Text

ff. 1a–293a · 585 folio sides

  1. 1a

    sgra sbyor bam po gnyis bzhes bya ba bzhugs so//

  2. 1b

    na mo bud d+hA ya/ bam po dang po/ rta'i lo la btsan po khri lde srong btsan pho brang skyi'i 'on cang don bzhugs/ stod smad kyi dmag rnying rjed dang rkun chen btus/ gar log gi pho nyas phyag btsal/ blon chen po zhang khri zur ram shags dang/ mang rje lha lod la sogs pas rgya las gnangs mang po bcad de/ rnga rta dang ba lang phal mo che phyag tu phul/ zhang blon man chad so sor bya dga' stsal ba'i lan la/ nyi 'og gi mkhan po A tsArya dzin mi tra dang/ su ren+d+ra bo d+hi dang/

  3. 2a

    shI len+d+ra bo d+hi dang/ dA na shI la dang/ bo d+hi mi tra dang/ bod kyi mkhan po radna rak+Shi ta dang/ d+harmma tA shI la dang/ lo tsA ba mkhas par chud pa dz+nyan se na dang/ dza ya rak+Shi ta dang/ many+dzu sh+rI warmma dang/ radnen+d+ra shI la la sogs pas theg pa che chung las 'byung ba'i rgya gar gyi skad las bod kyi skad du bsgyur cing ming du btags pa rnams dkar chag tu bris te/ nam du yang gzhung lugs de las mi bsgyur zhing kun gyis bslab tu rung bar gyis shig ces bka' stsal nas/ sngon lha sras yab kyi ring la/

  4. 2b

    A tsA rya bo d+hi satwa dang/ ye shes dbang po dang/ zhang rgyal nyen nya bzang dang/ blon khri bzher sang shi dang/ lo tsA ba dz+nyA na de ba ko Sha dang/ lce khyi 'brug dang/ bram ze A nanda la sogs pas chos kyi skad bod la ma grags pa la min du btags pa dag cig mchis pa'i nang nas kha cig chos kyi gzhung dang/ byA ka ra Na'i lugs dang mi mthun te/ mi bcos su mi rung ba rnams kyang bcos/ skad kyi ming gces so 'tshal gyis kyang bsnan nas theg pa che chung gi gzhung las ji ltar 'byung ba dang/ gana'i mkhan po chen po nA gardzu na dang/ ba su band+hu la sogs pas ji ltar bshad pa dang/ byA ka ra Na'i sgra'i lugs las ji skad du 'dren pa dang yang bstun te/ 'jal dka' ba rnams kyang tshig so sor phral nas gtan tshigs kyis bshad de gzhung du bris/ skad kyang ba bshad mi 'tshal ba sgra bzhin du bsgyur bar rigs pa rnams

  5. 3a

    kyang sgra btsan par bgyis te ming du btags/ skad kha cig don bzhin du gdags par rigs pa rnams kyang don btsan par bgyis te/ ming du btags nas btsan po'i sbyan sngar bande chen po dpal gyi yon tan dang/ bande chen po ting nge 'dzin la sogs pa yang tshogs te/ rje blon gdan 'dzom pa la zhus nas d+harmma bsgyur ba'i thabs dang/ rgya gar gyi skad la bod kyi skad du ming btags pa rnams gtan la phab ste/ bkas bcad pa/ dam pa'i chos bsgyur ba'i lugs ni don dang yang mi 'gal la bod la yang gar bde bar gyis shig/ d+harmma bsgyur ba la rgya gar gyi skad kyi go rims las mi bsnor bar bod kyi skad du bsgyur na don dang tshig tu 'brel zhing bden ma nor bar bsgyur cig/ bsnor na bde zhing go ba bskyed pa zhig yod na/ tshigs su bcad pa la ni rtsa ba bzhi pa'am drug pa'ang rung ste/ tshigs su bcad pa gcig gi

  6. 3b

    nang na gang bde ba bsnor zhing bsgyur cig/ rkyang pa la ni don gang snyegs pa yan chad kyi tshig dang don gnyis ka la gar bde bar bsnor zhing bsgyur cig/ skad cig la min du mar 'dren pa ni lta 'og dang bstun la gar snyegs pa bzhin du ming thogs shig/ gau ta ma lta bu gau'i sgra las tshig dang/ phyogs dang/ sa dang/ 'od dang/ rdo rje dang/ ba lang dang/ mtho ris la sogs pa rnam pa du mar snyegs pa dang/ kau shi ka lta bu rtswa ku sha? thogs pa dang/ mkhas pa dang/ pad+mal dga' ba dang/ 'ug pa dang/ mdzod ldan la sogs pa'i sgra'i lugs la drangs shing bsgyur na/ sna grangs mang ba zhig tu snyegs la bsgyur ba rnams gcig gi nang du ni sna grangs de kun 'dur yang mi btub ste/ gcig tu chad par byar yang gtan tshigs chen po med pa rnams ni mi bsgyur bar rgya gar skad so na zhog cig/ gar yang drang du rung ba'i tshig cig byung na/ phyogs gcig tu chad par mi bsgyur bar spyir snyegs su rung bar gyis shig/ yul dang sems can dang/ me tog dang/ rtsi shing la sogs pa'i ming bsgyur na yid gol zhing tshig mi bde ba dang/ 'ol spyir bsgyur du rung yang don du de ltar yin nam ma yin gtol med pa rnams la/ mgo la yul zhi 'am/ me tog ces pa la sogs

  7. 4a

    pa gang la bya ba'i ming gcig bla thabs su bsnol la rgya gar skad so na zhog cig/ grangs la rgya gar skad bzhin du bsgyur na dge slong brgya phrag phyed dang bcu gsum zhes 'byung ba la sogs pa ni stong nyis brgya lnga bcu zhes tha mal par bod kyi skad kyi lugs bzhin bsgyur na don dang yang mi 'gal la bod kyi skad la yang bde bas/ grangs bsdom du rung ba rnams bod skad kyi lugs bzhin du thogs shig/ pa ri dang/ sam dang/ u pa lta bu la sogs te/ tshig gi phrad dang rgyan lta bur 'byung ba rnams bsgyur na don dang mthun zhing 'byor pa'i thabs ni/ yongs su zhe 'am yang dag pa zhes 'am/ nye ba zhes sgra bzhin du bsgyur cig/ don lhag par snyegs pa med pa rnams ni tshig gi lhad kyis don bzhin du thogs shig/ rnam grangs su gtogs pa'i tshig rnams ni ma 'dom na ming gang pod skad du spyir du spyir drangs shing tshig tu gar bde bar gdags so/ /'dom na so sor btags pa bzhin du thogs shig/ sangs rgyas dang byang chub sems dpa' dang nyan thos la sogs pa zhes dang ko long gi tshig gi rim pa ni sangs rgyas la/ zhes pa'i tshig tu bsgyur/ gzhan la tshig 'bring po man chad tsam du byas te/ sngon lha sras yab kyi spyan sngar mkhan po dang lotsA ba mkhas pa tshogs

  8. 4b

    pas d+harmma dkon mchog sprin dang/ lang kar gshegs pa bsgyur te/ gtan la phab pa'i lugs bzhin du bsgyur cig/ skad kyi lugs 'di ltar bkas bcad pa las so so nas su yang 'chos shing 'og tu ming gsar du 'dogs su mi gnang gis/ bsgyur ba dang 'chad pa'i gra so so nas skad gsar du ming gdags dgos pa zhig yod na yang/ so so'i gra grar ming 'chad par ma gdags par chos kyi gzhung dang sgra'i lugs las ji skad du 'byung ba'i gtan tshigs dang/ chos la ji skad du gdags pa dpyod de/ /pho brang du bcom ldan 'das kyi ring lugs kyi mdun sa dang/ d+harmma zhu chen 'tshal ba'i grar phul la/ snyan du zhus te bkas bcad nas skad kyi/ dkar chag gi dkyus su bsnan no// / gsang sngags kyi rgyud rnams gzhung gi gsang par bya ba yin te/ snod du ma gyur pa rnams la bshad cing bstan du yang mi rung la/ bar du bsgyur cing spyod du gnad gis kyang/ ldem po dag tu bshad pa mkhrol nas sgra ji bzhin du 'dzin cing log par spyad pa dag kyang 'byung/ sngags kyi rgyud kyi nang nas thu zhing bod skad du bsgyur ba dag kyang byung zhes gdags gyi/ phyin chad gzungs sngags dang rgyud blang nas bka' stsal te/ bsgyur du bcug pa ma gtogs pa/ sngags kyi rgyud dang/ sngags kyi tshig thu zhing bsgyur du mi gnang ngo/ /skad kyi ming sngon gtan la ma phab pa dang ming du ma thogs pa las theg pa che chung gi gzhung dang sgra'i gzhung las 'byung ba dang sbyar te bshad pa'i dang po'o// // sangs rgyas kyi mtshan gang yon tan gyi ming la sogs pa skad dka' ba rnams thog thog bshad pa sangs rgyas kyi mtshan gyi rnam grangs la/ bud+d+ha(mdo 'grel): zhes bya ba sgra las drangs na gcig tu na/ mo ha ni tA bra mat+ta bud+d+ha bu ?? Sha bat ces bya ste/ gti mug

  9. 5a

    gi gnyid sangs bas na mi gnyid sangs pa bzhin te/ sangs ba la snyegs pa yang rnam pa gcig tu na bud+d+hai rbi kA sha nA ta bud+d+ha bi bud+d+ha pad+ma bata/ blo bye zhing rgyas pas na pad+ma kha bye zhing rgyas pa dang 'dra bar yang bshad de sangs rgyas zhes bya'o/ /tshig gi don spyir na chos thams cad thugs su chud cing ma lus par byang chub pa la bya/ b+ha ga bAn zhes bya ba gcig tu na/ b+ha ga nA ma tsa tu Sh+Ta pa twa dA b+ha ga bAn zhes bya ste/ bdud bzhi bcom pas na bcom? pa la bya/ yang rnam pa gcig tu na b+ha ga ni legs pa rnam pa drug gi ming ste/ gzugs dang/ grags pa dang/ dbang phyug dang/ dpal dang/ shes rab dang/ brtson pa ste/ 'di drug gi spyi la bya/ bAn zhes 'byung ba ni b+ha ga syA stI te b+ha ga bAn zhes ldan par bshad de/ de rnam grangs 'di skad du bya ba las sngar bsgyur ba'i tshig grags pa btsan par bya ste/ bcom ldan 'das zhes bya ba ni mdo sde dag las sangs rgyas kyi yon tan la mtshan 'jig rten las 'das pa'o/ /zhes kyang 'byung bas na/ 'jig rten pa'i b+ha ga bAn las khyad par du 'das zhes blo thabs bsnan te/ bcom ldan 'das zhes btags/ 'jig rten pa'i b+ha ga bAn zhes bya ba ni 'jig rten pa'i gzhung nyid las kyang bcom par mi 'chad de/ legs pa dang ldan pa zhes 'chad pas 'jig rten pa'i b+ha ga bAn ni legs ldan zhes gdags/ ta thA ga ta zhes bya ba ta thA ni de bzhin/ ga ta ni gshegs pa dang byon pa 'am mkhyen pa 'am gsung ba la bya ste/ tshig gi don spyir na sngon gyi sangs rgyas rnams ji ltar gshegs shing phyin pa dang/ chos thams cad kyi rang bzhin de bzhin nyid ji lta ba bzhin mkhyen zhing gsung ba la bya mod kyi sngar grags pa bzhin de bzhin gshegs pa zhes gdags/ arhan zhes bya ba gcig tu na/ bU dza ma ri ha ti arhan ti zhes bya ste/ lha dang mi la sogs

  10. 5b

    ba kun gyis mchod par 'os pas na mchod 'os zhes kyang bya/ yang gcig tu na kleSha? /a ri ha da bAn a ra zhes bya ste/ nyon mongs pa'i dgra bcom pas na dgra bcom pa zhes kyang bya ste/ rnam pa 'di gnyis las 'dir ni don btsan par bya ste dgra bcom pa zhes btags/ samyaksaM bud+d+ha zhes bya ba samyaka ni yang dag pa/ sam ni? sa man+ta 'am/ sam pUr+N+Na ste ma lus pa 'am rdzogs pa/ bud+d+ha ni sangs rgyas la bya ste/ spyir na chos thams cad kyi ngo bo nyid ma nor bar thugs su chud cing mngon par byang chub pa'i mtshan te/ yang dag par rdzogs pa'i sangs rgyas zhes bya/ bidyA tsa ra Na si pan+na zhes bya ba bidyA ni rig pa tsa ra Na ni rkang pa si pan+na ni ldan pa 'am phun sum tshogs pa la bya ste/ bslab pa gsum dang sbyar na lhag pa'i shes rab ni rig pa/ lhag pa'i sems dang lhag pa'i tshul khrims ni rkang pa/ 'phags pa'i lam yan lag brgyad dang sbyar na/ yang dag pa'i lta ba ni rig pa/ lhag ma bdun ni rkang pa ste/ rig pa mig dang 'dra bas mtshon nas rkang pas phyin cing thob par 'gyur bas na rig pa dang zhabs su ldan pa zhes bya/ su ga ta zhes bya ba gcig tu na/ sho b+ha na ga ta su ga ta su rU pa bad ces bya ste/ legs par gshegs pas na legs par gshegs pa ste gzugs legs pa bzhin/ a pu na ra bri tya ga ta su ga ta su naSh+Ta dzwa ra bad ces bya ste/ phyir mi ldog par gshegs pas na legs par gshegs pa ste/ rims nad legs par byang ba bzhin/ yA bad gan+ta pa ga ma nA tra su ga ta su pur+N+Na gta Ta bad ces bya ste/ ji tsam du 'gro bar bya ba ma lus par phyin pas na legs par gshegs pa ste/ bum pa legs par gang ba bzhin no zhes 'byung yang na gcig tu na/ d+harmma skamd+ha las 'byung ba su ga ta i ti su kha to b+ha ga b+ha na swarga ti a bya thi ta/ d+harmma sa ma rthA ga ta/ ta du tsya? te su ga ta zhes 'byung ste/ bcom ldan 'das bde bar gyur cing mtho ris? kyi bde ba

  11. 6a

    dang ldan la gnod pa mi mnga' zhing gnod pa med pa'i chos dang ldan pas na bde bar gshegs pa 'am bde ba brnyes pa la yang bya ste/ 'dir sngar grags pa dang d+harmma skand+ha las 'byung ba dang sbyar te bde bar gshegs pa zhes btags/ lo ka bid ces bya ba log ni 'jig rten/ bid ni bid dz+nyA na ste de bzhin gshegs pa nyin lan gsum mtshan lan gsum du 'dul ba'i sems can gyi khams la gzigs shing/ skal ba yod pa dang med pa rtogs par mkhyen pas na 'jig rten mkhyen pa zhes bya a nut+ta ra pu ru Sha da mya sA ra thi zhes bya ba/ a nut+ta ra ni bla na med/ du ru Sha da mya sA ra thi ni skyes bu 'dul ba'i kha lo bsgyur ba ste/ sor mo'i phreng ba la sogs pa zhe sdang che ba dang dga' bo la sogs pa 'dod chags che ba dang/ lteng rgyas 'od srungs la sogs pa gti mug che ba'i 'dul ba'i sems can rta rgod dang 'dra ba 'dul dka' ba rnams 'jam pos 'dul ba yang 'jam pos btul/ drag pos 'dul ba yang drag pos btul/ gnyi gas 'dul ba yang gnyi gas btul te/ thabs bzang bzhin bla bas thabs bzhin du btul nas don sgrub pa'i mchog mya ngan las 'das pa la gnas par kha lo bsgyur zhing 'jog pas na skyes bu 'dul ba'i kha lo bsgyur ba bla na med pa zhes bya/ shAsta zhes bya shA su a nu Shi Sh+To zhes bya ste/ spyir tshig don du na ston zhing slob pa la bya/ ta ni tshig gi rkyen du bya bar zad de/ spyir na lha dang mi la sogs pa thams cad kyi ston par gyur pas ston pa zhes bya/ dzi na zhes bya ba dzi ta pA pa ka a ku sha la d+harmma zhes bya ste/ sdig pa dang mi dge ba'i chos las rgyal pas na rgyal ba zhes bya/ tA yi zhes bya ba tA yi ni san+tA nA pA la na yo zhes bya ste/ 'phags pa'i lam thugs su chung pa bstan cing bshad do/ rgyun mi gcod pa dang/ skyob cing skyong ba la bya ste/ pA la

  12. 6b

    skyong ba zhes btags pa zhig kyang gus na yod pa dang ma 'dom par bya ste/ skyob par btags/ mahA ri Shi zhes bya ba mahA ni chen po/ ri Shi ni ri Shi ga to zhes bya ste/ shes pa dang ldan pa la'ang bya/ yang cig tu na/ ri d+hyai ti pri Na d+hA na na? zhes bya ba ste/ smon pa rnams 'byor zhing 'grub pa la'ang bya/ yang gcig tu na kA ya bA ka ma no b+hi ri dzu she te i ti ri Shi zhes bya ste/ lus dang ngag dang yid drang por gnas shing srong bas na drang srong chen po zhes btags/ aM gi ra sa zhes bya ba thog mar drang srong nyid kyi lus las byung bas na bdag lus skye shes bshad pa dang/ aM gi ras ni nyi ma ste nyi ma'i rigs yin pas na nyi ma'i rgyud ces kyang bshad du rung bar 'dul ba'i dngos po dang/ bshad pa las 'byung la/ mdo sde dag las sku'i kha dog nyi ma bzhin du lham me lhang deng bzhugs pa'i yon tan lta bur yang bshad pas nyi ma'i rgyud ces btags/ de bzhin gshegs pa so so'i mtshan la/ baM shwa b+huka ces bya/ bi shwa ni thams cad/ b+hu dza pA lan a b+hya ba ha ra yo zhes 'byung ste/ longs par kun la spyod pa 'am sems can thams cad skyob pa la bya ste/ skabs 'dir sangs rgyas kyi mtshan yin pas na thams cad skyob ces btags/ kra kuts+tshunda zhes bya ba/ kra ni kra ma ste/ 'khor ba/ kuts+tshunda ni/ taM kungs ya ti zhes bya ste/ 'khor bar 'joms pa 'am sel ba la bya ste/ 'khor ba 'jig ces bya/ yang yi ge kha cig gi nang nas kra kuts+tshunda zhes kyang 'byung ste/ kudsi ta tshando/ a ti kron+ta smA di hi zhes bya ste/ sangs rgyas kyi chos bstan cing bshad pas mi dge ba dang log pa dang pa bsal cing med par byas pa'i mtshan te/ log par dang sel zhes bya/ kA sh+ya ga te zhes bya ba/ kA sh+ya ga te zhes bya ste/ chad pas bcad pa 'am gnod par bya ba'i rig pa yin pA ni pA la ni skyob pa 'am skyong ba'i drang srong gi rigs su skyes pa la bya ste/ chad pas gcad cing gnod par bya ba las skyob pas na

  13. 7a

    gnod skyab ces kyang bya/ yang rnam pa gcig tu na kA sh+ya dI pa to zhes kyang bya ste/ skal ba yod pa'i sems can chos bshad pa'i 'od kyi snang bar bya ba'i rigs pa rnams srung zhing skyob pas na 'ong srungs zhes kyang bya rung ste/ sngan chad ming du btags te grags pa bzhin du 'ong srungs zhes btags/ sangs rgyas kyi yon tan gyi ming la mi mnyam pa dang mnyam pa'i phung po dang/ ye shes dang sku gsum la/ a sa ma sa ma pany+tsa skand+ha zhes bya ba a sa ma ni mi mnyam pa ste/ sngon gyi sangs rgyas rnams la bya/ sa ma ni mnyam pa ste sngon gyi sangs rgyas de dag nyid dang mtshungs par gyur pa la bya/ pany+tsa skand+ha ni phung po lnga ste zag pa med pa'i tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i phung po ste/ sangs rgyas rnams la mnga' ba'i phung po 'di dag phal pa la med pas na mi mnyam pa dang mnyam pa'i phung po lnga zhes bya/ d+harmma d+hA tu bi shud d+ha zhes bya ba chos kyi dbyings rnam par dag pa yin te/ stobs dang mi 'jigs pa la sogs pa 'phags pa'i chos rnams skye zhing 'byung ba'i rgyu dang dbyings su gyur pas na chos kyi dbyings de bzhin nyid la glo bur gyi nyon mongs pa'i sgrib pa dang/ shes bya'i sgrib pa sprin dang 'dra ba dang zhing byang ste/ nam mkha' i dbyings dag pa dang 'dra bas na chos kyi dbyings rnam par dag pa zhes bya/ a darsha dz+nyA na zhes bya ba me long lta bu'i ye shes yin te chos kyi dbyings rnam par dag pa la dmigs pas gzung ba dang 'dzin pa'i rtog pa thams cad dang bral te kun gzhi rnam par shes pa gnas gyur pas me long phyis pa'i nang du ci yang snang ba bzhin du chos thams cad kyi gzugs brnyan snang ba la bya ste/ me long lta bu'i ye shes zhes bya/ sa ma tA dz+nyA na zhes bya ba thog mas dang po la de kho na nyid

  14. 7b

    mngon par rtogs pa'i tshe/ bdag dang gzhan du mi 'byed cing mnyam pa nyid du rtogs pas gong nas gong du sbyangs pas sangs rgyas kyis la mi gnas pa'i mya ngan las 'das par gyur pa'i tshe nyon mongs pa can gyis yid gnas 'phos te/ ye shes su gyur pa la mnyam pa nyid kyi ye shes zhes bya/ pra tya pek+Sha na dz+nyA na zhes bya ba so sor rtog pa'i ye shes yin te/ yid kyi rnam par shes pa gnas gyur pas gzungs dang ting nge 'dzin dang bsam gtan dang snyoms par 'jug pa thams cad kyi gzhir gyur pa/ shes bya thams cad la thogs pa med pa'i ye shes 'jug pas chos kyi char chen po 'bebs shing the tshom sna tshogs gcod pa dang/ sku baiDUrya la sogs pa rin po che'i mdog tu ston pa'i rgyur gyur pa yin te/ so sor rtog pa'i ye shes zhes bya/ kri tyA nuSh+Tha na dz+nyA na zhes bya ba bya ba grub pa'i ye shes yin te/ mig la sogs pa dbang po lnga'i rnam par shes pa gnas gyur pas 'jig rten gyi khams thams cad du thabs sna tshogs dpag tu med pas sems can mang po'i don mdzad pa'i gzhir gyur pa yin te/ bya ba grub pa'i ye shes zhes bya/ d+harmma kA ya zhes bya ba chos kyi sku yin te/ sangs rgyas kyi sa dang sbyar na chos kyi dbyings rnam par dag pa dang/ me long lta bu'i ye shes ni de bzhin nyid kyi rang bzhin te/ chos kyi sku zhes bya/ sam+b+ho ga kA ya zhes bya ba longs spyod rdzogs pa'i sku yin te/ mnyam pa nyid kyi ye shes dang so sor rtog pa'i ye shes gnyis kyis chos kyi longs spyod dang skyid pa chen po ma lus pa myong bar mdzad pa rnam par snang mdzad kyi sku la bya ste/ longs spyod rdzogs pa'i sku zhes bya/ nirmmA Na kA ya zhes bya ba sbrul pa'i sku yin te/ bya ba grub pa'i ye shes kyis sems can so so cis 'dul ba bzhin du thabs thabs su sku dang gsung dang thugs sprul te/ sna tshogs su ston pa ? bya bas na

  15. 8a

    sprul pa'i sku zhes bya/ de bzhin gshegs pa'i stobs bcu la nga sha ta thA ga ta ba laM zhes bya ba de bzhin gshegs pa'i stobs bcu yin te/ de bzhin gshegs pa'i ye shes sgrib pa med pas shes bya'i dngos po gang la yang thogs pa med de mkhyen pa 'di bcu'i mthu nyan thos la sogs pa gzhan las 'phags pas na de bzhin gshegs pa'i stobs bcu zhes bya/ s+thA nAs+thA na dz+nyA na pa li zhes bya ba gnas dang gnas ma yin pa mkhyen pa'i stobs yin te/ gnas ni legs par spyad pas 'bras bu yid du 'ong ba 'grub pa dang/ nyes par spyad pas 'bras bu yid du mi 'ong ba smin par 'gyur ba la sogs pa la bya/ gnas ma yin pa ni legs par spyad pa'i 'bras bu yid du mi 'ong bar 'gyur ba dang/ nyes par spyad pa'i 'bras bu yid du 'ong bar 'gyur ba la sogs pa la bya ste/ srid pa dang mi srid pa ma nor bar mkhyen pa'i stobs dang ldan pa'i phyir gnas dang gnas ma yin pa mkhyen pa'i stobs zhes bya/ karmma bi pA ka dz+nyA na ba laM zhes bya ba las kyi rnam par smin pa mkhyen pa'i stobs yin te/ bla na med pa'i ye shes kyi 'das pa dang/ ma 'ongs pa dang/ da ltar byung ba'i las yang dag par blangs pa rnams kyi rnam par smin pa las kyi rgyu gang gis gnas gang du 'bras bu smin pa mkhyen pa'i stobs zhes bya/ nA nA d+hi muk+ti dz+nyA na ba laM zhes bya ba mos pa sna tshogs mkhyen pa'i stobs yin te/ zag pa dang bcas pa dang/ zag pa med pa dang khams gsum la dga' zhing mos pa rnam pa sna tshogs mkhyen pas na mos pa sna tshogs mkhyen pa'i stobs zhes bya/ nA nA d+ha tu dz+nyA na ba laM zhes bya ba khams sna tshogs mkhyen pa'i stobs yin te/ khams zhes bya ba ni sngon gyi bag chags kyis grub pa'i bsam pa'i khams dang/ kun nas nyon mongs pa'i khams dang/ rnam par byad pa'i khams la

  16. 8b

    sogs pa la bya ste/ khams tha dad pa mang po'i rang dang spyi'i mtshan nyid ma nor bar thugs su chud pas na khams sna tshogs mkhyen pa'i stobs zhes bya/ in+d+ri ya pA rA pa rA dz+nyA na ba laM zhes bya ba dbang po mchog dang mchog ma yin pa mkhyen pa'i stobs yin te/ dang pa la sogs pa'i dbang po rab dang/ tha ma'i rim pa dang rnam grangs ma lus par mkhyen pas dbang po mchog dang mchog ma yin pa'i stobs zhes bya/ sarbA tra ga mi ni pra ti pata dz+nyA na ba laM zhes bya ba thams cad du 'gro ba'i laM mkhyen pa'i stobs yin te/ 'gro ba sngar skye ba'i lam dang/ mya ngan las 'das par 'gro ba'i lam la sogs pa lam mo cog chub par mkhyen pas thams cad du 'gro ba'i lam mkhyen pa'i stobs zhes bya/ sarba d+hyA na bi mok+Sha sa ma d+hi sa ma pat+ti saM kle sha bya ba dA na dz+nyA na ba laM zhes bya ba bsam gtan dang rnam par thar pa dang/ ting nge 'dzin dang/ snyoms par 'jug pa'i kun nas nyon mongs pa dang/ rnam par byad ba dang ldan pa thams cad mkhyen pa'i stobs yin te/ bsam gtan dang po la sogs pa bzhi dang/ rnam par thar pa brgyad dang/ stong pa nyid la sogs pa'i ting nge 'dzin mang po dang/ mthar gyis gnas pa'i snyoms par 'jug pa dgu la sogs pa la kun nas nyon mongs pa ni lta ba dang dmigs pa rnam pa sna tshogs kyis nyon mongs par gyur pa la bya/ rnam par byang ba ni 'khor ba la chags pa med pa dang/ mi dmigs pa dang ldan pas rnam par dag pa la bya/ ldan pa ni lcags dang 'thun pa'am mi mthun pa dang thong rgal la sogs pa'i tshul gyis ldang ba mkhyen pa la bya/ pUrba ni bA sA na smri ti dz+nyA na ba laM zhes bya ba sngon gyi gnas rjes su dran pa mkhyen pa'i stobs yin te/ bdag dang sems can thams cad kyi sngon gyi tshe rabs grangs med pa tshun chad gnas gar skyes pa dang/ byang gzugs kyi rnam pa ci 'dra ba dang/ mtshan mo dang

  17. 9a

    rtag ci yod pa dang/ las kyi rgyu cis skyes pa mkhyen pas nas sngon gyi gnas rjes su dran pa mkhyen pa'i stobs zhes bya/ tsyu tyu? pa pat+ti dz+nyA na ba laM zhes bya ba shi 'pho dang skye ba mkhyen pa'i stobs yin te/ lha'i spyan gyis sems can rnams gang nas shi 'phos nas gang du skyes pa ma lus par gzigs pas na shi 'pho dang skye ba mkhyen pa'i stobs zhes bya/ a sh+ra pak+Sha yi dz+nyA na ba laM zhes bya ba zag pa zad pa mkhyen pa'i stobs yin te/ 'dod chags la sogs pa'i nyon mongs pa thams cad bag chags yan chad zad cing byang bar gzigs pas na zag pa zad pa mkhyen pa'i stobs zhes bya'o/ /de bzhin gshegs pa'i mi 'jigs pa bzhi la tsi twa ri ta thA ga ta bai shA ra d+hyaM zhes bya ba de bzhin gshegs pa'i mi 'jigs pa bzhi yin te/ mi 'jigs pa bzhi dang ldan pas de bzhin gshegs pa phal pa mang po'i nang du byon nas khyu mchog gi gnas rlabs po che zhal gyis 'tshe ste/ tshangs pa'i 'khor lo skor zhing yang dag par seng+ge'i sgra sgrogs pas na mi 'jigs pa zhes bya/ de la mngon par byang chub pa la mi 'jigs pa dang/ zag pa zad pa mkhyen pa la mi 'jigs pa gnyis ni sangs rgyas nyid kyis rgyud la mnga' ba'i yon tan yin pas na rang gi don phun sum tshogs pa yin la/ bar du gcod pa'i chos nges par bstan pa dang/ nges par 'byung ba'i lam bstan pa la mi 'jigs pa gnyis ni gzhan la phan par bya ba'i phyir bshad pa yin pas na gzhan gyi don te/ bdag dang bzhan gyi don phun sum tshogs par bstan pa'ang yin no/ /sarba d+harmma b+hi saM bo d+hi bai shA ra d+hya na zhes bya ba chos thams cad mngon par rdzogs par byang chub pa la mi 'jigs pa yin te/ de bzhin gshegs pas chos thams cad phyag mthil du skyu ru ra'i 'bras bu bzhag pa dang

  18. 9b

    'dra bar thugs su chud de/ mngon par byang chub pa la shes rab bsnyems pas dge spyod dam bram ze 'ang rung/ lha'i mig dang pha rol gyi sems shes pa la sogs pa'i yon tan dang ldan pa lha 'am bdud kyang rung rdzu 'phrul dang ldan zhing mthu tshe? ba'i tshe?? kyang chos dang 'thun pa'i mngon par sangs rgyas pa ma yin par brgal ba'i gzhi dang gtan tshigs med de brgal gyis dogs pa med pas na chos thams cad mngon par rdzogs par byang chub pa la mi 'jigs pa zhes bya ste/ mi 'jigs pa 'og ma gsum gyi mjug kyang 'di dang 'dra bar bshad/ sarbA sh+ra bak+Sha ya dz+nyA na bai shA ra d+hya na zhes bya ba zag pa thams cad zad par mkhyen pa la mi 'jigs pa yin te/ zag pa zhes bya ba ni nyon mongs pa'i ming ste/ 'dod chags la sogs pa'i nyon mongs pa dang ma bral na srid ba'i rtse mo man chad kyang slar 'dzag cing ltung pas na zag pa zhes bya/ nyon mongs pa thams cad spangs te zad par mkhyen pa la zag pa ma zad par sung? dbyung zhing phan? rtags kyis brgal du med de/ mi dogs pas na zag pa thams cad zad par mkhyen pa la mi 'jigs pa zhes bya/ anda rA yi ka d+harmma na n+ya thA twa niShtsi ta bya ka raNa be shA ra d+hya na zhes bya ba bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa yin te/ bar du gcod pa'i chos zhes bya ba med pa dang ngo tsha mi shes pa dang khral med pa la sogs pa 'phags pa'i lam dang/ dge ba'i phyogs kyi bar du gcod pa rnams bar chad kyi chos yin no/ /zhes lung bstan cing bshad pa la thog du ma bab pa med pas na bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa zhes bya/ sarba saM pa dA ti ga mA yin dyA? Ni ki bra ti pat+ta ta thA twa bai shA ra d+hya na zhes bya ba phun sum tshogs pa thams cad thob par 'gyur ba nges par 'byung ba'i lam de bzhin du 'gyur ba la mi 'jigs pa yin te/ de bzhin gshegs

  19. 10a

    pa'i nyan thos rnams la nges par 'byung ba'i lam mya ngan las 'das pa'i bde ba phun sum tshogs pa thob par 'gyur zhing sdug bsngal mthar 'byin pa bshad pa la nges par 'byung ba'i lam ma yin no zhes dge sbyong ngam? bram? ze sus kyang brgal zhing gzhan du sgyur du med pas na phun sum tshogs pa thams cad thob par 'gyur ba nges par 'byung ba'i lam de bzhin du 'gyur ba la mi 'jigs pa zhes bya/ sangs rgyas kyi ma 'dres pa bco brgyad la aShta da sha pa Ni ka bud+d+ha d+ha dmmA zhes bya ba sangs rgyas kyi chos ma 'dres pa bco brgyad yin te/ chos 'di rnam pa nyan thos dang rang sangs rgyas dang byang chub sems dpa' rnams la yang mi mnga' ste/ phal dang thun mong du gyur pa ma yin la sangs rgyas nyag gcig la yon tan 'di rnams mnga' bas na sangs rgyas kyi chos ma 'dres pa zhes bya/ nAsti ta thA ga ta syas ba? li tra na zhes bya ba de bzhin gshegs pa 'khrul pa mi mnga' ba yin te/ sku dang gsung dang thugs kyi phrin las la/ nor zhing thog tu ma bab pa med pas na de bzhin gshegs pa la 'khrul pa med pa zhes bya/ nA sti ra bi ta na zhes bya ba ca co med pa yin te/ dgra bcom pa kha cig lam nor nas ku co 'don pa dang/ sngon gyi bag chags ma byang bas ca co che zhing tshig la 'khral 'khrul yod pa lta bu ma yin pas ca co med pa zhes bya/ nA ti mu Shi ta smi te ta zhes bya ba bsnyel pa med pa yin te/ dgra bcom pa la ma dgongs pa'i ye shes mi mnga' ste/ bsnyel nas sems can gyi don bya ba la sogs pa shor ba dang/ dus las yol ba lta bu ma yin pas na bsnyel ba med pa zhes bya/ nAstya sa ma hi ha tsit+taM zhes bya ba sems mnyam par ma gzhag pa med pa yin te/ dgra bcom pa dag nam ting nge 'dzin gang la zhugs pa de'i tshe/ ting nge 'dzin de la mnyam par

  20. 10b

    gzhag pa lta bu ma yin gyi/ de bzhin gshegs pas ting nge 'dzin mchog brnyes pas na ting nge 'dzin la zhugs kyang rung ma zhugs kyang rung ste/ mnyam par ma gzhag pa med pas na sems mnyam par ma gzhag pa med pa ces bya/ nAsti nA nA twa saM dz+nyA zhes bya ba /tha dad ?pa'i 'du shes med pa min te dgra bcom pa dag 'khor ba dang mya ngan las 'das pa gnyis la bye brag tu 'dzin cing nyon mongs pa dang rnam par byang ba'i chos la sogs pa la tha dad du 'byed pa lta bu mi mnga' ste/ sems mnyam pa nyid dang chos mnyam pa nyid du gzigs pas na tha dad pa'i 'du shes med pa zhes bya/ nAstya pra ti saM khyA yo pek+Sha zhes bya ba so sor ma brtags pa'i btang snyoms med pa yin te/ dgra bcom pa dag sems can gyi don la ma brtags par yal par 'dod pa lta bu ma yin gyi skal pa yod med dang dus la bab ma bab gzigs nas dus dang sbyor ba ma gtogs par yal bar 'dor ba med pas na so sor ma brtags pa'i btang snyoms med pa zhes bya/ nAsti ts+tshan npa sya hA ni zhes bya ba 'dun pa nyams pa med pa yin te/ dgra bcom pa dag spyod yul dman pas de bzhin gshegs pa'i sa la mos shing 'dun pa med de nyan thos kyi bya ba la mos pa lta bu ma yin gyi sangs rgyas sems can gyi don mdzad pa dang/ dkon mchog gsum gyi gdung mi 'chad par bya ba la sogs pa la rtag tu 'dun par 'jug pas na 'dun pa nyams pa med pa zhes bya/ nAsti pIrya sya hA ni zhes bya ba brtson 'grus nyams pa med pa yin te/ de bzhin gshegs pa sems can gcig gi phyir bskal par chos bshad kyang sku dang gsung dang thugs bsnyel bar mi 'gyur ba dang/ sems can gcig gi phyir yang 'jig rten gyi khams grangs med pa 'das? te gshegs pas na brtson 'grus nyams pa med pa zhes bya/ nAsti smri ti d+hA ni zhes bya ba dran pa nyams pa med pa yin te/ sems can thams cad kyi sems dang spyod pa dang bsam pa dang mos pa la sogs pa sems can

  21. 11a

    'dul ba'i thabs dang/ sangs rgyas kyi mdzad pa thams cad dang chos thams cad ji ltar gzigs shing dgongs pa la phyis ye shes kyis brtag mi dgos te/ nyams pa med pas na dran pa nyams pa med pa zhes bya/ nAsti sa ma b+harta? ni zhes bya ba ni ting nge 'dzin nyams pa med pa yin te/ chos thams cad kyi de bzhin nyid? mnyam pa nyid la snyoms par 'jug cing de las mi g.yo bar 'dzin pas na ting nge 'dzin nyams pa med pa zhes bya/ nAsti pradz+nya yAd+hA ni zhes bya ba shes rab nyams pa med pa yin te/ sems can thams cad kyi spyod pa mkhyen pa mi zad pa dang/ sems can yongs su smin pa mkhyen pa mi zad pa dang/ so sor yang dag par rig pa la sogs pa mi zad pa mnga' bas na shes rab nyams pa med pa zhes bya/ nAsti bi muk+te d+hA re zhes ba rnam par grol ba nyams pa med pa yin te/ nyon mongs pa'i sgrib pa dang shes bya'i sgrib pa thams cad las grol bas na rnam par grol ba nyams pa med pa zhes bya/ sarba kA yakrmma dz+nyA na pUrbi ga maM dz+nyA na nu pa ri brtI zhes bya ba lus kyi las thams cad ye shes sngon du 'gro zhing ye shes kyi rjes su 'brang ba yin te/ dgra bcom pa kha cig lus kyi las bsams bzhin ma yin par byed de/ 'jig rten gyi yid dang 'gal ba lta bu ma yin gyi/ spyod lam pa zhi po kun gyis kyang sems can 'dul te/ ye shes sngar 'byung ba'i rgyu las byung bas na ye shes sngon du 'gro ba yin ye shes dang lhan cig 'byung zhing ye shes kyi rjes su 'jug pas na ye shes kyi rjes su 'brang ba yin te/ bsdus na lus kyi las thams cad ye shes sngon du 'gro zhing ye shes kyi rjes su 'brang ba zhes bya/ ngag? dang yid kyi skabs su yang ye shes sngon du 'gro zhing ye shes kyi rjes su 'brang ba 'di bzhin du bshad/ sarba wA ka karmma dz+nyA nA nu pUrbang ga mi dz+nyA na a pa ri bart+ti zhes bya ba ngag? gi las thams

  22. 11b

    cad ye shes sngon du 'gro zhing ye shes kyi rjes su 'brang ba yin te/ sems can thams cad kyi don mdzad cing chos bstan pa la don med cing chung za bar mi 'gyur la/ gsung gi yan lag drug cu dang ldan pas na ngag gi las thams cad ye shes sngon du 'gro zhing ye shes kyi rjes su 'brang ba zhes bya/ sarba ma na karmma dz+nyA na pUrbaM ga mi dz+nyA nA nu pa ri brt+ti zhes bya ba yid kyi las thams cad ye shes sngon du 'gro zhing ye shes kyi rjes su 'brang ba yin te/ nyon mongs pa dang spros pa'i bag chags thams cad bral te/ yang dag pa'i mdza' don dam pa'i mtshan nyid dang ma bral bas ni yid kyi las thams cad ye shes sngon du 'gro zhing ye shes kyi rjes su 'brang ba zhes bya/ a tI te d+ha na saM ga ma pra ti ta taM dz+nyA na da ra sha naM pa ri bart+ta te zhes bya ba 'das pa'i dus la ma chags ma thogs pa'i ye shes mthong ba 'jug pa yin te/ dgra bcom pa ltar 'das pa'i dus kyis dngos po ji? la brtags pa sna gcig mkhyen gyi gzhan la thogs shing mi mkhyen pa lta bu yin gyis/ 'das pa'i dus kyi sangs rgyas kyi zhing dang/ sa chu me rlung gi rdul phra mo'i grangs dang sems can gyi bsam pa dang spyod pa la sogs pa ma lus par mnyam par gzhag pa dang/ ma gzhag pa'i dus dang sbyar ba med cing/ ci la yang thags thogs med par thugs su chud pas na 'das pa'i dus la ma chags ma thogs pa'i ye shes mthong ba 'jug pa zhes bya/ ma 'ongs pa dang/ da ltar gyi dus kyi skabs su yang 'di bzhin du sbyar zhing bshad/ so so yang dag par rig pa bzhi'i ming la/ tsa turba? ti si bid? ces bya ba so so yang dag par rig pa bzhi yin te/ chos dang don dang nges pa'i tshig dang spobs pa bzhi la mkhas pas so so yang dag par rig pa bzhi zhes bya/ cho 'phrul gsum la tri Ni pra tI hArta ni zhes bya ba cho 'phrul gsum yin te/ A de sha na prA ti hAryA pha rol gyi snying la ci sems pa mkhyen pas ji sems

  23. 12a

    pa kun brjod pa'i cho 'phrul/ rid+d+hi prA ti dA ryA nam mkha' la gshegs pa dang sku lus mang por sbrul pa la sogs pa rdzu 'phrul gyi cho 'phrul dang/ a nu shA sa ni prA ti hA rya bden pa gnyis kyi sgo nas chos thams cad gtan la bab? par bkrol te/ phan? zhing rjes su 'thun par bshad pas na rjes su bstan pa'i cho 'phrul rnam pa 'di gsum ngo mtshar che bas rmad du byung ba'i sems can mang po dad? cing 'dun par mdzad pas na cho 'phrul gsum zhes bya/ byang chub sems dpa' i sgra bshad pa la bo d+hi satwa zhes bya ba bo d+hi satwa na ye ShAM ste bo d+hi satwa zhes pa bo d+hi ni byang chub satwa ni sems dpa' 'am sems stobs che ba la bya/ bla na med pa'i byang chub sgrub pa la gcig tu btul zhing mi nur bas na byang chub sems dpa' mahA satwa zhes bya ba mahA ni chen po/ satwa ni sems dpa' ste nyan thos dang rang sangs rgyas kyi byang chub tu sems bskyed pa lta bu ma yin gyi/ sems can thams cad bsgral ba'i phyir bla na med pa'i byang chub la zhugs pa na sems dpa' chen po zhes bya/ sangs rgyas dang byang chub sems dpa' dang nyan thos kyi sa'i rim pa'i ming la da sha b+hU mi zhes bya ba sa bcu yin te/ sa gong ma'i yon tan thob par bya pa'i rten du 'gyur zhing/ sa de nyid yon tan gyi gzhi yin pas nas zhes bya/ sa dang po pra mu? di ta zhes bya ba ni don chen po sngon 'dris pa ma yin pa'i 'jig rten las 'das pa'i sems thob pa dang/ byang chub dang nye zhing sems can mang po'i don sgrub pa gzigs nas dga' ba rlabs po che skyebs? rab tu dga' ba zhes bya/ sa gnyis pa bi ma la zhes bya ba ni/ tshul khrims 'chal ba'i ltung ba phra mo yan chad kyang byad bas na dri ma med pa zhes bya sa gsum pa pra b+hA ka ri zhes bya ba ni nyan thos dang rang sangs rgyas kyi sa las 'das pa'i ting nge 'dzin gyi phung

  24. 12b

    po yongs su dag pa ye shes kyi snang ba chen po'i gnas su gyur pa thob pas na 'ong byed ba zhes bya/ sa bzhi pa Artstsi Sh+ma ti zhes bya ba ni/ nyon mongs pa sreg pa byang chub kyi phyogs kyi me'i 'od 'phro ba can zhes bya/ sa lnga pa su du rdzA ya zhes bya ba ni nyan thos dang rang sangs rgyas las 'das pa'i 'phags pa'i bden pa bzhi la sgom zhing 'khor ba dang mya ngan las 'das pa gnyis ka la mi gnas pa'i shes rab yongs su dag par bya ba sbyang zhing sgom pa shin tu dka' bas na/ sa de non par dka' bas na ?? bsgrub? par dka' ba la bya ste shin tu sbyang dka' zhes bya/ sa drug pa a b+hi mu khI zhes bya ba ni shes rab kyi pha rol tu phyin pa la brten nas 'khor ba dang mya ngan las 'das pa gnyis ka la mi gnas shing/ mtshan ma med pa la rang gi rang gis 'jug pa'i ye shes la mang du gnas shing mngon du gzigs pas na mngon du gyur ba zhes bya/ sa bdun pa du ra ga ma zhes bya ba mtshan ma med pa la 'grod pa gcig tu 'gyur ba'i lam dang/ nye zhing ring du phyin pas na ring du song ba zhes bya/ sa brgyad pa a tsa la zhes bya ba ni mchin ma'i 'du shes dang mtshan ma med par rtsol ba'i 'du shes gnyi gas bskyod par mi nus pas mi g.yo ba zhes bya/ sa dgu pa sA d+hu ma ti zhes bya ba ni sa dgu pa la so so yang dag par rig pa brnyes pas na blo gros gzhan las 'phags pa yin te legs pa'i blo gros zhes bya/ sa bcu pa d+harmmA me g+ha zhes bya ba ni gzungs dang ting nge 'dzin kun la yang sbyin dang 'dra bas khyab cing thos pa'i chos nam mkha' dang 'dra ba la sprin bzhin du khyab pas na chos kyi sprin? zhes bya/ sangs rgyas kyis sa man+ta pra b+hA bud+d+ha b+hU mi zhes bya ba ni/ 'od zer mang po bkye bas 'dul ba'i sems can sman par mdzad cing chos kyi snang ba 'od dang 'dra bas thams cad la gsal bar byas pas na sangs rgyas kyis kun tu 'dod? ?

  25. 13a

    bya/ shukla bi darsha na b+hU mi zhes bya ba ni mos bas spyod pa'i sa drod la dang po rnam par byang ba dkar po mthong bas na dkar po rnam par mthong ba'i sa zhes bya/ gau tra b+hU mi zhes bya ba ni dang pa shin tu che ba'i sa 'jig rten gyi chos kyi mchog la chos dang gang zag la bdag med par bzod pa thob pas byang chub gsum thob pa'i rigs dang ldan pas na rigs kyis zhes bya/ aSh+Ta ma ka b+hU mi zhes bya ba ni brgyad pa la bya ste/ dgra bcom pa'i 'bras bu thob pa'i gral dang po nas yas bgrangs na/ rgyun tu zhugs pa la 'jug pa grangs brgyad pa la bab pas na brgyad pa'i sa zhes bya/ darsha na b+hU mi zhes bya ba ni dri sh+yar prek+Sha Na zhes bya ste/ dri sha ni mthong ba/ b+hU mi ni sa ste/ rgyun tu zhugs pa'i 'bras du la gnas pas de kho na nyid brtags par mthong bas na mthong ba'i sa zhes bya/ ta nu b+hU mi zhes bya ba ni lan cig phyir 'ong bas 'dod pa'i khams kyi 'dod chags srab mor byas pas na bsrab pa'i sa zhes bya/ bI tA rA ga b+hU mi zhes bya ba 'dod chags dang bral ba'i sa zhes bya ste/ sa 'di la gnas pas 'dod pa la 'dun pa dang gnod sems spangs pas na 'dod pa'i 'dod chags dang bral ba yin te/ 'dod chags dang bral ba'i sa zhes bya/ kri tA b+hi b+hU mi zhes bya ba ni dgra bcom pa'i sa la bya ste/ kri tA? ni byas pa/ a b+hi ni a b+hi dum shI la zhes bya ste/ bsrung pa'i rang bzhin can yin pas na/ sngar byas te grub pa'i don mi nyams par bsrung ba'i phyir byas pa srung ba'i sa zhes bya ste/ dngos su na dgra bcom pa'i sa la bya mos pas spyod pa'i sa dang nges par 'byed pa'i cha dang 'thun pa'i rim pa'i mdo la a d+hi mu kI tsarya b+hU mi zhes bya ba/ bskal pa grangs med pa gcig gi bar du byang chub sems dpa' chos kyi dbyings la mos pa bsgoms te/ da dung de bzhin

  26. 13b

    nyid ma mthong bas na mos pas spyod pa'i sa zhes bya/ A lo ka la ba d+ha zhes bya ba chos kyi dbyings la mos pas bsgoms pa'i bye brag gis rang dang spyi'i mtshan nyid du brtags pa'i chos thams cad dngos po med de brjod pa tsam du rig la/ chos la nges par rtog pa'i bzod pa'i snang ba dang po thob pas na snang ba thob pa zhes bya/ A lo ka brid d+hi zhes bya ba chos kyi snang ba de nyid rgyas par bya ba'i brtson pa brtan par rtsom pas na snang ba mched pa zhes bya/ ta twa ka de shA nu pra be sha zhes bya ba chos kyi snang ba mched pas phyi rol gyi yul med cing sems tsam du rtogs te/ gzung ba'i g.yeng ba dang bral bas na de kho na'i don gyis phyogs gcig tu zhugs pa zhes bya/ a nan+ta rya sa mA d+hi zhes bya ba dad pa rab kyi sa 'di la 'dzin pa'i g.yeng ba spangs nas 'jig rten las 'das pa'i ye shes rnam par mi rtogs pa de ma thag tu thob par 'gyur bas na bar chad med pa'i ting nge 'dzin zhes bya/ nir be d+ha b+ha gi ya zhes bya ba ni shtsi to b+he d+ha ni b+he d+ha b+ha gi ya zhes bya ste/ ni ni des pa 'am gdon mi za ba be d+ha ni rtog pa 'am/ 'byed pa/ b+hA ga ni cha 'am skal ba/ i ya ni phan pa 'am 'thun pa lta bu la bya ste/ dngos su na 'phags pa'i sa ni ma thob la/ so so'i skye bo'i sa las ni 'das pa yin te/ 'phags pa'i lam mthong ba dang sgom pa rnam pa gnyis yod pa'i nang nas mthong ba'i lam gyi cha gcig dang nye bas na nges par 'byed pa'i cha dang 'thun pa zhes bya/ uSh+ma ga ta zhes bya ba ni nges par 'byed pa'i cha dang 'thun pa'i tshe 'phags pa'i lam nyon mongs pa'i shing thams cad sregs pa'i me dang 'dra ba'i drod sngar byung bas na dro bar gyur pa zhes bya/ mUrda zhes bya ba ni dge ba'i rtsa ba snga ma mi brtan pa g.yo ba'i rtse mor phyin pas na rtse mo zhes bya/ k+ShAM ti zhes bya ba ni bden pa la bzod pa rab 'bring du mar phye ba'i nang nas bzod pa dang rab dang ldan pa ste/ de las nyams par mi 'gyur zhing/ ngan

  27. 14a

    song du mi ltung bas na bzod pa zhes bya/ lo ki kA gra d+ha rmma zhes bya ba sa 'di 'jig rten pa'i chos kyang yin la sngan chad ma mthong bas 'phags pa'i laM lta bu 'jig rten pa'i chos dang mi mthun pa yang 'jig rten pa'i chos kyi mchog 'dis cha mnyam pa'i rgyu med par thob par nus te/ 'jig rten pa'i chos kyi phul du byung bas na 'jig rten pa'i chos kyi mchog ces bya/ rang sangs rgyas dang nyan thos kyi gang zag gi rim pa'i ming la/ pra tye ka bud+d+ha zhes bya ba e ka barga na ma pra ti bud+d+ha bo d+hi pra tye ka bud+d+ha zhes bya ste/ sems can mang po'i don mi mdzad kyi/ bdag gcig bu byang chub pa dang mya ngan las 'das par sgrub pas na/ rang sangs rgyas zhes bya/ khaDga bi Sha Na kalpa zhes bya ste/ khaDga bi ShA Na du lya twa te khaDga bi Sha Na kalpa zhes bya ste/ rang sangs rgyas bskal ba brgya'i bar du tshogs bsags pas dbang po rnon po phal dang mi 'dre bar bse ru dang 'dra bar gcig tu bzhugs pas na rang sangs rgyas bse ru lta bu zhes bya/ ba rg+ga tsa ri zhes bya ba barg+ga ni sde 'am tshogs sam mang po gcig tu 'dus pa la bya/ tsA ri tsA ra ga tyartha zhes bya ste/ 'gro ba yin pas rang sangs rgyas phal dang thabs cig tu gshegs shing bzhugs pa dang/ spyod pa la bya ste/ tshogs dang spyod pa zhes bya ste/ sh+ra ba ka zhes bya ba gcig tu na sh+ri nwa na tI ti sh+rI ba ka zhes bya ste/ de bzhin gshegs pa las chos kyi lung ma mnos par bdag nyid kyis rtogs par mi nus te/ nyan pa la yang bya yang gcig tu na samyaka dz+nyA na pha lan sh+rA ba bAn tI ti sh+ra ba ka zhes bya ste/ yang dag pa'i shes bas rgyun tu zhugs pa la sogs pa'i 'bras bu thob pa gzhan la sgrog cing thos par byed pas na nyan thos zhes bya/ sro tA pan+na zhes bya ba sro ta ni chu'i rgyun lta bu la bya/ a ban+na ni nang du zhugs pa la bya ste/ spyir na mya ngan las 'das

  28. 14b

    pa'i mchod 'babs pa'i 'phags pa'i lam gyi chu bo'i rgyun tu zhugs pa la bya ste/ rgyun tu zhugs pa zhes bya/ sapta krid b+ha ba ba ra ma zhes bya ba rgyun tu zhugs pas sgom pas spangs ba'i nyon mongs pa ma zad la/ 'bras bu thob pas mi'i nang du lan bdun skye/ lha'i nang du yang lan bdun skye ba la bya ste/ mir skye ba'i srid ba bar ma bdun dang/ lhar skye ba'i srid pa bar ma bdun gyis bsnan na skye ba bdun bzhi nyi shu rtsa brgyad kyi bar du 'khor ba'i nang na zhugs pas na de ltar thogs na srid pa lan bdun pa zhes bya/ ku lan ku la zhes bya ba rgyun tu zhugs pa 'dod pa'i khams kyi nyon mongs pa gsum dang bzhi ba man chad las grol ba/ skye ba gnyis gsum gyi bar du 'khor ba na gnas shing lha dang mi'i rigs bzang por skye ba na rigs nas rigs su skye ba zhes bya/ sa trI tA ga mi zhes bya ba sa kri ta ni lan cig A ga mi ni 'ong ba ste/ tshe 'di nyid la mya ngan las mi 'da' ste/ lan cig slar 'jig rten 'dir skye bas na/ lan cig phyir 'ong ba zhes bya/ e ka bI tsi ka zhes bya ba lan cig phyir 'ong 'ong ba 'dod pa'i khams kyi nyon mongs pa bdun pa dang brgyad pa spangs pa/ skye ba gcig gis mya ngan las 'das pa'i 'bras bu 'am/ phyir mi 'ong ba'i sa thob pa'i bar chod pas na bar chad gcig pa zhes bya/ a na gA mi zhes bya ba tha ma'i skal ba can gyi chos rnam pa lnga spangs pa slar 'dod pa'i khams su mi skye bas phyir mi 'ong ba zhes bya/ an+ta rA ba ri nirbA yI zhes bya ba phyir mi 'ong ba srid pa gcig nas 'phos pa pha rol tu yang ma skyes par srid pa bar ma do'i tshe dgra bcom pa'i 'bras bu mngon du byas nas mya ngan las 'da' bas na bar ma dor yongs su mya ngan las 'da' pa zhes bya/ u po pad+hya pa ri nirbpA yI zhes bya ba phyir mi 'ong ba lam la zhugs shing brtson pa tsho 'phos nas pha rol tu skyes ma thag tu nyon mongs pa thams cad spangs te lhag

  29. 15a

    ma dang bcas pa'i mya ngan las 'das pa mngon du byed pas na skyes nas yongs su mya ngan las 'da' ba zhes bya/ a b+hi saM skA ra pa ri nirbbA yI zhes bya ba phyir mi 'ong bar 'khor ba rgyun mi bcad pa pha rol tu skyes nas brtsan ni brtson la lam ma byang ba'i rtsol ba dang bcas pas mya ngan las 'da' bar byed pas na mngon par 'du byed pa dang bcas pas yongs su mya ngan las 'da' ba zhes bya/ a na b+hi saM skA ra ba ri nirbgA yI zhes bya ba phyir mi 'ong ba lam la brtson zhing 'grus par zhugs pa ma yin gyi nam bsam pa'i rgyud smin pa'i tshe/ dgra bcom pa'i 'bras bu 'thob cing mya ngan las 'da' bas na mngon par 'du byed pa med par yongs su mya ngan las 'da' ba zhes bya/ urd+hA so rtags bya ba phyir mi 'ong ba thog ma gzhi gar skyes ba de nyid du mya ngan las mi 'da' i steng du lha'i khams su skyes nas gdod mya ngan las 'da' bas na gong du 'pho ba zhes bya/ kA ya sak+Shi zhes bya ba nirbA Na si tra sh+ya ni ro d+ha sa mA pat+ta/ kA yen sA k+Sha ka ra Na kA ya sAk+Shi zhes bya ste phyir mi 'ong ba 'gog pa'i snyoms par 'jug pa mya ngan las 'das pa dang 'dra bar sems dang sems las byung ba 'gegs kyis kyang lus kyis mngon du byed pa zhes bya/ sh+rad+d+hA nu sa ri zhes bya ba/ sh+rad+d+ha zhes bya ba ni dad pa/ a nu sa ri ni rjes su 'brang ba ste bdag nyid kyi shes pas rtogs pa med kyi/ lung las thos pa bzhin du dad pas 'phags pa'i rjes su 'jug pa na dad pas rjes su 'brang ba zhes bya/ d+harmmA nu sa ri zhes bya ba/ d+harmma a nu saM rtu shI lan ya sya zhes bya ste/ dbang po rnen po gzhan gyi drang la mi 'jog cing chos kyi tshul dang 'thun par rigs par sbyor bas chos kyi rjes su 'brang ba zhes bya/ sh+rad+d+hA d+hi muk+ta zhes bya ba sh+rad+d+ha ya mArg+ga ma d+hi muk+ta sh+rad+d+hA/ d+hi muk+ta zhes bya ste dad pas rjes su 'brang

  30. 15b

    ba dbang po rtul pos lam bsgoms nas 'phags pa'i 'bras bu thob pas na dgra bcom pa la zhugs ba man chad gang zag chen po bdun gyi bye brag gi ming ste dad pas mos pa zhes bya/ driSh+Ti prApta zhes bya ba driSh+Ti ni mthong ba/ prApta ni thob pa ste/ dbang po rnon po chos kyi rjes su 'brang bas lam gzigs shing 'phags pa'i 'bras bu thob pas na dgra bcom pa la zhugs pa man chad gang zag chen po bdun gyi bye brag gi ming ste mthong bas thob pa zhes bya/ sa ma ya bi muk+ta zhes bya ba dad pas rjes su 'brang ba'i dgra bcom pa dbang po rtul po dus dang yo byad la sogs pa dang ldan na nyon mongs pa las grol zhing 'bras bu 'thob kyi mi ldan na thar pa thob par mi nus pas na dus kyi rnam par grol ba zhes bya/ a sa ma ya bi muk+ta zhes bya ba dgra bcom pa dbang po rnon po chos kyi rjes su 'brang ba yo byad dang dus la ltos mi dgos par nyon mongs pa spong nus pas na dus dang mi sbyor bar rnam par grol ba zhes bya/ pradz+nyA ya bi muk+ta zhes bya ba pradz+nyA bi muk+ta pradz+nyA bi muk+ta zhes bya ste/ dgra bcom pa 'gog pa'i snyoms par 'jug pa ma sgrub par shes rab kyis zag pa nyi tshe las grol bar byas pas na shes rab kyis rnam par grol ba zhes bya/ u pa ya to b+ha ga bi mugta? zhes bya ba u pa ya ni gnyis ka/ b+ha ga ni cha/ bi muk+ta ni rnam par grol ba ste/ dgra bcom pa nyon mongs pa'i sgrib pa dang/ snyoms par 'jug pa'i sgrib pa gnyis ka las grol bas na gnyi ga'i cha las rnam par grol ba zhes bya/ su pra ti pan+no b+ha ga b+ha ta sh+rA ba ka saM g+ha zhes bya ba sh+ra maN+ya d+ha na nirba Na Na pra ti pan+na zhes bya ste/ dge sbyad gi de na mya ngan las 'das pa la zhugs pas na bcom ldan 'das kyi nyan thos kyi dge 'dun ni legs par zhugs pa zhes bya/ myA ya pra ti pan+na zhes bya ba dran pa nye bar gzhag pa dang drod dang rtse mo la sogs pa'i rigs pa'i rim

  31. 16a

    pas zhugs bas na rigs par zhugs pa zhes bya/ ri dzu pra ti ban+na zhes bya ba ri dzu mA rya marg+ga zhes 'byung ste/ 'phags pa'i lam yan lag brgyad pa ma 'khrugs shing drang la/ de la zhugs pas na dang por zhugs ba zhes bya/ sA mI tsa nyi? pan+na zhes bya ba nyan thos rnams tshul khrims dang lta ba 'thun bas na 'thun par zhugs pa zhes bya/ a nu d+harmmA tsa ri zhes bya ba dge sbyong gi chos ji skad bstan pa bzhin du 'thun par spyod pas na rjes su 'thun pa'i chos la spyod pa zhes bya/ d+harmmA nu d+harmmA pra ti bran zhes bya ba d+hAmmA ni chos te mya ngan las 'das pa la bya/ a nu d+harmmA ni de'i rjes su 'thun pa'i spyod pa'i chos te/ 'phags pa'i lam yan lag brgyad pa yin te/ de la zhugs pas chos kyi rjes su 'thun pa'i chos la zhugs pa zhes bya/ dam pa'i chos kyi ming gi rnam grangs la/ sU tra zhes bya ba Artha su tsi nang sU tra zhes bya ste sangs rgyas kyis bshad pa'ang rung sangs rgyas kyis gnang ste nyan thos kyis bshad pa yang rung/ don mdo tsam du ston zhing smos pas na mdo'i sde zhes bya/ ge yaM zhes bya ba kai gai shabda zhes bya ba/ mdo sdes bshad pa'i don dbyangs kyis brjod pas na dbyangs kyis bsnyad pa zhes bya/ yang rnam pa gcig tu na ga ta byA na ge ya zhes bya ste/ mdo sde las 'byung ba'i tshig nyid gzu bor ma gsungs te drang ba'i don du gsungs pa la/ da dung bshad cing shes par bya ba gzhan yod pas na brtag par bya bar yang dang du ni rung mod kyi dbyangs kyis bsnyad par nye bas na dbyangs kyis bsnyad pa'i sde zhes bya/ bya ka ra Na zhes bya ba byang chub sems dpa' dag nyid thos la sogs pa 'das pa dang/ ma 'ongs pa dang da ltar gyi cir gyur pa dang/ 'gyur ba la sogs pa gzhan gyis mi rtog pa bye brag tu lung ston pas na lung bstan pa'i sde zhes bya/ gA thA zhes bya ba ni tshigs su bcad pa rtsa ba gnyis pa dang/ gsum pa dang

  32. 16b

    bzhi pa dang/ lnga pa dang/ drug par sbyar te bshad pas na tshigs su bcad pa'i sde zhes bya/ u da na zhes bya ba ni u pa tya dA na u dA na zhes bya ste/ gang zag 'ga' zhig gi phyir bshad pa ma yin gyi/ sangs rgyas kyi bstan pa yun ring du bzhag pa'i phyir gzhan gyis ma bskul ma gsol bar ched du brjod cing gsungs pa la ste/ dper na phyi dro'i dus kyi tshe bcom ldan 'das nang du yang dag 'jog la bzhengs te gdan la bzhugs nas dge slong gi dge 'dun rnams la ched du brjod do zhes mdo las gsungs pa lta bu ste ched du brjod pa'i sde zhes bya/ nI da na na zhes bya ba ni mdo sde dbang dul ba la sogs pa thog ma ji las glengs te bshad pa dang/ gzhi 'di dang skabs 'di dang byung ba 'di'i tshe bslab pa bcas pa lta bu la bya ste/ gleng bzhi'i sde zhes bya/ a ba dA na zhes bya ba/ yatA ba ga martha ma n+ya syA dA na na triSh+Ta n+ta bi ste ra sya zhes bya ste/ chos nyan pa rnams kyis go zhing rtogs par bya ba'i phyir sngon btags bar byung ba gzhan las drangs te/ dpe rgyas par bstan pas na rtogs pa brjod pa'i sde zhes bya ba i ti pri ta kaM zhes bya ba ni i ti ni e baM sta de lta bu/ pri ta kaM zhes bya ba ni byung ba 'am 'byung 'gyur la bya ste/ sngon byung ba'i gtam bzlas shing bshad pa yin pas na de lta bu byung ba'i sde zhes bya/ dzA ta kaM zhes bya ba ni bcom ldan 'das sngon byang chub sems dpa' i spyad pa spyod pa'i tshe gang dang gang du skyes pa dang/ dka' ba ci dang ci mdzad pa bshad pa yin pas skyes pa'i rabs kyi sde zhes bya/ bai bu lyi zhes bya ba ni bi pu la sya ba bai pu lya zhes bya ste/ shin tu rgyas par bshad pas sam/ mdo sde rgya chen po'i nang nas sa dang pha rol tu phyin pa la sogs pa shin tu rgya che zhing yangs par bshad pa yin pas na/ shin tu rgyas pa'i sde zhes bya/ ang b+hu ta d+harmma zhes bya ba ni sangs rgyas dang byang chub sems dpa' dang nyan thos rnams kyis mkhyen pa dang rdzu 'phrul dang byin gyis brlabs ngo mtshar rmad du byung ba

  33. 17a

    bshad pa yin pa na rmad du byung ba'i chos kyi sde zhes bya/ u ba de sha zhes bya ba ni mdo sde'i don de kho na nyid mthong ba gzhan gyis zhib mor bshad cing gtan la phab pa rjes su 'thun pa'i chos la shad pa'i ma mo lta bu chos mngon pa la bya bas na gtan la phab pa'i sde zhes bya/ prahma tsArya zhes bya ba brahma ni brahmi b+hu ta shi ti b+hu ta zhes bya ste/ tshangs pa 'am bsil bar gyur bas don du na mya ngan 'das pa la bya/ tsArya tsA ra ga to zhes bya ste gang gis thob par 'gyur zhing spyod pa la bya bas na mya ngan las 'da' bar bya ba'i phyir spyod pas na tshangs par spyod pa zhes bya/ A do ka lyA na zhes bya ba A dau ni dang po yin de tshangs bar spyod pa'i dang po la bya/ kalyA ni gser bzang po cir yang bcos shing brdung du rung ba dang 'dra bar yon tan gyi rim pa gong ma kun gyi snod du rung bar 'gyur bas na dge ba la bya ste/ spyir na dang po lhag pa'i tshul khrims dang ldan pas dge ba thams cad kyi gzhir gyur pas na thog mar dge ba zhes bya/ mad+hye ka lyA na zhes bya ba tshangs par spyod pa'i bar ma ni bsam gtan bzhi la sogs pa sems mnyam par gzhag pa'i ming ste/ lhag pa'i sems la bya bas na bar du ge ba zhes bya/ saryA ba sA na ka lyA na zhes bya ba tshangs par spyod pa'i tha ma ni 'phags pa'i ye shes kyis don dam pa'i bden pa rtogs pas na lhag pa'i shes rab la tha mar dge ba zhes bya/ sUrtha na zhes bya be su ni bzang po/ artha ni don de don ma log par bstan pas na don bzang bo zhes bya/ su byany+dza na zhes bya ba su ni bzang po/ byany+dza na ni tshig 'bru ste/ tshangs bar spyod pa bshad pa'i tshig 'bru go zhing brda 'phrad bar bla ste/ brjod pa phun sum tshogs pa'i phyir tshig 'bru bzang po zhes bya/ ke ba laM zhes bya ba a sA d+ha ra Na twa da ke ba laM zhes bya ste/ mu stegs can la sogs pa phal dang

  34. 17b

    thun mong ma yin pa'i phyir ma 'dres pa zhes bya/ pa ri pUr+N+Na zhes bya ba sarba kle sha pra ti pak+Sha twA da pa ri pUr+N+Na zhes bya ste/ srid pa'i rtse mo man chad kyi nyon mongs pa ma lus par rdzogs par spong nus pas na yongs su rdzogs pa zhes bya/ ba ri shud+ha zhes bya ba swa b+hA ba bi muk+tya bi mu kArthad pa ri shud+d+ha zhes bya ste/ 'phags pa'i lam zag pa med pa rang bzhin gyis rnam par grol bas na rnam par grol te gtsang bas na yongs su dag pa zhes bya/ parya ba dA haM zhes bya ba samtA na bi muk+tya bi muk+ta tA ta badya ba dA taM/ zhes bya ste/ zag pa zad pa rnams kyi sems kyi rgyud la 'phags pa'i lam 'byang ste/ gang zag so so'i sems kyi rgyud rnam par grol zhing byang bas na yongs su byang ba zhes bya/ swA khyA to b+ha ga ba to d+harmmA zhes bya ba a pi paN+ya? ti sa ma khyA na swA nya swA khyA ta zhes bya ba sangs rgyas kyi chos phyin ci ma log par bstan pas na bcom ldan 'das kyi chos ni legs par gsungs pa zhes bya/ san driSh+Ta ka zhes bya ba driSh+Ta artha nA da sA na driSh+Ti ka zhes bya ste/ dad pa tsam gyis rtogs pa ma yin gyi yang dag pa'i shes rab kyis yang dag ba ji lta ba bzhin du ma nor bar mthong bas na yang dag par mthong ba zhes bya/ nirdzwa ra zhes bya ba/ kle sha a nu sha ya pra ti ba k+Sha twad nirdzwra zhes bya ste/ nyon mongs pa bag la nyal gyi gnyen po yin pas nyon mongs pa dang/ nye ba'i nyon mongs pa'i rims nad gsal zhing yongs su nyams par mi 'gyur bas na nad med ba zhes bya/ a kA li ka zhes bya ba rnam pa gcig tu na kA la ni ya mA b+hA bA ra a kA li kA zhes bya ste/ skabs gang du yang sgom du rung ste/ dus nges pa med pa'i phyir dus chad pa med pa zhes bya/ yang rnam pa gcig tu na sarba kA la su kha tsa twA da a kA li ka zhes bya ste/ spyod lam bzhi po'i dus kun tu bya bar sla pas dus chad pa med pa zhes bya/ o pa na pri ka zhes

  35. 18a

    bya ba a she Sha du(mdo 'grel): kha nirya NA u pa na ya nA da aau pa na ye kA zhes bya ste/ sdug bsngal ma lus pa las nges par 'byung ba nye bar spyod pa'i phyir nye bar gtong ba zhes bya ba/ i hi pa sh+yi ka zhes bya ba a sA d+ha ba NA twa da ye hi pa sh+ya ka i ha pa sh+ye Sh+Ta b+ha zhes bya ste/ chos 'di mthong ba rnams la yod pas mu stegs can dang thun mong ma yin pa'i phyir 'di mthong ba la yod pa zhes bya/ yang rnam pa gcig tu ni/ A tsArya muSh+Ti ra hi ta twA da i hi pa sh+ye ti pra bA ra Na lo gA da ces bya ste/ slob dpon 'chab pa med pas 'di la ltos shig ces skabs 'byed pa dang ldan pa'i phyir 'di ltos ldan zhes kyang bya ste/ tshig rnam pa gnyis su drang du rung gis kyang sngon ma dang sbyar te/ bshad na bzang zhing tshig kyang bde ste/ 'di mthong ba la yod pa zhes btags/ pra tyA rma be dA nI yo bi dz+nye zhes bya ba a ta rkya dwada pra tyA rma be de bi dz+nye zhes bya ste/ rnam pa gcig tu na rtog ge'i yul ma yin te/ shes rab can rnams kyis rtog par bya ba yin pa dang/ yang rnam pa gcig tu na a na b+hi la bya twA da prAtyA rma be de ni ya zhes bya ste/ brjod du med pa'i phyir rang gis rig par zad pas mkhas pa rnams kyis rig par bya ba zhes bya swA khyA to b+ha ga ba to d+harmma bi na ya sU tra bi de na ta zhes bya ba n+ya ya twA da a pi ba ri tArtha twe na d+harmma kle sha bi na ya zhes bya ste/ bcom ldan 'das kyis legs par gsungs pa'i chos 'dul ba gzhan phyi rol pa dang mi 'dra bar legs par bstan cing go bar byas te/ rig pa dang ldan pas na chos/ nyon mongs pa zhi zhing dul ba byed pas na 'dul ba ste tshig bsdus na bcom ldan 'das kyis legs par gsungs pa'i chos 'dul ba la legs par bstan pa zhes bya/ ne ryA Ni ka sam+bo d+hi gA mi zhes bya ba/ saM b+ho d+hi gA mi twe na neryA Ni ka zhes bya ste/ /tshig 'di gnyis ni 'og mas gong ma bshad ba yin te/ rdzogs pa'i byang chub tu 'gro bar byed pas mya ngan las 'das par nges par 'byung

  36. 18b

    ba'i phyir nges par 'byung ba rdzogs pa'i byang chub tu 'gro bar byed pa zhes bya ba/ a bi na nA bastu pa zhes bya ba ni bcom ldan 'das kyi gsung rab la nyan thos rnams lta ba mi mthun pa med de/ gcig tu 'dus pas ni mi mthun pa med cing 'dus pa dang ldan pa zhes bya/ sa pra ti sha ra na zhes bya ba sa ni bas pa'am yang ba la bya/ pra ti sha ra Na ni skyabs sam dpung gnyen nam rten du rung ba la bya ste/ mu stegs can gyis chos lta bu khungs ngan par 'byin pa ma yin gyi/ de bzhin gshegs pas gsungs pa yin bas na rten pa yod pa zhes bya/ tshin plau? ti ka zhes bya ba tshinda ni chad ba blau ti ka ni pluM ga tau zhes bya ste/ 'gro ba 'am chus ded cing khyer ba lta bu'i tshig yin/ spyir na 'khor bar skye zhing 'pho ba'i rgyu bcad pa la bya ste/ rgyu ba bcad pa zhes bya/ 'jig rten pa'i lha'i ming la/ brahma zhes bya ba/ bri dang ku sha la/ /mA la nirtha te twa da bri ha zhes bya ste dge ba'i rtsa ba chen po las skyes pas chen por yang drang du rung/ yang rnam pa gcig tu na mu stegs can gyi gzhung la tshangs pa ni bden pa'o/ /tshangs pa ni dka' thub bo/ /tshangs pa ni dbang po thub pa'o zhes bya ba'o/ /byA ka re ? las ni brI ha Na da brahma zhes bya ba 'byung ste/ tshe dang byang gzugs dang gnas dang longs spyod la sogs pa 'og ma bas 'phel zhing khyad par du gyur pas 'phel ba 'am rgyas pa zhes drang du yang dud/ yang rnam pa gcig tu na bya khyA muk+ti las brahma b+hU ta shI ti b+hU ta zhes 'byung ste/ 'dod khams kyi nyon mongs pa'i tsha ba dang bral nas bsam gtan dang po'i sar phyin pas nyon mongs pa 'og ma las thar zhing bsil bar gyur pa yin te/ rnam pa 'di snyed du dang du yang rung gis kyang don dang yang sbyar/ sngar grags pa brtson par byas nas tshangs pa zhes brtags/ biSh+Nu zhes bya ba rnam pa gcig tu na bi shlo byA ptau zhes bya ste/ khyab par yang 'dren/ yang rnam pa gcig tu na bi sh+ra pra be sha kun tu 'jug pa la yang bya/ spyir na 'jig rten

  37. 19a

    yod do cog kyang biSh+ya'i rang bzhin yin te/ kun la khyab bar 'jug pas na khyab 'jug ces bya/ ma hi shwa ra zhes bya ba mahA ni chen po a'i shwa ra ni i sha i shwa tyA zhes bya ste/ spyir na dbang che zhing phyug brtsan ba la bya/ dngos su na mu stegs can gyi lha gu lang yin te/ dbang phyug chen po zhes bya/ mA ra zhes bya ba mrid Na pra Na tyA ge zhes bya ste/ dge ba'i chos kyi srog dang bral bar byed bdud ces bya/ sha kraM zhes bya ba/ sho kI shak+to shak+tau de ba rA dzA rA ga bra tyA na zhes bya ste/ lha'i srid thub cing lha ma yin las rgyal bar nus pas na srid thub cing nus pa la yang bya/ yang rnam pa gcig tu mchod sbyin rnam pa brgya byas pas lha'i rgyal po'i go 'phang thob pas na brgya byin zhes kyang bya/ tshig 'di gnyis kar yang drang du rung mod kyi/ sngar ming du btags pa btsan bar byas te brgya byin zhes btags/ in+d+ra zhes bya ba/ i di ba ra me shwa rye zhes bya ba ste/ ri rab kyi steng na sum cu rtsa gsum pa'i lha'i rgyal po mdzed pas na brgya byin gyis ming gi rnam grangs te dbang po zhes bya/ lo ka pA la/ zhes bya ba lo ka ni ludzya ta i ti lo ka zhes bya ste/ 'jig rten bA la rak+Sha Na zhes bya ste/ 'jig rten srung zhing skyong ba zhes bya/ ba sh+ra paN zhes bya ba Na sha ra ta sya a pat+tya bai sh+ra ma Na zhes bya ste/ rnam thos kyi bu zhes bya'o/ /d+h+ri ta raSh+ma zhes bya ba ni/ d+hi ta ni srung ba 'am 'dzin pa/ raShhu ni yul 'khor te yul 'khor srung zhes bya/ bi rU DDha ga zhes bya ba bi ni bi she Sha Na ste/ bye brag tu gyur pa 'am 'phags pa la bya/ rU DDha ni ru ha dza nA ma ni zhes bya ba ste skyes pa la bya/ ka ni sang bi dz+nyA yA na kan zhes bya ba/ ming gcig gi mjug la byA ka ra Na'i gzhung gis gas gdags pa yod pas tshig gis rkyen du btags bar zad de/ 'phags skyes po zhes bya/ bi rU pAk+Shi zhes bya ba rnam pa gcig tu

  38. 19b

    na bi rU ba zhes bya ba ni spyan gzhan dang mi 'dra gsum mnga' bas mi mthun pa la bya/ ak+Shi zhes bya ba ni mig la bya ste mig mi 'dra ba 'am/ rnam pa gcig tu na bi rU pa ni klu'i rgyal po yin pas na spyan la gdug pa mnga' ste gzigs so 'tshal la gnod par 'gyur bas mig mi bzang zhes bya// //bam po gnyis pa /pha rol tu phyin pa bcu dang/ byang chub kyi phyogs kyi chos sum cu rtsa bdun la sogs pa'i ming la pha rol tu phyin pa bcu la/ da sha pA ra mi tA zhes bya ba da sha na bcu/ pA ra mi tA na pi ra i ta pa ra i ta pa ra mi tA zhes bya ba ste sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes dang/ 'di bcu la spyad cing bsgom pa'i mthar phyin te/ phyin ma lus pas na pha rol tu phyin pa bcu zhes bya/ byang chub kyi phyogs kyi chos sum cu rtsa bdun la sogs pa'i ming la sapta triM shad bo d+hi pak+Sha zhes bya ba bo d+hi ra nu gu ru Na twad bo d+hi pak+Sha zhes bya ste/ bo d+hi ni byang chub/ pak+Sha ni de'i rjes su 'thun pa 'am/ phyogs su gyur pa la bya ste/ dran pa nye bar gzhag pa nas 'phags pa'i lam yan lag brgyad pa'i bar sum cu rtsa bdun yod pa 'di byang chub gsum po'i phyogs su gyur bas na byang chub kyi phyogs kyi chos sum cu rtsa bdun zhes/ tsa twa ri smri hyu pas+thA na zhes bya ba padz+nyA yAsmi ti rU pa tiSh+Tha te zhes bya ste/ smri ti dran pa/ u pa ni nye ba/ s+thA na ni bzhag pa la bya/ spyir na lus dang sems dang tshor ba dan chos bzhi'i rang dang spyi'i mtshan nyid shes rab kyis brtags te/ mthong ba rnams dran pas gsal bar 'dzin te/ dran pa shes che bas dran pa nye bar gzhag pa bzhi zhes bya/ tsa twA ri samya kpra ha Na zhes bya ba/ tsa twA ri ni bzhi/ samyaka ni yang dag pa/ praha Na ni spong ba ste/ brtson 'grus kyis dge ba bskyed cing sdig pa mi dge ba'i chos rnams spong bas na yang dag par spong ba bzhi zhes bya/ tsa twA

  39. 20a

    ri ri d+hi pA dang/ zhes bya ba ri d+hi ni rdzu 'phrul pA? da ni rkang pa ste 'dun pa dang sems dang brtson 'grus dang dran pa dang/ ting 'grus dang dpyod pa'i ting nge 'dzin bzhi nam mkha' la 'gro ba la sogs pa'i rdzu 'phrul gyi rten dang rgyur gyur pa'i na rdzu 'phrul gyi rkang pa bzhi zhes bya/ pany+tsendI ya Na zhes bya ba pany+tsa ni lnga/ in+d+ri ya na i di pa ra med sharya zhes bya ba dbang che ba la bya bas dad pa dang brtson 'grus dang dran pa dang/ ting nge 'dzin dang shes rab dang 'di lnga'i dbang gis sems las su rung ba'i rgyud la thar pa'i cha dang 'thun pa'i dge ba'i rtsa ba skye bas na dge ba'i rtsa ba skye ba la dbang ba'i phyir dbang po lnga zhes bya/ pany+tsa ba la zhes bya ba pany+tsa ni lnga/ ba la ni stobs te/ dad pa la sogs pa lnga po 'di nyid rgyun ring du bsgoms pas ma dad pa dang/ le lo dang/ dran pa nyams pa dang/ g.yeng ba dang/ shes bzhin ma yin pa dang/ mi mthun pa'i phyogs lnga po 'dis bar chad bya mi nus pas na dad pa la sogs pa'i mthu skyes pa'i phyir stobs lnga zhes bya/ sapta bo d+hya ga zhes bya ba sapta ni bdun/ po d+hi ni byang chub aM ga ni yan lag ste/ dran pa dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang btang snyoms dang 'di bdun mthong ba'i lam la de kho na nyid byang chub pa'i rgyur gyur pas na/ byang chub yan lag bdun zhes bya/ yang rnam pa gcig tu na bi d+hA Sha las 'byung ba ming du bgrang ba'i grangs kyis rim pa bzhin bshad pa tsam du zad de byang chub gsum du 'grub pa'i nye ba'i rgyu 'di bdun yin pas sgom pa'i lam la byang chub kyi yan lag ces bshad/ AryA ShDaM ga marg+ga zhes bya ba Arya ni 'phags pa/ aShDAM ga ni yan lag brgyad mArg+ga ni lam ste/ yang dag pa'i lta ba dang/ rtog pa dang/ ngag dang/ las kyi mdza' dang/ 'tsho ba dang/ rtsol ba dang/ dran pa dang/ ting nge 'dzin dang/ 'phags pa'i sbom pa'i lam 'di

  40. 20b

    la rgyud kyis dgra bcom pa'i 'bras bu thob pas na 'phags pa'i lam yan lag brgyad pa zhes bya/ yang rnam pa gcig tu na bi b+ha Sha las 'byung ba 'phags pa'i 'bras bu dang de kho na nyid sngon ma mthong ba mthong bar bya ba'i lam yin pas na mthong ba'i lam du bshad tshad med pa bzhi la tse tswa dya pra nA ta zhes ma med pa bzhi yin te/ sems can grangs med dpag tu med pa la byams pa dang snying rje dang dga' ba dang btang snyoms khyab par sgam pas na med pa bzhi zhes bya/ /bsam gtan dang snyoms par 'jug pa la sogs pa'i ming la/ d+hyA na zhes bya ba d+hai tsan+ti yan zhes bya ste/ sems dpa' la bya/ mi rtag pa 'am stong pa la sogs pa lta bu gcig la bsam pa'i gtan pa bcas te/ bsgoms pas na bsam gtan zhes bya/ a na gA mya zhes bya ba nA sya A ga mya zhes bya ste/ bsam gtan dang po la snyoms par 'jug par sems kyis khams gsum gyi nyon mongs pa thams cad spong mi nus pa med pas na mi lcogs pa med pa zhes bya/ d+hya nan+ta zhes bya ba d+hyA na ni bsam gtan an+ta ri bye brag gam khyad par te/ bsam gtan khyad par can ni rtog pa ni med dpyod pa tsam du zad de bye brag tu 'phags pas tshangs pa chen po'i go 'phang 'thob ba'i phyir bsam gtan khyad par can zhes bya/ sa man+ta ka zhes bya ba sa man+tA b+ha ba twad sa man+tA ka zhes bya ste/ sa man+tA ni nye ba/ b+ha ba ni 'byung ba 'am gnas pa lta bu la bya ste/ spyir ni bsam gtan dang gzugs med pa'i snyoms par 'jug pa la mnyam par gzhag pa'i phyir snga nas shom pa'i sems kyis ming ste nyer bsdogs zhes bya/ lau la zhes bya ba/ mU le b+hA ba twAd mau la bya ste mu la rtsa ba 'am/ bzhi 'am dngos/ b+hA ba ni 'byung ba 'am gnas pa ste don dang sbyar/ bsam gtan dang snyoms par 'jug pa dngos la bya bas na dngos gzhi zhes bya/ sa ma pat+tI zhes bya ba sems dang sems las byung ba'i tshogs dmigs

  41. 21a

    pa gcig la 'dul zhing gnyis mnyam par byed pa'i ming snga? snyoms par 'jug pa zhes bya ba/ sA sad+hi zhes bya ba sa mA d+hi yan te a ne na zhes bya ste/ ting nge 'dzin gyi mthus sems dang sems las byung ba'i rgyud dmigs pa gcig la sdud cing mi g.yo bar ting nge 'jog pas na ting nge 'dzin zhes bya/ ni ro d+ha sa ma pat+ti zhes bya ba 'du shes dang tshor ba 'gog cing lus rdo rje la sogs pa cis kyang mi shig par 'byung ba chen po rnams 'thun par sgrub pa la yang bya/ zhi ba la gnas par 'dug pa'i sems kyis tshor ba dang 'du shes 'gog pa la snyoms par 'jug pa la yang bya bas pa na 'gog pa'i snyoms par 'dug pa zhes bya/ a sa ma dz+nyA sa ma pat+tI zhes bya ba 'du shes med pa'i sems kyis snyoms par 'dug pa yin pas na 'du shes med pa'i snyoms par 'jug pa zhes kyang bya/ yang gcig tu snyoms par 'jug pa de 'du shes med pa'i snyoms par 'jug pa zhes bya aSh+To bi mo k+Sha zhes bya ba gzugs can gyis gzugs mthong ngo zhes bya ba la sogs pa mi sdug par sgom pa la sogs pas gzugs las skyo zhing chags pa las grol bar byed pas na rnam par thar pa brgyad ces bya/ aSh+Ta bi b+ha ba yA ta na zhes bya ba nang gzugs su 'du shes pas phyi rol gyi gzugs kha dog bzang po dang/ ngan pa la sogs pa mthong nas gzugs de dag zil gyis mnan te shes par byed pas na zil gyis gnon pa'i skye mched brgyad ces bya/ da sha krit+sna yA ta na zhes bya ba phyogs bcu ma lus par sa la sogs par mos shing yid la byed pa'i bsam gtan gyi ming ste/ zad par gyi skye mched bcu zhes bya/ nA ba nu pU rba bi ha ra sa ma pat+ti zhes bya ba/ bsam gtan bzhi dang/ gzugs med pa'i snyoms par 'jug pa bzhi dang/ 'gog pa'i snyoms par 'jug pa dang dgu la mthar gyis gnas shing 'jug pa'i ming ste/ mthar gyis

  42. 21b

    gnas pa'i snyoms par 'jug pa dgu zhes bya/ rnam par thar pa'i sgo dang gzungs dang mngon par shes pa'i ming la/ trI Ni bi mok+Sha mu kha zhes bya ba rnam par thar pa'i sgo gsum yin te/ stong pa nyid dang/ mtshan ma med pa dang/ smon pa med pa gsum mya ngan las 'da' bar 'gyur zhing 'khor ba las thar pa'i sgo yin pas na rnam par thar pa'i sgo gsum zhes bya/ d+ha ra NI zhes bya ba gzungs yin te/ dran pa dang shes bzhin gyis chos kyi tshig dang don mi brjed par 'dzin pas na gzungs zhes bya/ Sha DA b+hi dz+nyA zhes bya ba mngon par shes pa drug yin te/ a b+hi ni a b+hi ta te mngon pa dz+nyA ni shes pa la bya ste/ lha'i mig dang/ lha'i rna ba dang/ pha rol gyi sems shes pa dang/ sngon gyi gnas rjes su dran pa'i shes pa dang/ rdzu 'phrul gyi bya ba shes par zag pa zad pa shes pa drug mngon sum du mdzad pas mngon par shes pa drug ces bya/ stong pa nyid bco brgyad la/ ad+hyA ma shu n+ya tA zhes bya ba a d+hyArmA ni nad/ shU n+ya tA ni stong pa nyid yin te/ nang gi chos mig dang/ rna ba dang/ sna dang/ lce dang/ las dang/ yid rnams ther zug tu gnas pa 'ang ma yin/ 'jig par 'gyur ba'ang ma yin pa'i phyir don dam par na mig la sogs pa la dngos po med pas na nang stong pa nyid ces bya/ ba hird+hA shU n+ya tA zhes bya ba phyi stong pa nyid ces bya ba yin te/ phyi'i chos gzugs dang sgra dang dri dang ro dang reg dang chos rnams ther zug tu gnas pa'ang ma yin/ 'jig par 'gyur ba'ang ma yin pa'i phyir don dam par na gzugs la sogs pa la dngos po med pas na phyi stong pa nyid ces bya/ a d+hArma? ba hird+hA shU n+ya tA zhes bya ba phyi nang stong pa nyid yin te/ phyi nang gi skye mched bcu gnyis don dam par na gzung ba 'dzin pa gnyis ka med de/ yul dang yul can gyi tshul dang bral bas na phyi nang stong pa nyid ces bya/ shU n+ya tA shU n+ya tA zhes bya ba

  43. 22a

    stong pa nyid stong pa nyid yin te/ chos thams cad kyi stong pa nyid kyis stong pa nyid stong pa ste/ gzhan kyis stong par byar med pas na stong pa nyid stong pa nyid ces bya mahA shU n+ya tA zhes bya ba chen po stong pa nyid yin/ snod kyi 'jig rten sa'i? dkyil 'khor chen po phyogs bcur stong pas na chen po stong pa nyid ces bya/ pa ra mArtha shU n+ya tA zhes bya ba don dam pa stong pa nyid yin te/ don dam pa'i mya ngan las 'das pa la bya/ don dam pa nyid la yang dngos por gzung du rung ba med pas na don dam pa nyid la yang stong pa nyid ces bya/ saM skri ta shU n+ya tA zhes bya ba 'dus byas stong pa nyid yin te/ 'dus byas ni khams gsum du gtogs so cog la bya/ khams gsum du gtog pa yang sgyu ma dang 'dra ste/ skye ba dang gnas pa dang 'gag pa dang 'bral zhing stong pas na 'dus byas stong pa nyid ces bya/ a saM skri ta shU n+ya tA zhes bya ba 'dus ma byas stong pa nyid yin te/ 'dus ma byas ni nam mkha' dang de bzhin nyid dang 'gog pa rnam pa gnyis rgyu dang rkyen gyis grub pa ma yin pa 'dus ma byas 'di bzhi rang bzhin gyis stong pas na 'dus ma byas stong pa nyid ces bya/ a tyAn+ta shU n+ya tA zhes bya ba mdza' las 'das pa stong pa nyid yin te/ rtag pa dang chad pa dang med pa la sogs pa'i mdza' dang bral bas na mdza' las 'das pa stong pa nyid ces bya/ a na ba rA gra shU n+ya tA zhes bya ba thog ma dang tha ma med pa stong pa nyid yin te/ 'khor ba thog ma med pa la dbus kyang stong pas thog ma dang tha ma med pa stong pa nyid ces bya/ a na ba kA ra shU n+ya tA zhes bya ba a ba ta ka ra ni dor ba ste dor ba med pas na a na ba ka ra Na ni dor ba ste dor ba med pas na a na ba ka ra zhes bya ste/ bum pa'i nang du chu blugs pa las/ pho nas sdong par gyur pa lta bu ma yin gyis/ chos thams cad ye nas rang bzhin gyis stong ste/ dor zhing bsal ba med pas na dor ba med pa

  44. 22b

    stong pa nyid ces bya/ pra kri ti shU n+ya tA zhes bya ba rang bzhin gyis stong pa nyid de chos thams cad nyan thos dang rang sangs rgyas dang de bzhin gshegs pas kyang mdzad de/ rang bzhin gyis 'dus byas kyang ma yin/ 'dus ma byas kyang ma yin pas na rang bzhin gyis stong pa nyid ces bya/ sarbba d+harmmA shU n+ya tA zhes bya ba chos thams cad stong pa nyid yin te/ chos thams cad ces bya ba ni phung po dang khams dang skye mched la sogs pa 'dus byas dang 'dus ma byas kyis chos thams cad la bya/ de thams cad stong pas na chos thams cad stong pa nyid ces bya/ spa lak+Sha Na shU n+ya tA zhes bya ba rang gi mtshan nyid stong pa nyid yin te/ rang gi mtshan nyid ni gzugs su rung bas na gzugs/ myong ba'i mtshan nyid pas na tshor ba mtshan mar 'dzin pas na 'du shes zhes bya ba la sogs pa tshos so sor rang gi mtshan nyid kyang brtags pa tsam du zad de yongs su grub pa med pas na/ mtshan nyid stong pa nyid ces bya/ a nu ba lam+b+ha shU n+ya tA zhes bya ba mi dmigs pa stong pa nyid yin te/ 'das pa dang ma 'ongs pa dang da ltar gyi dus gsum du gtogs pa'i rnal 'byor pa dmigs su med pa las yang dngos po gud na med pas na mi dmigs pa stong pa nyid ces bya/ a b+ha ba shU n+ya tA zhes bya ba dngos po med pa stong pa nyid yin te/ dngos po med pa las yang dngos por gzung du rung ba'i rang bzhin pas na dngos po med pa stong pa nyid ces bya/ swa b+hA ba shU n+ya tA zhes bya ba ngo bo nyid stong pa nyid yin te/ 'du 'phrod las byung ba'i chos rnams rang dbang du mi skye ste/ rten cing 'brel te 'byung ba yin pas ngo bo nyid stong pa nyid ces bya/ a b+hA pa swa b+hA ba shU n+ya tA zhes bya ba dngos po med pa ngo bo nyid stong pa nyid yin te/ dngos po med par rtogs pa'i mthong ba dang shes pa'i dngos po med pa'i ngo bo nyid ces bya/ mthong ba dang shes pa 'di gnyis ka yang mthong bas kyang ma byas shes pas kyang ma byas te/ rang bzhin gyis stong pa'i phyir dngos po med pa'i ngo bo nyid stong

  45. 23a

    pa nyid ces bya/ zhi gnas dang lag mthong la sogs pa'i ming la sha ma tha zhes bya ba sha me sti ti sha ma tha zhes bya ste/ sha ma ni zhi ba dang/ tha ni gnas pa ste/ gzugs la sogs pa yul gyis sems g.yeng ba zhi bar byas nas bsam gtan gang sgom pa de la sems rtse gcig tu zhugs pa'i ming yin pas na zhi gnas zhes bya/ pi pa sh+ya na zhes bya ba ba ni bi she Sha ste/ khyad par ram lhag pa/ pa sh+ya na ni mthong ba 'am lta ba la bya/ spyir na shes rab kyis dngos po'i rang bzhin lhag par rtogs pa'i rang bzhin la lhag par rtogs pa'i ming yin pas na lhag mthong zhes bya/ yog zhes bya ba yu dzir yog zhes bya ste/ zhi gnas dang lhag mthong zung du 'brel pa'i bsam gtan gyi ming ste rnal 'byor zhes bya/ yo ni sha ma na skA ra zhes bya ba yo ni ni u pa ya ste thabs sam rgyud la bya/ sha ni sha na sa ti zhes bya ste/ thabs dang tshul de nyid la spyod cing ston pa la bya ste/ spyir na mi sdug pa sgom pas 'dod chags gzhil ba dang/ rten cing 'brel par 'byung ba sgom pas gti mug spangs pa la sogs pa ste/ thabs tshul bzhin du sgom pa'i ming yin pas na tshul bzhin yid la byed pa zhes bya/ 'phags pa'i bden pa bzhi rnam bcu drug tu phye ba la sogs pa'i ming la/ tsa tu Arya satya zhes bya ba tsa tu ni bzhi/ Arya ni 'phags pas satya ni bden pa ste sdug bsngal dang kun 'byung dang 'gog pa dang lam bzhi ji ltar 'phags pa rnams kyis bden par gzigs pa de bzhin du so so'i skye bo phyin ci log dang bcas pas bden par mi mthong bas na 'phags pa'i bden pa bzhi zhes bya/ du(mdo 'grel): kha satya zhes bya ba sdug bsngal gyi bden pa ste/ zag pa dang bcas pa'i 'du byed la yid du 'ong ba rnams ni 'gyur ba'i sdug bsngal gyis sdug bsngal bar gyur/ yid du mi 'ong ba rnams ni sdug bsngal gyi sdug bsngal bar gyur la/ de las ma gtogs pa chos gzhan

  46. 23b

    'du byed kyi sdug bsngal gyis sdug bsngal bar gyur te/ phung po lnga sdug bsngal gsum dang ldan pas na sdug bsngal gyi bden pa zhes bya/ sa mu da ya zhes bya bas mu de tyA smA da kamma kle sha lak+Sha nAd ces 'byung bas na las dang nyon mongs pa'i mtshan nyid de dag las sdug bsngal 'byung ba la bya ste/ de las nyon mongs ba ni srid pa gsum du slar skye zhing 'byung bar 'dod pa'i 'dod chags la sogs pa la bya/ las ni mi dge ba dang dge ba zag pa dang bcas pa la bya ste/ kun 'byung ba zhes bya ste/ ni ro d+ha zhes bya ba ni ro d+hyan+te asmin sarba kle sha i ti zhes 'byung bas 'gog pa thob pas nyon mongs pa thams cad 'gag pa'i phyir 'gog pa zhes bya/ mArg+ga zhes bya ba mArg+ga yan+ti a na ne ni ro d+ha mi tI zhes 'byung ste/ lam des 'gog pa tshol ba 'am mtshan pa 'am dmigs pa 'am 'thob par 'gyur ba la bya ste/ lam zhes bya/ a ni tya zhes bya ba pra tya yAnd+hi na twad a ni rya zhes 'byung ste/ rkyen la rag las pa'i phyir mi rtag pa ste/ rkyen tshags? na ni 'byung la rkyen dang bral na ni 'gag ste rang dbang med pas na mi rtag ba zhes bya/ du(mdo 'grel): kha zhes bya ba don du na bi DArma ka twad ces 'byung ste/ gnod pa'i phyir sdug bsngal ba zhes bya ste/ shu n+ya zhes bya/ irma ya triSh+Ti bi bak+She Na zhes 'byung ste/ bdag gir lta ba'i gnyen po yin te/ bdag gi med cing stong pas na stong pa zhes bya/ a nAdma zhes bya ba adma zhes bya ba adma triSh+Ti bi pak+She a nAdma zhes 'byung ste/ bdag tu lta ba'i gnyen po yin te/ mu stegs can gyis brtags pa'i bdag dang sems can la sogs pa med pas bdag med pa zhes bya/ te tu zhes bya ba ste he tu bI dza d+harmmA yo ge na zhes 'byung bas sa bon gyi chos kyi tshul gyis phung po lnga'i rgyur gyur pas na rgyu zhes bya/ sa mud ya zhes bya ba pra du rb+ha yo ge na zhes 'byung ba'i tshul gyis kun 'byung ba zhes bya/ bra b+ha pa zhes bya ba sa ma band+ha yo ge na zhes 'byung ste/ 'brel pa'i

