Text
ff. 2a–350a · 695 folio sides
- 2a
/ ar sa gang ta par phrad can ma ma ha yan su
- 2b
bair+ya skad du/ 'phags pa blo gros rgyu mtshos zhus pa zhes bya ba theg pa chen po'i mdo/ ba ra po dang po'o// sangs rgyas dang bang
- 3a
bya// chu ba sem sa dpa' thams cad la pa ga 'tshal lo// 'di skad bdag gis thos pa'i dus gcig na/ bcom
- 3b
ldan 'das rgyal po'i kha ba de bzhin gshegs pa'i spyod yul rin po che bkod pa'i 'khor gyi 'khyams de bzhin gshegs pa'i gnas bsod nams chen po'i rgyan gyi tshogs bstsags pa/ sprod pa chen po'i rgyu 'thun pa/ sangs rgyas kyi chos thams cad kyi rnam par smin pas
- 4a
mngon par grub pa/ byang chub sems dpa' chen po'i gnas/ bstan pa mtha' yas pa/ de bzhin gshegs pa rnam par sprul pas/ byin gyis pa rlabs pa/ chags med pa'i snong yul gyi la 'jug po dga' ba rgya chen po bskyed pa/ dran pa dang / blo gros dang /
- 4b
rtogs pas 'jug pa nas ma smad pa/ ye shes kyis rnam par spyad pa/ de la ma chags par rtogs pas 'jug pa/ bskal pa mu med par mngon par bstod pa/ yon tan gyi/ tshogs thams cad dpag tu med pa na bzhugs te/ bcom ldan 'das rlos thams cad mnyam pa nyid du mngon par rdzogs par sangs rgyus/ chos kyi 'khor lo ni shin tu bskor/ slob me shin tu dul ba mtha' yas pa'i tshogs ni
- 5a
bya/ mnga' chos thams cad la mnga' dbang ni brnyes/ sems can thams kyi bsam pa grub pa ni legs par mkhyen/ dbang po'i dam pa'i pha rol tu phyin pa ni brnyes/ bag rmugs kyi mtshams sbyor ba yang dag par 'jom pa la ni mkhas/ sangs rgyas kyi mdzad pa lhun gyis grub pa ni rgyun mi chod cing / dge slong 'bum phrag drag cu'i dge slong gi dge 'dun chen po dang thabs cig ste/ thams cad kyang cang shes kyi sems dang ldan pa/ nyon mongs pa thams
- 5b
cad kyi bag chags kyi mtshams sbyor ba yang dag par 'joms pa la brtson pa/ chos kyi rgyal po de bzhin gshegs pa'i sras chos thob mo la gnas pa/ dmigs pa med pa'i chos kyis nges par byung ba/ spyod lam mdzes pa phun sum tshogs pa/ sbyin gnas chen por gyur pa/ de bzhin ga bai'i bka' lo shin tu zhugs pa sha stag go// byang chub sems dpa'i dge 'dun chen po byang chub sa sems dpa' sems dpa' chen po dmigs pa med pa'i byang chub sems dpa'i bzod po rab tu thob pa/ dbang bskur ba dang ldan pa'i byang chub sems dpa'i sa la zhugs pa/ mngon par 'du byed
- 6a
pa med pa'i byang chub sems dpa'i mngon par shes pas rnam par brtson ba/ byang chub sems dpa'i gzungs mi zad pa'i za ma tog rab tu thob pa/ byang chub sems dpa'i ting nge 'dzin dpa' bar 'gro ba la dbang thob pa/ byang chub sems dpa'i so so yang dag par rig pa/ sems can thams cad sim par byed pa rjes su thob pa/ byang chub sems dpa'i spyod pa lhun gyis grub pas nges par 'byung ba/ bkod pa'i rgyan gyi lhag pa bsam pa la shin tu gnas pa/ tshad med grangs med bsam gyis mi khyab/ mtshungs pa med pa/ gzhal du med/ dpag tu med pa la 'di
- 6b
lta ste/ byang chub sems dpa' sems dpa' chen po mdzod mi zad pa zhes bya ba dang / byang chub sems dpa' sems dpa' chen po blo groso tshad med zhes bya ba dang / byang chub sems dpa' sems dpa' chen po spobs pa mtha' yas zhes bya ba dang / byang chub sems dpa' sems dpa' chen po dmigs pa med pa'i bsam gtan pa zhes bya ba dang / byang chub sems dpa' sems dpa' chen po brtson 'grus gong ba med ces bya ba dang / byang chub sems dpa' sems dpo'i' chen brtson 'grus blo gros zhes bya ba dang / byang chub sems dpa' sems dpa' chen po blo glos rgyun mi chad pa zhes bya ba dang / byang chub sems dpa' sems dpa' chen po chags pa med pa'i mi 'jigs brtsegs pa zhes bya ba dang / byang chub sems dpa' sems dpa' chen po'i don nges par brtags te lta ba zhes bya ba dang / de las stsogs pa byang chub sems dpa' sems
- 7a
dpa' chen po tshad med grangs med bsam gyis mi khyab/ mtshungs pa med/ gzhal du med/ dpag du med pa dang / yang thabs gcig go// de nas bcom ldan 'das byang chub sems dpa'i spyod pa la 'jugs nges par 'byung ba'i sgribs pa med pa'i sgo byang chub sems dpa'i lam/ bkod pa la dmigs pa/ stobs dang mi 'jigs dang / sangs rgyas kyi chos thams cad yongs su grub pa'i ye shes kyi 'byung gnas/ chos thams cad la dbang sgyur ba'i gzungs kyi phyag rgya'i sgor 'jug pa/ so so yang dag par rig pas rnam par gdon mi za ba la 'jug pa'i sgo mngon par shes pa chen po'i ye shes la 'bab pas 'jug pa/ phyir mi ldog pa'i 'khor lo// phyir mi ldog pa'i ston pa/ theg pa thams cad mnyam pa nyid du yang dag par 'du ba/ chos kyi dbyings 'dres pa med de/ tshul gcig pa rab tu dbye ba la 'jug pa/ sems can thams kyi bsam pa dang / dbang po'i tshul la 'jug pa ston pa dang / snying po dang ldan pa/ chos rnam par gdon mi za ba/ bdud kyi dkyil 'khor thams cad
- 7b
rnam par 'joms pa/ tshul bzhin du chos kyi tshul la 'bab cing 'jug pa nyon mongs pa dang / lta bar gyur pa thams cad 'dul ba/ chags pa med pa'i ye shes la 'jug pa/ kun tu bsngo ba'i thabs la mkhas pa shes pas bstod pa/ sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyis brlabs kyi sgo/ chos thams cad ji lta ba bzhin du rnam par gdon mi za ba ston pa/ mi rtog cing rnam par mi rtog ste/ mnyam pa nyid du 'jug pa/ rten cing 'brel par 'byung ba/ zab mo rtogs par byed pa/ bsod nams dang / ye shes kyi tshogs chen po stsogs pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa/ dran pa dang / blo gros dang / rtogs pa dang / mos pa dang shes rab mi zad pa/ mngon par sgrub pa/ nyan thos kyi theg pas 'dul ba'i phyir/ 'phags pa'i bden pa'i tshul la 'jug pa/ rang sangs rgyas kyi theg pas 'dul ba'i phyir/ lus dang sems rab tu dbyen par shes pa/ theg pa chen pos 'dul ba'i phyir/ thams cad mkhyen par dbang bskur ba/ rab tu thob pa/ chos thams cad la dbang bskur ba'i tshul la 'jug pa zhes bya ba'i
- 8a
chos kyi rnams grangs de bzhin gshegs pa'i yon tan brjod pa'i phyir gsung ngo // ston to rab tu tshad do// 'dzin du 'jug go// klog tu 'jug go// shes par mdzad do// rnam par shes par mdzad do// rab tu shes par mdzad do// rab tu 'god do// rnam par 'byed do// rnam par 'grel to// gsal bar mdzad do// yang dag par rab tu ston to// de nas bcom ldan 'das kyis don shin tu rnam par nges pa 'dus pa chen po'i le'u chos kyi rnam grangs 'di lta bu 'di rgya cher yang dag par rab tu bstan pas/ thams cad dang ldan pa'i stong gsum gyi stong chen po'i 'jig rten gyi khams/ 'og tu sa'i steng nas bzung ba yan cad/ rin po che bkod pa'i 'khor gyi khyams kyi gzhi la thug pa'i bar dag chus yongs su gang ba'i rgya mtsho gcig ltar kun tu snang ste/ 'di lta ste dper naHsred pa bskal pa das nas/ chags pa 'byung ba'i tshe/ stong gsum gyi stong chen po'i 'jig rten gyi khams 'di thams cad chus yongs su gang bar gyur te/ chu'i dkyil 'khor gyis yongs su 'khor ba de bzhin du/ de'i tshe stong gsum gyi stong chen po'i 'jig rten gyi khams thams cad chus yongs su gang
- 8b
ba'i rgya mtsho gcig lta bur gnas par kun tu snang yang / stong gsum gyi stong chen po'i 'jig rten gyi khams na/ grong dang / grong khyer dang / grong rdal dang ljongs dang lnga yul 'khor dang / rgyal po'i pho brang 'khor rnams la yang sgrib pa med par kun tu snang ngo // 'dzam bu'i gling rnams dang / gling bzhi pa chen po rnams dang / rgya mtsho chen po rnams dang / ri rab rnams dang / 'dod pa na spyod pa'i lha'i bu rnams la yang sngon ji lta bar phyis kyang de bzhin du sgrib pa ci yang med par de kho na bzhin du kun tu snang ngo // chu'i phung po de las kyang / bad ma chu ba ni bai DUr+ya/ lo ma gal pa ni an da rnyil/ lo ma ni 'dzam bu chu bo'i gser/ ze ba ni dpal gyi snying po/ snying po ni rdo rje'i snying po las grub pa/ mu tig gi dra bas ni khebs par byas pa/ 'dab ma bye ba khrag khrig brgya stong phrag du ma dang ldan pa/ tshad ni rgyang grags kyi khyon tsam yod pa/ bye ba khrag khrig brgya stong phrag mang po 'byung ste/ de dag rin po che bkod pa'i 'khor gyi khyams kyi gzhi las thal nas/ shing ta la srid du 'phags te/ thams cad dang ldan pa'i 'khor de yang do'i tshe/ pad ma la 'khod par kun tu snang ngo // pad ma de dag
- 9a
las kyang 'od gang dag gis phyogs bcu'i sangs rgyas kyi zhing tshad med grangs med pa dag snang ba chen pos khyab par gyur pa'i 'o// de lta bu dag byung ngo // de na thams cad dang ldan pa'i 'khor de ngo tshar du gyur nas/ ji ltar snga ltas 'di dag kun tu snang ba lags na/ kye ma'o 'di ni chos bstan pa chen por 'gyur ro zhes ched du brjod pa ched du brjod do// de nas byang chub sems dpa' sems dpa' chen po byams pas cho 'phrul rgya chen po de mthong nas/ pad ma'i stan las langs te/ bla gos phrag pa gcig tu bgos nas/ pus mo g.yas pa'i lha nga pad ma'i snying po la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das gang stong gsum gyi stong chen po'i 'jig rten gyi khams 'di chab gyis yongs su bltam pa'i rgya mtsho gcig lta bur kun tu gda' ba dang / pad ma bye ba khrag khrig brgya stong 'di snyed cig mngon par byung ba 'di dag dang / bcom ldan 'das sngon ma byung ma thos pa'i cho 'phrul rgya chen po 'di dag kun tu gda' ba 'di su'i snga ltas lags/
- 9b
de skad ces gsol ba dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// byams pa 'og gi phyogs logs su sangs rgyas kyi zhing 'di nas stong gsum gyi stong chen po'i 'jig rten gyi khams kyi rdul phra rab kyi rdul snyed kyi sangs rgyas kyi zhing 'das pa na/ 'jig rten gyi khams yon tan rin po che dri ma dang bral ba dpag tu med pa bkod pas brgyan pa zhes bya ba de na/ de bzhin gshegs pa dgra btso// ba yang dag par rdzogs pa'i sangs rgyas rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa zhes bya ba bzhugs te/ 'tsho zhing bzhes la chos kyang ston pa yod de/ sangs rgyas kyi zhing de nas byang chub sems dpa' sems dpa' chen po blo gros rgya mtsho zhes bya ba/ byang chub sems dpa' sems dpa' chen po bgrang ba las 'das pa dag dang / lhan cig du nga la blta ba dang / phyag bya ba dang / bsnyen bkur bya ba dang / chos bstan pa 'di las gtam gyi rgyud 'ga' zhig dri ba'i phyir 'jig rten gyi khams mi mjed 'dir 'ong bar 'gyur te/ 'di ni de'i snga bltas so// de nas
- 10a
bcom ldan 'das la tshe dang ldan pa sha rI'i bus 'di skad ces gsol to// bcom ldan 'das kyi lags/ byang chub sems dpa' blo gros rgya mtsho thag ring po de srid cig na mchis shing / chos kyi rnam grangs 'di nyan lags sam/ bcom ldan 'das kyis bka' stsal pa/ shA ri'i bu khyod ji ltar nga'i 'dun na chos kyi rnam grangs 'di nyan pa de bzhin du byang chub sems dpa' blo gros rgya mtsho yang 'jig rten gyi khams de na 'dug cing / chos kyi rnam grangs 'di nyan to// shA'i bu khyod kyis ji ltar nga dang thams cad dang ldan 'khor 'di mthong ba de bzhin du/ byang chub sems dpa' blo gros rgya mtshos kyang nga dang thams cad dang ldan pa'i 'khor 'dri mthong ngo // gsol pa/ bcom ldan 'das kye ma'o// ji tsam du byang chub sems dpa' sems dpa' chen po rnams kyi mngon par shes pa'i ye shes kyi stobs 'di bsam gyis mi khyabs ste/ 'di ltar thag ring po de srid na mchis kyang mig gis gzugs mthong ba la sgrib pa ma mchis shing / rna bas sgra thos pa la sgrib pa ma mchis pa ni ngo mtshar to// bcom ldan 'das byang chub sems
- 10b
dpa' sems dpa' chen po rnams kyi yon tan gyi che ba nyid bsam gyi mi khyab pa 'di thos nas/ su zhig bla na med pa yang dag par rdzogs pa'i byang chub tu sems mi skyed/ gnas brtan sha ri bus bstan pa 'di bshad pa'i tshe/ lha'i bu nyi khri bzhi stong gis/ bla na med pa yang dag par rdzogs pa'i byang chub tu sems bskyed do// / de nas byang chub sems dpa' sems dpa' chen po blo gros rgya mtsho/ byang chub sems dpa' sems dpa' chen po bgrang ba las 'das pa dag gis kun nas bskor te/ mdun du bdar nas lhan gcig tu bcom ldan 'das rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa'i de bzhin gshegs pa'i de la gsol nas/ bcom ldan 'das de gnang ste/ sangs rgyas rnam par rol pa'i rdzu 'phrul gyi rkang pa rnams dang / mngon par 'du bya ba med pa'i rdzu 'phrul dang / sems cig gis thob pa'i dran pas/ mig phye ba tsam gyis 'jig rten gyi khams yon tan rin po che dri ma dang bral ba dpag tu med pa bkod bas brgyan pa de nas mi snang bar gyur nas/ 'jig rten gyi khams mi mjed 'dir phyin te/ rin po che bkod pa'i 'khor gyi khyams gzhi las thal nas/ shing ta la
- 11a
srid du mngon par 'phags te/ pad ma'i snying po la 'dug par kun tu snang ngo / de las gzhan pa'i pad ma'i snying po rnams la yang byang chub sems dpa' sems dpa' chen po de dag 'khor bar kun tu snang ngo // 'og gi phyogs kyi sangs rgyas kyi zhing tshad med grangs med pa dag nas kyang / byang chub sems dpa' sems dpa' chen po shin tu grangs med dpag tu med pa dag chos nyan pa'i phyir/ byang chub sems dpa' sems dpa' chen po blo gros rgya mtsho'i phyi bzhin du 'brang bar gyur to// de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po pad ma la 'khod pa dag gis/ rin po che 'khod pa'i 'khor gyi khyams shin tu rgyas pas mdzes te/ lham me/ lhan ne/ lhang nge'o// de nas thams cad dang ldan pa'i 'khor de ngo mtshar du gyur te/ dga' ba dang dad pa dang / rab tu dga' ba thob nas/ thal mo sbyar te/ byang chub sems dpa' de la phyag 'tshal lo// de nas byang chub sems dpa' sems dpa' chen po blo gros rgya mtshos/ 'jig rten gyi khams yon tan rin po che dri ma dang bral ba dpag tu med pa bkod pas brgyan pa na/ yod pa'i me tog mya ngan med cing yid du'o//
- 11b
pa mthong na dga' zhes bya ba mdam ma bye ba khrag khrig brgya stong du ma dang ldan pa/ tshad rgyang grags kyi khyon tsam yod pa/ de bzhin gshegs pa la mchod par 'os pa/ byang chub sems dpa'i bsam pas rnam par dag pa/ sngon gyi dge ba'i rtsa bas yongs su sbyangs pa/ rnam par bkra' ba myig tu sdug pa/ 'khor thams cad tshim par byed pa/ kun nas 'od dang ldan pa/ kun nas shin tu yid du 'ong ba'i dri dang ldan pa'i me tog de 'dra ba dag mchod pa'i las kyi phyir/ bcom ldan 'das kyi spyan sngar me tog char chen po mngon par bab ste/ me tog gi char des/ rin po che bkod pa'i 'khor gyi khyams su mi bdun gyi 'phang tsam gyi me tog bkram par gyur to// rab tu dbyen pa'i bsam gtan gyi zas shes bya ba'i sil snyen bsgrags te/ sil snyan gyi sgra des thams cad dang ldan pa'i 'khor de bsam gtan la snyoms par zhugs pa bzhin du/ bdag bde bas tshim par shes so// de nas byang chub sems dpa' sems dpa' chen po blo gros rgya mtshos bcom ldan 'das la mchod pa 'di lta bu 'di byas nas/ bcom ldan 'das kyi zhabs la mgo bos phyag 'tshal ste/ lan bdun bskor ba byas nas/ bcom ldan 'das kyi spyan sngar thal mo sbyar te 'dug
- 12a
nasabacom ldan 'das la 'di skad ces gsol to// bcom ldan 'das de bzhin gshegs rgya mtsho'i mchog mnga' ba'i blos// rnam par rol pa mngon par 'phags pa'i mngon par mkhyen pa/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol lo// byang chub sems dpa' sems dpa' chen po de dag thams cad kyis kyang / bcom ldan 'das kyi zhabs la mgo bos phyag 'tshal lo// lan bdun du bskor ba byas nas/ slar rang rang gi sa la 'khod do// de nas stong gsum gyi stong chen po'i tshangs ba snying rje chen po sems dpa' zhes pa mya ngan med pa'i gling bzhi pa chen po na gnas pa/ tshangs pa'i 'jig rten na 'dug pas/ stong gsum gyi stong chen po'i 'jig rten gyi khams chus yongs su gang ba'i rgya mtsho gcig lta bu yang mthong / pad ma rnam par bkra ba/ lha na sdug pa bye ba khrag khrig brgya phrag stong mngon par byung ba yang mthong / rin po che bkod pa 'khor gyi khyams byang chub sems dpas gang ba yang mthong ste/ mthong nas kyang de 'di snyams du sems te/
- 12b
sred pa'i bskal pa ni ma byung na/ chus 'jig pa 'di byung ste/ 'di lta bu'i cho 'phrul 'di dag kun tu snang ba 'di la rgyu ci yod/ da bdag bcom ldan 'das kyi thad du song ste/ bcom ldan 'das ngo mtshar du byung ba'i chos chen po 'di 'jig rten du byung ba'i rgyu gang lags/ rkyen gang lags shes zhu'o snyam mo// de nas tshangs pa'i snying rje chen po sems dpa'/ tshangs pa 'bum phrag drug bcu rtsa brgyad kyis yongs su bskor te/ mdun du bdar nas lhan gcig tu tshangs pa'i 'jig rten nas mi snang bar gyur nas/ rin po che bkod pa'i 'khor gyi khyams su bcom ldan 'das kyi spyan sngar steng kyi bar snang la 'jug ste/ lus btud thal mo sbyar nas/ de nas bcom ldan 'das nyid la phyag 'tshal to// de nas bcom ldan 'das la tshangs pa'i snying rje chen po sems pas 'di skad ces gsol to// bcom ldan 'das 'di ci lags/ gang stong gsum gyi stong chen po'i 'jig rten gyi khams 'di chad kyis yongs su bltam pa'i rgya mtsho gcig lta bur kun tu gda' ba dang // pad ma bye ba khrag khrig brgya stong phrag
- 13a
'di snyed cig byung ba 'di dang / de dag la yang skyes bu dam pa dag mchis pa 'di lta bu kun tu gda' yang / bcom ldan 'das stong gsum gyi stong chen po'i 'jig rten gyi khams na/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams la yang sgrib pa ma mchis par kun dga' ba dang / 'dzam gri gling rnams dang / gling bzhi pa rnams dang / rgya mtsho rnams dang / ri rab rnams dang / 'dod pa na spyod pa'i lha'i bu rnams la yang sngon ji lta bar phyis kyang de bzhin du sgrib pa ci yang mchis par de kho na bzhin du kun tu gda' ba de la/ bcom ldan 'das 'di su'i byin kyi rlabs kyis gyur snyam du bdag ngo mtshar cher gyur na/ 'di su'i snga ltas lags su/ de skad ces gsol ba dang / bcom ldan 'das kyis tshangs pa'i snying rje chen po sems la 'di skad ces bka' stsal to// tshangs pa 'di ni bcom ldan 'das de bzhin gshegs
- 13b
pa rgya mtsho mchog mnga' ba'i blos rnam par rol pa mngon par 'phags pa'i mngon par mkhyen pa'i sangs rgyas kyi zhing // 'jig rten gyi khams yon tan rin po che dri ma dang bral dpag tu med pa bkod pas brgyan pa nas byang chub sems dpa' sems dpa' chen po blo gros rgya mtshos/ byang chub sems dpa' sems dpa' chen po bgrang ba las 'das ba dag dang lhan cig tu du nga la blta ba dang / phyag bya ba dang // bsnyen bkur bya ba dang / 'dus pa chen po'i le'u kyi chos kyi rnam grangs 'di las gtam gyi rgyud 'ag zhig yongs su dri ba'i phyir/ 'jig rten gyi khams mi mjed 'dir 'ong ba yin te/ gang stong gsum gyi stong chen po 'jig rten gyi khams 'di chus yongs su gang bar kun tu snang ba 'di ni de'i rnam par sprul pa'i byin gyi rlabs so// gsol pa/ bcom ldan 'das da dung du yang 'dus pa chen po'i le'u gyi chos kyi rnam grangs 'chad dam/ bcom ldan 'das kyis bka'
- 14a
stsal pa/ tshangs pa de bzhin gshegs pa'i spobs pa la ni rgyun tu chad par cung zad kyang med de/ gang gi tshe khyod kyis de bzhin gshegs pa cang mi gsung bar gyur par mthong ba de'i tshe na yang / nga ni phyogs bcu'i 'jig rten gyi khams nas 'dus pa'i byang chub sems dpa' rnams la chos rnam par nges pa'i gtam yang dag par rab tu ston te/ tshangs pa sangs rgyas kyi yul ni de ltar bsam gyis mi khyab bo// gsol pa/ bcom ldan 'das gang 'di lta bu 'di rnam par sprul pa'i byang chub sems dpa' sems dpa' chen po blo gros rgya mtsho zhes bgyi ba de gang lags/ bcom ldan 'das kyis bka' stsal pa/ tshangs pa khyod kyis pad mI tshad dpag tshad bcu'i khyon tsam yod de'i dkyil na pad ma'i snying po la rin po che bkod pa'i seng ge'i khri 'bang du shing ta la bdun tsam pa/ srog chags bye ba phrag mang pos/ phyag byas pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ tshangs pa khyod kyis seng ge'i khri de la
- 14b
byang chub sems dpa' lus gser gyi kha dog du 'dus pa/ lus mtshan dang dpe byad bzang pos legs par brgyan pa 'dug ste/ gang de bzhin gshegs pa'i sku ma gtog par gzhan byang chub sems dpa'i lus zil gyis mnan nas 'dug pa/ byang chub sems dpa' mang pos phyag byas pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ tshangs pa 'di ni byang chub sems dpa' sems dpa' chen po blo gros rgya mtsho zhes bya ba ste/ 'di ni de'i rnam par sprul pa'o// de nas tshangs pa snying rje chen po sems pas/ byang chub sems dpa' sems dpa' chen po blo gros rgya mtsho la phyag 'tshal nas/ tshig 'di skad ces smras so// bcom ldan 'das sems can thams cad kyang rdzu 'phrul gyi cho 'phrul 'di lta bu thob par gyur cig/ gang dag byang chub sems blo gros rgya mtsho'i ming thos pa'i sems can de dag ni skyed pa legs so// bcom ldan 'das bdag gis kyang skyes bu dam pa 'di'i ming thos shing / gzugs kyi lus kyang mthong bas bdag gis
- 15a
kyang rnyed pa legs par skyed do// bcom ldan 'das 'dus pa chen po'i le'u gi chos kyi rnam grangs 'di yun ji srid cig du 'chad// bcom ldan 'das kyis bka' stsal pa/ tshangs pa ji srid du de bzhin gshegs pa'i sku tshe'i tshad gnas pa dang / de bzhin gshegs pa yongs su mya ngan las 'das nas kyang byang chub sems dpa' 'di dag chos kyi rnam grangs 'di 'chang ba dang / klog pa dang / yang dag par rab tu ston pa dang rgyas par byed kyi bar du'o// / de ci'i phyir zhe na/ tshangs pa 'das pa dang ma 'ongs pa dang / da ltar byung ba'i sangs rgyas bcom ldan 'das rnams kyi byang chub ni 'di'i nang du 'dus pa'i phyir ro// de nas byang chub sems dpa' sems dpa' chen po blo gros rgya mtshos/ 'khor thams cad rgya cher yang dag par rab tu dga' bar bya ba dang / tshangs pa snying rje chen po sems 'dun par bya ba dang / chos kyi rnam grangs 'di brgyan par bya ba dang / bdag nyid kyi shes rab dang / spobs pa'i stobs nye bar bstan pa'i phyir/ pad ma dang lhan cig seng ge'i khri dang / lhan cig steng gi bar snang la/ shing ta la bdun srid tsam na 'dug ste/ de'i tshe tshigs su bcad pa 'di dag smras so//
- 15b
khrag khrig sangs rgyas kyi zhing rdul snyed kyi zhing rnams 'das pa'i 'og logs na/ rdzogs pa'i byang chub sems dpa'i gnas shing yon tan kun ldan rab mdzes pa/ de na 'dren pa brtan pa rgya mtsho blo thugs mtshungs pa med bzhugs te/ der ni bdag gis thub pa'i chos thos gyur te thos nas de bzhin bzung / bdag ni stobs bcu ldan la blta bar bgyi ba dang de bzhin phyag bgyi dang / byang chub sems dpa khyu mchog 'di rnams phan tshun ci srid mchis te/ skyob la phyag bgyibs ni chos rgyal mtshungs med khyod la 'dir phyag 'tshal/ sangs rgyas mchod pa gang lags rgya chen shin tu rgyas pas mchod pa 'tshal/ gang gis gzugs la gzugs su mi rtogs tshor ba 'dus bgyis ma lags shing / rnam par shes pa'ang tshor gsum bzhin du rtag par shin tu rnam dag ste/ gang zhig 'dren la mtshan du ma lags skye dang rigs su ma lags stog/ mig ldan des ni chos kyi rgyal po dri med yang dag don du mthong / bdag gam bdag med ces pa'i mtha' de gnyi ga mi 'dor te/ nang du gyur pa zhi zhing thugs kyang ni ste phyi rol rgyug mi mnga'/ mi rtogs rnam mi rtog cing rtog bral ba'i thub pa'i thugs ni nam mkha' 'dra/ des ni/
- 16a
phyogs bcu'i bde gshegs chos kyi rgyal mtshan gsal mdzad rnams la mchod// gang blo sbyin pa rnams la 'di ni sgyu ma len ba stong pa nyid// g.yo ba med pa'i yid kyis nor rnams de dag rig pa med par gtong // byang chub don du nges kyi lta bar nges min spros la gnas ma yin/ gang blo sems can nyes pa mthar 'byin de ni sbyin bdag ser sna med// de ni rab tu zhi bas zhi ste ngag med yid med lus gdung med// gdung ba med pas cing ba rgya chen bral te nges pa dbang po zhi// bdag med theg par gnas nas byang chub dmigs pa med cing de mi 'dor// khrims gnas blo ldan khrims 'tshal 'thar byed 'dod pa tshul khrims dri ma med// chos rnams skad cig par ni rtogs pa shes bya rnams la smras pa med// nam mkha' mtshungs pa'i yid kyis 'gro ba 'di dag sgyu ma ji bzhin mthong // gang zhig lus ni dum bu dum bur bcad kyang yid ni khro mi 'gyur// gang zhig byang chub brtul zhugs gnas pa'i blo ldan mkhas te bzod pa smra// gang zhig chos rnams chu zla chu bur mnyam zhing sgyu ma smig rgyu 'dra// rtogs nas mi min srog ma yin zhing shes bu ldan pa
- 16b
ma yin mthong // byang chub dang ni sems can tshogs mi dmigs kyang byang chub gzhan don brtson/ tshul 'dir gang zhig skrag pa med pa de ni brtson 'grus mtha' mar phyin// gang gi sems ni yul la chags pa med cing the tsom yod min la// sems can gzhan gyis sems kyi spyod pa dus gsum gyur pa'ang shes pa dang // gang sems spyod par gyur pa gang yin bdud kyis mi shes pa// pha rol phyin thob bsam gtan dang ni mngon par shes la blo gros gnas/ gang zhig sangs rgyas rnams kyi gsung kun nyan cing de bzhin 'dzin byed pa// bskal pa dpag tu med par smras kyang spobs pa rgyun cad mi 'gyur te// sangs rgyas chos stogs sems can mi lhung de ni gang du'ang gnas med pa// bcom ldan 'das thub nyid mkhyen gter shes rab ldan zhing 'jig rten gsum na dpa'/ gang zhig pha rol tu phyin pa'i pha rol gshegs kyang gshegs min ma gshegs min// gang zhig sems can spyod pa'i mtha' phyin mi gnas g.yo ba mi mnga' zhing / yon tan kun mthar gang phyin yon tan rnams la rlom sems mi mnga' ba/ thub pa'i dbang po shag kyi sangs rgyas khyu mchog de la mgo bos 'jug
- 17a
'od zer rnam dag nyi mas srin bu me khyer 'od rnams zil gyis mnan// me lce rtse mthon bskal mang mtha'i me'i sa la ji/ snyed pa sreg/ ri mchog ri rab kyis ni sa la yod pa'i ri kun zil gyis gnan// shAkya khyu mchog spu 'dis 'jig rten gsum gyi 'od gzhan zil du brlag/ zhing brgya dag nas lhags pa'i byang chub sems dpa' khyu mchog ji snyed pa// de dag gtso bo khyod kyi mdog dang gzi brjid kyis ni par gyur// de dag smon lam ji ltar btab pa de ltar kun gyis mthun par mthong // bdag cag gang nas ma 'ongs rang gi zhing nyid ni 'dug par shes// ji ltar gang gis gang rig de ltar khyod kyi gsung ni shin tu 'dug/ srid pa gsum na skad rnams ji snyed ci mchis de dang 'thun par 'jug/ rdul gyi rdul dang mi rnams kyi ni sems kyi bsam pa bgrang nus srid// thub pa'i gsung dbyangs tshad med nam mkha' 'dra 'di bgrang bar nus ma lags// nam mkha'i mtha' dang mtshams kyi mtha' ma bgrang bar mi nus te// 'khor ba'i sngon gyi mtha' ma nyid ni rnam pa kun tu bgrang mi nus// nam mkha' mtha' dang 'khor ba'i mtha' ni mi yis bgrang
- 17b
bar nus kyang srid// sangs rgyas mkhyen dang ting 'dzin tshul khrims yul ni gang du'ang shes mi nus// gzhal yas bskur bar gang gis bsngags pa brjod par sla ba ma lags pa// khyu mchog dpag yas chos kyi dbang phyug 'dren pa khyod la phyag 'tshal lo// skye bo gang dag shes dang mo so pa sangs rgyas che ba rjes rtogs pa// de dag gis ni blo gros bsam yas rmad du kun lhag 'dren pa mthong // de nas byang chub sems dpa' sems dpa' chen po blo gros rgya mtshos tshigs su bcad pa 'di dag smras nas// bar snang las babs te/ bcom ldan 'das ga la ba de logs su thal mo sbyar ba btud nas// bcom ldan 'das la 'di skad ces gsol to// gal te zhus nas zhu ba lung bstan pa'i slad du// bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol ba dang / bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bkang stsal to// rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang de ngas lung /
- 18a
bstan pas khyod kyi sems rangs par bya'o// de skad ces bka' stsal pa dang / bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das byang chub sems dpa' sems dpa' chen po rnams kyi ting nge 'dzin shin tu dkar ba dri ma med pa'i phyag rgya zhes bgyi ba mchis te/ ting nge 'dzin de la rab tu gnas na/ byang chub sems dpa' sems dpa' chen po rnams/ bla na med pa yang dag par rdzogs pa'i byang chub tu mngon par rdzogs par 'tshang rgya zhes bdag gis thos na/ byang chub sems dpa' sems dpa' chen po rnams kyis shin tu dkar ba dri ma med pa'i phyag rgya'i ting nge 'dzin ji ltar 'thob pa dang / ci'i slad du shin tu dkar ba dri ma med pa zhes bgyi ga bcom ldan 'das de bzhin gshegs pas legs par bshad du gsol/ gting nge 'dzin de la 'jug pa'i sgor 'jug pa gang thos nas/ byang chub sems dpa' sems dpa' chen po rnams ting nge 'dzin 'di 'thob cing / myur du bla na med pa yang dag rdzogs pa'i byang chub mngon par rdzogs par 'tshang rgya bar 'gyur ba/ bcom ldan 'das de bzhin gshegs pas legs par bshad du gsol/ de skad ces gsos
- 18b
pa dang / bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bka' stsal to// skyes bu dam pa legs so legs so// / kye ma dri ma 'di bzang zhing dpyod pa 'di tshul bzhin yin te/ de'i phyir rigs kyi bu legs par rab tu nyon la yid la zung shig dang / byang chub sems dpa' sems dang chen po rnams kyis shin tu dkar ba'i dri ma med pa'i phyag rgyas ting nge 'dzin 'di ji ltar 'thob pa dang / myur du bla na med pa yang dag par rdzogs byang chub mngon par rdzogs par 'tshang rgya bar 'gyur ba ngas bshad par bya'o// bcom ldan 'das leg so zhes gsol te/ byang chub sems dpa' sems dpa' chen po blo gros rgya mtsho bcom ldan 'das kyi ltar nyan pa dang / bcom ldan 'das kyis skad ces bka' stsal to// blo gros rgya mtsho 'di la byang chub sems dpa' sems dpa' chen po ni dge ba'i rtsa bas brtan pa yin te/ dge ba'i bsam pa dang ldan pa nges pa'i phung po la rab tu gnas pa/ tshogs bsags pa/ dbang po rno ba/ dge ba'i bshes gnyen gyis yongs su zin pa/ sangs rgyas kyis byin gyis rlabs pa/ rgyu'i stongs chen yin te/ de ni sangs rgyas bcom ldan 'das rnams mnyes par byed/ ste sgra
- 19a
du byed/ bla mar byed/ rim 'gror byed/ mchod par byed do// sangs rgyas bcom ldan 'das de dag gi gzugs phun sum tshogs pa mthong zhing gsung snyan pa thos te/ 'khor phun sum tshogs pa yang mthong zhing / chags pa med pa'i mkhyen pa yang thos la/ rdzu 'phrul gyi cho 'phrul lam kun brjod pa'i cho 'phrul 'am/ rjes su bstan pa'i cho 'phrul gyis sems can 'dul ba mdzad pa yang mthong nas/ sems can rnams la snying rje chen po skyes te/ bla na med pa yang dag par rdzogs pa'i byang chub tu sems bskyed nas/ brtson 'grus brtsams pa te/ dge ba'i chos yongs su tshol ba la brtson zhing / thams cad mkhyen pa'i sems brjed pa med pas/ sems yongs su dag pa rnal 'byor du byed do// de sems yongs su dag pas ting nge 'dzin yongs su dag pa rab tu thob/ po// blo gros rgya mtsho 'di lta ste/ dper na/ rigs 'phags pa'i nor bu rin po che nor bu mkhan mkhas pa'i lag tu son pa/ ji tsam na yongs su dag pa dang / shin tu dkar ba dang / mthing bu dang bral ba dang / skyon med par gyur pa de sred du yongs su sbyangs na/ skyes bu mkhas pa nor bu rin po che la mkhas pa rnams 'du bar 'gyuraro//
- 19b
blo gros rgya mtsho de bzhin du byang chub sems dpa' rigs 'phags pas thams cad mkhyen par sems bskyed pa/ rin po che bskyed nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ji tsam na mthing bu dang bral zhing rlom sems kyi mthing bu dang bral bar 'gyur ba de srid du/ byang chub sems dpa' sems dpa' chen po de dge ba'i rtsa ba yongs su sbyangs pa bya ba dang / thos pa la mkhas pa yongs su sbyangs pa bya bas thams cad mkhyen ba'i sems bskyed pa rin po yongs su sbyangs na/ phyogs bcu'i sangs rgyas bcom ldan 'das rnams 'dri zhing / shin tu dkar ba dri ma med pa'i phyag rgya'i ting nge 'dzin 'di yang 'thob po// blo gros rgya mtsho 'di lta ste/ dper na/ rigs 'phags pa'i nor bu rin po che de ni rin po che'i rigs dgu las shin tu 'das par 'byung ste/ dgu gang zhe na/ 'di lta ste/ gser gyi rigs dang / dngul gyi rigs dang / shel gyi rigs dang / bai DUr+ya'i rigs dang / rdo'i snying po'i rigs dang // sdug gi rigs dang / mu tig dmar po'i rigs dang / ke sa ra'i rigs dang / dpal gyi snying po'i rigs dang / nor bu rin po che'i rigs dgu po 'di dag
- 20a
las shin tu 'das nas/ dri ma med cing rnam par dag pa'i 'od ces bya ba'i nor bu rin po che chen po'i rigs de las rin thang med pa'i nor bu rin po cher gyur te/ de 'khor los sgyur ba'i rgyal po'i yongs su spyad par gyur gyi/ de ma yin pa'i sems can ngan pa gzhan rnams kyi ma yin te/ nor bu rin po che de'i 'od gang yin pa des ni/ de ma yin pa'i nor bu rin po che gzhan rnams kyi 'od mog mog por byed do// blo gros rgya mtsho de bzhin du thams cad mkhyen par sems bskyed pa'i rin po che'i rigs dgu las shin tu 'das par 'byung ste/ dgu gang zhe na/ 'di lta ste/ so so'i skye bo dge ba rin po che'i rigs dang / dad pa'i rjes su 'brang ba'i rin po che'i rigs dang / chos kyi rjes su 'brang ba rin po che'i rigs dang / mtshan ma med pa la gnas pa rin po che/ rigs dang / rgyun du zhugs pa'i rin po che'i rigs dang / lan cig phyir 'ong ba'i rin po che'i rigs dang / phyir mi 'ong ba rin po che'i rigs dang / dgra bcom pa rin po che'i rigs dang / rang sangs rgyas rin po che'i rigs dang / rin po che'i rigs dgu po 'di dag las shin tu 'das nas/ bcu pa sangs
- 20b
rgyas kyis byin gyis brlabs pa'i lhag pa'i bsam pa snying rje chen po'i rin po che'i rigs las thams cad mkhyen par sems bskyed pa rin po che de 'byung ste/ de yongs su sbyangs na nyan thos dang rang sangs rgyas thams cad zil gyis non cing / sems can thams cad kyi sems kyi rgyud rnams la yang snang bar byed do// blo gros rgya mtsho 'di lta ste/ dper na/ nor bu rin po che chen po de gang gi tshe spungs pa bzod cing gnod pa bzod la// phug nas kyang nyes par ma gyur na/ nor bu rin po che chen po de ni 'di ltar sems can bsod nams byas pa dge ba'i rtsa ba bskyed pa rnams la phan par byed pa 'gyur ro// blo gros rgya mtsho de bzhin du/ thams cad mkhyen par sems bskyed pa rin po che de yang gi tshe/ sbyang ba bzod cing gnod pa bzod la/ bug nas kyang nyes par ma gyur na/ thams cad mkhyen par sems bskyed pa rin po che/ skyon thams cad dang bral ba de 'di ltar sems can thams cad la ngan pa byed par 'gyur ro// blo gros rgya mtsho de la thams cad mkhyen par sems bskyed pa rin po che sbyang po gang zhe na/ 'di lta ste/ sdom pa gsum gyis
- 21a
dge ba bcu'i las kyi lam yongs su dag pa dang / byams pa'i rjes su 'jug pa dang / sems can thams cad la byams shing dang ba dang / snying rje'i rjes su 'jug pas sems can thams cad kyi bya ba ci yod snyam pa la brtson pa dang / dga' ba'i rjes su 'jug pas/ sems can thams cad chos la sbyor ba dang / gtang snyoms kyi rjes su 'jug pas/ sems can thams la mi 'tsho zhing / rtag tu sems drang ba dang / g.yo dang rgyu med pas phan pa'i dngos po'i bsam par gyur pa dang / dge ba'i rtsa ba thams cad brtsegs pa la lhag pa'i bsan pa sbyor ba dang / cang shes kyi sems kyis dran pa dang / shes bzhin dang ldan pa dang / sems shin tu dul bas sems las su rung ba dang / dgang slangs sbyangs pa'i yon tan yo byad bsnyungs pa'i cho ga dang ldan pa/ gso sla bas 'phags pa'i rigs chog shes pa dang / bla ma dang sbyin gnas rnams la 'dud cing rab tu 'dud pa dang / nga rgyal med pas khengs pa dang / rtsod pa rnam par spong ba dang / sems nges par sems pas nga rgyal las kyang nga rgyal rnam par
- 21b
spong ba dang / rnyog pa med pas sems gsal ba dang / bdag la mi stod pas bdag shes pa la 'jug pa dang / gzhan la mi smod pas sems can rjes su srung pa dang / ngon gyi sems kyis chos la gus pa dang / de'i don so sor myong bas chos don du gnyer ba dang / de la gzhol 'bab/ bab pas chos 'dod pa dang / nyon mongs pa med pa la gnas pas chos la dga' ba dang chos ma yin pa rnam par spong bas chos yongs su tshol ba dang / rtag tu ngo tsha shes pas dkon mchog gsuM la dad pa rgyun mi 'chad pa dang / las kyi rnam par smin pa la yid ches pas/ mi dge ba thams cad la yid la mi byed pa'i bya ba la 'jug pa dang drang bas spyod lam sbas pa dang / khengs pa med pas mnyan pa dang / zhi gnas yongs su tshol bas rgod pa dang / bral ba dang / blo brtan pas snyom las med pa dang / rab tu mi g.yo bas sems ri dang mtshungs pa dang / rjes su chags pa dang / khong khro ba dang / bral bas sems dang mtshungs pa dang / bsam pa dag pas sems chu dang mtshungs pa dang / rlom sems med pas me dang mtshungs pa dang / gnas med pas sems rlung dang mtshungs pa dang / shin tu dri ma med pas sems nam mkha'
- 22a
dang mtshungs pa dang / sangs rgyas kyi tshul 'khrugs pa med pa'i phyir rab tu 'byung ba la gzhol ba dang / lus dben pa'i phyir dgon pa la dga' ba dang / sems dben pa'i phyir chos la sbyor ba dang / de byed cing yang dag par sgrub pa'i tshig bden pa dang / kha 'og tu lus 'khrugs par byed pa'i phyir ji skad smras pa de bzhin byed pa dang / nyon mongs pas mi rdzi ba'i phyir sems dpa' ba dang / shin tu mnyam pa med pa'i phyir brlabs yang dag par 'dzin pa dang / kha na ma tho ba phra rab la yang 'jigs par lta ba'i phyir tshul khrims lhod pa med pa dang / skye bar smon pa med pa'i phyir tshul khrims skyon med pa dang / gcig tu dkar po spyod pa'i phyir tshul khrims thun tshags ma yin pa dang / byang chub kyi yan lag sbyang ba'i phyir dge ba'i bshes gnyen la sten pa dang / mig yongs su dag ba'i phyir 'od zer thogs pa med pa dang / rna ba yongs su dag pa'i phyir sgra la thogs pa med pa dang / sna yong su dag pa'i phyir dri la thogs pa med pa dang / lce yongs su dag pa'i phyir/ ro la thogs pa med pa dang / lus yongs su dag pa'i phyir/ reg la thogs pa med pa dang / yid yongs su dag pa'i phyir chos
- 22b
la thogs pa med pa'o// blo gros rgya mtsho gzhan yang byang chub sems dpa' ni mi sdug pa shin tu bsgoms pa'i phyir/ 'dod chags kyi gdung ba dang bral ba yin// byams pa shin tu sgoms pa'i phyir/ zhe sdang gi gdung ba dang bral ba yin/ rten cing 'brel par 'byung la shin tu rtags pa'i gti mug gi gdung ba dang bral ba yin/ dbang po rnams la shin tu brtags pa'i phyir/ sgrib pa dang bral ba yin/ stobs yongs su dag pa'i phyir/ sgrib pa yang dag par bstsal ba yin// 'byung bar bya ba'i khams yongs su dag pa'i phyir/ kun nas ldang ba bstsal pa yin/ yang dag par sgrub pa'i phyir/ 'dod pa dang / zhe sdang dang / gti mug dang 'jig pa dang / nga rgyal dang bral ba yin/ chos kyi sbyin pa la ser sna med pa'i yin/ zang zing gi sbyin pa la kun 'dzin pa'i sems med pa yin/ theg pa sman pa la 'dod pa'i phyir/ byang chub kyi bsam pa yin/ dbang po sbas pa'i phyir/ nang nye bar zhi ba yin/ skyon shin tu mthong ba'i phyir phyi rol nye bar zhi ba yin/ sdig pa thams cad mi byed pa'i phyir/ 'khor bas skrag pa yin/ dge ba'i rtsa ba stsogs pas mi ngoms pa'i phyir/ yid yongs su mi skyo ba yin/ chu bo bzhi las bsgral pa'i phyir chos
- 23a
kyi gru chen po yang dag par sbyar ba yin/ pha rol du 'gro ba'i phyir stegs dang zam pa shin tu bcas pa yin/ thang la shin tu gnas pa'i phyir/ 'dam dang 'ongs las rgal ba yin te/ blo gros rgya mtsho de ltar byang chub sems dpa' sems dpa' chen po gang gi tshe/ chos 'di lta bu de dag gis dag pa dang / yongs su dag pa dang sbyin pa 'phags pa dang / tshul khrims yongs su dag pa de ni thams cad mkhyen par sems bskyed pa rin po che de sbyong ba'o// de nas de'i tshe bcom/ ldan 'das kyis tshigs su bcad pa 'di dag gsungs so// lus dang ngag rnams dang ni yid bsdams shing // rnam par dag pa'i las lam bcu la slob byams pas sems kun la yang dag lta// 'di ni thams cad mkhyen pa'i sems sbyong yin// snying rje ldan pas gzhan gyi bya bar brtson// dga' dang ldan pas chos pha rol sbyor// btang snyoms ldan pas chos mchog 'tshe ba med// 'di ni thams cad mkhyen pa'i sems sbyong yin// rtag tu drang zhing g.yo ni rnam par spangs// gzhan la phan byed sdig pa rnam par spangs// lhag bsam dge ba ci yin rjes su 'jug/ 'di ni thams cad mkhyen pa'i sems sbyong yin// shes rab rab 'jug
- 23b
dran dang shes bzhin can// sems rab dul bas sems ni las su rung // sbyang ba'i yon tan rnams g.yo sla ba// 'di ni thams cad mkhyen pa'i sems sbyong yin// 'phags rigs chog shes pa dang tshig mnyes dang // bla ma rnams la brtag tu 'dud byed dang // rtsod brdzun nga rgyal spang dang stobs ldan dang // brnyas pa log pa nam yang byed ma yin dang // sems ni nges sems mngon pa'i nga rgyal bral// sgog pa med cing rtag tu dang gsal// bdag shes pa la rim gyis 'jug par byed// gzhan la mi bskas sems can rjes su srung // chos la gus par dga' zhing gus dang bcas// sgrims te nyon mongs rnams ni spong bar byed// chos don gnyer zhing chos la rton par byed// rab tu chos don gzhol zhing 'bab par byed// chos la brtson zhing nyon mongs med par bsgoms// chos min spangs shing chos rnams yongs su tshol// dkon mchog gsum la dad pa mi byed ldan// 'di ni thams cad mkhyen pa'i sems spong yin// rtag tu mdzes dang ldan zhing nyes spyod ltog/ de bzhin gshegs pa'i kun la ngo tsha sdom// khrel yod ldan zhing 'dir ni dbang po bsdams// 'di ni thams cad mkhyen pa'i sems sbyong yin// rab tu sbyor bas
- 24a
las kyi bya bar 'jug/ bag yod pas na mtha' gnyis 'dzin mi byed// mkhas pa rten pa'i chos rnams rjes rtogs pa/ 'di ni thams cad mkhyen pa'i sems sbyong yin// spyod lam gyis ni drang ba'i dngos dang ldan// khengs pa med pas rtag tu mnyan pa yin// zhi gnas mchog dang ldan pas rgod pa med// 'di ni thams cad mkhyen pa'i sems sbyong yin// blo ni rab tu brtan pas nyams pa med// lhag mthong la ni ri rgyal ji bzhin te/ dam bcas brtan zhing bar skabs nyams pa med// 'di thams cad mkhyen pa'i sems sbyong yin// sdug bsngal bde bas mi g.yo g.yos dang mtshungs// bsam pa dag pas chu ltar dri ma 'khru// rtag tu rlom sems med pas me dang mtshungs// gnas med rgyu bas rtag tu rlung dang 'dra// rtag tu dri ma med par mkha' mnyam sems// rab tu 'byung bas sangs rgyas bstan pa rnyed// lus ni dben zhing zhi bas dgon pa dga'// sems dben pas ni chos kyi mchog la spyod// dge ba dben pa sgra dang yang dag smra// ji skad smras pa de bzhin de bzhin byed// nyon mongs mi rdzi dge la dpa' bo mchog/ shin tu bslabs pas bslab pa
- 24b
yang dag 'dzin// de la lhod pa nam yang yod pa yin// kha na ma tho chung la 'ang rtag tu 'jigs// byang chub mchog rgyu'i tshul khrims nyams pa med// yon tan dkar spyod tshul khrims 'dris pa med// dge ba'i bshes gnyen sten cing sdig pa med// rdzogs pa'i byang chub sems stsogs bya phyir brtan// de ltar de'i mig ni dri med kyis// 'jig rten kun la 'od zer mnyam pa ltar// mkhas pa de ni sna tshogs sgra thos nas// dga' med rangs pa med cing zhum pa med// blo ldan de ni sgra'i don rtogs shes/ de'i rna ba de ltar rnam dag nyid// sna yi dri dang lce'i ro rnams dang // lus kyis reg dang yid kyis chos rnams la// rigs nas mkhengs ma dud zhum pa med// de ltar de'i dbang po dag pa nyid// chags pas mi chags ldang bas ldang ba med// gti mug ma rmongs mi sdug gnas pa can/ byams la dga' zhing rkyen gyi chos sems pa// 'di ni thams cad mkhyen pa'i sems skyong yin// sgrib pa lnga po dag gis bsgrings pa med// de ltar des ni dbang po lnga yang bsgoms/ gang du'ang sgrib med brtsis pa 'ang med// stongs rnams lnga po dag la rab tu gnas// kunas ldang ba shes shing byung bcid/
- 25a
tshul bzhin ma yin spangs shing tshul bzhin gnas// dran pa nye bar gzhags pa bzhi la sten// yang dag spong dang rdzu 'phrul rkang par ldan// byang chub yan lag sten dang rtag tu ldan// brtan pa de ni yan lag brgyad lam mchog/ de ni 'dod dang nga 'jigs mi 'gro yi// gti mug bral zhing dbang po shin tu bsdams// chos kyi sbyin la de ni ser sna med// slob dpon nam yang chos 'chab mi byed de// zang zing med par chos ni ston par byed// des na de'i byang chub sems dag 'gyur// don zang zing rnams la kun 'dzin med// rnam smin re med 'dod dgu gtong bar byed// sbyin dang snyan dang don byed don mthun pas// de ni sems can brgya dag rab tu sdud// de'i byang chub sems ni brjed mi 'gyur// theg pa dman la nam yang re ba med/ ji lta ji ltar sangs rgyas yon tan mthong // de lta de ltar de bsam ri rab 'dra// nang ni rab zhi sred pa'i nyes pa thos// de ni gzhan gyi 'khrul pa lta mi byed// 'dus byas nyes pa dag kyang shin tu mthong // 'khor bas 'jig par sdig pas rnams mi byed// legs spyod khur khyer bas ni skyo ba med// zhing rnams sbyong
- 25b
bar 'dod la nyams pa med// chos rnams yongs su gzung bas zhum pa med// sems can thar byed rgyu la 'jig pa med/ chu bo bzhi po dag las bsgral ba'i phyir// de ni chos gru yang dag sbyor bar byed// lus ngan mya ngan 'das lam gzud pa'i phyir// de ni stegs dang zam pa 'chang bar byed// 'dam las rgal cing 'obs las rgal nA ni// thang la gnas shing de dag 'jigs med gnas// 'jigs pas g.yen spyod rnams la 'jigs med ston// bdag nyid/ rgal nas de dag gzhan yang sgrol// gang dag chos tshul 'di dag rnam dag cing // rdzogs pa'i byang chub sems brtan kha lo sgyur// de dag byang chub sems mchog rnam dag ste// nyon mongs dri mas gzhan yang gos mi 'gyur// ji ste nam mkha' nyon mongs bya bar nus// de la rjes kyang bstan par nus srid kyi// rang bzhin 'od gsal rdzogs pa'i byang chub sems// de ni nam yang nyon mongs byar mi nus// thams cad mkhyen pa'i sems rin po che yongasu sbyang pa'i le'u ste dang po'o// / 'phags pa blo gros rgya mtshos zhus pa/ bam po gnyis pa/
- 26a
blo gros rgya mtsho thams cad mkhyen par sems bskyed pa rin po che de'i bzod pa ni ji lta bu/ thams cad mkhyen pa'i sems bskyed pa rin po che de'i gnod pa ni gang zhe na/ blo gros rgya mtsho 'di la byang chub sems dpa' sems dpa' chen po thams cad mkhyen par sems bskyed pa rin po che de ltar bskyed nasa'aphags pa ma yin pa'i tshul khrims 'chal pa'i sems can rnams sam/ bdud rnams sam/ bdud kyi ris kyi lha rnams sam/ bdud kyis byin gyis brlan ba rnams sam/ bdud kyi pho nya rnams kyis btses sam/ rnam par gces sam/ bskyod dam/ kun tu bskyod dam/ dkrugs sam/ kun tu dkrugs sam/ bsdim samaHbdegs kyang / byang chub tu bsam pa'i sems bskyed pa de las mi phyed pa dang / sems can thams cad rab tu thar par bya ba'i snying rje chen po pos brtson 'grus rtsams pa las mi byed pa dang / dkon mchog gsum gyi rigs mi 'chad bar bya bar brtson pa las mi phyed pa dang / sangs rgyas kyi chos thams cad yang dag par bsgrub pa'i dge ba'i rtsa ba la sbyor bas mi byed pa dang / mtshan dang dpe byad bzang po yongs su grub par 'gyur ba'i bsod nams kyi tshogs rdzogs pa las mi byed
- 26b
pa dang / sangs rgyas kyi zhing yongs su sbyang ba mngon par bsgrub par brtson pa las mi phyed pa dang / lus dang srog 'dor zhing dam pa'i chos yongs su 'dzin par mngon par brtson par pa las mi phyed pa dang / sems can thams cad yongs su smin par bya ba la mngon par brtson zhing / bdag bde ba la mi chags pa las mi byed pa ste/ de de ltar lhag pa'i bsam pa phun sum tshogs par gyur pas/ sems can thams cad kyis dpyas kyang bzod/ thing slad byas pa dang / smon pa dang / bshung ba byas kyang bzod/ sems can thams cad kyi spyod sam/ ngan du brjod dam/ ngan du smras pa'i tshig gi lam yang bzod/ de sems can thams cad kyi gnod pa yang bzod/ sems can thams cad kyi khur yang bzod/ sgrol bas kyang skyo ba med zhum pa med/ kun tu zhum pa med/ sgyid lug pa med/ yid 'chang ba med kyi stobs nye bar ston par byed/ mthu skyed par byed cing brtson 'grus rtsom la/ rtul bas rtul bar byed de/ spro ba skyed cing rmongs pa'i sems mi 'dzin to// de spyod/ kyang slar mi gshe/ brdegs kyang slar mi brdeg/ khros kyang slar mi khro 'jug kyang slar mi 'khrug ste/ de ltar sems bgreng ba'i go mgyon to// 'di lta ste
- 27a
theg pa chen po 'di ni 'jig rten thams cad dang mi mthun pa'i theg pa'o// de ci'i phyir zhe na/ sems can de dag ni rgyun gyi rjes su 'gro ba dag go// bdag ni rgyun las ldog par rtsol bar 'dod pa'o// sems can de dag ni phan tshun mi 'thun pa dag go/ bdag ni sems can thams cad kyi mi 'thun pa spang ba'i ba'i phyir go ca dgos pa'o// sems can de dag ni gnod sems la dpa' ba dag go/ bdag ni bzod pa dang nges pa yongs su tshol ba'o// sems can de dag ni gcig la gcig yongs su 'drid par gnas pa dag go// bdag ni shes rab kyis ngoms pa yongs su tshol ba'o// gal te sems can de dag phyogs bcu'i rab tu dbye bas rab tu dbye ba ji snyed pa de dag thams cad ral gri dang / mdung thung dang / 'da' bo che lag na thogs te/ bdag gi phyi bzhin 'brang yang sa phyogs du 'greng ngam/ 'dug gam 'chag gam/ nyal yang rung ste/ byang chub kyi sems skye bar 'gyur ba dang / sbyin pa'i sems sam tshul khrims kyi sems sam bzod pa'i sems sam/ brtson 'grus kyi sems sam/ bsam gtan gyi sems sam/ shes rab kyi sems sam/ thos pa'i dge ba'i sems skye bar
- 27b
'gyur ba'i sa phyogs der de bdag lus rgya shug gi lo ma'i brgya ca tsam du gtub sam/ rnam par gtor tam/ rnam par bcom 'am/ sems can de dag thams cad las gzhan mi byed par rgyun du gshe 'am/ bsdigs sam/ smod dam/ sang shu ngam/ tshig ngan pa dang / ngag rtsub pos smra ba de ltar gyur kyang / bdag gis sems can 'ga' la yang 'khrugs pa'i sems skyed par mi bya'o// de ci'i phyir zhe na/ sngon gyi mtha' nas 'khor ba tshad med pas byas pa ste/ gang du bdag gi lus 'di sems can dmyal bar song ngam/ dud 'gro'i skye gnas su song ngam// gshin rje'i 'jig rten du song ngam/ mir gyur kyang rung ste/ 'dod pa'i zas kyi dri ma can du gyur nas/ chos thos pa dang mi ldan zhing yang ba'i spyod yul don med pas 'tsho ba can du gyur te/ yan lags dang nying lag brgyar gshegs shing / gtungs te phye zhing phral la bya ba mang pos byas kyang bdag gis gzhi de las bdag gi don byas kyi/ gzhan gyi don ma byas te/ gzhan gyi don ma byas kyi/ gal te sems can de dag thams cad kyis phyi ma'i mthar bdag gi lus gshegs gtungs/ rnam par gtor/ rnam par bcom pa de lta bur
- 28a
gyur kyang / bdag gis thams cad mkhyen pa yongs su mi gtong ngo // sems can thams cad yongs su mi gtong ngo // dge ba'i chos la 'dun pa yongs su mi gtong ngo // de ci'i phyir zhe na/ lus gtub pa'i lus kyi gnod pa 'di thams cad ni/ sems can dmyal ba pa'i sdug bsngal gyi brgya char yang nye bar mi 'gro ba nas rgyu'i bar du yang mi bzod do// bdag ni sems can dmyal bar gnas par mi spro'o// bdag gis sangs rgyas kyi chos gtang bar mi bya'o// sems can thams cad rab tu thar bar bya ba la dmigs pa'i snying rje chen po mi gtong ngo // de ci'i phyir zhe na/ de ni bcom ldan 'das kyis kyang gsungs/ te/ dge ba la bar chad mang ngo // mi dge ba'i phyogs la grogs byed pa ni mang ngo // dge ba'i phyogs la grogs byed pa nyung ngo zhes gsungs pas/ bdag gis mi dge ba'i phyogs kyi grogs mi bya'i/ dge ba'i phyogs kyi grogs bya'o// sems can thams cad la bzod pa bya'o// gnod sems su mi bya'o// sems can de dag la gang yod pa de byin yang / bdag la gang yod pa de bdag gis sbyin par bya ste/ sems can de dag la gnod sems dang / khro ba dang / khon du
- 28b
'dzin pa yod pa de dag/ de rnams kyis byin yang bdag la bzod pa dang / des pa gang yod pa de bdag gis sbyin par bya'o// bdag gis bzod pa'i stobs bstan par bya'i/ gnod sems ni ma yin no snyam mo// blo gros rgya mtsho lus dang srog 'dor ba'i byang chub sems dpa' sems dpa' chen po rnams la ni bla na med pa yang dag par rdzogs pa'i byang chub rnyed dka' ba ma yin no// gang gi gzhi las gnod sems 'byung ba'i chos de bdag gis spang bar bya'o snyam mo// chos de gang zhe na 'di lta ste/ lus la dga' ba dang / lus la gnas pa dang / lus la chags pa ste/ lus btang nas gnod sems kyang gtong ngo // blo gros rgya mtsho de ltar bgrang ba la zhugs pa'i byang chub sems dpa' sems dpa' chen po ni sems can thams cad kyi gnod pa bzod de mi skye mi khro'o// de gnod pa gsum bzod de/ gsum gang zhe na/ lus kyi gnod pa dang / ngag gi gnod pa dang / sems kyi gnod pa'o// blo gros rgya mtsho de la byang chub sems dpa'i lus kyi gnod pa gzod pa gang zhe na/ gang yan lag dang nying lag rnam bcad kyang chos nyid la rton te/ gang de'i lus gcod pa'i sems can de nyid la blta'o// blo gros
- 29a
rgya mtsho de la thabs la mkhas pa'i byang chub sems dpa'i lus gcod pa na/ pha rol tu phyin pa drug sgom pa yongs su rdzogs par 'gyur ro// blo gros rgya mtsho ji lta na thabs la mkhas pa'i byang chub sems dpa'i lus gcod pa na/ pha rol tu phyin pa drug bsgom pa yongasu rdzogs par 'gyur zhe na/ gang lus 'dor ba dang lus yongs su gtong ba dang / lus la mi lta ba 'di ni/ de'i sbyin pa'i pha rol tu phyin pa'o// gang lus yongs su gcod pa na/ sems can thams cad la byams pas khyab par byed pa dang / tshor ba rnams kyis mi 'phrogs pa 'di ni/ de'i tshul khrims kyi pha rol tu phyin pa'o// gang lus yongs su gcod pa na/ gang dag de'i lus gcod pa de dag nyid rab tu thar par bya ba'i phyir bzod cing sems kyis rma mi phyin te/ bzod pa'i stobs nye bar ston pa 'di ni/ de'i bzod pa'i pha rol tu phyin pa'o// brtson 'grus gang gis thams cad mkhyen pa nyid la 'dun pa mi 'dor zhing sems kyi stobs bskyed pa yang rab tu 'dzin la 'khor ba nyid du mtshams sbyor zhing / dge ba'i rtsa ba brtsam pa yang rtsom pa 'di ni/ de'i brtson 'grus kyi pha rol tu phyin pa'o// gang lus rnam pa 'dod
- 29b
ba na thams cad mkhyen par sems bskyed pa rin po che de mi brjed cing byang chub nyid la lta ba dang / zhi ba dang / rab tu zhi ba la so sor rtog pa 'di ni/ de'i bsam gtan gyi pha rol tu phyin pa'o// gang lus gtod pa na/ lus la rtswa dang rtsig pa dang / shing dang rdo dang / mig yor lta bar so sor rtog cing lus la sgyu ma'i chos nyid du 'jug pa dang / yang dag par mi rtag pa nyid dang / yang dag par sdug bsngal ba nyid dang / yang dag par na bdag med pa nyid dang / yang dag par ni zhi ba nyid du lus la rtog pa 'di ni shes rab kyi pha rol tu phyin pa'o// blo gros rgya mtsho de ltar na thabs la mkhas pa'i byang chub sems dpa'i lus gcod pa ni/ pha rol tu phyin pa drug bsgoms pa yongs su rdzogs par 'gyur zhing theg pa chen po de las nyams par mi 'gyur te/ 'di ni byang chub seMs dpa'i lus kyi gnod pa bzod pa'o// blo gros rgya mtsho de la byang chub sems dpa'i ngag gi gnod pa'i/ bzod pa gang zhe na/ gang ngan du brjod pa'i tshig thams cad dang du len pa dang / gshe ba dang / bsdigs pa dang / smad pa dang / bshung ba dang / bsdigs mo byed pa thams cad bzod pa dang /
- 30a
yod pa 'am med pas glengs kyang mi 'khro ba dang / khon du mi 'dzin pa dang / bag la nyal ba spong ba'o// blo gros rgya mtsho de la thabs la mkhas pa'i byang chub sems dpa' sems dpa' chen po ngan du brjod pa dang / ngan du smras pa'i tshig gi lam dang / gshe ba sdig pa dag pha rol las thos na pha rol tu phyin pa drug bsgom pa yongs su rdzogs par 'gyur ro/ blo gros rgya mtsho ji ltar na thabs la mkhas pa'i byang chub sems dpa'i ngan du brjod pa dang / ngan du smras pa'i tshig gi lam dang / gshe ba dang sdig pa dag pha rol las thos na/ pha rol tu phyin pa drug bsgom pa yongs su rdzogs par 'gyur zhe na/ blo gros rgya mtsho 'di la byang chub sems dpa' sems dpa' chen po ngan du brjod pa dang / ngan du smras pa'i tshig gi lam dang / bshe ba dang bsdig pa dag pha rol las thos na/ dran pa 'di lta bu rab tu 'thob ste/ sems can 'di ni sngon nas ser sna can du gyur pa 'byung ba ste/ ser sna'i dri mas kun tu bskor ba des/ gang dag de'i gnod sems kyi dri ma spang ba'i phyir chos ston pa'i dge ba'i gshes gnyen rnams la ma sten/ gus par ma byas/ bsnyen bkur ma byas pa'o// bdag ni gtong ba la
- 30b
mos shing ser sna med par bya/ dge ba'i gshes gnyen la brten par bya/ bsten par bya/ bsnyen bkur bya'o snyam ste/ de dag srung zhing gnod sems kyang spong ba 'di ni de'i sbyin pa'i ba'i pha rol tu phyin pa'o// gzhan yang 'di snyam du sems te/ sems can 'di ni tshul khrims 'chal pa las ma mthong ba ste/ de ni bdag la gshe zhing sngags pa'o// bdag ni tshul khrims dang brtul zhugs yang dag par blangs pa las mi nyams par bya'o// gnod sems med par bya'o// byang chub kyi sems yongs su bsrung bar bya'o// las kyi rnam par smin pa la brtan par bya'o// snyam pa 'di ni de'i tshul khrims kyi pha rol tu phyin pa'o// gzhan yang de 'di snyam du sems ste/ sems can 'di ni zhe sdang gi shas che zhing gnod sems mang ba ste/ de ni bdag la gshwe ba sdigs pa'o// bdag ni bzod pa'i stobs mang du bya ste byams pa la gnas par bya'o snyam pa 'di ni/ de'i bzod pa'i pha rol tu phyin pa'o// yang de 'di snyam du sems te/ sems can 'di ni le lo can// dge ba'i chos dang bral ba ste/ de ni bdag la gshe zhing sdigs pa'o// bdag ni brtson 'grus brtsam par bya dge ba'i rtsa ba yongs su btsal bar brtson pa la
- 31a
mi ngoms par bya ste/ sems can 'di byang chub kyi snying por snga rje 'jug par byas la/ phyis bdag bla na med pa yang dag par rdzogs pa'i byang chub mngon par rdzogs par 'tshang rgya bar bya'o// snyam du de ltar go cha gyon pa 'di ni/ de'i brtson 'grus kyi pha rol tu phyin pa'o// gzhan yang de 'di snyam du sems te/ sems can 'di ni brjed nges pa/ shes bzhin med pa/ nyon mongs pa nges par ma bsams pa ste/ de ni bdag la gshe zhing sdigs pa'o// bdag ni nyon mongs pa nges par bsam par bya/ dran pa dang shes bzhin can du bya/ rtse gcig tu byang chub kyi sems mi brjed par bya ste/ sems can ma dul ba/ ma zhi ba ma sbas pa nye bar ma zhi ba/ 'di lta bu dag gi mngon du bdag gis go cha chen po bgos ste/ 'di ltar sems nges par sems su gzhug go snyam pa 'di ni de'i/ bsam gtan gyi pha rol tu phyin pa'o// gzhan yang de 'di snyam du sems ste/ sems can 'di ni shes rab 'chal pa/ bdag tu smra ba/ sems can du lta bar dmigs pa'i spyod yul ba ste/ 'di ni bdag la gshe zhing sdigs pa'o// bdag gi chos nyid la rten par bya'o snyam ste/ 'di la gshe ba dang / rdzob su yin la/
- 31b
des yongs su tshol ba na/ gang gshe ba dang / khro ba'i chos de mi dmigs shing bdag dang / gzhan mi dmigs pas dmigs par lta ba dang / bral bar bzod pa 'di ni shes rab kyi pha rol tu phyin pa'o// blo gros rgya mtsho de ltar na/ thabs mkhas pa'i byang chub sems dpa'i don du brjod pa dang / ngan du smra ba'i lam gyi lam dang / gshe ba dang / sdigs pa dag pha rol las thos na/ pha rol tu phyin pa drug bsgom pa yongs su rdzogs par 'gyur zhing / theg pa chen po de las kyang mi nyams ste/ 'di ni byang chub sems dpa'i ngag gi gnod pa bzod pa'o// blo gros rgya mtsho de la byang chub sems pa'i sems kyis gnod pa bzod pa gang zhe na/ gang bdud thams cad kyis byang chub kyi sems de las phral yang mi g.yo ba dang bas kyi rgol ba dmigs par lta ba la mngon par zhen pa thams cad kyis yang dag par bsam bar zhugs pa thams cad mkhyen pa'i sems de las mos pa bzlog kyang mi brjed pa dang / sangs rgyas kyi gzugs su 'dug kyang mi mnyam pa dang / mnyam pa'i sems de las nyams par byed mi nus te/ bdud rdzu 'phrul rab tu chen po dag gis/ khyod kyis theg pa chen po yang dag par bsgrub par mi nus kyis/ khyod kyis ches
- 32a
#// bar bya ba 'di thong shis na kyi son 'grus 'di 'or cig/ byang chub ni rnyed par dka' ba sangs rgyas kyi chos rnams ni rnyed par dka' ba ste/ 'dir 'khor ba'i sdug bsngal mang du myong bar 'gyur ro// gang dag mya ngan las 'das pa de dag ni bde ba yin gyis/ skyes bu dam pa khyod myur du mya ngan las 'das par gyis shig ces de las sems skul zhing / sems dran par byed la/ blo gros rgya mtsho gal te byang chub sems dpa' sems dpa' chen po la de ltar bral bar byed/ de ltar mos par bzlog pa byed kyang / sngon gyi cho ga mi 'dor zhing / bsam pa rnam par dag 'khrugs par mi byed kyi/ de 'di snyam du sems te/ bdag gis nges par byang chub kyi snying po la gnas par bya/ bdag gis nges par bdud dpung dang bcas par pham par byas te/ bla na med pa yang dag par rdzogs pa'i byang chub mngon par rdzogs par 'tshang rgya bar bya/ bdag gis nges par chos kyi 'khor lo rab tu bskor bar bya/ bdag gis nges par stong gsum gyi stong chen po'i 'jig rten gyi khams su chos kyi gtam chen po brjod par bya/ bdag gi sems can thams cad mgron du gnyer la/ cho cas kyi sbyin pas tshims par bya'o// sangs rgyas dang byang chub sems dpa' thams cad dang /
- 32b
bdag dang gzhan gi sems rig pa'i lha rnams kyis byang chub tu bsam pa rigs/ bdag gis thams cad mkhyen pa'i sems kyi gnod pa bzod par bya'o// sangs rgyas rnams dang / lha rnams dang / sems can thams cad dang / bdag la slu bar mi bya'o// snyam pa 'di lta bu ni/ blo gro rgya mtsho byang chub sems dpa'i sems kyi gnod pa bzod cing theg pa chen po de las mi byed pa ste/ blo gros rgya mtsho 'di ni thams cad mkhyen par sems bskyed pa rin po che de'i gnod pa bzod pa'o// bzod pa'i pha rol tu phyin pa'i go cha gang yin pa dang / brtson 'grus kyi pha rol tu phyin pa gong pa med pa med pa gang yin pa/ pha rol tu phyin pa 'di gnyis yongs su rdzogs par byed pa 'di ni/ byang chub sems dpa'i sems kyi gnod pa'i bzod pa'o// de nas de'i tshe bcom ldan 'das kyi tshig su bcad pa 'di dag gsungs so// byang chub lam las bsam pa mi byed cing // de ni snying rje las kyang phyed ma yin// bdag gis dkon mchog gsum po bsrung bar bya// sangs rgyas chos rnams yang dag bsgrub par bya// sum cu rtsa gnyis khyed 'bags mtshan dang dpe byad bzang // gang dag gis ni stobs bcu rnams kyis lus mdzes pa// la phyir mchod sbyin bya
- 33a
ba byed/ gnod pa shin tu rnam mang bzod cing yon tan byug/ brgya phrag mtha' yas zhing rnams de dag bdag gis sbyangs// rin chen chos mchog de ni bdag gis srung bar bya// brgya phrag mtha' yas sems can de dag bdag gis dgrol// des na gnod pa bzod cing bsam pa mi byed do// phyogs bcu'i sems can khams ni mtha' yas ji snyed pa/ thams cad 'dus par gyur nas lag na mtshon thogs te// de dag de la 'jigs sbyin gshe zhing sdigs byed kyang // yon tan phyir ni bsdigs nga 'phya ba bzod par byed// sngon mtha'i bskal pa brgya phrag mtha' yas ji snyed par// de dag rgyun mi 'chad par tshig rtsub smras kyang ni/ bdag nyid chen po de bzod mi khro gshe ba med// de ltar rtog pa rnams gnod pa dag par 'gyur/ sems can lag na mtshon thogs lhan cig du// bdag ni lus kyi yan lag dum bu dum bur gdubs// 'on kyang bdag gi sems yid nam yang khro bar mi bya ste// byang chub yid la byas na gnod 'di dag par 'gyur// 'greng ngam 'dug gam 'chag gam 'on te nyal yang rung / gang du byang chub sems mchog 'di dang sbyin pa dang // dul ba'i sems dang gzhan yang
- 33b
dkar sems mi 'dor ba// der ni de'i lus dum bu dum bur rnam par 'thor// sems dmyal dud 'gro'i skye gnas yi dag 'jig rten mir// bskal pa/ brgya phrag mtha' yas don med lus kyi gtubs// sangs rgyas ye shes mngon par 'dod pas lus 'dor zhes// skyes bu de ni yid kyang yang dag tshim par byed/ mi'i sdug bsngal rgyu ni rnam pa du ma dag/ mtshams med sdug bsngal brgyar yang nye bar mi 'gro ba'i// dmyal ba rnams su bskal pa brgyar ni gnas bar spro// rgyal ba dang ni chos dang sems can mi gtang ngo // bdag lus mi rtag ring du mi thub sgyu ma 'dra// khams bzhi de dag gdug pa'i sbrul dang 'dra bar gsungs// bdag gi lus por byas te dug med 'gyur bar bya// nyon mongs dug zhi nas ni rang byung sangs rgyas 'gyur// srid gsum 'jig rten 'di na lus bde 'gyur ba'i gzhi// 'dod pa'i zas rgyu cung zad ji snyed 'jigs pa ste// bdag gis lus gtang 'jigs pa med par 'gyur bar bya// bgrang ba 'di la gnod pa bzod// nag po'i phyogs la grogs ni brgya stong phrag kyang mang // dkar po'i phyogs ni gang la yang grogs gcig pur 'gyur// bdag ni mi dge
- 34a
rnams dang rtsod par mi bya ste// sangs rgyas bzod pa gsungs pas bzod pa bdag gi grogs// phyogs bcu'i sangs rgyas de dag 'dir ni bdag gi dbang // ji ltar sangs rgyas sku la sems ni mi phyed do// sangs rgya dang ni bdag nyid che lha bdag gi grogs// gnod pa bzod par bya ba'i sdad bar mi bya'o// gnod pa lus dang ngag yid rnam pa gsum du gsungs// gang bzod dpa' bo de ni mi byed bzod pa yin// lus kyi sdug bsngal rnam pa mtha' yas yod pa dag gal te lus la bzod pa'i lus gnod par dag par 'gyur// lus ni dum bu dum bur gtubs ste rnam 'thor tshe// thabs ldan che ba'i bdag nyid pha rol phyin rdzogs 'gyur// sprin dang tshul khrims bzod dang brtson 'grus bsam gtan dang // shes rab khyed 'phags dam pa skad cig tsam gyis 'dzin// lus dang sems la sreg pa'i nyon mongs rnams kyang 'dor// sbyin dang rab tu ldan par 'gyur// byams pas 'jig rten khyab byed tshul khrims nyams mi 'gyur// byang chub rjes su 'gro bas tshul khrims dag par 'dzin// bzod pa'i stobs skyed yan lag rnams dang nying lag gcod// de yang de'i bzod pa'i pha rol
- 34b
tu phyim pa sbyor/ brtson 'grus gces pa ma zhum par skabs sgyid lug med// lus ni rnam par 'thor zhing brtson 'grus pha rol 'gro// byang chub sems kyi bsam pa dran pa mi 'dor zhing // nyon mongs mun pa rdul rnams gsal rlab tu brtson// lus bshig nas ni bsam gtan stobs dang rnam thar 'thob// 'di yang rdal bral bsam gtan pha rol phyin la sbyor// bdag gis lus ni bdag med rmi lam glog dang 'dra// 'di la byed pa po med tshor ba po yang med// lus// kyi gzings pas bcings pa'i sems can bdag gis dgrol// shes rab 'di ni khyad 'phags pha rol phyin pa mchog/ gang zhig 'di la sbyor zhing tshul bzhin chos/ sems la// lus kyi gnod pa bzod cing rab sdang mi byed de// mi snyan pa dang bshung ba'i tshig thos kyang // de ni zhe sdang mi 'gyur byams ldan sems kyang dul/ tha ba rab tu rab tu zhe sdang por 'di sbyin pa dag/ byams pa ba'i yid lagyur ba 'di ni tshul khrims dag/ bzod pa'i stobs bskyed 'di ni bzod pa dag pa yin/ sang rgyas ye shes 'dod rnams brtson 'grus phyir zhing bskyed// sems dang yid rab zhi ba 'di ni bsam gtan dag/ sgra skad mi rnyed 'di ni shes rab dag pa yin/
- 35a
mi'i tshig thos nas ni gang chos 'di sems pa// de 'dir gnod bzod ngag gi skyon la chags pa med// bdud dang mu stegs can gyi ltar brgya stong gis// gnas 'di rnyed dka' sbyor ba 'or brjod kyang // mi skrag zhum pa med cing phyi phyir mthu bskyed de// mkhas pa de ni gnod dang sems gnod mtha' yas bzod// gang zhig bzod dang brtson 'grus rab gnas ri rab 'dra// sems can kun na'ang dpa' bo de 'dir gnod pa bzod// stobs bcu rnams kyi sbyangs pa dang ni gnod shes nas// byang chub rjes su 'gro bas byin nas lung ston to// blo gros rgya mtsho de la thams cad mkhyen par sems bskyed pa rin po che de'i 'bigs pa gang zhe na// blo gros rgya mtsho 'di la byang chub sems dpa' sems dpa' chen po thams cad mkhyen par sems bskyed pa rin po che des rlom sems su mi byed de// thams cad mkhyen pa'i sems de la rten par mi byed// gnas par mi byed/ len par mi byed/ 'dor bar mi byed/ spros par mi byed/ rtogs par mi byed/ rnams par rtogs par mi byed kyi/ rnam par rtog pa nye bar zhi ba la gnas pa yin te/ de chos zab mo rnams la
- 35b
blos rnam par 'byed do// chos zab mo de dag gang zhe na/ 'di lta ste/ rten cing 'brel bar 'byung ba'i lugs su 'byung ba dang / rgyu la dmigs pa khongs su chud pa dang / rtag pa ma yin pa dang / chad pa ma yin pa dang / mthar lta ba dang bral ba dang // rang bzhin gyis bdag med pa dang / bdag ngo nyid med pas chos thams cad ngo bo nyid med pa dang / gdod ma nas ma skyes pa dang / ma byung ba dang / stong pa nyid la mos pa dang / mtshan ma med pa la yid ches pa dang / smon pa med pa la som nyid med pa dang / mngon par 'du byed pa med pa la de kho na'i blo dang ldan pa dang / shin tu mi rtag pa nyid dang / gzugs lbu ba dang mtshungs pa nyid dang / tshor ba chu bur dang 'dra ba nyid dang / 'du shes smig rgyu dang mtshungs te gnyis su med pa nyid dang / 'du byed rnams la chu shing dang mtshungs par so sor rtogs pa dang / rnam par shes pa sgyu ma lta bu'i chos nyid dang / khams rnams g.yo ba med pa nyid dang / skye mched rnams phan tshun du shes pa med pa nyid dang / sems gnas med pa dang / nga rgyal yid la mi byed pa dang / lhag par byed pa lhag par mi byed
- 36a
pa dang mnyam pa nyid la mnyam pa nyid du rtogs pa dang / tha dad du bya ba med pa dang / ro gcig pa dang / 'grod pa gcig pu'i lam la rab tu gnas pa dang / lam gyi tshogs shes yongs su tshol ba dang / nges pa'i don la rton pa dang / don gyi rjes su zhugs pa'i blo dang / skad thas cad la skad med par 'jug pa dang / sgra thams cad la sngon gyi mtha' dang / phyi ma'i mtha' yongs su chad pa shes pa dang / don dang tshigs 'bru gnyis su med pa la 'jug pa shes pas don brjod du med par rtogs pa dang / sdug bsngal shes pa ngar 'dzin pa med pa dang / kun 'byung ba shes shin tu zad pa dang / 'gog pa shes sgro btags pa med pa dang / lam shes pa 'dus byas 'dus ma byas mnyam pa nyid du 'jug pa dang / lus la zhugs pa'i dran pa sngon gyi mtha' dang / phyi ma'i mtha' 'pho ba med pa dang / tshor ba la zhugs pa'i dran pa skye ba dang // 'jig par mi gnas pa dang / sems la zhugs ba'i dran pa'i dmigs pa la shin tu brtags pa dang / chos la zhugs pa'i dran pa chos dbyings ma yin pa dang / yang dag par spong ba mnyam pas mnyam pa dang //
- 36b
rdzu 'phrul gyi rkang pa sems la dbang bsgyur bar gyur pa dang / dad pa'i dbang po chags pa thams cad las shin tu 'das pa dang / brtson 'grus kyi dbang po dben pas nges byung ba dang / dran pa'i dbang po dran pa med pa dang / ting nge 'dzin gyi dbang po yid la byed pa med pa dang / shes rab kyi dbang po spros pa las shin tu 'das pa dang / dad pa'i stobs gzhan gyis drin mi gzhog pa dang / brtson 'grus kyi stobs dmigs pa rtogs pa med pa dang / dran pa'i stobs nyams pa med pa dang ldan pa dang / ting nge 'dzin gyi stobs sems nges par sems par gyur pa dang / shes rab kyi stobs mi 'khrugs pa'i rgyu mthun pa dang / dran pa yang dag byang chub kyi yan lag dran pa med cing brjid pa med pa dang / chos rnam par 'byed pa yang dag par byang chub kyi yan lag chos thams cad mnyam pa nyid du 'jug pa dang / brtson 'grus yang dag par byang chub kyi yan lag len pa med cing 'dor ba med pa dang / dga' yang dag byang chub kyi yan lag dpa' rlabs med pa dang / rab tu sbyangs pa yang dag byang chub kyi yan lag lus dang sems la zhugs pa dang / ting nge 'dzin yang dag byang chub kyi yan lag mnyam pa nyid khong du chud pa dang /
- 37a
gtang snyoms yang dag byang chub kyi yan lag gnyid dang bral ba dang / yang dag pa'i lta ba thams cad spong ba dang / yang dag pa'i rtog pa dang / rnam par rtog pa dang / yongs su rtog pa thams cad dang bral ba dang / yang dag pa'i ngag sgra skad thams cad mnyam pa nyid la 'jug pa dang / yang dag pa'i las kyi mtha' lus dang sems kyi las dang bral ba dang / yang dag pa'i 'tsho ba tshol ba thams cad rgyun bcad pa dang / yang dag pa'i rtsol ba 'degs pa med cing 'jog pa med pa dang / yang dag pa'i dran pa dge ba dang / mi dge ba'i rnam par rig pa la mi 'jug pa dang / yang dag pa'i ting nge 'dzin sems kyi dmigs pa mnyam pa nyid la 'jug pa dang / zhi ba zhi gnas kyi mthar song ba dang / lhag mthong lta bas rnam par dag pa dang / skye ba med pa'i don mi rtag pa'i don dang / gdod ma nas ma skye ba'i don sdug bsngal gyi don dang / rgyu ba med pa'i don bdag med pa'i don dang / nye bar zhi ba'i don dang / dul bas sbyin pa dang bsil ba'i dngos por gyur ba'i chu khrims dang / zad pa'i chos dang ldan pa'i bzod pa'am/ shin tu rnam par phye bas rnam par 'byed pa'i brtson 'grus dang / nang nye bar zhi ba'i bsam gtan
- 37b
dang / yang dag pa ji lta ba bzhin du rab tu shes pa'i mtshan nyid kyi shes rab dang / sems can gdod ma nas rnam par dag pa'i byams pa dang / nam mkha' dang mtshungs ba'i snying rje dang / dga' ba med pa'i dga' ba dang / rtsom pa thams cad rgyun bcad pa'i gtang snyoms dang chos thams cad 'khor gsum yongs su dag pa dang sngon gyi mtha' nas stong pa dang phyi mi'i mthar dben pa dang / da ltar byung ba bdag med pa'o// blo gros rgya mtsho de ltar gang chos zab mo rgyun chad pa/ tshig 'bru dang bral ba/ nam mkha' dang mtshungs pa 'di lta bu dag rtogs pa dang / khongasu chud pa dang / 'jug pa shes pa la dpyad pa dang / sems dpa' dang / 'jal ba dang / bgrang ba dang / nye ba rtogs pa dang / nan tan byed pa 'di ni thams cad mkhyen par sems bskyed par rin po che de'i 'bigs pa'o// de ltar thams cad mkhyen par sems bskyed pa rin be che de phigs na/ chos thams cad la dbang sbyar ba nyid lhun gyis grub pa nyid 'thob par 'gyur ro// blo gros rgya mtsho 'di lta ste dper na/ zla ba dang nyi ma'i gzhal med khang lhun gyis grub par rnam par rgyu zhing 'dzam bu'i gling thams cad du snang bar byed kyang / lha'i bu nyi ma dang rdza ba 'di snyam du bdag cag 'gro 'am 'on te ldog snyam du mi
- 38a
sems par/ sems can rnams kyi bsod nams kyi 'bras bu rnam par smin pas de dag 'gro'o// blo gros rgya mtsho de bzhin du rab tu phigs pa'i shes pa dang ldan pa'i byang chub sems dpa' sems dpa' chen po yang lhun gyi grub par sangs rgyas kyi zhing tshad med pa dag na sems can gyi don byed kyang byang chub sems dpa' de ni yang mngon par 'du byed pa med par bya ba de dag kun tu ston to// blo gros rgya mtsho de la byang chub sems dpa'i 'bigs pa shes pa gang yin ba de ni// bsam gtan gyi pha rol tu phyin pa dang / shes rab kyi pha rol tu phyin par yongs su btsal bar bya'o// de ci'i phyir zhe na/ byang chub sems dpa' mnyam par bzhag na/ lhag mthong gis chos rnams mthong gi/ mnyam par ma bzhag pas ni ma yin no// de lhag mthong gang yin pa de ni shes rab ste/ shes rab des mngon gsum du 'gyur ro// gang du mngon gsum du 'gyur zhe na/ chos rnams kyi yang dag pa'i mtshan nyid la mngon gsum du 'gyur ro// chos rnams kyi yang dag pa'i mtshan nyid gang zhe na/ mtshan nyid kyi gzhi de la kun mi spyod pa'o// chos rnams kyi mtshan nyid kyi gzhi gang zhe na/ 'di lta ste rnam par rig pa ni chog
- 38b
rnams kyi mtshan gyi gzhi'o// rnam par rig pa de'i yang dag pa ji lta ba'i mtshan nyid gang zhe na/ de ni chos rnams kyi yang dag pa'i mtshan nyid ces bya'o// gang gi tshe tshor ba thams cad rgyun bcad par gyur pa de'i tshe/ snang bar yang mi byed mi snang bar yang mi byed do// de la snang ba gang / mi snang ba ni gang zhe na/ snang ba zhes bya ba ni skye ba'o// mi snang ba zhes bya ba ni 'gag pa'o// gang gi tshe snang bar yang mi byed mi snang bar yang mi byed pa de'i tshe/ skye bar yang mi byed// 'gag par yang mi byed do// gang gi tshe skye bar yang mi byed/ 'gag par yang mi byed pa de'i tshe/ chos nyid la gnas pa yin te/ chos kyi dbyings la 'khrugs par mi byed/ de bzhin nyid las mi g.yo// yang dag pa'i mtha' 'jig par mi byed do// de la chos kyi dbyings shes bya ba ni rten cing 'brel par 'byung ba rjes su rtogs pa'o// de bzhin nyid ni de kho na'i mtshan nyid khong du chud pa'o// yang dag pa'i mtha' ni gnyis su med pa'i yang dag pa mngon par rtogs par bya'o// blo gros rgya mtsho de ltar mngon gsum du shes pa rig pa'i byang chub sems dpa' sems dpa' chen po ni shin tu rigs pa zhes bya'o//
- 39a
sbyangs pa dang gnod pa dang nges par 'bigs pa'i le'u 'di bcom ldan 'das kyis bshad pa'i tshe/ lha dang mi'i skye dgu srog chags khrag khrig phrag bcu gnyis kyis bla na med pa yang dag par rdzogs pa'i byang chub tu sems bskyed do// srog chags khri drug stong gis bzod par rab tu thob par gyur to// de nas de'i tshe bcom ldan 'das kyis tshigs su bcad pa 'di dag gsungs so// chos kun nges par rtogs byang chub sems ni sgrogs par byed// de tshe nges rtogs ye shes kyis// chos rnams kun la chags pa med// zab mo'i chos rnams khong du chud// mkhas pa skrad par 'gyur ba med// skrag med kun tu 'jig med pas// khyad par 'phags par 'gyur ba yin// rgyu la dmigs pa'i tshul gyis ni// brton pa'i chos rnams khongs su chud// shes rab ldan te rjes su 'thun byed// mthar lta ba ni mi 'dzin to// rtag pa dang ni chad pa la// blo ni thegs pa yod ma yin// yang dag mtha' ni bsam yas pa'i// dbu ma'i mtha' ni rtogs par 'gyur// bdag gi mtha'i rang bzhin gyis// chos rnams bdag med ngo bo nyid/
- 39b
chos kun de'i rang bzhin te// gdod nas ma skyes 'gag pa med// skyes pa med cing 'byung ba med// stong pa gzung med dri ma med// mtshan ma med cing spros pa med/ nam mkha' dang ni mtshungs shing 'dra// de dag sems kyi mi smod par// 'dod cing chags pa rnam par spangs// gzugs kyi rang bzhin mngon sum du// lbu ba lta bur rab tu shes// tshor ba chu bur 'dra ba ste// 'du shes smyug rgyu mtshan nyid do// 'du byed chu shing snying po 'dra// rnam par shes pa sgyu ma 'dra// khams bzhi g.yo ba med pa ste// nam mkha' mtshungs pa'i khams yin no// gang dag skye mched thams cad ni// bems po patshun spyod yul lo// sems ni nang na ma yin te// phyi rol du yang mi dmigs so// yid la nga'i yod ma yin// rnam par shes pa gnas pa med// chos rnams yid la mi byed de/ lhag par byed pa rnam par spong // chos rnams thams cad mnyam nyid du// yang dag nyid du khong du chud// tha dad med cing ro gcig ste// gcig pu bgrod lam mnyam pa nyid/ gyi shes pa rab tu rtogs// ngas pa'i don gyi chos rnams mthong // blo ni don gyi rjes su zhugs// skad ni skad med khong du chud// sgra rnams kun ni sngon mtha' dang /
- 40a
phyi ma'i mtha' mar yongs su gcod// don dang tshig 'bru rnams la mkhas// chos rnams gnyis su med par rtogs// brjod du med pa'i don la ni// de nyid yang dag khong du chud// skye ba med par sdug bsngal shes// kun 'byung ba la mnyam pa'i blo// 'gog pa shes pa zad par bstan// lam shes ba ni 'dus ma byas// lus dang tshor ba sems dang ni// chos la chos su rjes su rtogs// dran med yid la byed med pa'i// dran pa nye bar gzhag pa ston// chos kyi dbyings ni dbyings min par// yang dag nyid ni mnyam pas mnyam// spong bas spong du med pa ni// yang dag spong ba rab tu bstan// sems la dbang ni thob pa yin// rdzu 'phrul rkang pa rab tu bstan// chags pa kun las rab 'das pa// de ni dad pa'i dbang po yin// chos rnams thams cad rnam dben pa// de ni brtson 'grus dbang po yin// dran pa med pa'i dran 'jug pa// de ni dran pa'i dbang po yin// chos rnams yid la mi byed pa// de ni ting 'dzin dbang po yin// spros/ las shin tu rab 'das pa// de ni shes rab dbang po yin// yang dag nyid du rtogs nas de// gzhan gyi dad pas 'gro ba yin// sems ni g.yo ba yod min pa//
- 40b
dad pa'i stobs ni 'di 'dra'o// yang dag shes las nyams pa med// dran pa'i stobs ni 'di 'dra'o// ting nge 'dzin gyi stobs mdzod ni// nges par sems la dga' ba yin mi rtog rnam par mi rtog pa// shes rab stobs ni 'di 'dra'o// chos rnams rtogs pa'i don du ni// byang chub yan lag rab tu bstan// mnyam ste mi mnyam med pa'i chos// yang dag lta ba'i yid zhes brjod// gnyis med chos la sgom pa ni// skye ba med pa'i lam bsgom yin// skye ba med pa mi rtag don// 'byung ba med pa sdug bsngal don// rgyu ba med pa bdag med don// zhi don nye bar zhi ba'i gnas// dul ba'i sems ni sbyin pa yin// zhi ba'i sems ni tshul khrims ldan// zad pa'i chos rtogs bzod pa yin// brtson 'grus rnam par phyi bas rtogs// shin tu zhi ba bsam gtan te// shes rab yang dag bar shes pa// sems can gdod nas rnam dag don// byams pa zhes ni brjod pa yin// snying rje nam mkha' 'dra ba ste// dga' ba sbyong ba dga' ba yin// rtsom pa thams cad rgyun chad pa// btang snyoms shes ni rab tu bstan// 'khor gsum yongs su chad par ni// chos rnams thams cad rab tu shes// chos
- 41a
rnams nges par 'bigs 'di na// lta ba'i 'dud pa bcod pa yin// bsam gtan shes rab gang yin pa// der ni nges par 'bigs ba bstan// tshad med pa la 'jug pa ni// chos shes pa zhes brjod pa yin// gnod pa bzod pa dang // nges par 'bigs pa'i le'u ste/ gnyis pa'o// / de nas bcom ldan 'das kyis byang chub sems dpa' sems dpa' chen po blo gros rgya mtsho la bka' stsal ba/ blo gros rgya mtsho de ltar na/ gang gi tshe byang chub sems dpa' sems dpa' chen po dag dang / yongs su bas par 'gyur te/ bsam pa bcos pa ma yin zhing / sems can thams cad kyis gnod par byas kyang / zhe 'gras pa med la/ shin tu nges par phigs pa'i ye shes su gyur cing / shes rab rnam par gdon mi za ba thob ba de'i tshe/ shin tu dkar ba'i dri ma med pa'i phyag rgya'i ting nge 'dzin gyis rtsa ba'i gnas la rab tu gnas pa yin no// de la ting nge 'dzin 'di'i rtsa ba'i gnas gang zhe na/ 'di lta ste/ sems can thams cad la zhe sdang med pa'i snying rje chen po'o// de sems can thams cad kyis sti stang du byas kyang khengs par mi 'gyur/ sems can thams
- 41b
cad kyis sti stang ma byas kyang 'dud par mi 'gyur ro// khedra ba med pa dang 'dud med pa de ni/ shes las nges par byung ba yin gyi/ nga rgyal las nges par byung ba ma yin no// khengs pa med pa dang 'dud pa med de ni chos dang ldan pa yin gyi/ gti mug dang ldan pa'i ma yin no// chos thams cad shes pa las nges par byung bas ye shes sngon du 'gro ba'i lus kyi las dang ldan pa yin/ ye shes sngon du 'gro ba'i ngag gi las dang ldan pa yin/ ye shes mngon du 'gro ba'i yid kyis las dang ldan pa yin te/ de lus sam ngag gam yid kyi las gang byed kyang / de thams cad ye shes sngon du 'gro zhing ye shes kyi rjes su 'brang ngo // de la byang chub sems dba'i lus kyi las ye shes sngon du 'gro ba gang zhe na/ gang gzugs kyi lus kun du bstan pas/ sems can rnams yongs su smin par byed/ 'dul bar byed do/ spyod lam ji lta bus sems can rnams 'dul bar 'gyur ba de lta bu nyid du de'i spyod lam lhun gyis grub cing yongs su brtags pa med pas kun tu gnas so// lus kyi skyon dang lus la chags pa dang / lus kyi 'gyur ba dang / lus kyi tshul chos pa dang lus kyi 'khrug pa dang / lus kyi yongs su rtogs pa gang
- 42a
yin pa de dag byang chub sems dpa' des yang dag par bcom pa yin te/ shing ta la'i mgo bcad pa bzhin du rtsa ba nus ma 'ongs pa na mi skye ba'i chos can du 'gyur ro// de la lus yongasu dag pa yin te/ lus legs par mtshan gyis legs par brgyan pa dang / rkang pa dang lag pa 'jam zhing gnyin pa dang / bsod nams kyi rgyu mthun pa'i lus shin tu rnam par phye ba dang / dbang po ma tshangs pa med pa dang / yan lag dang snying lag thams cad yongs su rdzogs pa yin yang / gzugs kyis rgyags shing dregs pa med pa yin te/ lus tsha ba'i tshul dang ldan pa ma yin no// de chos 'dzin pa nye bar bzung nas/ sems can ji tsam du dman pa/ gzugs ma tshang ba rnams la yang 'dud do// rab tu 'dud do// de rang gi lus kyi chos nyid kyis/ sems can thams cad kyi lus kyi chos mnyam pa nyid du shes pa la 'jug go/ de lus la lus kyi chos nyid shes nas/ chos kyi lus yin gyi zang zing gi lus ma yin no// de la chos kyi lus nyid gang zhe na/ gang bsam gtan gyi zas za ba yin gyi/ zang zing gi zas za ba ma yin te/ 'jig rten pa dang 'thun par bya ba dang /
- 42b
sems can la snying brtse ba'i phyir zas za ba'i lus nyam chung ba'i phyir ni ma yin no// de chos kyi lus su gyur nas/ chos kyi srog 'tsho zhing / zang zing gi srog 'tsho ba ma yin no// de la chos kyi srog 'tsho ba gang zhe na/ gang srog gi phyir yang bya ba ma yin pa mi byed pa dang / 'phags pa'i tshul las mi 'da'o// de la 'phags pa rnams kyi tshul gang zhe na/ 'di lta ste chags pa med pa dang / sdang ba med pa dang / rmongs pa med pa dang / nyon mongs pa tham cad dang bral ba dang / ji ltar bslab pa bcas pa bzhin du kun tu srung ba dang spad pa dang / rab du gnas pa 'di ni 'phags pa rnams kyi tshul zhes bya'o// de la byang chub sems pa'i ye shes sngon du 'gro ba'i lus kyi la dang ldan pas mngon par shes pa dang / rdzu 'phrul gyi stobs thams cad dang ldan pa yin te/ de lhan gyis grub par sangs rgyas zhing thams cad du snang bar byed cing / sangs rgyas kyi zhing de dag na/ sems can de dag gi gzugs dang mtshan dang / gzi brjid dang / rgyan rnams ci 'dra bar byang chub sems dpa' de yang snyun gyi grub cing / yongs su brtags par de dang 'dra bar gnas so// de 'od bkod pa'i lus
- 43a
dang ldan pa yin te/ de gang gi tshe lus 'od rab tu btong ba de'i tshe/ sangs rgyas kyi grangs med dpag tu med pa rnams snang bas khyab par byed do// de'i 'od de ni bde ba skyed pa ste/ sems can dmyal ba pa ngan song ba'i sems can thams cad/ thams cad bde bar byed pa'o// de'i 'od de ni bde ba la reg par byed pa ste/ nyon mongs pas gdungs pa'i sems can thams cad rab tu zhi bar byed pa'o// de'i 'od de ni rab tu sim par byed pa ste/ sems can rnams kyi lus dang sems dga' ba skyed pa'o// lus nyid kyis sems can rnams la sangs rgyas kyi mdzad pa byed de/ 'di ni byang chub sems dpa'i lus kyi las ye shes sngon du 'gro ba'o// blo gros rgya mtsho de la byang chub sems dpa'i ngag gi las ye shes sngon du 'gro ba gang zhe na/ blo gros rgya mtsho de la byang chub sems dpa' ni/ tshig 'khrul pa'i skyon thams cad spangs par ngag gi las 'byung ngo // blo gros rgya mtsho de la tshig 'khrul pa'i skyon de dag gang zhe na/ blo gros rgya mtsho byang chub sems dpa' ni tshogs 'khrul pa'i skyon drug bcu rtsa ba'i dang bral zhing / rnam par spangs par
- 43b
ngag gi las byung te/ drug cu rtsa bzhi gang zhe na/ blo gros rgya mtsho 'di la byang chub sems dpa' ni tshig rtsub po med pa yin/ tshig rnyog pa med yin/ gyo mo'i sgra lta bu med pa yin/ grum pa'i sgra lta bu med pa yin/ sgra ha cang che ba ma yin/ sgra ha cang chung ba ma yin/ sgra ha cang drag po ma yin/ tshig brlang po med pa yin/ tshig di dib bo med pa yin/ tshig cal cal po med pa yin/ tshig rtang rtang po med pa yin/ khas bung pa'i tshig lta bu med yin/ tshig nyams pa med pa yin/ zur dbyung dgos pa'i tshig med pa yin/ tshig zhum pa med pa yin/ tshig rtsub rtsub pa med pa yin/ byis pa'i tshig lta bu med pa yin// tshig nog nog po med pa yin/ 'bar bar byed pa'i tshig med pa yin/ co 'dri ba'i tshig med pa yin/ dus mi shes pa'i tshig med pa yin/ tshod mi shes pa'i tshig med pa yin/ 'dod chags kyis rjes su chags pa'i tshig med pa yin/ zhes sdang gis zhe 'gras pa'i tshig med pa yin/ gti mug gis rmongs shing lkugs pa'i tshig med pa yin/ dman pa'i tshig med pa yin/ mi mthun pa'i dang brnyas pa'i tshig med pa yin/ 'byed par byed pa'i tshig med pa yin/ g.yo dang 'dres pa'i tshig med pa mas
- 44a
nga rgyal kyis khengs pa'i tshig srem ge khyed du bsod pa'i tshig med pa yin/ ngo za ring gi tshig med pa yin/ tshig mi snyan cing zher 'debs pa med pa yin/ med pas gleng ba'i tshig med pa yin/ 'khrul cing gshe ba'i tshig med pa yin/ yang dag pa'i ma yin pa'i tshig med pa yin/ 'phral du brdzun smra ba'i tshig med pa yin// 'phra ma'i tshig med pa yin/ ngag rtsub po'i tshig med pa yin/ tshig kyal ba'i tshig med pa yin/ 'dza' bo dang 'byed pa'i tshig med pa yin/ ha cang rno ba'i tshig med pa yin/ ha cang mnyan pa'i tshig med pa yin/ phal ba'i tshig med pa yin/ kun tu ma srung ba'i tshig med pa yin/ dus las lhag par smra ba'i tshig med pa yin/ gnod sems 'bar ba'i tshig med pa yin/ 'thab pa dang cod pa dang 'gyed pa'i tshig med pa yin/ thob kyis 'jal ba'i tshig med pa yin/ tshig 'gyur ba med pa yin/ tshig mi brtan pa med pa yin/ mu cor smra ba'i tshig med pa yin/ gar gyi ltad mo ba'i tshig lta bu med pa yin/ chos dang 'gal ba'i tshig med pa yinaHgsang 'phel ba'i tshig med pa yin/ sems can la gnod pa'i tshig med pa yin/ bdag la stod pa'i tshig med pa yin/ gzhan la smod pa'i tshig med
- 44b
ba yin/ 'bya ba dang snying ba'i tshig med pa yin/ sangs rgyas dang chos dang dge 'dun dang 'gal ba'i tshig med pa yin/ 'phags pa la skur ba 'debs pa'i tshig med pa yin/ ngo mi chod pa'i tshig med pa yin/ tshig 'khrul pa'i skyon thams cad dang bral ba'i tshig nyid ni/ tshig drug bcu rtsa bzhi pa yin te/ blo gros rgya mtsho byang chub sems dpa'i ngag gi las ni tshig 'khrul pa'i skyon drug cu rtsa bzhi po de dag dang bral zhing yongs su dag par 'byung ngo // de'i ngag de ni phyed par lung ston pa dang yang dag pa lung ston pa dang / de kho na lung ston pa dang / bden pa rnam par dgod pa lung ston pa dang / bden pa'i rjes su 'brang ba dang / sems can thams cad kyi skad la 'jugs pa dang / sems can thams cad kyi bsam pa lung ston pa dang / sems can thams cad tshim par byed pa dang / sems can thams cad kyi dbang po skul bar byed pa dang / nyon mongs pa thams cad rab tu zhi bar byed pa dang / sangs rgyas kyis byin gyis brlabs pa dang / chos dang mi 'gal ba dang / bsod nams kyi rgyu mthun pa zla ba ltar dri ma med cing snyan pa dang 'dod chags kun tu skyed pa ma yin pa dang / tshar bcad nas yon tan smra ba dang / zhe sdang mi skyed pa dang /
- 45a
zab cing gting dpag dka' ba dang / ti mug kun tu mi skyed pa dang / phyogs bcur go bar byed cing rgyas par 'gengs pa dang / tshig don med pa ma yin pa dang / thams cad kyi rjes su zhugs pa dang / mngon par 'du bya ba med pa'i mtshan nyid 'byung ste/ blo gros rgya mtsho 'di ni byang chub sems dpa'i ngag gi las ye shes sngon du 'gro ba'o// blo gros rgya mtsho de la byang chub sems dpa'i yid kyi las ye shes mngon du 'gro ba gang zhe na/ blo gros rgya mtsho 'di la byang chub sems dpa' sems dpa' chen po sems kyi 'jug pa gcig gis sems can thams cad kyi sems kyi spyod pa dang g.yo ba rnams rab tu shes so// mnyam par gzhag kyang spyod lam thams cad kun tu ston cing / ting nge 'dzin de las ldang ba yang med do// de'i sems kyi las ni bdud thams cad kyis kyang mi shes so// de'i sems kyi 'jug pa ni nyan thos dang rang sangs rgyas thams cad kyis kyang mi shes so// byang chub sems dpa' de ni bdag la gnod pa bya ba dang / gzhan la gnod pa bya ba dang / gnyi ga la gnod pa bya bar mi sems so// de'i sems dang yid dang rnam par shes pa ni chos gang la'
- 45b
thogs pa med do// de chos thams cad rig pa ye shes mthong ba skye'o// sems dang yid dang rnam par shes pa des rig pa med par tshor ba yang so sor myong la/ sangs rgyas kyi chos rnams yongs su ma rdzogs kyi bar du tshor ba 'gag pa mngon sum du yang mi byed de/ blo gros rgya mtsho 'di ni byang chub sems dpa'i yid kyi las ye shes sngon du 'gro ba'o// blo gros rgya mtsho 'di ni shin tu dkar ba dri ma med pa'i phyag rgya'i ting nge 'dzin de'i rtsa ba'i gnas te/ 'di lta ste ye shes sngon du 'gro ba'i lus kyi las dang / ye shes sngon du 'gro ba'i ngag gi las dang / ye shes sngon du 'gro ba'i yid kyi las so// blo gros rgya mtsho gang gi tshe/ byang chub sems dpa' sems dpa' chen po ye shes sngon du 'gro ba'i lus dang ngag dang yid kyi las rnams dang ldan par gyur pa de'i tshe/ shin tu dkar ba dri ma med pa'i phyag rgya'i ting nge 'dzin 'di rab tu 'thob bo// blo gros rgya mtsho 'di la chos bcu shin tu dkar ba'i phyir ting nge 'dzin 'di shin tu dkar ba zhes bya ba ste/ chos bcu po de dag gang zhe na/ 'di lta ste/ bsam pa dang / lhag pa'i bsam pa yongs su dag pas 'jug pa'i spyod pa shin tu dkar ba yin/ pha rol tu
- 46a
phyin pa drug yongs su dag pas/ byang chub sems dpa' spyod pa shin tu dkar ba yin/ dge ba'i chos thams cad yongs su dag bas/ dkar po rnam par mthong ba'i spyod pa shin tu rnam par dag pa yin/ gtan pa med pa'i mchod sbyin byed pa yongs su dag pas/ mtshan dang dpe byad bzang po yongs su rdzogs par byed pa'i spyod pa shin tu dkar ba yin/ ji ltar thos pa'i chos bsgrub cing / gzhan yang go bar byed pa la mkhas pa yongs su dag pas/ gzungs dang spobs pa rab tu 'thob pa'i spyod pa shin tu dkar ba yin/ 'khrul pa dang / sgrib pa dang chod pa dang / kun nas ldang ba thams cad dang bral ba yongs su dag pas/ dran pa dang / ting nge 'dzin dang / g.yeng ba med pa'i shes pa shin tu dkar ba yin/ bag yod pa yongs su dag pas/ byang chub kyi phyogs chos shes pa shin tu dkar ba yin/ sems dang yid dang rnam par shes pa yongs su dag pas/ zhi gnas dang lhag mthong shes pa shin tu dkar ba yin/ phyogs dang mi 'thun pa'i phyogs dang / rgyun du 'chad pa dang / chags pa las shin tu 'das pa yongs su dag pas/ sa bcu gnod pa'i
- 46b
ye shes shin tu dkar ba yin/ mi dge ba'i chos thams cad spang ba'i phyir/ dge ba'i chos thams cad yongs su dag pas/ byang chub kyi snying po'i rgyan gyi ye shes shin tu dkar ba yin/ blo gros rgya mtsho chos bcu po de dag shin tu dkar ba'i phyir/ ting nge 'dzin 'di shin tu dkar ba zhes bya'o// 'phags pa blo gros rgya mtsho'i zhus pa// / bam po gsum pa// blo gros rgya mtsho ci'i phyir dri ma med pa'i phyag rgya zhes bya zhe na/ blo gros rgya mtsho nyi shu po 'di dag ni/ dri ma med pa'i phyag rgya'i sgo yin te/ de dag gis ni ting nge 'dzin 'di dri ma med pa'i phyag rgya zhes bya'o// nyi shu po de dag gang zhe na/ 'di lta ste/ ngar 'dzin pa yongs su dag pas/ nang yongs su dag pa dri med pa'i phyag rgya dang / dra yir 'dzin pa yongs su dag pas byi yongs su dag 'dri ma med pa'i phyag rgya dang / lta bar song ba thams cad yongs su dag pas/ 'jig tshogs kyi ngo bo nyid yongs su dag pa dri ma med pa'i phyag rgya dang gdod ma nas yongs su dag pa'i phyir/ sems can thams cad 'dag med pa yongs su dag
- 47a
pa dri ma med pa'i phyag rgya dang ro gcig pa'i phyir chos thams cad mnyam pa nyid du rtogs yongs su dag pa dri ma med pa'i phyag rgya dang / rnam par thar pa thams cad yongs su dag pa'i phyir/ stong pa nyid dang mtshan ma med pa dang / smon pa med pa yongs su dag pa dri ma med pa'i phyag rgya dang / shin tu yongs su dag pa'i phyir/ nam mkha' yongs su dag pa dri ma med pa'i phyag rgya dang / tha dad du bya ba med pa'i phyir/ sems can gyi khams dang / chos dbyings yongs su dag pa dri ma med pa'i phyag rgya dang / rang gi mngon par shes pa yongs su dgra phyir/ mngon sum du legs par mthong ba yongs su dag ba dri ma med pa'i phyag rgya dang / rtag tu snang yongs su dag pa'i phyir/ nyi ma'i dkyil 'khor ltar rab tu gsal ba yongs su dag pa dri ma med pa'i phyag rgya dang / chags pa thams cad bral ba'i yongs su dag pa'i phyir/ dus sum la chags pa med pa'i ye shes mthong ba yongs su dag pa dri ma med pa'i phyag rgya dang / rnam par shes pa dang / ye shes gnas med pa'i phyir rnam par rig pa'i sgo yongs su dag pa dri ma med pa'i phyag rgya dang / 'dus byas kyi
- 47b
papa dri ma med ngo bo nyid yongs su dag pa'i phyir/ 'dus ma byas yongs su dag pa dri ma med pa'i phyag rgya dang / rkyen shin tu rtags pa'i phyir/ rten cing 'brel bar 'byung ba rtogs pa yongs su dag pa'i phyag rgya dang / yang dag pa shes rdzi ba med pa'i yongs su dag pa'i phyir/ stobs dang mi 'jigs pa dang / sangs rgyas kyi chos kyi rjes su 'gro ba yongs su dag pa dri ma med pa'i phyag rgya dang / sngon yongs su sbyang ba byas pa yongs su dag pa'i phyir/ sangs rgyas kyi chos rtogs pa'i mtshan nyid yongs su dag pa dri ma med pa'i phyag rgya dang / sems can thams cad yongs su mi gtong ba'i phyir/ byams pa chen po dang / snying rje chen po yongs su dag pa dri ma med pa'i phyag rgya dang / mtha' thams cad dang bral ba yongs su dag pa'i phyir/ bdud dang phyir rgol ba bcom pa yongs su dag pa dri ma med pa'i phyag rgya dang / chos rnams kyi rang bzhin yongs su dag pa'i phyir/ nyon mongs pa'i bag chags kyi mtshams sbyor ba thams cad yang dag par 'jom pa yongs su dag pa dri ma med pa'i phyag rgya dang / yang dag par blangs pa'i yong su rdzogs par byed/
- 48a
