'khor ba yod na ni nges par 'du byed dag gam sems can zhig der 'gyur thang gcig par yang nyes pa yod do zhes gsungs pa/ gal te 'du byed 'khor zhe na// de dag tag na mi 'khor te// mi rtag yang 'khor mi 'gyur// sems can la yang rim 'di mtshungs// de lags te ba'i phyir ro// 'on te mi rtag pa dag yin na ni/ gang dag mi rtag pa de dag ni skyes mthag tu 'jig pa yin la/ gang dag zhig pa de dag ni yod pa ma yin pas mo gsham gyi bu'i 'du byed dag bzhin du/ 'gar yang 'phyan par gal 'gyur// de ltar na mi rtag pa rnams kyang 'khor ba ma yin no// ci ste 'du byed rgyu dang 'bras bu gcig nas gcig tu brgud pas rim pa rgyun ma 'chad cing rgyun chags su 'jug pa mi rtag par
- 108a
gyur pa dag kho na 'khor ro snyam na/ 'di yang mi 'thad de/ re zhig 'bras bu skye ba gang yin pa de la ni 'khor ba yod pa ma yin te/ gang nas kyang mi 'ong ba'i phyir dang / gar yang mi 'gro ba'i phyir ro// rgyu zhig par gyur pa gang yin pa de la yang 'khor ba yod pa ma yin te/ gang nas kyang mi 'ong ba'i phyir dang / gar yang mi 'gro ba'i phyir ro// 'du byed tsam las ma gtogs par 'das pa dang ma 'ongs pa dag ma grub pa'i phyir dang / zhig pa dang ma skyes pa nyid kyis yod pa ma yin pa'i yang phyir ro// gal te skad cig ma phyi ma skyes pa na snga ma 'khor ba yin no zhe na/ gal te skad cig ma snga ma dang phyi ma gnyis gcig nyid du 'gyur na ni/ de de ltar 'gyur na/ gcig nyid du ni yod pa ma yin te/ rgyu dang 'bras bu'i dngos po yin pa'i phyir/ mig dang gzugs dang mig gi rnam par shes pa dag bzhin no// gzhan yang gcig nyid yin na ni skad cig ma snga ma dang phyi mar brjod par bya ba nyid du yang mi 'gyur ro// dus gcig gi tshe lhas byin gcig snga ma dang phyi mar 'gyur ro zhes brjod pa ni med de/ de bzhin du/ 'dir yang gcig yin pa'i phyir skad cig ma swe ma dang rtse mar bsnang pa nyid du ma 'gyung ngo ro// gzha yang ga cigs snam zhig sa zhes za bar mi 'gyur te/ tha me dad pa'i hUM ga cigs khyim pazhin no// gad cigs phyi ma skyes so zhes bya bar yang mi 'gyur te/ tha mi dad pa'i phyir skad cig ma snga ma bzhin no// ci ste gzhan nyid yin pa na 'khor ro zhe na/ de lta na ni gzhan so so'i skye bo 'khor bar skye ba yod pa'i phyir dgra bcom pa rnams kyang 'khor bar 'gyur la/ mar me gzhan 'bar ba na shi ba'i mar me yang 'bar ro// zhes bya bar yang 'gyur ro// gzhan yang skad cig ma phyi ma skad cig ma snga ma zhig pa 'am ma zhig pa 'am 'jig bzhin pa
- 108b
zhig las skyes grang / de la gal te zhig pa las yin par 'dod na ni/ sa bon tshig pa las kyang myu gu skye bar 'gyur ro// de'i phyir rgyu med pa par 'gyur ro// ci ste ma zhig pa las so zhe na/ de lta na yang sa bon rnam par 'gyur ba med par yang myu gu skye bar 'gyur zhing / rgyu dang 'bras bu gnyis kyang dus gcig par 'gyur la/ skye ba rgyu med par yang 'gyur ro// gal te 'gag bzhin pa las skye bo zhe na/ 'jig bzhin pa las kyang skye ba med de/ zhig pa dang ma zhig pa las ma gtogs pa'i 'jig bzhin pa med pa'i phyir dang / zhig pa dang ma zhig pa dag la yang nyes pa brjod zin pa'i phyir ro// de'i phyir rgyu dang 'bras bu'i rnam par bzhag pa dang / skad cig ma snga ma dang phyi ma'i rnam par bzhag pa'ang yod par ga la 'gyur/ gang gi tshe skad cig ma snga ma dang phyi ma'i rnam par bzhag pa dang / rgyu dang 'bras bu'i rnam par bzhag pa yod pa ma yin pa de'i tshe rgyun yang yod pa ma yin la/ de med pas 'khor ba yang med do// de'i phyir 'du byed mi rtag pa rnams la yang 'khor ba yod pa ma yin no// 'dir kha cig 'thad pa dang bral ba'i phyir na 'du byed dag me 'khor ba ni bden te/ 'o na ci zhe na/ bdag 'khor ro zhes smra bar byed do// brjod par bya ste/ sems can la yang rim 'di mtshungs// gang gi phyir sems can 'khor ro zhes smra na/ ci 'di rtag pa 'am mi rtag pa zhig 'khor zhes rnam par dpyad pa na/ 'du byed dag 'khor bar mi 'thad pa'i rim pa gang yin pa de sems can la yang mtshungs par 'gyur ba de'i phyir sems can yang 'khor ba ma yin no// 'dir smras pa/ 'du byed dag 'khor bar mi 'thad pa'i tshul ni sems can la yang mtshungs par 'gyur bar 'os pa ma yin te/ gang gi phyir 'du byed rtag pa dang mi rtag par gyur pa dag kho na la 'khor ba yod pa ma yin no zhes bya bar
- 109a
smras na/ bdag ni de ltar rtag pa dang mi rtag par 'gyur ba ma yin no// 'di ltar de phung po dag las de nyid dang gzhan du brjod du med pa ltar rtag pa dang mi rtag pa nyid du yang brjod du med par bzhag ste/ de'i phyir bdag kho na 'khor zhing sngar bstan pa'i nyes par yang thal bar mi 'gyur ro// brjod par bya ste/ gal te gang zag 'khor zhe na// phung po skye mched khams rnams la// de ni rnam pa lngas btsal na// med na gang zhig 'khor bar 'gyur// gal te gang zag ces bya ba 'ga' zhig yod na ni de 'khor bar 'gyur ba zhig na/ yod pa ni ma yin te/ gang gi phyir phung po skye mched dang / khams rnams/ la rnam pa lngas btsal ba na yod pa ma yin pa'i phyir ro// ji ltar zhe na/ shing nyid me ni ma yin te// shing las gzhan la me yang med// me ni shing dang ldan ma yin// me la shing med dor de med// me dang shing gis/ bdag dang ni// nye bar len pa'i rim pa kun/ zhes bya ba de bzhin du bdag phung po dang skye mched dang khams kyi rang bzhin can ma yin zhing / de dag las tha dad pa yang ma yin la/ phung po dang skye mched dang khams// dang ldan pa yang ma yin zhing / bdag la phung po dang skye mched dang khams med cing / phung po dang skye mched dang khams la yang bdag med do zhes de ltar sngar bshad pa'i tshul gyis rnam pa lngas btsal ba na bdag yod pa ma yin no// gang zhig de ltar phung po dang skye mched dang khams rnams la rnam pa lngas btsal ba na de ltar yod pa ma yin pa de ni de med pas ji ltar 'khor bar 'gyur/ de lta na bdag la yang 'khor ba yod pa ma yin te/ mo gsham gyi bu ltar med pa'i phyir ro// gzhan yang bdag 'di nye bar len nas nyer len par// 'khor na srid pa med par 'gyur// srid med nye bar len med na// de gang ci zhig 'khor bar 'gyur// gal te
- 109b
yod ni nyid par len pa med par yang 'di 'khor bar rung bar 'gyur na ni/ bdag 'khor bar 'gyur la rag pa zhig go/ ji ltar de la nye bar len pa nyid du thal bar bstan pa'i phyir/ nye bar len nas nyer len par// 'khor na srid pa med par 'gyur/ zhes gsungs so// 'dir mi'i nye bar len pa nas lha'i nye bar len par 'gro na/ mi'i nye bar len pa btang nas lha'i nye bar len par 'gro 'am/ ma btang bar yin grang // re zhig gal te yongs su btang nas 'gro'o zhes brjod na ni/ de'i tshe nye bar len pa snga ma btang ba'i phyir dang / phyi ma ma blangs pa'i phyir/ de dag gi bar du srid pa med par 'gyur ro// 'di la srid pa dang bral ba yod pas na srid pa med pa'o// srid pa ni nye bar len pa'i phung po lnga ste/ de dag dang bral bar 'gyur ro// srid pa med cing nye bar len pa med pa gang yin pa de ni phung po dang bral bas gdags pa'i nye bar len pa'i rgyu dang bral// / ba'i phyir rgyu med par 'gyur la/ gang zhig nye bar len pa med cing gsal byed dang bral ba mi gsal ba rgyu med pa de ni gang ste/ de ni ci yang ma yin zhing / de ni yod pa ma yin pa nyid do zhes bya ba'i don to// de med pas 'byung bar 'gyur ba lha'i nye bar len pa nye bar len pa po med pa yang yod pa ma yin pa'i phyir ci zhig tu 'khor bar 'gyur te/ gang du 'khor bar 'gyur ba de yang yod pa ma yin pa nyid do// yang na ci zhig ces bya ba 'di ni bya ba 'khor ba'i khyad par yin te de'i phyir yod pa ma yin pas 'khor ba'i bya ba byed par mi 'gyur ro// de ltar na re zhig nye bar len pa snga ma btang nas 'khor bar mi rigs pa yin no// ci ste ma btang bar yin no zhe na/ de ltar yang rigs pa ma yin no// ci'i phyir zhe na/ gang gi phyir snga ma ma btang ba'i phyir dang / phyi ma bzung ba'i phyir bdag gcig bdag gnyis nyid du 'gyur na/ 'di ni 'dod pa yang ma yin
- 110a
no// de'i phyir ma btang bar 'khor ba yang yod pa ma yin no// ci ste srid pa snga phyi gnyis kyi bar na srid pa bar de'i phung po yod pas de dag gis de nye bar len pa dang bcas pa'i phyir nye bar len par 'khor yang srid pa med par thal bar mi 'gyur ro zhe na/ de yang mi rung ste/ srid pa bar ma do'i phung por 'khor ba la yang srid pa snga ma gtong ba dang / mi gtong ba dag gi sgo nas thal bar 'gyur ba mtshung pa'i phyir ro// cig car gtong ba dang len par byed pa'i phyir nyes pa med do zhe na/ brjod par bya ste/ ci phyogs gcig gis nye bar len pa snga ma gtong zhing phyogs gcig gis srid pa bar ma do nye bar len par rgyu 'am/ 'on te bdag nyid thams cad kyis yin grang / de la gal te cha shas kyis so zhes bya bar rtogs na ni/ de'i tshe bdag gnyis nyid du thal bar 'gyur ro zhes nyes pa bshad zin to// ci ste bdag nyid thams cad kyis yin no zhe na/ de lta na yang khyed cag la thal ba de nyid du 'gyur ro// khyad par ni 'di tsam zhig yod de/ srid pa bar ma dor rgyu ba na shin tu nye bas dus thung ngu zhig tu nye bar len pa med par 'gyur ba gang yin pa'o// / bdag nyid thams cad kyis gtong ba dang len pa dngos po tha dad pa'i yul can dag ni dngos po gcig la gcig car mthong ba yang ma yin te/ lhas kyin gcig pu khyim nas khyim du rgyu ba la dus gcig tu bdag nyid thams cad kyis gtong ba dang len pa'i bya ba gnyis yod pa ni ma yin no// ci ste rkang pa gcig gis gcig btang ba'i phyir dang / gzhan len pa'i phyir cig car gtong ba dang len par rtog go zhe na/ de lta yin na rkang// / pa gnyis bzhin du bdag kyang gnyis nyid du 'gyur te/ cha shas kyis snga ma la gnas pa'i phyir dang / cha sha kyis phyi ma la gnas pa'i phyir cha shas du ma nyid du thal bar 'gyur ro// de'i phyir cig car yang gtong ba
- 110b
thas sa sa pa sa sa bya bragras ma mam sa sa sa sa gra mas yang tha tha sa sa mams sa ma sa sa sa sa mamamams ma ma mas ma 'ams gras pa pa sa ma mas samags dang len pa yod pa ma yin pas 'di ni lan ma yin pa nyid do// de'i phyir srid pa bar mdo len pa la yang nyes pa de nyid du thal bar 'gyur bas rnam pa thams cad du bdag la yang 'khor ba yod pa ma yin no// gang gi tshe 'du byed dag dang bdag 'khor ba yod pa ma yin pa de'i tshe 'khor ba med pa nyid do zhes bya bar gnas so// 'dir smras pa/ 'khor ba ni yod pa nyid de/ 'gal zla yod pa'i phyir ro// 'dir gang yod pa ma yin pa de la ni 'gal zla yod pa ma yin te/ dper na mo gsham gyi bu'i dgra bo bzhin no// 'khor ba'i 'gal zla mya ngan las 'das pa ni yod pa yin no// de'i phyir 'khor ba yang yod do// brjod par bya ste/ gal te de'i 'gal zla mya ngan las 'das pa yod na/ 'khor ba yod par 'gyur na/ yod pa ni ma yin no zhes gsungs pa/ 'du byed mya ngan 'da' bar ni// ji lta bur yang mi 'thad do// sems can mya ngan 'da' bar yang // ji lta bur yang 'thad mi 'gyur// gal te mya ngan las 'da' ba zhes bya ba cung zad cig yod na ni/ de rtog pa na 'du byed rtag pa 'am mi rtag pa dag gcig la rtog grang / de la rtag pa 'gyur ba med pa dag la ni mya ngan las 'da' bas ci zhig byed par 'gyur/ mi rtag pa yod pa ma yin pa rnams la yang mya ngan las 'das pas ci zhig byed de/ thams cad snga ma dang mtshungs so// ji lta bur yang zhes bya ba ni rnam pa gang gis kyang zhes bya ba'i don to// ci ste sems can la mya ngan las 'da' ba rtog go zhe na/ de yang snga ma ltar rtag pa 'am mi rtag pas 'thad pa ma yin no// ci ste rtag pa dang mi rtag pa nyid du brjod du med pa zhig la rtog go zhe na/ de lta na ni brjod du med pa'i phyir 'khor ba ltar mya ngan las 'das pa na yang bdag yod do zhes khas blangs par 'gyur ba ma yin nam/ gzhan yang brjod du med pa ni bdag nye bar len pa dang bcas pa kho na la rigs na/ mya ngan las 'das pa
- 111a
na ni nye bar len pa yod pa ma yin pas 'di la brjod du med pa nyid ga la yod/ yang na bdag de nyid dang gzhan du brjod du med par 'gyur med/ 'on kyang 'di ci mya ngan las 'das pa yod dam de ste med pa zhig tu yin/ gal te yod na ni de'i tshe thar bar gyur pa na yang de yod pas rtag pa nyid du 'gyur ro// 'on te med na ni de'i tshe bdag mi rtag par 'gyur ro// de'i phyir bdag de nyid dang gzhan du brjod du med pa ltar rtag pa dang mi rtag pa nyid du yang brjod du med do zhes bya bar mi 'gyur ro// ci ste mya ngan las 'das pa na bdag yod pa dang med pa nyid du yang brjod du med par 'dod do zhe na/ de lta na yang ci 'di de'i tshe shes/ par bya ba zhig yin nam/ 'on te ma yin/ gal te shes par bya ba yin no zhe na/ 'o na ni 'khor ba ltar mya ngan las 'das pa na yang shes par bya ba yin pa'i phyir bdag 'di nye bar len pa ma yin no// 'on te mi shes na ni de'i tshe 'di shes par bya ba ma yin pa'i rang bzhin yin pa'i phyir/ nam mkha'i me tog ltar med pas 'di brjod du med pa nyid du ga la yod/ de'i phyir de ltar mya ngan las 'das pa yang yod pa ma yin la/ de med pas 'khor ba yang med do// de nyid kyi phyir bcom ldan 'das ma las/ tshe dang ldan pa rab 'byor mya ngan las 'das pa yang sgyu ma lta bu rmi lam lta bu'o// tshe dang ldan pa rab 'byor sangs rgyas kyi chos rnam kyang rmi lam lta bu sgyu ma lta bu'o zhes bya ba la sogs pa nas/ rigs kyi bu gal te mya ngan las 'das pa las ches lhag pa'i chos gzhin zhig yod na yang / de yang sgyu ma lta bu rmi lam lta bu'o zhes smra'o zhes bya ba dang // de bzhin du 'phags pa ting nge 'dzin gyi rgyal po las kyang / don dam bden pa rmi lam 'dra ba dang // mya ngan 'das pa rmi lam mtshungs par 'jug/ gang gis mkhas pa de ltar 'jug pa yang // de ni yid kyi sdom pa'i
- 111b
mchog tu brjod// ces bya ba dang / de bzhin du/ 'gog pa'i bden pa rmi lam ji bzhin te// mya ngan 'das pa'ang rmi lam ji bzhin du// gang la byang chub sems dpa' gang 'jug pa// de ni ngag gi sdom pa de zhes bya// zhes gsungs so// 'dir smras pa/ gal te yang khyod kyis 'khor ba dang mya ngan las 'das pa gnyis bkag mod kyi/ de lta na yang bcings pa dang / thar pa dag ni yod pa yin no// yod pa ma yin pa'i dngos po'i rang bzhin la ni bcings pa dang / thar pa yod pa ma yin no// de'i phyir bcings pa dang thar pa yod pa'i phyir dngos po rnams kyi rang bzhin yod pa nyid do// brjod par bya ste/ gal te bcings pa dang thar pa gnyis nyid yod na dngos po rnams kyi rang bzhin yod par 'gyur na yod pa ni ma yin no zhes gsungs pa/ skye 'jig chos nan 'du byed rnams// mi 'ching grol bar mi 'gyur te// snga ma bzhin du sems can yang // mi 'ching grol bar mi 'gyur ro// 'dzin 'dod chags la sogs pa nyon mongs pa gang dag bcing bar bya ba rnams dang dbang med par byed pas 'ching ba'o zhes bya bar bsnyad cing / gang dag gis bcings pas so so'i skye bo rnams khams gsum las mi 'da' lo zhes bya bar rnam par 'jog na/ 'dod chags la sogs pa'i ching ba nyid du brtags pa'i bcings pa de ni re zhig skye ba dang 'jig pa'i chos can 'du byed skad cig ma rnams la mi srid dri/ skyes ma thag tu 'jig cing brlag pa rnams ni yod pa ma yin pa'i phyir ro// 'dod chags la sogs pa'i 'ching ba rnam par chad pa'i mtshan nyid can gyi thar pa yang mi srid de/ 'du byed mi rtag pa rnams ni yod pa ma yin pa nyid kyi phyir ro// snga ma bzhin du zhes bya ba ni sngar bshad pa'i tshul gyis zhes bya ba'i don to// ji ltar sngar bshad pa'i rnam pas 'du byed rnams la bcings pa dang thar pa dag yod pa ma yin pa de ltar/ snga ma bzhin du sems can yang mi 'chi
- 112a
zhing grol bar yang mi 'gyur ro// de ltar na bcings pa dang thar pa yang med do// 'dir smras pa/ gal te yang 'du byed dag dang sems can la bcings pa yod pa ma yin pa de lta na yang 'dod chags la sogs pa nye bar len pa zhes bya ba 'ching bar gyur pa ni yod pa yin la/ de yod pas bcings pa yang yod par 'gyur ro// brjod pa/ gal te dngos po 'ga' zhig 'ching na ni/ nye bar len pa 'ching bar yang 'gyur na/ 'ching ba yang ma yin no// ji ltar mi 'ching ba de ltar bstan pa'i phyir bshad pa/ gal te nye bar len 'ching na// nye bar len bcas 'ching mi 'gyur// nye bar len med mi 'ching ste// gnas skabs gang zhig 'ching bar 'gyur// de la nye bar len bcas ni nye bar len pa yod pa ste// re zhig dngos po de ni 'ching bar mi 'gyur ro// gang zhig nye ba len pa dang bcas pa de ni bcings par gyur pa nyid yin na/ de la yang 'ching ba dang 'brel pas ci zhig byed par 'gyur/ gang zhig nye bar len pa med pa nye bar len pa dang bral ba de yang mi 'ching ste/ 'ching ba dang bral ba'i phyir de bzhin gshegs pa bzhin no// nye bar len pa med pa 'chingani/ ba dang bral ba 'ching ngo zhes bya ba ni phan tshun 'gal ba yin pa'i phyir yang 'di mi rigs so// gang zhig de ltar nges par brtags pa na nye bar len pa dang bcas pa 'am nye bar len pa dang bral ba yin yang rung ste/ mi 'ching ba de ni da gnas skabs gang zhig tu gyur pa zhig 'ching bar 'gyur te/ gang zhig 'ching bar 'gyur ba de'i gnas skabs gzhan de ni 'ga' yang yod pa ma yin no snyam du dgongs pa'o// gang gi tshe de ltar gzhigs na 'ching bsas ci zhig ltar yang 'ching bar mi byed pa de'i tshe 'ga' yang 'ching bar mi byed pa nye bar len pa 'dod chags la sogs pa 'ching ba nyid du ga la 'gyur/ de'i phyir bcings pa yang med do// gzhan yang gal te bcing bya'i
- 112b
snga rol na/ 'ching ba yod na 'ching la rag/ de yang med de/ 'di na 'ching ba lcags la sogs pa bcing bar bya ba las tha dad par sngar grub par gyur pas bcing bar bya ba lhas byin 'ching ngo zhes bya bar mthong ba de bzhin du bcing bar bya ba 'du byed rnams sam gang zag gi snga rol tu 'ching ba 'dod chags la sogs pa grub par gyur na ni sngar grub pa des 'du byed rnams sam gang zag 'ching bar 'gyur la rag na/ de ni yod pa yang ma yin te/ rten med pas 'dod chags la sogs pa ma grub pa'i phyir dang / sngar 'ching ba grub pa la phyis bcing bya dang lhan cig 'brel pa dgos pa med pa'i phyir dang / 'ching ba las tha dad par grub pa'i bcings pa la yang 'ching ba dgos pa med pa'i phyir bcing bar bya ba'i snga rol tu 'ching ba grub pa med do// de'i phyir 'ching bas ni 'ga' yang mi 'ching la/ 'ga' yang mi 'ching ba ni 'ching ba nyid du mi rigs pas 'ching ba yod pa ma yin zhing 'ching ba med pas bcings pa yang med do zhes bya bar grub po// gang zhig 'dir sun 'byin pa 'phror gyur pa/ lhag ma ni tshigs su bcad pa'i 'don pa go bsnor te/ sor dang ma song bgom pas bstan par rig par bya ste/ re zhig bcings pa mi 'ching ste// ma bcings pa yang 'ching mi 'gyur// bcings dang ma bcings ma gtogs par// 'ching bzhin shes par mi 'gyur ro// zhes bya ba la sogs pas sbyar bar bya'o// 'dir smras pa gal te khyod kyis 'ching ba bkag mod kyi/ de lta na yang de bzhin gshegs pa thugs rje chen po mnga' ba rnams kyis sems can 'khor ba'i btson rar bsdams pa skyob pa med pa rnams la tshul khrims dang ting nge 'dzin dang shes rab kyi bdag nyid can phung po gsum nye bar bstan pa gang gi don du gsungs pa thar pa de ni re zhig yod pa yin la/ ma bcings pa la ni thar pa med de/ de'i phyir bcings pa yang yod do// brjod par bya ste/ gal te/
- 113a
thar pa nyid yod na bcings pa yod par gyur na/ yod pa ni ma yin te/ 'dir thar pa 'di rtog pa na/ bcings pa 'am ma bcings pa zhig la rtog pa zhig go/ de las cir 'gyur zhe na/ gnyi ga ltar yang mi rigs so zhes bshad pa/ re zhig bcings pa mi grol te// ma bcings pa yang gol mi 'gyur// bcings pa grol bzhin yin 'gyur na// bcings dang grol ba dus gcig 'gyur// de la bcings pa la ni thar pa yod pa ma yin te bcings pa'i phyir ro// ci ste bcings par gyur pa phyis thabs kyis thar par 'gyur ba'i phyir bcings pa nyid grol bar 'gyur ro zhe na 'o na ni bcings pa grol lo zhes bya bar brjod par mi bya ste/ 'o na ci zhe na/ grol ba grol bar 'gyur ro zhes bya bar 'gyur ro// gal te de ltar ba dang nye bas de skad du brjod do zhe na/ gal te res 'ga' zhig na thar pa yod na ni de'i tshe de dang nye bar yod par 'gyur na/ gang gi tshe gnas skabs gang rung rung du yang thar par 'dod na ni bcings pa la thar pa mi srid pas thar pa med par ston par 'dod pa de'i tshe da ltar ba dang nye ba nyid ga la yod/ de ltar na re zhig bcings pa mi grol lo zhes bya ba gnas so// da ni ma bcings pa yang grol bar mi 'gyur te/ de ni grol ba nyid yin na de la yang thar pas ci zhig byed par 'gyur/ yang thar pa la bltos pa'i phyir dgra bcom pa grol bar gyur pa rnams la yang 'ching ba nyid yod par 'gyur te/ de'i phyir dgra bcom pa yang bcings par 'gyur ro// de'i phyir ma bcings pa yang mi grol lo// ci ste ma bcings pa la thar pa mi srid pa'i phyir bcings pa nyid grol bar 'gyur ro// snyam na/ de lta yin na bcings pa la grol bzhin par rtog pa na/ bcings pa yin pa'i phyir dang / grol bzhin pa yin pa'i phyir bcings pa dang grol ba dag dus gcig tu 'gyur na/ dus gcig tu bcings pa dang grol ba dag 'thad pa yang ma yin te/ phan tshun 'gal ba'i phyir snang ba dang /
- 113b
mun pa bzhin no// de'i phyir de ltar bcings pa dang ma bcings pa dag la thar pa yod pa ma yin no// de'i phyir thar pa yang med la de med pa'i phyir bcings pa yang med do zhes bya bar grub po// 'dir gal te de ltar khyod kyis 'khor ba dang mya ngan las 'das pa dag bkag cing / bcings pa dang thar pa dag kyang bkag pas/ 'khor ba'i 'brog dgon pa chen po ma rig pa'i mun pa mthug po can lta ba ngan pa sna tshogs pa'i 'khri shing shin tu sra bas lam dam par bkag pa/ phra rgyas kyi dug gi ljon shing rnam par smin pa'i 'bras bu skye ba la sogs pa'i sdug bsngal/ mtha' yas pa sna tshogs pa shin tu yid du mi 'ong ba rgya cher ster bas dkrigs pa/ 'jig tshogs la lta ba'i ri chen po rtse mo nyi shus ches mtho ba/ te bor ba rling pas phyogs kyi ngogs kun nas bskor ba/ sred pa'i chu klung gi 'obs chen po// yul gyi bde ba la re ba'i ngogs shin tu 'dred cing yangs pa dang ldan pa rgyun mi 'chad par 'babs pas bskor ba las brgal bar 'dod pa/ thar pa 'dod pa rnams mchog tu dbugs 'byin par byed pa dge ba'i chos la 'dun pa chen po bdag nam len pa med par mya ngan las 'da' bar 'gyur/ mya ngan las 'das pa bdag gir nam zhig na 'gyur snyam pa gang yin pa de don med pa kho nar 'gyur zhing de ltar dge ba'i tshe sa la 'dun pa bskyed pa rnams kyi dge ba'i bshes gnyen bsten pa dang / sbyin pa ngang tshul khrims dang thos pa dang bsams pa dang sgom pa la sogs pa'i rim pa mya ngan las 'das pa 'thob pa'i dgos pa can gang yin pa de yang don med par 'gyur ro zhes 'dzer to// brjod par bya ste/ gang zhig de ltar dngos po thams cad rang bzhin med de/ gzugs brnyan dang / smig rgyu'i chu dang / mgal me'i 'khor lo dang / rmi lam dang / sgyu ma dang / mig 'khrul dang mtshungs shing / bdag dang bdag gi ba dang bral bzhin du/
- 114a
phyin ci log gi rjes su song ba'i phyir nga dang nga'i zhes bdag tu 'dzin pa dang bdag gir 'dzin pa kun tu spyod pa yongs su 'dzin pas/ 'jig tshogs la lta ba de nyid bskyod nas/ bdag ni len med mya ngan 'da'/ myang 'das bdag gir 'gyur ro zhes/ rlom par byed de/ de ltar gang dag 'dzin de yi// nyer len 'dzin pa chen po yin// bdag ni nye bar len pa med pa med cing len pa dang bral bar mya ngan las 'da'o// mya ngan las 'das pa ni de ltar zhugs par gyur pa bdag gi yin par 'gyur ro zhes de ltar thar pa 'dod pa gang dag 'dzin par 'gyur ba de dag la ni bdag tu 'dzin pa dang bdag gir 'dzin pa zhes bya ba'i 'jig tshogs la lta ba nye bar len pa de nyid 'dzin pa chen po yin la/ rnam pa de lta bu'i 'dzin pa chen po mngon par zhen pa rnams la ni zhi ba yod pa ma yin te/ 'dzin pa ma lus pa spangs pa kho nas thar pa 'thob pa'i phyir ro// ji srid du bdag dang bdag gi'o snyam du 'dzin par mngon par zhen pa dang / ji srid du mya ngan las 'das pa zhes bya bar yod do zhes mngon par zhen pa dang / ji srid nye bar len pa btang ba la sogs par mngon par zhen pa de srid du ni thabs ma yin pas mya ngan las 'das pa don du gnyer ba rnams kyi rtsom pa thams cad nges par don med par 'gyur ro// de'i phyir thar pa 'dod pa de dag thams cad yongs su btang bar bya'o// gang gi phyir rnam pa thams cad du don dam pa/ gang la mya ngan 'das bskyed med// 'khor ba bsal ba'ang yod min pa/ zhes bya ba/ de la 'khor ba ci zhig yin// mya ngan 'das pa'ang ci zhig brtag/ don dam pa'i bden pa gang la ma dmigs pas mya ngan las 'das pa bskyed pa ste mya ngan las 'das par sgro btags pa med cing / 'khor ba bsal ba ste 'khor ba yongs su zad pa yang yod pa ma yin pa de la gang zhig zad par bya ba'i phyir brtags pa 'khor ba ci zhig yin la/
- 114b
gang thob par bya ba'i phyir brtags pa mya ngan las 'das pa de yang gang zhig yin/ yang na 'khor ba dang mya ngan las 'das pa gnyi ga yang ma dmigs pa'i phyir sems can 'ga' yang mya ngan las 'das pa gang du 'khor ba nas bsal ba ste bkri ba dang / mya ngan las 'das pa bskyed par 'bad pa dang ldan pas bya bar mi nus pa de la mya ngan las 'das pa'ang ci zhig brtags te/ cung zad kyang brtags pa mi rigs so// mi rtog pa ni nges par ji skad smras pa'i 'khor ba'i 'brog dgon pa las 'da'o zhing / mya ngan las 'das pa'i grong khyer du yang phyin par 'gyur ro// de nyid kyi phyir 'phags pa bdud btul ba'i mdo las/ de nas de'i tshe 'jam dpal gzhon nur gyur pas ji ltar bdud sdig pa can sgo mo'i them pa'i 'ching bas bcings pa ltar sa steng du 'gyel nas/ nga ni 'ching ba dam pos bcings so// nga ni 'ching ba dam pos bcings so zhes ngu zhing cho nges 'debs par gyur pa de lta bu'i gzugs su bsams so// 'jam dpal gyis smras pa/ sdig can gang gis khyod rtag tu bcings shing bzod bcings pa ma yin pa 'ching ba ches dam pa/ 'ching ba 'di las gzhan pa zhig yod de/ de yang gang zhe na/ 'di lta ste/ nga rgyal phyin ci log gi 'ching ba dang / sred pa dang lta ba'i 'ching ba ste/ sdig can 'di ni 'ching ba yin gyi/ 'ching ba 'di las gzhan pa 'ching ba ches dam por gyur pa ni yod pa ma yin no// khyod ni des rtag tu bcings pa yin gyi gzod bcings pa ni ma yin no// gzhan yang sdig can ci khyod gal te slar bkrol na dga' bar 'gyur ram/ smras pa dga' bar 'gyur ro// de nas lha'i bu rab 'thab bral ba zhig gis/ 'jam dpal gzhon nur gyur pa la 'di skad ces smras so// 'jam dpal bdud sdig can thong shog/ rang gi gnas su dong la rag go// de nas 'jam dpal gzhon nur gyur pas bdud sdig to can la 'di skad ces smras so// sdig
- 115a
can gang zhig btang ba khyod sus bcings smras pa 'jam dpal bdag sus bcings pa mi shes so// smras pa/ sdig can ji ltar khyod ma bcings pa las bcings par 'du shes pa de bzhin du byis pa so sol skye bo thams cad mi rtag pa la rtag par 'du shes pa/ sdug bsngal ba la bde bar 'du shes pa/ bdag med pa la bdag tu 'du shes pa/ mi gtsang ba la gtsang bar 'du shes pa/ gzugs med pa la gzugs su 'du shes pa/ tshor ba dag med pa dang / 'du shes dag med pa dang / 'du byed dag med pa dang / rnam par shes pa med pa la/ tshor ba dang 'du shes dang 'du byed dang rnam par shes par 'du shes pa yin no// gzhan yang sdig can gang khyod grol bar 'gyur na gang las grol bar 'gyur/ smras pa bdag gang las kyang grol bar mi 'gyur ro// smras pa/ sdig can de bzhin du gang dag grol bar 'gyur ba de dag kyang / yang dag pa ma yin pa'i 'du shes gang yin pa de yongs su shes pa ma gtogs par gang las kyang grol bar 'gyur ba med de/ de yongs su shes pa nas grol ba zhes bya'o// zhes gsungs te/ lung 'di las na yang dag pa ma yin pa'i phyin ci log tu rtog pa tsam gyi 'ching ba'i 'khri shing rnam par chad pa la thar pa mya ngan las 'das pa zhes bya ste/ rmi lam du dmigs pa'i me 'bar ba chu dag gis bsad pa bzhin no// slob dpon zla ba grags pa'i zhal snga nas sbyar ba'i tshig gsal ba las/ bcings pa dang thar pa brtag pa zhes bya ba rab tu byed pa bcu drug pa'i 'grel pa'o// // 'dir smras pa/ 'khor ba ni yod pa nyid de/ las dang 'bras bu 'brel pa'i rten yin pa'i phyir ro// 'dir ltar gal te rgyun rnam par chad pa med pa'i rim pas skye ba dang 'chi ba gcig nas gcig tu brgyud pa nyid kyis rgyu dang 'bras bu'i dngos po 'jug pas 'du byed
- 115b
rnams sam bdag 'khor bar 'gyur na ni/ de'i tshe las dang 'bras bu 'brel par 'gyur na/ ji skad smras pa'i 'khor ba med na ni/ sems ni skyes ma thag tu 'jig pa'i phyir dang / las 'phen pa'i dus na rnam par smin pa med pa'i phyir las dang 'bras bu'i 'brel pa med pa kho nar 'gyur ro// 'khor ba yod na ni 'dir byas pa'i las tshe rabs gzhan du yang rnam par smin pa'i 'bras bu dang 'brel pa'i phyir las rnams 'bras bu dang 'brel pa mi 'gal bar mi 'gyur ro// de'i phyir las dang 'bras bu 'brel ba'i rten yin pa'i phyir 'khor ba yod pa nyid do// las de dag kyang gang yin zhing / de'i 'bras bu yang gang zhig yin zhe na/ de dag gi rab tu dbye ba brjod par 'dod pas 'di skad du brjod de/ bdag nyid legs par sdom pa dang // gzhan la phan 'dogs byams sems gang // de chos de ni 'di gzhan du// 'bras bu dag gi sa bon yin// de la bdag tu nga rgyal ba 'di la bzhag cing bskyed pas bdag nyid de/ phung po la brten nas gdags pa'i gang zag la bdag ces bya'o// bdag nyid yang dag par sdom zhing / yul dag la rang dbang med par byed cing 'dod chags la sogs pa'i dbang gis 'jug pa bzlog par byed pas na bdag nyid legs par sdom pa'o// gsog cing nye bar gsogal dge ba dang mi dge ba'i las rnam par smin pa 'byin par nus pa las nges par byed pas na sems te sems dang yid dang rnam par shes pa zhes bya ba ni de nyid kyi rnam grangs dag go/ de'i phyir bdag nyid legs par sdom pa srog gcod pa la sogs pa la 'jug pa las bzlog pa dge ba'i sems de ni ngan 'gror 'gro ba las 'dzin par byed pas chos zhes bya'o// chos kyi sku 'di ni gsung rab las gsum du rnam par bzhag ste/ rang gi mtshan nyid 'dzin pa'i don dang / 'gro ba ngan par 'gro ba las 'dzin pa'i don dang / 'gro ba lnga'i
- 116a
'khor bar 'gro ba las 'dzin pa'i don gyis so// de la zag pa dang bcas pa dang zag pa med pa thams cad ni rang gi mtshan nyid 'dzin pa'i don gyis na chos zhes bya'o// dge ba bcu la sogs pa'i chos rnams ni/ 'jig rten 'di dang pha rol tu chos spyod pa ni bde bar nyal zhes bya ba der 'gro ba ngan par 'gro ba las 'dzin pa'i don gyis na chos zhes bsnyad do// chos la skyabs su mchi'o zhes bya ba der ni 'gro ba lnga'i 'khor bar 'gro ba las 'dzin pa'i don gyis na mya ngan las 'das pa la chos zhes brjod do// 'dir ni 'gro ba ngan par 'gro ba las 'dzin pa'i don nyid kyis chos kyi sgrar bzhed do// yang ci bdag nyid legs par sdom pa'i sems gcig pu zhig chos yin nam zhe na/ smras pa ma yin te/ 'o na ci zhe na/ gzhan la phan 'dogs pa dang byams pa'i sems gang yin pa de yang chos yin no// gzhan la phan 'dogs byams sems zhes bya ba 'dir rang gi gzhig mi mngon par byas shing bstan par rig par bya'o// de la gzhan rjes su 'dzin par byed pas na gzhan la phan 'dags pa'i sems te/ bsdu ba'i das pa bzhi la zhugs pa dang / 'jigs pa las skyob pa la sogs pa la zhugs pa'i sems gang yin pa de yang chos yin no// mdza' ba shes las 'byung zhing sems can rnams dang 'gal ba med pa'i sems gang yin pa de ni byams pa'i sems so// yang na byams pa ni gnyen bshes nyid yin te/ bdag la phan 'dogs pa'i sems gang yin pa de ni nyid rnams pa'i sems yin no// gang zhig sems rnam pa gsum bstan pa de ni chos zhes bya ste/ bzlog pa ni chos ma yin par sbyar bar bya'o// de ltar rab tu dbye ba bstan pa'i sems gang yin pa de ni 'bras bu dag gi sa bon yin no// rgyu gang zhig 'bras bu 'grub pa la thun mongs ma yin pa de la ni
- 116b
sa bon zhes bya ste/ dper na sa lu'i sa bon sa lu'i myu gu'i rgyu yin pa lta bu'o// sa la sogs pa thun mongs po gang yin pa de ni sa bon ma yin gyi/ de ni rgyu nyid yin par zad do// de ji ltar yin pa de bzhin du 'dir yang rnam par smin pa yid du 'ong ba mngon par 'grub pa la sems rnam pa gsum sa bon yin te/ skyes bu'i byed pa la sogs pa rnams ni rgyu tsam du zad do// yang dus gang gi tshe sa bon 'bras bu'i sgrub par byed pa yin zhe na/ 'di gzhan du 'bras bu dag gi zhes bya ba gsungs te/ 'di zhes bya ba ni mthong ba'i skye ba yin la/ gzhan du zhes bya ba ni ma mthong ba'i skye ba la'o zhes bya ba'i tha tshig go 'di yang lung las rgyas par khong du chud par bya'o// de ltar re zhig sems kyi bdag nyid can gyi chos gcig nyid rnam par bzhag nas slar yang bcom ldan 'das/ drang srong mchog gis las rnams ni// sems pa dang ni bsams par te// rnam pa gnyis su gsungs so// don dam pa thugs su chud pa na drang srong ngo // drang srong yang yin la mchog kyang yin pas na drang srong mchog go/ don dam pa rnam pa thams cad du thugs su chud pa'i phyir la/ nyan thos dang rang sangs rgyas dag las kyang mchog tu byung ba yin pa'i phyir na drang srong mchog ste sangs rgyas bcom ldan 'das so// drang srong mchog des mdo las/ sems pa'i las dang bsams pa'i las zhes gsungs so// gang zhig las rnam pa gnyis gsungs pa'i// las de dag gi bye brag ni// rnam pa du mar yongs su bsgrags// ji ltar zhe na/ de la las gang sems pa zhes// gsungs pa de ni yid kyir 'dod// bsams pa zhes ni gang gsungs pa// de ni lus dang ngag gir 'dod// yid la yod pa ni yid kyi ste/ yid kyi sgo nas de mthar thug par 'gro ba'i phyir dang / lus dang ngag 'jug pa la bltos pa med pa'i
- 117a
phyir yid kyi rnam par shes pa dang mtshungs par ldan pa'i sems pa kho na la yid kyi las zhes brjod do// de la zhes bya ba'i sgra ni dmigs kyis dkar ba'o// las gnyis pa bsams pa zhes gang gsung pa de ni lus dang ngag gi yin par rig par bya ste/ lus dang ngag dag gis de lta de ltar 'jug par bya'o zhes de ltar sems kyis bsams nas gang zhig byed pa de ni bsams pa'i las zhes bya'o// yang de ni rnam pa gnyis te/ lus dang ngag la yod pa'i phyir dang / de dag gi sgo nas mthar thug par 'gro ba'i phyir na lus kyi dang ngag gi'o// de ltar na lus kyi dang ngag gi dang yid kyi ste/ rnam pa gsum du 'gyur ro// las rnam pa gsum po 'di dag kyang slar phyi nas rnam pa bdun du 'gyur ro// de ltar bcom ldan 'das kyis las de'i bye brag rnam pa mang por gsungs te/ ci ltar zhe na/ ngag dang bskyod dang mi spong ba'i// rnam rig byed min zhes bya gang // spong ba'i rnam rig byed min pa// gzhan dag kyang ni de bzhin 'dod// longs spyod las byung bsod nams dang // bsod nams ma yin tshul de bzhin// sems pa dang ni chos de bdun// las su mngon par 'dod pa yin// de la ngag ni yi ger gsal por brjod pa'o// bskyod pa ni lus kyi g.yo ba'o// de la dag ces bya bas ni dge ba dang mi dge pa'i ngag rnam par rig byed ma yin pa'i spong ba dang mi spong ba'i mtshan nyid can kun nas slong bar byed pa thams cad spyir gzung ste/ de bzhin du dge ba dang mi dge ba'i bskyod pa rnam par rig byed ma yin pa spong ba dang mi spong ba'i mtshan nyid can kun nas slong bar byed pa yang spyir gzung ngo // ji ltar rnam par rig byed 'di'i dbye ba rnam pa gnyis su 'gyur ba de bzhin du/ rnam par rig byed ma yin pa'i yang yin te/ mi spong ba'i mtshan nyid can gyi rnam par rig byed ma yin pa dag dang / spong ba'i
- 117b
mtshan nyid can gyi rnam par rig byed ma yin pa dag ces bya bar byas pa'i phyir ro// de la mi spong ba'i mtshan nyid can gyi rnam par rig byed ma yin pa dag ni 'di lta ste/ deng nas bzung nas bdag gis sems can bsad cing / chom rkun byas la 'tsho bar bya'o zhes sdig pa'i las khas blangs pa'i dus nas bzung ste/ de mi byed pa dag la yang rtag par rgyan mi 'chad par mi dge ba'i las khas blangs pa'i rgyu can gyi rnam par rig byed ma yin pa dag nye bar skye bar 'gyur ba dang / rgya'i las byed pa nas bzung ste nya pa la sogs pa rnams de mi byed pa la yang rnam par rig byed ma yin pa dag nye bar skye ba gang yin pa ste/ 'di dag ni mi spong ba'i mtshan/ nyid can zhes bya'o// 'di dag ji ltar yin pa de bzhin du spyod pa'i mtshan nyid can gyi rnam par rig byed ma yin pa dge ba'i rang bzhin can gzhan dag kyang yin no// 'di lta ste/ deng nas bzungs srog gcod pa la sogs pa dgra spong ngo zhes lus dang ngag gi rnam par rig byed yongs su rdzogs pa'i dus nas bzung ste/ dus phyis myos pa la sogs pa'i gnas skabs su yang dge ba bsags pa'i rang bzhin gyi rnam par rig byed ma yin pa dag nye bar skye ba gang yin pa/ 'di dag ni spong ba'i mtshan nyid can gyi rnam par rig byed ma yin pa zhes bya'o// gzugs dang bya ba'i rang bzhin yin du zin kyang / rnam par rig byed bzhin du gzhan la rnam par rig par mi byed pas na rnam par rig byed ma yin pa dag go/ de bzhin du longs spyod las byung ba bsod nams te/ dge ba zhes bya ba'i don to// longs spyad pa las byung ba 'di la yod pas na longs spyod las byung ba'o// longs spyod ni yongs su btang ba'i dngos po dge 'dun la sogs pa rnams kyis nye bar long spyod pa'o// byung ba ni rjes su byung ba ste/ sbyin pa po'i rgyud la skyes pa'i dge ba 'phel bar 'gyur
- 118a
ro zhes bya ba'i don to// bsod nams ma yin tshul de bzhin te/ longs spyod las byung zhes bya ba'i don to// ji ltar gang du srog chags dag gsod pa'i lha khang la sogs pa rtsig pa lta bu ste/ ji lta ji ltar lha khang der srog chags dag gsod pa de lta de ltar lha khang la sogs pa der longs spyod pa las byed pa po rnams kyi rgyud la longs spyad pa las byung ba'i bsod nams ma yin pa skye bar 'gyur ro// de ltar na bsod nams ma yin pa yang tshul de bzhin du 'gyur ro// yid kyi las kyi mtshan nyid can sems mngon par 'du byed pa sems pa zhes bya ba dang ste/ mdor bsdu na las rnam pa bdun po 'di dag tu 'gyur ro// / dge ba dang mi dge ba'i ngag dang bskyod pa gnyis dang / dge ba rnam par rig byed ma yin pa'i mtshan nyid can dang / mi dge ba rnam par rig byed ma yin pa'i mtshan nyid can dang / longs spyod las byung ba'i bsod nams// / dang / longs spyod las byung ba'i bsod nams ma yin pa dang / sems pa zhes bya ba ste/ chos de bdun las su mngon par ste/ las nyid du gsal zhing las kyi mtshan nyid can du 'dod pa yin no// 'di la kha cig// rgol bar byed de/ las rnam pa mang po zhig bshad pa gang yin pa de ci rnam par smin pa'i dus kyi bar du gnas pa zhig gam/ 'on te skyes ma thag tu 'jig pa'i phyir/ mi gnas pa zhig yin grang / re zhig gal te smin pa'i dus bar du/ gnas na las de rtag par 'gyur// gal te 'gags na 'gags gyur pa// ji ltar 'bras bu bskyed par 'gyur// gal te las 'di skyes nas rnam par smin pa'i dus kyi bar du rang gi ngo bos gnas so zhes bya bar rtog na ni/ de'i phyir de ltar na de dus 'di tsam gyi bar du rtag pa nyid du 'gyur te/ 'jig pa dang bral ba'i phyir ro// phyis 'jig par 'gyur ba'i phyir rtag pa ma yin no zhe na/ de ni de ltar ma yin te/
- 118b
sngar 'jigs pa dang bral ba ni nam mkha' la sogs pa ltar phyis kyang 'jig pa dang 'brel pa med pa'i phyir dang / 'jigs pa dang bral ba yang 'dus ma byas nyid du thal bar 'gyur ba'i phyir dang / 'dus ma byas rnams la ni rnam par smin pa ma mthong ba'i phyir dang / rnam par smin pa med pa nyid kyis rtag tu gnas par 'gyur ba'i phyir/ las rnams rtag pa pa nyid du khas blangs pa kho nar 'gyur ro// de ltar na re zhig rtag pa nyid kyi skyon du 'gyur ro// ci ste las rnams skyes ma thag tu 'jig pa nyid du khas len mo na na/ de lta yin na ni/ gal te 'gags na 'gags gyur pa// ji ltar 'bras bu bskyed par 'gyur// las med par gyur pa ni yod pa ma yin pa'i rang bzhin yin pa'i phyir 'bras bu bskyed par mi 'gyur ro zhes bya bar bsams pa'o// 'di la sde ba gzhan dag 'a cig lan 'debs par byed pa ni/ re zhig 'a bo cag la'ang/ byed rnams rtag pa nyid kyi nyes par ni mi 'gyur te/ skyes ma thag tu 'jig pa'i phyir ro// gang yang gal te 'gags na 'gags gyur pa// ji ltar 'bras bu bskyed par 'gyur// zhes smras pa de la yang lan brjod par byaste/ mu wa la sogs rgyun gdon// sa bA na las ni bangon par 'byung // da las 'bras byas pa de// seMn na yang b+h+ri me 'byung // 'di sa tha~M nad sa nyid min du zin kyang rlu rtswa sdong bu dang srubs 'chas pa dang / lo ma la sogs pa'i ming can 'byung bar 'gyur ba'i 'bras bu'i khyad par rang dang rigs mthun pa bskyed pa'i nus pa dang ldan pa kho na'i chu'i dngos por gyur nas 'gag pa yin la/ gang yang myu gu la sogs pa'i rgyun sa bon las byung ba de las ni rgyu chung ngu yin du zin kyang rim gyis lhan cig byed pa'i rgyu ma tshang ba med pas 'bras bu'i tshogs rgya chen po skye bar 'gyur ro// sa bon ni med na ste//
- 119a
sa bon mi bdog par gyur na ni myu gu la sogs pa'i rgyun de yang 'byung bar mi 'gyur ro// de'i phyir de ltar yod na yod pa nyid dang / de med na med pa nyid kyis na myu gu la sogs pa'i rgyun gyis 'bras bu ni sa bon gyi rgyu can nyid yin par bstan par 'gyur ro// de'i phyir de ltar/ gang phyir sa bon las rgyun dang // rgyun las 'bras bu 'byung 'gyur zhing // sa bon 'bras bu'i sngon 'gro ba// de phyir chad min rtag ma yin// gal te sa bon myu gu la sogs pa'i rgyan gyi rkyen du ma gyur par me lce dang me ma dag la sogs pa 'gal ba'i rkyen nye bas 'gags par gyur na ni/ de'i tshe de'i 'bras bu'i rgyan 'byung bar ma mthong bas chad par lta bar 'gyur la/ yang gal te sa bon mi 'gag cing myu gu la sogs pa'i rgyun 'byung bar 'gyur na ni// de'i tshe sa bon mi 'gag par khas blangs pas rtag par 'gyur na/ 'di ni de ltar yang ma yin no// de'i phyir sa bon chad pa dang rtag par thal bar 'gyur ba yod pa ma yin no// ji ltar sa bon la tshul 'di smras pa de bzhin du/ sems kyi rgyun ni gang yin pa// sems las mngon par 'byung bar 'gyur// de las 'bras bu sems lta zhig/ med na de yang 'byung mi 'gyur// sems sems pa dge ba'i khyad par dang mtshungs par ldan pa de las ni de'i rgyu can sems kyi rgyun gang yin pa 'byung la/ sems pa dge bas yongs su bskos pa'i sems kyi rgyun de las ni lhan cig byed pa'i rgyu nye ba ma tshang ba med pa na 'bras bu yid du 'ong ba skye bar 'gyur ro// sems lta zhig med na ste/ sems mi bdag na rgyun de yang 'byung bar mi 'gyur ro// de'i phyir de ltar na/ gang phyir sems las rgyun dang ni// rgyun las 'bras bu 'byung 'gyur zhing // las ni 'bras bu'i sngon 'gro ba// de phyir chad min rtag ma yin// gal
- 119b
te sems dge ba ste dgra bcom pa'i sems tha ma ltar/ sems kyi rgyun rgyu dang 'bras bu gcig nas gcig tu brgyud pa'i rim pa rgyun mchad pa 'byung bar 'gyur ba'i rgyu'i dngos por ma gyur par 'gag na ni/ de'i phyir las de rgyun chad par 'gyur la/ ci ste yang ma 'ongs pa'i rgyun gyi rgyu'i dngos por gyur nas rang gi ngo bo las mi nyams par 'gyur na ni/ de'i tshe las rtag par 'gyur ba zhig na/ de ni de ltar yang ma yin no// de'i phyir las skad cig mar khas blangs su zin kyang chad pa dang rtag par lta bar thal ba yod pa ma yin no// de'i phyir ji skad bstan pa'i las kyi rab tu dbye ba rnam par bshad pa 'dir dge ba bcu'i las kyi lam yang/ bshad pa yin la/ dkar po las kyi lam bcu po// de dag kyang / chos sgrub pa'i thabs yin te// chos kyi 'bras bu 'di gzhan du// 'dod pa'i yon tan rnams lnga'o// dge ba'i las kyi lam bcu po de dag ni chos sgrub pa'i thabs yin te 'grub pa'i rgyur gyur pa yin no// zhes bya ba'i tha tshig go// 'di dag gang gis sgrub pa'i thabs nyid du 'jog par 'gyur ba'i chos zhes bya ba dge ba'i las kyi lam las tha dad pa 'di gang brjod pa'i phyir ro// rnam pa gcig tu na dge ba bcu'i las kyi lam 'di dag yongs su mthar gtugs pa'i ngo bo ni chos kyi sgra'i brjod bya yin la/ de bzhin pa'i ngo bo ni dge ba'i las kyi lam gyi sgra'i brjod byar 'gyur ro// dge ba bcu'i las kyi lam 'di dag ni bshad zin pa'i mtshan nyid can de 'grub par bya ba la rgyu nyid du rnam par bzhag go// yang las kyi rnam par dbye ba'i skabs thal zin pa der dge ba bcu'i las kyi lam du ji ltar 'gyur
- 120a
zhe na/ brjod par bya ste/ lus kyi gsum dang / ngag gi bzhi ni/ ngag dang bskyod dang mi spong ba'i// rnam rig byed min zhes bya gang / zhes bya ba la sogs pas bshad pa yin la/ yid kyi gsum po brnab sems med pa dang / gnod sems med pa dang / yang dag par lta ba zhes bya ba ni/ sems po dang ni zhes bya ba des rnam par bshad pa yin no// de ltar na dang dge ba'i las kyi lam de dag bcu car yang rnam par bshad pa yin la/ de dadag kyang ji skad bshad pa'i chos 'grub pa'i rgyur 'gyur ro// chos de'i 'bras bu ni gzugs dang sgra dang dri dang ro dang reg bya'i mtshan nyid can 'dod pa'i yon tan lnga nanye bar longs spyod pa'o// 'di zhes bya ba ni 'jig rten 'di zhes bya ba'i don to// gzhan du ni ma mthong bar te 'jig rten pha rol tu zhes bya ba'i tha tshig go// de ltar re zhig kha cig gis brtsad pa'i lan btab pa yin dang / gzhan dag gis de la skyon brjod nas/ brtsad pa'i lan gzhan gdab pa'i phyir smras pa/ gal te brtag pa der 'gyur na/ nyes pa chen po mang por 'gyur// de lta bas na brtag pa ste// 'dir ni 'thad pa ma yin no// gal te sa bon dang myu gu dang chos mthun pa'i sgo nas sems kyi rgyun la chad pa dang rtag pa'i skyon du thal ba spong bar 'gyur na ni de'i tshe gzhan gyi phyogs la nyes pa chen po ste mthong ba dang ma mthong ba dang 'gal ba dang / grangs mang ba nyid kyis mang por 'gyur ro// ji ltar zhe na/ gal te sa bon gyi rgyan gyi dpes yin na ni sa lu'i sa bon las ni sa lu'i myu gu la sogs pa'i rgyun kho na 'byung bar 'gyur gyi rigs mi mthun pa ma yin la sa lu'i myu gu la sogs pa'i rgyan las kyang sa lu'i 'bras bu kho na skye'i/ rigs tha dad pa'i phyir nim pa'i 'bras bu ma yin pa de bzhin du/ 'dir yang rigs mtshungs pa'i phyir dge ba'i sems las dge ba'i sems kyi rgyun kho nar 'gyur gyi/ rigs mi
- 120b
mthun pa'i phyir mi dge ba dang lung du ma bstan pa'i rgyur ni ma yin no// de bzhin du mi dge ba dang lung du ma bstan pa'i sems las kyang mi dge ba dang lung du ma bstan pa'i sems kyi rgyur po nar 'gyur te/ rig tha dad pa'i phyir gzhan ni ma yin no// 'dod pa dang gzugs dang gzugs med pa na spyod pa na/ zag pa med pa'i sems rnams las kyang 'dra ba'i sems 'dod pa dang / gzugs dang gzugs med pa na spyod pa dang / zag pa med pa'i sems rnams kho na 'byung bar 'gyur gyi/ rigs mi mthun pa rnams ni ma yin no// mi'i sems las kyang mi'i sems kho nar 'gyur gyi/ gzhan lha dang dmyal ba dang yi dgas dang / dud 'gro la sog/ pa'i sems ni ma yin no// de'i phyir gang zhig lha yin pa de ni lha kho nar 'gyur la/ gang zhig mi yin pa de ni mi kho nar 'gyur ro zhes bya ba la sogs par 'gyur ro// de'i phyir lha dang mi mi dge ba byed pa rnams kyi 'gro ba dang skye gnas dang / rigs dang blo dang dbang po dang stobs dang / gzugs dang longs spyod la sogs pa tha dad pa dang / ngan 'gror ltung ba yang yod par mi 'gyur ba zhig na/ 'di dag thams cad ni 'dod pa yang ma yin no// gang gi phyir de ltar sa bon gyi rgyun dang chos mthun par rtog na nyes pa chen po dang mang por thal bar 'gyur ba de'i phyir brtags pa de 'dir 'thad pa ma yin no// sangs rgyas rnams dang rang rgyal dang // nyan thos rnams kyis gang gsungs pa'i// brtag pa gang zhig 'dir 'thad pa// de ni rab tu brjod par bya// brtag pa de yang gang zhig yin zhe na/ smras pa/ dbang rgya ji blta de bzhin du// mi za las ni bu lon bzhin// de ni kham las rnam pa bzhi// de yang rang bzhin lung ma bstan// 'dir dge ba'i las byas par gyur pa ni skyes ma thag tu 'gag pa yin la/ de 'gags pas 'bras bu med par thal ba yang ma yin te/ gang gi phyir las de gang gi
- 121a
tshe skye ba de nyid kyi tshe byed pa po'i rgyud la las de'i chud mi za ba zhes bya ba ldan pa ma yin pa'i chos bu lon gyi dpang rgya 'dra ba zhig skye bar 'gyur ro// de'i phyir de ltar na dpang rgya ji lta ba de bzhin du chud mi za bar rig par bya la/ gang la chud mi za ba zhes bya ba'i chos de skye ba'i las de ni bu lon bzhin rigs par bya'o// ji ltar bu lon gyi dbang rgya bzhag nas nor spyad kyang nor chud za bar mi 'gyur bar dus gzhan gyi tshe bskyed dang bcas pa'i nor gyi phung po dang 'brel ba nyid du 'gyur ba de bzhin du las zhig tu zin kyang chud mi za ba zhes bya ba'i chos gnas pas byed pa po de'i rgyu can gyi 'bras bu dang mngon par 'brel pa nyid du 'gyur ro// yang ji ltar bu lon gyi dbang rgyas gtong ba po la nor bkug nas ror gyur pa ni yod dam med kyang rung ste yang nor 'gugs par mi nus pa de bzhin du chud me za ba yang rnam par smin pa phyung nas yod dam med kyang rung ste dbang rgya ror gyur pa ltar yang byed pa po rnam par smin pa dang 'brel par byed mi nus so// yang mdo gzhan las gsungs shing kho bo cag gis smras pa'i chud mi za ba gang yin pa/ de ni khams las rnam pa bzhi ste/ 'dod pa dang gzugs dang gzugs med par spyod pa dang / zag pa med pa'i dbyi ba las so// de yang rang bzhin du lung ma bstan// chud mi za ba ni dge ba dang mi dge ba nyid du brda' mi spyod pa'i phyir lung du ma bstan pa kho na yin no// gal te mi dge ba'i las rnams kyi de mi dge ba zhig yin na ni de'i tshe/ 'dod pa'i 'dod chags dang bral ba rnams la med par 'gyur ro// gal te dge ba rnams kyi dge ba zhig yin na ni dge ba'i rtsa ba chad pa rnams de med par 'gyur ro// de'i phyir de ni rang bzhin gyis lung du ma bstan pa nyid yin no// gzhan yang / spong bas spang ba ma yin te/ sgom pas spang ba nyid kyang yin// chud mi za ba de spong bas spang ba ni ma yin no// 'phags pa yang
- 121b
so so skye bo'i las dang ldan par 'gyur du 'ong bas mthong ba'i lam gyis so so skye bo'i las dag kho na spong gi/ chud mi za ba ni de'i las spangs kyang mthong ba'i lam gyis spong ba ma yin te/ 'on kyang de ni sgom pa'i lam gyis kyang spong bar 'gyur ro// kyang gi sgra ni khams las yang dag par 'das pas kyang spang bar bya ba yin no zhes rnam par rtog pa'i don to// gang gi phyir de ltar las 'jig kyang chud mi za ba mi 'jig la/ las spangs kyang spang bar bya ba ma yin pa// de'i phyir chud mi za ba yis// las kyi 'bras bu bskyed par 'gyur// yang gal te chud mi za ba 'di las spong bas te 'dor bas spong bar 'gyur la/ las 'pho ba ste las 'jig cing las gzhan mngon du phyogs pa'i ngo bos 'jig par 'gyur na nyes pa ci yod na/ brjod pa/ gal te spong bas spang ba dang // las 'pho ba yis 'jig 'gyur na/ de la las 'jigs la sogs pa'i// skyon rnams su ni thal bar 'gyur// / gal te so so'i skye bo'i las bzhin du mthong ba'i lam gyis chud mi za ba spong na ni/ de'i tshe las 'jig pa kho nar 'gyur la/ las 'jig pa'i phyir 'phags pa rnams kyi 'bras bu smin pa yid du 'ong ba dang mi 'ong ba sngon gyi las kyi rgyu can du yang mi 'gyur ro// ma byas pa'i las las 'bras bu 'byung bar yang 'gyur ro// las dang 'bras bu med par lta ba'i phyir log par lta bar yang 'gyur ro// de ltar chud mi za bas spong bas spang bar bya ba nyid du khas len na las 'jigs pa la sogs pa'i skyon rnams su thal bar 'gyur ro// de bzhin du las 'pho ba yang sbyar bar bya'o// khams mtshungs las ni cha mtshungs dang // cha mi mtshungs pa thams cad kyi// de ni nying mtshams sbyor ba'i tshe// gcig pu kho na skye bar 'gyur// cha mtshungs pa ni 'dra ba rnams so// mi mtshungs pa ni las rigs tha dad pa rnams so// las cha mtshungs pa dang mi mtshungs pa de rnams thams cad kyi chud
- 122a
mi za ba ni 'dod pa dang gzugs dang gzugs med pa'i khams dag tu nying mtshams sbyor ba'i tshe las thams cad bshig nas gcig kho na skye bar 'gyur ro// de yang khams mtshungs te khams mnyam pa rnams kyi de kho na skye bar 'gyur gyi/ mi mtshungs pa rnams kyi ni mi 'gyur ro// mthong ba'i chos la rnam gnyis po// thams cad las dang las kyi de// tha dad par ni skye 'gyur zhing // rnam par smin kyang gnas pa yin// chud mi za ba zhes bya ba'i chos de ni mthong ba'i chos la ste tshe 'di la zag pa dang bcas pa dang zag pa med pa'i dbye bas rnam pa gnyis te/ tshul gnyis po kun gyi thams cad de sems pa dang bsams pa'i las kyi rang bzhin can las dang las kyi chud mi za ba re re skye bar 'gyur ro// chud mi za ba de ni rnam par smin kyang ste rnam par smin pa na gdon mi za bar 'gag pa ma yin la/ yod du zin kyang dbang rgya ror gyur pa ltar yang 'bras/ bu 'byin par ni byed mi nus so// de ni 'bras bu 'pho ba dang // shi bar gyur na 'gag par 'gyur// de yi rnam dbye zag med dang // zag dang bcas par shes par bya// de la 'bras bu 'pho ba na 'gag pa ni ji skad du/ sgom pas spang ba nyid kyang yin/ zhes bshad pa lta bu'o// shi bar gyur pa na 'gag pa ni ji skad du/ de ni nying mtshams sbyor ba'i tshe// gcig pu kho na skye bar 'gyur/ zhes bsnyad pa lta bu'o// de yang zag pa dang bcas pa rnams kyi ni zag pa dang bcas pa yin la/ zag pa med pa rnams kyi ni zag pa med pa yin te/ de ltar de'i dbye ba shes par bya'o// de'i phyir de ltar na/ stong pa nyid dang tshad med dang // 'khor ba dang ni rtag pa min// las rnams chud mi za ba'i chos// sangs rgyas kyis ni bstan pa yin// gang gi phyir las ni byas nas 'gag gi rang bzhin gyis gnas pa ma yin la/ las rang bzhin gyis gnas pa ma yin pa de'i phyir/ stong pa nyid du 'thad pa yin no// de
- 122b
ltar las mi gnas pas chad par lta bar thal bar 'gyur ba yang ma yin te/ chud mi za ba yongs su bzung bas las kyi 'bras bu yod pa'i phyir te/ rnam par smin pa med na ni las chad par lta bar 'gyur ba zhig go/ chud mi za ba'i chos yod pa'i phyir dang / sa bon gyi rgyun dang chos mthun pa'i rtag pa med pa'i phyir 'gro ba dang rigs dang skye gnas dang / khams sna tshogs pa'i dbye bas phye ba/ 'gre ba lnga'i 'khor ba bkra ba yang grub pa yin no// gang gi phyir las rang gi ngo bos mi gnas par khas blangs par rtag par smra bar thal ba yang ba ma yin la/ chud mi za ba yod pa'i phyir las rnams kyang chud mi za ba zhes bya ba de lta bu'i chos 'di ma rig pa'i gnyid ma lus pa dang bral bas sad par gyur pa/ sangs rgyas bcom ldan 'das kyis bstan pa de'i phyir sngar gzhan gyis/ gal te smin pa'i dus bar du// gnas na las de rtag par 'gyur// gal te 'gags na 'gags gyur pa// ji ltar 'bras bu bskyed par 'gyur/ zhes gang smras pa de kho bo cag gi phyogs la mi 'thad do// de'i phyir kho bo cag gis brjod pa'i brtag pa kho na rigs so zhe'o// 'di la bshad par bya ste/ gang dag las nyid kyang mi 'thad/ pa de'i phyir 'bras bu'i rgyu can gyi rtsod pa byed pa/ khyed cag ci'i phyir dri za'i grong khyer gyi rab 'gyel gyis dogs pas ches yid byung bar gyur zhing de srung ba'i ngal bas tshegs su gyur/ 'di ltar gal te las rang gi ngo pos skye bar 'byung na ni/ de rnam par ma smin gyi bar du gnas pas rtag pa nyid du 'gyur la/ 'jig pas chad par 'gyur ba zhig na/ gang gi tshe rang bzhin gyis stong pas las skye ba med pa de'i tshe na gang las dpyad pa 'dir 'gyur ba de la gnas pa dang 'jig pa yod par ga la 'gyur/ 'dir gang phyir las ni skye ba med/ ces smras pa/ slob dpon gyis/ 'di ltar rang bzhin med de'i phyir/ zhes gsungs ste/ gang gi phyir rang bzhin med pa
- 123a
de'i phyir skye ba med do// gal te de ltar las rang bzhin med pas mi skye na/ ji ltar bcom ldan 'das kyis/ lus can rnams kyi las rnams ni// bskal pa brgya yang chud mi za// tshogs shing dus la bab pa na// 'bras bu nyid du smin par 'gyur// zhes de skad du gsungs she na/ brjod pa/ bcom ldan 'das kyi dgongs pa ni// gang phyir de ni ma skyes pa// de phyir chud zar mi 'gyur ro// zhes bya ba de ltar yin te/ de'i phyir tshul 'dis ni kho bo cag la gnod par byed pa ma yin no// las rang bzhin med do zhes bya ba de ni de ltar yin par gdon mi za bar shes par bya ste/ gzhan du na/ gal te las la rang bzhin yod// rtag par/ 'gyur bar the tshom med// las ni byas pa ma yin 'gyur// rtag la bya ba med phyir ro// gal te rang bzhin gyi sa las yod par gyur na ni/ the tshom med par de rtag par 'gyur te/ rang bzhin la gzhan du 'gyur ba med pa'i phyir ro// de'i phyir las ni byas pa ma yin pa nyid du 'gyur ro// ci'i phyir zhe na/ gang gi phyir rtag la bya ba med phyir ro// rtag pa zhes bya ba ni gang zhig yod pa ma yin la/ gang yod pa de ni bya bar mi 'thad pas rgyu la mi bltos so// de'i phyir dge ba dang mi dge ba'i las ma byas par 'jig rten la rnam par smin par 'gyur ro// de'i phyir/ ci ste las ni ma byas na// ma byas pa dang phrad 'jigs 'gyur// tshangs spyod gnas pa ma yin pa'ang // de la skyon du thal bar 'gyur// gal te las byas pa ma yin par gyur na ni/ de'i tshe ma byas pa dang phrad pa'i 'jigs par 'gyur te/ gang gis srog gcod pa la sogs pa'i las ma byas pa de la yang las de ma byas kyang yod pas 'di de dang yang 'brel pa'i phyir/ ma byas pa dang phrad pa'i 'jigs par 'gyur ro// tshangs par spyod pa la gnas pa ma yin par yang phyogs de la 'gyur ro// ci'i phyir zhe na/ tshangs par spyod pa la gnas pa yongs
- 123b
su dag pa rnams la yang mi tshangs par spyod pa ma byas par yod pas thams cad tshangs par spyod pa ma yin pa la gnas pa'i phyir 'ga' yang mya ngan las 'da' bar mi 'gyur ro// gzhan yang / tha snyad thams cad nyid dang yang // 'gal bar 'gyur bar the tshom med// bsod nams dang ni sdig byed pa'i// rnam par dbye ba'ang 'thad mi 'gyur// gang dag zhing rmo ba dang tshong dang ba glang 'tsho ba la sogs pa'i bya ba 'bras bu'i don du rtsom pa de dag thams cad kyang ma byas bzhin du yod pa'i phyir rtsom pa don med par 'gyur la/ bum pa gyis shig snam bu thogs shig ces bya ba lta bu la sogs pa 'jig rten pa'i tha snyad thams cad dang yang 'gal bar 'gyur te/ bum pa la sogs pa thams cad yod pa nyid kyi phyir ro// 'di ni bsod nams byed pa'o// 'di ni sdig pa byed pa'o zhes bya ba'i rnam par dbye bar yang mi 'gyur te/ bsod nams dang sdig pa byed pa gnyis to re re la yang ma byas kyang bsod nams dang sdig pa dag yod pa'i phyir ro// gzhan yang / de ni rnam smin smin gyur pa// yang dang yang du rnam smin 'gyur// gal te rang bzhin yod na ni// gang phyir las gnas de yi phyir// las rnam par smin pa rnam par smin zin pas kyang yang dang yang du rnam par smin pa 'byin par 'gyur te/ rnam par smin pa smin par ma gyur pa'i gnas skabs ltar/ rang gi ngo bo las ma nyams pa'i phyir ro// de'i phyir de ltar gal te las rang bzhin yod do snyam du sems na ni/ rang bzhin dang bcas pa nyid yin dang / gang gi phyir las rnam par gnas pa yod pa de'i phyir the tshom med par ji skad bshad pa'i nyes pa dag tu 'gyur ro// de'i phyir las rang bzhin med par 'gyur ro// gang gi phyir las rang bzhin med pa de'i phyir kho bo cag de skad du rnam par 'chad pa dag la rtag pa dang chad par lta bar thal bar skyon du mi 'gyur ro// 'dir smras pa/ las ni rang bzhin gyis yod/
- 124a
pa nyid yin te/ de'i chu yod pa'i phyir ro// 'dir gang yod pa ma yin pa de la ri nA red de/ rus sbal gyi sa'i gos bzhid do// las rgyu nyon dngas pa rnabs ni yod pa yang yin te/ ma rig pa'i rkyen gyis 'du byed rnams so// len pa'i rkyen gyis srid pa'odes 'byung ba'i phyir ro// de'i phyir las med pa nyid yin ro// brjod par bya ste/ 'don mi rigs so// ci'i phyir zhe na/ gang gi phyir/ las 'di nyon mongs pa dag nyid la// nyon mongs de dag yang dag min// gal te nyon yongs yang dag rir// las ni yang dag ji ltar yin// 'dir las 'di nyon mongs pa'i bdag nyid de/ nyon khengs pa'i rgyu can yin la/ nyon mongs pa de dag kyang yang dag par yod pa ma yin te/ gang dag stag dang paM sdug dang // phyir ci log la ba rten 'byung ba// de dag rang bzhir las med de// de'i phyir nyor 'ongs yang dag med// ces 'chad par 'gyur ba'i phyir ro// de'i phyir de lta nyon mongs pa de dag yang dag pa ma yin na/ de'i tshe de dag gi na can las gang yin pa de yang dag par ji ltar 'gyur/ de'i phyir las rang ba'in gyis yod pa ma yin no// 'dir smras pa/ las dang nyor mongs pa dag ni yod pa nyid de/ de'i 'bras bu yod pa'i phyir ro// 'dir las dang nyor phongs pa dag gi 'bras bu lus zhes bya ba dmigs pa yor la/ gang gi 'bras bu dmigs pa de de yod pa yin te/ yod pa ma yin pa dang mkha'i me tog la sogs pa'i 'bras bu ri ma mthong ba'i phyir ro// brjod par bya ste/ gal te de dag gi 'bras bu lus zhes bya ba yod da ni/ las dang nyo mongs pa dag kyang yod par 'gyur ra/ yod pa ni ma yin no zhes bstan pa'i phyir/ las dang nyon mongs pa dag ni/ lus rnams kyi ri n+yar du bskur// gal te las dang nyon mongs pa// de stong lus la ji ltar brjod/ zhes gsungs so// ji ltar las dang nyin phongs pa dag stong pa de ltar ni bstan zin to//
- 124b
de'i phyir gang gi tshe las dang nyon mongs pa dag nyid yod pa ma yin pa de'i tshe de dag gi 'bras bu lus rnams yod pa ma yin pa la brjod pa ci zhig yod par 'gyur te/ gang gi phyir de dag yod pa ma yin pa nyid du sngar grub zin pa de'i phyir 'di la brjod par bya ba lhag ma cung zad yod pa ma yin no snyam du dgongs pa yin no// 'dir smras pa/ las ni rang bzhin gyis yod pa nyid yin te/ de'i 'bras bu za ba po yod pa'i phyir ro// gang yod pa ma yin pa de'i 'bras bu za ba po ni yod pa ma yin te/ dper na/ nam mkha'i a mra'i shing thog bzhin no// las kyi 'bras bu za ba po ni yod pa yin te/ ma rig bsgribs pa'i skye bo gang // sred ldan de ni za ba po// de yang byed las gzhan min zhing // de nyid de yang ma yin no// de la ma rig pa dang mi shes pa dang mun pa dang rmongs pa zhes bya ba ni rnam grangs dag go// ma rig pas bsgribs pa ni g.yogs pa'o// 'gro ba lnga'i 'khor bar yang dang yang du skye bas na skye bo ste/ sems can dang gang zag dang / srog chags zhes bya ba ni de nyid kyi rnam grangs dag go// sred pa dang 'dod chags dang chags pa dang rnam par chags pa zhes bya ba'i sgra ni rnam grangs dag go// ldan pa ni 'tshong ba'o// srid pa'i 'ching ba 'di la yod pas na sred ldan ni te/ sred pa'i 'ching ba can zhes bya ba'i don to// ji skad du mdo las/ ma rig bsgribs pa'i sems can dag/ sred pa'i kun tu sbyor ba can/ zhes gsungs so// 'on kyang sdig pa'i las 'di ni rang gi byas pa yin la/ 'di'i rnam par smin pa ni rang nyid kyis so sor nyams su myong bar bya ba yin no zhes 'byung ba las na de ni las kyi 'bras bu'i za ba po'o// de yang byed pa po las gzhan ma yin la/ de nyid de yang ma yin te/ de nyid dang gzhan du brjod pa med pa'i phyir ro// de'i phyir 'bras bu za ba po yod pa'i phyir las yod pa nyid do zhe na/ 'di la brjod par bya ste/ gal te las nyid yod
- 125a
na las kyi byed pa po dang / 'bras bu zab po yang yod par 'gyur ma yod pa ni ma yin no// ji ltar she na/ gang gi phyir na las 'di ni/ rkyen las blang ba ma yin zhing // rkyen min las byung yod kyi pa// de ster byed pa po yang med// bal te las dang byed med // / las skyes 'bras brag pa yod// ci ste 'bras bu yod minan// zab bo stag la yod// gal te las zhes bya ba 'ga' zhig yod na ni/ de n+ten las byung ba'am/ rkyen ma yin pa la byung ba zhig tu 'gyur zang / re zhig gal te rkyen las byung bar 'dod na de/ de mi rigs te/ kyer ba dag par bshad zin pa'i phyir ro// ci ste rkyen ma yin pa las byung ba ste/ rgyu med pa yin na ri de yang med na ri 'bras bu dang / rgyu yang zhes bya ba la sogs pas byed pa po dang las btag pa las rgyas par bsan zin to// gang gi phyir de skar las 'di rkyen las byung ba 'am/ rkyen pa yin pa las byung ba yod pa ma yin pa de'i phyir las 'di'i byed pa po yang yod pa ma yin no// gang gi tshe de ltar pas dang byed pa po yod pa ma yin pa de'i tshe las las skyes pa'i 'bras bu cu med ba pa yod par ga la 'gyur/ 'bras bu yod pa ma yin na'abras bu zab po yod par yang lug la 'byung te/ 'di dag thams cad ni rang bzhin gyis yod pa ma yin pa kho na 'o zhes shes par bya'o// 'dir smras pa/ gal te de ltar khyod kyis dngos po rnams rang bzhin med par rnam par bzhag na/ 'or ni gang bcom ldan 'das kyis rang gi byas pa'i las kyi rnam par smin pa ni rang nyid kyis stong bar 'gyur ba yin no zhes gsungs pa de dag zabs cad tshal 'di bsal bar 'gyur la/ las dang 'bras bu la srur ba btab pa'i phyir na byed med pa pa gtso bor gyur pa yin no// brjod par bya ste/ kho bo cag med pa pa ma yin te/ kho bo cag ni yod pa dang med pa gnyis su smra ba bkag nas gnyis med pa'i lam mya ngan las
- 125b
'das pa'i grong khyer du 'gro ba gsal bar byed pa yin no// kho bo cag ni las dang byed pa po dang 'bras bu la sogs pa med do zhes smra ba yang ma yin te/ 'o na ci zhe na/ 'di dag rang bzhin med do zhes rnam par 'jog/ pa yin no// ci ste rang bzhin med pa rnams la bya ba byed pa mi 'thad pa'i phyir nyes pa so na 'dug pa nyid do snyam na/ de yang yod pa ma yin te/ rang bzhin dang bcas pa rnams kho na la bya ba ma mthong ba'i phyir dang / rang bzhin med pa rnams kho na la bya ba mthong ba'i phyir ro// ji ltar bum pa la sogs pa rang bzhin med par gyur pa rag kho na 'jig rten na rang gi bya ba byed par dmigs pa yin no// gzhan yang don 'di ni dpe ches gsal ba 'di las nges par bya'o// ji ltar ston pas sprul pa ni// rdzu 'phrul phun tshogs kyis sprul zhing // sprul pa de yang sprul pa ni// slar yang gzhan ni sprul pa ltar// 'di lta ste/ dper na/ ston pa sangs rgyas bcom ldan 'das kyis/ rdzu 'phrul phun tshogs te/ rdzu 'phrul gyi mthus sprul pa sprul la/ sprul pa de yang ste sangs rgyas bcom ldan 'das kyis/ sprul pa de slar yang ste phyis gzhan te sprul pa gzhan po sprul pa yin no// de la sprul pa gang zhog sprul pa gzhan sprul pa po de ni stong zhing rang bzhin med de/ de ba'i na gshegs pa'i rang bzhin dang bral ba zhes bya ba 'dzin to// yang gang zhig sprul pas sprul pa'i sprul pa gzhan gang yin pa de yang seng na rang bzhin med pa ste/ de bzhin gshegs pa'i rang bzhin dang 'bral ba zhes bya ba'i tha tshig go// ji ltar der rang bzhin med pa rnams la rang bzhin med pa'i bya ba byed pa nyid dang las dang byed pa po'i brjod par 'gyur ba/ debazhin byed po des las gang / byas pa'ang sprul pa'i rnam po bzhin// dper na sprul pas sprul gzhan zhig/ sprul pa mdzad pa de bzhin no// 'dir las kyi byed pa po gang yin pa de ni sprul pa'i rnam pa bzhin te/
- 126a
rang bzhin gyis stong pa yin la/ rang bzhin gyis stong pa'i byed pa po des las gang cung zad cig byed pa de yang rang bzhin gyis stong pa yin te/ dper na/ sprul pas sprul pa gzhan sprul pa de bzhin du rigs par bya'o// de'i phyir dbu ma pa gnyis su med par smra ba rnams la log par lta ba ga la yod/ ji skad du/ gang tshe bde gshegs gtam rnams ston pa na// mgon po srang bzhud mi la thugs brtse'i phyir// rgyal bas der ni sprul pa rnams sprul te// de dag la yang sangs rgyas chos bzang ston// srog chags brgya stong dag gis de thos nas// sangs rgyas ye shes mchog la smon lam 'debs// dam bdag 'di 'dra'i ye shes thob snyam ste// bsam pa mkhyen pas rgyal bas de lung ston// gang gis rgyal ba mi dbang spyan drangs pa// de yi sbyin pa mu mtha' med 'gyur te// rnyed mchog bsam gyis mi khyab des rnyed ces// la la dag ni de la mos pa bskyed// ces rgyas par gsungs pa lta bu'o// 'dul ba las kyang / bcom ldan 'das kyis dge slong sdig pa can gyi dge slong mi mthun pa zhig sprul la/ de'i tshe gang gis tshul khrims dang / ldan pa la/ rnam par dag par khas 'ches pa dang 'grogs par yang bcas so zhes 'don to// de la sprul pa'i dpes rang bzhin med par lta ba 'thad pa'i ngo bo yin pa 'ba' zhig tu ma zad kyi/ gzhan yang dpe 'di dag gi// / kyang dngos po rnams rang bzhin med par gsal bar shes par bya'o// zhes bstan pa'i phyir/ nyon mongs las dang lus rnams dang // byed pa po dang 'bras bu dag/ dri za'i grong khyer lta bu dang // smin rgyu rmi lam 'dra ba yin// / zhes gsungs so// de la nyon mongs pa ni 'dod chags la sogs pa dag ste/ sems can gyi sems kyi rgyud dag nyon mongs par byed pa'i phyir ro// las ni dge ba dang mi dge ba dang mi g.yo ba dag go/ lus ni khog pa dag go//
- 126b
byed pa po ni bdag rnams so// 'bras bu ni rnam par smin pa dang bdag po dang rgya mthun pa rnams te/ nyon mongs pa la sogs pa'i don de dag ni dri za'i grong khyer gyi rnam pa la sogs pa ltar rang bzhin med par rig par bya'o// de'i phyir dngos po rnams kyi rang bzhin khas ma blangs pas dbu ma pa rnams kho na la rtag pa dang chad pa lta ba gnyis su thal ba med pa yin no zhes shes par bya'o// las dang 'bras bu'i 'brel pa rnam par spyod pa der brtsad pa ngan pa lhag ma'i brgal pa dang lan dag ni rgyas par dbu ma la 'jug pa las nges par bya'o// 'dir sprul pa'i dge slong gnyis kyis dge slong dmigs pa lnga brgya btul ba 'phags pa dkon mchog brtsegs pa'i mdo las gsungs pa ma tshang ba med par dper brjod par bya'o// slob dpon zla ba grags pa'i zhal snga nas sbyar ba'i tshig gsal ba las/ las dang 'bras bu brtag pa zhes bya ba rab tu byed pa bcu bdun pa'i 'phrul pa'o// dwe smras pa/ gal sbyin mongs pa rnams dang / lus gdag / lus rnams dang / byi pa bdug dang / bras bla rnams ste/ 'd-i ga thams cad da 'on cid ma ldan gyi/ \u0f7f rdzi thong lter la sogs pa lta/ de khon nyid ma yin bzhin du/ byis pa rnams la de kho na nyid kyis rnam par snang ba yin na/ yang 'dir de khon nyid ni gang zhig la/ de khon nyid la 'jug pa yang ji ltar yin/ brjod par bya ste/ da dang phyi'i dngos po ma dmigs pas nang dang phyi la bdag tu 'dzin pa dang bdag gir 'dzin pa rnam pa thams cad du zad pa 'di ni 'dir de kho na nyid do// de kho na nyid la 'jug pa ni/ nyon mongs skyon rnams ma lus 'jig chogs la// lha las byung bar zo yis mthong 'gyur zhing // bdag ni 'di yis yul du rtog byas nas// rnal 'byor pa yis bdag ni 'gog par byed// ces bya ba la sogs pas rgyas par dbu ma la 'jug pa las btsal bar bya'o// /
- 127a
'dir ni gnas pa'i phyogs nyid bshad par bya ste/ 'di na rnal 'byor pa de kho na nyid la 'jug par 'dod cing / nyon mongs pa dang skyon ma lus par rab tu spong bar 'dod pa ni 'khor ba 'di ci'i rtsa ba can yin/ zhes de ltar nye bar rtog par byed la/ de de ltar nye bar rtog pa na/ 'khor ba 'jig tshogs la lta ba'i rtsa ba can nyid du mthong zhing / bdag ni 'jigs tshogs la lta ba de'i dmigs pa yin par mthong la/ bdag ma dmigs pas 'jig tshogs la lta ba spong zhing / de spangs pas nyon mongs pa dang skyon ma lus pa ldog par mthong bas/ gang zhig bdag tu 'dzin pa'i yul bdag ces bya ba 'di ci zhig ces ches thog mar bdag kho na la nye bar rtog par byed do// bdag tu 'dzin pa'i yul de yang brtag pa na phung po'i rang bzhin nam/ phung po las tha dad pa zhig tu 'gyur grang / de la rten dang brten pa dang de dang ldan pa'i phyogs rnams kyang / gcig nyid dang gzhan nyid kyi phyogs kyi khongs su 'dus pa'i phyir dang / mdor bsdus nas brjod par 'dod pa'i phyir/ gcig nyid dang gzhan nyid kyi phyogs gnyis bkag pa nyid kyis bdag dgag pa brtsam par bzhed nas/ gal te phung po bdag yin na// skye dang 'jig pa can du 'gyur// gal te phung po rnams las gzhan// phung po'i mtshan nyid med par 'gyur/ zhes bya ba gsungs so// yang gzhan de bzhin gshegs pa brtag pa dang / me dang bud shing brtag par phyogs lnga nye bar bkod la/ 'dir ni phyogs gnyis nyid yin pa ci'i phyir zhe na/ brjod par bya ste/ gang gi phyir/ de dag tu phyogs lnga bstan pa de nyid kyi phyir/ gzhan du bstan pas yang 'dir ma bstan te/ mdor bsdus nas phyogs gnyis shig nye bar bkod do// de la gal te phung po bdag yin no zhes rtog na ni/ des na skyed pa 'jigs paca/ te/ bdag skye ba dang 'jig pa can du 'gyur te/ phung po rnams skye ba dang 'jig pa la brten pa'i phyir/
- 127b
ro// bdag ni de ltar 'dod pa yang ma yin te/ nyes pa du mar thal bar 'gyur ba'i phyir ro// 'di ltar ma byung ba las byung min te// 'di la skyon du thal bar 'gyur// bdag ni byas par 'gyur ba dang // 'byung ba rgyu med can du'ang 'gyur/ zhes bya ba dang / de bzhin du/ nye bar len nyid bdag ma yin// de 'byung ba dang 'jig pa yin// nye bar blang ba ji lta bur/ nye bar len po yin par 'gyur// zhes 'chad par 'gyur ro// gzhan yang phyogs 'di ni/ gal te phung po bdag na de phyir de// mang bas bdag de dag kyang mang por 'gyur// bdag ni rdzas su 'gyur zhing der lta ba// rdzas la 'jug pas phyin ci log mi 'gyur// mya ngan 'das tshe nges par bdag chad 'gyur// mya ngan 'das sngon skad cig dag la ni// skye 'jig byed po med pas 'bras med nyid// gzhan gyis bsags pa gzhan gyis za bar 'gyur/ zhes bya ba la sogs pa dbu ma la 'jug pa las rgyas par rnam par dpyad pa byas pa las khong du chud par bya ste/ 'dir ni spros pa rgyas par mi brtsam mo// de ltar re zhig phung po bdag ma yin no// phung po las tha dad par yang mi rung ngo // gal te phung po rnams las gzhan// phung po'i mtshan nyid med par 'gyur ji ltar ba glang las gzhan pa'i rta ba glang gi mtshan nyid du 'gyur ba de bzhin du/ bdag kyang phung po las tha dad par rtog pa na/ phung po'i mtshan nyid med par 'gyur ro// de la phung po rnams ni 'dus byas yin pa'i phyir/ skye ba dang gnas pa dang 'dzag pa'i mtshan nyid can yin no// de la bdag phung po'i mtshan nyid can du ma gyur pas skye ba dang gnas pa dang 'jig pa dang ldan par mi 'gyur ro// gang zhig de lta bu yin pa des ni yod pa ma yin pa'i phyir ram 'dus ma byas yin pa'i phyir nam mkha'i me tog gam mya ngan las 'das pa ltar/ bdag tu brjod pa rnyed par mi 'gyur la/ bdag tu 'dzin pa'i yul nyid du yang mi rigs so// de'i phyir bdag phung po las
- 128a
gzhan du yang rigs pa ma yin no// rnam pa gcig tu na 'di ni don gzhan yin no// gal te bdag phung po las tha dad na de phung po ma yin pa'i mtshan nyid can du 'gyur te/ phung po lnga ni gzugs su rung ba dang / nyams su myong ba dang / mtshan mar 'dzin pa dang / mngon par 'du byed pa dang / yul so sor rnam par rig pa'i mtshan nyid can yin na/ bdag ni gzugs las rnam par shes pa bzhin du phung po dag las/ tha dad par 'dod pa na mtshan nyid tha dad par grub par 'gyur la/ mtshan nyid tha dad par grub pa ni gzugs las sems ltar bzung bar 'gyur na/ 'dzin pa yang ma yin no// de'i phyir phung po las tha dad pa yang yod pa ma yin no// gal te mu stegs pa dag gis bdag phung po las tha dad par rtogs shing / de'i mtshan nyid kyang tha dad par smra ba ma yin nam/ de'i phyir tshul 'di ni de dag la gnod par byed pa ma yin no// ji ltar mu steg pa dag bdag gi mtshan nyid tha dad par smra ba de ltar ni/ za po rtag dngos byed po min pa'i bdag/ yon tan bya med mu stegs rnams kyis brtags// de dbye cung zad cung zad la brten nas// mu stegs can rnams lugs ni tha dad 'gyur/ zhes dbu ma la 'jug pa las spras pa yin no// zhe na/ brjod par bya ste/ mu stegs pa dag bdag phung po las tha dad pa de'i mtshan nyid smra ba bden mod kyi/ de dag bdag rang gi ngo bos dmig nas de'i mtshan nyid smra ba ni ma yin te/ 'o na ci zhe na/ brten nas brtags pa'i don ji lta ba bzhin ma gtogs par skrag pas bdag ming tsam zhig tu ma gtogs shing kun rdzob kyi bden pa las kyang nyams shing / log par rtog pa 'ba' zhig gi sgo nas rjes su dpag pa ltar snang ba tsam gyis bslus pas bdag yongs su rtog par byed la/ de'i mtshan nyid kyang smra bar byed pa yin te/ las dang byed pa po brtags pa la sogs pa dag tu bdag
- 128b
dang nye bar len pa gnyis phan tshun paltos pa'i grub pa yin par gsung ba na kun rdzob tu yang de dag gi dgag pa mdzad pa nyid yin no// ji ltar me long brten nas su// rang bzhin gzugs brnyan snang mod gyi// de ni/ yang dag nyid du na// cung zad kyang ni yod min pa// de bzhin phung po rnams brten nas// ngar 'dzin pa ni dmigs par 'gyur// rang gi bzhin gyi gzugs brnyan bzhin// yang dag tu na de 'ga'a'ang med// ji ltar me long ma brten par// rang bzhin gzugs brnyan mi snang ltar// phung po rnams la ma brten par// ngar 'dzin pa'ang de dang 'dra/ zhes gsungs so// de'i phyir de bstan pa'i phyir yang 'bad pa mi brtsam mo// brten nas btags pa ma rig pa'i phyin ci log dang ldan pa rnams bdag tu mngon par zhen pa'i gzhir gyur pa ni/ phung po lnga po 'di gang gi nye bar len pa nyid du snang ba 'di ci phung po'i mtshan nyid yod pa zhig gam/ 'on te phung po'i mtshan nyid med pa zhig ces thar pa 'dod pa rnams kyis rnam par dpyod pa yin no// rnam pa thams cad du dpyad pa thar pa 'dod pa rnams kyis mi dmigs pa de'i phyir de rnams la/ bdag nyid yod pa ma yin na// bdag gi yod pa dag la 'gyur// bdag ma dmigs pa'i phyir bdag drugadags pa'i na phung po lnga po dngos po bdag gi pa yang shin tu ches dmigs par mi 'gyur ro// ji ltar shing / tshig na de'i yan lag byung chagapas mi dmigs pa de bzhin du rnal 'byor pa dag gis gang gi tshe bdag gi med par rtogs pa de nyid kyi tshe phung po'i dngos po bdag gi ba yang bdag med par nges par rtogs par 'gyur ro// dza skad du/ ngar 'dzin las byung / phung po rnams// ngar 'dzin de ni don du brdzun// gang gi sa bon rdzun de yi// skye ba bden pa ga la zhig/ phung po de ltar mi bden par// mthong nas ngar 'dzin spong bar 'gyur// ngar 'dzin pa dag spangs nas ni// phyis
- 129a
ni phung po 'byung mi 'gyur/ zhes bshad do// ji ltar nyi ma sos ka'i zla ba tha ma dang mtsham pa/ nam mkha' sprin dang bral ba'i dkyil 'khor gyi phyogs gnon par byed cing cung zad rung bar gyur pa'i 'od zer me ches gsal ba'i me stag rgya chen po dang 'dra ba/ sa'i dkyil 'khor ches je rngub tu gyur pa gdung bar byed pa lhur len pa dag la brten zhing sa phyogs ches je rngub tu gyur pa dang phrad de/ mthong ba phrin ci log la bltos nas chu dang 'dra ba'i smig chu dag dmigs pas skye bo yul thag ring ba na gnas pa rnams la shes pa chu shin tu dang ba'i rnam pa can skyed par byed kyi/ de dang nye bar gyur pa rnams la ma yin pa de bzhin du/ 'dir yang / ma rig pa'i phyin ci log dang ldan pas so so'i skye bo bdag dang bdag gi ba'i dngos po ji ltar gnas pa'i de kho na nyid ni mthong ba las rgyang ring du gnas pa rnams la bden par snang ba bdag dang phung por skyo btags pardzun pa'i don 'di nyid ni dngos po'i de nyid mthong ba dang nye bar gnas pa rnams la mi snang ngo // ji skad du/ thag ring nas ni mthong ba'i gzugs// nye ba rnams kyi gsal bar mthong // sdig rgyugs chu yin na// nye ba rnams kyis ces mi mthong // ji ltar ring ba rnams kyis ni// 'jig rten 'dren yang dag mthong // de yang de dang nye rnams kyis// mi mthong mtshan med sdig rgyu bzhin// ji ltar sgeg na chu 'angag/ min don du ma yin pa// de bzhin phung po bdag 'dra ba/ de dag bdag min don du min/ zhes bshad do// bdag dang bdagag ma dmigs pa de nyid kyi phyir don dam pa mthong ba dang nye ba'i rnal 'byor ba ni nges par// bdag dang bdag gi zhi ba'i phyir// ngar 'dzin nga yir 'dzin med 'gyur// bdag la phan pa ni bdag gi ste// bdag gi ba'i phung po lnga zhes bya ba'i don to// bdag ste ngar 'dzin pa'i yul dang nga yir 'dzin pa'i yul bdag gi baphung ba
- 129b
la sogs pa'i dngos po zhi ba ste/ ma skyes shing ma dmigs pa'i phyir rnal 'byor pa/ ngar 'dzin pa dang nga yir 'dzin pa med par 'gyur ro// gal te 'ga' zhig de ltar ngar 'dzin pa dang nga yir 'dzin pa med par 'gyur ba rnal 'byor pa de re zhig yod pa ma yin nam/ de yod na bdag dang phung po yang grub po zhe na/ de ni de ltar ma yin te/ gang gi phyir/ ngar 'dzin nga yir 'dzin med gang // de yang yod pa ma yin te// ngar 'dzin nga yi ri 'dzin med par// gang gis mthong bas mi mthong ngo // bdag dang phung po dag rnam pa thams cad du ma dmigs pa'i rang gi ngo bo yin dang / gang zhig ngar 'dzin pa dang nga yir 'dzin pa med par 'gyur ba de dag las tha dad par dngos po gzhan yod par gal 'gyur/ gang gis de ltar yod pa ma yin pa'i rang gi ngo bo ngar 'dzin pa dang nga yir 'dzin pa med par mthong ba des/ de kho na nyid mi mthong ngo zhes shes par bya'o// ji skad du/ bcom ldan 'das kyis/ nang gi bdag nyid stong par bltos// phyi rol gyur pa'ang stong par bltos// gang zhig stong nyid sgom byed pa// de yang 'ga' zhig kyang yod min// zhes bya ba dang / de bzhin du/ gang dag ni zhing rab zhi'i chos sems pa'i// byis pa de dag lam ngan zhugs pa yin// chos rnams stong pa yi ge med pa yin// de dag yi ge med par yi ges bstan// gang dag zhi zhing rab zhi'i chos sems pa'i// sems pa de yang nam yang 'byung ma yin// spos kun sems kyi rnam par rtog pa ste// de phyir chos rnams bsam yas shes par gyis/ zhes bya ba dang / de bzhin du/ phung po'i rang bzhin dben zhing stong pa nyid/ byang chub rang bzhin dben zhing stong pa nyid// gang spyod de yang rang bzhin stong pa ste// ye shes ldan pas shes kyi byin pas min// zhes gsungs so// de'i phyir de ltar/ nang dang phyi rol nyid dag la// bdag dang bdag gi snyam zad na// nye bar len
- 130a
pa 'gag 'gyur zhing // de zad pas na skye ba zang // nyon mongs pa thams cad ni 'dzag tshogs la lta ba'i rtsa ba can no// 'jig tshogs la lta ba'i kun 'byung ba can no// 'jig tshogs la lta ba'i rgyu can no// zhes mdo las gsungs pa/ 'jig tshogs la lta ba de yang / bdag dang bdag gi ma dmigs pas spong bar 'gyur zhing / de spangs pas kyang 'dod pa nye bar len pa dang / lta ba dang tshul khrims dang / brtul zhugs dang bdag tu smra ba nye bar len pa zhes bya ba ste/ nye bar len pa bzhi spong bar 'gyur ro// nye bar len pa zad pas ni yang srid pa'i mtshan nyid can skye ba zad par 'gyur ro// gang gi phyir skye ba ldog pa'i rim pa 'di de lhur rnam par bzhag pa de'i phyir/ las dang nyon mongs zad pas thar/ zhes bya bar gnas so// 'di ltar nye bar len pa zad na de'i rkyen can srid pa yang mi 'byung la/ nye bar len pa dang srid pa 'gags na skye ba dang rga shi la// sogs pa yod par ga la 'gyur te/ de ltar na las dang nyon mongs pa zad pas thar par 'gyur ro// zhes bya bar grub po// 'o na ni las dang nyon mongs pa rnams gang zag pas zad par 'gyur ba brjod dgongs so zhe na/ brjod// pa/ las dang nyon mongs rnam rtog las// de dag spros las spros pa ni// stong pa nyid kyis 'gag par 'gyur/ byis pa so so'i skye bo tshul bzhin ma yin par gzugs la sogs par rtog pa la ni 'dod chags la sogs pa'i nyon mongs pa skye bar 'gyur te/ 'dod chags zhe sdang gti mug rnams// kun nu rtog las 'byung bar gsungs// sdug dang mi sdug phyin ci log/ brten pa nyid las kun tu 'byung / zhes 'chad par 'gyur ro// mdo las kyang / 'dod pa khyod kyi rtsa ba ni// shes te kun tu rtog las skye// khyod la rtog par mi 'gyur ba// de phyir ngal mi 'byung ngo // zhes gsungs so// de ltar re zhig las dang nyon mongs pa ni rnam par rtog pa las byung la/ rnam par/
- 130b
rtog pa de dag kyang spros pa sna tshogs pa/ 'khor ba thog ma med pa nas goms pa/ shes pa dang shes bya dang / brjod bya dang / rjod byed dang / bum pa dang / snam bu dang / shing rta dang / gzugs dang / tshor ba dang / skyes pa dang / bud med dang / rnyed pa dang / ma rnyed pa dang / bde ba dang / sdug bsngal ba dang / grags pa dang / ma grags pa dang / bstod pa dang / smad pa la sogs pa'i mtshan nyid can las skye bar 'gyur ro// 'jig rten pa'i spros pa de yang ma lus par stong pa nyid kyis te/ dngos po thams cad stong pa nyid du lta bas 'gag par 'gyur ro// ji ltar zhe na/ gang gi phyir dngos por dmigs pa yod na ni ji skad bshad pa'i spos pa yod par 'gyur gyi/ mo gsham gyi bu mo ma dmigs par ni chags pa can dag de'i yul can spros pa 'jug par mi byed do// spros pa ma bcug par ni de'i yul can tshul bzhin ma yin par rnam par rtog pa 'jug par mi 'gyur ro// rnam par rtog pa ma bcug par yang nga dang nga yi zhes mngon par zhen pa las nyon mongs pa'i tshogs 'jig tshogs la lta ba'i rtsa ba can skyed par mi byed do// nyon mongs pa'i tshogs 'jig tshogs la lta ba'i rtsa ba can ma skyed par ni las dag byed par mi 'gyur la/ las dag mi byed pa rnams ni skye ba dang rga shi zhes bya ba'i 'khor ba nyams su myong bar yang mi 'gyur ro// gang gi phyir de ltar stong pa nyid spros pa ma lus pa nye bar zhi ba'i mtshan nyid can la brten nas spros pa dang bral bar 'gyur zhing spros pa dang bral bas kyang rnam par rtog la ldog cing / rnam par rtog pa log pas las dang nyon mongs pa ldog la/ las dang nyon mongs pa ldog pas skye ba ldog pa de'i phyir/ stong pa nyid kho na spros pa thams cad log pa'i mtshan nyid can yin pas mya ngan las 'das pa zhes bya'o// ji skad du brgya pa las/ mdor na chos ni mi 'tsho bar// /
- 131a
de bzhin gshegs pa rnams kyis gsungs// stong nyid mya ngan 'das pa ste// 'dir ni de gnyis 'ba' zhig go// zhes bshad do// slob dpon legs ldan 'byed ni nyan thos dang rang sangs rgyas rnams la ji skad du bshad pa'i stong pa nyid rtogs pa yod par khong du ma chud nas/ 'di skad du/ 'phags pa nyan thos 'du byed kyi chos gzhan dang gzhan skye ba'i skad cig ma re re la 'jug pa'i ngang can bdag dang bdag gi med/ pa la nges par lta ba la yang / bdag ces bya ba'i dngos po med pa'i phyir skye ba dang 'dzag pa 'di dag ni chos tsam du zad do// zhes bya bar lta ba skye ste/ 'di ltar bdag ni dang 'dzin pa'i yul yin pas de med na de yang mi 'byung la/ de med pa kho na'i phyir 'ga' la yang nang dang phyi rol gyi dngos po med pas nga yir 'dzin pa mi 'thad pa'i phyir/ tha snyad kyi brdar bya ba ma gtogs par nga la ni ngar 'dzin pa med cing nga yir 'dzin pa med do zhes bya bar rang gi ngo bo nges pa skye bar mi 'gyur na/ byang chub sems dpa' chen po 'du byed skye ba med par lta ba rnam par mi rtog pa'i shes rab kyi spyod yul la gnas pa rnams la lta smos kyang ci dgos pas/ de'i phyir/ nga dang nga yin 'dzin med gang // de yang yod pa ma yin te/ zhes gsungs so// zhes de skad du smra'o// slob dpon 'di ji ltar rnam pa de lta bu'i yul la/ slob dpon gyi lugs kyi rjes su 'jug pa ma yin pa de ltar ni dbu ma la 'jug pa las/ ring du song bar de blo'ang lhag par 'gyur/ zhes bya ba der bstan zin pas yang de sun dbyung ba la 'bad par mi bya'o// de nyid kyi phyir bcom ldan 'das kyis/ rab 'byor nyan thos kyi byang chub thob par 'dod pas kyang shes rab kyi pha rol tu phyin pa 'di nyid la bslab par bya'o// rab 'byor rang sangs rgyas kyi byang chub thob par 'dod pas kyang shes rab kyi pha rol tu phyin pa 'di nyid la bslab par bya'o// rab 'byor bla na med pa yang dag
- 131b
par rdzogs pa'i byang chub thob par 'dod pas kyang shes rab kyi pha rol tu phyin pa 'di nyid la bslab par bya'o// zhes rgya cher gsungs shing / gzhan yang / gang dag bde gshegs nyan thos 'gyur bar bya snyam dang // rang sangs rgyas dang de bzhin chos rgyal 'gyur 'dod pas// bzod pa 'di la ma brten thob par mi 'gyur te// dper na tshu rol pha rol 'gro ngogs mi mthong bzhin// zhes gsungs so// 'dir smras pa/ gal te de ltar nang dang phyi'i dngos po ma dmigs pa'i phyir nang dang phyi la nga dang nga'i snyam pa'i rtog pa rnams ma skyes pa de de kho na nyid yin no zhes rnam par bzhag na/ 'o na bcom ldan 'das kyis 'di skad du/ bdag nyid bdag gi mgon yin gyi// gzhan ni su zhig mgon du 'gyur// bdag nyid legs par dul bas ni// mkhas pas mtho ris thob par 'gyur// zhes bya ba dang / de bzhin du/ gnag dang dkar ba'i las ni 'jig mi 'gyur// bdag gi byas pa myong bar 'gyur ba yin// las dang 'bras bu 'pho bar 'gyur ba'ang min// rgyu dang rkyen med par yang 'byung ba min/ zhes rgya cher gsungs pa de dang ji ltar mi 'gal/ brjod par bya ste/ 'di na bdag gam sems can med// chos 'di dag ni rgyu dang bcas/ zhes bya ba dang / de bzhin du/ bdag gzugs ma yin/ bdag gzugs dang ldan pa ma yin/ gzugs la bdag med/ bdag la gzugs med/ de bzhin du bdag rnam par shes pa ma yin/ bdag rnam par shes// / pa dang ldan pa ma yin/ rnam par shes pa la bdag med/ bdag la rnam par shes pa med ces bya bar dang / de bzhin du chos thams cad ni bdag med pa'o zhes bya ba de skad du yang / bcom ldan 'das kyis ci'i phyir ma gsungs// de'i phyir de ji ltar lung gong ma lung 'di dang 'gal bar mi 'gyur/ de'i phyir 'dir bcom ldan 'das kyis bstan pa'i dgongs pa btsal bar bya'o// bcom ldan 'das kyis ni spyir gsung rab las/ bdag go zhes
- 132a
kyang btags gyur cing // bdag med ces kyang bstan par gyur// sangs rgyas rnams kyis bdag dang ni// bdag med 'ga' med ces kyang bstan// to// 'dir dgongs pa ni 'di yin te/ 'di na gang dag la ngan pa'i rab rib kyi ling tog mthug pos blo'i mig ma lus par bkab pas dngos po'i rnam pa 'jig rten pa'i lta ba dri ma med pa'i yul las ma 'das kyang ma mthong bar gyur pa/ tha snyad kyi bden pa la gnas pa kho na yin bzhin du sa dang chu dang me dang rlung zhes bya ba'i de kho nyid tsam gyi rjes su 'jug pa lhur len pa/ rtsa ba dang char dang phabs dang chu dang drod la sogs pa rdzas kyi khyad par yongs su smin pa tsam gyi rkyen las byung zhing / myos pa dang brgyal ba la sogs pa'i rus pa'i khyad par dang ldan pa'i chang dmigs pa ltar/ tho rur rur po la sogs pa'i 'byung ba chen po yongs su smin pa tsam las byung ba nyid du smra ba/ sngon gyi mtha' dang phyi ma'i mthar la skur pa 'debs par zhugs pa/ 'jig rten 'di yang med/ legs par byas pa dang nyes par byas pa'i las rnams kyi 'bras bu rnam par smin pa yang med/ sems can brdzus te skye ba yang med do zhes bya ba la sogs pas 'jig rten pha rol dang bdag la skur pa 'debs par byed pa/ de la skur pa 'debs pas 'bras bu khyad par du 'phags pa yid du 'ong ba mtho ris dang byang grol gyi khyad par 'phen pa la rgyab kyis phyogs pa/ rtag tu rgyun mi 'chad par mi dge ba'i las mngon par 'du byed pa la zhugs pa dmyal ba la sogs pa'i g.yang sa chen por ltung ba la mngon du phyogs pa de dag gi yang dag pa ma yin pa'i lta ba de dag bzlog par bya zhing gdul bya dman pa dang 'bring po dang mchog rjes su bzung bar bzhed pas gdul bya dman pa sdig pa mi dge ba byed pa rnams mi dge ba las bzlog par bya ba'i phyir/ sangs rgyas bcom ldan 'das spyod pa brgyad khri bzhi stong gi dbye bas
- 132b
tha dad pa'i sems can gyi khams kyi na bsams pa ji lta ba bzhin du rjes su gshegs pa/ sems can gyi khams ma lus pa bsgral bar thugs dam bcas pa/ sgrub pa lhur mdzad pa/ thabs dang mkhyen rab dang thug rje chen po dang ldan pa/ 'gro ba du ma'i dpe tha mi mnga' ba'i gnyen/ nyan mongs pa'i nad ma lus pags par mdzad pa/ sman pa'i rgyal po chen po rnams kyis 'ga' zhig tu bdag go zhes kyang btags b+hur cing ste bzhag par gyur to// rgyu med par smra ba dgag pa'i 'thad pa ni byed pa po dang las brtag pa dang / rgu med las kyang min zhes bya ba des dbu ma la 'jug pa las rgyas par shes par bya ste/ de dgag pa'i phyir 'dir yang 'bad par mi bya'o// gang dag dge ba'i las byed cing mi dge ba'i las las log pa/ bdag tu yang dag par lta ba mkhregs pa bya srad bu ches shin tu ring bas lhod pa ltar shin tu ring por phyin yang khams gsum las shin tu 'das nas mya ngan las 'das pa'i grong khyer zhi bar 'gro bar mi rus pa/ gdul bya bar ma de dag 'jig tshogs la lta bar mngon par zhen pa lhod par bya ba'i phyir dang / mya ngan 'das pa la 'dun pa bskyed par bya/ ba'i phyir ni/ sangs rgyas bcom ldan 'das rnams kyis bdag med ces kyang bstan par gyur to// gang dag sngon goms pa'i khyad par gyis zab mo'i chos la lhag par mos pa rjes su 'brel pa'i sa bon yongs su smin par gyur pa thob pa mya ngan las 'das pa la nye bar gnas pa bdag la chags pa dang bral ba/ thub pa'i dbang po'i gsung rab kyi don gyi de kho na nyid mchog tu zab pa'i gting dpogs par nus pa/ gdul bya mchog tu gyur pa de dag la ni lhag par mos pa'i khyad par nges par bzung nas/ sangs rgyas rnams kyis bdag dang ni// bdag med 'ga' med ces kyang bstan te/ ji ltar bdag tu lta ba yang dag pa ma yin pa de bzhin du/ de'i
- 133a
gnyen por gyur pa bdag med par lta ba yang / yang dag pa ma yin pa nyid do// de ltar na bdag 'ga' yang med la/ bdag med pa yang 'ga' yang med do zhes bstan pa yin no// ji skad du mdo las/ 'od srungs bdagaces bya ba 'di ni mtha' gcig go/ bdag med ces bya ba 'di ni mtha' gnyis pa'o// mtha' de gnyis kyi dbus gang yin pa de ni gzugs med pa bstan du med pa/ rten med pa// snang ba med pa/ rnam par rig pa med pa/ gnas med pa ste/ 'od srungs 'di ni dbu ma'i lam chos rnams la yang dag par so sor rtog pa zhes bya'o// zhes gsungs so// 'phags pa rin po che'i phreng ba las kyang / de ltar bdag dang bdag med pa/ yang dag ji bzhin dmigs su med// bdag dang bdag med lta ba ni// de phyir thub pa chen pos bzlog/ mthong dang thos sogs thub pa yis// bden min rdzun pa min par gsungs// phyogs las mi mthun phyogs gyur pas// de dag gnyi ga don du yin/ zhes gsungs so// gang gi phyir de ltar gdul bya'i skye bo dman pa dang bar ma dang mchog gi bsam pa tha dad pa nyid kyis bdag dang bdag med pa dang / de ga gdagag pa'i sgo nas sangs rgyas bcom ldan 'das rnams kyi chos bstan pa la 'jug pa de'i phyir/ dbu ma pa rnams la lung gis gnod pa med do// de nyid kyi phyir slob dpon 'phags pa'i lhas/ bsod nams min/ pa dang por bzlog/ bar du bdag ni bzlog pa dang // phyi nas lta zhig kun bzlog pa// gang gis shes te mkhas pa yin// zhes bshad do// de bzhin du/ slob dpon gyi zhal snga nas kyang / brda' sprod pa dag ji lta bur// yi/ ge'i phyi mo'ang klog 'jug ltar// de bzhin sangs rgyas gdul bya la// ji tsam bzod pa'i chos ston to// kha cig la ni sdig pa las// rnam par bzlog phyir chos ston to// kha cig bsod nams grub bya'i phyir// kha cig la ni
- 133b
gnyis brten pa// kha cig la ni gnyis mi brten// zab mo khu 'khrig can 'jigs pa// stong nyid snying rje'i snying po can// byang chub sgrub pa kha cig la'o// zhes gsungs so// yang na 'di'i don gzhan yin te/ 'du byed skad cig re re la 'jig pa'i ngang can rnams la las dang 'bras bu'i 'brel pa med pa bltas nas grangs can pa la sogs pa dag gis bdag go zhes kyang btags gyur zhing / 'thad pas 'khor ba po bdag ma mthong zhing 'jig rten rgyang pan pa dag gis/ ji tsam dbang po'i spyod yul ba// skyes bu'ang de tsam nyid du zad// bzang mo mang thos gang smra ba// de dag sbyar ki'i rjes dang 'dra// zhes bya ba la sogs pas bdag med ces kyang bstan par 'gyur la/ rab rib can gyis dmigs pa'i skra shad dag la rab rib med pa dag ltar dngos po byis pa'i skye bos btags pa/ bdag dang bdag med pa la sogs pa rang gi ngo bo rnam pa thams cad du ma gzigs pa/ bcom ldan 'das/ sangs rgyas rnams kyis bdag dang ni// bdag med 'ga' med ces kyang bstan/ zhes bya'o// 'dir smras pa/ gal te sangs rgyas bcom ldan 'das rnams kyis bdag dang bdag med pa gnyi ga med par bstan na/ de gnyis ma bstan pa yin dang / 'o na ci bstan/ brjod par bya ste/ brjod par bya ba bzlog pa ste// sems kyi spyod yul bzlog pas so// ma skyes pa dang ma 'gags pa// chos nyid mya ngan 'das dang mtshungs// 'dir brjod pa bya ba 'ga' zhig yod na ni/ de ston par 'gyur ba zhig na/ gang gi tshe brjod par bya ba log cing / tshig dag gi yul yod pa ma yin pa de'i tshe sangs rgyas rnams kyis rlung zad kyang ma bstan to// yang ci'i phyir brjod par bya ba med ce na/ sems kyi spyod yul ldog pas so// zhes gsungs te/ sems kyi spyod yul ni sems kyi spyod yul lo// spyod yul ni yul te/ dmigs pa zhes
- 134a
bya ba'i tha tshig go// gal te sems kyi spyod yul 'ga' zhig yod par gyur na ni der rgyu mtshan 'ga' zhig sgro btags nas tshig dag 'jug par 'gyur na/ gang gi tshe sems kyi spyod yul nyid mi 'thad pa de'i tshe/ rgyu mtshan sgro btags nas tshig gar 'jug par 'gyur/ yang ci'i phyir sems kyi spyod yul med ce na/ bstan pa'i phyir/ ma skyes pa dang ma 'gags pa/ chos nyid mya ngan 'das dang mtshungs// zhes gsungs te/ gang gi phyir ma skyes pa dang ma 'gags pa chos nyid de chos kyi ngo bo dang chos kyi rang bzhin mya ngan las 'das pa dang mtshungs par bzhag pa de'i phyir de la sems mi 'jug go// sems mi 'jug na rgyu mtshan/ spyo 'dogs par gal 'gyur la/ de med pa'i phyir tshig dag 'jug par gal 'gyur te/ de'i phyir sangs rgyas rnams kyis cung zad kyang ma bstan to zhes bya bar gnas so// de nyid kyi phyir/ dmigs pa thams cad nyer zhi zhig/ spros pa nyer zhi zhi ba ste// sangs rgyas rnams kyis gang du yang // su la'ang chos 'ga' ma bstan to// zhes 'chad par 'gyur ro// 'di ni de lta yin pa'am/ yang na phyogs snga ma 'di ni gzhan yin te/ spros pa ni/ stong pa nyid kyis 'gag par 'gyur zhes gang smras na/ ji ltar spros pa stong pa nyid kyis 'gag par 'gyur zhe na/ brjod pa/ gang gi phyir/ brjod par bya ba bzlog pa ste// sems kyi spyod yul ldog pas so// zhes bya ba la sogs pa ste/ snga ma bzhin du bshad par bya'o// rnam pa gcig tu na 'di skad du/ sngar nang dang phyi'i dngos po ma dmigs pas nang dang phyi rol la ngar 'dzin pa dang nga yir 'dzin pa zad pa gang yin pa 'di ni 'dir de kho na nyid do zhes gang bshad na/ de ci 'dra ba zhig yin zhing / ci ste brjod pa 'am shes par bya bar nus sam zhe na/ 'di ltar brjod par bya ba ldog pas te// sems kyi spyod yul ldog pas so// de kho na nyid de la zhes bya ba ni tshig gi lhag ma'o// /
- 134b
yang rgyu ci'i phyir de kho na nyid de la brjod par bya ba ldog cing sems kyi spyod yul ldog par 'gyur zhe na/ ma skyes pa dang ma 'gags pas// chos nyid mya ngan 'das dang mtshungs/ zhes gsungs te/ bshad pa ni snga ma kho na sbyar bar bya'o// de nyid kyi phyir mdo las/ zhi ba'i blo gros gang gi rub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa dang / gang gi nub mo len pa mi mnga' bar yongs su mya ngan las 'da' bar 'gyur ba de'i bar du de bzhin gshegs pas tha na yi ge 'bru gcig kyang ma gsungs so// gsung bar mi 'gyur ro zhes gsungs so// 'khrul 'khor las byas sil snyan ni// ji ltar rlung bskul sgra 'bung ba// de la dkrol byed med mod kyi// 'on kyang sgra dag 'byung 'gyur ba// de bzhin legs par sngar sbyangs zhing // sems can bsams pas bskul gyur pa// sangs rgyas gsung ni 'byung 'gyur yang // 'di la rtog pa yong mi mnga'// ji ltar brag ca'i sgra nang dang // phyi rol gnas pa ma yin pa// de bzhin mi yi dbang po'i gsung // nang dang phyi rol gnas ma yin// zhes bya ba la sogs pa 'byung ngo // 'dir kha tsog dbum pa ni med pa pa dang khyad par med pa yin te/ gang gi phyir dge ba dang mi dge ba'i las dang / byed pa po dang / 'bras bu dang / 'jig rten thams cad rang bzhin gyis stong par smra ba yin pa/ med pa dag kyang de dag med do zhes smra bar byed pa yin pa de'i phyir/ dbu ma pa ni med pa pa dang khyad par med do zhes bya bar byed do// de ltar ni ma yin te/ dbu ma pa dag ni rten cing 'brel par 'byung ba smra ba yin la/ rten cing 'brel par 'byung ba'i phyir 'jig rten 'di dang / 'jig rten pha rol la sogs pa thams cad rang bzhin med par smra bar byed do// med pa pa dag gis ni de ltar rten cing 'brel par 'byung ba yin pa'i phyir/ rang bzhin gyis
- 135a
stong pa nyid kyi sgo nas 'jig rten pha rol la sogs pa dngos po med par rtogs pa ma yin te/ 'o na ci zhe na/ 'jig rten 'di'i dngos po'i rnam pa rang bzhin gyis dmigs na de 'jig rten pha rol nas 'dir 'ong ba dang / 'jig rten 'di nas 'jig rten pha rol tu 'gro bar ma mthong nas 'jig rten 'dir dmigs pa'i dngos po dang 'dra ba'i dngos po gzhan la skur pa 'debs par byed pa yin no// gal te de lta na yang de dag gis dngos po'i rang gi ngo bor yod pa ma yin pa nyid la med pa nyid du rtogs pa'i phyir re zhig lta ba 'di'i sgo nas mtshungs pa yod do zhe na/ med de/ dbu ma pa dag gis kun rdzob tu yod par khas blang pa'i phyir la/ de dag gis khas ma blangs pa'i phyir mi tshugs pa nyid do// gal te dngos po ma grub par mtshungs so// zhe na/ gal te yang dngos po ma grub pa mtshungs pa nyid yin pa de lta na yang rtogs pa po tha dad pas mi mtshungs pa nyid do// 'di ltar dper na du byas pa'i mi zhig la/ gcig gis ni yang dag par mi shes bzhin du de dang mi mdza' bas srud nas 'dis brkus so zhes de la log par smra bar byed la/ gzhan na dngos su mthong nas sun 'byin par byed do// de la dngos po tha dad pa med mod kyang de ltar yang / rtogs pa po tha dad pas gcig la ni der rdzun du smra'o zhes brjod la/ gzhan la ni bden par smra'o zhes bya'o// gcig la ni yang dag par brtags pa na grags pa ma yin pa dang kha na ma tho bar 'gyur la/ gzhan la ni ma yin pa de bzhin du 'dir yang dngos po'i rang gi ngo bo tha mi dad kyang / dbu ma pa dngos po'i rang gi ngo bo ji lta ba bzhin rigs pa rnams khong du chud pa dang smra ba na/ med pa pa dngos po'i rang gi ngo bo ji lta ba bzhin rig pa ma yin pa dag dang lhan cig shes pa dang brjod pa dag mtshungs par yod pa ma yin no// sngon gyi slob
- 135b
mams mams ma mas pamasas sa mkhags sa mam cang bam mamamams mam nga ba nga pasamam mtha ma mtsha bsams mam sa sa sa thas sas sa la ma dzan gang sag gas mas pa kal sa gapa dpon dag ni ji ltar so so'i skye bo dang 'phags pa gnyis kyi so sor ma brtags pa dang so sor brtags pa'i btang snyoms dag btang snyoms su mtshungs pa dang / ji ltar dmus long dang mig dang ldan pa gnyi/ kyis yul phyogs nges par mtshungs kyang khyad par chen po yod pa de bzhin du med pa pa dag dang / dbu ma pa rnams la yang khyad par yod par 'gyur ro zhe'o// 'dir smras pa/ gal te de ltar/ ma skyes pa dang ma 'gags pa// chos nyid mya ngan 'das dang mtshungs pa yin la/ de la ngag dang sems dag 'jug pa yod pa ma yin mod kyi/ de lta na yang / de ma bstan na gdul bya'i skye bo rnams kyi shes par mi nus pas/ gdul bu'i skye bo rnams de la 'jug par bya ba'i phyir gdon mi za bar kun rdzob kyi bden pa la bltos nas ji zhig ltar de bstan pa'i rim pa zhig yod dgos pas de brjod par bya'o// brjod pa/ 'dir sangs rgyas bcom ldan 'das rnams kyi de kho na nyid kyi bdud rtsil 'jug pa'i bstan pa'i rim pa ni 'di yin par shes par bya ste/ gang 'di/ thams cad yang dag yang dag min// yang dag yang dag ma yin nyid// yang dag min min yang dag min// / de ni sangs rgyas rjes bstan pa'o// zhes bya'o// de la/ gang zhig gang gang la dga' ba// de yi de de sngar dpyad bya// nyams par gyur pa dam chos kyi// snod ni cis kyang ma yin no// zhes bya ba dang / ji ltar kla blo skad gzhan gyis// gzung bar mi nus de bzhin du// 'jig rten pa yis ma gtogs pa// 'jig rten gzung bar nus ma yin// zhes bya ba dang / de bzhin du bcom ldan 'das kyis kyang / 'jig rten nga dang lhan cig rtsod kyi/ nga ni 'jig rten dang mi rtsod de/ gang 'jig rten na yod par 'dod pa de ni nga yang yod par bzhed do// gang 'jig rten na med par 'dod pa de ni nga yang med par bzhed do// zhes bya ba'i lung las na thog ma kho nar re zhig bcom ldan 'das kyis gang
- 136a
gis na de ltar snod kyi 'jig rten dang / sems can gyi 'jig rten thog ma rlung gi dkyil 'khor nas srid pa'i rtse mo la thug pa/ nam mkha'i khams kyi mtha' gtugs pa'i skye ba dang gnas pa dang 'jig pa phyin ci ma log pa rab tu dbye ba sna tshogs pa dang bcas pa/ rgyu dang bcas pa/ 'bras bu dang bcas pa/ ro myang ba dang bcas pa/ nyes dmigs dang bcas pa/ nye bar bstan pa/ bcom ldan 'das thams cad mkhyen cing thams cad gzigs pa 'di ni 'jig rten gyi byung tshul ma lus pa mkhyen pa yin no snyam du bdag nyid la 'jig rten gus pa bskyed par bya ba'i phyir de'i lta ba la bltos nas/ gdul bya'i skye bo rang la grags pa'i dngos po rab tu dbye ba dang / rang gi ngo bo'i rnam par phye ba thos pas mos pa mngon par 'dod pa skyes pa la/ phung po dang khams dang skye mched la sogs pa ma rig pa'i rab rib can dag gis bden par btags pa gang / yin pa de nyid bden no zhes gsungs so// de'i phyir de ltar gdul bya'i skye bo bcom ldan 'das la thams cad mkhyen pa yin no snyam du blo skyes pa la dus phyis de dag thams cad yang dag min zhes bstan to// de la yang dag pa zhes bya ba ni gang la gzhan du 'gyur ba nyid med pa la bya na/ skad cig re re la 'jig pa'i phyir 'dus byas rnams la ni gzhan du 'gyur ba yod pa yin te/ de'i phyir gzhan du 'gyur ba yod pas yang dag pa ma yin no// 'ang gi sgra ni dang gi don te/ thams cad yang dag pa dang yang dag pa ma yin pa zhes bstan pa sdud par blta bar bya'o// kha cig la ni 'di dag thams cad yang dag yang dag ma yin nyid/ ces bstan to// de la byis pa'i skye ba la bltos nas ni 'di dag thams cad yang dag pa yin la/ 'phags pa'i ye shes la bltos nas ni 'di dag thams cad rdzun pa ste/ de dag gis de ltar ma gzigs pa'i phyir ro// de kho na nyid lta ba la yun ring po nas
- 136b
goms pa sgrib pa cung zad tsam ma bkrol ba kha cig la ni// de dag/ yang dag min min yang dag min zhes bstan te/ sgrib pa cung zad tsam po de yang spang bar bya ba'i phyir mo gsham gyi bu'i sngo bsangs dang dkar sham bkag pa ltar de gnyi ga yang bkag pa yin no// 'di ni sangs rgyas bcom ldan 'das kyis rjes su bstan pa ste/ lam gol ba nas bzlog nas lam bzang po la 'god pa ni bstan pa'o// de ltar mthar gyis ston pa ni rjes su ston pa'o// yang na gdul bya'i skye bo dang mtshams par ston pa ni rjes su ston pa'o// sangs rgyas bcom ldan 'das rnams kyis bstan pa de dag thams cad ni de kho na nyid kyi bdud rtsi la 'jug pa'i thabs nyid du rnam par gnas so// de bzhin gshegs pa rnams ni ngag de kho na nyid kyi bdud rtsi la 'jug pa'i thabs nyid du rnam par gnas so// de bzhin gshegs pa rnams ni gsung de kho na nyid kyi bdud rtsi la 'dug pa'i thabs su ma gyur pa mi gsung ste/ nad dang rjes su mthun pa'i sman nye bar gsog pa ltar gdul bya'i skye bo rjes su bzung bar bzhed pas ji ltar 'tshams pa ltar ston par mdzad pa yin no// ji skad du brgya pa las/ yod dang med dang yid med dang // gnyig min zhes kyang bsan te// nad kyi dbang gis thams cad de// s+yA m+b+ha zhes byab 'gyur min na ma// zhes bshad do// ga la 'jug par bya ba'i phying bsnu pa dang ston par rna nyid de mtshan nyid ci dang ldan pa zhig ce na/ brjod par bya ba bzlog pa ste/ sems kyi spyod yul bzlog pas so// zhes 'di ni kho bo cag gis bshad zin to// gang gi tshe 'di de lta bu yin pa de'i tshe gzhan yang ci zhig drir yod/ de lta yin mod kyi/ 'on kyang 'jig rten pa'i tha snyad khas blangs pa ltar/ tha snyad kyi bden pa'i ngor sgro btags nas/ de'i mtshan nyid kyang brjod par bya dgongs so zhe na/ de brjod par bya ste/ gzhan las
- 137a
shes min zhi ba dang // spros pa rnams kyis ma spros pa// rnam rtog med don tha dad min// de ni de nyid mtshan nyid do// de la 'di la gzhan las shes pa yod pa ma yin pas na gzhan las shes min te/ gzhan gyis bstan pas rtogs par bya ba ma yin gyi/ rang nyid kyis rtog par bya ba yin no zhes bya ba'i don to// ji ltar rab rib can dag gis skra shad la sogs pa'i ngo bo phyin ci log mthong ba na/ rab rib med pas bstan du zin kyang / rab rib med pa ltar skra shad la sogs pa'i rang gi ngo bo ma mthong ba'i tshul gyis rtogs par bya ba ji ltar gnas pa bzhin rtogs par mi nus te/ 'o na ci zhe na/ rab rib med pas// bstan pa las 'di ni phyin ci log yin no zhes bya ba 'di tsam zhig tu ni rtogs par 'gyur la/ gang gi tsher ba rib sel ba'i mig sman bskus pas rab rib med par gyur pa de'i tshe ni sra shad la sogs pa'i ngo bo dam rtogs pa'i tshul gyis rtogs par 'gyur ba de bzhin du/ 'phags pa rnams sgro btags pa'i sgo nas de kho na nyid sgron mod kyi/ de lta na yang de tsam gyis 'phags pa ma yin pa rnams kyis de'i rang gi ngo bo rtog par mi 'gyur la/ gang gi tshe stong pa nyid phyin ci ma log par lta ba ma rig pa'i rab rib sel bar byed pa'i mig sman gyi blo'i me dag bslus par gyur pa na de kho na nyid kyi ye shes skyes par gyur pa de'i tshe de kho na nyid de ma rtog pa'i tshul gyis rang bzhin gyis rtogs par 'gyur te/ de ltar na dngos po rnams kyi rang gi ngo bo gzhan las shes pa ma yin pa gang yin pa de ni de kho na nyid do// de ni zhi ba'i rang bzhin te/ rab rib med pas swa shwad ma mthong bltar rang bzhin dang bral ba yin no zhes bya ba'i don to// de nyid kyi phyir de ni spros pa rnams kyis ma spos pa'o// spros pa ni ngag ste don rnams spo bar byed pa'i phyir ro// spros pa rnams kyis ma spros pa ni ngag dag gre
- 137b
mya brjod pa'o zhes bya ba'i tha tshig go// de ni rnam par rtog pa med pa yang yin te/ rnam par rtog pa ni sems kyi rgyu ba yin na/ de dngad bral ba'i phyir de 'on nyid de ni rnam par rtog pa med pa yin no// ji skad du mdo las/ don dam pa'i bden pa gang zhe na/ gang la sems kyi rgyu ba yang med na/ yi ge rnams lta smos kyang ci dgos zhes gsungs so// de ltar na rnam rtog med pa yin no// 'di la don tha dad pa yod pas na/ don tha dad pas te don so so ba'o// don tha dad pa med pa ni don tha dad pa min pa ste/ don so so ba ma yin pa zhes bya ba'i don to// ji skad du 'phags pa bden pa gnyis la 'jug pa'i mdo las/ lha'i bus smras pa/ 'jam dpal yang dag par sbyor ba ni gang yin/ 'jam dpal gyis smras pa/ lha'i bu rin dam par na de bzhin nyid dang chos kyi dbyings dang / gtan ma skyes pa gang du mtshungs pa der dor dam par mtshams med pa rnams kyang mtshungs so// mtsham mas pa rnams don dam par gang du mtshungs pa der ni lta bar gyur pa rnams kyang mtshungs so// lta bar gyur pa rnams gang du mtshungs pa der ni so so skye bo'i chos rnams kyang mtshungs so// so so skye bo'i chos rnams gang du mtshungs pa der ni slob pa'i chos rnams kyang mtshungs so// slob pa'i chos rnams gang du mtshungs pa der ni mi slob pa'i chos rnams kyang mtshungs so// mi slob pa'i chos rnams gang du mtshungs pa der ni yang dag par rdzogs pa'i sangs rgyas kyi chos rnams kyang mtshungs so// yang dag par rdzogs pa'i sangs rgyas kyi chos rnams gang du mtshungs pa der ni mya ngan las 'das pa yang mtshungs so// mya ngan las 'das pa gang du mtshungs pa der ni 'khor ba yang mtshungs so// don dam par 'khor ba gang du mtshungs pa der ni don dam par kun nas nyon mongs pa yang mtshungs so// don dam par kun nas nyon mongs pa gang du mtshungs pa der ni
- 138a
don dam par rnam par byang ba yang mtshungs so// don dam par rnam par byang ba gang du mtshungs pa der ni chos thams cad kyang mtshungs so// lha'i bu chos thams cad mnyam pa nyid la yang dag par sbyor ba'i dge slong ni don dam par yang dag par sbyor ba zhes bya ste/ ji skad brjod pa bzhin du ma yin no// lha'i bus smras pa/ mnyam pa nyid gang du don dam par na rnam par byang ba'i bar du mnyam pa gang yin pa der don dam par chos thams cad kyang mnyam pa zhes bya/ 'jam dpal gyis smras pa/ don dam par ni chos thams cad ma skyes par mnyam pa dang / don dam par na chos thams cad ma byung bar mnyam pa dang / don dam par na chos thams cad gtan du ma skyes par mnyam pa dang / don dam par na chos thams cad dngos po med par mnyam par/ lha'i bu don dam par chos thams cad mtshungs so// de ci'i phyir zhe na/ lha'i bu don dam par ni gtan ma skyes pa nye bar bzung nas chos thams cad la tha dad du bya ba med do// lha'i bu 'di lta ste dper na/ kham pa'i snod kyi nang gi nam mkha' gang yin pa dang / rin po che'i snod kyi nang gi nam mkha' gang yin pa 'di gnyis nam mkha'i khams nyid yin te/ de la don dam par tha dad du bya ba cung zad kyang med do// lha'i bu de bzhin du don dam par gang kun nas nyon mongs pa de gtan mi skye ba nyid do// gang rnam par byang ba de yang don dam par gtan mi skye ba nyid do// don dam par na 'khor ba yang gtan mi skye ba nyid do// don dam par na mya ngan las 'das pa'i bar du yang gtan mi skye ba nyid de/ de la don dam par na tha dad du bya ba cung zad kyang med do// de ci'i phyir zhe na/ don dam par na chos thams cad gtan mi skye ba'i phyir ro zhes gsungs so// de'i phyir de ltar na don tha dad pa ma yin pa ni de kho na'i mtshan nyid yin par rig par bya ste/ stong pa nyid du ro
- 138b
gcig pa'i phyir ro// 'dir phyi ma phyi mas bshad par yang rig par bya'o// de ltar na re zhig 'phags pa rnams kyi de kho na nyid kyi mtshan nyid yin no// 'jig rten pa'i de kho na nyid kyi mtshan nyid kyi dbang du byas na brjod par bya ste/ gang la brten te gang 'byung ba// de ni re zhig de nyid min// de las gzhan pa'ang ma yin phyir// de phyir chad min rtag ma yin// ji ltar sa lu'i sa bon la brten nas sa lu'i myu gu 'byung ba ltar rgyu gang la brten te 'bras bu gang zhig 'byung ba de ni re zhig de nyid do zhes brjod par ni mi nus so// sa bon gang yin pa de ni myu gu ma yin te/ bskyed par bya ba dang skyed par byed pa dag gcig nyid du thal bar 'gyur ba'i phyir ro// / de'i phyir pa dang bu gnyis kyang gcig nyid du 'gyur ro// gcig yin pa'i phyir myu gu ltar myu gu'i gnas skabs su sa bon 'dzin par yang 'gyur ro// yang na sa bon ltar myu gu yang 'dzin par mi 'gyur ro// de ltar na sa bon rtag pa nyid du yang 'gyur // mi 'jig pa khas blangs pa'i phyir ro// de'i phyir rtog par smra bar thal bar 'gyur bas nyes pa chen por 'gyur te/ las dang 'bras bu la sogs pa med par thal bar 'gyur ba'i phying ro// de ltar na re zhig sa bon gang yin pa de nyid myu gu yin no zhes bya bar mi rigs so// de las gzhan pa yang ma yin no// sa bon las myu gu gzhan pa nyid kyang ma yin te/ sa bon med par yang myu gu skye bar yang thal bar 'gyur ba'i phyir te/ gal te gzhan ni gzhan las gzhan// de tshe gzhan med par gzhan 'gyur/ zhes bya ba la sogs pa 'byung ba'i phyir ro// myu gu'i gnas skabs na yang sa bon kun chad pa med par thal bar 'gyur la/ de'i phyir 'chol pa'i skyon du 'gyur ro// gang gi phyir de ltar rgyu gang zhig la brten nas 'bras bu gang zhig 'byung bar 'gyur la/ rgyu de 'bras bu yang ma yin zhing / rgyu de las 'bras bu de gzhan pa yang ma
- 139a
yin pa de'i phyir rgyu ni 'chad pa ma yin zhing rtag pa yang ma yin no// zhes bya bar bzhag par yang rus pa yin no// ji skad du 'phags pa'i lhas/ gang phyir dngos po 'jug 'gyur ba// des na chad par/ mi 'gyur zhing // gang phyir dngos po ldog 'gyur ba// des na rtag par mi 'gyur ro// zhes bshad do// mdo las kyang / sa bon yod na myu gu ji bzhin te// sa bon gang yin mu gu de nyid min// de las gzhan min de yang ma yin te// de'i phyir rtag min chad min chos nyid do// zhes gsungs so// de'i phyir de ltar ji skad bshad pa'i tshul gyis/ sangs rgyas 'jig rten mgon rnams kyi// bstan pa bdud rtsir gyur pa de// don gcig ma yin tha/ dad min// chad pa ma yin rtag ma yin// yang dag par rdzogs pa'i sangs rgyas kyu chen po'i sprin chen po'i tshogs kyi phyogs kyi dkyil 'khor nam mkha'i khams kyi mtha' gtugs pa bar mtshams med par 'gebs par mdzad pa/ 'gro ba 'dod chags la sogs pa nyon mongs pa'i tshogs mngon du rgyu'i nyi ma'i dkyil 'khor shin tu ches tsha bas gdungs pa'i gdung ba nye bar zhi ba lhur mdzad pa/ rtag par rgyun mi 'chad par ji ltar 'tsham par spyod pa rnams kyi gnyen por gyur pa/ dam pa'i chos ston pa'i bdud rtsi'i rgyun dag 'bebs pas ji ltar 'os par gdul bya'i skye bo'i dge ba'i rtsa ba'i lo tog gi myu gu skyes pa spel bas rjes su// / bzung bar bzhed pa/ rtag tu dam pa'i chos kyi bdud rtsi'i char 'bebs la/ 'jig rten pa skyob pa med pa'i skyob pa/ mgon med pa'i mgon/ 'jig rten mgon po rnams kyi dam pa'i chos kyis bdud rtsi rga ba dang 'chi ba gtan gcod pa de ni/ ji skad bstan pa'i tshul gyis gcig dang tha dad pa nyid dang bral ba dang / chad pa dang rtag par smra ba dang bral bar shes par bya'o// nyan thos kyi chos kyi de kho na nyid bdud rtsi 'di la zhugs
- 139b
pa/ thos pa dang bsams pa dang sgom pa'i rim gyis rab tu zhugs pa rnams kyis ni/ tshul khrims dang ting nge 'dzin dang shes rab kyi phung po gsum gyi bdud rtsi nye bar spyad pa'i phyir nges pa kho nar rga shi zad pa'i/ ngo bo mya ngan las 'das pa 'thob par 'gyur ro// ci ste yang ji zhig ltar 'dir dge ba'i rtsa ba ma smin pa nyid kyis dam pa'i chos kyi bdud rtsi 'di thos su zin kyang thar pa mi thob na ni/ de lta na'ang de dag skye ba gzhan du'ang/ sngon gyi rgyu'i stobs nyid las grub pa nges par gdon mi za bar 'grub par 'gyur ro// ji skad du brgya pa las/ de nyid shes pas gal te 'dir// mya ngan 'das pa ma thob kyang // skye ba phyi mar 'bad med par// nges par thob 'gyur las bzhin no// zhes bshad do// ci ste yang ji zhig ltar/ rdzogs sangs rgyas rnams ma byung zhing // nyan thos rnams kyang zad pa na// ste/ gyur pa'i tshe 'phags pa'i lam ston par byed pa'i rkyen pa tshang bas de kho na nyid kyi bdud rtsi ma thob par gyur pa/ de lta na yang sngon tshe rabs gzhan du de 'o na nyid thos pa'i rgyu'i stobs kho na las 'jig rten 'di'i nye bar bstan pa la bltos pa dang bral yang rkyen rnam par dben pa brten pa tsam thob pa/ rang 'byung / rang sangs rgyas kyi ye shes ni// brten pa med las rab tu skye ba yin no// rten pa med pa ni lus dang sems dag dben pa 'am/ dge ba'i bshes gnyen yongs su mi tshol ba ste/ rten med pa'i rgyu de las so// gang gi phyir sangs rgyas mi 'byung ba'i dus su rang sangs rgyas rnams kyis de kho na nyid rtogs par 'gyur ba de'i phyir/ yang dag par rdzogs pa'i sangs rgyas sman pa'i rgyal pos gsungs pa dam pa'i chos de kho na nyid kyi bdud rtsi ji skad du bshad pa de 'bras bu yod par grub par shes par bya'o// gang gi phyir 'di de lta yin pa de'i phyir/ shes rab can rnams kyis srog dag kyang btang ste de
- 140a
kho na nyid btsal bar 'os pa yin te/ byang chub sems dpa' rtag tu dus bcom ldan 'das ma ji ltar btsal ba bzhin no// ji skad du/ bcom ldan 'das ma yum shes rab kyi pha rol tu phyin pa brgyad stong pa las/ bcom ldan 'das/ byang chub sems dpa' sems dpa' chen po rtag tu dus/ shes rab kyi pha rol tu phyin pa 'di ji ltar yongs su btsal ba lags/ de skad ces gsol pa dang // bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po rtag tu dus/ sngon shes rab kyi pha rol tu phyin pa 'di yongs su tshol ba na/ lus la ched cher mi byed/ srog la mi lta/ rnyed pa dang bkur sti dang tshigs su bcad pa dag la mi gnas par yongs su btsal bas yongs su tsal to// de shes rab kyi pha rol tu phyin pa yongs su tshol/ zhing 'brog dgon pa zhig tu phyin pa na bar snang las sgra thos par gyur te/ rigs kyi bu shar phyogs su song zhig dang / shes rab kyi pha rol tu phyin pa thos par 'gyur gyis/ ci nas lus ngal ba yid la mi bskyed pa dang / gnyid dang rmugs pa yid la byed pa mi bskyed pa dang / bza' ba yid la byed pa mi bskyed pa dang / zhes bya ba nas nang ngam phyi rol gang la yang sems smon par ma byed cig/ rigs kyi bu g.yon du ma lta bar song zhig/ g.yas su ma yin/ shar du ma yin/ nub tu ma yin/ byang du ma yin/ steng du ma yin/ 'og tu ma yin/ phyogs mtshams su yang ma lta bar song zhing / rigs kyi bu ji ltar bdag la ma yin 'jig tshogs las kyang ma g.yos pa dang / ji ltar gzugs las kyang ma g.yos pa dang / ji ltar tshor ba dang / 'du shes dang / 'du byed rnams dang / ji ltar rnam par shes pa las kyang ma g.yos
- 140b
pa de ltar song zhig/ gang 'di las g.yos pa de ni rnam par nyams par 'gyur ro// ci las nyams par 'gyur zhe na/ sangs rgyas kyi chos rnams las nyams par 'gyur ro// gang sangs rgyas kyi chos rnams las nyams par 'gyur ba de ni 'khor ba la spyod do// gang 'khor ba las spyod pa de ni shes rab kyi pha rol tu phyin pa la mi spyod de/ des shes rab kyi pha rol tu phyin pa rjes su mi 'thob po zhes bya/ pa'i bar nas/ chu de dag mi snang bar byas nas kun tu chu btsal na chu ma rnyed do// de nas byang chub sems dpa' sems dpa' chen po rtag tu ngu 'di snyam du sems te/ bdag gi lus phug la khrag gis sa phyogs 'di chag chag gdab po// de ci'i phyir zhe na/ sa phyogs 'di ni rdul che ste/ sa phyogs 'di nas rdul gyi khams byung bas byang chub sems dpa' sems dpa' chen po chos 'phags kyi lus la phog na mi rung na/ bdag gi lus gdon mi za bar 'jig pa 'dis ci zhig bya/ bdag gi lus 'di lta bu'i bya ba la 'jig pa ni bla'i/ nus pa med pa'i bya ba la 'dod pa'i phyir dang / 'dod pa'i gzhis 'khor ba dag na 'khor ba gi sagab tu pa ba su smranas pa sangs stsa pa// nga chungs pa pa ma su bus da pa lag mas da sa tu phug nas rang gi khrag gis sa phyogs de kho ra khor yug tu chag chag btab po zhes bya ba la sogs pa dang / de nas byang chub sems dpa' sems dpa' chen po rtag tu dus/ byang chub sems dpa' sems dpa' chen po chos 'phags mthong ma thag tu 'di lta ste/ dper na dge slong bsam gtan dang po la snyoms par zhugs pa'i dge slong rtse gcig tu yid la byed pa de bzhin du bde ba de lta bu thob po// de nas byang chub
- 141a
sems dpa' sems dpa' chen po chos 'phags shes rab kyi pha rol tu phyin pa ston pa ni 'di lta ste/ chos thams cad mnyam pa nyid pas shes rab kyi pha rol tu phyin pa mnyam pa nyid do// chos thams cad dben pa nyid pas shes rab kyi pha rol tu phyin pa dben pa nyid do// chos thams cad g.yo ba med pa nyid pas shes rab kyi pha rol tu phyin pa g.yo ba med pa nyid do// chos thams cad rlom sems med pa nyid pas shes rab kyi pha rol tu phyin pa rlom sems med pa nyid do// chos thams cad khengs pa med pa nyid pas shes rab kyi pha rol tu phyin pa khengs pa med pa nyid do// chos thams cad ro gcig pa nyid pas shes rab kyi pha rol tu phyin pa ro gcig pa nyid do// chos thams cad mu med pa nyid pas shes rab kyi pha rol tu phyin pa mu med pa nyid do// chos thams cad skye ba med pa nyid pas shes rab kyi pha rol tu phyin pa skye ba med pa nyid do// chos thams cad 'gag pa med pa nyid pas shes rab kyi pha rol tu phyin pa 'gag pa med pa nyid do// nam mkha' mu med pa nyid pas shes rab kyi pha rol tu phyin pa mu med pa nyid do// zhes bya ba'i bar dang / chos thams cad ma 'dres pa nyid pas shes rab kyi pha rol tu phyin pa ma 'dres pa nyid do// chos thams cad dmigs su med pa nyid pas shes rab kyi pha rol tu phyin pa dmigs su med pa nyid do// chos thams cad rnam par 'jig pa mnyam pa nyid pas shes rab kyi pha rol tu phyin pa rnam par 'jig pa mnyam pa nyid do// chos thams cad byed pa med pa nyid pas shes rab kyi pha rol tu phyin pa byed pa med pa nyid do// chos thams cad bsam gyis mi khyab pa nyid pas shes rab kyi pha rol tu phyin pa bsam gyis mi khyab pa nyid du rig par bya'o// zhes bya ba'i bar du gsungs pa lta bu'o// slob dpon
- 141b
zla ba grags pa'i zhal snga nas sbyar ba'i tshig gsal ba las/ bdag brtag pa zhes bya ba rab tu byed pa bco brgyad pa'i 'grel pa'o// // 'dir smras pa/ dngos po rnams kyi rang bzhin ni yod pa nyid do// / de dus gsum du gdags pa'i rgyu yin pa'i phyir ro// 'dir dus gsum po 'das pa dang ma 'ongs pa dang da ltar byung ba dag ni bcom ldan 'das kyis bstan la/ de dag kyang dngos po'i rten can yin te/ gang/ gi phyir dngos po'i rang bzhin skyes nas 'gags pa la ni 'das pa zhes bsnyad la/ skyes la ma 'gags pa ni da ltar ba yin zhing / bdag gi dngos po ma rnyed pa ni ma 'ongs pa yin no// de ltar na dngos po'i rang bzhin gyi rgyu can dus gsum po stan la/ de dag kyang yod pa yin te/ de'i phyir de'i rgyu dngos po'i rang bzhin yang yod do// brjod par bya ste/ gal te dus gsum nyid yod na/ rus gsum du gdags pa'i rgyu dngos po'i rang bzhin yang yod par 'gyur na/ yod pa ni ma yin no// ji ltar yod pa ma yin pa de ltar bstan pa'i phyir/ da ltar byung dang ma 'ongs pa// gal te 'das la bltos gyur na// da ltar byung dang ma 'ongs pa// 'das pa'i dus na yod par 'gyur/ zhes gsungs te/ 'dir gal te re zhig da ltar dang ma 'ongs pa'i dus dag yod na/ de dag 'das pa'i dus la bltos pa'am ma bltos par yod par 'gyur grang / de la gal te 'das pa la bltos nas grub na ni/ de'i tshe nges par de dag 'das pa'i dus na yod par 'gyur te/ gang gi phyir gang zhig gang na yod pa ma yin pa de ni de la bltos pa ma yin te/ dper na rang gi bu mo mo gsham dang / rang gi me tog nam mkha' dang / rang gi til mar bye ma dag la mi bltos pa bzhin no// gal te sgron ma'i rang gi ngo bo la mun pa med kyang 'gal zla nyid du bltos pa yin no zhe na/ da ni de ltar ma yin te/ de
- 142a
yang bsgrub par bya ba dang mtshungs pa'i phyir ro// de'i phyir 'dir gal te bltos pa grub par bya ba'i phyir da ltar dang ma 'ongs pa'i dus dag 'das pa'i dus na yod par 'dod na ni/ de ltar na/ 'das pa'i dus na yod pa'i phyir 'das pa'i dus kyi rang gi bdag nyid ltar/ de dag kyang 'das pa'i dus nyid du 'gyur ro// de'i phyir 'das par yang mi 'gyur te/ gang gi phyir da ltar las 'das pa ni 'das pa yin la/ ma thob pa ni ma 'ongs pa yin no zhes bya ba yin na/ gang gi tshe da ltar dang ma 'ongs pa dag yod pa ma yin pa nyid du gyur pa de'i tshe gang zhig 'das pa nyid du 'gyur ba ga la yod/ de'i phyir 'das par yang mi 'gyur ro// ci ste ji skad du bshad pa'i skyon spangs par 'dod nas/ da ltar byung dang ma 'ongs pa// gal te de na med 'gyur na// da ltar byung dang ma 'ongs pa// ji ltar de la bltos par 'gyur// gal te da ltar dang ma 'ongs pa'i dus de dag 'das pa'i dus de na med par rtog na/ de lta na yang de na yod pa ma yin pas/ nam mkha'i ut+pa la ltar bltos pa yod pa ma yin no// ci ste yang dus smra ba rnams kyi ltar na dus yod pa nyid yin na/ de la bltos pas dgos pa ci yod snyam na/ brjod pa de lta na yang / 'das pa la ni ma bltos par// de gnyis grub pa yod ma yin// de phyir da ltar byung ba dang // ma 'ongs dus kyang yod ma yin// da ltar byung ba dang ma 'ongs pa dag yod pa ma yin te/ 'das pa la mi bltos pa'i phyir bong bu'i rwa bzhin no// gang gi phyir de ltar yin pa de'i phyir da ltar byung ba dang ma 'ongs pa'i dus yod pa ma yin no zhes shes par bya'o// de ltar na ji ltar 'das pa bltos pa'am ma bltos pa yang rung ste/ da ltar byung ba dang ma 'ong ba grub pa yod pa ma yin pa de bzhin du/ da ltar byung ba la bltos sam ma bltos kyang rung ste/ 'das pa dang ma 'ongs
- 142b
pa dag gam/ ma 'ongs pa la bltos sam ma bltos kyang rung ste/ 'das pa dang da ltar byung ba dag ma grub par shes pa na/ da ltar byung ba dang ma 'ongs pa dag 'das pa la bltos sam ma bltos kyang rung ste ma grub pa'i/ rim pa'i tshul 'di nyid dang sun dbyung ba mtshungs par bsgre ba'i phyir/ rim pa'i tshul ni 'di nyid kyis// lhag ma gnyis po bskor ba dang // mchog dang tha ma 'bring la sogs// gcig la sogs pa'ang shes par bya// zhes gsungs so// ji ltar zhe na/ 'das pa dang ni ma 'ongs pa// gal te da ltar byang bltos na// 'das pa dang ni ma 'ongs pa// da ltar byung dus yod par 'gyur// 'das pa dang ni ma 'ongs dus// gal te de na med gyur na// 'das pa dang ni ma 'ongs dus// ji ltar de la bltos par 'gyur// da ltar la ni ma bltos par// de gnyis grub pa yod ma yin// de yi phyir na 'das pa dang // ma 'ongs dus kyang yod ma yin// zhes bya ste/ re zhig 'di ni nus pa stor ba gcig yin no// ngas dang da lta byung bani// gal ma 'angs bkris b+hA na// das pa da ni da ltar byung // ma'ongs dus na yod par 'gyur// 'das dang da ltar byung bste// gal ba ni med gyur na// 'das pa dang ni da ltar byung // ji ltar de la bltos par 'gyur// ma 'ongs pa la ma bltos par// de gnyis grub pa yod ma yin// de'i phyir na 'das pa dang // da ltar dus kyang yod ma yin// zhes bya ba 'di ni dus bsnor ba gnyis pa ste/ de ltar dus bsnor ba gnyis khong du chud par bya'o// gang gi phyir rnam par dpyad pa na/ dus gsum med pa de'i phyir dus yod pa ma yin la/ dus med pas dngos po'i rang bzhin yang yod pa ma yin no zhes bya bar grub po// ji ltar dus gsum po 'di rnam par dpyad pa de bzhin du/ mchog dang tha ma 'bring la sogs// gcig la sogs pa'ang shes par bya ste/ mchog dang tha ma 'bring la sogs zhes bya ba
- 143a
la sogs pa'i sras ni/ dge ba dang mi dge ba dang lung du ma bstan pa rnams dang / skye ba dang gnas pa dang / mi rtag pa rnams dang / sngon gyi mtha' dang dbus kyi mtha' dang / phyi ma'i mtha' rnam dang / 'dod pa dang gzugs dang gzugs med pa'i khams dag dang / slob pa dang mi slob pa dang / slob pa yang ma yin mi slob pa yang ma yin pa la sogs pa dngos po gsum dang 'brel par gnas pa/ ji snyed cig yod pa de dag thams cad bsdu'o// gcig la sogs pa'ang zhes bya ba'i sogs pa'i sgra 'dis ni gnyis dang mang po dag sdud do// mchog la sogs pa de rnams ni/ dus gsum rnam par bshad pas bshad/ par rig par bya'o// 'dir smras pa/ dus ni yod pa nyid de/ tshad dang ldan pa nyid kyi phyir ro// 'dir gang med pa de la ni/ tshad dang ldan pa nyid yod pa ma yin te/ dper na ri bong gi rwa bzhin no// dus la ni skad cig dang / thang cig dang / yud tsam dang / nyin mo dang / mtshan mo dang / nyin mtshan dang / zla ba phyed pa dang / zla ba dang / nyi ma nur ba dang / lo la sogs pa'i dbye bas tshad dang ldan pa nyid yod pa yang yin te/ de'i phyir tshad dang ldan pa nyid kyi phyir dus yod pa nyid do// brjod par bya ste/ gal te dus zhes bya ba 'ga' zhig yod na ni/ de tshad dang ldan pa nyid du yang 'gyur na/ yod pa ni ma yin te/ gang gi phyir/ mi gnas dus ni 'dzin mi byed// gang zhig gzung bar bya ba'i bus// gnas pa yod pa ma yin pas// ma bzung dus ni ji ltar gdags// gal te 'di na dus zhes bya ba skad cig la sogs pa las tha dad pa gnas pa 'ga' zhig yod ni ni de skad cig la sogs pa dag gi sgo nas tshad dang ldan par 'dzin pa zhig na/ dus zhes bya ba gang zhig skad cig ma la sogs pa dag gi sgo nas 'dzin pa zer zug par gnas pa ni yod pa yang ma yin no// de'i phyir de ltar na mi gnas dus ni 'dzin/
- 143b
mi byed de/ mi gnas pa'i phyir 'dzin par mi 'gyur ro zhes bya ba'i don te/ ci ste yang dus rtag par gnas pa'i rang bzhin kho na yod pa yin la/ de skad cig la sogs pa dag gis mngon par gsal bar byed pa yin te/ de skad du yang / dus kyis 'byung ba smin par byed// dus kyis skye dgu sdud par byed// dus kyis gnyid log sad par byed// dus las 'da' bar shin tu dka'/ zhes 'byung ba de lta bu'i mtshan nyid can gnas pa'i rang bzhin can gang yin pa de ni yod pa yin no snyam na/ brjod par bya ste/ de ltar na yang gang zhig skad cig la sogs pa dag gis mngon par gsal zhing gzung ba dus gnas pa yod pa ma yin no// yang ci'i b+hair dus gnas pa yod pa ma yin zhe na/ skad cig la sogs pa las tha dad par ma bzung ba'i phyir ro// gzhan yang dus 'di 'dus byas kyi rang bzhin du gyur pa zhig gam/ 'dus ma byas kyi rang bzhin du gyur pa zhag yod par rtog grang na/ gnyi ga yang / skye dang gnas dang 'jig pa dag/ ma grub phyir na 'dus byas med// 'dus byas rab tu ma grub pas// 'dus ma byas ni ji ltar 'grub// ces bya ba des 'dus byas brtag par bkag zin to// de'i phyir da ltar na gang nig gzung bar bya ba dus gnas pa yod pa ma yin no// dus gang zhig de ltar mi gnas shing yod pa ma yin pa'i phyir gzung ba ma yin pa de nim bzung ba yin dang langs cig la sogs pa dag gis gdags par nus zhes gsungs pa ni/ ma bzung dus ni ji ltar gdags zhes bya ba'o// de'i phyir dus med pa nyid do// 'dir smras pa/ dus zhes bya ba gzugs la sogs pa las tha dad pa'i rang bzhin du grub pa rtag pa 'ga' zhig med pa ni bden te/ 'o na ci zhe na/ 'du byed gzugs la sogs pa dag la brten nas brtags pa'i dus ni skad cig la sogs pa'i sgras brjod par bya bar 'gyur te/ de'i phyir nyes pa med do//
- 144a
brjod par bya ste/ de lta na yang / gal te dus ni dngos po brten te/ dngos med dus ni ga la yod// gal te de ltar dngos po la brten nas dus su 'gyur ro zhes rnam par 'jog na ni/ gang gi tshe dngos po nyid yod pa ma yin pa de'i tshe nges par de'i rgyu can gyi dus kyang yod pa ma yin no zhes bstan pa'i phyir/ dngos po 'ga' yang yod min na/ zhes gsungs te/ gong du rgyas par bstan pa'i phyir dang / dgag pa 'chad par 'gyur ba'i yang phyir ro// gang gi tshe de ltar dngos po 'ga' yang yod pa ma yin pa de'i tshe dus lta yod par ga la 'gyur/ dus med pas de'i tshad du gyur pa dus kyi bye brag skad cig la sogs pa yang med do// / de'i phyir tshad dang ldan pa nyid kyis dus grub par ga la 'gyur te/ de'i phyir dngos po rnams kyi rang bzhin yod pa ma yin pa nyid do// bcom ldan 'das kyis kyang 'phags pa glang po rtsal gyi mdo las/ gal te chos rnams rang bzhin 'ga' yod na// rgyal ba nyan thos bcas pas de mkhyen 'gyur// ther zug chos rnams mya ngan 'da' mi 'gyur// mkhas rnams nam yang spros pa med mi 'gyur/ zhes gsungs pa dang / de/ bzhin du/ chos ni stong phrag brgya dag bstan gyur nas// sangs rgyas 'bum phrag gang dag 'das gyur kyang // chos dang yi ge dag la zad med de// skye ba yod min des na zad pa med// ces bya ba dang / de bzhin du// de bzhin gshegs pa 'byung ba'i dus kyi tshe/ byams pa zhes bya'i rgyal ba 'byung 'gyur zhing // sa 'di gser gyis brdal ba 'byung 'gyur ba// de tshe de yi 'byung de ga la yod// ces bya ba la sogs pa gsungs so// / slob dpon zla ba grags pa'i zhal snga nas sbyar ba'i tshig gsal ba las/ dus brtag pa zhes bya ba rab tu byed pa bcu dgu pa'i 'grel pa'o// // 'dir smras pa/ dus ni yod pa nyid de/ 'bras bu 'byung ba la lhan cig
- 144b