  47. 24a

    tshul gyis rgyu yin no/ /zhes 'byung bas rgyu dang 'bras bu 'brel par skye ba'i phyir rab tu skye ba zhes bya/ pra tya ya zhes bya ba a bin shA dA nI tya ne na pra tya ya zhes 'byung bas mngon par grub par byed pa'i don gyi rkyen zhes bya ste/ dper na 'ji? pa dang dbyu gu dang 'khor lo dang srad bu dang chu rnams tshogs pa las bum pa 'grub par 'gyur ba dang 'dra bas na rkyen zhes bya/ ni rod+ha zhes bya ba ni ni ro d+ha sgand+ho pa ra ma ni ro d+ha zhes 'byung ste/ phung po 'jig cing med par 'gyur ba na 'gog pa zhes bya/ shAn+ta zhes bya ba tya gni na rbA ba nAd shAn+ta zhes 'byung ste/ 'dod chags dang zhe sdang dang gti mug gi me rnam pa gsum med par byas pas na zhi ba zhes bya/ pra Ni ta zhes bya ba ni ru pa tra bAd twA na zhes 'byung bas gnod pa med pa'i phyir gya nom pa zhes bya/ nissa ra Na zhes bya ba sarba a bak+Sha la bi yu kA twAd nissa ra Na zhes 'byung bas skyon thams cad dang bral te skyon rnams las byung ba 'am bral bas na nges par 'byung ba zhes bya/ mArg+ga zhes bya ba ga ma nA nwe na na mArg+ga zhes 'byung bas 'gro ba'i don la bya ste/ 'phags pa'i lam du zhugs nas mya ngan las 'das par 'gro bas na lam zhes bya/ n+yA ya zhes bya ba yo ga yuk+ta twAd n+yA ya zhes 'byung bas rigs pa dang ldan par bshad pas lam de 'khrul pa med cing tshad mar gyur bas na rigs pa zhes bya/ pra ti prat+ta zhes bya ba samya ga pra ti padnar thi na pra ti pat+ta zhes 'byung ste/ yang dag par thob par byed pas na sgrub pa zhes bya/ nIryA nya ge? zhes bya ba a tyan+ta sa ma ti kra mAd niryA Ni kA zhes 'byung ste/ shin tu yang dag par 'byung bas slar 'khor bar mi skye ba'i phyir nges par 'byin pa zhes bya/ a nan+tarya mArg+ga zhes bya ba/ an+taryA ni kle shai ran+ta ri du ma shAkya twAd ces bya ste/ nyon mongs pas bar gcod mi nus pas na bar chad med pa zhes bya/ mArg+ga ni lam ste spyir na sgom pa'i lam

  48. 24b

    la gnas pa'i tshe bzod pa nyon mongs pa'i gnyen por gyur pas na nyon mongs pa'i chom rkun dang 'dra ba sgong phyung zhing spangs pa la bya bas na bar chad med pa'i lam zhes btags/ be muk+ti mArg+ga zhes bya ba ni muk+ti ni rnam par grol ba/ mArg+ga ni lam ste sgom pa'i lam la nyon mongs pa dang bral ba'i shes pas rkun po slar mi 'ong bar sgo gcad ba lta bu yin te/ rnam par grol ba'i lam shes bya/ a b+hi sa mA yan+ti ka ku sha la mU la zhes bya ba mthong pa'i lam thob ste/ de kho na nyid rtog pa'i rjes las 'jig rten pa'i dge ba med po 'phal zhing 'byung ba'i ming ste/ mngon par rtogs pa'i 'jug la 'byung ba'i dge ba'i rtsa ba zhes bya/ k+Sha ya dz+nyA na bi ka ku sha la mU la zhes bya ba/ dgra bcom pa'i zad pa shes pa skyes pa'i phral la 'jig rten pa'i dge ba mang po skyes pa'i ming ste/ zad pa'i shes pa'i dge ba'i rtsa ba zhes bya/ sems kyi skad cig bcu drug la du(mdo 'grel): khe d+harmma dz+nyA k+ShAn+ti zhes bya ba du khe ni sdug bsngal/ d+harma ni chos/ dz+nyA na ni shes pa/ k+ShAn+ta bzod pa ste/ sdug bsngal la tshes de kho na nyid rtogs par bya bar bzod bas na shes rab kyi med ste/ sdug bsngal la chos shes pa'i shes pa'i bzod pa zhes bya/ du(mdo 'grel): khe d+harmmA dz+nyA na zhes bya ba chos shes pa'i bzod pa'i rjes la sdug bsngal gyi chos de kho na nyid rtog par 'gyur bas na sdug bsngal la chos shes pa zhes bya/ du(mdo 'grel): khe nA yak+ShA ti zhes bya ba du: kha be sh+ya a nu bashtsA da a ya a pa ga ma zhes 'byung ste/ ji ltar 'dod pa'i khams kyi sdug bsngal la chos shes par bzod pa de bzhin du gzugs dang/ gzugs med pa'i khams kyi chos shes pa la bzod pas na sdug bsngal la rjes su rtogs pa shes pa'i bzod pa zhes bya/ du(mdo 'grel): khe a nA ya dz+nyA na zhes pa du(mdo 'grel): kha bi sha ye a nu pashtsa da a ya a bag ma zhes 'byung ste/ ji ltar 'dod pa'i khams kyi phung po la chos tsam du shes pa de bzhin du gzugs dang gzugs med pa'i khams kyi

  49. 25a

    phung po la yang chos tsam du rjes su rtogs par byed pas na sdug bsngal la rjes su rtogs pa'i shes pa zhes bya ste/ chos shes pa ni 'dod pa'i khams la dmigs te/ sa la lta ba dang 'bral rjes su rtogs pa'i shes pa ni gzugs dang gzugs med pa'i nyon mongs pa'i gnyen po ste/ gnam la yar lta ba dang 'dra bas chos shes pa dang rjes su rtogs pa'i shes pa gnyis gcig gi yul gcig gis mi mthong ste/ kun 'byung ba man chad lhag ma gsum yang 'di bzhin du bshad/ mi shes pa kun shes par byed pa la sogs pa dbang po gsum la A nA dz+nyA tA mA dz+nyA tA sya min+t+ri yan zhes bya ba/ mi shes pa kun shes par byed pa'i dbang po yin te/ mthong ba'i lam gyi yid dang/ bde ba dang yid bde ba dang/ btang snyoms dang/ dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po rnams sngon 'phags pa'i bden pa ma mthong ba mthong bar byed pa kun shes pa'i dbang po mthong ba la dbang byed pas na mi shes pa kun shes par byed pa'i dbang po zhes bya/ Adz+nye n+t+ri yan zhes bya ba kun shes pa'i dbang po yin te/ sgom pa'i lam la kun shes par bya ba'i yul gzhan med kyi bag la nyal lhag ma spang ba'i phyir sgom pa'i lam gyi yid la sogs pa'i dbang po dgus 'phags pa'i lam gyi bden pa nyid kun shes pa yin te/ kun shes pa dang ldan pa'i dbang po thob pa la dbang byed pas na kun shes pa'i dbang po zhes bya/ A dz+nya tA in+d+ri yan zhes bya ba kun shes pa dang ldan pa'i dbang po yin te/ mi slob pa'i lam la dgra bcom pa'i 'bras bu thob nas shes par bya ba thams cad shes te shes pa de dang ldan bas gang gi sems kyis rgyud la yod pa'i yid la sogs pa'i dbang po dgu tshe 'di la bde bar gnas pa dang mya ngan las 'das pa thob par byed pas

  50. 25b

    na kun shes pa dang ldan pa'i dbang po zhes bya/ lam bzhi pa la du(mdo 'grel): khA pra ti pad+d+hya na d+hyA bi dz+nyA zhes bya ba bsam gtan bzhi'i sa la ma gtogs pa gzugs med pa'i snyoms par 'jug pa lta bu lhag mthong med la zhi gnas kyi shas che ba dang/ mi lcogs pa med pa bsam gtan dang po la 'jug pa'i sems lta bu lhag mthong gi shas che la zhi gnas dang lhag mthong ya char gyur pas nyon mongs spangs dka' la gang zag dbang po rtul po'i shes pa'i ming ste/ mngon par shes pa bul ba dka' ba'i lam zhes bya/ du(mdo 'grel): kha pra ti pak+Sha prA bi dz+nyA zhes bya ba bsam gtan bzhi las ma gtogs pa gzugs med pa'i snyoms par 'jug pa lta bu lhag mthong med la zhi gnas kyi shas che ba dang/ mi lcogs pa med pa bsam gtan dang po la 'jug pa'i sems lta bu lhag mthong gi shas che la zhi gnas chung ste zhi gnas lhag mthong ya char 'gyur bas nyon mongs pa spang dka' la/ gang zag dbang po rnon po'i shes pa'i ming ste/ mngon par shes pa myur ba dka' ba'i lam zhes bya/ su khA pra ti pad d+hya na d+hyA b+hi dz+nyA zhes bya ba bsam gtan bzhi'i sa la zhi gnas dang lhag mthong zung du 'brel pa bsgoms pas nyon mongs pa spangs shing bsal bla la/ gang zag dbang po rtul po'i shes pa'i ming ste/ mngon par shes pa bul la bla ba'i lam zhes bya/ su kha pra ti pak+Shi pra a b+hi dz+nyA zhes bya ba bsam gtan bzhi pa'i sa la zhi gnas dang lhag mthong zung du 'brel par bsgoms pas nyon mongs pa spang zhing bsal bla la gang zag dbang po rnon po'i shes pa'i ming ste/ mngon par shes pa myur la bla ba'i lam zhes bya/ kun rdzob dang don dam pa'i bden pa la saM bri ti satya zhes bya ba saM bri ya ste a na ya twad twa zhes bya ste/ rnam par rtog pa dang bcas pa'i shes pas dngos po'i de kho na nyid mthong bar bya ba la sgrib pas na yang dag sgrib ces bya/ yang gcig tu na lo ka sam myatyA zhes kyang bya ste/ chos thams cad rang bzhin

  51. 26a

    med cing stong pa las 'jig rten gyi phyin ci log gi dngos po skye zhing 'byung bar mthong ba la sogs pa'ang 'jig rten gyi tha snyad dang grags pa tsam du bden pa ste/ kun gyis shes shing rdzob pa la bya bar dbu ma'i gtsug lag pas bshad/ blo gros mi zad pas bstan pa la sogs pa'i nang nas ji snyed du yi ge dang tshig 'brus bstan pa thams cad ni kun rdzob kyi bden pa'o zhes 'byung ste/ mdo sde dang dbu ma'i gzhung btsan par bya ste/ kun rdzob kyi bden pa btags/ pa ra mArtha satya zhes bya ba pa ra ma ni mchog gam dam pa/ artha ni don nam dgos pa ste/ gcig tu don sgrub cing dgos par bya ba'i mchog tu sdug bsngal thams cad dang bral bar bya ba mya ngan las 'das pa la yang bya/ yang gcig tu na 'jig rten las 'das pa'i ye shes mchog gi dmigs pa'i spyod yul don du gyur pa min la satya ni bden pa ste/ 'phags pa phyin ci log tu med par gzigs pa rnams la mya ngan las 'das pa dang skye ba med pa yang dag par bden pas na don dam pa'i bden pa zhes bya/ lung du bstan pa'i rnam grangs kyis ming la/ e kAM she bya ka ra Na zhes bya ba sems can thams cad 'chi 'am mi 'chi zhes 'dri na/ gcig tu chad par thams cad 'chi'o zhes bya ba yin te/ mgo gcig tu lung bstan pa zhes bya/ pi b+ha dzya byA ka ra Na zhes bya ba sems can thams cad skye ba ma zhes 'dri na/ nyon mongs pa dang bcas pa ni skye la/ nyon mongs pa med pa ni mi skye'o zhes so sor phye ste bstan par bya ba'i ming ste/ rnam par phye ste lung bstan pa zhes bya/ pa ri prits+tsha byA ka ra Na zhes bya ba mi 'di bzad dam ngan zhes 'di na/ gang dang gang sgrun zhes slar dri ste/ lha dang sgrun zhes zer na ni ngan zhes bya/ sems can dmyal ba dang sgrun zhes zer na ni bzad zhes bya ba lta bu/ slar dris nas lan slan pa'i ming ste/ dris nas lung bstan pa zhes bya/ s+tha tya byA ka ra Na

  52. 26b

    zhes bya ba sems can dang phung po gnyis gcig gam tha dad ces 'di na/ sems nyid dngos por med pas mo gsham gyi bu dkar ram sngo zhes brjod du med pa dang 'dra ste/ lung mi bstan pas na gzhag pa'i lung bstan pa zhes bya/ mtshan nyid gsum la pa ri kalpi ta lak+Sha Na zhes bya ba kun brtags pa'i mtshan nyid yin te/ pa ri sa ma tad ces bya ba yongs su 'am kun tu/ kalpi ta ni med pa 'am sgro btags pa lta bu la bya/ spyir na gzung ba dang 'dzin par byas pa'i chos nan gyis brtags pa la bya ste/ kun brtags pa'i mtshan nyid ces bya/ pa ra tan+d+ra lak+Sha Na zhes bya ba gzhan gyi dbang gi mtshan nyid yin te/ pa ra ni gzhan/ ta na tra ni ta na tra ste dza na mya ste zhes bya ste/ gzhan gyi rkyen la rag las shing rang mi 'byung bas rten cing 'brel par 'byung ba'i ming ste/ gzhan gyi dbang gi mtshan nyid ces bya/ pa ri Ni shpan+na lak+Sha Na zhes bya ba yongs su grub pa'i mtshan nyid yin te/ de bzhin nyid dang yang dag pa'i ye shes gnyis mi 'gyur ba dang/ phyin ci ma log pa'i tshul gyis yongs su rdzogs shing grub pas na yongs su grub pa'i mtshan nyid ces bya/ dgongs pa bzhi la tsa twA ro a b+hi pra ya zhes bya ba dgongs pa bzhi yin te/ chos kyi sku dang/ tshogs la sogs pa mnyam pa la dgongs te/ 'das pa'i sangs rgyas da nyid yin zhes bka' stsal pa lta bu mnyam pa nyid la dgongs pa/ de bzhin gshegs pa'i mtshan thos pa tsam gyis bla na med pa yang dag par rdzogs pa'i byang chub mngon par rdzogs par 'tshang rgya'o/ /zhes bya ba lta bu dus gzhan la dgongs pa dang/ sangs rgyas gang ga'i klung gi bye ma snyed la bsnyen bkur byas na/ gdong theg pa chen po'i don khong du chud do zhes bya ba lta bu don gzhan la dgongs pa dang/ gang zag gcig la sngar sbyin pa la sogs pa'i legs pa brjod phyis smad pa lta bu gang zag gi bsam pa la dgongs pa'i ming yin te dgongs pa bzhi

  53. 27a

    zhes bya/ ldem por dgongs pa bzhi la tsa twa yA b+hi sand+hi zhes bya ba ldem por dgongs pa bzhi yin te/ sems can chos la drang ba'i phyir theg pa chung ngu las bdag dang gang zag la sogs pa yod par bshad pa lta bu gzhug pa ldem por dgongs pa dang/ kun brtags pa dngos po med par bshad pa dang/ gzhan gyi dbang rten cing 'brel par bshad pa dang/ yongs su grub pa mi 'gyur ba dang phyin ci log par bshad pa lta bu mtshan nyid la ldem por dgongs pa dang/ sems can gyi spyod pa brgyad khri bzhi stong gi gnyen por chos sna tshogs bshad pa lta bu gnyen po la ldem por dgongs ba dang/ nyon mongs pas gnas na byang chub kyis mchog thob bo zhes 'byung ba lta bu byang chub kyi spyod pa dka' ba la dgongs te nyon mongs ba zhes gsungs pa la sogs pa sgyur ba la ldem por dgongs pa dang/ 'di bzhi ldem bu bzhin du tshig thel gyis mi gdab par bsgyur te bstan pa yin pas ldem por dgongs pa bzhi zhes bya/ a b+hi prA ya dang ma 'dom na a b+hi sand+hi yang dgongs par gdags phung po dang khams dang skye mched la ru pa skand+ha ni rU paN+Dya da rU pi zhes bya ste/ lag pa dang dbyig pa la sogs pas gzugs shing gnod par byar rung bas na gzugs zhes bya/ skand+ha ni dus gsum gyi gzugs bzang ngan che phra yod do cog gcig tu bsdus pa'i ming ste gzugs kyi phung po zhes bya/ be da nA skand+ha zhes bya ba ni a nu b+ha ba lak+Sha Na be da na Na ta mi ka zhes bya ba ste/ bde ba dang sdug bsngal la sogs pa'i tshor ba rnam pa gsum myong ba ma lus par gcig tu bsdus pa'i ming ste tshor ba'i phung po zhes bya/ saM dz+nyA skand+ha ni ni mi ta dz+nyA gra zhes bya ste/ gzugs la sogs pa dag la 'di ni dkar po'o/ /'di ni sngon pa'o/ /'di ni bzang ngo/ /'di ni ngan no zhes mtshan

  54. 27b

    mar 'dzin pa'i dmigs pa'i yul dang/ de ma thag pa'i rkyen la sogs pa'i 'du ba las shes pa 'byung zhing 'di yin no snyam du mtshan mar 'dzin pa la bya bas na snyam shes zhes su yang drang du rung gis kyang ming sngar btags pa bzhin du 'du shes su btags/ saM ska ra skand+ha ni a b+hi saM ska ra lak+Sha Na zhes bya ste/ sems pa la sogs pa'i las kyis 'phangs nas 'du byed phyi ma 'byung zhing mngon par 'du byed pa'i mtshan nyid yin pas na 'du byed kyi phung po zhes bya/ bidz+nyA na skand+ha ni bidz+nyA na zhes bya ba ste/ yul tha dad pa rnam pa sna tshogs shes pa mig la sogs pa'i rnam par shes pa brgyad? bsdus pa'i ming yin pas na rnam par shes pa'i phung po zhes bya/ bi dz+nyA bta? zhes bya ba lus dang ngag gis spyod pa'i tshul gyis dge ba dang mi dge ba dang lung du ma bstan pa snying la ci sems ba gzhan la go bar byed pas na rnam par rig byed ces bya/ a b+hi dz+nyA b+hi zhes bya ba sdom pa dang/ sdom pa ma yin pa dang/ sdom pa yang ma yin sdom pa ma yin pa yang ma yin pa dang/ 'di rnams rnam par rig byed bzhin du gzhan gyis shes shing rtogs par mi rung bas na rnam par rig byed ma yin pa zhes bya/ tsit+tA sa pra yuk+ta zhes bya ba/ sems dang sems las byung ba'i 'dus pa gcig tu rtogs pa rnams mig la sogs pa dbang po'i rten mtshungs pa dang/ gzugs la sogs pa'i dmigs pa mtshungs pa dang/ yul la sog shing 'dzin pa'i tshul gyis rnam pa mtshungs pa dang/ sems dang snga phyi mnyam du 'byung ste/ dus mtshungs pa rnams dang/ sems dang sems las byung ba'i dngos po mang nyung mnyam par 'byung ste/ rdzas mtshungs pa dang/ mtshungs pa 'di lngas sems dang mnyam par ldan pa'i phyir ming ste/ sems dang mtshungs pa'i ldan pa zhes bya/ doShthu lya zhes bya ba du ni sadma pa 'am ngan pa Sh+Tha na ga ti ni bri tau zhes bya ste gnas pa la bya/ la ni a da na ste len pa

  55. 28a

    'am 'dzin pa'o/ /gcig tu na duSh+Tu ni nyes pa 'am skyon gyi ming la ni gong du bshad pa dang 'dra ste/ spyir na ltung ba dang sgrib pa'i ming ste gnas ngan len du btags/ a nu sha ya zhes bya ba chos mngon pa'i gzhung dang sbyar na 'phags pa'i ye shes ma thob kyi bar du sems can gyis sems kyi rgyud la khyab par gnas kyang brtag dka' ste phra ba dang/ dmigs pa dang mtshungs par ldan pas nyon mongs pa 'phel zhing rgyas par byed pa dang/ rgya mtsho'i bya gnam la 'phur ba'i grib ma la chu srin snyeg pa'i ming sta phra rgyas zhes bya/ mdo sde pa ltar na nyon mongs pa mngon du ma byung ste/ bag chags kyi tshul du nyal ba ni a nu sha ya ste/ bag la nyal zhes bya/ nyon mongs pa mngon du byung ste langs pa'i ming ni pa ri byung tha na zhes bya ste/ kun nas langs pa zhes 'byung bas chos mngon pa'i skabs su ni phra rgyas zhes gdags/ mdo sde pa'i skabs su bag la nyal zhes gdags/ A ya ta na zhes bya ba a yon tan nAn+tI taM A ya nA taM zhes bya ste/ mig dang gzugs la sogs pa'i skye mched kyi sgo nas rnam par shes pa skye zhing 'phel bas na skye mched ces bya/ d+hA tu zhes bya ba d+hA trartha go trarthA zhes bya ste khams dang rigs sam 'byung khungs kun la yang bya mod kyi sngon grags pa bzhin du khams zhes btags/ rten cing 'brel par 'byung ba la pra tI tya sa mutpA da zhes bya ba pra ti ta ni rten pa 'am rkyen du 'gyur ba la bya/ saM ni saM b+ha d+hi ste 'brel pa la bya/ ud pat+ta ni skya ba'i tshig ste phyi nang gi chos rnams rang dbang du mi skye'i rgyu dang rkyen tshogs pa las skye ste snga ma snga ma'i rgyu la rten nas phyi ma phyi ma'i gzhan gyi bar mchod par 'byung bas na rten cing 'brel par 'byung ba zhes bya/ dge ba bcu dang mi dge ba bcu'i las kyi lam la/ da shA ku sha la karmmA? pa tha zhes bya ba mi dge ba bcu la bya ste/ las kyi sems pa yin la sems dpa' yang brnab

  56. 28b

    sems dang gnod sems dang log par lta ba gsum gyi dbang du 'gro zhing mngon par 'du byed pas na las kyis lam ni 'di gsum la bya/ srog gcod pa la sogs pa lus dang ngag gis las rnam pa bdun ni las nyid kyang yin la/ las 'di rnams slong zhing skyed pa'i gzhi sems pa yin yang 'di dag 'di dag la rten cing 'jug pas na mi dge ba bcu'i lam zhes bya/ dge ba bcu yang 'di las bzlog pa yin pas na brnab sems med pa dang/ srog mi gcod pa la sogs pa dang sbyar te bshad/ bsod nams bya ba'i yon tan la/ puN+ya zhes bya ba puN+ya karmma naM shub+he zhes 'byung ste/ dge ba'i las la bya/ yang rnam pa gcig tu na pu na ti pa b+hi kri ka ro ti zhes bya ste/ sdig pa spong zhing gtsang mar byed ba la yang/ dngos su na gzhan la phan zhing bsod bas gsos shing bsnams pa'i ming ste bsod nams su btags/ dA na ma ya puN+ya kri ya bastu zhes bya ba dA na ni nor rdzas la sogs pa sbyin pa la bya/ ma ya ni rang bzhin nam de'i rgyu las byung ba lta bu la bya/ puN+ya ya kri ya bastu ni bsod nams bya ba'i dngos pa zhi yin pa 'am/ dngos po ste sbyin pa las byung ba'i bsod nams bya ba'i dngos po zhes bya/ shI la ma ya puN+ya kri ya bstu zhes bya ba shI la ni tshul khrims te bslabs pa lnga la sogs pa srung ba la bya/ tshig gi mjug gzhan ni sbyin pa'i skabs nas 'byung ba dang 'dra bar bshad de/ tshul khrims las byung ba'i bsod nams bya ba'i dngos po zhes bya/ b+hA ba na ma ya puN+ya kri ya bastu zhes bya ba b+hA ba na ni sgom pa ste/ byams pa la sogs pa tshad med pa dang bsam gtan sgom pa la bya/ tshig gi mjug gzhan ni bsod nams bya ba'i dngos po gong ma gnyis dang 'dra ste bsgoms pa las byung ba'i bsod nams bya ba'i dngos po zhes bya/ guN+ya zhes bya ba gun+yan te a pa syan+te sh+re yorthi pi zhes bya ste legs par 'dod pa rnams kyis

  57. 29a

    sgom zhing spyad pa la bya/ dngos su na stobs dang mi 'jigs pa la sogs pa yon tan gyi ming ste don brtsan par byas nas yon tan tu btags/ dge sbyong dang bram ze dang mu stegs can gyi ming la sh+ra ma Na zhes bya ba sh+ra ma tsA ri sh+ra ma Na zhes bya ste/ sdig pa zhi bar byed pa spyod cing legs pa la sbyor bas na dge sbyong zhes bya/ dngos su 'phags pa rab tu byung ba rnams la bya/ de'i rjes su rab tu byung ba gzhan la yang bya/ /bik+Sha zhes bya ba dge slong pa yin te/ mya ngan las 'das pa'i don slong zhing tshol ba dang/ gsol ba dang bzhi'i las kyis bsnyen par rdzogs la chos dang 'thun par bsod snyoms len pas 'tsho bas na dge slong zhes bya/ u pa si ka zhes bya ba ni bslab pa lnga la sogs pa mnos te/ dgra bcom pa'i 'bras bu dang gnye bar gnas pas dge bsnyen zhes bya/ u pa bA sas+tha ni zhes u pa bA sa ni khrims brgyad mnos te 'phags pa dang nye bar gnas pa'am bsnyen pa la bya/ s+tha ni tas+tha ni tri ste gnas pa la bya bas na bsnyen gnas la gnas pa zhes bya/ u pa sa ma pan+na zhes bya ba u pa ni nye ba/ saM ban+na ni rdzogs pa 'am phun sum tshogs pa lta bu'i ming ste/ mya ngan las 'das pa dang nye bar gsol ba dang/ bzhi'i las kyis dge slong gi khrims gtsang mar mnos pas na bsnyen par rdzogs pa zhes bya/ u pA d+hya zhes bya ba u pe tya d+hI ya ta asmad ces bya ste/ dang po su las khrims nod pa de'i drung du ched du song nas yas rjod pa bzhin du gdon zhing bzlas par byas pas na lud 'bog pa la bya ste/ sngan chad grags pa dang/ don gnyis ka dang sbyar nas mkhan po zhes btags/ A tsArya zhes bya ba A tsArya ste asmin zhes bya ste/ gang las chos dang chog la sogs pa nyan zhing slob pa de bya bas na slob dpon zhes bya/ prahma zhes bya ba bskal pa dang po'i tshe mi kha cig khyim na mi gnas shing dgon pa na chos spyod pa grong nas phyi rol tu yid

  58. 29b

    dga' ba las phyi rol pa zhes tshes mngon pa las bshad/ bram ze'i gzhung las prahma No a pa tya na zhes bya ba 'byung ste/ tshangs pa'i bu zhes bya mod kyi/ sngan chad grags pa brtsan par byas te bram ze so na bzhag /tInwa ka ni tIrthyam bitya te tIrtha ka zhes bya ste/ mtsho'i 'gram nas mtshor 'jug pa'i stegs 'cha' ba dang 'dra bar dka' thub dang rnal 'byor la sogs pa chos sna tshogs spyod cing mya ngan las 'das pa'i tshor 'jug pa'i stegs 'cha' ba na mu stegs can zhes bya/ sngags kyi nad nas 'byung pa'i ming la tan+t+ra zhes bya ba tan+t+ra pra b+hand+hA khyA zhes 'byung ste/ sngags kyi rgyud zhi ba dang rgyas pa la sogs pa rgyan chags par bshad pa'i ming ste/ sngags kyi rgyud ces bya/ man+t+ra zhes bya ba man+te gupti b+haSha Ne zhes 'byung ste/ sngags kyi lha la sogs pa dgug cing gsang ste brjod pa yin pas na gsang sngags zhes bya/ bidyA zhes bya ba ni dA dz+nyA na zhes bya ste/ ma rig pa'i gnyen por gyur pa lha mo'i gzugs su bzhugs pa'i ming ste rig sngags zhes bya/ d+hA ra ni zhes bya ba artha gran+tha d+ha ra ya ti d+ha ra Ni zhes bya ste/ sngags kyi chos kyi don dang tshig mi brjed par 'dzin cing khyad par gyi rim pa 'thob par 'gyur pa'i ming ste/ gzungs sngags zhes bya/ maN+Da la ni sngar ste snying po 'am dbyings sam dkyil la bya/ la ni sA da na ste len pa 'am 'dzin pa lta bu la bya/ kha ra khor yug zlum po'i ming yang maN+Da la zhes bya bas na dkyil 'khor du sngan chad grags pa bzhin so na gzhag shAn+ta ka zhes bya ba gnod pa dang nad la sogs pa zhi bar byed pa'i sngags kyi ming ste zhi ba zhes bya'o/ /bauSh+Ti ka zhes bya ba tshe dang srid dang longs spyod la sogs pa rgyas shing 'phel bar byed pa'i sngags kyi ming yin pas na rgyas pa zhes bya/ ba shI ka ra Na zhes bya ba pha rol gyi sems bsgyur cing bdag ci dga' bar bya ba'i sngags kyi ming ste/ dbang du bya ba zhes bya ba a b+hi

  59. 30a

    tsar zhes bya ba gzhan la gnod cing phung bar byed pa'i sngags kyi ming ste drag shul spyod pa zhes bya/ kalpa zhes bya ba sngags kyi gzhung sngar bshad pa las phyis cho ga rgyas par bshad pa'i ming ste cho ga zhi ba mo zhes bya/ u pa tsa ra zhes bya ba mchod pa'i yo byad kyi skabs su ni yo byad ces gdags/ cho ga dang sgrub pa'i skabs su ni bya ba'i cho ga zhes gdags/ ho ma zhes bya ba hU dA ni zhes bya ba ste sbyin zhing mchod pa la yang bya/ agne ho tran dzu hu yad ces kyang 'byung ste/ lha bo cog la mchod sbyin bya ba'i sgo dang kha mi yin pas na mer bsreg pa'i ming du yang 'dren sbyin sreg ces bya/ sid+d+hi zhes bya ba sngags kyis byang chub kyis man chad 'grub pa dang/ rig sngags 'chang nas nam mkha' la 'gro zhing tshe bskal par thub pa la sogs ji sgrub pa nyid grub pa'i ming ste dngos grub ces bya/ dzam+b+ha na zhes bya ba sngags kyis sems rmongs par byed pa'i ming ste rmugs byed ces bya/ stam+b+ha na zhes bya ba sngags kyis lus khengs shing las byed mi nus pa'i ming ste rengs byed ces bya/ mo ha na zhes bya ba sngags kyis sems blun zhing mi dran par 'gyur ba'i ming ste rmongs byed ces bya/ o ha na zhes bya ba sngags kyis sems khral khrul khyer bar byed pa'i ming ste 'khrul byed ces bya/ 'dul ba las 'byung ba'i skad kyi ming la shik+Sha pa dang zhes bya ba shik+Sha ni pi byo pA dA nA zhes bya ste/ rig pa 'am shes pa len zhing slob pa la bya/ pA da ni rten nam gzhi'i ming ste tshul khrims la brten nas nyon mongs pa zad par slob cing sbyor bas na bslab pa'i gzhi zhes bya/ shi la zhes bya ba shI la sa mA d+hau zhes 'byung ste/ legs par spyod pa la zhugs shing tshul khrims dam po bsrungs pas mi dge ba spangs pa'i ming la bya/ yang gcig tu na shI tA la trada shI la zhes

  60. 30b

    kyang bya ste/ nyon mongs pa'i gdung ba zhi zhing bsil bar gyur pa'i ming yang yin te/ dngos su na dang tshul gyis mi dge ba mi spyod cing khrims srung ba'i ming ste tshul khrims zhes bya/ saM b+ha ra zhes bya ba lus dang ngag dang/ yid gsum mi dge la mi phyed de/ sdom zhing srung ba'i ming yang yin pas na sdom pa zhes bya/ d+hu ta gu Na zhes bya ba ni d+ho ta gu Na zhes 'byung ba ste/ dgon pa na gnas pa dang bsod snyoms len pa la sogs pa'i yon tan gong nas gong du sbyangs te dag cing gsal bar bya ba'i ming yin pas na sbyangs pa'i yon tan zhes bya/ san le kha zhes bya ba li kha bi le kha na zhes bya ste/ dge sbyong gi yo byad chos gos gsum dang/ lhung bzed la sogs pa ma gtogs par spangs shing/ bya ba'i mgo bsnyungs te mi 'gyur bar lugs gcig tu spyod pa'i ming yin pas na yo byad bsnyungs pa zhes bya/ po Sha d+ha zhes bya ba po Sha ni puSh+Na ste dge ba gso zhing rgyas par byed pa la bya/ d+ha ni d+ha pu ga ti shu d+hau zhes bya ste/ rgyug pa 'am dag par byed pa lta bu la bya spyir na dus drug tu khrims brgyad nod pa dang/ dge slong khrims kyi yan lag las nyams pa rnams gso zhing spyod pa'i ming ste gso sbyong zhes bya/ ba ri sho pa na yi ka zhes bya ba u pa na ya ti sa pra pa ya ti zhes bya ste/ ba ri Sha ni dbyar u pa na yi ka ni phrad par byed pa ste/ dbyar zla 'bring po'i tshes bco lnga la dge 'dun las su bsko ba dang khrims su bya ba dang mal cha bsgo ba la sogs pa bya ba nas tshes bcu drug la dbyar gnas par byin gyis rlob pa'i cho ga byed pa dang sbyor bas na sbyor zhing gnas par dam 'cha' ba' i ming ste/ dbyar sbyor zhes bya/ ba ri Sho pa ga ti zhes bya ba/ ba ri Sha ni dbyar/ u pa ga ti ni khas len pa ste/ gtsug lag khang ngam gnas de nas gud du mi 'phags

  61. 31a

    par gnas par dam 'cha' zhing cho ga bya ba'i ming ste dbyar gnas dam bcas pa zhes bya/ pra ba ra Na zhes bya ba pra muk+ta ba ra Na zhes bya ste/ dbyar gnas par dam 'cha' ba' i tshe thos pa dang mthong ba dang dogs pa rgol zhing rtsod du mi gnas pa las skabs phye bas na dgag dbye zhes bya/ ka thi nAsta ra zhes bya ba ka thi na ni sra ba ste chos gos mi 'khum par brkyang ba'i gtan pa dang 'dra bar chos gos sum phrugs cig la byin gyis brlabs/ dge 'dun dbyar gnas par dam bcas pa rnams kyi chos gos zla ba lnga'i bar du lhag pa dang/ bral ba dang kha zas snga dro yang dang yang za ba dang/ so sor 'dus shing za ba la sogs pa ltung bar mi 'gyur bar brtan par thub cing bag brkyang pa'i ming ste sra brkyang zhes bya'o// asta ra ni chos 'gram pa 'am bting ba dang 'dra bar kun la khyab pa'i ming ste bting ba la bya/ bsdus na sra brkyang bting bar btags/ gnod sbyin la sogs pa'i ming la yak+Sha zhes bya ba byA ka ra Na las yak+Sha pU dza ya na zhes 'byung ste/ kun gyis mchod cing sbyin pa la bya/ tshig gzhan du drangs na ya ka tsing k+Shi na nan+tha di yak+Sha zhes bya ste/ ya ka tsing ni su yang rung ba la bya/ k+Shi na nA n+tA tI ni gnod par byed pa la bya ste/ gnyis ka'i don dang sbyor nas gnod sbyin du btags/ rA ba Na zhes bya ba ru ni sha pa ta yin la/ ra ba Na sya pad tyan ra ba Na zhes bya ste/ skad sgrog cing 'byin pa'i bu yin pas na sgra sgrogs kyi bu zhes bya/ rAk+Sha sa zhes bya ba rA pa Na dang/ bi b+hi sha na la sogs pa mi la gnod par byed pa'i srin po la bya bas na/ srin po zhes bya/ pi sha tsa zhes bya ba pi shA tsa maSh+Ta tI ti pi shA tsa zhes bya ste/ yi dags smad rims mi sha la sogs rjen par za bas na sha za zhes bya/ ka Ta pu ta na zhes bya ba gdon gyi ming ste/ ka Ta ni lus pu ta ni rul par byed pa yin pas na lus srul po zhes bya/

  62. 31b

    skand+ha zhes bya ba skand+ha ga ti sho sh+ra yo zhes bya ste/ mahA de ba'i sras kA ba ti ka'i mtshan gyi skabs su ni phyin 'gro /gdon gyi skabs su ni skem byed ces bya/ un mA da zhes bya ba sems mi dran zhing myos par byed pa'i gdon yin pas smyo byed ces bya/ ts+tsha ya zhes bya ba grib mes mi dag la gnod pa dang/ gdon gyi mi'i grib ma gnon zhing gnod par byed pas na grib gnon zhes bya/ a pa smar zhes bya ba dran pa nyams shing brgyal bar byed pa'i gdon gyi ming ste brjed byed ces bya/ o sta ra ga zhes bya ba u ra sits+tsha da ne zhes bshad de nya ba la brang nas gnon zhing gnod par byed pas na gnon po zhes btags/ pany+tsi ka zhes bya ba bu lnga brgya dang 'grogs te rtse ba dang/ tshe lo lngas rtse ba'i ming ste lngas rtse na zhes bya/ TA ki nI zhes bya ba ri bi ha ya si ga to zhes bya ste/ sngags grub nam mkha' la 'gro ba la sogs pa rdzu 'phrul thob pa'i ming ste/ mkha' 'gro ma zhes bya/ be tA Da zhes bya ba mi shi ba'i ro'i nang du gdon zhugs te gnod par byed pas na ro langs zhes bya/ mu stegs can gyis bdag tu brjod pa'i rnam grangs la/ ad ma ni pa ra ma sma la zhes bya ste/ bdag ces bya ba lus gtso bo'i phung po 'di bor nas phung po gzhan len cing dngos po rtag la phung po 'dor ba ni sprul gyi pags pa brjes pa dang 'dra bar 'dod te/ da dang nga yir 'dzin pa'i gzhi yin pas na bdag ces bya/ satwa ni mu stegs can gyis bdag tu brtags pa'i bye brag yin te sems la bdag yin par 'dzin cing/ sems kyi rgyud la mi 'chad par 'dod pas sems can zhes bya/ dzI ba ni ji srid du srog ces bya ba'i bdag de lus la gnas/ lus shi nas rdza bcag pa'i be'u dang 'dra bar byung ste 'gro bas na srog 'dzin pa'i ming ste srog ces bya/ dzan+tu dza ya ta i ti dzan+tu zhes bya ste/ bdag tshe rabs kun tu skye zhing 'byung bas na skye ba zhes bya/ bo Sha ni lus

  63. 32a

    dang 'gro ba'i rgyud bdag 'dis gsos shing bskyed de/ yod par byas pas na gso ba zhes bya/ pu ru Sha ni skyes bu'i mgo stong yod pa zhig rig byed kyi smang 'don zhing brjod pa zhig yod pa skad 'byung ba dang/ skyes bu rtsa la dang ldan pa zhig kho na yod par 'dod pa la bya bas na skyes bu zhes bya/ bud go la ni pu na pu nar ga ti shu li ya ta i ti zhes bya ste/ yang dang yang lha dang mi la sogs pa'i rgyud du skye zhing sbyor bas na yang sbyor ba zhes kyang bya/ putya ste gal te tsam pa bud ga la zhes kyang bya ste/ skyes nas dar gyis bar du ni gang/ dar yol nas shi'i bar du ni zag pa la yang bya ste/ tshig 'di gnyis kar drang du rung gis kyang sngan chad ming du btags te grags pa bzhin du bzhag nas gang zag ces btags/ ma nu dza ni ma nor dzA tad twAd ces bya ste/ skye dgu'i bdag po shed ces bya ba las byung bas na shed las skyes zhes bya/ ma na pa ti ma nor pad tyaM zhes bya ste mu stegs can gyi gzhung gis skye dgu'i bdag po 'jig rten thams cad skyed pa las byung ba la bya/ bod la yang shed kyis kyang bskal/ shes kyis tshe bskal te byed pa'i mkhan po shed kyis byas pa skad du 'byung bas na shing bur btags/ kA ra ka ni mu stegs kyi gzhung las skye ba dang 'jig pa la sogs pa thams cad bdag rtags pas byas par 'dod pas na byed pa po zhes bya/ kar pa ri ka ni bdag ces bya ba rtag pa des dge ba dang mi dge ba'i las kun byod du 'dzud pas na byed du 'jug pa po zhes bya ba be da ka ni las dge ba dang mi dge ba'i 'bras bu myong bar byed pas na tshor ba po zhes bya dza na ka ni bdag go tsa bor gyur te dbang po dang yul du phrad pa las shes par 'gyur ba bshad pas na shes pa po zhes bya/ pa sh+ya ka ni gzugs la sogs pa'i phyi rol gyi yul thams cad mthong ba yang bdag ces bya ba'i mthu

  64. 32b

    yin pas na mthong ba po zhes bya/ udthA pa ka ni phung po slong zhing skyed pas slong ba po zhes bya/ sa mudthA pa ka zhes bya ba sa nI sa man+ta ste kun shes bya/ udthA ba ka ni tshig lhag tu smos pa dang sbyar te phung po dang skye mched la sogs pa kun skyed pas na kun nas slong pa po zhes bya? dud 'gro'i rgyud la tirya ka tsa zhes bya ba tirya ka tsa uny+tsa tI ti tiryany+tsa zhes bya ste/ mi ltar 'greng ste 'gro ba ma yin pa phyugs kyis khams su gtogs pa dud de 'gro bas na dud 'gro zhes bya/ ga ru Da zhes bya ba khyung gi ming ste nam mkha' lding tA rak+Sha khyung/ su par+Ni 'dab bzangs/ ga ru Da 'dab chags zhes bya/ 'di rnams ma 'dam na thams cad nam mkha' lding du gdags/ kin+na ra zhes bya ba dud 'gro rdzu 'phrul can gyi ming ste byad gzugs mi dang yud kyis 'dra bas na mi 'am ci zhes bya/ ma ho ra ga zhes bya ba mahA ni chen po/ u ra ga ni ltos 'gro ba la bya ste/ klu 'brug gi khams su gtogs pa ste/ sprul chen po yin pas na lto 'phye chen po zhes bya/ bA su kaM zhes bya ba bA su ka bad tyana bA su ka zhes bya ste/ klu'i rgyal po nor rgyas kyi bu zhes bya/ tA la ha ka ka zhes bya ba rta rin po che sngo skya'i ming ste/ sbyin gyi shugs ltar mgyogs pas na sprin gyi shugs can zhes bya/ e rA bA ti zhes bya ba i ra ni sa/ a ba ti ni srung ba de'i bu yin pas na glang pos srung gi bu zhes bya/ gling bzhi dang 'jig rten bshad pa/ pArba bi de ha zhes bya ba pUrba ni shar phyogs la bya/ bi ni bi shi sta ste bye brag tu 'phags pa dang bzang po/ de ha ni lus 'phags te/ lus 'phags par bzang ba la ming du btags pas na shar gyi lus 'phags zhes bya/ 'dzam+bu dwi pa zhes bya ba 'dzam+bu ni lho phyogs kyi gling 'di'i byang phyogs kyi rgya mtsho'i 'gram na shing chen po 'dzam+bu zhes bya ba shing tog rdzam tsam chags pa'i 'bras bu chu'i nang du lhung ba rnams 'dzam+bu chu bo'i gser du 'gyur ba zhig yod de/ de la mtshan mar

  65. 33a

    btsugs te ming du btags pas na 'dzam+bu'i gling zhes btags/ a ba ra go dA ni ya zhes bya ba a ba ra ni nub phyogs/ go ni ba glang dA ni sbyin zhing spyod pa de/ de la ba lang lhag par mang zhing spyod pa las ming du btags te nub kyi ba lang spyod ces bya/ ut+ta ku ru ni ut+ta ra ni byang phyogs/ ku ni kung si ta ste ngan pa/ ru ni ra ba ste sgra/ byang phyogs kyi gling de na mi'i skad du smra ba med de skad don pas brda' byed pa la yang bya/ yang sngon gyi mkhan po kha cig gis bshad pa las byang phyogs kyi gling gi mi lo steng thub pa/ skyid cing bde ba las 'chi kar sgra mi snyan pa 'byung ste dus 'da' bo zhes kyang 'chad de/ spyir gnyis ka dang sbyar na 'thun te/ byang gi sgra mi snyan du btags/ lo ka zhes bya ba lu dzya ta i ti zhes bya ste/ sems can la sogs pa 'chi zhing mi rtag la 'jig pa'i gzhi yin pas na 'jig rten zhes bya/ yul dang mtho ris kyi shing gi ming la sh+ra ba sti zhes bya ba drang srong mnyan pa zhes bya ba dang/ drang srong yod ba zhes bya ba gnyis kyi grong khyer 'di dang po btsugs pa yin pas mnyan yod ces bya/ ni ri ti di sha zhes bya ba ni rga ti ri ta zhes bya ste/ ni ni bral bra/ ri ta ni bden pa ste srin po'i rgyal po bden bral zhes bya/ lho nub kyi phyogs mtshams na gnas pa'i phyogs skyong gi ming ste/ bden bral gyi phyogs zhes bya/ bA ri yA ko bi dA ra zhes bya ba'i sgra las drangs na pa ri yA tra ni pa ri ta sa man+ta yA tra ste lha'i spos kyi shing bzang po'i drung du lta thams cad 'dus te rdzi phyogs su ni dpag tshad brgya'i bar du dri zhim po'i ngang ldang rdzi phyogs ma yin logs su ni dpag tshad lnga bcu'i bar du dri zhim po'i ngang ldang ba'i shing gi ming ste yongs 'du zhes bya/ go pi dA ni ku bi dA ra ya ba zhes bya ste/ spos kyi shing chen po yal ga mang zhing sdong po che bas sa chen po brtol te 'byung

  66. 33b

    ba dang 'dra bas sa brtol zhes bya ste/ bsdus pas shing yongs 'du sa brtol zhes bya/ 'dod pa'i khams kyi gnas kyi ming la/ b+hau ma zhes bya ba b+hau mo b+hau ma zhes bya ste/ sa la brten pa'i lha dang gnod sbyin gyi ming ste sa bla zhes bya/ at+ta rik+Sha bA si zhes bya ba an+ta rik+Sha ni bar snang la bya/ ba sa gnas pa la bya ste/ nyi zla la sogs pa rgyal po chen po bzhi'i ris su gtogs pa kha cig nam mkha' la rgyu ba ltar snang bas na bar snang la gnas pa zhes bya/ tsa tur ma hA rA dz+nyA yi ka zhes bya ba tsa tur ni bzhi/ ma hA rA dza ni rgyal po chen po kA ya na tshogs pa 'am gnas sam ris la bya/ i ka ni tshig gong ma'i rkyen du sbyar ba yin te/ spyir na ris de la spyod cing gnas pa la bya ste/ rgyal po chen po bzhi'i ris su gtogs pa lag na gzhong thogs dang/ phreng thogs dang/ rtag tu myos dang/ rgyal po chen po bzhi'i 'khor dang/ 'di bzhi la bya ste tshig spyir bsdus na rgyal chen bzhi'i ris shes bya/ tra ya sting sha zhes bya ba tra ya ni gsum/ string sha ni sum cu ste/ 'jig rten gyi gtsug lag las ni mtho ris ri rab kyi steng na lha'i gtso bo sum cu rtsa gsum bzhugs te/ drag po bcu gcig dang/ nyi ma bcu gnyis dang/ nor lha brgyad dang tha skar gyi bu gnyis dang/ sum cu rtsa gsum bzhugs pas na sum cu rtsa gsum pa zhes bya/ chos mngon pa las ni sum cu rtsa gsum pa'i lha'i gnas na g.yas g.yon gnyis kyi gral du nye ba'i dbang po bcu drug bcu drug seng ge'i khri la bzhugs pa dang/ gud na lha'i dbang po brgya byin seng ge'i khri la bzhugs te spyir na lha'i gtso bo sum cu rtsa gsum bzhugs pa las btags te zhes 'byung sgra bzhin du sum cu rtsa gsum pa zhes bya/ yA ma zhes bya ba a su ra bi bad b+ha ya ya ta a pa ya ta zhes bya ba ste/ sum cu rtsa gsum pa'i ris man chad ni lha ma yin gyi 'thab ba'i 'jigs pa dang ma bral la/ 'di yan chad ni lha ma

  67. 34a

    yin dang 'thab pa'i 'jigs pa las 'das te bral nas 'thab bral zhes btags te/ bsod nams kyis phyin pa dang mel tshe thun re re la skobs shing skul ba'i skad 'byung ba dang/ sngon mtshe ma dang zur ma btags ba ni yi ge gzhung dang sbyar na gtan tshigs mi che bar 'gyur te/ mi ba can par byas so/ /tu Shi ta zhes bya ba tu Sha ni pri to zhes bya ba dga' ba i ta ni prapta ste 'thob pa 'am ldan pa ste chos kyi dga' ba dang bde ba lhag par che bas na dga' ldan zhes bya/ ni rma Na ra te zhes bya ba swa yan nirma yA ka man pa ri b+hun dza ta zhes bya ste/ rang gi gzugs dang sgra dang dri dang ro dang reg bya rnams ci dga' bar sprul nas 'dod pa'i yon tan rnams la spyod pas na 'phrul dga' zhes bya/ pa re nirma te ba shabti zhes bya ba pa ra nirma tAn bto gra na ba brta yi tuM shI la zhes bya ste/ gzhan gyi 'dod pa'i longs spyod sprul pa rnams la phan tshun spyod par dbag byed pas na gzhan 'phrul byed ces bya/ bsam gtan dang po'i sa'i ming la/ prahma kA yi ka zhes bya ba/ brahma ni tshangs pa kA yi ka ni ris su gtogs pa ste/ 'dod pa'i khams las thar nas bsam gtan dang po'i sar phyin pa'i ming yin te/ tshangs ris zhes bya/ brahma pu ro hi ta zhes bya/ brahma ni re d+he yi te zhes bya ste/ tshangs pa chen po'i mdun du rtag tu 'dug la tshig 'don zhing smra bas na tshangs pa mdun na 'don zhes bya/ brahma ba ri shA tya zhes bya ba brahma Na pa ri tsA ra ka zhes bya ste/ lha'i ris de'i tshangs pa rnams tshangs pa chen po'i khams dang zha ma 'phrid du gtogs pa'i phyir tshangs 'khor zhes bya/ mahA brahma zhes bya ba tshe dang byad gzugs dang mdog la sogs pa tshangs pa phal dang mi 'dra bar 'phags la/ mi mdzed kyi 'jig rten gyi bdag po mdzad pas na tshangs pa chen po

  68. 34b

    zhes bya/ bsam gtan gnyis pa'i sA'i ming pa/ pa rIt+ta b+ha zhes bya ba pa rIt+ta e shi a b+ha swa b+hu mi baik+Shu ti zhes bya ste/ ris 'di na gnas pa 'di bsam gtan gnyis pa'i sa la gnas rim pa gsum yod pa'i tha ma yin te/ gong ma gnyis pas 'od chung ba'i phyir 'od chung zhes bya/ a pra ma na b+ha ba zhes bya ba nA b+ha pra mA Na be shan shAkya ma pra ma tu na zhes bya ste/ lha de dag gi 'od sa 'og ma bas tshad gzung bar mi nus pa'i phyir tshad med 'od ces bya/ a b+hA swa ra zhes bya ba a b+ha sa ni 'od/ wa ra? ni 'od byed pa 'am gsal bar byed pa lta bu'i tshig gi rkyen te lha'i gnas kyi 'od kyis gnas kun tu rgyas par snang bar gyur pas na 'od gsal zhes bya/ bsam gtan gsum pa'i sa'i ming la/ pa rIt+ta shu b+ha zhes bya ba pa rIt+ta ni chung ngu shu bta dge ba ste/ bsam gtan gsum pa'i yid kyi sa'i bde ba la dge ba zhes bya/ bsam gtan gsum pa'i sa la gnas rim pa gsum yod pa'i tha ma yin te/ sa gong ma gsum pas dge ba chung ba'i phyir dge chung zhes bya/ a bra mA Na shu b+ha zhes bya ba lha'i gnas der skyes pa de dag gi bde bas 'og ma bas tshad? gzung du med pa'i phyir/ tshad med dge zhes bya/ shu b+ha krid+ha zhes bya ba lha de dag gi dge ba las lhag pa lha'i ris man chad gzhan la med pas dge rgyas zhes bya/ bsam gtan bzhi ba'i sa'i ming la a na b+h+ra ga zhes bya ba b+h+ra ga ni sprin te/ sprin lta bu med pas na a na b+h+ra ga zhes bya ste/ sprin 'khrigs pa dang 'dra bar 'dab chags pa med de/ gnal med khang dang bcas par skye zhing 'chi 'pho la/ de yan chad kyang gnam gyi rim pa sprin ltar 'gebs pa med pas sprin mod ces bya/ pu n+ya pra bas zhes bya ba pu n+ya ni bsod nams/ pra bas ni skyes pa 'am 'byung ba la bya ste/ mi g.yo ba'i bsod nams las lha de dag skyes pas na bsod nams skyes

  69. 35a

    zhes bya/ bri had pha la zhes bya ba gnas yod pa'i so so'i skye bo thams cad kyis bsod nams kyis 'bras bu'i mchog skye bas na 'bras bu tshe zhes bya/ gnas gtsang ma'i lha'i ming la/ shud+ha bA sa zhes bya ba 'phags pa'i lam gyis chus sems kyi nyon mongs pa'i dri ma bkrus pas phyir mi 'ong ba la sogs pa sems can dag la sha stag gnas te so so'i skye bo dang ma 'dres pas na gnas gtsang ma zhes bya/ a mri bri ha zhes bya ba gnas gtsang ma ris lnga yod pa'i nang na tha ma yin pas na mi che ba zhes bya/ a tA pa zhes bya ba lha'i ris 'dir skyes pa rnams bsam pa dge ba'i phyir sa 'og mar skyes pa rnams kyis zil mi gnon pa dang/ sa gong ma ma thob kyang mi dga' ba med pa dang/ nyon mongs pa'i gdung ba chen po med pas mi gdung ba zhes bya ba dang/ su tri sha zhes bya ba lha'i ris 'dir skyes pa rnams rab tu zhi ba'i khyad par dang ldan pa'i phyir mig sngar mdzas shing bzang pas na gya nom snang zhes bya/ su darsha na zhes bya ba lha'i ris 'dir skyes pa rnams zag pa dang bcas pa dang zag pa med pa'i ting nge 'dzin spel mar bsgoms pa'i sgrib pa lhag ma cung zad cig lus su zad de/ mthong ba shin tu rnam par dag cing mthong bas na bzang ba'i phyir shin tu mthong ba zhes bya/ a ka niSh+Tha zhes bya ba a ni ma yin pa/ ka niSh+Tha ni 'og ma la bya/ spyir na gzugs kyi khams kyi dang po ste/ gong na gzhan med pas 'og min zhes bya yang mdo sde kha cig gi nang nas a g+ha niSh+Tha zhes 'byung ste/ a g+ha ni rdul phra ma bsags pa/ niSh+Tha ni mthar thug pa ste/ gzugs kyi khams kyi ya thog yin pas bsags pa'i mdza' zhes kyang bya ste skabs dang sbyar zhing gdags/ ma hA ma he shwa ra yA twa na zhes bya ba 'og min gyi phyogs kyi gnas zhig na

  70. 35b

    byang chub sems dpa' dbang phyug chen po'i nang na rnam par snang mdzad chen po bzhugs te chos kyi longs spyod rdzogs par brtan zhing myong bar gyur pa'i gnas yin pas na dbang phyug chen po'i gnas zhes bya/ gzugs med pa'i sa'i ming la A kA shA?? ma zhes bya ba snyoms par 'jug pa la sbyor ba'i dus na gzugs kyi 'du shes las 'das te/ nam mkha' mdza' yas so snyom pa'i 'du shes 'byung bas nam mkha' mdza' yas A ya ta ni skye ba'i gnas yin pas skye mched de/ bsdus na nam mkha' mdza' yas skye mched ces bya ste/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med man gyi skye mched kyang 'di bzhin bshad/ mngon par mthong ba dang nges par legs pa la sogs pa'i ming la a b+hyud ya zhes bya ba lha dang mi la sogs pa'i go 'phang mthon po dang/ dbang thang thob pa'i ming ste mngon par mtho ba zhes bya/ ni sh+ri ya zhes bya ba thar pa mya ngan las 'das pa'i ming ste/ sgra dang sbyar na nges par legs pa zhes bya/ a ba barga ya thar pa'i ming ste/ nyon mongs pa dang nye ba'i nyon mongs pa thams cad byung zhing bsal ba la bya bas na byang grol zhes bya/ o pad+hi she Sha nirba na zhes bya pa/ dgra bcom pa lta bu khams gsum gyi nyon mongs pa thams cad spangs nas/ phung po can ma bar ba'i ming ste/ phung po lhag ma dang bcas pa'i mya ngan las 'das pa zhes bya/ ni ru pa d+hi she Sha nirba Na zhes bya ba nyon mongs pa thams cad spangs la/ phung po lnga'i sdug bsngal gyi ma yang zhi bar byed pa'i ming ste/ phung po lhag ma med pa'i mya ngan las 'das pa zhes bya/ pra ti sang khyA ni re d+ha zhes bya ba shes rab kyis 'phags pa'i bden pa bzhi so sor btags nas nyon mongs pa 'gags pa'i mya ngan las 'das pa thob par 'gyur ba'i ming ste/ so sor brtags pas 'gogs pa zhes bya/ a pra ti sang? khyA

  71. 36a

    ni ro d+ha zhes bya ba rkyen ma tshang bas 'gog gi brtags pas mi 'gog pa ste/ dper na gzugs gcig la mig gi rnam par shes pa lhag par zhen cing dmigs pa'i skyes bu gzugs gzhan la dmigs pa'i ming yig gi rnam par shes pa dang/ rna ba'i rnam par shes pa la sogs pa de dang dus gcig tu 'byung ba'i yul dmigs su de ma thag pa'i rkyen med pas mi dmigs pa 'das zin pa la ni dmigs su mi rung bas na sems dang sems las byung ba ma 'ongs pa rnams skye ba la gtan gyi gegs su gyur pa'i ming ste/ so sor brtags pa ma yin pas 'gog pa zhes bya/ saM skra ta zhes bya ba sa marya ma b+hu ya he tu bra tya yai trita zhes bya ba rgyu dang rkyen sna tshogs shing 'dus pas byas pa'i chos thams cad kyis ming yin te/ 'dus byas zhes bya/ a saM skri ta zhes bya ba nam mkha' la sogs pa rgyu dang rkyen las ma byung ba'i ming ste 'dus ma byas zhes bya/ sA pra ba zhes bya ba sa ha A sra be na bard+ha ta zhes bya ba ste/ srid ba'i rtse mo man chad mtshams med pa'i sems can dmyal ba yan chad rma'i sgo drug nas 'dod chags la sogs pa'i nyon mongs pa 'byung ba'i ming ste zag pa dang bcas pa zhes bya/ a na sra ba zhes bya ba 'dus ma byas gsum dang lam gyi bden pa nyon mongs pa med pas na zag pa med pa zhes bya/ sa nan+ta tya ya zhes bya ba san+ni sa ma shtsa sau b+ho d+ha tu par tyen zhes bya ste/ rnam par shes pa snga ma rgyur gyur ba dang/ phyi ma 'bras bur gyur pa gnyis shes pa'i rang bzhin du 'brang bas na mtshungs pa zhes bya/ a nan+ta ra ni rgyu dang 'bras bu gnyis gzhan gyis bar du mchod pa zhes bya/ pra tya ma ni rkyen yin te bar chad med par mtshungs pa'i rkyen zhes 'chad pa yang yin te/ dngos su na sems dang sems las byung ba skad cig pa

  72. 36b

    gzhan gyis bar mchod par sngar byung ba'i ming ste/ sngan chad de ma thag par btags pa yang mi 'gal bas de ma thag pa'i rkyen zhes bya/ ra sA ya na zhes bya ba'i sgra las drangs na/ ra sA ni bcud dam nying khu lta bu la bya/ a ya na na ni a ya pa ya ga tau las drangs te thob pa 'am len pa la bya ste/ spyir na 'phrul gyi sman gyi ming ste/ sman bzang po'i mthu dang bcud kyis tshe lo grangs mang por thub pa dang/ gzhon zhing nad med bar 'gyur ba len cing 'thob par byed pa yin te/ sman bcud kyi len zhes bya/ tsa Nu ra zhes bya ba'i sgra las drangs na/ tsa Na ni tsan shwa Na a dA na zhes bya ste/ pha rol gyi stobs dang mthu len zhing 'phrogs pas na stobs la bya/ u ra ni u a grA khyA ya zhes bya ste/ mchog gam dam pa la bya bas na stobs mchog ces bya/ nA rA ya na zhes bya ba na ra sya pat+tya na nA rA ya Na zhes bya ste/ yab sred med kyi sras yin pas na sred med kyi bu zhes bya/ tan+t+ra ku la dza ta zhes bya ba nor dang khyim dang bu dang chung ma la sogs pa la chags pas sems phan tshun du g.yeng ba'i phyir thags 'khrugs pa lta bu zhes bya/ gu bA gun+dzi ka b+hU ta zhes bya ba sred pa dang ldan pa'i rtog pa mang du byed pas dgrol dka' ba'i phyir dru gu 'dzings pa lta bu zhes bya/ mun+dza bal ba dzA dzA ta zhes bya ba nor dang khyim la sogs pa yongs su 'dzin pa la chags pas sdug bsngal mang po'i gnas su gyur ba'i phyir rtswa 'di gnyis dang 'dra bar rno zhing rtsub bas na rtswa mun+dza dang bral badza lta bur gyur pa zhes bya/ a dza ba dza bi sam pan+ta zhes bya ba a dza ba nya ni 'ong ge dza bi ni 'gro gsam pan+na ni gyur pa 'am ma zhugs pa yin te/ 'gro ba lnga kun tu 'khor zhing rgyu ba la bya bas na 'ong ba dang 'gro bar gyur pa zhes btags/ pany+tsa ka ShA ya zhes bya ba snyigs ma lnga yin te/ sngon las sems can rnams tsha? dang lta ba la sogs pa nyams shing bri ste/ sman gyi nying khu

  73. 37a

    bskus pa'i tshigs ma dang 'dra bar tshe dang sems can dang dus ni dman par gyur te/ nyon mongs pa dang lta ba la sogs pa'i shas ni phyir zhing skyes pas na snyigs ma lnga zhes bya/ ma hA butba ta bye brag tu rtogs byed chen po/ /ma d+hya byu tpata bye brag tu rtogs byed 'bring ngo/ /ku lya byutba ta bye brag tu rtogs byed chung ngu brtsa b+hyutpa ta skad bye brag tu bshad pa 'di ni 'bring po'o/ /chen po'i dka' ba'i gnas dang sgra'i gzhung dang sbyar te bshad pa'i pany+dzi ksha mad+hya byutpa ta yin no/ /pho brang 'od can rdor bod dang rgya gar gyi mkhan po thams cad kyis chos skad gtan la phab ste/ rje blon mol nas reg zid du mdzad pa skad gsar gyi ming sngon ma thogs pa dang/ gtan la ma phab ba la mkhas pa rnams tshogs te ming du btags shing gtan la phab ste/ lha btsan po/ bri lde srong btsan gyis bskul nas bkas bcad de mi bcos par bzhag pa rdzogs so// //bas bcad pa bla dpe bzhin bris pa gzhan gyis kyang de bzhin du zur ma bcos so/ /sgra sbyor bam po gnyis pa'o/// // sum cu pa slob dpon a nus mdzad pa bzhugs so// //rgya gar skad du/ byA ka ra Na mU la tri shad nA ma/ bod skad du/ lung du ston pa rtsa ba sum cu pa zhes bya ba/ smra ba'i dbang phyug 'jam pa'i dbyangs la phyag 'tshal lo/ /gang la yon tan mchog mnga' ba'i/ /dkon mchog de la phyag 'tshal lo/ /gang gi sgra dbyangs gsungs pa yi/ /'jam pa'i dbyangs la phyag 'tshal lo/ /gang gi ming gzhi sngon gsungs pa'i/ /rtag zhi ba la phyag 'tshal lo/ /sdeb sbyor legs mdzad mkhas rnams dang/ /bla ma la yang phyag 'tshal nas/ /bslab pa kun gyi gzhi 'dzin cing/ /rig byed smra ba rnams kyi rgyu/ /ming tshig brjod pa kun gyi gzhi/ /yi ge'i sbyor ba bshad par bya/ /yi ge A li kA li gnyis/ /A li gsal byed i sogs

  74. 37b

    bzhi/ kA li sum cu tham pa'o/ /de las rjes 'jug bcu yin te/ /de las lnga ni sngon duAng 'jug/ mi 'jug pa ni nyi shu'o/ /kA li phyed dang brgyad sde ni/ /bzhi bzhi dag tu bye ba las/ /dang po gsum pa bzhi pa yi/ /mas gnyis drug pa'i gsum pa dang/ bdun pa la ni sha ma gtogs/ /rjes 'jug yi ge bcu ru 'dod/ rjes 'jug yi ge bcu nyid las/ /dang po gsum pa lnga pa drug /bdun pa rnams ni sngon duAng 'jug /ming gzhi gnyis sam gsum sprel lam/ /de la dbyangs kyi bzhi ldan yang// gang duAng 'jug min sbyar ba'ang min/ /rjes 'jug yi ge bcu po ni/ /ming gang gi ni mthar sbyar ba/ /de la A li bzhi pa sbyar/ /slar bsdu bar ni shes par bya/ /rjes 'jug yi ge bcu po la/ /gang ming mdza' na bcu pa gnas/ /de la A li gnyis ba sbyar/ /gang ming mdza' na brgyad pa gnas/ /de la gnyis pa u yang sbyar/ /gang ming mdza' na gsum pa gnas/ /de la A li gnyis pa sbyar/ /bzhi po dgu pa dngos kyang ste/ /las dang ched dang rten gnas dang/ /de nyid tshe skabs la sgra yin/ /rjes 'jug yi ge bcu po la/ /i dang 'thun lugs 'di zhes bya/ /dang po gnyis la dang po 'thun/ /gsum lnga bcu la kya dang sbyar/ /bdun pa nyid la bdun pa ste/ /lhag ma rnams la gya sbyar ba/ /de dag i sbyar 'brel pa'i sa/ /de nyid la ni bcu ba sbyar/ /byed pa po ru shes par bya/ /A li phyis nas gnyis pa sbyar/ /tshig rgyan gnyis dang sdud bar 'gyur/ /la don su la u phyis nas/ /de la gsum pa'i dang po sbyar/ /de la A li gsum pa sbyar/ /de ni lhag ma dang bcas pa'o rjes 'jug yi ge bcu po la/ /drug pa sbyar na 'byed sdud yin/ /rjes 'jug yi ge bcu po yi/ /bzhi pa dgu pa la bcu pa/ /sbyar ba 'byung khungs dag yin te/ /dgar dang sdud pa'ang de bzhin yin/ /gang ming brjod pa'i dang po ru/ /kye sbyar ba ni dod

  75. 38a

    pa yin/ /gang ming mdza' dang mthun pa yi/ /bzhi pa la ni i sbyar ba/ /dgang dang brnan pa'i tshig tu 'gyur/ /ming gang rung ba'i bar mtshams su/ /gsum pa la ni gnyis pa sbyar/ /de ni sdud dang 'byed pa dang/ /rgyu mtshan tshe skabs gdams ngag lnga'o/ /gang ming gi ni ya mdza' ru/ /dang po la ni gnyis pa sbyar/ /spyi la khyab pa nyid du 'gyur/ /ming gang gi ni ma mdza' na/ /pu ling+ga yi sgra med la/ de la pu ling+ga sbyar na/ /bdag po'i sar ni shes par bya/ /ming gang gi ni ya mdza' na/ /s+thI ling+ga'i sgra med la/ /de la stI ling+ga sbyar na/ /dgag pa'i gnas su shes par bya/ /gang ming gi ni ya mdza' na/ /gsum pa la ni e sbyar ba/ /tha snyad dbang du gsum yin te/ /dngos po'i dbang du bzhi ru sbyar/ /dus kyi dbang du gnyis yin te/ /tshigs su bcad pa'i mtshams sbyor rnams/ /cung zad bsdus pa yod na yang/ /de ni de bzhin sbyar bar bya'o/ /sngon 'jug yod dam med kyang rung/ /ming gzhi'i yi ge gang yin pa/ /nyis 'brel yod dam gsum 'brel yod/ /A li gzhi las gang ldan yang/ /rjes 'jug bcu po ma zhugs na/ /ming gzhan sbyor ba yod mi srid/ /rjes 'jug bcu yi don shes na/ /'bri dang klog dang bshad rnams kyis/ /mtshams sbyor sgra la thogs med cing/ /'brel pa smra ba'i mchog tu 'gyur/ /gzhan yang rjes 'jug shes pa yis/ /don gyi sbyor ba ma mthong yang/ /don dang mthun pa'i sbyor ba shes/ /rjes 'jug sbyor ba mkhas pa na/ /lung gi don dang sbyor ba dang/ /bla ma'i man ngag gsum sbyar nas/ /don gyi thog du dbab par bya/ /bslab la brtson pa'i gang zag gis/ /dang por nga ro rnams la sbyar/ /sngon 'jug rjes 'jug ming gzhi gsum/ /klog gi ched du bslabs pa yin/ /rjes 'jug bcu yi sbyor ba ni/ /mnyan bsam

  76. 38b

    bstan pa'i ched du sbyar/ /yan lag de dag mthu yis ni/ /'bras bu'i ched du don la dbab/ /bslab pa'i rim pa 'di yis ni/ /gang zhig 'bad po chung dus kyang/ /shes rab myur du grol bar 'gyur/ /de phyir dang por 'di nyid bslab/ /de nas rgyas pa'ang mnyan byas nas/ /bslab pa gang la dad pa yi/ /gzhung nyid bla ma rnams la mnyan/ /slob dpon de nyid du 'dzin cing/ /le lo g.yeng ba rnam par spang/ /zo bzang dad pa la brten pa/ /skyes bu des ni myur rtogs te/ /de la dus su 'doms par bya/ /cig shos de las bzlog pa'o/ /de ltar bshad des deng nas 'dir/ /kun gyis de ltar rtogs gyur cig /byA ka ra Na rtsa ba'i sho lo ka sum cu pa zhes bya ba slob dpon a nus mdzad pa rdzogs so// //rtags kyi 'jug pa slob dpon a nus mdzad pa bzhugs so/ /rgya gar skad du/ byA ka ra Na ling+gA ba ta ra Na nA ma/ bod skad du/ lung du ston pa rtags kyi 'jug pa zhes bya ba/ byA ka ra Na'i dbang phyug la phyag 'tshal lo/ /smra ba'i skyes mchog smra ba'i rgyal/ /thams cad mkhyen la phyag 'tshal lo/ / pho yi yi ge 'ba' zhig la/ /sde pa phyed dang brgyad gnas pa'ang /sde tshan lnga ru dril byas la/ /yi ge sum cu tham pa la/ /pho mo ma ning gsum du byed/ /pho dang ma ning mo dang ni/ /shin tu mo dang bzhi bzhi ru dang/ /sde pa bzhi pa yan chad dbye/ /lhag ma bcu bzhi gnas pa la/ /co sogs gsum ni ca sogs sbyar/ /wa ni ba dang sbyar bar bya/ /lhag ma drug ni mo ru 'gyur/ /ra la ha ni mo sham ste/ /ma ning mtshan med ces kyang bya/ /mo yi yi ge'i nang nas ni/ /'jug pa'i yi ge bcu dbyung bya/ 'jug pa bcu yi nang nas ni/ /sngon 'jug yi ge lnga dbyung bya/ /sngon 'jug yi ge lnga po la/ /pho dang ma ning mo dang ni/ /shin tu mo dang bzhi ru dbye/ /de dag re re'ang bzhi byed la/ /gang la 'jug byed gang gis byed/ /ji ltar 'jug byed ci

  77. 39a

    phyir byed/ /pho ni pho dang mo la 'jug/ mo ni mo dang ma ning la'o/ /ma ning yang ni pho mo la'o/ /shin tu mo ni ma ning dang/ /mo dang shin tu mo nyid la'o/ /mi 'jug ba ni 'di lta ste/ /pho ni ma ming la mi 'jug /mo ni pho la 'jug pa min/ /ma ning rang la rang mi 'jug /rang gi sde dang phrad ba na/ /pho yang mo la 'jug mi 'gyur/ /ma ning mo yang de bzhin no/ /ji ltar 'jug par byed ce na/ /pho ni drag po'i tshul gyis 'jug /ma ning ran par 'jug pa yin/ /mo ni zhan ba'i tshul gyis 'jug /shin tu mo ni mnyam pas so/ /ci phyir 'jug par byed ce na/ /pho ni 'das dang gzhan bsgrub phyir/ /ma ning gnyis ka da ltar ched/ /mo ni bdag dang ma 'ongs phyir/ /shin tu mo ni mnyam phyir ro/ /rjes 'jug yi ge bcu po la/ /pho mo ma ning gsum du dbye/ /pho la skyes bu rab 'bring gsum/ /mo la mo dang shin tu mo/ /ma ming 'gyur dang mtshan nyid dang/ /mtshan med dag dang gsum du 'dod/ /de yang byed pa bzhi bzhi ste/ /gang la 'jug byed gang gis byed/ ji ltar byed dang ci phyir byed/ /gang la yi ge thams cad la/ /gang gis bcu pa de dag gis/ /ji ltar rnam pa gnyis yin te/ /sgra yi 'jug tshul don gyi tshul/ /pho gsum mo gnyis ma ning gsum/ /drag zhan bar ma gsum du 'jug drag pa gsum ni nang phrad dam/ /gal te zhan pa nang phrad na/ /de la nang gi cha shas kyis/ /de yang drag zhan gnyis su dbye/ /ma ning gsum du gang gtogs pa/ /drag dang phrad na drag par 'gyur/ /zhan dang phrad na zhan par 'gyur/ /gnyis ka dang ni phrad gyur na/ /de ni gnyis ka can du 'gyur/ /gnyis ka dag dang ma phrad na/ /gang du yang ni mi 'gyur ro/ /des na 'gyur dang mtshan gnyis dang/ /mtshan med ma ning gsum du 'dod/ /de ni sgra yi 'jug tshul lo/ /don ni

  78. 39b

    rnam pa gnyis yin te/ /snga ma gang ltar gyur pa dang/ /phyi ma gang ltar 'gyur ba'o/ /snga ma sngon 'jug snga bzhin sbyar/ /phyi ma dag gi 'dre tshul ni/ /pho yis pho yi ming mdza' drang/ /mo yis pho mi ming mdza' drang/ /ma ning gis ni ma ning ngo/ /ming mdza' de dag nyid kyis ni/ /de nyid rang gi sgra 'thun pa'i/ /chos dngos las dang byed pa dang/ /sbyin dang 'byung khungs 'brel pa dang/ /gnas dang bod pa'i sgra yang drang/ /gzhan yang slar bsdu lhag bcas dang/ /'byed sdud bsnan dang bdag po dang/ /dgag sgrub rgyan dang dus la 'jug /de dag snga shugs 'dren pas 'byung/ /de dag nang gses gang 'jug pa/ /mdza' sbyar 'og ma'i ming don las/ /spyir 'jug yod dam byed pa yod/ /de bzhin phyed byed rten byed dang/ /las bya blang bya bsgrub par bya// sngon du 'os pa gnas pa 'am/ /gzhan yang tshig don 'og ma las/ /bsdu rgyu yod dam med pa dang/ /gong ma las kyang de bzhin te/ /rnam grangs dag ni bkod pa las/ /skyar ba yod dam med pa dang/ /pho sgra dang ni mo sgra dag /ming gi mdza' la yod med dang/ /rgyan du gyur pa rnams la yang/ /don la bsnyegs pa yod med dang/ /bstan bya lhag ma yod med dang/ /tshig don rdzogs dang ma rdzogs kyis/ /de dag nang gses rnam par dbye/ /ci phyir 'jug par byed tsa na/ /yi ge'i khong nas ming dbyung ste/ /ming gi khong nas tshig phyung nas/ /tshig gi don rnams ston byed pa/ /mo yi yi ge med pa na/ /pho yig brjod pa med par 'gyur/ /pho yig de dag rnams la yang/ /'jug par bcas pa med par ni/ /ming dang tshig kyang gsal mi nus/ /ming tshig gsal ba med na ni/ /don rnams brjod par mi 'gyur ro/ /de ltar gyur na 'jig rten na/ /don mtshon brjod pa kun kyang med/ /rig byed smra ba'ang yod mi 'gyur/ /nyan thos rang rgyal sangs rgyas kyis/ /bslab pa rnams

  79. 40a

    kyang med par 'gyur/ /ji ltar 'jig rten sems can dag/ /phung po khams dang skye mched dang/ /grub mdza' gzhan yang yod min na/ /rang nyid kyis ni mi shes bzhin/ /de bzhin yi ge'i 'jug tshul rnams/ /smra ba kun la gnas gyur kyang/ /rang tshul de nyid mi shes pas/ /don la sbyor ba ga la shes/ /de phyir smra ba'i dbang phyug gi/ rjes smras 'di kun rtogs gyur cig /lung du ston pa rtags kyi 'jug pa zhes bya ba slob dpon a nus mdzad pa rdzogs so// //byA ka ra Na'i rtsa ba brgyad pa las/ kun tu bzang po'i byA ka ra Na gnyis pa'i skabs te drug pa'o// //gnas brgyad chen mo'i rtsa ba lce byi 'brug gis mdzad pa bzhugs so/ /thams cad mkhyen pa la phyag 'tshal lo/ /byA ka ra Na'i skang ni gnas brgyad de/ phyed pa'i gnas dang/ bsdus pa'i gnas dang/ bsgyur ba'i gnas dag/ drang ba'i gnas dang/ 'jug pa'i gnas dang/ rnam par dbye ba'i gnas dang/ phyogs kyi gnas dang/ dngos po'i gnas so/ /de la byed pa'i gnas ni byed pa'i tshig brgyad kyi lugs dang/ tshig drug gi lugs dang/ tshig bzhi'i lugs so/ /de la tshig brgyad ni gang byed gang la byed/ /gang gis byed/ gang gi phyir byed/ gang las byed de/ gang gi byed/ gang na byed/ gang zhes bya ba byed/ dang po ngo bo'i tshig /gnyis pa dmigs 'dzin pa'i tshig /gsum pa byed pa'i tshig/ bzhi pa ched du bya ba'i tshig/ lnga pa 'byung gnas kyi tshig/ drug pa 'brel ba'i tshig/ bdun pa gnas bzhi'i tshig/ brgyad pa gdags pa'i tshig/ tshig drug ni/ gang byed/ gang gis byed/ gang gi phyir byed/ gang las byed/ gang la byed/ dang po ngo bo'i tshig/ gnyis pa las kyi tshig/ gsum pa byed pa'i tshig/ bzhi pa dgos tshod kyi tshig/ lnga pa rgyu'i tshig/ drug pa gnas bzhi'i tshig/ tshig bzhi'i ni gang

  80. 40b

    byed/ gang la byed/ gang gis byed/ gang na byed/ dang po dngos po'i tshig/ gnyis pa las kyi tshig/ gsum pa byed pa'i tshig/ bzhi pa bzhi'i tshig/ de dag ni byed pa'i gnas zhes bya ste/ skad kyi dbyings la bsgyur ba'i lugs yin pas/ lugs re res byas pa gcig la sbyor ba yin gyis/ bi b+hak+ta lta bu ming ngo cog gi sgra la sbyor ba ma yin no/ /bsdu ba'i gnas ni brgyad de/ 'bru mang po ba'i bsdu ba dang/ mdor bsdu ba dang/ bye brag bsdu ba dang/ yan lag bsdu ba dang/ gzhi bsdu ba dang/ gzhi gcig tu bsdu ba dang/ skyes bu'i bsdu ba dang/ zlas dbye ba bsdu ba'o/ /de la 'bru mang po ba ni gnyis te/ tshig 'bru gnyis don gzhan la 'jug pa'i 'bru mang po ba dang/ tshig mang po don gzhan la 'jug pa'i 'bru mang po pa gnyis so/ /de la tshig 'bru gnyis dngos po gzhan la 'jug pa ni gsum ste/ rang gi ming dang ldan pa dang/ gzhan gyi ming dang ldan pa dang/ phyogs kyi ming dang ldan pa'o/ /tshig mang po don gzhan la 'jug pa ni gsum ste/ grangs tsam dang ldan pa dang/ grangs ma yin pa dang ldan pa dang/ gcig la gcig brtan pas grub pa dang/ de rnams ni tshig 'bru gzhan gyis don gzhan ston pa'i sbyor ba'i ming yin no/ /mdor bsdu ba ni lnga ste/ gnyis kyis mdor bsdus pa dang/ rnam grangs kyis mdor bsdus pa dang/ gzhan gyis mdor bsdus pa dang/ byed pa'i tshig gis mdor bsdus pa dang/ khyad par gyi mdor bsdus pa'o/ /de rnams ni tshig mdor bsdus pa tsam gyi sbyor ba yin no/ /bye brag bsdu ba ni gnyis te/ tshig snga ma bye brag tu sbyor ba dang/ tshig phyi ma bye brag tu sbyor ba'o// de dag ni dngos po kun spyi dang bye brag dang ldan pa'i phyir bye brag bsdus pa'i sbyor ba yin no/ /yan lag bsdu ba ni bzhi ste/ 'brel pa dang/ go rim dang/ don dang/ grags pa'i yan lag bsdu ba'o/ /de rnams ni dngos po kun gtso bo dang

  81. 41a

    yan lag dang ldan pa'i phyir gtso bo la sogs pa'i yan lag ci rigs sdud pa'i sbyor pa yin no/ /gzhi bsdu ba ni gnyis te/ rigs gsal ba dang/ ma gsal ba'i bsdu ba'o/ /de dag ni de gnyis kyi sgo nas/ kun sdud pa tsam byed pa'i sbyor ba yin no/ /gzhi gcig tu bsdu ba'i sbyor ba ni gnyis te/ phyogs gcig tu byed pa'i bsdu ba dang/ so so phyogs gcig tu byed pa'i bsdu ba'o/ /de dag ni gzi bsdu ba'i sbyor ba phyogs su byas pa las/ mtshan nyid gcig tu bsdus pa'i sbyor ba yin no/ /skyes bu bsdu ba ni gsum ste/ las 'dzin pa'i bsdu ba dang/ ba gnyis pa'i bsdu ba dang/ byed pa'i tshig gi bsdu ba'o/ /de rnams ni yan lag gtso bor ston pa'i sbyor ba yin no/ /zlas bsdus ba ni gnyis te/ 'thun pa dang bsdu bsdu ba dang mi mthun pa bsdu ba'o/ /de dag ni gcig gi zlas gcig shes pa'i sbyor ba yin no/ /bsgyur ba'i gnas ni bzhi te/ brgyud de bsgyur ba dang/ yan lag bsgyur ba dang/ rnam grangs bsgyur ba dang/ drang thang du bsgyur ba'o/ /de la brgyud de bsgyur ba ni/ sgra gcig gi zur las brgyad pas don rdzogs par ston nus pas sgra go ba ste/ ji ltar gu lu zhes bya ba las brgyud pas/ 'dzam+bu'i 'bras bu smin pa ni/ dri ma med pa'i chu la lhung/ /nya yi bza' ba'i ched du ni/ /gu lu gu lu zhes su smra zhes zer ro/ /zhes bya ba la sogs pa lta bu'o/ /yan lag bsgyur ba ni/ tshig gcig gi sgra'i yan lag phral te/ ji ltar a pra shi kha zhes bya ba so sor phral la/ a las bsgyur na/ a na na d+hwi dza mi tre pra biSh+Te haM ba na d+ha re/ shi ra mA kra mya pA de na/ kha gang ne na muN+Do ba tshi tya zhes bya ba lta bu'o/ /rnam grangs bsgyur ba ni/ sgra gcig gi rnam grangs du mar gyur pa bsgyur ba ste/ ji ltar ri 'ong sa dang rdo rje dang/ dag dang mig dang

  82. 41b

    chu dag dang/ mtho ris ba lang phyogs rnams su/ /mkhas pa gau sgra shes par bya zhes pa lta bu 'am/ skye dang bden dang de bzhin yod/ /sems can 'das dang mi ma yin/ cung zad lus dang sa la sogs/ /'byung ba'i sgra ni mkhas pas brjod/ /ces bya ba la sogs ba lta bu'o/ /drangs thad du bsgyur ba ni/ nye bar bsgyur ba nyi tshe'i dbang du byas pa ste/ ji ltar bcom pa dang ldan pa'i don ni bcom ldan 'das zhes bya ba la sogs pa lta bu thams cad do/ /drang ba'i gnas ni mu bzhi ste/ yin pa dang ma yin pa dang/ gnyi ka yin pa dang/ gnyi ga ma yin pa'o/ /de dag la yang dngos po gcig la mu bzhir drang ba dang/ mu bzhi las dngos po gcig tu drang ba'o/ /de la gcig la mu bzhir drang ba la ni chos gcig sgrub pa'i sgo nas ni yin par sgrub pa'o/ /chos gcig dgag pa'i sgo nas ni ma yin pa bsgrub pa'o/ /mu bzhi las gcig tu drang ba las ni gnyis te/ ngo bo nyid kyi tshig dang khyad par gyi tshig dang ldan pa'o/ /de la ngo bo nyid la ni ngo bo sgrub pa'i tshul gyis yin pa 'grub pa'o/ /ngo bo dgag pa'i tshul gyis ma yin pa 'grub bo/ /tshul gzhan gyis sgo nas ni gnyi ga yin pa 'grub bo/ /tshul gzhan gcig la gcig gi sgo nas ni gnyis ka ma yin pa grub bo/ /khyad par gyi tshig dang ldan pa la ni khyad par gyi gzhi yin la khyad par ma yin pa dang/ khyad par yin la khyad par gyi gzhi ma yin pa dang gnyis ka yin pa dang/ gnyis ka ma yin pa'o/ /mu gsum la ni khyad par gyi gzhi ma yin pa med do/ /mu gnyis pa la ni khyad par gyi gzhi yin la khyad par ma yin pa'ang med do/ /yi ge 'jug pa'i gnas ni brgyad de/ sgra dang skad dang ming dang mtshan ma dang brda dang tha snyad dang tshig dang don no/ /de la sgra ni shes pas zin pa las 'byung ba dang/ ma zin pa dang/ gnyi ga las 'byung ba la sems can du ston pa dang/ mi ston pa? ?