ba yongs su dag pa'i phyir sems kyi skad cig gcig gis sangs rgyas kyi chos thams cad kyi sgo rtogs pa yongs su dag 'a dri ma med pa'i phyag rgya ste/ blo gros rgya mtsho dri ma med pa'i phyag rgya'i sgo nyi shu po de dag gis ting nge 'dzin dri ma med pa'i phyag rgya bya ste/ blo gros rgya mtsho byang chub sems dpa' byang chub kyi snying po la 'dug nas/ ting nge 'dzin gang rab tu 'thob pa'i ting nge 'dzin 'di ni shin tu dkar ba dri ma med pa'i phyag rgya zhes bya'o// ting nge 'dzin 'di thob ma thag tu shugs chen po ma 'dres pa brgyad 'byung bar 'gyur te/ brgyad gang zhe na 'di lta ste/ stong gsum gyi stong chen po'i 'jig rten gyi khams 'di thams cad rdo rjer gnas par 'gyur ba 'di ni shugs chen po ma 'dres pa 'byung ba dang po'o// shing ljon pa thams cad la lo ma dang me tog dang 'bras bu sna tshogs chags ste/ byang chub kyi shing ga la ba de logs su 'dud cing 'dud la rab tu 'dud te/ mngon par rab tu 'dud par 'gyur ba dang / sems can thams cad kyang skad cig de la nyon mongs pa thams cad kyis gnod par mi 'gyur ba dang / 'jig rten gyi khams thams cad du yang / bar gyi 'jig rten rnams gser gyi kha dog lta bu'i 'od ngan song ba'i sems can thams cad kyis byang chub kyi snying po la 'dug pa'i byang chub sems dpa' mthong ste/ mthong nas kyang thams cad kyis tshim par 'gyur ba dang //
- 48b
kyis khyab par 'gyur ba dang / sa g.yo ba chen po 'jig rten du 'byung bar 'gyur zhing / sems can gang la'ang rnam par gnon par mi 'gyur ba dang / phyogs bcu na bzhugs pa'i sangs rgyas bcom ldan 'das rnams la zhal ston cing mi 'jigs pas dbugs 'byin par mdzad de/ ded dpon chen por rgyal bar gyur cig/ rgyal bar gyur cig ces gsung brjod pa 'gyur ba dang / sems kyi skad cig gcig la sangs rgyas kyi chos thams cad chub par 'gyur ba ste/ blo gros rgya mtsho shin tu dkar ba dri ma med pa'i phyag rgya'i ting nge 'dzin thob ma thag tu shugs chen po ma 'dres pa brgyad po de dag 'byung bar 'gyur ro// 'di ltar ting nge/ 'dzin 'di'i mthus 'dir yon tan gyi rgyud dpag tu med par yang kun tu snang ngo // de nas de'i tshe bcom ldan 'das kyis tshigs su bcad pa 'di dag gsungs so// / chos 'di dri med dag dge rang bzhin 'od gsal te/ nam mkha' mtshungs shing mnyam la gdod nas byung ba med/ ma skyes ma byung gnas pa med cing 'gag pa med/ 'di ni rgyal ba'i phyag rgya dri med g.yo ba med/ de'i rtsa ba'i gnas ni dbye ba med pa'i gzungs/ byams pa dang ni snying rje bsgom bzung du 'brel/ des
- 49a
na 'gro ba kun gyis bkur kyang dga' med// sti stang ma byas yi tshad med pa'i mnyam pa'i blo// de ni mnyam pa'i chos las ye shes skyes gyur nas// gti mug mun pa thams cad bcom ste rmongs pa med// ye shes ldan pa yin gyi nga rgyal ldan ma yin// nges bsam mnyam chos shes nas shin tu rnam par dag/ mkhas pa lus ngag yid kyis las ni gang byed pa// thams cad shes pas byas te 'gro ba bde ba byed// de lus rnam par dag pa sems can mang pos mthong // rgyal po'i ye shes rdul med bla na med la smon// de'i spyod lam rtag tu bsdams te 'khrul pa med// lhun gyis grub ste tha mar mi rtog rnam rtog med// lus kyi nyes pa mtha' yas ji tsam gang brjod pa// de dag de la chad de gdod nas skyes pa med// de lus mtshan gyis rgyan te shin tu rnam par phye// de'i rkang mthil 'jam zhing bsod nams rnams las byung // dbang po thams cad yongs su rdzogs pas mdzes kyang // mkhas pa gzugs kyi rgyags ngas rlom sems byed pa med// dman zhing dbul bas sdug bsngal sems can mang po gang // de dag la yang /
- 49b
gus bcas 'dud cing rab tu 'dud// bdag ni chos 'dzin gyur cig snyam te nga rgyal med// chos mnyan des ni byang chub dam pa thob par 'gyur// de yis rang gi lus kyi chos nyid shes nas ni// de yis sems can kun lus de ltar rtogs pas na// de ni chos lus rdul dang bral ba thob 'gyur te// zang zing lus min nyon mongs rnams las shin tu grol// rtag tu ting 'dzin spyod yul bsam gtan zas can 'gyur// gzi brjid chen po la ni zang zing lus mi srid// sems can don du kha zas za'i stobs phyir min// 'chi med don du de ni chos kyi srog kyang 'tsho// 'phags pa'i tshul ni rtag srung shin tu rab tu zhing // 'dod chags zhe sdang mun tshogs shin tu rnam par phye// bslab pa sbed par gnas shing rgod med mthun par skyes// mkhas pa bdag gtong byed kyi sdig pa byed ma yin// rdzu 'phrul gyis ni bye ba phrag mang zhing song nas// sems can lus dang 'thun par byas te chos kyang ston// 'gro ba'i gzugs dang mtshan dang rtags ni ci 'dra ba// de'i lus ni de lta bu dang mtshungs par 'gyur// de'i lus las shin tu rnam dag 'od byung ste// de ni phyogs bcu'i mtha' yas zhing rnams khyab
- 50a
bar byed/ de'i 'od de bsod nams gzi ldan reg na 'jam// srog chags nyon mongs gdung ba thams cad zhi bar byed/ sems tsan dmyal rnams na sems can brgya dag sdug bsngal ba// de dag 'od kyis reg ma thag tu bde bar 'gyur// lus dang yid kyang dga' bar 'gyur ba rab tu 'thob// de ni sems can dmyal rab tu thar pa'i rgyu// 'di dag dang gzhan yang lus las yongs su sbyong ba/ mtha' yas las rnams ye shes kyis ni rnam par mkhas pa shin tu dul ba sangs rgyas mdzapa byed// rdul bral rnams kyi lus kyi las 'di de 'dra'o// de dag tshig ni rnam dag sgra snyan yid du 'ong de ni lha dang lha min 'gro kun tshim par byed// de smra ba na 'chad pa don med mi 'gyur te// theg pa bdud rtsi 'dus byas min 'dir nges par 'byung // ngag las ngag gi nyes pa nges mang gang yod pa// de dag de'i bsod nams dag pas kun tu chad// skad rnams mtshungs shing sgra mtshungs gyur pas sems can rnams// sgra skad ngag las ji snyed kun gyis tshim par byed// de'i ngag ni byed cing mnyam la yang dag nyid// yang dag lung ston bsgribs
- 50b
pa med cing mnyam par bzhag/ tshig gang smras pa de yang bzhin 'gyur ba ste// bden pa'i rjes su 'brang ba'i shes pas shin tu dag/ tha ba'i med cing snyan la 'dod chags rab tu zhi// tshar bcad yon tan smra zhing skyon las shin tu grol// zab cing ting dpag dka' la shin tu chad pa ste// don rnams byed cing zhing stong dag tu khyab par byed// rtogs pa med par tshig 'di rab tu smra bar byed// rang gi ngang gis byung nas ji ltar thar gyur smra// rtag tu sa bzhin sems can dbang po tshim par byed// rnam par sbyong byed tshig mchog 'di ni shes pas byas// 'di'i yid las rtag tu bsgribs med legro par byas/ sems kyi skad cig gcig gis 'gro ba'i sems can rnams// de ni g.yeng med ting nge 'dzin las nyams pa med// rgyu mchog de'i rgyu ba bdud kyis shes ma yin// de'i sems yid rnam rtog shin tu zab pa ste// rang rgyal rnams dang nyan thos kun gyi shes par dka'// bdag dang gzhan la rnam par mi 'tshe rjes chags med// khong khro med cing khengs pa med de mnyam pa'i blo// mkhas pa de ni 'gro la rigs bzhin shes pa 'jug/ tshor ba ma yin sems dpa' ma yin rnam rtog min// 'chi med
- 51a
don du byang chub gnas su byin par du// tshor ba 'gog la bde bar rtog par byed ma yin// chos bu de dag gang la rtag tu dag gyur pa// khyu mchog de la ting 'dzin 'di ni mngon du gyur// gang tshe 'dug pa'i spyod pa rnam par sbyangs gyur pa// dkar po'i las rnams kun gyis 'phags shing yongs su dag sa rnams ji bzhin pha rol phyin pa kun sbyangs te// dge ba rgya chen po thams cad kyis ni mngon pa 'phags// bsod nams 'bras bus mtshan kun shin tu rnam par dag/ spobs pas kyang ni gzungs rnams mtha' thug med par 'gyur// mkhas pa rtag tu thos pa'i chos rnams sgrubs par gnas// mkhas pa rtag tu dra la mnyam bzhag 'khrul ba med// de la kun nas ldang ba kyis 'khrul pa ni// phra rab mthong bar mi nus sgrib kun rnam par dag/ byang chub kyi phyogs chos rgya chen mtha' yas gang yin pa// thams cad de'i bag yod pa la 'du bar 'gyur// zhi gnas mthar lhag mthong gis ni rtag tu shes// sa bcu pa ni gnod bar 'gyur zhing chags pa med// byang chub snying po sbyang phyir shin tu rdzogs par smra// de ni mi dge kun spangs dgra las rgyal bar gyur// dge ba'i chos rnams
- 51b
kun gyis 'phags pa'i ri rab bzhin// de ni bsam yas dri med 'od 'di rab tu thob// ting nge 'dzin 'di thob mkhas te bsod nams byas nas ni// yongs su dag pa'i chos mchog nyi shu rab tu 'thob// de dag gis ni 'gro ba kun nang gnyis gzhin lhang // rgyal ba'i ye shes bla na med pa'i byang chub reg shing gi drung du shugs brgyad bsam du med mthon nas// de dag gis ni zhing brgyad dag na 'gro don byed// sangs rgyas mi 'jigs sbyin zhing 'gro ba'i dpa' bo de/ bdud rnams btul ba byas nas byang chub mchog la reg/ rgyal ba'i phyag rgya spangs pa thob par gyur nas ni// yon tan 'di 'dra de kun bsam gyis mi khyab 'gyur/ de lta bas na mi gang yon tan 'phreng ba 'dod pa de// myur du byang chub sems la brtson 'grus brtan pa skyed// de nas bcom ldan 'das kyis// byang chub sems/ dpa' sems dpa' chen po blo gros rgya mtsho la bka' stsal pa/ blo gros rgya mtsho de lta bas na/ byang chub sems dpa' sems dpa' chen po shin tu dkar ba dri ma med pa'i phyag rgya'i ting nge 'dzin 'ang thob par 'dod pas// rnyog pa med pa'i sems dang / 'khrul ba med pa'i sems kyis shin tu dkar zhing dri ma med pa'i blo dang /
- 52a
ldan par bya'o// de la rnyog pa med pa'i sems de ni gang sems rang bzhin gyis 'od gsal ba la blo bur gyi nyon mongs pa rnams kyi skabs med pa dang / 'od gsal ba'i chos mi 'gyur ba nyid dang / yid la byed pa thams cad kun tu mi 'byung ba dang / 'dod chags dang bral te rdul med med pa dang / zhe sdang dang bral te rtog pa med pa dang / gti mug dang bral te mun pa med pa dang / dag pa dang rnam par dag pa dang / shin tu dri ma med pa dang / rnam par grol ba las byung ba dang / rnam par grol ba ji lta bar chos thams cad kyang de bzhin te/ de bzhin nyid dang / mnyam pa'i rjes su zhugs ba dang / rnam par grol ba ji lta bar chos thams cad de bzhin te/ chos kyi dbyings dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ yang dag pa'i mtha' dang / mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ stong pa nyid du mnyam pa'i rjes su zhugs pa dang / mtshan ma med pa dang / smon pa med pa dang / mngon par 'du bya ba med pa dang /
- 52b
ma skyes pa dang / skye ba med pa dang / 'gag pa med par mnyam pa'i rjes su zhugs pa'i dang / rnam par grol ba ji lta bar 'dus byas kyi chos rnams de bzhin te/ 'dus ma byas kyi chos mnyam pa nyid kyis mnyam pa'i rjes su zhugs pa ste/ gang 'di la mnyam pa nyid kyis rjes su 'gro ba'i ye shes gdeg pa dang / bzhag pa med pa 'di ni rnyog pa med pa'i sems shes bya'o// gang gi tshe chos 'di dag sems can gzhan dang gang zag gzhan dag la ston kyang bdag dang gzhan du rnam par 'khrugs pa med pa 'di ni rnyog pa med pa'i sems so// gang gi tshe byang chub sems dpa' sems rnyog pa med cing 'khrugs pa med par gyur pa de'i tshe/ shin tu dkar ba dri ma med pa'i phyag rgya'i ting nge 'dzin 'di rab tu 'thob bogo// blo gros rgya mtshos gsol ba/ bcom ldan 'das ting nge 'dzin ni zab lags so// bcom ldan 'das kyis bka' stsal pa/ blo gros rgya mtshos gting mi dmigs pa'i phyir ro// gsol pa bcom ldan 'das ting nge 'dzin 'di ni blta dka' ba lags so// bka' stsal pa/ gnyis dang bral ba'i phyir ro// gsol ba/ bcom ldan 'das ting nge 'dzin
- 53a
'di ni rtog par dka' ba lags so// bcom ldan 'das kyis bka' stsal ba/ nga rgyal gyis lhag par mi byed pa'i phyir ro// / gsol pa/ bcom ldan 'das ting nge 'dzin 'di ni rnam par 'tshal bar dka' ba lags so// bcom ldan 'das kyis bka' stsal pa/ rnam par shes pa dang lnga ye shes mnyam pa nyid du rtogs pa'i phyir ro// gsol pa/ bcom ldan 'das ting nge 'dzin 'di ni gsal ba lags so// bcom ldan 'das kyis bka' stsal pa/ sgrib pa med pa'i rnam par thar pa rab tu thob pa'i phyir ro// gsol pa/ bcom ldan 'das ting nge 'dzin 'di ni shin tu phra ba lags so// bcom ldan 'das kyis bka' stsal pa/ dpe rnam par gzhag pa dang bral ba'i phyir ro// gsol pa/ bcom ldan 'das ting nge 'dzin 'di ni snying po lag so// bcom ldan 'das kyis bka' stsal pa/ rdo rje lta bu'i ye shes rab tu thob pa'i phyir ro// gsol pa/ bcom ldan 'das ti nge nge 'dzin 'di ni dbyer ma mchis ba lags so// bcom ldan 'das kyis bka' stsal pa/ sngon gyi mtha' dang byi mi mtha' dbyer med pa'i phyir/ gsol ba/ bcom ldan 'das ting
- 53b
nge 'dzin 'di ni chags pa ma mchis pa lags so// bcom ldan 'das kyis bka' stsal pa/ chags pa'i lam thams cad las shin tu 'das pa'i phyir ro// / gsol ba/ bcom ldan 'das ting nge 'dzin 'di ni snang bar gyur pa lags so// bcom ldan 'das kyis bka' stsal pa/ gti mugi mun pa dang bral ba'i phyir ro// gsol pa/ bcom ldan 'das ting nge 'dzin 'di ni rnam par dag pa lags so// bcom ldan 'das kyis bka' stsal pa/ shin tu kun nas nyon mongs pa med pa'i phyir ro// gsol pa/ bcom ldan 'das ting nge 'dzin 'di ni dri ma ma mchis pa lags so// bcom ldan 'das kyis bka' stsal bak+Sha 'dod chags kyis rdul dang bral ba'i phyir ro// gsol pa/ bcom ldan 'das ting nge 'dzin 'di ni rgyu ba ma mchis pa lags so// bcom ldan 'das kyis bka' stsal pa/ khams gsum du mi rgyu ba'i phyir ro// gsol pa/ bcom ldan 'das ting nge 'dzin 'di ni spros pa ma mchis pa lags so// bcom ldan 'das kyis bka' stsal pa/ spros pa thams cad dang bral ba'i phyir ro// gsol pa/ bcom ldan 'das ting nge 'dzin 'di ni mi g.yo ba lagaso//
- 54a
bcom ldan 'das kyis bka' stsal pa/ shin du mthar thug pa'i phyir ro// gsol ba/ bcom ldan 'das ting nge 'dzin/ 'di ni thams cad rjes su zhugs pa lags so// bcom ldan 'das kyis bka' stsal pa/ nam mkha' dang mtshungs zhing mnyam pa'i phyir ro// blo gros rgya mtshos gsol ba/ bcom ldan 'das brtson 'grus brtsams pa ci 'dra ba zhig gis shin tu dkar ba dri ma med pa'i phyag rgya'i ting nge 'dzin 'di ni thob bar nus/ bcom ldan 'das kyis bka' stsal pa/ blo gros rgya mtsho 'di lta ste/ dper na/ skyes bu la la zhig nam mkha' dang g.yul 'gyed 'dod par 'gyur na/ des nam mkha'i go cha nyid bgo bar bya'o// blo gros rgya mtsho de bzhin du shin tu dkar ba dri ma med pa'i phyag rgya'i ting nge 'dzin thob par 'dod pas thams cad mnyam pa nyid kyi go ca nyid bgo bar bya'o// de ci'i phyir zhe na/ blo gros rgya mtsho 'god pa ci 'dra bar 'thob pa'ang de 'dra ba'i phyir ro// blo gros rgya mtsho de la rnam par shes pa ni 'dus byas kyi sa bon no// rnam par rig pa med pa ni 'dus ma byas kyis bon no// ting nge 'dzin 'di
- 54b
ni rnam par rig pa med pa'i sa bon no// ting nge 'dzin 'di ni mig gi rnam par shes par bya ba ma yin/ rna ba dang / sna dang / lce dang / lus dang / yid kyi rnam par shes pa bya ba ma yin no// ting nge 'dzin 'di ni rnam par rig pas rtogs par bya ba ma yin no// tshor bas ma yin te/ ting nge 'dzin 'di ni tshor ba dang / rnam par rig pa med pa'i mtshan nyid do// chos thams cad mnyam pa nyid du rtogs pas de'i phyir/ yang dag par rdzogs pa'i sangs rgyas shes bya'o// blo gros rgya mtsho ngas ni mtshan nyid gzhan gyis kun nas nyon mongs pa mngon par sangs rgyas pa ma yin/ mtshan nyid gzhan gyis rnam par byang ba mngon par rdzogs par sangs rgyas pa ma yin no// de ci'i phyir zhe na/ kun nas nyon mongs pa'i mtshan nyid gang yin pa de nyid rnam bar bya ba'i mtshan nyid de/ 'di lta ste/ rang bzhin gyis rnam par dag pa'i mtshan nyid do// rang bzhin gyis rnam par dag pa'i mtshan nyid gang yin pa de niHmtshan nyid med pa'o// mtshan nyid med pa gang yin pa de ni mtshan ma med pa'o// mtshan ma med pa gang yin pa de la/ so sor rnam par rig pa
- 55a
yang med do// blo gros rgya mtsho chos thams cad ni rnam par rig pa med cing rnam par rig par bya ba ma yin pa'o// chos gang rnam par rig pa med cing / rnam par rig par bya ba ma yin pa de la yi ge rnams kun tu mi 'byung ngo // gang la yi ge rnams kun tu mi 'byung ba de ni ji lta ba bzhin no// ji lta ba bzhin gang zhe na/ sngon ji lta bar phyis kyang de bzhin/ bar du yang de bzhin te/ de'i phyir chos thams cad ni dus gsum stong pa zhes bya'o// ci'i phyir stong pa nyid ces bya zhe na/ de ni ma byas pa/ bya bar 'gyur ba ma yin pa/ bya ba ma yin pa/ rnam par byang ba ma yin ste/ de'i phyir stong pa nyid ces bya ba'o// bya ba ma yin pa gang zhe na/ 'di lta ste/ mngon par 'du bya ba med pa ste/ de la ni byed pas byas pa'i chos gang yang med do// de'i phyir de ni bya bar 'gyur ba med pa zhes bya'o// mngon 'du bya ba med pa gang zhe na/ gang la lus kyis mngon par 'du bya ba med pa dang / ngag gi mngon pa 'du bya ba med pa dang / yid kyis mngon par 'du bya ba med pa ste/ 'di ni mngon par
- 55b
bya ba med pa zhes bya'o// mngon par 'du bya ba med pa gang yin de 'dus ma byas te/ de la ni skye ba med 'jig pa med/ gnas pa med do// gang la skye ba med 'jig pa med/ gnas pa med pa de gnas pa med pa'o// gang la gnas pa med ce na/ mngon par 'du bya ba thams cad la gnas de med de/ de'i phyir gnas de med pa zhes bya'o// de la ni gzugs la song ba'i rnam par shes pa mi gnas/ tshor ba la song ba dang / 'du shes la song ba dang / 'du byed la song ba dang / rnam par shes pa la song ba'i rnam par shes pa mi gnas so// rnam par shes pa mi gnas pa gang yin pa de/ ye shes dang ldan ba'o// ye shes dang ldan pa gang yin pa de ye shes kyis rlom sems su mi byed do// gang rlom sems su mi byed pa de/ mngon par rlom sems su med do// mdo par rlom sems su mi byed pa de mi rtsod do// gang mi rtsod pa de kun tu mi 'bar ro// gang kun tu mi 'bar ba de kun tu gdung ba ma yin no// gang kun tu gdung ba ma yin pa de rab tu 'bar ba ma yin no// gang rab tu 'bar ba ma yin pa de zhi ba'o// zhi ba gang yin pa de rab tu zhi ba'o// rab tu zhing gang yin pade
- 56a
nye bar zhi ba'o// nye bar zhi ba gang yin pa de thub pa zhes bya ba'o// ston pa zhes bya'o// blo gros rgya mtsho chos 'di dag ni 'di ltar zab pa'o// 'di ltar blta bka' ba'o// 'di ltar rtogs par bka' ba'o// gang dag gis chos 'di dag thos nas mos par byed pa de dag thams cad phyin ci log dang / nye ba'i nyon mongs pa dang / yongs su 'dzin pa dang / 'ching ba thams cad las rnam par grol te/ de dag ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyis chos kyi mdzod 'dzin pa dag go// de dang de ni ded dpon chen po ste/ sems can thams cad la lam tshad med pa ston pa dag go// de dang de dag ni sman pa'i rgyal po ste/ nyon mongs pa'i gzugs can ma yin pa'i nad las rab tu thar par byed pa dag go// de dang de dag ni mchod pa mchog gis de bzhin gshegs pa la mchod pa byed pa dag ste/ de dag ni ring por mi thogs par shin tu dkar ba dri ma med pa'i phyag rgya'i ting nge 'dzin 'di thob par 'gyur ro// de dag ni theg pa chen po 'dir nges pa byas pa dag go// de dag ni chos kyu chen po
- 56b
yang dag par sbyang ba dag go// de dag ni sems can tshad med pa dag 'khor ba'i chu'o chen po las sgrol bar 'gyur ba dag go// de dag ni yang bdud kyi yu du brjod pa ma yin pa dag go/ skyes bu dam pa de dag ni bdud dang / phyir rgol ba bcom pa dag go// / ting nge 'dzin bstan pa'i le'u ste gsum pa'o// // de nas bcom ldan 'das la byang chub sems dpa' sems dpa' chen po blo gro rgya mtshos 'di skad ces gsol to// bcom ldan 'das ji ltar na byang chub sems dpa' bdud phyir rgol ba bcom pa'i lags/ bcom ldan 'das kyis bka' stsal pa/ blo gros rgya mtsho gang gi tshe/ byang chub sems dpa' sems dpa' chen po yongs su 'dzin pa thams cad don du mi gnyer ba de'i tshe bdud phyir rgol ba bcom pa yin no// gang gi tshe mtshan ma dang dmigs pa thams cad don du mi gnyer ba de'i tshe/ bdud phyir rgol ba bcom pa yin no// blo gros rgya mtsho bdud ni bzhi po 'di dag ste/ bzhi gang zhe na/ phung po'i bdud dang / nyon mongs pa'i bdud dang / 'chi bdag gi bdud dang / lha'i
- 57a
bdud dang / bzhi po de dag ni bdud do// de la sgyu ma'i chos su so sor rtogs pas phung po'i bdud 'jom mo// stong pa nyid nges par sems pa la so sor rtogs pas nyon mongs pa'i bdud 'jom mo// skye ba med pa dang / 'byung ba med par so sor rtogs pas 'chi bdag gi bdud 'jom mo// nga rgyal gyis sgro btags pa thams cad 'gog par 'gyur ba'i lam gyis lha'i bu'i bdud 'jom mo// gzhan yang sdug bsngan yongs su shes pas phung po'i bdud 'jom mo// kun 'byung ba spangs pas nyon mongs pa'i bdud 'dzem mo// 'gog pa mngon sum du byed pas 'chi bdag gi bdud 'jom mo// lam bsgoms pas lha'i bu'i bdud 'jom mo// gzhan yang 'du byed thams cad la sdug bsngal du so sor rtog pas phung po'i bdud 'jom mo// 'du byed thams cad la mi rtag par so sor rtog pas nyon mongs pa'i bdud 'jom mo// chos thams cad bdag med par so sor rtogs bas 'chi bdag gi bdud 'jom mo// mya ngan las 'das pa la zhi bar so sor rtogs pas lha'i bu'i bdud 'jom mo// blo gros rgya mtsho gzhan yang gang gi
- 57b
che byang chub sems dpa' nang gi nyon mongs pa'i dri ma spangs te/ byang chub kyi sems ma brjed par sbyin pa byin nas/ thams cad mkhyen pa nyid du yongs su sngo bar byed pa de'i tshe/ phung po'i bdud tshar gcod pa yin no// gang gi tshe lus la mi lta zhing lu ma chags par sbyin pa byin nas/ thams cad mkhyen pa nyid du yongs su sngo bar byed pa de'i tshe nyon mongs pa'i bdud tshar gcod pa yin no// gang gi tshe kye ma longs spyod 'di ni mi rtag pa thun mong ba ste/ de dag las bdag gis snying po blangs par 'gyur ro snyam ste/ sbyin pa byin nas thams cad mkhyen pa nyid du yongs su sngo bar byed pa de'i tshe/ 'chi bdag gi bdud tshar chod pa yin no// gang gis tshe sems can thams cad la snying rje chen po bskyed nas/ sems can thams cad bsdu ba'i phyir rab tu thar par bya ba'i blos sbyin pa byin nas thams cad mkhyen pa nyid du yongs su sngo bar byed pa de'i tshe/ lha'i bu'i bdud tshar gcod pa yin no// blo gros rgya mtsho gzhan yang byang chub sems dpa' srid par 'gro ba'i skye ba la mngon par 'dod pa med par tshul khrims srung bas phung po'i bdud tshar gcod do// bdag med par
- 58a
lta ba la gnas te/ tshul khrims srung bas nyon mongs pa'i bdud tshar gcod do// tshul khrims yongs su dag pa ste/ rga shi las yongs su bzla ba'i phyir tshul khrims srung bas 'chi bdag gi bdud tshar gcod do// bdag gis tshul khrims 'chal ba'i sems can rnams 'phags pa'i tshul khrims la rab tu dgod par bya'o snyam ste/ tshul khrims srung ba'i lha'i bu'i bdud tshar gcod do// blo gros rgya mtsho gzhan yang byang chub sems dpa' bdag mi dmigs par bzod pa bsgom pas phung pos bdud tshar gcod do// sems can mi dmigs par bzod pa bsgom pas nyon mongs ba'i bdud tshar gcod do// 'khor ba mi dmigs par bzod bsgom pas 'chi bdag gi bdud tshar gcod do// mya ngan las 'das pa mi dmigs par/ bzod pa bsgom pas lha'i bu'i bdud tshar gcod do// blo gros rgya mtsho gzhan yang byang chub sems dpa' lus dben par brtson 'grus rtsom pas phung bo'i bdud las shin tu 'da'o// sems dben pas brtson 'grus brtsom pas nyon mongs pa'i bdud las shin tu 'da'o// skye ba med pa dang 'byug
- 58b
ba med par brtson 'grus rtsom pas 'chi bdag gi bdud las shin tu 'da'o// 'khor bas yongs su mi skyo bar sems can yongs su smin par bya ba dang // dam pa'i chos yongs su bzung ba'i phyir/ brtson 'grus rtsom pas lha'i bu'i bdud las shin tu 'da'o// blo gros rgya mtsho gzhan yang byang chub sems dpa' phung po la mi gnas par bsam gtan byed pas phung po'i bdud las shin tu 'da'o// khams la mi gnas par bsam gtan byed pas nyon mongs ba'i bdud las shin tu 'da'o// skye mched la mi gnas par bsam gtan byed pas 'chi bdag gi bdud las shin tu 'da'o// bsam gtan gyi yan lag de dag byang chub tu yongs su sngo bar byed pas lha'i bu'i bdud las shin tu 'da'o// blo gros rgya mtsho gzhan yang byang chub sems dpa' shes rab kyi phung po la mkhas par gyur pas/ phung po'i bdud las rgyal lo// shes rab kyis khams la mkhas par gyur pas nyon mongs pa'i bdud las rgyal lo// shes rab kyis skye mched la mkhas par gyur pas 'chi bdag gi bdud las rgyal lo// shes rab kyis rten cing 'brel bar 'byung ba
- 59a
la mkhas par gyur pa la yang dag pa'i mtha' yang dag pa'i mtha' yang mngon du mi byed pas lha'i bu'i bdud las rgyal lo// blo gros rgya mtsho gzhan yang byang chub sems dpa' chos thams cad la stod par mos pas phung po'i bdud kyis skabs mi rnyed do// chos thams cad mtshan ma med par yid ces pas nyon mongs pa'i bdud kyis skabs mi rnyed do// chos thams cad smon pa med par som nyi med pas 'chi bdag gi bdud kyis skabs mi rnyed do// chos thams cad la mngon par 'du bya ba med par the rtsom med la/ dge ba'i rtsa ba mngon par 'du bya bas lha'i bu'i bdud kyis skabs mi rnyed do// blo gros rgya mtsho gzhan yang gang gi tshe/ byang chub sems dpa' lus la lus kyi rjes su lta ba'i dran nye bar gzhag pa bsgom zhing lus dang lhan cig song ba'i rnam par rtog pas kyang rnam par mi rtog pa de'i tshe/ phung po'i bdud yang dag par 'jom mo// gang gi tshe tshor ba rnams la tshor rjes su lta ba'i dran pa nye bar gzhag pa sgom zhing tshor ba dang lhan cig song ba'i rnam par rtog pas kyang rnam par mi rtog
- 59b
ba de'i tshe/ nyon mongs pa'i bdud yang dag par 'jom mo// gang gi tshe sems la sems kyi rjes su lta ba'i dran pa nye bar gzhag pa sgom zhing sems dang lhan cig song ba'i rnam par mi rtog pa de'i tshe/ 'chi bdag gi bdud yang dag par 'jom mo// gang gi tshe chos rnams la chos kyi rjes su lta ba'i dran pa nye bar gzhag pa sgom zhing chos dang lhan cig song ba'i rnam par rtog pas kyang rnam par mi rtog la/ byang chub kyi bsam pa yang 'khrug par mi byed pa de'i tshe/ lha'i bu'i bdud yang dag par 'jom mo// blo gros rgya mtsho bdud kyi las 'di dag thams cad ni bdag gi kun nas ldang bas kun nas langs pa dgra ste/ de la byang chub sems dpa' bdag gi kun nas ldang ba kun nas langs par mi byed do// bdag gang yin pa de ni bdag ma yin zhing bdag med pa ste/ de la chos gang gi kun nas ldang ba yang med do// de de ltar so sor rtogs pa'i ye shes kyis rigs nas/ gang gi tshe sems can mi shes pa rnams kyi ched du theg blo'i go cha gyon pa de'i tshe/ bdag tu sgro 'dogs pa dang / gzhan du sgro 'dogs
- 60a
pa'i phyir go cha mi gyon no// go ca bgos nas kyang ji ltar na bdag gi go cha 'di don yod par 'gyur snyam du dpyad de/ de 'di snyam du bdag girgyu 'di ni bdag rnam par gzhig pa'i phyir bgos pa ma yin/ sems can dang srog dang gso ba dang / skyes bu dang gang zag rnam par gzhig ba'i phyir bgos pa ma yin gyi/ sems can dag gang la rten nas bdag dang sems can dang / srog dang gso ba dang / skyes pa dang / gang zag tu lta ba la gnas bar byed pa'i gnas de bdag gis spang bar bya'o snyam du sems so// gnas de gang zhe na/ 'di lta ste/ phyin ci log ni gnas so// phung po dang / khams dang rdza skye mched ni gnas so// de 'di ltar na sems phyin ci logs gyur te/ mi rtag pa la rtag par 'du shes pa/ sdug bsngal la bde bar 'du shes pa/ bdag med pa la bdag tu 'du shes pa/ mi sdug pa la sdug par 'du shes pa rnams la 'du shes yongs su shes par bya ba'i phyir chos ston to// de la 'du shes yongs su shes pa gang zhe na/ 'di lta ste/ 'dzin pa med pa dang / mchog tu 'dzin pa med pa dang / gang 'dzin pa med pa de/ mchog tu 'dzin par mi byed do//
- 60b
gang mchog tu 'dzin par mi byed pa de kun rmongs pa med do// de kun tu rmongs pa med pas 'du shes yongs su shes so// gsol ba ci lags/ 'das pa rnams kyi 'am lnga ma 'ongs pa rnams kyi 'am/ da ltar byung ba rnams kyi'am/ 'du shes gang yongs su 'tshal/ bka' stsal pa/ 'das pa rnams kyi yang ma yin// ma 'ongs pa rnams kyi yang ma yin/ da ltar byung ba rnams kyi yang ma yin no// de ci'i phyir zhe na/ 'das pa'i 'du shes ni zad pa'o// ma 'ong ba'i 'du shes ni ma phyin pa'o// da ltar byung ba'i 'du shes rnams ni gnas pa med pa ste/ gang dus gsum du 'du shes mi dmigs pa ni 'du shes yongs su shes pa'o// de 'du shes yongs su shes pa dang ldan par byang chub sems dpa'i spyod pa yongs su dag pa spyod do// sems can thams cad kyi spyod pa yang rab tu shes so// blo gros rgya mtsho byang chub sems dpa' ni ji srid du sems can thams cad kyi spyod pa rab tu mi shes pa de srid du byang chub sems dpa'i spyod pa yongs su dag pa la spyod pa yin te/ gang gi tshe sems can thams cad kyi spyod pa rab tu shes pa de'i tshe/ byang chub sems dpa'i spyod pa yongs su dag pa la spyod do// ji
- 61a
de dag gi spyod pa rnams rab tu shes pa de ltar chos ston to// sems can spyod pa ji lta ba rnams kyi spyod pa de la bzlog pa'i phyir yang nye bar ston to// blo gros rgya mtsho 'dod chags kyi bsam pa can la zhe sdang la sbyor ba'i bsam pa can dag kyang yod do// zhe sdang gi bsam pa can la 'dod chags la sbyor ba dag kyang yod/ zhe sdang gi bsam pa can la gti mug la sbyor ba dag kyang yod/ gti mug gi bsam bsam pa can la zhe sdang la sbyor ba dag kyang yod gti mug gi bsam pa can la 'dod chags la sbyor ba dag kyang yod/ 'dod chags kyi bsam pa can la gti mug la sbyor ba dag kyang yod// 'dod chags dang zhe sdang gi bsam pa can la gti mug la sbyor ba dag kyang yod/ zhe sdang dang gti mug gi bsam pa can la 'dod chags la sbyor ba dag kyang yod/ gti mug dang 'dod chags kyi bsam pa can la sbyor ba dag kyang yod do// blo gros rgya mtsho 'dod chags bcos ma can la zhe sdang gi tshar gcad par bya ba'i sems can dag kyang yod/ zhe sdang bcos ma can la 'dod chags tshar gcad par bya ba dag kyang yod/ zhe sdang bcos ma can la gti mug tshar bcad par bya ba dag kyang yod/ gti mug
- 61b
bcos ma can la zhe sdang tshar bcad par bya ba dag kyang yod/ gti mug bcos ma can la 'dod chags tshar bcad par bya ba dag kyang yod/ 'dod chags bcos ma can la gti mug tshar bcad par bya ba dag kyang yod/ 'dod chags dang zhe sdang bcos ma can la gti mug tshar bcad par bya ba dag kyang yod/ gti mug dang 'dod chags bcos ma can la zhe sdang tshar bcad par bya ba dag kyang yod/ blo gros rgya mtsho sngar 'dod chags can la/ phyis zhe sdang can dang sngar 'dod chags can la/ phyis zhe sdang can dang sngar zhe sdang can la phyis 'dod chags can dang / sngar zhe sdang can la byis gti mug can dang / sngar gti mug can la phyis gti/ mug can dang / sngar gti mug can la phyis 'dod chags can dang / sngar 'dod chags can la phyis gti mug can dang / sngar zhe sdang can la phyis gti mug can dang lnga sngar zhe sdang dang gti mug can la phyis zhe sdang can dang / sngar gti mug can la phyis 'dod chags can la phyis gti mug can dang / sngar zhe sdang can la phyis gti mug can dang / sngar zhe sdang dang gti mug can la phyis 'dod chags can dang / sngar gti mug dang 'dod chags can la/ byis zhe sdang can gyi sem
- 62a
can dag kyang yod/ blo gros rgya mtsho gzugs la 'dod chags la/ sgra la zhe sdang can dang / sgra la 'dod chags la/ gzugs la zhe sdang can dang / dri la 'dod chags can la/ ro la zhe sdang can dang / ro la 'dod chags can la dri la zhe sdang can dang / reg la 'dod chags la/ chos la zhe sdang can dang / chos la 'dod chags can la/ reg la zhe sdang can gyi sems can dag kyang yod do// blo gros rgya mtsho gzugs las dben pas 'dul bar 'gyur gyi/ sgra las dben pas ma yin pa'i sems can dag kyang yod/ sgra las dben pas 'dul bar 'gyur gyi/ gzugs las dben pas ma yin pa dag kyang yod/ dri las dben pas 'dul bar 'gyur gyi/ ro las dben pas ma yin pa dag kyang yod/ ro las dben bas 'dul bar 'gyur gyi/ dri las dben pas ma yin pa dag kyang yod/ reg las dben pas 'dul bar 'gyur gyi/ chos las dben pas ma yin ba dag kyang yod/ chos las dben pas 'dul bar 'gyur gyi/ reg las dben pas ma yin pa dag kyang yod do// blo gros rgya mtsho lus dben par 'dul
- 62b
bar 'gyur gyi/ sems dben pas ma yin pa'i sems can dag kyang yod/ sems dben pas 'dul bar 'gyur gyi/ lus dben pas ma yin pa dag kyang yod/ lus dben pa dang sems dben par 'gyur ba dag 'god/ lus dben pa dang sems dben pas 'dul bar 'gyur ba ma yin pa dag kyang yod do// / blo gros rgya mtsho mi rtag pa'i sgra 'dul bar 'gyur gyi/ sdug bsngal dang bdag med pa dang / zhi ba'i sgra rnams kyis ma yin pa'i sems can dag kyang yod sdug bsngal gyi sgras 'dul bar ma gyur gyi/ mi rtag pa dang / bdag med pa dang / zhi ba'i sgra las rnams kyis ma yin pa dag kyang yod/ bdag med pa'i sgras 'dul bar 'gyur gyi/ mi rtag pa dang / sdug bsngal ba dang / zhi ba'i sgra rnams kyis ma yin pa dag kyang yod/ zhi ba'i sgras 'dul bar 'gyur gyi/ mi rtag pa dang / sdug bsngal ba dang / bdag med pa'i sgra rnams kyis ma yin pa dag kyang yod do// blo gros rgya mtsho kun brjod pa'i cho 'phrul gyis 'dul bar 'gyur gyis/ rjes su bstan pa'i cho 'phrul gyis ma yin pa'i sems can dag kyang yod/ rjes su bstan pa'i cho 'phrul gyis 'dul bar
- 63a
'gyur gyi/ kun brjod pa'i cho 'phrul gyis ma yin pa'i sems can dag kyang yod/ rdzu 'phrul gyi cho 'phrul gyis 'dul bar 'gyur gyi/ kun brjod pa dang / rjes su brtan pa'i cho 'phrul gyis ma yin pa'i sems can dag kyang / kun rjod pa'i cho 'phrul gyis rnam par grol bar 'gyur ba dang / rjes su bstan pa'i cho 'phrul gyis rnam par grol bar 'gyur ba dang / rdzu 'phrul gyi cho 'phrul gyis rnam par grol bar 'gyur ba'i sems can dag kyang yod do// blo gros rgya mtsho sbyor ba myur la/ rnam par grol ba bul ba'i sems can dag kyang yod/ sbyor ba bul la rnam par grol ba myur ba dag kyang yod/ sbyor ba yang bul ba rnam par grol ba yang bul ba dag kyang yod/ sbyor ba myur ba rnam par grol ba yang myur ba dag kyang yod/ blo gros rgya mtsho rgyu rnams kyis rnam par grol gyi/ rkyen rnams kyis ma yin pa'i sems can dag kyang yod/ rkyen rnams kyis rnam par grol gyi/ rgyu rnams kyis ma yin pa dag kyang yod/ rgyu rnams dang rkyen rnams kyis rnam par grol ba dag kyang yod/ rgyu rnams dang rkyen rnams kyis rnam par grol ba
- 63b
ma yin pa dag kyang yod do// blo gros rgya mtsho nang gi skyon mthong bas rnam par grol gyi/ phyi rol gyi skyon mthong bas ma yin pa'i sems can dag kyang yod do// phyi rol gyi skyon mthong bas rnam par grol gyi nang gi skyon mthong bas ma yin pa dag yod/ nang gi skyon mthong ba dang / phyi rol gyi skyon mthong bas rnam par grol ba dag kyang yod/ nang gi skyon mthong ba dang phyi rol gyi skyon byas rnam par grol ba ma yin pa dag kyang yod do// blo gros rgya mtsho sla ba'i lam gyis rnam par grol ba thob par 'gyur gyi/ dka' ba'i lam gyis ma yin pa'i sems can dag kyang yod/ dka' ba'i lam gyis 'gyur gyi/ sla ba'i lam gyis ma yin pa dag kyang yad/ dka' ba dang sla ba'i lam gyis 'gyur ba dag kyang yod/ sla ba dang dka' ba'i lam gyis rnam par grol ba thob par mi 'gyur ba dag kyang yod do// blo gros rgya mtsho mgul bsal ba'i sgras 'dul ba'i sems can dag kyang yod/ rab tu brtan pas 'dul ba dag kyang yod// tshar bcad pas 'dul ba dag kyang yod/ rab tu bzung bas 'dul ba dag kyang yod/ sdug pa'i rnam pas 'dul ba dag kyang
- 64a
yod/ mi sdug pa'i rnam pas 'dul ba dag kyang yod/ zhe sdang gi rnam pas 'dul ba dag kyang yod/ byams pa'i rnam pas 'dul ba dag kyang yod/ sma dbab pas 'dul ba dag kyang yod/ rten cing 'brel par 'byung bas 'dul ba dag kyang yod// rjes su mthun par rgyu bas 'dul ba dag kyang yod/ spyi'u tshugs su rgyu bas 'dul ba dag kyang yod/ snrel zhir rgyu bas 'dul ba dag kyang yod// dran pa nye bar gzhag pa'i sgras 'dul ba dag kyang yod/ yang dag pa'i spong bas 'dul ba dag kyang yod/ rdzu 'phrul gyi rkang pa'i sgras 'dul ba dag kyang yod/ dbang po'i sgras 'dul ba dag kyang yod/ stobs kyis sgras 'dul ba dag kyang yod/ byang chub kyi yan lag gi sgras 'dul ba dag kyang yod/ lam gyi sgras 'dul ba dag kyang yod/ zhi gnas kyi sgras 'dul ba dag kyang yod/ lhag mthong gi sgras 'dul ba dag kyang yod/ blo gros rgya mtsho 'phags pa'i bden pas bstan pa'i sgras 'dul ba'i sems can dag kyang yod do// blo gros rgya mtsho de ltar na/ sems
- 64b
can gyi spyod pa bsam gyis mi khyab/ sems can gyi bsam pa bsam gyi mi khyab/ sems can gyi spyod yul bsam gyis mi khyab po// de la byang chub sems dpal 'jug pa bsam gyis mi khyab pa la zhugs nas/ sems can bsam gyis mi khyab pa rnams kyi spyod pa 'jug par nus so// blo gros rgya mtsho 'di lta ste/ dper na/ kun nas zhags pa zhes pa'i dra ba der cug par gyur la/ skyes bu des zhags pa thams cad las 'byin pa zhes bya ba'i sngags kyi rigs pa'i stobs bskyed na/ dra ba der bcug ma thag tu sngags kyi rig pa'i stobs kyis zhags pa'i 'ching ba thams cad bcad nas/ gar dga' ba der 'gro'o// blo gros rgya mtsho de bzhin du thabs la mkhas pa'i byang chub sems dpa' sems can thams cad kyi bsam pa la zhugs nas/ shes rab kyi pha rol tu phyin pa'i sngags kyi rig pa'i stobs kyis sems can de dag thams cad kyi nyon mongs pa'i 'ching ba thams cad gcod de/ sangs rgyas kyi ye shes de la ma reg kyang sangs rgyas kyi mdzad pas sems can rnams la nye bar gnas pa yin no// de nas bcom ldan 'das la tshe dang ldan pa sha ra dwa ti'i bus 'di skad ces gsol to// bcom ldan 'das
- 65a
ji tsam du sems can gyi spyod pa tshad ma mchis pa dang / ji tsam du sangs rgyas kyi mkhyen pa bsam gyis mi khyab pa ngo mtshar to// bcom ldan 'das gang gi tshe/ byang chub sems dpa' las dang po bas/ sems can gyi spyod pa tshad ma mchis pa dang / sangs rgya kyi mkhyen pa tshad ma mchis pa 'di dag thos nas mi skrag mi dngang / dngang bar mi 'gyur ba 'di ni bdag la shin tu ngo mtshar du gda'o// de skad ces gsol pa dang / bcom ldan 'das kyis tshe dang ldan pa ba sha ra dwa ti'i bu la 'di skad ces bka' stsal to// sha ra dwa ti'i bu 'di ji snyam du sems/ seng ge'i phru gu seng ge'i sgra thos na skrag pa 'am dngang ba 'am/ dang bar 'gyur ba 'am/ gsol pa/ bcom ldan 'das de ni ma lags so// bcom ldan 'das kyis bka' stsal pa/ sha ra dwa ti'i bu de bzhin du byang chub sems dpa' las dang po pa'i yang de bzhin gshegs pa'i seng ge'i sgra thos na/ mi skrag mi dngang / dngang bar mi 'gyur ro// sems can gyi spyod pa tshad med ba thos kyang 'jig par mi 'gyur ro// sha ra dwa ti'i bu 'di lta ste dper na/ me'i snang ba chung ngu yang shing dang rtsa thams cad kyis mi skrag s+ho/ de 'di snyam du
- 65b
tshig par byed mi nus so// snyam du mi sems so// sha ra dwa ti'i bu de bzhin du byang chub sems dpa' las dang po pa'i shes rab kyi snang ba chung ngu yang sems can thams cad kyi nyon mongs pa rnams kyis mi skrag ste/ de 'di snyam du bdag gis nyon mongs pa zhi bar byed mi nus so// sems can thams cad kyi nyon mongs pa de nyid la tshul bzhin du nges par brtags nas shes rab kyi 'gyur ro// sha ra dwa ti'i bu 'di lta ste/ dper na/ yongs su brtag pa nye bar bzung ste/ me dang rtsa dang shing dang / lo ma dang yal ga thams cad 'thab cing rtsod pa chen po bya bar brtsams te/ nyi ma bdun na g.yul chen po 'gyed do snyams nas/ de na tsA dang shing de dag gis de las gzhan pa'i rtswa dang shing thams cad bsdus te/ nged kyi dpung gi shig/ nged kyi grogs kyis shig ces byas nas/ de na tsA dang shing gi phung po ri rab tsam bsdu bar gyur la/ de nas 'ga' zhig me de'i gan du song ste/ 'di skad ces smras so// de ci'i phyir khyod dpung mi sdud/ khyod rtsa dang shing 'di dag las gcig pus rgyal bar bya snyam 'am/ de nas mi des 'di skad ces smras so//
- 66a
'dir bdag dpung bsdu ba bya mi dgos so// de ci'i phyir zhe na/ rtswa dang shing phyir rgol de dag nyid bdag gi grogs yin/ teHji lta ji ltar 'di dag mang por gyur/ de lta de ltar bdag stobs dang rab tu ldan par 'gyur ro// gal te 'di dag med par 'gyur na bdag kyang myur du 'chi'o// sha ra dwa ti'i bu de bzhin du ji ltar byang chub sems dpa' sems can thams cad kyi nyon mongs pa tshad med pa dag la shes rab kyi me tshad med ba rab tu gtong ba de lta de ltar byang chub sems dpa' shin tu stobs dang ldan par 'gyur te/ de sems can thams cad kyi nyon mongs pa de dag la tshul bzhin du nye bar brtags nas/ shes rab kyi rgyur 'gyur ro// gal te byang chub sems dpa' nyon mongs pa med par bya bar 'dod cing sems can thams cad kyi nyon mongs ba rnams la g.yel na/ de myur du nyan thos kyi sa 'am/ rang sangs rgyas kyi sar ltung bar 'gyur ro// sha ra dwa ti'i bu khyod kyis rnam grangs 'dis 'di ltar rig par bya ste/ ji lta ji ltar byang chub sems dpa' sems can thams cad kyi nyon mongs pa la tshul bzhin yid la byed pas yang dag par ji lta ba bzhin du so sor
- 66b
rtog pa de lta de ltar shin tu stobs ldan par 'gyur te/ gal te de lta bu thos nas mi skrag na thabs la mkhas pa'i byang chub sems dpa' rig par bya'o// ra dwa ti'i bu 'di lta ste/ dper na/ sbrul gdug pa'i phru gu ni grogs mi dgos par za'o// sha ra dwa ti'i bu de bzhin du byang chub sems dpa' las dang po pa yang grogs mi dgos par byang chub kyi yan lag rnams yang dag par sdud de/ gcig pu gnyis su med par byang chub kyi yan lag rnams yang dag par bsdud// / sha ra dwa ti'i bu 'di lta ste/ dper na/ srin bu med khyer brgya stong gis kyang nyi ma'i 'od zil gyis gnon mi nus so// sha ra dwa ti'i bu de bzhin du nyon mongs ba thams cad kyi kyang byang chub sems dpa'i shes rab kyi 'od zil gyis gnon mi nus so// sha ra dwa ti'i bu 'di lta ste/ dper na/ dug gi gnyen po nang med par byed pa chung ngus kyang dug shin tu mang po zhi bar byed do// sha ra dwa ti'i bu de bzhin byang chub sems dpa'i shes rab kyi nad med pa chung ngus kyang nyon mongs ba'i dug mang po zhi bar byed do// sha ra dwa ti'i bu 'di lta ste/ dper na/ bar snang las ro gcig pa'i chu'i rgyun 'bab pa/ bab nas snod kyi bye brag gis
- 67a
ro bro ba tha dad du 'gyur ro// sha ra dwa ti'i bu de bzhin du byang chub sems dpa' yang rnam par grol ba'i ye shes ro gcig pa yang dag par sgrub ste/ sems can gyi dbang po tha dad pa rnams la chos bstan pa tha dad pa ston to// sha ra dwa ti'i bu 'di lta ste dper na/ gang du 'dzam bu'i chu bo'i gser byung ba der rin po che thams cad mog mog por 'gyur ro// sha ra dwa ti'i bu de bzhin du gang du byang chub sems dpa' rin po che 'byung ba der nyan thos dang / rang sangs rgyas thams cad mog mog por 'gyur ro// sha ra dwa ti'i bu 'di lta ste dper na gang gi tshe 'khor los sgyur ba'i rgyal po 'byung ba de'i tshe/ rgyal phran thams cad de la phyag 'tshal lo// sha ra dwa ti'i bu de bzhin du gang gi tshe chos kyis rgyal po'i bu byang chub tu sems bskyed pa de'i tshe/ lha dang mi dang lha ma yin du bcas pa'i 'jig rten gyis phyag bya bar 'gyur ro// sha ra dwa ti'i bu 'di lta ste dper na/ bsod nams ma byas pa'i sems can rnams la dbyig gi char mi 'bab bo/ sha ra dwa ti'i bu de bzhin du dge ba'i brtsa ba ma bskyed pa'i sems can rnams/ la/ byang chub kyi sems mi skye'o// 'phags pa blo gros rgya mtshos zhus pa/
- 67b
/ bam po bzhi pa// sha ra da ti'i bu 'di lta ste dper na/ bu ram shing gi sa bon med par sha khar mi 'byung ngo // sha ra dwa ti'i bu de bzhin du byang chub sems dpa' yang byang chub kyi sems kyi sa bon med par bla na med pa yang dag par rdzogs pa'i byang chub mi 'grub bo// sha ra dwa ti'i bu 'di lta ste dper na/ sman pa'i rgyal po 'tsho byed kyis gang sman du mi mthong ba'i gzugs su snang ba de gang yang med do// sha ra dwa ti'i bu de bzhin du shes rab kyi pha rol tu phyin pa la spyod pa'i byang chub sems dpas kyang gang byang chub tu mi mthong ba'i chos su snang ba de gang yang med do// sha ra dwa ti'i bu 'di lta ste/ dper na/ lha ma yin gyis nyi ma dang zla ba'i gzhal med khang gi rim pa rgyun mi gcod par mi nus so// sha ra dwa ti'i bu de bzhin du bdud thams cad kyis kyang byang chub sems dpa' brtson 'grus brtsams pa'i byang chub kyi lam kun tu bcad par mi nus so// sha ra dwa ti'i bu 'di lha ste/ dpe na// gzugs na spyod pa'i lha'i bu rnams ni/ nam mkha' la gzhal med khang na gnas so// shar dwa ti'i bu de bzhin du rab po la spyod
- 68a
pa'i byang chub sems dpa' rnams la yang chos thams cad nam mkha' dang mtshungs te/ bla na med pa yang dag par rdzogs pa'i byang chub kyang de dang 'dra ba nyid do// sha ra dwa ti'i bu 'di lta ste dper na/ snod du byed pa ji snyed du nam mkha' 'jug kyang nam mkha' ni bri ba 'am gang ba med do// sha ra dwa ti'i bu de bzhin du byang chub sems dpa'i yongs su bsngo ba'i stobs ji snyed du sangs rgyas kyi chos rnams yongs su 'dzin kyang / sangs rgyas kyi chos rnams bri ba'am gang ba med do// sha ra dwa ti'i bu 'di lta ste dper na/ skyes bu'i stobs ji tsam pa de tsam du nam mkha' la mda' 'phangs pa 'gro yang nam mkha' la mtha' thug pa gang yang med do// sha ra dwa ti'i bu de bzhin du byang chub sems dpa'i dad pa'i stobs ji tsam de tsam du sangs rgyas kyi chos rnams la mos kyang sangs rgyas kyi chos rnams la mtha' thug pa gang yang med do// sha ra dwa ti'i bu 'di lta ste/ dper na/ rdza mkhan gyis snod du ma byas ba dag snod kyi ming mi 'thob bo// sha ra dwa ti'i de bzhin du dge ba'i rtsa ba byang chub tu yongs su bsngos pa yang pha rol tu phyin pa ming mi 'thob bo// shar
- 68b
ti'i bu 'di lta ste dper na/ sus 'khor los sgyur ba'i rgyal po mthong ba de phyis rgyal phran thams cad la re bar mi byed do// sha ra dwa ti'i bu de bzhin du sus chos kyi rgyal po de bzhin gshegs pa mthong de phyis nyan thos dang rang sangs rgyas thams cad la re bar mi byed do// sha ra dwa ti'i bu 'di lta ste dper na/ ba lang gi rjes kyi chu las rin po che thams cad mi 'byung ngo // sha ra dwa ti'i bu de bzhin du nyan thos kyi tshul khrims las dkon mchog gsum po dag mi 'byung ngo // sha ra dwa ti'i bu 'di lta ste dper na// rgya mtsho chen po las rin po che thams cad 'byung ngo // sha ra dwa ti'i bu de bzhin du byang chub sems dpa'i tshul khrims dang / thos pa'i rgya mtsho las sangs rgyas dkon mchog dang / chos dkon mchog dang / dge 'dun dkon mchog ste/ dkon mchog gsum po dag 'byung ngo // sha ra dwa ti'i bu 'di lta ste dper na/ rgyal po'i bu btsas nas ring por ma lon pa ni rgyal po zhes 'am rgyal po ma yin ba zhes kyang mi rjod do// sha ra dwa ti'i bu de bzhin du byang chub sems dpa' las dang po ba yang / sangs rgyas she 'am/ sangs rgyas ma yin pa zhes
- 69a
kyang mi brjod do// sha ra dwa ti'i bu 'di lta ste dper na/ nor bu rin po che byi dor ma byas pa la ni mngon par 'du bya bar mi 'gyur ro// sha ra dwa ti'i bu de bzhin du byang chub sems dpa' las dang po pa yang chos ston pa la 'jigs pa med pa yin no// sha ra dwa ti'i bu 'di lta ste dper na/ nor bu rin po byi dor byas te/ 'od gsal ba ni dga' ba yang dag par skyed pa yin no// sha ra dwa ti'i bu de bzhin du byang chub sems dpa' yun ring po ru spyad pa/ chos bstan pa rnams la 'jigs pa med pa yang / sems can thams cad kyi dga' ba yang dag par skyed pa yin// / shwa ra da ti'i bu 'di lta ste dper na/ nor bu rin po che ni chu du yang khyad du mi bsod do// de ci'i phyir zhe na/ de chung 'du zin kyang gnas khang ngam/ khyim 'am/ khang par bcug na/ de thams cad snang bar byed do// sha ra dwa ti'i bu de bzhin du byang chub sems dpa' las dang po pa la yang bsnyes par mi bya'o// de ci'i phyir zhe na/ de byang chub thob nas/ sangs rgyas kyi 'od kyis sangs rgyas kyi zhing thams cad rgyas par 'gengs par 'gyur ba'i phyir ro//
- 69b
sha ra dwa ti'i bu 'di lta ste dper na/ nor bu rin po che gang dag rin thang med pa de dag ni yang ba yin no// sha ra dwa ti'i bu de bzhin du/ byang chub sems dpa' gang dag phyir mi ldog par 'gyur ba de dag nga rgyal med pa yin no// sha ra dA ti'i bu 'di lta ste dper na/ lo tog yongs su rdzogs pa ni g.yur za'o// sha ra dA ti'i bu de bzhin du dkar po'i chos yongs su rdzogs pa'i byang chub sems dpa' yang sems can thams cad la 'dud do// sha ra dwa ti'i bu 'di lta ste dper na/ gang sa chen po 'di tshig par byed pa'i sreg pa'i skal ba'i me de ni gang nas kyang mi 'ong ngo // sha ra dwa ti'i bu de bzhin du/ byang chub sems dpa'i ye shes kyi me gang gis// bag chags kyi mtshams sbyor bar gyur pa'i nyon mongs pa rnams bsregs nas/ bla na med pa yang dag par rdzogs pa'i byang chub mngon par 'tshang rgya ba de yang gang nas kyang mi 'ong ngo // sha ra dwa ti'i bu 'di lta ste/ dper na/ stong gsum gyi stong chen po'i 'jig rten gyi khams tshig pa 'am ma tshig pa yang rung ste/ na mkha'i ngo bo nyid do// sha ra dwa ti'i bu de bzhin du byang chub sems dpa' byang chub mngon par rdzogs par 'tshang rgya yang rung / mngon par rdzogs par 'tshang rgya yang rung ste/
- 70a
chos thams cad ni byang chub kyi ngo bo nyid do// sha ra dwa ti'i bu byang chub sems dpa'i rnams bsdu ba'i phyir/ de bzhin gshegs pas dpe nye bar bkod pa bstan pa dag byang chub sems dpa' gang dag gis thos nas mos par 'gyur ba de dag thams cad dpe 'di lta bu grub pa nyid du 'gyur ro// bcom ldan 'das kyis dpe'i 'phrengs pa bstan pa 'di bshad pa na/ srog chags khri bzhi stong gis bla na med pa yang dag par rdzogs pa'i byang chub tu bskyed do// de nas de'i tshe bcom ldan 'das kyis tshigs su bcad pa 'di dag gsungs so// sangs rgyas byang chub mchog tu blta dka' ste// zab cing phra la dri med ci yang med// de bas mi gang rnam 'tshang rgya 'dod pa// des 'dir chos rnams la ni thogs mi bya// ye shes shin tu dag cing bcos ma yin// kun tu snang bar gyur cing 'od gsal te// dri med phyag rgya la ni rab gnas pas// byang chub dam pa 'di la reg par nus// sngon gyi mtha' ma phyi ma'i mthar yang rung // sems ni dag cing rang bzhin 'od gsal lo// nyon mongs gang gis yid ni nye nyon mongs// de dge tshul bzhin gyis ni yongs su spangs// 'di la byed pa med cing chor
- 70b
ba med// chos rnams thams cad rje med yam brla// gang zag med cing bdag gis bdag med bstan// spyi lam ngo bo nyid de nam mkha' 'dra// 'di dag lus kyi las kyis rab bye min// ngag gam sems kyis rnam par brtags ma yin// yang dag tu na byas min gzhan min te// de dag la ni dpe' byar mi nus so// nam mkha' mtshungs shing dri med ngo bo nyid// gzugs can ma yin bstan du ma yin// mig gis shes bya ma yin na snas min// lce dang lus dang yid rnams kyis kyang min// mtshan nyid ma yin mtshan nyid rnam par ldog/ zhi ba gnas med zla ba'i gzugs brnyan 'dra// de la sems mi rgyu ste yid kyang min// rnam shes ma yin 'du shes sems dpa' min// de dag mi shes las dang de bzhin du/ rnam par shes pa'i las kyis shes mi nus// yi ge rnams kyis chos 'di brnyed pa gang // sangs rgyas thugs rjes 'di ni bla na med// sems can gang dag sngon cad byas ldan zhing // dge ba'i bshes gnyen gyis kyang yongs zin pa// de dag 'dri'i chos 'di thos nas ni// dga' ba rgya chen zang zing med pa 'thob// 'di ni ci sems kyi
- 71a
zhig byed cig ces// de dag bdud kyis skyon chags mi rnyed de// sems dang sems kyis spyod yul mi shes na// bar du bdud las byed par ga la 'gyur// bdud bzhi 'di las shin tu 'das nas ni// rig pa dang ni blo dang bsod nams dang / nga tshul gyis sangs rgyas spyod yul rab gnas pa// byang chub spyod pa dam pa 'di la spyod// gang zhig sems can kun gyi spyod shes pa// de ni byang chub spyod mchog 'di la spyod// de yis spyod rnam mang po 'di thos nas// de'i mtshan nyid chos kyang rab tu ston// 'gro ba'i spyod pa 'di ni sna tshogs te// phan tshun dmigs par yang dag rab tu ldan// bdag med de dag spyod yul de shes nas// khyad par nges par bstan pa lung yang ston// de ni sems can chags mang chags pa yod// de dag zhe sdang bag nyal rnam pa mang // de dag zhe sdang nyon mongs gzir bar snang // de dag gti mug chen pos gnod par gyur// de ltar 'gro ba'i spyod pa sna tshogs te// de la 'jug pa dang ni mtshan ma dang // rkyen dang dmigs pa'ang khong du chud byas la// de'i 'og tu de'i mtshan nyid bstan// kun nas zhags pa'i
- 71b
dra bar rab tu bcug/ rig pa 'dzin pa'i skyes bu mkhas gsal ba// des ni zhags pa thams cad rab bcad nas/ ji ltar 'dod pa bzhin du ma snad 'gro/ de ltar byang chub sems dpa' dpa' mkhas pa// 'gro ba kun la sems kyi bsam zhugs nas// nyon mongs de dag thams cad rab bcad de// sgrib pa med bar 'gro ba kun la spyod// nyi ma'i 'od la grogs ni bya mi dgos// sbrul gdugs pa yang grogs bya dgos ma yin// seng ge'i sgra la grogs bya mi dgos te// byang chub sems dpa' la yang grogs mi dgos// de dag grogs med gcig pu gnyis med par// sang+yas chos mang yang dag sgrub par byed// brtson 'grus dang ni mthu dang stobs su ldan// 'gro ba'i nyon mongs rnams ni rab tu 'jom// ji lta ji ltar mes ni rtswa rnyed pa// de lta de ltar de stobs phyir zhing 'phel/ ji ltar byang chub sems dpa' nyon mongs srid// de lta de ltar shes rab mi rab 'phel// dpe' bstan pa'i le'u ste bzhi pa'o// de nas yang bcom ldan 'das kyis/ byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho
- 72a
byang chub sems dpas brtson 'grus brtsam par bya'o// byang chub sems pas rtag tu brtul ba brtan pa dang / 'dun pa cher bya'o// gces pa mi 'dor bar bya'o// blo gros rgya mtsho brtson 'grus brtsams pa'i byang chub sems dpa' rnams la ni bla na med pa yang dag par rdzogs pa'i byang chub brnyed par dka' ba ma yin no// de ci'i phyir zhe na/ blo gros rgya mtsho gang na brtson 'grus yod pa de na byang chub yod do// le lo can rnams la ni byang chub shin tu ring zhing rnam par ring ngo // le lo can la sbyin pa med do// le lo can la tshul khrims med do// le lo can la bzod pa med do// le lo can la brtson 'grus med do// le lo can la bsam gtan med do// le lo can shes rab med do// le lo can la bdag gi don med do// le lo can la gzhan gyi don med do// blo gros rgya mtsho rnam grangs 'dis/ 'di ltar ji ltar brtson 'grus brtsams pa'i byang chub sems dpa' rnams la bla na med pa yang dag par rdzogs pa'i byang chub brnyed dka' ba ma yin pa de rig par bya'o// blo gros rgya mtsho mngon byung ba 'das pa'i dus/ grangs med pa 'dun par gyur pa de'i tshe de'i dus na/ bskal pa
- 72b
me tog gi 'byung gnas la shin tu rnam par ltas pa'i 'jig rten gyi khams su bcom ldan 'das brtson 'grus 'bar ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba kha lo sgyur bkra bla na med pa lha dang mi rnams kyi ston pa/ sangs rgyas bcom ldan 'das 'jig rten du 'byung ngo // ci'i phyir bskal pa de me tog gi 'byung gnas shes bya zhe na/ blo gros rgya mtsho stong gsum gyi stong chen po'i 'jig rten gyi khams de tshig ste/ chus 'jig pa 'byung ba na/ pad ma lo ma bye ba brgya stong phrag du ma dang ldan pa/ rnam par bkra ba/ blta na sdug pa brgyad khri bzhi stong byung nas/ de dag thams cad kyis chu'i phung po de rgyas par bkang ste/ gnas so// de nas gnas gtsang ma'i ris kyi lha dag gis/ pad ma de dag mthong nas tshim zhing mgu la yid rangs shing rab tu dga' ste/ dga' ba dang yid bde ba skyes nas/ pad ma 'di dag byung ba ji snyed pa de snyed kyi/ yang dag par rdzogs pa'i sangs rgyas 'jig rten du 'byung bar 'gyur te/ kye ma bskal pa me tog gi 'byung gnas 'di
- 73a
ni sangs rgyas bcom ldan 'das rnams kyis stong par mi 'gyur ro zhes ched du brjod pa ched du brjod do// de ltar na me tog gi 'byung gnas me tog gi 'byung gnas shes bskal pa'i de'i ming chags so// blo gros rgya mtsho ci'i phyir 'jig rten gyi khams de shin tu rnam par bltas pa zhes bya zhe na/ ji tsam du phyogs bcu'i sangs rgyas kyi zhing rnams nas/ byang chub sems dpa' grangs med dpag tu med pa gang dag 'jig rten gyi khams de rnam par blta ba'i phyir lhag pa de dag gis/ 'jig rten gyi khams de la rnam par bltas ma thag du dga' ba'i rnam pa zhes bya ba'i ting nge 'dzin rab tu thob ste/ bde ba thams cad kyis tshim par 'gyur ba de tsam du 'jig rten gyi khams de yongs su dag par 'gyur te/ de'i phyir 'jig rten gyi khams de shin tu rnam par bltas pa zhes bya'o// blo gros rgya mtsho 'jig rten gyi khams de na rin po che sna bdun phrag stong nas par gyur to// rin po che'i shing ljon pa dang / rin po che'i khang pa brtsegs pa rnams kyang kun tu gsal bar gyur to// 'jig rten gyi khams de na bud med kyi bag med par gyur cing mngal na gnas pa med pa de sems can de dag thams cad kyang pad ma rnams
- 73b
la skyil mo krung bcas ste/ 'khod par rdzus te 'byung ngo // 'jig rten gyi khams de na theg pa chen po ma rtogs par theg pa gzhan rnam par bzhag pa med par gyur to// lha dang mi de dag kyang yongs su spyad pa dag ni dga' ldan gyi dang 'dra ba/ bza' ba dang / btung ba dang / yang bsams pas 'byor pa/ mngon par shes pas rnam par brtson pa nam mkha' la rgyu ba dag go// bcom ldan 'das de bzhin gshegs pa brtson 'grus 'bar ba'i byang chub sems dpa'i dge 'dun ni/ byang chub sems dpa' sems dpa' chen po rab tu byung bar gyur pa'i byang chub sems dpa' bye ba phrag sum bcu rtsa drug tu gyur to// de na khyim pa dang rab tu byung ba tshad med pa dag kyang theg pa chen po la yang dag par zhugs par gyur pa dag go// blo gros rgya mtsho bcom ldan 'das de bzhin gshegs pa brtson 'grus 'bar ba de yang byang chub sems dpa' de dag la skyes bu dam pa khyed kyis brtson 'grus rtsom shig/ khyed rtag tu brtul ba brtan pa dang / 'thun pa drag por gyis shig rtag tu gces pa ma 'dor cig ces brtson 'grus dang ldan pa'i gtam nyid rgya cher yang dag par rab tu ston to// blo gros rgya mtsho de'i de'i dus na/ byang chub sems
- 74a
dpa' sems dpa' chen po go cha sra ba zhes bya ba byang chub sems dpa'i 'khor der 'dus par gyur pa des/ bcom ldan 'das la 'di/ skad ces gsol to// bcom ldan 'das ji ltar na byang chub sems dpa' brtson 'grus brtsams pa lags/ de bzhin gshegs pa byang chub sems dpa' rnams la gnang ba'i brtson 'grus gang lags/ blo gros rgya mtshos de skad ces gsol pa dang / bcom ldan 'das de bzhin gshegs pa brtson 'gras 'bar ba des/ byang chub sems dpa' go cha brtan pa la 'di skad ces bka' stsal to// rigs kyi bu byang chub sems dpa' rnams kyi dge ba'i chos thams cad sdud par 'gyur ba'i brtson 'grus ni bzhi po 'di dag ste/ bzhi gang zhe na/ 'di lta ste/ rtsom pa dang / rtul ba dang / so sor rtogs pa dang / sgrub pa ste/ rigs kyi bu brtson 'grus bzhi po 'di dag ni byang chub sems dpa' rnams kyi dge ba'i chos thams cad sdud par 'gyur ba'o// de la rtsom pa gde rtul ba ni gang / so sor rtog pa ni gang / sgrub pa ni gang zhe na rigs kyi bu rtsom pa zhes bya ba ni byang chub tu sems bskyed pa'o// rdul ba zhes bya ba ni dge ba'i
- 74b
ba thams cad yang dag par sgrub pa'o// so sor rtog pa gang zhes bya ba ni/ sems can thams cad la phan pa'i dngos po'o// sgrub pa zhes bya ba ni de byed ba'i chos la bzod pa'o// gzhan yang rtsom pa ni thos pa yongs su tshol ba'o// rtul ba ni thos pa ston pa'o// so sor rtog pa ni tshul bzhin byed pa'o// / sgrub pa ni 'phags pa'i yang dag pa'i lta ba'o// gzhan yang rtsom pa ni ser sna'i sems tsar gcad pa'o// rtul ba ni 'dog pa thams cad yongs su gtong ba'o// so sor rtog pa ni sems can thams cad dang thun mongs du byang chub tu yongs su sngo ba'o// sgrub pa ni rnam par smin pa la mi re'o// gzhan yang rtsom pa ni stong pa chen po sgrogs pa'o// rtul ba ni gang slob pa po rnams la dge ba'i bshes gnyen du 'du shes pa'o// so sor rtog pa ni skye ma longs spyod 'di dag mi rtag pa'o// snyam pa'o sgrub pa ni byin nas 'gyod pa med pa'o// gzhan yang rtsom pa ni chos kyi longs spyod yongs su tshol ba'o// rtul ba ni 'tshong yongs su dag pa'o// so sor rtog pa ni bdag gis snying po blangs par 'gyur ba'i snyam pa'o// sgrub pa ni sbyin pas rlom sems su mi byed pa'o//
- 75a
gzhan yang rtsom pa ni 'chal ba'i tshul khrims kyi dri ma sel ba'o// rtul ba ni tshul khrims dang / rtul zhugs ma mnyam pa'o// so sor rtog pa ni tshul khrims 'chal ba'i sems can sems can yongs su smin par byed pa'o// sgrub pa ni tshul khrims kyi yon tan gyis rlom sems su mi mi byed pa'o// gzhan yang rtsom pa ni lus yongs su dag pa'o// rtul ba ni ngag yongs su dag pa'o// so sor rtog pa ni sems yongs su dag pa'o// sgrub pa ni chos yongs su dag pa'o// gzhan yang rtsom pa ni gnod sems kyi skabs med pa'o// rtul ba ni bzod pa'i stobs rnam par rig pa'o// so sor rtog pa ni bdag dang gzhan srung ba'o// sgrub pa ni bzod pas rlom sems su mi byed pa'o// gzhan yang rtsom pa ni gshe ba dang / sdang ba dang / dad par byed ba dang / rtul ba ni gshe ba dang / sdang ba'i ma dris par mi byed pa'o// so sor rtog pa ni nang yongs su gdung ba med par byed pa'o// sgrub pa ni bdag dang gzhan mi dmigs so// gzhan yang rtsom pa ni li lo'i dri ma sel ba'o// rtul ba ni brtson 'grus kyi dri ma las dben pa'o// so sor rtog pa ni sems can le lo can yongasu
- 75b
smin par byed pa'o// sgrub pa ni de bya ba byed pa'o// gzhan yang rtsom pa ni bya ba yang dag par sgrub pa'o// rtul ba ni bya ba nyam 'og tu chud par byed pa'o// so sor rtog pa ni theg pa gzhan la mi re ba'o// sgrub pa ni las kyi rnam par smin pa chud mi gzon pa'o// gzhan yang rtsom pa ni dran pa'o// rtul ba ni rtogs pa'o// so sor rtog pa ni blo gros so// sgrub pa ni mos pa'o// gzhan yang rtsom pa ni rigs pa'o// rtul ba ni tshul lo// so sor rtog pa ni sgo'o// sgrub pa ni 'byung ba'o// gzhan yang rtsom pa ni tshig 'bru kun chub par byed pa'o// rtul pa ni tshig 'bru 'dzin pa'o// so sor rtog pa ni tshig 'bru sel ba'o// sgrub pa na chos brjod du med par rtogs pa'o// gzhan yang rtsom pa ni dge ba'i bshes gnyen la rten pa'o// rtul pa ni sdig pa'i grogs po yongs su spong ba'o// so sor rtog pa ni mdza' ba dang / mi mdza' ba rnams la sems snyoms pa'o// sgrub pa ni ji skad smras pa'i tshig dang mi 'gal bar byed pa'o// gzhan yang rtsom pa ni rab tu 'byung ba'i sems so// rtul ba ni dga' ba dang mi dga' ba la mo lta'o// so sor rtogs pa ni dge bci zhes tshol ba'o// sgrub pa ni
- 76a
gzhan la rag ma las par ye shes rab tu 'thob pa'o// gzhan yang rtsom pa ni dgon pa la gnas pa'o// rtul ba ni 'dra 'dzil mi dga' ba'o// so sor rtog pa ni dben pa la dga' ba'o// sgrub pa ni nyon mongs pa med par gnas pa'o// gzhan yang rtsom pa ni 'dod pa chung ba'o// brtul ba ni chog shes pa'o// so sor rtog pa ni dgang sla ba'o// sgrub pa ni rung ba la tsho de shes pa'o// gzhan yang rtsom pa ni lhag pa'i tshul khrims la slob pa'o// rtul ba ni tshul khrims mi lhod pa'o// so sor rtog pa ni lhag pa'i sems la slob pa'o// sgrub pa ni lhag pa'i shes rab la slob pa'o// gzhan yang rtsom pa ni sbyin pa'i pha rol tu phyin pa'o// tshul khrims kyi pha rol tu phyin pa dang / rtul pa ni bzod pa'i pha rol tu phyin pa dang // brtson 'grus kyi pha rol tu bya'o// so sor rtog pa ni bsam gtan gyi pha rol tu phyin pa dang / shes rab kyi pha rol tu phyin pa'o// gasgrub pa ni ye shes kyi pha rol tu phyin pa dang / thabs la mkhas pa'i pha rol tu phyin pa'o// gzhan yang rtsom pa ni sbyin pa'o// rtul ba ni snyan/
- 76b
par smra ba'o// so sor rtog pa ni don byed pa'o// sgrub pa ni don 'thun pa'o// gzhan yang rtsom pa ni byams pa chen po'o// rtul ba ni snying rje chen po'o// so sor rtog pa ni dga' ba chen po'o// sgrub pa ni gtang snyoms chen po'o// gzhan yang rtsom pa ni zhing yongs su dag par byed pa'o// rtul pa mtshan dang dpe byad bzang po yongs su rdzogs par byed pa'o// so sor rtog pa ni dam pa'i chos yongs su 'dzin pa'o// sgrub pa ni sems can yongs su smin par byed pa'o// gzhan yang rtsom pa ni phung po'i bdud yongs su shes pa'o// rtal pa ni nyon mongs pa'i bdud las shin tu 'da'o// so sor rtog pa ni 'chi bdag gi bdud rnam par spong ba'o// sgrub pa ni lha'i bu'i bdud pham par byed pa'o// gzhan yang rtsom pa ni sdug bsngal yongs su shes pa'o// rtul ba ni kun 'byung ba spong ba'o// so sor rtog pa ni lam sgom pa'o// sgrub pa ni mngon gsum du byed pa'o// gzhan yang rtsom pa ni lus la zhugs pa'i dran pa'o// rtul ba ni tshor ba la zhugs pa'i dran pa'o// so sor rtog pa ni sems la zhugs pa'i dran pa'o// sgrub pa ni chos la zhugs pa'i dran pa'o// gzhan yang
- 77a
rtul ba ni brtson 'grus so// so sor rtog pa ni dran pa dang ting nge 'dzin to// sgrub pa ni shes rab po// gzhan yang rtsom pa ni mi dge ba'i chos spong ba'o// rtul ba ni dge ba'i chos yongs su rdzogs par byed pa'o// so sor rtog pa ni lus dang sems las su rung bar byed pa'o// sgrub pa ni mngon par 'du bya ba med pa'i rdzu 'phrul rab tu thob par byed pa'o// gzhan yang rtsom pa ni byang chub kyi yan lag rnams la'o// rtul ba ni yam la'o// so sor rtog pa ni zhi gnas dang lhag mthong la'o// sgrub pa ni rig pa dang rnam par grol ba'o// gzhan yang rtsom pa ni 'jug pa'i spyod pa'o// rtul pa ni dkar po rnam bar mthong ba'i spyod pa'o// so sor rtog pa ni sems shin tu sbyangs pa'o// sgrub pa ni phyir mi ldog pa'i ye shes so// blo gros rgya mtsho gzhan yang bcom ldan 'das de bzhin gshegs pa brtson 'grus 'bar ba des// byang chub sems dpa' go cha sra ba la 'di skad ces bka' stsal to// rigs kyi bu brtson 'grus de ni gang lus dang sems yongs su sbyangs pa'o// brtson 'grus de ni gang rgyu dang lta ba dang bral ba'o// brtson 'grus de ni gang ming dang gzugs yongs su shes pa'o// brtson
- 77b
'grus de ni gang ngar 'dzin pa nang / nga yir 'dzin pa gog pa'o// brtson 'grus de ni gang 'dzin pa dang 'ching ba dang 'dor ba'o// brtson 'grus de ni gang spyad ba rnams dang / kun nas ldang ba rnams rnam par sel ba'o// brtson 'grus de ni 'gyod pa dang / the tsom spong ba'o// brtson 'grus de ni gang bdud pa rnams dang zug rngu rnams yang dag par sel ba'o// brtson 'grus de ni gang dmigs pa dang / rgyun chad pa las shin tu 'da' ba'o// brtson 'grus de ni gang nga/ rgyal dang / mngon pa'i nga rgyal rnams spong ba'o// brtson 'grus de ni gang bzhi dang gnas las shin tu 'da' ba'o// brtson 'grus de ni gang rjes su chags pa dang / khong khro ba spong ba'o// brtson 'grus de ni gang ma rig pa dang / sred pa'i sred pa rab tu sbyangs pa'o// brtson 'grus de ni gang chags pa dang zhe sdang kun tu mi rgyu ba'o// brtson 'grus de ni gang gti mug dang / so sor mi rtog pa dang bral ba'o// brtson 'grus de ni gang nang drang phyi'i skye mched rnams yongasu shes pa'o// brtson 'grus de ni gang phung po dang khams rnams gdod ma nas skye ba med pa'o// brtson 'grus de ni gang sems zhi ba dang / rab tu zhi ba dang
- 78a
bar zhi ba'o// brtson 'grus de ni gang rnam par bsams na/ chos thams cad mi dmigs pa'o// brtson 'grus de ni gang sems su med cing gnyis su dbyer med pa'o// brtson 'grus de ni gang chos nyid gnas par shes pa'o// brtson 'grus de ni gang 'phro ba med cing mi 'phro ba med pa'o// brtson de ni gang len pa med cing 'dor ba med pa'o// brtson 'grus de ni gang byed pa med cing byed pa dang bral ba yin pa'o// brtson 'grus de ni gang gdeg pa med cing gzhag pa med pa'o// brtson 'grus de ni gang blang ba med cing dor ba med pa'o// brtson 'grus de ni gang la bcings pa med pa dang / grol ba med pa'o// / brtson 'grus de ni gang rang la gnod pa med pa dang / pha rol la gnod pa med pa'o// brtson 'grus de ni gang la rgyags pa med pa dang / bag med pa ma yin pa'o// brtson 'grus de ni gang la bya ba med cing byed pa po med pa'o// brtson 'grus de ni gang lta bar mi byed pa dang / rnam par lta bar mi byed do// brtson 'grus de ni gang zhi bar mi byed pa dang / rab tu 'bar bar mi byed pa'o// brtson 'grus de ni gang srung bar mi byed pa dang / srung ba dang bral bar ma yin pa'o//
- 78b
brtson 'grus de ni gang kun tu mi 'ong ba dang / 'ong ba dang bral ba ma yin pa'o// blo gros rgya mtsho de ltar bcom ldan 'das de bzhin gshegs pa brtson 'bar bas brtson 'grus dang rab tu ldan pa'i gtam 'di dag rgya cher yang dag par rab tu bshad pa na/ srog chags khris mi skye ba'i chos la bzod pa thob par 'gyur to// byang chub sems dpa'i go cha sra bas bcom ldan 'das de las brtson 'grus bstan pa de thos nas/ dge ba'i chos yongs su btsal ba la mngon par brtson tek+Sha brtson 'grus brtsams nas gnas par gyur to// de brtson 'grus brtsams te gces pa ma bor bar lo bye ba 'das pa dang / chung ngu'i rjes su 'thun pa'i bzod pa thob po// de brtson 'grus brtsams te/ dge ba'i chos yongs su btsal ba la mngon par brtson pas 'dug bzhin 'chi ba'i dus byas so// de shi phos nas de bzhin gshegs pa de nyid kyi spyan snga na rdzus te skyes par gyur nas/ des yang de bzhin gshegs pa de las 'dus pa chen po'i le'u'i chos kyi rnam grangs 'di thos par gyur to// de yang chos yongs su bcol ba la mngon par 'artson pas 'dug bzhin du 'chi ba'i dus byas par gyur to// blo gros rgya
- 79a
mtsho byang chub sems dpa' des rnam grangs 'dis sangs rgyas brgyad khri bzhi stong de dag mnyes par byed cing / gang dag bskal ba me tog gi 'byung gnas de la 'byung ba thams cad las brtson 'grus brtsams te// dge ba'i chos yongs su btsal ba la mngon par brtson par gyur nas 'dug bzhin du 'chi ba'i dus byas par gyur to// blo gros rgya mtsho de'i tshe de'i dus na/ byang chub sems dpa' go cha sra bar gyur pa zhes bya ba de gzhan zhig yin snyam du khyod som nyi'am yid gnyis sam the tsom za bar gyur na/ khyod kyis de ltar mi blta'o// de ci'i phyir zhe na/ blo gros rgya mtsho nyid de'i tshe de'i dus na/ byang chub sems dpa' go cha sra ba zhes bya bar gyur te/ blo gros rgya mtsho ngas brtson 'grus 'di 'dra bas byang chub sems dpa' brgya stong phrag mang po dag phyir bsnyis toHblo gros rgya mtsho ngas de ji tsam du brtson 'grus brtsams de lta bu dang / tshegs de lta bus byang chub mngon par rdzogs par sangs rgyas pa la ltos/ gang dag le lo can dang brtson 'grus dman par gyur pa rnams lta smos kyang ci dgos// de dag la byang chub yod par lta ga la 'gyur te/ de dag la byang chub shin tu ring
- 79b
zhing rnam par ring ngo // blo gros rgya mtsho bstan pa 'di la brtson 'grus brtsams pa ni dag par 'gyur gyi/ le lo can ni ma yin no// blo gros rgya mtsho rnam grangs des na 'di ltar gang la brtson 'grus dang bag yod pa de la byang chub yod par rig par bya'o// bcom ldan 'das kyis brtson 'grus dang rab tu ldan pa'i sngon byung ba'i le'u 'di bshad pa na/ byang chub sems dpa' lnga stong gis mi skye ba'i chos la bzod pa rab tu thob par gyur to// lha dang mi'i skye dgu'i srogs chags bdun stong gis/ bla na med yang dag par rdzogs pa'i byang chub tu sems bskyed do// de nas de'i tshe bcom ldan 'das kyis tshigs su bcad pa 'di dag gsungs so// ngas dran snga ma 'das pa'i dus na ni// bskal pa me tog 'byung gnas blta sdug la// shin tu rnam bltas 'jig rten khams mchog tu// brtson 'grus 'bar ba'i bde bar gshegs pa 'byung // bskal pa de la rgyal ba gang byung ba// de dag brgyad khri bzhi stong tham pa'o// 'jig rten khams ni dga' ldan gnas 'dra ste// mi'i bza' dang btung ba bsams pas 'byor/ bud med yod min mngal na gnas pa med// sems can thams cad rdzus te skye bar gyur// theg pa dman pa drag par ma
- 80a
gyur te// thams cad bdag nyid che ba'i theg chen zhugs// shin tu rnam bltas 'jig rten khams blta'i phyir// byang chub sems dpa' phyogs bcu nas lhags pa// de dag dga' ba'i rnam pa'i ting 'dzin thob// sngon cad ma mthong ba'i bde ba myong // rkang gnyis kyi ni tshogs gyur grags chen po/ bye ba phrag ni sum bcu rtsa drug yod// gzhan yang lha dang mi ni mang po dag/ sangs rgyas theg pa mchog la zhugs par gyur// yon tan ye shes rgya mtsho drang srong che// de ni brtson 'grus bsngags pa yang yang brjod// de nas brtson 'grus bstan pa mkhas pa yin// langs nas don 'di nyid ni rgyal la zhus// byang chub sems dpa' brtson 'grus brtsams gyur pa// ci tsam gyis na brtson 'grus stobs la gnas// de don bcom ldan pa dag la bshad du gsol// bdag ni de la rab tu nan tan bgyid// de'i bsam pa mkhyen nas chos rje des// brtson 'grus las brtsams yon tan rang gsungs pa// rtsom pa dang ni de bzhin brtul ba dang // rtag tu so sor rtog dang bsgrub pa'o// rtsom pa de ni byang chub sems shes bya/ rtul pa dge bstong sgrub byed pa/ so sor rtog
- 80b
pa sems can phan pa'i dngos// sgrub pa de byed chos la bzod pa yin// rtsom pa gus par byas te thos tshol ba// rtul ba brtan pa yang dag ston byed pa/ so sor rtogs pa 'di ni tshul bzhin brjod// sgrub pa tse yang dag lta ba skye// rtsom pa ser sna'i dri ma sel ba yin// rtul ba bdog pa thams cad yongs gtong ba// so sor rtog pa rdzogs pa'i byang chub sems// sgrub pa'i gang tshe rnam smin mi re ba// rtsom pa gtong pa chen po gang sgrogs pa/ rtul ba slong ba rnams la byams byed pa// so sor rtog 'di longs spyod mi rtog snyoms// sgrub pa byin nas gdung ba med pa yin// rtsom pa chos kyi longs spyod gang tshol bAb+da rtul pA ni 'tsho ba dag pa yin// bdag ni snying po blangs snyam so sor rtog/ sgrub pa byin la sbyin pas rlom sems med// rtsom pa 'chal ba'i tshul khrims dri ma sel// rtul ba tshul khrims brtul zhugs nyams pa med/ tshul khrims 'chal pa smin byed so sor rtog/ sgrub pa gang tshe tshul khrims rlom sems med// rtsom pa dag ni yongs su dge pa ste/ rtul ba lus ni yongs su dag pa yin// so sor rtog pa gang yin 'di sems dag
- 81a
sgrub pa gang yin chos rnams yongs su dag/ rtsom pa gnod sems go skabs med pa yin/ rtul ba bzod pa'i stobs ni nye bar ston// so sor rtogs pa bdag dang gzhan srung byed// sgrub pa gang tshe rlom sems gang med pa/ rtsom pa gshel rtag tu dang byed pa/ rtul pa de dag thag ring spong ba ste// so sor rtog pa nang ni zhi ba yin// sgrub pa bdag dang gzhan du dmigs pa med// rtsom pa le lo'i dri ma sel ba ste/ rtul pa brtson 'grus stobs dang mthu yin no// le lo can dag smin byed so sor rtog/ de byed chos la bzod pa sgrub pa yin// rtsom pa bya ba yang dag sgrub byed pa// rtul pa bya ba nyams 'og chung bar byed// theg pa gzhan la mi re so sor rtog/ sgrub pa las rnams chud mi gnon pa yin/ rtsom pa de dag dran dang shes bzhin can/ brtul ba chos rtogs pa la 'jug pa yin// blo gros kun tu bsrungs pa so so rtog/ sgrub pa de la zos shing 'gyur ba med/ rtsom pa rigs brtul ba tshul yin te// so sor rtog pa de ni chos sgo yin// sgrub pa don 'byung bar rab tu shes// 'di dag brtson 'grus brtsam pa'i sbyor ba yin/
- 81b
rtsom pa'i tshig 'bru kun tu 'dzin pa ste// rtul ba bstan pa yang dag ston par byed// so sor rtog pa sgra ni sel byed pa// sgrub pa rnams brjod du med pa nyid// rtsom pa dge ba'i bshes gnyen sten pa yin// rtul ba sdig pa'i grogs po rnam par spong // thos nas chos nyid la ni so sor rtog/ sgrub pa chos rnams dang ni 'gal mi byed// rtsom pa sangs rgyas bstan la rab tu 'byung // rtul ba dga' ba thams cad spong ba yin// de la gnas pa gang yin so sor rtog/ chos rnams 'gal ba med pa sgrub pa yin// rtsom pa dgon par dga' ba gang thob pa// rtul ba 'du 'dzi rnam par spong ba yin// dben par gnas par dga' ba so sor rtog/ sgrub pa gang yin nyon mongs med par gnas// rtsom pa 'dod pa chung zhing bka' blo bde// rtul ba de ni chos shes gyur pa yin// des pa gang gyur do ni so sor rtog/ sgrub pa gang yin rung ba'i tshod shes pa// rtsom pa lhag pa'i tshul khrims slob ces bya// rtul ba tshul khrims lhod ba med pa yin// lhag pa'i sems slob 'di ni so sor rtog/ lhag pa'i shes rab slob pa sgrub pa mchog/ rtsom pa sbyin dang de bzhin tshul khrims yin/
- 82a
rtul ba bzod dang de bzhin brtson 'grus so// so sor rtog pa 'di bsam gtan shes ste/ sgrub pa ye shes dang ni de bzhin thabs// rtsom pa 'jig rten zang zing chos sbyin pa// snyan par smra ba de ni rtul pa yin// don spyod gang yin de ni so sor rtog/ sgrub pa don 'thun pa ste snying po yin// rtsom pa gang yin byams pa yongs su dag/ rtul pa de ni snying rje ldan pa yin// dka' ba chos la so sor rtog pa ste// gtang snyoms ye shes sgrub par brjod pa yin// rtsom pa zhing rnam par sbyong ba ste// rtul ba mtshan rnams yongs su rdzogs par byed// so sor rtog pa dam chos yongs su 'dzin// sgrub pa sems can yongs su smin par byed// rtsom pa gang yin phung po bdud sel ba// rtul ba nyon mongs bdud ni tshar gcod pa// so sor rtog pa 'chi bdag tshar gcod de// snyib bo sgrub pa bdud kyis ci byar yod// rtsom pa sdug bsngal yongs su shes pa ste// sred pa'i gnas med 'di ni rtul ba yin// lam bsgom gang yin 'di ni so sor rtog/ 'gag pa shes bsgrub par brjod pa yin/ rtsom pa lus la dran pa bcings pa med/ rtul ba tshor ba la ni lta ba med// sems la dran pa 'di ni so sor to//
- 82b
chos la rtog pa sgrub pa dam pa yin// rtsom pa dang pa'i stobs dang de'i dbang po/ rtul ba brtson 'grus stobs dang mthun yin te// dran dang ting 'dzin dbang po so sor rtog/ shes rab dbang po sgrub par brjod pa yin// rtsom pa mi dge rnam par spong zhes brjod// rtul ba gang yin dge ba chud mi bzod// lus dang sems kyang gang yin so sor rtog/ sgrub pa rdzu 'phrul rnam par 'phrul zhes brjod// rtsom pa mkhas pa byang chub yan lag sgom// rtul pa gang tshe lam ni rtogs pa yin// zhi gnas lhag mthong don so sor rtog/ rigs dang rnam grol sgrub pa snying po yin// rtsom pa 'jug pa rtul pa spyod pa yin// so sor rtog bla ni rab sbyangs pa// mtshan ma'i spyod yul thams cad gang log pa// de ni sgrub pa'i tshul du rjod pa yin// lus dang sems ni rab tu sbyangs pa dang // rgyu dang lha las rab tu 'da' ba dang / ming dang gzugs ni yongs su gang shes pa// de ni brtson 'grus mchog ces 'phags pas bsngags// nga dang nga'i zhes pa nam 'gag pa// de tshe bcings pa kun las rnam par grol// kun nas ldang med sgrib pa lnga las grol// mkhas pa the tsom dang ni 'gyod pa spangs// bdud pa rnams dang zug rngu brtsal ba gang / sgribs
- 83a
pa med cing rgyun chad yod pa yin// nga rgyal mngon pa'i nga rgyal gang tshe spangs// de tshe brtson 'grus stobs kyis las byas yin// mtshan ma thams cad sel ba gang yin dang // spros pa thams cad 'jug pa med pa dang // nyon mongs thams cad spong ba gang yin pa// brtson 'grus de ni mkhas pa rnams kyis bsngags// brtson 'grus 'bar bas rab tu bsngags pa'i tshe// brtson 'grus yon tan 'di dag mthong nas ni// grags pa chen po stong phrag bcu kun gyis// mi skye'i bzod pa rab tu thob par gyur// 'di thos nas ni stong phrag lnga zhig kyang // sangs rgyas zhing 'dir bzod pa rnam par sbyangs// mi dang lha dang lha min mi 'am ci// bdun stong byang chub mchog la rab tu zhugs// de na gang gis brtson 'grus mchog reg pa// dge slong brtson 'grus brtan pa nga yin te/ brtson 'grus brtsams nas ngas ni lus btang ste// 'dug bzhin de tshe 'chi ba'i dus byas gyur// brgyad khri las ni bzhi stong lhag pa la// bdag gis lus ni rab tu skams par byas// bskal pa gcig la 'dren pa mnyes byas ste// bdag gis byang chub sems dpa' phyir bstis to// brtson 'grus brtsam
- 83b
ba'i le'u ste lnga pa'o// // de nas tshangs pa chen po snying rje chen po sems pas/ byang chub sems dpa' sems dpa' chen po blo gros rgya mtsho la 'di skad ces smras so// rigs kyi bu sangs rgyas kyi chos rnams sangs rgyas kyi chos rnams shes bya ba la sangs rgyas kyi chos rnams shes bya ba de ni gang gi tshig bla dgas de skad ces smras pa dang / byang chub sems dpa' blo gros rgya mtshos tshangs pa'i snying rje chen po sems dpa' la 'di skad ces smras so// tshangs pa sangs rgyas kyi chos rnams/ sangs rgyas kyi chos rnams shes bya ba la/ sangs rgyas kyi chos kyi chos rnams shes bya ba de ni chos thams cad kyi tshig bla dgas so// de ci'i phyir zhe na/ tshangs pa de bzhin gshegs pas yongs su chad pa'i rnam pas tshad dang ldan par byang chub mngon par rdzogs par sangs rgyas pa ma yin gyis// de bzhin gshegs pas yongs su ma mchad pa'i rnam par chos/ thams cad mnyam pa nyid kyis rnam pas tshad med par byang chub mngon par rdzogs par sangs rgyas so// tshangs pa chos thams cad mnyam pa nyid khong du chud pa ni byang chub ste/ tshangs pa de'i phyir chos thams cad ni sangs
- 84a
rgyas kyi chos rnams shes bya'o// tshangs pa chos thams cad ni ci 'dra bar sangs rgyas kyi chos rnams kyang de 'dra ba nyid do// chos thams cad kyi ngo bo nyid gang yin pa de// sangs rgyas kyi chos rnams kyi ngo bo nyid do// chos thams cad dben pa nyid pas sangs rgyas kyi chos dben pa nyid du khong du chud par bya'o// chos thams cad stong pas sangs rgyas kyi chos stong pa nyid du khong du chud par bya'o// chos thams cad stong pas sangs rgyas kyi chos stong pa nyid du khong du chud par bya'o// tshangs pa chos thams cad rten cing 'brel par 'byung ba dag ste/ rten cing 'brel par 'byung bar khong du chud pa ni byang chub po// de bzhin gshegs pas chos thams cad ji ltar gzigs pa ltar/ sangs rgyas kyi chos de dag kyang de dang 'dra ba nyid do// tshangs pa snying rje chen po sems pas smras pa/ rigs kyi bu sangs rgyas kyi chos rnams khams gsum las shin tu 'das pa ma yin nam/ blo gros rgya mtshos smras pa/ tshangs pa khams gsum gyi ngo bo nyid kyi mtshan nyid sangs rgyas kyi chos rnams so// de ci'i phyir zhe na/ tshangs pa sangs rgyas kyi chos mnyam pa nyid la tha ma 'am/ mchog gang yang med do// tshangs pa
- 84b
'di lta ste dper na/ nam mkha' la tha ma 'am mchog gang yang med do// tshangs pa de bzhin du sangs rgyas kyi chos de dag ni nam mkha' dang mnyam ste// de/ dag la yang tha ma 'am/ mchog gang yang med do// tshangs pa de bzhin du sangs rgyas kyi chos de dag ni nam mkha' dang mnyam ste/ de dag la yang tha ma 'am mchog gang yang med do// tshangs pa de bzhin du sangs rgyas kyi chos de dag ni na mkhwa dang mnyam ste/ de dag la yang tha ma 'am mchog gang yang med do// tshangs pa chos thams cad kyi rang bzhin gang yin pa de ni ngo bo nyid kyis stong pa nyid do// de la yang tha ma 'am mchog gang yang med do// tshangs pa sangs rgyas kyi chos khong du chud par 'dod pa'i rigs kyi bu 'am rigs kyi bu mos rtogs pa med pa'i tshul gyis/ sangs rgyas kyi chos rnams de ltar rtogs par bya'o// / tshangs pa gzhan yang sangs rgyas kyi chos rnams ni yul na mi gnas pa/ phyogs na mi gnas pa/ ma skyes pa ma 'gag pa/ sngo bo ma yin pa/ ser po ma yin pa/ dmar po ma yin pa/ dkar po ma yin pa/ leb rgan ma yin pa/ shel dang dngul gyi kha dog lta bu ma yin pa dag ste/ de dag ni kha dog med pa
- 85a
dbyibs med pa/ rtags med pa dag go/ de dag ni mtshan ma med pa dag go/ tshangs pa mtshan ma med pa'i don ni sangs rgyas kyi chos kyi don to// sangs rgyas kyi chos kyi don ni 'chi 'pho med pa'i tshig gi don to// 'chi 'bo med pa'i tshig gi don ni zhi ba'i don no// zhi ba'i don ni dben pa'i don no// dben pa'i don ni stong pa nyid kyi don no// stong pa nyid kyi don ni gnas med pa'i don no// gnas med pa'i don ni kho na'i don no// de kho na'i don ni shin tu skye ba med pa'i don to// skye ba med pa'i don ni 'gag pa med pa'i don no// 'gag pa med pa'i don ni gnas med pa'i don no// de la 'di skad ces bya ste/ mtshan med pa'i don brjod 'di// sangs rgyas chos kyi dam pa ste// sangs rgyas chos don bstan pa ni// 'chi 'pho med pa'i tshig ces bya// 'chi 'pho med don zhi ba'i don// rnam par dben pa'i don du bstan// dben pa'i don ni stong pa'i don// stong pa'i don ni gnas med don/ gnas med don nyid de kho na// de nyid don ni de bzhin nyid// shin tu skye dang bral ba ni// 'gag pa med pa'i don du bstan// 'gag med don ni gnas me//
- 85b
gnas med pa chos don tshig/ chos dbyings ji ltar gnas pa ltar// chos rnams thams cad de ltar gnas// chos kun ji ltar gnas pa ltar/ sangs rgyas chos rnams de ltar gnas// ji ltar sangs rgyas chos gnas ltar// slob pa'i chos rnams de ltar gnas// chags med chos ni mtshungs pa'i/ don// de ltar de dag gzhan min gnas// rang sangs rgyas kyi chos rnams kyang // 'dir ni mnyam pa ji bzhin gnas// de lta'i gnas la gnas pa'i chos// / sangs rgyas chos de bla na med// sangs rgyas chos rnams de dag ni// yul dang phyogs na gnas pa med// skye ba dang ni 'jig pa yis// nam yang rab tu phye ba min// gang du'ang chos rnams de dag la// dbyibs dang kha dog rnyed mi 'gyur// mtshan ma med cing rtags med par// sangs rgyas chos rnams rab tu brten// chos kun rang bzhin gang yin pa// sangs rgyas chos rnams de lta'i tshul// des na de dag mnyam par bstan// khyad par med de mtshan nyid med// sangs rgyas chos rtogs 'dod pa yin// chos rnams kun la lta bar bya// gang tshe cung zad mi dmigs pa// de tshe rnam par bstan pa yin// sangs rgyas dang ni/
- 86a
sangs rgyas chos// chos rnams kun kyang thams cad du// byang chub snying por drang srong ches// de dag yang dag mnyam par rtogs/ sangs rgyas chos gang sangs rgyas kyis// byang chub snying por gang bltas pa// sangs rgyas chos bstan de dag ni// rtag tu mnyam pa nyid kyis mnyam// mnyam ste mi mnyam med pa'i chos// nam mkha' lta bur dri med par// sangs rgyas kyis ni mkhyen pas rtogs// des 'dir sangs rgyas yin zhes brjod// rten cing 'brel par gang byung ba// de dag gang la'ang rang bzhin med// gang dag ngo bo nyid med pa// de dag gang du'ang 'byung ba med// 'gro ba mtha' med mnyam par ni// gang gis mtha' 'dir rab shes pa// de yi ye shes mthar son pa// chos rnams kun la'ang 'jug par 'gyur// chos rnams gang dag 'das pa dang // chos rnams gang dag ma 'ongs dang // da ltar byung ba'i chos gang dag/ de rnams sangs rgyas chos su 'dod// de ltar dus gsum rnams la yang // sangs rgyas ye shes chags pa med// gang du ye shes mi chags pa// de dag thub pa'i chos su bstan// stobs ni rnam pa bcu dag dang // mi 'jigs rnam bzhi gang dag
- 86b
dang // sangs rgyas rnams kyi ma 'dres chos// rnam pa bco brgyad gang yin dang // gzhan yang chos gang ci yod pa// thams cad 'dir ni 'dus par gyur// des na chos rnams de dag kun// sangs rgyas chos shes brjod pa yin// // 'phags pa blo gros rgya mtshos zhus pa/ bam po lnga pa// / tshangs pa snying rje chen po sems pas// gzhan yang byang chub sems dpa' sems dpa' chen po blo gros rgya mtsho la 'di skad ces smras so// ci rigs kyi bu khyod la chos 'di dag mngon sum du gyur tam// smras pa ci tshangs pa ci sangs rgyas kyi chos rnams gzugs su bgrang ngam smras pa de ni ma yin no// smras pa tshangs pa chos gang gzugs med bstan du med// thogs pa med rnam par rig pa med pa de la gang yang mngon du 'gyur ram/ smras pa rigs kyi bu de ni ma yin no// smras pa tshangs pa de ltar na chos thams cad ni mngon sum pa ma yin pa nyid do// de ci'i phyir zhe na/ de la gnyis chung zad kyang med de/ tshangs pa chos thams cad ni gnyis su med pa'o// de la mngon sum gang yin pa de yang de'i mtshan nyid kho na'o//
- 87a
tshangs pa mngon sum yang gzhan la/ sangs rgyas kyi chos rnas kyang gzhan ma yin te/ mngon sum gang yin po de nyid sangs rgyas kyi chos rnams so// sangs rgyas kyi chos gang yin pa de nyid mngon sum nyid do// smras pa rigs kyi bu de bzhin gshegs pa la yang sangs rgyas kyi chos rnams mngon sum ma yin nam/ smras pa tshangs pa gal te de bzhin gshegs pa'am/ sangs rgyas kyi chos rnams kyang rung ste/ 'ga' zhig yang dag par yongs su grub par gyur na ni/ sangs rgyas kyi chos rnams kyang / de bzhin gshegs pa la mngon sum du 'gyur ro// smras pa rigs kyi bu sangs rgyas kyi chos gang yang med/ dmasmras pa tshangs pa gal te yongs su grub pa med pa de yod pa 'am med par khas blang du med do// chos gang yod pa 'am med par khas blang du med pa de la mngon sum du gyur pa gang yang med do// smras pa 'o na da ji ltar sangs rgyas kyi chos shes bstan/ smras pa tshangs pa 'di lta ste/ dper na nam mkha' la na mkha' zhes bstan kyang / nam mkha' la yang dag par yongs su grub pa gang yang med do// tshangs pa de bzhin du sangs rgyas kyi chos rnams la sangs rgyas kyi chos rnams
- 87b
shes bstan kyang / sangs rgyas kyi chos la ni yang dag par yongs su grub pa gang yang med do// smras pa rigs kyi bu byang chub sems dpa' las dang po bas bstan pa 'di thos nas skrag par mi 'gyur gyi/ des sangs rgyas kyi chos rnams kyi ched du go cha gyon pa ni ngo mtshar to// smras pa tshangs pa sangs rgyas kyis byin gyis brlabs pa'i sems can rnams byang chub tu sems bskyed de/ de dag sangs rgyas kyi chos zab mo thos na skrag par mi 'gyur ro// tshangs pa 'dzin pa dang / mngon par zhen par gyur na/ skrag par 'gyur gyi 'dzin pa med cing mngon par zhen pa med na/ skrag par mi 'gyur ro// gnas dang chags par gyur na/ skrag par 'gyur gyi gnas med cing chags pa med na/ skrag par mi 'gyur ro// ngar 'dzin pa dang / nga yir 'dzin par gyur na skrag par 'gyur gyi/ ngar 'dzin pa dang nga yir 'dzin pa dang bral na/ skrag par mi 'gyur ro// smras pa stobs gang dang ldan na byang chub sems dpa' sangs rgyas kyi chos zab mo dag la skrag par mi 'gyur ba/ byang chub sems dpa'i stobs gang yin/ smras pa tshangs pa byang chub sems dpa' rnams kyi stobs ni/ brgyad po 'di dag ste/
- 88a
stobs de dag dang ldan na chos zab mo dag la skrag par mi 'gyur ro// brgyad gang zhe na 'di lta ste/ sangs rgyas kyi chos thams cad la mos pas/ thogs pa med pa dad pa'i stobs dang / ston pa dang mtshungs pa'i blos/ gus pa las nges par 'byung ba dge ba'i bshes gnyen gyi stob 'jig rten las 'das pa'i chos yongs su rdzogs par byed pas/ thos pa las nges par 'byung ba shes rab kyi stobs dang / bsod nams tshad med pa yongs su rdzogs par byed pas/ bsod nams las nges par byung ba bsnyen bkur bya ba'i stobs dang / bdud thams cad nges par gzhom pa'i phyir tshul bzhin las nges par byung ba ye shes kyi stobs dang / chos rnams bdag med pa la dogs pa med pas/ byams pa chen po las nges par byung ba'i snying rje chen po'i stobs dang / byang chub kyi sems brjed pa med pas/ nges par sems pa las nges par byung ba sems kyi stobs dang / mi skye ba'i chos la bzod pa rab tu thob pas/ gzhan gyi drin mi 'jog pa las nges par 'byung bar bzod pa'i stobs so// tshangs pa brgyad po de dag ni byang chub sems dpa' rnams kyis stongs
- 88b
tesnga stobs de dag dang ldan na/ byang chub sems dpa' rnams sangs rgyas kyi chos zab mo dag la skrag par mi 'gyur ro// de nas bcom ldan 'das kyis byang chub sems dpa' chen po blo gros rgya mtsho legs so zhes bya ba byin te/ blo gros rgya mtsho khyod kyis byang chub sems dpa' rnams kyi stobs de dag legs bar bshad pa ni legs so legs so// stobs ji lta bu dang ldan pa'i byang chub sems dpa' ni gang thos nas skrag par 'gyur ba'i sangs rgyas kyi chos de gang yang med do// blo gros rgya mtsho bstan pa'i sgra de dag thams cad ni 'jig pa'o// byang chub kyi don dam pa gang yin pa de yang brjod par mi nus so// de ci'i phyir zhe na/ brjod du med pa ni bstan du med pa'i ste// de la ni yi ge rnams kun tu mi rgyu'o// de la ni sems dang sems las byung ba'i chos rnams kyang kun tu mi rgyu na/ yi ge rnams kun tu rgyu bar 'gyur ba lta smos kyang ci dgos/ 'di ltar chos zab mo yi ge med pa bsnyad du med pa/ brjod du med pa/ sgrar med pa 'di lta bu mngon par rdzogs par sangs rgyas kyang / yi ge'i rnam par rig pas sems can gzhan dag dang gang
- 89a
zag gzhan rnams la ston te/ sems can bsam gyi mi khyab pa dag la// sangs rgyas bcom ldan 'das rnams kyi/ thugs rjes chen po ji snyed 'jug pa la ltos/ blo gros rgya mtsho 'di lta ste dper na/ skyes bu la la zhig gis/ nam mkha' la gzugs med pa/ bstan du med pa/ thogs pa med pa rnam par rig pa med pa/ 'di la tshon sna tshogs kyis ri mor bris te/ rta dang glang po che dang / shing rta dang / dpung bu cung dang / gzhon pa rnams su 'dir nye bar ston tam/ lha dang klu dang gnod sbyin dang / dri za'i gzugs rnams 'dir nye bar ston na/ blo gros rgya mtsho 'di la ji snyam du sems/ skyes bu de dka' ba byed pa ma yin nam/ gsol pa/ bcom ldan 'das dka' ba bgyid pa'o// bde bar/ gshegs pa mchog tu dka' ba bgyid pa'o// bcom ldan 'das kyis bka' stsal pa/ blo gros rgya mtsho sangs rgyas bcom ldan 'das gang dag brjod du med pa'i chos mngon par rdzogs par sang+yas nas kyang / sems can gzhan dag dang gang zag gzhan rnams la brjod du med pa'i don de brjod pas rnam
- 89b
par rig par byed cing go bar byed pa ni// de bas kyang ches dka' ba mdzad pa'o// gang dag sangs rgyas kyi chos zab mo 'di dag ni/ dge ba'i rtsa ba 'di dag la mi skrag mi dang bar mi 'gyur ba de dag ni de bas kyang ches shin tu dka' ba byed do// blo gros rgya mtsho gang dag sangs rgyas kyi chos zab mo 'di dag la skrag par mi 'gyur ba'i sems can de dag ni// dge ba'i rtsa ba bskyed pa dang / sngon gyi rgyal ba la bsnyer bkur byas pa yin no// blo gros rgya mtsho mdo sde zab mo 'jig rten thams cad dang mi mthun pa 'di dag rig nas 'chang ba dang / 'dzin pa dang / gzhan dag la yang rgya cher yang dag par rab tu ston pa de dag ni bzhin gshegs pa'i chos mdzod 'dzin pa dag go// sems can thams cad kyi dge ba'i phyogs 'dzin pa dag go// blo gros rgya mtsho byang chub sems dpa' gang gis sangs rgyas kyi spyan gyis gzigs pa'i sangs rgyas kyi zhing tshad med pa thams cad rin po che thams cad kyis yongs su bkang ste/ de bzhin gshegs pa la mchod po'i las kyi phyir dbul bar bul na/ blo gros rgya mtsho de la ji snyam du sems/ byang chub sems dpa' de bzhi de lag
- 90a
bsod nams mang du skyed dam/ gsol pa/ bcom ldan 'das mang lagaso// bde bar gshegs pa tshad ma mchis lags so// bsod nams kyi phung po de ni ji tsam du dpe bgyi bar sla ba ma lags pa// de tsam du bsod nams kyi phung po de tshad ma mchis par 'gyur ro// / bcom ldan 'das bka' stsal ba// blo gros rgya mtsho khyod kyis mos par bya'o// khyod kyis khong du chud par bya'o// gang de bzhin gshegs pa'i bstan pa kun tu srung ba dang / dkon mchog gsum gyi rigs mi 'chad par bya ba'i phyir/ sems can thams cad la snying rje chen po bskyed nas/ mdo sde zab mo 'di 'di lta bu 'di de bzhin gshegs pa'i ye shes sgrub par rig nas/ 'dzin pa dang / 'chang ba dang kun chub par byed pa'i byang chub sems dpa' de ni/ de bas kyang ches bsod nams mang du bskyed na/ gang de bzhin du sgrub pa lta smos kyang ci dgos/ de ci'i phyir zhe na/ blo gros rgya mtsho// zang zing gi sbyin pa de thams cad ni 'jig rten la ston pa'o// chos kyi sbyin po 'di ni 'jig rten thams cad las shin tu 'da' bar 'gyur ba'o//
- 90b
blo gros rgya mtsho dam pa'i chos yongs su 'dzin pa ni/ yongs su gzung ba bzhi rab tu 'thob ste/ bzhi gang zhe na/ sangs rgyas kyis yongs su gzung ba rab tu 'thob pa dang / lhas yongs su gzung ba dang / bsod nams kyis yongs su gzung ba dang / ye shes kyis yongs su gzung 'thob pa'o// blo gros rgya mtsho sangs rgyas kyis yongs su gzung ba'i byang chub sems dpa'i khyad par du 'gyur ba bzhi ste/ bzhi gang zhe na/ de bzhin gshegs pa mthong ba dang mi 'bral bar 'gyur ba dang / de la bdud thams cad kyis glags mi rnyed par 'gyur ba dang / gzungs rab tu 'thob par mi zad par 'gyur ba dang / mngon par shes pa myur te/ phyir mi ldog pa'i sa thob par 'gyur ba ste/ blo gros rgya mtsho sangs rgyas kyis yongs su bzung ba'i byang chub sems dpa' khyad par du 'gyur ba bzhi po de dag go// blo gros rgya mtsho lhas yongs su bzung ba'i byang chub sems dpa'i rnam par dag par 'gyur ba bzhi ste/ bzhi gang zhe na/ lha rnams kyis de'i 'khor gyi dkyil 'khor rnam par sbyong ba dang / chos nyan pa la sems rtse cig tu bya bar 'jog pa dang / de la pha rol tu gnod pa thams cad mi
- 91a