byed pa'i rkyen yin pa'i phyir ro// gang med pa de ni lhan cig byed pa'i ngo bo ma yin te/ mo gsham gyi bu bzhin no// de'i phyir dus ni yod pa nyid de/ lhan cig byed pa'i rkyen yin pa'i phyir ro// 'di na myu gu gang zhig sa bon dang sa dang chu dang me dang rlung dang nam mkha' dang dus zhes bya ba rgyu dang rkyen tshogs pa la brten nas skye ba ni/ sa bon la sogs pa'i rgyu dang rkyen tshogs pa yod kyang dus kyi khyad par mi nye bas mi skye ba yin no// phyi rol dag la ji lta ba de bzhin du nang gi bdag nyid la yang yin te/ bcom ldan 'das kyis/ lus can rnams kyi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ zhes je sad du gsungs pa lta bu'o// gang gi phyir de ltar dus la bltos pa yod pa de'i phyir gang zhig pu gu la sogs pa 'brang ba la lhan cig byed pa'i rkyen du 'gyur ba dus zhes bya ba de yod pa yin no// brjod par bya ste/ gal te myu gu la sogs pa 'bras bu 'byung ba nyid yod na ni/ dus lhan cig byed pa'i grwa nyid du 'gyur ba zhig na/ yod pa ni ma yin no// ji ltar zhe na/ 'dir sa bon la sogs pa chu dang rkyen gyi tshogs pa las myu gu la sogs pa 'bras bu skye bar rtog pa na/ 'bras bu tshogs pa la rnam par gnas pa zhig gam/ mi gnas pa zhig de las skye bar tog grang / de las cir 'gyur zhe na/ gal te rnam par gan pa zhig la rtog na ni/ de ni mi rung ngo zhes bstan pa'i phyir/ gal te rgyu dang rkyen rnams kyi// tshogs pa nyid las skye 'gyur zhing // tshogs la 'bras bu yod na ni// ji ltar tshogs pa nyid las skye/ zhes gsungs te/ gal te rgyu dang rkyen gyi tshogs pa la 'bras bu yod na ni/ de lta na gang zhig tshogs pa la yod pa de ji ltar des bskyed par 'gyur te/ 'khar gnong na yod pa'i zhon 'khar gzhong gis bskyed pa ma yin no// gzhan yang gang
- 145a
yod pa de ni grub zin pa'i phyir/ grub zin pa'i bum pa mdun na gnas pa ltar yang skye ba la bltos pa med pa yin no// gal te mngon par gsal ba'am rags par byed pa yin no zhe na/ ma yin te/ phyogs 'di la gong du lan btab zin pa'i phyir te/ me ni gzhan las mi 'ong ste// shing la'ang me ni yod ma yin// de bzhin zhes bya ba der lan brjod zin to// ci ste tshogs pa la 'bras bu med do zhes rtog na/ de yang mi 'thad do zhes bstan pa'i phyir/ gal te rgyu dang rkyen rnams kyi// tshogs pa nyid las skye 'gyur zhing // tshogs la 'bras bu med na ni// ji ltar tshogs pa nyid las skye/ zhes gsungs te/ gal te rgyu dang rkyen rnams kyi tshogs pa la 'bras bu de med na ni/ 'o na ji ltar rgyu dang rkyen tshogs pas 'bras bu bskyed de/ de na yod pa ma yin pa'i phyir bye ma dag gi til mar bzhin no// de nyid kyi phyir mi srid pas// tshegs la 'bras bu med na ni// ji ltar tshogs pa nyid las skye/ zhes gsungs te/ 'bras bu de tshogs pa nyid las mi skye ba nyid do snyam du dgongs pa yin no// gzhan yang / gal te rgyu dang rkyen rnams kyi// tshogs la 'bras bu yod na ni// tshogs/ la gzung du yod rigs na// tshigs pa nyid la gzung du med// gang zhig gang na yod pa de ni gzung du yod de/ dper na 'khar gzhong gi zho bzhin la/ gang zhig gang na yod pa ma yin pa de ni der gzung du yod pa ma yin/ te/ dper na bye ma dag la 'bru mar lta bu'o// ci ste dngos po rnams yod kyang / shin tu phra ba dang / shin tu nye ba dang / shin tu ring ba dang / dbang po la rnyog pa chags pa dang / dbang po la gnod pa byas pa dang / lus can gyi rdzas kyi chod pa dang / lus mi snang bar gyur pa dang / yid la ma gzung ba'i phyir phra rab dang / mig la gnas pa'i mig sman gyi thur ma dang / nyi ma'i 'gros dang / rab rib can gyi skra re re dang / long ba dang 'on pa la sogs
- 145b
pa'i gzugs dang / skra la sogs pa dang / rtsig pa la sogs pas bar du bcad pa'i bum pa dang / grub pa dang lha dang sha za la sogs pa'i lus dang / yul gzhan yid la byed pa dang bcas pa'i yul gzhan ltar gzung du med pa yin no zhe na/ 'o na gang gis na 'di dag yod bzhin du mi dmigs par 'gyur ba/ ma bzung ba 'di dag yod pa nyid la rtags ci yod/ rjes su dpag pa dang / nye bar 'jal ba dang / lung rnams kyis 'dzin pa'i phyir de dag yod pa nyid do// zhe na/ 'o na de dag ma dmigs so zhes brjod par mi bya ste/ rjes su dpag pa la sogs pa dag gis dmigs pa'i phyir ro// gal te dbang po gzugs can gyis gzung bar bya/ ba de gang yin pa de yod kyang byed pa de dag gis ma gzung ba yin no zhe na/ brjod pa/ ci kho bo cag gis yod bzhin par gyur pa dbang po gzugs can dag gis gzung du med do zhes de skad du smras sam/ 'on ci zhe na/ kho bo cag ni tshogs la gzung du yod rigs na/ zhes spyir smra'o// ci ste yang gang zhig gang na med pa de ni de las skye ba ma yin te/ bye ma dag las 'bru mar bzhin no// 'bras bu ni tshogs pa las skye ba yang yin te/ de'i phyir tshogs pa la 'bras bu yod pa nyid ni rjes su dpag pa las yin no snyam du sems na/ brjod pa/ gang zhig gang na yod pa de ni de las skye ba ma yin te/ dper na 'khar gnod las no mi skye ba bzhin no zhes rjes su dpag pa 'di las de yod par mi rigs pa'i tshogs pa la 'bras bu med pa nyid do zhes ci ste mi gzung / ci ste yang phyogs gnyi ga yang rjes su dpag pa dang 'gal ba'i phyir na ji ltar yod pa nyid mi rigs pa de bzhin du med pa nyid kyang mi rigs so snyam na/ brjod par bya ste/ kho bo cag ni 'di med par sgrub pa ma yin gyi/ 'on ci zhe na/ 'di gzhan gyis yod pa nyid du yongs su brtags pa 'gog pa yin no// de bzhin du kho bo cag ni 'di yod pa nyid du sgrub pa ma yin te/
- 146a
na ci zhe na/ 'di gzhan gyis med pa nyid du brtags pa sel ba yin te/ mtha' gnyis bsal nas dbu ma'i lam sgrub par 'dod pa'i phyir ro// brgya pa las kyang / 'bras bu yod nyid gang 'dod dang // 'bras bu med nyid gang 'dod la// khyim gyi don du ka ba las// sogs pa'i brgyan ni don med 'gyur/ zhes bshad do// de'i phyir de ltar na tshogs pa las 'bras bu skye ba ma yin te/ yod pa ni gzung du yod par thal bar 'gyur ba'i phyir ro// / zhes bya bar rnam par bzhag pa yin no// ci ste tshogs pa la 'bras bu med pa nyid do snyam du sems na/ de lta na yang / gal te rgyu dang rkyen rnams kyi// tshigs la 'bras bu med na ni// rku rnams dang ni rkyen dag kyang // rgyu rkyen ma yin mtshungs par 'gyur// ji ltar med dang sol ba la sogs pa dag la myu gu med pa'i phyir na/ de dag de'i rgyur mi 'gyur ba de bzhin du/ sa bon la sogs pa brjod par 'dod pa rnams kyang rgyu dang rkyen nyid du mi 'gyur ste/ de dag la myu gu med pa'i phyir ro// rgyu dang rkyen ma yin pa dag las ni 'bras bu 'byung bar rig pa yang ma yin te/ de'i phyir 'bras bu 'byung ba med do// 'dir smras pa/ gang las ci tshogs pa las 'bras bu yod dam 'on te med ces bya ba'i bsam pa 'dir 'gyur ba/ tshogs pa la ni 'bras bu bskyed pa'i nus pa med do// 'o na ci zhe na/ rgyu la 'bras bu bskyed pa'i nus pa yod la/ tshogs pas ni rgyul phan 'dogs pa tsam zhig byed pa yin no// rgyu de ni 'bras bu bskyed par bya ba'i phyir rgya byin nas 'gag par 'gyur la/ rgyu des phan btags pa'i 'bras bu yang skye ba yin no// brjod par bya ste/ 'bras bu ma skyes pa'i rgyu la ni phan 'dogs pa yod pa ma yin la/ ma skyes pa la ni mo go sham gyi bu ltar sus kyang cung zad tsam yang byed par mi nus pas rtog pa 'di ni mi rigs so// gzhon yang / gal te rgyus ni 'bras bu la// rgyu byin nas ni 'gag 'gyur na// gang byin
- 146b
pa dang gang 'gag pa'i// rgya yi bdag nyid gnyis su 'gyur// gal te rgyu des 'bras bu bskyed pa'i phyir rgya de byed rgyu byin nas 'gag par 'gyur ro// zhes rtog rwa ni/ de ltar rgyu'i bdag nyid gang byin pa dang gang 'gags pa de gnyis su 'gyur na/ de ni rigs pa yang ma yin te/ phyed rtag par thal bar 'gyur ba'i phyir dang / phyed mi rtogs par 'gyur ba'i phyir ro// rtag pa dang mi rtag pa phan tshun 'gal ba dag kyang gcig la med pa'i phyir ro// ci ste rgyu'i bdag nyid gnyis su thal ba spangs par bya ba'i don du 'bras bu bskyed pa'i phyir cung zad kyang ma byin par bdag nyid thams cad kyis 'gag par 'dod na ni/ de lta na yang / gal te rgyu ni 'bras bu la// / rgyu ma byin par 'gag 'gyur na// rgyu 'gags nas ni skyes pa yi// 'bras bu de ni rgyu med 'gyur// gal te 'bras bu la cung zad ma byin par bdag nyid thams cad kyis rgyu 'gag na de/ de ltar chu de 'gags nas skyes pa'i 'bras bu gang yin pa de rgyu med pa kho nar 'gyur/ rgyu med pa ni yod pa ma yin pas rtog pa 'di ni mi rigs so// 'dir smras pa/ gal te 'bras bu rgya las skye bas nyes pa 'dir 'gyur na ni/ de ltar na tshigs pa dang lhan cig skyes pa kho na 'bras bu skyed par byed pa yin par 'gyur te/ dper na spon ma 'od kyi skyed par byed pa yin pa bzhin no// rtog pa 'di yang 'thad pa ma yin no zhes bstan pa'i phyir/ gal te tshogs dang lhan cig tu// 'bras bu yang ni skye 'gyur na// skyed par byed dang bskyed bya gang // dus gcig par ni thal bar 'gyur/ zhes gsungs te/ ba glang gi rwa g.yas g.yon dus gcig pa dag ni bskyed par bya ba dang skyed par byed pa nyid du yang ma mthong bas 'di ni mi rigs so// 'dir kha cig da re/ dngos po rnams ma byung ba las skye ba ni med de/ glo bur bar thal bar 'gyur ba'i phyir ro// de'i phyir 'bras bu de ni rgyu dong rkyen gyi tshogs po'i
- 147a
snga rol ma 'ongs pa'i gnas skabs na gnas pa yin la/ rgyu dang rkyen gyi tshogs pas ni de da ltar ba'i gnas skabs su bskyed pa yin gyi/ rdzas ni gnas pa nyid do zhes zer ro// de dag la brjod pa ni/ gal te tshogs pa'i snga rol tu// 'bras bu skyes par 'gyur na ni// rgyu dang rkyen rnams med pa yi// 'bras bu rgyu med 'byung bar 'gyur/ zhes bya ba ste/ gal te tshogs pa'i snga rol na 'bras bu rang gi ngo bos yod par gyur na ni/ de rgyu dang rkyen la bltos pa med par 'gyur la/ de'i phyir rgyu med par 'byung bar 'gyur na/ dngos po rgyu med par 'byung ba dag ni yod pa nyid kyang ma yin te bong bu'i rwa la sogs pa rnams kyang yod par thal bar 'gyur ba'i phyir ro// sngar grub zin pa la yang rgyu dang rkyen la bltos pas dgos pa med pa'i phyir yang 'di rigs pa ma yin no// yang gzhan dag ni/ 'bras bu ni rgyu kho nas skyed par byed kyi/ tshogs pas ni ma yin la/ bshad zin pa'i nyes par thal bar yang ma yin te/ 'di ltar gang las ni klus 'bras bu la rgyu byin nas 'gag par 'gyur ram/ 'on te mabyin par yin zhes rnam par dpyod par 'gyur ba/ rgyu yang gzhan la 'bras bu yang gzhan pa ni ma yin gyi/ 'on kyang rgyu nyid 'gags nas 'bras bu'i bdag nyid du rnam par gnas pa yin no zhes 'dzer to// de ltan yang / gal te rgyu 'gags 'bras bu na// rgyu ni kun tu 'pho bar 'gyur// sngon skyes pa yi rgyu yang ni// yang skye bar ni thal bar 'gyur// gal te rgyu 'gags pa na 'bras bu skye la 'bras bu de yang rgya'i bdag nyid can kho na yin no zhes rtog na/ de lta yin na ni/ rgya ni kun tu 'pho bar 'gyur te/ zlos gor mkhan cha/ byed gzhan btang nas cha byad gzhan len pa ltar rgya 'pho ba tsam zhig tu 'gyur gyi/ 'bras bu snga na med pa skye ba ni ma yin no// de'i phyir rgyu rtag pa nyid du 'gyur na// rtag pa dag ni yod pa nyid kyang ma yin no// ji skad du brgya
- 147b
pa las/ gang zhig gang na nam gyi tshe'ang / ma bsten par ni yod nyid med// des na nam yang gang zhig tu// rtag pa 'ga' yang yod ma yin// zhes bshad do// gzhan yang rtog pa 'di la ni// sngon skyes pa'i rgyu yang / yang skye bar 'gyur na/ skyes pa ni slar yang skye bar mi rigs te/ dgos pa med pa'i phyir dang / thug pa med par thal bar 'gyur ba'i phyir ro// ci ste bdag nyid gang gis yod pa'i bdag nyid de skyo ba ni ma yin gyi/ bdag// nyid gang gis yod pa ma yin pa de kho na skye ba yin no snyam na/ 'di yang mi rung ste/ rgyu'i rang gi ngo bo rgyu'i rang bzhin ma spangs pa la 'bras bu yin no zhes bya bar ming tsam zhig tha dad pa yin pa'i phyir dang / gnas skab tha dad na yang rdzas tha mi dad par sgrub par mi nus pa'i phyir dang / 'bras bu'i gnas skabs na rgyu'i rang bzhin yongs su spangs pa ni 'bras bu'i sgras brjod par bya ba yin pa'i phyir na rgya 'bras bu'i bdag nyid du gnas so zhes bya ba 'di ni gyi na'o// gzhan yang / gal te rgyus 'bras bu skyed par byed na/ de 'gags pa 'am ma 'gags pa zhig gis skyed par byed 'bras bu yang skyes pa'am ma skyes pa zhig bskyed grang na/ gnyi ga ltar yang mi 'thad do zhes bstan pa'i phyir 'gags pa nub par gyur pa yis/ 'bras bu skyes pa ji ltar skyed// 'bras bu dang ni 'brel pa'i rgyu// gnas pas kyang ni ji ltar bskyed/ ces gsungs te/ gal te re zhig 'gags pa nub/ cing zhig par gyur pa'i rgyus 'bras bu skyes pa ste yod cing bdog pa bskyed do zhes bya bar nog na ni de ni mi 'thad do// ci'i phyir zhe na/ ji ltar 'gags pa yod pa ma yin pa'i rgyus 'bras bu skyed par byed par 'gyur/ gal te skyed na ni mo gsham gyi bus kyang bu bskyed par 'gyur ro// 'bras bu yod cing bdog pa yang skye ba la bltos pa med pa yang rgyus ji ltar bskyed par 'gyur/ ci ste yang nus pa med pa'i phyir 'gags pas ni mi bskyed de/ 'o na
- 148a
ci zhe na/ rgyu gnas pa kho nas 'bras bu bskyed par 'gyur ro snyam na/ brjod pa/ 'bras bu dang ni 'brel pa'i rgyu// gnas pas kyang ni ji ltar bskyed// 'bras bu yod pa dang 'brel pa ste yang dag/ par 'brel pa'i rgyur 'gyur ba med pa'i rang bzhin can gnas pas kyang ji ltar bskyed par 'gyur/ 'dir/ rgyu ni rnam par 'gyur ba na// gzhan gyi rgyu ru 'gyur ba yin dang / zhes bya bas rgyu rgyu'i dngos por rtogs bzhin pa ni gdon mi za bar rnam par 'gyur ba yin dgos la/ gang zhig rnam par mi 'gyur ba de ni rgyu'i mtshan nyid dang ldan pa ma yin pas 'bras bu dang 'brel pas ji ltar bskyed par 'gyur te/ 'bras bu yod pa nyid kyi phyir ro// 'on te 'bras bu yod pa yang bskyed par mi nus pa'i phyir 'bras bu dang mi 'brel zhing / yang dag par 'brel pa med pa'i rgyu kho nas 'bras bu bskyed par 'gyur ro snyam na/ 'di yang mi rigs sos sungs pa / tsa~M m+b+ha pas ma 'brel na// 'bras bragang shig spyod par byed// rjes bya/ kAr m+bu thus bu dngam 'brel bar 'din/ da ni 'bras brag shig sted par byed de/ ma 'jal pa'i phyi 'bras bu'o cog skyed par byed pa'am/ yang na cung zad kyang skyed par byed par mi 'gyur te/ 'brel pa med pa'i phyir ro zhes bya bar dgongs pa'o// gzhan yang / 'dir gal te rgyus 'bras bu skyed par byed na/ des 'bras bu de mthong nas sam ma mthong bar skyed par byed grang na gnyi ga ltar na yang mi rung ngo zhes gsungs pa ni/ rgyus ni mthong dang ma mthong bar// 'bras bu bskyed par mi byed do// zhes bya ba'o// de la gal te mthong nas skyed par byed do zhes rtog na/ de ni mi rigs te/ gang gi phyir yod pa kho na mthong bar nus kyi/ yod pa ma yin pa ni ma yin no// yod pa yin no zhe na ni/ de bskyed par bya ba ma yin te yod pa'i phyir ro// de ltar na re zhig
- 148b
rgyurgya 'bras bu mthong nas skyed par mi byed do// ma mthong bar yang bskyed par mi byed de 'bras bu thams cad kyi skyed par byed pa nyid du thal bar 'gyur ba'i phyir ro// ci ste mthong ba 'di go ci zhig yin zhe na/ brjod par bya ste/ mthong ba ni dmigs pa'o zhes bya ba 'di ni 'jig rten du grags pa yin no// gal te dbang po med pas sa bon la sogs pa dag la 'di mi srid pa ma yin nam zhe na/ srid dam mi srid kyang rung ste/ kho bo cag la ni brgal zhing brtag par ni mi bya ste/ 'o na sul zhe na/ skye bar smra ba de la'o// de la gal te skye bar smra ba po mthong nas skyed par byed do zhes smra na/ sa bon la sogs pas mthong ngo zhes bya ba gang yin pa 'di ni 'dzin rten du ma mthong ngo zhes de la brjod par bya'o// de'i phyir rtog pa 'di mi rigs so// ci ste ma mthong bar zhes rtog par byed na/ de lta na yang gang ma mthong ba gang cung zad cig yod pa de thams cad skyed par byed par 'gyur na/ bskyed pa yang ma yin no// de'i phyir ma mthong bar yang skyed par byed pa ma yin no// kho bo cag ni mi 'dod pa bsgrubs pas gzhan gyis brtags pa 'gog par byed pa yin te/ skyes bu la sogs pa rgyur smra ba 'gro ba blo sngon du btang ba'i byed pa po can du khas len pa rnams dang / gcer bu pa sa bon la sogs pa dbang po gcig par rtog pa rnams la thal bar 'gyur ba ldog pa ma yin te/ de'i phyir nyes pa med do// gzhan yang gal te rgyu dang 'bras bu la phan tshun 'tshogs pa'i mtshan nyid kyi phrad pa yod na ni de'i tshe de gnyis bskyed bya skyed byed kyi dngos por 'gyur te/ gang gi phyir phan tshun phrad pa med par snang ba dang mun pa dag gam/ 'khor ba dang mya ngan las 'das pa dag la ni bskyed bya skyed byed kyi dngos po ma mthong ngo // de'i phyir rgyu dang 'bras bu gnyis bskyed par bya ba dang skyed par byed pa'i dngos por 'dod pa na/ gzhan gyis phrad pa gdon mi za bar khas
- 149a
zang dgos na/ de yang rnam par dpyad pa na dus gsum char du yang yod pa ma yin te/ 'di'i phyir yang rgyas 'bras bu bskyed pa ma yin no// ji ltar phrad pa yod pa ma yin pa de ltar bstan pa'i phyir// 'bras bu 'das pa rgyu 'das dang // ma skyes pa dang skyes pa dang // lhan cig phrad par 'gyur ba ni// nam yang yod pa ma yin no// zhes gsungs so// re zhig 'bras bu 'das pa ni rgyu 'das pa dang / lan cig phrad pa nam yang ste gzhar yang yod pa ma yin te/ dus gtog yang 'das pa nyid kyis yod pa ma yin pa'i phyir ro// 'bras bu 'das pa ni rgyu ma skyes pa dang phrad pa nam yang yod pa ma yin te/ zhig pa dang ma skyes pa nyid kyis gnyi ga yang yod pa ma yin pa'i phyir dang dus tha dad pa'i phyir ro// 'bras bu 'das pa yang rgyu skyes pa dang da ltar ba dang yang phrad pa yod pa ma yin te dus tha dad pa'i phyir dang / 'bras bu zhig pa ni yod pa ma yin pa'i phyir mo gsham gyi bu dang lhas byin bzhin no snyam du dgongs pa'o// ji ltar 'bras bu 'di rgyu 'das po dang ma 'ongs pa dang da ltar ba dang lhan cig phrad pa nam yang yod pa ma yin pa de bzhin du/ 'bras bu da ltar ba/ chu dus gsum po dang lhan cig phrad pa yod pa ma yin no zhes bstan pa'i phyir/ 'bras bu skyes pa d+hU pa skyes// 'das pa dang ni skyes pa dang // lhan cig phrad par 'gyur ba ni// nam yang yod pa ma yin no// zhes bya ba gsungs pa la/ 'bras bu skyes pa ni rgyu ma skyes pa dang 'das pa lhan cig phrad pa yod pa ma yin te/ dus tha dad pa'i phyir ro 'bras bu da ltar ba ni rgyu da ltar ba dang yang lhan cig phrad pa yod pa ma yin te/ rgyu dang 'bras bu dag cig car med pa'i phyir dang / yod zin pa la phrad pa don med pa'i phyir ro// yod pa phan tshun bltos pa med pa dag la ni yang phrad pa dgos pa ci zhig yod de/ de'i phyir phrad pa med do// da ni ji ltar 'bras bu ma 'ong
- 149b
pa yang rgyu 'das pa dang ma 'ongs pa dang da ltar byung ba dang lhan cig phrad pa yod pa ma yin pa de ltar bstan pa'i phyir/ 'bras bu ma skyes rgya skyes dang // ma skyes pa dang 'das pa dang // lhan cig phrad par 'gyur ba ni// nam yang yod pa ma yin no// zhes bya ba gsungs te/ 'bras bu ma skyes pa ni med pa yin la/ de ni rgyu dus tha dad pa dang da ltar ba dang 'das pa dang lhan cig phrad pa yod pa ma yin te/ dus tha dad pa'i phyir ro// rgyu ma 'odra/ pa dang yang lhan cig phrad pa yod pa yang ma yin te/ gnyi ga yang med pa'i phyir ro// gang gi tshe de ltar rnam pa thams cad du rgyu dang 'bras bu gnyis phrad pa yod pa ma yin pa de'i tshe/ phrad pa yod pa ma yin na// rgyus ni// / 'bras bu ji ltar bskyed// phrad pa yod pa ma yin pa'i phyir rgyus 'bras bu mi bskyed pa nyid de/ mo gsham gyi bu bzhin no snyam du dgongs pa'o// ci ste yang phrad pa yod pa nyid yin dang / rgyus 'bras bu bskyed do snyam na// de yang mi rigs te/ dus gsum char du yang phrad pa ma dmigs pa'i phyir ro// ci ste yang rgyu dang 'bras bu gnyis ci zhig ltar phrad par rtog na/ de lta na yang / phrad pa yod pa yin na yang / rgyas ni 'bras bu ji ltar bskyed de/ 'bras bu lhan cig pa yang skye ba don med pa'i phyir dang / lhan cig pa yin pa rnams kyang phrad par mi rigs pa'i phyir ro zhes bya bar dgongs pa'o// gzhan yang / gal te 'bras bus stong pa'i rgyus// ji ltar 'bras bu skyed par byed// gal te 'bras bus mi stod rgyus// ji ltar 'bras bu skyed par byed// rgyu gang zhig 'bras bu'i skyed par byed par 'dod pa de des stong pa zhig gam mi stong pa zhig gis 'bras bu bskyed par byed grangs/ de la 'bras bus stong zhing bral ba'i rgyus ni 'bras bu skyed par mi byed de/ rgyu ma yin pa ltar 'bras bus stong pa'i phyir ro// 'bras bus mi stod pa'i rgyus kyang 'bras bu skyed par mi byed de/ yod pa'i phyir bu
- 150a
yod pa'i lhas byin bzhin no// de ltar na/ re zhig 'bras bus stong pa 'am mi stong pa'i rgyas 'bras bu skyed par byed pa ma yin no// 'bras bu gang zhig skye ba de yang mi stong pa zhig skye grang / de la 'bras/ bu mi stong skye mi 'gyur// mi stong 'gag par mi 'gyur ro// mi stong de ni ma 'gags dang // ma skyes par yang 'gyur ba yin// 'bras bu mi stong pa ni rten cing 'brel par ma byung zhing / rang bzhin gyis rnam par gnas pa yin la/ 'bras bu rnam par gnas pa de lta bu de ni skye bar mi 'gyur zhing / rang bzhin la ldog pa med pas 'gag par mi 'gyur ro// de'i phyir de stong par 'dod pa na mi skye ba dang mi 'gag par 'gyur na/ de ltar ni 'dod pa ma yin no// de'i phyir 'bras bu de mi stong pa ma yin te/ skye ba dang 'gag par khas blangs pa'i phyir ro// da ni 'bras bu stong pa de yang yod pa ma yin te/ skye ba dang 'gag pa med pa nyid du thal bar 'gyur ba'i phyir ro/ zhes bstan pa'i phyir/ stong pa ji ltar skye 'gyur zhing / stong pa ji ltar 'gag par 'gyur// stong pa de yang ma 'gags dang // ma skyes par yang thal bar 'gyur/ zhes bya ba gsungs te/ de la stong pa ni gang rang bzhin gyis med pal bcad la/ gang rang bzhin gyis med pa de ni ji ltar skye ba'ang 'gag par 'gyur// rnam pa'a' la sogs pa rang bzhin gyis mdapal na skye ba'am 'jig pa ma mdzad // de'i phreng 'bras bu par 'dod pa na yang ma skyes pa dang ma 'gags par thal bar 'gyur ro// gzhan yang / gal te rgyu gang zhig 'bras bu skyed par byed pa na/ de 'bras bu las tha dad pa 'am/ tha mi dad pa zhig gis bskyed grang na/ gnyi ga ltar yang mi 'thad do zhes gsungs pa ni/ rgyu dang 'bras bu gcig nyid du// nam yang 'thad par mi 'gyur ro// rgyu dang 'bras bu gzhan nyid du// nam yang 'thad par mi 'gyur ro// zhes bya ba'o// 'di ni dam bca' ba
- 150b
tsam zhig yin te/ ji ltar grub ce na/ bstan pa'i phyir/ rgyu dang 'bras bu gcig nyid na// bskyed bya skyed byed gcig tu 'gyur// rgyu dang 'bras bu gzhan nyid na// rgyu dang rgyu min mtshungs par 'gyur/ zhes gsungs te/ gal te rgyu dang 'bras bu gcig nyid yin na ni/ de'i tshe bskyed par bya ba dang skyed par byed pa gnyis gcig pa nyid du khas blangs par 'gyur na/ de gnyis ni gcig pa nyid kyang ma yin te/ pha dang bu dang mig dang mig gi rnam par shes pa dag kyang gcig tu thal bar 'gyur ba'i phyir ro// de ltar na re zhig rgyu dang 'bras bu la gcig nyid yod pa ma yin no// da ni gzhan nyid kyang yod pa ma yin te/ ci'i phyir zhe na/ gal te rgyu dang 'bras bu gzhan nyid yin na ni// de'i tshe gzhan la bltos pa med pa'i phyir 'bras bu rgya la bltos pa med pa nyid du 'gyur na/ de ni de ltar yang ma yin te/ de'i phyir rgyu dang 'bras bu la gzhan nyid kyang yod pa ma yin no// gang dag la de ltar rnam par dpyad pa na de nyid dang gzhan nyid yod pa ma yin pa de dag ni nam yang bskyed par bya ba dang skyed par byed pa'i dngos po ma yin te/ de'i phyir rgyas 'bras bu bskyed pa ma yin no// gzhan yang gal te rgyus 'bras bu skyed par byed/ na/ des 'bras bu de ngo bo nyid kyis yod pa 'am/ med pa zhig bskyed/ de las cir 'gyur zhe na/ gnyi ga ltar yang mi rigs so zhes gsungs pa ni/ 'bras bu ngo bo nyid yod na// rgyas ni ci zhig bskyed par 'gyur// 'bras bu ngo bo nyid med na// rgyu sa ni ci zhig bskyed par 'gyur/ zhes bya ba'o// de la 'bras bu gang zhig ngo bo nyid kyis yod pa rang bzhin gyis bdog pa de ni yang mi skye ste/ yod pa'i phyir bum pa yod pa bzhin no// 'bras bu ngo ba nyid kyis med pa gang yin pa de yang rgyas bskyed pa ma yin te/ ngo bo nyid kyis yod pa ma yin pa'i phyir bong bu'i rwa bzhin no// gal te gzugs brnyan gyis ma nges pa nyid do zhe na/ ma nges pa nyid du 'gyur mod/ dngos po
- 151a
rnams rang bzhin med par ni thub po// de'i phyir rang bzhin du smra ba btang bar 'gyur zhing / kho bo cag smra ba'i rjes su smra ba nyid du 'gyur ro// dngos po rang bzhin dang bcas pa 'ga' yang med pas 'gal zla med pa'i phyir dngos po rang bzhin med pa yang med de/ de'i phyir ma nges pa nyid du ga la 'gyur/ 'di ltar kho bo cag gi ltar na ni gzugs brnyan rang bzhin dang bcas pa ma yin zhing / rang bzhin med pa yang/ ma yin te/ chos can med na de'i chos dag kyang med pa'i phyir ro// 'phags pa rnams kyis ni gzugs brnyan zhes bya ba cung zad cig rang bzhin med par gzigs pa ma yin no// de la sngar ni/ 'bras bu mi stong skye mi 'gyur/ zhes bya ba la sogs pa tshigs su bcad pa gnyis kyis dngos su 'bras bu skye ba'i bya ba'i byed pa po nyid bkag pa yin la/ da lta ni rgyus 'bras bu bskyed pa'i bya ba'i rab tu sbyor bar byed pa nyid yin pa bkag pa yin no// zhes bya ba 'di ni gong ma las 'di'i khyad par yin no zhes bya bar shes par bya'o// 'dir smras pa/ gal te yang rgya 'bras bu skye ba'i rab tu sbyor bar byed pa nyid yin pa bkag mod kyi/ de lta na yang re zhig rgyu ni rang bzhin gyis yod pa yin la 'bras bu med na ni rgyu'i rgyu nyid kyang mi 'grub ste/ de'i phyir 'bras bu yang yod par 'gyur ro// brjod par bya ste/ gal te 'di skyed par byed pa ma yin bzhin du rgyu nyid yin par 'gyur na ni rgyur 'gyur ba zhig na/ skyed par byed pa ma yin na/ rgyu nyid 'thad par mi 'gyur ro// ci ste de ltar rgyu'i rgyu nyid yod pa ma yin med kyi/ de lta na yang 'bras bu ni re zhig yod pa yin la/ rgyu med par ni 'bras bu rigs pa yang ma yin te/ de'i phyir 'bras bu yod pas rgyu yang yod par 'gyur ro snyam na/ brjod par bya ste/ gang gi tshe skyed par mi byed pa la rgyu'i rgyu nyid yod pa ma yin par bshad pa de'i tshe/ rgyu nyid 'thad pa yod min na//
- 151b
'bras bu gang gi yid par 'gyur// de'i phyir 'bras bu yang med do// 'dir smras pa/ rgyu 'ba' zhig 'bras bu bskyed pa'i bya ba'i rab tu sbyor bar byed pa nyid ma yin gyi/ 'o na ci zhe na/ rgyu dang rkyen tshogs pas 'bras// / bu bskyed do zhe na/ de ni mi rigs te/ nyes pa brjod zin pa'i phyir ro// gzhan yang rgyu dang rkyen gyi tshogs pa 'di gal te 'bras bu skyed par byed par rtog pa na/ ci de bdag nyid kyis bdag nyid skyed par byed pa zhig gam/ 'on te ma yin pa zhig yin grang / gal te skyed par byed pa zhig yin no zhes rtog na ni/ de mi rung ste/ bdag gi dngos po ma rnyed pa ni rab tu sbyor bar byed pa nyid du ma mthong ba de'i phyir gdon mi za bar tshogs pas bdag gi dngos po rnyed par 'gyur dgos na/ bdag gis dngos po rnyed pa ni yang bdag nyid bskyed pa la rab tu sbyor bar byed pa nyid du mi rigs te/ de'i phyir tshogs pas rang gi bdag nyid mi bskyed la/ gang zhig bdag nyid mi bskyed pa des ni ji ltar 'bras bu bskyed par nus zhes bstan pa'i phyir/ rgyu rnams dang ni rkyen dag gis// tshogs pa gang yin de yis ni// bdag gis bdag nyid mi bskyed na// 'bras bu ji ltar skyed par byed// de phyir tshogs pas byas pa med// ces gsungs te/ rgyu rnams dang ni rkyen dag gis tshogs pa gang yin pa de re zhig bdag nyid mi bskyed de/ bdag nyid la byed pa 'gal ba'i phyir dang / bdag nyid skye ba den med pa'i phyir ro// gang zhig re zhig bdag nyid mi bskyed pa des 'bras bu ji ltar skyed par byed de/ mo gsham gyi bus bdag nyid bskyed par mi nus pas bu skyed par byed do zhes bya ba ni mi rigs so// de ltar tshogs pa yang rang gi bdag nyid skyed par byed pa ma yin par 'bras bu bskyed par mi rigs te/ de'i phyir tshogs pas byas pa'i 'bras bu med do// ci ste yang gal te tshogs pas byas pa'i 'bras bu med na/ de lta na 'o na tshogs pa
- 152a
ma yin pas byas pa yod do snyam na/ brjod pa/ tshogs min byas pa'i 'bras bu med// gang gi tshe tshogs pas byas pa'i 'bras bu yod pa ma yin pa de'i tshe ji ltar tshogs pa ma yin pas byas pa shin tu 'gal ba yod par ga la 'gyur te/ tshogs pa ma yin pas byas pa'i 'bras bu yang yod pa ma yin no// ci ste yang 'bras bu med mod kyi/ de lta na yang re zhig rgyu dang rkyen gyi tshogs pa ni yod pa yin la/ 'bras bu med par ni rgyu dang rkyen gyi tshogs pa srid pa yang ma yin te/ de'i phyir 'bras bu yang yod par 'gyur ro snyam na/ brjod par bya ste/ gal te 'bras bu nyid yod na rgyu dang rkyen gyi tshogs pa yang yod par 'gyur na// gang gi tshe ji skad bshad pa'i rigs pas 'bras bu nyid yod pa ma yin pa de'i tshe/ 'bras bu yod pa ma yin na// rkyen gyi tshogs pa ga la yod// 'bras bu med pa nyid yin na rgyu mtshan med pas rkyen gyi tshogs pa dag kyang yod pa ma yin no snyam du dgongs pa yin no// 'phags pa rgya cher rol pa'i mdo las kyang // mchu dang lkog ma rkan la brten nas ni// lce bsgyur ba las yi ge'i sgra 'byung yang // lkog mar brten nas ma yin rkan las min// re re la ni yi ge dmigs su med// tshogs pa de la brten nas ngag de ni// yid kyi blo yi dbang gis 'byung mod kyi// yid dang ngag ni mi snang gzugs med de// nang dang phyi rol dag na'ang dmigs su med// mkhas pas ngag skad sgra dang dbyangs rnams kyi// skye dang 'jig la rnam par brtags byas na// de tshe dag kun brag ca lta bu dang // skad cig pa dang snying po med par mthong / zhes gsungs pa dang / de bzhin du 'phags pa nye bar 'khor gyis zhus pa las kyang / bcom ldan 'das kyis/ shin tu dga' ba'i bstan pa 'di la ni// khyim pa'i rtags spangs rab tu byung gyis la// 'bras bu yod pa'i mchog tu 'gyur gyis shes// thugs rje can gyis de skad bstan pa'ang mdzad//
- 152b
khyim pa'i rtags spangs rab tu byung gyur nas// 'bras bu thams cad thob par gyur yang ni// chos kyi rang bzhin dag la gzhal byas na// 'bras bu kun med 'bras bu thob pa'ang med// 'on kyang 'bras bu thob pa thob 'gyur bya// kye ma mi mchog zugs rje ldan pa yi// rgyal bas rigs pa shin tu legs bshad ces/ de dag ngo mtshar che ba skye bar 'gyur/ zhes gsungs pa dang / de bzhin du 'phags pa shes rab kyi pha rol tu phyin pa las kyang / kau sha ka byang chub sems dpa' sems dpa' chen po go cha chen po bgos pa des/ gzugs la gnas par mi bya'o// tshor ba la ma yin/ 'du shes la ma yin/ 'du byed rnams lam yin/ rnam par shes pa la gnas par mabya'o// rgyun du zhugs pa'i 'bras bul ma yin/ lan cig par 'ong ba'i 'bras bral ma yin/ phyir mi 'ong ba'i 'bras bu la ma yin/ dgra bcom pa nyid kyi 'bras bu la ma yin/ rang sangs rgyas nyid lam yin/ yang dag par rdzogs pa'i sangs rgyas nyid la gnas par mi bya'o zhes gsungs so// slob dpon zla ba grags pa'i zhal snga nas sbyar ba'i tshig gsal ba las/ tshogs pa brtag pa zhes bya ba rab tu byed pa/ nyi shu pa'i 'grel pa'o// // 'dir smras pa/ dus ni rang bzhin gyis yod pa nyid de/ 'byung ba dang 'jig pa'i rgyu yin pa'i phyir ro// 'di na myu gul sogs pa dag dus 'ga' zhig la bltos nas ni 'byung zhing skye bar 'gyur la/ dus kyi khyad par 'ga' zhig la bltos nas ni 'jig cing rnam par 'jig par 'gyur gyi/ rgyu dang rkyen gyi tshogs pa yod kyang thams cad kyi tshe ni ma yin no// de'i phyir dus yod pa nyid de/ 'byung ba dang 'jig pa'i rgyu yin pa'i phyir ro// brjod par bya ste/ gal te 'byung ba dang 'jig pa dag nyid yod na ni/ dus 'byung ba dang 'jig pa'i rgyu nyid du 'gyur na/ yod pa ni ma yin no// ji ltar med pa de ltar bstan pa'i phyir/ 'jig
- 153a
pa 'byung ba med par ram// lhan cig yod pa nyid ma yin// 'byung ba 'jig pa med par ram// lhan cig yod pa nyid ma yin// zhes gsungs te/ 'dir gal te 'byung ba dang 'jig pa dag yod par 'gyur na/ phan tshun med par yod pa 'am/ lhan cig par yod par 'gyur ba zhig na/ rnam par dpyad pa na gnyis ga ltar yang yod pa ma yin no// ji ltar zhe na/ de la 'jig pa rnam par 'jig pa ji ltar 'byung ba ste skye ba med par yod pa ma yin pa de ltar bstan pa'i phyir/ 'jig pa 'byung ba med par ni// ji lta bur na yod par 'gyur// skye ba med par 'chi bar 'gyur// 'jig pa 'byung ba med par med// ces gsungs te/ 'jig pa rnam par 'jig pa ni 'byung ba med par ji lta bur na yod par 'gyur/ ji lta bur na zhes bya ba 'dis ni gtan mi srid par grags pa ston par byed pa'o// ji lta bur na yod par 'gyur te/ de ni yod pa ma yin/ no zhes bya bar dgongs pa yin no// yang gal te 'byung ba med par 'jig pa yod par 'gyur na nyes pa cir 'gyur zhe na/ brjod pa/ skye ba med par 'chi bar 'gyur te/ ma skyes pa 'chi bar 'gyur na/ ma skyes par ni 'chi bar yang ma mthong ngo // de'i phyir 'jig pa 'byung ba med par yod par mi 'os so// 'dir tshigs su bcad pa'i phyed gong mas ni dam bcas pa yin la/ rkang pa bar mas ni thal ba bsgrubs pa yin zhing / thams mjug bsdus pa yin no zhes bya bar shes par bya'o// de ltar re zhig 'byung ba med par 'jig par mi rigs so zhes bstan nas/ da ni 'jig pa 'byung ba dang lhan cig tu yang ji ltar yod pa ma yin pa de ltar bstan pa'i phyir/ 'jig pa 'byung dang lhan cig tu// ji ltar yod pa nyid du 'gyur// 'chi ba skye dang dus gcig tu// yod pa nyid ni ma yin no// zhes gsungs te/ gal te 'jig pa 'byung ba dang lhan cig dus
- 153b
gcig tu ci car yod par 'gyur na ni/ de ltar na 'chi ba dang skye ba dus gcig par 'gyur na/ phan tshun 'gal ba de gnyis ni snang ba dang mun pa ltar dus gcig gi tshe yang yod pa ma yin no// de'i phyir 'jig pa ni 'byung ba dang lhan cig tu yang grub pa yod pa ma yin no zhes bya bar gnas so// gang gi tshe de ltar 'jig pa 'byung ba med par ram/ lhan cig tu yang grub pa yod pa ma yin pa de bzhin du 'byung ba yang 'jig pa med par ram/ lhan cig tu grub pa yod pa ma yin pa de bzhin du 'byung ba yang 'jig pa med par ram/ lhan cig tu grub pa yod pa ma yin no zhes bstan pa'i phyir/ 'byung ba 'jig pa med par ni// ji ltar yod pa nyid du 'gyur// dngos po rnams la me rtag nyid// nam yang med pa ma yin no// zhes gsungs so// 'byung ba ni 'jig pa med par mi rigs pa nyid de/ gang gi phyir dngos po 'byung ba'i chos can skye ba'i chos can rnams la mi rtag pa nyid nam yang med pa ma yin gyi/ 'o na ci zhe na/ thams cad kyi tshe yod pa yin te/ dngos po thams cad dus kun tu// rga dang 'chi ba'i chos yin na// gang dag rga dang 'chi med par// gnas pa'i dngos po gang zhig yin/ zhes bshad do// gang gi tshe de ltar dngos po thams cad rtag tu mi rtag pa dang rjes su 'brel pa de'i tshe gang 'jig pa dang bral bar gyur pa'i/ gnas skabs de 'ga' yang yod par ga la 'gyur/ de'i phyir/ 'jigs pa med par 'byung ba srid pa yod pa ma yin no// de ltar na re zhig 'byung ba 'jig pa med par yod pa ma yin no// 'di dag gi dpyad pa lhag ma ni 'dus byas brtag par dpyad zin pa'i phyir yang rnam par mi spyad do// gang zhig 'jig pa ni rgya dang bcas pa yin te/ 'dus byas kyi mtshan nyid yin pa'i phyir skye ba bzhin no// zhes sgrub byed bkod pa rjes su brjod nas/ tha ma'i sems dang sems las byung ba'i mtshan nyid dag
- 154a
gis ma nges par smra ba des ni mi rigs pa yin te/ de'i 'jig pa yang skye ba'i rkyen can yin pa nyid kyis rgyu dang bcas pa'i phyir dang / bsgrub par bya ba dang mtshungs pa'i phyir na ma nges pa nyid med pa'i phyir ro// gang yang dngos po'i bdag nyid kyi ngo bo nyid ni ma byung ba las byung bas skye ba zhes bya ste/ de'i phyir rdzas su yod pa rnams kyi skye bar grub pa'i phyir tha snyad du yang dpe med pa yin no zhes bstan pa de yang mi rigs te/ gzugs brnyan la sogs pa rdzas su med pa rnams rgyu dang bcas pa nyid du khas blangs pa'i phyir ro// slob dpon gyi zhal snga nas ji skad du/ gang dag rgyu las byung gyur zhing // gang dag de med pas med pa// de dag gzugs brnyan dang mtshungs par// gsal ba ji lta bur mi bzhed// ces gsungs so// de'i phyir tha snyad du dpe ma grub pa ga la yod/ gal te yang gang dngos po las de nyid dang gzhan nyid du brjod par mi nus pa de ni kun rdzob tu yang yod pa ma yin no zhes smra na ni/ sngon po la sogs pa yang yod pa ma yin no zhes brjod par bya ste/ ji skad du/ gzugs kyi dngos po ming tsam phyir// nam mkha' yang ni ming tsam mo// 'byung med gzugs lta ga la yod// de phyir ming tsam nyid kyang yin/ zhes gsungs so// gzhan yang gang gi gnas skabs kyi khyad par skye bar 'gyur ba/ dbu ma pa rnams la ni dngos po rang gi ngo bo yod par ga la 'gyur/ de'i phyir dpe ma grub par brjod pa ni mi rigs pa nyid do// gang yang 'jig pa ni rgyu dang bcas pa ma yin te/ 'jig pa dang mi ldan pa nyid kyi phyir dper na 'dus ma byas bzhin no zhes smra te/ de skad smra ba de la ni gtan tshigs 'dis 'gal ba chen po 'dren pa yin no// ji ltar gtan tshigs 'dis 'jig pa la rgyu med par sgrub par byed pa de ltar 'dus byas kyi
- 154b
mtshan nyid ma yin pa yang sgrub par byed do// de bzhin du 'du byed kyi phung pos bsdus pa dang / rten cing 'brel par 'byang ba'i yan lag gis bsdus pa la sogs pa thams cad kyang 'gal bar byed pas 'di ni mi rigs so// de bzhin du rnam par shes pa ni yul gyi rang gi ngo bo yongs su gcod par byed pa ma yin te/ rnam par shes pa dang mi ldan par phyir 'dus ma byas bzhin no zhes bya ba la sogs pas thams cad bkag pa'i phyir 'di la mi 'dod pa chen po grub par 'gyur bas 'di gzung bar mi bya'o// da ni ji ltar 'byung ba 'jig pa dang lhan cig grub pa yod pa ma yin pa de ltar bstan pa'i phyir/ 'byung ba 'jig dang lhan cig tu// ji ltar yod pa nyid du 'gyur// skye ba 'chi dang dus gcig tu// yod pa nyid ni ma yin no// zhes gsungs te/ gal te 'byung ba 'jig pa dang lhan cig yod par 'gyur na ni/ de'i tshe skye ba dang 'chi ba dag dus gcig pa nyid du 'gyur na srid pa yang ma yin no// de'i phyir 'byung ba dang 'jig pa dag lhan cig pa nyid du grub pa yang yod pa ma yin no// ci ste skye ba dang 'chi ba dag gcig gi ngo bo 'am tha dad pa'i ngo bor grub pa yod pa ma yin pa de lta na yang 'byung ba dang 'jig pa dag yod de/ brjod par bya ba yin pa'i phyir rnam par shes pa bzhin no// snyam na/ brjod par bya ste/ gal te brjod par bya ba nyid kyis de dag grub par 'dod na ni/ mo gsham gyi bu yang 'dod par bya'o// gzhan yang / gang dag phan tshun lhan cig gam// phan tshun lhan cig ma yin par// grub pa yod pa ma yin la// de dag grub pa ji ltar yod de// gang las 'byung ba dang 'jig pa dag 'grub par 'gyur ba lhan cig pa nyid dang lhan cig pa nyid ma yin pa las ma gtogs pa/ phyogs gzhan na ni med do// brjod du med pa nyid du grub par 'gyur ro snyam na/ brjod du med pa
- 155a
zhes bya ba 'di ci zhig gal te 'dres par gyur pa yin na de ni mi 'thad de/ so sor ma grub pa dag la 'dres par gyur pa med pa'i phyir ro// brjod du med pa ni nges par gzung du med pa'i rang bzhin nyid yin no zhe na/ de lta na ni nges par gzung du med pa'i rang gi ngo bo yin pa'i phyir mo gsham gyi bu'i sngo bsangs dang dkar sham nyid la sogs pa ltar 'byung ba dang 'jig pa dag yod pa ma yin no zhes bya bar 'gyur/ ro// gang gi tshe de ltar 'byung ba dang 'jig pa dag yod pa ma yin pa de'i tshe de dag gi rgyu dus kyang med do zhes bya bar grub bo// gzhan yang 'di na 'byung ba dang 'jig pa de dag rtog pa na dngos po zad pa'i chos can nam/ ma zad pa'i chos can zhig la rtog grang na/ gnyi ga ltar yang mi 'thad do zhes bstan pa'i phyir/ zad la 'byung ba yod ma yin// ma zad pa la'ang 'byung ba med// zad la 'jig pa yod ma yin// ma zad pa la'ang 'jig pa med/ ces bya ba gsungs so// de la zad pa ste dngos po zad pa'i chos can la ni 'gal ba'i chos yod pas 'byung ba rigs pa ma yin no// dngos po'i mtshan nyid dang mi ldan pa'i phyir ma zad pa la yang 'byung ba rig pa ma yin te/ bong bu'i rwa bzhin no// de bzhin du/ zad la 'jig pa yod ma yin/ te zad pa'i chos can ni med pa yin te/ de la rten med pa'i 'jig pa mi rigs so// de bzhin du ma zad pa la'ang 'jig pa med de/ ma zad pa'i chos can gyi dngos po ni dngos po'i mtshan nyid dang mi mthun pa yin na/ yod pa ma yin pa de la 'jig pa yod par ga la 'gyur/ 'byung ba dang 'jig pa gang dag dngos po zad pa dang ma zad pa'i chos can la mi srid pa de dag ni yod pa ma yin pa nyid de/ de'i phyir 'byung ba dang 'jig pa dag med do// 'dir smras pa/ dngos po rnams kyi 'byung ba dang 'jig pa ni yod pa nyid de/ de dag gi brten chos can yod pa'i phyir ro// 'dir 'byung ba dang 'jig pa dag ni dbro/
- 155b
po la brten pa yin la/ dngos po de yang re zhig yod pa yin no// de yod pas de la brten pa'i chos dag kyang yod par 'gyur ro// brjod par bya ste/ gal te dngos po yod na ni/ dngos po la brten pa'i chos de gnyis yod par 'gyur na/ gang gi tshe dngos po yod pa ma yin pa de'i tshe/ dngos po yod pa ma yin par/ 'byung dang 'jig pa yod ma yin no// yang ci'i phyir dngos po yod pa ma yin zhe na/ 'di ltar 'byung dang / 'jig pa med par ni// dngos po yod pa ma yin no// 'byung ba dang 'jig pa dag ni dngos po'i mtshan nyid du gyur pa yin no// de dag ni bkag pa yin no// gang gi tshe bkag pa de'i tshe dngos po'i mtshan nyid 'byung ba dang 'jig pa med par dngos po'i mtshan nyid dang mi mthun par yod par go ga la 'gyur/ dngos po med na ni 'byung ba dang 'jig pa dag kyang yod pa ma yin no// gzhan dag ni 'byung ba dang 'jig pa dag yod pa yin te/ dngos po'i chos yod pa'i phyir ro// 'dir gang yod pa ma yin pa de la ni dngos po'i chos med de/ dper na sbal pa'i ral pa bzhin no// 'byung ba dang 'jig pa gnyis ni dngos po'i chos kyang yin no// de'i phyir de dag yod do zhe na/ 'di la brjod par bya ste/ gal te 'ga' zhig la don dam par 'byung ba dang 'jig pa dag yod na ni/ de dngos po zhes bya bar brjod par rigs par 'gyur na/ de dag ni med de/ de'i phyir 'byung ba dang 'jig pa med na ni/ dngos po yod pa ma yin no// ste/ dngos po ni 'byung ba dang 'jig pa yod pa na yod pa nyid yin pa'i phyir ro snyam du dgongs pa'o// de med na ni gtan tshigs ma grub pa'i don nyid yin no// de bzhin du/ dngos po yod pa ma yin par/ 'byung dang 'jig pa yod ma yin/ te/ rten med pas brten pa ma grub po zhes bya bar dgongs pa yin no zhes phye dgong ma la phyed 'og mar byas nas rnam par 'chad do//
- 156a
gzhan yang 'dir 'byung ba dang 'jig pa de dag rtog pa na dngos po stong pa 'am/ mi stong pa la rtog grang na/ gnyi ga ltar yang mi 'thad do zhes bstan pa'i phyir/ stong la 'byung dang 'jig pa dag 'thad pa nyid ni ma yin no// zhes bya ba gsungs te/ rten med pa'i phyir nam mkha'i ri mo bzhin no snyam du dgongs pa yin no// de bzhin du/ mi stong pa la yang 'byung 'jig dag/ 'thad pa nyid ni ma yin no// mi stong pa yod pa'i rang bzhin can yin pa'i phyir/ rten med pa'i 'byung ba dang 'jig pa 'thad pa ma yin no// gzhan yang / gal te 'byung ba dang 'jig pa dag yod na/ de dag gcig nyid dam gzhan nyid du yod pa zhig na// gnyi ga ltar yang mi 'thad do zhes gsungs pa ni/ 'byung ba dang ni 'jig pa dag/ gcig pa nyid ni mi 'thad do// snang ba dang mun pa ltar phar tshun 'gal ba dag ni gcig nyid du mi 'thad pa'i phyir ro// 'byung ba dang ni 'jig pa dag/ gzhan nyid du yang mi 'thad do// gnyi ga phan tshun mi 'khrul ba'i phyir ro// 'byung ba dang bral ba la ni 'jig pa mi rigs la/ 'jig pa dang bral ba la ni 'byung ba ma mthong ste/ de ltar na gnyi ga phan tshun mi 'khrul ba'i phyir/ 'byung ba dang ni 'jig pa dag/ gzhan nyid du yang mi 'thad do// ci ste zhib mor brtags pa 'dis ci zhig bya/ gang gi phyir skye bo ba glang rdzi dang bud med yan chad kyis 'byung ba dang 'jig pa mthong ba de'i phyir 'byung ba dang 'jig pa dag yod pa yin te/ yod pa ma yin pa'i mo gshas gyi bu ni blta bar mi nus so snyam na/ gal te de ltar/ 'byung ba dang ni 'jig pa dag/ mthong ngo snyam du khyod sems na// 'di ni ma nges pa yin te// gang dang gang 'jig rten pas mthong ba de dang de yod pa nyid ni pa yin no// 'di ltar skye bo ba glang rdzi dang bud med yan chad kyis yod pa ma yin yang / dri za'i grong khyer dang / sgyu ma dang / rmi lam dang / mgal me'i
- 156b
'khor lo dang / smig rgyu'i chu la sogs pa mthong zhing / dbang po la gnod par gyur pa las rab rib can gyi skra shad dang / sbrang ma dang sbrang bu mchu rings dag mthong ba yin te/ de bzhin du/ 'byung ba dang 'jig pa de dag kyang med bzhin du mi shes pa'i gti mug gi rab rib kyis blo'i mig ldongs par byas pas mthong ba yin no zhes bshad pa/ 'byung ba ni 'jig pa dag/ gti mug nyid kyis mthong ba yin/ ci ste 'byung ba dang 'jig pa yod pa ma yin pa'i rang gi ngo bo can 'di dag gti mug kho nas mthong ba yin no zhes bya ba 'di de ltar cis nges she na/ 'di ni de ltar rigs pas nges pa yin no// 'dir rigs pa gang zhe na/ 'dir gal te dngos po zhes bya ba 'ga' zhig yod na ni/ de nges par dngos po 'am dngos po med pa las skye ba zhig yin/ de bzhin du gal te dngos po med pa zhes bya ba 'ga' zhig yod na ni/ de yang dngos po 'am dngos po med/ pa las skye ba zhig yin grang na/ gnyis char gnyi ga ltar yang yod pa ma yin no zhes gsungs pa/ dngos po dngos las mi skye ste// dngos po dngos med las mi skye// dngos med dngos med mi skye ste// dngos med da las mi skye'o// re zhig dngos po ste yang dag par 'byung ba zhes bya ba ni dngos po ste yang dag par 'byung ba las skye ba yod pa ma yin te/ rgyu dang 'bras bu gnyis dus gcig pa med pa'i phyir dang / skye ba rnyed zin pa'i skye ba la yang skye ba don med pa'i phyir ro// dngos po ni dngos po med pa las kyang mi skye'o// ci'i phyir zhe na/ dngos po med pa zhes bya ba ni 'jig cing rnam par 'jig pa yin la/ de yang dngos po dang 'gal ba/ yin te/ dngos po dang 'gal ba'i phyir de las dngos po ji ltar 'byung bar 'gyur/ gal te 'gyur na ni mo gsham gyi bu mo las kyang bu skye bar 'gyur ro// de'i phyir dngos po ni dngos po med pa las kyang 'byung ba ma yin
- 157a
no// da ni dngos po med pa yang dngos po med pa las mi 'byung ste/ dngos po med pa ni dngos po log pa'i rang bzhin can yin te/ de'i phyir de la 'bras bu bskyed pa'i nus pa ga la yod// gal te yod na ni mya ngan las 'das pa la yang 'bras bu bskyed pa'i mthu yod par 'gyur ro// gal te dngos po med pa las dngos po med pa 'byung bar 'gyur na ni/ de'i tshe mo gsham gyi bu mo las kyang bu skye bar 'gyur na/ de ni de ltar yang ma yin te/ de'i phyir dngos po med pa ni/ dngos po med pa las kyang 'byung ba ma yin no// da ni dngos po med pa ni dngos po las kyang mi 'byung ste dngos po med pa ni dngos po dang 'gal ba yin na/ de ji ltar dngos po las 'byung bar 'gyur/ gal te 'gyur na ni sngon ma las kyang mun pa 'byung bar 'gyur ro// gang gi phyir de ltar rnam par dpyad pa na 'byung ba dang 'jig pa dag yod pa ma yin pa de'i phyir gti mug nyid kyis mthong ba yin no zhes bya bar shes par bya'o// rnam pa gcig tu na phyogs snga ma 'di gzhan yin no// 'di ltar 'dir gal te 'byung ba dang 'jig pa dag yod na ni/ de dag dngos po la brten pa 'am/ dngos po med pa la brten par 'gyur ba zhig na/ dngos po dang dngos po med pa de gnyis ni rnam par dpyad pa na/ thams cad du yod pa ma yin te de'i phyir rten med pa'i 'byung ba dang 'jig pa dag ga la yod/ de'i phyir/ 'byung ba dang ni 'jig pa dag/ gti mug nyid kyis mthong ba yin/ zhes bya bar shes par bya'o// dngos po dang dngos po med pa gnyis ji ltar yod pa ma yin pa de ltar bstan pa'i phyir/ dngos po dngos las mi skye ste/ dngos po dngos med las mi skye// dngos med dngos med mi skye ste// dngos med dngos las mi skye'o// zhes gsungs te/ 'di'i don gong ma bzhin no// gzhan yang gal te dngos po zhes bya ba 'ga' zhig yod na ni//
- 157b
skye zhing zad pa dang ldan pas 'byung ba dang 'jig par 'gyur na/ dngos po ni 'ga' yang yod ma yin te/ bong bu'i rwa ltar rang bzhin gyis ma skyes pa'i phyir ro// ma skyes pa nyid ma grub po zhe na/ ma grub pa ma yin te/ 'di ltar/ dngos po bdag las mi skye ste// gzhan las skye ba nyid ma yin// bdag dang gzhan las skye ba ni// yod min ji ltar skye bar 'gyur// 'di ni rab tu byed pa dang por rnam par bshad zin pa'i phyir yang mi bshad do// gang gi phyir de ltar ji skad bshad pa'i rnam pa dag gis skye ba yod pa ma yin pa de'i phyir ji ltar skye bar 'gyur te/ ji ltar yang skye bar mi 'gyur ba nyid do snyam du dgongs pa yin no// dngos po skye ba rnam pa thams cad du yod pa ma yin no zhes bya ba 'di ni de ltar gdon mi za bar khas blang bar bya'o// de lta ma yin na ni/ dngos po yod par khas blangs na// rtag dang chad par lta bar ni// thal bar 'gyur te gang/ gi phyir// dngos de ni/ rtag dang mi rtag 'gyur phyir ro// gang zhig dngos po'i rnam par bzhag pa ji skad bshad pa las 'das na dngos por lta ba khas len pa de ni gdon mi za bar gsung rab dang shin tu 'gal ba rtag pa dang chad par lta bar 'gyur ro// ci'i phyir zhe na/ gang gi phyir dngos po de brtags pa na rtag pa 'am mi rtag pa zhig tu 'gyur grang / gal te rtag pa yin na ni de'i tshe rtag par smra bar 'gyur la/ 'on te mi rtag pa yin na ni de'i tshe nges par chad par smra bar 'gyur ro// 'dir smras pa/ dngos po yod par khas blangs kyang // chad par mi 'gyur rtag mi 'gyur/ ci'i phyir zhe na/ gang gi phyir/ 'bras bu rgyu yi 'byung 'jig gi/ rgyun de srid pa yin phyir ro// rgyu dang 'bras bu'i 'byung ba dang 'jig pa'i rgyun gang yin pa de ni kho bo cag gi srid pa ste 'khor ba yin no// de la gal te rgyu 'gags shing de'i rgyu can gyi 'bras bu mi skye na ni/ de'i tshe chad par 'gyur la//
- 158a
gal te rgyu mi 'gag cing rang gi ngo bos gnas na ni/ de'i tshe rtag par lta bar 'gyur na de ni de ltar yang ma yin no// de'i phyir dngos po khas blangs su zin kyang rtag pa dang chad par lta bar thal ba yod pa ma yin no// 'du byed rnams kyi 'byung ba dang 'jig pa'i rgyun rgyu dang 'bras bu rnam par ma chad par rim par 'byung ba gang yin pa de nyid 'khor ba yin te/ de'i phyir kho bo cag la nyes pa 'di yod pa ma yin no// brjod par bya ste/ gal te/ 'bras bu'i 'byung 'jig gi/ rgyan de srid pa yin 'gyur na// da lta na yang / 'jig la yang skye med pa'i phyir// rgyu ni chad par thal bar 'gyur// ma yin nam/ gang rgyu'i skad cig ma 'bras bu bskyed par bya ba la rgyur gyur nas 'gag pa/ rgyu'i skad cig ma 'jig pa dang ldan pa de yang mi skye ba'i phyir chad par lta bar 'gyur ro// khyed la skyon 'dir ji ltar mi 'gyur zhe na/ dngos po khas len pa la nyes pa 'dir 'gyur gyi// ngas ni dngos po khas ma blangs te/ chos thams cad skye ba med pa'i phyir ro// gang du/ gang la brten te gang 'byung ba// do ni re zhig de nyid min// de las gzhan pa'ang ma yin phyir// de phyir chad min rtag ma yin/ zhes bshad pa der yang kho bos tshul 'dis dngos po rnams rang bzhin med par bstan pa yin te/ de lta ma yin te/ dngos po rang gi ngo bos yod na ni sa bon dang myu gu dag gzhan nyid du ji ltar mi 'gyur/ de'i phyir thal ba 'di kho bo cag la gnod par byed pa ma yin no// de ltar re zhig dngos po yod par khas len na rgyu yang skye ba med pa'i phyir chad par lta bar thal bar 'gyur ba brjod nas/ da ni rtag pa'i nyes par thal bar brjod pa'i phyir/ dngos po ngo bo nyid yod na// dngos med 'gyur bar mi rigs so// zhes bya ba smos te/ gal te rgyu rang bzhin gyis yod par 'gyur na ni/ de phyis yod pa ma yin par mi 'gyur// /
- 158b
te/ de'i phyir rtag par lta bar thal ba so na 'dug ge/ gzhan yang / mya ngan 'das pa'i dus na chad// srid rgan rab tu zhi phyir ro// gal te yang rgyu dang 'bras bu dag gi 'byung ba dang 'jig pa'i rgyun 'jug pas rtag pa dang chad par lta bar thal ba spong bar byed mod kyi/ de lta na yang gang du rgyun de yang 'byung bar mi 'gyur ba mya ngan las 'das pa der ni nges par chad par lta bar 'gyur/ bcom ldan 'das kyis ni chad par lta ba spang bar bya ba gsungs so// rnam pa de lta bu ni chad par lta ba yin par mi 'gyur ro zhe na/ khyod la gzhan yang ci'i phyir yin par 'gyur te/ mya ngan las 'das pa'i dus su dngos po rnam par chad pa la dmigs pa ltar/ dngos po rnam par chad pa la dmigs pa'i phyir ro snyam du bsams pa'o// gang yang / 'bras bu nA yi 'byung 'jig gi/ rgyun de srid pa yin phyir ro// zhes smras pa de yang mi 'thad de/ ji ltar zhe na/ 'di srid pa tha ma ni ldog pa'i mtshan nyid can yin la/ dang po ni 'gro ba nyid mtshams sbyor ba'i mtshan nyid can no// de la srid pa tha ma 'gag bzhin pa ni rgyu nyid du gnas pa yin la/ skye ba'i mtshan nyid can srid pa dang po ni 'bras bu'i ngo bor gnas pa yin te/ srid pa de gnyis la 'khor ba zhes ming du btags pa yin no// 'dir 'di dpyad par bya ste/ gang las rgyu dang 'bras bu'i rgyun gyis 'khor bar 'gyur ba/ srid pa dang po 'bras bu'i ngo bo nyid du rnam par gnas pa gang yin pa de ci srid pa tha ma 'gags pa'am/ 'on te ma 'gags pa 'am/ de ste 'gag bzhin pa na skye grang / rnam par dpyad pa na rnam pa thams cad du yod pa ma yin no zhes bstan pa'i phyir/ tha ma 'gags par gyur pa na// srid pa dang po rigs mi 'gyur// tha ma 'gags par ma gyur tshe// srid pa dang po rigs mi 'gyur/ zhes gsungs so// de la gal te srid pa tha ma 'gag/
- 159a
pa ni srid pa dang po skye'o zhes rtog na ni/ de'i tshe rgyu med par 'gyur zhing / sa bon tshig pa las kyang myu gu skye bar 'gyur na/ de ni 'dod pa yang ma yin no// de'i phyir tha ma 'gags pa ni srid pa dang po mi rigs so// da ni srid pa tha ma ma 'gags pa na yang srid pa dang po rigs par mi 'gyur te/ gal te 'gyur na ni rgyu med pa dang / sems can gcig la ngo bo gnyis yod pa dang / sngon med pa'i sems can 'byung ba dang // snga ma rtag pa nyid dang / sa bon ma zhig pa las myu gu skye bar 'gyur na/ de dag ni de ltar yang ma yin no// de'i phyir/ tha ma 'gags par ma gyur tshe// srid pa dang po rig mi 'gyur ro// da ni srid pa tha ma 'gag bzhin pa na yang ji ltar srid pa dang po mi 'thad pa de ltar bstan pa'i phyir/ gal te tha ma 'gags bzhin na// dang po skye bar 'gyur na ni// 'gag bzhin pa ni gcig 'gyur zhing // skye bzhin pa yang gzhan du 'gyur/ zhes gsung so// de la 'gag bzhin pa ni da ltar ba ste/ da ltar ba'i rkyen gyi mtha' can gyis brjod par bya ba yin na/ skye bar 'gyur ba zhes bya bas kyang da ltar ba nyid brjod de/ da ltar ba'i sgra'i brjod bya yin pa'i phyir ro// yang na 'gag bzhin pa ni 'gag pa'i bya ba'i byed pa po yin la/ skye bar 'gyur ba gang yin pa de yang skye ba'i bya ba'i byed pa po yin te/ de dag dus gcig par 'dod pa na cig car du yod par 'gyur ro// de phyir 'gag bzhin pa ni srid pa gcig tu 'gyur zhing / skye bzhin pa yang gzhan du 'gyur bas/ srid pa gnyis dus gcig pa nyid du 'gyur na/ gcig la gcig car gnyis yod pa yang ma yin pas 'di ni mi rigs so// de'i phyir de ltar ji skad bshad pa'i rnam par dpyad pa'i tshul gyis/ gal te 'gag bzhin skye bzhin dag/ lhan cig tu yang rigs min na// phung po gang la 'chi 'gyur ba// de la skye ba'ang 'byung 'gyur ram// 'ang gi sgra ni
- 159b
bsdu ba'i don du ste// de dag so so so sor 'jog par byed pa'i phyir ro// gang gi tshe de ltar ji skad bshad pa'i tshul gyis tha ma 'gags pa na srid pa dang po 'byung ba ma yin zhing / tha ma ma 'gags par srid pa dang po 'byung ba ma yin la/ srid pa tha ma dang lhan cig ste dus gcig tu yang srid pa dang po 'byung ba ma yin na/ ci/ phung po gang la 'chi 'gyur ba// de la skye ba 'byung 'gyur ram// phung po gang dag la gnas pa 'chi bar 'gyur ba de dag nyid la skye ba zhes bya ba 'di ni shin tu 'gal ba yin no// 'di ltar 'chi bzhin pa ni skye bar ma mthong ngo // de'i phyir/ de ltar dus gsum dag tu yang // srid pa'i rgyun ni mi rigs na// gang gi phyir srid pa tha ma 'gags pa dang mi 'gags pa dang / 'gag bzhin pa ni srid pa dang po yod pa ma yin pa de'i phyir/ dus gsum char du yang srid pa'i rgyun yod pa ma yin no// dus gsum dag tu gang med pa// de ni ji ltar srid pa'i rgyun// gang zhig dus gsum dag tu yod pa ma yin pa de bdag nyid gzhan gyis yod par ga la 'gyur/ de'i phyir rnam pa thams cad du srid pa'i rgyun yod pa ma yin no// de'i phyir/ 'bras bu rgyu yi 'byung 'jig gi/ rgyun de srid pa yin phyir ro// zhes gang smras pa de ni mi rigs pa smras pa yin no// de'i phyir dngos po yod par khas len na rtag pa dang chad par lta bar thal ba de nyid bzlog par dka' ba yin no// de'i phyir dngos po rnams skye ba med do zhes bya bar grub po// bcom ldan 'das kyis kyang / srid gsum rmi lam dang 'dra snying po med// myur du 'jig cing mi rtag sgyu ma bzhin// 'ong ba med cing 'di nas 'gro ba'ang med// rgyun rnams rtag tu stong zhing mtshan ma med// ces bya ba dang / de bzhin du/ skye ba dang ni 'chi 'gyur yang // skye ba med cing 'chi med par// gang gis shes par 'gyur ba yis// ting 'dzin 'di ni rnyed mi dka'/ zhes gsungs pa dang / de bzhin du//
- 160a
gang dag bsam yas chos rnams 'di shes pa// mi rnams de dag rtag tu bde ba yin// chos dang chos min rnam rtog med pa ste// thams cad sems kyi spros pas phye ba yin// thams cad bsam yas thams cad 'byung min pas// dngos dang dngos med shes pa rnam par shig/ byis pa gang dag sems kyi dbang song ba// de dag srid pa bye ba brgyar sdug bsngal/ zhes gsungs so// slob dpon zla ba grags pa'i zhal snga nas sbyar ba'i tshig gsal ba las/ 'byung ba dang 'jig pa brtag pa zhes bya ba rab tu byed pa nyi shu rtsa gcig pa'i 'grel pa'o// // 'dir srid pa'i rgyun ni yod pa nyid de/ de bzhin gshegs pa yod pa'i phyir ro// 'di na bcom ldan 'das bskal pa grangs med pa gsum mam bdun du bar chad med pa'i tshul gyis brtson pa/ bsod nams bya ba rtsom pa phul du dbyung du med pa/ 'gro ba la phan pa 'byung ba'i bya ba gcig pu'i mtshan nyid can rnam pa sna tshogs pa de dang de dag gis 'gro ba/ bu gcig pa phangs pa bas kyang ches lhag pa ma lus pa rjes su 'dzin pa lhur mdzad pa/ thags rje chen po'i gzhan gyi dbang du gyur pa/ 'khrungs pa'i gan de dang der sa dang chu dang me dang rlung dang / sman gyi ljon shing thun mong ba ltar bdag nyid 'gro ba rnams kyi rang gi 'dod pas longs spyad par bya bar 'gyur bar mdzad pas dus ring mo zhig gis thams cad mkhyen pa'i go 'phang brnyes pa yin la/ thams cad mkhyen pa'i ye shes brnyes pa bcom ldan 'das de nyid chos rnams kyi de kho na nyid ji ltar gnas pa de ltar ma lus par ma khyen ni thugs su chud pa nyid kyis na de bzhin gshegs pa zhes brjed do// de'i phyir gal te sred pa'i rgyun med na ni de'i tshe de bzhin gshegs pa yang yod par mi 'gyur te/ skye ba gcig gis ni de bzhin gshegs pa nyid brnyes par mi dpyod do// de'i phyir sred pa'i rgyun yod pa nyid/
- 160b
de/ de bzhin gshegs pa yod pa'i phyir ro// zhes smra'o// brjod par b+ha ste/ gang gi mi shes pa shin tu chen po 'thad pa'i snang ba rnam pa sa rdzogs pa de la bu de dag gi klog tu zid kyang shin tu yun ring por goms pas da rung du yang mi zlog cing mi 'jig pa/ khyod kyi mi shes pa chen po 'di nyid srid pa'i rgyun rnam par chad pa med par 'jug pa dang / ches ring bar go bar byed pa yin no// gal te 'dir de bzhin gshegs pa zhes bya bar 'ga' zhig rang bzhin gyis yod na ni/ de'i tshe dus ring pos mngon par 'grub pa'i phyir sred pa'i rgyun yod par 'gyur na/ de bzhin gshegs pa zhes bya ba 'ga' zhig dngos po'i rang bzhin du dmigs pa yang ma yin te/ khyod kyi ma rig pa'i rab rib chen pos blo gros kyi mig nyams pa nyid kyis zla ba gnyis la sogs pa ltar log par de bzhin gshegs pa zhes bya bar dmigs pa 'ba' zhig tu zad do// gang gi tshe de ltar de bzhin gshegs pa nyid rang bzhin gyis yod pa ma yin pa de'i tshe de'i srid pa'i rgyun yod par ga la 'gyur/ ji ltar de bzhin gshegs pa rang bzhin gyis med pa de ltar bstan pa'i phyir/ phung min phung po las gzhan min// de la phung med der de med// de ban gshegs pa phung ldanams// deban gshegs pa ga nas mes/ zhes bya ba bas sa na gzhags pa rnas rgya sa 'a ya // gnas ba dang 'du shes dang 'du byed dang rnam par shes pa zhes bya ba phung po lnga'i rang bzhin nam/ tshul khrims dang ting nge 'dzin dang shes rab dang rnam par grol ba dang / rnam par grol ba'i ye shes mthong ba zhes bya ba'i phung po lnga'i rang bzhin nam/ de gnyis las tha dad par 'gyur ba zhig na/ snga ma'i phung po lnga po nyid sems can du gdags pa'i rgyu yin pas rnam par dpyad pa 'dir gzung gi/ phyi ma dag ni ma yin te/ 'di dag khyab par byed pa ma yin
- 161a
skyed du/ snam dngasasu dus pa 'byung ba/ ga zung ba lams padad pa ya da/ da / gsus pa des zung ba mad pa nga/ nga zung drug la na med pa'ag/ l+h+wam sa nga sa dang nga mye pa ga byung / ma ba sa du byed pa rnam na// Ang na/ dem na gzung cad de na gagags bud ga dgang de ma yin na// byed pa po dang las gcig 'gyur/ zhes bshad pa dang / nyer len gang ni sangs nus na// byed pa po dang las gcig 'gyur/ zhes bya ba 'dir yang sbyar bar byal// de bzhin du/ nga ba bdag yinan// skye dang 'dug pacan du rjur/ nas bgad pa dang / gal tu phung du sangs rgyas na// ga bcan du gyur/ rnaMs 'di yang sbya bar bya'o// de na po ni ga zung ba bzhinag pa ma yin na// dan de bzhin gshegs pa phung ba dag las gzhan pa yang ma yin te/ ci'i phyir non/ gral to shing las ma gzhan// shid med par yang 'byung bar 'gyur/ zhes bya ba dang / de bzhin du// gnas bltos pa med pa'i phyir/ 'bar bar byed rgyu las mi 'byung // rtsom pa don med nyid du 'gyur// de la yin na las kyang med// rjes bshad pa de bzhin du/ 'dir yang / gal te nyer len sangs rgyas gnan// nyer len med par 'byung bar 'gyur/ zhes bya ba dang / de bzhin du// gzhan la bltos pa med pa'i phyir// nye bar len d+ha las ma 'byung // rtsom pa don med nyid du 'gyur// de lta yin na las kyang med// ces bya bar sbyar bar bya'o// bzhin du/ gal te phung po rnams las gzhan// phung po'i mtshan nyid med par 'gyur/ zhes bya bar yang sbyar bar bya'o// phung po la sogs pa dang / de bzhin gshegs pa la gzhan nyid med pa'i phyir no/ de bzhin gshes/
- 161b
pa la phung po dag yod pa mi 'thad cing / phung po dag la de bzhin gshegs pa yod pa zhes bya ba yang 'thad pa ma yin no// phyogs gnyis kyi rnam par bshad pa 'di ni/ 'dir bdag ni phung po la med phung 'di dag/ bdag la yod pa ma yin gang gi phyir// gnan nyid yod na rtog pa 'dir 'gyur na// gzhan nyid de med de phyir 'di rtog pa'o// zhes dbu ma la 'jug pa las bshad pa yin no// de bzhin gshegs pa phung po dang ldan pa yang ji ltar ma yin pa de ltar ni/ bdag 'di gzugs ldan ma yin gang gi phyir// bdag med de phyir ldan don dang 'brel min// tha dad thugs ldan tha mi dang gzugs ldan// de nyid gnan du bdag med dngos med phyir/ zhes de nyid du bshad zin to// dngos su na phyogs lnga po de dag de nyid dang gzhan nyid kyi phyogs nyid kyi nang du 'dus mod kyi/ 'jig tshogs kyi lta ba'i 'jug pa la bzlas nas phyogs lnga slob dpon gyis gsung so zhes shes par bya'o// de bzhin gshegs pa gang zhig de ltar phung po dag la rnam pa lngas dpyad pa na yod pa ma yin pa de bdag nyid gang gis yod par 'gyur te/ de'i phyir de bzhin gshegs pa rnam pa thams cad du yod pa ma yin par gzigs shing / slob dpon gyis/ de bzhin gshegs pa gang zhig yin/ zhes gsungs te/ de ni 'ga' yang med do zhes bya bar dgongs so// de bzhin gshegs pa med pa'i phyir na srid pa'i rgyun yang med do zhes bya bar grub po// 'dir kha cig na re/ ji skad bshad pa'i nyes par thal bar 'gyur bas phung po de bzhin gshegs pa yin no zhes kyang mi smra la/ phung po las tha dad pa yang ma yin zhing / gongs can la shing gi tshogs la/ ra de bzhin gshegs pa la phung po dag yod par yang mi sprul/ nags thod na ming ge sa dpung po dag la de bzhin gshegs pa yod pa yang ma yin ning / 'khor los bsgyur
- 162a
rgyal po mtshan dang ldan pa ltar de bzhin gshegs pa phung po dang ldan par yang mi smra ste/ gcig nyid dang gzhan nyid khas ma blangs pa nyid kyi phyir ro// 'o na ci zhe na/ phung po la brten nas de bzhin gshegs pa de nyid dang gzhan nyid du brjod du med pa zhig rnam par 'dzeg pa yin te/ de'i phyir tshul 'di ni kho bo cag la gnod par byed pa ma yin no zhes smra'o// 'di la brjod par bya ste/ gal te sangs rgyas phung po la// brten nas rang byung las yod min// rang bzhin las ni gang med pa// de gzhan dngos las ga la yod// gal te sangs rgyas bcom ldan 'das de nyid dang gzhan nyid du brjod du med pa zhig phung po la brten na/ 'dogs na/ 'o na ni phung po la brten nas brtags pa gzugs brnyan ltar rang bzhin gyis yod pa ma yin pa zhes bya bar 'gyur ro// gang zhig de ltar rang bzhin las te rang gi ngo bos med cing / rang bzhin las yod pa/ ma yin pa de ji ltar phung po la brten nas gzhan gyi dngos po las yod par 'gyur/ yod pa ma yin pa'i rang gi ngo bo can gyi mo gsham gyi bu ni/ gzhan gyi dngos po la bltos nas yod par mi rigs so// ci ste ji ltar gzugs brnyan rang bzhin las yod pa ma yin yang / bzhin dang me long la sogs pa gzhan gyi dngos po la bltos nas yod par 'gyur ba de bzhin du/ de bzhin gshegs pa rang bzhin las yod pa ma yin yang phung po la brten nas gzhan gyi dngos po las yod par 'gyur ro snyam na/ de lta na yang / gang zhig gzhan gyi dngos brten nas// de bdag nyid du mi 'thad do// gang zhig bdag nyid med pa de// ji ltar de bzhin gshegs par 'gyur// gal te gzugs brnyan ltar gzhan gyi dngos po la brten nas de bzhin gshegs par 'dogs na ni/ de lta na de bzhin gshegs pa de gzugs brnyan ltar bdag nyid ces bya bar mi 'thad cing / rang bzhin zhes
- 162b
bya bar mi rigs te/ bdag nyid kyi sgra 'di ni rang bzhin gyi rnam grangs yin no// gang zhig gzugs brnyan ltar bdag nyid med cing rang bzhin med pa de ji ltar de bzhin gshegs par 'gyur te/ phyin ci ma log pa'i/ lam nas gshegs pa ji ltar 'gyur zhes bya bar dgongs pa'o// gzhan yang / gal te 'di na de bzhin gshegs pa la rang bzhin 'ga' zhig yod na ni/ de'i tshe de'i rang bzhin la bltos nas phung po'i rang bzhin gzhan gyi dngos por 'gyur la/ gzhan gyi dngos po de la brten nas de bzhin gshegs par 'gyur ba zhig na/ gang gi tshe de bzhin gshegs pa la rang bzhin nyid yod pa ma yin pa de'i tshe phung po rnams gzhan nyid dudrug la 'gyur zhes bstan pa'i phyir gsungs pa/ gal te rang bzhin yod min na// gzhan dngos yod par ji ltar 'gyur// gang gi tshe de ltar rang bzhin dang gzhan gyi dngos po dag med pa de'i tshe/ rang bzhin dang ni gzhan dngos dag/ ma gtogs de bzhin gshegs de gang // dngos po yin na rang bzhin nam// gzhan gyi dngos por 'gyur gyi/ gang zhig de bzhin gshegs pa zhes bya bar rnam par bzhag pa de gnyis las ma gtogs pa'i dngos po gzhan de gang zhig yod// de'i phyir de bzhin gshegs pa rang bzhin gyis med do// gzhan yang / gal te phung po ma brten par// de bzhin gshegs pa 'ga' yod na// de ni da gdod brten 'gyur zhing // brten nas de las 'gyur la rag/ gal te de bzhin gshegs pa phung po dag las de nyid dang gzhan nyid du brjod du med pa zhig phung po dag la brten nas 'dogs so snyam du sems na ni/ de gal te phung po rnams lam brten par te ma gzung bar sngar de bzhin gshegs pa zhes bya bar 'ga' zhig yod cing phung po la brten nas gyur pa de'i tshe rigs te/ 'di ltar sngar nor las tha dad par grub pa'i/
- 163a
lha sbyin ni nor len par byed pa yin no// de bzhin du gal te phung po la ma brten par de bzhin gshegs pa 'ga' zhig yod na ni/ de dag zod phung po dag la brten par 'gyur zhing / phung po de dag la brten nas de nas 'gyur la rag na/ rnam pa thams cad du dpyad pa na/ phung po rnams la ma brten par// de bzhin gshegs pa 'ga' yang med de/ rgyu med pa nyid du thal bar 'gyur ba'i phyir ro// gang zhig ma brten yod min na// de ni ji ltar nyer len 'gyur// yod pa ma yin pa'i phyir ro snyam du dgongs pa yin no// gang gi tshe de ltar cung zad kyang mi len pa de'i tshe/ phung po la brten nas de bzhin gshegs par 'gyur ro zhes bya bar mi 'thad do// gang gi tshe de bzhin gshegs pa de nye bar len pa'i snga rol tu med pas cung zad kyang ma len pa de'i tshe sus kyang nye bar ma blangs pas de'i nye bar len pa yang nye bar len pa nyid du 'gyur ba ma yin no zhes bstan pa'i phyir/ nye bar blangs pa ma yin par// nye bar len par cis mi 'gyur/ zhes bya ba gsungs so// gang gi tshe de ltar sus kyang ma blangs pa'i phyir nye bar len pa nye bar len par mi 'gyur ba de'i tshe nye bar len pa med pas nye bar len pa po 'ga' yang yod pa ma yin no zhes bstan pa'i phyir/ nye bar len pa med pa yi// de bzhin gshegs pa ci yang med// zhes bya ba gsungs so// de'i phyir de ltar/ ji skad bshad/ 'i tshul gyis/ rnam pa lngas ni btsal byas na// gang zhig de nyid gzhan nyid du// med pa'i de bzhin gshegs pa de/ nye bar len pas ji ltar gdags// de bzhin gshegs pa gang zhig dpyad cing btsal bar byas pa na/ gang zhog phung po dag las de nyid de gcig tu med cing / phung po dag las gzhan nyid du ste tha dad pa nyid du med la/ gang zhig de nyid dang gzhan nyid du med pas rten dang brten pa dang de dang ldan pa'i phyogs rnam pa lngas
- 163b
la thams pa ma pa zus sapa ma sa sa sa pas pa sa byas pa ya gra thams nga ba pa ma byang ba sa grang 'brang sas pa ma ma nga ma sa sa pa sa btsal ba na med cing gtan yod pa ma yin pa'i de bzhin gshegs pa de nye bar len pas ji ltar gdags par nus/ de'i phyir yang de bzhin gshegs pa rang bzhin gyis med do// rnam par dpyad pa 'dis de bzhin gshegs pa kho na med pa 'ba' zhig tu ma zad kyi/ 'on kyang / gang zhig nye bar blang ba de// de ni rang bzhin las yod min// gang zhig nye bar blangs pa gzugs dang / tshor ba dang / 'du shes dang / 'du byed/ dang / rnam par shes pa zhes bya ba phung po lnga po de yang rang bzhin gyis yod pa ma yin te/ rten cing 'brel par 'byung ba'i phyir dang / phung po brtag par rgyas par bkag pa'i phyir ro// ci ste yang nye bar blang ba rang bzhin las yod pa ma yin pa de lta na yang / rgyu dang rkyen gyi bdag nyid can gzhan gyis dngos po las yod par 'gyur ro snyam na/ de yang mi 'thad do zhes bstan pa'i phyir/ bdag gi dngos las gang med pa// de gzhan dngos las yod re skan/ zhes gsungs te/ mo gsham gyi bu dag gi dngos po las yod pa ma yin pa de ni gzhan gyi dngos pos gdags par nus pa ma yin no// de'i phyir nye bar blang ba yang med do// rnam pa gcig tu na/ gang zhig nye bar blang ba de// de ni rang bzhin las yod min te/ nye bar len pa po la bltos pa'i phyir dang / nye bar len pa po la ma bltos pa'i nye bar blang ba nyid med pa'i phyir rang gi ngo bos grub pa'i nye bar blang ba yod pa ma yin no// ci ste gal te nye bar blang ba nye bar len pa po la ma bltos pa rang bzhin gyis grub pa yod pa ma yin na/ 'o na ni de lta na nye bar len pa po la bltos pa dang bcas pa nyid du 'gyur ro zhe na/ de lta na yang / bdag gi dngos la gang med pa// de gzhan dngos las yod re skan// nye bar blang ba gang zhig bdag gi dngos po las ma grub cing yod pa ma yin pa'i rang bzhin de nye bar
- 164a
len pa po gzhan gyi dngos po las yod par ji ltar 'gyur/ de'i phyir nye bar blang ba yang med do zhes bya ba'o// da ni ji ltar rab tu bsgrubs pa'i don nyid nye bar bstan pa'i phyir/ de ltar nyer blangs nyer len po// rnam pa kun gyis stong pa yin/ zhes gsungs te/ rnam pa thams cad kyis dpyad pa na nye bar blangs pa stong pa ste rang bzhin med cing nye bar len pa po stong zhing rang bzhin dang bral ba yin no// da ni nye bar blang ba de// stong pas de bzhin gshegs stong pa// ji lta bur na 'dogs par 'gyur// yod pa ma yin pa'i nye bar blang bas yod pa ma yin pa'i de bzhin gshegs pa 'dogs so// zhes bya ba gang yin pa de ni srid pa ma yin no// de'i phyir phung po dag la brten nas de bzhin gshegs pa 'dogs so zhes bya ba ni 'thad pa ma yin no// 'dir smras pa/ e ma ma la kho bo cag gi re thag bcad do// 'di ltar gang kho bo cag ni gzegs bran dang rkang mig dang / phyogs kyi gos can dang / rgyal pog pa la sogs pa rang gi rnam par rtog pas brtags pa'i lta ba ngan pa'i lcug ma shin tu sran de'i dra bas gtums pa/ mya ngan las 'das pa'i grong khyer du 'gro ba'i lam phyin ci ma log pa las nyams pa/ 'khor ba'i 'brog dgon pa'i lam shin tu bgrod par dka' ba las ma brgal ba/ mtho ris dang byang grol gyi lam phyin ci ma log par bstan par mngon par rlom pa dag la dga' ba spangs nas/ de bzhin gshegs pa'i nyi ma gzhan mu stegs pa'i gzhung lugs kyi mun pa ma lus par sel bar mdzad pa/ mtho ris dang byang grol dang mthun pa'i lam phyin ci/ ma log pa ston par mdzad pa/ dam pa'i chos ston pa'i 'od zer shin tu gsal bas phyogs kyi ngos ma lus par khyab par mdzad pa/ gdul bya rnam pa sna tshogs pa'i blo'i pad+ma'i tshogs kha 'byed pa lhur mdzad
- 164b
pa/ dngos po'i de kho na nyid kyi don ji ltar gnas pa bzhin bstan pa'i snod du gyur pa rnams kyi dri ma med pa'i mig gcig pur gyur pa/ 'gro ba mtha' dag gi bla med pa'i skyabs su gyur pa/ stobs bcu dang / mi 'jigs pa dang / sangs rgyas kyi chos ma 'dres pa'i dkyil 'khor dri ma med pa mnga' ba la skyabs su song zhing thar pa don du gnyer ba yin na/ da lta ni/ de ltar nyer blong nyer len po// rnam pa kun gyis stong pa yin// stong pas de bzhin gshegs stong pa// ji lta bur na 'dogs par 'gyur/ zhes bya ba la sogs pas de rang bzhin gyis med par smras pas kho bo cag gi thar pa'i re thag bcad pa yin no// de'i phyir de bzhin gshegs pa'i rtse sman chen po'i ljon shing rtsad nas 'don pa khyod dang brtsad pas chog go// brjod par bya ste/ 'dir khyod lta bu'i skye bo la kho bo cag gi re ba chad pa yin no// 'di ltar gang khyod ni thar pa 'dod pas gzhan mu stegs pa'i gzhung lugs dag dor nas phyin ci ma log par ston pa po bcom ldan 'das de bzhin gshegs pa la skyabs su song yang bdag med pa'i seng ge'i sgra mchog tu zab pa mu stegs can gyi smra ba thams cad dang thun mong ma yin pa mi bzod pa na/ rang gi lhag par mos pas bkren pa nyid kyis lam lta ba ngan pa sna tshogs pa'i sbrul gyis dkrugs pa/ skye bo phyin ci log tu gyur pas rjes su bgrod pa/ 'khor ba'i 'brog dgon pa mi zad pa dang rjes su mthun pa de nyid nas song ba yin no// de bzhin gshegs pa ni nam yang bdag dang phung po rnams yod pa nyid du mi gsung ngo // ji skad du/ tshe dang ldan pa rab 'byor sangs rgyas kyang sgyu ma/ lta bu zil ma lta bu'o// tshe dang ldan pa rab 'byor sangs rgyas kyi chos rnams kyang sgyu ma lta bu rmi lam lta bu'o// zhes gsungs so// kho ba ni gang las kho bo cag la de skad du skur pa btab pa byas pa'i nyes par 'gyur ba rnam
- 165a
pa thams cad du de bzhin gshegs pa spros pa med pa dag med pa nyid du mi smra'o// gzhan yang de bzhin gshegs pa rang bzhin med par ston zhing phyin ci ma log pa'i don brjod par 'dod pas ni/ stong ngo zhes kyang mi brjod de/ mi stong zhes kyang mi bya zhing // gnyis dang gnyis min mi bya ste// 'di dag thams cad brjod par bya ba ma yin mod kyi/ 'on kyang ma brjod na rtogs pa po rnams kyi ji lta ba bzhin gnas pa'i rang bzhin rtogs par mi nus te/ de'i phyir kho bo cag tha snyad kyi bden pa la gnas nas tha snyad kyi don du gdul bya'i skye bo'i ngor lhag par sgro btags nas stong pa zhes kyang smra la mi stong pa zhes bya ba dang / stong pa yang yin la mi stong pa yang yin zhes bya ba dang / stong pa yang ma yin mi stong pa yang ma yin pa zhes kyang smra'o// de nyid kyi phyir/ gdags pa'i don du brjod par bya/ zhes gsungs te/ dgongs pa gang gis stong pa nyid la sogs pa bstan pa de ni bdag brtag pa las khong du chud par bya'o// ji skad du mdo las/ khyod kyis 'gro 'di sgyu ma lta bu dang // zlos gar lta dang rmi lam lta bu dang // bdag med sems can med cing srog 'gro med// chos rnams smig rgyu chu zla lta bur mkhyen// stong bzhi ba skye bo med pa'i tshul// ma shes pas na 'gro ba 'khyam 'gyur ba// de dgazugs rjes mnga' bas thabs tshul dang // rigs pa brgya dag gis ni 'dzud par mdzad// ces bya ba la sogs pa gsungs so// rtog pa 'di dag thams cad ni de bzhin gshegs pa spros pa med pa la mnga' ba ma yin no// de bzhin gshegs pa la stong pa nyid la sogs pa bzhi po mi mnga' ba 'ba' zhig tu ma zad kyi/ gzhan yang / rtag dang mi rtag la sogs bzhi// zhi ba 'di lag la yod// mtha' dang mtha' med la sogs bzhi// zhi ba 'di la ga la yod// 'dir bcom ldan 'das kyis lung du ma bstan pa'i dngos po bcu bzhi bstan pa yin no// 'di lta ste/ 'jig rten rtag go// 'jig rten mi
- 165b
rtag go/ 'jig rten rtag kyang rtag la mi rtag kyang mi rtag go// 'jig rten rtag pa yang ma yin mi rtag pa yang ma yin zhes bya ba ni bzhi mtshan dang po'o// 'jig rten mtha' dang ldan pa dang / 'jig rten mtha' dang mi ldan pa dang / 'jig rten mtha' dang ldan pa yang yin la mtha' dang mi ldan pa yang yin pa dang / 'jig rten mtha' dang ldan pa yang ma yin mtha' dang mi ldan pa yang ma yin zhes bya ba ni gnyis pa'o// de bzhin gshegs pa grongs phan chad yod do// de bzhin gshegs pa grongs phan chad med do// de bzhin gshegs pa grongs phan chad yod pa yang yin la med pa yang yin no// de bzhin gshegs pa grongs phan chad yod pa yang ma yin med pa yang ma yin zhes bya ba ni gsum pa'o// lus de srog yin/ srog de lus yin/ srog kyang gzhan la lus kyang gzhan yin zhes bya ba ste/ dngos po bcu bzhi po 'di dag ni brda sprod par bya ba ma yin pas lung du ma bstan pa'i dngos po zhes bya'o// de la ji skad bshad pa'i tshul gyis stong pa nyid la sogs pa bzhi po de bzhin gshegs pa rang bzhin gyis zhi zhing ngo bo nyid kyis stong pa la ji ltar mi mnga' ba de bzhin du/ rtag pa dang mi rtag pa la sogs pa bzhi yang de la mi mnga'o// mi mnga' ba nyid kyi phyir mo gsham gyi bu'i sngo bsangs dang dkar sham nyid ltar 'jig rten la bzhi po dag kyang bcom ldan 'das kyis lung du ma bstan pa yin no// bzhi po 'di dag de bzhin gshegs pa la ji ltar mi mnga' ba de ltar mtha' yod pa dang mtha' med pa la sogs pa yang de bzhin gshegs pa la mi mnga'o// da ni de bzhin gshegs pa grongs phan chad yod do zhes bya ba la sogs pa'i rtog pa bzhi po yang 'jug pa yod pa ma yin par bstan pa'i phyir/ gang gis de bzhin gshegs yod ces// 'dzin pa stug pos gzung gyur pa// de ni mya ngan 'das pa la// med ces rnam rtog rtog par byed// ces gsungs te/ gang gis mngon par zhen pa chen pos de bzhin gshegs/
- 166a
pa yod do zhes bya bar 'dzin pa ches stug pos gzung zhing yongs su rtog pa bskyed pa de ni nges par de bzhin gshegs pa yongs su mya ngan las 'das pa la/ de bzhin gshegs pa grongs phan chad de grongs nas dus phyis med cing de bzhin gshegs pa rgyun chad la de bzhin gshegs pa mi bdog pa yin no zhes rtog par byed do// de ltar rtog pa de la ni lta bar byas par 'gyur ro// gang gi ltar na rang bzhin gyis stong pa'i phyir gnas skabs 'gar yang de bzhin gshegs pa yod pa ma yin pa de'i phyogs la ni/ rang bzhin gyis ni stong de la// sangs rgyas mya ngan 'das nas ni// yod do zhe'am med do zhes// bsam pa 'thad pa nyid mi 'gyur// nam mkha' la ri mo'i gzugs rtog pa ltar rtog pa 'di yod pa ma yin no zhes bya bar dgongs pa'o// de'i phyir de ltar de bzhin gshegs pa rang bzhin gyis zhi zhing / rang bzhin med pa spros pa thams cad las 'das pa la blo zhan pa nyid kyis rtag pa dang mi rtag pa la sogs pa ste/ rtag pa dang mi rtag pa dang / yod pa dang med pa dang / stong pa dang mi stong pa dang / thams cad mkhyen pa dang / thams cad mi mkhyen pa la sogs par rtog pas/ gang dag sangs rgyas spros 'das shing // zad pa med la spro byed pa// spros pas nyams pa de kun gyis// de bzhin gshegs pa mthong mi 'gyur// spros pa ni dngos po'i rgyu can yin na/ de bzhin gshegs pa dngos po med pa la spros pa rnams 'jug pa ga la yod de/ de'i phyir de bzhin gshegs pa spros pa las 'das pa yin no// skye ba med pa'i rang bzhin yin pas rang bzhin gzhan du mi 'gro ba'i phyir zad pa med pa'o// gang dag rnam par rtog pa log pa de rang gis brtags pa'i dri mas sems dri ma can du byas pas yang dag pa ma yin pa'i kun tu rtog pa'i khyad par rnam pa sna tshogs pa dag gis de bzhin gshegs
- 166b
pa sangs rgyas bcom ldan 'das rnam pa de lta bu de spros par byed pa de dag la ni rang gi spros pa dag gis nyams par gyur pas/ de bzhin gshegs pa'i yon tan phun sum tshogs pa lkog tu gyur par gnas par 'gyur ro// de'i phyir ro dang 'dra ba de dag gis gsung rab 'di la de bzhin gshegs pa mthong bar mi 'gyur te/ dmus long gi nyi ma bzhin no// de nyid kyi phyir bcom ldan 'das kyis/ gang dag ngal gzugs su mthong // gang dag pa la sgrar shes pa// log par spong bar zhugs pa ste// skye bo de dag nga mi mthong // sangs rgyas rnams ni chos nyid blta// 'dren pa rnams ni chos kyi sku// chos nyid shes bya ma yin te// de ni shes par nus ma yin// / zhes gsungs so// de'i phyir de bzhin gshegs pa brtags pa 'dir sems can gyi 'jig rten brtag pa byas pa yin no// sems can gyi 'jig rten 'di ji ltar rang bzhin med pa de ltar/ snod kyi 'jig rten yang rang bzhin med pa yin no zhes bsgre ba'i phyir/ de bzhin gshegs pa'i rang bzhin gang // de ni 'gro ba'i rang bzhin yin// de bzhin gshegs pa rang bzhin med// 'gro ba 'di yi rang bzhin med// ces bya ba gsungs te/ 'gro ba ji ltar rang bzhin med pa yin pa de ltar ni rkyen ba rtag pa la sogs pa dag gis bstan to// de nyid kyi phyir mdo las/ rtag tu skye med chos ni de bzhin gshegs// chos rnams kun kyang bde bar gshegs dang 'dra// byis pa'i blo can mtshan mar 'dzin pa rnams// 'jig rten na ni med pa'i chos la spyod// de bzhin gshegs pa zag pa med pa yi// dge ba'i chos kyi gzugs brnyan lta bu yin// 'di na de bzhin dang de gshegs pa med/ 'jig rten/ thams cad kyis ni gzugs bsnyan mthong / zhes gsungs so// bcom ldan 'das ma las kyang / de nas lha'i bu de dag gis gnas brtan tshe dang ldan pa rab 'byor la 'di skad ces smras so// 'phags pa rab 'byor ci
- 167a
sems can de dag sgyu ma lta bu yin gyi sgyu ma ma yin nam/ de skad ces smras pa dang / tshe dang ldan pa rab 'byor gyis lha'i bu de dag la 'di skad ces smras so// lha'i bu dag sems can de dag ni sgyum lta bu'o// lha'i bu dag sems can de dag ni rmi lam lta bu ste/ lha'i bu dag de ltar na sgyu ma dang sems can de dag ni gnyis su med de gnyis su byar med do// de ltar rmi lam dang sems can de dag ni gnyis su med de/ gnyis su byar med do// lha'i bu dag chos thams cad kyang sgyu ma lta bu rmi lam lta bu'o// rgyun du zhugs pa yang sgyu ma lta bu rmi lam lta bu'o// rgyun du zhugs pa'i 'bras bu yang rmi lam lta bu sgyu ma lta bu'o// de bzhin du lan cig phyir 'ong ba dang / lan cig phyir 'ong ba'i 'bras bu dang / phyir mi 'ong ba dang / phyir mi 'ong ba'i 'bras bu dang / dgra bcom pa yang sgyu ma lta bu rmi lam lta bu'o// dgra bcom pa'i 'bras bu yang sgyu ma lta bu rmi lam lta bu'o// rang sangs rgyas kyang sgyu ma lta bu rmi lam lta bu'o// rang sangs rgyas nyid kyang sgyu ma lta bu rmi lam lta bu'o// yang dag par rdzogs pa'i sangs rgyas kyang sgyu ma lta bu rmi lam lta bu'o// yang dag par rdzogs pa'i sangs rgyas nyid kyang sgyu ma lta bu rmi lam lta bu'o// de nas lha'i bu de dag gis gnas brtan tshe dang ldan pa rab 'byor la 'di skad ces smras so// 'phags pa rab 'byor yang dag par rdzogs pa'i sangs rgyas kyang sgyu ma lta bu rmi lam lta bu'o// zhes smra 'am/ yang dag par rdzogs pa'i sangs rgyas kyang sgyu ma lta bu rmi lam lta bu'o// zhes smra 'am/ rab 'byor gyis smras pa/ lha'i bu dag mya ngan las 'das pa yang sgyu ma lta bu rmi lam lta bur smra na/ chos gzhan lta ci smos/ lha'i bu dag gis smras pa/ 'phags pa rab 'byor mya ngan las 'das pa yang sgyu ma lta bu rmi lam lta bu zhes smra 'am/ rab 'byor gyis smras pa/ lha'i bu dag kho bo ni gal te mya ngan las 'das pa bas/
- 167b
ches khyad par du 'phags pa'i chos gzhan 'ga' zhig yod na yang / de yang bdag sgyu ma lta bu rmi lam lta bu'o zhes smra'o// de ltar na rmi lam dang mya ngan las 'das pa 'di dag ni gnyis su med de gnyis su byar med do// zhes// / gsungs so// slob dpon zla ba grags pa'i zhal snga nas sbyar ba'i tshig gsal ba las/ de bzhin gshegs pa brtag pa zhes bya ba rab tu byed pa nyi shu gnyis pa'i 'grel pa'o// // 'dir smras pa/ srid pa'i rgyun ni yod pa nyid de/ de'i rgyu yod pa'i phyir ro// 'di na/ nyon mongs pa rnams las ni las 'byung zhing / las dang nyon mongs pa'i rgyu can skye ba dang 'chi ba gcig nas gcig tu brgyud pa yang nye bar skye bar 'gyur la/ de yang srid pa'i rgyun tu bskrad do// de'i gtso ba'i rgyu ni nyon mongs pa rnams yin te/ nyon mongs pa spangs pa dag la de med pa'i phyir ro// nyon mongs pa 'dod chags la sogs pa de rnams ni yod pa yin/ te/ de'i phyir 'bras bur gyur pa srid pa'i rgyun yang yod par 'gyur ro// brjod par bya ste/ gal te de'i rgyur gyur pa nyon mongs pa dag yod na ni/ srid pa'i rgyun yang yod par 'gyur na/ yod pa ni ma yin no// ji ltar zhe na/ 'dir sangs rgyas bcom ldan 'das rnams kyis// 'dod chags zhe sdang gti mug rnams// kun tu rtog las 'byung bar gsungs// sdug dang mi sdug phyin ci log/ brten pa nyid las kun tu 'byung // kun du rtog pa ni rtog pa'o// kun tu rtog pa las 'byung bas kun tu rtog pa las 'byung ba'o// 'dod pa khyod kyi rtsa ba ni// shes te kun tu rtog las skye// zhes tshigs su bcad de 'byung ba'i// phyir/ 'dod chags zhe sdang gti mug rnams// kun tu rtog las 'byung bar gsungs so// 'di dag kho na nye bar gzung bas ni/ nyon mongs pa gzhan rnams 'di dag gi rgyu can yin pas gtso bor gyur pa'i phyir ro//
- 168a
nyon mongs pa gsum po de dag ni/ sdug dang mi sdug phyin ci log/ brten pa nyid las kun tu 'byung // ste/ de la sdug pa'i rnam pa la brten nas ni 'dod chags 'byung la/ mi sdug pa la brten na/ zhe sdang ngo // phyin ci log la brten nas ni kati mug 'byung ngo // kun tu rtog pa ni de dag gsum char yang bskyed par bya ba la rgyu thun mong pa yin no// yang ji ltar gti mug kun tu rtog pa las 'byung zhe na/ brjod par bya ste/ bcom ldan 'das kyis rten cing 'brel par 'byung ba las dge slong dag ma rig pa rgyu dang bcas pa gzhi dang bcas pa rkyen dang bcas pa'o// dge slong dag ma rig pa'i rgyu gang zhe na/ tshul bzhin ma yin pa yid la byed pa'o zhes bya ba dang / de bzhin du yid la byed pa rnyog pa can ni gti mug las skye ba yin no zhes gsungs so// de'i phyir ma rig pa yang kun tu rtog pa las 'byung bar 'gyur ro// de'i phyir/ gang dag sdug dang mi sdug dang // phyin ci log la brten 'byung ba// de dag rang bzhin las med de// de phyir nyon mongs yang dag med// gal te 'dod chags la sogs pa nyon mongs pa rnams rang bzhin gyis grub pa yin na ni/ rang bzhin ni bcas ma ma yin pa'i phyir dang / gzhan la bltos pa med pa'i phyir/ de rnams sdug pa dang mi sdug pa dang phyin ci log la brten nas mi 'byung zhig na/ sdug pa dang mi sdug pa dang phyin ci log la brten nas 'byung ba yang yin te/ de'i phyir de dag rang bzhin med pa nyid yin gyi/ yang dag par yod pa ni ma yin te/ don dam par rang bzhin gyis yod pa ma yin no zhes bya ba'i don to// gzhan yang / bdag gi yod nyid med nyid ni// dze// lta bur yang 'grub pa med// de med nyon mongs rnams kyi ni// yod nyid med nyid ji ltar 'grub// bdag gi yod pa nyid dang med pa nyid dag ji ltar yod pa ma yin pa de ltar ni rgyas par bshad zin to// de'i phyir de la// /
- 168b
brten pa'i chos kyi yod pa nyid dang med pa nyid yod par ga la 'gyur/ ci ste gal te bdag gi yod pa nyid dang med pa nyid dag med pa de'i tshe gang las de rnams kyi yod pa nyid dang med pa nyid dag med par 'gyur ba/ 'dir nyon mongs pa rnams las ci zhig 'byung snyam na/ brjod pa/ nyon mongs 'di dag gang gi yin/ de yang 'grub pa yod pa mir// 'ga' med pa ni gang gi yang // nyon mongs pa dag yod ma min// 'dir nyon mong pa 'di dag ni rtsig ngos kyi ri mo dang 'bras bu smin pa nyid bzhin du bskyed par bya ba brten pa la bltos pa yin no// de'i phyir 'di dag gang zhig gi yin par 'gyur gyi brten 'ga' zhig med par ni ma yin no// brten// de yang brtags pa na bdag gam sems shig yin pa zhig na/ de dag gi brten de ni sngar bkag zin pa'i phyir yod pa ma yin no// brten de 'ga' yang med par ni/ gang gi nyon mongs pa yin par 'gyur/ de med pa nyid kyi phyir gang gi yang ma yin no zhes bshad pa/ 'ga' med par ni gang gi yang // nyon mongs pa dag yod ma yin/ 'dir nyon mongs pa rnams kyi brten sngar grub pa ni 'ga' yang khas mi len la/ gang zhig brten nyid du rnam par bzhag pa bdag ces bya ba 'ga' yang yod pa ma yin te/ rgyu med pa'i phyir nam mkha'i a ma'i shing bzhin no// 'on ci zhe na/ nyon mongs pa can gyi sems la brten nas nyon mongs rnams skye bar 'gyu la/ sems de yang nyon mongs pa rnams dang lhan cig skye'o zhes zer ro// 'di yang mi rigs so zhes bshad pa/ rang lus lta zhig nyon mongs rnams// nyon mongs can la rnam lngar med// rang lus lta zhig nyon mongs can// nyon mongs pa la rnam lngar med// rang lus zhes bya ba ni gzugs la sogs pa'i mtshan nyid kyi tshogs so// rang gi lus la lta ba ni rang lus lta ste/ bdag dang bdag gi ba'i rnam par 'jig pa zhugs pa'o// ji ltar//
- 169a
'di/ phung min phung po las gzhan min// de la bud med der de med// de bzhin gshegs pa phung ldan min/ zhes bya ba 'dis rnam pa lngar dpyad pa na rang gi lus la yod pa ma yin pa de bzhin du nyon mos pa rnams kyang rnam pa lngar dpyad pa na nyon mongs pa can la yod pa ma yin no// de la nyon mongs par byed pas na nyon mongs pa rnams so// nyon mongs par bya bas na nyon mongs pa can no// de la nyon mongs pa can gang yin pa de nyid nyon mongs pa rnams yin no zhes bya bar ni mi rigs te/ sreg pa po dang bsreg par bya ba dag kyang gcig nyid du thal ba'i phyir ro// nyon mongs pa can yang gzhan la nyon mongs pa rnams kyang gzhan yin no// zhes bya bar yang mi rigs te/ gzhan la bltos pa med pa'i phyir nyon mongs pa rnams nyon mongs pa can gyi rgyu las ma byung bar thal bar 'gyur ba'i phyir ro// de nyid dang gzhan nyid med pa de nyid kyi phyir/ rten dang brten pa dang de dang ldan pa'i phyogs rnams med pas nyon mongs pa rnams la nyon mongs pa can med la/ nyon mongs pa can la nyon mongs pa rnams med cing / nyon mongs pa can nyon mongs pa rnams dang ldan pa yang ma yin// no// de ltar na rnam pa lngas dpyad pa na/ nyon mongs pa rnams nyon mongs pa can la yod pa ma yin no// ji ltar nyon mongs pa can gyi rgyu can nyon mongs pa rnams yod pa ma yin pa de bzhin du/ nyon mongs pa'i rgyu can gyi nyon mongs pa can yang rnam pa lngas dpyad pa na nyon mongs pa rnams la yod pa ma yin no// 'di ltar nyon mongs pa rnams nyid nyon mongs pa can ni ma yin te/ byed pa po dang las dag gcig pa nyid du thal ba'o// / phyir ro// nyon mongs pa rnams kyang gzhan la/ nyon mongs pa can gzhan yang ma yin te/ bltos pa med pa nyid du thal bar 'gyur ba'i phyir ro// nyon mongs pa can la nyon mongs pa rnams med la/ nyon mongs pa rnam
- 169b
la nyon mongs pa can med cing / nyon mongs pa rnams nyon mongs pa can dang ldan pa yang ma yin no// de ltar na rang gi lus la lta ba bzhin du nyon mongs pa can yang nyon mongs pa rnams la rnam pa lngar yod pa ma yin no// gang gi phyir de lta yin pa de'i phyir nyon mongs pa dang nyon mongs pa can phan tshun bltos nas grub pa yang yod pa ma yin no// 'dir smras pa/ gal te yang khyod kyis nyon mongs pa rnams bkag mod kyi/ de lta na yang nyon mongs pa'i rgyu sdug pa dang mi sdug pa dang phyin ci logs dag ni re zhig yod pa yin no// de yod pas nyon mongs pa rnams kyang yod par 'gyur ro// brjod par bya ste/ gal te sdug pa dang mi sdug pa dang phyin ci log dag nyid yod na/ nyon mongs pa rnams yod par 'gyur na/ gang gi phyir/ sdug dang mi sdug phyin ci log/ de dag kyang / rang bzhin las ni yod min na// te/ rten cing 'brel par 'byung ba'i phyir dang / dgag pa 'chad par 'gyur ba'i phyir ro// gang gi tshe de dag rang bzhin gyis yod pa ma yin pa de'i tshe/ sdug dang mi sdug phyin ci log/ brten nas nyon mongs gang dag yin// de'i rgyu sdug pa dang mi sdug pa dang phyin ci log med pas nyon mongs pa rnams yod pa ma yin pa nyid do// snyam du dgongs pa'o// 'dir smras pa/ nyon mongs pa rnams ni yod pa nyid de/ de dag gi dmigs pa yod pa'i phyir/ 'dir gang med pa de la ni dmigs pa yod pa ma yin te/ dper na mo gsham gyi bu bzhin no// gzugs dang sgra dang dri dang ro dang reg dang chos zhes bya ba dmigs pa rnam pa drug ni yod pa yin te/ de'i phyir dmigs pa yod pas nyon mongs pa rnams yod pa nyid do// brjod par bya ste/ khyed cag gis/ gzugs sgra ro dang reg pa dang // dri dang chos dag rnam drug ni// gzhi ste 'dod chags zhe sdang dang // gti mug gi ni yin par brtags// pa gang yin pa/
- 170a
de ni yod do// de la de las skye ba'i phyir 'dod chags la sogs pa 'dir gnas pa sa gzhi ste dmigs pa'o// dmigs pa de yang gzugs dang sgra dang dri dang ro dang reg bya dang chos zhes bya/ ba dang drug tu 'gyur te/ yongs su gcod par byed pa dbang po drug phan tshun tha dad pa'i phyir ro// de la 'di ni 'di na'o// pa gi ni pha gi na'o zhes nges par brtag tu rung ba'i phyir dang / gzugs su rung bas na gzugs so// 'dis don sgrogs shing ston par byed pas na sgra'o// brngub cing bsnam par bya bas ni dri dag ste/ gang du phyin pa de las gzhan du mi 'gro ba'i phyir ro// zo zhing ro myang bar bya bas na re'o// reg par bya bas na reg pa'o// rang gi mtshan nyid 'dzin pa'i phyir ram/ chos kyi mchog mya ngan las 'das pa 'dzin pas na chos so// rnam pa drug po de dag gzhi yin no// gang gi zhe na/ 'dod chags dang zhe sdang dang gti mug gi'o// de la dga' bas na 'dod chags te/ chags pa dang lhag par zhen pa'o// yang na 'dis sems dga' bar byed pas na 'dod chags so// sman 'byin pas na zhe sbyang ste/ kun+danas mnar sems pa'o// yang na 'dis sems sun 'byin par byed pas na/ zhe sdang ngo // gti mug pas na gti mug ste/ kun nas gti mug pa'o// yang na 'dis sems gti mug tu byed pas na gti mug go/ de'i phyir gzugs la sogs pa rnam pa drug ni nyon mongs pa 'di dag gi gzhi ste/ dmigs pa yin no// de la gzugs la sogs pa dag la sdug pa'i rnam par sgro btags pas ni 'dod chags skye'o// mi sdug pa'i rnam par sgro btags pas ni zhe sdang ngo // rtag pa dang bdag la sogs par spro btags pas ni gti mug skye bar 'gyur ro// rnam pa drug po 'di dag gzhir btags pa bden mod kyi/ 'on kyang rab rab can dag gis yod pa ma yin pa'i skra shad la sogs pa ltar/ de
- 170b
dag yod pa ma yin pa'i rang bzhin du gyur pa zhig khyod kyis 'dod chags la sogs pa rnams kyi dmigs par yongs su btags pa yin no zhes bstan pa'i phyir/ gzugs sla ro dang reg pa dang // dri dang / chos dag 'ba' zhig ste/ zhes gsungs so// 'ba' zhig ste zhes bya ba ni btags pa tsam zhig tu zad de/ rang bzhin med do zhes bya ba'i tha tshig go// gal te rang bzhin med na/ 'o na ji ltar dmigs pa yin zhe na/ brjod par bya ste/ dmigs pa de dag ni/ dri za'i grong khyer lta bu dang // smig rgyu rmi lam 'dra ba yin// gang gi tshe de dag dri za'i grong khyer la sogs pa ltar phyin ci log las dmigs pa 'ba' zhig tu zad pa de'i tshe/ sgyu ma'i skyes bu lta bu dang // gzugs brnyan 'dra ba de dag la// sdug pa dang ni mi sdug pa// 'byung bar yang ni ga la 'gyur// 'dis ni rten log pa las byung bas sdug pa dang mi sdug pa'i mtshan ma dag kyang rdzun pa nyid du 'gyur ro// ji skad du/ ngar 'dzin las byung phung po rnams// ngar 'dzin de ni don du brdzun// gang gis ben rdzun pa de'i// skye ba bden pa ga la zhig/ zhes gsungs so// rten log pa nyid yin pas sdug pa dang ma sdug pa'i mtshan ma dag rdzun pa 'ba' zhig tu ma zad kyi/ 'on kyang 'thad pa 'dis kyang 'di gnyis rdzun pa nyid yin no zhes bstan pa'i phyir/ gang la brten nas sdug pa zhes/ gdags par b+ha ba mi sdug pa/ sdug lam bltos yod min pa// de phyir sdug pa 'thad ma yin// zhes gsungs te/ 'di na gal te sdug pa zhes bya ba 'ga' zhig yod na ni/ sdug pa dang 'brel pa can gzhan la bltos pa dang bcas pa'i phyir nges par ring thung // ngam/ pha rol dang tshu rol ltar mi sdug pa la bltos par 'gyur na/ mi sdug pa gang la brten zhing mi sdug pa gang la bltos nas sdug pa zhes gdags par bya zhing rnam par bzhag par bya ba bltos par bya ba mi sdug pa
- 171a
de yang / sdug pa med par yod pa ma yin zhing / sdug pa la ma bltos par mi sdug pa yod pa ma yin te/ sdug pa la bltos pa med par mi sdug pa med pa yin no zhes bya ba'i don to// gang la'i smras ni mjug thogs kyi mi sdug pa gzung ngo // gdags par bya ba zhes bya ba ni gong gi sdug pa dang sbyar ro// gang gi phyir de ltar na sdug par gdags pa la/ mi sdug pa zhes bya bar bltos par bya ba dngos po 'brel pa can gzhan yod pa ma yin pa/ de'i phyir sdug pa 'thad pa ma yin/ thung ngu med pas ring po 'am/ pha rol med pas tshu rol mi 'thad pa bzhin no zhes dgongs pa yin no// da ni mi sdug pa yang ji ltar yod pa ma yin pa de ltar bstan pa'i phyir/ gang la brten nas mi sdug par// gdags par bya ba sdug pa ni// mi sdug ma bltos yod min pas// de phyir mi sdug 'thad ma yin/ zhes gsungs te/ gal te mi sdug pa zhes bya ba 'ga' zhig yod na ni/ mi sdug pa dngos po 'brel pa can gzhan la bltos pa'i phyir/ de nges par ring thung ngam pha rol dang tshu rol ltar sdug pa la bltos par 'gyur na/ sdug pa gang la brten zhing sdug pa gang la dgos nas mi sdug pa zhes ga dgas par bla ning rnam par bzhag par byug/ bskos par bya ba sug pa de yang mi sdug pa med par yod pa pa yin na/ maM sdug pa la mi bzlas par sdug pa yid pa ma yin/ mi sdug pa la bltos pa med par/ sdug pa med pa yin no zhes bya ba'i don to// 'dir yang gang la'i sgras ni mjug thogs kyi sdug pa gzung ngo // gdags par bya ba zhes bya ba ni gong gi mi sdug pa dang sbyar ro// gang gi/ phyir de ltar na mi sdug par gdags pa la sdug pa zhes bya ba bltos par bya ba dngos po 'brel pa can gzhan yod pa ma yin pa/ de'i phyir mi sdug 'thad ma yin/ zhes bya ba'o// gang gi phyir de ltar sdug pa dang mi sdug
- 171b
pa dag yod pa ma yin pa de'i phyir/ sdug pa yod pa ma yin na// 'dod chags yod par ga la 'gyur// mi sdug yod pa ma yin na// zhe sdang 'byung bar ga la 'gyur// sdug pa dang mi sdug pa'i mtshan ma med na rgyu med pa'i phyir sdug pa dang mi sdug pa'i mtshan ma'i rgyu can gyi 'dod chags dang zhe sdang dag kyang yod pa ma yin no// zhes bya bar dgongs pa'o// de'i phyir de ltar sdug pa dang mi sdug pa'i mtshan ma med pas 'dod chags dang zhe sdang gnyis med par bstan nas/ da ni phyin ci log med par bstan pa'i sgo nas gti mug kyang med par bstan pa'i phyir/ gal te mi rtag rtag pa zhes// de ltar 'dzin pa log yin na// stong la mi rtag yod min pas// 'dzin pa ji ltar log ma yin// zhes gsungs te/ 'dir phyin ci log ni gzhir brjod do// 'di lta ste phung po lnga po skad cig re re la 'jig cing mi rtag pa la rtag go snyam du 'dzin pa gang yin pa de ni phyin ci log ma yin no// de bzhin du// mi rtag pa la nges par gnod// gang la gnod yod de bde min// de phyir gang zhig mi rtag pa// de ni thams cad sdug bsngal 'gyur/ zhes bya ba'i tshul 'dis mi rtag pa gang yin pa de ni sdug bsngal ba yin la/ 'du byed thams cad kyang mi rtag pa yin te/ de'i phyir phung po lnga sdug bsngal gyi bdag nyid can la/ bde'o snyam du log par 'dzin pa gang yin pa de ni byin ci log gzhan yin no// de bzhin du khu khrag phred pa'i sa bon can/ bshad da gci bas bskyed gyur zhing // mi gtsang rang bzhin shes bzhin du// 'dod pa gang gis de la chags// zhes bya bas de ltar rtag tu lus 'di bdag nyid thams cad du mi gtsang ba yin bzhin du rmongs pas de la gtsang ba nyid du 'dzin pa gang yin pa de ni phyin ci log yin no// de bzhin du phung po lnga po bdag gi mtshan nyid dang mi mthun pa mi bstan pa'i phyir dang / skye zhing 'jig pa'i chos can yin pa'i phyir/ bdag gi rang bzhin gyis
- 172a
stong bzhin du/ de la bdag tu 'dzin pa de ni bdag med pa la bdag tu mngon par zhen pa'i phyin ci log yin no// de ltar na phyin ci log bzhi po de dag ni gti mug gi rgyur gyur pa yin no// da ni 'dir 'di dpyad par bya ste/ gal te phung po rtag pa nyid kyis stong pa dag la rtag par 'dzin pa log pa ste/ phyin ci log yin no zhes de ltar rnam par 'jog na/ phung po rang bzhin gyis stong pa la mi rtag pa yang med pa ma yin nam/ de'i phyir stong la mi rtag yod min pas/ 'dzin pa ji ltar log pa yin/ 'di ltar phyin ci ma log pa'i mi rtag pa nyid la bltos nas rtag pa phyin ci log yin no zhes bya bar bzhag pa yin na/ gang gi tshe stong pa la mi rtag pa nyid yod pa ma yin pa de'i tshe mi rtag pa nyid med pas de dang 'gal ba'i rtag pa nyid phyin ci log tu ga la 'gyur/ de'i phyir phyin ci log med do// ji ltar rang bzhin dang bral zhing rang bzhin gyis ma skyes pa'i stong pa la mi rtag pa nyid med pa de bzhin du sdug bsngal ba yang med cing mi gtsang ba yang med la bdag med pa yang yod pa ma yin no// gang gi tshe rang bzhin gyis stong pa sdug bsngal la sogs pa med pa de'i tshe/ de dag gi mi/ mthun pa'i phyogs su gyur pa'i rtag pa dang bde ba dang gtsang ba dang bdag kyang phyin ci log tu lta ga la 'gyur/ de'i phyir phyin ci log rang bzhin gyis med do// de med pa'i phyir na ma rig pa yod par ga la 'gyur te/ rgyu med pa'i phyir ro// ji skad du bcom ldan 'das kyis/ ma rig pa dang ma rig rkyen byung gang // nam yang yod par 'gyur ba ma yin te/ ma rig pa de 'jig rten yod min pa// de yi phyir na ngas 'di ma rig gsungs// zhes bya ba dang / de bzhin du/ bcom ldan 'das ji ltar na gti mug gzungs kyi tshig lags/ bcom ldan 'das kyis bka' stsal pa/ 'jam dpal gti mug ni rab tu grol ba ste/ des na gti mug ces bya'o zhes bya ba la sogs
- 172b
pa gsungs so// gzhan yang gal te yang dag pa ma yin pa nyid kyi phyir/ mi rtag pa la rtag go zhes de ltar 'dzin pa phyin ci log yin no zhes bya bar rnam par 'jog na/ de lta na dngos po rang bzhin gyis yod pa ma yin// pa la mi rtag pa'o snyam du 'dzin pa yang yod pa ma yin pas 'di yang ci'i phyir phyin ci log ma yin par rnam par bzhag ces bstan pa'i phyir/ gal te mi rtag go zhes/ de ltar 'dzin pa log yin na// stong la mi rtag pa'o zhes// 'dzin pa'ang ji ltar log ma yin// zhes gsungs te/ gang gi tshe rtag pa nyid dang mi rtag pa nyid gnyi ga yang phyin ci log yin pa de'i tshe/ gang zhig phyin ci ma log par 'gyur ba/ de dag las tha dad pa gsum pa gzhan yod pa ma yin la/ gang gi tshe phyin ci ma log pa yod pa ma yin pa de'i tshe ci la bltos nas phyin ci log tu 'gyur/ de'i phyir rigs pa 'dis kyang phyin ci log yod pa ma yin no// de med pa'i phyir ma rigs pa med do// ji ltar mi rtag pa la rtag pa'o zhes bya bar 'dzin pa 'di phyin ci log tu mi 'gyur ba de bzhin du phyin ci log lhag ma yod pa ma yin pa la yang sbyar bar bya'o// de nyid kyi phyir bcom ldan 'das kyis 'phags pa lhag pa'i bsam pa brtan pas zhus pa las/ bcom ldan 'das kyis bka' stsal pa/ rigs kyi bu gang lam gyi nges par 'byung ba yongs su tshol ba de ni de bzhin te/ rigs kyi bu de bzhin gshegs pas ni chags par 'gyur ba'i chos rnams spangs par ma gsungs so// de bzhin du zhe sdang bar 'gyur ba dang / gti mug par 'gyur ba'i chos rnams spangs nas de bzhin gshegs pas zhe sdang dang gti mug spang bar ma gsungs so// de ci'i phyir zhe na/ rigs kyi bu de bzhin gshegs pas ni chos gang yang dor bar bya ba 'am thob par bya ba'i chos mi ston to// yongs su shes par bya ba dang / yongs su spang bar bya ba
- 173a
dang / bsgom par bya ba dang / mngon sum du bya ba dang / mngon par rtog par bya ba dang / 'khor ba las bskyod par bya ba dang / mya ngan las 'das par 'gro bar bya ba dang / bsal bar bya ba dang / bzhag par bya ba dang / dbye bar bya ba'i phyir chos mi ston to// rigs kyi bu gnyis su dbye ba ni de bzhin gshegs pa rnams kyi chos nyid ma yin no// gnyis la dpyod pa gang yin pa de dag ni yang dag pa la zhugs pa/ ma yin no// rigs kyi bu gnyis gang zhe na/ bdag gis 'dod chags spang bar bya'o snyam pa 'di ni gnyis so// bdag gis zhe sdang spang bar bya'o snyam pa 'di ni gnyis so// bdag gis gti mug spang bar bya'o snyam pa 'di ni gnyis so// de ltar sbyor ba gang yin pa de dag ni yang dag pa la zhugs pa ma yin te/ de dag ni log par zhugs par rig par bya'o// rigs kyi bu 'di lta ste/ dper na mi la la zhig gis sgyu ma mkhan gyi rol mo byung ba'i tshe/ sgyu ma mkhan gyis sprul pa'i bud med mthong nas 'dod chags kyi sems bskyed de/ de 'dod chags kyis sems dkris nas 'khor gyis 'jigs nas bag tsha ste/ stan las langs nas song ste de song nas bud med de nyid la mi sdug pa yid la byed cing / mi rtag pa dang / sdug bsngal ba dang / stong pa dang bdag med pa yid la byed na/ rigs kyi bu de ji snyam du sems/ mi de yang dag par zhugs pa yin nam 'on te log par zhugs pa yin/ gsol pa bcom ldan 'das gang bud med ma mchis pa la mi sdug par yid la bgyid cing / mi rtag pa dang / sdug bsngal ba dang / stong pa dang bdag med par yid la byed pa'i mi de'i mngon par brtson pa de ni log pa lags so// bcom ldan 'das kyis bka' stsal pa/ rigs kyi bu 'di na dge slong dang dge slong ma dang dge bsnyen dang dge bsnyen ma kha cig ma skyes shing ma byung ba'i chos rnams
- 173b
la mi sdug par yid la byed cing mi rtag pa dang sdug bsngal ba dang / stong pa dang bdag med par yid la byed pa gang yin pa de dag kyang de dang 'dra bar blta bar bya'o// nga ni mi blun po de dag la ma sgom pa yin no zhes/ mi smra ste/ de dag ni log par zhugs pa zhes bya'o// rigs kyi bu 'di lta ste dper na mi la la zhig gnyid log pa'i rmi lam du bdag gi khyim du rgyal po'i btsun mo mthong nas de dang lhan cig nyal bar byed de/ dran pa nyams pa'i phyir bdag nyid ni bsad do snyam du de ltar sems nas/ rgyal pos ma tshor grang / des bdag bsad du 'ong ngo snyam nas 'jigs shing skrag ste bros na/ 'di ji snyam du sems/ ci mi de 'jigs shing skrag te bros pas rgyal po'i btsun mo'i 'jigs pa de las thar par 'gyur ram/ gsol pa bcom ldan 'das de ni de ltar ma lags so// de ci'i slad du zhe na/ bcom ldan 'das 'di ltar mi des bud med ma mdzes par blad med kyi 'du shes pasnyed de yang dag pa ma lags par kun brtags pa'i srad du'o// bcam ldan 'das kyis bka' stsal pa/ rigs kyi bu 'di na dag slong dang dge slong ma dang dge bsnyen nga bsnyen mkha cig 'dod chags med pa la 'dod chags kyi 'du shes bskyed nas/ 'dod chags kyi 'jigs pas skrag ste/ 'dod chags las nges par 'byung ba yongs su tshal ba dang / de bzhin du zhe sdang ma pa zhe sdang gi 'du shes bskyed gti mug med pa la gti mug gi 'du shes bskyed nas gti mug gi 'jigs pas skrag ste/ gti mug las nges par 'byung ba yongs su tshol ba rnams kyang de dang 'dra bar blta bar bya'o// nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o// rigs kyi bu 'di lta ste dper na mi des med pa bzhin du sgro btags pas 'jigs pa med pa la 'jigs pa'i
- 174a
'du shes bskyed pa de bzhin du/ rigs kyi bu byis pa so so'i skye bo rnams ni 'dod chags kyi mtha' ma shes nas 'dod chags kyi mtha'i 'jigs pas skrag ste/ 'dod chags kyi mtha' las nges par 'byung ba tshol lo// zhe sdang gi mtha' ci yang med pa'i mthar ma shes nas zhe sdang mtha'i 'jigs pas skrag cing ci yang med pa'i mtha' las nges par 'byung ba yongs su tshal lo// gti mug gi mtha' stong pa nyid kyi mthar ma shes nas gti mug gi mtha'i 'jigs pas skrag ste/ stong pa nyid kyi mtha' las nges par 'byung ba yongs su tshol bar byed do// nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o zhes rgya cher gsungs so// 'dir smras pa/ gal te yang rtag pa'o zhes bya ba de ltar 'dzin pa'i phyin ci log yod pa ma yin pa de lta na yang re zhig 'dzin pa ni yod pa yin no// 'dzin pa zhes bya ba ni 'dzin pa ste/ dngos po bya ba'i rang bzhin can yin no// de la yang gdon mi za bar sgrub byed rtag pa nyid la sogs pa byed pa yod par 'gyur dgos la/ bdag gam sems kyang rung ste byed pa po yang // / yod dgos shing / gzugs la sogs pa'i yul las kyang yod dgos so// dngos po bya ba dang byed pa dang / byed pa po dang las rnams grub pa yin na ni thams cad grub pas kho bo cag gi 'dod pa grub po// brjod par bya ste/ khyod kyi re ba 'di ni brdzun yin te/ ji skad bshad pa'i tshul gyis/ gang gis 'dzin dang 'dzin gang dang // 'dzin pa po dang gang gzung ba// thams cad nye bar zhi ba ste// de phyir 'dzin pa yod ma yin// 'dir 'dzin pa po 'ga' zhig rtag pa nyid la sogs pa'i khyad par byed par 'gyur ba gang zhig gzugs dang sgra la sogs pa'i dngos po las su gyur pa cung zad cig 'dzin par byed pa de ji ltar yod pa ma yin pa de ltar ni sngar
- 174b
bstan zin to// ji ltar zhe na/ ji ltar rtag pa nyid la sogs pa'i byed pa po yod pa ma yin pa de ltar ni/ gal te mi rtag rtag pa zhes// de ltar 'dzin pa log yin na// zhes bya ba la sogs pas bstan la// ji ltar 'dzin pa po med pa de ltar ni/ bdag gi yod nyid med nyid ni// ji ltar bur yang grub pa med// ces bya ba 'dis bstan pa yin zhing / gang gzung bar bya ba de yang ji ltar med pa de ltar ni/ gzugs sgra ro dang reg pa dang // dri dang chos dag 'ba' zhig ste/ zhes bya bas bstan pa yin no// gang gi tshe de ltar byed pa po dang byed pa dang las dag ma grub pa de'i tshe go rgyu med pa'i 'dzin pa yod par ga la 'gyur/ de'i phyir/ gang gis 'dzin dang 'dzin gang dang // 'dzin pa pa dang gang gzung ba// thams cad nye bar zhi ba ste// rang bzhin gyis ma skyes pa'i phyir/ thams cad mya ngan las 'das pa yin no zhes bya ba'i don to// gang gi phyir 'di de lta yin pa/ dbyi 'dzin pa yod ma yin no// rnam pa gcig tu na gang gi phyir rkyen brtag pa la sogs pa'i rab tu byed pa rnams kyis byed pa dang dngos po dang byed pa po dang las thams cad du ma skyes par bstan pa de'i phyir/ 'di dag thams cad nye ba shi ba yin te/ de'i phyir 'dzin pa yod pa ma yin no zhes bya ba'o// 'dir smras pa/ byin ci lag dag ni yod pa nyid de/ byin ci log dang ldan pa yod pa'i phyir ro// 'di ni phyin ci log dang ldan pa'i lhas byin yon pa yin la/ phyin ci log dag med par ni phyin ci log dang ldan pa srid pa ma yin no// de'i phyir phyin ci log yod pa yin no// brjod par bya ste/ 'dir byed pa dang byed pa po dang las rnams med pas 'dzin pa nyid rnam pa thams cad du yod pa ma yin no zhes ni kho bo cag gis bshad zin to// de'i phyir/ log pa 'am yang dag nyid du ni// 'dzin pa yod pa ma yin na// gang la phyin ci log yod cing // gang la phyin ci ma log yod// 'ga'
- 175a
zhig cung zad kyang log pa 'am yang dag par 'dzin pa la phyin ci log nyid dang phyin ci ma log pa nyid ces bya ba ga la yod/ de'i phyir phyin ci log dag med do// gzhan yang phyin ci log 'di dag 'ga' zhig la 'dod pa na/ phyin ci log tu gyur pa zhig la brtag gam/ phyin ci log tu ma gyur pa zhig gam/ phyin ci log tu 'gyur bzhin pa zhig la brtag grang na/ rnam pa thams cad du 'thad pa ma yin no zhes bstan pa'i phyir/ phyin ci log tu gyur pa la// phyin ci log dag mi srid de// phyin ci log tu ma gyur la// phyin ci log dag mi srid do// phyin ci log tu 'gyur bzhin la'ang // phyin ci log dag mi srid do// gang la phyin ci log srid pa// bdag nyid kyis ni rnam par dpyod// ces gsungs so// de la re zhig phyin ci log tu gyur pa la/ phyin ci log dag mi srid do// ci'i phyir zhe na/ 'di ltar gang zhig phyin ci log tu gyur pa de ni phyin ci log tu gyur zin pa nyid yin na/ de la yang phyin ci log dang 'brel bas ci zhig bya ste/ dgos pa med pa'i phyir ro// phyin ci log tu ma gyur pa la yang phyin ci log dag mi rigs te/ mi shes pa'i gnyid dang bral bas blo gros kyi spyan rgyas pa sangs rgyas rnams la yang phyin ci log yod par thal bar 'gyur ba'i phyir ro// de bzhin du phyin ci log par 'gyur bzhin pa la yang phyin ci log dag yod pa ma yin te/ phyin ci log par 'gyur bzhin pa med pa'i phyir te/ gang zhig phyin ci log tu gyur pa dang / phyin ci log tu ma gyur pa las ma gtogs pa phyin ci log bzhin pa zhes bya ba'i dngos po gzhan po de gang zhig yod par 'gyur/ phyin ci log tu 'gyur bzhin pa ni phyed phyin ci log pa yin nozhe na/ phyed phyin ci log pa zhes bya ba ni gang zhig cung zad cig phyin ci log tu gyur cing / cung zad cig phyin ci log tu ma gyur pa yin na/ de la 'di'i cung zad cig phyin ci log tu gyur pa gang yin pa de ni phyin ci log gis
- 175b
phyin ci log tu byed pa ma yin ste phyin ci log tu gyur zin pa'i phyir ro// 'di'i cung zad cig byin ci log tu ma gyur pa gang yin pa de yang phyin ci log gis phyin ci log tu byed pa ma yin te/ phyin ci log tu ma gyur pa'i/ phyir ro// de'i phyir phyin ci log tu 'gyur bzhin pa 'ga' zhig la yang phyin ci log dag srid pa ma yin no// phyin ci log tu gyur pa dang / byin ni log tu ma b+ha ra pa dang / phyin ci log tu 'gyur bzhin pa gang dag la de lhalta mi srid la/ mi srid pas dgang dag la phyin ci log dag srid ces bdag nyid gzu bor gyur pas shes rab kyis rnam par dpyod cig/ de'i phyir de ltar na rten med pas kyang phyin ci log dag yod pa ma yin no// gzhan yang / phyin ci log rnams ma skyes pa// ji lta bur ni yod par 'gyur// byin ci log rnams skye med na// phyin ci log can ga la yod// de la/ dngos po bdag las mi skye ste// gzhan las skye ba nyid ma yin// bdag dang gzhan las kyang min na/ phyi ni ci log dang ldan pa ga la yod ces bya ba'i tha tshig go// de'i phyir phyin ci log dag ni yod pa nyid de/ phyin ci log dang ldan pa yod pa'i phyir ro zhes gang smras pa de mi rigs so// ci ste yang phyin ci log bzhi po cung zad cig yod pa nyid du khas le nan/ de la na yang / byin cil gnyid du gzhan par ma rus sa rgya'i b+h+ring zhe na/ 'di ltar/ gal te bdag dang gtsang ba dang // bdag dang bde ba yod nani// bdag dang gtsang dang rtag pa dang // bde ba phyin ci log ma yin// gal te bdag dang gtsang ba dang rtag pa dang bde ba de dag phyin ci log yin no zhes bya bar rnam par 'jog na ni/ ci de dag yod dam 'on te med// gal te yod na ni 'o na phyin ci log ma yin te/ yod pa'i phyir bdag med pa la sogs pa bzhin no// ci ste med na ni de'i tshe de dag med pa'i phyir phyin ci log nyid yod pa ma yin pa 'ba' zhig tu ma zad kyi/ 'gal zla phyin ci log/
- 176a
med pa'i phyir bdag med pa la sogs pa phyin ci ma log pa rnams kyang yod pa ma yin no zhes bstan pa'i phyir/ gal te bdag dang gtsang ba dang // rtag dang bde ba med na ni// bdag med mi gtsang mi rtag dang // sdug bsngal yod pa ma yin no zhes gsungs te/ gal te yod pa yin pa phyin ci log nyid du mi srid pas bdag dang gtsang ba dang rtag pa dang bde ba med do snyam du sems na/ de lta yin na 'o na bdag la sogs/ pa rnams yod pa ma yin pa'i phyir gang bdag med pa la sogs pa phyin ci log pa nyid du gzung ba de yang dor bar bya ste/ dgag bya med na bkag pa med pa'i phyir ro// gang gi tshe de ltar bdag med pa la sogs pa yod pa ma yin pa de'i tshe de yang rang gi ngo bos grub pa med pa'i phyir/ bdag la sogs pa ltar ji ltar phyin ci log tu mi 'gyur/ de'i phyir thar pa 'dod pa rnams kyis phyin ci log de dag brgyad car yang spang bar bya'o// phyin ci log rnam par dpyad pa 'di dag ji skad du bshad pa 'di ni ma rig pa la sogs pa spong ba'i rgyu nyid yin pas don chen po can nyid yin par bstan pa'i phyir/ de ltar byin ci log 'gags pas// ma rig/ pa ni 'gag par 'gyur// ma rig 'gags par gyur na ni// 'du byed la sogs 'gag par 'gyur// zhes gsungs te/ gang gi tshe rnal 'byor pa des ji skad bshad pa'i rigs pas phyin ci log ma dmigs pa de'i tshe// de ltar phyin ci log ma dmigs pas de'i rgyu can gyi ma rig pa 'gag par 'gyur ro// de 'gags pas ma rig pa'i rgyu can 'du byed la sogs pa rga shi'i mthar thug pa'i chos rnams 'gag par 'gyur te/ ma rig pa ni nyon mongs pa'i tshogs mtha' dag dang skye ba la sogs pa sdug bsngal gyi rgyur gyur pa'i phyir ro// ji ltar lus kyi dbang po'i rgyu can dbang po gzugs can thams cad ni lus kyi dbang po 'gags pa na 'gag par 'gyur
- 176b
ba de bzhin du/ 'du byed la sogs pa ma rig pa'i rgyu can srid pa'i yan lag 'byung ba rnams ni nges par ma rig pa 'gags pa na 'gag par 'gyur ro zhes bstan pa'i phyir/ ma rig 'gags par gyur na ni// 'du byed la sogs 'gag par 'gyur/ zhes gsungs pa yin no// 'dir smras pa/ gal te phyin ci log 'gags pas ma rig pa 'gag na/ 'o na ni gang zhig da ltar phyin ci log 'gags pas 'gag par 'gyur ba/ ma rig pa yod pa yin te/ nam mkha'i a mra'i lcug ma yod pa ma yin pa spang ba'i thabs tshol ba ni yod pa ma yin no// de'i phyir ma rig pa yod pa yin te/ de 'gag pa'i thabs tshol ba yod pa'i phyir ro// de'i phyir 'dod chags la sogs pa nyon mongs pa de'i rgyu can rnams yod pa yin la/ nyon mongs pa yod pa'i phyir srid pa'i rgyun yang yod pa nyid do// brjod par bya ste kye ma gang zhig dam pa gzhan gyi don 'byung ba la ci la yang rag ma las par chas pa rnams thabs der shes rab kyi stobs kyis nyon mongs pa'i dug gi ljon shing chen po bdag nyid thams cad du sdug bsngal shin tu stobs pa ma lus pa drungs 'byin par mdzad pa la// stongs 'debs par mi gnas pa 'ba' zhig tu ma zad kyi 'on kyang de drungs 'byin par mdzad pa rnams dang shin tu 'gal bar gnas shing gzu lums kyis nyon mongs pa'i dug gi ljon shing chen po de 'dzug pa la ches shin tu gus pa ni/ pha rol po don ma yin pa la mkhas pa shin tu chen po nyid yin no// gzhan yang gal te nyon mongs pa ma rig pa la sogs pa rnams spong ba yod na ni/ de spong ba'i thabs tshol bar 'gyur na/ de dag spong ba ni yod pa ma yin no// ci'i phyir zhe na/ 'di na gal te yod na ni de'i tshe rang gi ngo bos yod pa rnams sam/ yod pa ma yin pa rnams la yod par 'gyur ba zhig go/ de
- 177a
las cir 'gyur zhe na/ gal te nyon mongs pas rang gi ngo bos yod par gyur pa rnams spong bar 'dod na ni/ de mi 'thad do// ci'i phyir zhe na/ 'di ltar gal te la la'i nyon mongs pa// gang dag rang bzhin gyis yod na// ji lta bur na spong bar 'gyur// yod pa su zhig spong bar byed// dngos po rang gi ngo bos yod pa rnams kyi rang bzhin ni bzlog par mi nus te/ sa la sogs pa rnams kyi rang bzhin sra ba la sogs pa rnams ni ldog pa ma yin no// de bzhin du gal te la la ste gang zag gi gang dag ste ma rig pa la sogs pa nyon mongs 'di dag kyang rang bzhin gyis yod na ni ji lta bur na spong bar 'gyur te/ gang gis kyang spong bar mi 'gyur ba nyid do// yang ci'i phyir de dag mi spong zhe na/ yod pa su zhig spong bar byed/ ces gsungs te/ rang bzhin bzlog par mi nus pa'i phyir/ nam mkha'i mi sgrib pa nyid bzlog tu med pa bzhin no snyam du dgongs pa yin no// ci ste rang bzhin gyis med pa zhig yin no zhes bya bar rtog na/ de lta na yang spong ba yod pa ma yin pa nyid do zhes gsungs pa/ gal te la la'i nyon mongs pa// gang dag rang bzhin gyis med pa// ji lta bur na spong bar 'gyur// med pa su zhig spong bar byed// nyon mongs pa rang bzhin gyis med pa ste mi bdog pa rnams kyang spang bar mi nus pa nyid do// me'i grang ba yod pa ma yin pa ni bzlog par nus pa ma yin no// de bzhin du nyon mongs pa 'di dag kyang su la yang gang dag kyang rang bzhin med pas/ de dag sus spong bar byed de sras kyang spong ba byed pa ma yin no// de'i phyir de ltar phyogs gnyi ga yang spong ba yod pa ma yin pas nyon mongs pa rnams spong ba med do// spong ba med pa'i phyir na nyon mongs pa spong ba'i thabs tshol ba lta yod par ga la
- 177b
'gyur/ de'i phyir ji skad du/ ma rig pa la sogs pa rnams ni yod pa nyid de/ de spong ba'i thabs tshol ba'i phyir ro zhes gang smras pa de mi 'thad do// ji skad du/ 'phags pa ting nge 'dzin gyi rgyal po las kyang / gzugs kyis kyang ni byang chub bstan// byang chub kyis kyang gzugs bstan te// ming mtshungs pa yi sgra rnams kyis// chos kyi bla ma rab tu bstan// sgra yis gzugs kyi bla ma ste// ngo bo nyid kyis zab pa dag/ gzugs dang byang chub mnyam pa ste// tha dad bya ba de mi rnyed// mya ngan 'das pa zab par yang // sgra yis rab tu bstan pa ltar// mya ngan 'das pa de mi rnyed// de yi sgra yang mi rnyed do// sgra dang mya ngan 'das pa ni// gnyi ga'ang rnyed par mi gyur te// de bzhin stong pa'i chos rnams la// mya ngan 'das pa rab tu bstan// mya ngan 'das dang 'da' ba ni// mya ngan 'das pa mi rnyed de// 'di na chos rnams 'jug pa med// phyis ni ci 'dra de bzhin sngon// chos rnams thams cad rang bzhin gyis// mya ngan 'das dang mtshungs mnyam par// sangs rgyas bstan la brtson pa yi// 'byung ba lhung byed rnams kyis rig ces gsungs pa dang // de bzhin du/ ye shes kyi ngas phung po song nyid mkhyed// mkhyen nas nyon mongs rnams dang mi 'grogs te// brjod pa tsam gyi sgo nas brjod bya zhing // mya ngan 'das bzhin 'jig rten 'dir dpyad bya/ zhes bya ba gas so// slob dpon zla ba grags pa'i zhal snga nas sbyar ba'i tshig gsal ba las/ phyin ci log brtag pa zhes bya ba rab tu byed pa nyi shu gsum pa'i 'grel pa'o// // 'dir/ gal te 'di dag kun stong na// 'byung ba med cing 'jig pa med// 'phags pa'i bden pa bzhi po rnams// khyed la med par thal bar 'gyur// gal te rigs pas mi 'thad pa'i phyir phyi dang nang gi dngos po'i rnam pa 'di dag thams cad stong pa nyid do//
- 178a
zhes smrab na/ de ltan khyod la nyes pa chen po dang mang por 'gyur ba ma yin nam/ ji ltar zhe na/ gal te 'di dag thams nad stong pa nyid yin na/ de'i tshe gang stong pa de ni med pa yin la/ gAng med pa de ni yod pa ma yin pa'i phyir mo gsham gyi bu bzhin du skye ba med cing 'gag pa med pas dngos po gang yang 'byung ba med cing 'jig pa med par 'gyur ro// de med pas 'phags pa'i bden pa bzhi po rnams stong par smra ba khyod la med par thal bar 'gyur ro// ji ltar zhe na/ 'di ltar/ 'di na nye bar len pa'i phung po lnga po sngar gyi rgyas bskyed cing 'brel par 'byung ba ni/ sdug bsngal gyi sdug bsngal nyid dang / 'gyur ba'i sdug bsngal nyid dang / 'du byed kyi sdug bsngal nyid kyi mi mthun par gyur pa'i phyir gnod pa'i bdag nyid can nyid kyis na sdug bsngal zhes bya'o// sdug bsngal de yang phyin ci log spangs pas 'phags pa rnams kho nas sdug bsngal lo snyam du shes kyi/ phrin ci log dang rjes su 'brel pa'i phyir dang / ji ltar mthong ba bzhin dngos po'i rang bzhin rnam par 'jog pa'i phyir 'phags pa ma yin pa dag gis ni ma yin no// ji ltar dngos po de dag gis dngos po de dag nyid der dmigs pa'i phyir rims la sogs pa'i nad kyis btab pas dbang po phyin ci log tu gyur pa bu ram mngar ba'i rang bzhin yang kha nyid du dmigs pa rnams la de dag gi shes pa la bltos nas kha ba nyid du bden gyi mngar ba nyid du ni ma yin pa de bzhin du 'dir yang nye bar len pa'i phung po lnga sdug bsngal gyi rang bzhin yin mod kyi/ da lta na yang gang dag gis 'di dag sdug bsngal gyi bdag nyid du mthong ba de dag nyid la de dag sdug bsngal yin par bzhag gi/ phyin ci log dang rjes su 'brel pas rnam pa gzhan du dmigs pa rnams la ni ma yin no// de'i phyir
- 178b
'phags pa rnams kho na la de sdug bsngal gyi bdag nyid du bden pa de'i phyir sdug bsngal 'phags pa'i bden pa zhes bya'o// gal te 'phags pa ma yin pa rnams kyis kyang tshor ba sdug bsngal la sdug bsngal lo zhes bya bar yongs su gcod pa nyid ma yin nam/ de'i phyir ji ltar sdug bsngal 'phags pa rnams kho na la bden pa yin zhe na/ tshor ba sdug bsngal nyid 'ba' zhig sdug bsngal gyi bden pa ma yin te/ 'o na ci zhe na/ nye bar len pa'i phung po lnga char yin no// de'i phyir 'phags pa rnams kho na la bden pa'i phyir 'phags pa'i bden pa'o zhes rnam par bzhag ste/ ji skad du/ lag mthil spu nyag gcig 'dug pa// mi rnams kyis ni mi rtogs la// de nyid mig tu song na yang // mi bde ba dang gnod bskyed ltar// byis pa lag mthil 'dra ba yis// 'du byed sdug bsngal spu mi rtogs// 'phags pa mig dang 'dra ba ni// de yis shin tu yid kyang 'byung // zhes bshad do// de'i phyir sdug bsngal de ni 'phags pa rnams kho na la bden pas sdug bsngal 'phags pa'i bden pa'o zhes rnam par bzhag go// nam zhig gi tshe na 'di sdug bsngal 'phags pa'i bden par rigs she na/ gang gi tshe 'dus byas rnams la 'byung ba dang 'jig pa yod pa yin na/ gang gi tshe stong pa'i phyir cung zad kyang skye ba med cing cung zad kyang 'gag pa med pa de'i tshe ni sdug bsngal ni yod pa ma yin no// sdug bsngal med na yang kun 'byung gi bden pa yod par ga la 'gyur/ 'di ltar rgyu gang las sdug bsngal kun 'byung zhing skye ba/ sred pa dang las dang nyon mongs pa'i mtshan nyid can gyi rgyu de la ni kun 'byung zhes bya na/ gang gi tshe 'bras bur gyur pa sdug bsngal gyi bden pa yod pa ma yin pa de'i tshe 'bras bu dang bral ba rgyu nyid du mi 'thad pa'i phyir kun 'byung ba yang med do// /
- 179a
sdug bsngal dang bral zhing yang mi skye ba la ni 'gog pa zhes bya na/ gang gi tshe sdug bsngal nyid med pa de'i tshe gang gi 'gog par 'gyur/ de'i phyir sdug bsngal 'gog pa yang med do// de'i phyir sdug bsngal med na 'gog pa'i bden pa yang med do// sdug bsngal 'gog pa med na yang sdug bsngal 'gog par 'gro ba'i lam 'phags pa'i lam yan lag brgyad kyang yod par gal 'gyur/ de'i phyir lam gyi bden pa yang med do// de'i phyir de ltar dngos po rnams stong par smra ba khyod la 'phags pa'i bden pa bzhi po dag med par thal bar 'gyur ro// de las nyes pa cir 'gyur zhe na/ brjod par bya ste/ 'phags pa'i bden pa bzhi med pas// yongs su shes dang spang ba dang // sgom dang mngon du bya ba dag/ 'thad par 'gyur ba ma yin no// 'phags pa'i bden pa bzhi po rnams med par thal ba yin dang / mi rtag pa la sogs/ pa'i rnam pa dag gis sdug bsngal gyi bden pa yongs su shes pa de dang / sdug bsngal kun 'byung gi bden pa spang ba dang / sdug bsngal 'gog par 'gro ba'i lam sgom pa dang / sdug bsngal 'gog pa mngon du bya ba ste mngon sum du bye ba mi 'thad do// gal te sdug bsngal la sogs pa'i phags pa'i bden pa rnams med pas yongs su shes pa la sogs pa med pa de'i tshe/ nyes pa ci yod ce na/ brjod par bya ste/ dag yod pa ma yin pas// 'bras bu bzhi yang yod ma yin// 'bras bu med na 'bras gnas med// zhugs pa dag kyang yod ma yin// gal te skyes bu gang zag brgyad// de dag med na dge 'dun med// 'phags/ pa'i bde pa rnams med byer// dam pa' tshas kyang yod ma med// chos dang dge 'dun yod minan// sangs rgyas rjes yad par 'gyur// ga ga ci de sar grug pasngal yangs sugs pa la sags pa
- 179b
med pa de'i tshe/ de med pas rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa'i 'bras bu dang / bzhi yang 'thad pa ma yin no// ji ltar zhe na/ 'dir nyon mongs pa rnams kyi spangs pa sdom pas ni/ 'bras bu'i ming 'thob ste/ 'di lta ste/ kun tu sbyor ba gsum spangs pas skad cig ma bcu drug pa lam la rjes su shes pa la nyon mongs pa'i spangs pa gang yod pa'i de ni rgyun tu zhugs pa'i 'bras bu'o// 'dod pa na spyod pa'i nyon mongs pa bsgoms pas spang bar bya ba rnams kyi chen po dang 'bring dang chung ngu'i rnam pa rnams la yang re re zhing chen po dang 'bring dang chung ngu'i dbye bas phye na rnam pa dgur 'gyur ro// de la 'dod pa ni spyod pa'i rnam pa drug pa zad pas rnam par grol ba'i lam la spang ba gang yod pa de ni lan cig phyir 'ong ba'i 'bras bu'o// 'dod pa na spyod pa'i nyon mongs pa de dag gi nyon mongs pa rnam pa dgu pa zad pas rnam par grel ba'i pham la spang ba gang zhig yod pa de ni phyir mi 'ong ba'i 'bras bu'o// gzugs dang gzugs med pa na spyod pa'i nyon mongs pa bsgoms pas spang bar bya ba sa dang sa la rnam pa dgu'i dbye bas phye ba rnams las 'du shes med 'du shes med min skye mched kyi sa pa'i nyon mongs pa rnam pa dgu pa'i bar zad pas rnam par grol ba'i lam la spangs pa gang zhig yod pa de ni dgra bcom pa'i 'bras bu zhes bya ste/ 'di dag ni 'bras bu bzhi'o// 'di dag ji ltar rigs she na/ gal te sdug bsngal yongs su shes pa yod cing kun 'byung spang ba dang / 'gog pa mngon sum du bya ba dang lam skom pa yod par 'gyur ba yin/ na/ gang gi tshe sdug bsngal la sogs pa 'phags pa'i bden pa rnams med pas sdug bsngal yongs su shes pa la sogs pa med pa de'i tshe ni 'bras bu bzhi po de dag yod pa ma yin no// 'bras bu bzhi po de dag med na/
- 180a
de dag la gnas pa'i gang zag 'bras bu la gnas pa bzhi po gang dag yin pa de dag kyang yod pa ma yin no// de nyid kyi phyir na 'phags pa'i gang zag zhugs pa bzhi po dag kyang yod pa ma yin no// / 'dir skad cig ma bcu drug pa lam la rjes su shes pa'i snga rol gyi shes pa dang / bzod pa'i skad TIg ma bco lnga gang dag yin pa 'di lta ste/ khams gsum gyi sdug bsngal mngon par rtog pa de'i tshe sdug bsngal la dmigs pa'i bzod pa dang / shes pa'i skad cig ma bzhir 'gyur ro// de la khams gsum gyi sdug bsngal mngon par rtogs pa'i dus kyi bzod pa dang shes pa'i skad cig ma bzhi gang zhe na/ 'di lta ste/ 'dod pa na spyod pa'i sdug bsngal mthong bas spang bar bya ba 'jig tshigs dang mthar 'dzin pa dang log par lte ba dang lta ba mchog tu 'dzin pa dang / tshul khrims dang brtul zhugs mchog tha 'dzin pa dang / ma dang / 'dod chags dang / khong khro ba dang / nga rgyal dang / ma rig pa zhes bya ba phra rgyas bcu'i gnyen por gyur cing / mi rtag pa dang / sdug bsngal ba dang / stong pa dang / bdag med pa'i rnam par skyes pa/ 'dod pa na spyod pa'i sdug bsngal gyi bden pa la dmigs pa bar chad med pa'i lam gyi mtshan nyid can/ sdug bsngal la chos shes pa'i bzod pa'i skad cig ma ni gcig go/ dmigs pa dang rnam po de kho na dang ldan pa rnam par grol ba'i lam gyi mtshan nyid can sdug bsngal la chos shes pa'i skad cig ma ni gnyis pa'o// de bzhin du gzugs dang gzugs med pa na spyod pa'i sdug bsngal la dmigs pa/ khong ma gtogs pa bshad ma thag pa'i phra rgyas bco brgyad kyi gnyen por gyur cing / sdug bsngal la sogs pa'i rnam par skyes pa bar chad med pa'i lam gyi mtshan nyid can/ sdug bsngal la rjes su shes pa'i
- 180b
bzod pa'i skad cig ma ni gsum pa'o// dmigs pa dang rnam pa de kho na dang ldan pa rnam par grol ba'i lam gyi mtshan can/ sdug bsngal la rjes smra shes pa'i skad cig ma ni bzhi pa'o// khams gsum na spyod pa'i sdug bsngal gyi bden pa mngon par rtogs pa/ bzod pa dang shes pa'i skad cig ma bzhi po de dag ji lta ba de bzhin du/ 'dod pa na spyod pa'i kun 'byung mthong bas spang bar bya ba log par lta ba dang / lta ba mchog tu 'dzin pa dang / the tshom dang / 'dod chags dang / khong khro dang / nga rgyal dang / ma rig pa zhes bya ba phra rgyas bdun gyi gnyen por gyur cing / rgyu dang kun 'byung ba dang rab tu skye ba dang rkyen gyis rnam par skyes pa/ 'dod pa na spyod pa'i kun 'byung gi bden pa la dmigs pa bar chad med pa'i lam gyi mtshan nyid can kun 'byung la chos shes pa'i bzod pa'i skad cig ma ni gcig go// dmigs pa dang rnam pa de kho na dang ldan pa rnam par grol ba'i lam gyi mtshan nyid can kun 'byung la chos shes pa'i skad cig ma ni gnyis pa'o de bzhin du gzugs dang gzugs med pa na spyod pa'i kun 'byung gi bden pa la dmigs pa khong khro ba ma gtogs pa bshad ma thag pa phra rgyas bcu gnyis kyi gnyen por gyur cing / kun 'byung gi bden pa'i rnam par skyes pa/ bar chad med pa'i lam gyi mtshan nyid can kun 'byung la rjes su shes pa'i bzod pa'i skad cig ma ni gsum pa'o// dmigs pa dang rnam pa de kho na dang ldan pa rnam par grol ba'i lam gyi mtshan nyid can kun 'byung la rjes su shes pa'i skad cig ma ni bzhi pa ste/ de dag ni khams gsum na spyod pa'i sdug bsngal kun 'byung gi bden pa mngon par rtogs pa'i skad cig ma bzhi po yin no// khams gsum gyi sdug bsngal kun 'byung gi bden pa mngon par rtogs pa'i skad cig ma bzhi
- 181a
po 'di dag/ ji ltar yin pa de bzhin du 'dod pa na spyod pa'i sdug bsngal 'gog pa mthong bas spang bar bya ba kun 'byung la bshad pa phra rgyas bdun gyi gnyen por gyur zhing 'gog pa dang / zhi ba dang gya nom pa dang nges par 'byung ba'i rnam par skyes pa/ 'dod pa na spyod pa'i sdug bsngal 'gog pa la dmigs pa bar chad med pa'i lam gyi mtshan nyid can 'gog pa la chos shes pa'i bzod pa'i skad cig ma ni gcig go// dmigs pa dang rnam pa de kho na dang ldan pa rnam par grol ba'i lam gyi mtshan nyid can/ sdug bsngal 'gog pa la chos shes pa'i skad cig ma ni gnyis pa'o// rnam pa de dag nyid kyis gzugs dang gzugs med pa na spyod pa'i sdug bsngal 'gog pa'i bden pa la dmigs pa khong khro ma gtogs pa phra rgyas bcu gnyis kyi gnyen por gyur pa bar chad med pa'i lam gyi mtshan nyid can/ gzugs dang gzugs med pa na spyod pa'i sdug bsngal 'gog pa la rjes su shes pa'i bzod pa'i skad cig ma ni gsum pa'o// dmigs pa dang rnam pa de kho na dang ldan pa/ rnam par grol ba'i lam gyi mtshan nyid can/ gzugs dang gzugs med pa ni spyod pa'i sdug bsngal 'gog pa la rjes su shes pa'i skad cig ma ni bzhi pa'o// de dag ni khams gsum gyi sdug bsngal 'gog pa'i bden pa mngon par rtogs pa'i skad cig ma banipo 'di dag/ ji lta ba de bzhin du 'dod pa na spyod pa'i sdug bsngal 'gog par 'gro ba'i lam mthong bas spang bar bya ba 'gog pa la bshad pa dag la/ brgyad pa tshul khrims dang brtul zhugs mchog tu 'dzin pa bsnan te/ phra rgyas brgyad kyi gnyen por gyur cing / lam dang rigs pa dang sgrub pa dang / nges par 'byin pa'i rnam par skyes pa/ 'dod pa na spyod pa'i sdug 'gog par 'gro ba'i lam la dmigs pa/ bar chad med pa'i
- 181b