  83. 42a

    ba dang/ lung du ston pa dang/ mi ston pa dag go /skad ni bzhi ste/ rang bzhin dang/ 'dus byas dang/ zur bcag pa dang/ sha za'i'o/ /ming ni chos rnams kyi ngo bo nyid kyi tshig bla dags te/ yi ge 'dus pa'i bdag nyid do/ /mtshan ma ni 'dis mtshon par byed pas mtshan ma ste/ snang bar nus pa'o/ /brda ni ming dang ming can 'brel par byed pa ste/ sgra dang don gyi spyi'i rnam pa gzhan la smra bar byed pa'i dus can gyi bdag nyid do/ /tha snyad ni dngos po med pa la dngos por brtags pa ste/ de yang brtags pa dang 'jug pa dang/ brjod par bcas pa thams cad do/ /de la brda ni go bar byed pa'i bdag nyid can yin la/ tha snyad ni 'jug par byed pa'i bdag nyid can yin no/ /tshig ni chos rnams kyi khyad par gyi tshig bla dags yin te/ ming 'dus pa'i bdag nyid can no/ /don ni chos rang gi ngo bo ji ltar gnas pa'o/ /de rnams la yi ge ji ltar 'jug ce na/ don gyi dngos gzhi las don gyi spyi'i rnam pa skye'o/ /de las sgra'i spyi'i rnam pa skye'o/ /brda dang tha snyad 'byung ngo/ /brda dang tha snyad kyi dus skabs na/ yi ge'i tshogs dang/ ming gi tshogs dang/ tshig gi tshogs kyi rnam pa yod do/ /de la rgyu rkyen gyi tshogs la rten nas sgra rang gi mtshan nyid du 'byung ste/ sgra zhes bya ba'i ming thob bo/ /sgra des nyan pa po la sgra las byung ba'i shes pa skye ba na sngon brda'i dus kyi dang gcig tu sgro btags te phyi gsal bar byed do/ /des don gyi spyi sgro btags pa'i bdag nyid du brjod nas/ des don rang gi mtshan nyid khong du chud par 'gyur bas de dag gi yi ge'i 'jug pa zhes bya ba'o/ /rnam par dbye ba'i gnas ni brgyad de/ gang gang la gang gis gang gi phyir gang las gang gi gang la/ 'di rnams bod pa dang bcas pa ni/ rnam par dbye ba bdun bod pa dang brgyad do/ /'di rnams gcig gi tshig dang/

  84. 42b

    gnyis kyi tshig dang/ mang po'i tshig dang/ gsum gyis na nyi shu gcig go /de la sgyur byed kyi yi ge nyi shu rtsa gcig dang sgra tsam du phrad nas sgra gcig sgra thams cad du 'gyur du rung ba'i don ni/ bi b+hak+ta zhes bya ba rnam par 'byed pa'i don yin gyi ? ba'i gnas lta bu skad kyi dbyings tsam la bsgyur ba ni ma yin no/ /de dag kyang si aau dzas/ pra/ tha mA/ a ma aau shas/ dwi tI ya/ TA b+hyI b+his/ tri tI ya/ de b+hyAM b+hyas/ tsa tu rthi/ da si b+hyA b+hyas/ pany+tsa mi/ ngas os A ma/ Sha Sh+Thi/ di o so su pa sapta mi zhes bya ba bsgyur na/ rnam par dbye ba bdun po re re la yang/ gang/ gang dag /gang rnams/ gang la/ gang dag la/ gang rnams la/ gang gis/ gang dag gis/ gang rnams kyis/ gang gi phyir/ gang dag gi phyir/ gang rnams kyi phyir/ gang las/ gang dag las/ gang rnams las/ gang gi /gang dag gi /gang rnams kyi/ gang la/ gang dag la/ gang rnams la zhes bya ba bod pa dang bcas par 'gyur ba'i don yin no/ /phyogs kyi gnas ni/ sgra gcig shes pas phyogs gcig shes pa dang/ sgra gcig shes pas phyogs shes kun shes pa dang/ sgra ji snyed pa shes pas phyogs kun shes pa dang/ sgra phyogs med shes pas chos thams cad shes pa'o/ /de dag ni skyes bu rab 'bring gis phye ba yin no/ /dngos po'i gnas ni chos can gyi sgo nas chos nyid kyi dngos po bsgrub pa 'am/ sgra skad kyi sgo nas don gyi dngos po sgrub pa'o/ /byed pas bye brag rnam par 'byed/ /bya ba'ang yongs su rdzogs par ston/ /bsdus pas yi ge nyung 'gyur zhing/ /'brel pa 'am ming yang 'dogs par byed/ /bsgyur pas bsgyur bya'i mthu shes shing/ /skad dbyings khong du chud par 'gyur/ /drang bas bshad pa'i dmigs la mkhas/ /gzhan sel ba yang shes par 'gyur/ /'jug pas brda? dang tha snyad shes/ /dgos 'brel khong du chud par 'gyur/ /dbye bas sgyur byed rkyen

  85. 43a

    la mkhas/ /sgra bo cog la mkhas par 'gyur/ /phyogs kyis skyes bu rab 'bring shes/ /dngos pos don gyi dngos gzhi rtogs/ /ming gi tshig ni 'thun pa dang/ /ming can tha dad ston pa dang/ /ming dang ming can 'brel pa yang/ /dgos pa tha dad ston pa dang/ /kha cig sbyor ba tha dad kyang/ /dgos pa tha dad ma yin dang/ /phyogs gcig 'thun par ston pa rnams/ /sgra yi ming gis shes pa yin/ /tshig la ming gis sbyor ba dang/ /gang la tshig gi sbyor ba dag / bye brag ji snyed yod pa rnams/ /gang gi tshig don gtso bo zhes/ /sbyor ba'i dgos pa tha dad pa 'ang/ /sgra yi ming gis shes pa yin/ /dbul pa 'joms byed rnyed dka' rin po che/ /bgrod dka' rgya mtsho che la gnas pa dag /legs par gru btsugs dar phyar rlung gis bskyod/ /rin chen thob byed gzhan du thabs med bzhin/ /sdug bsngal 'joms byed dam chos rin po che/ /rtogs dka' gsung rab rgya mtsho dag la gnas/ /yi ge ming dang tshig gi gru btsugs te/ /sgra yi dar phyar shes rab rlung gis bskyod/ /dam chos thob byed gzhan du thabs med do/ /ce khyi 'brug gis/ byA ka ra Na'i skad/ mdo tsam zhig bsgyur ba/ gnas brgyud chen po'i rtsa ba rdzogs so// //gnas brgyad 'grel pa bzhugs so/ /rgya gar skad du/ shapta shAsta/ bod skad du/ sgra'i bstan bcos/ thams cad mkhyen pa la phyag 'tshal lo/ /byA ka ra Na zhes pa ni spyir gang yin pa lung ston pa yin yang/ 'di? skad kun gsal bar byed pa yin te/ de'i gzhi 'am gnas ni/ bslab pa 'am/ tshig gam don gyi gnas su gyur pa'o/ /brgyad na byed pa'i gnas la sogs pa ste/ de la byed pa'i gnas ni/ bya ba gcig sgrub par byed pa'i sgra'i gnas so/ /bsdu ba'i gnas ni/ tshigs don dang ldan pa'i tshig sdud pa'i sgra'i gnas so/ /bsgyur ba'i gnas ni skad kyi

  86. 43b

    dbyings dang/ nye bar bsgyur ba'i sgra'i gnas so/ /drang ba'i gnas ni gzhan gcod cing bye brag byed pa'i sgra'i gnas so/ /'dzug pa'i gnas ni/ yi ge 'jug pa'i gzhi dang/ brda dang tha snyad ston pa'i sgra'i gnas so/ /rnam par dbye ba'i gnas ni sgra gcig sgra kun tu bsgyur du btub pa dang/ sgra gcig don thams cad la 'jug tu rung ba ston pa'i sgra'i gnas so/ /phyogs kyi gnas ni skyes bu'i nus pa ston pa sgra'i gnas so/ /dngos po'i gnas ni don gyi ngo bo nyid dam gtso bo ston pa'i sgra'i gnas so/ /de la byed pa'i gnas kyi dbye ba dang ngo bo bstan pa'i phyir/ de la byed pa'i gnas ni zhes bya ba la sogs pa smos te/ byed pa'i tshig brgyad kyi bya ba gcig sgrub pa ston pa ni byed pa'i tshig brgyad kyi lugs yin no/ /de bzhin du byed pa'i tshig drug dang bzhis bya ba re re ston pa yang byed pa'i tshig drug gi lugs dang bzhi'i lugs yin no/ /de la tshig brgyad ni gang byed ces pa la sogs pa ste de la gang byed ces pa ni dang po byed pa'i dngos po 'am don tsam gyi tshig yin te/ 'di ltar 'bras chan 'tshod bar byed pa po lhas byin yin pa dang 'dra bar nyon mongs skyed pa'i byed pa po tshul bzhin ma yin pa yid la byed pa yin pa dang/ lam skye ba'i byed pa po chos rgyu 'bras la yid ches pa lta ba dang rnam par shes pa skye ba'i byed pa po 'du byed sems pa yin pa lta bu ni dang po ngo bo'i tshig ces bya'o/ /yang na gang 'tshod par byed na 'bras chan 'tshod par byed pa dang 'dra bar gang skyed pa byed na nyon mongs pa dang lam dang rnam par shes pa skyed par byed ces don gyi ngo bo tsam ston par byed pa ni dang po ngo bo'i tshig ces bya'o/ /gang gis zhes bya ba ni dper na lhas byin ni 'bras chan 'tshod par byed ces byed pa po dmigs 'dzin pa 'am/ yang na gang zhig la 'tshod par byed na 'bras chan la 'tshod par byed ces las kyi dmigs 'dzin par byed

  87. 44a

    pa bzhin du tshul bzhin ma yin pa ni nyon mongs bskyed par byed pa la sogs pa 'am/ nyon mongs la byed ces pa la sogs pa ni gnyis pa dmigs 'dzin pa'i tshig ces bya'o/ /gang gis byed ces pa ni dper na me yis 'tshod par byed pa 'dra bas ma rig pas nyon mongs pa dang/ dad pas lam dang/ rkyen gyis rnam par shes pa skyed par byed pa lta bu ni gsum pa byed pa'i tshig ces bya'o/ /gang gi phyir byed ces pa ni/ dper na chos ston bya ba'i phyir 'bras 'tshod pa dang 'dra bar phung ba'i phyir nyon mongs pa dang/ yon tan gyi phyir las dang/ yul la dmigs par bya ba'i phyir rnam par shes pa 'byung bar byed ces pa lta bu ni bzhi pa ched du bya ba'i tshig ces bya'o/ /gang las byed ces pa ni/ dper na 'bras las 'bras chan byed pa dang 'dra bar yul la g.yeng ba las nyon mongs pa dang/ shes rab rnam gsum las lam dang/ rgyu 'thun pa'i bag chags las rnam par shes pa 'byung zhes pa lta bu'i ni lnga pa 'byung gnas kyi tshig ces bya'o/ /gang gis byed ces pa ni/ dper na mchod sbyin gyi mchod pa byed pa dang 'dra bar 'khor ba'i nyon mongs pa dang/ 'phags pa'i lam dang/ mi la sogs pa'i rnam par shes par byed ces pa lta bu ni/ drug pa 'brel pa'i tshig ces bya'o/ /gang na byed ces pa ni/ dper na tshang ba 'ang 'tshod par byed pa dang 'dra bar nyon mongs pa thams cad ni nye bar len pa'i phung po la gnas te/ skye ba dang lam ni zag pa med pa'i phung po la gnas te/ skye ba dang rnam par shes pa ni dbang po la gnas te/ skye ba lta bu ni bdun pa gnas bzhi'i tshig ces bya'o/ /gang zhes bya ba byed ces pa ni/ dper na 'bras chan ni don gyi gzhi la tha snyad 'bras chan zhes ming btags pa dang 'dra par chos rnams kyi don gyi dngos gzhi la nyon mongs pa dang/ rnam par shes

  88. 44b

    pa dang lam la sogs pa ming gdags pa thams cad ni brgyad pa gdags pa'i tshig ces bya'o/ /byed pa'i tshig drug gis lugs ni gang byed ces pa ni lhas byin 'bras chan 'tshod pa dang/ mchod sbyin shing gcod pa la sogs pa dang po byed pa bsgyur ba 'am/ ngo bo tsam ston pa'i tshig go /gang la byed ces pa ni gnyis pa las kyi tshig ste/ las su bya ba gang zhig las byed pa gzhan zhig yul du byas pa yin te/ shing las byed ces pa lta bu'o/ /gang gis byed ces pa lta bu ni gsum pa byed pa'i tshig yin te/ sta res byed ces pa lta bu'o/ /gang gis byed ces pa ni bzhi pa dgos ched kyi tshig yin te/ ka ba'i phyir byed ces pa lta bu'o/ /gang las byed pa ni lnga pa rgyu'i tshig yin te shing las byed pa lta bu'o/ /de dag kyang byed pa'i dus na las yin la/ bya ba dang sbyar na rgyu yin/ byas pa ni dgos ched yin no/ /gang la byed ces pa ni bdun pa gnas gzhi'i tshig yin te/ yul dbus na byed ces pa lta bu'o/ /byed pa'i tshig gzhi'i lus ni/ gang byed ces pa ni/ byed pa po 'am don tsam gyi tshig go /gang las byed ces pa ni gnyis pa las kyi tshig go /gang gis byed ces pa ni/ gsum pa byed pa po'i tshig go /gang na byed ces pa ni bzhi pa gnas gzhi'i tshig ste/ de dag kyang ngo bo brgyad pa dang 'thun te grangs kyis phye ba'i tha dad pa'i lugs yin no/ /de dag ni skad kyi dbyings la bsgyur ba'i lugs yin no zhes bya ba ni/ ti ngan ta'i lugs yin te/ bya ba gcig la tshang bar sbyor gyis/ ngo bo gcig gi sgra la mi sbyor bas bi b+hak+ta lta bu yin te/ bi b+hak+ta 'og nas 'chad pa lta bu yin no/ /ci'i phyir byed pa'i gnas zhes bya zhe na/ bya ba shin tu sgrub par byed pa kho nar drang ba'i yan lag yin no/ /bsdu ba'i gnas kyi dbye ba dang ngo bo bstan pa'i phyir bsdu ba'i gnas ni brgyad de zhes bya ba la sogs

  89. 45a

    pa smos te/ de la 'bru mang po pa ni dbye ba'i gnas so/ /de la tshig 'bru gnyis don gzhan la 'jug pa zhes bya ba ni dper na ba khra mo can lta bu dang/ ba dang khra mo gnyis kyi tshig gi don bdag po yin pa lta bu'o/ /de'i dbye ba ni gsum ste/ de la rang gi ming dang ldan pa ni/ skyes bu rta can lta bu rang gi ming/ skyes bu dang rta gnyis kyi don ming can gyi bdag yin pa lta bu'o/ /gzhan gyi ming dang ldan pa ni mda' gzhu can lta bu phyogs kyi ming dang ldan pa ni/ shar dang lho'i bar la shar lho zhes pa lta bu'o/ /tshig mang po don gzhan la 'jug pa ni gsum ste/ de la grangs tsam dang ldan pa ni/ bcu dang nye ba ni nye ba bcu pa zhes pa 'am/ yang na brgya rtsa brgyad yin pa ni/ brgya rtsa brgyad lta bu'o/ /grangs ma yin pa dang ldan pa ni/ phyogs gang na me tog pad+ma mang po yod pa de ni me tog pad+ma mang po can nam/ skyes bu gang la legs pa'i yon tan mang po yod pa ni yon tan phun sum tshogs pa can zhes pa lta bu'o/ /gcig la brten pas 'grub pa ni/ gang dang gang dag la gcig la gcig phan tshun gnod pa sgrub pa ste/ dper na ltas byin dang mchod sbyin stobs 'gyed pa na stobs 'gyed pa can zhes mtshungs ba thob pa lta bu yin no/ /sbyor ba'i bye brag gis phye bas drug yin te/ byed pa'i tshig drug gis bsgyur na bzhi bcu rtsa gnyis su 'gyur ro/ /drang ba'i gnas kyi nu bzhis phye na brgya drug cu rtsa brgyad yin no/ /mu bzhi ni gzhi 'thun ba gnyis gzhi tha dad pa gnyis so/ /de la gzhi 'thun pa ni lhas byin rna ba 'phyang ba can nam/ skyes bu lus legs pa can lta bu thams cad 'thun pa 'am/ skyes bu rkang lag can lta bu tshig don rkang pa dang

  90. 45b

    lag pa ni tha dad la/ pa yis bstan pa'i ldan pas ni 'thun pa gnyis so/ /gnyis tha dad pa ni mda' gzhu dang skyes ba tha dad dang/ ba khra mo can la bu ba dang khra mo gnyis ngo bo 'thun pa ldan pa dang tha dad pa gnyis so/ /des kun 'thun pa dang kun mi mthun pa dang/ 'bru mang po pa 'thun pa dang mi mthun pa dang/ 'bru mang po tha dad pa dang/ 'thun pa'i gzhi yin no/ /byed tshig drug gi las dang byed pa dang ched dang rgyu dang 'brel pa dang gzhi'i tshig go/ de rnams ni tshig 'bru gzhan gyi don gzhan ston pa'i sbyor ba yin no zhes bya ba ni rang gi tshig gi don gyis bstan par bya ba gzhan ston pas rang gi tshig gi don gtso bo ma yin no zhes bya ba'i don to/ /mdor bsdu ba ni lnga ste/ zhes bya ba ni tshig bsdu ba lnga yin no/ /de la gnyis kyis mdor bsdu ba ni pha dang ma ni pha ma zhes zlas dbye ba'i tshig sdud pa lta bu'o/ /rnam grangs kyis mdor bsdu ba ni sa dang chu dang me dang rlung ni/ sa chu me rlung zhes zlas dbye ba'i tshig sdud pa lta bu'o/ /gzhan gyis don bsdus pa ni/ rta khra bo dang ldan pa ni rta khra can zhes gzhan gyi tshig gi don bsdu ba lta bu'o/ /byed pa'i tshig drug gi mdor bsdus pa ni las la sogs pa'i tshig drug bsdus pa ste/ chos la spyad pa ni chos spyod ces las kyi tshig bsdus pa dang/ yon tan gyis 'thob pa ni yon tan 'thob ces byed pa'i tshig bsdus pa dang/ mchod pa'i ched du btsugs pa'i sdong po ni mchod sdong zhes ched kyi tshig bsdus pa'o/ /shing las byung ba'i 'bras bu ni shing 'bras zhes rgyu'i tshig bsdus pa dang/ zas kyi bcud ni zas bcud ces 'brel ba'i tshig bsdus pa dang/ dka' ba las gnas pa ni dka' gnas zhes gzhi'i tshig bsdus pa'o/ /khyad par gyi mdor bsdus pa ni sngon po yang de nyid utpa la yang de nyid yin pa ni utpal sngon po gzhan spong ba'i tshig mdor

  91. 46a

    bsdus pa'o/ /de rnams ni mdor bsdus pa tsam gyis sbyor ba yin zhes bya ba ni tshig gis don gyis bsdus pa gzhan las kyang phyogs 'thun no zhes pa'i don to/ /bye brag bsdu ba ni gnyis te/ de la tshig snga ma bye brag tu sbyor ba ni/ sngon po nyid utpa la zhes pa snga ma'i tshig gi don bye brag tu ston pa ni ma yin no/ /tshig phyi ma bye brag sbyor ba ni utpa la nyid sngon po zhes pa lta bu phyi ma'i tshig gi don bye brag tu ston pa yin no/ /de dag ni dngos po kun spyi dang bye brag dang ldan pa'i phyir bye brag bsdu ba sbyor ba yin zhes pa ni/ spyi tsam ni khong du chud la/ bye brag ni khong du ma chud pa dag la spyir bye brag bsdus pas bye brag la the tshom za bar sel bar nus pa yin no/ /yan lag bsdu ba ni bzhi ste/ de la 'brel ba'i yan lag bsdu ba ni/ gtso bo la 'brel ba'i yan lag 'brel pa bsdu ba ste/ lus la sogs pa'i dbang po lnga'o zhes pa lta bu'o/ /go rims gyi yan lag bsdu ba ni/ mig la sogs pa'i dbang po zhes pa 'am/ sbyin pa la sogs pa'i pha rol tu phyin pa zhes pa lta bu'o/ /don gyi yan lag bsdu ba ni/ don gyi dbang gi gtso bo 'am skabs kyi dbang gi gtso bo yin pa'i yan lag bsdu ba ste/ shes rab la sogs pa'i pha rol tu phyin pa lta bu 'am/ 'khor lo la sogs pa'i rin po che zhes pa lta bu'o/ /grags pa'i yan lag bsdu ba ni/ 'jig rten pa dang bstan bcos la grags pa gnyis te/ de la 'jig rten las grags pa ni/ ka ba dang bum pa la sogs pa'i tha snyad ces pa lta bu grags pa tsam gyi gtso bo yin pas so/ /bstan bcos la grags ba ni las la sogs pa'i byed pa'i tshig ces pa la sogs pa grags pa tsam gyis gtso bo yin pas yan lag bsdu ba yin no/ /de rnams dngos po kun gtso bo dang yan lag dang ldan pa'i phyir zhes bya ba ni/ rnam pa bzhi'i sgo nas

  92. 46b

    gtso bo dang yan lag ldan pas so/ /gtso bo la sogs pas zhes pa ni gtso bo'i rjes su sogs pa'i tshig gis yan lag ji ltar rig par sdud pa yin no// //bzhi bsdu ba ni gnyis te/ de la rigs bsal ba'i bsdu ba ni/ rigs mi mthun pa tsam sel ba'i rjes su kun sdud pa'i tshig smos pa ste/ chos thams cad dang/ chos mdza' dag dang zad par la sogs pa'o/ /rigs ma bsal ba'i bsdu ba ni ma lus pa la snyeg pa'i tshig ste/ thams cad zad par kun la sogs pa'o/ /de dag ni de gnyis kyi sgo nas kun sdud pa tsam byed pa'i sbyor ba yin no zhes pa ni/ chos thams cad kyi dngos po de sgra gnyis kyi sgo nas kun sdud pa'i tshig yin no// //gzhi gcig tu bsdu ba ni gnyis te/ de la phyogs gcig tu byed pa'i bsdu ba ni/ 'dus byas thams cad mi rtag par phyogs gcig tu byed pa lta bu'o/ /so so phyogs gcig tu byed pa ni 'dus byas dang 'dus mi byas ni bdag med pa zhes tha dad pa dag bdag med par phyogs gcig tu byed pa lta bu'o/ /de dag ni gzhi bsdu ba'i phyogs su byas pa las shes pa ni 'dus byas thams cad ces gzhi bsdu'i phyogs su byas pa las/ mi rtag go zhes mtshan nyid gcig tu bsdus pa'i sbyor ba yin no zhes pa'o// //skyes bu'i bsdu ba ni gsum mo/ /las 'dzin pa'i bsdu ba ni chos rnams kyi ngo bo 'ga' la khyad par gyi gzhi dang/ khyad par gyi yul du yang 'gyur ba ste/ utpal yang de sngon po yang de yin pas utpal sngon po zhes pa lta bu ste/ 'di ni khyad par gyi gzhi la the tshom za ba sel ba yin te/ 'di ltar khyad par gyi chos ni khong du chud la khyad par gyi gzhi gang la yod pa khong du ma chud pa la sbyor bar byed pa yin no/ /las gnyis ni 'dir gzhi yin la/ de 'dzin pa ni gtso bo yin no/ /las dang gtso bo gnyis kyi dbang du byas pas yan lag gtso bo'i phyir ro ngo bo tha mi dad

  93. 47a

    kyang de'i skyes bu yin no/ /bsdu ba gnyis pa'i bsdu ba ni/ mtshams sbyor ga la bsdus pa'i don dang/ rnam drangs yod pa ste/ phung po zhes bya ba'i don dang/ lnga zhes bya ba grangs yod pa'i tshig la phung po lnga zhes tshig gnyis bsdus pa'i sbyor ba yin no// //byed pa'i tshig gi bsdu ba ni/ don tsam gyi tshig dang/ dbye ba'i tshig dang/ ched kyi tshig dang/ rgyu'i tshig dang/ 'brel pa'i tshig dang gzhi'i tshig dang dgag pa'i tshig go/ de la dad pa bsdu ba ni dper na shing yan lag rgyas pa ni/ shing rgyas pa zhes pa lta bu'o/ /las la sogs pa bsdu ba ni/ byed pa'i tshig drug bsdu ba lta bur rig par bya'o/ /dgag pa zhes bya ba ni/ 'gegs pa'i tshig ste/ med pa dang ma yin par ro/ /de la med par dgag pa ni/ dper na rgyal po med ces pa'i tshig don/ rgyal po med pa nyid don yin pa ste/ tshig gi gzhan zhig yod pa ni don ma yin no/ med pa de yang gtan med pa dang/ zhig nas med pa nyid kho na yin gyi /gtan ni ma yin no/ /ma yin par dgag pa ni tshig gi don yod ba zhig ste/ don yang dgag pa yin par ston pa dang/ de bzhin du mi mthun pa dang/ chud pa la sogs pa dang bral ba dang/ mi 'dra ba dang/ dman pa dag tu sten par byed pa yin no/ /de dag kun yan lag gtso bor ston pas de'i skyes bu yin no// zlas bsdu ba ni gnyis so de la 'thun par bsdu ba ni mi rtag pa'i zlas sdug bsngal bsdu ba'o/ /mi mthun pa'i bsdu ba ni mi rtag pa'i zlas rtag pa bsdu ba lta bu'o/ /de dag gi ni gcig gi zlas gcig shes pa'i sbyor pa yin te/ kha cig tu zlas nyid sdang/ kha cig tu sbyor ba'i tshig sdud do/ /de dag gis tshig dang don sdud pa'i phyir bsdu ba'i gnas yin no/ /bsgyur ba'i gnas ni go sla'o/ /drang ba'i gnas ni mu bzhi ste/ yin pa dang ma yin pa dang/ gnyi ga yin pa dang/ gnyi ga ma yin pa dag las/ dngos po gcig

  94. 47b

    la mu bzhi drang ba la chos gcig sgrub pa'i sgo nas yin pa 'grub bo zhes bya ba ni/ dper na mi la bde ba'i chos sgrub pa'i sgo nas bde ba yin par 'grub pa'o/ /shin tu bde ba'i chos dgag pa'i sgo nas ni/ sdug bsngal bde ba ma yin par 'grub bo/ /de gnyi ga'i sgo nas na gnyi ga yin pa 'grub ste/ bde ba yod pa'i sgo nas ni bde ba yang yin la/ mi bde ba yod pa'i sgo nas mi bde yang yin no/ /mu bzhi las gcig tu drang pa ni gnyis so/ /de la ngo bo nyid kyi tshig dang ldan pa ni ma yin zhes pa dang/ mi ma yin zhes ngo bo sgrub pa dang/ dgag pa yin pas snga ma ni khyad par sgrub pa nang dgag pa yin pas/ ngo bo gcig la ldan no/ /khyad par gyi tshig dang ldan pa ni/ mi'i skyes bu lta bu 'am/ utpal sngon po lta bu la/ khyad par gzhi utpal yin la/ khyad par sngon po ma yin pa dang/ khyad par sngon po yin la/ khyad par gyi gzhi utpal ma yin pa dang/ gnyi ga ste/ utpal ma yin pa yin la/ khyad par sngon po yang yin pa lta bu dang/ de gnyis ka ma yin pa bzhi las gcig yin pa'o/ /mu gsum pa la ni khyad par yin la/ khyad par gyi gzhi ma yin pa med do/ /zhes bya ba ni dkar po yin la/ kha dog ma yin pa med do zhes pa lta bu'o/ /mu gnyis pa la ni/ khyad par gyi gzhi yin la khyad par ma yin pa yang med do zhes pa ni 'ang gi brjod pa ni/ snga ma sdud pa yin te bar mtshams shes pa lta bu ste/ bar yin la mtshams ma yin pa yang med la mtshams yin la bar ma yin pa yang med do// //yi ge 'jug pa'i gnas ni brgyad de/ sgra dang skad la sogs pa lta bu'o/ /de la brda ni ming dang ming zhes 'brel bar byed pa ste/ sgra dang don gyi spyi'i rnam pa gzhan smra bar byed pa'i dus can gyi bdag nyid do zhes bya ba ni ming gi ka ba la sogs pa ni/ sgra rang gi mtshan nyid do/ /de 'brel par byed pa'i sgra dang/ don gyi spyi'i rnam pa ni brda byed pa'i dus na

  95. 48a

    don la dmigs shing sgra las byung ba'i shes pa la 'di'i ming 'di skad yin no zhes zhen pa'i dbang gis shes pa gcig la mthong ba la sogs pa'i don gyi rnam pa dang/ ka ba zhes pa la sogs pa'i sgra'i rnam pa gnyis yod pa yin te/ de gzhan la go bar byed na 'brel par byas pa ni dgos ched yin no/ /'dir 'brel pa dang 'brel pa'i yul nges pa can gang zhig gzung bar bya zhe na/ don la dmigs shing sgra las byung ba'i shes pa mngon par zhen pa'i rtog pa las 'brel pa'i nges pa yod de 'brel pa'i yul don spyi'i rnam pa la/ 'brel ba'i sgra spyi rag las pa'i phyir ro// //gzhan du ni sgra las byung yang sgra nyid la dmigs pa yod de/ gnod sbyin gyi brjod pa thabs las byung ba'i shes pa la don gyi spyi la reg ma las kyi sgra thos ba tsam yul du byas nas/ sgra'i rnam pa'i rtog pa dang/ des 'byung ba'i sgra'i rang gi mtshan nyid kyang/ gzhan thos ba tsam du byed nus te/ de ni sngon don la dmigs te/ ma skyes pas ming dang ming can 'brel bar byed pa'i nus pa yang med la/ 'brel pa yul la ma rten pas 'brel pa nyid kyang ma yin no/ /de'i phyir don la dmigs pa smos dgos so/ /kha cig ni don las dmigs pa las skyes kyang brda la ma byang ba dag sgra'i rnam pa med pa yod de/ de'i phyir sgra las byung ba smos so/ /kha cig ni sngon don la dmigs shing sgra las byung ba'i shes pa skyes kyang ma zhen pa'i dbang gis da ltar brjod pa dang/ 'dres pa'i rtogs pa med pa de/ de'i phyir mngon par zhen pa smos so/ /gnod kyi brjod pa thos pa las skyes pa'i gnod sbyin gyi sgra tsam yul du byas pa la yang rnam par rtog pa yod de/ sgra nyid yul du byas pa rtog pa dang/ rang gis kun brtags pa ba'i rtog pa gzhan zhig dang yul du 'gyur ro zhe na/ de lta bu'i rtog pa yod kyang brjod pa 'dras pa'i don

  96. 48b

    gyi spyi ma yin te/ don dang spyi'i shes pa la ni brda byed pa'i dus na shes pa gzhan las khyad par du byed pa'i chos lnga dang dgos te/ de la yan lag gcig nyams kyang mi mi 'grub pa'o/ /lnga gang zhe na/ don la dmigs pa dang/ sgra las byung ba dang? 'thun par snang nga dang/ thun mong du grags pa dang/ mngon par zhen pa'o/ /de la don dmigs pa ni yul gyi bye brag tu byas pa yin te/ sgra nyid la dmigs te/ byung ba ma yin no/ /sgra las byung ba ni/ rgyu'i sgo nas bye brag tu byas pa yin te/ don de nyid la dmigs te 'byung ba ma yin no/ /'thun par snang ba ni don gyi rnam pa'i sgo nas bye brag tu byas pa yin te/ brda ston pa po tha dad par snang ba ni ma yin no/ /thun mong du grags pa ni sgra'i rnam pa'i sgo nas bye brag tu byas pa yin te/ brda' ston pa po dang gzhan dag tu tha dad par grags pa'i rnam pa ni ma yin no/ /mngon par zhen pa ni zhen pa'i sgo nas bye brag tu byas pa yin te/ ma zhen pas ni ma yin no/ /zhen pa'ang bzhi ste/ de'ang kha cig tu tshad par 'byung/ kha cig tu ma tshang bar 'byung ste/ 'og nas rig par bya'o/ /de ltar gnod sbyin gyi brjod pa thos pa las skyes pa'i shes pa ni sgra tsam las byung ba'i phyir yan lag bzhi nyams pas/ sgra'i spyi rnam par brjod par bya ba dang/ 'drer rung ba yin yang don gyi spyi rnam pa dang/ 'brel pa med de/ rag las pa med pas 'brel pa'i yul ma yin zhes bya'o/ /sgra las byung ba'i yan lag ma tshang ba la sgra'i spyi med pa yang de bzhin no/ /de dag gi yan lag de dag dgar ba'i sa yin no/ /de dag gi rang rang gi nus pa ni/ don la dmigs pas ni/ don gyi spyi'i rnam par skyed par bya'o/ /sgra las byung ba ni sgra spyi'i rnam par skyed par byed do/ /'thun par snang ba dang/ thun mong du grags pas ni zhen pa skye zhing gzhan la go bar nus so/ /mngon par zhen pas ni

  97. 49a

    ming dang ming can 'brel bar byed do/ /de dag ma tshang na ni de las zlog par 'gyur ro/ /skye ba'i rim pa yang brda byed ba'i dus na ni/ phal cher ni dang po'i don mthong nas de'i rnam par skye ba na/ 'di na ming ci yin zhes tha snyad 'dogs pa'i blo skye ba ni/ smra ba po gzhan gyis 'di ka ba yin no zhes sgra thos pa las/ 'di ka ba yin snyam pa'i sgra'i spyi rnam par skye'o/ /de nas ka ba zhes pa'i sgra brjod par byed do/ /kha cig ni dang po ming gi sgra tsam thos pa ste/ sgra tsam la byung ba'i sgra'i rnam pa can gyi shes pa skyes nas/ de gang gi ming yin pa'i tshol ba'i blo skye ba na/ smra ba po gzhan gyis ka pa 'di yin zhes don bstan pa ni ming can dang 'brel pa'i shes pa skye'o/ /mngon par zhen pa ni dang po mngon sum du gyur nas/ de nas phyis don dang 'dra ba'i ming can gyis shes pa skyes pa na/ rnam pa de nyid la don de nyid du mngon par zhen pa skye'o/ /de nas ming gi tha snyad btags pa na/ sgra'i rnam pa yi ge'i rnam pa'i bdag nyid la don gyi rnam pa nyid du mngon par zhen pa skye'o/ /de nas sgra'i rang gi mtshan nyid brjod pa na/ rang gi mtshan nyid la rnam pa nyid du mngon par zhen pa skye ste/ de ltar zhen pa'i dbang gis ming dang ming can 'brel par byed do/ /zhen pa gsum ba ni 'di shin tu zhes pas ni/ smra ba po nyid don ston pa la sgra smra bar byed pa'ang yin la/ nyan pa po brda la byang ba dag sgra yis don khong du chud pa'ang yin no/ /zhen pa bzhi ba ni/ gang zag blun po bstan bcos la blo ma byang bar slob par zhugs pa dag yin te/ yi ge ston pa'i gzugs la yi ge nyid du 'dzin to/ /des dbang gis yi ge'i rnam pa rnam par rtogs pa dang bcas pa'i rnam par shes pa la mi gsal ba la gnas pa'i sgra spyi'i rnam pa'ang yi ge gzugs kyi rnam par yid la byed par 'gyur te/ de ni smra ba kun la 'byung ba

  98. 49b

    ma yin no/ /gzugs yi ge nyid du zhen pas ni/ glegs bam du bris pa la brjod pa'i yul byed pa yin no/ /brda blo byang pa dag smra ba bo sgra brjod pa dang/ nyan pa po dag la sgra las byung ba'i shes pa skye ba'i tshul ni 'di yin te/ de la smra ba po dag sgra brjod pa na/ sngon brda byed pa'i dus na yan lag lnga'i tshul shin tu 'dris pas/ da lta rjod pa byed pa'i dus na yan lag lnga'i tshul shin tu 'dris pas da lta brjod pa byed pa'i dus na/ tshul de bzhin du 'byung ba 'bad pa med par 'byung ste/ 'di ltar don gyi dngos po nyid nye yang rung ring yang rung ste/ rnam pa gnyis mngon du byas te/ sgra'i rnam par zhen pa las/ sgra rang gi mtshan nyid kyi rkyen gzhan dag la 'ang brten nas sgra brjod par byed do/ /nyan pa po dag kyang sngon brda'i dus na goms pas/ da ltar sgra thos pa na sgra'i mthus sgra nyid kyi rnam pa tsam bskyed pa las/ sngon sgra'i rnam pa la don gyi rnam par zhen pas de'i dbang gis 'di ni 'di yin no snyam du sngon brda'i dus dang gcig tu bsres nas don gyi rnam rtog go /rnam pa yang don dang 'dra ba dang/ don nyid du zhen pa yin pas don khong du chud par byed do/ /des na sngon gyi yul la dmigs pa dang da ltar gyi yul la dmigs pa gnyis rtog bcas kyi shes pa gcig tu bsre dgos pa'i phyir dang/ 'thun par snang ba'i yan lag dgos so/ /sngon gyi sgra'i rnam pa'ang de bzhin du bsre dgos pas thun mong du grags pa'i yan lag dgos so/ /'o na bsres pas ci zhig byed ce na/ ma bsres na sngon gyi don yang gzhan yin la/ da ltar gyi don yang gzhan yin pas/ sngon gyi don la brjod pa'i sgras da ltar gyi don la 'jug mi nus te/ brda shes pa tsam la don 'gags pas/ brjod pa don med par 'gyur ro/ /sgra yang de bzhin du da ltar gyi sgra sngon gyi ma yin pas don la 'jug mi nus pa ste/ de'i phyir gcig tu bsres pas sgra yi don go bar byed pa'i nus

  99. 50a

    pa yod pa yin no/ /da ni yan lag de dag gis ngo bo bstan par bya ste/ de la don la dmigs pa ni sngar dbang po shes pa dang don du phrad pa na don mthong ba dang/ phyis de'i rnam pa snang ba la zhen pa'i sgo nas don nyid la dmigs pa 'chal pa yin te/ sgra thos na dmigs pa don la dmigs pa zhes bya ba'i tha tshig go/ 'thun par snang ba'i ka pa'i kha dog dang dbyibs dang bya ba byed pa'i nus pa dag brda slob pa'i shes pa la ji ltar snang ba de ltar brda ston pa po dang/ gzhan dag la yang de ltar snang ba yin te/ 'dis dmigs pa 'thun par snang ba/ thun mong du grags pa ni brda ston pa'i sgra gzhan dag dang thun mong du grags pa ste/ sgra spyi'i rnam pa yang de nyid yin no/ /sgra las byung ba ni thun mong du grags pa'i sgra las byung ba ste/ thun mong du ma grags pa'i sgra las byung ba ni/ yan lag nyams par 'gyur ba'i rgyu yin no/ /mngon par zhen pa ni gong du bstan pa nyid do/ /gzhan la smra bar byed pa'i dus can gyi bdag nyid do zhes bya ba ni/ brda zhes bya ba gzhan la go bar byed pa'i rgyu mtshan yin pas so/ /tha snyad ni dngos po la tha snyad med pa la nan gyis btags pa ste/ de yang btags pa'i shes pa ni 'di ka pa yin no snyam pa la sogs pa'i shes pa'o/ /brjod pa na 'di ka ba'o zhes bya ba'i sgra'o/ /'jug pa ni ka ba yin pas khang khyim byed par bcom pa la sogs pa'i tha snyad ces bya ba ni 'jug pa'i rgyu mtshan yin no/ /gzhan ni go bar zad do/ /de las rgyu rkyen gyi tshogs la brten nas sgra rang gi mtshan 'byung ste zhes bya ba ni/ brgyud pa'i rgyu ni don dang smra ba nyid do/ /nye ba'i rgyu ni sgra dang don gyi spyi yin no/ /de ni dper na pi wang gi sgra 'byung bar bya ba la skyes bu lta bu'o/ /thun mong gi 'byung khungs ni brgyad de/ khong spubs dang mgul ba dang

  100. 50b

    rkan dang/ lce dang so dang mchu dang sna dang/ spyi bo ste/ pi wang gi sgra'i bya ba la sbubs dang yu ba dang lag rten dang/ pags pa dang rgyu dang rgyud rten de lta bu'o/ /khyad par gyi gnas ni bcu ste/ yi ge la ni mgul pa nas/ la la ni rkan nas/ la la ni so las/ la la ni mchu las/ /la la ni sna las/ la la spyi bo las/ la la ni khong nas/ la la ni mgul dang rkan gnyis ka las/ la la ni mgul dang mchu gnyis ka las/ la la ni spyi'i mchu las byung ste/ de dag ni pi wang gi pho rgyud dang mo rgyud las/ pho sgra dang mo sgra 'byung ba lta bu'o/ /rnam pa ni bzhi ste/ lce'i dbus dang/ lce'i dkyil smad dang/ lce'i rtse dang/ rna ba'i spubs dang ngo/ /de dag gi pi wang gi sgra'i bya ba la gzhu rgyud lta bu'o/ /gsal byed pa ni bco brgyad de/ a'i sgra las brten nas thung ngu dang/ bar ma dang ring du 'dren pa gsum la che ba dang chung ba dang bar ma gsum gsum du phye bas dgur 'gyur ro/ /de la sna dang ldan pa dang mi ldan par phye bas bco brgyad do/ /de dag gi pi wang gi sgra'i bya ba la sgra nyid gsang ba dang bcas pas dbyung dgos pa pa 'dra'o/ /de ltar rgyu rkyen de snyed cig tshogs pa sgra rang gi mtshan nyid mnyan du rung ba 'byung ba yin no/ /rnam par dbye ba ni bsgyur ba bdun po pa dang brgyad do/ /de yang sgra gcig sgra thams cad du bsgyur du rung bas/ sgra gcig gis dngos po kun brjod du rung ba yin te/ de yang sgyur ba'i gnas kyis yin no/ /de la gang zhes bya bar bsgyur du rung ba'i sgra bsgyur bar byed pa'i su'i rtags dang ldan na gang zhes bya ba dang po gcig gi tshig 'grub par 'gyur ro/ /de bzhin du aau yis gang dag ces pa dang po gnyis kyis tshig dang rdzas yis dang po mang po'i tshig 'grub par 'gyur te/ yi ge de gsum gyis rtags sgra gang la yod pa de ni don gyi dngos po gang

  101. 51a

    yang rung ba ston pa dang/ de'i grangs tsam ston pas dang po dngos po gang yang rung ba yin no/ /gnyis pa 'grub par byed pa ni/ aM aau shas/ 'di gsum gyi rtags dang ldan/ gang la gang dag la gang rnams la zhes pa gnyis pa gcig gi tshig dang/ gnyis pa gnyis kyi tshig dang/ gnyis pa mang po'i tshig 'grub par byed do/ /gzhan gyis byas pa las su ston pa dang/ las lta bur byed pa ston pa'i phyir gnyis pa las kyi sa yin no/ /gsum pa 'grub par byed pa ni/ TA b+hyAM b+his/ sgra gang la yi ge de gsum gyi rtags dang ldan na/ gang gis gang gis rnams kyis shes pa gsum pa gcig gi tshig dang/ gsum pa mang po'i tshig 'grub par 'gyur te/ 'di rnams dang ldan par ni byed pa po ston pa'i phyir gsum pa byed pa'i sa zhes bya ba'o/ /bzhi pa 'grub par byed pa ni/ de b+hyAM b+hyas/ sgra gang la 'di gsum gyi rtags dang ldan na/ gang gi phyir gang rnams kyi phyir zhes pa bzhi pa gcig gi tshig dang/ bzhi pa gnyis kyi tshig dang/ bzhi pa mang po'i tshig 'grub par byed de/ gang la dgos ched dam/ don dam gang la mched sbyin dang phyag 'tshal bas kha cig yul de nyid kyi ched du sbyor ba yang yod/ kha cig mchod sbyin gyi yul sbyor ba yang yod de/ don gyis na byed pa po'i ched yin par sbyar bar bya ste/ la'i don 'di rgyud par bya'o/ /de'i phyir bzhi pa sbyin pa dang/ phyag 'tshal ba zhes bya ba shing gi phyir chu 'dren pa yang/ shing nyid rgyas pa dang smin pa'i phyir sbyor yang/ don gyi chu 'dren pa'i byed po'i phyed yin par 'gyur ba dang/ mchod rten nyid phyag gi yul lam gnas su sbyar yang don gyis phyag 'tshal ba'i ched yin par 'gyur ba bas bzhi pa bya 'am ched kyi don du grang de/ /don gyi dbang?

  102. 51b

    'dis la phyir du bsgyur ba yin no/ /lnga pa 'grub par byed pa ni/ da si b+hyAM b+hyas 'di gsum gyi rtags na/ gang las gang dag las gang rnams las zhes pa lnga gcig gi tshig dang/ lnga gnyis tshig dang/ lnga pa mang po'i tshig 'grub par byed de/ lnga pa'i don ni gang zhig la gang gi yod pa las/ de gzhi de las byung ba dang/ bral ba dang 'gar ba dang khyad par du byed na/ gang las zhes bya ba'i sgra yod de/ de ci'i phyir lnga pa gang las zhes bya bas/ rgyu dang 'byung khungs kyis zhes bya'o/ /drug pa 'grub par byed pa ni/ ngas os AM zhes bya ba 'di gsum gyi rtags dang ldan na/ gang gi gang dag gi gang rnams kyi zhes drug pa gcig gi tshig dang/ drug pa gnyis kyi tshig dang/ drug pa mang po'i tshig 'grub par byed de/ 'di ni bdag po'i don du tshig snga ma byed cing/ bstan par byed pa'i don du tshig phyi ma byed par ston pas/ drug pa bdag po dang 'brel pa'i sa zhes pa dang/ lhag ma'i dbang du byas shes bya'o/ /bdun pa 'grub par byed pa ni/ daM os su pa ces pa 'di gsum gyi rtags dang ldan na/ gang la gang dag rnams la zhes pa bdun pa gcig gi tshig dang/ bdun pa gnyis kyi tshig dang/ bdun pa mang po'i tshig 'grub par byed de/ bdun pa gang la yang yod pa'i rten pa'i don ni bdun pa'i don to/ /de ni bsgyur ba bdun zhes bya ste/ de dag gang phan tshun bsgyur tu btub pas/ sgra gcig sgra thams cad la 'jug par nus pa yin no/ /de'i dbang gis sgra gcig dngos thams cad la'ang 'jug pa yang yin no/ /brgyad pa bod pa la ni bsgyur ba med de/ bsgyur ba bdun gang du bsgyur ba rnams la bod pas brgyad pa bod pa'i sa zhes bya ste/ de ltar bsgyur ba bdun bod pa dang brgyad pa rnam par dbye ba yin no/ /phyogs kyi gnas

  103. 52a

    ni go bar zad do/ /dngos po'i gnas ni chos can gyi sgro nas chos nyid kyi dngos po sgrub pa zhes bya ba ni chos can gzugs kyi dngos po'i sgo nas gzugs kyi mtshan nyid gzugs su rung ba nyid lta bu 'am mi rtag nyid dam bdag pa nyid lta bu khong du chud pa nyid lta bu 'am mtshon par nus pa'o/ /sgra'i sgo nas don gyi dngos po sgrub par byed pa zhes pa ni/ ka ba'i sgra'i sgo nas ka ba'i dngos po chud par byed pa ste/ rgya cher ni sngar bshad zin to/ /da ni gnas brgyad po de dag gis mdor bstan pa shes par bya ba'i phyir tshigs su bcad de bstan pa/ byed pas bye brag rnam par phyed bya ba yongs su rdzogs pa ston zhes bya ba ni byed pa'i gnas kyis ni rang rang gi dngos po byed pa po dang/ las la sogs pa re re la gsal bar ston cing bya ba'ang yongs su rdzogs par ston te/ dper na shing dum bu gnyis su byas pa la/ byed po lhas byin dang byed pa sta re dang/ las shing dang/ dgos ched ka ba la sogs pa bya ba gcig gis rgyu rkyen yongs su rdzogs par bstan to/ /bsdus pas yi ge'i nyung 'gyur zhing/ 'brel pa 'am ming yang 'dogs par byed ces bya ba ni/ gang yi ge nyung ngu ni ba lang dang ldan pa'i shing rta la shing rta zhes bsdus pa na yi ge nyung ba 'am/ yang ming 'brel pa yang 'dogs te/ don gzhan gtso bo yin pa de ni 'bru mang po pa yin te/ dper na pa khra mo can zhes pa lta bu'o/ /ming btags pa ni tshig gi don khong du chud par byed pa yin te/ de yang btags pa'i sbyor ba la mkhas nas ming btags pa dang/ btags pa'i gzhi gnas mthong ngam/ smra ba po la thos pa na khong du chud par 'gyur ro/ /bsgyur bas bsgyur bya'i mthu shes shing skad dbyings khong du chud par 'gyur zhes bya ba ni yi ge gang la

  104. 52b

    bsgyur bar bya ba'i nus pa ji snyed yod pa'o/ /skad dbyings gang la bsgyur bar bya ba'i nus pa shes pa ste/ skad kyi dbyings ni da dung ma bsgyur ba'o/ /de la nye bar bsgyur ba yis nye bar bsgyur na the tshom legs par sel ba yin no/ /drang bas bshad pa'i dmigs la mkhas gzhan sel ba yang shes par 'gyur zhes bya ba ni bye brag legs par 'byed pa ni mu bzhi la sogs pa drang ba yin la de mkhas na bshad pa mkhas pa'i dmigs pa la mkhas so/ /gzhan sel ba ni sgra thams cad ni gang bstan kyang gzhan ma gsal na gang gis gang zhig bstan pa de shes par mi nus te/ gzhan bsal ba'i tshul gyis rang gi ngo bo shes so/ /mu bzhi la sogs pa ni gzhan sel ba la phan pa yin no/ /'jug pas brda dang tha snyad shes/ dgos 'brel khong du chud par 'gyur zhes bya ba ni brda dang tha snyad shes pa ni gong du dpyad zin to/ /dgos 'brel ni don gyi rnam pa las sgra'i rnam pa 'byung la sgra'i rnam pas don gyis rnam pa rtogs par 'gyur bas/ spyi'i rnam pa'i sgo nas ni 'brel ba yin no/ /'brel pa'i sgo nas sgra rang gi mtshan nyid kyis don rang gi mtshan nyid khong du chud nas don gyi bya ba byed pa ni dgos pa'i yang dgos pa yin no/ /don gyi dbang gis smra ba po dag sgra'i gnas dgos pa rtsam pa dang/ dag tu smra ba dang/ nyan pa po nyan pa la 'jug go/ rtog pa dang mi ldan pa dang ni don yod par yid la bya ste/ zhen pa'i sgo nas smra bar byed do/ /dbye bas bsgyur byed rkyen la mkhas/ /sgra bo cog la mkhas par 'gyur zhes bya ba ni bsgyur bya sgyur byed ni bshad zin to/ /sgra bo cog la mkhas par 'gyur ba ni/ su ban+ta'i sgra ni sgra thams cad las bsgyur ba yin pas so/ /ti ngan ta'i ni skad kyi dbyings la bsgyur ba yin pas so/ /bye brag rnam par byed ces bshad pa yin no/ /phyogs kyis skyes bu rab 'bring

  105. 53a

    shes zhes pa ni/ skyes bu'i rnam pa rab 'bring shes pa yin no/ /dngos pos don gyi dngos po zhi rtogs zhes bya ba ni dngos gzhi gang zhig shes par bya ba de nyid don gyi dngos gzhi yin no/ /de ltar mdor bstan pa brjod nas sgra'i ming gi nus pa brjod par bya ste/ de la dper na ming gi tshig ni dper na/ send+ha pa zhes bya ba ni kha cig tu lan tshwa dang ldan pa'i tshod ma kha cig tu chu kha cig tu rta ste ming can tha dad par ston pa lta bu dang/ ming dang/ ming can ming 'brel ba dang/ dgos pa tha dad par ston pa/ zhes bya ba ni gzhi 'thun pa ni khyad par dang khyad par can gyi gzhi ni gnyis ka la the tshom za ba sel ba yin la/ las 'dzin pa ni khyad par gyi gzhi yin la the tshom za ba sel ba'i dgos pa yin no/ /zhes bya ba la sogs pa'i tshig 'thun pa dgos pa tha dad par ston pa'o/ /kha cig sbyor ba tha dad kyang dgos pa tha dad ma yin dang/ zhes bya ba ni khyad par bsdu ba dang/ bye brag bsdu ba lta bu tshig gi sbyor ba tha dad kyang/ dgos pa'i khyad par la the tshom za ba sel ba'i 'dra ba lta bu'o/ /phyogs gcig 'thun par ston par rnams zhes bya ba ni/ de'i skyes bu dang/ byed pa drug bsdu ba 'am 'bru mang po 'am/ gzhan gyi mdor bsdus pa lta bu yin te/ byed par drug ni de'i skyes bur 'dus so/ /de'i skyes bu'i ni byed pa drug tu mi 'du ste rgya che ba'i phyir ro/ /'bru mang po pa yin la/ tshig don gzhan ma yin pa ni/ byed pa'i tshig can gyi 'bru mang po pa yin no/ /tshig don gzhan gyis bsdu ba yin la 'bru mang po pa ma yin pa'i/ gcig gcig gis don gzhan ston pa yin no/ /de dag kun kyang sgra'i ming la mkhas na shes par 'gyur ba yin no/ /gzhan yang tshig la ming gis sbyor ba dang/ dug la

  106. 53b

    tshig gis sbyor ba dag bye brag ji snyed yod pa rnams zhes bya ba ni/ tshig gcig la ming gi bye brag tu yod pa dang/ ngag gcig la tshig bzhi 'am drug yod du rung ba ste zhes bya ba'i don to/ /gang gi tshig don gtso zhes sbyor ba'i dgos pa tha dad pas zhes bya ba ni/ sbyor ba kha cig ni tshig snga ma'i don bstan par bya ba'i don gtso bo yin no/ kha cig ni tshig phyi ma bstan par bya ba'i don gyi gtso bo yin no/ /kha cig ni tshig gnyi ga'i don bstan par bya ba'i gtso bo yin no/ /kha cig ni don gzhan bstan par bya ba'i gtso bo yin te/ de ltar dgos pa tha dad pa thams cad kyang sgra'i ming gi shes pa yin no/ /da ni sgra'i sgo nas dam pa'i chos kyang rtogs par 'gyur ba'i thabs dpe bstan par bya ste/ de la re zhig 'jig rten na yod pa'i yon tan gyis phongs shing dbul ba 'joms par byed pa ni/ nor bu rin po che yin te/ de ni rgya mtsho dag la gnas pa las/ sa phal pa dag la mi gnas pas shin tu rnyed par dka' o/ /rgya mtsho chen po yang lam rim zhing dgra mang ba'i phyir bgrod par dka' ste/ skyes pa gang zhig rin po che thob par 'dod na/ gru chen po legs par zag lhan byas te/ dar chen po phyar nas phyogs dang 'thun pa'i rlung gis bskyod de/ tshong dpon chu'i lo rgyud la mkhas pas khrid na/ rin po che thob par 'gyur gyis/ gzhan du ma yin pa bzhin du dam pa'i chos bdud rtsi rin po che 'khor ba'i sdug bsngal thams cad 'joms par byed pa ni/ rgyu 'thung ba gsung rab rgya mtsho lta bu la gnas kyi/ 'jig rten gyi tha snyad rtag pa la mi gnas pa'i phyir shin tu rnyed par dka' o/ /gsung rab de dag kyang dgongs pa zab cing rgya che ba'i phyir rtog par dka' ste/ skyes bu gang zhig dam pa'i chos kyi bdud rtsi rin po che thob par 'dod na/ yi ge'i tshogs dang/ ming gi tshogs dang/ tshig gi tshogs

  107. 54a

    kyi gru gong du bstan pa'i yan lag lnga'i tshul gyi skyon med par zag lan byas te/ tshig gi sgo ji lta bu dag gis don rang gi dngos po ji lta bu dag gis ston par byed pa'i sgra'i bye brag 'thad pa dang bcas pa'i dang phyir la/ so sor rtog pa'i shes rab kyi rlung gis bskyed de/ lung nges pa'i man ngag dang ldan pa'i slob dpon gyis khrid na dam pa'i chos kyi bdud rtsi rin po che thob par 'gyur gyi/ thabs gzhan gyi ma yin no/ /gnas brgyad kyi 'grel ba rdzogs so// // sgra'i rnam par dbye ba bstan pa bzhugs so/ /'jam pa'i dbyangs la phyag 'tshal lo/ /sgra rigs pa la bye brag mang du yod kyang rnam par dbye ba sbyar ba 'di la gtso bo 'am rtsa ba lta bu yin te/ rnam par dbye ba ni brgyad kho na yin la/ de nyid la gnas brgyad du dbye ba zhes bya ba'o/ /de la gnas brgyad ni byed pa'i tshig drug dang po dang brgyad pa gnyis ni byed pa ni min la/ rang gi ngo bo tsam kho na ston zhing 'bod pa'o/ /de yang slob dpon sh+rI d+ha ras gnas brgyad po dpes mtshon nas bshad de/ ji skad du shing bzangs ri la gnas par gyur pa ste/ /shing la 'bad de khyod kyis lta bar gyi/ /lhu ba'i shing gis glang rgod bsad par byas/ /bslangs te shing la chu ni sbyin par gyis/ /me tog ldan pas shing la yal ga'o/ /shing gi yal ga shin tu ring bar 'dug/ shing la khu byug dag gi tshad bcas pa/ /shing kye ci'i phyir khyod 'dar bar byed/ /ces bshad pa lta bu'i don yin te/ gnas brgyad ni/ dang po gang yang rung ba'i sa/ gnyis pa las kyis/ gsum pa byed pa'i sa kha ni po ched kyis/ lnga pa 'byung khungs kyis/ drug pa 'brel pa'i sa/ bdun pa gnas gzhi'i sa/ brgyad pa bod pa'i sgra ste brgyad do/ /de ltar na 'khor 'das kyi dngos po'i don brjod par bya ba rnams brjod par byed pa'i tha snyad thams cad ni

  108. 54b

    brgyad po 'di las ma 'das shing/ 'dir ma 'dus pa'ang gcig kyang med pa kho na'o/ /brgyad po de re re la'ang dngos po gcig kho na brjod par byed pa dang/ gnyis tsam zhig rjod par byed pa dang/ gsum pa na chad grangs du ma thug pa med pa'i bar du rjod par byed pa rnams la gcig gi tshig dang/ gnyis kyi tshig dang/ mang po'i tshig ces bya ste/ de yang phyogs gcig la mtshon pa lta bur sbyar nas/ shing shing dag shing rnams zhes pa lta bu ste/ brgyad po thams cad pa yang de ltar shes par bya'o/ /de la dang po gang zhes pa ni dngos po gang rung ba'i sa ste/ khyab pa spyi'i don yin la las ni gang la yang mi sbyor ba kho na te/ mdor na rang gi ngo bo tsam ston pa'i de'i khyad par dang bcas te ston pa dang/ khyad par gyi bye brag du ma ston pa'ang ste/ dngos po'i don gang yang rung ba zhig ni go la tshig brjod pa'i 'phror ni ma lus pa ste/ de yang phyogs gcig la mtshon na/ ka ba nyid brjod par 'dod pa'i bsam pas ka ba zhes brjod pas bdag nyid dang/ gzhan rnams kyis ka ba'i shes pa nges par 'dren par 'dren nas de nyid dang po'i sgra yin la/ byed pa'i tshig gzhan ni gang yang ma sbyar ba'o/ /de yang ka ba zhes brjod par ka ba'i ngo bo tsam go ba dang/ ka ba ring po zhes brjod na ngo bo de nyid khyad par dag bcas nas go ba dang/ ka ba sbom zhing ring ba mang po 'dug ces brjod na ngo bo'i khyad par de nyid khyad par du ma dang bcas nas go nus pa ste/ de lta bu'i brjod pa'i bye brag gis don gyi khyad par du ma la 'jug tu zin kyang mang po'i sgra las ni ma 'das pa kho na'o/ /'di thams la yang gcig gi tshig dang/ gnyis kyi tshig dang/ mang po'i tshig ste tshig gsum gyi khyad par thams cad rjod par byed pa yin te/ shing shing dag shing rnams zhes pa lta bu'i sgra gtsor byas na shing zhes bas ni shing gcig ?

  109. 55a

    na ston gyi gnyis la sogs pa gzhan ni ma yin no/ /shing dag ces pas shing gnyis kho na tsam zhig ston pa yin te/ de yang rgya gar gyi sgra gtsor byas na dag ces pa'i sgra ni gzung du gyur pa kho na la bya ste/ de yang yo ga zhes pa'i sgra/ yo ni zung nyid yin la/ ga ni rtogs pa 'am 'jug pa nyid yin te/ yo ga ni zung 'jug gi don yin pas zung 'jug de nyid la bod kyis don 'gyur du byas te rnal 'byor du bsgyur ro/ /des de lta bur gnyis sam zung ston pa thams cad la dag gi sgra yin te/ de rgya gar la yo ru byung ba'i mig dang rna ba dang sna la sogs pa gnyis gnyis bston pa thams cad la yod ste dag gi tshig yod do/ /bod la ni sgra gtsor ma byas pas dag gi tshig kha cig ni gnyis kho nar 'dug la/ dag gi bye brag shes gcig ni rnams sam/ kun dang 'thun pa 'am/ tshig sbyar ba'i rkyen nam/ rgyan la sogs pa lta bu la yang sbyar bar snang ste dag gnyis kho nar 'jug pa'i nges pa mi snang ngo/ /shing rnams zhes pa lta bu rnams mang po'i tshig yin te/ rnams kyi sgra byung na gsum phan chad nas grangs thug pa med pa'i bar la yang rnams kho nas sdud de mang po'i tshig go/ gnas brgyad po thams cad la yang gcig gi tshig dang mang po'i tshig ni thams cad du 'byung ste/ khyab che zhing gal che ba kho na nyid la gnyis kyi tshig ni gnas skabs 'ga' zhig tu dgos su zad kyi/ de yang shes par bya ba nyid yin la nyung ba 'am khyab chung ba kho na'o/ /de ltar gcig dang/ gnyis dang/ mang po'i tshig de rnams rgya gar gyi ngang sbyar na/ prik+Sha zhes pa ni shing yin la/ de yang brik+Sha zhes pa ni gcig gi tshig yin te shing gcig kho na mtshon pa'o/ /prik+Shau zhes pa ni gnyis kyi tshig yin te/ shing dag ces ba shing gnyis kho na la 'jug go /brik+Sha(mdo 'grel): zhes pa ni shing rnams

  110. 55b

    zhes pa yin te/ mang po'i tshig yin pas shing gsum phan chad du ma la 'jug go /de ni shing la sbyar ba tsam du zad kyi dngos po thams cad la de rnams shes par bya'o/ /de rnams ni dang po gang yang dud pa'i sgra ste/ dngos po rgya che chung gang ston yang rung la/ 'das ma 'ongs da ltar ba dus gsum gyis bsdus pa gang ston yang rung/ shes bya phra rags dang rtsib zhib kyis bsdus pa gang ston yang rung/ mdor bstan rgyas bshad mjug bsdus pa gang ston yang rung ste/ mdor na byed tshig ma sbyar ba'i dngos po gtan la 'bebs tshad thams cad dang po gang yang rung ba'i sa ste khyab pa'i spyi'i don to/ /des na dang po'i sgra de rnams kyi mtshon byed shing bzang sa ril gnas par gyur pa ste/ zhes pa'i don yin la/ de yang shing lta bu'i ngo bo rgyas bsdus gang yang rung bar ston la/ byed pa'i tshig ni gang du yang mi ston par mtshon par tsam du zad do/ /'di rnams kyi don gyis bye brag rgyas par bstan pa ni sgra'i bstan bcos thams cad yin par shes par bya'o/ /gnas brgyad la dang po'i sgra bshad zin to// // da ni gnyis pa'i sgra don te/ de yang gnyis pa gang la zhes pa ni las kyis bstan pa nyid yin la/ de yang gnyis pa'i sgra 'di gang la zhes pa'i la yis ston te/ bod kyi sgra la ni bzhi pa yang la yis ston pa yod la/ bdun pa yang la yis ston te/ gnyis pa dang/ bzhi pa dang/ bdun pa'i bye brag rnams kyi don ma nor bar shes pa ni gal te che ba kho na'o/ /de yang gnyis pa'i sgra ni las kyis kho na yin te/ las de yang rnam pa gnyis su 'gyur te khyed pa po la yod pa'i las dang bya ba'i gzhi la yod pa'i las gnyis so/ /las de gnyis kyang phyogs gcig la mtshon na sta res shing gcod pa lta bu la/ sta re steng du 'gro ba dang/ 'og tu 'jug pa lta bu'i bya ba byed pa rnams ni byed pa po la yod pa'i las yin la

  111. 56a

    de'i dus sum shing dum bu gnyis lta bur gyur pa ni bya ba'i gzhi la yod pa'i las so/ /de lta bu la sogs pa dngos po thams cad kyis las gnyis su shes par bya ste/ de la byed pa po la yang yod pa'i las ni gsum pa kho na yin gyi/ gnyis par mi lta'o/ /gnas gnyis pa 'dir ni bya ba'i gzhi la yod pa'i las kho na ston pa yin pas/ de'i bye brag ma 'dzol ba yang gal te ba nyid do/ /de yang shing la gtsad ces pa 'am/ shing la rgo 'jog 'brud 'dar ba la sogs pa shing gzhir byas nas shing gi steng du las byed pa rnams lta bu ste shing la chu chus zhes bya ba 'am chu thong zhes pa lta bu shing gi dgos pa rgyu mtshan du byas nas byed pa ni bzhi pa nyid yin gyi gnyis yin pa ma yin no/ /gnyis pa'i la'i sgra 'di nyid ni ma yis kyang ston nus te/ shing gi rtse mo na gcod cing 'dug ces pa 'am/ rked na 'jog ces pa 'am/ rtsa ba nas rgo zhes pa la sogs pa'ang de las mi 'da' o/ /de bzhin du zhing gi zhabs na rmod cing 'dug ces pa la sogs pa 'ang shes par bya'o/ /gzhan yang gnyis pa la'i sgra 'di nyis su 'gyur te/ la dngos gzhi sgra dang la dang chu dang 'thun pa'i sgra'o/ de la dngos kyi sgra ni sngar bstan par zad do/ /la dang cha 'thun pa'i sgra ni du dang ru dang su rnams kyis kyang ston te/ dper na khang bzang gi bye brag 'ga' zhig thog dgu phar du phug/ dbyibs gru bzhi ru brtsigs shing mig mangs ris su btang zhes pa lta bu'o/ /de rnams kyang las kho na ston par lta'o/ /gzhan yang ming gang yang rung ba'i mdza' na/ ga dang nga la sogs pa'i rjes 'jug bcus brten pa yod la/ de rnams kyang gnyis pa las su sbyor na/ du dang ru dang su gsum kha na las su 'gyur te/ de la du las su 'gyur ba ni ming gang rung ba'i tha ma na rjes

  112. 56b

    'jug bcu'i ga dang/ nga dang nga dang na dang ba dang ma dang la dang ra dang brgyad po de rnams kyis brten la/ de rnams gnyis pa las su sbyor na/ du kho na las su 'gyur te/ de yang phyogs 'ga' zhig la mtshon nas bstan na rgya nag tu 'gro zhes pa 'am/ rgya nag tu rgyu gcig ces pa 'am/ rgya nag tu phyin ces pa la sogs pa rnams ni ga'i rjes 'jug sdud par blta'o/ /yang byang du 'gro ba zhes pa la sogs pa rnams ni nga'i rjes 'jug sdud par lta'o/ /yang bod du 'gro ba la sogs pa'i las rnams kyang du kho na'o/ /yang u rgyan du 'gro ba la sogs pa'i las rnams kyang du kho na'o/ /yang mdza' khob tu 'gro ba la sogs pa rnams kyang du kho na'o/ /yang sum cu rtsa gsum du 'gro ba la sogs pa'i las rnams kyang kho na'o/ /yang rgyal bu rgyal byed kyi tshal du 'gro zhes pa la sogs pa'i rnams kyang du kho na'o/ /yang rgya gar du 'gro zhes pa la sogs pa ni du ra'i rjes su 'jug pa sdud par lta'o/ /de ltar na du'i 'jug pa ni brgyad po de rnams kho na'o/ /gzhan yang ming gang yang rung ba'i tha ma na 'as brten la/ de gnyis pa las su sbyor na ru kho nar sbyor te/ ming gi tha ma 'a yis brten zhes pa'ang/ ming gang yang rung ba'i tha ma na na ro gu gu la sogs pa'i yan lag gang 'dug kyang rung ste/ yi ge gzhan gang gis kyang ma brten pa de ni'i kho nas brten pa yin te/ dper na ma ga d+ha ru 'gro zhes pa la sogs pa'i las rnams rung ste ba'i rjes 'jug sdud par blta'o/ /gzhan yang ming gang yang rung ba'i tha ma na sa yis brten la de gnyis pa las su sbyor na su kho na 'gyur te/ dbus su 'gro zhes pa la sogs pa'i rjes su 'jug par sdud par blta'o/ /de ltar na gnyis pa las kyi sgra 'di ni bya ba'i gzhi la yod pa'i dngos po thams cad kyi las su bya ba 'ba' zhig ston par byed de/ byed pa po la yod pa

  113. 57a

    ni gang gi cha nas kyang ma yin no/ /de bsgres te gnyis po'i don thams cad rgya cher khong du chud par bya'o/ /de ltar na gnyis pa'i sgra 'di ni rgya char? gyi dang sbyar na/ brik+Shi zhes pa shing la zhes pa lta bu ste/ shing gcig gi steng du las byed pa kho nar blta'o/ /prak+Shau zhes pa shing dag la zhes pa ste shing gnyis kyi steng du las byed pa kho nar blta'o/ /brik+Shan zhes pa shing rnams la zhes pa ste shing gsum nas du ma'i steng gi bar du las byed pa kho nar blta ste mang po'i tshig go /de ltar na gcig gi tshig dang/ gnyis kyi tshig dang/ mang po'i tshig rnams ni thams cad du shes par bya'o/ /de ltar byas pas bya ba'i gzhi'i steng du las byed pa rnams ni gnyis pa'i sgra kho nar blta ste/ shing la 'bad de khyod kyis blta bar gyis/ zhes pa lta bu'o/ /de ltar byas pas gnyis pa gang la zhes pa ni las kyis bstan pa nyid de gnas gnyis pa'i don bshad zin to/ /da ni gnas gsum pa ste/ de yang gsum pa gang gis shes pa ni byed pa po'i sa bstan pa nyid yin la/ 'di ni byed pa po la yod pa'i bya ba kho na ston gyi bya ba'i gzhi la yod pa ni cung zad kyang ston pa ma yin no/ /byed pa po de yang ldog pa mi 'dra ba du mar 'gyur to/ 'phral gyi bya ba byed pa'i byed pa po dang mi mthun pa'i phyogs spong bar byed pa'i byed pa po dang/ rgyud la yon tan skyed cing thob par byed pa'i byed pa po dang phan tshun du stobs 'gran zhing 'thab mo'i byed pa'i byed pa po dang/ rgyu rnams kyi 'bras bu skyed par byed pa'i byed pa po la sogs pa chos can dang ldog pa so so'i bye brag gi byed pa po mang du yod la/ de yang 'phral gyis bya ba byed pa'i byed pa po ni mnga' yis brgyab ces pa 'am/ gri yis bcad ces pa 'am/ sta res gcod ces pa la sogs pa 'phral gyi bya ba byed pa po'i bye brag du mar lta'o/ /mi mthun pa'i

  114. 57b

    phyogs spang bar byed pa'i byed pa po ni dpung gis bcom zhes pa lta bu 'am/ ye shes kyi nyon mongs pa spang pa zhes pa lta bu dang/ gnyen pos mi mthun pa'i phyogs gtan spangs zhes pa la sogs pa du mar blta'o/ /rgyud la yon tan bskyed cing thob par byed pa'i byed pa po ni lhas byin gyis thos pa byas te bsams shing bsgoms so/ /zhes pa lta bu dang/ gang zag che ge mos lam rgyud la brten no zhes pa lta bu dang che ge mos slob sbyong mthar phyin par byas so/ /zhes pa la sogs par sor re'i rgyud la sngar yon tan ma thob pa las phyis rgyud la yon tan bskyed cing thob par byas pa'i bye brag rnams te ldog pa mang du shes par bya'o/ /phan tshun du stobs 'gran zhing 'thab mo byed pa'i byed pa po ni lhas byin gyis mchod sbyin la dmag drangs te bskor to/ /zhes pa lta bu dang/ lhas byin de nyid kyi sar mda' yang bzlog ste brgal bar chas so zhes pa lta bu dang/ rta yi ma he dang 'thabs te zhes pa la sogs pa dgra dod du bskos pa'i stobs 'gyed pa'i byed pa po la sogs pa'i ldog pa'i bye brag rnams so/ /rgyu rnams kyi 'bras bu skyed par byed pa'i byed pa po ni spyir rgyus 'bras bu bskyed do cog thams cad yin la de yang rkyen bzhi dang 'bras bu bzhi la so sor khyab ste/ de yang rkyen bzhi ni rgyu rnams kyi 'bras bu bskyed pa'i dus su rgyu nyid la yod pa'i chos dang ba rgyu des 'bras bu bskyed pa la grogs byed pa'i chos rnams ni rkyen zhes bya ste/ rkyen bzhi ni rgyu'i rkyen dang/ bdag po'i rkyen dang/ dmigs pa'i rkyen dang mtshungs pa de ma thag pa'i rkyen te/ de la rgyu'i rkyen ni mig gi dbang po dang yul gzugs la brten nas mig gi rnam shes lta bu bskyed pa'i dus su mig gi dbang po la yod pa'i 'byung ba dang 'byung ba las gyur pa rnams te/ de rgyu byas nas mig gi dbang po tshang zhing rdzogs par skyed pas

  115. 58a

    na rgyu'i rkyen to/ /bdag po'i rkyen ni mig gi dbang po kho na ste de'i bdag rkyen gyis gzugs mthong ba'i phyir ro/ /dmigs pa'i rkyen ni yul kha dog dang dbyibs su snang ba'i gzugs nyid de/ de la dmigs pas so/ /mtshungs pa de ma thag pa'i rkyen ni mig gi rnam shes skyed pa'i skad cig ma snga ma ste/ de'i skad cig gnyis pa la gzhan gyis bar ma chad par bskyed pas so/ /de ltar na rkyen bzhi po des ma bskyed pa'i 'bras bu'i dngos po ni gang yang med la rkyen bzhi po de rnams kyang gsum pa kho na'i sgra yin te/ rgyu'i rkyen gyis rgyu tshar zhing rdzogs par byas pas gsum pa byed pa po nyid do/ /bdag po'i rkyen gyis 'bras bu bskyed pa'i rgyu'i nus pa stobs can du byed pas byed pa po nyid do/ /dmigs pa'i rkyen gyi 'bras bu de snang du rung du byed pas byed pa po nyid do/ /mtshungs pa de ma thag pa'i rkyen gyis bar chad med par 'bras bu bskyed pa'i bya ba byed pa la ldog pa bsam gyis mi khyab par shes par bya'o/ /gzhan yang 'bras bu bzhi skyed pa yang rgyu rnams kyi 'bras bu bskyed pa'i bya ba bya ba'i gsum pa kho na yin te/ de la 'bras bu bzhi ni skyes bu byed pa'i 'bras bu dang/ rnam par smin pa'i 'bras bu dang/ rgyu 'thun pa'i 'bras bu dang/ dbang gi 'bras bu'o/ /de la skyes bu byed pa'i 'bras bu ni skyes bus rtsol ba byas pa'i phral snang gi rtsol ba'i 'bras bu rjes su 'gro ldog gi tshul du 'phral nyid la 'byung rung du grub pa ni gsum pa kho na'i sgra yin te skyes bus rtsol ba byas pas 'bras bu de 'grub pa'i phyir ro/ /rnam par smin pa'i 'bras bu ni mi 'bra bar smin pas na rnam par smin pa ste/ rgyu chung du la brten nas 'bras bu chen po 'byung ba 'am/ rgyu sdug bsngal dang dka' thub lta bu gdung ba'i las kyis kyang 'bras bu bde zhing skyid pa rgya chen po 'byung bas na rnam par smin pa 'bras

  116. 58b

    bu ste/ de yang rgyu de'i stobs kyi 'bras bu de lta bur smin pas na gsum pa kho na'i sgra'o/ /rgyu 'thun pa'i 'bras bu ni gnyis te/ byed pa rgyu 'thun dang/ myong ba rgyu 'thun no/ /de la byed pa rgyu 'thun ni rgyu'i las de goms pa'i stobs kyis gang du skyes pa'i gnas skabs thams cad du las de byed bzhin par skye ste/ de yang gsum pa nyid do/ /myong ba rgyu 'thun ni/ gnas skabs kyi 'bras bu'i tshul du nyams su myong ba dang bcas pa na skye ba ste/ de yang las gsum pa nyid do/ /dbang gi 'bras bu ni las dge mi dge gang byas kyang las de'i dbang gis phyi rol gyi snong la bde sdug la dbang byed pa'i snod kyi tshul du smin pa ste/ de yang las des byas pas gsum pa nyid do/ /de ltar na 'bras bu bzhi car yang rgyu rnams kyis 'bras bu skyed pa'i 'bras bu'i ldog ba mi 'dra bas phye ba yin pas gsum pa byed pa po'i sgra kho nar blta'o/ /lam gyi 'bras bu skyed par byas nas/ 'bras bu lngar yang 'gyur te/ bral ba'i 'bras bu 'am/ dri ma med pa'i 'bras bu ste de yang lam 'ga' zhig ci rigs par rgyud la skyes pas/ lam de'i mi mthun pa'i phyogs thad kar bral bas bral ba'i 'bras bu ste/ de yang gsum pa'o/ /dri ma med pa'i 'bras bu yang lam de'i 'bras bu mthar phyin te/ dri ma rnams rtsa ba nas spangs pa thob pas de yang gsum pa nyid do// des na 'bras bu bzhi'i lnga pa 'di yang shin tu mang ste/ bsam gyis mi khyab par shes par bya'o/ /de ltar na gsum pa'i skabs 'dir yang spros na bsam gyis mi khyab par yod de ci rigs par dpyad la shes par bya'o/ /gsum pa 'di nyid kyang gcig gi tshig dang/ gnyis kyi tshig dang/ mang po'i tshig rnams su shes par bya'o/ /shing gis shing dag gis shing rnams kyis zhes pa la sogs pa'i tshul du dngos po thams cad la rgyas par sbyar ro/ /gzhan yang gsum pa 'di

  117. 59a

    nyid rgya gar gyi sgra dang sbyar na/ brik+She Na zhes pa la sogs pa yin la/ brik+Sha la e Na'i rkyen byin pas brik+She Na zhes pa gcig gi tshig ste shing gcig gis bya ba byed pa la sogs pa'o/ /brik+Sha b+hyaM zhes pa gnyis kyi tshig ste brik+Sha la yi ge 'og ma bsrings shing/ b+hyaM gyis mtshan pa ni shing dag gis zhes pa la sogs pa ste gnyis kyis tshig go /brik+Shai(mdo 'grel): zhes pa mang po'i tshig ste ming gi yi ge tha ma la yi ge i/ yis bcings pa rnams ni shing rnams kyis zhes pa la sogs pa ste dngos pos byed par blta'o/ /de ltar na gsum pa'i sgra 'di ni bya ba'i gzhi min te byed pa kho na la yod pa'i sgra bya ba 'am 'bras bur gyur pa nyid yin te/ de yang ltung ba'i shing gis glang rgod bsad par byas zhes pa lta bu'i don to/ /byed pa'i tshig gam gnas gsum pa bshad zin to// //de ni gnas bzhi pa ston te/ de yang gzhi pa gang gis phyir zhes pa ni sbyin pa dang/ phyag 'tshal ba dang/ ched kyis bstan pa nyid yin la/ bzhi pa gang gi phyir zhes pa ni sbyin pa dang/ phyag 'tshal ba dang/ ched kyis bstan pa nyid yin la/ bzhi pa gang gi phyir zhes pa 'di'i gang gi phyir zhes pa'i phyir gyi don de bod kyi sgra la ni bzhi pa 'di yang gang la zhes phyir la ru bsgyur te/ des na gnyis pa dang/ bdun pa dang/ mi 'dzol bar bya ba ni gal che ba kho na ste/ de la bzhi pa 'di ni sbyin pa dang/ phyag 'tshal ba dang/ ched dam rgyu mtshan la yang 'jug ste/ de la sbyin pa ni yar la mchod pa dang/ mar la sbyin pa dang/ thad kar sbyin pa la sogs pa thams cad yin te/ de yan chad bram ze la zan byin zhes pa lta bu dang/ dge 'dun la ston mo grongs zhes pa lta bu dang/ rta la rtswa byin zhes pa la sogs pa du ma ste/ sbyin pa'i yang grangs med do/ /mchod pa la bla ma la mchod pa dang/ dkon mchog la mchod pa la sogs sri

  118. 59b

    zhu'i gnas la mchod pa'i bye brag du ma yod de/ 'di yang bzhi pa'i la yin gyi/ gnyis pa dang/ bdun par ni mi blta'o/ /gzhan yang zhing la chu grongs zhes pa ni zhing gi phyir mched du chu 'dren pa dang/ shing gi phyir ram ched du chu 'dren pa la sogs pa du ma yod de ched dam rgyu mtshan gyi bzhi pa'o/ /phyag 'tshal ba ni/ sangs rgyas la phyag 'tshal lo zhes pa la sogs pa phyag 'tshal ba'i yul du ma la phyag 'tshal ba'i bye brag ste de yang la yis bsdus pa yin la/ bzhi pa'i la 'di ni ched dam rgyu mtshan gyis sbyin pa dang/ phyag 'tshal ba la sogs pa'i bye brag gis yin gyi/ gnyis pa ni bya'i gzhi de'i steng du las byed pa kho na nas brtsis pas de gnyis mi 'dzol bar shes par bya'o/ /de ltar na bzhi pa 'di yang sbyin pa dang/ phyag 'tshal ba dang/ ched dam rgyu mtshan gyis bsam gyis mi khyab par blta ste/ spros na ci rigs par shes par bya'o/ /bzhi pa 'di la rgya gar gyi sgra sbyar na/ gcig dang/ gnyis dang mang po'i tshig rnams te/ dang po ni many+dzu badzra ya zhes pa lta bu ming gi yi ge tha ma bsrings la ya yis mtshan pas 'jam pa'i rdo rje la/ zhes bya ba la phyag 'tshal ba'i yul du bzhag par grub ste/ de yang bye brag pa gcig tsam la phyag 'tshal ba'o/ /gnyis kyis tshig ni many+dzu badzra b+hyAM zhes pa yi ge thams cad pa bsrings nas b+hyAM gyi mtshan pa ni 'jam pa'i rdo rje dag la zhes pa phyag 'tshal ba'i yul gnyis kyis bsdus pa lta bur grub pa yin no/ /mang po'i tshig ni many+dzu badzra b+hya(mdo 'grel): zhes pa lta bu'i ming gis tha ma la e b+hya(mdo 'grel): mtshan pa ni 'jam pa'i rdo rje rnams la zhes pa phyag 'tshal ba'i yul gsum phan chad mang por grub pa yin no/ /phyag 'tshal ba la ji ltar sbyar ba'i sgra gsum po de rnams sbyin pa gang sbyin par byed pa yang gsum po de rnams bzhin du sbyin pa la yang sbyar te shes par bya'o/ /de bzhin du

  119. 60a

    mchod pa la yang ngo/ /de ltar na bzhi pa 'di ni ched dam rgyu mtshan gcor byas pa'i sbyin pa dang/ phyag 'tshal ba kho na la blta bar bya ste/ de yang bslangs te/ shing la chu ni sbyin par gyis zhes pa lta bu'i don yin no/ /gnas bzhi pa'i don bshad zin to/ /da ni gnas lnga pa ston te/ de yang lnga pa gang las shes pa ni rgyu dang 'byung ba'i sa dang dgar ba'i sa ston par byed do/ /de rnams las rgyu lnga pa ni sa bon las myu gu zhes pa'i dang/ pha las bu 'byung zhes pa la sogs pa yin la/ de yang gnas gsum pa'i rgyu yis 'bras bu skyed pa thams cad kyang byed pa po'i gsum pa yin pa dang/ don gyi ngo bo gcig la gnas skabs kyi bye brag gis gsum pa ni rgyu yi 'bras bu byas pa'i byed pa po'i ldog pa nas bshad la/ 'dir ni rgyu las 'bras bu 'byung ba'i 'byung gnas 'than pa yin te/ rgyu'i lnga pa'i don to/ /'byung khungs kyi lnga pa ni ldog pa'i bye brag mang ste/ nyes dmigs kyi 'byung khungs dang yon tan gyi 'byung khungs dang brgo zhing blangs pa'i 'byung khungs dang/ 'phel ba'i zhing mched pa'i 'byung khungs dang rnam par 'gyur ba'i 'byung khungs la sogs ldog pa shin tu mang ste/ de la nyes dmigs 'byung khungs ni 'khor ba'i sems can las skyon nam nye pa thams cad 'byung ngo/ /zhes pa la sogs pa dang/ yon tan gyi 'byung khungs ni 'phags pa las yon tan thams cad 'byung zhes pa lta bu la sogs pa dang/ brko zhing blang ba'i 'byung khungs ni ri 'ga' zhig las gser 'byung zhes pa dang/ drag 'ga' zhig las dngul 'byung zhes pa lta bu la sogs pa'o/ /'phel zhing mchod pa'i 'byung khungs ni/ mar me gcig las stong la sogs pa spar te zhes pa lta bu la sogs pa'o/ /rnam pa gzhan du 'gyur ba'i 'byung khungs

  120. 60b

    ni snang ba las mi snang bar gyur to/ /zhes pa lta bu la sogs pa dang/ snga ma'i gzugs de nyid las gzhan du sprul te/ zhes pa la sogs pa lta bu'o/ /lnga pa'i 'byung khungs 'di nyid de nyid las gzhan du brjod du med pa la yang mthong ste/ gzugs las kyang stong pa nyid gzhan ma yin stong pa nyid las kyang gzugs gzhan ma yin no zhes pa la sogs pa lta bu du ma snang ngo/ /de lta bu la sogs pa'i 'byung khungs ni spros na bsam gyis mi khyab par shes par bya'o/ /dgar pa'i don ni gnyis te/ rigs mi mthun pa las dgar ba dang/ rigs 'thun pa las kyang dgar ba'o/ /de la dang po ni mi las lha'i 'gro ba zhes pa 'am/ dmyal ba las yi dags zhes pa 'am/ dud 'gro las ni mi zhes pa lta bu'o/ /rigs 'thun pa las dgar ba ni mi gnyis las kyang skyes pa la bud med ces pa 'am/ khyim pa las rab tu byung ba zhes pa 'am/ bram ze las rgyal rigs zhes pa la sogs par blta'o/ /gzhan yang rta las bong bu zhes pa la sogs pa'o/ /rigs 'thun mi mthun de yang bltos sa la bltos pa'i dpa' gis khyab che chung dang du mar shes par bya ste/ khyab pa 'am rgya che ba'i dbang du byas na 'dus byas las 'dus ma byas zhes pa 'am/ 'khor ba las mya ngan las 'das pa zhes pa 'am/ kun rdzob las don dam pa'i bden pa zhes pa la sogs pa du ma yod la/ de la bltos nas khyab pa 'am/ rgya chung ba'i dbang du byas na sngar bshad pa'i lta bu la sogs pa phra rags du ma yang shes par bya'o/ /lnga pa'i don 'di yang chos can gyi bye brag las spros na sgra'i bstan pa las 'byung ba bzhin du dpag tu med pa shes par bya'o/ /lnga pa 'di nyid rgya gar gyi sgra la gcig dang/ gnyis dang mang po'i tshig ste/ de la gcig gi tshig ni brik+ShAta zhes pa'i ming gi yi ge'i tha ma la ta yis mtshan pa ste mdor na ming gang yang rung

  121. 61a

    bi'i tha mal ataga? kyis mtshan pa ste shing las zhes pa lta bu shing gcig lta bu las lnga pa'i rgyu dang 'byung khungs dgar ba'i sa ste lnga pa thams cad sbyar te shes par bya'o/ /gnyis kyi tshig ni prik+Sha b+hyaM zhes pa ming gi 'am? bsrings la b+hyaM gyis mtshan zhing ming gis yi ge tha ma yang bsrings ba ste shing dag las zhes pa shing gnyis las gong gi lnga pa'i don gsum gar sbyar te shes par bya'o/ /mang po'i tshig ni prik+Sha b+hya(mdo 'grel): zhes pa ming gi tha mar e sbyar nas b+hya(mdo 'grel): mtshan pa ste/ mdor na e b+hyas mtshan pa yin la/ de ni mang po'i tshig ste shing rnams las gong gi lnga pa'i don gsum po sbyar bar shes par bya'o/ /de ltar na lnga pa'i don ni rgyu dang/ 'byung ba'i las/ dgar ba'i sa rnams las 'dir ni 'gyur khungs gtsor byas nas/ tshigs su bcad pa las kyang/ me tog ldan pa'i shing las yal ga'o/ /zhes pa lta bu'i don to/ /gnas lnga pa bshad zin to// //da ni gnas drug pa ston te/ de yang drug pa gang gi zhes pa ni bdag po dang 'brel pa'i sa bstan pa yin la/ de yang bdag por 'gyur ba'i don ni dbang bya rgyu'i dngos po gang la dbang byed pa'i bdag por 'gyur ba ni drug pa kho nas 'gyur te/ de yang lhas byin gyi rdzas dang longs spyod lhas byin gyi khang pa zhes pa la sogs pa/ dbang byed pa'i bdag po thams cad la yang drug pa kho nas shes par bya'o/ /'brel pa ni gnyis te/ gzhi 'thun gyi drug pa dang/ skyes bu'i drug pa'o/ /de la gzhi 'thun gyi drug pa ni chos kyi dngos po gcig ste rdzas su grub pa gnyis med kyi dngos po gcig gi steng du gzhi 'thun pa yin pa la yang drug pas sbyor ba yod de/ de yang utpa la'i sngon po zhes pa lta bu/ utpa la dang sngon po gnyis ka yang rdzas gnyis med kyi gzhi 'thun kho na yin

  122. 61b

    pa la drug pas sbyor te/ de lta bu'i rigs mang du rgyus par blta'o/ /skyes bu'i drug pa ni dngos po'i rdzas tha dad pa gnyis drug pas sbyor ba yin te/ de yang 'di ltar lhas byin gyi zhang po zhes pa lta bu lhas byin rdzas su grub pa dang zhang po rdzas su grub pa gnyis 'brel par ston pa la yang drug pa kho nas sbyor ro/ /drug pa'i sgra 'di la rgya gar gyi sgra ltar byas na/ 'di yang gcig dang/ gnyis dang mang po'i tshig ste/ de yang gcig gi tshig ni prik+Sha sya zhes pa lta bu gang yang rung ba la syas mtshan pa ste shing gi zhes pa yin la/ de yang shing gcig lta bu'i yal ga la sogs pa'i 'brel pa du ma shes par bya'o/ /gnyis kyi tshig ni prik+Sha yo zhes pa lta bu ste/ ming gang yang rung ba la yo yis mtshan pa yin la/ shing dag gi zhes pa'i don yin te shing gnyis kho na lta bu'i yal ga la sogs pa'i 'brel pa du ma ston par shes par bya'o/ /mang po'i tshig ni prik+ShA NAM zhes pa lta bu ming gang yang rung ba'i tha ma bsrings pa la NAM dang naM gyis ci rigs par mtshan pa ste shing rnams kyi zhes pa lta bu la sogs pa ste/ shing la sogs pa'i dngos po gang yang rung ba'i yal ga la sogs pa'i 'brel pa rnams ston par byed pa yin la/ de yang dngos po gsum phan chad grangs du ma ston pa ste mang po'i tshig go /de ltar byas pas drug pa'i sgra 'di bdag po dang 'brel bar 'gyur ba yin la/ de yang 'brel pa'i sgra gtsor byas nas shing gi yal ga shin tu ring bar 'dug ces pa lta bu la sogs pa bshad pa yin no/ /de rnams kyi gnas drug pa bshad zin to// //da ni gnas bdun ston te/ de yang bdun pa ga la zhes pa ni mtshan ma dang gnas kyis bstan pa nyid yin la/ bdun pa'i sgra 'di nyid gnyis kho nar 'gyur te/ mtshan ma ston pa'i bdun pa dang gnas bzhi ston pa'i bdun pa'o/ /de gnyis ka la yang bod kyi sgra la ni la dang

  123. 62a

    na gnyis kas ci rigs par bdun par 'gyur te/ de yang mtshan ma'i bdun pa ni mtshan ma 'am mtshon byed gang zhig gis mtshon nas mtshan gzhi de nyid kyis khyad par du byed pa'i chos ston pa ste/ de yang 'di ltar lhas byin gyi dpral ba la thig le'am/ sme ba 'dug ces pa lta bu 'am/ mchod sbyin gyi lag pa la 'khor lo'i ri mo yod ces pa la sogs pa mang du blta'o/ /nas mtshon na lhas byin gyi dpral ba na thig le yod ces pa la sogs pa'o/ /de ni mtshan ma'i bdun pa'o/ /gnas gzhi'i bdun pa ni lhas byin la sogs pa gang yang rung ba zhig 'dug nas sam gzhi ma gang gi steng na 'dug cing gnas pa de nyid ston par byed pa ni gnas gzhi'i 'dug sa yin te/ de yang 'di ltar lhas byin rang gi stan na sdod cing 'dug ces pa lta bu dang/ de bzhin du lhas byin khang bzang gi steng na 'dug ces pa lta bu dang kun dga' ra ba na 'dug ces pa la sogs pa 'dug nas du ma la 'dug pa ni gnas bzhi'i bdun pa'o/ /de la sogs pa du ma shes par bya'o/ /bdun pa'i sgra 'di yang gcig dang gnyis dang/ mang po'i tshig tu 'gyur te/ de yang rgya gar gyi sgra dang sbyar na gcig gi tshig ni prik+She zhes pa lta bu la sogs pa ste/ ming gang yang rung ba'i mdza' ma la e yis mtshan pa yin la/ de nyid shing la zhes pa la sogs par 'gyur te/ shing la ri mo 'dug ces pa la sogs pa'i mtshan ma dang shing la bya'i tshang bcas pa la sogs pa'i gnas gzhi ste/ de ltar mtshan ma dang gnas gzhi gnyis ston par byed pa yin la/ de yang shing gcig bu la sogs pa'i dngos po gang yang rung ba gcig la de gnyis ston par byed pa'o/ /gnyis kyi tshig ni prik+Sha yo(mdo 'grel): zhes pa lta bu ste ming gang yang rung ba la yo(mdo 'grel): yis mtshan pa ste/ shing dag la sogs pa

  124. 62b

    yin la/ shing gnyis lta bu'i dngos po gang yang rung ba gnyis la/ mtshan ma dang gnas gzhi gnyis ci rigs par sgrub par byed par bstan to/ /mang po'i tshig ni prik+ShA Shu zhes pa dang prik+She shu zhes ba ci rigs pa ste/ ming gang yang rung ba e Shu 'i e shus mtshan pa yin la de nyid shing rnams la gnas zhes pa lta bu la sogs pa ste/ shing la sogs pa'i dngos po gsum nas grangs nas mar bar la gnas pas ston par byed pa ste/ 'di la yang gong gis mtshan ma dang/ gnas kyi gzhi gnyis bshad pa rnams ci rigs par sgrub par byed do/ /bdun pa'i sgra 'di yang mtshan ma dang gnas kho na ston par byed pa yin la/ de yang gnas gzhi ston pa gtsor byas nas shing la khu byug dag gis tshang bcas pa zhes ba lta bu la sogs pas bstan to/ /gnas bdun pa bshad zin to// //de ltar byas pas dang po la sogs pa'i gnas bdun po de rnams la gcig dang/ gnyis dang/ mang po'i tshig ste gnas re re la yang/ gsum gsum du phye bas gnas nyi shu rtsa gcig tu 'gyur la/ nyi shu rtsa gcig po de'i nang nas kyang gnas kha cig ni rgya gar gyi sgra la ming mtshungs la skabs kyi stobs kyis don tha dad du 'gyur ba yod de/ de yang snga ma rnams kyi don gsal bar bsdus na rgya gar gyi sgra la gnas dang po'i gnyis pa dang/ gnyis pa'i gnyis pa ste/ de gnas de gnyis ni ming gang yang rung ba la aau yis mtshan par 'dra yang/ skabs kyi stobs kyis dang po dang gnyis pa'i don so sor shes par bya'o// de bzhin du gnas gsum pa'i gnyis pa dang/ bzhi pa'i gnyis pa dang/ lnga pa'i gnyis pa ste gnas gsum po de rnams ni ming gang yang rung ba'i mdza' mi bsrings pa la b+hyuM yis mtshan par gsum char 'dra ste/ de ltar na gnas gsum

  125. 63a

    po de dag gi ming mtshungs kyang skabs kyi stobs kyis don so sor shes par bya'o/ /de bzhin du bzhi pa'i gsum pa dang/ lnga pa'i gsum pa ste gnas gnyis po de yang ming gang yang rung ba la/ e b+hya(mdo 'grel): sa mtshan par 'dra bas ming mtshungs kyang skabs kyi stobs kyis de dag don tha dad du shes par bya'o/ /de bzhin du drug pa'i gnyis pa dang/ bdun pa'i gnyis pa ste/ gnas de gnyi ga yo yis mtshan par 'dra ste/ ming mtshungs kyang skabs kyis don so sor shes par bya'o/ /de rnams ni rnam par dbye ba na 'dom pa bstan pa zhes bya ste/ shin tu gal che bar blta'o/ /gzhan yang rgya gar gyi sgra la gnas skabs kha cig tu gnas dang po bod par 'gyur ba yod la/ de yang e ston pa yod de/ dper na mri tyuN+Da d+ha ra bya ba yin pa las/ bod pa'i dang po sbyar bas mri tyuN+Da ta d+ha re zhes bya bar song ba lta bu ste/ de bod skad du bsgyur na/ kye 'chi bdag gi chang pa 'dzin pa zhes pa lta bu'o/ /da ni gnas brgyad pa ston te/ de yang kye gang zhig ces pa lta bu brgyad pa bod pa'i sgra ston pa yin te/ brgyad pa bod pa'i sgra 'di ni sgra rkyang ba'am ngo bo nyid yin pas gcig dang/ gnyis dang mang po'i tshig dang gsum du dbyer yang med la/ gzhan yang brgyad pa 'di rkyang ba 'am ngo po 'ba' zhig yin pas brgyad pa 'di la gnas bdun po gzhan sbyar la bod par 'gyur ba'i skabs kyang med de/ dper na gos nag po la mtshon gzhan mi 'dzin pa dang 'dra bar brgyad pa 'di la yang sgra gzhan gang yang sbyar la bod par bsgyur ba'i skabs cung zad kyang med de rang gi ngo bo 'ba' zhig nas 'bod pa tsam du zad do/ /des na brgyad pa 'di la grangs gsum la sogs par dbye ba med pa sgra'i gnas brgyad po 'di'i gnas bdun la grangs gsum gsum? du

  126. 63b

    phye bas nyi shu rtsa gcig yin la/ brgyad pa'i gnas gcig pu bsnan pa nyi shu rtsa gnyis su 'gyur te/ brgyad gsum nyi shu rtsa bzhir mi 'gyur bar blta'o/ /de nas brgyad pa 'di la kye lhas byin zhes pa lta bu gnas gcig ston pa las/ dag dang rnams ni mi sbyor ro/ /bod pa 'di nyid rgya gar gyi sgra la he 'am e ston pa yin la/ de la he ston pa ni/ he he b+ha ga b+ha na zhes pa lta bu ste/ kye kye bcom ldan 'das zhes pa lta bu dang he badzra zhes pa lta bu kye'i rdo rjer bsgyur pa la sogs pa lta bu'o/ /e ston pa ni prik+She zhes pa lta bu kye shing zhes bod pa la sogs pa lta bur 'gyur ba yin no/ /gzhan yang bod pa 'di phal cher e ston pa yin la/ de yang snying po rnams ni bod pa kho na yin pas phal cher e yod do/ de yang 'di ltar oM ma Ni padme hUM zhes pa lta bu la/ oM ni ye shes lnga'i ngo bo yin pas dang por smos pa yin pas/ hUM ni thugs dgongs shig ces par mjug bsdus pa yin te par gyi bod pa dngos ni ma Ni ni nor bu yin la/ padme ni dngos te sor bzhag go /des na nor bu pad+ma zhes pa la phyag 'tshal gyi sgo nas bod pa yin la/ me zhes pa'i e sbyar ba ni kye yin te/ kye nor bu pad+ma zhes pa lta bu'o/ /de ltar na bod pa'i sgra 'di ni rang gi ngo bo kho na nas bod pa yin te/ de yang shing kye ci phyir khyod 'dar bar byed ces pa lta bu'o/ /gnas brgyad po bshad zin to/ /de rnams kyis ni gnas brgyad pa bstan pa zhes pa 'am/ sgra'i rnam par dbye ba bstan pa shes par 'gyur te bshad zin to/ /su pan+ta rdzogs so// //yon tan bkod pa zhes bya ba bzhugs so// //bka' yang dag pa'i tshad ma las mdo btus pa bcom ldan 'das yang dag par gsungs pa la phyag 'tshal lo/ /yang dag rdzogs par sangs rgyas 'jig rten mkhyen/ /dngos po 'di dag ci 'dra de bzhin gsung/ /bdud kyi stobs bcom mchod pa'i gnas su 'os//

  127. 64a

    bde gshegs rig pa gsum dang rkang par ldan/ /'dul 'os kha lo bsgyur pa bla na med/ /sangs rgyas bcom ldan 'das la phyag 'tshal te/ /lha mi mkhan po khyod kyi mthus bstad pas/ /skye bo yang dag bka' yi snod du bsgrub// bcom ldan spyan ras dbang ba 'jig rten mgon/ /thugs rje che la gus par phyag 'tshal te/ /'gro ba thams cad yang dag lta lam du/ /rigs pas tshul bzhin gzung pa sgrub par bya/ /bcom ldan mi pham rgyal tsha ba thams cad gsal// byams mchog gting la gus par phyag 'tshal te/ /pha rol rgal bar sgra ba thams cad kyis/ /pham par byas med phyogs nyid bsgrub par bya/ /bcom ldan nam mkha' i snying po skyon mi chags/ /mdza' yas blo la gus par phyag 'tshal te// ro gcig chos kyi nam mkha' go phye zhing/ /stong nyid chos kyi mtshan bstan bsgrub par bya/ /bcom ldan kun tu bzang po sras kyi gtso/ /rgya mtsho'i spyod la gus pas phyag 'tshal te/ /dag? pas khyab pa'i gtsug lag bzang brjod pa/ /'jig rten kun la phan 'dogs legs par bsgrub/ /bcom ldan 'jigs 'jog phyag na rdo rje bsnams/ /dpa' brtsan gtso la gus par phyag 'tshal te/ /lta ba ngan pas bsnyems pa'i brag chen kun/ /rnam par gzhom pa'i thabs 'di sgrub par bya// bcom ldan 'jam dpal bla med dpal gyi bdag /dge bshes gtso la gus par phyag 'tshal te/ /rang dga' 'dod ris gdams ngag len spong zhing/ /dpal ldan lung nyid 'dzin par bsgyur ba bsgrub/ /bcom ldan sgrib pa'i shugs drag bzod dka' gnon/ /rgyal sras mchog la gus par phyag 'tshal te/ /'gro ba yang dag mthong la sgrib po tsog /ma lus bzhin du mnan pa bsgrub par bya/ /bcom ldan sa yi snying po 'byung gnas mchog /gzungs rab brtan la

  128. 64b

    gus par phyag 'tshal te/ /theg pa gcig gi rin chen sa lta bus/ /'gro ba ma lus yang dag bkur ba bsgrub/ /khams gsum rnam rgyal dpa' bas mgon mdzad pa/ /brjid kyi 'dul la gus par phyag 'tshal te/ /srid pa gsum gyi log lta thams cad las/ /rnam par rgyal ba nges par bsgrub par bya/ /'phags pa mi g.yo g.yo ba kun mi brten/ /ri rab mthu bas brtan la phyag 'tshal te/ /bdud dang phas kyi rgol ba'i 'jig rten gyis/ /nam yang sus kyang mi g.yos bsgrub par bya/ /za 'orya b+hik+Shu theg pa chen po pa yul khag sa ra na ra skyes pa dar ma shAn+ti g+ho Sha zhes bya ba 'jig rten gyi/ A tsarya bo d+hi satwa zhes btags pa gsung rab thams cad la mkhas shing/ tshul khrims dang shes rab tu ldan pas mi 'phrogs pas brtson 'grus la zhugs pa zhig bdag gi dge ba'i bshes gnyen du gyur pa las thos pa/ dper na mi zhig smra ba yang med spyod pa yang med na de'i tshod gzung du yang mi rig ste/ smra ba dang spyod ba yod na yon tan dang ldan pa'am/ nyes pa dang ldan pa yang gdod bye brag dbyer rung/ mthu ci yod pa yang shes par nus pa bzhin du sangs rgyas bcom ldan 'das dang 'jig rten gyi lha rnams kyang bdag gis mngon sum du ni ma mthong mos kyi de dag gis smras pa dang/ spyod pa so so'i gtsug lag las byung ba mthong na bde bar gshegs pa'i bstan pa ni gzhan gang dang yang mi 'dra bar bzang la rgya che ba nyid du bdag gis khong du chud do/ /sangs rgyas kyi bstan pa la 'di skad du bstod pa yang bdag gi sbor? byams pa'i phyir snying du sdug ste/ bstod pa yang ma yin/ 'jig rten gyi lha dag gi gtsug lag la bsngags par mi smra ba yang de dag gis bdag la gnod pa byas pa'i phyir zhe sdang ba yang ma yin te/ rigs pas

  129. 65a

    brtags na de ltar khyad zhugs kyi sems can la srog spang du mi rang ba dang 'dra bar dam ba'i chos kyang bzung zhing bcad bar bya'o/ /'jig rten gyi lha dang mi la yon tan dang mthu yod pa kun kyang yun ring po'i dus nas dkon mchog gsum la bsnyon bkur byas ba'i dge ba'i rtsa ba las ma byung ba med de/ gtsug lag go cog gi snying po ni sangs rgyas kyi chos so zhes bya ba la sogs pa rnam pa du mar gsungs pa'i rjes su bsams te brtags na/ A tsarya bo d+he satwa gsung ba med de/ de bzhin gshegs pa bstan pa yan lag bcu gnyis dang ldan pa'i gsung rab ni yid bzhin gyi nor bu dang mtshungs so/ /so so'i bsam pa rdzogs par 'gyur bas na gang 'jig rten las 'das pa'i phun sum tshogs pa 'dod kyang rung/ 'jig rten gyi phun sum tshogs pa 'dod kyang rung/ sgra dang yi ge'i 'bru la mkhas pa 'dod kyang rung/ chos thams cad kyi mtshan nyid tshang ma dang sbyar zhing rtogs par bya ba la sogs te/ gang 'dod kyang rung/ de bzhin gshegs pa'i bstan pa la mnyan pa dang bsam pa dang goms par bya ba las 'da' ba med do/ /sangs rgyas bcom ldan 'das kyi gsung rab lta bu zab cing rgya che ste/ zad mi shes pa la bdag 'dra ba'i shes pa rgya chung zhing rmongs pas dgongs pa'i don gis khob tu bshad pa ni rgya mtsho chen po la bya gag gi rtsol gyis gcod par rtsol ba dang 'dra ste mi nus bar mngon pa la bdag gi chod mi 'dzim par ci'i phyir bshad ce na/ 'jig rten na tshang mar byed pa rnams dang/ 'phags pa dgongs pa 'bres pa'i mdo las rig pa bzhi 'byung ba mthong na/ bshad ba 'di dag 'dri bar yang mi sems pa zhig ste/ 'jig rten dag yang dag pa'i tshang ma rin po che 'di lta bu mi spyod par sangs rgyas la sogs pa mu stegs can rnams bdag bdag

  130. 65b

    ge rang bzos/ 'jig rten slu zhing tshad mar ston pa'i lugs mthong nas /gsung rab kyi tshad ma bcabs na dkon mchog gsum la snying rings pa dang/ sems can la 'khyas par gyur te de'i phyir mi bzod pa ni mig tu gra ma'i dum bu song ba dang 'dra bar rtag tu nyam pa nas mkhas pa dag la bskul ba'i rkyen tsam du 'dri bris so/ /chos so cog gi dbar bgyid rigs pa'i rnam pa smos pa 'jig rten na rgyal po dag bdag gi rigs su ci 'dod pa dag gi dbang gi 'grub pa bzhin pu chos so tseg la bdag gi phyogs su bzung ba yang ji ltar 'dod pa'i rigs pa'i dbang gis 'grub ste/ chos thams cad kyi rgyal po lta bur rigs pa zhes bya ba chos kyi rjes su gsungs pa'i rigs bzhi brjod do/ /de gang yin zhe na/ 'phags pa dgongs pa nges bar 'grel ba'i mdo las gsungs pa/ rigs pa de yang rnam ba bzhi shes stos ba'i rigs pa dang/ bya ba byad pa'i rigs pa dang/ gtan tshigs sgrub pa'i rigs pa dang/ chos nyid kyi rigs pa bzhi zhes gsungs so/ /rigs pa bzhi yi phyogs tsam zhig mdor brjod na/ ltos pa'i rigs pa zhes bya ba ni chos dang 'bras bu'i rigs pa brjod pa yin te/ 'du byed rnams gang dang gang la tha snyad du gdags pa dang/ gang dang gang gi 'bras bu skye ba yod pa dang de'i rgyu dang rkyen la bltos lar bstan pa'o/ /bya ba byed pa'i rigs pa zhes bya ba ni las dang rgyu'i sgo nas brjod pa yin te/ gang dang gang gi bya ba de dang de la byed pa dang gang dang gang gi rgyu dang rkyen du nges pa ni de dang de'i 'bras bu'i bya ba byed par bstan pa'o/ /gtan tshigs sgrub pa'i rigs pa zhes bya ba ni kun tu 'gro ba yin te/ gang dang gang sgrub pa'i tshang ma'i mtshan nyid bstan pa'o/ chos nyid kyi rigs pa zhes bya ba ni chos rnams kyi rang bzhin gyi sgo nas brjod pa yin te/ chos rnams la kun rdzob kyi bden pa dang/ don dam pa'i bden pa gang dang gang gi rang bzhin

  131. 66a

    yod pa de dang de bstan pa'o/ /rigs 'di bzhi'i mtshan nyid la log pa dang/ yang dag pa'i bye brag gtan la dbab pa'i gtan tshigs sgrub pa'i rigs pa shes par bya'o/ /bltos pa'i rigs pa'i mtshan nyid yi?/ nga la bltos pa'i rigs pa ni 'du bang? rnams bskyed pa'i phyir rjes su tha snyad gdags pa'i phyir gang rgyur gyur pa dang/ rkyen du gyur pa de dag ni ltos pa'i rigs pa'o zhes gsungs pa bshad do/ /'du byed skye ba dang tha snyad gdags pa la rang dbang med de/ rgyu dang rkyen du nges pa tshogs pa la bsdod pa ni bltos pa'i rigs pa zhes bya'o/ /'du byed ces bya ba ni rnam pa gnyis te/ phyi dang nang gi tshogs so/ /de la gdags nas chos kyi bar gyi khams drug ni phyi'i chos so/ /dbang po dang rnam par shes pa'i khams rnams ni nang gi chos so/ /skyes pa zhes bya ba ni gang ma skyes pa gdod ma skyes pa'o/ /rjes su tha snyad gdags pa zhes bya ba ni dngos po rnams la bye brag gi rnam pa tshig tu brjod pa'o/ /de dag kyang 'dra ba la bltos te mi 'dra ba'i cha yod pa dang/ mi 'dra ba la bltos te 'dra ba'i cha yod pa dang gnyis su 'gyur te/ 'dra ba la bltos pa gang zhe na/ nas la sogs pa'i 'bras bu skye ba nas la sogs pa so so'i sa bon la bltos pa'o/ /de'i nang nas kyang rkyen gang dang brad pa pa'i bye brag tu 'gyur ba ni ma du lung ga'i sa bon la rgya skyegs kyis bskus te bskyed na de rgyal ba'i 'bras bu nang phyi rtsa lag dmar por 'gyur te/ ma du lung ga'i rang bzhin yang ma nyams la rgya skyigs kyi kha dog kyang yod bzhin du smin pa ni 'dra bral bltos pa'o/ /ma bu lung ga'i sa bon rgya skyegs kyis bskus pa smin pa'i tshe na phyi rtsa lag 'ba' zhig dmar te/ sa bon dmar por ma gyur pa ni mi 'dra ba'i cha yod pa'o/ /'bru lhag lhag tsam du brdos te sa bon du btab pa ni myu gu nas snye

  132. 66b

    me'i bar du skyes ya 'bras bur smin pa'i dus na brdos pa'i rkyen gyis mig long bar gyur pa lta bu sa bon gyi mthu nyams pas smin pa'i tshe 'ang 'bru mar reng pa ni 'thun pa bltos pa'o/ /de'i tshe 'bru yongs su ma smin pa ni mi 'dra ba'i cha yod pa'o/ /sa bon dag kyang rung ste zhing las skyes pa las la la ma rgyal bar brdas pa dang snye ma ba cig las kyang 'bras bu la la ni grung/ snye ma la bye brag med kyang 'bras bu la bye brag tu gyur pa yang sa bon cis btab pa'i rang bzhin ma gyur pa ni 'dra ba bltos pa'o/ /rgyal ba dang ma rgyal ba'i tshul mi 'dra ba dang/ grung po'i nang na shun pa yang yod pa ni mi 'dra ba'i cha yod pa yin te/ 'di lta bu dag na phyir la gyis chos su shes par bya'o/ /gzhan la bde ba dang sdug bsngal bar byas pa'i las kyi 'bras bu yang bde ba dang sdug bsngal ba'i smin pa myong ba la de'i nang nas kyang rkyen gang phrad pa de'i bye brag tu 'gyur ba ni/ 'phags pa lam rnam pa de 'byed pa'i mdo? las 'byung ba 'dod chags las byung ba'i ngang tshul ngan bzhi las kyis ngan song du skyes te/ rma bya la sogs pa spu sdog cing 'tshed bar 'gyur ro zhes bya ba lta bu sar tshul ngan pa spyad pa'i sdig gis ngan song duAng skyes la/ 'dod chags dang ldan pa'i sems la byams pa yod pas spu sdog cing 'tshed ba yang gyur ba ni 'dra ba la ldos pa'o/ /'dod chags gzugs med pa las kha dog gi bye brag tu gyur pa dang/ mis tshul khrims bshig ste byar skyes skyes ba ni mi 'dra ba'i cha yod pa'o/ /'phags pa shes rab kyi pha rol tu phyin pa stong phrag brgya pa las kun tu gnas pa'i sbyin pa byin pa dang/ tshul khrims bsrangs pa la sogs pa ni 'jig rten gyi pha rol tu phyir ba zhes bya ste/ 'jig rten las mi 'gul mi g.yo mi 'phag go zhes 'byung ba lta bu sbyin ba la sogs pa dge ba byas pa'i bsod nams kyis 'jig rten gyi phun sum tshogs pa 'ang smin la