'byung bar byed pa dang / de la sems ma dad pa thams cad kyang lha rnams kyi dbang po yis dad par byed pa ste/ blo gros rgya mtsho lhas yongs su gzung byang chub sems dpa'i rnam par dag par 'gyur ba bzhi de dag go/ blo gros rgya mtsho bsod nams kyis yongs su gzung ba'i byang chub sems dpa'i/ rgyan du 'gyur ba bzhi ste/ bzhi gang zhe na/ mtshan dang dpe byad bzang po yongs su rdzogs pas lus kyi rgyan dang sems can thams cad mgu bar byed pas ngag gi rgyan dang / bya ba thams cad kun tu ston pas zhing gi rgyan dang / brgya byin dang / tshangs pa dang 'jig rten skyong du skye ba rab tu thos pas/ skye ba'i rgyan te/ blo gros rgya mtsho bsod nams kyis yongs su gzung ba'i byang chub sems dpa'i rgyan du 'gyur ba bzhi po de dag go/ blo gros rgya mtsho ye shes kyis yongs su bzung ba'i byang chub sems dpa'i snang bar gyur pa bzhi ste/ bzhi gang zhe na/ so so ci rigs par chos ston pas/ sems can gyi dbang po snang ba dang / chos kyi sman yang dag par sbyor bas nyon mongs pa'i nad thams cad snang ba dang / sangs rgyas kyi zhing gzhan du 'gro bas/ mngon par shes pa snang ba dang / chos thams cad yang dag pa ji lta ba
- 91b
bzhin du yongs su shes pas chos kyi dbyings snang ba ste/ blo gros rgya mtsho ye shes kyis yongs su bzung ba'i byang chub sems dpa'i snang bar 'gyur bzhi po de dag go/ blo gros rgya mtsho de lta bas na/ byang chub sems dpa' sems dpa' chen po yon tan gyi ngan yon 'di dag yongs su 'dzin par 'dod pas dam pa'i chos yongs su bzung ba la mngon par brtson par bya'o// blo gros rgya mtsho dam pa'i chos yongs su 'dzin pa la mngon par brtson pa'i byang chub sems dpa' rnams kyi yon tan gyi khyad par tshad med par 'gyur ro// de nas de'i tshe bcom ldan 'das kyis tshigs su bcad pa 'di dag gsungs so// de bzhin gshegs pa'i dam chos gang 'dzin pa// de dag phan yon rnam pa mang 'gyur te// de las phyogs tsam yongs su brjod par bya// dper na rgya mtsho chu las thig pa bzhin// de bzhin gshegs pa'i dam pa'i chos 'dzin pa// de ni de bzhin gshegs pa byas gzo yin// rgyal ba rnams kyi mdzod 'dzin yid brtan cing // phyogs bcu rnams su sangs rgyas mchod pa yin// sangs rgyas spyan gyis gzigs pa'i zhing mang ngo // rin chen bkang ste de bzhin gshegs la phul// zad pa'i
- 92a
dus na ji ltar chos 'dzin ltar// bsod nams phu po ji tsam 'phel ba yin// 'jig rten zang zing rgya ba sti stang byas// 'jig rten byed las nam yang grol mi 'gyur// 'jig rten 'das pa'i chos ni gang tshol ba/ mkhas pa de ni 'jig rten chos las 'das// de bzhin gshegs pa'i dam pa'i chos 'dzin pa// rgyal ba rnams kyis yongs su bzung bar 'gyur// lha dang klu dang mi 'am ci rnams dang // bsod nams ye shes kyis ni yongs su bzung // de bzhin gshegs pa'i dam pa'i chos 'dzin pa// dran ldan blo gros ldan zhing blo ldan 'gyur// shes rab rgya chen kun nas ye shes ldan// mkhas pa bag chags bcas pa'i nyon mongs spong // de bzhin gshegs pa'i dam pa'i chos 'dzin pa// de la bdud kyis skyon chags rnyed mi 'gyur// de la 'gyod dang de bzhin dogs pa med// de la bcings med sgrib pa cung zad med// de bzhin gshegs pa'i dam pa'i chos 'dzin pa// zhing stong dag tu nam yang mi skye ste// skye ba kun tu de ni rgyal ba mthong // mthong nas de la dad pa rab tu 'thob// de bzhin gshegs pa'i dam pa'i chos 'dzin pa// chos kyi bdag
- 92b
nyid chen po skye dran 'gyur// yang dang yang du rab tu 'byung ba mthob// spyod pa yongs dag sgrub pa snying por byed// de bzhin gshegs pa'i dam pa'i chos 'dzin bsdu tshul khrims thos pas 'phags pa'i chos spyod pa// mkhas pa mngon shes lnga la myur du reg/ ma smad bsam gtan rnam par mthar pa 'thob// de bzhin gshegs pa'i dam pa'i chos 'dzin pa// de ni zab chos rtogs par khong du chud// sangs rgyas spyod yul stong nyid the tsom med// sems can bdag med par yang mos par 'gyur// de bzhin gshegs pa'i dam pa'i chos 'dzin pa// de ni so so yang dag par rig pa 'thob// 'jig med shes rab rno zhing chags med dag de ni srog chags kun gyi the tsom gcod// de bzhin gshegs pa'i dam pa'i chos 'dzin pa// mkhas pa de ni gzungs rnams 'thob par 'gyur// bskal pa brgyar yang gang thos chud mi za// spob dang ldan zhing chags pa med par gyur// de bzhin gshegs pa'i dam pa'i chos 'dzin pa// de la mkhas pa rtag tu dga' bar 'gyur// lha dang lha min mi'i yid du'o// de la sangs rgyas bu gcig bzhin du sdod// de bzhin gshegs pa'i dam pa'i chos 'dzin pa// brgya byin
- 93a
tshangs de bzhin 'jig rten skyong // 'khor los sgyur dang mi yi rgyal por 'gyur// bde dang yid bde byang chub de 'tshang rgya/ de bzhin gshegs pa'i dam pa'i chos 'dzin pa// de lus sum bcu rtsa gnyis mtshan ldan zhing // mkhas pa yan lag smad pa med par 'gyur// de la lta bar ngoms par yod mi 'gyur// de bzhin gshegs pa'i dam pa'i chos 'dzin pa// gang dag chos kyi phyag rgya 'di ston pa'i// dge ba'i bshes gnyen de la dkon mi 'gyur// chos mdzod zad mi shes pa nyan par med// de bzhin gshegs pa'i dam pa'i chos 'dzin pa// lus dang ngag yid kyang rnam par dag tshul khrims ting 'dzin shes rang rnam par dag/ rnam grol ye shes shin tu rnam par dag/ de bzhin gshegs pa'i dam pa'i chos 'dzin ba/ de ni byang chub sems parjes 'gyur ba med// pha rol phyin pa spyod pa dang 'gal mi 'gyur// dge ba brgya rnams kyis kyang rab tu bzung // de dag rnams kyi yon tan phan yon rnams// bskal pa rgyun mi 'chad par rab brjod kyang // dam pa'i chos 'dzin pa'i phan yon 'di dag ni// brjod pas tha mar
- 93b
'dzin par mi 'gyur ro// sangs rgyas kyi chos bstan pa'i le'u ste drug pa'o// // de nas byang chub sems dpa' sems dpa' chen po yon tan gyi rgyal po snang ba zhes bya ba/ 'khor de nyid du 'dus par gyur te/ 'dug pa des bcom ldan 'das la 'di skad ces gsol tok+Shabacom ldan 'das kyis ngas chos gang mngon par rdzogs par sangs rgyas pa de brjod du med do zhes gsungs na/ bcom ldan 'das chos brjod du ma mchis pa lags na/ dam pa'i chos yongs su gzung ba ji lta bu zhig lags/ bcom ldan 'das kyis bka' stsal pa/ rigs kyi bu de de bzhin no// / ji skad smras pa de bzhin te/ chos gang ngas mngon par rdzogs par sangs rgyas pa de brjod du med do// rigs kyi bu 'on kyang yi ge'i nges pa'i tshig gang gis brjod du med pa 'dus ma byas kyi chos de brnyed pa'i yi ge'i nges pa'i tshig de dag gang len pa dang / 'dzin pa dang ston pa dang / rab tu shes par byed pa dang // 'jog pa dang / rnam par 'grel ba dang / rnam par 'byed pa dang / gsal bar byed pa dang / yang dag par rab tu ston par byed pa 'di dam pa'i chos
- 94a
yongs su 'dzin pa zhes bya'o// rigs kyi bu gzhan yang chos smra ba gang dag mdo sde 'di lta bu 'di dag 'dzin pa dang / ston pa dang / sgrub pa'i chos smra ba de dag la gang nyen pa dang / bstan pa dang / bsnyen bkur byed pa dang ldan pa dang / rim gro byed pa dang / gus par byed pa dang / zhe se byed pa dang / sti stang byed pa dang / kun tu srung ba dang / sbed pa dang / yongs su 'dzin pa dang / gos dang zas dang / mal cha dang / na ba'i gsos sman dang / yo byad sbyin pa dang / legs so zhes bya ba'i sbyin pa dang / jo bo lta bur kun tu srung ba dang / dge ba kun tu srung ba dang / bsngags brjod pa dang lnga mi snyan pa 'chab pa 'di yang dam pa'i chos yongs su 'dzin pa'o// rigs kyi bu gzhan yang gang stong pa nyid la mos pa dang / mtshan ma med pa la/ yid ches pa dang / smon pa med pa la som nyi med pa dang / mngon par 'du bya ba med pa la de kho na nyid du nges par sems pa 'di yang dam pa'i chos yongs su 'dzin pa'o// rigs kyi bu gzhan yang rtsod pa med pa lhur len pa dang / chos ma yin pa'i rtsod pa rnams chos dang 'thun pas tshar gcod pa 'di yang dam pa
- 94b
chos yongs su 'dzin pa'o// rigs kyi gzhan yang zhe sdang ba med pa'i rgyud dang / sems rab tu bsdu ba dang / rab tu thar par bya ba'i blo dang / zang zing med pa'i sems kyis gzhan dag la chos sbyin pa 'di yang dam pa'i chos yongs su 'dzin pa'o// rigs kyi bu gzhan yang lus srog 'dor zhing mdo sde 'di lta bu 'di dag kun tu srung ba dang / sbed pa dang / sgrub par dgon pa na gnas pa 'di yang dag pa'i chos yongs su 'dzin pa'o// rigs kyi bu gzhan yang gang chos nyan pa'i rgyu las byung ba 'am/ chos bstan pa'i rgyu las byung bas tha na gom pa gcig 'dor ram/ tha na dbugs 'byin pa 'am rngub pa gcig kyang rung ste/ 'di yang dam pa'i chos yongs su 'dzin pa'o// rigs kyi bu gzhan yang chos thams cad yongs su mi 'dzin cing / mi len pa 'di yang dam pa'i chos yongs su 'dzin pa zhes bya'o// yon tan gyi rgyal po snang ba khyod kyis rnam grangs 'di'i kyang 'di ltar rig par bya'o// rigs kyi bu sngon byung ba 'das pa'i dus na/ bskal pa grangs med pa'i yang ches grangs med par gyur pa de'i tshe de'i dus na/ dga' ba 'phags pa'i
- 95a
bskal pa la 'jig rten gyi khams 'od rnam par dag par bcom ldan 'das ye shes chen po'i stobs bsgrags pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med lha dang mi rnams kyi ston pa sangs rgyas bcom ldan 'das 'jig rten du byung ngo // rigs kyi bu 'jig rten gyi khams 'od rnam par dag pa de ni/ bai DUr+ya las grub pa shin tu rnam par dag pa/ phyogs bcur snang bas rgyas par 'gengs pa/ byang chub sems dpa' sems dag chen po mngon par shes pa chen po'i stobs kyi rnam par rtsen pa/ chos zab mo las nges par byang ba nyi tshe'i gnas su gyur pa'o// de'i tshe sems can de dag gi longs spyod ni lha'i bu rab 'phrul gyi dang 'dra bar gyur cing / lha'i bu'i gzugs nyid kyis bcom ldan 'das de la chos nyan to// de na khyim pa dang rab tu byung ba tha dad du bya ba med do// bcom ldan 'das ye shes chen po'i stobs bsgrags pa'i de bzhin gshegs pa des rigs kyi bu dag khyed kyis lus dang srog 'dor zhig
- 95b
dam pa'i chos yongs su bzung ba la mngon par brtson par bya'o// zhes dam pa'i chos yongs su bzung ba'i gtam nyid rgya cher yang dag par rab tu ston to// de'i tshe de'i dus na/ byang chub sems dpa' sems dpa' chen po chos smra ba zhes bya ba 'khor de nyid du 'dus par gyur te 'dug go// de nas bcom ldan 'das ye shes chen po'i stobs bsgrags pa'i de bzhin gshegs pa de la/ byang chub sems dpa' sems dpa' chen po chos smra bas 'di skad ces gsol to// bcom ldan 'das ji ltar na byang chub sems dpa' dam pa'i chos yongs su 'dzin pa lags/ byang chub sems dpa' gang yongs su gzung bar bgyi ba'i chos de gang lags/ de skad ces gsol pa dang / bcom ldan 'das ye shes chen po'i stobs bsgrags pa'i de bzhin gshegs pa des/ byang chub sems dpa' chos smra ba la 'di skad ces bka' stsal to// rigs kyi bu kye ma'o sems 'di ni yul la rab tu 'phyar ba ste/ gang de zlog pa dang / yongs su srung ba dang / rtse gcig tu 'gyur ba dang / dul ba dang / zhi ba dang / nye bar zhi ba dang / 'dul ba 'di ni dam pa'i chos yongs su 'dzin pa zhes bya'o// de ci'i phyir zhe na/ mig dang gzugs dang mig gi rnam par
- 96a
shes pa zhes bya ba'i chos ma yin pa 'di ni chos ma yin pa'o// rna ba dang sgra rnams dang / rna ba'i rnam par shes pa dang / sna dang dri rnam dang / sna'i rnam par shes pa dang / lce dang ro rnams dang / lce'i rnam par shes pa dang / lus dang reg bya dang / lus kyi rnam par shes pa dang / yid dang chos rnams dang / yid kyi rnam par shes pa chos ma yin pa 'di ni chos ma yin pa'o// gang mig dang gzugs stong par rig nas/ yid dang gzugs la rnam par mi rtog cing / mig gi rnam par shes pa gnas pa med pa 'di ni dam pa'i chos yongs su 'dzin pa'o// gang yang dag pa'i ye shes kyis de gzhan dag la go bar byed pa la mkhas pa 'di ni dam pa'i chos yongs su 'dzin pa'o// de bzhin du rna ba dang sgra dang sna dang dri dang / lce dang ro dang / lus dang reg bya dang / yid dang chos rnams stong par rig nas yid dang chos rnams la rnam par mi rtog cing yid kyi rnam par shes pa gnas pa med pa 'di ni dam pa'i chos yongs su 'dzin pa'o// / de yang dag pa'i ye shes kyis gzhan dag la go bar byed pa la mkhas pa 'di ni dam pa'i chos yongs su 'dzin pa'o// rigs kyi bu gzhan yang chos gang gis chos
- 96b
gang byung ba'i chos de la yongs su 'dzin pa dang mi len pa 'di ni dam pa'i chos yongs su 'dzin pa'o// lta ba gang gis log par lta ba la gnas par byed pa'i lnga ba de la yongs su 'dzin cing / mi len pa 'di ni dam pa'i chos yongs su 'dzin pa'o// mi shes pa gti mug gi ling tog gang gis sems yongs su dkar bang/ mi 'gyur ba'i mi shes pa'i gti mug gi ling tog yongs su mi 'dzin cing mi len pa 'di ni dam pa'i chos yongs su 'dzin pa zhes bya'o// rigs kyi bu gzhan yang gang bsgrub nas spang bar bya ba de ni chos ma yin 'dul ba ma yin no// gang bsgrub yang mi bya/ spang bar yang mi bya ba 'di ni chos so// 'di ni 'dul ba'o// bsgrubs nas spang bar bya ba'i chos gang zhe na/ 'das byas kyi lam ste/ bsgrubs nas spang bar bya ba de ni chos ma yin 'dul ba ma yin no// bsgrub par bya ba ma spang bar bya ba yang ma yin pa gang zhe na/ gang brjod du med pa dang / skye ba med pa dang / 'byung ba med pa dang / de ni sgrub par bya ba yang ma yin/ spang bar bya ba yang ma yin pa'o// gang bsgrub par bya ba yang ma yin/ spang bar bya yang ma yin pa de chos so// de ni 'dul ba'o// de ci'i phyir de chos yin/
- 97a
de 'dul ba yin zhe na/ rang bzhin gyis ma skyes pa'i nyon mongs pa rnams skye bar mi byed pas/ de'i phyir chos ma yin/ de 'dul ba ma yin zhes bya'o// chos dang 'dul ba gang yin pa de ni skye ba med 'gag pa med do// gang skye ba med cing 'gag pa med pa ni zad par mi 'gyur ro// de ltar zad pa med pa dang skye ba med pa'i chos 'dul ba de ni ji ltar 'byung ba med pa ji ltar yongs su gzung ba med do// gang yongs su bzung ba med pa de/ dam ba'i chos yongs su 'dzin pa'o// rigs kyi bu de ltar bcom ldan 'das ye shes chen po'i stobs bsgrags pa'i de bzhin gshegs pa des bsgrags pa 'di bshad pa na/ byang chub sems dpa' sems dpa' chen po sum khri nyis stong mi skye ba'i chos la bzod pa skyes so// byang chub sems dpa' chos smra bas// bcom ldan 'das de las bstan pa 'di thos nas tshim zhing mgu la yid rangs shing rab tu dga' ste/ dga' ba dang yid bde ba skyes nas/ bcom ldan 'das la 'di skad ces gsol to// bcom ldan 'das ji tsam du de bzhin gshegs pas byang chub sems dpa' rnams kyi dam pa'i chos yong su 'dzin pa 'di legs/
- 97b
par gsungs pa ni ngo tshar to// bcom ldan 'das ji ltar bdag gis bcom ldan 'das kyis gsungs pa'i don 'tshal ba ldan na bdag 'di snyam bgyid de// bcom ldan 'das ji ltar bdag gis bcom ldan 'das kyis gsungs pa'i don 'tshal pa ldan na bdag 'di snyam bgyid de/ bcom ldan 'das chos thams cad ni chos thams cad ni chos ma lags so// gang chos ma lags pa de ni chos so// de ci'i phyir zhe na/ bcom ldan 'das chos thams cad ni mngon par zhen pas chos ma lags so// gang mngon par zhen pa ma mchis pa de ni chos so// bcom ldan 'das chos dang chos ma lags pa gnyis kyi 'du shes dang ldan pa'i chos thams cad ni chos ma lags pa'o// bcom ldan 'das 'du shes yongs su shes pa dang ldan pa'i chos thams cad ni chos so// bcom ldan 'das don dam par bstan na/ chos dang chos ma lags pa mi dmigs so// gang la chos kyi 'du shes kyang ma mchis/ chos ma lags pa'i 'du shes kyang ma mchis ba de la chos su bgrang ba gang yang ma mchis so// gang la chos su bgrang ba gang yang ma mchis pa de mtha' ma lags so// gang mtha' ma lags pa de yang
- 98a
dag pa'i mtha'o// de ci'i slad du zhe na/ nam mkha'i mtha' ni yang dag pa'i mtha' ste/ nam mkha' la ni tshar gcad pa'i mtha' gang yang ma mchis so// ji ltar nam mkha' la tshar gcad pa'i mtha' gang yang ma mchis pa de bzhin du chos thams cad la yang tshar gcad pa yang tshar gcad pa'i mtha' gang yang ma mchis te/ de'i slad du chos thams cad ni na mkha'i mtha' zhes bgyi'o// bcom ldan 'das byang chub sems dpa' gang dag gis yang dag pa'i mtha' bstan pa 'di thos nas/ de bzhin du yang dag pa nyid du khas len pa de dag ni chos gang la yang gnyis su dbye bar khas len pa ma lags so// bcom ldan 'das bdag gis ni chos gang yongs su bzung bas/ dam pa'i chos yongs su 'dzin par bstan pa'i chos gang yang yang dag par rjes su ma mthong ngo // bcom ldan 'das bdag gis de ltar bstan na/ de bzhin gshegs pas gsungs pa smra ba dang / chos/ smra ba dang / chos kyi rjes su mthun pa'i chos su lung bstan pa lta lags sam/ yang dag pa'i lung bstan pas lung ston pa lta lags sam/ bcom
- 98b
ldan 'das kyis bka' stsal pa/ rigs kyi bu yang dag pa ste/ de bzhin gshegs pas gsungs pa smra ba dang / chos smra ba dang / chos kyi rjes su mthun pa'i chos su lung ston pa yin no// yang dag pa'i lung bstan pas/ lung ston pa yin no// rigs kyi bu de ltar na byang chub sems dpa' chos smra bas bstan pa/ 'di bstan pa na lha'i 'khor de las lha'i bu khris rjes su mthun pa'i chos kyi bzod pa thob par gyur to// yon tan gyis rgyal po snang ba de'i tshe de'i dus na/ byang chub sems dpa' chos smra bar gyur pa zhes bya ba de gzhan zhig yin pa snyam du dogs shing / the tsom za 'am yid gnyis su gyur na/ de de ltar mi blta'o// de ci'i phyir zhe na/ yon tan gyi rgyal po snang ba khyod nyid de'i tshe de'i dus na/ chos smra ba'i byang chub sems dpa' zhes bya bar gyur to// de'i phyir yon tan gyi rgyal po snang ba ngas bskal pa grangs med pa bye bar bsgrubs pa/ bla na med pa yang dag par rdzogs pa'i byang chub 'di khyod la gtad do// gzung ba dang kun chub par bya ba dang / gzhan dag la rgya cher yang dag par bstan par bya ba'i phyir 'khor 'di'i mdun du ngas khyod la bcol lo// bcom
- 99a
ldan 'das kyis gsungs 'di gsungs ma thag tu/ de nas byang chub sems dpa' bye ba phrag drug cu bstan las langs te/ 'grin gcig tu bcom ldan 'das bdag cag gis de bzhin gshegs pa'i byang chub 'di gzung bar bgyi'o zhes smras so// de skad ces gsol pa dang / bcom ldan 'das kyis byang chub sems dpa' rnams la 'di skad ces bka' stsal to// rigs kyi bu dag khyod kyis ji lta bu zhig la gnas te ngas bskal pa grangs med pa bye bar bsgrubs pa'i byang chub 'di 'dzin par byed/ byang chub sems dpa' ri dbang rgyal po zhes bya ba der 'dus par gyur te/ 'dug pa des bcom ldan 'das la 'di skad ces gsol to// bcom ldan 'das lus dang srog la lta bas dam pa'i chos yongs su gsungs par mi nus te/ bcom ldan 'das bdag gis lus dang srog la mi lta bar bgyis la/ bcom ldan 'das kyi dam pa'i chos yongs su gzung bar bgyi'o// byang chub sems dpa' dpal brtsegs shes bya ba des 'di skad ces gsol to// bcom ldan 'das rnyed pa dang / bkur sti dang / tshigs su bcad pa la re bas dam pa'i
- 99b
chos yongs su gzung bar mi nus te/ bcom ldan 'das bdag gis rnyed pa dang / bkur sti dang / tshigs su bcad pa thams cad bor la/ 'phags pa ma lags pa dang / snyan pa thams cad yongs su spangs te de bzhin gshegs pa'i dam pa'i chos yongasu bzung bgyi'o// byang chub sems dpa' rtogs pa chen pos gsol pa/ bcom ldan 'das chos dang chos ma lags pa gnyis kyi 'du shes dang ldan pas/ dam pa'i chos yongs su gzung bar mi nus te/ bcom ldan 'das bdag gis chos thams cad gnyis dang bral ba mnyam pa nyid thob par bgyis te/ dam pa'i chos yongs su bzung bar bgyi'o// byang chub sems dpa' dpal sbas kyis gsol pa/ bcom ldan 'das nyon mongs pa rnams kyis zil gyis gnon pas pa'i chos yongs su gzung bar mi nus te/ bcom ldan 'das bdag gis 'phags pa'i shes rab dang / ye shes dang nyon mongs pa thams cad zil gyis gnan te/ dam pa'i chos yongs su gzung bar bgyi'o// byang chub sems dpa' sgron ma 'dzin gyis gsol pa/ bcom ldan 'das gti mug
- 100a
mun pa'i spyod yul gyis dam pa'i chos yongs su gzung bar mi nus so// bcom ldan 'das bdag gis chags pa ma mchis pa'i ye shes kyi snang ba 'thob par bgyis la/ chos thams cad la gta mug gi mun pa dang bral bar bgyi ste/ dam pa'i chos yongs su gzung bar bgyi'o// byang chub sems dpa' klog lhas gsol pa/ bcom ldan 'das gzhan la rag las pa'i ye shes kyi dam pa'i chos yongs su gzung bar mi nus te/ bcom ldan 'das bdag gis chos thams cad la gzhan gyi dring mi 'jog par mngon sum du ye shes thob par bgyis la dam pa'i chos yongs su gzung bar bgyi'o// byang chub sems dpa' kun tu sbas kyis gsol pa/ bcom ldan 'das dbang po phal pa dang / 'khrul pa'i sems kyis dam pa'i chos yongs su bzung bar mi nus te/ bcom ldan 'das bdag gis dbang po thams cad dang / sgo dang skye mched thams cad shin tu spangs shing / shin tu btul la dam pa'i chos yongs su bzung bar bgyi'o// byang chub sems dpa' 'od dri ma med pas gsol pa/ bcom ldan 'das sems can dang / chos tha dad pa'i 'du shes
- 100b
dang ldan pas dam pa'i chos yongs su gzung bar mi nus te/ bcom ldan 'das bdag gis sems can thams cad la sems snyoms pa dang / chos thams cad la mnyam pa nyid thob par bgyis te/ dam pa'i chos yongs su gzung bar bgyi'o// byang chub sems dpa' khyad par du 'gro bas gsol pa/ bcom ldan 'das mnyam par gzhag cing g.yeng ba'i sems kyis dam pa'i chos yongs su gzung bar mi nus te/ bcom ldan 'das bdag gis mnyam par bzhag la mi g.ye ba'i/ sems kyis dam pa'i chos yongs su bzung bar bgyi'o// byang chub sems dpa' ded dpon gyis gsol pa/ bcom ldan 'das lam shes pa'i cho ga ma 'tshal cing / lam ngan par zhugs pas dam pa'i chos yongs su gzung bar mi nus te/ bcom ldan 'das bdag gis lam shes pa'i cho ga 'tshal par bgyis la/ sems can rnams lam ngan pa las yang dag pa'i lam la rab tu dgod cing dam pa'i chos yongs su gzung bar bgyi'o// byang chub sems dpa' blo gros legs pas gsol pa/ bcom ldan 'das dogs pa'i sems the tsom du gyur pas dam pa'i chos yongs su gzung bar mi nus te/ bcom ldan 'das bdag gis
- 101a
dogs pa dang bral zhing the tsom thams cad spangs la dogs pa'i zug rngu thams cad stsal pa thob par bgyis te/ dam pa'i chos yongs su gzung bar bgyi'o// byang chub sems dpa' rnam par snang byed kyis gsol pa/ bcom ldan 'das chos la mi gnas shing sgrub pa nyams pas dam pa'i chos yongs su gzung bar mi nus te// bcom ldan 'das bdag gis chos la gnas shing sgrub pa snying por bgyis la/ sems can rnams yang dag pa'i nan tan la rab tu dgod cing dam pa'i chos yongs su gzung bar bgyi'o// byang chub sems dpa' snang ba mthong gis gsol pa/ bcom ldan 'das shes rab 'tshal/ pa chos kyi snang ba dang bral bas dam pa'i chos yongs su gzung bar mi nus te/ bcom ldan 'das bdag gis shes rab kyis rnam par nges pa'i ye shes la mkhas shing chos kyi snang ba dang ldan pa dam pa'i chos yongasu gzung bar bgyi'o// byang chub sems dpa' zhe 'gras pa med pa'i blos gsol pa/ bcom ldan 'das zhe 'gras pa'i sems dang / sems can rjes su mi srung ba'i blos dam pa'i chos yongs su gzung bar mi nus te/ bcom ldan 'das bdag gis zhi
- 101b
'gras pa ma mchis pa'i sems dang sems can rjes su bsrung ba la gnas la dam pa'i chos yongs su gzung bar mi bgyi'o// byang chub sems dpa' spyod pa rnam dag blo gros kyis gsol ba/ bcom ldan 'das sems can gyi dbang po la mi mkhas shing sems can gyi spyod pa'i go cha ma 'tshal pas dam pa'i chos yongs su gzung bar mi nus te/ bcom ldan 'das bdag gis sems can gyi dbang po dang / spyod pa shes pa la zhugs la dam pa'i chos yongs su gzung bar bgyi'o// byang chub sems dpa' bkod pa'i rgyal pos gsol pa/ bcom ldan 'das chos la yongs su rtogs pa'i 'du shes dang ldan pa bdag dang sems can dang chos la gnas pas dam pa'i chos yongs su gzung bar mi nus te/ bcom ldan 'das bdag gis rtog pa dang / yongs su rtog pa thams cad dang bral zhing 'khor gsum yongs su dag la/ bdag dang sems can dang chos la mi gnas par bgyid cing / bcom ldan 'das kyi dam pa'i chos yongs su gzung bar bgyi'o// byang chub sems dpa' seng ge'i rtog gis gsol pa/ bcom ldan 'das 'jig rten 'di ni 'di lta ste/ chos
- 102a
thams cad ma skyes pa dang ma byung ba la skrag pa'i/ bcom ldan 'das bdag gis ni chos thams cad ma skyes pa dang ma byung bar 'tshal nas/ skrag pa ma mchis/ kun tu skrag pa ma mchis shing chos gang la yang nye bar 'am ring bar mi gnas par bcom ldan 'das kyi dam pa'i chos yongs su gzung bar bgyi'o// byang chub sems dpa' byams pas gsol pa/ bcom ldan 'das byang chub la ring ba'i 'du shes can gyis dam pa'i chos yongs su gzung bar mi nus te/ bcom ldan 'das byang chub sems dpa' gang 'di snyam du bdag gis bla na med yang dag par rdzogs pa'i byang chub thob nas/ byang chub lus dang sems dang ldan pa yang ma yin mi ldan pa yang ma yin par mthong bar skam pa des/ de bzhin gshegs pa'i dam pa'i chos yongs su gzung gang nus so// byang chub sems dpa' yon tan gyi rgyal po snang bas gsol pa/ bcom ldan 'das yon tan la mi gnas shing yon tan dang bral la/ de bzhin gshegs pa'i yon tan don du mi gnyer bas dam pa'i chos yongs su gzung mi nus te/ bcom ldan 'das bdag gis yon tan thams cad dang bral zhing
- 102b
byang chub sems dpa' yon tan yang dag pa la gnas te/ de bzhin gshegs pa yon tan btsal ba la mngon par brtson pas/ bcom ldan 'das kyi dam pa'i chos yongs su bzung bar bgyi'o// 'jam dpal gzhon nur gyur pas gsol pa/ bcom ldan 'das gang 'di skad du bdag gis dam pa'i chos yongs su gzung ngo zhes de skad mchi ba'i 'jig rten de ni rnam par smra ba lags so// bcom ldan 'das de ci'i slad du zhe na/ bcom ldan 'das byang chub kyi snying po la zhugs nas snga chos gang ma brnyes shing mngon par rdzogs par sangs rgyas pa de la yongs su gzung ba gang yang ma mchis so// bcom ldan 'das bdag gis chos thams cad yongs su mi gzung ba dang / sems can thams cad yongs su 'dzin pa 'dor du gsal ba'i slad du snying rje chen po'i chos nyid 'di gzung bar bgyi/ chos gang yang 'phros par mi bgyi/ 'bros pa dang bral bar yang mi bgyi'o// de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so// de de bzhin no// ji skad smras pa bzhin te/ ngas chos gang yang ma thob par byang chub kyi snying po
- 103a
la 'dug go/ ma thob bzhin du byang chub kyi snying po las langs so// 'jam dpal gzhon nur gyur pas gsol pa/ bcom ldan 'das byang chub kyi snying po la zhugs sam/ ci na gang 'di skad du ngas ma thob bzhin du byang chub kyi snying po las langs shes gsung / gal te bzhugs na ni byang chub la 'jug par 'gyur te/ bcom ldan 'das kyang gzhan la byang chub kyi snying po yang gzhan du 'gyur ro// bcom ldan 'das byang chub ni gnyis kyis rab tu bye ba ma lags so// bcom ldan 'das kyis bka' stsal pa/ 'jam dpal byang chub kyi snying po'i ngo bo nyid kyi rjes su zhugs pa'i phyir byang chub kyi snying po la 'dug go// nga'i ngo bo nyid gang yin pa de byang chub kyi snying po'i ngo bo nyid de/ byang chub kyang de'i ngo bo nyid/ sems can thams cad kyang de'i ngo bo nyid// chos thams cad kyang de'i ngo bo nyid do// 'jam dpal byang chub kyi snying por gang ngas mngon par rdzogs par sangs rgyas pa de ni ngo bo nyid gcig pa'o// ro gcig pa'o// mngon par rdzogs par sangs rgyas nas kyang / de bzhin gshegs pas byang chub kyi snying po las rnam par grol ba'i chos gang yang ma gzigs so//
- 103b
byang chub mnyam pa nyid pas chos thams cad mnyam pa nyid du mngon par rdzogs par sangs rgyas so// mnyam pa nyid ni chos gang gi grangs su 'gro ba ma yin te grangs med pa/ grangs dang bral ba'o// de'i phyir de bzhin gshegs pa 'dus ma byas pa zhes bya'o// 'jam dpal de bzhin gshegs pa ni 'dus ma byas thob pa ste// 'dus ma byas thams cad las shin tu 'das so// 'jam dpal gang dag de bzhin gshegs pa'i bstan pa 'di la mos pa de dag thams cad de bzhin gshegs pa'i rnam par grol bas rnam par 'gyur ro// rnam par grol nas chos nyid de las 'da' bar mi 'gyur ro// de nas byang chub sems dpa' gang dag byang chub sems dpa' blo gros rgya mtsho dang lhan cig tu// 'jig rten gyi khams mi mched 'dir lhag pa de dag gis bstan pa 'di thos nas tshim/ zhing mgu la yid rangs shing rab tu dga' ste/ dga' ba dang yid bde ba skyes nas/ bdag cag sangs rgyas kyi zhing 'dir legs par lhags pa dang / bcom ldan 'das dang 'jam dpal gzhon nur gyur pa dang / skyes bu dam pa 'di dag kyang mthong ba dang chos zab mo bstan pa 'di yang thos na bdag cag gis rnyed pa
- 104a
legs par rnyed do zhes ched du brjod pa ched du brjod do// gang du chos kyi rnam grangs 'di gnas par 'gyur ba der sangs rgyas byung bar blta'o// gang du chos kyi rnam grangs 'di spyod par 'gyur ba der chos kyi 'khor lo rab tu bskor bar blta'o// da ltar 'am/ de bzhin gshegs pa yongs su mya ngan las 'das kyang rung ste/ gang dag chos kyi rnam grangs 'di nyan pa dang / thos nas kyang mos pa dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston par 'gyur bar sems can de dag kyang rnyed pa legs par dag rnyed pa dag go// bcom ldan 'das kyis bka' stsal pa/ rigs kyi bu dag khyed kyis ji ltar byang chub sems dpas rnyed pa legs par rnyed pa shes sam// de dag gis gsol pa/ bcom ldan 'das byang chub sems dpa' rnams kyi rnyed pa ni bcu po 'di dag ste/ rnyed pa chen po bsam gyis mi khyab par 'gyur ba dag go// bcu gang zhe na/ 'di lta ste/ sangs rgyas 'byung ba mnyes pa byed pa rab tu 'thob pa dang / mthong nas kyang lhag pa'i bsam pas de la dang
- 104b
ba'i sems rab tu 'thob pa dang / sems dad nas kyang chos nyan pa rab tu 'thob pa dang / chos thos kyang the tsom ma mchis pa rab tu 'thob pa dang / the tsom ma mchis nas kyang rab tu byung ba rab tu 'thob pa dang / rab tu byung nas kyang 'tsho ba yongs su dag pa rab tu 'thob pa dang / 'tsho ba yongs su dag nas kyang chos bstan pa la mkhas pA tu thob pa/ tshe rabs tshe rabs su byang chub kyi sems rab tu thob pa dang / byang chub kyi sems ma brjed nas kyang / byang chub sems dpa'i sde snod kyi chos mnyan pa rab tu thob pa dang / byang chub sems dpa'i sde snod thos nas kyang sgrub pa rab tu thob ste/ bcom ldan 'das rnyed pa bcu po de dag ni rnyed pa chen po bsam gyis mi khyab par 'gyur ba dag go// de la rab tu gnas pa'i byang chub sems dpa' sems dpa' chen po dag ni rnyed pa legs par rnyed pa zhes bgyi'o// bcom ldan 'das kyis bka' stsal pa/ skyes bu dam pa dag khyed kyis byang chub sems dpa' sems dpa' chen po rnams kyis rnyed pa de dag legs par smras pa ni legs so legs so// bstan pa 'di dag bshad pa na srog chags sum khri drug
- 105a
stong gis bla na med pa yang dag par rdzogs pa'i byang chub tu sems bskyed do// yongs su gtad pa'i le'u rdzogs te/ 'phags pa blo gros rgya mtshos zhus pa phyed gong ma'o// // 'phags pa blo gros rgya mtshos zhus pa// bam po drug pa'o// / de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das 'di lta ste/ lha dang mi'i phun sum tshogs pa myong bar bgyi ba dang / mya ngan las 'das pa'i phun sum tshogs pa bla na med pa thob par bgyi ba'i slad du ji tsam du theg pa chen po sems can thams cad la phan par bgyi bar gyur pa ni ngo mtshar to/ bcom ldan 'das theg pa chen po sdud par 'gyur ba'i chos rnams ni gang lags theg pa chen po la gces spras bgyid pa'i chos rnams ni gang lags/ rdeg pa chen po la dka' ba bgyid pa'i chos rnams ni gang lags/ theg pa chen po ston par 'gyur ba'i chos rnams ni gang lags/ bcom ldan
- 105b
'das theg pa chen po'i bar chad du 'gyur ba'i chos rnams ni gang lags/ bcom ldan 'das ci'i slad du theg pa chen po la/ theg pa chen po zhes bgyi'o// de skad ces gsol ba dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to// blo gros rgya mtsho de'i phyir nyon cig dang bstan par bya'o// blo gros rgya mtsho theg pa chen po sdud par 'gyur ba'i chos gcig ste/ chos gcig po gang zhe na/ 'di lta ste/ byang chub kyi sems brjed pa med cing bag yod pa ste/ blo gros rgya mtsho de ni theg pa chen po bsdud par 'gyur ba'i chos cig go// blo gros rgya mtsho gzhan yang theg pa chen po sdud par 'gyur ba'i chos gcig/ ste/ chos cig po gang zhe na/ 'di lta ste/ bya bar 'jug pa la zhugs shing rnam par smin pa la yid ches pa'o// gzhan yang chos cig ste/ 'di lta ste/ rten pa'i chos dang mi 'gal ba yang dag pa'i lta ba'o// gzhan yang chos cig ste/ de sdug pa dang mi sdug pa gsal ste/ sems can thams cad la sems mnyam pa nyid do// gzhan yang chos cig ste/ thams cad skyabs pa dang ldan pa'i byams pa chen po'o// gzhan yang chos cig ste/ bdag bde ba la mi chag pa'i
- 106a
snying rje chen po'o// gzhan yang chos cig ste/ sangs rgyas kyi sku 'dod pa'i sangs rgyas rjes su dran pa'o// gzhan yang chos cig ste/ chos bsgrubs pa snying por byed pa'i chos rjes su dran pa'o// gzhan yang chos cig ste/ phyir mi ldog pa'i dge 'dun dang ldan pa'i dge 'dun rjes su dran pa'o// gzhan yang chos cig ste/ nyon mongs pa thams cad bstsal pa'i gtong ba'i rjes su dran pa'o// gzhan yang chos cig ste/ byang chub kyi sems ma rjed pa'i chu khrims kyi rjes su dran pa'o// gzhan yang chos cig ste/ rnam par dag pa'i chos dang ldan pa'i lha rjes su dran pa'o// gzhan yang chos cig ste/ phan pa dang bde ba dang ldan pa'i phan pa 'dod pa'o// gzhan yang chos cig ste/ bsam pa bstan par gyur cing mos pa drag pa'o// gzhan yang chos gcig ste/ sems can thams cad rab tu thar par bya ba la mchog tu dga' ba'o// gzhan yang chos cig ste/ chos zab mo las nges par 'byung ba'i dam pa'i chos yongs su tshol ba'o// gzhan yang chos cig ste/ zang zing med pa'i sems kyis chos kyi sbyin pa'o// gzhan yang chos gcig ste/
- 106b
chos mnyan pa'i phyir lhags pa'i rnams la nad par 'du shes pa'o// gzhan yang chos gcig ste/ chos la sman du 'du shes pa'o// gzhan yang chos gcig ste/ bdag la sman par 'du shes pa'o// gzhan yang chos gcig ste/ dam pa'i chos yun ring du gnas par bya'i phyir kun tu srung ba'o// gzhan yang chos gcig ste/ dkon mchog gsum gyi rigs mi gcad pa'o// gzhan yang chos gcig ste/ mi brkam zhing ngan ngon gyis chog shes pa'o// gzhan yang chos gcig ste/ bdog pa thams cad yongs su gtong ba la zhum pa med pa'o// gzhan yang chos gcig ste/ rang gi tshul khrims kyis tshul khrims 'chal pa'i sems can yongs su smin par byed pa'o// gzhan yang chos gcig ste/ nyes par byas pa la shar mi gnyer ba'i bzod pa'o// gzhan yang chos gcig ste/ legs par byas pa la lan glan pa'i blo'o// gzhan yang chos gcig ste/ byas pa mi gzo ba rnams la snying rje'i blo'o// gzhan yang chos gcig ste byas pa gzo ba rnams la rim gro bya ba'i blo'o// gzhan yang chos gcig ste/ mi shes pa rnams la nga rgyal med pa'o// gzhan yang chos gcig ste/
- 107a
shes pa rnams kyi rjes su slob pa'o// gzhan yang chos cig ste/ dge ba'i rtsa ba la lhag pa'i sems mi 'dor ba'o// gzhan yang chos gcig ste/ mi dge ba'i sems kyis mi 'jug pa'o// gzhan yang chos gcig ste/ tshul 'chos pa med cing kha gsag med pas sdom pa gsum yongs su dag pa'o// gzhan yang chos gcig ste/ chos smra ba rnams la ston pa dang / bla ma ltar phangs par rim gro byed pa'o// gzhan yang chos gcig/ ste/ 'jig rten rgyang ben pa dang ma 'dres pa legs par thos pa'i chos mnyan pa'o// gzhan yang chos gcig ste/ dge ba'i rtsa ba yongs su sbyang ba yongs su dag nas 'khor ba na yongs su mi skye'o// gzhan yang chos gcig ste/ de bzhin gshegs pa bzhugs pa rnams sam/ yongs su mya ngan las 'das pa rnams la mchod pa byed pas mi ngoms pa'o// gzhan yang chos gcig ste/ sems can thams cad kyis gsol ba ma btab par bshes gnyen byed pa'o// gzhan yang chos gcig ste/ dngos po thams cad la mi gnas shing yongs su mi 'dzin mi chags pa'o// gzhan yang chos gcig ste/ khyim na gnas pa'i
- 107b
skyon rig nas rtag par rgyun du rab tu byung ba la gzhol ba'o// gzhan yang chos gcig ste/ skyes bu dam pa'i las rnams la zhugs pa'o// gzhan yang chos gcig ste/ nges par byas pa la zhugs pa'i byang chub kyi lam gyi tshogs stsogs pa'o// gzhan yang chos gcig ste/ theg pa mtshungs par yang dag par zhugs pa rnams la zhe mi sdang ba'o// gzhan yang chos gcig ste/ byang chub kyi sems yang dag par 'dzin du bzhugs pa la yongs su mi skyo ba'o// gzhan yang chos gcig ste/ gsang ba'i sngags rnams kun tu srung bas rnam par 'bros par mi byed pa'o// gzhan yang chos gcig ste/ chos dang gzo yongs su btsal/ bshes pa'o// gzhan yang chos gcig ste/ bden pa'i ngag la rab tu gnas par chos mthong ba'o// gzhan yang chos gcig ste/ kha 'og du lus 'khrus par byed pa'o// gzhan yang chos gcig ste// 'gyod pa med pa'i sems kyis sbyin pa bged pa'o// gzhan yang chos gcig ste/ bdud kyi las rnams rtogs nas yongs su spongs pa'o// gzhan yang chos gcig ste/ nga rgyal dang bral ba'i ye shes kyi las so// gzhan yang chos gcig ste/ ye shes kyi khe dang bral ba/
- 108a
dgon pa na gnas pa'o// gzhan yang chos gcig ste/ lhag pa'i nga rgyal dang bral zhing bdag la mi stod gzhan la mi smod pa'o// gzhan yang chos gcig ste// nyon mongs pa dang bral zhing 'jig rten gyi rjes su mthun pa'o// gzhan yang chos gcig ste/ 'tsho ba yongs su dag pa ste/ dben/ ba la dga' ba'o// gzhan yang chos gcig ste/ tshul bzhin la brtson pas nang du yang dag 'jog pa'o// gzhan yang chos gcig ste/ mang du thos nas sems// nges par sems pa'o// gzhan yang chos gcig ste/ yang dag par rab tu brtson pa'i rnal 'byor spyod pa'i sa'o// gzhan yang chos gcig ste/ stong pa nyid kyi spyod yul kyi chos la so sor rtog pa'o// gzhan yang chos gcig ste/ rnyed pa dang ma rnyed pas khengs pa med cing 'dun pa med pa'o// gzhan yang chos gcig ste/ 'du 'dzis 'jigs shing skrag pa nas gcig pu dga' ba'o// gzhan yang chos gcig ste/ chos kyi rnyed pa gzhan dag dang kun tu bged pa'o// gzhan yang chos gcig ste/ 'phags pa'i bden pa shes pa la mkhas pa'o// gzhan yang chos gcig ste/ shes pa thams cad la slob dpon dpe khyud med/
- 108b
pa'o// gzhan yang chos gcig ste/ ma bslabs pa rnams bslab pa la sbyor zhing mi brnyes pa'o// gzhan yang chos gcig ste/ rnyed pa dang ma rnyed pa rnams la las kyis rnam par smin pa la yid ches shing yongs su gdung ba med pa'o// gzhan yang chos gcig ste/ gus par byas ste chos nyan pa rnams la chos ston pa'o// gzhan yang chos gcig ste/ sdug pa rnams la rjes su chags pa spangs nas sems can thams cad la sems mnyam pa nyid do// gzhan yang chos gcig ste/ chos smra ba rnams la g.yo mod par legs so zhes bya ba sbyin pa'o// gzhan yang chos gcig ste/ cang shes kyi sems kyis sems can thams cad kyi khur khyer ba'o// gzhan yang chos gcig ste/ pha rol tu phyin pa rnams la sbyor ba yongs su tshol ba'o// gzhan yang chos gcig ste byang chub kyi lam gyi tshogs sogs pa'i brtson 'grus so// gzhan yang chos gcig ste/ dad pa'i rtsa ba brtan zhing mi g.yo ba'o// gzhan yang chos gcig ste/ yul 'khor gyi bsod snyoms don yod par yongs su spyod pa'o// gzhan yang chos gcig ste/ nor bdun yang dag par 'du bas dpa'
- 109a
ba med pa'o// gzhan yang chos gcig ste/ snying po blangs pa'i srog gi dbang po'o// gzhan yang chos gcig ste/ thabs la mkhas pas sems can yongs su smin par byed pa'o// gzhan yang chos gcig ste/ chos kyi mchod pa sbyin po sbyin pa'i bsdu ba'i dngos po'o// gzhan yang chos gcig ste/ rtsod pa med pa lhur len pa'i chos gtam mo// gzhan yang chos gcig ste/ glan ka mi tshol ba'i sems kyis chos nyan pa'o// / gzhan yang chos gcig ste/ dge sbyong gi dri ma dang bral ba'i dge sbyong nyid do// gzhan yang chos gcig ste/ 'dre ba med par grong dang grong khyer dang grong rdal du 'jug pa'o// gzhan yang chos gcig ste/ rang gi 'khrul pa la so sor rtog pas sems can thams cad kun tu srung ba'o// gzhan yang chos gcig ste/ 'jig rten gyi sna tshogs la btang snyoms su byed pa'o// gzhan yang chos gcig ste/ dge ba'i bshes gnyen rnams la mi slu ba'o// gzhan yang chos gcig ste/ rang gi sems yongs su dag pas sems can thams cad kyi sems yongs su dag par shes pa'o//
- 109b
gzhan yang chos gcig ste/ bcos ma ma yin pas bsam pa dag pa'o// gzhan yang chos gcig ste/ khyad par du 'gro bas lhag pa'i bsam pa dag pa'o// gzhan yang chos gcig ste/ legs par bya ba'i las byed pas sbyor ba dag pa'o// gzhan yang chos gcig ste/ bsod nams yongs su dag pas mtshan ma yongs su dag pa'o// gzhan yang chos gcig ste/ shes pa yongs su dag pas nyon mongs pa yongs su dag pa'o// / gzhan yang chos gcig ste/ sems can yongs su dag pas zhing yongs su dag pa'o// gzhan yang chos gcig ste/ mtshan ma med pa la so sor brtags te yongs su bsngo ba la mkhas pa'o// gzhan yang chos gcig ste/ rjes su mthun pa'i chos kyi bzod pa'o// gzhan yang chos gcig ste/ rnam par thar pa'i sgo gsum yongs su bsgoms nas nges par gyur pa so sor rtogs pa'o// gzhan yang chos gcig ste/ gnas med pa la gnas pas gnas brtan pa'o// gzhan yang chos gcig ste/ mngon par shes pas rnam par brtsen cing zag pa zad pa shes pa la 'jug
- 110a
pa'o// gzhan yang chos gcig ste/ zhi gnas dang lhag mthong gis yongs su sbyang ba byas pa'i rig pa dang rnam par grol ba'o// gzhan yang chos gcig ste/ thabs kyis yang dag par zin pa'i shes rab bsgom pa'o// gzhan yang chos cig ste/ khams gsum gyi snying po thob pa byang chub kyi snying po'i rgyan no// gzhan yang chos gcig ste/ chos thams cad mnyam pa nyid du mngon par rdzogs bar khong du chud nas/ bla na med pa yang dag par rdzogs pa'i byang chub pa'o// blo gros rgya mtsho gzhan yang theg pa chen po sdud par 'gyur ba'i chos gcig ste/ chos gcig po gang zhe na/ 'di lta ste/ chos thams cad rang bzhin gyis ma skyes pa dang / ma byung bar rig nas/ mi skye ba'i chos la bzod pa thob pa ste/ blo gros rgya mtsho 'di ni theg pa chen po sdud par 'gyur ba'i chos gcig go// blo gros rgya mtsho chos de dag ni theg pa chen po sdung par 'gyur ba dang / 'dzin pa dang gnas pa dang thams cad 'dor bar 'gyur ba dag gi/ blo gros rgya mtsho gzhan yang theg pa chen na
- 110b
kha gces spras byed pa'i chos gnyis te/ gnyis gang zhe na/ 'di lta ste/ sangs rgyas kyi chos rnams la mos dang / nyan thos dang rang sangs rgyas kyi chos rnams la 'dod pa med pa ste/ blo gros rgya mtsho chos gnyis po de dag ni theg pa chen po la gces spras byed pa'o// blo gros rgya mtsho theg pa chen po la dka' ba byed pa'i chos gnyis te/ gnyis gang zhes na/ mos pas rnam par grol ba kun tu srung ba dang / rnam par grol ba de'i phyir chos ston pa ste/ blo gros rgya mtsho chos gnyis po de dag ni theg pa chen po la dka' ba byed pa'o// blo gros rgya mtsho theg pa chen po gces spras byed pa'i chos gnyis te/ gnyis gang zhe na/ byang chub kyi sems las mi nyams pa dang snga sems can la lta ba la bstan pa'o// dka' ba byed pa'i chos gnyis ste// byang chub kyi sems la sgyu ma lta bur so sor rtog pa dang sems can thams cad la bdag med par so sor rtog pa'o gces spras byed pa'i chos gnyis te/ bsam pa mi 'dor ba dang / spyod pa gcos ma ma yin pa'o// dka' ba byed pa'i chos gnyis te/ rtsa ba yongs su dag pa'i bsam pa dang / byed pa med cing byed pa dang bral ba yang ma yin par bsod nams stsogs pa'o// gces smras bye
- 111a
pa'i chos gnyis te/ dge ba'i rtsa ba rnams la sbyor ba dang / sbyor ba yang nyams 'og tu chud par byed pa'o// dka' ba byed pa'i chos gnyis ste// spros pa med par sbyor ba dang / spyod pa nyams 'og tu chud par byed pas dben pa'o// gces spras byed pa'i chos gnyis te// lhag pa'i bsam pas khyad par du 'gro ba dang / khyad par gyis khyad par du lhag par dmigs pa'o// dka' ba byed pa'i chos gnyis te/ bdag nyid nyes par mi byed pa dang / gzhan yang nyes pa las 'byin pa'o// gces spras byed pa'i chos gnyis ste/ bdog pa thams cad yongs su gtong ba dang rnam par smin pa la mi re ba'o// dka' byed pa'i chos gnyis te/ mnyam pa'i sems gtong ba dang / yongs su bsngo ba la mkhas pa'o// gces spras byed pa'i chos gnyis tebaslab pa ma nyams pa dang / skye bar smon pa la mi re ba'o// dka' ba byed pa'i chos gnyis te/ tshul khrims 'chal ba rnams cher snying rje ba dang / bdag la mi sdod pa'o// gces spras byed pa'i chos gnyis te/ bzod cing des pa dang / byang chub tu yongs su bsngo ba'o// dka' ba byed pa'i chos gnyis
- 111b
terjes su chags pa 'dor ba dang / rje bo la bzod pa bsgom pa'o// gces bras byed pa'i chos gnyis te/ dge ba'i chos thams cad yongs su btsal ba brtson pa'i brtson 'grus dang / dge ba'i rtsa ba la yid rangs pa'o// dka' ba byed pa'i chos gnyis te/ lus dang sems dben pa dang / sems gnas pa yongs su thar bar byed pa'o// gces pras byed pa'i chos gnyis te/ bsam gtan gyi yan lag yang dag par sdud pa dang / sems las su rung ba'o// dka' ba byed pa'i chos gnyis te/ bsam gtan las ldog pa shes pa dang / 'dod pa'i khams smod pa'o// gces pras byed pa'i chos gnyis te/ chos don du gnyer ba dang / chos 'dod pa'o// dka' ba byed pa'i chos gnyis te/ chos la sor rtog pa dang / chos nges par sems pa'o// gces bras byed pa'i chos gnyis te/ dge ba'i bshes gnyen la sten pa dang / bla ma la gus pa brtan pa'o// dka' ba byed pa'i chos gnyis te/ gus pa dang dka' blo bde ba'o// / gces bras byed pa'i chos gnyis te/ dus dang dus ma yin par yongs su 'dri ba dang / don myong bar byed pa'o// dka' ba byed pa'i chos gnyis te/ don
- 112a
shes pa'o// chos shes pa'o// gces bras byed pa'i chos gnyis te/ thos pa'i nor gyis mi ngoms pa dang / thos pa'i shes rab kyis ngoms mi myong ba'o// dka' ba med pa'i chos gnyis te/ tshul bzhin du chos la so sor rtog pa dang / tshul bzhin ma yin pa'i chos rnam par spong ba'o/ gces bras byed pa'i chos gnyis te/ chos ston pa dang / chos nyan pa rnams la snying rje ba'o// dka' ba byed pa'i chos gnyis te/ slob dpon dpe mkhyud med pa dang / zang zing med pa'i sems kyis chos ston pa'o// gces bras byed pa'i chos gnyis te/ rna blags te nyan pa dang thams cad du sems pa'o// dka' ba byed pa'i chos gnyis te/ sgrib pa sel ba dang / byang chub kyi yan lag sgom pa'o// gces pras byed pa'i chos gnyis te/ mchog tu dga' ba thob pa dang dga' ba myong ba'o// dka' ba byed pa'i chos gnyis te/ rung ba rnams la tshod shes pa dang / bdag shes pa la 'jug pa'o// gces phras byed pa'i chos gnyis te/ las kyi rnam par smin pa la yid ches pa dang / legs par bya ba'i las byed pa'o// dka' ba byed pa'i chos gnyis
- 112b
te las med cing rnam par smin pa med par mos pa dang / dge ba'i chos kyi rton pa'o// gces bras byed pa'i chos gnyis te/ tshig bden pa dang / 'phags pa'i skye bo la mi slu ba'o// dka' ba byed pa'i chos gnyis te/ ji skad smras pa bzhin byed pa dang / sangs rgyas kyi tshul mi 'khrugs par byed pa'o// gces bras byed pa'i gnyis te/ lus yongs su dag pa dang / mi dge ba rnam gsum yongs su spong ba'o// dka' ba byed pa'i chos gnyis te/ lus gzugs brnyan lta bu dang / rtswa dang sdig pa dang shing lta bur so sor rtog pa'o// gces pras byed pa'i chos gnyis te/ ngag yongs su dag pa dang / ngag gi skyon bzhi yongs su spong ba'o// dka' ba byed pa'i chos gnyis te/ chos brjod du med par khong du chud pa dang / sgra tham cad brag cha dang mtshungs bar shes pa'o// gces spras byed pa'i chos gnyis te/ sems yongs su dag pa dang / brnab sems dang gnod sems dang / log par lta ba yongs su spong ba'o// dka' ba byed pa'i chos gnyis te nang nye ba ni ba dang / pha rol tu mi rgyu ba'o// gces spras byed pa'i chos gnyis te/ byams
- 113a
pa sgom pa dang / sems can thams cad la sems mnyam pa nyid do// dka' ba byed pa'i chos gnyis te/ nam mkha' ltar rnam par dag cing dri ma med pa'i byams pa dang / sems can thams cad yongs su bskyab pa'i phyir yongs su bsngo ba'o// gces spras byed pa'i chos gnyis te/ snying rje chen po mi 'dor ba dang / dge ba'i rtsa ba yongs su tshol ba la yongs su mi skyo ba'o// dka' ba byed pa'i chos gnyis te/ skye ba med par so sor rtog pa dang / nges par gyur pa kun tu srung ba'o// gces spras byed pa'i chos gnyis te/ chos la dga' bas dka' zhing mos pa dang mi dga' ba spong ba'o// dka' ba byed pa'i chos gnyis te/ mi smra ba'i brtul zhugs yongs su rdzogs par byed pa dang / brtul zhags ma yin pa mi spod pa'o// gces smras byed pa'i chos gnyis te/ rjes su chags pa 'dor ba dang / khong khro ba spong ba'o// dka' ba spyod pa'i chos gnyis te/ btang snyoms sgom pa dang / sems can la lta bas yongs su sngags pa'o// gces spras byed pa'i chos gnyis te/ sangs rgyas rjes su dran pa sgoms pa dang / dran pa de la gnas/
- 113b
par sems bskyed pa'o// dka' ba byed pa'i chos gnyis te/ chos kyi sku sgom pa dang / mtshan gyi sku yang sgrub pa'o// gces spras byed pa'i chos gnyis te/ chos rjes su dran pa sgom pa dang / sems can rnams kyang chos la sbyor ba'o// dka' ba byed pa'i chos gnyis te/ 'dod chags dang bral ba'i chos gnyis las so sor rtog pa dang / 'dod chags la spyod pa sems can rnams cher snying rje ba'o// gces spras byed pa'i chos gnyis te/ byang chub sems dpa'i dge 'dun rjes su dran pa dang / phyir mi ldog pa'i dge 'dun la yang ston pa'o// dka' ba byed pa'i chos gnyis te/ 'dus ma byas la rtog pa dang / 'bras bu thob pa yang kun tu srung ba'o// gces spras byed pa'i chos gnyis te/ tshul khrims rjes su dran pa dang / byang chub kyi sems mi brjed pa'o// dka' byed pa'i chos gnyis te/ mngon par 'du byed pa med pa'i tshul khrims la so sor rtog pa dang / tshul khrims 'cha ba'i sems can sdud cing yongs su smin par byed pa'o// gces sgras byed pa'i chos gnyis te/ gnyis pa rjes su dran pa dang / 'gyod pa med par gnod
- 114a
ba'o// dka' ba byed pa'i chos gnyis te/ rang gi nyon mongs pa 'dor ba dang / sems can thams cad kyi nyon mongs pa pa spong ba ston pa'o// gces spras byed pa'i chos gnyis te/ lha rjes su dran pa dang skye bar smon pa med pa'o// dka' ba byed pa'i chos gnyis te/ dran pa dang shes bzhin dang / sems g.yeng ba rnams dran pa la 'god pa'o// gces spras byed pa'i chos gnyis te/ bsod nams kyi tshogs dang ye shes kyi tshogs so// dka' ba byed pa'i chos gnyis te/ mngon par 'du byed pa'i ye shes dang / bsod nams kyi tshogs ma smad pa'o// gces spras byed pa'i chos te/ chags pa las shin tu 'da' ba dang / chags pa zhen pa yongs su 'grel ba'i dka' spyad pa'i chos gnyis te/ 'dun pa drag po dang / sgyu med cing g.yo med pa'o// gces spras byed pa'i gnyis te/ byas pa gzo ba dang / byas pa shes pa'o// dka' ba byed pa'i chos gnyis te/ 'dun pa'i 'dod chags spong ba dang / dge ba'i chos la 'dun pa mi 'dor ba'o// gces spras byed pa'i chos gnyis
- 114b
te/ sdig pa thams 'chags pa dang / sdig pa thams cad mi byed pa'o// dka' ba byed pa'i chos gnyis te/ 'gyod pa med pa dang / kun nas ldang ba med pa'o// gces spras byed pa'i chos gnyis te/ gzhan gyi bsod nams kyi rjes su yid rang ba dang / rang gi bsod nams kyis mi ngoms pa'o// dka' ba byed pa'i chos gnyis te/ sdig thams cad zad pa shes pa dang / bsod nams brtsegs pa shes pa'o// gces smras/ byed pa'i chos gnyis te/ sangs rgyas thams cad la gsol ba 'debs pa dang / chos thams cad yongs su 'dzin pa'o// dka' byed pa'i chos gnyis terdza chos kyi dbyings 'dres pa med pa dang / tshig rab tu dbye ba thams cad ston pa shes pa'o// gces spras byed pa'i chos gnyis te/ yongs su bsngo ba la mkhas pa dang / sems can thams cad dang thun mong du yongs su bsngo'o// dka' byed pa'i chos gnyis te/ mtshan ma med par 'dris par byed pa dang / mtshan ma thams cad rnam par 'jig pa'o// gces spras byed pa'i chos gnyis te/ stong pa nyid la rtog pa dang / sems can la yang lta ba'o// dka' ba
- 115a
byed pa'i chos gnyis te/ shes rab kyi lta ba med pa dang / thabs kyi lta ba dang bcas pa'o// gces spras byed pa'i chos gnyis te/ dge ba'i rtsa ba 'dod pa dang / dge ba'i rtsa ba thams cad la sems can thams cad sbyor ba'o// dka' ba byed pa'i chos gnyis te/ smon pa med pa sgom pa dang bsam pa bzhin du skye ba shes pa'o// gces spras byed pa'i chos gnyis te/ de la ma chags pa dang / mi g.yo ba'o// dka' ba byed pa'i chos gnyis te nga rgyal med pa dang des pa'o// gces spras byed pa'i chos gnyis te/ dgon pa la gnas pa dang / dgon pa'i yon tan myong ba'o// dka' ba byed pa'i chos gnyis te/ nyon mongs pa dang med par gnas pa dang / sems can thams cad yongs su skyob pa'o// gces spras byed pa'i chos gnyis te/ 'dod pa chung ba dang chog/ shes pa'o// dka' ba byed pa'i chos gnyis te/ rang gi nyon mongs pa la tshol ba dang / sems can thams cad nyon mongs pa'i spangs pa tshol ba'o// gces sbas byed pa'i chos gnyis te/ nges par sems pa dang / so sor rtog pa'o// dka' ba byed pa chos gnyis te/ rang gi 'khrul pa la rtog pa dang gzhan gi 'khrul
- 115b
ba la skyon du mi lta'o// gces spras byed pa'i chos gnyis te/ bdag la mi stod pa dang / gzhan la mi smod pa'o// dka' ba byed pa'i chos gnyis te/ bdag la bdag med pa dang / sems can la sems can med pa'o// gces spras byed pa'i chos gnyis te/ rang gis byed pa dang / gzhan gyis skabs mi rnyed pa'o// / dka' ba byed pa'i chos gnyis te/ 'khor ba las ldog pa dang / 'khor ba nas sems can yongs su thar par byed pa'o// gces spras byed pa'i chos gnyis te/ pha rol tu phyin pa yongasu tshol ba dang / pha rol tu phyin pa yongs su btsal ba rnams la ji skad bstan bzhin du gnas pa'o// dka' ba byed pa'i chos gnyis te/ gzhan la rag ma las pa'i shes pa rab tu thob pa dang / gzhan dag kyang shes pa la rab tu sbyor ba'o// gces spras byed pa'i chos gnyis te// 'thob pa dang / bkur sti dang / tshigs su bcad pa don tu mi gnyer ba dang / dam pa'i chos yongs su btsal ba don du gnyer ba'o// dka' ba byed pa'i chos gnyis te/ ban ma gtags pa rnams la yang ngan 'dogs pa dang / phan btags pa rnams la yang lhag par dga' ba med pa'o// gces spras byed pa'i
- 116a
chos gnyis te/ byams pa chen po thug pa med par byas pa/ snying rje chen po yongs su chad pa med pa'o// dka' ba byed pa'i chos gnyis te/ rgal nas 'jug pa dang / ma rgal pa rnams sgrol ba'o// gces spras byed pa'i chos gnyis te/ sems can thams cad yon tan yang dag par 'dzin du 'jug pa dang / yon tan med pa'i sems can rnams la cher snying rje ba'o// dka' ba byed pa'i chos gnyis te/ slar mi byed pa rnams la phyir byed pa dang / phyir byed pa rnams la rlom sems med pa'o// gces spras byed pa'i chos gnyis te/ lus la zhugs pa'i dran pa la gnas pa dang / lus yongs su dag pa la gnas pa'o// dka' ba byed pa'i chos gnyis te/ lus dang lus kyi rjes su lta ba dang / lus dang lhan cig song ba'i rnam par song ba'i rnam par rtog pas rnam par mi rtog pa'o// gces spras byed pa'i chos gnyis te/ tshor ba la zhugs pa'i dran pa gnas pa dang / bde ba dang / sdug bsngal gyi tshor ba gnyis mi phyogs pa'o// dka' ba byed pa'i chos gnyis te/ tshor ba rnams la tshor ba'i rjes su lta ba dang / tshor ba dang lhan cig
- 116b
tu song ba'i rnam par rtog pa dang / rnam par mi rtog pa'o// gces spras byed pa'i chos gnyis te/ sems la zhugs pa'i la gnas pa dang / sems// yongs su dag pa la gnas pa'o// dka' ba byed pa'i chos gnyis te/ sems la sems kyi rjes su lta ba dang / sems dang lhan cig song ba'i rnam par rtog pas rnam par mi rtog pa'o// gces pras byed pa'i chos gnyis te/ chos zhugs pa'i dran pa la gnas pa dang / chos rab tu rnam par 'byed pa shes pa'o// dka' byed pa'i chos gnyis te/ chos rnams la chos kyi rjes su lta ba dang / chos dang lhan cig song ba'i rnam par rtog pas// rnam par mi rtog pa'o// ces spras byed pa'i chos gnyis te/ sdig pa mi dge ba'i chos skyes pa rnams spong ba dang / dge ba'i chos skyes pa rnams bskyed ba'o// dka' ba byed pa'i chos gnyis te/ sdig pa mi dge ba'i chos ma skyes pa rnams mi bskyed pa dang / dge ba'i chos skyes pa rnams kun tu srung ba'o// gces spras byed pa'i chos gnyis te/ 'dun pa dang brtson 'grus dang / sems dang dpyod pa'i rdzu 'phrul gyi rkang pa sgom pa dang / rdzu 'phrul gyis 'dul
- 117a
ba'i sems can rnams 'dul ba'o// dka' ba byed pa'i chos gnyis te/ mngon par 'du byed pa med pa'i rdzu 'phrul rab tu 'thob/ pa dang / chos kyi dbyings las ma g.yos par sangs rgyas kyi zhing thams cad du 'gro ba'o// gces spras byed pa'i chos gnyis te/ bdag nyid dad pa las mi g.yo ba dang / ma dad pa rnams kyang dad pa la sbyor ba'o// dka' ba byed pa'i chos gnyis te/ sems gsal ba dang / sems mi gsal ba rnams dang bar byed pa'o// gces spras byed pa'i chos gnyis te/ brtson 'grus kyi dbang po skyed pa dang / dran pa'i dbang po mi g.yeng ba'o// dka' ba byed ba'i chos gnyis te/ shin tu rnam par phye bas rnam par 'byed pa'i brtson 'grus dang / stong pa nyid kyi rnam par mngon par bsgrubs pa'i dran pa'o// gces spras byed pa'i chos gnyis te/ ting nge 'dzin dang shes rab kyi dbang po'i tsho gas yongs su tshol ba dang / tshogs yongs su mi skye'o// dka' ba byed pa'i chos gnyis te/ rgyu ba med pa shes pa dang / sems can yongs su smin par byed pa'i phyir yang rgyu ba'o// gces spras byed pa'i chos gnyis te/
- 117b
nyon mongs pa thams la tshul bzhin gyis so sor rtog pa dang / nyon mongs pa skyed pa dang / ma skyes pa rnams las byung ba yongs su tshol ba'o// dka' ba byed pa'i chos gnyis te/ nyon mongs pa med pas chos thams cad dang mi 'dre ba dang / sems can thams cad kyi nyon mongs pa spong ba'i phyir khams gsum du'ang 'dre ba'o// gces spras byed pa'i chos gnyis te/ byang chub kyi yan lag bsgom pa'i brtson 'grus dang / byang chub kyi yan lag bstan pa'i lha'i bsam pa'o// dka' ba byed pa'i chos gnyis te// zad pa shes par mi lhung ba dang / mi skye ba shes pa la bzod pa'o// gces spras byed pa'i chos gnyis te/ lam bgrod pa la mkhas pa dang / lam mi bgrod pa la mkhas pa'o// dka' ba byed pa'i chos gnyis te/ lam gyis 'gro ba shes pa dang / lam rgyud mi 'chad pa shes pa'o// gces spras byed pa chos gnyis te/ rten cing 'brel par 'byung ba'i rjes su 'thun pa dang / mthar lta ba gnyis ka yongs su spong ba'o// dka' ba byed pa chos gnyis te/ rgyu gang dang rkyen gang gis sems can rnams kun nas nyon
- 118a
mongs par 'gyur ba dang / rgyu dang rkyen gang gis rnam par dag par 'gyur ba de shes pa'o// gces spras byed pa'i chos gnyis teSh+Thabadud kyi las rtogs pa dang / bdud kyi las rnam par spong ba'o// dka' ba byed pa'i chos gnyis te/ bdud thams cad las shin tu 'da' ba dang bdud thams cad mi mthong ba'o// gces spras byed pa'i chos gnyis te/ ma smras pa rnams smras par mi byed pa dang / smras pa rnams la bzod cing nges pa'o// dka' ba byed pa'i chos gnyis te/ gdod ma nas smras pa med pa dang / skad cig du 'jig par so sor rtog pa'o// gces spras byed pa'i chos gnyis te/ sems dang po bskyed nas byang chub kyi snying po la lta ba dang / byang chub kyi snying po la ltas nas theg pa dman pa mi 'dod pa'o// dka' ba byed pa'i chos gnyis te/ sems dang po skyed pa/ byang chub kyi snying po'i rgyu dang / rgyu las yang dag par 'byung ba'i dge ba'i sems bskyed pa rnams la mngon par zhen pa med pa'o// gces spras byed pa'i chos gnyis te/ 'khor ba'i rgyun byed pa'i kun tu sbyor ba
- 118b
rnam par gcod pa dang / dge ba'i rtsa ba'i rgyun byed pa'i sems bskyed pa mi 'dor ba'o// dka' ba byed pa'i chos gnyis te/ yul na mi gnas phyogs na mi gnas pa'i dge ba'i rtsa ba rnam byang chub tu yongs su bsngo ba dang / byang chub tu yongs su bsngos pa'i sems bskyed pa rnams sgyu ma'i chos su so sor rtog pa dang / gces spras byed pa chos gnyis te/ byang chub sems dpa' kho na las par yang dag par rjes su mthong ba dang / sems can rab tu thar pa byang chub kyi kha na las par yang dag par rjes su mthong ngo // dka' ba byed pa'i chos gnyis te/ byang chub mnyam pa nyid pas sems can mnyam pa nyid du so sor rtog pa dang / sems can yongs su smin par bya ba'i phyir brtson 'grus mi 'dor ba'o// blo gros rgya mtsho theg pa chen po la gces spras byed pa'i chos gnyis te/ gnyis gang zhe na/ dge ba'i chos thams cad gsags pa'i sems bskyed pa dang / sems can thams cad mya ngan las 'das pa'i lam la rab tu bgod ba'i phyir snying rje ba ste/ blo gros rgya mtsho chos gnyis ni theg pa chen po la gces spras byed pa'o// blo gros rgya mtsho chos 'di gnyis ni theg pa chen po la dka' ba byed
- 119a
/ pa ste/ gnyis gang zhe na/ skye ba med pa las skyes pa dang / 'byung ba med pa las 'byung ba ste/ blo gros rgya mtsho de gnyis ni theg pa chen po la dka' ba byed pa'o// blo gros rgya mtsho gzhan yang theg pa chen po ston par 'gyur ba'i chos can gsum ste/ gsum gang zhe na/ 'di lta ste/ dge ba'i rtsa bas brtan nas/ byang chub tu seMs bskyed pa dang / dge ba'i bshes gnyen gyis yongs su zin pas zhum pa med pa'i dang / snying rje chen po la rab tu gnas pas phyir mi ldog pa ste/ blo gros rgya mtsho chos gsum po de dag theg pa chen po ston par 'gyur ba'o// gzhan yang theg pa chen po ston par 'gyur ba'i chos gsum ste/ gsum gang zhe na/ tshogs la yongs su tshol ba dang / tshogs la so sor rtog pa dang / tshogs la sems can sbyor ba ste/ gsum po de dag go// gzhan yang gsum ste/ gsum gang zhe na/ ser sna tshar gcod pa dang / gtong ba 'phel bar byed pa dang / byang chub tu yongs su sngo ba ste/ gsum po de dag go/ gzhan yang gsum ste/ tshul khrims yang dag par 'dzin pa dang / tshul khrims 'chal ba'i sems can yongs su smin par byed pa dang / gzhan yang gsum ste/ khong khro byang chub tu yongs su sngob
- 119b
ba med pa'i sems dang / sems can khros pa dang bar byed pa dang / byang chub tu yongs su sngo ba'o// gzhan gsum ste/ brtson 'grus ma gong ba dang / sems can le lo can yongs su smin par byed pa dang / byang chub tu yongs su sngo ba'o// gzhan yang gsum ste/ bsam gtan skyid pa dang / bsam gtan de la ma chags ba dang / byang chub tu yongs su sngo ba'o// gzhan yang gsum ste/ thos pa yongs su tshor ba dang / thos pa la so sor rtog pa dang / byang chub tu yongs su sngo ba'o// gzhan yang gsum ste/ sems la dmyigs pa'i byams pa dang / chos la dmigs pa'i byams pa dang / dmigs pa med pa'i byams pa'o// gzhan yang gsum ste/ rang gi byed pa'i snying rje dang / gzhan yang byed du 'jug pa'i snying rje dang / mtha' gnyis stsal ba'i snying rje chen po'o// gzhan yang gsum ste/ bdag la phan pa'i phyir shes pa yongs su tshol ba dang / gzhan la phan pa'i phyir shes pa yongs su tshol ba dang / gnyis ga'i don yongs su rdzogs par bya ba'i/ phyir brtson 'grus rtsom pa'o// gzhan yang gsum ste/ 'das pa la zad par shes pa dang / ma 'ongs pa la ma byin par shes pa dang / da ltar byung ba la chos
- 120a
gnas pa med par shes pa'o// gzhan yang gsum ste/ nges pa'i sems can rnams la rab tu grol ba'i byams pa dang / ma nges pa'i sems can rnams la rab tu grol ba'i byams pa dang // log pa nyid du nges pa'i sems can rnams la bskyab pa chen po'i byams pa'o// gzhan yang gsum ste/ 'grogs na bde bas lus las su rung ba dang / pha rol kun tu srung bas ngag snyan pa dang / drang bas sems las su rung ba'o// gzhan yang gsuM ste lnga mi sdug pa la yang gnas la/ 'dod chags la spyod pa'i sems can dang / 'grogs pa la yang mi smod pa dang / byams pa la yang gnas la zhe sdang la spyod pa'i sems can dang / 'grogs pa la yang mi smod pa dang / rten cing 'brel par 'byung ba la yang rnam pa lta la/ gti mug la spyod pa'i sems can dang / 'grogs pa yang ma mi smod pa'o// gzhan yang gsum ste/ legs par spyad pa'i phyir phan pa dang / chog shes pa'i phyir ran pa dang // byis 'gyod pa med pa'i phyir bzod pa'o// gzhan yang gsum ste/ thos pa yongs su 'dzin pa dang / tshig dang yi ge rnams 'dzin pa dang / sba la sngon gyi mtha'
- 120b
dang phyi ma'i mthar yongs su chad par shes pa'o// gzhan yang gsum ste/ nor bdun yang dag par 'du bas dbul ba med pa dang / chos kyi sbyin pas rnam par 'grel pas gtong ba chen po dang / zang zing kun tu 'gred pas longs spyod che ba'o// gzhan yang gsum ste/ don dam par bden pas bden pa dang / mi slu bas yang dag pa dang / de bzhin nyid pas de kho na'o// gzhan yang gsum ste/ bdag ci 'dra ba zhes bdag shes pa dang / gtam ci 'dra ba zhig bya zhes// sems shes dang / dus su gnas pas dus shes pa'o// gzhan yang gsum ste/ phung po rnams la chos kyi phung po dang / mnyam pa nyid dang / khams rnams la chos kyi dbyings dang / mnyam pa nyid dang / skye mched rnams la grong stong pa ltar so sor rtog pa'o// gzhan yang gsum ste/ rgyu'i 'bras bu chud mi zon pa dang / rkyen rnams kyi 'phel ba la mkhas pa dang / tshogs nas phan tshun yang dag par 'du ba'o// gzhan yang gsum ste// sangs rgyas dang mi 'gal ba dang / chos mi spong ba dang / dge 'dun la nga rgyal med cing bla mar gus par bsnyen bkur byed pa'o// gzhan yang gsum ste/ 'dod chags rab tu zhi ba
- 121a
dang / zhe sdang dang bral ba dang / gti mug yang dag par bcom pa'o// gzhan yang gsum ste/ kun rdzob kyi bden pa la 'jug pa la 'jug pa dang mtshan nyid kyi bden pa ston pa dang / don dam pa'i bden pa la gnas pa'o// gzhan yang gsum ste/ sems can rnams la bskas pa med ba dang / sbyin gnas rnams la rab tu 'dud pa dang / nyon mongs pa rnam su mi ltung ba'o// gzhan yang gsum ste/ 'dod pa'i khams kyis mi gos pa dang / gzugs kyi khams dang ma 'dres pa dang / gzugs med pa'i khams de la ma chags pa'o// gzhan yang gsum ste/ ma rnyed pa dang / ma grags pa dang / smad pa dang sdug bsngal rnams kyis sro shi ba med pa dang rnyed pa dang / grags pa dang / bsngags pa dang / bde ba rnams kyis khengs pa med pa dang / 'jig rten gyi chos brgyad dang / ma 'dres pas ri ltar mi g.yo ba'o// gzhan yang gsum ste/ dbang po rnams shin tu sbas pa dang // ma dad pa rnams las shin tu grol ba dang / sems shin tu dul ba'o// gzhan yang gsum ste/ sa'i yon tan la gnas pa shes pa dang / sa'i nyes pa bzlog pa shes pa dang / sa nas
- 121b
sar 'phar ba shes pa'o// gzhan yang gsum ste/ bsam pa gya nom pa la gnas pa dang / lhag pa'i bsam pa khyad par la gnas pa dang / sbyor ba rgyun du mi 'tshed par gnas pa'o// gzhan yang gsum ste/ ting nge 'dzin yongs su dag par bya ba'i phyir/ lhag pa'i tshul khrims la slob pa dang / shes rab yongs su rdzogs par bya ba'i phyir lhag pa'i sems la slob pa dang / rnam par grol ba yongs su rdzogs par bya ba'i phyir lhag pa'i shes rab la slob pa'o// gzhan yang gsum ste/ bde ba'i tshor ba la rjes su 'chags pa spong ba dang / sdug bsngal gyis tshor ba la khong khro ba spong ba dang / sdug bsngal yang med bde ba yang med pa'i tshor ba la ma rig pa'o// gzhan yang gsum ste/ mngon par 'du bya ba med pas rgya ldog pa dang / yongs su mi rtog pas nyon modra pa las ldog ba dang / gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan ma med pa yang 'dris par byed la/ rnam par rtog pa yang nye bar zhi ba dang / smon pa med pa yang 'dres par byed pa la khams gsum yang 'gog pa'o// gzhan yang gsum ste/ gzugs dben pa nyid mig stong pa nyid dang /
- 122a
dang / mig gi rnam par shes pa gnas pa med pa'o// gzhan yang gsum ste/ rna ba stong pa nyid dang / sgra dben pa nyid dang rna ba'i rnam par shes pa gnas pa med pa'o// gzhan yang gsum ste/ sna stong pa nyid dang / dri dben pa nyid dang / sna'i rnam par shes gnas pa med pa'o// gzhan yang gsum ste/ lce stong pa nyid dang / ro dben pa nyid dang / lce'i rnam par shes pa gnas pa med pa'o// gzhan yang gsum ste/ lus stong pa nyid dang / reg dben pa nyid dang / lus kyi rnam par shes pa gnas pa med pa'o// gzhan yang gsum ste/ yid stong pa nyid dang / chos dben pa nyid dang / yid kyi rnam par shes pa gnas pa med pa'o// gzhan yang gsum ste/ tshul khrims sbed pa dang / ting nge 'dzin kun tu srung ba dang shes rab kyis rab du rnam par 'byed pa shes pa'o// gzhan yang gsum ste/ dran pas dam pa'i chos kun tu 'dzin pa dang / blo gros kyi tshul bzhin du so sor rtog pa dang // rtog pas don rnam pa khong du chud pa'o// gzhan yang gsum ste/ nyan thos rnams la 'phags pa'i 'den pa'i
- 122b
sgra'i rjes su zhugs pas/ rnam par grol ba'i tshul khrims ston pa dang / rang sangs rgyas rnams la rten cing 'brel par 'byung ba la rtse gcig tu bye bas rnam par grol ba'i tshul ston pa dang / byang chub sems dpa' rnams la pha rol tu phyin pa drug la spyod pas/ rnam par grol ba'i tshul ston pa'o// gzhan yang gsum ste/ gtong ba dang / gtong ba chen po dang / shin tu gtong ba'o// de la gtong ba ni rin po che thams cad gtong pa'o// gtong pa chen po ni chung ma dang / bu dang bu mo yongs su gtong ba'o// shin tu gtong ba ni lags pa dang rkang pa dang / mig dang mgo yongs su gtong ba'o// / gzhan yang gsum ste/ dam pa'i chos yongs su 'dzin pa dang / chos smra ba yongs su 'dzin pa'o// theg pa chen po yongs su 'dzin pa'o// gzhan yang gsum ste/ 'khor ba rgyun mi gcod pa dang / 'khor ba'i skyon khong du chud pa dang / 'khor ba'i skyon yongs su spong ba'o// gzhan yang gsum ste/ sgrib pa dang bral ba'i sems kyis chos can pa dang / kun nas ldang ba med pa'i sems kyis nang du yang dag 'jog pa dang / 'byung ba'i sems
- 123a
kyis yang dag par sgrub pa'o// gzhan yang gsum ste/ don la ston pa'i thos pa dang / ye shes la ston pa'i so sor rtog pa dang / chos la rton pa'i rnam par grol ba'o// gzhan yang gsum ste/ mang du thos te dgon pa na gnas pa dang / dgon pa na gnas te/ tshul bzhin yid la byed pa la rab tu brtson te/ chos thams cad rjes su rtogs pa'o// gzhan yang gsum ste/ mkhas pa rnams la bsnyen bkur byed pa dang / mang du thos pa rnams la 'dri ba dang / bsam gtan pa rnams kun tu srung ba'o// gzhan yang gsum ste/ zang zing med pa'i sems kyis chos sbyin pa dang / chos nyan pa rnams la byams pa nye bar sgrub pa dang / thams cad mkhyen pa'i sems mngon du byed pa'i las so// gzhan yang gsum ste/ mnyam pa nyid pas// sems can mnyam pa nyid dang / tha dad pa med pas chos mnyam pa nyid dang / ye shes mnyam pa nyid dang / ye shes mnyam pa nyid pas/ sangs rgyas mnyam pa nyid do// gzhan yang gsum ste/ ye shes kyi dus mnyam pa nyid dang / blos rnam par thar pa gsum mnyam pa nyid dang / yongs su shes pas khams
- 123b
gsum mnyam pa nyid do// gzhan yang gsum ste/ 'du byed thams cad la mi rtag pa dang / sdug bsngal bar so sor rtog pa dang / chos thams cad la bdag med par so sor rtog pa dang / mya ngan las 'das pa la zhi bar rtog pa'o// gzhan yang gsum ste/ nyams 'og tu chud par byed pas dam bcas pa'i snying po nyid dang / nan tan byed pas thos pa snying po nyid dang / shes rab kyis ting nge 'dzin snying po nyid do// gzhan yang gsum ste/ ltung ba mi 'chab ba dang / sdig pa rnam par 'byed pa byin cad sdom par byed pa'o// gzhan yang gsum ste/ 'gyod pa dang bral ba dang / kun nas ldang ba dang / bral ba dang / the tshom dang bral ba'o// gzhan yang gsum ste/ dgon pa la gnas pa dang / rab tu dben pa la dga' ba dang / dge ba'i chos 'dod pa'o// gzhan yang gsum ste/ zab mo'i chos la bzod pa dang / chos sna tshogs ston pa dang / spongs pa kun tu 'gro ba'o// gzhan yang gsum ste/ thos pa rnam par nges pa'i gzungs dang / sangs rgyas kyis byin gyis rlangs pa'i stobs dang / lhas yongs su gzung ba'i chos kyi gtam mo// gzhan yang gsum ste/
- 124a
sa lta bu'i sems dang po bskyed pa dang / spyod pa thams cad nyams 'og tu chud par dpyod pa dang / 'brel ba dang / 'du shes thams cad log pa'i phyir mi ldog pa'i sa'o// gzhan yang gsum ste/ sgra'i rjes su 'gro ba'i bzod pa yongs su rdzogs par byed pa dang / bsam pa las byung ba'i bzod pa 'phro ba med pa dang / mi skye chos la bzod pa thob pa'o// blo gros rgya mtsho gzhan yang theg pa chen po rten par 'gyur ba'i chos gsuM ste/ gsum gang zhe na/ thabs dang shes rab dang / rab tu ldan pa'i lam bsgom pa dang / byams pa chen po dang / snying rje chen po dang rab tu ldan par sems can yongs su smin par byed pa dang / brtson 'grus dang / bag yod pa dang / rab tu ldan par dam pa'i chos yongs su 'dzin pa ste/ blo gros rgya mtsho chos gsum po de dag ni theg pa chen po rton par 'gyur ro// / 'phags pa blo gros rgya mtshos zhus pa/ bam po bdun pa// / blo gros rgya mtsho gzhan yang theg pa chen po'i bar chad du 'gyur ba'i chos bzhi ste/
- 124b
bzhi gang zhe na/ nyes par thos pa nyan pa ste/ 'di ltar 'jig rten rgyang phan pa'i gsang tshig yongs su tshol ba dang / pha rol tu phyin pa drug dang / byang chub sems dpa'i sde snod kyi chos kyi rnam grangs mi nyan pa dang / bdud kyi las kun nas langs pas mngon pa'i nga rgyal byed pa dang / chos bsgrib pa kun nas langs nas chos spong ba ste/ blo gros rgya mtsho chos bzhi po de dag ni theg pa chen po'i bar chad du 'gyur ba'o// gzhan yang bzhi ste/ chags pa dang zhe sdang dang / gti mug dang nyon mongs pas rgyas nas chos kyi yon tan don du mi gnyer ba'o// gzhan yang bzhi ste/ pha rol gyi rnyed pa rnams la phrag dog byed pa dang / chos ston pa rnams la g.yos sten pa dang / gzings pa'i blos sgyus nye bar spyod pa dang / slu bas sems mi brten pa'o// gzhan yang bzhi ste/ dge ba'i bshes gnyen la/ sdig pa'i grogs por 'du shes pa dang / sdig pa'i grogs po la dge ba'i bshes gnyen du 'du shes pa dang // chos ma yin pa la chos su 'du shes pa dang / chos la chos ma yin par 'du shes pa'o// gzhan yang bzhi ste/ ser sna'i dri ma can gyi sems dang / spong ba rnams la gnod pa dang / za ba can gyi sems dang /
- 125a
byin pas 'gyod pa'i sems dang / thams cad mkhyen pa'i sems la mi 'byogs pa'o// gzhan yang bzhi ste/ 'dun pas sbyin pa dang / zhe sdang gi sbyin pa dang / gti mug gi sbyin pa dang / 'jigs pas sbyin pa'o// gzhan yang bzhi ste/ brjod pas sbyin pa dang / grags pas sbyin pa dang / sgras sbyin pa dang / tshigs su bcad pas sbyin pa'o// gzhan yang bzhi ste/ ngor lta ba'i sbyin pa'o// skabs chung zad kyi phyir sbyin pa dang / brnyas thabs su sbyin pa dang / rang gi lag nas sbyin pa ma yin pa'o// gzhan yang bzhi ste/ ngan pa sbyin pa dang / mi gsod pa sbyin pa dang / gus par ma byas par sbyin pa dang / mngon pa'i nga rgyal gyis sbyin pa'o// gzhan yang bzhi ste/ mtshon cha sbyin pa dang / dug sbyin pa dang / rung ba ma yin pa dang / mi chog par sbyin pa'o// gzhan yang bzhi ste/ tshul khrims dang ldan pa rnams la zhe sdang ba dang / tshul khrims 'chal ba rnams la gnod pa dang / tha ba'i sems dang ldan pa dang // bdag nyid lhod pa dang / tshul khrims sdoms pa'i gtam la gsad pa lta bur 'du shes pa'o// gzhan yang bzhi ste/ yang ba'i
- 125b
rnyed pa yongs su tshol ba dang / chos kyis rnyed pa kun tu bged pa mi byed pa dang / gzhan gyis 'thob pa gcod pa dang / rang gi 'thob pa chog mi shes pa'o// / gzhan yang bzhi ste/ spyod lam gyis lus tshul 'chos pa dang / log par smra bas ngag tshul chos pa dang / sdig pa 'dod pas sems tshul 'chos pa dang / 'tsho ba yongs su ma dag pas thams cad tshul 'chos pa'o// gzhan yang bzhi ste/ theg pa mtshungs pa la yang dag par zhugs pa rnams la/ zhe sdang ba dang / bdud kyi las khong du chud pas mngon pa'i nga rgyal can dang / de dag gi bsngags pa ma yin pa brjod pa dang / de dag gi bsngags pa dang / yon tan gyis yid mi bde bar 'gyur ro// gzhan yang bzhi ste/ nga rgyal gyis khengs pa nas chos rnams rim gro byed pa dang / chos smra ba rnams la mi gusas pa dang / pa ma dang slob dpon dang mkhan po rnams la mi mdun pa dang / lus dang sems rtsub pas/ rtag par rgyun du mi 'thun par gnas pa'o// / gzhan yang bzhi ste/ bdag gis yon tan brjod pa dang / gzhan gyi yon tan log par brjod pa dang / nga'i snyam pa'i nga rgyal 'bar ba dang khro ba dang brtan pa'o//
- 126a
gzhan yang bzhi ste/ le lo dang snyoms las dang / bka' blo mi bde ba dang / 'thun par mi 'dzin pa'o// gzhan yang bzhi ste/ ma dul ba dang / ma zhi ba dang / ma sbas pa dang / ma btul ba'o// gzhan yang bzhi ste/ thos pa nyung dus grong dang grong khyer dang / grong rdal du 'jug pa dang / tshul khrims kyi phung po la mi gnas par rnyed pa dang / bkur sti dang tshigs su bcad pa 'dod pa dang / dbang po rnams kyi sgo ma bsrungs par bud med la lta ba dang / mnyam par ma bzhag pa'i sems kyis sems can gyi dbang po la 'jug pa'o// gzhan yang bzhi ste/ bsdu ba'i dngos po la mi brtson pa dang / sems can yongs su smin par bya ba la g.yel ba dang / chos spong gi kun tu mi srung ba dang / chos smra ba'i gang zag rnams la gnod pa byed pa dang / gzhan yang bzhi ste/ gti mug gis 'dod pa che ba/ zhe sdang gis sdig pa 'dod pa'i 'dod chags kyis chog mi shes pa dang / chags pas ngoms mi myong ba'o// gzhan yang bzhi ste/ ma dad pas mi 'thun pa dang / sdig pa'i grogs dang brten pa dang / sdig pa la mi smod pa dang / le los dge ba'i chos yongs su 'grib pa dang / bag med pas dge
- 126b
ba'i rtsa ba byas pa rab tu 'jig pa'o// gzhan yang bzhi ste/ nang so sor rtogs pas ngo tsha med pa dang / sangs rgyas la mi rtog pas khrel med pa dang / mtshams med ga mtshungs pas byas pa mi gzo ba dang / re bas byas nas mi 'jigs pa'o// gzhan yang bzhi ste/ gnod sems dang khong khro ba dang / khon du 'dzin pa dang // rnam par 'tshe ba dang / gzhan yang bzhi ste/ 'phags pa rnams la slu ba dang / 'phags pa ma yin pa rnams rjes su mi srung ba dang / sbyin pa po rnams la brnyas pa dang / sbyin gnas rnams la khyad du bsod pa'o// gzhan yang bzhi ste/ lus kyi las yongs su ma dag pa dang / ngag gi las kun tu mi srung ba dang rdza sems kyi las zhum pa dang / theg pa chen po la sgyid lug pa'o// gzhan yang bzhi ste/ 'dum pa rnams la dben byed pa dang / sleb dpon dang mkhan po rnams la tshig brlang ba dang / dgos pa don du gnyer ba rnams la tshig kyal ba smra ba dang / lha dang mi rnams la slu ba'o// gzhan yang bzhi ste/ tshul khrims kyi phung po kun tu mi srung ba dang / 'jig rten pha rol la log par rjod pa dang / dge ba'i rtsa ba rnams 'jig pa dang / tshogs bsags pa rang
- 127a
tu 'jig pa'o// gzhan yang bzhi ste/ rgod pa'i 'khor dang khengs shing 'dus pa la chags pa dang / mu tshor smra bas ltung bar shin tu 'da' ba dang / 'chol pa'i tshig gis 'jig rten pa'i gsang tshig brjod pa'o// gzhan yang bzhi ste/ mi brtson par dgon pa la gnas pa dang / khong khro ba mang la 'dre zhing gnas pa dang / dge ba'i rtsa ba ma bskyed par bsod nams dang ldan par 'du shes pa dang / byang chub sems dpa'i ming gis 'thob pas 'tsho ba'o// gzhan yang bzhi ste/ cang shes med pa'i sems dang / dmu rgod kyi sems dang / ma dul ba'i sems dang / sems can rnams la mi snyoms ba'i sems so// gzhan yang bzhi ste/ tshul khrims kyis dregs pa dang / mang du thos pas dregs pa dang / dgon pa la gnas pas dregs pa dang / sbyangs pa'i yon tan yo byad bsnyungs pas dregs pa'o// gzhan yang bzhi ste/ bdag la bskas pa dang / chos la brnyas pa dang / dge ba'i rtsa ba chud du la brnyas te/ byang chub tu yongs su bsngo ba dang / skabs su skabs su nyan thos dang / rang sangs rgyas kyi theg pa 'dod pa'o// gzhan yang bzhi ste/
- 127b
lus de la chags pa dang / sems de la chags pa dang / tshul khrims dang thos pa de la chags pa dang / khyad par du mi 'gro ba'o// gzhan yang bzhi ste/ mdza' bo'i khyim dang / slong ba ster ba'i khyim yongs su 'dzin pa dang / rnyed pa dang / bkur bsti yongs su dag par bya ba'i phyir 'tshal ba'i tshul khrims yongs su 'dzin pa dang / gnas yongs su 'dzin pa dang / tshul khrims dang ldan pa la zhe sdang bas yang ba'i bya bas bcings pa'o// gzhan yang bzhi ste/ bya ba mang ba dang / rnyed pa mang ba dang / smra ba mang ba dang / bshes pa mang ba'o// gzhan yang bzhi ste/ bdag la mngon par zhen pas/ bdag tu lta ba dang / sems can la mngon par zhen pas sems can du lta ba dang / bya ba ma yin pa la mngon par zhen pas chad par lta ba/ srog de dang lus de la mngon par zhen pas rtag par lta ba'o// gzhan yang bzhi ste/ rtsom pa rgyun gcod pa dang / dge ba rgyun chad pas yang dag par rab tu mi 'dzin pa dang / yang dag par rab tu ma bzung bas yongs su skyong pa dang / yongs su skyongs ldog cing 'jigs pa'o// gzhan yang bzhi ste/ sa nas sar 'bar ba la brnyas
- 128a
@#pa dang / bsam gtan las bzlog pa la mi mkhas pa dang / sems can la mi lta bar shes rab kyis rnam par dpyod pa dang / dmigs pa can du gyur la/ thabs la khas che ba'o// blo gros rgya mtsho gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ chos kyi sgrib pa kun nas langs bas dman dang / las kyi sgrib pa kun nas langs pas dge ba'i rtsa ba rnams la mi brtson pa dang / nyon mongs pa'i sgrib pa kun nas langs pas phung po sum gyi rjes su mi 'jug pa dang / bdud kyi las kun nas langs pas byang chub kyi sems brjed pa ste/ blo gros rgya mtsho chos bzhi de dag ni theg pa chen po'i bar chad du 'gyur ba'o// bcom ldan 'das kyis theg pa chen po sdud pa 'di bshad pa na/ lha dang mi'i skye dgu'i srog chags bzhi khri bzhi stong gis/ bla na med pa yang dag par rdzogs pa'i byang chub tu sems bskyed do// byang chub sems dpa' nyi khri brgyad stong gis mi skye ba'i chos la bzod pa thob par 'gyur te/ stong gsum gyi stong chen po'i 'jig rten khams 'di yang rnam pa drug tu g.yos te/ snang ba chen pos kyang 'jig rten gsal bar gyur to// steng gi bar snang
- 128b
la 'khod pa'i lha'i bu brgya stong dag kyang a la la zhes ca co dang ga zha'i sgra byung ste/ me tog dag gi char yang rab tu phag sil snyan dang glu dbyangs kyang byas te/ kye ma'o 'di ni chos kyi gter chen po ste/ de bzhin gshegs pas phye ba thugs rjes chen po la gnas nas/ sems can thams cad la yang dag par rab tu bstan pa'o// bcom ldan 'das de la chos rin po che'i gter chen po 'di las/ gang gis tha na cung zad tsam zhig yongs su 'dzin pa de dag thams cad kyang ngan 'gro rnam par lhung ba'i 'jigs pa rnams las yongs su thar bar 'gyur/ rims kyis chos kyis 'khor lo rin po che bla na med pa rab tu bskor bar 'gyur ro// 'di lta ste dper na/ bcom ldan 'das skyes bu gang la la zhig gis grong ngam grong khyer 'am/ grong rdal dang ha cang yang mi ring ba zhig na/ gter chen po rin po che thams cad kyis yongs su bltam pa bsam pa 'tshal ba zhig zhig mthong ste/ skyes bu de yang phan pa'i dngos po phun sum tshogs par gyur la/ des gter chen po mthong nas kyang grong ngam grong khyer 'am grong rdal du mchis te/ skye bo'i tshogs pal po che la bgam pa'o snyam du bsams nas/
- 129a
skyes bu khyed tshur sheg khyed kyi nang nas su la rin po che bgos pa la ngas gter chen po zad mi shes pa de bstan par bya'o zhes bgyis pa dang lnga bcom ldan 'das de'i nang nas kha cig ni de la dad par gyur/ kha cig ni dad par ma gyur la/ de'i nang nas gang dag dad par gyur pa de dag gter chen po'i gan du mchis te/ kha cig ni stobs ji tsam pa de snyed kyi rin po che rnams 'tshal de mchis/ kha cig ni ji ltar rtog pa de 'dra ba'i rin po chen 'tshal te mchis kyang gter chen po de bas par mi 'gyur zhing / 'di dag la ni gsal to// 'di dag la ni mi gsal to// 'di dag ni 'tshal kyang rung / 'di dag/ ni 'tshal du mi rung ngo snyam du yongs su mi rtog go/ de ci'i slad du zhe na/ bcom ldan 'das gter chen po de rnam par mi rtog pa'i slad du'o// de bzhin du bcom ldan 'das kyis bskal pa bye ba khrag khrig brgya stong phrag grangs ma mchis par rin po che'i gter chen po bla na ma mchis pa 'di sgrub nas kyang byang chub kyi snying por mngon par rdzogs spangs rgyas so// mngon par rdzogs par sangs rgyas nas kyang grong khyer ba ra na se'i drang srong lhung bar chos kyi 'khor lo
- 129b
rin po che chen po rab tu bskor ro// de ltar yang bcom ldan 'das 'dir 'dus pa chen po'i le'u'i chos kyi rnam grangs chos rin po che'i gter blo bla na ma mchis pa 'di phye ste/ bcom ldan 'das kyis bsri ba mi mnga' ba'i thugs kyis sems can thams cad la thugs rje chen po'i thugs bskyed nas/ phan pa'i dngos po yang dag par bskyed nas/ tshangs pa'i sgra dbyangs kyis go bar mdzad pa'i gsung gis/ lha dang mi dang lha ma yin du bcad pa'i 'jig rten la tshur sheg/ chos rin po che'i gautar chen po bla na med pa skyed pa dang / dga' ba dang / na ba dang / 'chi ba mthar 'byin pa zad mi shes pa/ bde ba thams cad sbyin pa 'di long shig ces go bar mdzad pa de la/ bcom ldan 'das skyes bu gti mug ma dad pa kha cig ni mos/ gro ba mi ches mi rtog cing dad par mi bgyid do// dad pa'i rtog pa'i rang bzhin can kha cig ni mos shing glo ba ches la rtog cing dad par bgyid de/ de dag gis de bzhin gshegs pa'i chos rin po che'i gter chen po las ci 'os su chos rin po che len cing theg pa la ji ltar mos pa bzhin du rnam par 'grel te/ kha cig ni nyan thos nyid kyi slad du/ kha cig
- 130a
ni rang sangs rgyas nyid kyi slad du/ kha cig ni bla na med pa yang dag par rdzogs pa'i byang chub kyi slad du zhugs kyang de bzhin gshegs pa'i chos rin po che'i gtor chen po'i bla na ma mchis pa ni yongs su bas par mi 'gyur zhing yongs su mi rtog go/ bcom ldan 'das de kha gang gis de bzhin gshegs pa'i chos rin po che'i gter chen po 'di ltar rab tu btang ba/ 'di ltar rnam par phye ba 'di las than gang cung zad tsam yang mi 'dzin pa de dag rin po che las yongs su nyams shing rin po che las slad rol du gyur te/ yun ring por ngan song gsum po dag dga' bar 'gyur ro// bcom ldan 'das gang dag chos rin po che'i gter chen po 'di las/ tha na tshig bzhi pa'i tshigs su bcad pa tsam 'dzin pa de dag ni 'phags pa'i nor dang ldan te/ dbul po ma lags na/ gang 'dus pa chen po'i le'u chos kyi rnam grangs 'di las tha na le'u gcig tsam 'dzin tam/ gnyis sam/ gsum 'am/ bzhi 'am/ lnga 'am/ bcu 'am/ nyi shu 'am/ sum cu 'am/ bzhi bcu 'am/ lnga bcu 'am/ drug bcu 'am/ bdun cu 'am/ mtha' dag rdzogs par 'dzin pa lta smos kyang ci 'tshal te/ skyes bu dam pa de dag gis
- 130b
bsod nams kyi mtha' rtogs par mi nus so// bcom ldan 'das byang chub sems dang ma bral ba sems can thams cad la snying rje chen pos rab tu non pa gang dag chos kyi sgo'i le'u 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston pa de dag bla na med ba yang dag par rdzogs pa'i byang chub tu lung bstan pa dang / de dag bdud choms pa dang / de dag theg pa chen po 'di la mngon par shes pa thob par rig par bgyi'o/ zhes ched du brjod do// de nas bcom ldan 'das kyis lha'i bu de dag la legs so zhes bya ba byin te/ lha'i bu dag tshig 'di legs par smras pa legs so leg so// gang dag chos kyi sgo'i le'u 'di nyan pa dang / thos nas kyang mos pa dang / mos nas kyang len pa dang / 'dzin pa dang / klog pa dang / kun chub par byed pa dang / de bzhin nyid du sgrub pa'i skyes bu dam pa de dag byang chub kyi snying po la gzhol bar lta/ de dag yon tan thams cad la gnas par blta/ de dag thams cad mkhyen pa'i gtsug tu phyin pa dang / 'jig rten gnas pa long ba la shes rab kyi smon ma byed pa dag tu lta ste/ de dag ring por mi thogs par bla na med pa yang dag par rdzogs byang chub
- 131a
mngon par rdzogs par 'tshang rgya bar 'gyur ro// de ci'i phyir zhe na/ 'di lta ste/ de dag theg pa chen po'i theg pa chen po la zhon pa'i phyir ro// de nas de'i tshe bcom ldan 'das kyis tshigs su bcad pa 'di dag gsungs so// sangs rgyas theg pa chen po'i theg pa 'di khyad par 'phags/ nam mkha'i dkyil dang 'dra ste 'jig rten kun las 'das/ srid pa gsum las 'das nas byang chub snying por 'gro// chags pa med de chags pa kun las shin tu 'das// sbyin dang dul dang zhi dang tshul bzhin bsam pa yis// bskal pa bye bar rgya chen las byung brtsegs par brjod// tshul khrims kyis ni sdig brtsal lus dang ngag sems dag/ srid pa thams cad bor nas byang chub snying por 'gro// mnyam zhing rjes su mnyam sems sems can kun skabs 'byed// de las gzhan pa'i theg dman ji snyed zil gyis gnon// gang dag rdzu 'phrul rkang gis ri rab rgyal mtshan mtho// theg pa chen por 'gro zhing sems can sim par byed/ thos dang 'dul bar ldan zhing bsam gtan tshul khrims ldan// bzod stobs rab tu thob cing shes rab dbang bskur ba// pha rol tshogs rnams bcom zhing bdud/
- 131b
kyi sde spangs nas// chags med theg pa che dang byang chub snying por 'gro// byams pa'i go cha'i chos kyi dgra yis thub par dga'// chos dang ldan nas snying rje chen por rim gyis 'gro// bsam gtan rdzu 'phrul rkang dang tshad med bzhon pa ste// lam de mi mdor kha lod bsgyur ba byang chub sems// phyogs bcu mtha' yas sems can khams rnams ji snyed pa// theg pa chen po 'di la spyod pa thams cad ni// gnod pa med cing 'gro'i pa med la gang ba med// bde bar gshegs kyi theg pa'i cho 'phrul de 'dra'o// dran gnas yang dag sbyor dang spong ba bzhi dag dang / rdzu 'phrul rkang pa bzhi dang dbang po stobs rnams dang / rgyal bas bsngags pa'i byang chub yan lag rin chen bdun// lam gyis 'gro bar ldan pa byang chub snying por 'gro// zhi gnas nyon mongs zhi zhing chos la snang bar gyur// rdul dang mun pa stsal nas srid pa gsum na mdzes/ brgya byin dang ni tshangs pas spyi bos phyag byas te/ legs so mtshungs med theg 'dir kun gyis bzhon par bgyi// pha rol phyin pa gang dag sbyin tshul bzod pa dang // btson 'grus bsam gtan shes rab ye shes mngon par shes/ de bzhin thabs dang bsdu ba'i snying
- 132a
po ldan pa ste// bdud rnams brgya stong gis kyang gdul phyir thub pa med// sems can gang dag tshul ngan sdig las brtson pa dang // byang chub sems dpa' gang dag yon tan brgyas 'phags dang // gang dag byang chub sems kyi sems rgya cher gyur pa// kun kyang theg pa mchog la zhugs nas mnyam par mthong // gang dag sna tshogs bsngags dang 'jig rten don dang ldan// gang dag dge chos yang dag 'jig rten 'das gyur pa// slob dang mi slob gang dag rang rgyal rnams kyi dang // sgo der sangs rgyas theg pa che ba'i bdag nyid zhugs// gang dag nyon mongs rnam mang sna tshogs sems dang ldan/ sdug bsngal/ sems can sems can gang dge 'dus byas 'gyur ba// de dag shin tu rab tu zhi bar byed cing 'gro// byang chub sems dpa' theg pa mchog la gnas nas ston// le lo can gyi mi gang mnyam cung zad mthu zhen la// sems can sdug bsngal zad par bya phyir sems mi skyed// bdag bde tshol gyi sems can don la mi brtson pa/ de dag theg pa mchog thos nas ni sems skrag 'gyur// byang chub sems dpa' mkhas bsal bdag nyid chen po gang // brtson 'grus stobs ldan rtag tu sems can
- 132b
don brtson la// snying rje che dang ldan zhing bsam pa bdag gyur pa/ de dag rab tu dga' ba'i sems kyis theg mchog zhon// theg pa mchog rab gya nom gtso bo 'dir gnas ste/ 'jig rten kun gyi spyod rnams mtha' yas ji snyed dang // dbang po tha ma 'bring dang rab dang bsam pa rnams// spyod kun byang chub sems dpa' skad cig tsam la shes// rlabs po che'i theg pa mchog 'dir gnas nas ni// de yi lus kyi yan lag mtshan gyis brgyan par 'gyur// tshig snyan yid du 'ong zhing 'jig rten kun tshim byed// sems yid rnams dag bsam gtan mngon shes ldan par 'gyur// 'di las rgyal rnams kyi sangs rgyas tshul 'di 'chad// 'di las chos tshul gya nom tshul yang rab tu 'bar// 'di las 'gro ba'i sbyin gnas dge 'dun 'byung bar 'gyur// des na sangs rgyas theg 'di 'jig rten gsum du grag// theg pa 'di ni stong pa'i zhing du mi 'gro ste// rgyal ba rnams kyi 'di ni skad cig mi snang 'gro// phyogs bcur song yang yongs su mi skyo 'grib pa med// mtshungs ba med pa'i theg pa cho 'phrul ci 'drar ltos// 'jig rten kun tu bskor kyang gang zhig de 'dra'am// de las lhag par 'gyur ba'i sems can de mi rnyed// byang
- 133a
chub sems dpa' che nyid 'gro ba'i dpa' ba gcig/ theg pa mchog la gnas nas bdud sde skrag par byed// theg pa mchog la gnas nas gzugs dang stobs mthu dang // longs spyod dbang phyug thob cing brgya byin tshangs pa dang // 'khor los bsgyur dang skyong dang gang yang srid gsum na// lha dang mi'i bde skyid sbyin pa thams cad 'thob// theg pa mchog la gnas nas sems zhum brgya lam med// gong ba med la phangs shing phangs pa rnams kyang gtong // byin na zhum pa med cing mig dang mgo btang nas// dga' zhing byams pa'i sems su 'gyur te byang chub 'gro// theg pa mchog la gnas nas de ni skyabs 'gyur te// tshul khrims ldan zhing tshangs par spyod par yongs su dag/ tshul khrims brtul zhugs dka' thub kyis ni nyi zla 'gog/ srid ba dang ni gzugs dang longs spyod ri 'dod mi 'gyur// mi snyan tshigs rnams thos kyang mi 'khro 'khrug mi 'gyur// lus kyi rnam par gtor kyang sems can rjes su srung // bdag lus rnyed snga chos kyi rgyal srid rnyed dka' snyam// theg pa mchog gnas bzod pa dag la 'di 'dra'o// bskal pa brgya phrag mtha'
- 133b
yas ji snyed 'khor gyur pa// de srid du yang ngan song rnams su 'khor byed cing // sems can bsgral ba'i phyir ni brtson 'grus stobs bskyed de// thegs pa mchog la mi gnas pa'i brtson 'grus mthu 'di 'dra// shin tu rab zhi mnyen des bsam gtan cho ga shes// 'gro ba rnams kyi don phyir byams pa'i bsam gtan pa// bsam gtan bde ba de la nam yang mi chags te// dran dang ldan pa 'dren pa rnams la lta bar 'dod// chos rnams thams cad rgyu las 'byung zhing stong par shes// de ni bdag dang sems can chos rnams mi dmigs te// lta ba yongs dag shes rab ldan zhing sems kyang dul// theg pa mchog gnas shes rab dag pa 'di 'dra'o// gang yang bden dang tshad med pa dang bsam gtan bzhi// mngon shes lnga dang sangs rgyas kyi ni yang dag rig/ rton pa bzhi dang chos kyi sbyin pa dam pa rnams// thams cad sangs rgyas theg pa dam pa 'di las byung // gang gis mi dbang sangs rgyas seng ge'i sgra sgrogs pa/ stobs bcu'i sangs rgyas chos rnams mtha' yas gang yin dang // smin mtshams sku dang spyi gtsugs bltar ni mi mthong ba//
- 134a
theg pa mchog la gnas pas snyed pa dka' ma yin// gang gis 'du ba 'dul zhing bsam pa tshim byed pa/ rgyal ba rnams kyi cho 'phrul khyad 'phags gsum gang dang / thub pa'i bstan pa gzhan yang don med mi 'gyur ba// de dag theg pa mchog la gnas nas myur du 'thob// 'jig rten kun na skad kyi rnam pa ji snyed pa// thams cad stobs bcu'i gsung ni 'khrul pa med pa dang // mnyan 'jam yid 'ong don ldan kha na ma tho medadasnga tshangs dang mi ci'i dbyangs 'dra gsung rgya chen pos tshim// de 'dra'i sangs rgyas gsung ni mi ring 'thob 'gyur te// nam mkha'i dkyil tshad sangs rgyas zhing rnams go bar byed// ji snyed cig gis chos don ldan pa'i tshig thos pa// kun gyis nyon mongs thams cad bsal nas bde bar 'gyur/ rdzu 'phrul stobs kyis na mkha'i mtha' mar bgrod par nus// phyogs bcu rnams kyi rgya mtsho'i chu ni tshad byar nus// sems cig gis ni sems can spyod pa mtha' yas shes// sangs rgyas theg pa'i yon tan brjod pas zad mi 'gyur// / le'u brgyad pa'o// // de nas yang
- 134b
bcom ldan 'das kyis/ byang chub sems dpa' blo gros rgya mtsho la bka' stsal pa/ blo gros rgya mtsho de lta bas na/ byang chub sems dpas chos kyi rnam grangs 'di kun tu srung ba dang / sba ba dang / yun ring du gnas par bya ba dang / bdag gi sems yongs su dkar bar bya ba dang / sems can gzhan drag dang gang zag gzhan rnams kyi dbang po mchog dang / mchog ma yin par shes par bya ba'i phyir/ sgo'i tshig dang phyag rgya'i tshig dang / rdo rje'i tshig 'di dag gzung bar bya'o// bzung nas kyang brtag par bya'o// shes rab dang rab tu ldan pa'i sbyor bas nges par bsam par bya'o// blo gros rgya mtsho sgo'i tshig rnams gang zhe na/ 'di lta ste/ rnam par rig pa ni chos thams cad kyi sgo'i tshig ste/ chos rnams dben pa'i don du ston to// a zhes bya ba ni chos thams cad kyi sgo ste/ chos rnams skye ba med pa'i don du ston to// pa zhes bya ba ni chos thams cad kyi sgo ste/ chos rnams don dam pa'i don du ston to// na zhes bya ba ni chos thams kyi sgo te/ chos thams cad kyi ming dang gzugs yongs su shes pa ston to// da zhes bya ba
- 135a