lam gyi mtshan nyid can/ lam la chos shes pa'i bzod pa'i skad cig ma ni gcig go/ dmigs pa dang rnam pa de kho na dang ldan pa/ rnam par grol ba'i lam gyi mtshan nyid/ lam la chos shes pa'i skad cig/ ma ni gnyis pa'o// rnam pa de dag nyid kyis gzugs dang gzugs med pa na spyod pa sdug bsngal 'gog par 'gro ba'i lam la dmigs pa/ khong khro ma gtogs pa phra rgyas bcu bzhi'i gnyen por gyur pa/ bar chad med pa'i lam gyi mtshan nyid can/ lam la rjes su shes pa'i bzod pa'i skad cig ma ni gsum pa ste/ skad cig ma bco lnga po de dag ni/ mthong ba'i lam zhes bya bar gyur to// de dag la rnam par gnas pa'i 'phags pa ni rgyun tu zhugs pa'i 'bras bu mngon sum du bya ba'i phyir/ zhugs pa zhes bya la/ bcu drug pa lam la rjes su shes pa la gnas pa de la ni rgyun tu zhugs pa zhes bya'o// phra rgyas brgyad nu rtsa brgyad po de dag ni/ sgom pa la bltos pa med par bden pa rnams mthong ba tsam gyis spong ba'i phyir/ mthong bas spang ba zhes bya bar brjod do// gang dag bden pa'i rnam pa ji ltar mthong ba bzhin/ phyis// sgom pas spong bar 'gyur ba de dag ni sgom pas spang bar bya ba ste/ de dag ni phra rgyas bcur 'gyur te/ 'dod pa na spyod pa 'dod chags dang / khong khro dang / nga rgyal dang / ma rig pa dag dang / gzugs na spyod pa'i khong khro spangs pa gsum po de dag nyid dang / gzugs med pa na spyod pa gsum po de dag nyid de bcur 'gyur ro// de dag ni ji skad bshad pa'i tshul gyis sa dngas la rnam pa dgur phye ba yin te/ 'dod pa'i khams dang / bsam gtan pazhi dang / gzugs med pa bzhi po dag tu'o// na mongs pa'i rnam pa re spang ba'i phyir/ bar chad med pa dang / rnam par grol pa'i dbye bas shes pa'i skad cig sa gnyis ga
- 182a
sa / su mA bA h+ma k+Shak+Sha sa sa / nga sa smyu ba nas nyan mangs pa'i rnam pa/ rlung rlung du gas pa'i sang rgyag ma tshan pa dzin pa ba dag sa spyod ste/ m+b+ha d+hags pa ni ba brlu dus pa d+d+ha/ pa dI bye bopos bsgrub par bya ba yin te/ khrus mkhan gos 'grub dang chos mtshungs par shes par bya'o// de lta mthong ba'i lam gyi 'og rol tu/ 'phags pa 'dod pa na spyad pa'i nyon mongs pa sgom pas spang bar bya ba'i rnam pa drug pa'i gnyen po// rnam par grol ba'i lam zhes bya ba'i ye shes kyi skad cag gi snga rol gyi shes pa'i sad cig la 'dod pan spyod pa'i nyon mongs pa bsgom pas spang bar bya ba drug pa'i gnyen po la gnas pa ni ldan cig phyir 'ong ba'i 'bras bral zhugs pa zhes byaste/ 'jig rten 'dir yan cig phyir 'ongs nas yongs su mya na las 'da' bas na/ yan cig phyir 'ong ba zhes babyod / de'i 'bras bu'i don du zhugs shing sbyong ba la gnas pa ni lan cig phyir 'ong ba'i 'bras bu la zhugs pa zhes bya'o// sad cig ma drug pa la ni lan cig phyir 'ong ba'o// skad cig ma drug pa'i 'og rol tu 'phags pa nyon mongs padagu pa spong ba rnam par grol ba'i lam gyi ye shes skad cigag snga rol gyi ye shes skad cag la gnas pa ni/ byer mi 'ong ba'i 'bras bu la zhugs pa zhes bya ste/ 'jig rten 'dir phyir mi 'ong bar de nyid du yongs su mya ngan las 'da' bas phyir mi 'ong ba zhes brjod la/ de'i 'bras bu'i don du zhugs shing sbyor ba la gnas pa ni/ phyir mi 'ong ba'i 'bras bu la zhugs pa zhes bya'o// skad cag ma dgu pa la ni phyir mi 'ong
- 182b
ba zhes bya'o// skad cig ma dgu pa'i 'og rol tu 'phags pa srid pa'i rtse mo'i nyon mongs pa'i rnam pa dgu pa'i gnyen po rnam par grol ba'i lam zhes bya ba'i ye shes kyi snga rol gyi ye shes kyi skad cig ma la gnas pa ni dgra bcom pa'i 'bras bu la zhugs pa zhes bya ste/ lha dang mi dang lha ma yin du bcas pa'i 'jig rten gyis mchod par 'os pas dgra bcom pa zhes brjod la/ de'i 'bras bu'i don du zhug shing sbyor ba la gnas pa ni/ dgra bcom pa'i 'bras bu la zhugs pa zhes bya'o// srid pa'i rtse mo'i nyon mongs pa rnam pa dgu pa spangs pa las rnam par grol ba'i lam dgu pa la ni/ dgra bcom pa zhes bya'o// zhugs pa'i gang zag bzhi dang 'bras bu gnas pa bzhi zhes bya ba gang zag skyes bu chen po brgyad po yon gnas su 'os pa dam pa de dag ni/ bcom ldan 'das kyis dge 'dun yin no zhes gsungs te/ skad du/ de la brgya byin lha yi rgyal// dbang bsgyur gyis ni zhus pa dang // srog chags zhing pa rgyal 'gyur zhing // dad ldan bsod nams dag 'dod pa// rdzas las byung ba'i bsod nams ni// rtag tu byed pa rnams kyi zhing // gang la phul na 'bras che ba// bzang po rab tu bshad bya ste// rig dang nabs su ldan pa yis// sbyin gnas gyur zhing dge 'dun che// zhugs pa rnam pa bani dang ni// 'bras la gnas pa bzhinam so// zhes gsungs so// de'i phyir gal te 'phags pa'i bden pa bzhi dang / de dag yongs su shes pa la sogs pa med na de'i tshe bden pa mthong ba med pas 'bras bu rnams med pa'i phyir zhugs pa dang / 'bras bu la gnas pa'i gang zag rnams med pas na/ dge 'dun yod pa ma yin no// de la rtogs pa'i chos kyis chos mngon sum du gyur pa nyid kyis bdud thams cad kyis kyang / bcom ldan 'das las
- 183a
mi phyed pas dge 'dun yin te/ de yod par mi 'gyur ro// gal te 'phags pa'i bden pa rnams med pa'i phyir/ skyes bu gang zag brgyad po de dag med na/ 'phags pa dam pa rnam kyi chos su gyur pa dam pa'i chos kyang yod pa ma yin no// de la 'gog pa'i bden pa ni 'bras bu'i chos so// lam gyi bden pa ni 'bras bu la 'jug pa'i chos te/ 'di ni re shig rtogs pa'i chos yin no// / de gsal bar byed pa bstan pa ni/ lung gi chos yin na 'phags pa'i bden pa rnams med na/ 'di dag thams cad yod pa ma yin no// 'phags pa'i bden pa rnams med pa'i phyir// dam pa'i chos kyang yod ma yin// chos dang dge 'dun yod min na// sangs rgyas ji ltar yod par 'gyur// gal te ji ltar bshad pa'i chos yod na ni/ chos dang rjes su mthun pa'i chos kyi nan tan gyis chos thams cad rnam pa thams cad du mngon par rdzogs par thugs su chud pa'i phyir/ sangs rgyas yod do zhes bya bar rigs par 'gyur zhing / gal te dge 'dun yod na ni de'i tshe de'i nye bar bstan pa dag gis ye shes kyi tshogs bsags shing de la dbul ba dang / rim gro dang skyabs su 'gro ba la sogs pa dag gis bsod nams kyi tshogs bsags pa na/ rim gyis sangs rgyas su 'gyur ro// yang na dge 'dun med na rgyun tu zhugs pa'i 'bras bu la zhugs pa la sogs pa rnams med do// zhugs pa la sogs pa rnams ma thob par ni sangs rgyas nyid thob pa ma yin te/ bcom ldan 'das kyis kyang sngon gdon mi za bar 'bras bu 'ba' zhig la zhugs par gyur to// 'bras bu de la zhugs pas/ bcom ldan 'das dge 'dun gyi khongs su btogs pa yin na/ dge 'dun med na ni nges par sangs rgyas bcom ldan 'das yod pa ma yin no// /
- 183b
yang na bcom ldan 'das kyang mi slob pa'i khongs su gtogs pa'i dge 'dun gyi khongs su 'du ba nyid yin na/ de lta yin dang kha cig na re/ sangs rgyas bcom ldan 'das la sogs pa dge slong gi dge 'dun zhes brjod pa'i phyir/ bcom ldan 'das dge 'dun gyi khongs su 'du ba nyid do zhes smra ste/ de dag gi lugs ltar na/ chos dang dge 'dun yod min na// sangs rgyas ji ltar yod par 'gyur/ zhes bya ba 'di ches gsal ba yin no// bar ma 'don par byed pa dag ni/ gzhi chen po las sa'i rnam par bzhag pa bstan pa las/ byang chub sems dpa' sa dang po la gnas pa mthong ba'i lam skyes pa yin par smra ba na// dge 'dun gyi khongs su gtogs par brjod par byed do// de lta na ni dge 'dun yod pa ma yin na// byang chub sems dpa' yang med pas// sangs rgyas ji ltar yod par 'gyur// zhes bya ba 'di gsal ba kho na yin no// de'i phyir/ de skad stong pa nyid smra na/ dkon mchog gsum la gnod pa mi byed cing / ste/ stong pa nyid kyi don de skad smra na/ rnyed par dka' ba'i phyir dang / res 'ga' zhig na 'byung ba'i phyir dang / bsod nams chung ba rnams kyis de dang mi zad pa'i phyir dang / rin thang che ba'i phyir na/ dkon mtshag gsum po sangs rgyas dang chos dang dge 'dun nas bya ba dag la yang gnod pa byed pa yin no// gzhan yang 'bras bu yod pa dang / chos ma yin dang chos yin dang // 'jig rten pa yi tha snyad ni// kun la gnod pa byed pa yin// stong pa nyid smra na zhes bya ba de dang sbyar ro// gal te 'di dag thams cad stong zhing gang gi tshe 'di dag thams cad med na/ de'i tshe thams cad kyi nang du 'dus pa'i phyir/ chos dang chos ma yin pa gnyis po de dag gi rgyu can 'bras bu 'dod pa dang / mi 'dod pa dang bcas pa med par 'gyur
- 184a
la/ 'jig rten pa'i tha snyad gyis shig/ chos shig/ zo zhig/ 'dug cig/ song zhig/ shog cig ces bya ba de lta bu la sogs pa 'di dag thams cad kyang thams cad kyi khongs su 'dus/ pa'i phyir dang / chos thams cad kyang stong pa nyid yin pa'i phyir mi rigs pa nyid do// de'i phyir de skad bstan pa'i tshul 'di ni mi rigs so zhes 'dzer to// de la bshad pa khyod kyis ni// stong nyid dgos dang stong nyid dang // stong nyid don ni ma gtogs pas// de phyir de ltar gnod pa yin// khyod ni rang gi rnam par rtog pa kho nas med pa nyid ni stong pa nyid kyi don yin no zhes de ltar don phyin ci log sgro btags nas/ gal te 'di dag kun stong na// 'byung ba med cing 'jig pa med// zhes bya ba la sogs pas klan ka smra zhing / kho bo cag la cher yid byung bar gyur pa ni/ shin dutu gnod pa yin te/ yang dag pa ma yin pa'i kun du rtog pa rnam pa sna tshogs pa dag gis nyams pa yin no zhes bya ba'i tha tshig go// khyod kyis yongs su bzung ba gang yin pa 'di ni khro ba cag gis bstan bcos 'dir stong pa nyid kyi don du ma smras la/ khyod kyis ni stong pa nyid kyi don ma shes pas stong pa nyid kyang mi shes shing / stong pa nyid kyi dgos pa gang yin pa de yang mi shes pa yin no// de'i phyir dngos po'i rang gi ngo bo ji ltar gnas pa'i don ma shes pas khyod kyis kho bo cag gi bshad pa dang ma 'brel zhing mi rigs pa rnam pa mang po 'di smras pa yin no// de nas stong pa nyid kyi dgos pa ci zhe na/ 'di ni las dang nyon mongs zad pas thar// las dang nyon mongs rnam rtog las// de dag spros las spros pa ni// stong pa nyid kyis 'gag par 'gyur/ zhes bdag brtag par bshad zin to// de'i phyir spros pa ma lus pa nye bar zhi bar bya ba'i phyir stong pa nyid nye bar ston pa yin te/
- 184b
de'i phyir stong pa nyid kyi dgos pa ni spros pa thams cad nye bar zhi ba yin na/ khyod kyis ni stong pa nyid kyi don med pa nyid yin par rtog cing spros pa'i dra ba kho na spel bar byed pa ni/ stong pa nyid kyi dgos pa ma gtogs pa yin no// de nas stong pa nyid gang yin zhe na/ de yang gzhan las shes min zhi ba dang // spros pa rnams kyis ma spros pa// rnam rtog med don tha dad min// de ni de nyid mtshan nyid do// zhes de nyid du bshad zin to// de'i phyir stong pa nyid spros pa thams cad log pa'i rang bzhin la med pa nyid du ga la yod/ de'i phyir khyod kyis stong pa nyid kyang mi shes pa yin no// don gang nye bar bzung nas stong pa nyid kyi sgra 'jug pa de yang / rten cing 'brel par 'byung ba gang // de ni stong pa nyid du bshad// don brten nas bdags pa ste// de nyid dbu ma'i lam yin no// zhes 'di nyid du ston par 'gyur te/ bcom ldan 'das kyis kyang / gang zhig rkyen las skyes pa de ma skyes// de la skye ba'i rang bzhin yod ma yin// rkyen las rag las gang de stong par bshad// gang zhig spyong nyid shes de bag yod min// sa gas sa kun du su pa byung // kA yA phrul pa ma pa na byu 'du stsa / byung da dug don ma yin no// khyod ni dngos po med pa'i sgra'i don stong pa nyid kyi sgra'i don du sgro btags nas/ kho bo cag la klathan ka tshal ba yin no// de'i phyir stong pa nyid kyi sgra'i don yang mi shes pa yin no// mi shes bzhin du klan ka tshol ba'i nges par khyod nyid la gnod pa yin no// kho bo cag la ji skad smras pa'i klan ka tshel ba de su zhig ce na/ gang zhig bcom ldan 'das kyi gsung rab las bstan pa bden pa gnyis kyis rnam
- 185a
par dbye ba phyin ci ma log par mi shes par/ gzhung tsam 'ba' zhig 'don pa lhur len pa'o// de'i phyir slob dpon gyis gzhan gyi gsung rab kyi don log par rtogs pa bzlog par bya ba'i phyir// re zhig bcom ldan 'das kyis gsung rab las bstan pa'i bden pa gnyis phyin ci log par bzhag pa'i dbang du mdzad nas/ sangs rgyas rnams kyis chos bstan pa// bden pa gnyis la yang dag brten// 'jig rten kun rdzob bden pa dang // dam pa'i don gyi bden pa'o// zhes gsungs so// 'di na sangs rgyas bcom ldan 'das rnams kyis chos bstan pa ni/ bden pa gnyis la brten nas 'jug go// bden pa gnyis gang zhe na/ 'jig rten gyi kun rdzob kyi bden pa dang / don dam pa'i bden pa'o// de la/ 'jig rten phung por rab grags pa// de la 'jig rten nges par brten/ zhes 'byung ba las na phung po la brten nas brtags pa'i gang zag la 'jig rten zhes brjod do// kun nas sgrib pas na kun rdzob ste/ mi shes pa ni dngos po'i de kho na nyid la kun nas 'gebs pa'i phyir kun rdzob ces bya'o// yang na phan tshun brten pas na kun rdzob ste/ phan tshu brten pa nyid kyis na zhes bya ba'i don to// yang na thun rdzob ni brda ste/ 'jig rten gyi tha skad ces bya ba'i mchog// de yang brjod pa dang / brjod bya dang / shes pa dang / shes byal sogs pa mtshan nyid can no// 'jig rten gyi kun rdzob ni 'jig rten gyi kun rdzob po// ci 'jig rten kun rdzob ces gang las de ltar khyad par du byed pa 'jig rten ma yin pa'i kun rdzob kyang yod dam zhe na/ 'di ni dngos po ji ltar gnas pa rjes su brjod pa yin gyi/ 'dir dpyad pa de mi 'jug go/ rnam pa gcig tu na/ rab rib dang ling thog sngon po dang / mig ser la sogs pas dbang po nyams pas mthong ba phyin ci log la gnas pa
- 185b
de dag ni 'jig rten ma yin te/ de dag gi kun rdzob gang yin pa de ni/ 'jig rten kun rdzob bden pa ma yin pas// 'jig rten kun rdzob bden pa dang / zhes de las khyad par du byas so// 'di yang dbu ma la 'jug pa las rgyas par bshad pas de las khong du chud par bya'o// 'jig rten gyi kun rdzob tu bden pa ni/ 'jig rten kun rdzob bden pa ste/ brjod bya dang / rjod byed dang / shes pa dang / shes bya la sogs pa'i tha snyad ma lus pa 'di dag thams cad ni/ 'jig rten gyi kun rdzob kyi bden pa zhes bya'o// don dam pa la ni 'di dag yod pa ma yin te/ der ni brjod par bya ba bzlog pa ste/ sems kyi spyod yul bzlog pas so// ma skyes pa dang ma 'gags pa// chos nyid mya ngan 'das dang mtshungs pa yin pa de'i phyir don dam pa de la tshig gam shes pa 'jug pa ga la yod// don dam pa de ni gzhan las shes pa ma yin zhing zhi ba dang / 'phags pa rnams kyis so so rang gis rig par bya ba dang / spros pa thams cad las 'das pa yin gyi/ de ni bstan par bya ba ma yin zhing / shes pa yang ma yin te/ gzhan las shes min zhi ba dang // spros pa rnams kyis ma smos pa// rnamatog med don tha dad min// de ni de nyid mtshan nyid do// nas sngar bshad zin to// don yang de yin la dam pa yang de yin pas na don dam pa'o// de nyid bden pa yin pas rnam dam pa'i bden pa'o// bden pa 'di gnyis kyi rnam par dbye ba ni/ rgyas par dbu ma la 'jug pa las nges par bya'o// sangs rgyas bcom ldan 'das rnams kyis chos bstan pa ni/ bden pa gnyis po 'di la brten nas 'jug pa yin no// bstan pa'i tshul de ltar rnam par gnas pa yin dang / gang dag bden pa gnyis kyi ni// rnam dbye rnam par mi shes pa// de dag sangs rgyas bstan pa ni// zab mo'i de nyid rnam mi shes//
- 186a
zhes bya'o// 'dir smras pa/ gal te don dam pa spros pa dang bral ba'i rang bzhin yin na/ 'o na de nyid yin la rag mod/ phung po dang / khams dang / skye mched dang / 'phags pa'i bden pa dang / rten cing 'brel par 'byung ba la sogs pa ston pa don dam pa ma yin pa gzhan 'dis ci zhig dgos/ de nyid ma yin pa ni yongs su spang bar bya ba yin na/ gang yongs su spang bar bya ba yin pa bstan pa des ci zhig bya/ brjod par bya ste/ de ni de ltar bden mod kyi/ 'on kyang brjod par bya ba dang / rjod par byed pa dang / shes pa dang / shes bya la sogs pa'i mtshan nyid can 'jig rten pa'i don dam pa la khas ma blangs par don dam pa bstan par mi nus la/ ma bstan na yang rtog par mi nus shing / don dam pa ma gtogs par yang mya ngan las 'das pa'i yang grong khyer du phyin par mi nus so// zhes bstan pa'i phyir/ tha snyad la ni ma brten par// dam pa'i don ni bstan mi nus// dam pa'i don ni ma gtogs par// mya ngan 'das pa 'thob mi 'gyur// zhes gsungs te/ de'i phyir mya ngan las 'das pa thob pa'i thabs yin pa'i phyir/ chu 'dod pas snod ltar thog mar gdon mi za bar kun rdzob ji ltar gnas pa khas blang bar bya'o// de'i phyir de ltar/ gang zhig kun rdzob dang / don dam pa'i bden pa'i mtshan nyid can bden pa gnyis kyi rnam par bzhag pa ma byis par stong pa nyid smra bar byed pa'i gang zag rnam pa de lta bu ni/ stong pa nyid la lta nyes na// shes rab chung rnams phung bar byed// ji ltar sprul la bzung nyes dang // rig sngags nyes par bsgrubs pa bzhin// rnal 'byor pa kun rdzob kyi bden pa mi shes pa tsam gyis bskyed pa rang bzhin med par rtogs nas de'i stong pa nyid don dam pa'i mtshan nyid rtogs pa ni mtha' gnyis su ltung
- 186b
bar mi 'gyur te/ gang zhig da lta med par gyur pa de'i tshe na/ ci zhig yod par 'gyur zhes de ltar sngar dngos po'i rang bzhin ma dmigs pas phyis kyang med pa nyid du mi rtogs la/ 'jig rten gyi kun rdzob gzugs brnyan dang 'dra ba la gnod pa ma byas pas/ las dang las kyi 'bras bu dang chos dang chos ma yin pa la yang gnod pa ma yin no// don dam pa dngos po nyid du sgro 'dogs par byed pa yang ma yin te/ dngos po rang bzhin dang bcas pa ma yin pa rnams kho na las kyi 'bras bu la sogs pa mthong ba'i phyir dang / dngos po rang bzhin dang bcas pa yod pa ma yin pa'i phyir dang / dang po rang bzhin dang bcas par smra ba rnams kyi ltar na/ las dang las kyi 'bras bu ma mthong ba dang / rten cing 'brel par 'byung ba la sogs pa thams cad ma mthong ba'i phyir ro// gang gis de ltar bden pa gnyis kyi rnam par dbye ba ma mthong bar 'du byed rnams stong pa nyid du mthong ba des ni stong pa nyid mthong bas 'du byed rnams yod pa ma yin pa nyid du rtogs par byed la/ yang na stong pa nyid 'ga' zhig dngos por brtags nas/ de'i rten gyi ched du dngos po'i rang bzhin yang rtog par byed de/ de ni ka d+h+r-i ga sgrar yang stong pa nyi la sa nyes pa nges par rung bar byed pa yin no// ji lta zhen/ de zhig gal tha thams cad snang ba ste/ thams cad med pa pa yin ni nas rtog nas de'i tshe/ 'di log par lta bar 'gyur te/ ji skad du/ chos 'di log par gzung gyur na// mi mkhas rnams kyi chud kyang za// 'di ltar med par lta ba yi// mi gtsang der ni bying bar 'gyur/ zhes bshad do// ci ste yang thams cad la skur pa 'debs par mi 'dod na ni de'i tshe/ ji ltar dngos po 'di dag dmigs su zin kyang stong pa nyid du 'gyur te/ de'i phyir rang bzhin med pa'i don ni stong pa nyid kyi don ma yin no zhes 'di nges
- 187a
par stong pa nyid spong bar 'gyur te/ de ltar spangs nas chos kyis phongs par 'gyur ba'i las kyis nges par ngan 'gror 'gro bar 'gyur ro// ji skad du rin po che'i phreng ba las/ gzhan yang 'di ni log bzung na// blun po mkhas pa'i nga rgyal can// spong bas ma rung bdag nyid can// mnar med par ni spri'u tshugs 'gro/ zhes bshad do// de ltar na re zhig stong pa nyid la dngos po med par bzung bas na/ 'dzin pa po phung bar byed pa yin no// ci ste bcom ldan 'das rnams kyi stong pa nyid dang / de'i rten 'du byed rnams yod pa nyid du rtog par byed pa de lta na yang mya ngan las 'das par 'gro ba'i lam la log par zhugs pa'i/ phyir/ stong pa nyid bstan pa 'bras bu med pa nyid du 'gyur ro// de'i phyir de ltar na stong pa nyid dngos po'i ngo bor gzung ba na yang 'dzin pa po phung bar byed do// gal te phan 'dogs pa gang yin pa de rnam pa gzhan du gzung na/ phan 'dogs par ma gyur mod/ gnod par byed par ni ji ltar 'gyur te/ 'bru dag go rim las nyams par btab pa na/ 'debs pa po brlag par byed pa ni ma yin no zhe na/ de'i phyir slob dpon gyis brjod par bzhed pa'i don ston pa'i dpe gsungs pa ni/ ji ltar sbrul la bzung nyes dang / rig sngags nyes par bsgrubs pa bzhin zhes bya ba ste/ ji ltar sbrul sman dang sngags kyis stobs kyis man dag ji ltas bzhin bzung na nor gyi phung po chen po 'gugs par byed la/ ji ltar nye bar bstan pa bor nas 'dzin pa ni 'dzin pa po nyid phung bar byed pa yin no// yang ji ltar man ngag ji lta ba bzhin rab tu bsgrubs pa'i rig sngags/ kyis ni sgrub pa po la phan 'dogs par byed la/ man ngag las nyams par bsgrubs na ni sgrub pa po nyid brlag par byed pa yin no// de bzhin du 'dir yang nye bar bstan pa ji lta ba bzhin du stong pa nyid bzung na ni
- 187b
'dzin pa po mya ngan las 'das pa'i bde ba mchog la sbyor bar byed la/ ji ltar nye bar bstan pa spangs nas bzung na ni/ nges par ji skad bshad pa'i tshul gyis 'dzin pa po nyid phung bar byed pa yin no// gang gi phyir de// ltar stong pa nyid la bzung nyes pas 'dzin pa po phung bar byed la/ shes rab zhan pa dag gis kyang yang dag par 'dzin par mi nus pa/ de phyir zhen pas chos 'di yi// gting gtogs dka' bar mkhyen gyur nas// thub pa'i thugs ni chos bstan las// rab tu log par gyur pa yin// gang gi phyir phyin ci log tu bzung bas/ stong pa nyid kyi mtshan nyid kyi chos 'dis shes rab chung ba ste/ sems can spobs pa chung ba phung bar byed pa de nyid kyi phyir/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can thams cad kyi khams dang chos shin tu zab pa la gzigs te/ zhan pa dag gis chos 'di'i gting rtog par dka' bar mkhyen par gyur nas thub pa bcom ldan 'das kyi thugs chos ston pa las log par gyur pa yin no// ji skad du mdo las/ de nas bcom ldan 'das mngon par rdzogs par sangs rgyas nas ring por ma lon par 'di snyam du dgongs te/ ngas chos zab mo zab par snang ba brtag par bya ba ma yin zhing / rtog ge'i spyod yul ma yin pa/ zhib mo mkhas shing 'dzangs pas rig par bya ba thugs su chud de/ de gal te ngas gzhan dag la bstan na/ gzhan gyis nga'i de rtogs par mi 'gyur/ des nga la gnod par 'gyur zhing zhum par 'gyur/ thugs mi spro bar 'gyur bas gang bdag nyid gcig pu dgon pa rab tu dben par mthong ba'i chos la/ bde ba la reg par gnas pa thob pas gnas par bya'o// zhes bya ba rgyas par gsungs pa lta bu'o// de'i phyir de ltar bden pa gnyis phyin ci ma log par rnam par gnas
- 188a
pa ma shes par/ skyon du thal bar 'gyur ba ni// stong la 'thad pa ma yin pas// khyed ni stong nyid spong byed pa// gang de ngal mi 'thad do// gang gi phyir khyod kyis kho bo cag la// gal te 'di dag kun stong na// 'byung ba med cing 'jig pa med// ces bya ba la sogs pas skyon chen por thal ba nye bar bkod pa gang yin pa de ni/ bden pa gnyis kyis rnam par bzhag pa mngon par ma shes pas/ stong pa nyid dang // stong pa nyid kyi don dang / stong pa nyid kyi dgos pa ji lta ba bzhin khong du me chud pas bkod pa yin pas/ kho bo cag gi stong pa la ste/ stong pa nyid du smra ba la de 'thad pa ma yin no// gang gi phyir mi 'thad pa de'i phyir khyod stong pa nyid la nyes par thal ba brjod cing / stong pa nyid spong bar byed pa ste/ 'dor zhing sel la zlog par byed pa gang yin pa'i spong ba de redade cag la mi 'thad do// 'di ltar khyed kyis ni dngos po med pa'i don du sgro btags nas thal ba brjod pa yin na/ kho bo cag ni stod pa nyid kyi don dngos po med pa'i don du mi 'chad de/ 'o na ci zhe na/ rten cing 'brel par 'byung ba'i don to// de'i phyir stong pa nyid du smra ba la sun 'byin pa 'di mi rigs so// kho bo cag gi phyogs la ji skad smras pa'i skyon du thal ba mi 'jug pa 'ba' zhig tu ma zad kyi/ 'on kyang / bden pa la sogs pa rnam par bzhag pa thams cad ches shin tu 'thad pa'i yin no zhes bstan pa'i phyir gsungs pa/ gang la stong pa nyid rung ba// de la thams cad rung bar 'gyur// gang la stong nyid mi rung ba// de la thams cad mi rung 'gyur// gang la dngos po thams cad rang bzhin gyis stong pa nyid 'di rung ba de la ji skad smras pa de dag thams cad rung bar 'gyur ro// ji ltar zhe na/ gang gi phyir kho bo cag ni rten cing 'brel bar 'byung ba la stong pa nyid ces smra ste/ de'i phyir gang la stong pa nyid 'di rung ba de la rten
- 188b
cing 'brel par 'byung ba rung la/ gang la rten cing 'brel par 'byung ba rung ba de la 'phags pa'i bden pa bzhi rnams rung bar 'gyur ro// ji ltar zhe na/ gang gi phyir rten cing 'brel par 'byung ba nyid sdug bsngal du 'gyur gyi/ rten cing 'brel par ma byung ba ni ma yin no// de ni rang bzhin med pas stong par 'gyur ro// sdug bsngal yod na ni sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam rung bar 'gyur ro// de'i phyir sdug bsngal yongs su shes pa dang / kun 'byung spang ba dang / 'gog pa mngon du bya ba dang / lam sgom pa yang rung ngo // sdug bsngal la sogs pa'i bden pa yongs su shes pa la sogs pa yod na ni 'bras bu rnams rung bar 'gyur ro// 'bras bu rnams yod na ni 'bras bu la gnas pa dag rung ngo // 'bras bu la gnas pa dag yod na ni/ zhugs pa dag kyang rung bar 'gyur// ro// 'bras bu la gnas pa dang zhugs pa dag yod na ni dge 'dun rung ngo // 'phags pa'i bden pa rnams yod na/ dam pa'i chos kyang rung bar 'gyur ro// dam pa'i chos dang dge 'dun yod na ni sangs rgyas kyang/ rung bar 'gyur ro// de'i phyir dkon mchog gsum yang rung bar 'gyur ro// 'jig rten pa dang 'jig rten las 'das pa'i dngos po thams cad khyad par du rtogs pa thams cad kyang rung la/ chos dang chos ma yin pa dag dang / de'i 'bras bu dang / 'jig rten pa'i tha snyad dag kyang rung bar 'gyur ro// de'i phyir de ltar na/ gang la stong pa nyid rung la/ de la thams cad rung bar 'gyur ro// gang la stong pa nyid mi rung ba de la ni rten cing 'brel par 'byung ba nyid med pas/ thams cad med par 'gyur ro// ji ltar mi rung ba da ltar ni rgyas par ston par 'gyur ro// de'i phyir de ltar kho bo cag gi phyogs ches yongs su dag cing / rnam par bzhag pa thams
- 189a
cad dang mi 'gal bar rnam par gnas pa yin pa dang / rang gi phyogs rags pa shin tu nyes pa'i skyon dang ldan pa de dag dang 'gal ba la shin tu blun pas/ yon tan dang skyon ji ltar gnas pa dag ma mthong ba/ khyod ni rang gi skyon rnams ni// nga la yongs su sbyar byed pa// rta la mngon par zhon bzhin du// rta nyid brjed par gyur pa bzhin// ji ltar 'ga' zhig rta gang la zhon pa de nyid brjed nas de phrog pa'i nyes pas gzhan la klan ka tshol ba de bzhin du/ khyod kyang stong pa nyid rten cing 'brel par 'byung ba'i mtshan nyid can gyi rta la zhon pa kho na yin bzhin du/ shin tu rnam par g.yengs pas de ma dmigs pas kho bo cag la khongs su brtsod pa yin no// gang dag ma dmigs pas stong pa nyid du smra ba kho na la klan ka tshol ba/ gzhan gyi skyon de dag kyang gang zhe na/ de dag rgyas par bstan pa'i phyir/ gal te dngos rnams rang bzhin las// yod par rjes su lta byed na// de lta yin na dngos po rnams// rgya rkyen med par khyod lta'o// zhes gsungs te/ gal te khyod dngos po rnams rang bzhin gyis yod par lta bar byed na/ de'i tshe rang bzhin ni rgyu dang rkyen la mi bltos pa'i phyir/ dngos po rnams rgyu rkyen med pa ste/ rgyu dang rkyen yod pa ma yin zhing / rgyu med par khyod lta ba yin no// rgyu med par khas len pa yin na yang / 'bras bu dang ni rgyu nyid dang // / byed pa po dang byed dang bya// skye ba dang ni 'gag pa dang // 'bras bu la yang gnod pa byed pa yin no// ji ltar zhe na/ gal te bum pa rang bzhin gyis yod do// zhes rtog na ni/ de'i tshe rang bzhin gyis yod pa de la 'jam pa la sogs brgya dang byin dag gis kyi dgos te/ de'i phyir de dag med la/ bum pa zhes bya ba'i 'bras bu sku med pa yang 'thad pa ma yin no// de med nan byed pa po rdza ma khan dang / byedang 'khor lo la sogs
- 189b
pa dang / bum pa byed pa'i bya ba yang med do// de dag med pas skye ba dang 'gag pa dag kyang med la/ skye ba dang 'gags pa dag yod pa ma yin na/ 'bras bu yang yod par ga la 'gyur/ de'i phyir dngos po rang bzhin dang bcas par khas len na/ 'bras bu la sogs pa 'di dag thams cad la gnod pa byed pa yin no// de'i phyir de ltar dngos po rang bzhin dang bcas par khas len na/ khyod la thams cad mi rung ba yin no// / kho bo cag stong pa nyid du smra ba rnams la ni 'di dag thams cad 'thad pa yin no// de ci'i phyir zhe na/ 'di ltar kho bo cag gis ni// rten cing 'brel par 'byung ba gang // de ni stong pa nyid du bshad// de ni brten nas gdags pa ste// de nyid dbu ma'i lam yin no// rten cing 'brel par 'byung ba ste// rgyu dang rkyen dag la bltos nas// myu gu dang rnam par shes pa la sogs pa rnams 'byung ba gang yin pa de ni/ rang bzhin gyis ma skyes pa yin na/ gang rang bzhin gyis ma skyes pa de ni stong pa nyid yin te/ ji skad bcom ldan 'das kyis/ gang zhig rkyen las skyes pa de ma skyes// de la skye ba'i rang bzhin yod ma yin// rkyen la rag las// gang de stong par bshad// gang zhig stong nyid shes de bag yod yin/ zhes gsungs pa dang / ji skad du 'phags pa lang kar gshegs pa las/ blo gros chen po rang bzhin gyis ma skyes pa la dgongs nas/ ngas chos thams cad skye ba med par gsungs so zhes rgyas par gsungs pa dang / de bzhin du 'phags pa brgya lnga bcu pa las kyang / chos thams cad stong pa ste rang bzhin med pa'i tshul gyis so// zhes gsungs ba lta bu'o// stong pa nyid gang yin pa de ni brten nas gdags pa ste/ stong pa nyid de nyid ni brten nas gdags pa zhes bya bar rnam par bzhag go// 'khor lo la sogs pa shing rta'i yan lag la brten nas shing rtar
- 190a
'dogs la/ de'i rang gi yan lag la brten nas btags pa gang yin pa de ni/ rang bzhin gyis ma skyes pa yin la/ gang rang bzhin gyis ma skyes pa de ni stong pa nyid yin zhing / rang bzhin gyis ma skyes pa'i mtshan nyid can gyi stong pa nyid de nyid ni dbu ma'i lam zhes bya bar rnam par bzhag ste/ 'di ltar gang zhig rang bzhin gyis ma skyes pa de la ni/ yod pa nyid med la/ rang bzhin gyis ma skyes pa la 'jig pa med pas med pa nyid med pa de'i phyir/ yod pa dang med pa'i mtha' gnyis dang bral ba'i phyir/ rang bzhin gyis ma skyes pa'i mtshan nyid can gyi stong pa nyid de nyid ni dbu ma'i lam ste/ dbu ma'i shul zhes bya'o// / de'i phyir de ltar na stong pa nyid dang / brten nas gdags pa dang / dbu ma'i lam zhes bya ba 'di dag ni rten cing 'brel par 'byung ba nyid kyi ming gi bye brag yin no// rnam par dpyad pa ni rnam pa thams cad du/ gang phyir rten 'byung ma yin pa'i// chos 'ga' yod pa ma yin pa// de phyir stong pa ma yin pa'i// chos 'ga' yod pa ma yin no// gang zhig rten cing 'brel par 'byung ba ma yin pa'i chos de ni yod pa ma yin te/ ji skad du brgya pa las/ gang zhig gang na nam gyi tshe'ang // ma brten par ni yod nyid med// des na nam yang 'ga' zhig tu// rtag pa 'ga' yang yod ma yin// nam mkha' la sogs rtag go zhes// so so'i skye bo dag gis rtogs// mkhas pa rnams kyis de dag la// 'jig rten pas kyang don ma mthong / zhes bshad do// bcom ldan 'das kyis kyang / mkhas pas brten 'byung chos rnams rtogs 'gyur te// mthar lta ba la brten par yod mi byed// rgyu dang bcas shing rkyen bcas chos shes kyis// rgyu med rkyen med chos nyid yod ma yin// zhes gsungs so// de ltar rten cing 'brel par 'byung ba ma yin pa'i chos 'ga' yang yod pa ma
- 190b
yin la/ rten cing 'brel par 'byung ba yang stong pa yin pa de'i phyir stong pa ma yin pa'i chos 'ga' yang yod pa ma yin no// gang gi phyir 'di de ltar yin pa de'i phyir/ kho bo cag gi ltar na chos thams cad stong pa yin zhing / gzhan gyis smras pa'i skyon du thal bar 'gyur ba yang ma yin no// dngos po rang bzhin dang bcas par smra ba khyod kyi ltar na ni/ gal te 'di kun mi stong na/ 'byung ba med cing 'jig pa med pa yin no// 'byung ba dang 'jig pa med na de'i tshe nges par/ 'phags pa'i bden pa bzhi po rnams// khyod la med par thal bar 'gyur ro// ci'i phyir zhe na/ gang gi phyir/ rten cing 'brel 'byung ma yin na// sdug bsngal yod par ga la 'gyur// mi rtag sdug bsngal gsungs pa de// rang bzhin nyid la yod ma yin// gang zhig rang bzhin dang bcas pa de ni brten nas 'byung ba ma yin zhing / gang zhig rten cing 'brel par 'byung ba ma yin pa de ni mi rtag pa ma yin te nam mkha'i me tog ni mi rtag pa ma yin no// sdug bsngal yang mi rtag pa yin par ni/ gang mi rtag pa de ni sdug bsngal lo zhes bcom ldan 'das kyis gsungs so// de bzhin du brgya pa las kyang / mi rtag pa la nges par gnod// gang la gnod yod de bde min// de phyir gang zhig mi rtag pa// de ni thams cad sdug bsngal 'gyur/ zhes bshad do// mi rtag pa de yang rang bzhin nyid la ste/ rang bzhin dang bcas pa nyid du khas len na dngos po rnams la yod pa ma yin no// de ltar na re zhig dngos po rnams rang bzhin dang bcas pa zhig nyid yin na/ sdug bsngal mi rung ba yin no// sdug bsngal nyid mi rung ba 'ba' zhig tu ma zad kyi/ rang bzhin dang bcas par khas blangs na/ kun 'byung ba yang mi rung ngo zhes bstan pa'i phyir/ rang bzhin las ni yod min na// ci zhig kun tu 'byung bar 'gyur// de phyir stong nyid gnod byed la// kun 'byung yod pa ma yin no// zhes
- 191a
gsungs te/ 'dir 'di las sdug bsngal kun 'byung bas na/ sdug bsngal gyi rgya las kun 'byung zhes bya'o// de'i phyir sdug bsngal stong pa nyid la gnod pa byed cing / sdug bsngal rang bzhin dang bcas par khas len pa de'i ltar na/ de yang skye ba don med pa'i phyir de'i rgyu rtog pa don med pa nyid do// de ltar na stong pa nyid la gnod pa byed pa khyod la kun 'byung yang mi rung ngo // sdug bsngal rang bzhin gyis yod pa nyid du khas len pa la/ sdug bsngal 'gog pa yang mi rung ngo zhes bstan pa'i phyir/ sdug bsngal rang bzhin gyis yod la// 'gog pa yod pa ma yin no// rang bzhin nyid ni yongs gnas phyir// 'gog la gnod pa byed/ pa yin/ zhes gsungs te/ gal te sdug bsngal rang bzhin gyis yod na/ de'i tshe rang bzhin la ldog pa med pa'i phyir 'gog pa la yod de/ de ltar na rang bzhin yongs su gnas pa'i phyir/ rang bzhin yongs su bzung nas phyir ldog par byed pa ni/ sdug bsngal 'gog pa la yang gnod par byed pa yin no// da ni dngos po rang bzhin dang bcas par smra ba la/ 'phags pa'i lam yang ji ltar mi 'thad pa de ltar bstan pa'i phyir/ lam la rang bzhin yod na ni// sgom pa 'thad par mi 'gyur ro// ci ste lam de bsgom bya na// khyed kyi rang bzhin yod min na// gal te dngos po rnams rang bzhin yod par gyur na ni/ de'i tshe lam yang rang bzhin dang bcas pa nyid yin pa'i phyir ma bsgoms pa nyid du de yod pas/ de la yang bsgoms pas ci zhig bya/ de ltar na rang bzhin yod na lam bsgom pa mi 'thad do// ci ste khyod lam de sgom par khas len na/ de ltar na 'o na khyod kyi 'phags pa'i lam rang bzhin dang bcas pa nyid du mi 'gyur te/ bya ba yin pa nyid kyi phyir ro snyam du dgongs pa yin no// gzhan yang sdug bsngal 'gog pa thob par bya ba'i phyir dang / kun 'byung spang bar bya ba'i phyir lam bsgom
- 191b
par 'dod pa zhig na/ dngos po rang bzhin dang bcas par smra ba ltar na ni/ sngar bshad pa'i tshul gyis/ gang tshe sdug bsngal kun 'byung dang // 'gog pa yod pa ma yin na// lam gyi sdug bsngal 'gog pa ni// gang zhig/ 'thob par 'gyur bar 'dod// lam bsgoms pas 'gog pa gang zhig 'thob par 'gyur ba sdug bsngal 'gog pa de ni yod pa ma yin no// de'i phyir de ltar na/ 'phags pa'i lam yang mi 'thad do// de ltar na dngos po rang bzhin dang bcas par smra ba la 'phags pa'i bden pa bzhi po rnams med par 'gyur ro// da ni gzhan la sdug bsngal la sogs pa yongs su shes pa la sogs pa yang ji ltar mi srid pa de ltar bstan pa'i phyir/ gal te rang bzhin nyid kyis ni// yongs su shes pa ma yin na// de ni ji ltar yongs shes 'gyur// rang bzhin gnas pa ma yin nam/ zhes gsungs te/ gal te sdug bsngal sngar yongs su ma shes pa'i rang bzhin du gyur pa las/ de phyis yongs su shes pa yin no zhes rtog na/ de ni mi rigs so// ci'i phyir zhe na/ 'di ltar rang bzhin gnas pa ma yin nam/ ste rang bzhin gang yin pa de ni/ 'jig rten na yang dag par gnas shing me'i tshe ba ltar gzhan du mi 'gyur ba yin no// gang gi tshe rang bzhin la gzhan du 'gyur ba nyid yod pa ma yin pa de'i tshe/ sdug bsngal sngar yongs su shes pa ma yin pa'i rang bzhin ni phyis kyang yongs su shes par mi 'thad do// de'i phyir sdug bsngal yongs su shes pa yang mi srid do// gang gi tshe sdug bsngal yongs su shes pa yod pa ma yin pa de'i tshe/ de bzhin du ni khyod nyid kyi// spang dang mngon du bya ba dang // bsgom dang 'bras bu bzhi dag kyang // yongs shes bzhin du mi rung ngo // sdug bsngal yongs su shes pa mi srid pa de bzhin du gang kun 'byung spang ba dang / 'gog pa mngon du bya ba ste spang ba dang / mngon du bya ba ste gnyis dang /
- 192a
gang yang lam bsgom pa 'di dang de rnams mi rung ngo // kun 'byung ba rang bzhin gyis ma spangs pa'i rang bzhin ni/ phyis kyang spang bar mi 'thad de/ ldog pa med pa'i phyir ro// de bzhin du mngon du bya/ ba dang / bsgom pa gnyis la yang sbyar bar bya'o// dngos po rang bzhin dang bcas par smra na/ yongs su shes pa la sogs pa mi rung ba 'ba' zhig tu ma zad kyi/ 'on kyang 'bras bu bzhi dag kyang / yongs su shes pa bzhin du mi rung ngo // ji ltar sdug bsngal rang bzhin gyis yongs su shes pa ma yin pa yongs su shes par mi rung ba de bzhin du/ rgyun tu zhugs pa'i 'bras bu sngar rang bzhin gyis yod pa ma yin pa yang phyis yod par mi srid do// rgyun tu zhugs pa'i 'bras bu ji lta ba de bzhin du/ lan cig phyir 'ong ba dang / phyir mi 'ong ba dang / dgra bcom pa'i 'bras bu rnams mi srid pa yang khong du chud par bya'o// yongs su shes pa bzhin du 'bras bu de dag mi rung ba/ 'ba' zhig tu ma zad de/ 'o na ci zhe na/ de dag 'thob pa yang mi rung ngo zhes bstan pa'i phyir/ rang bzhin yongs su 'dzin pa yis// 'bras bu rang bzhin nyid kyis ni// thob pa min pa gang yin des// / ji ltar thob par nus par 'gyur/ zhes bya ba gsungs te/ rang bzhin du smra ba khas len pas/ sngar thob pa ma yin pa'i rang bzhin du gyur pa rnams phyis kyang thob pa mi 'thad de/ rang bzhin ldog pa med pa'i phyir ro// de'i phyir/ 'bras bu med na 'bras gnas med// zhugs pa dag kyang yod ma yin// gal te skyes bu gang zag brgyad// de dag med na dge 'dun med// 'phags pa'i bden rnams med pa'i phyir// dam pa'i chos kyang yod ma yin// chos dang dge 'dun yod min na// sangs rgyas ji ltar yod par 'gyur// zhes bya ste/ tshigs su bcad pa 'di gnyis kyi don ni gong ma bzhin du rig par bya'o// gzhan yang rang
- 192b
bzhin du smra ba khas len na/ khyed kyis sangs rgyas byang chub la// ma brten par yang thal bar 'gyur// khyed kyis byang chub sangs rgyas la// ma brten par yang thal bar 'gyur// gal te sangs rgyas zhes bya ba dngos po 'ga' zhig rang bzhin gyis yod par gyur na ni byang chub ste/ thams cad mkhyen pa'i ye shes la ma brten par te/ ma bltos par yang 'gyur te/ rang bzhin dag ni bcos min dang / gzhan la bltos pa med pa yin/ zhes 'byung ba'i phyir ro// de bzhin du byang chub kyang sangs rgyas med par 'gyur te/ sangs rgyas la ma bltos pa yang rten med pa'i byang chub tu 'gyur te/ rang bzhin gyis grub pa'i phyir ro// gzhan yang / khyed kyi rang bzhin nyid kyis ni// sangs rgyas min pa gang yin des// byang chub spyod la byang chub phyir// btsal kyang byang chub 'thob mi 'gyur// 'dir sangs rgyas nyid kyi snga rol tu sangs rgyas ma yin pa'i rang bzhin gyi gang zag gis byang chub sems dpa'i spyod pa spyad cing byang chub kyi don du btsal kyang byang chub par mi 'gyur ba nyid de/ sangs rgyas ma yin pa'i rang bzhin bzlog par mi nus pa'i phyir ro// gzhan yang / 'ga' yang chos dang chos min pa// nam yang byed par mi 'gyur te// mi stong pa la ni zhig bya// rang bzhin la ni bya ba med// rang bzhin du smra ba khas len na/ chos dang chos ma yin pa dag byed par mi 'thad do// stong pa ma yin pa la bya ba ci zhig yod de/ yod pa'i phyir stong pa ma yin pa'i rang bzhin la ni bya ba 'thab pa ma yin no// gzhan yang / chos dang chos min med par yang // 'bras bu khyed la yod par 'gyur// chos dang chos min rgyas byung ba'i// 'bras bu khyed la yod ma yin// yid du 'ong ba dang yid du mi 'ong ba'i 'bras bu chos dang chos ma yin pa'i rgyu can gang yin pa de/ gal te rang bzhin gyis yod na ni/ chos dang chos ma yin pa
- 193a
dag med par yang de khyod la yod par 'gyur ro// gang gi tshe chos dang chos ma yin pa dag med par khyod la 'bras bu yod na de'i tshe/ chos dang chos ma yin pa dag las skyes pa'i 'bras bu khyod pa yod pa ma yin te/ chos dang chos ma yin pa la sogs pa don med par 'gyur bas/ chos dang chos ma yin pa'i rgyus byung ba'i 'bras bu khyod la yod pa ma yin no zhes bshad pa yin no// ci ste chos dang chos ma yin pa'i rgyurgyas byung ba'i 'bras bu yod pa ma yin no zhes rtog na/ 'o na 'bras bu de mi stong pa ma yin no zhes bstan pa'i phyir/ chos dang chos min rgyus byung ba'i// 'bras bu gal te khyod la yod// chos dang chos min las byung ba'i// 'bras bu ci phyir stong ma yin// zhes gsungs pa dang / 'di ni stong pa yin te/ rten cing 'brel par 'byung ba'i phyir gzugs brnyan bzhin no snyam du dgongs pa yin no// gzhan yang song zhig/ byos shig tshe la cig lhog cig 'du gcig/ ces bya ba la sogs pa 'jig rten pa'i tha snyad rten cing 'brel par 'byung ba de dag gal te khyod rang bzhin dang bcas par 'dod na/ de'i tshe khyod kyis rten cing 'brel par 'byung ba la gnod par byas pa yin la/ de la gnod pas 'jig rten pa'i tha snyad do cog la gnod pa yin no zhes bsten pa'i phyir/ rton cing 'brel par 'byung ba yi// stong pa nyid la gnod byed gang // 'jig rten pa yi tha snyad ni// kun la'ang gnod pa byed pa yin/ zhes gsungs pa la/ gang gi sgra ni bya ba'i khyad par te/ gnod byed ces bya ba 'di dang sbyar ro// gzhan yang / stong pa nyid la gnod byed na// bya ba ci yang med 'gyur zhing // rtsom pa med pa'i/ bya bar 'gyur// mi byed pa yang byed por 'gyur// gal te dngos po rnams stong pa nyid ma yin zhing rang bzhin dang bcas pa nyid du gyur na/ de'i tshe rang bzhin ni yod pa yin pa'i phyir sus kyang bya ba ci yang med par 'gyur te// /
- 193b
nam mkha'i mi sgrib pa ni sus kyang byed pa ma yin pa bzhin no// byed bzhin pa ma yin pa yang bya bar 'gyur la/ bya ba mi byed pa yang byed pa por 'gyur na/ de dag ni de ltar yang ma yin te/ de'i phyir dngos po rnams ni stong pa yin no// gzhan yang / rang bzhin yod na 'gro ba rnams// ma skyes pa dang ma 'gags dang // ther zug tu ni gnas 'gyur zhing // gnas skabs sna tshogs bral bar 'gyur// gal te dngos po rnams rang bzhin dang bcas par gyur na de'i tshe/ rang bzhin bcos ma ma yin pa'i phyir dang / ldog pa med pa'i phyir 'gro ba 'di dag thams cad skye ba med pa dang 'gag pa med par 'gyur ro// skyo ba med pa dang 'gag pa med pa nyid kyi phyir na// 'gro ba ther zug tu gnas par 'gyur ro// rgyu dang rkyen la mi bltos pas na/ stong pa ma yin par smra ba rnams la/ 'gro ba rten cing 'brel par ma byung zhing gnas skabs sna tshogs pa dang bral bar 'gyur ro// ji skad du bcom ldan 'das kyis mi stong cung zhig yod na rgyal ba yis/ 'ga' yang lung skyon mi gsungs 'gyur med par// rang rang dngos la ther zug gnas de la// 'phel ba med cing yongs su nyams pa med// ces gsung pa dang / de bzhin du 'phags baglang po rtsa la las kyang / gal te chos rnams rang bzhin 'ga' yod na// rgyal ba nyan thos bcas pas de mkhyen 'gyur// ther zug chos rnams mya ngan 'da' mi 'gyur// mkhas rnams nam yang spros pa med mi 'gyur// zhes gsungs pa lta bu'o// dngos po rang bzhin dang bcas par khas len na 'jig rten pa'i tha snyad dag mi 'thad pa 'ba' zhig tu ma zad kyi/ 'o na ci zhe na/ 'jig rten las 'das pa dag kyang yin no zhes bstan pa'i phyir/ gal te stong pa yod min na// ma thob 'thob par bya ba dang // sdug bsngal mthar byed las dang ni// nyon mongs thams cad spong ba med/ zhes gsungs te/ gal te stong pa yod pa
- 194a
ma yin zhing / 'di dag thams cad rang bzhin dang bcas par gyur na/ de'i tshe gang ma thob pa de ni ma thob pa kho na yin pas/ 'bras bu ma thob pa 'thob par mi 'gyur ro// de bzhin du sngar sdug bsngal mthar byed par ma gyur pas da lta yang mi 'gyur ro// sngar nyon mongs pa thams cad spangs par ma gyur pas phyis kyang spong bar mi 'gyur ro// de ltar na gang gi phyir dngos po rang bzhin dang bcas par smra bar khas blangs par gyur na/ thams cad mi rung ba de'i phyir/ gang gis rten cing 'brel par 'byung // mthong ba des ni sdug bsngal dang // kun 'byung dang ni 'gog pa dang // lam nyid de dag mthong ba yin// / gang gis stong pa nyid rten cing 'brel par 'byung ba'i mtshan nyid can yang dag par mthong ba des ni/ 'phags pa'i bden pa bzhi po rnams de kho na nyid du yang dag pa ji lta ba bzhin mthong ba yin no// ji skad du 'phags pa chos thams cad 'jug pa med par bstan pa'i mdo las/ 'jam dpal gang gis chos thams cad skye ba med par mthong ba des ni sdug bsngal yongs su shes pa yin no// gang gis chos thams cad med pa nyid du mthong ba des ni kun 'byung ba spangs pa yin no// gang gis chos thams cad mya ngan las 'das par mthong ba des ni 'gog pa mngon du byas pa yin no// 'jam dpal gang gis chos thams cad dngos po med par mthong ba des ni lam bsgoms pa yin no zhes bya ba rgya cher gsungs pa lta bu'o// 'phags pa bsam gtan pa'i dpe ma khyud kyi mdo las kyang / de nas bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal 'phags pa'i bden pa rnams yang dag pa ji lta ba bzhin ma mthong bas/ sems can phyin ci log bzhis sems phyin ci
- 194b
log tu gyur pa rnams 'khor ba yang dag pa ma yin pa 'di las 'da' bar mi 'gyur ro// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das gang la nye bar dmigs pas sems can rnams 'khor ba las 'da' bar mi 'gyur ba bstan du gsol/ bcom ldan 'das kyis bka' stsal pa/ 'jam dpal bdag dang bdag gi bar dmigs pas sems can rnams 'khor ba las mi 'da'o// de ci'i phyir zhe na/ 'jam dpal bdag dang gzhan du yang dag par mthong ba gang yin pa de ni las mngon par 'du byed par 'gyur ro// 'jam dpal byis pa so so'i skye bo thos pa dang mi ldan pa ni chos thams cad shin tu mya ngan las 'das par mi shes pas bdag dang gzhan du dmigs par byed do// dmigs nas mngon par zhen par 'gyur ro// mngon par zhen pas chags par 'gyur ro// sdang bar 'gyur ro// rmongs par 'gyur ro// de chags pa dang sdang ba dang rmongs par gyur pas/ lus dang ngag dang yid kyi las rnam pa gsum mngon par 'du byed do// de yod pa ma yin pa la sgro 'dogs pas bdag ni chags so// bdag ni sdang ngo // bdag ni rmongs so snyam du rnam par rtog par byed do// de de bzhin gshegs pa'i bstan pa la rab tu byung nas 'di snyam du sems te/ bdag ni tshul khrims dang ldan pa'o// bdag ni tshangs par spyod pa'o// bdag ni 'khor ba las yang dag par 'da' bar 'gyur ro// bdag gis mya ngan las 'das pa thob par 'gyur ro// bdag ni sdug bsngal rnams las thar bar 'gyur ro snyam du rtog par byed cing / de chos 'di dag ni dge ba'o chos 'di dag ni mi dge ba'o// chos 'di dag ni spang bar bya'o// 'di dag ni mngon du bya ba'o// sdug bsngal yongs su shes par bya'o// kun
- 195a
'byung spang bar bya/ 'gog pa mngon du bya/ lam bsgom par bya'o snyam du rtog go// de nas de gang zhig bdag 'du byed thams cad las 'byol bar 'gyur ba/ 'du byed thams cad ni mi rtag pa'o// 'du byed thams cad ni kun tu 'bar ba'o snyam du rtog par byed do// de ltar rtog pa de la skyo ba dang lhan cig tu gyur pa yid la byed pa mtshan ma med pa mngon du 'gro ba skye bar 'gyur ro// de 'di snyam du chos 'di dag yongs su shes pa gang yin pa de ni sdug bsngal yongs su shes pa'o snyam du sems so// de 'di snyam du gang bdag gis kun 'byang spad par bya'o snyam du sems par 'gyur zhing / chos 'di dag gis nyen par 'gyur/ ches ngo tsha bar 'gyur/ mi dga' bar 'gyur/ smod par 'gyur/ skrag cing dngang la kun tu dngang bar 'gyur ro// de 'di snyam du gang chos 'di dag gis nyes pa de ni chos 'di dag mngon du byas pa yin zhing / 'di ni kun 'byung spang ba'o snyam du sems par 'gyur ro// de 'di snyam du 'gog pa mngon du bya'o snyam du sems te/ de gnyis su brtags nas 'gog pa mngon du shes pa yin no// de 'di snyam du 'gog pa mngon du byas pa des ni 'di yin no snyam du sems so// de 'di snyam du gang bdag gis lam skom mo snyam du sems shing / de gcig pu dben par song nas chos de dag yid la byed pa na ni gnas 'thob par 'gyur ro// skyo ba dang lhan cig tu gyur pa'i yid la byed pa des de la zhi gnas skye bar 'gyur ro// de chos thams cad la sems phyir 'byung bar 'gyur te/ phyir 'dren zhing phyir ldog par 'gyur ro// de dag gis nyen par 'gyur// tshes ngo tsha bar 'gyur/ mngon par mi dga' ba'i sems skye bar 'gyur ro// de 'di snyam du bdag sdug bsngal thams cad las grol bar 'gyur te/ yang phyis bya ba ci yang med cing bdag ni dgra bcom par gyur to//
- 195b
zhes bya bar bdag nyid shes so// de 'chi ba'i dus byed pa'i tshe bdag nyid skye bar mthong bas/ de sangs rgyas kyi byang chub la the tshom dang som nyi za bar 'gyur ro// de som nyir lhung ste 'chi ba'i dus byas nas dmyal ba chen po dag tu ltung bar 'gyur ro// de ci'i phyir zhe na/ ji ltar skye ba med pa'i chos rnams la brtags nas/ de bzhin gshegs pa la som nyi dang yid gnyis skyed par byed pa'i phyir ro// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das 'phags pa'i bden pa bzhi po rnams la ji ltar khums par bgyi/ bcom ldan 'das kyis bka' stsal pa/ 'jam dpal gang gis 'du byed thams cad ma skyes par mthong ba des ni/ sdug bsngal yongs su shes pa yin no// gang gis chos thams cad 'byung ba med par mthong ba de'i ni kun 'byung spangs pa yin no// gang gis chos thams cad gtan mya ngan las 'das par mthong ba des ni 'gog pa mngon du byas pa yin no// gang gis chos thams cad shin tu ma skyes par mthong ba des ni lam bsgoms pa yin no// 'jam dpal gang gis de ltar 'phags pa'i bden pa bzhi po mthong ba de ni chos 'di dag ni dge ba'o// chos 'di dag ni mi dge ba'o// chos 'di dag ni spang bar bya'o// chos 'di dag ni mngon du bya'o// sdug bsngal yongs su shes par bya/ kun 'byung spang bar bya/ 'gog pa mngon du bya/ lam bsgom par bya'o zhes mi rtog rnam par rtog par mi byed de/ 'di ltar gang brtag par bya ba'i chos de des ma mthong ba'i phyir ro// byis pa so so'i skye bo rnams ni chos de dag la rtog pa na chags par 'gyur ro// sdang bar 'gyur ro// rmongs par 'gyur ro// de chos 'ga' yang mi len mi 'dor de ltar mi len mi 'dor ba de ni khams gsum la sems chags par mi 'gyur ro// khams
- 196a
gsum thams cad ma skyes pa dang / sgyu ma lta bu dang / rmi lam lta bu dang / brag ca lta bur mthong ngo // chos thams cad de lta bu'i rang bzhin can du mthong bas sems can thams cad la rjes su chags pa dang / khong khro ba dang bral bar 'gyur ro// de ci'i phyir zhe ni/ 'di ltar des gang la rjes su chags pa dang / khong khro bar 'gyur ba'i chos de ma dmigs pa'i phyir ro// de sems nam mkha' dang mnyam pas sangs rgyas kyang yang dag par rjes su mi mthong / chos kyang yang dag par rjes su mi mthong / dge 'dun yang yang dag par rjes su mi mthong zhing / chos thams cad stong pa'o zhes bya bar mthong bas chos gang la yang som nyi skyed par mi byed do// som nyi med pas nye bar len pa med par 'gyur ro// nye bar len pa med pas nye bar len pa med par yongs su mya ngan las 'da'o zhes rgya cher gsungs so// slob dpon zla ba grags pa'i zhal snga nas sbyor ba'i tshig gsal ba las/ 'phags pa'i bden pa brtag pa zhes bya ba rab tu byed pa nyi shu bzhi pa'i 'grel pa'o// // 'dir smras pa/ gal te 'di dag kun stong na// 'byung ba med cing 'jig pa med// gang zhig spong dang 'gag pa las// mya ngan 'da' bar 'gyur bar 'dod// 'dri na bcom ldan 'das kyis gang zag tshangs par spyod pa bsten zhing / de bzhin gshegs pa'i bstan pa la zhugs pa chos kyi rjes su mthun pa'i chos kyi nan tan dang ldan pa rnams la/ mya ngan las 'das pa rnam pa gnyis gsungs te/ phung po lhag ma dang bcas pa dang / phung po lhag ma med pa'o// de la ma rig pa dang 'dod chags la sogs pa nyon mongs pa'i tshogs ma lus par spangs pa las phung po lhag ma dang bcas pa'i mya ngan las 'das par 'dod do// de la 'di la bdag la chags pa la brten pas na phung po ste/ bdag tu gdags pa'i rgyu nye bar len pa'i phung po lnga la phung po'i sgras
- 196b
brjod do// lhag ma lus pas na lhag ma'o// phung po nyid lhag ma yin pas na phung po lhag ma'o// phung po lhag ma dang lhan cig gnas pas na phung po lhag ma dang bcas pa'o// de ci yin zhe na/ mya ngan las 'das pa'o// / de yang chom rkun gyi tshogs ma lus par bsad de grong tsam 'dug pa dang chos mthun par 'jig che gsal lta ba la sogs pa nyon mongs pa'i chom rkun dang bral ba phung po tsam 'ba' zhig lus pa ste/ de ni phung po lhag ma dang bcas pa'i mya ngan las 'das pa'o// chom rkun gyi tshogs ma lus par bsad de grong tsam po yang zhig pa dang chos mtshungs par/ mya ngan las 'das pa gang la phung po tsam yang yod pa ma yin pa de ni phung po lhag ma med pa'i mya ngan las 'das pa ste/ 'di phung po'i lhag ma dang bral ba'i phyir ro// de nyid kyi dbang du mdzad nas/ gang na lus zhig 'du shes 'gal// tshor ba thams cad bral gyur zhing // 'du byed nye bar zhi ba dang // rnam par shes pa nub gyur pa/ zhes bya ba dang / de bzhin du ma zhum pa'i lus kyis ni/ tshor ba dang du len pa na// de yi sems ni rnam par grol// mar me shi bar gyur pa bzhin/ zhes bshad do// de'i phyir phung po lhag me ma pa'i mya ngan las 'das pa de ni phung po 'gags pa las 'thob po// mya ngan las 'das pa rnam pa gnyis po de ji ltar rung bar 'gyur zhe na/ gal te nyon mongs pa rnams dang phung po rnams 'gags par gyur pa na yin na/ gang gi tshe 'di dag thams cad stong pa yin zhing / cung zad kyang skye ba med la cung zad kyang 'gag pa yang med pa de'i tshe/ gang dag 'gags pa las mya ngan las 'da' bar 'gyur ba/ nyon mongs pa'am phung po rnams yod par ga la 'gyur/ de'i phyir dngos po rnams kyi rang bzhin yod pa nyid do zhes 'dzer to// brjod par bya ste/ de ltar rang bzhin khas len na yang / gal te 'di kun mi stong na// 'byung ba med cing 'jig pa med// gang zhig spong dang
- 197a
'gags pa las// mya ngan 'das par 'gyur bar 'dod// gang las de dag log pas mya ngan 'da' bar 'gyur ba/ nyon mongs pa rnams dang phung po rang bzhin gyis rnam par gnas pa rnams ldog par ga la 'gyur te/ rang bzhin la ldog pa med pa'i phyir ro// de'i phyir rang bzhin dang bcas par smra ba la mya ngan las 'das pa mi 'thad pa nyid do// gang las de dag la nyes pa 'dir 'gyur ba/ stong pa nyid du smra ba rnams kyis ni mya ngan las 'das pa nyon mongs pa ldog pa'i mtshan nyid can nam/ phung po ldog pa'i mtshan nyid can 'dod pa ma yin no// de'i phyir stong pa nyid du smra ba rnams la klan ka 'dir mi 'gyur ba nyid do// gal te// stong pa nyid du smra ba rnams mya ngan las 'das pa phung po rnams sam/ nyon mongs pa rnams log pa'i mtshan nyid can mi 'dod na/ mtshan nyid gang dang ldan pa zhig 'dod ce na/ brjod pa/ spangs pa med pa 'thob med pa// chad pa med pa rtag med pa// 'gag pa med pa skye med pa// de ni mya ngan 'das par brjod// gang zhig 'dod chags la sogs pa ltar spangs pa med cing / dge sbyong gi 'bras bu ltar 'thob pa med pa/ phung // / po la sogs pa ltar chad pa yang med la/ gang yang mi stong pa ltar rtag pa ma yin pa/ rang bzhin gyis 'gag pa med pa skye ba med pa spros pa thams cad nye bar zhi ba'i mtshan nyid can de ni mya ngan las 'das par bshad do// de'i phyir rnam pa de lta bu de la nyon mongs pa gang dag spangs pas de mya ngan las 'da' bar 'gyur ba/ nyon mongs par rtog pa ga la yod/ phung po gang dag 'gags pas de 'thob par 'gyur ba phung por rtog pa yang ga la yod/ ji srid du rtog pa 'di dag 'byung ba de srid du mya ngan las 'das pa thob pa yod pa ma yin te/ spros pa thams cad zad pa nyid las de 'thob pa'i phyir ro// ci ste mya ngan las 'das pa la nyon
- 197b
mongs pa rnams med cing phung po rnams kyang med mod kyi/ de lta na yang mya ngan las 'das pa'i snga rol na yod pa yin no// de'i phyir de dag 'gags pa ni spros pa zad pa las mya ngan las 'das pa yin par 'gyur ro snyam na/ brjod pa/ 'dzin pa 'di ni dor bar bya'o// gang gi phyir mya ngan las 'das pa'i snga rol na rang bzhin gyis yod pa rnams ni yang dngos po med par bya bar mi nus te/ de'i phyir mya ngan las 'das pa 'dod pas rtog pa 'di dor bar bya'o// mya ngan 'das mtha' gang yin pa// de ni 'khor ba'i mtha' yin te// de gnyis khyad par cung zad ni// shin tu phra ba'ang yod ma yin/ zhes 'chad par 'gyur ro// bcom ldan 'das kyis kyang / mya ngan 'das la chos rnams yod nyid med// chos gang der med de dag gzhar yang med// yod dang med ces rtog pa dang ldan zhing // de ltar spyod rnams sdug bsngal nyer mi zhi/ zhes gsungs so// tshigs su bcad pa 'di'i don ni 'di yin te/ mya ngan 'das la ste phung po lcug ma med pa'i mya ngan las 'das pa'i dbyings na'o// chos rnams ni nyon mongs pa dang las dang skye ba'i mtshan nyid can rnams sam phung po rnams te/ rnam pa thams cad du bral ba'i phyir yod pa nyid med do// 'di ni rgol ba thams cad kyis 'dod pa yin no// mar me btang bas mun par thag pa la sprul du dmigs pa ltar chos gang dag mya ngan las 'das pa 'di la yod pa ma yin pa de dag ni gzhar yang med de/ nyon mongs pa dang las dang skye ba'i mtshan nyid can gyi tshes de dag ni 'khor ba'i gnas skabs kyi dus 'ga' zhig na yang de kho na nyid du yod pa ma yin no// 'di ltar mun pa'i gnas skabs na thag pa la sprul rang gi ngo bos yod pa ni ma yin te/ yod par gyur pa'i sbrul ltar mun pa dang snang bar yang 'dzin par 'gyur ba'i phyir ro// 'o na ji ltar 'khor ba yin zhe na/ brjod pa/ rab rib can rnams la
- 198a
skra shad dang sbrang bu mchu rings la sogs pa snang ba ltar dngos po yod pa ma yin pa'i rang bzhin can dag kyang byis pa bdag dang bdag gi bar yang dag pa ma yin pa'i phyin ci log gi gdon gyis gzung ba rnams la bden par snang ba yin no zhes gsungs pa ni/ yod dang med ces rtog pa dang ldan zhing // de ltar spyod rnams sdug bsngal nyer mi zhi/ zhes bya ba'o// yod do zhes dngos po yod par rtog pa dang ldan pa rgyal dpogs/ pa dang / gzegs zan dang ser skya la sogs pa bye brag tu smra ba la thugs pa rnams dang / med ces rtog pa dang ldan pa med pa rnams dang / de dag las gzhan 'du byed 'das pa dang ma 'ongs pa dang / rnam par rig byed ma yin pa dang / mi ldan pa'i 'du byed med par smra zhing de las gzhan yod par smra ba rnams dang / kun tu brtags pa'i ngo bo nyid med par smra zhing / gzhan gyi dbang dang yongs su grub pa'i ngo bo nyid yod par smra ba rnams te/ de ltar yod pa dang med par smra ba rnams kyi sdug bsngal te 'khor bzhi par mi 'gyur ro// zhes bya'o// de bzhin du/ ji ltar dogs pa'i 'du shes kyis ni dug langs pa// dug de khong du song ba med kyang brgyal bar 'gyur// de bzhin byis pa bdag dang bdag gir khas len pa// bdag der 'du shes yang dag min rtag skye zhing 'chi/ zhes kyang gsungs so// de'i phyir de ltar na/ mya ngan las 'das pa la 'ga' yang spangs pa med/ la/ 'ga' yang 'gag pa med do zhes shes par bya'o// de'i phyir rtogs pa thams cad zad pa nyid mya ngan las 'das pa yin no// ji skad du 'phags pa rin po che'i phreng ba las kyang / mya ngan 'das pa dngos med pa'ang // min na de dngos ga la yin// dngos dang dngos po med 'dzin pa// zad pa mya ngan 'das zhes bya/ zhes bshad do// gang dag mya ngan las 'das pa kun tu rtog pa thams cad nye bar zhi ba'i ngo bo ma rtogs shing / mya ngan
- 198b
las 'das pa dngos po dang dngos po med pa dang de gnyi ga dang / gnyi ga ma yin pa'i ngo bor yongs su rtog par byed pa/ de dag la brjod pa/ re zhig mya ngan 'das dngos min// rga shi'i mtshan nyid thal bar 'gyur// / rgadang 'chi ba med pa yi// dngos po yod pa ma yin no// de la mya ngan las 'das pa dngos por mngon par zhen pa kha cig ni 'di skad du/ 'dir mya ngan las 'das pa ni nyon mongs pa dang las dang skye ba'i rgyun 'jug pa nges par 'gog par 'gyur ba/ chu'i rgyun 'gog pa'i chu lon dang 'dra ba'i don dngos po'i bdag nyid can yin te/ yod pa ma yin pa'i rang bzhin gyi chos ni de ltar 'bras bu byed par yang ma mthong ngo // gal te 'di dga' ba'i 'dod chags dang lhan cig tu gyur pa'i sred pa zad cing 'dod chags dang bral ba 'gog pa gang yin pa de ni mya ngan las 'das pa'o zhes gsungs pa ma yin nam/ zad pa tsam ni dngos po yin par 'os pa yang/ ma yin no// de bzhin du/ mar me shi bar gyur pa ltar// de yi sems ni rnam par thar/ zhes gsungs te/ mar me shi ba ni dngos po yin no zhes bya bar yang mi 'thad do zhes na/ smras pa/ sred pa zad pa ni sred pa zad pa'o zhes de ltar ni shes par mi bya'i/ 'o na ci zhe na/ mya ngan las 'dus pa zhes bya ba'i chos de yod na sred pa zad par 'gyur ba de ni sred pa zad pa'o zhes bya bar rig par bya'o// mar me na dpe tsam du zad do// der yang ga yod na sems thar par 'gyur ba yin no zhes bya bar rig par bya'o zhes smra'o// de ltar mya ngan las 'das pa dngos po rnam par gnas pa yin dang / re zhig mya ngan 'das dngos min// zhes slob dpon nges par rtog par mdzad do// ci'i phyir zhe na/ gang gi phyir/ rga shi'i mtshan nyid thal bar 'gyur te/ dngos po ni rga shi'i mtshan nyid la mi 'khrul ba'i phyir ro// de'i phyir de mya ngan las 'das pa nyid du yang mi 'gyur te/ rga shi'i mtshan nyid can yin pa'i
- 199a
phyir rnam par shes pa la sogs pa bzhin no zhes bya bar dgongs pa yin no// rga shi'i mtshan nyid la mi 'khrul pa de nyid gsal bar bya ba'i phyir/ rga dang 'chi ba med pa yi// dngos po yod pa ma yin no// zhes bshad de/ rga shi dang bral ba gang yin pa de ni dngos po nyid ma yin te/ rga shi dang bral ba'i phyir nam mkha'i me tog bzhin no// gzhan yang gal te mya ngan 'das dngos na// mya ngan 'das pa 'dus byas 'gyur// dngos po 'dus byas ma yin pa// 'ga' yang gang na'ang yod pa min// gal te mya ngan las 'das pa dngos po yin na ni de'i tshe mya ngan las 'das pa de 'dus byas su 'gyur te/ dngos po yin pa'i phyir rnam par shes pa bzhin no// gang 'dus byas ma yin pa de ni dngos por mi 'gyur te/ dper na bong bu'i rwa bzhin no// ldog pa bshad pa'i phyir/ dngos po 'dus byas ma yin pa// 'ga' yang gang na'ang yod ma yin// zhes bya ba gsungs te/ 'ga' yang zhes bya ba ni brten pa ste// nang ngam phyi'i bdag nyid do zhes bya ba'i don to// gang na'ang zhes bya ba ni brten te/ yul lam dus sam ma grub pa'i mthar ro// gzhan yang / gal te mya ngan 'das dngos na// ji ltar myang 'das de brten min// dngos po brten nas ma yin pa// 'ga' yang yod pa ma yin no// gal te khyod kyi lugs kyis mya ngan las 'das pa dngos po yin na ni/ de brten nas yin par 'gyur te/ rang gi rgyu'i tshogs pa la brten nas yin no zhes bya ba'i don to// de ltar brten nas mya ngan las 'das pa 'dod pa yang ma yin te/ 'o na ci zhe na/ de ni ma brten par ro// gal te mya ngan las 'das pa dngos po yin// / ji ltar mya ngan las 'das pa de brten nas ma yin par 'gyur te/ ma brten pa yin par mi 'gyur ba nyid de/ dngos po yin pa'i phyir rnam par shes pa la sogs pa bzhin no// ldog pa bshad pa ni/ dngos po brten nas ma yin pa//
- 199b
'ga' yang yod pa ma yin no// zhes bya ba'o// 'dir smras pa/ ji skad bshad pa'i nyes par thal bar 'gyur ba'i phyir/ mya ngan las 'das pa dngos po ma yin pa ni bden te/ 'o na ci zhe na/ nyon mongs pa dang skye ba log pa'i/ phyir// mya ngan las 'das pa dngos po med pa kho na yin no// brjod pa/ 'di yang mi rigs te/ gang gi phyir/ gal te mya ngan 'das dngos min// dngos med ji ltar rung bar 'gyur// gang la mya ngan 'das dngos med/ de la dngos med yod ma yin// gal te mya ngan las 'das pa dngos po mi 'dod cing mya ngan las 'das pa dngos po'o snyam du mi 'dod na/ de'i tshe mya ngan las 'das pa dngos po med par ji ltar rung bar 'gyur te/ dngos po med par yang rung bar mi 'gyur ba nyid do snyam du dgongs pa yin no// ci'i phyir zhe na/ gang gi phyir/ gang la mya ngan 'das dngos min// de la dngos med yod ma yin// zhes gsungs te/ 'dir dngos po'i rang bzhin btang nas gzhan du gyur pa la dngos po med pa zhes bsnyad na/ bstan zin pa'i nyes pas phyogs gang la mya ngan las 'das pa dngos po ma yin pa'i phyogs de la mya ngan las 'das pa dngos po med pa yang ma yin te/ dngos po'i rang bzhin du ma grub pa'i ngo bo la dngos po med pa'i ngo bo nyid mi 'thad pa'i phyir ro snyam du dgongs pa yin no// gal te mya ngan las 'das pa ni nyon mongs pa dang bye ba med pa yin no zhe na/ de ltan 'on nyon mongs pa dang skye ba'i mi rtag pa nyid mya ngan las 'das pa yin par 'gyur te/ gang gi phyir nyon mongs pa dang skye ba med pa ni mi rtag pa nyid yin gyi gzhan ma yin te/ de'i phyir mi rtag pa nyid mya ngan las 'das pa yin par 'gyur na/ de ni 'dod pa yang ma yin/ rnam pa med pa pang yang thas pa 'akyang ba byeng // de kyang na mingags sa// ga yang / ga sag 'das dngas men// den byang das de ban man// ga shig gnas pa yin no//
- 200a
dngos med yod pa ma yin no// de la mi rtag pa nyid dngos po med pa nyid yin zhing dngos po la brten nas 'dogs pa yin te/ bong bu'i rwa la sogs pa rnams la mi rtag pa nyid ma dmigs pa'i phyir ro// mtshan nyid la brten nas mtshan gzhi 'jug la/ mtshan gzhi la brten nas mtshan nyid 'jug pa de'i phyir mtshan nyid dang mtshan gzhi 'jug pa phan tshun bltos pas mtshan gzhi'i dngos po la ma bltos par mi rtag pa nyid yod par ga la 'gyur/ de'i phyir dngos po med pa yang brten nas 'dogs pa yin no// de'i phyir gal te mya ngan las 'das pa dngos po med pa 'ga' zhig yin na ni// ji ltar mya ngan las 'das pa de brten nas ma yin par 'gyur/ de ni brten nas kho na yin te dngos po med pa yin pa'i phyir 'jig pa bzhin no// de nyid gsal bar bya ba'i phyir// gang zhig brten nas ma yin pa'i// dngos med yod pa ma yin no// zhes bshad do// gal te ma/ brten par dngos po med pa yod pa ma yin na/ 'o na da ci la brten nas mo gsham gyi bu la sogs pa dag dngos po med par 'gyur zhe na/ mo gsham gyi bu la sogs pa dngos po med pa yin no zhes de skad sus smras 'di ltar/ gal te dngos po ma grub na/ dngos med 'grub par mi 'gyur ro// dngos po gzhan du gyur pa ni// dngos med yin par skye bo swA/ zhes sngar bshad zin to// de'i phyir mo gsham gyi bul sogs pa rnams dngos po med pa nyid ma yin no// yang gang du/ nam mkha' ri bong rwa dag dang // mo gsham gyi ni bu dag kyang // med bzhin tshig tu brjod pa ltar// dngos la rtog pa'ang de bzhin no// zhes gsungs pa der yang / dngos por rtog pa bkag pa tsam zhig yin gyi// dngos po med par rtog pa ni ma yin te/ dngos po nyid ma grub pa'i phyir ro zhes shes par bya'o// mo gsham gyi bu zhes bya ba 'di ni sgra tsam zhig tu zad kyi/ don gang zhig dngos po'am dngos
- 200b
po med pa nyid du/ 'gyur ba 'di'i don ni ma dmigs so// de'i phyir dmigs pa med pa'i rang bzhin la dngos po dang dngos po med par brtag par ga la rigs/ de'i phyir mo gsham gyi bu dngos po med pa ma yin no zhes shes par bya'o// de'i phyir/ gang zhig brten nas ma yin pa'i// dngos med yod pa ma yin no// zhes bya ba 'di ni gnas so// 'dir gal te mya ngan las 'das pa dngos po ma yin zhing dngos po med pa yang ma yin na/ 'on mya ngan las 'das pa gang yin zhes zer na/ brjod pa/ 'dir bcom ldan 'das de bzhin gshegs pa rnams kyis/ 'ong ba dang ni 'gro ba'i dngos// brten nam rgyur byas gang yin pa// de ni brten min rgyur byas min// mya ngan 'das pa yin par bstan// de la 'ong ba dang 'gro ba'i dngos po ni 'ong ba dang 'gro ba'i dngos po ste/ skye ba dang 'chi ba gcig nas gcig tu brgyud pa zhes bya ba'i tha tshig go/ 'ong ba dang 'gro ba'i dngos po de yang res 'ga' rgyu dang rkyen gyi tshogs pa la brten nas yod do// zhes bya bar 'dogs te ring po dang thung ngu bzhin no// res 'ga' ni rgyur byas nas 'dogs te mar me'i 'od bzhin no// gal te 'dir rgyur byas nas 'dogs sam/ brten nas skye ba zhes rnam par 'jog kyang rung ste/ rnam pa thams cad du skye ba dang 'chi ba'i rgyun de ma brten pa'am rgyur byas pa ma yin par mi 'jug pa gang yin pa de mya ngan las 'das pa yin par rnam par bzhag go/ mi 'jug pa tsam ni dngos po'am dngos po med pa yin no zhes bya bar brtag par yang mi nus te/ de ltar na mya ngan las 'das pa ni dngos po dang dngos po med pa yang ma yin no// yang na 'du byed 'khor ba yin no zhes bya ba gang dag gi phyogs yin pa de dag gi ltar na rten cing brten nas skye ba dang 'jig pa gang yin pa de brten pa ma yin par mi 'jug pa la mya ngan las 'das pa zhes bya bar brjod pa 'am/ gang dag gi ltar na gang zag 'khor ba yin pa de dag gi brtag pa dang mi rtag pa nyid du brjod du
- 201a
med pa de'i 'ong ba dang 'gro ba'i dngos po nye bar len pa de dang de la brten nas gang yin pa de ni rgyur byas nas 'jug pa yin la/ rgyur byas shing rgyur byas nas 'jug pa de nyid da ltar rgyur byas pa ma yin par mi 'jug pa ni mya ngan las 'das pa zhes bya bar bsnyad do// 'du byed rnams dang gang zag gi mi 'jug pa tsam ni dngos po'am dngos po med pa yin no zhes bya bar brtag par nus pa yang ma yin no// de'i phyir yang mya ngan las 'das pa/ dngos po dang dngos po med pa yin par mi rigs so zhes bya ba'o// gzhan yang / 'byung ba dang ni 'jig pa dag/ spang bar ston pas bka' stsal to// de phyir mya ngan 'das pa ni// dngos min dngos med min par rigs// de la mdo las dge slong dag gang dag 'byung ba 'am 'jig pas srid pa las nges par 'byung ba tshol ba de ni de dag gis yongs su mi shes pa chen po yin no zhes gsungs so// 'byung ba'i sred pa dang 'jig pa'i sred pa de ni gnyi ga yang yongs su spang bar bya ba yin na/ mya ngan las 'das pa ni de ltar bcom ldan 'das kyis spang bar bya bar ma gsungs te/ 'o na ci zhe na/ spang bar bya bar ma yin par ro// de'i phyir gal te mya ngan las 'das pa dngos po'i rang bzhin can nam/ dngos po med pa'i rang bzhin du gyur na ni/ de yang spang bar bya ba kho nar 'gyur na/ spang bar bya ba yang ma yin te/ de'i phyir mya ngan las 'das pa dngos po ma yin zhing dngos po med pa yang ma yin par rigs so// gang dag gi ltar na nyon mongs pa dang skye ba gnyis de la med pas/ mya ngan las 'das pa dngos po med pa'i rang bzhin yin la/ rang nyid dngos po'i ngo bo yin pas dngos po'i rang bzhin yin no zhes gnyis ka'i rang bzhin yin pa de dag gi/ gnyi ga'i rang bzhin can gyi mya ngan las 'das pa yang mi 'thad do zhes bstan pa'i phyir gsungs pa/ gal te mya ngan 'das pa ni// dngos dang dngos med gnyis yin na// dngos dang dngos po med pa dag/ thar par 'gyur na de mi rigs// gal te mya ngan las
- 201b
'das pa dngos dang dngos po med pa'i gnyi ga'i rang bzhin du gyur na ni/ de'i tshe dngos po dang dngos po med pa thar bar 'gyur ro// de'i phyir 'du byed rnams kyi bdag nyid 'thob pa dang / de dang bral ba gang yin pa de nyid thar par 'gyur/ na/ 'du byed dag ni thar pa zhes bya bar rigs pa yang ma yin no// de nyid kyi phyir de mi rigs so zhes bshad do// gzhan yang / gal te mya ngan las 'das pa ni// dngos dang dngos med gnyis yin pa/ mya ngan 'das pa ma brten min// de gnyis brten nas yin phyir ro// gal te mya ngan las 'das pa dngos po dang dngos po med pa'i rang bzhin yin na ni/ de'i tshe rgyu dang rkyen gyi tshogs pa la brten cing bltos nas yin gyi/ ma brten par ni ma yin no// ci'i phyir zhe na/ gang gi phyir/ de gnyis brten nas yin phyir ro// ste/ dngos po la brten nas dngos po med pa yin zhing / dngos po med pa la brten nas dngos po yin pa'i phyir/ dngos po dang dngos po med pa de gnyi ga brten na yin gyi ma brten par ma yin no// mya ngan las 'das pa dngos po dang dngos po med pa'i rang bzhin yin pa'i phyir de ltar 'gyur ba zhig na/ de ni de ltar yang ma yin te/ de'i phyir 'di ni mi rigs so// gzhan yang / ji ltar mya ngan 'das pa ni// dngos dang dngos med gnyis yin te// mya ngan 'das pa 'dus ma byas// dngos dang dngos med 'dus byas yin// dngos po ni rang gi rgyu dang rkyen gyi tshogs pa las byung ba'i phyir 'dus byas yin la/ dngos po med pa yang dngos po la brten nas 'byung ba'i phyir dang / skye ba'i rkyen gyis rga shi zhes 'byung ba'i phyir 'dus byas yin no// de'i phyir gal te mya ngan las 'das pa dngos po dang dngos po med pa'i rang bzhin yin na ni/ de'i tshe de 'dus ma byas ma yin gyi/ 'dus byas nyid du 'gyur na/ 'dras byas su ni 'dod pa yang ma yin no// de'i phyir mya ngan las 'das pa dngos po dang dngos po med par mi rigs so// ci ste yang mya ngan las 'das pa
- 202a
ni dngos po dang dngos po med pa'i rang bzhin ma yin te/ 'o na ci zhe na/ mya ngan las 'das pa la dngos po dang dngos po med pa de dag yod pa yin no snyam na/ de yang mi rigs so// gang las she na/ gang gi phyir/ ji ltar mya ngan 'das pa la// dngos dang dngos med gnyis yod de/ dngos po dang dngos po med pa phan tshun 'gal ba dag kyang mya ngan las 'das pa gcig la yod pa ma yin te/ de'i phyir/ ji ltar mya ngan 'das pa la// dngos dang dngos med gnyis yod de// yod pa ma yin pa nyid do snyam du dgongs pa yin no// ji lta bur zhe na/ de gnyis gcig la yod min te// snang ba dang ni mun pa bzhin// ji ltar khyim gcigatu dus gcig gi tshe phan tshun 'gal bas/ snang ba dang mun pa dag yod pa ma yin pa de bzhin du/ de gnyis kyang mya ngan las 'das pa la yod pa ma yin no// da ni mya ngan las 'das pa dngos po ma yin zhing dngos po med pa yang ji ltar mi rigs pa de ltar bstan pa'i phyir// dngos min dngos po med min pa// mya ngan 'das par gang ston pa// dngos po med dang dngos po dag/ grub na de ni 'grub par 'gyur/ zhes gsungs te/ gal te dngos po zhes bya ba 'ga' zhig yod na ni/ de'i tshe de bkag pa'i sgo nas mya ngan las 'das pa dngos po ma yin pa zhes bya ba'i rtog pa 'dir 'gyur la/ gal te dngos po med pa 'ga' zhig yod na ni/ de'i tshe de bkag pas mya ngan las 'das pa dngos po med pa ma yin par 'gyur ba zhig na/ gang gi tshe dngos po dang dngos po med pa dag nyid yod pa ma yin pa de'i tshe de dag bkag pa yang yod pa ma yin no// de'i phyir mya ngan las 'das pa dngos po ma yin zhing / dngos po med pa yang ma yin no snyam du rtog pa gang yin pa de yang mi 'thad pas 'di ni rig pa ma yin no// gzhan yang / gal te mya ngan 'das pa ni// dngos min dngos po med
- 202b
min na// dngos min dngos po med min zhes// gang zhig gis ni de mngon byed// gal te mya ngan las 'das pa dngos po ma yin zhing dngos po med pa yang ma yin pa'i rang bzhin du yod do zhes rtog na/ da ni gang zhig gis rnam pa de lta bur gyur pa mya ngan las 'das pa gnyi ga'i ngo bo ma yin pa de yod do zhes bya bar mngon par byed de/ 'dzin pa 'am gsal bar byed/ ci mya ngan las 'das pa de la rnam pa de lta bu'i rtog pa po 'gab zhig yod dam 'on te med/ gal te yod na ni de ltar na mya ngan las 'das par yang bdag yod par 'gyur na/ 'dod pa ni ma yin te/ nye bar len pa med par bdag yod pa nyid ma yin pa'i phyir ro// ste med na ni de'i tshe rnam pa de lta bu'i mya ngan las 'das pa de yod par gang gis gcod par byed/ gal te 'khor ba na gnas pas yongs su gcod par byed do zhe na/ gal te 'khor ba na gnas pas yongs su gcod par byed na/ de ni rnam par shes pas gcod par byed dam/ 'on te ye shes kyis yin thang na/ gal te rnam par shes pa sa yin par rtog na/ de ni mi rigs so// ci'i phyir zhe na/ 'di ltar rnam par shes pa 'di ni mtshan ma la dmigs pa yin na/ mya ngan las 'das pa la ni mtshan ma cung zad kyang yod pa ma yin te/ de'i phyir re zhig de ni rnam par shes pas dmigs par byed pa ma yin no// ye shes kyis kyang gcod par byed pa ma yin te/ ye shes kyis ni stong pa nyid la dmigs par 'gyur dgos la de yang ma skyes pa'i rang bzhin nyid yin pas ji ltar yod pa ma yin pa'i rang bzhin des mya ngan las 'das pa dngos po ma yin ning / dngos po med pa ma yin pa zhes bya bar 'dzin par byed de/ ye shes ni spros pa thams cad las 'das pa'i rang bzhin yin pa'i phyir ro// de'i phyir mya ngan las 'das pa ni gang gis kyang dngos po ma
- 203a
yin zhing / dngos po med pa ma yin no zhes bya bar mngon par mi byed la/ mngon par ma byas shing gsal bar ma byas la/ ma bzung ba de ni de ltar yod do zhes bya bar mi rigs so// ji ltar mya ngan lam 'das pa la rtog pa bzhi po de dag rnam pa thams cad du mi srid pa de bzhin du/ mya ngan las 'das pa thugs su chud pa po de bzhin gshegs pa la yang rtog pa 'di dag srid pa ma yin no zhes bstan pa'i phyir/ bcom ldan mya ngan 'das gyur nas// yod par mi mngon de bzhin du// med do zhe 'am gcig 'am// gnyis min zhes kyang mi mngon no// zhes gsungs te/ 'di ltar gang gis 'dzin sug bzung gyur pa// de ni mya ngan 'das pa la// de bzhin gshegs pa yod ce'am// med ces rnam rtog rtag par byed// ces gong du bshad zin to// de ltar na re zhig de bzhin gshegs pa mya ngan las 'das phan chad yod pa'am med do zhes bya bar mi mngon no// 'di gnyis med pas gnyi ga'i zhes bya bar yang mi mngon no// gnyi ga med pa nyid kyis na gnyig ma yin pa zhes bya bar yang mi mngon zhing mi 'dzin pa yin no// bcom ldan 'das mya ngan las 'das nas rnam pa bzhir mi mngon pa 'ba' zhig tu ma zad kyi/ gzhan yang / bcom ldan bzhugs par gyur na yang // yod par mi mngon de bzhin du// med do zhe'am gnyi ga dang // gnyis min zhes kyang mi mngon no// ji ltar mi mngon pa de ltar ni de bzhin gshegs pa brtag par bstan zin pa nyid do// de nyid kyi phyir/ 'khor ba bya ngan 'das pa las khyad par cung zad yod ma yin// mya ngan 'das pa'ang 'khor ba las// khyad par cung zad yod ma yin/ gang gi phyir bcom ldan 'das bzhugs pa na yang yod do zhes bya ba la sogs pa mi mngon la/ mya ngan las 'das pa na yang yod do zhes bya ba la sogs par mi mngon pa de nyid kyi phyir 'khor ba dang mya ngan las 'das/
- 203b
pa gnyis la ban nan byed par 'ga' yang yadang bu ma yinate/ rnam par dbyang na dang bzhin mtshungs pa'i byer do// klung yang bcom ldan 'das kyis 'di dang / dge slong dag skye ba dang na 'bar ba / bdu tha mad de zhes gsungs pa yang 'dind kyi phyir bang pa yin// bgyu ba dang myangan las 'das pa gnyis la zad par med pa'i phyir ro// 'di lta/ myang na 'dus mtha~Mng gang na pa// da pa mtha yin// dganyis kyang par rlung zad ni// shin tha ma pa'ang yod ma yin// myang ngams 'das pa dang 'thor ba byad par med pa'athor/ sngon dang bye ma'i mthar rtag pa yod pa ma yin pa 'bang na tu mazad kyi/ gang 'das pan cha mtha' chags dang // ga la sogs pa sgrub dang/ myu na 'das dang phyi mtha' dang // mngon gyi mtha' la brtan pa yin pa de dag kyang de nyid kyi phyir mi 'thad pa yinaH/ ba dang byang napas 'das pa gnyis yang rang bzhin gyis ni banyid dru gcig pa 'bye nga // dul 'das pan nga ces tha ba'i nyi bar mtshan pa 'dis nimapa byu // 'dis ste/ nas gongs pan cad yod pa dang / de bzhin gshegs pa grangs pan chad med pa dang / de bzhin gshegs pa rmongs pan chad med kyang yod la myed kyang med pa dang / de bzhin gshegs pa rmongs pan nga mayin med pa yang pa yin na zhes pabs/ ba can pa 'dag ni myang na las 'dus pa la mtshag tu dzin pa zhugs pa'o// mtha la rnags pa pang / pa bzhig 'dis ste tanam pa dang ldan na// 'jig rten mthar dang mi na ga dam dang ldan pa yang yan lams 'dang mime ldan pa yang len no// mtha' dang ldan pa yang ma yin pa mtha' dang ldan pa yang ma yin na nas thab sa// lab zhi pa 'di dag na kyi ma mtha pa na
- 204a
te 'jug pa yin no// de la bdag dang 'jig rten la 'ongs pa'i skye ba ma mthong bas 'jig rten mtha' dang ldan no zhes de ltar rtog pa na/ phyi ma'i mtha' la brten nas 'jug par 'gyur ro// de bzhin du ma 'ongs pa'i skye ba mthong bas 'jig rten mtha' dang mi ldan no zhes 'jug cing / mthong ba dang ma mthong bas ni gnyi gar rtogs par 'gyur la/ gnyi ga bkag pas ni mtha' dang ldan pa yang ma yin mtha' dang mi ldan pa yang ma yin no zhes bya bar rtog par 'gyur ro// 'jig rten rtag go/ 'jig rten mi rtag go/ 'jig rten rtag kyang rtag la mi rtag kyang mi rtag go/ rtag pa yang ma yin mi rtag pa yang ma yin no zhes bya ba lta ba bzhi po 'di dag ni sngon gyi mtha' la brten nas 'byung ba yin no// de la bdag dang 'jig rten la 'das par skye ba mthong bas 'jig rten rtag go snyam du rtogs par 'gyur la/ ma mthong bas ni mi rtag go snyam du rtogs par 'gyur ro// mthong ba dang ma mthong bas ni rtag kyang rtag la mi rtag kyang mi rtag go snyam du rtogs par 'gyur la/ mthong ba yang ma yin ma mthong bar yang ma yin pas rtag pa yang ma yin mi rtag pa yang ma yin no snyam du rtogs par 'gyur ro// lta ba 'di dag ji ltar rung bar 'gyur zhe na/ gal te dngos po gang zhig la rang bzhin 'ga' zhig yod na ni/ de la dngos po dang dngos po med pa brtags pas lta ba 'di dag yod par 'gyur ba zhig na/ gang gi tshe 'khor ba dang mya ngan las 'das pa gnyis la khyad par med par bstan pa de'i tshe/ dngos po thams cad stod pa la// mtha' yod ci zhig mtha' med ci// mtha' dang mtha' med ci zhig yin// mtha' dang mtha' med min pa ci// de nyid ci zhig gzhan ci yin// rtag pa ci zhig mi rtag ci// rtag dang mi rtag gnyi ga ci// gnyi ga min pa'ang ci zhig yin// lung du ma bstan
- 204b
pa'i dngos po bcu bzhi po 'di dag kyang dngos po'i rang gi ngo bo med na mi rigs pa nyid do// gang zhig dngos po'i rang gi ngo bo sgro btags te/ de dang bral ba dang ma thal ba las lta ba 'di dag bskyed nas/ mngon par zhen/ pa de'i mngon par zhen pa 'dis mya ngan las 'das pa'i grong khyer du 'gro ba'i lam 'gog cing / 'khor ba'i sdug bsngal dag la sbyor bar byed pa yin no zhes shes par bya'o// 'dir smras pa/ gal te de ltar khyed kyis/ mya ngan las 'das pa yang bkag na/ de ltar yin na/ bcom ldan 'das sems can gyi phung po spyod pa mtha' yas pa'i rjes su 'jug pa/ 'gro ba'i bsam pa'i rang bzhin byin ci ma log par thugs su chud pa/ thugs rje chen po'i gzhan dbang du gyur pas/ 'jig rten gyis mya ngan las 'das pa 'thob par mdzad pa'i slad du/ spyod pa'i gnyen por rjes su mthun pa'i chos bstan pa gang yin pa de don med par 'gyur ro// brjod par bya ste/ gal te chos zhes bya ba 'ga' zhig gam/ chos de'i nyan pa po'i sems can 'ga' zhig gam/ sangs rgyas bcom ldan 'das zhes bya ba ston pa po 'ga' zhig yod na ni de'i tshe 'di de ltar 'gyur na/ gang gi tshe/ dmigs pa thams cad nyer zhi zhing // spros pa nyer zhi zhi ba ste// sangs rgyas kyis ni gang du yang // su la'ang chos 'ga' ma bstan to// ste/ ma gsungs pa de'i tshe kho bo cag la ji skad smras pa'i nyes pa thal ba ga la 'gyur/ 'dir spros pa ste mtshan ma rnams gang nye bar zhi ba ste/ mi 'jug pa gang yin pa de mya ngan las 'das pa yin la/ nye bar zhi ba de nyid ni zhi ba ste rang bzhin gyis nye bar zhi ba'i phyir ro// yang na tshig mi 'jug pas spros pa nyer zhi yin la// sems mi 'jug pas zhi ba'o// yang na nyon mongs pa rnams mi 'byung bas spros pa nyer zhi yin la/ skye ba mi 'byung bas zhi ba'o// yang na nyon mongs pa spangs
- 205a
pas spros pa nyer zhi yin la/ bag chags ma lus par spangs pas zhi ba'o// yang na shes bya ma dmigs pas spros pa nyer zhi yin la/ shes pa ma dmigs pas zhi ba'o// gang gi tshe de ltar sangs rgyas bcom ldan 'das rnams nam mkha' la ngang pa'i rgyal po dag rang gi gshog pa brdabs pa'i rlung la gnas pa'am/ nam mkha' ci yang ma yin pa nyid kyi phyir rlung nam mkha' la gnas pa ltar/ mya ngan las 'das pa spros pa thams cad nye bar zhi zhing / zhi ba'i ngo bo la mi gnas pa'i tshul gyis gnas pa/ de'i tshe mtshan ma thams cad nye bar ma dmigs pa'i phyir/ gang du yang rung ste lha yul lam mi yul dag tu/ lha'am mi su la yang kun nas nyon mongs pa 'am rnam par bya ba'i chos 'ga' yang ma bstan to zhes bya bar shes par bya'o// ji skad du/ 'phags pa de bzhin gshegs pa'i gsang ba'i mdo las/ zhi ba'i blo gros gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa dang / gang gi nub mo len pa mi mnga' bar yongs su mya ngan las 'da' bar 'gyur ba de'i bar du/ de bzhin gshegs pas tha na yig 'bru gcig kyang ma gsungs so// rab tu ma gsungs so// gsung bar mi 'gyur ro zhes gsungs so// de bzhin du thams cad tshig med yi ge med// gdod nas zhi zhing dri med stong // chos rnams de ltar sus shes pa// de ni gzhon nu sangs rgyas brjod// ces gsungs so// gal te de ltar sangs rgyas kyis gang du yang su la yang chos 'ga' yang ma bstan na/ 'o na ji ltar gsung rab kyi tha snyad shin tu sna tshogs pa de dag mngon par 'gyur zhe na/ brjod par bya ste/ bcom ldan 'das 'di kho bo cag la chos 'di dag bstan to zhes bya ba 'di ni/ lus can ma rig pa'i gnyid dang ldan zhing rmi lam rmi bzhin pa rnams
- 205b
kyi rang gi rnam par rtog pa las byung ba yin no// ji skad du/ bcom ldan 'das kyis/ de bzhin gshegs pa zag pa med pa yi// dge ba'i chos kyi gzugs brnyan lta bu yin// de bzhin nyid dang de bzhin gshegs pa med// 'jig rten thams cad kyis ni gzugs brnyan mthong / zhes gsungs pa lta bu'o// de bzhin du 'di ni de bzhin gshegs pa'i gsang ba bstan pa'i le'u las rgya cher bstan pa yin te/ de'i phyir mya ngan las 'das pa'i slad du chos bstan pa med pas chos bstan pa yod pa'i phyir/ mya ngan las 'das pa yod pa nyid du ga la 'gyur/ de'i phyir mya ngan las 'das pa yang med do zhes bya bar grub po// bcom ldan 'das kyis kyang mya ngan 'das med myang 'das su// 'jig rten mgon gyis bstan pa ste// nam mkha' mdud pa bor ba ni// nam mkha' nyid kyis bkrol ba yin// zhes gsungs pa yin no// de bzhin du/ bcom ldan 'das gang dag chos 'ga' zhig skye ba 'am 'gag par 'tshal ba/ de dag la ni sangs rgyas 'byung ba ma lags so// bcom ldan 'das gang dag 'khor ba dngos por 'tshal ba de dag ni/ 'khor ba las 'da' ba ma lags so// de ci'i slad du zhe na/ bcom ldan 'das mya ngan las 'das pa zhes bgyi ba ni/ gang mtshan ma thams cad rab tu zhi ba/ rnam par rtog pa thams cad 'gags pa lags na/ bcom ldan 'das skyes bu blun po legs par gsungs pa'i chos 'dul ba la rab tu byung nas/ mu stegs kyi lta bar lhung ba de dag ni/ 'di lta ste/ til las til mar dang / 'o ma las mar gsar ltar mya ngan las 'das pa dngos po las tshol bar bgyid do// bcom ldan 'das gang dag chos thams cad shin tu mya ngan las 'das pa la/ mya ngan las 'das pa tshol ba mngon pa'i nga rgyal can de dag ni/ mu stegs can yin no zhes kho bo gleng ste/ bcom ldan 'das rnal 'byor spyod pa
- 206a
yang dag par zhugs pa ni/ chos gang yang skye ba'am 'gag par mi bgyid la/ chos gang yang 'thob pa dang / mngon par rtog par mi 'tshal lo zhes rgya cher gsungs so// so dpon zla ba grags pa'i zhal snga nas sbyar ba'i tshig gsal ba las/ mya ngan las 'das pa brtag pa zhes bya ba rab tu byed pa nyi shu rtsa lnga pa'i 'grel pa'o// // 'dir/ rten cing 'brel par 'byung ba gang // de ni stong pa nyid du bshad// de ni brten nas gdags pa ste// de nyid dbu ma'i lam yin no// zhes gang bshad na gang zhig stong pa nyid ces bya bar brjod pa rten cing 'brel par 'byung ba de gang yin zhes smra'o// rnam pa gcig tu na/ gang 'di skad du/ gang gis rten cing 'brel bar 'byung // mthong ba des ni sdug bsngal dang // kun 'byung dang ni 'gog pa dang // lam nyid de dag mthong ba yin// zhes bshad pa/ rten cing 'brel par 'byung ba de go gang yin zhe'o// de'i phyir de'i yan lag gi rab tu dbye ba brjod par bzhed nas 'di skad du/ ma rig bsgribs pas yang srid phyir// 'du byed rnam pa gsum po dag/ mngon par 'du byed gang yin pa'i// las de dag gis 'gro bar 'gro// zhes gsungs so// de la b.rig ban brnyes pa ste/ mun pa dang yang dag pa ji lta ba la sgrib par byed pa'o// mdoge pa des bsgribs shing bkab pa'i gang zag gis yang srid pa'i phyir ta yang srid pa'i dan dang / yang sted pa 'byung bar bya ba phyir gang dge ba la sogs pa'i sems pa dag mngon par 'du byed cing skyed par byed do// 'du byed de dag ni yang srid pa mngon par 'du byed pas 'du byed do// de dag kyang rnam pa gsum ste/ dge ba dang mi dge ba dang mi g.yo ba'o// yang na lus kyi dang ngag gi dang yid kyi'o// gang zag ma rigs pas bsgribs pas las kyi mtshan nyid can 'du byed rnam pa gsum byed la/ mngon par 'dus byas pa 'du byed las te las kyi ming can de dag gis ni de'i rgyus
- 206b
dra nga sa mas sa nga ma pa ga ma tham sa gas sa ya ma sa rnam nga ma nga sa sa nga bam ma sa kyang mas ma pa 'am pa mas sa sa sa sa sa ma byung ba 'gro bar 'gro bar 'gyur ro// de nas de'i/ 'du byed rkyen can rnam par shes// 'gro ba rnams su 'jug par 'gyur// gang zag 'du byed byas shing bsags pa de'i rnam par shes pa 'du byed kyi rgyu can 'khor ba don ma yin pa'i sa bon du gyur pa ni 'gro ba 'du byed dang mthun par lha la sogs pa rnams su 'jug pa ste rab tu 'jug cing skye bar 'gyur ro// de nas dus phyis/ rnam par shes pa zhugs gyur na// ming dang gzug ni chags par 'gyur// de la las dang nyon mongs pas bsgos pas skye ba'i gnas de dang der bkri bas na ming yin pa'am/ yang na don drag la ming gi dbang gis rgyug pas na ming ste/ gzugs can ma yin pa'i phung po bzhi la ring zhes bsnyad do// gzhig tu rung bas ni gzugs te gnod par byar rung zhes bya ba'i tha tshig go// gzugs 'di dang sngar ming gnyis po 'di dag bsdoms te ming dang gzugs shes rnam par bzhag go// de la gzugs dang gzugs brnyan gyi tshul gyis tha ma 'chi ba'i phung po rnams 'gags pa na skad cig gcig kho na la srang mda'i mtho dman gyi tshul du skye ba'i cha'i phung po rnams las kyis ji ltar 'phangs pa lhur skye bar 'gyur ro// de'i phyir de ltar ma'i mngal du rnam par shes pa brgyal bar 'gyur na/ rnam par shes pa'i rkyen can gyi ming dang gzugs chags par 'gyur te/ rang cing byung bar 'gyur zhes bya ba'i don to// gal te 'gro bar rnam par shes pa brgyal bar ma gyur na ni de'i tshe ming dang gzugs 'byung bar mi 'gyur te/ dga' bo rnam par shes pa de gal te ma'i mngal du zhugs par gyur na ni/ de'i tshe nur nur po de nur nur po nyid du 'grub par mi 'gyur ro zhes 'byung ba'i phyir ro// de'i phyir de ltar na/ ming dang gzugs ni chags gyur na// skye mched drug ni 'byung bar 'gyur// sdug bsngal 'byung
- 207a
ba la skyed par byed pa nyid du gyur pa'i phyir/ skye ba'i sgo'i dngos po nyid kyis na mig dang rna ba dang sA dang lce dang lus dang yid ces bya ba skye mched drug po ming dang gzugs kyi rgyu can skye bar 'gyur ro// des mig gis gzugs rnams mthong nas yid bde bo'i gnas su mngon par zhen par 'gyur ro zhes bya ba la sogs pas na/ skye mched drug ni sdug bsngal 'byung ba'i skye ba'i sgo nyid yin no// de'i phyir de ltar skye mched drug 'byung ba yin dang / dus phyis/ skye mched drug la brten nas ni// reg pa yang dag 'byung bar 'gyur ro// reg pa 'di yang gang zhig yin zhing // ji ltar skye bar 'gyur zhe na/ bstan pa'i phyir/ mig dang gzugs dang dran byed la/ brten nas skye ba kho na ste// de ltar mig gzugs brten nas ni// rnam par shes pa skye bar 'gyur// mig dang gzugs dang rnam par shes// gsum po 'dus pa gang yin pa// de ni reg pa'o// zhes gsungs so// de la mig dang gzugs dag dang dran byed de/ yid la byed pa yul la sogs pa dang mi mthun pa rnam par shes pa'i sa bon du gyur pa mtshungs pa de ma thag pa'i rkyen la brten nas mig gi rnam par shes pa skye ba yin no// de la mig dang gzugs kyi mched ni gzugs so// dran byed phung po bzhi'i mtshan nyid can ni ming ste/ de'i phyir gsum po 'di la brten nas skye ba'i mig gi rnam par shes pa de ni ming dang gzugs la brten nas skye ba yin no// de'i phyir dbang po dang yul dang rnam par shes pa gsum po 'di dag 'dus pa gang yin pa ste/ lhan cig skye zhing phan tshun pa na 'dogs pas 'dra// bar zhugs pa gang yin pa de ni reg pa'i mtshan nyid kyi reg pa'o// de nas dus phyis reg de las// tshor ba kun tu 'byung bar 'gyur// yul yid du 'ong ba dang yid du mi 'ong ba dang gnyi ga las bzlog pa nyams
- 207b
su myong ba yul gyi myong ba rig pas na/ tshor ba yin pa ni tshor ba zhes bya ste/ bde ba dang sdug bsngal dang / bde ba yang ma yin sdug bsngal ba yang ma yin pa'o// gzugs dang rnam par shes pa dang / mig dang gsum po 'di dag 'dus pa'i mtshan nyid can reg pa la brten nas tshor ba yin par ji skad du bshad pa de bzhin du/ dbang po dang yul dang rnam par shes pa lhag ma dag gsum 'dus pa'i mtshan nyid kyi reg pa'i rgyu can gyi tshor ba yang bshad par rig par bya'o// de nas dus phyis/ tshor ba'i rkyen gyis sred pa ste/ kun tu 'byung bar 'gyur zhes bsnyegs so// sred pa gang la tshor ba'i rkyen yod pa de ni/ tshar ba'i rkyen gyis so// sred pa de yang ci'i yul tan zhig yin zhe na/ tshe ra ba'i yul can nyid do// ci'i phyir zhe na/ gang gi phyir sred pa can de/ tsho ra ba'i don du srid par 'gyur// tshor ba'i ched du mngon par 'dod pa bskyed zhes bya ba'i don to// ji ltar zhe na/ re zhig gal te de la tshor ba bde ba skyes nas ni de yang dang yang du de dang mi 'bral bar bya ba'i phyir sred par 'gyur ro// ci ste sdug bsngal skyes na ni de'i tshe de dang bral bar bya ba'i phyir srong par 'gyur ro// 'on nye bde ba yang ma yin sdug bsngal ba yang ma yin pa skyes na ni/ de mi nyams par bya ba'i phyir sred par 'gyur te/ de ltar na tshor ba'i don du sred par 'gyur ro// de de ltar/ sred par 'gyur na nye khar len// rnam pa bzhi po nyer len 'gyur// de ltar tshor ba dag la mngon par zhen zhing chags pa de ni sred pa'i rkyen can las 'phel ba'i rgyu 'dod pa dang / lta ba dang tshul khrims dang brtul zhugs dang bdag tu smra/ ba zhes bya ba rnam pa bzhi po yongs su 'dzin par 'gyur te/ de ni de'i sred pa'i rkyen gyis len pa yin no// de nas dus phyis/ nyer len yod na len pa po'i// srid pa rab tu 'byung bar 'gyur// gal te nye bar len mo/
- 208a
na// grol bar 'gyur te srid mi 'gyur// srid pa de yang phung po lnga// nye bar len pa ji skad du bshad pa rnam pa bzhi'i len pa po ste/ 'dzin pa po skyed par byed pa'o// nye bar len pa po de'i nye bar len pa'i rkyen gyis srid pa skye bar 'gyur ro// ci'i phyir zhe na/ gang gi phyir gal te nye bar len pa po gang gis tshor ba la sred pa ma bskyed cing / so sor rtog pa'i stobs kyis sred pa bdag gir ma byas par len pa rnam pa bzhi po spangs nas gnyis su med pa'i ye shes dri ma med pa mngon du byas pa las nye bar len pa med par gyur na ni/ de grol bar 'gyur zhing de'i tshe de'i srid pa yod par mi 'gyur ro// srid pa de yang gang zhig rkyen/ sred pa de yang phung po lnga ste/ gang zhig nye bar len pa las rab tu 'byung ba de ni phung po lnga'i rang bzhin du rig par bya'o// lum dang ngag dang yid kyi las rnam pa gsum char yang 'di las ma 'ongs pa'i phung po lnga 'byung bas na srid pa zhes bya bar bsnyad do// de la lus dang ngag gi las ni gzugs kyi phung po'i rang bzhin yin la/ yid kyi las ni phung po bzhi'i rang bzhin yin te/ de ltar na srid pa de phung po lnga yin no// zhes shes par bya'o// srid pa de las skye ba 'byung // ste/ ma 'ongs pa'i phung po 'byung ba ni skye ba yin la/ de yang srid pa las rab tu 'byung ngo // de nas dus byis/ rga shi dang ni mya ngan dang // smre sngags 'don bcas sdug bsngal dang // yid mi ba de dang 'khrug pa rnams// de dag skye las rab tu 'byung // skye ba'i rgyu can rba shi la sogs pa de dag 'byung bar 'gyur ro// de dag gi bshad pa ni mdo ji lta ba bzhin rig par bya ste/ de la rga ba ni phung po yongs su smin pa'o// 'chi ba ni rgas pa'i phung po 'jig pa'o// mya ngan ni 'gro zhing 'chi bzhin pa'i kun tu rmongs pa'i mngon par chags pa dang bcas pa'i snying gi gdung ba'o// papa pa ma mam sa mam sa ma ma pa thams rang rang ma par yang ma pa thams cam ba thams mtha thamam thamam pas pa mtsham mamam mngamamamamamam sams pa mas ngamamamams ya mas kya mas mang sa byasasas mtha thams sams ma ma ma dpa tha mas samasasam sa mas ma
- 208b
smre sngags 'don pa ni mya ngan gyis kun nas bsrung ba'i ngag gi brjod pa'o// sdug bsngal ni dbang po lnga la gnod pa'o// yid mi bde ba ni yid du mi 'ong ba 'bab pa'o// 'khrug pa ni sdug bsngal dang yid mi bde ba mang po 'byung ba'o zhes bya'o// de'i phyir de ltar ji skad bshad pa'i tshul gyis/ de ltar sdug bsngal phung po ni// 'ba' zhig po 'di 'byung bar 'gyur ro// de ltar zhes bya ba ni rgyu dang rkyen tsam gyi stobs kyis zhes bya ba'i don to// sdug bsngal phung po ni zhes bya ba ni sdug bsngal gyi tshogs dang khyu ste sdug bsngal spungs pa zhes bya ba'i tha tshig go// 'ba' zhig pa zhes bya ba ni bdag dang bdag gi ba'i rang bzhin dang bral ba zhes bya/ ba'i don dang / byis pa'i skye bos brtags pa tsam sdug bsngal gyi bdag nyid bde ba dang ma 'dres pa zhes bya ba'i tha tshig go// gang gi phyir de ltar ma rig pa la sogs pa las srid pa'i yan lag rnams 'byung ba de'i phyir/ 'khor ba'i rtsa ba 'du byed de/ de phyir mkhas rnams 'du mi byed// de phyir mi mkhas byed po yin// mkhas pas de nyid mthong phyir ro// de la 'khor ba rnam par shes pa la sogs pa 'jug pa'i mtshan nyid can gyi rtsa ba ste/ rgyu'i gtso bo ni 'du byed rnams yin te/ de'i phyir mi mkhas pa ni 'khor ba'i rtsa ba 'du byed rnams 'du byed de/ dge slong dag ma rig pa dang rjes su 'brel pa'i skyes bu gang zag ni bsod nams mngon par 'du bya ba yang mngon par 'du byed do// bsod nams ma yin pa mngon par 'du bya ba yang mngon par 'du byed do// mi g.yo ba mngon par 'du bya ba yang mngon par 'du byed do// zhes bcom ldan 'das kyis gsungs pa'i phyir ro// / gang gi phyir de ltar na/ mi mkhas pa byed pa po yin pa de'i phyir/ ma rig pa dang ldan pa'i gang zag kho na 'du byed rnams kyi byed pa por 'gyur gyi/ mkhas pa de nyid mthong ba ma rig pa spangs pa de ni ma yin no// ci'i phyir zhe na/
- 209a
de nyid mthong ba'i phyir ro// ste de nyid mthong ra ni dngos po thams cad mi dmigs pas gang la dmigs nas las byed par 'gyur ba de/ cung zad kyang yod pa ma yin no// de'i phyir de nyid mthong ba'i phyir mkhas pa byed pa po ma yin no// gang gi phyir de ltar ma rig pa yod na 'du byed rnams 'byung la med na mi 'byung ba de'i phyir/ ma rig 'gag par gyur na ni// 'du byed rnams kun 'byung mi 'gyur// te/ rgyu ma tshangs pa'i phyir ro// ma rig pa de gang las 'gag par 'gyur zhe na/ ma rig 'gags par gyur na ni// shes pas de nyid bsgoms pas so// rten cing 'brel par 'byung ba de nyid phyin ci ma log pa ji lta ba bzhin bsgoms pas ma rig pa rab tu spong bar 'gyur ro// 'di ltar gang gis rten cing 'brel par 'byung ba yang dag par mthong ba des ni dngos po phra mo'i yang rang gi ngo bo dmigs pa ma yin te/ gzugs brnyan ltar dngos po rnams rang bzhin gyis stong pa nyid du 'jug par 'gyur ro// de de ltar dngos po thams cad rang bzhin gyis stong pa nyid du zhugs pas chos cung zad kyang dmigs par mi 'gyur ro// de ma rig pas 'gar yang mi rmongs so// ma rmongs pas las mi byed do// de ltar na rten cing 'brel par 'byung ba bsgoms pas de kho na nyid la 'jug par 'gyur la/ de nyid mthong ba'i rnal 'byor pa'i mi rig pa nges par spong bar 'gyur ro// ma rig pa spangs pas 'du byed 'gag par 'gyur ro// de ltar ma rig pa 'gags pas 'du byed rnams ji ltar 'gag pa de bzhin du/ de dang de ni 'gags gyur pas// de dang de ni mngon mi 'byung // sdug bsngal phung po 'ba' zhig pa// de ni de ltar/ yang dag 'gag/ yan lag snga ma snga ma 'gags pas yan lag phyi ma phyi ma 'gag par 'gyur ro zhes shes par bya'o// rim pa 'dis ni rnal 'byor pa'i sdug bsngal gyi phung po sdug bsngal gyi tsho gas bdag dang
- 209b
bdag gi la sogs pa yang dag par ma yin par lta ba dang bral ba/ byed pa po dang tshor ba po dang bral ba rang bzhin gyis stong pa slar mi 'byung bas yang dag par 'gag par 'gyur ro// ji skad du 'phags pas lu ldang ba'i mdo las/ de bzhin du nang gi rten cing 'brel par 'byung ba gnyis kyi phyir 'byung ste/ gnyis gang zhe na/ 'di lta ste/ rgyu dang 'brel pa dang rkyen dang 'brel pa'o// de la nang gi rten cing 'brel par 'byung brgya dang 'brel par 'byung ba gang zhe na/ gang 'di ma rig pa'i rkyen gyis 'du byed rnams/ 'du byed kyi rkyen gyi rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gis rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis gshi dang mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'ba' zhig po 'byung bar 'gyur ro// gal te ma rig pa ma byung na 'du byed rnams kyang mi mngon pa zhig go// de bzhin du skye ba ma byung du zin na rga shi'i bar du mi mngon pa zhig na/ 'on kyang ma rig pa yod pa las 'du byed rnams mngon par 'grub par 'gyur ba nas/ de bzhin du skye ba yod pa las rga shi'i bar du mngon par 'grub par 'gyur ro// de la ma rig pa yang 'di snyam du bdag gis 'du byed rnams mngon par sgrub po snyam du mi sems so// 'du byed rnams kyang 'di snyam du bdag cag ni ma rig pas mngon par bsgrubs so snyam du mi sems pa nas de bzhin du skye ba yang 'di snyam du bdag gis rga shi mngon par sgrub po snyam du mi sems shing / rga shi yang 'di snyam du bdag ni skye bas mngon par bsgrubs sa
- 210a
snyam du mi sems pa'i bar du ste/ 'on kyang ma rig pa yod pa las 'du byed rnams mngon par 'grub cing 'byung bar 'gyur ba nas/ de bzhin du skye ba yod pa las rga shi'i bar du mngon par 'grub cing 'byung bar 'gyur te/ de ltar na nang gi rten cing 'brel par 'byung ba rgyu dang 'brel par lta'o// nang gi rten cing 'brel par 'byung ba rkyen dang 'brel par ji ltar lta zhe na/ khams drug 'dus pa'i phyir te/ khams drug po gang dag 'dus pa yin zhe na/ 'di lta ste/ sa dang chu dang me dang rlung dang nam mkha' dang / rnam par shes pa'i khams 'dus pa las nang gi rten cing 'brel par 'byung ba rkyen dang 'bral bar lta'o// de la nang gi rten cing 'brel par 'byung ba'i sa'i khams zhe na/ gang 'di 'dus nas lus kyi sra ba'i dngos po mngon par 'grub par byed pa 'di ni sa'i khams zhes bya'o// gang lus sdud pa'i bya ba byed pa 'di ni chu'i khams zhes bya'o// gang lus kyi zos pa dang 'thungs pa dang chos pa dang myangs pa rnams 'ju bar byed pa 'di ni ma'i khams zhes bya'o// gang lus kyi dbugs phyi nang du rgyu ba'i bya ba byed pa 'di ni rlung gi khams zhes bya'o// gang lus kyi nang sbubs yod par byed pa 'di ni nam mkha'i khams zhes bya'o// gang mdung khyim gyi tshul du ming dang gzugs mngon par 'grub par byed pa rnam par shes pa'i tshogs lnga 'dus pa dang / zag pa dang bcas pa'i yid kyi rnam par shes pa 'di ni rnam par shes pa'i khams zhes bya'o// rkyen de dag med par lus skye bar mi 'gyur gyi/ nang gi sa'i khams tshang zhing / de bzhin du chu dang mi dang rlung dang nam mkha' dang rnam par shes pa'i khams rnams kyang tshang bar gyur la/ thams cad 'dus pa de las lus mngon par 'grub par 'gyur ro// de la sa'i khams kyang 'di
- 210b
snyam du bdag gis 'dus nas lus kyi sra ba'i dngos po mngon par sgrub po snyam du mi sems so// chu'i khams kyang 'di snyam du bdag gis lus kyi sdud pa'i bya ba bya'o snyam du mi sems so// me'i khams kyang / 'di snyam du bdag gis lus kyi zos pa dang 'thungs pa dang 'chos pa dang myangs pa rnams 'ju bar bya'o// snyam du mi sems so// rlung gi khams kyang 'di snyam du bdag gis lus kyi dbugs phyi nang du rgyu ba'i bya/ ba bya'o snyam du mi sems so// nam mkha'i khams kyang 'di snyam du bdag gis lus kyi nang sbubs yod par bya'o snyam du mi sems so// rnam par shes pa'i khams kyang 'di snyam du bdag gis lus kyi ming dang gzugs mngon par sgrub bo snyam du mi sems so// lus kyang 'di snyam du bdag ni rkyen 'di dag gis bskyed do snyam du mi sems mod kyi/ 'on kyang rkyen 'di dag yod na lus skye bar 'gyur ro// de la sa'i khams nibadag ma yin sems can ma yin srog ma yin skye ba po ma yin shed las skyes pa ma yin/ shed bu ma yin/ bud med pa yin/ skyes pa ma yin/ ma ning ma yin/ nga ma yin/ bdag gi ma yin te/ gzhan su'i yang ma yin no// de bzhin du chu'i khams dang / me'i khams dang / rlung gi khams dang / nam mkha'i khabs dang / rnam par shes pa'i khams kyang bdag pa yin/ sems can ma yin/ srog pa yin/ skyeb po ma yin/ shed las skyes pa yin/ shed bu ma yin/ bud med ma yin/ skyes pa ma yin/ ma ning ma yin/ nga ma yin/ bdag gi ma yin/ gzhan su'i yang ma yin no// de la ma rig pa gang zhe na/ khams drug po 'di dag nyid la gang gtsug pur 'du shes pa dang / ril por 'du shes pa dang / rtag par 'du shes pa dang / brtan par 'du shes pa dang / ther zug tu 'du shes pa dang / bde bar 'du shes pa dang / bdag tu 'du/
- 211a
shes pa dang / sems can du 'du shes pa dang / srog tu 'du shes pa dang / skye ba po dang / gso ba dang / skyes bu dang / gang zag tu 'du shes pa dang / shed las skyes pa dang / shed bur 'du shes pa dang / nga zhes bya ba dang / bdag go zhes bya bar 'du shes pa ste/ 'di lta bu la sogs pa mi shes pa rnam pa sna tshogs pa 'di ni ma rig pa zhes bya'o// de ltar ma rig pa yod pas yul rnams la 'dod chags dang zhe sdang dang gti mug 'jug ste/ de la yul rnams 'dod chags dang zhe sdang dang gti mug gang yin pa 'di ni ma rig pa'i rkyen gyis 'du byed rnams zhes bya'o// dngos po so sor rnam par rig pa ni rnam par shes pa'o// rnam par shes pa dang lhan cig 'byung ba gzugs can ma yin pa nye ba re len pa'i phung po bzhi po de dag ni ming yin la/ 'byung ba chen po bzhi dang / de dag rgyur byas pa ni gzugs te/ ming de dang gzugs de gcig tu bsdus pa de ni ming dang gzugs so// ming dang gzugs la brten pa'i dbang po rnams ni skye mched drug go// gsum 'dus pa ni reg pa'o// reg pa myong ba ni tshor ba'o// tshor ba la zhen pa ni sred pa'o// srad pa 'phel ba ni len pa'o// len pa las skyes pa yang srid pa bskyed pa'i las ni srid pa'o// rgyu de las phung po byung ba ni skye ba'o// skyes nas phung po smin pa ni rga ba'o// rgas nas phung po 'jig pa ni 'chi ba'o// 'chi zhing myos te mngon par chags pa dang bcas pa'i nang gi yongs su gdung ba ni mya ngan no// mya ngan las byung ba'i tshig tu smra ba ni smre sngags 'don pa'o// rnam par shes pa'i tsho gas lnga dang mtshungs par ldan pa'i mi bde ba myong ba ni sdug bsngal lo// yid dang mtshungs par ldan pa yid kyi sdug bsngal ni yid mi bde ba'o// gzhan yang / 'di lta bu la sogs pa nye ba'i nyon mongs pa gang yin pa de dag ni 'khrug pa zhes bya ba'o//
- 211b
de la mun pa chen po'i phyir ma rig pa'o// mngon par 'du byed pa'i phyir 'du byed rnams so// rnam par rig pa'i phyir rnam par shes pa'o// phan tshun brten pa'i phyir ming dang gzugs so// skye ba'i sgo'i phyir skye mched drug go// reg pa'i phyir reg pa'o// myong ba'i phyir tshor ba'o// brnam pa'i phyir sred pa'o// nye bAr len pa'i phyir len pa'o// yang srid pa bskyed pa'i phyir srid pa'o// phung po'i byung ba'i phyir skye ba'o// phung po/ smin pa'i phyir rga ba'o// 'jig pa'i phyir 'chi ba'o// mya ngan byed pa'i phyir mya ngan no// tshig gi sme ba'i phyir smre sngags 'don pa'o// lus la gnod pa'i phyir sdug bsngal lo// sems la gnod pa'i phyir yid mi bde ba'o// nyon mongs pa'i phyir 'brug pa'o// yang na de kho na nyid mi rtogs shing log par shes te ma shes pa ni ma rig pa'o// de ltar ma rig pa yod na 'du byed rnam pa gsum mngon par 'grub ste/ bsod nams su bar 'gro ba dang / bsod nams ma yin par nye bar 'gro ba dang / mi g.yo bar nye bar 'gro ba'o// de la bsod nams su nye bar 'gro ba'i 'du byed rnams las bsod nams su nye bar 'gro ba'i rnam par shes pa nyid du 'gyur ba dang / bsod nams ma yin par nye bar 'gro ba'i 'du byed rnams las bsod nams ma yin par nye bar 'gro ba'i rnam par shes pa nyid du 'gyur ba dang / mi g.yo bar nye bar 'gro ba'i 'du byed rnams las mi g.yo bar nye bar 'gro ba'i rnam par shes pa nyid du 'gyur ba 'di ni rnam par shes pa zhes bya'o// rnam par shes pa'i rkyen gyis ming dang gzugs zhes bya ba dang / tshor ba la sogs pa gzugs can ma yin pa'i phung po bzhi ni srid pa de dang der gzhol bas na meng yin no// gzugs kyi phung po dang lhan cig tu ming dang gzugs zhes bya ba yin pas na ming dang gzugs zhes bya'o// ming dang gzugs rnam par 'phel bas skye
- 212a
mched drug gi sgo nas bya ba byed pa rnams 'byung ste/ de ni ming dang gzugs kyi rkyen gyis skye mched drug ces bya'o// skye mched drug po dag las reg pa'i tshogs drug 'byung ste/ de ni skye mched drug gi/ rkyen gyis reg pa'o zhes bya'o// ji lta bur reg pa 'byung ba de lta bur tshor ba 'byung ste/ de ni reg pa'i rkyen gyis tshor ba zhes bya'o// tshor ba'i bye brag de dag myang ba dang mngon par dga' ba dang / lhag par zhen pa dang / lhag/ par zhen nas 'dug pa de ni tshor ba'i rkyen gyis sred pa zhes bya'o// myong ba dang mngon par dga' ba dang / lhag par zhen nas 'dug pa las bdag sdug pa'i ngo bo dang / bde ba'i ngo bo dang / bde ba'i ngo bo dang bral bar ma gyur cig snyam du mi gtong ba'i smon pa 'di ni sred pa'i rkyen gyis lan pa zhes bya ste/ dngas po gung la sred pa dang bcas pa'i dngos pong bsas cing sgrub pa'i phyir nye bar len pa len zhing / de dang de la smon pa'o// da ltar smon zhing yang srid pa skyed pa'i las lus dang drag dang yid kyis kun nas slong ba de ni len pa'i rkyen gyis srid pa zhes bya'o// las de las skyes pa'i phung po rnams mngon par 'grub gang yin pa de ni srid pa'i rkyen gyis skye ba zhes bya'o// skyo ba mngon par 'grub pa'i phung po rnams kyi 'phel ba yongs su smin pa dang / 'jig par 'gyur ba de ni skye ba'i rkyen gyisarga shi zhes bya'o// de ltar na rten cing 'brel bar 'byung ba'i yan lag bcu gnyis po 'di dag ni rgyu gzhan dang gzhan las byung ba/ rkyen gzhan dang gzhan las byung ba/ rtag pa ma yin mi rtag pa ma yin/ 'dus byas ma yin 'dus ma byas ma yin/ rgyu med pa ma yin rkyen med pa ma yin/ myong ba po yod pa ma yin/ zad pa'i chos ma yin/ 'jig pa'i chos ma yin/ 'gog pa'i chos ma yin te/ thog ma med pa'i dus nas zhugs pa rgyun ma chad par klung gi rgyun bzhin du rjes su zhugs pa'o// rten cing 'brel
- 212b
par 'byung ba'i yan lag bcu gnyis po 'di dag ni rgyu gzhan dang gzhan las byung ba/ rkyen gzhan dang gzhan las byung ba/ rtag pa ma yin mi rtag pa ma yin/ 'dus byas ma yin 'dus ma byas ma yin/ rgyu med pa ma yin rkyen med pa ma yin/ myong ba yod pa ma yin zad pa'i chos ma yin/ 'jig pa'i chos ma yin/ 'gog pa'i chos ma yin te/ thog ma med pa'i dus nas zhugs pa/ rgyun ma chad par klung gi rgyun bzhin du rjes su zhugs mod kyi/ 'on kyang yan lag bzhi po 'di dag ni rten cing 'brel bar 'byung ba'i yan lag bcu gnyis po de dag bsdu bar bya ba'i phyir rgyur 'gyur ro// bzhi po gang zhe na/ 'di lta ste/ mo rig pa dang sred pa dang / las dang rnam par shes pa'o// de la rnam par shes pa ni sa bon gyi rang bzhin nyid kyi rgyu byed do// las ni zhing gi rang bzhin gyis rgyu byed do// ma rig pa dang sred pa ni nyon mongs pa'i rang bzhin gyis rgyu byed do// las dang nyon/ mo ngas pa dag gis ni sa bon rnam par shes pa bskyed do// de la las ni sa bon rnam por shes pa'i zhing gi bya ba byed do// sred pas ni sa bon rnam par shes pa brlan par byed do// ma rig pas ni sa bon rnam par shes pa 'debs te/ rkyen 'di dag med ni sa bon rnam par shes pa mngon par 'grub par mi 'gyur ro// de la las kyang 'di snyam du bdag gis bon rnam par shes pa'i zhing gi bya ba bya'o snyam du mi sems so// sred pa yang 'di snyamadu bdag gis sa bon rnam par shes pa brlan par bya'o snyam du mi sems so// ma rig pa yang 'di snyam du bdag gis sa bon rnam par shes pa gdab po snyam du mi sems so// sa bon rnam par shes pa yang 'di snyam du bdag ni rkyen 'di dag gis bskyed do snyam du mi sems te/ 'on kyang sa bon rnam par shes pa las kyi zhing la brten pa/ sred pa'i brlan gyis brlan pa ma rig pas legs par btab pa las skye ba na/ skye ba'i gnas de dang der nyingad
- 213a
mtshams sbyor ba na ma'i mngal du ming dang gzugs kyi myu gu mngon par 'grub ste/ ming dang gzugs kyi myu gu de yang bdag gis ma byas gzhan gyis ma byas/ gnyi gas ma byas/ dbang phyug gis ma byas/ dus kyis ma bsgyur/ rang bzhin las ma byung / rgyu gcig la rag las pa ma yin/ rkyen gcig las rag las pa ma yin/ rgyu med pa las kyang ma skyes te/ 'on kyang pha dang ma phrad pa dang zla mtshan dang ldan pa dang rkyen gzhan yang 'tshogs na bdag po med pa'i chos bdag gis med pa 'dzin pa med pa nam mkha' dang mtshungs pa/ sgyu ma'i mtshan nyid kyi rang bzhin dag la rgyu dang rkyen rnams ma tshang ba med pa'i phyir/ skye ba'i gnas de dang der nyid mtshams sbyor ba na ma'i mngal du ro myang ba dang ldan pa'i sa bon rnam par shes pa ming dang gzugs kyi myu gu mngon par sgrub po// 'di lta ste/ mig gi rnam par shes pa ni rgyu lnga las 'byung ste/ lnga gang zhe na/ 'di lta ste/ mig/ la brten pa dang / gzugs dang / snang ba dang / nam mkha' dang / de bskyed pa'i yid la byed pa la yang brten nas mig gi rnam par shes pa 'byung ngo // de la mig ni mig gi rnam par shes pa'i brten gyi bya ba byed do// gzugs ni/ mig gi rnam par shes pa'i dmigs pa bya ba byed do// snang ba ni mngon pa'i bya ba byed do// nam mkha' ni mi sgrib pa'i bya ba byed do// de bskyed pa'i yid la byed pa ni bsam pa'i bya ba byed de/ rkyen de dag med na mig gi rnam par shes pa 'byung bar mi 'gyur gyi/ gang gi tshe nang gi skye mched mig ma tshang bar ma gyur la/ de bzhin du gzugs dang / snang ba dang / nam mkha' dang / de bskyed pa'i yid la byed pa dag ma tshang bar ma gyur te/ thams cad 'dus pa pa de las mig gi rnam par shes pa 'byung bar 'gyur ro// de la mig ni 'di snyam du bdag gis rnam par shes pa'i brten gyis bya ba bya'o snyam du mi sems so// gzugs kyang 'di snyam du bdag gis mig gi rnam par shes pa'i
- 213b
dmigs pa'i bya ba bya'o snyam du mi sems so// snang ba yang 'di snyam du bdag gis mig gi rnam par shes pa'i mngon pa'i bya ba bya'o snyam du mi sems so// nam mkha' yang 'di snyam du bdag gis mig gi rnam par shes pa'i mi sgrib pa'i bya ba bya'o snyam du mi sems so// de bskyed pa'i yid la byed pa yang 'di snyam du bdag gis mig gi rnam par shes pa'i sems pa'i bya ba bya'o snyam du mi sems so// mig gi rnam par shes pa yang 'di snyam du bdag ni rkyen 'di dag gis bskyed do snyam du mi sems te/ 'on kyang rkyen 'di dag yod pa las mig gi rnam par shes pa skye bar 'gyur ro// de bzhin du dbang po lhag ma rnams la yang ci rigs su sbyar ro// de la chos gang yang 'jig rten/ 'di nas 'jig rten pha rol tu mi 'pho mod kyi rgyu dang rkyen rnams ma tshang ba med pa'i phyir las kyi 'bras bur mngon par yang yod do// 'di lta ste/ dper na rab tu phyis pa'i me long gi dkyil 'khor la bzhin gyi gzugs brnyan snang ba yang bzhin me long gi dkyil 'khor du ma 'phos mod kyi// rgyu dang rkyen ma tshang ba med pa'i phyir bzhin du mngon pa yang yod do// de bzhin du 'di nas kyang su yang shi 'phos pa med la/ gzhan du yang ma skyes te/ rgyu dang rkyen rnams ma tshang ba med pa'i phyir las kyi 'bras bur mngon pa yang yod do// 'di lta ste/ dper na zla ba'i dkyil 'khor ni dpag tshad bzhi khri'i steng nas 'gro ste/ 'on kyang snod chung ngu chus gang bar zla ba'i dkyil 'khor gyi gzugs brnyan snang ba yang / zla ba'i dkyil 'khor ni gnas de nas mi 'phos te/ snod chung ngus chus gang ba'i nang du song ba yang med mod kyi/ rgyu dang rkyen rnams ma tshang ba med pa'i phyir/ zla ba'i dkyil 'khor du mngon pa yang yod do// de bzhin du 'di nas kyang su yang shi 'phos pa med la/ gzhan du ma skyes mod kyi/ rgyu dang rkyen rnams ma tshang ba med pa'i phyir las kyi 'bras bur mngon pa yang yod do// 'di lta ste/ dper na me ni rgyu dang rkyen ma tshang na mi 'bar gyi//
- 214a
rgyu dang rkyen tshogs pa las 'bar ro// de bzhin du bdag po med pa'i chos bdag gi med pa 'dzin pa med pa nam mkha' dang mtshungs pa/ sgyu ma'i mtshan nyid kyi rang bzhin dag la rgyu dang rkyen rnams ma tshang/ pa med pa'i phyir/ skye ba'i gnas de dang der nying mtshams sbyor ba na ma'i mngal dus bon rnam par shes pa las dang nyon mongs pa rnams kyis bskyed pa ming dang gzugs kyi myu gu mngon par sgrub ste/ de la nang gi rten cing 'brel par 'byung ba lngar blta bar bya ste/ lnga gang zhe na/ rtag par ma yin pa dang / chad par ma yin pa dang / 'pho bar ma yin pa dang / rgyu chung ngu las 'bras bu chen po 'byung ba dang / de dang 'dra ba'i rgyud du'o// ji ltar drug par ma yin zhe na/ gang gi phyir bla ma'i 'chi ba'i phung po rnams kyang gzhan la/ skye ba'i char gtogs pa'i phung po rnams kyang gzhan te/ tha ma'i chi ba'i phung po gang yin pa de nyid skye ba'i char gtogs pa rnams ma yin/ gyi/ tha ma 'chi ba'i phung po rnams kyang 'gag la skye ba'i char gtogs pa'i phung po rnams 'byung bas de'i phyir rtag par ma yin no// ji ltar chad par ma yin zhe na/ tha ma 'chi ba'i phung po rnams sngon 'gags pa las skye gas zug sa sgyu dpa/ Sh+Ta ga pa ga d+hA mugs dman bzhin 'byung bar 'gyur te/ de'i phyir chad par yang ma yin no// ji ltar 'pho ba ma yin zhe na/ sems can rigs mi 'dra ba rnams skul ba mnyam pa'i skye bar skye ba mngon par 'grub par mi byed pa'o// de'i phyir/ 'pho ba ma yin no// ji ltar rgyu chung ngu las 'bras bu chen po 'byung zhe na/ las chung ngu byas pa las 'bras bu chen po rnam par smin pa myong ste/ de'i phyir rgyu chungad ngu las 'bras bu chen po 'byung ba yin no// ji ltar myong bar 'gyur
- 214b
ba'i las byas pas de ltar myong bar 'gyur ba'i rnam par smin pa myong ba de'i phyir/ de dang 'dra ba'i rgyud du'o// zhes bya ba rgya cher gsungs pa lta bu'o// slob dpon zla ba grags pa'i zhal snga nas sbyar ba'i tshig gsal ba las/ srid pa'i yan lag bcu gnyis brtag pa zhes bya ba rab tu byed pa nyi shu drug pa'i 'grel pa'o// // gang gis de lta bu'i rten cing 'brel par 'byung ba ji lta bur gyur pa yang dag par mthong ba de ni sngon gyi mtha' la rten par mi byed/ phyi ma'i mtha' la rten par mi byed do// zhes mdo las 'don pa yin na/ de la sngon gyi mtha' ni gang zhig yin zhing / phyi ma'i mtha' yang gang zhig yin la/ ji ltar na rten par mi byed pa yin zhe na/ de dag bstan pa'i phyir 'di brjod do// dri la nga ltang gyi bdag gi dngos po la bltos te 'das pa'i lus dgal sngon gyi mtha zhes bya ste/ skye ba gcig nas gcig tu brgyad pa'i cha lnga pa ni sngon gyi mtha'o// de la rten par mi byed pa ni wA ba'i rnam pa dag gis dmigs par mi byed pa ste/ rten cing 'brel par 'byung ba'i de nyid ji ltar gnas pa bzhin mthong ba'i phyir rnam pa gzhan du gnas pa'i dngos po la rnam pa gzhan du mngon par zhen par ma byed pa'o// de la lta ba brgyad ni sngon gyi mtha' la dmigs nas rnam pa gzhan du 'jug ste/ 'di lta ste/ 'dus dus byung mabyung zhes dang // 'jig rten rtag pa la sogs par// lta ba gang yin de dag ni// sngon gyi mtha' la brten pa yin// de la zhes kyi sgra ni sogs pa'i don la'o// yang na lta ba gnyis nye bar bkod pa ni nye bar mtshon pa'i don du yin no// lta ba 'di dag ni bzhi ste/ 'di lta ste/ ci bdag 'das pa'i dus na byung ba zhig gam/ ma byung ba zhig gam/ byung yang byung la ma byung yang ma byung ba zhig gam/ byung ba yang ma yin la ma byung ba yang ma yin pa zhig ces bya ba lta ba bzhi po 'di dag ni sngon gyi mtha' la brten pa yin no// / mas pa sa sa bas ma sa mas ma mas pa sa mam masas ma tham ma ma ma ma sa mam mam pa ma sa sa ban ca bsam mas ma sa
- 215a
gzhan yang bzhi ste zhes sngar zhar la bshad pa/ 'jig rten rtag pa la sogs par// lta ba gang yin de dag kyang // sngon gyi mtha' la brten pa yin no// de la lta ba bzhi tshan gong ma las mjug thokra kyi lta ba bzhi tshan la tha dad pa cher med mod kyi/ de lta na yang khyad par cung zad tsam la brten nas legs shig tu nye bar bkod de/ de yang phyi nas bshad par bya'o// de la 'jig rten rtag go zhes bya ba 'di ni 'das pa'i dus na byung ba zhig gam zhes bya ba 'di las tha dad pa cher med do// rnam pa gcig tu na khyad par ni 'di yin te/ 'jig rten rtag go zhes bya ba'i lta ba gang yin pa de ni spyir sngon gyi mtha' la brten pa yin la 'dus pa'i dus na byung ba zhig gam skyes bya ba 'di ni bdag khon la snyen gyi mtha' bzung nas zhugs pa yin gyi/ spyir ni ma yin no zhes b+ha ba'o// de bzhin du la ba gzhan dgal yang khyad par brjod par bya'o// de ltar na re zhig lta ba brgyad po de dag ni sngon gyi mtha' la brten pa yin no// sngon gyi mtha' de ni de la dmigs par byed pa'i lta ba dag dang lhar cig bshad zin to// da ni phyi ma'i mtha' brjod par bya ste/ de la da ltar ba'i bdag ga dngas grol bltas nas 'byung bar 'gyur ba'i lus la bI ma'i mtha' zhes byas/ skye ba gci gnas gcig tu brgyad pa'i tshe phyi pra ni phyi 'i mthag// de la brten par mi byed pa ni lta rnam pa dag gis dmigs par mi byed pa ste/ rten cing 'brel par 'byung ba'i de nyid ji ltar gnas pa ltar mthong ba'i phyir rnam pa gzhan du gnas pa'i dngos po la rnam pa gzhan du mngon par zhen par mi byed pa'o// de la lta ba brgyad ni phyi ma'i mtha' la dmigs nas rnam pa gzhan du 'jug ste/ 'di lta ste/ ma 'ongs dus gzhan 'byung 'gyur dang // mi 'byung 'jig rten mtha' sogs par// lta ba gang yin de dag ni// phyi ma'i mtha'
- 215b
la brten pa yin// 'dir yang lta ba gnyis nye bar bkod pa ni nye bar mtshon pa'i don du yin no// lta ba 'di dag ni bzhi ste/ 'di lta ste/ ci bdag ma 'ongs pa'i dus na 'byung bar 'gyur ba zhig gam mi 'byung bar 'gyur ba zhig gam/ 'byung ba yang 'byung la mi 'byang yang mi 'byung ba zhig gam/ ma 'ongs pa'i dus na 'byung ba yang ma yin mi 'byung ba yang ma yin pa zhig ces bya ba lta ba bzhi po 'di dag ni phyi ma'i mthal la brten pa yin no// ci lta ba bzhi po de dag kho na zhig phyi ma'i mtha' la brten nam zhe na/ bshad pa/ ma yin no// 'o na ci zhe na/ 'jig rten mtha' sogs par/ phyi ma'i mtha' la brten pa gzhan bzhi yang yod pa yin no// de la mtha' yod pa la sogs pa lta ba bzhin spyir phyi ma'i mtha' la brten nas 'jug pa yin la/ ci bdag ma 'ongs pa'i dus na 'byung bar 'gyur ba zhig gam ces bya ba de dag ni bdag kho na la phyi ma'i mtha' la brten par zhugs pa yin te/ de ni lta ba ba'i tshan gnyis kyi khyad par khong du chud par bya'o// de la re zhig sngon gyi mtha' la dmigs pa'i lta ba bzhi chen dang po ji ltar mi srid pa de ltar bstan pa'i phyir/ 'das pa'i dus na byung gyur ces// b+ha bden mi 'thang do// sngon tshe rnams sugang byung ba// de 'dra 'di ni ma yin no// zhes b+ha ba gsungs so// de la gal te 'das pa'i tshe rabs rnams su gang byung ba de nyid da ltar yod par gyur na ni de'i tshe 'di 'das pa'i dus na bdag byung ba zhig gam zhes bya bar bzung bar rig pa zhig na/ de ni de ltar srid pa yang ma yin te/ rtag par bral bar 'gyur ba'i phyir ro// rtag pa ni 'khor bar mi rigs pa'i phyir te/ 'gro ba gcig la gnas pa yang 'gro ba sna tshogs kyis bzung ba nyid du thal bar 'gyur ba'i phyir ro// 'dir gal te sngar dmyal ba la sogs pa'i 'gro bar gyur nas da ltar mi dag tu skyes pas bdag kho na
- 216a
dmyal ba la sogs par gyur to zhes de ltar rtog par byed na de'i/ de mi rigs te/ ji ltar na mi yin du dmyal ba la sogs pa yin par 'gyur/ 'o na gang mdo las 'di skad du nga nyid de'i tshe de'i/ dus na 'khor los bsgyur ba'i rgyal po mang pos bkur ba zhes bya bar gyur to zhes 'don pa de ji ltar rig par bya zhe na/ bka' 'di ni gzhan nyid yin pa 'gog pa lhur byed pa yin gyi gcig nyid du ston par byed pa ni ma yin no zhes shes par bya'o// de nyid kyi phyir de'i tshe de'i dus na de gzhan ni ma yin no zhes 'don pa yin no// gal te de nyid 'di yin te zhes sngar gyi dang da ltar gcig nyid du 'byung na nyes pa ci 'byung zhe na/ rtag pa nyid du 'gyur ro zhes de la nyes pa bshad zin to// de lta mod kyi gzhan yang brjod par bya ste/ de nyid bdag tu 'gyur snyam na// nye bar len pa tha dad 'gyur// gal te sngon gyi de nyid da ltar gyis bdag 'dir 'byung na ni de'i tshe sngar gyi gnas skabs ltar nye bar len pa po tha dad pa med pa'i phyir phung po lnga'i mtshan nyid kyi nye bar len pa tha dad par mi 'gyur ba zhig na/ bdag gi nye bar len pa ni de ltar tha dad pa med/ pa ma yin te/ 'o na ci zhe na/ nye bar len pa ni tha dad pa kho na ste/ nye bar len pa'i rgyu tha dad pa'i phyir dang / dus tha dad pa'i phyir ro// de'i phyir nye bar len pa tha dad pa'i phyir de nyid bdag 'di yin no zhes mi rigaso// / ci ste nye bar len pa ni de ltar tha dad pa med pa ma yin te/ de'i phyir bdag la tha dad pa med pa'i phyir 'das pa'i dus na byung ba zhig gamA zhes bya ba der yang 'byung ba nyid do snyam na/ brjod pa/ nye bar len pa ma gtogs par// khyod kyi bdag ni gang zhig yin// gal te nye bar len pa gzhan la bdag kyang gzhan yin na ni de'i tshe nye bar ljon pa tha dad kyang bdag la tha dad pa med pas de de ltar 'gyur na/ 'di ni bdag go 'di ni
- 216b
bdag gi nye bar len pa'o zhes de dag ni tha dad par bstan par mi nus te/ nye bar len pa las tha dad pa'i rang bzhin yin pa nyid kyis bdag rgyu med par thal ba'i phyir dang / so sor bzung du yod par thal bar 'gyur ba'i phyir ro// gang gi tshe de ltar nye bar len pa ma gtogs par bdag bstan par mi nus pa de'i tshe/ nye bar len pa tha dad kyang bdag la tha dad med do// zhes brtag par mi nus so// ci ste yang nye bar len/ pa ma gtogs par bdag yod pa ma yin pa bden mod kyi/ 'on kyang nye bar len pa nyid bdag tu brtag go zhes kha cig rtog par byed na/ de yang rigs pa ma yin no zhes bstan pa'i phyir/ nye bar len pa ma gtogs pa'i// bdag yod ma yin byas pa'i tshe// nye bar len nyid bdag yin na// khyod kyi bdag ni med pa yin// zhes gsungs so// re zhig nye bar len pa nyid bdag ji ltar ma yin pa de ltar bstan pa'i phyir gsungs pa// nye bar len nyid bdag ma yin// de 'byung ba dang 'jig pa yin// nye bar blangs pa ji lta bur// nye bar len po yin par 'gyur// de la nye bar len pa'i phung po lnga zhes bya ba nye bar len pa gang yin pa de ni skad cig re rel byung ba gas yin pa/ de zhing ltang s+yAd cigang la 'byung ba dang 'ag pa du yin na// bdag na zung da ma da da gzhan dam gas pa dang/ tog pa meg pa nyid du yang dus te/ nyes pa du mar thal bar 'gyur ba'i phyir ro// bdag rtag pa nyid yin pas ni rtag par smra bar 'gyur la/ mi rtag pa nyid yin pas ni chad par smra bar thal bar 'gyur te/ rtag pa dang chad pa zhes bya ba 'di ni gnyi ga yang don ma yin pa chen po byed pa yin pas khas blang bar mi bya'o// de'i phyir re zhig nye bar len pa de nyid bdag yin no zhes bya bar mi rigs so// gzhan yang nye bar blang ba ji lta bur/ nye bar len po yin
- 217a
par 'gyur te/ 'dir nye bar blang bar bya ba yin pas na nye bar blang ba ste las yin la/ de la ni gdon mi za bar nye bar len pa po nye bar sogs pa po yod par 'gyur dgos so// nye bar len pa de gal te bdag nyid yin par 'dod na ni/ de'i tshe nye bar blang ba nyid nye bar len pa po yin par 'gyur ro// de'i phyir las dang byed pa po dag gcig yin pas gcod pa po dang bcad par bya ba dang / bum pa dang rdza mkhan dang / me dang bud shing la sogs pa rnams kyang gcig pa nyid du 'gyur na/ de ni mthong ba 'am rigs pa'ang ma yin no zhes bstan pa'i phyir/ nye bar blang ba ji lta bur// nye bar len po yin par 'gyur// zhes bshad de/ phyogs de ni gtan mi srid pa nyid do// zhes bya bar dgongs pa yin no// 'dir nye bar len pa tsam bdag yin par mi rigs pa ni bden mod kyi 'on kyang nye bar len pa po nye bar len pa las tha dad pa nyid yin par 'gyur ro zhes zer ro// 'di yang mi rung ste/ gang gi phyir/ bdag ni nye bar len pa las// gzhan du 'thad pa nyid ma yin// gal te gzhan na len med par// bzung yod rigs na bzung du med// gal te nye bar len pa las bdag tha dad pa yin na ni bum pa las snam bu ltar de nye bar len pa las tha dad par bzung du yod par 'gyur na/ de ltar bzung du ni med do// de'i phyir nye bar len pa las tha dad par nye bar len pa po yang yod pa ma yin te/ nam mkha'i me tog ltar nye bar len pa las tha dad par bzung du med pa'i phyir ro snyam du dgongs pa yin no// da ni ji skad bstan pa'i don gyi mjug bsdu ba'i phyir/ de ltar len pas gzhan ma yin// de ni nyer len nyid kyang min// bdag ni nye bar len med min/ zhes bya ba gsungs so// ci ste nye bar blang ba dang nye bar len pa po gcig tu thal bar 'gyur ba'i phyir dang / 'byung ba dang 'jig pa nyid du thal
- 217b
bar 'gyur ba'i phyir bdag nye bar len pa'i rang bzhin can ma yin la/ nye bar len pa la ma bltos par tha dad par bzung du yod par thal bar 'gyur ba'i phyir gzhan pa yang ma yin zhing / nye bar len pa la ma bltos par bzung du yod par thal bar 'gyur ba'i phyir nye bar len pa med pa yang ma yin na/ de lta na 'o na bdag med do zhes bya ba yin la rag go snyam na/ brjod pa/ med pa nyid du'ang de ma nges// gang zhig phung po la brten nas gdags pa med do zhes bya bar ji ltar 'gyur// yod pa ma yin pa'i mo gsham gyi bu ni phung po dag la brten nas 'dogs pa ma yin no// nye bar len pa yod bzhin du nye bar len pa po med do zhes bya ba ji ltar rigs te/ de'i phyir de ni med pa nyid du yang mi rigs so// de'i phyir bdag med do snyam pa'i nges pa 'di yang mi 'thad do// bdag de'i rnam par bzhag pa ni rgyas par dbu ma la 'jug pa las nges par bya'o// 'dir yang sngar skabs skabs dag tu rnam par bzhag pa byas zin pa'i phyir yang 'dir de rnam par bzhag pa'i 'bad pa mi bya'o// de ltar na re zhig 'das pa'i dus na byung bar gyur pa zhig gam zhes bya ba de mi 'thad do// da ni 'das pa'i dus nam byung ba zhig gam zhes bya ba de yang ji ltar mi 'thad pa de ltar bstan pa'i phyir gsungs pa/ 'das pa'i dus nam byung zhes// bya ba de yang mi 'thad do// sngon tshe rnams su gang byung ba// de las 'di gzhan ma yin no// gal te da ltar gyi 'di sngon gyi bdag las gzhan nyid yin na ni de'i tshe 'das pa'i dus na ma byung ba zhig gam/ zhes bya bar 'gyur ba zhig na/ de ni de ltar srid pa yang ma yin no// de'i phyir 'das pa'i dus na/ ma byung zhes bya ba de yang mi 'thad do// gal te 'di sngon gyi bdag las gzhan nyid du 'gyur na nyes pa ci yod ce na/ brjod pa/ gal te 'di ni gzhan 'gyur na// de med par yang 'byung bar 'gyur// de bzhin de ni gnas
- 218a
'gyur zhing // der ma shi bar skye bar 'gyur// gal te da ltar gyi bdag 'di sngar gyi bdag las gzhan yin na ni de'i tshe sngar gyi bdag med par te spangs nas kyang de la bltos pa med cing de'i rgyu can ma yin par 'byung bar 'gyur ro// gzhan yang de bzhin de ni gnas 'gyur zhing // ste/ de la gal te 'di sngar gyi bdag las gzhan nyid yin na ni/ de'i tshe gzhan nyid yin pa'i phyir bum pa byas pa'i tshe snam bu mi 'jig pa ltar bdag phyi ma skyes pa na yang sngar gyi bdag mi 'gag par 'gyur ro// ma 'gag pa nyid kyi phyir na sngar lha dang mi la sogs pa'i skye ba gang dag tu skyes pa de sngar gyi kha dog dang dbyibs la sogs pa gang du dmigs pa'i rnam pa de nyid kyis de bzhin du de der gnas par 'gyur zhing / sngar ma shi ba kho nar 'dir skye bar 'gyur na/ mir gyur pa 'di'i sngar gyi lha la sogs pa'i bdag de bzhin du gnas par 'gyur ba zhes bya ba gang yin pa 'di ni yod pa ma yin no// de'i phyir 'das pa'i dus na ma byung ba zhig gam zhes bya ba 'di ni 'thad pa ma yin no// 'dir smras pa/ gal te 'di ni gzhan 'gyur na/ de med par yang 'byung bar 'gyur/ zhes gang brjod na/ gal te sngar gyi bdag med par 'di 'dir 'byung bar 'gyur na nyes pa cir 'gyur/ de la nyes pa mang por 'gyur ro// ji ltar zhe na/ gang gi phyir de ltar yin na/ chad dang las rnams chud ze dang / gzhan gyis byas pa'i las rnams ni// gzhan gyis so sor myong ba dang // de la sogs par thal bar 'gyur// gal te bdag 'di sngar gyi bdag med par 'byung bar 'gyur na ni// de'i tshe sngar gyi bdag de der zhig pa'i// / phyir dang / 'dir gzhan zhig kho na skyes pa'i phyir sngar gyi bdag chad par 'gyur ro// bdag de chad na ni las kyi 'bras bu mjug thogs pa rnams rten chad pas rnam par chad pa'i phyir dang / za ba po yang med pa'i
- 218b
phyir 'bras bu chud za ba kho nar 'gyur ro// ci ste sngar gyi bdag gis byas pa'i las kyi 'bras bu bdag phyi mas yongs su longs spyod par rtog na/ de lta na yang gzhan gyis byas pa'i las kyi 'bras bu gzhan gyis longs spyod par 'gyur ro// de'i phyir ci ste las ni ma byas na// ma byas pa dang phrad 'jigs 'gyur/ zhes bya ba de lta bu la sogs pa'i mi 'dod par 'gyur ro// gzhan yang gal te bdag 'di ni sngar gyi bdag las gzhan du gyur pa 'dir skyes pa yin na ni/ de'i tshe sngar ma byung ba las phyis 'byung ba zhes bya bar 'gyur na/ de ni rigs pa ma yin no zhes bstan pa'i phyir/ ma byung ba las byung ba min// 'di la skyon du thal bar 'gyur// bdag ni byas par 'gyur ba dang // 'byung ba'ang rgyu med can du 'gyur// zhes gsungs te/ gal te bdag sngar ma byung ba las phyis 'byung bar 'gyur na ni de'i tshe bdag ni byas par 'gyur na/ bdag ni byas par 'dod pa yang ma yin te/ mi rtag pa nyid du thal bar 'gyur ba'i phyir ro// de sgrub par byed pa de las tha dad pa'i byed pa po med pa'i phyir bdag byas pa nyid du rigs par gal 'gyur/ bdag byas par rtog na ni 'khor ba thog ma dang ldan pa dang / sngan med pa'i sems can 'byung bar yang 'gyur na/ de ni de ltar yang ma yin te/ de'i phyir bdag byas pa ma yin no// gzhan yang / 'byung ba'ang rgyu med can du 'gyur// bdag pa byung ba las 'byung na rgyu med par can kho nar 'gyur te/ sngar bdag med pas byed pa po med pa ni rgyu med pa can du 'gyur ro// 'ang gi sgra ni rnam par rtog pa ste// bdag ni byas par 'gyur ba'am// yang na 'das pa'i dus nam byung ba zhig gam zhes bya ba 'di ni khas mi blang ngo zhes bya ba dang / bdag 'byung ba rgyu med pa can du 'gyur ba'am/ yang na 'das pa'i dus na ma byung ba zhig gam zhes bya ba de mi 'thad do zhes bya ba 'di khas blang bar bya'o// /
- 219a