  133. 67a

    'jig rten las 'da' ba' i don du ma bsdos pas 'jig rten las 'da' ba' i 'bras bur ma gyur pa ni 'dra ba la bltos pa'o/ /sbyin pa lta bu gzhan la byas pa bdag gi longs spyod du 'gyur la/ ser sna byas te bdag la bcangs na dbul por 'gyur ba ni mi 'dra pa'i cha yod pa'o/ /'phags pa dam pa'i chos dran pa nye bar gzhag pa las 'byung ba dge ba'i las shig byas kyang las kyi rgyab dge ba dang mi dge ba ci byas pa de'i smin pa so sor myong bar 'gyur ba dang/ 'dul ba las 'byung ba sems dang ldan pa las kyang/ yan lag tshang ba dang ma tshang ba las pham pa dang/ spom po la sogs pa'i rim par 'gyur te/ mi dge ba'i sdig yod kyang 'bras bu'i bye brag mi mthun par 'gyur ba ni 'dra ba la bltos pa'o/ /des pha rol la bde bar gyur pa dang/ sdug bsngal du gyur pa'i myong ba la bye brag med kyang bdag la dge ba dang sdig pa'i smin pa mi 'dra bar gyur pa ni mi 'dra ba'i cha yod pa'o/ /mi 'dra ba'i bltos pa gang zhe na/ rwa las smyug mar 'gyur ba ni mi 'dra ba la bltos pa'o/ /rwa dang smig ma yang bshan zhing rno ba dang sbu gu can du skye bar 'dra ba ni 'dra ba'i cha yod pa'o lci ba las utpa la skye ba ni mi 'dra ba la bltos pa'o/ /ldam ldum gyi rigs su 'thun pa ni 'dra ba'i cha yod pa'o/ /'brog gi rko mo'i khyag pa la nyi ma bab pa'i 'od dang/ rtsar 'phrad pa las me 'byung ba ni mi 'dra ba las bltos pa'o/ /nyi ma'i rang bzhin dro ba las rkyen byas pa ni 'dra ba'i cha yod pa'o/ /myu gu skye ba ni zhing dang chu la sogs pa 'byung ba chen po bzhis rkyen byas pa las skyes te/ kha dog dang dbyibs mi 'dra ba ni mi 'dra ba la bltos pa'o/ /de dag 'byung ba chen po bzhi'i rang bzhin du mtshungs pa ni 'dra ba'i cha yod pa'o/ /sgyu ma mkhan gyis rtsa dang shing dang gyo mo

  134. 67b

    la sogs pa bsdus pa las sems can gyi gzugs dang spyod par snang ba yang shing rtsi la spyod pa med pa ni mi 'dra ba la bltos pa'o/ /sgyu ma mkhan nyid dang sngags kyi lha'ang sems can yin pas rkyen byas pa ni 'dra ba'i cha yod pa'o/ /yul gyis khams tha dad pa las yul la lar ni sa bon rme'ur btab kyang thog gnyis sum tsam nas 'tsho bar yul la lar ni sa bon so btab kyang de'i tshul gyis rme'ur 'gyur ba dang/ skyur rtsi'i sa bon bskyed pa las kyang ci khag tu 'gyur /ci khag las skyur rtsir 'gyur ba ni mi 'dra ba la bltos pa'o/ /rme'u dang song ba yang nas su rigs gcig pa dang/ skyur rtsi dang ci khag kyang shing gi nang na rigs 'thun pa ni 'dra ba'i cha yod pa'o/ /zhing gi bye brag ma yin par sa gcig la btso ma'i sa bon btab pa las kha cig me tog chags la 'bras bu med par 'gyur ba ni mi 'dra ba la bltos pa'o/ /gso ma'i rang bzhin du 'dra ba ni 'dra ba'i cha yod pa yin te/ de dag ni phyi rol gyi chos su shes par bya'o/ /'phags pa'i ye shes zag pa med pa ni zag pa dang bcas pa'i chos tshul bzhin yid la bya ba las skyes te/ zag pa med pa dang zag par bcas pa chos mi 'dra ba ni mi 'dra ba la bltos pa'o/ /de dag dge bar 'dra ba ni 'dra ba'i cha yod pa'o/ /srid pa'i rtse mo'i sems dang sems las byung ba'i tshogs las bar chad med par 'gog pa'i snyoms par 'jug pa sems dang mi ldan pa'i 'du byed 'byung ba dang 'gog pa'i snyoms par 'jug pa las kyang sems dang sems las byung ba skye ba dang/ rnam par grol ba'i sems las ma grol ba'i sems 'byung ba dang 'dod chags kyi sems las zhe sdang gi sems 'byung ba dang/ dge ba'i sems las mi dge ba'i sems 'byung ba dang/ 'dod pa na spyod pa'i sems las gzugs na spyod pa'i sems

  135. 68a

    'byung ba dang/ gzugs na spyod pa'i sems las gzugs med pa na spyod pa'i sems 'byung ba dang/ 'di lta bu la sogs pa ni mi 'dra ba bltos pa'o/ /srid pa'i rtse mo'i sems dang sems las byung ba'i tshogs shin tu phra ba ni 'chad par 'gyur ba'i rgyu yin te/ 'dra pa'i cha yod pa'o/ /'gog pa'i snyoms par 'jug pa las sems dang sems las byung pa'i skye ba yang nam 'gog pa'i snyoms par zhugs pa'i tshe na yang las kyi mtshan nyid bkag ste rigs kyi mtshan nyid ma bkag pas shes pa'i rang bzhin gyi rgyu las/ las kyi rang bzhin sems dang sems las byung ba skye ba ni 'dra ba'i cha yod pa'o/ /rnam par grol ba'i sems las ma grol ba'i sems 'byung ba yang rnam par shes pa'i mtshan nyid du rang bzhin gcig pa dang/ dge ba'i sems las mi dge ba'i sems 'byung ba yang sems kyi rang bzhin du 'dra ba dang/ 'dod pa na spyod pa'i sems las gzugs na spyod pa'i sems 'byung ba la sogs pa yang nyon mongs dang bcas pa'i rgyu las 'byung bar 'dra ba ni 'dra ba'i cha yod pa yin te/ 'di dag ni nang gi chos su shes par bya'o/ /phyi logs kyis chos dang nang gi chos de dag gcig gi dpe gcig gi bya bar 'dod na yang rim pa bzhin du ci rig par sbyar ro/ /de ltar 'dra ba dang mi 'dra ba la ltos shig skye bar 'phags pa chos dam pa dran pa nye bar gzhag pa las kyang 'byung ste/ 'dra ba las 'dra ba skye bar dang mi 'dra bar skye ba dang 'dra ba las 'dra ba nyid ma yin pa skye ba dang/ shas kyis 'dra ba las shes kyis 'dra ba skye ba dang rnam pa bzhi'o/ /de la ji ltar na 'dra ba 'dra ba rnams kyi rgyu 'dra ba yin zhe na/ dper na 'bru'i rgyu las 'bru nyid du 'byung ba lta bu ste/ de bzhin du nang gi dge ba'i las 'dra na lha dang mi'i nang du 'bras

  136. 68b

    bu 'dra ba nyid du dmigs pa ni mdza' dang po'o/ /mi 'dra ba rnams kyi rgyu mi 'dra bar 'gyur ba ni dper na 'o ma dngar po las zho skyur po 'byung ba lta bu ste/ de bzhin du nang gi sa la yang 'jig rten 'di'i kun nas nyon mongs pa'i dga' ba dang 'dod pa byas pa'i sgra dang/ reg dang/ ro dang/ gzugs dang/ dri rnams kyis byas pa las zho skyur bor gyur ba bzhin du sems can dmyal ba dang/ byol song dang yi dags kyi nang du mi 'dod pa dang/ mi bzad pa dang/ yid mi 'ong ba'i 'bras bu rnam par smin pa dmigs pa ni mdza' gnyis pa'o/ /'dra ba nyid ma yin pa'i rgyu 'dra bar 'gyur ba ni dper na rams dang bab la sbyar bas kha dog mi 'dra ba zhes bya ba 'byung ba lta bu ste/ de bzhin du nang gi las kyi 'bras bu rnam par smin pa la yang las dang 'bras bur mi 'dra ba dang/ 'bras bu dang las su mi 'dra ba ste/ dper na mchod sbyin pa log par lta ba rnams mtho ris 'dod pa'i phyir phyug gsod pa dag sems can dmyal bar 'gro ba lta bu ste mdza' gsum pa'o/ /shas kyis 'dra ba rnams kyis rgyus shas kyis 'dra bar 'gyur ba ni skud ba dkar po phra mo las snam bu dkar po spom po nyid du 'gyur pa yin te/ phra spom la mi 'dra ba yod pa'o/ /de bzhin du mi dge ba'i las phra mo bsags pa sems can dmyal ba chen por skye ba'i las byed pa ni mdza' bzhi pa'o zhes gsungs pa yin no/ /'dra ba'i rjes su tha snyad gdags pa gang zhe na/ 'di dag ni ming dang 'khor 'dra bas na 'dra'o zhe 'am/ rtags dang las 'dab? na 'dra'o zhe 'am/ rang bzhin dang chos 'dra bas na 'dra'o zhes bya ba la sogs pa ni 'dra ba'i rjes su tha snyad gdags pa'o/ /mi 'dra ba'i rjes su tha snyad gdags pa gang zhe na/ nam mkha' ltar thogs pa med cing gzung du mi rung ba ma yin te/ thogs pa dang bcas pa la gzhig tu rung bas na gzugs

  137. 69a

    yin no zhes bya ba dang/ gzugs kyi mtshan nyid las zlog pa lta bu yin pas na nam mkha' o zhes bya ba dang thung ngu nas lhag pa na ring ngo/ /ring por ma slebs pas na thung ngo zhes bya ba dang/ yongs su ma dag pa ltar skyon dang/ bcas pa ma yin pas na yongs su dag pa'o/ /yongs su dag pa'i yon tan lta bu med pa nas yongs su ma dag pa'o zhes bya ba dang/ 'di lta bu dag ni mi 'dra ba'i rjes su tha snyad gdags pa'o/ /'dra ba dang mi 'dra ba las rjes su tha snyad gdags pa gsung rab dag las kyang 'byung ste/ 'phags pa stug po bkod ba'i mdo las ri bong gi rwa med par rtogs pa yang glang gi rwa yid par rtogs pa'i zla las byung ngo zhes bya ba dang/ 'phags pa 'jam dpal gyi sangs rgyas kyi zhing bkod pa'i rgyan gyi med las kyang de bzhin gshegs pa 'od zer rtag tu yon tan bkod pa'i rgyal po'i sangs rgyas kyi zhing gi yon tan brgyan pa phun sum tshogs pa dang/ de bzhin gshegs pa kun tu gzugs kyi sangs rgyas kyi zhing gi yon tan bkod pa phun sum tshogs pa mtshungs par 'gyur te/ lhag chad mang ngo zhes gsungs pa yin no/ /'du byed de dag bskyed pa dang rjes su tha snyad gdags pa'i rgyu dang rkyen gang zhe na/ skyed pa'i rgyu ni drug rkyen ni bzhi ste chos mngon pa las dbyung? ba de la rgyu ni rab tu ldan pa'i rgyu dang lhan cig 'byung ba'i rgyu dang/ cha mnyam pa'i rgyu dang/ kun tu 'gro ba'i rgyu dang/ rnam par smin pa'i rgyu dang byed pa'i rgyu dang drug go/ rkyen ni rgyu'i rkyen dang/ de ma thag pa'i rkyen dang dmigs pa'i rkyen dang/ bdag po'i rkyen dang bzhi'o/ /de la rgyu'i rkyen ni rgyu lnga rnams so/ /de ma thag pa'i rkyen ni dgra bcom pa'i sems dang sems las byung ba tha ma ma gtogs pa sems dang sems las byung ba skyes pa

  138. 69b

    ni thams cad do/ /dmigs pa'i rkyen ni chos thams cad do/ /bdag po'i rkyen ni byed pa'i rgyu'o/ /de la rjes su tha snyad gdags pa'i rgyu dang rkyen ni chos mngon pa las 'byung ba'i ming mang po la sogs pa yin te/ de la ming gi tshogs ni brda 'dus pa'o/ /tshig gi tshogs ni dag 'dus pa'o/ /'bru'i tshogs ni yi ge 'dus pa'o/ /bltos pa'i rigs pa'i mtshan nyid kyi le'u ste dang po'o// //bya ba byed pa'i rigs pa'i mtshan nyid la/ gang chos rnams kyi 'thob pa'i phyir ram/ greg pa'i phyir ram skyes nas? kyang las su bya ba'i phyir rgyur gyur pa dang/ rkyen du gyur pa de dag ni bya ba byed pa'i rigs pa'o zhes gsungs pa bshad do/ /de la 'thob pa ni rnyed pa dang ldan pa la bya ste/ de yang sa bon tsam du rgyu 'thob pa dang/ 'bras bu'i ngo bo 'thob? pa dang gnyis so/ /sa bon tsam du rgyu 'thob pa gang zhe na/ 'phags pa'i sa dang 'bras bu thob pa'i dge ba'i rtsa ba dang/ lha dang mi'i bde ba 'thob par 'gyur ba'i bsod nams byas pa dang/ ngan 'gro'i sdug bsngal myong bar 'gyur ba'i sdig pa byas pa dang/ lung du ma bstan pa'i rgyu 'thun pa dang/ de dag gi sa bon lta bu bag chags dang ldan pa'o/ /'bras bu'i ngo bo 'thob pa gang zhe na/ de dag gi 'bras bu mngon du rnyed pa yin te/ mya ngan las 'das pa dang/ sa dang 'bras bu mngon du 'thob pa dang/ bsod nams kyi 'bras bu 'thob pa 'am/ sdig pa'i 'bras bu myong ba'o/ /greg pa ni gang gi dngos por red pa las kyang don gyi mdza' yongs su rdzogs par byed pa yin te/ dper na myu gu las sdong? po 'am/ /'bras bur smin pa'i bar du de la gnod pa bsrung zhing phan pa sdu'i nan tan gyi rdzogs par byed pa'o/ /myu gu de la ji lta ba bzhin du 'jig rten gyi chos mgo byung ba'i rnams mthar phyin par sgrub pa dang 'phags pa'i sa thob

  139. 70a

    bas gong nas gong ma'i sa yongs su greg par byed pa la sogs pa'o/ /skyes nas kyang las su bya ba ni dngos por red ba de dag ji srid du rgyun yod pa de srid du bya ba byed pa yod de/ dper na shing lcug ma la sogs par skyed phyin chad lcug ma ni bcing ba'i las byed sdong bo ni ka ba'i las byed/ me tog gis rgyan gyi las byed /lo ma ni dkri ba'i las byed/ 'bras bu ni 'brangs pa'i las byed pa dang/ 'phags pa'i chos la bdag gi sa'i bye brag gi sems can la phan 'dogs pa'ang thabs kyi tha dad ba nas so so'i lam la gzhog pa la sogs pa chos gang gi rgyur nges pa de'i 'bras bu so sor bskyed pa dang/ dbang po drug shes pa dang bcas pa yul du nges pa la 'jug pa dang/ bya la sogs pa ni 'phur/ nyal sogs pa ni rkyal/ skyus la sogs pa ni rgyug ba dang 'di lta bu'i tshul gyis dngos po so so'i mthu yod pas gang la gang rigs pa'i bya ba byed pa yin no/ /de dag gi rgyur gyur pa dang/ rkyen du gyur pa zhes bya ba ni gang byed pa'i yan lag tu gtogs pa dang bzhir gyur pa yin te/ rgyu drug dang rkyen bzhi gong du smos pa rnams yin no/ /bya ba byed pa'i rigs pa'i mtshan nyid kyi le'u ste gnyis pa'o// /gtan tshigs sgrub pa'i rigs pa'i mtshan nyid nyid la dam bcas shing bstan te/ smras pa'i don sgrub pa dang yang dag par shes par bya ba'i phyir rgyur gyur pa dang rkyen du gyur pa de ni gtan tshigs sgrub pa'i rigs pa'o zhes gsungs pa bshad do/ /de la dam bca' ba zhes bya ba ni ji skad du smras pa de bzhin du 'bras bu dang bcas par khas blangs pa'o/ /'bras bu gang zhe na/ gang gis yal gzugs 'khra bar bya ba yin te/ ji ltar dam bcas ma grub na pha? logs kyi lha skyabs su 'gro ba dang/ de'i bstan pa la

  140. 70b

    rab tu 'byung zhing tshul khrims bsrung ba dang/ bsam gtan la mnyam par bzhag pa dang shes rab bsgom pa'o/ /'di lta bu la sogs pa sems can gyi don tu 'gyur bas yal gzugs 'khra bar bya ba'i lha khang gzhig pa dang yul gru dbrog pa dang srog gi bar chad dang/ lus kyi stug bstul du 'gyur ba la sogs pa sdig to mi dge ba'i yal gzugs mi bca' o/ /yal gzugs 'khra ba med par bcan na yang 'gran gtor can khas rgya ba dang 'dra bar 'gyur gyis ci rigs par yal gzugs 'khra bar bya'o/ /yal gzugs 'khras pa de la pham rgyal dang gnyis kar mi 'gyur ba'i bye brag tu bya ba ni yon yod pa dang khrin can dang/ bar ma do ba dang/ gsum du shes par bya'o/ /de gang zhe na/ mtshan nyid kyis yongs su dag pa'i tshad mas grub na yon yod pa zhes bya ste/ rgyal po/ mtshan nyid kyis yongs su dag pa'i tshad mas sun byung ba khrin can zhes bya ste pham pa'o/ /mtshan nyid bzhi 'am lngas yongs su ma dag pa'i tshad mas grub ces zer yang rung/ sun phyung zhes zer yang rung tshad ma dang ma sbyar bar che ge mo zhig gi phyir ro zhe 'am/ gang che ge mo zhig du 'gyur ro zhe 'am 'di lta bu la sogs te tshigs rkyang ba smras pa ni bar ma do pa zhes bya ste/ grub pa sun phyin pa gnyis ka la ma gtogs kyi slar bskyar ba'i gtan tshigs shig yod na mtshan nyid kyis yongs su dag pa'i tshang ma dang sbyar zhing gtan la dbab po/ /phyogs re re 'dzin pa gnyis ka la bskyar ba'i gtan tshigs med na kha tsam du dor ro/ /bstan pa ni khong du ma chud pa rnams la khong du gzhug pa yin te/ gtan la phab pa'i yan lag rnam pa bdun dang ldan par bstan pa'o/ /bdun gang zhe na/ gleng bslad ba dang 'thun pa dang mi mthun pa 'am/ 'gal ba dang grub pa'i mdza' rdzogs par bya ba dang/ mtshan nyid gsum gyi don dang 'dra ba dang/ lung

  141. 71a

    bstan pa dang/ rtags yod ba'o/ /de la gleng bslad ba ni phas mi 'dra ba la yang tshul bskul ba yin te/ pha rol gyi tshul rtogs nas nyan thos kyi theg pa 'am/ theg pa chen po'i phyogs gang 'os pa gcig las gleng ba'i gzhi bca' ba'o// 'thun pa dang mi mthun pa gang zhe na/ gang las gleng bsrang ba'i gzhir bcas pa de dang mu stegs can gang la bstan pa de'i gtsug lag tu 'thun par bsgrub cing grub pa'i mdza' 'gro ba las 'byung ba bzhin du bstan pa 'am/ gzhan du chos bzang ngan gyi khyad zhugs pa dang/ rgya che chung mi 'dra bar bstan pa yin te/ de gnyis las gang bstan na dad? pa skye zhing yang dag pa'i lam rtogs par 'gyur ba gcig gis bstan pa'o/ /grub pa'i mdza' rdzogs pa gang zhe na/ so so'i phyogs bzung ste/ yang dag pa gang yin pa'i yul bstod na grub pa'i mdza' phyogs 'ga' tsam gyis mi rtsad par btsug las 'byung ba'i mdo che che thog thag tu bskrun te/ brtsad kyi ro snyin drag gam smra ba de mi bde 'am/ tshig dor mi dor tsam gyi yus su mi 'byung ngo/ de ste la la zhig ngo gang drag dang smra gang bde dang/ sgra la gang mkhas kyis brgya zhing rtsod na ni 'jig rten gyi 'dran thor can khas brgya par zad de don med kyis yal gzugs mi 'khra bar ci dgra rtsod cig/ gtsug lag gi mdo bskrun pa de yang gang zhe na/ chos so cog gi thog ma'i mdza' dang mdza' ma'i mdza' i lo rgyus dang/ sems can dang snod kyi 'jig rten gyi khams kyi rim pa dang rnam grangs dang/ 'khor ba na gnas pa'i rgyu ci las byung thar bar bya ba'i lam gang yin 'khor ba na gnas pa'i nyes ba ci yod/ thar? par gyur pa'i yon tan cis 'phags lung las 'byung ba'i tshig 'gal ba 'dra bzhig yod na gang yang mi spang bar gnyis ka 'thun par sgrub pa dang/ 'di rnams bskrun ba'o/ /mtshan

  142. 71b

    nyid gsum gyi don dang ldan pa gang zhe na/ kun brtags pa dang gzhan gyi dbang dang yongs su grub pa'o/ /de la kun brtags pa ni 'jig rten gyi tha snyad do/ /gzhan gyi dbang ni kun rdzob kyi bden pa'o/ /yongs su grub pa ni don dam pa'i bden pa'o// de la sangs rgyas pa'i lta bar mtshungs nang phyogs re re bzung ste rtsod na/ mtshan nyid gang gi phyogs su bzung ba de'i grub pa ni mdza' dang 'thun par sgrub pa'o/ /pha logs kyi phyogs la sun dbyung ba yang bdag gis phyogs su bzung ba'i mdza' dang 'thun pas sun dbyung ngo/ /de las grub pa'i mdza' gzhan gyi phyogs kyis bdag gi phyogs mi 'grub pa lta ci smos kyi/ grub pa'i mdza' gzhan gyi lta ba sun phyung du zin kyang bdag gi lta ba'i nang du bsdur mi nus so/ /de bas na sun dbyung ba yang bdag gi lta ba'i grub pa'i mdza' dang 'thun pas sun dbyung ste/ kun rtags pa'i mtshan nyid kyi phyogs ltar grub na yang gzhan gyi dbang ngam yongs su grub pa'i mtshan nyid ltar mi brjod do/ /lhag mi gnyis kyang de bzhin du rtsi rigs par bya'o/ mu stags can dang brtsad na ni bden pa gnyis gang ltar grub kyang sangs rgyas ba'i lta ba'i nang du bsdud? rung la/ 'dus byas kyi chos thams cad la'ang mtshan nyid gsum yod kyis/ mtshan nyid gsum char dang ldan pa'i lta bar khas blangs te/ de dag gi tshul gyi ci rigs par sgrub cing sun dbyung bar bstan pa'o/ /drang ba gang zhe na/ 'phags pa lang kar gshegs pa'i mdo la sogs pa las 'byung ba lta ba'i sgro 'dogs pa dang phri ba med pa'o/ /sgro 'dogs pa dang phri ba gang zhe na/ sgro 'dogs pa de yang rnam pa bzhi ste/ med pa'i mtshan nyid la sgro 'dogs pa dang/ med pa'i lta bar sgro 'dogs pa dang/ med pa'i rgyur sgro 'dogs pa dang/ med pa'i dngos por sgro 'dogs pa'o/ /phri ba de'ang rnam pa bzhi ste yod pa'i mtshan nyid las

  143. 72a

    phri ba dang/ yod pa'i lta ba phri ba dang yod pa'i rgyu phri ba dang/ yod pa'i dngos po las phri ba'o/ /de dag kyang gang zhe na/ med pa'i mtshan nyid la sgro 'dogs pa ni phung po dang khams dang skye mched la ril po dang rtag pa dang/ ji ltar snang ba de bzhin nyid las gzhan ma yin par zhen pa'o/ /med pa'i lta bar sgro 'dogs pa ni phung po dang khams dang skye mched de dag nyid la bdag dang sems can dang/ srog dang/ gso ba dang skyes bu dang/ gang zag tu lta ba ngan par zhen pa'o/ /med pa'i rgyur sgro 'dogs pa ni sngon rgyu las ma skyes pa'i rnam par shes pa phyis sgyu ma lta bur sngon ma byung zhing med pa las gzugs dang snang ba'i rgyu dran pa sngon du 'jug pas 'byung zhing med pa las byung nas kyang yang 'jig par 'dzin pa'o/ /med pa'i dngos por sgra 'dogs pa ni nam mkha' dang 'gog pa dang mya ngan las 'das pa ma byas pa dngos po med par zhen pa'o/ /phri ba gang zhe na chos rnams kyi mtshan nyid gsum po la sgro 'dogs pa rnam pa bzhi lta bus sgro btags nas de dag gi mtshan nyid dam lta ba 'am rgyu 'am dngos po yang dag pa ji lta ba las phri ba yin no/ /lung bstan pa gang zhe na/ phas 'dri ba la lan gdab pa yin te/ mgo gcig tu lung bstan pa'o/ /rnam par phye ste lung bstan pa dang/ phyir 'dri ba dang/ mi bstan pa dang bzhi'o/ /de gang zhe na/ mgo gcig tu lung bstan pa ni/ chos bdag med pa de gang la med ces 'dri na chos thams cad la bdag med par mtshungs so zhes bya ba dang/ don dam par na mdza' gnyis spangs pa'i chos gang yin zhes 'dri na/ chos thams cad do zhes bya ba dang/ thams cad mkhyen pa dus gsum gyi nang na dus gang gi chos mkhyen ces 'dri na dus thams cad kyi chos so cog mkhyen to zhes bya ba dang/ sems can thams cad 'chi 'am mi 'chi zhes 'dri na 'chi'o zhes bya ba la sogs

  144. 72b

    te/ thun mong gi chos las phyogs gcig tshul du 'dri ba la mgo gcig tu lung ston to/ /rnam par phye ste lung bstan pa ni chos thams cad rtag gam mi rtag ces 'dri na/ 'dus byas kyi chos ni mi rtag/ 'dus ma byas kyi chos ni rtag go zhes bya ba dang/ byang chub gsum la bye brag med dam zhes 'dri na/ rnam par grol pa la ni bye brag med de/ chos kyi skus bye brag yod do zhes bya ba dang/ sems can thams cad skye 'am mi skye zhes 'dri na nyon mongs pa dang bcas pa ni skye'o/ /nyon mongs pa med pa ni ji ltar nyon mongs pa dang bcas pa skye ba'i tshul gyis mi skye'o zhes bya ba dang/ 'di lta bu la sogs te so so'i mtshan nyid las spyi'i mtshan nyid du 'dri ba la rnam par phye ste bstan to/ /phyir bris te lung bstan pa ni zla mi smos par bzang khyad ji tsam zhe 'am/ ngan khyad ji tsam zhes 'dri na/ gang btang bskrun ces 'dri ba dang/ de bzhin gshegs pa'i mtshan thos pa'i sems can thams cad bla na med pa'i byang chub las phyir ldog gam mi ldog ces 'dri na/ shing gi sa bon zhig sa bon gyi nyes pa thams cad med na/ rkyen rnams su ldan pa dang mi ldan pa las myu gu nas rdzogs pa'i bar du ji ltar 'gyur zhes phyir dri ba dang/ srog chags chad bar bcug ste/ gson po 'am shi ba zhes 'dri ba la khyod bdag la dbang yod na/ gang ltar bya zhes dri ba la sogs pa nyes pa klan ka tshol ba la sku sa gzhar bar phyir dris te bstan to/ /lung mi bstan pa ni gnyis su med pa dang/ brjod du med pa'i mtshan nyid ci 'dra zhes 'dri na/ ji ltar 'phags pa dri ma med par grags pa bzhin du mi smra ba rdang/ bdag ces bya ba rtag gam mi rtag ces 'dri na/ bdag nyid kyang med pas na/ rtag pa dang mi rtag pa brjod du med de lan mi glan pa dang dag ngan pa 'am/ rtsub po zhig zer na chos dpyad pa la ma gtogs te lan mi glan pa yin no/ /lung mi bstan pa ni mkhan po'i dpe mkhyud bya ba ma yin gyis tshul gyis

  145. 73a

    go par rung ste/ bstan mi dgos pa dang bstan kyang khong du mi chud pa dang/ bstan na te pha rol gyi sems bsrung ba dang/ de rnams kyi phyir mi bstan mod kyi dus gzhan du snod dang sbyar zhing bstan pa yang yod do/ /rtags yod pa gang zhe na/ yang na mi las bla mar gyur pas gtsug lag tu gyur ston to chog smon pa'i tshig lta bur 'ol ma chags par smra ba ni gang yang mi 'byung ste/ gang gi dngos po med pa las yod par 'dzin to/ /chog kyang de ma yin pa'i dngos po gzhan cig dang nor to/ /yod pa las med par lta'o/ /chog kyang bar du gcod pa'i sgrib pa gcig gis bsgribs pas med par smra'o/ /chog gang yang rung de'i mtshan nyid las gzhan du ston te/ /chog kyang de dang 'dra bar snang ba 'ga' zhig las nor bar gyur to/ /de lta bas na dngos po med pa las yod par 'dzin pa bzlog par bya na yang thams cad kyi thams cad du med do zhes mi bya bar yod par 'dod pa de rkyen gang las gyur ba'i dngos po gzhan yod par bsgrubs la de'i gtan tshigs kyis bstan to/ /yod pa las med par lta ba bzlog par bya na yod pa'i gtan tshigs 'ba' zhig gi sgrub kyi de mngon sum dmigs par bya ba la bar du gcod pa 'dis bsgribs so zhes byas la dngos po gang yod pa dang/ sgrib pa gang yin pa bcas pa'i gtan tshigs kyis sgrub cing bstan to/ /mtshan gyi gzhi yod pa dang/ med pa la mi rtsod par mtshan nyid la rtsod pa zhig yod na yang/ pha logs smra ba'i mtshan nyid ma yin pa 'ba' zhig tu mi sgrub par mtshan nyid ji ltar 'dod pa dang/ de 'dra bar snang ba'i mtshan nyid gzhan gang dang/ nor pa'i gtan tshigs dang bcas pas bstan par bya'o/ /de dag kyang gang zhe na/ bdag med pa bstan par bya na/ yod mi phung po lnga las log shig na bdag ces bya ba med mod kyi thog ma med pa nas bdag tu rtog pa'i bag chags kyi bskyed pa nyon mongs pa'i yid ces

  146. 73b

    bya bas kun gzhi rnam par shes pa zhes bya bas chos thams cad kyi sa bon chang ba dngos por snang ngo cho ga'i rgyu 'phyin pa de la bdag tu brtags nas de nyid yul la mi gcod pa'i phyir/ rnam par zhes pa'i rang bzhin yin par na rtogs nas bdag ces bya ba rtag pa khyab pa gcig bu zhig yod par 'dod pa'i ni 'di yin no zhes bya ba la sogs pa'o/ /'jig rten pha rol dang las kyi 'bras bu yod par bstan na yod ni/ de dag med na 'jig rten 'di yod par yang mi 'gyur/ las byed pa yang ni 'byung mod kyi tshe snga ma mi dran phyi ma mi shes pa dang/ skyid sdug 'bral du myong ba las gang gi rgyu las byung ba mi dmigs pa ni sgrib pas bsgribs pas lan no zhes bya ste/ sgrib pa'i rnam pa gang la dmigs pas sgrib par byed pa bstan pa la sogs pa'o/ /'dus byas kyi chos rnams la skad cig mang mi 'dod de/ rtog go zhes smra ba la yang chos de dag rtag ba zhig yin na no bzhig tu yang mi rung ste/ 'jig par yang mi dmigs pa'i rigs na/ zhig par dmigs pa las ni mi rtag par yang mngon te/ so so'i skye bos ni brgyad bsrings na me 'bar ba 'am chu 'bab pa'i rgyun la yang rtag par mthong ba dang 'dra bar phyin ci log bzhi la goms pas bsgribs pa'i dbang gis 'dra ba'i rgyun la rtag pa lta bur nor bas mthong du zad do zhes bya ba la sems? pa yin te/ re rnams gang la yang tshad ma'i mtshan nyid dang sbyar zhing ci rigs su bstan to smras pa zhes bya ba khong du gzhug pa de dag Atsa rya a sa gas smra ba'i rgyan rnam pa lngar bstan pa lta bu'i tshul gyis tshig tu brjod cing bstan pa'o/ /smra ba'i rgyan gang zhe na/ rnam pa lngar shes par bya ste/ bdag dang gzhan gyi gtsug lag shes pa dang tshig 'bru dang ldan pa dang/ 'jigs pa dang brtan pa dang nges pa'o/ /don zhes bya ba ni dam bcas pa la sogs pa gsum po de dag don to/ /sgrub pa zhes bya ba/

  147. 74a

    ni ji ltar 'dod de rigs pa'i gtan tshigs du mas nan tan du sgrub pa'o/ /yang dag par shes par bya ba ni pha logs go bar bya ba yang ji ltar ma log pa yang dag pa'i don nyid go bar bya'o/ /de'i rgyur gyur pa dang/ rkyen du gyur pa ni gtan tshigs kyis sgrub pa'i rigs pa zhes bya ba yin te/ de yang mtshan nyid rdzogs pa'i tshad mas gang la gang rigs pa'i yul la ji ltar 'dod pa bzhin du sgrub pa'o/ /gtan tshigs sgrub pa'i rigs pa de yang rnam pa gnyis te/ yongs su dag pa dang ma dag pa'o/ /de la yongs su dag pa'i mtshan nyid ni lnga'o/ /yongs su ma dag pa'i mtshan nyid ni bdun no/ /yongs su dag pa'i mtshan nyid lnga rnams gang zhe na/ de mngon sum du dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid dang/ shin tu rnam par dag pa'i lung bstan la bab par bstan pa'i mtshan nyid do zhes gsungs so/ /'di ni tshad ma yongs su dag pa dang/ ma dag pa'i bye brag bstan pa yin te/ gtan tshigs zhib tu ni 'og nas 'byung ngo/ /'jig rten na sems can gyi don byed ces zer ba dang/ rang gi mthu sems pa dag dam bcas shing ston te/ smras pa'i don 'grub pa dang/ yang dag par shes par byed 'dod pa yang mang na/ de kun gyi bsam pa bzhin du 'grub bam zhes bya na/ de ltar gcig tu des pa med de/ 'grub pa yang yod mi 'grub pa yang yod do/ /de ci las gyur ce na/ gtan tshigs kyis sgrub pa la de'i rgyu dang rkyen du rtogs pa'i mtshan nyid yongs su dag pa dang/ ma dag pa las gyur te/ yongs su dag pa'i mtshan nyid dang ldan pa'i gtan tshigs kyis ni don ma log par rtogs te 'grub par rung/ yongs su ma dag pa'i mtshan nyid dang ldan pa'i gtan tshigs kyis ni don ma log par rtogs te 'grub par rung/ yongs su ma dag pa'i mtshan nyid dang ldan pa'i gtan

  148. 74b

    tshigs kyis ni/ don la log par 'dzin te/ 'grub tu mi rung ngo/ /de lta bas ni mtshan nyid kyi yon tan dang bye brag shes pa ni bdag kyang yang dag pa'i lta ba la gnas shing gzhan yang yang dag pa'i lta ba la 'jog ste/ sdig pa'i grogs po'i lag tu mi ltung bas? shes bzhin tshor bzhin du spyod do/ /mtshan nyid kyi yon tan dang bye brag mi shes pa ni bdag kyang log par lta ba la gnas shing gzhan yang log par lta ba la 'jug ste/ dge ba'i bshes gnyen gyis bstan kyang mi go bar mos bzhin du spyod do// gtan tshigs sgrub pa yan lag gi le'u ste gsum pa'o// //mngon sum yongs su dag pa'i mtshan nyid la de la 'du byed thams cad mi rtag pa nyid dang/ 'du byed thams cad sdug bsngal ba nyid dang chos thams cad bdag med pa nyid du gang 'jig rten na mngon sum du dmigs pa'i mtshan nyid do zhes gsungs pa'i mtshan nyid du bshad do/ /mngon sum zhes bya ba ni rkyen bzhes bskyed pa'i rnam par shes pa'i sgrib pa dag gis ma bsgribs yul la mngon du dmigs pa yin te/ da ltar byung ba'i rnam par shes pa lnga po dag dang/ des drangs pa'i yid kyi rnam par shes pa dang bcas pas dus gcig spyod yul gcig tu da ltar byung ba'i thad kar bab pa la dmigs nas/ yul de so so'i rang gis rig pa ni mngon sum gyi mtshan nyid ces bya'o/ /yid kyi rnam par shes pa 'ba' zhig gis chos kyi khams la dmigs pa 'ang chos la dmigs pa'i mngon sum zhes bya'o/ /mig la sogs pa'i rnam par shes pa dang/ yid kyi rnam par shes pa dang bcas te yul so sor nges pa la 'dug pa gcig dang mnyam du 'jug gam lnga char dang mnyam du 'jug ce na/ yod ni gang dang yang mnyam du 'jug mod kyi dus cig tu 'jug pa ni rnam par shes pa lnga po las yul gyi rkyen gyi mthu 'am yid la byed pa'i mthu gang che bas bskyed

  149. 75a

    pa'i rnam par shes pa dang/ yid kyi rnam par shes pa gnyis mnyam du 'jug ste/ lnga char dang dus gcig tu mi 'jug go /lhag ma rnams dang yang rim gyis mnyam du 'jug ste/ mgal me skor ba la gdub bur snang ba bzhin du mgyogs pas dbang po gzugs can gyis rnam par shes pa kun dang dus cig tu so so'i yul la 'dug pa 'dra bar yang snang ngo/ /rkyen bzhi ni bskyed pa'i rnam par shes pa zhes bya ba'i rkyen bzhi'i tshul chos mngon pa las 'byung ba/ mig gi rnam par shes pa'i rkyen bzhi ste/ rgyu'i rkyen dang/ de ma thag pa'i rkyen dang/ dmigs pa'i rkyen dang/ bdag po'i rkyen to/ /rgyu'i rkyen gang zhe na/ lhan cig 'byung ba dang rab tu ldan pa'i chos rnams so/ /de'i de ma thag pa'i rkyen gang zhe na/ sems dang sems las byung ba'i chos gang rnams kyi 'og tu bar chad med par mig gi rnam par shes pa de de ma thag tu skyes pa 'am skye ba'o/ /de'i dmigs pa'i rkyen gang zhe na/ gzugs so/ /de'i bdag po'i rkyen gang zhe na/ bdag nyid ma gtogs pa'i chos thams cad do/ /mig gi rnam par shes pa la ji lta ba bzhin du rna ba dang sna dang lce dang lus dang yid kyi rnam par shes pa 'ang de dang 'dra'o/ /rnam par shes pa skye ba'i tshul ni yang mdo nyid la gsungs pa'i de la yangs pa'i blo gros len pa'i rnam par shes pa de la brten cing gnas nas rnam par shes pa'i tshogs drug 'di lta ste/ mig gi rnam par shes pa dang rna ba dang sna dang lce dang lus dang yid kyi rnam par shes pa 'byung bar 'gyur ro/ /de la rnam par shes pa dang bcas pa'i mig dang gzugs rnams la brten cing mig gi rnam par shes pa skye bar 'gyur te/ mig gi rnam par shes pa de dang lhan cig rjes su 'jug pa dus gcig la spyod yul 'thun pa rnam par rtog pa yid kyi rnam par shes pa 'byung ngo/ /de

  150. 75b

    la yangs pa'i blo gros rnam par shes pa dang bcas pa'i rna ba dang sna dang lce dang rnam par shes pa dang bcas pa'i lus dang reg bya rnams la brten cing lus kyi rnam par shes pa skye bar 'gyur te/ lus kyi rnam par shes pa de dang lhan cig tu rjes su 'jug pa dus gcig pa spyod yul 'thun pa rnam par rtog pa'i yid kyi rnam par shes pa 'byung ngo gal te mig gi rnam par shes pa cig thang cig byung na/ rnam par rtog pa'i yid kyi rnam par shes pa mig gi rnam par shes pa dang spyod yul 'thun pa cig kyang thang cig 'byung ngo/ /gal te thang cig tu gnyis sam/ gsum mam/ bzhi 'am/ rnam par shes pa'i tshogs lnga rnams thang cig 'byung bar 'gyur na yang rnam par rtog pa'i yid kyi rnam par shes pa'i tshogs lnga dang spyod yul 'thun pa cig 'byung ngo// 'di lta ste yangs pa'i blo gros chu'i klung chen po 'bab pa la rlabs cig 'byung ba nas mang por 'byung ba'i rkyen nye bar gnas na mang por 'byung ba dang/ me long gi dkyil 'khor la gzugs brnyan cig 'byung ba nas/ gzugs brnyan mang po 'byung ba'i rkyen nye bar gnas na mang po yang 'byung mod kyi chu'i rgyun kyang mi 'chad/ me long gi dkyil 'khor de gzugs brnyan gyi rang bzhin du 'gyur ba yang ma yin/ yongs su zad par yang mi mngon zhes gsungs so/ /mdo 'di las len pa'i rnam par shes pa zhes 'byung ba 'di ni kun gzhi rnam par shes pa la bya'o/ /dgongs pa nges par 'grel pa'i yangs pa'i blo gros kyi le'u las kun gzhi rnam par shes pa la brten cing rnam par shes pa'i tshogs drug skye bar gsungs pa'i don 'di ni 'phags pa lang kar gshegs pa'i mdo las kyang bshad de/ de la gsungs pa'i blo gros mig gi rnam par shes pa ni rgyu bzhi dag gis 'byung ngo/ /bzhi gang zhe na/ 'di lta ste/ rang gi sems snang ba la 'dzin pa la khong du ma chud pa dang/ thog ma med pa'i dus

  151. 76a

    nas spros pa'i gnas ngan len gyi gzugs kyi bag chags la mngon par zhen pa dang/ rnam par shes pa'i rang bzhin gyi ngo bo nyid dang/ gzugs rnam pa sna tshogs kyi mtshan nyid la ngo mtshar du 'dzin pa yin te/ blo gros chen po rgyu bzhi po 'di dag gis kun gzhi rnam par shes pa chu'i klung lta bu las mig gi rnam par shes pa'i rlabs 'byung ngo/ /mig gi rnam par shes pa ji lta ba bzhin du dbang po thams cad kyi rdul phra rab dang spu'i khong bu rnams la yang de bzhin te/ me long la cha gcig dang rim gyis yul gyi gzugs snang ba dang/ rgya mtsho la rlung gis btab pa bzhin du yul gyi rlung dang/ sems kyi rgya mtsho'i rlabs rgyu'i bya ba rgyun ma chad pa'i mtshan nyid gcig pa dang tha dad pa las rnam par grol ba las dang rigs kyis mtshan nyid dang/ shin tu 'bral ba'i rang bzhin ngo bo nyid khong du mi chud pa rnam par shes pa'i chogs lnga 'jug go /rnam par shes pa'i tshogs lnga po de dag dang lhan cig tu rgyu dang yul bye brag 'byed pa'i mtshan nyid yongs su chud par byed pa zhes bya ba yid kyi rnam par shes ba de dag gi rgyu las byung ba'i bdag nyid rab tu 'jug ste/ de dag dang de'ang bdag ni lhan cig tu phan tshun rgyur gyur cing rang gi sems snang ba'i rnam par rtogs pa la mngon par zhen pas zhugs pa'o snyam du mi sems te 'on kyang phan tshun tha mi dad ba'i mtshan nyid du lhan cig tu ma yin pa'i yul bye brag 'byed pa la 'jug go zhes gsungs so/ /'phags pa lang kar gshegs pa'i mdo las mig gi rnam par shes pa la sogs pa'i rgyu bzhi 'byung ba ni dngos po rnams kyi rgyu gtan la phab par bstan pa'o/ /de la rang gi snang ba la 'dzin par khong du ma chud pa ni dmigs pa'o/ /zhes gsungs pas na/ gzugs la sogs pa dmigs pa'i rkyen la bya'o/ /thog ma med pa'i dus nas spros pa gnas ngan len gyi gzugs kyi

  152. 76b

    bag chags la mngon par zhen pa ni rkyen to zhes gsungs pas na/ mig la sogs pa bdag po'i rkyen la bya'o/ /rnam par shes pa'i ngo bo nyid ces bya ba ni sems dang sems las byung ba'i rkyen gzhan gyis bar du mchod pa yin te/ 'di ni de ma thag pa'i rkyen to/ /gzugs rnam pa sna tshogs kyi mtshan nyid la ngo mtshar du 'dzin pa ni lhan cig tu byung ba dang rab tu ldan pa'i chos rnams yin te/ 'di ni rgyu'i rkyen to/ /mig la ji lta ba bzhin du rnam par shes pa gzhan gyi rkyen bzhi yang gong du smos pa bzhin no/ /de ni nang nas gzugs zhes 'byung ba rnams ni rnam par shes pa so so'i rkyen bzhin du sgra dang dri dang ro dang reg dang chos zhes gang la gang rig par sbyar ro/ /dbang po thams cad kyi rdul phra rab dang spu'i khung po rnams la yang zhes bya ba ni mig gi dbang po go snyod kyi me tog 'dra ba zhes bya ba nas lus kyi dbang po khrab 'dra ba zhes bya ba ni bar gyis gzugs dang ba rnams yin te/ spu'i khung bu nas rnam par shes pa skye ba la bya'o/ /kun gzhi rnam par shes pa las 'byung ba ni me long dang chu'i dpe dang 'dra bar bstan pa'o/ /gcig pa dang tha dad pa las rnam par grol ba zhes bya ba ni 'jug pa'i rnam par shes pa dang/ kun gzhi rnam par shes pa gcig pa dang/ tha dad pa ma yin par 'dzin pa'i gong bu dang rdul phra mo'i dpos bstan pa lta bu yin no/ /las kyi mtshan nyid ni yul la 'dzin pa'o// rigs kyi mtshan nyid ni shes pa'o/ /'brel pa'i rang bzhin zhes bya ba yang 'di dag 'brel pa la bya'o/ /ngo bo nyid khong du chud pa zhes bya ba ni gang la mi rig pa'o/ /rnam par shes pa'i tshogs lnga zhes bya ba ni mig nas lus kyi bar gyi rnam par shes pa lnga la bya'o/ /rgyu dang yul bye brag 'byed pa'i mtshan nyid khong du chud pa zhes bya ba la rgyu ni byed pa'i rgyu la sogs pa drug go /yul ni gzugs la sogs pa drug go /de dag gi bye brag yid kyi rnam par shes pas khong du chud par nus par

  153. 77a

    na khong du chud par byed pa zhes bya'o/ /de dag gis las byung ba'i bdag nyid 'jug ces bya ba ni rnam par shes pa lnga nyon mongs pa'i yid du gyur pa las yid kyi rnam par shes pa skye bar bstan pa'o/ /de dag dang de'ang bdag cag lhan cig rgyur gyur pa la sogs par mi sems pa ni dngos po thams cad sems tsam du ma rig pa dang/ rnam par shes pa lngas rgyud pa'i rkyen byas te/ yid kyi rnam par shes pa skye ba dang/ rnam par shes pa gzhan gyi myong ba yid kyi rnam par shes pas kun gzhi rnam par shes pa la bag chags kyis rgyas par byas shing rnam par shes pa gzhan skye ba lta bur/ rnam par shes pa gcig gi rgyur gcig gyur par khong du mi chud pa la bya'o/ /'on kyang tha mi dad pa'i mtshan nyid du 'jug go zhes bya ba la sogs pa ni rnam par shes pa lnga dang yid kyi rnam par shes pa de dag yul la mnyam du zhugs pa na shes pa gnyis kas kyang yul gyi mtshan nyid ji lta ba bzhin du tha mi dad par dmigs pa la bya'o/ sgrib pas ma bsgribs zhes bya ba'i sgrib pa de dag gang zhe na/ 'phags pa phung po gsum pa las 'byung ga las kyi sgrib pa 'am chos kyi sgrib pa 'am nyon mongs pa'i sgrib pa 'am/ lta ba'i sgrib pa 'am/ mi shes pa'i sgrib pa 'am/ rnam par smin pa'i sgrib pa 'am/ chos kyi phangs par 'gyur ba'i sgrib pa 'am/ nyan thos dang rang sangs rgyas kyi theg pa dang ldan pa'i sgrib pa 'am/ theg pa chen po la sun 'byin pa'i sgrib pa 'am/ sdig pa'i grogs pos nyon mongs pa'i sgrib pa 'am/ byang chub sems dpa' kun tu bzang po'i spyod pa'i smon lam yongs su rdzogs par bya ba la sgrib pa dang chod pa ste/ sgrib pa'i las byas shing bsags pa gang gis bsgribs shing kun nas langs nas

  154. 77b

    sems can dmyal bar 'gro ba 'am/ byol song gi skye gnas su 'gro bar 'gyur ba 'am/ lha dbul por 'gyur ba 'am/ sangs rgyas kyi lta ba yongs su mi 'dzin pa 'am/ chos nyan pa yongs su mi len pa 'am/ de bzhin gshegs pa'i chos rin po che mi shes par 'gyur ba 'am byang chub sems dpa' dang grogs po mi thob par 'gyur ba 'am/ yang dag pa'i dge ba'i bshes gnyen gyis yongs su bzung ba mi 'thob pa 'am dge ba'i rtsa ba chung za ba yongs su 'dzin par 'gyur ba 'am/ byang chub kyi sems stor bar 'gyur ba 'am/ pha rol tu phyin pa'i lam mi nyan pa 'am bdud sdig to can dag gis mnar bar 'gyur ba 'am sangs rgyas kyi chos ring du byed pa 'am/ dge ba'i rtsa ba rtsom pa'i sbyor ba thams cad las ldog pa'am/ dge ba'i gshes gnyen la 'khu bar 'gyur ba 'am/ brtsam pa yongs su dag pa khong du chud par mi 'gyur ba 'am/ dran pa mi nyams pa thob pa 'am/ chos lta ba khong du mi chud pa 'am/ sangs rgyas kyi rnam par sprul pa la mi mos pa 'am/ sangs rgyas kyi chos rnams la sam nyi za ba 'am/ ting nge 'dzin gyi sgo khong du mi chud pa 'am sa nas sar gnas pa mi 'thob pa 'am/ byang chub sems dpa' dang 'grogs pa mi 'thob pa 'am/ pha rol tu phyin pa yongs su bskang ba dang/ byas pa bsrung ba khong du mi chud pa 'am/ smon lam chen po las nur ba'am/ spyod pa yongs su dag pa khong du mi chud pa 'am/ gzungs kyi rgyan gyi snang ba mi mthob bar 'gyur ba dang/ spobs pa'i rgyan gyi snang ba khong du mi chud pa dang/ byang chub sems dpa' kun tu bzang po'i spyod pa'i smon lam 'dris par bya ba khong du mi chud pa dang chos mnyam pa nyid mi rtogs pa dang/ bsod nams mnyam pa nyid mi skyed pa dang/ ye shes mnyam pa nyid khong du mi chud pa dang/ 'khor ba'i chos rnams kyis kun tu gzhom par 'gyur pa'i sgrib pa de lta bu

  155. 78a

    la sogs pa ste/ grangs med pa brgya stong phrag bcu po byang chub sems dpa' i spyod pa dang yon tan gyi chos dang/ nan tan thams cad la kun tu rgyab kyis phyogs par 'gyur ba'i 'gebs pa zhes gsungs pa yin te/ las kyi sgrib pa zhes bya ba nas sdig pa'i grogs pos nyon mongs pa'i sgrib pa zhes bya ba'i bar du rnam pa bcur gsungs pa ni sgrib par byed pa'o/ /de dag gis sgrib par bya ba gang zhe na/ mdor bstan pa ni/ kun tu bzang po'i smon lam yongs su rdzogs par bya ba la sgrib pa dang/ chos ba zhes gsungs pa yin no/ /de la yang bye brag tu bstan pa ni sems can dmyal bar 'gro bar 'gyur pa zhes bya ba nas/ 'khor ba'i chos kyis kun gzhom par 'gyur pa zhes bya ba'i bar gyi sum cu rtsa gsum la sogs par gsungs pa rnams so/ /sgrib pa de dag gis ma bsgribs pa'i mngon sum de'ang rnam pa gsum ste/ kun brtags pa'i mngon sum dang/ gzhan gyi dbang gi mngon sum dang/ yongs su rdzogs pa'i mngon sum mo/ /de la sgyu ma'i skyes bu dang sa sha stag la sogs te/ ji ltar bsgams pa bzhin du dmigs pa ni kun brtags pa'i mngon sum mo/ /'du byed thams cad mi rtag pa la sogs pa yul gyi dngos po'i tshul bzhin dmigs pa ni gzhan gyi dbang gi mngon sum mo/ /chos nyid kyi rigs pa bden pa bcu lta bur dmigs pa ni yongs su rdzogs pa'i mngon sum mo/ /de las 'jig rten gyi mngon sum ni kun rtags pa dang/ gzhan gyi dbang dang gnyis su dmigs te/ gzhan gyi dbang du mngon sum gyi mi rtag pa la sogs par dmigs pa de gang zhe na/ gang 'du byed du gtogs pa thams cad kyi 'dra pa dang mi 'dra ba rgyun tu skye ba la phyi ma skyes nas snga ma 'gag par dmigs pa dang/ 'dra ba dang mi 'dra ba'i bya ba phyi ma byed cig snga ma gtong bar dmigs de dag so so rang gi rig pa ni mngon sum

  156. 78b

    gyi mtshan nyid do/ /kun brtags pa sgyu ma la sogs par dmigs pa gang zhe na/ sgyu ma'i skyes bu zhig mthong na skyes pa'i bye brag ji lta ba bzhin du dmigs pa dang/ mig ser gyi nad kyis btab pas dung ser por dmigs pa dang/ rab rib can gyis zla ba tshes pa la gnyis su mthong ba dang/ rna nad kyis btab pas rlung dang chur ba'i sgra rtag tu thos pa dang/ 'di lta bu dag ni so so rang gis rigs pa'i mngon sum gyi mtshan nyid do/ /rnal 'byor ba la sogs pas bsgoms te/ keng rus la sogs par mthong ba dang/ sa sha stag la sogs par mthong ba dang/ bdag mthe bo tsam du mthong ba dang 'di lta bu la sogs par dmigs pa so sor rang gis rig pa'i mngon sum gyi mtshan nyid do/ /'di dag mngon sum du dmigs pa'i mtshan nyid yin te/ mngon sum gyi tshad mar bya ba ni ma yin no/ /mngon sum yongs su dag pa'i mtshan nyid kyi le'u ste bzhi pa'o/ //rjes su dpag pa yongs su dag pa'i mtshan nyid la/ 'du byed thams cad skad cig ma nyid dang 'jig rten pha rol po yod pa dang dge ba dang mi dge ba'i las rnam par chud mi za ba gang de la gnas pa'i mi rtag pa rags pa mngon sum du dmigs pa dang/ gang sems can sna tshogs la gnas pa mngon sum du dmigs pa dang/ gang sems can bde ba dang sdug bsngal ba dge ba dang mi dge ba la gnas pa mngon sum du dmigs pa yin te/ gang gis mngon sum du ma gyur pa la rjes su dpag par bya ba yin no/ /'di dang tshul 'di lta bu dag ni de la gnas pa'i mngon sum du dmigs pa'i mtshan nyid do zhes gsungs pa'i mtshan nyid bshad do/ /de la gnas pa'i mngon sum gyis dmigs pa'i rjes su dpag par bya ba de'i rang bzhin lkog na 'dug ste/ mngon sum gyis ma dmigs kyang de la gnas pa'i rtags sam/ las sam/ chos sam/ rgyuAm/ 'bras bu 'am/ de rnams kyi nang nas gang mngon sum gyis dmigs pa'i rjes 'jug pa'i blos rjes su dpag ste/ de'i gnas dang rang bzhin gshegs par bya'o/ /la la

  157. 79a

    zhig gnas dang rang bzhin ni mngon sum gyis dmigs su yod la/ rtags la sogs pa de la gnas pa mngon sum gyis ma dmigs na gnas dang rang bzhin gyis rjes su dpags te/ rtags la sogs pa de la gnas par shes par bya ba dang/ de ltar byung ba mngon sum gyis dmigs su yod la/ 'das pa dang ma 'ongs pa shes par bya ba yod do/ /rjes su dpag go cog ni gang mngon sum gyis dmigs pa de'i rjes su 'jug pa'i blos de dang 'brel pa'i dngos po mngon sum gyis ma dmigs pa la rjes su dpag cing shes par bya'o/ /gang gis mngon sum du ma gyur pa la rjes su dpag pa yin no zhes bya ba la gang gis zhes bya ba ni sgrib pa dang bcas pa'i skyes bu la bya'o/ /mngon sum du ma gyur pa ni sgrib pas bsgribs pa la bya'o/ /rjes su dpag pa ni lkog na 'dug pa'i yul rtogs par 'dod cing 'jal ba la bya ste/ de la 'du byed thams cad kyi skad cig ma nyid mi rtag par rags pa dmigs pa'i rjes su dpag pas shes par bya ba la 'du byed rnams gnyen po dang bcas pa rkyen gyi 'jig pa dang mi 'dra ba'i rgyun phyi ma byung zhing snga ma 'das te 'gag pa 'am/ zla ba 'am/ zhag lon la mngon par 'gyur ba la yang chu chod dang/ se gol brdabs pa tsam gyis bar dus su 'gyur bar snang ba las nad de bas kyang myur ba skad cig par yod par dpag pa ni chos dang rgyu'i dpag pa'i mtshan nyid do/ /'du byed rnams skad cig pa'i rgyun tu gnas te/ tshe 'di la rgyun yod pa bzhin du tshe rabs gzhan la yang rgyun 'byung bar 'gyur bas 'jig rten pha rol kyang yod de sems can sna tshogs la gnas pa dmigs pa'i rjes su dpag pas shes par bya ba la 'jog na mi la sogs pa 'greng ste 'gro ba dang phyug la sogs te dus de 'gro ba dang sprul la sogs te 'phye zhing 'gro ba dang/ bya la sogs pa nam mkha' lag lding ba dang/

  158. 79b

    nya la sogs pa chu na 'phyo ba dang de 'dra ba'i tshul gyis mi mthun pa rnam pa sna tshogs ma bslabs par yang shes te rtsol ba dang/ la la'i gnas ci la 'cha' la la'i zas su ci za/ la la'i yon tan du ci la yod/ la la'i skyon du ci chags te/ sna tshogs kyi spyod pa mi 'dra ba la sogs pa dang/ skam la gnas pa ni chu'i gting du 'dug par mi bzod/ chu la 'dug pa ni skam la gnas par mi bzod grangs pas ni khungs mi thub/ dros pas ni grang mo mi thub pa la sogs pa rang gi chos ma yin pa byed mi nus pa de'i nang nas kyang la la ni bslabs na lobs pa dang/ bsgoms na goms su rung ba yang yod/ la la ni bslabs kyang mi lobs la bsgoms kyang goms su mi rung ba yang yod pa dang/ ba glang dang rta la sogs pa mi las nyams rtsal che la bad? mgyogs pa yang mis bkol du rung ba dang/ 'dzi ba dang shig la sogs pa mi bas chung yang mi la za ba dang/ skye gnas bzhi nas skye ba'i tshul mi mthun pa dang/ 'di 'dra ba la sogs pa sems can sna tshogs pa la sogs pa gnas pa mngon sum gyis dmigs su yod pa las na/ 'jig rten gzhan du yang de'i tshul gyis 'gro bar dpag pa ni rgyu dang las dang chos kyi rjes su dpag pa'i mtshan nyid do/ /de ltar 'jig rten pha rol yod cing sems can rnams 'khor ba na gnas par gyur na skyid pa dang sdug pa la sogs pa'i bye brag yod pa yang tshe snga ma'i las kyi rgyu las byung ste/ sems can gyi bde ba dang sdug bsngal ba dge ba dang mi dge ba'i las spyod pa la gnas shing 'byung bar dmigs nas 'jig rten gzhan du bde ba dang sdug bsngal gyi smin pa myong ba yang dge ba dang mi dge ba la gnas pa 'di'i tshul gyis las kyi smin pa chung mi za bar dpag pa ni chos dang rgyu'i rjes su dpag pa'i mtshan nyid do/ /'di dag ni rjes su dpag pa'i mtshan nyid yin te/ rjes su dpag pa'i tshad mar bya ba ni ma yin no/ /rjes su dpag

  159. 80a

    pa yongs su dag pa'i le'u ste lnga pa'o// //rang gi rigs kyi dpe dang sbyar ba'i mtshan nyid la nang dang phyi'i 'du byed rnams kyi 'jig pa dang/ skye bar dmigs pa'i 'jig rten thams cad la grags pas nye bar sbyar ba dang skye ba la sogs pa'i sdug bsngal dmigs pas nye bar sbyar ba dang/ rang dbang med par dmigs pas nye bar sbyar ba dang/ phyi rol gyi phun sum tshogs pa dang rgyud pa nye bar dmigs pa 'jig rten thams cad la grags pa nye bar sbyar ba 'di dang/ rnam pa 'di lta bu dag ni rang gi rigs kyi dpe nye bar sbyar ba'i mtshan nyid du shes par bya'o/ /zhes gsungs pa de'i mtshan nyid bshad do/ /so so'i skye bo rnams la thub pa dag gis gtsug lag tu bstan pa ni/ gang 'jig rten la ma grub pa sgrub cing khong du ma chud pa khong du gzhug pa'i phyir ston pas na/ mngon sum gyis dmigs pa yang rung/ rjes su dpag par shes par bya ba yang rung the tshom sel ba'i grogs su rang gi rigs kyi dpes bstan par bya'o/ /'di las nang dang phyi'i 'du byed rnams 'jig pa dang/ skye ba zhes bya ba nas rang dbang med pa zhes bya ba'i bar gyis gsum po ni mi rtag pa dang/ sdug bsngal ba dang/ bdag med pa la bya ste/ de gsum la dpe nye bar sbyar bar kyang chos 'di gsum bsgrub par bya'o/ /skad cig pa yang mi rtag pa'i don du 'gyur te skye ba dang 'jig pa dpes bstan pa'i nang du 'dus par shes par bya'o/ /phyi rol gyi phun sum tshogs pa dang rgud pa dpes bstan pa ni 'jig rten pha rol yod pa dang/ las kyi 'bras bu chud mi za ba bsgrub pa'o/ /dpe'i mtshan nyid ni gcig ste/ 'jig rten la mngon sum du sgrub pa'o/ /de gang zhe na/ bden par smra ba'i thos pa dang mi ldan pa rnams 'du byed rnams kyi mi rtag pa mngon sum gyis dmigs kyang 'dra ba'i rgyun cig gis cig sdud pas bsdus te rtag pa'i mtshan nyid du lta ba dag mi rtag par

  160. 80b

    dpes bstan pa las 'dus byas kyi chos ni gzhig tu rung ba'i rang bzhin can yin te/ 'jig pa'i gnyen pos gzhig par 'gyur ba ni/ bla brlan gnyen po me la chu bab pa yin no zhes bya ba ni me dang 'dus byas su yang rigs cig la chu blags na me 'gag par dmigs shing 'jig rten dag me gsod na/ chu tshol ba 'am me mar ram/ sgron ma la rlung gis btab pa 'am/ dbugs kyis bus na me lce 'gag pa bzhin no/ /zhes bya ba'i me dang/ rlung mngon sum gyis dmigs pa ni 'jig rten la mngon sum gyis grub pa zhes bya'o/ /me'i rgyun rang 'gag pa la yang me lce 'gags nas mdab ma las thal ba dang/ sol bar 'gyur blta'o mi 'dra ba'i rgyun phyi ma byung zhing snga ma 'jig pa mngon sum gyis dmigs pa yang 'jig rten la mngon sum gyis grub pa zhes bya'o/ /mi rtag pa rags pa la skad cig pa phra mo'i cha yod pa'i dpe ni/ snam bu la skud pa'i cha yod pa yang snal mar 'dzag pa dang 'dra'o zhes bya ba 'am/ 'jim pa'i gong bu la rdul gyi cha yod pa yang rdul phra rab tu 'jig pa dang 'dra'o zhes bya ba'i 'jim pa dang rdul mngon sum gyi dmigs pa ni 'jig rten la mngon sum gyis grub pa zhes bya'o/ /rtag par snang ba de mi rtag pa'i? rgyun yin par bstan pa ni chu'i rgyun la dang ba dang/ rnyog pa'i bye brag tu gyur pa'i tshe snga phyi tha dad par mngon pa las na/ dang ba'i rgyun tu 'bab pa yang snga phyi tha dad pa bzhin no zhes bya ba 'am/ me lci dang blo la yang mi 'dra ba'i rgyun snga phyir byung ba'i tshe tha dad par mngon pa las na/ 'dra ba'i rgyun tu gnas pa yang snga phyi tha dad do zhes bya ba'i 'dra ba dang mngon sum gyis dmigs pa ni 'jig rten la mngon sum gyis grub pa zhes bya'o/ /ril pa chus bkang ba'i spyi po thur du bstan na/ thigs pa phyi ma'i gdong la snga mi bsdod pa dang 'dra'o zhes bya ba 'am/ nam 'bras bur gyur pa ni me tog ltung ba bzhin no zhes bya ba'i snga ma dang phyi ma mngon sum gyis dmigs pa ni 'jig rten gyi la mngon sum gyis grub pa zhes bya

  161. 81a

    ster gzhan la yang 'di dag gi tshul gyis ci rigs par sbyar ro/ /'du byed rnams la bde bar 'dzin pa dag sdug bsngal yin dpes bstan na/ skye ba dang na ba la sogs pa'i chos yod pa bzhin no zhes bya ba 'am/ tshor ba thams cad rang bzhin gyi sdug bsngal ba yin pas na phrag pa la khur bkal ba g.yas g.yon du spos pa dang 'dra ste/ bde ba de yang sdug bsngal lo zhes bya ba 'am spyod lam bzhi las gag kyang rung ring du gnas na/ sdug bsngal ba dang 'dra'o zhes bya'o/ /chos thams cad bdag med par dpes bstan pa la 'dus byas kyi chos ni rkyen 'dus pas grub ste/ shing rta sbyar ba dang 'dra'o zhes bya ba 'am/ khang pa phug pa dang 'dra'o zhes bya ba dang 'dus ma byas kyi chos ni de'i rang bzhin las bdag ces bya ba gud na med de nam mkha' la ri bong gi ra med pa bzhin no zhes bya ba'o/ /'jig rten pha rol yod pa dang las kyi 'bras bu chung mi zo bar bstan pa'i dpe ni 'phags bzang skyong gis dris pa'i mdo las 'byung ba'i rnam pa bzhin no/ /de la sogs pa sde snod gsum gyi nang nas dpe'i rnam pa 'byung ba'i tshul gyis mtshan nyid dang 'thun par gang la gang rigs par bstan to/ /rang gi rigs kyi dpe'i mtshan nyid kyi le'u ste drug pa'o// //yongs su grags pa yongs su dag pa'i mtshan nyid la gang 'di de mngon sum dmigs pa'i mtshan nyid dang/ de la gnas pa mngon sum du dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid ni/ de 'grub par bya ba la gcig tu nges pa'i phyir yongs su greg pa'i mtshan nyid du shes par bya'o zhes gsungs pa de'i mtshan nyid bshad do/ /yongs su greg pa zhes bya ba ni chos rnams la mngon sum du dmigs pa dang/ rjes su dpag par rig pa dang/ rang gi rigs kyang dpe nye bar bsgyur ba dang/ gsum tshogs na 'grub pa la gcig tu nges pa 'di ni yongs su

  162. 81b

    greg pa'i mtshan nyid ces bya ste/ mngon sum la sogs pa gsum so sor smos pa ni mtshan nyid kyi bye brag go/ yongs su greg pa gcig tu 'brang ba ni grub pa'i don gyis gcig go /de gsum ldan don la nges par byas pa ni dper na/ sngon gyi greg pa zhig thos te the tsom du gyur pa la de ltar sum mthong zhes bya ba ni mngon sum dang 'dra/ de yin par ci mngon zhes bya ba ni rjes su dpag pa dang 'dra/ de dang 'dra ba gzhan gang la srid ces bya ba ni rang gi rigs kyi dpe dang 'dra ste/ de gsum 'thun yid ces bya ba bzhin no/ /sems can ni ma rig pa dang rgyal dang the tshom la sogs pa dang bcas pas na/ mi las bla mar gyur pa dang 'jig rten las 'das pa'i ye shes kyi spyod yul bstan pa la ma rig pa'i dbang gis ni don log par 'dzin par 'gyur/ nga rgyal gyi dbang gis ni goms pa la ngan dus byed pas 'byung /the tshom gyi dbang gis ni yang dag par bstan pa la yid mi chas pa 'byung bas na/ yongs su greg pa'i mtshan nyid gyis gtan la dbab pa yang de ltar dgos so/ /yongs su greg pa'i le'u ste bdun pa'o// //shin tu rnam par dag pa'i lung bstan la dbab par bstan pa'i mtshan nyid la gang thams cad mkhyen pas bshad pa 'di lta ste/ mya ngan las 'das pa ni zhi ba'o zhes bya ba 'di dang/ rnam pa 'di lta bu dag ni shin tu rnam par dag pa'i lung gtan la dbab par bstan pa'i mtshan nyid du shes par bya'o/ /de bas na mtshan nyid la bo 'di dag gis rigs pas brtag pa yongs su dag pa ste/ yongs su dag pa'i phyir bstan par bya'o zhes gsungs pa de'i mtshan nyid bshad do/ /thams cad mkhyen pas bshad pa'i chos ni yan lag bcu gnyis dang ldan pa'i gsung rag rnams yin te/ de thams cad gyi don ni mya ngan las 'das pa nyid las gzhan du mi gsung pas na/ mya ngan las 'das pa ni zhi ba zhes bya'o/ /mya ngan las 'das pa de yang theg pa chen po dang/ nyan thos kyi theg pa'i

  163. 82a

    tshul gyis rnam ba gnyis su 'gyur ro/ /de gang zhe na/ chos thams cad thog ma nas zhi bas na rang bzhin gyis mya ngan las 'das par khong du chud de/ chos gag kyang mya ngan las 'dar med pas/ mi gnas pa'i mya ngan las 'da' ba dang sdug bsngal gyis skyo bar dmigs par sdug bsngal la zhi ba'i mya ngan las 'ba' ? ba dang/ gnyis kyis zhi bar ston pa'o/ /rnam pa 'di lta bu dag ces bya ba ni chos rnams de bzhin nyid bdun la sogs pa'o/ /de yang gang zhe na mdo 'di las gsungs pa byung ba'i de bzhin nyid ni/ gang 'du byed rnams kyis thog ma dang tha ma med pa'o/ /mtshan nyid ni de bzhin nyid ni gang chos rnams kyi gang zag la bdag med pa dang chos la bdag med pa'o/ /rnam par rig pa'i de bzhin nyid ni gang 'du byed rnam par rig pa tsam mo/ /gnas pa'i de bzhin nyid ni gang bas sdug bsngal gyi bden pa bshad pa'o/ /log pa'i nan tan gyi de bzhin nyid ni gang ngas kun 'byung ba'i bden pa bshad pa'o/ /rnam par dag pa'i de bzhin nyid ni ngas gang 'gog pa'i bden pa bshad pa'o/ /yang dag pa'i nan tan gyi de bzhin nyid ni gang ngas la ma gyis bden pa bshad pa bstan pa'o/ /zhes gsungs de dag bshad par bya ste/ de bzhin nyid bdun po de yang theg pa chen po dang/ nyan thos kyi theg pa'i tshul gyis gcig cing yang grub pa'i mdza' gnyis gnyis 'gyur ro/ /de gang zhe na/ 'du byed kyi thog ma med pa'ang/ 'khor ba'i thog ma dang tha ma med pa dang/ 'du byed kyi thog ma dang tha ma'i dmigs su med pa gnyis so/ /bdag med pa yang ji ltar mu stegs can gyis brtags pa'i bdag ces bya ba med pa dang chos so cog kyang sgyu ma dang 'dra ste bdag med pa dang gnyis so/ /'du byed rnam par rig pa tsam mo zhes bya ba yang 'du byed thams cad la dbang byed pas sems pa yin pa dang/ 'du byed thams cad ni sems kyis brtags

  164. 82b

    btsam las gzhan med pa dang gnyis so/ /sdug bsngal gyi bden pa yang phung po lnga sdug bsngal gsum dang brgyad kyis gtso bor mthong nas 'khor bas skyo ba dang/ 'du byed sdug bsngal bar mthong bas sems can thams cad la snying rje chen po skye ba dang gnyis so/ /kun 'byung ba'i bden pa yang nyon mongs pa ni phung po phyi ma'i rgyur 'gyur par rtog pa dang de nyid kyi rang bzhin yongs su dag par rtog pa dang gnyis so/ /'gog pa'i bden pa yang dmigs pa can gyi 'gog pa'i bden pa dang mi dmigs pa'i 'gog pa'o/ /lam gyi bden pa yang 'phags pa'i lam yan lag brgyad pa dang/ pha rol tu phyin pa bcu po yin te/ de ltar rnam pa gnyis su gyur pa ni bkri ba'i don dang nges pa'i don gyi bye brag tu shes par gyis shig/ yod ni mi las bla mar gyur pa'i gtsug lag dpyad pa la tshig tha snyad kyi grub pa 'ba' zhig gi kha dor du mi rung ste/ lung las 'byung ba dang/ 'thun par bsgrub dgos pas na/ sgrub pa dang bsgrub par bya ba kun kyang lung dang sbyar ro/ /lung gi mtshan nyid ni chos kyi phyag rgya rnam par thar pa'i sgo stong pa nyid dang/ mtshan ma med pa dang/ smon pa med pas ston pas btab pa yin no/ /ci'i phyir lung shin tu rnam par dag pa yin zhe na/ dus gsum gyi sangs rgyas thams cad kyang chos 'thun par ston pas na lung zhes bya'o/ /chos kyis tshad mar byas pa'i mtshan nyid dang ldan la rang bzo'i lhang ma zhugs pas na shin tu rnam par dag pa zhes bya'o/ /chos de dag 'jig rten du ji ltar zhe na/ de bzhin gshegs pa dgra bcom pa yang dag par rdzogs pa'i sangs rgyas mkhyen pa nyid dang/ rkang par ldan pa bde bar gshegs pa 'jig rten rig pa skyes bu 'dul ba'i kha lo sgyur ba bla na med pa lha dang mi'i ston pa sangs rgyas bcom ldan 'das zhes bya ba 'jig rten du byung ba nges chos thams cad ji ltar mngon par thugs su chud pa de bzhin du gzhan la

  165. 83a

    yang ston pa des gsungs so/ /de'i rgyu nas che ba'i bar du gang zhe na/ de bzhin gshegs pa skye ba srid pa bstan pa las 'byung ba de bzhin gshegs pa 'byung ba ni rgyu gcig gis ma yin/ byed pa gcig gis skye bar 'gyur ba ma yin/ tshad med grangs med pa brgya stong gi rim pa yongs su rdzogs par byas shing rab tu skye ba rnam pa bcu'i tshul gyis 'byung ngo/ bcu gang zhe na/ lhag pa'i bsam pa tshad med pa dang/ byams pa chen po dang/ snying rje chen po tshad med pa dang/ tshad med par spyod pa'i smon lam la sogs pa tshad med pa bcu las 'gyur ro zhes rgyas par gsungs pa 'di ni/ rgyu'i mtshan nyid bstan pa'o/ /'phags pa sangs rgyas kyi sa las 'byung ba chos kyi dbyings rnam par dag pa dang/ me long lta bu'i ye shes dang mnyam pa nyid kyi ye shes dang/ bya ba nan tan gyi ye shes dang/ so sor kun tu rtog pa'i ye shes dang/ 'di lngas chos thams cad la gzung ba dang/ 'dzin pa med par thams cad kyang mkhyen la skal ba yod pa'i sems can kun kyang so so'i bsams ba bzhin du grub par mdzad pa 'di ni sa'i mtshan nyid bstan pa'o/ /dgongs pa nges par 'grel pa'i mdo las 'byung ba thams cad mkhyen pa'i mtshan nyid ni rnam pa lnga ste/ su gang 'jig rten du thams cad mkhyen par sgra rnam par grags shing 'byung ba dang/ skyes bu chen po'i mtshan sum cu rtsa gnyis dang ldan pa dang/ stobs bcus sems can kun gyi the tshom gcod pa dang/ mi 'jigs pa'i chos bstan pa bzhi dag gis bshad pa la pha rol rgol ba thams cad kyis brgal du med cing brtsad du med pa dang/ su'i chos 'dul ba la 'phags pa'i lam yan lag brgyad snang zhing dge sbyong bzhi snang ba yin te/ de ltar 'byung ba dang mtshan dang the tshom gcod pa dang/ brgal du med cing brtsad du med pa dang/ dge sbyong dmigs

  166. 83b

    pas thams cad mkhyen pa'i mtshan nyid ltar shes par bya'o/ /zhes gsungs pa 'di ni 'bras bu'i mtshan nyid bstan pa'o/ /thams cad mkhyen pas ci zhig mkhyen ce na/ 'phags pa'i rin po che'i sprin la sogs pa'i mdo las 'byung ba thams cad mkhyen pa'i tshe ba ni mi chags pa'i bsam gtan pas ting nge 'dzin gyi spyod yul gyi mdza' dang kun gyi mdza' mi rnyed do zhes bya ba dang/ de bzhin gshegs pa'i tshad med pa'i gzugs kyi sku mngon par bsgrub pa dang/ 'phrul gyi spyan gyi yul tshad med pa dang/ 'phrul gyi snyan gyi yul tshad med pa dang tshad med pa'i ye shes kyi skad cig thang cig yud tsam zhig la mdza' med pa'i gzugs mdza' med pa'i sgra gsan mdza' med pa'i chos mkhyen te/ dus gsum char la yang thogs pa med do zhes bya'o/ /skyes bu chen po'i mtshan sum cu rtsa gnyis gang zhe na/ 'phags pa rgya cher rol pa'i mdo las byung ba dbu ma gtsug tor yod pa dang dbu mthon mthing la g.yas su 'khyil ba dang/ dpral ba mnyam la che ba dang/ smin mtshams kyi mdzod spu dang spyan mthon mthing la ba'i rdzi ma 'dra ba dang/ so bzhi bcu thags bzang ba dang/ mche ba dkar ba dang/ 'gram pa seng ge 'dra ba dang/ lce che zhing srab ba dang/ ro stong seng ge 'dra ba dang/ shing n+ya gro d+ha ltar chu zhing gab pa dang/ spu khung bu re re nas skyes pa dang/ pho mtshan mi snang bar nub pa dang brla gang zhing rlum? pa dang/ byin pa ri dags kyi rgyal po e Ne ya 'dra ba dang/ zhabs kyi ting pa tsha ba dang zhabs dang/ phyag 'jam zhing gnyen po dang/ zhabs dang phyag gis ra mo'i bar dra bas 'bres pa dang/ zhabs phyag gi sor mo ring ba dang/ zhabs kyi stang mtho ba dang/ ro bro ba'i mchog dang/ dpung mgo zlum pa dang/ bdun mtho ba dang/ lgags pa srab la gser gyi kha dog 'dra ba dang/ ma btung par phyag bus mo'i lha de la rag pa dang/ zhabs rab tu gnas pa dang zhabs dang phyag gi mthil na 'khor lo'i

  167. 84a

    mtshan yod pa dang/ tshangs pa'i dbyangs dang 'di dag ni skyes bu chen po'i mtshan sum cu rtsa gnyis yin te/ de bzhin gshegs pa'i sku la 'byung ngo/ /de la de bzhin gshegs pa'i stobs bcu gang zhe na/ 'phags pa byang chub sems dpa' i sde snod la sogs pa las 'byung ba/ gnas dang gnas ma yin pa shes pa'i stobs dang 'das pa dang ma 'ongs pa dang/ da ltar byung ba'i las kyi rgyu rnam par smin pa 'dzin pa shes pa'i stobs dang/ mos pa sna tshogs shes pa'i stobs dang khams sna tshogs shes pa'i stobs dang/ dbang po mchog tha ma shes pa'i stobs dang/ thams cad du 'gro ba'i lam shes pa'i stobs dang/ bsam gtan dang rnam par thar pa dang/ ting nge 'dzin dang/ rnam par 'jog pa dang/ nyon mongs pa dang/ rnam par byang ba dang ldan pa'i shes pa'i stobs dang/ sngon gyis gnas dran pa shes pa'i stobs dang/ shi 'pho dang skye ba shes pa'i stobs dang/ zag pa zad par shes pa'i stobs so/ /de la mi 'jigs pa bzhi gang zhe na/ 'di lta ste/ chos thams cad mngon par byang chub la la mi 'jigs pa dang/ zag pa zad pa thams cad par shes pa la mi 'jigs pa dang/ bar chad kyi chos rnams gzhan ma yin par gdon mi za lung bstan pa la mi 'jigs pa dang/ phun sum tshogs pa thams cad thob par bya ba'i phyir 'byung ba'i lam de kho na la mi 'jigs pa'o/ /'phags pa'i lam yan lag brgyad pa gang zhe na/ yang dag pa'i lta ba dang/ yang dag pa'i rtog pa dang/ yang dag pa'i las kyi mdza' dang/ yang dag pa'i dag dang/ yang dag pa'i 'tsho ba dang yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /dge sbyong bzhi gang zhe na/ lam ston pa dang/ lam rgyal ba dang/ lam la gnas pa dang/ lam sun 'byin pa'o/ /thams cad mkhyen pa de'i

  168. 84b

    bdag dang gzhan gyi don la yun ring po nas/ ye shes dang bsod nams kyi tshogs bsags pa ma lus par rdzogs pas na/ dge ba thams cad mnga' ba ni/ sa chen po bzhin no/ /de la gzhan gyi rkyen gyi rkyen las 'gyur ba ni sa las skye bo chog la thabs mi shes pas spyad na ni rtsi yang dug tu 'gyur zas kyang nad du 'gyur/ thabs shes pas spyad na ni dug kyang rtsir rung/ zas kyang srog gi gzungs byed pa bzhin no/ /chos co cog ma lus par mkhyen kyang sems gyis brtags pa tsam du thugs su chud bas na de'i nyes pas mi gos pa ni gzugs kyi rnam pa dang/ nam mkha' 'ang 'grogs kyang nam mkha' la chags pa med pa bzhin no/ /sems can rnams sgrib pa las ma grol ba'i phyir thugs rje dang bcas pa'i smon lam gyis mnyam pa med pa dang/ mnyam pa'i phung po lnga'i sku mi gtong ste/ mdza' mar ba'i mthar 'dzin kyang shes rab yongs su dag pa las byung bas na/ phal gyi phung po dang khyad zhugs pa ni shin tu dag pa'i shel dang rdo ba gnyis sra ba'i rang bzhin du 'dra yang/ shel ni chos nyid kyi gsal bas rdo rje ltar gzhan la sgrib pa bzhin no/ /khams gsum na spyod par snang yang ting nge 'dzin gyi mthu las gyur pas na/ rtog pa mi 'byung bar sna tshogs spyod pa ni me long la gzugs brnyan snang ba bzhin no/ /de lta ste rnam par dag pa'i lung ston pa yang thams cad mkhyen pa nyid do/ /thams cad mkhyen pa'i mtshan nyid 'di lta bu yin par yang rnam par dag pa'i lung las 'byung ngo/ /de ltar thams cad mi mkhyen pa dang lung gnyis gcig las gcig shes par rung gci la zhugs pa'i mthus shes par gyur zhe na/ chos kyi tshul la zhugs pa'i mthus shes par 'gyur ro/ /de gang zhe na/ 'phags pa chos kun 'gro ba'i mdo las 'byung ba/ rigs kyi bu byang chub sems dpas chos kyi tshul 'jug pa bcus sangs rgyas khong du chud par bya'o/ /bcu gang zhe na/ 'di lta ste rgyu 'dra ba'i sangs rgyas dang/ rnam par smin pa las byung

  169. 85a

    pa'i sangs rgyas dang/ ting nge 'dzin gyi sangs rgyas dang/ smon lam gyi sangs rgyas dang/ sems kyi sangs rgyas dang/ ngo bo nyid kyi sangs rgyas dang/ longs spyod rdzogs pa'i sangs rgyas dang/ sprul pa'i sangs rgyas dang/ brtags pa'i sangs rgyas dang/ mdun du bzhag pa'i sangs rgyas so zhes de dag gi bye brag bshad pa dang/ rgyas par gsungs so/ /de la mdun du bzhag pa'i sangs rgyas zhes bya ba ni sku gzugs byas pa yin/ brtags pa'i sangs rgyas pa zhes bya ba ni slob dpon dang mkhan po yin te/ mdun du bzhag pa'i sangs rgyas mngon sum du dmigs pas btags pa'i sangs rgyas kyi mig la yid ches shing bsnyen bkur byed par 'gyur/ btags pa'i sangs rgyas la bsnyen bkur byas pas sku sprul pa'i sangs rgyas la yid ches par 'gyur/ sprul pa'i sangs rgyas la yid ches pas longs spyod rdzogs pa'i sangs rgyas kyi tshul khong du chud par 'gyur/ longs spyod rdzogs pa'i sangs rgyas kyi tshul khong du chud pas ngo bo nyid kyi sangs rgyas khong du chud par 'gyur/ ngo bo nyid kyi sangs rgyas khong du chud ngas smon lam gyi sangs rgyas khong du chud par 'gyur/ smon lam gyi sangs rgyas khong du chud pas ting nge 'dzin gyi sangs rgyas khong du chud par 'gyur/ ting nge 'dzin gyi sangs rgyas khong du chud pas sems kyi sangs rgyas khong du chud par 'gyur sems kyi sangs rgyas khong du chud pas rnam par smin pa las 'byung ba'i sangs rgyas kyi byin gyi rlabs khong du chud par 'gyur ro/ /rnam par smin pa las 'byung ba'i sangs rgyas kyi byin gyi rlabs khong du chud pas rgyu 'dra ba'i sangs rgyas khong du chud de de thams cad mkhyen pa'i mtshan nyid dang/ lung gi mtshan nyid gcig la gcig bltos nas de gnyis ga khong du chud par 'gyur ro/ /shin tu rnam par dag pa'i lung gi mtshan nyid kyi le'u ste brgyad pa'o// //tshad ma'i grangs dang mtshan nyid kyi

  170. 85b

    bka' thang la/ gtan tshigs sgrub pa'i rigs pa de yang/ de ltar mngon sum gyi tshad ma dang/ rjes su dpag pa'i tshad ma dang/ yid ches pa'i lung gi tshad ma dang/ mtshan nyid lngas yongs su dag pa'o zhes gsungs te/ tshad ma 'dis dag ci'i phyir gsungs shes lta 'og spun te sbyar na 'jig rten na gsum gyi sems can dag tshad ma ma yin par tshad mar ston cing tshad mar mi rung ba la tshad mar 'dzin par byung ba dang/ 'byung bar 'gyur ba mkhyen nas/ log par lta ba'i dra ba brtsal ba'i phyir tshad ma 'di gsungs pa yin no/ /tshad ma zhes bya ba ni ring thung la song la sogs pas gzhal ba dang/ mang nyung la bre la sogs pas gzhal ba dang/ lci yang la srad la sogs pas gzhal ba lta bu yin te/ tshad ma ni mngon sum dang rjes su dpag pa dang yid ched pa'i lung dang gsum mo/ /tshad ma gsum bya ba ni dngos po bsgribs pa dang/ ma bsgribs pa dang de dag las kyang shin tu bsgribs pa'i chos dang gsum yod pas tshad ma yang gsum du gsungs so/ /de lta bas na mngon sum gyi tshad ma dang rjes su dpag pa'i tshad ma dang/ yid ches pa'i lung gi tshad ma yang zhes bya'o/ /tshad ma de dag gi mtshan nyid ni de gcig kyang lnga lngar shes par bya ste/ yongs su dag pa'i mtshan nyid lnga zhes gsungs pa rnams yin no/ /de lta bas na mtshan nyid lngas yongs su dag go zhes gsungs so/ /ji ltar yongs su dag ce na/ mngon sum ni rjes su dpag pas nor tam/ ma nor gtan la dbab/ rjes su dpag pa ni mngon sum du myong bas don la nges par gzhog ste/ mngon sum dang rjes su dpag pa de gnyis la the tshom yod pa ni rang gi rigs kyis dpes bsal bar byed do/ /de gsum tshogs na 'grub pa la gcig tu nges pas yongs su greg pa yin te/ 'jig rten gyi tshad ma'i grangs su chud do/ /lung gis ni mi las bla mar gyur pa'i chos yod par mi shes pa des mtshon cing ston/ mtshan nyid 'di lngas yongs su dag par 'gyur ro/ /yod ni 'jig rten gyi

  171. 86a

    chos kyang rung 'jig rten las 'das pa'i chos kyang rung/ gang la don rtog par byed do chog ni yongs su dag pa'i mtshan nyid rdzogs pas rtogs par 'gyur te/ 'jig rten las 'das pa'i chos dang/ shes par dka' ba rnams la ni mtshan nyid lnga po re re dang mthar gyis sbyar zhing brtag dgos pas mtshan nyid kyi bye brag gsal bar mngon no/ /'jig rten gyi chos dang shes par bla ba rnams ni mtshan nyid bzhi po tshad mas rtogs par byed mos kyi de dag gi gzhal bya yang 'dris pa'i shas che ste/ lan du mar bslab mi dgos pas mtshan nyid kyi bye brag kyang myur zhing phra ste/ bsal bar mi mngon bzhin du 'byung ngo/ /tshad ma'i grangs dang mtshan nyid kyi bka' thang gi le'u ste dgu pa'o// //bka' thang gis mngon sum gyis tshad mar bya la/ de la mngon sum gyi tshad ma gang zhe na/ ma bsgribs pa'i lus la mngon sum gyis mngon sum du drangs ba'i steng du nye ba'i rjes su dpag pa la sogs pa mtshan nyid lngas yongs su dag par byas pa yin no/ /de gang zhe na/ mig la sogs pa'i rnam par shes pa lnga po las gcig dang des drangs pa'i yid kyi rnam par shes pa dang gnyis kyi bdag bdag gi yul la rnam pa ci yod pa so so rang gi rig par gyur ba mngon sum gyi mtshan nyid dang mngon sum du dmigs pa de dag gi rtags la sogs par bcas pa mngon sum gyis rjes su dpags nas rtogs par khong du chud pa nye ba'i rjes su dpag pa'i mtshan nyid dang/ de dang rigs gcig pa gzhan la yang 'di 'dra bar yod pa 'jig rten la sgrub pa rang gi rigs kyi dpe'i mtshan nyid dang/ de gsum 'thun pas sgrub par gyur pa yongs su sreg pa'i mtshan nyid dang/ thams cad mkhyen pas gsungs par nges pa'i mtshan nyid dang ldan pa'i lung las chos rnams kyi mtshan nyid ji skad du 'byung ba lung gi mtshan nyid dang

  172. 86b

    sbyar ro/ /yid kyi rnam par shes pa 'ba' zhig gis/ chos kyi khams la sogs pa rang gi yul la mngon sum du dmigs pa mtshan nyid lnga dang sbyar ba yang de bzhin no/ /mngon sum gyi tshad ma mtshan nyid lngas yongs su dag pas mi rtag pa la sogs pa la gzhal zhing sgrub pa ni sngar bshad pa bzhin du gang 'du byed du rtogs pa thams cad kyi 'dra ba dang mi 'dra ba'i rgyun phyi ma skyes nas snga ma 'gag par dmigs pa dang 'dra ba dang mi 'dra ba'i bya ba phyi ma med cing snga ma gtong bar dmigs pa de dag so sor rang gi rigs pa ni mngon sum gyi mtshan nyid do/ /de la 'dra ba dang mi 'dra ba'i rgyun gzhan dang gzhan byung ba'i tshe snga ma 'gag pa'i phyir mi rtag pa nyid du rtogs par khong du chud pa ni nye ba'i rjes su dpag pa'i mtshan nyid do/ /'du byed rnams ni rtag pa'i mtshan nyid dang ldan pa'i nang nas kyang mi rtag par mngon par me'i rgyun la me lce 'gags nas mdag ma las thal ba dang sol bar 'gyur ba bzhin no zhes bya ba'i dpes bstan te/ byin gyis srid pa dang sbyar zhing mi rtag par sgrub pa rang gi rigs kyi dpe'i mtshan nyid do// mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa/ khong du chud pa ni nye ba'i rjes su dpag pa'i mtshan nyid do/ /'du byed thams cad mi rtag go zhes 'byung ba ni lung gi mtshan nyid do/ /de ltar na mtshan nyid lngas yongs su dag pa'i mngon sum gyis mi rtag par yongs su grub pa'o/ /'du byed thams cad sdug bsngal bar dmigs pa la skye ba la sogs pa'i gnod pa nyams kyis tshor te/ so so rang gis rig pa ni mngon sum gyi mtshan nyid do/ /sdug bsngal myong ba dag mi bzod pa lta bu'i tshul las bltas te/ 'bras bu las sdug bsngal ba nyid du dpags te/ khong du chud pa ni nye ba'i rjes su dpag pa'i mtshan nyid do/ /'du byed rnams sdug bsngal gyi mtshan

  173. 87a

    nyid dang ldan pa'i nang nas kyang sdug bsngal bar mngon pa skye ba dang/ na ba la sogs pa'i chos yod pa bzhin no zhes bya ba 'am spyod lam bzhi las gag kyang rung ring du gnas na sdug bsngal dang 'dra'o zhes bya ba'i dpes bstan te/ byin gyis srid pa dang sbyar ba ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa sde snod gsum pa'i lung las 'du byed rnams cad sdug bsngal zhes 'byung ba ni lung gi mtshan nyid do/ /de ltar mtshan nyid lngas yongs su dag pa'i mngon sum gyis sdug bsngal bar grub pa'o/ /chos thams cad bdag med pa la 'di skad bdag gi mtshan nyid smra ba ltar rtag pa gcig pu khyad par ma dmigs pa na/ bdag med par so so rang gis rig pa ni mngon sum gyi mtshan nyid do/ /phung po lnga la bdag gi mtshan nyid dang 'brel ba'i rtags la sogs pa rnam pa drug go/ gang yang mi dmigs pas bdag med pa nyid du rtogs par khong du chud pa ni nye ba'i rjes su dpag pa'i mtshan nyid do/ /'du byed rnams bdag med pa'i nang nas kyang rang dbang med par mngon pa bum pa la sogs pa rkyen la sdod pa dang 'dra'o zhes bya ba 'am/ shing rta sbyar ba dang 'dra'o zhes bya ba'i dpes bstan cing/ bdag yod pa mi srid pa dang sbyar ba ni rang gi rigs kyi ngo bo'i mtshan nyid do/ /mtshan nyid de gsum tshogs pas 'grub la la gcig tu nges pa ni yongs su greg pa'i tshan pa'i mtshan nyid do/ /gang thams cad mkhyen pas gsungs pa'i lung las chos thams cad bdag med do zhes 'byung ba'i lung gi mtshan nyid de/ de ltar na mtshan nyid lngas yongs su dag pa'i mngon sum gyis bdag med par grub pa'o/ /de ci'i phyir mngon sum gyis tshad ma zhe na/ bsgribs pa med de/ dmigs pas mngon sum mo/ /mtshan nyid mi 'gal bas gtan la phebs bas na tshad ma'o/ /gzhan yang sgyu ma'i skyes bu zhig mthong

  174. 87b

    na/ skyes bu'i bye brag ji lta ba bzhin du dmigs pa dang/ mig ser gyi nad gyis btab pa dung la ser por dmigs pa dang/ rab rib can gyis zla ba tshes pa la gnyis su mthong ba dang rna nang kyis btab pas rlung dang/ chu rba'i sgra rtag tu thos pa dang 'di lta bu dag ni so so rang gi rig pa yin te/ mngon sum gyi mtshan nyid do/ /rtags la sogs pa drug po'i nang na gang las rtogs par gyur pa de'i phyir sgyu ma yin par shes pa 'am/ mig ser gyi nad kyis btab pa dang/ rab rib kyi skyon zhugs pa dang/ rna bar rlung zhugs pa la sogs pa'i rkyen gyis de ma yin pa la de 'dra bar snang ba nyid du rtogs par khong du chud pa ni nye ba'i rjes su dpag pa'i mtshan nyid do/ /rkyen gyis dbang gis gzhan gzhan du snang bar 'gyur ba'i nang na shes par sla ba smig rgyu la chu ltar snang ba rang d+ha d+hu ra zos na ri lung ser por snang ba dang/ mig dar gyis g.yogs te bltas na/ zla ba gnyis gsum yan chad du mthong ba dang/ brag cha'i sgra byung na/ smra ba yod pa dang 'dra bar grag pa dang/ 'di lta bu'i tshul la sogs pa rang gi mtshan nyid ma yin pa'ang rgyan las gzhan dang gzhan du dmigs pa/ srid pa ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la/ gcig tu nges pa ni yongs su greg pa'i mtshan nyid do/ /de ltar na mtshan nyid bzhis yongs su dag pa'i/ mngon sum gyis sgyu ma la sogs pa nyid du shes par grub po/ /de ci'i phyir zhe na/ gang la gang rigs pa'i rkyen dang/ phrad pa de dang de ma bsgribs te mthong bas na mngon sum mo/ /rang bzhin rtog par khong du chud de/ rkyen gyis bsgyur ba'i phyir mi 'khur? bas na tshad ma'o/ /yang gzhan du rnal 'byor pas bsgoms te/ rus pa dkar po la sogs par mthong ba dang/ chad par sa la sogs par mthong ba dang/ bdag mthe bo tsam du mthong ba dang/ 'di lta bu la sogs

  175. 88a

    par dmigs pa ni mngon sum gyi mtshan nyid do/ /de'i tshe sngon ma bsgoms pa na 'di dag med pa las bsgoms pa'i mthus byung ba tsam du rtogs par khong du chud pa ni nye ba'i rjes su dpag pa'i mtshan nyid do/ /sngon sbrul dang sdig sbrul dag gis dngangs pa'i mig sngar thag pa'i dum bu dang/ sol ba'i grugs ma 'am gzhan dag las kyang sbrul lam sdig sbrul lta bur mthong zhing dngangs pa 'byung ba yang srid pa ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa sde snod gsum pa'i lung las chos thams cad sems tsam zhes bya ba dang sems ni chos thams cad la dbang byed do zhes 'byung ba ni lung gi mtshan nyid de/ de ltar na mtshan nyid lngas yongs su dag pa'i mngon sum gyis bsgoms pa las byung bar grub pa'o/ /de ci'i phyir zhe na/ sems kyi brtags pa yongs su smin pa nyid mthong ba na mngon sum mo/ /dngos po med pa la sems kyis brtags pa tsam du rtogs par khong du chud pa ni yongs su dag pa'o/ /bka' thang gi mngon sum tshad mar bya ba'i le'u ste bcu pa'o// //bka' thang gi rjes su dpag pa tshad mar bya ba de la rjes su dpag pa'i tshad ma gang zhe na/ bsgribs pa'i yul de la gnas pa mngon sum du dmigs pa'i rjes su dpag pas sngon du drangs pa'i steng du mngon sum du myong ba la sogs pa mtshan nyid lngas yongs su dag par byas pa yin te/ de gang zhe na/ rtags la sogs pa de la gnas pa mngon sum gyis dmigs pa'i rjes su 'jug pa'i blos de dang 'brel pa'i dngos po mngon sum gyi mi dmigs pa la/ rjes su dpag cing shes par bya ba rjes su dpag pa'i mtshan nyid dang/

  176. 88b

    rtags la sogs pa de la gnas pa mngon sum du dmigs pa zhig yod na/ de yong gis ci la gnas pa sngon bdag gis mngon sum du dmigs te dran yang rung gzhan gyis mngon sum du dmigs pa'i tshig gcig nas gcig tu brgyud pa las shes par 'gyur ba nye ba'i mngon sum gyis mtshan nyid dang de dang rigs gcig pa gzhan yang 'di 'dra ba yod par 'jig rten la grub pa rang gi rigs kyi dpe'i mtshan nyid dang/ mtshan nyid dang mtshan nyid de gsum mthun pas 'grub du rung ste/ sgrub pa la gcig tu nges par 'gyur bas na yongs su gregs pa'i mtshan nyid dang thams cad mkhyen pas gsungs par nges pa'i mtshan nyid dang ldan pa'i lung las chos rnams kyi mtshan nyid ji skad du 'byung ba lung gi mtshan nyid dang sbyar ba'o/ /rjes su dpag pa tshad ma mtshan nyid lngas yongs su dag pas skad cig la sogs pa la gzhal zhing sgrub pa ni/ rjes su dpag pa'i mtshan nyid kyi le'u las lnga bshad pa bzhin no/ /'du byed rnams kyi rkyen gyis 'jig pa dang mi 'dra ba'i rgyun phyi ma byung zhing 'gag pa la de bas kyang myur ba skad cig pa yod par dpag pa ni chos dang rgyu'i rjes su dpag pa'i mtshan nyid do/ /skad cig pa phra mo la mi rtag pa rags pa nas te/ 'du byed thams cad skad cig ma nyid du 'phags pa rnams kyis mngon sum gyis dmigs zhes bya ba ni nye ba'i mngon sum gyis mtshan nyid do/ /nang dang phyi'i 'du byed la sems kyi rgyud gzhan dang gzhan du 'gyur pa'i mgyogs pa dang/ me lce 'bar ba'am sa gzug po la chu 'bab pa'i rgyun mgyogs pa dmigs pa dang 'dra'o/ /zhes bya ba ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /thams cad mkhyen pas gsungs pa sde snod gsum pa'i lung las skad cig pa re re la yang skye ba la sogs pa 'dus byas

  177. 89a

    kyi mtshan nyid bzhi dang/ nye ba'i mtshan nyid bzhi po skye ba ni skyed par byed/ gnas pa'i ni 'dug par byed rga ba ni rnying par byed/ ma rtag pa ni 'jig par byed pa la sogs pa gtan tshigs rgyas par 'byung ba ni/ yid ches pa'i lang?? gi mtshan nyid do/ /da ltar na mtshan nyid lnga dang ldan pa'i rjes su dpag pa'i tshad mas 'du byed thams cad skad cig mar sgrub po sems can sna tshogs las sna tshogs la gnas pa mngon sum gyi dmigs su yod pa las na/ 'jig rten gzhan du yang de'i tshul gyis 'gro bar dpag pa ni rgyu dang las dang chos kyi rjes su dpag pa'i mtshan nyid do/ /so so'i skye ba rnams tshe'i 'du byed zad cing 'jig rten pha rol tu skye ba 'phags pa rnams kyi mngon sum gyis dmigs zhes bya ba ni nye ba'i mngon sum gyis mtshan nyid do/ /'phags pa bzang skyed gis dris pa'i mdo las 'jig rten pha rol tu 'gro zhes bya ba 'ang gzugs med pa'i phung po rnam par shes par 'gro ste/ dper na rlung gi khams gzugs ltar mi snang pa ldang zhing 'gro ba me tog la sogs pa dri zhim pa dang lus po la sogs pa dri nga? ba gang dang phrad pa de'i dri khyer te mnar bar 'gyur ba rlung de'i gzugs kyang mi dmigs/ dri de'i gzugs kyang mi dmigs mod kyi rlung gi rgyun kyang mi 'chad la dri da? ba dang zhim po so so'i ro las kyang ma gyur par mnam par gyur pa dang 'dra ste/ rnam par shes pa dang las gnyis ka la yang gzugs med mod kyi/ gang gi rnam par smin pa ni de 'bras bu mngon pa dang 'dra ste/ gzhan du na las gang byas pa'i rgyus 'jig rten pha rol tu gzugs kyi rnam par skye ba ni me long gi nang du da? zugs? gang du bstan pa'i gzugs brnyan 'byung ba dang/ 'jim pa la rgyu ci 'dra bas btab? sra'i? 'bur snar ba dang 'dra bar skre bo zhes bya ba ni rang gi rigs kyi dpe'i mtshan nyid do/ /mtshan nyid de gsum tshogs pas?