ni chos thams cad kyi sgo ste/ chos rnams dul ba dang zhi ba nyid du ston to// sa zhes bya ba ni chos thams cad kyi sgo ste/ chos rnams chags pa las shin tu 'das par ston to// ta zhes bya ba ni chos thams cad kyi sgo ste/ chos rnams de bzhin nyid kyi rjes su 'gro bar ston to// ka zhes bya ba ni chos thams cad kyi sgo ste/ chos thams cad las kyi rnam par smin pa dang bral bar ston to// sa zhes bya ba ni chos thams cad kyi sgo ste/ chos rnams mnyam zhing khyad par med par ston to// ma zhes bya ba ni chos thams cad kyi sgo ste/ chos kyi tshad snying rje chen por ston to// ga zhes bya ba ni chos thams cad kyi sgo ste/ chos rnams kyi zab cing gting dpag dka' ba nyid ston to// dza zhes bya ba ni chos thams cad kyi sgo ste/ chos rnams dga' shi las shin tu 'das par ston to// da zhes bya ba ni chos thams cad kyi sgo ste/ chos rnams kyi chos kyi dbyings 'dres pa med par ston to// sha zhes bya ba ni chos thams cad kyi sgo ste/ chos rnams la zhi gnas yongs su rdzogs par bya bar ston to// kha zhes bya ba ni chos thams cad kyi sgo ste/ chos rnams kyi nam mkha' dang mtshungs par
- 135b
ston to// kra zhes bya ba ni chos thams cad kyi sgo ste/ chos rnams zad pa dang mi skye bar ston to// nya zhes bya ba ni chos thams cad kyi sgo ste/ chos rnams la ye shes chags pa med pa nyid du ston to// tha zhes bya ba ni chos thams cad kyi sgo ste/ chos rnams kyi gnas dang gnas ma yin pa la mkhas pa ston to// ska zhes bya ba ni chos thams cad kyi sgo ste/ chos rnams kyi phung po yongs su shes par ston to// tha zhes bya ba ni chos thams cad kyi sgo ste/ chos rnams mthar thug pa nyid du ston to// lus dben pa ni chos thams cad kyi sgo ste/ chos rnams 'dod chags dang bral ba'i mthar ston to// sems dben pa ni chos thams cad kyi sgo ste/ chos rnams kyi zhe sdang dang / gti mug 'dul ba ston to// nye bar zhi ba ni chos thams cad kyi sgo ste/ chos rnams chags pa med pa la ston pa nyid du ston to// / tshul bzhin ni chos thams cad kyi sgo ste/ chos thams cad kyi 'byung ba'i mtha' ston to// gnas pa nyid ni chos thams cad kyi sgo ste/ chos thams cad kyi chos kyi dbyings gnas pa ston to// len pa med pa ni chos thams cad kyi sgo ste/ chos thams kyi rnam par grol ba'i mtshan nyid du ston to// yongs su mi 'dzin
- 136a
ba ni chos thams cad kyi sgo ste/ chos rnams la 'thab pa dang rtsod pa 'dor bar ston to// kun nas nyon mongs pa med pa ni chos thams cad kyi sgo ste/ chos rnams rnams par dag pa'i mtshan nyid du ston to// rang bzhi ni chos thams cad kyi sgo ste/ chos rnams 'od gsal ba nyid du ston to// sdang ba ni chos thams cad kyi sgo ste/ chos thams cad gsal ba nyid du ston to// bsgom pa ni chos thams cad kyi sgo ste/ chos rnams kyi 'bral ba ston to// gzhi med pa ni chos thams cad kyi sgo ste/ chos rnams 'dres pa med pa nyid du ston to// byang chub ni chos thams cad kyi sgo ste/ chos rnams dang mnyam pa nyid du ston to// mya ngan 'das pa ni chos thams cad kyi sgo ste/ chos rnams kyi phung po thams cad so sor dor ba ston to// blo gros rgya mtsho sgo'i tshig 'di dag ni/ rang gi sems yongs su dag par 'gyur ba'o// sems can gzhan dag dang gang zag gzhan rnams kyi dbang po mchog dang / mchog ma yin par 'gyur ba'o// blo gros rgya mtsho phyag rgya'i tshig 'di dag gang zhe na/ 'di lta ste/ blo gros rgya mtsho thams cad ni rnam par bya'i phyag rgyas btab
- 136b
pa ste/ gnyis med cing gnyis yongs su dag pa'o// blo gros rgya mtsho chos thams cad ni mtha' dang mtha' yas dang / mtha' med pa las rnam par grol ba'i phyag rgyas btab pa ste/ chad pa dang rtag pa yongs su dag pa'o// blo gros rgya mtsho chos thams cad ni zad pa dang 'dod chags dang bral ba'i phyag rgyas btab ste/ zad pa'i sgo zad pa'i mtha'/ zad pa'i mur thug pa'o// blo gros rgya mtsho chos thams cad ni 'dreg pa med cing bzhag pa med ba'i phyag rgyas btab pa ste/ mnyam pa nyid kyi mtha' yongs su dag pa'o// blo gros rgya mtsho chos thams cad ni na mkha'i phyag rgyas btab pa ste/ mig lnga'i lam las shin tu 'das pa'o// blo gros rgya mtsho chos thams cad ni chos kyi dbyings dang nam mkha'i dbyings kyi phyir/ nam mkha'i phyag rgyas btab ba'o// blo gros rgya mtsho chos thams cad ni chos kyi dbyings su yang dag par 'dul ba'i phyir 'dres pa med pa'i phyag rgyas btab pa'o// blo gros rgya mtsho chos thams cad na chos 'dres pa med pa'i mtshan nyid kyi phyir chos kyi dbyings kyis phyag rgyas btab pa'o// blo gros rgya mtsho chos thams cad sngon gyi mtha'
- 137a
dang phyi ma'i mthar de bzhin nyid kyi phyir/ de bzhin nyid kyi phyag rgyas btab pa'o// blo gros rgya mtsho chos thams cad ni gdod ma nas shin tu yongs su dag pa'i phyir mtha'i phyag rgyas btab pa'o// blo gros rgya mtsho chos thams cad ni 'dus byas dang / 'dus ma byas mnyam zhing mtshungs pa'i phyir stong pa nyid kyi phyag rgyas btab pa'o// blo gros rgya mtsho chos thams cad ni dmigs pa dang tha dad dang bral ba'i phyir mtshan ma med pa'i phyag rgyas btab pa'o// blo gros rgya mtsho chos thams cad ni smon lam thams cad dang bral ba'i phyir/ smon pa med pa'i phyag rgyas btab pa'o// blo gros rgya mtsho chos thams cad ni ngo bo nyid med pa'i mtshan nyid kyi phyir/ mi rtag pa'i phyag rgyas btab pa'o// blo gros rgya mtsho chos thams cad ni phung po lngar yongs su sdu ba'i mtshan nyid kyi phyir/ sdug bsngal gyi rgyas btab pa'o// blo gros rgya mtsho chos thams cad ni rang bzhin gyis bdag med pa'i phyir/ bdag med pa'i phyag rgyas btab pa'o// blo gros rgya mtsho chos thams cad ni shin tu mi g.yo ba'i phyir/ zhi ba'i phyag rgyas btab pa'o// blo gros rgya mtsho chos thams cad ni don dam pa'i bden par yang dag par 'du ba'i phyir/ bden
- 137b
ba'i phyag rgyas btab pa'o// blo gros rgya mtsho chos thams cad ni sa bon mi gnas pa'i phyir/ dri ma med pa'i phyag rgyas btab pa'o// blo gros rgya mtsho chos thams cad ni shin tu thug pa'i phyir/ mi 'khrugs pa'i phyag rgyas btab pa'o// blo gros rgya mtsho chos thams cad ni sngon gyi mtha' dang phyi ma'i mtha' yongs su chad pa'i phyir/ ji lta bzhin gyis phyag rgyas btab pa'o// blo gros rgya mtsho chos thams cad ni khams gsum thams cad ro gcig pa'i phyir dus gsum mnyam pa nyid kyis phyag rgyas btab pa'o// blo gros rgya mtsho chos thams cad ni rang bzhin gyis 'byung ba med pa'i phyir/ mi 'byung ba'i phyag rgyas btab ba'o// blo gros rgya mtsho chos thams cad ni rang bzhin gyis skye ba med pa'i phyir// 'gog pa'i phyag rgyas btab pa'o// blo gros rgya mtsho chos thams cad ni nga rgyal gyis lhag par mi byed pa'i phyir sgro 'dog pa med pa'i phyag rgyas btaba'o// blo gros rgya mtsho chos thams cad ni rnam par rtog pa thams cad kun tu rgyu ba med pa'i phyir/ spros pa med pa'i phyag rgyas btab pa'o// blo gros rgya mtsho chos thams cad ni gzugs med cing bstan du med pa'i phyir/ mtshan gyis mtshan btab pa med
- 138a
pa'i phyag rgyas btab pa'o// blo gros rgya mtsho chos thams cad ni gzhi yang dag par rab tu 'chad pa'i phyir/ gos pa med pa'i phyag rgyas btab 'o// blo gros rgya mtsho chos thams cad ni gnyen po mi dmigs pa'i phyir/ skyon du bya ba med pa'i phyag rgyas btab pa'o// blo gros rgya mtsho chos thams cad ni mngon par 'du bya thams cad med pa'i phyir/ las byed cing rnam par smin pa med pa'i phyag rgyas btab pa'o// blo gros rgya mtsho chos thams cad ni skye ba dang gnas pa dang bral ba'i phyir 'dus ma byas kyi phyag rgyas btab pa'o// blo gros rgya mtsho chos thams cad ni nam mkha'i dkyil dang bye brag med pa'i phyir/ chos thams cad mnyam pa nyid kyi phyag rgyas btab pa'o// blo gros rgya mtsho phyag rgya'i tshig de dag ni phyag rgya'i tshig gang dag gis 'das pa dang / ma 'ongs pa dang da ltar byung ba'i sangs rgyas bcom ldan 'das rnams kyi byang chub kyis phyag rgyas btab ste/ phyag rgya'i tshig de dag gis chos kyi blo brgyad khri bzhi stong phyag rgyas btab bo// blo gros rgya mtsho byang chub sems dpa' phyag rgya de lta bus btab na/ de bzhin gshegs pa'i ye shes kyi phyag rgyar yang dag par 'dra ste/
- 138b
myur du mi skye ba'i chos la bzod pa 'thob bo// blo gros rgya mtsho phyag rgya'i tshig de dag ni/ dge ba'i rtsa ba ma bskyed pa'i sems can rnams kyi rna lam du grags par mi 'gyur ro// 'dis bdud kyi las thams cad tshar gcod do// blo gros rgya mtsho chos thams cad yang dag par 'du ba mi zad pa'i za ma tog gi gzungs gang yin pa de yang phyag rgya'i tshig 'di nyid du 'dus te rjes su zhugs so// blo gros rgya mtsho ting nge 'dzin brgyad khri stong dang / sems can gyi spyod pa la 'jug pa'i pha rol tu phyin pa brgyad khri bzhi stong gang yin pa de dag kyang phyag rgya'i tshig 'di nyid 'dus te rjes su zhugs so// blo gros rgya mtsho de la rdo rje'i tshig de dag kyang gang zhe na/ 'di lta ste/ rang bzhin gyis 'dres pa med pa'i phyir/ 'jig tshogs ni rdo rje'i tshig ste/ rdo rje'i tshig 'di lta ba thams cad nges bar rtogs par 'gyur ba'o// rig pa la 'jug pa'i phyir/ ma rig pa ni rdo rje'i tshig ste/ rdo rje'i tshig 'di ni lhag par dmigs pa'i dngos po yongs su shes par 'gyur ba'o// mngon par 'du byed pa med pa dang / mnyam pa nyid kyi byir/ mtshams med pa'i mtha' ni rdo rje'i tshig ste/ rdo rje'i tshig 'di na
- 139a
mngon par 'du byed pa thams cad yongs su shes par 'gyur ba'o// 'dod chags dang bral ba'i mtha' dang mnyam pa nyid kyi phyir/ 'dod chags kyi mtha' ni rdo rje'i tshig ste rdo rje'i tshig 'di ni 'dod chags dang bral bar 'gyur ba'o// byams pa'i mtha' dang mnyam pa nyid kyi phyir/ zhe sdang gi mtha' ni rdo rje'i tshig ste/ rdo rje'i tshig 'di ni zhe sdang thams cad yang dag par 'jom par 'gyur ro// shes rab kyi snang ba dang mnyam pa nyid kyi/ phyir/ gti mug gi mtha' ni rdo rje'i tshig ste// rdo rje'i tshig 'di mun pa med cing snang bar 'gyur ba'o// sems can thams cad mnyam pa nyid la 'jug pa'i phyir/ sems can thams cad sems gcig pa 'di ni rdo rje'i tshig ste/ rdo rje'i tshig 'di ni sems na thams cad kyi ngo bo nyid rtogs par 'gyur ba'o// / sems can thams cad kyi sems mnyam pa nyid la 'jug pa'i phyir/ sems can thams cad kyi sems rnams sems gcig po 'di ni rdo rje'i tshig ste/ rdo rje'i tshig 'di ni sems rang bzhin gyis 'od gsal bar rjes su rtogs par 'gyur ba'o// de bzhin nyid mnyam pa nyid la 'jug pa'i phyir/ sangs
- 139b
rgyas thams cad sangs rgyas gcig pa 'di ni rdo rje'i tshig ste/ rdo rje'i tshig 'di ni mnyam pa nyid kyi ye shes kyi rjes su rdzogs par 'gyur ba'o// zhing mi zad pa la 'jug pa'i phyir/ zhing thams cad gcig pa 'di ni rdo rje'i tshig ste/ rdo rje'i tshig 'di ni nam mkha' dang mnyam pa nyid kyi rjes su rtogs par 'gyur ba'o// chos thams cad mnyam pa nyid la 'jug pa'i phyir/ chos thams cad chos gcig pa 'di ni rdo rje'i tshig ste/ rdo rje'i tshig 'di ni gnyis su med pa'i chos kyi sgo rjes su rtogs par 'gyur ba'o// thams cad du ye shes kyi rjes su 'gro ba la 'jug pa'i phyir/ chos thams cad sangs rgyas kyi chos 'di ni rdo rje'i tshig ste/ rdo rje'i tshig 'di ni rdo rje lta bu'i ting nge 'dzin rjes su rtogs par 'gyur ba'o// bdud kyi las rjes su rtogs pa la 'jug pa'i phyir/ las thams cad sangs rgyas kyi 'phrin las 'di ni rdo rje'i tshig ste/ rdo rje'i tshig 'di ni bdud kyi las thams cad las shin tu 'da' bar 'gyur ba'o// skad thams cad rjes su rtogs pa la 'jug pa'i phyir/ tshig thams cad de bzhin gshegs pa'i gsungs 'di ni rdo rje'i tshig ste/ rdo rje'i tshig 'di ni
- 140a
chos brjod du med pas rtogs par 'gyur ba'o// 'chi 'pho med pa la 'jug pa'i phyir/ chos thams cad ma skyes pa 'di rdo rje'i tshig ste/ rdo rje'i tshig 'di ni skye ba dang rga ba dang na ba dang / 'chi ba'i lam las shin tu 'da' bar 'gyur ba'o// 'gogs pa med pa la 'jug pa'i phyir chos thams can ma byung ba 'di ni rdo rje'i tshig ste/ rdo rje'i tshig 'di ni chos thams cad skye ba med pa dang / 'gag pa med par 'gyur ro// blo gros rgya mtsho rdo rje'i tshig de dag na mi phyed pa'i tshig/ snying po med pa'i tshig/ mnyam pa med pa'i tshig/ bden pa'i tshig/ brtan pa'i tshig/ tha dad pa med pa'i tshig/ rjes su 'gro ba'i tshig/ rgyun chad pa med pa'i tshig/ zhi ba dang rab tu zhi ba dang / nye bar zhi ba'i tshig dang / skyon du bya ba med pa'i tshig sgro btag pa med pa'i tshig/ 'gro ba med pa'i rtogs pa la 'jug pa'i tshig/ 'gro ba med pa'i tshig/ de kho na'i tshig/ yang dag pa'i tshig/ sangs rgyas dang mi 'gal ba'i tshig chos mi spong ba'i tshig/ dge 'dun yongs su sdud pa'i tshig/ ji lta ba bzhin gyi tshig/ 'khor gsum yongs su dag pa'i tshig
- 140b
byang chub kyi rjes su 'gro ba'i tshig dpa' ba'i tshig/ tshangs pa'i tshig/ g.yo ba med pa'i tshig/ nam mkha' dang mnyam pa'i tshig/ mtshan ma med pa'i tshig/ chos kyi mtshan nyid// mtshan nyid med pa'i tshig/ sems dang yid dang / rnam par shes pa la mi gnas pa'i tshig/ bdud dang phyir rgol ba bcom pa'i tshig/ dag cing dri ma med pa 'od gas pa'i tshig/ byang chub la rnam par lta ba'i tshig/ shes rab kyi snang ba'i tshig/ mun pa med cing gsal ba'i tshig/ shin tu skye ba med cing 'gag pa med pa'i tshig/ rang gi yul yongs su dag pa'i tshig/ sangs rgyas kyi yul la 'jug pa'i tshig/ mi rtog cing rnam par mi rtog la yongs su mi rtog pa'i tshig/ chos kyi dbyings 'dres pa med pa'i tshig/ gnas pa med pa'i gnas la 'jug pa'i tshig rnams so// blo gros rgya mtsho rdo rje'i tshig de dag byang chub sems dpa' gang gis nges par rtog pa'i don du khong du chud pa de/ byang chub kyi snying por gnas te/ seng ge'i khri la 'dug pa'o// zhes nga smra'o// bcom ldan 'das kyis sgo'i tshig dang / phyag rgya'i tshig dang / rdo rje'i tshig 'di bshad pa na/ byang chub sems dpa' brgyad stong /
- 141a
gis chos thams cad kyi phyag rgya'i sgo la 'jug pa'i gzungs thob par gyur to// sems can thams cad kyi bsam pa mnyam pa nyid la 'jug pa zhes bya'i ting nge 'dzin kyang thob po// de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po de dag gis bstan pa 'di thos nas tshim zhing mgu ste/ yid rangs nas mngon par shes pa'i rdza 'phrul gyi stobs kyis/ sangs rgyas kyi zhing gang dang gang nas lhags dag 'di lta ste/ bcom ldan 'das la mchod pa dang / chos kyi rnam grangs 'di yang yun ring du gnas par bya ba'i phyir sangs rgyas kyi zhing de dag na me tog dang / spos dang 'phreng ba dang / byug pa ci 'dra ba yod pa de 'dra ba'i me tog dang / spos dang 'phreng ba dang / byug pa dag char chen po mngon bar phab bo// de dag gis bcom ldan 'das la mngon par mchod pa byas nas/ sgra skad dang ro gcig gis bcom ldan 'das la mngon par stod pa/ gzugs kyi/ mtshan nyid mtshan zhig med gzigs pa// mtshan nyid gcig gis mtshan gzhi bral ston pa// mtshan kun mtshan gzhi ma mchis mtshan gzhi mnyam// yang dag mnan
- 141b
gnas khyod la phyag 'tshal lo// sems can kun gyi skad dang sgra la zhugs// skad la zhugs pa'i ye shes de la 'ang zhugs// sgra skad dbyangs rnams kun/ las rnam par grol// sems grol mnyam pa'i sems la phyag 'tshal lo// sems kyi rgyu ba rgya chen ci mchis pa// sgyu ma'i sems mnyam nyid thugs su chud// rab tu mi rgyu rgyu mnyam rgyu mi mnga'// mkha' 'dra'i thugs dang ldan la phyag 'tshal lo// mchis dang ma mchis mtha' dang mtha' ma lags/ chos dang chos min yongs rtog rnam rtog mnyam// sems dang yid rnams thams cad nye bar zhi// sems yid zhi bar gyur la phyag 'tshal lo// rgyu dang / rkyen dang bya ba rnams kyang mkhyen// rgyu las byung ba'i rim pa'ang gsung par mdzad/ rgyu dang rkyen ni rnam grol mtha' ba ste// yang dag mtha' dang mnyam pa rab tu mkhyen// 'dir ni thams cad mnyam pa'i gzugs su bzhugs// bde gshegs sku ni sku ma lags par mthong // khyod kyi thugs ni rnam rtog mi 'gyur bar/ khyod kyi rgya chen gzugs ston gzugs ma mchis phyogs na rgyal ba'i zhing rnams ji sprod pa// zhing rnams thams cad zhing 'dir rab zhugs kyang /
- 142a
zhing 'dir rnam par 'phel ba ma mchis la// de nas ma g.yos 'phos pa'ang mchis ma legs// sems kun sems ma mchis par mnyam pa'i sems// sems ni sgyu ma 'gyur dang rtogs ma mchis// byang chub sems ni mnyam nyid thugs su chud// des na sangs rgyas mnyam pa'i chos la gnas// chos dbyings mnyam pa'i dbyings la rab tu zhugs// chos rnams thams cad dngos po 'jug ma mchis// dngos dang dngos med chags bral chags mnyam pa// 'gro ba'i don mdzad khyod la phyag 'tshal lo// gdugs dang dgung zla dog sar ltung yang gda'// bser ma zhags pas gzung du rung yang gda'// ri rgyal kha'i dbugs kyis gtor du rung // rgyal ba'i gsung ni log par gzung mi mnga'// yang dag kho na gsung can yongs su dag/ thugs dag nam mkha' 'dra ba'i thugs mnga' ba// 'jig rten chos dang rnyed dang des pa bskyal// pad ma lta bur srid gsum chags mi mngara'// bsngags pa'i phred pa gsan kyang dgyes mi 'gyur// smad pa gsan kyang zhe sdang yongs mi mnga'// ri rab lta bur yongs su rtog las grol// 'grol ba bde stsol khyod la bya/
- 142b
'tshal lo// de nas byang chub sems dpa' sems dpa' chen po de dag gis// bcom ldan 'das la tshigs su bcad pa de dag gis mngon par bstod nas bcom ldan 'das la 'di skad ces ces gsol to// bcom ldan 'das sangs rgyas byang ba ni rin po che byung ba'o// bcom ldan 'das sangs rgyas byung ba ni bde ba byung ba'o// dran pa byung ba'o// blo gros byung ba'o// rtogs pa byung ba'o// ngo tsha shes pa byung ba'o// mos pa byung ba'o// sbyin pa byung ba 'o/ tshul khrims byung ba'o// bzod pa byung ba'o// brtson 'grus byung ba'o// bsam gtan byung ba'o// shes rab byung ba'o// bcom ldan 'das sangs rgyas byung ba ni/ byams pa byung ba'o// snying rje byung ba'o// dga' ba byung ba'o// btang snyoms byung ba'o// don byung ba'o// bden pa byung ba'o// chos byung ba'o// bcom ldan 'das sangs rgyas byung ba ni yang dag par dga' bar 'gyur ba'i chos 'byung ba'o// dran pa nye bar gzhag pa byung ba'o// yang dag par spong ba byung ba'o// rdzu 'phrul gyi rkang pa byung ba'o// dbang po byung ba'o// byang chub kyi yan lag byung ba'o// lam byung ba'o/ zhi gnas sa pa nga
- 143a
dang lhag mthong byung ba'o// mngon par shes pa byung ba'o// rig pa byung ba'o// rnam par grol ba byung ba'o// bcom ldan 'das sangs rgyas byung ba ni// mi dge ba'i chos thams cad spong ba dang / dge ba'i chos thams cad byung ba'o// de nas byang chub sems dpa' sems dpa' chen po shes rab brtsegs shes bya ba 'khor de nyid du 'dus par gyur te/ 'dug pa des bcom ldan 'das la 'di skad ces gsol to// bcom ldan 'das kyis gsungs pa'i don ji ltar bdag gis 'tshal ba ltar na/ bdag 'di snyam bgyid de/ bcom ldan 'das 'di ltar sangs rgyas byung ba ni 'jig tshogs la lta ba byung ba'o// bcom ldan 'das sangs byung ba ni ma rig pa dang / srid pa dang / srid pa byung ba'o// sangs rgyas bcom ldan 'das byung ba ni 'dod chags dang zhe sdang dang gti mug byung ba'o// bcom ldan 'das sangs rgyas byung ba ni phyin ci log bzhi byung ba'o// bcom ldan 'das sangs rgyas byung ba ni sgrib pa lnga byung ba'o// bcom ldan 'das sangs rgyas byung ba ni skye mched drug byung ba'o// bcom ldan 'das sangs rgyas byung ba ni rnam par shes pa'i gnas bdun byung ba'o// log pa brgyad byung ba'o// gnod
- 143b
ba'i dngos po dgu byung ba'o// bcom ldan 'das sangs rgyas byung ba ni skye mched bcu'i las kyi lam byung ba'o// de ci'i sla du zhe na/ bcom ldan 'das sdig pa mi dge ba'i chos de dag spang ba'i slad du/ sangs rgyas byung ba lags kyi/ bcom ldan 'das sangs rgyas byung ba gnyen pos rab tu phye ba ni ma lags ste/ bcom ldan 'das sangs rgyas 'byung ba ni gnyen po dang bral ba'o// bcom ldan 'das sangs byung ba'i rjes su mchi bar 'tshal ba'i byang chub sems dpas rjes su 'gro ba ma mchis pa'i tshul gyis de ltar/ sangs rgyas 'byung ba'i rjes su mchi bar bgyi'o// bcom ldan 'das kyis bka' stsal pa/ rigs kyi bu de de bzhin no// ji skad smras pa bzhin te/ rjes su 'gro ba med pa'i tshul gyis/ sangs rgyas su byung ba'i rjes su 'gro bar bya ste/ sangs rgyas byung ba la ji lta ba bzhin du chos thams cad byung ba'i rjes su 'gro bar bya'o// de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das pas dang po pa'i byang chub sems dpa' rnams kyis ni sangs rgyas 'byung ba 'di lta bu 'di ma 'tshal ra/ bcom ldan 'das de dag la sangs rgyas 'byung ba lta ma mchis sam/ bcom
- 144a
ldan 'das kyis bka' stsal pa/ blo gros rgya mtsho ji ltar sems yongs su dag pa bzhin du/ de dag la 'ang sangs rgyas 'byung ngo // de ci'i phyir zhe na/ blo gros rgya mtsho byang chub sems dpa' ni bzhi po 'di dag ste/ bzhi gang zhe na 'di lta ste/ sems dang po skyed pa'i byang chub sems dpa' dang / spyod pa la zhags pa dang / phyir mi ldog pa dang / skye ba cig gis thobs pa'i byang chub sems dpa' ste/ blo gros rgya mtsho byang chub sems dpa' bzhi po dag go// blo gros rgya mtsho de la sems dang po bskyed pa'i byang chub sems dpa' gang yin pa des ni/ de bzhin gshegs pa la gzugs dang mtshan du mthong ngo // spyod pa la zhugs pa'i byang chub sems dpa' gang yin pa des ni/ de bzhin gshegs pa la yon tan yongasu grab par mthong ngo // phyir mi ldog pa'i byang chub sems dpa' gang yin pa des/ de bzhin gshegs pa la chos kyi skas rab ta bye bar mthong ngo // blo gros rgya mtsho skye ba gcig gis thogs pa'i byang chub sems dpa' gang yin pa de ni/ de bzhin gshegs pa la gzugs dang mtshan dang yon tan yod su grub pa dang / skye ba dang rigs dang rus dang chos nyid du khas mi len to// de ci'i phyir zhe na/ de'i mig ni shes rab kyis rnam par lta ba'o// shes rab la gnas pa'o//
- 144b
shes rab tu yang dag par 'du bya'o// shes rab kyang rgyu ba med pa spros pa med ste/ de ni mthong ba ma yin/ mi mthong ba yang ma yin no// de ci'i phyir zhe na/ mthong ba yang ma yin/ mi mthong ba de gnyis ga mtha' ste/ mthong ba dang mi mthong ba'i mtha' gnyis dang bral ba ni sangs rgyas mthong ba'o// sangs rgyas mthong ba de bdag mthong ba ste/ bdag mthong ba rnams par dag pas/ sangs rgyas mthong ba rnam par dag/ sangs rgyas mthong ba rnam par dag pas/ chos thams cad mthong ba rnam par dag par khong du chud par bya'o// gang mthong ba rnam par dag pa de la ye shes mthong ba 'di ni sangs rgyas mthong zhes bya'o// blo gros rgya mtsho ngas kyang de bzhin gshegs pa mar mi mdzad de ltar mthong ste/ mthong ma thag tu ngas thob pa med pa dang / mi dmigs pa'i tshul gyis/ mi skye ba'i chos la bzod pa thob po// bzod pa thob ma thag du sa las shing ta la bdun du 'phags te// nga nam mkha'i dkyil de la gnas nas/ thams cad mkhyen pa'i ye shes kyi 'byor pa la rnam par brtags/ lta bar gyur pa thams cad yang dag par chad/ rtog pa dang rnam par rtog pa dang / yongs
- 145a
su rtogs pa thams cad las shin tu 'das shing / rnam par shes pa la thams cad la mi gnas te/ ting nge 'dzin drug khri mngon sum du gyur nas/ bcom ldan 'das de bzhin gshegs pa mar me mdzad des nga la bram ze'i khye'u khyod ma 'odra ba'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung ston to// lung bstan pa'i bstan pa de yang nga'i rna ba'i dbang po la grag par yang ma gyur/ ye shes gzhan du rig par yang ma gyur/ nga kun tu rmongs par yang ma gyur dmigs par lta ba la gnas pa yang med/ nga sangs rgyas la sangs rgyas su 'du shes pa yang med/ bdag la bdag tu 'du shes pa yang med// lung bstan pa'i bstan pa la yang lung bstan par 'du shes pa yang med par gyur to// blo gros rgya mtsho 'di ni byang chub sems dpa'i 'khor gsum yongs su dag pa'i lung gang la sangs rgyas su 'du shes pa med pa dang / bdag tu 'du shes pa med pa dang / lung bstan pa'i bstan par 'du shes pa med pa 'di ni
- 145b
'khor gsum yongs su dag pa zhes bya'o// blo gros rgya mtsho gzhan yang 'khor gsum yongs su dag pa gang zhe na/ gang la 'dzin pa med pa med pa dang / sems can du 'dzin pA dang / chos su 'dzin pa med pa'o// gzhan yang 'khor gsum yongasu dag pa ni/ gang la ming du 'dzin pa med pa dang / gzugs su 'dzin pa med pa dang / dmigs par 'dzin pa med pa'o// gzhan yang 'khor gsum yongs su dag pa ni/ 'das/ pa la zad par 'du shes pa dang / ma 'ongs pa la ma phyin par 'du shes pa dang / da ltar byung ba la gnas pa med par shes pa'o// gzhan yang 'khor gsum yongs su dag pa ni/ lus la gzugs garnyan lta bur shes pa dang / ngag la brag chag lta bur shes pa dang / sems la sgyu ma lta bur shes pa'o// gzhan yang 'khor gsum yongs su dag pa ni// phung po rnams la chos kyi phung po dang / mnyam pa nyid dang khams rnams la chos kyi dbyings dang / mnyam pa nyid dang / skye mched rnams la grong stong pa lta bur so sor rtog pa'o// gzhan yang 'khor gsum yongs su dag pa ni// stong pa nyid la mos pa dang / mtshan ma
- 146a
med pa la yid ches pa dang / smon pa med pa la som nyi med pa ste/ blo gros rgya mtsho 'khor gsum yongs su dag pa 'di ni/ chos thams cad yongs su dag par 'gyur ba'o// blo gros rgya mtsho de lta bas na/ byang chub sems dpas 'khor gsum yongs su dag pa'i ye shes la mkhas par bya'o// / 'phags pa blo gros rgya mtshos zhus pa// bam po brgyad pa'o// de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das ci tsam du slar mi ldog pa'i byang chub sems dpa' chos zab mo 'chal pa dang ldan pa ni ngo mtshar to// bcom ldan 'das chos 'tshal pa 'di lta bu dang ldan pa'i byang chub sems dpa' yongs su bsngo ba la mkhas pa ci 'dra ba lags/ de skad ces gsol ba dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal pa/ blo gros rgya mtsho 'di la gnas pa'i byang chub sems dpa' rnams sngon gyi shugs kyi bya ba byed de/ de dag gang gis tshe mnyam par ma bzhag par gnas pa de'i tshe/
- 146b
sngon pangs pa'i yongs su bsngo ba 'di brgya lam na chud za bar mi 'gyur ro// blo gros rgya mtsho de'i phyir skyes bu mkhas pa kha cig dpe bstan pas bshad pa'i don/ shes par 'gyur bas khyod la dpe bya'o// blo gros rgya mtsho 'di lta ste dper na/ gang gi tshe bu ram shing gi zhing ngam/ 'bras sa lu'i zhing ngam/ dgun gyi zhing snang sga la byas par gyur pa de la mi zhig gis rnang thams cad la yur ba ci rigs par gtong nas/ dka' nas chu bab ste/ yur bar bor nas nyal ba dang / de nas mi de nya la yang yur ba ji ltar btod pa bzhin du chu 'bab ste/ de la mi de brtson par mi dgos shing bsgrib mi dgos par rnang thams cad chus gang bar 'gyu ro// blo gros rgya mtsho de bzhin du byang chub sems dpa' mnyam par ma bzhag kyang dge ba'i rtsa ba de dag sems can thams cad kyi rgyud rnams la yongs su sngo bar byed de/ thabs kyis dngos po ji lta ba bzhin du dge ba'i rtsa ba de dag sangs rgyas kyi chos thams cad kyi phyir yongs su sngo'o// de bsam pa shin tu yongs su dag cing / tshul khrims kyi phung po kun tu srungs pa'i phyir/ mnyam par bzhag par gnas kyang dge ba'i rtsa ba de dag sangs rgyas kyi chos thams cad kyi phyir yongs su sngo zhing /
- 147a
smon lam legs par btab pa'i phyir/ sems can thams cad kyi rgyud rnams rlan par byed do// blo gros rgya mtsho khyod kyis rnam grangs 'dis kyang / ji ltar byang chub sem dpa' mnyam par gzhag pa las langs kyang rung ste/ dge ba'i rtsa ba rnams sngon shin tu bangs pa dang / sems las su rung ba dang / dran pa mi g.yengs pa dang / theg pa dman pa dang / bral ba dang / theg pa chen por smon lam btab pa'i phyir dge ba'i rtsa ba rnams brgya lam na yang thams cad mkhyen par yongs su mi sngo mi srid par 'di ltar rig par bya'o// blo gros rgya mtsho 'di lta ste/ dper na/ ri sul chen po zhig na/ shing zhig skyes par gyur la/ de mi zhig gis rtsa ba nas gcad par brtsams nas/ de chod ma thag tu gang du yo ba dang / gang du phyogs pa der 'gyel to// blo gros rgya mtsho de bzhin du byang chub sems dpa' yang yun ring po nas thams cad mkhyen pa nyid la gzhol// thams cad mkhyen pa nyid la 'bab pas/ dge/ ba'i rtsa ba thams cad stsogs te/ brtsegs nas kyang thams cad mkhyen pa nyid du yongs su sngo bar byed/ sems cad thams cad yongs su bskyab pa'i
- 147b
phyir yongs su sngo bar byed/ dkon mchog gsum gyi rigs mi chad par bya ba'i phyir yongs su sngo bar byed/ lus kyi rgyan dang / mtshan dang / dpe byad bzang po/ yongs su rdzogs par bya ba'i phyir yongs su sngo bar byed/ tshig gi rgyan dang / chos bstan pa don yod par bya ba'i phyir/ yongs su sngo bar byed/ sems kyi rgyan dang / sangs rgyas rjes su dran pa'i ting nge 'dzin las mig g.yeng bar bya ba'i phyir/ yongs su sngo bar byed de/ de sgrib pa med cing lhun gyis grub par dge ba'i rtsa ba thams cad mkhyen pa nyid du yongs su sngo'o// sngon thabs mkhas pas yongs su bsngos pa des/ theg pa gzhan du mi ltung zhing mnyam pa bzhag kyang rung / langs kyang rung ste/ brgya lam na yang byang chub kyi phyogs kyi chos rnams bsgom pa yongs su rdzogs par mi 'gyur mi srid do// blo gros rgya mtsho 'di lta ste dper na/ dge slong 'gogs pa la snyoms par 'jug pa'i tshe mgan 'di'i sgra la gnas par bya'o// snyoms par zhugs na ma gan 'di'i sgra de'i 'gog pa la yang mi gnas ma 'brel mod kyi/ 'gan 'di'i sgra des 'gog pa las ldang ngo // blo gros rgya mtsho de bzhin du byang chub sems dpa' yang
- 148a
sems can thams cad rab tu thar bar bya ba'i phyir/ snying rje chen po la gnas par bya ste/ bdag gis sems can thams cad yongs su bskyab par bya/ yongs su dgrol bar bya'o zhes byang chub kyi rnam pas mngon par bsgrubs pa'i byams pa sems can thams cad khyab par byas nas// zab pa zab mor snang ba/ sems dang yid dang rnam par shes pa mi rgyu ba'i ting nge 'dzin la snyoms par zhugs kyang / de sngon sems can rab tu thar par bya ba'i snying rje chen po la gnas pa de dag dang ldan pas nyan thos kyi sar mi ltung / rang sangs rgyas kyi sar mi ltung ste/ dran pa dang shes bzhin gyis ting nge 'dzin de las langs nas/ yang byang chub kyi phyogs kyi chos rnams yang dag par sgrub cing / sems can rnams kyang yongs su smin par byed do// / blo gros rgya mtsho 'di ltar zhi ba'i ting nge 'dzin la snyoms par zhugs kyang / nyan thos kyis rnam par grol ba 'am/ rang sangs rgyas kyi rnam par grol bar mi ltung ba byang chub sems dpa' rnams kyi yongs su sbyang ba byed pa'i khyad par la ltos/ blo gros rgya mtsho 'di lta ste dper na/ mi gnyis shig yod la/ de
- 148b
la gcig ni bdag rdo rje'i go cha dgos nas me 'bar ba'i nang du mtshungs/ mi cig shos ni bdag rtsa dang sog ma'i go cha dgos nas me 'bar ba'i nang du mchongs nas blo gros rgya mtsho 'di ji ltar ji snyam du sems/ mi de gnyis las gang tshig par 'gyur/ gang tshig par mi 'gyur/ gsol pa/ bcom ldan 'das mi gang rdo rje yi go cha 'tshal nas/ zhugs 'bar ba'i nang du mchongs pa de ni rdo rje'i go cha des yongs su bsrungs pas/ zhugs kyi nang du mchis kyang mi tshig go// bcom ldan 'das mi gang rtsa dang sogs mi'i go cha 'tshal nas/ zhugs 'bar ba'i nang du mchongs pa de ni/ der mchongs ma thag tu tshig par 'gyur ro// de ci'i slad du zhe na/ bcom ldan 'das ran dang sog ma ni 'tshig pa'i bdag nyid lags te/ zhugs kyi 'tshig pa bsrungs mi bzod do// bcom ldan 'das kyis bka' stsal pa/ blo gros rgya mtsho ji ltar rdo rje'i go cha bgos pa'i mi de me'i nang du yang mi tshig pa de bzhin du/ byang chub sems dpa' byams pa chen bo dang / snying rje'i go cha dang / lhag pa'i bsam pa sra ba'i rdo rje'i go cha bgos nas/ sems can rab tu thar par bya bar dmigs pa la gnas te/ chos
- 149a
thams cad la stong pa nyid dang / mtshan med pa dang / smon pa med pa dang / mngon par 'du mi byed pa dang / ma skyes pa dang / ma byung bar yang rtog pa yang btang la/ zhi ba'i ting nge 'dzin de la yang snyoms par 'jug cing / nyan thos dang rang sangs rgyas kyi de bar gyur ba la yang ma 'jug/ 'bras bu thob par yang mi byed par ting nge 'dzin de yang myong zhing zil gyis mnan te yang ma nyams ma snad par ldang ngo / langs nas kyang sangs rgyas kyi zhing yongs su sbyong / sangs rgyas kyi ye shes yongs su rdzogs par byed do// blo gros rgya mtsho ji ltar rtswa dang sog ma'i go cha bgos ba'i mi mchongs ma thag tu mes tshig par 'gyur ba de bzhin du/ blo gros rgya mtsho nyan thos kyi theg pa pa'i gang zag 'khor bas 'jigs skrag pa/ srid bra la kun tu 'bar ba'i lta ste/ sems can rnams yal bar bor nas snying rje chen po dang bral te/ zhi ba zhi ba'i ting nge 'dzin la reg nas gnas ma yin zhing go skabs med do// gang brgyad pa 'bras bu mthob par ldang ba de ni gnas med do// de ci'i phyir zhe na/ nyan thos ni bsod nams dang // ye shes
- 149b
kyi tshogs ma brtsegs pa'i phyir ro// byang chub sems dpa' ni bsod nams dang ye shes kyi tshogs tshad med pa bsngags pa ste/ de ni sangs rgyas kyi chos thams cad yongs su ma rdzogs kyi bar du/ bar skabs su yang dag pa'i mtha' mngon sum du byed do/ blo gros rgya mtsho de lta bas na/ byang chub sems dpa' sa stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma byung ba'i chos thams cad med 'bar ba lta bu'i 'du shes bskyed la/ chos de dag shes pa la yang rnam par dpyad par bya zhing yang dag pa'i mtha' mngon sum du mi bya'o// blo gros rgya mtsho de lte bas na/ byang chub sems dpas yongs su bsngo ba la mkhas par bya'o// blo gros rgya mtsho yongs su bsngo ba la mkhas pa'i byang chub sems dpa' ni chos zab mo rnams la yang spyod la/ bar skabs su yang dag pa'i mtha' mngon sum du mi byed do// blo gros rgya mtsho yongs su bsngo ba zhes bya ba ci la bya zhe na/ 'di lta sa theg pa chen po de nyid la sems gzhol ba dang / 'dun
- 150a
pa dang / mngon par phyogs pa dang / yongs su phyogs pa ste/ theg pa gzhan ma yin pa'o// de'i phyir yongs su bsngo ba zhes bya'o// blo gros rgya mtsho 'di lta ste/ dper na/ rdza mkhan gyis 'jim pa'i gong bu 'khor lo'i steng du bzhag kyang / ma bskor na/ snod kyi ming mi thob ste/ 'jim pa gong bu nyid kyi grangs su 'gro'o// gang gi tshe bskor bar gyur pa de'i tshe/ snod kyi ming 'thob bo// blo gros rgya mtsho de bzhin du/ byang chub sems dpas dge ba'i rtsa ba shin tu mang po bstsags pa yang thams cad mkhyen pa nyid du yongs su ma bsngos na/ pha rol tu phyin pa'i ming mi thob kyi/ gang gi tshe thams cad mkhyen pa pa nyid du yongs su bsngo bar gyur pa de'i tshe/ pha rol tu phyin pa'i ming 'thib bo// blo gros rgya ma 'di lta ste dper na/ gser du la ma'i bar bu yongs su ma bsgyur na/ rgyun gyi ming gi rbon ste gsor gyi gar bu nyid kyi grangasu 'gre'o// de nyid yongs su bsgyur na/ rgya gyi ming 'dza groblo gros rgya mtsho de bzhin du byang chu
- 150b
sems dpa'i dge ba'i rtsa ba yang yongs su ma bsngos na/ pha rol tu phyin pa'i ming mi 'thob kyi/ de nyid yongs su bsngos na pha rol tu phyin pa'i ming 'thob bo// blo gros rgya mtsho de lta bas na/ byang chub sems dpas rtag par rgyun tu 'dres pa med pa'i yid kyis dge ba'i rtsa ba brtsegs shing brtsegs pa rnams thams cad mkhyen pa nyid du yongs su bsngo bar bya'o// thams cad mkhyen pa nyid du yongs su bsngos pa'i byang chub sems dpa' ni chos zab mo rnams la yang spyod la// bar skabs su yang dag pa'i mtha' mngon sum du mi byed do// // yongs su bsngo ba'i le'u zhes bya ste dgu pa'o// de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das byang chub sems dpa' gang 'khrul pa 'di snyed cig srung yang 'khrul par mi 'gyur ba ni bgyir dka' bgyid pa'o// bcom ldan 'das de lta lags kyis kyang byang chub sems dpa' thams cad yongs su bsngo ba la mkhas pa dang / thabs la mkhas pa 'tshal bar bgyi'o// de ci'i slad du zhe na/ bcom ldan 'das thangs kyis ni
- 151a
byang chub sems dpa' bsam gtan dang / rnam par thar pa dang / ting nge 'dzin dang snyoms par 'jug pa la snyoms par zhugs kyang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyis 'khrul par mi 'gyur te/ thabs mkhas pa des bgyi ba thams cad kyang ston la/ bgyi bar ltung bar yang mi 'gyur/ chos mnyam pa nyid la yang gnas la/ sems can log pa nyid du mchis pa rnam la yang dag pa nyid du nges par gyur pa'i slad du chos kyang ston cing / bsam pa yongs su ma rdzogs kyi bar du bdag nges par gyur pa der yang mi ltung ngo // de skad ces gsol ba dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to// blo gros rgya mtsho de de bzhin no// ji skad smras pa bzhin te/ byang chub sems dpas thams cad du thabs mkhas pa 'dod par bya'o// de ci'i phyir zhe na// blo gros rgya mtsho thabs la mkhas pa'i byang chub sems dpa' la byang chub yod kyi/ thabs la mi mkhas pa la ni byang chub med do// blo gros rgya mtsho 'di lta ste/ dper na snod cig gi nang du tshon sna gsum ste/ sna gcig ni kha dog sngon do//
- 151b
sna gcig ni kha dog dmar po// sna gcig ni gser gyi kha dog lta bu ser po blugs la/ tshon gyi snod gcig por der ras kha bsgyur ba gsum ste/ cig ni ras shog po yug ser po kha bsgyur ba gcig ni ras phran yug dmar po kha bsgyur ba cig ni ras bcos bu rin thang med pa ser por gser gyi kha dog lta bur kha bsgyur ba zung cig bcug la/ de dag snod cig gi nang du bcug ste/ bsgrubs ni ji lta kha bsgyur ba'i bye brag bzhin du tshon 'dzin te/ gang tshon sngon pos kha bsgyur ba de ni kha dog sngon por 'gyur/ gang tshon dmar pos kha bsgyur ba de ni kha dog dmar por 'gyur/ gang tshon ser po gser lta bus kha bsgyur ba de ni kha dog gser lta bur 'gyur yang snod de la ni rnam par rtog par 'gyur ba gang yang med do// blo gros rgya mtsho de bzhin du stong pa nyid dang / mtshan ma med pa dang / smon pa med pa'i snod cig la gang zag gsum ste/ gcig ni nyan thos kyis theg pa pa gcig ni rang sangs rgyas kyi theg pa ba/ gcig ni theg pa chen po la yang dag par zhugs pa/ btsung ba de dag btsud pa dang / gang gis ci 'dra ba'i bsam pa dang / sems kyi tshon bstsags pa de 'dra bar de ye shes kyi tshon yongs su lan
- 152a
kyang / stong pa nyid dang / mtshan ma med pa dang / sbron pa med pa'i snod la ni rnam par rtog pa gang yang med do// de la ras shog po'i yug lta bur ni nyan thos kyi theg pa blta'o// ras bran gyi yug lta bur ni/ rang sangs rgyas kyi theg pa pa blta'o// rin thang med pa'i ras bcos bu'i zung lta bur ni theg pa chen po la yang dag par zhugs pa ltas/ blo gros rgya mtsho chos rnams ni snying po med pa/ byed pa po med pa/ bdag med pa/ sems can med pa/ srog med pa/ gang zag med pa/ bdag po med pa ste/ 'di ltar ji ltar 'dod pa de ltar rnam par sgrub ste/ rnam par sgrubs kyang / sems pa ma yin/ rab tu rtog pa ma yin pa la lta'o// blo gros rgya mtsho chos rnams bsgrub pa 'di la mos pa'i byang chub sems dpa' ni/ chos gang la yang yongs su skyo ba mi bskyed do// de de ltar ye shes mthong ba shin tu rnam par dag pa yin te/ 'dir gang la yang phan pa 'am/ gnod pa mi byed do// de ltar chos rnams kyi chos nyid yang dag pa ji lta ba bzhin du rab tu shes pa ni snying rje chen po'i go cha de yang mi 'dor ro// blo gros rgya mtsho 'di lta ste dper na/
- 152b
nor bu rin po che bai DUr+ya rin thang med pa shin tu byung ba/ shin tu rnam par dag pa/ shin tu dri ma med pa/ rdzab kyi nang du bcug nas/ lo stong lon pa/ de lo stong 'das nas rdzab de nas phyung ste/ bkrus shing yongs su sbyangs te/ byi dor byas na shin tu dag cing / shin tu yongs su dag la shin tu byang nas/ de nyid dag pa dri ma med pa'i nor bu rin po che'i rang bzhin mi 'dor ro// blo gros rgya mtsho byang chub sems dpa' yang sems can thams cad kyi sems rang bzhin gyis 'od gsal bar rab tu shes so// de yang glo bur gyi nye ba'i nyon mongs pas/ nyon mongs pa can du byas par mthong ngo // de la byang chub sems dpa' 'di snyam du sems te// nyon mongs pa 'di dag ni/ sems can rnams kyi sems rang bzhin gyis 'od gsal ba zhugs pa med kyi/ nyon mongs ba de dag ni yang dag pa ma yin pa kun brtags pa las byang du zad pas bdag gis sems can de dag gi/ nyon mongs blo bur gyi nyon mongs pa spangs pa'i phyir chos bstan nus so// snyam nas de zhum pa'i sems mi skyed do// de de bas kyang shas cher sems can thams cad rab tu thar bar bya ba'i sems bskyed pa skyedado//
- 153a
de yang 'di snyam du sems te// nyon mongs pa de dag la ni stobs dang mthu cung zad kyang med de/ nyon mongs de dag ni stobs med pa nyam chung ba dag go// de dag ni yang dag pa la chung zad kyang mi gnas kyi/ nyon mongs pa de dag ni yang dag pa ma yin pa/ kun brtags pa dag ste/ de dag la yang dag pa ji lta ba bzhin du/ tshul bzhin yid la byed pas brtags na/ 'khrugs par mi 'gyur bas bdag gis de dag la ci nas kyang 'dre bar mi 'gyur ba de ltar de ltar brtag par bya'o// nyon mongs pa rnams dang mi 'dre ba ni legs pa yin gyi/ 'dre ba ni ma yin no// gal te bdag nyon mongs pa rnams dang 'dre bar gyur la// nyon mongs pa'i bcings bI sems can rnams kyi nyon mongs pa'i bcing ba spang ba'i phyir/ ji ltar chos bstan gyis/ bdag nyon mongs pa rnams dang mi 'dre bar byas la/ nyon mongs pa'i bcing ba spang ba'i phyir/ sems can rnams la chos bstan par bya'o// bdag sems can yongs su smin par bya ba'i phyir// gang dag 'khor ba'i rgyur byed la/ dge ba'i rtsa ba dang / mtshungs par ldan nyon mongs pa de dag ni 'dre bar bya'o snyam mo//
- 153b
'khor ba'i rgyun byed la/ dge ba'i rtsa ba dang mtshungs par ldan pa'i nyon mongs pa de dag gang zhe na/ 'di lta ste/ bsod nams kyi tshogs yongs su bstsal bas mi ngoms pa dang / bsams bzhin du srid par skye ba yongs su 'dzin pa dang / sangs rgyas dang phrad par smon pa dang / sems can yongs su smin par bya ba la yongs su mi skyo ba dang / dam pa'i chos yongs su 'dzin pa la brtson pa dang / sems can bya ba ci yod snyam pa la spro ba dang / chos 'dod pa'i bag la nyal mi 'dor ba dang / pha rol tu phyin pa la sbyor ba rnams yongs su mi gtong ba'o// blo gros rgya mtsho de dag ni dge ba'i rtsa ba dang mtshub bar ldan pa'i nyon mongs pa rnams te/ byang chub sems dpa' ni de dag gis 'dre yang nyon mongs pa'i skyon rnams kyis mi gos so// blo gros rgya mtshos gsol pa/ bcom ldan 'das dge ba'i rtsa ba lags na/ ci'i slad du nyon mongs pa rnams shes bgyi/ bcom ldan 'das kyis bka' stsal pa/ blo gros rgya mtsho 'di ltar nyon mongs pa de lta bu dag gis/ byang chub sems dpa' khams gsum dang 'dre zhing khams gsum pa ni nyon mongs pa
- 154a
las byung ba yon pas/ de la byang chub sems dpa' ni thabs mkhas pa dang / dge ba'i rtsa ba'i skyo bas bskyed pas bsams bzhin du khams gsum dang 'dre'o// de ci'i phyir dge ba'i rtsa ba dang mtshungs par ldan pa'i nyon mongs pa zhes bya ste/ khams gsum du 'dri bas de skad bya'i/ sems nye bar nyon mongs pas ni ma yin no// blo gros rgya mtsho 'di lta ste/ dper na tshong dpon khyim bdag gcig la bu sdug pa 'phangs pa yid du 'ongs pa blta ba dang / 'thun pa gcig pu zhig yod par gyur la/ khye'u de yang byis par gyur pas/ gar byed bzhin du khron pa brtsog pa zhig tu ltung ba dang / de nas khye'u de'i ma dang mdza bshes dang / nye du dag gis khye'u de khron pa brtsogs par lhung bar mthong la/ mthong nas kyang sgra cher phyung ste/ mya ngan byed cing smre sngags 'don gyi/ khron pa brtsog pa der zhugs te/ bu gcig de mi 'byin la/ de nas khye'u de'i pha 'ongs te/ des bu cig pa khron pa brtsog par ltung ba de mthong la/ mthong nas kyang bu gcig pa la bsam pa thag pa nas byams shing rjes su chags pas mi sdod par myur du skyen par la gong du khron pa brtsog pa der
- 154b
zhugs te/ bu cig pa phyub pa 'di lta bu 'di ni/ blo gros rgya mtsho ji tsam du don shes par bya ba'i dper bya ba yin no// 'dir don du blta gang zhe na/ blo gros rgya mtsho khron pa zhes bya ba ni khams gsum gyi tshig bla dgas so// bu cig pa zhes bya ba 'di ni sems can thams cad kyi tshig bla dgas so// de dag la byang chub sems dpa' bu cig pa ltar 'du shes so// ma dang mdzab shes dang / nye du zhes bya ba de ni nyan thos dang rang sangs rgyas kyi theg pa pa gang zag rnams kyi tshig bla dgas te/ de dag ni 'khor bar ltung ba'i sems can rnams mthong na/ mya ngan byed cing smre sngags 'don gyi 'byin mi nus so// tshong dpon khyim bdag ces bya ba de ni/ byang chub sems dpa'i tshig bla dgas te/ de ni sems dag cing dri ma med cing / dri ma dang bral la 'dus ma byas kyi chos mngon sum du gyur kyang / sems can yongs su smin par bya ba'i phyir/ bsams bzhin du khams gsum du mtshams sbyor ro// blo gros rgya mtsho 'di ni byang chub sems dpa' rnams kyi snying rje chen po ste/ gang nyon mongs pa'i bcings pa thams cad las shin tu yongs su grol yang thabs mkhas pas srid par skye ba nye bar len pa/ shes rab kyis yongs su zin pas/ rang gi
- 155a
nyon mongs pa'i rnams kyi kyang gnod pa med cing / nyon mongs pa'i bcings pa thams cad spang ba'i phyir/ sems can rnams la chos kyang ston pa'o// byang chub sems dpa' blo gros rgya mtshos gsol pa/ bcom ldan 'das byang chub sems dpa' sems dri ma ma mchis shing dri ma dang bral te/ bdag kyang 'khor ba la mi smod cing / chos zab mo la ji lta ba bzhin du rtog pas kyang 'dus ma byas su mi ltung zhing 'bras bu yang thob par mi bgyid pa ni// bgyid dka' ba bgyid pa'o// bcom ldan 'das kyis bka' stsal pa/ blo gros rgya mtsho 'di ni byang chub sems dpa' rnams kyi yan lag gnyis dang rab tu ldan ba'i lam ste/ 'di ltar shes kyi pha rol tu phyin pa dang thabs mkhas pa'o// blo gros rgya mtsho gang gi tshe byang chub sems dpa' sems dri ma med cing dri ma dang bral te/ dag par gyur pa 'di ni de'i shes rab kyi pha rol tu phyin pa'o// blo gros rgya mtsho gang gi tshe/ byang chub sems dpa' 'khor ba la mi smod cing / sems can thams cad yongs su smin par bya ba'i phyir/ skyes pa yang 'dzin pa 'di ni de'i thabs mkhas pa'o// blo gros rgya mtsho gzhan yang gang gi tshe/ byang chub sems dag
- 155b
'du byed thams cad la stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma skyes pa dang / ma byung bar so sor rtog ba 'di ni de'i shes rab kyi pha rol tu phyin pa'o// gang gi tshe snying rje chen po sngon du btang ba'i sems kyis 'dus ma byas su mi ltung zhing 'bras bu thob par yang mi byed ba 'di ni de'i thabs mkhas pa'o// blo gros rgya mtsho gzhan yang gang gi tshe/ byang chub sems dpa' dus gsum mnyam pa nyid kyi phyir tha dad du bya ba'i chos gang yang mi mthong ste/ chos kyi dbyings kyi mnyam pa nyid gang yin pa de/ sems can gyi khams kyi mnyam pa'i sems can gyi khams mnyam pa gang yin pa de mya ngan las 'das pa'i dbyings kyi mnyam pa gang yin pa de chos kyi dbyings kyi mnyam pa ste/ chos kyi dbyings la 'jug pas mnyam pa nyid la 'jug pa 'di ni de'i shes rab kyi pha rol tu byin pa'o// gang gi tshe sems can gyi khams/ khams gcig tu rab tu shes shing mya ngan las 'das pa'i dbyings kyang mngon sum du mi byed la/ sems can gyi khaMs la lta bas chos kyi dbyings la mi lta ba yang mi 'gyur ba 'di ni de'i thabs mkhas pa'o// rigs kyi bu gzhan yang sbyin pa dag pa ni shes rab po// yongs su sngo ba dag
- 156a
pa thabs so/ tshul khrims dang / bzod pa dang / brtson 'grus dang / bsam gtan dag pa ni shes rab bo// yongs su bsngo ba dag ba ni thabs so// mdor bsdu na dge ba'i rtsa ba thams cad dag pa ni shes rab bo// yongs su sngo ba dag pa ni thabs so// blo gros rgya mtshos gsol pa/ bcom ldan 'das byang chub sems dpa'i dge ba'i rtsa ba yongs su dag pa ni gang lags/ yongs su bsngo ba dag pa ni gang lags/ shes rab dag pa ni gang lags/ thabs dag pa ni gang lags/ bcom ldan 'das kyis bka' stsal pa/ blo gros rgya mtsho dge ba'i rtsa ba dag pa ni gang bdag dang / sems can dang / srog dang / gso ba dang / skyes bu dang / gang zag tu lta ba dang bral bar dge ba'i rtsa ba de dag rdzogs pa'o// yongs su bsngo ba dag pa ni/ gang stong pa nyid dang / mtshan ma med pa dang / smon pa med pa yongs su 'dris par dge ba'i rtsa ba de dag byang chub tu yongs su bsngo ba'o// shes rab dag pa ni gang sems can thams cad kyi dbang po mchog dang / mchog ma yin pa shes pa'i ye shes so// thabs dag pa ni gang sems can thams cad la so sor ci rigs par chos ston pa la mkhas la/
- 156b
blo gros rgya mtsho gzhan yang dge ba'i rtsa ba dag pa ni/ gang srid par 'gro ba'i skye ba thams cad la mi gnas par dge ba'i rtsa ba dag stsogs pa'o// yongs su bsngo ba dag pa ni/ gang theg pa thams cad la yang dag par gzhol bas nyan thos dang rang sangs rgyas thams cad kyi yid la byed pa dang bral bar dge ba'i rtsa ba de dag theg pa chen por yongs su bsngo ba'o// shes rab dag pa ni gang bag chags kyi mtshams sbyor bar gyur pa'i nyon mongs pa thams cad yang dag par 'joms ba'o// thabs dag pa ni sems can gang dag yongs su smin par byed pa de dag don 'thun pas theg pa chen po yang dag par 'dzin du 'jug pa'o// gzhan yang dge ba'i rtsa ba dag pa ni 'di lta ste/ longs spyod mi zad pa dang / lag na rin po che'o// yongs su bsngo ba dag pa ni gang sems can thams cad dang slob pa dang / mi slob pa dang / rang sangs rgyas thams cad dang / byang chub sems dpa' thams cad dang / sangs rgyas thams cad kyi dge ba'i rtsa ba rnams yongs su 'dzin cing yang dag par 'jug pa'o// shes rab dag pa ni gang gzungs kyi phyag rgyas btab nas/ sangs rgyas thams cad kyis gsungs pa kun du 'dzin cing chud mi za bar
- 157a
mi byeda'o// thabs dag pa ni gang spobs pa rgyun mi chad pa dang / spongs pa chag pa med pa dang / chos bstan pa don yod pas pa legs par bshad pas sems can thams cad yang dag par tshim par byed pa'o// blo gros rgya mtsho gzhan yang dge ba'i rtsa ba dag pa ni gang / tshe rabs tshe rabs dag tu byang chub kyi sems mi brjed pa'o// yongs su sngo ba dag pa ni gang / byang chub kyi sems ma brjed par dge ba'i rtsa ba thams cad mkhyen pa nyid du yongs su bsngo ba'o// shes rab dag pa ni gang mi gan pa'i dge ba'i rtsa ba de byang chub kyi sems su shes pa'o// thabs dag pa ni byang chub kyi sems mnyam pa nyid du pha rol tu khong du chud par bya ba'i phyir/ yang dag pa 'dzin du 'jug pa'o// de nas bcom ldan la byang chub sems dpa' blo gros rgya mtshos 'di skad ces gsol to// bcom ldan 'das kyis gsungs pa'i don ji ltar bdag gis 'tshal ba ltar na/ bcom ldan 'das bdag 'di snyam bgyis de/ byang chub sems dpa' thabs mkhas pa dang / shes rab kyi pha rol tu pa yongs su dag pa rnams kyi bya chub ni kun du 'gro ba ste/ bcom ldan 'das de
- 157b
dag gi byang chub ma lags pa'i chos gang yang ma mchis so// de ci'i slad du zhe na/ bcom ldan 'das chos thams cad mnyam pa nyid du rtog pa ni byang chub po// bcom ldan 'das de bas na/ byang chub sems dpas byang chub la ring ba'i 'du shes mi bgyi'o// yul drug po dag gis nang nas chos gang de la snang bar 'gyur ba de nyid yang dag pa ji lta ba bzhin du rtog pa ni byang chub po// bcom ldan 'das de ltar mos pa'i byang chub sems dpa' ni thabs mkhas pa dag pa dang / shes rab kyi pha rol tu phyin pa dag pa thob par 'gyur ro// de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ legs so blo gros rgya mtsho legs so legs so// de de bzhin no// ji skad smras pa bzhin te/ yul drug po dag gi nang nas chos gang byang chub sems dpa' thabs mkhas pa dag pa dang / shes rab kyi pha rol tu phyin pa yongs dag pa rnams la snang bar 'gyur ba de nyid yang dag pa ji lta ba bzhin du rtogs pa ni byang chub ste/ blo gros rgya mtsho khyod kyis rnam grangs 'dis kyang rigs par bya'o// bre gros
- 158a
rgya mtsho sngon byung ba 'das pa'i dus na/ bskal pa grangs med pa'i yang ches grangs med pa shin tu rgyas pa/ tshad med dang / bsam gyis mi khyab pa/ mtshungs pa med par gyur pa de'i tshe/ de'i dus na/ skar mdog gi bskal pa la shin tu sprul pa'i 'jig rten gyi khams su/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od gzer snang ba mtha' yas shes bya ba/ rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo // ci'i phyir de bzhin gshegs pa de 'od zer snang ba mtha' yas shes bya zhe na/ bcom ldan 'das de thams cad mkhyen pa mthong cing byang chub sems dpar gyur bzhin du byang chub kyi snying po la 'dug nas/ lus las 'od 'di lta bu phyung ste/ 'od rab tu phyung ba des/ phyogs bcu'i sangs rgyas kyi zhing tshad med grangs med bgrangs pa las shin tu 'das pa dag snang ba chen pos gsal bar gyur to// sangs rgyas kyi zhing de dag na byang chub sems dpa' gang
- 158b
dag phyir mi ldog pa dang / skye ba gcig gis thogs pa 'khod pa de dag gis/ byang chub sems dpa' byang chub kyi snying po la 'dug pa de mthong ngo / mthong nas kyang byang chub sems dpa' ga la ba de logs su me tog gtor to// gtor ba dang sangs rgyas kyi mthus 'ongs nas byang chub sems dpa' de'i lus la bab po// me tog de dag gis 'jig rten gyi khams shin tu sprul pa der mi bdun gyi 'phang tsam gyi me tog bkram pa gcig pu gnas par gyur to// 'jig rten gyi khams de na dbang che ba dag dang lnga byang chub sems dpa' gang dag 'khod pa dag gis 'od de mthong nas/ gang 'di lta bu rnam par dag pa'i 'od byung ba las na/ kye ma 'di ni de bzhin gshegs pa 'od gzer snang ba mtha' yas su 'gyur ro zhes ched du brjod de/ de ltar na de bzhin gshegs pa de'i mtshan 'od zer snang ba mtha' yas shes bya bar gyur to// / ci'i phyir 'jig rten gyi khams de shin tu sprul pa zhes bya zhe na/ 'jig rten gyi khams de na 'khod pa'i mi de dag gi longs spyod dang / yongs su spyod pa ni gzhan 'phrul dbang byed kyi lha'i bu rnams kyi longs spyod dang / yongs su spyod pa ci 'dra bar gyur pas/ de'i phyir 'jig rten gyi khams de shin tu sprul pa zhes bya'o// ci
- 159a
phyir bskal pa de skar mdog ces bya zhe na/ blo gros rgya tsho bskal pa khri 'das nas/ bskal pa de la sangs rgyas byung bar gyur te/ de bzhin gshegs pa skar ma la dga' ba zhes bya ba byung ngo // gang gi 'og tu bcom ldan 'das de bzhin gshegs pa 'od gzer snang ba mtha' yas des byang chub thob pa'i de bzhin gshegs pa de'i mtshan gyis bskal pa de skar mdog ces bya'o// blo gros rgya mtsho bskal ba de la de bzhin gshegs pa bye ba phrag bcu bzhi byung ngo // blo gros rgya mtsho 'jig rten gyi khams shin tu sprul pa de ni 'byor pa/ rgyas pa zhi ba/ lo legs pa/ lha dang mis gang ba/ yangs shing tha gra che bar gyur te/ gling bye brgya stong phrag bcu rtsa drug yod do// gling re re'i tshad kyang dpag tshad brgya stong phrag brgyad cu rtsa bzhi yod do// dpag tshad brgya stong phrag brgyad cu rtsa bzhi re re la yang grong khyer brgyad khri bzhi stong yod par gyur to// grong khyer re re yang grong dang / tshong 'dus dang / 'or gyi grong brgyad khri bzhi stong gis kun nas bskor bar gyur to// grong khyer de dag thams cad na yang srog chags bye ba khrag khrig brgya stong phrag bcu bcu yod par gyur to// grong dang tshong 'dus dang / 'or gyi grong de dag thams cad na yang /
- 159b
mi skye dgu'i srog chags bye ba phrag brgyad brgyad gnas par gyur to// dbang che ba dbang che bar grags pa'i mi'i rnams lta smos kyang ci dgos te/ de ltar 'jig rten gyi khams de rgyas par gyur to// 'jig rten gyi khams de ni gser dang dngul dang shel dang / bai dUr+ya dang / rin po che sna bzhi las grub par gyur to// de na bza' ba dang / btung ba dang / gos dang rgyan dang / yongs su spyod pa dag bsam pa tsam gyis 'byor to// lha dang mi de dag kyang nga'i ba med par yongasu 'dzin pa med par gyur to// bcom ldan 'das de bzhin gshegs pa 'od zer snang ba mtha' yas de'i tshe'i tshad ni bar gyi bskal bcu thub par gyur to// de'i nyan thos kyi dge 'dun chen po nyan thos bye ba brgya stong bye ba phrag sum cu rtsa drag yod do// byang chub sems dpa'i 'das pa chen po ni/ byang chub sems dpa' bye ba brgya phrag bcu gnyis yod do// rgyal po'i pho brang grong khyer shin tu rnam par dag pa zhes bya ba ni/ bcom ldan 'das de'i skye ba'i sar gyur to// bcom ldan 'das de de nas mngon par byung nas/ bcom ldan 'das grong khyer chen po dga' ba 'byung ba zhes bya bar gnas te// bzhugs so// blo gros rgya mtsho de'i tshe de'i dus na/
- 160a
grong khyer chen po dga' ba 'byung ba der 'khor los sgyur ba'i rgyal po shin tu rnam par dag pa zhes bya ba stong gsum gyi 'jig rten gyi dbang phyug rin po che sna bdun dang ldan pa zhig byung ngo // de'i rin po che sna bdun no 'di dgas ste/ 'di ltar 'khor lo rin po che dang / glang po rin po che dang / rta rin po che dang / bud med rin po che dang / nor bu ran po che dang / khyim bdag rin po che dang / blon po rin po che dang / bdun no// rgyal po yul shin tu rnam par dag pa de yangs bla na med pa yang dag par rdzogs pa'i byang chub la yang dag par zhugs par gyur te/ lhag pa'i bsam pa phun sum tshogs pa/ sems can thams cad la zhe 'gras pa med pa'o// rgyal po yul shin tu rnam par dag pa de'i btsun mo'i 'khor gyis bud med ni bye ba phrag bzhi yod do// gzugs bzang ba/ mdzes pa/ blta'i na sdug pa/ lha'i bu mo'i gzugs dang 'dra ba/ bla na med pa yang dag par rdzogs pa'i byang chub la yang dag bzhugs pa sha stag go// de lta bu stong yod de/ dpa' ba/ rtul 'od pa/ yan lags bzang po'i mchog gi gzugs dang ldan pa pha rol gyi sde rab tu 'dzim pa/
- 160b
sred med kyi bu'i stobs kyi shugs phyed bdog pa/ skyes bu chen po'i mtshan nyi shu brtsa brgyad kyis yan lag rnam par smras pa/ bla na med pa yang dag par rdzogs pa'i byang chub la yang dag par zhugs pa sha stag go// de la bu mo brgyad 'bum yod de/ gzugs bzang ba/ mdzes pa/ blta na sdug pa/ lha'i bu mo'i gzugs dang 'dra ba/ bla na med pa yang dag par rdzogs pa'i byang chub la yang dag par zhugs pa sha stag go/ blo gros rgya mtsho rgyal po yu la shin tu rnam par dag pas/ bcom ldan 'das de bzhin gshegs pa 'od gzer snang ba mtha' yas de 'khor dang bcas pa la bar kyi bskal ba gnyis kyi bar du rung ba kha na ma tho ba med pa/ dge sbyong dang mthun pa yid du 'ong ba'i gos dang / zas dang mal cha dang / na ba'i gsos sman dang / yo byad rnams kyis spyan drangs par gyur to// rgyal po des bcom ldan 'das de la mchod pa'i las kyi phyir/ 'khor gyi khyams yangs shing tha gru che ba/ chu zheng dpag tshad lnga 'bum yod pa/ sa phyogs nor bu rin po che bai dUr+yas spras pa/ rin po che sna bdun gyi phyir ras bskor ba tsan dan dmar po dang / tsan dan sbrul gyi snying
- 161a
po gshibs te/ sbyar ba sna tshogs blta na sdug pa/ lha'i gzhal med khang 'dra bar byas so// gzhan yang dge slong gi dge 'dun gyis yongs su spyad pa'i khang pa brtsegs pas ya byas so// blo gros rgya mtsho de ltar rgyal po'i yul shin tu rnam par dag pa las/ gzhan mi byed par rgyun du tshangs par spyod pa yang dag par blangs/ bslab pa'i gnas lnga po yongs su bzung ste/ btsun mo'i 'khor dang bcas/ rang gi skye bo dang bcas/ g.yog 'khor dang bcas pas/ bar gyi bskal pa gnyis su bcom 'das de la bsnyen bkur byas nas/ bar gyi bskal pa de gnyis 'das pa dang / bcom ldan 'das de bzhin gshegs pa 'od zer snang ba mtha' yas ga la ba der song ste byin nas/ bcom ldan 'das de'i zhabs la mgo bos phyag 'tshal te/ lan bdun bskor ba byas nas phyogs gcig tu 'dug go// phyogs gcig tu 'dug nas kyang / rgyal po'i yul shin tu rnam par dag pas/ bcom ldan 'das de bzhin gshegs pa 'od zer snang ba mtha' yas de la 'di skad ces gsol to// bcom ldan 'das ji ltar na byang chub sems dpa' theg pa chen po la
- 161b
gzhan gyi dring mi 'jog par rnams lags/ bcom ldan 'das ji ltar na byang chub sems dpa' khyad par du mchis pas de la ma chags pa rnams lags/ bcom ldan 'das ji ltar na byang chub sems dpa' blo mi g.yo mi 'gyur zhing shin tu brtan pa rnams lags/ bcom ldan 'das ji ltar na byang chub sems dpa' thabs dang shes rab yongs su dag pa rnams lags/ bcom ldan 'das ji ltar na byang chub sems dpa' rgyang ring du'ang lta la rtsa ba yang mchad ba rnams lags/ bcom ldan 'das ji ltar na byang chub sems dpal yul yang 'byor la bag ma mchis pa yang mi 'dor ba rnam lags/ bcom ldan 'das ji ltar na/ byang chub sems dpa' don zab mo'i tshul la mi skrag pa rnams lags/ bcom ldan 'das ji ltar na/ byang chub sems dpa' la byang chub sems dpa' yang dag pa rnams shes bgyi/ blo gros rgya mtshos de skad ces gsol pa dang / bcom ldan 'das de bzhin gshegs pa dgra bcom ba yang dag par rdzogs pa'i sangs rgyas 'od zer snang ba mtha' yas des/ rgyal po yul shin tu rnam par dag pa de la 'di skad ces bka' stsal to//
- 162a
rgyal po chen po de'i phyir legs par rab tu nyon la yid la bzung shig dang bshad do// rgyal po chen po byang chub sems dpa' sems dpa' chen po chos bzhi dang ldan na theg pa chen po gzhan gyi dring mi 'jog pa rnams yin no// bzhi gang zhe na/ mos pa las nges par byung ba'i dad pa'i 'phags pa'i 'jig rten las 'das pa dang / phyir mi ldog pa'i brtson 'grus 'bar bas/ sems can yongs su smin par bya ba la brtson pa dang / shin tu rnam par brtags pa'i blos mngon par shes pa'i ye shes kyis rnam par brtson pa dang / so so rang gis shes pa dang ldan pa'i shes rab gyis/ chos thams cad nges par rtogs pa'i mtshan nyid de/ rgyal po byang chub sems dpa' sems dpa' chen po chos bzhi po de dag dang ldan na/ theg pa chen po la gzhan gyi dring mi 'jog pa rnams yin no// rgyal po chen po byang chub sems dpa' sems dpa' chen po chos bzhi dang ldan na khyad par du 'gro bas de la ma chags pa rnams yin no// bzhi gang zhe na/ sems las su rung bas bsam gtan las ldog pa la mkhas pa rnams yin/ gzhan la bde ba rab tu sbyin pas/ bdag
- 162b
bde ba la mi chags pa rnams yin/ snying rje chen po la rab tu gnas shing / byams pa chen po la gnas pa rnams yin/ gong nas gong ma'i khyad par 'dod pas/ theg/ pa chen po la mos pa rnams yin te/ rgyal po chen po byang chub sems dpa' sems dpa' chen po chos bzhi po dag dang ldan na/ khyad par du 'gro bas de la ma chags pa rnams yin no// rgyal po chen po byang chub sems dpa' sems dpa' chen po chos bzhi dag dang ldan na/ khyad par du 'gro bas de la ma chags pa rnams yin no// rgyal po chen po byang chub sems dpapa sems dpa' chen po chos bzhi dang ldan na/ blo mi g.yo mi 'gyur zhing shin tu brtan pa rnams yin no// bzhi gang zhe na/ sgyu dang g.yo med ba'i bsam pa dang / bsam pa yongs su dag pa'i sbyor ba dang / sbyor ba las mi ldog pa'i bsam pa dang / lhag pa'i bsam pa ma bor bar bsgrubs pa ste/ rgyal po chen po byang chub sems dpa' sems dpa' chen po chos de dag dang ldan na/ blo mi g.yo mi 'gyur zhing shin tu brtan pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ thabs dang shes rab yongs su dag pa rnams yin no// bzhi gang zhe na/ sems can thams cad la bdag med par yang mthong la/
- 163a
bsdu ba'i dngos po bzhis sems can rnams kyang yongs su smin par byed pa dang / chos thams cad brjod du med par yang rab tu shes la/ yi ge dang nges par tshig gis sems can rnams la chos kyang ston cing / dam pa'i chos yongs su 'dzin pa dang / sangs rgyas thams cad chos kyi skar rab tu phye bar yang mos lasnga mtshan dang dpe byad bzang po yongs su bsgrub pa'i phyir/ brtson 'grus kyang nyams par mi byed pa dang / sangs rgyas kyi zhing thams cad la nam mkha' ngo bo nyid du/ yang rtogs la/ sangs rgyas kyi zhing yongs su dag par bya ba'i phyir/ rtsol ba'i rgyun kyang mi gcod pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ thabs dang shes rab yongs su dag pa rnams yin no/ rgyal po chen po byang chub sems dpa' sems dpa' chen po chos bzhi dang ldan na/ rgyang ring du yang lta la rtsa ba yang ma chad pa rnams yin no// bzhi gang zhe na/ byang chub kyi snying po la yang lta la/ byang chub kyi sems kyang mi 'dor ba rnams yin/ sangs rgyas kyi sems ye shes la'ang lta la/ rang gi shes pas kyang zhum pa med pa rnams yin/ chos kyi 'khor lo rab tu bskor ba la'ang sta lta/
- 163b
ji ltar thos pa'i chos bstan pas kyang yongs su mi skyo ba rnams yin/ yongs su mya ngan las 'das pa chen po la yang lta la/ tshe dang 'chi 'pho dang / skyes pa la yang mi smod pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na/ rgyang ring du yang lta zhing / rtsa ba yang ma chad pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ yul yang 'byor la bag yod pa yang mi 'dor ba rnams yin no// bzhi gang zhe na/ mi yongs su smin par bya ba'i phyir/ 'khor los bsgyur ba'i rgyal por yang 'gyur la/ 'du byed la mi rtag par so sor rtog bas yul 'byor kyang bag med par mi 'gyur ba rnams yin/ lha yongs su smin par bya ba'i phyir/ lha rnams kyi dbang po brgya byin du yang gyur la/ 'du byed la sdug bsngal bar so sor rtogs pas/ yul 'byor kyang bag med par mi 'gyur ba rnams yin/ bdud kyi ris kyi lha yongs su smin par bya ba'i phyir/ bdud nyid du yang nye bar ston pa la/ chos la bdag med par so sor rtog pas/ yul 'byor kyang bag med par mi 'gyur ba rnams yin/ tshangs ris kyi lha yongs
- 164a
su smin par bya ba'i phyir/ tshangs pa dbang phyug du yang gyur la/ mya ngan las 'das pa la zhi bar rtog pas/ yul 'byor kyang bag med par mi 'gyur ba rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na/ yul 'byor kyang bag med pa mi 'dor ba rnams yin no// rgyal po chen po byang chub sems dpa' sems dpa' chen po chos bzhi dang ldan na/ don zab mo'i tshul la mi skrag pa rnams yin no// bzhi gang zhe na/ yang dag pa'i dge ba'i bshes gnyen gang dag pha rol tu byed par rgyun du sangs rgyas kyi byang chub zab mo 'di yang dag par rab tu ston pa la rten pa dang snga mdo sde zab mo tshul 'di lta bu de dag mnyan pa'i phyir dpag tshad brgyar yang 'gro ba dang ji ltar thos pa'i chos rnams kyi don la tshul bzhin du dpyod pa dang / don la rton gyi/ tshig 'bru la rton pa ma yin pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ don zab mo'i tshul la mi skrag pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ byang chub sems dpa' yang dag pa rnams shes bya'o//
- 164b
bzhi gang zhe na/ pha rol tu phyin pa thams cad yongs su tshol ba'i brtson 'grus dang / sems can thams cad yongs su smin par bya ba la brtson pa'i snying rje chen po dang lnga sangs rgyas kyi chos thams cad yongs su rdzogs par bya ba la brtson pa'i stobs kyis rnam par gnon pa dang / 'khor ba dpag tu med pa yongs su 'dzin pa la yongs su mi skyo bar brtson pas bsod nams dang / ye shes kyi tshogs stsogs pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ byang chub sems dpa' yang dag pa shes bya'o// blo gros rgya mtsho de ltar bcom ldan 'das de bzhin gshegs pa 'od zer snang ba mtha' yas des bzhi pa bsgrub pa 'di bshed pa na/ srog chags bye ba khrag khrig phrag bcus bla na med pa yang dag par rdzogs pa'i byang chub tu sems bskyed do// dge slong bye ba phrag brgyad len pa med pas zag pa rnams las sems rnam par grol lo// rgyal bu gzho nu de dag dang / rgyal po'i bu mo rnams dang / rgyal po'i btsun mo'i 'khor ni chung ngu'i rjes su mthun pa'i chos la bzod pa skyes so// rgyal po yul shin tu rnam par dag pa ni rdo ba'i rjes su mthun pa'i chos la bzod pa skyes so//
- 165a
de nas rgyal po yul shin tu rnam par dag pa tshim zhing mgu la yid rangs shing rab tu dga' ba ste/ dga' ba dang yid bde ba skyes nas/ rgyal srid thams cad bcom ldan 'das de la yongasu spyod pa'i phyir bul lo// // bam po dgu pa// blo gros rgya mtsho de nas bcom ldan 'das de bzhin gshegs pa 'od zer snang ba mtha' yas des rgyal po yul shin tu rnam par dag pa la 'di skad ces bka' stsal to// rgyal po chen po khyod kyis yongs su spyad pa'i phyir/ rgyal srid thams cad de bzhin gshegs pa la phul zin na/ rgyal po chen po khyod dad pas legs par gsungs pa'i chos 'dul ba la khyim nas khyim med par rab tu phyung shig/ de ci'i phyir zhe na/ rgyal po chen po legs par gsungs pa'i chos 'dul ba la rab tu byung ba ni don che ba phan yon che ba/ rgya che ba'o// rgyal po chen po rab tu byung bar gtogs pa'i byang chub sems dpa'i 'thob pa chen po ni nyi shu po 'di dag ste/ thams cad mkhyen pa/ bla na med pa'i 'thob pa yongs su rdzogs par 'gyur ba dag go// nyi shu po gang zhe na/
- 165b
'di lta ste/ rgyal srid dang / longs spyod dang / g.yog 'khor dang / dbang phyug 'dor bas nga'i bya ba med cing yongs su 'dzin pa med pa 'thob pa dang / khyim nas 'byung ba la gzhol bas nyon mongs pa las 'byung ba 'thob pa dang / dur smrig 'dzin pas rnyogs pa med pa sems 'thob pa dang / 'phags pa'i rigs chog shes pas dgang bsla ba dang / gso sla ba 'thob pa dang / sbyangs pa'i yon tan yo byad bsnyungs pa yang dag par len par 'dod pa chung ba dang / sdig 'dod pa spong ba 'thob pa dang / tshul khrims kyi phung po yongs su dag pas/ lha dang mir skye ba 'thob pa dang / byang chub kyi sems mi 'dor bar pha rol tu phyin pa drug 'thob ba dang / dgon pa dben pa na gnas pas 'du 'dzi dang mi 'dre ba 'thob pa dang / gnod pa med pas chos sems dpa'i bde ba 'thob dang / bsam gtan gyi yan lag yang dag par bsgrub pas/ sems las su rung ba 'thob pa dang / thos pa yongs su tshol bas shes rab chen po 'thob pa dang / nga rgyal med pas ye shes chen po 'thob pa dang / don nyung byed pa nyung bas chos rab tu rnam par 'byed pa 'thob pa sems can thams cad la sems mnyam pa nyid pas/
- 166a
byams pa chen po 'thob pa dang / sems can thams cad rab tu thar par bya ba'i sems kyis snying rje chen po 'thob pa dang / lus dang / srog la mi blta bas/ dam pa'i chos yongs su 'dzin 'thob pa dang / sems rab tu sbyang bas mngon par shes pa chen po 'thob pa dang / sangs rgyas rjes su dran pas/ sangs rgyas mthong ba 'thob pa dang / tshul bzhin gyis chos so sor rtogs pas mi skye ba'i chos la bzod pa thob pa thob pa dang / yon tan thams cad yang dag par 'dzin pa'i spyod pas// myur du thams cad mkhyen pa thob pa 'thob pa ste/ rgyal po chen po rab tu byung bar gtogs pa'i byang chub sems dpa' sems dpa' chen po nyi shu po 'di dag rnyed dka' bar mi 'gyur ro// rgyal po chen po de lta bas na/ khyod legs par gsungs pa'i chos 'dul ba la rab tu byung shig/ blo gros rgya mtsho de nas bcom ldan 'das des rgyal po yul shin tu rnam par dag pa rab tu 'byung ba yang dag par 'dzin du bcug pas// rgyal srid thams cad spangs/ rgyal srid kyi dpal yang spangs te/ khyim na gnas pas yid byung bas skra dang kha spu bregs te/ gos ngur smrig bgos nas/
- 166b
bcom ldan 'das de'i bstan pa la dad pas khyim nas khyim med par rab tu byung ngo // de rab tu byung bar rig nas rgyal po chen po'i btsun mo'i 'khor kyang rab tu byung ngo // de dag rab tu byung bar rig nas/ rgyal bu gzhon nu rnams kyang rab tu byung ngo // de dag rab tu byung bar rig nas/ rgyal po'i bu mo gzhon nu rnams kyang rab tu byung ngo // de dag rab tu byung bar rig nas/ rgyal po yul na gnas pa'i srogs chags bye ba khrag khrig brgya stong phrag dgu bcu rtsa dgu yang rab tu byung ngo // de ltar de dag rab tu byung nas/ dge ba'i chos yongs su tshol ba la brtson pas/ brtson 'grus brtsams te gnas so// blo gros rgya mtsho sems can bsod nams byas pa thams cad kyi gnas su gyur pas/ ji tsam du bcom ldan 'das de'i gsung rab mdzes pas gyur pa ltos/ blo gros rgya mtsho de nas rgyal po yul shin tu rnam par dag pa de ltar rab tu byung nas/ bcom ldan 'das de bzhin gshegs pa 'od zer snang ba mtha' yas de ga la bde song ste phyin nas/ bcom ldan 'das de la 'di skad ces gsol to// bcom ldan 'das bdag gang la bsgrubs pa'i
- 167a
snying por bgyid par gnas shing / don mchis par yul 'khor gyi bsod nams yongs su 'tshal bar 'gyur ba'i gdams ngag rjes su bstan pa bdag la stsal du gsol/ blo gros rgya mtsho de skad ces gsol pa dang / don ma mchis par yul 'khor gyi bsod nams yongs su 'tshal bar 'gyur ba'i gdams ngag rjes su bstan pa bdag la stsal du gsol// blo gros rgya mtsho de skad ces gsol pa dang / bcom ldan 'das des dge slong yul shin tu rnam par dag pa la 'di skad ces bka' stsal to// dge slong khyod kyi ming ni yul shin tu rnam par dag pa zhes bya'o// khyod song la rang gi yul rnam par dag par bya ba'i phyir/ btson par gyis shig/ rang gi yul la tshul bzhin du gyis so sor rtogs shig/ ci nas kyang yul drug po dag gi nang nas/ chos gang khyod la snang bar 'gyur ba de nyid yang dag pa ji lta ba bzhin du/ yang dag par rdzogs par khong du chud pas byang chub thob par 'gyur ba de ltar so sor rtogs shig/ byang chub la ring ba'i 'du shes ma byed cig/ nye ba'i 'du shes ma byed cig/ blo gros rgya mtsho de nas bcom ldan 'das des
- 167b
dge slong yul shin tu rnam par dag pa la gdams ngag 'dis gtams pa dang / gcig pu dben par rtun cing shes bzhin dang ldan la bag yod par gnas te/ rang gi yul la yang dag par ji lta ba bzhin du so sor rtog go/ de'i tshul bzhin gyis so sor rtog pa gang zhe na/ 'di lta ste/ mig gi yul ni stong pa nyid kyi yul lo// rna ba'i yul ni stong pa nyid kyi yul lo// stong pa nyid kyi yul ni sems can thams cad kyi yul lo// sems can thams cad kyang stong pa nyid kyi yul te/ sangs rgyas kyi yul lo// de bzhin du sna dang / lce dang lus dang / yid kyi yul ni stong pa nyid kyi yul lo// stong pa nyid kyi yul ni sems can thams cad kyi yul lo/ sems can thams cad kyang stong pa nyid kyi yul te/ sangs rgyas kyi yul lo// mig gi yul ni mtshan ma med pa'i yul lo// mtshan ma med pa'i yul ni/ sems can thams cad kyi yul lo// sems can thams cad kyang mtshan ma med pa'i yul te/ sangs rgyas kyi yul lo// yid kyi bar gyi yul ni mtshan ma med ba'i yul lo// mtshan ma med pa'i yul ni sems can thams cad kyi yul lo// sems can thams cad kyang mtshan ma med pa'i yul lo// sangs rgyas kyi yu'o//
- 168a
de bzhin du mig gi yul ni smon pa med pa'i yul lo// mngon par 'du bya ba med pa'i yul lo// ma skyes pa dang ma byung ba'i yul lo// ma byung ba'i yul ni sems can thams cad kyi yul lo// sems can thams cad kyang ma byung ba'i yul lo// sangs rgyas kyi yul lo// de bzhin du yid kyi bar gyi yul dang sbyar ro// blo gros rgya mtsho de ltar dge slong yul shin tu rnam par dag pa yul la 'jug pa 'dis/ lus dang sems las su rung ste/ 'dun pa dang snga brtson 'grus dang / sems dang dpyod rdzu 'phrul gyi rkang pa bsgoms pas/ ring po ma thogs par mngon par smra zla bskyed par gyur to// bag yod pa'i spyod pa des kyang / don nges pa'i tshig thams cad sdud pa zhes bya ba'i bzungs rab tu thob bo// blo gros rgya mtsho de'i tshe de'i dus na gang 'khor los sgyur ba'i rgyal po srid 'byor pa spangs te/ bcom ldan 'das de'i stan pa la rab du byung nas/ yul shin tu rnam par dag pa zhes bya ba'i dge slong du gyur pa de/ gzhan zhig yin pa snyam du khyod dogs shing yid gnyis su gyur tam/ the tsom za na khyod kyis de ltar mi blta'o// de ci'i phyir zhe na/ blo gros rgya mtsho khyod
- 168b
nyid de'i tshe de'i dus na/ dge slong yul shin tu rnam par dag pa zhes bya bar gyur to// blo gros rgya mtsho de'i tshe de'i dus na/ gang dge dge slong rab tu 'byung ba de'i rjes su rab tu byung ba'i srog chags bye ba khrag khrig brgya stong mang por gyur pa de dag TI gu yin pa snyam du khyod sems na/ de de ltar mi lta ste/ chos mnyan pa'i phyir gang dag khyod kyi phyi bzhin 'brang ba'i byang chub sems dpa' 'di dag go/ bcom ldan 'das sngon byung ba'i le'u 'di bshad pa na/ srog chags khri brgyad stong gis/ bla na med pa yang dag par rdzogs pa'i byang chub tu sems bskyed do/ byang chub sems dpa' brgyad stong ni mi skye ba'i chos la bzod pa thob par gyur to// // sngon byung ba'i le'u zhes bya ste bcu pa'o// // de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gro rgya mtsho de lta bas na/ bla na med pa yang dag par rdzogs pa'i byang chub tu myur du mngon par 'tshang rgya bar 'dod ba'i byang chub sems dpa' sems dpa' chen pos/ skyes bu dam pa khyod kyi rjes su bslab par bya ste/ byang chub sems dpa' tshig tu bros shing lhur
- 169a
blang bar mi bya'o// byang chub sems dpa' sa ji skad smras pa de bzhin du bya bar bya'o// ji ltar na byang chub sems dpa' ji skad smras pa de bzhin byed pa yin zhe na/ blo gros rgya mtsho sangs rgyas su 'gyur bar zhes bya'o// zhes bya ba'i tshig 'di na brjod par sla'i/ dge ba byang chub kyi phyogs rnams bsgrub pa ni dka'o snyam pa'o// blo gros rgya mtsho byang chub sems dpa' gang la las chos kyi sbyin pas sems can thams cad mgron du gnyer te/ kho bos sems can khyod chos kyi sbyin pas tshim par bya'o zhes byas la/ mang du thos pa dang / de las gzhan pa dge ba byang chub kyi phyogs kyi chos rnams la brtson par mi byed na/ de sems can de dag sla ba yin te/ ji skad smras pa de bzhin byed pa ma yin no// blo gros rgya mtsho gang gi tshe/ byang chub sems dpas chos kyi sbyin pas sems can thams cad mgron du gnyer te/ kho bos sems can khyed chos kyi sbyin pas tshim par bya'o zhes byas la mang du thos pa dang / de las gzhan pa dge ba byang chub kyi phyogs rnams la yang brtson par mi byed pa 'di ni/ byang chub sems dpa' ji skad smras pa de
- 169b
bzhin byed pa yin no// blo gros rgya mtsho 'di lta ste dper na/ rgyal po 'am rgyal po'i blon pos grong khyer gyi skye bo thams cad sang zas sbyin no zhes 'gron du bos la/ yal bar bor te/ btung ba dang / bza' ba dang / ma sbyar na/ des skye bo'i tshogs de thams cad bslus pa yin te/ de dag kyang bza' ba dang / btung ba ma thob pas 'phya zhing dong ba de bzhin du/ blo gros rgya mtsho byang chub sems dpas ma rgal ba bsgral ba dang mya grol ba dang / dbugs ma byin pa dbugs dbyung ba dang / yongs su mya ngan las ma 'das pa yongs su mya ngan las bzla ba'i phyir/ sems can thams cad dbugs phyung la/ mang du thos pa dang / de las gzhan pa dge ba byang chub kyi phyogs kyi chos rnams la yang brtson par mi byed na/ byang chub sems dpa' de ni ji skad smras pa de bzhin byed pa yin te/ lha dang bcas pa'i 'jig rten la slu ba yin no// de lta bu de sngon sangs rgyas mthong ba'i lha rnams kyis mthong na/ 'phya zhing gzhog 'phyas byed la/ rnam par smod de gang dag mchod sbyin bya bar dam bcas pa nyams 'og tu chud par byed pa'i mchod sbyin gyi bdag po de dag ni dkon no// de bas kyang gang dag mchod sbyin chen po brtsams nas/ bla na med pa'i
- 170a
theg pa chen po yongs su skyo bar mi 'gyur ba dag ni ches dkon no// blo gros rgya mtsho byang chub sems dpas gang gis lha dang mi dang lha ma yin du bcas pa'i 'jig rten la slu bar 'gyur ba'i tshig brjod par mi bya'o// blo gros rgya mtsho gzhan yang la la zhig gis byang chub sems dpa' gang la chos kyi don bya bar gsol ba btab la/ de la byang chub sems dpas kho bos khyod kyi chos kyi don yongs su thob par bya 'o zhes tshig smras par gyur na/ byang chub sems dpa' de la lus ni yongs su btang bar bya'i// sems can bslu ba ni mi bya'o// blo gros rgya mtsho khyed kyis rnam grangs 'dis kyang 'di ltar rig par bya'o// blo gros rgya mtsho sngon byang ba 'das pa'i dus na/ bskal pa grangs med pa'i yang ches grangs med dpag tu med par gyur pa de'i tshe de'i dus na/ seng ge'i rgyal po dang kar lta bu'i ral pa can yan lag ma smad pa zhes bya ba/ sems can thams cad la byams pa'i rjes su zhugs pa/ rtsa ba dang lo ma dang / 'bras bu la mos pa zhig ri'i phug bgrod dka' ba zhig na gnas pa'o// ri'i phug bgrod dka'
- 170b
ba de na spre'u pho mos shig kyang gnas so// de nas dus gzhan zhig gis na/ spre'u mo del bu 'brangs nas/ de las phru gu gnyis byung ngo // de nas spre'u de dang spre'u mo des phru gu de gnyis ri dgas kyi rgyal po seng ge la gtams te spyod yul du dong ngo / de nas bya rgod kyi rgyal po spu gri ba zhes bya ba steng gi bar snang las babs te/ spre'u gyi phru gu de gnyis blangs nas/ steng gi bar snang la gnas par gyur pa dang / ri dgas kyi rgyal po seng ges bya rgod kyi rgyal po spu gri bas spre'u phru gu de gnyis khyer ba mthong ngo // mthong nas kyang tshigs su bcad pa de smras pa/ bya rgod rgyal po khyod la bdag gsol pa// bdag gi spre'u phru gu de gnyis khyod kyis thong / bdag ni de dag 'jigs med bya phyir gnas skyabs su dong ba ma gsad khyod kyis thong / de nas bya rgod rgyal pos ri dgas kyi rgyal po seng ge la tshigs su bcad de smras pa/ ri dgas rgyal po gal te khyod ni bdag 'dor na// de lta na ni de gnyis mi gsad gtang bar bya// kho bos 'di gnyis zos nas kho bo mkha' la gnas// khyod ni khros par gyur kyang bdag la ci byar yod// ri dgas kyi rgyal pos yang smras pa// bdag ni stang gis yongs su bza' bar gyis// bdag gi spre'u phru gu gnyis ni btang bar gsol/
- 171a
byang chub zhugs pa dam bcas srung bar byed// mkhas pa dag ni brdzun du smra ba byed// bdag brdzun 'gyur du 'ong ste lhag bsams pas/ de nas drang srong chen po lus 'dor te// de nas lhag pa'i bsams pas dga' gyur nas// sems can rnams kyi ched du lus btang ngo // de nas bya rgod blos rmad du byung ba mthong nas// na mkhar gnas te ched brjod ched du brjod// gang dag gzhan phyir rang gi lus 'dor ba// de dga' tsho ba'i 'jig rten 'dir bder 'tsho// kho bos spre'u phru gu 'di gnyis btang bar bya// khyod kyang 'tsho zhing ring du chos spyod cig/ blo gros rgya mtsho de'i tshe de'i dus na/ ri dgas kyi rgyal po seng ger gyur pa de gzhan zhig yin pa snyam du khyod sems na de ltar mi blta'o// de ci'i phyir zhe na/ blo gros rgya mtsho'ang nyid de'i tshe de'i dus na// ri dgas kyi rgyal po seng ger gyur to// 'od srung chen po ni spre'ur gyur to// ser skya bzang mo ni spre'u mor gyur to// sgra gcan zin dang kun dga' bo ni spre'u phru gur gyur to// dge slong 'phreng ba bzang po ni de'i tshe de'i dus na/ bya rgod kyi rgyal po spu gri ba zhes bya bar gyur to// blo gros rgya mtsho de ltar na/ byang chub sems dpa' rnams kyis lus ni yongs su btang bar bya'i skyabs su dong /
- 171b
bdag ni/ yongs su btang bar mi bya ste/ ji skad smras pa/ de bzhin du bsgrub par bya'o// de la ji skad smras pa de bzhin byed pa gang zhe na/ blo gros rgya mtsho byad chub sems dpa' sbyin pa smras pa ni ji skad smra ba ste/ gang gi tshe bdog pa thams cad yongs su btong bar snang ba 'di ni de bzhin byed pa'o// de ltar na ji skad smras/ ba de bzhin byed pa yin no// byang chub sems dpa' tshul khrims smras pa ji skad smras pa ste/ gang gi tshe tshul khrims dang / bslab pa dang / sbyangs pa'i yon tan thams cad yang dag par 'dzin cing spyod par kun tu snang ba de ni de'i de bzhin byed pa'o// byang chub sems dpa' bzod pa smra ba ni ji skad smra ba ste/ gang gi tshe gnod dang / thabs pa dang / zhe sdang spong bar snang ba 'di de'i de bzhin byed pa'o// byang chub sems dpa' brtson 'grus smra ba ni ji skad smra ba ste/ gang gi tshe dge ba'i chos thams cad yongs su rtsol ba la brtson par snang ba 'di ni de'i de bzhin byed pa'o// byang chub sems dpa' bsam gtan smra ba ni ci smras pa ste/ gang gi tshe bsam gtan dang / rnam par thar pa dang / ting nge 'dzin dang / snyoms par 'jug pa rnams la snang ba 'di ni de'i de bzhin byed pa'o// byed
- 172a
chub sems dpa' shes rab smra ba ni ji skad smras pa ste/ gang gi tshe tshig rab tu dbye ba'i spobs pa rnam par nges pa'i ye shes la mkhas par snang ba 'di ni de'i de byed pa'o// de bzhin du mi dge ba'i chos thams cad kyi bar dag spang ba smra ba dang / dge ba'i chos thams cad yongs su rdzogs par bya ba smra ba ni/ byang chub sems dpa' ji skad smras ste/ gang gi tshe mi dge ba'i chos thams cad spong ba dang / dge ba'i chos thams cad yongs su tshol ba la brtson par snang ba 'di ni de'i de bzhin byed pa'o// gzhan yang bsam pa ni ji skad smra ba'o// g.yo med cing sgyu med pa ni de bzhin byed pa'o// sbyor ba ji skad smra ba'o// sbyor ba nyams 'og tu chud par byed pa ni/ de bzhin byed pa'o// rtsom pa ni ji skad smra ba'o// rtsom pa la zhum pa med pa ni de bzhin byed pa'o// lhag pa'i bsam pa ni ji skad smra ba'o// de la ma chags par khyad par du 'gro ba ni de bzhin byed pa'o// dam bcas pa ni ji skad smra ba'o// dam bcas pa nyams 'og du chud par byed pa ni de bzhin byed pa'o// thos pa kun tu 'dzin pa ni ji skad smra ba'o// thos pa bsgrub pa ni de bzhin byed pa'o// tshig gi yang dag
- 172b
par blangs pa ni ji skad smra ba'o// lus dang sems zhum pa med pa ni de bzhin byeda'o// nga rgyal med pa ni ji skad smra ba'o// ye shes yongs su rdzogs par byed pa ni de bzhin byed pa'o// bslab pa yang dag par blangs pa ni ji skad smra ba'o// bslab pa nyams 'og tu chud pa ni de bzhin byed pa'o// sems dang bskyed pa ni ji skad smra ba'o// byang chub sems dpa'i spyod pa bsgrub pa ni de bzhin byed pa'o// mi skye ba'i chos la bzod pa ni ji skad smra ba'o// phyir mi ldog bi'i sa ni de bzhin byed pa'o// skye ba gcig gis thogs pa ni ji skad smra ba'o// byang chub kyi snying por 'dug pa ni de bzhin byed pa'o// yang dag par blangs ba brtan pa ni skad smra ba'o// thams cad mkhyen pa nyid mngon par rdzogs par byang chub pa ni de bzhin byed pa'o// chos kyi 'khor lo rab tu bskor ba ni ji skad smra ba'o// dkon mchog gsum gyi rigs mi 'chad par byed pa ni de bzhin byed pa'o// blo gros rgya mtsho byang chub sems dpa' sems dpa' chen po de lta bu ni ji skad smra ba de bzhin byed pa yin no// bcom ldan 'das kyis ji skad smras pa de bzhin byed pa bstan pa 'di bshad pa na/ byang chub sems dpa'
- 173a
lnga stong gis mi skye ba'i chos la bzod pa thob par gyur to// de nas bcom ldan 'das la byang chub sems dpa' sems dpa' chen po pad ma bkod pas 'di skad ces gsol to// bcom ldan 'das ji tsam du de bzhin gshegs pas ji skad smras pa de bzhin bgyid pas sangs rgyas kyi chos 'di thams cad bstan pa ni ngo mtshar to// bcom ldan 'das 'di lta ste/ de bzhin gshegs pa'i gsung bsgrub pa 'di yang ji skad smras pa de bzhin bgyid pa lags so// bcom ldan 'das kyis bka' stsal pa/ rigs kyi bu khyod bsgrub pa 'di shes sam/ gsol pa/ bcom ldan 'das 'tshal to// bcom ldan 'das kyis bka' stsal ba/ rigs kyi bu khyod bsgrub pa las rtsoms la spobs par gyis shig/ gsol ba/ bcom ldan 'das bsgrub pa zhes bya ba ni gang chos thams cad mnyam pa nyid kyis mnyam pa nyid du mtshal nas/ yang dag pa nyid kyi nges par gyur pa la 'jug pa shes pa la mkhas kyang mngon sum du yang mi bgyid pa 'di ni byang chub sems dpa'i bsgrub pa yang dag pa'o// bcom ldan 'das la byang chub sems
- 173b
dpa' ri dbang rgyal pos 'di skad ces gsol to// bcom ldan 'das bdag sgrub pa las brtsams te spobs pa lags so// bcom ldan 'das kyis bka' stsal ba/ rigs kyi bu khyod spobs par gyis shig/ gsol ba/ bcom ldan 'das sgrub pa ma mchis pa'o// de ci'i slad du zhe na/ bcom ldan 'das byang chub sems dpa' gang gis chos thams cad ma dmigs te/ gang la bsgrub pa'i chos de yang dag par rjes su mi mthong ba 'di ni de'i bsgrub pa yang dag pa lags so// byang chub sems dpa' yon tan gyi rgyal po snang bas gsol ba/ bcom ldan 'das gang la sems kyi rjes su 'brang ba'i rnam par shes pa de la bsgrub pa ga la mchis/ bcom ldan 'das byang chub sems dpa' gang chos thams cad rnam par shes mi gnas pa de ni chos gang la yang mi gnas pa lags so// gang chos la yang mi gnas pa de nyid de'i bsgrub yang dag pa lags so// byang chub sems dpa' lhun po'i smon ma rgyal pos gsol pa/ bcom ldan 'das lta ba ma mchis ni sgrub pa lags te/ lta ba dang bcas pa la bsgrub pa ma mchis so// bcom ldan 'das byang /
- 174a
chub sems dpa' gang chos thams cad gdeg pa ma mchis pa dang / gzhag pa ma mchis pas chos gang la'ang mi lta ba de ni de'i sgrub pa yang dag pa lags so// byang chub sems dpa' nyi ma'i snying pos gsol pa/ bcom ldan 'das gnas pa ni g.yo ba lags te/ mi gnas pa la g.yo ba ma mchis so// bcom ldan 'das byang chub sems dpa' gang gnas par mi bgyid pa de ni mi g.yo ba'o// gang mi g.yo ba de chos thams cad kyis mi 'khrugs te/ 'di de'i bsgrub pa yang dag pa lags so// byang chub sems dpa' sems dpa' chen pos gsol pa/ bcom ldan 'das 'jig rten ni sems kyis spyod do// bcom ldan 'das 'jig rten ni sems kyis rgyug go rjes su rgyug go// bcom ldan 'das byang chub sems dpa' gang sems can thams cad sems par gyur pa de mi sems mi rtog ste/ 'di ni/ de'i sgrub pa yang dag pa lags so// byang chub sems dpa' mthong dgas gsol ba// bcom ldan 'das tshor ba thams cad ni de bzhin gshegs pas sdug bsngal du gsungs te/ bcom ldan 'das byang chub sems dpa' gang tshe rab thams cad kyi rgyun bkum nas/ tshor ba ma mchis shing len pa ma mchis kyang / tshor ba 'gog
- 174b
pa la yang reg par mi bgyid la/ snying rje chen pos sems can thams cad kyang yongs su mi gtong ba 'di ni de'i bsgrub pa yang dag pa lags so// byang chub sems dpa' glang chen spos kyi bal glang gis gsol po/ bcom ldan 'das byis pa so so'i skye bo dag ni phung po lnga la lta bas grags par gyur pas khur gis non pa lags so// bcom ldan 'das byang chub sems dpa' gang phung po lnga yongs su 'tshal pa dang ldan te/ khur myur du dor ba de byis pa so so'i skye bo phung po lnga la lta bas grags par gyur pas/ khur gyis non pa rnams kyi khur spang ba'i phyir/ chos ston kyang chos thams cad ma skyes shing mngon par grub pa ma mchis pas/ chos gang la yang dag pa'i 'du shes su mi 'gyur ba 'di ni de'i bsgrub pa yang dag pa lags so// byang chub sems dpa' 'gro ba 'dzin gyis gsol pa// bcom ldan 'das yang dag par sbyor ba'i bsgrub pa lags kyi/ yang dag par sbyor ba ma lags te/ bcom ldan 'das byang chub sems dpa' yang dag pa'i sbyor ba la brtson par bgyi'o// de la yang dag pa'i sbyor ba gang zhe na/ 'di lta ste/ nam mkha' dang mnyam pa nyid pas gang chos thams cad mnyam pa nyid du 'tshal
- 175a
pa 'di ni de'i sgrub pa yang dag pa lags so// byang chub sems dpa' blo gros bstan pas gsol ba// byang chub sems dpa' gang thabs dang shes rab kyi ye shes kyis ma bskyes sa las kyang skye/ ma byung ba las kyang 'byung / yang skye ba dang / 'jigs pa dang / gnas pa la mi gnas pa 'di ni de'i sgrub pa yang dag pa lags so// byang chub sems dpa' dpal brtsegs rgyal pos gsol pa/ bcom ldan 'das byang chub sems dpa' gang sems can thams cad rang bzhin gyis yongs su mya ngan las 'das par yang mthong la/ snying rjes chen po'i go cha de yang mi 'dor zhing / rtsol ba yang don mchis par mthong ba 'di ni/ de'i bsgrub pa yang dag pa lags so// byang chub sems dpa' 'od zer thogs pa med pas gsol pa/ bcom ldan 'das rgyu ba'i gnas ji tsam du bdud kyi las so// ji tsam du bdud kyi las lags pa de tsam du bsgrub pa ma mchis te/ bcom ldan 'das rgyu ba ma mchis pa'i gnas la/ gnas pa la ni bdud kyis glags mi rnyed de bdud kyi las shin tu 'das pa'i byang chub sems dpa' ni sgrub pa yang dag pa la gnas pa zhes
- 175b
bgyi'o// byang chub sems dpa' brtson 'grus 'bar gyis gsol pa/ bcom ldan 'das gang dag chos 'ga' zhig yongs su 'grub par 'tshal ba de dag gi 'bad pa don ma mchis pa lags so// bcom ldan 'das chos thams cad yongs su grub pa ma mchis par yang 'dir 'tshal pa gang lags bas kyang rlom sems su mi bgyid pa 'di ni de'i bsgrub pa yang pa lags so// byang chub sems dpa' ngan song spong gyis gsol pa/ bcom ldan 'das gang dag 'gyur ba dang / rnam par rtog pa la spyod pa de dag la bsgrub pa ga la mchis/ bcom ldan 'das 'gyur ba ma mchis pa dang / rtog pa ma mchis pa bsgrub pa ste gang 'gyur ba ma mchis pa dang / rnam par rtog pa ma mchis ni sems kyi rang bzhin lags so/ sems kyi rang bzhin yongs su 'tshal pa dang ldan pa ni/ bsgrub pa yang dag pa gnas pa zhes bgyi'o// byang chub sems dpa' bsam pa legs par sems kyis gsol ba/ bcom ldan 'das byang chub sems dpas ni sems can thams cad kyi sems kyi rjes su 'jug par bgyi ste/ gang 'dir sems can thams cad kyi sems rnams kyang sems
- 176a
ma lags par sems 'tshal ba la 'jug pa 'di ni de'i sgrub pa yang dag pa lags so// byang chub sems dpa' zhi ba'i blo gros kyis gsol pa/ bcom ldan 'das nye bar zhi ba ni sgrub pa lags te/ ma zhi ba la ni sgrub pa ma mchis so// bcom ldan 'das byang chub sems dpa' gang sems kyi dmigs pa thams cad las zhi ba dang / rab tu zhi ba dang / nye bar zhi ba de rtog pa dang spong bar mi bgyid de/ rtog pa dang spong ba dang bral ba mnyam pa nyid du rtogs pa 'di ni de'i bsgrub pa yang dag pa lags so// byang chub sems dpa' dad dpon bzang pos gsol ba/ bcom ldan 'das byang chub sems dpa' dge ba'i rtsa bas brtan pa ni bsgrub pa thob par bgyid pa lags te/ dge ba'i rtsa bsam gtan pa ni ma lags so// bcom ldan 'das byang chub sems dpa' gang bsod nams kyi tshogs kyis kyang brtan/ ye shes kyi tshogs kyis kyang brtan/ te/ bsod nams mnyam pa nyid pas ye shes mnyam pa nyid ye shes mnyam pa nyid pas/ bsod nams mnyam pa nyid/ bsod nams dang ye shes mnyam pa nyid pas/ byang chub sems dpa' mnyam pa nyid/ byang chub mnyam
- 176b
pa nyid pas/ chos thams cad mnyam pa nyid du khong du chud pa 'di ni/ de'i sgrub pa yang dag pa lags so// byang chub sems dpa' dus dpog rgyal pos gsol ba/ bcom ldan 'das chos thams cad dbyer ma mchis pa ni sgrub pa lags so// bcom ldan 'das byang chub sems dpa' gang chos thams cad chos kyi dbyings su yang dag par 'du bar 'tshal nas/ chos gang yang 'byed par mi bgyid sbyor bar yang mi bgyid pa 'di ni de'i bsgrub pa yang dag pa lagasaso// / byang chub sems dpa' don legs par sems kyis gsol ba/ bcom ldan 'das don la brtan pa lags kyis/ tshig 'brul ma lags te/ bcom ldan 'das byang chub sems dpa' gang gi don gyi rjes su zhugs pa'i blos chos kyi phung po brgyad khri bzhi stong kun tu 'dzin pa dang / ston pa bgyid kyang yang dag pa'i don brjod du ma mchis pa de las kyang mi g.yo ba 'di ni de'i bsgrub pa yang dag pa lags so// byang chub sems dpa' blo gros rnam par dag pas gsol baHbcom ldan 'das lhag pa'i bsam pas ni bsgrub pa lags te// bcom ldan 'das byang chub sems dpa' gang lhag pa'i bsam pa la zhugs pa de ni
- 177a
skad dang tshig dang / brjod pa lhur len pa ma lags kyi/ de ni yang dag pa'i sgrub pa tshol ba lags te/ ji ltar 'gro ba dang 'ongs pa yang dag par rjes su mi mthong ba de ltar tshol ba 'di ni de'i bsgrub pa yang dag pa lags so// byang chub sems dpa' shin tu dri med sems bas gsol ba/ bcom ldan 'das 'di lta ste dper na/ gos dri ma can bkru bar bgyi'i dri ma ma mchis pa ni ma lags so// bcom ldan 'das de bzhin du sems yongs su ma dag pa ni yang dag pa ji lta ba bzhin du so sor rtog pas yongs su snang bar bgyi'o// bcom ldan 'das byang chub sems dpa' gang gi sems dang yid la nyon mongs pa dang nye ba'i nyon mongs pa thams cad mi 'jug pa'o// dag pa gang lags pa de bsgrub pa yang dag pa la gnas pa zhes bya'o// bya chub sems dpa' blo gros rgya mtshos gsol pa// bcom ldan 'das byang chub sems dpa' dge ba'i bshes gnyen gyis yongs su zin pa ni tshegs chung ngus sgrub pa yang dag pa 'phags pa thob par 'gyur ro// de ci'i phyir zhe na/ bcom ldan 'das byang chub sems dpa' gang la la dag
- 177b