zhes bya ba'o// da ni ji skad bstan pa'i don de nyid mjug bsdu ba'i phyir/ de ltar bdag byung bdag ma byung // gnyi ga gnyi ga ma yin par// 'das la lta ba gang yin pa// de ni 'thad pa ma yin no// zhes gsungs te/ de ltar ji skad bstan pa'i tshul du 'das pa'i dus na byung ba zhig gam/ zhes bya bar lta ba gang yin pa dang / 'das pa'i dus na ma byung ba zhig gam zhes bya ba lta ba gang yin pa de 'thad pa ma yin pa nyid do// de gnyis med pa'i phyir na gnyi ga yang mi 'thad do// ci'i phyir zhe na/ 'di ltar/ de gnyis 'dus pa la gnyi ga zhes bya bar brtag par bya na/ re re so so so sor med pas de dag 'dus pa ga la yod de/ de'i phyir gnyi ga yang yod pa ma yin no// gnyi ga med pa'i phyir na de dag bkag pa'i sgo nas gnyis ka ma yin pa yang yod par ga la 'gyur/ de'i phyir byung ba yang ma yin ma byung ba yang ma yin pa zhig gam ces bya ba de yang 'thad pa ma yin// no// de'i phyir de ltar sngon gyi mtha' la brten pa'i lta ba bzhi mi srid par bstan nas/ da ni phyi ma'i mtha' la brten pa dgag pa gsungs pa/ ma 'ongs dus gzhan 'byung 'gyur dang / 'byung bar mi 'gyur zhes bya bar// lta bag// yin dgan// 'das pa'i dus dang mtshungs pa yin// jis 'das pa'i dus la lta ba bzhi bkag pa da lta ma 'das pa'i dus la lba ba bzhi yang bshad zin pa'i/ 'dun pag bstang bas dgag par bya ste/ ma 'ongs dus na 'byung 'gyur zhes// bya ba de ni mi 'thad do// ma 'ongs tshe la gang 'byung ba// de nyid 'di ni ma yin no// zhes bya ba la sogs pas gcig dgag pas thams cad mtshungs par sbyar bar bya'o// dbazhin du/ ma'angs dus nam 'byung nas// tha ba yangam 'acad do// mamam chen gang byung ba// dmas 'digananam yin no// zhes byab la sogs pa sa chags su bcad pa snga ma'i 'don pa bzla
- 219b
gzhan nyid dgag pa la yang mtshungs par sbyar bar bya'o// da ni rtag pa la sogs par lta ba sngon gyi mtha' la brten pa bzhi yang dgag pa'i phyir/ gal te lha de mi de na/ de lta na ni rtag par 'gyur// lha ni ma skyes nyid 'gyur te// rtag la skye ba med phyir ro// zhes gsungs te/ 'di na mi'i 'gro bar gnas pa kha cig dge ba'i las byas nas lha'i 'gro bar 'gro bar 'gyur ro// de la gal te lha de nyid mi de nyid yin no zhes de ltar gnyi ga gcig tu 'gyur na ni/ de'i tshe rtag par 'gyur na/ gang lha nyid mi yin pa zhes bya ba 'di ni de ltar yang ma yin no// de'i phyir rtag par smra ba yin na/ lha ni ma skyes nyid 'gyur te/ ci'i phyir zhe na/ gang gi phyir/ rtag la skye ba med phyir ro// zhes gsungs te/ rtag pa gang yin pa de ni yod pa ma yin pa'i phyir/ skye ba med pa nyid do// de'i phyir lha ni ma skyes pa nyid du 'gyur na/ lha ma skyes par ni rigs pa ma yin no// de ltar re zhig rtag pa mi rigs so// da ni mi rtag pa yang ji ltar mi skyid pa de ltar bstan pa'i phyir gsungs pa/ gal te lha las mi gzhan na// de lta na ni mi rtag 'gyur// gal te lha mi gzhan yin na// rgyud ni 'thad par mi 'gyur ro// gal te lha las mi gzhan yin na ni/ de'i tshe a mra'i shing ni pha ma'i rgyud ma yin pa de bzhin du lha yang mi'i rgyud gcig tu rtogs par mi 'gyur ro// de'i phyir sngar gyi 'jig pas mi rtag pa nyid du 'gyur ba zhig go/ ci ste lha las mi gzhan yin na ni de'i tshe rgyud rjes su 'jug par mi 'gyur ba zhig na/ lha ni mi dang rgyad gcig tu gtogs pa yin no zhes rgyud rjes su 'jug pa 'di ni yod pa yin no// de'i phyir rgyud med par thal bar 'gyur ba'i phyir na/ lha las mi gzhan ma yin no// gang gi phyir de lta yin pa de'i phyir mi rtag pa yang yod pa ma yin no// da ni rtag pa yang yin la mi rtag pa yang yin pa dgag par
- 220a
bya ba'i phyir/ gal te phyogs gcig lha yin la// phyogs gcig mi ni yin gyur na// rtag dang mi rtag 'gyur 'gyur ba yin// de yang rigs pa ma yin no// zhes gsungs te/ gal te mi 'di// cha shas kyis mi nyid gtong la/ mi btang nas cha shas kyis lha'i lus len na ni/ de'i tshe phyogs gcig zhig pas mi rtag par 'gyur la/ phyogs gcig gnas pas rtag par 'gyur ba zhig na/ gang gcig gi phyogs gcig lha'i 'gro bas yang dag par bsdus shing / phyogs gcig mi yin par 'gyur ba de ni rigs pa ma yin no// de'i phyir rtag pa dang mi rtag pa gnyi ga yin pa 'di ni 'thad pa ma yin no// da ni rtag pa yang ma yin mi rtag pa yang ma yin par lta ba dgag pa gsungs pa/ gal te rtag dang mi rtag pa// gnyi ga grub par 'gyur na ni// rtag pa ma yin mi rtag min// grub par 'gyur bar 'dod la rag/ gal te rtag pa cung zad cig yod na ni de phyis mi rtag par mthong ba las rtag pa ma yin pa zhes par 'gyur la/ de bzhin du mi rtag pa cung zad cig yod na ni de'i tshe/ de phyis rtag par 'gyur ba las mi rtag pa ma yin par 'gyur ba zhig na// gang gi tshe rtag pa dang mi rtag pa nyid ma grub pa de'i tshe/ de dag bkag pa'i sgo nas rtag pa yang ma yin mi rtag pa yang ma yin pa ga la yod/ de'i phyir de yang mi rigs so// ci ste 'khor ba'i rgyun thog ma med pa nas skye ba dang / 'chi ba gcig nas gcig tu brgyad par 'jug pa'i rim pa rnam par cha dang med par dmigs nas/ gang zhig de ltar thog ma dang mi ldan pa'i 'khor bar yongs su 'khyams shing da dung du yang dmigs pa dngos po rtag pa de ni 'ga' zhig yod pa yin no// zhes bdag rtag pa zhig brtag par bya'o snyam na/ de yang mi 'thad do// ci'i phyir zhe na/ 'di ltar/ gal te gang zhig gang nas gar// 'ongs shing gang du'ang 'gro
- 220b
'gyur na/ de phyir 'khor ba thog med par// 'gyur na de ni yod ma yin// gal te bdag gam 'du byed rnams 'gro ba gzhan gang nas gar 'gro ste 'gro ba gzhan du 'ong bar 'gyur zhing / 'gro ba gzhan de na// slar yang gang du 'gro bar 'gyur na ni de'i tshe 'khor ba thog ma med par 'gyur ba zhig na/ gang zhig gang nas gar 'ong ba ni yod pa ma yin te/ rtag pa dang mi rtag pa 'ong bar mi 'thad pa'i phyir ro// 'ga' zhig 'di na yang gang zhig tu 'gro ba yang yod pa ma yin te/ rtag pa'am mi rtag pa 'gro bar mi 'thad pa'i phyir ro// gang gi tshe de yod pa ma yin pa de'i tshe/ skye ba dang 'chi ba gcig nas gcig tu brgyad nas yun shin tu ring ba nyid kyis thog ma ma dmigs pa las 'khor ba thog ma med par ga la 'gyur/ 'khor ba po med pa'i phyir na 'khor ba thog ma dang mi ldan pa'am/ thog ma dang ldan pa gal 'gyur/ gang gi tshe mi 'gyur ba de'i tshe/ gang zhig de ltar thog pa dang mi ldan pa'i 'khor bar yongs su 'byam zhing dadrung du ya dmigs pa'i dngos po rtag pa de ni 'ga' zhig yod pa yin no zhes gang smras pa de rigs pa ma yin no// gang gi phyir de lta ji skad bshad pa'i tshul gyis/ gal te rtag pa 'ga' med na// mi rtag gang zhig yin par 'gyur// rtag pa dang ni mi rtag dang // de gnyis gsal bar 'gyur ba'o// gang gi tshe de ltar dngos po rtag pa nyid yod ma yin pa de'i tshe gang zhig zhig pas mi rtag par 'gyur/ rtag pa dang mi rtag pa ma dmigs pas na gnyis ka dang gnyis ka ma yin pa de yang ga la yod/ de'i phyir de ltar na rtag pa la sogs par lta ba bzhi sngon gyi mtha' la srid pa ma yin no// da ni mtha' dang ldan pa dang mtha' dang mi ldan pa la sogs pa bzhi yang phyi ma'i mtha' la ji ltar mi srid pa de ltar bstan pa'i phyir gsungs pa/ gal te 'jig rten
- 221a
mtha' yod na// 'jig rten pha rol ji ltar 'gyur// gal te 'jig rten mtha' med na// 'jig rten pha rol ji ltar 'gyur// gal te 'jig rten mtha' yod pa ste zhig nas phyis med par 'gyur na ni de'i tshe 'jig rten pha rol med par 'gyur na/ 'jig rten pha rol ni yod pa yang yin te/ de'i phyir 'jig rten mtha' yod ces bya ba 'thad pa ma yin no// ci ste yang 'jig rten mtha' med par 'gyur/ na ni/ de'i tshe yang 'jig rten pha rol ji ltar 'gyur te/ 'jig rten pha rol med par 'gyur ro snyam du dgongs so// 'jig rten pha rol ni med pa yang ma yin te/ de'i phyir 'jig rten pha rol yod pas 'jig rten mtha' med par yang mi 'gyur te/ da ni mtha' yod pa nyid dang mtha' med pa nyid 'di gnyi ga yang ji ltar 'jig rten la mi srid pa de ltar bstan pa'i phyir/ gang phyir phung po rnams kyi rgyun// 'di ni mar me'i 'od dang mtshungs// de'i phyir mtha' yod nyid dang ni// mtha' med nyid kyang mi rigs so// zhes gsungs te/ gang gi phyir phung po rnams kyi rgyun rgyu dang 'bras bu'i dngos po snga phyi 'brel zhing bar mtshams med pas/ rim pa rnam par chad pa med par 'jug pa skad cig re re la 'jig pa 'di ni mar me dang 'dra bar 'jug pa yin te/ de'i phyir rgyu dang 'bras bu'i 'jug pa mthong bas mtha' yod pa nyid dang mtha' med pa nyid kyang mi rigs so// ji ltar zhe na/ gal te snga ma 'jig 'gyur zhing // phung po 'di la brten byas nas// phung po de ni mi 'byung na// des na 'jig rten mtha' yod 'gyur// gal te snga ma me'i phung po 'jig cing // de la brten nas lha'i 'gro// bar skye bas bsdus pa phyi ma mi 'byung na// de'i tshe til mar dang snying po zad pas 'gags pa'i mar me ltar 'jig rten mtha' yod par 'gyur na/ lus phyi ma 'byung ba'i phyir na mtha' yod pa nyid ma yin no// gal te
- 221b
snam mi 'jig cing // phung po 'di la brten byas nas// phung po de ni mi 'byung na// des na 'jig rten mtha' med 'gyur// ci ste phung po snga ma 'jig par mi 'gyur zhing / de la brten nas phung po 'bras bur 'gyur ba phyim mi 'byung na/ de'i tshe rang gi ngo bo las mnyams pa'i phyir 'jig rten mtha' med pa ste mi 'jig par 'gyur ba zhig ni/ gang gi tshe phung po snga ma rnams 'gag cing de'i rgyu can phung po phyi ma rnams skye ba de'i tshe snga ma rnams mi gnas pas 'khor ba mtha' med pa nyid du gal 'gyur/ da ni gsum pa gnyis ka'i phyogs med par bstan pa'i phyir/ gal te phyogs gcig mtha' yod la// phyogs gcig mtha' ni med gyur na// 'jig rten mtha' yod mtha' med 'gyur// de yang rigs pa ma yin no// zhes gsungs te/ gal te 'ga' zhig gi phyogs gcig 'jig par 'gyur la/ phyogs gcig 'gro ba gzhan du 'gro bar 'gyur na ni/ de'i tshe 'jig rten mtha' yod pa yang yin la/ mtha' med pa yang yin par 'gyur na/ gang zhig phyogs gcig 'jig cing phyogs gcig mi 'jig pa zhes bya ba 'di ni de ltar yod pa yang ma yin no// de'i phyir 'jig rten mtha' yod pa yang yin la/ mtha' med pa yang yin zhes bya ba 'di ni mi rigs so// yang ci'i phyir phyogs gcig 'jig la phyogs gcig gnas par mi rigs she na/ de bstan pa'i phyir/ ji lta bur na nyer len po// phyogs gcig rnam par 'jig 'gyur la// phyogs gcig rnam par mi 'jig 'gyur// de ltar de ni mi rigs so// zhes gsungs te/ 'dir phyogs gcig 'jig cing phyogs gcig gnas par rtog pa na/ gal te nye bar len pa po la phyogs gcig 'jig cing phyogs gcig gnas par rtog gam/ yang na nye bar len pa la yin grang / de la re zhig nye bar len pa po la phyogs gcig 'jig cing phyogs gcig gnas par rtog na de ni mi rigs
- 222a
so// de ci'i phyir zhe na/ gang gi phyir de ji lta bur na nyer len po// phyogs gcig rnam par 'jig 'gyur la// phyogs gcig rnam par 'jig mi 'gyur// 'dir gang gi phyogs rnam par 'jig la/ phyogs gcig rnam par 'jig par mi 'gyur bar/ rtog par 'gyur ba/ 'thad pa ni 'ga' yang yod pa ma yin no// de nyid kyi phyir na 'thad pa 'ga' yang ma gzigs shing / slob dpon gyis/ de ltar de ni mi rigs so// zhes gsungs so// yang na nye bar len pa po zhes bya ba ni bdag yin la/ de yang phung po dag la rnam pa lngas brtsal ba na yod pa ma yin la/ gang zhig yod pa ma yin pa de ji ltar phyogs gcig 'jig cing / phyogs gcig mi 'jig par 'gyur/ de nyid kyi phyir/ de ltar na de ni mi rigs so// zhes gsungs so// rnam pa gcig tu na/ gal te nye bar len pa po phyogs gcig 'jig la/ phyogs gcig mi 'jig na de'i tshe nye bar len pa po gcig/ cha gcig gis lha nyid du 'gyur zhing / cha gcig gis mir 'gyur na/ de ni 'dod pa yang ma yin no zhes gsungs pa/ de ltar de ni mi rigs so// zhes bya ba'o// de ltar na re zhig nye bar len pa po mtha' yod pa yin la/ mtha' med pa yang yin pa ni mo rigs so// da ni nye bar blangs pa la yang ji ltar yod pa ma yin pa de ltar bstan pa'i phyir/ ji lta bur na nyer blangs pa// phyogs gcigarnam par 'jig 'gyur la// phyogs gcig rnam par 'jig mi 'gyur// de ltar de yang mi rigs so// zhes gsungs te/ 'di yang nye bar len pa po ltar rnam par bshad par bya'o// de'i phyir de ltar gnyis ka ltar yod pa ma yin par bstan nas/ da ni gnyis ka ma yin pa yang ji ltar yod pa ma yin pa de ltar bstan pa'i phyir/ gal te mtha' yod mtha' med pa// gnyi ga grub par gyur na ni// mtha' yod ma yin mtha' med min// /
- 222b
grub par 'gyur bar 'dod la rag/ zhes gsungs te/ dgag par bya ba yod pa ma yin pas bkag pa yang med de/ de'i phyir mtha' yod pa dang mtha' med pa gnyis ka ma grub par/ gang zhig bkag nas 'jig rten mtha' yod pa yang ma yin/ mtha' med pa yang ma yin zhes bya bar lta ba yod par ga la 'gyur/ de ltar na re zhig nye bar len pa po dang / nye bar len pa kun rdzob pa gzugs brnyan lta bu'i rnam pa can zhal gyis bzhes nas kyang / rtag pa la sogs par lta ba mi srid par bstan nas/ da ni rnam pa thams cad du dngos po'i rang bzhin ma dmigs pas mo gsham gyi bu'i sngo bsangs dang dkar sham nyid ltar rtag pa la sogs par lta ba rnams mi srid par bstan par bzhed nas/ yang na dngos po thams cad dag/ stod phyir rtag la sogs lta ba// gang dag gang du gang las ni// ci las kun tu 'byung bar 'gyur/ zhes gsungs te/ 'dir dngos po thams cad ni rten cing 'brel par 'byung ba'i phyir/ stong pa nyid yin par bstan bcos mtha' dag gis bstan to// de'i phyir dngos po thams cad stong pa nyid yin pas gang dag su zhig gis 'dzin par 'gyur zhing / gad las kho bo cag de dag dgag pa rnam par 'gyur ba/ rtag pa la sogs par ltag/ dngos pa thams cad las phyi rol tu byung ba/ de dag gang zhig yod par 'gyur/ de bzhin du gang du lta ba de dag 'byung zhing lta ba de dag gang du bzlog par bya ba gang zhig dmigs pa rtag pa la sogs pa/ dngos po thams cad kyi khongs su ma chud pa de dag gang zhig yod/ gang la lta ba de dag skye bar 'gyur zhing / gang zhig kho bo cag gis lta ba dag bzlog par bya ba/ dngos po 'am gang zag dngos po thams cad las phyi rol tu gyur pa de yang gang zhig yod/ rgyu mtshan gang las
- 223a
rtag pa la sogs par lta ba skyes pas na/ bzlog par bya ba lta ba rnams skye ba'i rgyu dmigs pa rgya mtshan dngos po thams cad las phyi rol tu gyur pa/ de yang gang zhig yod de/ don thams cad dngos po thams cad kyi khongs su gtogs pa'i phyir/ stong pa nyid yin la stong pa nyid yin pa'i phyir don de dag thams cad ma dmigs pas/ lta ba gang dag gang du gang la ni// ci las kun tu 'byung bar 'gyur// / te/ gang dag kyang ma yin la/ gang du yang ma yin zhing / gang la yang ma yin la/ rgyu gang las kyang 'byung ba ma yin no zhes bya ba'i tha tshig go/ de dag yod pa ma yin na ni rtag pa nyid 'thad pa ma yin te/ de'i phyir lta ba de dag ni mi rigs pa nyid do// ji skad du mdo las gang la la zhig gis yang dag pa'i shes rab kyis/ de ltar rten cing 'brel par 'byung ba yang dag pa ji lta ba bzhin du/ rtag pa rgyun tu srog med// pa dang ji lta ba nyid dang ma nor ba nyid dang ma skyes pa dang ma byung ba dang ma byas pa dang / 'dus ma byas pa dang thogs pa med pa dang sgrib pa med pa dang / zhi ba dang 'jig pa med pa dang mi 'phrogs pa dang zad pa med pa dang / rnam par zhi ba ma yin pa'i rang bzhin du mthong ba dang / med pa dang gsog dang gsob dang snying po med pa dang / nad dang 'bras dang zug rngu dang / sdig pa dang mi rtag pa dang sdug bsngal ba dang / stong pa dang / bdag med par yang dag par rjes su mthong ba de ni/ ci bdag 'das pa'i dus na byung ba zhig gam/ 'on te bdag 'das pa'i dus na ma byung ba zhig/ bdag 'das pa'i dus na cir gyur pa zhig/ bdag 'das pa'i dus na ji lta bur gyur pa zhig snyam du sngon gyi mtha' la brten par mi byed do// ci bdag ma 'ongs pa'i dus na 'byung bar 'gyur ram/ 'on te ma 'ongs pa'i dus na 'byung bar mi 'gyur/ ma 'ongs pa'i dus na cir
- 223b
'gyur/ ma 'ongs pa'i dus na ji lta bu zhig tu 'gyur snyam du phyi ma'i mtha' la brten par mi byed do// 'di ci zhig/ 'di ji lta bu zhig/ ci zhig/ cir 'gyur/ sems can 'di dag gang nas 'ongs/ de 'di nas shi 'phos nas gang du 'gro bar 'gyur zhes da ltar byung ba la yang brten par mi byed do// 'jig rten na dge sbyong dang bram ze dag gi lta bar song ba gang dag yod pa 'di lta ste/ bdag tu smra ba dang ldan pa'am sems can du smra ba dang ldan pa 'am/ gang zag tu smra ba dang ldan pa 'am/ dge mtshan dang bkra shis su smra ba dang ldan pa dag kyang rung ste/ lhag par g.yo ba dang bral bar g.yo ba de dag/ de'i tshe na des spangs par 'gyur te/ yongs su shes nas/ rtsa ba nas bcad di tA la'i mgo bzhin mi snang ba'i rang bzhin du/ phyis mi skye mi 'gag pa'i chos can du 'gyur ro// de nas tshe dang ldan pa shA ri'i bu/ byang chub sems dpa' sems dpa' chen po byams pas bshad pa la mngon par bstod cing rjes su yi rang ste/ stan las langs te dong ngo zhes gsungs pa lta bu'o// de'i phyir de ltar/ gang gis thugs brtse nyer bzung nas/ lta ba thams cad spang ba'i phyir// dam pa'i chos ni bstan mdzad pa// gau ta ma de la phyag 'tshal lo// de la 'khor ba dang mya ngan las 'das pa spang ba dang 'thob pa'i dmigs pa'i g.yangs las 'dzin pas na chos so// 'phags pa dam pa rnams kyi chos ni dam pa'i chos te/ 'khor ba'i sdug bsngal mtha' dag zad par byed pa nyid kyis bsngags par 'os pa'i phyir ro// yang na chos bzang po ni dam pa'i chos te/ dam pa'i chos rten cing 'brel par 'byung ba zhes bya ba 'gag pa med pa/ skye ba med pa/ rtag pa med pa/ chad pa med pa/ 'ong ba med pa/ 'gro ba med pa don tha dad pa ma yin pa/ don gcig pa ma yin pa/ spros pa nye bar zhi zhing zhi ba
- 224a
ste/ gang gis 'gro ba rnams la thugs brtse ba nye bar bzung nas te/ rnyed pa dang bkur sti bzhed pa dang / lan du phan 'dogs pa bzhed pa ma yin gyi/ thugs rje chen po kho na la brten nas/ lta ba thams cad spang ba'i phyir bstan par gyur pa/ ston pa bla na med pa zla med pa de la phyag 'tshal lo// mtshan ci zhig ce na/ gau ta ma ste/ drang srong gau ta ma'i rigs su 'khrungs zhes bya ba'i tha tshig go/ slob dpon zla ba grags pa'i zhal snga nas sbyar ba tshig gsal ba las/ lta ba bltag pa zhes bya ba rab tu byed pa nyi shu rtsa bdun pa'i 'grel pa'o// // sangs rgyas rnams kyi mdo sde la sogs bden pa gnyis brten bstan pa rnam pa dgu/ 'jin rten rnams kyi spyod dor rgya cher gang zhig 'dir ni yang dag bsgrags gyur pa// deng ni 'dod chags bsal bar bya phyir gsungs pas zhe sdang zad par byed mi 'gyur// zhe sdang bsal bar bya phyir gsungs pas kyang ni 'dod chags zad par byed 'gyur min// gang phyir nga rgyal sogs zad bya phyir gsungs pa des kyang dri ma gzhan mi 'joms// de phyir de ni ches khyab ma yin gsungs de dag dang don chen min// gti mug zad par bya phyir gsungs pa gang yin des ni nyon mongs ma lus 'joms// nyon mongs mtha' dag gti mug la ni yang dag brten par rgyal ba rnams kyis bshad// gang phyir rten 'byung gti mug de zad byed par mthong ste de ni de nyid yin// de nyid bde bar gshegs pa rnams kyis dbu ma'i lam du yang dag bsgrags par gyur// de ni thub pa'i chos kyi rang bzhin skur 'dod de ni stong pa nyid du brjod// sangs rgyas rnams kyi thugs yin de ni rig pa chen po yin no zhes kyang bsgrags// gang phyir yon tan kun gyi 'byung gnas 'di ni sangs rgyas rnams kyis bstan gyur pa// de phyir de'i gtam shin tu rgyas dang bcas par thugs rjes brlan pa'i thugs mnga' zhing // /
- 224b
sangs rgyas rnams kyi sras po blo bzang klu sgrub de yis gsung rab ji lta bar// gnas pa bzhin du mkhyen nas gus pas bstan chos dbu mar gtso bo da bor bstan// skye bo gang gis rgyal ba'i bstan pa zab mo ma gtogs pa des rtogs phyir dang // gang dag thub pa'i dbang po'i gsung las gzhan du de nyid bstan par 'dod pa dang // blo gros ngan pa gzhan gang gsung rab rnam pa gzhan du 'chad par byed gyur pa// de dag kyang ni bzlog par bya phyir mtha' gnyis sel ba'i bstan chos 'di mdzad do// klu sgrub sgra gcan 'dzin ni bzang po'i zhal snga dang bcas lhas kyang gsung rjes su// 'brangs pas de yi tshul lugs dus ni yun ring zhig tu gsal bar bstan par mdzad// de yi slob ma bstan chos de la rnam par 'byed pas rnam des blo ldan pa// rnams kyis kyang ni mu stegs ma lus pham byas thub mchog bstan pa yun ring bshad// dbu ni don du gnyer ba 'ongs la thugs rjes dbu ni bcad de stsal mdzad nas// bde ba can du rgyal ba'i sras po klu sgrub gshegs par gyur pa des mdzad pa'i// gzhung rnams dang ni slob ma'i tshogs de dag kyang dus mang zhig na nyams par gyur// de nyid nyi ma nub pas deng sang gzhung lugs gsal po de ni gang na'ang med// da ltar 'jig rten phal cher rtogs pas sbyar ba'i don tsam la ni mkhas gyur la// dam pa'i lam las ring zhig/ rtog ge'i char 'thungs pa yis myos pa dang // sangs rgyas gzhung lugs thams cad mkhyen pas gsungs pa'i don nyid bral zhing 'khrugs pa'i tshe// gang zhig skad cig tsam yang yid gnyis bsal nas stong nyid rtogs te skal bar ldan// dngos po'i 'ching bas nyer sbyar bstan chos zhags pas dkris shing 'jigs pas bcad byas nas// dngos po'i ra ba mchongs te 'gro ba'i ri dgas mkhas gang de ni chen po ste//
- 225a
de bltos brtsams pas bdag la yon tan 'di med deng sang mi mkhas gang yin pa// de ched kho nar de las gzhan pa'i bstan chos 'joms pa'i 'grel 'di bdag gis byas// mdo sde kun las btus dang gtam bya rin chen phreng dang yang dag bstod pa dang // 'bad pas shin tu yun ring 'phags pa'i bstan chos las bstan tshig le'ur byas de dang // rigs pa drug cu zhes bya rnam par 'thag byas stong nyid bdun cu pa de dang // gang yang rtsod pa rnam par bzlog pa bkod pa de dag kyang ni mthong gyur zhing // brgya pa la sogs de dag dang ni de bzhin mdo sde zab mo rnams mang dang // sangs rgyas bskyangs kyis mdzad pa'i 'grel ba mthong nas legs ldan byed kyis legs bshad gang // gcig nas gcig tu brgyad las 'ongs dang bdag gis rnam par phyi las rnyed pa gang // de dag bsgoms te blo chen ldan rnams mgu bar bya phyir yang dag bstan pa yin// dpyod pa'i dkyil 'khor dang ldan rtog ge 'joms byed blo gsal rnams la tshig gi ni// 'od zer dag gis 'di na gnas don yang dag ma dkrugs dngos su gsal byed cing // 'grel pa ches gsal 'di yang byed pa'i zla ba grags ldan 'di deng shar ba yis// 'jog rten rnams kyi yin gnyis mun pa stug po dag dang lhan cig sel ba yin// lung dang rigs pa la brten 'grel pa sdeb legs ma dkrugs tshig dang ldan pa 'di// blo bzang dad ldan rnams la nges par bsgrub par bya phyir gus par byas nas ni// bdag gis bsod nams stong pa nyid ltar yangs par gyur pa gang zhig bsags pa des// 'jig rten ma lus lta tshogs spangs nas spras kun chad pa'i go 'phang bgrod par shog/ ston pa gau ta ma dang ni de'i chos la zhugs rdzogs pa'i sangs rgyas mtha' dag dang // rgyal ba'i sras po'i tshogs dang de dag gis
- 225b
gsungs tshes la phyag 'tshal nas// sangs rgyas gsung mtha' yas la blta phyir lus can rnams kyi mig gyur dbu ma ni// gang gis thugs rje'i sgo nas mdzad pa'i klu sgrub de la bdag ni phyag 'tshal lo// bstan tshes dbu ma rtsa ba'i 'grel pa tshig gsal ba zhes bya ba/ slob dpon zla ba grags pa theg pa mchog la thugs gzhol ba/ mi 'phrogs pa'i mkhyen rab dang thugs rje mnga' ba// ri mor bris pa'i ba drus ma la 'o ma bzhos pas bden par zhen pa bzlog par mdzad pas/ sbyar ba yongs su rdzogs so// // gsung rab rgya mtsho bsrubs byung de nyid bdud rtsi'i snod// shes rab ces bya snang byed tshig gsal rin chen sgron// bsgyur las dge ba gang bsags de yi nyi ma grags// lha thibs spangs te spros bral mkha' la 'gro bar shog/ kha che'i grong khyer dpe med kyi dpung / rin chen sbas pa'i gtsug lag khang gi 'dabs su/ rgya gar gyi mkhan po rtog ge pa chen po// ma hA su ma ti'i zhal snga nas dang / bod kyi lo tsA ba pa tsha ba nyi ma grags kyis kha che'i dpe dang mthun pa ltar bsgyur// phyi sa ra sa ra mo che'i gtsug lag khang du kha che'i mkhan po ka na ka warba dang / bod kyi lo tsA ba de nyid kyis nyi 'og shar phyogs kyi dpe dang / gtugs shing legs par bcos te gtan la phab pa'o// khungs rnams ji ltar grags bzhin bris// 'grel pa sgra don bzhin bskur la// byin chad skad gnyis 'byung srid na// gzu bor byos la dpyad par rigs// yi ge pa ni bla ma'i ming can dag gis bris bkra shis// // dbyam pa 'jug pa bcags/ rgya gar skad du/ mad+h+ya mA ba tA ra kA ri kA nA ma/ bod skad du/ dbu ma la 'jug pa'i tshig le'ur byas pa/ 'phags pa 'jam dpal gzhon nur gyur pa la phyag 'tshal lo// nyan thos sangs rgyas 'bring rnam
- 226a
thub dbang skyes// sangs rgyas byang chub sems dpa' las 'khrungs shing // snying rje'i sems dang gnyis su med blo dang // byang chub sems ni rgyal sras rnams kyi rgyu// gang phyir brtse nyid rgyal ba'i lo thog phun tshegs 'di'i// sa bon dang ni chu dang yun ring du// longs spyod gnas la smin pa ltar gyur pa// de phyir thog mar snying rje bstod par bgyi// dang por bdag tu mngon par zhen gyur cing // dngos po rnams la bdag gis zhes bzung bas// zo chun rgyud ltar rang dbang med pa yi// 'gro la snying rjer gyur gang de la 'dud// 'gro ba g.yo ba'i chu nang zla ba ltar// g.yo dang rang bzhin stong par mthong ba yi// 'gro ba dgrol phyir snying rje'i gzhan dbang gis// kun tu bzang po'i smon pas rab smon zhing // gang gis sems ni rab dga' la gnas pa// de ni rgyal ba'i sras kyi dang por brjod// de nas bzung ste de thob gyur pas de/ byang chub sems dpa' zhes bya ba'i sgras bsnyad do// 'di ni de bzhin gshegs pa'i rigs skyes te// 'di yis kun sbyor gsum pa spangs par 'gyur// de ni dga' ba mchog tu gyur 'chang zhing // 'jig rten khams brgya g.yo bar nus pa'ang yin// sa nas sar gnon gong du 'gro bar 'gyur// de tshe 'di yi ngan 'gro'i lam 'gag cing // so so skye bo'i sa rnams zad 'gyur te// 'di ni 'phags pa brgyad pa bzhin du bstan// rdzogs pa'i byang chub sems bskyed dang pos kyang // thub dbang gsung skyes rang rgyal bcas pa rnams// bsod nams stobs kyis pham byas rnams 'phel zhing // ring du song ba'i blo yang lhag par 'gyur// de tshe de la rdzogs sangs byang chub rgyur// dang po sbyin pa nyid ni lhag par 'gyur// rang sha gtong la'ang gus par byas pa yis// nang du mi rung dpog pa'i rgyur yang 'gyur// skye bo 'di kun bde ba
- 226b
mngon 'dod cing // mi rnams bde ba'ang longs spyod med min la// longs spyod kyang ni sbyin las byung mkhyen nas// thub pas dang por sbyin pa'i gtam mdzad do// snying rje dman zhing shin tu rtsub sems can// rang don lhur len nyid du gyur pa gang // de dag gi yang 'dod pa'i longs spyod rnams// sdug bsngal nyer zhi'i rgyur gyur sbyin las byung // 'di yang sbyin pa'i skabs kyi nam zhig tshe// 'phags pa'i skye bo dang phrad myur du thob// de nas srid rgyan yang dag bcad byas te// de yi rgyu can zhi bar 'gro bar 'gyur// 'gro la phan par dam bcas yid can rnams// sbyin pas ring por mi thogs dga' ba thob// snying rje can dang snying rje med la yang // de phyir sbyin pa'i gtam nyid rtsa bar 'dod// ji ltar byin cig ces sgra thos sems las// rgyal sras bde 'byung de ltar thub rnams la// zhi bar zhugs pas bde ba byed min na// thams cad btang bas lta zhig smos ci dgos// lus bcad ster zhing bdag gi sdug bsngal gyis// gzhan dag rnams kyis dmyal ba la sogs pa'i// sdug bsngal rang rig nyid du mthong nas de// bcad par bya phyir de ni brtson par byed// skyed pa skyed bya la dpagang pas gting // 'jig rten 'das pa'i pha rol bye rgyas bya// gsum po dgal chags skyes thar pas des// 'jig rten pa yi pha rol phyin ces bstan// de ltang lasas yid la rab gnas shing // dam pa'i rten la 'od chags mdzes gyur pa'i// dga' ba 'di ni nor bu chu shel bzhin// mun sdug thams cad rnam par bsal nas rgyal// dbu ma la 'jug pa las rab tu dga' ba zhes bya ba byang chub sems dpa'i sems bskyed pa dang po'o// // de tshul phun tshogs yon tan dag ldan phyir// rmi lam du yang 'tshal khrims dri ma spangs// lus ngag yid kyi rgyu ba dag gyur pas// dam pa'i las lam
- 227a
bcu car gsog par byed// dge ba'i lam 'di lta zhig bcu car yang // de la klags te shin tu dag par 'gyur// ston ka'i zla ltar rtag tu rnam dag ste// zhi 'od chags par de dag gis rnam mdzes// gal te 'di ni khrims dag rang bzhin lta// de phyir de ni tshul khrims dag mi 'gyur// de phyir de ni rtag tu gsum char la'ang // gnyis blo'i rgyu ba yang dag bral bar 'gyur// skye bo tshul khrims rkang ba chags gyur na// sbyin pas longs spyod ldan yang ngan 'gror ltung // bskyed bcas rtsa ba yongs su zad pas na// phyin chad de la longs spyod 'byung mi 'gyur// rang dbang 'jug cing mthun pa'i yul gnas pa// de tshe 'di dag 'dzin par mi byed na// g.yang sar lhung bas gzhan dbang 'jug 'gyur ba// de tshe de nas gang gis 'byin par 'gyur// de phyir rgyal bas sbyin pa'i gtam mdzad nas// tshul khrims rjes 'gro'i gtam nyid mdzad pa yin// yon tan tshul khrims zhing du rnam 'brel na// 'bras bu nyer spyod chad pa med par 'gyur// so so'i skye bo rnams dang gsung skyes dang // rang sangs rgyas la nges pa'i bdag nyid dang // rgyal sras rnams kyi mngon par mtho ba dang // nges legs rgyu ni tshul khrims las gzhan med// ji ltar rgya mtsho ro dang lhan cig dang // bkra shrIs sna nag ma dang lhan cig bzhin// de ltar tshul khrims dbang byas bdag nyid ce// de 'tshal ba dang ldan gyig gnas mi 'ad// gangags pa ga gang la srang byed pa// gsam dud migs pa yang nA tshul khrims // dis rten pa yi pAr la phyin nas ba ng+gA// gsum la chags pas stong de 'jig rten 'das// srid min srid pa'i dpal gyur rgyal sras kyi// zla ba las byung dri bral dri med pa// 'di yang ston ka'i zla 'od ji bzhin du// 'gro ba yid kyi gdung ba sel byed yin// dbu ma la 'jug
- 227b
pa las dri ma med pa zhes bya ba byang chub sems dpa'i sems bskyed pa gnyis pa'o// // shes bya'i bud shing ma lus sreg pa'i me// 'od 'byung phyir na gsum pa'i sa 'di ni// 'od byed pa de bde gshegs sras po la// de tshe nyi 'od zangs 'dra'i snang ba 'byung // gal te gnas min 'khrug pa 'ga' zhig gis// de yi lus la rus pa dang bcas sha/ srang re yun ring dus su gcod byed kyang // gcod byed de la bzod pa lhag par skye// bdag med lta ba'i byang chub sems dpa' yis// gang gis gang la gang tshe ci bcad pas// gang phyir de yis chos kun gzugs brnyan ltar// mthong ba'i phyir yang de yis bzod par 'gyur// gnod pa byas pas gal te der dkon na// de la dkon pas byas zin ldog gam ci// de phyir de dkon nges par 'dir don med// 'jig rten pha rol yang ni 'gal bar 'gyur// sngon byas mi dge'i las kyi 'bras bu gang // zad byed brjod par 'dod pa de nyid ko/ gzhan la gnod dang khro bas sdug bsngal phyir// sa bon nyid du ji ltar khrid par byed// gang phyir rgyal sras rnams la khros pa yis// sbyin dang tshul khrims bskal pa bye ba brgyar// bsags pa// sang cig gis 'joms rnam myong// me brtsod las gzhan sreg pa yod pa yin// me s+'uk+sha gzugs byed dam pa yin par byed// gas dang mi rigs med bye 'breg byud cing // me bzed kyi las myung dras 'gror sbyar// bzod pas bshad zin dang 'gal yon tan byed// mdzes shing dam pa'i skye bos 'dod pa dang // rigs dang mi rigs shes la mkhas 'gyur zhing // 'di las gzhan du lha mi dag tu skye// so so'i skye bo dang ni rgyal sras kyi// khro dang bzod pa'i skyon yon rig byas te// mi bzod spangs pas 'phags pa'i skye bo yis// bsngags pa'i bzod pa rtag tu bsten par bya// rdzogs sangs rgyas kyis byang/
- 228a
chub phyir bsngos kyang // gsum dmigs yod na de ni 'jig rten pa'o// dmigs pa med na de nyid sangs rgyas kyis// 'jig rten 'das pa'i pha rol phyin ces gsungs// sa der bsam gtan mngon shes 'byung 'gyur dang // 'dod chags zhe sdang yongs su zad par 'gyur// des kyang rtag tu 'jig rten pa yi ni// 'dod pa'i 'dod chags 'joms par nus par 'gyur// sbyin sogs chos gsum de dag phal mo cher// bde bar gshegs pas khyim pa rnams la bsngags// bsod nams zhes bya'i tshogs kyang de dag nyid// sangs rgyas gzugs kyi bdag nyid sku yi rgyu// rgyal sras sa/ sa/ sa sa sa bya/ gyus sa zhes bya ba byang chub sems dpa'i sems bskyed pa gsum pa'o// // yon tan thams cad brtson 'grus rjes 'gro zhing // bsod nams blo gros tshegs ni gnyis kyi rgyu// brtson 'grus gang du 'bar bar gyur pa yi// sa de 'od 'phro bzhi pa zhes bya'o// der ni bde gshegs sras la rdzogs pa yi// byang chub phyogs lhag bsgoms pa las skyes pa'i// snang bzangs kyi 'od pas lhag 'byung zhing // bdag tu lta ba dang 'brel yongs su zad// dbu ma la 'jug pa las 'od 'phro ba zhes bya ba byang chub sems dpa'i sems bskyed pa bzhi pa'o// // sbyang dka'i sar gnas bdag nyid chen po de// bdud rnams kun gyis 'pham par nus pa ma yin// bsam gtan lhag cing blo bzang bden rang bzhin// zhib mo rtogs la'ang shin tu mkhas pa thob// dbu ma la 'jug pa las sbyang dka' ba zhes bya ba byang chub sems
- 228b
dpa'i sems bskyed pa lnga pa'o// // mngon du phyogs par mnyam bzhag sems gnas te// rdzogs pa'i sangs rgyas chos la mngon phyogs shing // rkyen nyid 'di pa'i de nyid mthong ba de// shes rab gnas pas 'gog pa thob par 'gyur// ji ltar long ba'i tshogs kun bde blag tu// mig ldan skyes bu gcig gis 'dod pa yi// yul du khrid pa de bzhin 'dir yang blos// mig nyams yon tan blangs te rgyal bar khrid// ji ltar de yis chos zab chos rtogs pa// lung dang gzhan yang rigs pas yin pas na// de ltar 'phags pa klu grub gzhung lugs las// ji ltar gnas pa'i lugs bzhin brjod par bya// so so skye bo nyid na'ang snong nyid thos// nang du dga' ba yang dang yang du 'byung // dga' ba las byung mchims mig gang zhing // lus kyi ba spu ldang gyur gang yin pa// de la rdzogs pa'i byang chub sa bon yod// de nyid bstan pa'i snod ni de yin te// de la don dam bden pa bstan par bya// de la de rjes 'gro ba'i yon tan 'byung // rtag tu tshul khrims blangs nas gnas par 'gyur// sbyin pa gtong zhing snying rje brten par byed// bzod pa sgom zhing dge bya byang chub tra// 'gro ba dkrol phyir yongs su bas byed cing // byang chub sems dpa' rnams la gus par byed// zab cing na che'i tshul la mkhas pas ni// rim gyis rab tu dga' ba'i sa thob pas// de don gnyir bsalam 'di mnyan par gyis// de nyid de las 'byung min gzhan dag las kyang min// gnyis ka las min rgyu med par yang 'byung ba min// de ni de las 'byung na yon tan 'ga' yang med// skyes zin slar yang skye bar rigs pa'ang ma yin nyid// skyes pa slar yang skye bar yongs su rtog na ni// myu gu sogs kyi skye ba thob par mi 'gyur zhing // sa bon srid mthar thug par skye ba nyid du 'gyur// ji ltar de nyid kyis de rnam par
- 229a
'jig par 'gyur// byed rgyu sa bon gyi las myu gu'i dbyibs dang ni// kha dog ro nus smin pa'i tha dad med par 'gyur// gal te rang gi sngar gyi ngo bo yongs btang nas// gzhan gyi ngo bor gyur na de nyid ji/ ltar yin// gal te sa bon myu gu 'dir gzhan ma yin na// sa bon bzhin du myu gu bzung du med pa'am// yang na de bzhin de yang bzung du yod par 'gyur// de yi phyir na de dag gcig par khas mi blang // gang phyir rgyu zhig/ na yang 'bras bu mthong ba'i phyir// de dag gcig ces 'jig rten pas kyang khas len med// de phyir dngos po bdag las 'byung zhes btags pa 'di// de nyid dang ni 'jig rten du yang rigs ma yin// bdag skyes 'dod na bskyed par bya dang snyed byed dang // las dang byed po gcig tu 'gyur na de dag ni// gcig nyid min pas bdag las skye ba las blang bar// bya smin gyi cher bshad pa'i nyes par 'gyur sting ngo // gal te gzhan la brten nas gzhan zhig 'byung na ni// me lce las kyang mun pa 'thug po 'byung 'gyur zhing // kun las thams cad skye bar 'gyur de gang gi phyir// skyed byed min pa kun la'ang gzhan nyid mtshungs phyir ro// rab tu bya bar nus pa de phyir 'bras bur nges brjod cing // gang zhig skyed byed nus pa de ni gzhan na'ang rgyu yin la// rgyud gcig rtogs dang skyed par byed las bskyed pa de yi phyir// sa lu'i myu gu nas la sogs pa de lta min zhe na// ji ltar nas dang ge sar dang ni keng shu ka la sogs// nub pa med dang rgyud gcig min dang 'dra ba min pa dag/ sa lu'i myu gu skyod byed min par 'dod pas de bzhin du// sa lu'i sa bon nyid kyang de bzhin nyid de gzhan nyid phyir// myu gu sa bon dus mnyam yod pa ma yin te// gzhan nyid med par sa bon gzhan du ga la 'gyur// des na myu gu sa bon las skye 'grub min pas// gzhan las skye zhes bya ba'i phyogs ni btang bar byos// ji ltar srang gi mda'
- 229b
gnyis mtho dang dma' ba dag/ dus mnyam ma yin min par mthong ba de bzhin du// bskyed bya skyed byed dag gis skye 'gag 'gyur zhe na// gal te dus gcig yin na 'dir dus gcig med de// skye bzhin pa de skye la phyogs pas yod min zhing // 'gag bzhin pa ni yod kyang 'jig la phyogs gyur pa// de tshe 'dir ni ji ltar srang dang mtshungs pa yin// skye ba 'dir ni byed po med par rigs ma yin// mig gi blo la rang gi skyed byed dus gcig pa// mig la sogs dang lhan cig 'byung ba 'du shes las// gzhan nyid yod na yod la 'byung bas dgos ci yod// de med ce na 'di la nyes pa bshad zin to// skyed byed bskyed bya gzhan bskyed pa de rgyu yin na// / yod med gnyis dang gnyis ka min pa bskyed 'gyur grangs// yod na ci dgos med la'ang des ni ci zhig bya// gnyis la ci bya gnyis dang bral ba'ang des ci bya// rang lta la gnas 'jig rten tshad mar 'dod pa ni/ 'dir ni rigs pa brjod pa nyid kyis ci zhig bya// gzhan las byung ba'ang 'jig rten pa yis rtogs 'gyur te// des na gzhan skye yod 'dir rig pa ci zhig bya// dngos kun yang dag mthong ba'i 'khrul pa yis// dngos snying ngo bo gnyis ni 'dzin par 'gyur// yang dag mthong yul gang yin de nyid de// mthong ba 'phrul ba'i kun rdzob bden par gsungs// mthong ba 'phrul pa'ang rnam pa gnyis 'dod de// dbang pogasapa dang dbang po skyon ldan no// skyon ldan dbang can rnams kyis shes pa ni// dbang po legs gyur shes pa log par 'dod// gnod pa med pa'i dbang po drug rnams kyi// bzung ba gang zhig 'jig rten gyis rtogs te/ 'jig rten nyid las bden yin lhag ma ni// 'jig rten nyid las log par rnam par bzhag/ mi shes gnyid kyis rab bskyod mu stegs can// rnams kyis bdag nyid ji bzhin brtags pa dang // sgyu ma smig rgyu sogs
- 230a
la brtags pa gang // de dag 'jig rten las kyang yod min nyid// mig ni rab rib can gyis mthong ba yis// rab rib med ces la gnod min ji ltar// de bzhin dri med ye shes spangs pa'i blos// dri med blo la gnod pa yod ma yin// gti mug rang bzhin sgrib phyir kun rdzob ste// des gang bden par mthong ba'i bcos ma de// kun rdzob bden zhes thub pa de gsungs te// bcos mar gyur pa'i dngos ni kun rdzob tu'o// / rab rib mthu yis sgra bshad la sogs pa'i// ngo bo log pa gang zhig rnam brtags pa// de nyid bdag nyid gang du mig dag pas// mthong de de nyid de bzhin 'dir shes kyis// gal te 'jig rten tshad ma yin na ni// 'jig rten de nyid mthong bas 'phags gzhan gyis// ci dgos 'phags pa'i lam gyis ci zhig bya// blun po tshad mar rigs pa'ang ma yin no// rnam kun 'jig rten tshad min de yi phyir// de nyid skabs su 'jig rten gnod pa med// 'jig rten don ni 'jig rten grags nyid kyis// gal te sel na 'jig rten gyis gnod 'gyur// gang phyir 'jig rten sa bon tsam btab nas// bdag gis bu 'di bskyed ces su byed cing // shing yang bzugs so snyam du rtags des na// gzhan las skye ba 'jig rten las kyang med// gang bye phyu gas ngan las gzhan man// de skye mug ces pan cig pa med// gang bye gcig nyid ma man rdo yang // myug tshe sa bon yod ces brjod mi bya// gal te rang gi mtshan nyid brten 'byung na// de la bkur bas dngos po 'jig pa'i phyir// stong nyid dngos po 'jig pa'i rgyur 'gyur na// de ni rigs min de phyir dngos yod min// gang phyir dngos po 'di dag rnam dpyad na// de bzhin nyid kyi dngos las tshu rol tu// gnas rnyed ma yin de phyir 'jig rten gyi// tha snyad bden la rnam par dpyad mi bya// de nyid skabs su rigs pa gang zhig/
- 230b
gis// bdag dang gzhan las skye ba'ang rigs min pa'i// rigs des tha snyad du yang rigs min pas// khyod kyi skye ba gang gis yin par 'gyur// dngos po stong pa gzugs brnyan la sogs pa// tshogs/ la bltos rnams ma grags pa'ang min// ji ltar der ni gzugs brnyan sogs stong las// shes pa de yi rnam pa skye 'gyur ba// de bzhin dngos po thams cad stong na yang // stong pa nyid las rab tu skye bar 'gyur// bden pa gnyis su'ang rang bzhin med pa'i phyir// de dag rtag pa ma yin chad pa'ang min// gang phyir rang bzhin gyis de mi 'gag pa// de phyir kun gzhi med kyang 'di nus phyir// la lar las 'gags yun rings lon las kyang // 'bras bu yang dag 'byung bar rigs par gyis// rmi lam dmigs pa'i yul dag mthong nas ni// sad kyang blun la chags pa skye 'gyur ba// de bzhin 'gags shing rang bzhin yod min pa'i// las las kyang ni 'bras bu yod pa yin// ji ltar yul ni med pa nyid mtshungs kyang // rab rib can gyis sra shang rnam par ni// mthong gi dngos gzhon rnam par ma yin ltar// de bzhin sprin las slar smin min shes kyis// de phyir rnam smin mi dge nag po las// rnam smin dge nyid dge las yin mthong zhing // dge mi dge blo med pa thar 'gyur te// mthong gi dngos gzhan rnam par ma yin ltar// las 'bras rnams la sems dpa' dgag pa mdzad// kun gzhi yod cing gang zag yod nyid las// phung po 'di dag 'ba' zhig nyi yod ces// bstan pa 'di ni de ltar ches zab don// rigs par mi 'gyur gang yin de la'o// 'jig tshogs lta dang bral yang sangs rgyas kyis// ji ltar nga dang nga yi bstan pa ltar// de bzhin dngos rnams rang bzhin med mod kyi// yod ces drang don nyid du bstan pa yin// bzung ba med par 'dzin pa ma
- 231a
mthong zhing // srid gsum rnam shes tsam du rab rtogs pas// shes rab la gnas byang chub sems dpa' des// rnam shes tsam du de nyid rtogs par 'gyur// ji ltar rlung gis bskul bas rgya mtsho ni// che las chu rlabs 'byung ba de bzhin du// kun gyis sa bon kun gzhi zhes bya las// rang gi nus pa rnam shes tsam zhig 'byung // de phyir gzhan gyi dbang gi ngo bo gang // dngos po btags par yod pa'i rgyur 'gyur zhing // phyi rol bzung ba med par 'byung 'gyur la// yod dang spros kun yul min rang bzhin yod// phyi rol med sems dper na gang du yod// rmi lam ji bzhin zhe na de bsam bya// gang tshe nga la rmi lam na yang sems// yod min de tshe khyod kyi dpe yod min// gal te sad tshe rmi lam dran las yid// yod na phyi rol yul yang de bzhin 'gyur// ji ltar khyod kyis ngas mthong dran snyam pa// de 'dra phyi rol la yang mtshungs pa yin// gal te gnyid ni mig blo mi srid pas// yod min yid kyi shes pa kho na yod// de yi rnam pa phyi rol nyid du zhe na// rmi lam ji lta bzhin du 'dir 'dod na// ji ltar khyod kyi phyi yul rmi lam du// ma skyes de bzhin yid kyang skyes ma yin// mig dang mig gi yul dang des bskyed sems// gsum po thams cad kyang ni rdzun pa yin// rnga sogs gsum po lhag mnga' skye ba med// rmi lam ji lta bzhin du sad 'dir yang // dngos rnams rdzan yin sems de yod ma yin// spyod yul med cing dbang po rnams kyang med// 'di ni ji ltar sad bzhin ji srid du// ma sad de srid de la gsum po yod// sad par gyur na gsum char yod min ltar// gti mug gnyis las sad de de bzhin no// dbang po rab rib bcas pas blo gang gis// rab rib mthu las skra rnams gang mthong ba// de blo la bltos gnyis char bden pa des// don gsal
- 231b
mthong la gnyis ka'ang rdzun pa yin// gal te shes bya med par blo yod na// skra de'i yul dang mig ni rjes 'brel pa'i// rab rib med la'ang skra shad blor 'gyur na// de lta ma yin de phyir de yod min// gang phyir mthong/ ba dag la blo nus ni// smin med de phyir de la blo mi 'byung // shes bya yod dngos bral bas min zhe na// nus de med pas 'di ni 'grub ma yin// skyes la rus pa srid pa yod ma yin// ma skyes ngo bo la yang nus/ yod min// khyad par med par khyad pa can yod min// mo gsham bu la'ang de ni yod par thal// gal te 'byung bar 'gyur bas bsnyad 'dod na// nus pa med par 'di yi 'byung 'gyur med// phan tshun don la brten pa'i grub pa ni// grub nyid min zhes dam pa rnams kyis gsungs// gal te 'gag pa'i dus min las gyur na// gzhan gyis nus pa las gzhan 'byung bar 'gyur// rgyun can rnams der phan tshun tha dad yod// / de phyir kun las thams cad 'byung bar 'gyur// gal te 'dir ni rgyan can tha dad kyi// de dag la rgyan tha dad med de'i phyir// nyes med ce na 'di ni bsgrub bya zhig/ tha mi dad pa'i rgyun skabs med phyir ro// byams pa nyer sbas la brten chos rnams ni// gzhan nyid phyir na rgyud gcig rtogs min te// gang dag rang mtshan nyid kyi so so ba// de dag rgyud gcig rtogs par rigs ma yin// mig blo skye ba'i rang nus gang zhig las// de ma thag tu de ni skye 'gyur zhing // rang gi rnam shes brten gyi nus de la// dbang po gzugs can mig ces bya bar rtogs// 'di na dbang po las byung rnam par rigs// phyi bzung med par rang gi sa bon las// sngon sogs/ snang nyid 'byung bar ma rtogs nas// skye bos phyi rol bzung bar sems khas len// rmi lam na ni gzugs don gzhan med par// rang nus smin las de yi rnam can sems// 'byung ba ji lta de bzhin sad la'ang 'dir// /
- 232a
ma la ga la pa sa ya sas pas su gra pa mas sa sa ma pa ma sas mas sams samams sa sa mamasasapasas sa sa nga sa gra su la las ya sa 'phra sa bya pa yas tham pa dgas phyi rol med par yid ni yod ce na// ji ltar mig med par ni rmi lam du// sngon sogs snang ba'i yid sems 'byung de ltar// mig dbang med par rang gi sa bon ni// smin las long ba la 'dir// ci mi mi skye// gal te khyod ltar rmi lam drug pa yi// nub pa smin yod sad par med 'gyur na// drug pa'i rus smin ji ltar 'dir med pa// de ltar rmi tshe med ces cis mi rigs// ji ltar mig med 'di yi rgyu min ltar// rmi lam du yang gnyid ni sgyu ma yin// de phyir rmi lam du yang de dngos mig/ rdzun pa'i yul can rtogs pa'i rgyur khas blangs// 'di yi lan ni gang dang gang btab pa// de dang de ni dam bca' mtshungs mthong ba// rjod 'di sel byed sangs rgyas rnams kyis ni// 'grar yang dngos po yod nas ma bstan to// rnal 'byor pa yis tha ma'i man dag las// keng rus kyis gangs gzhi mthong ba gang // der yang gsum char skye ba med par mthong // log pa yid la byed par bstan phyir ro// khyod kyi dbang blo'i yul rnams ji lta bar// de ltar mi sdug yid kyis yang 'gyur na// de bzhin yul der blo gtad cig shos kyis// rtogs 'gyur de ni rdzun par yang mi 'gyur// rab rib dang ldan dbang po can mtshungs pa// chu 'bab krung la yi dwags rnag go yang // mdor na ji ltar shes bya med de bzhin// blo yang med ces don 'di shes par gyis// gal te bzung med 'dzin pa dang bral zhing // gnyis kyis stong pa'i gzhan dbang dngos yod na// yi yi yod nyid gang gis shes par gyis// ma bzung bar yang yod ces byar mi rung // de nyid kyis de myong bar grub ma yin// gal te phyi dus dran lngas 'grub ce na// ma grub pa sgrub par bya phyir brjod pa yi// ma grub 'di ni sgrub par byed pa min// rang rig pa ni grub la rag mod kyi// de lta'ang dran pa'i
- 232b
dran pa rigs min te// gzhan phyir ma shes rgyud la skyes pa bzhin// gtan tshigs 'dis ni khyad par dag kyang 'joms// gang phyir gang gi yul myong gyur de las// bdag las dran pa gzhan yod ma yin pa// de phyir bdag gis mthong snyam dran 'gyur te// 'di yang 'jig rten tha snyad tshul lugs yin// de phyir rang rig yod pa ma yin na// khyod kyi gzhan dbang gang gis 'dzin par 'gyur// byed po las dang bya ba gcig min pas// de nyid kyis de 'dzin par rigs ma yin// gal te skye ba med cing ma shes pa'i// bdag can gzhan dbang ngo bo dngos yod na// gang gis na 'di yod par mi 'dod pa// khyod la mo sham bus gnod ci zhig bskyal// gang tshe gzhan dbang cung zad yod min na// kun rdzo bo bden pa'i rgyur ni gang zhig 'gyur// gzhan gyi ltar na rdzas la chags pa yis// 'jig rten grags pa'i rnam gzhag kun kyang brlag/ slob dpon klu sgrub zhabs kyi la ma las ni// phyi rol glur la ni ba'i thabs med do// de dag kuni rdzo ba de nyid bden las nyams// de las rnams pas thar pa grub yod min// tha skad bden pa thabs su gyur pa dang // don dam bden pa tha~M byung gyur pa ste// de gnyis rnam dbyigang gis mi shes pa// de ni rnam rtog log pas lam ngan zhugs// ji ltar khyod kyis gzhan dbang dngos 'dod ltar// kun rdzob kyang ni bdag gis khas mthangs// 'bras phyir 'di dag med kyang yod do zhes// 'jig rten ngor byas bdag ni smra bar byed// ji ltar phung po spangs nas zhing zhugs pas// dgra bcom rnams la yod pa min de ltar// 'jig rten la yang med na de bzhin 'di// 'jig rten las kyang yod ces bdag mi smra// gal te khyod la 'jig rten mi gnod na// 'jig rten nyid bltos 'di ni dgag par gyis// khyod dang 'jig rten 'dir rtsod gyis shig dang // phyi nas stobs ldan bdag gi
- 233a
bsten par bya// mngon gyur mngon phyogs byang chub sems dpa' yis// srid gsum rnam shes tsam du gang rtogs pa// rtag bdag byed po bkag pa rtogs phyir des// byed pa po ni sems tsam yin/ par rtogs// de byur ze ldan byen 'di la ba'i phying // ladu gshegs ma de de las kun pa byed gyis// mu sngags dpe sbo mthon 'jams byed pa// rdo rje drini dgangs pa bca dbyeng gsungs// ji ltar dang / bstan bcos de de las// mu stegs rnams gang zag sogs de dag/ smras pa de dag byed por med gzigs nas// rgyal bas sems cam 'jig rten byed par gsungs// ji ltar de nyid rtogs la sangs rgyas bsnyad// de bzhin sems tsam gtsor gyur 'jig rten la// mdo las sems tsam zhes gsungs gzugs ni 'dir// 'gog pa de ltar mdo yi don ma yin// gal te 'di dag sems tsam zhes mkhyen nas// de las gzugs nyid dgag pa mdzad na ni// slar yang de las bdag nyid chen pos sems// ma rig las las skyes par ci phyir gsungs// sems nyid kyis ni sems can 'jig rten dang // snod kyi 'jig rten/ shin tu sna tshogs 'god// 'gro ba ma lus las la skye bar gsungs// sems spangs nas ni las kyang yod ma yin// 'di ltar gzugs yod med kyi de la ni// sems bzhin byed pa po nyid yod ma yin// des na sems las gzhan pa'i byed pa po// bzlog gi gzugs ni bkag pa ma yin no// 'jig rten pa yi de nyid la gnas la// phung po 'jig rten grags de lnga char yod// de nyid ye shes 'char bar 'dod pa na// rnal 'byor pa la de lnga 'byung mi 'gyur// gzugs med na ni sems yod ma 'dzin cig/ sems yod nyid na'ang gzugs med ma 'dzin cig/ de dag shes rab tshul mdor sangs rgyas kyis// mtshungs par spangs shing
- 233b
mngon pa'i chos las gsungs// bden gnyis rim pa 'di dag bshig nas kyang // khyod kyi rdzas ni bkag par 'grub mi 'gyur// de phyir de lta'i rim pas dngos gdod nas// de nyid ma skyes 'jig rten skyes rig bya// mdo sde gang las phyi rol don yod min// sems nyid sna tshogs snang ngo zhes gsungs pa// gzugs la lhag par chags gang de dag la// gzugs bzlog pa ste de yang drang don nyid// 'di ni ston pas drang don nyid gsungs shing // 'di ni drang don nyid du rigs pas 'thad// rnam pa de lta'i mdo sde gzhan yang ni// drang don nyid du lung 'dis gsal bar byed// shes bya med na shes pa gsal ba ni// bde blag/ rnyed ces sangs rgyas rnams kyis gsungs// shes bya med na shes pa bkag 'grub pas// dang por shes bya dgag par mdzad pa yin// de ltar lung gi lo rgyus shes bya ste// mdo gang de nyid ma yin bshad don/ can// rang don gsungs pa'ang rtogs nas drang bya zhing // stong nyid don can nges don yang shes kyis// gnyis las skye ba'ang rigs pa ma yin gang gi phyir// bshad zin nyes pa thog tu 'bab pa nyid phyir ro// 'di ni du 'i hU~M / / gyu / sa na pa bu 'grub phyir sa bon sogs// brgya phrag sgo nas sdud byed par yang mi 'gyur ro// gal te 'gro ba rgyu yis stong na nam mkha' yi// ut+pal dri mdog ji bzhin bzung du med 'gyur na// shin tu bkra ba'i 'jig rten 'dzin pa'ang yin de'i phyir// rang gi blo bzhin 'jig rten rgyu las byung shes kyi// 'byung ba de dag bdag nyid gang zhig khyod kyi blo'i// yul du 'gyur ba de yi bdag can ma yin na// gang la yid kyi mun 'thug 'di nyid/
- 234a
du yod pa// des ni ji ltar 'jig rten pha rol rtogs par 'gyur// 'jig rten pha rol 'gog pa'i dus su bdag nyid ni// shes bya'i rang bzhin log par lta ba rtog bya ste// de yi lta ba'i rnam pa'i brten mtshungs lus ldan phyir// gang tshe 'byung ba'i yid nyid khas len de tshe bzhin// 'byung ba de dag ji ltar med pa bshad zin te// gang gi phyir na gong du rang gzhan gnyis ka dang // rgyu med skye ba thun mong du// / ni bkag zin phyir// ma bshad 'byung ba lta zhig yod pa ma yin no// gang gi phyir na bdag gzhan gnyis ka las skyes dang // rgyal ma bltos med pas dngos rnams rang bzhin bral// gti mug stug po sprin sa sa / mas pa sa sa d+hA// sgyu sa / stsal la ga / du ni gti mug dbang gis mi mkhas pas// blo yis 'dus byas sna tshogs dag ni rtogs par 'gyur// las ni gti mug brten 'byung gti mug med par de// mi 'byung zhes byar mi mkhas kho nas rtogs nyid la// the ba ba nam mun pa skrag po rnam par bsal ba yi// mangs pa da na sa da rtags nas thal bar 'gyur// gal te dngas rnams de nyi dang byed // sdung du yang mog shas bu ji bzhin// de dag mangs nyid du 'gyur de'i phyir// de dag rang bzhin gyis ni yod ce na// gang dag rab rib can sogs yul gyur pa// skra shad la sogs de dag ma skyes pas// re zhig de dag nyid la brtsad byas te// phyi nas ma rig rab rib rjes/ 'brel la'o// gal te rmi lam dri za'i grong khyer bcas// smig rgyu'i chu dang mig 'phrul gzugs brnyan sogs// skye med mthong na yod med min mtshungs kyang // khyod la ji ltar der 'gyur de mi rigs// de nyid du 'di ji
- 234b
ltar skye med kyang // mo gsham bu ltar gang phyir 'jig rten gyi// mthong ba'i yul du mi 'gyur ma yin la// de yi phyir na smras 'di ma nges pa'o// mo gsham bu la rang bzhin skye ba ni// de nyid du med 'jig rten du yang med// de bzhin dngos kun rang bzhin gyis skye ba// de nyid du med 'jig rten du yang med// de phyir 'di ltar ston pas chos rnams kun// gdod nas zhi zhing skye bral rang bzhin gyis// yongs su mya ngan 'das par gsungs gyur pa// de phyir rtag tu skye ba yod ma yin// ji ltar bum sogs 'di dag de nyid du// med cing 'jig rten rab tu grags par yod// de bzhin dngos po thams cad 'gyur bas na// mo gsham bu dang mtshungs par thal mi 'gyur// gang phyir rgyu med pa dang dbang phyug gi/ rgyu la sogs dang bdag gzhan gnyis ka las// dngos rnams skye bar 'gyur ba ma yin pa// de phyir brten nas rab tu skye bar 'gyur// gang phyir dngos po brten nas rab 'byung bas// rtog pa 'di dag brtag par mi nus pa// de phyir brten 'byung rigs pa 'di yis ni// lha ngan dra ba mtha' dag gcod par byed// rtogs rnams dngos po yod na 'gyur ba ste// dngos po ji ltar med par yod spyad zin// dngos po med par 'di rnams mi 'byung dper// bud shing med par me yod min de bzhin// so so'i skye bo rnams ni rtogs pas bcings// mi rtog rnal 'byor pa ni grol 'gyur bas// rtog rnams log par 'gyur ba gang yin te// rnam par dpyod pa'i 'bras bur mkhas rnams gsungs// bstan bcos la dpyad rtsod la chags pa'i phyir// ma mdzad rnam grol phyir ni de nyid bstan// gal te de nyid rnam par bshad pa na// gzhan gzhung 'jig par 'gyur na nyes pa med// rang gi lta la chags dang de bzhin du// gzhan gyi lha la 'khrug gang rtog pa nyid// de phyir 'dod/
- 235a
chags khong khro rnams bsal te// rnam par dpyod na myur du grol bar 'gyur// nyon mongs skyon rnams ma lus 'jig tshegs la// lha las byung bar blo yis mthong gyur zhing // bdag ni 'di yi/ yul du rtogs byas nas// rnal 'byor pa yis bdag ni 'gog par byed// za po rtag dngos byed po min pa'i bdag/ yon tan bya med mu stegs rnams kyis rtags// de dbye cung zad cung zad la brten nas// mu stegs can rnams lugs ni tha dad 'gyur// mo gsham bu ltar skye ba dang bral phyir// de ltar gyur pa'i bdag ni yod min zhing // 'di ni ngar 'dzin rten du'ang mi rigs la// 'di ni kun rdzob tu yang yod mi 'dod// gang phyir bstan bcos bstan bcos las de'i byad// mu stegs rnams kyis gang bstan de kun la// rang grags ma skyes gtan tshigs kyis gnod pa// de phyir de khyab kun kyang yod ma yin// de phyir phung po las gzhan bdag med de// phung po ma gtogs de 'dzin ma grub phyir// 'jig rten ngar 'dzin blo yi brten du yang // mi 'dod de mi shes pa'ang bdag lta'i phyi// gang dag dud 'gror bskal mang ba skyal gyur pa// des kyang ma skyes rtag 'di ma mthong la// ngar 'dzin de dag la yang 'jug mthong ste// des na phung po las gzhan bdag 'ga' med// phung po las gzhan bdag grub med pa'i phyir// bdag lta'i dmigs pa phung po kho na'o// kha cig bdag lta'i brten du phung po ni// lnga char yang 'dod kha cig sems shig 'dod// gal te phung po bdag na gang phyir de// mangs pas bdag de dag kyang mang por 'gyur// bdag ni rdzas su 'gyur zhing der lta ba// rdzas la 'jug pas phyin ci log mi 'gyur// mya ngan 'das tshe nges par bdag chad 'gyur// mya ngan 'das sngon skad cig dag la ni// skye 'jig byed po med pas de 'bras med// gzhan gyis bsags la gzhan gyis za bar 'gyur//
- 235b
rgyud gcig yin pas skyon de med ce na// rgyud gcig nyid la nyes pa bshad zin to// de phyir phung po dang sems bdag mi rigs// 'jig rten mtha' dang ldan sogs med phyir ro// khyod kyi rnal 'byor bdag med mthong ba la// de tshe nges par dngos rnams med par 'gyur// rtag bdag spong na de tshe de yi phyir// khyod kyi sems sam phung po bdag mi 'gyur// khyod kyis rnal 'byor bdag med mthong ba yis// gzugs sogs de nyid rtogs/ par mi 'gyur zhing // gzugs la dmigs nas 'jug phyir 'dod chags sogs// skye 'gyur de yi ngo bo rtogs med phyir// gang phyir ston pas phung po bdag go zhes// gsungs pa de phyir phung po bdag 'dod na// de ni phung las gzhan bdag 'gog pa ste// gzugs bdag min sogs mdo gzhan gsungs phyir ro// gang phyir gzugs tshor bdag min 'du shes kyang // ma yin 'du byed rnams min rnam shes kyang // min par mdo gzhan las gsungs de yi phyir// mdor bstan phung po bdag ces bzhed ma yin// phung po bdag rjes brjod che bung rnams kyi// tshogs pa yin gyi phung po 'dra ba min// mgon min 'dral ba'am dbang po nyid kyang min// de med phyir de/ tshogs pa ma yin no// de tshe de yi yan lag tshogs gnas rnams// shing rta nyid 'gyur shing rta dang bdag mtshungs// mdo las phung po brten nas yin gsungs pa// de phyir phung po 'dus tsam bdag ma yin// dbyibs so// zhe na gzugs can la yod pas// de dag nyid la bdag ces khyod 'dod kyi// sems la sogs pa 'dus pa'i ngo bo ni// bdag min 'gyur te de la dbyibs med phyir// nye bar len po blangs bya dngos gcig tu// mi rigs las dang byed po gcig 'gyur phyir// byed po med la las ni yod ce na// ma yin byed pa med las min phyir ro// gang phyir thub pas bdag des sa chu me// rlung dang rnam shes nam mkha' zhes bya ba// khams drug dang ni mig
- 236a
sogs reg pa yi// rten drug dag la brten nas nyer bstan zhing // sems dang sems byung chos rnams nyer bzung nas// nges gsungs de phyir de ni dri rnams dang // de nyid ma yin tshogs tsam nyid min te// de phyir de dag rnams la ngar mi rigs// bdag med rtogs tshe rtag pa'i bdag spong zhing // 'di ni ngar 'dzin rten du'ang mi 'dod pa// de phyir bdag med shes pas bdag lta ba// cis kyang 'byin zhes smra ba shin tu mtshar// rang khyim rtsig phug sbrul gnas mthong bzhin du// 'di na klung chen med ces dogs bsal ke// sbrul gyi 'jigs pa'ang spong bar byed pa ni// kye ma gzhan gyi gnam por gyur nyid do// phung por bdag yod ma yin bdag la yang // phung po de rnams yod min gang gi phyir// gzhan nyid yod na rtog pa 'dir 'gyur na// gzhan nyid de med de phyir 'di rtog pa'o// bdag ni gzugs dang ldan min med pa'i phyir// de phyir ldan don sbyor ba med pa can// gzugs can tha dad tha dad min brjod la// bdag ni gzugs las de nyid gzhan med phyir// gzugs pa dag ma yin pa dag yis// bcom pa'i bdag dang lhan cig 'jig 'gyur ba// 'jig tshogs lta ri brtan pa la gnas pa'i// rtse mo mtho bar gyur pa 'di dag go// kha cig gang zag rdzas yod de nyid gzhan// rtag dang mi rtag brjod du med 'dod de// rnam shes drug gi shes byar de 'dod cing // de ni bdag tu 'dzin pa'i gzhir yang 'dod// gang phyir dngos yod brjod med ma yin pas// gzugs las sems brjod med par mi
- 236b
rtogs pa// de bzhin bdag 'ga' dngos por grub gyur na// sems ltar brjod du med pa nyid mi 'gyur// ji ltar bum pa'i dngos po gzugs sogs las// brjod du med pa'i rang bzhin med 'gyur bzhin// bdag gang phung po las brjod med 'gyur te// ngo bo nyid kyis yod par rtogs mi 'gyur// rnam shes dngos yod rang las gzhan min dang // gzugs sogs rnams las gzhan du gyur 'dod cing // dngos la rnam pa de gnyis mthong gyur pa// bdag ni med de dngos chos dang bral phyir// de phyir ngar 'dzin brten ni dngos po min// phung las gzhan min phung po'i ngo bo min// phung po'i rten min 'di ni de ldan min// 'di ni phung rnams brten nas 'grub par 'gyur// shing rta rang gi yan lag las gzhan min// gzhan min ma yin de ldan yang min zhing // yan lag la yin yan lag dag der min// 'dus pa tsam min dbyibs min sngar bzhin no// gal te tshogs tsam shing rtar 'gyur na ni// sil bur gnas la shing rta nyid yod 'gyur// gang phyir yan lag can med yan lag dag/ med pas tshogs tsam shing rtar rta'i dus na yan lag la// sngar las dbyibs kyi khyad par gzhan yod na// gzung yod 'gyur na yod min de yi phyir// yan lag gi dbyibs shing rta nyid ma yin// gang phyir khyod kyi tshogs pa can med pa// dbyibs de yan lag tshogs kyi ma yin na// gang zhig ci yang ma yin de brten nas// 'dir ni dbyibs su lta zhig ji ltar 'gyur// khyod kyis 'di ni ji ltar 'dod de ltar// mi bden pa yi rgyal brten byas
- 237a
nas// 'bras bu'i rnam pa mi bden rang bzhin can// thams cad kyang ni skye bar shes par gyis// 'dis ni gzugs sogs de ltar gnas rnams la// bum blo zhes bya'ang rigs pa'ang ma yin nyid// skye ba med pas gzugs sogs kyang yod min// de yi phyir yang de dag dbyibs mi rigs// de ni dam pa'i don dang kun rdzob tu// rnam pa bdun gyis grub 'gyur min mod kyi// rnam dpyad med par 'jig rten nyid las 'di// rang gi yan lag brten nas 'dogs pa yin// shing rta nyid ni yan lag can nyid dang // cha shas can dang byed pa po nyid dang // len pa nyid du'ang 'jig rten 'grub pas// 'jig rten grags pa'i kun rdzo ba dgag mi bya// rnam bdun gyis me kang dang wA byur// yod ces rnal 'byor pas 'di yod ma rnyed// des de nyid la'ang badri zag 'jug 'gyur bas 'dir de'i grub pa'ang de bzhin 'dod par byed// shing rta med na de tshe yan lag can// med pas de yi yan lag kyang yod min// blo mes yan lag can bsregs yan lag ni// shing rta tshig pa'i yan lag bzhin du med// de bzhin 'jig rten grags pas phung po dang // khams dang de bzhin skye mched drug brten nas// bdag kyang nye bar len po nyid du 'dod// nyer len las yin 'di ni byed po'ang yin// dngos yod min phyir 'di ni brtan min zhing // mi brtan nyid min 'di ni skye 'jig min// 'di la rtag pa nyid la sogs pa yang // yod min de nyid dang ni gzhan nyid min// gang la rtag tu 'gro rnams ngar 'dzin zo// rab tu 'byung zhing de yi gang yin deng // nga yir 'dzin blo 'byung po bdag de ni// ma brtags grags par gti mug las yin no// gang phyir byed po med can las med pa// de phyir bdag nyid med
- 237b
bar bdag gir med// de phyir bdag dang bdag gi stong lta bas// rnal 'byor pa de rnam par grol bar 'gyur// bum snam re lde dmag dang phreng ba nags tshal dang // shing rta bran dang khang khyim la sogs dngos po rnams// gang gi sgo nas 'gro 'dis bsnyad bzhin rtogs bya ste// thub dbang de ni 'jig rten rtsod pa mi mdzad phyir// yon tan yan lag 'dod chags mtshan nyid shing sogs dang // yon tan can lus chags dang mtshan gzhi la sogs dag/ shing rta'i dpyad pas rnam pa bdun du yod min zhing // de las gzhan du 'jig rten grags par yod pa yin// gal te rgyu yis bskyed bya ba skyed pas na de rgyu yin la// gal te 'bras mi bskyed na de rgyu nyid du mi 'gyur zhing // 'bras bu yang ni rgyu yod gyur na skye bar 'gyur ba'i phyir// gang las gang zhig 'gyur ba gang zhig las sngar gang 'gyur smros// gal te// khyod kyi rgyu yis phrad nas 'bras bu skyed byed na// nus pa gcig pas rgyu dang 'bras bu tha dad med 'gyur zhing // ma phrad na ni rgyu dang rgyu min khyad par med 'gyur la// gnyis po spangs nas rtog pa gzhan yang yod par 'gyur ma yin// ni ste mos 'bras me bskyed na 'bras med pas// dpral nal dz+nyAn du me can 'byung 'dod pa'i di min// gang byer 'dri gnyis sbrum dang 'dra de yi byed// bdag la spyan me 'jig rten dngos po rnams kyang yod// sun 'brin 'dis ni sun dbyung phrad nas sun 'byin nam// ma phrad 'byin zhes skyon 'di khyod la'ang 'gyur min nam// gnyis po spangs nas rtog pa gzhan yang yod/ ma yin// de skad smra zhing rang phyogs kho na rnam 'joms pa// de tshe khyod kyis sun dpung sun 'byin nus ma yin// rang gi tshig la'ang thal ba mtshungs pa'i ltag chod kyis// rigs pa med par dngos po
- 238a
kun la skur 'debs phyir// khyod ni skye bo dam pas bzhed par mi 'gyur zhing // rang phyogs med pas sun ci phyin du rgol ba'ang yin// sun 'byin pa yis sun dbyung phrad dang ma phrad par/ sun 'byin byed ces smras pa'i nyes pa 'di gang la// nges par phyogs yod de la 'gyur gyi bdag la phyogs// yod pa min pas thal bar 'gyur ba srid ma yin// ji ltar nyi ma'i dkyil 'khor la yod khyad par rnams// gzugs brnyan la yang mthong 'gyur de tshe nyi ma dang // phrad dang ma phrad 'thad pa med par gzugs brnyan ni// tha snyad tsam du rten cing 'brel bar 'byung ba yin// der ni med kyang rang gi byang bzhin byed gtan tshigs dngos nyid dang // dngos su go bya ba sgrub bya'i ngo bo'ang yod 'gyur na// phrad pa la sogs rigs pa nye bar sbyor bar 'gyur zhig na// da ni med pas khyod kyi yi chad 'ba' zhig yin// sa rnams rang bzhin bdapang rnamasas gnag par ro// thab du sa rang ba ni yod pa dag na gal// bde zla nyid du sgrib par nus papa ma // ) b+he ga na pas 'ang tan 'dre ts+tsha sun 'byin lhag ma gong du bstan pa'ang shes byas nas// phrad pa'i rtag pa la sogs lan du 'di brjod bya// sun ci phyir du rgol ba'ang ji ltar yod min zhes// sngar bshad lhag ma phyogs 'di nyid kyis rtogs par bya// bdag med 'di ni 'gro ba rnam dgrol phyir// chos dang gang zag dbyibs rnam gnyis gsungs// de ltar ston pas slar yang 'di nyid ni// gdul bya rnams la phye ste rnam mang gsungs// spros
- 238b
dang bcas par stong pa nyid// bcu drug bshad nas mdor bsdus te// slar yang bzhir bshad de dag ni// theg chen du yang bzhed pa yin// gang phyir de yi rang bzhin ni// yin phyir mig ni mig gis stong // de bzhin rna ba sna dang lce// lus dang yid kyang bsnyad par bya// ther zug gnas pa ma yin dang // 'jig pa ma yin nyid kyi phyir// mig la sogs pa drug po yi// rang bzhin med nyid gang yin pa// de ni nang / stong nyid du 'dod// gang phyir de yi rang bzhin de// yin phyir gzugs ni gzugs kyis stong // sgra dang dri ro reg bya dang // chos rnams nyid kyang de bzhin no// gzugs sogs rang bzhin med pa nyid// phyi rol stong pa nyid du 'dod// gnyis ka rang bzhin med pa ni// phyi nang stong pa nyid yin no// chos rnams rang bzhin med pa nyid// mkhas pas stong pa nyid ces bskrad// ngo bos stong par 'dod pa yin// stong nyid stong nyid du 'dod de// stong nyid dngos po'i tho can gyis// 'dzin pa bzlog phyir gsungs pa yin// sems can snod kyi 'jig rten ni// ma lus khyab byed nyid phyir dang // tshad med dpe yi mu / mtha' ni// med phyir phyogs rnams chen po nyid// 'di dag bcu car phyogs rnams kyis// stong pa nyid de gang yin pa// chen po stong pa nyid yin te// chen por 'dzin pa bzlog phyir gsungs// 'di ni dgos pa mchog yin pas// don dam mya ngan 'das pa yin// de ni de yis stong nyid gang // de ni don dam stong pa nyid// mya ngan 'das dngos blo can gyi// 'dzin pa bzlog par bya ba'i phyir// don dam mkhyen// pas don dam pa// stong pa nyid ni bstan pa mdzad// rkyen las byung phyir khams gsum po// 'dus byas yin par nges par bsnyad// de nyid de yis stong nyid gang // de ni 'dus byas stong nyid bsnyad// gang
- 239a
la skye gnas 'jig med pa// de ni 'dus ma byas shes bya// de yi stong nyid gang yin pa// de ni 'dus ma byas stong nyid// gang la mtha' ni yod min pa// de ni mtha' las 'das par brjod/ de yi stong nyid gang yin pa// de ni mtha' las 'das stong nyid// thog ma dang po tha ma mtha'// de dag med phyir 'khor ba ni// thog ma tha ma med par brjod// 'gro 'ong bral phyir rmi lam lha'i// srid 'di de yis/ dben nyid gang // de ni thog ma dang tha ma// med pa'i stong pa nyid do zhes// bstan bcos las ni nges par bsnyad// dor ba zhes bya 'thor ba dang // bor ba la ni nges par brjod// dor med stong pa med pa ste// 'ga' yang bor med gang yin pa'o// dor ba med pa de nyid kyis// de nyid stong pa gang yin pa// de yi phyir na dor med pa// stong pa nyid ces bya bar brjod// 'dus byas la sogs ngo bo nyid// gang phyir slob ma rang sangs rgyas// rgyal sras de bzhin gshegs rnams kyis// ma mdzad de phyir 'dus byas la// sogs pa rnams kyis ngo bo nyid// rang bzhin nyid du bsnyad pa ste// de nyid de yis stong nyid gang // de ni rang // bzhin stong pa nyid// khams bco brgyad dang reg drug dang // de las 'byung ba'i tshor drug dang // gzugs can gzugs can min de bzhin// 'dus byas 'dus ma byas chos rnams// chos de dag ni zams cad kyi// de dag gis dben nyid nyid gang // gzugs la sogs pa'i dngos med gang // de ni rang mtshan stong pa nyid// gzugs ni gzugs rung mtshan nyid can// tshor ba myong ba'i mtshan nyid can// 'du shes mtshan mar 'dzin pa ste// 'du byed mngon par 'du byed pa'o// yul la so sor rnam rig pa// rnam shes rang gi mtshan nyid do// phung po sdug bsngal rang mtshan nyid// khams kyi bdag nyid sbrul gdug/
- 239b
'dod// skye mched rnams kyi sangs rgyas kyis// skye ba'i sgor gyur nyid du gsungs// rten cing 'brel par 'byung ba gang // de ni 'du 'phro mtshan nyid do// gtong ba sbyin pa'i pha rol phyin// tshul khrims gdung med mtshan nyid bzod// khro med mtshan nyid brtson 'grus kyi// kha na ma tho med nyid do// bsam gtan sdud pa'i mtshan nyid can// shes rab chags med mtshan nyid de// mya ngan 'das par 'gro phyir ro// / 'ga' la'ang chags pa med phyir ro// pha rol phyin pa drug rnams kyi// mtshan nyid 'di dag yin par brjod// bsam gtan rnams dang tshad med dang // de bzhin gzhan gang gzugs med pa// de dag yang dag mkhyen pa yis// mi 'khrugs mtshan nyid can du gsungs// byang chub phyogs ni sum cu bdun// nges par 'byung byed rang mtshan nyid// stong pa nyid kyi mtshan nyid 'di// dmigs pa med pas rnam dben nyid// mtshan ma med pa'i zhi nyid de// gsum pa'i mtshan nyid sdug bsngal dang // gti mug med pa'o rnam thar gyi// mtshan nyid rnam par grol byed pa'o// stobs zhes bya ba shin tu ni// rnam par nges pa'i rang bzhin gsungs// skyob pa'i mi 'jigs pa rnams ni// shin tu brtan pa'i ngo bo yin// so so yang dag rig rnams ni// spo bas sogs tshad med mtshan nyid can// 'gro la phan pa nyer sgrub pa// byams pa chen po zhes bya'o// sdug bsngal can rnams yongs skyeb pa// thugs chen pa'i dgra' ba ni// rab dga' mtshan nyid btang snyoms ni// ma 'dres mtshan nyid yin zhes b+ha/ sangs rgyas chos ni ma 'dres pa// bcu dang brgyad du gang 'dod dag/ gang phyir ston des mi 'phrogs pa// de phyir mi phrogs rang mtshan nyid// rnam kun mkhyen nyid ye shes ni// mngon sum mtshan nyid
- 240a
can du 'dod// gzhan ni nyi tshe ba nyid kyis// mngon sum zhes byar mi 'dod do// gang zhig 'dus byas mtshan nyid dang // 'dus ma byas pa'i mtshan nyid gang // de de kho nas stong pa nyid// de ni rang mtshan stong nyid brjod// da ltar ba 'di mi gnas shing // 'das dang ma 'ongs yod ma yin// gang du de dag mi dmigs pa// de la mi dmigs pa zhes brjod// mi dmigs pa de rang ngo // bo// de yi dben pa nyid gang de// ther zug gnas dang 'jig min pas// mi dmigs zhes bya'i stong nyid do// rkyen las byung phyir dngos rnams las// 'dus pa pa yi ngo bo med// 'dus pa pa ni de nyid kyis// stong da da sa ma // das pa sas mdang bsnan// bang ba ldanams pa yi/ na pas mas // 'das she dru ba ga// ma das pas de / 'dus ma rgyas rnams la brjod// de nyid dngos med de stong nyid// dngos po med pa'ang stong nyid do// rang bzhin ngo bo med nyid ni// rang bzhin zhes bya'i stong nyid do// 'di ltar rang bzhin ma byas pas// rang bzhin zhes ni bya bar bsnyad// sangs rgyas rnams ni 'byung ba 'am// ma byung rung ste dngos sun// dngos po kun gyi spong pa nyid// gzhan gyi dngos por rab tu bsgrags// yang dag mtha' dang de bzhin nyid// gang de gzhan dngos stong nyid do// rab pha rol phyin gzhung las// de dag de skad rab tu bsgrag/ de phyir blo gros zer gyis snang ba gsal byas pa// rang gi lag na gnas pa'i skyu ru rwa bzhin du// srid gsum 'di dag gdod nas skye med par// rtogs te tha snyad bden pa'i stobs kyis 'gog par 'gro// rtag tu 'gog par rtogs pa'i bsam ldan yin mod kyi// 'gro ba mgon med pa la snying rje'ang skyed par byed// bde gshegs gsung skye ba
- 240b
sangs rgyas 'bring bcas ma lus kun// grong du 'gro ba'i blo yis pham par byed pa'ang yin// kun rdzob don dam gshog yangs dkar po rgyas gyur pa// ngad pa'i rgyal po de ni skye bo'i ngang pa yis// mdun du brdar nas dge ba'i rlung gi shugs stobs kyis// rgyal ba'i yon tan rgya mtsho'i pha rol mchog tu 'gro// dbu ma la 'jug pa las mngon du gyur pa zhes bya ba byang chub sems dpa'i sems bskyed pa drug pa'o// / ring du song ba 'dir ni skad cig dang // skad cig la ni 'gog par 'jug gyur zhing // thabs kyi pha rol phyin legs 'bar ba 'thob// dbu ma la 'jug pa las ring du song ba zhes bya ba byang chub sems dpa'i sems bskyed pa bdun pa'o// // yang yang sngar dge las lhag thob bya'i phyir// gang du phyir mi ldog pa nyid 'gyur ba// mi g.yo de la bdag nyid che de 'jug/ de yi smon lam rnam par dag 'gyur zhing // rgyal ba rnams kyi 'gog las slong bar mdzad// chags pa med pa'i blo ni skyon rnams dag dang lhan cig mi gnas phyir// sa brgyad pa la dri ma de dag rtsar bcas nye bar zhi 'gyur zhing // nyon mongs zad cing khams gsum bla mar gyur kyang sangs rgyas rnams kyi ni// 'byor pa mkha' ltar mtha' bral ma lus thob par nus ma yin// 'khor ba 'gags kyang dbang rnams bcu po thob par gyur zhing de dag gis// srid pa'i 'gro bar rang gi bdag nyid sna tshogs ston par byed par 'gyur// dbu ma la 'jug pa las mi g.yo ba zhes bya ba byang chub sems dpa'i sems bskyed pa brgyad pa'o// // dgu pa la ni de'i stobs lta zhig mtha' dag rdzogs par dag 'gyur zhing // de bzhin yang dag rig chos rang gi yon tan yongs su dag pa'ang 'thob// dbu pa la 'jug pa las legs pa'i blo gros zhes bya ba byang chub sems dpa'i sems
- 241a
bskyed pa dgu pa'o// // bcu pa'i sa la de yis kun nas sangs rgyas rnams las dbang bskur bas// dam pa 'thob cing ye shes lhag par mchog tu byung bar gyur pa'ang yin/ char sprin rnams las chu char 'bab pa ji ltar de bzhin 'gro rnams kyi// dge ba'i lo thog ched du rgyal sras las kyang lhun grub chos char 'bab// dbu ma la 'jug pa las chos kyi sprin zhes bya ba byang chub sems dpa'i sems bskyed pa bcu pa'o// // de tshe 'dis ni sangs rgyas brgya mthong zhing // de dag byin gyis brlabs kyang 'di yis thob// de nyid tshe na bskal pa brgyar gnas shing // de snyed sngon dang phyi ma'i mthar yang 'jug/ ting 'dzin brgya la 'jug cing ldang byed de// 'jig rten khams brgya g.yo zhing snang bar nus// de bzhin sems can brgya phrag smin byed cing // brgya phrag zhing // dag tu yang 'gro bar 'gyur// der ni rang gi lus brgya ston byed cing // mdzes pa'i lus re la yang rang gi 'khor// rgyal ba'i sras po brgya phrag ldan par ston// blo ldan rab dga' la gnas yon tan 'di dag ste// de bzhin dri med thob par gyur pa'i yon tan yang // de dag stong ni thob par 'gyur te sa lnga po// 'di dag la gnas rim pa bzhin du 'bum phrag thob// bye ba brgya 'thob bye ba stong phrag thob par 'gyur// bye ba brgya phrag stong 'gyur thob cing bye ba phrag/ khrag khrig phrag brgyar gyur pa de nyid stong phrag tu// yongs su bsgyur ba de ni mtha' dag rab tu 'thob par 'gyur// mi g.yo'i sar gnas rnam rtog med pa des// stong gsum brgya phrag stong bsdoms 'jig rten na// rdul tsha ji snyed yod pa de rnams dang // grangs mnyam yon tan dag ni 'thob par 'gyur// legs pa'i blo gros
- 241b
sa la gnas pa yi// byang chub sems dpas sngar bstan yon tan dag/ grangs med brgya phrag stong du yang dag par// bsdoms pa phrag bcu'i rdul tshad thob par 'gyur// re zhig bcu pa 'dir de'i yon tan dag/ ngag gi spyod yul las ches 'das gyur zhing // ngag gi spyod yul ma yin bsdoms rnams na// rdul dag ji snyed yod pa de snyed 'thob// grangs med brgya phrag stong du yang dag par// ba spu'i khung bur byang chub sems rnams dang // lhan cig rdzogs sangs rgyas sku grangs med dang // de bzhin lha dang lha min mi dag kyang // skad cig skad cig la ni ston par nus// ji ltar dri med mkha' la zla snang gsal ba ltar// sngon tshe stobs bcu bskyed pa'i sa la khyod kyis slar yang 'bad gyur cing // 'og min du ni gang gi don du 'bad gyur go 'phang mchog zhi ba// yon tan kun gyi mthar thug mtshungs// pamed de khyod kyis brnyes// ji ltar snod kyi dbye bas mkha' la dbye ba med de ltar// dngos byas dbye ba 'ga' yang de nyid la med de yi phyir// ro gcig nyid du yang dag thugs su chud par mdzad gyur na// mkhyen bzang khyod kyis skad cig gis ni shes bya thugs su chud// gang tshe zhi ba de nyid yin na de la blo gros 'jug mi 'gyur// blo ma zhugs par shes bya'i yul can nges par rig pa'ang ma yin la// kun na shes med pa ni shes par ji ltar 'gyur te 'gal bar 'gyur// mkhyen po med par khyod kyi gzhan la 'di lta'o zhes su zhig ston// gang tshe skye med de nyid yin zhing blo yang skye ba dang bral ba// de tshe de yis de rnams brten las de nyid rtogs par brjod bya ste// ji ltar sems ni gang gi rnam pa can du gyur pa de yis yul// de yongs shes pa de bzhin tha snyad nye bar bsten nas rigs pa yin// de yi longs
- 242a
spyod rdzogs sku bsod nams kyi// zin dang sprul pa la gzhan las de'i mthus// sgra gang chos kyi de nyid ston 'byung ba// de las 'jig rten gyis kyang de nyid rig/ 'di ltar rdza mkhan spobs dang ldan pa yis// yun rings zad pa ches bskor 'khor lo de// de'i rtsol daltar skyes pa med bzhin du'ang // 'khor zhing bum pa la sogs rgyur mthong ltar// de bzhin da lta skyed stsol med bzhin du// chos kyi bdag can sku nyid la bzhugs de'i// 'jug pa gdul bya'i dge dang smon lam gyi// khyad par gyis 'phangs las ches bsam mi khyab// shes bya'i bud shing skam po ma lus pa// bsregs pas zhi de rgyal rnams chos sku ste// de tshe skye ba med cing 'gag pa'ang med// sems 'gags pa de su yis mngon sum mdzad// zhi sku dpag bsam shing ltar gsal gyur zhing // yid bzhin nor bu ji bzhin rnam mi rtogs// 'gro grol bar du 'jig rten 'byor slad rtag/ 'di ni spos dang bral la snang bar 'gyur// thub dbang dus gcig kho nar de'i rgyu mthun// gzugs su gcig/ lA rang gi ste gnas skabs// sngar 'gagags la dang ma 'tshal byung tshul ni// ma lus kyis bkra mtha' dag ston par mdzad// sangs rgyas ning ni ni 'drar sangs rgyas dang // de dag su spyod mthu sa ci 'dra dang // nyan thos dge 'dun ji snyed ci 'dra dang // byang chub sems rnams der gzugs ji 'dra dang // ci 'dra'i chos dang der bdag ci 'dra ba// chos thos spyod pa gang la spyad pa dang // sbyin gang ji tsam de dag la phul ba// de dag ma lus sku gcig la ston mdzad// de bzhin tshul khrims bzod brtson ting 'dzin dang // shes rab spyod tshe sngar gyi gnas skabs gang // mtshang med dang nyid kyi spyod pa/
- 242b
kun// sku yi ba spu khung bur gsal bar ston// sangs rgyas gang dag 'das dang 'byung 'gyur dang // gang dag da ltar 'jig rten khams kun na// tshig gsang mthon pos chos ston sdug bsngal gyis// gzir ba'i 'gro dbugs 'byin mdzad bzhugs pa dang // dang po thugs bskyed byang chub snying po bar// de dag spyod kun dngos rnams mig 'phrul gyi// rang bzhin mkhyen nas bdag bzhin pa spu yi// khung bur dus gcig la ni gsal bar ston// de bzhin dus gsum 'phags pa rgyal sras dang // rang sangs rgyas dang nyan thos ma lus kyi// spyod dang de dag skye bo'i gnas skabs ni// thams ca ba spu'i khud bur dus gcig ston// dag pa 'di ni bzhed par 'jug pa yis// rdul gcig yul la mkhas gtugs 'jig rten dang // 'jig rten mtha' yas phyogs khyab rdul ston mod// rdul ragra mi 'gyur 'jig rten phra mi 'gyur// rnam rtog mi mnga' khyod kyis srid mtha'i bar// skad cig re la ston mdzad spyad pa yi// rnam pa sna tshogs de snyed 'dzam gling gi/ ma lus rdul gyi grangs la yod ma yin// gnas dang gnas mi ni mkhyen stobs dang // de bzhin las rnams smin mkhyen dang // mos pa sna tshogs thugs chud dang // sna tshogs khams ni mkhyen stobs dang // dbang po mchog dang mchog ma yin// mkhyen dang kun 'gro mkhyen pa dang // bsam gtan rnam thar ting 'dzin dang // snyoms par 'jug sogs mkhyen stobs dang // sngon nas dran pa mkhyen pa dang // de bzhin 'chi 'pho skye bakhyen dang // zag pa rnams zad mkhyen stobs te// stobs ni banu bo 'di dag go// rgyu gzhan zhig las gang zhig nges par skye 'gyur ba// de ni de yi gnas su de mkhyen rnams kyis gsungs// bshad pa las bzlog gnas min//
- 243a
shes bya mtha' yas dang // mkhyen pa thogs pa med pa de ni stobs su bshad// 'dod dang mi 'dod de la bzlog dang zad dngos kyis// las dang de yi rnam smin shin tu sna tshogs la'ang // bshad pa las bzlog gnas min shes bya mtha' yas pa// mkhyen pa nus mthu thogs med so sor 'jug gyur pa// dus gsum shes bya khyab mdzad de ni stobs su 'dod// 'dod chags sogs kyi 'byung // ba'i stobs kyis 'dod pa ni// shin tu sna tshogs dman dang 'bring dang khyad 'phags dag/ de las gzhan rnams kyis bsgribs mos pa'ang mkhyen pa ni// dus gsum 'gro ba ma lus khyab pa stobs zhes bya// sangs rgyas khams kyi rnam par dbye la mkhas rnams kyis// mig sogs dag gi rang bzhin gang de khams su gsungs// rdzogs pa'i sangs rgyas rnams kyis mkhyen pa mtha' yas shing // rnam kun/ khams kyi khyad par la 'jug stobs su 'dod// kun tu rtog sogs chos rno nyid ni mchog nyid dang // 'bring dang brtul ba'i gnas skabs mchog min brjod pa dang // mig la sogs dang phan tshun sgrub nus nub pa la// rnam pa thams cad mkhyen pa chags med stobs su 'dod// lan 'ga' rgyal ba nyid dang 'ga' zhig rang rgyal gyi// byang chub dang ni nyan thos lha mi dang / yi dwags dud 'gro dmyal sogs rnams 'gro ba// de la mkhyen pa chags med mtha' yas stobs su 'dod// 'jig rten mtha' yas rnal 'byor bye brag tha dad pa// bsam gtan rnam thar brgyad dang zhi gnas gang dag dang // snyoms 'jug khyad par gang dag gcig dang brgyad gyur pa// de la mkhyen pa thogs med 'di ni stobs su bshad// gti mug de srid srid nas 'das pa'i dus dang ni// sems can gzhan re'i srid par sems can ji snyed pa/
- 243b
de snyed mtha' yas bzhi dang bcas shing yul phyogs dang // rnam pa dang bcas mkhyen pa gang yin stobs su bshad// sems can rnams kyi sems can re re'i 'chi 'pho dang // skye gang 'jig rten la gnas nam mkha'i mthar thug dang // bkra mang de la mkhyen pa dus der 'jug pa yis// ma chags rnams kun yongs dag mtha' yas stobs su 'dod// rnam kun mkhyen pa'i stobs kyis myur du rgyal rnams kyis// nyon mongs dag ni bag chags dang bcas 'jig 'gyur dang // slob ma la sogs nyon mongs blo yis 'gog pa gang // de la mkhyen pa chags med mtha' yas stobs su 'dod// nam ma med pas 'dab chags ldog par mi 'gyur gyi// 'dir ni rang mthu zad pas ldog par 'gyur de bzhin// slob ma dang bcas sangs rgyas sras rnams sangs rgyas kyi// yon tan mkha' ltar brjod mi nus pas ldog par 'gyur// de phyir khyod kyi yon tan bdag 'dra bas// shes pa dang ni brjod par nus min yang // 'on kyang de dag 'phags pa kru sbub kyis// bshad phyir dogs spangs cung zad tsam cig smras// zab mo sna panyid yin to// yon tan gnan rnams rgya che ba'o// zab dang gya che'i tshul shes pas// yon tan 'di dag thob par 'gyur// khyod ni sred gsum brgal te migayo'i sku las slar yang sprul pa yis// gshegs pa dang ni bltams dang byang chub zhi ba'i 'khor lo'ang ston par mdzad// de ltar khyod kyi 'jig rten g.yo bag spyod can re ba'i zhags pa ni// mang pos bcings pa ma lus thugs rjes mya ngan 'das par bkri bar mdzad// gang phyir 'di na de nyid shes las dri ma mtha' dag sel ba ni// lhur len gzhan med chos rnams de nyid rnams 'gyur dbye la'ang rten min zhing // de nyid yul can blo gros 'di yang tha dad 'gyur ba ma yin pa// de
- 244a
yi phyir na khyod kyis 'gro la theg pa mi mnyam dbyer med bstar// gang phyir 'gro la nyes pa skyed byed snyigs ma 'di dag yod gyur ba// de phyir 'jig rten sangs rgyas spyod yul gting zab la 'jug mi 'gyur zhing // bdag shegs gang byer khyod la bster rabs thugs rje thabs dang wAr cig pa// mdza'i ngang gang b+h+ri bdag gisas pa min dgra pa zhes khyed kyis zhal bzhes pa// de phyi brakhas pa rin po che yi gling du chags pa'i 'gro sogs kyi// ngal ba nyer sel grong khyer yid 'ong bar du rnam par bkod pa ltar// khyod kyi theg pa 'di ni slob ma nye bar zhi ba'i tshul la yid// sbyar ba mdzad cing rnam par dben la blo sbyangs rnams la logs su gsungs// sangs rgyas yul gur phyogs bcu'i zhing rnams pa lus ra// rdul phran ji snyed yod pa de snyed bde gshegs ri// byang chub pa chog tu gshegs pa'i skal pa de snyed de// khyed kyis gsang 'di bsnyad par bgyi bar lags so// ji srid 'jig rten pa lus pachog tu zhi ba ma thab dang // ji srid rab bakha'i khabs ni med par ma gyur de srid du// shes rab yul dang snying rje'i mams pa skyed cing 'dzin byed pas// rgyal ba khyod la rab tu zhi bar 'gyur ba gang la mnga'// gti mug skyon gyis 'jig rten kha zas dug bcas za ba yi// skye bo nyid kyi nang mi de la khyod brtse ji lta ba// de ltar dug zos nyen po'i bu yi ma la sdug bsngal min// des na mgon po mchog tu rab zhir gshegs par 'gyur ma lags// gang gi phyir na mi mkhas dngos dang dngos po med par rten pa'i blo can gyis// skye dang 'jig gnas skabs dang sdug dang mi sdug bram phrad kyis bskyed sdug bsngal dang // sdig can 'gro ba thob pa de phyir thugs brtse'i yul du rab dong bas// bcom ldan thugs rjes khyod thugs
- 244b
rjes khyod thugs zhi las bzlog pas khyod la mya ngan 'das mi mnga'// lugs 'di dge slong bla grags kyis// dbu ma'i bstan bcos la btus nas// lung ji bzhin dang man ngag ni// ji lta ba bzhin brjod pa yin// 'di las gzhan na lugs 'di ni// med pa de bzhin lugs 'di yang // gzhan la yod pa ma yin zhes// mkhas pa rnams kyis shes par bya// klu sgrub blo mtsho shin tu rgya che'i kha dog gis 'jigs pas// skye bos lugs bzang gang dag rgyang rings spangs pas de yi tshig/ le'ur byas pa'i kha 'bus ku mu da kha phye ba'i chus// da ltar zla ba grags pa re rnams rab tu skong bar byed// de nyid bshad zin zab mo 'jigs rung 'di ni sngon goms nyid las skye bo yis// nges par rtogs 'gyur 'di ni gsan rgya che yang gzhan gyis khong du chud mi 'gyur// de phyir tshul lugs rang blos sbyar ba de dag mthong nas bdag tu brjod pa yi// gzhung lugs rnams ltar gzhan lugs bzhed gzhung 'di la sa gzhan la dga' blo dor bar bya// slob dpon gru sgrub lugs bzang bsnyad las bdag gis bsod nams phyogs kyi mthar khyab cing yid mkha' nyon mongs kyis sngo ston ka'i rgyu skar ltar dkar ba 'am// sems kyi sprul la gdengs ka'i nor bu dang 'dreg zhig thob pa des// 'jig rten ma lus de nyid rtog pa nas myur du bde gshegs sar bgrod shog/ dbu ma la 'jug pa zhes bya ba'i tshig le'ur byas pa/ slob dpon zla ba grags pa/ zab pa dang / rgya che ba'i tshul gsal bar byed pa/ theg pa mchog la thugs gzhol ba// mi 'phrogs pa'i mkhyen rabs dang thugs rje mnga' ba/ ri mor bris pa'i ba drus ma las 'o ma bzhos pas bden par zhen pa bzlog par mdzad pas sbyar ba rdzogs so// // rgya gar gyi mkhan po kriSh+Na paN+Di
- 245a
6// ta dang / bod kyi lo tsA ba rag tshe tshul khrims rgyal bas bskur ba las/ klad kyi sargya gar gyi mkhan po ti la ka ka la sha dang / bod kyi lo tsA ba pa tsha ba nyi ma grags kyis bskur ba ltar cung zad bcos pa/ don tshang zhing tshig bde bar bris pa'o// yon mchod bkra shis pir gyur cig// @// dang pa pa na to// rgya gar skad du/ ma d+hA ma kA pa tA ra nA ma/ bod skad du/ dbu pa la 'jug pa zhes bya ba/ 'jam dpal gzhon rur gyur pa la phyag 'tshal lo// nyan thos sangs rgyas 'bring rnams thub dbang skyes// sangs rgyas byang chub sems dpa' las 'khrungs shing // snying rje'i sems dang gnyis su med tho dang // byang chub sems ni rgyal sras rnams kyi chu// gang phyir brtse nyid rgyal ba'i po thag bur tshogs 'di'i// sa bon dang ni spel la chu 'dra yun ring du// longs spyod gnas la smin pa lta bur 'dod gyur pa// de byer bdag gis thog mar snying rje bstod par bgyi// dang por rang zhes bdag pa zher gyur cing // bdag gis 'di zhes dngos la chags bskyed pa// zo rur 'byar ltar rang dbang med pa yi// 'gro la snying rjer g+hur gang de la 'dud// 'gro ba g.yo ba'i chu yi nang gi zla ba ltar// g.yo dang rang bzhin nyid kyis stong par mthong ba li// rgyal ba'i sras po 'di yi sems gang 'gro ba rnams// rnam par grol bar bya byir snying rje'i dbang gyur cing // kun tu bzang po'i smon pas rab bsngos dga' ba la// rab tu gnas pa de ni dang po zhes bya'o// de nas bzung ste de ni thob par gyur pa yis// byang chub sems dpa' zhes bya'i sgra nyid kyis bsnyad do// 'di ni de bzhin gshegs pa rnams kyi rigs su'ang skyes pa ste// 'di ni kun tu sbyor ba gakhub po thams cad spangs pa yin// byang chub sems dpa' de ni dga' ba mchog
- 245b
tu gyur 'chang zhing // 'jig rten khams brgya kun nas g.yo bar nus par gyur pa'ang yin// sa nas sar gnon byed cing gong ma rab tu 'gro bar 'gyur// de tshe 'di yi ngan 'gro'i lam rnams mtha' dag 'gag par 'gyur// de tshe 'di yi so so skye bo'i sa rnams thams cad zad// 'di ni 'phags pa brgyad pa ji lta de ltar nye bar bstan// rdzogs pa'i byang chub sems lha dang po la gnas kyang // thub dbang gsung skyes dang bcas rang sangs rgyas rnams ni// bsod nams dag gis dbang gis pham byas rnam par 'phel// de ni ring du song bar blo yang lhag par 'gyur// de tshe de la rdzogs sangs byang chub rgyu// dang po sbyin pa nyid ni lhag par 'gyur// rang sha ster la'ang gus par byas pa yis// sdang du mi rung dpog pa'i rgyur yang 'gyur// skye bo 'di kun bde ba mngon 'dod cing // mi rnams bde ba'ang longs spyod med min la// longs spyod kyang ni sbyin las 'byung mkhyen nas// thub pas dang por sbyin pa'i gtam mdzad do// snying rje dman zhing shin tu rngub sems can// rang don lhur len nyid du 'gyur ba gang // de dag gi yang 'dod pa'i longs spyod rnams// sdug bsngal nyer zhi'i rgyur gyur sbyin las 'byung // 'di yang sbyin pa'i skabs kyis nam zhig che// 'phags pa'i skye bo dang 'phrad myur du 'thob// de nas srid rgyun yang dag bcad byas te// de yi rgyu can zhi bar 'gro bar 'gyur// 'gro la phan par dam bcas yid can rnams// sbyin pas ring por mi thogs dga' ba 'thob// gang phyir brtse ba dge brtse bdag ma yin pa// de phyir sbyin pa'i gtam nyid gtso bo yin// ji ltar byin cig ces sgra thos bsams las// rgyal sras bde 'byung de ltar thub rnams la// zhi bar zhugs pas bde ba byed min na// thams cad btang bas lta zhig smos ci dgos// lus bcad
- 246a
ster zhing bdag gi sdug bsngal gyis// gzhan dag rnams kyi dmyal ba la sogs pa'i// sdug bsngal rang rig nyid du mthong nas de// de bcad bya phyir myur du brtson 'grus rtsom// sbyin pa sbyin bya len po gtong pos stong // 'jig rten 'das pa'i pha rol byin nas bya// gsum pa dag la chags skyes gyur pas de// 'jig rten pa yi pha rol phyin ces bstan// de ltar rgyal ba'i sras kyi yid la rab gnas shing // dam pa'i rten la 'od chags mdzes pa snyed gyur pa'i// dga' ba 'di ni nor bu chu shel ji bzhin du// mun pa stug po thams cad rnam par bsal nas rgyal// dbu ma la 'jug pa las/ sems/ bskyed pa dang po'o// / de tshul phran tshogs yon tan dag ldan phyer// rmi lam du yang 'tshal khrims drim spangs// lus dag yid kyi sku ba dag gyur bas// dam pa'i las lam ban+d+ha char gsog par ma // zhugs / / k+Sha shA / kyis ma mangs// ma sa bzhin ltar// de phyir de ni tshul khrims ngag mi 'gyur// de phyir de ni rtag tu gsum char la'ang // gnyis blo'i rgyu ba yang dag bral bar 'gyur// sbyin pas longs spyod dag ni 'gro nganana'ang // skye bo tshul khrim rkang pa nyams la 'byung // skyed bcas dngos 'du yongs su zad pas na// phyin chad de la longs spyod 'byung mi 'gyur// gang tshe rang dbang 'jug cing mthun gnas pa// gal te 'di bdag 'dzin par mi byed na// g.yang sar lhung bas gzhan dbang 'jug 'gyur ba// de las phyi nas gang gis slong bar 'gyur// de phyir rgyal bas sbyin pa'i gtam mdzad nas// tshul khrims rjes 'gro'i gtam nyid mdzad pa yin/
- 246b
yon tan tshul khrims zhing du rnam 'phel na// 'bras bu nyer spyod chad pa med par 'gyur// so so'i skye bo rnams dang gsung skyes dang // rang byang chub la bdag nyid nges rnams dang // rgyal sras rnams/ kyi nges par legs pa dang // mngon mtho'i rgyu'i tshul khrims las gzhan med// ji ltar rgya mtshe ro dang lan cig dang // bkra shis rna nag ma dang lhan cig bzhin// de ltar tshul khrims dbang byas bdag nyid che// de 'chal pa dang lhan cig gnas mi 'dod// gang gis gang zhig gang la spong byed pa// gsum du dmigs pa yod na tshul khrims de// 'jig rten pa yi pha rol phyin zhes bshad// gsum la chags pas stong de 'jig rten 'das// rgyal sras zla ba las byung srid min srid pa yi// dpal gyur dri ma dang bral dri ma med 'di yang // ston ka'i dus kyi zla ba'i 'od ni ji bzhin du// 'gro ba'i yid kyi gdung ba sel bar byed pa yin// dbu ma la 'jug pa las// sems bskyed pa gnyis pa'o// // shes bya'i bud shing ma lus sreg pa'i me'i// 'od 'byung phyir na sa ni gsum pa 'di// 'od byed pa ste bde gshegs sras po la// de tshe nyi ltar zangs 'dra'i snang ba 'byung // gal te gnas min 'khrug pa 'ga' yis de'i// lus las ka ni rus bcas yun ring du// sring ri re nas bcad par gyur kyang de'o// bzod pa gcod par byed la lhag par skye// bdag med mthong ba'i byang chub sems dpa' la// gang zhig gang gis gang tshe ji ltar gcod// gang phyir chos kun de yis gzugs brnyan ltar// mthong ba des kyang de yis bzod par 'gyur// gnod pa byas pas gal te der dkon na// de la bkon pas byas zin ldog gam ci// de phyir de'i bkon nges par 'dir don med// 'jig rten pha rol yang ni 'gal bar 'gyur// sngon byas pa yi mi dge'i las kyi 'bras
- 247a
bu gang // zad par byed par brjod par 'dod pa de nyid ko/ gnan la gnod pa dang ni khro bas sdug bsngal phyir// sa bon nyid du ji lta bur na khrid par byed// gang phyir rgyal sras rnams la khros pa yis// sbyin dang khrims byung dge ba bskal pa brkyar// bsags pa skad cig gis 'joms de yi phyir// mi bzod las gzhan sdig pa yod ma yin// mi sdug gzugs su byed cing dam pa min pa bkri// tshul dang tshul min shes pa'i rnam dpyod 'phrog byed cing // mi bzod pa yis myur du ngan 'gror skur bar byed// bzod pas bshad zin dang 'gal yon tan rnams byed do// bzod pas mdzes shing skye bo dam/ pa la// phangs dang lugs dang lugs min shes pa la// mkhas par 'gyur zhing de yi 'og tu ni// lha mi'i skye dang sdig pa zad par 'gyur// so so'i skye bo dang ni rgyal sras kyis// khro dang bzod pa'i skyon yon rigs byas te// mi bzod spangs nas 'phags pa'i skye bo yis// bsngags pa'i bzod pa rtag tu myur bsten bya// rdzogs sangs rgyas kyi byang chub phyir bsngos kyang // gsum dmigs yod na de ni 'jig rten pa'o// dmigs pa med nad ny-i sangs rgyas kyis// dzag 'das pa'i pha rol dz+nyAn sa pas na// sade sngamasas pas pa gtan ma da gas dang/ 'dudadu chags ni sdang yongs su zad par 'gyur// des kyang rtag tu 'jig rten pa yi ni// 'dod pa'i 'dod chags 'joms par 'gyur// sprin sogs chos gsum de dag phal mo cher// bde bar gshegs pas khyim pa rnams la bsngags// bsod nams zhes bya'i tshogs kyang de dag nyid// sangs rgyas gzugs kyi bdag nyid sku yi rgyu// rgyal ba'i sras po nyi ma la gnas 'od byed 'di// rang gtogs mun rnams dang po yang dag bsal byas nas// 'gro ba'i
- 247b
mun pa rnam par 'joms par 'dod// sa 'dir shin tu rno bar gyur kyang khro mi 'gyur// dbu ma la 'jug pa las/ sems bskyed pa gsum pa'o// // yon tan ma lus brtson 'grus rjes 'gro zhing // bsod nams blo gros tshogs ni gnyis kyi rgya// brtson 'grus gang du 'bar bar gyur pa yi// sa de bzhi pa 'od ni 'gro ba'o// der ni bder gshegs sras la rdzogs pa yi// byang chub phyogs lhag bsgom pa las skyes pa'i// snang ba zangs kyi 'od pas lhag 'byung ning // rang du lta ba dang 'grel yongs su zad// dbu ma la 'jug pa las/ sems bskyed pa bzhi pa'o// // bdag nyid che de bdud rnams kun gyis kyang // sbyar dka'i sa la pham par nus ma yin// bsam gtan lhag cing blo bzang bden rang bzhin// zhib mo rtogs la'ang shin tu mkhas pa 'thob// dbu ma la 'jug pa las/ sems bskyed pa lnga pa'o// // mngon du phyogs par mnyam bzhag sems gnas te// rdzogs pa'i sangs rgyas chos la mngon phyogs shing // 'di brten 'byung ba'i de nyid mthong ba de// shes rab gnas pas 'gog pa thob par 'gyur// ji ltar long ba'i tshogs kun pade blag tu// mig ldan skyes bu gcig gis 'dod pa yi// yul du khrid pa de bzhin 'dir yang thos// mig nyams yon tan zangs te rgyal nyid so// ji ltar de chos zab chos rtogs pa// lung dang gzhan yang rigs pas yin pas na// de ltar 'phags pa klu sgrub gzhung lugs las// ji ltar gnas pa'i lugs bzhin brjod par bya// so so skye bo'i dus na'ang stong pa nyid thos nas// nang du rab tu dga' ba yang dang yang du 'byung // rab tu dga' ba las byung mchi mas mag brlan zhing // lus kyi ba spu ldang bar 'gyur ba gang yin pa// de la rdzogs pa'i sangs rgyas blo yi sa bon yod//
- 248a
de nyid nye bar bstan pa'i snod ni de yin te// de la dam pa'i don gyi bden pa bstan par bya// de la de yi rjes su 'gro ba'i yon tan 'byung // rtag tu tshul khrims yang dag blangs nas gnas par 'gyur// sbyin pa gtong bar 'gyur zhing snying rje bsnyen par byed// bzod pa sgom byed de yi dge ba byang chub tu// 'gro ba dgrol bar bya phyir yongs su bsngo byed cing // rdzogs pa'i byang chub sems dpa'// rnams la gus par byed// zab cing rgya che'i tshul la mkhas pa'i skye bos ni// rim gyis rab tu dga' ba'i sa ni 'thob 'gyur bas// de ni don du gnyer bas lam 'di mnyan par gyis// de nyid de las 'byung min/ kuzhan dag las nag// gaN+DI ga las kyang ma yin d+ha med po n-i la ya // den del sa byung na yon ldan gas yang ma yin// skyes par gyur pa slang yang sde bar rigs pa'ang ma yin nyid/ zin slar yang skye bar yongs su rtogs par 'gyur na ni// myu gu la sogs rnams kyi skye ba 'dir rnyed mi 'gyur zhing // sa bon srid mthar thugs par rab tu skye ba nyid du 'gyur// ji ltar de nyid kyis de rnam par 'jig par byed par 'gyur// byed rgyu sa bon gyi las tha dad myu gu'i dbyibs dang ni// kha rog ro nus smin pa'i tha dad khyod la med par 'gyur// gal te sngar gyi bdag gi dngos po bsal nas de las gzhan// ngo bor 'gyur na de tshe de yi de nyid ji ltar 'gyur// gal te khyod kyi sa bon myu gu 'dir gzhan ma yin na// sa bon bzhin du myu gu zhes bya de gzung med pa'am// yang na de dag gcig pas ji ltar myu gu 'di bzhin du// de yang gzung du yod 'gyur de phyir 'di ni khas mi zang // gang phyir rgyu zhig na yang de yi 'bras bu mthong ba'i phyir// de gcig pa yin zhes 'jig rten gyis kyang khas mi len// de phyir dngos po bdag las 'byung zhes rab tu brtags pa 'di//
- 248b
de nyid dad ni 'jig rten du yang rigs pa ma yin no// bdag la sa skye bar 'dod na bskyed par bya dang skyed byed dang // las dang byed pa po yang gcig nyid 'gyur na de dag ni// gcig nyid ma yin pas na bdag la skye bar khas blang bar// bya min rgya cher bshad pa'i nyes par thal bar 'gyur phyir ro// gzhan la brten nas gal te gzhan zhig 'byung bar 'gyur na ni// 'o na me lce las kyang mun pa 'thug po 'byung 'gyur zhing // thams cad las kyang thams cad skye bar 'gyur te gang gi phyir// skyed par byed pa ma yin ma lus la yang gzhan nyid mtshungs// rab tu bya bar nus pa de phyir 'bras bur nges brjod cing // gang zhig de bskyed nus pa de ni gzhan na'ang rgyu yin la// rgyud gcig gtogs pa skyed par byed las skye ba de yi phyir// sa lu'i myu gu nas la sogs las de lta min zhe na// ji ltar nas dang ge sar dang ni keng shu ka la sogs// sa myu gu'i skyed par byed par 'dod mi nus ldan min// rgyud gcig khongs su gtogs min 'dra ba ma yin nyid de bzhin// sa lu'i sa bon yang ni de yi min te gzhan nyid phyir// mu gu sa bon dang ni dus mnyam yod pa ma/ yin te// gzhan nyid med par sa bon gzhan pa nyid du ga la 'gyur// des na myu gu sa bon las skye 'grub par 'gyur min pas// gzhan las skye ba yin zhes bya ba'i phyogs 'di gtang bar byos// ji ltar srang gi mda' gnyis mtho ba dang ni dma' ba dag/ dus mnyam ma yin par ni min par mthong ba de bzhin du// bskyed par bya dang skyed byed dag gi skye 'gag 'gyur zhe na// gal te gcig tshe yin na 'dis dus gcig med/ de yod min// gal te skye bzhin pa de skye la phyogs pa yod min zhing // 'gag bzhin pa ni yod kyang 'jig la phyogs par 'dod gyur pa// de tshe 'di ni ji lta bur na srang dang mtshungs pa yin// skye ba 'di ni byed po
- 249a
med par rigs pa'i ngo bo'ang min// gal te mig gi blo la rang gi skyed byed dus gcig pa// mig la sogs dang lhan cig 'byung ba 'du shes la sogs las// gzhan nyid yod na yod la 'byung bas dgos pa ci zhig yod// ci ste de med ce na 'di la nyes pa bshad zin to// skyed par byed pa bskyed bya gzhan bskyed pa de rgyu yin na// yod pa 'am 'on te med dang gnyi ga gnyis bral zhig bskyed grang // yod na skyed byed ci dgos med la'ang des ni ci zhig bya// gnyis nyid la des ci bya gnyis dang bral la'ang des ci bya// gang gis rang lta la gnas 'jig rten tshad mar 'dod pas na// 'dir ni rigs pa smras pa nyid kyis lta go ci zhig bya// gzhan las gzhan 'byung ba yang 'jig rten pa yis rtogs 'gyur te// des na gzhan las skye yod 'dir ni rigs pa ci zhig dgos// dngos kun yang dag rdzun pa mthong ba yis// dngos rnyed ngo boganyis ni 'dzin par 'gyur// yang dag mthong yul gang de de nyid de// mthong brdzun pa kun rdzob bdan par gsungs// mthong brdzun pa'ang rnam pa gnyis 'dod de// dbang po gsal dang dbang ba ston ldan no// skyon ldan dbang can rnams kyi shes pa ni// dbang po legs gyur shes bltos log par 'dod// gnod pa med pa'i dbang po drug rnams kyis// gzung ba gang zhig 'jig rten gyis rtogs te// 'jig rten nyid las bden yin lhag ma ni// 'jig rten nyid las log par rnam par bzhag/ mi shes gnyid kyis rab bskyed mu stegs can// rnams kyis bdag nyid ji bzhin brtags pa dang // sgyu ma smig rgyu sogs la brtags pa gang // de dag 'jig rten las kyang yang min nyid// mig ni rab rib can gyis dmigs pa yis// rab reb med shes la gnod min ji ltar// de bzhin dri med ye shes spangs pa'i blos// dri med blo
- 249b
la gnod pa yod ma yin// gti mug rang bzhin sgrib phyir kun rdzob ste// des gang bcom ma bden par snang de ni// kun rdzob bden zhes thub pa des gsungs te// bcos mar gyur pa'i dngos ni kun rdzob tu'o// rab rib mthu yis skra shad la sogs pa'i// ngo bo log pa gang zhig rnam brtags pa// de nyid bdag nyid gang du mig dag pas// mthong de de nyid de bzhin 'dir shes gyis// gal te 'jig rten tshad ma yin na ni// 'jig rten de nyid mthong bas 'phags gzhan gyis// ci dgos 'phags pa'i lam gyi ci zhig bya// blun po tsha mar rigs pa'ang ma yin no// rnam kun 'jig rten tshad min de yi phyir// de nyid skabs su 'jig rten gnod pa med// 'jig rten don ni 'jig rten grags nyid kyis// gal te sel na 'jig rten gyis gnod 'gyur// gang phyir 'jig rten sa bon tsam btab nas// bdag gis bu 'ad bskad ces smra byed cing // shing yang gzugs so snyam du rtog de san// gzhan las skye ba 'jig rten las kyang med// gang phyer mA grA sa bi na las gzhan min// dbyar myug chos pan zhig pa med// gang phyir gcig nyid yod min de phyir yang // myug cho sa bon yod ces brjod mi bya// gal te rang gi mtshan nyid brten 'gyur na// de la skur pas dngos po 'jig pa'i phyir// stong nyid dngos po 'jig pa'i rgyur 'gyur/ na// de ni rigs min de phyir dngos yod min// gang phyir dngos po 'di dag rnam dpyad na// de nyid bdag can dngos las tshu rol tu// gnas rnyed ma yin de phyir 'jig rten gyi// tha snyad bden la rnam par dpyad mi bya// de nyid skabs su rigs pa gang zhig gis// bdag dang gzhan la skye ba rigs min pa// rigs des tha snyad du yang rigs min pas// khyod kyi skye ba gang gis yin par 'gyur// dngos po stong pa
- 250a
gzugs brnyan la sogs pa// tshogs la bltos rnams ma grags pa yang min// ji ltar der ni gzugs brnyan sogs stong las// shes pa de yi rnam pa skye 'gyur ltar// de bzhin dngos po thams cad stong na yang // slong nyid dag las rab tu skye bar 'gyur// bden pa gnyis su'ang rang bzhin med pa'i phyir// de dag rtag pa ma yin chad pa'ang min// gang byor rang bzhin gyis de ma 'gag pa// de phyir kun gzhi med kyang 'di nus phyir// la lar las 'gags yun ring lon las kyang // 'bras bu yang dag 'byung bar rig par gyis// rmi lam dmigs pa'i yul dag mthong nas ni// sad kyang/ blun la chags pa skye 'gyur ba// de bzhin 'gags shing rang bzhin yod min pa'i// las las kyang ni 'bras bu yod pa yin// ji ltar yul ni yod nyid mini mtshungs kyang // rab rib can gyis skra shad rnam bo nAM// mthong gi dngos gzhan rnam par ma yin ltar// de bzhin smin las snar smin min shes kyis// de phyir rnam smin mi dgenag po'i las// rnam sbyin dag nyid dge las yin mthang zhing / dge mi dge med blo can thar 'gyur te// las 'bras rnams la sems pa'ang dgag pa mdzad// kun gzhi yod cing gang zag nyid yod la// phung po 'di dag 'ba' zhig nyid yod ces// bstan pa 'di ni de ltar ches zab don// rig par mi 'gyur gang yin de la'o// 'jig tshogs lha dang bral yang sangs rgyas kyis// ji ltar nga dang nga yi bstan pa ltar// de bzhin dngos rnams rang bzhin med mod kyi// yod ces drang don nyid du bstan pa yin// gzung ba med par 'dzin pa ma mthong zhing // srid gsum rnam shes tsam du rab rtogs pas// shes rab la gnas byang chub sems dpa' des// rnam shes tsam du de nyid rtogs par 'gyur//
- 250b
ji ltar blung gis bskul bas rgya mtsho ni// che las chu rlabs 'byung ba de bzhin du// kun gyi sa bon kun gzhi zhes bya las// rang gi nus pas rnam shes tsam zhig 'byung // de phyir gzhan gyi dbang gi ngo bo gang // dngos po btags par yod pa'i rgyur 'gyur zhing // phyi rol gzung ba med par 'byung 'gyur la// yod dang spros kun yul min rang bzhin yod// phyi rol med sems dpe ni gang du yod// rmi lam ji bzhin zhe na de bsam bya// gang tshe ngal rmi lam na yang sems// yod min de tshe khyod kyi dpe yod min// gal te sad tshe rmi lam dran las yid// yod na phyi rol yul yang de bzhin 'gyur// ji ltar khyod kyi ngas mthong snyam/ dran pa// de 'dra phyi rol la yang yod pa yin// gal te gnyid na mig blo mi srid pas// yod min yid kyi shes pa kho na yod// de yi rnam pa phyi rol nyid du zhen// rmi lam ji lta de bzhin 'dir 'dod na// ji ltar khyod kyi phyi yul rmi lam du// ma skyes de bzhin yid kyang skyes ma yin// mig dang mig gi yul dang des bskyed sems// gsum po thams cad kyang ni rdzun pa yin// rna sogs lhag ma gsum po'ang skye ba med// rmi lam ji lta de bzhin sad 'dir yang // dngos rnams rdzun yin sems de yod ma yin// spyod yul med cing dbang po rnams kyang med// 'di na ji ltar sad bzhin ji srid du// ma sad de srid de la gsum po yod// / sad par gyur na gsum char yod min ltar// gti mug gnyid zad las de de bzhin no// dbang po rab rib bcas pa blo gang gis// rab rib mthu las skra rnams gang mthong ba// de blo la bltos gnyis char bden pa ste// don gsal mthong la gnyis ka'ang rdzun pa yin// gal te shes bya med par blo yod na// skra de'i yul dang mig ni rjes 'brel ba'i// rab rib med la'ang skra shad blor 'gyur na// de lta ma yin de
- 251a
phyir de yod min// gang phyir mthong ba dag la blo nus ni// smin med de phyir de la blo mi 'gyur// shes bya yod dngos bral bas min zhe na// nus de med pas 'di ni 'grub ma yin// skyes la nus pa srid pa yod ma yin// ma skyes ngo bo la yang nus yod min// khyad par med par khyad par can yod min// mo gsham bu la'ang de ni yod par thal// gal te 'byung bar 'gyur bas bsnyad 'dod na// nus pa med par 'di yi 'byung 'gyur med// phan tshun don la brten pa'i 'grub pa ni// grub min nyid ces dam pa rnams kyis gsungs// gal te 'gags pa'i nus smin las 'gyur na// gzhan gyi nus pa las gzhan 'byung bar 'gyur// rgyu can rnams der phan tshun tha dad yod// de phyir thams cad kun las 'byung bar 'gyur// gal te der ni rgyun can tha dad kyi// de dag la rgyun tha dad med de'i phyir// nyes med ce na 'di ni bsgrub bya zhig/ tha mi dad rgyun skabs mi rigs phyir ro// byams pa nyer sbas la brten chos rnams ni// gzhan nyid phyir ni rgyud gcig gtogs min te// gang dag rang mtshan nyid kyi so so ba// de dag rgyud gcig gtogs pa rigs ma yin// mig blo skye ba rang nus gang zhig las// de ma thag tu kun nas skye 'gyur zhing // rang gi rnam shes rten gyi nus de la// dbang po gzugs can mig ces bya bar rtogs// 'di na dbang po las byung rnam par rig/ phyi gzung med par rang gi sa bon las// sngo sogs snang nyid 'byung bar ma rtogs nas// skye bos phyi rol gzung bar sems khas len// rmi lam na ni gzugs don gzhan med par// rang nus smin las de yi rnam can sems// 'byung ba ji lta de bzhin sad la'ang 'dir// phyi rol med par yid ni yod ce na// ji ltar mig med par ni rmi lam du// sngo sogs snang ba'i yid sems 'byung de
- 251b
ltar// mig dbang med par rang gi sa bon ni// smin las long ba la 'dir cis mi skye// gal te khyod ltar rmi lam drug pa yi// nus pa smin yod sad par med gyur na// drug pa'i nus smin ji lta 'dir med pa// de ltar rmi tshe med ces cis mi rigs// ji ltar mig med 'di yi rgyu min ltar// rmi lam du yang gnyid ni rgyu ma yin// de phyir rmi lam du yang de dngos mig/ rdzun pa'i yul can rtogs pa'i rgyur khas blang // 'di// / yis lan ni gang dang gang btab pa// de dang de ni dam bca' mtshungs mthong bas// rtsod 'di sel byed sangs rgyas rnams kyis ni// 'gar yang dngos po yod ces ma bstan to// rnal 'byor pa yis bla ma'i man ngag las// keng rus kyis gang sa gzhi mthong ba gang // der yang gsum char skye ba med par mthong // log pa yid la byed par bstan phyir ro// khyod kyi dbang blo'i yul rnams ji lta ba// de ltar mi ga yid kyi ya 'gyur // de bzhes su de thug/ gags ky-is// gas 'aM na rdzun par yang mi 'gyur// ba ldan dbang ban+dan ma rgyangs pa// na bab byu la y-i dgas yang // mdor na ji ltar shes bya med de bzhin// blo yang med ces don 'di shes par gyis// gal te gzung med 'dzin pa nyid bral zhing // gnyis kyis stong pa'i gzhan dbang dngos yod na// 'di yi yod/ pa gang gis shes par 'gyur// ma bzung bar yang yod ces byar mi rung // de nyid kyis de myong bar grub ma yin// gal te phye dus dran pa las 'grub na// ma grub bsgrub par bya phyir brjod pa yi// mgrub 'di ni sgrub par byed pa min// rang rig pa ni grub la rag mod kyi// de lta'ang dran pa'i dran pa rigs min te// gzhan phyir ma shes rgyud la skyes pa bzhin// gtan tshogs 'dis ni khyad par dag kyang 'jom//
- 252a
gang phyir gang gis yul myong gyur de las// dran pa 'di gzhan nga la yod min pa// de phyir nga yis mthong snyam dran 'gyur te// 'di yang 'jig rten tha snyad tshul lugs yin/ de phyir rang gi yod pa ma yin na// khyod kyi gzhan dbang gang gis 'dzin par 'gyur// byed po las dang bya ba gcig min pas// de nyid kyis de 'dzin par rigs ma yin// gal te skye ba med cing ma shes pa'i// bdag can gzhan dbang ngo bo'i dngos yod na// gang gis na 'di yod par mi rigs pa// gzhan la mo gsham bus gnod ci zhig bskyal// gang tshe gzhan dbang cung zad yod min na// kun rdzob pa yi rgyur ni gang/ zhig 'gyur// gzhan gyi ltar na rdzas la chags pa yis// 'jig rten grags pa'i rnam pa nag kun kyang brlag/ slob dpon klu sbub zhabs kyi lam la ni// phyi rol gyur la zhi ba'i thabs med do// de dag kun rdzob de nyid bden las nyams// de las nyams pas thar pa 'grub yod min// tha snyad bden pa thabs su gyur pa dang // don dam bden pa thabs byung gyur pa ste// de gnyis rnam dbye gang gis mi shes pa// de ni rnam rtog log bas lam ngan grags// ji ltad khyod kyi gzhan dbang dngos 'ad ltar// phun rdzob kyang ni bdag gis pas mablangs// 'bras byer 'di dag med kyang yod da zhes// 'jig rten dong byas bdag ni smra bar byed // dzas phung po spangs nas zhing zhugs pa// dgra bcom rnams la yod pa min de ltar// 'jig rten la yang med na de bzhin 'di// 'jig rten las kyang yod ces bdag mi smra// gal te khyod la 'jig rten mi gnad na// 'jig rten nyid bltos 'di ni dgag par gyis// khyod dang 'jig rten 'dir ni rtsod kyis dang // phyi nas stobs ldan bdag gis brten par bya// mngon gyur mngon phyogs byang chub sems dpa' yis// srid gsam/
- 252b
rnam shes tsam du gang rtogs pa// rtag padag byed po bkag pa rtogs phyir des// byed pa po ni sems tsam yin par rtogs// de phyir blo ldan blo ni 'phel bya'i phyir// lang kar gshegs mdo de las kun mkhyen gyis// mu stegs spo mthon ri 'joms dag rang bzhin// rdo rje 'di ni dgongs pa bcad phyir gsungs// ji bzhin rang gi bstan bcos de de las// mu stegs rnams kyis gang zag sogs de dag/ smras pa de dag byed por ma gzigs nas// rgyal bas sems tsam 'jig rten byed por gsungs// de nyid rgyas la sangs rgyas bsnyad ji bzhin// de bzhin sems tsam gtsor gyur 'jig rten la// mdo las sems tsam zhes gsungs gzugs ni 'dir// 'gog pa de ltar mdo yi don ma yin// gal te 'di dag sems tsam zhes mkhyen nas// de las gzugs nyid dgag par mdzad na ni// slar yang de las bdag nyid chen pos sems// gti mug las las skyes par ci phyir gsungs// sems nyid kyis ni sems can 'jig rten dang // snod kyi 'jig rten shin tu sna tshogs 'god// 'gro ba ma lus las// las skyes par gsungs// sems spangs nas nr-i las kyang yod ma yin// gal te gzugs yod med kyi del ni// sems pazhidabyeng pa po nyid yod ma yin// de se na sems las gnan pa'i byed pa / bzlog gi gzugs ni bkag pa ma yin no// 'jig rten pa yi de nyid la gnas la// phung po 'jig rten grags de lnga char yod// de nyid ye shes 'char bar 'dor ba na// rnal 'byor pa la de lnga 'byung mi 'gyur// gzugs med na ni sems yod ma 'dzin cig/ sems yod nyid na'ang gzugs med ma 'dzin cig/ de dag shes rab tshul mdor sangs rgyas kyis// mtshungs par spangs shing mngon pa'i/
- 253a
chos las gsungs// bden gnyis rim pa 'di dag bshig nas kyang // khyod kyi rdzas ni bkag pas 'grub mi 'gyur// de phyir de lta'i rim pas dngos 'dod nas// de nyid ma skyes/ 'jig rten skyes rig bya// mdo sde gang las phyi rol snang yod min// sems ni sna tshogs snang ngo zhes gsungs pa// gzugs la shin tu chags gang de dag la// gzugs ba zlog pa ste de yang drang don nyid// 'di ni ston pas drang don nyid gsungs shing // 'di ni drang don nyid du rigs pas 'thad// rnam pa de lta'i mdo sde gzhan yang ni// drang don nyid du lung 'dis gsal bar byed// shes bya med na shes pa bsal ba ni// bde blag rnyed ces sangs rgyas rnams kyis gsungs// shes bya med na shes pa bkag 'grub pas// dang por shes bya dgag pa mdzad pa yin// de ltar lung gi lo rgyus shes byas te// mdo gang de nyid ma yin bshad don can// drang don gsungs pa'ang rtogs nas drang bya zhing // stong nyid don can nges don shes par gyis// gnyis lam skye ba'ang rigs pa'i ngo bo ma yin gang gi phyir// bshad zin nyes pa de dag thog bab pa yin sbyar ro// 'di na 'jig rten las min de cid du yang 'dang ldan// gang byur ri de mas ni skye ba 'thab pa yod ma yin// gul te me ldanar sgru ba gzhig 'byung // dem mtha' dag tu thams cad las kyang skye 'gyur zhing // 'bras 'byung ched du 'jig rten 'di yi sa bon la sogs ni// brgya phrag dag gi sgo nas sdud par byed par yang mi 'gyur// gal te 'gro ba rgya yis stong par gyur na nam mkha' yi// ut+pa lo yi dri mdog ji bzhin gzung du med nyid na// shin tu ches bkra'i 'jig rten 'dzin pa'ang yin de'i phyir// rang gi blo bzhin 'jig rten rgyu las yin par shes par gyis// 'byung ba de
- 253b
dag bdag nyid gang zhig gis ni khyod kyi blo'i// yul du 'gyur ba de yi bdag nyid can ni ma yin na// gang la yid kyi mun pa 'thug po 'di nyid du yod pa// des ni ji ltar 'jig rten pha rol yang dag rtog/ par 'gyur// 'jig rten pha rol 'gog par byed pa'i dus su bdag nyid ni// shes bya'i rang bzhin phyin ci log tu lta bar rtogs bya ste// de yi lta ba'i rnam pa'i rten mtshungs lus dang ldan nyid phyir// gang tshe 'byung ba'i bdag nyid yod nyid khas len de tshe bzhin// 'byung ba de dag ji ltar yod min de ltar bshad zin te// gang gi phyir na gong du rang bzhin las dang gnyis ka las// skye dang rgyu med thun mong du ni bkag zin de yi phyir// ma bshad 'byung ba 'di dag lta zhig yod dam ma yin no// gang gi phyir na bdag dang gzhan dang gnyis ka las skye dang // rgyal ma bltos yod pa min pas dngos rnams rang bzhin bral// gang gis sprin tshogs dang mtshungs gti mug stug po 'jig rten la// yod pa des na yul rnams log pa dag tu snang bar 'gyur// ji ltar rab rib mthu yis 'ga' zhig sra shad zla gnyis dang // smras dgas sa sa sgru gti mug brten nas las 'byung gti mug med par de// mi 'byung zhes byar mi mkhas kho nas rtog par gor ma chags// blo bzang nyi mas mun pa stug po rnam par bsal ba yi// mkhas pa dag ni stong nyid khong du chud cing grol bar 'gyur// gal te dngos rnams de nyid du med na// tha snyad du yang mo gsham bu ji bzhin// de dag med pa nyid 'gyur de yi phyir// de dag rang bzhin gyis ni yod pa nyid// gang dag
- 254a
rab rib n+dan sogs yul 'gyur ba// sra shad la sogs de dag ma skyes pas// re zhig de dag nyid la brtsad bya ste// phyi nas ma rig rab rib rjes 'brel la'o// gal te rmi lam dri za'i grong khyer bcas// smig rgyu'i chu dang mi 'phrul gzugs brnyan sogs// skye med mthong na yod nyid min mtshungs kyang // khyod la ji ltar der 'gyur de mi rigs// de nyid du 'di ji ltar skye med kyang // / mo gsham bu ltar gang phyir 'jig rten gyi// mthong ba'i yul du mi 'gyur ma yin pa// de yi phyir na smra 'di ma nges pa'o// mo gsham bu la rang gi bdag nyid kyis// skye ba de nyid du med 'jig rten du'ang // yod min de bzhin dngas 'di gun ngobo// nyid kyis 'jig rten de nyid du ma skyes// de phyir 'di ltar ljon pas chos rnams kun// gdod nas zhi zhing skye bral rang bzhin gyis// yongs su mya ngan 'das pa gsungs 'gyur la// de phyir rtag tu skye ba yod ma yin// bum sogs 'di dag de nyid du med cing // 'jig rten rab tu grags par yod ci bzhin// de bzhin dngos po thams cad 'gyur bas na// mo gsham bu dang mtshungs par thal mi 'gyur// gang phyir rgyud med pa dang dbang phyug gi/ rgyu la sogs dang bdag gzhan gnyi ga las// dngos rnams skye bar 'gyur ba ma yin pa// de phyir brten nas rab tu skye bar 'gyur// gang phyir dngos po brten nas rab 'byung bas// rtog pa 'di dag brtag par mi nus pa// de phyir brten 'byung rigs pa 'di yis ni// lta ngan dra ba mtha' dag gcod par byed// rtog rnams dngos po yod na 'byung ba ste// dngos po ji ltar med par yongs dpyad zin// dngos po med par 'di rnams mi 'byung dper// bud shing med par me yod min de bzhin// so so'i skye bo rnams ni rtog pas bcings// /
- 254b
mi rtog rnal 'byor pa ni grol 'gyur bas// rtog rnams log par gyur pa gang yin de// rnam par dpyod pa'i 'bras bur mkhas rnams gsung // bstan bcos las dpyad rtsod la chags pa'i phyir/ ma mdzad rnam grol phyir ni de nyid bstan// gal te de nyid rnam par bshad pa na// gzhan gzhung 'jig par 'gyur na nyes pa med// rang gi lha la chags dang de bzhin du// gzhan gyi lha la 'khrug gang rtog pa nyid// de phyir 'dod chags khong khro rnam bsal te// rnam dpyod pa ni myur du grol bar 'gyur// nyon mongs skyon rnams ma lus 'jig tshogs la// lta las byung bar blo yis mthong gyur cing // bdag ni// 'di yi yul du rtogs byas nas// rnal 'byor pa yis bdag ni 'gog par byed// za bo rtag dngos byed po mi na pa'i bdag/ yon tan bya med mA stegs rnams kyis brtags// de'i bye cung nang rgyang zad la / nas// mu stegs can rnams lugs ni tha dad 'gyur// mo gsham bu ltar skye ba dang bral phyir// de ltar gyur pa'i bdag ni yod min zhing // 'di ni ngar 'dzin rten du'ang mi rigs la// 'di ni kun rdzob tu yang long mi 'dod// gang phyir bstan bcos bstan bcas las de'i byang // bu stegs rnams kyis gang bstan de kun la// rang grags ma skyes gtan tshigs kyis gnang ba// depyir de byang kun kyang yi dam yin// de phyir phung po las gzhan bdag med do// phung po ma gtogs de 'dzin ma grub phyir// 'jig rten ngar 'dzin blo yi rten du yang // mi 'dod de rig min pa'ang bdag lta'i phyir// gang dag dud 'gror bskal mang rgyal gyur pa// de kyang ma skyes rtag 'di ma mthong la// ngar 'dzin de dag la yang 'jug mthong ste/ des na phung po las gzhan bdag 'ga' med// phung po las gzhan pa dag grub med pa'i phyir// bdag lta'i dmigs/
- 255a
pa phung po kho na'o// kha cig bdag lta'i rten du phung po ni// lnga char yang 'dod kha cig sems gcig 'dod// gal te phung po bdag na de phyir de// mang ba sa bdag de dag kyang mang por 'gyur// / bdag ni rdzas su 'gyur zhing der lta ba// rdzas la 'jug pas phyin ci log mi 'gyur// mya ngan 'das tshe nges par bdag chad 'gyur// mya ngan 'das sngon skad cig dag la ni// skye 'jig byed po med pas de 'bras med// gzhan gyis bsags la gzhan gyis za bar 'gyur// de nyid du rgyud yod na skyon med na// sngar rnam dpyad tshe rgyud la nyes bshad zin// de phyir phung po dang sems bdag mi rigs// 'jig rten/ mtha' ldan la sogs med phyir ro// khyod kyi rnal 'byor bdag med mthong ba la// de tshe nges par dngos rnams med par 'gyur// rtag bdag spang na de tshe de yi phyir// khyod kyi sems sam phung po bdag mi 'gyur// khyod kyi rnal 'byor bdag med mthong ba yis// gzugs sogs de nyid rtogs par mi 'gyur zhing // gzugs la dmigs nas 'jug phyir 'dod chags sogs// skye 'gyur de yi ngo bo rtogs med phyir// gang phyir ston pas phung po bdag go zhes// gsungs pa de phyir phung po bdag 'dod na// de ni phung las gzhan bdag 'gog pa ste// gzugs bdag min sogs mdo gzhan gsungs phyir ro// gang phyir gzugs tshor bdag min 'du shes kyang // ma yin 'du byed rnams min rnam shes kyang // min par mdo gzhan las gsungs de yi phyir// mdor bstan phung po bdag ces bzhed pa yin// phung po bdag ces brjod tshe phung rnams kyi// tshogs pa yin gyi phung po'i ngo bo min// mgon min 'dul ba'am dbang po nyid kyang min// de med phyir de tshogs pa ma yin no// de tshe de yi yan lag tshogs gnas rnams// shing rta nyid 'gyur shing rta dang
- 255b
bdag mtshungs/ mdo las phung po brten nas yin gsungs pa// de phyir phung po 'dus tsam bdag ma yin// dbyibs zhe na de gzugs can la yod phyir// khyod la de dag nyid bdag ces 'gyur gyi// sems sogs/ tshugs ni bdag nyid 'gyur min te// gang phyir de dag la dbyibs yod ma yin// len por rang nyer len gcig rigs dngos min// de lta na la sa byed po gcig nyid 'gyur// byed po med las yod snyam blo yin na// ma yin gang phyir byed po med las med// gang phyir thub pas bdag des chu me// rlung dang rnam shes nam mkha' zhes bya ba// khams drug dang ni mig sogs reg pa yi// rten drug dag la brten nas nyer bstan zhing // sems dang sems byung chos rnams nyer bzung nas// des gsungs de phyir de ni de rnams dang // de nyid ma yin tshogs tsam nyid min te// de phyir ngar 'dzin blo de rnams la min// bdag med rtogs tshe rtag pa'i bdag spong zhing // 'di ni ngar 'dzin rten du'ang mi 'dod pa// de phyir bdag med shes pas bdag lta ba// dpyis kyang 'byin zhes smra ba shin tu mtshar// rang khyim rtsig phug sbrul gnas mthong bzhin du// 'di na glang chen med ces dogs bsal te// sbrul gyis 'jigs pa'ang spong bar byed pa ni// kye ma gzhan gyi gnam por 'gyur nyid do// phung por bdag yod ma yin pa dag la yang // phung po de rnams yod min ga phyir 'dir// gzhan nyid yod na rtog pa 'dir 'gyur na// gzhan nyid de med de phyir 'di rtog pa'o// bdag ni gzugs ldan mi 'dod gang phyir bdag/ yod min de phyir ldan don sbyor ba med// gzhan na gnag ldan gzhan min gzugs ldan na// bdag ni gzugs las de nyid gzhan nyid med// gzugs bdag ma yin bdag ni gzugs ldan min// gzugs la bdag med bdag la'ang gzugs yod min// de ltar rnam bzhir// /
- 256a
phung kun shes bya ste// de dag bdag tu lta ba nyi shur 'dod// lta ri bdag med rtogs pa'i rdo rje yis// bcom bdag gang dang lhan cig 'jig 'gyur ba// 'jig tshogs lta ri lhun sdug la gnas pa// rtse mo mtho bar gyur pa 'di dag go// kha cig de nyid gzhan nyid rtag mi rtag/ la sogs brjod med gang zag rdzas yod 'dod// rnam shes drug gi shes byar de 'dod cing // de ni ngar 'dzin gzhir yang 'dod pa yin// gang phyir gzugs las sems brjod med mi rtogs// dngos yod brjod med rtogs pa ma yin nyid// gal te bdag 'ga' dngos por grub gyur na// sems ltar grub dngos brjod du med mi 'gyur// gang phyir khyod bum dngos por ma grub pa'i// ngo bo gzugs sogs las brjod med 'gyur bas// bdag gang phung po las brjod med 'gyur te// rang gis yod par grub par rtogs mi bya// khyod kyi rnam shes rang bdag/ las gzhan ni// mi 'dod gzugs sogs las gzhan dngos 'dod cing // dngos la rnam pa de gnyis mthong 'gyur ba// de phyir bdag med dngos chos dang bral phyir// de phyir ngar 'dzin rten ni dngos po min// phung las gzhan min phung po'i ngo bo min// phung po rten min 'di ni de ldan min// 'di ni phung po rnams brten 'grub par 'gyur// shing rta rang yan lag las gzhan 'dod min// gzhan min ma yin de ldan yang min zhing // yan lag ma yin yan lag dag der min// 'dus pa tsam min dbyibs min ji bzhin no// gal te tshogs tsam shing rtar 'gyur na ni// sil bur gnas la shing rta nyid yod 'gyur// gang phyir yan lag can med yan lag dag/ med pas dbyibs tsam shing rtar rigs pa'ang min// khyod dbyibs yan lag re re sngar yod gyur// ji bzhin shing rtar gtogs la'ang de bzhin na// bye bar gyur pa de dag la ji ltar// da
- 256b
ltar yang ni shing rta yong ma yin// da lta gal te shing rta nyid du 'dir// 'phang lo sogs la dbyibs tha dad yod na// 'di gzud 'gyur na de yang yod min te// de phyir dbyibs tsam shing rtar yod ma yin// gang phyir/ khyod kyi tshogs pa cang med pas// dbyibs de yan lag tshogs kyi ma yin na// gang zhig ni yang ma yin de brten nas// 'dir ni dbyibs su lta zhig ji ltar 'gyur// khyod kyi 'di ni ji ltar 'dod de ltar// mi bden pa yi rgyal brten byas nas// 'bras bu'i rnam pa mi bden rang bzhin nan// thams cad kyang ni skye bar shes par gyis// 'dis ni gzugs sogs de ltar gnas rnams la// bram mo zhes bya'ang rigs pas yin nyid// skye ba med pas gzugs sogs kyang yod min// de yi phyir yang de dag dbyibs mi rigs// de ni de nyid du lam 'jig rten du// rnam pa bdun gyis 'grub 'gyur min mod kyi// rnam dpyad med par 'jig rten nyid las 'dir// rang gi yan lag brten nas 'dogs pa yin// de nyid yan lag can de cha shas can// shing rta de nyid byed po zhes 'gror bsnyad// skye bo rnams la len po nyid du 'grub// 'jig rten grags pa'i kun rdzob ma brlag cig/ rnam bdun gyis med gang de ji lta bur// yod ces rnal 'byor pas 'di'i yod mi rnyed// des de nyid la'ang ba de blag 'jug 'gyur bas// 'dir de'i grub pa de bzhin 'dod par bya// shing rta yod nyid rmin na de yi tshe// yan lag can med de'i yan lag kyang med// shing rta tshig na yan lag med dpe bzhin// blo med yan lag can bsregs yan lag go/ de bzhin 'jig rten grags pas phung po dang // khams dang de bzhin skye mched drug brten nas// bdag kyang nye bar len pa nyid du 'dod// nyer len las yin 'di ni byed po'ang yin// dngos yod min phyir 'di ni brtan ming zhing //
- 257a
mi brtan nyid min 'di ni skye 'jig min// 'di la rtag pa nyid la sogs pa yang // yod min de nyid dang ni gzhan nyid med// gang la rtag tu 'gro rnams ngar 'dzin blo// rab tu 'byung zhing de yi gang yin der// nga yer 'dzin blo 'byung ba'i bdag de ni// ma rtags grags par gti mug las yin no// gang phyir byed po med can las med pa// de phyir bdag gi bdag med par yod min// de phyir bdag dang bdag gi stong lta zhing // rnal 'byor pa de rnam par grol bar 'gyur// bum pa snam bu re lde dmag dang nags tshal phreng ba ljon shing dang // khang khyim shing rta phran dang 'gron gnas la sogs dngos rnams gang dag dang // de bzhin gang dag sgo nas skye 'dis bsnyed pa de rnams rtogs bya ste// gang phyir thub dbang de ni 'jig rten lhan cig rtsod mi mdzad phyir ro// yan lag yon tan 'dod chags mtshan nyid dang ni bud shing la sog/ dang // yon tan can yan lag can chags dang mtshan gzhi me la sogs don dag/ de rnams shing rta'i rnam dpyad byas pas rnam bdun yod pa ma yin zhing // de las gzhan du gyur par 'jig rten grags pa'i sgo nas yod pa yin// gal te rgyu yis bskyed par bya ba skyed de lta na de rgyu yin zhing // gal te 'bras bu mi skyed na ni de med rgyu med can du 'gyur// 'bras bu yang ni rgyu yod gyur na skye bar 'gyur ba de'i phyir// gang las gang zhig 'gyur ba gang zhig las sngar gang zhig 'gyur ba smos// gal te khyod kyi rgyu yis phrad nas 'bras skye byed na de yi tshe// de dag nus pa gcig pas skyed byed// 'bras bu tha dad med 'gyur zhing // so sor na ni rgyu 'di rgyu min rnams dang khyad par med 'gyur la// gnyis po 'di dag spangs nas rtog pa gzhan yang yod par 'gyur ma yin// ci ste khyod kyi rgyu yi
- 257b
'bras bu skyed par mi byed de phyir 'bras// zhes bya yod min 'bras bral rgyu ni rgyu med can 'gyur yod pa'ang min// gang phyir 'di dag gnyis char yang ni sgyu ma dang 'dra de yi phyir// bdag la skyon du// / mi 'gyur 'jig rten pa yi dngos po rnams kyang yod// sun 'byin 'dis sun dbyung bya phrad nas 'byin nam ma phrad par// yin zhes nyes pa 'dir ni khyod la'ang 'gyur ba ma yin nam/ gang tshe de skad smra/ zhing rang phyogs kho na rnam 'joms pa// de tshe khyod kyis sun dbyung sun ni 'byin par nus ma yin// gang phyir rang gi tshig la'ang thal ba mtshungs pa'i ltag chod kyis// rigs pa med par dngos mtha' dag la sur 'debs de yi phyir// khyod ni skye bo dam pas bzhed mi 'gyur zhing gang mi phyir// khyod la rang phyogs med pas sun ci phyin du rgol ba'ang yin// sun 'byin pas sran dbyung bya ma phrad sun ni 'byin byed dam// 'on te phrad nas yin zhes smas zin nyes pa 'dir gang la// nges par phyogs yod de la 'gyur gyi bdag la phyogs 'di ni// yod pa min pas thal bar 'gyur ba 'di ni srid ma yin// ji ltar khyod kyis nyi ma'i dkyil 'khor la yang yod khyad par rnams// gzugs brnyan la yang gzas bzung la sogs rnams tshe mthong 'gyur la// nyi ma dang ni gzugs brnyan rnam par phrad dang ma phrad par// mi rigs mod kyi brten nas tha snyad tsam zhig 'byung 'gyur zhing // mi bden bzhin du'ang rang gi byad bzhin mdzes par bsgrub bya'i phyir// de ni yod pa ji ltar de bzhin 'dir yang shes rab gdong // sbyang bar bya la nus pa mthong bar 'gyur ba'i gtan tshigs ni// 'thad pa dang bral las kyang bsgrub bya rtogs zhes shes par bya// gal te rang gi bsgrub bya go byed gtan tshigs dngos grub dang // dngos su go bya nyid 'gyur bsgrub bya'i ngo bo'ang yod
- 258a
gyur na// phrad pa la sogs rigs pa nye bar sbyor bar 'gyur zhig na// de yang yod pa min pas khyed kyi yi chad 'ba' zhig yin// dngos rnams mtha' dag dngos por med par rtogs su gzhug papar ni// nus par ches sla ji lta ring bzhin gzhan dag la// khong du chud par bde blag tu ni nus pa ma yin no// rtog ge ngan pa'i dra bas 'jig rten ci ste 'dir bcol byed// sun 'byin lhag ma gong du bstan pa/ yang ni shes byas nas// phrad pa la sogs phyogs kyi lan gyi ched du 'dir gtang bya// sun ci phyin du rgol ba pa yang ji ltar yod min pa// de skad sngar bshad lhag ma phyogs 'di nyid kyis rtogs par bya// bdag med 'di ni 'gro ba rnam dgrol phyir// chos dang gang zag dbye ba rnam gnyis gsungs// de ltar ston pas thar yang 'di nyid ni// gdul ba rnams la phye ste rnam mang gsungs// spos dang bcas par stong pa nyid// bcu drug bshad nas mdor bsdus te// slar yang gzhir bshad de dag ni// theg chen du yang bzhed pa yin// gang phyir de yi rang bzhin de// yin phyir mig ni mig gis stong // de bzhin rna ba sna dang lte// lus dang yid kyang bsnyad par bya// zer zug gnas pa ma yin dang // 'jig pa ma yin nyid kyi phyir// mig la sogs pa drug po yi// rang bzhin med nyid gang yin pa// de ni nang stong nyid du 'dod// gang phyir de yi rang bzhin de/ yin phyir gzugs ni gzugs kyis stong // skra dang dri ro reg bya dang // chos rnams nyid kyang de bzhin no// gzugs sogs rang bzhin med pa nyid// phyi rol stong pa nyid du 'dod// gnyis char rang bzhin med nyid ni// phyi nang stong pa nyid yin no// chos rnams rang bzhin med pa nyid// mkhas pas stong pa nyid ces bsnyad// stong nyid de yang stong nyid kyi// ngo bos stong par 'dod pa yin// stong nyid zhes bya'i stong nyid