  178. 89b

    'grub? pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa'i sde snod gsum pa'i lung las sems can 'chi gar rdul 'byung ba la sogs pa btags las gnas gar skye ba bshad pa dang/ 'jig rten pha rol gyi mngal la sogs par skye ba na 'du shes ci 'dra ba dang bcas te/ 'jug pa la sogs pa'i gtan tshig rgyas par 'byung ba ni yid ches pa'i lung gi mtshan nyid do/ /de ltar mtshan nyid lnga dang ldan pa'i rjes su dpag pa'i tshad mas 'jig rten pha rol yod par sgrub po/ /bde ba dang sdug bsngal gyi smin pa myong ba yang dge ba'i las la gnas pa 'di'i tshul gyis las kyi smin pa chung mi za bar dpag pa'i chos dang rgyu'i rjes su dpag pa'i mtshan nyid do/ /las dang 'bras bu'i rnam par smin pa 'phags pa rnams kyis mngon sum du dmigs zhes bya ba ni nye ba'i mngon sum gyi mtshan nyid do/ /dge? ba byed pa'i rnams ni bdag kyang 'tsho? ba dgos med pa las gzhan gyis kyang bya dga' sbyin pa la sogs pa phan 'dogs pa'i bde pa myong/ mi dge ba byed pa rnams ni bdag kyang 'tshe zhing 'jig la/ gzhan gyis kyang chad pas bcad pa la sogs pa gnod par bya ba'i sdug bsngal myong ba dang/ tshod pa tshod sbyor pa la brtson pa ni rkam rdzas kyi yo byad phun sum tshogs pa dang/ yul ba zhing rmad pa la brtson pa ni nas 'bras kyi yo byad phun sum tshogs pa dang/ 'phrog? pa phyugs 'tsho ba la brtson pa ni sha dang phyugs kyi phun sum tshogs par 'gyur ba dang 'di lta bu la sogs te/ gang la nan tan gyis brtson pa de'i yo byad phun sum tshogs pa ni dge ba la brtson pa'i bsod nams phun sum tshogs pa dang 'dra'o/ /gang 'chi skyed? che la gzungs mi rub pa ni brkam rdzas kyis rgyud pa dang/ gang dgos? la ngan cing chang dang tsha ba ni nas 'bras kyis rgyud pa dang/ gang 'tsho skyong la zhen cing phyugs la mig tsha ba ni rkang 'gros kyis phongs par 'gyur ba dang/ log pa'i sbyor ba byed pa de'i yo byad kyis phongs pa dang 'dra'o/ /zhes bya ba ni rang gi rigs?

  179. 90a

    kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su gregs pa'i mtshan nyid do/ /thams cad mkhyen pas gsungs pa sde snod gsum pa'i lung? las/ las gang byas pa las smin pa ci 'dra ba'i 'bras bu myong ba la sogs pa'i gtan tshig rgyas par 'byung ba ni lung gi mtshan nyid do/ /de ltar na mtshan nyid lngas las kyi 'bras bu chud mi za bar sgrub po/ /mtshan nyid de rnams nang mi 'gal bar bsgrub pa ni rjes su dpag pa yongs su dag pa'i tshad ma'o/ da ci'i phyir zhe na/ sgrib pas bsgribs pa la dpog pas na rjes su dpag pa'o/ /mtshan nyid kyis yongs su dag pa ste ma nges pa'i skyon med pas na yongs su dag pa'i tshad ma'o/ /bka' thang gi rjes su dpag pa'i tshad mar bya ba'i le'u ste bcu gcig pa'o// // yid ches pa'i lung gi tshad ma la yid ches pa'i lung gi tshad ma gang zhe na/ shin tu bsgribs pa'i chos la mtshan nyid 'di 'dra ba zhig yod do zhes yid ches pa'i lung las 'byung bas sngon du drangs pa'i steng du nye ba'i mngon sum la sogs pa mtshan nyid lngas yongs su dag par byas pa yin no/ /de gang zhe na/ rnam par thar pa'i sgo gsum ni/ chos kyi phyag rgya yin pas stong pa nyid dang/ mtshan ma med pa dang/ smon pa med pa ston pa dang/ bcas pa las 'byung ba yid ches pa'i lung gi mtshan nyid dang/ lung las gang bstan pa'i dngos po de yang 'phags pa dag gis mngon dus byas te/ mngon sum du dmigs nas so so rang gis rigs par lung las 'byung ba'i nye ba'i mngon sum gyis mtshan nyid dang so so'i skye bo dag gis blos brtag cing dpyad na yang 'thad par bzung du rung ste/ nye ba'i rjes su dpag pa'i mtshan nyid dang/ nyan thos kyis theg pa'i sder gtogs pa gzhan yang mthun/ theg pa chen por khas len pa yang theg pa chen po'i sder gtogs pa gzhan dang mthun pa rang gi rigs

  180. 90b

    gyi dpe'i mtshan nyid dang/ mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid dang sbyar ba'o/ /shin tu bsgribs pa'i chos de dag gang zhe na/ mya ngan las 'das pa dang de bzhin nyid dang sangs rgyas kyi zhing tha dad pa'i yon tan dang? 'jig rten gyi khams sna tshogs dang 'di lta bu la sogs nas 'bras bu'i bar gyis rnam pa drug po gang yang mngon sum gyi ma dmigs te/ shin tu bsgribs pa rnams yin no/ /mtshan nyid lnga dang ldan pa'i lung gis tshad mas shin tu bsgribs pa'i yul la gzhal? zhing sgrub? pa ni dper bya na/ mya ngan las 'das pa ni zhib ste/ sdug bsngal thams cad dang bral ba mtshan ma kun las 'das pa'o zhes rnam par thar pa'i sgo gsum ston pa can las 'byung ba ni lung gi mtshan nyid do/ /thams cad mkhyen pas mya ngan las 'das pa mngon sum du gzigs te bstan par lung las 'byung ba ni nye ba'i mngon sum gyi mtshan nyid do/ rigs pa dang sbyar te dpyad na/ 'phral gyi sdug bsngal ni rgyu spangs pas bsal du rung chos thams cad ni rang bzhin med de ji ltar sgom du yang rung ba las nas sdug bsngal dang mtshan ma thams cad zhi ba'i mya ngan las 'das pa zhig kyang yod par 'thad pa ni nye ba'i rjes su dpag pa'i mtshan nyid do/ /'phags pa dgongs pa nges par 'grel pa'i mdo las mya ngan las 'das pa'i mtshan nyid 'di 'dra bar 'byung ba bzhin du 'phags pa byang chub sems dpa' i sde snod la sogs pa theg pa chen po'i sder gtogs pa gzhan las kyang mya ngan las 'das pa sdug bsngal dang mtshan ma thams cad zhi ba'o/ /zhes 'byung ba ni rang gi rigs kyi dpe'i mtshan nyid do/ /mtshan nyid gsum tshogs na 'grub pa la gcig tu nges pa ni yongs su greg pa'i mtshan nyid do/ /de ltar mtshan nyid lnga dang ldan pa'i lung gi tshad mas mya ngan las 'das pa zhi pa'i mtshan nyid du bsgrub pa'o/ /yid ces pa'i tshad ma'i lung gi le'u ste bcu gnyis pa'o// //

  181. 91a

    yongs su ma dag pa'i gtan tshigs la/ de la yongs su ma dag pa'i mtshan nyid bdun gang zhe na/ de las gzhan dang mthun par dmigs pa'i mtshan nyid dang/ de las gzhan dang mi mthun par dmigs pa'i mtshan nyid dang/ thams cad mthun par dmigs pa'i mtshan nyid dang/ thams cad mi mthun par dmigs pa'i mtshan nyid dang/ rang bzhin gyi rigs dang mthun pa'i dpe nye bar sbyar ba'i mtshan nyid dang/ yongs su ma greg pa'i mtshan nyid dang/ lung rnam par ma dag pa bstan pa'i mtshan nyid do zhes gsungs pa de dag gi bye brag bshad do/ /de las gzhan dang mthun par dmigs pa zhes bya ba ni rnam pa gnyis te/ yongs su dag pa'i mtshan nyid lnga pa ma yin pa'i tshad ma gzhan dang mthun par dmigs pa dang/ 'dus byas kyi yul gyi mtshan nyid mi rtag pa la sogs pa gzhan du dmigs te/ phyin ci log bzhir lta bas 'dus ma byas kyi mtshan nyid dang mthun par dmigs la sogs pa'o/ /de las gzhan dang mi mthun par dmigs pa zhes bya ba'i de las gzhan ni snga ma bzhin no/ /mi mthun par dmigs pa ni rnam pa gnyis te/ tshad ma gzhan dang mi mthun pa dang/ yul gyi mtshan nyid gzhan dang mi mthun par dmigs pa yin te/ mngon sum 'ba' zhig tshad mar byed cing 'phral du ltar mi snang ba'i yul 'jig rten pha rol med par lta ba la sogs pa byed pa po dang/ tshad pa bor lta ba rnams so/ /thams cad mthun par dmigs pa ni yongs su ma dag pa'i mngon sum yin no/ /thams cad mi mthun par dmigs pa ni yongs su ma dag pa'i rjes su dpag pa yin no/ /gzhan gyi rigs dang mthun pa'i dpe ni/ logs pa'i sbyor bas dpe ston pa'o/ /yongs su ma dag pa'i greg pa ni grub pa'i mtshan nyid log pa'o/ /lung rnam par ma dag pa ni thams cad mkhyen pa ma yin pas bstan pa ni lung ngo/ /de la chos thams cad ni yid kyi rnam par shes pas rnam par shes par bya ba nyid do zhes bya ba 'di ni thams cad mthun par dmigs pa'i

  182. 91b

    mtshan nyid do zhes gsungs pa de ji ltar yongs su ma dag pa'i mngon sum yin zhe na/ shes par bya ba nyid do zhes 'byung ba'i sgras ni mngon sum gyi don yin no/ /chos thams cad yid kyi rnam par shes pa'i yul lo zhes bya ba'i phyir dbang po gzugs can gyi rnam par shes pa lngas/ ma drangs pa'i yid kyi rnam par shes pa yang phyi rol gyi yul thams cad la mngon sum gyis dmigs pa nyid du 'dzin pa dang/ 'das pa dang ma 'ongs pa dang lkog na 'dug pa la sogs pa dran pas bag chags la dmigs pa'i yul yang mngon sum du dmigs pa dang 'dra bar 'dzin pa lta bu yid kyi rnam par shes pa 'ba' zhig mngon sum gyi tshad mar 'dod pa yin te/ thams cad mthun par dmigs pas na yongs su ma dag pa'o/ /gzhan yang yid kyi rnam par shes pa ni dus thams cad du rtog pa gsum dang ldan pa'i rang bzhin can la rtog pa phra mo mi gsal bas yi gol zhing mi rtog pa'i mngon sum du 'dod pa 'byung ba de ni rnam par shes pa drug car mtshan nyid 'dra bar 'dzin pas thams cad mthun par dmigs par 'gyur te/ mtshan nyid kyis yongs su ma dag pa yin no/ /de'i tshul las drangs te 'di'i nang du gtogs par rtsi ba ni chos thams cad kyang rtags dang rang bzhin la sogs pa drug pos la la ni mthun la la ni mi mthun pa la thams cad mtshungs par dmigs pa yin te/ dper na 'gro ba rnams la sems yod pa bzhin du shing dang rtswa dang sman la sogs pa la yang sems yod do zhes zer ba dang/ sa rdo dang kha zas dang chang la sogs pa rkyen tshogs pa la 'byung ba bzhin du 'gro ba dag gi rnam par shes pa yang 'byung ba chen po bzhi 'dus pa las gyur te 'jig rten gzhan du 'gro ba med zhes zer ba'o/ /dka' thub dang rtul shugs kyi tshul la gnas so cog kyang thar pa'i lam du mtshungs so zhes zer ba dang/ chos gang la sgrib pa yod pa dang sgrib pa med pa thams cad la yang mngon sum 'ba' zhig gis dmigs par 'dod de/ mngon sum gyis mi

  183. 92a

    dmigs so cog med par lta ba dang/ 'di lta bu dag ni thams cad mthun par dmigs pa yin no/ /gang yang rtags dang rang bzhin dang las dang chos dang rgyu dang/ 'bras bu mi mthun pa gang yang rung ba gcig gi mi mthun pas phan nges par mi mthun zhes bya ba 'di ni rnam pa thams cad mi mthun par dmigs pa'i mtshan nyid do zhes gsungs pa de ji ltar yongs su ma dag pa'i rjes su dpag pa yin zhe na/ rtags la sogs pa drug po cig gis mi mthun ba de las de'i rnam pa gzhan yang nges par mi mthun no zhes dpog pas na rjes su dpag pas ni rjes su dpag pa yin te/ rnam pa kha cig gis mi mthun pa yang rnam pa kha cig gis mthun pa yod pa la/ thams cad kyi thams cad du mi mthun par dpag pa ni mtshan nyid kyis yongs su ma dag ste/ yongs su ma dag pa'i rjes su dpag pa zhes bya'o/ /de la rtags gang zhe na/ gang mngon sum gyis mi dmigs pa de la gnas par nges pa'i chos gzhan no/ /rang bzhin gang zhe na/ rang gi mtshan nyid do/ /las gang zhe na/ des bya ba'o/ /chos gang zhe na tshul lo/ /rgyu gang zhe na de bskyed pa'o/ /'bras bu gang zhe na des bskyed par bya'o// de dag gi bye brag dpes? bstan pa sa'i rtags ni gang/ gnas pa bstan par snang ba'o/ /rang bzhin ni sba? ba'o/ /las ni 'dzin pa'o/ /chos ni brtseg tu rung ba'o/ /rgyu ni sra bar rnam par rtog pa'o/ /'bras bu ni 'byung ba las 'gyur ba'o/ /dbyar gyi chu'i rtag ni chu skyar ro/ rang bzhin ni gsher ba'o/ /las ni bsdu pa'o/ /chos ni 'bying ba'o/ /rgyu ni sems can gyi gsheng ba rnam par rtog pa'o/ /'bras bu ni snum pa dang mnyan par gyur pa'o/ /me'i rtags ni du ba'o/ /rang bzhin ni dro ba'o/ /las ni 'tshad? par byed pa'o/ /chos ni 'bar ba'o rgyu ni sems can gyi tsha ba nam par rtog pa'o 'bras bu ni chos par 'gyur ba'o/ /rlung gi rtags ni rdul dang sgra'o/ /rang bzhin ni g.yo ba'o/ /las ni bskyod pa'o/ /chos ni mi gnas pa'o/ /rgyu ni sems can gyi g.yo ba rnam par rtog pa'o/ /'bras bu ni

  184. 92b

    g.yos par gyur pa'o/ /sdong po ni shing bya dang de'i tshang ngo/ /rang bzhin ni bshan pa'o/ /las ni ston pa'o/ /chos ni bzhod? du rung ba'o/ /rgyu ni rang gi sa bon no/ /'bras bu ni rang gi shing tog go/ sems can gyi rtags ni smra ba dang g.yo ba'o/ /rang bzhin ni rnam par shes pa'o/ las ni phan pa 'am/ gnod pa'am gnyis ka ma yin pa'o/ /chos ni 'tsho ba la brten pa'o/ /rgyu ni dge ba dang mi dge ba dang mi g.yo ba'i las so/ /'bras bu ni bde ba dang sdug bsngal dang/ bde ba dang sdug bsngal ba ma yin pa'o/ /sems can las bye brag tu bya na so so'i skye bo'i rtags ni rtse ba dang ca? co'o?/ /rang bzhin ni zag pa dang bcas pa'i rnam par shes pa'o/ /las ni rang gi rigs kyi don gnyer ba'o/ /chos ni 'jig rten gyi chos brgyad kyi dbang du gyur pa'o/ /rgyu ni las dang nyon mongs pa'o/ /'bras bu ni che'o/ /byang chub sems dpa' i rtags ni lag brkyang zhing sbyin pa dang brtan pa'o/ /rang bzhin ni snying rje dang byams par ldan pa'i ye shes so/ /las ni sems can la phan 'dogs pa'o/ /chos ni dul zhing chos kyi dbang gyur pa'o/ /rgyu ni dge ba ba'i? bshes gnyen chos dam pa stan? pa'o/ /'bras bu ni sangs rgyas bcom ldan 'das so/ /de la gcig gis mi mthun pas thams cad mi mthun par dmigs pa gang zhe na/ mi dang byol song gnyis blo la sogs pa'i tshul mi 'dra ste/ mi la ni 'jig rten pha rol yod kyi byol song la ni 'jig rten pha rol med do zhes zer ba dang/ 'jig rten pha rol yod na yang rigs mthun mthun du 'khor gyi mi las byol song las mir skye bar mi 'gyur ro zhes zer ba yin te/ phyogs gcig mi mthun pas thams cad mi mthun par dmigs su mi rung ba ni dper na dgun gyi tshe nang par lu ma las rlangs pa 'byung ba dag chu gzhan las khyag pa snang ba gnyis rtags mi mthun la rtags can gyi rang bzhin tshur? mtshungs pa dang skyes pa rang gi tshul du 'dug pa dang/ skyes ba mo char zhugs pa la sogs pa rtags mi mthun te/ zhes?

  185. 93a

    pa'i rang bzhin du mtshungs pa yang yod pas na rtags mi mthun pa zhes phan tshun nges par mi mthun pa'i nang du gzhug tu de ltar mi rung ngo/ /me gang na 'bar ba'i rtags su du ba byung ba dang char gang du 'bab pa'i rtags na bun byung ba gnyis rgyang ma nas 'dul? bar 'dra la rtags can gyi rang bzhin me dang chu yin pas mi mtshungs pas dang skyes pa rang gi tshul du 'dug pa dang/ bud med pho char zhugs pa gnyid rtags can gyi rang bzhin skyes pa dang/ bud med yin te mi mthun la rtags kyi tshul mthun pa la sogs pa yang yod/ mar 'khyag par bya ba na chu grang mo'i nang du gzhug pa dang chu drang mo'i nang du bcug pas kyang bu ram zhu bar 'gyur ba gnyis ni 'khyag pa dang 'ju ba'i chos mi 'dra ste/ chur gzhug pa'i las 'dra ba dang sbyin gyis sbyar ba skam na tsha ba 'dug pa dang rgya skyegs bzhu bar bye na yang tsha bas bdug pa lta bu la sogs pa/ tsha ba la bdug pa'i las 'dra la skam pa dang zhu ba'i chos mi mthun pa la sogs pa yang yod/ chu la gru 'dor ba dang zam pa 'dogs pa gnyis kyi chos mi mthun la chu rgal ba'i las byed par mthun pa dang/ phyugs la zhon pa dang/ shing rtar 'jug pa gnyis kyis chos mi mthun la/ lam bgrod par byed pa las mthun pa la sogs pa yang yod/ a ru ra la sogs pa'i sman 'thungs pa dang/ bal bu la sogs pa'i sman 'thungs pa gnyis kas nad sos pa ni sman tha dad de/ rgyu mi mthun la bde ba thob pa'i 'bras bu mtshungs pa/ 'bru dang/ sha dang tshod ma la sogs pa'i zas tha dad ba zos pas 'drangs par 'gyur ba zas kyi rnam pa mi mthun la 'drangs par mthun pa la sogs pa yang yod/ bkres pa las zas sna gcig zos pa gnyis gcig ni 'drangs te bde bar gyur pa dang/ gcig ni na ste mi bde bar gyur pa gnyis bza' rgyu mthun la bde ba dang na ba'i bye brag tu gyur pas 'bras bu mi mthun pa dang/ ga pur dang tsan dan lta bu grang ba'i nad kyis btab pa dang/ cha ba'i nad kyis btab pa gnyis ga la btang

  186. 93b

    ste/ tsha ba ni sos grang ba ni na bar gyur pa/ sman gyi rgyu mtshungs te/ sos pa dang na bar gyur pa 'bras bu mi mthun pa la sogs pa yang yod de/ de 'dra ba'i tshul gyis mthun pa'i cha yang yod/ mi mthun pa'i cha yang yod pa la rnam pa thams cad mi mthun par dpag tu de ltar mi rung ngo/ /yang de las gzhan dang mthun pa dmigs pa'i mtshan nyid dpe dang bcas pa la thams cad mi mthun pa dmigs pa'i mtshan nyid yod pa'i phyir de 'grub par bya ba la gcig tu ma nges pas na de yongs su ma greg pa'i mtshan nyid ces bya'o/ /zhes gsungs pa de'i mtshan nyid bshad do// de las gzhan dang mthun pa dmigs pa zhes bya ba ni sngar bshad pa bzhin te tshad ma mtshan nyid lnga pa las gzhan dang mthun pa dang/ yul gyi mtshan nyid ji lta ba las gzhan du dmigs pa'o/ /dpe dang bcas pa zhes bya ba la sogs pas bshad pa ni mi man sa ki'i mngon sum nir 'dra te la sogs pa'i tshad ma dang mthun te/ mngon sum ni dang po lta ba'i shes pa dngos po 'ba' zhig las skyes pa byis pa dang/ lkug pa'i rnam par shes pa dang 'dra ba'o/ /zhes bya ba yang mtshan nyid gzhan mi 'dod pas dus la la zhig tu sdong dum la mir dmigs pa yang 'byung ste/ nye ba'i rjes su dpag pas brtags te/ rtogs pa ni nye ba'i rjes su dpag pa gnyen por 'gyur ba rtags la sogs pa mi mthun pa yod pa dang/ brti ka'i tshul gsum pa'i rjes su dpag pa ni pe'i shi sha ka'i rjes su dpag pa'i mtshan nyid dpag par bya ba dang/ 'brel par grub pa de dang ldan pa la yod pa de med pa'i rtags kyis rjes su dpag zhes zer ba dang mthun te/ de la yang khyab par ston pas mi mthun par yod pa dang/ sang kya dang brti ka pa la sogs pa'i bdag dang gzhan gyi rjes su dpag pa zhes bya ba yang ne'i ya yi ka'i tshad ma dang mthun pa rtags du ba la sogs pa mthong pa'i rjes su dpag tu zad de mtshan nyid gzhan dang mi sbyor bas du ba mthong ba la/ na bun lta bu 'dra ba gzhan dang nor ba yang 'byung ste char gang na 'bab pa na me yod par dpog pa lta bu rang bzhin la sogs pa

  187. 94a

    mi mthun pa yod pa dang/ brti ka pa'i mi dmigs pa'i gtan tshigs ni mi man sa ke'i dngos po med pa'i tshad ma dang mthun te/ phyogs kyi bye brag la la zhig na bum pa dmigs pa'i mtshan nyid du gyur pa las mi dmigs pa'i phyir bum pa med par spyod po'i yul du 'grub ste/ ri bong gi rwa la sogs pa gzhan med pa'i yul du grub pa bzhin no zhes bya ba yang bum pa med pa'i thad bu mngon sum du gyur pa las bum pa med pa zhes bya ba yang logs shig na med pas bsgrub pa dang/ sgrub par byed pa gnyis su dbyer med rang bzhin mi mthun pa yod pa dang/ tsa ra ka'i rigs pa'i tshad ma 'di yod na/ 'di yod pa las de las byung bar sgrub po zhes bya ba yang/ ne'i ya yi ka'i rjes su dpag pa las snga ma can zhes bya ba dang mthun par yang rigs pa dang sbyar zhing nad kyi gzhi ci las gyur pa brtag gang? ni rlung dang mkhris pa la sogs pa lus kyi nad na yod pa ltar mi snang ste/ de dag las bying bar nges pa med pas 'grub pa la ma nges pa dang/ mi man sa ka'i don gyis go ba'i tshad ma la me tsha bar rigs nas sreg nus par yang don gyis shes so zhes bya ba ni yo ga tsa ra bu ma'i rang bzhin gyi rjes su dpag pa dang mthun pa de yang mis sreg par byed pa ma mthong na dro ba tsam gyis tshig par mi nus te/ dro ba tsam gyis tshig par mi 'gyur bas sgrub pa la ma nges pa dang/ mi man sa ka'i dngos po med pa'i tshad ma la/ tshad ma lnga log pa dang de ma yin pas gzhan shes pa dang/ bdag shes pa las grol ba'o zhes bya ba ni mi dmigs pa'i tshad ma dang mthun te/ de yang dngos po yod de cog la bsgrub pa'i tshad ma yin pas tshad ma med kyang dngos po med par ma 'gyur te/ med par ma nges pa dang/ de ma nges gzhan dmigs pa las dngos po med par sgrub pa yang yid kyi rnam par shes pa'i mngon sum gyi med par dmigs su zad de tshad ma gzhan ma 'gyur ba dang/ bdag shes pa las grol ba zhes bya ba yang tshad ma ni 'jig rten kun gyis kyang gzhal du rung bar bya dgos

  188. 94b

    na/ bdag ces bya ba nyid yod par ma grub pas na gzhal zhing sgrub du 'ang mi rung ste/ 'grub pa las ma nges pa dang/ ne'i ya yi ka'i nye bar 'jal ba'i tshad ma ni man sa ki'i tshad ma dang mthun te/ ba men sngon ma mthong ba'i mi la/ ba men ba lang dang 'dra'o zhes bstan na de gnyis 'dra bar shes pa'o zhes bya ba yang ba men la nog dang lkog shal la sogs pa med de/ 'dra ba'i dpe yang mi rung la gzhan gyis bstan pa'i tshigs las shes par zad pas lung gi tshad mar 'gal te tshad ma'i rang bzhin mi mthun pa yod pa dang 'du byed thams cad mi rtag pa dang/ bdag med pa la sogs pa'i rang bzhin yin pa las skye ba'i rgyun la 'dus ma byas rtag pa dang mthun pa dang/ bdag yod pa la sogs par dmigs te/ dper na dngos po dag de nyid yin par ngo shes pa las na rtag par mngon te/ brag dang rdo rje bzhin no zhes zer ba la skye bo'i rgyun chad pa lta bu mi mthun pa yod pa dang de nyid yod par 'dzin pa yang chu 'bab pa dang/ rtsi shing la sogs pa brdas nas slar skyes pa lta bu mi rtag pa la yang de nyid yin par 'dzin pa yod de 'grub pa la gcig tu ma nges pa dang/ bdag ni khyab pa yin te yon tan thams cad na snang ba'i phyir nam mkha' dang 'dra'o/ /zhes bya ba la bdag mngon sum pa na spun te/ mngon sum gyi mtshan nyid bzhi dang sbyar na la las ni khyab par dmigs/ la las ni yungs 'bru dang mthe bo dang rdul phra mo tsam du dmigs zhes zar? ba nad 'gal bas mngon sum gyis sun phyung ba la sogs te 'grub pa la gcig tu ma nges pa rnams so/ /yang de las gzhan dang mi mthun par dmigs pa'i mtshan nyid dpe dang bcas pa la thams cad mthun par dmigs pa'i mtshan nyid yod pa'i phyir 'grub par ba la gcig tu ma nges pas na de ni yongs su ma greg pa'i mtshan nyid ces bya'o/ /yongs su ma gregs pa'i phyir rigs pas brtags pa yongs su ma dag pa yin te/ yongs su ma dag pa'i phyir brten par mi bya'o zhes gsungs pa de'i mtshan nyid bshad do//

  189. 95a

    de las gzhan dang mi mthun par dmigs pa ni sngar bshad pa bzhin te/ tshang ma'i grangs dang mtshan nyid gzhan gang dang yang dang mthun par dmigs pa dang/ yul gzhan gang dang yang mi mthun par dmigs pa'o/ /de dag dpe dang bcas? pa zhes bya ba la sogs pa ni/ lo ka ya ta pa dag mngon sum gcig pu tshad mar byed cing rnam par shes pa ni 'byung ba chen po bzhi las skyes te/ chad la ra ro ba yod par nus pa dang 'dra'o/ /'jig rten ni dbang po'i spyod yul du gyur pa tsam zhig yod du zad de/ lus zhig ste rdul du gyur nas gzhan du 'khor ba med do zhes zer ba ni/ tshad ma dang lta ba gzhan gang dang yang mi mthun te/ de la yid kyi rnam par shes pa mngon sum gyis brtags na rnam par shes pa 'byung ba chen po bzhi po las logs shig na/ yod par yang dmigs la 'jig rten gyi lha dang rnal 'byor ba rnams kyis kyang 'jig rten gzhan du 'pho bar dmigs te rnam par shes pa 'byung ba chen po las skye ba dang/ lus zhig nas med par gyur par ma dmigs te/ 'grub pa la gcig tu ma nges pa dang/ 'phags pa mya ngan las 'das pa chen po'i mdo las bram ze rgyu med par smra ba dag 'di skad ces zer te/ chos thams cad rang bzhin gyi yod du rgyu dang rkyen las byung ba ma yin pa ni/ dper na tshad ma'i rtse mo rang bzhin gyis rno ba la sogs pa dang 'dra'o zhes zer ba la chos thams cad so so'i rkyen du nges pa las 'byung bar snang ste/ dper na shing sdod po la mda' dang mdung gi rang bzhin med kyang bzo bo'i rkyen gyis mda' dang mdung du byar rung bstan du rang bzhin gyis grub pa ma yin par sun phyung ba la sogs par rgya cher gsungs pa yang/ chos thams cad rang bzhin gyis yod par smra ba dpe dang bcas pa ni tshad ma lta pa gzhan gang dang yang mi mthun pas na/ de las gzhan dang mi mthun par dmigs pa yin te/ de yang sdong po la mda' mdung gi rang bzhin

  190. 95b

    med pa las bzo'i rkyen gyis byas pa rang bzhin gyis yod par ma dmigs te/ 'grub pa la ma nges pa dang dngos po snga ma 'gags pa'i rgyun mthong nas phyin chad med pa dang/ chad par lta ba la yang skye ba'i rgyun rtag pa yod pas chad pa mi 'grub pa dang/ par? ? g.yon chen mar ma ne/ g.yon mi gzod pas gtsug lag kun dang mi mthun pa gcig bya ba'i phyir gtsug lag kun nas drangs te/ byas pa lta bu ched du mi mthun par sbyar sbyar na/ gtsug lag gzhan gyis grub pa'i mdza' yod pa dang gyur te/ ma grub pa la sogs pa'o/ /de lta lung shin tu rnam par dag pa'i mtshan nyid ni rang bzhin gyis ma dag pa'i mtshan nyid ni rang bzhin gyis ma dag par shes par bya'o zhes gsungs pa de'i mtshan nyid bshad do/ /de gang zhe na/ lung ston pa'i ye shes rnam par ma dag pas des bstan pa'i lung rnam par ma dag pa'i phyir rang bzhin gyis ma dag go /de'i ye shes rnam par ma dag pa'i mtshan nyid gang zhe na/ sgrib ma spangs pa'i phyir shes rab yongs su ma dag pas thabs kyis 'ching ba dang/ thabs la mi mkhas pas 'chal pa'i shes rab tu 'gyur ba dang/ rgyu chung zhing mdza' dang bcas pa'o/ /de'i lung rnam par ma dag pa'i mtshan nyid gang zhe na/ don dam pa'i bden par yang rang bzhin yod par ston pa yin te/ rang bzhin yod pa las kyang bye brag tu phyin ci log bzhi'i mtshan nyid dang ldan pas 'du byed kyi mtshan nyid chos rnams la rtag go zhe 'am/ bde'o zhe 'am bdag yod do zhe 'am gtsang ngo zhes bya ba'o/ /gtsug lag de 'dra bar ston pa'i ye shes rnam par ma dag ste thams cad mkhyen pa ma yin par yang lung gi mtshan nyid las shes so/ /de'i lung rnam par ma dag pa yin dang? yang de'i ye shes sgrib pa dang bcas par gyur pa las shes so/ /rnam par ma dag pa'i lung de dag ni 'phags pa rin po che dpa' la skar mkhan gyi gtsug lag sun phyung ba dang/ 'phags ba chos dam pa dran pa nye bar gzhag pa las bram ze dag gi ston par byung?

  191. 96a

    ba yon tan dang ba la sogs pa'i phyir rdzun smras na mi 'chags so zhes bya ba la sogs pa sangs rgyas ba las phyi rol tu gyur pa mdza' dag gi lung shin tu rnam par ma dag pa'i mtshan nyid do/ /yongs su ma dag pa'i le'u ste bcu? gsum pa'o// //chos nyid kyi rigs pa'i mtshan nyid la/ de la de bzhin gshegs pa rnams skyes kyang rung ma skyes kyang rung ste chos nyid dang chos gnas pa'i dbyings 'dug pa de ni/ chos nyid kyi rigs pa'o zhes gsungs pa'o zhes bye brag bshad do/ /chos nyid kyi rigs par lta ba gang la chos rnams kyi bden pa zhes bya ba chos nyid kyi rigs pa yang yin te/ rnam pa bcur shes par bya'o/ /de gang zhe na 'phags pa chos kun 'gro ba'i rgyu mdo las 'byung ba de la byang chub sems dpa' rnams kyi bden pa bcu gang zhe na/ 'di lta ste kun rdzob kyi bden pa dang/ don dam pa'i bden pa dang/ mtshan nyid kyi bden pa dang/ rnam par dbye ba'i bden pa dang/ nges par rtog pa'i bden pa dang/ dngos po'i bden pa dang/ nus pa'i bden pa dang/ zad pa dang mi skye ba shes pa'i gdan pa dang/ lam la 'jug pa shas pa'i bden pa dang/ de bzhin gshegs pa'i ye shes kun 'byung ba'i bden pa ste/ 'di dag ni bden pa bcu'o de la kun rdzob kyi bden pa ni tshad dang 'brel pa yongs su chad pa kun tu tha snyad gdags pa'i phyi gzhan gyi rkyen gyi dbang gis stan pa kun rdzob rgya chen po ma yin pa 'di kun rdzob kyi bden pa'o/ /de la don dam pa'i bden pa ni zab pa stong pa nyid dang/ rab tu ldan pa yul yongs su ma chad pa gzhan gyi rkyen gyis ma yin pa mnyam pa mi mnyam pa med pa/ ma 'khrug brtsod pa med dpa' i mtshan nyid dang/ chos thams cad de bzhin nyid 'di ni don dam pa'i bden pa'o/ /de la mtshan nyid kyi bden pa ni/ gnod pa'i mtshan nyid ni sdug bsngal ba/ rgyu'i mtshan nyid ni kun 'byung gzhi ba'i mtshan nyid ni 'gog pa/ /'byung ba'i mtshan nyid ni

  192. 96b

    lam ste/ 'di ni mtshan nyid kyi bden pa zhes bya'o/ /gzhan yang chos thams cad bdag med pa'i mtshan nyid du shes nas skyon med pa la 'jug ste/ mtshan nyid las gyur pa'i skyon med pa ni mtshan nyid kyi bden pa zhes bya'o/ /de bzhin du chos thams cad rang bzhin gyis zhi ba'i mtshan nyid dang/ rang bzhin gyis dben pa'i mtshan nyid dang/ rang bzhin gyis stong pa'i mtshan nyid dang/ rang bzhin gyis mi skye mi 'gag pa'i mtshan nyid du shes nas skyon med pa la 'jug ste/ mtshan nyid las gyur pa'i skyon med pa na mtshan nyid kyi bden pa zhes bya'o/ /de la rnam par dbye ba'i bden pa ni chos thams cad mtshan nyid gcig pa las gzhan gyi dbang gis rnam par nges te bstan pa'o/ /mtshan nyid cig ces bya ba ni stong pa nyid kyi mtshan nyid do/ /chos thams cad mtshan ma med pa smon pa med pa mngon par 'du mi byed pa ma skyes pa ma byung pa ma 'gags pa 'di ni stong pa nyid de'i rnam par dbye ba ste/ rnam par dbye ba de dag thams cad kyang stong pa nyid kyi mtshan nyid do/ /de ltar stong pa nyid la slu bar mi byed pa de'i phyir rnam par dbye ba'i bden pa zhes bya ste/ /'di ni rnam par dbye ba'i bden pa zhes bya'o/ /de la nges par rtog pa'i bden pa gang zhe na/ 'phral zhing nges par rtog pa ste/ nges par sems pa shes pa mthong pa khong du chud pa mngon par rtogs pa'i shes pa shes bya ba la mi slu ba ste/ de'i phyir nges par rtog pa'i bden pa zhes bya'o/ /de la dngos po'i bden pa ni dngos po shes pa ste/ dngos po de dag ni phung po dang/ khams dang skye mched rnams so/ /phung po dang khams dang skye mched de dag rten cing 'brel par 'byung ba dang/ stong pa dang dngos po med par shes ste/ de ltar shes nas skyon med pa la 'jug pa'i phyir dngos po'i bden pa zhes

  193. 97a

    bya'o/ /de la nus pa'i bden pa ni ye shes dang/ spong ba de dang lam des nyon mongs pa spong bar byed pa dang/ stobs dang mi 'jigs pa dang/ sangs rgyas kyi chos ma 'dres pa khong du chud pa dang/ de bzhin gshegs pa thams cad kyi dbang po khong du chud par nus pa ste/ de'i phyir nus pa'i bden ba zhes bya'o/ /de la zad pa dang mi skyes pa'i shes pa'i bden pa ni 'dus byas thams cad zad pa can du ston te/ zad pa de yang mi zad la zad pa med do gal te zad pa la zad pa yod du zin na 'gog pa yang zad par 'gyur te/ de'i phyir zag pa zad par mi 'gyur ro/ /gang zad par mi 'gyur ro/ /gang zad par mi 'gyur ba de mi skye ste 'di ni zad pa dang mi skye ba shes pa'i bden pa zhes bya'o/ /de la lam la 'jug pa'i bden pa gang zhe na/ ye shes lam bsod nams dang ye shes kyi tshogs bsags pa gang gis chos thams cad ma skyes ma 'gags par shes pa des 'jug cing 'dzud pa ste/ de'i phyir lam la 'jug pa'i shes pa bden pa zhes bya'o/ /de la de bzhin gshegs pa'i ye shes kun 'byung ba'i bden pa gang zhe na/ chos kyi sprin gyi sa dang de bzhin gshegs pa'i sa'i bar de bzhin gshegs pa'i ye shes kun 'byung ba'i bden pa ste/ de bstan pa'i lam gyis mngon par rtogs pa'o/ /'di dag ni byang chub sems dpa' rnams kyi bden pa bcu 'o zhes gsungs so/ /gzhan du na de las kyang mdor bsdus na/ bden pa gnyis su shes par bya ste/ 'phags pa bden pa nyid la 'jug pa'i mdo las bden pa gnyis kyi bye brag rnam pa du ma zhig tu rgyas par gsungs pa bzhin no/ /don dam pa'i bden pa zhes bya ba la 'dod pa mi mthun pa dag yod do/ /chos rnams so so'i mtshan nyid gang dang gang la ji lta ji lta bur dmigs shing

  194. 97b

    don dam pa zhes smras pa la/ shes rab dpal ldan pa'i blos gnyen po byang zhing rigs par smra bas sun dbyung du rung na don dam pa'i bden pa zhes kyang mi bya'o/ /de lta bas na don zab pa dgongs pa nges par 'grel pa'i byang chub sems dpas bshad pa'i le'u las 'byung ba 'dus byas dang 'dus ma byas shes bya ba ston pas btags pa'i tshig 'di ni kun rtog pa las byung ba yin te tha snyad du brjod pa'o/ /de ni kun tu rtog pa sna tshogs kyi tha snyad du brjod pa shin tu yongs su grub pa'i phyir 'dus ma byas pa ma yin no zhes bya ba la sogs pa rgyas par gsungs pa bzhin te/ ji snyed du gnyis par brjod do cog ni kun tu rtog pa las byung ba dang tha snyad kyi brjod pa tsam du zad de/ rang gi mtshan nyid kyis grub pa ma yin pas na gnyis su med pa'o/ /chos gang la skye bar 'dod do cog kyang skye bar 'dod do cog kyang skye ba nyid du mi 'grub ste/ 'phags pa ma dros pa klu'i rgyal pos dris pa'i mdo las 'byung ba chos thams cad med pa dang yod pa las bral zhing rkyen gyi kha na las par rjes su mthong ste/ chos de dag gang yang rgyu med pa las skye bar mthong nas gang rgyu'i kha nas las pa de ni rkyen gyi kha na las pa'o/ /gang rkyen gyi kha na las pa de ni ma skyes pa'o/ /gang ma skyes pa de ni stong pa'o zhes bya ba la sogs par rgyas par gsungs pa bzhin te/ skye'o cog rkyen gyis mi skye ba med la de'i rkyen rnams kyang rkyen la bsdod pas na rang la skye ba'i mthu med par mngon no/ /gang skye bar snang ba de nyid mi skye ba'i rang bzhin can zhig yin na ni skyes pa'i rang bzhin med pas rkyen du mas bstangs kyang skye bar mi 'gyur ba'i rigs na skye bar snang ngo/ /de nyid la skye ba'i rang bzhin yod na ni rkyen dang ma phrad par yang skye ba'i rigs na rkyen la sdod par yang snang ngo/ /skye ba'i rang

  195. 98a

    bzhin yang yod la skyen dang yang phrad de gnyis ka ldan pa las skye zhes bya bar yang de dag so sor skye bar ma grub na 'dus byas kyang skye bar mi rung ngo/ /gang skye ba de rkyen rnams la snga nas yod na ni gzod bskyed kyang mi dgos te rkyen gyis byas pa yang don med par 'gyur ro/ /rkyen rnams la med na ni gzhan zhig gud nas 'ongs par gzhug dgongs pas rkyen gyis bskyed par yang ma grub ste/ 'phags pa nA ga rdzu nas chos kyi snying po dge bar ji skad bshad pa bzhin no/ /de bzhin gshegs pas yan lag bcu gnyis dang ldan pa'i gsung rab las kun rdzob kyi bden pa bstan pa yang rung/ 'jig rten gyi tha snyad du bstan pa yang rung/ bkri pa'i don du gsungs pa yang rung/ chos kyi sgo rnam pa mang pos bstan to cog kyang don dam pa'i bden pa la gzhug pa'i sgo yin par shes par bya'o/ /de lta bas na 'phags pa gzungs kyi dbang phyug rgyal pos zhus pa'i mdo las kyang don tha dad pa'i gtam gyi phyir sangs rgyas mi 'byung gi chos kyi dbyings ro gcig cing sgrib pa med pa sems can thams cad kyi go skabs dang ldan pa mngon par rdzogs par sangs rgyas nas/ sems can rnams de khong du chud par bya ba'i phyir/ chos kyi 'khor lo rab tu bskor te/ 'di lta ste phyir mi ldog pa'i 'khor lo'i zhes gsungs pas don dam pa'i bden pa dang/ kun rdzob kyi bden pa la sogs pa'i tshul gyis thams cad kyi mtshan nyid 'di dag lta bur yin par ni de ltar shes te/ des na de'i phyir chos nyid kyi rigs pa zhes bya'o/ /chos nyid kyi rigs pa'i le'u ste bcu bzhi pa'o// //tshad ma'i yon tan bkod pa bka' yang dag pa'i tshad ma rnam pa

  196. 98b

    thams cad dang ldan pa'i yon tan ni 'jig rten 'di dang/ 'jig rten pha rol gnyis ka'i don du 'gyur ba du ma zhig yod ba las mdor bsdus na rnam pa gsum ste/ /yongs su dag pa'i yon tan rdzogs pa yin/ yongs su dag pa'i skyon gyis ma gos pa yin/ phan yon gyi legs pa dang ldan pa yin no/ /de la yongs su dag pa'i yon tan rdzogs pa gang zhe na rnam pa lngar shes par bya ste/ tshad ma yongs su dag pas 'grub pa la gcig tu nges ba dang/ gzhal bya phun sum tshogs pas 'jig rten las 'das pa'i chos chub pa dang/ sgrub pa yan lag yongs su rdzogs pa dang/ lta ba rnam par dag ba dang/ tshad ma'i bye brag rab tu shes par 'gyur ba lnga'o/ /de la tshad ma yongs su dag pa ni mngon sum la sogs pa'i tshad ma gsum po re re la yang mtshan nyid lnga lnga dang sbyar ba gcig gis gcig sbyangs te/ gtan la phab pas na 'grub pa la gcig tu nges par 'gyur ba yin no/ /gzhal bya phun sum tshogs pa ni du ba las me yod par dpag pa lta bu phyugs rdzi yan chad kyis shes pa las gzhal ba ma yin gyis thams cad mkhyen pa dang/ 'jig rten pha rol la sogs te mi las bla mar gyur pa'i chos dang/ ma'i chos kyang smos pas na gzhal bya'i yul chub par bstan pa yin no/ /sgrub pa'i lan lag yongs su rdzogs pa ni 'bras bu yod par dam bca' ba dang/ gtan la dbab pa'i yan lag bdun gyis tshul gyis bcas nas/ snod dang sbyar te smra ba'i rgyan las 'byung ba dang ldan par ston pas na/ tshig dang don du bcas pa'i rnam pa dang ldan no/ /lta ba rnam par dag pa ni chos rnams la tshad ma yongs su dag pas gzhal te/ yang dag pa ji lta ba bzhin du rtogs pas na/ bdag nyid kyang yang dag pa'i lta ba la gnas

  197. 99a

    shing gzhan yang dag pa'i lta ba la 'jog pa yin no/ /tshad ma'i bye brag shes pas ni 'jig rten dang 'jig rten las 'das pa'i tshad ma thams cad kyang/ bka' yang dag pa'i tshad ma bshad pa'i nang du 'dus te tshad ma yongs su dag pa dang/ ma dag pa bye brag khong du chud par 'gyur ba yin no/ /yongs su ma dag pa'i skyon gyis ma gos pa gang zhe na/ rnam pa gsum du shes par bya ste/ 'gal ba med pa yin ma nges pa med pa yin/ so so'i skye bo'i nor ba med pa yin no/ /de la 'gal ba med pa ni chos gang la yang rtags dang 'bras bu'i bar gyi rnam pa drug po dmigs kyis phye bas na 'gal ba med pa rnam pa gnyis te mthun par dmigs pa la mi mthun pa'i mtshan nyid kyis 'gal ba med pa yin/ mi mthun par dmigs pa la mthun pa'i mtshan nyid kyis 'gal ba med pa yin no/ /de la ma nges pa yang rnam pa gnyis te/ yul gyi bye brag mi rtogs shing lung du mi rtog pa'i mtshan nyid med pa yin/ srid pa tsam zhes the tshom skye bar sgrub pa med pa yin no/ /de la so so'i skye bo'i nor ba med pa yang rnam pa gnyis te/ bdag gi rtog pa 'dir ris su bris pa med pa yin/ gzhan gyi dring la 'jog cing zag pa la brten pa med pa yin no/ /phan yon gyi legs pa dang ldan pa gang zhe na rnam pa gnyis te/ thams cad mkhyen pas gsungs pa bzhin du bris te chos la bstan pas de bzhin gshegs pa'i byin gyis byin tu brlab shing bsgrubs pa la mthu chen po yin/ dpal gyi zhal nas gsungs pa nang gcig gi bkrol te/ lhan ma zhugs ba'i gsung rab nyid yin pas gang gis bklags pa dang thos pa dang/ bsams pa tsam gyis kyang

  198. 99b

    sdig pa 'byang zhing bsod nams 'phel ba yin no/ /de ltar bka' yang dag pa'i tshad ma 'di yon tan gsum dang ldan pas tshogs kyi rgyur 'gyur ro/ /de gang zhe na/ yongs su dag pa'i mtshan nyid rdzogs shing yongs su ma dag pa'i skyon med pas ni ye shes kyi tshogs kyi rgyur 'gyur ro/ /phan yon gyi legs pa dang ldan pas ni bsod nams kyi rgyur 'gyur te/ 'jig rten 'di dang 'jig rten pha rol gyi don du byas pa yang de gnyis su 'dus so/ /de ltar tshogs gnyis yongs su 'grengs pa'i yon tan brjod pas na tshad ma'i yon tan bkod par rtags so/ /tshad ma'i yon tan bkod pa'i le'u ste bco lnga pa'o// //yon tan bkod pa rdzogs so// // */ /shing snying 'grel pa sngags su 'grel pa bzhugs/ /bcom ldan 'das rnam par snang mdzad dang/ /de la sogs pa yum gnyis dang/ /tshogs kyi mchog gyur dge 'dun la/ /phyag 'tshal nas kyang skyabs su mchi'o/ /bka' gsum ldan pa'i mdo nyid las/ /sems can la dmigs byams sems dang/ /snying rje kun dang mi 'bral phyir/ /mdo las sngags su bgrol pa 'di/ /skyes mchog rnams la bstan par bya/ /rtog ge rnams la bstan mi bya/ /'di skad bdag gis thos pa dus gcig na zhes pa ni 'di ni dus gzhan du ma yin te/ /dus nye bar mtshon pa'o/ /de yang dang rig pa la sogs pa ma yin te/ /'di skad gzhan la thos pa'i dus so/ /yang na sdud pa po nyid thos pa che ba'i don no/ /dus ni gtso 'khor 'dus pa'i dus so/ /dus gcig na ni dus mang po 'am/ /yang nas yang du zhus pa lta bu ma yin te/ gtso 'khor 'jom pa'i dus gcig na'o/ /bcom ldan 'das zhes pa ni ston pa'i mtshan nyid ston te/ de yang thun mong gi bcom pa ni bdud

  199. 100a

    bzhi bcom nas pha rol tu phyin pa drug dang ldan/ log pa'i shes pa las 'das pa'o/ /khyad par gyis bcom pa ni phung po lnga la sogs pa'i snang srid lha'i dad du bcom/ /de nyid kyi don dang ldan pa 'dzin pa'i yul las 'das pa'o/ /khyad par bla na med pa'i bcom pa ni 'khor 'das kyi chos snying po'i ngang du rtsol ba dang bral bar bcom pas/ rang rig pa'i ye shes chen po dang ldan pa/ gang gi yang ngo bor ma grub pas 'khor 'das gnyis su snang ba'i tshig gam mdza' las 'das pa'o/ /rgyal po'i khab bya rgod phung po'i ri la zhes pa ni gnas kyi bye brag ston te/ de yang phyi'i gnas ni rgyal ba gzugs can snying po'i gnas yul ma ga d+ha'i shar phyogs na rin po che spungs pa lta bu'o/ /mchod rten zlum pa lta bu'i ri la sangs rgyas rnams kyi bzhugs gnas pa'i? kun gyi khyad par gnas pa'o/ /nang gi gnas ni 'og min gyi gnas te/ gzugs sam mtshan ma 'am 'dzin pa'i 'og tu yang ma song ba'o/ /gsang ba'i gnas ni rig pa byang chub kyi sems te/ 'khor 'das kun gyi gnas su gyur pa'o/ /dge slong gi dge 'dun chen po dang/ byang chub sems dpa' i dge 'dun chen po dang/ thabs cig tu bzhugs te zhes pa ni 'khor ston te/ phyi'i 'khor ni 'dun pa mos pa'i sa pa ste/ dge ba'i chos la gnas pas dge slong ngo/ /lta sgom gyi don la spyod cing sems pa ni dge 'dun chen po la/ gzhan don nus pa ni byang chub sems dpa' i dge 'dun no/ /de la sogs pa'i 'khor rnams dang lhan cig tu bzhugs pa'o/ /nang gi 'khor ni rigs lnga'i sangs rgyas la sogs pa longs sku'i 'khor ro/ /gsang ba'i 'khor ni rang rig pa'i ye shes snying po dbyer mi byed pa'o/ /de'i dus su chos

  200. 100b

    bstan par bya'o/ /chos kyang phyi'i chos slob pa'i chos la sogs te dge ba bcu la sogs pa'o/ /nang gi chos ni theg pa chen po'i chos so/ /gsang ba'i chos ni rig pa ye shes so/ /de'i tshe bcom ldan 'das zab mo snang ba zhes bya ba'i chos kyi rnams grangs kyi ting nge 'dzin la snyoms par zhugs so zhes pa ni phun sum tshogs pa lnga dang ldan pa'i tshe/ 'khor rnams smin pa'i dus de'i tshe/ bcom ldan 'das kyis stong pa'i zab pa ste/ dngos po'i chos min pa'i zab mo'i don ni de la chos kyi rnam grangs ni phyi nang gsang ba'i chos la de lta bu'i ting nge 'dzin dmigs pa med par snyoms par gnas pa ste/ de yang phyi'i ting nge 'dzin dngos po'i chos la gnas pa'o/ /nang gi dngos po med pa'o/ /gsang ba'i de rnams su mi 'byed pa'i don no/ /yang de'i tshe byang chub sems dpa' sems dpa' chen po 'phags pa spyan ras gzigs dbang phyug shes rab kyi pha rol tu phyin pa zab mo spyod pa nyid la rnam par lta zhing/ phung po lnga po de dag la yang rang bzhin gyis spong? par lta'o zhes pa ni ston pa chos nyid bden pa'i ngang la gnas pa'i tshe/ 'khor gyi gtso bo yang rang bzhin gyis gnas par 'gyur te/ de yang byang chub sems dpa' ni phyi slob pa'i sa la gnas pa'o/ /nang ni sa bcu non pa yan chad do/ /gsang ba ni snying po'i don nyid do/ /de rnams dang ldan pas chen po'o/ /yang na byang chub sems dpa' ni bdag don grub pa la sems dpa' sems dpa' chen po ni gzhan don grub pa'o/ /thun mong gi 'phags pa ni nyon mongs pa 'am 'khor ba las ring du 'phags pa'o/ /khyad par ni longs sku'i 'khor lo/ bla na med pa ni rigs snying po'i don chos sku'o/ /bdag don du spyan ras gzigs te rang nyid kyi don rtog par byed pa dang/ gzhan don

  201. 101a

    gzigs te gdul bya gang la gang mos ston nus pa'o de'i phyir na bdag gzhan gnyis sam/ 'khor 'das gnyis la dbang phyug pa ste don bya ru yod pa'o/ /lung gi shes rab kyi 'khor 'das ston nus? ?/ rig pa'i shes rab kyi don gtan la 'bebs pa dmigs pa med pa'i shes rab kyi gang du yang mi 'byed pas 'khor ba'i pha rol tu phyin pa ste/ sdug bsngal med pa mya ngan las 'das pa'i pha rol tu phyin te/ thugs rje 'byin pa'o/ /zab mo ni rang bzhin dngos por mi snang pas zab la/ bstan par dka' bas zab pas rgyu rkyen las 'das pas zab pa'o/ /de lta bu'i don rang gi khong du chud de spyod pa'o/ /des na de nyid la yang dang yang du dmigs pa med pa lta ba ste/ lta ba'i don rang ni phung po de nyid de/ de lnga ni grangs kyi nges pa yin la phung po lnga ni thun mong gi lnga ni gzugs la sogs pa lnga la/ khyad par gyi lnga ni rigs lnga'i sangs rgyas te/ phung po lnga'i yon tan la bla na med pa'i ye shes lnga la/ de ni phung po lnga'i ngo bo de rnams la bdag pa ste/ blo yis bsams nas dag par bstan pa ni sa lam pa ste/ mos pa'i gang zag go /rang bzhin gyis dag par lta ba'i ni don thugs su chud pa'o/ /de yang dag pa'i don de nyid stong pa ste/ stong pa ltos pa'i stong pa gcig la gcig med pa lta bu min/ med pa'i stong pa rig pa'i ngo bo la sogs pa dang/ bzhi bcom byas pa'i stong pa rdul phra rab tu grub pa dang/ rang bzhin gyis stong pa dngos po 'am dmigs pa ste snying po'i don no// de lta bu la dmigs pa med pa'i shes rab ni lta ba'i don no/ /de nas sangs rgyas kyi mthus/ tshe dang ldan pa shA ri'i bus byang chub sems dpa' chen po 'phags pa spyan ras gzigs dbang phyug la 'di skad ces smras so/ /rigs

  202. 101b

    kyi bu gang la la dag shes rab kyi pha rol tu phyin pa zab mo spyad pa spyod par 'dod pa des ji ltar bslab par bgyi/ de skad ces smras pa dang zhes pas ni spyan ras gzigs la shA ri'i bus dris pa ste/ de yang sangs rgyas shAkya thub pa'i mthus spyan ras gzigs grol la/ /de'i mthus shA ri'i bus dri ba'i stobs dang ldan par nus pa ste/ de'i phyir na sangs rgyas kyi mthus so/ /skye 'chi las grol bas 'chi med kyi tshe dang ldan pa ste/ rigs gzhan ma yongs su spangs pa ste/ ma shAkya'i rigs so/ /de nyid kyis gzhan don la dmigs te zhus pa'i don gyis smras/ theg pa chen po la mos pa'i rigs kyi bu la la dag ni/ dmigs pa med pa'i shes rab kyi pha rol tu phyin pa zab mo'i don la spyan ras gzigs spyod pa de la gzhan spyad par 'dod na bslab pa'i thabs ji ltar bslab ces dris pa'o/ /byang chub sems dpa' sems dpa' chen po 'phags pa spyan ras gzigs kyis/ tshe dang ldan pa shA ra dwa ti'i bu la 'di skad ces smras so zhes pa ni zhes zhus pa'i lan bstan pa'o/ /shA ri'i bu rigs kyi bu 'am rigs kyi bu mo gang la la dag shes rab kyi pha rol tu phyin pa zab po spyod pas spyad par 'dod pa des/ 'di ltar bslab par bya ste zhes pa ni gsungs par zhal gyis bzhes pa ste/ theg pa chen po la mos par rigs pho 'am mo 'am gang la la dmigs pa med pa'i shes rab la de spyod pa'i don la khyad yod par 'dod na 'di ltar slobs zhes pa'i don to/ /phung po lnga po de dag kyang rang bzhin gyis stong par rnam par rjes su blta'o/ /pa ni thun mong gi phung po lnga la sogs pa de rnams ni yi nas stong pa yin pas/ de dag khyed kyis kyang rang bzhin gyis stong par rnam par de'i rjes su ltos shig /de rnams la mos pa'i don gyis pa'o/ /gzugs stong pa'o zhes pa ni gzugs kyi ngo bo nyid stong pa'i rang bzhin no//

  203. 102a

    stong pa nyid gzugs so zhes pa ni stong pa nyid don rig pa ma 'gags pas gzugs ltar snang ba'o/ /gzugs stong pa nyid las gzhan ma yin no zhes gzugs stong pa de las 'khor 'das kyi chos gzhan snang ba ma yin zhes pa ni/ stong pa'i yon tan ma 'gags pa de las gzhan gzugs snang ba gzhan ma yin no/ /gzugs de bzhin du gnas pa de bzhin du/ de las gnas pa'i de tshor ba dang/ 'du shes dang 'du byed la sogs pa rnams ni gzugs bzhin du gnas pa'i don to/ /shA ri'i bu de lta bas na chos thams cad stong pa nyid de zhes pa ni/ shA ri'i bu 'khor ba'i dngos po gzugs la sogs pa dngos po med par stong pa nyid du de lta bas na/ mya ngan las 'das pa'i chos thams cad ni rang bzhin gyis stong pa nyid do/ /stong pa nyid don stong pa nyid kyi don rang ni 'di lta bu ste/ gzugs sam stong pa'i mtshan nyid gang yang med pa/ rgyu rkyen gang gis kyang ma skyed pa/ rang gi ngo bo'i yon tan gang du yang ma 'gags pa/ dngos po'i dri ma gang yang med pa/ de yang ye thog ma nas gzung 'dzin gyi phyogs gang du yang ma ltung bas/ dri ma dang bral ba yang med/ snying po'i don de rkyen gyis bri ba med pa/ rgyu gzhan lta gcig gis bskyed nas yon tan gyis gang ba'i rgyu yang med do/ /shA ri'i bu de lta bas na zhes pas ni dmigs par bya ba'i stong pa de nyid las/ nyams su blang ba'i rgyu dngos po grub pa med de/ gzugs stong pa nyid yin pa'i phyir na/ tshong ba la sogs pa yang gnyis su med la/ mig la sogs pa'i dbang po sgo lnga dang/ de las las lnga la sogs pa dang/ chos lnga yang gang yang dmigs su med do/ /de rnams kyi mig la sogs pa'i khams kyang dbyer mi phyed pa'o/ /de ltar na snying po'i don

  204. 102b

    de ma ma? rig pa yang med de/ de zad pa'i rgyu yang med do/ /stong pa'i don de nyid la rgas pa dang shi ba yang med/ de ltar skye rga na 'chi rten 'brel la zad pa yang med do/ /de ltar don de nyid la sdug bsngal te dug lnga las grub pa yang med la/ de las cung? ba'i kun nas nyon mongs pa med do/ /de'i don gyis sdug bsngal ba med par 'gog pa yang med la/ de'i don gyi 'khor ba'i dngos po nyams su blang ba med na/ mya ngan las 'das par byed pa'i lam la yang thob pa'i rgyu med de/ /lam dang sa rnams kyang spyad zhing bgrod du med do/ /thun mong gi ye shes lnga la sogs pa yang med don snying po'i don de las gzhan nas thob pa yang med la/ rang gi dngos po'i don ye nas rang chas su yod pas/ ma thob pa'i rgyu yang med do/ /shA ri'i bu de lta bas na/ byang chub sems dpa' rnams la thob pa med pa'i phyir/ shes rab kyi pha rol tu phyin pa la brten cing gnas te/ zhes pa ni shA ri'i bu lam la gzhan nas thob pa'i rgyu med pa de lta bas na/ 'bras bu gzhan nas thob pa med pa'i phyir na/ dmigs pa med pa shes rab kyi pha rol tu phyin pa la/ snying po'i chos kun zhes bya ste/ 'bras bu de khal? brten cing gnas pa zhes bya'o/ /sems la sgrib pa med pas skrag pa med de phyin ci log las shin tu 'das te/ mya ngan las 'dus pa'i mthar phyin to/ /zhes pa ni 'bras bu'i don rang chos su gnas pas/ de las gzhan med pas sems la sgrib pa'i chos med la/ gzhan nas ma thob kyis ngogs pa'i skrag pa yang med do/ /log pa'i shes pa rnams las shin tu 'das te/ 'khor pa'i dmigs pa'i shes pa med par/ mya ngan las 'das te/ sangs rgyas kyis la mthar phyin to/ /dus gsum du rnam par bzhugs pa'i sangs rgyas thams cad kyang/ shes rab kyi pha rol tu phyin pa

  205. 103a

    la brten nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ /zhes pa ni de ltar na 'bras bu'i rgyu cig la bzhag nas thob pa'i rgyu med pa ma yin te/ 'das pa dang ma byon pa dang da ltar gyi sangs rgyas rnams kyang/ dmigs pa med pa'i don la brten nas/ sangs rgyas thams cad kyi bla na med pa las log pa'i don med de/ yang dag par ston pa la sogs pa rdzogs pa/ shes bya'i sgrib pa rnams bya ba/ snying po don la bya bar gzhan gyi don/ rang la rang chas su mngon par yon tan thams cad rjod par sangs rgyas so/ /shA ri'i bu de lta bas na shes rab kyi pha rol tu phyin pa'i sngags/ zhes pa ni de lta bur dmigs pa'i yul dang/ nyams su blang ba'i thabs dang/ mthar phyin pa'i 'bras bu rnams gzhan nas 'byung ba 'am/ thob pa'i rgyu med pas na de'i don ni shes pa'i rab 'khor ba'i pha rol phyin pa ste/ de'i don ni sngags zhes bya ba ni yon tan lnga dang ldan pa'o/ / gzhan gyi don la rag ma lus rang nyid la gnas pas sngags zhes bya'o/ /de'i yon tan yang rang nyid kyis rang rig pas/ rig pa chen po'i sngags la/ gzhan la zlas su med pas bla na med pas la dngos por grub pa med pas mtshan ma dang mi mnyam pa/ mtshan ma nyid de'i yon tan yin pas na/ dbyer mi phyed pas snying po'i don du mnyam pa'o/ /snying po don te rtogs nas log pa'i sdug bsngal rnams rab tu mchog tu zhi bar byed do/ /dmigs pa med pa'i dang la gnas pa'i sngags de'i don mi brdzun te snying po'i don tu bden par shes te/ de'i phyir na shes rab kyi pha rol tu phyin pa thams cad kyi sngags spyan ras gzigs kyis smras pa/ tadya thA/ ces pa ni/ 'khor 'das

  206. 103b

    kyi don snying por cig pa 'di lta ste zhes pa'i don no/ /de yang dmigs pa med par gcig pa/ 'byed pa med par gcig pa/ rang bzhin mi 'gyur ba'i don 'di lta ste/ oM ni 'khor ba'i dus su dug lnga ltar du snang ba 'bras bu'i dus su rigs lnga yab ye shes lnga ltar snang ba de ni log pa'i shes pa la snang gi /de nyid la dmigs pa med pa'o/ /shes rab gzhan mi gnas par rtogs pas/ 'bras bu'i pha rol tu ga te bdag don du phyin la/ gzhan don du yang ga tes phyin pa'i don to/ pa ra ga te na bdag don gyis mchog tu phyin te/ gzhan la re ba'i yul med do zhes pa'o/ /pa re sang ga te na gzhan don gyis mchog gam phul du phyin te/ gdul bya dmigs pa'i thugs rje 'byung ba spangs/ gdul byas las dag pa la snang ba sprul sku rang bzhin dag pa la snang ba longs sku/ bo d+hi rgyun mi 'chad pa thugs rje/ gdul bya la shes rab kyi pha rol tu phyin pa'i don du 'byung ngo/ /swAhA ste/ rgyud rnams rang bzhin gyis grol lo zhes bya ba'i don te/ de yang nyid kyis nyid grol ba'i don to/ /gzhan la snying po'i don nam rag lus pa med pa'o/ /shA ri'i bu de ltar zab pa'i don la bslab par bya'o zhes bstan pa'o/ /de nas bcom ldan 'das ting nge 'dzin las bzhengs te/ byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin nas zhes pas ni/ dus gzhan gyis bar mchod par spyan ras gzigs kyis shA ri'i bu des bstan pa'i rjes de nas bcom ldan 'das kyis 'khor smin par byed pa ting nge 'dzin la bzheng nas 'phags pa spyan ras gzigs la dam pa'i chos ma nor bar ngas bstan pa ltar khyod ston pa legs par byin no/ /de ltar ston pa legs so/ /rigs kyi bu rang don de bzhin no/ /gzhan?

  207. 104a

    gyi don dang rang chas su ngas gzhi lam 'bras bur chas par ston pa de de bzhin te/ 'phags pa spyan ras gzigs khyod kyi shA ri'i bu la bstan pa de bzhin du gdul bya rnams kyi ye shes rang la rang ? su shes rab kyi pha rol tu phyin pa yod pas bslab par bya'o zhes bcom ldan 'das kyis gsungs pa bka' dngos so/ /de bzhin gshegs pa rnams kyang rjes su yi rang ngo zhes pas ni bcom ldan 'das kyis gsungs pa'i bka' dngos dang byin gyis brlabs pa'i bka' spyan ras gzigs gnyis mthun pas de bzhin gshegs pa'i rigs thams cad kyang bka' mthun pa'i don de la yi rang ngo/ /bcom ldan 'das kyis de skad ces bka' stsal nas zhes pa la sogs pa ni bka' mthun pa'i don la dgyes te ston pa chos dang 'khor 'phags pa spyan ras gzigs la bstan pa'o/ /'khor rnams pa bzhi la sogs pa'i 'khor dang/ lha'i dbang po brgya byin dam pa 'am mchog tu gyur pa dang/ lha ma yin gyi rgyal po thag bzang ris dang/ dri za'i rgyal po zur phung lnga pa la sogs pa rnams kyis bstod pa'o/ /shA ri'i saM has mdzad pa'i 'gres pa mdo las sngags su bai ro tsa na'i don du bgol ba'i tshig tu nyung la don che ba la bsal ba'i sgron ma rdzogs so// //slob dpon bai ro tsa nas rgyal po khri srong lde btsan la mtshan ma'i chos spyod la dregs pa skyes pa'i dus su/ bu dang chas pa'i 'grel pa 'di snang ba'o// //rin po che rtsod pa'i 'khor lo bzhugs// //*/ /dpal rdo rje sems dpa' la phyag 'tshal lo/ /mnga' bdag khri srong lde btsan gyis/ /slob dpon bai ro tsa na la

  208. 104b

    zhag bdun du bskor ba byas te/ /pus mo g.yas pa'i lha nga sa la btsugs nas/ zhabs spyi bo la blangs te/ 'di skad ces zhus so/ /'khor lo'i ma bu dpes mtshon pa/ /sprin med mkha' la nyi shar ji bzhin du/ /snang srid gsal bar ma lus ston nus kyang/ /theg dman rnams kyis sgra tshig legs po bsdebs gyur nas/ /'khor lo'i mgo smad gzhan gyi che bton nas/ /rtsod pa byed na ji ltar pa gyi zhes zhus so/ /slob dpon chen pos bka' stsal pa/ /mnga' bdag chen po khyod nyon cig /khri srong lde btsan byang chub sems dpa' i sras/ /khyod la bstan dang mi dgos te/ /sngon o rgyal yul du phyin pa'i tshe/ /shel gyi khye'u chung yon tan stong ldan des/ /theg pa kun la ye nas ma rmongs pa'i/ /dpe las mtshan du btags pa smra ba'i mtshon cha zhus/ /don las mtshan du btags pa brtsod pa'i 'khor lo zhus/ /mnga' bdag chen po 'di lta ste/ /rtsod pa'i 'khor lo zhu ba shin tu legs/ /dngos la rtsod pas ma gyur kyang/ /lnga brgya dus kyi snyigs ma la/ rdzogs chen thang mar brdal ba'i dus shig 'ong/ /rang sems rlung ltar 'phyo ba mi khugs par/ /mi yi bla ma byed pa'i dus shig 'ong/ /rang sems rgyud dang mi ldan par/ /lung tshig kha ru 'don cing rtsod pa'i dus shig 'ong/ /sgrub thabs re yi sgor zhugs nas/ /rang gi che ba 'don cing gzhan la smod pa'i dus shig 'ong/ /rang skyon ri bo tsam la mi lta bar/ /gzhan skyon rta rnga tsam la lta ba'i dus shig 'ong/ /'khor lo ma bu don la 'jal ba mi blta bar/ /theg dman rnams kyis mgo bsgre byed cing smod pa'i dus shig 'ong/ /de yi dus su phyi rabs rnams kyi don ched du/ /rtsod pa'i 'khor lo'i don chen 'di/ /yi ger bris la rgyal pos chongs zhes gsungs so// //de nas slob dpon chen pos bde

  209. 105a

    ba'i bstan la bzhugs nas/ rin po che rtsod pa'i 'khor lo zhes bya ba/ gsung rab thams cad kyi yang snying/ man ngag thams cad kyi nying khu rgyud thams cad kyi yang rtse/ theg phran sarba shan du bskyur ba 'di bka' stsal pa/ rin po che rtsod pa'i 'khor lo 'di la/ don rnam pa lngas bstan te/ /phar la 'dri dang tshung la 'drin lan gdab dang/ phar la 'dri na gnang dang gags la dri/ /tshur la 'drin pha rog glen pa'i bgros kyis zur la 'bros/ /rang sems ri bo chen po bzhin du shin tu bstan par bsdang ba'o/ /yang mnga' bdag chen brtsod pa'i ngan ni 'di lta ste/ /ngang yang dram 'cha' gzhan yang dam 'char gzhug/ rtsod pa'i rtsod lugs 'di ltar shes par bya / bsgrub bya dam bca' gtan tshigs dpe dang chos nyid sgrub/ /khang yang de bzhin 'cha' ru gzhug /rang gi grub mdza' 'di ltar bstan te/ theg pa rim pa dgu'i chos/ chos can zhes bya/ rang bzhin med de zhes bya bar dam bca' gtan tshig ci'i phyir zhe na/ shes bya yin pa'i phyir ro/ /dper na chu'i nang gi zla ba lta bu'o zhes smra/ sgrub par bya ba chos nyid yin zhes smra'o/ /de la rang gi khong tu chud par byas la gzhan yang de dang mthun par 'cha' ru gzhug go / yang mnga' bdag chen po nyon cig /theg pa dgu'i chos/ chos can zhes pa ni/ /lung la nu man chad da a cang ches te/ /a ti la yang tshig 'dzin yod/ tshig 'dzin ming gi tshig 'dzin te/ /mya ngan ming dang bral bar ma shes na/ /yang dag don dang 'jal bar rdo rje sems dpas ma gsungs so/ /tshig 'dzin ming dang ma bral na/ /theg pa'i ma'o man rtsib blo cung dman pa yin/ rang bzhin med par dam bca' zhes pa ni/ phyi bzung ba'i yul dang

  210. 105b

    nang 'dzin pa'i sems gnyis ka ming gi 'du byed las grub pa ste/ ming de yang ltar snang tsam las/ /yang dag par rjes su grub pas na rang bzhin med pa'o/ /des na dam bca' la skyon med pa'o/ /gtan tshigs ci'i phyir zhes ni/ shes bya yin pa'i phyir te/ shes bya gzhi blo yi yul te/ yang dag pa'i chos kyi sku ni/ blo'i yul du ma grub pa'o/ /blo sarba ni ming yin la/ ming sarba ni blo yin pas na/ shes bya sarba theg pa rim dgu'i chos so/ /de ci'i phyir zhe na/ theg pa rim pa dgu la ming 'dug pa'i phyir ro/ /dper na cha'i nang gi zla ba lta bu zhes pa ni/ chos kyi sku'i dpe mtshon pa ste/ med de med pa ma yin snang ba gzugs su grub/ dngos po mtshan mar ma grub reg bya'i thogs pa med/ rtog chang gnyis kyi mdza' las grol ba yin/ /chos kyi sku'i mthun dpe bstan pa yin zhes shel gyis khye'u chung gi zhal nas gsungs so/ /grub par bya ba chos yin zhes pa ni/ chos zhes bya ba ni snang ba gzugs su grub pa yin/ /nyid ces bya ba ni reg pa gzugs su ma grub pa'o/ /reg bya'i thogs pa rdul kyang med pa'o/ /chos shes pa ni/ chos kyi sku gsal ba'o/ /nyid ces pa ni ye shes kyi sku la khyab pa'o/ /khyab pa'i khyab tshul bstan pa ni/ /til la mar gyis khyab pa lta bu'o/ /sku dang ye shes dbyer mi phyed par bstan pa ni/ dung dang dkar po dbyer mi phyed pa lta bu'o/ /chos dang chos nyid dbyer mi phyed par bstan pa ni/ /chu dang chu zla dbyer mi phyed pa lta bu'o// //yang mnga' bdag chen po nyon/ cig /kho de cig gi brjod lugs 'di lta ste/ theg pa rim pa dgu chos can yin zer na/ /rim pa dgu la ming 'dug pa/ ming mi 'gyur ngam zhes 'dri'o/ /ming mi 'gyur zhes smra na/ ming de spong btub pa ma mi btub/ ming de

  211. 106a

    spor bcu pa na de ka 'gyur ba min mod ces lan gdab po/ /mi 'gyur zhes zer na/ rim pa dgu chos can yin byas la skyon dga' 'o/ /chos kyi dngos po mtshan mang ma grub zer na/ rang bzhin med ces smra'o/ /med na chad ltar mi 'gro 'am zer na/ /dper na chu'i nang gi zla ba lta bu zhes smras pas/ /de lta bu zhig yod par cis shes zer na/ rgyud dang lung gis shes/ gtan tshigs dang mi 'gal lo/ /gtan tshigs ci'i phyir shes bya yin pa'i phyir/ zhes smras pas/ de ltar shes na bsgrub bya la skyon med pa chos nyid yin/ dam bca' la skyon med pa rang bzhin med pa yin/ /gtan tshig skyon med pa shes bya'i don shes pa yin/ dpe la skyon med pa chu'i nang gi zla ba yin/ grub pa'i 'bras bu la skyon med pa sku dang ye shes gnyis su med pa yin/ rin po che rtsod pa'i 'khor lo'i rtsod pa'i bca' thabs bstan pa'i le'u ste dang po'o// //yang mnga' bdag chen pos zhus pa/ kye slob dpon chen po lags/ rtsod pa'i gzhi dang lam dang 'bras bu bstan du gsol ces zhus so/ /slob dpon chen pos bka' stsal pa/ mnga' bdag chen po nyon cig /rin po che rtsod pa'i 'khor lo 'di la 'di ltar shes par bya'o/ /dper na ral gri bar dang ldan pa des// shing dang rdo dang sems can dang/ lcags ? med pa la sogs pa rnams ma lus par gcod nus so/ /dpe de bzhin tu/ rin po che rtsod pa'i 'khor lo 'dis kyang/ mtshan ma theg pa chos dang/ nag po kha 'byam gyi chos sarba ma lus par gcod nus so/ /des na rin po che smra ba'i mtshon cha zhes bya ba'o/ /rin po che rtsod pa'i 'khor lo zhes bya ba ni/ 'khor lo rnam pa gsum ste/ phyi stong pa'i 'khor lo/ /nang rtsod pa'i 'khor lo/ /gsang ba chen po stong pa'i 'khor

  212. 106b

    lo'o/ /de yang gang zhe na/ 'khrul pa'i bzhi dang/ lam dang/ 'bras bu gsum gyis gtan la dbab po'o/ de yang rnam par phye ste bstan pa ni/ 'khrul pa'i gzhi la rnam pa bzhi ste/ sku 'khrul pa'i gzhi dang/ gsung 'khrul pa'i gzhi dang/ thugs 'khrul pa'i gzhi dang/ yul 'khrul pa'i gzhi'o/ /de yang gzhi med na 'khrul pa'i gnas med pa'o/ /gzhi dang blo gnyis gang 'khrul zer na/ 'khrul pa gang 'khrul na ni gzhi 'khrul pa yin la/ 'khrul pa gang gis 'khrul la ni/ ma rig pas 'khrul pa'o/ /gang ma rig na ni/ gzhi'i yon tan rgyu mtshang pas brjod pas mi lang ba la/ sangs rgyas kyi yon tan du ma rig pas 'khrul lo/ /gzhi'i yon tan ji ltar gnas zer na/ sku'i yon tan bstan pa ni/ rang bzhin lhun grub ngo bo 'gag med yin/ gting gsal chen po'i ngo bo g.yas g.yon med par gsal/ /mdun rgyab med par gsal bas ye shes zangs thal yin/ /gsal ba yin par rang gis ma rig pas/ /sku'i yon tan 'gyur ba med pa la/ /ltar snang blo'i tshul gyis 'gyur bar 'khrul pa'o// //gsung nyid gzhi las 'khrul par bstan pa ni/ /'dra gzhi med na 'khrul pa'i gnas med do/ /brag ? lta bu'i gsung nyid la/ / 'khor lo gsum du blo yi yid g.yos pas/ bud d+ha'i gsung la 'gag sgrib med bar ma rig ste/ /gsum la ming btags 'dra 'bag rtsis pas 'khrul pa'o// //thugs nyid gzhi las 'khrul par bstan pa ni// 'dra gzhi med na 'khrul pa'i gnas med de/ /thugs kyi rang bzhin gsal la gdang ba yin/ /rnam pa'i dkyil ltar mdza' dang ye nas bral ba la/ /chu rung lta bu'i thol gang rang 'khrul byung/ /go 'byed nam mkha' yin snyam

  213. 107a

    sems su btags/ /nam mkha' 'dra gzhi byas nas mdza' dbus med par 'khrul pa'o/ /yul nyid gzhi las 'khrul par bstan pa ni/ /'dra gzhi med na 'khrul pa'i gnas med de/ gting gsal chen po'i yon tan 'gag med la/ /kha dog lnga yi yon tan gsal bar gang?/ /yul gyi 'khrul pa'i 'dra gzhi kha dog lnga yis byas/ /des na 'khrul pa thams cad gzhi las 'khrul/ /de yang dpe dang don du sbyar la bstan pa ni/ /thag gu sbrul min sbrul du snang ba de/ /thag gu sngon na 'dug pa ltar snang tshul du 'khrul/ /thag gu de nyid ye nas sbrul yin na/ /sbrul du 'khrul zhes tshig tu brjod du med/ /de ci'i phyir zhe na/ thag gu de sbrul ma yin pas sbrul du 'khrul ces bya ba'i mi 'byung ba yin te/ /thag gu de ye nas sbrul yin na/ sbrul du 'khrul ces ci ste gdags pa'o/ /dpe de bzhin du 'khrul pa gzhi 'khrul na gzhi skyon can du 'gro zer na/ gzhi dag pa chos kyi sku rang bzhin lhun gyis grub pa'i ngo bo/ /skyon dang bal pa yin pas 'khrul ces smras pa'o/ /chos kyi sku'i ngo bo rang bzhin lhun gyis grub pa de la/ ye nas ngag cing skyon dang bral ba ma yin na/ ye 'khrul yin pa'i nang kas 'khrul ces bya bar gdags su med do/ / de yang chos sku'i ngo bo rang bzhin lhun gyis grub pa de/ ye skyon dang bral te gzhi la skyon med pa la/ 'khor lo gsum du yid g.yos blo yi bye brag gis/ /ltar snang min zhing 'gyur med yin pa na/ /'khrul dang ma 'khrul gnyis su gdags su med/ /'khrul pa thams cad blo yis ltar snang yin/ /ltar snang ba de la bla ma'i gdams ngag ces gsungs so/ /rin po che rtsod pa'i 'khrung lo'i 'khrul pa'i 'dra gzhi bstan pa'i le'u ste gnyis pa'o// //

  214. 107b

    yang mnga' bdag chen pos zhus pa/ skye slob dpon chen po lags/ 'khrul pa'i lam bstan du gsol ces zhus so/ /slob dpon chen pos bka' stsal pa/ mnga' bdag chen po nyon cig/ 'khrul pa'i lam la rnam pa bzhi yod de/ sku nyid ji ltar 'khrul pa'i lam nyid bstan pa dang/ gsung nyid ji ltar 'khrul pa'i lam nyid bstan pa dang/ thugs nyid ji ltar 'khrul pa'i lam nyid bstan pa dang/ yul nyid ji ltar 'khrul pa'i lam nyid bstan pa'o/ /de yang ji ltar 'khrul zhe na/ sku nyid ji ltar 'khrul pa'i lam nyid bstan pa dang/ /gsal dang mi g.yo rgyu ma chad/ /mi 'gyur g.yo zhing mgul ba la/ /sku yi yon tan rnams lnga la/ yon tan yin par ma rig pas/ /dbang po lnga dang yan lag lnga/ /don snying lnga dang nang khrol lnga/ /bdud rtsi lnga dang nang lngar btags/ /btags pa'i blo yi bye brag gis so/ /mtshan dang dpe byad kha dog dbyibs su btags/ /btags pas sarba blo dang ming yin pas/ /chos sku'i ngo bo longs skur ma gyur te/ /ming gi gdags bya rang gis ma grol bas/ /mtshan dang dpe byad longs spyod rdzogs skur 'khrul pa'o/ /gsung gi lam nyid ji ltar 'khrul pa bstan pa ni/ /chos kyi sku'i gsung nyid ye nas 'gyur med la/ 'khor lo gsum du yid g.yos pas/ /btags tshad de la ming re byung/ /ming du byung tshad gsung gi sgra ru byung pa'o/ /thugs nyid 'khrul pa'i lam nyid bstan pa ni/ /chu bur lta bu'i thugs ni ngang 'khrul yin/ phyi? bsar lta bu'i thugs ni kun tu 'gyur/ /ral dri lta bu'i thugs kyi phyi nang kun tu gcod/ /ye shes chen po'i don la mi gcod par/ /rnam rtog ming la bcad pas 'khrul pa'o/ /yul nyid lam gyi 'khrul par bstan pa

  215. 108a

    ni/ /kha dog lnga'i rang bzhin ye nas gsal bas/ /'khor lo gsum du yid g.yos pas/ /kha dog dkar dmar ljang dang sngo dang ser/ /phyogs mtshams steng 'og tu kun gyi ming/ /rin chen nga dang 'byung chen lnga ru btags/ /ming gi gdags gzhi yul nyid lam du 'khrul par bstan pa'o/ /rgyal po chen po 'di lta ste/ /bsdus na rnam pa gsum du 'dus/ /sku dang ye shes gnyis su med pa ste/ /dngos po 'dus nas 'khrul pa'i 'dra gzhi yin par des/ /ming du 'dog dus na 'khrul pa'i lam nyid yin par des/ /btags pa smin pa'i dus na 'khrul pa'i 'bras bu yin par des/ /zhes gsungs so/ /rin po che chi rtsod pa'i 'khor lo'i 'khrul pa'i lam bstan pa'i le'u ste gsum pa'o// // yang mnga' bdag chen pos zhus pa/ kye slob dpon chen po lags/ 'khrul pa'i 'bras bu ji lta lags zhes zhus so/ /slob dpon chen pos bka' stsal pa/ mnga' bdag chen po nyon cig /'khrul pa'i 'bras bu rnam bzhi ste/ /sku nyid 'khrul pa'i 'bras bu dang/ /gsung nyid 'khrul pa'i 'bras bu dang/ /thugs nyid 'khrul pa'i 'bras bu dang/ /yul nyid 'khrul pa'i 'bras bu'o/ /de yang sku nyid 'khrul pa'i 'bras bu bstan pa ni/ 'dod pa'i khams kyi lha drug dang/ /rkang mangs dang rkang gnyis dang/ /srad pa dang ni zlum pa dang/ /ring ba dang ni thung ba dang/ /zag pa can gyi lus rnams so/ /gsung nyid 'khrul pa'i 'bras bu bstan pa ni/ /'dzer pa dang ni shes pa dang/ /'gags pa dang ni 'grib ba dang/ /na ba dang zhar ba'o/ /thugs kyi 'khrul pa'i 'bras bu bstan pa ni/ /bde ba dang ni sdug pa dang/ /dga' ba dang ni mi dga' dang/ /kun tu 'phro dang bya byed do/ /yul gyi 'khrul pa'i 'bras bu bstan pa ni/ /'byung chen

  216. 108b

    lnga yi dkyil 'khor dngos por smin ri rab rtse mo'i ngo bo khong gseng dang/ rtsi shing nags tshal ngo bo'i mtho dman dang/ /gling bzhi mun pa'i dkyil 'khor dang/ /bye tshan mo dang rnag khrag dang/ /lcags kyi shal ma ra'i? dang dmyogs 'dam/ / spu gri so dang mi gtsang ljan ljin rnams/ /yul gyi 'khrul pa'i 'bras bur bstan pa'o/ /yang mnga' bdag chen po 'di lta ste/ /sgo bzhi rtsad nas mchod cing/ /mtshan ma rang sar ma grol na/ /yang dag don dang 'jal bar rdo rje sems dpas ma gsungs so/ /sgo bzhi'i mtshan nyid 'di lta ste/ /skye ba 'byung bas 'chi ba'i sgo/ /byas ba sarba 'jig pa'i sgo/ /'dus pa sarba 'bral ba'i sgo/ /bsags pa'i sarba bas pa'i sgo/ /bskal pa thag ma med pa nas/ /sgo bzhi rtsad nas mchod las/ /'khor ba'i 'dam nas thon dus med/ /mtshan ma rangs ram grol bas/ /byas pa'i chos la zin dus med/ /lta ba bltas pas pag tshong yin/ /sgom pa byas pas yid smen yin/ /spyod pa byas pas tshul 'chos yin// 'bras bu sgrub pas 'khor ba yin/ /mtshan ma rang sang grol tsam na/ /bcos med bsnan med blo yi yul las 'das/ /bsgrub med brjod med ma gsungs pa bka' rgyu cher bshad ces gsungs so/ /rin po che rtsod pa'i 'khor lo'i 'khrul pa'i 'bras bu bstan pa'i le'u ste bzhi pa'o// //yang mnga' bdag chen pos lus pa/ /kye slob dpon chen po lags/ /yang dag pa'i ngo bo mi 'gyur ba/ /blo'i chos dang ye nas 'bral ba la/ /'khrul pa gcad? ci dgos zhes zer na/ /kho bos ji ltar smra zhes zhus so/ /slob dpon chen pos bka' stsal pa/ /mnga' bdag chen pos nyon cig /phar la 'dri dang tshur la 'dri na lan gdab gnyis/ /shes par rmongs blo la zhen par

  217. 109a

    bgyi/ /phar la 'dri na 'di ltar shes par bya/ /a ti lo ga rdzogs pa chen po la/ /'khrul bzhi rtsad nas gcad pa rtsigs su che 'am mi che zhes dri/ 'khrul bzhi rtsigs su mi che zer na/ khyed da lta sangs rgyas yin nam ma yin zhes dri'o/ /yin zer na/ yang dag par rdzogs pa'i sangs rgyas la ni thugs dang rdzu 'phrul dang 'od dang byin gyis brlabs chen po 'byung na/ khyod la da lta de 'byung nus sam zhes dri'o/ /'byung zer na/ rtags mngon du 'don du gzhug go/ mi 'byung zer na/ da lta sangs rgyas yin zer pa dang 'gal lo zhes byas la skyon dgal lo/ /yang dag pa rdzogs pa'i sangs rgyas la 'khrul pa rtsad bcad mi dgos zer na/ khyod la da lta rtogs pa yang mi 'dug /mngon du gyur pa yang mi 'dug pa/ 'khrul pa ma bcad par sangs cis rgyas byas la dri'o/ /'khrul pa mchod par ni rtogs pa ma 'byung na/ rtogs pa ma shar bar ni longs spyod rdzogs pa'i sku mi thob na/ longs spyod rdzogs pa'i sku ma thob par rtogs pa mngon du mi 'gyur na/ mngon du ma gyur par mya ngan las 'dal thabs med na/ smyon pa'i tshig ma smra/ byis pa tshang ka ma bzhin yas zung mas zung ma smra/ rgan rgon 'chal pa bzhin du tshig tom col du ma smra/ tshig tol col gyis 'bras bu sangs mi rgya/ tshig bya ba ni sems shing smra ba yin/ tshig rang rgyud dang mi 'gal bar smra dgos pa yin/ tshig dang don du 'gal na smra mkhas kyang don med/ pa yin/ tshig dang don du 'gal na smra mkhas kyang don med/ de? mnga' bdag chen pos 'di skad byas la 'dri ro/ /khyod yang dag pa'i don la mkhas na/ 'khrul pa'i don la gang gi sgo nas kyang ma rmongs par/ /shel gyi khye'u chung ltar shes dgos pa yin pas/ 'gro drug sems can gyi

  218. 109b

    snod dang bcud gnyis po 'di/ 'byung ba rnam pa lngas bsdus par mnyam pas/ mi mthun khyad par shin tu che/ phyi snod kyis bsdus pa'i yul/ ri mtho dman dang lung pa yangs dog 'di la rig pa med pa ci'i rgyu ci'i rkyen/ nang bcud kyis bsdus pa phung po zag pa dang bcas pa legs pa dang/ mi legs pa dang/ spyad pa dang zlum pa 'di la rigs pa yod pa ci'i rgyu ci'i rkyen ci las grub ces byas la dri'o/ /phyi snod kyi bsdus pa sems can gyi snod 'byung ba lnga'i dkyil 'khor 'di la rig pa med pa ci'i rgyu ci'i rkyen ces dri'o/ /rig pa med pa cis shes zer na/ rig pa yod par dam chos byas la gong thag bsdam mo/ /dam bcas tsam nas 'di skad byas la dri'o/ /sems can gyi snod 'di la rig pa yod na/ sa la brko/ rdo la rung/ chu la 'thung me la sprod pas na/ chos pa rnams kyang srog gcod par thal byas la skyon 'gal lo/ /chos pa rnams la thar pa'i lam med do/ /ci ste byas pas chos pa rnams srog rgyun mi 'chad par gcod pa'i phyir ro zhes byas la skyon dgal lo/ /srog gcod kyang mi sto zer na/ las la dge sdig med pas/ chos pa'i che cis 'don byas la dri'o/ /chos pa la che med cing rdzogs chen la 'chi med na/ sangs rgyas che ba'i yon tan dang 'gal lo/ sangs rgyas la che ba'i yon tan med na/ sems can dang khyad med par thal byas la skyon dgal lo/ /sems can gyi snod la rig pa med zer na/ kho bos smras pa'i thog na 'dug pa/ khyod kyi che ces 'don byas la dri'o/ /de yang 'di ltar shes par bya ste/ /phar la 'dri na gnang dang gags la 'dri'o/ /tshul la 'dri na zur dang thabs kyis 'bros/ /gdams ngag mngon du 'don pa ma yin gyi/ gdams ngag spyi bong mi bya rang gis rtogs par gyis/ /rang gis

  219. 110a

    rtogs par bya ba ni/ bde gshegs ye shes kyi snod dang/ 'gro drug sems can gyi snod la rigs pa med pa'i nang ka ni/ thog ma med pa'i dus nyid na/ /gting gsal chen po'i ngo bo 'gag med la/ /kha dog lnga yi 'dra gzhi gsal bar shar/ /gsal yang rig pa mi mnga' sku yi yon tan yin/ /kha dog lnga yi 'dra gzhi de/ sngar yang rig par mi gnas da yang gnas mi srid pa'o/ /nang gis bcud kyis bsdus pa'i bcud rnams la/ / rig par gnas pa'i nad ka ni/ /gsal dang mi g.yo rgyam tshad/ /mi 'gyur g.yo 'gul lta bu ste/ /sangs rgyas che ba'i yon tan lnga/ /sngar yang ma bral de dang mi 'bral lo/ /sku dang ye shes ngo bo ste/ /dbyer mi phyed pas ngo bo cig /lus dang yul gyi mtshan nyid ni/ /ngo bo tha dad rang bzhin cig par gnas de'i phyir na rig par gnas dang mi gnas bye brag 'byung ba'o/ /rin po che rtsod pa'i 'khor lo'i yang dag par chos kyi sku'i ngo bo gtan la 'bebs pa la/ /'khrul gzhi rtsigs su che ba bsten pa'i le'u ste lnga pa'o// //yang mnga' bdag chen pos zhus pa/ kye slob dpon chen po lags/ bde bar gshegs pa'i thugs la rmongs pa mi mnga' bas/ /theg pa'i mdza' la thugs pa med par gsungs pa 'di/ /theg pa mang po'i sgo nas rtsod nas ji ltar bgyi zhes zhus so/ /slob dpon chen pos bka' stsal pa/ mnga' bdag chen po nyon cig /gang zag blo'i bye brag mi gcig tha dad snang ba la/ /bde bar gshegs pa'i thugs la rmongs pa mi mnga' bas/ theg pa gang 'thad theg pa brjod pas mi lang gsung pa yin/ /sems can blo rnams ma zad par/ /theg pa'i grangs la brjod pas mi lang ste/ /bsdus na rnam pa gsum du 'dug /'dus

  220. 110b

    byas mtshan ma'i theg pa rnams/ /rdzogs chen kha 'byam theg pa dang/ /gsang sngags rdo rje 'bras bu 'gyur med theg pa gsum/ /rgyal po chen po 'di ltar shes par bya/ /'dus byas theg pa'i mtshan ma rtsad du byung tsam na/ theg dman klang gcag mgo bo dgrum pa'i phyir/ /theg pa 'og ma'i mtshan nyid bstan pa ni/ /dper na khron pa'i nad nyid na/ /spas pas seng ger gzengs chung tshul bcos kyang/ /bskal par bgrangs kyang seng+gar mi 'gyur ltar/ /'dus byas mtshan ma'i theg pas kyang/ /rang bzhin lhun grub ngo bo khyed la cha med pas/ /bskal pa grangs kyang sangs rgyas mi rnyed do/ /yang mnga' bdag chen po 'di lta ste/ 'dus byas mtshan mas rtsod tsam na/ /rtag gam mi rtag byas la 'dri'o/ 'dus byas kyi 'bras bu rtag ces zer na/ phyug po'i nor rdzas kyang 'dus byas kyi 'bras bu yin/ de la gang stongs 'ong bar mi rigs so/ /stong pa gang bar mi rigs so/ /skyes pa 'chi bar mi rigs so/ /'dus pa 'bral ba mi srid do zhes byas pa skyon dgal lo/ /'dus byas mi rtag ces zer na/ theg pa 'og ma'i 'bras bu 'dus byas yin pas sgrubs pa la don med byas pas skyon gnyis su gzhug go /rin po che rtsod pa'i 'khor lo'i theg pa 'og ma'i brgal brtag bstan pa'i le'u ste drug pa'o// //yang mnga' bdag chen pos zhus pa/ kye slob dpon chen po lags/ rdzogs chen kha 'byam rtsod na ji ltar shes par bya zhes zhus so/ /slob dpon chen pos bka' stsal pa/ mnga' bdag chen po nyon cig/ rdzogs chen kha 'byam mtshan nyid 'di lta ste/ nag po kha 'byam don med srang stong 'chag /char pa med pa'i 'brug ldir don ra chung/ /stong pa had? po don med sku'i don mthong dka' / /

  221. 111a

    rdzogs chen kha 'byam pa'i mtshan nyid bstan pa ni/ /bya sgro rlung khyer gzhags med pas gol/ /ri sho rlung khyer rten sa med pas gol/ /khyung chen nam 'phang gcod kyang gtad so med pas gol/ / ti bya ngan kyang nam mkha' i lam la mkhas/ /rdzogs chen kha 'byam rtsod tsam na/ /sangs rgyas ngo bo gang yin byas la dri/ /sku yi sangs rgyas gang yin byas la dri/ /gsung gi sangs rgyas gang yin byas la dri/ /thugs kyi sangs rgyas gang yin byas la dri/ /yul gyi sangs rgyas gang yin byas la dri/ /sangs rgyas bzhi yi mtshan nyid mi shes na/ /rig pa rkyang 'ded byas pas 'bras bu sangs mi rgya/ mnga' bdag chen po 'di lta ste/ /ma nu'i dus na nyon mongs bzhi ru shar/ /rtogs pa'i dus na sangs rgyas bzhi ru shar/ /rtogs dang ma rtogs par shed na/ /bar ba byed kyi brda cig gda' / /brda de bla ma'i gdams ngag yin/ /gdams ngag thug sar ma thug cing/ /mtshan ma rang sar ma grol na/ /sangs rgyas btsal bas brnyed pa ni/ /rdo rje sems dpas ma gsungs so/ /rin po che rtsod pa'i 'khor lo'i rdzogs chen kha 'byam la brgal brtag bstan pa'i le'u ste bdun pa'o// //yang mnga' bdag chen pos zhus pa/ slob dpon chen po lags/ gsang sngags rdo rje 'bras bu mi 'gyur ba'i theg pa ji ltar lags zhes bya ba zhus so/ /slob dpon chen pos bka' stsal pa/ mnga' bdag chen po nyon cig /mi 'gyur ba la rnam lngar shes par bya/ /de yang kun gzhi mi 'gyur skyon dang yi nas bral/ /rang bzhin lhun grub mi 'gyur skyon dang ye nas bral/ /gsung nyid mi 'gyur skyon dang ye nas bral/ /thugs nyid mi 'gyur skyon dang ye nas bral/ /yul