gnas shing / bdud kyi lcags kyu las mi 'da' ba de dag thams cad ni sdig pa'i grogs pos yongs su zin pa lags so// gang dag bdud kyi lcags kyu las shin tu 'da' ba de dag thams cad ni dge ba'i gshes gnyen gyis yongs su zin pa lags so// bcom ldan 'das de lta bus na/ byang chub seMs dpa' bdud kyi lcags kyus las shin tu 'da' bar 'tshal bas dge ba'i bshes gnyen rnams la bsnyen par bgyi/ bsten par bgyi/ bsnyen bkur bgyi'o// / dge ba'i bshes gnyen gyis yongs su zin pa byang chub sems dpa' ni tshigs chung ngus sgrub pa yang dag pa 'phags pa thob par 'gyur ro// de nas bcom ldan 'das kyis byang chub sems dpa' blo gros rgya mtsho la 'di skad ces bka' stsal to// blo gros rgya mtsho khyod kyis bdud kyis lcags kyu rnams shes sam/ gsol pa/ bcom ldan 'das bdag gis bdud kyi lcags kyu rnams 'tshal to// bcom ldan 'das kyis bka' stsal pa/ blo gros rgya mtsho gang thob pas byang chub sems dpa' rnams shin tu 'da' bar 'gyur zhing bdud dang phyir rgol ba bcom ste/ myur du bla na med pa yang dag par rdzogs pa'i byang chub
- 178a
mngon par mtshang rgya bar 'gyur bar khyod bdud kyis lcags kyu bsten pa la rtsom ste/ spobs par gyis shig/ blo gros rgya mtshos gsol pa/ bcom ldan 'das 'di lta ste/ sangs rgyas kyi mthus bdag gis bdud kyi lcags kyu bshad par bya'o// bdud kyi lcags kyu rnams gang zhe na/ bcom ldan 'das bdud kyi lcags kyu ni bcu gnyis po 'di dag ste/ bcu gnyis gang zhe na/ bcom ldan 'das 'di la byang chub sems dpa' sbyin pa'i pha rol tu phyin pa la spyod pa ni mi phangs pa'i dngos po yongs su gtong ba'i sems 'jug gi/ phangs pa'i dngos po yongs su btang ba'i sems 'jug pa dang / sems can gang dag de la dga' bar gyur pa de dag la ni sbyin par bgyid/ sems can gang dag dga' bar ma gyur pa de dag la ni sbyin par mi bgyid cing de dngos po tha dad du bgyid sems can tha dad du bgyid na/ bcom ldan 'das 'di ni byang chub sems dpa'i sbyin pa dang rab tu ldan pa'i bdud kyi lcags kyu ste dang po'o// bcom ldan 'das gzhan yang byang chub sems dpa' tshul khrims dang ldan zhing dge ba'i chos can du gyur te/ so sor
- 178b
thar pa'i sdom pas bsdams/ cho ga dang spyod yul phun sum tshogs/ kha na ma tho ba phra rab la yang 'jigs par lta/ 'tsho ba yongs su dag pa'i bslab pa'i gnas yang dag par blangs pa rnams la slob ste/ de tshul khrims dang ldan pa'i dge sbyong dang bram ze la snyen cing sten la bsnyen bkur bgyid de/ tshul khrims 'chal ba'i sems can thams cad rnams la khro ba dang / sdang ba dang / zhe 'gras par bgyid cing tshul khrims de nyid kyis bdag la bstod de gzhan la smod na bcom ldan 'das 'di ni byang chub sems dpa'i tshul khrims dang rab tu ldan pa'i bdud kyi lcags kyu ste gnyis pa'o// bcom ldan 'das gzhan yang byang chub sems dpa' bzod pa sgrub ste/ de lus kyis kyang bzod/ ngag gis kyang bzod na sems kyis gnod pa bgyid de/ de sems can stobs dang ldan pa rnams la ni bzod/ sems can nyams chung ba rnams la ni mi bzod/ sems can stobs dang ldan pa rnams la ni bzod pa'i stobs nye bar ston sems can nyams chung ba rnams la ni gnod sems kyi stobs nye bar ston te/ de re shig ni bzod/ re shig ni mi bzod/ kha cig la ni bzod/ kha cig la/
- 179a
ni mi bzod la/ de gang gi tshe bzod pa de'i tshe bzod pas rgyags te/ rlom sems su bgyid/ gang gi tshe mi bzod pa de'i tshe na ni myur du so sor mi 'chags na/ bcom ldan 'das 'di ni byang chub sems dpa'i bzod pa dang rab tu ldan pa'i bdud kyi lcags kyu ste gsum pa'o// bcom ldan 'das gzhan yang byang chub sems dpa' brtson 'grus brtsams par gyur la/ de brtson 'grus brtsams par gnas kyang / nyan thos dang rang sangs rgyas kyi theg pa la sems can rnams yongs su smin par bgyid de/ theg pa chen po la sems can thams cad rnams yongs su smin par bgyid/ nyan thos dang rang sangs rgyas kyi gtams rgyun du ston gyi/ theg pa chen po'i gtam 'chab par bgyid 'jig rten pa'i bgyi ba la zhal lta bgyid par brtson gyi/ 'jig rten las 'das 'das pa'i chos yongs su mi tshol de bzhin gshegs pa la mchod pas dga' ba thob ste/ 'di ltar me tog dang / spos dang phreng ba dang / bdug pa dang / byug pa dang / bye ma dang / gdugs dang / rgyal mtshan dang / ba dan rnams kyis de bzhin gshegs pa rnams la mchod pa bgyid de/ de la gzhol/ de la 'bab/ de 'bab pa/
- 179b
gyur kyang thos pa yongs su btsal ba dang / thos pa bstan pa dang / thos pa la so sor brtag pa dang / thos pa bsgrub par bskyon 'grus mi rtsom na/ bcom ldan 'das 'di ni byang chub sems dpa'i brtson 'grus dang rab tu ldan pa'i bdud kyi lcags kyu ste bzhi pa'o// bcom ldan 'das gzhan yang byang chub sems dpa' bsam gtan bzhi skyed/ gzugs ma mchis pa'i snyoms par 'jug pa bzhi skyed cing sgrub ste/ de dag la rgyun du mang du gnas par gyur la/ de zhi ba'i snyoms par 'jug pa de dag la gnas shing / sems can yongs su smin par bgyi ba la smod de/ chos ston pa la smod pa/ sems can dang 'dri ba smod/ bsod nams/ kyi 'du byed rnams la mi smod cing / mi g.yo ba'i 'du byed kyi ro myang bgyid/ gcig pur dga' bas dga' ba thob ste/ 'bad pa chung ngus gnas par gyur nas/ bsam gtan las ldog pa yongs su mi tshol gyi 'dod pa'i khams dang / gzugs kyi khams la gsad par 'du shes shing / gzugs ma mchis pa'i khams kyi ro myang bar bgyid la/ de lus dman pas gzugs ma mchis pa'i khams rnams su skye bar bgyid cing / lha tshe rings po rnams dang bskal pa mnyam par skye ga ste/
- 180a
de der skyes nas kyang gang sangs rgyas brgya phrag mang po dang / sangs rgyas stong phrag mang po mnyes par bgyid pa de'i gnas ma mchis so/ sangs rgyas mthong ba dang / mnyan pa dang dge 'dun la bstan bkur bgyid pa dang / bral bar 'gyur/ sems can yongs su smin par bgyid pa dang / dam pa'i chos yongs su gzungs pa dang / bsod nams kyi tshogs stsogs pa dang / bral bar gyur de'i dbang po rnams blun zhing rtul ba'i rang bzhin can du 'gyur// de nas shi 'phos nas gang dang gang du skyes pa de dang der rtul ba'i rgyun cad du 'gyur zhing / rmugs pa dang / gnyid che bar 'gyur ba 'di ni bcom ldan 'das byang chub sems dpa'i bsam gtan dang rab tu ldan pa'i bdud kyi lcags kyu ste lnga pa'o// bcom ldan 'das gzhan yang byang chub sems dpa' shes rab dang ldan par gyur te/ rkyen shin tu mthong ba'i slad du/ rgyu yongs su shes pa dang ldan par gyur/ rgyu ma mchis dang rgyu bral ba dang / mngon par 'du bgyid pa dang mngon par 'du bgyid pa ma mchis par gyur te/ bsod nams kyi 'du byed rnams la smod/ thabs dang bral/ sbyin pa'i pha rol tu phyin pa la brtson/
- 180b
par mi bgyid/ tshul khrims dang bzod pa dang / brtson 'grus dang / bsam gtan gyi pha rol tu phyin pa rnams ni dman pa'i snyam na/ de ni dbang po yongs su ma smin pa/ btang snyoms su lhung pa ste/ bsdu ba'i dngos po bzhis sems can rnams mi sdud cing / spobs pa ma mchis pa/ mngon par 'du bgyi ba ma mchis pa/ de nyid kyi ro myang bar bgyid pa 'di ni/ bcom ldan 'das byang chub sems dpa'i shes rab dang rab tu ldan pa'i bdud kyi lcags kyu ste/ drug pa'o// bcom ldan 'das gzhan yang byang chub sems dpa' dgon pa par gyur pa/ bas mtha'i gnas mal la mngon par dga' zhing 'dod pa chung la chog shes te rab tu dben/ khyim pa dang / rab tu byang ba rnams dang mi 'drel/ de'i don nyung ba dang bgyi ba nyung bas bde b.re gnas te/ g.yo ba ma mchis kyang / mang du thos pa yongs su btsal ba dang / sems can yongs su smin par bgyi ba dang / chos mnyan pa la brtson par mi gnas/ chos kyi 'phel ba'i dka' mchis dang / don rnam par nges pa'i dka' mchid la bgyi ba la rgyun dgum sems te/ yongs su 'dri ba'i rang bzhin can ma lag/
- 181a
dge ba'i ci zhes tshol ba la mi brtson/ de dgon pa la gnas pa dang / gcig pur dga' bas nyon mongs pa rnams kun tu mi rgyu ste/ de kun nas ldang ba gnod pa tsam gyis dga' ba thob cing / bag la nyal yang dag par gzhom pa'i slad du lam bsgom par mi bgyid de/ de na bdag gi don dang / gzhan gyi don gyi slad du brtson par mi 'gyur ba 'di ni/ bcom ldan 'das byang chub sems dpa'i dgon pa la gnas pa dang rab tu ldan pa'i bdud kyi lcags kyu ste/ bdun pa'o// bcom ldan 'das gzhan yang byang chub sems dpa' mang du thos par gyur te/ chos kyi gtam can tshig mnyan par 'os pa/ tshig bzung bar 'os pa/ snyan pa sna tshogs kyi gtan can dang / spobs pa phun sum tshogs par gyur kyang / de zang zing gi slad chos sten te/ zang zing ma mchis pa'i sems kyis ma lags/ gang las de'i gos dang / zas dang / mal cha dang / na ba'i gsos sman dang / yo byad rnams ma mchis par 'gyur ba de dag la chos ston gyis/ sems can gang dag dad pa dang ldan zhing dang ba mang ba/ legs par bshad pa'i don 'tshal bar nus shing / stobs dang ldan pa/ zang za
- 181b
gis de rjes su 'dzin par mi bgyid pa de dag la chos ston pa/ gang dag de la dged par bgyid pa/ dman pa dman par gyur pa/ gti mug gi rang bzhin can chos rgya chen po'i snod du ma gyur pa de dag la chos ston pa dang / de zang zing gis spags pa'i rgyud des gang dag chos ston par bgyid pa ma lags pa/ snod du ma gyur pa de dag la chos ston pa dang / gang dag bstan par bgyi ba de dag la mi ston 'di ni/ bcom ldan 'das byang chub sems dpa'i chos bstan pa dang rab tu ldan pa'i bdud kyi lcags kyu ste brgyad pa'o// bcom ldan 'das gzhan yang byang chub sems dpa' 'jig rten rgyang phan pa yongs su tshol de/ de gzhan dag la zab mo'i bka' mched kyi rgyun bkum nas/ 'jig rten rgyang phan pa'i bka' mchid sna tshogs ston to// de 'jig rten rgyang phan pa'i bka' mchid sna tshogs ston pas/ 'jig rten dga' zhing mngon par dga' ba'i tshig dang / lan gyi tshig la mkhas pas sems can rnams dga' bar 'gyur te/ de la legs so legs so bgyi ba yang bstsol bar 'gyur la/ de nas kyang byang chub sems dpa'i yid rangs par 'gyur ba dang / lha'i bu gang dag sngon sangs rgyas mthong ba/ chos zab mo la mos
- 182a
pa chos mnyan pa'i phyir der 'dus par gyur pa de dag sdug bsngal zhing yid mi bde ste/ yid ma rangs na/ gang 'jig rten gyi dga' bas mngon par dga' ba'i sems can de dag la zab mo'i gtam gyi rgyun bcad de/ 'jig rten rgyang phan pa'i gtam sna tshogs ston pa'i rigs kyi bu 'di ni dam pa'i chos nub par byed pa yin gyi/ dam pa'i chos yongs su 'dzin pa ma yin no// de ci'i phyir zhe na// don zab mo'i phyir sangs rgyas bcom ldan 'das rnams 'byung gi/ 'jig rten rgyang phan pa'i gtam sna tshogs kyi phyir ma yin no zhes mchi zhing / 'khor de nas mchi bar 'gyur ba de lta bu'i tshig smra'o// bcom ldan 'das de lta bas na/ byang chub sems dpa' gang 'jig rten rgyang phan pa'i bka' mchis sna tshogs bgyid kyi zab mo'i bka' mchid 'chab pa 'di ni/ sangs rgyas 'byung nga nub par bgyi ba'i slad du zhugs pa lags ste/ bcom ldan 'das 'di byang chub sems dpa' bka' mchid zab mo 'chab cing / 'jig rten rgyang phan pa dang rab tu ldan pa'i bdud kyi lcags kyu ste dgu pa'o// bcom ldan 'das gzhan yang byang chub sems dpa' dge ba'i bshed gnyen ltar bcos pa sdig pa'i grogs
- 182b
po gang dag de la bsdu ba'i dngos po rnams las 'dun pa bzlog pa dang / sems can yongs su smin pa bgyid pa las 'dun pa bzlog pa dang / dam pa'i chos yongs su gzungs pa las 'dun pa bzlog pa dang / bsod nams kyi tshogs las 'dun pa bzlog pa dang / rab tu dben pa la sbyor ba dang / don nyung zhing bgyid pa nyung ba la sbyor ba dang / nyan thos dang rang sangs rgyas dang ldan pa'i bka' mchid de la rgyun du mang du ston pa dang / theg pa chen po dang ldan pa'i bka' mchid de la mi ston pa dag la bsnyen bkur cing bsten te bsnyen bkur bgyid pa dang / gang gi tshe byang chub sems dpa' dben par gnas pas/ theg pa chen po las ldang ba de'i tshe/ byang chub sems dpa' gdon mi za bar zhal ta byed par bya'o zhes/ byang chub sems dpa'i zhal ta bgyid pa'i dri ma la sbyor la/ gang gi tshe byang chub sems dpa' zhal ta bgyid pa'i dri ma la sbyor ba de'i tshe dben pa la sbyor zhing / mtshan ma dang bcas pa dang / rgyu ba dang bcas pa'i bzod pa'i nye bar ston/ byang chub sems dpa'i lam yang dag pa phul ba gang lags pa de dag de la mi ston to// byang chub sems dpa'i las yang dag pa yang dag phul
- 183a
de dag gang lags she na/ bcom ldan 'das bcu po 'di dag ni/ byang chub sems dpa'i las yang dag pa yang dag pa phul lags so// bcu po gang zhe na 'di lta ste/ dad pa'i rtsa ba la rab tu gnas te/ dge ba'i bshes gnyen rnams la bsnyen cing bsten te/ bsnyen bkur bgyid pa dang / mgo dang gos la zhugs 'bar bzhin du dge ba'i chos ci zhes yongs su tshol ba dang / dge ba'i chos la 'dun pa la gnas te/ yang dag pa'i brtson pa mi 'dor ba dang / bag mchis par las bgyid pa chud mi bzon pa dang / bdag bde ba la mi chags par rtag par rgyun du sems can yongs su smin par bgyid pa dang / lus dang srog la mi lta bar dam pa'i chos yongs su 'dzin pa dang / mtshan dang dpe byad bzang po dang / sangs rgyas kyi zhing yongs su sbyang ba'i slad du/ bsod nams kyi tshogs yongs su tshol ba mi ngoms pa dang / gzungs dang spobs pa thob par bgyi ba'i slad du ye shes kyi tshogs yongs su tshol ba dang / so so'i skye bo thams cad kyis mi gos par bgyi ba'i slad du/ shes rab kyi pha rol tu phyin pa sgom pa dang / nyan thos dang rang sangs rgyas kyis las shin tu bza' ba'i slad
- 183b
du/ thabs la mkhas pa yongs su tshol ba ste/ bcom ldan 'das bcu po de dag ni byang chub sems dpa'i sa las yang dag pa yang dag phul lags te// gang dag la byang chub sems dpas bslab par bgyi ba de dag la mi ston pa dang / de la 'di skad du byang chub ni byang chub sems dpa' brtson 'grus brtsams pa yin gyi le lo can gyi ma yin no// gal te khyod bskal pa brgyad dam bcus bla na med pa med pa yang dag par rdzogs pa'i byang chub mngon par rdzogs par sangs rgyas na/ phyis khyod bla na med pa yang dag par rdzogs pa'i byang chub mngon par rdzogs par 'tshang rgya bar mi nus so zhes mchi la bcom ldan 'das de la byang chub sems dpa' gang sgyid lug nas 'bras bu thob par bgyid pa'i gnas mchis na/ bcom ldan 'das 'di ni byang chub sems dpa'i dge ba'i bshes gnyen ltar bcos pa'i bdud kyi lcags kyu ste bcu pa'o// bcom ldan 'das gzhan yang byang chub sems dpa' nga rgyal gyis khengs shing nga rgyal gyi rengs par gyur te/ de nga rgyal bla ma rnams dang / sbyin gnas rnams dang / pha ma dang / slob dpon dang / mkhan po rnams dang / de las gzhan pa
- 184a
bla ma lta bu'i gang zag rnams la kun tu 'dud pa dang / bdud pa dang / rab tu 'dud par mi bgyid cing / de la ma gus par gyur pa dang rdza gang dag byang chub sems dpa'i spyod pa rnams la mkhas pa/ khyab par thob pa/ gzungs dang spongs pa phun sum tshogs pa/ byang chub sems dpa'i bgyi ba thams cad tshar phyin pa de dag gi gan du mi mchi/ mi snyen mi rten pa bsnyen bkur mi byed/ yongs su mi 'dri/ yongs su 'drir mi stsal cing de ma thos pa'i chos nyan par mi bgyid/ thos pa'i chos rnams kyang yongs su dkar bar mi bgyid/ de las gzhan pa byang chub sems dpa'i theg pa pa'i gang zag bdud kyi lcags kyus zin pa/ chos ngan pa la spyod pa de dag la dga' ba rnyed pa dang / de dag kyang de bzhin du de'i rjes su 'jug par gyur pa dang / de dman pa la sten cing / khyad par dang bral bas 'di lta ste/ zhan pa'i 'gro ba/ blun po 'on pa/ sdug pa'i 'gro ba dman pa nyid du mchi bar 'gyur ro// bcom ldan 'das 'di lta ste dper na/ skyes bu la la zhig gis gram pa'i sa phyogs su shing tsam pa ka bskrun la/ chab stsol bar mi bgyid kyi gang nas chab blar mthong ba'i phyogs de yang gor ma dang / gyo mo dag
- 184b
gis bkum na/ bcom ldan 'das de lta na zhugs shing tsam pa ka chab dang bral ba de yal ga dang / lo ma dang / yal ga phre'u ma chags pa rnams kyang chags par mi 'gyur/ yal ga dang / lo ma dang / yal ga phre'u chags pa rnams kyang skams te/ dog sa la lhung bar 'gyur ro// bcom ldan 'das de bzhin du byang chub sems dpa' gang byang chub tu sems bskyed la/ nga rgyal gyis khengs shing / nga rgyal gyis khengs par gyur na/ de dge ba'i bshes gnyen dang / chos nyan pa dang bral te/ ma thos pa'i chos rnams kyang mi nyan/ thos pa'i chos rnams kyang yongs su dka' bar mi bgyid do// bcom ldan 'das 'di lta ste dper na/ gang gi tshe rgya mtsho chen po mchis par gyur pa de'i tshe/ gzhol ba'i phyogs na mchis par 'gyur ro// de gzhol ba'i slad du chu klung thams cad dang / chab mig dang / 'bab chu thams cad tshegs chung ngus der 'bab po// bcom ldan 'das de bzhin du byang chub sems dpa' nga rgyal ma mchis pa/ bla ma dang sbyin gnas la gus pa yang tshegs/ chung ngus chos zab mo'i sgo rnams rna ba'i dbang po la reg par 'gyur ro// de dran pa la yang gnas par 'gyur ro// bcom ldan 'das de bas na/ byang chub
- 185a
sems dpa' nga rgyal gyis khengs pa/ nga rgyal gyis rengs par gyur te/ bla ma dang sbyin gnas rnams la kun tu mi 'dud cing // 'dud par mi bgyid la rab tu mi 'dud na/ bcom ldan 'das skye ma'o byang chub sems dpa' 'di ni/ bdud kyi lcags kyus zin par rig par bgyi ste/ bcom ldan 'das 'di ni byang chub sems dpa' nga rgyal dang rab tu ldan pa'i bdud kyi lcags kyu ste bcu gcig pa'o// bcom ldan 'das gzhan yang byang chub sems dpa' gzugs bzang zhing mdzes la/ phyag cing nor che ba dang / longs spyod che zhing nor mang la/ mdzod dang bang ba mang po phun sum tshogs par gyur te/ gzugs dang longs spyod dang / rus dang rigs dang / g.yog 'khor dang / bsod nams kyi tshogs kyis brtan/ par gyur/ ye shes kyi tshogs yongs su btsal ba la mngon par brtson zhing / de gzugs dang / longs spyod pa dang / g.yog 'khor dang / dbang phyug gi stobs kyis rgyags shing bag ma mchis par gyur te/ byang chub sems dpa' gang dag rab tu byung bar gtogs pa khyim gyi gnas
- 185b
nas nges par byung ba ye shes kyi tshogs yongs su tshol ba la brtson pa/ gdugs dang gser mas/ sha dang khrag skams pa/ rke ba nyam chung ba/ lus rtsas yog pa/ mgo dang gos la zhugs 'bar ba bzhin du gdugs mtshan du brtson 'grus brtsams pa/ dge ba'i chos yongs su btsal ba la rtag du brtson pa dang ldan pa de dag la rke zhing nyam chung la/ mdog ngan cing mi sdug par rigs nas/ bskas par bya'o// snyam du sems shing / de dag las legs par bshad pa nyan mi 'tshal te/ de de bas shas ches dman zhing ches rmugs par 'gyur ba 'di ni/ bcom ldan 'das byang chub sems dpa'i rgyags pa dang / bag ma mchis pa dang rab tu ldan pa'i bdud kyi lcags kyu ste bcu gnyis pa'o// bcom ldan 'das bcu gnyis po de dag ni byang chub sems dpa' rnams kyi bdud kyi lcags kyu ste/ byang chub sems dpa' de dag las shin tu ma 'das na/ tha na rjes su 'thun pa'i bzod pa yang mi thob na/ bla na med pa yang dag par rdzogs pa'i byang chub tu mngon par rdzogs par 'tshang rgya ba lta ci smos kyang ci 'tshal te/ de ni gnas
- 186a
ma mchis so// bcom ldan 'das de lta bas na/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ bdud kyi lcags kyu 'di dag las shin tu 'da' bar bgyi'o// // 'phags pa blo gros rgya mtshos zhus pa// / bam po bcu pa ste za ba'o// // de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ blo gros rgya mtsho khyod kyis byang chub sems dpa' rnams kyi bdud kyi lcags kyu 'di dag legs par bshad pa legs so legs so// blo gros rgya mtsho de'i phyir legs par rab tu nyon la yid la zung shig dang / byang chub sems dpa' dag gang la gnas nAHbdud kyi lcags thams cad las shin tu 'da' bar 'gyur ba/ bdud kyi lcags kyu rab tu gcod pa'i chos kyi sgo khyod la bshad do// blo gros rgya mtsho bdud kyi lcags kyu rab tu gcod pa'i chos kyi sgo de dag gang zhe na/ blo gros rgya mtsho bcu po 'di dag ni/ bdud kyi lcags kyu rab tu gcod pa'i chos kyi sgo yin no// bcu
- 186b
gang zhe na 'di lta ste/ blo gros rgya mtsho chos thams cad ni stong pa nyid kyi rang bzhin pas/ stong pa nyid kyi rnam par zhugs kyang / bdag nyid skyabs byed pas/ sems can thams cad la cher byams la 'di ni bdud kyi lcags kyu rab tu gcod pa'i chos kyi sgo dang po'o// blo gros rgya mtsho chos thams cad ni mtshan ma med pa'i rang bzhin bas mtshan ma med pa'i rnam par zhugs kyang yongs su thar bar byed pas/ sems can thams cad la cher snying rje ba 'di ni bdud kyi lcags kyu rab tu gcod pa'i chos kyi sgo gnyis pa'o// blo gros rgya mtsho chos thams cad ni smon pa byed pa'i rang bzhin pas/ smon pa med pa'i rnam par zhugs kyang / sems can thams cad yongs su smin par bya ba'i phyir/ bsams bzhin du skye ba 'di ni bdud kyi lcags kyu rab tu gcod pa'i chos kyi sgo gsum pa'o// blo gros rgya mtsho chos thams cad ni 'dod chags dang bral ba'i rang bzhin pas 'dod chags dang bral ba'i rnam par zhugs kyang / 'dod chags la gcod pa'i sems can thams cad yongs su smin par byed pa 'di ni bdud kyi lcags kyu rab tu gcod pa'i chos kyi sgo ba'i pa'o// bu gros rgya mam chos thams cad ni zhe sdang dang bral ba'i rang bzhin zhe sdang
- 187a
dang bral ba'i rnam par zhugs kyang / zhe sdang la spyod pa'i sems can yongs su smin par byed pa 'di ni bdud kyi lcags kyu rab tu gcod pa'i chos kyi sgo lnga'o// blo gros rgya mtsho chos thams cad ni gti mug dang bral ba'i rang bzhin pas/ gti mug dang bral ba'i rnam par zhugs kyang / gaN+DI mug la spyod pa'i sems can yongs su smin par byed pa 'di ni bdud kyi lcags kyu rab tu gcod pa'i chos kyi sgo drug pa'o// blo gros rgya mtsho chos thams cad ni/ kun nas nyon mongs pa med pa'i rang bzhin pas/ kun nas nyon mongs pa med pa'i rnam par zhugs kyang / kun nas nyon mongs pa can gyi sems can yongs su smin par byed pa 'di ni gdud kyi lcags kyu rab tu gcod pa'i chos kyi sgo bdun pa'o// blo gros rgya mtsho chos thams cad ni skyes pa med cing 'byung ba med pa'i rang bzhin pas/ skye ba med cing 'byung ba med pa'i rnam par zhugs kyang / skye ba med cing 'byung ba dang 'chi ba spangs pa'i phyir/ sems can rnams la chos ston ba 'di ni bdud kyi lcags kyu rab tu gcod pa'i chos kyi sgo brgyad pa'o// blo gros rgya mtsho chos thams cad ni ngang mnyam zhing bye brag med pa'i rang bzhin pas/ dang ma
- 187b
zhing bye brag med pa'i rnam par zhugs kyang theg pa chen po'i bsam pa yongs su mi 'dor bar sems can rnams la theg pa gsum rnam par dgod pa'i chos ston ba 'di ni bdud kyi lcags kyu rab tu gcod pa'i chos kyi sgo dgu pa'o// blo gros rgya mtsho gzhan yang byang chub sems dpa' sems dang yid dang / rnam par shes ba la'ang mi gnas la/ byang chub kyi sems kyang mi brjed/ rtsom pa thams cad dang yang bral la/ sems can rab tu thar bar bya ba'i phyir rtsom pa yang mi 'dor brtsa spyod pa thams cad las kyang shin tu 'das la/ byang chub sems dpa'i spyod pa las kyang mi stog pa 'di ni/ blo gros rgya mtsho byang chub sems dpa'i bdud kyi lcags kyu rab tu gcod pa'i chos kyi sgo bcu pa'o// blo gros rgya mtsho bcu po 'di dag ni bdud kyi lcags kyu rab tu gcod pa'i chos kyi sgo ste/ byang chub sems dpa' de dag la rab tu sbyor na bdud kyi lcags kyu thams cad las shin tu 'das par 'gyur ro// bdud kyi lcags kyu rab tu gcod pa'i chos kyi rnam grangs 'di bshad pa na/ bdud kyi gnas thams cad mog mog bor gyur te/ rnam pa drug tu g.yos so// 'di lta ste dper na byang chub kyi snying po la 'dug pa'i byang chub
- 188a
sems dpa'i mdzod spu nas 'od rab tu byung bas/ bdud kyi gnas thams cad zag thog por gyur pa de bzhin du de'i tshe bdud kyi gnas thams cad mog mogo bor gyur to// de nas bdud sdig can gyis ltas chen po 'di mthong nas/ rings shing byur bar la gong du dpung ga tshogs yan lag bzhi pa bsdus te/ bkod pa ci 'dra bas byang chub kyi snying po 'dug pa'i byang chub sems dpa'i gan du 'gro ba'i bkod pa de 'dra bas dpag tshad sum bcu rtsa drug tshun chad bdud kyi sdes bkang nas/ bcom ldan 'das kyi 'khor gyi dkyil 'khor gyi khams ga la ba der dong ba dang / sangs rgyas kyi mthus der de bsgrub par gyur te/ 'ongs kyang de bzhin gshegs pa dang / gang dag phyir mi ldog pa'i byang chub sems dpa' rnams dang / 'khor de las sems can gang dag 'dul bar 'gyur ba rnams dang / gang dag srid par kun tu sbyor ba spangs pa'i dgra bcom pa lta ba phun sum tshogs pa'i gang zag rnams ma gtogs par gang gis kyang de ma mthong ngo // de nas bcom ldan 'das kyi byang chub sems dpa' blo gros rgya mtsho la bka' stsal pa/ blo gros rgya mtsho khyod kyis bdud sdig can bkod pa
- 188b
ji lta bu dang 'ong ba mthong ngam/ gsol ba/ bcom ldan 'das mthong lags so// bcom ldan 'das kyis bka' stsal pa/ blo gros rgya mtsho bdud sdig can 'di ni chos kyi rnam grangs 'di la bar chad bya ba'i phyir 'ongs na/ da ci zhig bya/ gsol pa/ bcom ldan 'das der 'di bde ba thams cad kyis brgyan pa'i 'jig rten gyi khams su 'phangs par bgyi'o// de nas tshe dang ldan pa sha ri'i bus byang chub sems dpa' blo gros rgya mtsho la 'di skad ces smras so// rigs kyi bu bde ba thams cad kyis brgyan pa'i 'jig rten gyi khams de ni ga la yod/ de na chos ston pa'i de bzhin gshegs pa'i mtshan ni ci zhes bya/ blo gros rgya mtshos smras pa/ btsun pa sha ri'i bu shar phyogs logs su sangs rgyas kyi zhing 'di nas gang ga'i klung bcu gnyis kyi bye ma snyed kyi sangs rgyas kyi zhing 'das pa na// bde ba thams cad kyis brgyan pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa zhes bya ba chos ston to// de ci'i phyir 'jig rten gyi khams de bde ba thams cad kyis brgyan pa zhes bya zhe na/ btsun pa sha ri'i bu bde ba thams
- 189a
cad kyis brgyan pa'i 'jig rten gyis khams de na/ bde ba'i rgyu dang / yon tan gyi rgyu dang / bkod pa'i rgyu bskal par brjod kyang / zad par mi nus te/ de'i phyir 'jig rten gyi khams de bde ba thams cad kyis brgyan pa zhes bya'o/ gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa des/ byang chub thob pa de'i tshe/ de byang chub kyi snying po la/ 'dug ste/ thams cad mkhyen pa nyid ma thob par lus las bdud kun skal ba zhes bya ba'i 'od zer phyung nas/ 'od zer des bskul pa dang / 'jig rten gyi khams de na bdud bye ba phrag brgya mkhod pa/ bdud re re zhing g.yogo 'khor bye ba brgya phrag bcu yod pa de dag thams cad byang chub kyi snying po ga la ba der song ste byin nas byang chub sems dpa' la bar chad bya bar bsam pa dang / byang chub sems dpa' la bar chad byed ma nus te/ de dag ngo mtshar du gyur nas bcom ldan 'das do'i zhabs gnyis la btugs so// des kyang ji ltar de dag bsam pa zag pa nas bla na med pa yang dag par rdzogs pa'i byang chub tu sems
- 189b
bskyed par 'gyur ba de lta de ltar bdud de dag la chos bstan nas/ bcom ldan 'das de'i phyis byang chub thob ste/ de'i phyir de bzhin gshegs pa de bdud rab tu 'jom pa zhes bya'o// de byang chub thob pa'i mchog gi brug dang / bzang po'i thugs kyang bdud las btul ba'i byang chub sems dpa' rnams so// rim gro ba yang bdud las btul ba'i byang chub sems dpa' rnams so// bcom ldan 'das de bzhin gshegs pa bdud rab tu 'jom pa de ni byang chub sems dpa'i gtam 'ba' shig yang dag par rab tu sngon te/ de na theg pa gzhan gyi ming yang med do// btsun pa sha ra'i bu bde ba thams cad kyis brgyan pa'i 'jig rten gyi khams de ni de 'dra ste/ der 'phags na phyis bdud kyi las byed par mi 'gyur gyi/ bdud las btul ba'i byang chub sems dpa' de dag dang lhan du byang chub tu sems bskyed nas/ byang chub kyi phyogs kyi chos rnams yongs su rdzogs par 'gyur ro// de nas bdud sdig can sngangs skrag 'jigs te/ spu zing zhes byed nas/ 'khor de nas 'gro bar 'dod na/ 'gro bar ma nus te/ mi snang bar ma gyur nas/ de de ngas kyang cher sngangs
- 190a
shing skrag ste/ bcom ldan 'das kyi zhabs gnyis la gtugs nas/ 'di skad ces gsol to// bcom ldan 'das blo gros rgya mtshos 'jig rten gyi khams der 'phags par mi 'gyur bar/ bcom ldan 'das bdag la bskyab du gsol/ bde bar gshegs pa bskyeb du gsol/ bcom ldan 'das kyis bka' stsal pa/ sdig can ma 'jigs shig/ skyes bu dam pa 'di lta bu dag ni sems can la rnam par mtshe ba'i phyir gnas pa ma yin no// sdig can khyod byang chub sems dpa' blo gros rgya mtsho 'di la bzod pa gsol cig pa dang / 'di nyid khyod la skyob par 'gyur ro// de nas bdud sdig can gyis thal mo sbyar te/ byang chub sems dpa' blo gros rgya mtsho la phyag 'tshal nas 'di skad ces smras so// skyes bu dam pa khyod bdag la bzod par mdzad du gsol/ bdag bde ba thams cad kyis brgyan pa'i 'jig rten gyi khams der mi 'bang bar gsol/ ji ltar gang na skyes bu dam pa khyod lta bu chos ston par 'gyur ba'i 'khor der bar chad bgyi ba'i slad du lan 'ga' yang mi mchi bar mi 'gyur ba de ltar bgyi'o// blo gros rgya
- 190b
mtshos smras pa/ sdig can kho bo lta bu dag la bzod pas gsol mi dgos te/ byang chub sems dpa' rnams ni sems can thams cad la shin tu bzod ba nyid do// sdig can khyod bde ba thams cad kyis brgyan pa'i 'jig rten gyi khams der song la/ 'jig rten gyi khams kyi bkod pa de dang / bcom ldan 'das de bzhin gshegs pa bdud rab 'jom pa de la ltos shig dang / khyod la 'tshe bar mi 'gyur ro// de nas byang chub sems dpa' blo gros rgya mtsho lag pa g.yas pa gser gyi kha dog can brgyang ste/ bdud sdig can gyi spyi bor bzhag nas/ bden pa dang bden pa'i tshig gang gis/ byang chub sems dpa' rnam la chos kyi ser sna dang / slob dpon chos kyi dpe khyud med pa'i bden pa dang / bden pa'i tshig des bdag gi rdzu 'phral gyi rkang pa ci 'dra bar bdud sdig can gyis yang de 'dra bar gyur cig ces/ de lta bu'i bden pa'i byin gyis brlabs byas so// byang chub sems dpa' blo gros rgya mtsho tshig de skad smras ma thag tu/ de nas bdud sdig can rdzu 'phrul gyi stobs mchog dang ldan par gyur te/ des stong gsum gyi stong chen po'i
- 191a
'jig rten gyi khams 'di rnam pa drug tu g.yos par byas nas/ sangs rgyas kyi zhing 'di nas mi snang bar gyur te/ 'di ltar byang chub sems dpa' blo gros rgya mtsho'i byin gyi brlabs kyis/ skad cig thang cig yud tsam de la bde ba thams cad kyi brgyan pa'i 'jig rten gyi khams der gnas par gyur to// de nas bdud sdig can bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'jom pa ga la ba der song ste phyin nas/ bcom ldan 'das kyi zhabs la mgo bos phyag 'tshal te/ lan bdun bskor ba byas nas/ phyogs gcig tu 'dug go// de nas bcom ldan 'das de bzhin gshegs pa bdud rab tu 'joms pa de'i sangs rgyas kyi zhing de na/ bdud las btul ba'i byang chub sems dpa' gang dag 'khod pa de dag gis bdud sdig can de mthong nas/ bcom ldan 'das de bzhin gshegs pa bdud rab tu 'jom pa de la 'di skad ces gsol to// bcom ldan 'das sems can gang dbang chung zhing mdog ngan la mi sdug pa 'di lta bu 'di gang nas mchis/ bcom ldan 'das des bka' stsal pa/ rigs kyi bu nub phyogs
- 191b
sangs rgyas kyi logs su sangs rgyas kyi zhing 'di nas/ gang ga'i klung bcu'i gnyis kyi bye ma snyed kyi zhing 'das pa na/ 'jig rten gyi khams mi mched ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs so// 'tsho'o gzhes so// de 'dus pa chen po'i le'u gyi chos kyi rnam grangs rgya cher bstan to// yang dag par rab tu 'chad do// der phyogs bcu nas byang chub sems dpa' tshad med grangs med cing // bgrang ba las shin tu 'das pa dag chos kyi rnam grangs 'di mnyan pa'i phyir 'dus so// byang chub sems dpa'i 'khor der byang chub sems dpa' sems dpa' chen po blo gros rgya mtsho zhes bya ba go cha bsam gyis mi khyab pa bgos pa/ bcom ldan 'das de la yongs su 'dri zhing yongs su 'drir 'jug par yang dag par 'dus par gyur to// chos kyi rnam grangs 'di tha ma bshad pa'i tshe/ bdud sdig can mig gi mi rtsol bar bya ba'i las kyi phyir 'ongs pa dang / skyes bu dam pa des 'dul ba'i dbang nye bar bzung ba ste bdud sdig can de 'jig rten gyi khams 'dir 'phangs so// de nas bdud las btul ba'i byang chub sems dpa' de dag gis/ bdud sdig can la 'di/
- 192a
s+yAd ces smras so// kha bo cog kyang khyod kyi grogs yin gyis/ thig dun khyod tha myed pa yang dag par rdzogs pa'i tu sems skyed cig/ de ci'i phyir zhe ne/ kho bo cag kyang bdud du gyur te/ sems can rnams kyi dge ba'i rtsa ba'i phyir zhugs pa las/ kho bo cag de bzhin gshegs pas bla na med pa yang dag par rdzogs pa'i byang chub tu sems bskyed do// de lta bas na sdig can khyod bla na med pa yang dag par rdzogs pa'i byung chub tu sems skyed cig/ de nas bdud sdig can gyis lhag pa'i bsam pas bla na med pa yang dag par rdzogs pa'i byang chub tu sems bskyed nas/ tshig 'di skad ces bdag gis bla na med pa yang dag par rdzogs pa'i byang chub tu sems bskyed de/ phyin cad bdud kyi las mi bya'o zhes smras so// de nas byang chub sems dpa' de dag gis bdud sdig can rin po che bkod pa'i seng ge'i khri la bzhug ste/ de na 'dus pa chen po'i le'u gyi chos kyi rnam grangs kyi rgyud ci 'dra ba la rigs kyi bu khyod spobs par gyis shig ces gsol ba btab bo// de nas byang chub sems dpa' blo gros rgya mtshos gang bdud sdig can seng ge'i khri la 'dug pa'i 'a
- 192b
sgo dang rdza ba spu'i khung thams cad nas/ ji ltar bcom ldan 'das shAkya thub pas 'dus pa chen po'i le'u rab tu bshad pa lta bu'i gtam byung ste/ yi ge de dag dang tshig dang yi ge'i 'bru de dag dang / mnyam zhing mi nyung mi mang la ma lhag par 'gyur ba de lta bu'i byin gyi rlabs byas so// de nas byang chub sems dpa' de dag gis bdud sdig can de las 'dus pa chen po'i le'u gtam thos nas ngo mtshar du gyur te/ bcom ldan 'das de la 'di skad ces gsol to// bcom ldan 'das bdag cag 'jig rten gyi khams ma mdzad de na/ bcom ldan 'das de bzhin gshegs pa shAkya thub pa de dang / byang chub sems dpa' blo gros rgya mtsho de dang / phyogs bcu'i 'jig rten gyi khams nas 'dus pa'i byang chub sems dpa' de dag la blta bar bgyi'o// de nas bcom ldan 'das de bzhin gshegs pa bdud rab tu mdzem pas/ mdzod spu nas gzugs thams cad ston pa zhes bya ba'i 'od gzer byung ste/ 'od gzer byung ba des sangs rgyas kyi zhing gang gA'i klung bcu gnyis kyi bye ma snyed de dag las 'das te/ 'jig rten gyi khams mi mjed 'di snang ba chen pos khyab par gyur to// der byang chub sems dpa' de dag gis bcom ldan 'das de
- 193a
bzhin gshegs pa shAkya thub pa rin po che bkod pa'i 'khor gyi khyams na/ bskal brgyar yang bsngags pa'i mthar mi byin pa'i seng ge'i khri chen po la bzhugs te/ phyogs bcu 'jig rten gyi khams nas 'dus pa'i byang chub sems dpa' rnams la 'dus pa chen po'i le'u chos kyi rnam grangs rgya cher yang dag par ston pa dang / byang chub sems dpa' blo gros rgya mtsho yang mthong ngo // 'jig rten gyi khams mi mjed chus yongs su gang ba'i rgya mtsho cig lta bur gnas pa 'di yang mthong ngo // de na sgrib pa ci yang med par mthong ngo // phyogs bcu'i 'jig rten gyi khams nas 'dus pa'i byang chub sems dpa' rgyang grags kyi tshad tsam gyi rin po che'i pad ma dag la 'khod cing chos nyan pa de dag kyang mthong ngo // mthong nas kyang tshim zhing mgu la yi rangs shing rab tu dga' ste dga' ba dang bde ba skyes nas/ bcom ldan 'das de bzhin gshegs pa shAkya thub pa ga la ba de logs su me tog gtor / gtong ma thog tu sangs rgyas kyi mthus 'ongs nas/ bcom ldan 'das shAkya thub pa'i spyi gtsug gi mchoms su me tog gi gdugs chen por gyur te/
- 193b
der thams cad dang ldan pa'i 'khor des me tog gi gdugs de mthong nas ngo mtshar du gyur te/ bcom ldan 'das la 'di skad ces gsol to// bcom ldan 'das gang me tog gi gdugs 'dir gyur pa'i me tog 'di 'di dag gang nas mchis/ bcom ldan 'das kyis bka' stsal ba/ grogs po dag me tog 'di dag ni bde ba thams cad kyis brgyan pa'i 'jig rten gyi khams de nas 'ongs te/ byang chub sems dpa' de dag gis nga la mchod pa'i las kyi phyir gtor to// gsol bsnga bcom ldan 'das bdag cag gis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'jom pa de dang / bdud sdig can 'jig rten gyi khams de ni ci bgyid pa blta bar bgyi'o// de nas bcom ldan 'das kyis 'khor des gsol ba btab pa mkhyen nas/ byang chub sems dpa' blo gros rgya mtsho la bka' stsal pa/ rigs kyi bu khyod kyis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa'i bdud rab tu 'jom pa de dang / bdud sdig can de 'khor 'di la ston cig/ de nas bcom ldan 'das kyis bskabs
- 194a
bye bas byang chub sems dpa' blo gros rgya mtsho sor mo bcu las 'od gzer stong phrag bcu phyung nas/ 'od gzer de dag gis sangs rgyas zhing gang ga'i klung bcu gnyis kyi bye ma snyed po de dag las 'das te/ bde ba thams cad kyis brgyan pa'i 'jig rten gyi khams snang ba chen pos khyab par gyur to// der thams cad dang d+ma'i 'khor de dang / bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'jom pa de dang / bdud sdig can chos kyi khri chen po la 'dug ste/ 'dus pa chen po'i le'u gyi gtam rgya chen po yang dag par rab tu ston pa yang mthong ngo // mthong nas kyang thams cad dang ldan pa'i 'khor de ngo mtshar du gyur nas/ rang rang gi pad ma'i stan las langs te/ bcom ldan 'das de bzhin gshegs pa bdud rab tu 'joms pa de la phyag 'tshal nas/ de dag gis mu tog gis gtor to/ gtor ma thag tu sangs rgyas kyi mthus 'ongs nas/ bcom ldan 'das kyi spyi gtsug gi mtshams su me tog gi khang pa brtsegs pa chen por gnas par kun tu snang ngo // de nas bdud sdig can gyis
- 194b
bcom ldan 'das de bzhin gshegs pa bdud ra tu 'jom pa de la 'di skad ces gsol to// bcom ldan 'das bdag mi 'jed kyi 'jig rten gyi khams su// bcom ldan 'das shAkya thub pa'i gan du mchi'o// bcom ldan 'das des bka' stsal pa/ rigs kyi bu de'i dus la bab par shes na khyod song shig/ de nas/ bdud sdig can gyis/ bcom ldan 'das de'i zhabs la mgo bos phyag 'tshal te/ lan bdun bskor ba byas nas/ sangs rgyas kyi zhing de nas mi snang bar gyur te// byang chub sems dpa' blo gros rgya mtsho'i byin gyin rlabs dang / rdzu 'phrul gyi skad cig yud tsam de la mi mched kyi 'jig rten gyi khams 'dir gnas par gyur to// de la bcom ldan 'das ga la ba der song ste/ phyin nas bcom ldan 'das kyi zhabs la mgo bos phyag 'tshal te/ lan bdun bskor ba byas nas/ bcom ldan 'das la phyag 'tshal te/ phyogs gcig tu 'dug go/ de nas tshe dang ldan pa sha ra dwa ti'i bus bdud sdig can la 'di skad ces smras so// grogs po khyod kyis 'jig rten gyi khams bde ba thams cad kyis brgyan bde mthong ngam/ smras pa btsun pa sha ra dwa ti bu bdag gis 'jig rten gyi khams ji tsam
- 195a
du yongs su dag pa de mthong ste/ ji ltar dag cing dri ma med pa'i sems can gyi mchog byang chub sems dpa' rnams kyi gnas de ngo mtshar to// bdag gis de mthong nas kyang bla na med pa yang dag par rdzogs pa'i byang chub tu sems bskyed do// smras pa grogs po khyod kyis bla na med pa yang dag par rdzogs pa'i byang chub tu sems bskyed na khyod yang bdud kyi las lta byed dam/ smras pU shA rA dwa ti'i bu lhag pa'i bsam pa la yang dag par zhugs pa'i byang chub sems dpa' rnams la gang gis kyang bdud kyi las byed mi nus so// de ci'i phyir zhe ni/ lhag pa'i bsam pa la yang dag par zhugs pa'i byang chub sems dpa' rnams la ji lta ji ltar bdud kyi las byed pa de lta de ltar/ byang chub sems dpa' rnams ches stobs dang ldan zhing brtson 'grus rtsom mo// brdzun pa shwa ra dwa ti'i bu khyod kyis rnam grang 'dis kyang gang dag byang chub sems dpa' rnams la bdud kyi las byed pa de nyid sangs rgyas kyi 'phrin las su brjod kyi/ bdud kyi las ni ma yin par 'di ltar rig par bya'o// sangs kyi zhing kun tu bstan pa dang / bdud kyi cho 'phrul bstan pa 'di bshad
- 195b
ba na/ 'khor de las srog chags nyi khris bra na med pa yang dag par rdzogs pa'i byang chub tu sems bskyed do// bdud kyi 'khor de las kyang lha'i bu khris bla na med pa yang dag par rdzogs pa'i byang chub tu sems bskyed nas/ mgrin gcig tu bcom ldan 'das bdag cag 'jig rten gyi khams bde ba thams cad kyis brgyan pa'i der skye bar gyur cig ces tshig de skad ces smras pa dang / bcom ldan 'das kyis kyang de dag sangs rgyas kyi zhing der skye bar lung bstan to// / sangs rgyas kyi zhing kun tu bstan pa'i le'u ste bcu cig pa'o// // de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das de bzhin gshegs pa rnams kyi byang chub 'di ni bar chad mang ba/ phyir rgol ba mang ba lags na/ gang 'di lta bu'i mdo sde 'di dag de bzhin gshegs pa'i byin gyi rlabs nub par mi 'gyur zhing / rgyas par 'gyur ba dang / gang dag 'dzin pa dang / klog pa dang / ston pa dag la yang / bdud dam bdud kyi rigs kyi lha rnams kyis glags rnyed par mi 'gyur ba dang / dam pa'i chos sun ring du gnas pa dang / mdo
- 196a
sde 'di lta bu 'di dag kyang kun tu bsrung ba dang / sba ba dang / yongs su gzung ba'i slad du/ bcom ldan 'das de bzhin gshegs pas legs par byin gyis rlabs du gsol/ de skad ces gsol ba dang / bcom ldan 'das kyis byang chub sems dpa' blo gros rgya mtsho la 'di skad bka' stsal to// blo gros rgya mtsho sems can gang dag mdo sde 'di lta bu 'di dag 'dzin pa dang / ston par 'gyur zhing 'dod pa/ brtson 'grus brtsams pa/ dge ba'i rtsa ba bskyed pa de dag 'dul ba'i dbang nye bar bzung ste/ chos kyi rnam grangs 'di byin gyis brlabs zin to// blo gros rgya mtsho de'i phyir legs par rab tu nyon la yid la zung shig dang / tshig gang gis rgyal po chen po bzhi dag bkug nas/ chos kyi rnam grangs 'di kun srung ba dang / chos smra ba de dag kyang yongs su bzung ba'i phyir nan tan byed par 'gyur bar rgyal po chen po bzhi dgug pa'i tshig brjod par bya'o// blo gros rgya mtsho dgug pa'i tshig de dag gang zhe na 'di lta ste/ sa me sa ma sa na d+hi/ sa ra Ni/ sa ra ba ti/ d+ha ni/ d+ha na da ti/ d+hu d+ha me/ d+hu d+hum ti/ mA ba te/ sa ma le/ biM ma le/ bi ra/
- 196b
ka ka re/ ku ru Ne/ hu hu/ hu hu pra ti/ hu hu san d+hi/ nir g+ha ti ni/ a bad te/ bi bad te/ ma d+hu ma ti/ ma ra dzi te/ bi shud ste/ bi shud d+ha ba ti/ mi si le/ ma no ha re// // blo gros rgya mtsho 'di dag ni dgug pa'i tshig rnams yin te// tshig de dag gis rgyal po chen po bzhi bkug nas chos kyi rnam grangs 'di kun tu bsrung ba dang / chos smra ba de yang yongs su bzung ba'i phyir/ nan tan byed par 'gyur ro// sngags kyi tshig 'di rnams chos smra ba des legs par kha ton byed du/ byas te/ phyogs bzhir byams pas khyab par byas la// rgyal po chen po bzhi bsams na/ sngags kyi tshig 'di dag gis rgyal po chen po bzhi bkug nas 'ongs par 'gyur ro// de nas rgyal po chen po bzhi 'khor de nyid du 'dus par gyur te/ 'dug pa de stan las langs te/ bcom ldan 'das ga la ba de log su thal mo sbyar ba btud nas/ bcom ldan 'das la 'di skad ces gsol to// bcom ldan 'das rgyal po chen po bzhi po bdag cag lhan cig tu 'thun bar gang na yang dag pa dang ldan pa'i rgyun kyis chos kyi rnam grangs 'di 'chad par 'gyur ba der chos kyi rnam grangs 'di yang kun tu bsrung ba dang / chos sgra/
- 197a
ba de yang yongs su bzung ba dang / ci nas gang gis kyang bsgrib pa 'am/ gnod pa bgyid par mi 'gyur bar bgyi ba'i slad du mchis par bgyi'o// blo gros rgya mtsho gzhan yang lha'i dbang po brgya byin dgug pa'i tshig brjod par bya ste/ tshig de dag gis lha'i dbang po brgya byin dgug par bya'o// lha'i dbang po brgya byin dgug pa'i tshig 'di dag gang zhe na/ 'di lta ste/ dza ye dza ya ma ti/ a da Te/ mad Te/ mang ku re/ sid d+ha me te/ shud te/ shan ti ka re/ na de ne/ nA da naM/ da ta ma ti/ tang ka re k+Sha ya/ k+Sha ya mu khe/ a bad Ta ni/ bi bad Ta ni/ bi pyid Ta ni/ pa ri tshed de/ smi ti smi ti/ san d+hi/ A gad tsa go'u shi ka ni rdzi ta/ A su ra/ dza yan ti dwe pa/ sa ma ya ste/ A rag d+ho/ d+harma ni rdzi to/ ra mA hi/ swa stA/ ya nam b+hU ta na ma/ A rak+ka d+harma tsa ri nam// // blo gros rgya mtsho 'di dag ni lha'i dbang po brgya byin dgug pa'i tshig ste/ de dag gis lha'i dbang po brgya byin dgug par 'gug 'gyur ro// der chos smra ba des sngags kyi tshig 'di dag legs par kha don du byas la gtsang ba dang / gtsang sbra'i tshogs khrus legs/
- 197b
bar byas te/ gos bzang po bgos la shar phyogs su me tog tor te/ sangs rgyas thams cad bsams pa'i dran pa dang / sems can thams cad la snying rje chen po dang rab tu ldan pas/ seng ge'i khri la 'dug te/ lha'i dbang po brgya byin bsams la/ ko'u shi ka 'khor legs par yongs su gzhag pa'i phyir tshur shog/ sngags grub pa mngon gsum du gyis/ de'i bsams pa shin tu rnam par dag cing yongs su dag la/ tshul khrims yongs su dag pas bsams ma thag tu lha'i dbang po brgya byin 'ongs nas/ 'khor yongs su 'jog par 'gyur sngags kyi grub pa yang nye bar 'grub par 'gyur ro// de nas lha'i dbang po brgya byin yang 'khor de nyid du 'dus par gyur te/ 'dug pa des bcom ldan 'das la 'di skad ces gsol to// bcom ldan 'das chos kyi rnam grangs 'dri yongs su gzung ba dang / yun ring du gnas par bgyi ba'i slad du/ bdag chos smra ba de'i drung du mchi bar bgyi/ de'i 'khor kyang yongs su gzhag par bgyi/ sngags kyi grub pa nye bar bsgrub par bgyi'o// bcom ldan 'das bdag gis chos kyis rnam grangs 'di sum cu rtsa gsum gyi lha rnams la rgya cher yang
- 198a
dag par rab tu bshad par bgyi'o// de ci'i slad du zhe na/ bcom ldan 'das 'das pa dang / ma byon pa dang da ltar byu ba'i sangs rgyas bcom ldan 'das rnams kyi byang chub sems dpa'i spyod pa 'di las bstan pa'i slad du'o// bcom ldan 'das bdag gis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos la gus par bgyis te chos kyi rnam grangs rgya cher yang dag par rab tu bstan par bgyi'o// de nas bcom ldan 'das kyis lha'i dbang po brgya byin la legs so zhes bya ba byin te/ ke'u shi ka khyod kyis dam pa'i chos yongs su bzung ba'i phyir seng ge'i sgra bsgrags pa legs so legs so// de lta bu ni khyod kyi bya ba'o// lha'i dbang po khyod kyis chos kyi rnam grangs 'di bsams na/ lha rnams ni rgyal zhing lha ma yin rnams ni pham par 'gyur bar shes par yang drang bya'o// blo gros rgya mtsho gzhan yang bdud dang bdud kyi rigs kyi lha rnams tshar gcad pa'i sngags kyi tshig rnams brjod par bya ste/ sngags kyi tshig de dag gis bdud dang bdud kyi ris kyi lha rnams tshar gcod par 'gyur ro// sngags kyi tshig 'di dag gang zhe na 'di
- 198b
k+ta ste// sha me/ sha ma ba ti/ sha ma ni sha tru/ ang ku re/ mang ku re/ ma ra dzi te/ kA rA te/ Du twe dzo ba ti/ oM yo ya ni/ bi sha thA/ nirma li/ ma la nA ye/ khu khu re/ kha ge/ gra se/ gra sa ne/ oM mu khyi/ ba rang mu khri/ a ma Shi/ sha mi tA ni/ sarbe gr-i ha/ ban d+ha na ni/ ni gri hI tA/ sarba ba ra pra ba di na/ bi mug ta/ mA ra pa sha/ s+thA bi tA/ bud d+ha/ mu drA/ a nud ga ti ta/ sarba mA ri/ su tsa ra ti/ bad pA ri shud d+ha/ bi g+han tshan du/ sarbi mA ra karma ni/ blo gros rgya mtsho 'di dag ni bdud tshar gcod pa'i tshig/ nyon mongs pa gsal ba'i tshig ste/ de dag chos smra ba des legs par kha ton du byas la/ chos kyi khri la 'dug ste/ byang chub kyi rnam pa mngon par bsgrubs pa'i byams pas 'khor thams cad la khyab par byas la/ bdag la sman par 'du shes bskyed de/ chos la sman gyi 'du shes dang / chos nyan pa la nad pa'i 'du shes dang / de bzhin gshegs pa la skyes bu dam pa'i 'du shes dang / chos kyi tshul la yun ring po gnas ba'i 'du shes bskyed la/ sngags kyi tshig 'di dag mngon du byas te/ chos kyi gtam byed na/ de'i 'khor yug dpag tshad brgya tshun chad du/ bdud dang bdud kyi/
- 199a
ris kyi lha rnams mig gi rtsol bar bya ba'i las kyi phyir 'ong bar mi 'gyur ro// gang dag 'ong ba de dag kyang bar chud byed par mi nus so/ de nas bcom ldan 'das la bdud sdig can gyis 'di skad ces gsol to// bcom ldan 'das gang bdag byang chub sems dpa' blo gros rgya mtshos 'jig rten gyi khams bde ba thams cad kyis brgyan par 'phangs par skyes bu dam pa de dag gi byin gyi brlabs dang / rdzu 'phrul dang cho 'phrul 'di dag bdag la mngon sum du gyur to// bcom ldan 'das bdag deng slan chad bdud kyi sug las thams cad 'dor ro// gang na chos kyi rnam grangs 'di ston pa dang / yang dag par rab tu ston par 'gyur ba'i grong ngam/ grong khyer ram/ grong rdal lam gtsug lag khang der chos nyan pa'i slad du/ bdag nga rgyal ma mchis pa dang / gus pa dang bcas shing zhe sa dang bcas par mchi bar bgyi'o// bcom ldan 'das kyis bka' stsal pa/ sdig can legs so legs so// khyod chos gus ba'i rnam par smin pa 'dis/ rim gyis bdud kyi las thams cad las shin tu 'das te/ gang skyes bu dam pa de dag gis thob pa'i chos de dag rjes su
- 199b
thob par 'gyur ro// blo gros rgya mtsho gzhan yang mi mjed kyi bdag po tshangs pa dgug pa'i sdug dgug pa'i sngags kyi cho ga rnams brjod par bya ste/ dgug pa'i sngags kyi tshig de dag gis tshangs pa bkug nas/ chos smra ba'i gan du 'ong bar 'gyur ro// sngags kyi tshig de dag kyang gang zhe na/ 'di lta ste/ / me tA ga re/ kA ru NA ka re/ mu ti tra ka re/ a beg k+ka ka re/ bud d+ha ka re/ d+harma gA re/ sang g+ha ka re/ su tri ta ba dza ye/ ma hA bi d+ha ni/ niswa ri da g+he/ o dzo bad ti/ o dze ga me/ darma na da ni/ sa t+ya pra ti shwA ni/ u pa bad pa ti pi shud d+he/ swa ts+yai to pa sha me/ bya ba lo ka ya/ pra m+ba na byud tiSh+ThA sa ma d+he/ a bad krA sa d+harma tsa ra na na/ ku ru sad d+harma pa ri gra ha na/ kri ta ma nu pa la ya/ bud da ne/ tri mA ma bye ba tshe ba sI/ sma ra ti/ d+harma tsa gra pra pa ra rta nan/ ka ru swa tA bi sho tA nan/ pra ti kr-i ha na d+harmaHna ga ma la d+ha na/ bud d+ha a d+hi[:]Sh+TA na ma ma bI ko ba yA// / blo gros rgya mtsho mi mjed kyi bdag po tshangs pa dgug pa'i tshig 'di dag chos smra ba des legs par kha don byas la/ tshangs pa'i lam la shin tu gnas te/ zhe 'gras pa med pa'i
- 200a
sems kyi rgyud dang / dbang po shin tu sbas pa dang / shin tu bsrungs pa'i dran pa dang / shin tu dkar ba'i phyag rgya dang / shin tu yongs su dag pa'i lus kyi las dang / shin tu bden pas zin pa'i ngag gi las dang / shin tu brtan pa'i blo dang / legs par byas pa'i bzod pa'i las dang / shin tu yongs su sbyangs pa'i tshul khrims kyi phung po dang / legs par brtsams pa'i brtson 'grus kyi stobs dang / shin tu brten pa'i mang du thos pa dang / shin tu yongs su bsgoms pa'i sems las su rung ba dang / shin tu rno ba'i shes rab kyi dbang po dang / shin tu brtson pa'i yang dag pa'i sbyor ba dang / byang chub kyi sems kyis legs par zin pa drang / shin tu yongs su bsgoms pa'i byams pa dang / shin tu brtan pa'i snying rje chen pos/ sems can thams cad kyi bde ba yang dag par bskyed pa dang / sems can thams cad sdug bsngal las shin tu yongs su grol ba'i phyir seng ge'i khri la 'dug ste/ mi mjed kyi bdag po tshangs pa bsams la chos kyi gtam yang dag par rab tu brjod na/ des bsams ma thag tu/
- 200b
tshangs rigs kyi lha'i bu rnams dang lhan cig tu 'ong bar 'gyur ro// blo gros rgya mtsho de la tshangs pa 'ongs par 'gyur ba'i ltas 'di lta bu dag 'byung bar 'gyur ro// / 'di lta ste/ 'khor thams cad byams pa'i sems su 'gyur ba dang / dbang po nyams pa med pa dang / gcig la gcig mi gnod par gnas pa dang / chos dang chos smra ba la ston pa dang / bla ma ltar 'phags par sems pa dang / thal mo sbyor ba sems rtse gcig pa dang / mi g.yeng bar yid la byed pa dang / rus shing ltar byed pa dang / yid la byed pa dang / sems can thams cad kyis sems dang / rna ba blags te nyan par 'gyur ba'o// chos smra ba de la yang sngon du lung ma mnos pa dang / sngon ma thos pa'i chos rnams kyang mngon du 'gyur ba ste/ 'khor der mi mjed kyi bdag po tshangs pa 'ongs par rig par bya'o// de nas mi mjed kyi bdag po tshangs pa 'khor de nyid du 'dus par gyur te/ 'dug pa des bcom ldan 'das la 'di skad ces gsol to// bcom ldan 'das bdag tshangs pa'i 'jig rten du gnas te/ bsam gtan dang tshad med pa'i bde ba la gnas pa bor la/ gang na chos kyi rnam grangs 'di ston pa'i 'khor der mchi bar bgyi'o// chos
- 201a
ston pa'i 'khor der mchi bar bgyi'o// chos smra ba de la yang chos brgyad bsgrub par 'gyi'o// brgyad gang zhe na/ ji ltar thos ba'i chos mi bskyud par bgyi ba'i slad du/ de la dran pa bsgrub par bgyi/ chos zab mo rtogs par bgyi ba'i slad du/ de la blo gros bsgrub par bgyi/ don gyi rnam bar rtogs par bgyi ba'i slad du/ de la rtogs pa bsgrub par bgyi/ the tshom thams cad gcad pa'i slad du/ de la spobs bsgrub par bgyi/ skad dang nges pa'i tshig thams cad kyis yongs su tshim par bgyi ba'i sla ba'i slad du/ de la lung bstan pa phun sum tshogs pa bsgrub par bgyi/ 'khor ba thams cad zil gyis mi non par bgyi ba'i slad du/ de la 'dul ba bsrung ba bsgrub par bgyi/ mi dman par lung bstan par bgyi ba'i slad du/ de la chos kyi snang ba bsgrub par bgyi/ de bgyid cing chos bsgrub pa'i slad du/ de la nges par 'byung ba'i sgo bsgrub par bgyi ste/ bcom ldan 'das chos smra ba de la chos brgyad po de dag bsgrub par bgyi 'o// chos smra ba de bsrung zhing sba ba dang / dam pa'i chos kyang yun ring du gnas par bgyi ba'i slad du 'di lta ste/ de bzhin gshegs pa nyid kyi byin gyi rlob kyis
- 201b
ji ltar chos kyi rnam grangs 'di rgyas par 'gyur ba ltar/ bdud thams cad dang phas kyi rgol ba thams cad shin tu tshar gcod par bgyi'o// de nas bcom ldan 'das la byang chub sems dpa' blo gros rgya mtshos 'di skad ces gsol to// de bzhin gshegs pa yongs su mya ngan las 'das te/ tha ma'i dus kyi tshe/ ci nas dge ba'i rtsa ba skrun pa'i sems can rnams kyi sug par mchi ba dang / mchod du 'jug pa dang / glegs bam du 'gyur zhing nub par mi 'gyur bar/ bcom ldan 'das nyid kyis chos kyi rnam grangs 'di byin gyis brlab du gsol/ de nas bcom ldan 'das kyis byang chub sems dpa' blo gros rgya mtshos gsol ba btab pa mkhyen nas/ mdzod spu nas 'di lta bu 'od byung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur nas// stong gsum gyi stong chen po'i 'jig rten gyi khams 'di na/ rtswa dang shing gel ba dang / sman dang nags tshal dang / rdo dang gyo mo dang / gzugs su snang ba gang dag ji snyed yod pa de dag thams cad de bzhin gshegs pa'i gzugs su snang ngo // rin po che bkod pa'i 'khor khyams na mchod pa'i las byin gyis brlabs
- 202a
pa'i gzugs kyi rnam pa gang dag yod pa de dag kyang de bzhin gshegs pa'i gzugs nyid du gnas par kun tu snang ngo // de bzhin gshegs pa'i gzugs de dag gis gsung gcig tu kye ma'o chos kyi rnam grangs 'di ni/ bcom ldan 'das shAkya thub pas byin gyis brlabs so// gang bcom ldan 'das kyis byin gyis brlabs pa de/ phyogs bcu'i sangs rgyas bcom ldan 'das thams cad kyis byin gyis brlabs pa'o// gang sangs rgyas bcom ldan 'das thams cad kyis byin gyis brlabs pa de bdud thams cad kyis bar chad bya bar mi nus so// bcom ldan 'das gal te gang ga'i klung gi bye ma snyed kyi bdud dpung dang bcas pa/ g.yog 'khor dang bcas te chos kyi rnam grangs 'di la bar chad bya bar brtul kyang de dag gis chos kyi rnam grangs 'di la bar chad bya bar mi nus so// de ci'i phyir zhe na/ sa ni 'gas kyang srid/ rgya mtsho thams cad ni skams yang srid ri rab thams cad ni rnam par 'thor ba yang srid/ rlung ni zhags pas bcing du rung yang srid/ nyi ma dang zla ba ni sa'i steng du ltung yang srid/ namakha' ni gzugs kyi rnam par bstan du rung yang srid/ me ni chur 'gyur yang srid/
- 202b
chu ni mer 'gyur yang srid/ 'byung ba chen po bzhi ni gzhan du 'gyur yang srid/ sems can thams cad kyi sems ni cig tu byar rung yang srid/ na mkha' dang sa ni 'byar kyang srid kyi/ de bzhin gshegs pa'i byin gyis brlabs ni sus kyi bskyod pa'am/ g.yo ba 'am/ 'khrug par byed mi nus so zhes gsungs so// de nas bcom ldan 'das kyis tshe dang ldan pa kun dga' bo'i spyi bor phyag bzhag ste/ tshe dang ldan pa kun dga' bo la 'di skad ces bka' stsal to// kun dga' bo khyod kyis dam pa'i chos yun ring du gnas par bya bar nye bar gzung ste/ chos kyi rnam grangs 'di zung shig chongs shig/ lhogs shig/ kun chub par gyis shig/ gzhan dag la yang rgya cher yang dag par rab tu ston cig/ bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das kyis don gyi dbang gang gzigs na/ de lta ma lags pa/ rgya mtsho dang mtsho chen po ltar gting dpa' dka' ba'i dran pa dang / blo rab tu thob pa'i byang chub sems dpa' gzhan dag mchis bzhin du/ dge slong kun dga' bo nyi tshe ba'i 'tshal ba dang ldan pa la chos kyi le'u 'di yongs su gtad/ bcom ldan 'das
- 203a
kyis bka' stsal pa/ blo gros rgya mtsho dge slong kun dga' bo rang gi blo'i stobs bskyed pas/ mdo sde 'di lta bu 'dzin pa ma yin gyi/ de bzhin gshegs pa'i byin gyis brlabs kyis 'dzin to// blo gros rgya mtsho sems can gang dag dge slong kun dga' bo las chos kyi rnam grangs 'di thos na/ dga' ba dang dad pa dang / mchog tu dga' ba thob par 'gyur ba yod de/ de dag 'di snyam du 'di lta ste/ de bzhin gshegs pa'i byin gyi brlabs kyis 'di ltar nyan thos kyang 'di lta bu'i mdo sde 'di 'dzin cing ston pa ni/ de bzhin gshegs pa'i byin gyi brlabs ji tsam du bsam gyis mi khyab pa ngo mtshar to// snyam du sems par 'gyur ro// de nas 'khor de las lha dang mi kha cig 'di snyam du sems te/ ci byang chub sems dpa' blo gros rgya mtsho 'di dran pa dang ldan pa yin gyi/ gang bcom ldan 'das kyis mang du thos pa'i mchog tu bstan pa/ tshe dang ldan pa kun dga' bo ni de lta bu ma yin snyam mo// de nas tshe dang ldan pa 'od srung chen pos 'khor de'i sems kyi rnam par rtogs pa sems kyis shes nas/ 'khor gyi sems rnams la rnam par bltas te/
- 203b
bcom ldan 'das la 'di skad ces gsol to// bcom ldan 'das byang chub sems dpa' blo gros rgya mtshos 'di rab tu dran pa dang ldan pa lags kyi/ gang bcom ldan 'das kyis mang du thos pa rnams kyi mchog tu bstan pa tshe dang ldan pa kun nam lags sam/ bcom ldan 'das kyis bka' stsal pa/ 'od srung / gang ga'i klung gi bye ma snyed sangs rgyas kyi zhing dag na/ sems can ji tsam sems can du bsdu bar bsdus pa'i sems can gyi khams ni rab tu mang gi/ sa'i khams ni de lta bu ma yin no// zhes gang de skad du bya ba de la ji snyam du sems 'od srung sems can gyi khams de mang ngam/ 'od srung gis gsol ba/ bcom ldan 'dra mang lags so// bde bar gshegs pa tshad ma mchis so// bcom ldan 'das kyis bka' stsal ba/ 'od srung yongs su brtag pa nye bar bzung ste/ sems can de dag snga phyi med par mi'i lus thob par gyur la/ de bzhin du ji ltar dge slong kun dga' bo ltar dran pa dang / gzungs kyi stobs dang yang ldan par gyur kyang / kun dga' bo lta bu'i sems can de dag gi dran pa dang / gzungs kyi stobs de ni byang chub sems dpa' blo gros rgya mtsho'i dran pa dang / gzungs kyi
- 204a
stobs bskyed pa'i brgya'i char yang nye bar mi 'gro ba nas dpe'i bar du yang mi bzod do// 'od srung byang chub sems dpa' blo gros rgya mtsho ni phyogs bcu sangs rgyas bcom ldan 'das thams cad kyis gsungs pa 'dzin te/ de bzhin gshegs pa gcig gis chos bstan nas/ de bzhin gshegs pa gnyis kyi chos bstan pa la sgrib pa'am/ kun nas ldang ba'i bya ba mi byed do/ 'od srung 'di lta ste/ dper na rgya mtsho chen por shing rta'i srog shing tsam gyi char ba'i rgyun 'bab ba'i chu'i rgyun gnyis pa la bsgrib pa 'am/ kun nas ldang ba'i bya ba mi byed de/ chu'i rgyun thams cad kyang rgya mtsho chen pos blangs nas/ de la 'grib pa 'am/ gang ba yang med do// 'od srung de bzhin du byang chub sems dpa' blo gros rgya mtsho sangs rgyas bcom ldan 'das thams cad kyi chos bstan pa kun tu 'dzin kyang / de bzhin gshegs pa gcig gis chos bstan par/ de bzhin gshegs pa gnyis kyi chos bstan pa la sgrib pa 'amaH kun nas ldang ba'i bya ba mi byed de/ de'i dran pa'i stobs bskyed pa la bri ba 'am gang ba med do// bstan pa 'di bshad pa na/ srog chags brgya stong/
- 204b
gis bla na med pa yang dag par rdzogs pa'i byang chub tu sems bskyed de/ tshig 'di skad ces bdag cag kyang byang chub sems dpa' blo gros rgya mtsho dran pa'i sems bskyed pa ci 'dra ba de 'dra bar gyur cig ces smras so// thams cad dang ldan pa'i 'khor gyis lha dang mi'i me tog gis bcom ldan 'das dang byang chub sems dpa' blo gros rgya mtsho la gtor mngon par gtor to// de nas bcom ldan 'das la byang chub sems dpa' pad ma bkod pas 'di skad ces gsol to// / bcom ldan 'das rigs kyi bu 'am rigs kyi bu mo gang chos kyi sgo'i le'u 'di thos nas mos pa dang / mos nas kyang 'dzin pa dang / 'chang ba dang / klog pa dang / 'don pa dang / rtog pa dang / de bzhin nyid du nan tan bgyid pa de'i bsod nams ji tsam zhig skyed par 'gyur/ de nas bcom ldan 'das kyis byang chub sems dpa' bad ma bkod pa de la tshigs su bcad pa de bka' stsal pa// stong chen po'i 'jig rten khams 'di ni/ gser gyis bkang ste bde gshegs phul ba bas// gang gis chos kyi mdzod 'di thos nas ni// mos pa'i bsod nams 'di ni khyad par 'phags/ gang gis 'jig rten khams 'di rin chen bkang /
- 205a
@de bzhin gshegs pa rnams la phul ba bas// gang gis mdo sde 'di la 'jug byas pa// bsod nams de la snga mas bskyed du/ med/ gang gis 'jig rten khams 'di stong phrag bcu// rin chen bkang ste sbyin pa byin pa bas// gang gis mdo 'di bton nas ston pa yi// bsod nams de'i char ni snga ma min// zhing ni bye ba khrag khrig stong gi rnams// rin chen bkang ste 'jig rten slob dpon skyob// sangs rgyas rnams la dbul bar phul ba bas// gang gis tshul 'di rab tu sbyor ba dang // phyogs bcu rnams su gang ga'i bye snyed zhing // rin chen bkang ste rgyal la phul ba bas// ji ltar/ bstan pa bzhin du gang gnas pa'i// bsod nams de la mnyam pa yod ma yin// rdzogs pa'i byang chub sems dpa' chos 'dzin dang // chos sgrub ba dang srog chags snying rje ba// chos bzhi 'di dag bsod nams mtha' yas te// de dag mtha' ni bde gshegs mi gsung ngo // na mkha'i khams dang / de bzhin sems can khams// sangs rgyas ye shes dang ni byang chub sems// chos bzhi 'di dag dpag tu med pa ste// mkhas pa rnams kyis de thogs
- 205b
dogs mi bya// dkon mchog chos 'di rab tu bshad pa na// phyogs bcu'i zhing ni bye ba g.yogs par gyur// snang ba byung zhing me tog char kyang bde// sil snyan brgya dag ma dkrol skra yang byung // byang chub sems dpa' mkhas bdedag kun// mgu bas ched du brjod pa ched du brjod/ chos bstan 'di thos bdag cag rnams// 'tsho ba don yod skyed pa legs par rnyed// gang dag 'di 'dra 'di ni thos 'gyur ba// sems can 'di dag skyed pa legs par rnyed// gang dag byang chub sems ni mi brjed pa// de dag de bzhin gshegs shin tu bzung // phyogs bcu'i sangs rgyas stong phrag bye ba'i rnams// phyag ni g.yas pa rab tu brkyang mdzad de// yon tan rgya mtsho spyi bor gzhag nas ni// shAkya seng ge'i bskul ba legs shes gsungs// lha dang klu dang lha min mi 'am ci// dri za gnod sbyin mkha' lding lta phyi che// brgya byin tshangs pa 'jig rten skyeng ba rnams// na mkha' gnas te ched du brjod pa brjod// shAkya seng ge 'di dang dge 'dun dang // mdo sde 'di 'dra ba ni 'dzin byed pa// byang chub sems dpa' dpa' ba
- 206a
ring gnas gyur// legs gsungs chos ni gzhar yang nub ma gyur// gang dag chos kyi tshul ni 'di 'dzin pa// de dag la ni bdag cag bsnyen bkur bgyi// bdag cag thams cad gus dang bcas par ni// kun tu bsrung zhing sba bar spro bar bgyi// de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho chos kyi tshul/ chos kyi phyag rgya chos btus pa/ chos rab tu rnam par 'byed pa/ chos rab tu dbye ba 'di ni/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bshad pa 'chad pa dang 'chad par 'gyur ba ste/ blo gros rgya mtsho khyod kyis de la gus pa dang bcas pa dang / zhe sa dang bcas pa dang / sgrub pa snying por bya'o// bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros rgya mtsho dang / thams dang ldan pa'i byang chub sems dpa'i tshogs de dang / dge slong gi dge 'dun dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa
- 206b
la mngon pa bskyod do// byin gyis brlabs pa'i le'u ste bcu gnyis pa'o// 'dus pa chen po'i le'u yi chos kyi rnam grangs las/ 'phags ba blo gros rgya mtshos zhus pa zhes bya ba'i le'u ste lnga pa rdzogs s+ho// // rgya gar gyi mkhan po 'dzin mi tra dang / da na shi la dang / 'bu ta phra ba dang / zhu chen gyi lo tsa ba ban 'di ye shes sdes bsgyur cing zhus te/ skad gsar cad kyis kyang bcos nas gtan la phab pa// / rgya gar skad du/ Ar+ya A na btab ta na ga rA dza pa ri phrid tsha na ma ma hA ya na su tra/ bod skad du/ 'phags pa klu'i rgyal po ma dros pas zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na/ bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu zhugs te/ de'i tshe bcom ldan 'das 'khor
- 207a
brgya stong phrag du mas bskor nas/ mdun gyis byas nas chos ston to// de nas klu'i rgyal po ma dros pa klu'i rgyal po 'bum phrag drug cu rtsa brgyad dang / klu'i bu mo brgyad khri bzhi stong gis bskor te/ mdun du 'dar nas/ sil snyan dang / klu dbyangs len cing / klu'i mthus chen po dang / klu'i rdzu 'phrul chen pos/ me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan rnams thogs te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ ji ltar thogs pa'i me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang rdzargyal mtshan dang / ba dan dang / sil snyen dang / pheg rdo dang / de dag gis/ bcom ldan 'das la mchod pa byas te/ gus pa dang bcas/ zhes dang bcas shing / rang gi skye bo'i 'khor dang phyogs gcig tu 'dug go/ 'dug nas kyang thal mo sbyar te/ bcom ldan 'das la 'di skad ces gsol to//
- 207b
gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar snang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol ba dang / bcom ldan 'das kyis mkhyen bzhin du/ klu'i rgyal po ma dros pa la 'di skad ces bka' stsal to// klu'i bdag po khyod sems can rnams kyi ched du de bzhin gshegs pa la ci 'dra ba zhig yongasu dri bar 'dod// gsol pa/ bcom ldan 'das bdag byang chub sems dpa' sems can gyi mchog/ sems can chen po skyes bu dam pa seng ge ltar rnam par rtsen pa'i sems can rnams kyi ched du/ de bzhin gshegs pa la yongs su zhu bar 'tshal lo// bcom ldan 'das 'jig rten gyi yongs su 'dren pa/ 'jig rten gyi chos kyis mi gos pa/ spyod pa dang bsam pa rnam par dag pa/ phan pa'i dngos la yang dag par zhugs pa/ gsol ba ma btab par sems can thams cad la dge ba'i bshes gnyen bgyid pa/ stobs bcu'i stobs kyi shugs la yang dag par zhugs pa/ ngan pa'i tshogs can gyi smra ba yang dag par rab tu 'jig pa/ bdud phyir rgol ba bcom
- 208a
pa sems ma zhum pa/ brtson 'grus brtan pa'i go tsa shin tu bgos pa/ yongs su mi skyo ba/ dge ba'i rtsa ba'i tshogs dpag tu ma mchis pa brtsegs pa/ tshul khrims dang thos pas mi ngoms pa/ sems can thams cad la sems mnyam pa/ tha dad pa'i 'du shes dang bral ba/ mthar lta ba gnyi ka dang bral ba/ rten cing 'brel par 'byung ba la 'jug pa shes pa la mkhas pa/ sangs rgyas kyi chos kyi tshul zab mo la rab tu zhugs pa zab cing gting dpag dka' ba/ nyan thos dang rang sangs rgyas kyi yid la bgyid pa dang bral ba thams cad mkhyen pa'i sems bsgyud pa/ bsam pa rdo rje ltar brtan te/ mi byed pardzablo zla ba ltar dri ma ma mchis shing / shin tu dkar ba/ sems na mkha'i dkyil dang mtshungs pa/ bskal ba grangs ma mchis par yongs su mi skyo ba/ sa 'dzin pa sems dang chu dang me dang rlung mnyam pa/ gnod sems dang / tha ba dang / zhe sdang dang / nga rgyal dang / rgyags pa dang / dregs pa thams cad yang dag bar chad pa/ stong pa nyid dang / mtshan ma med pa dang / smon pa med pa la smon lam shin tu btab pa/ sgyu ma dang / rmi lam dang / mig yor dang / zag na
- 208b
dang smig rgyu dang / chu zla lta bu'i chos kyi tshul la shin tu zhugs pa/ sangs rgyas dang / chos dang / dge 'dun gyi gdung rigs 'dzin pa/ chos kyi 'khor lo rab tu skor ba/ dga' ba dang / mchog tu dga' ba dang / dang ba rab tu thob pa/ u dum ba ri'i me tog ltar/ 'byung bar shin tu dka' ba/ rtse cig tu yid la bgyid ba ma 'dres pa/ rnam pa'i phyogs thams cad dang ldan pa'i sems can rnams kyi chad du/ bdag de bzhin gshegs pa la yongs su zhu bar 'tshal lo// bcom ldan 'das byang chub sems dpa' sems dpa' chen po de bas kyang / khyad du 'phags pa'i chos la rab tu zhugs pa rnams dang / sems can rnams kyi ched du/ bdag de bzhin gshegs pa la yongs su zhu bar 'tshal na/ bcom ldan 'das kyis byang chub sems dpa' sems dpa' chen po rnams la chos kyis rnam par rtsen pa/ rdo rje lta bu'i yon tan la 'jug pa/ spyod pa zab mo dang / gzungs kyi sgo'i dkyil 'khor la 'jug pa bshad du gsol/ nyan thos gdul ba'i slad du/ bden pa bzhin rnam par gdon mi 'tshal ba la 'jug/ rang sangs rgyas gdul ba'i slad du brten pa'i chos la 'jug pa shes pa'i sgo la 'jug pa/ theg pa chen po pa gdul ba'i
- 209a
slad du chos thams cad la 'jug pa'i shes pa'i sgo la 'jug pa/ bdud kyi phyogs tshar gcod pa/ lta bar gyur pa thams cad rnam bar 'jig pa/ nyon mongs pa thams cad dang bral ba/ sems can thams cad kyi sems kyi spyod pa rab tu shes pa so sor yang dag par rig pa la 'jug pa/ chos thams cad rab tu ston pa/ ji ltar mos pa bzhin chos las rnam par grol bar bgyid pa de byang chub sems dpa' rnams la phan bdags pa'i slad du// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi bshad du gsol/ bcom ldan 'das ji ltar na byang chub sems dpa' nga rgyal dang / rgyags pa dang / dregs pa bcos pas ye shes kyi stobs can rnams lags/ ji ltar na las kyi rnam par smin la ston pas chos kyi stobs rnams lags/ ji ltar na 'jig rten gyis zang zing dang chos kyi sbyin pa la ser sna ma mchis pas/ sbyin pa'i stobs can rnams lags/ ji ltar na rnam bar smin pa la mi re ba/ bdog pa thams cad yongs su gtong ba rnams legs/ ji ltar na smon lam gyis yang dag par song zhing / ngan song thams cad kun tu
- 209b
chud pas tshul khrims kyi stobs can rnams lags/ ji ltar na sems can sdang ba thams cad dang du len pa'i rang bzhin can pas bzod pa'i stobs can rnams lags// ji ltar na lus dang srog la mi lta bas brtson 'grus kyi stobs rnams lags/ ji ltar na rab tu zhi ba la gnas shing bsam gtan las ldog pa la yang mkhas bas bsam gtan gyi stobs can rnams lags/ ji ltar na sdig pa'i lta ba rnams dang bral zhing / ma rig pa dang / gti mug gi mun pa dang yang bral bas shes rab kyi stobs can rnams lags/ ji ltar na sems can yongs su smin par bgyi ba'i cho ga 'tshal bas thabs kyi stobs can rnams lags/ ji ltar na lha'i mig dang / lha'i rna ba dang / pha rol gyi sems 'tshal ba dang / sngon gyi skye ba dang / rdzu la 'phral gyi bgyi bas rnam par rtsen pas mngon par shes pa thob pa rnams lags/ ji ltar na spobs pa rgyun mi chad cing / tshig dang yi ge mi zad pas spobs pa'i stobs can rnams lags/ ji ltar na thos pa thams cad kun tu 'dzin pas gzung thob pa rnams lags/ ji ltar na chos dkon mchog gcig la yang dag par gzhol bas brgyud pa ma mchis pa dang / rgya mtsho'i
- 210a
phyag rgya'i ting nge 'dzin rab tu thob pa rnam lags/ ji ltar na sangs rgyas la lta ba rnam par dag pa la yang dag par gzhol bas/ sangs rgyas rjes su dran pa rgyud pa ma mchis pa rnams lags/ chos la lta ba rnam par dag pa la yang dag par gzhol bas/ chos rjes su dran pa rab tu thob ba rnams lags/ phyir mi ldog pa'i dge 'dun la yang dag par gzhol bas/ dge 'dun rjes su dran pa rab tu thob pa rnams lags/ byang chub kyi sems ma bskyud pas tshul khrims rjes su dran pa rab tu thob pa rnams lags/ 'jig rten gyi zang zing dang / chos kyi sbyin pa la ser sna ma mchis pas gtong ba rjes su rba dran pa rab tu thob pa rnams lags/ dga' ldan gyi gnas su skye ba cig gis thogs pa'i byang chub sems dpa' rnams rjes su dran pas lha rjes su dran pa/ bskyud pa ma ma mchis rnams lags/ de nas klu'i rgyal po ma dros pas/ bcom ldan 'das la zhu ba 'di dag zhus nas/ de'i 'og tu tshigs su bcad de zhus pa/ 'jig rten don rnams mdzad pa rang byung ba// lhag pa'i bsam dang bsam pa ci 'dra dang / 'dug pa'i spyod dang spyod pa ci 'dra ba/ byang chub
- 210b
sems dpa' rnams la bshad du gsol// byams par sbyor dang snying rjer 'jug pa dang // dga' la 'jug cing btang snyoms sgom pa dang / bsam tan rnam thar rnams la sbyor dag pa// de ni ma smad bdag la bshad du gsol// yang dag spong dang dran pa nyer gzhag dang // rdzu 'phrul stobs dang dbang / po la sgom dang // byang chub yan lag bden dang yang dag byang chub rig/ yon tan 'byung gnas rnams la bshad du gsol// sbyin du la sdom dang tshul khrims phun sum tshogs// bzod dang des dang de bzhin brtson 'grus dang // shes rab thob pas rab tu rtogs pa rnams/ ji ltar 'gyur dri dag bshad du gsol// mngon shes rig dang so so yang dag rig/ dran dang shes bzhin de bzhin bag yod dang / thabs dang ldan dang tshul ni rtogs pa rnams// byang chub sems dpa' rnams la de bshad gsol// dga' dang mchog tu dga' yon tan dgal// 'phags pa'i dbyangs dang rig dang nor bdun dang // dgon par gnas shing nyon mongs ma mchis gnas// ji ltar 'gyur de de dag bshad du gsol// ji ltar slob pa phun sum tshogs pa dang / gzungs
- 211a
la'ang shin tu rab tu gnas pa dang // rgyun mi 'chad par chos ni ston pa dang // brgyud pa ma mchis thos pa 'dzin par 'gyur// / zhi gnas rjes su 'thun dang lhag mthong dang // shes rab zab dang shin blo langs dang // ye shes mtha' yas rtogs pa mnyam med du// byang chub sem dpa' mkhas pa ji ltar 'gyur// bdud kyi stobs bcos shin tu thul bar dka'// ngan pa'i tshogs chen pha rol smra ba 'jom// ri rabang 'dra bar mi gto shin tu 'phags// dag pa'i sems can zla ba lta bur spyod// stong pa mtshan med smon med rnam grol dang // sgyu ma smig rgyu lta bur chos nges dang / 'dus byas rmi lam ngo bo nyid mos pa// de ni me smad bdag la bshad du gsol// de nas bcom ldan 'das kyis klu'i rgyal po ma dros pa la 'di skad ces bka' stsal to// klu'i bdag po legs so legs so// klu'i bdag po khyod ji ltar sngon gyi dge ba'i rtsa ba'i rgyun 'thun pa dang / snying rje chen po ma btang ba dang / gsol ba ma btab par sems can thams cad la dge ba'i bshes gnyen byed pa dang / 'khor ba na yongs su mi skyo ba dang / sangs rgyas dang / chos dang /
- 211b
dge 'dun gyi rigs rgyun mi gcod pas/ de bzhin gshegs pa la don 'di 'dri bar sems pa ni yang legs so// klu'i bdag po de'i phyir legs par shin tu nyon la yid la zung shig dang / ji ltar byang chub sems dpa' rnams kyis 'di dag dang / yon tan gyi khyad par gzhan dag kyang thob par 'gyur ba ngas khyod la bshad do// klu'i rgyal po ma dros pas/ bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// klu'i bdag po byang chub sems dpa' sems dpa' chen po chos gcig dang ldan na/ rnam pa'i mchog thams cad dang ldan pa'i sangs rgyas kyi chos rnams yongs su 'dzin to// chos gcig po gang zhe na/ 'di lta ste/ sems can thams cad mi gtong ba'i thams cad mkhyen pa'i sems so// de'i thams cad mkhyen pa'i sems de yang rnam pa sum cu rtsa gnyis kyis shin tu bsdus pa yin te/ sum cu rtsa gnyis gang zhe na/ 'di lta ste/ bsam pas bsdus pa yin lhag pa'i bsam pas bsdus pa yin/ byams pa chen pos bsdus pa yin/ snying rje chen pos
- 212a
bsdus pa yin/ yongs su mi skyo bas bsdus pa yin/ stobs kyis bsdus pa yin/ rnam par gnon pas bsdus pa yin/ mthus bsdus ba yin/ so sor brtags pas bsdus pa yin/ dge ba'i bshes gnyen gyis bsdus pa yin/ chos spyod pas bsdus pa yin/ dge ba spyod pas bsdus pa yin/ bsdu ba'i dngos pos bsdus pa yin/ sdom pas bsdus pa yin/ thabs kyis bsdus pa yin/ bcos ma ma yin pas bsdus pa yin/ ji skad smras pa de bzhin du byed pas bsdus pa yin/ byir bya ba'i re ba med pas bsdus pa yin/ ngo tsha shes pas bsdus pa yin/ khrel yod pas bsdus pa yin/ mchog tu dga' bas bsdus pa yin// dad pas bsdus pa yin/ brtson 'grus kyis bsdus pa yin/ dran pas bsdus pa yin/ ting nge 'dzin gyis bsdus pa yin/ shes rab kyis bsdus pa yin/ dge ba'i rtsa ba thams cad kyis bsdus pa yin/ theg pa dman pa la 'dod pa med pas bsdus pa yin/ rgya chen po la mos pas bsdus pa yin/ sems can la lta bas bsdus pa yin/ sangs rgyas dang / chos dang / dge 'dun gyi rigs kyi gcod pas bsdus pa yin te/ klu'i bdag po thams cad mkhyen pa'i sems de rnam pa sum cu rtsa gnyis po de dag
- 212b
gis bsdus na/ rnam pa'i mchog thams cad dang ldan pa'i sangs rgyas kyi chos rnams yongs su 'dzin to// klu'i bdag po gzhan yang thams cad mkhyen pa'i sems te/ tshogs bsags pa rnam pa bcu drug gis thams cad mkhyen pa'i ye shes kyi rjes su 'gro bar 'gyur te/ bcu drug gang zhe na/ 'di lta ste/ tshul khrims kyi tshogs bsags pa yin/ thos pa'i tshogs bsags pa yin/ shes rab kyi tshogs bsags pa yin/ de bzhin gshegs pa la mchod pa dang / rim gro bya'i tshogs bsags pa yin/ dgon pa la gnas pa'i tshogs bsags pa yin/ ji ltar thos pa'i chos ston pa'i tshogs bsags yin/ tshangs pa'i gnas bzhi'i tshogs bsags pa yin/ dga' bar 'gyur ba'i chos kyi tshogs bsags pa yin/ dge ba bcu'i las kyi kham gyi tshogs bsags pa yin/ lus dang ngag dang sems kyi rgyan gyi tshogs bsags pa yin/ sbyangs pa'i yon tan dang yo byad bsnyung ba'i tshogs brtsegs pa yin/ 'dod pa chung ba dang / chog shes ba dang / rab tu dben pa'i bsgrags pa yin/ phung po gsum pa'i chos kyi rnam grangs kyi yongs su bsngo ba'i tshogs brtsegs pa yin/ zhi gnas kyi tshogs
- 213a
bsags pa yin/ lhag mthong gi tshogs bsags pa yin/ dge ba'i rtsa ba thams cad kyi tshogs brtsegs pa yin/ klu'i bdag po thams cad mkhyen pa'i sems te/ tshogs bsags pa rnam pa bcu drug po de dag gis/ thams cad mkhyen pa'i ye shes kyi rjes su 'gro bar 'gyur ro// klu'i bdag po gzhan yang thams cad mkhyen pa'i sems de lam log pa dang / lam ngan pa nyi shu rtsa gnyis dang bral te rnam par spangs na/ thams cad mkhyen pa'i ye shes thob par 'gyur te/ nyi shu rtsa gnyis gang zhe na/ 'di lta ste/ nyan thos kyi sems dang bral ba yin/ rang sangs rgyas kyi sems dang bral yin/ nga rgyal dang bral ba yin/ lhag pa'i nga rgyal dang bral ba yin/ g.yo dang bral ba yin/ 'jig rten gyi gsang tshig kun tu 'dzin pa dang bral ba yin/ log par zhugs pa dang bral ba yin/ yongs su skyo ba dang bral ba yin/ skrag pa dang bral ba yin/ khengs pa dang / rtsod pa dang bral ba yin/ 'dod chags dang zhe sdang dang gti mug dang bral ba yin/ las kyi sgrib pa dang bral ba yin/ chos kyi sgrib pa dang bral ba yin/ bdag la bstod pa dang gzhan la smod pa dang bral ba yin/ slob dpon chos
- 213b
'chang pa dang bral ba yin/ brjod nges pa'i 'du shes dang bral ba yin/ sdig pa'i grogs po dang bral ba yin/ dge ba'i bshes gnyen la 'khru ba dang bral ba yin/ pha rol tu phyin pa drug gis mi 'thun pa'i phyogs dang bral ba yin te/ ji ltar na ser na dang ngan pa'i ngang tshul dang / gnod sems dang / le lo dang / g.yeng ba dang / 'chal ba'i shes rab dang bral ba yin/ chad pa dang rtag pa dang bral ba yin/ thabs mi mkhas pa'i bsdu ba dang bral ba yin/ sdig pa'i thams cad dang bral ba yin te/ klu'i bdag po thams cad mkhyen pa sems de lam log pa dang / lam log pa ngan pa nyi shu rtsa gnyis po 'di dag dang bral te rnam par spangs na/ thams mkhyen pa'i ye shes thob par 'gyur ro// klu'i bdag po gzhan yang thams cad mkhyen pa'i sems bskyed pa de/ rgyal mtshan bcu gnyis kyi mngon par 'phags na/ bdud thams cad dang / bdud kyi ris thams cad dang / pha rol rgol ba thams cad kyis thub par dga' ba yin te/ bcu gnyis gang zhe na/ tshul khrims kyi rgyal mtshon mtshan gyis mdor bar 'phags pa yin/ ting nge 'dzin gyi rgyal mtshan gyis mngon par 'phags pa yin/ shes rab kyi rgyal mtshan gyis
- 214a
mngon par 'phags pa yin/ rnam par grol ba'i ye shes kyi rgyal mtshan gyis mngon par 'phags pa yin/ snying rje chen po'i rgyal mtshan gyis mngon par 'phags pa yin/ thabs kyi rgyal mtshan gyis mngon par 'phags pa yin/ stong pa nyid mtshan ma med pa dang smon pa med pa'i rgyal mtshan gyis mngon par 'phags pa yin/ srog chags rnams la sems can med pa dang / srog med pa dang / gang zag med pa'i rgyal mtshan gyis mngon par 'phags pa yin/ rten cing 'brel bar 'byung ba khong du chud pas mthar lta ba dang bral ba'i rgyal mtshan gyis mngon par 'phags pa yin/ rang gi sems yongs su dag pas sangs rgyas kyis byin gyis brlabs pa'i rgyal mtshan gyis mngon par 'phags pa yin/ thams can mkhyen pa'i ye shes rloms sems dang / rtog pa dang / rnam par rtogs pa dang yongs su rtog pa dang bral ba'i rgyal mtshan gyis mngon par 'phags pa yin/ byang chub kyi sems mi brjed pa'i rgyal mtshan gyis mngon par 'phags pa yin te/ klu'i bdag po thams cad mkhyen pa'i sems bskyed pa de rgyal mtshan bcu gnyis po de dag gis
- 214b
mngon par 'phags na/ bdud thams cad dang / bdud thams cad kyi ris thams cad dang / pha rol rgol ba thams cad kyis thub par bka' ba yin no// klu'i bdag po gzhan yang thams cad mkhyen pa'i sems de'i gnas gnyis te/ gnyis gang zhe na/ 'di lta ste/ ji skad smras de bzhin byed pa'i gnas dge ba'i rtsa ba thams cad yang dag pa'i byang chub tu yongasasu bsngo ba'i gnas te/ gnas gnyis po de dag go/ klu'i bdag po gzhan yang thams cad mkhyen pa'i sems de'i chud mi za ba gnyis te/ gnyis gang zhe na/ sems can thams cad la zhe sdang ba med pa'i sems dang / log par zhugs pa rnams cher snying rje ba ste/ gnyis po de dag go/ klu'i bdag po gzhan yang thams cad mkhyen pa'i sems de'i zung du 'brel ba'i chos gnyis te/ de gnyis dang 'brel na/ thams cad mkhyen pa'i sems des nyan thos dang / rang sangs rgyas thams cad zil gyis gnon par 'gyur te/ gnyis gang zhe na/ thabs dang shes rab ste gnyis bo de dag go// klu'i bdag po gzhan yang thams cad mkhyen pa'i sems de'i rton pa gnyis te/ gnyis gang zhe na/ bsgrub pa rnams la 'gyod pa med pa ste/
- 215a
/ 'gyur ba la yid mi ches pa ste/ gnyis po de dag go/ klu'i bdag po gzhan yang thams cad mkhyen pa'i sems de'i yi ge gnyis te/ gnyis gang zhe na/ nyan thos dang rang sangs rgyas kyi theg pa la 'dod pa med pa dang / theg pa chen po la phan yon du mthong ba ste/ gnyis po de dag go// klu'i bdag po gzhan yang thams cad mkhyen pa'i sems de'i rgyun chad pa gnyis te/ gnyis gang zhe na/ sgyu dang g.yo'i rgyun chad pa dang / mi drang ba'i rgyun chad pa ste/ rgyun chad pa gnyis po de dag go/ klu'i bdag po gzhan yang thams cad mkhyen pa'i sems de'i sgrib pa gsum ste/ gsum gang zhe na/ lus kyi nyes par spyod pa dang / ngag gis nyes par spyod pa dang / yid kyis nyes par spyod pa ste/ gsum po de dag go/ klu'i bdag po gzhan yang thams cad mkhyen pa'i sems de'i sgrib pa med pa gsum ste/ gsum gang zhe na/ lus kyi legs par spyod pa dang / ngag gis legs par spyod pa dang / yid kyis legs par spyod pa ste/ sgrib pa med pa gsum po de dag go// klu'i bdag po gzhan yang thams cad mkhyen pa'i sems de'i sgrib pa bzhi ste/ bzhi gang zhe na/ 'di
- 215b
lta ste/ dam pa'i chos spong ba dang / bla ma rnams la mi gus pa dang / byang chub sems dpa' rnams la zhe sdang dang / bdud kyi las khong du mi chud ste/ sgrib pa bzhi po de dag go// klu'i bdag po gzhan yang thams cad mkhyen pa'i sems de'i sgrib med pa bzhi ste/ bzhi gang zhe na/ dam pa'i chos yongs su 'dzin pa dang / bla ma rnams la gus pa dang / byang chub sems dpa' rnams la ston pa ltar phangs par sems pa dang / bdud kyi las khong du chud pa ste/ sgrib pa med pa bzhi po de dag go/ klu'i bdag po gzhan yang thams cad mkhyen pa'i sems de'i rin thang med pa'i chos thob pa lnga ste/ lnga gang zhe na/ rnam par smin pa la mi re bar btang ba dang / skye ba rnams la mi gnas pa'i tshul khrims dang / sems can thams cad mi gtong ba'i snying rje chen po dang / byams pa dang / mi byams pa rnams la mi lta bar lus dang / srog yongs su gtong ba dang / 'thob pa dang / bkur bsti dang / tshigs su bcad pa mi tshol bar chos ston pa ste/ klu'i bdag po thams cad mkhyen pa'i sems de'i rin thang med pa'i chos thob pa
- 216a
lnga po de dag go/ klu'i bdag po gzhan yang thams cad mkhyen pa'i sems de'i rdul ba lnga ste/ lnga gang zhe na/ dge ba'i bshes gnyen la sten pa dang / 'khor ba na yongs su mi skyo ba dang / ye shes la mngon pa'i nga rgyal med pa dang / dus ma yin par rnyed pa rnam par spong ba dang / sangs rgyas kyi ye shes mtha' yas pa zhum pa med pa ste/ klu'i bdag po thams cad mkhyen pa'i rdul pa lnga po de dag go// klu'i bdag po gzhan yang thams cad mkhyen pa'i sems de'i khyad par du 'phags pa gang dag nyan thos dang / rang sangs rgyas rnams la med pa lnga ste/ lnga gang zhe na/ nyan thos las rnam par grol ba'i ye shes khyad par du 'phags pa dang / rang sangs rgyas las rnam par grol ba'i ye shes khyad par du 'phags pa dang / chos thams cad bdag med par shes pas khyad par du 'phags pa dang / sems can thams cad kyi sems kyi spyod pa shes pas khyad par du 'phags pa dang / ngag chags kyi mtshams sbyor ba yang dag par 'jom pa shes pas khyad par du 'phags pa ste/ khyad par du 'phags pa lnga pa de dag go//
- 216b
klu'i bdag po gzhan yang thams cad mkhyen pa'i sems de'i mchog tu dga' ba lnga ste/ lnga gang zhe na/ ngan 'gro las shin tu 'da' bas mchog tu dga' ba dang / thams cad mkhyen pa dang nye bar gyur pas mchog tu dga' ba dang / sangs rgyas kyis ye shes yang dag par mthong ba yongs su rdzogs pas mchog tu dga' ba dang / tshul khrims la nan tan byed pa 'gyod pa med pas mchog tu dga' ba dang / sems can gyi don bya ba myong bas mchog tu dga' ba ste/ mchog tu dga' ba lnga po de dag go/ klu'i bdag po gzhan yang thams cad mkhyen pa sems de'i stobs lnga ste/ lnga gang zhe na/ nga rgyal bcom pas ye shes kyi stobs dang snga thos pa dang ma bral bas shes rab kyi stobs dang / khong khro ba med pas byams pa'i stobs dang / mtshan yongs su rdzogs pas bzod pa'i stobs dang / 'khor du bag tsha ba dang / 'jigs pa dang bral bas mi 'jigs pa'i stobs te/ stobs lnga po de dag go// klu'i rgyal po gzhan yang thams cad mkhyen pa'i sems de'i rigs pa gang gis rigs pa ma yin par mi ltung ba'i rigs pa lnga ste/ lnga gang zhe na/ las kyi rnam par smin pa la yid ches pa'i rigs pa dang / rten cing 'grel
- 217a
bar 'byung ba dang mi 'ga' ba'i rigs pa dang / dus dang dus ma yin pa la so sor rtog pa'i rigs pa dang / yang dag par sbyor ba'i rigs ba dang / dge ba'i chos thams cad sgrub pa'i rigs pa ste/ rigs pa lnga po de dag go/ klu'i bdag po gzhan yang thams cad mkhyen pa'i sems de'i shing ljon pa rdo snang ba lnga dang / mabon lnga dang / rtse balnga dang / sdong ngo lA dang / lel ga lnga dang / lo ba lnga dang / me tog lnga dang / 'bras bu lA dang / de la de'i snang ba gang zhe na/ nyon mongs pa dang bral ba'i snang ba dang / rang gi sems nges par sems pa'i snang ba dang / shes rab kyi snang ba dang / mig lnga'i snang ba dang / thams cad mkhyen pa'i ye shes kyi snang ba ste/ snang ba de dag go// de las bon lnga gang zhe na/ bsam pa dang / lhag pa'i bsam pa dang / sems can la lta ba dang / mos pa dang / Shas bon lnga po de dag go// de la rtsa ba lnga gang zhe na/ byams pa chen po dang / snying rje chen po dang / dge ba'i rtsa bas mi ngoms shing / dge baH bams cad mangs su brdzob dang shes rnal brgyags pa dang / theg papa' mi 'dod pa te/ rtsa ba lnga po dadag pa/ de la sdang lnga ga 'am zangs man rgya chen po la mas pa ste/
- 217b
pa dang / shes rab kyi pha rol tu phyin pa dang / sems can yongs su smin par byed pa dang / dam pa'i chos yongs su 'dzin pa dang / rjes su 'chags pa dang / khong khro ba dang / bral bas btang snyoms pa ste/ sdong po lnga po de dag go// de la yal ga lnga gang zhe na/ sbyin pa dang tshul khrims dang / bzod pa dang / brtson 'gras dang / bsam gtan te/ yal ga lnga po de dag go/ de la lo ma lnga gang zhe na/ tshul khrims dang / thos pa dang / khyim nas byung ba dang / dgon pa la gnas pa dang / 'phags pa'i rigs chog shes pa ste/ lo ma lnga po de dag go/ de la me tog lnga gang zhe na/ bsod nams bsags pas/ mtshan phun sum tshogs pa dang // sbyin pa sna tshogs bsags pas dpe byad bzang po phun sum tshogs pa dang / sems nges par sems pas byang chub kyi yan lag phun sum tshogs pa dang / chos rnam par grol bas spobs pa phun sum tshogs pa dang / gzungs rab tu thob pas/ brjed ngas pa med pa phun sun tshogs ste/ me tog/ lnga po de dag go// de la 'bras bu lnga gang zhe na/ 'di lta ste/ slob pa'i 'bras bu 'thob pa dang / mi slob pa'i 'bras bu thob pa dang / rang sangs rgyas kyi
- 218a
'bras bu thob pa dang / phyir mi ldog pa'i byang chub sems dpa'i sa'i 'bras bu thob pa dang / thams cad mkhyen pa'i ye shes kyi 'bras bu thob pa ste/ 'bras bu lnga po de dag go/ klu'i bdag po thams cad mkhyen pa'i sems kyi shing ljon pa de 'dra ba de'i snang ba de ni de lta bu'o// sa bon ni de lta bu'i/ rtsa ba ni de lta bu'o// sdong po ni de lta bu'o// yal ga ni de lta bu'o// lo ma ni de lta bu'o// me tog ni de lta bu'o// 'bras bu ni de lta bu'o// klu'i bdag po de lta bas na/ byang chub sems dpa' thams cad mkhyen pa shing ljon pa 'di lta bu yongs su 'dzin par 'dod pas thams cad mkhyen pa'i sems mi brjed par bya ste/ klu'i bdag po gang gis thams cad mkhyen pa'i sems shin tu bzung ba des gang dag yongs su zin par ma gyur pa yon tan phun sum tshogs pa de dag ngas ma mthong ngo // klu'i bdag po 'di lta ste/ dper na/ gang gis shing gI sa bon bzung bar gyur pa des de'i rtsa ba dang / sdong po dang / yal ga dang / lo ma dang / me tog dang / 'bras bu rnams kyang gzung ba yin no// klu'i bdag po de bzhin du gang gis thams cad mkhyen pa'i sems
- 218b
shin tu bzung ba des byang chub kyi phyogs kyi chos rnams bzung ba yin no// klu'i bdag po de lta bas na/ thams cad mkhyen pa'i ye shes kyi 'byung gnas/ byang chub sems dpa'i yon tan la 'jug pa'i chos kyi sgo'i le'u 'di zung shig/ chongs shig/ lhogs shig/ 'khor la yang rgya cher yang dag par rab tu shod cig/ khyod kyis de ltar bslab par bya'o// bcom ldan 'das kyis thams cad mkhyen pa'i ye shes kyi 'byung gnas kyi le'u 'di bshad pa na// 'khor de las klu bdun khri nyis stong gis bla na med pa yang dag par rdzogs pa'i byang chub tu sems bskyed do// dge ba'i rtsa ba bskrun pa'i klu'i gzhon nu rnams dang / klu'i bu mo rnams dang / klu'i rgyal po rnams ni rjes su mthun pa'i bzod pa rab tu thob par gyur to// sngar 'dus pa'i byang chub sems dpa' lnga rgya ni demi skye ba'i chos la bzod pa rab tu thob par gyur to// de nas klu de dag dang / klu'i bu mo dang / klu'i rgyal po de dag steng gi bar snang la lus mi snang bar 'khod de/ dus kyi rjes su 'brang ba'i sprin chen po byin gyis brlabs nas bcom ldan 'das la mchod pa'i las kyi phyir/ lha'i tsan dan sbrul gyi snying po'i bye ma'i
- 219a
char phab rab tu bab bo// mu tig gi dra bas kyang thams cad dang ldan pa'i yul bying 'dzin khebra par byas so// do shal dang / zla gam lta bu rnams kyis kyang na mkha'i ngos thams cad mngon par khebs par byas so// de nas bcom ldan 'das la klu'i rgyal po ma dros pas 'di skad ces gsol to// bcom ldan 'das ci tsam du de bzhin gshegs pas byang chub kyi sems dang / thams cad mkhyen pa'i sems dang / yon tan dag dang / rnam pa dang / 'jug pa rab tu bshad pa ni ngo mtshar to// bcom ldan 'das byang chub sems dpa' rnam par dag pa'i lam gang la zhugs na/ shin tu thar thugs pa rab tu thob par 'gyur te/ stobs bcu'i stobs nyid dang / mi 'jig pa bzhi'i 'jigs pa med pa nyid dang / sangs rgyas kyi chos yongs su rdzogs par 'gyur gyi bar du skabs su zhum pa dang / gong bar mi 'gyur ba byang chub sems dpa' rnams kyi rnam par dag pa'i lam byang chub sems dpa'i spyod yul zhes bgyi ba de bzhin gshegs pas bshad du gsol/ de skad ces gsol ba dang / bcom ldan 'das kyis klu'i rgyal po ma dros pa la
- 219b
'di skad ces bka' stsal to// klu'i bdag po byang chub sems dpa' rnams kyi rnam par dag pa'i lam ni brgyad po 'di dag ste/ brgyad po 'di gang zhe na/ 'di lta ste/ pha rol tu phyin pa'i lam dang / bsdu ba'i dngos po'i lam dang / mngon par shes pa'i lam dang / tshad med pa'i lam dang / yan lag brgyad ba'i lam dang / sems can thams cad la sems mnyam pa'i lam dang / rnam par thar pa gsum gyi lam dang / mi skye ba'i chos la bzod pa rab tu thob pa'i lam ste/ klu'i bdag po byang chub sems dpa' rnams kyi rnam par dag pa'i lam ni brgyad po de dag go/ de la pha rol tu phyin pa'i lam ni thams cad mkhyen pa nyid du yongs su bsngos pa'o// de ci'i phyir zhe na/ thams cad mkhyen pa nyid du yongs su ma bsngos pa'i sbyin pa ni sbyin pa'i pha rol tu phyin pa zhes bya ba'i ming mi thob bo// de bzhin du tshul khrims dang / bzod pa dang / brtson 'grus dang / bsam gtan dang / shes rab thams cad mkhyen pa nyid du yongs su ma bsngos pa ni/ shes rab kyi pha rol tu phyin pa zhes bya ba'i ming mi 'thob ste/ de'i phyir thams cad mkhyen pa nyid du yongs su bsngos
- 220a
pa ni pha rol tu phyin pa'i lam zhes bya'o// de la bsdu ba'i dngos po'i la ni gzhan dag chos la mos par byed pa'o// de ci'i phyir zhe na/ klu'i bdag po 'di ltar byang chub sems dpa' des sems can gang dag bsdu ba'i dngos po bzhi po dag gis bsdus par gyur pa de dag des chos bstan pa kun tu shes par gyur te/ de'i phyir gzhan dag chos la mos par byed pa ni bsdu ba'i dngos po'i lam zhes bya'o// de la mngon par shes pa'i lam ni gang lha'i mig gis sangs rgyas kyi zhing thams cad mthong / sems can dang / shi 'pho dang / skye ba yang mthong / sangs rgyas bcom ldan 'das nyan thos kyi dge 'dun dang bcas pa yang mthong ngo / de dag mthong nas kyang rnam pa gang dag yongs su gzung bar bya ba de dag ni yongs su 'dzin/ gang dag yongs su spang bar bya ba de dag ni yongs su spong ngo / gang lha'i rna bas sangs rgyas bcom lda 'das kyis gsungs pa thos so// thos nas kyang 'dzin cing chud mi bzon to// de sems can gzhan dang / gang zag gzhan rnams kyi sems kyi rgyu ba yang rab tu shes te/ shes nas kyang so so ci rigs par chos ston to//
- 220b
de sngon gyi gnas rjes su dran te/ dran nas kyang sngon byas pa'i dge ba'i rtsa ba chud mi gzon to// rdzu 'phrul gyis kyang sangs rgyas kyis zhing mtha' yas pa dag tu 'gro zhing sems can gang dag rdzu 'phrul gyis 'dul ba de dag rdzu 'phrul gyis 'dul te/ de'i phyir mngon par shes pa'i lam zhes bya'o// de la tshad med pa'i lam ni gang sdug pa'i rnam par lhung ba'i tshangs pa rnams dang / gzugs na spyod pa'i lhan gzhan dag gi sems kyi 'jug pa yang rab tu shes te/ 'di ni byams pa'i sems/ 'di ni snying rje'i sems/ 'di ni dga' ba'i sems/ 'di ni btang snyoms kyi sems so zhes ji lta bus 'dul ba de bzhin du rab tu 'dren te/ de'i phyir tshad med pa'i lam zhes bya'o// de la yan lag brgyad pa'i lam ni sems can thams cad kyi rjes su song ba dang / nyan thos kyi theg pa'i rjes su song ba dang / rang sangs rgyas kyi theg pa'i rjes su song ba dang / theg pa chen po'i rjes su song ba ste/ thams cad rjes su 'gro bas/ de'i phyir yan lag brgyad pa'i lam zhes bya'o/ de la sems can thams la sems mnyam pa'i lam ni 'di ni bya'o/ 'di ni mi bya'o//
- 221a
'di la ni bshad do// 'di la ni mi bshad do// 'di ni sbyin gnas so// 'di ni sbyin gnas ma yin no zhes de rnam par rtog pa la mi spyod de/ sems can thams cad kyi mnyam pa nyid kyi rjes su 'gro bas/ de'i phyir sems can thams cad la sems mnyam pa'i lam zhes bya'o// de la rnam par thar pa gsum gyi lam 'di dmigs par lta ba thams cad spang ba'i phyir/ stong pa nyid dang / rtog pa dang / rnam par rtog pa dang / yong su rtog pa dang / mtshan ma dang / rnam bar rtog gi thams cad spang ba'i phyir/ mtshan ma med pa dang / khams gsum pa la rton pa spong ba'i phyir smon pa med pa ste/ de'i phyir rnam par thar pa ba sum gyi lam zhes bya'o// de la mi skye ba'i chos la bzod pa rab tu thob pa'i lam ni byang chub sems dpa' lung bstan pa rab tu thob pa yin temi skye ba la bzod pa de dang ldan par rig nas/ sangs rgyas bcom ldan 'das rnams dang / byang chub sems dpa' bla na med pa yang dgra par rdzogs pa'i byang chub tu lung bstan te/ de'i phyir mi skye ba'i chos la bzod pa rab tu thob pa'i lam zhes bya'o// klu'i bdag po byang chub sems