- 258b
gang // stong nyid stong nyid du 'dod de// stong nyid dngos po'i blo can gyi// 'dzin pa bzlog phyir gsungs pa yin// sems can snod kyi 'jig rten ni// ma lus khyab byed nyid phyir dang // tshad med pa yis mu mtha' ni// med phyir phyogs rnams chen po nyid// 'di dag bcu car phyogs rnams kyis// stong pa nyid ni gang yin de// chen po stong pa nyid yin de// chen por 'dzin pa bzlog phyir gsungs// de ni dgos pa mchog yin pas// don dam mya ngan 'das pa yin// de ni de yis stong nyid gang // de ni don dam stong nyid de// myang 'das dngos po'i blo can gyi// 'dzin pa bzlog par bya ba'i phyir// don dam mkhyen pas don dam pa// stong pa nyid ni bstan par mdzad// rkyen las byung phyir khams gsum po// 'dus byas yin par nges par bsnyad// de ni de yi stong nyid gang // de ni 'dus byas stong nyid gsungs// gang la skye gnas mi rtag nyid// de dag med pa 'dus ma byas// de ni yis stong nyid gang // de ni 'dus ma byas stong nyid// gang la mtha' ni yod min pa// de ni mtha' las 'das par brjod// de de kho nas stong pa nyid// mtha' las 'das pa stong nyid bsnyad// thog ma dang patham mtha'// de dag me dpas 'byung ba ni// theg ma tha ma med pa ba rda// 'bri'ang thas byeng lamak+ta'i// maud 'di da mes dben nyid gang // de ni tsag ma pa pa// med pa stong bzhid dunas bstan bcos las ni nges par bsnyad// dor ba zhes bya 'thor ba dang // 'bor ba la ni nges par brjod// dor med gtong ba med pa ste// 'ga' yang dor med gang yin pa'o// dor ba med pa de nyid kyis// de nyid stong pa nyid gang yin// de de'i phyir na dor med pa// stong pa nyid ces bya bar brjod// 'dus byas la sogs ngo bo nyid// gang phyir slob ma rang sangs rgyas// rgyal sras de bzhin gshegs rnams kyis// ma mdzad de'i phyir
- 259a
'dus byas la// sogs pa rnams kyi ngo bo nyid// rang bzhin nyid du bsnyad pa ste// de nyid kyis de stong nyid gang // de ni rang bzhin stong pa nyid// khams bco brgyad dang reg drug dang // de las byung ba'i tshor drug dang // gzugs can gzugs can min de bzhin// 'dus byas 'dus ma byas chos rnams// chos de dag ni thams cad kyi// de dag gis dben stong nyid gang // gzugs rung la sogs/ dngos med gang // de ni rang mtshan stong pa nyid// gzugs ni gzugs rung mtshan nyid can// tshor ba myong ba'i bdag nyid can// 'du shes mtshan mar 'dzin pa ste// 'du byed mngon par 'du byed pa'o// yul la so sor rnam rig pa// rnam shes rang gi mtshan nyid do// phung po sdug bsngal rang mtshan nyid// khams kyi bdag nyid sbrul gdug 'dod// skye mched rnams ni sangs rgyas kyis// skye ba'i sgor gyur nyid du/ gsungs// rten cing 'brel bar 'byung ba gang // de ni 'dra 'phrod mtshan nyid do// gtong ba sbyin pa'i pha rol phyin// tshul khrims gdung med mtshan nyid bzod// khro med mtshan nyid brtson 'grus kyi// kha na ma tha mang nyid do// bsam gtan sdud pa'i mtshan nyid can// shes rab chags med mtshan nyid de// pha rol phyin pa drug rnams kyi// mtshan nyid 'di dag yin par brjod// bsam gtan rnams dang mtshad med pa de bzhin gzhan gang gzugs med pa// de dag yang dag mkhyen pa yis// mi 'khrugs mtshan nyid can du gsungs// byang chub phyogs chos sum cu bdun// nges par 'byung byed rang mtshan nyid// stong pa nyid kyi mtshan nyid ni// dmigs pa med pas rnam dben nyid// mtshan ma med pa zhi nyid de// gsum pa'i mtshan nyid sdug bsngal dang // gti mug med rnam thar rnams kyi// mtshan nyid rnam par grol
- 259b
byed pa'o// stobs rnams shin tu rnam par ni// gtan la 'bebs pa'i rang bzhin gsungs// skyob pa'i mi 'jigs pa rnams ni// shin tu brtan pa'i ngo bo yin// so sor yang dag rig rnams ni// spobs sogs tshad med mtshan nyid can// 'gro la phan pa nyer sgrub pa// byams pa chen po zhes bya'o// sdug bsngal can rnams yongs skyob pa// thugs rje chen po'o dga' ba ni// rab dga'i mtshan nyid btang snyoms ni// ma 'dres mtshan nyid can shes bya// sangs rgyas chos ni ma 'dres pa// bcu dang brgyad du gang 'dod dag/ gang phyir ston des mi 'phrogs pa// de phyir mi 'phrogs rang mtshan nyid// rnams kun mkhyen nyid ye shes ni// mngon sum mtshan nyid can du 'dod// gzhan ni nyi tshe ba nyid kyis// mngon sum zhes byar mi 'dod// gang zhig 'dus byas mtshan nyid dang // 'dus ma byas pa'i mtshan nyid gang // de de kho nas stong pa nyid// de ni rang mtshan stong pa nyid// da ltar ba 'di mi gnas shing // 'das dang ma 'ongs yod ma yin// gang du de dag mi dmigs pa// de la mi dmigs pa zhes brjod// mi dmigs pa de rang ngo bo// de yis dben pa nyid gang de// ther zug gnas mI 'jigs min pas/ mi dmigs zhes bya'i stong nyid do// rkyen las byung phyir dngos rnams la// 'dus pa pa yi ngo bo med// 'dus pa pa ni de nyid kyis// stong nyid dngos med stong nyid do// dngos po'i sgras ni mdor bsdus na// phung po lnga rnams brjod pa yin// de rnams de yis stong nyid gang // de dngos stong pa nyid du bshad// mdor bsdus na ni dngos med pa// 'dus ma byas chos rnams/ la brjod// de nyid dngos med des stong nyid// dngos po med pa stong nyid do// rang bzhin ngo bo nyid med ni// rang bzhin zhes bya'i stong nyid de// 'di ltar rang bzhin ma byas pas// rang bzhin zhes ni bya bar bsnyad// /
- 260a
sangs rgyas rnams ni 'byung ba'am// ma byung yang rung dngos su na// dngos po kun gyi stong pa nyid// gzhan gyi dngos por rab tu bsgrags// yang dag mtha' dang de bzhin nyid// de gzhan dngos po'i stong nyid do// shes rab pha rol phyin tshul las// de dag de skad rab tu bsgrags// de ltar blo gros zer gyis snang ba gsal byas pa// rang gi lag na gnas pa'i skyu ru ra bzhin du// srid gsum 'di dag ma lus gdod nas skye med par// rtogs te tha snyad bden pa'i stobs kyis 'gog par 'gro// rtag tu 'gog par gtogs pa'i bsam ldan yin mod kyi// 'gro ba mgon med pa la snying rje'ang skyed par byed// de gong bde gshegs gsung skyes sangs rgyas 'bring bcas ni// ma lus pa rnams blo yis pham par byed pa'ang yin// kun rdzob de nyid gshog yangs dkar po rgyas gyur pa// ngang pa'i rgyal po de ni skye bo'i ngang pa yis// mdun du bdar nas dge ba'i rlung gi shugs stobs kyis// rgyal ba'i yon tan rgya mtsho'i pha rol mchog tu 'gro// dbu ma la 'jug pa las// sems bskyed pa drug pa'o// / ring du song 'dir 'di ni skad cig dang // skad cig la ni 'gog par 'jug 'gyur zhing // thabs kyi pha rol phyin legs 'bar ba'ang 'thob// dbu ma la 'jug pa las/ sems bskyed pa bdun pa'o// // yang yang sngar dge las lhag thob bya'i phyir// gang du phyir mi ldog pa nyid 'gyur ba// mi g.yo de la bdag nyid che de 'jug/ 'di yi smon lam shin tu dag 'gyur zhing // rgyal ba rnams kyis 'gog las slong bar mdzad// chags pa med pa'i blo ni skyon rnams dag dang lhan cig mi gnas phyir// sa brgyad pa la dri ma de dag rtsa bcas nye bar zhi 'gyur zhing // nyon mongs zad cing sa gsum
- 260b
bla mar gyur kyang sangs rgyas rnams kyi ni// 'byor pa mkha' ltar mtha' bral ma lus 'thob par nus ma yin// 'khor ba 'gags kyang dbang rnams bcu po thob par 'gyur zhing de dag gis// srid pa'i 'gro bar rang gi bdag nyid sna tshogs ston par byed par 'gyur// dbu ma la 'jug pa las// sems bskyed pa brgyad pa'o// // dgu pa la ni de'i stobs lta zhig mtha' dag rdzogs par dag 'gyur zhing // de bzhin yang dag rig chos rang gi yon tan yongs su dag pa'ang 'thob// dbu ma la 'jug pa las/ sems bskyed pa dgu pa'o// // bcu pa'i sal de yis kun nas sangs rgyas rnams las dbang bskur ba// dam pa 'thob cing ye shes lhag par mchog tu byung bar gyur pa'ang yin// char smin rnams las rgyu nar 'bab pa ltar de bzhin 'gro rnams kyi// dge ba'i lo tog ched du rgyal sras las kyang lhun grub chos char 'bab// dbu ma la 'jug pa las/ sems bskyed pa bcu pa'o// // de tshe 'dis ni sangs rgyas brgya mthong zhing // de dag byin gyis brlabs kyang 'di yis rtogs// de nyid tshe na bskal pa brgyar gnas shing // sngon dang phyi ma'i mthar yang yang dgra 'jug/ blo ldan ting 'dzin brgya phrag snyoms par 'jug cing gtong byed de// 'jig rten khams brgya 'di yis kun nas g.yo zhing snang bar nus// de bzhin rdzu 'phrul gyis de sems can brgya phrag smin byed cing // brgya phrag grangs dang rjes 'grel zhing dag tu yang 'gro bar 'gyur// des ni chos kyi sgo rnams yang dag 'byed byed thub dbang sras// rang gi lus la lus rnams kun nas ston par byed pa'ang yin// rang gi 'khor dang bcas pas mdzes
- 261a
'byor lus ni re re zhing // rgyal ba'i sras po brgya phrag dag dang rjes su 'brel ba'ang ston// blo ldan rab tu dga' bar gnas pas yon tan de dag ni// thob par gyur nas de bzhin kho nar dri ma med gnas pas// de dag stong ni yang dag 'thob par 'gyur te sa lnga po// 'di dag rnams la byang chub sems dpa' yis ni 'bum phrag dang // bye ba phrag brgya 'thob cing de yis bye ba stong 'gyur 'thob// de nas bye ba brgya phrag stong 'gyur yang 'thob bye ba phrag/ khrag khrig+sa \u0f88\u0f90 rgyar rdzogs par bsgyur dang slar yang stong phrag tu// yang dag par ni bsgyur ba mtha' dag rab tu 'thob par 'gyur// mi g.yo'i sar gnas rnam rtog med pa des// stong gsum brgya phrag stong bsdoms 'jig rten na// rdul tshad ji snyed yod pa de rnams dang // grangs mnyam yon tan dag ni 'thob par 'gyur// legs pa'i blo gros sa la gnas pa yi// byang chub sems des sngar bstan yon tan dag/ grangs med brgya phrag stong du yang dag par// bsdoms pa phrag bcu'i rdul tshad thob par 'gyur// re zhig bcu pa 'dir de'i yon tan dag/ ngag gi spyod yul las ches 'das 'gyur zhing // ngag gi spyod yul ma yin pasdoms rnams na// rdul dag ji snyed yod pa de snyed 'gyur// ba spu'i khung bur byang chub sems rnams dang // lhan cig rdzogs sangs rgyas su bgrang 'das dang // de bzhin lha dang lha min mi dag kyang // skad cig skad cig la ni ston par nus// gang phyir nam mkha' dri ma med la zla snang gsal bar gyur pa'i phyir// sngon tshe stobs bcu bskyed pa'i sa la khyod kyis slar yang 'bad gyur cing // 'og min du ni gang gi don du 'bad gyur go 'phang mchog zhi ba// yon tan mtha' dag mthar thugs mtshungs pa med de khyod kyis brnyes// ji ltar snod kyi dbye bas mkha'
- 261b
la dbye ba med de ltar// dngos byas dbye ba 'ga' yang de nyid la med de yi phyir// ro mnyam nyid du yang dag thugs su chud pa mdzad gyur na// mkhyen bzang khyod kyis skad cig gis ni shes bya thugs su chud// gang tshe zhi ba de nyid yin na de la blo gros 'jug mi 'gyur// blo ma zhugs par shes bya'i yul can nges par rig pa'ang ma yin la// kun nas shes med pa ni shes par ji ltar 'gyur te 'gal bar 'gyur// mkhyen po med par khyed kyis gzhan la 'di lta'o zhes su zhig ston// gang tsho ske med de nyid yin zhing blo yang skye ba dang bral ba// de tshe de rnams bsten las de yis de nyid rtogs pa lta bu ste// ji ltar sems ni gang gi rnam pa can du 'gyur bde yis yul// de yongs shes pa de bzhin tha snyad brten nas rigs pa yin// de yi longs spyod rdzogs su bsod nams kyis// zin dang sprul pa mkha' gzhan las de'i mthus// sgra gang chos kyi de nyid ston 'byung ba// de las 'jig rten gyis kyang de nyid rig/ ji ltar rdza mkhan stobs chen ldan pas 'dir// yun ring ches 'bad pas bskor 'khor lo ni// de'i rtsol da ltar skyes pa med bzhin du'ang // 'khor nga bram pa la sogs rgyur mthong ltar// de bzhin du// sa rnal zang bzhin du// chos kyi bdag can na nyid la bzhugs de'i// 'jug pa skye ba'i dge dang ldazha lam gyi// 'a par gyis 'bangs ches bsam mi khyab// shes bya'i bud shing skam po ma lus pa// bsregs pas zhi de rgyal rnams chos sku ste// de tshe skye ba med cing 'gag pa med// sems 'gags pas de sku yis mngon sum mdzad// zhespu dpag bsam shing ltar gsal gyur cing // yid bzhin nor bu ji bzhin rnam mi rtog/ 'gro grol bar du 'jig rten 'byor slad rtag/ 'di ni spros dang bral la snang bar 'gyur// thub dbang dus gcig la
- 262a
nang de'i rgyu mthun// gzugs su gcig la rang gi sde gnas skabs// sngar 'gags gsal dang ma 'chol byung tshul ni// ma lus kyis bak+Sha mtha' dag ston par mdzad// sangs rgyas ning rje 'drar thub dbang de dang // de dag sku spyod mthu stobs ji 'dra dang // nyan thos dge 'dun ji snyed ji lta dang // byang chub sems rnams der gzugs ji 'dra dang // ji 'dra'i chos dang der bdag ji 'dra dang // chos thos spyod pa gang la spyad pa dang // sbyin gang ji tsam de dag la phul ba// de ni ma lus sku gcig la ston mdzad// de bzhin tshul khrims bzod brtson ting 'dzin dang // shes rab spyod tshe sngar gyi gnas skabs gang // mchod med de dag nyid spyod pa kun// sku yi ba spu'i khung bur 'du gsal bar ston// sangs rgyas gang dgra 'das dang 'byung 'gyur gang // gang dag da ltar nam mkha'i mthar thug par// gdangs mthon chos ston sdug bsngal gyis bzung ba'i// 'gro dbugs 'byin zhing 'jig rten bzhugs pa dang // dang po'i thugs bzung byang chub snying po'i bar// de dag spyod kun dngos rnams mig 'phrul gyi// rang bzhin mkhyen nas pa dgra bzhin pa spu ya~M// khwang bur dus gcig la ni gsal bar ston// de bzhin dus gsum byang chub sems dpa' dang // rang rgyal 'phags pa nyan thos ma lus kyi// spyo dang de lhag skye gnas skabs ni// thams cad ba spu'i khung bur gcig tshe ston// dgra pa 'di ni bzhed pa 'jug pa yis// rdul gcig gul la mkha' gtugs 'jig rten dang // 'jig rten mtha' yas phyogs khyab rdul ston mod// rdul rags mi 'gyur 'jig rten phra mi 'gyur// rnam rtog mi mda' khyod kyis srid mtha'i bar// skad cig de re rel spyod sna tshogs// ji snyed ston pa de snyed 'dzam bu gling // ma lus rdul ging
- 262b
de skyed la grangs med// gnas dang gnas min mkhyen stobs dang // de bzhin las rnams sbyin blo dang // mos pa sna tshogs blugs rgyud dang // sna tshogs khams ni mkhyen stobs dang // de bzhin dbang mchog mchog ma yin// mkhyen dang thams cad du 'gro dang // bsam gtan rnamathar ting 'dzin dang // snyoms par 'jug sogs blo skyobs dang // sngon gnas dran pa mkhyen pa dang // de bzhin 'chi 'pho skye blo dang // zag rnams zad pa mkhyen stobs te// stobs ni bcu po 'di dag go/ rgyu gang zhig las gang zhig nges par skye 'gyur ba// de ni de yi gnas su de mkhyen rnams kyis gsungs// bshad pa las zlog gnas mI shes bya mtha' yas pa// mkhyen pa thogs pa spangs pa de ni stobs su bshad// 'dod dang mi 'dod de las bzlog dang zad dngos kyi// las dang de yi rnam smin shin tu sna tshogs la'ang / mkhyen pa rus mithu thogs med so sor 'jug 'gyur ba// dus gsum shes bya khyab mdzad de ni stobs su 'dod// 'dod chags sogs kyis 'byung ba'i stobs kyis 'dod pa ni// shin tu sna tshogs dman 'bring gang yang khyad 'phags 'dod// de las gzhan rnams kyis g.yogs mos la'ang mkhyen pa na// dus gsung 'gro ba ma lus khyab pa stobs zhes bya// sangs rgyas khams kyi rnam par dbyel mkhas rnam mig sogs rnams kyi rang bzhin gang yin de khams su gsungs// rdzogs pa'i sangs rgyas rnams kyi mkhyen pa mtha' yas shing // rnam kun khams kyi khyad par la 'jug stobs su 'dod// kun tu rtog sogs ches rno nyid ni mchog bzhed la// 'bring gnas skabs dang rtul nyid mchog min par bshad dang // mig la sogs dang phan tshun sgrub nus chub pa la// rnam pa thams cad mkhyen pa chags med stobs
- 263a
su gsungs// lam 'ga' rgyal ba nyid dang 'ga' zhig rang rgyal gyi// byang chub dang ni nyan thos byang chub yi dgas dang // dud 'gro lha mi rnams dang dmyal la sogs 'gro ba// de la mkhyen pa chags med mtha' yas stobs su 'dod// 'jig rten mtha' yas rnal 'byor bye brag la tha dad// bsam gtan mthar brgya pazhi gnas gang dag dang // snyoms 'jug khyad par gang dag gcig dang brgyad gyur pa// de la mkhyen pa thogs med 'di ni stobs su bshad// ji srid gti mug de srid srid gnas 'das bdag dang // sems can gzhan re re yi srid pa sems can ni// ji snyed de snyed mtha' yas bzhir bcas yul phyogs dang // bcas rnams la blo gang dang gang yin stobs su bshad// sems can rnams kyi sems can re re'i 'chi 'pho dang // skye gang 'jig rten la gnas nam mkha'i mthar thugs dang // bkra mad de la mkhyen pa dus der 'jug pa yis// ma chags rnam kun yongs dag mtha' yas stobs su 'dod// rnam kun mkhyen pa'i stobs kyis myur du rgyal rnams kyi// nyon mongs dag bag chags dang bcas 'jig 'brur dang // slob su la sogs nyan mongs rna yis 'gog pa gang // de la mkhyen pa chags med mtha' yas skabs su rnaM/ nam mkha' med pas 'dab chags ldog par mi 'gyur gyi// 'dir ni rang mthu zad pas ldog par 'gyur de bzhin// slob ma dang bcas sangs rgyas sras rnams sangs rgyas kyi// yon tan mkha' ltar mtha' yas ma brjod ldog par 'gyur// de phyir bdag 'dras khyod yon 'di dag ci// shes pa dang ni brjod par nus 'gyur ram// 'on kyang de dag 'phags pa klu sgrub kyis//
- 263b
bshad phyir dogs spangs cung zhig tsam zhig smras// zab mo stong pa nyid yin te// yon tan gzhan rnams rgya tsha ba'o// za ba dang rgya che'i tshul shes pas// yon tan 'di dag thob par 'gyur// slar yang // mi g.yo sku mnga' khyod kyis srid gsum byon nas sprul rnams kyis// gshegs pa dang ni bltam dang byang chub zhi ba'i 'khor lo'ang ston par mdzad// de ltar khyed kyis 'jig rten g.yo bag spyod can re ba'i zhabs pa ni// mang pos bcings pa ma lus thugs rjes mya ngan 'das par bkri bar mdzad// gang phyir 'di na de nyid shes las dri ma mtha' dag sel ba ni// lhur byed gzhan med chos rnams de nyid rnam 'gyur dbye la'ang ba sbyin min zhing // de nyid yul can blo gros 'di yang tha dad 'gyur ba ma yin pa// de yi phyir na khyod kyis 'gro la theg pa mi mnyam dbyer med bstan// gang phyir 'gro la nyes pa skyed byed snyigs ma 'di dag yod gyur pa// de phyir 'jig rten sangs rgyas spyod yul gting zab la 'jug mi 'gyur zhing // bde gshegs gang phyir khyod la mkhyen rab thugs rje thabs dang lhan cig po// mnga' dang gang phyir bdag gis sems can dgrol zhes khyod kyis zhal bzhes te// de phyir mkhas pa rin po che yi gling du chas pa'i skye tshogs kyi// dal ba nyer sel grong khyer yid 'ong bar du rnam par bkod pa ltar// khyod kyis theg pa 'di ni slob ma nye bar zhi ba'i tshul la yid// sbyar zhing rnam par dben la'ang blo sbyangs rnams la logs su gsungs// bde bar gshegs pa ma lus phyogs zhing sangs rgyas yul dag na// phra rab rdul gyi rdul rnams bdog par gyur pa ji snyed pa// byang chub mchog rab dam par gshegs pa'i skal pa de snyed de// 'on kyang khyod kyi gsang ba 'di ni bsnyad bgyi ma lags so// /
- 264a
rgyal ba ji srid 'jig rten mtha' dag mchog tu rab zhi bar// 'gro ba min zhing nam mkha' rnam 'jig 'gyur min de srid du// shes rab yum gyis bskyed pa khyod la thugs brtse ma ma yis// tshul lugs byed pas rab tu zhi bar 'gyur ba gang la mda'// gti mug skyon gyis 'jig rten kha zas dug bcas za ba yi// skye bo nyid kyi nang mi de la khyod brtse ji lta ba// de ltar dug zos nyen pa'i bu la ma yi sdug bsngal min// des na mgon po mchog tu rab zhing gshegs par 'gyur ma lags// gang gi phyir na mi mkhas dngos dang dngos med par zhen pa yi blo can gyis// skye dang 'jig gnas skabs dang sdug dang mi sdug bral phrad kyis bskyed sdug bsngal dang // sdig can 'gro ba 'thob pa de phyir 'jig rten thugs brtse'i yul du rab dong bas// bcom ldan thugs rjes khyod thugs na las bzlog pas khyu la mya ngan 'das mi mnga'// lugs 'di dge slong zathugs kyis// dbu ma'i bstan btsas las btus nas// l+r-ing rje bzhin dang man dag // dzaM la ba brjin brjod pa yin/ 'di las gzhan na chos 'di ni// ji ltar med pa de bzhin du// 'dir 'byung lugs kyang gzhan na ni// med ces mkhas rnams nges par mdzod// klu sgrub blo mtsho shin tu rgya che'i kha dog gis 'jig pas// skye bos lugs bzang gang dag rgyang ring spangs pas de yi tshig/ le'ur byas pa'i kha 'bus ku mu da kha phye ba'i chus// da lta zla ba grags pa re rnams rab tu skong bar byed// de nyid bshad zin zab mo 'jigs rung 'di ni sngon goms nyid las skye bo yis// nges par rtogs 'gyur 'di ni gsan rgya che yang gzhan gyis thugs su chud mi 'gyur// de phyir tshul lugs rang blos sbyar ba 'di
- 264b
dag mthong nas bdag tu brjod pa yi// gzhung lugs rnams ltar gzhan lugs bzhed gzhung 'di las gzhan la dga' blo dor bar bya// slob dpon klu sgrub lugs bzad bsnyad las bdag gi/ bsod nams phyogs kyi mthar// khyab cing yid mkha' nyon mongs kyis sngor ston ka'i rgyu skar ltar dkar ba 'am// sems kyis spul la gdengs ka'i nor bu dang 'dra gang zhig thob pa des// 'jig rten ma lus de nyid rtogs nas myur du bder gshegs sar bgrod shog/ dbu ma la 'jug pa zab pa dang rgya che ba'i tshul bsal bar byed pa/ slob dpon zla ba grags pa theg pa mchog la thugs gzhol ba/ mi 'phrogs pa'i mkhyen rab dang thugs rje mda' ba/ ri mor bris pa'i ba drus las 'o ma bzhos pas bden par zhen pa bzlog par mdzad pas sbyar ba/ rdzogs so// / kha che'i yul gyi grong khyer dpe med kyi dpung / rin chen sbas pa'i gtsug lag khang du/ kha che'i rgyal po dpal 'phags pa lha'i sku ring la/ rgya gar gyi mkhan po ti la ka dang / bod kyi lo ts+tsha ba ba na de ba tsa ba nyi ma grags kyis kha che'i dpe dang mthun par basbyar/ phyi sa ra sa ra mo cher rgya gar gyi mkhan po ka na ka wa rma dang / lo tsA ba de nyid kyis nyi 'og shar phyogs pa'i dpe dang gtugs shing legs par bcos te gtan la phab pa'o// // 'dir 'grel ba'i mdzad byang dang / 'gyur byang gi steng nas thun mong ba rnams bkod pa ni/ rtsa ba logs su bskur ba dang 'grel pa'i nang gi rtsa ba gnyis sbyar nas zhus dag byas pa'i dbang du byas pa yin no// / [।] #// rgya gar skad du/ ma d+h+ya ma kA ba tA ra b+hUSh+Ti nA ma/ bod skad du/ dbu ma la 'jug pa'i bshad pa/
- 265a
zhes bya ba/ 'phags pa 'jam dpal gzhon nur gyur pa la phyag 'tshal lo// dbu ma'i bstan bcos la 'jug par bya ba'i phyir/ dbu ma la 'jug pa rtsom par 'dod pas/ yang dag par rdzogs pa'i sangs rgyas dang byang chub sems dpa' rnams pas kyang thog mar/ bcom ldan 'das snying rje chen po sangs rgyas nyid kyi rgyu phun sum tshogs pa dang po// sems can 'khor ba'i brtson ra rab sdams pa skyabs med pa dpag tu med pa ma lus pa yongs su skyob pa'i mtshan nyid can la bstod par 'os pa nyid du bstan pa'i phyir/ nyan thos sangs rgyas 'bring rnams thub dbang skyes// sangs rgyas byang chub sems dpa' las 'khrungs shing // snying rje'i sems dang gnyis su med blo dang // byang chub sems ni rgyal sras rnams kyi rgyu// zhes bya ba la sogs pa tshigs su bcad sa rnas s+ho// des ga na med pa'i nas myed par gyu/ na can na gas ma pas/ nga sa sa rgyas dang byung chub rnams dang mas pas kyad bang phyug ma parnyan na ga pa nyid dang / nyan thos la sogs pa rnams de'i bkas mnga' bsgyur ba'i phyir/ sangs rgyas bcom ldan 'das rnams la thub dbang zhes bya'o// de rnams las nyan thos la sogs pa dag skyes pa ni de dag las bskrun pa'o// ji ltar zhe na/ sangs rgyas rnams byung bar gyur pa na rten cing 'brel bar 'byung ba byin ci ma log pa ston pa la 'jug pa'i phyir la/ de nyan pa dang sems pa dang bsgom pa'i rim pa las kyang lhag par mos pa ji lta ba bzhin nyan thos la sogs pa rnams yongs su rdzogs par 'gyur ba'i phyir ro// gal te yang kha cig gis rten cing 'brel bar 'byung ba nye bar bstan pa nyan pa kho
- 265b
na las don dam pa rtogs pa la mkhas su zin kyang mthong ba'i skye bo kho na la mya ngan las 'das pa thob par mi 'gyur mod kyi// de lta na yang nye bar bstan pa'i sgrub pa po dag gis las rnam par smin pa nges pa'i 'bras bu ltar tshe rabs gzhan du mngon par 'dod pa'i 'bras bu yongs su smin pa gor ma chag pa thob par 'gyur ro// ji skad du 'phags pa lhas/ de nyid shes pas gal te 'dir// mya ngan 'das pa ma thob kyang // skye ba gzhan du 'bad med par// nges par thob 'gyur las bzhin no// zhes bshad do// de nyid kyi phyir dbu ma las kyang // rdzogs sangs rgyas rnams ma byung zhing // nyan thos rnams kyang zad pa na// rang sangs rgyas kyi ye shes ni// brten pa med par rab tu 'byung / zhes gsungs so// de la yang dag pa'i gdam ngag gi 'bras bu thob par byed pas na nyan thos dag ste/ 'di ltar bya ba byas so/ 'di las srid pa gzhan mi shes so zhes bya ba la sogs pa 'byung ba yin no// yang na 'bras bu'i mchog gam bla na med pa yang dag par rdzogs pa'i sangs rgyas kyi lam de bzhin gshegs pa rnams las thos nas don du gnyer ba rnams la grogs par byed pasan nyan thos dag te/ dmapa 'a tshas brdzu da/ ba'i mdams/ mag pa de reng bdag cag nyan zas byung // byang chub dam pa yang dag bsngags bgyi// byang chub pa yi sgra yang rab tu brjod// de bas bdag cag nyan thos mi bzad 'dra// zhes ji skad gsungs pa lta bu'o// byang chub sems dpa' rnams kyang de ltar yin mod kyi/ de lta na yang sgrogs par byed pa nyid yin gyi rjes su mthun pa tsam yang mi sgrub pa gang yin pa de dag nyan thos yin pas byang chub sems dpa' rnams las thal bar mi 'gyur ro// sangs rgyas kyi sgra 'di sangs rgyas kyi de nyid nyan thos
- 266a
dang rang sangs rgyas dang bla na med pa yang dag par rdzogs pa'i sangs rgyas gsum char la yang 'jug ste/ des na sangs rgyas kyis sgras rang sangs rgyas dag pa snyad do// de dag ni bsod nams dang ye shes gong du 'phel ba'i khyad par gyis nyan thos rnams las khyad par du 'phags pa'i phyir dang / bsod nams dang ye shes kyi tshogs dang thugs rje chen po dang / rnam pa thams cad mkhyen pa la sogs/ pa med pas yang dag par rdzogs pa'i sangs rgyas rnams pas dman pa'i phyir na 'bring ngo // de nyid kyi phyir de dag ni nye bar ma bstan par ye shes 'byung zhing bdag nyid gcig pu'i phyir rang nyid sangs rgyas pas rang sangs rgyas so// ji skad bshad pa'i tshul gyis nyan thos dang rang sangs rgyas de dag ni de bzhin gshegs pas chos bstan pa las nges par 'byung ba nyid kyi phyir thub dbang las skyes so// yang thub pa'i dbang bdernams galas bshA nAM// sangs rgyas kya ma sems dpa las grus she// sa byab tshas sa// gal kyang chub semame pa'arnams de bzhin gshegs byas nye bar ba rgyas pa mas sa rjo / sa la nan pa da kyis byang chub sems dpa' rnams sangs rgyas bcom ldan 'das rnams kyi rgyur 'gyur te/ gnas skabs kyi khyad par dang / yang dag par 'dzin du 'jug pa las so// de la gnas skabs kyi khyad par las ni de bzhin gshegs pa'i gnas skabs ni byang chub sems dpa'i gnas skabs kyi rgyu can yin pa nyid kyi phyir ro// yang dag par 'dzin du 'jug pa las ni ji ltar 'phags pa 'jam dpal byang chub sems//
- 266b
dpar gyur pa nyid kyis bcom ldan 'das shAkya thub pa dang / de las gzhan pa'i de bzhin gshegs pa rnams ches thog mkho nar byang chub kyi sems yang dag par 'dzin du bcug par 'don pa yin no// de'i phyir/ de ltar 'bras bu mthar thug pa de'i chug tse bar gyur pa la bltos nas de bzhin gshegs pa rnams byang chub sems dpa' las 'khrungs par bstan to// de nyid kyi phyir rgyu phun sum tshogs pa ches brjing ba yin pa'i phyir la/ rgyul mchod par rjod pas kyang 'bras bu la mchod pa don gyis 'phangs par dgongs te/ sangs rgyas bcom ldan 'das de dag gis sman gyi ljon shing chen po 'bras bu nges pa dpag tu med pa ster ba/ smyu gu la sogs pa mtho zhing lo ma 'jam pa'i gnas skabs su byur ba ltar bsgrims te yongs su basbyang bar bya ba nyid du bstan par bya zhing / dus der nye bar gyur zhing theg pa gsum la bkod pa'i sems cin gyi phung po theg pa chen po nyid la nges par sbyar bar bya ba'i phyir byang chub sems dpa' rnams la bsngags pa yin no// ji skad du 'phags pa dkon mchog brtsegs pa'i mdo las/ 'od srungs 'di lta ste dper na zla ba tshe ba la phyag 'tshal ba ltar nya ba la ni ma yin no// 'od srungs de bzhin du gang dag nga la rab tu dad pa de dag gis byang chub sems dpa' rnams la phyag bya'i/ de bzhin gshegs pa rnams la ni de lta ma yin no// de ci'i phyir zhe na/ byang chub sems dpa' rnams las ni de bzhin gshegs pa rnams byung ngo // de bzhin gshegs pa rnams las ni nyan thos dang rang sangs rgyas thams cad byung ngo zhes gsungs pa lta bu'o// de'i phyir de ltar na regs pa dang lung dag gis de bzhin gshegs pa rnams byang chub sems dpa' las 'khrungs pa yin no zhes bya ba 'di bsrubs pa
- 267a
yin no// yang byang chub sem dpa' de dag ci'i rgyu can zhig yin zhe na/ snying rje'i sems dang gnyis su med blo dang // byang chub sems ni rgyal sras rnams kyi rgyu// zhes bya ba smos so// de la snying rje ni brtse ba ste/ 'di nyid du 'chad par 'gyur ba'i rnam pa dang rang gi ngo bo can no// gnyis su med pa'i blo ni/ dngos po dang dngos po med pa la sogs pa mtha' gnyis dang bral ba'i shes rab bo// byang chub kyi sems ni 'phags pa chos kun bgro ba'i mdo las/ byang chub sems dpas byang chub kyi sems las chos thams cad khong du chud par bgyi'o// chos thams cad ni chos kyi dbyings dang mnyam pa'o// glo bur du byung ba mi gnas pa chos thams cad ni shes par bgyi ba tsam dang / shes pa pos spyod pa'i phyir yongs su shes par bgyi ba tsam du bas na chos nyid 'di lta bu 'di sems can rnams kyis khong du chud par bya'o// snyam nas/ byang chub sems dpa' la sems gang skye ba 'di ni byang chub sems dpa'i byang chub kyi sems zhes bgyi'o// sems can thams cad la phan pa dang bde ba'i sems dang / bla na med pa'i sems dang // byams pas mnyen pa'i sems dang / snying rjes mi zlog pa'i sems dang / dga' bas 'gyod pa ma mchis pa'i sems dang / btang snyoms kyi dri ma ma mchis pa'i sems dang / stong pa nyid kyis mi 'gyur ba'i sems dang / mtshan ma ma mchis pas sgrib pa ma mchis pa'i sems dang / smon pa ma mchis pas mi gnas pa'i sems nas ji skad bstan pa bzhin no// byang chub sems dpa' rnams kyi gtso bo'i rgyun snying rje dang / gnyis su med pa'i shes rab dang / byang chub kyi sems zhes bya ba chos gsum po 'di dag yin no// ji skad du rin po che'i phreng ba las/ de yi rtsa ba byang chub sems// ri dbang rgyal po ltar brtan dang /
- 267b
phyogs mthas gtugs pa'i snying rje dang / gnyis la mi brten ye shes lags// zhes gsungs so// byang chub kyi sems dang gnyis su med pa'i ye shes gnyis kyi rtsa ba yang snying rje yin pa'i phyir na snying rje gtso ba nyid du bstan par 'dod pas/ gang phyir brtse nyid rgyal ba'i lo thog phun tshogs 'di'i// sa bon dang ni spel la chu 'dra yun ring du// longs spyod gnas la smin pa lta bur 'dod gyur pa// de phyir bdag gis thog/ mar snying rje ba stod par bgyi// zhes smos so// ji ltar phyi rol gyi 'bru la sogs pa phun sum tshogs pa la/ thog ma dang bar dang tha ma rnams su sa bon dang chu dang smin pa rnams gtso bo nyid du gyur pas nye bar mkho ba nyid yin pa de bzhin du/ snying rje kho na dus gsum bar du yang rgyal ba'i lo thog phun sum tshogs pa la nye bar ma kho ba nyid du ston pa yin no// 'di ltar snying rje can ni gzhan gyi sdug bsngal gyis sdug bsngal ba nyid kyis sems can sdug bsngal bar gyur pa ma lus yongs su bskyab par bya ba'i phyir/ gdon mi za bar bdag gis 'jig rten 'di mtha' dag sdug bsngal nas bton te sangs rgyas nyid la nges par sbyar bar bya'o snyam du nges par sems bskyed par byed do// dam bca' ba 'di yang gnyis su med pa'i ye shes spangs pas sgrub par mi nus pas gnyis su med pa'i ye shes la yang nges pa kho nar 'jug ste/ de'i phyir sangs rgyas kyi chos thams cad kyi sa bon ni snying rje nyid yin no// ji skad du rin po che'i phreng ba las/ theg pa chen po gang zhig las// snying rje sngon btang spyod pa kun// ye shes dri ma med bshad pa/ sems yod su zhig de la smod// ces gsungs so// byang chub kyi sems bskyed du zin kyang / gal te dus phyis snying rje'i chus yang dang yang du bcus par ma gyur na/ 'bras bu'i tshogs yangs pa ma bsags/
- 268a
pa 'di nges par nyan thos dang rang sangs rgyas kyi yongs su mya ngan las 'das pas mya ngan las 'da' bar 'gyur ro// 'bras bu mthara' yas pa'i gnas skabs thob tu zin kyang gal te snying rje'i yongs su smin pa dang bral bar gyur na ni 'di dus ring por nye bar longs spyod par mi 'gyur la/ 'phags pa'i 'bras bu'i tshogs chen po rim pa gcig nas gcig tu brgyud pa rnam par ma chad pa/ yun ring por mngon par phel bar yang mi 'gyur ro// da ni dmigs pa'i bye brag la 'jug pa'i sgo nas kyang snying rje'i rang gi ngo bo'i khyad par gsal bar byas te de nyid la phyag 'tshal ba brtsam par 'dod pas/ dang po rang zhes bdag la zhan gyur zhing // bdag gi 'di nazhes dngos la chags bskyed pa/ zo chun 'phyan ltar rang dbang med pa yi// 'grel snying rjer gyur gang del 'dud// ces bya ba smras so// 'jig rten 'di ni bdag gir mngon par zhen pa'i/ snga rol nyid du ngar 'dzin pas yod pa ma yin pa'i bdag yod do snyam du nye bar brtags nas 'di nyid du bden par mngon par zhen zhing / 'di ni bdag gi'o snyam du rang 'dzin pa'i yul las gzhan pa'i dngos po'i rnam pa ma lus pa la mngon par zhen pa yin no// bdag dang bdag gir mngon par zhen pa'i 'jig rten 'di ni las dang nyon mongs pa'i thag pas ches dam du bsdams pa/ 'khrul 'khar skor mkhan rnam par shes pa'i bskyed pa la rag las par 'jug pa/ 'khor ba'i khron pa chen po srid pa'i rtse mo nas mnar med pa la thug pa zab la bar med par 'phyan pa/ rang gi dang nyid kyis mthur du 'gro bar 'jug pa 'bad pas ci zhig ltar drang bar bya ba mi shes pa la sogs pa nyon mongs pa dang las dang skye ba'i kun nas nyan mongs pa gsum yod kyang snga ma dang phyi ma dang bar gyi rim pa nges par mi zin pa/ nyi ma re re nang sdug bsngal gyis sdug
- 268b
bsngal dang / 'gyur ba'i sdug bsngal nyid dag gis gcog pa'i phyir zo rkun khyud mo'i gnas skabs las ma 'das par gnas pa zhig ste/ gang gi phyir byang chub sems dpa' de'i sdug bsngal gyis sdug bsngal nyid kyis de la shin tu snying rjes dmigs nas bskyab par spro ba de'i phyir ches thog ma kho nar bcom ldan 'das snying rje chen po la rab tu phyag 'tshal lo// 'di ni byang chub sems dpa' rnams kyi snying rje sems can la dmigs pa'o// chos la dmigs pa dang dmigs pa med pa'i snying rje yang dmigs pa'i sgo nas gsal bar bya ba'i phyir/ 'gro ba g.yo ba'i chu yi nang gi zla ba ltar// g.yo dang rang bzhin nyid kyis stong par mthong ba yi/ zhes bya ba smos te/ snying rjer gyur gang de la 'dud ces bya ba de dang sbyar bar bya'o// 'di ltar chu shin tu dang ba rlung te por drag pa ma yin pas cha shas brlabs pas khyab pa'i nang du zla ba'i gzugs brnyan sngar dmigs pa brten gyi yul dang / lhan cig 'jig pa de dag gi dngos po mngon sum du dmigs pa lta bur shar ba na/ dam pa dag gis gnyis po 'di rang gi bdag nyid gsal bar byed pa ltar gnas par mthong ste/ 'dis ste/ skad cig ri ngal mi rtag pa nyid dang / rang bzhin gyis stong pa nyid do// de bzhin du byang chub sems dpa' snying rje'i gzhan gyi dbang du gyur pa rnams kyis kyang sems can 'jig la lta ba'i mtsho/ ma rig pa'i chos kyi bdud rtsi'i ro phul du byung ba'i rgyu/ phyin ci log gi rtog pa mtha' dag pa'i mtshan nyid/ 'gro ba yongs kyi/ ma rig pa'i chu sngon po rgya che ba tshul bzhin ma yin pa'i rnam par rtog pa'i rlung gis rab tu bskyod pa'i nang na gnas pa rang gi las kyi gzugs brnyan lta bur me dun na gnas pa rnams skad cig re re la mi rtag pa'i sdug bsngal thog du 'bab pa dang / rang bzhin
- 269a
gyis stong par mthong ba na/ de dag gi mi rtag pa nyid kyi sdug bsngal 'joms pa lta bur gyur pa/ dam pa'i chos kyi bdud rtsi'i ro phul du 'byung ba'i rgyu/ phyin ci log gi rtog pa mtha' dag log pa'i mtshan nyid/ 'gro ba yongs kyi gnyen nyid kyi rang bzhin du gyur pa sangs rgyas nyid yang dag par thob par 'dod pa yin no// de dag gi snying rje sems can la dmigs pa dang / chos la dmigs pa dang / dmigs pa med pa gang yin pa de rnams la rab tu btud nas/ byang chub sems dpa' rnams kyi byang chub kyi sems kyi dbye ba rnam pa bcu brjod par 'dod pas/ je byang chub kyi sems dang po'i dbang du byas nas/ rgyal ba'i sras po 'di yi sems gang 'gro ba rnams/ rnam par grol bar bya phyir snying rje'i dbang gyur cing / kun tu bzang po'i smon pas rab sngos dga' ba la/ rab tu gnas pa de ni dang po zhes bya'o// zhes bya ba smos so// byang chub sems dpa' rnams kyi zag pa med pa'i ye shes snying rje la sogs pas yongs su zin pa nyid car rnam par phye ba nas zhes bya ba'i ming 'thob ste/ yon tan gyi rten/ du gyur pa'i phyir ro// de yang gong nas gong du yon tan gyi grangs dang / mthu phul du byung ba thob pa dang / sbyin pa la sogs pa'i pha rol tu phyin pa klags pa dang / rnam par smin pa 'phel ba'i bye brag gis sa rab tu dga' ba la sogs pa'i rnam par dbye bas dbye ba rnam pa bcur bzhag gi/ 'di la rang gi ngo bo'i khyad par gyis byas pa'i dbye ba ni yod pa ma yin no// ji skad du/ ji ltar bar snang bya rjes mkhas sa// badza pa pa na na me nga ba// bsar rgyam pa thas kyis can kyang // bdus nas nam nyen par ga nas// nas gsungasas// dam kya pa sems dpa sa sa
- 269b
dga' ba ni byang chub sems dpa' rnams kyi sems bskyed pa dang po yin la mthar chos kyi sprin ni sems bskyed pa bcu pa'o// de la byang chub sems dpa' ji skad bshad pa'i tshul gyis 'gro ba rang bzhin med par mthong ba snying rje'i khyad par nyid du nye bar bzung ba'i sems gang snying rje'i gzhan gyi dbang du gyur zhing / byang chub sems dpa' kun tu bzang po'i smon lam gyis yongs su bsngos pa rab dga' ba zhes bya ba'i ming can gnyis su med pa'i ye shes de'i rgyu can gyi 'bras bu nye bar mtshon pa de la ni/ dang po zhes bya bar brjod do// de la smon lam chen po bcu la sogs pa smon lam 'bum phrag grangs med pa phrag bcu po gang dag byang chub sems dpa' sems dang po bskyed pas 'debs pa de dag ni byang chub sems dpa' kun tu bzang po'i smon lam gyi nang du 'dus pa yin te/ smon lam ma lus pa nye bar bsdu bar bya ba'i phyir kun tu bzang po'i smon lam khyad par du bkod pa yin no// de la ji ltar nyan thos kyi theg par zhugs pa dang / 'bras bu'i lam la gnas pa'i dbye bas nyan thos kyi sa brgyad rnam par 'jog pa de bzhin du/ theg pa chen por yang byang chub sems dpa' rnams kyi byang chub sems dpa'i sa bcu yin no// yang ji ltar nyan thos nges par 'byed pa'i cha dang mthun pa'i gnas rlabs skyes pa ni/ 'bras bu dang po la zhugs pa'i gnas skabs yin par mi 'dod pa de bzhin du/ 'byung bar 'gyur ba'i byang chub sems dpa' yang yin te/ dkon mchog sprin gyi mdo las mos pa chen po'i yang chen pos spyod pa'i chos nyid kyi sa dang po de ma thag tu thog par gnas pa 'di ni byang chub sems dpa'i byang chub kyi sems ma bskyed pa'i sa'o// zhes ji skad gsungs pa lta bu'o// mos pa spyod pa'i skad cig de la gnas pa yang rigs kyi bu 'di lta ste dper na/ 'khor los sgyur ba'i rgyal
- 270a
po ni mi'i mdog las ni 'das la/ lha'i mdog ni ma thob pa yin te/ de bzhin du byang chub sems dpa' yang 'jig rten pa dang nyan thos dang rang sangs rgyas kyis thams cad las shin tu 'das la/ don dam pa'i byang chub sems dpa'i sa ni ma thob pa yin no zhes de nyid las rnam par bshad do// yang gang gi tshe 'di rab tu dga' ba zhes bya ba'i sa dang po la zhugs par gyur pa/ de nas bzung ste de ni de thob gyur pa yis// byang chub sems dpa' zhes bya'i sgra nyid kyis bsnyad do// sems de thob pa ni rnam pa thams cad du so so'i skye bo'i sa las 'das pa'i gnas skabs su byang chub sems dpa'i sgra kho nas brjod par bya ba yin gyi/ rnam pa gzhan gyis ni ma yin te/ de'i tshe de 'phags pa yin pa'i phyir ro// ji skad du bcom ldan 'das ma nyes stong lnga brgya pa las/ byang chub sems dpa' zhes bya ba ni rjes su rtogs pa'i sems dpa'i tshig bla dgas te/ gang gis chos thams cad rjes su rtogs shing shes pa'o// ji ltar shes she na/ ma byung ba dang yang dag par ma byung ba dang log pa dang de dag ji ltar byis pa so so'i skye bos brtags pa de ltar ma yin pa dang / ji ltar byis pa so so'i skye bos rnyed pa de ltar ma yin pa ste/ de'i phyir byang chub sems dpa' zhes bya'o// de ci'i phyir zhe na/ byang chub ni rnam par ma brtags pa'o// byang chub ni ma bsgrubs pa'o// byang chub ni dmigs pa med pa'o// rab kyi rtsal gyis rnam par gnon pa/ de bzhin gshegs pas ni byang chub brnyes pa med de/ chos thams cad ma brnyes pa'i phyir ro// chos thams cad ma dmigs pa'i phyir byang chub ces bya ste/ de lta bu ni sangs rgyas kyi byang chub ces bya'o// ji skad brjod pa ni ma yin no// rab kyi rtsal gyis rnam par gnon pa/ gang dag byang chub tu sems bskyed cing sems 'di byang chub tu bskyed par bya'o// gang du bdag cag gis sems bskyed
- 270b
par bya ba'i byang chub de ni yod do zhes byang chub tu rlom sems su byed pa de dag ni byang chub sems dpa' zhes mi bya'o// de dag ni skye bar sems dpa' zhes bya'o// de ci'i phyir zhe na/ 'di ltar skye ba la mngon par zhen sems su mngon par zhen/ byang chub tu mngon par zhen/ zhes bya ba la sogs pa gsungs pa lta bu'o// yang byang chub ni mtshan nyid med pa ste/ mtshan nyid kyi rang bzhin dang bral ba'o// gang gis 'di ltar rjes su/ rtogs pa de ni byang chub ces bya'i/ yang ji skad brjod pa ni ma yin no// rab kyi rtsal gyis rnam par gnon pa chos de rnams rtogs pa'i phyir byang chub sems dpa' zhes bya'o// rab kyi rtsal gyis rnam par gnon pa gang la la zhig chos 'di ma shes shing rjes su ma rtogs bzhin du bdag nyid la byang chub sems dpa' byang chub sems dpa'o snyam du shes pa de ni byang chub sems dpa'i sa las ring ba yin zhing / de ni byang chub sems dpa'i chos rnams las ring ba yin no// de bzhin du de ni byang chub sems dpa'i ming gis lha dang mi dang lha ma yin gyi 'jig rten slu ba yin no// rab kyi rtsal gyis rnam par gnon pa de'i tshig tsam gyis byang chub sems dpar 'gyur na ni/ de bas na sems can thams cad kyang byang chub sems dpar 'gyur na/ rab kyi rtsal gyis rnam par gnon pa 'di ni ngag gi las tsam ma yin te/ 'di lta ste/ byang chub sems dpa'i sa'o zhes bya ba la sogs pa gsungs pa yin no// ji skad du bshad pa'i byang chub kyi sems thob pa ni gnas skabs der byang chub sems dpa'i sgra kho nas brjod pa 'ba' zhig tu ma zad kyi/ gzhan yang / 'di ni de bzhin gshegs pa rnams kyi rigs su'ang skyes pa ste/ 'di yi kun tu sbyor ba gsum po thams cad spangs par gyur/ byang chub sems dpa' de ni dga' ba mchog tu gyur 'chang zhing / 'jig rten khams brgya kun
- 271a
nas g.yo bar nus par gyur pa'ang yin/ so so'i skye bo dang / nyan thos dang rang sangs rgyas kyi sa thams cad las 'das pa'i phyir dang / de bzhin gshegs pa'i sa kun tu 'od ces bya ba'i rjes su 'gro ba'i lam skyes pa'i phyir na byang chub sems dpa' de de bzhin gshegs pa'i rigs su skyes pa yin no// de'i tshe gang zag gi bdag med pa mngon sum du mthong bas 'di ni 'jig tshogs la lta ba dang / the tshom dang tshul khrims dang brtul zhugs mchog tu 'dzin pa zhes bya ba kun tu sbyor ba gsum dang yang bral ba yin te/ slar mi skye ba'i phyir ro// de kho na nyid mthong ba ni bdag tu sgro btags pa las 'jig tshogs su lta bar 'gyur zhing / de bzhin du the tshom gyis de lam gzhan du'ang 'gro ba srid pa zhig na gzhan ni ma yin no// nges pa la zhugs pas de'i rgyu can gyi yon tan thob pa dang / sa'i mi mthun pa'i phyogs kyi skyon dang bral bas thun mongs ma yin pa'i dga' ba'i khyad par skyes pas rab tu dga' ba mang ba nyid kyi phyir na byang chub sems dpa' de ni dga' ba mchog tu gyur pa srel ba yang yin no// rab tu dga' ba khyad par du 'phags pa yod sa das ga ba zhes tha pa'i yang yang ne pa b+hU r+ya// da na rnams pacwa btsud pa sa// sa sa na byu ci gang pa ba sa yi ngan 'gro'i lam rnams mtha' dag 'gag par 'gyur// de tshe 'di yi so so'i skye bo'i sa rnams thams cad zad// 'di ni 'phags pa brgyad pa ji lta de ltar nye bar bstan/ zhes bya ba la 'di ni ji ltar khong du chud pa'i chos la goms pa'i phyir dang / sa gnyis pa la sogs pa'i gnon pa la spro bache ba'i phyir sa nas sar gnon pa gang du rab tu 'gro bar 'gyur ro// bdor na ji ltar 'phags pargyun tu zhugs pa la
- 271b
rang dang rjes su mthun pa'i 'phags pa'i chos rtogs pa las skyon dang bral zhing / yon tan 'byung ba de bzhin du byang chub sems dpa' 'di la yang sa rtogs pa las rang dang 'tsham pa'i yon tan 'byung ba dang / skyon zad par rgyun tu zhugs pa'i dpe'i sgo nas yongs su gsal bar byas pa yin no// byang chub sems dpa' 'di/ rdzogs pa'i byang chub sems lta dang po la gnas kyang // thugs dbang gsung skyes dang bcas rang sangs rgyas rnams ni// bsod nams dag gis dbang gis pha ma byas rnam par 'phel// zhes bya ba gang yin pa 'di ni khyad par gzhan yin te/ ji skad du 'phags pa byams pa'i rnam par thar pa las/ rigs kyi bu 'di lta ste/ dper na rgyal po'i bu skyes nas ring po ma lon pa rgyal po'i mtshan dang ldan pa ni blon po'i tshogs rgan po gtso bor gyur pa thams cad kyang rigs kyi bdag nyid che ba'i dbang gis zil gyis gnon to// de bzhin du byang chub sems dpa' las dang po pa byang chub tu sems bskyed nas ring po malon pa de bzhin gshegs pa chos kyi rgyal po'i rigs su skyes pas kyang byang chub kyi sems dang / snying rje'i dbang gis nyan thos dang rang sangs rgyas yun ring du tshangs par spyad pa rnams zil gyis gnon to// rigs kyi bu 'di lta ste/ dper na nam mkha' lding gi dbang po chen po'i phrug gu skyes nas ring po ma lon pa'i gshog pa'i rlung gi shugs dang / mig yongs su dag pa'i yon tan gang yin pa de ni de las gzhan pa'i bya'i tshogs ma lus pa rgas par gyur pa thams/ cad la yod pa ma yin no// de bzhin du byang chub sems dpa' byang chub tu sems dang po bskyed pa/ de bzhin gshegs pa nam mkha' lding gi dbang po chen po'i rigs kyi rgyud du yang dag par byung ba
- 272a
nam mkha' lding gi dbang po chen po'i phrug gu thams cad mkhyen pa nyid du sems bskyed pa'i gshog pa'i stobs kyis pha rol gnon pa dang / lhag pa'i bsam pa yongs su dag pa'i mig gi yon tan gang yin pa de ni bskal pa brgya stong nges par 'byung ba'i nyan thos dang / rang sangs rgyas thams cad la yod pa ma yin no// zhes bya ba la sogs pa gsungs pa lta bu'o// de ni ring du/ song bar blo yang lhag par 'gyur// 'phags pa sa bcu pa las kyang / kye rgyal ba'i sras dag 'di lta ste/ dper na rgyal po'i rigs su skyes pa'i rgyal po'i bu rgyal po'i mtshan dang ldan pa ni skyes pa tsam gyis rgyal po'i byin gyis blon po'i tshogs thams cad zil gyis gnon gyi/ rang gi blo'i stobs kyis rnam par dpyad pas ni ma yin no// nam de nar son par gyur pa de'i tshe rang gi blo'i stobs bskyed pas blon pa'i b+hA ba thams cad las shin tu 'das pa yin no// bye rgyal ba'i sras dag de bzhin du byang chub sems dpa' yang sems bskyed mthag tu lhag pa'i bsam pa'i tsha ba nyid kyis nyan thos dang rang sangs rgyas thams cad/ zil gyis gnon gyi/ rang gi blo'i stobs kyis rnam par dpyad pas ni ma yin no// byang chub sems dpa'i sa bdun pa 'di la gnas pa'i byang chub sems dpa' ni rang gi yul shes pa'i che ba la gnas pas nyan thos dang rang sangs rgyas kyi bya ba thams cad las shin tu 'das pa yin no// zhes ji skad gsungs pa lta bu'o// de'i phyir de ltar na ring du song ba kho na nas bzung nas ni byang chub sems dpas rang gi blo'i stob bskyed pas kyang nyan thos dang rang sangs rgyas dag zil gyis gnon par 'gyur gyi/ sa 'og ma rnams su ni ma yin no zhes bya ba shes par bya'o// lung 'di las ni nyan thos dang rang sangs rgyas rnams la yang chos
- 272b
thams cad rang bzhin med par shes pa yang yod do zhes bya bar gsal bar nges te/ de ltar ma yin na dngos po rang bzhin med par yongs su shes pa dang bral ba'i phyir/ 'jig rten pa'i 'dod chags dang bral ba ltar de dag kyang sems dang po bskyed pa'i byang chub sems dpas kyang rang gi blos rnam par dpyad pas kyang zil gyis gnon par 'gyur la/ phyi rol pa bzhin du 'di dag gis khams gsum na spyod pa'i phra rgyas thams cad spangs par yang mi 'gyur ro// gzugs la sogs pa'i rang gi ngo bo la dmigs pas phyin ci log tu gyur pa'i phyir gang zag gi bdag med pa rtogs par yang mi 'gyur te/ bdag tu gdags pa'i// / chu phung po la dmigs pa'i phyir ro// ji skad du rin po che'i phreng ba las/ ji srid phung por 'dzin yod pa// de srid de la ngar 'dzin nyid// ngar 'dzin yod na yang las te// de las yang ni skye ba yin// lam gsum thog mtha' dbus med pa// 'khor ba'i dkyil 'khor mgal me yi// dkyil 'khor lta bu phan tshun gyi// rgyu can 'di ni 'khor bar 'gyur// de ni rang gzhan gnyis ka dang // dus gsum nyid du ma mthong phyir// ngar// 'dzin pa ni zad par 'gyur// de nas las dang skye ba dang // zhes gsungs so// yang ji ltar mig ni 'khrul pa yis// mgal me'i 'khor lo 'dzin byed pa// de bzhin dbang po rnams kyis ni// nga lha'i yul dag 'dzin par byed// dbang po dang ni dbang don rnams// 'byung ba lnga yi rang bzhin 'dod// 'byung ba so sor don med pas// 'di dag don du don med do// 'byung rnams so sor tha dad na// bud shing med pa'i mer thal 'gyur// 'dus na mtshan nyid med 'gyur te// lhag ma la yang de ltar nges// de ltar 'byung rnams rnam gnyis su'ang // don med pas na 'dus don med// 'dus pa don med nyid kyi phyir// gzugs/
- 273a
kyang don du don med do// rnam shes tshor dang 'du shes dang // 'du byed rnams kyang thams cad du// so sor bdag nyid don med phyir// dam pa'i don du don med do// ji ltar sdug bsngal phyir// bcos la// don du bde bar nga rgyal byed// de bzhin bde 'joms byung ba la// sdug bsngal du yang nga rgyal byed// de ltar ngo bo nyid med phyir// bde dang phrad pa'i sred pa dang // sdug bsngal bral ba'i sred pa spong / de phyir de ltar mthong ba grol// gang gis mthong bar 'gyur zhe na// tha snyad du ni sems la brjod// sems 'byung med par sems med de// don med phyir na yod mi 'dod// de ltar yang dag ji bzhin du// 'gro ba don med shes nas ni// d+hU med pa yi me bzhin du// gnas med len med mya ngan 'da'// zhes gsungs so// ce ste byang chub sems dpa' rnams kho nas de ltar rang bzhin med par mthong ba yin no zhe na/ de yang yod pa ma yin te/ nyan thos dang rang sangs rgyas rnams kyi dbang du byas nas de skad du gsungs pa'i phyir ro// 'di ji ltar shes she na/ brjod par bya ste/ mjug thogs kho nar byang chub sems dpa' rnams kyi dbang du mdzad nas/ de ltar byang chub sems dpas kyang // mthong nas byang chub nges par 'dod// 'on kyang de ni snying rje yis// byang chub bar du srid mtshams byor// zhes bya ba la sogs pa'i phyir ro// nyan thos la bstan pa'i mdo dag las kyang / nyan thos rnams kyi nyon mongs pa'i sgrib pa spang bar bya ba'i phyir/ gzugs ni dbu ba rdos pa 'dra// tshor ba chu yi chu bur bzhin// 'du shes smig rgyu lta bu ste/ 'du byed rnams ni chu shing bzhin// rnam par shes pa sgyu ma ltar// nyi ma'i gnyen gyis bka' stsal to// zhes bya ba la sogs pas dbu ba rdos pa dang / chu yi chu bur dang smi ga r+b+ha'i chu dang / chu shing
- 273b
dmam sakyang ma man ma tha nga ma tham# gi phung po dang snu ma la sogs pa'i dpe dag gis 'du byed rnams nges par dpyad pa yin no// don 'ang nyid ston par mdzad pa ni/ slob dpon gyi zhal snga nas kyis// theg pa che las skye med bstan// gzhan gyis zad pa stong pa nyid// zad dang mi skye don du ni// gcig pa de nyid bzod par gyis// zhes bya ba dang / de bzhin du/ bcom ldan dngos dang dngos med pa// mkhyen pas kA t+yA ya na yi// gdam ngag las ni yod pa dang / med pa gnyis ka dgag pa mdzad// ces gsungs so// gang zhig gal te nyan thos kyi theg pa las kyang ches la bdag med pa bstan na de'i tshe theg pa chen po bstan pa don med par 'gyur ro snyam du sems pa de'i lugs de yang 'di ltar rigs pa dang lung dang 'gal bar rtogs so// theg pa chen po bstan pas ni chos la bdag med pa tsam 'bal zhig ston par byed pa ma yin gyi/ 'on ci zhe na/ byang chub sems dpa' rnams kyis dang pha rol tu phyin pa dang / smon lam dang snying rje la sogs pa dang yongs su bsngo ba dang tshogs gnyis dang bsam gyis mi khyab pa'i chos nyid kyang yin no// ji ga dang rin po che'i phreng ba las/ nyan thos theg pa de las ni// byang chub sems dpa'i smon lam dang // spyod pa yongs bsdom bshad de// byang chub sems dpar gal 'gyur// byang chub spyod la gnas pa'i don// mdo rje las ni bka' ma sbal// theg pa che las bka' stsal pa// de phyir mkhas pa rnams kyis bzung // zhes gsungs so// chos kyi bdag med pa gsal bar bya ba'i phyir theg pa chen po'i bstan pa yang rigs pa nyid de/ rgyas par bstan pa brjod par 'dod pa'i phyir ro// nyan thos kyi theg pa las ni chos kyi bdag med pa mdor mtshon pa tsam zhig tu zad do// ji skad du slob dpon gyi zhal snga nas kyis/ mtshan ma med pa ma rtogs par// khyod kyis thar ba med
- 274a
par gsungs// de phyir khyod kyis theg chen las// de ni tshar bar bstan pa lags/ zhes gsungs so// zhar la 'ongs pas chog go/ de nyid kyi phyir blo ma dkrugs pa rnams kyis rang nyid kyis// don gyi kho na nyid khong du chud par nus pas dkyus ma nyid brjod par bya'o// de tshe de la rdzogs sangs byang chub rgyu// dang po sbyin pa nyid ni lhag par 'gyur// byang chub sems dpa' sa rab tu dga' ba thob pa de la/ sbyin pa dang tshul khrims dang bzod pa dang brtson 'grus dang bsam gtan dang shes rab dang / thabs dang smon lam dang / stobs dang ye shes zhes bya ba bcu po dag las sbyin pa'i pha rol tu phyin pa kho na ches lhag par yod par 'gyur te/ de la gzhan rnams med pa ni ma yin no// sbyin pa de yang rnam pa thams cad mkhyen pa nyid kyi rgyu dang po yin no// rang sha ster la'adagus par byas pa yi// snang du mi rung dbog pa'i rgyur yang gyur/ de'i tshe byang chub sems dpa' de'i yon tan snang rung ma yin pas rtogs pa la sogs pa gang dag yin pa de dag kyang phyi dang nang gi bdag nyid kyi dngos po stong pa'i khyad par gyi rjes su dpag pa nyid las gsal bar dpog par byed pa yin te/ du ba la sogs pa las ma la sogs pa dag bzhin no// ji ltar byang chub sems dpa' rnams kyi sbyin pa sangs rgyas nyid kyi rgyu dang po dang / mngon sum ma yin pa'i yon tan nges pa'i rtags yin pa de bzhin du/ so so'i skye bo dang nyan thos dang rang sangs rgyas rnams kyi yang sdug bsngal phyir bcos pa dang / gtan du ba'i bde ba thob pa'i rgyu yin no zhes bstan par 'dod pas/ skye bo 'di kun bde ba mngon 'dod cing // mi rnams bde ba'ang longs spyod med min la// longs spyod kyang ni sbyin las 'byung mkhyen nas// thub pas dang por sbyin pa'i gtam mdzad do// zhes bya ba smos pa la/ bkres pa dang
- 274b
skom pa dang nad dang grang ba la sogs pa'i gnyen po// sdug bsngal phyir bcos pa tsam srid pa'i bde ba 'byung ba'i rgyu 'ching ba phyin ci log tsam gyis bdag nyid kyi rgyun nye bar brtags pas nye bar 'tshe ba bsal ba bde ba'i bdag nyid ma yin pa nyid la 'jig rten shin tu mngon par zhen la/ de lta bu'i bde ba mngon par 'dod pa de'i bde ba sdug bsngal phyir bcos pa tsam gyi rang bzhin gang yin pa de ni/ mngon par 'dod pa'i yul longs spyod sdug bsngal gyi gnyen por gyur pa/ phyin ci log gi bdag nyid can longs spyod pa med par skye bar ma dmigs so// sdug bsngal phyir bcos pa'i rgyur gyur pa'i yul de dag kyang sbyin pa las byung ba'i bsod nams bya ba'i dngos po ma bsags pa rnams la mi 'byung ngo snyam du mkhyen nas/ bcom ldan 'das 'gro ba ma lus pa'i bsam pa'i rang bzhin mkhyen pas tshul khrims la sogs pa'i gtam rnams pas ches thog mar sbyin pa'i gtam nyid mdzad do// da ni stong pa po'i sems can tshul dang mi mthun pa yin du zin kyang / rang gi bya ba dang rjes su mthun pas sbyin pa'i bdag nyid chen po brjod par bya ba'i phyir/ snying rje dman zhing shin tu rtsu ba sems can/ rang don ltar len nyid du gyur pa gang // de dag gi yang 'dod pa'i longs spyod rnams// sdug bsngal nyer ni'i rgyur gyur sbyin las byung // zhes bya ba smos so// gang dag tshong pa/ bzhin du nor ches chung ngu btang ba las 'bras bu nor gyi phung po ches yangs pa 'dod pa don du gnyer ba bas kyang lhag par don du gnyer bar gyur zhing sbyin par 'dod par gus kyi/ bde bar gshegs pa'i sras rnams kyi ltar snying rje'i gzhan gyi dbang gis sbyin pa'i 'bras bu'i don du mi gnyer ba kho nar sbyin par 'dod pa'i dga' ston mngon par 'phel bar mi byed pa de dag la yang / sbyin pa skyon 'dzin pa la rgyab kyis phyogs pa
- 275a
yon tan tsam 'dzin pa la g.yer bag thob pa des/ longs spyod phul du byung ba phun sum tshogs pa'i sgo nas lus kyi sdug bsngal yid du mi 'ong ba bkres pa skom pa la sogs pa 'joms par byed pas sdug bsngal nye bar zhi ba'i rgyur 'gyur ro// gang zhig snying rje dang bral bas rang gi sdug bsngal phyir bcos pa la bltos pa nyid kyis sbyin par 'dod par gus pa 'di yang / 'di yang sbyin pa'i skabs kyis nam zhig tshe/ 'phags pa'i skye bo dang phrad myur du 'thob// de nas srid rgyun yang dag bcad byas te// de yi rgyu can zhi bar 'gro bar 'gyur// zhes bya ba smos so// sbyin bdag gtong pa po'i thad du dam pa dag gis bgrod pa yin no zhes 'byung // ba'i phyir/ sbyin pa la lhag par mos pa ni/ sbyin pa'i skabs kyis 'phags pa'i skye bo dang phrad pas des nye bar bstan pa las 'khor ba la yon tan med par rig cing / 'phags pa'i lam dri ma med pa mngon du/ byas pas sdug bsngal nye bar zhi ba'i ma rig pa spangs nas/ 'khor ba'i rgyun skye ba dang 'chi ba gcig nas gcig tu brgyud pa thog ma med pa'i dus nas 'jug pa dor te/ nyan thos dang rang sangs rgyas kyi theg pas rnams// sbyin pas ring por mi thogs dga' ba 'thob// byang chub sems dpa' ma yin pa rnams ni sbyin pa dang dus mnyam du ji skad bshad pa'i 'bras bu nges par longs spyod pa ma yin te/ des na de rnams ni sbyin/ pa'i 'bras bu mngon sum pa ma yin pa nyid kyi phyir sbyin pa la mi 'jug pa yang srid na/ byang chub sems dpa' rnams ni sbyin pa dang dus mnyam kho nar don du gnyer ba'i yid yongs su tshim par byas pa las/ mngon
- 275b
par 'dod pa'i sbyin pa'i 'bras bu phun sum tshogs pas mchog tu dga' ba 'chang zhing de nyid du sbyin pa'i 'bras bu nye bar longs spyod do// de'i phyir thams cad kyi tshe sbyin pa la dga' bar 'gyur ro// de'i phyir de ltar ji skad bshad pa'i tshul gyis/ gang phyir brtse ba dag brtse ba dag ma yin pa// thams cad kyi mngon par mtho ba dang nges par legs pa'i rgyu sbyin pa yin pa/ de phyir sbyin pa'i gtam nyid gtso bo yin// gang las de rnams dus rtag tu sbyin pa la gus par 'gyur ba/ don du gnyer ba rnams longs spyod kyis rnam par 'gyed pa'i sgo nas yid tshim par byed pa ni/ byang chub sems dpa' rnams la dga' ba'i khyad par skye ba ko ci 'dra ba zhig ce na/ brjod par bya ste/ ji ltar byin cig ces sgra thos bsams las// rgyal sras bde 'byung de ltar thub rnams las// zhi bar zhugs pas bde ba byed min na// thams cad btang bas lta zhig smos ci dgos// re zhig don du gnyer ba rnams kyi byin cig ces bya ba'i sgra thos pa nyid sems par byed pa na// byang chub sems dpa' rnams la 'di dag ni bdag la slong ba zhig go snyam du rtogs nas yang nas yang du bde ba 'byung ba gang yin pa de nyid ji mya ngan las 'das pa'i bde ba bas kyang phul du byung ba dang bcas pa yin na/ phyi dang nang gi dngos po btang bas/ don du gnyer ba'i skye po tshim par byed pa rnams kyi lta ci zhig smos/ yang ci gang las de skad brjod pa phyi dang nang gi dngos po gtong ba'i byang chub sems dpa' rnams la lus kyi sdug bsngal yang mi 'byung ngam zhe na/ bshad pa// bdag nyid chen po rnams la ni sems med pa rnams bcad pa ltar lus kyi sdug bsngal 'byung ba mi srid pa nyid de/ 'phags pa nam mkha' mdzod kyi ting nge 'dzin las/ 'di lta ste/ dper na shing sa//
- 276a
la chen po'i tshal zhig yod la/ der 'ga' zhig 'ongs nas sal gcig bcad pa na/ der shing sa la lhag ma rnams 'di snyam du 'di ni bcad pa'o bdag cag ni ma bcad pa'o snyam du mi sems shing / de dag la rjes su chags pa dang khong khro ba med do// rtogs pa dang / rnam par rtog pa med do// byang chub sems dpa'i bzod pa de lta bu gang yin pa de ni bzod pa yongs su dag pa mchog nam mkha' dang mnyam pa yin no zhes ji skad gsungs pa lta bu'o// rin po che'i phreng ba las kyang // de la lus kyi sdug bsngal med// yid kyi sdug bsngal ga la yod// de ni snying rjes 'jig rten sdug/ de nyid kyis ni yun ring gnas// zhes gsungs so// yang chags pa med pa'i gnas skabs ma thob pa gang zhig la lus gnas pa dang 'gal ba'i yul yang dag par babs pas lus kyi sdug bsngal gdon mi za bar 'byung ba de'i de yang sems can gyi don bya ba bdag la ches lhag par 'jug pa'i rgyu nyid du gnas pa yin no zhes bshad pa ni/ lus bcad ster zhing bdag gi sdug bsngal gyis/ gzhan dag rnams kyi dmyal ba la sogs pa'i// sdug bsngal rang rig nyid du mthong nas de// de bcad bya phyir myur du brtson 'grus rtsom// zhes bya ste/ byang chub sems dpa' ni sdug bsngal can dmyal ba dang / dud 'gro'i skye gnas dang / gshin rje'i 'jig rten la sogs pa'i 'gro ba mi bzad par chud pa bar mtshams med par sdug bsngal ches drag pas lus 'joms pa/ rang gi lus gcod pa'i sdug bsngal stong 'gyur bas kyang ches lhag par 'phel ba'i sdug bsngal ba sran du med pa dang ldan pa dag la rang gi sdug bsngal myong ba nyid du lta ba ni rang gi lus gcod pa'i sdug bsngal la/ rtsis med par//
- 276b
byas nas sems can rnams kyi dmyal ba la sogs pa'i sdug bsngal bcad par bya ba'i phyir ches myur du brtson 'grus rtsom mo// ji skad bshad pa'i sbyin pa la pha rol tu phyin pa'i rnam par dbye ba bstan pa'i phyir/ sbyin pa sbyin bya len po gtong pos gtong // 'jig rten 'das pa'i pha rol phyin zhes bya/ zhes bya ba smos te/ de la pha rol zhes bya ba ni gang 'khor ba'i rgya mtsho'i phar 'gram dang dogs te/ nyon mongs pa dang / shes bya'i sgrib pa ma lus pa spangs pa'i rang bzhin mnga' ba'i sangs rgyas nyid do// pha rol tu son pa ni pha rol tu phyin pa'o zhes bya ste/ tshig phyi ma yod na mi mngon par mi bya'o zhes bya ba'i mtshan nyid 'di las kyi rnam par dbye ba mi mngon par ma byas pas gzugs su 'gyur ba 'am/ pre Sho da ra la sogs pa yin pa'i phyir phyi ma'i mtha' can nyid du bzhag go/ shes rab bzung nas bye brag tu bshad pa yin te/ sbyin pa la sogs pa rnams ni pha rol tu phyin pa dang 'dra bas pha rol tu phyin yin no// yongs su bsngo ba'i khyad par gyis pha rol tu 'gro ba la nges par bzhag nas ni sbyin pas pha rol tu phyin pa'i ming rnyed par 'gyur ro// tshul khrims la sogs pa 'chad par 'gyur ba dag kyang de bzhin du rig par bya'o// pha rol tu phyin pa zhes bya ba'i sbyin pa 'di yang sbyin par bya ba dang / len pa po dang / sbyin pa por dmigs dang bral bar gyur na/ 'jig rten las 'das pa'i pha rol tu phyin pa yin no// zhes bcom ldan 'das ma shes rab kyi pha rol tu phyin pa las gsungs te/ mi dmigs pa ni 'jig rten las 'das pa'i phyir la/ dmigs pa ni tha snyad kyi bden pas bsdus pa nyid kyis 'jig rten pa nyid yin pa'i phyir ro// de ni byang chub sems dpa'i gnas skabs ma thob pa dag gis shes par mi nus so// gzhan yang /
- 277a
gsum po dag las chags skyes gyur pas de/ 'jig rten pa yi pha rol phyin zhes bstan// sbyin pa de nyid gsum du dmigs pa yod na 'jig rten pa'i pha rol tu phyin pa zhes bya bar bsnyad do// da ni ji skad brjod pa'i sa zhes bya ba shes pa'i khyad par gyi phul du byung ba'i yon tan rjes su brjod pa'i sgo nas bstan pa'i phyir/ de ltar rgyal ba'i sras kyi yid la rab gnas shing // dam pa'i rten la 'od chags mdzes pa rnyed gyur pa'i// dga' ba 'di ni nor bu chu shel ji bzhin du// mun pa stug po thams cad rnam par bsal nas rgyal// zhes bya ba smos so// de ltar gyi sgra ni ji skad bshad pa'i rnam pa bstan par bya ba'i phyir ro// dga' ba zhes bya ba ni sa'i ming yang dag par spogs pa'o// rgyal zhes bya ba ni mi mthun pa'i phyogs pham par byas nas gnas so zhes bya ba'i don to// de ni shes pa'i rang bzhin yin pa nyid kyi rgyal ba'i sras kyi yid la gnas pa'i phyir mthon por gnas pa yin te/ sa rab tu dga' ba ni ji skad bshad pa'i tshul gyis mun pa stug po thams cad kyang rnam par gsal te rgyal bar 'gyur ro// ji skad bshad pa'i don nyid dpes bsal bar bya ba'i phyir smras pa ni/ nor bu chu shel bzhin du zhes bya ba'o// dbu ma la 'jug pa'i bshad pa las rab tu dga' ba zhes bya ba sems bskyed pa dang po'o// / byang chub sems dpa'i sems bskyed pa dang po bshad zin to// da ni gnyis pa'i dbang du byas nas/ de tshul phran tshegs yon tan dag ldan phyir// rmi lam du yang 'tshal khrims dri ma spangs// zhes bya ba smos te/ sa zhes bya ba shes pa'i khyad par thams cad ni rang bzhin gcig pa nyid kyi phyir/ de med ni mi 'byung ba'i yon tan tshul khrims kyi pha rol tu phyin pa la sogs pa phul du byung ba nyid las sems bskyed pa gnyis pa la sogs pa'i
- 277b
mas thas na sa sa nas sa kA sas thas sa rgyas ma thams kya sa kya mams sa mams cas u samasamamamams ma tham ma thams ma khyad par ston par byed do// de la nyon mongs pa dang du len pa'i phyir dang / sdig pa mi 'byung ba'i phyir sems la yid bcags pa'i me zhi bas bsil ba nyid kyi phyir ram/ bde ba'i rgyu yin pa nyid kyis dam pa dag gis brten par bya ba nyid kyi phyir na tshul khrims de yang spong ba bdun gyi mtshan nyid can no// chos gsum po ma chags pa dang zhe sdang med pa dang / yang dag pa'i lta ba ni de dag kun nas slong bar byed pa yin te/ de'i phyir kun nas slong bar byed pa dang bcas pa'i tshul khrims kyi dbang du byas nas las kyi lam bcur rnam par bshad do// tshul khrims phun sum tshogs pa ni tshul khrims rab tu gyur pa'o// yon tan rnam par dag pa na yon tan dag pa ste/ tshul khrims phun sum tshogs pa yongs su dag pa zhes bya bar tshig rnam par sbyar ro// rang gi yon tan yongs su dag pa nyid kyi myur tshul khrims nyid khyad par du 'phags pa yin no// dag par gyu she na/ 'di ltar byang chub sems dpa' byang chub sems dpa'i sa gnyis pa la rab tu gnas pa 'di ni/ lus ngag yang kyi rgyu ba dag gyur pas// dam pa'i las lam bcu car sogs par byed/ ji skad du byang chub sems dpa'i sa gnyis pa las/ kye rgyal ba'i sras dag byang chub sems dpa'i sa dri ma med pa la gnas pa'i byang chub sems dpa' ni rang bzhin gyis srog gcod pa spangs pa yin te/ dbyig pa spangs/ mtshon cha spangs/ 'khon du 'dzin pa spangs nas/ 'dzem pa dang ldan zhing snying rje la zhugs pas/ de srog chags 'byung po thams cad la phan pa dang / bde ba dang / snying brtse ba dang / byams
- 278a
pa'i sems dang ldan te/ de kun tu rtog pa tsam gyis kyang srog chags la rnam par 'tshe bar mi byed na/ sems can gzhan la sems can du 'du shes shing ched du bsams te/ lus kyis mtho 'tsham pa chen po bya ba lta ci smos/ ma byin pa len pa spangs pa yang yin te/ bdag gi longs spyod kyis chog shes shing snying brtse ba dang ldan te/ gzhan gyi longs spyod la bag byed pas de bzhin gyis yongs su bzung ba'i dngos po dag la gzhan gyis bzung bar 'du shes shing / rku sems nye bar bzhag ste tha na rtswa dang lo ma tsam yang ma byin par mi len na/ 'tsho ba'i yo byad gzhan dag lta ci smos 'dod pa la log par g.yem pa spangs pa yang yin te/ bdag gi chung mas chog shes shing / gzhan gyi chung ma la 'dod pa med pas/ de gzhan gyis bzung ba'i bud med gzhan gyi chung ma dang / rus dang mtshan dang / chos kyis bsrungs pa rnams la chags sems kyang mi bskyed na/ yan lag ma yin pa'i rnam par rig byed dam/ gnyis kyi dbang po gnyis sprod pa lta ci smos/ rdzun du smra ba spangs pa yang yin te/ bden par smra zhing yang dag par sprul/ dus su smra ste/ ji skad smras pa de bzhin byed pa'o// de tha na rmi lam na yang lta ba dang bzod pa dang 'dod pa dang rab tu rtogs par bsgyur te/ bslu ba'i bsam pas rdzun gyi tshig mi smran/ tshad du bsams te smra ba lta ci smos/ phra ma'i tshig spangs pa yin te/ sems can rnams la dbyen mi byed cing / rnam par mi 'tshe ba la zhugs pas de dag dbye ba'i phyir tshu gi las thos nas pha gir snyod pa ma yin te/ de dag dbye ba'i phyir pa gi las thos nas chu kir stod pa ma yin te/ 'dum pa rnams mi 'byed cing / bye ba rnams la yang mi rnon te/ mi 'dum pa la dga' zhing mi 'dum pa la mos pa yin te/ bden nam rdzun yang mi
- 278b
'dum par bya ba'i tshig mi smra'o// tshig rtsub mo spangs pa yin te/ zher 'debs pa dang / brlang ba dang / gzhan la gnod pa dang / gzhan gyi mtshang 'bru ba dang / grong mi'i tshig dang / ma rabs kyi tshig ngor brjod pa dang / ngor brjod par gzhol ba dang / rdzun dang rnar mi snyan pa dang / khro zhing gshe ba las byung ba dang / mi snyan pa dang / yid du mi 'ong pas snying na bar byed pa dang / yid gdung bar byed pa dang / rang gi sems kyi rgyu dang / gzhan gyi sems kyi rgyud ma rungs par byed pa'i tshig rnam pa de lta bu spangs te/ gang 'di gnyen pa dang / 'jam pa dang / yid du 'ong ba dang / rdzun du ma yin pa dang / rnar snyan pa dang / snying du sdug pa dang / grong khyer ba dang / skye bo mang po'i snying du sdug pa dang / skye bo mang po'i yid du 'ong ba dang / yid dga' bar byed pa dang / yid tshim par byed pa dang ra rang gi sems kyi rgyud dang / gzhan gyi sems kyi rgyud dang bar byed// pa'i tshig rnam pa de lta bu dag brjod do// tshig bkyal pa spangs pa yin te/ lan legs par glon pa'i tshig dang / dus su smra ba dang / yang dag par smra ba dang / de ni smra ba dang / chos smra ba dang / rigs par smra ba dang / dul bar smra ba dang / gzob pa dang ldan pa dang / dus dang rmed dang bcas pa'i tshig smra ba yin te/ de tha na bzhad gang du bya ba'i yongs su spang bar bya ba yang yongs su spong na/ tshig gis rnam par g.yeng ba lta ci smos/ brnab sems med pa yang yin te/ de gzhan gyi nor dang / gzhan gyi 'dod pa dang / gzhan gyi rdzas dang / yo byad gzhan gyis yongs su bzung ba la/ brnab sems mi bskyed la/ chags pa mi byed la/ mi smon te/ chags pa'i sems mi bskyed do// gnod sems med pa yin te/ sems can thams cad la byams pa'i sems dang / phan pa'i sems dang / snying rje'i sems dang // /
- 279a
bde ba'i sems dang / 'jam pa'i sems dang / skye bo thams cad la phan gdags pa'i sems dang ldan pas khong khro ba dang / 'khon du 'dzin pa dang / tha ba dang / dri ma dang / gnod sems dang / khong khro ba sngon du 'gro ba gang dag yin pa de dag spangs te/ byams pa dang ldan pa gang dag yin pa de dag rtog pa yin no// log par lta ba spangs pa yang yin te/ yang dag par lta bar gyur la yang dag pa'i lam la gnas shing / dge mtshan dang bkra shis rnam pa sna tshogs dang / tshul khrims ngan pa'i lta ba can dang bral ba yin te/ lta ba drang zhing g.yo med la sgyu med pas/ sangs rgyas dang chos dang / dge 'dun la bsam pa nges pa yin no zhes bya ba la sogs pa gsungs pa lta bu'o// de la dge ba'i las kyi lam dang po gsum ni lus kyi rdzogs par byed do// bar gyi bzhi ni ngag gis so// tha ma gsum ni yid kyis so// de ltar na dge 'i las lam bcu nar yang sogs par byed pa yin no// yang ci las kyi lam 'di rnams sems dang po bskyed pa'i byang chub sems dpas mi gsogag mazhen/ des kyang gsog mod kyi 'on kyang / dag pa'i mam 'dus zhizhi bcu car yang / de la grags te shin tu dag par 'gyur/ de ltar byang chub sems dpa' sems dang po bskyed pa la ni ma yin no// ston ka'i zla ltar rtag tu rnam dag ste/ zhi 'od chags par de dag gis rnam mdzes/ zhi ba ni dbang po bsdams pa'o// 'od chags pa ni lham mer gsal ba'i lus can nyid do// de ltar tshul khrims yongs su dag pa yin yang / gal te de ni khrims dag rang bzhin lta/ de phyir de ni tshul khrims dag mi/ 'gyur/ ji skad du/ 'phags pa dkon mchog brtsegs pa'i mdo las/ 'od srungs 'di la dge slong kha cig tshul khrims dang ldan pa yin te/ so sor thar pa'i sdom pas bsdams shing gnas cho ga dang spyod
- 279b
yul phun sum tshogs pa kha na ma tho ba phra rab rnams la yang 'jigs par lta/ yang dag par blangs te bslab pa'i gzhi rnams la slob cing lus dang ngag dang yid kyi las yongs su dag pa dang ldan par gyur pas 'tsho ba yongs su dag kyang de bdag tu smra ba yin te/ 'od srungs de ni tshul khrims 'chal pa/ tshul khrims dang ldan pa ltar bcos pa dang po zhes bya ba nas/ 'od srungs gzhan yang 'di la dge slong kha cig sbyangs pa'i yon tan bcu gnyis yang dag par blangs kyang / dmigs par lta ba yin te/ ngar 'dzin pa dang nga yir 'dzin pa la gnas pa de ni/ 'od srungs tshul khrims 'chal pa tshul khrims dang ldan pa ltar bcos pa bzhi pa ste/ zhes bya ba'i bar du gsungs so// de phyir de ni rtag tu gsum char la'ang / gnyis blo'i rgyu ba yang dag bral bar 'gyur// sems can gang dag la spong bar byed pa dang gang zhig byed pa dang gang gis byed pa'i g+has mam pa'ang dngas pa dang ngas pa med pa la sogs pa gnas kyi sto nga bral bar 'tha 'o// de sang nag byang chub sems dpa' dpas rgyal thams can su mtshogs pa dang ldan par brjod nas/ de ga de las gzhan pa rnams kyi tshul khrims phran su mchags pa yang sbyin pa la sogs pa dag las byung shin cheb nyid dang / yon tan ldan sum tshogs pa thams cad kyi rten nyidan da thar bar bstan pa'i sbyin pas longs spyod dag ni 'gro ngan na'ang / skye bo tshul khrims rkang pa nyams la 'byung / zhes bya ba smos te/ sbyin pa gang kho na las sbyin bdag tshul khrims dang ldan par gyur pa de la/ lha dang mi dag gi nang du khyad par du 'phags pa'i longs spyod phun sum tshogs pa 'byung ba de nyid tshul khrims kyi rkang pa dang bral bas las ngan 'gro'i 'gro bar lhung ba nyi tshe ba'i sems can dmyal ba dang ba glang dang / rta dang glang po che dang /
- 280a
spre'u dang / klu la sogs pa dang / yi dgas rdzu 'phrul chen po can la sogs pa rnams su skyes pa de la longs spyod phun sum tshogs pa sna tshogs 'byung ba kho nar 'gyur te/ de'i phyir bskyed bcas dngos 'du yongs su zad pas na// phyin chad de la longs spyod 'byung mi 'gyur// gang zhig sa bon ches nyung du btab nas 'bras bu rgya chen po 'byung ba rnyed cing slar yang 'bras bu'i ched du de bas kyang ches mang po'i sa bon 'debs par byed pa de la ni 'bras bu'i tshogs chen po dus ji lta ba bzhin du nye bar 'phel bas rim pa rnam par chad pa med pa yod sred kyi/ byas pa chud gson pa'i tshul can gang zhig blun pa/ nyid kyis sngar gyi sa bon tsam yang nye bar longs spyod pa de la ni bskyed dang lhan cig tu dngos po 'dra ba yang zad pa'i phyir/ 'byung bar 'gyur ba'i 'bras bu phun sum tshogs pa skye ba lta ga la yod/ de bzhin du tshub khrims dang bral ba'i phyir gnas ma yin par longs spyod nye bar longs spyod pa la yang shin tu blun pas snga na med pa'i 'phen pa dang bral ba'i phyir dang / sngar 'phangs pa ma lus par nye bar longs spyod pa'i phyir phyis longs spyod dag 'byung ba mi srid par 'gyur ro// tshul khrims kyi rkang pa dang bral ba 'di'i longs spyod 'byung ba rdzogs pa shin tu rnyed par dka' ba 'ba' zhig tu ma zad kyi/ ngan 'gror song ba las ngan 'gro las ldang pa yang shin tu rnyed pa dka'o// zhes bya bar bstan pa'i phyir/ gang tshe rang dbang 'jug cing mthun gnas pas/ gal te 'di dag 'dzin par mi byed na/ g.yang sar lhung bas gzhan dbang 'jug 'gyur ba// de las phyi nas gang gis slong bar 'gyur/ zhes bya ba smos te/ gal te 'di de'i tshe/ dpa' bo mthun pa'i yul na gnas pa 'ching ba las grol ba ltar 'dod pas gzhan la rag ma las par 'jug cing / lha dang
- 280b
sa sa sa sa ya ma ga gas ca ma cang ya mngam ma mamatshams ma sa ma sa mam mtsham sa mamam mas mamamachams mam ma 'bar mas thams pa la mnas ma ma ma thas ma nga ba mamasapa' mas mi la sogs pa'i 'gro bar gnas pa na/ bdag nyid 'dzin par mi byed na/ dpa' bo bcings nas ri sul ches chen por rabasgyur ba ltar/ ngan 'gror song ba de phyi nas gang gis 'don par 'gyur/ des na gnod par bya ba'i phyir ngan 'gro kho nar nges par 'gyur ro// de nyid kyi phyir de nas gal te mi rnams kyi nang du skyes na yang rnam par smin pa gnyis mngon par sgrub ste/ zhes gsungs so// gang gis phyir de ltar tshul khrims 'chal pa nyes pa'i tshogs shin tu mang po'i gnas su gyur pa/ de phyir rgyal bas sbyin pa'i gtam mdzad nas// tshul khrims rjes 'gro'i gtam nyid mdzad pa yin// de nyid kyi phyir sdig pa'i chos mtha' dag pham par mdzad pa'i rgyal bas sbyin pa la sogs pa'i yon tan chud mi za bar bya ba'i phyir/ sbyin pa'i gtam gyi dus kyi 'jug thogs su tshul khrims kyi gtam kho na mdzad do// gang gi phyir/ yon tan tshul khrims zhing du rnam 'phel na// 'bras bu nyer spyod chad pa med par 'gyur// yon tan thams cad kyi rten du gyur pa'i phyir/ tshul khrims nyid zhing ngo // der sbyin pa la sogs pa'i yon tan rnams rnam par 'phel ba na// rgyu dang 'bras bu brgyud pa gong nas gong du rim pa rnam par ma chad pa'i sgo nas 'bras bu'i tshogs nye bar 'phel zhing / dus ring por nye bar longs spyod par nus kyi/ gzhan du ni ma yin no// de'i phyir tshul 'dis/ so so'i skye bo rnams dang gsung skyes dang / rang byang chub la bdag nyid nges rnams dang // rgyal sras rnams kyi nges par legs pa dang // mngon mtho'i rgyu ni tshul khrims las gzhan med// ji skad du mi dge ba bcu'i las kyi lam 'di dag bsten pa dang / mang du byas pa'i shas che bas ni sems can dmyal ba'i rgyur 'gyur ro// 'bring gi ni dud 'gro'i skye gnas kyi rgyur 'gyur ro// chung ngu sa ni gshin rje'i 'jig rten/
- 281a
gyi rgyur 'gyur ro// de la srog gcod pas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ tshe thung ba dang / nad mang bar 'gyur ro// ma byin par len pas ni sems can dmyal bar khrid do// zhes bya ba nas longs spyod chung ba dang / thun mong gi longs spyod du 'gyur ba'o// zhes bya ba'i bar dang / 'dod pas log par g.yem pas ni sems can dmyal bar khrid do zhes bya ba nas/ 'khor g.yog yid brtan du mi rung ba dang / dgra zla dang bcas pa'i chung mar 'gyur ba'o zhes bya ba'i bar dang / rdzun du smra bas ni sems can dmyal bar khrid do zhes bya ba nas/ skur pa mang ba dang / gzhan gyis bsku bar 'gyur ba'o// zhes bya ba'i bar dang / phra mas ni sems can dmyal bar khrid do zhes bya ba nas/ 'khor g.yog 'dum pa dang / g.yog 'khor ngan par 'gyur ro zhes bya ba'i bar dang / tshig rtsub mos ni sems can dmyal bar khrid do zhes bya ba nas/ yid du mi 'ong ba thos pa dang 'thab mo'i tshig tu 'gyur ba'o zhes bya ba'i bar dang / tshig bkyal pas ni sems can dmyal bar khrid do zhes bya ba nas/ bzung bar 'os pa'i tshig ma yin pa dang / ma nges pa'i spobs par 'gyur ba'o zhes bya ba'i bar dang / brnab sems kyis ni sems can dmyal bar khrid do zhes bya ba nas/ chog mi shes pa dang / 'dod pa che bar 'gyur ro zhes bya ba'i bar dang / gnod sems kyis ni sems can dmyal bar khrid do zhes bya ba nas/ phan pa mi tshol ba dang / gzhan gyis gnod pa byas par 'gyur ro zhes bya ba'i bar dang // log par lta bas ni sems can dmyal bar khrid do dud 'gro'i skye gnas su khrid do// gshin rje'i
- 281b
'jig rten du khrid do// de nas gal te mi rnams kyi nang du skyes na yang / rnam par smin pa gnyis mngon par sgrub ste/ lta ba ngan par ltung ba dang / g.yo can du 'gyur ro// de ltar mi dge ba bcu'i las kyi lam 'di dag ni sdug bsngal gyi phung po tshad med pa sdud par 'gyur gyis/ dge ba bcu'i las kyi lam yang dag par blangs pa'i rgyus ni lha dang mir skye ba la sogs pa srid pa'i rtse mo'i bar du skye ba yod par 'gyur ro// de'i gong du dge ba bcu'i las kyi lam 'di dag nyi tshe ba'i sems dang / khams gsum pas skrag pa'i yid dang / snying rje chen po med pa dang / gzhan las thos pa'i rjes su 'gro ste sgra'i rjes su 'brang bar shes rab kyi rnam pas yongs su bsgoms na/ nyan thos kyi theg pa yongs su 'grub par byed do// de'i gong du gzhan gyis dring mi 'jog pa dang / rang mngon par rdzogs par 'tshang rgya ba dang / snying rje chen po dang / thabs mkhas pa med pa dang / rkyen nyid 'di pa zab mo khong du chud pas yongs su sbyangs na/ rang sangs rgyas kyi theg pa 'grub par byed do// de'i gong du shin tu rgya che zhing tshad med pa'i snying brtse ba dang / snying rje dang ldan pa dang / thabs la mkhas pas sa yongs su dag pa dang / pha rol tu phyin pa yongs su dag pa'i spyod pa rgya chen po 'grub par byed do// zhes rgya cher gsungs pa lta bu'o// de'i phyir tshul 'dis dge ba bcu'i las kyi lam 'di dag ma gtogs par so so'i skye bo dang / nyan thos dang / rang sangs rgyas dang / byang chub sems dpa' rnams kyi ci rigs par mngon par mtho ba 'khor ba'i bde ba dang / nges par legs pa bde ba yang ma
- 282a
yin sdug bsngal ba yang ma yin pa'i rang bzhin thar pa'i mtshan nyid can thob pa'i thabs gzhan yod pa ma yin no// zhes bya bar gsal bar bstan par 'gyur ro// gang sems bskyed pa gnyis pa'i byang chub sems dpa' de ni/ ji ltar rgya mtsho ro dang lhan cig dang / bkra shis rnanag ma dang lhan cig bzhin// de ltar tshul khrims dbang byas bdag nyid che// de 'chal ba dang lhan cig gnas mi 'dod// rna nag ma zhes bya ba ni/ bkra me shis pa'i rnam grangs so// ji skad bshad pa'i tshul khrims la pha rol tu phyin pa'i rnam par dbye ba bshad pa ni/ gang gis gang zhig gang la spong byed pa// gsum du dmigs pa yod na tshul khrims de// 'jig rten pa yi pha rol phyin zhes bshad// tshul khrims de ni gsum du dmigs pa yod na 'jig rten pa'i pha rol tu phyin pa'o zhes bstan to// gsum la chags pas stong de 'jig rten 'das// tshul khrims de nyid ji skad bshad pa'i gsum por dmigs pa med na ni 'jig rten las 'das pa'i pha rol tu phyin pa'o zhes bshad do// ji skad bshad pa'i sa'i yon tan rjes su brjod pa'i sgo nas tshul khrims kyi pha rol tu phyin pa'i skabs yongs su rdzogs par 'chad pa ni/ rgyal sras zla ba las byung srid min sred pa yi// dpal gyur dri ma dang bral dri ma med 'di yang // ston ka'i dus kyi zla ba'i 'od ni ji bzhin du// 'gro ba'i yid kyi gdung ba sel bar byed pa yin// zhes bya'o// dri ma med pa zhes bya ba ni/ dge ba bcu'i las kyi lam gyis dri ma med pa'i phyir te/ byang chub sems dpa'i sa gnyis pa'i don dang mthun pa'i ming ngo // ji ltar ston ka'i zla ba'i 'od dri ma dang bral ba skye bo'i gdung ba sel bar byed pa de bzhin du rgyal ba'i sras kyi zla ba las byung ba'i dri ma med pa 'a de yang 'chal pa'i tshul khrims kyis bskyed pa'i yid kyi gdung ba
- 282b
sel bar byed pa yin no// 'di ni 'khor ba'i khongs su ma gtogs pas srid pa ma yin yang srid pa'i dpal te/ yon tan phun sum tshogs pa thams cad de'i rjes su 'gro ba'i phyir dang / gling bzhi'i dbang phyug phun sum tshogs pa'i rgyu yin pa'i phyir ro// dbu ma la 'jug pa'i bshad pa las/ sems bskyed pa gnyis pa'o// // da ni sems bskyed pa gsum pa'i dbang du byas nas/ shes bya'i bud shing ma/ lus sreg pa'i me// 'od 'byung phyir na sa ni gsum pa 'di// 'od byed pa ste zhes bya ba smos so// 'od byed pa ste zhes bya ba ni byang chub sems dpa'i sa gsum pa'i ming ngo // yang 'di ci'i phyir 'od byed pa yin zhe na/ don dang mthun pa nyid ston par byed de/ de'i tshe shes bya'i bud shing ma lus pa sreg pa'i ye shes kyi me zhi ba'i bdag nyid can gyi 'od 'byung ba'i phyir sa 'di la 'od byed pa zhes bshad do// sems gsum pa bskyed pa'i bde gshegs sras po la// de tshe nyid ltar zangs 'dra'i snang ba 'byung // ji ltar nyi ma shar ba'i gnas skabs kyi snga rol tu zangs lta bu'i snang ba 'byung ba ltar/ de bzhin du byang chub sems dpa' la yang dang ye shes kyi snang ba 'byung // ye shes kyi snang ba de lta bu rnyed pa'i byang chub sems dpa' de la/ bzad pa'i pha ral tu phyin pa lhag pacid du bstan pa'i phyir/ gal te gnas min 'khrugs pa 'ga' yis de'i// lus las sha ni dus bcas yun ring du// srang re re nas bcad par gyur kyang de'i// bzod pa gcod par byed la lhag par skye/ zhes bya ba smos so// byang chub sems dpa' ni gzhan gyi sems rjes su bsrang ba nyid kyi phyir dang / de lta bu'i ye shes yod pa'i phyir/ gang gis gzhan dag gi mnar sems kyi gzhi dus gsum gyi don ma yin pa dogs pa can du 'gyur ba de lta bu'i rang bzhin gyis lus dang
- 283a
ngag dang yid 'jug pa mngon du byed pa ma yin te/ de'i phyir na/ gal te gnas min 'khrugs pa 'ga' yis de'i zhes khyad par du byas so// gal te rnam pa de lta bu'i sems can gyis byang chub sems dpa' de'i lus las sha rus pa dang bcas pa srang re re nas sdod cing sdod cing yun ring por gcod kyang rnam pa de lta bu'i gcod par byed pa po la sems khong nas 'khrugs pa nyid du 'gyur ba 'ba' zhig tu ma zad kyi/ sdig pa'i las de'i rkyen can dmyal ba'i sdug bsngal la sogs pa la lhag par dmigs pa'i byang chub sems dpa' la ches lhag par bzod pa nyid skye bar 'gyur ro// gzhan yang / bdag med mthong ba'i byang chub sems dpa' la/ gang zhig gang gis gang tshe ji ltar gcod// gang phyir chos kyang de yi gzugs brnyan ltar// mthong ba des na de yis bzod par 'gyur// sdig pa'i las de'i rkyen can dmyal ba la sogs pa'i sdug bsngal la lhag par dmigs nas ches lhag par bzod par 'gyur ba 'ba' zhig tu ma zad kyi/ gang gi phyir des chos rnams kyang gzugs brnyan dang 'dra bar mthong zhing / bdag dang bdag gi ba'i 'du shes dang bral ba 'di'i phyir a she pad pa yin/ ba san bzud pa'i rnabasrab bya ba'i phyi nga// bzad pa'ang byang chub pams dpa rnams kyi ma pa rnas 'dupa'ab zhig rgyas da kyi/ de las gzhan pan kyi yon tan mtha' dag bsrung ba'i rgyu yang yin pas mi bzod pa dang ldan pa lta khro ba las ldog par rigs par 'chad pa ni/ gnod pa byas pas gal te der dkon na// de la dkon pas byas zin ldog gam ci// de phyir/ de dkon nges par 'dir don med// 'jig rten pha rol yang ni 'gal bar 'gyur// zhes bya ba ste/ gal te re shig khong 'khrug pa'i skabs ster ba 'di gnod pa byas pa gzhan la khro na de'i tshe gnod pa byas zin pa
- 283b
bzlog tu med pa'i phyir/ de la dmigs pa'i zhe brkam pa don med pa nyid de/ bya rgyu byas zin pa'i phyir ro// 'di'i dkon pa dang lta dgos pa med pa 'ba' zhig tu ma zad kyi/ 'jig rten pha rol dang yang dag par 'gyur te/ khong khro ba skyes pa yin dang rnam par smin pa yid du mi 'ong ba 'phen pa'i phyir ro// gang zhig rang gis nyes par spyad pa byas pa'i 'bras bu'i khyad par nye bar spyod bzhin du gti mug pas gzhan gyis bdag la gnod pa de byas so snyam du rtog pa de la ni gnod pa byed pa la khro ba nye bar skye la/ lan du gnod pa brgyal bas de'i gnod pa pham par 'dod pa gang yin pa de yang bzlog par bya ba'i phyir bshad pa/ sngon byas pa yi mi dge'i las kyi 'bras bu gang // zad par byed par brjod par 'dod pa de nyid ko/ gzhan la gnod pa dang ni khro ba sa sdug bsngal phyir/ sa bon nyid du ji lta bur na khrid par byed// gang zhig mtshon cha rnon po'i so babs pas de la lus la gnod pa'i sdug bsngal ches che ba dgra dag gis nye bar bsgrubs pa de ni/ 'bras bu 'byung ba tha ma srog gcod pa'i las sngon byas pa sems can dmyal ba dang / dud 'gro'i skye gnas dang / gshin rje'i 'jig rten la sogs pa'i rnam par smin pa'i 'bras bu drag pa nyams su myong bar gyur cing / rgyu mthun pa'i 'bras bu nyon mongs pa lhag mar lus pa can rnams kyi 'bras bu yid du mi 'ong ba ma lus pa ldog pa'i rgyu gang yin pa ste/ de ji ltar slar yang rnam par 'gyur bas sman gyi btung ba tha ma khong na yod pa'i nad gso ba'i rgyu ltar khong nas 'khrug pa dang / gzhan la gnod pa dag gis 'bras bu yid du mi 'ong ba 'das zin pa bas kyang ches lhag par gnod par byed pa'i 'bras bu 'byung ba'i rgyu nyid du bkri bar 'gyur/ de'i phyir des sman pa nad gso bar byed pa'i rgyur gyur pa gcags cha rnon po'i las byed pa la bya ba ltar//
- 284a
'phral du sdug bsngal 'byung ba'i rgyal ches shin tu bzod par rigs so// mi bzod pa ni ji skad bshad pa'i tshul gyis rnam par smin pa yid du mi 'ong ba yangs pa 'phen pa'i rgyu yin pa 'ba' zhig tu ma zad kyi/ yun ring du bsags pa'i bsod nams kyi tshegs zad pa'i rgyu yang yin no zhes bstan pa'i phyir/ gang phyir rgyal sras rnams la khro ba yis// sbyin dang khrims byung dge ba bskal pa brgyad // bsags pa skad cig gis 'joms de yi phyir// mi bzod las gzhan sdig pa yod ma yin/ zhes bya ba smos te/ gal te byang chub sems dpa' bdag nyid chen po des gang zag gis khyad par du nges pa dang bral ba'i phyir la/ nges pa yin du zin kyang nyon mongs pa goms pa la rag las nas 'jug pa nyid kyi phyir byang chub tu sems bskyed pa rnams la bden par gyur pa dang / bden par gyur pa ma yin pa'i nyes pa lhag par sgro btags nas khrod kho ba'i bsam pa skad cig tsam zhig bskyed na yang / de tsam gyis kyang bskal pa brgyar bsags pa'i bsod nams kyi tshogs sngar bstan pa'i sbyin pa dang / tshul khrims kyi pha rol tu phyin pa goms pa las skyes pa 'joms par 'gyur na/ byang chub sems dpa' ma yin pas byang chub sems dpa' rnams la bskyed pa lta ci smras te/ de'i gleng rgya mtsha chen po'i chu'i tshad srang grangs kyis nges par mi nus pa ltar/ der rnam par smin pa'i mtshams nges par mi nus so// de'i phyir de ltar na 'bras bu yid du mi 'ong ba 'phen pa dang / dge ba la gnod pa byed pa'i sdig pa ni mi bzod pa las gzhan mchog tu gyur pa yod pa ma yin no/ de kan du yang / 'jam dpal khong khro ba khong khro ba zhes bya ba ni/ bskal pa brgyar bsags pa'i dge ba nye bar 'joms par byed pa de'i phyir khong khro ba zhes bya'o zhes gsungs so// gzhan yang mi bzod pa gzhan
- 284b
la gnod par byed mi nus pa rnams kyis ni bdag nyid kho na 'joms par byed la/ nus pa snying rje med pa rnams kyis ni bdag dang gzhan 'joms par byed pa 'di ni skyes pa nyid kyis/ mi sdug gzugs su byed cing dam par min par bkri/ tshul dang tshul min shes pa'i rnam dpyod 'phrog byed cing // dus phyis rigs mthun btang nas mi bzod pa yis myur du ngan 'gror sbyar bar byed/ gal te mi bzod pa yi skyon de dag yin na de dang 'gal ba bzod pa'i yon tan ci yin zhe na/ bshad pa/ bzod pas bshad zin dang 'gal yon tan rnams byed do// bzod pas mdzes shing skye bo dam pa la/ phangs dang lugs dang lugs min shes pa la// mkhas par 'gyur zhing de yi 'og tu ni// lha mi'i skye dang sdig pa zad par 'gyur// mi bzod pa la skyon gang dag bstan pa de dag dang 'gal ba'i yon tan de dag bzod pa la rig par bya'o// de'i phyir de ltar// so so'i skye bo dang ni rgyal sras kyis// khro dang bzod pa'i skyon yon rig byas te// mi bzod spangs nas 'phags pa'i skye bo yis// bsngags pa'i bzod pa rtag tu myur bsten bya// khro ba dang bzod pa ni khro ba dang bzod pa'o// skyon dang yon tan ni skyon yon te/ khro ba dang bzod pa dag gi skyon dang yon tan gnyis shes tshig rnam par sbyar ro// khro ba'i skyon ji skad bshad pa dang bzlog pa'i sgo nas bzod pa'i yon tan khong du chud par byas te/ mi mi bzod pa spangs nas dus thams cad du bzod pa kho na bsten par bya ba yin no// da ni bzod pa la pha rol tu phyin pa'i rnam par dbye ba bstan pa'i phyir// rdzogs sangs rgyas kyi byang chub phyir bsngos kyang / gsum dmigs yod na de ni 'jig rten pa'o// sangs rgyas nyid du yongs su bsngos su zin kyang / gang bzod pa dang / gang gis bzod pa dang / sems can gang dag la bzod pa gsum po 'di la dmigs
- 285a
pa yod na/ bzod pa de ni 'jig rten pa'i bzod pa'i pha rol tu phyin pa zhes bya'o// dmigs pa med pa de nyid sangs rgyas kyis// 'jig rten 'das pa'i pha rol phyin zhes bstan// sa de la byang chub sems dpa'i bzod pa'i pha rol tu phyin pa rnam par dag par ji ltar 'gyur ba de bzhin du/ sa deng rgyal sras bsam gtan mngon shes dang // 'dod chags zhe sdang yongs su zad par 'gyur// nges kyang rtag tu 'jig rten pa yi ni// 'dod pa'i 'dod chags 'joms par nus par 'gyur// bsam gtan zhes bya ba'i bsam gtan gyi sgra ni nye bar mtshon pa'i don te/ snyoms par 'jug pa dang tshad med pa rnams kyang 'dzin pa yin no// ji skad du byang chub sems dpa'i sa gsum pa las gsungs pa bzhin te/ byang chub sems dpa'i sa 'od byed pa 'di la gnas pa'i byang chub sems dpa' de ni/ 'dod pa rnams las dben pa/ sdig pa mi dge ba'i chos rnams las dben pa// rtog pa dang bcas pa dpyod pa dang bcas dben pa las skye ba'i dga' ba dang bde ba can bsam gtan dang po bsgrubs te gnas so// de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa bsgrubs te gnas so// de dga' ba'i 'dod chags dang bral ba'i btang snyoms la gnas shing dran pa dang shes bzhin can yin te/ bde ba lus kyi myong la 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa bsgrubs te gnas so// de bde ba yang spangs te snga nas sdug bsngal yang spangs shing yid bde ba dang yid mi bde ba yang nub pas/ bde ba yang ma yin sdug bsngal ba yang ma yin pa btang snyoms dang dran pa yongs su dag pa bsam gtan bzhi pa
- 285b
bsgrubs te gnas so// zhes bya ba de dag ni bsam gtan bzhi'o// gzugs med pa'i snyoms par 'jug pa bzhi ni/ 'di lta ste/ de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur zhing / sna tshogs kyi 'du shes yid la mi byed pas nam mkha' mtha' yas so snyam nas nam mkha' mtha' yas skye mched bsgrubs te gnas so// de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched bsgrubs te gnas so// de rnam pa thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye mched bsgrubs te gnas so// de rnams thams cad du ci yang med pa'i skye mched las yang dag par 'das te/ 'du shes med 'du shes med pa yang ma yin no snyam te 'du shes med 'du shes med min skye mched bsgrubs te gnas so zhes bya ba ste/ 'di dag ni gzugs med pa'i snyoms par 'jug pa bzhi'o// tshad med pa bzhi ni 'di lta ste/ byams pa dang ldan pa'i sems yangs pa rgya chen por gyur pa/ mi gnyis pa/ tshad med pa/ 'khon med pa/ 'gran zla med pa/ sgrib pa med pa/ gnod pa med pa thams cad du khyab pas chos kyi dbyings kyis klas pa/ nam mkha'i khams kyi mthas gtugs pa thams cad dang ldan pa'i 'jig rten khyab par byas nas bsgrubs te gnas so// de bzhin du snying rje dang ldan pa dang / dga' ba dang ldan pa dang / btang snyoms dang ldan pa'i sems yangs pa zhes bya ba ni snga ma bzhin no// / mngon par shes pa lnga ni 'di lta ste/ de rdzu 'phrul bya ba rnam pa du ma myong bar byed des yang g.yo bar byed do// gcig tu gyur nas mang por 'gyur ro// mang por gyur nas gcig tu 'gyur ro// snang bar gyur zhing mi
- 286a
snang bar 'gyur ro// rtsig pa la yang thad kar 'gror ba la yang thad kar 'gro ba la yang mi thogs par thad kar 'gro ste dper na nam mkha' la bya ba bzhin no// nam mkha' la yang skyil mo krung gis 'gro ste dper na 'dab chags bya bzhin no// sa la yang steng du 'byung ba dang byi'u 'dzul byed de/ dper na chu la bya ba bzhin no// chu la yang mi nub par 'gro ste/ dper na sa la bya ba bzhin no// du ba thul bar yang byed 'bar bar yang byed de/ dper na me'i phung po bzhin no// bdag gi lus la chu'i rgyan chen po 'byin te/ dper na/ sprin chen po bzhin no// chu'i rgyan de dag gis kyang stong gsum gyi stong chen po'i 'jig rten gyi khams 'di kun tu 'bar zhing rab tu 'bar ba la kun tu rab tu mched cing 'bar te me lce gcig tu gyur pazhi bar byed do// zla ba dang nyi ma 'di ltar rdzu 'phrul che ba 'di ltar mthu che ba 'di gnyis la yang lag pas 'dzin zhing kun tu nyug par byed do// tshangs pa'i 'jig rten gyi bar du yang lus kyi dbang sgyur ro zhes bya ba 'di ni rdzu 'phrul gyi mngon par shes pa'o// de lha'i rna ba'i khams rnam par dag pa mi las 'das pas lha dang mi gnyis ka'i sgra yang thos so// phra ba dang rgya che ba dang gang dag ring yang rung nye yang rung // tha na sbrang bu dang / sha sbrang dang / bur ba dang / srin bu rnams kyi sgra yang thos so// 'di ni lha'i rna ba'i mngon par shes pa'o// de sems can gzhan dag dang gang zag gzhan rnams kyi sems kyang sems kyis yang dag pa ji lta ba bzhin du rab tu shes te/ 'dod chags dang bcas pa'i sems la yang 'dod chags dang bcas pa'i sems su yang dag pa ji lta ba bzhin du rab tu shes so// 'dod chags dang bral ba'i sems la yang 'dod chags dang bral ba'i sems su yang dag pa ji lta ba bzhin du rab tu
- 286b
shes so// de bzhin du zhe sdang dang bcas pa dang / zhe sdang dang bral ba dang / gti mug dang bcas pa dang gti mug dang bral ba dang / nyon mongs pa dang bcas pa dang nyon mongs pa med pa dang / chung ba dang yangs pa dang / chen por gyur pa dang tshad med pa dang bsdus pa dang rgyas pa dang mnyam par bzhag pa dang mnyam par ma bzhag pa dang / rnam par grol ba dang rnam par ma grol ba dang / skyon can dang skyon med pa dang / sems rags pa la yang sems rags pa'o zhes yang dag pa ji lta ba bzhin du rab tu shes so// sems rags pa ma yin pa la yang sems rags pa ma yin pa'o zhes yang dag pa ji lta ba bzhin du rab tu shes so// de ltar na sems can gzhan dag dang gang zag gzhan rnams kyi sems sems kyis yang dag pa ji lta ba bzhin du rab tu shes so zhes bya ba 'di gzhan gyi sems shes pa'i mngon par shes pa'o// de sngon gyi gnas rnam pa du ma rjes su dran te tshe rabs gcig kyang rjes su dran no// tshe rabs gnyis dang / gsum dang / bzhi dang / lnga dang / bcu dang / nyi shu dang / sum du dang / bzhi bcu dang / lnga bcu dang / brgya dang / stong yang rjes su dran no// tshe rabs brgya phrag du ma dang / tshe rabs stong phrag du ma dang / tshe rabs 'bum phrag du ma dang / tsha nga bas bye ba 'bum phrag du ma dang / tshe rabs bye ba khrag khrig 'bum phrag du ma dang 'jig pa'i bskal pa dang / 'chags pa'i bskal pa dang / 'jig pa dang / 'chags pa'i bskal pa du ma yang rjes su dran no// bskal pa brgya yang rjes su dran no bskal pa stong yang rjes su dran no// bskal pa 'bum dang / bskal pa bye ba dang / bskal pa bye ba phrag brgya dang / bskal pa bye ba phrag stong dang / bskal pa bye ba phrag 'bum nas bskal pa bye ba khrag khrig 'bum phrag du ma'i bar du rjes su dran no// che ge mo zhig na bdag
- 287a
ming 'di zhes bya bar gyur rus ni 'di zhes bya rigs ni 'di zhes bya zas ni 'di lta bu zhig za za tshe ni 'di tsam zhig thub/ yun ni 'di srid cig gnas gnas/ bde ba dang sdug bsngal ni 'di lta bu zhig myong ngo // bdag de nas shi 'phos nas che ge mo zhig tu skyes so de nas shi 'phos nas 'dir skyes so zhes rnam pa dang bcas ngan rtags dang bcas rgyu mtshan dang bcas par sngon gyi gnas rnam pa du ma rjes su dran na// 'di ni sngon gyi gnas rjes su dran pa'i mngon par shes pa'o// des lha'i mig rnam par dag pa mi las 'das pas sems can 'chi 'pho ba dang skye ba dang mdog sdug pa dang mdog mi sdug pa dang bde bar song ba dang ngan par song ba dang / bzang po dang / ngan pa rnams mthong ngo // las ji lta ba bzhin du nye bar 'gro ba'i sems can rnams yang dag pa ji lta ba bzhin du rab tu shes so// kye ma sems can 'di dag ni lus kyi nyes par spyod pa dang ldan pa// ngag gi nyes par spyod pa dang ldan pa/ yid kyi nyes par spyod pa dang ldan pa/ 'phags pa rnams la skur pa 'debs par spyod pa log par lta ba can dag ste/ log par lta ba'i las yang dag par blangs pa'i rgyus lus zhig ste shi ba'i 'og tu ngan 'gro rnam par ltung ba sems can dmyal ba rnams su skye'o zhes bya ba dang / kye ma sems can 'di dag ni lus kyi legs par spyod pa dang ldan pa/ ngag gi legs par spyod pa dang ldan pa/ yid kyi legs par spyod pa dang ldan pa/ 'phags pa rnams la skur pa mi 'debs pa yang dag par lta ba can dag ste/ yang dag par lta ba'i las yang dag par blangs pa'i rgyus las zhig ste shi ba'i 'og tu bde 'gro mtho ris kyi 'jig rten du lha rnams kyi nang du skye'o zhes bya bar rab tu shes te/ de ltar na lha'i mig rnam par dag pa mi las 'das pas sems can 'chi 'pho ba dang skye ba dang mdog sdug pa dang mdog mi sdug pa dang zhes bya ba nas thams cad rnam pa dang
- 287b
bcas dan rtags dang bcas rgyu mtshan dang bcas par mthong ste/ las ji lta ba bzhin du nye bar 'gro ba'i sems can dag kyang rab tu shes so// de bsam gtan dang snyoms par 'jug pa 'di dag la snyoms par 'jug cing rnam par ldang yang / gang du byang chub kyi yan lag yongs su rdzogs par 'gyur bar mthong ba der ched du bsams te smon lam btab pa'i dbang gis skye ba ma gtogs par de dag gi dbang gis mi skye'o// de ci'i phyir zhe na/ 'di ltar byang chub sems dpa' de thabs mkhas pas mngon par bsgrubs pa'i sems kyi rgyud dang ldan pa'i phyir ro zhes bya ba'i bar du 'byung ngo // de ltar nas 'dir byang chub sems dpa' la bsam gtan dang mngon par shes pa 'byung bar 'gyur ro// ci ltar 'dod chags dang zhe sdang yongs su zad par 'gyur zhe na/ dang gi sgra ni ma smos pa bsdu bar bya ba'i phyir te de'i gti mug kyang yongs su zad par 'gyur ro// ci ltar zhe na/ 'di yang mdo ji lta ba bzhin te/ ji skad du des chos thams cad rkyen la rton pa nyid yin pas 'pho ba med pa nyid dang / rnam par 'jig pa med pa nyid du rtog pas de bas kyang shas cher 'dod pa'i 'ching ba thams cad bsrab par 'gyur ro// gzugs kyi 'ching ba thams cad dang srid pa'i 'ching ba thams cad dang ma rig pa'i 'ching ba bsrabs par 'gyur ro// de lta bar gyur pa'i 'ching ba rnams ni snga nas spangs pa yin no// byang chub sems dpa'i sa 'od byed pa 'di la gnas pa'i byang chub sems dpa' de ni bskal pa brgya phrag du ma dang bskal pa stong phrag du ma dang / bskal pa 'bum phrag du ma dang / bskal pa bye ba phrag du ma nas bskal pa khrag khrig 'bum phrag du mar log pa'i 'dod chags 'grib par bya ba pa yin pa spang bar 'byung // lag pa'i zhe skang 'grib par bya ba sa yin pa spang bar 'gyur ba// lag pa 'i gte mug 'grib par byab ma yin pa drang bar 'gyur ra// zhes gsungs pa sa bu'o//
- 288a
de ltar na de'i 'dod chags dang zhe sdang dang gti mug yongs su zad par 'gyur ro// de ci ltar rtag tu 'jig rten gyi 'dod pa'i 'dod chags 'joms par nus par 'gyur zhe na/ ji skad du kye rgyal ba'i sras dag 'di ni byang chub sems dpa'i sa gsum pa 'od byed pa zhes bya ba mdor bstan pa'o// de la gnas pa'i byang chub sems dpa' ni phal cher lha'i rgyal po lha'i bdag po dbang por 'gyur te/ sems can rnams kyi 'dod pa la 'dod chags rnam par bzlog pa'i thabs sgrub pa la byang ba dang / gtso bo yin zhing sems can rnams 'dod pa'i 'dam nas 'don pa la mkhas pa yin no zhes gsungs pa lta bu'o// de ltar na rgyal ba'i sras po de ni 'jig rten gyi 'dod pa'i 'dod chags 'joms par nus par 'gyur ro// de ltar na byang chub sems dpa' 'dis byang chub sems dpa'i sa gsum par// bzod pa'i pha rol tu phyin pa rnam par dag pa dang bsam gtan dang tshad med pa dang snyoms par 'jug pa dang mngon par shes pa dang 'dod chags la sogs pa yongs su zad pa gdon mi za bar thob par 'gyur ro zhes bstan nas/ da ni bzod pa'i pha rol tu phyin pa la thug pa pha rol tu phyin pa gsum gyi brten gyi khyad par dang tshogs kyi rang bzhin dang 'bras bu yongs su 'grub pa rnam par bzhag pa gsal bar bya ba'i phyir bshad pa/ sbyin pa sogs chos gsum de dag phal mo cher/ bde bar gshegs pas khyim pa rnams la bsngags/ bsod nams zhes bya'i tshogs kyang de dag nyid// sangs rgyas gzugs kyi bdag nyid sku yi rgyu// byang chub sems dpa' rnams kho na ji skad bshad pa'i sbyin pa la sogs pa'i brten yin mod kyi/ de lta na yang khyim pa dang rab tu byung ba'i dbye bas de rnams la gnyis sred pa la bltos nas de skad du brjod do// de la khyim pa rnams la ni phal cher sbyin pa la sogs pa'i chos gsum po de dag sgrub par sbal/ rab tu byung ba rnams la ni brtson
- 288b
'grus dang bsam gtan dang shes rab yin te cig shos dag la gcig mi srid pa ni ma yin no// sangs rgyas nyid kyi rgyu yi tshogs ni gnyis yin te/ gang 'di bsod nams kyi tshogs dang ye shes kyi tshogs so// de la bsod nams kyi tshogs ni pha rol tu phyin pa gsum po de dag nyid yin la ye shes kyi chags ni bsam gtan dang shes rab po// brtson 'grus ni gnyis ka'i rgyu yin no zhes bya bar rnam par bzhag go/ de la bsod nams kyi tshogs gang yin pa de ni rdzogs pa'i sangs rgyas bcom ldan 'das rnams kyi gzugs kyi skubasod nams brgya'i mtshan nyid can rmad du byung zhing bsam gyis mi khyab pa'i gzugs sna tshogs dang ldan pa'i rgyu yin no// chos kyi bdag nyid can gyi sku skye ba med pa'i mtshan nyid can gyi rgyu ni ye shes kyi tshogs yin no// da ni rten la sogs pa'i che ba'i bdag nyid kyis bdag nyid che bar brjod nas byang chub sems dpa'i sa gsum pa'i skabs rdzogs par bshad pa/ rgyal ba'i sras po nyi ma la gnas 'od byed 'di// rang gtogs man rnams dang po yang dgagasal byas nas// 'gro ba'i mun pa rnam par 'joms par mngon par 'dod// sa 'od byed pa bde bar gshegs pa'i sras kyi nyi ma la gnas pa 'di ni rang gi rten la yod pa'i mi shes pa bdag nyid 'byung ba'i bgegs su gyur pa ni skye bzhin pa'i gnas skabs nyid du bsal nas/ rnam pa de lta bu nye bar bstan pa las gzhan pa rnams kyis gsum pa 'byung ba'i bgegs byed pa'i mun pa 'joms par 'dod pa yin no// byang chub sems dpa' de ni/ sa 'dir shin tu rno par gyur kyang khro mi 'gyur// de ni nyes pa'i mun pa yon tan 'joms par byed pa bcom pas nyi ma ltar cher rno bar 'jug tu zin kyang skyon dang ldan pa'i skye bo la 'khrug par mi 'gyur te/ bzod pa la ches lhag par goms pa'i phyir dang snying rjes rgud snum par byas
- 289a
pa'i phyir ro// dbu ma la 'jug pa'i bshad pa las/ sems bskyed pa gsum pa'o// // da ni sbyin pa dang tshul khrims dang bzod pa'i pha rol tu phyin pa rnam pas brtson 'grus kyi pha rol tu phyin pa lhag par bstan pa'i sgo nas sems bskyed pa bzhi pa'i dbang du byas te bshad pa/ yon tan ma lus brtson 'grus rjes 'gro zhing // bsod nams blo gros tshogs ni gnyis kyi rgyu// brtson 'grus gang du 'bar bar gyur pa yi// / sa de bzhi pa 'od ni 'phro ba'o// dge ba'i las la spro ba dang mi ldan pa la ni rnam pa thams cad du sbyin pa la sogs pa dag la 'jug pa med pas yon tan thams cad 'byung ba mi srid la/ sngar nye bar bkod pa'i yon tan bsags pa spro ba dang ldan pa la ni thob pa dang ma thob pa 'phel ba dang thob pa srid pas yon tan yin no cog gi rgyu ni brtson 'grus nyid yin no// tshogs gnyis kyi rgyu nyid du ni gong du bshad zin to// brtson 'grus de rang gi yon tan yongs su dag pa'i sgo nas sa gang zhig tu lhag par 'bar ba 'chang ba de byang chub sems dpa'i sa bzhi pa 'od 'phro ba zhes bya ba yin no// yang ci'i phyir 'od 'phro ba zhes brjod ce na/ ming 'jug pa'i rgyu mtshan bstan pa'i phyir/ der ni bde gshegs sras la rdzogs pa yi// byang chub phyogs lhag bsgoms pa las skyes pa'i// snang bzangs kyi 'od bas lhag 'byung zhing // zhes bya ba smos te/ 'di ltar sa 'dir byang chub sems dpa' la byang chub kyi phyogs kyi chos sum cu rtsa bdun bsgoms pa las sngar bshad pa'i zabs kyi snang ba bas lhag pa'i snang ba 'byung bar 'gyur te/ de'i phyir yang dag pa'i ye shes kyi me'i 'od 'byung bas byang chub sems dpa'i sa de la 'od 'phro ba zhes bya'o// de la byang chub kyi phyogs kyi chos sum cu rtsa bdun ni 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi//
- 289b
yan lag bdun dang / 'phags pa'i lam yan lag brgyad pa zhes bya'o// de la dra ba nye bar gzhag pa bzhi ni/ kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' ni brtun pa can dang shes bzhin dang dran pa dang ldan par gyur nas/ 'jig rten la brnab sems dang yid mi bde ba nyid rnam par spangs te/ nang gi lus la lus kyi rjes su lta zhing gnas so// brtun pa can dang shes bzhin dang dran pa dang ldan pa 'gyur nas/ 'jig rten la brnab sems dang yid mi bde ba nyid rnam par spangs te/ phyi'i lus la lus kyi rjes su lta zhing gnas so// nang dang phyi'i lus la lus kyi rjes su lta zhing gnas so zhes bya ba ni snga ma bzhin no// de bzhin du brtun pa can dang shes bzhin dang dran pa dang ldan par gyur nas/ nang gi tshor ba rnams dang / phyi'i tshor ba rnams dang / nang dang phyi'i tshong ba rnams dang / snga ma bzhin du nang gi sems dang / phyi'i sems dang / nang dang phyi'i sems la gnas so// zhes bya ba dang / nang gi chos rnams dang / phyi'i chos rnams dang / nang dang phyi'i chos rnams la gnas so zhes bya ba rgyas par gsungs pa lta bu'o// yang dag par spong ba bzhi ni 'di lta ste/ de sdig pa mi dge ba'i chos ma skyes pa rnams mi bskyed pa'i phyir 'dun pa bskyed do 'bad do brtson 'grus rtsom mo// sems rab tu 'dzin to yang dag par rab tu 'jog go/ sdig pa mi dge ba'i chos skyes pa rnams spang ba'i phyir zhes bya ba ni snga ma bzhin no// dge ba'i chos ma skyes pa rnams bskyed pa'i phyir zhes bya ba ni snga ma bzhin no// dge ba'i chos skyes pa rnams gnas pa dang mi mnyam pa dang rgyas par 'gyur ba dang /
- 290a
dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur ba bsgom mo// de bzhin du brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa zhes bya ba yang snga ma bzhin no// dbang po lnga ni 'di lta ste/ dad pa'i dbang po dben pa la gnas pa zhes bya ba dang / de bzhin du brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dben pa la gnas pa dang / 'dod chags dang bral ba la gnas pa zhes bya ba la sogs pa'o// stobs lnga ni de dag nyid mi mthun pa'i phyogs pham par byas pa rnams yin te snga ma bzhin no// byang chub kyi yan lag bdun ni 'di lta ste/ de dran pa yang dag byang chub kyi yan lag dben pa la gnas pa zhes bya ba la sogs pa ste/ de bzhin du chos rab tu rnam par 'byed pa byang chub kyi yan lag dang / brtson 'grus yang dag byang chub kyi yan lag dang / dga' ba ya ga rgyang chub kyi ltag dang / shin kya byungs tha ma ga kyang chub kyilanapa ga dang / ting 'dzin ya nga byang chub kyi yan lag dang / bta nam pa nas kyang chub kyi yan dben pa la gnas pa zhes pam bzhin no// 'phags pa'i lam yan lag brgyad pa ni 'di lta ste/ yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur ba bsgom mo// yang dag pa'i rtog pa yang snga ma bzhin no// yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag
- 290b
pa'i ting nge 'dzin dben pa la gnas pa zhes bya ba yang snga ma bzhin no// sa 'di la byang chub kyi phyogs bsgom pa 'byung ba 'ba' zhig tu ma zad kyi/ rang du lta ba dang 'brel yongs su zad/ sa 'dir de'i rang du lta ba zad par yang 'gyur te/ ji skad du/ kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' de 'jig tshogs la lta ba sngon du 'gro ba'i bdag dang / sems can dang / srog dang // gso ba dang / skyes bu dang / gang zag dang phung dang / khams dang / skye mched la mngon par zhen pas kun nas bslang ba'i lhag par g.yo ba dang bral ba rnams dang / rnam par brtags pa rnams dang / rnam par dpyad pa rnams dang / brtan par 'dzin pa rnams dang / bdag gir 'dzin pa rnams dang / nor bu 'dzin pa rnams dang / 'jig rten gyi gnas rnams gang yin pa de dag thams cad dang de bral ba yin no zhes gsungs pa lta bu'o// dbu ma la 'jug pa'i bshad pa las 'od 'phro ba zhes bya ba sems bskyed pa bzhi pa'o// / da ni sems bskyed pa lnga pa'i dbang du byas nas/ bdag nyid che de bdud rnams kun gyis kyang // sbyang dka'i sa la pham par nus ma yin/ byang chub sems dpa'i sa lnga pa la gnas pa'i byang chub sems dpa' ni 'jig rten gyi khams thams cad na gnas pa'i lha'i bu'i bdud rnams kyis kyang pham par bya bar mi nus na/ de dag las gzhan bdud kyi bka' nyan la sogs pa rnams kyis lta ci smos so// de nyid kyi phyir sa 'di'i ming sbyang dka' ba zhes bya'o// byang chub sems dpa' de ni/ bsam gtan lhag cing blo bzang bden rang bzhin// zhib mo rtogs la'ang shin tu mkhas pa thog/ pa yin par rig par byag// des pa ram tu phyin pa bcums pasamagan pa ma phyin pa nyid ces thag par gyur ro// thab ba shes bya ba lags pa rnamasas// dedag gi bden pa rnams naH
- 291a
bzang bden pa ste/ 'phags pa'i bden pa rnams zhes bya ba'i don to// rang bzhin na rang shing ba'o// shes bzhi pa mos khong du chud par bya ba'i rang bzhin ni rang bzhin zhib mo ste/ de ni blo gros bzang po'i bden pa rnams kyi rang gi ngo bo phra mo shes pa la cher mkhas par 'gyur ro// de la 'phags pa'i bden pa bzhi ni sdug bsngal dang / kun 'byung dang 'gog pa dang lam zhes bya ba rnams so// gal te bcom ldan 'das kyis bden pa ni gnyis kho nar bstan te/ 'di lta ste/ kun rdzob kyi bden pa dang / don dam pa'i bden pa'o// ji skad du/ yab sras mjal ba'i mdo las// 'jig rten mkhyen pas gzhan la ma gsan par// bden pa 'di gnyis nyid kyis bstan par mdzad// gang zhig kun rdzob de bzhin don dam ste// bden pa gsum pa 'ga' yang ma mchis so// zhes gsungs so// dbu ma las kyang / sangs rgyas rnams kyi chos bstan pa// bden pa gnyis la yang dag brten// 'jig rten kun rdzob bden pa dang // dam pa'i don gyi bden pa'o// zhes bshad do// de'i phyir bden pa gnyis las tha dad par 'phags pa'i bden pa gan / bdug/ de / yod / de na ya thang byung bya ba dang 'a bar bya ba da g-i dang thas pa dngas pa bstan par byabyu byur/ dang bags par bdan pa bzhi bsnyad do// de la spang bar bya ba'i phyogs ni kun nas nyon mongs pa'o// de'i 'bras bu ni sdug bsngal gyi bden pa'o// rgyu ni kun 'byung gi bden pa'o// blang bar bya ba'i phyogs ni rnam par byed pa yin la de'i 'bras bu ni 'gog pa'i bden pa'o// de thob pa'i rgyu ni lam gyi bden pa'o// de la sdug bsngal dang kun 'byung dang lam gyi bden pa ni kun rdzob kyi bden pa'i khongs su gtogs so// 'gog pa'i bden pa ni don
- 291b
dam pa'i bden pa'i rang gi ngo bo'o// de bzhin du bden pa gzhan gang cung zad cig yod pa de yang ci rigs par bden pa gnyis kyi khongs su gtogs pa kho nar nges par bya'o// yang ci bden pa bzhi las tha dad pa'i bden pa gzhan yang yod dam zhe na/ bshad pa yod de/ ji skad du byang chub sems dpa'i sa lnga pa las/ 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes so// 'di ni sdug bsngal kun 'byung ba'o// 'di ni sdug bsngal 'gog pa'o// 'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin du rab tu shes so// de kun rdzob kyi bden pa la mkhas pa yin/ don dam pa'i bden pa la mkhas pa yin/ mtshan nyid kyi bden pa la mkhas pa yin/ rnam par dbye ba'i bden pa la mkhas pa yin/ phye ste rtogs pa'i bden pa la mkhas pa yin/ dngos po'i bden pa la mkhas pa yin/ rab tu skye ba'i bden pa la mkhas pa yin/ zad pa dang mi skye ba shes pa'i bden pa la mkhas pa yin/ lam shes pa la 'jug pa'i bden pa la mkhas pa yin/ byang chub sems dpa'i sa'i ga rim thams cad kyi mtshams stor ba bsgrubapa nas de bzhin gshegs pa'i yeshes yang dag par 'byung ba'i bar kyi bden pa la mkhas pa yin te/ de la sems can gzhan dgagi bsam pa shes pa ji lta ba bzhin du tshim par byed pas kun rdzob kyi bden pa rab tu shes so// bgrod pa gcig pu la yang dag par gzhol bas don dam pa'i bden pa rab tu shes so// rang dang spyi'i mtshan nyid rtogs pas mtshan nyid kyi bden pa rab tu shes so// chos rnam par dbye ba rnam par bzhag pa rtogs pas rnam par dbye ba'i bden pa rab tu shes so// phung po dang khams dang skye mched kyi rnam par bzhag pa rjes su
- 292a
rtogs pas phye ste rtog pa'i bden pa rab tu shes so// lus dang sems la gnod pa nyams su 'bab pas dngos po'i bden pa rab tu shes so// 'gro bar nying mtshams sbyor ba rtogs pas rab tu skye ba'i bden pa rab tu shes so// rims nad kyi yongs su gdung ba thams cad shin tu zhi bas zad pa dang mi skye ba shes pa'i bden pa rab tu shes so// mi gnyis pa mngon par basbubs pas/ lam shes pa la 'jug pa'i bden pa rab tu shes so// rnam pa thams cad mngon par rdzogs par khong du chud pas byang chub sems dpa'i sa go rim thams cad kyi mtshams sbyor ba sgrub pa nas de bzhin gshegs pa'i ye shes yang dag par 'byung ba'i bar gyi bden pa rab tu shes te zhes gsungs pa lta bu'o// dbu ma la 'jug pa'i bshad pa las/ sbyang dka' ba zhes bya ba sems bskyod pa lnga pa'o// da ni sems bskyed pa drug pa'i dbang du byas nas bshad pa/ mngon du phyogs par mnyam gzhag sems gnas te/ rdzogs pa'i sangs rgyas chos la mngon phyogs shing // 'di rten 'byung ba'i de nyid mthong ba'o// shes rab gnas pas 'gog pa 'thob par 'gyur// byang chub sems dpa'i sa lnga par bsam gtan gyi pha rol tu phyin pa yongs su dag pa thob pasas drug par mnyam par bzhag pa'i sems la gnas shing rten cing 'brel par 'byung ba zab mo'i de nyid mthong ba'i byang chub sems dpa' ni shes rab kyi pha rol tu phyin pa yongs su dag pas 'gog pa thob par 'gyur gyi snga rol tu ni ma yin te/ shes rab lhag par gyur pa med pa'i phyir te/ sbyin pa la sogs pa pha rol tu phyin pa phul du byung ba dang ldan pas ni 'gog pa thob par mi nus so// gzugs brnyan dang 'dra ba'i chos nyid khong du chud pa'i phyir dang / byang chub
- 292b
sems dpa' rnams kyis byang chub sems dpa'i sa lnga par lam gyi bdon pa la dmigs pa'i phyir dang / rdzogs pa'i sangs rgyas kyi chos la mngon du phyogs pa'i phyir nas 'di la mngon du gyur pa zhes bya'o// de ni de las gzhan pa'i yon tan gyi tshogs rnams shes rab kyi pha rol tu phyin pa la rag las pa nyid du bstan pa'i phyir bshad pa/ ji ltar long ba'i tshogs kun bde blag tu/ mig ldan skyes bu gcig gis 'dod pa yi// yul du khrid pa de bzhin 'dir yang blos// mig nyams yon tan blangs te rgyal nyid 'gro// ji ltar skyes bu mig dang ldan pa gcig gis long ba'i tshogs mtha' dag mngon par 'gro bar 'dod pa'i yul du bde blag tu khrid par byed pa de bzhin du/ shes rab kyi pha rol tu phyin pas kyang de las gzhan pa'i pha rol tu phyin pa'i yon tan rnams blangs nas bde bar gshegs pa'i sa kun tu 'od ces bya bar 'dzeg par 'gyur te/ yang dag pa'i lam dang lam ma yin pa mthong ba'i rang bzhin nyid yin pa'i phyir ro// 'dir smras pa/ 'di rten 'byung ba'i de nyid mthong ba de/ shes rab gnas pas 'gog pa thob par 'gyur// zhes de skad du gang smra na/ ci ltar byang chub sems dpa' chos rten cing 'brel bar 'byung ba mthong ba na/ 'di la rten nas 'byung ba'i de kho na nyid mthong bar 'gyur zhe na/ bshad pa/ de'i rang gi ngo bo ni ma rig pa'i ling thog 'thug pos blo'i mig ma lus par g.yogs pa bdag cag gi yul du nye bar 'gro ba ma yin gyi/ drug pa la sogs pa sa gong ma la gnas pa'i byang chub sems dpa' rnams kyi yul du ni 'gyur ba yin te/ de'i phyir de la kho bo cag la dri bar bya ba ma yin gyi gang dag stong pa nyid phyin ci ma log par mthong ba'i mig sman ma rig pa'i
- 293a
rab rib kyi ling tog 'joms pas bskus pa blo'i spyan ma rig pa'i rab rib kyi ling tog dang bral ba dri ma med pa mnga' ba byang chub sems dpa' dang sangs rgyas bcom ldan 'das de dag nyid la rmed par bya'o// gal te 'phags pa shes rab kyi pha rol tu phyin pa dang 'phags pa sa bcu pa la sogs pa mdo sde gang dag 'don pa de dag las/ 'phags pa shes rab kyi pha rol tu phyin pa la spyod pa'i byang chub sems dpa' ji ltar rten cing 'brel par 'byung ba'i de nyid mthong ba zhes bya ba gsungs pa ma yin nam/ de'i phyir lung gi rjes su 'brangs nas bshad par rigs so zhe na/ 'di yang yod pa ma yin te/ lung gi dgongs pa nges par dka' ba'i phyir bdag cag 'dra bas lung las kyang de kho na nyid bstan par mi nus so// rang dbang nyid kyi dbang du byas nas de skad du brjod kyi/ bstan bcos tshad mar gyur pa'i skyes bus byas shing lung phyin ci ma log par chad pa mthong ba las lung gi dgongs pa nges pas ni/ ji ltar de yis chos zab mo chos rtogs pa/ lung dang gzhan yang rigs pas yin pas na// dede ltar 'phags pa klu sgrub gzhung luka las// ji ltar gnas pa'i lugs bzhin brjod par bya// shes rab kyi pha rol tu phyin pa la spyod pa'i byang chub sems dpas chos rnams kyi bdag nyid ji lta ba nyid ji ltar mthong ba de ltar/ 'phags pa klu sgrub kyis lung phyin ci ma log par mkhyen nas dbu ma'i bstan bcos las rigs pa dang lung dag gis chos rnams kyi bdag nyid yang dag pa ji lta ba nyid rang bzhin med pa'i mtshan nyid can gsal bar bstan to// de'i phyir ji ltar 'phags pa klu sgrub kyi zhal snga nas rigs pa dang lung dag gis chos rnams kyi de nyid bstan pa kho na ltar/ bdag gis des nye bar
- 293b
bstan pa'i lugs ji ltar gnas pa bzhin du brjod par bya'o// ci ste re zhig 'phags pa klu sgrub de nyid la lung phyin ci ma log par nges pa ci ltar yod ce na/ lung las te/ ji skad du 'phags pa lang kar gshegs pa las/ lho phyogs be ta'i yul du ni/ dge slong dpal ldan cher grags pa// de ming klu zhes bod pa ste// yod dang med pa'i phyogs 'jig pa// nga yi theg pa 'jig rten du// bla med theg chen rab bstan nas// rab tu dga' ba'i sa bsgrubs te// bde ba can du de 'gro'o// zhes gsungs pa dang / yang 'phags pa sprin chen po stong phrag bcu gnyis pa las kyang / kun dga' bo li tsa byi gzhon nu sems can thams cad kyis mthong na dga' ba zhes bya ba 'di ni nga mya ngan las 'das nas lo bzhi brgya lon pa na klu zhes bya ba'i dge slong du gyur nas nga'i bstan pa rgyas par rab tu bstan te mthar gyis rab tu dang ba'i 'od ces bya ba'i 'jig rten gyi khams su de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od ces bya bar 'gyur ro zhes gsungs so// / de phyir 'dis lung sbyin ci ma log par nges par grub bo// rten cing 'brel par 'byung ba yang dag pa ji lta pa bzhin ston pa'i 'bras bu can gyi bstan bcos de yang sngar gams pas rgyud la stong pa nyid kyis bon bzhag pa rnams kho na la bstan par bya'i gzhan dag la ni ma yin te/ de dag stong pa nyid nyan par gyur du zin kyang de la log par zhugs pa'i bsam pa dang ldan pa nyid kyi don ma yin pa chen po dang ldan pa'i phyir ro// 'di ltar res 'ga' ni mi mkhas pas stong pa nyid spangs nas ngan 'gror 'gro bar 'gyur ro// res 'ga' ni stong pa nyid kyi don ni med pa yin no zhes de ltar phyin ci log tu nges par bzung ste/ dngos po
- 294a
thams cad la skur pa 'debs pa'i log par lta ba bskyed nas 'phel bar byed do// de'i phyir ston pa pos lhag par mos pa'i khyad par nges par byas te/ nyan pa po rnams la stong pa nyid kyi lta ba bshad par bya'o// yang ci ltar 'di la stong pa nyid bstan par 'os pas 'di la stong pa nyid nye bar bstan par bya'o zhes nges par dka' ba nges par nus she na/ de ni phyi rol gyi mtshan ma rnams kyis nges par nus pas de'i rgyu mtshan nye bar bstan pa'i phyir bshad pa/ so so skye bo'i dus na'ang stong pa nyid thos nas/ nang du rab tu dga' ba yang dang yang du 'byung / rab tu dga' ba las byung mchims mig brlan zhing // lus kyi ba spu ldang bar gyur pa gang yin pa// de la rdzogs pa'i sangs rgyas blo yi sa bon yod// de nyid nye bar bstan pa'i snod ni de yin te// de la/ 'chad par 'gyur ba'i mtshan nyid can gyi/ dam pa'i don gyi bden pa bstan par bya// de ltar bur gyur pa'i nyan pa po la de kho na nyid ston pa po'i 'bad pa 'bras bu med par 'gyur ro// de ci'i phyir zhe na/ 'di ltar/ de la de yi rjes su 'gro ba'i yon tan 'byung // nyan pa po de la stong pa nyid du 'dzin pa'i phyin ci log gis bskyed pa'i don ma yin pa dang ldan par mi 'gyur ba 'ba' zhig tu ma zad kyi/ stong pa nyid kyi lta ba nyan pa'i rgyu can yon tan rnams kyang 'byung bar 'gyur ro// ci ltar zhe na/ de stong pa nyid kyi lta ba nyan pa la gter rnyed pa dang 'dra bar sems shing de mi nyams par bya ba'i phyir/ rtag tu tshul khrims yang dag blangs nas gnas par 'gyur// sbyin pa gtong bar 'gyur zhing snying rje bsten par byed// bzod pa sgom byed de yi dge ba byang chub tu// 'gro ba dgrol bar bya phyir yongs su bsngo byed cing // rdzogs pa'i
- 294b
byang chub sems dpa' rnams la gus par byed// de la bdag tshul khrims 'chal pa'i rkyen gyis ngan 'gror lhung na stong pa nyid kyi lta ba rgyun chad par 'gyur du 'ong ngo snyam du rig nas rtag tu tshul khrims yang dag par blangs nas gnas so// bdag tshul khrims kyi bde 'gror skyes kyang dbul por gyur na zas dang sman dang chos gos la sogs pa 'tsho ba'i yo byad tshol ba lhur byed pas stong pa nyid nyan pa rgyun chad par 'gyur du 'ong ngo snyam zhing sbyin pa gtong bar byed do// stong pa nyid kyi lta ba snying rjes yongs su zin pa ni sangs rgyas nyid 'dren par byed pa yin gyi gzhan du ni ma yin no zhes snying rje brten par byed do// khro bas ni/ ngan song du 'gro zhing kha dog ngan pa thob par byed pas de'i rkyen gyis 'phags pa rnams mnyes par byed par mi 'gyur ro snyam ste bzod pa sgom par byed do// thams cad mkhyen pa nyid du yongs su ma bsngos pa'i tshul khrims la sogs pa dag ni sangs rgyas nyid thob pa'i rgyu dang 'bras bu dpag tu med pa rnam par chad pa med par 'byung bar mi 'gyur bas/ dge ba'i rtsa ba de yang 'gro ba dgrol ba'i phyir byang chub tu rab tu bsngo/ bar byed do// byang chub sems dpa' ma gtogs par gzhan dag gis rten cing 'brel par 'byung ba'i bdag nyid ji lta ba nyid nye bar bstan par mi nus so snyam du bsams nas/ rdzogs pa'i byang chub sems dpa' rnams la gus par byed do// de ltar yun ring por bar med par dge ba'i tshogs gdon mi za bar bsags par gyur nas/ zab cing rgya che'i tshul la mkhas pa'i skye bos ni// rims kyis rab tu dag pa'i sa ni tho ba 'gyur bas// de ni don du gnyer pas la ma 'di mnyan par gyis// sa rab tu dga' ba don du gnyer bas zhes bya ba'i tha tshig go/ 'di zhes bya ba ni 'chad par 'gyur ba'i mtshan nyid can no// de la
- 295a
chos rnams kyi yang dag pa ji lta ba nyid bstan pa la 'di ni re zhig lung yin te/ ji skad du 'phags pa sa bcu pa las/ kye rgyal ba'i sras dag byang chub sems dpa'i sa lnga pa la lam shin tu yongs su rdzogs pa'i byang chub sems dpa' de byang chub sems dpa'i sa drug pa la 'jug ste/ de chos mnyam pa nyid bcus 'jug go/ bcu gang zhe na 'di lta ste/ chos thams cad mtshan ma med par mnyam pa nyid dang / chos thams cad mtshan nyid med par mnyam pa nyid dang / de bzhin du skye ba med pa dang / ma skyes pa dang / dben pa dang / gdod ma nas rnam par dag pa dang / spros pa med pa dang / blang ba med pa dang dor ba med par mnyam pa nyid dang / chos thams cad sgyu ma dang rmi lam dang mig yor dang brag ca dang chu zla dang gzugs brnyan dang sprul pa lta bur mnyam pa nyid dang / chos thams cad dngos po dang dngos po med pa gnyis su med par mnyam pa nyid do// de chos thams cad kyi rang bzhin de ltar rab tu rtogs pa na rno zhing rjes su mthun pa'i bzod pas byang chub sems dpa'i sa drug pa mngon du gyur pa rjes su thob ste/ zhes gsungs pa lta bu'o// de'i phyir 'dir chos skye ba med par mnyam pa nyid kho na rigs pas bstan pa nyid kyis chos mnyam pa nyid gzhan bstan pa sla bar dgongs te/ slob dpon gyis dbu ma'i bstan bcos kyi dang por/ bdag las ma yin gzhan las min// gnyis las ma yin rgyu med min// dngos po gang dag gang na yang // skye ba nam yang yod ma yin// zhes nye bar bkod pa yin no// nam zhes bya pa nas bya // gan pa gas bya / pa sa sa la ngas dang pa ya' pag dang // gang gsasmran gan byang
- 295b
sa ma ma la las mas mas thamasas sa masas su sa ma sasas pa yas sa thamasas sa sa masasas pa' ma sa mams mams sa ma sa thamasasasas zu sa sa pa sa sa nga ma thams mas yang ma mas mas thams mas sapa gsas sayasas ma ma 'as thams masas sa mas sasapasasasas sa rangs pa brjod pa'o// des na byi nang ga dngas po rnams ni yul dang dus dang grub pa'i mtha' 'gar yang bdag las skye bsrid pa ma yin na nas 'di ltar sbyar bar bya'o// 'di ma yin zhes bya ba 'di yang pa nyid kyi sgrub byed rang las skye ba dang sbrel gyi yod pa dang ni ma yin te/ de dgag pa don gyis grub pa'i phyir ro// de bzhin du dam bca' ba gsum char la yang sbyar bar bya'o// dam bca' ba bzhi po de rnas su brjid nas dgas pas sgrub pa'i phy-ir ba sha pa/ de nyid de las 'byung min gzhan dag las lhag sa nig/ gnyis galas kyang pa yin na med par ni gal yang // bdag pas skyes pa ma yan zhes bya ba'i don gang yin pa de nyid de las 'byung min zhes bya ba yin/ de bzhin du lhag ma la yang sbyar bar bya'o// yang 'di gang las nges she na 'di ltar/ de ni de las 'byung na yon tan 'ga' yang yod ma yin/ skyes par gyur pa slar yang skye ba rigs pa'ang ma yin nyid/ de ni zhes bya ba ni skye bzhin pa skye ba'i bya ba'i byed pa po ste myu gu zhes bya ba'i don to// de las zhes bya ba ni skye bzhin pa de nyid kyi bdag gi ngo bo las zhes bya ba'i don to// de'i phyir myu gu'i rang gi bdag nyid de nyid las myu gu'i bdag nyid de nyid 'byung ba ma yin no zhes bya ba 'di ni dam bca' ba'i don yin no// ci'i phyir zhe na/ gang gi phyir bdag nyid yod pa thob pa de nyid myu gu'i rang gi bdag nyid yod bzhin pa de nyid las 'byung ba la yon tan lhag pa 'ga' yang yod pa ma yin te/ yod pa nyid sngar thob zin pa'i phyir ro// bdag las skyes pa'i phyogs 'di ni rigs pa dang 'gal ba yang yin no// zhes bshad pa ni/ skyes par gyur pa slar yang skye ba rigs pa'ang ma yin nyid// ces bya'o// 'di na dam bca' ba tsam zhig tu zad pas rigs pa'i dbang du byas
- 296a
nas/ skyes zin slar yang skye ba yongs su rtogs par 'gyur na ni/ myu gu la sogs rnams kyi skye ba 'dir rnyed mi 'gyur zhing / zhes bya ba smos te/ skyes zin pa'i sa bon yang skye bar 'dod na ni/ gang gis 'di rang skye ba bkag nas myu gu skye bar rtog par byed par 'gyur ba slar yang de skye ba la gegs ci zhig yod// de'i myu gu dang sdong bu dang sbubs 'cha' ba la sogs pa rnams gtan mi skye bar 'gyur ro// gzhan yang sa bon srid mthar thug par rab tu skye ba nyid du 'gyur te/ ji skad du bshad pa'i rgyu nyid kyi phyir ro// ci ste myu gu skye ba la phan 'dogs pa'i rkyen chu dang dus la sogs pa rnams ni sa bon rnam par 'gyur bar byed cing myu gu skyed par byed la/ myu gu de yang byed pa po dang lhan cig gnas par 'gal ba nyid kyi phyir sa bon 'jig par byed cing 'byung ba yin te/ de'i phyir ji skad smras pa'i nyes pa'i skabs med cing / sa ben dang m-i gu ga gzhan ma yin pa nyid kyi phyir bdag las mi skye ba yang ma yin no snyaman/ 'di yang mi rung ste/ gang gi phyir/ de ltar de nyid kyis de rnam par 'a/ par byed par 'gyur/ sa bon dang myu gu dag gzhan ma yin pa nyid kyi phyir/ myu gus kyang 'di 'jig par byed par mi rigs te/ rang gi bdag nyid bzhin no snyam du bsam pa'o// gzhan yang / byed rgyu sa bon gyi las tha dad mu gu'i dbyibs dang ni// kha dag ro nus spen pa'i tha dad khyod la med par 'gyur// de la dbyibs ni ring po zlum po la sogs pa'o// kha dog ni ser ba la sogs pa'o// ro ni mngar ba la sogs pa'o// nus pa ni mthu'i khyad par nus mthu'i bye brag ste/ dper na gzhang 'brum gyi sman lus dang nye ba tsam gyis gzhad 'brums sel ba dang / rtsi sman la sogs pa rnams bcangs pa tsam gyis nam mkha' la 'gro ba lta bu'o//
- 296b
rnam par smin pa ni rdzas kyi khyad par yongs su 'gyur bas thob par bya ba ste/ dper na pi pi ling la sogs pa rnams mngar ba nyid du 'gyur ba lta bu'o// gal te sa bon dang myu gu dag gzhan ma yin pa nyid yin na ni sa bon gyi rang gi bdag nyid la yod pa ltar/ myu gu la yang dbyibs la sogs pa tha mi dad par dmigs par 'gyur ba zhig na/ dmigs pa yang ma yin pa de'i phyir/ sgog skya la sogs pa'i sa bon dag las chu shing la sogs pa'i myu gu rnams ltar gzhan ma yin pa nyid du rigs so// ci ste sa bon gyi gnas skabs btang nas gnas skabs gzhan 'thob pas sa bon nyid myu gur 'gyur ba yin no snyam na/ de lta na yang / gal te sngar gyi bdag gi dngos po bsal nas de las gzhan/ ngo bor 'gyur na de tshe de yi de nyid ji ltar 'gyur/ de'i dngos po ni de nyid de gzhan ma yin pa nyid ces bya ba'i don to// rtog pa 'di las mu gu'i gzhan ma yin pa nyid srid pa ma yin pas 'di'i gzhan ma yin pa nyid nyams pa ma yin no// tsaM ste sa bon dang myu gu dag dbyibs la sogs pa tha dad kyang rdzas tha dad do snyam na/ de ltar ma yin te/ dbyibs la sogs pa ma bzung na de dag gi rdzas ma bzung ba'i phyir ro// gzhan yang gal te khyod kyis bon myu gu 'dir gzhan ma yin na/ sa bon bzhin du myu gu zhes bya de bzung med pa'am/ yang na de dag gcig pas ji ltar myu gu 'di bzhin du// de yang bzung du yod 'gyur de phyir 'di ni khas mi blangs// ji ltar myu gu'i gnas skabs su sa bon gyi bdag nyid rang ngo bos bzung du med pa de bzhin du/ sa bon las gzhan ma yin pa nyid kyi phyir sa bon gyi rang gi bdag nyid ltar myu gu'i rang gi bdag nyid kyang bzung du yod par mi 'gyur ro// yang na ji ltar myu gu bzung du yod pa de bzhin du myu gu'i rang gi bdag nyid ltar sa bon yang bzung du yod par 'gyur te/ myu gu la
- 297a
sogs pa las gzhan ma yin pa nyid kyi phyir ro// nyes par thal bar 'gyur ba yongs su spang bar 'dod pas ni sa bon dang myu gu dag gzhan ma yin nyid du khas byung bar bya ba yang ma yin no// de'i phyir de ltar de nyid rtog par 'dod pa'i lugs gzhan du brtags pa'i bdag las skye ba bzlog nas lugs gzhan du blo ma sbyangs pa'i 'jig rten gyi tha snyad du yang rtog pa 'di mi 'thad do zhes bstan pa'i phyir bshad pa/ gang phyir rgyu zhig na yang de yis 'bras bu mthong ba'i phyir/ de dag gcig pa yin zhes 'jig rten gyis kyang khas mi len/ 'di ltar rgyu sa bon zhes bya ba 'gags zin kyang 'bras bu myu gu zhes bya ba mthong ba de'i phyir/ 'jig rten gyis kyang sa bon dang myu gu dag gzhan ma yin pa nyid du mi mthong ste/ gcig nyid yin na ni rgyu bzhin du 'bras bu yang mthong bar mi 'gyur ba zhig na mthong ba yang yin te/ de'i phyir de dag gzhan ma yin pa nyid ma yin no// gang gi phyir phyogs gnyi ga ltar yang bdag las skye ba rigs pa dang 'gal ba/ de phyir dngos po bdag las 'byung zhes rab tu brtags pa 'di/ de nyid dang ni 'jig rten du yang rigs pa ma yin no// de nyid kyi phyir slob dpon gyis khyad par du ma mdzad par/ bdag las ma yin zhes spyir skye ba bkag pa yin no// gang zhig dngos po rnams ni don dam par bdag las skye ba ma yin te/ yod pa'i phyir sems pa can bzhin no// zhes khyad par du byed pa de'i don dam par zhes bya ba'i khyad par don med do zhes bya bar bsam par bya'o// gzhan yang / bdag las skye bar 'dod ni bskyed par bya dang skyed byed dang / las dang byed papa yang gcig nyid 'bu da na/ gcig nyid ma yin pasan dag las skye ba 'as thang ba/ blam cher bgang pa'i nyes par thal bar 'gyur