  222. 111b

    nyid mi 'gyur skyon dang ye nas bral ba'o/ /mnga' bdag chen po 'di lta ste/ /sems can dus kyi ltar snang la/ /sangs pa re la nyon mongs re/ /rtogs pa sngon du gyur tsam na/ /nyon mongs re la sangs pa re/ /sangs rgyas zhes kyis de la bya/ / de yang rnam par phye ste bstan pa ni/ /kun gzhi nam mkha' chen po la/ /sangs rgyas sems can gnyis su dbye ru med/ /rtogs dang ma rtogs gnyis su dbye ru med/ /bde dang sdug bsngal gnyis su dbye ru med/ /'khor ba myang 'das gnyis su dbye ru med// gnyis med skyon yod gnyis dang bral/ /ye nas brjod med tshig dang bral ba'o/ /rang bzhin lhun grub ngo bo la/ /rtogs dang ma rtogs gnyis su byung/ /rtogs pa'i dus na sangs rgyas te/ /ma rtogs dus na sems can no/ /bde dang sdug bsngal gnyis su byung/ /rtogs pa'i dus na bde bar shar/ /ma rtogs dus na sdug bsngal shar/ /'khor ba myang 'das gnyis su byung/ /ma rtogs pa na 'khor bar 'khyam/ /rtogs pa'i dus na mya ngan 'das/ /nyon mongs sangs rgyas gnyis dus na/ /nyon mongs sangs rgyas gnyis su byung/ /ma rtogs dus na nyon mongs bzhi ru shar/ /nyon mongs bzhi yi mtshan nyid bstan pa ni/ /sku yi nyon mongs gsung gi nyon mongs dang/ /thugs kyi nyon mongs yul gyi nyon mongs so sku yi nyon mongs zag pa can gyis lus/ /gsung gi nyon mongs 'gag 'grib can gyi gzhung/ /thugs kyi nyon mongs bde dang sdug bsngal thugs/ /yul gyi nyon mongs mi bde gcod rong yul/ /nyon mongs bzhi yi rtsad nas mchod na/ /bskal pa bgrangs kyang sangs rgyas mi rnyed do/ /nyon mongs bzhi po chod na sangs rgyas bzhi/ mtshan ma rang sar grol bas bde ba nang nas 'char/ /lta ba thag chod ma byed gdams ngag da lta gtugs/ /sgom pa yid smon

  223. 112a

    ma byed mtshan ma rang sar khrol/ /spyod pa tshul 'chos ma byed rgya chad med par gyis/ /'bras bu phyi mar ma re re dogs med par bgyis/ /sku yi nyon mongs sangs na yid bzhin sku ru rgyas/ /gsung gi nyon mongs sangs na brag ca lta bur rgyas/ /thugs kyi nyon mongs sangs na ye shes chen por rgyas/ /yul gyi nyon mongs sangs na dkyil 'khor chen por rgyas/ sangs rgyas shed na bzhed na de ltar shes par bgyis/ /sku la lhag ma med par rdzogs pas rdzogs chen yang dag yin/ /gsung la lhag ma med par rdzogs pas rdzogs chen yang dag yin/ thugs la lhag ma med par rdzogs pas rdzogs chen yang dag yin/ /yul la lhag ma med par rdzogs pas rdzogs chen yang dag yin/ /srid pa rgya thigs byung bas rdzogs chen yang dag yin/ /mtshan ma rang sar grol bas man ngag yang dag yin/ /blo yi re dogs chod pas man ngag yang dag yin/ /yid ches rang la shar bas man ngag yang dag yin/ /zhes gsungs so/ /rin po che rtsod pa'i 'khor lo'i gsang sngags 'bras bu'i theg pa'i le'u ste brgyad pa'o/ //yang mnga' bdag chen pos zhus pa/ kye slob dpon chen po lags/ theg pa'i mtshan nyid grangs med pa/ /theg pa re la lhun grub de/ /lhun grub mtshan nyid mi gcig pas/ /lhun grub rtsod na ji ltar bgyi/ /zhes zhus so/ /slob dpon chen pos bka' stsal pa/ mnga' bdag chen po nyon cig / lhun grub brjod pas mi lang ste/ /rnam par phye ste bstan pa la/ /lhun grub rtsis mgo rnam pa gsum/ /de yang gzhi lhun gyis grub pa dang/ /lam lhun gyis grub pa dang/ /'bras bu lhun gyis grub pa'o/ /gzhi lhun gyis

  224. 112b

    grub pa la yang gnyis te/ kun gyi gzhi dang/ rang gi gzhi'o/ /kun gyi chos nyid nam mkha' la/ /rang gi gzhi rang bzhin lhun grub po/ /lam lhun gyis grub pa la yang gnyis te/ yas kyi 'khrul tshul dang/ mas kyi ldog tshul lo/ yas kyi 'khrul tshul phra rags don dang sbyar/ /mas kyi ldog tshul sku gsum ngo bo nyid du sbyar/ /'bras bu lhun gyis grub pa yang gnyis te/ sangs rgyas longs spyod rdzogs pa'i sku dang/ /mya ngan las 'das pa'i sku'o/ /de las kyang rnam par phye ste bstan pa ni/ byung ba'i lhun grub bzhi bstan pa dang/ /byas pa'i lhun grub lnga ru bstan pa'o/ /de yang lus mdor gzhag na rnam pa bzhi ste/ gzhi lhun gyis grub pa dang/ rang bzhin lhun gyis grub pa dang/ rtsal lhun gyis grub pa dang ming lhun gyis grub pa'o/ /de la yang yan lag rgyas par bstan pa ni/ /gzhi lhun gyis grub pa la lnga ste/ /rang bzhin lhun gyis grub pa dang/ /thugs kyi gzhi lhun gyis grub pa dang/ /gsung gi gzhi lhun gyis grub pa dang/ / yul gyi gzhi lhun gyis grub pa'o/ /de yang gzhi lhun gyis grub pa ni/ /chos nyid kyi nam mkha' chen po/ /yongs su mi zad pa chen po/ /rol pa 'gag pa med pa/ /rgya chad kun dang bral ba de yin no/ /rang bzhin lhun gyis grub pa la yang rnam pa lnga ste/ sku rang bzhin lhun gyis grub pa'o/ /ye shes rang bzhin lhun gyis grub pa dang/ sku dang ye shes gnyis su med pa rang bzhin lhun gyis grub pa dang/ gsung rang bzhin lhun gyis grub pa dang/ yul rang bzhin lhun gyis grub pa'o/ /rang bzhin lhun grub la don rnam pa bzhi ste/ rang bzhin lhun gyis grub pa dang rtsod pa'i dus su/ /rang na ci yin/ bzhan na ci yin/ lhun na ci yin/ grub na ci yin zhes byas la dri'o/ /mnga' bdag chen po 'di lta ste/

  225. 113a

    rang bzhin lhun grub ngo bo ma shes na/ chos sku'i ngo bo bskal pa bgrangs kyang mi rnyed do/ /de yang rnam par phye ste bstan pa ni/ rang la rnam pa gsum yod de/ chos sku rang gi ngo bo dang/ /ye shes rang gi ngo bo dang sku dang ye shes gnyis med rang gi ngo bo'o/ /bzhin la rnam pa gnyis yod de/ chos sku bzhin dang ldan pa dang/ /dkyil 'khor bzhin dang ldan pa'o/ /lhun gyis mtshan nyid bstan pa ni chos nyid rtsol ba kun dang bral ba na/ ma bcos lhun gyis mtshan dang ldan/ /ma bsnan ma phri lhun gyis mtshan dang ldan/ /bcos med bslad med lhun gyis mtshan dang ldan/ /blo'i bya byed kun dang bral na lhun gyis mtshan dang ldan pa'o/ /grub kyi mtshan nyid bstan pa ni/ /chos sku rtsol ba kun dang bral bar rang rig rang la shar/ rgyu rkyen gyis tshig las 'das par rang rig rang la shar/ byas pa'i 'bras bu yin pa rang rig rang la shar/ /rang bzhin lhun grub 'gyur ba med par rang rig rang la shar/ / des na ma brtsal lhun gyis grub pa'i brda ru bstan pa'o// //yang rtsal gyi lhun grub bstan pa ni/ rtsal gyis lhun grub rnam gsum ste/ sku yi rtsal dang ye shes rtsal/ /sku dang ye shes gnyis med rtsal dang gsum du bstan pa'o/ /sku yi brtsal gyi mtshan nyid bstan pa ni/ /snyan cha dang ni mgur chu dang/ /phyag dub dang ni zhabs gdub dang/ /dbu rgyan dang ni do shal dang/ /ye shes lnga'i rang bzhin gsal bar shar ba yang/ /de yang sku ye rtsal yin no/ /kha dogs lnga yid dkyil 'khor dang/ /rin chen sna lnga'i gzhal las khang/ /'byung chen sna lnga'i dkyil 'khor rnams/ /de yang sku yi rtsal yin no/ /ye shes rtsal gyi mtshan nyid mtshan pa ni/ kun tu tshol ba'i

  226. 113b

    yid dang gtan la 'bebs pa'i yid/ /nges par 'jog pa'i yid dang gsum po de/ /de gsum ye shes rtsal yin no/ /sku dang ye shes gnyis su med pa'i rtsal gyi yan lag ni/ /sku yi yan lag kha dog lnga ru shar ba la/ /kun tu tshol ba'i yid kyi ci yin brtag pa dang/ /gtan la 'bebs pa'i yid kyi kha dog dbyibs su phye/ /nges par 'jog pa'i yid kyis phye ba de la nges par gzung ba thams cad phyi yi yul la gzung/ /'dzin pa thams cad nang gi sems la byung /sku yi rtsal dang ye shes rtsal/ /gnyis su med pa'i rtsal dang gsum po de/ /rtogs na sangs rgyas rgyu gcig gda' / /ma rtogs 'khor ba'i rgyu cig gda' / /rtogs na 'bras bu chen por gda' / /'dzin pa byung na lam gyis 'khrul par gda' / /'dzin pa smin na sdug bsngal chen por gda' / /phyi la gzung ba'i yul dang nang la 'dzin pa'i sems/ /sems rgyas theg par bgrang ba min/ /'dzin pa byung na chos nyid gzung yang rnams rtog yin/ 'dzin pa med na dug lnga bcad kyang sgrib pa med/ /ye shes lnga dang dug lnga'i tshul/ /rmongs pa rnams la ltar snang tshul du phyi ba las/ /yang dag don dang 'jal ba'i rnal 'byor chen po la/ /ye shes lnga dang dug lngar phye ba med dug lnga spangs pa'i pha rol nas/ /ye shes lnga la btsal thabs med/ /btsal bas rnyed par mi 'gyur te/ /brgya la brnyed kyang sangs rgyas theg pa min/ /'byung chen lnga yi dkyil 'khor spangs pa'i pha rol nas/ /ma bus dkyil 'khor chen po btsal thabs med/ /zag pa can gyi lus spangs nas/ /yid bzhin sku la btsal thabs med/ /brgya la rnyed kyang sangs rgyas theg pa min/ /spong len thams cad 'khor ba'i chos yin pas/ /'khor ba'i chos la

  227. 114a

    brten par mi bya'o/ /mtshan ma dang sar grol na spong len bya mi dgos/ /spong ba dang ni len pa dang/ /sgyur dang sgrub dang 'gegs pa dang/ /snon pa dang ni 'brid pa dang/ /sangs rgyas theg par bgrang pa min/ / 'khrul pa rtsad nas chod cing lhun grub byed tsam na/ /blo yi bya byed mi dgos co ga bzhag pas chog pa'o// //yang ming gi lhun grub bstan pa ni/ /ming gi lhun grub rnam gsum ste/ /phyi yi ming gi lhun grub dang/ /nang gi ming gi lhun grub dang/ /gsang ba'i ming gi lhun grub po/ /phyi yi ming? gi lhun grub bstan pa ni/ /kha dog lnga yi rang bzhin ye nas ming dang 'brel ba la/ /'khor lo gsum gyi bya byed kyi/ /ming med de la ming du btags/ /ming gi 'khrul pa dngos por smin/ /ming gi btags tshul 'di lta ste/ /phyogs mtshams steng 'og bcu dang rin chen sna lnga yang/ /'byung chen lnga yi ming btags dngos por smin pa'o/ /nang gi ming gi lhun grub bstan pa ni/ /gting gsal chen po'i ngo bo sems ming med la/ /'khor lo gsum du yid g.yos pas/ /ming med de la ming btags ming gi 'khrul pa smin/ /ming gi btags tshul 'di lta ste/ /yan lag lnga yi ming dang dbang po lnga yi ming/ /don snying lnga yi ming dang nang khrol lnga yi ming/ /bdud rtsi lnga yi ming dang nang lnga yi ming btags pas/ /nang la ming gi lhun grub dngos por smin pa'o/ /gsang ba'i ming gi lhun grub bstan pa ni/ /chos sku yon tan stong ldan ma rigs pas/ /rang gsang thabs kyis chod pa'i shes rab mun pa can/ /rang mgo rang gis mchog pa'i shes rab mun pa can/ /rang brtson rang gis 'dzin pa'i shes pa mun pa can/ /mun pa'i gtibs nas bla mas ma bton na

  228. 114b

    rtag gi smag gi mun rum chen por nyal ba'o/ /mnga' bdag chen pos 'di ltar shes par gyis/ /lhun grub rnams la rtsod pa byed tsam na/ /bai ro tsa na ma yin pa/ /lhun grub phyed ba shin tu dka' ba'o/ /yang rtsod pa'i rtsod lugs 'di lta ste/ /sdun gyi sa dang rdo dang shing dang gang yang rung ba la/ /lag tu blangs la lhun grub yin min dri/ /lhun grub yin gyis zer bar khas len na/ /chos kyi sku yi ngo bo lhun grub yin zer na/ /gci de dang mgo ba sgre skyon rnams tshang bar dag la/ chos sku lhun grub yin par na/ chos sku lhun grub yin pas sangs rgyas yul na med/ /smyon pa'i tshig dang 'dra ste kha zla bya ba min/ /byung ba'i lhun grub mi 'gyur rnam bzhi dang/ /byas pa'i lhun grub lnga bcu ma phyed na/ /rdo rje sems dpa' rtsod kyang rtsod pa shin tu dka' ba'o/ /rin po che rtsod pa'i 'khor lo'i lhun grub kyi mtshan nyid bstan pa'i le'u ste dgu pa'o// //yang mnga' bdag chen po 'di ltar shes par bya/ /sngon na 'dug pa'i mtshan ma'i chos rnams la/ /ci yang rung ba lag tu blangs nas ni/ /'di'i ming ni ji skad yin zhes byas nas dri/ /sa dang gyo mog rdo la sogs pa de/ /sa yeng drang ste gyo mog yin zer na/ /gyo mog yin par ces shes byas la dri/ /gyo mog med du grangs pa yin zer na/ /thog ma med pa'i dus nyid nas/ /gyo mog? de'i mchid nas/ /nga ni gyo mog yin zer ram /sems can blo'i chos kyis gyo mog ming du btags pa yin/ zhes byas la gnya' lag bsdams la dri'o/ /gyo mog rang nar gya mog yin zer na/ /de dang zer du chug dang byas la dri'o/ /sems can gyis blos btags pa yin zer na/ /'o na gyo mog tu nges pa med de/ /gong du gyo mog yin zer ba dang 'gal byas la skyon tshar bar dgal lo/ /rang gi ded shes na skyon gnyis su chud pa yin no/ /thos kyang

  229. 115a

    thar mi srid do/ /yang khe sngar gyi skyon blangs nas/ /gyo mog 'di la khyod kyis 'dogs na ji ltar 'dogs zer na/ /ming du lhun gyis grub pa'i ngos nas/ /kho bo ni 'di la gyo mog tu 'dogs so/ /gyo mog yin par cis shes zer na/ /dper na rdo grangs med pa'i nang du/ /gyo mog cig bcug nas byis pa shed ma byed gcig la yang gyo mog khyed la shog ces brjod na/ /gzhan ci dang yang nor pa med de/ /gyo mog min pa thams cad log pa'i phyir/ /de ma yin thams cad las log yin zhes bya'o/ /de'i phyir na gyo mog ces bya'o/ /mi thams cad 'gyur ba yin pas don med zer na/ /kho bos gong du ming lhun grub yin byas pa zhes bya'o/ /mnga' bdag chen po 'di ltar shes par bya'o/ /kha dog dkar dmar gang yang rung ba la/ /'di yi kha dog ci yin byas la dri/ /gang gi shes pa khong du chud par bya/ mnga' bdag chen po 'di lta ste/ phar la 'dri ba'i 'dri lugs 'di ltar shes par bya// 'gro ba ris drug sems can gyi/ /skye ba dang ni rgas ba dang/ /na ba dang ni shi ba dang/ /pho dang mo ru byung ba 'di/ /nad ka gang gis phul zhing ci las byung ba bzhin/ /rang gi shes pa khong glong la/ /phar la gnad dang gags la dri'o/ /tshur la dri na 'di ltar shes par bya/ /thog ma med pa'i dus nyid na/ /me long rnam pa gsum yod de/ /chos nyid do gyi me long dang/ /chos sku rang gsal me long dang/ /kun gzhi sems kyi me long dang/ /me long gsum gyi nang? na snang srid gsal bar shar/ /chos nyid don gyi me long ni/ /dngos po mtshan ma ma yin kha dog dbyibs kyang min/ /don gyi ngo bo smra bsam yul las 'das/ /smra bsam blo yi yul las 'das pa de/ /mi skyod 'pho

  230. 115b

    ldeg med par gnas/ /ci yang med pas ma yin don chen sarba kho las 'byung/ /mya ngan 'das pa'i gzhi yang kho las 'byung/ /sangs rgyas longs spyod rdzogs pa'i gzhi yang kho las 'byung/ /'gro ba ris drug sems can ma lus pa'i/ /snod bcud gnyis kyang kho las 'byung/ /chos nyid don gyi me long na/ /thams cad ma lus rdzogs par bstan/ /sarba ma lus gsal bar bstan/ /gsal yang nga la rang bzhin med par bstan/ /gsal yang de la ming 'dog med par bstan/ /dper na 'o ma bzhos ma thag gi ngo bo la/ /mar gyi rang bzhin gzhi la gnas kyang bya ba med pa bzhin/ /de bzhin chos nyid don gyi me long na/ /lhan cig gnas ba gsum po de/ /ya nas gnas kyang phye ba med par bstan/ /gang la khyab chen po'i ngo bor ya nas gnas par bstan pa'o/ /rin po che rtsod pa'i 'khor lo'i chos nyid don gyi me long bstan pa'i le'u ste bcu pa'o// //yang mnga' bdag chen pos zhus pa/ kye slob dpon chen po lags/ chos sku rang gsal gyi me long bstan du gsol zhes zhus slob dpon chen pos bka' stsal pa/ /mnga' bdag chen po nyon cig /me long rnam gsum ma phye na/ dper na me btsun ngan pa'i la yos par 'dra?/ /g.yos na mang yang zas kyi ro mchog stor/ /lag yas 'bar la byas pas dri ma slar la bslar/ /de bzhin me long rnam gsum ma byed cing/ /yas 'khrul gtan la ma phebs pa'i/ /mi skya phal pa slu ba'i ston pa yin/ /re ba sangs rgyas 'bras bu de/ /ltung ba ngan song gsum du ltung/ /mtho rim gsum du 'gro ba dang/ /ngan song gsum du ltung ba gnyis/ /tha snyad ston pa rnams kyis ma phyed pas/ /'khor ba'i stod la mnan pa yin/ /mnga'

  231. 116a

    bdag chen po 'di lta ste/ /chos sku rang gsal me long na/ /thams cad ma lus gsal bar ston/ /nga yis khyod la legs par bstan par bya/ /mnga' bdag yid la g.yeng ba ma byed par/ /me long gsum la gsal ba 'di yin pas/ /lus ngag yid gsum gus ba'i sgo nas nyon/ /chos sku rang gsal me long skad pa 'di/ /thog ma med pa'i dus nyid na/ /sangs rgyas sems can ming yang med/ /'khor ba myang 'das ming yang med/ / pho mo ma ning ming yang med/ /skyes pa rgas pa'i ming yang med/ /na ba shi ba'i ming yang med/ /chags sdang lnga yi ming yang med/ /ye shes lnga yi ming yang med/ /nyi ma shar nub ming yang med/ /kha dog dkar dmar ming yang med/ /me long gsum gyi nang du mtshan nyid gsum du byung/ /gsung gi mtshan nyid rnam pa gsum du byung/ /thugs kyi mtshan nyid rnam pa gsum du byung/ /yul gyi mtshan nyid rnam pa gsum du byung/ /chos nyid me long gsal ba'i nang nyid na// sku ni dmigs med chos kyi sku ru bzhugs/ /gsung ni g.yo med mi g.yo'i gsung du bzhugs/ /thugs ni rang gsal rtog pa med par bzhugs/ /yul ni chos nyid nam mkha' i yul du bzhugs/ /de ltar bzhugs par chos sku rang gsal me long nang na gsal/ /chos sku rang gsal me long gsal ba'i nang nyid na/ /sku ni longs spyod rdzogs pa'i sku ru bzhugs/ /gsung ni brag ca lta bu'i gsung du bzhugs/ /thugs ni skyi bser lta bu'i thugs su bzhugs/ /yul ni sku yi rtsal gyi rnam par bzhugs/ /de ltar gsal ba'i me long nang nyid du/ /skyi bser lta bu'i thugs la ldang zhal byung ba na/ /sngar 'khrul ma myong dbang gi ldang nyal ngo ma shes chos sku rang gsal yon

  232. 116b

    tan rang gis rang ma rig /chos sku gsal ba'i yon tan skyon du shar/ /dper na rgya mtsho gting dpag ldan pa'i kha nyid du/ /seng ge mgo sprugs mche gtsigs gzengs bton pas/ /chu yi nang gi seng ge rang gi yon tan yin par rang gis ma rig nas/ /rang gi ji ltar sprug pa bzhin du chu yi nang gi seng ges sprugs/ /nga la jo ba yin snyam nga rgyal shin tu skyes/ /nga rgyal skyes pa'i dbang gis chu yi nang du 'chongs/ /rang gis rang ma rig pas 'khrul tshabs shin tu che/ /de bzhin me long gsal ba'i nang nyid du/ /chos sku kha dog dbyibs ldan gyi/ /chu yi nang du seng ge gzugs nyid gsal ba bzhin/ /sku yi rang bzhin shin tu gsal bar shar/ /gsal ba rang gi yon tan yin par ma rig nas/ /dngos po cig la gnyis 'dzin byung ba 'grel chen nang ma gsal/ /rig pa'i ldang nyal ma rig pas/ /chags sdang lnga ru byung ba 'grel chen nang na gsal/ /dper na skyi bser lta'i thugs la ldang nyal byung ba yin skyi bser lta'i thugs la ldang nyal byung ba las/ /skyes pa dang ni rgas pa dang/ /na ba dang ni shi ba dang/ /pho dang mo ru byung ba dang/ /nyi shar ba dang nyi ma nub pa dang/ /sa sros pa dang nam langs dang/ /rang gi rig pa'i lngar nyal ma rig bas/ /'khrul pa'i rtsa ba yin par 'khor lo'i nang na gsal/ /chos sku gting gsal chen po'i yon tan las/ /kha dog lnga ru btags pa 'grel chen nang na gsal/ /dkyil 'khor chen po'i ngo bo de/ /smra brjod kun las 'das par 'grel chen nang na gsal/ /ming 'dogs kun dang bral ba 'grel chen nang na gang na gsal/ /sems? rtsis brdab gnyis dang 'das pa yin pa la/ /'khor lo gsum du yid g.yos pas/ /kun tu chol ba'i

  233. 117a

    yid kyis kun btsal nas/ /gtan la phebs pa'i yid kyis bsal dor gtan la phag? /nges par 'jog pa'i yid kyis bsam don nges par bzhag/ ma rig 'khrul pa'i dbang gis ye shes phyi ru shar/ /ye shes phyi ru shar ba'i rang bzhin gyis/ /kha dog lnga la ye nas ming med de/ /ming gi 'khrul bas dkar dmar la sogs lnga ru btags/ /med pa ma yin don chen ye shes nas snang/ /dkyil 'khor chen po ma bcos ye nas snang/ /snang yang ming du gdags su rdul tsam med pa'o/ /ming du btags na rdo rje sems dpa' i bka' dang 'gal/ /gsal la reg bya med par ma shes na/ /kun tu bzang po'i don la chad pa yin/ /shel gyi khye'u chung zhal nas de skad gsung/ /bai ro tsa'i blos btags ma yin no zhes gsungs so/ /rin po che rtsod pa'i 'khor lo'i chos sku rang gsal gyi me long bstan ba'i le'u ste bcu gcig pa'o// //yang mnga' bdag chen pos zhus pa/ kye slob dpon chen po lags/ /kun gzhi sems kyi me long bstan du gsol/ zhes zhus so/ /slob dpon chen pos bka' stsal pa/ /mnga' bdag chen po nyon cig/ kun gzhi sems kyi me long du/ /sems kyi 'char lugs brjod pa'i mi lang ste/ /bsdus nas rnam pa gsum du 'dus/ /sems nyid yid du 'char ba dang/ /sems nyid rtog par 'char ba dang/ /sems nyid ye shes chen por 'char ba'o/ /sems nyid yid du 'char ba la yang rnam pa gsum yod/ /yid g.yo mi g.yo ru 'char ba dang/ /yid thos gang pa ru 'char ba dang/ /yid mi 'dogs nus par 'char ba'o/ /yang sems la rnam gsum

  234. 117b

    yod de/ /mar ldan sems su 'char ba dang/ /yang ldan sems su 'char ba dang/ /the tsom can gyi sems su 'char ba'o/ /mang ldan sems su 'char ba ni/ /ngan song gsum du spyod pa yin/ /yang ldan sems la 'char ba ni/ /mtho ris gsum la gcod pa yin/ /the tshom can du 'char ba na/ /don byed gang yang nus pa min/ /'di ru sdug la phyi mar 'bras bu med pa'o/ /ye shes la yang rnam bzhi ste/ /sku yi ye shes bstan pa dang/ /gsung gi ye shes bstan pa dang/ /thugs kyi ye shes bstan pa dang/ /yul gyi ye shes bstan pa'o/ /ye shes bstan la 'bebs pa la/ /dpe dang tshig gi sgo nas don chen gtan la 'bebs/ /dpe la rnam gsum yod de/ /sku yi dpe dang thugs kyi dpe yul gyi dpe dang gsum du bstan/ /gsung la dpe yis mi bstan shugs las chod pa yin/ /re zhig mtshon na brag ca lta bus mtshon/ /sku yi dpe ni man shel dag pa yin/ /thugs kyi dpe ni bskye bser lta bu yin/ /yul gyi dpe ni gzha' tsho da lta bu yin/ /chos rnams sarba dpe yis mtshon la bstan/ /de rnams dpe yis ma mtshon na/ /rmongs pas go bar mi 'gyur ro/ /yang dag don gyi ngo bo la/ /dpe yang mi 'tshal don gyi chog /kun gzhi sems kyi me long gsal ba'i nang shes na/ /'gro drug bag chags gzugs ni shin tu gsal bar ston/ /yang bag chags la yang gsum yod de/ /dug lnga rgyas pa'i bag chags dang/ /'dus byas chos kyi bag chags dang/ /ye shes chen po'i bag chags so/ /dug lnga rgyas pa'i bag chags mthu rtas pas/ /'bras bu ngan song gsum du lhung/ /gting gsal chen po chod na nges kyang sgrib pa med/ /dug lnga sangs ni

  235. 118a

    yi shes rgyas/ /dper na 'bod? da? nag po lta bu'i du'i chen la/ /sems can phal po rnams kyi zos gyur na/ /bzas ma yin pa rang gi lus srog 'bral/ /sbya? sdug rma bya'i shin tu sman chen yin/ /shin tu mdangs ? ldan zhing gzi brjid che/ /de bzhin dug lnga'i rang bzhin kyang/ /'gro ba phal po'i sbyor yu min/ /dug lnga 'jom gab med par sbyar gyur na/ /rang sems tshod ma lta bur 'chod par nges/ /sdug bsngal chen po nyams su myong bar nges kyi nyung skad kyis 'od zer 'don par nges/ /don gsum khong du chud pa'i rnal 'byor la/ /ye shes lnga dug lngar? ? ba med/ /tha mal rnams kyis bltas pa'i dug lnga de/ /rnal 'byor chen po'i don la btsal tsam na/ /ye shes chen po'i rtsal las ma gtogs pa/ /dug lnga logs kyi tha dad min par zhes/ /tha mal rnams kyi dug lnga'i ming gtags dang/ /bla ma'i gong mas dag ye shes lnga po gnyis/ /tha dad mad? cing rgya chad med par shes/ /de ltar shes kyi rnal 'byor la/ /gol ba bya ba'i ming yang med par rdo rje sems dpas gsungs/ /yang 'dus byas chos kyi bag chags bstan pa ni/ /sdig bcu rgyab tu bskyur nas reg bcu dang du len/ /dag bcu dang du blongs nas 'dzin pa chen por sbyo dpang po rab tu gyur na gzhan gyi don la dmigs shing 'dzin pa chen por sbyor/ /dbang por 'bred du gyur na rang gi don la dmigs shing 'brin? pa chen por sbyor/ /dbang po tha mar gyur na 'jig rten 'di yis rkyan zlog don du dmigs shing/ 'dzin ba chen ba'i sbyong/ /mnga' bdag chen po 'di lta ste/ /skyon gyi rtsa ba gzungs 'dzin gnyis yin bas/ /'dus byas chos la dmigs pa'i gzung 'dzin chos spyod do/ /sangs rgyas theg bar 'grang ba min/ /de? dogs? gol sa mchod

  236. 118b

    gzung 'dzin gnyis bo de/ /skyen gyi rtsa bar ma shes shing/ /nang gi bla ma chen po dang/ /yang dang yang du ma 'jal na/ /bur de gzhan nas btsal bas rnyed par rdo rje sems dpas ma gsungs so/ /yang ye shes chen po'i bag chags bstan pa ni// bla ma chen po'i gdams ngag rang dag rang la shar/ /rgyud dang lung dang bla ma'i gdams ngag dang/ /rang gi rig pa bzhi ru gyol 'grub med mthun na/ /gong du bstan pa'i ye shes bzhi? ?/ /de dogs med par rig pa nang nas? shar/ /gting gsal chen po'i ngo bo de/ /ched dgar ma bcol shugs las dran ba'i tshe/ /mi bcos mi bslad ma bcos so mar bzhag /de yang mnga' bdag chen po 'di ltar shes par bya/ /dper na skyes bu mnga' rtsal can gyi mda'/ /dang? ba gang ba bka' ? yang btad? sa mde 'u rtse gang/ /de bzhin snang zhing srid ba'i chos rnams la/ /'khrul ba rtsad nas bcad cing theg sgo mang bstan yang/ /yang dag don la lta ba sgom pa gnyis/ /sbyod pa 'bras bu bzhi ru 'dus/ /bzhi la rang yang don chen gcig tu 'dus/ /de yang 'di ltar shes par bya/ /chos sku kha dog dbyibs ldan de/ /tshe dkar ma btsal shugs las dran na lta ba yin/ /de la ma bcos gnas na sgom pa yin/ /gtings gsal yongs pa med na spyod pa yin/ /gting gsal chen po'i ngo bo de/ /sangs rgyas sgom ste ma mdzad la/ /sems can sgrin te ma bcos/ /sems can rnams kyi blo las 'das pa de/ /dper na sgog skya dri bzhin du/ /ye nas rang chad yod par rang gis rig pa de/ /'bras bu chen po ma btsal lhun gyis grub pa yin/ /btsal ba med par dbyings dang 'jal ba yin/ /sgrub pa med par don chen grub ba yin/ /bgrod pa med pa nges? tshan non pa yin/ /rtag na rtag tu bas te chos sku rtag ba yin/ /chad na chad du bas te rnam

  237. 119a

    rtog chad pa yin/ /bral na bral du bas te blo dang bral ba yin/ /stor na stor du pas te dug lnga stor ba yin/ /stongs na stong su bas te 'kho ba stongs pa yin/ /grol na grol du bas te mtshan ma grol ba yin/ /nub na nub tu bas te sdug bsngal nub pa yin/ /sangs na sangs su bas te skyon rnam sangs pa yin/ /rgyas na rgyas su bas te yon tan rgyas pa yin/ stong na stong du bas te gzung 'dzin stong ba yin/ /rnyed na rnyed du bas te lhun grub rnyed pa yin/ /'das na 'das su bas te mya ngan 'das pa yin pa'o/ /yul khyad du 'phags pa rgya gar gyi yul du/ /shel gyi khye'u chung zhal nas de skad gsungs/ /mnga' bdag blo la ma brjed brtan par gyis/ /rin po che rtsod pa'i 'khor lo'i kun gzhi sems kyi me long bstan pa'i le'u ste bcu gnyis pa'o// //yang mnga' bdag chen pos zhus pa/ kyi slob dpon chen po lags/ /'gro ba rigs drug sems can gyi/ /dbang po lnga yi mtshan nyid ni/ /rgyab tu ma chags bdun du chags pa ni/ /nang ka gang gis 'phul zhing ji ltar 'khrul ba lags zhes zhus so/ /slob dpon chen pos bka' stsal pa/ /mnga' bdag chen po nyon cig /'gro ba'i dbang po rnams lnga mdun du chags pa ni/ /chos sku'i ngo bo gdags bya kun las 'das pa yin mod kyang/ /mgo bo la brda' tsam tshig tshu mtshon pa yin/ /kun tu bzang po'i ngo bo gcig las tha mi dad pa la/ /phra rags rtsos ming? 'dogs gsum du bstan pa yin/ /phra rags cis shing yang dag don dang ma sbyar na/ /'khrul pa tshong par rdo rje sems dpas ma gsungs so/ /kun tu bzang po'i phra rags bstan pa ni/ /kun tu bzang po'i phra rags rnams gsum ste/ /dbyibs

  238. 119b

    kyi kun tu bzang po bstan pa dang/ /zer gyi kun tu bzang po bstan pa dang/ /sprul pa'i kun tu bzang po bstan pa'o/ /dbyings kyi kun tu bzang po bstan pa ni/ /mi g.yo mi 'gyur chos nyid nam mkha' na/ /rol pa 'gag med mi zad mdzad chen na/ /'gyur ba med pa'i zhing khams chen po ni /chos sku'i ngo bo rang gsal gzhan mi gsal bar bzhugs/ /mdza' dbus med pas dbyibs su bzhugs/ /dbyings kyi kun tu bzang po zhes kyis de la bya'o/ /zer gyi kun tu bzang po bstan pa ni/ /chos sku rang gsal ngo bo 'gyur med la/ /g.yo mi g.yo las zer tsam g.yos/ /ye shes cha bra zer tsam g.yos pa las/ /zer gyis rang bzhin je rags je rags song/ /je rags song ba'i dbang gis ming? 'dogs nus par byung/ /phyi'i snod dang nang gis bcud kyi ngo bo yang/ /gsal ba'i yon tan rgyas ba la/ /rang bzhin lhun gyis grub pa ngo ma shes/ /ye shes phyi ru rgyas par shar/ /phyir la shar tshad kha gsal yin par nges// phyi ru gsal bas phyi yi 'dzin pa byung/ /phyi yi rang bzhin shin tu gsal bar mthong/ /kha dog lnga yi rang bzhin gsal ba de/ /rgyab kyi ma mthong mdun gyis mthong bar bzung/ /ye shes lha la mdun rgyab med par mi rig pas/ / dbang po lnga yang mdun du chags par des/ /phyi nang gnyis su gsal bar shes na gting gsal chen po yin/ /gtong gsal chen po'i ngo bo de/ /dper na nyi ma'i snying po bzhin/ /ma bltas par la gsal bar des/ /ma bltas rang? la gsal? ma sangs rgyas nyag gcig yin bar nges/ /rang gi ngo bo mi gsal ba/ /phyi yi snang ba gsal na kha gsal yin/ /'gag med ma 'gag dbyer med bstan pa gsum/ /chos sku theg le nya gcig yin par ma

  239. 120a

    gtogs pas/ /zer gyi rang bzhin phyogs steng 'og phyogs mtshams med par 'gyur ba'o/ /sprul pa'i kun tu bzang po bstan pa ni/ /chos sku'i ngo bo ye nas 'gyur med la/ /zer gyi 'dzin pas sprul pa'i sku ru shar/ /de yang ji ltar 'khrul par bstan pa ni/ /'gag med ma 'gags dbye med gsum po de/ /chos sku rgya ma chad du ma shes pas/ /chos sku'i rtsal la ye shes 'dzin pa byung/ /de yang rnam par phye ste bstan pa ni/ /chos sku'i rtsal gyi yan lag 'gag med la/ /ye shes rtsal bgyi yan lag ma 'gags kyis/ /sku'i rtsal la ye shes zer gyi rtsal snang gis/ /kha dog lnga la ming btags phyi yi snod du 'khrul/ /gsal ba lnga la ming btag nang gi bcud du 'khrul/ /sku dang ye shes gnyis su med par ma rig pas/ /dngos po cig la gnyis 'dzin byung bas 'khrul pa'o/ /chos kyi sku la ya nas de las 'gyur med kyang/ /ltar snang tshul du 'gro ba rigs drug sku ru snang/ /res 'ga' i tshe na ltar snang ngo bo la/ /lha dang lha ma yin du sku sprul nas/ /'dod yon lnga la longs spyod rgyas par spyod/ /res 'ga' mi dang byol song lus su sku sprul nas/ /chags sdang bcu la longs sbyong rgyas par spyod/ /des 'ga' yi dags dmyal ba'i lus su sku sprul nas/ /sdug bsngal sna tshogs sbyor/ /des na sprul pa'i kun tu bzang po zhes su bstan pa'o/ /kun tu bzang po phra rags phye 'gyur na/ /rtsod pa kun las grol bar bstan pa'o/ /rin po che rtsod pa'i 'khor lo'i kun tu bzang po phra rags phye ba'i le'u ste bcu gsum pa'o// /yang mnga' bdag chen pos zhus pa/ kye slob dpon chen po lags/ /'byung ba'i 'byung lugs

  240. 120b

    ji ltar 'byung ba dang/ /gnas pa'i gnas lugs ji ltar gnas pa bstan du gsol ces zhus so/ /slob dpon chen pos bka' stsal pa/ /mnga' bdag chen po nyin cig/ /'byung ba'i 'byung lugs bstan pa ni/ /'byung ba'i 'byung lugs rnam pa gsum ste/ /chos nyid ma yi yon tan ji ltar 'byung ba dang/ /ma bu gnyis su med pa'i yon tan ji ltar 'byung bar bstan pa'o/ /yang chos nyid ma la yon tan 'byung lugs rnam gsum yod/ /'od kyi sku la thogs rdug med par 'byung pa dang/ /rlung gi gsung la 'gag pa med par 'byung ba dang/ /rigs pa'i thugs la skye shi med par 'byung ba'o/ /chos nyid bu yi yon tan 'byung lugs rnam gsum ste/ /sku yi yon tan rgyan dang cha lugs 'byung ba dang// thugs kyi yon tan rno la gcod par 'byung ba dang/ /gsal ba'i yon tan kha dog lnga ru 'byung ba'o/ /ma bu gnyis su med par 'byung ba'i yon tan rnam gsum ste/ /ngo bo tha dad rang bzhin gcig par 'byung ba dang/ /dper na chu yi nang gi zla ba bzhin/ /snang la rang bzhin med par 'byung ba dang/ /reg bya'i thogs pa med pas nam mkha' chen por ye nas gcig par 'byung ba'o/ /dper na gzha' tshon gdang ba bzhin/ /ma 'bres yongs su rdzogs par ye nas gcig/ /dper na rgya mtsho'i nang nyid du/ /nyi zla gza' skar rdzogs pa de/ /ma 'dres yongs su rdzogs pa bzhin/ /ma 'dres yongs su rdzogs par ye nas cig/ /dper na shel dang rgyus pa bzhin/ /ngo bo 'dres pa med par ye nas gnas/ /dper na gang+ga'i chu bo bzhin/ /reg la ma 'byang ba ru ye nas gnas/ /rgyal po chen po 'di lta ste/ /chos nyid ma bu ma phyed cing/ /'khrul pa rtsad nas mchod na/ /yang dag don dang mjal ba shin tu dka' / /lhun grub

  241. 121a

    shan nas ma phyed cing/ /rang bzhin lhun grub ma rnyed na/ /yang dag don dang 'jal ba shin tu dkal/ /ngo sprod khong du ma chud cing/ /gting gsal chen po ma rtogs na/ /yang dag don dang mjal ba dka' o// rin po che rtsod pa'i 'khor lo'i 'byung pa'i 'byung lugs bstan pa'i le'u ste bcu bzhi pa'o// //yang mnga' bdag chen pos zhus pa/ /kye slob dpon chen po lags/ /byung ba'i byung lugs me bstan na/ / rmongs pa rnams kyis go bar mi 'gyur bas/ /byung ba'i byung lugs bstan du gsol ces zhus so/ /slob dpon chen pos bka' stsal pa/ /mnga' bdag chen po nyon cig /byung lugs la yang rnam gsum ste/ /ye shes ming du byung ba dang/ /sems kyi ming du byung ba dang/ /dngos po'i ming du byung ba'o/ /ye shes su byung ba la yang rnam pa gsum yod/ /ye shes kyi ye shes su byung ba dang/ /ye shes kyi sems su byung ba dang/ /ye shes kyi dngos por byang ba'o/ /ye shes su byung ba bstan pa ni/ /sku yi rgyu nyid ye nas ci yin shes pa dang/ /thugs kyi rgyu nyid ye nas ci yin shes pa dang/ /ye shes kyi ye shes su byung pa la yang rnam gsum ste/ /sku yi rgyu nyid ci yin ye nas yid ches skyes pa med/ /yid ches snyam shing snyam byed chod pa med pa dang/ /gsung gi rgyud nyid ci yin snyam zhing snyam byed chod pa dang/ /thugs kyi rgyu nyid ci yin snyam zhing snyam byed chod pa'o/ /ye shes kyis dngos por byung ba la yang rnam gsum ste/ /sku yi ngo bo dngos por byung ba dang/ /gsung gi ngo bo dngos por byung ba dang/ /thugs kyi ngo bo dngos por byung ba'o/ /ye shes kyi sems su byung ba la yang rnam gnyis te/ /sems kyi ngo

  242. 121b

    bo rnol gcod pa des/ /yar ldan ye shes lnga la spyod pa dang/ /mar ldan chags sdang lnga la spyod pa'o/ /de yang go bar bya ba'i brdal rnam pa gnyis/ /lung du bstan pa'i ye shes chen po dang/ /lung du ma bstan ye shes so/ /lung du bstan pa'i ye shes bstan pa bla ma'i gdams ngag yin/ /lung du ma bstan pa'i ye shes chags sdang lnga bo yin/ /chags sdang lnga po'i rang bzhin yang/ /sus kyang bstan pa med par le nas shes pa'i ye shes yin/ /lung du bstan pa'i ye shes la 'ang rnam lnga ste/ /me long lta bu'i ye shes brda ru bstan pa dang/ /mnyam pa nyid kyi ye shes brda ru bstan pa dang/ /so sor rtogs pa'i ye shes brda ru bstan pa dang/ /bya ba grub pa'i ye shes brda ru bstan pa dang/ /dbyibs nyid stong pa'i ye shes brda ru bstan pa'o/ /brda de khong du chud na gzugs med khams nas ldog /des na sems kyi ye shes chen por bstan pa'o/ /yang na sems kyi sems su bstan pa ni/ /sems kyi sems la rnam gsum ste/ /sems kyi rang bzhin rnol gcod pa la/ /'khor lo gsum du yid g.yos pas/ /yid kyi rang bzhin ming 'dogs mang po la/ /ming la yid ches skye zhing yang dag dam par bzung/ /phyi yi yul dang nang gi bcud rnams la/ /ma bcos mtshan ma rang sar? grol bar ma shes pas/ /mang la gtso ru bzung zhing ming la rtag tu spyad/ /de ni sems kyi sems su byung ba yin/ /yang sems kyi dngos por byung ba rnams gsum ste/ /'dod pa'i khams kyi lha gnas na/ /'dod ba? yon lnga yi 'khrul snang la/ rtag gam snyam nas dngos por bzung/ /'dod yon lnga'i longs spyod chen po la/ /skad cig tsam ni dus gsum rtag tu g.yengs/ /yongs pa thams cad bdud kyi slu ba yin/ /lha yi bdung du 'dod yon lnga

  243. 122a

    byung bas/ /lha yi dbang po rang gi rig pa shin tu dka' / /lha bran rnams la smos ci dgos/ /mi rtag zhag bdun gong nas 'chi ba'i sgra byung ste/ /gong du brtson 'grus chen po ma bskyed pas/ /sdug bsngal 'gyod pa skyes kyang bzlog ba shin tu dka' / /'dod yon lnga yi yon tan slu 'bring chen por 'byung ba'o/ /sems kyi dngos por 'dod yin lnga byung yang/ /mi rtag pa yi zhag bdun sgra byung bas/ /skad cig tsam yang bsdad? pa'i glags med pas/ /'dod yon sems kyi ltar sdang? yin par des/ /des na sems kyi dngos po'i ming du btags pa'o/ /yang dngos po'i ye shes bstan pa ni/ /dngos po'i ye shes la yang rnam gsum ste/ /dngos po'i ye shes mtshan nyid ni/ /sems can rnams kyis gol sa yin par des/ /bla ma dam pa'i gdams ngag gis/ /lus sems yul dang gsum gyis ngo spyod kyis/ rig pa nang nas shar bas ye shes chen po nang nas shar/ /mtshan ma rang sar gol bas ye shes chen po nang nas shar/ /srid pa rgya thegs byung bas ye shes chen po nang nas shar/ /sku gsum dbyer med rtogs pas ye shes rtogs pa'o/ /dngos po'i sems la rnam gsum ste/ /phyi yi yul la dngos bor sems dpas dngos po'i sems/ /nang gi bcud la dngos por sems pas dngos po'i sems/ /gsang ba'i yid la dngos por sems pas dngos po'i sems/ /yang dngos po'i dngos po bstan pa ni/ /dngos po'i dngos por byung ba rnam gsum ste/ /phyi yi yul la dngos por bzung bas dngos po'i sdug bsngal shar/ /nang gi bcud la dngos por bzung pas dngos po'i sdug bsngal shar/ /gsang ba'i yid la dngos por bzung bas dngos

  244. 122b

    bo'i sdug bsngal shar ba'o/ /yang phyi yi yul la ye nas dngos med la/ /yid kyi ming 'dogs smin pas dngos por smin pa yin/ /nang gi bcud la ye nas dngos med la/ /yid kyi ming 'dogs smin pas dngos por smin pa yin/ /gsang ba'i yid la ye nas dngos med la/ /yid kyi ming 'dogs smin pas dngos por smin pa yin/ /dngos po sarba sdug bsngal rgyu yin pas/ /dngos po'i chos la ma spyod par/ /ches nyid zab mo khong du chud bar gyis/ /mda' bdag chen po 'di lta ste// bsdum pas byas pa'i chos dang byung ba'i chos/ /byas pa'i chos rnams ji ltar zab kyang 'khor ba yin/ /byung ba'i chos shig ma shes na/ /byas pa'i chos la thug ba med pa'o/ /rin po che rtsod pa'i 'khor lo'i byung ba'i byung lugs bstan pa'i le'u ste bco lnga pa'o// //yang mnga' bdag chen pos zhus pas/ kye slob dpon chen po lags/ /gnas pa'i mtshan nyid ma shes na/ /mkha' la rten med bya sgro rlung khyer 'dra/ /gnas pa'i mtshan nyid bstan du gsol ces zhus so/ /slob dpon chen pos bka' stsal pa/ /mnga' bdag chen po nyon cig /gnas sa la yang rnam gsum ste/ /chos kyi sku yi gnas sa bstan pa dang/ /longs spyod/ rdzogs sku'i gnas sa bstan pa dang/ /sprul pa'i sku yi gnas sa bstan pa'o/ /yang chos sku'i gnas sa bstan pa ni/ /chos nyid nam mkha' mdzod? chen yin/ /rol pa 'gag med rgya chad med pa yin/ /mi g.yo mi 'gyur 'pho ldeg med pa yin/ /nam mkha' de'i mtshan nyid mdza' dbus med cing phyogs dang bral ba yin/ /chos kyi sku'i zhing khams chen po yin zhes pa'o/ /longs spyod rdzogs sku'i gnas sa bstan pa ni/ /ma bris dkyil 'khor rgya chad med pa yin/ /kha dog gsal zhing nyams dang ldan pa yin//

  245. 123a

    bsgyur bas mi 'gyur nam mkha' rdo rje'i mtshan nyid yin/ /de dag? bya kun dang bral bas chos nyid pho brang yin/ /'od la mdza' med mdza' dang bral ba yin/ /shong dang mi shong pas phyogs ris med pa yin// nam mkha' chen por gcig pas mdza' dbyibs bral ba yin/ /ma 'dres so sor gsal bas gzhal tshon? dang ba 'dra/ /longs spyod rdzogs pa'i zhing khams chen po bstan pa'o/ /yang sprul pa'i sku'i gnas sa bstan pa ni/ /'byung chen lnga'i dkyil 'khor chen po yin/ /ri rab rtse mo ri bo'i khong gseng yin/ /ri'i mtho dman lung ba yangs dog yin/ /gling bzhi gling mtshams mun pa'i dkyil 'khor yin/ /bye mtshan mo dang rnag khrag rdzing bu yin/ /lcags kyi shan ma ri dang spu gri so rnams yin/ /gang la ming btags ming gi 'dzin pas 'khrul pa'o/ /rkyon gyi rtsa ba re dogs gnyis yin pas/ /re dogs rtsa pa mchod cing/ /gnas sa gsum du ma phye na/ /ston pa byed pa tha ma la shes pas slu ba yin/ /gnas gsum gyi mtshan nyid rtogs shing go gyur na/ /kun tu bzang pos bshad kyang de las lhag tu med/ /khri srong lde btsan byang chub sems dpa' i sras/ /khyod la bstan da mi dgos te/ / khyod kyi gdams ngag 'di yi sgor zhugs la/ /blo chung shes rab rtul ba la/ /phra rags don gyis zhib par ston/ /gang zag cig gis zhing khams dag par mthong gyur na/ /'dus byas dge ba'i rtsa ba mang pos char mi phod?/ /zhe 'dod khong du bcug nas dad pa can gyi sems bsad na/ /'dzam bu'i gling gi sems can bsad pas sdig gi char mi phod/ /de nas dad pa can la snying rjes bstan par bya'o/ /rin po che rtsod pa'i 'khor lo'i

  246. 123b

    gnas pa'i mtshan nyid bstan pa'i le'u ste bcu drug pa'o// //yang mda' bdag chen pos zhus pa/ kye slob dpon chen po lags/ /sgyu ma'i lus 'di zhig pa'i tshe/ /theg pa kun las 'phags pa'i rtsod pa'i 'khor lo 'di/ /gang la gtad cing su la nyer bar bya zhes zhus so/ /slob dpon chen pos bka' stsal pa/ mnga' bdag chen po nyon cig/ theg pa kun las rtsod pa'i 'khor lo 'di/ /dad pa chung la zhe sdang che ba'i lag tu sho ra re/ /rang gi 'dod pa ma 'phrel bar du kung sti byed cing zhe sa mkhas/ /'dod pa phrel nas thabs kyis 'byol ba'i lag tu shor re/ /bla ma slob dpon khungs gsangs nas/ /rang gi che ba 'dod cig nga rgyal che ba'i lag tu sho ra re// khyel med zas tshol byed cing man ngag 'tshang ba'i lag tu sho ra re/ /zhe 'dod khog tu bcug nas 'dod pa che ba'i lag tu sho ra re/ /rin po che rtsod pa'i 'khor lo'i gtad sa bstan pa ni/ /zheng 'dod chung la dang pa che ba dang/ / slob dpon snying ltar brtse? ba rnams la gtad/ /slob dpon mig ltar 'tsho ba rnams la gtad/ /slob dpon chu ltar skyong ba rnams la gtad/ /lus dang srog la phangs pa med cing gtong phod che ba rnams la gtad/ /rin po che rtsod pa'i 'khor lo'i gtad rgya bstan pa'i le'u ste bcu bdun pa'o/ //mnga' bdag chen pos zhus pa/ kye slob dpon chen po lags/ /rin po che rtsod pa'i 'khor lo 'di bris pas/ /bkra shis smon lam gdab cing byin rlabs chen po zhu zhes so/ /slob dpon chen pos bka' stsal pa/ /mnga' bdag chen po nyon cig/ rin po che rtsod pa'i 'khor lo 'di bris pas/ /theg pa 'di yi sgo ru zhugs pa rnams/ /ye shes chen po'i

  247. 124a

    don dang mjal bar shog /rin po che rtsod pa'i 'khor lo 'di bris pas 'dod pa'i khams kyi/ /ltung ba'i sdug bsngal zhi bar shog/ rin po che rtsod pa'i 'khor lo 'di bris pas/ /'gro ba mi yi zhe sdang zhi bar shog/ rin po che rtsod pa'i 'khor lo 'di bris pas/ /ngan song gsum gyis sdug bsngal mi bzad pa/ /skad cig tsam gyis brlag cing zhi ba shog /rin chen rtsod pa'i 'khor lo 'di bris pas/ khri srong lde btsan yab sras 'khor bcas rnams/ /tshe la bar chad med cing don dang mjal bar shog/ rin po che rtsod pa'i 'khor lo 'di bris pas/ /'bri mkhan slob ma'i tshogs rnams kun/ /tshe la bar chad med cing don dang mjal bar shog / rin po che rtsod pa'i 'khor lo zhes bya ba rdzogs so// // */ /gces pa bsdus pa'i phrin yig btsun pa chen po dpal dbyangs kyis bod rje 'bangs la rdzangs pa bzhugs so// //gces pa bsdus pa'i 'phrin yig btsun pa chen po dpal dbyangs kyis bod rdze 'bangs la rdzangs pa/ /bdag rtog skyon gyi phung po bshig/ legs pa'i yon tan mthar phyin pa/ /'gro ba'i gnyen gcig ded dpon gtso/ /ma lus mkhyen la bdag phyag 'tshal/ /rgyal po rnams dang dge slong dang/ /blon po las kyi sna la gtogs/ /so so'i ded dpon dbang byed dang/ /zhing pa tshong pa zho shas 'tsho/ /mi yi skye ba blangs pa yi/ /ngal 'byor rnyed dang ma rnyed dang/ /bud med rol mo mkhan rnams dang/ /dpung mdza' i bong ni rje 'bangs la/ /'di dang phyi mar phan pa'i phyir/ /dge ba bcu dang bcu drug dang/ /bsam pa bcu dang chos spyod bcu/ /pha rol phyin drug spyad pa yis/ /tshe rabs mang po

  248. 124b

    bgrangs par yang/ /legs pa'i gzhung gzugs bde 'gro dang/ /mthar ni sangs rgyas sgrub pa'i phyir/ /zhal nas gsungs pa'i mdo sde dang/ /dge bshes pa rnams rnyed par mdzad/ /klu sgrub snying po blo gros dang/ /ma la byams pas mdzad pa yis/ /byang chub sems dpa' i spyod pa dang/ /bshes shing mdza' ba'i phrin yig dang/ /rin chen phreng ba la sogs pa'i/ /nang nas phan pa'i gdams ngag dang/ /mang zhing zab mo'i don rnams ni/ /rgyas par bshad na mi rtogs pas/ /de las sgrub sla gzung bde rnams/ /nyung zad tsam zhig bdag gis bsdebs/ /dul ba'i dpal ni bskyed nas kyang/ /bdud rtsi 'thung ba bzhin du nyon/ /dge bcu rmang du bya ba yi/ /mdo sde las ni 'di skad 'byung/ /lus kyi spyod pa rab bsdams nas/ /srog gcod rku dang g.yem mi bya/ /phra ma rdzun dang tshig rtsub dang/ /'khyal pa smra bar mi bya'o/ /'dod pa rnams la mi chags shing/ /zhe sdang sems kyang med par bya/ /log par lta ba kun spangs nas/ / byang chub sems dpa' i spyod pa yin/ /zhes 'byung/ /mi dge ba bcu spyad pa'i rnam par smin pa cir 'gyur zhe na/ /rin po che phreng ba las/ gsod pa yis ni tshe thung zhing/ /dmyal ba'i gnas su yun ring 'gyur/ /rnam par 'tshe bas gnod pa mang/ /tshe rabs kun tu sdug bsngal 'gyur/ /rku ba yis ni longs spyod nyams/ /tshe rabs kun tu yi dags skye/ /byi bo byed pas dgra dang bcas/ /chung ma snying ni ring bar 'gyur/ /rdzun tu smra pas bkur ba mang/ /tshig ni nam duAng mi btsun 'gyur/ /phra ma yis ni bshes dang 'bral/ /bdag la slu ba byed pa mang/ /tshig rtsub kyis ni mi snyan thos/ /mang po'ang dan pa smra par 'gyur/ /'khyal pa yis ni don mi rnyed/ /bdag

  249. 125a

    la'ang 'khyal ba byed par 'gyur/ /brnab sems yid kyi re ba 'joms/ /gnod sems 'jigs pa sbyin par byed/ /log par lta bas lta ngan nyid/ /tshang gi 'jig rten myos 'gyur te/ /nor shong don rnams yal ba dang/ /bya ba ma yin thams cad byed/ /des na chad ni tshor zin bya/ /zhes 'byung ngo/ /mi chos bcu drug ni/ /dkon mchog gsum la gcig tu dang/ /dge sbyong 'dzin cing bram zer 'dzin/ /trang zhing tra ba'i rang bzhin can/ /byas gzo byas la phan 'dogs dang/ /pha dang mar ni 'dzin pa dang/ /rigs kyi rgan rims gung bar byed/ /tshes grangs rgyud la mkhas pa dang/ /dus tshig gso sbyong byed pa dang/ /bre srang 'jal lugs/ g.yo sgyu med/ /phan tshun 'gran sems gnod mi byed/ /'di ched phyi ma bsnyams nas spyod/ /dge bcu'i steng du 'di bsnan te/ /tshul bzhin bsrungs na lha mi yi/ /lus thob don yod chud mi za/ /de phyir thub pa chen po yis/ /'jig rten pa yi yang dag lta/ /chen po su la yod gyur pa/ /de ni tshe rabs stong dag tu/ /ngan 'gror ltung bar mi 'gyur ro/ /zhes 'byung/ /rtag tu bsams pa bcu ni/ /nges par 'chi bsam las kyi bsags pa bgrang/ /dkon mchog gsum bsten ngo bo nyid med mod/ /byang chub sems bstan theg chen zhugs la byams/ /rtag bsam don chen dpal gyi phreng bas bsngags/ /shes mdo sde dpal phreng las 'byung ste/ lhag tu bsam pa bcu po 'di dag dang ldan na yon tan ci 'thob ce na/ /yang mdo dag las/ dus gsum rgyal ba rnams kyis 'di sgongs pas/ /dug gsum skye ba'i ljon btsan sa bcad/ /nyon mongs bung shing

  250. 125b

    skam po tshang tshing la/ /ye shes me stag rang rig gsal 'bar ba/ /blo las gyur nas thal ba bzhin du bsregs/ /bdud bzhi'i dmag dpung g.yul bzlog bkan phug nas/ /bdud kyi nas khang kun gzhi gtan nas blangs/ /de dag phyin chang nga ni rgyal ba mngon byung ste/ /lha mi kun gyi bde stong dpal gyi sdong po dang/ /rtag tu bsam par bya ba bsams pas na/ /de phyir sangs rgyas zhes ni mtshan gsol to/ /zhes 'byung ngo/ /chos spyod rnam pa bcu ni/ /mgon po byams pas dbus mdza' las/ /yi ge 'bri mchod sbyin pa dang/ /nyan dang 'dzin dang klog pa dang/ /'chang dang kha don byed pa dang/ /de sems pa dang de sgom pa'o/ /'di bcu chos kyis sgo mo ste/ /'dren pa rnams kyi gshegs shul yin rig pa'i gnas lnga kun mkhyen pas/ /thams cad mkhyen par mtshan gsol to/ /de phyir rigs ldan skyes bus kyang/ /gnyid dang snyoms las le lo dang/ /'du 'dzi chags phyir khyim la dga' / /bre mo gtam dang bsrung ldebs dang/ /rgyan po 'gyed dang 'dus la blta/ /sdig pa'i grogs dang 'grogs pa dang/ /chang dang mtshan mo 'gro ba dang/ /longs spyod snyam pa'i 'du shes spang/ /ding bya sang bya ma sems par/ /bang bya brtod de ma 'bad na/ /'chi bdag bdud ni drung ni bya ra byed/ /zhes 'byung ngo/ /pha rol tu phyin pa bcu ni/ /sbyin pa dang ni tshul khrims dang/ /bzod pa dang brtson 'grus bsam gtan dang/ /shes rab thabs la sogs pa rnams/ /srid pa'i rgya mtsho sgrol ba'i gru/ /zhes 'byung/ pha rol tu phyin pa drug po 'di dag ma skyed na sgo gzhan nas thabs med dam zhe na/ /mdo las/ yun rings mgron po'i rgyags su sbyin pa sme/ /lus sems rgyan dang chas su tshul khrims brjod/ /nyon mongs dgra tshogs 'joms par bzod pa dpa' //

  251. 126a

    'phags lam bde bgrod bzhon par brtson 'grus bzang/ /yang dag don chen rtogs par bsam gtan myur/ /ma rig mun pa bsal ba shes rab gsal/ /zhes pa dang/ rin po che'i phreng ba las kyang/ / sbyin pas longs spyod khrims kyis bde/ /bzod pas mdangs ldan dge bas brjod/ /bsam gtan gyis ni blo gros 'phel/ /snying rtse bas ni don kun 'grub/ /bdun po 'di dag ma lus par/ /cig car pha rol phyin spyad pas/ / sa thob ma gyur bar du yang/ /'khor ba'i bde ba phun sum tshogs/ /ngan song ming yang mi grag cing/ /mi khom brgyad po gtan du spangs/ /de nas rim par sa thob nas/ /'jig rten mgon po nyid thob 'gyur/ /zhes 'byung ngo/ /de ni de ltar dge ba bcu dang/ /mi chos bcu drug dang/ /rtag tu bsam pa bcu dang/ /chos spyod rnam pa bcu dang/ /pha rol tu phyin pa drug la sogs pa nyams su blangs nas spyad dgos pa mdo tsam bstan nas da ni chos 'di dag tu tshig tsam du bzlas pas mi phan par bstan te/ /de yang byang chub sems dpa' i spyod pa la 'jug pa'i nang nas/ /sman pa'i ngag ma mnyan na sman dag gis/ /bcos dgos nad pa sos par ga la 'gyur/ /sman dpyad bklag pa tsam gyis ni/ /nad pa la ni de phan nam/ /zhes 'byung ste/ rgyal po chen po gdams ngag gsol ba la yang rgyal po ka ni ka la gsol ba'i phrin yig las gdams bgyi mang por mchis mod kyang/ /thams cad gdams par sus rdo thog /mdo tsam du ni gdams bgyi na/ /de ltar snyan gtong nyid kyi phyed/ /bdag gis gsol ba 'di gson te/ /sgrub dang gtang ba'i phyogs gnyis las/ /gang rigs de ni nyams su bzhes/ /gtang bar bgyi ba gtan ma mdzad/ /sa bdag tsher ma'i shing

  252. 126b

    las sbrang rtsi ltar/ /dgra bo las kyang legs par smras pa gzung/ /gser gyi ri la dug rgyun ji bzhin du/ /yid 'ong skye bo'i tshig ngan spang 'tshal te/ /mdo tsam gsol ba 'di dag nyams su bzhes/ /rgyal srid pha rol 'jig rten nas/ /? bsnams te ma byon bsnams mi 'gyur/ /bsod nams rgyun las bsgrubs pa ste/ /de yang yud tsam gcig tu bas/ /g.yung drug btsugs par ma dgongs shing/ /gus dang zhes sar bcas pa yis/ /dam pa'i chos ni gsan par mdzod// gsan pa'i chos rnams rnam dpyad de/ /spyad ba la ni mkhas par mdzod/ /mya ngan gyis rnam ma gdungs shing/ /na gzhon nad med longs pa yi/ /dngos po da ltar byung ba yi/ /blo gros la ni mi nus med/ /longs spyod srid la ma yengs par/ / mkhas pa rnams las dus su gson/ /'on tab? rim gyis mkhyen par 'gyur/ /nyung nguAng brtsags na nges par ni/ /ring por mi thogs mang por 'byung/ /rtag tu chu thigs re re'i rgyun/ /bar chad med par bab pa yis/ /gang zhig gang bar mi 'gyur ba'i/ /snod de ji lta bu zhig mchis/ /ji ltar dpe gsal de lta bu/ /rgyal pos tshad mar mdzad nas ni/ /dam pa'i chos ni gsan pa la/ /rtag bar dgyes pa nyid du mdzad/ /zham ring blon po'i bu tshugs ni/ /yon tan nor gyis gnyer la gnyen/ /mkhas shing snying rje'i bdag nyid can/ /byams zo phongs chos mi bgyid pa/ /bzang po khyod kyi slad du zhog /mi gang dka' ba spyod byed dang/ /dor ba bya dka' 'dor ba dang/ /bzod par dka' ba bzod byed dang// bkur dga' nyams su lon pa dang/ /ring por blta zhing nges pa dang/ /'phral blo myur zhing sdug pa dang/ /bod sran che zhing dpa' ba dang/ /bslu bar mi tshugs gsang thub dang/ /chos kyi rgyal srid skyong dga' dang/ /dam chos mdzad

  253. 127a

    la mi 'khor ba/ /rin gyis 'jal yang mi pham gyis thugs brtan mdzod la spyan mngar zhog/ khyod kyis slun dang phongs chos ce na/ /gzhung ngan gdong gang byed pa dang/ /brkam zhing byas pa mi gzongs/ / kha gcam gtum po mi bzang pa/ /yul na'ang gnas su ma rtsal cig /gal te gzhung lugs bzang dgos na/ /gong nas gong du 'bar bar 'gyur/ /gal te ngan pa spyod mdzad na/ /'og nas 'og tu ltung bar 'gyur/ /khyu mchog dang ni khyus 'gro bzhin/ /khyod ni gya gyu la zhugs na/ /gya gyu kho na'i rjes 'brongs te/ /skye dgu khyod kyi rje 'brangs pas/ /rgyal khams ngan bar 'ongs 'gyur ro/ /zla ba mar gyi ngo bzhin du/ /nyes pa'i tshogs rnams 'grib par mdzod/ /zla ba yar gyi ngo bzhin du/ /rgyal khams legs par rgyas par mdzod/ /dam chos bskyang ba'i khrims rnams mdzod/ /dom chos 'jig pa'i skye bo dang/ /bka' khrims 'dral ba'i ngan pa rnams/ /lo tog rtsi tog rgyas pa la/ /thog dang ser ba bzhin du phob/ /'o na dang ngan mig 'gag par 'gyur/ /le lo nyam bu shed ma mdzad/ /'chi bdag su dang mi shes pa/ /blo bur dag tu 'bab 'gyur bas/ /sang ngag bya zhes ma gzhes par/ /dam pa'i chos la skur te mdzod/ /'chi bdag gis ni drangs pa na/ /dge dang sdig pa ma rtogs pa/ /'gro ba thams cad phyir log nas/ /'ga' yang khyod ni mi 'brang bas/ /mkhyen par mdzod la legs par spyod/ /slob dpon chen po klu sgrub kyis/ /rgyal po bde spyod bzang po la brdzangs pa'i 'phrin yig las kyang/ /longs spyod g.yo ba snying po med mkhyen nas/ /dge slong bram ze bkren dang ba shes rnams la/ /sbyin pa tshul bzhin brtsal bgyi pha rol tu/ /

  254. 127b

    sbyin las gzhan pa'i gnyen mchog ma mchis so/ /khyod kyis dge slong bram ze lha dang ni/ /'gron dang yab yum sras dang btsun mo dang/ /'khor gyi slad du sdig pa mi bgyi ste/ /dmyal ba'i rnam smin skal nod 'ga' ma mchis/ / sdig pa'i las rnams spyad pa 'ga' yang ni/ /mtshon bzhin 'phral du lus la mi spyod kyang/ /gang du phyin pa'i sa phyogs de na sdod/ /thar pa dag la rag lus 'di la ni/ /gzhan gyis gros bgyir cir yang ma mchis kyis/ /bde ltar nyid kyi rtsal gyis 'bad par mdzod/ /tshe mi gnod mang rlung gis btab pa yis/ /chu yi tshu bur bas kyang mi rtag ste/ /dbugs rdub dbugs phyung gnyid kyis log pa las sad khom gang lags de dag ngo mtshar che/ /lus mdza' thar ba mthar skam mthar 'drul zhing/ /tha mar mi gtsang snying po ma mchis pa/ /rnam par 'jigs dengs myags par 'gyur ba de/ /so sor gyes chos can du rig par mdzod/ /rgya mtsho gcig gnas gnya' shing bu ga dang/ /rus sbal phrang ? pas kyang dung 'gro las/ /mi nyid ches 'thob dka' bas mi dbang gis/ /dam chos sbyar pas de 'bras mchis par mdzod/ /gang zhig gser snod rin chen spras pa yis/ /snod du ngan skyugs? phyag dar bgyis pa bas/ /gang zhig mi ru skyes nas sdig pa dag /bgyis pa de ni ches rab blun pa lags/ /sras dang btsun mo yab yum 'khor rnams kyang/ /des pa ma mchis las kyi rlung dmar gyis/ /gangs pa tsam ste bdag tu bzung ba bas/ /pha ni bu nyid ma ni chung ma nyid/ /skye bo dgrar gyur pa yang bshes nyid dang/ /bzlog pa nyid du mchis pas de slad du/ /'khor ba dag na nges pa 'ga' ma mchis/ /thugs brtan ma mdzad 'di kun bslu ba'i bdud/ /bsnyengs dang bral ba mngon du/ /sol

  255. 128a

    ci 'tshal/ /phan pa'i gdams ngag dam pa 'di lags te/ /khyod kyis thugs dul mdzod cig bcom ldan gyis/ /sems ni chos kyi rtsa ba lags bar gsungs/ /rin po che'i phreng ba las kyang/ /dam ba'i chos dang chos smra la nyid kyis bkur sti mchog dang ni/ /gus par mdzod de gdan las bzhengs/ /me tog gtor nas chos mnyan cing/ /chos kyi sbyin pa dag kyang mdzod/ /'jig rten gtam la dga' ma mdzod// 'jig rten 'das la dgyes par mdzod/ /'khor rnams zil gyis mnan pa'i phyir/ /lhun sdug brtan dang nges bar mdzad/ /bka' lung mi 'gyur nges par gsungs/ /snyan khung mi yang sdug pa dang/ /bud med chags phyir 'char g.yeng dang/ /srab chos bus pa ltar ma mdzad/ /cung zad tsam gyis khro ma mdzod/ /ji ltar rgyal srid bskyang ba dang/ /'bangs kun bde la dgod pa dang/ /bsngo ba'i dgra rnams gdul ba dang/ /rgyal khams chos kyis bskyang bgyi ba/ /zhib tu dgongs nas grub par mdzod/ /'grub bam mi 'grub ma nges par/ /dgongs ma thag tu ma gsungs shig /yun gyi srid cing chos sgrub cing/ /ser sna 'jur 'gegs ma mdzad par/ /bdog pa thams cad gtugs te mdzod/ /khyod ni bdog pa kun bor nas/ /gcig pu gshed gshegs 'tshal ba/ /chos kyi slad du spyad pa kun/ /khyod kyi mdun du 'ong ba nyid/ /'bangs la re ba ma 'jog par/ /zhal bzhugs tshe na myur bar mdzod/ /gtsug lag khang dag brtsig pa dang/ /mchod rten brtsig dang na bza' gsol/ /zhig ral bcos dang mchod pa gzugs/ /lha khang la sogs gzhan bgyi ba/ /snga lugs bzhin du rgyas ?

  256. 128b

    mdzod/ /dam chos tshul bzhin spyod pa yis/ /dge slong dge bsnyen la sogs pa/ /gzhan gyis brtse ba med pa yi/ /dpun gnyen skyabs dang kha 'dzin mdzod/ /'di kun yun du bde ba yi/ /myang ngan 'da' ba' i dge tshogs lags// bgres khar dgon par gshegs nas ni/ /mi ru 'khrungs pa'i don yod mdzod/ /blon po rnams dang las kyi sna/ /mnga' ris dbus mdza' i 'bangs rnams ni/ /dran pa can gyis sgrub byas pa/ /rnam pa mang po yod na yang/ /sngon gyis drang srong mkhas rnams kyis/ /gdams ngag mdo tsam 'dir bstan gyis/ /bdud rtsi 'thung ba bzhin du slob/ /gting nas khros shing 'khrugs gyur kyang/ /mdog mdangs ldan zhing 'dzum par smra/ /'khon gcugs che zhing sha chags kyang/ /phran tshegs khro gtum gnod mi byed/ /dgra bo 'thab zlar gyur kyang 'phral tshul ci dgar 'drid/ /pha rol tshig ngan rdzogs kyang ngan du lan mi smra/ /bdag gi rgyab tu lta zhing lam sel thub thabs srang bsrubs tshol/ /gnyen spyad ran par tshol zhing so nam zhib mor sgrub/ /phaT ral rtsing dang gtum chos nga rgyal chung/ /rnam smin med pa'i so nam yal bar bor nas ni/ /gzhan gyi nor la rtsi gdab chom rkun gzan btsal yang/ /pha ma'i nor dang drin chen dga' mdza' i nor/ /dkon mchog dkor dang lha klus dbang byas nor/ /nam duAng mi spyad phongs chos khrel dor spang/ /byi'o cog la yid ring sran dang ldan/ /rna khung ran par che zhing phra ma'i kha na lci/ /drin can pha khu ma dang gnyen bshes la/ /gsong rer bkur sti rim gro bran ltar byed/ /byed dgu ran la tshon zin brtan par gzhung la mkhas/ /dgos ba'i don la ma lhas le lo med/ /gya tshom mi smra shes kyang ma bcol rang zhugs yod mi byed/ /zin ?

  257. 129a

    mi 'dor 'og nas sngar mi smra/ /lhag par khe mthong btsal glags yod kyang mi rigs 'dod chen yod mi byed/ /dbang dang tshan gyis thub kyang 'phyas bsnon gzan mi tshol/ /nye zhes nye mgon mi byed ring zhes stams las yod mi gcod/ /dbang sar phyin cing kun gyis bkur yang mdza' dag sems bsrungs bya/ /legs nyes bsam zhing srod dang tho rangs dge ba spyad/ /nga rgyal khengs sems mu chor smra dang rgyags chos med/ /tshan kar mi 'dod gzhan gyis brtsis ra yun rings bstod/ /phyi tshul mi 'chos nang gi g.yo sgyu med/ /gsod des mnyen dang gsal sdug 'jam la ring/ /ngan la khyad du mi gsod zhes phangs med mnyam na phrag dog 'gran sems nor ngan gzhan la 'cha' mi byed/ /bdag la rang stong mi byed gzhan la ma tshang mi 'bru/ /dpa' la sran che byed dgu 'dzangs la slob/ /chang dang bud med dang dang khe skam gcam bu'i las/ /nam duAng mi byed chud ma ngan pa'i khar mi gtong/ /yod ni 'phya la mi mkhas shing/ /byed du bcug na nor par rtsom/ /zhib tu dpyad de las rnams brtsam/ /mang po rnams ni kha bsdus la/ /ngan pa'ang khyad du mi gsod par/ /gros su byas dang 'gyod ba med/ /'dzangs pa rnams ni las su bsko/ /yul du gsar khung byung ba yin/ /dpa' bo rnams kyis 'thab sna drang/ /drang rgan rnams kyis 'dun sar gzung/ /drang po rnams kyis zhal che gcad/ /g.yog rnams 'khor gyis mel tse bsgrim/ /nyes na chad par na par gcad/ /tshes na bus kyang mi bzod 'gyur/ /thog tu bab pa'i las rnams bya/ /'on tang kun gyis bsngags par 'gyur/ /legs pa'i ro 'phral sbyin pa yang/ /thog tu bab

  258. 129b

    dang phrag dog med/ /nyes pa'i skyon yang mi 'phel lo/ /nyes pa ma legs byung na yang/ /mi ni bting nas mi ma gcad?/ /phyi nas chu gang dran par 'gyur/ /phyug ni dus cig sun mi dbyung/ /'on dang lcags skyed tshe bar 'gyur/ /bran ni bkol zhing rigs bkol dang/ /yun du snying ni nye bar 'gyur/ /bu tsha mkhas par bslab pa ni/ /gtan gyi srid du phyi phyir tshe/ /skyes pa 'dzangs par gyur pa ni/ /nor du mkhas dang gtam snyan sgrub/ /dur med 'dzangs par gyur pa ni/ /khyo la sri zhu rim 'gro dang/ /rigs pas bsgrubs pa'i bdog don dang/ /mi smra rna gung che ba dang/ /dgos pa'i 'gron la yangs pa dang/ /skyes bu gzhan du mi tshol dang/ /bya ba rnams la ma rmongs nas/ /lkugs pa bzhin du 'dug kyang bla/ /zhes pa la sogs pa sngon gyi drang srong gis gdams ngag mdo tsam bstan pa yang tshe 'di'i ched dang/ /tshe phyi ma'i ched kyang gong du bstan pa bzhin byas la dang drang na yun gyi srid chen po yang zhar la yod de/ /rgyal pos drang por byas dang rgyal srid mi nyams che/ /blon pos drang por byas dang che ba tsan yun du brtag de'i gzhi las thar pa thob par 'gyur/ /zhes 'byung/ /gzhan dag las kyang/ /rtsod pa med par chos smra ba ni mkhas pa'i rab/ /ji ltar ngan par gleng bar gyur yang ma 'khrugs pa ni bdud kyi yul las 'das pa/ /rgyal po'i phrin las bya ba ni/ /gtso cher 'bangs kyi spu 'dam/ /blon po'i las su bya ba ni/ /drang bsnyam mi ni thabs kyis bcos/ /phyug ni mig gis bcol pa dang/ /nor ni dgos pa'i don du sbyar/ /mo ni sman dang yul mi 'tshor/ /skyid pa'i mdza' ni ring por 'gyur/ /dal? gyis 'bab pa'i chu bo ni/ /yun du gzhung ni btsan par 'gyur/ /sprin ni hal hol can dag gis/ /zhing par? dga'

  259. 130a

    ba'i char mi phebs/ /mi ni khra khro can dag gis/ /dgos pa'i don ni shor bar 'gyur/ /dal bus song bas gang duAng phyin/ /'jam par smras pas su yang go /bsrings nas bsgrubs bas ci yang 'grub/ / blon po rnams kyis bya ba'i mdo/ /khrims su bcas pa brtan por gzung/ /bka' lung btsan zhing snyan par bsgrub/ /sgo chod yal bar bor nas ni/ /gtso cher spyi cher srog dang bsngos/ /mna' ni gzan du mi bor zhing/ /'tham pa thams cad brtsan par bya/ /dam chos bsrung la brtson pa dang/ /gtso cher yun gyi srid du ni/ /dam chos spyod pa mchog yin no/ /zhes 'byung/ /blon po cig pur ma zad kyi/ /mi yis ris su skyes pa yi/ /glon lkugs 'on la ma gtogs pa/ / thams cad kun gyis de bzhin spyad/ /'on tang 'di dang phyi mar yang/ /bde ba phun sum tshogs par 'gyur/ /de dag gdams ngag dam pa yin/ /da ni rab tu byung ba'i dge slong dang/ /dge tshul dang/ dge slong ma la gdam ngag bya ba/ / dang por rab tu ji ltar byung/ /sems thag gcad nas skra breg shing/ /ston pa'i na bza' ngur smrig bgos/ /pha dang ma dang gnyen bshes la'ang/ /chags pa med pa'i tshul byas pas/ /kun gyi mchod gnas yin pas na/ /'jig rten pa yis ma 'phyas par/ /bslab pa 'di ltar rim bzhin bya/ /ston pa rkang gnyis gtso bo dang/ /'dod chags bral ba chos kyi gtso/ /'dus pa'i gtso ste dge 'dun la/ /gus par skyabs su mchi bar bgyi/ /slob dpon mkhan po khrims dbang dang/ /'phrin las mdzad pa'i dge 'dun la/ /gus par zhus te dge bsnyen dang/ /dge tshul dge slong par slob dang/ /dge slong ma yi sdom pa dang/ /byang chub sems dpa' i bslab pa rnams/ /rim pa bzhin du mnos nas kyang/ /

  260. 130b

    nyes byas med par bsrung bar bya'o/ /maN+Dal chag chag phyag dar dang/ /zhu gnas gca' dang lhung bzed bkru/ bla ma dge 'dun bgros pa yi/ /dgos pa'i yan lag thams cad bya/ /srod dang tho rangs thun gnyis la/ /mi nyal kha ton dge ba bya/ / 'bri klog nyan 'dzin bsam pa dang/ /sgom dang bden pa bzhi la bsam/ /de nas rim gyis brtson ldan par/ /bla ma mgu bar byas nas ni/ /phung po khams dang skye mched dang/ /rten cing 'brel par 'byung ba'i lugs/ /'dul ba mdo sde'i mngon pa'i rnams/ /theg pa kun las 'jal bar bslab/ /kun gyi phul du phyin bya'i phyir/ /rigs pa'i gnas lnga dag dang ni/ /rigs pa'i gnas ni bco brgyad la/ /thogs pa med par bslab par bya'o/ /bkur sti'i gnas su gyur nas kyang/ /nga rgyal khengs sems phrag dog spang/ /rang mthong sger bu'i las mi bya/ /kha nas smra ba'i tshig rnams dang/ /don duAng mthun par chos bzhin spyod/ /nga mkhas gzhan ni mi shes zhes/ /kun la 'phya ba'i las mi brtsam/ /slob par 'dod pa'i gang zag rnams/ /ci la dga' bar bshad par bya'o/ /sngon gyi slob dpon drin che la/ /bkur sti rim gro bran bzhin bya'o/ /gtsor na snying rje brtser ldan zhing/ /tshad med bzhi yi go cha bgos/ /dus ngan tha mar skyes pa yis/ /da lta'i dge slong rang mthong can/ /cung zad yon tan rnyed pa dang/ /khengs shing rang mthong gyod bu byed/ /mar gyis ko khengs bskus mnyes na/ /mi dul ba ni cig kyang med/ /de bzhin chos kyi mar gyis kyang/ /mi she ko khengs 'dra ba 'dul/ /drod skogs mar dang lhan cig kyang/ /mnye btul ma byas gyod bur 'dug /de bzhin chos kyi mar gyis bskus/ /shes bzhin dran pas ma mnyes na/ /chos mar bskus kyang gong bur 'dug /mnyes pa bzhin du dul bar gyis bslab pas mi ngoms nyam par byos/ /mkhas pa rnams la dri ba byos/

  261. 131a

    che 'chos la ni shor dogs par/ /thos pa mang po ma yin yang/ /'ga' tsam goms la'ang mnyan par byos/ /grogs po rnams la 'gran sems bor/ /rgan pa rnams ni rim par khur/ /gzhan pa 'phya ba mi dgos kyis/ /rang nyid de ltar ma byed cig /chos kyi spun dang bral nas ni/ /mi chos mnyen la mnyes ma byed/ /sems can ngan mig ma bskyed cig /khyod kyis bya ba'i las min pa/ /chung ma blang dang bu tshang glag / 'khrug pa bya dang khe tshong bya/ /bre zol bya dang srang zol bya/ /sgyu ni rnam pa sna tshogs dang/ /'phyar dang rta gang tsab h+ral dang/ /chos gos med par grong rgyu dang/ /gzhan gyi chung ma bsten pa dang/ /srog chags gsar dang rdzun smra dang/ /chom rkun bya yi pho nya dang/ /phra ma mi g.yes la sogs pa/ /'chi bar bsams nas mi bya'o/ /bcom ldan shAkyas bka' stsal pa/ /nga yi bstan pa'i dam chos ni/ /mu stegs can gyis mi gshigs te/ /seng ge'i khog pa ji bzhin du/ /nga yi slob mas gshigs par 'gyur/ /nga yi bstan pa dam chos ni/ /nan tan snying por byed pa yi/ /gang zag dge slong lag na gnas/ /bka' bzhin byed pa'i dge slong ni/ 'jigs pa med par ngas bshad do/ /dam pa'i chos 'jig ngan sna 'dren/ /ngan song gsum gyi 'jigs chen las/ /nams kyang thar pa ngas ma gsungs/ /bdud kyi slu bas zin pa la/ /thar pa'i glags ni med 'gyur gyis/ /dang po'i dam bcas ji bzhin du/ /chos kyi klung du 'gro bar byos/ /bu smad 'dod pa'i sred ba dang/ /nams kyang gnas par ma byed cig /gal te bus smad 'dod ces te/ /khyim pa'i dngos po byed ce na

  262. 131b

    dang po khyod ni su yis bslus/ /dkon mchog gsum bslu ci'i phyir/ /slob dpon mkhan po ci la dgos/ skye ba'i mchod gnas ci phyir bya/ /'dreg pa'i bye brag gsum yod de/ /sog po rnams ni gtsos kyis 'dreg /dud 'gro phal ni las kyis 'dreg /dge 'dun rnams ni yon tan gyis/ 'dreg pa yin na gang phyir dregs/ /ston pa'i na bza' chud re zos/ /na bza' chos gos 'o re rgyal/ /dang po 'dod chags bral zhe na/ /ci'i phyir de ni bu smad la/ /mi shes skye bo 'bub bzhin// khong nas gdung sems yod re che/ /'dod pa rnams la de bzhin 'dun/ /dang po'i dam bca' gang tsug song/ /de yis mya ngan 'da' 'gyur ram/ /sdug bsngal grong khyer 'jig 'gyur ram/ /ji ltar bshang gci gsher ba la/ /ngan sgyags khyi phags chags pa ltar/ /de bzhin gshang gci gsher ba la/ /'dod ldan pa na de phag ltar chags/ /bdag lus bud med mi gtsang bar/ /da dung bar du ma rtogs par/ /mi rtag sgyu ma'i bu smad la/ /yang dang yang du chags pa ni/ /mi gtsang don du khyim rnams bzhin/ /e ma'i gzu lums e ma'o blun/ /e ma'o skye bos khrel du rung/ /slob dpon mkhan po khrims dpa' rnams/ /khyung skor los kyang mthong mi byed/ /chung ma'i gnyen la dge bshes bzhin/ skyo ba tsam du 'khor bar byed/ /des ci 'khor ba'i rgya mtsho las/ /myur du rgal bar 'gyur zhe 'am/ /ga sha khu ljo ma byas sam/ /gleg bam thag pas khu ljo yi/ /dkri ba'i thag pa ma byas tsam/ /sku gzugs dar ma lha cha rnams/ / byi brun zhig pa du bas non/ /g.yang ga gtsang mar bskyal na rung/ /gal te legs don ma yin yang/ /'bum la khyim par gyur yang ni/ /bde gshegs bslab pa dran byas nas/ /gnas khang so sor 'dug byas la/ /nyes pa? bshags?

  263. 132a

    shing dge ba spyad/ /bslab pa 'grus par brtson par bskyed/ /btsun pa rnams la bkur sti bya/ /rang skyon sba phyir mtshang mi bru/ /'on tang sdig zhang 'bril phan/ /sems la blta zhing don la sgom/ /tshul khrims rnam par dag par 'gyur/ /dge slong ma yang ci'i phyir/ /dang po khas blangs dam bcas nas/ /sngar tshul bstan pa'i dge slong bzhin/ /legs par rab tu byung byas nas/ /rab bslus sdig pa'i khur bu drags/ /ston pa'i bka' ni khyad du bsad/ /khyim pa skye bo'i 'ogs na nyal/ /dang po skra ni 'breg pa'i tshe/ /khyim bdag snying du mi sdug gam/ /pha ma sdang ngam mgo rgyan med/ /khyim thabs mchis sam nyes skyon byung/ /ci'i phyir na tshul khrims dral/ /snying nas dam chos spyod ce na/ /las 'phro ngan cing blo zhan pas/ /mkhas pa'i phul du mi 'grub kyis/ /sems thag chad la btsun par bsgrub/ /klog dang gdon la brtson 'grus bskyed/ /skyes pa rnams la mi lta zhing/ /rang gi gnas khang dag tu 'dug /thos pa gsags na nam zha yi/ /chos kyi gter ni gzung bar 'gyur/ /bya byed dag la yong ma 'jug /de dag tsam ni theg tshad yin/ /da 'di man bcad ni/ /spyir dge ba spyad cing sdig pa spang bar gdams ngag byed/ /de yang byang chub sems dpa' i spyod pa la 'jug pa'i nang nas mdo tsam bstan pa dal 'byor 'di ni rnyed pa shin tu dka' / /skyes bus don grub thob par gyur pa la/ /gal te 'di la phan par ma sgrubs na/ /phyis 'di yang dag 'byor par ga la 'gyur/ /bdag gi 'byor pa drug gzhan gyi 'byor pa bdun te bcu gsum mo/ /de la bdag gi 'byor pa drug la/ /yul gyi dbus su skyes pa dang/ /dbang po tshang ba dang/ /gnas la dad par gyur pa dang/ /smon lam dag pas sdig

  264. 132b

    pa'i grog po dang ma phrad pa dang/ /las kyi mdza' ma leg pa dang/ /lta ba ngan pas mi 'phrogs pa'o/ /gzhan gyi 'byor pa la/ /sangs rgyas 'jig rten du byung ba dang/ /dam pa'i chos bstan pa dang/ /bstan pa gnas pa dang/ /chos kyi rjes su 'jug ba'i grogs po zang zing la mi lta ba dang phrad pa dang/ /theg pa chen po'i dge ba'i gnyen gzhan gyi don du/ /snying rje che ba dang phrad pa dang/ /chos byed pa la byams pa'i grong khyer nye bar skyes pa dang/ /rgyal po chos bzhin byed pa'i yul du skyes pa'o/ ji ltar mtshan mo'i mun nag sprin rum nas/ /glog 'gyus skad cig par snang ston pa ltar/ /de bzhin sangs rgyas mthus kyang brgya lam na/ /'jig rten bsod nams blo gros thang ka 'byung/ /de ltar dge ba nyams chung nyid la rtag /sdig pa stobs chen shin tu mi bzad pa/ /de ni rdzogs pa'i byang chub sems min pa/ /dge gzhan gang gis zil gyis gnon par 'gyur/ /sdug bsngal 'dor 'dod sems yod kyang/ /sdug bsngal nyid la mngon par rgyug /bde ba 'dod kyang gti mug pas/ /rang gi bde ba dgra ltar 'joms/ /yid brtan mi rung 'chi bdag 'di/ /byas dang ma byas mi bsdod pas/ /na dang mi na kun gyis kyang/ /glo bur tshe kha yid mi brtan/ /thams cad bor te cha bgos par/ /bdag gis de ltar ma shes nas/ /mdza' dang mi mdza' i don gyi phyir/ /sdig pa rnam pa sna tshogs byas/ /mi mdza' rnams kyang med 'gyur zhing/ /mdza' ba rnams kyang med par 'gyur/ /bdag kyang med par 'gyur ba nyid/ /de bzhin thams cad med par 'gyur// rmi lam nyams su myong ba bzhin/ /re zhig gson tshe 'di nyid la/ /mdza' dang mi mdza' du ma 'das/ /de dag don du byas pa'i sdig /mi bzang gang yin mdun na gnas/ /de ltar bdag ni glo bur zhes/ /bdag gis rtogs par ma rgyur

  265. 133a

    pas/ /gti mug chags dang zhe sdang gis/ /sdig pa rnam pa du ma byas/ /nyin mtshan bsdod pa yod med par/ /tshe 'di rtag tu 'god 'gyur zhing/ /snon pa gung nas 'ong med na/ /bdag lta 'chi bar cis mi 'gyur/ /bdag ni mal na 'dug bzhin du/ /gnyen bshes mang pos mdza' skor yang/ /srog gcod pa yi tshor ba dag /bdag nyid gcig pus myong bar 'gyur/ /shin rje'i pho nyas zin pa la/ /gnyen bas ci phan bshes ci phan/ /de tshe bsod nams gcig skyabs na/ /de yang bdag gis ma bsten to/ /'jig pa 'di 'dra ma 'tshal nas/ /mi rtag tshe 'di'i ched dag tu/ /sdig pa mang pos nye bar sgrubs/ /de ltar 'jigs chen yod pas na/ /dge bshes bsten la bsod nams byos/ /gnyen dang bshes rnams rnam spangs nas/ /gcig pu gshed 'gro dgos na/ /mdza' dang mi mdza' kun cir rung/ /mi dge ba las sdug bsngal 'byung/ /de las ji ltar nges bar zhes nyin mtshan rtag tu bdag gis ni/ /de nyid rtag tu bsam par rigs/ /da ni bdag gis ci nas kyang/ /mi ru skyes pa'i don yod bya/ /long bas phyag dar phung po las/ /ji ltar rin chen rnyed pa ltar/ /de bzhin ji zhig ltar stes nas/ /byang chub sems ni bdag la skyes/ /blo 'dir rab tu shug dbyung ngo/ /ding nas brtson pa ma byas na/ /'og nas 'og tu 'gro bar 'gyur/ /sems can kun la phan mdzad pa'i/ /sangs rgyas grangs med 'das gyur kyang/ /bdag ni rang gis nyes pa de'i/ /gso ba'i spyod yul ma gyur to/ /da dung de bzhin bdag byed na/ /ngan 'gro ngan dang 'chi ba dang/ /sdug bsngal sna tshogs myong bar 'gyur/ /de bzhin gshegs pa byung ba dang/

  266. 133b

    dang dang mi lus thob pa dang// dge goms rung ba de lta bur/ /dkon pa nam zhig thob bar 'gyur/ /nad med nyi ma 'di lta bur/ /zas bcas 'tshe ba med kyang ni/ /tshe ni skad cig bslu ba ste/ /lus ni thang cig brnyen po bzhin/ /bdag gi spyod pa 'di 'dras ni/ /mi lus phyis ni thob mi 'gyur/ /mi lus thob par ma gyur na/ /sdig pa 'ba' zhig dge ba med/ /gang tshe dge spyad skal ldan yang/ dge ba bdag gis ma byas na/ /ngan song sdug bsngal kun rmongs pa/ /de tshe bdag gis ci byar yod/ /dge ba dag kyang ma byas la/ /sdig pa dag ni cher bsags na/ /bskal pa bye ba brgyar yang ni/ /bde 'gro'i sgra yang thos mi 'gyur/ /don med dgra yis rma srol brtod pa yang/ /lus la rgyan dang 'dra bar srel byed na/ /don chen sgrub phyir yang dag brtson gyur pa/ /bdag la sdug bsngal ci phyir gnod byed yin/ /nya pa zhing pa gdol ba la sogs pa/ /rang gi 'tsho ba tsam zhig sems dpa' yang/ /grang dang tsha la sogs pa gnod bzod na/ /yun gyi bde phyir bdag lta ci zhig smos/ /de phyir sdig ni sems las byung bas na/ /bslab pa bsrung bas 'dod pa yis/ /rab tu sgrims te sems gdul te/ /sems 'di gdul ba ma byas na/ /bslab pa bsrung bar yong ma nus/ /sems kyi glang po yan btang bas/ /mnar med gnod pa byed pa ltar/ /glang chen mdul myos pa yis/ /'di na de 'dra'i gnod mi byed/ /kun nas dran ba'i thag pa yis/ /sems kyi glang po dam btags na/ /'jigs pa thams cad med par 'gyur/ /dge ba thams cad lag tu 'ong/ /sems 'di kho na thul ba yis/ /gnod byed thams cad 'dul bar gyur/ /sems can mi bstan nam mkha' bzhin/ /de dag gzhom gyis ga la lang/ /khro ba'i sems ni gcig bcom nas/ /dgra de thams

  267. 134a

    cad choms dang 'dra/ /sa steng 'di kun kos g.yog tu/ /de snyed ko ba ga la yod/ /rkang mthil gang gis ko bas ni/ /sa steng thams cad g.yogs dang 'dra/ /de phyir phyi rol dngos po yang/ /bdag gis phyir bzlog mi lang gis/ /bdag gis sems 'di phyir bzlog bya'i/ /gzhan rnams bzlog go ci zhig dgos/ /gang gis chos kyi don po mchog /sems kyi gsang 'di ma shes na/ /bde 'dong sdug bsngal gzhom 'dod kyang/ /de dag don med gyi na 'khyam/ /de ltar bdag gi sems 'di ni/ /legs bzung legs par rtogs par bya/ /sems bsrung brtul zhugs ma gtogs pa/ /brtul zhugs mang pos ci zhig bya/ /ma grangs grol ba'i khrod nas ni/ /bsgrims te rma yi bag byed bzhin/ /skye bo ngan khrod gnas pas kyang/ /sems kyi rma ni rtag tu bzung/ /sems rma rtag tu bsrung ba yang/ /bla ma dang ni 'grogs pa las/ /mkhas pas rjes su brtan pa dang/ /'jigs pas skal ldan gus byed la/ /dran pa shin tu skye bar 'gyur/ /de phyir dge bshes mkhas pa bsten/ /don med g.yeng bar lta ba ni/ /phan? des nam yang mi bya ste/ /skye bo 'jangs pa'i de bzhin spyod/ /gang zhig mig lam 'ong na yang/ /bltas nas legs par mgu bar bya/ /dgos na thag ring dag tu 'ang lta/ /gang zhig bsam na byar rtsams pa/ /de las gzhan du mi bsam ste/ /der gtad pa yi bsam pa yis/ /de nyid kho na bsgrubs par bya/ /de lta na ni kun 'grub 'gyur/ /gzhan du gnyis kar mi 'grub bo/ /khyi ni cung ? snyeg pa dang/ /lha khang bar gyi khyi bzhin du/ /dran drod thams cad mi bya'o/ /ring zhig lon nas dag ba'i mchog /rnyed pa yang dang yang

  268. 134b

    bsams nas/ /dge slong yin na 'khor g.yog dang/ /drung du 'ongs ba'i lha mi rnams/ /thams cad dge la bzung bar bya/ /khyim pa yin na'ang bu dag dang/ /chung ma pha ma gnyen 'dun rnams/ /gros btab thams cad dge la gzung/ / 'on tang byang chub spyod pa rdzogs/ /bran g.yog kol du mi gtub pa/ /zas la sogs pa mi sbyin ltar/ /dge ba mi byed lus 'di la/ /bsnyod kyang de'u de gzhan 'gro la/ /sdig lus bsnyod cing gos bkon yang/ /phan med sdig byed ji ste gso/ /khyod ma 'dras pas phung 'go btsugs/ /khyod 'dras pas na phung mgo bcugs/ /dkon mchog pham dga' mdza' dang/ /drin yod drin med rnams kyi nor/ /sgyus rkus mthus phrogs thabs kyis bslus/ /ma 'drang ma yog sdig lus khyod/ /mjug tu 'bu sbrang nyod par song/ /khyod ma sos pas dmyal bar btang/ /bsad pa'i sdig pa khyod las byung/ /khyod ma mgu bas 'phrog rlom byas/ /yi dags gnas su khyod kyis btang/ /khyod ma sos pas long chung ste/ /dge bshes ma bsten chos mnyan/ /des na dud 'gro blun por 'gyur/ /gtan du 'khyams pa khyod kyis nyes/ /khyod ni dge ba spyod gyur na/ /rin chen phung po phangs pa'i gtso/ /khyod la bsten nas sangs rgyas chos/ /'bras bu bla med byang chub dang/ /par duAng bde 'gro skyid ba yis/ /long btags don yod byed pas na/ /'gro dang 'ong ba'i rten tsam du/ /lus la glu yi blo zhog ste/ /'di la gla rngan byin nas ni/ /da ni rang gi don byed chug/ rmongs pa'i sems khyod ci zhig zer/ /gzugs su 'dzin pa khyod rang yin pa/ /lus su lta ba khyod rang yin/ /don med shes pa gzhan nas 'ongs/ /'byung bas bsgrubs pa'i khu khrag la/ /khyod kyis dar 'dzin?