- 221b
dpa' rnams kyi rnam par dag pa'i lam brgyad po 'di dag ni gcig pu bzod pa'i lam du yang dag par 'du ba ste/ 'di ltar byang chub sems dpa' grogs med par gcig pu gnyis su med par skad cig dang ldan pa'i shes rab kyis byang chub kyi snying por gang thob par bya ba de rjes su thob par bya ba de rjes su thob pa'o// de zhes bya ba ce zhe na/ gang 'di chos thams cad kyi de bzhin nyid kyi rjes su thob pa ste/ de ci'i phyir de bzhin gshegs pa zhes bya'o// klu'i bdag po byang chub sems dpa' rnams kyi rnam par dag pa'i lam brgyad 'di dag ni/ sems can tha dad pa dang / sna tshogs la spyod pa rnams la bstan pa ste/ gang 'di mi dmigs pa nye bar bzung nas/ bstan pa de thams ni bstan pa gcig pa'o// de la lam de'i rnam par dag pa gang zhe na/ lam 'di ni rdul med pas rdul dang bral ba'o// lam 'di ni shin tu mi 'khrugs pas zhe sdang med pa'o// lam 'di ni shes rab kyi snang bas rmongs pa med pa'o// lam 'di ni rang bzhin gyis rnam par dag pas kun nas nyon mongs pa med pa can ma yin pa'o// lam 'di ni byin ci log bzhi las byung ba'i phyir skye ba med pa'o// lam 'di ni ngo bo nyid kyis yang dag par
- 222a
ma yin par mthong bas ngo bo nyid med pa'o// lam 'di ni 'dod pa dang / gzugs dang gzugs med pa rnam par shes pas/ zag ba med pa'o// lam 'di ni dmigs pa tha dad pa dang bral bas nye bar zhi ba'o// lam 'di ni gar yang mi 'gro zhing gang nas kyang mi 'ongs pas/ 'ong ba dang 'gro ba med pa'o// lam 'di ni nyon mongs pa thams cad mi gnas pas legs par gnas pa'o// lam 'di la ni bdud rnams kyi 'gro ba med pa'o// lam 'di ni mu stegs can rnams kyi ma yin no// lam 'di la ni mngon par nga rgyal can rnams kyi skabs med med do// lam 'di ni mi brtson pa rnams kyi 'jug pa ma yin no// / lam 'di ni dmigs pa can rnams dang shin tu ring zhing rnam par ring ngo // lam 'di ni skyes bu ngan pa rnams kyis rnam par spang ba'o// lam 'di ni skyes bu dam pa rnams kyis bsten pa'o// lam 'di ni rnal 'byor spyod pa rnams kyis rjes su 'dong ba'o// lam 'di ni tshul bzhin la brtson pa rnams kyis bgrod par bde ba'o// / lam 'di ni yang dag par ldan pa la yang dag par gnas pa rnams kyi rnal du 'jug pa'o// lam 'di ni brtson pa rnams la mi sgrib pas yangs pa'o// lam
- 222b
'di ni yang dag par song ba dang / yang dag par zhugs pa rnams la mi sgrib pa'o// lam 'di ni 'dod chags dang / zhes sdang dang / gti mug gi nyon mongs ba rnams kyis dri ma med pa'o// lam 'di ni shin tu kun nas nyon mongs pa can ma yin pas/ rnam par dag pa ste/ de'i phyir rnam par dag pa'i lam zhes bya'o// / klu'i bdag po gang la la dag rnam par dag pa'i lam 'di la zhugs pa dang / 'jug pa dang / 'jug par 'gyur ba de dag thams cad ni/ chos kyi dbyings rnam par dag pas bdag gi dbyings rnam par dag par rjes su rtogs so// bdag gi dbyings rnam par dag pas chos kyi dbyings rnams par dag par rjes su rtogs so// chos kyi dbyings rnam par dag pas sems can gyi khams rnam par dag par rjes su rtogs so// sems can gyi khams thams cad rnams par dag pas/ mig gi khams rnam par dag par rjes su rtogs pa nas/ yid kyi khams kyi bar du rnam par dag pas rjes su rtogs so// yid kyi khams rnam par dag pas 'dod pa dang / gzugs dang gzugs med pa'i khams rnam par dag pas rtogs so// 'dod pa dang gzugs dang / gzugs med pa'i khams rnam
- 223a
par dag pas na mkha'i khams rnam par dag par rjes su rtogs so// nam mkha'i khams rnam par dag par chos thams cad rnam par dag par rjes su rtogs te/ 'di ltar nam mkha'i rnam par dag pa'i rnam par dag pa 'dis chos thams cad mnyam mo// de ltar na na mkha'i rnam par dag pa dang / chos thams cad rnam par dag pa dang / bdag rnam par dag pa 'di ni gnyisu med de gnyis su byar med do// gnyis su med pa rnam par dag pa 'dis lam de rnam par dag pa ste/ de'i phyir rnam par dag pa'i lam zhes bya'o// de la tshor ba med pas lam de ni tshor ba med pa ste/ tshor ba thams cad kyi rgyun bcad pa'o// de la ni mya ngan las 'das pa'i tshor ba yang med de/ de'i phyir tshor ba med pa zhes bya'o// lam de ni sems dang rnam par shes pa dang bral bas de la ni chos la sems pa ci yang med de/ de'i phyir rnam par dag pa'i lam zhes bya'o// bcom ldan 'das kyis rnam par dag pa'i lam bsgom pa'i yon tan gyi le'u 'di bshad pa na yongs su sbyang ba byas pa'i srog chags khri nyis stong gis bzod pa rab tu thob par gyur to// de nas bcom ldan 'das la klu'i rgyal po ma dros pas 'di skad
- 223b
ces gsol to// bcom ldan 'das byang chub sems dpa' ji ltar 'phags pa'i lam sgom par bgyis/ bcom ldan 'das kyis bka' stsal pa/ klu'i bdag po 'di la byang chub sems dpa' 'phags pa rnam par dag pa'i lam bsgom par 'dod pas rnam par dag pa'i spyod pa la mkhas par bya ste/ des lus yongs su dag par bya/ ngag dang sems yongs su dag par bya'o// de la lus yongs su dag pa gang zhe na/ gang rang gi lus stong pa nyid pas/ sems can thams cad kyi lus stong pa nyid du rjes su rtogs pa dang / rang gi lus dben pas sems can thams cad kyi lus dben pa nyid du rjes su rtogs pa dang / rang gi lus bems po bas sems can thams cad kyi lus bems por rjes su rtogs pa dang / rang gi lus g.yo ba med pas/ sems can thams cad kyi lus g.yo ba med par rjes su rtogs pa dang / rang gi lus mig yor dang 'dra bas sems can thams cad kyi lus mig yor lta bur rjes su rtogs pa dang / rang gi rnam par dag pas sems can thams cad kyi lus rnam par dag par rjes su rtogs pa ste/ 'di ni lus rnam par dag pa zhes bya'o// klu'i bdag po
- 224a
gzhan yang lus yongs su dag pa ni lus kyi las la mngon par 'du mi byed par rtogs pa ste/ de mngon par 'du byed pa la yang mngon par 'du mi byed par rtogs cing / mngon par 'du byed pa dang / mngon par 'du mi byed pa yang mnyam par byed/ mngon par 'du mi byed pa dang / mngon par 'du byed pa yang nyams par byed pa'o// de lus kyang yongs su shes shing lus kyi chos nyid kyang rab tu shes so// de lus kyi chos nyid gang zhe na/ mngon gyi mtha' nas ma skyes pa ni chos nyid do// byi mthar mi 'pho ba ni chos nyid do// da ltar byung ba ni mig g.yor lta bu ni chos nyid de/ 'di ni lus kyi chos nyid ces bya'o// gzhan yang lus kyi chos nyid ni/ rgyu dang rkyen tshogs pa'i chos nyid de/ rgyu dang rkyen gang yin pa de dag kyang sems med pa'i phyir/ stong pa g.yo ba med pa ngo bo nyid kyis dben pa'o// klu'i bdag po byang chub sems dpa' lus kyi chos nyid 'di lta bu 'di dag la rtogs pa gang yin pa 'di yang lus yongs su dag pa'o// gzhan yang lus yongs su dag pa ni/ ji lta de bzhin gshegs pa'i sku zag pa med cing khams gsum du rtogs pa ma yin de bzhin
- 224b
du rang gi lus zag pa med cing khams gsum du rtogs pa ma gtogs ma yin par rtog pa ste/ de zag pa med pa'i lus kyis srid par skye ba sgrub kyang zag pa med pa yang dag pa'i mtha' de yang mi 'dor ro/ de zag pa med pa'i lus kyis gzugs kyi lus yongs su grub pa yang ston la/ rang bzhin gyis lus kyi chos nyid kyi rang bzhin 'di yang mi 'dor ro// de de bzhin gshegs pa'i sku rnam par dag pas rang gi lus rnam par dag par rtog pa dang / rang gi lus rnam bar dag pas sems can thams kyi lus rnam par dag par rtogs 'di yang lus yongs su dag pa'o// de la ngag yongs su dag pa gang zhe na/ gang 'phags pa rnams dang gang 'phags pa ma yin pa rnams kyi ngag thams cad ni rnam par dag pa yin na/ sgro btags par na ni byis pa so so'i skye bo rnams ni kunas nyon mongs par 'gyur/ legs par thob pa dang nyes par thob pa rnams la rjes su chags pa dang / khong khro bar 'gyur ro// yang dag thams cad ni 'dod chags dang bral ba zhe sdang dang bral ba/ de dag la chags dang / zhe sdang dang / rmongs pa'i yi ge rnams mi 'byung ba rnams de'i phyir dag
- 225a
thams cad rnam par dag pa zhes bya'o// ngag ni gsog ste/ gsog la ni 'dod chags dang zhe sdang dang / gti mug gi nyon mongs bar 'gyur ba med do// ngag ni gzung ba ma yin pa ste/ mig gis gzung bar bya ba ma yin pa nas/ yid kyi bar gyis gzung bar bya ba ma yin pa'o// ngag rlung dang 'dra ste/ rlung gis 'gyur ba'i tshogs pa med par mi 'byung ngo // ngag ni brag ca dang 'dra ste/ gang 'phags pa rnams dang / gang 'phags pa ma/ yin pa rnams kyi ngag ni nang na yang mi gnas/ phyi rol du yang ma yin/ gnyis med par yang mi dmigs te/ rnam par rtogs pa dang / rnam par dpyod pa gang dag gis ngag 'byung ba'i rnam par rtog pa dang / rnam par dpyod pa de dag kyang mi gnas pa gnas pa rnam par rig pa med pa'o// klu'i bdag po de lta bas nak+Sha de bzhin gshegs pa'i gsung 'byung ba gang yin pa dang / gzhan sems can rnams kyi ngag gang yin pa de thams cad kyang med pa/ bsob brdzun pa bslu ba'i chos can no// gsol pa/ bcom ldan 'das de bzhin gshegs pa yang dag pa gsungs pa lags/ bka' stsal pa/ klu'i bdag po de de bzhin te/
- 225b
de bzhin gshegs pa ni yang dag pa gsung ba'o// de ci'i phyir zhe na/ de bzhin gshegs pas 'dus byas thams cad ma byung bar mkhyen te/ ji ltar mkhyen pa de bzhin du ston to// don 'dis na de bzhin gshegs pa yang dag pa gsung ba'o// klu'i bdag po de bzhin gshegs pa'i gsung gi yi ge la dpyod pa gang yin pa'i yi ge de dag la sems can thams cad kyang dpyod de/ de bas sems can thams cad ni chos kyi 'khor lo bskor yang chos kyi ngo bo nyid mi shes srode'i phyir de dag gi yi ge la dpyod pa ni de byed pa'i sdug bsngal yang dag par zad par bya ba'i phyir 'byung bar ma yin no// klu'i bdag da ltar na/ byis pa so so'i skye bo thams cad ni sgra thams la mngon par zhen to// de dag ni tha snyad thams cad la yang nyon mongs pa rnams dang ma 'dres pa'i ngag 'byung ngo/ de dag nyon mongs kyang kun nas nyon mongs pas/ kun nas nyon mongs par 'gyur ba ni ma yin no// ngag la dpyod cing rnam par byang bar byed kyang / chos nyid kyi rang bzhin gyis rnam par dag par 'gyur ba ma yin te/ klu'i bdag po 'di ni ngag yongs su dag pa zhes bya'o// de la sems yongs su dag pa
- 226a
gang zhe na/ sems kyi rang bzhin ni kun nas nyon mongs par byar mi nus so// de ci'i phyir zhe na/ sems ni rang bzhin gyis 'od gsal yang / de ni blo bur gyi nyon mongs pa dang nye ba'i nyon mongs pa rnams kyis nye bar nyon mongs so/ de la byang chub sems dpa' ni blo bur gyi nye bar nyon mongs pa rnams kyi skabs mi byed de/ de rang bzhin gyis 'od gsal yang / de ni glo bur gyi nyon mongs pa dang nye ba'i nyon mongs pa rnams yang sems kyi rang bzhin nyid du rab tu shes so// sems kyi las gang gis sems can thams cad la byams pas khyab par byed pa'i sems de yang / sems dang mnyam pa nyid du rab tu shes so// sems kyi las gang gis dge ba'i rtsa ba thams cad byang chub tu yongasasu bsngo ba'i sems de yang byang chub dang mnyam pa nyid du rab tu shes so// de ltar sems yongs su dag pa 'dod chags la spyod pa thams cad dang lhan cig gnas kyang 'dod chags kyi dri mas kun tu gos par mi 'gyur ro// de bzhin du zhe sdang la spyod pa dang / gti mug la spyod pa dang / cha mnyam la spyod pa'i sems can rnams dang / lhan
- 226b
cig gnas kyang de dag gi dri mas kun tu gos par mi 'gyur ro// de ltar sems su yongasu dag pa de 'dod pa'i khams su skye ste/ gzugs na spyod pa'i tshangs pa rab tu zhi ba'i spyod lam can rnams dang lhan cig gnas shing 'dug kyang / de dag gis zil gyis gnon mi nus kyi/ byang chub sems pa' de nyid kyis lha de dag zil gyis gnon to// de ltar na sems yongs su dag pa de gzugs kyi khams su skyes la/ 'dod pa'i khams kyi sems can rnams dang lhan cig tu gnas shing 'dug kyang yongs su skyong bye mi skye sa bdag brjod pas sems can de dag la brnyes pa'i sems mi skyed do// de ltar sems yongs su dag pa ting nge 'dzin dang / snyoms par 'jug pa thams cad la snyoms par 'jug kyang / ting nge 'dzin dang snyoms par 'jug pa de dag gi dbang gis mi skye'o// de ci'i phyir zhe na/ klu'i bdag po 'di ltar byang chub sems dpa' de'i sems nges par sems thabs mkhas pas mngon par bsgrub pa'i phyir ro// klu'i bdag po de ltar byang chub sems dpa' rnam par dag pa'i lam 'di la bsgom pa rnam par dag pa'i spyod pa mkhas pa
- 227a
yin no// klu'i bdag po dngos po bsgom pas lam bsgom pa ma yin/ dngos po rnam par 'jig pas lam bsgom pa ma yin/ dngos po khas len pas ma yon/ dngos khas mi len pas lam bsgom pa ma yin/ dngos po srid pas ma yin/ dngos po mi srid pas lam sgom pa ma yin/ dngos skye bas ma yin/ dngos po 'gag pas lam bsgom pa ma yin/ dngos po 'dzin pas ma yin/ dngos po 'dor bas lam bsgom pa ma yin/ bdag tu ma yin/ bdag med par ma yin/ sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes su ma yin te/ shed bu bsgom pas lam bsgom pa ma yin/ phung po mi rtag par sgom pas lam sgom pa ma yin/ phung po sdug bsngal bar sgom pas ma yin/ phung po bdag med par sgom pas ma yin/ phung po zhi bar sgom pas ma yin/ phung po 'dod chags dang bral bar sgoms pas lam sgom pa ma yin/ phung blo sgyu ma lta bur sgom pas lam sgom pa ma yin/ phung po rmi lam lta bur sgom pas ma yin/ phung po mug yor lta bur sgom pas ma yin/ phung po brag ca lta bur
- 227b
sgom pas lam sgom pa ma yin/ phung po stong pa nyid du sgom pas lam sgom pa ma yin/ phung po mtshan ma med par sgom pas ma yin/ phung po smon pa med par sgom pas lam sgom pa ma yin no// de ci'i phyir zhe na/ 'di ltar gang stong pa nyid de ni dngos med pas ma yin no// gang mtshan ma med pa dang / smon pa med pa de ni dngos po ma yin/ dngos po med pa ma yin te/ 'di ni lam bsgom pa zhes bya'o// phung po dang / khams dang / skye mched sgom pas lam sgom pa ma yin/ ma rig pa la 'dod chags dang bral bar bsgom pas lam sgom pa ma yin pa nas/ rga shi'i bar la 'dod chags dang bral bar sgom pas lam sgom pa ma yin no// de bzhin du 'jig rten pa dang / 'jig rten las 'das pa dang / 'dus byas dang / 'dus byas pa dang / zag pa med pa dang / kha na ma tho ba dang bcas pa dang / kha na ma tho ba med pa bsgom pas lam sgom pa ma yin no// klu'i bdag po gang chos thams cad dngos por yang mi byed/ dngos por med par yang mi byed pa 'di ni lam sgom pa zhes bya'o// chos thams cad la mi gnas par sgom pa dang / blang ba med pa dang / dor ba med par sgom pa 'di ni lam sgom pa zhes bya'o// bcom ldan 'das kyis rnam par dag pa'i zag pa dang nga
- 228a
lam bsgom pa'i yon tan gyi le'u 'di bshad pa'i tshe/ 'khor gyi dkyil 'khor de las srog chags dgu khri nyis stong rnams la chos kyi mig gi rdul med cing dri ma dang bral ba rnam par dag go/ srog chags khri nyi stong ni rjes su 'thun pa'i bzod pa rab tu thob par gyur to// srog chags bdun stong ni mi skye ba'i chos la bzod pa rab tu thob par gyur to// de dag thams cad kyis mgrin gcig tu 'di skad ces smras so// bcom ldan 'das rigs kyi bu'am rigs kyi bu mo gang dag gis rnam par dag pa'i lam sgom pa 'di mnyan te/ thos nas mi sdang zhing khong du chud par byed la 'dzin pa de dag ni/ de bzhin gshegs pa bla na med pa yang dag par rdzogs pa'i byang chub 'dzin par 'gyur ro// de dag ni de bzhin gshegs pas skor ba'i chos kyi 'khor lo rjes su skor bar 'gyur ro// de dag ni de bzhin gshegs pa'i dam pa'i chos dkon mchog rjes su bsrung bar 'gyur ro// de dag ni seng ge'i khri la 'dug cing / ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ da ltar bsgrags pa de bzhin du seng ge'i sgra sgrogs par 'gyur ro// de dag ni bdud kyi dkyil 'khor pham par byed par 'gyur ro// de dag ni pha rol tu rgol
- 228b
ba thams cad tshar gcod pa par 'gyur ro// de dag ni chos kyi rtog sgreng bar 'gyur ro// de dag ni chos kyi sgron ma 'bar bar byed par 'gyur ro// de dag ni chos kyi dung rab tu 'bud par 'gyur ro// de dag ni chos kyi rnga rdung bar 'gyur ro// de dag ni chos kyi char 'beb par 'gyur ro// de nas bcom ldan 'das kyis klu de dag dang / 'khor bzhi pa de dag gis legs par smras pa la rjes su yid rang ba mdzad nas/ klu'i rgyal po ma dros pa la tshigs su bcad de bka' stsal pa// dngos por 'du shes gang gis kyang // lam sgom nus pa ma yin te// lam 'di la ni 'di lta bur// dngos por 'du shes yod pa yin// dngos po dngos por byed pas min// dngos med dngos po med byed pas// nam mkha' rnam dag gang 'dra ba'i// lam sgom nus pa ma yin no// gang zhig lam ni dngos med min// dngos med dngos po med byed min// dngos dang dngos po med bral ba// mchog lam ni sgom pa yin// bdag tu lam sgom ma yin la// bdag med sgom bsam ma yin te// 'di ltar gnyis su med pa'i lam// grub cing bde ba bla na med// de bzhin srog dang gso ba dang // gang zag kyang ni de bzhin te// gang zag med pa'i lam 'di ni// srog med rab
- 229a
tu gnas pa med// stong pa nyid la gnas nas su// gang dag la la lam sgom pa/ de dag 'phags pa'i lam las ring // de dag lam sgom ma yin/ stong pa nyid la lam med de// lam sgom pa yang yod ma yin// de ltar mtshan nyid gcig pa ni// mtha' dngos stong pa stong pa nyid// skye ba'i mtshan nyid lam ma yin// mtshan nyid med pa de ma yin// gang zhig ma skyes mi 'gog pa// de ni lam sgom yin par gzungs// phung po lnga ni sgyu ma ltar/ gang gi 'du shes 'jug pa dang / dngos por 'dzin pa'i 'du shes can// lam sgom pa ga la yin// lam 'di 'jig rten las 'das pa ste// 'dri phung po'i dngos med na/ phung po rnam par 'jig pa'i phyir// sgom par nus pa ma yin no// phung po'i de bzhin nyid de ni// de bzhin nyid du rab tu sten// de bzhin kho na de la ni lpa/ gzhan du 'gyur ba mi dmigs so// de bzhin nyid ni lam sgom yin// de la yod dang med pa mnyam// de bzhin nyid la de bzhin shes// de ni lam la sgom ba yin// chos rnams kun ni de bzhin nyid// ngas ni de ltar sangs rgyas te// de nyid rtogs par bya ba'i phyir// lam la sgom par byed pa yin// gang zhig lam
- 229b
ni mi shes shing // lhag par byed pa'ang ma zhugs pa// sangs rgyas chos rnams tshol ba na// de la thogs 'byung bar 'gyur// ngas ni ji ltar lam sgoms shing // ji ltar bur ni reg pa ltar// de bzhin nyid la gnas nas su// de ltar de ni bshad par bya// theg pa dman pa 'byung ba'i phyir// lam 'di tshad dang bcas pa yin// theg pa chen po 'byung ba'i phyir/ 'di ni lam gyi dam pa yin// gang dag la la lam thob pa// thob nas rgyun chad mi byed pa// de dang deg lam thob ste// lam sgom ba ni bsgom par byed// mnyam ste mi mnyam med pa'i lam// rnal du 'dug cing drang shis pa// ngan pa'i lam kun rnams spangs nas// byang chub rjes su 'thob bar byed// ji ltar klu'i rgyal po khyod// rang gi gnas na 'dug byed cing // gnas nas g.yos pa med par yang // rgya mtsho 'di ni gang byar byed// de ltar sems can chen po dag/ lam bsgom pa ni bsgoms nas su// chos kyi dbyings las ma g.yos par// ye shes rgya mtsho 'gengs pa byed// ji ltar klu'i rgyal po khyod// sa rnam 'di dag thams cad la// chu'i rgyun gyis ngoms byed kyang / de ni nang na gnas pa min// de ltar sems can chen po dag/ sgom pa 'di las sgom na ni// sems can/
- 230a
chos kyis tshim byed kyang // nang na gnas pa ma yin no// ji ltar klu'i rgyal po khyod// pha rol gnod pa gdung ba med// de ltar dpa' bo lam thob pa// nyon mongs pas ni gdung ba med// sems can gang dag lta gnas shing // log pa'i lam du lhung ba dag/ lam 'di la ni rab gnas na/ de dag mya ngan 'da' bar 'gyur// lam 'di la ni gnas nas su// byang chub sems dpa' grags chen po// bdud sdig can dang de bzhin du// pha rol mu stegs/ can rnams 'dul// gang tshe lam ni thob par gyur// de tshe g.yo ba med par 'gyur// 'jig rten chos rnams zil gnan nas// pad ma lta bur rab tu spyod// byang chub sems las ma nyams shing // laM 'di ni mnyam gzhag pa// sems can gzhan rnams ston dag kyang // byang chub la ni rab tu 'dzud// lam 'di la ni rab gnas pa// mngon par shes pa lnga thob nas// rdzu 'phrul thams cad rnam sprul zhing // srog chags rnams la chos ston to// de dag lus dang ngag dang yid// thams cad du ni yongs dag cing // bsam gyis mi khyab sems can khams// 'phags pa'i lam la rab tu 'dzud// dmigs pa med pa'i bzod pa gang / rig
- 230b
rtogs khong du chud rtogs pa// de bzhin gshegs kyi rtogs thob nas// srog chags rnams la chos ston to// 'jig rten 'di 'gro gang yin pa// de bzhin gshegs 'gro de yin te// de dag khong du chud rtogs na// de dag 'gro ba med par 'gyur// sems can kun gyi 'gro gang yin// de dag 'gro ba des 'gro zhing // sangs rgyas chos 'dir bslab nas su// sgyu ma'i chos kyis rnam par sprul// ji ltar lam ni 'di sgom zhing // gang dag lam la sgom byed pa// de dag sngags dang yon tan rnams// 'dren pa dag ni kun nas gsungs// de dag gi ni yon tan mtha'// brgya lam na yang rtogs mi nus// gang dag lam ni 'di sgom pa// de dag dngos po med la gnas// gang dag mi skye mi 'byung ba'i// lam 'di la ni rab zhugs pa// de la dmigs can thams cad dang // bdud kyis gting dpogs ma yin no// de dag gus bcas dran pa dang // blo gros rtogs dang gzungs rnams dang // spobs pa thob cing tshul khrims dang // thos dang gtong bas rnam par 'phel/ gang dag lam ni gang bsgom pa// lus dag cing ni ngag dag la// sems dag shin tu sbyangs rnams// rab dag shin tu rnam par dag/ gang dag lam ni 'di sgom/
- 231a
badz+ra/ 'phags pa'i rtogs pa rjes thob cig/ zab mo'i tshul mkhas pa ste// chags med ye shes 'khrugs pa med// gang dag 'das pa'i sangs rgyas dang // gang dag ma 'ongs da ltar byung // rdzogs pa'i sangs rgyas gang ji snyed// lam thob pas ni mchod pa yin// mdo sde 'di la gang dga' ba// sems can des rnyed legs par rnyed// de bzhin gshegs shin tu mthong // de dag dam chos rab tu thob// de nas bcom ldan 'das kyis chos bstan pas/ klu'i rgyal po ma dros tshim zhing mgu la yid rangs shing rab tu dga' ste/ dga' ba dang / yid bde ba skyes nas bcom 'das la 'di skad ces gsol to/ bcom ldan 'das dge slong gi dge 'dun dang / mngon par 'tshal ba'i byang chub sems dpa' sems dpa' chen po rnams dang thabs cig tu/ dgung zla gsum bdag gi gnas ma dros par bzhugs par bcom ldan 'das kyis gnang bar mdzad du gsol/ bdag gi rngo ci thogs du kun tu spyad pas/ bcom ldan 'das la bsnyen bkur 'tshal lo// de ci'i sra hu zhe na/ bcom ldan 'das gang bdag gis 'di lta bu'i chos thos/
- 231b
ba ni bdag gis de bzhin gshegs pa la slar bgyi ba'i rngo mi thog go// de bzhin gshegs pa la mchod pa des// bdag slad kyis kyang 'di 'dra ba'i chos thos pa dang / 'bral bar mi 'gyur bas/ bcom ldan 'das bdag la thugs brtse ba'i slad du gnang bar mdzad du gsol/ de la bcom ldan 'das kyis ma gnang ngo // zla ba gnyis gsol te yang de bzhin du bcom ldan 'das kyis ma gnang ngo // zla ba byed gsol ba dang / thugs btso ba'i slad du/ bcom ldan 'das kyis de la cang mi gsung bas gnang bar mdzad do// de nas klu'i rgyal po ma dros pas bcom ldan 'das kyis cang gsungs bas snang bar rig nas/ tshim zhing mgu la yid rangs shing rab tu dga' ste/ dga' ba dang yid bde ba skyes nas// gnyen dang 'khor du bcas pas/ bcom ldan 'das kyis zhabs la phyag 'tshal nas/ bcom ldan 'das kyi drang slong ste/ sprin bsdus 'brug bsgrags nas/ 'dzam bu'i gling du char pa'i rgyun bab ste/ rang gi gnas su phyin to// de nas klu'i rgyal ma dros pas/ bu thu bo legs sbyin zhes bya ba la bos nas/ legs yid dang /
- 232a
legs gnas dang / zhi ba ldan dang / dbang po zhi dang / rnam par sprul dang / gzi brjid che dang / gzi brjid dpag med dang / dpag med 'dzin dang / yon tan dpag med 'dzin dang / kun nas kha dog dang / gzi brjid mchog dang / nor mi zad dang / bzod ldan la stsogs pa bu lnga brgya theg pa chen po la yang dag par zhugs pa thams cad la sgo ba/ gzhon nu khyed shes par gyis shig/ kho bos de bzhin gshegs pa dge slong gi dge 'dun dang / mngon par shes pa mngon par shes pa'i byang chub sems dpa' sems dpa' chen po rnams dang thabs gcig tu zla ba phyed spyan drangs nas/ bcom ldan 'das kyis kho bo la thugs brtse ba'i phyir gnang ngo // de la khyed thams cad lhan cig tu 'dus la klu'i rtse ba dang // klu'i dga' ba dang / klu'i dbyibs spongs shig/ 'dod pa la brtse ba dang / gzugs dang / sgra dang dri dang / ro dang / reg pa la mngon par chags pa spongs la/ de bzhin gshegs pa mchod pa la rab tu 'dun par bya'o// dran pa dang shes bzhin dang / bag yod pa la gnas bar gyis la/ bcom ldan 'das la bsnyen bkur gyis shig/ de ci'i phyir zhe na/ bcom ldan 'das de ni bag mnga' ba'o// 'khor kyang bag yod pa'o// cang mkhyen
- 232b
ba'o// 'khor kyang cang shes pa'o// zhi ba'o 'khor kyang zhi ba'o// dul ba'o// 'khor kyang dul dul ba'o// de la khyed zla ba phyed kyi bar du chung ma'i 'khor gyi nang du ma 'dug cig/ 'dod pa'i rnam par rtog pa mi skyed cing / rnam par rtogs par mi bya'o// gnod sems kyi rnam par rtog par mi bskyed cing / rnam par rtog par mi bya'o// 'tsho'i rnam par rtog pa mi bskyed cing / rnam par rtog par mi bya'o// gzhan yang bcom ldan 'das la chos nyan pa dang / lha dang klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa dag kyang 'ong gis de la khyed kyis/ ji ltar kho bo sma bab par mi 'gyur ba de lta bu'i gnas dang / bkod pa ston cig/ de ltar bcom ldan 'das la mchod pa byas na 'khor yid rangs par 'gyur ro// de nas klu'i rgyal ma dros pas/ nang mi rnams la sgo na/ bcom ldan 'das la mchod pa'i las kyi phyir/ gangs ri'i rgyal po dang / mtsho chen po ma dros pa gnyis kyi bar du 'khor gyi khyams mtha' dpag chad bdun pargya ba 'du sngon po dag pa dang / 'jams bu gling gi gsar kyi smras pa/ rdo rje sna tshogs rnam par bkra' mngon par sprub to// 'khor gyi byams der ring gyi/
- 233a
che'i shing ljon pa brgyad khri bzhi stong / rin po che thams cad kyis legs par brgyan pa/ me tog dang 'bras bu thams cad dang ldan pa dag sprul to// rin po che'i shing ljon pa brgyad khri bzhi stong / re re la yang lo ma rin po che thams cad kyis legs par brgyan pa/ mu tig dmar po'i do shal sbyang ba stong steng sprul to// 'khor gyi khyams der khang bzang rin po che thams cad kyis legs par brgyan pa/ gdugs dang / rgyal mtshan dang / ba dan bsgreng ba sprul to// khang bzangs de dag thams cad du yang seng ge'i khri lha'i ras bcos ma zung bye brag du ma bting ba/ rtsa ba gser la rin po che thams cad kyis spras pa/ brgyad khri bzhi stong bzhi stong bzhag go/ khang bzangs thams cad du yang klu'i bu mo stong stong bkod de/ thams cad kyang me tog dang / bdug pa dang / spos dang / 'phreng ba dang / byug pa dang / bye ma dang / gos dang / gdugs dang / rgyal mtshan dang / ba dan thogs sha stag go/ steng gi bar snang yang rin po che'i dra ba'i gdugs kyis mngon par khebs par byas so// rin po che'i dra ba'i gdugs thams cad kyang khwadu ma kha dog sna tshogs kyi gos dang / gdugs dang / rgyal mtshan dang /
- 233b
dan phal che brgyad stong mngon par spangs/ ba dan thams cad la yang rin po che'i dril bu g.yer ka'i dra bas brgyas te/ de dag rlung gi bskyod na snyan pa yid du 'ong ba'i sgra 'byung ngo // zhal zas ro rgya dang ldan pa yang bshams so// de nas klu'i rgyal po ma dros pas 'di lta bu'i bkod pa 'di dag byas nas/ de'i nub mo 'das ba dang nye du dang 'khor du bcas pas thal mo sbyar nas/ bcom ldan 'das dus sbron cing bskul ba'i phyir tshigs su bcad de gsol pa// ye shes 'byung gnas ye shes 'byor pa'i 'dzod// ye shes mtha' yas mkhyen pa khyod la gsol// ye shes che ba gang du 'ang chags mi mnga'/ ye shes stobs mchog mnga' ba gshegs su gsol// phyogs bcu'i srog chags mang po thams cad kyi// sems kyi skyod pa mkhyen pa'i thub chen po// bdag gis gang zag mchog ni spyan drangs pa// drang srod chen po khyod la bdag dus skul// bzhed nyung mchog mkhyen gso slang gang sla ba// shin tu mkhyen bzhin sdug bsngal rnams las grol// don med mi gsung spyod pa'i cho ga mkhyen// bcom ldan 'das phung po mi mnga' dus 'di lags// kun du grags pa yon tan ye shes 'phags// ma bskul rtag tu byams thugs
- 234a
gshegs gnyen mdzad// thung drug cing rnam dag na mkha'i bzhin// 'dren pa bshos sbyar lags te dus 'di lags// bsnyed pa mi mnga' stobs bcu shugs mnga' ba// bco brgyad sangs rgyas chos rnams rab tu rdzogs// spyi btsug lha mi gda' ba thugs 'phags// mgon po tshogs dang thabs gcig gshegs su gsol// gzugs ni gzugs mchog mtshan gyis shin tu brgyan// sku ni dpe byad bzang pos mdzes par spras// phan pa'i thugs ni mchog tu dga' mdzad pa/ bcom ldan thub chen dus de 'di lags so// tshangs pa'i dbyangs dang dbyangs snyan 'jam pa'i dbyangs// ka la ping ka 'jam dbyangs seng ge gnon// thams cad dbyangs seng gi gnon// thams cad dbyangs mchog srid 'khor tshim mdzad pa// bdag la dga' mdzad gzigs shing gshegs su gsol/ sangs rgyas zhing mdor de bzhin gshegs kyi thugs// 'tshal ba sems can gang yang ma mchis te// bcom ldan 'das ni kun gyi spyod pa mkhyen// rtag tu dus spyod dus de 'di lags sa so// 'di na lha dang mi dang klu bdag mang sgom na// stobs bcu'i stobs mnga' pha rol dpung rnams 'jom pa po// thub chen thub mchog
- 234b
log pa'i lam rnams rnam par 'jig/ dran rtogs blo gros ldan 'dir rtogs dang blo gros mdzod// ngan pa'i tshogs can tshogs 'jom khrel mnga' dpal mos dgyes// phan pa mdzad can bde mdzad yon tan brgyas lham pa/ thugs rje rab tu bskyed nas klu brgya rnams 'dul zhi mtshungs pa med pa'i mi mchog 'dir ni gshegs su gsol// phan blo thugs brtse ldan zhing 'gro la phan dgyes pa/ ji ltar 'gro ba pha rol spyod 'byed blo gros can// stobs bcu spyod pa rnam par 'byed pa rab gsung pa// dran rtogs blo gros ldan 'dir rtogs dang blo gros mdzad/ de nas bcom ldan 'das kyis klu'i rgyal po ma dros pas// dus bskul bar mkhyen nas// dge slong rnams la bka' stsal pa// dge slong dag klu'i rgyal po ma dros pa dus skul gyis/ gnas der zla ba phyed gnas pa ltar gtsugs lag khang skyongs kyis/ chos gos dang lhung bzed thogs shes sgo shig/ de nas bcom ldan 'das byang chub sems dpa' bdun khri nyis stong dang // rdzu 'phrul che zhing mthu che ba'i nyan thos stong stong gis/ bskor cing mdun du 'dar nas/ bya rgod phung po'i ri las rdzu 'phrul gyis gshegs so// de nas bcom ldan
- 235a
@'das na mkha'i ngos la gshegs nas/ 'od gang gis stong gsum gyi stong chen po'i 'jig rten gyi khams gsal bar 'gyur ba de lta bu'i 'od skra las phyung bas/ 'dod pa na spyod pa dang / gzugs na spyod pa'i lha'i bu dag gis/ bcom ldan 'das tshogs chen pos bskor cing na mkha'i ngos las mtsho chen po ma dros par gshegs pa mthong nas/ de dag 'di snyam du/ bcom ldan 'das 'di lta bu'i tshogs kyis bskor te/ zla ba phyed gang na bzhugs pa der chos ston du nges so snyam du sems so// de na lha'i bu brgyad stong mang po phyi bzhin 'brang ste/ gang bcom ldan 'das la lta bar 'dod pa dang / gang dag chos nyan par 'dod pa dang / gang dag klu'i rgyal po ma dros pa'i gnas dang / bkod pa lta bar 'dod pa de dag bcom ldan 'das gshegs pa'i rjes bzhin dong ngo // de la lha'i bu kha cig ni lha'i me tog gi char mngon par 'bebs shing / bcom ldan 'das gshegs pa'i rjes bzhin dong / lha'i bu kha cig ni lha'i tsan dan sbrul gyi snying po'i char mngon par 'bebs shing / bcom ldan 'das gshegs pa'i rjes bzhin dong / lha'i bu kha cig ni sil snyan dang / klu dbyangs len cing / bcom ldan 'das kyis bsngags pa brjod de/ bcom ldan 'das gshegs pa'i rjes bzhin dong / lha'i bu kha cig ni rang gi lus kyi gos dang /
- 235b
gdugs dang rgyal mtshan dang ba dan bsgreng ba'i char 'bebs shing / bcom ldan 'das gshegs pa'i rjes bzhin dong ngo / gnas gtsang ma'i ris kyi lha'i bu dag ni/ nyi ma dang zla ba dang / rgyu skar dang / skar ma zil du brlag par byed pa'i lha'i 'od kha dog bzang po rab tu zhi ba dang ldan pa'i lus kyis/ bcom ldan 'das gshegs ba'i rjes bzhin dong ngo // brgya byin dang tshangs pa dang / 'jig rten skyong ba rnams kyang rang rang gi bkod pa rnams kyang / bcom ldan 'das gshegs pa'i rjes bzhin dong ngo // de nas bcom ldan 'das lha dang / klu dang gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / byang chub sems dpa' dang / nyan thos chen po'i tshogs du mas bskor nas/ gangs ri'i rgyal po lho phyogs kyi ngos la bzhugs so// de nas bcom ldan 'das kyis/ tshe dang ldan pa me'u 'gal gyi bu chen po la 'di skad ces bka' stsal to// me'u 'gal gyi bu khyod song ste/ klu'i rgyal po ma dros pa la/ de bzhin gshegs pa byon na/ ci'i dus la bab bam zhes sgron cig/ de nas tshe dang ldan pa me'u 'gal gyi bu chen po de'i tshe/ shing ta la bdun srid du na mkha'
- 236a
la mngon par 'phags/ bya'i rgyal na mkha' lding gi gzugs su rang gi lus byin gyis brlabs nas/ klu'i rgyal po ma dros pa'i gnas la bltas so// de nas ma dros pa na gnas pa'i klu dang / klu'i bu mo sngangs skrag ste/ spu zing zhes byed nas/ phyogs phyogs su rab tu 'bros shing / 'di skad ces gang gnas 'dir na mkha' lding rgyu ba de thams cad gang nas 'ongs shes 'dzer to/ de nas klu'i rgyal po ma dros pas lag pa g.yas pas klu dang klu'i bu mo de dag la ma 'jigs ma 'jigs/ 'di ni btsun pa me'u 'gal gyi bus/ rdzu 'phrul rnam par sprul pa'o// zhes dbugs 'byin cing 'jog 'god rab tu 'god do// de nas tshe dang ldan pa me'u 'gal gyi bu chen pos bskal nas song ngo // de nas klu'i rgyal po ma dros pas/ bu dang bcas/ chung ma dang bcas/ gnyen dang 'khor du bcas te me tog thams cad dang / phye ma thams cad dang / bdug pa thams cad dang / byug pa thams cad dang / gos dang / gdugs dang / rgyal mtshan dang / ba dan dang / sil snyan dang / pheg rdo ba thogs nas/ bcom ldan 'das ga la ba der song ste phyin nas/ bcom ldan
- 236b
'das la ci rigasu mchod pa byas so// de nas bcom ldan 'das/ lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / byang chub sems dpa' dang / nyan thos chen po du mas bskor nas/ klu'i rgyal po ma dros pa'i 'khor gyi khyams su gshegs so// gshegs nas kyang seng ge'i khri ji ltar bshams pa las/ skyil mo krungs te bzhugs so// 'khor thams cad kyang khri la so so ci rigs par 'khod do// de nas klu'i rgyal po ma dros pas/ bcom ldan 'das bzhugs par rig nas/ rang gi lag nas bza' ba dang / bca' ba dang / myang ba mi las 'das pa lha'i ro bro ba can ro brgya dang ldan pa'i zhal zas bzang po mang pos tshim par stabs so// tshim par stabs nas lhung bzed bzhag ste/ phyag bcas par rig nas/ bcom ldan 'das la chos bshad par gsol ba btab po// de nas bcom ldan 'das phye ma red kyi dus kyi tshe/ nang du yang dag 'jog las bzhengs nas chos bstan pa'i phyir bzhugs so// de nas sa'i dkyil 'khor kun tu dngage tshad stong nas/ bar snang gi bar du
- 237a
lha dang klu dang / gnod sbyin dang / dri za dang / lha yin dang / na mkha' lding dang / mi 'am ci dang / lto 'phye chen po dang / mi dang mi ma yin pa dag gis yongs su gang bar gyur to// de nas bcom ldan 'das la klu'i rgyal ma dros pas 'di skad ces gsol to// de bzhin gshegs pas 'khor 'di las byang chub tu sems ma bskyed pa'i sems can ni/ byang chub tu sems bskyed par 'gyur ba dang / byang chub tu sems bskyed pa rnams ni phyir mi ldog par 'gyur ba dang / 'khor bas sgrags pa'i sems can ni slob pa yang ma lags/ mi slob pa yang ma lags par 'gyur ba dang / slob pa dang mi slob par 'gyur ba dang / 'khor ba la mngon du phyogs pa'i sems can rnams ni yid 'byung bar 'gyur ba dang / klu dang gnod sbyin gyi 'khor 'di ni 'gro ba dman pa'i dang bral zhing rgya chen po'i 'gro bar 'gyur ba dang / zab mo la mos pa'i byang chub sems dpa' rnams ni sems dang bsam pa rnam par dag par 'gyur ba dang / de bzhin gshegs pa bzhugs kyang rung / yongasu mya ngan las 'das kyang rung ste/ bdag dam pa'i chos yongs su 'dzin par 'gyur bar
- 237b
bgyi ba'i slad du chos bstan du gsol/ de nas bcom ldan 'das kyis klu'i rgyal po ma dros pa la 'di skad ces bka' stsal to// klu'i bdag po de'i phyir legs par shin tu nyon la yid la zung shig dang / ngas khyod la bshad do// bcom ldan 'das de bzhin no zhes gsol to// klu'i rgyal po ma dros pa bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// klu'i bdag po byang chub sems dpa' chos gcig dang ldan na/ lha dang bcas pa'i 'jig rten mngon par 'du bar 'gyur ro// chos gcig po gang zhe na/ 'di lta ste/ zab mo'i chos la rab tu sbyor ba'i bag yod pa'o// de la zab mo'i chos la rab tu sbyor ba'i bag yod pa gang zhe na/ klu'i bdag po 'di la byang chub sems dpa' sems dpa' chen po rten cing 'brel bar 'byung ba la 'jug cing / mthar lta ba gnyi ga dang bral la/ yod pa dang med par khas mi len pas chos thams cad rkyen gyi kha na las par yang dag par rjes su mthong ste/ gang rgyu ba med pa las byung ba'i chos de yang dag par rjes su mthong nas/ de 'di snyam du sems te chos gang rgyu'i kha na las
- 238a
ba de ni rkyen gyi kha na las pa'o// gang rkyen gyi kha na las pa de ni ma skyes pa'o// grang ma skyes pa de ni stong pa'o// gang stong pa de ni mtshan ma med pa'o/ gang mtshan ma med pa de ni smon pa med pa'o// gang smon pa med pa de ni zhi ba'o// gang zhi ba de ni nye bar zhi ba'o// gang nye bar zhi ba de ni mi g.yo ba'o// gang mi g.yo ba de ni rang bzhin gyis bems po'o// rang bzhin gyis bems po gang yin pa de ni rkyen gyi kha na las pa'o// gang rkyen gyi kha na las pa de la ni yongs su 'dzin pa med pa'i tshul gyis rje med pa'o// klu'i bdag po byang chub sems dpa' sems dpa' chen po bag yod pa can ni rton pa bzhi la ston te/ gzhi gang zhe na/ don la ston gyi tshig 'bru la ma yin pa dang / ye shes la ston gyi rnam par shes pa la ma yin pa dang / nges ba'i don la ston gyi/ drang ba'i don la ma yin pa dang / chos nyid la ston gyis gang zag la ma yin te/ 'dri ni ston pa bzhi la ston pa'o// de'i don ni gang \u0f7fye shes ni gang / nges pa'i don ni gang / chos nyid ni gang zhe na/ don ces bya ba la gang stong pa nyid ni don te/ don gang yin pa de la lta ba
- 238b
rjes su rgyas par mi byed do// gang mtshan ma med pa ni don te/ de rnam par rtog pa rjes su rgyas par mi byed do/ gang smon pa med pa ni don to// de la khams gsum pa rjes su rgyas par mi byed de/ 'di ni don ces bya'o// klu'i bdag po gzhan yang don ces bya ba ni/ gang chos dang chos ma yin pa gnyis su dbyer med pa'o// gang chos rnam par gzhag pa brjod yod pa sgra dang tshig gi lam gyis brjod du med cing gnas pa med pa dang / gang zag med pa'i don te/ sems can dang gang zag tu tha snyad 'dogs pa 'di ni don ces bya'o// gzhan yang don ces bya ba ni gang chos dron du gnyer ba yin gyi 'thob pa don du gnyer ba ma yin no// ji ltar na byang chub sems dpa' chos don du gnyer gyis 'thob pa don du gnyer ba ma yin zhe na/ gang mig don du gnyer ba ma yin/ gzugs don du gnyer ba ma yin/ rna ba dang sgra dang / sna dang dri dang / lce dang ro dang / lus dang reg bya don du gnyer ba ma yin/ yid don du gnyer ba ma yin/ chos don du gnyer ba ma yin/ gzugs la mngon par zhen pa don du gnyer ba ma yin/ tshor ba la ma yin/
- 239a
'du shes la ma yin/ 'du byed la ma yin/ rnam par shes pa la mngon par zhen pa don du gnyer ba ma yin/ 'dod pa dang / gzugs dang / gzugs med pa mngon par zhen pa don du gnyer ba ma yin/ bdag la mngon par zhi ba don du gnyer ba ma yin/ sems can la ma yin/ srog la ma yin/ gso ba la ma yin/ skyes bu lA ma yin/ gang zag la mngon par zhen pa don du gnyer ba ma yin/ de bzhin gshegs pa'i gzugs kyi sku la mngon par zhen pa don du gnyer ba ma yin/ chos kyi yi ge la mngon par zhen pa don du gnyer ba ma yin/ dge 'dun gyi tshogs la mngon par zhen pa don du gnyer ba ma yin/ sbyin pa la mngon par zhen pa don du gnyer ba ma yin/ tshul khrims dang / bzod pa dang / brtson 'grus dang / bsam gtan la ma yin/ shes rab la mngon par zhen pa don du gnyer ba ma yin pa nas/ chos thams cad kyi bar la mngon par zhen pa don du gnyer ba ma yin te/ de ltar na byang chub sems dpa' chos don du gnyer ba zhes bya'o// gang don de dag la don ces tshig gis
- 239b
brjod du med pa 'di ni don ces bya'o// de la shes pa gang zhe na/ sdug bsngal mi skye bar shes pa dang / kun 'byung ba la sgro btags pa med par shes pa dang / 'gog pa la shin tu zad par shes pa dang / lam la 'ong ba dang / 'gro ba med par shes pa dang / phung po rnams la sgyu ma lta bur shes ba dang / khams rnams la chos kyi dbyings dang dbyer med par shes pa dang / skye mched rnams la grong stong pa lta bur 'du shes pa dang / chos rnams la rab tu rnam par 'byed pa shes pa dang / sems can gyi dbang po mchog ma yin pa shes pa dang / dran pa la brjed pa med par shes pa dang / dran pa nye bar gzhag pa rnams la dran pa med cing yid la byed pa med par shes pa dang / yang dag par spong ba rnams la dge ba dang / mi dge ba rnams su yang dag par shes pa dang / rdzu 'phrul gyi rkang pa rnams la lus dang sems yang dag par shes pa dang / dbang po rnams kyi rim pa shes pa dang / stobs rnams la rdzi ba med par shes pa dang / byang chub kyi yan lag rnams la chos thams cad rtogs par shes pa dang / lam la 'dus ma byas
- 240a
par shes pa dang / zhi gnas la zhi bar shes pa dang / lhag mthong la chos rnam par 'byed par shes pa dang / sngon gyi mtha' la ma byung bar shes pa dang / phyi ma'i mtha' mi 'pho bar shes pa dang / bar ma la mi gnas par shes pa dang / lus gzugs brnyan lta bur shes pa dang / tshig la brag ca lta bur shes pa dang / sems sgyu ma'i chos lta bu shes pa 'di ni shes pa zhes bya'o// de la nges pa'i don gyi mdo sde gang zhe na/ gang rten cing 'brel par 'byung ba 'di bstan pa ste/ 'di ltar ma rig pa 'gags nas/ rga shi 'gags pa'i bar la bdag med par bstan pa dang / sems can med pa dang / srog med pa dang / gso ba med pa dang / gang zag med par yongs su bstan pa ste/ ji ltar gzings lta bu'i mdo las chos kyang spang bar bya na na/ chos ma yin pa lta ci smos shes gsungs pa lta bu'o// de la rnam par thar pa'i sgo gsum yongs su ston pa dang / dus gsum mnyam pa nyid dang / bslab pa gsum la mi dmigs par slob ste/ ji ltar 'du byed thams cad 'gro ba med
- 240b
bar mthong nas yang dag pa nyid mi 'gyur ba la mi 'jug cing / 'jig rten las 'das pa'i dbang po rnams dang / stobs rnams dang / byang chub sems dpa'i shes rab la 'du shes dang / yid la byed pa thams cad mi 'byung ba 'di ni nges pa'i don gyi mdo sde'o zhes gsungs pa lta bu'o// de la chos nyid gang zhe na/ de bzhin gshegs pa byung yang rung / ma byung yang rung / chos nyid 'di ni 'dug pa nyid de/ chos kyi dbyings dang chos gnas pa nyid dang / chos mi 'gyur ba nyid dang / yang dag pa'i mtha' ni chos nyid ces bya'o/ gang de bzhin nyid dang / phyin ci ma log pa'i de bzhin nyid dang / gzhan ma yin pa de bzhin nyid dang / gnyis su med pa nyid dang / yang dag pa nyid dang / de kho na nyid dang / yang dge ba'i mtha' sngon gyi mtha' ma yin pa dang / sngon gyi mtha' yang dag pa'i mtha' ma yin pa 'di ni chos nyid ces bya'o// theg pa chen po pha rol tu phyin pa drug las byung ba ni chos nyid ces bya'o// rang sangs rgyas kyi theg pa rten cing / 'brel par 'byung ba las byung ba dang / spu rjes su 'gro ba la mos pa las byung ba'i nyan thos kyi theg pa 'di ni chos nyid ces bya'o// longs spyod chen po'i
- 241a
phyir sbyin pa yang chos nyid ces bya'o// mtho ris su skye ba'i phyir tshul khrims dang / shes rab chen po'i phyir thos pa dang 'bral ba'i phyir sgom pa ni chos nyid ces bya'o// klu'i bdag po gzhan yang tshul bzhin ma yin pa yid la byed pa'i rgyu las byung ba ni 'khor ba'o// tshul bzhin yid la byed ba'i rgyu'i las byung ba ni chos nyid do// nyon mongs pa'i stobs can ni byis pa'o// shes rab kyi stobs can ni mkhas pa ste/ 'di ni chos nyid ces bya'o// chos nyid ces bya ba ni 'di lta ste/ chos nyid thams cad kyi dbyings su yang dag par gzhol ba'o// klu'i bdag po de ltar na gang rten cing 'brel par 'byung ba la rton pa de ni ston pa bzhi po de dag la rton pa'o// gang ston pa bzhi po dag la rton pa de ni chad pa dang / rtag pa la ston pa ma yin te/ de'i phyir sus rten cing 'brel par 'byung ba mthong ba des chos mthong ngo // sus chos mthong ba des de bzhin gshegs pa mthong ba zhes bya'o// klu'i bdag po rten cing 'brel bar 'byung ba zhes bya ba ni/ 'brel par 'byung ba ma yin pa'o// 'brel par 'byung ba ma yin pa ni mi skye ba'o// mi skye ba ni chos so// chos ni 'dod chags dang bral
- 241b
ba'o// 'dod chags dang bral ba ni de bzhin gshegs pa'o// rten cing 'brel par 'byung ba zhes bya ni rkyen las byung ba ste/ brjod du med pa'i chos nyid do// chos nyid mngon par rdzogs par byang chub pa'i phyir de bzhin gshegs pa'o// klu'i bdag po rten cing 'brel par 'byung ba zhes bya ba ni shes rab kyi mig gis chos mthong ba ste/ chos mthong ba de ni de bzhin gshegs pa'o// klu'i bdag chos nyid de lta bu la mos pa'i byang chub sems dpa' ni bag yod pa zhes bya'o// klu'i bdag po byang chub sems dpa' bag yod pa ni nyon mongs pa rnams la rgyu bar mi byed pa dang / 'phags pa rnams la dad par byed pa dang / 'phags pa ma yin pa rnams yongs su mi gtong ba dang / 'phags pa'i rigs kun srung bar byed pa dang / dam pa'i chos yongs su srung bar byed pa dang / mang du thos pa brjed pa mi byed pa dang / tshul khrims kyi blo mdor bar mi byed pa dang / ting nge 'dzin gyi phung po shin tu dkar bar byed pa dang / shes rab kyi phung po las mi g.yo ba dang / rnam par grol ba'i phung po las shin tu gnas pa dang / rnam par grol ba ye shes mthong ba'i phung po la rab tu gnas pa'o// klu'i bdag po
- 242a
@# byang chub sems dpa' bag yod pa ni/ sangs rgyas kyi chos tshad med pa la mos so// sangs rgyas kyi ye shes tshad med pa yongasu tshol lo// sangs kyi spobs pa tshad med pa la 'jug go/ sangs rgyas kyi so so yang dag par rig pa tshad med pa la 'jug go/ sangs rgyas kyi rnam par sprul ba tshad med pa'i rjes su 'gro'o// sems can gyi bsam pa tshad med pa'i rjes su 'jug go/ sangs rgyas kyi zhing tshad med par 'gro'o// de bzhin gshegs pa tshad med pa mthong ngo // chos tshad med pa nyan to// don rtogs pa'i tshad med pa'i rjes su 'gro'o// sems can gyi khams tshad med pa yongs su smin bar byed do// spyod pa tshad med pa la 'jug go/ bag yod pa de ni bdag gi kha na las pa ma yin no// de ci'i phyir zhe na/ klu'i bdag po bag yod pa'i byang chub sems dpa' ni rang gi sems nges par sems pa ste/ des sems nges par sems pa gsum gyis sems nges par bsam par bya'o// gsum gang zhe na/ 'di lta ste/ nyon mongs pa la nges par sems pa dang / yul la nges par sems pa dang / nye bar len pa la nges par sems pa ste/ sems nges par sems pa gsum po de dag gis so// gzhan yang nges par sems pa gsum ste/ gsum gang zhe na/ zhi gnas la rtse gcig pa dang / lhag mthong la
- 242b
mkhas pa dang / chos la nan tan byed pa ste/ gsum po de dag go// gzhan yang sems nges par sems pa gsum ste/ gsum gang zhe na/ sems zhi ba dang / sems dul ba dang / sems yid du 'ong ba ste/ gsum po de dag go/ gzhan yang sems nges par sems pa gsum ste/ gsum gang zhe na/ drang po dang // rgyu med pa dang / gnyer med pa ste/ gsum po de dag go/ gzhan yang gsum ste/ tshul 'chos pa med pa dang / gnyen pa dang / 'grogs na bde ba ste/ gsum po de dag go/ gzhan yang gsum ste/ gsum gang zhe na/ stong pa nyid la nges par sems pa dang / mtshan ma med pa la nges par sems pa dang / smon pa med pa la nges par sems pa ste/ sems nges par sems pa gsum po de dag go/ gzhan yang gsum ste/ 'du byed thams cad la mi rtag par sems nges par sems shing / 'du byed thams cad la sdug bsngal bar sems nges par sems pa dang / chos thams cad la bdag med par sems nges par sems ba dang / mya ngan las 'das pa ni zhi bar sems nges par sems pa ste/ sems nges par sems pa gsum po de dag go// klu'i bdag po de la byang chub sems
- 243a
dpa'i sems nges par sems pa'i mchog ni 'di lta ste/ chos thams cad kyi dbyings mnyam pa nyid du khong du chud pa dang / byams pa chen po sems can thams cad la sems mnyam pa dang / snying rje chen pos sems can thams cad la yongs su mi gtong ba dang / dga' ba chen pos 'khor ba ni yongs su mi skyo ba dang / btang snyoms chen pos rjes su chags pa dang / khong khro ba med pa dang / bdog pa thams cad yongs su gtong bas rnam par smin pa la re ba med pa dang / tshul khrims dang bslab pa dang / sbyangs pa'i yon tan thams cad yang dag par 'dzin pas bdag la mi bstod cing gzhan la mi smod pa dang sems can thams cad kyis nyes par byas pa bzod pa dang / de dag de ltar rab tu thar par bya ba'i sems kyis brtson 'grus brtan pa dang / dge ba'i rtsa ba bsgrub ba'i phyir lus dang srog la mi lta ba dang / sangs rgyas kyi ye shes dang / ting nge 'dzin la snyoms par 'jug pa bsgrubs pas sems bdag la dbang ba ste/ ting nge 'dzin dang snyoms par 'jug pa'i dbang gis skye ba ma yin pa dang / shes rab dang / mngon par shes pa dang / ye shes la mkhas pas mngon pa 'du
- 243b
mi byed pa las mi nyams pa dang / thabs la mkhas pas sems can thams cad dang 'thun par 'jug pa dang / ye shes dang rnam par grol ba kun tu srung bas nyan thos dang / rang sangs rgyas kyi ye shes dang / theg pa chen po khong du chud par bya ba'i phyir/ sangs rgyas kyi ye shes kyi rjes su 'gro ba dang / dam pa'i chos yongasu bzung ba'i phyir sdug bsngal la mi mdzad pa dang chos yang dag par bstan pa'i phyir 'thob pa dang bkur bsti thams cad la mi chags pa dang / mtshan yongs su rdzogs par bya ba'i phyir bsod nams kyi mi ngoms pa dang / shes rab yongs su skong bas thos pas mi ngoms pa dang thos pa yongs su skong bas dge ba'i bshes gnyen la sten pa dang / dge ba'i chos yongs su skong bas gus pa dang bcas pa dang / bla ma rab tu thob par bya ba'i phyir nga rgyal bcom pa dang / nga rgyal tshar gcad par bya ba'i phyir bsam pa phun sum tshogs pa dang / lhag pa'i bsam pa yongs su skong bas g.yo med pa dang / g.yo dang bral bas ngas ji skad smras pa bzhin byed pa dang / de byed pa'i phyir mi slu ba dang bden pa'i tshig la rab tu gnas pas/ ngag gi skyon thams cad rnam par spangs pa ste/ rdzun gyi tshig dang bral
- 244a
ba dang yang dag pa dang / yang dag pa las skyes pa dang bden pa dang / 'den pa las skyes pa ni sems nges par sems pa'o// klu'i bdag po 'di ltar byang chub sems dpa'i sems nges par sems pa de lta bu gang yin pa de ni bag yod pa zhes bya'o// klu'i bdag po byang chub sems dpa' bag yod pa la ni bdud kyi tshad mi snyed do// de ci'i phyir zhe na/ klu'i bdag po 'di ltar byang chub sems dpa' ni tshad du bya ba ma yin pa'i chos la spyod pa'o// de la tshad du bya ba'i chos rnams gang zhe na/ 'dod chags ni tshad du bya'o// zhe sdang dang gti mug ni/ tshad du bya'o// byang chub sems dpa' ni de las 'das pas de'i phyir tshad med pa zhes bya'o// dmigs pa lta ba ni tshad du bya ba'o// stong pa nyid la gnas pa'i byang chub sems dpa' la ni bdud kyis tshad mi rnyed do// rtog dang rnam par rtog pa dang / yongs su rtog pa'i mtshan ma thams cad ni tshad du bya ba'o// mtshan ma med pa la gnas pa'i byang chub sems dpa' la ni bdud kyis tshad mi rnyed do// khams gsum pa ni tshad du bya ba'o// /
- 244b
smon pa med pa la gnas pa'i byang chub sems dpa' la ni bdud kyis tshad mi rnyed do// nyan thos dang rang sangs rgyas kyi theg pa ni tshad bya ba'o// theg pa chen po la zhugs pa'i byang chub sems dpa' la ni bdud kyis tshad mi rnyed do// klu'i bdag po de ltar bas kyang byang chub sems dpa'i bdud kyi las ni gnyis po 'di dgra ste/ gnyis gang zhe na/ bla ma rnams la mi gus pa dang / bdag rjod pas mngon pa'i nga rgyal byed pa'o// gnyis po 'di dag ni bdud kyi las te/ de dag byang chub sems dpas yongs su spang bar bya'o// gzhan yang bdad kyi las gnyis te/ gnyis gang zhe na// byang chub sems dpa'i sde snod pha rol tu phyin pa'i lam 'dor ba dang / 'jig rten pa 'jig rten rgyang phan pa'i gsang tshig dang / nyan thos dang rang sangs rgyas kyi theg pa dang rab tu ldan pa'i mdo sde kun tu 'dzin pa'o// gnyis po 'di dag ni bdud kyi las te/ de dag byang chub sems dpas yongs su spang bar bya'o// gzhan yang gnyis te/ gnyis gang zhe na/ thangs dang bral ba'i shes rab dang / shes rab dang bral ba'i thabs te gnyis po de dag go// de la thabs dang bral
- 245a
ba'i shes rab ni 'di lta ste/ sems can thams cad la mi lta zhing 'dus ma byas pa'i chos la rtog pa'o// shes rab dang bral ba'i thabs ni 'di lta ste/ dmigs par lta bar lhung ba'i bsdu ba'i dngos po bzhi'o// gnyis po 'di dag ni bdud kyi las te/ de dag byang chub sems dpas yod/ su spangs par bya'o// gzhan yang bdud kyi las gnyis te/ gnyis gang zhe na/ thos pa nyung ngus bsam gtan rnyed pa dang / mang du thos kyang bdag stod pa'o// / gnyis po de dag ni bdud kyi las te/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dge ba'i rtsa ba dang / bral bas skye ba yongs su 'dzin pa dang / dge ba'i rtsa ba bsngags te theg pa chung du 'dod pa'o// gnyis po de dag ni bdud kyi las te/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dam pa'i chos mi bsrung ba dang / sems can yongs su smin par mi byed pa'o// gnyis po de dag ni bdud kyi las te/ de dag byang chub sems dpas yongs su spang bar bya'o// gzhan yang bdud kyi/
- 245b
las gnyis te/ gnyis gang zhe na/ byang chub sems dpa' la zhe sdang ba dang / chos smra ba'i bsngags pa mi rjod pa dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dge ba'i rtsa ba yang dag par blangs pa 'dor ba dang / mi dge ba'i sems dang du len pa dang gnyis po de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dgon pa la gnas kyang 'dod pa dang gnod sems dang / 'tshe ba'i rnam par rtog pa dang / 'khor gyi tshogs kyi nang du zhugs kyang 'thob pa dang / bkur stis bskor ba dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ snod ma yin pa la ston pa dang / snod du gyur pa khyad par du gsod pa dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gcis gang zhe na/ bdud kyi las 'di lta bu dag khong du mi chung ba dang / thams cad mkhyen pa'i sems la g.yeng ba'o// gnyis po 'di dag ni
- 246a
bdud kyi las te/ byang chub sems dpas yongs su spang bar bya'o// klu'i bdag po 'di ltar bag yod pa'i 'di lta bu la gnas pa'i byang chub sems dpa' la bdud kyi las de lta bu de dag mi 'byung ngo // klu'i bdag po bag yod pa'i byang chub sems dpa' ni stobs bskyed pa bcu drug rab tu 'thob bo// bcu drug gang zhe na/ 'di lta ste/ dran pa'i stobs bskyed pa rab tu 'thob pa dang / blo gros kyi stobs bskyed pa rab tu 'thob dang / rtogs pa'i stobs bskyed pa rab tu 'thob pa dang // ngo tsha shes pa'i stobs bskyed pa rab tu 'thob pa dang / mos pa'i stobs bskyed pa rab tu 'thob pa dang / bsod nams kyi stobs bskyed pa rab tu 'thob pa dang / gzungs kyi stobs bskyed pa rab tu 'thob pa dang / spobs pa'i stobs bskyed pa rab tu 'thob pa dang / gzugs kyi stobs bskyed pa rab tu 'thob pa dang / longs spyod kyi stobs bskyed pa rab tu 'thob pa dang / lus kyi stobs bskyed pa rab tu 'thob pa dang / sems kyi stobs bskyed pa rab tu 'thob pa dang / rdzu 'phrul gyi stobs bskyed pa rab tu 'thob pa dang / chos ston pa'i stobs bskyed pa rab tu 'thob pa dang /
- 246b
bdud tshar gcad pa'i stobs bskyed pa rab tu 'thob pa dang / nan tan gyi stobs bskyed pa rab tu 'thob pa'o// de la dran pa'i stobs bskyed pa gang zhe na/ dran pa gang gis sangs rgyas thams cad kyis gsungs pa kun tu 'dzin pa dang / rab tu 'dzin pa'o// blo gros kyi stobs bskyed pa ni gang byang chub sems dpa' de'i blo gros de sangs rgyas kyi gnang ba dang / sems can thams cad kyis mi byed pa yin no// rtogs pa'i stobs bskyed pa ni gang sgras bsten pa'i don thams cad rtogs bar 'gyur ro// ngo tsha shes pa'i stobs bskyed pa ni gang mi dge ba'i chos rnam par spang nas dge ba'i chos thams cad dang ldan pa'o// mos pa'i stobs bskyed ba ni gang sdug bsngal rnyed kyang bra'i/ bya ba ma yin pa mi byed pa'o// bsod nams kyi stobs bskyed pa ni gang bdud kyi sde bye ba brgyas kyang zil gyis gnon mi nus pa'o// gzungs kyi stobs bskyed pa ni gang sangs rgyas thams cad kyis gsungs pa thos shing de thams cad kun tu 'dzin pa dang / mi brjed pa dang / de gzhan dag la yang ston pa'o// stobs po'i stobs bskyed pa ni gang nges pa'i tshig gzhan dang gzhan gyis thogs pa med cing rgyun chad pa med la/ chags pa med par bskal pa/
- 247a
brgya stong du 'chad pa'o// gzugs kyi stobs bskyed pa ni gang byang chub sems dpa' de'i gan du brgya byin dang / tshangs pa la stsogs pa nye bar 'ongs nas/ mog mog por 'gyur ba'o// longs spyod kyi stobs bskyed pa ni gang lag na rin po che dang longs spyod mi zad do// lus kyi stobs bskyed pa ni gang pha rol gyi gnod pa thams cad kyis mi rdzi ba'o// sems kyi stobs bskyed pa ni gang sems gcig gis sems can thams cad kyi sems spyod pa rab tu shes pa'o// rdzu 'phrul gyi stobs bskyed pa ni gang rdzu 'phrul gyis 'dul ba'i sems can rnams la/ rdzu 'phrul dang cho 'phrul thams cad kyis chos ston pa'o// chos ston pa'i stobs bskyed pa ni 'di lta ste ci rig par chos bstan pas/ gang byang chub sems dpa'i chos bstan pa shes pa de dag yang dag par sdug bsngal zad par bya ba'i phyir nges par 'byung ba'o// bdud char gcad pa'i stobs bskyed pa ni 'di lta ste/ sangs kyi chos la bya che ba mi 'dor bas stobs mnyam pa med pa yin no// nan tan gyi stobs bskyed pa ni 'di lta ste/ jig smras pa de 'dzin du byed pa ste/ de dag ni stobs bskyed pa rab tu thob pa bcu drug go/ klu'i bdag pa de ltar byang chub
- 247b
dpa' gang stobs bskyed pa bcu drug po de dag thob par 'dod pa'i byang chub sems dpa' des rtag tu bag yod par bya'o// klu'i bdag po 'di lta ste dper na/ rgya mtsho chen por chu thams cad 'bab bo// klu'i bdag po de bzhin du bag yod par sangs rgyas kyi rtsa chos thams cad yang dag par 'dra'o// klu'i bdag po 'di lta ste dper na/ sa la sa bon thams cad skye'o// klu'i bdag po de bzhin du bag yod pa la dge ba'i chos thams cad skye'o// klu'i bdag po 'di lta ste dper na/ 'khor los sgyur ba'i rgyal po la sems can thams cad dga'o// klu'i bdag po de bzhin du bag yod pa'i byang chub sems dpa' la lhar bcas pa'i 'jig rten dga'o// de nas de'i tshe bcom ldan 'das kyis tshigs su bcad pa 'di dag gsungs so// byang chub sems dpa' mkhas pa gang dag cig/ sangs rgyas/ byang chub rjes su thob 'dod pa// des ni bag med spyod pa rnam spangs nas// rtag tu bag yod pa la brtson 'grus bya// mkhas parten pa'i chos la mos pa/ dag/ mthar lta ba la gnas par mi byed de// rgyu med rkyen med chos ni yod ma yin// chos ni rgyur bcas rkyen bcas rab tu shes// rkyen las skyes pa gang
- 248a
yin de ma skyes// de la skye ba ngo bo nyid kyis med// rkyen la rag las gang yin stong par gsungs// stong nyid gang shes de ni bag yod pa'o// rkyen khar gang las de ni mtshan ma med// smon lam ldan bzhi zhing nye bzhi// mi g.yo bems po rtsa dang shing lta bu// de la bdud kyi yul ni yod ma yin// rkyen gyi khar las 'di ni gang shes pa// de 'dir nga dang de'i 'byung mi 'gyur// de ni bdag min bdag gi ma yin par// de ltar gang shes de ni bag yod pa'o// rje yod ma yin ma yin yongs su 'dzin med la// gzung med cing grol bar bya ba med// bcings med grol med rang bzhin 'od gsal bar// chos rnams rtag tu shes pa bag yod pa'o// don la ston gyi tshig 'brur dga' ma yin// rtag tu ye shes spyod yul rnam shes grol// nges pa'i don gyi mdo/ sde'i tshul shes pa// de ni chos la rton gyi gang zag min// sang+yas bstan 'dir don ni stong nyid don// de bzhin mtshan ma med dang smon lam grol// srid ba gsum dang rtog dang ltar mi gnas// mdo don gang yin de ni bag yod pa'o// sgra dang brjod pas brjod du med pas na// chos dang chos min gnyis su gang
- 248b
mi byed// chos rnams 'jog byed pa yang yod min te// gang zag med pa'i don 'di bag yod pa'o// chos don gnyer gyi nyon mongs don gnyer min// mig gzugs mi gnyer rna dang sgra la min// sna dri mi gnyer lce dang ro la min// lus reg ma yin yid dang chos la min// gzugs kyi skye dang gnas pa don mi gnyer// tshor min 'du shes ma yin 'dus byas min// rnam par shes pa'i gnas pa'ang don mi gnyer/ de 'dra de ni chos don gnyer zhes bya// khams gsum pa'i gnas pa'ang don mi gnyer// bdag dang sems can mi gnyer lta rmongs min// gzugs lus nams yang don du gnyer ma yin// mig blo ma yin yid kyang don mi gnyer// dge 'dun mi gnyer chos kyang don mi gnyer// sbyin pa nam du'ang don du mi gnyer zhing // tshul khrims bzod min brtson 'grus bsam gtan min// bdag gi bye brag shes rab don mi gnyer// chos kun don du mi gnyer gang yin pa// de ni rtag tu chos gnyer rgyal bas gsungs// nams kyang don rnams mi gnyer gang yin pa// de ni sangs rgyas brtan 'dir bag yod min// skye ba med shes sangs rgyas ye shes te// skye med gang yin de ni 'byung ba nin/
- 249a
'byung ba med la zhi ba'ang yod ma yin// de ltar gang shes de ni lam sgom yin// phung po lnga ni sgyu ma lta bur rab tu shes// ji ltar chos dbyings de ltar chos rnams shes// nang gi grong stong 'dra bar rab tu shes// de ltar gang shes de ni bag yod pa'o// chos kyi dbyer med pa dang dbye ba dang // de bzhin sems can dbang po rnams kyang shes// dra ba nye bar bzhag la dran mi 'jug/ de 'dra ye shes stobs can bag yod pa'o// yang dag spong la gnyis su rab shes dang // de ni rdzu 'phrul sems stobs rab tu shes// stobs la thul ba yod pa ma yin dang // dbang po rnams kyi rim bshes pa dang // byang chub yan lag bsam gtan khong du chud// mkhas pa 'das ma byas pa'i chos mngon shes// zhi gnas la ni sems rab zhi rab shes// lhag mthong gis ni chos rnams dbye ba rtogs// chos rnams sngon gyi mtha' nas byung ba med// phyi ma'i mtha' yang 'pho ba gang yang med// de bzhin chos kun bar la'ang gnas min par// de ltar gang shes de ni bag yod pa'o// lus ni snying po med de gzugs brnyan 'dra// ngag kyang stong pa
- 249b
brag cha lta bu ste// sems kyang sgyu ma lta bu rlung 'dra bar// de gang shes de ni bag yod pa'o// nges pa'i don mdo tshul ni rab shes shing // brten nas tshul khong du chud rtogs la// ma rig pa dang skye 'chi 'gog pa dag/ nges don gang shes de ni bag yod pa'o// rnam par thar pa'i sgo dang dus gsum dang / bslab gsum dang dmigs pa med pa dang // bdag med sems can srog med gang zag med// chos dang chos min gzings dang 'dra bar bstan// / ma skyes thob dang mi 'gyur 'byung dang // 'jig rten 'das pa'i dbang po shes rab sgom// de la sems pa cung zad mi 'byung ste// de'i tshul rtogs pa ni bag yod pa'o// sangs rgyas byung ngam mya ngan 'das kyang rung // chos dbyings de ni rtag tu gnas pa ste// yang dag don ni rtag tu mthong ba mkhas// chos nyid 'di shes pa ni bag yod pa'o// sngon gyi mtha' gang de ni yang dag mtha'// de'i mtha' ni rgya chen chos rnams kun// nam mkha' mtha' ni rtag tu sems can mtha' chos nyid 'di shes pa ni bag yod pa'o// chos nyid las kyi rnam smin med shes kyang // dge dang mi dge'i las ni chus mi za// pha rol byin la gnas
- 250a
ba ma rtogs par// ye shes kyis ni sangs rgyas theg mi mi thong // dben par gnas pa rang rgyal theg pa ste// nyan thos rnam par grol ba'i sgra phyi 'brang // sbyin pa yis ni longs spyod rab tu 'thob// tshul khrims kyis ni mtho ris nyid par 'thob// thos pas shes rab de bzhin sgom pa 'thob// 'dus byas kun ni tshul bzhin min las byung // gang dag mya ngan las kun tshul bzhin gyis// 'di 'dra'i chos nyid 'di ni bag yod pa'o// byis pa dag ni rtag tu nyon mongs bya// mkhas pa ye shes kyis ni chos ston to// chos dbyings rtag tu sgrib pa med pa la// chos 'di thams cad mtshungs par rab tu 'jug/ brten nas 'byung ba rab tu shes pa'o// de'i yon tan bzhi po 'di yin te// don dang ye shes de bzhin chos nyid dang // nges pa'i don shes de ni bag yod pa'o// chos kun brten pa yin par gang shes pa// des ni chos mthong bde bar gshegs kyang mthong // de ni chos nyid brten nas 'byung bar mnyam// chos nyid rtag tu 'dod chags bral ba thob// rte nas byung bas gnas te thob 'gyur te// chos ni sgra dang bral zhing yi ge med// chos 'di
- 250b
rjes su rtogs pa de'i phyir// sangs rgyas la ni de bzhin gshegs pa bya// shes rab mig gis brten pa mthong ba ste// mthong ba med par mthong ba chos mthong ba'o// shes rab mig gis brten pa gang mthong ba// de ni sangs rgyas mthong ba yin zhes bya// de ni phyir zhing nyon mongs mi spyod do// rtag tu 'phags pa la ni dad par byed// zhig pa'i chos kyang 'dor ba ma yin te// 'phrags pa'i rigs ni kun srong bar byed// mkhas pa thob pa brjed par mi byed pa// de ni sangs rgyas bstan pa yongs su srung // 'phags pa'i tshul khrims spong bar mi byed de// mkhas pa ting nge 'dzin las rtag mi nyams// shes rab phung po las ni mkhas mi g.yo// rnam par grol ba'i phung por rtag tu gnas// rnam grol ye shes rnam par mthong ba la// rab tu gnas par gang gyur bag yod pa'o// sangs rgyas chos rnams mtha' yas rab rtogs ba6/ de ni thub pa'i ye shes mtha' yas tshol// sangs rgyas byang chub spobs phun sum dang // so sor rig dang sems can bsam pa shes// sems can dag gi bsam pa tshad med shes// skad cig gcig gis mtha' yas zhing du 'gro// tshad med pa'i de bzhin gshegs mthong nas// de dag las thos chos ni 'dzin par
- 251a
byed// thos nas de ni de bzhin don kyang rtogs// sems can tshad med yongs su smin par byed// de dag gi ni spyod pa tshad med shes// dran dang ldan pa gang yin bag yod pa'o// rtag tu bdag gi khar blangs bag yod pa// rang sems nges par sems pa yon tan 'jug/ sems la nges sems nyon mongs yod ma yin// de ni nam du'ang yul gyis nyams pa med// skye dang gnas dang 'jig pa shes pa ni// nye bar len pa kun las sems dben te// lhag mthong dang ni zhi gnas la yang mkhas// de ni grub pa nyams par mi 'gyur ro// shin tu zhi zhing dul sems las su rung // rtag tu drang zhing g.yo med yon po min// tshul chos med cing mnyen la des pa ste// 'di ni nges par sems pa'i phan yon no// stong pa mtshan med smon pa med cing dben// 'khor ba sdug bsngal ba dang mi rtag shes// rtag tu chos bdag med zhi mya ngan 'das// nges par sems pa'i sems spyod bag yod pa'o// rtag tu thams cad mkhyen pa'i sems 'dzin cing // sems can rnams la byams pa'i sems mnyam pa// snying rjes sems can rnams ni mi gtong zhing // dga' bas 'khor ba na ni skyo ba med// bta
- 251b
snyoms chen po skyon rnams spangs pa ste// kun gtong 'dod chags bral ba 'dod pa med// sbyangs pa thams cad dang ni mi g.yong bsnyen// byas dang ma byas bzod bar ji mi snyam// sems can thar par bya phyir ngoms med sems// de ni brtson pa brtan par zhi ba tshol// lus dang srog la'ang de ni mi lta zhing // ting 'dzin kun la rim gyis bsam gtan byed// ting 'dzin dbang gis de ni skye ma yin// shes rab kyis ni 'dus ma byas shes dang // thabs kyis 'dus ma byas par de mi ltung // mkhas pa sems can kun dang mthun par 'jug/ nyan thos rnams la bden pa'i gtam brjod kyang // rnam par grol la mkhas pa de mi reg/ sems can thams cad la ni snying rtse zhing // de ni thams cad mkhyen pa nyid la re// gang la 'di 'dra'i phan yon 'di yod pa// sangs rgyas bstan 'dir 'di ni bag yod yin// de ni de bzhin chos nyid la yang gnas// de yi spyod pa bdud kyis shes ma yin// bag yod pa la tshad ni yod min te// nyon mongs mtshan ma dag la tshad yod do// de ni mtshan ma med cing nyon mongs bral// de'i yul ni bdud kyis shes mi nus// gang rnams g.yo zhing rlom sems rtogs pa dag/ de ni
- 252a
bdud kyi las su ngas bshad do// dmigs pa kun las rnam par rab grol ba// thams cad bdud kyis thul pa ma yin no// bag/ yod pa la dran pa brjod pa med// bag yod pa la blo gros brjod pa med// bag yod pa ni rtogs dang mos pa dang // ngo tsha shis dang khrel yod mi spyod med// de phyir de bzhin gshegs pa'i bsod nams dang // shes rab dang ni bag yod 'di thos nas// gang dag chos dang chos nyid rab gnas pa// sangs rgyas thams cad ci 'drar de 'gyur ro// phyogs bcu'i sangs rgyas gang rnams ji snyed dang // byang chub sems dpa' mchod par gang 'dod pa// de dag gis ni bag yod 'di thos nas// bsam pas nan tan snying por byed par 'gyur// gang dag gis ni bag yod 'di thos nas// dga' zhing dad pa rgya chen rnyed gyur pa/ rtag tu bag yod par ni rab 'gyur zhing // de dag rang 'byung sangs rgyas nyid du 'gyur// bcom ldan 'das kyis bag yod pa'i le'u 'di bshad pa'i tshe/ srog chags bzhi khri nyis stong gis/ bla na med pa yang dag par rdzogs pa'i byang chub tu sems bskyed do// srog chags khri nyis stong ni mi skye ba'i
- 252b
chos la bzod pa rab tu thob par 'gyur to// srog chags brgyad stong ni rjes su 'thun pa'i bzod pa rab tu thob par gyur te// srog chags sum khri nyis stong ni chos rnams la chos kyi mig rdul med cing dri ma dang bral ba rnam par dag dag go/ dge slong brgyad brgya ni ma lus par kun shes pa brda' sprod par gyur to// stong gsum gyi stong chen po'i 'jig rten gyi khams 'di yang rnam pa drug tu g.yos nas/ snang ba chen pos 'jig rten gyi khams 'di khyab par gyur to// gangs ri'i rgyal po dang / mtsho chen po ma dros pa thams cad du yang sngon ma mthong ma thos pa'i me rtog gis pus mo nub pa tsam du gyur to// 'di lta ste sangs rgyas kyi mthu dang / klu'i rgyal po ma dros pa'i dad pa'i rgyus/ chos kyi rnam grangs 'di la mchod pa'i las kyi phyir/ mtsho ma dros pa thams cad rin po che'i pad ma'i dri rab tu zhim pa kha dog brgya stong du ma tshad shing rta'i 'khor lo tsam brgya stong phrag du ma mu med pas gang bar gyur to// de nas klu'i rgyal po'i bu theg pa chen po la yang dag pa lnga brgya po de dag thams cad kyis/ so so nas bcom ldan 'das la mchod pa'i las kyi phyir rin po che'i gdugs
- 253a
rnams phul nas// 'di skad ces gsol to// bcom ldan 'das sangs rgyas ni bdag cag gi ched du byung ba lags so// de ci'i slad du zhe na/ 'di ltar bcom ldan 'das bdag cag 'jig rten thams cad dang mi 'thun pa'i chos 'di thos kyang / ma sngangs ma skrag sngangs par ma gyur gyi/ 'di lta bu'i chos nyan pa la slar zhing ngoms ma 'tshal ba'i slad du'o// bcom ldan 'das byang chub sems dpa'i sangs rgyas 'byung ba ci 'dra/ chos kyi 'khor lo skor ba ci 'dra/ dam pa'i chos yongs su bzung ba ci 'dra ba bshad du gsol// bcom ldan 'das kyis bka' stsal pa/ bzhin bzangs dag de'i phyir legs par shin tu nyon la yid la nyon shig dang ngas bshad do// bcom ldan 'das legs so zhes gsol te/ klu'i rgyal po'i bu de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to// bzhin bzang dag dad pa 'byung ba ni/ byang chub sems dpa'i sangs rgyas 'byung ba'o// dad pa dad pa zhes bya ba de gang zhe na/ 'jig rten pa dang 'jig rten las 'dus pa'o// de la 'jig rten pa'i dad pa ni gang dge
- 253b
ba'i chos rnams kyi sngon du 'gro ba dang / lam gyi rnam par smin pa la ston pa dang / las dang mi 'gal ba dang / 'phags pa rnams sten pa dang / sti stang du byas te dad par gnas pas gdung ba med pa dang / sti stang du byas te chos nyan pa dang / sgrib pa rnam par sel ba dang / byang chub kyi yan lag sgom pa dang lnga chos yongs su tshol ba dang / longs spyod sbyin zhing bged pa dang / ngang tshul ngan pa tshul khrims la 'god pa dang / yang dag pa la sbyor ba dang / gshi ba dang / sdang ba rnams dang par byed pa dang / thams cad mkhyen pa'i sems las mi 'god pa dang / sangs rgyas la dad pa mi phyed pa dang / chos la dad cing mi spong ba dang / dge 'dun la yang dag par dad pa dang // nga rgya las kyang nga rgyal rnam par spangs nas sems mtshungs pa dang / yul la ye shes chags/ pa med pa dang / lus dang srog gi phyir yang sdig pa'i las la mi spyod pa dang / ji skad smras pa de bzhin byed pa dang / bdud kyi yul las shin tu 'das ba dang / 'phags pas gnang ba'i lus dang / ngag dang yid kyi las kha na ma tho ba med pa dang / chog shes pas 'tsho ba rnam par dag pa dang / shes bras
- 254a
yang dag par 'jug pas shes rab kyi phung po'i rtsa ba yongasu tshol ba dang / nor bdun yang dag par 'du ba dang / stobs kyi sngon du dbang po 'gro ba dang / log par lta ba la kha na ma tho bar 'du shes pa dang / yang dag par lta ba la yang dag par sbyor ba dang / rjes su bstan pa la mthun par 'dzin pa dang / gso sla zhing dgang sla ba dang / dmigs pa med pa'i sems kyis sti stang du byas te/ nye bar 'gro ba dang / 'khor ba las skyo ba'i sems dang / mya ngan las 'das pa la yon tan dang phan yon du lta ba dang / dam pa'i chos yongs su tshol ba la brtson pa dang / de bzhin gshegs pa'i bstan pa la khyim nas 'byung bI sems dang / tshangs par spyod pa'i gnas pa la chog mi shes pa dang / pha rol rjes su bzung bar byed pas/ nges par sbyin pa dang / byas pa gzo ba dang / byas pa shes pa dang / byas pa la re ba med pa dang / bdag gis 'thob pas rlom sems su mi byed pa dang / pha rol gyi 'thob pa la phrag dog med pa dang / bzod pa dang / des pa dang / kha na ma tho ba la nyes par lta ba dang / ltung ba 'byung ba la mi gleng ba dang /
- 254b
dbang po'i sgo srung ba dang / mal cha spong zhing gtong ba dang / dgon pa la phyogs pa yid la byed pa dang / ma bral bas rtag par rgyun du dben pa la/ gzhol ba dang / yang dag par dga' bar 'gyur ba'i chos rnams la 'dzin pa med pa'i sems dang / rtsod pa med pa dang / nga rgyal las kyang nga rgyal rnam par spong ba dang / bdag gi nyes pa la lta ba dang / pha rol gyi nyes pa bzod pa dang / tshul khrims kyi tshogs yongs su tshol ba dang / ting nge 'dzin gyi tshogs sgrub pa dang / las kyi cho ga la brtson pa 'di ni/ bzhin bzangs dag 'jig rten pa'i dad pa zhes bya ba ste// bzhin bzangs dag gang 'jig rten pa'i dad pa 'byung ba zhes bya'o// de la 'jig rten las 'das pa'i dad pa gang zhe na/ dad pa gang gis chos thams cad stong par yid ches pa dang / lta ba spong ba thams cad dang bral ba dang / chos thams cad mtshan ma med pa dang smon pa med par yid ches pa dang / chos thams cad mngon 'dus byas pa ste/ 'ong ba dang 'gro ba las log par yid ches pa dang / chos thams cad lus dang ngag dang / sems dang bral zhing 'dod
- 255a
chags dang bral bar yid ches pa dang / bdag dang sems can dang / srog dang / gang zag dang / 'dod chags dang / 'dod chags dang bral ba dang / chos thams cad de bzhin nyid la gnas par yid ches pa dang / bgreng ba med pa'i tshul gyis chos thams cad gsog dang / nam mkha' dang bcas pa dang 'dra zhing byis pa brid pa dang mtshungs la gsob dang 'dra bar yid ches pa dang / chos thams cad sngon gyi mtha' dang / phyi ma'i mthar ngo bo nyid med de/ yang dag pa'i mtha' mtha' ma yin pa la gnas par yid ches pa dang / chos thams cad na mkha'i mtha' dang 'dra zhing chos kyi dbyings su yang dag par 'du la/ dus gsum la shin tu 'das shing zag pa med par yid ches pa dang / chos thams cad 'dod pa'i srid par lta ba dang / ma rig pa dang bral zhing nye bar nyon mongs pa med la/ rang bzhin gyis yongs su dag cing rang bzhin gyis 'od gsal bar yid ches pa dang / chos thams cad blo bur gyi nyon mongs pa las kun tu 'byung ba la mi ltos shing / spros pa thams cad kyi spyod pa yang dag par chad la/ gtang snyoms shing rjes
- 255b
su chags pa dang / khong khro ba dang bral zhing blang ba med par yid ches pa dang / chos thams cad sems kyis sgro gtags pa med cing dor ba med par yid ches pa dang / chos thams dngos po dang dngos po med pa la mi gnas shing ci yang ma yin la nus pa cung zad kyang med par yid ches pa dang / chos thams cad nam mkha' dang 'dra ste/ dngos po thams cad las dben zhing gnas pa med par yid ches pa dang / gdeg pa med pa dang / gzhog pa med pa'i tshul gyis chos thams cad chu shing gi phung po ltar snying po med par yid ches pa dang / chos thams cad 'dus ma byas dang 'dra bar gyur la/ mya ngan las 'das pa dang / mtshungs shing rang bzhin gyis nye bar zhi bar yid chos pa 'di ni bzhin bzangs dag/ 'jig rten las 'das pa'i dad pa zhes ste/ bzhin bzangs dag gang 'jig rten las 'das pa'i dad pa 'byung ba de ni sangs rgyas 'byung ba zhes bya'o// bzhin bzangs dag sangs rgyas 'byung ba zhes bya ba ni/ chos thams cad skye ba med pa la bya'o// / bzhin bzangs dag chos thams cad skyob med pa zhes bya 'de ni mamam pa nyid kyis tshis bla dgas ma gi ci'i phyir zhe na/ 'di ltar gzugs 'byung ni sa
- 256a
rgyas 'byung ba ma yin no// sangs rgyas 'byung ba ni gzugs skye ba med pas rab tu phye ba yang ma yin no// tshor ba dang / 'du shes dang lnga 'du byed rnams dang / rnam par shes pa 'byung ba ni sangs rgyas 'byung ba ma yin no// sangs rgyas 'byung ba ni rnam par shes pa skye ba med pas rab tu phye ba yang ma yin no// phung po dang khams dang skye mched 'byung ba ni sangs rgyas bla ma yin no// sangs rgyas 'byung ba ni phung po dang khams dang / skye mched skye ba med pas rab tu phye ba yang ma yin no// rig pa 'byung ba dang / ma rig pa 'byung ba ni sangs rgyas 'byung ba ma yin no// sangs rgyas 'byung ba ni rig pa dang ma rig pa skye ba med pas rab tu phye ba yang ma yin no// rga shi'i bar du 'byung ba ni sangs rgyas 'byung ba ma yin no// sangs rgyas 'byung ni rga shi skye ba med pas rab tu phye ba yang ma yin no// skye ba med pa dang mi skye ba skye ba ni sangs rgyas 'byung ba ma yin no// sangs rgyas 'byung ba ni skye ba mi skye bas rab tu phye ba ma yin no// dran pa nye bar gzhag pa 'byung ba ma yin no// sangs rgyas 'byung ba ni dran pa med cing yid la byed pa med pas rab tu phye ba yang ma yin no//
- 256b
de bzhin du bsdu ste/ byang chub kyi phyogs kyi chos sum cu rtsa bdun nas lam gyi bar du 'byung ba ni/ sangs rgyas 'byung ba ma yin no// sangs rgyas 'byung ba ni lam skye ba dang mi skye bas rab tu phye ba yang ma yin no// shes rab 'byung ba ni/ sangs rgyas 'byung ba ma yin no// sangs rgyas 'byung ba ni shes rab 'byung ba med pas rab tu phyi ba yang ma yin no// bcom ldan 'das kyis sangs rgyas 'byung ba 'di snyan pa na/ klu'i gzhon nu lnga brgya po de dag rjes su mthun pa'i bzod pa thob par gyur to// de nas bcom ldan 'das kyis de'i tshe tshig su bcad pa 'di dag gsungs so// dad pa 'byung ba rgyal ba 'byung // 'byung ba med pas rab tu phye// gang dag dad pa med pa ni// de dag sangs rgyas mi 'byung ngo // dad pa dkar po'i chos rnams kyi// sngon du 'gro dang skyed par gsungs// dad pa las kyi rnam smin dang // las dang 'gal bar mi 'gyur ro// dad ni 'phags pa sten pa dang // sti stang byas te bsnyen bkur ste/ sems la gdung ba med pa dang // dang ba bskyed par byed pa'o// sti stang byas te chos nyan cing // sgrib pa rnam par sel ba dang // byang chub yan lags
- 257a
sgom pa dang // lam gyi rjes su 'thun dad pa'o// chos kyi longs spyod tshol dang // sbyin pa'i rjes su bsngags pa dang // tshul khrims ldan dang ngang tshul ldan// de la dad pa yang dag 'jug/ byang chub sems las mi 'gong zhing // gshe dang sdang ba dang bar byed// sangs rgyas chos la dang mi byed// dge 'dun la yang dad pa'o// nga rgyal las kyang nga rgyal spong // khyim dang 'dra bar nga rgyal med// yul la chags pa ma yin pa// de ni dad pa'i mtshan nyid do// dad dang ldan pa bdag shes te// sdig pa'i las ni mi byed cing // bden pa'i tshig tu smra byed la// ji skad smras pa de bzhin byed// dad ldan tshags las rab tu 'das// dad ldan yid la rnyog pa med// dad ldan lus dang ngag dang yid// 'phags pa rnams dang mthun par 'jug/ dad pas 'tsho ba yongs spong zhing // rtag tu ye shes tshol bar byed// shes rab phung po'i rtsa ba gang // thos pa de tshol dad pa'o// stobs rnams dang ni dbang po dang // nor bdun yang dag 'dra ba dang // log par lta ba rnams spong zhing // yang dag lta ba tshol bar byed// bla ma rnams kyis
- 257b
bstan pa la// dad dang ldan par 'thun par 'dzin// gso sla zhing ni dgang sla ste// sdug bsngal med pas tshol bar byed// dmigs pa med pa'i sems kyis ni// sti stang byas te chos 'dri zhing // 'khor bas rtag tu skyo ba dang // mya ngan 'da' ba'i yon ta dga'// bstan la khyim nas myur 'byung dang / tshangs par spyod la mi chags dang // thar pa'i phyogs ni gang yin pa// de dag dad dang ldan pas tshol// sems can mang po rjes su 'dzin// phan pa byas/ shing drin mi bgrang // dad dang ldan pa byas pa la// phyir bya bar ni sbyor ba med// bdag gis 'thob pas mi snyems shing // gzhan gyis 'thob la phrag dog med// bzod dang denges pa phun sum tshogs// g.yo med drang zhing gnyen pa yin// dad dang ldan zhing mngon mthong yang // gzhan gyi nyes pa mi gleng zhing // dbang po dang ni yid zhi la// dgon par gnas la 'dun pa yin// dben par gzhol ba'i sems kyis ni// yang dag dga' bar 'gyur la 'dun// 'thab pa dang ni rtsod med cing // bdag gi nyes pa yang dag mthong // tshul khrims sdom pa yongs su tshol// ting nge 'dzin dang lam sgom la// rtag tu brtson zhing dang
- 258a
ldan pa// de ni dad ldan mtshan nyid do// 'jig rten 'das pa ji snyed dang // dad de'i rjes su 'gro// sangs rgyas gsung ba zab mo yiH/ chos ni rnam par 'jig pa byed// dad ldan stong par yid ches te// de la lta ba yod ma yin// chos kun mtshan ma med par ni// the tshom med cing rnam smin med// smon lam rnam par spong byed cing // 'ong ba dang ni 'gro ba rtogs// chos rnams mngon par 'du mi byed// lus dang sems ni g.yel mi gtong // bdag dang sems can rdul sel cing // 'dod chags med pa'i chos la dad// dad pa de bzhin nyid la gnas// lam gyi 'gro ba khong du chud// yang dag mtha' ni mtha' min zhing // de ni na mkha'i mkha' 'dra bar// chos rnams kun la yid ches te// ye shes dbyings la mnyam par bzhag/ chos kun zag pa yod/ min zhing // dus gsum las ni shin tu 'das// srid dang las dang ma rig dang // lta ba dang ldan mi 'dzin to// chos rnams thams cad 'od gsal zhing // nyon mongs can min rang gzhin dag/ shes nas nyon mongs glo bur gyis// sems ni 'byung bar byed ma yin// chos rnams thams cad ltos med cing // de
- 258b
dag la ni rgyu ba med// btang snyoms gyur cing g.yo ba med// de ni nyes pa mi 'dzin to// blang ba med cing dor ba med// gzung ba med cing grol ba med// bcangs pas byis pa brid 'dre bas// chos rnams gsob tu yid kyang ches// gsog dang gdeg pa med pa dang // snying po med de chu shing 'dra// rang bzhin gyis ni gsung ba ste// gnas med cing ni dngos po med// chos kun ci yang med pa ste// don ni cung zad med par shes// chos rnams na mkha' mtshungs pa dang // 'dra bar gyur pa 'dus ma byas// chos rnams mya ngan 'das 'dra zhing // rang bzhin gyis ni zhi bar dad // dad pa de la'ang dad byed de// nam mkhar 'pha ba'i rdo ba bzhin// byang chub sems dpa' gang zhig la// dad pa 'di 'dra 'di yod pa// de la sangs rgyas rnams 'byung ste// bsnyen bkur byas pa'ang de bzhin no// gzugs 'byung ba ni sangs rgyas dag/ 'byung bar ston pa ma yin no// 'gog pas ma yin sdang bas min// 'gro bas ma yin 'ong bas/ min// gzugs kyi skye med gang yin dang // 'gog pa min dang gnas min dang // 'ong ba med cing 'gro med pa// 'di ni sangs rgyas 'byung bar 'dod//
- 259a
byang chub sems dpa' shes ldan la// de bzhin phung po lnga rnams kyi// skye ba med pas rab phye ba// sangs rgyas 'byung zhes ngas/ stan to// gnas med pa la gnas bcas nas// khams dang skye mched phung po'i// skye med pas rab phye ba// sangs rgyas 'byung bar de bstan to// rig pa skye bar gyur na ni// de ltar 'khor ba bri 'gyur te// rkyen 'di rab tu bstan pas na// des na sangs rgyas rab tu phye// mi skye ba dang skye ba dang // 'gog ba med la gang gnas pa// dngos po'i 'du shes can des ni// nga la bsnyen bkur byed mi nus// dran pa 'byung ba 'di yis ni// sangs rgyas 'byung bar bstan pa yin// dran med yid la byed med pa// de ni sangs rgyas yin par bstan// byang chub phyogs kyi chos nyid can// phyogs rnams kun kyang de bzhin te// de'i skye med gang yin pa// de ni sangs rgyas 'byung bar 'dod// de'i sangs rgyas 'byung 'di 'dra// 'di ni gang dag rtogs gyur pa// de dag nga'i bstan la dad // de dag la ni chags pa med// bzhin bzangs dag de la byang chub sems dpa'i chos kyi 'khor lo bskor ba gang zhe na/ bzhin
- 259b
bzangs dag chos kyi 'khor lo bskor ba zhes bya ba ni/ gang 'di lta bu'i chos 'di khong du chud pa dang / dga' ba dang / mos pa dang / dad pa dang / 'dzin ba dang / kun 'dzin pa dang / len pa dang / dran pa ma brjed pa dang / tshul bzhin yongs su rtog pa dang / snying rje chen po mi nyams pa dang // thams cad mkhyen pa'i sems kyis gzhan dag la 'chad pa dang / ston pa dang / yang dag par rab tu ston pa dang / skyo ba la mi mdzad pa dang / 'thob pa dang bkur sti la ma chags pa dang / dus dus su bskul ba dang / dran par byed pa dang / yongs su 'dzin pa dang / rjes su yongs su bla 'di ni chos kyi 'khor lo bskor ba zhes bya'o// bzhin bzang dag gzhan yang ji ltar na de bzhin gshegs pas chos kyi 'khor lo bskor ba'i chos kyi 'khor lo de'i rnam ba la 'jug pa cung zad tsam zhig bshad par bya'o// de bzhin gshegs pas chos skye ba dang / chos ma yin pa skyed pa'i phyir chos kyi 'khor lo ma bskor to// chos gzhig pa dang / chos ma yin pa gzhig pa'i phyir chos kyi 'khor lo ma bskor ro// de bzhin gshegs pas so so'i skye bo'i
- 260a
chos ni dman pa// 'phags pa'i chos kyi rgya che ba'i phyir chos kyi 'khor lo ma bskor gyi/ bzhin bzangs dgra de bzhin gshegs pas so so'i skye bo'i chos dang // 'phags pa'i chos rang bzhin gyis ma skyes pa'i phyir chos kyi 'khor lo bskor to// chos kyi 'khor lo de ni yang dag par yongs su ma chad par bskor bas/ de'i phyir de ma chad pa'i 'khor lo'o// chos kyi 'khor lo de rten cing 'brel par 'byung ba'i lugs dang 'thun par bskor bas de'i phyir de mi skye ba'i 'khor lo'o// 'khor de gnyis kyis mi bskor te// mig dang gzugs kyis bskor bas mi bskor ba nas/ yid dang chos kyi b.ragyis bskor bas mi skor ba'i bar du ste/ de'i phyir de mi gnyis pa'i 'khor lo'o// 'khor de 'dras pa'i chos la dmigs pa'i rnam pas mi skor/ ma 'ongs dang da ltar byung ba'i chos la dmigs pa'i rnam pas mi skor te// de'i phyir de mi dmigs pa'i 'khor lo'o// 'khor bdag tu lta ba kun nas ldang bar mi skor/ sems can dang / srog dang gso ba dang /
- 260b
gang zag tu lta ba kun nas ldang bas mi skor te/ de'i phyir de stong pa nyid kyi 'khor lo'o// 'khor lo de mtshan ma la dmigs pa'i 'du shes dang / spros pa yid la byed pas mi skor te/ de'i phyir de mtshan ma med pa'i 'khor lo'o// 'khor lo de 'dod pa'i khams thob par bya ba'i phyir mi skor/ gzugs dang gzugs med khams thob par bya ba'i phyir mi skor te/ de'i phyir de smon lam pa'i 'khor lo'o// 'khor lo de 'di dag ni so so'i skye bo'i chos 'di dag ni slob pa'i chos 'di dag ni mi slob pa'i chos/ rnam pa 'di lta bu 'di dag ni sangs rgyas kyi chos so zhes chos tha dad pa'i phyir mi skor te/ de'i phyir tha dad pa med pa'i 'khor lo'o// 'khor lo de chos kyi brda' la mi 'jug ste/ de'i phyir de gnas med pa'i 'khor lo'o// bzhin bzangs dag chos kyi 'khor lo zhes bya ba ni don dam pa'i 'khor lo ste/ bden pa mi byed pa'i rnam pas skor ba'o// dus gsum mnyam pa nyid pas ji bzhin gyi 'khor lo'o// dngos por lta ba las rab tu 'das pa'i phyir dngos po med pa'i 'khor lo'o// lus dang sems ma 'dres shing yid dang rnam par shes pa dang bral bas
- 261a
dben pa'i 'khor lo'o// 'gro ba lnga dang phrad pa ma yin pas kun bzhi med pa'i 'khor lo'o// 'byung ba chen po'i ngo bo nyid kyis dngos po med pas yang dag pa'i 'khor lo'o// yang dag par sbyor zhing slu ba ma yin pas mnyam pa'i 'khor lo'o// yi ge mi zad pas mi zad pa'i 'khor lo'o// chos thams cad chos kyi dbyings su yang dag par 'du bas chos kyi dbyings kyi 'khor lo'o// sngon gyi mtha' ma yin par skor bas yang dag pa'i mtha'i 'khor lo'o// ngo bo nyid kyis ngo bo nyid med pas de bzhin nyid kyi 'khor lo'o// rang gi yid la byed pa rgyun gcad pas mngon par 'du mi byed pa'i 'khor lo'o// 'phags pa'i spyod yul thob par byed pa'i phyir 'dus ma byas pa'i 'khor lo'o// nang kun tu ston pas stong pa nyid kyi 'khor lo'o// phyi rol la mi 'jug pas mtshan ma med pa'i 'khor lo'o// phyi nang gi dang ma 'dres pas smon pa med pa'i 'khor lo'o// brjod pa med pa'i tshul gyis brjod du med pa'i 'khor lo'o// bzhin bzangs dag chos kyi 'khor lo de/ de bzhin gshegs pas sems can gyi dbang po la bskor kyang rung / ma bskor kyang rung /
- 261b
brjod du med pa'i chos nyid 'di mi 'dor te/ bzhin bzangs dag 'di ni byang chub sems dpa'i chos kyi 'khor lo bskor ba zhes bya'o// chos kyi 'khor lo/ bskor ba 'di bstan pa'i tshe/ lha dang klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dag gis ca co dang ga zha'i sgra byung ste/ 'di skad ces gsol to// de bzhin gshegs pas 'di 'dra ba'i chos kyi 'khor lo 'di bskor cing / pha rol shes par mdzad pa ni mdzad dka' ba mdzad pa'o// bcom ldan 'das na mkha'i 'khor lo bskor ba de ni chos kyi 'khor lo bskor ba'o// gang dag gis 'tshal pa de dag kyang de dang mnyam pa nyid du 'tshal pa dang / bcom ldan 'das sems bskyed pa de dag la rjes su yid rang ba'o// gang dag chos kyi 'khor lo bskor ba 'di thos nas/ byang chub tu sems bskyed par 'gyur ba de dag kyang chos kyi 'khor lo 'di lta bu skor bar 'gyur ro// de ltar bstan pa 'di thos nas 'khor de las srog chags khris bla na med pa yang dag par rdzogs pa'i byang chub tu sems bskyed do// bzhin bzangs dag de la byang chub sems dpa'i
- 262a
dam pa'i chos yongs su 'dzin pa gang zhe na/ bzhin bzangs dag dam pa'i chos yongs su 'dzin pa zhes bya ba ni// chos thams cad yang dag par sdud pa ste/ chos thams cad yang dag par sdud pa 'di ni dam pa'i chos yong su 'dzin pa zhes bya'o// bzhin bzangs dag bzhan yang dam pa'i chos yongs su 'dzin pa ni/ gang de bzhin gshegs pas spyod pa brgyad khri bzhi stong dang / chos kyi phung po brgyad khri bzhi stong bstan pa'i chos kyi phung po brgyad khri bzhi stong de dag sdud pa de ni dam pa'i chos yongs su 'dzin pa zhes bya'o// bzhin bzang dag ji ltar de bzhin gshegs pas byang chub mngon par rdzogs par sangs rgyas pa de bzhin du chos kyi 'khor lo bskor to// de bzhin du yongs su mya ngan las 'das so// de bzhin nyid ji lta ba dang de bzhin nyid gang yin pa de la chos thams cad kyi skye ba med pa 'gag pa med do// gang ma skyes mi 'gog pa de la 'dzin pa med/ 'thab pa med// rtsod pa med/ bstan pa med/ shin tu brjod pa med do// gang brjod du med pa de la dam pa'i bsngo ba gang yang med do// de'i phyir bsdu ba med pa yongs
- 262b
su 'dzin pa med pa dam pa'i chos shes bya'o// de nas klu'i rgyal po ma dros pa'i bu mya ngan med pa zhes bya bas/ bcom ldan 'das la 'di skad ces gsol to/ bcom ldan 'das bdag dam pa'i chos yongs su 'dzin pa la spobs so// bcom ldan 'das kyis bka' stsal pa/ mya ngan med pa khyod spobs par gyis shig/ gsol pa/ bcom ldan 'das 'di lta ste/ dper na/ rgya mtsho chen po na rin po che bdag gi ma mchis pa// yongs su 'dzin pa ma mchis pa/ yongs su gzung ba ma mchis pa/ gang dag mchis pa de dag bsrung bar bgyi ba ma lags mod kyi/ 'on kyang bcom ldan 'das ded dpon chen po gang dag lus dang srog la mi lta bar rin po che de dag 'tshal ba'i slad du/ rgya mtsho chen por zhugs pa de dag 'dzam bu gling du ma phyin par ma dor rgya mtsho chen po'i nang du 'khyams bar mi 'gyur bar shin tu bsrung bar bgyi ste/ de dag rgya mtsho chen por zhugs shing 'ong ba dang 'gro ba'i tshe bsrung ba chen po bgyis nas// de ltar rin po che/ dag 'dzam bu'i gling du phyin pa dang / skye bo mang po 'tsho bar 'gyur ro// bcom ldan de bzhin gshegs pas/ chos gang mngon par rdzogs par sangs rgyas
- 263a
pa de/ shin tu mngon par grub pa ma mchis te/ de ni lha dang bcas pa'i 'jig rten gang gis kyang yongs su gzung bar mi nus mod kyi/ 'on kyang bcom ldan 'das byang chub sems dpa' sems dpa' chen po gang dag 'di 'dra ba'i chos dkon mchog de bzhin nyid mngon par rdzogs par byang chub par bgyi ba'i slad du/ go ca 'tshal ba de dag shin tu yongs su bsrung bar bgyi ste/ skyes bu dam pa de dag shin tu yongasu gzung na theg pa chen po 'dir nges par 'byung bar 'gyur ro// de dag byung bar gyur na chos kyi 'khor lo skor bar 'gyur te/ dam pa'i chos yongs su 'bar bar 'gyuraro// bcom ldan 'das de lta bas na/ gang 'di chos smra ba theg pa chen po la yang dag par zhugs pa rnams yongs su 'dzin pa dang / srung ba dang / skyob pa dang / sbed pa dang / rim gro bgyid pa dang / bla ma yongs su sdud pa bgyid pa de ni dam pa'i chos yang dag phul yongs su 'dzin lags so// de nas bcom ldan 'das kyis/ klu'i rgyal po'i bu mya ngan med pa la legs zhes bya ba gnang snang ste// mya ngan med pa legs so// gang 'di chos smra ba theg pa chen po la
- 263b
yang dag par zhugs pa rnams yongs su 'dzin pa dang / kun tu srung ba 'di ni dam pa'i chos yongs su 'dzin pa yin no// chos smra ba yongs su bzung bas dam pa'i chos yongasu bzung ba yin mod kyi/ 'on kyang mya ngan med pa/ dam pa'i chos yongs su 'dzin pa bcu ste/ bcu gang zhe na/ khengs pa med ba dang lhag pa'i nga rgyal med pa dang / g.yo med pa dang / chos don du gnyer ba dang / chos 'dod pa dang / chos yongs su tshol ba dang / chos la so sor rtog pa dang / chos ston pa dang / chos la nan tan byed pa dang / chos bsgrub par gnas shing mos la/ rnam par grol ba bcu ste/ bcu po de dag ni dam ba'i chos yongs su 'dzin pa'o// gzhan yang dam pa'i chos yongs su 'dzin pa bcu ste// bcu gang zhe na/ mya ngan med pa 'di la rigs kyi'am// rigs kyi bu mo chos smra ba zhig yod par thos na/ phyogs der phyag 'tshal ba dang / mthong bar dga' ba dang / 'ongs nas mgu bar byed pa dang / stan 'dings shing / gos dang zas sbyar ba dang / kun tu bsrung bar byed pa dang / sti stang byas te bsnyen dkur byed pa dang / des bshad pa nyan pa dang / ji ltar thos
- 264a
ba ltar gzhan dag la yang ston pa dang / de'i mi sman pa 'gog pa dang / de'i sngags pa brjod pa ste/ mya ngan med pa bcu po de dag ni dam pa'i chos yongs su 'dzin pa'o// mya ngan med pa gzhan yang sbyin pa bzhi po 'di dag ni/ dam pa'i chos yongs su 'dzin par 'gyur ba ste/ bzhi gang zhe na/ gro ba dang snag tsha dang / smyu gu dang / glegs bam sbyin pa dang / chos smra ba rnams la gos dang / zas dang mal ca dang / na ba'i gsos sman dang / yo byad sbyin pa dang / chos thos nas chos smra ba rnams la g.yo med par legs so zhes bya ba sbyin pa dang / chos sbyin pa ni bzhi pa ste/ sbyin pa bzhi po de dag ni dam pa'i chos yongasu 'dzin par 'gyur ba'o// mya ngan med pa brtson 'grus bzhi po 'di dag ni/ dam pa'i chos yongs su 'dzin par 'gyur ba ste/ bzhi gang zhe na/ chos ston pa'i brtson 'grus dang / chos kun tu tshol ba'i brtson 'grus dang / chos smra ba la bsnyen bkur bya ba'i brtson 'grus dang / dam pa'i chos spong ba'i sems can rnams dang 'thun pas tshar gcad pa'i brtson 'grus te/ mya ngan med pa brtson 'grus bzhi po de dag ni dam pa'i chos yongs