- 297b
phyir ro// ji skad du/ rgyu dang 'bras bu gcig nyid du// nam yang 'thad par mi 'gyur ro// rgyu dang 'bras bu gcig nyid na// skye dang bskyed pa gcig tu 'gyur// zhes gsungs so// gcig pa nyid ni yod pa ma yin te// pha dang bu dag gam mig dang rnam par shes pa dag kyang gcig nyid du thal bar 'gyur ba'i phyir ro// de nyid kyi phyir/ gal te shing de mi yin na/ byed pa po dang las gcig 'gyur// zhes gsungs so// de'i phyir de lta bu la sogs pa'i skyon du thal bar 'gyur ba'i 'jigs pa las na/ bden pa gnyis phyin ci ma log par rtogs par 'dod pas dngos po rnams bdag las skye bar khas blang bar mi bya'o// 'dir dngos po rnams bdag las 'byung bar mi 'gyur te zhes bya ba 'di nges pa yin la phyogs 'di ni rigs pa nyid kyang yin na/ gang 'di skad du/ gzhag dag las lta ga la zhig/ ces smras pa de ni mi rigs so// 'di ltar gzhan du 'gyur ba'i rkyen bzhi po rgyu dang dmigs pa dang de ma thag pa dang de bzhin du bdag po ste/ rkyen rnams dngos po rnams kyi skyed par byed pa'o// zhes bya ba'i gsung rab la bltos nas mi 'dod bzhin du yang gzhan las skye bar khas blang bar bya'o// de la kha cig na re/ rgyu'i rkyen ni byed rgyu ma gtogs pa'i rgyu lnga'o// de la dmigs par bya bas na dmigs pa ste/ ci rigs par rnam par shes pa drug gi dmigs pa chos thams cad ni dmigs pa'i rkyen no// phung po lhag ma med par mya ngan las 'das par 'jug pa'i sems las gzhan pa'i sems dang sems las byung ba rnams ni de ma thag pa'i rkyen no// byed rgyu ni bdag po'i rkyen yin no zhe'o// gzhan dag na re/ sgrub par byed pa ni rgyu yin no zhes bya ba'i mtshan nyid las gang zhig gang gi skyed pa sa bon gyi ngo bor gnas pa de ni de'i rgyu'i rkyen yin la/
- 298a
skyes bu rgan po ldang ba ltar sems dang sems las byung ba rgyu las skye bzhin pa rnams rten mkhar ba dang 'dra ba'i dmigs pa gang gis bskyed par 'gyur ba de ni dmigs pa'i rkyen te/ skye bzhin pa'i chos kyi rten yin no// zhes bya ba'i don to// rgyu 'gags ma thag pa ni 'bras bu skye ba'i rkyen yin te/ dper na sa bon 'gags ma thag pa myu gu'i mtshungs pa de ma thag pa'i rkyen yin pa lta bu'o// gang zhig yod na gang 'byung ba de ni de'i bdag po'i rkyen yin no zhe'o// yang rkyen gzhan gang dag lhan cig skyes pa dang phyi nas skyes pa la sogs pa de dag kyang 'di rnams kyi nang du 'dus pa yin no// dbang phyug la sogs pa dag ni rkyen ma yin te de'i phyir/ rkyen lnga pa ni yod pa ma yin/ zhes nges par 'dzin par byed do zhes smra'o// 'di ni bzhag par nus pa ma yin te/ rigs pa dang lung dang 'gal ba'i phyir ro// par 'gyur// zhes gsungs so// gzhan yang / thams cad las kyang thams cad skye bar 'gyur te/ rgyur gyur pa dang rgyu ma yin par gyur pa thams cad las kyang dngos po 'bras bur gyur pa dang 'bras bur ma gyur pa thams cad skye bar 'gyur ro// ci'i phyir zhe na/ gang gi phyir/ skyed par byed pa ma yin ma lus la yang gzhan nyid mtshungs/ ji ltar skyed par byed pas sa lu'i sa bon rang gi 'bras bu sa lu'i myu gu las gzhan nyid yin pa de
- 298b
bzhin du/ skyed par byed pa ma yin pa me dang sol ba dang nas kyi sa bon la sogs pa yang yin no// yang ji ltar sa lu'i sa bon gzhan du gyur pa las sa lu'i myu gu skye ba de bzhin du/ me dang sol ba dang nas kyi sa bon la sogs pa dag las kyang 'gyur ro// yang ji ltar sa lu'i myu gu'i gzhan du gyur pa sa lu'i sa bon las 'byung ba de bzhin du bum pa dang snam bu la sogs pa rnams kyang 'gyur ba zhig na/ de ni mthong ba yang ma yin te/ de'i phyir 'di yang yod pa ma yin no// 'dir smras pa/ rgyu dang 'bras bu gnyis la gzhan nyid kyang yod la thams cad las thams cad 'byung bar thal ba yang ma yin te/ nges pa mthong ba'i phyir ro// 'dir nges pa ni 'di yin te/ gang gi phyir/ rab tu bya bar nus pa de phyir 'bras bur nges brjod cing / gang zhig de bskyed nus pa de ni gzhan na'ang rgyu yin la// rgyud gcig gtogs dang skyed par byed las skye ba de yi/ phyir/ sa lu'i myu gu nas la sogs las de lta min zhe na/ 'dir 'bras bu zhes bya ba ni/ nus pa'i don la kr-i t+ya'i rkyen can te/ gang zhig gang gis bya bar nus pa de nyid de'i 'bras bu yin la/ gang zhig 'bras bu 'di bskyed par nus pa de ni gzhan yin du zin kyang rgyu yin te/ des na gzhan nyid khyad par can kho nas rgyu dang 'bras bu'i dngos po yin gyi/ gzhan nyid kyi skyes ni ma yin no// rgyud gcig tu gtogs pa dang skyed par byed pa de las kyang skye ba yin gyi rgyud tha dad par gtogs pa nas kyi sa bon la sogs pa'am/ rgyud gcig tu gtogs kyang skyed par byed pa ma yin pa skad cig ma phyi ma las kyang skad cig ma snga ma ma yin pas thams cad las thams cad 'byung bar thal bar 'gyur ro// 'di ni mi rung ste/ 'di ltar gang sa lu'i myu gu'i rgyu ni sa lu'i sa bon kho na yin gyi gzhan ma yin la/ sa lu'i sa bon gyi 'bras bu ni sa lu'i myu gu kho na yin/
- 299a
gyi gzhan ma yin no zhes bya ba'i nges pa gang yin pa 'di ko gang las yin zhes re zhig 'di nyid rgyu dang 'bras bu smra ba 'di la dri bar bya'o// smras pa/ nges pa mthong ba'i phyir ro zhe na/ yang ci'i phyir de ltar nges pa mthong zhes brgal zhing brtags pa na/ gang gi phyir nges pa mthong ba de'i phyir nges pa mthong ngo zhes bya ba de tsam zhig smra ba 'dis ni nges pa'i rgyu ma bstan par bshad zin pa'i nyes pa cung zad kyang spang bar mi nus so// gzhan yang gzhan nyid thun mod pa khyad par yongs su ma bcad pa shin tu grags pa 'di nyid 'di'i ji lta ba bzhin 'dod pa la gnod byed du yod pa yin no zhes bstan pa'i phyir bshad pa/ ji ltar nas dang ge sar dang ni king shu ka la sogs/ sa lu'i myu gu skyed par byed par 'dod min nus ldan min/ rgyud gcig khongs su gtogs min 'dra ba ma yin nyid de bzhin// sa lu'i sa bon yang ni de yi min te gzhan nyid phyir/ ji ltar nas dang ge sar dang king shu ka la sogs pa rnams gzhan yin pa'i phyir sa lu'i myu gu skyed par byed par mi 'dod cing / sa lu'i myu gu bskyed pa'i nus pa dang ldan pa ma yin pa dang rgyud gcig tu gtogs pa ma/ pa dang 'dra ba ma yin pa de bzhin du/ sam+ba'i sa bon yang de la ji skad bshad pa'i khyad par byas khyad par can du 'gyur ba ma yin te/ gzhan nyid yin pa'i phyir ro// de ltar re zhig gzhan la grags pa'i gzhan nyid grub grub ltar rjes su brjod nas sun 'byin byas pa yin no// da ni rgyu dang 'bras bu dag gi gzhan nyid mi srid par bshad pa/ myu gu sa bon dang ni dus mnyam yod pa ma yin te// gzhan nyid med par sa bon gzhan pa la phrur// des pa kyi pa nga na / pas sa ga pa phyos// di mams pa dkyi thas pad zhi da napa na
- 299b
bltos nas gzhan nyid du mthong gi/ sa bon dang myu gu dag ni de ltar cig car dmigs pa yang ma yin te/ sa bon rnam par ma gyur par myu gu med pa'i phyir ro// gang gi tshe de ltar sa bon dang dus mnyam du myu gu yod pa ma yin pa de'i phyir sa bon la myu gu las gzhan nyid yod pa ma yin la/ gzhan nyid med na gzhan las myu gu skye'o zhes bya ba 'di yod pa ma yin no// de'i phyir gzhan las skye'o zhes bya ba'i phyogs 'di btang bar bya'o// don 'di ni/ dngos po rnams kyi rang bzhin ni// rkyen la sogs la yod ma yin// bdag gi dngos po yod min na// gzhan dngos yod pa ga la 'gyur// zhes bshad pa yin no// 'dir rkyen la sogs pa/ zhes bya ba ni rgyu 'am rkyen dag gam// rgyu dang rkyen gyi tshogs pa'am de las gzhan yang rung ste/ rang bzhin rnam par ma gyur pa na 'bras bu rnams kyi rang bzhin yod pa ma yin pa kho na ste ma skyes pa'i phyir ro// de med na rkyen la sogs pa rnams la gzhan nyid yod pa ma yin no// gang yod pas na yod pa'i mtshan nyid do zhes bya ba 'di ni bdun pa yin no// gang gi tshe gzhi yin pa de'i tshe 'bras bu rnams kyi rang bzhin rkyen la sogs pa dag la 'khar gzhong dang rgya shug ltar yod pa ma yin no zhes bya ba'i don to// gang zhig gang na med pa de ni de las skye ba ma yin te/ dper na bye ma dag la til mar bzhin te/ ci ste de ni med par yang // rkyen de/ dag las skyes 'gyur na// rkyen ma yin pa dag las kyang // ci yi phyir na skye mi 'gyur// zhes ji skad gsungs pa yin no// de'i phyir rten gyi phyogs 'di ni slob dpon nyid kyis tshigs su bcad pa sbyangs kho nas ches legs par rnam par phye bas nye bar ma bkod do// 'dir smras pa/ myu gu sa bon dang ni dus mnyam yod pa ma yin te/ zhes gang smras pa de ni rigs pa ma yin te/ ji ltar srang mda'i mthon dman dag dus gcig
- 300a
nyid du sa bon 'gag bzhin pa na myu gu skye bar 'gyur ro// 'di ltar gang kho na'i chos bon 'gag pa de'i tshe kho nar dus gcig nyid du mu gu skye ba yin te/ de'i phyir sa bon 'gag pa dang myu gu skye ba gnyis dus gcig pa'i phyir sa bon dang myu gu dag kyang dus mnyam par 'gyur la/ de'i phyir gzhan nyid yin no zhes bstan pa'i phying smras pa ni/ ji ltar srang gi mda' gnyis mtho ba dang ni dma' ba dag/ dus mnyam ma yin/ par ni min par mthong ba de bzhin du// bskyed par bya dang skyed byed dag gi skye 'gag 'gyur zhe na/ zhes bya ba ste de'i phyir nyes pa med do// zhe na/ de lta na yang / gal te gcig tshe yin na 'dir dus gcig med de yod min// gal te srang gi dpes bskyed par bya ba dang skyed par byed pa gnyis kyi skye ba dang 'jig pa dus gcig tu rtog na de mi rung ngo // ci'i phyir zhe na/ gal te yang srang gi dper mtho dman dus gcig pa nyid yin mod kyi/ de lta na yang dpe las byung ba'i don dngos po la dus gcig pa nyid med pas 'di mi rigs so// ji ltar yod pa ma yin pa de ltar bstan pa'i phyir bshad pa/ gal te skye bzhin pa de skye la phyogs pas yod min zhing 'gag bzhin pa ni yod kyang 'jig la phyogs par 'dod gyur pa// de tshe 'di ni ji lta bur na skad dang mtshungs pa yin// de la skye bzhin pa zhes bya ba ni skye ba la mngon du phyogs pas ma'ongs pa yin la 'gag bzhin pa zhes bya ba ni 'gag pa la mngon du phyogs pa'i phyir da ltung ba yin te/ de'i phyir yad pa ma yin pa nyid ma skyes pa'i phyir skye ba yin la yod pa nyi dad ltung ba yin pas 'gag pa yin no// gang gi tshe 'di de ltar yin pa de'i tshe ji ltar srang dang mtshungs par 'gyur// srang mda' gnyis la ni da ltar ba yin pa'i phyir/ mthon dman gyi bya ba dag dus gcig pa nyid yod kyi sa bon dang myu gu da ltang ba dang ma 'ongs pa dag la ni dus gcig med
- 300b
pas 'di ni srang dang mtshungs pa ma yin no// ci ste tshes dag dus gcig pa nyid med mod kyi/ de lta na yang de'i bya ba dag la dus gcig pa nyid yod do snyam na de yang mi rung ste/ de dag gis bya ba chos las tha dad par khas ma blangs pa'i phyir ro// gzhan yang / skye ba 'di ni byed po med par rig pa'i ngo bo'ang min/ skye ba'i bya ba gang yin pa de'i byed pa po myu gu ni ma 'ongs pa yin pa'i phyir yod pa ma yin pa nyid do// de med na yang rten med par 'di yod pa ma yin la yod pa ma yin pa ni 'gag pa dang dus gcig par ci ltar 'gyur te/ de'i phyir bya ba dag dus gcig pa nyid du mi rigs pa kho na'o// gal te dngos po ma skyes pa// 'gag zhig gang na yod brung na// de ni skye 'gyur dngos po de// med na ci zhig skye bar 'gyur// zhes gsungs so// 'di'i don ni 'di yin te// myugra zhes bya ba'i dngos po ma skyes pa 'ga' zhig skye ba'i snga rol tu 'ga' zhig na yod par gyur na ni de skye bar 'gyur ba zhig na/ skye ba'i snga rol tu ni 'ga' yang 'ga' zhig na yod par bzhag par mi nus te/ ma skyes pa'i phyir ro// de'i phyir skye ba'i bya ba'i rten dngos po de skye ba'i snga rol tu med na ste mi bdog na ci zhig skye bar 'gyur zhes bya ba'o// de zhes bya ba'i sgra dngos po'i khyad par yin pas gzhi mthun no// dngos po zhes bya ba ni bdun pa'o// med na zhes bya ba yang dngos po'i khyad par ro// ci zhig gi sgra ni skye bar 'gyur zhes bya ba 'di dang sbyar bar bya ste/ dngos po med na ci zhig skye bar 'gyur te cung zad kyang skye bar mi 'gyur ro zhes bya ba'i don to// gal te srang mda'i mthon dman gyi tshul gyis skad cig gang kho na la sa bon 'gag pa de nyid la myu gu skye'o zhes 'phags pa sa lu ldang pa'i mdo las srang gi dpe 'di nye bar bkod pa ma yin nam zhe na/ nye bar bkod pa ni bden mod kyi/ de gzhan las skye bar bstan pa'i phyir ma yin zhing
- 301a
rang gi mtshan nyid kyi skye ba bstan pa'i phyir yang ma yin no// 'o na ci zhe na/ cig car du brten nas 'byung ba ma brtags par grub pa sgyu ma lta bu yongs su gsal bar bya ba'i phyir te/ ji skad du/ sa bon zhig dang ma zhig las// myu gu 'byung ba ma yin pas// khyod kyis skye ba thams cad ni// sgyu ma 'byung ba bzhin du gsungs/ zhes bshad de// 'dir smras pa/ sa bon dang myu gu dag cig car ba nyid med pas gzhan nyid med pa'i phyir skye ba mi rigs na/ gang bu cig car ba nyid yod pa deng gzhan nyid yod pas skye ba yod par 'gyur te/ dper na mig gi rnam par shes pa dang de dang lhan cig 'byung ba tshor ba la sogs pa/ rnams lta bu'o// mig dang gzugs la sogs pa dag dang tshor ba la sogs pa lhan cig 'byung ba rnams dus mnyam kho nar mig gi rnam par shes pa skyed par byed pa de bzhin du/ mig la sogs pa dag dang sems kyang dus mnyam lonang tshor ba la sogs pa rnams kyi rkyen nyid du 'gyur ro zhes smra'o// de ni yod pa ma yin te/ ci'i phyir she na/ gal te mig gi blo la rang gi skyed byed dus gcig pa/ mig la sogs dang ldan cig 'byung ba 'du shes la sogs las/ gzhan nyid yod na yod la 'byung bas dgos pa ci zhig yod// ci ste de med ce na 'di la nyes pa bshad zin to// gal te mig la sogs pa rnams dang 'du shes la sogs pa dus mnyam pa rnams mig gi blo da ltar ba'i rkyen nyid du 'dod na de'i tshe yod pa ni de la ltos pa'i gzhan nyid du 'gyur mod kyi/ yod pa la 'byung bas dgos pa cung zad kyang med pas skye ba med de// ci ste skye ba med pa yongs su spang bar 'dod nas de yod pa nyid du khas mi len na ni/ de'i tshe yang yod pa ma yin pa'i blo las mig la sogs pa rnams gzhan ma yin no zhes nyes pa bshad zin pa kho na'o// de'i phyir de ltar gzhan las skye bar 'dod pa na
- 301b
gzhan nyid srid kyang skye ba mi srid la de mi srid pa'i phyir gnyi ga mi srid cing / skye ba srid kyang gzhan nyid mi srid la de mi srid pa'i phyir gnyis ka yang mi srid pas rnam pa thams cad du phyi rol gyi don yod pa ma yin pa'i phyir phyi rol gyi don gyis stong pas/ song song nas sgra tsam 'ba' zhig lus par 'gyur te/ de'i phyir rtog pa 'di ni mi rung ngo // da ni rgyu dang 'bras bu gnyis las klu 'bras bu la bltos pa'i dus yod pa ma yin par bstan pa'i phyir bshad pa/ skyed par byed pa bskyed bya gzhan bskyed pa de rgyu yin na// yod pa'am 'on te med dang gnyi ga gnyis bral zhig bskyed grang / yod na skyed byed ci dgos med la'ang des ni ci zhig bya/ gnyis nyid la des ci bya gnyis dang bral la'ang des ci bya/ re zhig skyed par byed pa'i nub skyed bya yod par gyur pa'i skyed byed ni ma yin te// skyes par gyur pa slar yang skye bar rigs pa'ang ma yin nyid// ces bya ba la sogs pas nyes pa bshad zin pa nyid kyi phyir ro// de'i phyir de la rkyen dag gis dgos pa cung zad kyang med do// bskyed par byed pa yod pa ma yin par gyur pa la yang skyed par byed pa de dag gis ci zhig bya ste/ bong bu'i rwa ltar med pa'i phyir ro// ji skad du/ 'bras bu yod par gang 'dod dang // 'bras bu med par gang 'dod la// khyim gyi don du ka ba sogs// brgyan pa'i don yang med par 'gyur// zhes bshad de// dbu ma las kyang / 'bras bu ngo bo nyid yod na// rgyus ni ci zhig skyed par byed// 'bras bu ngo bo nyid med na// rgyus ni ci zhig skyed par byed// skye ba yod pa ma yin na// rgyu nyid 'thar par mi 'gyur ro// rgyu nyid 'thad pa yod min na// 'bras bu gang gi yin par 'gyur// zhes gsungs so// gnyis nyid yin na yang de la rkyen rnams kyis ci zhig bya ste/ bshad zin pa'i nyes par thal bar 'gyur ba'i phyir ro// gnyis kyi dngos po ni gnyis nyid yin zhing gnyis nyid la yod pa ni gnyis nyid de// yod pa dang med pa'i ngo bo
- 302a
can nyid ni dus gcig gi tshe gcig la srid pa yang ma yin pas/ de'i rang bzhin can gyi dngos po ni yod pa ma yin la/ yod pa ma yin pa nyid kyi phyir de la skyed par byed pa'i rkyen dag gi ci zhig bya/ ji skad du bstan bcos las/ mya ngan 'das pa dngos po dang // dngos med gnyis kang ji ltar 'gyur// de gnyis gtsug la yod min te// snang ba dang ri mun pa bzhin// zhes b+hA ba dang / de bzhin du/ b+had pa por byur mgyur pa/ grwar ma gyur de mi byed do// yin dang ma yin gyur cig la// phan tshun 'ga' bas ga la yod// ces gsungs so// gnyis ka dang bral ba yod pa yang ma yin/ med pa yang ma yin pa'i 'bras bu gang yin pa gnyis ka dang bral ba de la yang rkyen de dag gis ci zhig bya ste/ yod pa dang med pa'i ngo ba spangs pa'i 'bras bu yod pa ma yin pa'i phyir ro// yod pa dang med pa nyid mi srid na yod pa yang yi med pa yang ma yin zhes de dag gi cagag pas cung zad kyang khyad par du mi 'gyur ro/ gang gi tshe 'di gnyis gam grub pa de'i tshe yod pa yang ma yin med pa yang me yin pa mi srid pa nyid do// ji skad du/ dngos min dngos po med min pa// bya ngan 'das par gang ston pa// dngos med pa dang dngos po dag/ grub na da ni 'grub par 'gyur// zhes gsungs so// gal te skye ba rab tu grub par bya ba'i phyir rigs pa gang dang gang smras pa de dang de re bung shings pa ba mar gyes zan pa ltar/ khyed kyis blo'i mes ma lus par bsregs pas/ khyed kyi shes rab kyi me spongar ba lhur byed pa'i rigs pa'i bud shing bskul bas chog go/ gal te rigs pas nye bar ma bstan par brjod par 'dod pa'i don 'grub par mi 'gyur ba ma yin nam zhe na/ de ni yod pa ma yin no// don gang zhig 'jig rten nyid las/ grub pa der ni rigs pas ci yang bya ba med de/ 'jig rten gyi mthong ba ni shin tu stobs dang ldan pa'i phyir ro zhes smras pa/ gang gis rad lta la gnas 'jig rten tshad mar 'dod pas na/ 'dir ni
- 302b
rigs pa smras pa nyid kyis lta ko ci zhig bya// gzhan las gzhan 'byung ba yang 'jig rten pa yis rtogs 'gyur te// des na gzhan las skye yod 'dir ni rigs pas ci zhig dgos// 'jig rten pa ni thams cad rang gi lta ba kho na la gnas pa na shin tu stobs dang ldan pa yin zhing gzhan kho na las skye bar lta ba yang yin la/ rigs pa nye bar 'god pa yang dngos po mngon sum ma yin pa kho na la 'os kyi mngon sum la ni ma yin te/ de'i phyir 'thad pa med par yang dngos po rnams gzhan las skye ba yod pa kho na'o zhe na/ gang zhig bstan bcos kyi don phyin ci ma log par ma rtogs shing thog ma med pa'i 'khor bar dngos po'i bag chags bzhag pa yongs su smin pa/ dngos po la mngon par zhen pa'i mdza' bo dang bral bar thos pa mi bzod pas 'jig rten gyis gnod pa'i rdol thabs la brten pa 'di ni/ 'jig rten gyi byung tshul shin tu mang zhing rgya che ba ma bshad par 'jig rten gyi gnod pa'i bla rdol las bzlog/ par mi nus pas/ 'jig rten gyi gnod pa'i yul khyad par can bstan par bya ba'i phyir/ re zhig bden pa gnyis kyi rnam par bzhag pa'i dbang du byas nas bshad pa/ dngos kun yang dag rdzun pa mthong ba yis// dngos rnyed ngo bo gnyis ni 'dzin par 'gyur// yang dag mthong yul gang yin de nyid te// mthong ba brdzun pa kun rdzob bden par gsungs// 'di na bden pa gnyis kyi rang gi ngo bo phyin ci ma log par mkhyen pa sangs rgyas bcom ldan 'das rnams kyis/ 'du byed dang myu gu la sogs pa nang dang phyi rol gyi dngos po thams cad kyi rang gi ngo bo rnam pa gnyis nye bar bstan te/ 'di lta ste/ kun rdzob dang don dam pa'o// de la don dam pa ni yang dag par gzigs pa rnams kyi ye shes kyi khyad par gyi yul nyid kyis bdag gi ngo bo rnyed pa yin gyi/ rang gi bdag nyid kyis grub pa ni ma yin te/ 'di ni ngo bo gcig yin no// gzhan ni so so'i skye bo ma rig pa'i rab rib kyi
- 303a
m+WA na sa du / smra du dug
- 303b
da dur zos pa la sogs pa rnams ni dbang po la gnod pa'i rkyen nang na yod pa yin no// til mar dang chu dang me long dang brag phag la sogs pa na sa brjod pa'i sgra la sogs pa rnams dang / nyi ma'i 'od zer yul dang dus khyad par can dang nye bar gyur pa la sogs pa rnams ni dbang po la gnod par byed pa'i rkyen phyi rol na yod pa yin te/ de dag ni dbang po la gnod par byed pa nang na yod pa dag med par/ gzugs brnyan dang brag ca dang smig tu dang chu zla la sogs par 'dzin pa'i rgyur 'gyur ro// de bzhin du mig 'phrul mkhan la sogs pas rab tu sbyar ba'i sngags dang sman la sogs pa dag kyang shes par bya'o// yid kyi gnod par byed pa ni de dag dang yang dag pa ma yin pas byas pa'i grub pa'i mtha' la sogs pa dag dang / rjes su dpag pa ltar snang ba dag ste/ rmi lam la sogs pa rnams kyi rnam par bzhag pa ni 'chad par 'gyur ro// de'i phyir de ltar 'jig rten gyi dbang po la gnod pa'i rkyen ci skad du bshad pa med par dbang po drug car gyis bzung bar bya ba'i don rtog pa de ni 'jig rten nyid las bden pa yin gyi 'phags pa la bltos nas ni ma yin no// gzugs brnyan la sags pa gang zhig dbang po rnams la gnod pa yod pa na yul gyi ngo bo nyid du snang ba de ni 'jig rten nyid la bltos nas log pa yin no// da ni bshad zin pa'i don nyid dper brjod pa'i tshul gyis nye bar bstan pa'i phyir bshad pa/ mi shes pa gnyid kyis rab bskyod mu stegs can// rnams kyi bdag nyid ji bzhin brtags pa dang // sgyu ma smig rgyu sogs la brtags pa gang // de dag 'jig rten las kyang yod min nyid// mu stegs can 'di dag ni de kho na nyid la 'jug par 'dod pas skye bo ma byang ba gnag rdzi dang bud med la sogs pa yan cad la grags pa'i dngos po skye ba dang 'jig pa la sogs pa phyin ci ma log pa yang dag par nges par bzung bar phul du byung bar 'gro bar 'dod pas
- 304a
shing la 'dzegs pas yal ga snga ma btang nas yal ga phyi ma bzung ba ltar ltung ba chen pos lta ba ngan pa'i ri stsal dag tu ltung bar 'gyur zhing / bden pa gnyis mthong ba dang bral bas 'bras bu mi thob par 'gyur ro// de'i phyir 'di dag gis gang brtags pa yon tan gsum la sogs pa de dag ni 'jig rten gyi kun rdzob tu yod pa ma yin pa nyid do// de'i phyir 'dir/ mig ni rab rib can gyi dmigs pa yis// rab rib med shes la gnod min ji ltar// de bzhin dri med ye shes spangs pa'i blos// dri med blo la gnod pa yod ma yin// gzhan las skye ba dgag pa bshad pa gang yin pa de ni 'jig rten pa'i lta ba kho na la gnas nas ni ma yin no// 'o na/ ci zhe na/ 'phags pa rnams kyi gzigs pa khas blangs nas yin no// gang gi tshe skye ba dgag pa 'di khyad par du yin pa de'i tshe/ ji ltar rab rib can rnams kyi sa la sogs pa'i ngo bo la dmigs pas rab rib med pa'i shes pa la mi gnod pa de bzhin du/ zag pa med pa'i ye shes dang bral ba so so'i skye bo rnams kyi shes pas kyang gzigs pa zag pa med pa la gnod pa ma yin pas rnam pa de lta bu'i yul la 'jig rten gyis gnod pa ma yin no// de'i phyir de ltar pha rol ni dam pa dag gis bzhad gang du bya ba 'os pa nyid du 'gyur ro// de'i phyir 'dis ni bden pa gnyis yin dang / kun rdzob dang don dam pa'i dbye bas dngos pa rnams kyi ngo bo gnyis su brjod pa yin no// de la 'jig rten gyi kun rdzob kyi bden pa bstan par bya ba'i phyir bshad pa/ gti mug rang bzhin sgrib phyir kun rdzob ste/ des gang bcos ma bden par snang de ni// kun rdzob bden zhes thub pa de gsungs te// bcos mar gyur pa'i dngos ni kun rdzob tu'o// de la 'dis sems can rnams ji ltar gnas pa'i dngos po lta ba la rmongs par byed pas na gti muka ste/ ma rig pa dang dngos po'i rang gi ngo bo yod pa ma yin pa sgro 'dogs par byed pa
- 304b
rang bzhin mthong pa la sgrib pa'i bdag nyid can ni kun rdzob po// kun rdzob des gang zhig bden par snang zhing rang bzhin med bzhin du rang bzhin du so sor snang ba de ni 'jig rten phyin ci log tu gyur pa'i kun rdzob tu bden pa ste// de ni bcos ma rten cing 'brel par 'byung ba'o// brten nas 'byung ba gzugs brnyan dang brag ca la sogs pa cung zad cig ni rdzan yang ma rig pa dang ldan pa rnams la snang la/ sngon po la sogs pa gzugs dang sems dang tshor ba la sogs pa cud zad cig ni bden par snang ste/ rang bzhin ni ma rig pa dang ldan pa rnams la rnam pa thams cad du mi snang ngo // de'i phyir de dang gar zhig kun rdzob tu yang rdzun pa ni kun rdzob kyi bden pa ma yin no// de ltar na re zhig srid pa'i yan lag gi yongs su bsdus pa nyon mongs pa can gyi ma rig pa'i dbang gis kun rdzob kyi bden pa rnam par bzhag go/ de yang nyan thos dang rang sangs rgyas dang byang chub sems dpa' nyon pa can gyi ma rig pa spangs pa/ 'du byed gzugs brnyan la sogs pa'i yod pa nyid dang 'dra bar gzigs pa rnams la ni bcos ma'i rang bzhin yin gyi/ bden pa ni ma yin te/ bden par mngon par rlom pa med pa'i phyir ro// byis pa rnams la ni bslu bar byed pa yin la/ de las gzhan pa rnams la ni sgyu ma la sogs pa ltar rten cing 'brel bar 'byung ba nyid kyis kun rdzob tsam du 'gyur ro// de yang shes bya'i sgrib pa'i mtshan nyid can ma rig pa tsam kun tu spyod pa'i phyir/ snang ba dang bcas pa'i spyod yul can gyi 'phags pa rnams la snang gi/ snang ba med pa'i spyod yul mnga' ba rnams la ni ma yin no// sangs rgyas rnams la ni chos thams cad rnam pa thams cad du mngon par rdzogs/ par byang chub pa'i phyir/ sems dang sems las byung ba'i rgyu ba gtan log par 'dod pa yin no// de ltar na re zhig bcom ldan 'das des kun rdzob kyi bden pa dang kun rdzob tsam gsungs pa yin no// de la so so'i skye bo rnams
- 305a
kyi don dam pa gang yin pa de nyid 'phags pa snang ba dang bcas pa'i spyod yul can rnams kyi kun rdzob tsam yin la/ de'i rang bzhin stong pa nyid gang yin pa de ni de rnams kyi don dam pa'o// sangs rgyas rnams kyi don dam pa ni rang bzhin nyid yin zhing / de yang bslu ba med pa nyid kyis don dam pa'i bden pa yin la/ de ni de rnams kyi so so rang gis rig par bya ba yin no// kun rdzob kyi bden pa ni bslu bar byed pa nyid kyi phyir don dam pa'i bden pa ma yin no// de'i phyir de ltar kun rdzob kyi bden pa bstan nas/ don dam pa'i bden pa bstan par 'dod pas de ni brjod du med pa'i phyir dang shes pa'i yul ma yin pa nyid kyi phyir dngos su bstan par mi nus pas/ nyan par 'dod pa rnams la rang gis myong ba nyid du de'i rang bzhin gsal bar bya ba'i phyir dpe bshad pa/ rab rib mthu yis skra shad la sogs pa'i// ngo bo log pa gang zhig rnam brtags pa// de nyid bdag nyid gang du mig dag pas// mthong de de nyid de bzhin 'dir shes kyis// rab rib kyi mthus rab rib can gyis rang gi lag na thogs pa'i bse ru la sogs pa'i snod kyi nang na sra shad la sogs pa'i 'tshegs yongs su/ 'gyur bzhin par mthong bas de bsal bar 'dod nas snod de la yang dang yang du bsgre bzlog byed pa'i tshogs thob par rig ste/ 'di ci byed pa zhig snyam nas rab rib med pas de'i gan du phyin nas skra shad kyi yul der mig gtad kyang skra shad kyi rnam pa de dag ma dmigs shing / skra shad de'i brten can dngos po dang dngos med pa dang skra shad dang skra shad ma yin pa dang mthon ka la sogs pa'i khyad par dag tu rtog par byed pa yang ma yin no// yang gang gi tshe rab rib can rab rib can med pa la skra shad mthong ngo zhes rang gi bsam pa ston par byed pa de'i tshe de'i rnam par rtog pa bsal bar 'dod pas rab rib can gyi dmigs pa'i ngor byas nas 'di na
- 305b
sra shad dag yod pa ma yin no zhes dag ba lhur byed pa'i tshig smra mod kyi/ smra ba po 'di la de la skur pa 'debs pa yod pa ma yin no// skra shad dag gi de kho na nyid ni gang zhig rab rib med pas mthong ba de yin gyi cig shos ni// ma yin no// de bzhin du ma rig pa'i rab rib kyis gnod pa byas pas de 'an ma mthong ba dag gos phung po dang khams dang snyemached la sogs pa'i rang ging po dmigs pa gang yin pa de ni dag gi ba kun rdzob pa'o// phung po la sogs pa de dag nyid ma rig pa'i bag chags dang bral ba sangs rgyas bcom ldan 'das rnams kyi rab rib can ma yin pas skra shad mthong ba'i tshul du rang bzhin gang gis gzigs pa de ni de dag gi don dam pa'i bden pa'o// gal te rnam pa de lta bu'i rang bzhin ni mthong ba med pa nyid ma yin nam de'i phyir ji ltar de dag gis gzigs she na/ bden mod kyi 'on kyang ma gzigs pa'i tshul gyis de dag gis gzigs so zhes brjod do// ji skad du 'phags pa bden pa gnyis la 'jug pa las/ lha'i bu gal te don dam par na don dam pa'i bden pa lus dang ngag dang yid kyi yul gyi rang bzhin du 'gyur na ni/ de don dam pa'i bden pa zhes bya ba'i grangs su mi 'gro ste kun rdzob kyi bden pa nyid du 'gyur ro// 'on kyang lha'i bu dan dam pa ngan don dam pa'i bden pa ni tha skad thams cad las 'das pa/ bri brag med pa bskyes pa ma 'gags pa smra bur bya ba da ba dang shes par bya ba dang shes pa dang bral ba'o// lha'i bu don dam pa'i bden pa ni rnam pa thams cad kyi mchog dang ldan pa thams cad mkhyen pa nyid kyi ye shes kyi yul gyi bar las 'das pa yin te/ ji ltar den dmi pa'i bden pa'o zhes brjod pa ltar ni ma yin no// chos thams cad ni rdzun te bslu ba'i chos so// lha'i bu don dam pa'i bden pa ni bstan par mi nus so// de ci'i phyir zhe na/ gang gis ston pa dang ci ston pa dang // /
- 306a
gang la ston pa'i chos de dag thams cad ni don dam par rab tu ma skyes pa'o// rab tu ma skyes pa'i chos rnams kyis ni rab tu ma skyes pa'i chos rnams bshad par mi nus so zhes rgya cher gsungs pa lta bu'o// de'i phyir de kho na nyid la de'i yul can dngos po dang dngos po med pa dang / rang gi dngos po dang gzhan gyi dngos po dang / bden pa dang bden pa ma yin pa dang / rtag pa dang chad pa dang / rtag pa nga mi rtag pa dang / bde ba dang sdug bsngal ba dang / gtsang ba dang mi gtsang ba dang / bdag dang bdag med pa dang / stong pa dang mi stong pa dang / mtshan nyid dang mtshan gzhi dang / gcig nyid dang gzhan nyid dang / ske ba dang 'gag pa la sogs pa'i khyad par dag srid pa ma yin te/ de'i rang gi ngo bo ma dmigs pa'i phyir ro de'i phyir de ltar na de kho na nyid bsam pa la 'phags pa rnams kho na tshad ma yin gyi 'phags pa ma yin pa dag ni ma yin/ no// ci ste 'jig rten gyi gnod pa brjod par 'dod pas de khon nyid rnam par spyor pa la 'jig rten gyi mthong ba yang tshad ma nyid du khas lenan/ de lta yin dang / gal te 'jig rten tshad ma yin na ni// 'jig rten de/ nyid mthong bas 'phags gzhan gyis// ci dgas 'phags pa'i lam gyis n+ni zhig bya// thun pa chad mang rig pa'ang ma yin no// 'jig rten cha pa nyid du las grangs pa yid dang / de nyid da man nyid mthong sa yin pa'i phyir ma rig pa spangs pa yin par khas blang bar bya dgos na/ gang gis phyir blun po ni tshad mar rigs pa yang ma yin no// gang la gang gi yul can gyi mi shes pa yod pa de ni de la tshad ma nyid ma yin par mthong ste/ dper na nor bu rin po che la sogs pa brtag pa la de mi shes pa rnams lta bu'o// mig la sogs pa dag kho nas de kho na nyid nges pa'i phyir/ 'phags pa'i lam khong du chud par bya ba'i phyir/ tshul khrims
- 306b
dang / thos pa dang / bsam pa dang / sgom pa la sogs pa'i sgrim pa 'bras bu dang bcas pa ma yin par yang 'gyur ba zhig na de ni de ltar yang ma yin no// de'i phyir/ rnam kun 'jig rten tshad min de yi phyir// de nyid skabs su 'jig rten gnod pa med// ji skad bshad pa'i tshul 'di las na de kho na nyid kyi skabs su 'jig rten rnam pa thams cad du tshad ma ma yin zhing / de kho na nyid kyi skabs su 'jig rten gyi gnod pa yang ma yin no// 'o na ci ltar 'jig rten gyis gnod par 'gyur zhe na/ bshad pa/ 'jig rten don ni 'jig rten grags nyid kyis// gal te sel na 'jig rten gyis gnod 'gyur// dper na kha cig gis nga'i rdzas phrogs so zhes smras pa dang // cig shos kyis da la brgal zhing brtags pa/ rdzas de ci zhig yin/ des bum pa'o zhes smras pa la/ bum pa ni rdzas ma yin te/ gzhal bya yin pa'i phyir rmi lam gyi bum pa bzhin no zhes de des sun 'byin par byed pa de lta bu la sogs pa'i yul la 'jig rten pa'i don 'jig rten pa'i grags pa nyid kyis sel bar byed pa la 'jig rten gyis gnod par 'gyur gyis/ gang gi tshe 'phags pa'i gzigs pa la gnas te/ skye bo mkhas pa tshad mar byed pa de'i tshe ni 'jig rten gyi gnod pa yod pa ma yin no// mkhas pas phyogs 'dis gzhan yang dpyad par bya'o// de ltar 'jig rten gyi grags pas gzhan las skye ba khas blangs nas kyang 'jig rten gyi gnod pa yongs su spangs te/ nga ni 'jig rten la yang gzhan las skye ba yod pa ma yin pas de'i lta ba la gnas nas kyang gzhan las skye ba dgag par 'dod pa la 'jig rten gyi gnod pa yod pa ma yin no zhes bstan pa'i phyir bshad pa/ gang phyir 'jig rten sa bon tsam btab nas/ bdag gis bu 'di bskyed ces smra byed cing / shing yang btsugs so snyam du rtog des na/ gzhan las skye ba 'jig rten las kyang med/ pho'i
- 307a
dbang pos mngon par gsal bar byas pa 'ga' zhig nye bar ston pa na bu 'di bdag gis bskyed do zhes smra bar byed do// 'di rnam pa de lta bu zhig rang gi lus las bton nas de'i ma'i khor du 'dzud pa ni ma yin te/ 'o na ci de na/ de'i sa bon du gyur pa mi gtsang ba tsam zhig go/ gang gi phyir 'di de'i rgyu blugs nas rang gi bu bton par byed pa de'i phyir sa bon dang bu gnyis gzhan nyid ma yin no zhes bya bar 'jig rten du gsal bar nges pa yin no// gzhan nyid yin na ni gang zag gzhan ltar de yang nye bar ston par byed par mi 'gyur ro// de bzhin du sa bon dang ljon shing dag la yang sbyar bar bya'o// de'i phyir de ltar ji skad bshad pa'i tshul la rten cing 'brel par 'byung ba rtag pa dang chad pa med par grub pa'i sgo nas yon tan bstan pa'i phyir bshad pa/ gang phyir myu gu sa bon las gzhan min/ de phyir/ myug tshe sa bon zhig pa med// gang phyir gcig nyid yod min de phyir yang // myug tshe sa bon yod ces brjod mi bya// gal te myu gu sa bon las gzhan nyid yin na ni// the tshom med par myu gu yod bzhin du yang sa bon rgyun chad par 'gyur te/ gang gi phyir ba men yod pas ba lang shi bar gyur kyang rgyun ma chad pa ni ma yin la/ so so'i skye bo yod pas 'phags pa rnams mya ngan las 'das pa yang ma yin no// gzhan nyid med pa'i phyir myu gu'i rang gi bdag nyid ltar sa bon chad pa ma yin te/ de ltar na chad pa spangs pa yin no// gcig nyid med pas sa bon yin pa de nyid myu gu ma yin pas sa bon mi 'jig pa bkag pa'i phyir rtag pa// yang bkag par 'gyur ro// ji skad du/ sa bon yod na myu gu ji bzhin te// sa bon gang yin myu gu de nyid min// de las gzhan min de yang ma yin te// de ltar rtag min chad min chos nyid do// zhes gsungs//
- 307b
pa lta bu'o// sa bon yod na zhes bya ba ni sa bon yod par gyur na zhes bya ba'i don to// sa bon gyi rgyu can myu gu yang 'byung ba na sa bon las gzhan nyid du mi rung ngo zhe na/ gsungs pa/ sa bon gang yin myu gu de nyid min// yang ci'i phyir sa bon de nyid myu gu der mi 'gyur zhe na/ de'i phyir/ de las gzhan min de yang ma yin te// zhes bya ba gsungs so// gang gi phyir de nyid dang gzhan nyid gnyi ga'i phyogs mi srid pa de'i phyir/ de las gzhan dang gzhan ma yin pa nyid mi rigs so// de ltar phyogs gnyis char yang bkag pa na rtag pa dang chad pa med pa'i chos nyid du yongs su gsal bar byas par 'gyur ro// 'dir don gyi de kho na nyid ni sa bon dang myu gu gnyis la rang bzhin 'ga' zhig yod par gyur na ni/ de gnyis gcig pa 'am gzhan pa nyid du 'gyur ba zhig na/ gang gi tshe de dag la rang bzhin nyid yod pa ma yin pa de'i tshe rmi lam du yang dmigs pa'i sa bon dang myu gu dag ltar gcig nyid dam gzhan nyid du ga la 'gyur zhes bya ba 'di yin par rig par bya'o// don 'di nyid/ 'du byed rnams ni ma rigs rkyen can te// 'du byed de dag de nyid du yod min// 'du byed ma rig 'di gnyis stong pa ste// rang bzhin gyis ni g.yo dang bral ba'o// zhes bya ba bshad pa/ bstan bcos las kyang / gang la brten te gang 'byung ba// de ni re zhig de nyid min// de las gzhan pa'ang ma yin pa// de phyir chad min rtag ma yin// zhes gsungs so// ji ltar rang bzhin gyis 'ga' yang skye ba med do zhes bya ba 'di ni gdon mi za bar khas blang bar bya dgos so// de lta ma yin te/ gal te rang gi mtshan nyid brten 'gyur na// de la skur/ bas dngos po 'jig pa'i phyir// stong nyid dngos po 'jig pa'i rgyur 'gyur na// de ni rigs min de phyir dngos yod min// gal te gzugs dang tshor ba la sogs pa dngos po rnams kyi rang gi mtshan nyid de rang gi ngo bo der
- 308a
rang bzhin rgyu dang rkyen dag gis bskyed na ni/ de gang gi tshe na rnal 'byor pa 'dis dngos po rnams rang bzhin gyis stong par mthong zhing chos thams cad rang bzhin med par rtogs pa de'i tshe nges par ji ltar skyes pa'i rang bzhin la skur pa btab pas stong pa nyid rtogs par 'gyur te/ de'i phyir ji ltar thob la sogs pa dag bum pa la sogs pa rnams kyi 'jig pa'i rgyu yin pa de bzhin du/ stong pa nyid kyang dngos po'i rang bzhin la skur pa'i rgyur 'gyur ba zhig na de ni rung ba yang ma yin te/ de'i phyir dngos po rnams kyi rang gi mtshan nyid ni thams cad kyi tshe skye bar khas blang bar mi bya'o// ji skad du/ 'phags pa dkon mchog brtsegs pa'i mdo las/ 'od srungs gzhan yang dbu ma'i lam chos rnams la yang dag par so sor rtog pa ni/ gang stong pa nyid kyis chos rnams stong par mi byed de/ chos rnams nyid stong pa dang / gang mtshan ma med pas chos rnams mtshan ma med par mi byed de/ chos rnams nyid mtshan ma med pa dang / gang smon pa med pas chos rnams smon pa med par mi byed de/ chos rnams nyid smon pa med pa dang / gang mngon par 'du bya ba med pas chos rnams mngon par 'du byed pa med par mi byed de/ chos rnams nyid mngon par 'du byed pa med pa dang / gang ma skyes pas chos rnams ma skyes pa nyid du mi byed de/ chos rnams nyid ma skyes pa dang / gang ma byung bas chos rnams ma byung bar mi byed de/ chos rnams nyid ma byung ba dang zhes rgya cher gsungs pa lta bu'o// gang zhig gzhan gyis dbang gi ngo bo khas blangs nas de la brten pa'i stong pa nyid bzung ba dang 'dzin pa med pa'i mtshan nyid can mi rtag pa nyid la sogs pa ltar de nyid dang gzhan nyid du brjod par bya ba ma yin par sems pa de'i ltar na/ stong pa nyid kho nas chos thams cad stong pa yin gyi/ rang bzhin
- 308b
nyid kyis ni ma yin no zhes bya bar 'gyur ro// bzhi brgya pa las/ stong min stong ldan mthong min te// myang 'das bdag gir gyur cig ces// log ltas mya ngan mi 'da' bar// de bzhin gshegs pa rnams kyis gsungs// zhes bshad la/ bstan bcos las kyang / stong nyid lta ba thams cad ni// nges par 'byin par rgyal bas gsungs// gang dag stong pa nyid lta ba// de dag sgrub tu med par gsungs// zhes gsungs so// 'dir smras pa/ don dam par skye ba med pas bdag dang gzhan las skye ba dag gal rag mod/ gzugs dang tshor ba la sogs pa gang dag mngon sum dang rjes su dpag pa dag gis dmigs pa de dag gi rang bzhin ni gdon mi za bar gzhan las skye bar 'gyur ro// ci ste de ltar mi 'dod na ni bden pa gnyis ci ste brjod de/ bden pa gcig kho nar 'gyur ro// de phyir gzhan las skye ba yod pa nyid do// 'di la bshad par bya ste/ 'di bden mod kyi don dam par na bden pa gnyis yod pa ma yin te/ dge slong dag bden pa dam pa 'di ni gcig ste/ 'di lta ste/ mi bslu ba'i chos can mya ngan las 'das pa'o// 'du byed thams cad ni brdzun pa bslu ba'i chos can no zhes 'byung ba'i phyir ro// de'i phyir kun rdzob kyi bden pa gang yin pa de ni don dam pa'i bden pa la 'jug par bya ba'i thabs yin pa'i phyir/ bdag dang gzhan dag las skye ba ma dpyad par 'jig rten pa'i lugs kyis khas len par byed pa yin no// 'di ltar/ gang phyir dngos po 'di dag rnam dpyad na// de nyid bdag can dngos las tshu rol tu// gnas rnyed ma yin de phyir 'jig rten gyi// tha snyad bden la rnam par dpyad mi bya// 'di ltar gzugs dang tshor ba la sogs pa 'di dag ni ci bdag las skye ba zhig gam// cig gzhan las skye ba zhig ces bya ba de lta bu la sogs pa rnam par dpyad pa na/ don dam par ma skyes
- 309a
pa dang ma 'gags pa'i rang bzhin can las tshu rol te gzhan du gyur pa'i cha skye ba la sogs pa can la gnas pa ma yin te/ de'i phyir bdag dang gzhan las zhes bya ba de lta bu la sogs pa'i rnam par dpyod pa 'jug pa med par byas te/ 'jig rten pas yongs su mthong ba 'di yod na 'di 'byung ngo zhes bya ba 'di tsam zhig gzhan la rag las pa'i 'jug pa'i sgo nas khas blang bar bya ste/ 'phags pa lhas/ ji ltar kla klo skad gzhan gyis// bzung bar mi nus de bzhin du// 'jig rten pa yi ma rtogs par// 'jig rten bzung bar nus ma yin// zhes ji skad du bshad pa lta bu'o// bstan bcos las kyang / tha snyad la ni ma bsten par// dam pa'i don ni rtogs mi 'gyur// dam pa'i don ni ma rtogs par// mya ngan 'das pa thob mi 'gyur// zhes gsungs so// rnam par dpyad pa byas na ni 'jig rten pa'i tha snyad nyams par 'gyur te/ ji skad du mdo las/ dper na shing dang rgyud la brten byas la// lag pa rtsol ba byas pa gsum tshogs na sgrog byed pi wang gling bu la sogs las// de dag las skyes sgra yang 'byung bar 'gyur// de nas khas pa la las brtag byas te// de ni gang nas 'ongs la gar song zhes// phyogs dang phyogs mtshams kun tu brtags byas na// sba yi 'ong ba 'am 'gro ba rnyed mi 'gyur// de ltar rgyu dag dang ni rkyen dag las// 'du byed gyur pa thams cad 'byung ba ste// yang dag mthong ba'i rnal 'byor pa yis ni// 'du byed stong pa g.yo ba med par mthong // phung po dag dang skye mched khams rnams ni// nang yang stong la phyi rol stong pa ste// sems can bdag gis stong zhing gnas mngal// chas kyi mtsha med dpam bad // tsas kyi ze / sangs pas za'o// tsa ste yang de das pa la mdan par med pa'i bdag pathams cad ca das gcad par byed ga za pas ya kyi bden pa
- 309b
la mngon par zhen pa 'di gang zhig kun nas nyon mongs pa dang rnam par byang ba'i rgyur gyur pa rdzas kyi bdag nyid 'ga' zhig skye bar 'gyur bar bya dgos so zhes smra na/ de lta na yang de skad du smra ba la tshig tsam zhig lhag ma lus par 'gyur ro// ci'i phyir zhe na/ de nyid skabs su rigs pa gang zhig gis// bdag dang gzhan las skye ba rigs min pa'i// rigs des tha snyad du yang rigs min pas// khyod kyi skye ba gang gis yin par 'gyur// ji ltar don dam pa'i skabs su ji skad bshad pa'i rigs pas bdag dang gzhan las skye ba mi rung ba de bzhin du tha snyad du yang / de nyid kyis skye bar mi rigs pas khyod kyis dngos po rnams kyi skye ba gang gis 'grub par 'gyur// de'i phyir rang gi mtshan nyid kyi skye ba ni bden pa gnyis char du yang yod pa ma yin no zhes mi 'dod bzhin du yang gdon mi za bar khas blang bar bya'o// gang dag bdag las ma yin zhes bya ba la sogs pas ni slob dpon klu sgrub kyi zhal snga nas kyis brtags pa'i ngo bo nyid kho na bkag pa yin gyi// gzhan gyi dbang gi ngo bo ni ma yin no snyam du sems pa de dag gi 'dod pa 'di yang gtan tshigs med par mi 'grub pas/ de skad du smra ba de dag ni brgal zhing brtag par bya ba kho na yin no// 'o na ni gal te bden pa gnyis char du yang rang gi mtshan nyid kyi skye ba yod pa ma yin pa de'i phyir ci ltar na de dag gi rang gi ngo bo 'jig rten du dmigs par 'gyur zhe na bshad pa/ dngos po stong po gzugs brnyan la sogs pa// tshogs la bltos rnams ma grags pa yang min// ji ltar der ni gzugs brnyan sogs stong las// shes pa de yi rnam par skye 'gyur ltar// de bzhin dngos po thams cad stong na yang // stong nyid dag las rab tu skye bar 'gyur// dngos po thams cad ni rgyu dang 'bras bu tha dad pa med par gnas pa yin la/ gzugs brnyan rang bzhin med pa'i rgyu dang 'bras bu'i rnam par bzhag
- 310a
pa yang shes bzhin du mkhas pa su zhig gzugs dang tshor ba la sogs pa rgyu dang 'bras bu las tha dad pa med par gnas pa rnams yod pa tsam zhig tu dmigs pas rang bzhin dang bcas par nges par byed/ de'i phyir yod par dmigs kyang rang bzhin gyis skye ba med do// ji skad du/ me long shin tu yongs dag la// ji ltar rang bzhin med pa yi// gzugs brtan snang ba de bzhin du// ljon pa chos rnams shes par gyis// zhes gsungs so// de nyid kyi phyir/ bden pa gnyis su'ang rang bzhin med pa'i phyir// de dag rtag pa ma yin chad pa'ang min// gang gi phyir de ltar dngos po rnams gzugs brnyan gyi rnam pa ltar rang bzhin gyis stong pa de nyid kyi phyir/ don dam pa dang kun rdzob kyi bden pa gnyis char du yang rang bzhin te ngo bo nyid med pa'i phyir rtag pa dang chad pa med pa nyid do// ji skad du bstan bcos las/ gang zhig ngo bo nyid yod pa// de ni med pa min pas rtag/ sngo byung da ltar med ces pa// des na chad par thal bar 'gyur// zhes bya ba dang / de bzhin du/ dngos po med par khas blangs na// rkag dang chad par lta bar ni// thal bar 'gyur te dngos de ni// rtag dang mi rtag 'gyur phyir ro// zhes bya ba la sogs pa gsungs pa lta bu'o// de bzhin du/ ji ltar ston pas sprul pa ni// rdzu 'phrul phun tshogs kyis sprul zhing // sprul pa de yang sprul pa ni// slar yang gzhan ni sprul pa ltar de bzhin byed po de las gang // byas pa'ang sprul pa'i rnam pa bzhin// dper na sprul pas sprul gzhan zhig/ sprul pa mdzad pa de bzhin no// nyon mongs las dang lus rnams dang // byed pa po dang 'bras bu dag/ dri za'i grong khyer lta bu dang // rmig rgyu rmi lam 'dra ba yin// zhes sprul pa'i dpes rang bzhin med pa las rang bzhin med pa rnams skye bar bstan to// de'i phyir de ltar bden pa gnyis kar yang rang bzhin med pas rtag pa
- 310b
dang chad par brgyad ring du spangs pa 'ba' zhig tu ma zad kyi/ las rnams 'gags nas yun ring du lon yang las rnams kyi 'bras bu dang 'brel pa kun gzhi'i rnam par shes pa'i rgyun dang chud mi za ba dang thob pa la sogs par yongs su rtog pa med par yang 'thad pa yin no// ji ltar zhe na/ gang phyir rang bzhin gyis de mi 'gags pa// de phyir kun gzhi med kyang 'di nus phyir// la lar las 'gags yun ring lon las kyang // 'bras bu yang dag 'byung bar rig par gyis// gang gi ltar na las 'gags pa de ni 'gags zin pa'i las de las 'bras bu ji ltar 'byung bar 'gyur zhes brtsad pa'i lan du/ 'gags zin pa'i las kyi nus pa bzhag par bya ba'i phyir kun gzhi'i rnam par shes pa 'am/ bu lon gyi dbang rgya dang 'dra ba'i chos gzhan chud mi za ba'am/ thob pa'am/ las kyi bag chags kyis bgos pa'i rnam par shes pa'i rgyun rtog par byed do// gang gi ltar na las rang gi bdag nyid kyis ma skyes pa de'i ltar na ni de 'gag pa yod pa ma yin zhing ma zhig pa las 'bras bu 'byung ba mi srid pa yang ma yin pas/ las rnams mi 'jigs pa las dang 'bras bu'i 'brel pa ches shin tu 'thad par 'gyur ro// ji skad du/ bstan bcos las/ gang phyir las ni skye ba med// 'di ltar rang bzhin med de'i phyir// gang phyir de ni ma skyes pa// de phyir chud zar mi 'gyur ro// zhes gsungs pa lta bu'o// mdo las kyang / mi yi tshe tshad lo brgya ste// de srid 'tsho zhes brjod mod/ kyi// lo la phung por spungs pa med// sgrub pa de yang de dang mtshungs// zad pa med ces gang smras dang // las zad ces ni gang smras pa// stong pa'i tshul du zad pa med// tha snyad tshul du zad par bstan// zhes 'byung ngo // ji skad snyad pa'i don nyid dpe'i sgo nas bshad pa/ rmi lam dmigs pa'i yul dag mthong nas ni// sad kyang blun la chags pa skye 'gyur ba// de bzhin 'gags zhing rang bzhin yod min pa'i// las las kyang ni 'bras bu yod pa yin//
- 311a
ji skad du/ srid pa 'pho ba'i mdo las/ rgyal po chen po 'di lta ste/ dper na mi zhig nyal ba'i rmi lam na yul gyi bud med bzang mo dang lhan cig spyod pa rmis la/ de nyal ba las sad nas yul gyi bud med man/ pa 'di cig du mams/ ga las kyi ma tha pa yang sun byung rnam pa/ pas pa dus bad pa bayang po na pa'i des sa pa nga bzhis yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi bud med bzang mo yang ma mchis shing mi dmigs lags na/ de dang yongs su spyod pa lta ga la mchis te/ 'di ltar mi de ni phongs shing dub pa'i skal pa can du 'gyur lags so// bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang mig gis gzugs rnams mthong nas yid bde bar gyur pa'i gzugs rnams la mngon par zhen te/ mngon par zhen par gyur nas chags pa skyed par byed do// chags nas 'dod chags las byung ba dang / zhe sdang las byung ba dang / gti mug las byung ba'i las lus dang dag dang yang kyis mngon pa 'du byed do// las da mngon par 'du byas par gyur nas gagan// 'anags panag phyogs su bdan da gnas pa pa yin pa nas phyogs mtshams rnams su pa yin na zhes bya ba'i ba dang / gzhan ji tsam zhig na 'chi ba'i dus dang nye bar gnas pa'i tshe de dang skal pa 'dra ba'i las zad nas rnam par shes pa tha ma 'gag pa'i tshe/ 'di lta ste/ dper na nyal nyal ba las sad pa'i mi'i yul gyi bud med bzang mo lta pur yid las de nyid la mngon du phyogs par 'gyur ro// rgyal po chen po de ltar rnam par shes pa tha ma 'gag cing skye ba'i char gtogs pa'i rnam par shes pa dang po yang na ni lha dag gi nang du zhes bya ba nas yang na ni yi
- 311b
dgas rnams su 'byung bar 'gyur ro zhes bya ba'i bar dang / rgyal po chen po rnam par shes pa dang po de 'gags ma thag tu gang la rnam par smin pa myong bar 'gyur bar mngon pa de dang skal pa 'dra ba'i sems kyi rgyun 'byung ngo // rgyal po chen po de la chos gang yang 'jig rten 'di nas 'jig rten pha rol tu 'pho ba yang med la 'chi 'pho ba dang skye bar mngon pa yang yod de/ rgyal po chen po de la gang rnam par shes pa tha ma 'gag pa de ni 'chi 'pho ba zhes bya// gang rnam par shes pa dang po 'byung ba de ni skye ba zhes bya'o// rgyal po chen po rnam par shes pa tha ma 'gag pa'i tshe yang gad du yang mi 'gro'o// rnam par shes pa dang po skye ba'i char gtogs pa 'byung ba'i tshe yang gang nas kyang mi 'ong ngo // de ci'i phyir zhe na/ rang bzhin dben pa'i phyir ro// rgyal po chen po de la rnam par shes pa tha ma ni rnam par shes pa thams stong ngo // 'chi 'pho ba ni 'chi 'pho bas stong ngo // las ni las kyis stong ngo // rnam par/ shes pa dang po ni rnam par shes pa dang pos stong ngo // skye ba ni skye bas stong la las rnams chud mi za bar yang mngon no zhes bya ba gsungs pa lta bu'o// ci ste gal te rang bzhin gyis ma skyes pa la zad pa med pas rnam par smin par 'dod na/ des/ yin dang / ji ltar 'gags pa'i phyir rnam par smin pa 'byung ba de bzhin du/ rnam par smin par byas zin pa las kyang rnam par smin pa yin pa dang / de la las zad pa med pa'i phyir/ rnam par smin zin pa las kyang yang rnam par smin par 'gyur ba'i phyir thug pa med pa'i skyon du 'gyur ro snyam na/ de ni yod pa ma yin te/ ji ltar yul ni yod nyid min mtshungs kyang // rab rib can gyis skra shad rnam par na// mthong gi dngos gzhan rnam par ma yin ltar// de bzhin smin las slar smin min shes kyis// dper na yul yod pa ma yin par 'dra bzhin du rab rib can gyis yod pa ma yin pa'i skra shad la sogs pa'i ngo bo mthong gi
- 312a
de las gzhan pa'i dngos po'i rnam pa bong bu'i rwa dang mo gsham gyi bu la sogs pa dag ni ma yin pa de bzhin du/ las kyi rang bzhin ma 'gags par mtshungs bzhin du rnam par smin pa la nges par 'gyur// ro// dpe 'dis las rnams ma nges pa ma yin pa 'ba' zhig tu ma zad kyi rnam par smin pa nges pa yang yin no zhes bshad pa/ de phyir rnam smin mi dge nag po'i las// rnam smin dge nyid dge las yin mthong zhing / dge mi dge med blo can mthar 'gyur te// las 'bras rnams la sems pa dgag pa mdzad// gal te yang dge ba dang mi dge ba'i las gnyis rang bzhin med pa yin mod kyi// de lta na yang skra shad la sogs pa'i mthong pa nges pa de nyid kyi phyir na/ rnam par smin pa yid du 'ong ba ni dge ba las ma yin la/ yid du mi 'ong ba ni dge ba las ma yin no// dge ba dang mi dge ba'i las mi dmigs pas ni thar par 'gyur ro// de nyid kyi phyir bcom ldan 'das kyis so so'i skye bo shin tu nges par dpyod par byed pa rnams la/ las dang 'bras bu la skur pa btab pa las kun rdzob 'jig par 'gyur du 'ong ngo snyam ste/ las rnams kyi 'bras bu rnam par smin pa ni bsam gyis mi khyab bo zhes las dang 'bras bu la brten pa'i sems pa dgag pa mdzad do// gal nyi de ltar las rnams kyi 'bras bu 'brel ba rnam par bzhag na/ 'o na 'phags pa lad kar gshegs pa la sogs pa rnams las/ kun gzhi'i rnam par shes pa chos mtha' yas pa'i nus pa'i khyad par gyi gzhi sa bon thams cad pa brlabs rnams la rgya mtsho ltar dngos po thams cad skye ba'i rgyur gsungs pa gang yin pa de ci rnam pa thams cad du med pa zhig gam zhe na/ de ltar ni ma yin te/ de skad du nye bar bstan pas gdul ba rnams la de yod pa nyid du bstan pa'i phyir ro// dngos po thams cad kyi rang bzhin rjes su zhugs pa'i phyir
- 312b
stong pa nyid kho na kun gzhi'i rnam par shes pa'i sgras bstan par rig par bya'o// kun gzhi'i rnam par shes pa 'ba' zhig yod par ma zad kyi gang zag kyang yod de/ des 'dul ba'i skye bo la de yod pa nyid du bstan pas rjes su 'dzin pa'i phyir ro// ji skad du dge slong dag phung po lnga ni khur ro// khur khur ba ni gang zag go zhes gsungs pa lta bu'o// kha cig la ni phung po tsam zhig bstan par mdzad de/ sems zhes bya ba'am yid ces bya ba 'am rnam par shes pa zhes bya ba de ni dus ring por dad pa dang tshul khrims la sogs pas yongs su bgos shing gong du 'gro ba na phyi ma la mtho ris su 'gro bar 'gyur ro zhes gang bshad pa yin no// 'di dag thams cad ni dgongs pa'i dbang gis gsungs pa yin no// 'dir dgongs pa gang zhig yin zhe na/ brjod par bya ste/ kun gzhi yod cing gang zag nyid yod la// phung po 'di dag 'ba' zhig nyid yod ces// bstan pa 'di ni de ltar chos zab don// rig par mi 'gyur gang yin de la'o// gdul bya gang dag yun ring por mu stegs kyi lta ba la goms par byas pas chos nyid zab mo la 'jug par mi nus shing bdag med do 'byung bar mi 'gyur ro zhes ji skad bstan pa chos nyid kyis nas skrag pa thog ma khan sang ba'i nya bar bstan pa lags sa dang 'dra bar sems pa de dag des rgyab kyis phyogs pas dun chen pa bsgrubs par mi 'gyur ro// ces thog pa dgran pan rnam par shes pa la sogs pa bstan pas ni mu stegs kyi lugs bsal nas de dag gi don chen po 'dren par 'gyur zhing / phyi nas gsung rab kyi don phyin ci ma log par rig pa rnams rang nyid kyis de dag spong bar 'gyur bas yon tan kho na 'byung gi skyon ni ma yin no// ji skad du 'phags pa lhas/ gang zhig gang gang la dga' ba// de yi de de sngar dpyad bya// nyams par gyur pa dam chos kyi// snod ni cis kyang ma yin no// zhes//
- 313a
bshad do// gzhug par bya ba'i phyir dang por kun gzhi'i rnam par shes pa la sogs pa bstan pa 'ba' zhig tu ma zad kyi/ 'on kyang 'jig tshogs lha dang bral yang sangs rgyas kyis// ji ltar nga dang nga yi bstan pa ltar// de bzhin dngos rnams rang bzhin med mod kyi// yod ces drang don nyid du bstan pa yin// 'jig tshogs la lta ba mtha' dag spangs pas ngar 'dzin pa dngang yir 'dzin pa spangs su zin kyang / nga dang nga yi zhes bsnyad pa 'jig rten gyis khong du chud par bya ba'i thabs yin pa'i phyir/ bcom ldan 'das kyi sa dang nga'i zhes bya ba de lta bu ji skad bstan pa de bzhin du/ dngos po rnams rang bzhin yod pa ma yin yang de yod pa nyid du nye bar bstan pa 'jig rten gyis khong du chud pa'i thabs yin pa'i phyir/ yod pa nyid du bstan pa mdzad do// ji skad du shar gyi ri bo'i sde pa dang mthun pa'i tshigs su bcad pa dag las/ gal te 'jig rten rnam 'dren rnams// 'jig rten mthun par mi 'jug na// sangs rgyas chos nyid gang yin dang // sangs rgyas sus kyang shes mi 'gyur// phung po dag dang khams rnams dang // skye mched rang bzhin gcig bzhed la// khams gsum po dag ston mdzad pa// 'di ni 'jig rten mthun 'jug yin// ming med pa yi chos kyi rnams// bsam du med pa'i ming dag gis// sems can rnams la yongs brjod pa// 'di ni 'jig rten mthun 'jug yin// dngos med nye bar ston mdzad cing // sangs rgyas rang bzhin la bzhugs pas// dngos med 'ga' yang 'dir med pa// 'di ni 'jig rten mthun 'jug yin// don dang don med mi gzigs la// 'gog pa dang ni dam pa'i don// smra ba rnams kyi mchog gsung ba// 'di ni 'jig rten mthun 'jug yin// zhig pa med cing skye med la// chos kyi dbyings dang mnyam par gyur kyang // sreg pa'i bskal pa
- 313b
brjod mdzad pa// 'di ni 'jig rten mthun 'jug yin// dus gsum dag tu sems can gyi// rang bzhin dmigs pa ma yin la// sems can khams kyang ston mdzad pa// 'di ni 'jig rten mthun 'jug yin// zhes rgya cher gsungs pa lta bu'o// de'i phyir de ltar rnam par shes pa smra ba po dbu ma pa'i lugs ji skad bstan pa mi bzod cing // rang gi rnam par rtog pas sbyar ba'i lugs brjod pa'i sgo nas don dag 'jog par byed pa rnams kyis ji skad bshad pa'i lugs bsal ba'i phyir smras pa// bzung ba med pas 'dzin pa ma mthong zhing // srid gsum rnam shes tsam du rab rtogs pas// shes rab la gnas byang chub sems dpa' des// rnam shes tsam du de nyid rtogs par 'gyur// gnas zhes bya ba'i sgra 'di ni bzhugs pa la 'jug go// shes rab la gnas pa ni shes rab la gnas te// de 'di la yod pas shes rab la gnas te shes rab bsgom par byed pa la bya'o// byang chub sems dpa' des zhes bya ba ni mngon du phyogs pa la rab tu gnas pa'o// gang gis de kho na nyid phyin ci ma log pa dang lhag par sgo ma btags par rtogs pa dang mthong ba dang khong du chud na thaMd dgas pa ste/ rnam par shes pas mdu pan nyid dgas par byu shes gnam par gyur du// gzugs medapas sems dang sems pa bzung ba rnams pasnyen ci 'bral pa zhung dngos po tsam du rtogs pa'i phyir// rnam pa shes pa tsam du de kho na nyid rtogs pa zhes bya'o// yang ji ltar 'dis rnam par shes pa tsam du de kho na nyid rtogs par 'gyur zhe na/ de'i phyir 'di ltar/ gzung ba med pas 'dzin pa ma mthong zhing // srid gsum rnam shes tsam du rab rtogs pas// zhes bya ba smras te/ gang gi phyir byang chub sems dpa' 'dis 'chad par 'gyur ba'i rigs pas sems la bzung ba yod pa ma
- 314a
yin pa nyid kyis 'dzin pa nyid kyang ma mthong zhing // khams gsum po 'di ni rnam par shes pa tsam mo zhes yun ring por goms par byed la/ de goms par byas pa las kyang brjod du med pa'i dngos po tsam zhig rang rig pas mthong ste/ de'i phyir rim pa 'dis rnam par shes pa tsam du de kho na nyid rtogs par 'gyur ro// gal te 'di dag rnam par shes pa tsam nyid yin na/ 'o na 'dir ji ltar phyi rol gyi don med par de'i rnam pa can gyi rnam par shes pa tsam skye bar 'gyur zhe na/ smras pa/ ji ltar rlung gis bskul bas rgya mtsho ni// che las chu rlabs 'byung ba de bzhin du// kun gyi sa bon kun gzhi zhes bya las// rang gi nus pas rnam shes tsam zhig 'byung // ji ltar rgya mchi chu rlabs kyi rten du gyur pa'i chu'i yan lag rlung gis kun nas bskyod pa las/ rlung tsam gyi rkyen nye bar lhags pas gnyid pa lta bu'i rba rlabs rnams 'gran pa'i sgo nas bdag gi lus rnyed pa ltar kun nas yongs su rgyug par rtogs pa de bzhin du/ 'dir yang rnam par shes pa gcig nas gcig tu brgyud pa thog ma med pa'i dus nas zhugs pa/ bzung ba dang 'dzin par mngon par zhen pa'i bag chags yongs su smin pa las bdag nyid kyi dngos po yod pa thob par 'gag bzhin pas/ kun gzhi'i rnam par shes pa la gang dbag chags kyi khyad par rang gi rnam pa dang rjes su 'brel pa'i rnam par shes pa gzhan skye ba'i rgyur gyur pa bzhag pa rim gyis rang yongs su smin pa'i rkyen lhags pas yongs su smin pa thob pa de las gang yongs su ma dag pa gzhan gyi dbang tsam/ zhig nye bar bskyed pa de nyid la byis pa rnams bzung ba dang 'dzin pa'i rnam par rtog pa kun tu rtog par byed kyi/ rnam par shes pa las tha dad par gyur pa'i bzung ba ni cung zad kyang yod pa ma yin no// dper na
- 314b
dbang phyug la sogs pa rgyur smra ba rnams// ba ni bsgra rnams kyi rgyu// chu shel chu rnams kyi bzhin dang // p+lag sha yal ga rnams kyi ltar// de ni lus can kun gyi rgyu// zhes dbang phyug la sogs pa 'gro ba'i byed pa po nyid du smra bar byed pa de bzhin du// kun gzhi'i rnam par shes pa smra ba rnams kyang kun gzhi'i rnam par shes pa dngos po mtha' dag gi dmigs pa'i sa bon gyi brten nyid kyis sa bon thams cad pa smra bar byed do// gang dbang phyug rtag la kun gzhi'i rnam par shes pa ni mi rtag go zhes bya ba 'di ni khyad par ro// gang gi phyir gsung rab kyi rnam par bzhag pa ni 'di yin par grags pa/ de phyir gzhan gyi dbang gi ngo bo gang // dngos po btags par yod pa'i rgyur 'gyur zhing phyi rol bzung ba med par 'byung 'gyur la// yod dang spros kun yul min rang bzhin yod// gzhan gyi dbang gi ngo bo 'di ni gdon mi za bar khas blang bar bya ste/ gang gi phyir de ni rtog pa'i dra ba ma lus pa'i gzhir 'dod pa'i phyir ro// sbrul du 'khrul pa thag pa'i rgyu mtshan can ni de la ma bltos pa mi rigs la// bum par 'khrul pa sa la sogs pa'i rgyu mtshan can ni sa la sogs pa la ma bltos par nam mkha'i phyogs su 'byung bar mi 'gyur ba de bzhin du/ 'dir yang phyi rol gyi don med na sngon po la sogs pa'i rtog pa ci'i rgyu mtshan can zhig tu 'gyur/ de'i phyir don mi za bar rtog pa'i rgyu gzhan gyi dbang gi ngo bo khas blang bar bya ste/ kun nas nyon mongs pa dang rnam par byang ba'i rgyu yin pa'i phyir ro// de ltar na gang gi phyir gang la gang med pa de ni des stong par yang dag par rjes su mthong la/ gang zhig 'dir lhag mar lus par gyur pa de 'di na bden par yod pa yin no zhes yang dag pa ji lta ba bzhin du rab tu shes pa 'di ni stong pa nyid la phyin ci ma log par 'jug pa'o// zhes bya ba la sogs
- 315a
pas stong pa nyid kyang legs par bzung bar 'gyur ro// de ni smos pa thams cad kyi yul ma yin pa'i rang bzhin nan yang yin te/ mngon par brjod pa ni btags pa'i rnam pa 'dzin par phyir te/ ji srid mngon par brjod pa yod pa de srid du dngos po brjod pa ma yin no// de'i phyir mdor bsdu na/ 'dir gzhan gyi dbang gi ngo bo la gsum rnam par bzhag par 'gyur te/ shes bya med par rang gi bag chags kho na las 'byung ba dang yod pa nyid dang spros pa'o cog gi yul ma yin pa nyid do// btags par yod pa'i dngos po'i rgyu nyid ni yod pa nyid las grub pa'i phyir de ni gsum po las tha mi dad do// ne'o// 'di la bshad par bya ste/ phyi rol med sems dper na gang du yod// ces 'di nyid yang dag par dpyad par bya'o// smras pa/ rmi lam ji bzhin zhe na/ khang mig shin tu chung ngu'i nang du lagapas pa'i nga du ba ba kyi mas pa'i rnams pa cu shig ra yang yung pam yin te/ phyir gyu ma med pazhin du gangan pa pa bar rnam pa shes pa'i di su bar bya'o// 'di yang snying po med pa nyid du bstan pa'i phyir bshad pa/ de bsam b+ha/ yang de ni zhig ce na/ bshad pa/ gang tsheng la rmi la man yang sems// yod min da tshe khyod kyi dpe yod min// gang ba glang myos pa'i khyu'i rnam pa can gyis shes pa de ni yul ltar kho bo cag la yod pa ma yin te/ ma skyes pa'i phyir ro// rnam par shes pa med na yang gnyi ga la grub pa'i dpe yod pa ma yin pas phyi rol med par rnam par shes pa yod pa ma yin no// ci ste rmi lam na rnam par shes pa nor ba med na de'i tshe sad pas rmi lam gyi nyams su myong ba dran par mi 'gyur ro snyam na 'di yang mi rung /
- 315b
'di ltar gal te sang tshe rmi lam dran las yid// yod na phyi rol yul yang de bzhin 'gyur// ci'i phyir zhe na/ ji ltar khyod kyi sangs mthong snyam dran pa// de 'dra phyi rol la yang yod pa yin// ji ltar rmi lam gyi nyams su myong ba dran pa las yid yod pa nyid yin pa de bzhin du/ yul gyi nyams su myong ba dang dran pa yang yod pas yul yang yod pa'am/ yang na rnam par shes pa yang yod pa ma yin no zhes nges par bya'o// 'dir smras pa/ gal te glang po che la sogs pa'i gzugs rmi lam na yod na de gzung bar bya ba'i phyir mig gi rnam par shes pa yang yod par 'gyur ba zhig na/ de ni yod pa yang ma yin te/ gnyid kyis dkrugs par rnam par shes pa lnga'i tshogs mi srid pa'i phyir ro// 'di ltar gal te gnyid nang mig blo mi srid pas// yod min yid kyi shes pa kho na yod// de yi rnam pa phyi rol nyid du zhe na/ rmi lam ji bzhin de bzhin 'dir 'dod na// ste rmi lam du mig gi rnam par shes pa rnam pa thams cad du yod pa ma yin te/ de med pas glang po che la sogs pa'i gzugs mig gi skye mched kyis gzung bar bya ba de yod pa ma yin la yid kyi rnam par shes pa ni yod pa yin no// de'i phyir phyi rol gyi gzugs med pa kho na yin zhing rnam par shes pa'i rnam pa phyi rol nyid du mngon par zhen pa ni bzlog tu med do// ji ltar rmi lam phyi rol med par rnam par shes pa tsam 'byung ba de bzhin du 'dir yang 'gyur ro zhe na/ de ltar ma yin te/ rmi lam du yid kyi rnam par shes pa 'byung ba mi srid pa'i phyir ro// 'di ltar/ ji ltar khyod kyi phyi yul rmi lam du// ma skyes de bzhin yid kyang skyes ma yin// de'i phyir/ mig dang mig gi yul dang des bskyed sems// gsum po thams cad kyang ni rdzun pa yin/ ji ltar gzugs mthong ba na mig dang
- 316a
gzugs dang yid de gsum po nye bar gyur pa de bzhin du/ rmi lam du yang yul yongs su gcod pa na gsum 'dus par dmigs pa yin no// ji ltar der mig dang gzugs gnyis med pa de bzhin du// mig gi rnam par shes pa yang yod pa ma yin no// gsum po 'di dag ji ltar de bzhin du// rna sogs gsum po lhag ma 'ang skye ba med// rna sogs zhes bya ba'i sogs pa'i sgras ni sgra dang rna ba'i shes pa nas yid dang chos kyi khams dang yid kyi rnam par shes pa'i bar bsdu'o// de'i phyir rmi lam du gsum po 'di dag thams cad rdzun pa de'i phyir rmi lam na yid kyi rnam par shes pa yod do zhes bya ba de mi rigs so// / gang zhig chos kyi skye mched du gtogs pa'i gzugs yid kyi rnam par shes pas gzung bar bya ba zhig rmi lam na yod de// de'i phyir rnam par shes pa ni yul med par 'gar yang yod pa ma yin no snyam du sems pa de yang/ rigs pa ma yin pa nyid de/ rmi laman rnam pa thams cad du gsum po me sred pa'i phyir ro// ci ste gzhan gyi gzhung lugs bsal bar bya ba'i phyir de ltar khas len na ni/ de'i tshe rmi lam gyi dpe don med pa nyid du 'gyur te/ de rdzun pa ma yin pa'i don can yin pa nyid kyi dpe las byung ba dngos kyi don rdzun pa'i don can nyid du bstan pa mi srid pa'i phyir ro// gang gi phyir rmi lam na gsum char yang mi bden pa de'i phyir rab tu grub pa'i sgo nas ma grub pa grub pa sgrub pa'i phyir sad pa'i tshe na yang chos thams cad rang bzhin med pa nyid du bsgrubs par 'gyur ro zhes bshad pa/ rmi lam ji ltar de bzhin sad 'dir yang // dngos rnams rdzun yin sems de yod ma yin// spyod yul med cing dbang po rnams kyang med// ji ltar rmi lam du yul dang dbang po dang rnam par shes pa rnams rdzun pa de bzhin du sad pa na yang yin no zhes shes par bya'o// de'i phyir/ ji ltar
- 316b
sgyu ma'i sems can dmigs pa ltar// snang yang de nyid du na yang dag min// sgyu ma lta bu rmi lam dang 'dra ba// de lta'i chos ni bde bar gshegs pas bstan// zhes bya ba dang de bzhin du/ srid pa'i 'gro ba rmi lam// lta bu ste// 'di la su yang mi skye 'chi ba med// sems can ming dang srog kyang mi rnyed de// chos 'di rnams ni slu ba chu shing 'dra// zhes bya ba la sogs pa yang legs par bshad par 'gyur ro// de'i phyir sad pa'i shes pa la bltos nas gsum char yang ma skyes par bshad la// rmi lam na rmi lam rmi bzhin pa'i shes pa la bltos nas ni// 'di ni ji ltar sade bzhin ji srid du// ma sad de srid de la gsum po yod// ji ltar mi shes pa'i gnyid yod kyang de las tha dad pa'i gnyid dang bral bas sad pa 'ga' zhig la rang gi bdag nyid kyis ma skyes kyang ma rig pa'i gnyid kyis rmi lam rmi bzhin pas dmigs par gsum char yang yod pa de bzhin du/ gnyid dang ma bral ba rmi lam gyi gnas skabs las ma langs pa rnams la yang de lta bu'i rang bzhon can gsum char yang yod do// sad par gyur na gsum char yod min ltar// gti mug gnyid sad las de de bzhin no// ji ltar gnyid zad pas sad par gyur pa la rmi lam du dmigs pa gsum po yod pa ma yin pa de bzhin du/ ma rig pa'i gnyid ma lus pa drungs phyung ba/ chos kyi dbyings mngon sum du mdzad pa rnams la yang gsum char yod pa ma yin pas phyi rol med par rnam par shes pa yod pa ma yin no// 'o na rab rib can gyis yod pa ma yin pa'i skra shad la sogs pa dmigs pa'i phyir phyi rol med kyang rnam par shes pa yod pa ma yin no zhe na/ de yang mi 'thad de/ ci'i phyir zhe na/ dbang po rab rib bcas pas blo gang gis// rab rib mthu las sgra rnams gang
- 317a
mthong ba// de blo la bltos gnyis char bden pa ste// don gsal mthong la gnyi ga'ang rdzun pa yin// rmi lam kho na ltar lta bar bya'o// rab rib can gyis mthong ba la bltos nas skra shad kyi// rnam pa yang yod pa yin la/ rab rib med pa'i mthong ba la bltos nas gnyi ga yang ma skyes pa nyid de/ yul med par shes pa nges par dka' ba'i phyir ro// 'di ni gdon mi za bar 'dod par bya dgos te/ de ltar ma yin te/ gal te shes bya med par blo yod na// sgra de'i yul dang mig ni rjes 'brel ba'i// rab rib med la'ang skra shad blor 'gyur na// de ltar ma yin de phyir de yod min// gal te rab reb can la skra shad dag med par skra shad kyi rnam pa can gyi shes pa skye na yul gang du rab rib can gyis skra shad dag mthong ba der mig gtad pa'i rab rib med pa la yang de dang 'dra bar spa shad kyi blo yod par 'gyur te/ yul med par mtshungs pa'i phyir ro// de'i phyir yul med par rnam par shes pa skye'o// zhes bya ba de ni mi rigs so// 'dir gal te yul gyi yod pa nyid rnam par shes pa skye ba'i rgyu yin na ni 'di de ltar 'gyur ba zhig go/ 'on ci zhe na/ rnam par shes pa'i bgra chags sngar bzhag pa sbyin pa dang ma smin pa dag rnam par shes pa skye ba dang mi skye bdag gi rgyu yin te/ de'i phyir gang la sku rnam pa can gyi shes pa gzhan gyis bzhag pa'i bag chags yongs su smin pa yod pa de kho na la de'i rnam pa can gyi shes pa 'byung gi gzhan la ni ma yin no// zhes smra'o// 'di yang mi rung ngo zhes bshad pa/ gang phyir mthong ba dag la blo nus ni// smin med de phyir de la blo mi 'byung // shes bya yod dngos bral bas min zhe na// nus de med pas 'di ni 'grub ma yin// shes bya yod pa'i dngos po dang bral ba ni
- 317b
shes bya yod pa ma yin pa zhes bya ba'i don to// gal te nus pa zhes bya ba 'ba' zhig yod na ni// de tshe de smin pa dang ma smin pa dag la rnam par shes pa 'byung ba dang mi 'byung ba dag tu 'gyur ba zhig go/ de'i phyir 'di mi 'grub po// yang ji ltar na nus pa yod pa ma yin zhe na/ bshad pa/ skyes la nus pa srid pa yod ma yin// ma skyes ngo bo la yang nus yod min ni// 'dir nus pa 'di yongs su rtog pa na rnam par shes pa da ltar ba'i 'brel pa can zhig gam/ rnam par shes pa 'das pa dang ma 'ongs pa'i 'brel pa can zhig tu 'gyur grang / de la re zhig rnam par shes pa skyes pa la nus pa srid// pa ma yin te/ gang gi tshe nus pa'i zhes drug pa yin pa de'i tshe ni rnam par shes pa 'bras bu'i ngo bor gyur pa ni rgyu nyid du yang yod do zhes bya bar rigs pa yin no// gal te yin na ni 'bras bu rgyu med pa can du 'gyur zhing myu gu skyes pa na yang sa bon mi 'jig par 'gyur ro// de'i phyir skyes pa'i rnam par shes pa la nus pa mi srid do// gang gi tshe nus pa las zhes lnga pa yin pa de'i tshe ni rnam par shes paskyes pa dus pa las 'byung ba smrapa/ skyes pas su da pa ma yinan// basmras pa nga zhin can par shes pa la yang nus pa la yod pa ma yin te/ gang gi phyir khyad par med par khyad par can yod min// gsham bu la'ang de ni yod par thal// khyad par med par khyad par du bya ba yod pa ma yin// pa nyid do// ji ltar zhe na/ rnam par shes pa'i nus pa zhes rnam par shes pa ni nus pa'i khyad par yin la/ nus pa ni khyad par gyi gzhi yin no// gang ma skyes pa de ni rnam par shes pa'am/ rnam
- 318a
par shes pa ma yin zhes bya bar dgag pa dang sgrub pa'i ngo bos bstan par mi nus so// gang gi tshe de ltar yin pa de'i tshe 'di ni 'di'i nus pa'o zhes bya bar gang gis nus pa khyad par du byed par 'gyur/ gang gi tshe de ltar khyad par yod pa ma yin pa de'i tshe 'di ni 'di las 'byung ngo zhes khyad par du ma smras pa 'dis ni cung zad kyang bstan par mi 'gyur ro// yang gal te ma skyes pal nus pa 'dod na/ mo gsham gyi bu la yang 'dod par bya dgos te/ de'i phyir ma skyes pa la nus pa yod pa ma yin no// ci ste rnam par shes pa gang zhig nus pa las skye bar 'gyur ba'i rnam par shes pa 'byung bar 'gyur ba de snying la bsams nas rnam par shes pa 'di'i nus pa 'di yin zhing 'di las 'di 'byung bar 'gyur ro zhes de ltar khyad par dang khyad par gyi gzhi'i dngos po 'grub par 'gyur te/ ji skad du 'jig rten na 'bras chan tshos shig snal ma 'di la ras yug thogs shig ces smra la/ bstun bcos las kyang / mngal du 'jug pa gsum dag ste// 'khor los sgyur dang rang 'byung gnyis// zhes bshad do// snyam na/ de yang snying po med pa nyid du brjod pa'i phyir bshad pa/ gal te 'byung bar 'gyur bas bsnyad 'dod na// nus pa med par 'di yi 'byung 'gyur med// ris 'ga' gang zhig tu 'gyur na ni de 'byung bar 'gyur gyi/ rtag tu 'byung ba ma yin par nges pa mo gsham gyi bu la sogs pa'am nam mkha' la sogs pa ni mi 'gyur ro// de'i phyir 'dir gal te nus pa yod par 'gyur na ni/ rnam par shes pa 'byung bar 'gyur ba nyid du 'gyur ba zhig na gang gi tshe rnam par shes pa ma 'ongs pa yod pa ma yin pa nyid kyis nus pa med pa nyid yin pa de'i tshe/ mo gsham gyi bu la sogs pa rnams bzhin du
- 318b
nus pa med par de'i 'byung bar 'gyur ba nyid yod pa ma yin no// 'dis ni 'bras can la sogs pa dag kyang bshad pa yin no// gzhan yang rnam par shes pa dang nus pa phan tshun bltos nas 'gyur la rag mod/ de lta na yang gzhan gyi dbang gi ngo bo yod pa nyid ma yin te/ 'di ltar/ phan tshun don la brten pa'i grub pa ni// grub min nyid ces dam pa rnams kyis gsungs// rnam par shes pa yod na ni de'i nus pa yin la/ de las rnam par shes pa 'byung ba yin no zhes de ltar phan tshun gyi don la brten par 'gyur ro// da ltar 'gyur mod ce na// rnam par shes pa rang bzhin gyi yod pa ma yin no zhes bya bar 'gyur ro// dper na ring po yod na thung ngur 'gyur la thung ngu yod na ring por 'gyur zhing / pha rol yod na tshu rol du 'gyur la tshu rol yod na pha rol tu 'gyur ba ltar btags par 'gyur gyi de dag la grub pa rang bzhin pa med do// / de lta yin na ni kho bo cag gi smra ba'i rjes su 'brang ba nyid du 'gyur ro// ji skad du/ bzhi brgya pa las/ 'bras bu med par rgyu yi ni// rgyu nyid yod pa ma yin pa// de yi phyir na 'bras bu kun// rgyud nyid du ni thal bar 'gyur/ zhes bshad pa/ bstan bcos las kyang / gal te dngos po gang bltos 'thub// de nyid la yang bltos nas ni// bltos bya gang yin de 'grub na// gang la bltos nas gang zhig 'grub// ces gsungs so// 'di'i don ni 'di yin te// gal te dngos po rnam par shes pa la sogs pa gang zhig rus pa'i khyad par la bltos nas 'grub pa de nyid la yang bltos nas rnam par shes pas bdag nyid 'grub par bya ba'i phyir/ bltos par bya ba dngos po nus pa'i khyad par gang yin pa de 'grub na/ da ni gnyi ga 'grub par bya ba gang la bltos nas gang zhig 'grub par 'gyur ba brjod par
- 319a
bya dgos so// gzhan yang / dngos po bltos 'grub gang yin pa// de ma grub na ji ltar bltos// ci ste grub pa bltos she na// de ni bltos par mi rigs so// zhes gsungs so// 'di'i don yang 'di yin te/ gal te rnam par shes pa nus pa la bltos nas 'grub na/ de grub pa'am ma grub pa zhig nus pa la bltos grang / gal te ma grub pa yin na ni/ ma grub pa'i phyir bong bu'i rwa ltar nus pa la mi bltos so// 'on te grub pa la bltos na ni/ grub pa'i phyir de bltos par mi rung ngo // de ltar phan tshun don la brten pa'i grub pa ni grub pa min zhes mkhyen rabs mnga' ba rnams kyis gsungs so// de'i phyir de ltar na ma 'ongs pa la yang nus pa yod pa ma yin no// da ni 'das pa la yang nus pa yod pa ma yin no zhes bstan pa'i phyir bshad pa/ gal te 'gags pa'i nus min las 'gyur na// gzhan gyi nus pa las gzhan 'byung bar 'gyur// gal te skyes nas 'gags bzhin pa'i rnam par shes pas 'bras bu'i don du kun gzhi'i rnam par shes pa la nus pa'i khyad bar bzhag pa rnam par shes pa 'gags pa'i nus pa smin pa gang yin pa de las 'byung bar 'gyur ba'i rnam par shes pa 'byung ba na ni de'i tshe gzhan gyi nus pa las gzhan 'byung bar mi 'gyur ro// ci'i phyir zhe na/ gang gi phyir/ rgyun can rnams der phan tshu na tha dad yod/ ta nu ni rgyas pa la'o zhes bya ba 'di'i ltar na/ brgyud pas na rgyun te chu klung gi rgyun ltar rgun chags pa rgyun lugs dang rgyu dang 'bras bu 'brel par 'jug pa ni skye ba dang 'chi ba brgyad pas bar med par rig pa rnam par ma chad par gnas pa 'du byed kyi skad cig dus gsum pa'i nye bar len pa can la bya la/ de rgyun gyi cha shas rdzas
- 319b
kyi skad cig rnams la yod pas na rgyun gyi yan lag rdzas kyi skad cig rnams la rgyun can zhes brjod do// de dag phan tshun te gzhan dang gzhan du tha dad cing gzhan nyid du gzhan gyis khas blangs pa yin no// de'i phyir 'bras bu'i skad cig bag chags kyi rgyu can dus phyis 'byung ba la rgyu'i skad cig bag chags 'jog par byed pa las gzhan nyid yod pa yin te/ de ltar na gzhan gyi nus pa las gzhan 'byung bar 'gyur ro// ci ste 'dod pa'i phyir 'di sbyin ma yin no snyam na/ de ltar ni ma yin te/ de ltar 'dod na/ thams cad thams cad las skye bar 'gyur ro zhes bshad pa ni/ de phyir thams cad kun las 'byung bar 'gyur/ zhes bya ba ste/ 'di ni gzhan las skye ba 'gog par bshad zin pas slar yang mi brjod do// 'dir smras pa/ gal te der ni rgyun can tha dad kyi// de dag la rgyun tha dad med de'i phyir// nyes med ce na/ gal te yang der rdzas kyi skad cig rgyun can rnams la phan tshun gzhan nyid yod mod kyi de lta na yang rgyun 'di ni gcig pa kho na yin pas thams cad thams cad las skye bar thal bar mi 'gyur ro zhe na/ gal te de ltar yin na de'i tshe nyes pa med par 'gyur ba zhig na/ 'di nyid ma grub pas na/ 'di ni sgrub bya zhig go/ ci'i phyir zhe na/ tha mi dad rgyun skabs mi rigs phyir ro// skabs ni go skabs so// bdag gi dngos po phan tshun tha dad pa rnams ni rgyun tha mi dad pa'i brten nyid du yod par mi 'os te/ gzhan nyid yin pa'i phyir rgyu gzhan bzhin no zhes bstan pa'i phyir bshad pa/ byams pa nyer sbas la brten chos rnams ni// gzhan nyid phyir na skad cig gtogs min te// gang dag rang mtshan nyid kyi so so ba// de dag
- 320a
rgyud gcig gtogs par rigs ma yin// de bzhin du 'dir yang rgyud gcig pa nyid rigs pa dang ldan pa ma yin no snyam du bsams pa'o// de la nus pa min pa yod pa dang yod pa ma yin pa dag gis rnam par shes pa yod pa dang med pa dag yin te/ shes bya yod pa dang med pas ni ma yin no zhes gang smras pa de ni nus pa mi srid par brjod pas tshul 'dis bsal ba yin te/ de'i phyir shes bya med pas rnam par shes pa med pa yin no zhes bya ba 'di ni gnas pa yin no// de skad bstan pa yin dang / slar yang rnam par shes par smra bas rang gi lugs brjod par lhur byas pa nyid kyis mngon par 'dod pa'i don grub par bsams shing smras pa/ mig blo'i skye ba rang nus gang zhig las// de ma thag tu kun nas skye 'gyur zhing // rang gi rnam shes rten gyi nus de la// dbang po gzugs can mig ces bya bar rtogs// mig gi rnam par shes pa'i bag chags gang zhig kun gzhi'i rnam par shes pa la rnam par shes pa gzhan gyis 'jig bzhin pa na bzhag pa yin la// de yongs su smin pa las dus phyis de'i rnam pa'i rjes su byed pa'i rnam par shes pa ste bar 'gyur zhing / rnam par shes pa de nus pa'i skang rtsig par med pa gang shig las skye 'i nus pa skad cig bar med pa gang zhig las skye ba'i nus pa'i skad cig par med pa rten du gyur pa de la gti mug gi 'jig rten na dbang po gzugs can mig yin no snyam du rtogs kyi/ rnam par shes pa las tha dad pa'i mig gi dbang po ni yod pa ma yin no// de bzhin du dbang po gzhan yang nges par bya'o// de'i phyir de ltar rnam par shes pa las tha dad pa'i mig gi dbang po med par bstan nas/ gzugs kyang rnam par shes pa las
- 320b
tha mi dad par gnas pa nyid du bstan pa'i phyir smras pa/ 'di na dbang po las byung rnam par rig/ phyi bzung med par rang gi sa bon las// sngo sogs snang nyid 'byung bar ma rtogs nas// skye bos phyi rol bzung bar sems khas len// ji ltar ban+d+ha dzI ba ka dang king shu ka la sogs pa dag dmar po'i rnam pa can du skye ba na/ nor bu dag bzhin du phyi rol gyi nye bar bsgyur ba'i tshon la mi bltos kyi/ 'on kyang myu gu la sogs pa'i rgyun rang gi sa bon gyis 'phags pa'i nus pa dang rjes su 'brel pa las rnam pa khyad par can nyid du skye bar dmigs pa de bzhin du/ sngon po la sogs pa phyi rol gyi gzugs med par rnam par shes pa sngon po la sogs par snang ba 'byung ba yin la/ de'i sngon po la sogs par snang ba nyid gang yin pa de la 'jig rten gyi phyi rol gyi yul gyi ngo bor mngon par zhen te/ dper na mtsho chu shin tu dang bas yongs su gang ba'i ngogs mthar skyes pa'i shing gi yal ga la btags pa'i pad ma rA ga'i gzugs brnyan chu nang na yod pa rin po che'i rnam par snang ba chu'i nad na phyi rol lta bur dmigs mod kyi de de'i nang na yod pa ni ma yin pa de bzhin du rnam par shes pa la yang sbyar bar bya'o// de ltar na rnam par shes pa las phyi rol gyi don yod pa ma yin no// rnam pa gcig tu na/ rmi lam na ni gzugs don gzhan med par// rang nus min las de yi rnam can sems// 'byung ba ji ltar de bzhin sad la'ang 'dir// phyi rol med par yid ni yod ce na// de ni de ltar ma yin no// ci'i phyir zhe na ji ltar mig med par ni rmi lam du// sngo sogs snang ba'i yid sems 'byung de ltar// mig dbang med par rang gi sa bon ni// smin las long ba la 'dir cis mi skye// gal te 'dir ji ltar sad
- 321a
pa'i gnas skabs su gyur pa mig gis gzugs rnams lta ba las mig gi rnam par shes pa ches gsal ba 'byung ba de bzhin du/ rmi lam du yang mig med par rang gi bag chags smin pa las yid kyi rnam par shes pa nyid mig gi rnam par shes pa'i rnam pa dang rjes su mthun par skye na/ sad pa'i gnas skabs kyi long ba la yang gang gis na 'dis ma long ba ltar mthong bar 'gyur ba rang gi bag chags yongs su smin pa las rnam pa de ltar ci'i phyir 'byung bar mi 'gyur te/ gnyi ga yang mig med par mtshungs pa'i phyir ro// ci ste rnam pa de lta bu'i yid kyi rnam par shes pa'i rgyu ni mig med pa ma yin gyi/ 'o na ci zhe na/ rnam pa de lta bu'i yid kyi rnam par shes pa'i nus pa min pa yin no// de'i phyir gdan nus pa yongs su smin pa yod pa der/ rnam pa de lta bu'i yid kyi rnam par shes pa 'byung ba yin la/ de yang gnyid kyi rkyen gyis rmi lam kho na na yod pa yin gyi sad pa la ni ma yin no snyam na/ de yang mi rigs so// ci'i phyir zhe na/ la te khyod lhur rmil ba drug pa yaM// rus pa sbyin yad sad par med 'gyur na// drug pa'i chus sbyin rnaM lar 'dir med pa// de ltar mi che byed ces rgyas ma rigs// drug pa zhes bya ba rna kyi rnam par shes pa zhes bya ba'i don to// gal te tshig gi tshul tsam kho nas rmi lam du rnam pa de lta bu'i yid kyi rnam par shes pa'i nus pa smin pa 'dod kyi/ sad pa la ma yin na nged cag gi tshig gis kyang 'di na ji ltar sad pa la rnam pa de lta bu'i rnam par shes pa'i nus pa smin pa/ yod pa ma yin pa de bzhin du rmi lam na yang med do zhes 'dod par bya dgos so// ji ltar mig med
- 321b
'di yi rgyu min ltar// rmi lam du yang gnyid ni rgyu ma yin par brjod par nus so// rmi lam mthong ba ni sad pa'i gnas skabs kyi long ba ltar rnam par shes pa de'i rten dbang po byed pa dang bral ba'i phyir// rnam par shes pa mig gi dbang po nus pa'i ming can la brten pa'i rnam pa'i rjes su byed pa/ yid kyi rnam par shes pa'i nus pa smin pa'i yongs su 'gyur ba yid kyi rnam par shes pa can ma yin no// de'i phyir de ltar mig med pa sad pa'i long ba 'di la rgyu ma yin pa ji lta ba de bzhin du/ gnyid kyang rmi lam du rnam par shes pa'i bag chags yongs su smin pa'i rgyu ma yin no// gang gi phyir de lta yin pa/ de phyir rmi lam du yang de dngos mig/ rdzun pa'i yul can rtogs pa'i rgyur khas blangs// de phyir rmi lam du yang rnam pa de lta bu'i yul gyi shes pa rnam pa de lta bu dang / mig gi rnam par shes pa'i rten du gyur pa rnam pa de lta bu khas blang bar bya'o// de'i phyir de ltar na/ 'di yis lan ni gang dang gang btab pa// de dang de ni dam bca' mtshungs mthong bas// rtsod 'di sel byed/ sad pa'i gnas skabs kyi gsum po 'di rang bzhin gyis stong pa yin te/ dmigs pa'i phyir rmi lam bzhin no zhes bstan pa yin dang / pha rol po gang zhig sad pa'i rnam par shes pa ni don gyis stong pa yin te/ rnam par shes pa yin pa'i phyir rmi lam gyi rnam par shes pa bzhin no zhes bya ba dang / sad pa'i gnas skabs su dmigs pa'i yul ni rdzun pa'i rang bzhin can yin te/ yul yin pa'i phyir rmi lam gyi yul bzhin no zhes bya ba dang / de bzhin du kun nas nyon mongs pa dang rnam par byang ba dag ni gzhan gyi dbang med na yod pa ma yin te/ rten med pa'i phyir rus sbal gyi spu'i gos bzhin no zhes
- 322a
smra'o// de bzhin du rab rib kyi dpe dag gis kyang brjod par bya'o// de lta bu la sogs pa'i sgo nas rnam par shes par smra ba 'dis lan gang dang gang btab pa de dang de ni mkhas pa dbu ma pas dam bca' ba dang mtshungs par mthong ba na rtsod pa 'di lta ste/ rnam par shes par smra ba zlog par byed do// de bzhin du lung gis gnod pa la sogs pa'i nyes pa yang srid pa ma yin te/ gang gi phyir/ sangs rgyas rnams kyis ni/ 'gar yang dngos po yod ces bstan to// ji skad du/ srid pa gsum ni btags pa tsam// ngo bo nyid kyis dngos po med// btags pa dngos po'i ngo bor ni// rtog ge bdag rtog par 'gyur// rang bzhin med cing rnam rig med// kun gzhi med cing dngos med na// byis pa ngan pa rtog ge ba// rwa dang / 'dra bas 'di dag btags// zhes gsungs so// gcig la gcig med pa'i stong pa nyid kyis dngos po med pa nyid du yang rigs pa ma yin te/ blo gros chen po gcig la gcig med pa'i stong pa nyid ni stong pa nyid thams cad kyi tha shal yin no zhes lung las 'byung ba'i phyir ro// ba lang ta ma yin pa'i phyir yod pa ma yin no zhes bya bar brjod pa ni rigs pa yang ma yin te/ rang ga bdag nyid kyis yod pa'i phyir ro zhes bya ba la sogs pa brjod par bya'o// de bzhin du bcom ldan 'das de la dbang po la 'jug pas chos kyi dbyings la 'jug pa ni dbang po nyi shu gnyis mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / mo'i dbang po dang / pho'i dbang po dang / srog gi/
- 322b
dbang po dang / bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po'i dbang po ste/ de la mig gi dbang po ni dus gsum du yang mi dmigs so// gang dus gsum du mi dmigs pa de ni mig gi dbang po ma lags so// gang mig gi dbang po ma lags pa de'i tha snyad ji ltar 'tshal bar bgyi/ 'di lta ste dper na/ chad pa stong pa ni rdzun pa yang dag pa ma lags pa ma mchis pa ste/ 'di ltar ming du gdags pa rabs kyi/ don dam par ni stong pa mi dmigs chad pa yang mi dmigs so// de bzhin du mig gi dbang po yang chad pa stong pa ltar rdzun zhing ma mchis la yang dag pa ma lags pa ste/ log pa bsla ba'i chos can byis pa sa pa yang dag pa mazhugs pa/ 'dus du ga gas pa sa/ dzi rna pas// ra ma la dudas kyis thams da pa'i ye she saM brnyes nas ci tsam du phyin ci log la gnas pa'i sems can rnams bzung ba'i slad du mig gi dbang po zhes btags kyi don dam par ni ma lags so// dbang po ni rang bzhin dang bral zhing dbang po nyid kyis stong pa ste/ de la mig ni mig nyid du mchis pa ma lags la/ dbang po ni dbang po nyid du mchis pa ma lags so// de ci'i slad du zhe na/ mig ni mig gi rang bzhin dang /
- 323a
bral ba lags te/ chos gdal rang bzhin mchis pa ma lags pa dani dngas pa ma lags sa// gang dngas po ma lags pa de ni yongs su ma grub pa'o// de na ma skyes pa dang ma 'gag pa'o// de ni 'das pa dang ma 'ongs pa zhes gdags par bgyi ba ma lags so zhes bya ba la sogs pa dang / bcom ldan 'das 'di lta ste dper na mi zhig gi rmi laman rgod pa dang dga' ba dang rtse ba dag nyal nyal ba las sad de rjes su dran la de dran yang rnyed par mi 'gyur ro// de ci'i slad du zhe na/ rmi lam na yang des de dag ma rnyed na nyal ba las sad pa'i tshe lta smos kyang ci 'tshal te 'di'i gnas ma mchis so// de bzhin du dbang po rnams ni rmi lam lta bu ste// de bzhin du chos thams cad kyang ngo bo nyid kyis dmigs su ma mchis pa te/ de'i slad du de dag ni brjod du ma mchis pa zhes bgyi ste zhes 'byung ngo // de ltar na phung po dang / khams dang / skye mched dang / rten cing 'brel bar 'byung ba la sogs pa dag dbang po ltar rnam par bshad pa yin no// des na de dag la rang bzhin ko ga la yod// de'i phyir ston pa'i gsung rab kyi dgongs pa ma dpyad pa dag gis shes rab kyi rtsal med par sbyar ba rnam par shes par smra ba 'di bsal bar bya ba khon yin no// 'dir smras pa/ gal te yul med par shes pa yod pa ma yin na/ 'o na gang bla ma'i man dag las rnal 'byor pa rnams kyis gzhi keng rus kyis yongs su gang bar mthong ba don+da ltar zhe na/ bshad pa/ rnal 'byor pa yis bla ma'i man ngag las// keng rus kyis gangs gzhi mthong ba gang // der yang gsum char skye ba med par mthang // ste yul dang dbang po dang / rnam par shes pa'o// de ci'i phyir zhe na/ ting nge 'dzin de ni/ log pa yid la byed par bstan phyir ro// 'di ni de kho na nyid ma yin pa yid la byed pa'o zhes 'byung ba'i phyir ro// 'di ni gdon
- 323b
mi za bar de ltar khas blang bar bya'o// de lta ma yin te/ khyod kyi dbang blo'i yul rnams ji lta ba// de ltar mi sdug yid kyi yang 'gyur na// de bzhin yul der blo gtad cig shos kyis// rtogs 'gyur de ni rdzun par yang mi 'gyur// ji ltar khyod bzlos gar gyi ltad mo la sogs blta ba na/ yul der mig gtad pa rnams las ji ltar gcig la mig gi rnam par shes pa de'i rnam pa can skye ba de bzhin du gzhan dag la yang yin pa de bzhin du/ rnal 'byor pa rnal 'byor pa ma yin pa keng rus la sogs pa'i yul la lta ba rnams la yang de'i rnam pa can gyi shes pa skye bar 'gyur te/ sngon po la sogs pa'i rnam par shes pa bzhin no// ting nge 'dzin 'di kho na nyid ma yin pa yid la byed par yang mi 'gyur ro// de bzhin du/ rab rib dang ldan dbang po can mtshungs pa// chu 'bab krung la yi dgas rnag blo yang // shes par bya'o// rab rib mthu las skra rnams gang mthong ba// zhes gang bshad pa de dang mtshungs pa de lta bu'i rigs can gzhan yang rig par bya ste spros pas chog go// mdor na ji ltar shes bya med de bzhin// blo yang med ces don 'di shes par gyis// shes bya rang bzhin med pa ji lta ba de bzhin du shes bya'i rnam pa can gyi blo yang rang gi bdag nyid kyis ma skyes par rig par bya'o// ji skad du/ ma shes pa ni shes bya min// de med rnam par shes med pa// de phyir shes dang shes bya dag/ rang bzhin med par khyod kyis gsungs// zhes bya ba dang / de bzhin du rnam shes sgyu ma dang mtshungs par// nyi ma'i gnyen gyis gsungs pa yin// de yi dmigs pa'ang de bzhin te// nges par sbyar ma'i dngos dang 'dra// zhes gsungs so// de'i phyir rnam par shes pa rdzas su smra ba'i rjed byed kyi gdon gyis bzung ba phyi rol gyi yul la srur pa 'debs pa 'di ni ci nas/ bdag nyid g.yang sar ltung bar byed par mi 'gyur bar dam pa snying rje spyod pa rnams kyis lung dang rigs pa'i gsang sngags bzang po btab pas tshabs
- 324a
cher mnan te bzung bar bya'o// de'i phyir de ltar phyi rol med par rnam par shes pa mi srid par bstan nas dngos po tsam zhig tu yod pa nyid dgag par bya ba'i phyir bshad pa/ gal te bzud med 'dzin pa nyid bral zhing // gnyis kyis stong pa'i gzhan dbang dngos yod na// 'di ni yod par gang gis shes par 'gyur// ma bzung bar yang yod ces byar mi rung // gal te bzung ba dang 'dzin pa zhes bya ba gnyis kyis stong pa gzhan gyis dbang yod na de'i yod pa de khyod kyis shes pa gang gis dmigs/ de nyid kyis de 'dzin par mi 'thad de// rang gi bdag nyid la byed par 'gal ba'i phyir ro// 'di ltar ral gri'i so de nyid kyis de nyid mi gcod la/ sor mo'i rtse mo de nyid kyis de nyid la mi reg cing / legs par bslabs pa'i g.yer zhing yang gze can gyis kyang rang gi phrag pa la zhon par mi nus shing / mes rang gi bdag nyid mes sreg la/ mig gis rang gi bdag nyid la lta ba ma yin no// de ni shes pa gzhan gyis 'dzin pa yang ma yin te/ rang gi grub pa'i mtha' dang 'gal ba'i phyir te/ gal te rnam par rig pa gzhan zhig rnam par rig pa'i yul yin na rnam par rig pa pa tsam nyid nyams par 'gyur ro zhes 'byung ba'i phyir ro// de'i phyir de ltar de'i 'dzin pa rnam pa thams cad du yod pa ma yin la ma bzung ba la ni yod pa nyid med do// 'dir smras pa/ gal te yang gzhan gzhan gyis 'dzin pa yod pa ni ma yin mod kyi/ lta na yang rang rig pa ni yod pa yin no// de'i phyir rang rig pa kho nas de 'dzin pa'i phyir yod pa nyid du 'gyur ro zhe na/ de yang yod pa ma yin par bshad pa/ de nyid kyis de myong bar grub ma yin// de nyid kyis de 'dzin to/ zhes bya ba 'di ni ma grub bo// 'dir kha cig gis mdo sde pa'i phyogs khas blangs nas rang rig pa rab tu sgrub pa'i phyir/ ji ltar me ni skyes pa nyid na rang gi bdag nyid dang bum pa la sogs pa dag gnyis su mi 'jug par
- 324b
cig car gsal bar byed la/ sgras kyang rang gi bdag nyid dang don ston par byed pa de bzhin du/ rnam par shes pa yang nye bar skye ba nyid ni gnyis su mi 'jug par rang gi bdag nyid dang / yul so sor yang dag par rig par byed pa yin no// de'i phyir rang rig pa zhes bya ba yod pa kho na yin no// gang zhig mi 'dod pa des kyang gdon mi za bar rang rig pa khas blang bar bya dgos te/ gzhan du na mthong ngo zhes dus phyis 'byung ba dran pas yul dran pa nyid dang / ngas mthong ngo snyam du yul gyi nyams su myong ba dran par mi 'gyur ro// ci'i phyir zhe na/ dran pa ni nyams su myong ba'i yul can yin na shes pa yang nyams su ma myong bas dran pa pa yod par mi 'gyur ro// rang rig pa med pa'i phyir na/ re zhig de nyid kyis de nyams su myong ba yod pa ma yin no// shes pa gnan gyis kyang de myong bar mi rigs te/ ci'i phyir zhe na/ shes pa gzhan gyis nyams su myong na thug pa med par thal bar 'gyur ro// 'di ltar sngon po yongs su gcod par byed pa'i shes pa gcig de'i 'jug thogs su 'byung ba'i rnam par shes pas gcod par khas len na/ sngon po'i shes pas shes pa de la yang myong ba po gzhan yod par bya dgos shing / de la yang gzhan zhig 'gyur dgos pas thug pa med pa'i skyon du thal lo// shes pa yul gzhan yongs su gcod par yang 'gyur te/ rnam par shes pa'i rgyun lugs mtha' dag shes pa gzhan gyi yul yin pa'i phyir dang / sems can rnams rnam par shes pa'i rgyud gcig yin pa'i phyir ro// rnam par shes pa ut+pa la'i 'dab ma brgya 'bigs pa ltar rim gyis 'byung ba rnams 'jug pa mUmyur ba cig car du 'jug pa lta bur mngon pa yin no// de'i phyir thug pa med pa'i skyon yongs su spang bar bya ba'i phyir gdon mi bar rang rig pa khas blang bar bya dgos so// de lta na ni ngas mthong ngo snyam du gnyi
- 325a
ka'i yul can gyi dran pa dus phyis 'byung ba yang 'grub ste/ shes pa'i rang bzhin rang rig pa ma gtogs pa la ni de'i yul can gyi dran pa de mi rigs so// de'i phyir ngas mthong ngo snyam du dus phyis dran pa'i shes pa skyes pa las/ gang las dus phyis gnyi ga'i yul can gyi dran pa skye ba nyams su myong ba'i shes pa rang gi bdag nyid dang / yul gyi bdag nyid myong zhing skyes pa dpog par byed do// de'i phyir dus phyis kyi dran pa las rang nyams su myong ba grub pa yin la/ rang nyams su myong ba yod na yang gzhan gyi dbang yod pa nyid yin pas/ de la 'di ni yod par gang gis shes par 'gyur ba zhes par 'gyur ba zhes gang smras pa la 'di nye bar bstan pa yin no zhes smras pa de yang rigs pa ma yin no zhes bstan par phyir bshad pa/ de nyid kyis de myong bar grub ma yin// gal te phyi dus dran pa las 'grub na// ma grub bsgrub par bya phyir brjod pa yi// ma grub 'di ni bsgrub par byed pa min// de la gal te re zhig rdzas sgrub par byed pa yin pa'i dbang du byas nas de skad du smra na ni/ de'i tshe bdag dang gzhan las skye ba med pa'i phyir/ rnam pa thams// cad du dran pa mi srid pas ji ltar ma grub pa'i dran pas ma grub pa'i rang rig pa sgrub par 'gyur/ 'on te 'jig rten gyi tha snyad kyi dbang du yin te/ de lta na yang rang rig pa'i rgyu can gyi dran pa mi srid pa nyid do// ci'i/ phyir zhe na/ gal te 'dir me bzhin du shes pa 'ga' zhig gis rang rig pa 'grub par 'gyur na ni/ de yod pas du bas me ltar dus phyis 'byung ba'i dran pa'i sgo nas yod pa nyid du nges par 'gyur ba zhig na/ rang rig pa de ni rung du yang ma grub pas rang rig pa'i rgyu can rang rig pa med par mi 'byung ba'i dran pa ga la yod de/ 'di ltar chu tsam mthong ba las nor bu chu shel lam/ me tsam mthong ba las nor bu me shel yod pa nyid ni
- 325b
ma yin te/ de dag med par yang cha la sogs pa dang gtsub shing gtsubs pa la sogs pa las chu dang me dag 'byung ba'i phyir te/ de bzhin du 'dir yang rang rig pa med par dran pa ji ltar 'byung ba de ltar bstan par 'gyur ro// de'i phyir rang rig pa'i rgyu can gyi dran pa ni de med par med pas ma grub bsgrub par bya ba'i phyir te rang rig pa bsgrub par bya ba'i phyir dran pa'i tshig brjod pa'i ma grub pa 'di sgrub pa'i dgos pa can du ma grub ste/ sgra mi rtag pa la mig gis bzung bya nyid bzhin no snyam du bsam pa yin no// ci ste de ltar rnam par dpyod pa btad nas kyang rang rig pa ni grub la rag mod kyi// de lta 'ang dran pa'i dran pa rigs min te// gzhan phyir ma shes rgyud la skyes pa bzhin// gtan tshigs 'dis ni khyad par dag kyang 'joms// gal te yang shes pas rang gi bdag nyid dang yul rig par byed mod kyi/ de lta na yang dran pa'i shes pas de dag dran pa ni mi rig te/ dran pa'i shes pa ni yul nyams su myong ba'i shes pa las gzhan nyid du khas blangs pa'i phyir ro// 'di ltar byams pa'i shes pa'i rang rig pa dang yul myong ba ni sngar nyams su myong bas nyer sbas kyi shes pas dran pa ma yin pa de bzhin du/ ma shes pa'i rgyud la skyes pa ltar gzhan yin pa'i phyir na rang gi rgyud du gtogs pa'i rnam par shes pa'i dus phyis 'byung bas kyang shes pa dang don dag nyams su ma myong ba'i phyir dran par mi 'gyur ro// ci ste rgud gcig tu gtogs pa rnams la rgyu dang 'bras bu'i dngos po gnas pa'i phyir dran pa yod par 'gyur ro snyam du sems na/ de yang yod pa ma yin te/ gang gi phyir/ gtan tshigs 'dis ni khyad par dag kyang 'joms// gzhan yin pa'i phyir zhes bya ba'i gtan tshigs gang yin pa 'dis ni/ rgyud gcig tu gtogs pa nyid dang / rgyu dang 'bras bu'i dngos po la sogs pa'i khyad par
- 326a
thams cad nye bar 'joms par byang nga// dran pa'i shes pa'i sad cag nyams su myong ba'i dus phyis 'byung ba ni gzhar yin pa'i phyir/ rgud gzhan gyi shes pa bzhin du nyams su myong ba'i shes pa dang rgyung gcig tu gtogs pa ma yin la/ chu dang 'bras bu'i dngos por gnas pa yang ba yir ro// zhes bya ba la sogs pa kakar yi pa'i phyir zhes bya ba'i gtar tshigs 'di nyid kyis rgya rang dgag par bya ba yin no// khyod kyi ltar na ci ltar zhe na/ brjod par bya ste/ gang phyir gang gis yul phyod gyur de las// dran pa 'di gzhan nga la yod min pa// de phyir nga yis mthong snyam dran gyur te// 'di yang 'jig rten tha skad tshul lugs yin// gang gi yul myor ba ste yul nyams su myong ba'i shes pa de las dran pa'i shes pa gzhan nyid du ji ltar med pa de ltar ni sngar bshad zin to// gang gi phyir dran pa gzhan nyid yod pa ma yin pa de'i phyir gang nyams su myong bas myong ba de dran pa'i shes pas myong ba ma yin pa ma yin pas drar pa yul dang ldan par 'byung la/ nyams su myong ba'i shes pas yongs su bcad pa gang yin pa de dran pas yongs su ma bcad pa ma yin pas bdag gis mthong ngo zhes bya bar yang 'gyur ro// 'di yang 'jig rten tshul lugs yin gyi shin tu dpyad par bya ba ni ma yin te/ rdzun pa'i don can nyid kyis 'jig rten gyi tha snyad yin pa'i phyir ro// gang gi phyir de ltar yin pa/ de'i phyir rang rig yod pa ma yin na// khyod kyi gzhan dbang gang gis 'dzin par 'gyur// byed po las dang bya ba gcig min pas// de nyid kyis de 'dzin par rigs pa yin pa dag rig par byed do// zhes rig par bya bzhin pa'i bdag nyid las kyi dngos por 'gyur la/ rig par bya ba de nyid kyang byed pa po yin zhing / de'i bya ba yang tha mi dad pa
- 326b
nyid yin pas byu ba pa dang las dang bya ba gcig tu thal bar 'gyur na/ 'di dag gcig pa nyid du ni ma mthong // 'di sa ra gcod pa pa dang shing dang gtsad pa'i bru ba gcag pa ni ma yin na// 'ad las kyang rang rig pa yod pa ma yin pas de nyid kyis de 'dzin pa ma yin no// 'phags pa lang+kar gshegs pa las kyang / ji ltar ral bris rang gis// gcod par mi byed sor mo ni// rang la reg par mi byed ltar/ rang rig sems kyang de bzhin no// zhes gsungs so// de'i phyir da ltar rang rig pa med pa'i phyir gal te skye ba med cing ma shes pa'i// bdag can gzhan dbang ngo po'i dngos yod na// gang gis na 'di yod par mi rigs pa// gzhan la mo gsham bus gnod ci zhig bstsal// gzhan gyi dbang dang gzhan las mi skye bar na gong du spyir bstan pa yin la/ da ni ma shes pa'i bdag nyid can du yang bstan pa yin no// de'i phyir de ltar gal te skye ba med cing ma shes pa'i bdag nyid can gzhan gyi dbang gir po yod do zhes bya bar khas len na/ gang las gzhan gyi dbang dang mtshungs pa'i chos can yin du zin kyang / 'di yod pa nyid du 'dod par mi 'gyur ba khyod la mo gsham gyi bus gnod pa ci zhig byas te/ mo gsham gyi bu zhes bya ba spros pa thams cad las 'das shing 'phags pa'i ye shes kyi spyod yul du gyur pa brjod du med pa'i rang bzhin can zhig yod do zhes 'di yang yod pa nyid du 'dod par gyis shig gang yang dngos po btags par yod pa'i rgyur gyung zhing / zhes smras pa de yang gzhan gyi dbang yod pa nyid yon na rigs pa zhig nA/ gang tshe gzhan dang chung zad yad min na// kun rdzob pa y-i rlung nig shAr// kun rdzob pa rnams la rgyu chung zad kyang med do snyam du bsam pa'o// de'i phyir 'di la 'jig rten gyi tha sad kyi rgyu gang yin pa de 'aM
- 327a
kyis yod pa ma yin pas/ kye ma kyi hud/ gzhan gyi ltar na rdzas la chags pa yis// 'jig rten grags pa'i rnam bzhag kun kyang brlab// shes rab med pas rdzas cha shas tsam la chags pa'i sgo nas/ gzhan gyi dbang gi bum pa so ma btang bar chu dang 'dra ba blugs nas rang gi blo gros kyi tshul ngan pa'i phyir 'jig rten pa'i rnam par bzhag pa 'jig rten kho na las grub pa// 'dug gcig song zhig byos shig chos shig ces bya ba de lta bu la sogs pa dang / de bzhin du gzugs dang tshor ba zhes bya ba la sogs pa gang yin pa de dag thams cad 'jigs par rtogs te/ de'i phyir 'di la chud pa nyid 'ba' zhig srid par 'gyur gyi mngon par mtho ba ni ma yin no// de'i phyir de ltar slob dpon phyin ci log las rang gi rnam par rtog pas sbyar ba'i lugs kyi lam kho nar zhugs pa/ slob dpon/ klu sgrub zhabs kyi lam las ni// phyi rol gyur la zhi ba'i thabs med do// ci'i phyir zhe na/ 'di ltar/ de dag kun rdzob de nyid bden las nyams// de las nyams pas thar pa grub yod min// yang ci'i phyir bden pa gnyis las yongs su nyams pas thar mi 'grub ce na/ bshad pa/ tha snyad bden pa thabs su gyur pa dang // don dam bden pa thabs byung gyur pa ste// de gnyis rnam dbye gang gis mi shes pa// de ni rnam rtog log pas la ma ngan zhugs// ji skad du/ 'phags pa de kho na nyid nges par bstan pa'i ting nge 'dzin las/ 'jig rten mkhyen pas gzhan la ma gsan par// bden pa 'di gnyis nyid kyis bstan pa mdzad// gang zhig kun rdzob de bzhin don dam ste// bden pa gsum pa gang yang ma mchis so// gang gis bde bar gshegs la 'gro ba rnams// bde ba'i don du dad pa skye 'gyur ba// rgyal bas
- 327b
'gro ba rnams kyi don slad du// 'jig rten phan phyir kun rdzob de bstan to// sems can tshogs kyi 'gro drug gang bstan pa// sems can dmyal dang dud 'gro yi dgas dang // lha min rigs dang mi dad lha yi rnams// mi yi seng ges kun rdzob btags pa mdzad// rigs dma' de bzhin mtho ba'i rigs rnams dang // phyug po'i khyim dang dbul po'i khyim rnams dang // bran gyi tshogs dang de bzhin g.yog gi tshe gra/ bud med tshogs dang skyes pa la ning dang // 'gro ba'i khyad par ji snyed gar yang rung // mtshungs med khyod kyis 'jig rten bstan mdzad pa// kun rdzob bden par mkhas pas thugs chud nas// 'jig rten mkhyen pas mi la de bstan to// 'di la dga' ba'i 'gro ba 'khor ba na// 'gro ba'i chos brgyad la ni 'jug 'gyur te// thob dang ma thob snyan dang mi snyan dang // bstod dang smad dang bde dang sdug bsngal lo// thob pa rnyed na de la chags pa bskyed// ma thob gyur na des kyang 'khrug par 'gyur// gang gzhan ma bstan tshul 'di shes par bya// nad rnams brgyad kyis de rgyun gnod par 'gyur// kun rdzob de la don dam su smra ba// de dag nor/ ba'i blo ldan shes par bya// mi sdug sdug dang sdug bsngal bde ba dang // bdag med rang bzhin bdag tu smrab dang // mi rtag chos la rtag ces smra ba byed ci/ de ltar dga' samatshan mar gang gnas pa// de dag pa gshegs gsung ni thos gyur na// 'jigs shing ji bzhin mi rtogs spong bar 'gyur// de dag bde gshegs gsung ni spangs gyur na// sems can dmyal bar sdug bsngal mi bzad myong // de dag tshul min bde ba tshol bgyid kyang // sdug bsngal brgya dag byis pas myong bar 'gyur// 'jig rten pa na pa'i bstan pa su zhig gis// ma log blo yis rnam par rtogs gyur na// sbrul gyi pags pa rnying ltar rab spangs te// srid pa
- 328a
kun las 'das nas zhi bar 'gyur// chos 'di thams cad rang bzhin dben pa ste// stod pa mtshan ma med pa don dam zhes// gang gis thos nas dga' ba skye 'gyur ba// de dag bla med byang chub thob par 'gyur// rgyal ba khyod kyis phung po dben par gzigs// khams dang skye mched rnams kyang de bzhin te// dbang po'i grong ni mtshan mas dben pa dag/ kun kyang thub pa khyod kyis ji bzhin gzigs// zhes gsungs pa lta bu'o// de'i phyir de ltar kun rdzob dang don dam pa'i bden pas dben pa rnams la thar pa lta ga la yod/ de'i phyir rnam par shes par smra ba de dag ni rnam par rtog pa log pa dag gis la ma gol bar zhugs pa kho na'o// 'dir tha snyad kyi bden pa bstan pa ni thabs su gyur pa ste/ ji skad du/ yi ge med pa'i chos la ni// nyan pa gang dang ston pa gang // 'gyur ba med la sgro btags pas// 'on kyang nyan zhing ston pa yin// zhes gsungs so// tha snyad kyi bden pa kho na la gnas te don dam pa ston pa yin la/ don dam pa bstan pa khong du chud pa las kyang don dam pa 'thob ste/ ji skad du/ bstan bcos las/ tha snyad la ni ma brten par// dam pa'i don ni bstan mi 'gyur// dam pa'i don la ma brten par// mya ngan 'das pa thob mi 'gyur// zhes gsungs so// de la don dam pa bstan pa ni thabs las byung bar gyur zhing 'bras bur gyur pa ste// thabs las byung ba dang 'bras bu dang thob par bya ba dang rtog par bya ba zhes bya ba'i don to// 'dir smras pa/ gal te khyod kyis de skad du kho bo cag la shin tu bltos pa med par smra na/ da ni nged cag kyang khyod la bzod pa/ mi byed de/ gal te bdag nyid gzhan gyi phyogs sun 'byin pa tsam la mkhas par mngon par byed cing 'thad pas mi rigs pa'i phyir gzhan gyi dbang gi ngo bo sel bar byed na/ 'o na da ni ji sa da spras pa'i 'thad pa
- 328b
nas mi rigs pa'i phyir khyod la grags pa'i kun rdzob sel bar byed pa yin no zhe na/ gal te khyod thog ma med pa'i dus nas dka' ba brgya phrag gis bsags pa'i nor gyi tshogs 'phrog pa po la mdza' bo'i zol gyis dug dang bcas pa'i kha zas byin nas slar thogs pa bzhin du lan du gnod pa byas pas rangs par gyur na 'gyur la rag ste kho bo cag ni mngon par mtho zhing dge ba nyid du 'gyur ro// 'di ltar/ ji ltar khyod kyis gzhan dbang dngos 'dod ltar// kun rdzob kyang ni bdag gis khas ma blangs// 'bras phyir 'di dag med kyang yod do zhes// 'jig rten ngor byas bdag ni smra bar byed// ji ltar khyod kyi rang dbang du gnas nas// rang gi gzhung lugs kyis gzhan gyi dbang gi ngo bo 'phags pa'i ye shes kyis thugs su chud par bya ba zhig smra ba de ltar ni kho bos kun rdzob pa ma yin te/ 'o na ci zhe na/ yod pa ma yin yang 'jig rten kho na la grags par gyur pas yod do zhes 'jig rten gyi ngo bo kho nar brjod pa yin te/ de rjes su brjod pa ni de ldog pa'i thabs yin pa'i phyir ro// ji skad du/ bcom ldan 'das kyis 'jig rten da dang lhan cig rtsod kyi/ nga ni 'jig rten dang mi rtsod de/ gang 'jig rten na yod par 'dod pa de ni ngas kyang yod par bzhed do// gang 'jig rten na med par 'dod pa de ni nga yang med par bzhed do zhes gsungs pa lta bu'o// ci ste kun rdzob 'di ji ltar phung po spangs nas zhir zhugs pa/ dgra bcom rnams la yod pa min de ltar// 'jig rten la yang med na de bzhin 'di// 'jig rten las kyang yod ces bdag mi smra// ji ltar dgra bcom pa phung po lhag ma med pa'i mya ngan las 'das pa'i dbyings su zhugs pa rnams la bdag nyid thams cad du kun rdzob yod pa ma yin pa de bzhin du/ gal te 'jig rten la yang yod par mi 'gyur na ni de bzhin du dgra bcom pa'i phung po la sogs pa bzhin du 'di dag
- 329a
yod do zhes 'jig rten la bltos nas kyang kho bo mi smra ste/ de'i phyir gzhan la rag las pa nyid kyi sgo nas bdag gis kun rdzob khas blangs kyi rang dbang du ni ma yin no// khas kyang 'jig rten kho nas blangs/ pa yin te/ de'i phyir gang gi khas blangs pa de kho na la bltos nas sel ba na bsal bar 'os pa yin te/ gzhan la bltos nas ni ma yin no zhes bshad pa/ gal te khyod la 'jig rten mi gnod na/ 'jig rten nyid bltos 'di ni dgag par gyis// khyod dang 'jig rten 'dir ni rtsod kyis dang // phyi nas stobs ldan bdag gis brten par bya// kho bo cag ni 'jig rten gyi kun rdzob bzlog par bya ba'i phyir shin tu tshegs che bar gnas par 'gyur gyis khyod kyis 'jig rten gyi kun rdzob sol cig/ gal te khyod la 'jig rten gyi gnod par mi 'gyur na ngas kyang khyod la stongs gdab par bya'o// 'jig rten gyis ni gnod pa yang yin te// de'i phyir bta/ snyoms nyid la brten par bya'o// khyod dang 'jig rten 'di ni rtsod kyi sa dang // de la gal te khyod rgyal na ni de'i phyir 'di kho bo cag 'dod pa nyid yin pas khyod la brten par bya'o// 'on te khyod 'jig rten gyis pham par byas// na ni de'i tshe shin tu stobs dang ldan pa'i 'jig rten nyid la bdag nyid brten par bya'o// 'dir smras pa gal te 'thad pa dang bral yang 'jig rten gyis gnod pas 'jigs nas khyod kyis kun rdzob khas blangs na ni/ lung gi// gnod pas 'jigs pas sems tsam nyid du yang khas blang bar bya dgos te/ ji skad du sems te/ 'di ltar khams gsum po 'di ni sems tsam ste zhes gsungs pa lta bu'o// brjod par bya ste/ bde bar gshegs pa'i// gsung gi nor bu an+da nI la las sbyar ba'i mdo sde'i sa gzhi bstar ba la/ de'i rang bzhin gyi khyad par ma zin par byas nas rnam par shes pa dngos por smra ba'i chu'i rnam par yongs su 'gyur bar 'khrul pa khyod ni rnam par
- 329b
shes pa dngos por smra ba'i chu tsam zhig bcu par 'dod pas/ rang gi blo gros kyi sa'i bum pa so ma btang ba bshal zhing bsnyugs nas dum bu rnam pa brgyar klog pa na/ bdag nyid de'i rang bzhin shes pa rnams kyis gzhad/ gad du 'gyur bar byed pa yin no// mdo'i dgongs pa 'di ni ji ltar khyod kyi blo la snang ba de ltar ma yin no// yang 'dir mdo'i don ci yin zhe na/ de'i phyir bshad pa/ mngon gyur mngon phyogs byang chub sems dpa' yis// / srid gsum rnam shes tsam du gang rtogs pa// bdag rtag byed po bkag pa rtogs phyir des// byed pa po ni sems tsam yin par rtogs// gang gi phyir mdo de nyid las lugs su byung ba'i rnam par rten cing 'brel par 'byung ba la rab tu rtog go/ de ltar na sdug bsngal gyi phung po sdug bsngal gyi ljon pa byed pa po dang tshor ba po med pa 'ba' zhig po 'di mngon par 'grub par 'gyur ro snyam mo// de 'di snyam du sems te/ byed pa po la mngon par zhen pas las rnams yod par gyur to// gang na byed pa po med pa de na don dam par las kyang mi dmigs so snyam mo// de 'di snyam du sems te/ 'di ltar khams gsum po 'di ni sems tsam ste/ srid pa'i yan lag bcu gnyis po gang dag de bzhin gshegs pas rab tu phye ste bka' stsal pa de dag thams cad kyang sems gcig la brten pa dag go zhes rgya cher gsungs so// de'i phyir de ltar bdag rtag pa byed pa po bkag nas kun rdzob tu sems tsam zhig kho na byed pa po mthong zhing khams gsum rnam par shes pa tsam du rtog pa yin no// byang chub ni thams cad mkhyen pa'i ye shes so// der sems pa ste sems shing mno ba de la yod pas/ byang chub sems dpa' 'am/ yang na byang chub tu nges par yod pa nyid de bdog pa nyid de la yod pas byang chub sems dpa' yin pa 'am/ byang chub tu nges pa'i sems can gang zag ni byang chub sems dpa' ste/
- 330a
bar gyi tshig mi mngon par byas pa'i tshig bsdu ba'o// rtogs pa ni khong du chud pa zhes bya ba'i don to// mngon phyogs zhes bya ba ni chos kyi dbyings la mngon du phyogs pa'o// mngon gyur zhes bya ba ni sa drug par zhes bya ba'i don te de ltar yan lag gi don yin no// de'i phyir de ltar mdo'i don bshad nas// don 'di nyid mdog gzhan gyis kyang bstan pa'i phyir bshad pa/ de'i phyir blo ldan blo ni 'phel bya'i phyir// lang+kar gshegs mdo de las kun mkhyen gyis// mu stegs spo mthon ri 'jom ngag rang bzhin// rdo rje 'di ni dgongs pa bcad phyir gsungs// 'di ni zhes bya ba 'dis bstan pa'i tshigs su bcad pa 'don pa ni// gang zag rgyun dang phung po dang // de bzhin rkyen dang rdul dag dang // gtso bo dbang phyug byed po rnams// sems tsam du ni ngas bshad do// zhes bya ba ste/ tshigs su bcad pa 'di ni 'phags pa lang+gar gshegs pa las 'don pa yin no// 'di'i don dgrol ba'i phyir bshad pa/ ji bzhin rang gi bstan chos de de las// mu stegs rnams kyis gang zag sogs de dag/ smras pa de dag byed por ma gzigs nas// rgyal bas sems tsam 'jig/ pa gsas/ sa na sas nas tha bani sa brdzun pa sbyinas da dgags kya shAng zhal sas bdun 'dusanas// na pag gan da sa ngas 'dug pa yin// stegs ltar bstan pa'i don phyin ci ma log par khong du ma chud pa'i phyir ro// de'i phyir nges par bstan pa 'di ni kun la khyab par byed pa kho na'o// ji skad du/ gang zag phung por smra ba yi// 'jig rten grangs can 'ug phrug dang // gos med bcas la gal te zhig/ yod med 'das pa smra na dris// de phyir sangs rgyas rnams kyis ni// bstan pa 'chi med yod med las// 'das pa zab mo zhes bstan pa// chos kyi khud
- 330b
pa yin zhes kyis// zhes gsungs so// phung po la sogs par mngon par zhen pa de dag ni phyi rol pa nyid du rig par bya'o// ji ltar rang gi zhes bya ba ni rang rang gi grub pa'i mthar zhes bya ba'i don to// de nyid kyi phyir mu stegs pa rnams kyis phung po la sogs pa dag kyang byed pa po nyid du 'dod par nye bar mtshon pa yin te/ 'khor ba 'di ni thog ma med pas 'dir rtog pa ci zhig ma byung bar gyur zhing ci zhig mi 'byung bar 'gyur/ 'di ltar da ltar nyid du yang spong ba dkar po la sogs pa dag phung po la sogs pa ston par snang ba nyid do// bcom ldan 'das kyis ni gang zag la sogs pa 'di dag byed pa po nyid du ma gzigs pa na sems tsam kho na 'jig rten gyi byed pa po nyid du bstan to zhes bya ba ni mdo'i don yin no// de ltar na re zhig byed pa po gzhan bkag pas don byas zin pa'i phyir tsam gyi sgras shes bya 'gog par mi nus par brjod nas/ rnam pa gzhan du bshad pa las kyang phyi rol 'gog pa mi srid par bstan pa'i phyir bshad pa/ de nyid rgyas la sangs rgyas bsnyad ji bzhin// de bzhin sems tsam gtsor gyur 'jig rten la/ mdo las sems tsam zhes gsungs gzugs ni 'dir// 'gog pa de ltar mdo yi don ma yin// ji ltar kho na nyid la rgyas pa la sangs rgyas shes tshig snga ma mi mngon par byas nas kyang rnam par bshad pa yod pa de bzhin du/ sems tsam gtso bor gyur pa la yang gzhan gtso bo yin pa bkag nas khams gsum sems tsam mo zhes bya bar shes par bya'o// de'i phyir 'dis ni gzugs la sogs pa rnams gtso bo nyid yin pa sel bar ston pa yin gyi/ sems tsam zhig kho na yod kyi gzugs ni med do zhes yod pa nyid 'gog pa ni ma yin no// mdo'i don 'di ni ji skad kho bo cag gis bshad pa de bzhin du gdon du
- 331a
gdon mi za bar 'dod par bya'o// khyod kyi lugs ltar/ gal te 'di dag sems tsam zhes mkhyen nas// de las gzugs nyid dgag par mdzad na ni// slar yang de las bdag nyid chen pos sems gti mug las las skyes par ci phyir gsungs// 'phags pa sa bcu pa de nyid las/ rnam par shes pa ma rig pa dang 'du byed kyi rgyu can du gsungs kyi rang gi mtshan nyid kyis grub pa ni ma yin no// / gal te rnam par shes pa rang gi bdag nyid kyis grub par gyur na ni de ma rig pa'am 'du byed la mi bltos par 'gyur ba zhig na bltos pa yang yin no// de'i phyir rnam pa thams cad du rnam par shes pa rang bzhin gyis yod pa ma yin pa kho na ste/ rab rib can gyis dmigs pa'i skra shad la sogs pa ltar phyin ci log gi rkyen yod na yod pa'i phyir la/ de kho na ltar phyin ci log gi rkyen med na med pa'i phyir ro/ snyam du bsams pa'o// ji skad du/ de ltar byang chub sems dpa' lugs su 'byung ba'i rnam par rten cing 'brel par 'byung ba la rab tu rtog go/ de 'di snyam du sems te/ bden pa rnams mi shes pa ni don dam par ma rig pa'o// ma rig pas byas pa'i las kyi rnam par smin pa ni 'du byed rnams so// 'du byed la brten pa'i sems dang po ni rnam par shes pa'o// rnam par shes pa dang lhan cig skyes pa len pa'i phung po gzhi ni ming dang gzugs so// med dang gzugs rnam par 'phel ba ni skye mched drug go/ dbang po dang yul dang rnam par shes pa gsum phrad pas zag pa dang bcas pa ni reg pa'o// reg pa dang lhan cig skyes pa ni tshor ba'o// tshor ba la chags pa ni sred pa'o// sred pa rnam par 'phel ba ni len pa'o// len pa las byung ba'i las zag pa dang bcas pa ni srid pa'o// las kyi rgyu mthun pa ni skye ba ste phung po 'byung ba'o//
- 331b
phung po yongs su smin pa ni rga ba'o// rgas pa'i phung po 'jig pa ni 'chi ba'o// 'chi zhing bral ba'i tshe myos shing chags pa dang bcas pas sems yongs su gdung ba ni mya ngan no// mya ngan las byung ba'i tshig tu brjod pa ni smre sngags 'don pa'o// dbang po lnga'i nyams su bab pa ni sdug bsngal lo// yid kyi lta ba nyams su bab pa ni yid mi bde ba'o// sdug bsngal dang yid mi bde ba mang po 'byung ba ni 'khrugs pa ste/ de ltar na sdug bsngal gyi phung po sdug bsngal gyi ljon pa byed pa po dang tshor ba po med pa 'di mngon par 'grub par 'gyur ro ro snyam mo// de la ma rig pa ni bya ba gnyis su nye bar gnas pa yin te/ sems can rnams kyang dmyigs pa la kun tu rmongs par byed pa dang / 'du byed mngon par 'grub pa'i rgyu yang 'byin pa'o// 'du byed rnams kyang bya ba gnyis su nye bar gnas pa yin te/ ma 'ongs pa'i rnam par smin pa yang mngon par 'grub par byed pa dang / rnam par shes pa mngon par 'grub pa'i rgyu yang 'byin pa'o// rnam par shes pa yang bya ba gnyis su nye bar gnas pa yin te/ srid pa'i nying mtshams sbyor bar yang byed pa dang / ming dang gzugs mngon par 'grub pa'i rgyu yang 'byin pa'o// / ming dang gzugs kyang bya ba gnyis su nye bar gnas pa yin te/ phan tshun rton par yang byed pa dang / skye mched drug mngon par 'grub pa'i rgyu yang 'byin pa'o// skye mched drug kyang bya ba gnyis su nye bar gnas pa yin te/ rang gi yul rnam par phye ba yang ston pa dang / reg pa mngon par 'grub pa'i rgyu yang 'byin pa'o// reg pa yang bya ba gnyis su nye bar gnas pa yin te/ dmigs pa la reg pa yang byed pa dang / tshor ba mngon par 'grub pa'i rgyu yang 'byin pa'o// tshor ba yang bya ba gnyis su nye bar gnas pa yin te/ yid du 'ong ba dang yid du mi 'ong ba dang gnyi ga la rnam par grol ba myong bar yang byed pa dang / sred pa mngon par 'grub pa'i rgyu yang 'byin pa'o//
- 332a
srad pa yang bya ba gnyis sun+ti ba~M gau nisa~M pa~M yin te/ tshogs pa'i byung ba'i dngas pa la kun tu chags par yang byed pa dang / len pa mngon par 'grub pa'i sku yang 'byin pa'o// len pa yang bya ba gnyis sa nye bar gnas pa yin te/ gong ma lta bu dang / srid pa mngon par 'grub pa'i rgyu yang 'byin pa'o// srid pa yang bya ba gnyis su nye bar gnas pa yin te/ srid pa'i rgyun gzhan gnas par byed pa dang / skye ba mngon par 'grub pa'i rgyu yang 'byin pa'o// skye ba yang bya ba gnyis su nye bar gnas pa yin te/ gong ma lta bu dang / rga ba mngon par 'grub pa'i rgyu yang 'byin pa'o// rga ba yang bya ba gnyis su nye bar gnas pa yin te/ dbang po yongs su 'gyur bar yang byed pa dang / 'chi ba dang phrad pa mngon par 'grub pa'i rgyu yang 'byin pa'o// ji srid du 'chi ba yang bya ba gnyis su nye bar gnas pa yin te/ 'du byed 'jig par yang byed pa dang / yongs su mi shes pa rgyun mi 'chad pa'i rgyu yang 'byin pa'o zhes bya ba'i bar du gsungs pa lta bu ste/ de lta bra la sogs pas rnam par shes pa ma rig pa dang / 'du byed kyi rgyu can du bstan pa yin no// de ltar re zhig byin ci log gi rkyen yod pas rnamapa gas pa sa pa gsal bar byas med ky-i/ de med pa sa yang mdu ba na zhen/ mag pa 'gags pas 'ang byung mas nag/ zhes pa ba ni byinas pa/ pa me pa du byed ma mnapa pa ni na pa pa med pa'o// 'du byed 'gags pas rnam par shes pa 'gag go zhes bya ba ni rkyen 'du byed med pas rnam par shes pa nye bar zhi zhing brten med pa'o zhes rgyas par gsungs nas/ de 'di snyam du sems te/ 'dra ba las ni 'dus byas 'byung ngo // bral ba las ni 'dus byas mi 'byung ngo // tshogs pa las ni 'dus byas 'byung ngo // mtshogs pa las ni mi 'byung ngo // de ltas bdag gis 'dus byas nyes pa mang po'i skyon chags pa de
- 332b
lta bu 'di shes par byas la 'du ba 'di dang tshogs pa 'di'i rgyun bcad par yang bya zhing sems can yongs su smin par bya ba'i phyir 'du byed rnams shin tu zhi ba thob par ni mi bya'o snyam mo// kye rgyal ba'i sras dag de de ltar 'du byed du gyur pa nyes pa mang po'i skyon chags shing ngo bo nyid med pa dang / ma skyes pa ma 'gags par so sor rtog pa na zhes rgyas par gsungs te/ de'i phyir de ltar na sems dang bcas pa su zhig de nyid las gsungs pa'i lung mthong nas rnam par shes pa rdzas su yod par rtog par byed de/ yongs su rtog par byed pa de ni lta bas byas pa nyid du 'gyur ro// de'i phyir sems tsam du gsungs pa ni sems tsam zhig kho na gtso bor gyur pa nyid du yongs su gsal bar bya ba'i phyir yin gyi/ lung 'di gzugs med pa nyid gsal bar byed pa ni rnam pa thams cad du ma yin no// sems kyi gtso bo nyid bstan pa'i phyir bshad pa/ sems nyid kyis ni sems can 'jig rten dang // snod kyi 'jig rten shin tu sna tshogs 'god// 'gro ba ma lus las las skyes par gsungs// sems spangs nas ni las kyang yod ma yin// de la sems can gyi 'jig rten ni sems can rang gi las dang nyon mongs pas bdag gi dngos po rnyed pa rnams so// snod kyi 'jig rten ni de dag kho na'i thun mong gi las kyis bskyed pa'i rlung gi dkyil 'khor la sogs pa'i 'og min gyi gzhal yas khang gi mthar thug pa dag go/ de la rma bya la sogs pa rnams kyi mdongs la sogs pa sna tshogs pa gang yin pa de ni rma bya la sogs pa kho na'i las thun mong ma yin pas bskyed pa'o// pad+ma la sogs pa sna tshogs pa ni sems can thams cad kyi las thun mong bas bskyed pa yin te/ de bzhin du gzhan yang shes par bya'o// ji skad du/ sems can las kyi dbang gis ri// nag po dus su skyes te dper// sems dmyal mtho ris 'jig rten du// mtshon dang rin chen
- 333a
shing bzhin no// zhes gsungs so// gang gi phyir de ltar na 'gro ba ma lus pa las las skyes shing las kyang sems la bsten pa yin te/ sems dang bcas pa kho na las gsog pa'i phyir la/ sems med na las med pa'i phyir ro// de'i phyir 'gro ba rab tu 'jug pa la sems nyid gtso bo'i rgyu yin gyi gzhan ni ma yin pas mdo las sems tsam zhig kho na gtso bor bzhag gi gzugs ni ma yin no// ci'i phyir zhe na/ gal te gzugs yod mod kyi de la ni// sems bzhin byed pa po nyid yod ma yin// gzugs ni bem po yin no snyam du bsams pa'o// des na sems las gzhan pa'i byed pa po// bzlog gi gzugs ni bkag pa ma yin no// 'di na kha cig dag gis ni gtso bo la sogs pa rnams byed pa po nyid du 'dod la/ kha cig gis ni sems la 'dod kyi/ gzugs byed pa po nyid ma yin pa la ni rtsod pa med do// de'i phyir gtso bo la sogs pa byed pa po nyid du dogs par byas pa de'i mtshan nyid med pa kho na bsal ba'i phyir/ byed pa po nyid du nus par mthong ba'i sems tsam zhig byed pa por brjod pa na gtso bo la sogs pa byed pa po nyid yin pa bsal nas rtsod pa'i gnas kyi yul gnon no zhes bya bar rigs te/ yul gcig la dbang byed par 'dod pa'i rgyal po gnyis kyi nang nas 'gran zla gcig bton nas rang gi yul 'thob cing gnyi ga la nye bar mkho ba'i phyir skye bo phal pa la gnod pa med pa ltar de bzhin du/ 'dir yang gnyi ga la nye bar mkho ba'i phyir gzugs la rtag tu gnod pa med pas gzugs yod pa kho na yin no zhes bya bar nges par bya'o// de'i phyir de ltar ji skad bstan pa'i tshul gyis// 'jig rten pa yi de nyid la gnas la// phung po 'jig rten grags te lnga char sags cha bas dang pan// rnal kya pa la de khrung me gyur// gang ga kyid das yin pa byer// gzags ma nasams yod pa 'dzin na// sems mang med na ga zugs pa ma 'dzin pa/
- 333b
gang gi tshe 'thad pas gzugs med par rtogs na ni// de'i tshe gnyi ga'i yod pa 'thad pa dang bral ba'i phyir sems med par yang rtogs par bya dgos la/ yang gang gi tshe sems yod pa nyid du rtogs na ni de'i tshe gzugs kyang rtogs par bya dgos te/ gnyi ga yang 'jig rten la grags pa'i phyir ro// lung las kyang de ltar rtogs par bya ste/ 'di ltar/ de dag shes rab tshul mdor sangs rgyas kyis// mtshungs par spangs shing mngon pa'i chos las gsungs// gzugs la sogs pa'i phung po de dag ni chos mngon pa las rang dang spyi'i mtshan nyid la sogs pa'i rab tu dbye ba'i sgo nas lnga char yang mtshungs par gsungs la/ shes rab kyi pha rol tu phyin pa las ni lnga char yang mtshungs par bkag pa yin te/ rab 'byor gzugs ni rang bzhin gyis stong ngo zhes bya ba nas rnam par shes pa ni zhes bya ba'i bar du gsungs pa'i phyir ro// de'i phyir de ltar lung dang rigs pas grub pa yi// bden gnyis rim pa 'di dag bshig nas kyang / khyod kyis rdzas ni bkag pas 'grub mi 'gyur// gzugs med par rnam par shes pa tsam zhig 'dod pas ni kun rdzob dang don dam pa dag gi rim pa ji skad du smras pa bshig par 'gyur la/ de ltar bden pa dgag / gas kya byud dus hU~M 8/ dang/ sa sa ga dang b+h+ri kya kyas pa nyid du 'byu // de pas dngos gdod nas// de nyid ma skyes 'jig rten skyes rig bya// 'dir smras pa/ gal te yang mdo'i don 'di de ltar bshad mod kyi/ de ltar na yang lung gzhan las sems tsam yod pa nyid du nges te/ ji skad du/ phyi rol snang ba yang med de// sems ni sna tshogs rnams su snang // lus dang longs spyod gnas 'dra ba// sems tsam du na ngas bshad do// zhes gsungs so// de la lus ni mig la sogs pa'i skye mched rnams so//
- 334a
longs spyod ni gzugs la sogs pa'i yul rnams so// gnas ni snod kyi 'jig rten no// sems las log shig na phyi rol yod pa ma yin pa'i phyir// rnam par shes pa tsam zhig kho na lus dang longs spyod dang gnas su snang bar skye ba na yul gyi dngos por gnas pa lus la sogs pa rnam par shes pa las tha dad par phyi rol lta bur mngon pa yin no// de'i phyir khams gsum po ni sems tsam yin no zhe na/ mdo 'di yang dgongs pa can nyid du brjod pa'i phyir bshad pa/ mdo sde gang las phyi rol snang yod min// sems ni sna tshogs snang ngo zhes gsungs pa// de'i dgongs pa ni 'di yin te/ gzugs la shin tu chags gang de dag la/ gzugs bzlog pa ste de yang drang don nyid// de la 'di ni drang ba'i don yin te// gang dag gzugs la shin tu re ba dang bcas pa de'i rkyen can gyi rjes su chags pa dang khong khro ba dang nga rgyal la sogs pa rnams kyis 'jug pa rang dbang med par byas par 'gyur zhing / de la mngon par zhen pas de dag sdig pa chen po dang sbyor la bsod nams dang ye shes kyi tshogs bsags pa las nyams par 'gyur ba de dag la bcom ldan 'das kyi gzugs kyi rkyen can gyi nyon mongs pa gzhom pa'i phyir chags pa can dag la phyi rol gyi yul la chags pa 'joms pa'i keng rus ltar// de lta bur gyur pa ma yin yang de lta bu nyid du sems tsam nyid du bstan pa yin no zhes shes par bya'o// yang lung 'di drang ba'i don yin gyi nges pa'i don ni ma yin no// zhes bya ba de ltar gang las nges she na/ lung dang rigs pa las so// de nyid ston pa'i byed pa ni// 'di ni ston pa'i drang don nyid gsungs shing // 'di ni drang don nyid du rigs pas 'thad// ces bya ba'o// mdo 'di drang ba'i don yin pa 'ba' zhig tu ma zad kyi gzhan yang // rnam pa de lta'i mdo sde gzhan yang ni//
- 334b
drang don nyid du lung 'dis gsal bar byed// rnam pa de lta bu'i mdo sde de gang yin zhe na/ ji skad du dgongs pa nges par 'grel pa'i mdo las/ brtags pa dang gzhan gyi dbang dang yongs su grub pa zhes bya ba rang bzhin gsum bstan pa las/ brtags pa med pa nyid dang / gzhan gyi dbang yod pa nyid dang / de bzhin du/ len pa'i rnam par shes pa zab cing phra// sa bon thams cad chu bo'i rgyun ltar 'bab// bdag tu rtogs par gyur na mi rung zhes// byis pa rnams la ngas ni de ma bstan// zhes bya ba la sogs pa ste 'di// ji ltar nang pa nad pa la// sman pas sman rnams gtong ba ltar// sangs rgyas de bzhin / sems can la// sems tsam du yang rab tu gsungs// zhes bya ba'i lung 'dis drang ba'i don nyid du gsal bar byed do// de bzhin du bcom ldan 'das kyis mdo brjod pa las/ de bzhin gshegs pa'i snying po gsungs pa de bcom ldan 'das kyis rang bzhin gyis 'od gsal ba rnam par dag pas/ thog ma nas rnam par dag pa nyid mtshan sum cu rtsa gnyis dang ldan pa sems can thams cad kyi lus kyi nang na mchis par brjod de/ bcom ldan 'das kyis rin po che na thang chen po gas dri ma can gyis yongs su dkris pa lta phung po dang khams dang the mched lcags kyi yongs su dkris pa/ 'dod chags dang zhe sdang dang gti mug gi gyis non pa/ yongs su rtog pa'i dri mas dri ma can du gyur pa/ rtag pa brtan pa ther zug par ni brjod na/ bcom ldan 'das de bzhin gshegs pas de bzhin gshegs pa'i snying por smra ba 'di ni mu stegs/ byed kyi bdag tu smra ba dang ji ltar 'dra ba ma lags/ bcom ldan 'das mu stegs byed rnams kyang rtag pa byed pa po ma yin pa yon tan med pa khyab pa mi 'jigs pa'o zhes bdag tu smra ba ston par byed do// bcom
- 335a
ldan 'das kyis bka' stsal pa/ blo gros chen po nga'i de bzhin gshegs pa'i snying po bstan pa ni mu stegs can gyi bdag tu smra ba dang mtshungs pa ma yin te/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni/ stong pa nyid dang / yang dag pa'i mtha' dang / mya ngan las 'das pa dag ma skyes pa dang / mtshan ma med pa dang / smon pa med pa la sogs pa'i tshig gi don rnams la de bzhin gshegs pa'i snying por bstan pa byas nas/ byis pa rnams bdag med pas 'jig par 'gyur ba'i gnas rnam par spang bar bya ba'i don du de bzhin gshegs pa'i snying po'i sgo bstan pas rnam par mi rtog pa'i gnas snang ba med pa'i spyod yul ston te/ blo gros chen po ma 'ongs pa dang da ltar byung ba'i byang chub sems dpa' sems dpa' chen po rnams kyi bdag la mngon par zhen par mi bya'o// blo gros chen po dper na rdza mkhan ni 'jim pa'i rdul gyi phung po gcig las lag pa dang bzo dang la gzangs dang chu dang srad bu dang nan tan dang ldan pa las stod rnam pa sna tshogs byed do// blo gros chen po de bzhin du/ de bzhin gshegs pa rnams kyang chos la bdag med pa rnam par rtog pa'i bdag nyid thams cad rnam par log pa de nyid shes rab dang thabs la mkhas pa dang ldan pa rnam pa sna tshogs kyis de bzhin gshegs pa'i sku por bstan pa'am bdag med par bstan pas kyang rung ste/ rdza mkhan bzhin du tshig dang yi ge'i rnam grangs rnam la sna tshogs kyis ston to// de ltar de'i phyir blo gros chen po de bzhin gshegs pa'i snying po ston te/ yang dag pa'i bdag tu rnam par rtog pa'i lta bar lhung ba'i bsam pa can dag rnam par thar pa gsum gyi spyod yul la gnas pa'i bsam pa dang ldan zhing myur du bla na med pa yang dag par rdzogs pa'i byang chub tu mngon
- 335b
par rdzogs par 'tshang rgya bar ji ltar 'gyur zhes te zhes bya ba dang / yang de nyid las blo gros chen po stong pa nyid dang mi skye ba dang mi gnyis pa dang rang bzhin med pa'i mtshan nyid sangs rgyas thams cad kyi mdo sde'i nang du chad pa 'di bstan to// de'i phyir de ltar na rnam pa de lta bu'i mdo sde rnam par shes par smra ba rnams kyi nges pa'i don nyid du khas blangs pa thams cad drang ba'i don nyid yin par lung 'dis mngon par gsal bar byas nas/ rigs pas drang ba'i don nyid du gsal bar bya ba'i phyir bshad pa/ shes bya med na shes pa gsal ba ni// bde blag rnyed byed sangs rgyas rnams kyis gsungs// shes bya med na shes pa bkag 'grub pas// dang po shes bya dgag pa mdzad pa yin// sangs rgyas bcom ldan 'das rnams kyis ni gdul bya rnams rim gyi rang bzhin med pa la 'dzud par mdzad do// de la bsod nams byas pa rnams chos nyid la bde blag tu 'jug pa'i phyir chos nyid la 'jug pa'i thabs yin pas ji ltar thog mar sbyin pa la sogs pa gtam sbyor bar mdzad pa de bzhin du/ shes bya bkag pa yang bdag med pa pa na sa gas sa# pa/ bzhin med par rig pa rnams kyis shes pa rang bzhin med par res 'ga' rang nyid kho nas rtogs par 'gyur la res 'ga' ni nung cig nye bar bstan pa tsam gyis 'gyur bar shes bya dgag pa nyid sngar gsungs so// shes rab can dag gis gzhan yang de bzhin du brtag par bya'o zhes bshad pa/ de ltar lung gi lo rgyus shes byas te// mdo gang de nyid ma yin bshad don can// drang don gsungs pa'ang rtogs nas drang bya zhig/