  269. 135a

    byas nas ni/ /bu dang bu mor khyod kyis bzung/ /gzhan gyis 'byung ba'i khu khrag la/ /gzhan zhes dgra ru lta bar byed/ sdig pas bsgrubs pa'i zang zing la/ /gzhan gyis khyer snyam phrag dog lngas/ /don med byis pa'i sprod pa 'dra/ /khyod kyis shes na de min pa'i/ /bzang po'i dpal ta re yod na/ /de las ma shes ci byar yod/ /nga yis nyes pa ci yang med/ /nyes pa thams cad khyod las byung/ /khyod kyi rtsa ya kun bcos na/ /gang du 'gro ba kho bos lta/ /khyod kyi ngar 'dzin ma byas na/ /nga ni 'byung ba'i bag la zha/ /nga ma gso bas khyod bder sgrubs/ /skyon can khyod kyi nyes pa kun/ /dran drod ma smra so sor 'dug /khyod la gsol rag ci ma lus/ /gzhan yang tshigs su bcad pa la// ding bya sang bya le lo phyi shol gyis/ /sngon 'das dus nas da srid 'byangs pas chog /'chi bdag dgra dang bar bya bstod nas ni/ /bka' bsngos myur du bya ba'i mi rigs sam/ /skra dkar skyes shing gnyer ma'i tshogs grangs kyang/ /byis pa shad ma bye dang 'dra ba na/ /don la mkhas pas brtags na snying re rje/ /gzhan yang bskal pa stong du bsags pa yi/ /sbyin dang bde gshegs mchod la sogs/ /legs spyad gang yin thams cad kyang/ /khong khro gcig gis 'joms par byed/ /zhe sdang lta bu'i sdig pa med/ /bzod pa lta bu'i dka' thub med/ /de bas bzod pa nan tan du/ /sna tshogs tshul bzhin sgom par bya/ /zhe sdang zug rngu'i sems 'chang na/ /yid ni bde ba'i nyams mi myong/ /sgyu mar bsams nas bzod par bsgom/ /gal te bcos su yod na ni/ /de la mi dga' byar pang med/ /'on te gcos su med na yang/ /de la mi dga' byas ci phan/ /la la bdag gi khrag mthong na/ /phyir zhing khong dgrar 'gyur ba'ang yod/ /

  270. 135b

    la la gzhan gyis khrag mthong na/ /'bog cing brgyal bar 'gyur ba'ang yod/ /de ni sems kyi rang brtan dang/ /sngar ma'i tshul las gyur pa yin/ /de bzhin dge ba sgrub pa yang/ /sems thag bcad dam mi gcad zan/ /khyim bar 'bral bar ma nus dang/ /so nam yal bar dogs pa dang/ /dam chos sgrubs par bsam pa dang/ /yun gyis bde ba sgrub pa ni/ /gnyis ka yong yang 'grub mi 'gyur/ /sbyin pa btang bar bya ba dang/ /zad par dogs pa gnyis mi 'phrugs/ /dpa' bo bya bar bsams pa dang/ /shi bar dogs pa gnyis mi 'phrug /mang po dga' bar bya ba dang/ /khro gtum bya ba gnyis mi 'phrugs/ /slab la 'grus par bya ba dang/ /zang zing btsal ba gnyis mi 'phrugs/ /btsun pa'i phul du dbyung ba dang// yul la chags pa gnyis mi 'phrugs/ /kun gyis bkur bar 'dod pa dang/ /spyod lam ngan pa gnyis mi 'phrugs/ /rgyal po mnyes par bya ba dang/ /khyim na nyal ba gnyis mi 'phrugs/ /sangs rgyas sgrub par bya ba dang/ /sdig pa spyad pa gnyis mi 'phrugs/ /de bzhin gang zhig sgrub par bya ba dang/ /de bzhin gang zhig sgrubs na yang/ /sems thag bcad par byed par bya/ /'on tang dgos pa thams cad 'grub/ /'jig rten mgon pos de skad gsungs/ /mdo sde rnams las bslab pa snang/ /rtag tu mdo sde blta bar bya'o/ /de dag gang zhig sgrub na de/ /rlung med g.yo ba'ang med pa bzhin/ /bsod nams brtson 'grus med mi 'gyur/ /sgyid lug snyom pa'i stobs bcom ste/ /nyin mtshan spyang par sgrub par bya'o/ /des na 'bras bu med mi srid/ /srid pa'i rgya mtsho brgal ba dang/ /'jig rten 'jig rten 'das pa yi/ /dgos pa ma lus bos pa bzhin/ /sems can mos pa sna tshogs pa/ /rgyal bas kyang ni mi mgu na/ /bdag? dang? 'dra?

  271. 136a

    ngan pas ci zhig smos/ /de bas 'jig rten bsam pa gtang/ /sems can rnyed pa med la smod/ /rnyed pa can la mi snyan brjod/ /rang bzhin 'grogs dga' de dag gis/ /dga' ba ji ltar skye bar 'gyur/ /des na dben par gnas par bya'o/ /bdag gis mkhas pa'i rjes snyags la/ /bdag yod gdams ngag dran byas te/ /gnyid dang rmugs pa bzlog par bya/ /rgyal sras thugs rje chen po ltar/ /rigs pa'i srin du gzugs bya ste/ / byis pa'i spyod pa btang byas nas/ /mdor na bdag dang gzhan rnams la/ /phan par 'ba' zhig lhur bya'o/ /de ltar gdams ngag byas nas kyang/ /bdag gis spyad par ma grub cing/ /nyams kyis stsogs par ma gyur na/ /tshe rabs kun tu phan pa yi/ /de bzhin gshegs pa'i zhal nas gsungs/ /sdig pa thams cad zad byed cing/ /dge ba ma lus rdzogs byed pa/ /'di dag brjod pa'i bsod nams gang/ /gal te de la gzugs yod gyur/ /gang+gA'i bye ma snyed kyi ni/ /'jig rten khams su shod mi 'gyur/ /tshigs su bcad pa nyi shu 'di/ /gtsugs lag khang ngam mchod khang ngam/ /mchod rten sku gzugs spyan mnga' 'am/ /gzhan duAng rung ste 'di skad brjod/ /nyin mtshan lin ni gsum gsum brjod/ /sangs rgyas chos dang dge 'dun dang/ /byang chub sems dpa' rnams la yang/ /sgo gsum btud de skyabs su mchi'o/ /mchod 'os rnams la phyag 'tshal lo/ /sdig pa'i las las bzlog bgyid cing/ /bsod nams thams cad yongs su gzung/ /lus can rnams kyi bsod nams dag /kun la rjes su yi rang ngo/ /bdag ni spyis btud thal sbyar te/ /chos kyi 'khor lo bskor slad dang/ /'gro gnas rab tu bzhugs slad du/ /rdzogs pa'i

  272. 136b

    sangs rgyas rnams la gsol/ /de ltar bgyis pa'i bsod nams dang// bdag gis bgyis dang ma bgyis gang/ /des ni sems can thams cad kyang/ /bla med byang chub sems ldan shog /sems can thams cad dri med dbang/ /yongs rdzogs mi khom kun 'das shing/ /spyod pa rang dbang yod pa dang/ /'tshe ba bzang dang ldan par shog /lus can dag ni thams cad kyang/ /lag na rin chen nyid ldan zhing/ /yo byad thams cad mdza' spang ba/ /'khor ba ji srid mi zad shog /bud med thams cad rnam kun tu/ /phan tshun phrag dog 'gran sems dang/ /rang bzhin bzang por skyes gyur nas/ /skyes mchog nyid du gyur bar shog /lus can thams cad rig pa dang/ /rkang par ldan pa nyid du shog /lus can kha dog ldan pa dang/ /gzugs bzang gzi brjid che ba dang/ /blta na sdug cing nad med dang/ /stobs can tshe dang ldan par shog /thams cad thabs la mkhas gyur te/ /sdug bsngal kun las thar ba dang/ /dkon mchog gsum la gzhol ba dang/ /dmu rgad mi nag med par shog /gtsug lag khang dang dben gnas kyi/ /gnas dang nye bar dkar par shog /sangs rgyas chos nor ldan pa dang/ /tshad med bzhi dang ldan pa dang/ pha rol phyin drug ldan par shog / tshogs rnams thams cad yongs rdzogs te/ /mtshan dang dpe byad gsal ba dang/ /bsam gyis mi khyab pas bcu dag /rgyun mi 'chad par bgrod par shog /bdag kyang yon tan de dag dang/ gzhan kun gyis kyang brgyan ldan te/ /nyes pa'i skyon las bral ba dang/ /sems can kun mchog byams pa dang/ /sems can thams cad yid rang ba'i/ /bde ba thams cad rdzogs byed cing/ /rtag tu lus can thams cad kyi/ /sdug bsngal sel bar byed par shog /'jig rten kun

  273. 137a

    ni skye bo gang/ /su dag 'jigs pas nyen pa rnams/ /bdag gis ming tsam thos pas kyang/ /shin tu 'jigs pa med par shog /bdag ni mthong dang dran pa dang/ /ming tsam thos pas skye bo rnams/ /rab tu 'khrug med rnal ma dang/ /rdzogs pa'i byang chub mkhas pa rnams/ /tshe rabs kun tu rje 'brangs pa'i/ /mngon shes lnga po thob par shog /sems can kun la rnams kun tu/ /rtag tu phan bde byed par shog /'jig rten kun na skye bo gang/ /sdig pa byed par 'dod gyur pa/ /de dag thams cad gnod med par/ /rtag tu cig car zlog gyur cig /sa dang chu dang me dang rlung/ /sman dang dgon pa'i shing bzhin du/ /rtag tu sems can thams cad kyi/ /rang dgar dgag med spyod par shog/ sems can la bdag sreg bzhin 'phangs/ /de dag bdag la ches 'phangs shog /bdag la de dag sdig smin cing/ /bdag dge ma lus ded smin shog /ji srid sems can 'ga' zhig kyang// gang na ma grol de srid du/ /de phyir bla na med pa yi/ /byang chub thob kyang gnas gyur cig /bdag ni dge slong dpal dbyangs kyis/ /ces pa'i phreng ba las bsdus pa'i/ /gdams ngag brtsam pa byas pa yis/ /gdams ngag 'di ni sus thos pa/ /gdams pa'i rjes su sbyod gyur nas/ /byang chub myur du thob par shog /bod la dge slong ming yang med pa las/ /rje byang chub sems dpa' khri srong lde btsan gyis dam pa'i chos brnyes nas dpal lha btsan bo dad pa bskyed/ /rab tu byung pa'i ming dpal dbyangs zhes bgyi/ /btsun pa'i phul du phyin/ /mdzangs pa yi ni rab tu phyin/ /bod kyi mdun sar bsres na dpe zla med pa des mdzad de/ /btsan po la bka' gros dag

  274. 137b

    gsol pa las/ /la la ni gnang/ /la la ni ma gnang bas 'khon nas 'gye de lhor bzhung/ /gdams ngag 'di slar rje blon dang/ /ser chags yongs dang/ /bod rje 'bangs la brdzangs pa lags so/ /'jug 'khon bas legs te/ /btsun pas ni bzang po'i spyod la 'grub/ /bod rje 'bangs ni grogs kyis dma' zhes gda' o/ /gdams pa dag gces pa bsdus pa'i phrin yig /btsun pa dpal dbyangs kyis/ /sngon nas las kyi 'brel cing bshes par gyur ba/ /bod rje 'bangs la brdzangs pa rdzogs so// (//lta ba'i rim pa bshad pa bzhugs so//) //pad+ma'i spyan la phyag 'tshal nas/ /lta ba'i rim pa bshad par bya/ /'jig rten pa dang 'jig rten 'das/ /gser gyi rdzas ltar gcig las snang/ /rnam grangs snang ba lnga gsum gnyis/ /shes nas gzhag dang blang bar bya/ /thams cad byang chub snying po klong/ /pad+ma 'khyil ba'i rang bzhin la/ /rang gi rtog rnyog ri bos mnan/ /rang rgyud rkyen gyis log snang bas/ /skye bo pa dang mu stegs pa/ /dug dang rtag chad snang bar byung/ /dmu long tshul gyur skye bo spang/ /mtho yor mi ltar brtags snang ba/ /dmyal ba'i rang sems me sogs snang/ /yi dags sdig sems mi gtsang yul/ /byol song gyen thur ngam grog snang/ /mi la mthong yul 'di nyid snang/ /de bzhin lha min go mtshon snang/ /lha yi dge sems rin chen snang/ /ci yang snang phyir mthong mi bden/ /skye bo rtog pas phrogs pa yis/ /rnam 'phrul phyi nang lta bur snang/ /brtags pa brda yi tha snyad shar/ / rkyen gyis long tshul mu stegs pa/ /khrid byed drug gi bstan pas bslus/ /mdo bsdus mu stegs chad pa la/ /glo bur tsam snang mdza' med lta/ /rtag pa byas snang dngos por 'dod/ /de yang rgyu min rgyur smra ba/ /rang bzhin rgyur 'dod

  275. 138a

    dbang phyug rgyu/ /ngo bo nyid la rgyur smra dang/ /rdul phran rgyu ru 'dod pa dang/ /byed po rgyu ru 'dod pa log /gzhan yang mu stegs zhar byung ba/ /phyi rol pa dang yang dag pa/ /gsang sngags pa dang gsang chen pa/ /gnyis gsum lnga rnams rgyu yi tshul/ /gsum gnyis 'bras bu'i tshul snang ba/ /bdag tu 'dzin pa bzhis las lta/ /'jig rten 'das pa'i lta ba yang/ /cig shos lta ba las 'phags pa/ /nyan thos rang rgyal mdo sde dang/ /kri ya u pa yang dag dang/ /de bzhin yo ga'i theg pa dang/ /ma hA yo ga'i theg pa dang/ /a nu yo ga'i theg pa dang/ /a ti yo ga'i theg pa dang/ /chos tsam lta ba'i nyan thos pas/ /mdo sde pa dang bye brag gnyis// phyi rol yul la rtsod byed cing/ /shes pa skad cig snang bar mthun/ /de bzhin rang rgyal theg pa pa/ /phyi rol bcu gnyis sgyu ma tsam/ /rdul yang phyogs chas ma grub 'phags/ /shes pa skad cig snang dang mthun/ /mtshan nyid theg pa'ang rnam pa gsum/ /rnam rig pa dang rnal 'byor pa/ /de bzhin mdo sde dbu ma pa'o/ /rnam rig phyi rol mtho yor mi/ /sab mo rta ltar med bzhin du/ /rang gi rnam shes 'khrul snang 'dod/ /don dam ye shes skad cig 'dod/ /rnal 'byor dbu ma kun rdzob mthun/ /don dam stong pa ma skyes 'dod/ /mdo sde kun rdzob sgyu ma tsam/ /yul rnams logs nas snang bar lta/ /dam par mdza' gnyis bral ba yi/ /dbu ma chen por 'dod pa'o/ /kri yas don dam chos nyid blta/ /kun rdzob rang rig yon tan blta/ /rigs gsum dkyil 'khor snang ba la/ /skye bo'i 'khrul pa med par 'dod/ /gnyis ka rgyud kyi spyod pa ni/ /lta spyod gong 'og rjes su mthun/ /ye gas

  276. 138b

    don dam rnam dag pa'i/ /chos kyi dbyings kyi ye shes su/ brtogs pa'i byin rlabs lhar snang la/ /skye bos 'di dag lhar mthong 'khrul/ /mahA yo gas don dam du/ /rang gnyis med de de bzhin nyid/ /rtogs pa'i chos 'phrul drug sogs pa'i/ /lhar snang dang la 'khor ba med/ /a nu yo gas don dam du/ /bde chen rtogs pa rigs pa'i rtsal/ /kun rdzob lha'i dkyil 'khor snang/ /de phyir skye bos brtags pa 'khrul/ /a ti yo gas bden gnyis bral/ /thams cad rang byung rang snang ba'i/ /ye shes mdza' dbus bral ba la/ /brtags pa gnyis po gdod nas med/ /de phyir gser la gser mthong ltar/ /ji bzhin ma nor bden mthong yin/ /mnyam nyid rang bzhin ma nges pas/ /ji ltar bltas pa der snang phyir dngos po rtag pa yod min te/ /yod na kun la mthun snang phyir/ /de phyir rang sems ngo bor snang/ /brtags pa gcig yul gcig min pas/ /'khrul pa snang bar the tshom med/ /des na spyod yul gdod nas med/ /rtog sems 'gro ba so so'i sems/ /gcig na dge sdig rnam smin yang/ /ma spyad kun gyis myong bar rigs/ /de min yang dag don mi rung/ /rnam smin thun mong ma gyur phyir/ /gcig min de nyid ma skyes pas/ /tha dad don duAng mi rung ste/ /gcig dang tha dad las grol ba'o/ /dngos po sna tshogs brtags pa yi/ /ming la grub pa'i gtan tshigs med/ /de phyir mtshan nyid ci yang min/ /ma grub pa la yod rtogs pa/ /sgyu ma'i skyes bus shes 'gyur gyi/ /rgyal ba nyid kyis mi mkhyen no/ snang bas spyod yul ma grub phyir/ /dmigs pa'i shes pa yod mi rung/ /spyod yul ma skyes ye shes phyir/ /bsgom bya'i chos nyid logs na med/ /sems kyi ye shes mdza' bral phyir/ /sgom pa po yang ga la yod/ /de ltar sgom mkhan

  277. 139a

    dngos med na/ /mi gnas mi rtogs 'jog pa dang/ /nam mkha' lta bu rang gsal ba'i/ /rang sems yong gis de lta'o/ /ci yang yid la mi byed na/ /yang dag don la phebs pa'i rigs/ /lung dag ma skyes gzhi med phyir/ /skyil krung smra bcad kha na med/ /de bzhin sems kyang dngos bral bas/ /rtog spang sgom pa'i khar mi 'ong/ /de ltar rtogs pa sgom pa'o/ /yal bar 'dug pa nam yang med/ /ci phyir bdag nyid de phyir bas/ /rang gi dbyings las g.yos pa med/ /rtog pa'i mtshan ma bzang dang ngan/ /ci skyes dgag par mi bya zhing/ /de don dran pas 'bral ba'ang med/ /rang byung rang zhir nga smra'o/ /dper na rkun po tshor ma thag/ ma sprad 'bros bzhin gdeng gis zhi/ /lta ba'i shugs las byung ba'i phyir/ /ched du tshor ba bsten mi dgos/ /de min blo yis skad cig tu/ /rnam rtog rang gi de nyid blta'o/ /bying ba shes pa ldang mi nus/ /rmugs pa don nyid mi gsal ba'o/ /bying rmugs rab tu bying rmugs dang/ /shin tu bying rmugs phyir mi btang/ /de bzhin rgod pa rnams pa gsum/ /le lo snyoms las dman la sbyor/ /dogs pa gol dang lhung ba gnyis/ /ra ba rtags dang 'bras bu'o/ /'khrug dang 'jug tu mi btub dang/ /lus kyi bya byed spyod pa dga' / /dag gi ca co smra dga' ba/ /yang dag don las ring ba'i phyir/ /bya byed grong yul gtam mi glan/ /sbyin dang cho ga'i las mi bya/ /dge ba'i las kyang g.yeng 'gyur na/ /sdig las mi bya smos ci dgos/ /nyams dang g.yo dang goms pa dang/ /brtag pa'i nyams dang sbyang bar bya/ /don du 'di snyam bstan du med/ /de rtogs yang dag nyams dang ldan/ /de tshe phyi nang gsang ba'i drong/ /phyi nang rtags kyang rim pas 'byung/ /skyes kyang dga' bros sems

  278. 139b

    ma byed/ /med kyang de la mi dga' med/ /de dag g.yo dang thob brtan na/ /rim 'byung gsungs na dngos grub 'byung/ /klu gsum ldan pa'i skyes mchog la/ /seng+ge lta bur 'jig tshogs bral/ /zas dang nor gnyen ma chags shing/ /snying rje chen bo mi 'bral na/ /chos nyid don dang phrad pa'i rtags/ /ci spyod don las ma nyams na/ /goms nas las su rung ba'i rtags/ /'di ldan dbang phya btsums med na/ /snang ba gang yang mi skyon zhing/ /yid la bya ba med phyir ro/ /lus kyis rim par bzod thob dang/ /chos brgyad spong len med pa dang/ /gang la'ang nyon mongs mi skye na/ /'di yangs la 'gro ba'i rtags/ /yid la byed med 'gags snang med/ /'du shes ma gzung rang gsal la/ /gang yang nyams su mi len cing/ /sems kyis mngon par ma phyogs shing/ /dmigs med tshul du rang snang ba/ /tha snyad tsam du bsgom zhes brjod/ /yang dag don gyi gdengs med par/ /tshig tsam lta la khungs chung zhing/ /bya med chos la blo gtad nas/ /rtsing chos phaT ral spyod byed pa/ /rgyal ba'i bkas kyang mi skyobs te/ /ya nga'i 'bras bu the tshom med/ /rtogs pa'i mtshan nyid brgyad ldan na/ /skyes bu de ni rgyal ba'i sras/ /gdengs med lta ba mtho 'dod pas/ /rang gi nga rgyal snyoms byed pa/ /ri bos srog chags mnan pa ltar/ /nam yang thar pa'i khar mi 'byung/ /gsang sngags gsang ba'i sgor zhugs nas/ /yang dag don la mi 'dud par/ /mi chos zang zing las byed cing/ /rang dbang spyod bzhin dbang med ces/ /smra zhing gsang don yal 'jog pa/ /phyi ma gar 'gro gtol med par/ /gal med le lo'i las byed pa/ /e ma'o rang 'joms dpal ba ste/ /rgya mtsho gzings kyi pha bong ltar/ /thugs rje zhags pa spyang thag yan/ /rang gi rang bslus snying re rje//

  279. 140a

    le lo can la thar lam med/ /lta ba'i rim pa'i man ngag /dka' ba dpal rtsegs kyis mdzad pa rdzogs so// /*/ (/gsung pa rin po che'i gtam rgyud shAkya'i rabs rgyud bzhugs//) ? mchog gi za ma tog las/ sems can 'khor ba las 'byung bar rtsol ba la bdud bar chad byed kyi mi rtsol ba la ni mi byed do zhes 'byung/ sangs rgyas kyi yul bsam gyis mi khyab pa bstan pa'i mdo las/ 'phags pa 'jam dpal gyi chos zab mo bshad pa dang/ rab 'byor gyis khyod las dang po rjes su mi bsrung ba'i chos ston to zhes bya ba dang/ 'jam dpal gyis nad gso ba'i phyir/ sman pas sman rtsa ba byin pa 'phral du bde bar bya ba'i phyir ma yin no zhes bya ba dang/ bcom ldan 'das kyis ma 'ongs pa na chos zab mo 'di las su dad pa nyan thos kyi theg pa can zhig na ni byams pa'i 'dus pa gsum gyi khongs su gtogs par 'gyur ro/ /byang chub sems dpa' i theg pa can zhig na ni bzod pa gang yang rung ba thob par 'gyur zhes gsungs/ dad ba'i stobs bskyed pa'i mdo las/ /ye shes mdza' yas pa ni phyogs bcu'i 'jig rten rab 'byam thams cad du 'jig rten dang 'jig rten las 'das pa'i las dang bzo gnas la ye shes lhun gyis grub pa'o/ /glo gros mi zad pas bstan pa las/ byang chub sems dpa' i tshul khrims mi zad pa ni rgyun mi zad pa'i phyir blta bar bya'o/ /de ci'i phyir zhe na/ so so'i skye bo rnams kyi tshul khrims ni skye bo'i gnas rnams kyi zad bar 'gyur ro/ phyi rol gyi brda mngon par shes pa rnams kyis mngon par 'gyur ro/ /mi rnams kyi ni dge ba bcu'i lam gyi lam zad pas so/ /'dod pa'i khams kyi lha'i bu rnams

  280. 140b

    kyi ni bsod nams zad pas so/ /gzugs kyi khams kyi tshad med pa dang/ /bsam gtan zad pas so gzugs med pa'i lha rnams kyi tshul khrims ni ji lta bur snyoms par zhugs pa skyes pa zad nas zad par 'gyur ro/ /slob pa dang mi slob pa dang nyan thos thams cad kyi ni mya ngan las 'das pa'i mthar ro/ /rang sangs rgyas kyi ni snying rje chen po dang bral bas so/ /gzhan yang theg pa gnyis te/ lha'i theg pa dang mi'i theg pa'o/ /de la sems can thams cad la dmigs pa'i byams pa ni/ sems dang po bskyed pa'i byang chub sems dpa' rnams kyi'o/ /chos la dmigs ba ni spyod pa la zhugs pa'i byang chub sems dpa' rnams kyi'o/ /dmigs pa med pa'i byams pa ni mi skye ba'i chos la bzod pa rnams kyi'o/ /'khor los sgyur ba'i rgyal po chen po rin po .che sna bdun gyi sngon du 'gro ba ltar dbugs dbyung ba dang/ rdub pa ni skyes bu'i srog gi dbang po'i sngon du 'gro ba'o/ /byang chub sems dpa' i lha'i mig rnam par dag pa ni phyogs bcu mdza' yas pa na/ sems can gzugs med pa ma gtogs pa thams cad kyi 'chi 'pho dang/ skye ba dang las dang 'bras bu dang po'i rim pa shes pa'o/ /sbyin pa ni chos dang zang zing ngo/ /snyan par smra ba ni tshig 'jam pa'o/ /don spyod pa ni gzhan dag gi bsam pa bzhin rdzogs par byed pa'o/ /don mthun pa ni bdag yon tan du 'du shes pa'i theg pa de nyid la gzhan dgod pa'o/ /mdor na chos kyi phung po brgyad khri bzhi stong bstan pa ni tshig 'bru zhes bya'o/ /sems can thams cad kyi skad dang yi ge dang tshig 'brus brjod du med pa'i don ni ston to/ /skye ba dang 'gog pa la gnas pa ni rnam par shes pa'o/ /mi skye ba dang mi 'gog pa la gnas pa ni ye shes

  281. 141a

    so/ /nges pa dang dran pa ni don dam pa dang kun rdzob bstan pa'o/ /gang zag ni skye ba'i gang zag gi sangs rgyas kyi bang brdas bstan te/ de de dag la mngon par zhen pa ni ston pa ma yin no/ /chos nyid ni mnyam mo/ /'dod chags spyang ba nyi khri chig stong de bzhin du zhe sdang dang gti mug dang cha mnyam la spyod pa ste/ spyir brgyad khri bzhi stong ngo/ /sbyin pa bzhi ni ye shes kyi tshogs su 'gyur te/ chos smra ba rnams la ni smyig gu dang gro ga la sogs pa sbyin pa dang/ stan sbyin pa dang/ rnyed pa dang bkur sti dang/ snyan pa byin dang/ legs par gsungs so zhes bya ba sbyin pa'o/ /yang bzod pa bzhi ni ye shes kyi tshogs su 'gyur te/ /chos tshol ba brtson pas don du smra ba bzod pa dang/ grangs la sogs pa bzod pa dang/ mkhan po dang slob dpon dang/ mthun par 'jug pa'i bzod pa dang/ rnam par thar pa'i sgo gsum la bzod pa'o/ /mi rtag pa'i don gang zhe na/ med pa'i don dang/ mi chags pa'i don dgon mchog 'byung gnas las/ bram ze'i rig byed las mtshan sum cu rtsa gnyis dang ldan pa ni 'gro ba gnyis te/ 'khor los sgyur ba dang/ sangs rgyas so/ /sman ser 'di yis mig bskus na/ gzugs ci mthong ba thams cad gser gyi kha dog tu mthong bar 'gyur/ sangs rgyas bye ba khrag khrig 'bum phrag dpag tu med pa gang dag yongs su mya ngan las 'das pa las/ 'jam dpal gzhon nur gyur pa 'dis byang chub tu bcud do/ /za ma tog bkod pa las/ spyan ras gzigs dbang phyug gis lha ma yin gyi dbang po gtor ma lung bstan/ /spyan ras gzigs dbang phyug gi spobs pa lta bu de bzhin gshegs pa la yang mi mnga' zhes 'byung/ ri'i rgyal po de dag

  282. 141b

    la rang sangs rgyas de dag gnas te mdo dang dbyangs kyis bsnyad pa la sogs pa rnam pa du ma dag phan tshun smra'o/ /dge 'dun gyi las spyod pa'i mi 'os pa las spyod pa la sdig che ba 'byung/ 'jam dpal rnam par rol pa las/ gang du sems dang yid dang rnam par rig pa 'jug na/ tha na mya ngan las 'das par sems pa yang rung ste/ de thams cad nyon mongs pa'o/ /kha dog dang gzugs kyis rtags dang spyod lam gyi dbyibs ni byang chub sems dpa' i rab tu 'byung ba ma cin gyis sems can gzhan dang gang zag gzhan dag la byams pa dang/ snying rje'i sems bskyed pa ni byang chub sems dpa' i rab tu 'byung ba yin no/ /rnam par 'phrul pa'i rgyal pos zhus pa las/ chos nyid las brten na mdo sde thams cad nges pa'i don yin no/ /'jig rten la brten na thams cad drang ba'i don yin no/ /byang chub sems dpa' i las ni gnyis so/ /sems can yongs su smin par bya ba dang/ dam pa'i chos yongs su bzung ba'o/ /byang chub sems dpa' i sa brgyad pa la gnas shing sa dgu par 'phags pa la byang chub sems dpa' i stobs bcu dang mi 'jigs pa bzhi dang ma 'dres pa bco brgyad yod/ /chos de dag dang mdo 'di nyid las 'byung/ ma 'dres pa'i nang nas byang chub sems dpa' la sems can gdug pa rnams kyis gnod pa byas kyang mi rdzi la/ gnod pa byas pa'i gzhi nges sems can de yang ngan 'gror mi 'gro ste/ byang chub sems dpa' i tshul khrims dag pa'i smon lam gyi dbang gi phyir ro// 'phags pa 'jam dpal gyis sangs rgyas kyi zhing gi yon tan bkod pas/ rab tu byung ba'i yon tan bcu yod de/ 'dod pa la mi chags pa dang/ dgon pa la dga' ba dang/ sangs rgyas kyi spyod yul 'thob pa dang/ chung ma las sogs

  283. 142a

    pa la sred par mi 'gyur ba dang/ ngan 'gror 'gro ba'i chos spong ba dang/ bde 'gro'i chos la rten pa dang/ sngon gyis dge ba'i rtsa ba las yongs su mi nyams pa dang/ dge ba'i rtsa ba phun sum tshogs pa 'thob pa dang/ lha rnams dga' ba dang/ mi ma yin pa rnams bsrung bar 'gyur ro/ /sangs rgyas bdun gyi smon lam las/ sems can gyi rnam par shes pa gshin rje'i mis drangs te/ gshin rje'i mdun du khrid cing mi de dang lhan cig skyes pa'i lha phyi bzhin 'brangs pas sems can des legs nyes ci byas pa thams cad legs par yi ger bris te/ gshin rje la phul ba dang/ gshin rjes dris shing brtags nas/ de la ji ltar byas pa de bzhin du bsgo'o/ /mi shi ma thag tu sangs rgyas sman gyi bla bai DUrya'i 'ong mchod na/ /des zhag bdun nam nyi shu rtsa gcig gam/ sum cu rtsa lnga 'am/ bzhi bcu rtsa dgu na dran te/ de phyin chad sdig pa mi byed do/ /'phags pa 'jam dpal gyis sangs rgyas kyi zhing gi yon tan bkod pa las/ byang chub sems dpa' khyim pa gang gA'i klung gi bye ma snyed kyis de bzhin gshegs pa dge slong gi dge 'dun gyis 'khor dang bcas pa la/ bskal ba gang gA'i klung gi bye ma snyed du bde par sbyar ba thams cad kyi bsti stang byas pa las/ byang chub sems dpa' rab tu dben pa 'dod cing dgon pa'i logs su phyogs pa ste/ gom pa bdun por na ches bsod nams che zhing/ sangs rgyas su yang nye bar 'gyur ro/ /byang chub kyi phyogs ni brag yod pa la gnas so/ /byang chub ni nan tan la gnas so/ /sangs rgyas kyi zhing smon lam gyis grub po/ /gang gis sangs rgyas bye ba khrag khrig phrag 'bum gyi mtshan brjod pa bas ni/ 'phags pa 'jam dpal gyi

  284. 142b

    mtshan brjod pa bsod nams ches che na/ de bzhin gshegs pa kun tu gzigs pa'i mtshan brjod pa lta smos kyang ci dgos/ 'phags pa 'jam dpal la byang chub sems dpa' zhig gis khyod rnam sangs rgyas zhes dris pa dang/ nam yang 'tshang mi rgya ba'i dper/ zla ba ni nyin mor 'gyur ba dang/ nyin mor ni mtshan mor 'gyur ba dang/ dgra bcom pa zag pa zad pa mngon par rdzogs par 'tshang rgya ba na/ bdag 'tshang rgya'o zhes bshad do/ de bzhin gshegs pa mi 'khrugs pa'i bkod pa las/ bar gyi bskal ba nyi shu la bskal pa gcig go/ bskal pa bcu la bskal pa chen po gcig go /byang chub sems dpa' i theg pa pa'i gang zag khyim nas byung ba zhig gis mdo sde 'di gzung ba dang/ bklags pa la sogs par mi rnyed la/ de la gal te la la zhig gis khyod khyim gyi gnas btsun mo'i 'khor gyi nang du 'dug phod na/ mdo sde 'di sbyin no zhes zer ba gal te mdo rnyed pa ltar na khyim gyi gnas btsun mo'i 'khor gyi nang na gnas kyang ltung ba med do/ /mi 'khrugs pa'i sangs rgyas kyi zhing de na tshe gcig gis dgra bcom par 'gyur te/ lan cig phyir 'ong ba dang/ phyir mi 'ong ba zhes bya ba'i 'bras bu ming tsam ste/ sems can gyis ris der skye ba med do/ /de bzhin gshegs pa'i bsam gyis mi khyab pa bstan pa las/ 'di lta ste las bsam gyis mi khyab pa dang/ klu bsam gyis mi khyab pa dang/ bsam gtan bsam gyis mi khyab pa dang/ sangs rgyas bsam gyis mi khyab pa'o/ /rang gi lus kyang ras bcos bus dkris nas/ 'bru mar gyis bskus nas mar ma 'bud do/ /bcom ldan 'das shAkya thub pa 'di de'i tshe lha'i dbang po brgya byin mig bzangs zhes bya bar gyur to/ /chos bzhi dang ldan na rgyal po la chos kyi rgyal po zhes bya ste/ /byang

  285. 143a

    chub kyi sems mi gtong ba dang/ gzhan dag kyang byang chub la bkod pa dang/ dge ba'i rtsa ba thams cad byang chub tu bsngo ba dang/ sangs rgyas kyi che ba mthong dam thos na de la mos pa ma gtogs pa lnga la sogs pa dang/ nyan thos la sogs pa'i phun sum tshogs pa gang la yang ma mos pa'o/ /byams pa seng ge tog me tog pad+ma me tog rka rma rgyal/ spyan legs lag bzangs 'od skar ma la dga' ba/ mngon 'phags shes pa yon tan gyi mchog mnga' ba/ nor dpal ye shes 'byung gnas/ rin po che 'byung gnas kun tu snang ba/ yon tan mdza' yas grags pa mos pa/ de bzhin gshegs pa mos pa'i sku tshe dang nyan thos ni bskal pa bzang po'i sangs rgyas dgu brgya dgu bcu rtsa dgu kun bsdoms pa dang mnyam mo/ /de snyed kyi mdzad pa kun kyang mos pa gcig pu mdzad do/ /tshangs pa gtsug phud/ byang chub kyi rim gro ba'i lha gzi brjid stobs zhes bya ba rtag tu de bzhin gshegs pa'i zham ring nas 'brang ste/ de bzhin gshegs pa'i zhal zas snod du bzed/ gzugs med pa'i lha'i tshe bskal pa brgyad khri bzhi stong/ sems can gang dag dgon pa'i gnas la chags pa de dag la byang chub sems dpa' i sems dben par bya ba'i gtam bya'o/ /lag na rdo rjes smras pa zhi ba'i blo gros/ /de bzhin gshegs pas yi ge gcig kyang ma brjod do zhes kho bos sngar ma bshad dam/ de lta mod kyi sngon gyi smon lam gyi dbang gis de bzhin gshegs pas gsungs sems can rnams kyis dmigs so/ /chos kyi mdo bzhi rnam par bzhag ste dge sbyong dang/ bram ze rtag par smra ba rnams dang/ lha tshe ring po rtag par 'du shes pa rnams kyi gzhom pa'i phyir 'du byed thams cad mi rtag go zhes bya ba dang/ lha dang

  286. 143b

    mi bde bar 'du shes pa rnams kyis gzhom pa'i phyir 'du byed thams cad sdug bsngal lo zhes bya ba dang/ mu stegs can bdag tu smra ba rnams kyis gzhom pa'i phyir chos thams cad bdag med pa zhes bya ba dang/ rnam par rtog pa la spyod pa mngon pa'i nga rgyal can rnams kyis gzhom pa'i phyir mya ngan las 'das pa ni zhi ba zhes bya ba'o/ /rmi lam bstan pa las/ sa dgu pa dang bcu pa las rmi lam log par mthong ba med do/ /phung po gsum la las kyi sgrib pa spyang ba'i phyir bklag pa dang/ byang chub sems dpa' gang gi rmi lam na de bzhin gshegs pa'i chos gos gsum char rnyed na de ni sa brgyad par blta'o/ /me tog gis tshogs las/ byang phyogs na yul gan d+ha'i? zhes bya ba na lo 'bum du mnar med pa'i sems can dmyal ba 'dzin par 'gyur ba yod do/ /kha che'i yul nas khri phrag lnga/ byang phyogs nas bye ba phrag brgyad dang lnga 'bum/ shar phyogs nas brgya stong phrag mang po/ lho phyogs su nyis 'bum/ nub phyogs nas 'bum/ rigs kyi bu gang de bzhin gshegs pa 'od dpag med kyi mtshan thos pa'i dge ba'i rtsa ba de la ma dang cing yi dam ches nas/ de lta bur ga la 'gyur zhes tshig tu smras na/ lo stong phrag drug cur sems can dmyal ba chen por 'o dod 'bod pa zhes bya bar 'tsho bar 'gyur ro/ /phyogs gang na bstan pa rab tu 'bar bar gyur pa de na/ dam pa'i chos spong ba'i skyes bu blun po shin tu mang bar 'gyur te/ mi lus thob par dka' ste rus sbal dang gnya' shing gi dpes bstan pa 'byung/ 'phags pa byams pa seng ge'i sgra chen po las/ 'bras bu ma thob par tha na dad pas byin pa chu snod gang tsam yang blang bar mi bya'o/ /nyan thos kyi theg pas rab tu byung ba sdig pa can gyi 'dod pa bzhi ste/ ma 'ongs pa'i

  287. 144a

    sangs rgyas mthong bar 'dod pa/ 'khor los bsgyur ba'i rgyal srid 'dod pa/ rgyal rigs 'dod pa/ bram ze'i rigs 'dod pa'o/ /gling bzhi pa'i sems can thams cad la bskal pa bas lhag pa lhag pa/ yo byad kun byin pa bas/ yang dag par zhugs pa tshul khrims yongs su dag pa 'tsho ba dag pa zhig gi sbyin pa po gang gis dang pas byin pa than chu snod gang tsam blangs na de bsod nams che'o/ /rab tu byung ba nyon mongs pa cha phra ba 'di dag dang ldan na/ mda''phangs pa bzhin dmyal bar 'gro ste/ gzhan gyi rnyed pa la phrag dog dang/ sdom pa dang ldan pa'i mdo sde thos na tshul khrims la smod pa dang/ de bzhin gshegs pa'i bkas bslab pa las 'gal na nga rgyal gyis mi chags pa dang/ shes bzhin du yon bdag dad pas byin pa la spyod pa'o/ /rab tu byung ba rgyags pa 'di bzhi dang ldan na dmyal bar 'gro ste/ bzhi ni mang du thos pas rgyags nas bag med pa dang/ rnyed pa dang/ bskur bstis rgyags pa dang/ mdza' shes dang/ slong mo ster ba'i khyim gyis rgyags pa dang/ sbyangs pa'i yon tan gyis rgyags nas bdag bstod/ gzhan la smod pa'o/ /chos bzhi dang ldan na byang chub sems dpar khas 'ches te/ rnyed pa 'dod pa dang/ bkur bsti 'dod pa dang/ g.yo byed pa dang/ yang ba'i 'tsho bas 'tsho bar byed pa'o/ /dus lnga brgya tha ma la byang chub sems dpar khas che ba'i khyi'i chos kun tu spyod pa dag 'byung/ dge slong khyim pa rnams su 'gro bar 'dod pas ni chos kyi skyes ma gtogs par skyes gzhan bkur bar mi bya/ khyim du song nas chos ma gtogs 'du 'dzi'i gtam mi bya/ ngas ni sngon byas pa'i las zad par bya ba'i phyir/ phung po gsum pa'i chos kyi rnam grangs

  288. 144b

    gsungs/ byang chub sems dpa' i ltar bcos pa kha cig sdig pa byas pa bshags pas 'byang ba'i sems phyin chad sdom par mi byed/ nyin gcig la lan brgya bar du 'byung ba'i phyir spong ba ni bla'i/ tshul khrims ma dag pas dad pas byin pa la yongs su spyod pa ni de lta ma yin no/ /gal te khyed nyan thos cag gis sems dag rnam par ma grol bar ma gyur tu zin na 'khor los sgyur ba'i rgyal srid gang gA'i klung gi bye ma snyed byed du bcug nas/ bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /khyim pas kyang phyir mi 'ong ba'i 'bras bu thob par 'gyur/ tshong dpon bzang skyong gis zhus pa las/ tshong dpon zla ba 'byor ba de la ni/ lha'i dbang po brgya byin gyi bde ba'i yo byad kyis kyang ci tsam du yang mi phod do/ /dper na dgra bcom pa 'gog pa'i snyoms par zhugs pa'i rnam par shes pa'i khams de 'gog pa las 'das nas yongs su phyin pa de bzhin du/ rnam par shes pa'i khams 'di yang skye ba po shi pa'i lus yongs su btang zhing khams rnams bor nas/ nang gi gzugs dang phyi rol gyis gzugs dang phyi rol gyi gzugs yod/ nang gi gi gzugs ni zin pa'i mig gang yin pa ni phyi rol gyi gzugs so/ /mig gi rnam par shes pa gang yin pa ni gzugs so/ /nang gi mig shes pa dang ldan pas rmi lam na gzugs mthong gi sha'i mig gis ni ma yin no/ /phyir mi ldog pa'i 'khor lo las 'di gnyis lo khrid dge ba'i rtsa ba yang dag par bsgrubs pa bas/ gang zhig der snga dro gcig gi de ni dpas chos bsod nams mang du yang dag par smra ba'o/ /dkon mchog sprin las/ byang chub sems dpa' rnams kyi spobs pa ni/ don dang bral ba

  289. 145a

    ma yin no/ /de ci'i phyir zhe na/ chos nyid thob pa'i phyir te/ rigs kyi bu chos nyid ma thob pa rnams kyi ni don dang bral bar 'gyur gyi/ chos nyid thob pa rnams kyis ni ma yin no/ /byang chub sems dpa' rnam kyi spobs pa mi tshig 'bru dang bral ba ma yin no/ /de ci'i phyir zhe na/ bstan bcos thams cad la 'jigs pa med pa'i phyir te/ rigs kyi bu bstan bcos kyi phyogs 'ga' shes pa rnams kyi ni tshig 'bru dang bral bar 'gyur gyi/ bstan bcos thams cad med pa rnams ni ma yin no/ /byang chub sems dpa' rnams ni gang na gnas pas/ sangs rgyas skyes bu du ma 'bras bu med par 'gyur ba dang/ sems can gyi don 'grib par 'gyur pa/ lha tshe ring po'i nang du mi skye'o/ /byang chub sems dpa' rnams ni 'dod pa'i khams nyid du gang sems can gdul bar bya ba dang/ sangs rgyas skyes pa mnyes par byar yod par skye'o/ /de ci'i phyir zhe na/ de ni thabs mkhas pa'i phyir ro/ /rigs kyi bu 'di ni byang chub sems dpa' rnams kyi'o/ /'dul pa'o/ /tshangs pa khyad par sems kyis zhus pa las/ sangs rgyas kyi zhing 'di na 'ga' zhig bskal pa brgya stong du tshangs par spyod pa la gnas pa bas/ mi mjed kyi 'jig rten gyi khams na gang snga dro'i dus gcig zhe sdang med par gnas pa shin tu bsod nams che'o/ /chos bzhi dang ldan na byang chub sems dpa' bsam gtan la gnas nas/ 'dod pa'i khams su skye ste/ bzhi gang zhe na/ sems las su rung ba dang/ dge ba'i rtsa ba stobs bskyed pa dang/ sems can yongs su mi gtong ba dang/ thabs dang shes rab sgom pa'o/ /gang rnams dngos po 'jig las 'gags pa'i de 'phags pa'i bden pa'o/ /smra bar

  290. 145b

    gyur pa de dag ni lam log par zhugs pa ste/ nga yang de dag gi ston pa ma yin/ de yang da'i nyan thos ma yin no/ /gal te sems can thams cad kyang/ /theg pa dam pa 'dod 'gyur na/ thams cad kyi yang go skabs yod/ theg pa'i khyad par ngas la ltos/ dngos po ni ming gi rang bzhin gyis dben te/ gang chos thams cad mi sgom pa 'di ni lam bsgom pa'o/ /bskal pas sreg pas na chu bran dang/ rdzing bu dang mtsho la sogs pa sngar skam la phyis rgya mtsho chen po skam pa ltar dam pa'i chos nub pa'i tshe/ nyi tshe ba'i spyod pa la zhugs pa'i sems can rnams kyi chos sngar nub par 'gyur la/ phyis skyes bu dam pa blo gros rgya mtsho lta bu sangs rgyas kyi theg pa yang dag par 'dzin pa de dag gi lag nas dam pa'i chos nub par 'gyur ro/ /ji ltar rgya mtsho las byung ba/ rin po che rin chen sdud ces bya bar bsngags pa/ sreg pa'i bskal pa byung yang mi tshig ste/ de yang 'jig rten 'jig tshe gzhan du 'gro/ de bzhin dri ma med pa'i chos 'jig tshe// brtson 'grus mchog ldan de dag 'bad cing 'dzin/ /snod min 'jig rten chos min 'dod rig nas/ /khams pa rgyal ba gzhan gyi drung du 'gro/ chos rnams thams cad 'byung ba med pa bstan pa las/ lan cig kho nas brgyal bar 'gyur ba min/ /rigs pa'i rim dang bya ba'i rim gyis 'thob/ /bskal pa khrag khrig bye ba grangs mang du/ /go cha bgos pas 'thob kyi gzhan du min/ /rigs kyi bu bdag bsrung bar 'dod pa des gzhan su'i spyod pa la yang brtag par mi bya ste/ 'di ni 'di 'dra'o/ /'di ni 'di 'dra'o/ /zhes dpyad bar mi bya'o/ /chos 'di thos shing mir gyur pa'i/ /'dod pa'i yon tan lnga chags khyim pa'ang bla'i/ /bstan pa 'di la rab tu byung gyur cig /dmigs lta sbyangs pa'i yon tan

  291. 146a

    rlom pa min/ /'phags pa nam mkha' mdzad kyis zhus pa las/ dge ba'i rtsa ba ni sems dang po bskyed pa ste/ sangs rgyas kyi chos kun gyi rtsa ba'o/ /bsod nams ni sems bskyed ma thag tu sems can dang theg pa dman pa'i bsod nams zil gyis gnan pa'o/ /ye shes ni dge ba'i rtsa ba de dag bla na med par bsngo ba'o/ /shes rab kyi ye shes kyis ni sems can thams cad kyi nyon mongs pa thams cad yongs su 'dor/ /thabs kyi ye shes kyis na sems can thams cad mi btang ba ste/ tshig nam mkha' dang mtshungs pa'i phyir gshe yang slar mi gshe lus nam mkha' dang mtshungs pa'i phyir brdeg kyang slar mi brdeg /sems nam mkha' dang mtshungs pas spyo yang slar mi spyo/ /bsam pa nam mkha' dang mtshungs pas khros kyang slar mi khro /dge ba'i rtsa ba ni dge ba'i bshes gnyen rab tu rnyed pa'o/ /bsod nams ni dge ba'i bshes gnyen yongs su mi gtong ba'o/ /ye shes ni dge ba'i bshes gnyen la kun dri bya'o/ /thos pa ni shes rab chen po'i rgyu ste/ /sems kyi rang bzhin 'od gsal bas/ /'khor los sgyur ba'i rgyal po bsod nams kyis brgyan pa de la btsun mo yang brgyad khri bzhi stong/ bu yang brgyad khri bzhi stong yod do/ /dge ba'i rtsa ba ni sdig pa so sor 'chags pa'o/ /bsod nams ni dge ba'i rtsa ba thams cad la rjes su yi rang bar bya'o/ /ye shes ni sangs rgyas thams cad la gsol ba 'debs pa'o/ /shes rab gang ngoms de dag shin tu ngoms/ /byang chub kyi sems ni chos gnyis kyis bsdus na phyir mi ldog par gnas so/ /gnyis gang zhe na/ bsam pa dang lhag pa'i bsam pa'o/ /de la bsam pa ni g.yo med pa dang sgyu med pas bsdus so/ /lhag pa'i bsam pa ni de la chags pa dang/ khyad

  292. 146b

    par du 'gro bar bsdus so/ /sems kyi dmigs pa ni bdud kyi yul te/ klu'i rgyal po rgya mtshos zhus pa las/ chos bzhi dang ldan na ma khom pa spong bar 'gyur te/ dkon mchog gi bsngags pa brjod pa dang/ chos 'dod pa rnams g.yengs par mi byed pa dang/ bdag gi 'gyod pa mi skye ba dang/ gzhan gyi 'gyed pa sel ba'o/ /chos gnyis dang ldan pas mi dge ba'i chos rnams bsal nas mi dge ba'i chos 'gog par 'gyur te/ gnyis ni phung po gsum gyi bsngo ba dang ldan pa dang/ bag yod par gnas pa'o/ /yang gnyis te/ dag pa'i rang bzhin du gyur pa dang/ rnam par smin pa la mi re ba'o/ /chos brgyad dang ldan na rab tu byung ba'i yon tan yongs su rdzogs par 'gyur te/ gang zhe na/ 'phags pa'i rigs kyis chog par 'dzin pa dang/ sbyang pa'i yon tan dang/ yo byad bsnyungs pa mang du thos pa/ sems nges par sems la dga' ba/ byang chub pa'i bsam pa la ma rmongs pa dran pa mnyam par gzhag pas gnas pa/ ting nge 'dzin dang shes rab sgoms pa la brtson pa/ brtsams pa thams cad bsrung ba snying por byed pa/ 'khor gyi nang du 'ong la zab mo'i chos kyi gtam gyi bar bgyid de gtam sna tshogs gleng ba gang yin pa de ni dam pa'i chos mi nub pa'i phyir brtson pa yin no/ /de ci'i phyir zhe na/ dzam bu'i gling 'dir ji srid zab mo'i chas grag pa de srid du chos nub par mi 'gyur ro/ /sangs rgyas kyi zhing 'di'i gling bzhi pa'i 'jig rten gyi khams bye ba phrag brgya ba ji tsam pa de tsam gyi gling bzhi bar byung ba la de lta bu'i bye ba brag brgya/ de ni mi rnams par ma dor 'chi ba med/ legs par gsungs pa'i chos 'dul ba la rab tu byung nas tshul khrims yongs su rdzogs par ma byas te/ cho ga nyams dang/ 'tsho ba nyams ? ?

  293. 147a

    tshul khrims nyams pa ni yongs su rdzogs par byas la/ de dag gi lta ba drang por 'gyur te/ des na sems can dmyal ba rnams su mi skye'o/ klu'i gnas su skye bar 'gyur byang bzhin bzang po la phrag dog mi byed pa de ni lus chen por 'gyur/ bya'i rgyal po nam mkha' lding bzhis/ khyi'u bzhi pa'i ting 'dzin las/ dbu ni shar phyogs/ zhal ni byang phyogs/ rgyab ni lho phyogs su bstan la/ glo g.yas pas phab drang srong rgyas pas zhus pa las/ nor gang yin pa de ni sbyin bdag yin/ byed du bcug pas byin pa ni/ sbyin pa po yin gyi/ sbyin bdag ma yin no/ /gang rang gi dngos po bdag nyid kyis sbyin pa de ni sbyin pa po yang yin la/ sbyin bdag kyang yin no/ /dug dang mtshon cha dang srog chags bsad de sha dang/ bag med pa rnams pa chang sbyin pa dang/ 'di dag ni bdag gi rim gro dang/ mchod par 'gyur ro snyam nas sems can bsdu ba dang/ 'thob pa'i phyir bsdu bar sbyin pa yongs su ma dag pa'o/ /rtsed mo la sogs pa bya ba'i phyir rol mo mkhan la sbyin pa ni yongs su ma dag pa'o/ /sangs rgyas dang dge 'dun dang chos smra ba dang nang ba dang/ pha ma la sbyin pa byin pa ni sbyin pa bla na med pa'o/ /de bzhin gshegs pa bzhugs pa dang yongs su mya ngan las 'das pa la mchod pa byed pa ni rnam par smin pa mtshungs so/ /dge ba byas pa ma'i mngal du skyes pa na/ zhag bdun gyi bar du/ bdag de nas shi 'phos te/ 'dir skyes te las 'di lta bu zhig gis 'gyur to/ zhes bya bar dran no/ /mi dge ba byed pa yang de dang 'dra'o/ /lha phreng ba thogs pa dag gnyis kyis gnyis sprod kyi khu ba ni mi 'byung/ bu mngal na zhag bdun gnas nas dku g.yas nas 'byung ngo/ /rgyal chen bzhi'i ris kyis lhar bar dor 'chi ba'i dus mi byed/

  294. 147b

    sum cu rtsa gsum pa'i lha ag 'tshoms dang spu thung dang/ cho 'phrul chen po bstan pa las/ mngon par rtogs pa gcig tu 'dus pa la/ bden pa bzhir yongs su brjod/ byang chub kyi gnas kyi rjes su 'jug pas/ byang chub sems dpa' zhes bya'o/ /brtsam pa chen po nyam 'og tu chud par byed pa dang/ ye shes chen po yongs su rdzogs par byed pas sems dpa' chen po zhes bya'o/ /sangs rgyas kyi yongs su bzung ba'i tshig gis sems can thams cad kyi nyes par smra ba zil gyis non par byed pa de lta bu ni chos smra ba yin no/ /sems can thams cad la 'dun cing mi dge ba mi byed pa ni nga rgyal med pa'o/ /bdag tshul khrims la gnas la/ sems can thams cad kyi 'gyod pa dang/ kun nas sdang ba bsal ba'i phyir chos ston pa ni 'dul ba smra ba'o/ /byang chub sems dpa' i sde snod las/ bdag dang sems can dang gang zag la sogs pa ni yang dag pa ma yin pa'o/ /byis pa thos pa dang mi ldan pas/ bdag la sogs pa yongs su rtogs pa ni yang dag pa ma yin pa kun rtog pa'o/ /nga ni tshul khrims ldan zhes bdag ma bsnyems 'di ni tshul khrims don zhes gzhan ma brnyas/ /tshul khrims tsam gyis gzhan la gang brnyas pa/ /bsnyems phyir de ni tshul khrims 'chal ces bya/ /de bzhin gshegs pa'i ye shes chags pa med pa ni 'jig rten gyi khams gang+gA'i klung gi bye ma snyed kyi shing la sogs pa thams cad gcig tu spungs te/ bsregs la rgya mtsho chen por btsos na/ de las rdul blangs na 'di ni 'di'o zhes bya bar yang mkhyen la chags pa yang mi mnga' o/ /rgyun du zhugs pa srid pa brgyad pa mngon par sgrub pa ni gnas ma yin no/ /tshe de nyid kyi yongs su mya ngan las 'das pa ni

  295. 148a

    gnas yin no/ /de bzhin gshegs pa'i sku la chos gos sor bzhi tsam gyis mi rig mod kyi rnam par 'thor rlung gis kyang bskyod par mi nus so/ /byang chub sems dpa' sems dang po bskyed pa rnams kyi byams pa ni sems can la dmigs pa'o/ /spyod pa la zhugs pa rnams kyi ni chos la dmigs pa'o bzod pa thob pa rnams kyi ni dmigs pa med pa'o/ /byang chub sems dpa' mkhas pa ni sbyin pa nyung du yang mang por byed do/ /ye shes kyi stobs kyi lhag par byed do/ /shes rab kyis rgyas par byed do/ /bsngo bas dpag tu med par byed/ /gang zag sbyar ba dman la mos pa rgya che ba yang yod/ mos pa dman la sbyor ba rgya che ba yang yod/ bud med ni nyes pa mang ba rgyu mkhas pa sems yod pa/ sems 'gyur pa sems mi bstan pa/ sems rab tu g.yo zhing mi brtan pa spre'u'i sems spre'u dang mtshungs sgyu ma ston pa la mkhas pa ste/ de'i phyir bud med ces bya'o/ /byang chub sems dpa' mkhas pa ni ldog pa bzhi bskyed de/ 'dod pa dang srid pa dang/ byas pa ma bzo ba dang/ 'du byed du gtogs pa'i sdug bsngal las ldog pa'o/ /theg pa chen po la zhugs pa'i rigs kyi bus/ bud med kha dog rgyas pa mthong na 'du shes bzhi bskyod par bya ste/ nyams par 'du shes pa dang/ g.yang sar 'du shes pa dang/ phyis khung du 'du shes pa dang/ rnag tu 'du shes bskyed do/ /gal te de ltar brtags kyang 'dod chags skye ba lta na/ 'du shes gsum bskyed par bya ste/ ma 'dra ba la ma'i 'du shes dang/ sring mo 'dre ba la sring mo'i 'du shes dang/ bu mo 'dra ba la bu ma'i 'du shes bskyed do/ /shA ra'i bu de bzhin gshegs pa'i bstan pa'i bar du gcod pa dang/ 'jig par byed pa ni

  296. 148b

    dge slong sdig can las gzhan gang yang med do/ /byang chub sems dpa' i khyim pa chos lnga dang ldan na sangs rgyas 'byung ba mnyes par mi byed/ dge ba'i bshes gnyen la mi brten/ dal ba 'byor pa mi rnyed/ dge ba'i chos sgrub pa chus gzon sha sdom pa la gnas pa'i byang chub sems dpa' i rjes su mi slob 'tshang mi brgya'o/ /lnga ni rgyal pos bkrabs par 'gyur/ skya bo mang pos skrag par gyur la/ skye bo mang pos bdag cag gi 'di bgyir gsol zhes don btsol? ba las bya ba khas ches nas mi byed pa dang/ dge slong dang dge slong ma dang dge bsnyen dang dge bsnyen ma grong ngam/ ljongs sam yul lam pho brang 'khor du gnas par gyur pa la/ de dag gis tshul khrims nyams par byed pa dang/ pha ma dang bu pho dang bu mo dang sring mo dang mdza' bo dang/ nye du dang sems can gzhan yang rung ste/ chos byed pa'i bar chad byed pa dang/ de bzhin gshegs pa'i bstan pa zab mo thas na ma dang ci/ kha tshor la gzhan yang de las 'dun pa bzlog pa dang/ blon po 'am 'khor gzhan stobs chen po la bsten cing/ dbang phyug bsnyems pas skye bo mang po la gshe brgya/ 'phyas 'dogs thing slad byed do/ /rab tu byung ba yang chos lnga dang ldan na de ltar 'gyur te/ lnga ni 'chal ba'i tshul khrims spyod pa dang/ dam pa'i chos la slong pa dang/ rnyed pa dang bkur sti dang/ tshigs su bcad pa la chags pa dang/ bdag tu lta ba'i thigs po dang/ gzhan gyi khyim la phrag dog dang ser sna byed pa'o/ /ye shes kyi tshogs ni sbyin pa bzhi ste/ chos smra ba la rim gro dang smyu gu dang snag cha dang glegs bam sbyin pa dang/ stan sna tshogs sbyin pa dang/ bkur sti dang tshigs bcad thams cad sbyin pa dang/ g.yo med par legs so zhes bya ba sbyin pa'o/ /da

  297. 149a

    ltar gyi sangs rgyas mngon du bzhugs pa ting nge 'dzin las/ bu dang bu mo la dgrar 'du shes pa/ chung ma la sring mor 'du shes pa/ 'di ltar ma gus pas na dam pa'i chos nub par 'gyur ro/ /gang zhig ting nge 'dzin 'di ni gzungs 'dod pas/ ngo mi rtag pa thams cad spong bar bya/ yongs su mya ngan las 'das nas lo bzhi stong du ting nge 'dzin 'di dzam+bu'i gling na spyod par 'gyur te/ lo brgya pa tha ma phyi ma'i tshe phyi ma'i dus lnga brgya pa tha mar gyur pa/ dngos po'i 'du shes can gyi sangs rgyas mthong bar mi 'gyur/ chos kyi 'du shes can gyis mthong bar mi 'gyur/ rnam par smin pa'i re bas gtong ba phun sum tshogs par mi 'gyur/ bsgom pa la mngon par dga' bas tshul khrims rnam par dag par mi 'gyur/ chos la ser sna byed pas mang du thos par mi 'gyur/ gang zag la brten pas yongs su mya ngan las 'das par mi 'gyur/ bre mo'i gtam la dga' bas bden pa mthong bar mi 'gyur/ gnas la dga' bas 'bras bu thob par mi 'gyur/ rjes su chags pas skyon mthong bar mi 'gyur/ gnod sems la dga' bas des par mi 'gyur/ sdang zhing zhe 'gras pas phan yon mthong bar mi 'gyur ro/ /bka' mi bca' ba dang/ mdza' rtag pa dang/ mi rtags pa spangs pa/ nyes par lta ba med pas slob dpon gyi phyi bzhin 'brang bar bya'o/ /bsod nams kyi stobs kyi rtogs pa brjod pa las/ gang dag shin tu gtang dka' gnyung duAng mang po gtong byed na/ shing yang de ni shing ma yin/ rgyags zad ba yi 'gron po bzhi ni/ bsod nams min pas phan pa'i sman/ shin tu gnod pa dag tu 'gyur/ mthu rtsal nyams la dregs pa yi/ bag med chang gis rtag myos shing/ gang dag bsod nams mi byed pa/ /de dag shi ba snying

  298. 149b

    nas shi/ sor mo'i phreng bas/ 'jam dpal skyes bu chos 'dod pa la la zhig bdag nyid dus gnyis su za ba las/ la la zhig gis bstan te zas lan gcig par gyur na/ srin bu'i rigs brgyad cu bstod par 'gyur ro/ /ji ste de ltar byung na de dag la srog gcod pa dag par mi 'gyur ro/ /dam pa'i chos nub par 'gyur ba'i dus na dge slong gi gzhi las gzhan du 'gyur/ sems can thams cad la de bzhin gshegs pa'i snying po ma byas brtag par g.yung drung mchan dang dpe byad bzang pos brgyan pa yod de/ dper na chu dang 'o mar 'dres pa mi dmigs pa de bzhin du/ sangs rgyas kyi dbyibs kyang nyon mongs pas g.yogs mad kyi/ de gnyis 'dres par 'gyur ba'i gnas med do/ /nyon mongs pa med pa nas nyi zla sprin las grol ba bzhin snang ngo/ /sngon phyugs su gyur pa'i sems can ma rgal ba la da dung so sgra khrig khrig zer ba de dag /de bzhin gshegs pa'i snying po la yid mi ches so/ /de bzhin du sngon las ngan pa byed byed pa ril yid mi ches te/ de dag la skyon ril 'byung ngo zhes 'byung ngo/ /bsod nams can de dag ni dad par 'gyur te/ de dag ni skye ba thams cad du legs dgu 'grub par 'byung/ kha tsha yul gyi dge slong rnams sgrub pa'i don mi shes nas/ theg pa chen po thams cad la smad pa 'byung ste/ de la skur ba 'debs ba de la ci ltar bya zhes/ /nga yang ngo tsha ba skye'o/ /ma 'ongs pa na sems can gang dag bud d+ha'i sku phra ma phrad pa las skyes pa/ rus pa dang rgyud pa dang/ rkang dang khrag can mi'i lus so zhes zer ba de dag /'jig rten na mi sdug pa'i skyon can zha bo gzhogs nyams pa kha mnam pa yan lag ma tshang ba dang/ ngan song gi sdug bsngal gyi skal pa can du 'gyur/ /dper na sog bur gyi phung ba'i nang du me bcug na/

  299. 150a

    sog ma'i phung po'i dbus/ tshig la mdza' 'khor mi tshig pa de bzhin du/ 'jam dpal dang po nga skyes pa'i yul na nan tan lhur len pa zhig ste tshig pa las/ lho phyogs kyi rgyud du lhag ma lus te?/ mdza' 'khor na gnas pa'i byang chub sems dpa' skyes pa der/ rdzogs pa'i sangs rgyas snang par grags pa yin no/ /gang cig tu stong par smra ba dang/ bdag tu lta ba de gnyis ni/ dam pa'i chos 'jig pa dang/ mkhas 'bub pa'o/ /dbu ma'i lam zhes bya ba ni theg pa chen po'i tshig bla dags so/ /dbu ma'i lam mi shes pas/ sems can rnams dbu ma'i lam gzhan du rtog go /sor mo'i phreng ba'i ma yang sprul pa yin par 'gyur/ sor mo'i phreng ba dang 'jam dpal gnyis sangs rgyas yin par bshad/ 'phags pa chos yang dag par sdud pa las/ byang chub sems dpa' ni yal bar 'dor ba bcu dang lhan cig mi 'phrogs te/ bcu ni dam pa'i chos yongs su 'dzin pa dang/ dam pa'i chos nyan pa dang/ sems can yongs su smin par bya ba dang/ dam pa'i chos sbyin pa dang/ bla ma thams cad la rim gro bya ba dang/ bdud kyi las dang/ sems can dkrug pa dang/ dam pa'i chos rab tu rnam par 'jig pa dang/ pha rol tu phyin pa dang/ phung po gsum po'i yongs su bsngo ba dang/ lhan cig mi 'grogs so/ /'dzam bu chu bo'i gser las grub pa/ mgar bas ma brdungs/ sbyin pa ni zas la sogs pa sbyin pa'o/ /sbyin pa chen po ni bu dang chung ma dang rgyal srid la sogs pa gtong pa'o/ /shin tu sbyin pa ni mgo dang lag pa la sogs pa gtong pa'o/ /bcom ldan 'das byang chub sems dpa' ni mya ngan las 'das pa las

  300. 150b

    rnam par grol zhing/ 'khor ba las ni ma lags so/ /de ci'i slad du zhe na/ byang chub sems dpa' mya ngan las 'das pa la 'jigs par bgyi'o/ /'khor ba la na ma lags so/ /byang chub sems dpa' chos shin tu mang po ba slab par mi bgyi'o/ /bcom ldan 'das byang chub sems dpa' chos gcig tu bzung zhing rab tu rtogs par bgyis na/ /sangs rgyas kyi chos thams cad lag mthil du mchis pa lags so/ /chos gcig po gang zhe na/ 'di lta ste snying rje chen po'o/ /bzhi pa sgrub pa las/ thams cad mkhyen pa nyid dang/ sems can 'grol ba dang/ dkon mchog gsum gyi gdung mi 'chad par bya ba dang/ sangs rgyas kyi zhing gi yon tan bkod pa yongs su bzung ba la dmigs nas/ de bzhin gshegs pa'i mchod pa bya'o/ /bzhi po 'di dag ni lhag pa'i sems bskyed pa de/ bzhi ni sems can bsdu ba dang/ smin par bya ba dang/ dge ba'i rtsa ba bsags pa dang/ chos rtogs par bya ba'i phyir sems bskyed pa'o/ /sems bskyed pa brag ca lta bu bzhi ni slong ba la khong khro ba med pa dang/ log par zhugs pa la snying rje ba dang/ shes rab las mnyams pa dang/ rtsol ba nyams 'og tu chung pa'i sems so/ /sems bskyed pa mngon par 'phags pa bzhi ni tshul khrims dang thos pa dang/ byams pa dang/ snying rje mngon par 'phags pa'o/ /sems bskyed pa rdo rje lta bu bzhi ni/ bsam pa dang/ mdza' ba dang/ nan tan dang/ theg pa chen po las mi phyed pa'o/ /sems bskyed pa rnyed dka' ba bzhi ni/ nyon mongs pa dang/ rnyed pa dang/ bkur sti dang/ tshigs su bcad pa dang/ theg pa dman pa dang/ skye bo mi bgrung pa dang/ me 'dres pa'o/ /sems bskyed pa bla na med pa bzhi ni phangs pa thams cad gtong

  301. 151a

    ba dang/ btang nas mi 'gyod pa dang/ rnam par smin pa la mi re ba dang/ byang chub tu bsngo ba'i sems bya'o/ /spyi bor phyin pa'i chos bzhi ni/ shes rab kyi pha rol tu phyin pa dang/ thabs mkhas pa dang/ dam? pa'i chos 'dzin pa dang/ sems can smin par byed pa'o/ /chos gya nom pa dang/ dam pa'i mchog bzhi ni/ sems can la khong khro ba med pa dang/ gang dag 'gal bar byed pa dag nyid la rab tu thar bar bya bar sems bskyed pa dang yul rgya chen po 'byor kyang de la bag yod pa dang/ dbul bas phongs kyang chos spyod pa'o/ /dge ba'i chos bzhi ni/ dge ba thams cad la sbyor ba dang/ ma brlabs pa la mi bsnyes pa dang/ ma gsol bar sems can gyi bshes gnyen byed pa dang/ yon tan bsgrubs pa la lan re ba med pa'o/ /tshangs pas byin gyis zhus pa las/ chos bzhi dang ldan na byang chub sems dpa' dmu rgod yin te/ gang zhe na/ khwa ltar bkru zhing mu cor smra ba la gzhan gyi yid dang mi sbyor ba yin/ /bdag stod cing gzhan smod ba yin/ tshe 'di ched cher 'dzin pa yin/ mthun pa 'byed pa yin no/ /gang zag phrag dog can dang/ mi btson pa dang/ smra ba la dga' ba dang/ bre mo gtam byed pa dang/ tshul bzhin ma yin pa dang/ sbyor ba dang bral ba rnams gang na ba de na/ sangs rgyas dang byang chub sems dpa' mi gnas so/ /bzhi po 'di dag ni bstan pa 'di la rab tu byung ba'i g.yang sa yin te/ gang zhe na/ 'di sangs rgyas la ma gus pa dang/ chos spong ba dang/ chos smra ba la sdang ba dang/ mngon par brtson pa med par dad pas byin pa len to/ /mya ngan med kyis byin pa lung bstan pa las/ byang chub sems dpa' la ni khyim pa 'am/ rab tu byung ba zhes gzung bar mi

  302. 151b

    bya'o/ /ci'i phyir zhe na/ de dag ni bsam pa dang shes rab dang/ ye shes kyis phye ba yin pa'i phyir ro/ /spobs pa'i blo gros kyis zhus pa las/ chos lnga dang ldan na/ skye ba thams cad du dkon mchog gsum dang phang pa thob/ /chos kyang thos ji ltar 'dod ba bzhin phun sum tshogs pa yang 'thob par 'gyur te lnga ni/ bdag nyid dkon mchog gsum la skyabs su song nas/ gzhan yang de la 'dzud pa dang/ de bzhin gshegs pa'i sku gzugs rgyas par byed du 'jug pa dang/ mkhan po dang slob dpon la gus pa dang bcas shing mthun par 'dzin pa dang/ sems can thams cad la bu gcig pa bzhin sems dpa' dang/ mdo sde zab mo kha ton byed pa la sogs pas bar chags med par sgrub pa'o/ /'phags pa las kyis sgrib pa rnam par dag pa las/ byang chub sems dpa' 'dod pa'i yon tan lnga po dag la mngon par dga' zhing/ mi gtong mi spong la/ sangs rgyas kyi chos kyang 'dod pa'i ngo bo nyid du mthong ba/ des ni las kyi sgrib pa dag 'thob par 'gyur ro/ /kun nas sgo'i le'u las/ bskal pa bye ba bsam yas su/ nga yi chos ni gnas gyur la/ nyin gcig bzhin du nyin re la/ stong gsum sems can ji snyed pa/ thams cad mya ngan 'das byas shing/ /thams cad de ltar byas kyang ni/ /sems can khams la zad pa med// des pa dang ma nges par 'gro ba'i ting nge 'dzin 'jug pa las/ /gang zhig gis sdang ba'i sems kyis/ nyan thos dang rang sangs rgyas dpag tu med pa'i tshul khrims la sogs pa'i phung po lnga med par byas la/ gzhan zhig sdang ba'i sems kyis theg pa chen po la mos pa'i byang chub sems dpa' i tshul khrims tha na/ bslab pa gcig tsam yang med par byas na/ de bas sdig pa ches grangs med pa bskyed do/ /'ga' zhig gis phyogs bcu'i 'jig rten gyi sems can thams cad brtson

  303. 152a

    ngar bcug pa bas/ 'ga' zhig gis sdang ba'i sems kyis byang chub sems dpa' la khros te/ 'di dang ma phrad par gyur cig ces 'dug na snga ma bos ches sdig che'o/ /'ga' zhig gis phyogs bcu'i sems can thams cad kyi mig phyung ba las/ 'ga' zhig gis byang chub sems dpa' la khros te bltas na sdig pa ches che'o/ 'ga' zhig gis phyogs bcu'i 'jig rten thams cad kyi rang sangs rgyas la rang sangs rgyas las nyams par byas la/ 'ga' zhig gis byang chub sems dpa' gcig /byang chub sems dpa' las nyams par byas na ches sdig che'o/ shes rab kyi pha rol tu phyin pa 'bum pa las/ pha rol tu phyin pa drug la 'jig rten pa yang yod/ 'jig rten las 'das pa yang yod/ /dmigs pa can thams cad ni 'jig rten pa yin te/ 'jig rten las mi g.yo mi 'phags ba so zhes 'byung/ /dmigs pa med pa ni 'jig rten las 'das pa zhes 'byung/ de gnyis ka yang pha rol tu phyin ba zhes ni bya bar 'byung/ bu mo blo gros bzang mos zhus pa las/ chos bzhis ni mdzes par 'gyur te/ dgra la yang mi khro ba dang/ byams pa la gnas pa dang/ chos 'dod pa dang/ de bzhin gshegs pa'i sku gzugs byed du 'jug pa'o/ /bzhi dang ldan na nor mang bar 'gyur te dus su spyin pa dang/ 'gyod pa med par sbyin pa dang/ yid du 'ong ba sbyin pa dang/ rnam par smin pa las mi re bar byin pa'o/ /bzhi dang ldan na 'gran zla med par 'gyur te/ g.yo med par dge ba'i bshes gnyen la brten pa dang/ dge ba'i rtsa ba la ser sna mi byed pa dang/ gzhan gyi rnyed pa la dga' ba dang/ byang chub sems dpa' i bya ba dang gnas pa thams cad la mi khro ba'o/ /

  304. 152b

    bzhi dang ldan na 'chi ba'i dus kyi che sangs rgyas mdun na bzhugs shing/ chos thos la sdug bsngal med par 'gyur te/ gzhan gyi bsam pa rdzogs par byed pa dang/ chos pa mang ba dang/ byang chub sems dpa' sbyin pa bkod pa sna tshogs sgrub pa dang/ dkon mchog gsum mchod par brtson pa'o/ /dpal yong gi mdo las 'di ni chos 'dul ba la 'phel ba ste/ nyes bas nyes pa can du mthong na 'chags shing 'thol te phyin chad kyang sdom pa'o/ /shes rab kyi pha rol tu phyin pa lnga brgya pa las/ rab 'byor gang yang bcom ldan 'das kyis/ gzugs rang bzhin med ba dang/ skye ba med pa dang/ gdod ma nas zhi ba dang/ rang bzhin gyis yongs su mya ngan las 'das par bstan pa gang yin pa de thams cad ni ldem por dgongs pa ma yin pa ste/ sgra ji bzhin nyid du shes par bya'o zhes smras na/ de ni phyi rol pas kyang phyis so so skye bo'i phyogs la gnas pa ste/ log par smra ba'o/ /gang la la zhig gis gzugs la yang yang dag pa ma yin pa kun rtag ba tsam du yang dag par mi mthong pa de dag /gzugs la gzugs su dmigs pa'o/ /chos thams cad kyi yon tan bkod pa'i rgyal po las/ /chos bzhi dang ldan pas dgon par gnas par bya ste/ khyim na gnas pa spong ba dang/ mi dge ba'i bshes gnyen spong ba dang/ khyim pa spong ba dang bdog pa thams cad gtong ba'o/ /chos gnyis kyis dmyal bar ltung ste/ 'dod chags dang zhe sdang ngo/ /chos bzhis mtho ris su 'gro ste/ sems can la sems snyoms pa dang/ bsam pa dag pa dang/ bdog pa thams cad gtong ba dang/ tshangs par spyod pa la gnas pa'o/ /des pas zhus pa las/ chos bzhi dang ldan na de bzhin gshegs pa mthong ba don yod pa yin te/ bzhi ni/ yid ches pa dang/ ngang pa dang/ 'phangs par

  305. 153a

    'dzin pa dang/ gus pa'o byang chub sems dpa' ni gang la bdag nyid kyang 'dod pas spong bar gyur pa la/ gzhan yang 'dod pa'i sems bskyed par mi 'gyur ba de lta bu'i gos bcang bar bya'o/ / sangs rgyas kyis stobs bskyed pa'i cho 'phrul rnam pa'i bstan pa las/ de dag na de bzhin gshegs pas mchod pa'i phyir tha na gzhad gang dam/ ku re 'am byis pa'i bkyal kas rtsed mo byas kyang 'jim pa la mchod rten byed na/ de dag thams cad kyang sdug bsngal mthar byas nas 'tshang rgya bar 'gyur ro/ /rdo rje snying po'i gzungs las/ gang dag chos thams cad la dngos po med par lta ba de ni skye bar yang mi 'gyur 'gag par yang mi 'gyur te/ chos thams cad nam mkha' i ngos lta bur mthong sangs rgyas kyi chos rnams kyang mi dmigs mi 'dor ro/ /byang chub sems dpa' i spyod pa nges par bshad pa'i rin chen byin gyis zhus pa las/ byang chub sems dpa' i yon yongs su sbyong ba'i ni lnga ste/ lnga gang zhe na/ lus mi dmigs pa dang/ sbyin pa la ma zhen pa dang/ rnam par smin pa las mi smod pa dang/ len pa la rnam par smin pa la mi re ba'o/ /byang chub sems dpas chos bzhi rtag tu mngon du bya ste/ bzhi ni stong pa nyid kyi ting nge 'dzin dang/ sangs rgyas rjes su dran pa dang/ snying rje chen po dang/ bdag nyid kyi las kyi rnam par smin pa'o/ /glang po'i rtsal las/ thams cad mkhyen pa bla med pa/ /mi gang zhig gis sangs rgyas shing/ /gang gA'i bye ma'i grangs rnyed dag /me tog rnams kyis bkang byas te/ /'jig rten mgon la phul ba bas/ /gang gis 'dir ni thal sbyar nas/ /byang chub tu ni sems btud na/ /'di ni bsod nams

  306. 153b

    ches mang te/ /de la tshad ni yod ma yin/ /de 'dra'i mchod pa gang yang med/ /de 'dra yi dam la yang med/ /sangs rgyas ye shes thob 'dod pas/ /chos rnams gang yang mi gzung zhing/ /chos rnams gang yang mi 'dor ro/ /klu'i rgyal pos zhus pa las/ zhi gnas kyis brgyan na nyon mongs pa thams cad 'joms par 'gyur ro/ /lhag mthong gis brgyan na spang dag par ji lta ba bzhin shes par 'gyur ro/ /sgyu ma lta bu'i ting nge 'dzin las/ /sems can kun la phan pa'i phyir/ byang chub tu ni sems bskyed na/ /mtshan mchog sum cu gnyis ldan pa'i/ /sangs rgyas dag la mchod par 'gyur/ /bad sa'i rgyal po 'char byed kyis zhus pa las/ /sbrang bu rma zhig mthong nas rgyug pa ci 'dra dang/ /phag ni ngan skyugs mthong nas rgyug pa ci 'dra dang/ /khyi ni sha yi don du bshan sar 'gro ba ltar/ /de bzhin mi mkhas bud med dang la dga' bar byed/ /rab tu mi 'bar thu lum gzung ba de bla la/ /de bzhin lcags kyi thu lum 'bar ba za bla zhing/ /me dong 'jigs su sdud ba rnams la reg pa bla'i/ /lag pa gnyis kyis nam yang bud med reg mi bya/ /bud med kyi dbang du song nas 'dod pa rnams la brten cing/ pha ma la brnyas pa dang/ ngan 'gror 'gro bar 'jug pa de ni skyes pa'i skyes bu'i skyon gnyis yin no// mi g.yo gtso bor gyur cing lha yi lhar gyur pa/ /thub pa chen po 'di 'dra'i gsung ni thos gyur na/ /rgas shing dbang po shin tu nyams gyur pa'i/ /pha ma sbyin gnas dam pa su zhig gso mi byed/ /mi rnams gang dag mi mkhas pa/ /rnga mo bung bu'i chos spyod cing/ /bud med mthong na rab rnyegs pa/ /ngan skyugs gnas la phag rnams bzhin/ /mi gtsang bum pa khra bo zhig /kha dog ldan par mthong mod kyi/ /nang na ha la ha la'i dug /drag po chen po yod pa ltar/ /de ni bud med brgyan

  307. 154a

    pa dag /gang dang gang na snang ba dang/ /gcin dang phyi sas gang ba yi/ /rkyal ba rlung gis bus pa bzhin/ /sangs rgyas rnams kyis bud med dag /phyi sa bzhin du mnan par bsgrags/ /ji ltar bar? ni yud tsam zhig /dangs shing skrag pa byung gyur kyang/ /des ni phyis sa mthong ba na/ /chags pa bskyed par byed pa ltar/ /rmongs pa rnams kyis chos thos nas/ /dge bar gsungs zhes brjod byed kyang/ /de'i sems bud med phyi bzhin song byi ba la ni byi la bzhin/ /rnam par dag pa bsdus pa las/ /dge slong chos de 'chi ba'i dus byas nas/ /'di ltar dam pa'i chos spangs pas bskal pa bcur sems can dmyal bar skyes so/ /bskal pa bzang po'i de la de bzhin gshegs pa gang dag 'byung ba tha ma'i che/ /khyod mi skye ba'i chos la bzod pa thob par 'gyur ro/ /bsam gtan bzhi thos der phan chad bskal pa grangs med pa gsum gyis bla na med pa yang dag par 'tshang rgya'o/ /mi blun po dag 'di skad du 'di lta ste/ dmigs pa'i tshul gcig dus byang chub thob po zhes zer te/ /de dag ni spyod pa yongs su ma dag pa ma yin no/ /brtson pa la bdud glags tshol gyi mi brtson pa la bdud kyis ci zhig bya bar 'gyur/ /byang chub sems dpa' i so sor thar pa las/ /byang chub sems dpa' rnams la g.yo dang/ /ser sna dang phrag dog dang/ /phra ma dag gis mngon par rdzogs par 'tshang rgya mi nus so snyam pa'i zhen pa'i sems med do/ /byang chub sems dpa' rnams la dus ma yin pa dang/ /ma sdong ba dang/ ra ro ba dang/ dug dang/ brteg pa dang/ mtshon dang/ 'gyod ba dang/ rang gi lag nas ma yin pa 'dod pa'i reg pa'i sbyin pa med do/ /blo gros mi zad pas zhus

  308. 154b

    pa las/ chos thams cad rjes su song ba'i sems ni byang chub kyi sems zhes pa'o/ /sum cu rtsa gsum pa'i le'u las/ lha'i bu khams gsum pa ni sems tsam du zad la sems de yang sgyu ma lta bu ste/ sems kyi chos nyid kyis yongs su btsal kyang mi rnyed do/ /sems gang gis yongs su btsal ba'i sems de yang mi rnyed do/ /sems can mi dmigs pas chos thams cad mi dmigs so/ /byang chub sems dpa' thabs la mkhas pa ni ji tsam du bdag sdug bsngal ba dang yid ni bde tsam du gzhan gyis sdug bsngal zhi bar bya ba'i phyir brtson no/ /chos bzhi dang ldan na chos zab mo rnams pa yang spyod la/ /yang dag pa'i mdza' yang mngon sum du mi byed do/ /bzhi ni dam bcas pa la brtan pas snying po la gnas pa dang/ zhum pa med pa'i brtson 'grus dang/ snying rje chen po dang/ thabs la mkhas pa'o/ /gling chen po bzhi pa 'di? 'ba' zhig tu mngon par rdzogs par sangs rgyas kyi/ gling gzhan du ma yin no snyam na maung+gal gyi bu khyod de ltar mi blta'o ci'i phyir zhe na/ gling chen po bzhi pa thams cad du/ sems can rnams kyi mos pa ji lta ba bzhin chos ston to/ /kha cig tu ni mngon par rdzogs par sangs rgyas/ kha cig tu ni yum gyi lhums na gnas pa/ kha cig tu ni dga' ldan gyi gnas na bzhugs pa/ kha cig tu ni yongs su mya ngan las 'das pa ngas yang dag par ji lta ba bzhin du rab tu shes so/ /de ltar 'di na rgyun bzhugs pa zhes bya la sogs pa/ dge sbyong gi tshul gyi 'bras bu bzhi rnam par bzhag pa lta bu de ni med kyi de dag thams cad stan cig la 'dug nas/ mngon par shes pa 'ga' zhig gis mngon sum du byed cing/ rnam par thar pa brgyad rjes su 'thob pa dang/ ye shes chen po thob nas nam mkha' la 'phags nas/ rang gi lus

  309. 155a

    mes sreg par byed cing yongs su mya ngan las 'da' o/ /maung+gal gyi bu chos bzhi dang ldan pa'i byang chub sems dpa' ni re zhig skye gnas lnga yin par 'gyur te/ bzhi ni byang chub sems dpa' i ming gis rnyed par 'tsho bar byed la/ byang chub sems dpa' i bslab pa la mi slob pa dang/ chos spong ba la btang snyoms su byed cing mi bzlog pa dang/ gzhan dag gi rnyed pa'i bar chad byed cing bsngags pa ma yin pa brjod pa dang/ lus dang ngag dang yid kyi las ma bsrungs pa'o/ /sdom pa gsum bstan pa las/ gang gi sems la rjes 'gyod pa yod pa de dag mtshams med dang mi dge ba bcu mi byed/ mi ra ngo bo'i lag pa nas 'dzin pa 'am rtsod par mi byed/ byams pa'i sems la zhugs pas gnas nyi shu yongs su spong ngo/ /bud med nyi shu ma tshang ba la chos mi 'chad/ dge slong mas dris pa'i lan mi gdab/ bud med kyi yi ge mi bri/ gnyen 'dab kyis mgron du bos par mi 'gro /dge slong mas bskugs pa la slar bskugs par mi bya/ dge slong mas phyin pa'i chos gos mi bgo /yugs sa mos bos na/ dge 'dun med par khas mi blang/ dge slong mas pos na lag bsnol mgo smad de phyogs de nas byol bar bya/ chos ston pa'i gnas su dge slong ma 'ongs na snyims pas gdong 'gab ste 'dug par bya/ chos gnyis kun tu bstan par bya ste/ gang zhe na/ chos thams cad la dngos po med pa'i chos nyid yongs su brtsal bar bya ba dang/ yongs su brtsal ba'i sems kyang bskyed par mi bya'o/ /ji ltar brtsal zhe na/ ji ltar yongs su brtsal ba de gnyis mi dmigs pa ltar ro/ /mi dmigs pas mi dmigs pa'i sems kyang bskyed par mi bya ste/ de ni log par lta ba yin pas khams gsum pa'i sems so/ /mis zhag drug gi bar du zan ma bros pa ni bla'i/

  310. 155b

    bstan pa 'di la rab tu byung nas bdag dang sems can nas/ mya ngan las 'das pa'i blta ba'i bar du lta bas dad pas byin pas spyod pa ni de lta ma yin no/ /ma 'ongs pa'i dus na dge slong brkam chags can phra ma can brlang ba/ rtsub pa khro gnyer can chos gsum po la gnas te/ sman dpyad dang/ nyo tshong dang/ bud med dang 'dra ba 'byung ngo/ /dper na khyi khro ba'i snar mkhris pas btab na phyir khro'o/ /de bzhin du ma 'ongs pa'i dus na skyes bu dam pa ma yin pa khyi dang wa dang 'dra ba dag 'byung ste/ de dag gis de bzhin gshegs pa'i gsung rab zab pa dang sdom pa thob nas phyir zhing khro'o/ /chos bzhi dang ldan pa'i sems can rnams gsung rab ji lta bu thos kyang skyo ba mi skye ste/ bzhi ni bag med pa dang/ rnam par smin pa la yid mi ches pa dang/ dmyal ba chen po la yid mi ches pa dang/ bdag 'chi ba la yid mi ches pa'o/ /gzhan yang bzhis skyo bar mi 'gyur te/ bzhi ni 'byung ba bzhon te bar chad med pa dang/ mthu stobs dang ldan pa dang/ 'dod pa'i yon tan la chags pa dang/ rnal 'byor ma myong zhing gdung ba'i stobs can du gyur pa'o/ /dge sbyong dang/ bram zer byed pa'i chos ni gcig ste/ chos thams cad la sems mi gnas pa'o/ /sems rtse gcig pa zhes bya ba ni yongs su btsal na chos gcig kyang mi dmigs pa'o/ /dge slong ma'i shes rab ni sor gnyis pa yin/ ma 'ongs pa na phan tshun stong ba stong pa zhes brjod/ yongs su rtogs so zhes tshig tu smra ba 'byung ngo/ /da'i tshe yang dag pa ji lta ba bzhin rtogs shing ma 'gal bar sbyong ba dang ldan par 'gyur ba'i dge slong ni dge slong nyis sdong gi dge 'dun gyi nang na gcig kyang dkon par 'gyur ro/ /bskal pa 'di ni 'das 'og tu/ bskal pa drug cu tham par ni/ sangs rgyas 'byung bar 'gyur na/ dga' ba

  311. 156a

    'di ni gal 'byung/ byang chub sems dpa' i khyim pas chos gsum mi bya ste/ gzhan gyi sbyin pa lam bos sam thabs med par mar gyi nying khu yang sbyin par mi bya ba dang/ rab tu byung ba'i bar chad mi bya zhing? bskul ba dang/ mchod rten gyi las gyi blar bskos na de la brten te yo byad du mi gcad pa'o/ /yang gsum mi bya ste/ skyes pa brtsed pa dang/ bud med 'tshong ba dang/ sman ma yin pa sbyin pa'o/ /yang gsum mi bya ste/ smad 'tshong ma'i thad du 'gro ba dang/ smra sems tha dad par spyod pa'i skyes pa dang/ bud med brten pa dang/ ba lang gsod pa'i gnas su 'gro ba'o/ /zung gi mdo las/ de nas bram ze dang gzhan mu stegs can spyod pa dang/ kun tu rgyu dang/ gcer bu pa dang/ rgyal po dang/ bdud sdig can 'khor dang bcas pa thams cad lhags nas/ g.yo bya ba'i phyir bcom ldan 'das la 'di skad ces gsol to/ /bcom ldan 'das bdag cag 'dir de bzhin gshegs pa'i gan du mchis te/ chos kyi rnam grangs 'di thos nas/ bdag cag sangs rgyas kyi bde ba 'di lta bu thob par gyur cig /'jig rten du de bzhin gshegs pa dgra bcom pa yang dag par rdzogs pa'i sangs rgyas 'di lta bu thob par gyur cig /bcom ldan 'das kyis bka' stsal pa/ bzhin bzang dag de de bzhin te/ ji ltar khyed de bzhin gshegs pa'i gan du lhags nas/ khyed kyis zung gi mdo'i chos kyi rnam grangs 'di thos nas/ bla na med pa'i byang chub tu sems bskyed do/ /des na khyed thams cad ring po mi thogs par bla na med pa yang dag par rdzogs pa'i byang chub mngon par 'tshang rgya bar 'gyur ro/ /bcom ldan 'das kyis tshig 'di gsungs ma thag tu/ de nas gzhan mu stegs can de dag thams cad mi skye ba'i chos

  312. 156b

    la bzod pa thob par 'gyur te/ thams cad kyang sa bcu la gnas pa'i byang chub sems dpar gyur nas/ de dag steng gi bar snang la 'phags ste/ pha rol tu phyin pa lnga pa las/ byang chub sems dpa' la sbyin pa sbyin pa na/ bdag gi sbyin pa 'di thams cad mkhyen pas ma gtogs par/ gzhan du smin par ma gyur cig ces de ltar bsngo na/ pha rol tu phyin pa'i grangs su 'gro'o/ /byang chub sems dpa' la thog ma med pa'i 'khor ba na thams cad mkhyen par yongs su ma bsngos pa'i sbyin pa btang ba yang thabs mkhas pas thams cad mkhyen pa nyid la byed cing bsngo na pha rol tu phyin pa'i grangs su 'gro'o/ /byang chub sems dpa' thog ma kho nar sbyor ba'i pha rol tu phyin pa la bslab par bya'o/ /nyams pa phyir bslang bar nus sam/ smras pa ji ste yang dag pa'i mdza' mngon sum du ma byas la/ ji ste bden pa ma mthong na'o/ /gal te byang chub sems dpa' gang+gA'i klung gi bye ma snyed kyi bskal bar khyim par gnas pa 'dod pa'i yon tan rnams la brten cing longs spyod la/ nyan thos sam rang sangs rgyas su sems mi bskyed na/ de tsam gyis ni byang chub sems dpa' tshul khrims 'chal pa zhes mi bya ste/ 'di ltar lhags pa'i sems dkrugs pa'i phyir ro/ /byang chub sems dpa' i 'gog pa'i snyoms par 'jug pa la dbang thob mod kyi/ mnyam par gzhog par ni mi byed do/ /'du shes dang tshor ba par gzhag na ni/ dgra bcom pa'i 'bras bu mngon sum du byed par blta ste/ yab dang sras mjal ba las/ bcom ldan 'das kyis gsung gcig brjod pa la/ skye bo bsam pa bzhin so sor 'tshal/ /bskal pa grangs med pa gzhal du med pa'i sngon rol na/ de bzhin gshegs pa dbang po'i tog ces bya ba 'jig rten du byung ste/ chos kun yid

  313. 157a

    la bya ba med pa/ /'di yang gzungs kyi sgo yin te/ bde bar gshegs pas gzungs su bstan/ stobs bcu rgyal ba ma dris par/ sras mchog byang chub lung mi ston/ de bzhin gshegs pas kun rdzob? dang don dam pa gnyis thugs su chud de zhes bya ba yang 'dir zad do/ /de yang bcom ldan 'das kyis stong pa nyid rab tu gzigs/ rab tu mkhyen legs par mngon du mdzad pas/ de'i phyir thams cad mkhyen pa zhes bya'i/ /'dod chags gnyen por zhi gnas bka' stsal pa/ /zhe sdang gnyen por byams pa gsungs/ /gti mug gnyen por lhag mthong ni/ /thub pa mchog gis sems can rnams la bstan/ /de bzhin gshegs pa ni ma skyes te/ chos thams cad kyang ma skyes pa'o/ /de bas na chos thams cad ni de bzhin gshegs pa'o/ /dmyal ba nas shi 'phos pa'i rtags skad che ba yin/ skad lhang lhang po yin/ sems can kun la yid mi rtog pa yin no/ /dung 'gro'i skye gnas nas shi 'phos pa'i rtags ni gnyid che le lo che mang du za ba yin/ mi gsal bar smra ba yin/ kun tu bskums te/ nyal ba yin/ gzhan du smra zhing gzhan du skye zhing g.yo byed pa yin/ bab chol du spyod pa yin no/ /gshin rje'i 'jig rten nas shi 'phos pa'i rtags ni skra ser rtag tu bkres bskom ser sna dang/ 'dod zhen che ba/ dngos po kun la rku ba'i sems yod la/ gzhan gyi rnyed pa la phrag dog che ba yin no/ /lha ma yin las shi 'phos pa ni/ khengs pa 'thab bkrol can/ khon du 'dzin pa/ nga rgyal can lus che ba/ mche ba snang ba/ dben la dga' ba/ kun la brnyad par byed pa yin no/ /mi las shi 'phos pa ni/ 'phags pa la brten pa/ /'phags

  314. 157b

    ba la smon pa/ /khrel dang ngo tsha shes pa/ mdza' bo la gdung ba/ gtong phod pa/ skad thams cad 'dzin pa'i mthu yod pa yin no/ /lha las shi 'phos pa ni mdzes pa/ gtsang sbra che ba/ rol mo'i sgral dga' ba/ byams pa che ba'i ngang tshul can/ 'jam par smra ba/ smra mkhas pa/ phan par bya ba la mkhas pa yin no/ /gang rnam par shes pa tha ma 'gag pa de ni 'chi 'phos pa zhes bya gang rnam par shes pa dang po 'byung ba de ni skye bo zhes bya'o/ /rgyal po nga las nu byung ba'i tshe 'dzam gling gi grong khyer thams cad bya gag gi 'phur stabs gyis chos ba tsam du nye'o/ /bsod nams thams cad sdud pa'i ting nge 'dzin las/ bsod nams su bya ba thams cad ni/ byang chub tu sems bskyed pa de'i khongs su 'dus shing rjes su zhugs pa'o/ /de bzhin gshegs pa rnams kyis/ byang chub sems dpa' gang la 'dug pa'i 'jig rten gyis khams de rdo rje'i rang bzhin du byin gyis ma brlabs na/ skyes ma thag tu goms pa bdun bor ba'i tshe/ thur du dpag tshad drug khri brgyad stong zhom bar 'gyur te/ 'og nas chu shing rta'i gnya' shing tsam gyi rgyun dag 'byung bar 'gyur ro/ /de bzhin gshegs pa'i yab yum las skyes pa'i stobs kyang/ mi bcu'i stobs nas/ ba lang dang/ lha dang/ byang chub sems dpa' la sogs pa bcu bcur bsgres pa/ drug cu la thugs pa bas kyang che ste/ tha ma ni byang chub sems dpa' skye ba gcig gis thogs pa yin par 'byung/ byang chub sems dpa' i tshul khrims kyi tshogs ni/ bslab pa 'dral ba las snying rje ba dang/ bslab pa dang ldan pa rnams la gus pa drag po'o/ /chos bzhi dang ldan na sbyin ba zang par 'gyur te/ ma bsngos? pa dang/ thabs mi mkhas pa dang/ dma' bar skye ba sgrub pa dang/ sdig

  315. 158a

    pa'i grogs po la brten pa'o/ /bzlog pa ni mi zad pa'o/ /byang chub sems dpa' blongs mo ba 'ongs na/ btang mi phod pa de lta bu'i g.yogs 'khor dang/ nor dang rgyal srid bzung bar mi bya'o/ /chos thams cad ni rnam par thar pa'i sgo kun nas ston pa'i phyir kun nas sgo'o/ /byang chub sems dpa' i chos 'dod pa rnams kyis ni/ ri dang ri sul dang shing dag gi nang du chos kyi mi gter bcug pa yod de gzungs dang/ chos kyi sgo mdza' yas ba glegs bam du byas pa dag khyad lag tu 'ong bar 'gyur ro/ /chos bzhi dang ldan na byang chub kyi sems brjed par 'gyur te/ lhag pa'i nga rgyal dang/ chos la ma gus pa dang/ dge ba'i bshes gnyen la khyad du gsod pa dang/ log pa'i tshig smra ba'o/ /chos bzhi dang ldan na byang chub kyis sems brjed par 'gyur te/ theg pa dman pa'i rnal 'byor pa dang 'dris par bya ba dang/ theg pa dman pa la mos pa dang/ byang chub sems dpa' la skur pa dang/ chos la slob dpon gyi dpe ma khyung byed pa'o/ /thos pas chos rnams shes par 'gyur/ /thos pas sdig pa byed mi 'gyur/ thos pas gnod pa spong bar 'gyur/ /thos pas mya ngan 'das pa thob/ /byang chub sems dpa' ni srog gi phyir yang sdig pa mi byed do/ /lus rtas pa'i phyir yang bas 'tsho ba mi byed do/ /srog gi phyir yang gzhan la slong khro mi byed do/ /longs spyod kyi phyir mi dge ba'i mngon par 'du mi byed do// yang bzhis brjed par 'gyur te/ sgyu byed pa dang/ sems can la g.yos ston pa dang/ dge ba'i bshes gnyen la lce gnyis byed pa dang/ rnyed pa dang bkur sti la chags pa'o/ /spyod pa brgyad khri bzhi stong ni 'dod chags zhe