- 264b
su 'dzin par 'gyur ba'o// de nas bcom ldan 'das kyis zhus pa lung bstan pas/ klu gzhon nu lnga brgya po de dag tshim zhing mgu la yid rangs te/ bcom ldan 'das la bsnyen bkur bya ba dang kun tu spyad pa'i phyir/ gnyen dang 'khor du bcas pa dang / rang rang gi lus phul nas 'di skad ces gsol toHdeng slan cad yongs su mya ngan las 'das kyi bar du/ bdag cag bcom ldan 'das kyi zham ring na rtag par rgyun mchis la/ 'di lta bu'i dam pa'i chos kun tu srung zhing sba ba'i slad du spro bar bgyi'o// bcom ldan 'das bdag cag ni de bzhin gshegs pa yongs su mya ngan las 'das nas/ sku ma gyis shing gcig tu 'khregs pa la mchod pa bgyid pa dang / rin po che sna bdun gyi mchod rten bgyi bar 'tshal lo// de nas tshe dang ldan pa 'od srung chen pos/ klu gzhon nu de dag la 'di skad ces smras so// de bzhin gshegs pa ni sems can thams cad la cher thugs rje bas/ ring bsrel yungs 'bru tsam byin gyis brlabs pa mdzad na rigs kyi bu dag khyed de bzhin gshegs pa'i sku ma gyes shing gcig tu 'khregs pa la mchod pa bya'o zhes de skad zer ba ni/
- 265a
skye bo phal po che'i dge ba'i chos kyi bar chad byed par 'dod pa yin no// de nas klu gzhon nu lnga brgya po de dag gis/ tshe dang ldan ba 'od srung chen po la 'di skad ces smras so// btsun pa 'od srung khyod de skad ces ma gsungs shig/ rang gi shes rab dang / de bzhin gshegs pa'i shes rab dang / ye shes mtshungs pa snyam du ma bskrun cig/ de bzhin gshegs pa ni thams cad mkhyen pa thams cad gzigs pa ste/ byin gyis brlabs dang / rdzu 'phrul gyis rnam par 'phrul pa'i ye shes kyi stobs can te/ de bzhed na stong gsum gyi stong chen po'i 'jig rten gyi khams kyi lha dang klu dang / gnod sbyin gyi gnas thams cad du ma gyes shing / gcig tu 'khrigs pa'i sku byin gyis rlob pa ste/ de dag thams cad kyis kyang gzhan ni ma yin gyi de bzhin gshegs pa la bdag cag mchod pa byed pa shes so// btsun pa 'od srung chen po yang gang gi tshe/ de bzhin gshegs pa yongs su mya ngan las 'das pa de'i tshe/ sems can thams cad kyi sems mos pas sku gdung byin gyis rlob bo// btsun pa 'od srung chen po gal te de
- 265b
bzhin gshegs pa 'og min gnas su yungs 'bru tsam gyi sku gdung cig byin gyis brlabs nas/ des 'dzam bu gling thams cad du khyab par snang ba de yang sangs rgyas kyi rnam par sprul pa'o// de nas tshe dang ldan pa rab 'byor gyis/ klu'i rgyal po'i bu de dag la 'di skad ces smras so// rigs kyi bu dag de bzhin gshes pa yongs su mya ngan las 'da' ba smras pa/ btsun pa rab 'byor gang dag skyes pa de yongs su mya ngan las 'da'o// smras pa rigs kyi bu dag khyed de bzhin gshegs pa skyes so snyam 'am/ smras pa de bzhin nyid ji ltar byung ba de ltar skyes so// smras pa gal de bzhin nyid ji ltar skye ba de ltar skyes na/ de la ni chos gang gi skye ba yang med do// smras pa btsun pa rab 'byor gang de bzhin nyid skye ba de sangs rgyas skye ba'o// smras pa gang sangs rgyas skye ba 'di 'dra na/ yongs su mya ngan las 'da' ba ci 'dra/ smras pa btsun pa rab 'byor ji ltar skye ba med pa de ltar 'gag pa med do// de ltar chos kyi 'khor lo skor ro// de ltar yongs su mya ngan 'da'o// / bcom ldan 'das kyis gtam 'di bka' stsal cing bshad pa'i tshe/ mtsho chen po ma dros pa rin po che'i pad ma/ tshad cing /
- 266a
rta'i 'khor lo tsam rab tu zhim pa/ mdab ma brgya stong du ma dang ldan pa rin po che'i dra bas g.yogs pas gang bar gyur/ toHde dag gi nang nas rin po che'i pad ma gcig shin tu mdzes shing blta na rab tu sdug la mchog tu 'bar bar gyur to// tshe dang ldan pa kun dga' bos pad mo bkod pa de dag mthong ngo // mthong nas bcom ldan 'das 'di skad ces gsol to// bcom ldan 'das 'di su'i ltas sngon du byang ba lags/ bcom ldan 'das kyis bka' stsal pa/ kun dga' bo cung zhig sdod cig dang mthong bar 'gyur ro zhes bcom ldan 'das kyis de skad gsungs nas/ ring po ma lon par 'og gi 'jig rten gyi khams/ bcom ldan 'das rin chen rtog gi sangs rgyas kyi zhing rin po che bkod pa'i 'jig rten gyi khams nas byang chub sems dpa' drug khri byung ste/ de dag rin po che'i pad ma de dag la skyil mo krung bcas nas 'khod par kun tu snang ngo // pad ma de dag la yang 'jam dpal gzhon nur gyur pa 'dug par kun tu snang ngo // de nas thams cad dang ldan pa'i 'khor de ngo mtshar du gyur nas/ byang chub
- 266b
sems dpa' de dag la phyag 'tshal nas 'jam dpal gzhon nur bya bar snang la 'phags pa dang / brgya byin dang tshangs pa la stsogs pa lha rnams de'i steng du snang ngo // de nas thams cad dang ldan pa'i 'khor de ngo mtshar du gyur nas thal mo sbyar te// byang chub sems dpa' de dag la phyag 'tshal nas 'jam dpal gzhon nur gyur pa bar snang la 'phags pa dang / brgya byin dang tshangs pa la stsogs pa lha rnams de'i steng na rin po che'i gdugs 'dzin cing phyag 'tshal to// de nas 'jam dpal gzhon nur gyur pa dang lhan cig lhags pa'i byang chub sems dpa' de dag kyang shing ta la bdun tsam du nam mkha' la'ang 'phags nas rdza bcom ldan 'das la mchod pa'i las kyi phyir sngon ma mthong ma thos pa'i me tog gi char nam mkha'i ngos la rab tu phab po// me tog de dag las 'di lta bu'i sgra 'di 'byung ste/ bcom ldan 'das de bzhin gas pa dgra bcom pa yang dag par rdzogs pa'i sangs rgyas rin chen tog bcom ldan 'das la gnod pa chung dam nyam nga ba nyung ngam/ bskyod pa yang ngam/ 'tsho ba dang / stobs dang / bde ba la reg par gnas sam zhes snyun gsol lo zhes de rkad
- 267a
gsung ngo // 'jam dpal gzhon nur gyur pa 'di byang chub sems dpa' brgyad khri dang lhan cig tu/ klu'i rgyal po ma dros pa'i rnam par dag pa'i lam gyi chos kyi sgo'i le'u 'di nyan du mchis pa de/ bcom ldan 'das kyis chos kyi bka' mchid kyis yang dag par dga' bar mdzod cig ces sgra byung ngo // de nas 'jam dpal gzhon nur gyur pa dang / byang chub sems dpa' de par snang de las babs nas/ bcom ldan 'das kyi zhabs la mgo bos phyag 'tshal te// rin po che'i pad mo de dag la 'khod do// de nas bcom ldan 'das kyis mkhyen bzhin du 'jam dpal gzhon nur gyur pa la 'di skad ces bka' stsal to// 'jam dpal khyod ci sems na/ byang chub sems dpa' rnams dang lhan cig tu 'dir 'ongs/ 'jam dpal gyis gsol pa// bcom ldan 'das 'di ni chos ston pa/ bdag cag bcom ldan 'das de bzhin gshegs pa rin chen tog gi sangs rgyas kyi zhing rin po che'i bkod pa'i 'jig rten gyi khams na mchis pas thos nas/ bdag cag bcom ldan 'das la blta ba dang / chos kyi rnam grangs 'di nyan par
- 267b
'tshal ba'i slad du 'dir mchis so// de nas bcom ldan 'das la tshe dang ldan pa 'od srung chen pos 'di skad ces gsol to// bcom ldan 'das bcom ldan 'das de bzhin gshegs pa rin chen tog gi sangs rgyas kyi zhing 'jig rten gyi khams pad ma bkod pa de 'di nas thag ji srid mchis na/ skyes bu dam pa 'di dag 'di ltar myur bar 'dir mchis/ 'jam dpal gyis smras pa/ brdzun pa 'od srung chen po gal te/ rdzu 'phral gyi stobs phun sum tshogs pa/ khyod 'jig rten gyi khams der 'gro na/ tshe'i tshad zad cing yongs su mya ngan las 'das kyang sangs rgyas kyi zhing mi phyin te/ 'jig rten gyi khams de 'di nas de srid do// bcom ldan 'das kyis bka' stsal pa/ 'od srung chu bo gang ga'i klung drug cu'i bye ma snyed kyi sangs rgyas kyi zhing 'das pa na/ 'jig rten gyi khams rin po che bkod pa zhes bya ba de nas byang chub sems dpa' sems dpa' chen po 'di dag lhags so// gnas brtan gyis gsol babacom ldan 'das de dag ji srid kyis 'dir mchis/ 'jam dpal gyis smras pa/ gnas brtan gyi sems len pa med pas zag pa las ji srid kyis
- 268a
rnam par grol ba srid kyis so// gnas brtan gyis smras pa/ skyes bu dam pa de dag 'di 'dra bar mgyogs par lhags pa ni ngo mtshar to// 'jam dpal gyis smras pa/ gnas brtan 'od srung chen po'i sems ji srid kyis rnam par grol/ smras pa skad cig par 'gyur ba srid kyis so// 'jam dpal gyis smras pa/ gnas brtan gyi sems rnam par grol lam/ smras pa 'jam dpal rnam par grol lo// 'jam dpal gyis smras pa/ sems de gang gis bcings na gang las rnam par grol/ gnas brtan gyis smras pa/ 'jam dpal gal te sems bcings par gyur na ni/ rnam par 'grol te// rnam par grol ba ye shes mthong bar mi 'gyur ro// smras pa btsun pa 'od srung chen po'i sems bcings pa med na rnam par grol ba gang yin/ smras pa gang bcings pa med par yongs su shes pa de rnam par grol ba'o// smras pa btsun pa 'od srung chen po'i sems gang gis sems gang yongs su shes 'das pas sam/ 'on te ma 'ongs bas 'on te da ltar byung bas sam/ gang 'das pa de ni zab pa gang ma 'ongs pa de ni ma phyin pa// de ltar byung ba ni gnas pa med pa yin/ na/ sems gang gis
- 268b
sems gang yongs su shes smras pa/ 'jam dpal 'di ni 'gog pa ste/ de la sems kyi bgrang ba gang yang med do// 'jam dpal gyis smras pa/ btsun pa 'od srung sems 'gog pa yongs su shes sam/ smras pa sems 'gag pa ni yongs su shes par mi nus so// smras pa sems de thams cad 'gog par ltung ba ste/ de'i phyir chung zad kyang yongs su shes par 'gyur ba med do// smras pa 'jam dpal khyod spobs par gyis shig/ kho bo la ni khyod la lan gdab pa'i nus pa med do// 'jam dpal gyis smras pa/ btsun pa 'od srung chen po 'di la ji snyam sems/ brag ca la spobs pa yod dam/ smras pa med do// de ci'i phyir zhe na/ brag ca ni rten cing 'brel par 'byung ba'i phyir ro// smras pa btsun pa 'od srung chen po chos thams cad kyang brag ca lta bu ma yin nam/ smras pa 'jam dpal de de bzhin no// 'jam dpal gyis smras pa/ btsun pa 'od srung chen po 'di la ji snyam du sems brag ca'i spobs pa gcad nus sam/ smras pa mi brjod pas de gcad do// smras pa btsun ba 'od srung chen de de bzhin te// kun mi 'dri bas byang chub sems dpa'i spobs pa 'chad do// btsun pa 'od srung chen po gal te bskal pa yongs su 'dri na yang kho/
- 269a
bo yang bskal bar spobs par 'gyur ro// de nas bcom ldan 'das la tshe dang ldan pa 'od srang chen pos 'di skad ces gsol to// / bcom ldan 'das ji ltar nges par bstan pas 'khor 'di dag gis yun ring po'i don dang / phan pa dang bde bar 'gyur ba dang / chos nyid 'di mngon sum du 'gyur bar bgyi ba'i slad du/ 'jam dpal gzhon nur gyur pa la bskul gsol// de nas byang chub sems dpa'i 'khor der byang chub sems dpa' sems dpa' chen po shes rab brtsegs shes bya ba 'dus par gyur te/ 'dug pa des 'jam dpal gzhon nur pA la 'di skad ces smras so// 'jam dpal bstan 'od srung chen po 'di ci'i phyir sems zhing dman pa dman pa lta bus ston/ 'di ci'i phyir gnas bstan zhes bya/ 'jam dpal gyis smras pa/ 'di ni nyan thos te/ 'jigs pa med pa ma yin no/ shes rab brtsegs kyis smras pa/ ci 'di theg pa chen po la ma zhugs sam/ smras pa rigs kyi bu de ni ma yin te/ 'di ni nyan thos kyi theg pas rnam par grol ba'o// smras pa 'jam dpal nyan thos kyi theg pa zhes bya ba 'di ji lta bu/ smras pa rigs kyi bu bcom ldan 'das shAkya
- 269b
thub pa de bzhin gshegs pa theg pa gsum brtsams te chos ston to// gsum gang zhe na/ nyan thos kyi theg pa dang / rang sangs rgyas kyi theg pa dang / theg pa chen po ste/ theg pa gsum po de dag go/ de ci'i phyir zhe na/ sems can 'di dag ni/ dman pa la mos pa'i phyir ro/ smras pa 'jam dpal stong pa nyid mtshan ma med pa/ tshad med smon pa tshad med na/ ci'i phyir nyi tshe ba'i 'du shes su mdzad/ smras pa rigs kyi bu de bzhin gshegs pa ni thabs la mkhas pa ste/ gang gi phyir stong pa nyid tshad med/ mtshan ma med pa tshad med/ smon pa med pa tshad med kyang nyi tshe ba'i 'du shes kyis mos par mdzad// smras pa 'jam dpal bdag phyir dman pa mos pa'i sems can rnams dang 'phrad par 'gyur du 'ong gis 'gro'o// 'jam dpal gyis smras pa rigs kyi bu re shig sdod la/ klu'i rgyal po ma dros pa'i spobs pa ji tsam pa dang / chos nyid tshad med pa yang nyon cig/ de nas tshe dang ldan pa 'od srung chen pos/ byang chub sems dpa' shes rabs brtsegs pa la 'di skad ces smras so// rigs kyi bu de bzhin gshegs pa rin chen tog de ci
- 270a
'dra ba'i chos ston/ smras pa sangs rgyas dang byang chub sems dpa' rnams kyi gtam ste/ ro gcig pa dang / tshad med pa'i chos las byung ba dang / phyir mi ldog pa dang / sangs rgyas nyid du 'byung ba dang / gzhan la mos pa ma yin pa dang / thams cad mkhyen pa'i ye shes su yang dag par 'du ba'o// 'jigs pa med pa yin pa'i sems can rnams ni der mi skye ste/ bcom ldan 'das de'i chos bstan ba ni de 'dra'o// de nas klu'i rgyal po ma dros pas/ 'jam dpal gzhon nur gyur pa la 'di skad ces smras so// 'jam dpal khyod de bzhin gshegs pa gang la lta bar 'dod de// 'dir 'ongs ci gzugs de bzhin gshegs par blta 'am/ smras pa de ma yin no// smras pa ci tshor ba dang / 'du shes dang / 'du byed dang / rnam par shes pa de bzhin gshegs par blta 'am/ smras pa de ni ma yin no// smras pa ci gzugs mi/ rtag pa de bzhin gshegs par blta 'am/ smras pa de ni ma yin no// smras pa ci tshor ba dang / 'du shes dang / 'du byed dang / rnam par shes
- 270b
ba'i mi rtag pa de bzhin gshegs par blta 'am/ smras pa de ni ma yin no// smras pa ci gzugs kyi sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du mi byed pa de bzhin gshegs par blta 'am/ smras pa de ni ma yin no// smra ba ci tshor ba dang / 'du shes dang / 'du byed dang / rnam par shes pa'i sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du mi byed pa de bzhin gshegs par blta 'am/ smras pa de ni smras pa ci gzugs kyi mtshan nyid de bzhin gshegs par blta 'am/ rnam par shes pa'i mtshan nyid kyi bar du de bzhin gshegs par blta 'am/ smras ba de ni ma yin no// smras pa ci sha'i mig gis de bzhin gshegs par blta 'am/ smras pa ci lha'i mig gis de bzhin gshegs pa blta 'am/ smras pa de ni ma yin no// smras pa ci shes rab kyi mig gis de bzhin gshegs pa blta 'am/ smras pa de ni ma yin no// smras pa 'jam dpal de
- 271a
bzhin gshegs pa la blta ba ji lta bu yin/ 'jam dpal gyis smras pa/ klu'i bdag po de bzhin gshegs pa ci 'dra de 'dra bar de la blta'o// smras pa 'jam dpal de bzhin gshegs pa ni 'dra/ smras pa klu'i bdag po de bzhin gshegs pa ni mi mnyam ba dang mnyam pa med pa rab tu 'dra ba med pa'o// mi mnyam zhes bya ba ni de la gnyen po med pa'o// mi mnyam pa dang mnyam pa zhes bya ba ni de la gnyen po mnyam pa nyid med pa'o// mtshungs pa med ces bya ba ni gzugs kyi mtshan nyid ma yin pa'i phyir ro// rab tu 'dra med ces bya ba ni/ rtags med cing mtshan ma med pa'i phyir ro// klu'i bdag po de bzhin gshegs pa ni de 'dra ste/ de ltar blta bar bya'i/ sha'i mig dang / lha'i mig dang / shes rab kyi mig gis blta ba ma yin no// de ci'i phyir zhe na/ shA'i mig ni snang ba mthong ba yin la// de bzhin gshegs pa ni/ mun pa dang snang ba ma yin pas/ sha'i mig gis de lta bar mi nus so// lha'i mig ni mngon par 'du byed pa'i mtshan nyid yin la de bzhin gshegs
- 271b
pa ni shin tu mngon par 'dus ma byas pas/ lha'i mig gis de blta bar mi nus so// shes rab kyi mig ni byung ba yong su shes pa'i mtshan nyid yin lalnga de bzhin gshegs pa ni shin tu mi 'byung bas/ shes rab kyi mig gis de blta bar mi nus so// smras pa 'jam dpal de bzhin gshegs pa mthong bzhin du rnam par dag pa lta bu yin/ smras pa klu'i bdag po gang gi tshe mig rnam par shes pa dang sems kyang mi skye la gzugs kyi rnam par shes pa dang / rnam par shes pa yang mi 'gog pa de tsam gyis na/ de bzhin gshegs pa mthong ba shin tu rnam par dag pa yin no// de nas byang chub sems dpa' sems dpa' chen po gang dag de bzhin gshegs pa rin chen tog gi sangs rgyas kyi zhing nas lhags pa de dag ngo mtshar du gyur nas 'di skad ces smras so// gang dag gis klu'i rgyal pos zhus pa 'di thos pa dang / thos nas mos pa dang / mi sdang mi skrag la 'dzin pa dang / ston pa'i skyes bu dam pa de dag ni de bzhin gshegs pas legs par mthong ba yin no// bdag cag kyang 'dir lhags shing tshul 'di thos pas bdag cag don med par ma gyur to// gang na chos kyi rnam grangs 'di spyod pa'i
- 272a
grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor de dag na/ de bzhin gshegs ba yongs su mya ngan las 'da' ba na/ dam pa'i chos kyang nub par mi 'gyur bar rig par bya'o// chos kyi rnam grangs 'dis bdud kyi dkyil 'khor tshar gcad do// mu stegs kyi gnas thams cad pham par byas so// de nas klu'i rgyal po ma dros pas/ 'jam dpal bzhon nur gyur pa la 'di skad ces smras so// 'jam dpa' ma spyod pa'i byang chub sems dpa' byang chub rnyed dka' ba ma yin no zhes bya na/ 'jam dpal ji ltar na byang chub sems dpa' mi spyod pa la spyod pa zhes bya// 'jam dpal gyis smras pa/ klu'i bdag po gtong ba phun sum tshogs pa rnams kyi spyod pa'i stong pa nyid gang yin pa de nyid ser sna can rnams kyi spyod pa'i stong pa nyid de spyod pa mnyam pa de ni mi spyod pa la spyod pa zhes bya'o// tshul khrims dang / bzod pa dang / brtson 'grus dang / bsam gtan yang de bzhin no// shes rab dang ldan pa rnams kyi spyod pa'i stong pa nyid gang yin pa de nyid shes rab 'tshal ba rnams spyod pa'i stong pa nyid de/ spyod pa mnyam pa de ni spyod pa la spyod pa zhes bya'o//
- 272b
klu'i bdag po gzhan yang 'dod chags la spyod pa rnams kyi spyod pa'i stong pa nyid gang yin pa de ni 'dod chags dang bral ba rnams kyi spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o// zhe sdang la spyod pa'i rnams dang / gti mug la spyod pa rnams kyang de bzhin no// rma mAny+dzamA pa la spyod pa rnams kyi spyod pa'i stong pa nyid gang yin pa de nyid nyon mongs pa med pa rnams kyi spyod pa'i stong pa nyid de/ spyod pa mnyam pa de ni mi spyod pa zhes bya'o// klu'i bdag po gzhan yang de bzhin gshegs pas spyod pa brgyad khri bzhi stong gang dag gsungs pa spyod pa brgyad khri bzhi stong po de dag gi spyod pa'i stong pa nyid gang yin pa de ni 'phags pa rnam par grol ba'i spyod pa'i stong pa nyid de// spyod pa mnyam pa de ni mi spyod pa la spyod pa zhes bya'o// klu'i bdag po gzhan yang gang gi tshe/ byang chub sems dpa' spyod pa spyod pa na/ spyod pa de la mi spyod pas spyod de/ sprad pa spyod pa na/ spyod de yang dag par rjes su mi mthong zhing / mngon par zhen pa med la/ mi rtog cing rlom sems su mi byed de/ de'i phyir mi spyod pa la spyod pa zhes bya'o// smras pa 'jam dpal ci'i phyir byang chub sems
- 273a
dpa' mi spyod pa la spyod pa zhes bya/ smras pa klu'i bdag po gang byang chub sems dpa'i sems dang po bskyed pa nas bzung ste/ byang chub kyi snying po'i bar du dge ba spyod pa dang / mi skye ba'i spyod pa dang / dngos po med pa'i spyod pa dang / gzung ba med pa'i spyod pa dang / kun gzhi med pa'i spyod pa dang nyon mongs pa med pa'i spyod pa dang / ngo bo nyid med pa'i spyod pa dang / 'byung ba med pa'i spyod pa dang / rgyu ba med pa'i spyod pa dang / gnas pa med ba'i spyod pa dang / yang dag pa'i spyod pa dang / cho ga'i spyod pa dang / spyod pa de lta bu la mos pa'i byang chub sems dpa' ni mi spyod pa'i spyod pa'o// gang gi tshe byang chub sems dpa'i mi skye bul+lI spyod par 'gyur na/ mtshan nyid med pa'i rjes su song zhing rgyu ba med la/ shes la mos pas rnam par 'gro la ste/ rnam par grol nas kyang gnyisu med pa'i mtha' las kyang mi 'da' la/ yang dag pa'i mtha' yang mngon sum du mi 'gyur zhing yang dag pa'i mtha' de mngon du byed pa yang ma yin te/ de'i phyir byang chub sems dpa' yang mi skye ba'i chos la bzod pa rab tu 'thob bo// de nas klu'i rgyal po ma dros pas/
- 273b
yang 'jam dpal gzhon nur gyur pa la 'di skad ces smras so// 'jam dpal skye ba'i chos la bzod pa thob pa ji lta bu/ smras pa gzugs mi skye bar bzod pa rab tu thob pa ni mi skye ba la bzod pa rab tu thob pa zhes bya'o// de bzhin du tshor ba dang / 'du shes dang / 'du byed dang / rnam par shes pa mi skye bar bzod pa rab tu thob na mi skye ba la bzod pa rab tu thob pa zhes bya'o// chos thams cad kyi bar du mi skye bar bzod pa rab tu thob pa ni mi skye ba bzod pa rab tu thob pa zhes bya'o// klu'i bdag po gzhan yang byang chub sems dpa' mi skye ba la bzod pa rab tu thob pa des bzod pa rab tu thob ste/ de ni kun tu 'gro ba zhes bya'o// de rab tu thob pas sems can thams cad bzod pa rab tu thob pa nyid du yang dag par rjes su mthong ngo // kun tu 'gro ba yang mi skye ba nyid du yang dag par rjes su mthong ngo // sems can thams cad kyang ngo bo nyid med pa nyid du yang dag par rjes su mthong ngo // sems can thams cad ma skyes pa nyid du yang dag par rjes su mthong ngo // sems can thams cad de'i mtshan nyid du yang dag par rjes su mthong ngo // mnyam pa nyid la
- 274a
gzhan chos phra rab kyang yang dag par rjes su mi mthong ngo // bzod pa de yang skad cig pa'o// cis skad cig pa zhe na/ mig dang / gzugs dang / mig gi rnam par shes pa nas yid dang chos dang // yid kyi rnam par shes pa'i bar gyis so// ji ltar mig la stsogs pas skad pa de bzhin du mngon gyi mtha'i bzod pa yang skad cig gcig pa'i phyi ma'i mtha' dang / da ltar byung ba'i bzod pa yang skad cig pa'o// ji ltar dus gsum gyi bzod pa skad cig gcig pa de bzhin du sems can thams cad kyang skad cig pa'o// cis skad cig pa zhe na/ 'dod chags dang / zhe sdang dang / gci mug gi nyon mongs pa rnams kyi skad cig pa'o// ji ltar sems can thams cad skad cig pa de ltar phyin ci log gis nyon mongs pa skye ba gang yin pa de dag kyang skad cig pa'o// de ltar ye shes dang ldan pa mi skye ba la bzod pa rab tu thob pa'i byang chub sems dpas ni sems can thams cad rnam par grol ba la nye bar yang dag bar rjes su mthong ngo // de ci'i phyir zhe na/ 'di ltar byang chub sems dpa' de 'di snyam du sems te/ bdag gi nyon mongs pa ji ltar skad cig pa dang /
- 274b
ltar gsog yin pa ltar sems can thams cad kyi nyon mongs pa yang de ltar skad cig pa'o// de ltar gsog go/ rnam par grol ba ni nyon mongs de dag gi rtsa ba med do// stobs med do// gal te de dag shin tu rnam par grol ba ma yin na ni su yang mya ngan las 'da' bar mi 'gyur ba zhig na/ gang gi phyir de dag shin tu rnam par grol ba de'i phyir de dag rnam par grol ba'i ngo bo nyid du gnas so// de ltar ye shes dang ldan pa'i byang chub sems dpa' ni sems can yongasu smin par byed pa la skyo ba med do// de ci'i phyir zhe na/ chos thams cad bcings pa med pas rang bzhin gyis rnam par grol bar yang dag par rjes su mthong ba'i phyir ro// de 'di snyam du sems te/ sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par grol ba yin na/ sgro btags pa'i nyon mongs pas kun nas nyon mongs so// sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par bla yin na/ yang dag pa ma yin pa yongs su rtog pas kun nas ston spongs so// sems can 'di dag ni rang bzhin gyis shin tu/
- 275a
kun nas nyon mongs pa can ma yin la/ rang bzhin gyis rnam par grol ba yin na/ 'du shes dang / sems dang yid la byed bas kun nas smon spongs so// klu'i bdag po mi skye ba'i chos la bzod pa rab tu thob pa'i byang chub sems dpa' ni sangs rgyas kyi yul yang ma thob/ so so'i skye bo dang / slob pa dang / mi slob pa dang / rang sangs rgyas kyi yul la yang mi gnas/ yul thams cad kyang spong / yul la 'dod chag kyi chags pa'ang med/ yul la zhe sdang gis sdang ba yang med/ yul la gti mug gis rmongs pa yang med do// yul la 'dod chags dang bral ba thob pa yang ma yin la/ 'o dod chags dang bral ba'i mtha' la yang gnas shing sems can yongs su sbyang bar bya ba dang / rang gi yul la nyon mongs pa med pa longs spyod pa'i phyir/ yul thams cad kyang mi spang ngo // de bdud kyi yul la yang rgyu zhing sangs rgyas kyi yul gyi ngo bo nyid kyi mtshan nyid kyang mi 'dor ro// chos kyi dbyings kyi yul yang rnam par 'khrugs par mi byed la/ sems can gyi khams kyi yul la yang gnas so// chos
- 275b
thams cad yul med cing yul dang bral bar yang rab tu shes shing / las kyi yul la yang 'jug go/ shes rab kyis las med cing las kyi rnam par smin pa med par yang so sor rtog la/ mngon par 'du byed pa'i yul la mngon par 'du byed do// mngon par 'du mi byed pa'i yul yang mi 'jug la/ btang snyoms pa yang ma yin no// dge ba mngon par 'du byed pa dang / chos thams cad ma skyes par dag par rjes su mthong la/ 'phags pa'i skyon med pa la 'jug pa ma yin no// de skad ces smras pa dang / klu'i rgyal po ma dros pas 'jam dpal gzhon nur gyur pa la 'di skad ces smras so// 'jam dpal byang chub sems dpa' 'phags pa'i skyon med pa la mi 'jug ces de skad sma na/ byang chub sems dpa' skyon med pa la 'jug pa gang yin/ smras pa klu'i bdag po phyir mi ldog pa la 'jug pa'i byang chub sems dpa' ni skyon med pa la 'jug pa'o// / klu'i bdag po yid la byed pa thams cad la nga'i ba med par byang chub sems dpas rab tu shes kyang ngar 'dzin pa dang / nga yir 'dzin par zhugs
- 276a
pa'i sems can rnams kyi ched du brtson 'grus rtsom mo// smras pa 'jam dpal byang chub sems dpa' ngar 'dzin pa dang / pa yir 'dzin pa gang las rnam par grol te/ ngar 'dzin pa dang / nga yir 'dzin pas bcings pa'i sems can rnams la snying rje skyed pa gang yin/ smras pa phung po lngar sgro btags pa la gnas pa'i byang chub sems dpa' ngar 'dzin pa dang / nga yir 'dzin pa rab tu shes shing / phung po dang / khams dang skye mched kyis rlom sems su yang mi byed la/ phung po dang khams dang / skye mched la gnas pa'i sems can rnams kyi ched du bsams bzhin du srid pa yin te/ de skye la 'du byed thams cad mi skye bar yang / yang dag par rjes su mi mthong / skye ba dang mi skye ba'i phyir/ skye ba dang mi skye ba tham cad kyang yang dag par rjes su mthong ngo // klu'i bdag po shes rab ni byang chub sems dpa'i skyon med pa la 'jug pa ste/ thabs kyis kyang zhugs pas/ srid par 'gro ba rnams su kun tu snang ngo // klu'i bdag po stong pa nyid ni byang chub sems dpa' skyon med pa 'jug pa ste/ thabs kyis kyang zhugs pas
- 276b
lta bar ltung ba'i sems can rnams la snying rje chen po skyed do// mtshan ma med pa ni byang chub sems dpa'i skyon med pa la 'jug pa ste/ thabs kyis kyang zhugs pas rnam par rtog pa la spyod pa'i sems can rnams la snying rje chen po bskyed do/ smon pa med pa ni byang chub sems dpa'i skyon med pa la 'jug pa ste/ thabs kyis kyang zhugs pas smon lam la spyod pa'i sems can rnams la snying rje chen po bskyed pa'o// klu'i bdag po byang chub sems dpa' bdag med pa'i chos la yang 'jug la/ sems can thams cad kyang mi rtag pa nyid dang / srog med pa dang / gang zag med pa la yang 'jug la/ byang chub kyi sems kyang mi brjed pa dang / 'dus ma byas pa'i chos la 'jug la/ skyes bu chen po'i mtshan sum cu rtsa gnyis kyi dge ba'i rtsa ba yang stsogs pa dang / shin tu zhi zhing nye bar yang zhi la/ ma rig pa shin tu ma zhi zhing nye bar yang ma zhi ba dang bag la nyal lang yang dag par 'jom la/ sngon gyi dam bcas pa yang mi 'dor ba dang / sems dang yid dang / rnam par shes pa dang yang bral la/ thams cad mkhyen pa'i sems la yang mnyam par gzhag pa dang / nga rgyal thams cad kyang yang dag par 'jogs
- 277a
la sems can thams cad kyi dbang po rtogs pa la mkhas pa dang / 'phags pa'i yon tan yang rjod la/ 'phags pa ma yin pa'i chos la gnas par yang brtson pa dang / spros pa yang med la/ spros pa yang 'jug pa dang / nye bar yang zhi la nye bar ma zhi ba yang yongs su 'dzin pa dang / mi g.yo zhing rnam par mi g.yo ba yang rgyun mi gcod la sangs rgyas kyi zhing gi rgyun rnams bsgrub par yang nye bar gnas pa ni/ klu'i bdag po byang chub sems dpa'i skyon med pa 'jig lngas 'das pa ste/ 'jig rten las log pa yang ma yin no// klu'i bdag po de ltar gang shes rab dang thabs dang ldan pa 'phags pa'i ting nge 'dzin 'di ni byang chub sems dpa'i skyon med pa la 'jug pa'o// klu'i bdag po 'di lta ste dper na/ nyan thos kyi skyon med pa la 'jug pa ni log par mi ltung ba'i chos te/ rgyun du zhugs pa zhes bya'o// klu'i bdag po de bzhin du byang chub sems dpa'i skyon med pa la 'jug pa ni/ log par mi ltung ba'i chos te/ phyir mi ldog pa zhes bya'o// klu'i bdag po nyan thos kyi skyon med pa la 'jug pa ni mi 'da' ba ste/ gdon mi za bar 'bras bu thob par bya ba'o//
- 277b
byang chub sems dpa'i skyon med pa la 'jug pa ni 'da' ba ste/ nyan thos kyi 'bras bu thob par mi byed kyi/ byang chub kyi snying po'i 'bras bu dang nye bar byed pa'o// de'i phyir nyan thos kyi skyon med pa ni tshad du bya'o// byang chub sems dpa'i ni tshad du bya ba ma yin no// klu'i bdag po 'di lta ste dper na/ skyes bu gnyis shig g.yang sa chen por ltung ba las/ de la skyes bu gcig ni 'di 'dra ba'i stobs dang / brtson 'grus dang / rtul ba dang / thabs dang / sngon gyi sbyor ba dang / rigs pa dang ldan par gyur pa zhig pas ltung yang brtson 'grus chen po'i stobs kyis g.yang sa chen po de khar phyin te gnas so// gcig shos ni stobs skyed pa chung la/ thabs la mi mkhas pas ltung ba de bzhin du klu'i bdag po byang chub sems dpa' yang shes rab kyi stobs bskyed pas/ chos thams cad stong pa nyid dang / mtshan ma med pa dang / smon pa med pa dang / mngon par 'du byed pa med par rnam par lta zhing nye bar rtog la sems can thams cad la dmigs pa/ snying rje chen pos yang dag par btang ba'i thabs la mkhas pas yang thams cad mkhyen pa'i sems la gnas so// nyan
- 278a
thos kyi theg pa can ni chos la so sor brtags nas/ 'bras bu mngon du byed do// klu'i bdag po g.yang sa chen po zhes bya ba de ni 'das ma byas kyi chos kyi tshig bla dgas so// brtson 'grus kyi stobs dang ldan pa'i skye bu zhes bya ba de ni byang chub sems dpa'i tshig bla dgas so// g.yang du/ ltung nas slar zlog ma nus pa zhes bya ba de ni nyan theg pa can gyi tshig bla dgas so// klu'i bdag po gang dag skyon med pa 'di thos pa de dag ni nges par bla na med pa yang dag par rdzogs pa'i byang chub tu 'byung zhing / byang chub sems dpa'i skyon med pa dang yang nye bar 'gyur ro// de nas bcom ldan 'das la klu'i rgyal po'i bu rnam par 'phrul pa zhes bya bas 'di skad ces gsol to// bcom ldan 'das bdag zang zing ma mchis pa'i sems kyis chos kyi rnam grangs 'di ring du gnas par bgyi ba dang / dam pa'i chos pa yongs su gzung ba'i slad du byang chub tu sems bskyed cing sangs rgyas dang chos dang dge 'dun la/ skyabs su mchi'o// bdag sangs rgyas kyi ye shes kyis sems kyi/ rang bzhin gyis byang chub kyi rang bzhin dang / byang chub kyi rang bzhin gyis chos thams cad kyi rang
- 278b
bzhin mngon par yang dag par khong du chud par bgyis te/ rab tu bshad par bgyi'o// bcom ldan 'das gang dag rnam par dag pa'i lam gyi chos kyi sgo'i le'u 'di ni mi nyan pa de dag ni bdud kyis byin gyis rlabs pa lags so// de ci'i slad du zhe na/ bcom ldan 'das chos kyi rnam grangs 'di la nges par 'byung ba'i byang chub sems dpa' ni 'byung ba'i lam thams cad du nges par 'byung ba lags pa'i slad du'o// de nas tshe dang ldan pa rab 'byor gyis/ klu'i rgyal po'i bu rnam par 'phrul pa la 'di skad ces smras so// rigs kyi bu khyod kyis gang sems kyi rang bzhin gyis byang chub mngon par rdzogs par 'tshang rgya zhes pa de la sems kyis rang bzhin de gang yin/ smras pa btsun pa rab 'byor gyi rang bzhin gang yin pa'i rang bzhin de sems kyi rang bzhin no// smras pa rab 'byor gyi rang bzhin ji lta bu/ smras pa gang 'dod chags dang zhe sdang dang gti mug gi rang bzhin no// smras pa 'dod chags dang zhe sdang dang gti mug gi rang bzhin ni ji lta bu/ smras pa rtogs pa dang / rnam par rtog pa'i rang bzhin no// de ci'i phyir zhe na/ rab 'byor 'di la ji snyam du sems/ rtog pa med na 'dod chags dang zhe sdang
- 279a
gti mug skye bar 'gyur ram/ smras pa de ni ma yin no// smras pa gang ma rtog cing rnam par mi rtog pa de ni mi skye ba'o// gang mi skye ba de rang bzhin te/ 'di ni 'dod chags dang zhe sde dang gti mug rnams kyi rang bzhin no// btsun pa rab 'byor gyis sems kyi rang bzhin zhes bya ba de gang yin zhes smras pa la/ 'od gsal ba de ni sems kyi rang bzhin no// gang sems kyi 'od gsal ba de la 'dod chags dang zhe sdang dang gti mug med do// smras pa rigs kyi bu nyon mongs pa gang dag skye ba na gang las skye/ smras pa btsun pa rab 'byor phyin ci log pas nyon mongs pa rnams skye mod kyi rang bzhin ni nam yang kun nas nyon mongs pa ma yin no// btsun pa rab 'byor gal te sems kyi rang bzhin ni kun nas nyon mongs pa can yin du zin no// gang yang shin tu rnam par dag par mi 'gyur ba zhig na/ gang gi phyir sems kyi rang bzhin kun nas nyon mongs pa can ma yin pa de'i phyir nyon mongs pa yongs su shes pas rnam par dag pa zhes bya'o// rab 'byor gyis smras pa/ rigs kyi bu ji ltar na nyon mongs pa rnams yongs su shes pa gang yin//
- 279b
smras pa btsun pa rab 'byor rkyen yod par gyur na skye'i/ rkyen med na mi skye bar tshul bzhin yid la byed pa ni nyon mongs pa rnams yongs su shes pa'o// smras pa rigs kyi bu ji ltar na byang chub sems dpa' tshul bzhin la rab tu brtson pa yin/ smras pa btsun pa rab 'byor gang gi tshe/ byang chub sems dpa' sbyor ba thams cad dang mi ldan par gnas pa de'i tshe/ tshul bzhin brtson pa yin no// btsun pa rab 'byor gzhan yang gang gi tshe/ byang chub sems dpa' sems dpa' chen po nyan thos dang rang sangs rgyas la rnam par grol ba'i chos ston kyang / rnam par grol ba der mi ltung ba 'di yang byang chub sems dpa'i tshul bzhin la sbyor ba'o// btsun pa rab 'byor gzhan yang gang gi tshe/ byang chub sems dpa' sems dpa' chen po rang gi nyon mongs pa dben pas sems can thams cad kyi nyon mongs pa dben par khong du chud pa de yang de'i tshul bzhin la sbyor ro// gzhan yang gang gi tshe// byang chub sems dpa' spyod pa la sbyor ba ma yin pa dang / sbyor ba ma yin pa la sbyor bar mthong ba de yang byang chub sems dpa'i tshul bzhin sbyor ba'o//
- 280a
de nas tshe dang ldan pa rab 'byor gyis klu'i rgyal po'i bu rnam par 'phrul pa la 'di skad ces smras so// rigs kyi bu byang chub sems dpa' sbyor ba la sbyor ba ma yin pa dang / sbyor ba ma yin pa la sbyor ba mthong ba ji lta bu/ smras pa btsun pa rab 'byor chos kyi dbyings su gnyis su med pa'i tshul gyis gang mig dang / gzugs nas yid dang / chos kyi bar de dag ni sbyor ba ma yin par blta'o// sbyor ba ma yin zhes bya ba ni khams gsum du nying mtshams sbyor ba ste/ de la byang chub sems dpa' thabs kyi nying mtshams sbyor ba de ni sbyor ba zhes bya'o// btsun pa rab 'byor de ltar rab tu brtson pa'i byang chub sems dpa' ni tshul bzhin la rab tu sbyor ba zhes bya'o// de nas bcom ldan 'das kyis klu'i rgyal po'i bu de la legaso// zhes bya ba gnang ste/ skyes bu dam pa khyod kyis ji ltar sangs rgyas kyi mthus byang chub sems dpa'i tshul bzhin la sbyor ba 'di de ltar bstan pa ni legs so legs so// byang chub sems dpa' gang dag theg pa chen po chen po 'di la tshul bzhin de lta bu la rab tu brtson pa de dag la ni thams cad
- 280b
mkhyen pa nyid du nges par yin par blta'o// de nas bcom ldan 'das la klu'i rgyal po bu rnam par 'phrul pas 'di skad ces gsol to// bcom ldan 'das ji ltar na/ byang chub sems dpa' sems dpa' chen po zang zing ma mchis pa'i sems kyis sangs rgyas dang / chos dang dge 'dun la skyabs su mchis pa lags/ bka' stsal pa rigs kyi bu gang gi phyir byang chub sems dpas chos thams cad bdag med pa dang / sems can med pa pa dang / srog med pa dang snga gang zag med par shes nas/ gzugs su ma yin/ mtshan du ma yin/ chos su ma yin/ bar de bzhin gshegs pa yang dag par rjes su mthong / ba lta bu ni zang zing med pa'i sems kyis sangs rgyas la skyabs su song ba yin no// de bzhin gshegs pa'i chos nyid gang yin pa de ni chos kyi dbyings so chos kyi dbyings gang yin pa de ni thams cad kyi rjes su song ba zhes bya ste/ de ltar chos thams cad chos kyi dbyings kyi rjes su song bar mthong ba/ de lta bu ni zang zing med pa'i sems kyis chos la skyabs su song ba yin no// gang chos kyi dbyings su 'dus ma byas pa rab tu sgom pa dang / nyan thos kyi theg/
- 281a
pa la 'dus ma byas pa ston pa dang / 'dus byas dang / 'dus ma byas gnyis su med pa 'di lta bu ni zang zing med pa'i sems kyis dge 'dun la skyabs su song ba yin no// bstan pa 'di bshad pa'i tshe/ klu'i rgyal po'i bu rnam par 'phrul pas rjes su mthun pa'i chos la bzod pa rab tu thob par 'gyur ro// de nas klu'i rgyal po ma dros pas// chung ma'i 'khor dang bcas bu dang bcas gnyen dang 'khor du bcas te/ dngos po thams cad kyis sangs rgyas dang / chos dang dge 'dun la skyabs su song nas rang gi gnas/ bcom ldan 'das dge slong gi dge 'dun dang bcas pa la phul te/ 'di skad ces gsol to// bcom ldan 'das bdag smon lam 'debs pa ni 'di lags te// gang bdag gi gnas 'di nas klung chen bzhi po 'bab pa rgya mtsho chen po bzhir 'bab pa'i rgya mtsho chen po de dag dang / bcom ldan 'das klung chen po 'di dag la 'tshal ba'i sems can rkang gnyis dang / rkang bzhi pa dang / rkang mang dang / ri dgas dang / bya gang lags pa de dag rgyu des bla na med pa yang dag par rdzogs pa'i byang chub tu gyur cig/ gang dag byang chub tu smon pa de dag kyang rgyu des
- 281b
rnam par grol bar gyur cig/ de nas de'i tshe sangs rgyas 'dzum pa mdzad do// 'di sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas bcom ldan 'das kyi zhal gyi sgo nas kha dog dum pa'i 'od zer byung nas mtha' yas mu med pa'i 'jig rten gyi khams 'od kyis khyab par byas te/ slar log nas de bzhin gshegs pa'i dbu'i gtsug tu nub bro// de nas tshe dang ldan pa kun dga' bos bcom ldan 'das la tshigs su bcad de/ gsol pa// mtshungs pa ma mchis gzugs mnga' ba mthong na dga'// skyes mchog bcom ldan skyes bu khyu mchog pa// 'jig rten 'das la 'jig rten sgron ma mdzad// gzi mnga' bzhad pa'i don 'di bdag la gsungs// bsod nams brgya mnga' bsod nams lhag pa po// ye shes kyis 'phags ye shes sna mnga' ba// chos dbang mi mtshungs chos kyi bka' mchid can// bcom ldan ci'i don du gzhad pa ston// bden pa gzigs shing rtag tu dben la dgyes// dbang po zhi bzhi gnas pha rol phyin// zhi la rab zhi zhi gnas dgyes pa po// bzhan don yon tan mthar phyin bdag la gsungs// 'jam pa'i gsungs can tshangs
- 282a
ba'i dbyangs 'byin pa// bya mchog mang po sgra dang sil snyan sgra// sgra dbyangs yan lag thams cad rdzogs pa'i dbyangs// thub pa bzhan par sbyor ba bdag la gsungs// thub pa shes rab 'byung gnas shes rab grol// rtag tu mnyam gzhag 'khrul pa'i thugs mi mnga'// thams cad mkhyen pa sems can spyod la mkhas// mtshungs med bzhad pa'i don ni legs par gsungs// ye shes mi byed 'byung gi mthar byin pa// rdzu 'phrul mtha' yas pa'i stobs ston cing // stobs bcu dbang gis pha rol tu gshegs// bde bar gshegs khyod ji slad 'dir 'dzum ston// skra 'od dpal gyis snang ba mdzad pa po// / khyod kyis 'od kyis gzhan 'od gsal mi 'gyur// ji ltar rgyal ba'i 'od ni gda' ba ltar// nyi zla zhugs dang nor bu'i ma lags so// bsod nams chen po the chom mi mnga' ba// rdzogs pa'i byang chub sems dpa' phyogs gsal mdzad// bcom ldan ci srad bzhad pa ston pa de// mi mtshungs ye shes mnga' bas bdag lung ston// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo klu'i rgyal po/
- 282b
ma dros pa de bzhin gshegs pa la 'di 'dra ba'i bkod pa 'di dag gis mchod pa byed pa mthong ngam/ gsol ba/ bcom ldan 'das mthong lags so// / bcom ldan 'das kyis bka' stsal pa/ klu'i rgyal po ma dros pa 'dis/ byang chub bsgrub pa'i phyir sangs rgyas bye ba phrag dgu bcu rtsa dgu'i gan du tshangs par spyod pa spyad do// gang gi tshe de bzhin gshegs pa mar me mdzad kyis nga la khyod ma 'ong ba'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro// zhes lung bstan pa de'i tshe de'i dus na/ klu'i rgyal po 'di tshong dpon gyi bu rnam par dag pa'i blo gros shes bya bar gyur te/ des nga lung bstan pa 'di thos nas/ smon lam btab pa/ bdag kyang ma 'ongs pa'i dus na/ ji ltar khye'u blo gros bzang po 'di lung bstan pa bzhin du gyur cig ces smras so// kun dga' bo klu'i rgyal po ma dros pa 'di ji ltar nga la 'bul ba de bzhin du bskal pa bzang po'i de bzhin gshegs pa thams cad la yang rang gi gnas brgyan 'bul bar 'gyur te/ de bzhin gshegs pa de dag thams cad kyis kyang de'i lhag pa'i bsam
- 283a
pa mkhyen nas/ rnam par dag pa'i lam gyi chos kyi rnam grangs 'di 'chad par 'gyur ro// sa phyogs 'di nyid du de bzhin gshegs ba log par dad sel dang / gser thub dang / 'od srung yang bzhugs nas rnam par dag pa'i lam gyi chos kyi sgo'i le'u 'di gsungs so// klu'i rgyal po ma dros pa 'di bskal ba bzang po'i de bzhin gshegs pa thams cad la mchod pa byed par 'gyur/ chos kyang nyan par 'gyur ro// de'i 'og tu de bzhin gshegs ba grangs med pa mnyes par byed par 'gyur/ tshangs par spyod pa yang spyod par 'gyur/ dam pa'i chos kyang yongs su 'dzin par 'gyur te/ bskal pa grangs med pa bdun stong lnga brgyan de bzhin gshegs pa dgra bcom pa yang dag par rdzogs pa'i sangs rgyas ma dros pa zhes bya ba nyid du 'gyur ro// kun dga' bo de bzhin gshegs pa ma dros pa byang chub thob pa'i tshe// sems can gang yang 'dod chags kyi gdungs pa 'am/ zhe sdang gi gdung ba 'am/ gti mug gi gdung ba 'am// pha rol gyi gdung bar mi 'gyur te/ sems can de dag thams cad kyang nges par tshe'i tshad du 'gyur ro// kun dga' bo de bzhin gshegs pa ma dros
- 283b
pa'i tshe'i tshad ni lo byed pa phrag brgyad cur 'gyur ro// kun dga' bo de bzhin gshegs pa ma dros pa'i sangs rgyas kyi zhing ni bai dUr+ya las grub par 'gyur te/ sa chen po de ni 'dzam bu'i gling gi gser gyi 'dams khebs par 'gyur/ lha dang mi de dag gi longs spyod dang / yongs su spyad pa dang / bza' ba dang btung ba dang yang bsams pa tsam gyis 'byor par 'gyur/ mi de dag thams cad mngon par shes pa lngas nam mkha' la 'gro bar gyur/ dga' ldan gyi lha rnams kyi longs spyod dang / yongasu spyod pa ci 'dra bar mi de dag gi yang 'dra bar 'gyur ro// sems can de dag gnyis kyi gnyis sbyor ba ma yin gya/ de dag thams cad chos kyi dga' ba la dga' mos par 'gyur/ nyon mongs pa rnams kyang rab tu zhi bar 'gyur ro// de bzhin gshegs pa de yang yongs su mi skyo bar chos ston par 'gyur ro// ji ltar da ltar nga rdzu 'phrul thams cad kyis chos ston pa ltar di sha thang bar chos par mi 'gyuraro// / sems can de dag kyang chos pa brjod pa tsam gyis 'dul bar 'gyur ro// de ci'i phyir zhe na/ 'di ltar sangs rgyas kyi zhing de ni/ lha dang mi rnams la chos
- 284a
kyi gtam gcig ston par 'gyur ba'i phyir/ sangs rgyas kyi zhing de na/ nyin mtshan zhes so sor bgrang du med par 'gyur ro// de ci'i phyir zhe na/ kun dga' bo de bzhin gshegs pa ma dros pa de'i rang gi lus las 'od bkye bas/ thams cad dang ldan ba'i sangs rgyas kyi zhing de gsal bas khyab par 'gyur ro// de nas sems can de dag 'di snyam du da de bzhin gshegs pa chos kyi bka' mchid/ mdzad par 'gyur ro snyam du sems par 'gyur zhing de dag 'od des bskul ba dang / chos nyan pa'i phyir nam mkha' las 'dod par 'gyur ro// / de ltar de dag 'dus nas de gshegs pa de shing ta la bdun srid du steng gi bar la 'phags te/ nam mkhal gnas pa'i seng ge'i khri la 'dug nasaHsems can de dag la chos ston par 'gyur ro// de der 'jug pa dang / sangs rgyas kyi zhing de thams cad snang bar 'gyur te/ dper na zla ba'i dkyil 'khor bzhin no// de na dge ba'i rtsa ba yongs su smin pa'i sems can de dag 'di snyam du/ ji ltar bcom ldan
- 284b
'das de'i seng ge'i khri gnas med par de bzhin du chos thams cad kyang gnas med de/ nam mkha'i ngo bo nyid do snyam du sems par 'gyur te/ de dag nyid kyis mngon par rtogs par 'gyur/ bzod pa yang rab tu thob par 'gyur ro// de bzhin gshegs pa de ni rdo rje'i sgra la 'jug pa zhes bya ba'i chos kyi rnam grangs ston to// 'di lta ste dper na rdo rje ni gang dang gang du bab pa de dang de dag 'jom mo// de bzhin du de bzhin gshegs pa de'i chos bstan pa yang bag la nyal dang / kun nas ldang ba thams cad 'jom mo// kun dga' bo de bzhin gshegs pa ma dros pa gang gi tshe/ yongs su mya ngan las 'da' ba de'i tshe/ byang chub sems dpa' smon lam khyad par 'phags shes bya ba 'di nga'i 'og tu de bzhin gshegs pa kun tu snang ba zhes bya bar 'gyur te/ sangs rgyas kyi zhing yang 'di 'dra ba nyid du 'gyur ro/ zhes byang chub sems dpa' smon lam khyad par 'bigs pa lung rten nas yongs su mya ngan las 'da'o// de nas klu'i rgyal po ma
- 285a
dros pa'i bu rtag tu dad pa thob ces bya ba des nor bu rin po che'i gdugs rin po ches spras pa de bzhin gshegs ba la phul lo// phul nas 'di skad ces gsol to// bcom ldan 'das de'i tshe de'i dus na/ byang chub sems dpa' smon lam khyad par 'phags pa shes bgyi bar 'gyur ba de gang lags/ de nas bcom ldan 'das kyis klu'i rgyal po'i bu rtag tu dad pa thob kyi/ lhag pa'i bsam pa mkhyen nas/ tshe dang ldan pa kun dga' bo la bka' stsal pa/ kun dga' bo de'i tshe de'i dus na/ byang chub sems dpa' smon lam khyad par 'phags shes bya bar 'gyur ba de gzhan yin pa snyam du khyod sems na de ltar mi blta'o// de ci'i phyir zhe na/ kun dga' bo klu'i rgyal po'i bu rtag tu dad pa thob 'di nyid de'i tshe de'i dus na/ byang chub sems dpa' smon lam khyad par 'phags pa shes bya bar 'gyur te/ bcom ldan 'das ma dros ba de'i 'og tu de bzhin gshegs pa dgra bcom pa yang dag par rdzogs pa'i sangs rgyas kun tu snang ba zhes bya ba 'jig rten du 'byung // bcom ldan 'das kyis zhus pa lung bstan cing rnam par dag pa'i lam gyi chos kyi rnam grangs 'di mthar byin pa'i 'du shes nas/ phyogs bcu nas 'dus pa'i byang chub sems dpa' sems
- 285b
dpa' chen po de dag dang / brgya byin dang / tshangs pa dang / 'jig rten skyong ba dang / lha dang klu dang gnod sbyin dang / dri za dang / lha ma yin dang / namakha' lding dang / mi la ci dang rtsalto 'phye chen po rnams tshim zhing mgu la yid rangs shing rab tu dga' ste/ dga' ba dang / yid bde ba skyes nas mngon par dga' ste/ stan las langs nas rdza bcom ldan 'das la tshul bzhin du mchod de rang gi sangs rgyas kyi zhing dang / rang rang gi gnas su dong ngo // de nas klu'i rgyal po ma dros pa bu dang bcas chung ma dang bcas/ gnyen dang 'khor du bcas te/ klu'i rgyal po lha srung du mngon par sprul nas/ bcom ldan 'das kyi gzhal med khang rnam pa'i mchog thams cad dang ldan pa yang mngon par sprul te/ bcom ldan 'das der bzhugs su gsol nas/ byang chub sems dpa'i dge 'dun dang bcas/ nyan thos kyi dge 'dun dang bcas par bkod de rang gnas nas byung nas/ bcom ldan 'das kyi zham ring du song ste/ bcom ldan 'das byang chub sems dpa' dang bcas/ nyan thos kyi dge 'dun dang bcas pa bya rgod phung po'i ri la bskyal nas/ bcom ldan 'das kyi gnang ste/ rang rang gi gnas su song ngo // bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs 'di zung shig/ gsol pa/ bdag gis bzung lag so//
- 286a
bcom ldan 'das kyis bka' stsal pa/ kun dga' bo de'i phyir rnam par dag pa'i lam gyi chos kyi rnam grangs 'di 'khor bzhi po dag la rgyun mi mchad par ston cig/ de ltar na khyod dam pa'i chos yongs su bzung bar byas par 'gyur ro// bcom ldan 'das klu'i rgyal po ma dros pa'i gnas nas bya rgod kyi phung po'i ri la gshegs so zhes rgyal po'i khab kyi bram ze dang / khyim bdag rnams kyis thos nas/ de dag thams cad dad pa thob ste/ lhan cig tu bcom ldan 'das ga la ba der dong ngo // de dag der phyin pa dang / sangs rgyas bcom ldan 'das kyis rnam par dag pa'i lam gyi rnam grangs 'di nyid la brtsams te/ de lta de ltar chos bstan nas/ 'khor de las srog chags khris byang chub tu sems bskyed do// srog chags lnga stong ni chos la chos kyi mig skyes so// bcom ldan 'das kyis de skad ces bka' stsal ba dang / tshe dang ldan pa kun dga' bo dang / nyan thos chen po de dag dang / lha dang / mi dang lha ma yin dang / dri zar bcas pa'i 'jig rtenaHbcom ldan 'das kyis gsungs pa la yid rangs te/ mngon par bstod do// 'phags pa klu'i rgyal po ma dros pas zhus pa zhes bya ba theg pa chen po'i mdo// rdzogs so// / rgya gar gyi mkhan po 'dzin mi tra dang da na shi la dang ban de ye shes la stsogs pas zhus te gtan la phab pa'o// bkra shis/
- 286b
bcom ldan 'das kyis bka' stsal pa/ kun dga' bo de'i phyir rnam par dag pa'i lam gyi chos kyi rnam grangs 'di 'khor bzhi po dag la rgyun mi mchad par ston cig/ de ltar na khyod dam pa'i chos yongs su bzung bar byas par 'gyur ro// bcom ldan 'das klu'i rgyal po ma dros pa'i gnas nas bya rgod kyi phung po'i ri la gshegs so zhes rgyal po'i khab kyi bram ze dang / khyim bdag rnams kyis thos nas/ de dag thams cad dad pa thob ste/ lhan cig tu bcom ldan 'das ga la ba der dong ngo // de dag der phyin pa dang / sangs rgyas bcom ldan 'das kyis rnam par dag pa'i lam gyi rnam grangs 'di nyid la brtsams te/ de lta de ltar chos bstan nas/ 'khor de las srog chags khris byang chub tu sems bskyed do// srog chags lnga stong ni chos la chos kyi mig skyes so// bcom ldan 'das kyis de skad ces bka' stsal ba dang / tshe dang ldan pa kun dga' bo dang / nyan thos chen po de dag dang / lha dang / mi dang lha ma yin dang / dri zar bcas pa'i 'jig rten/ bcom ldan 'das kyis gsungs pa la yid rangs te/ mngon par bstod do// 'phags pa klu'i rgyal po ma dros pas zhus pa zhes bya ba theg pa chen po'i mdo// rdzogs so// // rgya gar gyi mkhan po 'dzin mi tra dang dan shi la dang ban de ye shes la stsogs pas zhus te gtan la phab pa'o// bkra shis/
- 287a
'phags pa khye'u bzhis nus pa'i mdo ba zhugs so//
- 287b
@#/ rgya gar skad du/ ar+ya tsa tur du ra ka sa mA d+hi ra na ma hA ya na su tra/ bod skad du// 'phags pa khye'u bzhi'i ting nge 'dzin ces bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das yongs su mya ngan las 'da' ba de nyid kyi dus kyi tshe/ ku shi'i grong khrir na/ gyad rnams dang nye ba na yod pa na shing sa la zung gi tshal na/ shing sa la zung gi bar na bzhugs so// de nas tshe dang ldan pa kun dga' 'o// bcom ldan 'das ga la ba der song ste phyin nas/ bcom ldan 'das kyi spyan sngar thal mo sbyar te/ bcom ldan 'das la mig mi 'dzums par rtogs cing
- 288a
'dug go// bcom ldan 'das kyis tshe dang ldan pa kun dga' bo la bka' stsal pa/ go'u ta mi'i bu khyod ci'i phyir de bzhin gshegs pa la mig mi mdzums par rtog par byed/ de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ma dang bdag gis de bzhin gshegs pa yongs su mya ngan las 'da' ba'i snga ltas/ g.yar laM 'jigs pa chen po// 'jigs su rung ba/ spu zing zhes bgyid pa zhig rmis lags te/ bcom ldan 'das bdag bdag g.yar lam de rmis nas/ bcom ldan 'das shin tu myur bar yongs su mya ngan las 'da' bar 'gyur lags grang snyam nas/ de'i slad du bdag sdug bsngal zhing yid mi bde ba dang / mya ngan gyi zung rngus gzir bar 'gyur lags so// bcom ldan 'das kyis bka' stsal pa
- 288b
go'u ta ma'i bu khyod kyis rmi lam na/ de bzhin gshegs pa yongs su mya ngan las 'da' ba'i snga ltas/ 'jigs pa ji lta bu zhig rmis/ de nas bcom ldan 'das kyis de'i tshe/ tshe dang ldan pa kun dga' bo la tshigs su bcad de bka' stsal pa/ sa la'i tshal khrod 'di nyid du/ 'jig rten mgon po'i ltas su ni/ khyod kyis rmi lam ci rmis pa/ dris pa de ni nga la spros// de nas bcom ldan 'das la tshe dang pa kun dga' bos tshigs su bcad de gsol pa/ ma dang sum bdag gi g.yar lam na// 'jigs su rung zhing sdang bgyid la/ spu zing bgyid pa rmis gyur pa// de ni mi mchog gsan du gsol// 'jig rten khams 'dir ljon pa'i shing // kun tu me tog 'bras bu rtag/ rnam pa kun gyi mchog ldan la// yid ni dga' bar bgyid pa 'khrungs// 'jig rten khams su ldon mchog de/ grib ma bsil bas sems can rnams// rab tu dga' bgyid bro nad dang / mya ngan dag kyang sel bar bgyid// yon tan mtha' yas phun tshigs shing rnga srid rtse'i bar du mtho bar 'phags// de mthong bas ni mig 'dag cing // thos pas rna ba rnam dag 'gyur// de las rab 'dzem ngon ldan zhing / gzhin
- 289a
tu rigs shing don ldan la// sems can kun la bde skyid pa'i// sgra skad dag kyang nges par 'byung // de las gang gi bye snyed kyi/ 'od gzer dag ni 'byung 'gyur zhing // de dag snyed kyi zhing rnams kyang // ljon shing chen pos gsal ba bgyid// phyogs bcu'i 'jig rten khams kyi mi// mtha' yas dpag tu ma mchis pa// gang dag 'od kyis reg gyur pa// sems can rnams kyi don kyang bgyid// phyogs bcu'i 'jig rten khams su ni// de las dri dad 'byung bar 'gyur// gang dag de'i dri snod pa// de dag ngan 'gror mchi mi 'gyur// de dag dmyal bar mi mchi zhing // dud 'gro'i skye gnas sdig can dang // yi dgas lta min ris mi mchi// de dag bzang 'gror mchi bar 'gyur// sems can kun la bde skyid pa// de 'dri'i ljon shing chen po de// gyad kyi dog sar chags nas ni// sa le tshal gyi gseb du skye la// ljon mchog chags pa mthong gyur nas// de nas srog chags stong phrag ni// bsam yas dpag tu ma mchis pa// cho nges 'debs shing smre sngags 'dod// de tshe sgra de mi grag cing // dri yang gda' bar ma gyur la// 'degs pa'i rdo yang ma thog nas// de ma
- 289b
thag tu bdag kyang brgyal// de ltar 'jig su rung ba dang // spu yang zing zhes bgyid pa'i// g.yar lam mdang gsum rmis pa de// spyan dang ldan pas bdag la gsungs// de nas gnas gtsang ma'i rig kyi lha'i bu rnams dang / mi mjed kyi bdag po tshangs pa dang / bdud kyi bu de dpon dang / lha'i dbang po brgya byin dang / rgyal blo chen po bzhi dag so so na gnas pas/ bcom ldan 'das yongs su mya ngan 'da' ba'i snga ltas mthong nas/ rang rang gi 'khor lha'i/ bu khrag khrig phrag brgyad cu lhag tsam gyis yongs su bskor cing mdun du bdar nas/ bcom ldan 'das ga la ba der song ste/ lhag nas bcom ldan 'das kyi zhabs la mgo bos phyag 'tshal te/ sgra skad mthun par nyam thag pa'i ros du zhing mya ngan byed la smre sngags 'don bzhin du/ de'i tshe tshe dang ldan pa kun dga' bo la tshigs su bcad pa 'di dag smras so// kye ma'o sdug bsngal mi zad che/ sa la'i tshal khrod dga' bar ni/ de ring mgon po mya ngan 'da'/ kun dga' khyod kyis mi shes sam// gang zhig snang med rnams kyi sgron// skyabs dang dpung gnyen gang yin pa// de ni zhi ba len med par// de ring mya ngan las 'da'
- 290a
bar 'gyur// de nas bcom ldan 'das kyis de'i tshe// tshe dang ldan pa kun dga' bo dang // thams cad dang ldan pa'i lha'i 'khor de dag la// tshigs su bcad de bka' stsal pa// ji ltar mthong ba gzhan min te// de ring sa la'i tshal khrod du// nga ni mya ngan 'da' 'gyur gyis// mya ngan ma byed bstan par bgyis// kha dog ldan zhing bsam yas la// 'od dang dri bsrung phun tshogs pa'i// ljon shing ljon pa chen po de// sa la'i tshal khrod chag gyur paHljon shing ci 'drar ston pa ni// de ring sa la'i tshal khrod du// ji ltar me la chus btab bzhin// len med mya ngan 'da' bar 'gyur// shes rab rdzu 'phrul/ mthar phyin pa// nye rgyal bang nas skye dag bzhin// mi mchog de yang 'da' 'gyur bar// kun dga' khyod kyis mi shes sam// 'dus byas thams cad mi rtag ste/ skye zhing 'jig pa'i chos can yin// ston pas de dag rab mkhyen nas// dge slong rnams la de yang bshad// kun dga' tshul shog khyod song laHnga'i nyan thos rnams la spos// lha'i mig gi mthar phyin pa// gnas brtan chen po ma 'gags dang // gnas brtan chen poka t+ya'i bu// gnas
- 290b
brtan gang por rab 'byor dang // gsus po chen ni chen po dang // ba lang bdag dang dga' byed dang // gro zhing don yod rgyal po dang // chos gos ngan pa 'chang ba dang // dga' bo dang ni sgra gcan bzang // nga'i nyan thos gzhan rnams dang // slob dang mi slob gnas brtan dang // gzhan yang so so'i skye bo/ dgaHda ni mya ngan 'da' 'gyur gyis// thams cad shin tu myur bar spron// slong dang so so'i skye bo yis// ma mthong sdug bsngal skye 'gyur bas// mya ngan 'das pa'i 'og tu ni// mya ngan zug rngus gzir ma byas// mya ngan ma byed 'du byed rnams// mi rtag rmi lam lta bu zhes/ ji ltar chos kyi chos nyid kyis de dag rnams ni dbugs dbyung bya// de skad ces bka' stsal pa dang // bcom ldan 'das la tshe dang ldan pa kun dga' bos/ slar tshigs su bcad de gsol pa dang / mgon po sangs rgyas mya ngan las 'da' bar 'gyur bar thos nas bdag/ phyogs bslad bdag ni lus mi zhing // bdag ni g.yar ngan shin tu tshe/ lus nyams bde ba'ang ma rmis la// chags bral nyams bde ba'ang ma mchis na// spyan ldan bdag ni ji ltar mchi// bdag gi skyabs dang dpung gzhan
- 291a
dang / 'jig rten rnam 'dren gang lags pa// deng mthong slad kyi mi mthong zhes// gnas brtan rnams la 'di skad bgyi// mya ngan gyur cing sdug bsngal bas// ji ltar mya ngan brjod par bgyi// bdag cag rnams kyi 'jigs chen 'di// gnas brtan de dag ji ltar ra nyan// gang dag slob dang skye bo yi// dge slong mya ngan zug rngus yis// kun nas zug pa ji ltar gnas// mi mchog bskal par bzhugs su gsol/ 'khor bzhi'i nang du mchis nas ni// ston pa mya ngan 'da' 'gyur zhes// ji ltar brjod bgyi mi'i mchog/ thug chen bskal par bzhugs su gsol// sgron ma chen po 'jig rten du// shin tu myur bar nub 'gyur te// 'jig rten 'di dgra rab myur bar// ljongs pa nyid du 'gyur lagasaso// mi mchog bdag ni g.yar ngan 'di// dge slong rnams la sbyar mi spro// gang la ga yang ngan ma mchis pa// gzhan zhig mngag par bka' stsal gsol// bcom ldan 'das kyis bka' stsal ba// go'u ta ma'i bu 'du byed thams cad mi rtag pa yin gyis/ mya ngan ma byed par thong shig
- 291b
de nas bcom ldan 'das kyis de'i tshe// tshe dang ldan pa kun dga' bo la tshigs su bcad de bka' stsal pa/ bye ba mtha' yas lha rnams kyis/ de ring sangs rgyas 'da' mthong nas gzhal med khang dag spangs nas ni// mya ngan byed cing smre sngags 'don// nga 'das phyi na dge slong dag/ ma mthong mya ngan byed ma bzhug/ de ni rim gro byed pa'i las// song la dge slong rnams kyang sgron// de'i tshe na tshe dang ldan pa ma 'gag pa/ ri rab kyi spo la sum bcu rtsa gsum pa'i lha rnams la chos ston cing 'dug go// tshe dang ldan pa mi 'gags pas lha'i mig rnam par dag pa/ mi'i las shin tu 'das pas/ lha'i bu dbang che ba dbang che bar grags pa rnams/ rang rang gi gzhal med khang dag nas mi snang bar 'gyur ba mthong zhing / lha rnams smre sngags 'don pa'i sgra chen po dag kyang thos/ rang gi 'khor rnams kyang srabs par mthong ngo // de nas tshe dang ldan pa ma 'gags pas/ de'i tshe bsam te lha'i mig gis lha'i 'khor dang bcad pa de dag yid chad cing / rang rang gi 'dod pa'i dga' ba dag spangs te/ rings pa rings par gang du dong zhing 'dong bar byed ces/ 'jigs rten la rnam par bltas so// de nas tshe dang ldan pa ma 'gags pas/
- 292a
ri'i rgyal po ri rab kyi rtse mo las dpag tshad brgya tsam dag tshad pa dang / ri'i rgyal po ri rab kyi rtse mo las dpag tshad nyis brgya tsam dang / rtse mo las dpag tshad gsum brgya tsam dang / rtse mo las dpag tshad bzhi brgya tsam dag tshad pa dang / rtse mo las dpag tshad lnga brgya tsam dag tshad cing tshad cing / rgya mtsho chen po'i nang du lhung ba dag kyang mthong ste/ sems can 'ga' tsam la yang gnod pa 'am rnam par tshe ba mi byed na/ srog gi bar chad byed par 'gyur ba lta smos kyang ci dgos/ 'di ltar ri rab kyi rtse mo de dag kyang / gang dag ri'i rgyal po ri rab la rten cing gnas pa'i lha dang klu dang / gnod sbyin dang dri za dang / lha ma yin dang na mkha' lding dang / mi 'am ci dang lto phye chen po de dag gis/ bcom ldan 'das yongs su mya ngan las 'da' ba thos nas/ mya ngan gyi zug rngus gzir cing / bcom ldan 'das shag kya thub pa shag kya'i bdag po'i rgyal po// bskal pa bye ba grangs med pa nas yang dag par bsgrubs pa/ dge ba'i rtsa ba shin tu yongs su dag pa dang ldan pa/ de ring gyad rnams dang nye ba yod pa shing sa la zung gi drung du/ len pa med par yongs su mya ngan las 'da' bar 'gyur te/ deng ni
- 292b
lha dang bcas pa'i 'jig rten gyi mig zum par 'gyur ro zhes/ de dag ku sha'i grong khyer logs su mngon par phyogs te/ rings pa rings par brtab cing dong ba dag gis/ ri'i rgyal po ri rab kyi rtse mo de dag kun tu bskal cing / kun tu rab tu bskyod de/ rings pa rings par brtab pa de dag gis ri'i rgyal po ri rab dang / rgya mtsho chen po yang g.yos shing 'khrugs par gyur te/ de'i phyir ri'i rgyal po ri rab kyi rtse mo de dag rgya mtsho chen po'i nang du lhung bar gyur to// de nas tshe dang ldan pa ma 'gags ba ri rab kyi spo la 'dug pas de'i tshe sgra skad chen po phyung ste/ tshigs su bcad pa 'di dag smras so// 'jig rten rnams kyi ded dpon gang yin pa/ gang gi 'jig rten bde ba stsol mdzad cing // sems can rnams kyi spyan gnas gang yin pa// thub pa de ni de ring mya ngan 'da' ye shes 'byung gnas rab rib mun bcom zhing / 'jig rten srog chags rnams kyi ba dang ma// de bzhin skyabs dang dpung gnyen gang yin pa// thub pa de ni de ring mya ngan 'da'// zug rngu 'byin mdzad sdig med nyon mongs med// gsos mdzad dam pa sman pa chen po ste// mi dge'i zung rngu 'byin mchog gang yin pa// thub pa de ni de ring mya ngan 'da'// gang zhig sems
- 293a
can chags dang sdang bas bcom// rmongs pas zil non rga dang 'chil chags// 'gags 'gal lam log zhugs pa gzigs nas ni// 'jig rten thugs rje bskyed nas chos ston cing // gang zhig bdud sde rab gtum drag po'i gzugs// sna tshogs gzugs can mtshon sra rdo rje thogs// kha cig 'jigs pa du ma rnam ston cing // gzhan dag sna tshogs brag thogs 'khod gyur pa// de 'drar rnam mang drag pa'i gzugs can gyi// sde dag gzigs kyang mi g.yo mi bgul ba// bdud kyi sde bcom 'jig rten mgon po de// sa la'i tshal du de ring mya ngan 'da'// gang gis phyag g.yas rab tu brkyang mdzad de/ ri rab rtse 'di grong bcas g.yo mdzad cing // chos kun mda' brnyes rnam 'dren drang srong de// sa la'i tshal du mya ngan 'da' bar 'gyur// gang gis brtabs phyogs bcur bsam yas pa'i// sgra bsgrags mkhyen pa'i pha rol byon gyur pa// ston pa sems can rnams kyi snying po de/ sa la'i tshal du di ring mya ngan 'da'// gang gis stobs ldan sder bcas skrag mdzad cing // mi g.yo mya ngan med pa 'dus ma bskyes// srog chags rnams la phan phyir 'khor lo bskor
- 293b
mdzad cing // thug pas bden pa bzhi dag rab tu bstan// gang zhig cho 'phrul bsam gyi mi khyab ste// skra rtse'i khyon la zhing rnams bkod mdzad cing / sku la sku'i 'du shes mi mnga' ba// mgon po de ni de ring mya ngan 'da'// ston pa gyad kyi yul du gshegs nas ni// nyan yod pa'i tshal khrod bzhugs gyur te/ bsam gtan zhi la bdag nyid mnyam bzhag nas// shing zad me ltar mya ngan 'da' bar 'gyur// tshe dang ldan pa ma 'gags pas tshigs su bcad pa de dag smras ma thag tu// de nas de'i tshe sangs rgyas kyi mthus// 'dzam bu'i gling na dge slong dang // dge slong ma dang / dge bsnyen dang / dge bsnyen ma ji snyed pa rnams las/ gnas brtan 'od srung chen po 'khor dang bcas pa ma gtogs pa dang / gzhan yang dge slong nyis brgya cu bzhi ma gtogs pa/ de las gzhan pa'i 'khor bzhi po bcom ldan 'das kyi zhabs la phyag 'tshal ba rnams/ bcom ldan 'das la blta ba'i tha mar gyur pa ni 'di yin no zhes/ gyad rnams kyis nye ba na yod pa na yod pa shing sa la zung gi tshal ga la ba der dong ngo // tshe dang ldan pa ma 'gags pas tshigs su bcas pa de dag smras ma thag tu/ de nas de'i tshe gzhan yang stong gsum gyi stong chen po'i 'jig rten
- 294a
gyi khams na/ mngon par shes pa mngon par shes pa'i lha dang / lha'i bu mo dang / klu dang klu rgan po dang / klu'i bu mo dang / gnod sbyin dang / gnod sbyin gzhon nu dang / gnod sbyin gyi bu mo dang / sha za dang / sha za rgan po dang / sha za gzhon nu ma ji snyed pa rnams dang / 'gro ba na lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / skar ma ji snyed pa de dag thams cad mig mchi mas gang ste/ mya ngan byed cing smre sngags 'don la/ dud mos 'debs shing yang dang yang du smre ste/ sdug bsngal zhing yid mi bde la/ mya ngan gyi zug rngus gzir ba/ lag pa gnam du bsgreng ste/ dud mos 'debs pa byed do// yang kha cig ni lag pa sbrel cing du'o/ kha cig ni phan tshun mgo sprad de/ gcig gi gdong du gcig lta zhing du'o// kha cig ni kha gdangs te nyam thag pa'i nga ro 'byin cing smre sngags 'don la// dbang po nyams shing bzhin gyi dkyil 'khor mog mog por gyur te/ rga lag sgyur zhing du'o// yang de na kha cig ni gcig la cig lta zhing du'o// kha cig ni glad ba rdebs par byed do// kha cig ni lag pa gnyis kyis 'go la rdebs shing / lus rab tu ston rmongs
- 294b
bar byed do// kha cig ni mig sbyar zhing dud mos 'debs la/ rkang mthil bsregs pa bzhin du skyid pa 'dar la/ chos nges 'debs shing smre sngags 'don to// 9 cig ni e ma'o sangs rgyas e ma'o sangs rgyas zhes smre sngags 'don cing gdong mchi mas gang la sdug bsngal zhing nyams thag ste/ lag thil gyis mig ma nyed cing cho nges 'debs la mya ngan gyi zug rngus gzir ba bzhin dkyil 'khor la 'dud cing mya ngan byed smre sngags 'don to// srog chags bye ba phrag mang po gzhan dag ni mchis mas rnangs bzhin du mi cham klog cing sgra chen po 'byin to// kha cig ni thal mo sbyar te/ mchi ma klog cing smre sngags 'don to// kha cig ni mya ngan gyi/ mes gdungs nas/ lag pa g.yas pas 'go la 'dzin cing smre sngags 'don to// de bzhin du gzhan dag kyang lus yongs su rma nas/ lag pa g.yon pas 'go bo la 'dzin cing smre sngags 'don to// kha cig ni lag pa rdebs la/ bzhin gyi dkyil 'khor gyi mdog nyams shing sngon por gyur la/ mya ngan gyis nyam thag cing smre sngags 'don to// de nas lha dang klu dang / gnod sbyin dang / dri za dang / lha ma yin dang / na mkha' lding dang / mi 'am ci dang /
- 295a
lto phye chen po 'khor dang bcas pa de dag mya ngan byed cing smre sngags 'don bzhin du/ bcom ldan 'das ga la ba der song ste byin nas/ bcom ldan 'das kyi spyan sngar shing bcad de 'gyel ba bzhin dus la skyel nas/ kha cig ni bcom ldan 'das kyi zhabs gnyis la 'dud do// kha cig ni gdung ba'i sgra chen po 'byin to// kha cig ni gdung ba'i sgra 'byin cing sa la 'gre'o// kha cig ni bcom ldan 'das kyi spyan sngar 'khod nas/ lag pa gnam du bsgreng ste/ e ma'o sangs rgyas e ma'o sangs rgyas/ e ma'o mgon po e ma'o thugs rje can/ sems can thams cad la thugs brtse zhing skyob par mdzad pa/ e ma'o 'jig rten gsum gyi skyabs dang dpung gapung gnyen sems can thams cad la mig bskyo bar mdzad pa/ e ma'o rten med rnams kyi rten mdzad pa/ 'jig rten stongs par 'gyur ro// sems can thams cad stong par 'gyur ro// sangs rgyas dkon mchog med par 'gyur ro zhes smre sngags 'don cing / de dag phan tshun lag pa sbrel te snying rje rje skad du/ ma shi ba'i smre sngags lta bus smre sngags 'don to// pa shi ba
- 295b
dang phu nu shi ba dang / bu shi ba'i smre sngags lta bus smre sngags 'don cing / e ma'o mgon po e ma'o dge ba'i gshes gnyen/ e ma'o// snyan cing 'jam pa gsung ba/ e ma 'o seng ge dang glang po che dang / khyu mchog gi stabs can/ e ma'o bdud rtsi'i go 'phang ston pa zhes rnam pa sna tshogs mang por smre sngags 'don to// kha cig ni bar snang la song ste bdag nyid brdabs nas/ de dag sa la lhung ba dang sa la 'gre ldog cing / snying thag pa nas snying rje bar smre sngags 'don to// de nas tshe dang ldan pa kun dga' bo brgyal nas/ shing bcad de 'gyel ba bzhin du sa la 'gyel to// des yang 'du shes phyir rnyed nas/ bcom ldan 'das kyi spyan sngar lag pa gnyis sa la btsugs te/ bcom ldan 'das kyi zhal du lta zhing / de'i tshe tshigs su bcad pa 'di dag gsol to// sems can shin tu sdug bsngal la// ngu zhing smre sngags 'don bgyid la// mya ngan zug rngus gzir mthong nas// bdag gi g.yar ngan slar zhing skye// ji ltar dgon pa'i shul zhig tu// 'dron po chom pos bcom gyur cing // zhugs kyi phung po chen po yang // mdun na mchis pa mthong ba na/
- 296a
kun nas zhugs par mthong nas ni// de dag 'jigs pa slar skyes shing // phyogs rgyug de dag skyabs ma mchis// kun nas dpung gnyen ma mchis ltar// de bzhin sems can mang po rnams// sangs rgyas mya ngan 'da' mthong nas// skyangs ma mchis shing sdug bsngal la// mya ngan zug rngus gzir bar mthong // gang zag gtso bo 'das gyur na// ji ltar sangs rgyas blta bar bgyi// gzhan dag mya ngan 'das gyur la// bcom ldan bskal par zhugs su gsol// zhugs 'bar me lce ldan gyur pa// rgyu zad rab tu zhi ba ltar// gyad kyi yul du rdzogs sangs rgyas// mya ngan 'da' ba ji ltar blta'o// sangs rgyas 'od ma'i tshal khrod du// de ring slan chad mi mthong zhing // 'dren pa rgyal byed tshal du ni// chos ston pa yang mi mthong ngo // mi mchog de ni 'das 'gyur ces// lid tsha byi'i grong khyer mchog/ yadra pa can du zhugs nas ni// lidi tsha byi'i la ji skad brjod// gang zag gtso bo 'das gyur ces// shag kyang rnams kyi grong khyer mchog/ ser kya'i gnas su mchis nas ni// kun mi dga' ba ji ltar brjod// thub chen de ni rang zhi zhes// ma gad ba rnams dang ni// ma skyes dgra'i khyer mchog tu// ji ltar tshig
- 296b
tu brjod par bgyi// shag kya seng ge 'das gyur ces// srog chags stong phrag mang po dag/ cho nges yang dang yang 'debs na// bdag gis ji ltar blo yang gdab / shag kya seng ge 'das gyur na/ dge dge slong slong ma dag dang // khyim pa rnams kyang bdag gis ni// ji ltar dga' bgyid ma'i mchog/ skyes mchog bdag la gnas bstan rnams// kun dga' mi mchog sbyin pa'i gnas// rdzogs pa'i sangs rgyas gar gshegs shes// 'dri na ji skad brjod pa bgyi// thub pa lha klus dris pa na/ bsam gtan chen po snyoms zhugs sam// 'on te 'chag tu gshegs so shes// mi 'jig par ni ji ltar brjod// bdag gis yang dang yang du ni// su'i seng ge'i gzims khri bsham// dpa' bo bdag gis slan chad ni// su yi seng ge'i khri yang bsham// 'khor rnams la ni seng ge ltar// bsnyengs pa mi mnga' grogs mdzad pa/ go 'phang zab mo blta dka'i chos// bdag gis su la mnyan par bgyi// gang zag gtso bo 'das gyur na// su'i zhabs la 'bul zhing // gang gi na bza' chos gos/ gzung // su'i lhung bzed gzung bar bgyi// mi mchog dge 'dun dbus su ni// su zhi bdag gis bsngags pa brjod// kun dga' thos pa rgya mtsho zhes// sman
- 297a
chad bdag la su zhig mchi// mkhyen pa spobs pa mtha' yas pa// gsung 'jam yid dga' mdzad pa dang // mchog tu dga' ba skyes mdzad pa// su la mngon su mnyam par bgyi// rgyal sras thos pa 'dzin pa yis// de ltar smre sngags kun bton nas// thub chen po'i zhabs drung du// brgyal nas sa la 'gyel bar 'gyur/ de nas bcom ldan 'das kyis tshe dang ldan pa kun dga' bo la bka' stsal pa/ go'u ta ma'i bu ngas dang nyid nas khyod la kun dga' bo sdug pa dang / yid du 'ong ba thams cad la rtag pa dang ldan pa med do zhes don de ma bstan tam/ go'u ta ma'i bu 'du byed thams cad ni rmi lam lta bu dang / sgyu ma lta bu dang / smig rgyu lta bu dang / zil pa'i thig pa lta bu dang / slu bar byed pa yin te/ 'du byed thams cad mi rtag pa yin gyis/ go'u ta ma'i bu ci rung mya ngan ma byed smre sngags ma 'don cig/ go'u ta ma'i bu de bzhin gshegs pa de mod nam gyi thun tha ma la mtha' las 'das pa'i yongs su mya ngan las 'da' ba dang / btag pa yang dag par 'joms pa'i yongs su mya ngan las 'da' ba dang // mi mnyam pa dang mnyam pa'i yongs su mya ngan las 'da' bas yongs su mya ngan las
- 297b
'da' bar 'gyur gyis/ go'u ta ma'i bu khyod song la shing sa la zung gi bar du de bzhin gshegs pa'i seng ge'i gzims khri dbu ni shar phyogs/ zhal ni byang phyogs/ rgyab ni lho phyogs su bstan la/ glo g.yas phyogs kyis dbab tu rung ba shoms shig/ de nas tshe dang ldan pa kun dga' bos/ de'i tshe ngu zhing mya ngan byed la/ smre sngags 'don cing mchi mas brnangs la/ ngu zhing gdong la mchi ma 'dzag bzhin du/ shing sa la zung gi bar du/ bcom ldan 'das kyis seng ge'i gzims khri bshams so// de nas tshe dang ldan pa kun dga' bos bcom ldan 'das kyis seng ge'i gzims khri bshams nas/ de'i tshe tshigs su bcad pa 'di dag gsol to// thub chen seng ge'i gzims khri niHbshams pa'i tha ma deng lags te// mi mchog seng ge'i gzims khri ni/ slan chad bsham du ma mchis so// mi mchog mya ngan 'das 'gyur cing // 'jig rten mgon po 'das pa na// sa la mdzes tshal stong pa'i// khrod 'dir bdag gis ji ltar blta// gang zhig sa la'i ljon tshal na// yun ring gnyug gnas pa'i lha// des ni rnam 'dren ma mthong na// slan chad ji ltar gnas par 'gyur// kye ma'o 'du byed mi rtag ste// sgyu ma rmi lam lta bu lags// 'di 'dri ston dpa' bo yang /
- 298a
'di nyid du ni 'da' bar 'gyur// de nas tshe dang ldan pa ma 'gags pas/ tshe dang ldan pa kun dga' bo la tshigs su bcad de smras pa// 'dus byas thams cad mi rtags ces// sangs rgyas kyis ni sngon yang gsungs// gang la rang dbang yod min pa// de la smre sngags bton mi phan// smre sngags yang dang yang bton cing // dud mos btab pa tsam gyis ni// don 'di thob par mi snga yis// mkhas pa mya ngan ma byed cing // de skad ces smras pa dang / dang ldan pa kun dga' bos/ tshe dang ldan pa ma 'gags pa la phyir tshigs su bcad de smras pa// mi mchog mya ngan 'da' 'gyur ba// khyod la'ang mya ngan yod yin na// mi 'gags 'jigs pa med par ni// ci'i phyir na de skad sla// ma 'gags smras pa// sems can nyam thag sdug bsngal zhing // mya ngan gdungs pa mthong nas ni// bdag gi mig kyang chus grang zhing // mchi ma khrug ces byed pa'ang yod// sems can ji snyed du ba rnams// lha'i mig gis mthong ba na// bdag kyang de dag don gyi phyir// shin tu du yang brod mod kyi// 'on kyang smre sngags bton pas ni// ngan pa 'ga' yang mi snyed pas// de phyid
- 298b
khyod la kun dga' bo/ chos soms mya ngan ma byed zer// de nas bcom ldan 'das gdan las bzhengs te/ lha dang mi dang klu dang gnod sbyin dang / dri za dang / mi 'am ci dang lto 'phye chen po dang / lha ma yin dang / nam mkha' lding bye ba 'bum phrag du mas yongs su bskor cing 'dun du bdar nas/ shing sa la zung gi bar ga la ba der gshegs te byon nas/ seng ge'i gzims khri la skra'i glo g.yas pas phab ste gzims so// bcom ldan 'das seng ge'i gzims khri la gzims ma thag tu/ lha rnams kyis bar snang las lha'i me tog sna tshogs kyi char dag mngon par rab tu phab cing // lha'i phye ma mang po dag gis kyang gtor// lha'i sil snyen brgya stong dag kyang rab tu gsil to// mi rnams kyis kyang bcom ldan 'das de bzhin gshegs pa la blta ba'i tha mar gyur pa ni 'di yin no// zhes/ mi'i yul gyi me tog dang / phye ma dang spos dang byug pa dang / rol mo'i skad dag gis bcom ldan 'das la mchod pa byas so// bcom ldan 'das shing sa la zung gi bar du seng ge'i gzims khri la sku'i glo g.yas pas pab ste gzims ma thag tu/ de nas skad cig de dang / thang cig de dang / yud tsam de
- 299a
la shar phyogs logs su sangs rgyas kyi zhing bye ba 'bum phrag bcu 'das pa na/ de bzhin gshegs pa dgra bcom pa yang dag par rdzogs pa'i sangs rgyas seng ge'i sgra'i dbang phyug ces bya ba'i sangs rgyas kyi zhing 'jig rten gyi zhing 'jig rten gyi khams rin chen dbyangs can zhes bya ba nas/ byang chub sems dpa' sems dpa' chen po don legs par sems pa zhes bya ba'i shi 'phos nas/ rgyal po'i khab kyi grong khyer chen por lus 'phags mo'i bu/ yul ma ga ta'i rgyal po ma skyes dgra'i pang par bu nyid du rdzus te skyes so// de skyes ma thag tu ched du brjod pa 'di ched du brjod do// seng ge sgra'i spyan sngar nas/ gang gi don phyir bdag 'ongs pa// shag kya seng ge mi'i mchog/ rdzogs sangs rgyas pa bzhugs sam ci/ de nas lha zhig gis byang chub sems dpa' sems dpa' chen po don legs par sems pa tshigs su bcad de smras pa// gsung rab mdzad pa mi dbang po// skyob pa shag kya seng ge de/ de rings la'i bar du ni// len med mya ngan 'da' bar 'gyur// de skad ces smras pa dang / byang chub sems dpa' sems dpa' chen po don legs par
- 299b
sems pas// lha de la phyir tshigs su bcad de smras pa// shag kya seng ge de'i chos// mchog tu mthong ba gnyen pa'i phyir// bye ba brgya stong phrag bcu yi// sangs rgyas zhing nas bdag 'dir 'ongs// des ni sa le'i bar du deng // mya ngan 'da' bar 'gyur na go// kho bo sangs rgyas zhing 'dir ni// 'ongs pa 'bras bu med bar 'gyur// kho bo de ring 'dir 'ongs nas// thub pa de yang 'da' 'gyur bas// lha dang bcas pa'i 'jig rten gyis// mya ngan 'da' bar kho bos byas// kho bo 'ongs pas sangs rgyas ni// mi mthong don med 'gyur mi byas// sems bskyed tsam yang mi bsdad cing // sangs rgyas spyan sngar 'gro bar bya// des ni 'jam zhing nges pa dang // dga' bar brjod pa'i tshigs gis ni// de nyid du ni ma ga de'i// bdag rgyal po la ni 'di skad smras// rgyal po khyod ni bdag la bson// skyes bu dam pa dkon pas na// bag ma mchis par ma mdzad par// de bzhin gshegs pa'i spyan sngar bzhud// bskal pa stong phrag bye ba la// rgyal ba lan 'ga' 'byung 'gyur zhing / tshogs pa 'di ni rnyed pa la// mkhas pa skyo bar ma mdzad cig/ 'di ni mkhas pa byis pa skam// gang phyir rgyal chen khyed dgongs pa// rgyal chen byis pa bdag ma lag/
- 300a
mi dbang khyed ni byis pa lags// 'dod pa'i dbang du song nas ni// gang gis ngan 'gror 'gro ba'i// mtshams med pa ni khyod kyis mdzad// de ni byis pa'i byis pa nyid// khyod kyis sdig pa'i las mdzad pa// mtshams med 'jigs pa chen po lags// de yis khyod ni mnar med pa// mi bzad 'jigs pa chen bor lhung // sangs rgyas la ni sems dang mdzad// des ni thar pa thob 'gyur zhing // mi dbang de nas rgyan rnams kyis// khyod kyis rdzogs pa'i byang chub 'thob// khyod kyis sdig pa'i grogs brten pa// lhas na gnod byed chen po lags// de'i rjes su phyogs nas ni// khyod kyis yab ni bgrongs par gyur// khyod kyis yab ni chos spyod pa// sangs rgyas thugs las skyes pa'i sras// khyod kyi nga rgyal de yi ni// mkhas pa po ni gsad par gyur// rdzogs sangs mya ngan ma 'das par// khyod kyis gzigs par mi bgyi 'am// de'i sku gdung rnams la yang // mchod pa rgya chen dag kyang mdzod// bdag ni zhing 'dir mchis pa yang // 'dod pa'i yon tan phyir ma lags/ bdag ni sangs rgyas ltar mchi yis// rgyal po chen po bzod par mdzod// shag kya seng ge drang srong che// de ni de ring 'da' 'gyur zhes// sangs rgyas seng ge sgra de yi/
- 300b
spyan snga nas ni bdag gis thos// de la blta ba'i ched du bdag/ zhing 'dir mchis par gyur pa lags// rgyal rigs nye du'i tshogs kun dang // lhan cig 'grogs te mchi bar bgyi// de nas rgyal po ma skyes dgras/ khye'u de la tshigs su bcad de smras// 'di nas gyad yul lam ring ma smad pa// rkang pas bgrod par mi nus shing rtas song // khye'u khyod do mod sdod par gyis shig dang // dpung chen rnams kyis bde bar dong bar bya// de nas khye'u des rgyal po ma skyes dgra la tshigs su bcad de smras pak+Sha mi dbang khyod ltar bdag la le lo med// bsam yas rdzu 'phrul stobs ni bdag la yod// bdag ni 'dod na shar phyogs zhing rnams ni// du ma dag tu'ang thogs med 'gro 'gyur zhing // bdag ni gang nas 'ongs pa'i 'jig rten khams// de'i bar nas sangs rgyas zhing mang gang // de yang mtha' yas mang po tshad med pas/ gyad yul lta zhing ji ltar gyur kyang rung // de nas khye'u de rgyal po ma skyes dgra'i bang pa nas babs nas/ rkang pas rgyal po'i khab kyi grong khyer nas byung ste/ tshigs su bcad pa 'di smras so// gang zhig sdig med nyon mongs yod min zhing // stobs chen gsung mchog mi dbang lta 'dod pa// de ni kho bo'i byi bzhin deng shog dang / shag
- 301a
thub mya ngan ma 'das de mthong 'gyur// khye'u de la rgyal po'i khab kyi grong khyer nas byung ma thag tu/ de nas skad cig de dang / thang cig de dang / yud tsam de la// lha dang mir bcas pa'i skyes dgu las srog chags bdun khri nyis stong 'dus par gyur nas// khye'u de bcom ldan 'das kyi zhabs la phyag 'tshal ba'i lha bye ba khrag khrig phrag 'bum gyis yongs su bskor cing mdun du bdar nas/ bcom ldan 'das ga la ba der song ngo // bcom ldan 'das seng ge'i gzims khri la sku'i glo g.yas pas phab ste gzims ma thag tu/ de nas skad cig de dang thang cig de dang / yud tsam de la lho phyogs logs su sangs rgyas kyi zhing bye ba 'bum phrag lnga 'dra pa na/ de bzhin gshegs pa dgra bcom pa yang dag par rdzogs pa'i sangs rgyas blta mdzes rin chen brtsegs pa shes bya ba'i/ sangs rgyas kyi zhing 'jig rten gyi khams rin chen dkod pa zhes bya ba nas/ byang chub sems dpa' chen po rab tu zhi bar gnas shes bya ba shi 'phos nas/ sangs rgyas kyi zhing 'dir 'dzam bu gling 'di nyid du mnyan du yod kyi grong khyer chen por tshong dpon seng ge lta bu zhes bya ba'i khyim du skyes so// de skyes ma thag tu ched du brjod pa 'di skad ched du brjod do// gang
- 301b
phyir bskal pa bye ba snyed du/ gang gis phyog kyang yang yang gtugs spyan dang rang gi sha dag dang / de bzhin dbu yang btang mdzad cing / sangs rgyas nyid ni bzhed ba yis// bskal pa stong phrag bye ba yang / btsun mo sras dang sras mo dang // bdog pa thams cad yang yang btang // sems can rnams ni dgrol ba'i phyir/ bskal pa bye ba rgya mang du// sbyin pa rgya chen btang gyur pa'i/ spyan dang ldan pa bzhugs sam ci/ de nas tshong dpon seng ge lta bus/ khye'u de la tshigs su bcad de smras pa// gang phyir skyes ma thag tu yang // tshig mchog rjod par byed pa khyod// lha 'am 'on te klu zhig gam// gnod sbyin yin nam srin po yin// nye du'i tshogs ni skrag gyur cing // 'jigs pas phyogs su rnam par rgyug/ kho bo sangs rgyas sgra yis ni// gzhan du 'bros par mi byed khye'u/ de nas khye'u des tshong dpon de la tshigs su bcad de smras pa// kho bo lha min klu yang min// gnod sbyin ma yin srin po yang min// 'jig rten thun mong yin pa'i phyir// ci 'dra tshong dpon mi shes sam// kho bo lha klu gnod sbyin dang // mi 'am ci dang lho bye che// lha'i lha zhes brtan par ni// khyu mchog bzhin du dam yang bca'// de nas tshong dpon sed
- 302a
ge lta bus/ khye'u de la tshigs su bcad de smras pa// mkhas pa khyod kyis bsgrags pa'i// de 'dri'i tshig ni thos gyur nas// the tsom lhag par skye gyur cing // kho bo lhag par sngangs so khye'u// ji ltar khyod ni lha dang klu// ji ltar gnod sbyin mi 'am cing // ji ltar lha'i lha yin pa// de ni khye'u khyod nga la smros// de nas khye'u des tshong dpon seng ge lta bu la tshigs su bcad de smras pa// lho'i phyogs cha log nas ni// gsung bar 'dzad pa'i stag po ni/ blta mdzes rin chen brtsegs bzhugs pa// de nas kho bo 'dir 'ongs te/ kho bo lan brgyar brgya byin dang // dbang sgyur du yang kho bo gyur// kho bo lan brgyar tshangs pa dang // de bzhin 'khor los sgyur bar gyur// kho bos yun ring brjod bya na// bskal pa 'am bskal pa byed par yang // zad par 'gyur ba yod min te// mkhas pa kho bo 'gro dgos so// tshong dpon 'on kyang re shig rjes su bstan pa 'di la khyod kyis kun tu bstan par bya/ nges par bstan par byaHgom+ba par bya zhing lan mang du bya'o// chongs dpon rjes su bstan pa de yang / gang zhe na/ tshong dpon bcom ldan 'das de bzhin gshegs dgra ba
- 302b
pa yang dag par rdzogs pa'i sangs rgyas blta mdzes rin chen brtsegs des 'di skad ces/ byang chub sems dpa' sems dpa' chen po chos gsum dang ldan nabla na med pa yang dag par rdzogs pa'i byang chub las phyir mi ldogs cing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes gsungs pa ste/ gsum gang zhe na 'di lta ste/ sems mtha' yas pa'i rjes su 'jug pa dang / ye shes zab mo'i rjes su 'jug pa dang / snying po dang ldan pa'i ting nge 'dzin la rjes su sgom pa sbeng / tshong dpon byang chub sems dpa' sems dpa' chen po chos gsuM bo de dag dang ldan na/ bla na med pa yang dag par rdzogs pa'i byang chub las phyir mi ldog cing / myur du bla na med pa yang dag par rdzogs pa'i byang chub mngon par rdzogs par 'tshang rgyas par 'gyur ro// de nas khye'u des de'i tshe tshigs su bcad pa 'di dag smras so// ye shes zab mo rtogs dga' de la ni/ gang dag rgyu dang rgyu med kun mkhyen pa'i// sangs rgyas grags chen rnams dag ma gtogs pa// lhar bcas skyes dgu 'di dag som nyid byed//
- 303a
byang chub gnas min gang yin de med de/ yang dag ye shes gang la'ang chags pa med/ chags pa rnams spangs zu rngu bral 'gyur ba'i/ ye shes rnam par bsgom nas sangs rgyas 'gyur/ mtha' yas sems la sems yod ma yin par// sems la 'jug par rab tu zhi bar gsungs/ sems 'di thams cad dag las log par gyur pa'i/ rjes su rab tu 'jug pas sems zhes bya/ gcad cing gcig tu rung ba gang yin de mi smra/ bde gshegs gsungs pa'i chos rnams mi phyed cing / dngos po thams cad nam mkha'i dngos 'dra' ba'i// ting 'dzin 'di ni rdo rje'i rang bzhin yin// gang gis de 'drar rang bzhin stong shes nas// dngos po kun la mi gnas sgom byed pa// de ni nyon mongs dra ba kun spangs shing // srid pa'i 'dod chags bcom pa'i sangs rgyas 'gyur// thams cad shes kyang rnam shes yod min zhing // thams cad sgom yang rnam sgom yod min la// thams cad rtogs kyang rtogs pa yod min zhing // thams cad rjod kyang gang la'ang mi gnas la// zab chos chos kyi 'du shes yod min zhing // sems can 'grol yang sems can
- 303b
'du shes med// zhi bden zhi ba'i 'du shes yod min zhing // byang chub rtogs kyang byang chub 'du shes med// dpa' brtul lta ba'i zug rngu spangs pa de// bsten dka' 'gro ba kun las 'das gyur cing // sems can kun gyi 'chi 'pho 'gro dang kun// rab tu shes shing rab byung sangs rgyas 'gyur// khye'u des tshigs su bcad ba de dag smras ma thag tu/ de nas skad cig de dang thang cig de dang yud tsam de la tshong dpon seng ge lta bu rang gi 'khor gyis yongs su bskor ba dang / srog chags nyis stong gis bla na med pa yang dag par rdzogs pa'i byang chub tu sems bskyed cing / sems yongs su bsngos nas mi skye ba'i chos la bzod pa thob par gyur to// lha bye ba phrag brgyad kyis kyang bla na med pa yang dag par rdzogs pa'i byang chub tu sems bskyed cing / bla na med pa yang dag par rdzogs pa'i byang chub las phyir mi log pa nyid nges par gyur to// srog chags khrag khrig 'bum phrag bzhi ni chos rnams la chos kyi mig rdul med cing dri ma dang bral ba rnam par dag go/ de nas khye'u des/ de'i tshe tshigs su bcad pa 'di dag smras so// shag kya seng ge'i spyan snga 'dir// kho bo 'ongs pa de don yod srog chags khrag khrig 'khor ba yis/ 'jig pa chen las
- 304a
thar byed cing srog chags bye ba mang po rnams/ bla na med pa'i byang chub tu/ sems bskyed pa yang skyes gyur te// bzod pa la yang rab tu/ bkod// bdag gi pham bu nu dang // nye du rnams kyang bzod la gnas// bye ba phrag brgyas lha rnams ni// thams cad byang chub rab tu zhugs// dpag med bsam gyis mi khyab pa'i// nor gyis phung po che rnyed pas// bdag ni sangs rgyas chos rnams kyis// dbul ba thag ring zad par gyur// de nas khye'u rab tu zhi bar gnas kyis pha ma dang phu nu dang // nye du'i tshogs rnams bos te/ pha ma dang pu nu dang nye du dang / rtsa lag gi skye bo rnams dang lhan cig tu/ bcom ldan 'das kyi zhabs la phyag 'tshal ba'i srog chags 'bum phrag mang po yongs su bskor cing mdun tu bdar te/ mnyan yod kyi grong khyer chen po nas/ gyad rnams dang nye ba na yod pa shing sa la zung gi tshal ga la ba der dong ngo // bcom ldan 'das seng ge'i gzims khri la sku'i glo g.yas pas phab ste gzims ma thag tu/ de nas gzhan yang skad cig de dang / thang cig de dang yud tsam de la/ nub phyogs logs su sangs rgyas kyi zhing bye ba 'bum phrag brgyad 'das pa na/ de bzhin gshegs pa dgra bcom pa yang dag par rdzogs
- 304b
ba'i sangs rgyas dga' ba'i dbang phyug ces bya ba'i sangs rgyas kyi zhing na/ 'jig rten gyi khams dga' spu zhes bya ba nas/ byang chub sems dpa' sems dpa' chen po dmigs med ces bya ba shi 'phos nas/ sangs rgyas kyis zhing 'di'i 'dzam bu gling 'di nyid du/ ba ra na se'i grong khyer chen por tshong dpon me tog bzang po zhes bya ba'i khyim du skyes so// de nas khye'u de skyes ma thag tu/ de'i tshe ched du brjod pa'i de ched du brjod do// bdag med mi g.yo'i chos ston pa/ rnam par 'dren ba sangs rgyas ni// sa la'i ljon shing tshal khrod du// de ring mya ngan 'da' bar 'gyur// chos rnams 'di dag dmigs med na// mi mkhas dmigs par byed pa dag/ de dag sdug bsngal mi grol zhing // de dag rnams kyi sdug bsngal 'phel// chos rnams thams cad gnas min te// de dag rnams kyi gnas kyang med// zad pa dang ni ma zad// thams cad de la rnyed mi 'gyur// stong pa nam yang mi 'jig cing // stong pa rnam par 'jig pa'ang med// de la rkyen kyang yod min zhing / rkyen med pa yang de la med// gang gis zhi ba mthong dka' zhing // zab mo'i chos 'di bstan mdzad pa// shag kya seng ge mi'i mchog/ rdzogs pa'i sangs rgyas
- 305a
bzhugs sam ci// seng ge chen po glang po che tshangs par gyur cing zag pa med// mig tu gyur pa de ring ni// sa la'i bar du 'da' bar 'gyur/ dge slong dge 'dun mdun dag na// zla ba nya ba 'dra' bar ni// yun ring chos rnams ston mdzad pa// byin cad mthong bar mi 'gyur ro// lhun po'i skad na nor lha ltarak+Sha dge slong tshogs la rnam mdzes pa// legs par gsung ba mgon po ni// phyin cad grong khyer gshegs mi 'gyur// lha ma'i mdun na skyob pa'i// bla med chos kyi nga ro dang // dga' bar mdzad pa'i gsung dbyangs de// phyin cad thos par mi 'gyur ro// byang chub sems dpa' sems dpa' chen po dmigs med kyis tshigs su bcad pa de dag smras ma thag tu/ de'i tshe ba ra na se'i grong khyer chen po'i srog chags 'bum tham pas tshig 'di skad ces smras so// gang gi phyir khye'u 'di skyes ma thag tu/ de ltar sngon gyi gnas kyi tshe rabs de dag rjes su dran zhing 'di'i shes pa dang mi 'jigs pa'i stobs bskyed pa des// tshigs 'bru sna tshogs kyi tshig su bcad pa de lta bu dag rjod par byed pa'i shes rab kyi slob pa dang // shes rab kyi mi 'jigs pa dang // shes rab kyi khyad par ni ngo mtshar te// bdag cag gis kyang de/
- 305b
lta bu'i shes rab yang dag par bsgrub pa'i phyir/ nges par 'bad par bya'o zhes smras so// de nas khye'u des skye bo phal po che de dag 'di lta ste mtha' yas mu med pa dang / snang ba med pa dang / dmigs pa med pa dang / skye ba med pa la bzod pa/ phyir mi ldog pa dang / thun mong ma yin pa dang / mi mnyam pa dang mnyam pa la dkod pa dang lnga de dag gis 'di skad ces smras so// bdag cag thams cad kyang tshogs par byas ste// bla na med pa yang dag par rdzogs pa'i byang chub tu sems bskyed bar bya'o// des de dag la 'di skad ces smras so// khyed cag gis bla na med pa yang dag par rdzogs pa'i byang chub tu sems bskyed zin gyis/ khyer cag tshur shog dang / bdag cag thams cad tshogs par byas la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de lta ba dang phyag bya ba dang / brnyen bkur bya ba'i phyir 'grogs te 'dong ngo // de nas byang chub sems dpa' sems dpa' chen po dmigs med srogs chags nyis 'bum gyis yongs su bskor cing mdun du 'dar nas/ bcom ldan 'das kyi zhabs la phyag 'tshal ba'i phyir/ ba ran so'i grong khyer nas byung ste/ bcom ldan 'das ga la ba der dong /
- 306a
bcom ldan 'das seng ge'i gzims khri la sku'i glo g.yas pas rab ste/ gzim ma thag tu/ de nas skad cig de dang thang cig de dang yud tsam de la byang phyogs logs su sangs rgyas kyi zhing bye ba 'bum phrag drug bcu rtsa bzhi 'das pa na/ de bzhin gshegs pa dgra bcom pa yang dag par rdzogs pa'i sangs rgyas byang chub yan lag gnas zhes bya ba'i sangs rgyas kyi zhing / 'jig rten gyi khams me tog can zhes bya ba na/ byang chub sems dpa' sems dpa' chen po mngon par shes pa'i me tog kun du rgyas pa thob pa zhes bya ba shi 'phos nas/ sangs rgyas kyi zhing 'di'i 'dzam bu gling 'di nyid du yangs pa can gyi grong khyer chen bor dmag dpon seng ge zhes bya ba'i khyim du skyes so// de nas byang chub sems dpa' sems dpa' chen po mngon par shes pa'i me tog kun tu rgyas pa thob pa de skyes ma thag tu/ ched du brjod pa 'di skad du brjod do// gang gri sems can bye mang rnams nyon mongs gyur pa thar mdzad cing / shag kya'i rigs rnams dga' mdzad pa/ rdzogs pa'i sangs rgyas bzhugs sam ci// brtson pas pha rol gshegs gyur cing / ye shes phrin las mnyam bzhag la/ mkhyen pa rgya mtsho
- 306b
mtha' yas pa/ rdzogs pa'i sangs rgyas bzhugs sam ci/ zhi ba'i thugs mnga' bzod pa des/ zug rngu 'byin mdzad de bzhin gshegs// sems can rnam la chos ston kyang / chos de rlom par mi mdzad pa/ rdzogs pa'i sangs rgyas bzhugs sam ci/ 'jig rten gsum na mi gnas kyang // gang gis 'dod khams gzugs khams dang // gzugs med khams ni ma lus par// mkhyen pas gzhan la mdzad gyur pa// spun dang ldan par bzhugs sam ci/ dri nas de bzhin de nas de bzhin gshegs pa byang chub yan lag gnas shes bya bas/ sku lha'i cha byas du mngon par sprul nas/ khye'u de la tshigs su bcad de bka' stsal pa/ rdzogs pa'i sangs rgyas bskal ba 'am// de bas lhag par bzhugs 'gyur bas// phyis kyang rdzogs sangs rgyas mthong 'gyur gyis/ 'dod pas dga' bar gyis shig khye'u// 'di ni rgyal chen khrim yin gyis// 'dod pa'i dga' mchog spyod byos la// sang nas bi bang rnga chen dang // rdza rnga rnams dang khar sil rdo bra// de nas khye'u de bzhin gshegs pa yin pa kho nar shes mod kyi/ lha ma yin par 'du shes pa'i sems can gzhan dag gi dge ba'i rtsa ba yang dag par bskyed
- 307a
pa'i phyir tshigs su bcad de smras pa// sems can gang dag 'dod dbang song // de dag phyis pa rmod pa yin// de da gis ni rdzogs sangs rgyas// sangs rgyas bstan pa mi shes so// 'dod rnams snying po med pas na// 'dod pa'i long spyod bdag mi 'dod// 'dod pa spu gri so 'dra bas// 'dod pa de la su yid rton// khyi dang phag dang wa dag dang // ba lang bong bu dre'u rta// de dag 'dod pa sten byed kyi// sangs rgyas mi mdzad nyan thos min zhar ba 'theng po long ba dang // glen pa rgar po mi'u thung rnams// de dag 'dod pa stan byed kyi// sangs rgyas mi mdzad nyan thos min// sbrang bu spur ba phyi breb dang snga de bzhin rma bya khu byug rnams// de dag 'dod pa sten byed pas/ kho bo khyad par med par 'gyur// ji ltar me'i rlabs kyis ni// 'dzam bu gling 'di gang gyur nalong ba der ni lhung ba ltar// rgyal ba 'dod pa de bzhin no// 'dod pa mi rtag sdug bsngal bas// su zhig 'dod pa bstan par byed// gang dag 'dod pa'i rjes su 'brang ba/ de dag de'i chos mi shes// kho bo 'dod pa mi gnyer bar// sangs rgyas kyis ni kho bo mkhyen// lhar gyur bdag la 'dri ba 'di// sangs rgyas
- 307b
yin par kho bos shes// bdag gis sangs rgyas skyob pa ni// lhun po'i rgyal las 'di skad ces// mtshan mo'i thun kyi tha ma la// sangs rgyas 'da' bar 'gyur zhes thos// kun sbyor zad pa'i drang srong la// gang dag lta bar 'dod pa dag/ kye ma ston pa 'da' 'gyur gyis// tshur shes sangs rgyas blta phyir 'dod// skyob pa shag kya seng ge ni// mya ngan 'da' 'gyur ba'i tshe// gang gis mthong zhing thos gyur pas// dge ba mang po byed 'gyur ltar// des ni bskal ba byi stong du// dge ba byas pa ma yin zhes// byang chub yan lag gnas mdzad pa// bde gshegs mi mchog de skad gsung // gang dag ston la dga' ba yis// lha dang gnod sbyin mi rnams dag/ grags chen rdzogs pa'i sangs rgyas la// blta phyir myur du tshur gshegs shig/ de nas byang chub sems dpa' sems dpa' chen po mngon par shes pa me tog kun tu rgyas pa thob pa// bcom ldan 'das kyi zhabs la phyag 'tshal ba'i srog chags 'bum phrag du mas yongs su bskor cing mdun du bdar te/ yangs pa can gyi grong khyer chen po nas byung nas/ bcom ldan 'das ga la ba der dong ngo // bcom ldan 'das seng ge'i gzims khri la sku'i glo g.yas pas phab ste gzims ma thag tu/