- 336a
stong nyid don can nges don shes par gyis// mdo sde gang dag skye ba med pa la sogs pas khyad par du byas pa'i rten cing 'brel par 'byung ba dngos su gsal bar byed pa ma yin pa de dag ni ji ltar rang bzhin med pa la 'jug pa'i rgyar 'gyur ba de ltar bshad par bya ste/ ji skad du/ 'byung rnams mig bzung ma yin na// de byung mig bzung ji ltar zhes// gzugs la de skad gsungs pa na// khyod kyis gzugs kyi 'dzin pa bzlog/ ces gsungs la/ mdo las kyang / mi rtag don ni med don zhes gsungs so// stong nyid don can nges don yang shes par gyis te/ ji skad du/ stong pa bde bar gshegs pas bshad pa ltar// des don mdo sde dag gi bye brag shes// gang las sems can gang zag skyes bu bstan// chos de thams cad drang ba'i don du shes// zhes bya ba dang / de bzhin du/ 'jig rten khams ni stong phrag tu// nga yis mdo rnams gang gsungs pa// yi ge tha dad don gcig ste// yongs su bsgrag par nus ma yin// dngos po gcig ni bsam byas na// de dag thams cad bsgoms 'gyur te// smra na gyums pang ga// smra mas// su 'a ga mangs// g+sa rnams rnaMs// sa/ sanas mi dka' zhes gsungs so// de bzhin du 'phags pa blo gros mi zad pa la sogs pa'i mdo sde dag las rgya cher bstan pa yang rtogs par bya'o// phyogs tsam zhig ni brjod par bya ste/ dper na sbrul ni thag pa bsdogs pa rten cing 'brel par 'byung ba la brtags pa yin te/ de de la yod pa ma yin pa'i phyir ro// de sbrul dngos la ni yongs su grub pa yin te/ de kun tu ma brtags pa'i phyir ro// de bzhin du rang bzhin yang
- 336b
gzhan gyi dbang byas pa can la ni kun tu brtags pa yin te/ rang bzhin dag ni bcos min dang // gzhan la bltos pa med pa yin// zhes 'byung bas ngo bo nyid ni byas pa can ma yin no// bzung bzhin pa'i rten cing 'brel par 'byung ba byas pa can gzugs brnyan dang 'dra ba la brtags pa gang yin pa de ni sangs rgyas kyi spyod yul la ni dngos yin te/ kun tu ma brtags pa'i phyir te/ dngos po byas pa can la ma reg par rang bzhin 'ba' zhig mngon sum du mdzad pas de nyid thugs su chud pa'i phyir sangs rgyas shes brjod do// de'i phyir de ltar brtags pa dang gzhan gyi dbang dang yongs su grub pa zhes bya ba ngo bo nyid gsum rnam par bzhag pa rtogs par byas nas mdo'i dgongs pa rnam par bshad par bya'o// gzung ba dang 'dzin pa gnyis ni gzhan gyi dbang las ma gtogs par dngos po med pa'i phyir na/ gzhan gyi dbang la de gnyis kun tu brtags pa nyid bsam par bya ste/ spros pas chog go/ dkyus ma nyid bshad par bya'o// de'i phyir de ltar gzhan las kyang skye ba bsal nas/ da ni gnyi ga las skye ba bsal bar 'dod pas bshad pa gnyis las skye ba'ang rigs pa'i ngo bo ma yin gang gi phyir// bshad zin nyes pa de dag thog tu 'bab pa yin phyir ro// de la tshig gal gnyis su smra ba rnams ni skye ba bdag las kyang 'gyur zhing gzhan las kyang 'gyur bas gnyi ga las skye bar sems so// de la 'jim pa'i gong bu dang dbyu gu dang 'khor lo dang skud pa dang chu dang rdza mkhan la sogs pa dag las bum pa 'byung bar 'dod pa na/ gang gi phyir 'jim pa dang bum pa gnyis gzhan nyid ma yin pas bum pa 'jim pa'i bdag nyid du yod pa kho na skye ba de'i phyir bdag las kyang skye la/ gang gi phyir rdza mkhan gyi bya ba la sogs pa gzhan du gyur pa dag 'di'i skyed par byed pa yin pa de'i phyir/
- 337a
gzhan las kyang skye'o snyam du bdag dang gzhan las skye bar sems so// phyi rol gyi ngag la ji lta ba de bzhin du nang gi rnams la yang bdag dang gzhan las 'gyur ro// de la srog dang srog ma yin/ pa dang / bsod nams dang / sdig pa dang / zag pa dang sdom pa la sogs pa tshig gi don dgu ni de nyid dag go zhes tshig gi don rnam par bzhag pa byas nas gang gi phyir byams pa tshe rabs gzhan du yang srog gi bdag nyid du yod pa kho nas skye ba 'di len pa de'i phyir bdag las skye ba yin te/ byams pa dang srog gnyis gzhan nyid ma yin pa'i phyir ro// srog ni 'gro ba dang ldan pa'i phyir na gzhan gyis lha la sogs pa'i 'gro par rgyu bar yang 'dod pa yin no// gang gi phyir pha dang ma dang chos dang chos ma yin pa dang zag pa la sogs pa gzhan du gyur pa dag las skye ba de'i phyir gzhan las kyang skye ba yin te/ de'i phyir bdag las skye ba ma yin zhing gzhan las skye ba yang ma yin te zhes bya ba 'di kho bo cag la gnod par byed pa ma yin te/ bdag kho na las skye bar khas blangs pa'i phyir dang gzhan kho na las skye bar khas ma blangs pa'i phyir ro zhe'o// rtsod pa 'di yang / mi rig pa nyid du bshad pa/ gnyis las skye ba'ang rigs ngo bo ma yin te/ ci'i phyir ne na/ gang gi phyir/ bshad zin nyes pa de dag thog du 'bab pa yin phyir ro// gang gi phyir phyogs gnyi ga dag la gyon gang dag bstan pa de dag gnyi ga'i phyogs 'di la yang 'bab pa'i phyir gnyis las kyang skye ba srid pa ma yin no/ gang gi phyir bum pa 'jim pa'i bdag nyid du yod pa de'i phyir skye ba ma yin te/ yod pa'i phyir ro// ji skad du/ de ni de las 'byung na yon tan 'ga' yang yod ma yin/ skyes par gyur pa slar yang skye bar rigs pa'ang ma yin nyid/ zhes bya ba la sogs pa bshad pa yin no// de bzhin du srog gi bdag nyid
- 337b
kho nar gnas pa'i phyir byams pa la yang skye ba yod pa ma yin no zhes bya bar rig par bya'o// gang gi phyir bum pa chu dang skud pa dang 'khor lo la sogs pa'i bdag nyid du rnam par gnas pa ma yin pa de'i phyir de dag las skye ba ma yin te/ ji skad du/ gzhan la brten nas gal te gzhan zhig 'byung bar 'gyur na ni// 'o na me lce las kyang mun pa 'thug po 'byung bar 'gyur zhing / thams cad las kyang thams cad skye bar 'gyur te gang gi phyir// skyed par byed pa ma yin ma lus la yang gzhan nyid mtshungs/ zhes bya ba la sogs pa bshad zin to// pha dang ma la sogs pa gzhan du gyur pa dag las byams pa skye ba la yang de bzhin/ du brjod par bya'o// de la ji ltar gong du bdag dang gzhan las skye ba 'jig rten gyi kun rdzob dang don dam par yang mi rigs so zhes bstan pa de bzhin du/ tshig gal gnyis las su smra ba la yang ji snyed bshad pa'i rig pas mi srid do zhes gong du bstan pa 'jug bsdu ba'i phyir/ 'di ni 'jig rten las min de nyid du yang 'dod min te/ zhes bya ba smos so// sngar bshad pa'i rigs pa kho nas gnyi ga'i phyogs la yang gnyi ga las skye ba mi rigs pa 'ba' zhig tu ma zad kyi 'dir bshad pas kyang ma yin no zhes bstan pa'i phyir bshad pa/ gang phyir re re las ni skye ba 'grub pa yod ma yin// dper na til gcig gis 'bru mar 'byin nus pas// mang po rnams kyis kyang 'gyur la// nus pa ma mthong ba'i bye ma rnams kyis ni ma yin pa ltar re res bskyed par 'gyur na ni/ de lta bu'i rang bzhin can mang po rnams kyis kyang 'gyur ba zhig go// de'i phyir gnyis las skye ba yang rigs pa ma yin no// 'dir ngo bo nyid smra ba ni/ gal te skye brgya las yin na ni rgyu de 'bras bu'i bdag tu gyur pa dang / gzhan du gyur pa dang / gnyi gar gyur pa zhig tu 'gyur bas nyes pa de dag tu 'gyur ba
- 338a
zhig na/ bdag gis ni rgyu khas ma blangs pas bshad zin pa'i nyes pa'i go skabs med do// de'i phyir dngos po rnams kyi skye ba ni ngo bo nyid las 'byung ba kho na yin te/ 'di ltar pad+ma 'i chu ba dang / de'i 'dab ma rnams kyi rtsub pa dang 'jam sha dag 'ga' zhig gis bsgrims te byed par ma mthong la/ de'i 'dab ma dang ze'u 'bru dang lte ba rnams kyi kha dog dang dbyibs sna tshogs pa dag kyang byed par mthong ba ma yin no// de bzhin du pa nas dang bal po se'u la sogs pa'i sna tshogs pa yang yin no// phyi rol dag la ji ltar yin pa de bzhin du rma bya dang bya ti ti ri dang / bya gag la sogs pa nang gi bdag nyid can dag la yang 'ga' zhig gis 'bad pas bzung nas kha dog dang dbyibs la sogs pa 'god par ma dmigs pa nyid do// de'i phyir dngos po rnams kyi skye ba ni ngo bo nyid las 'byung ba kho na'o zhes su'o// 'di la bshad par bya ste/ gal te rgyu med kho nar skye bar lta zhig 'gyur na ni// de tshe mtha' dag rtag tu thams cad las kyang skye 'gyur zhing // 'bras 'byung ched du 'jig rten 'di yis sa bon la sogs ni// brgya phrag dag gi sgo nas sdud par byed par ya 'gyur// gal ngas pa rnams pa thung ba pa sa shid ga tu bsnyen pa ldan du/ nan pa dang mjal sags pa dngas pa thams ca ca de rnam sa rnapas de dag las kyang skye bar 'gyur te/ rgyu ma yin pa nyid du 'dra ba'i phyir ro// yang ji ltar shing thog pa nas de'i rgyu ma yin pa las skye ba de bzhin du khams gsum las kyang 'gyur ro// yang gang zhig a mra dang la ku rtswa la sogs pa rnams kyi smin pa las skyes pa'i skye ba dus tshigs la bltos shing res 'ga' mngon pa de yang de dag la rtag tu kho nar yod par 'gyur te/ dus tshigs kyi bltos pa la mi bltos pa'i
- 338b
phyir ro// de bzhin du rma b+harma bya'i mdangs kyi tshogs kyi rgyu ma yin pas bya rag la yang mdangs kyi chags yod par 'gyur la/ rma thul yang dus thams cad kyi cha spyi mngal gyi gnas skabs na yang ne coM'i blo yang // yod par 'gyur ro// de ltar 'gro ba'o cog rtag tu skye bar 'gyur na de ni yod pa yang ma yin pas ngo bo nyid du smra ba mi rigs so// de ltar rigs pa dang 'gal ba brjod nas/ mthong ba dang 'gal ba brjod pa'i phyir bshad pa/ 'bras 'byung ched du 'jig rten 'di yis sa bon la sogs ni// brgya phrag dag gi sgo nas bsdud par byed par yang mi 'gyur ba zhig na byed pa yang yin pa de'i phyir skye ba ngo bo nyid las byung ba ma yin no// gzhan yang / gal te 'gro ba rgyu yis stong par 'gyur na nam mkha' yi/ ut+pa la yi dri mdog ji bzhin bzung du med nyid na// shin tu ches bkra'i 'jig rten 'dzin pa'ang yin de'i phyir// rang gi blo bzhin 'jig rten rgyu las yin par shes par gyis// gal te 'gro ba rgyu yis stong par 'gyur na ni nam mkha'i ut+pa la'i dri dang kha dog bzhin du 'dzin pa'i lan du mi 'gyur ba zhig na 'gyur ba yang yin te/ de'i phyir rang gi blo ltar 'gro ba mtha' dag rgyu bo na las skye'o zhes bya bar rig par gyis shig/ khyod kyi ltar na ni sngon po'i rnam pa can gyi blo yul sngon po bsal nas nye bar skye ba ma yin te/ sngon po'i rnam pa can gyi blo ni sngon po kho na las yin gyi ngo bo nyid las ma yin pas ngo bo nyid smra ba ni mi rigs so// sems pa 'byung ba las gyur pa dag ni rgyu dmigs bzhin pa la ni bsnyon par mi nus te/ mthong ba'i phyir dang / ji skad bshad pa'i skyon du thal bar 'gyur ba'i phyir te/ rgyu dang 'bras bu'i dngos po 'jig rten la grags pa 'di ni yod pa nyid do// de nyid ni bzhi kho na ste/ 'gro ba sna tshogs pa mtha' dag gi rgyur gyur pa sa dang
- 339a
chu dang me dang rlung zhes pa rnams so// de rnams kyi yongs su smin pa'i khyad par las pad+ma dang pal bo se'u la sogs pa dag dang / rma bya dang bya gag la sogs pa dag gi sna tshogs pa ji ltar mthong bzhin pa 'thad pa 'ba' zhig tu ma zad kyi/ blo dngos po'i de kho na nyid sna tshogs yongs su gcod pa par gyur pa yang de kho na las skye ba yin no// de la ji ltar chan dag las 'byung ba'i bye brag phrad pa yongs su 'gyur ba'i khyad par las srog chags rnams kyi myos pa dang brgyal ba'i rgyu myos par 'gyur ba'i nus pa skye ba de bzhin du/ nur nur po la sogs pa'i 'byung ba chen po khyad par can yongs su smin pa las blo ngag skye zhing de dag dngos po mtha' dag yongs su gcod par byed pa'i bar du yang 'gyur ro// de'i phyir phyi rol dang nang gi dngos po rnams ni 'jig rten 'di'i rgyu las 'byung ba kho na yin gyi/ gang du byas pa'i las kyi rnam par smin pa 'dir ram/ 'dir byas pa'i rnam par smin pa 'jig rten gzhan du 'byung ba 'jig rten pha rol dag yod pa nyid ni ma yin no snyam du sems so// mdzes ma legs par spyod cing bza' bar gyis// lus mchog 'das gang de khyod la mi 'byung // lus 'di tshigs par gyur pa tsam zhig ste// 'jigs ma song ba ldog par mi 'gyur ro// zhes smras te/ 'di ni bu mo la mngon par bgrod par 'dod cing bu mos 'jig rten pha rol med par rtogs par 'dod nas smras pa yin no// 'di la brjod par bya ste/ khyod kyi 'jig rten pha rol yod pa ma yin no snyam pa'i nges pa 'di ga las yin/ mngon sum ma yin pa nyid kyi phyir ro zhe na/ khyod kyi 'jig rten pha rol mngon sum ma yin pa nyid ci mngon sum zhig gi 'on te mngon sum ma yin pa zhig yin grang / mngon sum mo zhe na/ 'jig rten pha rol mngon sum du gyur pa nyid
- 339b
med pa/ mngon sum yin pas dngos po med pa mngon sum nyid du 'gyur ro de'i phyir dngos po med pa yang khyod la dngos por 'gyur te/ mngon sum yin pa'i phyir dngos po bzhin no// de'i phyir dngos po med pa zhes bya ba 'ga' yang med pas zla ba med pa'i phyir dngos po yang med par 'gyur ro// dngos po dang dngos po med pa med na yang 'byung ba rnams kyi yod pa nyid dang / 'jig rten pha rol med pa nyid nyams par 'gyur ro// ci ste mngon sum ma yin na ni re zhig mngon sum ma yin pa de nyid mangs su ma ma yin pa'i phyir ma bzung bas ji ltar ma bzung ba de'i gro nas 'jig rten pha rol med par rjes su dpog par 'gyur/ ci ste rjes su dpag pas bzung ba yin no zhe na/ rjes su dpag pa las rab tu grub pas kyang don sgrub pa yin na 'di ni/ ji tsam dbang po'i spyod yul ba// skyes bu de tsam kho nar zad// bzang mo mang thos gang smra ba// de ni spyang ki'i rjes dang 'dra// zhes khyod kyis khas blangs pa yang yin no// de'i phyir 'di thams cad la skur pa 'debs par byed pan/ sems pa yod pa 'byung ba las gyur pa la sun 'byin pa bshad zin pa'i lam gyi rjes su 'brangs te thams cad du sun 'byin pa brjod/ par bya'o// gzhan yang ji ltar rab rib can zla ba gnyis la sogs pa'i ngo bo yod pa ma yin pa yod do snyam du 'dzin pa'i mthong ba spa shar dang spang ma la sogs pa yang dag pa ma yin pa'i yul can rnam pa de lta bu gzhan yang mi bden pa kho na yin pa de bzhin du khyod kyi 'jig rten pha rol la sogs pa med par shes pa gzhan yang mthong ba'i dngos po phyin ci log tu rtog pa'i sgo nas phyin ci log nyid yin no zhes bstan pa'i phyir bshad pa/ 'byung ba de dag bdag nyid gang zhig gis ni khyod kyi blo'i// yul du 'gyur ba de yi bdag nyid can ni ma yin na// gang la yid kyi mun pa 'thug po 'di nyid du yod pa// des ni ji ltar 'jig rten pha rol yang dag rtogs par
- 340a
'gyur// sa la sogs pa de kho na nyid bzhi po gang smras pa de dag ni ji ltar khyod kyi shes pa'i yul nyid du 'gyur ba'i bdag nyid der yod pa ma yin no// gang gi tshe da ltar khyod 'jig rtog 'di nyid la phyin ci log tu mthong ba yin pa de'i tshe/ 'jig rten pha rol te por phra ba lha'i mig gi shes pa'i spyod yul du gyur pa ji ltar rtogs par 'gyur te mi srid pa nyid do// gzhan yang / 'jig rten pha rol 'gog par byed pa'i dus su bdag nyid ni// shes bya'i rang bzhin phyin ci log tu lta bar rtogs bya ste// de yi lta ba'i rnam pa'i brten mtshungs lus dang ldan nyid phyir// gang tshe 'byung ba'i bdag nyid yod nyid khas len de tshe bzhin// mtshungs pa ni mnyam pa ste 'dra ba zhes bya ba'i don to// rten ni gnas pa'i rgyu'o// lus ni khog pa'o// de'i lta ba'i rnam pa ni 'jig rten pha rol la skur pa 'debs pa de'i lta ba'i rnam pa'o// rten yang de yin la mtshungs pa yang de yin pas shes khyad par gyi tshig bsdu'o// rten du mtshungs pa nyid lus yin pas na de'i lta ba'i rnam pa'i rten du mtshungs pa'i lus zhes tshig rnam par sbyar ro// de 'di la yod pas nam tu'i rkyen no// de'i dngos sa na/ sa na sa sa nyid du ma gyur pa de srid du log par lta ba 'jig rten pha rol la skur pa 'debs pa'i rten du mtshungs pa nyid du 'gyur bas 'byung ba'i bdag nyid yod pa nyid du rtogs pa na yang 'jig rten rgyang phan pa la de'i lta ba'i rnam pa'i rten du mtshungs pa'i lus dang ldan pa nyid yod pa yin te/ 'di ltar de'i gnas skabs ni gnyis te/ gcig ni 'byung ba'i rang bzhin khong du chud pa'i gnas skabs so// gzhan ni 'jig rten
- 340b
gzhan la skur pa 'debs pa'i gnas skabs so// de la gcig ni phyogs su byas pa nyid kyis na gzhan dpe nyid du bstan pa'i phyir// gang tshe 'byung ba'i bdag nyid yod nyid khas len de tshe bzhin// zhes bya ba smos/ te/ gnas skabs der yang de'i lta ba'i rnam pa'i rten du mtshungs pa'i lus dang ldan pa nyid dang / shes bya'i rang bzhin phyin ci log tu lta ba yod pa yin no// ci ste 'byung ba'i bdag nyid yod pa nyid rtogs pa'i gnas skabs na yang bdag phyin ci ma log pa mthong ba yin pa'i phyir dpe bsgrub byas stong pa nyid yin no snyam na/ de yang yod pa ma yin te/ ma skyes pa nyid kyis yod pa ma yin pa'i rang bzhin can gyi 'byung ba dag la skye ba dang yod pa nyid du rtogs pas phyin ci log tu lta ba nyid grub pa'i phyir ro// 'byung ba dang ma skyes pa nyid de kho na bsgrub par bya dgos so zhe na/ ma yin te bsgrubs zin pa'i phyir ro zhes bshad pa/ 'byung bde dag ji ltar yod min de ltar bshad zin te// gang gi phyir na gong du rang gzhan las dang gnyi ga las// skye dang rgyu med thun mong du ni bkag zin de yi phyir// ma bshad 'byung ba 'di dag lta zhig yod pa ma yin na/ dngos po rnams thun mang du da guzhan dang ga ga dang rna me pa las skye ba 'gog par byed pa na/ 'byung ba dang b+h+rUM ba~M yang bdag gis ster bkag pa 'o nas skyeb med pa'i phyir/ 'byung ba dag la rang bzhin pa pa ma yin pas/ dpe grub pa nyid do// de bzhin du thams cad mkhyen pa la skur pa 'debs pa dang / dngos po yod pa nyid du smra ba dang / dngos po med pa nyid du smra ba dang / dbang phyug dang dus dang rdul dang rang bzhin dang ngo bo nyid sba ba rnams dang / de dag las gzhan pa rnams la yang rang rang gi ji lta ba yin pa smra ba na rtogs pa phyin ci log nyid sbyar bar bya'o// 'di lta ste/ rdzogs pa'i sangs rgyas 'gog par byed pa'i
- 341a
dus sa byu da// shes pa ban ldan ce bar rnags // rnam pa nas rgyas mas du ra// ga ci 'byung bar bdug nyid ya ma du bzhin// zhes bya ba la sogs pa sbyang bar byaste/ yod pa dang med pa nyid du lta ba thams cad dgag par 'dod pa'i phyir ro// kho bo cag la ni gnas skabs 'gar yang mi ded pa thob pa yid pa ma yin te/ de'i phying mkhas pas yongs su bsgyur la tshigs su bcad pa 'di nyid kyis gzhan gyis yongs su brtags pa'i phyogs snga ma ma lus pa bsal bar nges par bya ste/ rtogs pa'i dra ba ma lus par bkag pas don dam pa'i ye shes grub par mngon par 'dod pa'i phyir ro// ci ste khyod la yang thal bar 'gyur ba 'di tsam mtshungs so snyam na/ de yang yod pa ma yin te/ kho bo cag phyin ci log par sgrub pa la dpe med pa'i phyir ro// / 'jig rten gzhan rtogs yod pa nyid du rtogs pa'i dus su bdag/ shes bya'i rang bzhin dam pa'i don ni lta bar rtogs bya ste/ bdag gi lta ba'i rnam pa'i rten mtshungs lus dang ldan nyid phyir// gang gi tshe na bdag/ med rtogs pa khas len de tshe bzhin// zhes bya bar brjod par nus pa yang yin no// de bzhin du 'din thams cad mkhyen pa yod ces rtogs pa'i dus su bdag/ shes bya'i rang bzhin dam pa'i don ni lta thung rtogs bya ste/ gtan tshigs dang dpe dag ni de gnyis kho na'o// de bzhin du dngos po thams cad shes pa la yang sbyar bar bya'o// de'i phyir tshul 'dis ni/ de nyid de las 'byung min gzhan dag las lta ga la zhig/ gnyi ga las kyang ma yin rgyu med par ni gal yod// ces gang dam bcas par gyur pa de rab tu bsgrubs pa yin no// 'dir smras pa/ gal te dngos po rnams bdag dang gzhan dang gnyi ga dang rgyu med pa
- 341b
las mi skyen/ 'on ji ltar skye/ bshad pa/ gal te dngos po rnams la rang bzhin 'ga' zhig yod na ni lci ba'i rnam par rtog pa gzhan mi srid pa'i phyir/ the tshom med par de bdag gam gzha/ nam gcig 'amathu med pa zhig las skyoba'am dmigs par 'gyur ba zhig go// gang dag dbang phyug la sogs pa dag las dngos po rnams skye bar mngon par 'dod pa de dag gi ltar na yang dbang phyug la sogs pa de dag bdag tu gyur pa 'am/ gzhan du gyur pa'am/ gnyi gar gyur pa zhig tu 'gyur bas dbang phyug la sogs pa rgyur smra ba dag kyang bshad zin pa'i skyon las mi 'da' ste/ de'i phyir skyed par byed pa'i rgyu'i rnam par rtog pa gzhan lnga pa yod pa ma yin no// de'i phyir gzhan med pa'i phyir la rnam par rtog pa bzhin skye ba bkag pa'i phyir dngos po rnams kyi rang bzhin skye ba med do// zhes bstan pa'i phyir/ gang gi phyir na bdag dang gzhan dang / gzhig las skye dang // rgyal ma bltos yod pa min pas dngos rnams rang bzhin bral/ zhes b+ha ba sngos so 'dir smras pa/ gal te dngos po rnams kyi rang bzhin slo ba med pa nyid yin na/ 'o na ma skyes pa ston po nga/ [।] sa las sa sa ma ma yin no// gal te de ltar na ni 'o na gang zhig yang dang yang du yul gyi ngo bo nyid du bdun na snang bar mthong ba de ci zhig tu 'gyur bar 'os she na/ bshad pa/ 'di ni phyin ci log nyid kyis na rang bzhin ma yin te/ ma rig pa dang bcas pa rnams kho nas bdag nyid der dmigs pa'i phyir la ma rig pa dang bral ba rnams kyis ni ma dmigs pa'i phyir ro zhes bstan pa'i phyir bshad pa/ gang phyir sprin tshogs dang mtshungs gti mug sug po
- 342a
'jig rten la// yod pa des na yul rnams log pa dag tu snang bar 'gyur// sprin tshegs ni char sprin gyi tshogs so// gang gi phyir sprin gyi tshogs dang 'dra ba'i gti mug 'thug po sngon po la sogs pa'i rang bzhin mthong ba g.yogs nas gnas pa de'i phyir/ byis pa rnams la sngon po la sogs pa'i rang bzhin mthong ba yod pa ma yin te/ rang gi ngo bo phyin ci log mngon par zhen pa'i gnas su gyur pa 'di ni byis pa bden par mngon par zhen pa rnams la snang ba yin no// 'dir smras pa/ gti mug gis bkab pa'i phyir rnam pa thams cad du de kho na nyid mi mthong bar mi 'gyur la rag na/ phyin ci log tu mthong ba ga las she na/ de lta bur gyur pa ma yin pa rnams ma rig pa'i dbang gis de lta bu'i bdag nyid du snang ngo zhes bya ba 'di nyid phyi rol gyi dpe'i sgo nas bstan pa'i phyir/ ji ltar rab rib mthu yis 'ga' zhig skra shad zla gnyis dang // rma bya'i mdongs dang spang ma la sogs log par 'dzin byed pa// zhes bya ba smos te/ ji ltar rab rib kyi mthus rab rib can gyis skra shad la sogs pa rnams ma skyes pa'i rang bzhin men du zin kyang dngas pa nyid du 'dzin par byed pa/ de bzhin du ni gti mug ston gyi dbang gis ma mkhas pas// 'dus byas lnga nig sna tshogs blo thos kyis ni rtogs par 'gyur// 'di ni ma rig pa'i rkyen gyis 'du byed rnams zhes bya ba dang / de bzhin du ma rig pa dang rjes su 'brel pa'i gang zag 'di ni bsod nams mngon par 'du bya ba dang / bsod nams ma yin pa mngon par 'du bya ba dang / mi g.yo ba mngon par 'du bya ba yang mngon par 'du byed do zhes bya ba dang / de bzhin du ma rig pa 'gags pas 'du byed 'gag ces bcom ldan 'das kyis gsungs pa yin no// de'i phyir tshul 'dis/
- 342b
gal te gti mug brten nas las 'byung gti mug med par de// mi 'byung zhes byar mi mkhas kho nas rtogs par gor ma chag/ blo bzang nyi mas mun pa stug po rnam par bsal ba yi// mkhas pa dag ni stong nyid khong du chud cing grol bar 'gyur// shes rab can ni ma rig pa'i rkyen gyis 'du byed do zhes bya ba mthong ba na 'du byed rnams rang bzhin med par khong du chud par 'gyur ba 'ba' zhig tu ma zad kyi/ de rtogs pa las ma rig pa spong zhing 'du byed dag kyang nye bar mi len te/ de nye bar len pa'i rgyu spangs pa'i phyir ro// de'i phyir 'khor ba las rnam par grol bar 'gyur ro// 'dir smras pa/ gal te de ltar gzugs la sogs pa rnams la don dam par rang bzhin 'ga' yang med na/ 'o na mo sham gyi bu bzhin du don dam par yod pa ma yin pa'i phyir/ de dag gi rang bzhin kun rdzob tu yang yod par mi 'gyur ba zhig na/ gzugs la sogs pa rnams kyi rang bzhin ni kun rdzob tu yod pa yang yin no// de'i phyir de dag gi yod pa nyid ni don dam par yang yod pa kho na'o// zhes smras pa/ gal te dngos po rnams de nyid du med na/ tha snyad du ya rdzogags ba // dadag med ngapa nyid gyung du ma b+hid// dadag rang bzhin gyis ni 'ad parnyed// 'dul brdud par bya'o// gang dag pa rab can sags lam byung ba// sgra gad lasags ma skyes pas// re zhig de dag nyid la brtsad bya ste// phyi nas ma rig rab rib rjes 'brel la'o// ci'i phyir khyed cag gis yod pa ma yin pa'i yul skra shad la sogs pa dag mthong la mo sham gyi bu ni ma yin zhes re zhig gang dag rab rib la sogs pas mig nyams par byed pa de dag kho na la brtsad par bya la/ phyis ni ci'i phyir ma skyes pa'i rang bzhin can gzugs la sogs pa dag mthong la mo sham gyi bu ni ma yin
- 343a
zhes ma rig pa'i rab rib kyis blo'i mig bsgribs pa rnams la brgal zhing brtag par bya dgos so// kho bo cag la ni 'di brgal zhing brtag pa ma yin te/ 'di ltar kho bo cag ni rnal 'byor pa rnams kyis/ dngos po dag 'di ltar gzigs shing gzhan gang dag rnal 'byor pa'i ye shes thob par 'dod pa de dag gis kyang chos kyi rang bzhin de skad bshad pa la lhag par mos par bya'o// zhes lung ji lta ba bzhin du rnal 'byor pa'i ye shes kyis thugs su chud pa'i sgo nas dngos po rang bzhin med par 'chad par zhugs pa yin gyi/ rang gi shes pa la bltos nas ni ma yin te/ kho bo cag ni ma rig pa'i rab rib kyis blo'i mig bsgribs pa yin pa'i phyir ro// ji skad du/ phung po rang bzhin dben zhing stong pa nyid// gang spyod de yang rang bzhin stong pa ste// ye shes ldan pas shes kyi byis pas min// ye shes rang bzhin stong par rig 'gyur te// shes bya'i rang/ bzhin stong par rig gyur nas// shes pa po dang 'dra bar rtog gyur na// byang chub lam la de dag spyod ces bya// zhes gsungs pa lta bu'o// de'i phyir 'di ni rnal 'byor pa rnams la brgal zhing brtag pa ma yin te de dag gis ni kun rdzob tu yang chos 'ga' zhig gi rang bzhin ma gzigs la/ don dam par yang ma yin no// rab rib can la brgal zhing brtag pa lta bar 'dug cig/ re zhig 'di ni khyod nyid la cher brgal zhing brtag par bya ba yin no zhes bshad pa/ gal te rmi lam dri za'i grong khyer bcas/ smig rgyu'i chu dang mig 'phrul gzugs brnyan sogs// skye med mthong na yod nyid min mtshungs kyang // khyod la ji ltar der 'gyur// de mi rigs// dper na rmi lam du dmigs pa dang / mo gsham gyi bu yod pa ma yin pa nyid du 'dra yang rmi lam mthong la mo gsham gyi bu ma yin par 'gyur/ de bzhin du dri za'i grong khyer la yang ngo // smig rgyu'i chu zhes bya
- 343b
ba ni smig rgyu la chu zhes bya ba'i don no// de bzhin du mig 'phrul la yang ngo // gzugs brnyan sogs zhes bya ba'i sogs pa'i sgras ni brag ca dang sprul pa la sogs pa dag yongs su bzung ngo // dper na rang bzhin gyis stong pa yin du zin kyang // de dag mthong gi mo gsham gyi bu ni ma yin no// de'i phyir rje bdag nyid la brgal zhing brtag pa gyis dang / de nas phyis ngal brgal zhing brtag par 'gyur ro// de nyid du 'di ji ltar skye med kyang // mo gsham bu ltar gang phyir 'jig rten gyi// mthong ba'i yul du mi 'gyur ma yin pa// de yi phyir na spras 'di ma nges pa'o// zhes brjod par nus pa yang yin no// ji skad du bcom ldan 'das kyis// 'gro ba dag ni rmi 'drar bshad// de nyid du ni rnam ma bzhag/ rmi lam gang la'ang dngos po med// log pa'i blo can mngon par zhen// dri za'i grong khyer ji ltar snang gyur kyang // grong khyer phyogs bcur yod min gnas// na'ang med// grong khyer ming tsam zhig gis rab tu bzhag/ de bzhin bde bar gshegs pas 'gro 'di gzigs// chu yi 'du shes can gyis ni// mthong yang smig rgyu la chu med// de bzhin yongs su rtogs pas// / dkrugs// sdug pa min pa sdug par rtog/ me long shin tu yongs dag la// ji ltar rang bzhin med pa yi// gzugs brnyan snang ba de bzhin du// ljon pa chos rnams shes par gyis// zhes gsungs pa'i lung las na gzugs la sogs pa rnams rang bzhin gyis ma skyes pa yin bzhin du 'jig rten gyi 'dzin pa'i yul nyid du 'gyur la/ mo gsham gyi bu ni ma yin pas 'di ni khyod la rang nyid las ma nges pa yin no// kho bo// cag la ni 'di brtsad du med pa nyid de/ 'di ltar kho bo cag gis ni gzugs la sogs pa rnams kun rdzob tu rang bzhin gyis skye bar khas blangs nas don dam par 'gog pa ma yin no// ci'i phyir zhe na/ ji ltar//
- 344a
ga sa // bang da na nga // ya pa nas ga/ kyis / da ma n+te// hr-I sa / de phyir 'di ltar ston pas chos rnams kun// gdod nas zhi zhing skye bral rang bzhin gyis// yongs su mya ngan 'das pa gsungs gyur pa// de phyir rtag tu skye ba yod ma yin// gang gi phyir de lta bu'i lung yod pa de'i phyir rtag tu skye ba yod pa ma yin no// lung brjod pa ni/ chos kyi 'khor lo bskor ba na// 'dod nas zhi zhing ma skyes pa// rang bzhin mya ngan 'das pa yi// chos rnams mgon po khyod kyi bstan// zhes bya ba'o// / de yang ye shes ni ba'i yul yin pa'i phyir chos thams cad zhi ba'o// yang ci'i phyir ye shes zhi ba'i yul yin zhe na/ ma skyes pa zhes bya ba smos te/ ma skyes pa'i phyir ro zhes bya ba'i don to// gang gi phyir ma skyes pa de'i phyir ye shes zhi ba'i yul lo// yang ci'i phyir ma skyes she na/ gang gi phyir rang bzhin mya ngan 'das pa zhes bya ba smos te/ gal te 'ga' zhig la rang bzhin te ngo bo yod na de skye bar 'gyur pa zhig na/ rang bzhin de yang yod pa ma yin pas ci zhig skye bar 'gyur/ 'dis ni dus thams cad du ma skyes par ston pa yin te/ sngar ma byung ba las phyis 'byung ba ma yin zhing phyis byung nas kyang yang 'gyur ba ma yin te/ 'o na ci zhe na/ rang bzhin nyid kyis yongs su mya ngan las 'das pa'o// gdod nas zhes bya ba smos pas ni de dag rnal 'byor pa'i ye shes kyi gnas skabs kho nar ma skyes pa ni ma yin te/ 'o na ci zhe na/ de'i gong rol 'jig rten pa'i tha snyad kyi gnas skabs su yang chos de dag rang gi bdag nyid kyis ma skyes pa'o zhes bya ba 'di ston par byed do// gdod kyi sgra ni dang po'i sgra'i rnam grangs te/ 'jig rten gyi tha snyad kyi gnas skabs
- 344b
mam sa las bya pa ba sa ma mam mas pas ma mas ma sa bya sa lams ma mas pa mas pa sa sa masamamamamamamamamamamasam / sa brjod do zhes bya bar shes par bya'o// de ltar chos kyi 'khor lo bskor ba'i dus su chos rnams khyod kyis bstan to zhes yon tan phul du byung ba brjod pa'i sgo nas bcom ldan 'das la byang chub sems dpa' 'phags/ pa sgrib pa thams cad rnam par sel bas bstod pa yin no// rang gi sde pa rnams kyis 'di ni brgal ba ma yin pa de nyid de/ ci'i phyir zhe na/ gang gi phyir de dag gi khas blangs pa/ bum sogs 'di dag de nyid du med cing // 'jig rten rab tu grags par yod ji bzhin// de bzhin dngos po thams cad 'gyur bas na// mo gsham bu dang mtshungs par thal mi 'gyur// ci ste gal te gdags pa'i rten sa dang chu dang me dang rlung dang / gzugs dang dri dang ro dang reg bya la sogs pa rnams yod pa de'i phyir bum par btags pa ni rgyu dang bcas pa zhes bya bar rigs na/ gang gi ltar na chos thams cad btags pa tsam kho na yin gyi/ btags pa'i rten rdzas ci yang med pa de la ni mo gsham gyi bu dang 'dra bar thal ba bzlog pa med pa nyid do snyam na/ de yang mi rigs te/ btags pa'i rten rdzas sgrub par mi nus pa'i phyir ro// ji skad du/ gzugs la sog/ pa ma gtogs par// ji ltar bum pa yod min ltar// de bzhin rlung sogs ma gtogs par// gzugs kyang yod pa ma yin no// zhes bya ba dang / de bzhin du/ sa chu me dang rlung rnams ni// re re ngo bo nyid// / du med// gang gsum med par re re med// gcig med par yang gsum med do// gal te gsum med re re med// gcig med par yang gsum med na// so so rang yod ma yin te// ji ltar 'dus pa skye bar 'gyur// zhes bya ba la sogs pa gsungs so// ji ltar rtag pa las mi rtag pa skye bar mi 'dod pa de bzhin du rdzas su yod pa las kyang rdzas su med pa skye bar mi rigs te/ ji skad du/ dngos po rtag pa las
- 345a
byung ba// mi rtag par ni ji ltar 'gyur// nu 'bras mtshan nyid mi mthun pa// nam yang mthong ba ma yin no// zhes gsungs so// de'i phyir de ltar dper na btags par yod bzhin la sogs pa'i tshogs pa la brten nas me long la gzugs brnyan btags pa tsam dmigs pa dang / btags par yod pa ka ba la sogs pa la brten nas khyim du btags pa dang / de bzhin du shing gi rten can nags btags pa dang ji ltar rmi lam na ma skyes pa'i rang bzhin can gyi sa bon las ma skyes pa'i rang bzhin can gyi myu gu skye bar dmigs pa de bzhin du/ dngos po btags par yod pa thams cad kyi btags pa yang dngos po btags par yod pa'i rten can du rigs te/ ji skad du ji ltar ston pas sprul pa ni// zhes bya ba la sogs pa nas/ dri za'i grong khyer lta bu dang / smig rgyu rmi lam 'dra ba yin// zhes bya ba'i bar du gsungs so// de'i phyir 'di brgal ba ma yin no// 'dir smras pa/ gal te khyod kyis bdag dang gzhan dang gnyi ga dang rgyu med pa las skye ba phyogs gnyi gar yang bkag na/ ma rig pa dang 'du byed dang sa bon la sogs pa dag las rnam par shes pa dang myu gu la sogs pa kun rdzob tu skye ba de ci ltar nges par bya/ de brjod par bya ste/ gang phyir rgyu med pa dang dbang phyug gi/ rgyul sogs dang bdag gzhan gnyi ga las// dngos rnams skye bar 'gyur ba ma yin pa// de phyir rten nas rab tu skye bar 'gyur// gang gi phyir ji skad bshad pa'i tshul gyis dngos po rnams kyi skye ba ngo bo nyid las byung ba yod pa ma yin la/ dbang phyug dang dus dang rdul dang rang bzhin dang skyes bu dang sred med kyi bu la sogs pa rnams las kyang ma yin zhing / bdag dang gzhan dang gnyis ka las skye ba yang ma yin pa de'i phyir/ 'di la brten nas 'di 'byung ba zhig ste/ de tsam zhig la 'jig rten gyi
- 345b
tha snyad mi bcad pa'i don du brten to// ji skad du bcom ldan 'das kyis de la chos kyi brda ni 'di yin te/ 'di lta ste/ 'di yod na 'di 'byung / 'di skyes pas 'di skye ste/ gang 'di ma rig pa'i rkyen gyis 'du byed rnams zhes bya ba la sogs pa gsungs so// de bzhin du 'di yod pas na 'di 'byung dper// ring po yod na thung ngu bzhin// 'di skyes pas na 'di skyed dper// mar me 'byung bas 'od bzhin no// zhes bya ba dang / bstan bcos las kyang / byed pa po la las byas shing // las kyang byed po de nyid la// brten nas 'byung ba ma gtogs pa// 'grub pa'i rgyu ni ma mthong ngo // de bzhin nyer len shes par bya// las dang byed po bsal phyir ro// byed pa po dang las dag gis// dngos po lhag ma shes par bya// zhes 'di tsam zhig kho na gsungs so// de ltar rkyen nyid 'di pa tsam gyi rten cing 'brel par 'byung ba bshad pa na/ rgyu med par skye ba la sogs pa'i rtog pa 'di dag mi srid pa 'ba' zhig tu ma zad kyi/ rtag pa dang chad pa dang rtag pa dang mi rtag pa dang dngos po dang dngos po med pa gnyis la sogs pa rtog pa gzhan dag kyang mi srid pa nyid do zhes bstan pa'i phyir bshad pa// gang phyir dngos po rten nas rab 'byung bas// rtog pa 'di dag brtag par mi nus pa// de phyir rten 'byung rigs pa 'di yis ni// lta ngan dra ba mtha' dag gcod par byed// gang gi phyir 'di la brten nas 'di 'byung ngo zhes bya/ ba'i rigs pa 'di tsam zhig gis dngos po kun rdzob pa rnams kyis bdag gi dngos po yod pa 'thob kyi/ gzhan du ma yin pa de'i phyir rten cing 'brel par 'byung ba rten nyid 'di pa tsam gyis rigs pa 'dis ji skad/ bshad pa'i lta ba ngan pa'i dra ba mtha' dag gcod pa yin no// 'di ltar rkyen nyid 'di pa tsam zhig rten cing 'brel bar 'byung ba'i don du rnam par 'jog pas ni dngos po 'ga' la yang rang bzhin khas blangs te
- 346a
'di skad du/ de dang de brten gang 'byung ba// rang gi ngo bor de ma skyes// rang gi ngo bor ma skyes gang // de ni skyes zhes ji skad bya// zhes bya ba dang / de bzhin du rten cing 'brel par 'byung ba gang // de ni stong pa nyid du bshad// da ni rgyur bcas gdags pa ste/ de nyid dbu ma'i lam yin no// zhes gsungs so// mdo sde las kyang gang zhig rkyen las skyes pa de ma skyes// de la skye ba'i rang bzhin yod ma yin// rkyen la rag las gang de stong par bshad// gang zhig stong nyid shes de bag yod yin// zhes gsungs so// gang gi tshe de ltar rang bzhin khas ma blangs pa de'i tshe rang bzhin med pa na ji skad bshad pa rnams gang zhig tu 'byung bar 'gyur/ gal te rang bzhin 'ga' zhig yod na ni/ de yi skye ba ngo bo nyid las 'byung bar 'gyur ba 'am/ bdag dang gzhan dang gnyi ga dang dbang phyug la sogs pa dag las 'gyur zhing / skyes zin pa gnas pas rtag pa dang / 'jig pas chad pa la sogs pa rtog pa 'byung ba srid pa zhig na/ rnam pa gzhan du ni ma yin no zhes bstan pa'i phyir bshad pa/ rtog rnams dngos po yod na 'gyur ba ste// dngos po/ ji ltar med par yongs dpyad zin// dngos po med par 'di rnams mi 'byung dper/ bud shing med par me yod min de bzhin// gang gi phyir ji skad bshad pa'i rigs pas dngos po srid pa rnams thams cad du yod pa ma yin pa de nyid kyi phyir/ rnal 'byor pa 'phags pa'i lam mngon du mdzad par gyur pas ma gzigs pa'i tshul gyis de kho na nyid gzigs pa dag gis chos gang la yang dngos po rdul tsam yang mi dmigs shing / gzugs dang / tshor ba dang / dge ba dang / mi dge ba dang / dngos po dang dngos po med pa la sogs pa'i rtog pa'i 'du byed thog ma med pa nas goms pa rnams kyang de dag la ldog par 'gyur te//
- 346b
dper na mig sman bskus pas skra shad la sogs par rtog pa log pa nyid rab rib can la 'bras bur 'gyur gyi skra shad la sogs pa rang bzhin gzhan gyi yul nyid du 'gyur ba ni ma yin pa bzhin no// de'i phyir// so so'i skye bo rnams ni rtog pas bcings// mi rtog rnal 'byor pa ni grol 'gyur bas// rtog rnams log par 'gyur ba gang yin te// rnam par dpyod pa'i 'bras bur mkhas rnams gsung // gang gi phyir so so'i skye bo chos nyid 'di de ltar mi shes pa rnams rtog pa kho nas bcings pa de'i phyir/ chos nyid 'di de ltar thugs su chud pa na 'phags pa rnams rnam par grol bar 'gyur te/ de'i phyir rtog pa ma lus pa bkag pa nyid slob dpon gyis dbu ma'i bstan bcos las bshad pa'i rnam par dpyod pa'i 'bras bur rnam par bzhag go/ ji skad du/ dngos po rang bzhin gyis yod na// stong mthong yon tan ci zhig yod// rtog pas mthong ba 'ching ba ste// de nyid 'dir ni 'gog pa yin// zhes gsungs so// de nyid kyi phyir/ bstan bcos las dpyad rtsod la chags pa'i phyir// ma mdzad rnam grol phyir ni de nyid bstan// de nyid kyi phyir slob dpon gyis dbu ma'i bstan bcos las rnam par dpyad pa shin tu cher mdzad pa gang yin pa de ni rtsod la chags pa ste/ gzhan zil gyis mnan par 'dod pas ma mdzad de// zhes bya bar shes par bya/ rnam par dpyod pa mdzad pa na dbu ma'i bstan bcos las de kho na nyid bstan pa ni/ sems can gyis de kho na nyid 'di lta bu phyin ci ma log par rtogs nas thar pa thob par gyur na ci ma rung zhes skye bo rnam par grol bar bya ba'i phyir yin no// gal te khyod kyis rgol ba ji ltar btags pa thams cad bkod cing bkod cing bstan bcos las bkag pa ma yin nam/ de'i phyir bstan bcos kyi 'jug pa ni rtsod pa'i phyir yin
- 347a
pas rtog pa ldog pa tsam zhig kho na 'bras bur ci ltar rnam par bzhag ce na/ brjod par bya ste/ rnam par dpyad pa 'di ni rtsod pa'i phyir mdzad pa ma yin mod kyi/ 'on kyang de kho na nyid nye bar bstan pa na rang bzhin gyis stobs chung bas gzhan gyi gzhung lugs rnams bdag nyid than mi tshugs shing / snang ba nye ba na mun pa ltang rang nyid 'jig par 'gyur ba des na khe bcag la skyon med pa nyid de zhes bshad pa/ gal te de nyid rnam par bshad pa na/ gzhan gzhung 'jig par 'gyur na nyes pa med/ ji skad du/ chos 'di de bzhin gshegs rnams kyis// rtsod pa mdzad phyir gsungs ma yin// 'on kyang me yis bud shing ltar// 'di yis phas kyi rgol ba sreg/ ces gsungs so// gal te de lta ma yin te/ rtsod pa'i phyir chos nye bar bstan par gyur na ni/ de'i tshe the tshom med par gzhan gyi phyogs skyon dang ldan pa la sdang zhing / rigs pa dang ldan pa'i rang gi phyogs la rjes su chags par 'gyur bas rtog pa ldog pa nyid mi srid do// ci'i phyir zhe na/ 'di ltar/ rang gi lha la chags dang de bzhin du// gzhan gyi lha la 'khrug gang rtog pa nyid// de'i phyir rtog pa ma log pas bcings pa nyid du 'gyur gyi thar pa ni ma yin no// gang gi tshe chos 'di rtsod pa'i phyir bstan pa ma yin pa de'i tshe/ de'i phyir 'dod chags khong khro rnam bsal te/ rnam dpyod pa na myur du grol bar 'gyur/ ji skad du/ rtsod med che ba'i bdag nyid can// de dag la ni phyogs med do// gang rnams la ni phyogs med pa// de la gzhan phyogs ga la yod// ces bya ba dang / de bzhin du// / rang gi phyogs la chags yod cing // gzhan phyogs la khyod mi dga' na// mya ngan 'das par mi 'gro ste// gnyis spyod zhi bar yong mi 'gyur// zhes gsungs so// mdo sde las kyang / gang zhig chos
- 347b
'di thos nas chags byed cing // chos ma yin pa thos nas khong khro byed// nga rgyal rgyags pas bcom pa log pa ste// nga rgyal dbang gis sdug bsngal rjes su myong // zhes gsungs so// de'i phyir de ltar lung dang rig pa dag gis chos kyi bdag med pa bstan nas de'i 'og tu gang zag gi bdag med par bstan pa'i phyir bshad pa/ nyon mongs skyon rnams ma lus 'jig tshogs la// lta las byung bar blo yis mthong gyur zhing // bdag ni 'di yi yul du rtogs byas nas// rnal 'byor pa yis bdag ni 'gog par byed// de la 'jig tshogs la lta ba ni nga dang nga'i snyam pa de lta bu'i rnam par zhugs pa shes rab nyon mongs pa can no// de las byung bas ni 'jig tshogs la lta ba las byung ba'o// de dag kyang gang dag gcig ce na/ nyon mongs pa rnams so// de la nyon mongs pa rnams ni 'dod chags la sogs pa rnams so// skyon rnams ni skye ba dang rga ba dang na ba dang 'chi ba dang mya ngan la sogs pa dag go// de dag nim lus par 'jig tshogs la lta ba las 'byung ste/ nyon mongs pa thams cad ni mdo las/ 'jig tshogs la lta ba'i rtsa ba can 'jig tshogs la lta ba'i rgyu can/ 'jig tshogs la lta ba'i kun 'byug can dag go zhes 'jig/ rgyu dus/ gatshan sa sa nga byu na zla smram yin no// de'i dmigs pa ni bdag kho na yin te/ ngar 'dzin pa ni bdag gi yul can yin pa'i phyir ro// de la nyon mongs pa dang skyon ma lus pa yongs su spong bar 'dod pas 'jig tshogs la lta ba kho na yin la/ de yang bdag gi bdag med pa nyid khong du chud pa las spong bar 'gyur bas thog mar rnal 'byor pas bdag kho na 'gog par byed do// de bkag pa las 'jig tshogs la lta ba spangs par gyur na nyon mongs pa dang skyon ma lus par ldog par na bdag
- 348a
rnam par dpyad pa thar pa sgrub pa'i thabs yin te/ de'i phyir gang zhig 'jig tshogs la lta ba'i dmigs par gyur pa bdag ces bya ba 'di ci zhig ces rnal 'byor pa je thog mar bdag kho na rnam par dpyod par// byed do// 'jig tshogs la lta ba'i dmigs pa bdag de ci zhig ces de nyid mi shes so zhe na/ de la re zhig/ za bo rtag dngos byed po min pa'i bdag/ yon tan bya med mu stegs rnams kyis brtags// de dbye cung zad cung zad la brten nas// mu stegs can rnams lugs ni tha dad 'gyur// de la grangs can pa dag ni/ rtsa ba'i rang bzhin rnam par 'gyur min la// chen po sogs 'dun rang bzhin rnam 'gyur zhing // bcu drug po ni rnam par 'gyur ba ste// skyes bu rang bzhin ma yin rnam 'byur min// zhes smra bar byed do// de la rab tu byed pas na rang bzhin no// gnas skabs gang zhig tu byed ce na// skyes bu'i 'dod pa mthong ba'i dus su'o// gang gi che ste b+hU s+thA la sogs pa'i yul nye bar longs spyod pa'i rnam pa can gyi 'dod pa skyes pa de'i tshe skyes bu'i 'dod pa yongs su shes pa'i rang bzhin dang skyes bu sbyor zhing de nas sgra la sogs pa 'byin par byed do// de la tshul ni 'di yin te// rang bzhin las ni chen po'o// de las nga rgyal lo// de las bcu drug po'i tshogs so// bcu drug po de las kyang 'byung ba lnga ni lnga las te sbrul sogs pa dag las 'byung ba lnga 'byung ngo // zhes bya ba 'di ni rim pa yin na// rnam par 'gyur min la zhes bya ba ni gang gi phyir rab tu byed pa kho na yin gyi/ chen po la sogs pa ltar rnam par 'gyur ba yang ma yin no// chen po la sogs pa de dag ni rab tu byed pa yang yin la rnam par 'gyur ba yang yin te/ de'i phyir chen po sogs bdun rang bzhin rnam 'gyur zhing / zhes bya ba smras te/ chen po la sogs pa dag kyang rang gi rnam par 'gyur ba la bltos nas rang bzhin yin la rang bzhin la bltos nas rnam par
- 348b
pa sams sa pa ya sag pa ga gas sasasas pa pa sa sa sa sa ga mams pa sa ya mangs ra ma nga babs sa sa sa sas 'asas sa samags pa ma ma pams pa cam 'gyur ba yin no// blo'i dbang po la sogs pa bcu drug po ni rnam par 'gyur ba kho na ste/ de'i phyir bcu drug po ni rnam par 'gyur ba ste/ zhes bya ba smras so// ni'i sgra ni rnam par 'gyur ba kho na ste zhes nges par// bzung ba'i don du'o// skyes bu ni rab tu byed pa yang ma yin la rnam par 'gyur ba yang ma yin no zhes smra ba ni skyes bu rang bzhin ma yin rnam 'gyur min/ zhes bya ba'o// rim pa 'dis rnam par 'gyur ba'i// tshogs thams cad skyes pas 'dod pa skyes pa'i skyes bu nye bar za ba por ji ltar 'gyur ba brjod par bya ste/ rna ba la sogs pa'i blo'i dbang po yid kyis byin gyis brlabs pa dag gis yongs su bzung ba'i yul spa la sogs pa dag la blos zhen par byed la/ de nas blos zhen par byas pa'i don la skyes bu sems can byed do// de ltar skyes bu sems yod pa'i rang gi ngo bo yin pa'i phyir/ bdag yul dag nye bar longs spyod do zhes brjod do// de ltar 'dod pas yul nye bar longs spyad cing / gang gi tshe chags pa chung ba nyid kyis skyes bu yul dag la chags pa dang bral bar gyur pa de'i tshe rim gyis bsam gtan bsgoms shing lta'i shes pa yang dag par blangs pas lha'i mig gi sgo nas rang bzhin la lta bar byed la/ des bltas pa dang de gzhan gyi bud med lta nga cha bar gyur pas bdag la miH ning 'bral ba shags rnam par 'gyur ba'i tshogs thams cad kyang skye ba'i rim pa las bzlog pa'i sgo nas de nyid du rab tu zhi ba'i phyir mi gsal ba'i ngo bor gyur pa de'i tshe skyes bu nyag gcig gnas te de'i phyir grol ba zhes bya'o// de ni rnam par 'gyur ba zhar zin kyang zhi bar mi 'gyur ba nyid kyis rtag tu yan gar ba'i ngo bor gnas pa'i phyir rtags pa zhes bya'o// rang bzhin nyid byed pa po yin zhing rnam par 'gyur ba rnams las kyang kha cig byed pa po//
- 349a
yin pa'i phyir la/ bdag ni bya ba la snyoms las can nyid du gyur pa'i phyir na byed pa po ma yin pa nyid ces brjod do// nye bar longs spyod pa po nyid ji skad smras pa'i tshul gyis bstan zin pa nyid do// rdul dang mun pa dang snying stobs kyi rang bzhin med pa'i phyir na yon tan med pa nyid do// khyab par byed pa nyid yin pa'i phyir na bya ba med pa nyid de/ de lta bu ni skyes bu'i khyad par dag go/ de la rang bzhin nyid byed pa po yin zhing rnam par 'gyur ba rnams las kyang kha cig byed pa po yin pa'i la zhes gang smras na/ rnam par 'gyur ba gang dag gcig ni byed pa po nyid yin la gang dag gcig ni byed pa po nyid ma yin zhe na/ 'di la bye brag tu bshad par bya ba'i phyir cung zad cig brjod par bya ste/ de la rdul dang mun pa dang snying stobs rnams ni yon tan gsum mo// de la rdul ni g.yo ba dang 'jug pa'i bdag nyid can no// mun pa ni lci ba dang g.yog pa'i bdag nyid can no// snying stobs ni yang ba dang rab tu gsal ba'i bdag nyid can no// bde ba dang sdug bsngal ba dang gti mug ces bya ba ni 'di dag kho na'i rnam grangs so// 'di dag cha mnyam pa'i gnas skabs ni gtso bo ste/ 'dir yon tan dag gtso bor gyur zhing rab tu zhi bar gyur pa'i phyir ro// de dag rnam par mi 'gyur ba'i gnas skabs ni rang bzhin no// rang bzhin las ni chen po ste chen po zhes bya ba ni bla'i rnam grangs so// chen po las ni nga rgyal lo// de ni rnam pa gsum ste/ rnam par 'gyur ba dang / snying stobs can dang / mun pa can no// de la rnam par 'gyur ba'i nga rgyal las ni de tsam lnga ste/ gzugs dang / sgra dang dri dang ro dang reg pa dag go/ de tsam dag las ni 'byung ba rnams te sa dang chu dang me dang rlung dang nam mkha' zhes bya ba dag go/ snying stobs can gyi nga rgyal las ni las kyi dbang po lnga po dag dang / lag pa
- 349b
dang kang pa dang / rkub dang / 'doms dang / blo'i dbang po lnga po mig dang / rna ba dang / sna dang / lce dang / pags pa dang / gnyi ga'i bdag nyid can gyi yid de de ltar na ba cu gcig go// mun pa can gying rgyal ni rgyal gnyi ga'i 'jug par byed pa'o// de la chen po dang nga rgyal dang de tsam lda ni rang bzhin dang rnam par 'gyur ba nyid yin zhing / dbang po bcu dang yid dang 'byung ba chen po rnams ni rnam par 'gyur ba nyid kho na yin la/ rang bzhin/ nirnam par mi 'gyur ba kho na yin no zhes bya ba ni gzhung lugs so// ji ltar grangs can pa dag gis de ltar bdag khas blangs pa de bzhin du/ de'i dbye ba cung zad cung zad la brten nas mu stegs can rnams kyi lugs tha dad par 'gyur te/ 'di lta ste bye brag pa rnams ni/ blo dang / bde ba dang / sdug bsngal dang / 'dod pa dang sdang ba dang / 'bad pa dang / chos dang / chos ma yin pa dang / bya ba'i shugs te bdag gi yon tan dgu smra ba byed do// de la blo ni yul 'dzin pa'o// bde ba ni 'dod pa'i yul nyams su myong ba'o// sdug bsngal ni de las bzlog pa'o// 'dod pa ni 'dod par 'gyur ba'i dngos po la re 'cha' ba'o// sdang ba ni mi 'dod pa'i yul la rgyab kyi phyogs pa nyid do// 'bad pa ni don bsgrub par bya ba la de'i mthar thug par sems kyi mkhas pa nyid do// gang las mngon par mtho ba dang nges par legs pa 'grub pa de ni chos so// de las bzlog pa ni chos ma yin pa'o// shes pa las skyes shing shes pa'i rgyur gyur pa nyid ni 'du bya ba'i shugs so// bdag gi yon tan dgu po de dag ji srid du bdag la 'dra zhing yod pa de srid du de dag gis sbyar ba'i dge ba dang mi dge ba'i las sgrub pa'i phyir 'khor bar 'gyur la/ gang gi tshe skyes bu yang dag par rtogs pa'i shes pas blol sogs pa'i yon tan rnams rtsa ba dang bcas par gcod pa de'i tshe rang gi bdag nyid la gnas shing thar par/
- 350a
'gyur ro// bdag de yang rtag pa dang / byed pa po dang / za ba po dang / yon tan dang bcas pa dang / khyab pa'i phyir na bya ba med par yang smra'o// kha cig dag ni bskum pa dang rkyong ba nyid kyis bya ba dang bcas par// khas len to// rig byed du smra bdag ni bum pa la sogs pa'i nam mkha' ltar lus tha dad pas gcig sna tshogs pa nyid do zhes bya ba la sogs par khas len to// de ltar bdag gi byud par cung zad cung zad la brten na mu stegs can rnams kyi lugs phan tshun tha dad par 'gyur ro// mu stegs can rnams kyi gzhung lugs re re las bdag gang zhig smras pa de ni/ mo gsham bu ltar skye ba dang bral phyir// de ltar gyur pa'i bdag ni yod min zhing // 'di ni ngar 'dzin rten du'ang mi rigs la// 'di ni kun rdzob tu yang yod mi 'dod// rang nyid kyi rjes su dpag pa dang 'gal ba'i phyir/ ji skad smras pa'i bdag ni yod pa ma yin pa nyid de/ ma skyes pa'i phyir mo gsham gyi bu bzhin no// 'di ni ngar 'dzin pa'i yul du yang mi rung ste/ ma skyes pa nyid kyi phyir ro// 'di ni de kho na nyid du yod pa nyid dang / ngar 'dzin pa'i yul nyid du mi rigs pa 'ba' zhig tu ma zad kyi/ kun rdzob tu yang 'di gnyis char yod pa ma yin no zhes shes par bya'o// 'di yod pa nyid dang ngar 'dzin pa'i rten nyid du mi rigs par ma zad kyi gzhan yang / gang phyir bstan bcos bstan bcos las de'i khyad// mu stegs rnams kyis gang bstan de kun la// rang grags ma skyes gtan tshigs kyis gnod pa// de phyir de khyad kun kyang yod ma yin// de la grangs can pa'i gzhung las ni bdag gi khyad par rtag pa dang byed pa po ma yin pa dang za ba po dang yon tan med pa dang bya ba med par 'dod do// de la bdag rtag pa ma yin zhing byed pa po ma yin pa yang ma yin pa nas bya ba med pa'i bar du yang ma yin te/ rang nyid kyis ma skyes pa'i phyir mo gsham gyi
- 350b
bu bzhin no// de bzhin du bdag ni rtag pa yang ma yin zhing byed pa po yang ma yin te zhes bya ba la sogs pa yin te/ rang nyid kyis ma skyes pa'i phyir ro zhes bye brag pa'i gzhung la yang brjod par bya'o// phyogs 'dis ni bdag tu smra ba thams cad du ma skyes pa nyid kyi gtan tshigs dang / mo gsham gyi bu'i dpes de'i rang gi ngo bo dang khyad par bsal bar rig par bya'o// de'i phyir de ltar na/ de'i phyir phung po las gzhan bdag med de/ de'i phyir phung po las tha dad par bdag yod pa ma yin te/ de dag ma gtogs par bdag ma bzung ba'i phyir ro// gal te phung po las tha dad par yod na ni/ de'i tshe so sor grub par bzung bar 'gyur ba zhig na de ltar ni ma yin pas de'i phyir phung po las gzhan bdag med de/ phung po ma gtogs de 'dzin ma grub phyir// ji skad du/ bdag ni nye bar len pa las// gzhan du 'thad pa nyid ma yin// gal te gzhan na len med/ par// bzung yod rigs na bzung du med/ ces bya ba dang / de bzhin du/ gal te phung po rnamam las gzhan/ phung po'i mtshan nyid med par 'gyur// zhes gsungs so// phung po las tha dad pa'i bdag yod pa nyid ma yin pa 'ba' zhig tu ma zad kyi/ gzhan yang / 'jig rten ngar 'dzin blo yi brten du yang / mi 'dod de rig min pa'ang bdag lnga'i phyir// gang dag bdag de rnam pa de lta bur mi 'dzin pa de dag kyang mngon par zhen pa'i khyad par las bdag dang bdag gi zhes bdag tu lta bar 'gyur te/ de'i phyir bdag 'di phung po las tha dad par ngar 'dzin pa'i rten du mi rigs so// ci ste gang dag da lta rtag pa dang ma skyes pa la sogs pas/ khyad par du gyur pa de mi shes pa de dag la yang sngar goms pa'i dbang gis de'i yul can ngar 'dzin pa'i lta ba yod par 'gyur ro snyam na/ de yang yod pa ma yin te/ kha cig dag kho na la de dag gi bstan bcos
- 351a
la goms par byas pa las bdag tu lta ba yod pa yin no// gang dag la sngar goms pa med pa de dag la yang 'dir ngar 'dzin pa 'jug pa mthong ste/ 'di lta ste/ gang dag dud 'gror bskal mang bskyal gyur pa// des kyang ma skyes rtag 'di ma mthong la// ngar 'dzin de dag la yang 'jug mthong ste// des na phung po las gzhan bdag 'ga' med// sems can gang dag bskal pa bgrangs su zin kyang da rung du yang dud 'gro'i skye gnas las bzlog par mi 'gyur ba de dag gis kyang rnam pa de lta bu'i bdag ma dmigs so// kyang gi sgras ni dmyal ba la sogs par skyes pa rnams sdud pa'o// rnam pa de lta bu'i bdag ma dmigs pa de dag la yang ngar 'dzin pa 'jug par mthong nas shes rab can su zhig bdag rnam pa de lta bu'i ngar 'dzin pa'i rten du zhen par byed// de'i phyir phung po las tha dad pa'i bdag med do// 'dir rang gi sde pa dag na re// phung po las gzhan bdag grub pa'i phyir// bdag lta'i dmigs pa phung po kho na'o// gang dag gi phyir ji skad bshad pa'i rig pas phung po las tha dad pa'i bdag ma grub pa de'i phyir phung po dag las gzhan pa'i bdag grub pa med pa'i phyir/ 'jig tshogs la lta ba'i dmigs pa ni phung po dag kho na yin no// de'i phyir bdag ni phung po tsam kho na yin no zhes zer ro// phyogs 'di ni rang gi sde ba mang pos bkur pa rnams kyi yin no// de las kyang / kha cig bdag lta'i rten du phung po ni// lnga char yang 'dod kha cig sems shig 'dod// kha cig dag ni/ gzugs dang tshor ba dang 'du shes dang 'du byed dang rnam par shes pa zhes bya ba phung po lnga char yang 'jig tshogs la lta ba'i dmigs par 'dod cing bdag tu mngon par zhen pa 'di yang de la yin no zhes smra ste/ ji skad du/ bcom ldan 'das kyis dge slong dag dge sbyong ngam bram ze gang su
- 351b
dag cig bdag go snyam du yang dag par rjes su lta ba de dag ni nye bar len pa'i phung po lnga po 'di dag kho na la yang dag par rjes su lta'o zhes gsungs pa lta bu'o// de nyid kyi phyir de dag la khyed cag gi lta ba 'di ni 'jig pa'i bdag nyid can gyi tshogs la yin gyi/ bdag gam bdag gi bal ni ma yin no zhes gsal bar mdzad pa'i slad du bdag dang bdag gi ba'i rnam par zhugs pa'i lta ba la 'jig tshogs la lta bar gsungs so zhes smra'o// gzhan dag ni sems la bdag go zhes 'dod de/ bdag nyid bdag gi mgon yin gyi// gzhan ni su zhig mgon du 'gyur// bdag nyid legs par thul pas ni// mkhas pas mtho ris thob par 'gyur// zhes tshigs su bcad pa las sems nyid la bdag gi sku gsungs so// 'di ga las she na/ phung po las tha dad pa'i bdag med pa'i phyir dang / mdo gzhan dag las kyang sems 'dul bar gsungs pa'i phyir te/ sems dul ba ni legs pa ste// sems thul bas ni bde ba 'dren// zhes bya ba de las so// de'i phyir ngar 'dzin pa'i gzhi sems la bdag ces gdags so zhe'o// 'di la lan brjod par bya ste/ gal te phung po bad/ na de phyir de// mang bas bdag de dag kyang mang por 'gyur// bdag ni rdzas su 'gyur zhing der lta ba// rdzas la 'brug pas phyin ci log mi 'gyur// de la zung po rnams bdag yin no zhes bya ba'i phyogs gang gi yin pa/ de'i ltar na phung po rnams mang ba'i phyir bdag kyang mang por 'gyur ro// gang gi ltar na sems bdag yin pa de'i ltar na yang mig la sogs pa'i rnam par shes pa'i dbye bas sam/ skad cig re re la rnam par shes pa/ skye ba dang 'gag pas mang ba'i phyir bdag kyang mang por 'gyur ro// yang na ji ltar rigs pa bzhin du skyon brjod par bya'o// de ltar nyes pa 'di phung po dang rnam par shes pa bdag tu smra ba la brjod par bya zhing 'chad par
- 352a
'gyur ba'i nyes pa gzhan yang 'di la 'ba' ba kho na yin pas phyogs gnyi ga la yang brjod par bya'o// 'jig rten skye ba na gang zag zhag cig ste'i zhes bya ba'i lung las na/ bdag ni mang bdag tu 'dod pa yang ma yin no// bdag ni rdzas su 'gyur zhing ste/ gzugs la sogs pa'i rdzas 'das pa la sogs pa'i dbye bas tha dad par gyur pa rnams kho na la phung po nyid du brjod pa'i phyir dang / de rnams kho na la bdag tu bsnyad pa'i phyir bdag rdzas su yod par 'gyur na/ dge slong dag lnga po 'di rnams ni ming tsam tha snyad tsam btags pa tsam ste/ gang 'di lta ste/ 'das pa'i dus dang ma 'ongs pa'i dus dang / nam mkha' dang mya ngan las 'das pa dang / gang zag go zhes bya ba dang / de bzhin du/ ji ltar yan lag tshogs rnams la/ brten nas shing rtar brjod pa ltar/ de bzhin du phung po rnams brten nas kun rdzob sems can zhes bya'o// zhes bya ba 'di las na 'dod pa yang ma yin no// de'i phyir bdag rdzas su yod par thal bar 'gyur ba'i phyir na phung po rnams bdag ma yin no// gzhan yang 'jig tshogs la lta ba rdzas kyi yul can yin pa'i phyir na/ sngon po dang ser po la sogs pa'i shes pa ltar phyin ci log nyid du mi 'gyur ro// de'i phyir 'jig tshogs la lta ba kun 'byung ba spangs pas ldong bar mi 'gyur ba'am sngon po dang ser po la sogs pa tsam la dmigs pa mig gi shes pa ltar de la dmigs pa'i 'dun pa'i 'dod chags spangs pa kho nas spang bar 'gyur ro// gzhan yang / mya ngan las 'das tshe nges par bdag chad 'gyur// mya ngan 'das sngon skad cig dag la ni/ skye 'jig byed po med pas de 'bras med// gzhan gyis bsags las gzhan gyis za bar 'gyur/ gal te bdag phung po'i rang bzhin can yin na mya ngan las 'das pa'i tshe phung po lnga char yang rgyun 'chad pas bdag chad par
- 352b
'gyur ro// de'i phyir chad pa'i mthar 'dzin pas mthar lta bar thal bar 'gyur te/ gang gi phyir khyed cag gis ni bdag dang bdag gi ba'i rnam pa can 'jig tshogs la lta bas bdag nyid du gang bzung ba de nyid la rtag pa dang chad par 'dzin pas mthar 'dzin par lta bar bzhag pa'i phyir ro// de'i phyir bdag ni mya ngan las 'das pa'i dus su yang rgyun chad par khas blang bar mi bya ste/ mthar 'dzin par lta bar thal bar 'gyur ba'i phyir ro// de'i phyir bdag ni phung po'i bdag nyid can ma yin no// mya ngan las 'das par zhugs pa'i snga rol gyi skad cig dag tu ji ltar phung po rnams skad cig re re la skye zhing 'jig pa de bzhin du/ bdag kyang skye zhing 'jig pa can du 'gyur te/ bdag phung po'i rang bzhin can yin pa'i phyir ro// de'i phyir ji ltar nga'i lus 'di byung bar gyur to zhes bya ba ma yin pa de bzhin du de'i tshe de'i dus na/ dargyal po ngal nu zhes bya bar gyur to// zhes bya ba 'di yang gsung bar mi 'gyur te/ de'i tshe bdag kyang lus ltar zhig pa'i phyir dang / 'dir gzhan nyid skye bar khas blangs pa'i phyir ro// bstan bcos las kyang / nye bar len nyid bdag ma yin de dag 'byung dang 'jig pa yin// nye bar blang ba ji lta bu// nye bar len po yin par 'gyur// zhes bya ba dang / de bzhin du gal te phung po bdag yin na// skye dang 'jig pa can du 'gyur// zhes gsungs so// skye ba dang 'jig pa nyid yod na yang byed pa po bdag med pas de'i 'bras bu med pa nyid du 'gyur te/ gal te las gang gis byas pa de mi rtag pa nyid du 'gyur na/ de'i tshe byed pa po med pas las la yang brten pa'i phyir med pas las rnams 'bras bu dang 'brel pa med pa nyid du 'gyur ro// gal te skad cig snga mas byas pa'i las kyi 'bras bu skad cig phyi ma rnams su nye bar longs spyod na/ de'i tshe gzhan gyis bsags pa'i las kyi rnam par smin pa gzhan gyis
- 353a
longs spyod pa'i phyir/ gzhan gyis bsags pa'i las gzhan gyis za bar 'gyur ro// de'i phyir byas pa chud zos pa dang ma byas pa dang phrad par 'gyur ro// bstan bcos las kyang / gal te 'di nigazhan gyur na// de med par yang 'byung bar 'gyur// de bzhin du ni gnas 'gyur zhing // der ma shi bar skye bar 'gyur// chad dang las rnams chung za dang // gzhan gyis byas pa'i las rnams ni// gzhan gyis so sor myong ba dang // de la sogs par thal bar 'gyur// zhes gsungs so// de'i phyir phung po rnams bdag yin no zhes bya bar mi rigs so// 'dir smras pa/ gal te yang skad cig snga phyi dag gzhan yin mod kyi/ de lta na yang / rgyud 'di gcig kho na yin pas kho bo cag la nyes pa 'di med do// brjod par bya ste/ de nyid du rgyud yod na skyon med na// sngar rnam dpyad tshe rgyud la nyes shad zin/ byams panyer sras la brten chos rnams ni// zhes bya ba der ro// gal te lta las mi gzhanan// de ltan ni mi rtag 'gyur// gal te lha mi gzhan yin na// rgyud ni 'thad par mi 'gyur ro// zhes gsungs pa'ang yin no// pyid byung bananan mtshan nyid pa dang pa rngubs pa rgyud gtsug tu gtugs pad ma dgas pa pan yin byas tha pa byu brnag pa bang ba rnams bdag 'ad ma yin 'ang sa mas yin no zhes bstan pa'i phyir bshad pa// de'i phyir phung po dang sems bdag mi rigs// ji skad du bshad pa'i nyes par thar bar 'gyur ba las phung po rnams dang sems bdag tu mi zad pa 'ba' zhig tu mazad kyi/ 'di las kyang ste/ 'jig rten mtha' ldan la sogs mi phyir ro// gang gi phyir 'jig rten mtha' dang ldan pa nyid la sogs pa med par 'don pa de'i phyir phung po rnams dang sems bdag yin no zhes bya
- 353b
bar mi rigs so// 'di ni lung du ma bstan pa'i dngos po bcu bzhi ni sde pa thams cad kyis 'don pa yin te/ 'di lta ste/ 'jig rten rtag go zhes bya ba dang / 'jig rten rtag go zhes bya ba dang / rtag kyang rtag la mi rtag/ kyang mi rtag go zhes bya ba dang / rtag pa yang ma yin/ mi rtag pa yang ma yin no zhes bya ba la sogs pa'o// 'di dag ni brda' spad par bya ba ma yin no zhes bcom ldan 'das kyis gsungs pa'i phyir lung du ma bstan pa'i dngos por rnam par bzhag go/ de ltar bkag pa dang / dge slong zhig gal te 'jig rten rtag go zhes bya bar 'dzin na/ shar gyi ri bo'i sde pa'i gzhung las/ 'jig rten rtag go zhes bya ba de lta bu'i lta ba can de la yang bskrad pa'i las bya'o// 'jig rten mi rtag go zhes bya ba de lta bu'i lta ba can de la yang skrad pa'i las bya'o// 'jig rten rtag kyang rtag la mi rtag kyang mi rtag go zhes bya ba de lta bu'i lta ba can de la yang smad pa'i las bya'o// 'jig rten rtag pa yang ma yin mi rtag pa yang ma yin zhes bya ba de lta bu'i lte ba can de la yang bskrad pa'i las bya'o// zhes de dang mi 'grogs pa nyid du bshad do// de ltar lung du ma bstan pa'i dngos po bcu bzhi char brjod par bya'o// de'i phyir gal te 'jig rten gyi sgras phung po rnams 'dzin na/ de'i tshe phung po rnams skye ba dang 'jig pa nyid kyis mi rtag pa'i phyir 'jig rten mi rtag pa nyid ces bya bar yang lung bstan par 'gyur la/ mya ngan las 'das pa'i 'og rol du phung po rnams med pas 'jig rten mtha' dang ldan no zhes bya bar lung bstan par yang 'gyur ro// de bzhin du de bzhin gshegs pa grongs phan chad yod pa ma yin no zhes bya bar yang lung bstan par 'gyur ro// de'i phyir 'jig rten mtha' dang ldan pa la sogs pa bkag pa'i phyir phung po rnams kho na bdag yin no zhes bya bar
- 354a
mi rigs so// gzhan yang // khyod kyi rnal 'byor bdag med mthong ba la// de tshe nges par dngos rnams med par 'gyur// gal te phung po rnams sam sems bdag yin na/ gang gi tshe rnal 'byor pa 'dis bden pa mthong ba'i dus su chos thams cad ni bdag med pa'o zhes bdag med pa'i rnam par sdug bsngal gyi bden pa mthong ba de'i tshe phung po med par mthong ba bdug med par mthong ba 'gyur na/ de ltar ni 'dod pa yang ma yin te/ de'i phyir phung po rnams bdag ma yin no// ci ste gang gi tshe las dang 'bras bu 'brel pa'i dus su bdag gi sgra sbyor ba de'i tshe bdag gzhan mi srid pa'i phyir/ phung po/ rnams khon la 'jug la gang gi tshe bdag med par mthong ba de'i tshe ni gzhan gyis kun btags pa nang gi byed pa'i skyes bu nyid la 'jug ste/ de'i phyir bdag med par mthong ba'i dus su yang nang gi byed pa'i skyes bu dang bral ba 'du byed tsam mthong ba la dngos po rnams med par mthong bar thal bar mi 'gyur ro snyam na/ brjod par bya ste rtag bdag spong na tshad yi phyir// khyod kyi sems sam phung po bdag mi 'gyur/ gas yang ngas phyirnam ma par mabyung ba gal ba na bas 'jugs nas/ bdag ga nas pa da yangs su dzi nga ba mamasapas su da / nyams par 'gyur// ci se rnam pa deg bu'i yul la 'di 'jig par mi 'ad dang / dar b+hir dz+nyAn med du snyam na/ 'di yang yad pa ma yin te/ 'dir ninang gi byed pa'i skyes bu bdag yin la gzhan du ni phreng po rnams yin no zhes 'dod dgur spyod pa rigs pa med par 'di ko ga las rnyed pa yin/ me srid pa'i phyir ro zhe na/ phung po rnams la yang 'di 'jug pa srid pa yod pa ma yin no zhes bstan zin to//
- 354b
de'i phyir gal te chos thams cad ni bdag med pa'o zhes bya ba 'dir bdag gi sgra phung po rnams la 'jug par mi 'dod na gzhan du yang mi 'dod par bya dgos so// ci ste gzhan du phung po la 'jug par 'dod na nide 'dir yang 'dod par bya dgos so// gzhan yang / khyod kyi rnal 'byor bdag med mthong ba yi// gzugs sogs de nyid rtogs par mi 'gyur zhing // gzugs la dmigs nas 'jug phyir 'dod chags sogs// skye 'gyur de yi ngo bo rtogs med phyir// ze 'bru la khu byug yod ces te tsam gyis ni ze 'bru'i mngar ba nyid ma myangs par sus kyang de'i mngar po nyid dmigs pa ma yin la/ de la khu byug med ces te ro myangs bzhin du yang mngar ba nyid ma dmigs pa yin zhes der gtogs pa'i mngon par zhen pa spong ba yang ma yin no// de bzhin du 'dir yang gal te rnal 'byor pas gzugs la sogs pa'i chos rnams rtag pa'i bdag dang bral ba de ltar mthong na/ de'i tshe de'i rang bzhin yongs su ma shes pas de la ci zhig 'byung bar 'gyur/ yang na gzugs la sogs pa rnams kyi rang gi ngo bo dmigs pas de la dmigs pa'i 'dod chags la sogs pa spong na yang bdag gi dngos po med pa la ci zhig 'byung bar 'gyur te/ gang gis na de med par yongs su shes pa las de yul dag la chags pa la sogs pa rnams spong bar 'gyur ba 'ga' yang nang gi byed pa'i skyes bu bde bar gyur cig ces bde ba myong bar 'gyur ba'i yul bsten par mi byed la/ de sdug bsngal bar dogs pas mi 'dod pa'i yul dang phrad pa spong bar yang mi byed do// de'i phyir gzugs la dmigs nas 'jug pa'i phyir na 'dod chags la sogs pa rnams skye bar 'gyur te/ de'i rang gi ngo bo yongs su shes pa 'dod chags la sogs pa spod
- 355a
ba'i drume pa byu / ral pa bzhin nosnyam du bsams pa'o// nr-is kha ba cug grang chad mar byed pa la rtag ge'i tshad mas gnod pa ma yan la lung gis kyang phung po rnams khon bdag nyid du ston par byed de/ ji skad du/ dge slong dag dge sbyong ngam bram ze gang su dag gcig bdag go snyam du yang dag par rjes su lta ba de dag ni nye bar len pa'i phung po lnga po 'di dag kho na la yang dag par rjes su blta'o// zhes gsungs pa lta bu ste/ de bzhin du 'dir yang yin no snyam na/ gang gi ston pas phung po bdag go zhes// gsungs pa de phyir phung po bdag 'dod ni// de ni phung las gzhan bdag 'gog pa ste// gzugs bdag min sogs mdo gzhan gsungs phyir ro// mdo 'dis ni gang las phung po rnams bdag ces bya bar yid ches par 'gyur ba phung po rnams bdag nyid du gsal bar byed pa ma yin pa nyid de/ 'o na ci zhe na/ bcom ldan 'das kyi dgongs pa ni phung po las tha dad pa'i bdag 'ga' yang yod pa ma yin no zhes bya ba ste/ kun rdzob kyi bden pa la bltos nas mu stegs can gyi gzhung dgag par bya ba'i phyir dang kun rdzob kyi bden pa sbyin ci log par gsal ba'i phyir ro// yang 'di ni phung po rnams las gzhan pa'i bdag 'gog pa yin no zhes bya ba 'di de ltar galas nges she na/ mdo gzhan las gzugs la sogs pa rnams kyang bdag nyid yin pa bkag pa'i phyir ro// ci ltar zhe na/ gang phyir gzugs tshor ba dag min 'du shes kyang // ma yin 'du byed rnams min rnam shes kyang // min par mdo gzhan las gsungs de yi phyir// mdor bstan phung po bdag ces bzhed ma yin// de'i phyir nye bar len pa'i phung po lnga po 'di dag kho na la
- 355b
bdag go snyam du yang dag par rjes su blta'o zhes bya ba'i mdo 'di las phung po las tha dad pa'i bdag bkag pa kho nar nges so// gang las gzugs la sogs pa rnams kyang bdag nyid yin pa bkag pa de las// ni brten nas gdags pa'i bdag 'jig tshogs la lta ba'i yul phung po'i nye bar len pa can bkag go zhes bya bar rig par bya ste/ de kho na nyid sems pa'i skabs su bab pa'i phyir ro// gang gi phyir nye bar len pa po ma dmigs na de'i nye bar len pa yang yod pa ma yin no zhes gzugs la sogs pa dag la yang 'dod chags dang bral bar 'thad pa nyid do// gang gi phyir mdo gzhan las de skad du gsungs pa de'i phyir sngar gyi mdor bstan phung po bdag ces bzhed ma yin// gzhan yang mdo sde bstan pa 'di ni sgrub pa'i tshul du nges kyang phung po rnams bdag yin pa nyid du ston par nus pa ma yin no// ci'i phyir zhe na/ 'di ltar/ phung po bdag ces brjod tshe phung rnams kyi// tshogs pa yin gyi phung po'i ngo bo min// dper na shing rnams ni nags tshal lo zhes brjod pa ni shing gi tshogs pa nAnags tshul yin gyi/ shing re re dag la yang nags su thal bar 'gyur ba'i phyir/ shing gi ngo bo ni ma yin pa de bzhin du phung po tshogs pa nyid bdag tu 'gyur ro// de'i phyir tshogs pa ni ci yang ma yin pa nyid kyi phyir// mgon min 'dul ba'am dbang po nyid kyang min// de med phyir de tshogs pa ma yin no// gang bcom ldan 'das kyis ji skad du/ bdag nyid bdag gi mgon yin te// bdag nyid bdag gi// dgra yang yin// legs dang ngan pa byas pa la// bdag nyid bdag gi dbang po yin// zhes bya ba de las mgon nyid dang dbang po nyid du gsungs la/ bdag nyid legs par dul bas ni// mkhas
- 356a
pas mtho ris thob par 'gyur// zhes bya ba 'di las 'dul bar gsungs na/ tshogs pa tsam po rdzas su yod pa ma yin pa nyid ni mgon nyid dang 'dul ba 'am dbang po nyid du rig pa yang ma yin no// de'i phyir tshogs pa bdag ma yin no// ji ste tshogs pa tshogs pa can las tha dad du med pa'i phyir 'bras bu ni tshogs pa rnams kyi yin par rtogs par 'gyur ro// de'i phyir mgon nyid dang 'dul ba dang dbang po nyid rigs par 'gyur ro snyam na/ 'di yang yod pa ma yin no// 'di la nyes pa bshad zin pa'i phyir ro// gzhan yang // de tshe de yi yan lag tshogs gnas rnams/ shing rta nyid 'gyur shing rta dang bdag mtshungs// mdo las kyang / bdag ces bya ba bdud kyi sems// khyod ni lba bar gyur pa yin// 'du byed phung po 'di stong ste// 'di la sems can yod ma yin// ji ltar yan lag tshogs rnams la// brten nas shing rtar brjod pa ltar// de bzhin phung po rnams brten nas// kun rdzob sems can zhes bya'o// zhes gsungs so// de ltar na/ mdo las phung po brten nas yin/ gsungs pa// de phyir phung po 'dus tsam bdag ma yin// gang zhig la brten nas gang btags pa de ni btags pa nye bar len pa'i yan lag tshogs pa tsam ma yin te/ brten nas btags pa'i phyir 'byung ba las gyur pa bzhin no// ji ltar 'byung ba dag rgyur byas nas 'byung ba las gyur pa sngon po la sogs pa dang mig la sogs pa btags mod kyi/ de gnyis 'byung ba 'dus pa tsam nyid ni ma yin no// de bzhin du bdag phung po rgyar byas nas btags pa'i rang bzhin can yang phung po tshogs pa tsam yin par mi rung ngo // bum pa la sogs pa rnams kyi ma nges pa nyid do zhe na/ de yang yod pa ma yin te/ bum pa
- 356b
la sogs pa rnams kyang gzugs la sogs pa tshogs pa tsam nyid yin par ma grub pa'i phyir dang / brgal zhing brtag pa mtshungs pa'i phyir ro// ci ste 'phang lo la sogs pa tshogs pa tsam nyid ni// shing rta ma yin te/ 'o na ci zhe na/ gang gi tshe 'phang lo la sogs pa rnams dbyibs khyad par can dang ldan par gyur pa de'i tshe shing rta'i ming rnyed par 'gyur ro// de bzhin du gzugs la sogs pa rnams kyi bkod pa tsam bdag yin no snyam na/ de yang yod pa ma yin no// ci'i phyir zhe na/ dbyibs she na de gzugs can la yod phyir// khyod la de dag nyid bdag ces 'gyur gyi// sems sogs tshegs ni bdag nyid 'gyur min te// ci'i phyir zhe na/ gang phyir de dag la dbyibs yod ma yin// gzugs can ma yin pa'i phyir ro snyam du bsams pa'o// gzhan yang / len po rang nyer len gcig rigs dngos min/ ci'i phyir zhe na/ de ltar na las byed po gcig nyid 'gyur// 'dir nye bar len par byed pas na len po ste byed pa po yin la nye bar blangs pa na nye bar len pa ste las so// 'dir nye bar len pa po ni bdag yin la/ nye bar len pa ni phung po lnga rnams yin no// de la gal te gzugs la sogs pa tshogs pa tsam zhig bdag yin na ni de'i tshe byed pa po dang las gcig tu 'gyur na/ 'di ni 'dod pa yang ma yin te// 'byung ba dang rgyur byas pa'i gzugs dag dang bum pa dang rdza mkhan dag kyang gcig nyid du thal bar 'gyur ba'i phyir ro// ji skad du/ bud shing gang de me yin na// byed pa po dang las gcig 'gyur// zhes bya/ ba dang / me dang shing gis bdag dang ni// nye bar blang ba'i rim pa kun// bum snam sogs dang lhan cig tu// ma lus par ni rnam par bshad// ces gsungs so// 'dir ji ltar me dang bud shing
- 357a
ma cag sas sas pag ba sa la sasam pasamasas sa dang pa 'babs sa sa sugs bras bkyang bra ma nga sa sa ba da drangs sa ma samams grangs sa ga bras ca gra gra sa sa yAn ma na nga dag gcig nyid du mi 'dod pa de bzhin du/ bdag dang nye bar len pa dag las nga mi 'dod par bya dgongs so// ci ste gang zhig byed pa po nyid du 'gyur ba nye bar len pa po ni 'ga' yang yod pa ma yin pa nyid de/ 'di ni nye bar len pa 'dus pa tsam zhig tu zad do snyam du sems na/ de yang mi rigs pa nyid du bshad pa/ byed pa med las yod snyam blo yin na// ma yin gang phyir byed/ po med las med// de ni de ltar ma yin te/ gal te byed pa po mi 'dod na chu med pa'i las kyang 'dod par mi bya'o// bstan bcos las kyang / de bzhin nyer len shes par bya// las dang byed po bsam phyir ro// byed pa po dang las dag gis// dngos po lhag ma shes par bya// zhes gsungs so// 'dir dngos po la lu Ta'i rkyen byas nas nye bar len pas na nye bar len pa zhes bya ba yin la/ dngos po yang sgrub par byed pa med par 'byung ba ma yin pas/ rang gi sgrub par byed pa nye bar blang ba dang nye bar len pa po nye bar 'jog pa yin na/ nye bar len pa'i sgras ni kri ta dang lu Ta ni phal cher ro zhes bya bas las la luTa'i rkyen byas nas nye bar blang bar bya ba las kyang brjod pa nyid do// de'i phyir ji ltar byed pa po la brten nas las su gdags par bya la/ las la brten nas kyang byed pa po yin pa de bzhin du nye bar blang ba la brten nas nye bar len pa por gdags par bya la/ nye bar len pa po nyid la brten nas nye bar blang ba yin no// yang de ltar len las gzhan ma yin// de ni nyer len nyid kyang min// bdag ni nye bar len med min// med pa nyid du'ang de ma nges// zhes gsungs so// de'i phyir de ltar byed pa po med pa na las kyang yod pa ma yin no zhes shes par bya'o// yang gang las byed pa po ni ma dmigs kyi las
- 357b
kyang yod la rnam par smin pa yang yod do zhes brjod pa de las ni byed pa po rang bzhin du gyur pa bkag par shes par bya'i// brten nas gdags par bya ba tha snyad kyi yan lag tu gyur pa yang bkag go zhes bya bar ni shes par mi bya'o// de skad du yang / ma rig pa dang rjes su 'brel pa'i gang zag 'di ni bsod nams mngon par 'du bya ba yang mngon par 'du byed do zhes rgya cher gsungs so// gzhan/ yang gang phyir thub pas bdag des chu me// rlung dang rnam shes nam mkha' zhes bya ba// khams drug dang ni mig sogs reg pa yi// rten drug dag la brten nas nyer brtan zhing // sems dang sems/ byung chos rnams nyer bzung nas// nges gsungs de phyir de ni de rnams dang // de nyid ma yin tshogs tsam nyid min te// de phyir ngar 'dzin pa blo de rnams la min// mdo sde las/ rgyal po chen po skyes bu gang zag de ni khams drug dang // reg pa'i skye mched drug dang yid kyi nye bar rgyu ba bcwo brgyad do zhes gsungs so// de la khams drug ni sa dang chu dang me dang rlung dang rnam par shes pa dang nam mkha' so// dedag la brten nas bdag btags so// mig la sogs pa reg pa'i rten drug ni mig gi 'dus te reg pa'i skye mched nas yid kyi 'dus te reg pa'i skye mched kyi bar du ste/ de dag la brten nas bdag tu btags so// yid kyi nye bar chub bco brgyad ni/ gzugs dang sgra dang dri dang ro dang reg bya dang chos la dmigs pa'i yid bde ba'i nye bar chub drug dang / de bzhin du yid bde ba'i nye bar rgyu ba dang / bzhin du btang snyoms kyi nye bar rgyu ba ste/ de dag la brten pa dang / sems dang sems las byung ba'i chos rnams nye bar bzung nas bdag tu btags so// gang gi phyir khams la sogs pa de nas
- 358a
kyi sgo nas bdag tu gdags so zhes bya bar gsungs pa de'i phyir de ni de rnams dang de nyid ma yin te/ gzhan ma yin pa nyid ma yin no zhes bya ba'i don to// de tshogs pa tsam nyid du yang rigs ba ma yin no// gang gi phyir ji skad bshad pa'i chos de rnams bdag nyid du mi rung ba de'i phyir na chos de rnams la ngar 'dzin pa'i blo mi rigs so// gang gi tshe de ltar phung po rnams ngar 'dzin pa'i yul yang ma yin/ la/ phung po las tha dad pa yang yod pa ma yin pa de'i phyir// ngar 'dzin pa'i yul nyid yod pa ma yin pas// rnal 'byor pa bdag ma dmigs pa las bdag gi ba yang snying po dang ldan pa ma yin pa nyid du yongs su shes shing / 'dus byas mtha' dag bsal nas nye bar len pa med par mya ngan las 'da' bar 'gyur te/ de'i phyir rnam par dpyad pa 'di ches mdzes so// ngar 'dzin pa'i yul ni phung po rnams dang sems yin no zhes bya ba gang gi phyogs yin pa de'i ltar na ji srid du phung po rnams 'byung ba de srid du ngar 'dzin pa 'jug par 'gyur te/ bdag tu 'dzin pa'i gzhi dngos po yod pa'i phyir ro zhes/ bshad pa/ bdag med rtogs tshe rtags tshe rtag pa'i bdag spong zhing / 'di ni ngar 'dzin rten du'ang mi 'dod pa// de'i phyir bdag med shes pas bdag lta ba// cis kyang 'byin zhes smra ba shin tu/ mtshar// gal te bdag rtag pa dang ngar 'dzin pa'i yul yin na ni de med pas ngar 'dzin pa spong bar 'gyur ba zhig na/ ngar 'dzin pa'i yul ni gzhan yin zhing gzhan dngos po med par mthong ba las bdag ngar 'dzin pa ldog go zhes bya ba ni kye ma mal khyod kyis mdzes so// phan tshun 'brel pa med pa'i don 'di nyid dpe'i sgo nas gsal bar bya ba'i phyir bshad pa/ rang khyim rtsig phug sbrul gnas
- 358b
yang sa mtham sa gang nga ba mas mas ngas yang sha dra sa ma sa pa sa na la ya sa sa ma sa sa mas sa gras pa sa ma grang bamamasas pas gram mas sa ca yas sa sa tham mang yang ma sa nga ma sa mthong bzhin du// 'di na glang chen med ces dogs bsal te// sbrul gyi 'jigs pa'ang spong bar byed pa ni// kye ma gzhan gyi gnam por gyur nyid do// gang zhig 'jigs pa'i rkyen nyer zin kyang // de la yod pa'i 'jigs pa ma mthong zhing phyir 'tshes par mi byed pa rmongs pa nyid kyis bdag nyid 'jigs pa med pa nyid du mngon par byed pa don phabs pa rnyed pa nyid kyis na sbrul gyis 'dzin par 'gyur ro// gang gi phyir glang po che med pas ni de'i sbrul gyis 'jigs pa sel bar mi nus so// de bzhin du phung po dag dang rnam par shes pa dag tu smra ba 'di'i ltar na yang / rtag pa'i bdag med pas phung po'i yul can gyi ngar 'dzin pa bsal bar mi nus te/ de'i phyir nges par 'di'i 'khor ba nyid nyams par mi 'gyur ro// de'i phyir de ltar bdag ni phung po'i rang bzhin can ma yin la phung po rnams las gzhan pa yang ma yin no zhes bya ba de lta bu'i phyogs gnyis yang dag par bsgrubs nas bdag gi yod pa nyid ni rten dang brten pa nyid du yang med par brjod pa'i phyir bshad pa/ phung po bdag yod ma yin bdag la yang // phung po de rnams yod min gang phyir 'dir// gzhan nyid yod na rtog pa 'dir 'gyur na// gzhan nyid de med de phyir 'di rtog pa'o// gzhan nyid yod na ni rten dang brten pa'i dngos por rigs par 'gyur te/ dper na 'khar gzhong na zho yod do zhes bya ba lta bu'o// khar gzhong dang zho gnyis ni 'jig rten na gzhan nyid yin pa na rten dang brten pa'i dngos por mthong ngo // phung po rnams ni de ltar bdag las tha dad pa ma yin la bdag kyang phung po rnams las tha dad pa ma yin pas de gnyis la rten dang brten pa'i dngos po yod pa ma yin no// phung po dang ldan pa
- 359a
nyid kyang bdag la ji ltar yod pa ma yin pa de ltar bstan pa'i phyir bshad pa/ bdag ni gzugs ldan mi 'dod gang phyir bdag/ yod min de phyir ldan don sbyor ba med// gzhan naganag ldan gzhan min gzugs ldan na// bdag ni gzugs las de nyid gzhan nyid med// bdag phung po rnams las de nyid dang gzhan nyid yin pa ni sngur bkag zan la/ ldan pa'i rkyen nga lhas byin gzugs dang ldan no zhes bya ba de ni tha mi dad pa nyid la dmigs la ba lang dang ldan no zhes bya ba ni tha dad pa yin na/ de nyid dang gzhan nyid de dag ni gzugs dang bdag la yod pa ma yin pas bdag gzugs dang ldan no zhes bya ba 'di yang mi srid do// da ni bkag zin pa'i phyogs rnams sdoms te bstan pas 'jigs tshogs la lta ba dmigs pa dang rnam pa log pa la 'jug par grangs kyi stonas bstan pa'i phyir bshad pa/ gzugs bdag ma yin bdag ni gzugs ldan min// gzugs la bdag med bdag la'ang gzugs yod min// de ltar rnam pa'ir dbung kun/ shes bya ste// de dag bdag tu lta ba nyi shur 'dod// phung po lnga po bdag dang bral ba dag la 'jig tshogs la lta bas rnam pa bzhi'i sgo nas bdag nyid du bzung ba na 'jig tshogs la lta ba'i cha nyi shur 'gyur ro// gal te rnam par dpyod pa rnam pa lnga lnga skabs sub bal/ bstan bcos las kyang / phrad min phung po las gzhan min// de la phung med der de med// de bzhin gshegs pa gang zhig yin/ zhes gsungs pa ma yin nam/ de'i phyir 'di cha nyi shu rtsa lngar 'gyur na cha nyi shur ji skad brjod ce na/ 'jig tshogs la lta ba'i cha de dag ni mdo sde las rnam par bzhag la des kyang phung po rnams ma bzung bar
- 359b
bdag tu mngon par zhen par mi nus pas rnam pa bzhi bzhi'i sgo nas phung po rnams la dmigs shing 'jug go/ 'di ltar phung po ma gtogs par ni 'ga' la yang bdag tu mngon par zhen pa med pas 'jig tshogs la lta ba'i rnam pa lnga pa mi srid do// de'i phyir 'jig tshogs la lta ba ni cha nyi shu kho na'o// bstan bcos las lnga pa gzhan pa nyid kyi phyogs gsungs pa ni mu stegs pa'i lugs dgag pa'i phyir ro zhes bya bar shes par bya'o// de la 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun tu zhugs pa'i 'bras bu mngon du byas so zhes gang lung las gsungs pa ni/ lha ri bdag med rtogs pa'i rdo rje yis// bcom bdag gang dang lhan cig 'jig 'gyur ba// 'jig tshogs lta ri lhun sdug la gnas pa'i// rtse mo mtho bar gyur pa 'di dag go// 'jig tshogs la lta ba'i ri bo 'phags pa'i ye shes kyi rdo rje ma babs pas nyin che bzhin nyon mongs pa'i brag rdo 'phel ba/ 'khor ba thog ma med pa nas byung ba/ dpangs khams gsum du mtho ba/ phyogs kyi ngos ma lus par khyab pa/ ma rig pa'i gser gyis gzhi las mthon pa/ bdag med pa khong du chud pa'i rdo rjes bshig pa na/ rtse mo ches mtho ba gang dag dang lhan cig 'jig par 'gyur ba de dag ni rtse mo yin par shes par bya'o// da ni 'phags pa mang pos bkur ba pa dag gis brtags pa'i gang zag rdzas su yod par smra ba bsal ba'i phyir bshad pa/ kha cig de nyid gzhan nyid rtag mi rtag la sogs brjod med gang zag rdzas yod 'dod// rnam shes drug gi shes byas de 'dod cing // de ni ngar 'dzin gzhir yang 'dod// pa yin// de la re zhig phung po ma gtogs de 'dzin ma grub phyir// gang zag phung po dag las gzhan du ni mi 'gyur ro// phung po'i rang bzhin can yang ma yin te/ skye ba dang 'jig pa dang ldan pa nyid du thal bar
- 360a
'gyur ba'i phyir ro// de'i phyir de ltar na phung po dag las de nyid dang gzhan nyid du brjod du med do// ji ltar de nyid dang gzhan nyid du ma yin pa de bzhin du rtag pa dang mi rtag pa nyid du yang brjod du med do// rnam par shes pa drug gi shes pa yang yin no// gang zag de ni rdzas su yod pa nyid du yang rigs te/ de la byed pa po nyid dang zab bo nyid du brjod pa'i phyir dang 'khor ba dang mya ngan las 'das pa dang / bcings pa dang thar pa dang 'brel pa can nyid yin pa'i phyir ro// de ni bdag tu 'dzin pa'i yul nyid du yang 'dod do// smra ba 'di yang mi rigs pa nyid du bshad pa/ gang phyir gzugs las sems brjod med mi rtogs// dngos yod brjod med rtogs pa ma yin nyid// gal te bdag 'ga' dngos por grub 'gyur na// sems ltar grub dngos brjod du med mi 'gyur// de'i phyir tshigs su bcad pa 'dis brjod du med pa la rdzas su yod pa nyid mi srid par bstan nas/ btags papar yod pa nyid du bstan pa'i phyir bshad pa/ gang phyir khyod bum dngas por ma grub pa'i// ngo ba gzugs sogs las brjod mad 'gyur bas// bdag gang daphung po las brjod med 'gyur te// rang gis yod par grub par rtogs mi bya// bum pa gzugs la sogs pa dag las de nyid dang gzhan nyid du brjod du med cing btags par yod par 'dod pa de bzhin du/ bdag kyang bum pa ltar btags par yod par 'gyur ro snyam du bsams/ pa'o// de'i phyir de ltar tshigs su bcad pa gnyis kyis dgag pa dang sgrub pa nye bar brtan nas/ da ni de nyid dang gzhan nyid dag dngos po'i rten nyid du brjod nas dngos po'i chos kyi rten can ma yin pa nyid kyis bdag 'gog par rtsom pa/ khyod kyi rnam shes rang bdag las gzhan ni// mi 'dod gzugs sogs las gzhan dngos 'dod cing // dngos la rnam pa de nyid mthong gyur pa// de phyir bdag med dngos chos dang bral phyir// gal te khyod kyi
- 360b
ltar bdag rdzas su yod par gyur na ni de gdon mi za bar rnam par shes pa ltar rang gi bdag nyid las gzhan ma yin par 'gyur zhing gzugs la sogs pa dag las tha dad pa'i ngo bo zhig tu 'gyur na/ 'di ni yod pa yang ma yin no// de'i phyir dngos po'i chos dag gi rten can ma yin pa nyid kyi phyir bum pa ltar bdag yod pa ma yin no// gang gi phyir de ltar rnam par dpyad pa na gang zag rdzas su yod pa nyid du mi rigs pa/ de phyir ngar 'dzin rten ni dngos po min// phung las gzhan min phung po'i ngo bo min// phung po rten min 'di ni de ldan min// ngar 'dzin pa'i yul ni nges par gzhigs pa na rdzas su yod par mi rigs shing // phung po las tha dad par yang mi rung la// / phung po'i rang bzhin can yang ma yin zhing / phung po rnams kyi rten yang ma yin no// yang na 'di la rten phung po yod pas na phung po la brten zhes bya ste/ rten dang rten pa'i phyogs gnyi ga gsal bar bya ba'i phyir tshig bsdu ba gnyi ga la brten to// bdag ni phung po dang ldan pa yang mi rigs so// de'i phyir bdag brtags pa 'am/ ma dmigs par 'dod pas kyang rung ste/ ji skad smras pa'i rnam pa dag gis bdag khas blang bar mi bya'o zhes bshad pa ni/ 'di ni phung po rnams brten grub par 'gyur/ zhes bya ba'o// ji ltar 'di la rten nas 'di 'byung zhes bya ba 'di tsam zhig kun rdzob kyi bden pa'i rnam par bzhag pa ma chad par bya ba'i phyir khas len gyi rgyu med la sogs pa dag las skye ba ma yin pa de bzhin du/ 'dir yang rten nas gdags pa la yang dag par brten pa na ji skad bshad pa'i skyon dang ldan pa'i rnam pa bsal nas phung po rnams la brten nas gdags pa zhes pa 'di tsam zhig 'jig rten gyi tha snyad rnam par gnas par bya ba'i phyir khas blang bar bya ste/ bdag tu tha snyad btags pa mthong ba'i phyir ro// bdag btags pa tsam du grub par bya ba'i don du ji skad bshad pa'i
- 361a
don nyid gsal bar bya ba'i phyir phyi rol gyi dpe ston zhing bshad pa/ shing rta rang yan lag las gzhan 'dod min// gzhan min ma yin de ldan yang min zhing // yan lag la min yan lag dag der min// / 'dus pa tsam min dbyibs min ji bzhin no// 'dir de nyid kyi phyogs dang gzhan nyid kyi phyogs dang / rten gyi phyogs dang brten pa'i phyogs dang / de dang ldan pa'i phyogs de phyogs lnga po dag ni sngar bstan zin pa nyid do// tshogs pa'i phyogs dang dbyibs kyi phyogs gnyis ni bsgrub par bya dgos pas de dag ston pa brtsam par bya ste/ gal te tshogs tsam shing rtar 'gyur na ni// sil bur gnas la shing rta nyid yod gyur// 'di ni sngar bshad du/ zin kyang slar yang nye bar bkod de skyon gzhan brjod pa'i sgo nas gsal bar bya ba'i phyir ro// de nyid kyi phyir/ gang phyir yan lag can med yan lag dag/ med pas dbyibs tsam shing rtar rigs pa'ang min/ zhes bya ba smos so// gang gi phyir yan lag can med na yan lag dag yod pa ma yin pa de'i phyir yan lag dag med pa nyid do// de'i phyir gang dag gi tshogs pa zhig shing rtar 'gyur/ 'ang gi sgra ni bsdu ba'i don te/ dbyibs tsam ya she na pa gas la chags bcum pa yang mi gas sa nas shes par bya ba gyur ra// las shen/ glang phyir yan lag nan med na yan lagadag med pams// de b+hi dbyibs cam nig shing na maM dru yan lag can med pa nyid du ni de dag gi rang nyid kyis khas blangs pa yin no// gzhan yang gal te dbyibs tsam zhig shing rtar 'dod na dbyibs de yan lag dag gi 'am/ tshogs pa'i yin par rtog grang / de la yan lag gi dbyibs kyi khyad par yin par 'dod na yang sngar gyi dbyibs kyi khyad par ma btang ba dag gi 'am/ sngar gyi dbyibs kyi khyad par btang ba dag gi yin par 'gyur grang na/ de la gal te gong ma shos 'dod na ni de mi rigs so//
- 361b
ci'i phyir zhe na/ khyod dbyibs yan lag re re sngar yod gyur// ji bzhin shing rtar gtogs la'ang de bzhin na// bye bar gyur pa de dag la ji ltar// da lta yang ni shing rta yod ma yin// gal te shing rta'i gnas skabs kyi gong rol na pha lo la sogs pa'i dbyibs kyi khyad par ji ltar yod par gyur pa de kho na ltar shing rta nyid kyi dus su'ang phang lo la sogs pa rnams kyi dbyibs kyi khyad par yin na ni de'i tshe yan lag bya bar gyur pa dag la med pa ltar shing rta nyid kyi dus na'ang shing rta yod pa ma yin par nges par bya ste/ de'i yan lag gi dbyibs tha mi dad pa'i phyir ro// ci ste phyogs gnyis pa ste dbyibs gzhan kho na shing rta zhes bya bar 'gyur na/ de lta na yang / da lta gal te shing rta nyi dus 'dir/ 'phang lo sogs las dbyibs tha dad yod na// 'di bzung 'gyur na de yang yod min te// de phyir dbyibs tsam shing rtar yod ma yin// gal te 'phang lo dang srog shing dang gzer bu la sogs pa shing rta'i yan lag rnams kyi dbyibs kyi khyad so sor lham pa dang / ring ba dang zlum pa la sogs pa gang zhig sngar yod par gyur pa de las de dag gi dbyibs kyi khyad par gzhan zhig kho na shing rta nyid kyi dus su skye bar 'gyur na ni/ de bzung du yod par 'gyur na bzung ba yang ma yin no// 'di ltar rtsibs dang mu khyud dang lte ba la sogs pa'i khyad par du gyur pa'i dbyibs can 'phang lo la ni shing rta'i gnas skabs na rang gi dbyibs gzhan du gyur pa nyid ma mthong ngo // de bzhin du srog shing la sogs pa de dag gi lham pa nyid la sogs pa yang gzhan nyid du 'gyur ba ma yin no// de'i phyir yan lag rnams kyi dbyibs shing rta'o zhes bya ba mi rigs so// ci ste 'phang lo la sogs pa tshogs pa rnams kyi dbyibs kyi khyad par shing rta yin no snyam na/ de yang mi rigs so zhes bshad pa/ gang phyir khyod kyi tshogs pa cang med pas/ dbyibs de yan lag tshogs kyi ma yin na// gang zhig ni yang ma yin de brten nas//
- 362a
'dir ni dbyibs su lta zhig ci ltar 'gyur// gal te tshogs pa zhes bya ba dngos po cung zad cig yod na ni de'i brten can dbyibs su gdags par 'gyur na/ yan lag tshogs pa zhes bya ba ni cung zad kyang yod pa// ma yin no// gang zhig cung zad kyang yod pa ma yin pa de'i rten can gyi dbyibs su gdags par yang ji ltar 'gyur te btags pa ni rdzas kyi rten can kho nar khas blangs pa'i phyir ro// ci ste mi bden du zin kyang tshogs pa la brten nas mi bden pa'i dbyibs su 'gyur ro zhes bya bar 'dod na de lta yin dang khyod kyi 'di ni ji ltar 'dod de ltar// mi bden pa yi rgyu la brten byas nas// 'bras bu'i rnam pa mi bden rang bzhin can// thams cad kyang ni skye bar shes par gyis// ma rig pa mi bden pa la brten nas 'du byed mi bden pa'i rang bzhin can kho na skye la/ mi bden pa'i rang bzhin can gyi sa bon la brten nas myu gu mi bden pa'i rang bzhin can skye ba bzhin du/ rgyu dang 'bras bu'i ngo bo mi bden pa'i rang bzhin can ma lus pa yang rtogs par bya ste/ 'bad rtsol brgya phrag dag gis kyang gang gis sha dag za bar mi nus pa'i dngos po grib ma'i ri dgas lta bu la mngon par zhen pa don med pas ci zhig bya// 'dis ni gzugs sogs de ltar gnas rnams la/ bum blo zhes bya'ang rig pa ma yin nyid/ de la kha cig na re gzugs la sogs pa de ltar gnas pa rnams la bum pa la sogs pa'i blor 'gyur ro zhes smra ba de yang shing rta'i dpe 'dis bsal ba yin no// gzhan yang / skye ba med pas gzugs sogs kyang yod min/ de yi phyir yang de dag dbyibs mi rigs/ ji ltar gzugs la sogs pa rnams la skye ba yod pa ma yin pa de ltar ni sngar bshad zin to// de'i phyir skye ba med pa'i phyir gzugs la sogs pa dag yod pa ma yin no// ci ltar yod pa ma yin pa rnams bum pa la sogs pa dag gdags pa'i rgyu mtshan nyid du rigs par 'gyur/ de'i phyir rdzas
- 362b
kyi nye bar len pa can du 'dod pa bum pa la sogs pa dag mi rigs pas bum pa la sogs pa dag gzugs la sogs pa'i dbyibs kyi khyad par gyi bdag nyid can ma yin no// 'dir smras pa/ gal te 'o na shing rta 'di ji skad bshad pa'i tshul du rnam pa bdun gyis btsal ba na yod pa ma yin pa de'i tshe shing rta med pas gang zhig shing rtas 'jig rten na tha snyad 'dogs pa de rgyun chad par 'gyur na/ shing rta 'o na cig shing rta nyos shig/ shing rta chos shig ces bya ba la sogs pa mthong ba yang yin no// de'i phyir 'jig rten la grags pa'i phyir na shing rta la sogs pa dag ni yod pa nyid do// brjod par bya ste/ nyes pa 'di ni khyod kho na la 'gyur te/ 'di ltar sngar bshad pa'i tshul du rnam pa bdun gyis btsal ba na shing rta mi 'thad cing khyod kyis kyang rnam par dpyad nas dngos po grub par rnam par 'jog par byed la/ grub pa'i thabs gzhan yang khas ma thang pa de'i phyir na shing rta 'on cig ces bya ba la sogs pa'i 'jig rten pa'i tha snyad khyod la ci ltar grub par 'gyur/ kho bo cag la ni nyes pa 'di med do// gang gi phyir/ de ni de nyid du 'am 'jig rten du// rnam pa bdun gyis 'grub 'gyur min mod kyi// rnam dpyad med par 'jig rten nyid las 'di// rang gi yan lag brten nas 'dogs pa yin// shing rta rang gi yan lag las gzhan 'dod min// zhes bya ba la sogs pa'i tshul 'dis de rnam pa bdun du btsal ba na don dam pa dang kun rdzob tu shing rta 'grub par mi 'gyur mod kyi/ de lta na yang 'di ni rnam par dpyad pa spangs te sngon po la sogs pa dang tshor ba la sogs pa ltar 'jig rten nyid las 'phang lo la sogs pa yan lag rnams la brten nas 'dogs pa yin no// de'i phyir rten cing 'brel bar 'byung ba rkyen nyid 'di pa tsam khas blangs pa ltar brten nas brtags pa las blangs pa'i phyir kho bo cag gi phyogs
- 363a
la 'jig rten gyi tha snyad chad par thal bar mi 'gyur la/ pha rol pos kyang 'di nyid khas blang bar 'os pa yin no// phyogs 'dir 'jig rten la grags pa'i sgo nas shing rtas tha snyad 'dogs pa ches gsal bar grub pa 'ba' zhig tu ma zad kyi/ 'di'i ming gi khyad par gang dag yin pa de dag kyang rnam par dpyad pa med par 'jig rten la grags pa'i sgo nas khas blang bar bya'o// 'di lta ste de nyid yan lag can te cha shas can// shing rta de nyid byed po zhes 'gror bsnyad// skye bo rnams la len po nyid du'ang grub// de la shing rta ni 'phang lo la sogs pa rang gi yan lag la bltos nas yan lag can nyid du 'gyur ro// 'phang lo la sogs pa cha shas la bltos nas ni cha shas can nyid do// 'phang lo la sogs pa nye bar blang ba nye bar len pa'i bya ba la bltos nas ni byed pa po nyid do// rang gi nye bar len pa la bltos nas ni nye bar// len pa po nyid do// gang 'ga' zhig gsung rab kyi don phyin ci log tu rtogs pas yan lag tshogs pa tsam zhig yod kyi yan lag can ni rnam pa thams cad du yod pa ma yin te/ de las tha dad par ma dmigs pa'i phyir ro// de bzhin du cha shas tsam zhig yod kyi cha shas can ni med do// las 'ba' zhig kho na yod kyi byed pa po ni med do// nye bar len pa las tha dad par ma dmigs pa'i phyir nye bar len pa kho na yod kyi nye bar len pa po ni med do zhes de lta bur rnam par gnas pa'i 'jig rten gyi kun rdzob phyin ci log tu smra ba de'i ltar na gtan tshigs de nyid kyis yan lag la sogs pa tsam yang med par thal bar 'gyur bas/ 'jig rten grags pa'i kun rdzob ma brlag cig ces 'di ni bzlog par bya ba kho na'o// gang gi phyir 'jig rten gyi kun rdzob 'di de ltar rnam par dpyad pa na yod par mi 'gyur ma brtags par grags pas yod pa
- 363b
de nyid kyi phyir rnal 'byor pas rim pa 'di nyid kyis 'di la rnam par dpyod pa na ches myur ba kho nar de kho na nyid kyi gting dpogs par 'gyur ro// ci ltar zhe na/ rnam bdun gyis med gang de ji lta bur// yod ces rnal 'byor pas 'di'i yod mi rnyed// des de nyid la'ang bde blag 'jug 'gyur bas// 'dir de'i grub pa de bzhin 'dod par bya// nye bar rtog pa'i rnal 'byor pa la gal te shing rta zhes bya ba'i dngos po rang bzhin gyis grub pa 'ga' zhig yod par 'gyur na ni the tshom med par de rnam pa bdun las rnam pa gang yang rung ba zhig gis bdag nyid yod pa rnyed par 'gyur ba zhig na/ rnyed pa yang ma yin no// de'i phyir shing rta zhes bya ba ni ma rig pa'i ling thog gis nyams par byas pa dag kho nas brtags pa yin gyi/ rang bzhin gyi grub pa ni yod pa ma yin no snyam du de ltar nges pa skye bar 'gyur zhing / de kho na nyid la yang rnal 'byor pa bde blag tu 'jug par 'gyur ro// 'ang gi sgras ni kun rdzob nyams par yang mi 'gyur ba ste/ de'i phyir 'di ni ma brtags par grub par 'dod par bya'o// mkhas pa dag gis phyogs 'di ni skyon med cing phan yon dang bcas pa'o snyam du bsams te gdon mi za bar las thang bar bya'o// 'dir smras pa/ rnal 'byor bas shing rnam dmigs la rag mod de'i yan lag tshogs patsam zhig dmigs pa ni yod pa ma yin no// bshad par bya ste/ gang zhig snam bu tshig na thal ba la sbrul ma tshol ba khyod ni bzhad gang du bya ba zhig ste/ shing na yod nyid min na de yi tshe// yan lag can med de'i yan lag kyang med// gal te shing rta zhig na 'phang lo la sogs dmigs pa nyid ma yin nam/ de'i phyir yan lag can med par yan lag dag kyang med do zhes ci ste brjod ce na/ de ni de ltar ma yin te/ rtogs pa po shing rta dang 'brel par rig pa kho nas 'phang
- 364a
lo la sogs pa 'di dag ni shing rta yin no snyam du rtogs kyi gzhan gyis ni ma yin te/ des ni rang gi cha shas la bltos nas 'phang lo la sogs pa dag kho na yan lag can nyid du rtogs par 'gyur ro// 'phang lo la sogs pa rnams shing rta dang 'brel pa yang rgyang ring du spangs pa kho na yin pas de'i tshe de dag shing rta'i yan lag tu mi rtogs so// gzhan yang don 'di ni dpe 'di las shes par bya ste/ shing rta tshig na yan lag med dpe bzhin// blo mes yan lag can ba sregs yan lag go/ dper na shing rta yan lag can mes tshig na de'i yan lag kyang nges par tshig par 'gyur ba de bzhin du rnam par dpyod pa'i gtsubs shing gtsubs pa las byung ba blo'i me mi dmigs pa'i sreg par byed pa can gyis shing rta lus pa med par bsregs pa na shes rab kyi me'i bud shing du gyur pa yan lag dag gis kyang bdag nyid zug tshugs par mi byed de nges par bsregs pa'i phyir ro// ji ltar kun rdzob kyi bden pa mi bcad par bya ba'i phyir dang / rnal 'byor pa rnams de kho na nyid la bde blag tu 'jug par bya ba'i phyir shing rta rnam par dpyad pa'i tshul la bsam te brten nas gdags pa rnam par bzhag pa/ de bzhin 'jig rten grags pas phung po dang // khams dang de bzhin skye mched drug brten nas// bdag kyang nye bar len po nyid du 'dod// ji ltar 'phang lo// / la sogs pa dag la brten nas shing rtar 'dogs shing der 'phang lo la sogs pa dag nye bar len pa yin la shing rta nye bar len pa po yin pa de bzhin du/ bdag kyang kun rdzob kyi bden par 'jig rten gyi tha snyad kun tu mi bcad par bya ba'i phyir shing rta ltar nye bar len pa por 'dod pa yin no// phung po lnga po dang khams drug dang skye mched drug ni bdag de'i nye bar len pa ste/ phung po la sogs pa rnams la brten nas bdag tu brtags pa'i phyir ro// /
- 364b
ji ltar 'phang lo la sogs pa dag shing rta'i nye bar len pa yin pa de bzhin du phung po la sogs pa rnams kyang bdag gi nye bar len pa'o zhes bya'o// ji ltar nye bar len pa dang nye bar len pa po'i rnam par bzhag pa 'di 'jig/ rten gyi tha snyad du rnam par bzhag pa de bzhin du 'di'i las dang byed pa po'i rnam par bzhag pa yang shing rta ltar khas blangs par bya'o// zhes bshad pa/ nyer len las yin 'di ni byed po'ang yin/ nye bar len pa zhes bya ba phung po la sogs pa dag ni las nyid dang bdag ni byed pa po'o zhes bya bar rnam par bzhag go/ brten nas gdags pa la yang dag par brten pa na bdag rnam pa thams cad du brtan pa dang mi brtan pa la sogs ba'i rtog pa'i brten ma yin pa nyid pas rtag pa dang mi rtag pa la sogs pa'i rtog pa zlog pa sla bar 'gyur ro// zhes bshad pa/ dngos yod min phyir 'di ni brtan min zhing / mi brtan pa nyid min 'di ni skye 'jig min// 'di la rtag pa nyid la sogs pa yang // yod min de nyid dang ni gzhan nyid med// phung po dag la brten nas gdags pa'i bdag 'di ni brtan pa nyid kyang ma yin zhing mi brtan pa nyid kyang ma yin no// de la gal te bdag mi brtan pa yin na ni de'i tshe/ nye bar len nyid bdag ma yin// de dag 'byung dang 'jig pa yin// nye bar blang ba ci lta bur// nye bar len po yin par 'gyur// zhes bya ba dang / de bzhin du/ ma byung ba las 'byung min te// 'di la skyon du thal bar 'gyur// bdag ni byas par 'gyur ba dang // 'byung ba'ang rgyu med can du 'gyur// zhes bya ba'i bstan bcos dang 'gal bar 'gyur ro// de nyid kyi phyir/ gal te phung po bdag yin na/ skye dang 'jig pa can du 'gyur na skye zhing 'jig pa can du 'dod pa yang ma yin te/ de'i phyir phung po bdag ma yin no zhes bya ba'i thal bar 'gyur ba 'di yang 'thad par 'gyur ro// de'i phyir 'di ni mi brtan pa nyid du yang
- 365a
mi 'thad do// de bzhin du brtan par yang mi 'thad de/ ji skad du/ 'das pa'i dus na byung gyur zhes// bya ba 'di ni mi 'thad do// sngon tshe rnams su gang byung ba// de nyid de ni ma yin no// de nyid bdag tu 'gyur snyam na// nye bar len pa tha dad 'gyur// nye bar len las ma gtogs par// khyod kyi bdag ni gang zhig yin// zhes gsungs so// skye dang 'jig pa can du 'gyur zhes bya ba'i thal bar 'gyur ba 'di nyid las na 'di ni skye 'jig min zhes bya ba'i khyad par gnyis slob dpon yang bzhed pa yin no// 'di la rtag pa nyid la sogs pa'ang yod pa min te/ 'di skad du/ slob dpon gyis de bzhin gshegs pa brtag pa'i thabs kyis bdag yongs su rtogs par mdzad pa na/ rtag dang mi rtag la sogs bzhi// zhi ba 'di la ga la yod// mtha' dang mtha' med la sogs bzhi// zhi ba 'di la ga la yod// gang gis de bzhin gshegs yod ces// 'dzin pa stug po bzung gyur pa// de ni mya ngan 'das pa la// med ces rnam rtog rtog par byed// rang bzhin gyis ni stong de la// sangs rgyas mya ngan 'das nas ni// yod do zhe'am med do zhes// bsam pa 'thad pa nyid mi 'gyur// zhes gsungs pa lta bu'o// 'di ni phung po dag las de nyid dang gzhan nyid du yod pa yang ma yin te/ ji skad du/ gal te phung po bdag yin na// skye dang 'jig pa can du 'gyur// gal te phung po rnams las gzhan// phung po'i mtshan nyid med par 'gyur// zhes bya ba dang / de bzhin du shing nyid me ni ma yin te/ zhes bya ba la sogs pa gsungs so// yang ci'i phyir mi brtan pa la sogs pa'i rtog pa 'di rnams bdag la mi rung zhe na/ dngos yod min phyir zhes bya ba smos te/ gal te bdag dngos po'i rang bzhin 'ga' zhig yod na ni de la mi brtan pa la sogs pa'i rtog pa
- 365b
rnams yod par 'gyur ba zhig na/ bdag ni 'ga' yang med de/ de med pa kho na'i phyir ro// ji skad du mdo las/ mi bzad pa yi chos bzhi ni// 'jig rten mgon gyis bstan pa ste// sems can nam mkha' byang chub sems// de bzhin sangs rgyas chos rnams so// gal te de dag rdzas yod na// de dag yongs su zad 'gur grang // med pa de dag mi zad de// de phyir de dag zad med gsungs/ zhes gsungs so// gang zhig rnam pa bdun gyis btsal na/ rtag pa dang mi rtag pa nyid du mi srid cing gang zhig gi med pa nyid ma mthong zhing ma rig pa'i dbang gis yod pa nyid du zhen par byas nas 'jig tshogs la lta bas 'di ni bdag ga snyam du mngon par zhen pa rnams 'khor bar 'gyur la// gang la rtag tu 'gro rnams sar 'dzin bla// rab tu 'byung zhing de yi gang yin der// nga yi 'dzin blo 'byung ba'i bdag de ni// ma rtags grags par gta mug las yin no// gang zhig yongs su tshol ba na mu stegs pa de'i rigs pas mi 'thad pas de'i rang bzhin la phyin ci log tu gyur pa thams cad phung po las tha dad par zhen zhing / rang gi sde pa rnams kyis kyang phung po las tha dad par bdag med do snyam du 'khrul pas phung po tsam nyid bdag tu khas blangs la/ de bzhin gshegs pas nye bar bstan pa phyin ci ma log par khong du chud pa rnams ni yod pa ma yin pa nyid do snyam du rig par byas nas lan brgyar yongs su grol bar 'gyur ba de ni bdag yin zhing / 'gro ba mi dang yi dwags dang dud 'gro la sogs pa'i 'gro bar gnas pa mi shes pa dang rjes su 'brel ba mtha' dag la rtag tu gang zhig la ngar 'dzin pa'i blo 'byung ba de bdag yin par rig par bya la/ gang du 'di dbang byed pa nyid dam 'brel pa 'ga' zhig tu gyur pa 'di gdags pa'i rten mig la sogs pa nang gi bdag nyid
- 366a
du/ yan pa dag gan ba bdag nam nas pa sa smra pa pa gas sa pa na// 'ad ba da ma ma da rdzu naH// mgams na dgas par nyid kyi byur// shA'atha ya gags ba sad du ma pags pa/ dmang cigasan yang mig la sags pa 'i lta bar na pa rnams mi 'brung bar 'gyur ba// 'di sar 'byung bas ni rings pa 'ga'al yang dang shing ba migs pa medang/ de'i phyir 'khor ba las rnam par thal bar 'gyur ro// ji sad du/ nang dang phyi la nyid dgal// bdag dang bdag gis mazung na// nye bar yin pa ga 'byung shing // de zad pas na skye bzad // ces gsungasas// yang ji skar bdag med na bdag gi yang med can/ bstan pa'i phyir bshad pa/ gad byar byung ba med can las med pa// dpyir ba / bdag med par yang min// dpyir bdag dang bdag na stong sa zhing // rnal 'byung ba de rnam par thal bar 'gyur// de ltar rdzam kha med par thal ba me skyed par bzhin du bdag med par bdagag pa yang ma yin na// de'i phyir bdag dang bdag gi nye bar ma dmigs pas lakhang ba ma gzigs pa na rnal 'byor ba rgal bar 'gyur ro// gzugs la sogs pa ma dmigs na ni de la der gtags pa'i 'ad chags ma mas byung bas/ dung nga sa rgyas rnams pad pa med par med dpas 'du bar das par bzlags/ byung chubasams dbu gams ni bdag mad par mamang du na rje'i gzhan gyi dbang gis byang chub kyi bar du sred pa'i rgyun 'dzin par byed pas mkhas pas ji skad bshad pa'i bdag med pa yongs su btsal bar bya'o// ji ltar bdag dang nga'i nye bar len pa gdags pa shing /
- 366b
rnam par dpyad pa dang mtshungs pa de bzhin du/ dngos po gzhan rnams kyi'ang yin no zhes ba sgre ba'i phyir/ bum pa snam bu re lde dmag dang nag tshal phreng ba ljon shing dang / khang khyim shing rta phran dang 'gro na gnas la sogs dngas rnams gang dag dang / zhes bya ba smos te/ de rnams shing rta'i rnam dpyad byas pas rnam bdun yod pa ma yin zhing / de las gzhan du gyur par 'jig rten grags pa'i sgo nas yod pa yin/ zhes bya/ ba 'di dang sbyar ro// gang yang de lta bu'i rigs can gyi dngos po gzhan/ de bzhin gang dag sgo nas skye 'dis snyad pa de rnams rtogs bya ste/ ma brtags par grags pa kho nar ro// ci'i phyir zhe na/ gang phyir thub dbang de ni 'jig rten lhan cig rtsod mi mdzad phyir ro// 'jig rten pa nga dang lhan cig rtsod kyi nga ni 'jig rten dang mi rtsod do zhes bya ba'i lung las na 'jig rten gyi grags pa la gnod par mi bya'o// yang 'jig rten dngos po gang dag gis de ltar tha snyad 'dogs she na/ de bstan pa'i phyir bshad pa/ yon tan yan lag 'dod chags mtshan nyid dang ni bud shing la sogs dang / yon tan nan yan lag can chags dang mtshan gzhi me la sags don dag/ de rnams shing rta'i rnam dpyad byas pas rnam bdun yod pa ma yin zhing // de las gzhan du gyur par 'jig rten grags pa'i sgo nas yod pa yin// ji ltar bum pa yan lag can yin la gya mo la sogs pa dag de'i yan lag yin zhing bum pa yon tan can yin la me ris sngo bsangs la sogs pa dag 'di'i yon tan yin zhing / bum pa mtshan gzhi yin la lto smad ldir ba dang mchu 'phyang ba dang mgrin pa ring ba nyid la sogs pa dag de'i mtshan nyid yin pa de bzhin du/ snam bu la sogs pa rnams la yang sbyar bar bya'o// 'dod chags ni lhag par zhen pa'o// chags pa ni 'dod chags kyi brten no// me ni
- 367a
sreg par byed pa'o// bud shing ni bsreg bya'o// de la yan lag rgyur byas nas yan lag can du 'dogs la yan lag can la bltos nas yan lag 'dogs pas shing rta'i dpe dang mtshungs te/ bud shing la bltos nas me yin la de la bltos nas bud shing yin pa'i bar du'o// 'di ni 'jig rten gyi tha snyad yin gyi 'di la dpyad pa mi gzhug go/ yan lag la sogs pa rnams phan tshun bltos pa'i grub pa yin la 'ba' zhig tu ma zad kyi/ rgyu dang 'bras bu gnyis kyang phan tshun bltos pa yin no zhes bshad pa/ gang gi phyir/ gal te rgyu yis bskyed par bya ba bskyed de lta na de rgyu yin zhing / gal te 'bras bu mi bskyed na ni de med rgyu med can du 'gyur// 'bras bu yang ni rgyu yod gyur na skye bar 'gyur ba de yi phyir/ rgyu dang 'bras bu 'di gnyis kyang de las gzhan yod na cig shos yod pa nyid yin no zhes shes par bya'i rgyu dang 'bras bu dag rang bzhin gyis yod pa nyid ni ma yin no// ci ste khyod de gnyis rang gi ngo bos grub par sems na kye/ gang las gang zhig 'gyur ba gang zhig las sngar gang zhig 'gyur de smos// ci chu 'am 'bras bu sngar grub pa gang las rgyu 'am 'bras bur 'gyur ba de nyid las dang po rgyu 'am 'on te 'bras bu zhig 'gyur/ de'i phyir rgyu dang 'bras bur gdags pa yang shing rta ltar rgyur byas nas yin par rig par bya'i rang bzhin las gyur pa ni ma yin no// gzhan yang gal te rgyus 'bras bu rang bzhin gyis skyed par byed na phrad nas sam ma phrad par skyed par byed grang / de la re zhig/ gal te khyod kyi rgyu yis phrad nas 'bras skyed byed na de yi tshe/ de dag nus pa gcig pas skyed byed 'bras bu tha dad med 'gyur zhing / sa sor na ni chu 'di/ rgyu min rnams dang khyad par med 'gyur la// gnyis pa 'di dag
- 367b
spangs nas rtog pa gzhan yang yod par 'gyur ma yin/ de la gal te rgyus 'bras bu phrad nas skyed par byed na de'i tshe/ phrad pa yin dang klung dang rgya mtsho'i chu phrad pa tha dad med pa ltar gcig yin pas 'di ni rgyu'o 'di ni 'bras bu'o zhes khyad par med pa'i phyir/ gang zhig gang gis bskyed par gyur/ ci ste ma phrad par skyed par byed na ni/ de'i tshe ji ltar ma phrad par 'bras bu ma yin pa gzhan mi bskyed pa de bzhin du ma phrad par 'bras bu yang bskyed par mi 'gyur ro// 'on te ma phrad bzhin du skyed par byed na ni ril bskyed par 'gyur ro// chu dang 'bras bu rang bzhin du smra ba la bskyed par bya ba la phrad pa dang ma phrad pa las ma gtogs/ pa'i rtog pa gsum pa gzhan yang srid pa ma yin pas/ rang bzhin gyis grub pa'i rgyus 'bras bu skyed par mi byed pa kho na'o// de'i phyir ci ste khyod kyi rgyu yis 'bras bu skyed par mi byed de phyir 'bras shes bya yod min/ gang gi tshe rgyus 'bras bu mi skyed pa de'i tshe 'bras bu med pas/ 'bras bral rgyu ni rgyu med can 'gyur yod pa'ang min/ rgyu rgyu nyid du bya ba la ni 'bras bu 'byung ba rgyu yin na/ gal te 'bras bu med par yang rgyu rgyu nyid du 'gyur na ni/ de'i tshe rgyu'i rgyu nyid rgyu med pa can du 'gyur na 'di ni 'dod pa yang ma yin te/ de'i phyir rgyu dang 'bras bu gnyis rang bzhin gyis yod pa ma yin no// khyod kyi ci ltar zhe na/ gang/ phyir 'di dag gnyis char yang ni sgyu ma dang 'dra de yi phyir/ bdag la skyon du mi 'gyur 'jig rten pa yid dngos po rnams kyang yod// gang gi ltar na rang gi mtshan nyid bskyed par bya ba nyid dang skyed par byed pa nyid/ yin pa de la rnam par dpyad pa 'dir 'gyur gyi/ gang gi ltar na dngos po rnams log par kun brtags pas bskyed pa nyid kyis sgyu ma ltar ma skyes pa'i rang bzhin yin zhing rang bzhin med kyang rab rib can gyi
- 368a
dmigs pa'i skra shad la sogs pa ltar rnam par rtog pa'i yul du 'gyur ba de la ni bsam du med pa nyid de/ de'i phyir bdag la ji skad bshad pa'i skyon gyi skabs yod pa ma yin zhing / 'jig rten pa'i dngos po ma btags par grub pa rnams kyang yod pa yin pas thams cad 'grub po// 'dir kha cig lan du 'di skad du ni rgyus 'bras bu phrad nas skyed par byed dam/ 'on te ma phrad par yin zhes gang smras pa 'dir khyod la yang brgal zhing brtag pa mtshungs so// ci ltar zhe na/ sun 'byin 'dis sun dbyung bya phrad nas 'byin nam ma phrad par// yin zhes nyes pa 'di ni khyod khyod la'ang 'gyur ba ma yin nam// gal te sun 'byin pas sun dbyung bya phrad nas sun 'byin par byed na ni// de'i tshe nyes pa de nyid du 'gyur ro// 'on te ma phrad par yin na de lta na yang de nyid du 'gyur ro// gnyis po 'di dag spangs nas rtog pa gzhan yang yod par 'gyur ma yin// gang gi tshe de ltar khyod kyi sun 'byin pa la sun dbyung bya sun 'byin pa'i nus pa yod pa ma yin pa de'i tshe khyod kyi sun 'byin nyid sun phyung ba yin pas shugs kyis rgyu dang 'bras bu'i dngos po yang grub pa nyid do zhes bstan pa'i phyir smras pa/ gang tshe de skad smra zhing rang phyogs kho na rnam 'joms pa/ de tshe khyod kyi sun dbyung sun ni 'byin par nus ma yin// gzhan yang / gang phyir rang gi tshig la'ang thal ba mtshungs pa'i ltag chod kyi/ rigs pa med par dngos mtha' dag la skur 'debs de yi phyir/ khyod ni skye bo dam pas bzhed mi 'gyur zhing gang gi phyir// khyod la rang phyogs med pas sun ci phyin du rgol ba'ang yin// de la rang gi tshig la'ang thal bar 'gyur bar mtshungs pa nyid ni smras zin to// rigs pa med par dngos mtha' dag la sur 'debs zhes bya ba 'di bshad par bya'o// gang ma phrad par mtshungs pas skyed par byed pa ma yin pa nyid do zhes bya ba 'di la rigs pa ci zhig yod/ 'di ltar khab len gyis ma phrad pa nyid du rung ba'i yul na gnas pa'i lhags
- 368b
'dren par byed kyi thams cad ni ma yin no// de bzhin du mig gis ma phrad pa kho nar rung ba'i yul na gnas pa'i gzugs mthong gi ril ni ma yin pa de bzhin du rgyus kyang ma phrad par bskyed du zin kyang ma phrad pa thams cad bskyed par mi 'gyur gyi/ 'bras bu rung ba kho na skyed par 'gyur ro// gang gi phyir de ltar rigs pa med par dngos po'o cog la skur pa 'debs pa de'i phyir khyod skye bo dam pas bzhed par mi 'gyur ro// gzhan yang khyod ni sun ci phyin tu rgol ba pa nyid du yang 'gyur te/ rang gi phyogs bzhag pa dang bral zhing gzhan gyi phyogs sel ba tsam la zhugs pa'i rgol ba ni sun ci phyin du rgol ba pa zhes bya'o// khyod la ni rang gi phyogs 'ga' zhig yod pa yang ma yin te/ khyod kyi rnam par dpyad pa ni gzhan gyi phyogs sel ba nyid yin pa'i phyir ro// zhes smra'o// 'di la brjod par bya ste/ sun 'byin pas sun dbyung bya ma phrad sun ni 'byin byed dam/ 'on te phrad nas yin zhes smras zin nyes pa 'dir gang la// nges par phyogs yod de la 'gyur gyi bdag la phyogs 'di ni// yod pa min pas thal bar 'gyur ba 'di ni srid ma yin// de la rang gi tshig la'ang thal ba mtshungs pa'i ltag chod kyis zhes gang smras pa ni kho bo cag gi phyogs la mtshungs par thal bar mi 'gyur te/ gang gi phyir kho bo cag gi phyogs la ni sun 'byin pas sun dbyung bar bya ba phrad nas kyang sun 'byin par mi byed pa nyid la sun 'byin pas sun dbyung bar bya ba ma phrad par yang sun 'byin par mi byed de/ sun 'byin pa dang sun dbyung bya gnyi ga rang bzhin gyis ma grub pa'i phyir ro// de'i phyir phrad pa dang ma phrad pa'i bsam pa mi byed do// ji skad du/ tshe dang ldan pa rab 'byor ci skyes pa'i chos kyis ma skyes pa'i thob pa 'thob par 'gyur ram/ 'on te ma skyes pa'i chos kyis ma skyes pa'i thob pa 'thob par 'gyur// rab 'byor gyis smras pa/ tshe dang ldan pa shA ri'i bu kho bo ni skyes pa'i chos kyi ma skyes pa'i thob
- 369a
pa 'thob par mi 'dod la/ ma skyes pas kyang ma skyes pa'i thob pa 'thob par mi 'dod do// shA ri'i bus smras pa/ tshe dang ldan pa rab 'byor yang ci thob pa med cing mngon par rtogs pa med dam/ rab 'byor gyis smras pa/ tshe dang ldan pa shA ri'i bu thob pa yang yod mngon par rtogs pa yang yod mod kyi/ gnyis kyi tshul gyis ni ma yin no// tshe dang ldan pa shA ri'i bu thob pa dang mngon par rtogs pa ni 'jig rten gyi tha snyad yin la/ rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' yang 'jig rten gyi tha snyad du yin gyi don dam par ni thob pa med cing mngon par rtogs pa med do zhes rgya cher gsungs pa lta bu'o// 'dir ji ltar gnyis su thal bar 'gyur ba'i phyir skyes pa 'am ma skyes pa'i chos kyis thob pa 'thob pa bkag cing gnyis kyang dngos po med pa la mi rigs pa'i phyir/ ma brtags par 'jig rten gyi tha snyad du thob par khas blangs pa de bzhin du/ sun dbyung bar bya ba dang sun 'byin pa dag kyang phrad pa 'am ma phrad par ma yin mod kyi/ 'on kyang tha snyad sun 'byin pas sun dbyung ba sun 'byin par byed do zhes shes par bya'o// gzhan yang / ji ltar khyod kyis nyi ma'i dkyil 'khor la yod khyad par rnams// gzugs brnyan la yang gzas gzung la sogs rnam 'tshe mthong 'gyur la// nyi ma dang ni gzugs brnyan rnam pa phrad dang ma phrad par/ mi rigs mod kyi bsten nas tha snyad tsam zhig 'byung 'gyur zhing // mi bden bzhin du'ang rang gi byad bzhin mdzes par sgrub bya'i phyir// de ni yod pa ji lta de bzhin 'dir yang shes rab gdong // sbyar bar bya la nus pa mthong bar gyur pa'i gtan tshigs ni// 'thad pa dang bral las kyang bsgrub bya rtogs shes shes par bya// ji ltar gzugs brnyan zhes bya ba cung zad kyang yod pa ma yin pa'i phyir na//
- 369b
nyima'i dkyil 'khor dang phrad pa'am ma phrad par skye zhes bya ba'i rtog pa rnams thams cad du mi srid mod kyi// 'on kyang rkyen gzugs nye ba las gzugs brnyan du dmigs pa na rtogs par 'dod pa'i don nges par byed pa de bzhin du rang bzhin gyis stong pa'i sun 'byin pas sun dbyung bya sun 'byin pa dang / rang bzhin gyis stong zhing 'thad pa dang bral ba'i gtan tshigs kyis bsgrub par bya ba sgrub pa yin la/ gnyis su thal bar yang mi 'gyur bas rang gi tshig la'ang thal ba mtshungs par mi rigs so// zhes shes par bya'o// shes rab nyid gdong yin pas shes rab gdong ngo // de sbyang ba ni ma rig pa spangs pas yongs su dag pa nyid do// de la nus pa mthong bar gyur pa'i zhes bya ba ni der nus mthu can du mthong ba zhes bya ba'i don to// gang gi phyir btags par yod pa rnams la gnyis su smra ba 'di mi rigs pa de nyid kyi phyir/ gnyis la brten nas sun 'byin pa dang lan smra bar dbu ma pa la rnam pa thams cad du glags mi rnyed do// ji skad du 'phags pa lhas/ yod dang med dang yod med ces// gang la phyogs ni yod min pa// de la yun ni ring po na'ang // k+Shan ka brjod par nus ma yin// zhes bya ba dang / de bzhin du/ stong pa nyid kyis brtsad byas tshe// gang zhig lan 'debs smra byed pa// de yi thams cad lan btab min// bsgrub par bya dang mtshungs par 'gyur/ zhes bya ba gsungs so// 'dis ni skyed par byed pa'i rgyu yang rnam par bshad par bya'o// de la kha cig dbu ma'i bstan bcos 'drir skyed par byed pa'i rgyu'i skabs su bab pa yin gyi gsal bar byed pa ni ma yi la/ phrad pa dang ma phrad pa'i brgal ba yang gsal bar byed pa'i rgyu la yin gyi skyed par byed pa la ni ma yin pas kho bo cag gi tshig rnams la ltag ched kyi skabs su med do zhes gang smra bar byed pa de'i 'di
- 370a
ni lan ma yin te/ gang gi phyir klags dang bcas pa'i dngos po brjod na pha rol po mi bzod pa nyid yin la/ skyed par byed pa ltar gsal bar byed pa la yang glags yod pa yin pas de'i lan mi rigs pa nyid do// gzhan yang 'dis bstan bcos su dam bcas pa'i don sgrub pa'i phyir yongs su bzung ba'i sgrub byed kyi sun 'byin pa rnams la lhag tshod 'god par byed pa'i lan smra bar byed pa de'i phyir/ 'di ni gzhan gyis sun dbyung bar bya ba kho na yin pas kho bo cag gis btab pa'i lan kho na ches mdzes so// gzhan yang / gal te rang gi bsgrub bya go byed gtan tshigs dngos grub dang // dngos su go bya nyid 'gyur bsgrub bya'i ngo'ang yod 'gyur na// phrad pa la sogs rigs pa nye bar sbyor bar 'gyur zhig na// de yang yod pa min pas khyod kyi yi chad 'ba' zhig yin// yongs su ma dag pa'i phyogs kyi skyon yongs su dag pa'i phyogs kyi steng du 'god pa khyod ni kho bo cag la don med par yid byung ba kho na yin par rtogs te/ dper na rab rib can gyis dmigs pa'i sra shad la sogs pa rnams kyi gcig nyid dang / mang po nyid dang / ring po nyid dang / zlum po nyid dang / nag po la sogs pa'i phyogs sun 'byin pas rab rib med pa rnams la mi gnod pa de bzhin du/ rang bzhin med pa'i tA dang 'bras bu rnam par dpyod pa na/ khyod kyis gnyis yongs su bzung nas sun 'byin paM bkod pas kyang mi gnod do// de nyid kyi phyir gang dag khrig dang khab len la sogs pa ma phrad par rang gi bya ba byed par rnam par bzhag pa dpe de dag kyang bkag par rig par bya ste/ de dag la yang thal bar 'gyur ba mtshungs pa'i phyir ro// gang zhig khyod rang bzhin med pa nyid kyi lam drang po btang nas rtog ge ngan pa'i lam shin tu 'khyog pa/ rang gi rnam par rtog pa'i bzo bo ngan pas sbyar ba yang dag pa'i lam 'gegs par byed par spro ba/
- 370b
te por tshegs che ba 'dis khyod la ci zhig bya/ gzhan yang / dngos po rnams mtha' dag dngos po med par rtogs su gzhug par ni// nus pa ches sla ji lta de ltar rang bzhin gzhan dag la// khong du chud par bde blag tu ni nus pa ma yin no// rtog ge ngan pa'i dra bas 'jig rten ci ste 'dir bcol byed// ji ltar rmi lam dang sgyu ma la sogs pa rang gi phyogs la grub pa'i dpe rnams kho nas/ 'jig rten gyi dngos po rang bzhin med pa nyid/ du rtogs su gzhug par nus pa de ltar/ 'ga' zhig dngos po rnams rang bzhin dang bcas par 'dzin du gzhug par nus par sla ba ma yin te/ gnyi ga la grags pa'i dpe med pa'i phyir ro// de lta yin dang / kho bos rtsod pa thams cad bzlog pa yin la lan yang sus kyang brjod par nus pa ma yin no// de'i phyir 'jig rten la don ma yin pa bya ba'i phyir/ su zhig gis spad cing khyod 'jig rten nyon mongs dar gyi srin bu ltar rang gi rtog pa'i spus kyis btums pa'i steng du rtog ge ngan pa'i sras bus bres pa'i rgya shin tu sran te ma kun nas 'dzugs par ci ste byed/ rtsod pa 'di ni dor bar bya dgos te/ dngos po gzugs brnyan dang 'dra ba de dag thams cad la rang gi mtshan nyid med cing spyi'i mtshan nyid kyang med la mngon sum mam rjes su dpag pa'ang ci zhig yod/ 'dir ni mngon sum gcig nyid kho nar zad de gang thams cad mkhyen pa'i ye shes so// / gzhan yang / sun 'byin lhag mgong du bstan pa yang ni shes byas nas// phrad pa la sogs phyogs kyi lan gyi ched du 'di gtang bya// sun ci phyin du rgol ba pa yang ji ltar yod min pa// de skad sngar bshad lhag ma phyogs 'di nyid kyis rtogs par bya// rten cing 'brel par 'byung ba rnam par bzhag pa dang brten nas gdags pa rnam par bzhag pa gzhan gyi phyogs la sun 'byin pa gang bshad pa de nyid las sun 'byin pa lhag ma
- 371a
shes par byas nas/ ci rgyus 'bras bu phrad nas bskyed dam/ 'on te ma zad par zhes bya ba'i sun 'byin pa'i lan gyi don du gang gis smras pa de la sun 'byin gtang bar bya'o// bstan bcos las ni rtog pa ldog pa nyid brjod par 'dod pa yin la/ de yang kho bo cag gis bstan zin pa'i phyir bstan bcos las su na ci phyin du rgol ba nyid ga la yod// 'dir bdag gis gzhan gyi phyogs gsal bar byas pa yang ma yin te/ bsal bar bya ba'i dngos po med pa nyid kyi phyir ro// de'i phyir sun ci phyin du rgol ba pa nyid ga la yod/ gang gis na mtshan nyid byas pa 'di yang dag pa'i mtshan nyid du 'gyur ba sus rang gi phyogs bzhag cing gzhan gyi phyogs bzlog ste/ de'i phyir sun ci phyin du rgol ba'i mtshan nyid 'di ni rnam pa thams cad du mi rigs so// de lta bu la sogs pa sun 'byin lhag ma ni phyogs 'di nyid kyis rtogs par bya'o// de la de nyid de las 'byung min/ zhes bya ba nas brtsams te/ rnam dpyod pa na myur du grol bar 'gyur/ zhes bya ba'i bar 'dis ni chos kyi bdag med pa mngon par gsal bar byas so// nyon mongs skyon rnams ma lus 'jig tshogs la// lha las byung bar zhes bya ba la sogs pa nas 'di yan cad kyis ni gang zag gi bdag med pa gsal bar byas so// de'i phyir 'di ston zhing stong pa nyid kyi rab tu dbye ba brjod par 'dod nas bshad pa/ bdag med 'di ni 'gro ba rnam dgrol phyir// chos dang gang zag dbye bas rnam gnyis gsungs// bdag med pa 'di ni mdor bsdus nas rnam pa gnyis su gsungs te/ chos kyi bdag med pa dang gang zag gi bdag med pa'o// yang ci'i phyir bdag med pa rnam pa gnyis nye bar bstan zhe na/ bshad pa/ 'gro ba rnam dgrol phyir te/ bdag med pa rnam pa gnyis po 'di ni bcom ldan 'das kyis 'gro ba
- 371b
rnam par dgrol bar bya ba'i don du nye bar bstan to// de la gang zag gi bdag med pa ni rang sangs rgyas rnams dang / nyan thos rnams rnam par dgrol bar bya ba'i phyir bstan la/ byang chub sems dpa' rnams rnam pa thams cad mkhyen pa nyid thob pas rnam par dgrol bar bya ba'i phyir ni gnyi ga bstan to// nyan thos dang rang sangs rgyas rnams kyis kyang rten cing 'brel par 'byung ba rkyen nyid 'di pa tsam mthong mod kyi/ de lta na yang de dag la chos kyi bdag med pa yongs su rdzogs par bsgoms pa med de/ khams gsum na dpyod pa'i nyon mongs pa spong ba'i thabs tsam zhig ni yod do// de dag la gang zag gi bdag med pa ma lus par sgom pa ni yod par rnam par bzhag go// de ltar ston pas slar yang 'di nyid ni// gdul ba rnams la phye ste rnam mang gsungs/ bdag med pa gnyis po 'di ni slar bcom ldan 'das kyis gdul ba'i bsam pa sna tshogs pa nyid kyis mang por bstan to// de la/ spros dang bcas par stong pa nyid// bcu drug bshad nas mdor bsdus te// slar yang bzhir bshad de dag ni// theg chen du yang bzhed pa yin// ji skad du/ rab 'byor gzhan yang byang chub sems dpa'i theg pa chen po ni 'di lta ste/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa'i ngo bo nyid stong pa nyid do// zhes gsungs so// de skad du stong pa nyid bcu drug bstan nas/ rab 'byor gzhan yang dngos po ni dngos
- 372a
pos stong ngo // dngos po med pa ni dngos po med pas stong ngo // rang bzhin ni rang bzhin gyis stong ngo // gzhan gyi dngos po ni gzhan gyi dngos pos stong ngo zhes slar yang stong pa nyid bzhi bstan te/ stong pa nyid 'di rnams ni theg pa chen po zhes bya'o// stong pa nyid dam stong pa nyid ma yin pa ni cung zad kyang yod pa ma yin te/ rnam pa de lta bus gdul ba'i skye bo'i dbang gis gzugs la sogs pa ltar kun rdzob tu bsnyad par zad do// ji skad du bstan bcos las/ gal te stong min cung zad yod// stong pa cung zad yod par 'gyur// mi stong cung zad yod min na// stong pa'ang yod par ga la 'gyur// stong ngo zhes kyang mi brjod de// mi stong zhes kyang mi bya zhing // gnyis dang gnyis min mi bya ste// gdags pa'i don du brjod par bya// zhes gsungs so// de la nang stong pa nyid kyi dbang du byas nas bshad pa/ gang phyir de yi rang bzhin te// yin phyir mig ni mig gis stong // de bzhin rna ba sna dang lte// lus dang yid kyang bsnyad par bya// ther zug gnas pa ma yin dang // 'jig pa ma yin nyid kyi phyir// mig la sogs pa drug po yi// rang bzhin med nyid gang yin pa// de ni nang stong nyid du 'dod// ji ska du/ de la gang dag nang stong pa nyid du 'gyur ba nang gi chos rnams gang dag yin ne na/ nang gi chos rnams zhes bya ba ni// mig dang rna ba dang ste dang lus dang yid de/ de la the zugs gnas pa ma yin pa dang / 'jig pa ma yin pa nyid kyi phyir/ mig ni mig gis stong ste/ de ci'i phyir zhe na/ de'i rang bzhin de yin pa'i phyir ro// zhes rgya cher gsungs pa lta bu'o// de la ther zug du gnas pa ma yin pa nyid ni rang bzhin mi 'dor ba la bya'o// de yang dus cung zad cig gnas nas ldog par yang 'gyur bas 'jig pa ma yin pa nyid kyi phyir zhes gsungs so// 'di skad bstan par 'gyur te/ dngos po gang zhig rang
- 372b
bzhin dang bcas pa nyid de ni gor ma chag par ther zug ma yin pa dang mi ldog pa zhig tu 'gyur dgos so// ji skad du/ rang bzhin rgyu dang rkyen dag las// 'byung bar rigs pa ma yin no// rgyu dang rkyen las byung ba yi// rang bzhin byas pa can du 'gyur// rang bzhin byas pa yin no zhes// ji lta bur na rung bar 'gyur// rang bzhin nyid ni bcos min dang // gzhan la bltos pa med pa yin// zhes gsungs so// yang ci gang zhig slob dpon gyis bstan bcos las khyad par du mdzad pa rnam pa de lta bu'i rang bzhin slob dpon gyi zhal gyis bzhes pa zhig yod dam zhe na/ gang gi dbang du mdzad nas bcom ldan 'das kyis de bzhin gshegs pa rnams byung yang rung / ma byung yang rung chos rnams kyi chos nyid 'di ni gnas pa nyid do zhes rgyas par gsungs pa chos nyid ces bya ba ni yod do// chos nyid ces bya ba 'di yang ci zhig/ mig la sogs pa 'dis dag gi rang bzhin no// de dag gi rang bzhin yang gang zhig ce na/ 'di dag ni bcos ma ma yin pa dang gzhan la bltos pa med pa gang yin pa ste/ ma rig pa'i rab rib dang bral ba'i shes pas rtogs par bya ba'i rang gi ngo bo'o// ci de yod dam med do zhes de skad du su swA/ gal te de med na ni ci'i don du byang chub sems dpa' rnams pha rol tu phyin pa'i lam bsgom par 'gyur te/ gang gi phyir chos nyid de rtogs par bya ba'i phyir/ byang chub sems dpa' rnams de ltar dka' ba brgya phrag rtsom pa yin no// ji skad du/ rigs kyi bu don dam pa ni skye ba med pa dang / 'gags pa med pa dang / 'jig pa med pa dang / 'ong ba med pa dang / 'gro ba med pa dang / yi/ ge rnams kyis brjod par bya ba ma yin pa dang / yi ge rnams kyis bsnyad du med cing spros pas rtogs pa ma yin te/ rigs kyi bu don dam pa ni brjod du med cing zhi ba 'phags pa rnams kyis so so rang gis
- 373a
rig par bya ba'o// rigs kyi bu don dam pa ni de bzhin gshegs pa rnams byung yang rung ma byung yang rung ste/ gang gi don du byang chub sems dpa' rnams skra dang kha spu dag bregs nas gos ngur smrig bgos te/ yang dag par dad pas khyim nas khyim med par rab tu byung zhing / rab tu byung nas kyang chos nyid de thob par bya ba'i phyir/ skra 'am gos la me shor ba ltar brtson 'grus rtsom zhing gnas pa rnam par 'jig pa med pa'o// rigs kyi bu gal te don dam pa yod par ma gyur na ni tshangs par spyad pa don med par 'gyur zhing de bzhin gshegs pa rnams byung ba don med par 'gyur ro// gang gi phyir don dam pa de yod pa de'i phyir byang chub sems dpa' rnams la don dam pa la mkhas pa zhes bya'o// zhes gsungs pa lta bu'o// 'dir smras pa/ kye ma ma la gang zhig dngos po cung zad kyang mi 'dod cing / glo bur du bcos ma ma yin pa dang / gzhan la bltos pa med pa'i rang bzhin yang 'dod pa khyod ni phan tshun 'gal ba'i don brjod pa zhig go// brjod par bya ste/ khyod kyis bstan bcos kyi dgongs pa ma rig pa zhig ste/ 'di'i dgongs pa ni/ gal te mig la sogs pa rnams kyi rang gi ngo bo rten cing 'brel par 'byung ba byis pa'i skye bos bzung bar bya ba gang yin pa 'di nyid de rnams kyi rang bzhin yin na ni/ rang bzhin de phyin ci log tu gyur pas kyang rtogs pa'i phyir/ tshangs par spyod pa don med par 'gyur na/ gang gi phyir 'di nyid rang bzhin ma yin pa de'i phyir/ de lta ba'i don du tshangs par spyod pa don dang bcas par 'gyur ro// de yang bdag gis kun rdzob kyi bden pa la bltos nas bcos ma ma yin pa/ nyid dang / gzhan la mi bltos pa nyid du brjod do// gang zhig byis pa'i skye bos blta bar bya ba ma yin pa de nyid ni rang bzhin du rigs la/ de tsam gyis don dam pa dngos po ma yin zhing dngos po med pa yang ma yin te/
- 373b
de ni rang bzhin gyis zhi ba nyid kyi phyir ro zhes bya ba 'di yin no// rang bzhin 'di ni slob dpon gyi zhal gyis bzhes pa 'ba' zhig tu ma zad kyi/ gzhan yang don 'di khas len du gzhug par nus pas rang bzhin 'di ni gnyis la grub pa nyid du yang rnam par bzhag go/ gang dag med la sogs pa'i rang bzhin tshang ba la sogs pa yin par smra ba de dag gi ltar na ni/ rnam pa thams cad du mi rung ste/ rten cing 'brel bar 'byung ba nyid kyis bcos ma nyid yin pa'i phyir dang bltos pa dang bcas pa'i phyir ro// yod pa nyid kyi phyir de la bcos ma nyid med pa dang / gzhan la bltos pa nyid med pa yod do zhes bya bar brjod par yang mi rigs te/ de la zhes bya ba 'dis mchog tu 'dzin pa'i dngos po med pa'i phyir la/ kun rdzob tu rnam pa de lta bu'i don bstan pa'i phyir te/ rgya chen pos mchog go/ dkyus ma nyid rnam par bshad par bya'o// de la mig la sogs pa rnams mig la sogs pa rnams nyid kyis stong pa nyid du smras pas ni rang bzhin stong pa nyid yongs su gsal bar byas pa yin gyi/ mig ni nang gi byed pa dang bral ba'i phyir stong zhing bzung ba dang 'dzin pa'i bdag nyid kyis/ slong nga nas gcig la gcig med pa'i stod pa nyid rnam yin// sa kyi srung ba skyed de/ gang gtsud du ban na// seMn gyi gzums na gzugs kyis spyong // skadang dring rig tu dang // chos rnam nyid kyang de bzhin no// gzugs sogs ngo bo med pa nyid// phyi rol stong pa nyid du 'dod// ji skad du/ de la phyi stong pa nyid gang zhe na/ phyi'i chos rnams shes bya ba ni gzugs la sogs pa'o// de la ther zug tu/ gnas pa ma yin pa dang 'jig pa ma yin pa nyid kyi phyir/ gzugs ni gzugs kyis stong ste/ de'i rang bzhin de yin pa'i phyir ro zhes gsungs te snga ma bzhin no// gnyis char rang bzhin med nyid ni// phyi nang