- 308a
de nas khye'u bzhi po mnyam zhing mi mnyam pa med la/ skra'i rtse mo'i cha shas tsam yang lhag chad med pa'i chos dang ldan pa de dag/ phyogs bzhi nas bcom ldan 'das la thal mo sbyar zhing phyag 'tshal ba'i skye bo phal po ches yongs su bskor mdun du bdar te/ bcom ldan 'das ga la der dong ngo // khye'u bzhi po de dag bcom ldan 'das kyi spyan sngar dong ba'i tshe/ grong dang grong khyer dang / grong rdal dang / yul 'khor dang / rgyal po'i pho brang gi srog chags 'bum phrag mang po rnams sems rab tu dang zhing yid bsdus nas/ thal mo sbyar te thams cad kyis phyag byas so// de dag dong ba'i tshe phyogs bzhin dpag tshad gcig tsam gyi kho ra khor yug tu me tog gi char dag mngon par rab tu bab po// de dag dong ba'i tshe lha rnams kyis lha'i sil snyan brgya stong dag mngon par rab tu gsil cing / lha'i klu dbyangs kyi sgra dag kyang phyung ngo // de'i tshe na de bzhin gshegs pa dgra bcom pa yang dag par rdzogs sangs rgyas kyi phyogs bzhir seng ge'i gzims khri bshams pa bzhi yang byung bar gyur to// de nas bcom ldan 'das la tshe dang ldan pa kun dga' bos tshigs su bcad de gsol ba/ thams cad mkhyen pa'i phyogs bzhin/
- 308b
seng ge gzims kyi 'thun pa dang // rnam par mdzes pa 'di 'dra ba// gang gi rgyu lags bcom ldan 'das// de skad ces gsol ba dang // bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo khyod kyis phyogs bzhi nas 'ong ba'i khye'u bzhin ras zla ba'i dkyil 'khor 'dra zhing / nyi ma'i 'od gzer las yang dag par 'das pa'i 'od kyis gling bzhi zil gyis gnon pa gzugs dang gzi brjid kyi 'od gsal ba/ shes rab kyi snang ba thob pa/ brtson 'grus tho badz+ra ye shes zang mo rjes su rtogs pa/ dpal dang ldan pa/ blo dang ldan pa/ spyod pa dang ldan pa/ ngo tsha shes pa dang khrel yod pa dang ldan pa/ rtogs pa dang ldan ba blo gros dang ldan pa/ dran pa dang ldan pa/ brtan pa dang ldan pa/ shes rab dang ldan pa/ dge ba'i rnam grangs kyi tshig ston pa la mkhas pa/ sangs rgyas brgya phrag/ du ma la dge ba'i rtsa ba dag bskyed pa/ sangs rgyas kyi zhing gzhan dang gzhan dag gi/ sangs rgyas bcom ldan 'das kyi spyan snga nas do mod nam gyi thun tha ma la de bzhin gsheg pa dgra bcom pa yang dag par rdzogs pa'i sangs rgyas dgyad rnams dang nye ba na yod pa shing sa la zung gi bar du/ mtha' las 'das pa'i yongs su mya ngan las
- 309a
'da' dang / bsam gyis mi khyab pa'i yongs su mya ngan las 'da' ba dang / 'jig rten thams cad dang mi 'dra ba'i yongs su mya ngan las 'da' ba dang / 'jig rten thams cad zil gyis gnon pa'i yongs su mya ngan las 'da' ba dang / 'jig rten 'di la phan pa dang bde ba'i phyir yongs su mya ngan las 'da' ba dang / 'jig rten thams cad kyis rnam par shes par dka' ba'i yongs su mya ngan las 'da' ba dang / 'jig rten thams cad kyi btags pa yang dag par 'joms pa'i yongs su mya ngan las 'da' bas/ de bzhin gshegs pa yongs su mya ngan las 'da' bar 'gyur ro// zhes yongs su mya ngan las 'da' ba thos nas/ 'jig rten gyi khams 'dir skyes tephyogs bzhi kun nas 'dug cing / nga'i yon tan bsngags pa yongs su brjod pa'i chos bstan pa nyan par 'gyur ba bzhi po 'di dag mthong ngam/ kun dga' bo de la gang shar phyogs nas 'ong ba'i khye'u kha dog dang ldan pa/ gzi brjid dang ldan pa/ bzung dang ldan pa 'od 'bar bas gsal ba/ dpal 'bar la/ srog chags 'bum phrag mang pos yongs su bskor cing / lha 'bum gyis rab tu mchod la/ lha'i me tog gi char 'bab pa nyams su myong zhing / de bzhin gshegs pa'i spyan sngar 'ong ba'i khye'u/
- 309b
'di ni/ sngon de bzhin gshegs pa dgra bcom pa yang dag par rdzogs pa'i sangs rgyas seng ge'i sgra dbang phyug gi sangs rgyas kyi zhing na/ stong gi 'jig rten la dbang sgyur zhing lnga lha dang mis legs par mchod pa'i 'khor los sgyur ba'i rgyal por gyur te/ de rgyal po byed pa na/ 'dod na spyod pa'i lha dang rnams la chos ston cing chos yang dag par 'gro ba yang byas so// srog chags 'bum phrag mang po dag la chos ston pa na/ dge ba'i rtsa ba bdag yongs su smin par byed cing / mngon pa shes pa dag la mkhas pa dang / chos kyi tshul togs par khong du chud cing / 'phags pa mtha' yas pa/ rgyun mi mchad pa sna tshogs pa/ 'jig pa med pa/ don dang ldan pa'i spobs pa dang ldan la/ chos shes pa la mkhas shing / ye shes kyi pha rol tu phyin par gyur nas/ lo bye ba phrag bco brgyad du/ chad pa med pa dang / mtshon cha med pa dang / sems can thams cad la rnam par 'tho 'tshams pa don du mi gnyer bar chos kyi rgyal po byas so// de yang 'dod pa'i phyir ma yin zhing rgyal srid la gdu ba'i phyir ma yin gyi/ sems can thams cad la phan bdag pa dang / yongs su thar bar bya ba dang / dul bar bya ba dang / gdul bar bya ba dang /
- 310a
dul ba dang / gdul bar bya ba'i phyir rgyal po byas te des lo bye ba phrag bco brgyad kyis srog chags khrag khrig phrag bco brgyad byang chub la rab tu bkod cing phyir mi ldog pa la rab tu bkod do// byang chub sems dpa'i chos rnams dang ldan pa dang // sems dang po bskyed pa'i rigs kyi bu de dag thams cad ni/ bla na med pa yang dag par rdzogs pa'i byang chub tu nges pa las phyir mi ldog pa nyid la rab tu bkod do// de dus gzhan zhig na sgra dang kha spu breg te/ gos ngur smrig bgos nas/ khyim nas khyim med par legs pa kho nar rab tu byung ngo // de ltar rab tu byung nas kyang lo bye ba phrag brgyad cu rtsa gcig tu tshangs par spyad pa spyod pa 'dug ste/ mal du nyal bar yang mi byed na/ rmug pa dang gnyis la 'jug pa lta smos kyang ci dgos/ des sngon lo bye ba phrag brgyad cu rtsa gcig tu nam yang 'dod pa'i rnam par rtog pa 'am/ gnod sems kyi rnam par rtog pa 'am/ rnam par 'tshe ba'i rnam par rtog pa mi bskyed do// de'i bar du sngon nam yang sdug par 'du shes pa 'am/ mi sdug par 'du shes pa 'am/ gtsug lag khang du 'du shes pa 'am/ gtsug lag khang ma yin par 'du shes med pa med cing /
- 310b
mi dge ba yid la byed pa'i 'du shes gzhan 'ga' yang mi bskyed par/ chos gnyis la gnas par gyur to// gnyis gang zhe na/ mig mngon par bsgrub pa med ba'i tshul gyis/ sha'i mig mngon par sgrub pa dang / de la yang mngon par zhen pa med pa'i tshul gyis/ chos kyi blo'i de kho na la rjes su rtogs pa'o// gzhan yang lo bye ba phrag brgya cu rtsa gcig tu nam yang sar 'du shes pa 'am/ chur 'du shes pa 'am/ mer 'du shes pa 'am/ rlung du 'du shes pa 'am/ na mkha' 'du shes pa 'am/ rnam par shes pa 'am/ bud med du shes pa'am/ skyes par 'du shes pa 'am/ bkres par 'du shes pa 'am/ skom par 'du shes pa 'am/ gong du 'du shes pa 'am/ dgon par 'du shes pa 'am/ grong khyer du 'du shes pa 'am/ grong rdal du 'du shes pa 'am/ mi 'thun par 'du shes pa 'am mi 'thun pa med par 'du shes pa 'am/ dben par 'du shes pa 'am/ bsam gtan tu 'du shes pa 'am/ bdag tu 'du shes pa 'am/ gzhan du 'du shes ba 'am gzugs su 'du shes pa 'am/ gzugs med par 'du shes pa 'am/ mthar 'du shes pa 'am/ dbus su 'du shes pa 'am/ skye bar 'du shes pa 'am/
- 311a
'gag par 'du shes pa 'am/ nyung ngur 'du shes pa 'am/ mang por 'du shes pa'i 'du shes gzhan dag kyang ma bskyed de/ byang chub sems dpa'i bde snod kyi chos kyi rnam grangs ma rtogs par rnam par rtog par dang ldan pa'i 'du shes de dag dang gzhan dag kyang kun tu mi 'byung bar 'gyur ro// gang de'i bar du byang chub sems dpa' des srog chags khrag khrig phrag brgyad cu bla na med pa yang dag par rdzogs pa'i byang chub tu yongs su smin par byas pa de dag thams cad ni/ sems dang po bskyed pas bla na med pa yang dag par rdzogs pa'i byang chub tu nges par gyur te/ de dag thams cad kyang sangs rgyas kyi zhing gzhan dang gzhan dag na bzhugs pa'i sangs rgyas bcom ldan 'das rnams la blta ba dang phyag bya ba dang bsnyen bkur bya ba'i phyir skad cig 'di nyid la thal bar 'jig rten gyi khams de dang / sangs rgyas kyi zhing de nas gnyis lhan cig mi 'grogs par 'phags te dong ngo // sangs rgyas kyi zhing de dag thams cad na bzhugs pa'i sangs rgyas bcom ldan 'das de dag thams cad kyang 'di lta ste/ dper na da ltar de bzhin gshegs pa nga bzhin du/ shag kya thub pa zhes bya bar mtshan 'thun pa sha stag ste/ thams cad kyang snyigs ma lnga dang ldan
- 311b
ba'i 'jig rten du byung ba sha stag yin no// sangs rgyas bcom ldan 'das de dag thams cad kyang / skad cig dang thang cig dang yud tsam 'di nyid la yongs su mya ngan las 'da' ba chen po la mngon par phyogs shing / seng ge'i gzim khri la sku'i glo g.yas pas phab ste gzims par 'gyur ro// sang+yas bcom ldan 'das de dag thams cad do mod nam gyi thun tha ma la gyad rnas dang nye ba na yod pa shing sa la zung gi bar sha stag tu thams cad yongs su mya ngan las 'da' bar 'gyur ro// kun dga' bo ngas sha'i spyan thogs ba med pas gang du nyan thos dang rang sangs rgyas thams cad kyis mi thogs shing yul ma yin la mi rtogs pa de dag dang / gzhan yang tshad med pa dag rab tu mkhyen toHkun dga' bo dge slong ngam/ dge slong ma 'am/ dge bsnyen nam/ dge bsnyen ma gang gis chos kyi rnam grangs 'di thos nas/ sangs rgyas kyi ye shes thob par bya ba dang / thams cad mkhyen pa'i ye shes yongs su rdzogs par bya ba'i phyir nga'i sha'i spyan gyi mkhyen pa la dad pa'i sems bskyed parabyed pa dang tha na lhag pa'i bsam pas sems bskyed pa gcig tsam skyed par byed na/ de dang ldan pa'i rgyud kyis sems bskyed ma thag tu bsod nams kyi phung po mang po yongs su 'dzin par
- 312a
'gyur zhing // bsod nams kyi phung po tshad med pa dang / grangs med pa rab tu 'phel bar 'gyur ro// kun dga' bo rigs kyi bu 'am/ rigs kyi bu mo gang gis sangs rgyas khrag khrig phrag bco brgyad mngon sum du gyur pa la/ lo bye ba khrag khrig phrag brgyad du bde ba'i yo byad thams cad kyis/ bkur sti byas/ bla mar byas/ ri mor byas/ mchod par byas brjod par byas gsol ba byas kyang de sems bskyed pa dang / smon lam 'di dang bral bar gyur na/ des ni rigs kyi bu snga ma des bsod nams kyi phung po ji tsam yongs su bzung bar gyur pa de tsam du bsod nams kyi phung po ragu 'phel bar mi 'gyur ro// kun dga' bo khye'u 'dis nga'i bstan pa 'di la nyin mtshan 'dis sems can rnams kyi don byed par 'gyur ba ltar ni/ de'i nyan thos sha ri'i bu dang / mo'u 'gal gyi bu dang / gzhan dag gis kyang nga'i gsungs rab 'di la sems can rnams kyi don byas so// kun dga' bo gal te khyed cag gi tshe'i tshad bskal par gnas par gyur la/ sems ca rnams lachos ston par byed cing/ yin macan du yid la byed pa gzhan med par chos ston par gyur te/ de ltar byas kyang can cag gis ni khye'u 'dis
- 312b
bstan pa 'di yi khur ji tsam thogs pa 'am/ thogs par 'gyur ba de tsam gyi khur thog par mi nus so// kun dga' bo de ltar na gang dag sems can rnams la phan ba'i dngos po dang / sems can rnams la snying brtse ba dang / sems can rnams la phan 'dogs pa dang / sems can rnams la 'du shes gtang snyoms su byed par dag ni yon tan dpag tu med pa yin pas/ khye'u 'di yang yon tan dpag tu med pa yin te/ khye'u 'di ni yon tan bsam gyis mi khyab pa dang ldan pa yin no// kun dga' bo khyod kyis lha phyogs nas/ ston ka'i dus kyi tshe'i nyi ma shar ba 'dra zhing / zla ba nya ba'i dkyil 'khor shin tu rgyas pa 'char ba 'dra ba'i khye'u rin po che sna tshogs las byas pa'i dbyig pas sa chen po 'di la rdebs par byed cing 'ong ba mthong ngam/ des sa chen po la rdeb pa na 'di lta bu'i sgra 'byung ste/ 'di lta ste dper na yul ma ga da nas/ byung ba'i snod rin po che las byas pa 'am/ gser las byas pa 'am/ dngul las byas pa shin tu mthar phyin par byas pa/ byi dor legs par byas pa shin tu byis pa/ nag nog med pa drim bkrus pa/ rdul med pasnum bag med pa/ yo byad rnam pa mang po'i yo byad du byas pa/ shin tu byang ba'i yon tan dang ldan pa 'anas
- 313a
@#lnga rab tu rdzogs pa gnas bcu yongs su spang ba/ nyes pa'i skyon bcu gnyis dang bral ba/ lus lan stong du brtags shing gser dngul gyi skyon dang bral ba shin tu dag pa 'byung lung bzang po nas byung ba/ rigs dang ldan pa gser gyi rigs khyad par can brgya las byas pa ma zhom pa yan lag brgyad la mkhas pa'i mi stong gis legs par bsregs pa nyes pa'i skyon thams cad dang bral ba las ni sdug bsngal thams can nye bar zhi bar byed pa'i sgra 'byung ngo // kun dga' bo de 'dra ba de ltar snang ba ni/ dper bya ba tsham dang nye bar mtshon pa tsam du zan de/ de bzhin du khye'u 'dis rin po che sna tshogs las byas pa'i dbyig pas sa chen po 'di la rdebs pa na yang de lta bu'i sgra 'byung ngo // kun dga' bo khye'u 'di ni byang chub sems dpa' sems dpa' chen po rab tu zhi bar gnas zhes bya ba yin te// lho phyogs logs nas de bzhin gshegs pa dgra bcom pa yang dag par rdzogs pa'i sangs rgyas blta mdzes rin chen brtsegs shes bya ba'i sangs rgyas kyi zhing 'jig rten gyi khams rin po che bkod pa zhes bya ba nas 'ongs pa yin no// kun dga' bo 'di ji snyam du sems ci'i phyir na/ 'jig rten gyi khams de rin po che bkod pa zhes
- 313b
bya zhe na/ kun dga' bo 'jig rten gyi khams de na log pa nyid du de nges pa dang mnyes pa'i sems can gyi ming yang med de/ kun dga' bo sems can de dag thams cad ni bla na med pa yang dag par rdzogs pa'i byang chub tu nges pa sha stag yin no// kun dga' bo sangs rgyas kyi zhing ni byang chub sems dpa'i zhing kho na yin te/ de na skyes ba dang / bud med kyi ming yang med do// kun dga' bo sems can de dag thams cad ni tshangs par spyod pa dang / gtsang ma dang dri nga ba med pa dang shes pa'i spyod yul gtsang ma 'khrig pa dang bral ba yin te/ 'jig rten gyi khams de na 'khrig pa'i chos kyi ming yang med do// sangs rgyas kyi zhing de na sems can de dag la mi dge ba'i rnam par rtog pa dag kun tu 'byung ba med cing zas rnam gnyis ma rtog par zas shes kyang med do// gnyis gang zhe na ye shes kyis snyoms par 'jug pa'i zas dang / sangs rgyas kyi chos dag par rjod pa'i zas so// kun dga' bo sangs kyi zhing de na thams cad mkhyen pa'i ye shes kyi phung po dang byang chub sems dpa'i sde snod kyi chos kyi chos kyi rnam grangs la rgya cher 'jug pa ma gtogs par/ phung po gnyis dang / theg pa gsum ston pa med de/ kun dga' ba rnam grangs des ni 'dzin
- 314a
rten gyi khams de rin po che bkod pa zhes bya ba'i rnam grangs su 'gro'o// kun dga' bo sems can gang dag 'jig rten gyi khams gzhan dag nas sangs rgyas kyi zhing der skyes pa dang / gang dag 'jig rten gyi khams der skye bar sems skyed par byed pa de dag thams cad ni bla na med pa yang dag par rdzogs pa'i byang chub las phyir mi ldog par 'gyur ro// kun dga' bo byang chub sems dpa' gang dag 'jig rten gyi khams gzhan dag nas sangs rgyas kyi zhing der skye ba'i byang chub sems dpa' de dag gis ni skyes ma thag tu sangs rgyas zhing de dag thams cad mngon par shes par 'gyur zhing byang chub sems dpa' de dag skad cig de dang thang cig de dang / yud tsam de la sangs rgyas kyi zhing der sang+yas 'byung ba'i 'du shes can du 'gyur ro// kun dga' bo de bzhin gshegs pa blta mdzes rin chen brtsegs de byang chub sems dpa' khrag khrig tshad med pa de dag la thams cad mkhyen pa nyid dang ldan pa kho na'i gtam ma 'dres pa dag ston par mdzad de 'di lta ste byang chub sems dpa'i sde snod kyi chos rnam grangs rgya chen yang dag par rab tu ston to// kun dga'
- 314b
bo 'jig rten gyi khams de'i bsngags pa dang / byang chub sems dpa' sems dpa' chen po re re'i chos kyi khyad par 'di lta ste/ smon lam brtsams pa'i sangs rgyas kyi zhing gi bkod pa dag/ ngas brjod par 'gyur na/ bskal pa stong phrag mang pos kyang mthar thug par mi 'gyur te/ kun dga' bo ngas byang chub sems dpa' sems dpa' chen po rab tu zhi bar gnas 'di gang nas 'ongs pa'i 'jig rten gyi khams de'i ming tsam zhig brjod par zad do// kun dga' bo byang chub sems dpa' sems dpa' chen po rab tu zhi ba gnas 'di ni nga yongs su mya ngan las 'da' ba la blta ba dang / sems can mang po rnams skyob bskyed par bya ba dang / 'jig rten gyi khams de'i ming dang / yon tan yongs su bsgrag par bya ba dang / de bzhin gshegs pa de'i bsngags pa rab tu bshad par bya ba dang / byang chub sems dpa'i theg pa pa'i skyes bu dam pa rnams kyi chos kyi bdag nyid chen po dang / yang dag pa'i yon tan yongs su bsgrag par bya ba dang / sangs rgyas kyi zhing 'di'i sems can tshad med pa rnams dam pa'i chos yongs su 'dzin par bya ba dang ma 'ongs pa'i byang chub sems dpa' rnams/ yang dag par rab tu dga' bar bya ba dang / yang dag par dad pa bskyed
- 315a
bar bya ba'i phyir sangs rgyas zhing 'dir 'ongs so// kun dga' bo sngon de bzhin gshegs pa mar me mdzad 'jig rten du byung ba na/ khye'u 'di 'khor los sgyur ba'i rgyal po ma skyes dgra zhes zhes bya bar gyur te/ byang chub sems dpa'i spyad pa spyod do// kun dga' bo de'i 'khor los sgyur ba'i rgyal po ma skyes dgra de srog chags bye ba phrag mang po dag la chos ston cing dge ba'i rtsa ba dag kyang yongs su smin par byed de/ des ni nyi ma 'char ka' tsam gyi snga dro gcig gis kyang srog chags bye ba phrag sum bcu rtsa drug bla na med pa yang dag par rdzogs pa'i byang chub las phyir mi ldog pa nyid la rab tu bkod cing / skyon med par zhugs te mi skye ba'i chos la bzod pa dang ldan par byas so// de bzhin gshegs pa dgra bcom pa yang dag par rdzogs pa'i sangs rgyas mar me mdzad yongs su mya ngan las 'das/ nas/ de dad pas khyim nas khyim med par rab tu byung ngo // de ltar rab tu byung nas kyang lo stong tham par bcom ldan 'das mar me mdzad de'i rjes su chos kyi 'khor lo bskor to// des sems can tshad med pa rnams kyi don byas nas/ nyi ma tha ma'i nyi ma nub kar yang srog chags bye ba phrag drug bla na med pa yang dag par rdzogs pa'i byad
- 315b
chub yongasu smin par byas te de nyid kyi nyi ma nub kar srog chags khrag khrig phrag bdun cu zag pa zad pa la yang rab tu bkod par gyur na/ slob pa rnams kyi mthong ba'i sa 'am/ bsgoms pa'i sa bkod pa lta smos kyang ci dgos/ kun dga' bo ngas sangs rgyas kyi ye shes shes kyis byang chub sems dpa' sems dpa' chen po rab tu zhi bar gnas kyi bsngags pa mang po la khye'u 'dis sems can ji snyed cig gi don byas pa dag brjod par gyur na bskal pa stong phrag mang pos kyang mthar thug par mi 'gyur ro// / kun dga' bo khyod kyis nga'i spyan sngar rigs kyi bu rab tu zhi bar gnas kyi stan thing shig dang khyod la bsod nams mang tu skyed par 'gyur ro// kun dga' bo sems can gang dag gis byang chub sems dpa' sems dpa' chen po rab tu zhi bar gnas kyi ming thos pa de dag la ni mngon sum du sangs rgyas byung bar yin no// kun dga' bo gang su dag yon tan bkod pa lung ston pa rgya chen bstan pa'i chos 'di bshad pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bsta mdzes rin chen brtsegs de la blta ba dang phyag bya ba dang / bsnyen bkur bya ba dang dam pa'i chos mnyan pa'i phyir/ dad pa'i sems bskyed pa gcig tsam thob par gyur
- 316a
pa de dag thams cad ni/ kun dga' bo chos thun mong yin pa'i phyir ro// bcom ldan 'das de la blta ba dang dam pa'i chos mnyan pa dang / sangs rgyas kyi zhing de'i byang chub sems dpa' sems dpa' chen po rnams kyang blta ba'i phyir sangs rgyas kyi zhing der skye bar ngas lung bstan pa yin te/ byang chub sems dpa' sems dpa' chen po rnams kyi smon lam gyi khyad par ni ma stogs so// kun dga' bo sems can gang dag gi rna ba'i dbang pos yon tan bkod pa/ lung ston pa rgya cher bstan pa'i chos bshad pa 'di nyid thos par gyur pa de dag kyang rnyed pa legs pa rnyed cing / shin tu legs par rnyed pa yin na/ gang gis 'di thos nas dad pa skyed par byed pa lta smos kyang ci dgos/ kun dga' bo gnas 'di lta bu de dag dag dang / chos kyi tshig gi gnas 'di lta bu de dag legs par bsrung bar bya zhing / legs par yid la bya'o// de ci'i phyir zhe na/ kun dga' bo mdo sde 'di lta bu dag ni/ mdzam bu gling gi mi rnams dang / byang chub sems dpa'i gzugs brten ston pa rnams dang / dam pa'i chos spong bar byed pa rnams kyis sngon ma thos pa'i phyir te khyod kyis chos spong bar byed pa dag ni mig lam du yang
- 316b
mi snang bar bya'o// kun dga' bo khyod kyis 'di nas nub phyogs kyi ngos kyi nam mkha' las rin po che sna tshogs kyi khang pa brtsegs pa zhig 'ong ba 'di mthong ngam/ gsol ba/ bcom ldan 'das de de ltar lags so// bka' stsal pa kun dga' bo khyod kyis 'di phyogs khye'u zhig sems can 'dul bar bya ba'i rdzu 'phrul gyis rnam par rtse zhing / glo gnyis kyis sa chen po 'di 'gul bar byed/ rab tu 'gul bar byed/ g.yo bar byed/ rab tu g.yo bar byed/ ldeg par byed rab tu ldeg par byed cing / sa chen po g.yo bas 'jigs su rung ba dang / spu zing zhes byed pas kun tu ston par byed cing 'ong ba mthong ngam/ gsol pa/ bcom ldan 'das de de lta lags so// bde bar gshegs pa de de lta lags so// bcom ldan 'das rdzu 'phrul gyis rnam par 'phrul par bgyid cing / mchis pa'i khye'u 'di mthong lags so// / bka' stsal pa/ kun dga' bo rigs kyi bu 'di'i mdun nas rin po che sna tshogs kyi khang pa brtsegs pa 'ong ba gang yin pa 'dis sangs rgyas kyi zhing 'di dri sna tshogs kyis kun tu gang bar gyur to// gsol ba/ bcom ldan 'das de de lta lags so// bka' stsal pa kun dga' bo/ de nas rigs kyi bu 'di'i ye shes kyi stobs bskyed pa
- 317a
yin te/ des na khang pa brtsegs pa 'di las de lta bu'i dri byung ngo // kun dga' bo khyod kyis sgra bzhi po 'di lta ste stong pa nyid ces bya ba dang / dngos po med pa zhes bya ba dang / nye bar zhi ba zhes bya ba dang / sangs rgyas zhes bya ba 'di dag thos sam/ gsol ba/ bcom ldan 'das de de lta legs so// bka' stsal pa kun dga' bo sgra 'di dag ni khye'u 'di'i spu'i khung bu dag nas 'byung ste/ kun dga' bo sgra 'di dag thos pas srog chags khrag khrig phrag drug cu rtsa brgyad kyi don byas so// stong gi 'jig rten gyi khams kyi sems can mang po rnams ni len pa med par zag pa rnams las sems rnam par grol lo// kun dga' bo sangs rgyas kyi sgra gcig pa thos pa'i byang chub sems bye ba ni bla na med pa yang dag par rdzogs pa'i byang chub las phyir mi ldog pa nyid la nyes par zhugs so// gang dag sangs rgyas kyi zhing 'di'i lha dang mir bcas pa'i skyes dgu dag las lha dang mi khrag khrig 'bum phrag gnyis ni bla na med pa yang dag par rdzogs pa'i byang chub tu nges pa las phyir mi ldog pa nyid las gnas par gyur to// kun dga' bo rigs kyi bu 'di ni de bzhin gshegs pa yongs su mya ngan las 'da' ba blta ba'i phyir/ nub
- 317b
phyogs logs na de bzhin gshegs pa dgra bcom pa yang dag par rdzogs pa'i sangs rgyas dga' ba'i dbang phyug ces bya ba'i sangs rgyas kyi zhing 'jig rten gyi khams dga' spu zhes bya ba na sangs rgyas 'dir 'ongs pa yin te/ kun dga' bo rigs kyi bu 'di sangs rgyas kyi zhing 'dir 'ong ma thag tu 'dis sems can tshad med pa rnams kyi don byas te/ sangs rgyas kyi mdzad pa byas shing 'dis chos kyi 'khor lo yang rjes su bskor to// kun dga' bo bskal pa grangs med pa tshun chad nas/ rigs kyi bu 'di'i spu'i khung bu dag nas sgra bzhi po'i 'di lta ste stong pa nyid kyi sgra dang / dngos po med pa'i sgra dang / nye bar zhi ba'i sgra dang / sangs rgyas kyi sgra 'di dag 'byung ste/ sgra re re kyang sems can tshad med pa rnams kyi don byas so// kun dga' bos gsol pa/ bcom ldan 'das rigs kyi bu 'dis dge ba'i rtsa ba ci zhig brtsegs lags na/ des da ltar 'di spu'i khung bu dag nas 'di lta bu'i sgra 'byung bar 'gyur lags/ bcom ldan 'das kyis bka' stsal pa/ kun dga' bo sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas dri med spyan zhes bya ba rig pa dang zhabs su ldan
- 318a
pardza bde bar gshegs pa 'jig rten mkhyen pa/ skyes bu 'dul zhing kha lo sgyur ba/ bla na med pa lha dang mi rnams kyi ston pa/ sangs bcom ldan 'das 'jig rten du byung ste/ rigs kyi bu 'di de'i gsung rab la dge slong ye shes da ga' bo zhes bya bar gyur nas/ des de bzhin gshegs pa de spyan snga nas ye shes kyi tshi ga dang / rtog par dka' ba'i tshig dang / don 'byung ba ston pa'i tshig 'di lta ste/ chos thams cad skye ba dang / 'gag pa med pa dang / chos thams cad dngos po med pa dang / chos thams cad rang bzhin gyis nye bar zhi ba dang / sangs rgyas thams cad sangs rgyas gcig pa zhes bya ba dag thos nas/ zhag bdun du skyob med pa dang / brtson pa mi gtong ba dang / yid la byed pa gzhan med par tshig bzhi po de dag lus la zhen pa dang / shin tu brten pa dang / shin tu zhug pa dang / khon bya ba dang / yid kyis las par bsngags pa dang / mthong bas shin tu rtogs par byas te gnas so// kun dga'i tha dge slong des don gyi tshig brtan pa bzhi 'a di dgags sa sa rgyas bye snyed kyis gsungs pa'i chos bstan pa rnams la rjes su thag
- 318b
terdza bzung zhing rtogs par byas nas/ de sems can rnams la snying brtse ba'i phyir grong dang grong khyer dang grong rdal dang / yul 'khor dang / rgyal po'i pho brang 'khor du 'ongs te chos ston to// kun dga' bo de'i tshe chos smra ba'i dge slong ye shes dga' ba zhes bya bar gyur pa des/ las de'i 'bras bu rnam par smin pa lus la zhen pa dang / mang du thos pas lo drug tu lhag pa'i bsam pas chos bstan pas na bskal pa grangs med pa tshun cad de'i spu'i khung bu dag nas de lta bu'i sgra dang ldan ba'i rdzu 'phrul de nyams su myong bar gyur cing / de'i lus las kyang skye bo mang po'i don byed pa'i chos kyi sgra bzhi po 'di lta ste/ stong pa nyid kyi sgra dang / dngos po/ med pa'i sgra dang / nye bar zhi ba'i sgra dang / sangs rgyas shes bya ba'i sgra de dag 'byung bar 'gyur te/ kun dga' bo de'i phyir bskal pa grangs med pa tshun cad nas khye'u 'di'i sku'i khung bu dag nas sgra bzhi po 'di dag 'byung bar gyur to// kun dga' bo 'dzam bu'i gling gling gi mi gang dag gis byang chub sems dpa' sems dpa' chen po dmigs med kyi ming thos pa de dag kyang rnyed pa legs par rnyed cing shin tu legs par rnyed pa yin na gang dag gis chos ston pa dag lta smos kyang ci dgos/ kun dga' bo//
- 319a
lha dang mi rnams kyi skyes pa 'am/ bud med gang dag gis byang chub sems dpa' sems dpa' chen po dmigs med kyi ming thos shing / jig nas kyang dad pa thob par gyur pa/ de dag kyang tho ba thag tu yon tan bsam gyis mi khyab pa yongs su 'dzin par 'gyur na/ gang dag gis sha'i mig gis mngon sum du mthong ba dag lha mos kyang ci dgos/ de ci'i phyir zhe na/ kun dga' bo byang chub sems dpa' sems dpa' chen po dmigs med ni byang chub sems dpa'i sa'i yon tan dpag tu med pa dag thob pa yin pa'i phyir ro// kun dga' bo byang chub sems dpa' sems dpa' chen po dmigs med 'di ni/ de bzhin gshegs pa nga yongs su mya ngan las 'da' ba lta bar 'dod pa'i phyir 'ongs pa yin gyis/ kun dga' bo khyod kyi de bzhin gshegs pa spyan snga gang du rigs kyi bu 'di 'dug par 'gyur bar byang chub sems dpa' sems dpa' chen po dmigs med kyi stan thing shig dang / des khyod la yun ring por ban pa dang / bde ba dang mngon par shes pa myur ba nyid du yang 'gyur ro// kun dga' bo 'di'i stan bting ba las byung ba'i las kyi rnam par smin pas/ khyod snyoms par 'jug pa la bde bar gnas shing / sems bskyed
- 319b
pa'i skad cig cig gis zang zing med pa'i chos 'phags pa dgra bcom pa nyid mngon sum du byed par yang 'gyur ro// kun dga' bo gal te khyod nyan thos kyi sa la nges bar ma gyur na ni khyod kyis bla na med pa yang dag par rdzogs byang chub kyi yan lag tu gyur pa'i dge ba'i rtsa ba 'dis/ sangs rgyas kyi chos rnams rjes su 'thob par yang ngas lung ston par 'gyur ro// de ci'i phyir zhe na/ kun dga' bo dge slong ngam/ dge slong ma 'am/ dge bsnyen nam/ dge bsnyen ma 'am/ lha 'am klu 'am gnod sbyin nam/ dri za 'am/ lha ma yin nam/ nam mkha' lding ngam/ mi 'am ci'i lto 'phye chen po 'am/ mi 'am mi ma yin pa gang yin pa 'am/ sems can gzhan gang yang rung ba dag gis zhi ba bshad pa lung bstan pa 'di thos na dad pa rab tu 'thob par 'gyur ba'i phyir ro// kun dga' bo gang dag zhi ba bshad pa lung bstan pa 'di nyan par 'dod pa dag gis/ de bzhin gshegs pa 'am/ de bzhin gshegs pa'i nyan thos gang du 'dug nas zhi ba bshad pa lung bstan pa 'di 'chad par 'gyur ba'i chos kyi snyan bshams par bya te/ kun dga' bo des stan bshams mthag tu stan phun sum tshogs pa bcu yongs su 'dzin par 'gyur ro/ bcu gang zhe na/
- 320a
'khor los sgyur ba'i stan thob pa dang / brgya byin gyis stan thob pa dang / tshangs pa'i stan thob pa dang / skye dgu'i bdag po'i stan 'thob pa dang / tshe rab de dang de dag tu de bzhin gshegs pa'i bstan 'thob pa dang / dbang bskur ba 'thob byang chub sems dpa' sems dpa' chen po bo byang chub kyi snying por byang chub kyi shing drung du song ba'i seng ge'i khri stan 'thob pa dang / thams cad mkhyen pa'i ye shes rtogs pa'i sangs rgyas kyi khri stan bla na med pa 'thob pa dang / chos kyi 'khor lo skor ba na chos kyi 'khor lo bla na med pa'i skor ba'i khri stan 'thob pa dang / de bzhin gshegs pa cho 'phrul chen po kun tu ston ba nAk+Shalha bye ba phrag stong gis 'dus byas pa 'jig rten thams cad las mngon par 'phags shing zil gyis mi non la/ bla na med pa'i rdzu 'phrul dang ldan pa'i seng ge'i khri stan 'thob pa dang / de bzhin gshegs pa dgra bcom yang dag par rdzogs pa'i sangs rgyas yongs su mya ngan las 'da' ba'i dus kyi tshe ste/ 'du byed thams cad rab tu zhing bar byed pa rdo rje lta bu'i ting nge 'dzin la bzhugs pa na/ lha dang klu dang / gnod sbyin dang dri za dang / mi 'am ci dang lho/
- 320b
'phye chen po dang / lha ma yin dang na mkha' lding dang / mi dang mi ma yin pa rnams kyi yid rab tu dang ba bskyed par byed pa/ de bzhin gshegs pa'i tha ma'i khri stan 'di thob par 'gyur ba ste/ kun dga' bo seng ge'i khri stan bcu po de dag 'thob par shes par bya'o// kun dga' bo de bzhin gshegs pa 'am/ de bzhin gshegs pa'i nyan thos zhi ba bshad pa lung bstan pa 'di 'chad pa na/ rigs kyi bu 'am rigs kyi bu mo gang gis chos smra ba la sems dang bas gus par byas te/ dga' ba dang dad pa dang / gus pas chos kyi stan shom par byed pa des ni/ seng ge'i khri stan bcu po de dge 'thob pa yongs su 'dzin par 'gyur/ ro lnga kun dga' bo khyod kyis rigs kyi bu dmigs med la thal mo sbyor cig dang / des khyod la don dang phan pa dang bde bar 'gyur zhing / gang gis khyod mngon par shes pa myur ba nyid du 'gyur ba'i bsod nams chen po yang khyod kyis yongs su 'dzin par 'gyur ro// de nas tshe dang ldan pa kun dga' bos de'i tshe rigs kyi bu dmigs med kyi bstan pa shams nas/ sems rab tu dang bcas gus pa dang bcas par byang chub sems dpa' dmigs med ga la ba de logs
- 321a
su thal mo sbyar ba btud te/ de'i tshe tshig su bcas pa 'di dag smras so// dmigs med dpa' bo glang po che// dul zhing mnyam bzhag sems can che// shes rab rin po 'od byed la// bdag ni thal mo sbyor bar bgyid// ye shes brtson 'grus 'byung ba'i gnas// shes rab brtsegs shing mnyam shing mnyam bzhag pa// mtshungs med brtan pa 'di la ni// de ring thal mo sbyar bar bgyi// de nas bcom ldan 'das kyis de'i tshe tshe dang ldan pa kun dga' bo la tshig su bcad bka' stsal pa// migs med 'di la mchod pa'i phyir// khyed kyis thal mo sbyar byas pa'i// rnam smin ci snyed 'dzin pa de// go'u ta ma pu la bshad par bya// kun dga' bo khyod thal mo sbyar ba'i de'i rnam par smin pas yongs su mya ngan las 'das pa na/ grong dang grong khyer dang / grong rdal dang / yul 'khor dang / rgyal po'i pho brang 'khor dag tu/ nyan thos rnams la ston pa'i bya ba byed par 'gyur zhing / khyod de dang de dag tu 'jug pa dang / 'byung ba dang 'gang ba dang / 'chag pa dang / nyal ba dang 'dug pa dang spyod lam thams cad du 'jig rten na sems dang ldan pa dang / sems
- 321b
med pa'i 'byung ba thams cad kyang khyod ga la ba de logs su 'dug par gyur to// 'di lta ste skyes pa dang / bud med dang / lha'i bu mo dang / spyod pa pa dang / kun tu rgyu dang / dge sbyong dang / bram ze dang / rgyal po dang / blon po chen po dang / zhang blon dang zhad blon gyi g.yog gnyug ma dang / tshong dpon dang / grong mi dang / ljongs kyi mi dang / khyim bdag rnams dang / gzhan yang gang dag mir gyur pa'i so so'i skye bo rnams dang / de bzhin du dud 'gro'i skyes pa glang po che dang / rta dang / ri dgas dang / phyug dang / bya dag gis khyod mthong na dad pa 'thob par 'gyur ro// de bzhin du rtsa dang shing gel ba dang / sman dang nags tshal dang skye gnas su me tog yod pa dag dang 'bras bu yod pa dag kyang khyod ga la ba de logs su rab tu 'dud par 'gyur ro// de bzhin du khang khyim dang / gzhal med khang dang / khang ba brtsegs pa dang / khang pa bzangs dang / pu shu dang / skar khung dang rta babs dag kyang khyod kyi bsod nams kyi gzi brjid zil gyis gnon cing khyod ga la bde yos su rab tu 'dud par 'gyur te/ kun dga' bo 'di sa ste dper na/ de bzhin gshegs pa dgra bcom pa yang dag par rdzogs pa'i sangs rgyas kyis sgrib pa
- 322a
med pa'i rnam par thar pa mngon sum du mdzad de/ bla na med pa yang dag par rdzogs pi byang chub mngon par sangs rgyas pa na/ byang chub kyi snying po'i nyen kor gyi rtsa dang / shing ge la ba dang / sman dang nags tshal dag dang / me tog yod pa dag dang / 'bras bu yod pa dag dang / gong ma bzhin du sbyar te/ mi dang ma yin pa'i bar dag gis de bzhin gshegs pa ga la ba de logs su rab tu btud par gyur to// kun dga' bo de bzhin du khyod kyis kyang rigs kyi bu dmigs med la thal mo sbyar cing lus btud pa'i dge ba'i rtsa ba 'dis khyod kyi spyod lam thams cad du mi ma yin pa dang / nags tshal thams cad khyod ga la ba de logs su 'dud pa dang / rab tu 'dud pa dang / mngon par rab tu 'dud par 'gyur ro// kun dga' bo// rigs kyi bu 'am rigs kyi bu mo gang la las de bzhin gshegs ba yongs su mya ngan las 'das pa 'am/ da ltar mngon sum du gyur cing bzhugs pa na/ chos dkod pa lung ston pa 'di thos nas/ lhag pa'i bsam pas thal mo cig tsam sbyor bar byed pa dang / nges par rtogs cing mos par byed pa de dag ni ngas bstan pa'i rnam par smin pa gang yin pa de lta bu dag yongs su 'dzin par 'gyuraro//
- 322b
kun dga' bo de lta mod kyi/ sems can gang dag gis chos kyi rnab grangs 'di thos par 'gyur ba dang / gang gis mdo sde 'di lta bu 'di lan cig gam lan gnyis thos par 'gyur ba de dag kyang nyung na/ gang gis 'di lta bu 'di thos nas dad pa 'thob par 'gyur ba dang / gang dag lhag pa'i bsam pas mos par 'gyur ba dang / nges par rtogs par 'gyur ba dang / yang dag pa'i 'du shes skyed par 'gyur ba dang / som nyid med par 'gyur ba dang / the tsom med par 'gyur ba lta smos kyang ci dgos/ rigs bu 'am rigs kyi bu mo de dag thams cad ni/ ngas sangs rgyas kyi spyan gyis gzigs shing sangs rgyas kyi ye shes kyi mkhyen te/ de dag gis ni sangs rgyas gcig la bsnyen bkur byas pa ma yin zhing / de dag gis ni sangs rgyas gcig la dge ba'i rtsa ba skyed pa ma yin te// rigs kyi bu dang rigs kyi bu mo de dag thams cad ni/ gang dag da ltar nga'i mngon sum du 'khor 'di nyid du 'dus te 'dug pa dang / nga'i yongs su mya ngan las 'das pa chen po blta ba'i phyir 'dir 'ongs pa dag bzhin du/ kun dga' bo de dag kyang deng phyin chad nas/ de bzhin gshegs pa dgra bcom pa yang dag
- 323a
par rdzogs pa'i sangs rgyas byams pa byang chub kyi snying por gshegs te bla na med pa yang dag par rdzogs pa'i sabyas nas/ yongasu mya ngan las 'da' ba'i bar dag la mchod pa dang bsnyen bkur chen po byed par 'gyur ro// de bzhin du de bzhin gshegs pa dgra bcom pa yang dag par rdzogs ba'i sangs rgyas byams pa'i yongs su mya ngan las 'das pa chen po yang mthong bar 'gyur ro// de bzhin gshegs pa de'i spyan sngar khye'u bzhi 'ong bar 'gyur ba dag kyang mthong bar 'gyur zhing da ltar nges par 'gyur ba dag kyang mthong bar 'gyur da lta nga'i spyan snga na ji lta de bzhin du chos kyang thos par 'gyur ro// de'i tshe na byang chub sems dpa' sems dpa' chen po dmigs med kyi sku'i khung bu dag nas chos kyi sgra skad rgya chen po 'byung bar 'gyur ba dag kyang thos par 'gyur zhing thos nas kyang dga' ba skyed par 'gyur ro// kun dga' bye de lta bas na/ khyod kyis don nges par 'byung ba'i mdo sde 'di lta bu bshad pa dag la yang dang yang du lus btud de thal mo sbyar bar bya zhing / sems kyi dad pa skyed par yang bya'o// de ci'i phyir zhe na/ kun dga' bo 'di ltar de'i las kyi rnam par smin pas/
- 323b
khyod sems can thams cad kyi legs par mchod par 'gyur zhing / khyod la lha dang bcas pa'i 'jig rten yang rab tu 'dud par 'gyur zhing khyod yongs su mya ngan las 'das pa'i lus la yang lha dang mi rnams mchod pa byed par 'gyur ba'i phyir ro// de nas bcom ldan 'das kyis tshe dang ldan pa ma 'gag pa la bka' stsal pa/ ma 'gags pa khyod kyis lha bye ba phrag bzhi bcus steng gi bar snang las chos kyi rnam grangs 'di thos nas/ thal mo sbyar te lus btud cing 'khod pa dag mthong ngam/ gsol ba/ bcom ldan 'das de de lta lags so// bka' stsal pa/ ma 'gags pa de dag ni chos la dad pa dang ldan nas thal mo sbyor cing dad pas lus rab tu btud pa'i dge ba'i rtsa ba des/ bskal pa grangs med par log par ltung bar 'gro bar mi 'gyur zhing / lha dang mir mtshams sbyor bar 'gyur la/ de dag mir 'gyur ba na/ re res kyang 'khor los sgyur ba'i rgyal srid gang gi'i klung gi bye ma bas lhag pa snyed byed par 'gyur ro// thams cad du yang sangs rgyas 'byung ba mnyes par byed par 'gyur zhing / de dag de'i 'og tu dge ba'i rtsang dag par bsgrubs nas/ bla na med pa/
- 324a
yang dag par rdzogs pa'i byang chub mngon par 'tshang rgya bar 'gyur te/ thams cad kyang 'di lta ste/ de bzhin gshegs dgra bcom ba yang dag par rdzogs pa'i sangs rgyas 'byung ba thams cad kyis rab tu gdud par 'os pa zhes bya bar mtshan 'thun pa'i de bzhin gshegs pa sha stag tu 'gyuraro// yang de'i tshe gyad dga' ba zhes bya ba dang / gyad rgyal dga' zhes bya ba dang / gyad stobs po ce dang / gzi brjid lha dang / rgyal ba'i lha dang / phrag par 'dzeg dang / blo bzang dang / 'jigs med dang / dbyig dang / bden pa dang / byang phyogs kyi stobs kyi mig dang / gyad thams cad bzod ces bya ba de dag thams cad 'khor lnga brgya tsam dang / lhan cig tu de bzhin gshegs pa la mchod pa bya ba'i phyir 'khor de nyid du 'dus te 'dug par gyur nas/ de dag gis bcom ldan 'das ga la ba de logs su thal sbyar te lus thur du btud nas ngu bar byed/ smre sngags 'don par byed cing mig mchi mas gang bzhin du/ bcom ldan 'das la 'di skad ces gsol to// bcom ldan 'das bdag cag bcom ldan 'das la mchod pa bgyi ba dang / byang chub sems dpa' dmigs
- 324b
med dang / byang chub sems dpa'i tshogs 'di dang bcom ldan 'das nyan thos chen po'i dge 'dun dang / chos kyi rnam grangs 'di la yang mchod pa bgyi ba'i slad du thal mo sbyar zhing lus kyang rab tu 'dud par bgyid lags so// bcom ldan 'das bdag cag gis dge ba'i rtsa ba 'di dag thams cad kyang / bla na med yang dag par rdzogs pa'i byang chub tu yongs su bsngo bar bgyi'o// de nas de'i tshe bcom ldan 'das zhal 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyis zhal gyi sgo nas 'od zer kha dog sna tshogs du ma 'di lta ste/ sngon po dang ser po dang / dmar po dang / dkar po dang / btsod kha dang / shel dang / dngul gyi kha dog lta bu dag byung ste/ de dag gis 'jig rten gyi khams mtha' yas mu med pa dag snang bas gsal bar byas nas/ tshangs pa'i 'jig rten gyi bar du mngon par 'phags te/ yang phyir log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub pa tshe dang ldan pa kun dga' bos mthong ngo // mthong
- 325a
nas kyang tshig su bcad pas yongs su zhus pa// 'jigs rten snang mdzad ji skad du// 'dzum pa mdzad pa'i rgyu gang lags// bdag dang srogs chags gzhan dag gi/ som nyi legs par bshad du gsol// bcom ldan 'das kyis bka' stsal pa/ kun dga' bo khyod kyis gyang kyi bu 'di dag lhags te/ sems rab tu dang bas/ nga dang byang chub sems dpa' sems dpa' chen po dmigs med dang / mdo sde'i tshig ston pa 'di la thal mo sbyar cing rab tu btud nas/ bla na med pa yang dag par rdzogs pa'i byang chub tu sems bskyed par byed pa dag mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo gyad kyi bu 'di dag thams cad ni bskal grangs med pa bye bar ngan 'gro log par ltung bar 'gro bar mi 'gyur zhing / de dag phyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas bcom ldan 'das kyi de'i tshe tshigs su bcad pa 'di dag bka' bstsal to// yid bde mgu ba'i sems ldan pa'i// gyad kyi bu rnams
- 325b
'dir lhags te// thal mo sbyor cing ra btud pa/ kun dga' bo khyod kyis ma mthong ngam mkhas pa 'di dag thams cad kyis// nga la mchod pa 'di byas/ nasabla med byang chub 'thob 'gyur bar// mgu ba nyid kyis brjod par byed// dmigs med shes rab ldan pa dang // chos la gus dang bcas bya shing / de bzhin nyan thos dge 'dun la// thal mo sbyar ba 'di byas pas// bskal pa bye ba grangs med du// de dag ngan 'gror 'gro mi 'gyur/ thal mo sbyar ba'i las dang ni// lus rab btud pas phyin cad ni// de dag byang chub thob 'gyur ba'i// phun sum tshogs pa ji 'gyur ba/ nga yis bskal pa'am bskal pa ni// bye ba phrag brgyad brjod gyur kyang // spyod pa dam pa smra byas pa// de la grangs na yod min pas// bskal pa bya ba rnams kyis kyang // mtha' la rtogs par sla ba min/ kun dga' bo de mod nams kyi thun tha ma la/ sangs rgyas nga dang khyod blta ba'i tha mar 'gyur ro// kun dga' bo khyod kyis byang phyogs nas 'od chen po gser gyi kha dog lta bu zhig 'od de'i gzi brjid kyi phyogs kyi rtsa dang shing gel ba dang / lcug ma dang / tshal dang /
- 326a
shing ljon pa dang / sman dang / nags tshal dang / ri dang / thangs dang / khang bzangs dang / pu shu dang / gzhal med khang dang / khang pa brtsegs pa thams cad dang / mi dang mi ma yin pa dang / nam mkha' dang bar snang thams cad 'di lta ste/ gser gyi mdog lta bur kha dog cig tu kun tu snang bar gyur pa mthong ngam/ gsol pa bcom ldan 'das de de ltar lags so// bka' stsal pa/ kun dga' bo de bzhin du khyod kyis byang phyogs nas 'dzam bu chu bo'i gser las byas pa'i khang pa brtsegs pa bdun 'ong zhing khang pa brtsegs pa dbu mo'i nang na gzi brjid mchog dang ldan zhing dpal gyis rnam par mdzes pa'i khye'u zhig skyil mo krung gis 'dug pa mthong ngam/ gsol ba bcom ldan 'das de de lta lags so// bka' stsal pa/ kun dga' bo khye'u 'di ni mngon par shes pa'i me tog kun tu rgyas pa thob pa zhes bya ste/ 'di nas byang phyogs logs su sangs rgyas kyi zhing bye ba 'bum phrag drug cu rtsa bzhi 'das pa na/ de bzhin gshegs pa dgra bcom pa yang dag par rdzogs pa'i sangs rgyas byang chub yan lag gnas shes bya ba'i sangs rgyas kyi zhing / 'jig rten gyi khams me tog
- 326b
can zhes bya ba zhig yod pa de nas shi 'phos nas 'jigs rten gyi khams 'dir skyes pa yin no// kun dga' bo 'jig rten gyi khams de na byang chub kyi yan lag gi tshig gi sgra 'byung ste/ rtsa dang shing gel ba dang / lcug ma dang / shing ljon pa'i tshogs dang / sman dang nags tshal thams cad las kyang byang chub kyi yan lag gi tshig gi sgra 'byung ngo // sgra des sems can dag dge ba'i chos rnams kyis yongs su smin par byed do// kun dga'o de bzhin gshegs pa byang chub yan lag gnas de ni bla na med pa yang dag par rdzogs pa'i byang chub mngon par rdzogs par sangs rgyas nas bskal pa drug khri stong du gzhugs te/ 'tsho zhing gzhes so// de bzhin gshegs pa de la byang chub sems dpa' ma gtogs par nyan thos ni mi mnga' ste/ kun dga' bo 'di lta ste/ dper na/ rgyal po rgyal rigs spyi bo nas dbang bskur ba zhig la bu mang po bdog par gyur na/ de'i blon po rnams kyang bu nyid yin par 'gyur la/ blon po bka' la gtogs pa rnams kyang bu nyid yin/ mchog gi zung nyid bu nyid yin/ rgyal phran rnams kyang bu nyid yin par 'gyur ro// de bzhin du bcom ldan 'das de'i sras rnams
- 327a
kyang byang chub sems dpa' nyid yin la/ blon po rnams kyang byang chub sems dpa' nyid yin/ blon po bka' la gtogs pa rnams kyang byang chub sems dpa' nyid yin/ mchog gi zung yang byang chub sems dpa' nyid yin/ rim gro pa rnams kyang byang chub sems dpa' nyid yin dge 'dun dkon mchog kyang byang chub sems dpa' nyid sha stag go/ kun dga' bo de ltar na 'jig rten gyi khams de na 'byor pa dang rgyas par bde ba dang lo legs pa dang / dga' ba dang / skye bo dang pos gang zhing byang chub sems dpa'i tshogs 'dus rnams kyang mngon par shes pa/ mngon par 'phags pa/ na tshod kyi tshul gyis ting nge 'dzin gyi stobs kun tu sdud pa/ shes rab brtsegs pas mngon par 'phags pa/ ye shes yang dag par brtsegs pa dang ldan pa/ byang chub kyi sems mngon par brtson pa/ thams cad mkhyen pa'i ye shes yang dag par sdud pa la brtson zhing / byang chub sems dpa'i chos tshad med pa dang ldan pa'i byang chub sems dpa' sha stegs gnas te/ kun dga' bo byang chub sems dpa' mngon par shes pa'i me tog kun tu rgyas pa thob pa zhes bya ba'i rigs kyi bu 'di
- 327b
gang nas 'jig rten gyi khams 'di'i 'dzam bu'i gling 'di nyid du yang pa can gyi grong khyer du skyes pa'i 'jig rten gyis khams de ni de lta bu'i byang chub sems dpa' sems dpa' chen po sha dag gis yongs su gang ba yin no// kun dga' bo rigs kyi bu 'di ni de bzhin gshegs pa nga'i zhabs la phyag 'tshal zhing / de bzhin gshegs pa nga yongs su mya ngan 'da' ba chen po 'di yang blta ba'i phyir/ rdzu 'phrul 'di lta bu dag kun tu ston cing 'ong ste/ kun dga' bo/ snang ba chen po 'di yang de bzhin gshegs pa dgra bcom yang dag par rdzogs pa'i sangs rgyas de'i mthu yin no// kun dga' bo 'dzam bu chu bo'i gser las byas ba'i khang pa brtsegs pa bdun po 'di dag kyang / bcom ldan 'das de byang chub kyi yan lag bdun bshad pa dag sprul pa mdzad pa yin no// kun dga'/ bo 'dzam bu gling 'di na khye'u 'di dang lhan cig tu dge ba'i rtsa ba skyed pa'i srog chags bye ba 'bum phrag mang po dag kyang yod de/ khye'u 'di 'dzam bu gling 'dir skyes ma thag tu lha dang mi rnams dga' ba dang / mchog tu dga' ba rgya chen po 'thob par gyur to// de dag las kha cig gis ni zag pa zad pa thob bo// kha cig
- 328a
gis ni slob pa'i sa thob bo// sngon sems ma skyed pa kha cig gis ni bla na med pa yang dag par rdzogs pa'i byang chub tu sems bskyed doHkha cig gis ni sems bskyed do// kha cig gis ni sems bskyed ma thag tu phyir mi ldog pa'i bzod pa thob par 'gyur ro// kun dga' bo gang na khye'u 'di skyil mo krung gis 'dug cing 'od 'byung ba'i khang pa brtsegs pa dbus ma 'di ni de bzhin gshegs pa de'i sprul pa yin no// de las ni rin po che'i khang pa brtsegs pa lhag ma drug po gzhan dag byung ngo // kun dga' bo de bzhin gshegs pa de dang / byang chub sems dpa' sems dpa' chen po mngon par shes pa'i me tog kun tu rgyas pa thob pas gang gis 'jig rten gyi khams 'di 'od kyis khyab par byas shing / 'di lta ste/ chos yang dag par 'dzin pas sems can dpag tu med pa rnams la phan 'dogs pa'i mthu la ltos/ de nas khye'u de dag thams cad lhan cig tshogs te/ yang dag par dga' zhing srog chags 'bum phrag mang pos yongasu bskor nas/ skad cig gcig ma thal bar/ me tog sna tshogs kyi char dag mngon par 'bebs shing bcom ldan 'das kyi zhabs la gtugs to// de nas bcom
- 328b
ldan 'das kyis tshe dang ldan pa kun dga' bo la bka' stsal pa/ byang chub sems dpa' sems dpa' chen po mngon par shes pa'i me togs kun tu rgyas pa thob pa 'dis/ 'dzam bu chu bo'i gser las byas pa'i khang pa dang ldan pa'i cho 'phrul gyis sems can khrag khrig ni dgra bcom pa nyid du btul to// sems can khrag khrig ni slob pa'i sar btul to// sems can bye ba phrag brgya ni dkon mchog gsum la dad par byas shing / bslab pa bzhi lnga 'dzin du bcug go/ lha bye ba phrag bdun brgya ni byang chub la rab tu bkod do// bla na med pa yang dag par rdzogs pa'i byang chub las phyir mi ldog pa nyid du nges pa byas so// lha bye ba phrag bdun ni mi skye ba'i chos la bzod pa la rab tu bkod do// sems can bye ba khrag khrig tshad med grangs med pa dag ni byams 'dus pa mthong ba dang / byams pa mthong zhing phrad par 'gyur ba'i phyir yongs su smin par byas so// kun dga' bo de bzhin gshegs pas sems can rnams kyi don bya ba gang yin pa dang / de bzhin gshegs pa'i sras kyi thu bo byang chub sems dpa' sems dpa' chen po rnams kyis sems can gyi don bya ba gang yin pa de dag ni/ nga dang 'di dag
- 329a
gis yongasu rdzogs par byas zin to// ngas sems can rnams kyi don yongs su rdzogs rga par bya ba gang yin pa de yang ngas yongs su rdzogs par byas zin to// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das seMs can rnams la thugs rtse ba'i slad du bskal ba'am bskal pa las lhag pa'i bzhugasu gsol// de ci'i slad du zhe na/ ji srid du bcom ldan 'das de bzhin de gshegs pa dgra bcom pa yang dag rdzogs pa'i sangs rgyas 'jig rten na bzhugs par 'gyur ba de srid du skyes bu dam pa 'di lta bu dag mthong bar 'gyur ba dang / de srid du sems can dge ba 'di lta bu dag 'dzam bu gling 'dir mchis par 'gyur ba dang / de srid du bdag cag gis/ skyes bu dam ba 'di lta bu dag la blta ba dang bsnyen bkur bgyi bdag rnyed par 'gyur ba dang / ji srid du 'jig rten na mdo sde 'di lta bu 'di dag rgyas par 'gyur ba dang de srid du sangs rgyas kyi chos rgya chen po dang ldan pa'i mdo sde 'di lta bu 'di thos par 'gyur ba dang / de srid du bdag cag gis/ bcom ldan 'das dang /
- 329b
rigs kyi bu 'di dag gi rdzu 'phrul gyi cho 'phral sna tshogs 'di lta bu 'di dag mthong bar 'gyur ba dang / de bzhin gshegs pa yongs su mya ngan las 'das na/ bdag cag la gnas gsum yongs su nyams par 'gyur lags te/ gsum gang lags shes na 'di lta ste/ sangs rgyas la blta ba dang / dam pa'i chos mnyan pa dang / rgya chen po la mos pa'i skyes bu dam pa 'di lta bu dag la blta ba dang / bsnyen kur bgyi ba yongs su nyams par 'gyur ba'i slad du'o// de nas tshe dang ldan pa kun dga' bos tshigs de dag gsol nas/ shin tu myur bar dge ba'i bshes gnyen dang bral bar 'gyur ro snyam nas ngu bar byed smre sngags 'don par byed cing / mchi ma dag phyis nas shing bcad de 'gyel ba bzhin du sa la skyel to// de nas byang chub sems dpa' sems dpa' chen po don legs par sems pas/ tshe dang ldan pa kun dga' bo la tshigs su bcad de smras pa/ 'dus byas rtag par 'gyur ba'i// gnas 'di rnyed par mi 'gyur te// 'dus byas thams cad mi rtag par mya ngan ma byed kun dga' khyob / brtags pas 'dus byas 'byung 'gyur zhing // chos de yang mi snyed de/ de ltar chos ston kun dga' khyod// ci'i phyir na mya ngan byed/ brtags pas zhes pa
- 330a
ste/ shes pa rnams kyi sangs rgyas stong // de la sangs rgyas mi dmigs nas// ci'i phyir kun dga' mya ngan byed// dngos rnams na mkha' 'dra ba dang // smig rgyu la ni chu bzhin pas// brtag med rnam par mi rtag cing // mkhas pa rnam par mi rtog shing // ji ltar sgyu ma'i mkhan po yis// rta dang glang / po gzhon pa dang // skye rgu'i tshogs dang ljon shing tshal// me tog 'bras bu dga' sbrul ltar// de bzhin 'dus byas thams cad kyang // sgyu ma bzhin du snying po med// sangs rgyas rnams dang nyan thos kyang // gzhan min de bzhin kho na yin// de nas tshe dang ldan pa kun dga' bos// rigs kyi bu don legs par sems dpa' la phyir tshigs su bcad de smras pa/ ji skad smras pa de bzhin te// chos rnams thams cad mtshan nyid med// de 'dri'i chos mchog bdag gis ni// mnyan ba'i tha ma de ring yin// ji ltar mnyan yod 'jug bya zhing // kun dga' rdzogs sangs ga la bzhugs// spyan ldan gang nas byon 'gyur zhes// dris na ji skad brjod par bya// dri gtsang khang na mi mchog gis// stong par zhugs nas ji ltar blta/ khri gdan stong pa mthong gyur na// ji ltar gnas 'gyur
- 330b
brtul zhugs bzang / de nas rigs kyi bu rab tu zhi bar gnas gyis/ tshe dang ldan pa kun dga' bo la tshigs su bcad de smras pa// lo grangs bye ba dus kyang ni/ don 'di snyed par shin tu dka'// chos dbyings shin tu blta dga' ba// so sor rtogs shig kun dga' bo// ji ltar chu shing sdong po ni// shun pa rims gyis bshus gyur na// de ltar snying po med pa ltar// chos rnams rang bzhin de dang 'dra// ji ltar char pa bab pa na// mdor na chu'i chu bur dag/ skye zhing 'gag par gyur pa ltar// 'gro 'di'i dngos po de dang 'dra'o// ji ltar dbu ba sngos pa la// mig can snying po rtog pa na// de la snying po med pa ltar// 'gro ba 'di kun de dang 'dra// ji ltar me long gzugs brnyan ni// rang bzhin snying po med pa ltar/ khams gsum 'jig rten de 'dra yis// mkhas pa du bar ma byed cig/ de nas tsha / kun dga' bos byang chub sems dpa' sems dpa' chen po rab tu zhi bar gnas pa la phyir tshigs su bcad de smras pa// mkhas pa ji skad zer ba de// kho bo ma shes ma yin te/ drang srong chen pos mdo sde las// 'jig rten gsum kun dngos med gsungs// lha rnams bye ba de bzhin dang // mchims brnangs pa 'di dag ni/
- 331a
bdag gi drung du nyer lhags shing // du ngas bdag gi sdug bsngal bskyed// spyan dang ldan pas bdag bor te// rdzogs pa'i sangs rgyas 'di bzhad na// kho bos phyogs gar 'gro zhing // su zhig bdag gi skyob par 'gyur// e ma'o sangs rgyas shin tu dkon// bdag gis su la mchod bya zhing / zhi ba zab mo blta dka' ba'i// dam chos su las mnyan par bya/ de nas byang chub sems dpa' sems dpa' chen po dmigs med kyis/ tshe dang ldan pa kun dga' bo la tshigs su bcad de smras pa// longs shig btsun pa kun dga' bo// chos dga' 'ang 'ong ba yod min la// 'gro bar 'gyur ba'ang med pas na// mya ngan ma byed chos nyid ltos// sangs rgyas skye ba ci 'dra bar// de'i byang chub de dang 'dra// 'khor lo bskor ba ci 'dra bar// mya ngan 'da' ba'ang de dang 'dra// sangs rgyas nam yang skye med cing // sangs rgyas 'gag pa 'gyur ba'ang med// rang bzhin de 'dra'i chos rnams la// kun dga' khyod ni ci'i phyir du// kho bo'i spu'i khung bu nas// stong dang dngos po med pa dang // nye bar zhwa dang sangs rgyas shes// sgra skad bzhi po 'byung ba nyon// de nas tshe dang ldan pa kun dga'
- 331b
bos// rigs kyi bus dmigs med la phyir tshig su bcad de smras pa// brtul zhugs bzang po khyod cag lta// myur du zhing gzhan 'gro 'gyur zhing // der yang bdud rtsi tshigs gsung ba'i// rdzogs pa'i sangs rgyas mthong bar 'gyur// de ni zab mo sangs rgyas kyis// gsungs pa'i chos kyang thos 'gyur la// sangs rgyas rnams kyi tshogs kyi cho ga/ byang chub sems dpa' rnams kyang mthong // kho bo'i 'jig rten mgon 'das shes// lha rnam bye ba mang po dag/ cho nges 'debs pas mdun bdar na// mkhas pa ji ltar gnas par bya// dge bsnyen stong phrag mang po rnams// thams cad shugs chen du byed cing // bdag gi drung du lhags gyur na// kho bos ji ltar blo yang gdang // sum cu rtsa gsum 'thab bral dang // dga' ldan pa dang rab 'phrul dang // dbang sgyur tshangs pa las rtsegs pa'i// lha tshogs nye bar lhags pa rnams// shAkya skye mchog 'das gyur na// ji ltar yongs su gzeng bstod cing // bdag ni ji ltar de dag la// dam chos smra ba spongs bar 'gyur// skyes bu skyes mchog 'das gyur na// kun dga' 'dren pa gang na zhes// lha rnams 'dri bar gyur pa'i tshe// rnam 'dren pasam gtan zab mo dang /
- 332a
bsod nams chen po'i gnas pa la// nang du yang dag bzhag go zhe 'am// 'on te 'chag cing bzhugs so zhes// ji ltar tshig gi/ lan yang gdag de nas rigs kyi bu mngon par shes pa'i me tog kun tu rgyas pa thob pas// tshe dang ldan pa kun dga' bo la tshigs su bcad de smras pa/ zla ba gsum po 'di 'das nas// kho bos phyis kyang blta bya bar// bdag ni khyod la dam 'cha' yis// kun dga' thong shig ma du shig/ sangs rgyas stong phrag gzhan dag la shAg kya'i rtogs gi cha byed kyis/ chos mchog bshad par mdzad gsol zhes// khyod phyir bdag gi gsol bar bya// rdzogs sangs thugs rje/ gzigs mdzad cing // khyod kyi mdun du gshegs par 'gyur/ khyod kyis mi mchog yongs brnyen gyis// kun dga' 'di la khyod ma du// gang du 'di 'dri'i ston pa ni// 'jig rten du ni 'da' 'gyur ba// lha dang bcas pa'i 'jig rten gyis// mya ngan chen po bya ba'i rigs// bdag gis sangs rgyas 'di skad ces// skal pa bye bar 'tsho 'gyur ba'i// 'dus byas thams mthar 'jig ces// gsungs pa ston pa'i drung nas thos// de nas tshe dang ldan pa kun dga' bo bcom ldan 'das kyi rnam logs su 'dug nas/ lan gsum du snying rje
- 332b
chen po'i sgra bsgrags pa// mdongs par gyur pa'i sems can la// gang gis mig ni gsal mdzad cing // srog chags kun mgon gang yin pa// ston pa de ring mya ngan 'dal/ mi rnams 'dren pa de 'das shes// tshig 'di thos par 'gyur na ni// rgyal po dam pa lus 'phags bu// shin tu sdug bsngal ji ltar gnas// de nas gyad dang gyad mo dang / gyad kyi bu rnams mi bzad cing // mi mchog mya ngan 'da' 'gyur zhes// de na snying rjes ngu bar byed// tha ma'i ston pa blta ba'i phyir// de dag der na lhags gyur nas// thal sbyar rab tu 'god nas ni/ 'dud cing phyag kyang 'tshal bar byed/ dpag tshad lnga'i khor yug tu/ lha dang gnod sbyin rnams kyis gang / de'i khor khor yug tu/ mi rnams kyi ni gnas mi rnyed/ drang srong dam pa mchod pa'i phyir/ dri zhim me tog chu bo dag/ pus mo nub tsam par gyur cing // bye ma'i char ba'ang phab par gyur// de nas dga' bo nye dga' gnyis/ tha ma'i ston pa blta ba'i phyir// bye ba drug cu'i klu rnams dang // yongs su mya ngan 'das par lhags/ brang 'gro chen po chu lha dang / ga'i can dang ni rgya mtsho dang // gsal mthong dang ni btang zung dag/ bye ba phrag brgya klus bdar cing // tha ma'i ston pa blta ba'i byir/ spos chu'i sprin dag 'dus
- 333a
byas shing // namakha' ngos ni khebs byas te// char bzhin 'bebs shing nye bar lhags// 'jig rten mgon po'i mchod pa'i phyir// / lha klu lha'i me tog gi// char dang spos chu gtsang ma'i// char pa dag kyang rab tu phab// klu'i rgyal po ma dros pa// dung phyur drug dang lhan cig tu// rin chen char ba rab 'bebs shing // skyes bu khyu mchog drung du lhags/ brang 'gro chen po e la'i mda'// lhun po tsam yang du byed cing // tha ma'i 'jig rten mgon po la/ mchod pa bya phyir nye bar 'ongs// klu'i bu mo dang stong ni// brgyad dang khrag khrig rnams dag kyang // nga ro sprin snyed sgrogs byed cing // ston pa'i drung du nye bar lhags// tha ma'i 'jig rten mgon po la// mchod pa bya phyir de dag gis/ spos chu gtsang ma'i char chen dang // der ni mngon par rab tu phabs// gnod sbyin stong phrag bye ba dang // brgyad dang khrag khrig rnams dag kyang // sangs rgyas yon tan dran byed cing // blta ba'i phyir ni nye bar lhags// rgyal po chen po bzhi rnams kyang // tha ma'i sangs rgyas blta ba'i phyir// du bzhin mchi mas brnangs gyur cing // ston pa'i drung du nye bar lhags// de bzhin lha dbang
- 333b
brgya byin yang // sum cu gsum pa stong phrag ni/ 'drug cu gsum gyis mdun bdar cing // rdzogs sangs rgyas kyi drung du 'ongs// drang srong dam pa mchod pa'i phyir// des kyang me tog man dar// lha'i tsan dan phyi ma yi// char pa mngon par rab tu phab// tshangs pa ngan spong gtsug tor can// tha ma'i ston pa blta ba'i phyir// gnyis ka tshangs pas mdun bdar cing // dud mos 'debs shing rjes su lhags// gnas gtsang lha brgya bye ba phrag/ mang po gzi brjid chen po rnams// de ring rgyal ba 'da' 'gyur zhes// dud mos 'debs shing lhag par 'gyur// lha brgya bye ba phrag mang po// rnam mang cho nges 'debs byed cing lda/ mi mchog bskal par bzhugs gsol zhes// bsam btan che la gsol ba 'debs// bdud kyi bu pho mkhas pa po// de da dpon zhes ni bya ba dang / mi mchog mya ngan 'da' 'gyur zhes// shin tu sdug bsngal gyur cing 'ongs// des kyang zhabs la gtugs nas ni// shag kya'i rigs snang 'jig rten la gab kyi srad bskal bar bzhugs su gsol// rdzogs pa'i sangs rgyas bzhugs gyur na// lha dang mi'i bdag po la// bsam yas /
- 334a
don du 'gyur lags kyis// thub chen bskal bar bzhugs gsol zhes// mi'i mchog la gsol ba 'debs/ de nas rigs kyi bu dmigs med kyis/ lha dang bcas tshangs pa dang bcas pa'i 'jig rten de dang // bdud kyi bu ded dpon la tshigs su bcad de smras pa// bag med pas ni 'das byas shing // da ltar smre sngags 'don byed la// khyed kun mi shes byis pa ste// spre'u rnams dang ni 'dra ba yin// ji ltar phag ni sems bral zhing / nyal ba mtshon cha rnams dag gis// yongs su gshegs nas sad pa na// snying rje smre sngags 'don pa ltar// bag med dbang song sngan cad ni// gang gis chos rnams ma thos pa// khyed cag thams cad de 'dra bar// kho bos de ltar spobs pa yin// de ring ye shes sgron ma ni// 'jig rten du ni nub 'gyur zhing // kye ma rgyal ba 'da' 'gyur gyis// dge ba dag ni las kyis shig/ de nas bcom ldan 'das kyis// tshe dang ldan pa ma 'gags pa dang // tshe dang ldan pa byams ma'i bu gang po dang / tshe dang ldan pa rab 'byor dang // tshe dang ldan pa don yod rgyal po dang // gnas rten 'od srung gzhon nu dang // gnas brten 'od srung gzhon nu dang / gnas brtan
- 334b
bsus po che la bka' stsal pa/ dge slong dag khyed kyis lag pa g.yas pa dag de bzhin gshegs pa'i phyag tu phul cig/ dge slong de dag gis bcom ldan 'das legs so legs so zhes gsol te/ bcom ldan 'das kyi ltar mnyan to// de nas dge slong 'bum thams pas bcom ldan 'das kyi phyag tu rang rang gi lag pa phul lo// de nas bcom ldan 'das kyi phyag g.yon pas ni dge slong de dag thams cad kyi lag pa nas bzung / phyag g.yas pas ni kun dga' bo dang sgra gcan zin gyi lag pa nas bzung ste/ dge slong dag gnas brtan rnams la kun dga' bo bzang po dang / dpal sgra gcan zin 'di gnyis bcol cing yongs su gtad do// / zhes phyag gi sde slong de dag gi lag tu gtad do// de nas de'i tshe sangs rgyas kyi zhing 'dir sgra skad dang nga ro'i sgra snying rje zhing 'jigs su rung ba dag byung bar gyur cing / sgra skad des sangs rgyas kyi zhing kun tu grags par gyur to// de nas tshe dang ldan pa kun dga' bo dang / tshe dang ldan pa sgra can zin gnyis/ gnas brtan de dag la yongs su gtad pa mthong nas/ dge slong lnga brgya tsam gyis tshe'i 'du byed btang bar gyur to// de ci'i phyir zhe na/ 'di ltar dge slong de dag bcom ldan 'das
- 335a
yongs su mya ngan las 'da' ba la lta bar mi bzod pa'i phyir te/ de dag 'di snyam du 'jig rten gyi mgon po// 'jig rten gyi sgron ma thugs rje dang ldan pa/ dge ba'i bshes gnyen dam pa/ thugs brtse ba dang ldan pa/ phan par bzhad pa/ yongs su mya ngan las 'da' ba la/ bdag cag lta bar mi spros/ rje dang po kho nar bdag cag yongs su mya ngan las 'da' bar bya'o snyam du sems pa'i phyir ro// de nas skad cig de dang thang cig de dang yud tsam de la/ sangs rgyas bcom ldan 'das lnga brgya thams pas rang rang gi sangs rgyas kyi zhing dag na bzhugs bzhin du phyag g.yas pa rnams brkyang ste/ bcom ldan 'das la rab tu btud do// de nas bcom ldan 'das kyis phyag gis kun dga' bo dang sgra can zin dang / gnas rten gyi lag pa nas bzung ste/ phyag gis de bzhin gshegs pa de dag gi phyag tu phul nas/ bcom ldan 'das kyis de'i tshe tshigs su bcad pa 'di dag gsungs so// sgra can zin 'di bdag gi bu/ kun dga' bo ni go re long // 'di gnyis drang srong chen rnams la// mngon sum du ni yongs su btad/ de ring 'jam bu gling du naM/ bdag gi mtshan mo tha mar 'gyur/
- 335b
lha dang klu dang mi rnams kyis// slan cad bdag ni mthong mi 'gyur// gang dag byams pa bsam yas pa'i// 'jig rten mgon rnams ma gtogs par/ gzhan gang bdag la skyob 'gyur zhing // su zhig dpung gnyen skyabs su 'gyur/ sems gcig gi ni slad du yang // bskal pa stong phrag mang po ni// gang gi bye ma ji snyed pa// de snyed bskal par bsdad bgyi na// tshad med bsam gyi mi khyab pa'i// 'jig rten khams su rnam bltas na// gang gi phyir ni 'dir brdad pa'i// sems can 'ga' yang ma mthong ngo // sems can gang dag chos 'di la// gus bcas don ni bdag gis bgyis// blo gros ngan pa gzhan dag ni// sangs rgyas bye bas gdul mi spyod// de nas sangs rgyas bcom ldan 'das lnga brgya tham pa de dag gis/ de'i tshe tshigs su bcad pa 'di dag gsungs so// khyed kyis sems can don rnams mdzad// sangs rgyas mdzad pa'ang khyod kyis mdzad// cho 'phrul dag kyang bstan mdzad cing // chos kyi rnga chen rab tu brdungs/ skyob bshAg kya seng ge yis// sprin gyis sa gzhi chen po ltar// srog chags bye ba tshim mdzad cing // sems can rnams kyi zug rngu byung // de nas sang+yas bcom
- 336a
ldan 'das de dag la/ tshe dang ldan pa kun dga' bo dang / tshe dang ldan pa sgra gcan zin gyis pus g.yas pa'i lha nga sa la btsugs nas tshigs su bcad de gsol pa// sangs rgyas rnams kyi gzi brjid kyis// spyan ldan bskal par mthong ba dang // 'dren pa bskal bar bzhugs 'gyur bar// dpa' chen rnams la gsol ba 'debs// rdzogs pa'i sangs rgyas skang gnyis mchog/ shes rab chen po bzhugs gyur na// srog chags bye ba mngal// bsam gyi mi khyab don du 'gyur// lha'i cho gas rnams 'phel 'gyur zhing // lha min rnams kyang 'grib par 'gyur// nyan thos byang chub sems dpa' yang // bsam gyi mi khyab 'phel bar 'gyur/ de nas sangs rgyas bcom ldan 'das lnga brgya tham pa de dag gis// tshe dang ldan pa kun dga' bo dang // tshe dang ldan pa sgra gcan zin la 'di skad ces bka' stsal to// rigs kyi bu dag dud mos btab pa chog/ smre sngags bton pa chog gi/ mya ngan ma byed smre sngags ma 'don cig/ 'dus byas thams cad kyi rang bzhin de yin/ mtha' de yin/ 'gro ba de yin te/ 'dus byas skyes pa la rtag/
- 336b
pa la nyid med de/ mtha' 'di lta bu yin pas/ de bzhin gshegs pa chos kyis bdag nyid kyis 'dus byas thams cad spangs pas/ mnga' dbang mi mdzad cing / yang mnga' bdag mdzad par nam yang mi dgongs so// rigs kyi bu dag/ khyed nged kyi sangs rgyas kyi zhing du 'ong bar 'gyur ba 'am/ de bzhin gshegs pas phyag brkyang ste/ 'od kyis snang bar mdzad par 'gyur ba'i 'od des 'ong bar 'gyur ro// khyed cag 'di na 'dug na yang de bzhin gshegs pas zhal nye bar ston par 'gyur zhing / dam pa'i chos bstan pa yang mngon par bston pa par 'gyur gyis/ mya ngan ma byed cig/ de nas de'i tshe bcom ldan 'das 'di lta bu'i ting nge 'dzin la snyom par zhugs te/ ji ltar thugs mnyam par bzhag pas zhabs g.yas pa'i mthe bo dang / phyag g.yas pa'i mthe bo dang / de bzhin du g.yon pa gnyis dang / de bzhin du sku'i yan lag gnyis dang nyin lag rnams dang / de bzhin du zhabs kyi mthil 'khor lo'i mtshan gyis sbas pa gnyis dang / de bzhin du 'jam zhing dra bas 'brel la/ sen mo zangs kyi mdog lta bu'i phyag sor rnams dang / phyag ris shin/
- 337a
tu bkra ba'i phyag rin po che gnyis dang / de bzhin du mtshan thams cad dang / de bzhin du sku'i lte ba'i dkyil 'khor dang / mdoms kyi gsang ba'i than 'khor dang / de bzhin du zhal gyi dkyil 'khor dang / de bzhin du smin mtshams 'od gzer bye ba phrag 'bum 'bum rab tu 'gyed de/ 'od zer re re'i thog ma la yang pad ma bye ba phrag 'bum mngon par sprul to// pad ma re re'i snying po la yang seng ge'i khri bye ba 'bum 'bum mngon par sprul to// seng ge'i khri re re la yang de bzhin gshegs pa re re sprul te/ sangs rgyas kyi skas chos ston cing bzhugs par gyur to// de bzhin gshegs pa'i sprul re res kyang sems can bye ba khrag khrig 'bum phrag du ma dag zag pa zad par bya ba'i phyir btul to// kha cig ni 'dod chags dang bral ba'i sar btul to// de nas yang bcom ldan 'das kyis dbu'i gtsugs nas/ 'od gzer bye ba phrag 'bum rab tu bkye ste/ 'od gzer re re'i thog ma la yang pad ma bye ba phrag 'bum 'bum mngon par sprul to// pad ma re re'i snying po la yang seng ge'i khri bye ba phrag 'bum 'bum mngon par sprul to// seng ge'i khri re re la yang de bzhin gshegs pa re re mngon par
- 337b
sprul te/ sangs rgyas kyi skus chos ston cing bzhugs par gyur to// de bzhin gshegs pa de dag kyang byang chub sems dpa'i sde snod kyi chos kyi rnam grangs gzungs dang / rdo rje'i tshig yang dag par rab tu ston pa dang / 'khor gsum yang dag pa dang / sangs rgyas kyi stobs dang / mi 'jigs pa dag yang dag par rab tu ston pa ma gtogs par gtam gzhan mi gsung ngo // de bzhin gshegs pa'i re res chos bstan pa des kyang sems can dag pa dag las srog chags bye ba 'bum phrag du ma dag bla na med pa yang dag par rdzogs pa'i byang chub las phyir mi ldog pa la rab tu bkod do// de nas bcom ldan 'das kyis gyad rnams dang nye ba na yod pa shing sa la zung gis bar du de bzhin gshegs pa'i sku'i glo g.yas pas seng ge'i gzims khri la gzims pa zhig mngon par sprul pa mdzad nas/ sems can dmyal ba chen yang sos kyi gnas su gshegs te/ nyid kyi sku las 'od rab tu bkye'o// de rab tu bkye ma thag tu sems thams can dmyal ba chen po yang sos kyi gnas thams cad snang bar gyur to// de nas bcom ldan 'das kyi 'od kyis sems can dmyal ba chen po
- 338a
yang sos kyi gnas thams cad snang bar mdzad nas/ de'i tshe tshig su bcad pa 'di dag bka' stsal to// sems can 'di dag yang dang yang // bsad cing bsad cing phyir yang 'tsho/ 'du shes de nyid ston byed pas// des na sdug bsngal 'byung bar 'gyur// 'jig rten mgon po 'od mdzad pa// 'jig rten 'dir ni byung gyur nas// gang gi sdug bsngal 'gag gyur pa// zad pa med cing len med la// 'gag pa med cing zad med pa'idam pa'i chos ni ston par mdzad// gang dag chos 'di rab shes pa// de dag ngan 'gror 'gro mi 'gyur// bcom ldan 'das kyis tshigs su bcad pa de dag bka' stsal ma thag tu/ de nas skad cig de dang / thang cig de dang yud tsam de la sems can dmyal ba chen po yang sos kyi gnas nas// srog chags dung phyur phrag gsum gyis chos 'di thos nas phyir mi 'ong ba'i 'bras bu thob par gyur to// chos thos pa de dag gis de'i tshe tshigs su bcad pa 'di dag gsol to// zad pa ma mchis mi 'gag zag pa ma mchis pa'i// 'phags pa'i chos 'di tshal gyur pas/ bdag cag bsil
- 338b
'gyur mya ngan 'das// mkhyen nas ji bzhin nyid bsnyes shing // sems can rnams kyi dbang po mkhyen/ rgyu dang rkyen rnams ston mdzad cing / sems can rnams la thugs brtse ba/ zung du 'byin cing gsos mdzad la// sman gsol mdzad cing thams cad mkhyen// mya ngan 'da' ba ston mdzad pa// rdzogs sangs rgyas kyis bdag cag btul// ming dang sgron mar gyur pa 'di// shin tu myur bar 'das gyur na// su zhig srog chags bye ba rnams// yang sos gnod las thar mdzad 'gyur// zug 'byin mdzad sman pa che// 'byung po kun gyis gsos mdzad pa// de yis sems can gang gsol pa// de dag ngan gror mchi mi 'gyur// de nas bcom ldan 'das de'i tshe sems can dmyal ba chen po thig nag gi gnas kyi mthar bzhugs te// 'od rgya chen po rab tu bkye'o// des sems can dmyal ba chen po'i gnas de snang bar 'gyur nas/ srog chags stong phrag mang po de nas bton mtho ris la rab tu bkod do// de bzhin du sems can dmyal ba chen po bsdus gzhom dang / ngu 'bod dang / ngu 'bod chen po dang / tsha ba dang rab tu tsha ba dag nas srog chags stong phrag mang po dag 'aton te/ mtho ris
- 339a
dang mya ngan las 'da' ba'i lam la tu bkod do// de nas skad cig de dang yud tsam de la srog chags bye ba 'bum phrag du ma dag sems can dmyal ba'i gnas dag nas shi 'phos nas dga' ldan gyi lha'i ris rnams su skyes so// skyes ma thag tu lha'i bu de dag gis sngon gyi chos yang dag par rjes su dran nas// phyir mi 'ong ba'i 'bras bu thob po// de nas lha'i bu chos thos pa/ chos rtogs pa chos kyi gting du zhugs pa/ de dag gis de'i tshe tshigs su bcad pa 'di dag gsol to// ji ltar dgon pa'i shul zhig tu// ded dpon 'jigs pa ma mchis pas// chom rkun gdug pas gtses gyur pa'i// sems can mang po thar bgyis ltar// de bzhin 'khor ba'i btson ra las// ded dpon bla na ma mchis pa// sangs rgyas bcom ldan 'das kyis ni// sems can bye ba thar par mdzad// thugs rje nye bar bskyed mdzad cing // bdag cag sdug bsngal thar mdzad pa'i// bla med dad dpon 'od mdzad pa// sangs rgyas la skyangs su mchi// bdag cag lus kyis reg gyur pa'i// chos dang yon tan bsam yas pa'i// tshogs mchog 'phags pa'i dge lha 'ang // bdag cag skyabs
- 339b
su nye bar mchi// de nas bcom ldan 'das kyis 'od gsil zhing 'jams pas sems can dmyal ba chen po mnar med pa'i sems can dmyal ba'i yongs su gdung / ba sel zhing bsil bar mdzad nas/ yan lag stong yongs su rdzogs pa/ sems can thams cad rab tu sim pa bskyed pa/ 'jam pa snyam par gsung ba/ phan pa dang bde bar mdzad pa stong pa nyid dang mtshan ma med pa dang smon pa med pa dang ldan pa'i gsung gis sems can dmyal ba pa de dag la bka' stsal cing / de'i tshe tshigs su bcad pa 'di dag bka' stsal to// gang gis stong nyid mtshan med dang // skye med 'dus byas ma yin pa'i// chos rnams rab tu shes gyur pa'i/ de dag ngan 'gro'i 'jigs las grol// de nas srog chags bye ba 'bum phrag brgyad kyis gsung de thos nas dus gsum la thogs pa med cing / yan lag gi yon tan 'bum dang ldan pa'i sgra rna lam du grag pa thos nas/ sems can dmyal ba chen po mnar med pa'i gnas nas shi 'phos de gzhan 'phrul dbang byed kyi/ lha rnams dang skal ba mnyam par skyes so// de nas bcom ldan 'das tshangs pa'i 'jig rten du gshegs te/ tshigs su bcad pa 'di dag bka' stsal to//
- 340a
gang la sdug bsngal mi rnyed pa'i// sems can rnams ni mchog tu bde// ming yang mtshan ma tha snyad dang // 'du shes gang yin/ tshul bzhin min// bstan pas de dag rnam spangs na// des ni sdug bsngal dag las 'grol// gang dag gzugs med rten pa yi// 'du shes kun kyang tshul bzhin min// yang dang yang du 'chi 'pho zhing // shi nas skye bar 'gyur ba'i// sdug bsngal phyir zhing rab 'phel ba// khams gsum pa dag ji phyir bdelnga gang gis stong pa stong shes shing // stong pa de la mi sems la// gang dag stong nyid mi mthong ba// de dag stong nyid shes pa yis// gang gis chos don des shes pa// de dag la ni rnyed mi 'gyur// gang la bdag ni mi rnyed pa// de la sdug bsngal ga la 'byung // stong dang nye bar len med dang // mtshan ma med pa ma yin zhing // bdag med chos ni ston byed pa// sangs rgyas thugs las skyes pa'i sras// de nas gang dag der skyes pa'i srog chags bye ba 'bum phrag brgyad po de dag gis zag pa zad pa thob cing / lha'i drang srong du gyur nas/ de dag gis sems can dmyal ba'i gnas dag sems can dmyal ba'i gnas
- 340b
kyi sdug bsngal dag rjes su dran zhing de bzhin gshegs pa'i skyes bu'i mthu yang rjes su dran nas byas pa gzo ba'i phyir/ bdag cag gis de bzhin gshegs/ pa dgra bcom pa yang dag par rdzogs pa'i sangs rgyas yongs su mya ngan las 'das pa mthong ba dang po kho nar bdag cag yongs su mya ngan 'da' bar bya'o zhes de nas lha'i bu dgra bcom pa nyid thob pa de dag gis de'i tshe tshigs su bcad pa 'di dag gsol to// mi 'dul kha lo sgyur ba gang zag mchog/ snang ba 'od mdzad rab tu gsal mdzad pa// mya ngan 'da' bar mdzad pa ji ltar blta// bdag cag sngar nyid mya ngan 'da' bar bgyi/ de skad ces gsol nas de nyid du yongs su mya ngan las 'das so// de nas bcom ldan 'das skad de dang thang cig de dang yud tsam de la/ tshangs pa'i 'jig rten nas mi snang bar gyur te/ gyad rnams dang nye ba na yod pa shing sa la zung gi bar du slar gshegs so// de nas bcom ldan 'das 'di snyam du dgongs te/ de bzhin gshegs pa dgra bcom pa yang dag par rdzogs pa'i sangs rgyas nga ni do mod nam gyi thun tha ma la yongs su mya ngan las 'da' bar 'gyur te// sems can rnams la bstan par bya ba'i tha ma 'di yin gyis/
- 341a
bdag gis de bzhin gshegs pa'i cho 'phrul chen po sems can rnams mchog tu dga' bar bya ba dang / bde ba skye bar byed pa/ sdug bsngal zhi bar byed pa/ sems can thams cad de bzhin gshegs pa'i bdag nyid chen po la thogs med par 'jug par 'gyur ba/ sangs rgyas yongs su mya ngan las 'da' ba dang ldan pa dag kun tu bstan par bya'o snyam du dgongs so// de nas bcom ldan 'das kyis sku glo g.yas pa bteg ste/ seng ge bzhin du bag tsha ba mi mnga' bar phyogs bcu'i skye dgu de dag la glang po che'i lta stangs kyis gzigs nas/ zhabs g.yas pa'i mthe bongs po la bsnun to// bsnun pa de las sgra skad chen po byung zhing rnam pa drug tu rab tu g.yos te/ phyogs bcu'i 'jig rten dag 'od bsam gyis mi khyab cing thogs pa med pas snang bar yang gyur to// de nas bcom ldan 'das kyis skra las 'od zer 'di lta bu dag rab tu bkye ste/ 'od zer rab tu bkye ba des spu'i khung bu re re nas kyang 'od gzer gang gA'i klung gi bye ma snyed dag byung ngo // 'od gzer de dag re re las kyang 'od gzer gang gA'i klung gi bye ma snyed dag byung ngo // 'od gzer de re re las kyang sangs rgyas kyi zhing gang gA'i klung gi bye ma snyed dag snang bar byas te/
- 341b
'od gzer cig dang 'od gzer gnyis pa lhan cig 'grogs par 'gro zhing / yang dang yang du spu'i khung bu so so nas 'od gzer rab tu bkye bas 'jig rten gyi khams de snyed snang bar mdzad do// de nas yang bcom ldan 'das kyis 'di lta bu'i rdzu 'phrul mngon par 'du bya ba mngon par 'du mdzad de/ rdzu 'phrul mngon par 'du bya ba ji lta bu mngon par 'du mdzad pas/ sangs rgyas kyi mthu dang / sangs rgyas kyi byin kyi rlabs kyis sems can thams cad sangs rgyas kyi spyan dang ldan par gyur cing / sangs rgyas kyi spyan gyi bye brag kyang rtogs par gyur to// de dag thams cad kyi zhing ji snyed bcom ldan 'das kyi 'od kyis gsal bar gyur pa de dag thams cad mthong bar gyur to// / de nas bcom ldan 'das kyis dge slong rnams la bka' stsal pa/ dge slong dag khyed kyis shar phyogs logs na kho ra khor yug gyi khyon du dpag tshad 'bum yod pa'i grong khyer de ltar che ba/ de ltar yangs pa de ltar mtho ba de ltar rgya che ba zhig rdul phra rab kyi rdul brgya stong dag gis yongs su gang ba thong ngam/ gsol pa/ bcom ldan 'das de de lta lags so// bka' stsal pa/ dge slong dag 'di ji snyam du sems/ rdul phra rab kyi rdul de dag mang ba yin snyam 'am/ gsol pa/ bcom ldan
- 342a
'das de de ltar lags so// bka' stsal pa/ gang gis zad med len med cing / 'gag med zad pa med pa'i/ chos de rab tu shes pa dag/ de dag ngan 'gror 'gro mi 'gyur/ de nas srog chags bye ba phrag su bcu rtsa sum gyis chos kyis rnam grangs 'di thos nas/ phyir mi 'ong ba'i 'bras bu thob bar 'gyur te/ chos thos pa de dag thams cad kyis de'i tshe tshigs su bcad pa 'di dag gsol to// zad pa ma mchis len ma mchis// mi 'gag zag pa ma mchis pa'i/ 'phags pa'i tshogs 'di 'tshal gyur pas// bdag cag bsil 'gyur mya ngan 'das// mkhyen nas ji bzhin nyid bsnyes shing // sems can rnams kyi dbang po mkhyen rgyu dang rkyen rnams ston mdzad cing // sems can rnams la thugs brtse ba// zug rngu 'byin cing gsol mdzad la// sman stsol mdzad cing thams cad mkhyen/ mya ngan 'da' ba stobs mdzad pa'i// rdzogs sangs rgyas kyis bdag cag btul// mig dang sgron mar gyur pa 'di// shin du myur bar 'das 'gyur na// su zhig srog chags bye ba rnams// yang sos gnod las thar mdzad 'gyur// zug rngu 'byin mdzad sman pa che// 'byung po kun gyi gsos mdzad pa// de yis sems can gang gsos
- 342b
pa/ de dag ngan 'gror mchi mi 'gyur// de nas bcom ldan 'das de'i tshe sems can dmyal ba chen po thig nag gi gnas kyi mthar bzhugs te 'od rgya chen po rab tu bkye'o// sems can dmyal ba chen po'i gnas de snang bar gyur nas/ srog chags stong phrag mang po dag de nas bton te mtho ris la rab tu bkod do// de bzhin du sems can dmyal ba chen po bsdus gzhom dang / ngu 'bod dang ngu 'bod chen po dang / tsha ba dang rab tu tsha ba dag nas kyang srog chags stong phrag mang po dag bton te/ mtho ris dang mya ngan las 'da' ba la rab tu bkod do// de nas bcom ldan 'das sems can dmyal ba chen po brgyad kyi gnas rnams su 'od gzer gyi kha dog lta bu shin tu 'jam pa dga' bar 'gyur ba/ yid du 'ong ba/ sdug bsngal nye bar zhi bar byed pa/ mig dga' bar byed pa/ snying dang mig rab tu sim bskyed pa/ bsil ba byams pa dang snying rje las nges par 'byung ba/ lus bde ba bskyed par byed pas sems can dmyal ba chen po gnas de dag gsal bar mdzad cing / sems can dmyal ba chen po de dag gi me'i gdung ba skyes pa'i gdung ba yang yongs su zhi bar mdzad nas/ sems can de dag la bde ba nye bar bsgrub pa'i phyir
- 343a
spu'i khung bu thams cad nas mthar gyis 'od de dag rab tu bkye'o// de nas bcom ldan 'das kyis 'od kyis sems can de dag gi lus mngon par brnyen par mdzad cing / lus dang sems 'jam zhing las su rung ba bskyed nas/ yon tan 'bum phrag du ma dang ldan pa'i gsung gis/ tshigs su bcad de bka' stsal pa// nga'i 'jig rten bde stsol cing // nga ni sdug bsngal thar mdzad pa// nga ni lus ngan 'gyur ba rnams// rab tu zhi ba ston mdzad pa'o// ngas bshad zhi ba bde ba dang // shin tu blta dka'i chos gang yin// gang dag chos der rab shes pa// de dag ngan 'gror 'gro mi 'gyur/ gang dag sangs rgyas skyabs song ba'i// mi rnams de dag rnyed pa yod// de dag bskal pa stong rnams su// phyin cad 'di dag sdug bsngal sten mi 'gyur// bcom ldan 'das kyis tshigs su bcad pa de dag bka' stsal ma thag tu/ de nas skad cig de dang thang cig de dang yud tsam de la de nas dge slong rab tu mang po dag dang / sangs rgyas bcom ldan 'das tshad med pa dag kyang skad cig de dang thang cig dang yud tsam de la seng ge'i gzims khri dngal gro g.yas pas phab ste gzims
- 343b
par gyur pa de dag kyang slar bzhengs te cho 'phrul de lta bu dag kun tu ston par mdzad do// de nas bcom ldan 'das la 'khor bzhi po dag gis 'di skad ces gsol to// bcom ldan 'das ci'i slad du sangs rgyas bcom ldan 'das de dag thams cad 'di lta ste/ dper bgyi nad ltar bcom ldan 'das bzhin du skad cig 'di na thang cig 'di dang yud tsam 'di la yongs su mya ngan las 'da' ba la mngon par phyogs shing / cho 'phrul de lta bu dag kun tu ston par mdzad lags/ bcom ldan 'das kyis bka' stsal pa/ dge slong dag de bzhin te/ sangs rgyas bcom ldan 'das de dag thams cad kyang deng srid pa tha ma spangs te/ yongs su mya ngan las 'da' bar 'gyur ro// de bzhin gshegs pa de dag thams cad kyang shag kya thub pa zhes bya bar mtshan 'thun pa sha stag ste/ thams cad kyang gyad rnams dang nye ba na yod pa shing sa la zung gis par sha stag tu seng ge'i gzims khri la sku'i glo g.yas pas phab ste bzhugaso// de dag thams cad kyang do mod nam gyi thun tha ma la yongs su mya ngan las 'da' bar 'gyur ro// de nas bcom ldan 'das kyis dge slong rnams la bka'
- 344a
stsal pa/ dge slong dag khyed kyis shar phyogs na sangs rgyas bcom ldan 'das tshad med grangs med pa dag bla na med pa yang dag par rdzogs pa'i byang chub mngon par 'tshang rgya ba mthong ngam/ dge slong dag khyed kyis de bzhin du lho phyogs dang nub phyogs dang byang phyogs dang phyogs 'tshams rnams dang lnga 'og dang steng gi phyogs dag na sangs rgyas bcom ldan 'das tshad med grangs med pa dag bla na med pa yang dag par rdzogs pa'i byang chub mngon par rdzogs par 'tshang rgya ba mthong ngam/ de dag gis gsol pa/ bcom ldan 'das de de ltar lags ste/ bgrang ba'i tshul gyis mthong lags kyi/ don dam par ni ma mthong lags so// bcom ldan 'das kyis bka' stsal pa/ dge slong 'di ji snyam du sems/ rdul phra rab dper na gling bzhi pa chen po'i 'jig rten gyi khams chu'i phung po nas bzung ste/ tshangs pa'i 'jig rten gyi mthar thug pa'i rab tu rdul phra rab kyis yongs su gang bar gyur na/ dge slong 'di ji snyam du sems/ rdul phra rab kyi rdul de dag tshad gzung ba dang / bgrang ba 'am/ dpe 'am/ yongs su bgrang bar nus snyam 'am/ gsol pa/ bcom ldan 'das de ni ma lag so//
- 344b
bka' stsal pa/ dge slong dag 'di lta ste dper na gling bzhi pa chen po'i 'jig rten gyi khams de lta bu bye ba phrag 'bum rdul phra rab kyi rdul gyi yongs su gang bar gyur naHdge slong dag ngas sha'i spyan tha ma la bas shar phyogs su rdul phra rab kyi rdul de dag ji snyed pa'i de snyed kyi sangs rgyas bcom ldan 'das dag gzigs te/ dper na gnya shing gang tsam na 'dug pa rnam par mi rtog pa sha'i mig ma nyams pa rgyang ring por mi lta ba'i rang gi yul bzhin no// lho phyogs su yang de bzhin// nub phyogs su yang de bzhin/ byang phyogs su yang de bzhin phyogs mtshams rnams su yang de bzhin/ 'og gi phyogs su yang de bzhin steng gi phyogs su yang de bzhin no// dge slong dag ngas 'di lta ste dper na/ gling bzhi pa chen po'i 'jig rten gyi khams 'bum/ chu'i phung po nas gzung ste/ tshangs pa'i 'jig rten gyi mthar thugs pa'i bar rdul phra rab kyi rdul gyis yongs su gang bar gyur pa'i rdul phra rab kyi rdul de dag ji snyed pa de snyed sangs rgyas bcom ldan 'das dag shar phyogs na byang chub kyi snying po la bzhugs pa dang / bzhugs par gyur pa dag kyang gzigs te/ sangs rgyas bcom ldan 'das de dag thams cad kyang shAg kyang thub pa zhes
- 345a
mtshan bya bar mthun pa sha stag yin no// de bzhin du mar me mdzad ces bya bar mtshan mthun pa'i sangs rgyas bcom ldan 'das dang / de bzhin du thams cad zil gnon zhes bya bar mtshan mthun pa dang / de bzhin du pad ma dam pa zhes bya bar mtshan mthun pa dang / de bzhin du mngon par 'phags par gshegs pa/ zhes bya bar mtshan mthun pa dang / de bzhin du grags mchog ces bya bar mtshan mthun pa dang / de bzhin du 'khor ba 'jig ces bya bar mtshan mthun pa dang / de bzhin du gser thub ces bya bar mtshan mthun pa dang / de bzhin du 'od srung zhes bya bar mtshan mthun pa sha stag la yang de snyed gzigs so// de bzhin du mtshan gzhan dang gzhan du gsol ba'i sangs rgyas bcom ldan 'das rnams kyang gzigs te/ sangs rgyas bcom ldan 'das de dag gi mtshan de dag kyang 'jig rten na chos rgya chen po dang / chos sna tshogs dang / chos mchog dang ldan pa'i las can dag yin te/ de ltar mtshan tha dad par gsol ba'i sangs rgyas bcom ldan 'das gang dag da ltar bzhugs te 'tsho zhing bzhes pa dag kyang gzigs so// mtshan de lta bu'i sangs rgyas bcom ldan 'das yongs su mya ngan las 'da' ba
- 345b
dag dang bzhugs pa dag dang / chos kyi 'khor lo skor ba dag kyang gzigs te/ nga'i sha'i spyan tha mal pa bsgribs pa med pa/ thogs pa med pa/ chags pa med ba'i yul du snang ba ni de dag yin te/ de bzhin gshegs pas de ltar rab tu mkhyen to// de bzhin gshegs pas rab tu mkhyen pa gang yin pa de ni de bas kyang lhag pa dang k+Sha lhag pa bas kyang lhag pa dang / bsam gyis mi khyab pa dang ches bsam gyis mi khyab pa dang / gong ma dang ches gong ma dang / tshad med pa dang / ches tshad med pa dag kyang rab tu mkhyen to// sha'i spyan tha mal pas kyang de ltar de bzhin gshegs pa tshad med pa dang / de ltar gzhal du med pa dang / de ltar bgrang du med pa dang / de ltar grangs med pa yin na/ sangs rgyas kyi chos rnams kyis lta smos kyang ci dgos/ dge slong dag 'di lta ste dper na/ khyim pa'am rab tu byung ba gang la la zhig gis sangs rgyas kyi zhing 'di'i sems can thams cad bla na med pa yang dag par rdzogs pa'i byang chub mngon par rdzogs par sangs rgyas testob bcu dang / mi 'jig pa thob par gyur pa de dag la bskal ba yongs su rdzogs pa bkur sti byas/ bla mar byas/ ri mor byas/ mchod pa byas/ rjed
- 346a
bar byas/ gsol ba byas te/ mchod pa sna tshogs bsam gyis mi khyab pa dag gi mchod pa byas pa bas/ rigs kyi bu 'am rigs kyi bu mo gang la la zhig gis/ sangs rgyas thams cad rnam par 'byed pa dang / dag par rab tu ston pa'i chos kyi rnam grangs 'di la dad pa'i sems bskyed pa cig tsam bskyed cing / the tsom med pa'i blos yang dag pa'i 'du shes bskyed par gyur na/ sems bskyed ma thag tu de bas ches bsod nams mang du skye bar 'gyur zhing sangs rgyas kyi yon tan mang po dag dang yang nye bar 'gyur gyi/ stong gsum gyi stong chen po'i 'jig rten gyi khams kyi sems can thams cad kyis thams cad mkhyen ba nyid thob par 'gyur ba la bskal par bsnyen bkur byas pas ni de lta ma yin no// byang chub sems dpa' sems dpa' chen po gang zhig ye shes 'di la mos pas byed pa de ni/ sangs rgyas bcom ldan 'das rnams dang nye bar 'gyur zhing / de ni bla na med pa yang dag par rdzogs pa'i byang chub dang nye bar 'gyur ro// sha'i spyan bshad pa lung bstan pa 'di bshad pa na/ srog chags bye ba drug bcu rtsa gnyis kyis bla na med pa yang dag par rdzogs pa'i byang chub tu sems bskyed nas tha na/
- 346b
med pa yang dag par rdzogs pa'i byang chub ni 'byung bar dka' ba yin gyis/ bdag cag gis 'di nyid la sdug bsngal zab pa dang / nyon mongs pa'i mtha' ma dang // zag pa zad pa thob par bya'o snyam nas yang phyir log par gyur to// sems can dpag tu med pa rnams ni slob pa'i sa la bkod par gyur to// byang chub sems dpa' khrag khrig phrag bcu'i ni sems dang po skyed pas yongs su grub par gyur to// byang chub sems dpa' bye ba 'bum phrag sum cu rtsa gnyis ni mi skye ba'i chos la/ bzod pa thob par gyur to// de nas bdud sdig can sdug bsngal zhing yid mi bde bar gyur te/ mchi mas bsnangs shing du bzhin du skad phyung ste/ bcom ldan 'das la 'di skad ces gsol to// bcom ldan 'das bdag sems can rnams bdag gi yul las yang dag par 'da' bar ma gyur cig snyam nas/ gang gi slad du de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'da' bar 'tshal pa de nyid bcom ldan 'das nyams pa mi mnga' bas sku tshe'i tshad bskal par bzhugs pa dang 'dra bar skya reng ma shar cing gdugs ma bdal bar yang sems can tshad ma mchis pa rnams kyi don gyi slad du/
- 347a
'di lta ste mya ngan las 'da' ba la rab tu bkod pa lags pas/ bcom ldan 'das de bzhin gshegs pas bdag gi yul stongs par mdzad lags so// de skad ces gsol pa/ bcom ldan 'das kyis bdud sdig can la 'di skad ces bka' stsal to// sdig can sems can gang dag dge ba'i chos rnams la mngon par mi btson pa dang / gang dag de bzhin gshegs pa'i yul la dad par mi byed pa de dag khyod kyi grogs yin la/ khyod kyang de dag gi grogs yin pas sdig can khyod kyi grogs mang du yod kyis sdig can du bar ma byed smre sngags ma 'don cig/ de nas bcom ldan 'das kyis de'i tshe phyag gi sen mo'i rtse mo sa bzhi chen po las sa'i rdul zhig blangs nas bdud sdig lnga bka' stsal pa/ sdig can 'di ji snyam du sems ji sor mo'i rtse mo la rten pa dang sa gzhi chen po la rten pa'i rdul yin pa de gnyis gang mang skam sems/ de skad ces bka' stsal pa dang / bcom ldan 'das la bdud sdig can gis 'di skad ces gsol to// bcom ldan 'das bcom ldan 'das kyi phyag gi sen mo'i rtse mo la mchis pa'i dog sa'i rdul ni nyung gis gzhi chen po la mchis pa ni shin
- 347b
tu mang lags so// de skad ces gsol ba dang / bcom ldan 'das kyis bdud sdig can la 'di skad ces bka' stsal to// sdig can 'di lta ste dper na nga'i ser mo'i rtse mo la 'dug pa'i rdul bas kyang ches nyung ba'i sems can dag ngas nyon mongs pa zad par byas te/ yongs su mya ngan las 'das pa bla na med pa la so sor bkod kyi/ sdig can 'di lta ste dper na sa gzhi chen po la rten pa'i bas kyang ches mang ba'i sems can rnams ni khyod kyi yul du song bas naHsems can gyi khams dpag tu med pa yod kyis sdig can khyod dga' bar gyis shig/ sdig can de dag lta mod kyi sems can rnams ni/ bdag nyid kyis bdag nyid ji ltar ring bar 'gyur ba de ltar byed pas na/ de rnams la khyod kyis kyang ci zhig byar yod/ sdig can de ltar na/ sems can gyi khams dpag tu med par yod kyis de dag la bya ba gang yod pa de kyis shig de bzhin gshegs pa ni do mod nam gyi thun tha ma la yongs su mya ngan las 'da' bar 'gyuraro// de nas bcom ldan 'das kyis dge slong rnams la bka' stsal pa/ dge slong dag khyed kyis sangs rgyas bcom ldan 'das de dag mthong ngam//
- 348a
gsol ba/ bcom ldan 'das de de lta lags so// bka' stsal pa de bas kyang shin tu tshad med pa dag yod par blta'o// / de bzhin du sangs rgyas bcom ldan 'das de dag gi 'jig rten gyi khams dang sangs rgyas kyi zhing phun sum tshogs pa dag mthong ngam/ byang chub sems dpa' rnams kyi byang chub sems dpa'i bkod pa dang / nyan thos rnams kyi nyan thos phun sum tshogs pa dag mthong ngam/ de dag gis gsol pa/ bcom ldan 'das de de lta lags so// bde bar gshegs pa de de lta lags so// bka' stsal pa/ dge slong dag de bzhin gshegs pas ni de bas kyang phyir zhing lhags pa dang / shin tu tshad med pa dag kyang rab tu mkhyen to// dge slong dag ngas phyogs bcu'i 'jig rten gyi khams na de bzhin gshegs pa'i phun sum tshogs pa dang / sangs rgyas kyi zhing gi phun sum tshogs pa de lta bu dag mthong ba ni ngas bskal pa'am/ bskal pa brgya 'am/ bskal pa stong ngam/ bskal pa 'bum 'am/ bskal pa bye ba 'am/ bskal pa khrag khrig gam/ de bas lhag pa rnyed du dpes rab tu phye ste/ rgya cher yang dag par rab tu brjod kyang mthar thug par 'gyur ba med do// dge slong dag ngas khyed cag nyan thos rnams la ston pa'i bya ba gang yin pa de yang byas te/ ngas chos la slob dpon gyi dpe mkhyud ma byas par phyi nang med par rnam pa thams cad du thams cad bstan zin te/
- 348b
de las lhag par thob par bya ba ni tha na rtswa'i rtse mo'i cha shas tsam yang med kyis/ da khyed cag gis nan tan la gnas par bya'o// ngas khyed cag la mya ngan las 'da' ba'i chos kyang bstan/ mya ngan las 'da' bar 'gro ba'i lam la yang bstan/ sems can rnams kyi dge ba'i rtsa ba shin tu dga' ba dag kyang yang dag par bskyed/ bla na med pa yang dag par rdzogs pa'i byang chub kyang yang dag par bsgrubs zin gyis de bzhin du thams cad rjes su yongasu bzung la ci nas kyang nyams par mi 'gyur ba de lta bgyis shig/ de nas bcom ldan 'das kyis de'i tshe 'di rdzu 'phrul mngon par 'du bya ba/ mngon par mdzad de ji lta bu'i rdzu 'phrul mngon par 'du bya ba/ mngon par 'du 'dzad pas/ sangs rgyas bcom ldan 'das de dag gis phyogs bcu'i 'jig rten gyi khams dag tu chos bstan pa de dag sangs rgyas kyi zhing 'di na gnas pa'i sems can rnams kyis thos par gyur te/ sangs bcom ldan 'das de dag gis chos gang bstan pa'i chos de dag bston cing / chos de dag kun tu shes par gyur pa'i sems can gang gA'i bye ma snyed ni theg pa gsum la rab tu bkod par gyur to// bye ba 'bum phrag bcu ni bla na med pa yang dag par rdzogs pa'i byang chub la rab tu bkod par gyur to// srog chag bye ba khrag khrig 'bum phrag bcu ni rang byang chub la rab tu bgrod par gyur to// sems can de bas lhag pa nas ni dag bdab la gnas par gyur to// delta chos brtan pa 'as seMs can thag cig drag chad med dpag tu med bgrang du med/ gzhal du med cing bas gyis mi khyab ba na byed lnga bar gyur / das so las dri ga sugs la pa 'phrul gang nga srung gang du bya ga las 'a /
- 350a
khyed kyis ce nas kyang sangs rgyas kyi bstan pa kun tu bsrung ba la nan tan gyis shig/ dge slong dag khyod kyis bdag la phan pa dang / gzhan la phan pa'i phyir de ltar bslab par bya'o// bcom ldan 'das kyis de skad ces bka' stsal nas/ dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// bam po gsum bzhugs so// 'bags pa khye'u bzhi'i ting nge 'dzin ces bya ba theg pa chen po'i mdo rdzogs s+ho// // rgya gar gyi mkhan po 'ji na mi tra dang / prad nye bar ma dang / zhu chen gyi lots+tsha ban d+he ye shes sde las stsogs pas bsgyur cing zhus te gtan la babag/ bkra shis/ dge'o// samasan/ zhus dag/