- 374a
stong pa nyid yin no// ji skad du/ phyi dang nang gi chos rnams phyi dang nang gi chos rnams kyi rang bzhin med pa nyid ni phyi nang stong pa nyid do zhes gsungs te snga ma bzhin no// chos rnams rang bzhin med pa nyid// mkhas pas stong pa nyid ces bsnyad// stong nyid de yang stong nyid kyi// ngo bos stong par 'dod pa yin// stong nyid ces bya ba'i stong nyid gang // stong nyid stong nyid du 'dod de// stong nyid dngos po'i blo can// gyi// 'dzin pa zlog phyir gsungs pa yin// ji skad du/ de la stong pa nyid stong pa nyid gang zhe na/ chos rnams kyi stong pa nyid gang yin pa'i stong pa nyid des stong pa nyid stong pa 'di ni stong pa nyid stong pa nyid ces bya'o zhes gsungs so// gang dag stong pa nyid la yang dngos por mngon par zhen pa de dag gi stong pa nyid la dngos por 'dzin pa bzlog pa'i don du nye bar bstan ste/ ji skad du/ kun rtogs thams cad gzhom pa'i phyir// stong nyid bdud rtsi bstan pa mdzad// gang la de la'ang 'dzin yod pa// de ni khyod kyis smad par mdzad// ces gsungs so// sems can snod kyi 'jig rten ni// ma lus khyab byed nyid phyir dang // tshad med dpe yis mu mtha' ni// med phyir phyogs rnams chen po nyid// phyogs las logs shig tu sems can gyi 'jig rten med cing snod kyi 'jig rten med pas 'gro ba ma lus pa la khyab par byed pa nyid kyis phyogs rnams chen po nyid do// gang gi phyir byams pa la sogs pa sgom pa ni phyogs yongs su bcad nas sgom pas na/ phyogs rnams tshad med pa'i dpe can du gnas pa de'i phyir mu med pas kyang chen po nyid do// 'di dag bcu car phyogs rnams kyis// stong pa nyid ni gang yin de// chen po stong pa nyid yin te// chen por 'dzin pa bzlog phyir gsungs// ji skad du/ chen po stong pa nyid gang zhe na/ shar phyogs ni shar phyogs kyis stong ngo zhes rgya cher
- 374b
gsungs pa lta bu'o// chen po stong pa nyid de ni gang dag phyogs tshad med do snyam du phyogs rnams la chen por 'dzin pa de dag gi 'dzin pa de bzlog pa'i phyir bstan te/ 'di ltar bye brag pa dag gis phyogs rnams rdzas nyid du rtogs so// de ni dgos pa mchog yin pas// don dam mya ngan 'das pa yin// de ni de yis stong nyid gang // de ni don dam stong nyid de// mya ngan 'das dngos blo can gyi// 'dzin pa bzlog pa'i bya ba'i phyir// don dam mkhyen pas don dam pa// ston pa nyid ni bstan pa mdzad// ji skad du/ de la don dam pa stong pa nyid gang zhe na/ don dam pa zhes bya ba ni mya ngan las 'das pa ste/ ther zug tu gnas pa ma yin pa dang / 'jig pa ma yin pa nyid kyi phyir/ mya ngan las 'das pa ni mya ngan las 'das pas stong ste zhes rgya cher 'byung ngo // de yang mya ngan las 'das pa la dngos por mngon par zhen pa rnams kyi dngos por 'dzin pa bzlog par bya ba'i phyir gsungs so// don gyi sgra ni dgos pa'i tshig gam shes bya'i tshig go// rkyen las byung phyir khams gsum po// 'dus byas yin par nges par bsnyad// 'dinal gang// de sa sa/ sa nyid nas na/ ngas rgyas nas bya ban 'ams gas pas// de pa da pal khams na 'dad pa'i khams sa stong ste zhes rgya cher gsungs pa lta bu'o// gang la skye gnas mi rtag nyid// de dag med pa 'dus ma byas// de ni de yis stong nyid gang // de ni 'dus ma byas stong nyid// de yis zhes bya ba ni 'dus ma byas kyis zhes bya ba'i don to// ji skad du/ de la 'dus ma byas stong pa nyid gang zhe na/ 'dus ma byas zhes bya ba ni/ gang las skye ba med pa dang / 'gag pa med pa dang / 'jig pa med pa dang / gnas pa las gzhan du
- 375a
'gyur ba nyid med pa'o// de la 'dus ma byas kyis stong ste zhes gsungs pa lta bu ste snga ma bzhin no// gang la mtha' ni yod min pa// de ni mtha' las 'das par brjod// de de kho nas stong pa nyid// / mtha' las 'das pa stong nyid bsnyad// ji skad du/ de la mtha' las 'das pa stong pa nyid gang zhe na/ mtha' zhes bya ba ni rtag pa'i mtha' dang chad pa'i mtha' ste/ gang la mtha' yod pa ma yin pa de ni mtha' las 'das pa'o// mtha' las 'das pa ni mtha' las 'das pas stong // zhes rgya cher gsungs pa lta bu'o// thog ma dang po tha ma mtha'// de dag med pas 'khor ba ni// thog ma tha ma med par brjod// 'gro 'od bral phyir rmi lam lta'i// srid 'di de yis dben nyid gang // de ni thog ma dang tha ma med pa stong pa nyid do zhes/ bstan bcos las ni nges par bsnyad// ji skad du/ thog ma dang tha ma med pa nyid gang zhe na/ gang la thog ma dang tha ma mi dmigs pa de la dbus med cing / gang la thog ma dang tha ma dang dbus ma dmigs pa/ de la 'ong ba dang 'gro ba med do// de la ther zug tu gnas pa ma yin pa dang / 'jig pa ma yin pa nyid kyi phyir/ thog ma dang tha dad dbus rnams ni thog ma dang tha ma dang dbus rnams kyis stong ste/ zhes bya ba la sogs pa gsungs pa lta bu'o// thog ma zhes bya ba ni dang po la bya'o// tha ma zhes bya ba ni mtha'o// dor ba zhes bya 'thor ba dang / 'bor ba las ni nges par brjod// dor med stong pa med pa ste// 'ga' yang 'bor med gang yin pa'o// dor ba med pa de nyid kyis// de nyid stong pa nyid gang yin// de de'i phyir na/ dor med pa// stong pa nyid ces bya bar brjod// ji skad du/ de la dor ba med pa stong pa nyid gang zhe na/ dor ba ni 'thor ba dang 'bor ba dang gtong ba'o// de la dor ba med pa ni dor ba med pas stong ste zhes rgya cher/
- 375b
gsungs pa lta bu'o// dor ba ni gtong ba yin la dor ba med pa ni gang la 'ga' yang gtong ba med pa'o zhes bya ba'i don to// 'dus byas la sogs ngo bo nyid// gang phyir slob ma rang sangs rgyas// rgyal sras de bzhin gshegs rnams kyis// ma mdzad de phyir 'dul byas pas// sogs pa rnams kyi ngo bo nyid// rang bzhin nyid du bsnyad pa ste// de nyid kyis de stong nyid gang // de ni rang bzhin stong pa nyid// ji skad du/ de la rang bzhin stong pa nyid gang zhe na/ gang chos rnams kyi rang bzhin ma byas shing mngon par 'dus ma byas pa ste/ de ni nyan thos rnams kyis ma byas zhes rgya cher gsungs pa lta bu'o// khams bco brgyad dang sha drug dang // de las byung ba'i tshor ba drug/ gzugs can gzugs myin de bzhin// 'dus byas 'dus ma byas chos rnams// chos de dag ni thams cad kyi// de dag gis dben stong nyid gang // yin pa 'di ni chos thams cad stong pa nyid do// ji skad du/ de la chos thams cad stong pa nyid gang zhe na/ chos thams cad ces bya ba ni 'dus byas rnams dang / 'dus ma byas rnams dang zhes bya/ ba la sogs pa gsungs pa lta bu'o// de la khams bco brgyad ni/ nang gi skye mched drug dang phyi'i skye mched drug dang rnam par shes pa'i tshogs drug go/ reg pa drug ni mig gi 'dus te reg pa zhes bya ba'i bar ro// reg pa'i rgyu can gyi tshor ba yang drug go/ de la chos thams cad ni chos thams cad kyi stong ngo // gzugs rung la sogs dngos med gang / de ni rang mtshan stong pa nyid yang gzugs la sogs pa rnams kyi rang gi mtshan nyid ci yin zhe na/ rgyas par bstan pa'i phyir bshad pa gzugs ni gzugs rung mtshan nyid can/ tshor ba myong ba'i bdag nyid can// 'du shes mtshan mar 'dzin pa ste// 'du byed mngon par
- 376a
'du byed pa'o// yul la so sor rnam rig pa// rnam shes rang gi mtshan nyid de// phung po sdug bsngal rang mtshan nyid// khams kyi bdag nyid sbrul gdug 'dod// 'dzin par chos mthun pa'i sgo nas khams rnams ni sbrul gdug pa'i mtshan nyid can no zhes bya ba'i don to// skye mched rnams ni sangs rgyas kyis// skye ba'i sgor gyur nyid du gsungs// de sdug bsngal 'byung zhing skye ba'i sgor gyur pa nyid kyi phyir ro// rten cing 'brel par 'byung ba gang // de ni 'du 'phrod mtshan nyid do// rten cing 'brel bar 'byung ba ni 'du 'phrod kyi mtshan nyid can te/ rten cing 'brel bar 'byung ba 'du 'phrod kyi rab tu bye ba nyid kyi phyir ro// gtor ba sbyin pa'i pha rol phyin// tshul khrims gdung med mtshan nyid bzod // khro med mtshan nyid brtson 'grus kyi// kha na ma tho med nyid do// brtson 'grus ning ge ba yongs su 'dzin pa'i mtshan nyid can yin pa'i sbyoraro// bsam kA/ na snad pa'i mnan nyid can te dge ba'i nas thams cad spyad par byed pa da kyi phyir ro// shas rab chags mdam can nyid// myang nalas 'das par bzad pa'i gyur 'ga' ma yang chags pa med pa'i phyir ro// pha rol phyin pa drug rnams kyi// mtshan nyid 'di dag yin par brjod// bsam gtan rnams dang tshad med dang // de bzhin gzhan gang gzugs med pa// de dag yang dag mkhyen pa yis// mi 'khrug mtshan nyid can du gsungs// de dag ni bcom ldan 'das kyis khro ba med pa'i mtshan nyid can du gsungs te/ de dag khong khro ba spangs pas 'thob pa'i phyir ro// byang chub phyogs ni sum du bdun// nges par 'byung byed rang mtshan nyid// nges par 'byung ba ni nges par 'byung ba ste thar pa zhes bya ba'i don to// 'khor ba las 'da' ba'i rgyu yin pa'i phyir nges par 'byung bar byed par nus pas nges par 'byung
- 376b
bar byed pa ste/ thar pa thob par byed pa'i mtshan nyid can no zhes bya ba'i don to// bsam gtan la sogs pa dag ni sngar bshad zin to// stong pa nyid kyi mtshan nyid ni// dmigs pa med pas rnam dben nyid/ dngos po ma dmigs pas rnam par rtog pa'i dri mas nye bar ma sngags pa'i phyir na/ rnam par thar pa'i sgo stong pa nyid ni rnam par dben pa'i mtshan nyid can no// mtshan ma med pazhi nyid de// gsum pa'i mtshan nyid sdug bsngal dang gti mug med// rnam par thar pa'i sgo mtshan ma med pa ni mtshan ma dmigs pa'i sgo nas zhi ba'i mtshan nyid can no// gsum pa'i zhes bya ba ni rnam par thar pa'i sgo smon pa med pa zhes bya ba'i don to// rnam par thar pa'i sgo smon pa med pa 'di ni sdug bsngal dang gti mug med pa'i mtshan nyid can te/ 'du byed sdug bsngal gyi bdag nyid can rnams la yang dag par rjes su lta zhing shes rab kyis 'du byed kyi rang bzhin la lta ba na smon par mi byed pa'i phyir na/ rnam par thar pa'i sgo gsum pa ni sdug bsngal dang gti mug med pa'i mtshan nyid can no// rnam thar rnams kyi mtshan nyid rnam par grol byed pa'o// rnam par thar pa brgyad ni 'di lta ste/ gzugs can gzugs rnams la lwa ba ni rnam par thar pa dang ba'i// nang gzugs med par 'du shes pas phyi rol gyi gzugs rnams la lta ba zhes bya ba ni gnyis pa'o// sdug pa'i rnam par thar pa bsam gtan bzhi pa'i bdag nyid can ni gsum pa'o// gzugs med pa bzhi ni ji skad bshad pa bzhin no// 'du shes dang tshor ba 'gog pa ni brgyad pa ste/ rnam par thar pa 'di dag ni snyoms par 'jug pa'i sgrib pa las grol bar byed pa'i phyir/ rnam par grol bar byed pa'i mtshan nyid can no// stobs rnams shin tu rnam par ni// gtan la 'bebs pa'i rang bzhin gsungs// 'chad par 'gyur ba'i
- 377a
stobs bcu ni shin tu gtan la 'bebs pa'i mtshan nyid can du rig par bya ste/ shin tu rnam par gtan la 'bebs pa nyid kyis thogs pa med pa'i mtshan nyid yin pa'i phyir na stobs rnams zhes bya'o// skyob pa'i mi 'jigs pa rnams ni// shin tu brtan pa'i ngo bo yin// mi 'jigs pa ni bzhi yin te// 'di lta ste/ yang dag par rdzogs par sangs rgyas so zhes dam bcas na/ kye ma de la chos 'di rnams mngon par rdzogs par sangs rgyas so zhes dge sbyong ngam/ bram ze'am/ lha 'am bdud dam/ tshangs pa'am su yang rung ste/ 'jig rten na chos dang mthun par bdag la rgol lo snyam pa'i rgyu yang dag par rjes su mi mthong ste zhes rgyas par 'byung zhing kye mang zag pa zad do zhes dam bcas na/ kye ma de la zag pa 'di zad par ma gyur to zhes bya bar bdag la dge sbyong ngam zhes bya ba la sogs pa 'byung ngo // ngas gang bar du gcod pa'i chos su bstan pa de dag bsten na bar du gcod pa'i chos su mi 'gyur ba de lta bu'i gnas med de zhes bya ba ni snga ma bzhin no// gang yang ngas la ma 'phags pa'i nges par 'byin pa de byed pa'i sdug bsngal yang dag dag ni shin tu bstan pa'i mtshan nyid can te sus kyang gzhan du 'gyur bar bya bar mi nus pa'i phyir ro// so so yang dag rig rnams ni// spobs sogs chad med mtshan nyid can// so so yang dag par rig pa ni// 'chad par 'gyur ba rnams te de dag ni chad pa med pa'i mtshan nyid can no// 'gro la phan pa nyer sgrub pa// byams pa chen po zhes bya'o// byams pa chen po ni phan pa nye bar sgrub pa'i mtshan nyid can no//
- 377b
sdug bsngal can rnams yongs skyob pa// thugs rje chen po'o// thugs rje chen po ni sems can sdug bsngal bar gyur pa yongs su skyob pa'i mtshan nyid can no// dga' ba ni/ rab dga'i mtshan nyid/ dga' ba chen po ni/ rab tu dga' ba'i mtshan nyid can no// btang snyoms ni/ ma 'dres mtshan nyid can zhes bya// btang snyoms chen po ni/ rjes su chags pa dang / khong khro ba la sogs pa dang bral ba'i phyir ma 'dres pa'i mtshan nyid can no// sangs rgyas chos ni ma 'dres pa// bcu dang brgyad du gang 'dod dag/ gang phyir ston des mi 'phrogs pa// de phyir mi 'phrogs rang mtshan nyid// de la sangs rgyas kyi chos ma 'dres pa ni bco brgyad de/ 'di lta ste/ rab 'byor gang gi nam la de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas pa dang / gang gi nam la len pa mi mnga' bar mya ngan las 'das par 'gyur ba de'i bar du de bzhin gshegs pa la 'khrul pa mi mnga'o// ca co mi mnga'o// bsnyel ba mi mnga'o// thugs mnyam par ma bzhag pa mi mnga'o// de bzhin du tha dad pa'i 'du shes dang / so sor ma brtags pa'i btang snyoms dang / 'dun pa nyams pa dang / brtson 'grus nyams pa dang / dran pa nyams pa dang / ting nge 'dzin nyams pa dang / shes rab nyams pa dang / rnam par grol ba nyams pa mi mnga'o// lus kyi las thams cad ye shes sngon du 'gro zhing ye shes kyi rjes su 'brang / ngag gi las thams cad ye shes sngon du 'gro zhing ye shes kyi rjes su 'brang / yid kyi las thams cad ye shes sngon du 'gro zhing ye shes kyi rjes su 'brang 'das pa'i dus la ma chags ma thogs pa'i ye shes gzigs pa 'jug/ ma 'ongs pa dang da ltar byung ba la yang de ltar brjod par bya'o// de lta bu'i sangs rgyas kyi chos ma 'dres pa bco brgyad
- 378a
gang dag yin pa de dag ni mi 'phrogs pa'i mtshan nyid can te/ 'khrul pa la sogs pa mi mnga' bas glags med pa nyid kyis thub par mi nus pa nyid kyi phyir ro// 'di dag gi bshad pa ni/ 'phags pa gzungs kyi dbang phyug rgyal pos zhus pa las rig par bya'o// rigs kyi bu gzhan yang gang gi phyir de'i lus 'khrul pas byis pa'am mkhas pas kyang rung ste/ chos dang mthun par rtsod par 'gyur ba'i 'khrul pa de bzhin gshegs pa la med do// de ci'i phyir zhe na/ sangs rgyas bcom ldan 'das rnams ni lus kyi las 'khrul pa med pa dang ldan pa ste/ kun tu lta ba dang rnam par lta ba dang bskum pa dang brkyang ba dang / chos gos sbyar ma dang / thang ba dang / lhung bzed dang / chos gos thogs pas spyod lam mdzes par spyod lam bzhi yod pa dang / grong dang grong khyer dang grong rdal du 'jug pa dang 'byung ba na rkang mthil sa la mi reg ste/ 'khor lo rtsibs stong pa sa las 'byung zhing dri yid du 'ong ba'i pad+ma mngon par 'byung ste/ de la de bzhin gshegs pa'i zhabs 'jog go/ de la gang byol song gi skye gnas su song ba'i sems can gang dag de bzhin gshegs pa'i zhabs la reg pa de dag zhag bdun rab tu bde ba dang ldan par 'gyur ro// shaM 'thos nas kyang lha dag gi nang du skye bar 'gyur ro// de bzhin gshegs pa'i yul chos gos sor bzhi tsam gyis mi reg mod kyis/ rdzi rlung drag pos kyang bgyod par mi nus so// lus kyi 'od kyis mnar med pa'i bar gyi sems can bde bar byed de/ de'i phyir de bzhin gshegs pa'i sku la 'khrul pa med ces bya'o// byis pa'am mkhas pa dag kyang rung ste/ chos dang mthun par rtsod par 'gyur ba'i ngag gi 'khrul pa de bzhin gshegs pa la med do// de ci'i phyir zhe na/ rigs kyi bu de bzhin gshegs pa ni dus
- 378b
ba sa ma gang la sa sa lag ngas pa ga sa pa ma mas la ma tha kyam bas sa mtham sa pa dang ma mab thamamasacas kha pa mamaca mas ra rab sa dang rang mas sa sa sa sa tha la sa sa ma pa ya sa/ 'a sa sa su spa ba/ tshigs su smrab/ yang dag par smra ba/ ji skad smras pa de bzhin byed pa'o// shin tu nges pa'i tshig dang ldan pa'o// sems can thams cad tshim par byed pa'i tshig dang ldan pa'o// mi zlos pa'i tshig dang ldan pa'o// don dang tshig 'brus brgyan pa'i tshig dang ldan pa'o// skad cig brjod pas sems can thams cad kyi bsam pa tshim par byed pa ste/ de'i phyir de bzhin gshegs pa'i gsung 'khrul pa med ces bya'o// gang gi phyir de'i thugs 'khrul pas byis pa'am/ mkhas pas kyang rung ste/ chos dang mthun par rtsod par 'gyur ba'i sems 'khrul pa de bzhin gshegs pa la med do// de ci'i phyir zhe na/ 'di ltar mnyam par bzhag pa'i gnas mi 'dor zhing sangs rgyas kyi bya ba thams cad byed kyang sems der mi gtong zhing chos thams cad la chags pa med pa'i ye shes mthong ba 'jug ste/ de'i phyir de bzhin gshegs pa'i thugs 'khrul pa med ces bya'o// ji ltar de'i thugs 'khrul pa med pa de bzhin du 'khrul pa thams cad spangs pa'i phyir sems can rnams la chos ston te/ 'di ni de bzhin gshegs pa'i de bzhin gshegs pa'i las bco lnga pa'o// 'di sangs rgyas kyi chos ma 'dres pa ni dang po'o// rigs kyi bu gzhan yang de'i ca co gang las bdud dam bdud kyi ris kyi lha 'am gzhan mu stegs can dag gis glags rnyed par 'gyur ba'i ca co de bzhin gshegs pa la med do// de ci'i phyir zhe na/ de bzhin gshegs pa la ca co'am rjes su ca co med do// de ci'i phyir zhe na/ de bzhin gshegs pa ni rjes su chags pa dang khong khro ba dang bral ba sems can thams cad kyis bkur sti byas kyang mtho bar mi sems/ sems can thams cad kyis bkur sti ma byas kyang sro shi bar mi 'gyur ro// gang gi phyir de 'gyod pas rjes su caco 'byung bar 'gyur ba
- 379a
phyi dga' ba'i bya ba 'am/ mthar ma byin pa cung zad kyang de bzhin gshegs pa la med do// de bzhin gshegs pa ni 'jig rten gang dang yang rtsod pa ma yin te/ de'i phyir de bzhin gshegs pa la ca med do// de bzhin gshegs pa ni nyon mongs pa med pa la gnas pa ste/ nga'i ba med pa yongs su 'dzin pa med pa/ len pa med pa bdud pa thams cad dang bral ba ste/ de'i phyir de bzhin gshegs pa la ca co med do// ji ltar de la ca co med pa de bzhin du sems can thams cad kyi ca co thams cad spang ba'i phyir chos ston te/ 'di ni de bzhin gshegs pa'i de bzhin gshegs pa'i las bcu drug pa'o// 'di sangs rgyas kyi chos ma 'dres pa ni gnyis pa'o// rigs kyi bu gzhan yang bsnyel ba gang gis chos gang la yang rmongs par 'gyur ba'i bsnyel ba de bzhin gshegs pa la med do// de ci'i phyir zhe na/ de bzhin gshegs pa ni bsam gtan dang rnam par thar pa dang ting nge 'dzin dang snyoms par 'jug pa thams cad la bsnyel ba med do// de bzhin gshegs pa ni sems can thams cad kyi sems kyi spyod pa dang g.yo ba la rnam par lta zhing so so ci rigs par chos ston pa la bsnyel ba med do// de bzhin gshegs pa ni don dang chos dang nges pa'i tshig dang spobs pa so so yang dag par rig pa rnams la bsnyel ba med do// de bzhin gshegs pa ni 'das pa dang ma 'ongs pa dang da ltar byung ba la chags pa med pa'i ye shes mthong ba la bsnyel ba med do// de bzhin gshegs pa ji ltar bdag la bsnyel ba med pa de ltar sems can thams cad brjed par mi 'gyur bar chos ston te/ 'di ni de bzhin gshegs pa'i de bzhin gshegs pa'i las bcu bdun pa'o// 'di ni sangs rgyas kyi chos ma 'dres pa ni gsum pa'o// rigs kyi bu gzhan yang de bzhin gshegs pa la sems mnyam par ma bzhag pa med de/ de bzhin gshegs pa ni 'chag gam zhes
- 379b
bya ba rgyas par 'byung ste/ rtag tu mnyam par bzhag pa'i ting nge 'dzin zab mo'i mchog thob pa sgrib pa med pa'i bsam gtan la bsam gtan byed pa ste/ de bzhin gshegs pa'i byin gyis brlabs ma gtogs par sems can gyi rigs na sems can gang mnyam par bzhag kyang rung mnyam par ma/ zhag kyang rung ste/ su yang de bzhin gshegs pa'i sems la lta bar nus pa med do// de bzhin gshegs pa ji ltar rtag tu mnyam par bzhag pa de ltar sems can rnams la chos ston to// 'di ni de bzhin gshegs pa'i de bzhin gshegs pa'i las bco brgyad pa'o// 'di sangs rgyas kyi chos ma 'dres pa ni bzhi pa'o// rigs kyi bu gzhan yang tha dad pa'i 'du shes gangags sems mi mnyam par gnas par 'gyur ba'i tha dad pa'i 'du shes de bzhin gshegs pa la med do// de ci'i phyir zhe na/ nam mkha' bzhin du ni zhing mi zad pa'i phyir/ de bzhin gshegs pa zhing rnams la tha dad pa'i 'du shes med do// rang bzhin gyis bdag med pa'i phyir/ de bzhin gshegs pa sems can rnams la tha dad pa'i 'du shes med do// chos kyi dbyings 'dres pa med cing mnyam pa nyid du shes pa'i g+sa gags pas surgyas rnams nas pad/ da gapa / gnas pa marnams pa bad dugs pad/ gshegs pa ni tshul khrims dang ldan pa rnams la rjes su chags pa med/ ngang tshul ngan pa can rnams la khong khro ba med/ phan btags pa rnams la lan du pan 'dogs pa med/ gnod pa byas pa rnams la lan duganod pa byed pa med/ gdul bar 'os pa rnams la ri mor ma yin/ log par nges pa rnams la smod pa ma yin gyi/ de bzhin gshegs pa ni chos thams cad la mnyam pa nyid du gnas pa ste/ de'i phyir zhes
- 380a
bya ba la sogs pa 'byung ste/ 'di sangs rgyas kyi chos ma 'dres pa ni lnga pa'o// rigs kyi bu gzhan yang de bzhin gshegs pa la so sor ma brtags pa'i btang snyoms med do// de ci'i phyir zhe na/ de bzhin gshegs pa'i btang snyoms ni lam bsgoms pa yin gyi lam ma bsgoms pa ma yin te/ de bzhin du de bzhin gshegs pa'i btang snyoms ni shes rab bsgoms pa yin gyi ma bsgoms pa ma yin no// de bzhin gshegs pa'i btang snyoms ni ye shes dang ldan pa yin pa dang / 'jig rten las 'das pa yin gyi 'jig rten par ltung ba ma yin no zhes bya ba nas/ de bzhin gshegs pa ni btang snyoms chen po de lta bu phun sum tshogs pa/ sems can rnams la btang snyoms de lta bu yongs su rdzogs par bya ba'i phyir chos ston te/ 'di ni de bzhin gshegs pa'i las nyi shu pa'o zhes bya ba'i bar du 'byung ste/ 'di sangs rgyas kyi chos ma 'dres pa ni drug pa'o// rigs kyi bu gzhan yang de bzhin gshegs pa'i 'dun pa nyams pa med do// de la 'dun pa gang zhe na/ 'di lta ste/ dge ba'i chos la 'dun pa'o// de yang gang zhe na/ byams pa chen po la de bzhin gshegs pa'i 'dun pa nyams pa med do// de bzhin du snying rje chen po dang / chos ston pa dang / sems can 'dul ba dang / sems can yongs su spen par bya ba dang / rab tu dben pa dang sems can byang chub yang dag par 'dzin du 'jug pa la 'dun pa nyams pa med do// dkon mchog gsum gyi rigs rgyun mi gcod pa la 'dun pa nyams pa med do// de bzhin gshegs pa ni 'dun pas 'gro/ ba ma yin gyi/ de bzhin gshegs pa'i 'dun pa ni ye shes sngon du 'gro ba nyid de de'i phyir zhes bya ba rgyas par 'byung ste/ 'di sangs rgyas kyi chos ma 'dres pa ni bdun pa'o// rigs kyi bu gzhan yang de bzhin
- 380b
gshegs pa'i brtson 'grus nyams pa med do// de la de bzhin gshegs pa'i brtson 'grus ni 'di yin te/ 'di lta ste/ 'dul ba'i sems can rnams yal bar mi 'dor ba'i brtson 'grus dang / chos nyan pa rnams la brnyas pa med pa'i brtson 'grus so// gal te de bzhin gshegs pas chos kyi snod chos nyan pa gang bskal par yang chos nyan pas skyo bar mi 'gyur ba rnyed na de bzhin gshegs pa yang chos ston zhing kha zas dang // bral ba'i rgyud du gyur kyang bskal par yang mi ldang ngo // de bzhin gshegs pa ni sems can la lta bas tha na gang na sangs rgyas kyis 'dul ba'i sems can gcig gi phyir yang sangs rgyas kyi zhing gang+gA'i klung gi bye ma snyed 'da' zhing 'gro ste/ de bzhin gshegs pa la lus ngal ba'am ngag ngal ba'am sems ngal ba med do// de bzhin gshegs pa ni sems shin tu sbyangs pa brtson 'grus brtsams pa brtson 'grus kyi bsngags pa smra ba ste// yang dag par sbyor ba'i brtson 'grus gang gis sems can rnams 'phags pa'i rnam par grol ba thob par 'gyur ba'i brtson 'grus de sems can rnams la bsngags pa byed de zhes bya ba la sogs pa 'byung ste/ 'di sangs rgyas kyi chos ma 'dres pa ni brgyad pa'o// rigs kyi bu gzhan yang de bzhin gshegs pa'i dran pa ni yong ye nyams pa med do// de ci'i phyir zhe na/ de bzhin gshegs pa la bsel ba med do// rigs kyi bu de bzhin gshegs pas bla na med pa yang dag par rdzogs pa'i byang chub tu mngon par rdzogs par sangs rgyas ma thag tu 'das pa dang / ma 'ongs pa dang / da ltar byung ba'i sems can rnams kyi sems kyi rgyud la rnam par bltas kyang de la de bzhin gshegs pa la brnyel ba shin tu med do// sems can gyi spyod pa ji lta ba bzhin du shes kyang de la de bzhin gshegs pas ye shes stong pa yang med do// de bzhin gshegs pas ni phung po gsum rnam
- 381a
par dgod pa dang / sems can gyi dbang po la 'jug pa dang / sems can gyi bsam pa la 'jug pa dang / sems can gyi spyod pa la rnam par lta bas dran pa nyams pa med de/ de bzhin gshegs pa ni dran par byas sam bsams sam rnam par brtags te/ sems can rnams la chos ston pa med do// ston kyang nyams pa med do// de ci'i phyir zhe na/ de bzhin gshegs pa'i dran pa ni ji ltar yang nyams pa med do// de ji ltar bdag ces bya ba rgyas par 'byung ste/ 'di sangs rgyas kyi chos ma 'dres pa ni dgu pa'o// rigs kyi bu gzhan yang de bzhin gshegs pa'i ting nge 'dzin nyams pa med do// de bzhin gshegs pa'i ting nge 'dzin gang yin pa de ni chos thams cad mnyam pa nyid dang mi mnyam pa ma yin pa dang ji lta ba bzhin no// ci'i phyir de bzhin gshegs pa'i ting nge 'dzin nyams par mi 'gyur zhe na/ de bzhin nyidag dang mnyam pa rnyed ngapa ting nge 'dzin mnyam // ting de 'dzin gang dang mnyam pa de dang bzhin ga gags pa ma nyam sa/ de'i phyir mnyam par bzhag pa zhes bya'o zhes bya ba nas/ khams gas mA n+tha la yang mi gnas pa'i phyir nyams pa med de/ de'i phyir de bzhin gshegs pa'i ting nge 'dzin nyams pa med ces bya'o// de bzhin gshegs pa sems can thams cad kyang ting nge 'dzin thob par bya ba'i phyir zhes bya ba la sogs pa'i bar du 'byung ste/ 'di sangs rgyas kyi chos ma 'dres pa ni bcu pa'o// rigs kyi bu gzhan yang de bzhin gshegs pa'i shes rab nyams pa med do// shes rab gang zhe na/ gang chos thams cad rab tu shes pa ste gzhan gyi dring mi 'jog pa'i shes pa'o// sems can gzhan dag dang / gang zag gzhan rnams la chos yang dag par ston pa'i shes pa'o// so so yang dag par rig pa la mkhas pas/
- 381b
tshig rab tu dbye ba shes pa'o// tshig gcig la 'jug pas bskal pa brgya stong du gnas shing ston pa shes pa'o// ji ltar dris pa bzhin du the tshom gcod pa'i shes pa'o// thams cad du chags pa med pa'i shes pa'o// theg pa gsum rnam par dgod pa bstan pa shes pa'o// sems can gyi sems kyi spyod pa brgyad khri bzhi stong yongs su shes pa'i shes pa'o// chos kyi phung po brgyad khri bzhi stong so so ci rigs par ston pa shes pa'o// 'di ni de bzhin gshegs pa'i shes rab mtha' yas pa thug pa med pa zag pa med pa tshad med pa bstan pa'o// ji ltar de bzhin gshegs pa la nyams pa med pa de ltar sems can thams cad kyang shes rab mi zad par bya ba'i phyir chos ston te/ 'di ni de bzhin gshegs pa'i de bzhin gshegs pa'i las nyi shu rtsa lnga pa'o// 'di sangs rgyas kyi chos ma 'dres pa ni bcu gcig pa'o// rigs kyi bu gzhan yang de bzhin gshegs pa'i rnam par grol ba nyams pa med do// de la rnam par grol ba ste/ nyan thos rnams kyi rnam par grol ba ni sgra'i rjes su 'gro ba'o// rangs sa kyis rabus kyi pa pang tshul ba chu pa'o// sangs rgya sa rnams kyinapa par thal bani chags pa dang 'dzin pa thams cad dung bral ba rnam par gros ba nas d+ha/ na yang ma bcings/ phyi ma'i mthar yang mi 'pho// da ltar byung ba la yang mi gnas so// mig dang gzugs la gnyis su 'dzin pa las rnam par grol ba'o// rna ba la sogs pa yid dang chos la gnyis su 'dzin pa las rnam par grol ba ste/ 'dzin par mngon par zhen pa'i gnas las rnam par grol ba'o// sems rang bzhin gyis 'od gsal ba de bzhin du shes pa ste/ de'i phyir sems kyi skad cig gcig dang ldan pa'i
- 382a
shes rab kyis bla na med pa yang dag par rdzogs pa'i byang chub mngon par rdzogs par sangs rgyas zhes bya'o// zhes bya ba nas chos ston to zhes bya ba'i bar du 'byung ste/ 'di sangs rgyas kyi chos ma 'dres pa ni bcu gnyis pa'o// rigs kyi bu gzhan yang lus kyi las thams cad ye shes sngon du 'gro zhing ye shes kyi rjes su 'brang ngo // de bzhin gshegs pa'i lus kyi las de dang ldan pas lta bas kyang sems can rnams 'dul/ smra ba dang cang mi smra ba dang za ba dang spyod lam dang mtshan dag gis kyang sems can rnams 'dul zhes rgyas par 'byung zhing sangs rgyas bcom ldan 'das rnams kyi spyod lam gang sems can 'dul bar mi 'gyur ba de gang yang med do zhes bya ba rgyas par 'byung ste/ 'di sangs rgyas kyi chos ma 'dres pa ni bcu gsum pa'o// rigs kyi bu gzhan yang de bzhin gshegs pa'i ngag gi las thams cad ye shes kyi sngon du 'gro zhing ye shes kyi rjes su 'brang ba'o// de ci'i phyir zhe na/ de bzhin gshegs pa ni 'bras bu med pa'i chos ston pa'o// chad par lung ston pa'o// shin tu nges pa'i tshig smraba'o// de bzhin gshegs pa'i ngag de yang kun shes par byed pa'o// rnam par shes par bya'o// mi mtho ba'o// mi dma' ba'o// mi g.yo ba'o// lngab ljib can ma yin pa'o zhes bya ba la sogs pa nas nam mkha' tshad kyi rjes su 'gro ba'o// rnam pa'i mchog thams cad dang ldan pa'o zhes bya ba'i bar yan lag drug cu dang ldan par brjod par bya zhing / rigs kyi bu de bzhin gshegs pa'i ngag ni de lta bu ste/ de'i phyir zhes bya ba la sogs pa 'byung ste/ 'di sangs rgyas kyi chos ma 'dres pa ni bcu bzhi pa'o// gzhan yang de bzhin gshegs pa'i yid kyi las thams cad ye shes sngon du 'gro zhing ye shes kyi rjes su 'brang ba'o//
- 382b
deci'i phyir zhe na/ de bzhin gshegs pa ni sems kyi brjod par bya ba ma yin/ yid kyi ma yin/ rnam par shes pas ma yin gyi/ ye shes kyi rab tu phye ba ste/ ye shes kyi bdag por gyur pa'o// de bzhin gshegs pa'i ye shes de ni sems can thams cad kyi sems kyi rjes su song ba'o zhes bya ba nas chos thams cad la nges par bsam pa'o// lam gyi yan lag shin tu bsgom pa'o// ting nge 'dzin thams cad la gzhan gyi dring mi 'jog pa'o// dmigs pa las shin tu 'das pa'o// rkyen las skye ba dang bral ba'o// srid pa gsum bsal ba'o// bdud kyi las thams cad las rnam par grol ba'o zhes bya ba'i bar dang // chos kyi dbyings dang dbyer med pa ste de bzhin gshegs pa'i yid kyi las ye shes sngon du 'gro ba ni de lta bu'o// 'di ni de bzhin gshegs pa'i de bzhin gshegs pa'i las nyi shu rtsa dgu pa'o zhes bya ba'i bar du 'byung ste/ 'di sangs rgyas kyi chos ma 'dres pa ni bcwo lnga pa'o// gzhan yang 'das pa'i dus la ye shes mthong ba chags pa med cing thogs pa med par 'jug go/ 'das pa'i dus kyi sangs rgyas kyi zhing byung bdang zhig pa ji snyed pa de dag thams cad bgrang ba'i tshul gyi rab tu shes so// de dag na rtsa dang shing gel pa dang / sman dang nags tshal du gyur pa de dag thams cad kyang rab tu shes so// de dag na sems can gyi tshogs sems can du btags par gyur pa ji snyed pa dang / sangs rgyas 'byung ba ji snyed pa dang / sangs rgyas re res chos bstan zhing brjod pa ji snyed pa dang / ji snyed cig nyan thos kyi theg pa la btul ba dang / ji snyed cig theg pa chen po la btul ba de dag thams cad rab tu shes so// zhes bya ba rgyas par 'byung zhing sems kyi rgyud kyang rab tu shes so// sems gang gi 'og tu sems gang byung ba de thams cad kyang bgrang ba'i tshul gyis
- 383a
rab tu shes te/ de yang mngon sum gyis shes pa dang rjes su 'gro ba'i shes pas so// de yang de bzhin gshegs pa'i sems kyi rgyud 'das pa btang ba rnams kyang dmigs so// de bzhin gshegs pa ni ye shes de lta bu dang ldan pas sems can rnams la khyad par chos ston to// zhes bya ba la sogs pa 'byung ste/ 'di sangs rgyas kyi chos ma 'dres pa ni bcu drug pa'o// rigs kyi bu gzhan yang ma 'ongs pa'i dus la de bzhin gshegs pa'i ye shes mthong ba chags pa med cing thogs pa med par 'jug go// sems can dam chos sam zhing gang dag cig ma 'ongs pa na 'byung bar 'gyur ba 'am 'jig par 'gyur ba de dag thams cad de bzhin gshegs pas rab tu shes so zhes bya ba rgyas par 'byung zhing / ma 'ongs pa'i sems kyi rgyud bskal par 'gyur ba ma yin par ma 'ongs pa la lta bas sems can rnams la chos ston to// 'di sangs rgyas kyi chos ma 'dres pa ni bcu bdun pa'o// rigs kyi bu gzhan yang da ltar byung ba'i dus la de bzhin gshegs pa'i ye shes mthong ba chags pa med cing thogs pa med par 'jug go// debazhin gshegs pas phyogs bcu dag na da ltar byung ba'i sangs rgyas kyi zhing thams cad bgrang ba'i tshul gyi rab tu shes so// da ltar byung ba'i sangs rgyas thams cad rab tu shes so// de bzhin du byang chub sems dpa' thams cad dang / nyan thos dang rang sangs rgyas thams cad nas dngos po thams cad dang / sa yi khams rdul phra rab kyi rdul gyi char brlag pa thams cad kyi bar du bgrang ba'i tshul gyi rab tu shes so// de bzhin du chu'i khams skra'i rtse mos blang ba bgrang ba'i tshul dang / me'i khams kyi skye ba dang 'gags pa bgrang ba'i tshul dang / rlung gi khams thams cad gzugs su gyur pa la bab pa'i tshul dang / nam mkha'i
- 383b
khams thams cad sra yi rtse mos rgyas par dgag pa'i bar gyi rab tu shes so// de bzhin du sems can dmyal ba la sogs pa'i 'gro bar skye ba'i khams dang / de bzhin du da ltar byung ba'i lha'i sems can gyi khams kyang rab tu shes so zhes rgya cher sbyar bar bya zhing / de bzhin gshegs pa la ni gnyis kyi rjes su 'brang ba'i rnam par shes pa med cing gnyis su med pa la bzung ba'i phyir sems can rnams la chos kyang ston to// 'di ni de bzhin gshegs pa'i de bzhin gshegs pa'i las sum cu rtsa gnyis pa'o zhes bya ba 'byung ste/ 'di sangs rgyas kyi chos ma 'dres pa ni bco brgyad pa'o// rnam kun mkhyen nyid ye shes ni// mngon sum mtshan nyid can du 'dod// gzhan ni nyi tshe ba nyid kyis// mngon sum zhes byar mi 'dod do// gang zhig 'dus byas mtshan nyid dang // 'dus ma byas pa'i mtshan nyid gang // de de kho nas stong pa nyid// de ni rang mtshan stong pa nyid// rang gi mtshan nyid stong pa nyid bshad zin to// da ltar ba 'di mi gnas shing // 'das dang ma 'ongs yod ma yin// gang du de dag mi dmigs pa// de la mi dmigs pa zhes brjod// mi dmigs pa de rang ngo ba// de yis dben pa nyid gang de// ther zug gnas min 'jig min pas// mi dmigs zhes bya'i stong nyid do// 'das dang ma 'ongs pa nyid zhig pa dang ma skyes pa'i phyir la/ da ltar ba mi gnas pa'i phyir dus gsum char yang med do// de la mi dmigs pa zhes bya ba ni gang du dus gsum mi dmigs pa'o// ji skad du/ de la ther zug tu gnas pa ma yin pa dang / 'jig pa ma yin pa nyid kyi phyir mi dmigs pa ni mi dmigs pas stong ngo // de ci'i phyir zhe na/ de'i rang bzhin de yin pa'i phyir te/ 'di ni mi dmigs pa stong pa nyid ces bya'o zhes gsungs so// rkyen las byung phyir dngos rnams la// 'dus pa pa yi ngo bo med// 'dus pa pa ni de nyid kyis// stong nyid dngos med stong nyid do//
- 384a
'dus pa pa ni 'dus pa las byung ba'o// rgyu dang rkyen las byung ba'i phyir na 'dus pa pa ma yin no// ngo bo nyid ni dngos po med pa nyid yin la/ de'i stong pa nyid ni dngos po med pa'i ngo bo nyid stong pa nyid do// stong pa nyid bcu drug po de dag spros pa dang bcas par bshad do// gang gzhan bzhi po de dag brjod par bya ste/ dngos po'i sgras ni mdor bsdus na/ phung po lnga rnams brjod pa yin// de rnams de yis stong nyid gang // de dngos stong pa nyid du bshad// dngos po zhes bya ba ni phung po lnga'o// dngos po ni dngos pos stong zhes bya ba ni gong ma bzhin te 'di ni dngos po stong pa nyid ces bya'o// mdor bsdus na ni dngos med pa// 'dus/ ma byas chos rnams la brjod// de ni dngos med des stong nyid// dngos po med pa stong pa nyid do// dngos po med pa zhes bya ba ni 'dus ma byas kyi chos rnams te nam mkha' dang mya ngan las 'das pa la sogs pa dag go/ de la dngos po med pa ni dngos po med pas stong ste/ 'di ni dngos po med pa stong pa nyid ces bya'o// rang bzhin ngo bo nyid med ni// rang bzhin zhes bya'i stong nyid do// 'di ltar rang bzhin ma byas pas// rang bzhin zhes ni bya bar bsnyad// rang bzhin zhes bya ba ni rang bzhin la bya ste/ nyan thos la sogs pa rnams kyi ma byas pa'i phyir ro// rang bzhin ni rang bzhin gyi stong ste/ 'di ni rang bzhin stong pa nyid ces bya'o// sangs rgyas rnams ni byung ba 'am// mabyung yang rung dngos su na// dngos po kun gyi stong pa nyid// gzhan gyi dngos por rab tu bsgrags// yang dag mtha' dang de bzhin nyid// de gzhan dngos po'i stong nyid do// gzhan gyi dngos po ni mchog tu byung ba'i de kho na nyid do// de'i mchog tu byung ba nyid ni rtag tu yod pa nyid do// rnam pa gcig tun gzhan gyi dngos po ni ye shes phul du byung bas rtog par bya ba'i dngos po ste/ de ni de nyid kyis stong ngo // yang na pha rol na yod pa ni gzhan gyi dngos po'o//
- 384b
'khor ba las 'das pa'i phyir gzhan gyi dngos po zhes bya ba ni yang dag pa'i mtha' ste/ rnam par 'gyur ba med pas don de bzhin nyid stong pa nyid kyi mtshan nyid can gyi stong pa nyid ni gzhan gyi dngos po stong pa nyid do// shes rab pha rol phyin tshul las// de dag de skad rab tu bsgrags// da ni shes rab kyi pha rol tu phyin pa la lhag par mos pa'i byang chub sems dpa' rnams kyi thun mong ma yin pa'i yon tan phul du byung ba brjod pa'i sgo nas shes rab kyi skabs yongs su rdzogs par bya ba'i phyir bshad pa// de ltar blo gros zer gyi snang ba gsal byas pa// rang gi lag na gnas pa'i skyu ru ra bzhin du// srid gsum 'di dag ma lus gdod nas skye med par// rtog de/ tha snyad bden pa'i stobs kyis 'gog par 'gro// de de ltar gyi sgra ni ji skad bshad pa'i rnam par dpyad pa nye bar bstan pa'i don du'o// ji skad bshad pa'i rnam par dpyad pa las byung ba'i blo gros kyi 'od zer gyi de kho na nyid mthong bal bgegs byed pa'i mun pa 'joms pa'i snang ba gsal bar byas pa gang yin gang la yod pa'i byang chub sems dpa' de la de skad ces bya'o// de ni kun rdzob kyi bden pa'i stobs kyis 'gog pa la snyoms par 'jug par 'gyur ro// 'gog pa'i ngo bos 'gro ba yongs su skyob pa'i bsam pa yongs su 'dor ba yang ma yin no zhes bshad pa/ rtag tu 'gog par rtog pa'i bsam gtan yin mod kyis// 'gro ba mgon med pa la snying rje'ang skyed par byed// 'di'i sbyor ba ni 'khor bar rtog pa yin// lhag pa'i bsam pa ni mya ngan las 'das par rtog pa yin pas 'gro ba mgon med pa la 'di'i snying rje ches shin tu rnam par 'phel bar 'gyur ro// de gong bde gshegasags rgyams mams ches can// ma parnamamathams sam pa cad pa ban// mngasanyas pa mnas pa das sa ma zung shes mas thang mas// dgas
- 385a
bde bar gshegs pa'i gsung las skyes pa rnams te nyan thos rnams so zhes bya ba'i don to// de dag thams cad kyang byang chub sems dpa'i sa drug pa de yi gong rol bdun pa la sogs par shes rab kyi pham par byed do// kun rdzob de nyid gshog yangs dkar po rgyas gyur pa// ngang pa'i rgyal po de ni skye bo'i ngang pa yis// mdun du bdar nas dge ba'i rlung gis shugs stobs kyis// rgyal ba'i yon tan rgya mtsho'i pha rol mchog tu 'gro// de'i kun rdzob kyi yon tan rnams kyang ches lhag par rab tu 'bar bar 'gyur ro// gang gi na 'di skye bo'i ngang pa phul du byung ba skyed pa rnams dang lhan cig rgyal ba'i yon tan gyi rgya mtsho chen po'i pha rol tu 'gro bar 'gyur ba bden pa gnyis po de ni 'di'i gshog pa yangs pa gnyis yin no// sems bskyed pa drug pa bshad zin to// dbu ma la 'jug pa'i bshad pa las sems bskyed pa drug pa'o// // da ni sems bskyed pa bdun pa'i dbang du byas nas bshad pa/ ring du song ba'i 'dir ni skad cig dang / skad cig la ni 'gog par 'jug 'gyur zhing // thabs kyi pha rol phyin legs 'bar ba thob// 'gog pa la snyoms par 'jug pa ni yang dag pa'i snas sa/ @gyur/ na pa sa nas gan pa la bya dpa' skad cig dang skad cig la snyoms par 'jug par 'gyur te/ ji skad du/ kye rgyal ba'i sras dag byang chub sems dpa'i sa drug pa yan chad byang chub sems dpa' 'gog pa la snyoms par 'jug ste/ byang chub sems dpa'i sa bdun pa 'di la gnas pa'i byang chub sems dpa' ni sems kyi skad cig dang sems kyi skad cig la yang 'gog pa la snyoms par 'jug cing ldang ste/ 'gog pa mngon sum du byas te ni mi bya'o zhes rgyas
- 385b
par gsungs so// 'di thabs la mkhas pa'i pha rol tu phyin pa ches yongs su dag par yang 'gyur ro// shes rab nyid rnam par khyad pa can du zhugs pa la thabs dang smon lam dang stobs dang ye shes zhes shes bya ste/ rab tu rnam par 'byed pa'i gnas skabs kho nar shes rab kyi pha rol tu phyin pa zhes brjod kyi gzhan du ni ma yin no// dbu ma la 'jug pa'i bshad pa las sems bskyed pa bdun pa'o// // da ni sems bskyed pa brgyad pa'i dbang du byas nas bshad pa/ yang yang sngar dge las lhag thob bya'i phyir// gang du phyir mi ldog pa nyid 'gyur ba// mi g.yo de la bdag nyid che de 'jug/ byang chub sems dpa' de ni yang dang yang du sngar gyi dge ba las lhag pa thob par bya ba'i mched du gang du de phyir mi ldog par 'gyur ba byang chub sems dpa'i sa brgyad pa mi g.yo ba la 'jug par 'gyur ro// de la yang nas yang du sngar gyi dge ba las lhag pa thob pa ni/ ji skad du// kye rgyal ba'i sras dag 'di lta ste dper na/ rgya mtsho chen por 'gro ba'i gra bo che ni rgya mtsho chen po la ma thug gi bar du ched du bskyed cing 'gro bar bya ba yin te/ gang gi tshe rgya mtsho chen po la phyin ma thag tu rlung gi dkyil 'khor gyis bskyod nas ched du bskyod mi dgos par 'gro ste/ des rgya mtsho chen po la nyin gcig gis ci chod pa de ni sngon ched du bskyod cing 'gro bas lo brgyar yang de srid du tshad med par phyin par mi nus so// kye rgyal ba'i sras dag de bzhin du/ byang chub sems dpa' dge ba'i rtsa ba'i tshogs shin tu bsags pa theg pa chen po yang dag par bsgrubs pa yang / byang chub sems dpa'i spyod pa'i rgya mtshor phyin nas lhun gyis grub pa'i ye shes kyi yud tsam cig la thams cad mkhyen pa'i ye shes ci tsam gnon pa de ni sngon gyi ched du bya ba'i las kyis bskal pa 'bum du yang de snyed du dpag tu med pa gnon par mi nus so zhes gsungs pa lta bu'o// 'di yi
- 386a
smon lam shin tu dag 'gyur zhing // rgyal ba rnams kyi 'gog las slong bar mdzad// 'dis sems dang po bskyed par gyur pa na// smon lam chen po bcu la sogs pa smon lam 'bum phrag grangs med pa phrag bcu gang dag mngon par btab pa de dag 'di la yongs su dag par 'gyur bas 'di smon lam gyi pha rol tu phyin pa ches lhag par 'gyur ro// byang chub sems dpa' rnams kyis mi g.yo ba 'di ni gzhon nu'i sar rnam par bzhag ste/ dgu par ni rgyal tshab thob la// bcu par ni 'khor los sgyur ba ltar rgyal ba rnams kyi dbang bskur ro// byang chub sems dpa' sa mi g.yo bar 'gog pa la snyoms par zhugs par gyur na/ sangs rgyas bcom ldan 'das rnams kyi 'gog pa las slong bar yang mdzad do// ji skad du/ kye rgyal ba'i sras dag de ltar byang chub sems dpa'i sa mi g.yo ba 'di la gnas pa'i byang chub sems dpa' sngon gyi smon lam gyi stobs bskyed pa dang / chos kyi sgo'i rgyun de la gnas pa de la sangs rgyas bcom ldan 'das rnams de bzhin gshegs pa'i ye shes nye bar sgrub par mdzad de/ de la 'di skad ces kyang bka' stsal to// rigs kyi bu legs so legs so// sangs rgyas kyi chos rjes su rtog par bya ba la 'di ni don dam pa'i bzod pa yang yin na// 'on kyang rigs kyi bu gang de stobs bcu dang mi 'jigs pa bzhi la sogs pa sangs rgyas kyi chos ma 'dres pa phun sum tshogs pa de khyod la med kyis/ sangs rgyas kyi chos phun sum tshogs pa de yongs su btsal ba'i phyir sbyor ba byos shig/ brtson 'grus rtsoms shig/ bzod pa'i sgo 'di nyid kyang ma 'dor zhig/ rigs kyi bu khyod kyi de ltar zhi ba'i rnam par thar pa la gnas pa thob kyang byis pa so so'i skye bo ma zhi ba rab tu ma zhi ba nyon mongs pa sna tshogs kun tu 'byung bar 'gyur ba rnam par
- 386b
rtog pa rnam pa sna tshogs kyi yid g.yen spyo ba 'di dag la soms shig/ gzhan yang rigs kyi bu sngon gyi smon lam dang zhes rgya cher 'byung ba nas/ gal te sangs rgyas bcom ldan 'das de dag gis byang chub sems dpa' de la thams cad mkhyen pa'i ye shes mngon par sgrub pa'i sgo rnams su gzhug pa ma mdzad du zin na/ de de nyid kyi tshe yongs su mya ngan las 'das par 'gyur te zhes bya ba la sogs pa'i bar du gsungs pa lta bu'o// gang gi phyir 'di de ltar 'gog pa las slong ba nyid kyi phyir 'di'i/ chags pa med pa'i blo ni skyon rnams dag dang lhan cig mi gnas phyir// sa brgyad pa la dri ma de dag rtsa bcas nye bar zhi 'gyur zhing // nyon mongs zad cing khams gsum bla mar gyur kyang sangs rgyas rnams kyi ni// 'byor pa mkha' ltar mtha' bral ma lus thob par nus ma yin// rnam par mi rtog pa'i ye shes kyi nyi ma shar bas mun pa ltar nyon mongs pa sngar byung ba 'khor bar skye ba'i rgyur gyur pa khams gsum na spyod pa gang yin pa de dag thams cad kyang rtsa ba dang bcas par zhi ba kho nar gyur la/ de spangs pas khams gsum gyi bla ma nyid du gyur du zin kyang byang chub sems dpa' 'dis gnas skabs der sangs rgyas bcom ldan 'das rnams kyi 'byor pa thob par mi nus te/ de thob par bya ba'i mying 'dis bsgom par bya dgas so// dede nyid kyi tshi yongs su mya ngan las 'das par 'gyur te zhes 'byung ba'i phyir// 'di khams gsum las 'dod chags dang bral ba nyid srid pa yin te/ 'dod chags dang ma bral ba la mya ngan las 'das pa thob pa srid pa med pa'i phyir ro// gal te 'dis der khams gsum las 'dod chags bral bar gyur na/ de'i tshe 'khor ba 'gags pas ji ltar 'di yis sangs rgyas kyi chos ma lus pa yongs su rdzogs par 'gyur zhe na/ bshad pa/ 'khor ba 'gag kyang dbang rnams bcu po thob par
- 387a
gyur zhing de dag gis// srid pa'i 'gro bar rang gi bdag nyid sna tshogs ston par byed par 'gyur// 'di'i 'khor ba ni 'gag mod kyi de lta na yang 'di la dbang bcu po dag nye bar skye la/ de dag gis 'di yid kyi rang bzhin gyi lus kyi sgo nas bdag nyid kyi dngos po sna tshogs pa ston par byed do// de'i phyir 'di'i tshogs ma lus par yongs su rdzogs par mi 'gal lo// de la dbang bcu ni/ ji skad du/ bskal pa brjod du med pa'i yang brjod du med par tshe tshad byin gyis rlob pas tshe la dbang ba 'thob bo// ting nge 'dzin nges par sems dpag tu med pa'i ye shes kyi 'jug pas sems la dbang ba 'thob bo// 'jig rten gyi khams thams cad rgyan bkod pa thams cad du mas rab tu brgyan pa'i byin gyis brlabs kun tu ston pas yo byad la dbang ba thob po// las kyi rnam par smin pa byin gyis brlabs kyi dus ji lta ba bzhin du ston pas las la dbang ba 'thob bo// 'jig rten gyi khams thams cad du skye ba kun tu ston pas skye ba la dbang ba 'thob po// sangs rgyas kyi zhing dang dus gang ci dga' bar mngon par rdzogs par byang chub par kun tu ston pas smon lam la dbang 'thob bo// 'jig rten gyi khams thams cad sangs rgyas kyi rab tu gang bar kun tu ston pas mos pa la dbang ba 'thob bo// sangs rgyas kyi zhing thams cad du rdzu 'phrul gyi rnam par 'phral pa kun tu ston pasardza 'phrul la dbang ba 'thob po// de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan dang dpe byad bzang po dang / mngon par rdzogs par byang chub pa kun tu ston pas ye shes la dbang ba 'thob po// mtha' dang dbus med pa'i chos kyi sgo snang ba kun tu ston pas chos la dbang ba 'thob bo// zhes rgyas par gsungs pa lta bu'o// sems bskyed pa brgyad pa bshad zin to//
- 387b
dbu ma la 'jug pa'i bshad pa las sems bskyed pa brgyad pa'o// // da ni sems bskyed pa dgu pa'i dbang du byas nas bshad pa/ dgu pa la ni de'i stobs lta zhig mtha' dag rdzogs par dag 'gyur zhing / de bzhin gshegs pa rang gi yon tan yongs su dag pa'ang 'thob/ byang chub sems dpa'i sa dgu par ni byang chub sems dpa'i stobs kyi pha rol tu phyin pa ches yongs su dag par 'gyur zhing so so yang dag par rig pa rang gi yon tan yongs su dag pa bzhi yang 'thob ste/ chos so so yang dag par rig pa dang / don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// de la chos so so yang dag par rig pas ni chos thams cad kyi rang gi mtshan nyid rab tu shes so// don so so yang dag par rig pas ni chos thams cad kyi rnam par dbye ba rab tu shes so// nges pa'i tshig so so yang dag par rig pas ni chos rnams ma 'dres par ston par rab tu shes so// spobs pa so so yang dag par rig pas ni chos rnams kyi mthun pa'i rgyu rgyun chad pa med pa bcu pa'i sa la de yis kun nas sangs rgyas rnams las dbang bskur ba// dam pa thob cing ye shes lhag par mchog tu 'byung bar 'gyur ba'ang yin// char sprin rnams las chu char 'bab pa ji ltar de bzhin 'gro rnams kyi// dge ba'i lo thog ched du rgyal sras las kyang lhun grub chos char 'bab// byang chub sems dpa'i sa bcu pa la gnas pa'i byang chub sems dpa' la ni sangs rgyas bcom ldan 'das rnams kyis
- 388a
dbang bskur te/ ji skad du/ de la ting nge 'dzin grangs med pa 'bum phrag bcu ji snyed pa'i tha ma la byang chub sems dpa'i ting nge 'dzin thams cad mkhyen pa'i ye shes dang khyad par med par dbang bskur ba dang ldan pa zhes bya ba mngon du 'gyur te/ mngon du gyur ma thag tu stong gsum 'bum phrag bcu'i gtos dang mnyam pa'i rin po che chen po'i pad+ma rin po che rnam pa thams cad kyi mchog dang ldan pas spras pa zhes bya ba nas rgyas par stong gsum 'bum phrag bcur tshang ba'i rdul phra rab kyi rdul snyed kyi pad+ma'i 'khor dang ldan pa 'byung bar 'gyur te/ byang chub sems dpa' de'i lus kyang de dang 'tsham zhing de'i rkyen du 'bab par gnas so// de'i ting nge 'dzin de thob ma thag tu pad+ma de la 'dug par kun tu snang ngo // de de la 'dug pa dang sangs rgyas bcom ldan 'das sangs rgyas kyi zhing kun nas gzhan 'jom pa rnams mdzod spu nas 'od zer dag phyung nas byang chub sems dpa' de la dbang bskur bar mdzad do zhes bya ba'i bar du gsungs pa lta bu'o// 'di'i ye shes kyi pha rol tu phyin pa ches yongs su dag par yang 'gyur la// sprin chen po ltar 'jig rten sa naman par sbrel ba'i gyur/ snyun gyi thub par dam pa chos kyi yang ma pa sas/ sapas bskyed pa brgyab ba shad pan to/ dbum pa 'dug pa ma thams sems pa bcu pa'o// / da ni sems bskyed pa dang po nas brtsams te de dag gi yon tan gyi grangs thob pa'i dbang du byas nas bshad pa/ de tshe 'dis ni sangs rgyas brgya mthong zhing // de dag byin gyis brlabs kyang 'di yis rtogs// de nyid tshen bskal pa brgyar gnas shing // sngon dang phyi ma'i mthar yang yang dag 'jug/ blo ldan ting 'dzin brgya phrag snyoms par 'jug cing gtong byed de// 'jig rten khams brgya 'di yis
- 388b
kun nas g.yo zhing snang bar nus// de bzhin rdzu 'phrul gyi de sems can brgya phrag smin byed cing // brgya phrag grangs dang rjes 'brel zhing dag tu yang 'gro bar 'gyur// de ni chos kyi sgo rnams yang dag 'byed byed thub dbang sras// rang gi lus la lus rnams kun nas ston par byed pa'ang yin// rang gi 'khor dang bcas pas mdzes 'byor lus ni re re zhing // rgyal ba'i sras po brgya phrag dag dang rjes su 'brel ba'ang ston// ji skad du rab tu byung nas kyang skad cig thang cig yud tsam cig la ting nge 'dzin brgya rab tu 'thob cing de dag la snyoms par 'jug pa yang 'jug pa dang / sangs rgyas brgya mthong ba dang / de dag gi byin gyis brlabs kyang yang dag par shes pa dang / 'jig rten gyi khams brgya g.yo bar byed pa dang / zhing brgyar yang 'gro ba dang / 'jig rten gyi khams brgya snang bar byed pa dang / sems can brgya yongs su smin par byed pa dang / bskal pa brgyar gnas par byed pa dang / bskal pa brgyal sngon dang phyi ma'i mthar thug pa dang / chos kyi sgo brgya rnam par 'byed pa dang / lus brgya kun tu ston pa dang / lus re re yang 'khor byang chub sems dpa' brgya brgya dang ldan par kun tu ston pa'o zhes gsungs pa lta bu'o// blo ldan rab tu dga' bar gnas pas yon tan de dag ni// thob par gyur nas de bzhin kho nar dri ma med gnas pas// de dag stong ni yang dag 'thob 'gyur te// sems dang po bskyed pa'i byang chub sems dpa' 'das yon tan grangs brgya dang rjes su 'brel pa gang thob pa de dag kho na sems gnyis pa bskyed pa'i byang chub sems dpas stong 'thob par zung nas nar bzang bar byeg/ sem dag nyid mams bskyed pa gsum pa la migs pas thapag/ 'ad ga pas la byang chubasapas dpa mapani tham than dang/
- 389a
'thob cing de yis bye ba stong 'gyur 'thob// de nas bye ba brgya phrag stong 'gyur yang 'thob bye ba phrag/ khrag khrig phrag brgya rdzogs par bsgyur dang slar yang stong phrag tu// yang dag par ni bsgyur ba mtha' dag rab tu 'thob par 'gyur// de la sems gsum pa bskyed pa'i byang chub sems dpas ni dza skad bshad pa'i yon tan rnams 'bum 'thob po// sems bzhi pa bskyed pa'i byang chub sems dpas ni bye ba phrag brgya 'thob bo// sems lnga pa bskyed pa'i byang chub sems dpas ni bye ba phrag stong 'thob po// sems drug pa bskyed pa'i byang chub sems dpas ni bye ba 'bum 'thob bo// sems bdun pa bskyed pa'i byang chub sems dpas ni yon tan de dag nyid bye ba khrag khrig phrag 'thob par shes par bya'o// de yan chad ni yon tan ngag la grangs kyis yongs su bgrang bar mi srid pas/ rdul phra rab rnams kyis yongs su bgrang bar bshad pa/ migayo'i sar gnas rnams rtog med pa des/ stong gsum brgya phrag stong sdoms 'jig rten na// rdul tshad ji snyed yod pa de rnams dang // grangs mnyam yon tan dag ni 'thob par 'gyur// byang chub sems dpa' sems bskyed pas ni ji skad du bstan pa'i yon tan dag stong gsum gyi 'jig rten gyi khams 'bum gyi rdul phra rab kyi rdul snyed 'thob bo// legs pa'i blo gros sal gnas pa'i// byang chub sems des sngar bstan yon tan dag/ grangs med brgya phrag stong du yang dag par// bsdoms pa phrag bcu'i rdul tshad thob par 'gyur// sems dgu pa bskyed pa'i byang chub sems dpas ni sngar bstan pa'i yon tan dag stong gsum gyi 'jig rten gyi khams grangs med pa 'bum phrag bcu'i rdul dang mnyam pa 'thob bo// re zhig bcu pa 'dir de'i yon tan dag/ ngag gi spyod yul las ches
- 389b
'das gyur zhing // ngag gi spyod yul ma yin pa sdoms rnams na// rdul dag ji snyed yod pa de snyed 'gyur// byang chub sems dpa' sems bcu pa bskyed pas ni yon tan ji skad du bstan pa dag sangs rgyas kyi zhing brjod du med pa'i yang brjod du med pa'i rdul phra rab kyi rdul snyed 'thob par 'gyur ro// re zhig bcu po 'dir de'i zhes bya ba'i re zhig sgra 'dis ni de tsam kho nar zad pa ni ma yin no zhes yon tan brjod par bya ba la go rim ston par byed do// gzhan yang byang chub sems dpa' 'dis ni/ ba spu'i khung bur byang chub sems dpa' dang / lhan cig rdzogs sangs rgyas sku bgrang 'das dang // de bzhin lha dang lha min mi dag kyang // / skad cig skad cig la ni ston par nus// byang chub sems dpa' sems bcu pa bskyed pa 'dis ni rtog pa kun nas rgyu ba med par rang gi lus kyi ba spu'i bu ga re res sangs rgyas bcom ldan 'das bgrang ba las 'das pa re re zhing byang chub sems dpa' gzhal gyis mi lang ba'i 'khor mnga' bdag skad cig skad cig la rnam pa gzhan dang gzhan du'ang ston par nus la/ de dag las gzhan 'gro ba lnga'i 'khor ba mi la sogs pa'i dbye bas tha dad pa yang ma 'dres par ba spu'i khung bu re rer skad cig re re la ston par nus so// kyang gi sgra ni ma smos pa pa bsdu ba'i don du ste/ brgya byin dang / tshangs pa dang / 'jig rten skyong ba dang / mi'i rgyal po dang / nyan thos dang / rang sangs rgyas dang / de bzhin gshegs pas gdul ba'i sems can rnams la brgya byin la sogs pa'i gzugs bzung nas lhun gyis grub par chos ston par nus so zhes bya ba la sogs pa'i bar gyi don sdud pa'o// yon tan gyi khyad par rnams rgyas par ni mdo nyid las gsal bar bya'o// byang chub sems dpa'i sa'i yon tan bstan pa bshad zin to// de'i 'og tu sangs rgyas kyi sa'i yon tan cung zad tsam zhig/
- 390a
brjod par 'dod pas bstod pa sgrub pa'i sgo nas sangs rgyas bcom ldan 'das kyi dbang du byas te bshad pa/ gang phyir nam mkha' dri ma med pa zla snang gsal bar 'gyur ba'i phyir// sngon tshe stobs bcu bskyed pa'i sal khyod kyis slar yang 'bang gyur zhing // 'og min du ni gang gi don du 'bad gyur go 'phang mchog zhi ba// yon tan mtha' dag mthar thug mtshungs pa med de khyod kyis brnyes// dper na zla bas nam mkha' dri ma med pa kho na la 'gro ba ma lus pa gsal bar nus pa de bzhin du/ bcom ldan 'das sangs rgyas kyi chos rnams thob pa la gegs byed pa'i mun pa stong ba nyid du mdzad pa/ thugs bskyed pa bcupa brnyes pas rangab nyid sangs rgyas kyi chos brnyes nus par mkhyen nas dus phyis sangs rgyas kyi sa la 'bad pa brtsams par gyur la/ gang gi don du 'bad pa 'di brtsams pa bla na med pa ye shes de yang bcom ldan 'das gyi 'og min gyi gnas kho nar brnyes par gyur to// de ni yon tan mtha' dag gi mthar thug pa ste yon tan mtha' dag 'dir mthar thug cing yul du byung ba'i phyir ro// de ni mtshungs pa med pa yang yin te/ de dang 'dra ba med pa'i phyir dang gong na med pa'i phyir ro// der mngon par rdzogs par sangs rgyas pa na bcom ldan 'das kyis skad cig skad cig kho na la thams cad mkhyen pa ye shes brnyes so zhes bya ba 'di bstan pa'i phyir bshad pa/ ji ltar stod dbye bas mkha' la dbye ba med de ltar// dngos byas dbye ba 'ga' yang de nyid la med de'i phyir// ro mnyam nyid du yang dgazugs su chud par mdzad gyur nas// mkhyen bzang khyod kyis skad [।] rgyas pa rgya ga pa lam 'a ya pas ma sa
- 390b
la sogs pa'i dngos po tha dad kyang der rtog pa'i de kho na nyid skye ba med pa'i mtshan nyid can la tha dad pa med pas de kho na nyid ni ro gcig kho nar shes par bya'o// de yang mkhyen pa'i skad cig gcig kho nas thugs su chud pas bcom ldan 'das kyis mkhyen pa'i skad cig gcig kho nar thams cad mkhyen pa'i ye shes brnyes so// der smras pa/ gang tshe zhi ba de nyid yin na de la blo gros 'jug mi 'gyur// blo ma zhugs par shes bya'i yul can nges par rig pa'ang ma yin la// kun nas shes pa med pa ni shes par ji ltar 'gyur te 'gal bar 'gyur// mkhyen po med par khyed kyis gzhan la 'di lta'o zhes su zhig ston// skye ba med pa ni gzugs la sogs pa rnams kyi de kho na nyid do zhes rnam par 'jog cing de yang shes pa yin no zhes 'jog na/ gang gi tshe zhi ba de kho na nyid yin no zhes rnam par bzhag pa de nyid kyi tshe de la rnam pa thams cad du blo med 'jug par khas blang dgos te/ 'di ltar de kho na nyid skye ba med pa'i rang bzhin can la blo 'jug pa na ci'i rnam pa can zhig tu 'byung bar 'gyur te/ de'i phyir rnam pa med pas de kho na nyid la blo mi 'jug pa nyid do// blo mi 'jug na ni/ 'o na shes bya'i yul can gyi nges pa yang mi dmigs pas de'i phyir 'di yongs su shes par 'gyur bar ji ltar 'os// yongs su shes pa med pa nyid de kho na nyid yongs su shes pa'o// zhes bya bar yang mi rigs so// ci'i phyir zhe na/ smras pa/ kun nas shes med pa ni shes par ji ltar 'gyur te 'gal bar 'gyur/ kun nas mi shes pa nyid shes pa yin no zhes bya ba 'di ni phan tshun 'gal ba zhig ste/ gal te kun nas mi shes pa yin na ji ltar shes pa yin/ sems skye ba med na yang mkhyen pa po med par 'di lta bu'i mtshan nyid can gyi de kho na nyid ngas thugs su chud do zhes khyed cag gi gzhan dag la su zhig gis rtog par
- 391a
byed/ de'i phyir 'di mi rigs so// 'di la brjod par bya ste/ gang che skye med de nyid yin zhing blo yang skye ba dang bral ba// de tshe de rnams rten las de yis de nyid rtog pa lta bu ste// ji ltar sem ni gang gi rnam pa can du 'gyur ba de yis yul// de yongs shes pa de bzhin tha sdang nye bar chen nas rig pa yin// 'di na de'i rnam pa'i rjes su byed pa nyid 'dzin pa na rnam par shes pas yul reg go zhes brjod dper na rnam par shes pa sngon po'i rnam pa bsrel ba nye bar bye ba na sngon po shes so zhes brjod pa de bzhin du/ shes pa de kho na nyid kyi rnam pa'i rjes su byed pa skye ba na de kho na nyid shes so zhes nye bar gdags sa/ shes pa de'i rnam pa'i rjes su byed pa nyid bstan pa'i phyir/ gang tshe sde med de nyid yin zhing blo yang skye ba dang bral ba// de tshe de rnam rten las de yis de nyid rtog pa lta bu ste// zhes bya ba smos te/ de'i rnam pa rten pa'i sgo nas rnam par bzhag go/ ji ltar sems ni gang gi rnam pa zhes bya ba la sogs pas ni rab tu grags par gyur pa'i dpe smos te de yang rnam par bshad zin to// de'i phyir rtag pa las de kho na nyid rtogs so zhes rnam par bzhag gi// dngos su na dga' zhig 'ga' zhig gi shes pa ni ma yin te/ shes pa dang shes byag cig yang ma skyes pa nyid kyi phyir ro// gang yang mkhyen po med kyi gzhan la 'di la bu'o zhes su zhig ston zhes smras pa de la yang brjod par bya ste/ shes pa 'di skye ba med pa kho na yod pa bden mod kyi 'jig rten na de nyid ston pa mi srid pa yang ma yin no// ji ltar zhe na/ brjod par bya ste/ de yi longs spyod rdzogs su bsod nams kyis// zin dang sprul pa mkha' gzhan las de'i mthus// sgra gang chos kyi de nyid ston 'byung ba// de las 'jig rten gyis kyang de nyid kyang de nyid rig/ de bzhin
- 391b
gshegs pa rnams ni gzugs kyi sku gang la bzhugs nas chos kyi dbyings mngon sum du mdzad pa'i sku bsod nams brgyas zin pa/ bsam gyi mi khyab cing sna tshogs pa'i sku mnga' ba de ni ngo bo de dang der byang chub sems dpa' rnams kyi chos kyi longs spyod kyi rgyud nyid du yongs su 'gyur ba yin te/ gang las da dung du yang 'jam dpal skye ba med cing 'gag pa med pa zhes bya ba 'di ni de bzhin gshegs pa'i tshig bla dgas zhes bya ba de lta bu la sogs pa gsung rab kyi tha snyad sna tshogs pa dag rtog par 'gyur ba/ bsod nams rgya las bskrun pa de las de bzhin gshegs pa'i byin gyi brlabs kyis sgra gang zhig 'byung ba de las 'jig rten rnams de lta bu'i chos nye bar ston pa'i snod du gyur pas de kho na nyid phyin ci ma log par nges par 'gyur ro// bsod nams kyi 'dus byas pa'i sku las 'byung ba lta ba zhog gi de'i byin gyi brlabs kyis sprul pa dag las kyi de kho na nyid gsal bar byed pa'i sgra gang zhig 'byung ba de las kyang 'jig rten gyi de kho na nyid nges par 'gyur ro// sprul pa dag las 'byung ba 'ba' zhig tu ma zad kyi gzhan yang de'i mthus sems dang sems las byung ba 'jug pa med du zin kyang / nam mkha' dang gzhan rtsa dang shing dang rtsig pa dang brag la sogs pa las de'i mthus sgra gang zhig byung ba las kyang 'jig rten gyi de zhidi rig pa yin no// yang ji ltar sems dang sems las byung ba med pa'i rang bzhin can rnam par rtog pa med pa ni bya ba mi srid kyang ji skad bshad pa'i bya ba 'byung ba'i rgyu nyid du 'gyur zhe na/ de bstan pa'i phyir phyi rol gyi dpe nye bar bkod pa/ ji ltar rdza mkhan stobs chen ldan pas 'dir// yun rings 'bad pas ches bskor 'khor lo ni// de rtsol da lta skyes pa med bzhin du'ang // 'khor zhing bum pa la sogs
- 392a
rgyur mthong ltar// de bzhind lta skyes rtsol med bzhin du// chos kyi bdag can su nyid la bzhugs de'i// 'jug pa skye bo'i dge dang smon lam gyi// khyad par gyis 'phangs las ches bsam mi khyab// de la gang gis rtog pa med par gyur du zin kyang gdul ba'i bya ba ji ltar 'tshams pa ltar 'jug pas sems can gyi khams mtha' yas pa'i don byed par 'gyur ba// ji ltar sangs rgyas bcom ldan 'das 'di dag da ltar de ltar rnam par rtog pa mi mnga' zhing / yid bzhin gyi nor bu dang dpag bsam gyi shing dang 'dra bar ji ltar 'tsham par sems can gyi don sgrub pa lhur mdzad cing chos kyi dbyings las skad cig kyang mi bskyod la/ sems can 'dul ba'i dus las kyang mi 'da' ba de bzhin du bdag kyang gyur cig ces byang chub sems dpas sngar smon lam gang btab pa'i smon lam de'i shugs dang / gdul ba rnams kyi rnam pa de lta bu'i tshes nyan par 'gyur ba'i las yongs su smin pa las bya ba'i phyir de 'dra ba dag mngon pa yin no// de ltar na da ltar skyes pa'i 'bad rtsol med par de kho na nyid nye bar ston pa dang / sems can gyi don bya ba yang 'grub po zhes bya bar shes par bya'o// da ni chos kyi sku'i dbang du byas nas bshad pa/ shes bya'i bud shing skam po ma lus pa// bsregs pas zhi ste rgyal rnams chos sku ste// de tshe skye ba med cing 'gag pa med// sems 'gag pas de sku yis mngon sum mdzad// ye shes kyi rang bzhin can gyi sku shes bya'i bud shing skam po ma lus pa bsregs pa las shes bya'i skye ba med pas skye ba med pa dang ldan par 'gyur ba gang yin pa 'di ni sangs rgyas rnams kyi chos kyi sku'o// 'di nyid kyi dbang du mdzad nas// sangs rgyas rnams ni chos nyid lta// 'dren pa rnams ni chos kyi sgo// chos nyid
- 392b
shes bya'ang ma yin te// de ni shes par nus ma yin// zhes gsungs so// chos kyi sku 'di ni/ de tshe skye ba med cing 'gag pa med pa ste/ 'di nyid kyi dbang du mdzad nas 'jam dpal skye ba med cing 'gag pa med pa zhes bya ba 'di ni de bzhin gshegs pa'i tshig bla dgas so zhes gsungs so// de ltar na ye shes kyi yul de kho na nyid la rnam pa thams cad du de'i yul na sems dang sems las byung ba rnams mi 'jug pas sku kho nas mngon sum du mdzad par kun rdzob tu rnam par bzhag go/ 'di ni zhi sku dpag bsam shing ltar gsal gyur zhing // yid bzhin nor bu ji bzhin rnam mi rtog/ 'gro grol bar du 'jig rten 'byor slad rtag/ 'di ni spros dang bral la snang bar gyur// sku gang gis de kho na nyid 'di mngon sum du mdzad par bshad pa de ni zhi ba'i rang bzhin can du 'dod de/ sems dang sems las byung ba dang bral ba'i phyir ro// zhi ba'i rang bzhin can yin yang sems can gyi don mdzad par spyod pa gsal bar byed pa ni/ dpag bsam shing ltar gsal gyur zhing // yid bzhin nor bu ji bzhin rnams mi rtog/ ces bya ba ste/ 'di rnam par mi rtog pa nyid yin du zin kyang dpag bsam gyi shing dang yid bzhin gyi nor bu ltar ji ltar mngon par 'dod pa'i don 'grub pa'i rgyu nyid do zhes bya ba'i don to// su 'di ni 'khor ba ji srid par 'jig rten gyi 'byor pa'i slad du gnas pa yang yin no// rtag ces bya ba 'dis ni yun ring por gnas pa nyid du mtshon no// de'i phyir 'jig rten ji srid pa dang nam mkha' ji srid pa de srid du sangs rgyas rnams tshul 'dis sems can gyi don kho na mdzad cing rnam par bzhags so// zhes bya bar shes par bya'o// bsod nams brgya'i mtshan gyis brgyan pa'i sku 'di ni byang chub sems dpa' spros pa dang
- 393a
bral ba rang gi bsod nams dang ye shes kyi tshogs las shes rab dri ma med pa'i me long thob pa rnams kho na la yod pa nyid du snang gi spros pa dang bcas pa rnams la ni ma yin no// chos kyi sku las byung ba'am gzugs kyi sku'i mthu las byung ba yin yang rung ste/ ji skad bshad pa'i sku las gzhan du gyur pa rgyu mthun pa'i sku gang dag sems can 'dul ba'i rgyus byung ba de dag la yang mthu'i khyad par bsam gyis mi khyab pa mnga' bar brjod pa'i phyir bshad pa/ thub dbang dus gcig kho nar de'i rgyu mthun// gzugs su gcig la rang gi skye gnas skabs// sngar 'gags bsal dang ma 'tshol byung tshul ni// ma lus kyis/ bkra mtha' dag ston par mdzad// thams cad mkhyen pa'i ye shes kyi gnas skabs kyi snga rol 'khor ba thog ma med par rang nyid kyi skye ba'i gnas skabs 'gags zin pa 'byung mtha' ma lus par bstan ba'i phyir gsal ba dang ma 'tshal bar de phan tshun ma 'dres par byung tshul du mas bkra bar gyur pa de dag thams cad cig car kho nar me long gi dkyil 'khor shin tu yongs su dag pa la bzhin gyi gzugs brnyan ltar rgyu mthun pa'i sku gcig nyid la lhun gyis grub par ston par mdzad do// 'di byang chub sems dpa'i spyod pa spyad pa'i byung tshul gang dang gang du ji ltar gang gi don du byung ba de dag thams cad kyang lhun gyis grub pabar sku gcig kho na la ston par spyod par brjod pa'i phyir bshad pa/ sangs rgyas zhing ci 'dra der thub dbang dang // de dag su spyod mthu stobs ci 'dra dang // nyan thos dge 'dun ji snyed ci lta dang // byang chub sems rnams der gzugs ci 'dra dang // ci 'dra'i chos dang de bdag ci 'dra dang // chos thos spyod pa gang la spyad pa dang // sbyin gang ji tsam de dag la phul ba/ de ni ma lus su gcig la ston mdzad// bcom
- 393b
ldan 'das kyis sngon sbyin pa'i pha rol tu phyin pa la spyod pa na/ sangs rgyas bcom ldan 'das gang rnams la bsnyen bkur mdzad pa dang / sangs rgyas kyi zhing bai DUr+ya dang / pad+ma rA ga dang / an+da rnyil dang / shel la sogs pa'i rang bzhin can// rin po che'i ljon shing la sogs pas mdzes par byas pa mchu dang zheng dang kun nas zlum pa dang bcas pa de la brten pa'i sems can gyi khyad par gyis nye bar mdzes pa ci 'dra ba zhig na/ sangs rgyas bcom ldan 'das dag bltams pa la sogs pa ston par mdzad pa de ma lus par sku gcig la ston par mdzad do// sangs rgyas bcom ldan 'das de dag gi sku dang spyod pa dag gi mthu phul du byung ba gang yin pa dang / de dag gi nyan thos kyi dge 'dun 'dus par gyur pa ji snyed pa'am ji lta dang ste/ chos kyi rjes su mthun pa'i chos kyi nan tan rnam pa gang gis nyan thos kyi dge 'dun der gyur pa dang / sangs rgyas bcom ldan 'das de dag gi sangs rgyas kyi zhing na byang chub sems dpa' mtshan dang dpe byad kyis lus spras pa/ dbyibs dang ldan pa chos gos dang zas dang gnas la sogs pa yongs su longs spyod pa nye bar longs spyod pa dang ldan paN+DI 'dra ba de dag yod par gyur pa dang / ci 'dra ba'i chos dang te theg pa gcig dang gsum gyi brten can bstan pa de dag thams cad su gcig la ston par ma de bdag ci 'dra dang ste bram ze la sogs pa'i rigs su skyes pa gzugs dang blo dang ldan pa/ khyim pa dang rab tu byung bar gyur pa dang / chos thos nas lhag ma dang bcas pa dang lhag ma med pa'i bslab pa khas blangs te spyod pa gang la spyad pa dang / sbyin pa gang ci che me de dag la phral ba sa sangs rgyas bcom ldan 'das can thos dang byang chub sems dpa'i dge 'dun dang bcas pa de dag la bza' ba la sogs pa dang
- 394a
chos gos dang rin po che'i rgyan la sogs pa gang phul ba dang / ci tsam ste dus ji tsam dang tshad ji tsam phul ba de ma lus par sku gcig la ston par mdzad do// sbyin pa'i pha rol tu phyin pa la spyod pa'i byung mtha' 'di ji ltar ston pa/ de bzhin tshul khrims bzod brtson ting 'dzin dang / shes rab spyod tshe sngar gyi gnas skabs gang // mtshar med de dag/ ma lus sku gcig la ston/ mdzad ces gong ma dang sbyar ro// sku gcig la cig car gnas skabs thams cad ston pa lta zhog gi 'on kyang / nyid spyod pa kun/ sku yi ba spu'i khung bu'ang gsal bar ston// bdag nyid kyi spyod pa khon ston par mdzad pa 'ba' zhig tu mazad kyi/ gzhan yang / sangs rgyas gang dag 'das dang 'byung 'gyur gang // gang dag ltar nam mkha' mthar thug par// gdangs mthon chos skyon sdug bsngal gyis bzung ba'i// 'gro dbugs 'byin zhing 'jig rten bzhugs pa dang // dang po'i thugs bzung byang chub snying po'i bar// de dag spyod kun dngos rnams mig 'phrul gyi// rang bzhin mkhyen nas bdag bzhin pa spu yi// khung bur dus gcig la ni gsal bar ston// re zhig mig 'phrul gyi tshul shes pa tha mal pa dag kyang sngags kyi mthu rnam pa de lta bu tsam zhig gis rang gi lus la dngos po'i rnam pa sna tshogs pa gnas par skyon nus na/ ci 'gro ba'i dbang phyug sangs rgyas bcom ldan 'das rnams dang / byang chub sems dpa' rnams kyis dngos po'i rang bzhin mig 'phrul gyi rang bzhin rnam pa de lta bu dang tha mi dad pa mkhyen nas mi byed par 'gyur ram/ de'i phyir mkhas pa gang zhig ma rtogs pa'am som nyi za bar 'gyur// de'i phyir bakhas pas dpe 'da'o sgo nas gsal bar 'di la lhag par mos par bya'o//
- 394b
ji ltar nyid kyi spyod pa dang de bzhin gshegs pa gzhan gyi spyod pa dag dus gcig tu rang nyid kyi ba spu'i khung bur ston par mdzad pa/ de bzhin dus gsum byang chub sems dpa' dang / rang rgyal 'phags pa nyan thos ma lus kyi// spyod dang de lhag skye bo'i gnas skabs ni// thams cad pa spu'i khung bur gcig tshe ston// sku phun sum tshogs pa brjod nas rnam par rtog pa mi mngar zin kyang bzhed pa la mnga' bsgyur ba nyid phun sum tshogs par bstan pa'i phyir bshad pa/ dag pa 'di ni bzhed par 'jug pa yis// rdul gcig yul la mkha' gtugs 'jig rten dang // 'jig rten mtha' yas phyogs khyab rdul sngon mod// rdul rags mi 'gyur 'jig rten phra mi 'gyur// sangs rgyas bcom ldan 'das rnams kyis ni bzhed pa'i sgo nas nam mkha'i mthas gtugs pa'i 'jig rten rdul phra rab gcig gi yul la ston par byed de/ 'jig rten phra bar yang mi 'gyur zhing rdul phra rab rags par yang mi 'gyur la/ bzhed pa nyid kyis rang gi ngo bo ji ltar gnas pa yang de ltar yang dag par ston to// 'jig rten mtha' yas phyogs khyab rdul yang ston te/ sangs rgyas bcom ldan 'das rnams ni bzhed pa tsam gyis mtha' yas phyogs te 'jig rten ma lus pa'i 'jig rten rdul phra rab gcig gis khyab par yang ston par mdzad do// de bzhin du/ rnam rtog mi mnga' khyod kyis srid mtha'i bar// skad cig re re la spyod sna tshogs// ji snyed ston pa de snyed dzam+bu'i gling // ma lus rdul gang de dag la grangs med// rnam par rtog pa mi mnga' ba khyod 'khor ba'i bar du skad cig dang skad cig la spyod pa sna tshogs ston pa'i tshad gang yin pa'i tshad de'i grangs ni dzam+bu'i gling ma lus pa na rdul phra rab ji snyed yod pa de dag la yod pa ma yin no zhes 'di ni thun mong ma yin pa'i yon
- 395a
tan phul du byung bar brjod pa'i sgo nas bcom ldan 'das la bstod pa yin no// sangs rgyas kyi sa sa ni stobs bcus rab tu phye ba yin pa'i phyir de'i rnam par dbye ba cha tsam zhig bstan pa'i/ phyir bshad pa/ gnas dang gnas min mkhyen stobs dang // de bzhin las rnam smin blo dang // mos pa sna tshogs thugs chud dang // sna tshogs khams ni mkhyen stobs dang // de bzhin dbang mchog mchog ma yin// mkhyen dang thams cad du 'gro dang // bsam gtan rnam thar ting 'dzin dang // snyoms par 'jug sogs mkhyen stobs dang // sngon gnas dran pa mkhyen pa dang // de bzhin 'chi 'pha skye blo dang // zag rnams/ zad pa mkhyen stobs ste// stobs ni bcu po 'di dag go/ de la gnas dang gnas ma yin pa mkhyen pa'i stobs kyi dbang du byas nas bshad pa/ rgya gang zhig las gang zhig nges par skye 'gyur ba// de ni de yi gnas su de mkhyen rnams kyis gsungs// bshad pa las bzlog gnas min shes bya mtha' yas pa// mkhyen pa thogs pa spangs pa de ni stobs su bshad// rgyu gang zhig las gang zhig ces bya ba 'di ni nye bar mtshon pa ste// de'i phyir rgyu gang las gang zhig skye ba 'di lta ste/ mi dge ba dag las rnam par smin pa yid du mi 'ong ba dang / gang las gang zhig 'thob pa 'di lta ste/ 'phags pa'i lam las mya ngan las 'das pa zhes bya ba de lta bu la sog pa sdud pa 'thad par 'gyur ro// rgyu gang las gang zhig nges par skye ba de ni skye ba can de'i gnas te 'dir gnas pas na zhes bya bas gnas kyi smra sa btags pa'i tshul gyis rgyu brjod do// bshad zin pa dang 'gal ba ni gnas ma yin par 'gyur ro// gang zhig las gang mi 'byung ba de ni de'i ma yin te/ dper na dge ba dag las 'bras bu yid du mi 'ong ba mi 'byung ba dang / mthong ba'i lam thob pa la srid pa brgyad pa mngon par 'grub pa
- 395b
mi 'byung ba bzhin no// de'i phyir mkhyen pa mi mthun pa'i phyogs dang bral ba 'di ni sangs rgyas bcom ldan 'das kyi stobs su rnam par bzhag ste/ ji skad du 'phags pa gzungs kyi dbang phyug rgyal pos zhus pa'i mdo las/ rigs kyi bu 'di la de bzhin gshegs pas de bzhin gshegs pa'i ye shes bla na med pas gnas la yang gnas yang dag pa ji lta ba bzhin du rab tu shes so// gnas ma yin pa la yang gnas ma yin par yang dag pa ji lta ba bzhin du rab tu shes so// rigs kyi bu de la gnas ni gang gnas ma yin pa ni gang zhe na/ rigs kyi bu 'di ni gnas ma yin zhing go skabs med de/ gang lus kyi nye bar spyad pa dang / ngag gis nyes / par spyad pa dang / yid kyis nyes par spyad pa'i rnam par smin pa 'dod pa dang sdug pa dang dga' ba dang yid du 'ong bar 'gyur ba 'di ni gnas med do// 'di ni gnas yin zhing go skabs yod pa ste/ gang lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam par smin pa 'dod pa dang sdug pa dang / dga' ba dang / yid du 'ong bar 'gyur ba 'di ni gnas yin no// rigs kyi bu 'di ni gnas ma yin zhing go skabs med de/ gang ser snas longs spyod chen po mngon par 'grub pa dang / ngang tshul ngan pas lha dang mir skye ba dang / gnod sems kyis mdzes par 'gyur ba dang // le los mngon par rtogs pa 'thob pa dang / sems g.yengs pas skyon med pa la 'jug pa dang / 'chal pa'i shes rab kyis bag chags kyi mtshams sbyor ba thams cad kun nas 'joms par 'gyur ba dang / mtshams med pa byed pas sems gnas par 'gyur ba dang / dmigs pa can gyis rjes su mthun pa'i bzod pa thob par 'gyur ba dang / 'gyod pa la rab tu gnas pa'i sems shin tu sbyangs par 'gyur
- 396a
ba 'di ni gnas med do// gnas ma yin zhing go skabs med de/ gang bud med kyi lus de nyid kyis 'khor los bsgyur ba'i rgyal po 'am/ brgya byin nam tshangs pa'am/ zhes bya ba la sogs pa dang / 'di ni gnas yin zhing go skabs yod pa ste/ sbyin pas longs spyod chen po mngon par 'grub pa dang zhes thams cad bzlog nas sbyar bar bya zhing / 'di ni de bzhin gshegs pa'i de bzhin gshegs pa'i las dang po'o// zhes gsungs pa lta bu'o// da na las dang rnam par smin pa mkhyen pa'i stobs kyis dbang du byas te bshad pa/ 'dod dang mi 'dod de las bzlog dang zas dngos kyis/ las dang de yi rnam smin shin tu sna tshogs la'ang // mkhyen pa nus mthu thogs med so sar 'jug 'gyur ba// dus gsum shes bya khyab mdzad de ni stobs su 'dod// las yid du'ong ba dang / las yid 'ang ba nga / ya pa ba / 'a ma ba su nga/ ba gagapa da pa na gagasapa ba rnam par ldan pa rgyags pa ng+yas pasgyum gyis bsgrus pa 'grus malus par khyab pa la yang rang gi ngo bo dang rab tu dbye ba la sogs pa thams cad yongs su mkhyen pas shes bya ma lus pa khyab par mdzad pa'i mkhyen pa shes bya 'gar yang thogs pa mi mnga' ba gang yin pa de ni/ bcom ldan 'das kyis las dang rnam par smin pa mkhyen pa'i stobs su rnam par bzhag ste/ ji skad du/ gzhan yang de bzhin gshegs pas 'das pa dang / ma 'ongs pa dang / da ltar byung ba'i las rnams dang las yang dag par blangs pa rnams gnas dang rgyu dang / dngos po dang / rnam par smin pa la mkhas pa yang dag pa ji lta ba bzhin du rab tu shes so// ji ltar rab tu shes zhe na/ rigs kyi bu 'di la 'das pa'i las yang /
- 396b
dag par blangs pa gang dge ba'i rgyu las byung ba mi dge ba dang bral ba gang ma 'ongs pa'i dus na/ dge ba'i rgyu 'byin pa de bzhin gshegs pas rab tu shes so// las yang dag par blangs pa gang mi dge ba'i rgyu las byung ba dge ba dang bral ba gang ma 'ongs pa'i dus na mi dge ba'i rgyu 'byin pa de yang de bzhin gshegs pas rab tu shes so// de bzhin du las yang dag par blangs pa gang ma 'ongs pa'i dus na nyams pa'i cha dang mthun par 'gyur ba dang / gang khyad par gyi cha dang mthun par 'gyur ba de yang rab tu shes so// de bzhin du da ltar byung ba'i dus na nyams pa'i cha dang mthun la/ ma 'ongs pa'i dus na khyad par gyi cha dang mthun par 'gyur ba dang / da ltar byung ba'i dus na khyad par gyi cha dang 'thun la/ ma 'ongs pa'i dus na nyams pa'i cha dang mthun par 'gyur ba de yang rab tu shes so// de bzhin du re re zhing phyogs mthun pa la yang rab tu shes par bya'o// de bzhin du las yang dag par blangs pa gang 'das pa na sbyor ba chung ba de ma 'ongs pa'i dus na rgya che zhing skyo ba rgya che bar 'gyur ba dang / de bzhin du rtsom pa chung la khyad par chen por wA ba nga / ma pacan po kyu sa myed pa nga zur ba rang ba dang / las yang dag pa dgrangs pag zhananas 'ang Sh+T+rI pa dang / seMngasanas na dang / gang sangs rgyas kyi byang chub pa de yang de bzhin gshegs pas rab tu shes so// de bzhin du las yang dag par blangs pa gang da ltar byung ba na sdug bsngal la ma 'ongs pa na rnam par smin pa bde bar 'gyur ba dang / da ltar byung ba na bde ba la ma 'ongs pa na rnam par smin pa sdug bsngal bar 'gyur ba de yang de bzhin gshegs pas rab tu shes so// de ltar na 'das pa dang / ma 'ongs pa dang / da ltar byung ba'i sems can rnams kyi las gang yin pa dang / rgyu
- 397a
gang yin pa dang / rnam par smin pa gang yin pa de de bzhin gshegs pas de kho na dang gzhan ma yin pa la brten par yang dag par ji lta ba bzhin tu rab tu shes so// shes nas kyang de bzhin nyid du chos ston te/ 'di ni de bzhin gshegs pa'i de bzhin gshegs pa'i las gnyis pa'o zhes gsungs pa lta bu'o// da ni mos pa sna tshogs mkhyen pa'i stobs kyis dbang du byas nas bshad pa/ 'dod chags sogs kyi 'byung ba'i stobs kyis 'dod pa ni// shin tu sna tshogs sman 'bring gang yang khyad 'phags 'dod// de las gzhan rnams kyis g.yogs mos la'ang mkhyen pa ni/ dus gsum 'gro ba ma lus khyab pa stobs zhes bya// 'dir 'dod chags kyi sgra ni nyon mongs pa'i nye bar mtshon pa'i phyir zhe sdang la sogs pa rnams kyang 'dzin par byed do// sogs pa'i sgras ni dad pa la sogs pa dge ba'i chos yongs su bsdu bar bya ba'i phyir ro// 'byung ba'i sgras ni 'dod chags la sogs pa rnams kyi sa bon smos te/ 'di las 'dod chags la sogs pa 'byung bas na zhes bya ba'i phyir ro// de'i phyir de ltar na 'dod chags la sogs dang / dad pa la sogs pa'i sa bon gyis yongs su bzung ba'i bsam pa ni lhag par mos pa dang / lhag par bsam pa dang 'dod pa dang mos pa zhes bya bar brjod la/ mos pa de las gzhan pa'i chos kun tu spyod pa'i bsgribs pa de la yang rang gi ngo bo'i khyad par yongs su gcod par mdzad pa rnam pa thams cad mkhyen pa gang 'byung ba de ni/ sangs rgyas bcom ldan 'das kyis mos pa sna tshogs mkhyen pa'i stobs su rnam par bzhag ste/ ji ga dang / rigs kyi bu gzhan yang de bzhin gshegs pa'i sems can gzhan dag dang / gang zag gzhin rnams
- 397b
kyi mos pa du ma dang / mos pa sna tshogs yang dag pa ji lta ba bzhin du rab tu shes so// rigs kyi bu de bzhin gshegs pas ji ltar sems can gzhan dag dang gang zag gzhan rnams kyi mos pa du ma dang mos pa sna tshogs yang dag pa ji lta ba bzhin du rab tu shes zhe na/ gang zag gang 'dod chags la gnas la zhe sdang la mos pa dang / gang zag gang she sdang la gnas la 'dod chagasal mos pa dang / gang zag gang gti mug laganas la 'dod chags dang zhe sdang dang / gti mug la mos pa de yang de bzhin gshegs pas rab tu shes so// gang zag gang dge ba la gnas la mi dge ba la mos pa de yang de bzhin gshegs pas rab tu shes so// gang zag gang dag sbyor ba chung ba bsam pa rgya chen po la mos pa dang / gang dag sbyor ba rgya che la bsam pa chung ngu la mos pa de dag kyang de bzhin gshegs pas rab tu shes so// mos pa gang gis sbyor ba chung la khyad par la gnas par 'gyur ba dang / sbyor ba khyad par du 'phags la chung ngu la gnas par 'gyur ba dang / yang dag pa nyid du nges la log pa nyid du nges pa'i khams la 'jog par 'gyur ba dang / log pa nyid du nges la yang dag pa nyid du nges pa'i khams la 'jog par 'gyur ba dang / ma nges la yang dag pa nyid du nges pa'i khams la 'jog par 'gyur ba dang / mos pa gang gis 'dod pa'i khams las shin tu 'da' bar 'gyur ba dang // gang gis gzugs kyi khams dang / gang gis gzugs med pa'i khams dang / gang gis khams gsum pa las shin tu 'da' bar 'gyur ba de yang de bzhin gshegs pas rab tu shes so// shes nas kyang de bzhin du chos ston te/ 'di ni de bzhin gshegs pa'i de bzhin gshegs pa'i las gsum pa'o// zhes gsungs pa lta bu'o// da ni khams sna tshogs mkhyen pa'i stobs kyi dbang du byas nas bshad pa/ sangs
- 398a
khams kyi rnam par dbye la mkhas rnams kyis// mig sogs dag gi rang bzhin gang de khams su gsungs// rdzogs pa'i sangs rgyas rnams kyi mkhyen pa mtha' yas shing // rnam kun khams kyi khyad par la 'jug stobs su 'dod// rang bzhin dang ngo bo dang stong pa nyid ces bya ba ni rnam grangs dag go// sangs rgyas khams mtha' dag gi rab tu dbye ba la mkhas pa rnams kyi mkhyen pa gang zhig mig/ la sogs pa'i khams kyi rang bzhin gang nang stong pa nyid la sogs pa'i mtshan nyid can rab tu dbye ba du mar gyur pa de la thogs pa mi mnga' ba de ni khams sna tshogs mkhyen pa'i stobs su rnam par bzhag ste/ ji skad du rigs kyi bu gzhan yang de bzhin gshegs pas mig gi khams dang / gzugs kyi khams dang / mig gi rnam par shes pa'i khams rab tu shes so// nang stong pa nyid dang / phyi stong pa nyid dang / phyi nang stong pa nyid rab tu shes so// / de bzhin du khams bco brgyad car yang stong pa nyid gsum gsum dang sbyar bar bya'o// sa la sogs pa'i khams kyang rab tu shes so// ji ltar rab tu shes zhe na/ nam mkha'i khams ji lta ba de bzhin du rab tushes so// de bzhin du 'dod pa dang / gzugs dang / gzugs med pa'i khams dag yongs su dag pa las yang dag par byung bar rab tu shes so// 'dus byas kyi khams ni mngon par 'du bya ba'i mtshan nyid du'o// 'dus ma byas kyi khams kyang mngon par 'du bya ba'i mtshan nyid du'o// kun nas nyon mongs pa'i khams ni glo bur gyi nyon mongs pa'i mtshan nyid du'o// rnam par byang ba'i khams ni rang bzhin gyis 'od gsal ba'i mtshan nyid du'o// 'khor ba'i khams ni tshul bzhin ma yin pa'i ma rigs pa'i mtshan nyid du'o// mya ngan las 'das pa'i dbyings ni tshul bzhin rig pa'i mtshan nyid du'o// de ltar
- 398b
na 'jig rten gnas pa'i khams gang yin pa dang / rab tu gnas pa'i khams gang yin pa dang / rjes su khrid pa'i khams gang yin pa dang / thogs pa'i khams gang yin pa dang / bsam pa'i khams gang yin pa dang / brten pa'i khams gang yin pa de de bzhin gshegs pas yang dag pa ji lta ba bzhin du rab tu shes so// shes nas kyang de bzhin du chos ston te/ 'di ni de bzhin gshegs pa'i de bzhin gshegs pa'i las bzhi pa'o zhes gsungs pa lta bu'o// da ni dbang po mchog dang mchog ma yin pa mkhyen pa'i stobs dbang du byas nas bshad pa/ kun tu rtog sogs ches rno nyid ni mchog bzhed la// 'bring gnas skabs dang brtul nyid mchog min par bshad dang // mig la sogs dang phan tshun sgrub nus chub pa la// rnam pa thams cad mkhyen pa chags med stobs su gsungs/ kun tu rtog pa ni yang dag pa ma yin pa lhag par sgro 'dogs pa'o// kun tu rtog pa ni dbang po nyid yin te/ 'dod chags la sogs pa bskyed pa la mnga' bdag nyid du gnas pa'i phyir ro// sogs pa'i sgras ni dad pa la sogs pa dge ba'i rgyu can rnams chud par dgas par byag// nga khyer ba chag zlas na bral du byung ba brdung/ dag zung ga gnas skabasan chag pa yin pa'i sgras la da// migasags shes ba 'das rna la sogs pa'i dbang po nyi shu rtsa gnyis 'dzin to// de'i phyir 'dir dbang po'i rang gi ngo bo thugs su chud pa dang / phan tshun 'bras bu sgrub par nus pa'i rang gi ngo bo thugs su chud pa la mkhyen pa gang zhig thogs pa mi mnga' ba 'di ni dbang po mchog dang mchog ma yin pa mkhyen pa'i stobs su rnam par bzhag ste/ ji skad du/ rigs kyi bu gzhan yang de bzhin gshegs pas sems can gzhan dag dang / gang zag/
- 399a
gzhan rnams kyi dbang po'i rim pa yang dag pa ji lta ba bzhin du rab tu shes so// rigs kyi bu de bzhin gshegs pas ji ltar sems can gzhan dag dang / gang zag gzhan rnams kyi dbang po'i// rim pa yang dag pa ji lta ba bzhin du shes zhe na/ rigs kyi bu 'di la de bzhin gshegs pas sems can dbang po rtul po rnams kyang sems can dbang po rtul por yang dag par ji lta ba bzhin du rab tu shes so// de bzhin du dbang po 'bring yang rab tu shes so// dbang po rnon po yang rab tu shes so// yongs su rtog pa'i dbang po ci 'dra bas mthar song ba'i 'dod chags skye ba dang / mthar song ba'i zhe sdang dang / mthar song ba'i gti mug skye ba de yang de bzhin gshegs pas rab tu shes so// mthar song ba zhes bya ba ni rab tu gyur pa'o// yongs su rtog pa'i dbang po ci 'dra bas 'dod chags dang zhe sdang dang gti mug bcos ma skye ba de yang de bzhin gshegs pas rab tu shes so// yongs su rtog pa'i dbang po gang gis snrel bzhi'i 'dod chags dang / zhe sdang dang / gti mug skye ba dang / yongs su rtog pa'i dbang po gang gis tshar gcad pa'i 'dod chags dang / zhe sdang dang / sa bye de yang de bzhin gshegs pas rgyunasas// dab ga na na sa rdung da nga bshi dag sa pa byung ba rnams byung bdang mas ca kya bzhin pa gnas pas pas shes so// gzhan yang de bzhin gshegs pas mig gi dbang po rab tu shes pa nas kun shes pa dang ldan pa'i dbang po'i bar du rab tu shes so// dbang po gang mig gi dbang po'i rgyu las byung ba rna ba'i dbang po 'jog pa de yang de bzhin gshegs pas rab tu shes so// de bzhin du rna ba'i dbang po la sogs pa rnams kyang rigs par bya'o// sems can gang sbyin pa'i dbang po can yin la/ de yang tshul khrims la sbyor ba de la de bzhin
- 399b
gshegs pa dbang po mchog dang mchog ma yin pa shes pas sbyin pa'i gtam byed do// de bzhin du tshul khrims dang / bzod pa dang / brtson 'grus dang / bsam gtan dang / shes rab kyi dbang po can yin la/ de yang sbyin pa la sogs pa de la sbyor ba de la de ltar tshul khrims la sogs pa'i gtam byed do// de bzhin du gang nyan thos kyi theg pa'i dbang po can yin la/ de yang rang sangs rgyas kyi theg pa la sbyor ba zhes bya ba la sbyor ro// rigs kyi bu de ltar na de bzhin gshegs pas sems can thams cad kyi dbang po yongs su smin pa rnams ni dbang po yongs su smin pa rnams so zhes bya bar yang dag par ji lta ba bzhin du rab tu shes so// yongs su ma smin pa rnams kyang yongs su ma smin pa rnams so zhes bya ba yang dag pa ji lta ba bzhin du rab tu shes so// nges par 'byung ba ma yin pa rnams ni nges par 'byung ba ma yin pa rnams so zhes bya bar yang dag pa ji lta ba bzhin du rab tu shes so// nges par 'byung ba dang bcas pa rnams kyang nges par 'byung ba dang bcas pa rnams so zhes yang dag pa ji lta ba bzhin du rab tu shes so// sems can gyi dbang po'i rnam pa gang yin pa dang / b+hu thA ga yin pa dang / bas sa pa gang yin pa dang / klung gi skalas byung ba dang / rkyen gang sbyin pa dang / dmigs pa gang yin pa dang / bathang thug pa gang yin pa dang / mtha' gang yan pa de dag thams cad de bzhin gshegs pas yang dag pa ji lta ba bzhin du rab tu shes so// 'di ni de bzhin gshegs pa'i de bzhin gshegs pa'i las lnga pa'o zhes gsungs pa lta bu'o// da ni thams cad du 'gro ba'i lam mkhyen pa'i stobs kyi dbang du byas nas bshad pa/ lam 'ga' rgyal ba nyid dang 'ga' zhig rang rgyal gyi// byang chub dang ni nyan thos byang chub yi dgas dang / dud 'gro lha mi rnams dang dmyal la sogs 'gro ba//
- 400a
de la mkhyen pa chags med mtha' yas stobs su 'dod// de la lam gyi sgras nani lam shul brjod do// lam gang la lam thams cad du 'gro ba'i ngang tshul yod pa de ni thams cad du 'gro ba'i lam mo// lam 'ga' zhig ni sangs rgyas nyid du 'dod do// la la ni rang rgyal ba'i byang chub tu'o// la la ni nyan thos kyi byang chub tu'o// la la ni lha dag tu yin pa nas dmyal ba dag tu yin pa'i bar ro// sogs pa'i sgra ni rnam pa sna tshogs bstan par mtshon po'i don to// de la de bzhin gshegs pas lam gang zhig gang du 'gro ba'i lam de ni der 'gro ba yin no zhes yang dag pa ji lta ba bzhin du rab tu mkhyen to// de'i phyir bcom ldan 'das kyi mkhyen pa lam thams cad kyi yul can thogs pa mi mnga' ba 'di ni thams cad du 'gro ba'i lam mkhyen pa'i stobs su rnam par bzhag ste/ ji skad du/ rigs kyi bu gzhan yang de bzhin gshegs pas kun tu 'gro ba'i lam shes pa yang dag pa ji lta ba bzhin du rab tu shes so// ji ltar rab tu shes zhe na/ yang dag pa nyid du nges pa'i sems can gyi khams kyang yang dag pa ji lta ba bzhin du rab tu shes so// ma nges pa dang log pa nyid du nges pa'i sems can gyi khams kyang rab tu shes so// nges pa dang bcas pa'i sems can gyi khams ni 'di ltar rab tu shes te/ sems can gang dag rgyu'i stobs can sngon gyi sbyor ba phun sum tshogs pa/ zur tsam gyi go ba dbang po rnon po'i sems can de dag la de bzhin gshegs pas chos bstan kyang rung / ma bstan kyang rung ste/ rnam par grol ba'i bskal pa yod pa de dag de bzhin gshegs pas sngon gyi rgyu dang stobs shes nas chos ston to// ma nges pa'i sems can gyi khams kyang 'di ltar shes te/ gang dag rkyen gyi stobs can yongs su smin par bya ba'i
- 400b
mtshan nyid can gyi sems can de dag gal te mthun par 'doms shing rjes su ston pa dang phrad na rnam par grol bar 'gyur gyi/ ma phrad na rnam par grol bar mi 'gyur ba de dag la yang de bzhin gshegs pa de lta de ltar rgyu dang rkyen dang ldan pa'i gtam yang dag par gsungs te/ gang gi phyir de bzhin gshegs pa las de lta bu'i chos thos nas tshul bzhin tu rab tu sbyor bas 'bras bu thob par 'gyur ba de dag gi don du sa ngas rgyas bcom ldan 'das rnams 'byung ngo // log pa nyid du nges pa'i sems can gyi khams 'di ltar rab tu shes so// yongs su sbyang ba ma byas pa/ kho ra chung ba/ blun pa snod du ma gyur pa'i sems can de dag la de bzhin gshegs pas chos bstan kyang rung ma bstan kyang rung ste/ sems can de dag rnam par grol ba'i skal ba med pas de dag de bzhin gshegs pas snod ma yin par rig nas btang snyoms su 'jog ste/ de dag gi ched du byang chub sems dpa' rnams go cha gyon to// gzhan yang de bzhin gshegs pas 'dod chags kyi lam rnam pa gsum rab tu shes te/ gang zhe na/ 'dod chags kyi lam gang sdug pa'i rnam pa las skye ba yang yod/ 'dod chags kyi lam gang rjes su chags pa'i rnam pa las skye ba yang yod/ 'dod chags kyi lam gang ldan gyi bag la zhal gyi rna las sde ba yang yod do// zhe sdang gi la ma rnam pa gsum yang shes te/ zhe sdang gi lam gang khong khro bo'i rgyu las skye ba yang yod// zhe sdang gi lam gang bsam pa yongs su ma rdzogs pa las skye ba yang yod/ zhe sdang gi lam gang sngon gyi bag la zhal las skye ba yang yod do// gti mug gi lam rnam pa gsum yang rab tu shes te/ gti mug gi lam gang ma rig pa'i rgyu las skye ba yang yod/ gti mug gi lam gang 'jig tshogs la lta ba'i rgyu las skye ba yang yod/ gti mug gi lam
- 401a
gang the tshom gyi rgyu las skye ba yang yod de/ de dag kyang de bzhin gshegs pas rab tu shes so// zhes bya ba rgyas par 'byung zhing / de ltar sems can thams cad kyi 'jug pa'i rgyu las/ byung ba dang / ldog pa'i rgyu las byung ba'i lam gang ji snyed pa de dag thams cad du de bzhin gshegs pa'i ye shes mthong ba thogs pa med par 'jug ste/ 'di ni de bzhin gshegs pa'i de bzhin gshegs pa'i las drug pa'o zhes gsungs pa lta bu'o// da ni bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba'i ldang ba mkhyen papa'i stobs kyis dbang du byas nas bshad pa/ 'jig rten mtha' yas rnal 'byor bye brag las tha dad / bsam gtan rnam thar brgyad gang zhig nas gang dag dang / snyoms 'jug khyad par gang dag gcig dang / brgyad gyur pa// de la mkhyen pa thogs med 'di ni stobs su bshad// de la 'jig rten mtha' yas pa na/ rnal 'byor pa'i khyad par gyi rab tu dbye ba mtha' yas par gyur pa bsam gtan dag ni bzhi'o// rnam par thar pa ni brgyad do// zhi gnas ni ting nge 'dzin dag ste/ dge ba la sems rtse gcig pa'i mtshan nyid can no// mthar gyis gnas pa'i snyoms par 'jug pa dag ni dgra ste/ bsam gtan bzhi dang / bzugs med pa bzhi dang / 'du shes dang / tshor ba 'gog pa'o// kun nas nyon mongs pa'i rgyu ni ma rig pa dang / tshul bzhin ma yin pa yid la byed pa la sogs pa dag go// rnam par byang ba'i rgyu ni gzhan las rjes su mthun pa'i sgra dang so so rang gi tshul bzhin yid la byed pa ste/ de lta bu la sogs pa dag go/ de'i phyir rnal 'byor pa'i dbye bas so sor rab tu dbye ba mtha' yas par
- 401b
gyur pa bsam gtan la sogs pa de la mkhyen pa gang zhig thogs pa mi mnga' ba de ni bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang rnam par byang ba'i ldang ba mkhyen pa'i stobs su rnam par bzhag ste/ ji skad du/ rigs kyi bu gzhan yang de bzhin gshegs pas bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba'i ldang ba shes pa thams cad yang dag pa ji lta ba bzhin du rab tu shes so// ji ltar rab tu shes zhe na/ sems can rnams kyi kun nas nyon mongs pa skye ba'i rgyu gang yin pa dang / rkyen gang yin pa de de bzhin gshegs pas rab tu shes so// sems can rnams kyi rnam par dag par 'gyur ba'i rgyu gang yin pa dang rkyen gang yin pa de yang de bzhin gshegs pas rab tu shes so// de la rgyu ni gang rkyen ni gang zhe na/ sems can rnams kyi kun nas nyon mongs pa'i rgyu ni tshul bzhin ma yin pa yid la byed pa'o// sems can rnams kyi kun nas nyon mongs pa'i rkyen ni ma rig pa'o// ma rig pa ni rgyu'o// 'du byed rnams ni rkyen to// 'du byed ni rgyu'o// rnam par shes pa ni rkyen to zhes bya ba nas/ nyon mongs pa rnams ni rgyu'o// las rnams ni rkyen to// lta ba ni rgyu'o sred ni rkyen to// ba ga la nyal ni rgyu'o// kun nas ldang ba ni rkyen te zhes bya ba'i bar dang / de la sems can rnams kyi rnam par byang ba'i rgyu ni gang rkyen ni gang zhe na/ rgyu gnyis dang rkyen gnyis so// gnyis gang zhe na/ gzhan las rjes su/ mthun pa'i sgra dang / so so rang gi tshul bzhin yid la byed pa'o// gzhan yang gnyis te/ zhi gnas la rtse gcig pa dang / lhag mthong la mkhas pa'o zhes rgyas par 'byung zhing / 'di ni sems can rnams
- 402a
kyi rnam par dag pa'i rgyu'o// 'di ni rkyen te de yang de bzhin gshegs pas rab tu shes so// de bzhin du rigs kyi bu de bzhin gshegs pa ni ye shes dang ldan pas 'dod pa rnams las na/ sdigs dge pa chos rnams pas dben pa/ nang par rtag pa dang bcas pa rnam par dpyod pa dang bcas pa/ dben pa las skyes pa'i dga' ba dang bde bcan pas ma gtan dngapal snyam par zhugs te 'gog pa las ldang ngo // 'gog pa la snyoms par zhugs te bsam gtan dang po las ldang ngo // rnam par thar pa brgyad la lug dang mthun par yang snyoms par 'jug go/ lugs dang mi mthun pa dang / spel bzhir yang ngo // ting nge 'dzin ni snyoms par 'jug par ston snyoms par 'jug pa ni ting nge 'dzin du sngon kyang de bzhin gshegs pa'i ting nge 'dzin la 'dres pa gang yang med cing / de bzhin gshegs pa la ni dmigs pas ting nge 'dzin la snyoms par 'jug par bya ba med do// de bzhin gshegs pa'i ting nge 'dzin gcig gis ting nge 'dzin thams cad mngon par 'grub ste/ de bzhin gshegs pa ni ting nge 'dzin gcig las ma langs par ting nge 'dzin thams cad la snyoms par 'jug kyang de bzhin gshegs pa la sems gcig nas gcig tu 'jug pa med/ de bzhin gshegs pa la sems mnyam par ma bzhag pa mi dmigs so// de bzhin gshegs pa'i ting nge 'dzin ni sus kyang blta bar mi nus te/ nyan thos kyi ting nge 'dzin ni rang sangs rgyas kyi ting nge 'dzin gyis zil gyis gnon to// / sangs rgyas kyi ting nge 'dzin ni byang chub sems dpa'i ting nge 'dzin gyis zil gyis gnon to// byang chub sems dpa'i ting nge 'dzin ni de bzhin gshegs pa'i ting nge 'dzin gyis zil gyis gnon to// de bzhin/
- 402b
gshegs pa'i ting nge 'dzin ni zil gyis mi gnon te/ 'di la de bzhin gshegs pa'i ye shes ni zil gyis mi non par 'jug go/ gdams pa dang rjes su bstan pa gang dang gang gis nyan thos rnams ting 'dzin bskyed pa de yang de bzhin gshegs pas rab tu shes so// gang gis rang sangs rgyas rnams dang / gang gis byang chub sems dpa' rnams kyi ting nge 'dzin bskyed pa yang de dang de bzhin gshegs pas rab tu shes so// shes nas kyang de bzhin du 'doms shing de bzhin du rjes su ston te/ 'di ni de bzhin gshegs pa'i de bzhin gshegs pa'i las bdun pa'o zhes gsungs pa lta bu'o// da ni sngon gyi gnas rjes su dran pa mkhyen pa'i stobs kyi dbang du byas nas bshad pa/ ji srid gti mug de srid srid gnas 'das bdag dang / sems can gzhan re re yi srid pa sems can ni/ ji snyed de snyed mtha' yas gzhir bcas yul phyogs dang / rnam pa dang bcas mkhyen pa gang yin stobs su bshad/ ji srid gti mug ces bya ba 'dis ni skye ba gcig nas gcig tu brgyud pa thog ma med pa sngon gyi gnas rjes su dran pa mkhyen pa'i yul nyid du bshad do// sems can ji snyed ces bya ba 'dis ni sems can gyi khams ma mtha' med pa bsdu bar bya'o// gzhir bcas smos pas ni rgyu dang bcas pa nyid kyi sgo nas de bsdu ba bshad do// ga ge mo zhig nas bdag kha dog ni 'di 'dra bar gyur/ rnam pa ni 'di lta bur gyur zhes bya ba la sogs pa ni mdo ji lta bu bzhin no// de la kha dog ni 'di 'dra bar gyur ces bya bar rjes su dran pas ni rnam pa dang bcas par rjes su dran par 'gyur ro// che ge mo zhig na bdag gnas nas de nas shi 'phos nas ga ge mo zhig tu skyes/ de nas shi 'phos nas 'dir skyes so// zhes bya bar dran
- 403a
pas ni yul phyogs dang bcas par rjes su dran par 'gyur ro// lhag ma ni rgyu dang bcas par rjes su dran pa'o// de ltar sngon gyi srid pa gzhi dang bcas pa dang / yul phyogs dang bcas pa dang / rnam pa dang bcas pa la sangs rgyas bcom ldan 'das kyi mkhyen pa gang zhig thogs pa mi mnga' ba ni sngon gyi gnas rjes su dran pa mkhyen pa'i stobs yin no// stobs 'dis ni sangs rgyas bcom ldan 'das rnams sems dang sems las byung ba'i rgyu ba 'das pa dag ma lus par ji lta ba bzhin thugs su chud de/ skal ba dang ldan pa dang / skal pa dang mi ldan pa'i tshul mkhyen pa nyid kyis chos 'bras bu yod pa ston par mdzad pa yin no zhes bya bar rnam par bzhag ste/ ji skad du/ de sems can de'i sngon gyi gnas rjes su dran no// sngon gyi rgyu ji lta bu dang / rgyu gang gis sems can gang kun tu byung ba de'i sngon gyi rgyu de bzhin gshegs pas rab tu shes nas kyang de bzhin du chos ston to// sems can thams cad kyi sems kyi rgyu ba 'das pa yang de bzhin gshegs pas rab tu shes so// sems gang gi dmigs pa can gyi 'og tu sems gang gi dmigs pa can skye ba dang / dmigs pa gang gis skye ba dang / dmigs pa gang dang bral na 'gag pa de yang de bzhin gshegs pas rab tu shes so// de ltar ji tsam du sems can gcig gi sems gcig nas gcig tu brgyud de 'jug pa de lta bu zhig gi 'og tu sems 'di lta bu zhig byung la/ de'i 'og tu yang 'di lta bu zhig byung ba de bskal pa gang gA'i klung gi bye ma snyed du yang tshig tu bstan pas bstan par dka'o// de bzhin du sems can thams cad kyi yang de lta bu so sor sems gcig nas gcig tu brgyad pa de bzhin gshegs pas rab tu shes so// yongs su
- 403b
brtag pa nye bar bzung ste phyi ma'i mur thug par bstan kyang de'i ye shes mthar thug par mi 'gyur ro// de bzhin gshegs pa'i sngon gyi gnas rjes su dran pa shes pa 'di ni bsam gyis mi khyab cing mtshungs pa med la/ tshad med de/ de'i mtha' ni bstan par sla ba ma yin no// sangs rgyas khyu mchog tu gyur pas de bzhin gshegs pas sems can de dag la/ kye sems can gang dag dge ba'i rtsa ba sangs rgyas la bskrun pa 'am nyan thos la bskrun pa'am/ rang sangs rgyas la bskrun pa de lta bu dran par gyis shig ces dran par byed do// 'di lta ste/ sangs rgyas kyi mthus sems can de dag gis kyang dran par 'gyur ro// de bzhin gshegs pas de dag la dge ba'i rtsa ba la dmigs pa de dang des ci nas theg pas rnam par grol ba las phyir mi ldog par 'gyur ba de lta de ltar chos ston te/ 'di ni de bzhin gshegs pa'i de bzhin gshegs pa'i las brgyad pa'o// zhes gsungs pa lta bu'o// da ni 'chi 'pho ba dang skye ba mkhyen pa'i stobs kyi dbang du byas nas bshad pa/ sems can rnams kyi sems can re re'i 'chi 'pho dang // skye gang 'jig rten la gnas nam mkha'i mthar thug dang // bkra mang de la mkhyen pa dus der 'jug pa yis// ma chags rnam kun yongs dag mtha' yas stobs su 'dod// 'chi 'pho ba ni phung po 'jig pa'o// skye ba ni phung po nying mtshams sbyor ba'o// 'jig rten ma lus pa'i 'chi 'pho dang skye ba nam mkha'i khams kyi mthas gtugs pa/ las shin tu sna tshogs pa'i bzos sbyar ba gang dag yin pa de dag bcom ldan 'das kyis skad cig gcig kho na la lhun gyis grub par yang dag pa ji lta ba bzhin du mkhyen la/ de'i ye shes yul 'ga' la yang chags pa mi mnga' ste/ rnam pa thams cad yongs su dag pas thogs pa mi mnga' ba 'di ni bcom ldan 'das kyi 'chi 'pho dang skye ba mkhyen pa'i
- 404a
stobs su rnam par bzhag go/ bcom ldan 'das kyis sems can rnams kyi 'chi ba pho dang skye ba mkhyen pa 'ba' zhig tu ma zad kyi/ 'on kyang lha'i spyan gyis 'chags pa dang 'jig pa la sogs pa sna tshogs pa mang po tham cad kyang mtshang ba med par rab tu mkhyen to zhes bya bar rnam par bzhag ste/ ji skad du/ de la de bzhin gshegs pa'i lha'i mig ni 'di yin te/ mig des phyogs bcu'i 'jig rten gyi chos kyi dbyings kyis klas pa nam mkha'i khams kyi mthas gtugs pa/ tshad med grangs med pa bgrang ba las shin tu 'das pa'i sangs rgyas kyi zhing de dag na zhing du snang ba gang la la sems can gyis rjes su bzung ba 'jig pa dang 'chags pa de dag mthong ngo // gang la la sems can du snang ba 'chi 'pho ba dang skye ba dang bde 'gro dang ngan 'gro dang las ji lta ba bzhin du nye bar 'gro ba de dag thams cad mthong ngo // gang la las byang chub sems dpar snang ba 'chi 'pho ba dang mngal du 'jug pa dang 'byung ba de dag thams cad mthong ngo // gang la la sangs rgyas su snang ba mngon par rdzogs par 'tshang rgya ba chos kyi 'khor lo bskor ba tshe'i 'du byed 'dor ba yongs su mya ngan las 'da' ba de dag thams cad mthong ngo // gang la la nyan thos su snang ba rnam par grol ba yongs su mya ngan las 'da' ba de dag thams cad mthong ngo // gang la la rang sangs rgyas su snang ba rdzu 'phrul ston pa yod sbyong ba de dag thams cad mthong ngo // sems can gang dag snang bar gyur pa dag dang gang dag phyi rol shes pa lnga rnams migs ga ma byung ba dang / kun rnams kyim me nga/ rangs sa rgyas rnams kyim khyen padang nga chub sems dpa ba ga gi pan dag na/ pa'i lha'i mig la snang bar 'gyur ro// yang shing rta'i 'phang lo tsam gyi sa phyogs na snang bar ma gyur pa'i sems can gang dag de bzhin gshegs pa la snang bar gyur pa de dag ni ches mang gi/ stong gsum gyi stong chen
- 404b
po'i 'jig rten gyi khams kyi lha dang mi rna mas ni de lta ma yin no// de bzhin du snang bar ma gyur pa'i sems can gyi khams tshad med do// de ltar sangs rgyas kyis 'dul ba'i sems can gang yin zhes de bzhin gshegs/ pa'i lha'i mig gis sangs rgyas kyi zhing thams cad du sems can gyi khams la rnam par blta'o// sangs rgyas kyis 'dul ba'i sems can gyi res ji snyed pa de dag gi mdun du de snyed kyi de bzhin gshegs pa bzhug shing sems can de dag 'dul yang de ma yin pa'i sems can gzhan gyis mi shes te/ 'di ni de bzhin gshegs pa'i de bzhin gshegs pa'i las dgu pa'o zhes gsungs pa lta bu'o// da ni zag pa zad pa mkhyen pa'i stobs kyi dbang du byas nas bshad pa/ rnam kun mkhyen pa'i stobs kyis myur du rgyal rnams kyi// nyon mongs dang ni bag chags dang bcas 'jig 'gyur dang // tho ba ma la sogs nyon mongs blo yis 'gog pa gang / de la mkhyen pa chags med mtha' yas stobs su 'dod// de la nyon mongs pa dag ni ma rig pa dang 'dod chags la sogs pa dag ste/ 'jig rten khams gsum pa nyon mongs par byed pa'i phyir ro// gang gis sems kyi rgyud 'gag par byed cing bsgo bar byed pa la rjes su bgrod par byed pa de ni bag chags te/ nyon mongs pa'i mur thug pa dang goms pa dang rtsa ba dang bag chags zhes bya ba ni rnam grangs dag go// de ni zag pa med pa'i lam gyis nyon mongs pa spangs su zin kyang nyan thos dang rang sangs rgyas thams cad kyis spang bar mi nus te/ til mar dang me tog la sogs pa bsal du zin kyang bum pa dang snam bu la sogs pa rnams la de dag dang/ phrad pas yon tan phra mo dmigs pa bzhin no// 'di ltar nyon mongs pa spangs kyang bag chags yod pas dgra bcom pa sngon spre'ur gyur pa mchongs shing mchongs shing 'gro ba dang sngon bram zer gyur pa'i dmangs
- 405a
por brjod pa'i kun tu spyod pa bcom ldan 'das kyis bzlog tu zin kyang ma log pa dmigs pa yin no// de la ma rig pa'i bag chags ni shes bya yongs su gcod pa'i bgegs su gyur pa yin la/ 'dod chags la sogs pa'i bag chags yod pa ni lus dang ngag gi 'jug pa rnam pa de lta bu'i rgyu yang yin te/ ma rig pa dang 'dod chags la sogs pa'i bag chags de yang rnam pa thams cad mkhyen pa dang sangs rgyas kho na la ldog par 'gyur gyi gzhan dag la ni ma yin no// de'i phyir nyon mongs pa bag chags lhag ma ma lus par spangs pa dang / bag chags kyi mtshams sbyor ba'i nyon mongs pa spaspangs pa de la sangs rgyas rnams kyi mkhyen pa gang zhig thams cad du thogs pa mi mnga' ba de ni zag pa zad pa mkhyen pa'i stobs su rnam par bzhag ste/ ji skad du/ rigs kyi bu gzhan yang de bzhin gshegs pas zag pa thams cad zad pas bdag gi skye ba ni zad/ tshangs par spyod pa ni bster bya ba ni byas te 'di la srid pa gzhan mi shes so// zhes te/ zag pa med pa sems rnam par grol ba shes rab rnam par grol ba rang gi mngon par shes pa mngon sum du byas nas nye bar bsgrubs te gnas so// de la de bzhin gshegs pa'i zag pa zad pa shes pa de ni rnam par dag pa dri ma med pa yongs su dag pa 'od gas la ba bag chags kyi mtshams sbyor ba thams cad yang dag par bcom pa'o// nyan thos rnams kyi zag pa zad pa ni tshad yod pa bag chags yang dag par ma bcom pa'o// rang sangs rgyas rnams kyi zag pa zad pa ni tshad yod pa snying rje chen po dang bral ba spobs pa dang bral ba'o// de bzhin gshegs pa'i zag pa zad pa ni rnam pa'i mchog thams cad dang ldan pa bag chags kyi mtshams sbyor ba thams cad yang dag par bcom pa/ thugs rje chen pos
- 405b
kun tu bzung ba mi 'jigs pa dang spobs pa dang bral ba/ 'jig rten thams cad kyis zil gyis mi non pa ste sems kyi skad cig gcig dang ldan pa'o// de ci'i phyir zhe na/ de bzhin gshegs pa la las kyi bag chags med/ nyon mongs pa'i bag chags med/ spyod lam 'khrul pa'i bag chags med do// 'di lta ste/ dper na nam mkha' rang bzhin gyis yongs su dag pa rdul dang du ba dang lhan cig mi gnas pa de bzhin du/ de bzhin gshegs pa'i zag pa zad pa shes pa las dang nyon mongs pa'i bag chags dang lhan cig mi gnas so// de zag pa zang pa de lta bu la rab tu gnas ma thag tu zag pa dang bcas pa nye bar len pa dang bcas pa'i sems can rnams la zag pa zad par bya ba dang nye bar len pa spang ba'i phyir chos ston to// kye ma sems can yang dag pa ma yin pa yongs su rtog pa las byung ba dag khyed zag pa dang nye bar len pa de dag la yang dag pa ji lta ba bzhin du so sor rtogs shig ces de dag la de bzhin gshegs pas ci nas kyang zag pa rnams yang dag pa ma yin par yang dag pa ji lta ba bzhin du rab tu shes par 'gyur ba dang / rab tu shes nas kyang chos gang yang nye bar mi len pas yongs su mya ngan las 'da' bar 'gyur ba de lta de ltar nye bar bkod pa'i dpe rnams kyis chos ston to// rigs kyi bu 'di ni de bzhin gshegs pa'i de bzhin gshegs pa'i las bcu pa'o zhes gsungs pa lta bu'o// de ltar gang dag rnam pa thams cad du yongs su rdzogs pa nyid las de bzhin gshegs pa ye shes kyi yul bsam gyis mi khyab pa mnga' ba/ de dag las gzhan pa'i yon tan mtha' dag dang ldan pa/ chos kyi spu dang tha mi dad par bzhugs pa/ yon tan rgyas pa re re shing dbenam mkha' gcig pus nye bar gzhal ba mnga' ba rnams/ 'gro ba 'dod pa dang srid pa dang
- 406a
ba dang / ma rig pa zhes bya ba chu bo chen po bzhi'i nang du chud pa mgon med pa'i mgon du gyur pa sangs rgyas bcom ldan 'das rnams kyi stobs bcu po 'di dag ni sangs rgyas kyis kun tu 'od du rnam pa thams cad du yongs su dag par 'gyur ro// rgya bskyed pas chog go/ sangs rgyas bcom ldan 'das rnams kyi gzugs kyi sku'i ba spu'i bu ga re re dang / skyes bu chen po'i mtshan dang dpe byad dang / stobs dang / mi 'jigs pa dang / sangs rgyas dang tshes ma 'dres pa la sogs pa yon tan gyi khyad par yongs su gcod par ni sangs rgyas kho nas spyod la/ gal te gsung na ni rang nyid kyi ye shes kyi yul du gyur pa bskal pa grangs med pa bsam gyis mi khyab par sku tshe'i tsha byin gyis brlabs shing phrin las gzhan mi mnga' bar skyen pa skyen par gsungs pa de lta na yang yon tan dag yongs su rdzogs par mi 'gyur na/ byang chub sems dpas ci smos te rang sangs rgyas dang nyan thos rnams kyis sangs rgyas kyi yon tan mthar phyin par shes pa 'am brjod par nus par 'gyur ba lta smos kyang ci dgos/ don 'di nyid dpe'i sgo nas bshad pa/ nam mkha' med pas 'dab chags ldog par mi 'gyur gyi/ 'dir ni rang mthu zad pas ldog par 'gyur de bzhin/ slob ma dang bcas sangs rgyas sras rnams sangs rgyas kyi// yon tan mkha' ltar mtha' yas ma brjod ldog par 'gyur// 'di ltar nam mkha' lding 'dab gshog yangs pa'i rlung gi shugs kyi sa pa rol gnor pa thob pa yang nam mkha' yongs su zad pas nam mkha' la ldog pa ma yin gyi 'on kyang rang gi stobs dang pha rol gnon pa dang bral bas yin pa de bzhin du/ re zhig byang chub sems dpa'
- 406b
gang dag sa bcu pa la rab tu gnas pa rnam par thar pa bsam gyis mi khyab pa brnyes pa de dag kyang / de bzhin gshegs pa'i yon tan brjod par mi nus pas yon tan nam mkha' mu mtha' med pa dag las ldog gi yon tan yongs su rdzogs pas ni ma yin te/ rang gi blo'i stobs yongs su nyams pas ldog par gnas na/ rang sangs rgyas sa mnyan thos rnams kyis yon tan mthar thug pa rtogs par 'gyur ba lta ci smos/ gang gi tshe sangs rgyas kyi yon tan yongs su shes pa'am brjod pa la de dag gi lo rabs 'di yin pa de'i phyir kho bo cag lta bu ma rig pa'i rab rib kyis ldongs pa yang dag pa ji lta/ ba bzhin shin tu lkog tu gyur pa rnams la/ de bzhin gshegs pa'i yon tan brjod par bya ba la go skabs yod par ga la 'gyur te/ de'i phyir 'di ni gnas ma yin pa kho na'o zhes bshad pa/ de'i phyir bdag 'dras khyod yon 'di dag ci// shes pa dang ni brjod par nus 'gyur ram// 'on kyang de dag 'phags pa klu sgrub kyis// bshad phyir dogs spangs cung zad tsam zhig smras// de ltar bdag la de bzhin gshegs pa'i yon tan cha shas tsam zhig yongs su shes pa yang med mod kyi/ de ltan yang bdag gis tshamatsham med par yon tan phyogs gcig gi cha tsam zhig glengs pa ni gzhan la brten nas yin no/ de nyid sbas pa ni/ 'phags pa klu sgrub kyis bshad phyir zhes bya'o// mdor bstan bstan bcos 'di las sangs rgyas kyi yon tan zab pa ste chos nyid dang rgya che ba nye bar bstan to// de la zab mo stong pa nyid yin te/ yon tan gzhan rnams rgya che ba'o// zab dang rgya che'i tshul shes pas// yon tan 'di dag 'thob par 'gyur// da ni sprul pa'i sku nyan thos dang ngasangs rgyas dang / byang chub sems dpa' thams cad kyi thun mong ba
- 407a
dang thabs thun mong ba 'byung ba so so'i skye bo rnams kyi don yang ci rigs par 'byung la/ bde 'gro la sogs pa'i sgrub byed du gyur pa lhun gyis grub par nges par 'byung ba'i dbang du byas nas bshad pa/ slar yang mi g.yo ba'i sku mngara' khyod kyis srid gsum byon nas sprul rnams kyis// gshegs pa dang ni bltams dang byang chub zhi ba'i 'khor lo'ang ston par mdzad// de ltar khyod kyis 'jig rten g.yo bag spyod can re ba'i zhags pa ni/ mang pos bcings pa ma lus thugs rjes mya ngan 'das par bkri ba mdzad// bcom ldan 'das ni khams gsum las 'das su zin kyang sprul pa'i sku rnams kyis yab dang yum dang sras la sogs pa dang 'brel par ston zhing 'jig rten dang rjes su bstun te/ khams gsum du gshegs nas ji ltar 'tsham pa'i chos bstan pa 'jug pa'i sgo nas sems can gyi khams dang spyod/ pa rnam pa sna tshogs can mya ngan las 'das pa la 'god par mdzad do// thugs rjes te grags pa dang phan lan la sogs pa bzhed pas ni ma yin no// de'i phyir de ltar de bzhin gshegs pa'i sgra'i rnam par bzhag pa byas nas theg pa gcig la/ ka pa gsum bstan pa dgongs pa can nyid du bshad pa/ gang phyir 'di ni de nyid shes las dri ma mtha' dag sel ba ni// lhur byed gzhan med chos rnams de nyid rnam 'gyur dbye ba'ang bsten min zhing // de nyid yul can blo gros 'di yang tha dad 'gyur ba ma yin pa// de yi phyir na khyod kyis 'gro la theg pa mi mnyam dbyer med bstan// gang zhig de kho na nyid mi shes pa des ni nyon mongs pa rnams ma lus par spang bar mi nus la dngos po ma lus pa la yod pa'i de kho na nyid skye ba med pa'i rang bzhin can yang tha dad pa med par sngar bstan zin to// mthong ba tha dad kyang de la dbye ba med pas de kho na nyid 'di rnam
- 407b
par mi 'gyur ba nyid yin la/ gang gi phyir dbye ba dang rnam par 'gyur ba nyid med pa de'i phyir de kho na nyid kyi yul can ye shes kyang rang bzhin gcig yin no// 'di ltar ye shes kyi rang bzhin du ma nyid yin na ni ye shes kyis de kho nyid rtog par mi 'gyur te/ rang bzhin ji ltar gnas pa bzhin ma gtogs pa'i phyir ro// gang gi phyir de ltar de kho na nyid gcig nyid yin pas// de kho na nyid kyi yul can ye shes tha mi dad pa de'i phyir theg pa gcig kho na pas theg pa gsum yod pa ma yin te/ 'od srungs chos thams cad mnyam pa nyid du rtogs na mya ngan las 'das pa yin la de yang gcig nyid yin gyi gnyis dang gsum ni ma yin/ no zhes 'byung ba'i phyir ro// theg pa chen po zhes bya ba la chen po zhes bya ba ni sangs rgyas bcom ldan 'das rnams te/ ma rig pa ma lus pa spaspangs pas sgrib pa dang bral ba'i ye shes mnga' ba'i phyir ro// de rnams kyi theg pa ni theg pa chen po ste/ pre Shod nga la sogs pa yin pa'i phyir yi ge ta a nyid du 'gyur ro// yang na theg pa yang de yin la chen po yang de yin pas theg pa chen po ste/ sangs rgyas kyi ye shes bsam gyis mi khyab pa mnga' ba rnams de la bzhugs pa'i phyir ram/ dngos po'i rab tu dbye ba mtha' yas pa'i yul can yin pa'i phyir ram mi shes pa ma lus pa spangs pa'i phyir na/ theg pa yang de yin la chen po yang de yin pas theg pa chen po'o// gal te mya ngan las 'das pa gcig kho na yin ji ltar nyan thos dang rang sangs rgyas kyi theg pas kyang yongs su mya ngan las 'da' bar bstan zhe na/ bstan pa 'di dgongs pa can nyid du bshad pa/ gang phyir 'gro la nyes pa skyed byed snyigs ma 'di dag yod gyur pa// de phyir 'jig rten sangs rgyas spyod yul gting zab la 'jug mi 'gyur zhing // bde gshegs gang phyir khyod la mkhyen
- 408a
rab thugs rje'i thabs dang lhan cig pa/ mnga' dang gang phyir bdag gis sems can dgrol zhes khyod kyis zhal ba zhes te/ lus dang sems dag las su mi rung ba nyid du sgrub par byed pas na snyigs ma lnga bstan te/ sems can dang / bskal pa dang / nyon mongs dang / lta ba dang / tshe'i snyigs ma rnams so// gang gi phyir nyon mongs pa rnams 'jug pa shas che ba'i rgyur gyur pa de dag ni/ lhag par mos pa khyad par du 'phags pa 'joms par byed pa yin pa'i phyir/ de bzhin gshegs pa'i ye shes bla na med pa la 'dod pa yang 'gog par byed pa yin te/ de'i phyir sangs rgyas kyi ye shes zab pas gting dpag dga' ba la 'jig rten 'jug par mi 'gyur la/ bcom ldan 'das kyang 'gro ba rnams snod ma yin pa 'di tsam gyis de dag rnam par dgrol bar bya ba la g.yel ba bsten par mi mdzad de/ gang gi phyir bcom ldan 'das la mkhyen rab thugs rje'i thabs dang lhan cig tu gyur pa mnga' ba dang / gang gi phyir bdag gis sems can rnams dgrol bar bya'o zhes bcom ldan 'das kyis sngar smon lam sprul pa de'i phyir de dag rnam par dgrol ba la snyoms las la brten par mi mdzad cing de'i rnam par dgrol ba'i thabs rol bar mdzad de zhal gyis 'ches pa rnam pa gzhan gyi sgo nas gdon mi za bar bsgrub par bya dgos pa'i phyir ro// gang gi phyir 'gro ba rnams theg pa chen po la 'jug pa la bgegs byed pa'i rkyen mang po 'di dag yod cing 'jig rten rnams kyang gdon mi za bar mya ngan las 'das pa la dgod par bya dgos pa/ de'i phyir mkhas pas rin po che'i gling du chas pa'i skye tshogs kyi// dal ba nyer sel grong khyer yid 'ong bar du rnam par bkod pa ltar// khyod kyi theg pa 'di ni slob ma nye bar zhi ba'i tshul la yid// sbyar bar mdzad cing/
- 408b
ma sa gra tham sa sa ba ma ma mas ya ma mas sa sa sas sa ma nga bras sras gra mas pa ma bas pa ma sa sa sa ma man rnam par dben la blo sbyangs rnams la logs su gsungs// dpe'adi ni 'phags pa dam pa'i chos pad+ma dkar po las nges par bya'o// bsdus pa'i don ni 'di yin te/ ji ltar bsti ba'i phyir ded dpon des rin pa che'i gleng du ma khyen pa'i bar du grong khyer mngon par sprul pa de bzhin du/ bcom ldan 'das kyis kyang thabs kyi sgo nas theg pa chen po'i tshu rol du de theb pa'i thabs su gyur zhing zhi ba'i bde ba'i brten du gyur pa theg pa gnyis po nyan thos dang rang sangs rgyas kyi theg pa gsungs pa yin no// de la 'khor ba'i nyon mongs pa spangs pa thob pa rnams la ni phyi nas theg pa chen po kho na nye bar bstan la/ de rnams kyis kyang sangs rgyas rnams ltar tshogs yongs su rdzogs par byas nas gdon mi za bar thams cad mkhyen ye shes thob par bya dgos so// theg pa gcig bstan pa 'di yang mdo kun las btus pa la sogs pa dag las nges par bya'o// da ni bcom ldan 'das mngon par byang chub pa'i dus dang / bzhugs pa'i dus kyi dbang du byas nas bshad pa/ bde bar gshegs pa ma lus phyogs shing sangs rgyas yul dag na/ phra rab/ rdul gyi rdul rnams bdag par gyur pa ji snyed pa/ byang chub mchog rab dam par gshegs pa'i skal pa de snyed de// 'on kyang khyod kyi gsang ba 'di ni bskad bgyis ma lags so// sangs rgyas bcom ldan 'das rnams ni sprul pa'i sku'i sgo nas bltams pa dang mya ngan las 'da' ba nye bar ston mod kyi/ bcom ldan 'das sprul pa'i sku 'byung ba'i rgyu gang yin pa de'i mngon par rdzogs par byang chub pa'i dus ji tsam yin pa de'i tshad brjod par bya ste/ bcom ldan 'das kyi mngon par rdzogs par byang chub pa'i skal bdag ni 'jig rten gyi khams de bzhin gshegs pa'i ye shes kyi yul du gyur pa ji snyed pa de na rdul phra rab kyi rdul dag ji snyed
- 409a
yod pa de snyed do// 'di ni sngon dge ba'i rtsa ba ma bsags pa rnams kyis lhag par mos par bya bar dka' ba'i phyir na bsnyad par bya ba ma yin te/ 'ga' zhig tu de la lhag par mos par byed pa rnams la bsod nams gzhal du med pa bsags par bya ba'i phyir bshad do// de ltar re zhig mngon par rdzogs par byang chub pa'i dus brjod nas/ de'i 'og tu bzhugs pa'i dus kyi dbang du byas nas bshad pa/ rgyal ban+d+ha srid 'jig rten mtha' dag mchog tu rab zhi bar/ 'gro ba min zhing nam mkha' rnams 'jig gyur min de srid du// shes rab yum gyis bskyed pa de la thugs brtse ma ma yi// tshul lugs byed pas rab tu zhi bar 'gyur ba gal mnga'// bcom ldan 'das ni yum shes rab kyi pha rol tu phyin mas bskrun nas ji snying rje ma mal gtad pas bcom ldan 'das kyi ma 'ongs pa'i sku tshe'i tshad ni ji srid 'jig rten mtha' dag sangs rgyas nyid du 'gyur ba ma yin pa dang / ji srid nam mkha' brlag par mi 'gyur ba de srid yin par rig par bya'o// gang gis sems can thams cad kyi don bsgrub par bya ba'i phyir dus mu mtha' med par 'di dgagaso bar byed pa sangs rgyas rnams kyi thugs rje ci 'dra ba zhig ce na/ bshad pa/ gti mug skyon gyis 'jig rten kha zas drug bcas za ba yi// skye ba nyid kyi nang mi de la khyod brtse ji lta ba// de ltar drug zos nyen pa'i bul ma yi sdug bsngal min// des na mgon po mchog tu rab zhir gshegs par 'gyur ma lags// 'jig rten kha zas kyi sgras ni 'dod pa'i yon tan lnga brjod do// de dag kyang 'di nyid du mngon par zhen pas zos na dug dang bcas par 'gyur te/ sdug bsngal rgya chen po'i rgyu yin pa'i phyir ro// de dag la 'di nyid du bden par mngon par zhen pa yang gti mug gi skyon las skye bar 'gyur ro// de la ji
- 409b
ltar bcom ldan 'das la skye bo 'khor ba pa 'jig rten gyi kha zas dug dang bcas pa za ba la brtse ba 'khrungs pa de ltar ma la bu gcig pa phangs pa de las gzhan pa'i dug dang 'dres pa'i kha zas za ba la gdung ba skye ba ma yin/ te/ de'i phyir snying rjes btsas pa la yongs su mya ngan las 'da' ba ke ka la mnga'// thugs rjes mya ngan las 'da' ba'i thugs las bzlog pa'i phyir na/ bcom ldan 'das 'jig rten sdug bsngal rnam pa sna tshogs nyams su 'bab pa'igazhir gyur pa rjes su gzigs pa la yongs su mya ngan las 'da' ba mi mnga'o zhes bstan pa'i phyir bshad pa/ gang gi phyir na/ mi mkhas dngos dang dngos po med par zhen pa'i blo can gyis// skye dang 'jig gnas skabs dang sdug dang mi sdug bral phrad kyis bskyed sdug bsngal dang // sdig can 'gro ba thob pa de phyir 'jig rten thugs brtse'i yul du rab dong bas/ bcom ldan thugs rjes khyod thugs zhi las bzlog pas khyod la mya ngan 'da' ma mnga'// de la gang gi phyir mi mkhas pa dngos po la mngon par zhen pa'i blo can las dang 'bras bu la yid ches pa yod pas lha dang mi dag tu skye ba yod par lta ba pas ni skye dang 'chi ba'i sdug bsngal nges par thob cing / yul sdug pa dang bral ba'i sdug bsngal dang yul mi sdug pa dang phrad pa'i sdug bsngal yang myong bar 'gyur ro// dngos po med par mngon par zhen pa'i blo can log par lta ba dang ldan pas ni sdig to can gyi 'gro ba dmyal ba la sog pa dag dang / gong du bshad pa'i sdug bsngal yang 'thob pa de'i phyir sangs rgyas bcom ldan 'das kyi thugs rje ni skye bo sdug bsngal ba la dmigs nas thugs mya ngan 'das pa las bzlog te gnas so// lugs 'di dge slong zla grags kyis// dbu ma'i bstan bcos las btud nas// lung ji bzhin dang man ngag ni// ji lta ba bzhin brjod pa yin// 'di las gzhan na chos 'di ni// ji ltar med pa de bzhin du// 'dir 'byung
- 410a
lugs kyang gzhan na ni// med ces mkhas rnams nges par mdzod// ji ltar dbu ma'i bstan bcos ma gtogs par bstan bcos gzhan las stong pa nyid ces bya ba'i chos 'di phyin ci ma log/ par mi brjod pa de bzhin du/ kho bo cag gis 'dir lugs gang zhig brgal lan dang bcas par bsnyad pa'i lugs 'di nas 'byung ba de yang stong pa nyid kyi chos ltar bstan bcos gzhan na med do zhes mkhas pa rnams kyis nges par mdzad du gsol lo// de'i phyir kha cig gis mdo sde pa rnams kyis lugs gang zhig don dam par smras pa de nyid dbu ma pa rnams kyis kun rdzob tu 'dod do zhes smras pa gang yin pa de ni dbu ma'i bstan bcos kyi don gyi de kho na nyid mngon par mi shes pa kho nas smras pa yin no zhes shes par bya'o// yang gang dag bye brag tu smra ba rnams kyis gang don dam par smras pa de dbu ma pa rnams kyis kun rdzob tu yin no snyam du sems pa de dag gis kyang bstan bcos kyi don de nyid yongs su ma shes pa kho na ste/ 'di ltar 'jig rten las 'das pa'i chos ni 'jig rten pa'i chos dang chos mtshungs par mi rigs pa'i phyir te/ lugs 'di ni thun mong ma yin no zhes mkhas pa rnams kyis nges par bya'o// de nyid kyi phyir slob dpon gyi thugs dgongs mi shes shing don gyi de khon nyid nges par zin pa med par yi ge tsam nges pas 'jigs par 'gyur ba rnams kyis 'jig rten las 'das pa'i chos 'di yongs su spangs pas de'i phyir bstan bcos kyi don gyi de kho na nyid byin ci ma log par bstan par bya ba'i phyir/ dbu ma'i bstan bcos la 'jug pa 'di sbyar ba yin no zhes bshad/ pa/ klu sgrub blo mtsho shin tu rgya che'i kha dog gis 'jigs pas// skye bo sa lugs bzang gang dag rgyang ring spangs pas da yi tshig/ le'ur byas pa'i kha 'bras ku mu da kha bye ba'i chus// da lta
- 410b
zla ba grags pa re rnams rab tu skong bar byed// gal te gnas brtan dbyeg gnyen dang // phyogs kyi rkang pa dang / chas skyong la sogs pa bstan bcos rnams kyi mdzad pa po byon zin par gyur pa de dag gis kyang yi ge tsam thos pas 'jigs te/ rten cing 'brel par 'byung ba'i don phyin ci ma log par ston par 'di yongs su spangs sam zhe na/ de skad du sla'o// yang 'di ji ltar rtogs par bya zhe na/ bshad par bya ste/ de nyid bshad zin zab mo 'jigs rung 'di ni sngon gomos nyid las skye bo yis// nges par rtogs 'gyur 'di ni gsan rgya che yang gzhan gyis thugs su chud mi 'gyur// de phyir tshul lugs rang blos sbyar ba de dag mthong nas bdag tu brjod pa yi// gzhung lugs rnams ltar gzhan lugs bzhed gzhung 'di las gzhan la dga' blo dor bar bya// ji ltar mu stegs can sngon sems kyi rgyud la stong pa nyid la lhag par mos pa'i bag chags ma bzhag pa rnams kyis khams gsum po 'dod pa dang / gzugs dang / gzugs med pa'i nyon mongs pa spangs shing grub pa'i mtha' gzhan nye bar sbyor nus par mthong du zin kyang thub pa'i dbang po'i don dam pa nye bar ljon pa la lhag par mos par mi nus pa de bzhin du/ de dag gis kyang mang du gsan pa rnam pa de lta bu mngar zin kyang stong pa nyid la lhag par mos pa'i sa bon dang bral bas stong pa nyid thugs su chud par mi spyod do zhes bya bar shes par bya'o// 'di ltar de sang nyid na'ang tsha rabs gzhan du stong pa nyid la lhag par mos pa'i bag chags bzhag pa kha cig gis r+b+ba'i stobs kho na las stong pa nyid kyi gting rtogs par snang la rgyu'i stobs kho na las mu stegs kyi gzhung lugs rnams las 'di bden par mthong ba rnam par nyams pa rnams kyis kyang stong pa nyid kyi gting dpogs par mthong //
- 411a
ngo // de'i phyir dbu ma'i gzhung lugs las gzhan pa'i gzhung la tshul lugs rang gi blas sbyar ba de dag bsdus nas kyang bdag gsal bar byed pa'i gzhung lugs rnams la bya ba ltar dga' ba'i blo gros dor bar bya ste/ lugs gzhan po rang gi thos sbyar ba la yo mtshan par rtogs par mi bya'o// rang gi stong pa nyid kyi lta ba la lhag par mos pa kho na la ya mtshan par rtog par bya'o// // slob dpon klu sgrub lugs bzang bskrad las bdag gis bsod nams phyogs kyi mthar/ khyab cing yid mkha' nyon mongs kyis sngor ston ka'i rgyu skar ltar dkar ba 'am/ sems kyi sprul la gdengs ka'i nor bu dang 'dra gang zhig thob pa des// 'jig rten ma lus de nyid rtogs nas myur du bde gshegs sar bgrod shog// dbu ma la 'jug pa'i bshad pa zab pa dang rgya che ba'i tshul gsal bar byed pa/ slob dpon zla ba grags pa theg pa mchog la thugs gzhol ba/ me 'bregs pa'i mkhyen rab thugs rje mnga' ba/ ri mor bris pa'i ba drus ma las 'o ma bzhes pas bden par zhen pa bzlog par mdzad pas sbyar ba rdzogs so// // khungs rnams phal cher mdo bzhin bris// phyin chad skad gnyis byang srid na// rtsa 'grel sgra don bzhin bamyur la// bzu bor byos la dpyad par gyis// kha che'i yul gyi grong khyer dpe med kyi dbus rin chen sbas pa'i gtsug lag khang du/ kha che'i rgyal po dpal 'phags pa lha'i sku ring la/ rgya gar gyi mkhan po ti la ka ka la sha dang / bod kyi lo tsA ba pa tsha ba nyi ma grags kyis/ kha che ba'i dpe dang mthun pa ltar bgyur/ phyi sa ra sa ra mo cher rgya gar gyi mkhan po ka na ka warma dang / bod kyi lo tsA ba de nyid kyis nye 'og shar phyogs pa'i dpe dang btugs shing legs par bcos te gtan
- 411b
la phab pa'o// // gzhung 'di yi tshad ni bam po bcu gnyis su bam po'i drug cha gcig gis dman pa ste/ she lo ka sum stong lnga brgya lnga bcu yod ce'o// @// dngas shes pa 'jug pa shes bya ba sa / rgyu gar skad du/ ma d+h+ya mak+Sha ba tA ra pradz+nyA nA ma/ bod skad du/ dbu ma shes rab la 'jug pa zhes bya ba/ 'jam dpal gzhon nur gyur pa la phyag 'tshal lo// dbu ma shes rab la 'jug pa'i/ don ni bdag gis bshad bya ste// dgag sgrub gnyis ka dgag 'ba' zhig/ dngos la dgag sgrub 'ga' yang med// de lta bu ni goms byas na// phun sum tshogs pa thob par 'gyur/ mi dge bcu ni spangs nas ni// dge ba btsun dang du blangs// dngos por zhen pa bkag nas ni// rang la sgrub tu cung zad med// snang ba'i dngos po 'di yang ni// yang dag pa'i rang bzhin med// du ma dang / ni gcig bral phyir// sgyu ma'i glang po ji bzhin no// cha shas sna tshogs gnas pa na// rdul phran gcig pu nyid ma yin// de nyid med pas du ma gang // phan tshun spangs te gnas pa na/ gzhan gyi dngos po gal yod// de nyid med pas de bsags pa'i// rags pa'i gzugs dang rdzas sogs gang // rnam pa sna chags snang ba dang // shes pa tha ni mi dad pas// shes pa du ma nyid du 'gyur// rnam pardzun pa nyid kyis ni// shes pa de yang rdzun par 'gyur// de lta min na bden nyid 'gyur// de nyid daphyir na sems 'byung gang // gcig dang du ma spangs pa yi// dngos po gang yang mi gnas te// phan tshun spangs te gnas phyir ro// mngon sum la sogs 'gal zhe na// ma yin ma brtags nyams dga' ba// de ni bdag gis bkag pa med// tha snyad tsam zhig sgrub pa'i phyir// dam bca'
- 412a
gtan tshigs nyid ma yin// ye nas skye med dang 'di la// dgag bla med la sgrub bya med// mya ngan 'das dang ma 'das pa// skye med dang du khyad par med// skye med nyid kyang ma yin te/ skye ba'i dngos po med phyir ro// kun rdzob med la don dam med// sangs rgyas med la sems can med// lta ba med cing sgom pa med// 'bras bu med cing spyod pa med// de yi don ni bsgom bya ste/ rtog med blo ni rang zhir bzhag/ dngos gzungs med cing g.yeng ba med// mtshan ma med cing gsal bar sgom// langs la dngos por snang ba kun// sgyum tsam du shes byas nas// sdom pa rnam gsum 'bad pas bsrung // yan lag bdun pa la sogs bya// snying rje phan sems che bar bya// yul la chags pa spang bya zhing // 'gron po'i tshul gyis gnas par bya// sems can ma dad cad stsol bar byed// de phyir 'bad pa thams cad kyis// dang po lta ba thag bcad de// bar du bsgom pas nyams su blang // tha mar 'bras bu thob par 'gyur// de bas 'bad de brtson par bya// de ltar bdag gis bshad 'di la// phyogs 'dzin pa yi sems bor la// rigs pa yis ni dpyad par bya// chos la skur pa gdab me bya// g.yeng ba thams cad spangs nas ni// smra ba ni rab tu brtson par bya// bdag gis 'di byas bsod nams kyis// sems can thams cad grol gyur cig / dbum shes dpal 'dug pa zhes byab/ slob dpan chen po zla bgrags pas mdza pa rdzogs so/ paN+Di ta de nyid dngal tu ba 'gas khra ba lta bcas kyis bskur ba'o//