  316. 158b

    sdang gti mug cha mnyam pa la spyod pa nyi khri tshig stong ngo/ /gal te byang chub sems dpa' lta ba 'ga' zhig la mngon par zhen te/ tha na sangs rgyas kyi chos dang/ mya ngan las 'das pa'i lta ba la mngon par zhen na/ de yang de bzhin gshegs pa'i sku bslub yin no/ /byang chub sems dpas ni dug gsum la yang spyad par bya zhing/ de dag dang yang bral bar bya'o/ /sems can la sems snyom pa dang/ 'gro ba lngar srid pa len pa ni byams pa'o/ /sems can thams cad sdug bsngal las dgrol ba dang/ 'khor ba'i lam las dgrol lo snyam pa ni snying rje ba'o/ /lha'i bu rab rtsal sams? kyis zhus pa las/ byang chub sems dpa' rnams gtan rdul ba nyid du yang shes par byed cing/ ltung ba dang nyon mongs pa dang bral la ltung ba dang nyon mongs pa gdul ba'i phyir chos ston par yang byed cing/ de ltar nyon mongs pa rtogs par byed la/ byang chub kyang tshol bar byed na/ de tsam gyis na 'dul ba 'dzin pa yin no// 'jam dpal gyis smras pa lha'i bu rnam grangs med pas sems can thams cad sangs rgyas su 'gyur gyi/ rnam grangs kyis ni ma yin no/ /lha'i bu stong pa nyid gang yin pa de nyid byang chub yin pas na/ bcom ldan 'das kyis kyang stong pa nyid rjes su rtogs pa kho na byang chub yin no zhes gsungs so/ /shes pas 'phags pa dang mnyam la thabs kyi 'phags pa ma yin par gnas na/ byang chub sems dpa' dgra bcom pa yin no/ /sgrogs pa yang gzhan gyis 'dra'i?? mi 'jog la/ thes pas kyang mi rlom pa ni/ byang chub sems dpa' nyan thos yin no/ /byang chub sems dpa' i spyod ba bstan pa las/ 'jam dpal gyis smras pa 'di la/ las dang po'i byang chub sems dpa' las ji ltar gdams

  317. 159a

    ngag bstan par bya/ ji ltar rjes su bstan par bya/ /rin chen byin gyis smras pa/ 'di skad ces bya bar smra bar bya ste/ 'dod chags ma spangs shig/ zhe sdang ma gzhil cig/ gti mug ma gsal cig/ rang gi lus las gyen du ma skyod cig/ mi dge ba spyod cig lta ba tshar na bcad cig/ kun tu mi spyod pa ma ston cig/ phung po rnams zung zhig /khams rnams ril por gyis shig/ skye mched rnams la spyod cig/ mi dge ba la rtogs zhig/ dge ba spongs shig/ chos ma sems shig /dge 'dun la mchod pa ma byed cig ces bstan par bya'o/ /bud med 'gyur pa las/ bcom ldan 'das la tshe dang ldan pa rab 'byor gyis 'di skad ces gsol to/ /mdang gsum bdag gi rmi lam na/ nyan thos dang rang sangs rgyas dang/ byang chub sems dpa' dang/ drang srong rnams kyi gzhan gyi sems shes pa ni/ de bzhin gshegs pa'i mthu yin te/ dper na nyi ma la sogs pa'i rkyen gyis mig can rnams kyis gzugs mthong ba bzhin no/ /me 'bar ba ni zhi bar bgyis 'tshal gyi/ me mi 'bar ba ni mi 'tshal lo/ /de bzhin du skye bo la bzod pa gsol 'tshal gyi 'phags pa la ni ma yin no/ /ci thams cad mkhyen pa'i ming de yang kun brtags pa yin nam/ de de bzhin te sangs rgyas kyi zhing gzhan dag na ming tha dad pa yod pa'i phyir ro/ /gal te bdag sems par ma gyur na ni/ bdag gis kyang bla na med pa yang dag par rdzogs pa'i byang chub sems bskyed pa zhig mod/ ma thos pa ni gling byang chub 'don pas nyan thos kyi theg pa ni de lta ma yin no/ /bud med 'dod pa'i yon tan lnga dang ldan pa/ thams cad mkhyen pa nyid kyis sems dang ma bral ba ni chos 'phags kyis/ dgra bcom pa rnam par

  318. 159b

    thar pa brgyad la bsam gtan pa bden pa la gnas pa ni de lta ma yin no/ /dar ma 'di las mi dge bcu/ byang chub sems dpa' spyod pa dge bar sbyor bar 'byung ste/ don du na byang chub kyi phyir rang dang gzhan gyi srog bor bas srog gcod pa'o/ / byang chub rang rig par blangs pas ma byin par blangs pa'o/ /'dod pa 'di dag log pa yin par shes pa ni 'dod pa la log par spyod pa'o/ /sgra ji snyed pa brdzun pas na brdzun du smra ba'o/ /theg pa dman pa la mos pa theg pa de las phya? nas mchog la 'god pa dang/ mu stegs can rnams phra mas phye nas yang dag ba'i lam la bkod pas phra ma'o/ /rgol ba tshar gcod pas tshig rtsub pa'o/ /bye ba 'dum par byed pas na bkyal ba'o/ /sems can kun bde ba la bkod par 'dod pas brnab sems so/ /chos 'jig pa'i tshe stobs chen pos chos la 'dzud pa ni gnod sems/ /log par lta ba rnams yang dag pa la 'dzud par byed pas na log par lta ba zhes bya'o/ /khyim bdag drag shul can gyis zhus ba las/ byang chub sems dpa' i khyim pa chos bzhi dang ldan na/ sangs rgyas la skyabs su song ba yin te/ byang chub kyi sems mi 'dor ba dang/ dam bcas pa mi 'jig pa dang/ snying rje chen po mi gtong ba dang/ theg pa gzhan la mi dmigs pa'o/ /bzhi dang ldan na chos la skyabs su song ba yin te/ chos smra ba la gus par byas te chos nyan pa dang/ thos pa la tshul bzhin du rtogs pa dang/ gzhan la ston pa dang/ chos kyi sbyin las byung pa'i dge ba'i rtsa ba byang chub chen por bsngo ba'o/ /bzhi dang ldan na dge 'dun la skyabs su song ba yin te/ nyan thos kyi theg pa pa rnams thams cad mkhyen pa'i sems la 'dzud pa dang/ zang zing gis sdud pa de dag chos kyi bsdu ba la sbyor ba dang/ byang chub sems dpa' i phyir mi ldog? pa'i

  319. 160a

    dge 'dun la rton gyi nyan thos kyi dge 'dun la ma yin pa dang/ nyan thos gyi rnam par grol ba la mos pa ma yin pa'o/ /'di dag la gang 'dod pa sbyin te/ chang yang byin nas de'i 'og tu 'khrul pa med par? spyod pa dang/ shes bzhin yang dag par 'dzin du gzhug go snyam na/ byang chub sems dpa' khyim pas gzhan la chang byin yang/ de bzhin gshegs pas nyes par brjod pa ma yin te/ bsam pa thams cad rdzogs par byed pa ni sbyin pa'i pha rol tu phyin pa yongs su spyod pa yin pa'i phyir ro/ /byang chub sems dpa' khyim pas chung ma la 'du shes gsum bskyed par bya ste/ dga' zhing rtse ba'i grogs yin gyi/ 'jig rten pha rol gyi grogs ma yin pa dang/ bza' btung gi grogs yin gyi rnam par smin pa'i grogs ma yin pa dang/ bde ba'i grogs yin gyi/ sdug bsngal gyi grogs ma yin pa'o/ /phung po gsum pa'i chos kyi rnam grangs kha ton bya'o/ /de nas bcom ldan 'das kyis/ /byang chub sems dpa' byams pa dang/ spyod pa rnam par dag pa la 'di skad ces bka' stsal to/ /khyed gnyis gyis khyim bdag 'di rnams rab me tog bu ca? ri ka zhes 'gro ste/ /sdug bsngal myong nas/ che 'di nyid la mya ngan las 'das par 'byung/ 'phags pa dkon mchog tal las/ byang chub sems dpa' rnam par bzhag pa ni bcu bo 'di dag ste/ sems dang po bskyed pa dang/ las dang po pa dang/ rnal 'byor spyod pa dang/ skye bar skyes pa dang/ sbyor ba phun sum tshogs pa dang/ bsam pa phun sum tshogs pa dang/ phyi rmi ldog pa dang/ gzhon nur gyur pa dang/ rgyal tshab dang/ dbang skur ba thob ba'o/ /chos 'di dag spong bar 'gyur ba'i sems can de dag

  320. 160b

    ni phal cher rab tu 'byung ste/ slob dang mi slob lus la mnyam gzhag cir? rkyen gyi sangs rgyas yul la snang/ rkyen gyi sangs rgyas lus la nyams gzhag cing/ sangs rgyas sku mchog rab las rnam par snang/ theg pa chen po man ngag las/ chos smra? ba ni sha za ba ma yin no/ /ma 'dres pa bco brgyad zhi ba rab tu byung ngo/ /theg pa chen po'i bar du gcod pa'i chos sum cu rtsa gnyis la thos pa don du mi gnyer ba dang/ dbyed pa med pa dang/ slob dpon gyi dpe mkhyud byed pa dang/ chos smra ba yongs su bzung ba yin no/ /dam pa'i chos yongs su bzung bas/ sems can thams cad yongs su gzung ba yin no/ /chos thams cad 'byung ba med pa bstan pa las/ su zhig tshul khrims med pa de la ni/ tshul khrims med de mthong na/ tshul khrims 'chal dang tshul khrims mtshan nyid gcig/ de ltar na shes na de ni mgon por 'gyur/ /phan tshun khro bar byed dang ldan gyur cing/ tshed med tshe yi zhing du smon par byed/ gang ga'i glung gi bye ma ji snyed par/ /brdeg cing spyod sar 'thob pa'i gnas yod gyi/ /bzod pa dam pa yongs su bsgoms par/ rgyal ba de dag zhing du de mi 'gro/ zhing rnams zhing ming gang gis shes gyur cig/ zhing rnams thams cad na mkha' i rang bzhin shes/ /zhing gi yon tan rlom sems gang med pa/ /skyes bu khyu mchog zhing du de 'gro'o/ /'phags pa 'od dpag med kyi bkod pa las/ de bzhin gshegs pa de spyi ni sku tshe bskal pa dpag tu med pas tshe dpag med ces kyang bya/ mngon par sangs rgyas nas ni bskal pa bcu lan/ /Arya ba lo dang mthu chen thob kyang 'jig rten gyi khams 'di nas shi 'phos nas der skyes/ /da dung yang 'di nas byang chub sems dpa' bye ba khrag khrig phrag bdun cu rtsa gnyis der skyes par 'gyur/ /bud d+ha 'od/ dpag med sngon dge slong chos kyi 'byung nas gyur pa

  321. 161a

    na/ zhing yongs su dag pa'i smon lam btab pa 'byung/ dper na rgya mtsho chen po zabs su dpag tshad brgyad khri bzhi stong yod pa/ 'od dpag med kyi mtshan thos nas dang pa ni skyes la/ de bzhin gshegs pa'i ye shes dang bkod pa rgya chen po la the tshom yod bzhin pa ni der padmo'i mngal na gnas par skye ste/ lo lnga brgya'i bar du bud d+ha mi mthong/ chos mi thos so/ /the tshom med pa ni padmo las skyil mo krung bcas te skye'o/ /byang chub kyi snying po rgyan gyi mdo las/ mchod ston la bod pa la tshul shing brim pa 'byung/ 'phags pa dge ba'i rtsa ba yongs su 'dzin pa las/ bcom ldan 'das 'phags pa 'od srungs la stan phyed bstan to/ /bdag ni mchog shes 'dod chung dang/ /rab tu dben par gnas pa dang/ /chos gos ngan pa 'chad snyam rlom/ /'od srungs de ni mu stegs can rnams so/ /bslab pa kun las btus pa'i tshigs bcad las/ bzod bya thos pa btsal bar bya/ /de nas dgon par 'gro bar bya/ /dkon mchog ta la las 'byung ba/ /gang dag bsrungs pas sangs rgyas mchod byed pa/ /de dag sangs rgyas rjes su dran mi byed/ /gang dag sangs rgyas rjes dran mi byed pa/ /de dag rtag tu sangs rgyas bsam yas mthong/ /gang dag sangs rgyas bsam yas rtag mthong ba/ /de la nam yang sangs rgyas mi bzhugs min/ /gang dag nam yang sangs rgyas mi bzhugs min/ /de la bar skabs chos las nyams mi 'gyur/ /dam pa'i chos dran pa nye bar gzhag pa las cung zad cig bsams pa las ma byin na yi dags su skye/ dam bcas pa las ma byin na sems can dmyal bar 'gro byang chub dpa' i so sor thar pa las/ gang byin pa de ni sangs rgyas rnams kyis bsngags

  322. 161b

    pa'o/ /gang gzhag pa de ni byin ba rnams kyis bsngags pa'o/ /sred med kyis bus zhus pa las/ dngos po gang la gtong ba'i blo mi skye ba dang/ sems mi 'jug pa'i dngos po de srel bar mi bya'o/ /yongs su 'dzin pa gang la de spang pa'o sems mi skye ba'i yongs su 'dzin pa de gzung bar mi bya'o/ /drag shul can gyis zhus pa las/ byang chub sems dpa' lung 'bog ba dang/ kha ton don du gnyer bas sbyin pa dang/ tshul khrims dang/ bzod pa dang/ brtson 'grus dang/ bsam gtan dang ldan pa 'am/ byang chub sems dpa' i lam gyi tshogs sogs pa dang ldan pa'i tshig bzhi pa'i tshigs su bcad pa su las mnyan nam lung mnos sam/ bslabs pa'i slob dpon de la/ ming dang tshig dang yi ge ji snyed pas tshigs su bcad pa de bstan pa de snyed kyis bskal par gal te slob dpon de la g.yo med pa'i rnyed pa dang/ bkur sti thams cad kyis mchod pa byas kyang/ drin mi 'tsho bas na/ chos ma yin pa'i gus pas lta mos kyang ci dgos/ dam pa'i chos pad+ma dkar po las/ cho ga spyod yul bsrung bya zhing/ /'du 'dzi med la gtsang mar bya/ /rgyal po dag dang rgyal bu dang/ /'dris byed rtag tu spang bar bya/ /rgyal po'i zha 'bring gang yin dang/ /gdol pa dag dang mu stegs can ni de dag dang/ /rnam pa kun tu 'dris pa spang/ /dge slong 'dul dang lung gnas pa/ /dgra bcom snyam du snyems byed cing/ /nga rgyal can rnams bstan mi bya/ /rgod cing smra ba'i spyod yul can/ /dge slong ma rnams rtag tu spang/ /mi brtan par ni mngon pa yi/ /dge bsnyen rnams kyang spang bar bya/ /dge 'dun bsrungs kyi rtogs pa las 'byung ba/ /dge tshul dgra bcom pa gcig dam gzhag pa'i res bab nas/ /nam mkha' snying po la/ rgyal po'i bzhi la mchod rten dang/ dge

  323. 162a

    'dun dang/ phyogs bzhi'i dge 'dun gyi 'phrog pa dang/ chos spong zhing 'gog pa dang/ rab tu byung ba gang yang rung ste/ de la brdegs tshogs gam bsang cing sa la sogs pa dang/ chos gos 'phrog cing khyim na gnas su 'jug pa dang/ mtshams med pa gang yang rung ba zhig byed pa dang/ 'jig rten pha rol la g.yem ste/ mi dge ba bcu yang blangs shing gzhan yang len du 'jug pa'o/ /sa'i snying po las/ na phyir rab tu byung ba tshul khrims dang ldan pa 'am/ 'chal ba yang rung ste/ 'khor los sgyur ba'i rgyal po yang chos dang mthun pas kyang chags pas gcod du mi snang na/ chos ma yin pas lta smos ci dgos/ lhag pa'i bsam pas bskul ba las / byams pa gang dag la brtson pa med pa dang/ bsam gtan dang/ spong ba dang/ kha don bya ba dang mang du thos pa tshal ba med pa de dag ni/ de bzhin gshegs pa'i bstan pa la rab tu byung ba ma yin no/ /de ci'i phyir zhe na/ de bzhin gshegs pa'i bstan pa ni/ bsam gtan la sogs pas rab tu phye ba yin gyi/ 'di lta zhal ta byed pa dang/ las kyi mthas rab tu phye ba ni ma yin no/ /byams ba zhal ta byed pa las brtson pa'i byang chub sems pas rin po che sna bdun gyi mchod rten rnams kyis/ stong gsum gyi stong chen po bkang yang/ des pa mnyes pa dang rim gro dang bsti stang byas bar mi 'gyur ro/ /dam pa'i chos dran pa nye bar gzhag ba las/ lkog tu lhag mar byas te lhag ma mi za ba dag la byin na yi dags su skye'o/ /'jam dpal rnam par rol pa'i mdo las/ khong khro ba khong khro ba zhes bya ba ni/ bskal ba brgyar bsags pa'i dge ba'i rtsa ba 'joms pas de'i phyir khong khro ba zhes bya'o/ /blo gros mi zad pa las

  324. 162b

    dge ba'i rtsa ba byang chub tu yongs su bsngos pa ni/ byang chub kyi snying po la 'dug gi bar du bar dor zad par mi 'gyur ro/ /btsun pa shA radwa ti'i bu 'di lta ste dper na/ chu'i thig pa rgya mtsho chen por ltung ba ni/ bskal pa'i mthar ma thug gi bar du bar ma dor zad pa med do/ /nye bar 'khor gyis zhus pa las/ nye bar 'khor gal te theg pa chen po la zhugs pa'i byang chub sems dpa' la/ 'dod chags dang ldan pa'i ltung ba gang gA'i klung gi bye ma snyed byung ba dang/ gang zhe sdang dang ldan pa'i ltung ba cig 'byung ba/ byang chub sems dpa' i theg pa btsan par bya na/ de gnyis las gang zhe sdang dang ldan pa ni shin tu lci'o/ /de ci'i phyir zhe na/ zhe sdang ni sems can yongs su gtong bar 'gyur 'dod chags ni sems can sdud par 'gyur pa'i phyir ro/ /nye bar 'khor de la nyon mongs pa gang sems can sdud par 'gyur ba de la ni/ byang chub sems dpa' mdzes pa yang med/ 'jig pa yang med do/ /nye bar 'khor de lta bas na khyod la 'dod chags dang ldan pa'i ltung ba thams cad ni ltung ba ma yin par ngas bshad do/ /nye bar 'khor de la gang thabs la mi mkhas pa'i byang chub sems dpa' de dag ni/ 'dod chags dang ldan pas 'jigs kyi/ zhe sdang dang ldan pas ma yin no/ /thabs la mkhas pa de dag na zhe sdang dang ldan pas 'jigs kyi/ 'dod chags dang ldan pas ma yin no/ /de bzhin gshegs pa'i mdzad gyi mdo las/ chos 'dod pa rnams rnam par g.yeng bar byed pa 'di ni/ tshil gyal ba'i nang na ma rungs pa'o/ /zla ba sgron ma'i mdo las/ chos kyi rnam grangs ji snyed mang por chub byas kyang/ thos bas rgyags de tshul khrims bsrung bar mi byed na/ 'di ni thos pas yongs su bskyabs par mi nus te/ tshul khrims 'chal ba des na ngan song 'gro bar 'gyur/ 'phags

  325. 163a

    pa blo gros mi zad pa'i mdo las/ de la sems can la dmigs pa'i byams pa ni gang thog mar snying du sdug pa'i sems can la phan pa dang/ bde ba nye bar sgrub pa'i bsam pa goms par byed cing/ de dang mthun pa'i byams pa nye bar sgrub bo/ /de'i 'og tu 'dres pa rnams la'o/ /de'i 'og tu nye 'khor ba rnams la'o/ /de'i 'og tu rang gi grong na gnas pa rnams la'o/ /de'i 'og tu gzhan gyi grong nas phyogs gcig gi bar la mos par byas nas khyab par byas nas/ rdzogs par byas te gnas so/ /phyogs bcur yang de bzhin no/ /dpal sbyin gyis zhus pa las/ dper na/ byis pa sol pa thogs nas su/ /'di ni dkar por bya zhes ba dar byed kyang/ /dkar po'i dngos por mi 'gyur zad par 'gyur/ /byis blo phyin ci log gi nga rgyal can/ /de ltar mi gang gtsang sgra'i blo gros ldan/ /nga yis lus 'di gtsang mar bya zhes te/ /bskus phyis 'bab stegs brgyar ni khrus kyang byas/ /'chi bdag dbang gis zas 'gyur gtsang mi 'gyur/ /drag shul can gyis zhus pa las/ /chang yang sbyin par 'byung/ mtshon cha la sogs pa yang shugs su 'gyur ba lta brtags te byin na ltung bar 'di nyid kyis mngon no/ /gtsug na rin po che las/ rnam pa thams cad kyi mchog dang ldan pa'i stong pa nyid gang zhe na/ sbyin pa ma tshang ba med pa nas/ zhi gnas lhag mthong ma tshang ba med pa'i bar dang/ sems can yongs su smin par bya ba la rtag tu 'bad pa ste/ 'di ni rnam pa thams cad kyi mchog dang ldan pa'i stong pa nyid do zhes bya ba nas/ rigs kyi bu 'di ni byang chub sems dpa' i bsam gtan gyi pha rol tu phyin pa'i spyod pa yongs su dag pa'o/ /zhes bya ba'i bar du 'byung ngo/ /'phags

  326. 163b

    ba shes rab kyi pha rol tu phyin pa las/ byang chub sems dpa' rnams ni snying rje med par ci yang mi spyod do/ /bslab pa kun las btus pa las byung ba/ de la phung po gsum ni sdig pa bshags pa dang/ bsod nams kyi rjes su yi rang ba dang/ rang sangs rgyas la bskul ba zhes bya ste/ bsod nams kyi phung po yin pa'i phyir ro/ /yang kar gshegs pa las/ blo gros chen po de la 'dod chen po rnams kyi thar par mi 'dod pa ji ltar 'byung zhe na/ 'di lta ste dge ba'i rtsa ba thams cad yangs pa dang/ thog med pa'i dus kyis sems can thams cad phyir smon pa'o/ /de la dge ba'i rtsa ba thams cad yangs pa gang zhe na/ 'di ltar byang chub sems dpa' i sde snod la 'di dag ni thar pa dang/ mthun pa'i mdo dang 'dul ba ma min no zhes smra bas slong zhing skur pa yin te dge ba'i rtsa ba thams cad spangs pas mya ngan las mi 'da' o/ /blo gros chen po gnyis su ni/ byang chub sems dpa' sems dpa' chen po 'di ltar sems can thams cad yongs su mya ngan las 'das kyi bar du/ bdag kyang mya ngan las mi 'da' o zhes srid par smon lam dang thabs yongs su btang bas/ de'i phyir mya ngan las mi 'da' o/ /blo gros chen po de ni yongs su mya ngan las mi 'da' ba rnams kyi rang gi mtshan nyid/ des 'dod pa can rnams kyi tshul rab tu thob par 'gyur ro/ /blo gros chen pos yang gsol ba/ bcom ldan 'das 'di la gtan du mya ngan las mi 'da' ba gang lags/ bcom ldan 'das kyis bka' stsal pa/ blo gros chen po de la byang chub sems dpa' 'dod chen po ni chos thams cad thog ma nas mya ngan las 'das par shes nas/ gtan du mya ngan las mi 'da' / dge ba'i rtsa ba thams cad spong ba'i 'dod chen po na ma yin no/ /blo gros chen po dge ba'i rtsa ba thams cad spong pa'i 'dod/

  327. 164a

    chen po yang/ de bzhin gshegs pa'i byin gyis brlabs kyis brgya la gal te na dge ba'i rtsa ba yongs su sbyor bar 'gyur ro/ /de ci'i phyir zhe na/ blo gros chen po 'di ltar de bzhin gshegs pa rnams kyis ni sems can thams cad yongs su ma btang ngo/ /blo gros chen po de lta de'i phyir byang chub sems dpa' i 'dod chen po rnams ni yongs su mya ngan las mi 'da' o/ /blo gros chen po tshig ni rnam par rtog pa dang tha dad pa yang ma yin gcig pa yang ma yin no/ /de ci'i phyir zhe na/ 'di lta ste de'i rgyu las byung ba'i mtshan nyid kyi phyir tshig gi rnam par rtog pa 'byung ngo/ /blo gros chen po de lta tshig 'di rnam par rtog pa dang/ tha dad pa zhig yin na ni/ rnam par rtog pa'i rgyu las 'byung ba ma yin par 'gyur ro/ /de ste gcig pa zhig yin na ni tshig de don gsal bar yang byed par yang mi 'gyur ba zhig na de ni byed do/ /de lta bas na tha dad pa yang ma yin/ gcig pa yang ma yin no/ /rnam rig 'di ni ming tsam ste/ mtshan nyid kyis ni yod ma yin/ /blo gros chen po sangs rgyas kyi zhing la la ni mig mi 'dzums pas/ /la la ni smin ma ba spyod pa la sogs pas chos ston to/ /blo gros chen po nor pa de yang phyin ci log dang/ phyin ci log ma/ yin par rnam par brtags pas/ 'di lta ste 'phags pa'i rigs sam/ byis pa'i rigs dang rigs gnyis 'thob par byed pa yin no/ /blo gros chen po 'phags pa'i rigs kyang 'di lta ste/ nyan thos dang rang sangs rgyas dang/ sangs rgyas su dbye bas rnam pa gsum du dbye bar 'gyur ro/ /de la blo gros chen po ji ltar na gyis pa rnams kyis nor pa la rnam par brtags pas/ nyan thos kyi thig pa'i rigs bskyed che na/ 'di lta ste blo gros

  328. 164b

    chen po rang dang spyi'i mtshan nyid la mngon par zhen pas/ mngon par zhen pa nyan thos kyi theg pa'i rigs su 'gyur te/ de ltar na bro gros chen po nor pa de nyan thos kyi theg pa'i rigs 'thob par byed pa yin/ /de la blo gros chen po ji ltar na nor pa de nyid la rnam par brtags pas/ sangs rgyas kyi theg pa'i rigs 'thob par byed pa yin zhe na/ blo gros chen po 'di lta ste/ nor ba de nyid kyi rang dang spyi'i mtshan nyid la mngon par zhen pa dang/ 'du 'dzi med pa'i phyir sangs rgyas kyi theg pa'i rigs 'thob par byed pa yin no/ /blo gros chen po de la ji ltar na mkhas pa rnams kyis nor ba de nyid la rnam par brtags pas/ sangs rgyas kyi theg pa'i rigs 'thob par byed pa yin zhe na/ 'di lta ste blo gros chen po rang gi sems snang ba tsam khong du chud pa'i phyir rol la dngos po dang med par rnam par mi rtag pas/ rnam par rtags na sangs rgyas kyi theg pa'i rigs 'thob par byed pa yin no/ /de lta bas na blo gros chen po 'di na rigs te rigs kyi don to/ /blo gros chen pos byis pa rnams kyis nor pa la dngos po sna tshogs kyi rang bzhin du 'di ni de bzhin te/ gzhan du ma yin no zhes rnam par brtags na/ 'khor ba'i theg pa'i rigs 'thob par byed do/ /blo gros chen po mya ngan las 'das paN+Di? rnam pa bzhi ste/ dngos po'i rang bzhin med pa'i mya ngan las 'das pa dang/ mtshan nyid sna tshogs kyi dngos po med pa'i mya ngan las 'das pa dang rang gis mtshan nyid kyi dngos po med par rtogs pa'i mya ngan las 'das pa dang/ phung po rnams kyi rang dang spyi'i mtshan nyid kyi rgyun chad pa'i mya ngan las 'das pa'o/ /de dag ni blo gros chen po mu stegs can rnams kyi mya ngan las 'das pa yin te/ nga'i gsung rab la ma yin no/ /blo

  329. 165a

    gros chen po nga'i gsung rab la ni rnam par rtog pa dang bcas pa ngal/ bcas pa'i yid gyi rnam par shes pa bzlogs pa ni mya ngan las 'das pa'o zhes bya'o/ /kun rtags pa yi rang bzhin yod/ /gzhan gyi dbang ni med pa ste/ /nor pa dag gis bstags pa snang/ /gzhan gyis dbang la mi rtog go /kun rdzob dang ni don dam ste/ /rgyu las skyes pa gsum du med/ /brtags pa dag ni kun rdzob bshad/ /de bshad 'phags pa'i spyod yul lo/ /blo gros chen po ye shes ni rnam pa gsum ste/ /'jig rten pa dang/ 'jig rten las 'das pa dang/ 'jig rten las 'das pa'i mchog go /de la skyes gnas 'jig pa ni rnam par shes pa'o/ /ma skyes mi 'jig pa ni ye shes/ /gzhan yang blo gros chen po gsum 'dus pa'i bya ba skye ba dang ldan pa'i mtshan nyid ni rnam par shes pa'o/ /mi ldan pa'i ngo bo nyid ni ye shes so/ /blo gros chen po khyad par 'dod pa'i byang chub sems dpas de bzhin gshegs pa'i snying po kun gzhi rnam par shes pa zhes sgrags pa rnam par sbyang bar bya'o/ /de la ming dang mtshan ma ni yongs su kun brtags pa'i rang bzhin du shes par bya'o/ /gang yang blo gros chen po de la gnas shing bzhugs pa'i rnam par rtog par sems dang sems las byung ba zhes bsgrags pa nyi ma dang 'od zer lhan cig pa bzhin du dus gcig tu byung ba snga tshogs? kyi mtshan nyid rang gi rnam par rtog pa khong du chung bar byed pa'i rang bzhin ni gzhan gyi dbang zhes bya'o/ /blo gros chen po yang dag pa'i ye shes dang de bzhin nyid ni mi 'jigs pa'i phyir yongs su grub par shes par bya'o/ blo gros chen po gzhan yang gser dang rdo rje dang/ rgyal po'i rin sred dang/

  330. 165b

    thob pa dang khyad par dag ni mi 'jigs pa yin te/ blo gros chen po gal te mngon par rtogs pa thob pa yin na ni/ 'phags pa rnams 'phags pa ma yin par 'gyur te/ 'phags pa rnams ni 'phags pa ma yin par mi 'gyur ro// blo gros chen po gser dang rdo rje ni rnam par bzhag kyang de bzhin du 'dug ste/ mi 'bri mi skye na byas pa ldem po ngag tu bshad pa la mi mkhas pa dag gis phyi nang gi chos thams cad skad cig pa'i don ji ltar brtags/ sems ni kun gzhi rnams shes te/ /ngan sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya/ /sems ni rtag tu lung ma bstan/ /yid ni gnyi gar gyur pa ste/ /rnam par shes pa 'byung ba yang// de ni dge dang mi dge ba'o/ /lnga po snang la rtogs par byed/ /chos lnga dag dang rang bzhin rnams/ /de ni sangs rgyas spyod yul yin/ /yod pa'i zla grangs med pa ste/ /med pa'ang spong ba'i zla grangs so/ /kun du brtags dang gzhan gyi dbang// phan tshun mtshan nyid tha mi dad/ /gzugs kyi mi rtag nyid bzhin te/ /gcig la gcig kyang skyed byed pa'o/ /brtags pa shul du mthong gyur na/ /gzhan gyi dbang ni mi skye'o/ /gzhan gyi dbang ni rab mthong na/ /brtags pa de bzhin nyid du 'gyur/ /ji ltar 'phags pa rnam bsgom ltar/ /dngos po'i dngos nyid med mod kyi/ /ji ltar byis pas brtags pa ltar/ /dngos po dag ni yod pa'o/ /sems ni snang dang rnam bra ba/ /rang bzhin gnyis kyang spangs pa ste/ /gnas rnams rab tu gyur pa ni/ /skye ba med par ngas bshad do/ /nam yang stong pas stong pa nyid/ /skye ba med pa'i stong pa'o/ /ji srid sems ni 'jug pa'i bar/ /de srid 'jig rten rgyang pan yin/ /'jig rten rang gis sems mthong na/ /

  331. 166a

    rnam par rtogs pa mi 'jig go /nga dang de bzhin gshegs rnams kyis/ /stong phrag gsum gyi mdo rnams kyis/ /mya ngan 'das pa shin tu bshad/ /'dod pa'i khams dang gzugs med du/ /sangs rgyas rnam par 'tshang mi rgya/ /gzugs kyi khams kyi 'og min du/ /'dod chags bral khyod 'tshang rgya'o/ /reg pa dang ni gzir ba yis/ /lha dang sems can dmyal ba'i lus/ /bar ma do yi sred med de/ /rnam par shes pas bskyed pa yin/ /mngal sgong drod gsher la sogs pa'i/ /srid pa bar ma 'byung ba dag /sems can mang po sna tshogs bzhin/ /dam tshig gsum gyi rgyal po las/ /thang las skyes pa'i rin po che'i ri rnams dang/ chu las skyed pa'i rin po che'i ri rnams dang/ thang las skyes pa'i rin po che la sogs pa phyogs bcu na rnam par gnas pa nga yir bya ba med par yongs su gzung ba med pa rnams 'bul lo/ /don dam pa'i chos kyis rnam par rgyal ba las 'byung ba/ kha cig ni mngal na gnas pa nyid kyi tshe srin bu rnams kyis zos so/ /drang srong chen po yang 'di lta ste/ bskal pas bsregs pa 'di ni de bzhin gshegs pa rnams kyis thabs mkhas pa ste/ /drang srong chen po 'di lta ste dper na/ gser la gnod pa bya ba'i phyir mer bcug pa ma yin gyi/ gser me dul ba 'di ji ltar dul bar 'gyur snyam nas de'i phyir mer 'jug go /drang srong chen po de bzhin gshegs pa rnams kyang rgyu med par sreg ba'i bskal ba mi 'byin te/ 'dir sems can gang la yang gnod par mi 'gyur ro/ /bskal med bsregs pa'i 'jig pa las bdag nyid srog mthong nas dga' ba dang/ mchog tu dga' ba skyes nas 'di skad ces bdag kyang 'di ltar gyur cig ces smon lam

  332. 166b

    'debs so/ /sems can gnas gang du 'du bar gyur pa bdag la bka' stsol cig /bcom ldan 'das kyis bka' stsal ba/ /drang srong chen po theg pa chen po gcig gis 'byung ba las sems can 'du bar 'gyur ro/ /byang chub kyi snying po la sems can 'du bar 'gyur ro/ /phung po ma lus pa'i dbyings su sems can rnam 'du bar 'gyur ro/ /drang srong chen po 'di lta ste dper na/ chu klung tha dad pa dang/ klung bran dang chen po dag rgya mtsho chen por bab nas ro gcig tu 'gyur ro/ /de bzhin du sems can gyi khams ji snyed pa'i/ drin med par grags pas bstan pa las/ thabs kyis ma zin pa'i shes rab bcings pa'o/ /thabs kyis zin pa'i shes rab ni grol ba'o/ /shes rab kyis ma zin pa'i thabs ni bcings pa'o shes rab kyis zin pa'i thabs ni grol ba'o/ /de la thabs kyis ma zin pa shes rab bcings pa gang zhe na/ 'di 'di lta ste stong pa nyid dang mtshan ma med pa dang/ smon pa med pa la nges par sems shing/ mtshan dang dpe byad bzang po dang/ sangs rgyas kyi zhing gi rgyan dang/ sems can yongs su smin par bya ba la mi sems pa ni thabs kyi mi zin pa'i shes rab ste zin pa'o/ /de la thabs kyis zin pa'i shes rab sgrol ba gang zhe na/ mtshan la sogs pa la nges par sems shing stong pa mtshan ma med pa dang/ smon pa med pa la 'dris par bya ba 'di ni thabs kyis zin pa'i shes rab ste grol ba'o/ /de la shes rab kyis mi zin pa'i thabs bcings pa gang zhe na/ 'di lta ste/ lta bas thams cad dang/ nyon mongs pa kun nas ldang ba dang/ bag la nyal ba dang/ rjes su chags pa dang/ khong khro ba la gnas pa'i dge ba'i rtsa ba rtsom pa thams cad byang chub tu mi bsngo ba ni/ shes rab kyis ma zin pa'i thabs te bcings pa'o/ /de la shes rab kyis zin pa'i

  333. 167a

    thabs grol ba gang zhen 'di lta ste lta ba thams cad nyon mongs pa la sogs pa spangs pa'i dge ba'i rtsa ba rtsom pa thams cad byang chub tu yongs su bsngos la/ des kyang bsnyems pa med pa de ni shes rab kyis zin pa'i thabs te grol ba'o/ /kun dga' bo gang na byang chub sems dpa' sangs rgyas kyi mdzad pa byed pa'i sangs rgyas kyi zhing rnams kyang yod do/ /gang na 'od dang gang na byang chub kyi shing dang/ gang na de bzhin gshegs pa'i mtshan dang/ gang na chos dang gang na zhal zas la sogs pas sangs rgyas kyis mdzad pa'i sangs rgyas kyi zhing yod do/ /'phags pa rin po che'i mdza' las/ des ji skad bstan pa la gal te mtshungs pa med pa byed pa de ltar mos te/ mtshams med pa yang de lta bu'i dbyings yin par shes na/ de kun nas nyon mongs pa can du mi 'gyur ro/ /de ci'i phyir zhe na mdzad pa'i mtshams med pa ni chos kyi dbyings su mtshungs par mnyam pa'i phyir te/ 'di ltar mtshams med pa'i dbyings dang chos kyi dbyings ni gnyis su med cing gnyis su byar med do/ /lhag pa'i bsam pa'i bskul ba byas la/ byams pa byang chub sems dpa' i theg pa pa'i gang zag chos bzhi dang ldan na/ lnga brgya tha ma la dam pa'i chos rnam par 'jig pa'i tshe/ ma gnang cing ma smas la bde bar yongs su thar par 'gyur ro/ /bzhi gang zhe na/ bdag gi 'khrul pa la so sor rtog pa dang/ byang chub sems dpa' i theg pa pa'i gang zag gzhan gyi nyes pa mi gleng ba dang/ mdza' shes kyi khyim dang/ slong ma star ba'i khyim la mi lta ba dang/ yid du mi 'ong ba'i tshig spong ba'o/ /yang bzhi ste/ thos pa nyung ngu'i sems can yongs su spong ba dang/ 'khor mi bsdu ba dang bas mdza' i gnas mal la brten pa dang/ bdag dul ba dang/ zhi ba

  334. 167b

    dang/ zhi gnas kyi sbyar ba la brtson pa'o/ /byams pa nga ni tshul 'chos pa la dgon pa na gnas pa zhes mi smra'o/ /nga ni bsod nams chung ngu la 'dod pa chung ba zhes mi smra'o/ /nga ni kha zas bzang po 'dod pa la bsod snyoms pa zhes mi smra'o// nga ni gos sdug gu 'dod pa phyag dar khrod pa zhes mi smra'o/ /nga ni khyim pa dang rab tu byung ba 'dres pa la ma 'dzings pa zhes mi smra'o/ /nga ni g.yo sgyu can la sangs rgyas 'byung ba dang phrad pa zhes mi smra'o/ /nga ni gzhan gyi 'khrul pa tshol ba la rnal 'byor la brtson pa zhes mi smra'o/ /nga ni khong khro ba mang ba la tshul khrims kyi phung po yongs su dag pa zhes mi smra'o/ /nga ni nga rgyal can la mang du thos pa zhes mi smra'o/ /nga ni phyogs 'dzin pa la 'dul ba 'dzin pa zhes mi smra'o/ /nga ni rgod pa la chos smra ba zhes mi smra'o/ /nga ni khyim pa dang 'dres pa la zhal ta byed pa yongs su dag pa zhes mi smra'o/ /nga ni yon gnas 'dam pa la zang zing med pa yongs su gtong ba zhes mi smra'o/ /nga ni lan du phan 'dogs su re ba la bsdu ba'i dngos po zhes mi smra'o/ /nga ni rnyed pa dang bkur sti la chags pa la lhag pa'i bsam pa yongs su dag pa zhes mi smra'o/ /nga ni dad pa mang ba la rab tu byung ba zhes mi smra'o/ /nga ni pha rol la shes par byed pa la bslab pa 'dod pa zhes mi smra'o/ /nga ni ma gus pa la chos sbyin pa zhes mi smra'o/ /nga ni 'jig rten pa'i gsang tshig la brtson pa la chos la dga' ba zhes mi smra'o/ /nga ni stong pa nyid la mi brtson pa la nges par byung ba zhes mi smra'o/ /nga ni dmigs pa can la mngon par rtog pa zhes mi smra'o/ /nga ni mthu med pa la bzod pa yongs su rdzogs pa zhes mi smra'o/ /nga ni ma gtses pa la bzod pa'i stobs kyis go cha can zhes mi smra'o/ /nga ni rang bzhin gyis 'dod chags chung ba la tshangs par spyod pa la

  335. 168a

    dga' ba la gnas pa zhes mi smra'o/ /nga ni sbyor ba la mi gnas pa 'di skad smras pa de bzhin byed pa zhes mi smra'o/ /nga ni thabs dang ldan par gyur pa la g.yo sgyu can zhes mi smra'o/ /nga ni sems zhum pa la nga rgyal mog? pa zhes mi smra'o/ /lag bzangs kyis zhus pa las/ lag bzangs byang chub sems dpa' ni slong ba rnams kyis blangs pa na yan lag dang nying lag bcad nas slong ba rnams la mi sbyin no/ /de ci'i phyir zhe na/ de dag nyid kyi sems can dmyal ba chen por 'gyur ba dang/ mi dge ba'i las chen po rgya che ba yongs su myong ba'i phyir ro/ /lag bzangs byang chub sems dpa' sems dpa' chen po ni slong bas bdog pa thams cad blangs na pha ma la gnod pa/ byas shing blangs te/ gnod pa byas shing bu dang chung ma dang/ bran pho dang bran mo dang zho shas 'tsho ba dang/ las byed pa dag la gnod pa byas shing spangs te/ sdug bsngal bar byas nas slong ba rnams la sbyin par mi byed do/ /de ci'i phyir zhe na/ sems can thams cad la mtshungs par snying brtse ba'i phyir ro/ /bu mo zla mchog gis zhus pa las/ bla na med pa yang dag par rdzogs pa'i byang chub ni skye ba dang 'gag pa dang/ chad pa dang/ rtag pa dang/ don gcig pa dang/ don tha dad pa dang/ 'ong ba dang 'gro ba ma mchis pa'o/ /las rnam par 'byed pa las/ /mdog mi sdug par 'gyur pa'i las bcu ste/ de bzhin gshegs pa'i mchod rten gyi mar me'i 'od kyi bar du gcod pa dang/ gang zag mdog mi sdug pa rnams la dbang za ba rigs dma' bar 'gyur ba'i chos bcu ste/ rigs dma' bar skye ba rnams la dbang zab/ shes rab 'chal par gyur pa'i chos smra ba rnams legs so zhes bya ba sbyin pa/ yi dags su 'gyur ba'i chos bcu ste/ bkres shing sgom

  336. 168b

    bzhin du 'chi ba'i dus byed pa dang/ dngos po la chags bzhin du 'chi ba'i dus byed pa/ de la ngas par skye bar 'gyur ba'i las gang zhe na/ dge ba'i las byas nas 'dis bdag 'di lta bu zhig tu skye bar gyur cig ces yongs su bsngo ba dang mtshams med pa lnga rnams so/ /de la las gang dang ldan na/ gang zag sems can dmyal ba rnams skyes ma thag tu 'chi 'pho ba'i las gang zhe na/ dper na rgyal po ma skyes dgras pha bsad pa lta bu ste/ de skad du shin tu mi bzad las rnams byas pa na/ bdag la smod dang rab tu bshags pa dang/ /sdom pa byed pas de dag bsrabs 'gyur gyi/ /shin tu rtsa nas phyin ces mi smra'o/ /zhes gsungs so/ /gang sngar bde bar 'gyur la phyis sdug bsngal bar 'gyur ba'i las gang zhe na/ 'di la gang zag 'ga' zhig sbyin pa byin pa na/ yid rab tu dga' zhing dga' ba dang/ yid bde ba skyes la byin nas ni 'gyod pa yin te/ gang zag de gang gi tshe mi rnams kyi nang du skyes pa na/ sngar phyug pa dang blon po dang nye du mang ba la sogs par 'gyur la/ phyis nyams par 'gyur ro/ /de la gang zag gang tshe zad par gyur pa las ma zad pa gang zhe na/ gang zag gang sems can dmyal ba nas shi 'phos nas/ sems can dmyal bar skye ba dang/ las zad la tshe ma zad pa gang zhe na/ sngar bde bar gyur ba phyis sdug bsngal bar 'gyur pa dang/ chang 'thung ba la nyes dmigs sum cu rtsa drug ste/ tshe 'di la nor zad pa dang nad kyi gzhir 'gyur ba dang/ 'thab pa dang mchod? 'bru ba dang/ rtsod pa 'phel ba dang/ snga ba'i gnas sten pa dang/ mi snyam pa bskyed pa dang/ shes rab nyams par byed pa dang/ ma thob pa'i longs spyod mi mthong ba dang/ thob pa las nyams pa dang/ gsang ba brjod pa dang/ las su bya ba nyams pa dang/ mya ngan gyi rtsa bar 'gyur ba dang/ nyams chung bar 'gyur

  337. 169a

    ba dang/ dge sbyong dang bram zer mi 'dzin pa dang/ rigs kyi gtso bo la rim gror mi byed pa dang/ pha mar mi 'dzin pa dang/ dkon mchog gsum la mi gus ba dang/ sdig pa'i grogs bos zin pa dang/ dge ba'i bshes gnyen gyis spangs pa dang/ 'dzin pa med pa dang/ dbang po ma bsdams pa dang/ bud med la bag med pa dang/ skye bo'i yid du mi 'ong ba dang/ nye du btsun bas snang ba dang/ chos ma yin pa 'dzin pa dang/ chos spong ba dang// mkhas pa rnams yid mi rton pa dang/ bag bya ba la g.yel ba dang/ mya ngan las 'das pa las ring ba dang/ myos par 'gyur ba la sogs pa dang/ shi nas ngan song ngan 'gro sems can dmyal bar skye'o/ /de bzhin gshegs pa'i yon tan dang ye shes bsam gyis mi khyab pa'i yul la 'jug pa bstan pa las/ 'jam dpal 'khor 'di nyid kyi nang nas lha dang mi la las ni/ bcom ldan 'das shAkya thub pa mngon par rdzogs par sangs rgyas nas/ brjod du med pa'i bar gyi bskal pa ji snyed lon par shes/ la las ni mya ngan las 'das nas brjod du med pa'i bar gyi skal pa lon par shes so/ /'jam dpal gang gis de bzhin gshegs pa mthong ba dang/ mthong na ri mor bris pa 'am/ 'ji ba ma la byas ba'ang rung ste/ gnod pa'i sems ma dad pa'i sems kyis mthong na/ de dag gi dge ba'i rtsa ba des mig rnam par dag bar 'gyur ro/ /'jam dpal zla ba'i dkyil 'khor ni nyi ma'i dbang gis 'bri ba skye ba dang nub par 'gyur ba snang mod kyi/ zla ba'i dkyil 'khor la skye ba dang 'bri ba dang/ nub par 'gyur ba med do sems can rnams kyi dge ba'i rtsa ba las rnam par smin bas yud tsam la sogs pa dang/ lo 'grang ba'i grangs

  338. 169b

    gzhag pa'i phyir/ de bzhin gshegs pa'i byin gyis brlabs kyis de lta bu'i bya ba rnams 'byung ste/ 'jam dpal dge ba'i bshes gnyen gyis yongs su zin pa'i byang chub sems dpa' ni grangs med dpag tu med pa'i bskal pa bye ba phrag khri brgya stong du sems can dmyal ba dang/ byel song dang/ yi dags dang/ gshin rje'i 'jig rten du gnas par 'gyur ba'i las rnams tshe 'di la rnam par smin te/ glang pa tsha ba 'am rigs sam rtsi ba logs na ba 'am/ rgyal ba'i srid 'khrugs pa 'am/ lho bal gyis dkrugs pa 'am/ mu ge'i 'khrug pa dang/ gzhan dang gzhan gyis 'khrug pas lus kyi gnod pa 'am/ rang gi gnod pa 'am/ yid kyis gnod pas tshe gcig la byad bar 'gyur ro/ /spyod pa 'am tha na rmi lam gyis kyang 'byad par 'gyur ro/ /'jam dpal de bzhin gshegs pa dgra bcom pa yang dag par rdzogs pa'i sangs rgyas rnams ni yang dag pa ther zug g.yung drung ngo/ /'jam dpal khros pa'i sems sam/ /nga ba'i sems kyis de bzhin gshegs pa'i sku ri mor bris pa 'am/ 'jim pa la byas pa gang gis mthong ba than khyol song gi skye gnas su song yang rung ste/ de dag gi nyon mongs pa thams cad med par 'gyur/ lha mo dpal phreng gis zhus pa las / bcom ldan 'das de bzhin gshegs pa'i snying po ni rtag pa dang/ brtan pa dang/ ther zug lags so/ /bcom ldan 'das de bzhin gshegs pa'i snying po ni thog ma tha ma ma mchis pa'i mthar mches pa mi skye ba dang/ mi 'gag pa'i chos can no/ /'dul pa rnam par gtan la dbab pa nye bar 'khor gyis zhus pa las/ byang chub sems dpa' sems dpa' chen po khyim pa khyim na gnas pas ni sbyin pa gnyis la gnas par bya ste/ chos sbyin pa dang

  339. 170a

    zang zing sbyin pa'o/ /rab tu byung bas ni sbyin pa bzhi la gnas par bya ste/ smyu gu dang snag tsha dang gleg bam dang chos sbyin pa'o/ /bcom ldan 'das kyis bka' stsal pa/ shA ri bu byang chub sems dpa' rnams kyi kha na ma tho ba chen po dang bcas pa'i nyes pa ni gnyis te/ zhe sdang dang ldan pa dang/ gti mug dang ldan pa'o/ /de la 'dod chags ni kha na ma tho ba dang bcas pa chung la 'bral ba bu la ba yin no/ /zhe sdang kha na ma tho ba dang bcas pa che la 'bral ba myur ba yin no/ /gti mug ni kha na ma tho ba dang bcas pa che la 'bral ba bul ba yin no/ /'dod chags ni nying mtshams sbyor ba'i sa bon yin no/ /zhe sdang ni ngan song du 'gro ba'i rgyur gyur pa yin no/ /gti mug ni sems can dmyal ba chen po brgyad du ltung ba'i rgyur gyur pa yin no/ /nye bar 'khor de la nyan thos kyi theg pa pa'i tshul khrims yongs su dag pa gang yin pa de ni theg pa chen po la yang dag par zhugs pa'i byang chub sems dpa' tshul khrims yongs su ma dag pa nyid dang/ shin tu 'chal pa'i tshul khrims nyid yin la/ theg pa chen po la yang dag par zhugs pa yang nyan thos kyi yongs su ma dag pa dang shin tu 'chal pa yin no/ /de'i ci'i phyir zhe na/ nyan thos kyi gnas skad cig tsam yang sred pa len par mi byed la/ de ni nyan thos kyi tshul khrims yongs su dag pa yin no/ /de nyid theg pa chen po'i 'chal ba'i tshul khrims yin no/ /byang chub sems dpa' ni bskal pa grangs med par srid par skye bas yongs su mi skyo ba yin te/ de nyid nyan thos kyis 'chal pa'i tshul khrims yin no/ /'phags pa kun rdzob dang don dam pa'i bden pa bstan pa las/ rdo chag pa'i 'phro mi 'byor ba lta bu ni nyan thos kyis 'dul ba'o/ /gser dang dngul chag

  340. 170b

    pa'i 'phro 'byor ba lta bu ni byang chub sems dpa' i 'dul ba'o/ /gsang chen thabs la mkhas pa las/ byang chub sems dpa' thabs la mkhas pas sems can de dag gis sdug bsngal gyi tshor ba de dag thams cad bsdus nas 'chags par byed cing/ sems kyi sdug bsngal gyi tshor ba gang dag yin pa de dag thams cad bdag gi lus la bab par gyur cing/ sems can de dag bde bar gyur cig ces go gyon par yang byed do/ /byang chub sems dpa' sems dpa' chen po thabs la mkhas pa ni gal te brgya lam ni nyes pa 'byung na yang 'di ltar so sor slob ste/ gal te khams dang skye mched dang phung po 'di dag nyid kyis mya ngan las 'da' bar 'gyur na ni/ de lta bas na ba drug gis yongs su gdung bar bya dgos par 'gyur ba las/ bdag gis 'di ltar go bgo bar bya ste/ bdag sems can rnams yongs su smin par bya ba'i phyir phyi ma'i mdza' i bar du 'khor bar bya ba la bdag gis sems zhum par mi bya zhing/ ji lta ji ltar 'khor ba na 'khor bar gyur pa de lta sems can yongs su smin par bya ba dang/ nyes pa 'di yang chos bzhin phyir bya zhing/ phyin chad kyang nyes pa mi 'byung bar bya ba dang/ sems can thams cad kyang nyes pa las 'byung ba'i chos bstan par bya'o zhes go cha gyon par byed do/ /rigs kyi yongs su brtag pa nye bar gzung na/ byang chub sems dpa' rab tu byung ba la gal te rtsa ba'i nyes pa bzhi po thams cad byung bar gyur na yang thabs la mkhas pa des sel bar byed na/ rigs kyi bu nga ni byang chub sems dpa' la nyes pa med ces smra'o/ /rigs kyi bu ngas snying rje chen po dang ldan pa'i sems bskyed pa des cung zad cig 'dod pa

  341. 171a

    dang ldan par byas pas kyang bskal pa khrir 'khor ba snyil cing spangs bar gyur to/ /rigs kyi bu sems can gzhan dag gi sems can dmyal bar 'gyur ba'i las gang yin pa de yang byang chub sems dpa' sems la mkhas pa la tshangs pa'i 'jig rten du skye bar 'gyur ba ltos/ kun dga' bo 'dod chags bskyed pa gang gis ni/ /sems can gzhan dag sems dmyal 'gro 'gyur ba/ /de yis dpa' rnams mtho ris 'gro 'gyur zhing// skyes par 'gyur ba'i yon tan de 'dra ltos/ /rigs kyi bu mi skye ba'i chos la bzod pa thob pa'i byang chub sems dpa' ni 'dod na/ zhag bdun gyis kyang byang chub mngon par rdzogs par 'tshang rgya bar 'gyur ro/ /byang chub sems dpa' ni dga' ldan gyi gnas nas mi g.yo bzhin du sprul pas 'pho ba dang/ skye ba la sogs pa kun tu ston to/ /bcom ldan 'das byang chub sems dpa' ye shes dam pas 'di skad ces gsol to/ /btsun pa bcom ldan 'das kyis de skad du byang chub sems dpa' ni tshig gang gis bdag dang gzhan la gdung bar 'gyur ba de lta bu'i tshig mi smra'o zhes bka' stsal lags na/ bcom ldan 'das 'o na ci'i slad du byang chub sems dpa' skye ba gcig gis thos pa bram ze'i khye'u 'od zer phreng zhes bgyi bar gyur pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi gsung rab la 'di skad ces dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces gsungs na/ bcom ldan 'das kyis de skad gsungs pa de ci las dgongs te gsungs lags/ de skad ces

  342. 171b

    gsol ba dang/ bcom ldan 'das kyis/ byang chub sems dpa' sems dpa' chen po ye shes dam pa la 'di skad ces bka' stsal to/ /rigs kyi bu de bzhin gshegs pa dang byang chub sems dpa' rnams kyi spyod pa'i tshad rab tu rnam par dbye ba khyad la ci bya thang zhig /de ci'i phyir zhe na/ rigs kyi bu byang chub sems dpa' sems dpa' chen po rnams ni thabs la mkhas pa bsam gyis mi khyab pa dang ldan pas/ skyes bu dam pa de dag ni ji lta ji ltar sems can yongs su smin par 'gyur ba de lta de ltar gnas par byed pa'i phyir ro/ /rigs kyi bu gzhan yang gang gis phyir byang chub sems dpa' lo drug tu dka' ba spyad pa yang nyon cig /ji ltar byang chub sems dpa' thabs la mkhas pas sems can rnams mi dge ba'i las kyis bya ba dag la nges par skyo bar bya ba'i phyir te/ 'di ltar byang chub sems dpa' yang dag par rdzogs pa'i sangs rgyas 'od srungs kyi gsung rab la tshig 'di skad ces dge sbyong mgo reg mthong bas kho bo la ci zhig bya ba la sogs pa smras pa de yang byang chub sems dpa' thabs la mkhas pa de dang/ ldem po dag yin par lta bar bya ste las kyi sgrib pa de'i rgyus byang chub sems dpa' lo drug tu dga' ba spyod do/ /rigs kyi bu byang chub sems dpa' de dag yongs su smin par byas shing/ las kyi rnam par smin par bstan pa gang yin pa'i las kyi rnam par smin pa des kyang ngas lo drug tu dka' ba'i spyod pa spyad par gyur pas sems can mi shes pa spyod pa gzhan dag gis ni dge spyod dam bram ze'i tshul khrims dang ldan pa la lkog nas tshig rtsub pa brjod na/ de dag la yun ring por gnod par bstan pa'i phyir/ de bzhin gshegs pas las de kun tu ston par zad kyi/ byang chub sems dpa' la ni las kyi sdig

  343. 172a

    pa cung zad kyang med do/ /gzhan yang sems can gang dag tshul khrims dang ldan pa la tshig rtsub mo smras nas/ bdag cag la ni thar pa'i skal ba med do snyam du sems shing phyin chad rtsol bar mi byed pa de dag gis 'gyod pa bsal ba'i phyir yang las de kun tu bstan te /gal te rmi lam na de bzhin gshegs pa la skur pa btab par 'gyur na yang de nyid kyis sad pa'i tshe na dri mar yang 'gyur ro/ /de bzhin gshegs pa'i ni skyes bu chen po'i mtshan ro bro ba'i mchog dang ldan pas zhal zas mi bsod pa gsol kyang lha'i kha zas la yang dag par 'das pa'i ror 'gyur ro/ /srid pa 'pho ba las/ rgyal po chen po de la chos gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon par yang yod do/ /de la gang rnam par shes pa thams cad 'gag pa de ni 'chi 'pho zhes bya la/ gang dang po 'byung ba ni skye zhes bya'o/ /mig gis gzugs rnams mi mthong zhing/ /yid kyis chos rnams mi rig pa/ /de ni bden pa mchog yin te/ /de la 'jig rten mi dpogs so/ /'di dag thams cad ming tsam ste/ /'du shes tsam du gnas pa yin/ /brjod pa la ni gzhan gyur pas/ /brjod par bya ba yod ma yin/ /ming ni gang dang gang gis su/ /chos rnams gang dang gang brjod pa/ /de la 'jig rten mi dpogs so/ /'di dag thams cad ming tsam ste/ /de la de ni yod ma yin/ /'di ni chos rnams chos nyid do/ /ming gis ming ni stong pa ste/ /ming ni ming gis yod ma yin/ /phag mo'i rtogs pa brjod pa las/ lha'i bu 'chi 'pho ba'i snga ltas rnam pa lnga 'byung bar 'gyur te/ gang zhe na/ gos sngan chad ma rnyings pa rnyings par 'gyur ba dang/ me tog gi phreng ba

  344. 172b

    sngon chad ma rnyings pa rnyings bar 'gyur ba dang/ mchan khung gnyis nas rdul 'byung ba dang/ lus las dring ba 'byung ba dang/ rang gi gnas la mi dga' ba'o/ /sangs rgyas mi spang ba las/ 'jig rten gyi khams mig rgyu can du bud+d+ha rnam par gzigs pa'i nga ro 'gyur ba'i tshe/ rigs kyi bu bcu zhig gis gtsug lag khang lnga brgya lnga brgya byed du bcug la/ gtsug lag khang re re na yang phan de stong stong gis 'tsho ba sbyor sbyor ba las de'i tshe chos smra ba spobs pa brtsegs pa zhes bya ba la/ tshul khrims 'chal pa'i gleng gleng ba las/ las de'i rnam par smin pa las lo dgu khrir sems can dmyal bar skyes so/ /tshe rabs lnga brgya ni mi rnams kyi nang du za ma dang/ kla klo dar log par lta ba'i khyim du skyes so/ /lo drug brgyad ni dmus lor dang/ lce med par gyur to/ /tshe rabs bdun brgyad ni rab tu byung nas/ ji srid 'tsho ba'i mthar thug gi bar du gzungs ma thos par 'chi ba'i dus byas te/ las kyi sgrib pa de nyid kyis rigs kyi bu de dag sgribs so/ /rigs kyi bu de bas na khyod mos par bya khong du chud par bya'o/ /chos kyi rnam grangs 'di thos nas chos smra ba la mngon sum du mthong yang 'chal ba'i tshul khrims kyis brjod par mi bya na/ thos bas lta ci smos/ rigs kyi bu gang zhig sems can thams cad kyi mig 'byin par byed pa bas ni/ gang zhig chos smra ba la gshe ba'i bsam pa bas lta bar byed na ni de ni de bas ches kha na ma tho ba'i las che ba yin no/ /gang zhig sems can thams cad 'ching bar byed la/ gang zhig chos smra ba mthong na rgyab kyis phyogs te 'dug par byed na/ 'di la snga mas brgya dang stongs dang 'bum dang grangs dang/ dpag pa'i bar du yang mi bzod do/ /de ci'i phyir zhe na/ gang chos smra ba la skur pa 'debs pa de ni sangs rgyas la skur pa

  345. 173a

    btab pa'i phyir ro/ /sangs rgyas la bsnyen bkur byed par 'dod pas chos smra ba la bsnyen bkur bya'o/ /rigs kyi bu de lta bas na byang chub sems dpa' rnams kyi sa gnas pas gnas kyang rung ste/ byang chub sems dpa' srog gi phyir yang 'khrul pa la blta bar mi bya'o/ /de ci'i phyir zhe na/ rigs kyi bu chos bzhi po 'di dag ni byang chub sems dpa' rnams kyis byang chub yongs su spyod par byed pa'i phyir ro/ /gzhi gang zhe na/ stong pa nyid sgom pa dang/ sems can thams cad la zhe bgras pa med pa'i sems dang/ byang chub sems dpa' la rtag tu phan pa nye bar sgrub pa dang/ zang zin med pa'i sems kyis chos sbyin pa'o// // sad ya the ngan? ang tsha ba ni/ a ni bi le/ a she Sh+ro/ a kri te/ a na yu d+hi/ a phe a bi dza ri nga/ b+ha ba rung tra/ a ngag ma/ yung ta na da nya ba/ pra k+Shi be/ Ni ba De/ a gra he/ hu hu me/ tsa pa le/ sa De sa me/ sa ma de yo Ti/ na yo pa ri sho d+hi// //zhag bdun du gzungs sngags 'di dag bzlas na/ zhag bdun du sangs rgyas rjes su dran pa bsgom par bya'o/ /lhag pa'i bsam pa bstan pa'i le'u las sangs rgyas bcom ldan 'das rnams kyi chos nyid rtogs par dka' ba'o/ /de ci'i phyir zhe na/ kun dga' bo nyon mongs pa thams cad las kyang sems sbyang dgos la/ chos gang las kyang bskyod par yang mi bya/ 'phags par yang mi bya ba'i phyir ro/ /chos kyi tshul las rigs kyi bu dag 'jigs par gyis shig/ mngon par dga' ba med par gyis shig/ snying brtse ba med par gyis shig/ snying rje ba med par gyis shig /rigs kyi bu dag 'dum par gyis shig /rtag tu byed

  346. 173b

    par gyis shig/ brtag par gyis shig/ blo rgod par gyis shig/ rigs kyi bu dag rjes su chags par yang bgyis shig/ rtag tu zhes 'gras par gyis shig/ yun ring por blta bar yang gyis shig/ byas pa mi bzo bar yang gyis shig / rigs kyi bu dag bdud kyi las rnams ni 'bar bar gyis shig/ sangs rgyas gyi chos rnams ni zhi bar gyis shig/ gang dag nyan thos gyis smad par bya ba de dag khyed kyis ma smad cig/ gang nyan thos kyis mngon par dga' bar bya ba la khyed dga' bar ma byed cig/ gtsug na rin po ches zhus pa las/ byang chub sems dpa' rnams kyis spyod pa yongs su dag pa ni bzhi ste/ gang zhe na pha rol tu phyin pa'i spyod pa yongs su dag pa dang/ byang chub kyi phyogs kyi chos yongs su dag pa dang/ mngon par shes pa sgrub pa'i spyod pa yongs su dag pa dang/ sems can yongs su smin par bya ba'i spyod pa yongs su dag pa'o/ /byang chub sems dpa' i tshul khrims yongs su dag pa ni snga ste/ gang zhe na bdag mi ston pa dang/ gzhan mi ston pa dang/ ma bslabs pa la mi snyan pa dang/ nyan thos kyi sems la mi reg pa dang/ rang sangs rgyas kyi sa la mi 'dod pa'o/ /dpal dbyig gis zhus pa las/ gal te bslab pa'i gzhi lnga la slob par mi nus na yang/ des bzhi 'am/ gsum ma ma/ gnyis sam de'i nang na gcig tsam la yang blangs nas bslab par bya'o/ /gal te bslab pa'i gzhi cig tsam la yang slob par mi nus na/ des sdig pa'i las gang spyod pa de la ma zhen pa dang/ drag pa ma yin pa dang/ mi dga' ba bzhin par bya'o/ /gshung ba dang smad par bya'o/ /dge ba la ni de las bzlog ste bya'o/ /gser gyi bye ma lta bu las byung ba/ gnas brtan shA ri'i bu tshig gcig tsam smra ba'i yun ji tsam pa de'i

  347. 174a

    bar skabs su/ rang sangs rgyas kyi chos bstan pa rnam grangs grangs med pa ston to/ /rang sangs rgyas kyi tshig gcig smra ba'i yun ji tsam ba de'i bar skabs su/ byang chub sems dpa' chos bstan pa rnam grangs grangs med dpag tu med brjod du med pa ston cing/ don kyang brda sprad par byed do/ /lha'i bu blo gros rab tu bstan gyis zhus pa las/ btsun pa shA ri'i bu rigs kyi bu 'am rigs kyi bu mo bdag tu lta ba la brten pa 'am/ sems can du lta ba la brten pa 'am/ srog tu lta ba brten pa gang gis de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas/ gang gA'i klung gi bye ma snyed cig la/ ji srid 'tsho ba'i bar du bde ba'i yo byad thams cad kyis bsnyen bkur byas la/ gang gis chos zab mo shes par dka' ba/ 'jig rten thams cad dang mi mthun pa 'di lta bu thos shing/ chos stong pa dang/ mtshan ma med pa dang/ smon pa med pa dang/ zhi ba dang dben pa dang/ skye ba med pa dang/ sems can dang/ srog dang/ gang zag med pa mi rtag pa dang/ sdug bsngal ba dang/ bdag med pa 'di lta bu thos nas spangs te/ sems can dmyal pa rnams su ltung bar gyur pa btsun pa shA ri'i bu rigs kyi bu 'am rigs kyi bu mo chos zab mo 'di thos nas spangs te/ sems can dmyal ba rnams su ltung ba de/ chos myur bar de dag nas ldang zhing rnam par thar par 'gyur gyis rigs kyi buAm rigs kyi bu mo bdag tu lta ba la brten pa chos 'di ma thos par de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed

  348. 174b

    la bsnyan bkur byas pa de ni de lta ma yin no/ /shA ri'i bu gzhan yang rigs kyi bu 'am rigs kyi bu mo gang dag rna blags te/ chos zab mo 'di ma nyan nas ma rtogs shing spangs te/ sems can dmyal bar 'gro/ bde dag ni chos myur rnam par thar bar 'gyur gyis/ dmigs pa can the tshom du gyur pa gzhan dag ni de lta bu ma yin no/ /bden pa gnyis bstan pa las/ bcom ldan 'das kyis bka' stsal pa/ 'jam dpal 'di lta ste dper na/ skyes bu bkres pas ltogs pas nyams chung ba mnags pa bla'i/ mi shes par kha zas dug can zos pa de ni de lta ma yin no/ /de bzhin du byang chub sems dpa' dmigs pa can ma yin par ser sna can dang/ tshul khrims 'chal pa dang/ gnod sems dang/ le lo can dang/ brjed ngas? pa dang/ shes rab med pa bla'i/ nyan thos dang rang sangs rgyas dmigs pa can gyi sems kyi sbyor ba dang/ tshul khrims dang/ bzod pa dang/ brtson 'grus dang/ bsam gtan dang/ shes rab kyis spyod ba ni de lta ma yin no/ /bcom ldan 'das kyis bka' stsal pa/ lha'i bu 'di lta ste dper na gang mi dbul bo'i kha zas de ni 'khor los bsgyur ba'i rgyal po'i dug yin no/ /de bzhin du nyan thos dang/ rang sangs rgyas dmigs pa can rnams kyi tshul khrims dang brtson 'grus kyi bar de dag ni/ byang chub sems dpa' i 'chal pa'i tshul khrims nas le lo'i bar du 'gyur ro/ /lha'i bus 'jam dpal gzhon nur gyur pa la 'di skad ces smras so/ /ci 'jam dpal khyod byang chub sems dpa' i 'dul ba la bslabs sam/ 'on te nyan thos kyi 'dul ba la bslabs/ 'jam dpal gyis smras pa/ lha'i bu 'di ji snyam du sems/ rgya mtsho chen por mi lom pa'i chu gang yang yod dam/ chos thams cad shin tu mi 'byung bar mnyam pa nyid ces bya bar gang gi tshig bla dags?

  349. 175a

    yin/ 'jam dpal gyis smras pa/ lha'i bu de ni don dam pa sna tshogs med par tshig bla dags so/ /smras pa chos thams cad shin tu mi 'byung bar mnyam pa la/ ci'i phyir sna tshogs su snang lha'i bu chos thams cad mi 'byung bar mnyam pa la/ don dam par rdzas dang/ dngos po dang/ ngo bor yongs su rdzogs pas de dag don dam par sna tshogs su spyod do/ /de dag don dam par sna tshogs su spyod pa la/ dmigs pa'i lta ba mang du 'gyur ro/ /de dmigs pa'i lta ba mang pos/ 'gro ba rnam pa tha dad pa rnams su dbang med par 'khyam mo/ /gang lha'i bu chos thams cad shin tu mi 'byung bar mnyam pa la/ don dam par ngo bo dang/ rdzas dang dngos por yongs su mi rtog na de dag don dam par sna tshogs su mi spyod do/ /de dag don dam par sna tshogs mi spyod na/ don dam par shin tu dngos por med par 'gro ba'i tshul gyis don dam par chos thams cad shin tu ma skyes pa'i mnyam pa nyid dang/ mnyam par khong du chud par 'gyur ro/ /kun rdzob du na rtog pa ni nyon mongs pa rnams kyi sgo'o/ /mi rtog pa ni nyon mongs pa med pa'i sgo'o/ /byang chub kyi sems ni sangs rgyas kyi chos thams cad kyi sgo'o/ shes rab kyi pha rol tu phyin pa ni mya ngan las 'das pa'i sgo'o/ /kun rdzob tu sha'i mig gis sems can dang sangs rgyas kyi zhing mthong/ lha'i mig gis sems can gyi 'chi 'pho dang skye ba mthob/ shes rab kyi mig gis sems can gyi sems kyi spyod pa dang/ g.yo ba shes chos kyi mig gis chos thams cad yang dag par ji lta ba bzhin mthong/ sangs rgyas kyi spyan gyis/ sangs rgyas kyi mdzad pa thams cad mdzad kyang/ don dam par ci yang mi shes mi byed do/ /rnam par gtan la dbab pa'i rgyal po'i mdo las 'byung ba/ kun dga' bo 'di lta ste dper na/ u dum wa ra'i me tog ni sangs rgyas skye ba dus gcig tu 'byung ste/ kha dog dang ldan

  350. 175b

    zhing gsal te/ bzang la dris ni dpag tshad cig khor yug tu khyab par byed de/ /me tog de ni rab tu med par byed/ dran pa yongs su spyod bar byed/ nad kyang rab tu zhi bar byed de/ 'khor los sgyur ba'i rgyal po la yang de mi 'byung na/ tshul khrims 'chal pa ltan? smos kyang ci dgos/ me tog de lta bu de gang du skye zhe na/ rtog pa brjod pa las 'byung ba/ mtsho chen po ma dros pa'i byang phyogs na ri rtse lnga pa zhes bya ba de'i pha rol na u dum ba ra'i tshal yod de/ nam bcom ldan 'das dga' ldan nas bab ste/ lhums su zhugs pa de'i tshe/ tshal de'i kha 'bu bar 'gyur ro/ /bltams pa'i tshe kha 'bye bar 'gyur ro/ /mngon par sangs rgyas pa'i tshe me tog rgyas par 'gyur ro/ /tshe'i 'du byed bor ba'i tshe rnyings par 'gyur ro/ /mya ngan las 'da' ba' i tshe me tog dang/ lo ma la sogs pa lhags par 'gyur ro/ /me tog de'i tshad ni shing rta'i 'phang lo tsam mo/ /nam sangs rgyas rgyal rigs su skyes pa de'i tshe/ me tog ser por 'gyur/ nam bram ze'i rigs su skyes pa de'i tshe dkar por 'gyur ro/ /bskal pa bzang po'i mdo las/ bskal pa bzang po'i 'di'i 'og tu sangs rgyas med pa'i bskal pa drug cu 'byung ngo/ de'i 'og tu bskal pa snyan pa chen la sangs rgyas khri 'byung ngo/ /de'i 'og tu bskal pa khrir sangs rgyas mi 'byung ngo/ /de'i 'og tu bskal pa skar ma lnga bu la sangs rgyas brgyad khri 'byung ngo/ /de'i 'og tu bskal pa sum brgyar sangs rgyas mi 'byung ngo/ /de'i 'og tu bskal pa yon tan bkod pa la sangs rgyas brgyad khri bzhi stong 'byung ngo/ /yang dag par ldan pa'i lung las/ mi'i lus thob par dka' ba gnya' shing dang rus sbal gyi dpe 'byung ngo/ /'od srungs kyi le'u las/ 'od srungs dper na zla ba tshes pa la phyag bya ba de ltar zla ba nya ba la ma yin no/ /de bzhin du gang dag nga la rab tu dang ba de dag gis byang chub sems dpa' la

  351. 176a

    phyag bya'i de bzhin gshegs pa rnams la ma yin/ /de ci'i phyir zhe na/ byang chub sems dpa' la ni de bzhin gshegs pa skye'o/ /de bzhin gshegs pa las ni nyan thos dang rang sangs rgyas thams cad skye'o/ chos yang dag par sdud pa las/ byang chub tu yongs su bsngos pa'i dge ba'i rtsa ba rgya mtshor chu thigs ltung ba bskal pa ma byung gi bar du mi 'byung ba'i dper bstan pa 'byung/ dad pa'i stobs bskyed pa la 'jug pa'i phyag rgya las 'jam dpal la la zhig gis 'jig rten gyi khams thams cad kyi rdul phra rab kyi rdul snyed kyi sems can rnams kyi dge ba'i rtsa ba'i bar chad byas pa bas ni/ gzhan zhig gis dge bsnyen ston pa gzhan la mi rtogs pa'i dge bcu'i las kyi lam dang ldan pa gcog gos dge ba'i rtsa ba gcig gi bar chad byas na/ des sdig pa grangs med par bskyed do/ /dge bsnyen de snyed kyi dge ba'i bar chad byas pas/ dge slong gcig gi bar chad byas na de bas sdig pa grangs med par bskyod/ /dam pa'i chos dran pa nye bar gzhag pa'i mdo las/ rigs kyi bu mo chos bcu po 'di dag ni/ bsam gtan dang/ kha don gyi bar du gcod pa yin te/ bcu ni/ 'du 'dzi'i gtam nyan pa dang/ ri mo 'dri ba dang/ snyan pa dang/ gos sbyor ba dang/ gza'i tshogs dang/ rgyu skar sems pa dang/ zas rnyed pa bdag gir byed pa dang/ sha za mo lha'i rnam par bsgyur ba sems pa dang/ rgyal po la brten pa dang/ mkhas pa rnams la mi 'dri ba dang/ de ba la mgron du 'bod pa dang/ 'dre zhing gnas pa'o/ /ma 'dres pa'i mdo las 'byung ba/ thams cad mkhyen pa'i sems bskyed pa'i bar du gcod pa ni gnyis te/ g.yo dang sgyu med pa'o/ /de'i gzhi yang drang po dang g.yo med pa'o/ don

  352. 176b

    dam pa'i mchod pa la yang rtag tu brtson par bya ste/ byams pa seng ge'i sgra las/ sangs rgyas su 'du shes pa dang/ sangs rgyas mthong ba yang med na/ sangs rgyas mchod par 'gyur ba lta ci smos/ /de la sangs rgyas mchod pa gang zhe na/ gang 'du shes kyi mtshan ma mi bskyed pa'o/ /de bzhin gshegs pa skye ba 'byung ba'i mdo las/ kye rgyal ba'i sras de bzhin gshegs pa 'byung ba zhes bya ba 'dir/ sems can yongs su tshim par bya ba'i tshig go/ yongs su mya ngan las 'das pa zhes bya ba ni sems can skye ba bskyed pa'i tshig go/ de bzhin gshegs pa rnams ni skye ba med de/ yongs su mya ngan las mi 'da' o/ /de ci'i phyir zhe na/ de bzhin gshegs pa ni chos kyis dbyings la bzhugs pa'i phyir te/ sems can kyi bsam pa yongs su skor bar bya ba'i phyir/ mya ngan las 'das pa ltar snang ngo/ /sangs rgyas mya ngan las 'das pa ni rang gis de ltar mthong ste/ snod chag pa'i chu lta bu dang/ 'byung ba yang snod bzang po chu dang bzhin no zhes bya ba yang 'byung ngo// 'phags pa nA gA rdza nas bka' stsal pa/ theg pa gcig la mos pa'i sems can de dag ni/ shin tu rnyed par dka' ste/ theg pa gcig tu zad par ni mdo sde du ma las gsungs pa'i phyir ro/ /'phags pa bden pa'i le'u las 'jis? de bzhin gshegs pas la la ni nyan thos kyis theg pa la la ni rang sangs rgyas kyi theg pa gcig la la la ni theg pa chen po bshad par gyur na/ de'i de bzhin gshegs pa'i sems yongs su ma dag par 'gyur te/ /ngas chos las dpe mkhyud byas par yang 'gyur ro/ /'jam dpal ngas sems can rnams la chos gang dang gang bstan pa de dag thams cad ni 'di lta ste/ thams cad mkhyen pa'i ye shes thob par bya ba'i phyir/ byang chub la gzhol

  353. 177a

    ba/ theg pa chen po la bab pa/ thams cad mkhyen pa nyid sgrub ba/ yul gcig tu yang dag par phyin par byed pa ste/ de bas na nga la theg pa rnam par dgong pa med do/ /theg pa rnam par dgong ba zhes bya ba ni/ de bzhin gshegs pas sa rnam par dgod pa mdzad pa/ de ni gang zag rnam par dgong tshogs chung ngu dang tshad med pa rnam par dgong pa mdzad pa ste/ chos kyi dbyings tha dad pa med pa'i phyir/ 'di la theg pa tha dad pa med de / 'di ni kun rdzob tu 'jig pa bstan pa'i sgo tsam du brjod pa'o/ /shes rab kyi pha rol tu phyin pa las/ lha'i bu gang bla na med pa yang dag par rdzogs pa'i byang chub tu sems ma bskyed pa de dag gis/ bla na med pa'i byang chub tu sems bskyed par bya'o/ /gang dag yang dag pa nyid du nges par zhugs pa de dag ni/ byang chub tu sems bskyed pa'i mthu med do/ /de ci'i phyir zhe na/ de dag gis 'khor ba'i rgyun gyi mtshams bcad pa'i phyir ro/ /de dag gal te bla na med pa'i byang chub tu sems bskyed na ni/ nga yang rjes su yi rang zhing de dag gi dge pa'i rtsa ba la bar chad mi byed de khyad par du 'phags pa bas kyang shin tu 'phags pa'i chos la lhag par dmigs pa bya'o/ gzungs kyi dbang phyug rgyal pos zhus pa dang/ 'dus pa chen po dang phyir mi ldog pa'i 'khor lo dang/ dpal gyi phreng ba seng ge'i sgra dang/ lang kar gshegs pa las/ theg pa gsum gcig tu 'du bar 'byung/ dpal gyi phreng ba'i seng ge'i sgra las/ dam pa'i chos zhes bya ba ni theg pa chen po'i tshig bla dags so/ /de ci'i phyir zhe na/ nyan thos dang rang sangs rgyas dang/ 'jig rten las 'das pa'i dge ba'i rtsa ba thams cad kyang/ theg pa chen pos rab

  354. 177b

    tu phye ba'i phyir ro/ /zla ba'i snying po'i mdo las/ don dam pa'i bden pa ni bla na med pa yang dag par rdzogs pa'i byang chub ste/ nyan thos dang rang sangs rgyas thams cad dang thun mong ma yin yin/ /de bas na kun rdzob kyi bden pa gang gis kyang/ bla na med pa yang dag par rdzogs pa'i byang chub tu dge pa'i rtsa ba'i tshogs kyi mchog sgrub mi nus so/ /zla ba'i snying po dper na mi stag gang gis kyang rgya mtsho chen po skems par mi chus so/ /de bzhin du kun rdzob kyi bden pa gang gis kyang/ rang gi nyon mongs pa'i rgya mtsho skems par yang mi nus na/ sems can gzhan gyi lta smos kyang ci dgos/ byang chub sems dpa' i sde snod las/ 'phags pa yang dag pa'i lta ba 'byung ba ni rgyu gnyis te/ gzhan gyi sgo dang bdag nyid kyi tshul bzhin yid la byed pa'o/ /'jam dpal rnam par sprul pa'i le'u las/ lha'i bu yi ge rnams kyis ye shes de bstan pa de ni de bzhin gshegs pa rnams kyi thabs yin te/ ye shes de ni yi ge med pa'o/ /dper na me ma btsubs pa las me mi 'byung gi/ gtsubs pa las me 'byung ba de bzhin du/ de bzhin gshegs pas thog ma kho nar sangs rgyas gyi ye shes rgya cher yang dag par bstan na/ sems can gang gis kyang kun shes par mi 'gyur bas/ de bzhin gshegs pas gtsubs shing gi gtam gyis/ ye shes de bstan te ye shes ni yi ge med pa'o/ /smras pa 'jam dpal gtsugs shing gi gtam gang yin/ 'jam dpal gyis smras pa/ lha'i bu sdom pa dang/ yo byed bsnyungs ba dang/ pha rol tu phyin pa dang/ byang chub kyi phyogs kyi chos la 'jug pa'i gtam yin no/ /'phags pa nA ga rdzu nas bshad pa thabs la mkhas pa dang bral bar chos nyid zab mo la sbyor bar mi bya ste/ de bzhin gshegs pa'i yon tan dang ye shes

  355. 178a

    bsam gyis mi khyab pa'i yul la 'jug par bstan pa las/ 'jam dpal la la dag gis mngon par sangs rgyas nas lo bcu lon pa dang/ la la dag gis yongs su mya ngan las 'das nas so bcu lon pa dang/ la la dag gis ni byang chub kyi snying por byon pa dang/ la la dag gis bcom ldan 'das shAkya thub pa'i bstan pa nub par shes so/ /de bzhin du rnam pa sna tshogs su shes so/ /mya ngan las 'das pa chen po ?? stong gsum gyi stong chen po'i 'jig rten gyi khams na 'khod pa'i sems can thams cad kyang gcig la gcig pu gcig pa bzhin byams par byed do/ /'dod chen po rnams ni ma gtogs so/ /de bzhin gshegs pa 'dus byas so zhes zer ba de dag ni brdzun du smra ba ste/ rang gi khyim dang 'dra bar sems can dmyal bar 'gro bar 'gyur ro/ /dam pa'i chos sun phyung yang rung/ 'dod chen po yang rung ste gsad du mi rung ngo/ /rgyu sogs pa'i srog gcod pa ni byed mi por? do/ /zhing ngam khyim gyi nang du dug shing ngam snyi long skyes na rtsa nas gdon dgos pa ltar/ tshul khrims 'chal pa dang/ dam pa'i chos sun 'byin pa rnams ni bran bzhin tshar bcad pa sangs gnod/ /de bzhin gshegs pa ni rtag pa dang bstan pa yin par khong du chud par gyis shig/ 'jig rten 'di ni sprul pa'i lus ma yin te/ deng de bzhin gshegs pa dug sman la brten pa'i sku yongs su 'dod par mdzad do snyam du shes par gyis shig/ tshul khrims 'chal pa gang dag yin pa de dag ni khyim bdag mgo reg ces bya'o/ /dge bsnyen gyis bslab pa'i gzhi lnga gzung bar mi bya ste/ mtshon cha thogs nas dge slong bsrung bar bya'o//

  356. 178b

    de bzhin gshegs pa myang ngan las 'das nas dus ngan pa'i che mu ge'i nyes pas phal cher rab tu byung zhing mgo reg? tu gyur te/ de dag gis dge slong tshul khrims dang/ yon tan dang ldan pa dag skrong? par 'gyur/ gsod par 'gyur/ dge 'dun rnam pa gsum ste/ tshul khrims 'chal pa dang/ byis pa dang/ rang bzhin gyi dge 'dun no/ /bud d+ha dpyid zla tha chung nya'i nang bar du mya ngan las 'das te/ nga phyin ched nga'i nyan thos rnams sha za bar mi gnad do sha za na ni byams pa chen po chad par 'gyur ro zhes ngas bstan to/ /rigs kyi bu yang rung ba ma yin pa'i 'bras 'tshed pa dang/ sha dang nya sha len pa snabs su sbyor ba dang/ bru mar gyi snod dang/ gdugs dang/ lha byed pa dang/ rgyal po la brten pa dang/ mo yig 'chang ba dang/ sman dpyad la brtson pa dang khran dang gser la sogs pa len pa dang/ ri mo dang/ gzugs byed pa dang/ skye shing 'jugs/ gsang sngags dang/ sman dang/ byis pa'i rtsed mo dang/ gar stabs kyi yan lag dang/ 'gros 'chos pa dang/ sgeg pa'i yan lag la brtson pa dag 'byung bar 'gyur te/ de dag spangs pa la dge slong zhes nga zer ro/ /'dzam bu'i gling la lar ni bud med kyi gzugs kyis 'tshang rgya bar sten/ 'dzam bu'i gling la lar ni bdag nyid khams bzhi po rnams su sgyur bar byed cing/ sems can rnam kyi nad bsal bar bdag nyid sman dang shing thams cad du sgyur bar byed do/ /de bzhin gshegs pa ni gsong mi rung ba'i nang 'dod chen po ma gtogs par nang thams cad gso? bar mdzad/ gang mya ngan las 'da' ba de dag gso ba yin no/ /de bzhin gshegs pa'i ni sha'i sku yin te/ bud shing zad pa'i me bzhin du yongs su mya ngan las 'das so zhes bya ba ni/ nyan thos kyi theg pa yin te tshad ma ma yin no/ /dge slong rnams kyis

  357. 179a

    ni thog mar dge sbyong gi chos kyis grogs sbur rnams la yang snying rje bya'o/ /dge sbyong gi chos kyis chang gi ro bro ba'i btung ba yang dag par spang bar bya'o/ /rmi lam du yang brdzun du smra ba dang/ bud med dang phrag? ba'i sems bskyed par mi bya'o/ /sangs rgyas kyi gsung ni dbu ma'i la ma yin par shes par gyis shig/ sangs rgyas kyis ni rtag pa dang chad pa gnyis ka'i mdza' spangs pa/ dbu ma'i lam du gsungs so/ /rigs kyi bu bsod nams thams cad bsdus pa'i mdo dang/ shes rab kyi pha rol tu phyin pa'i mdo chen po las gnyis su med pa la 'jug pa'i snang ba dang/ de nyid bdag yod pa dang/ bdag med pa gnyis su med par/ /ngas bstan pa de rjes su dran par gyis shig de bzhin gshegs pa'i snying po thog ma nas bcos ma ma yin la/ nyon mongs pa ni glo bur ba yin te/ sangs rgyas su 'gyur bar 'dod pas/ nyon mongs pa rnams gzhom par bya'o/ /sa bcu thob par byang chub sems dpa' rnams kyis kyang legs par brtags nas ring gi lus la de bzhin gshegs pa'i snying po byas pa ma yin par yod par 'ol phyir mthong bar zad do/ /nyan thos dang rang sangs rgyas thams cad kyis kyang/ mya ngan las 'das pa chen po'i mdo'i? tshul gyis bdag gi lus la de bzhin gshegs pa'i nying po yod par yid ches pas bya ste/ legs par smras pa chos dang 'tsham pa ni 'jig rten pa yin yang/ 'jig rten las 'das pa yin par rig par bya'o/ /bstan bcos sam/ rigs sngags sam/ gsang sngags gang ci yang rung ba thams cad ni rdzogs pa'i sangs rgyas kyis bshad pa yin par shes par gyis shig /bcom ldan 'das kyis yi ge phyi mo ji ltar bka' stsal lags/ bka' stsal pa

  358. 179b

    yi ge phyi mo chos thams cad ni sprul pa ste/ de yang dam pa'i chos kyi tshul gyis yi ge phyi mo bslabs na/ chos dang chos ma yin pa bye brag phyed par 'gyur ba'i phyir ngas sprul pa yin gyi/ chos ma yin pa'i phyir na ma yin no/ /'phags pa gang dag yin? zhe na/ 'phags rten ni byung ba gang/ chags pa med pa dang/ rung bas chog par 'dzin pa dang/ sems can sred pa'i mtshe las sgrol ba ni 'phags pa zhes bya'o/ /rigs kyi bu 'am rigs kyi bu mo la zhugs pa ni 'phags pa ste/ dge slong tshul khrims dang ldan pa yang 'phags pa zhes bya'o/ /de bzhin gshegs pa'i sku la ni/ bsags pa'i khams kyis bab kyang ma mchis/ rigs kyi bu nga? 'das nas lo bzhi stong gi bar du 'dzam bu'i gling du spyod par 'gyur te/ de'i rjes la sa'i 'og tu nub par 'gyur ro/ /nga'i? chos kyi mjug lo brgyad cu lus par 'gyur te/ chos nub tu cha ba na yongs su mya ngan las 'das pa chen po'i mdo sde chen po 'di 'dzam bu'i gling du 'byung bar 'gyur te/ lo bzhi bsku'i? bar du ces kyis char phab nas nub par 'gyur ro rgan nam yang na gzhon yang rung/ /gang las chos ni rtogs 'gyur ba/ /dbang chen lha yi bya ba bzhin/ /de la bkur sti phyag kyang bya/ /zhes bya ba ni ma 'ongs pa'i dus kyi byang chub sems dpa' rnams kyi phyir ngas bstan pa yin gyis nyan thos rnams kyi phyir ni ma yin no/ /kha cig ni zla ba phyed yin par 'dzin te/ zla ba ni phyed du 'gyur zhing lhags pa yang mdo/ zla ba ni ri rab kyi rkyen gyis de ltar snang bar zang ngo/ /rigs kyi bu gzhan yang dper na zla ba dang lha ma yin gyi dbang po sgra gtsan phrad pa'i che/ 'jig rten rnams kyis zla ba gzas zin to snyam du 'dzin te/ sgra gcan ni zla ba la 'dzin par yang mi byed la/ des ni de la bza' bar yang mi nus te/ sgra gcan gyi lag pas

  359. 180a

    zla ba bsgribs nas 'od mi snang bar byed par zad de/ zla ba la rma yang med/ nyon mongs pa yang med do/ /mi rnams kyis ni zla ba sdug bsngal zhing 'dug par 'dzin to/ /zla ba ni rang bzhin kho nar 'dug bzhin du/ bdag nyid sgra gcan dang lhan cig 'dug ste/ 'di ni 'jig rten gyi chos nyid do/ /de bzhin gshegs pa ni 'jig rten gsum du yang dag par snang ste/ 'di ni sangs rgyas rnams kyi chos nyid do/ /rigs kyi bu dper na zla ba yar gyi ngo// yang ma yin/ mar gyi ngo yang ma yin pa gnam stong gnyis par nyi ma dang zla ba med pa'i skabs su/ gza' mjug rings shar nas kun gyis mtshor bar skad cig kho na la mi snang bar 'gyur ro/ /de bzhin du rang sangs rgyas rnams kyang sangs rgyas mi bzhugs pa'i tshe byung nas/ sems can man po dam pa'i chos la bkod nas mi snang bar 'gyur/ 'dod pa chen po rnams la yang de bzhin gshegs pa'i snying po yod mod kyi/ 'on kyang g.yangs shin tu lkug par 'dug go /dper na dar gyi srin bu rang nyid kyis kun nas dkris nas/ sgo ma gtod pas phyir 'byung mi nus pa de bzhin du de bzhin gshegs pa'i snying po yang de'i las kyi nyes pas 'dod chen po'i khong nas 'byung bar mi nus so/ /rigs kyi bu gzhan yang bud med ji ltar mi bzod pa nyon cig /bud med ni gal te skyes pa gang+gA'i klung gi bye ma snyed dam/ gtam snyed dam/ dkrigs snyed dang lhan cig 'dod pa zhen par spyod kyang/ sbrang bu'i gcan gyis rgya mtsho brlan cing ngoms par mi 'gyur ba de bzhin du/ bud med rnams ngoms par mi 'gyur ro/ /mdo chen po 'di yang lho phyogs su song nas/ yongs su mya ngan las 'das pa chen po'i dgongs pa'i tshig gis char 'bebs so/ /de nas lho phyogs kyi byang chub sems

  360. 180b

    dpa' sems dpa' chen po rnams kyi dam pa'i chos 'jig par shes nas dgu na gyi dus dang nye bar gyur pa'i sprin bzhin du kha che yul du song nas/ sa la nub par gyur te/ theg pa chen po'i mdo sde shin tu rgyas pa bdud rtsi'i mchog gi dam pa'i chos thams cad nub par 'gyur ro/ /gsol pa/ 'dod chen po ji lta bu lags/ bka' stsal pa/ dge slong ma dge slong ma 'am/ dge bsnyen nam/ dge bsnyen ma yang rung ste/ tshig ngan pa mdo sde spangs nas/ phyis bzod pa gsol bar yang mi byed pa gang yin pa de lta bu ni/ 'dod chen po'i lam du zhugs pa yin no/ /pham pa bzhi dang/ mtshams med pa lnga byed pa de dag bdag cag 'jigs pa'i lam du zhugs pa yin no snyam du shes kyang/ 'jigs par mi lta la/ dam pa'i chos 'byung ngo snyam du mi sems shing/ de nyid kyi bsngags pa ma yin par yang brjod par byed pa de dag kyang der zhugs pa yin no/ /dkon mchog gsum med do zhes zer ba de dag kyang der zhugs pa yin no/ /mchog tu tshul khrims 'chal pa la byin pa ni 'bras bu cung zad kyang med do/ /'bras bu chen po 'chags shing bzod pa gsol ba'i sems bskyed pa ni mi srid do/ /chad pa dag gis thams cad skrag /kun la srog ni phangs pa yin/ /bdag gi nyams las dpag bya zhing/ /brdeg par mi bya gsad mi bya/ /gser 'od dam pa las/ /sgrib pa thams cad dang bral zhing/ /dge pa'i chos thams cad rdzogs pa'i phyir/ /de kho na nyid dang yang dag par ye shes kyi sku'o/ kun gzhi rnam par shes pa gnas gyur pa ni chos kyi sku'o/ /nyon mongs pa can gyi yid gyur pa ni longs spyod rdzogs pa'i sku'o/ /'jug pa'i rnam par shes pa gyur pa ni sprul pa'i sku'o/ /dud phrod gi mdo las/ de bzhin gshegs pa'i snying po gsal bar ma

  361. 181a

    gyur pa'i che ni kun gzhi zhes bya'o/ /gsal bar gyur pa'i tshe ni chos kyi sku zhes bya'o/ /stug po bkod pa las/ sems ni rnam pa gnyis dngos su/ /gzung dang 'dzin par snang ste/ /bum pa snam bu la sogs pa'i/ /lus ni gang yang yod ma yin/ /gsar mdog gi sngon gyi sbyor ba las/ /gang rang sangs rgyas kyi lus kyis chos ston pa ni chos nyid yin te/ /tshig gis ni ma yin/ /bcom ldan 'das rang sangs rgyas/ /stug po bkod pa las/ /'di ltar snang ba ci yang rung/ /mtshan ma gzugs su snang ba la/ /bag chags yod par kun gzhi ste/ /sa rnams kun na gzugs ltar gnas/ /ji ltar 'o ma gyur pa dang/ /yon tan zho dang dar bar snang/ /de bzhin kun gzhi rnam shes kyang/ /rnam par gyur na gzugs ltar snang/ /gzugs kyi yon tan ldan pa'i gzugs/ /kun gzhi gzugs ltar gnas pa ste/ /ji ltar byis pas brtags pa bzhin/ /gzugs ni gud na yod ma yin/ /sa la gzugs rnams yod pa dang/ /lha yul gnas pa'i khyim rnams kyang/ /rnam pa sna tshogs gang snang ba/ /de ni kun gzhir gyur pa yin/ /kun gzhi kun du lag pa ste/ /kun tu kha mig mgo yang yin/ /rim 'am yang na cig char du sa rnams log par rab tu gnas/ /ri rab tsam du gyur pa yi/ /bdag tu lta ba mi gnod kyi/ /stong nyid lta la gnod pa ni/ /nga rgyal mi bden brtags pa'o/ /rnal 'byor spyod pas stong pa nyid/ gnas ma yin par spyad mi bya// gnas min gal te spyad gyur na/ /bdud rtsi dug tu 'gyur ba bzhin/ /lta ba ji snyed gang yang rung/ /lus can rnams la yod pa yid/ /lta ba rnam par spang pa'i phyir/ /stong pa nyid kyi tshul bstan to/ /stong pa nyid kyi lta thos nas/ la

  362. 181b

    la'i lta ba mang zhig ni gsor mi rung ba'i lta can te/ /sman pas btang ba'i nad bzhin te/ /ji ltar sreg bya tshig pa'i me/ /bsreg bya med pas mi gnas/ /de bzhin bsreg bya lta tshig na/ /stong nyid me yang 'gag par 'gyur/ /lta ba 'gag pa'i dus su yang/ /yang dag ye shes mi 'byung ste/ /nyon mongs bsregs nas rnam par mdzes/ /sems ni rnam pa gnyis dngos su/ /gzung dang 'dzin par snang ba ste/ /bum pa snam bu la sogs pa'i/ /yul ni gang yang yod ma yin/ rnam par shes pa'i spyod yul gang/ /'di ltar snang ba ci yang rung/ /rnam par shes par gyur pa ste/ /bum pa la sogs ma yin no/ /'di ltar nor la snang ba gang/ /bum pa la sogs ci yang rung/ /de ni kun gzhi gyur pa ste/ /snang ba nor pa'i mtshan nyid do/ /'phags pa dpal sbas zhes bya ba'i mdo las/ /bram ze de ni lus thams cad nas me byung ste/ /tshig nas tshig go zhes smras te/ /sems can dmyal ba chen por ltung ngo/ /de la bram ze'i khye'u chos 'dod kyis 'di skad ces smras so/ /slob dpon ma bsnyengs shig /bdag gis khyod bskyab par bgyi'o/ /de nas bram ze'i khye'u chos 'dod kyis/ /bdag sems can rnams kyi don du byang chub la spyod pa'i bden pa dang/ bden pa'i tshig des 'di'i sems can dmyal ba zhi bar gyur cig ces byas pa dang/ de ma thag tu bram ze de sems can dmyal ba nas thar to/ /spobs pa'i brgyan bkod pa las/ /de bzhin du gzugs nas byang chub kyi phyogs sum cu rtsa bdun gyi bar du/ sangs rgyas kyi zhing gzhan na ming sna tshogs su bya ba dang/ ga tu med de rnam grangs 'di ni/ ming thams cad ni yang dag pa ma yin pa kun tu rtog pa yin par rig par bya'o/ /tshe dang ldan pa rab 'byor gyis smras pa/ gal te bdag sems rnam par grol bar ma gyur na/ bdag kyang bla na med pa yang dag par

  363. 182a

    rdzogs pa'i byang chub tu sems bskyed par 'gyur nad ci byar yang med do/ /bkres pa ni nyes pa med kyi/ kye dug dang 'dres pa'i zas zos pa ni de lta ma yin/ /de bzhin du byang chub sems dpa' nyan thos kyi theg pa ni mthos kyang bla'o/ /byang chub sems dpa' i rgyan ni bdun te/ byang chub kyi sems mi brjed pa'i rgyan dang/ snying rje chen po'i bsam pa la gnas pa'i rgyan dang/ sems can kun la sems thogs pa med pa'i rgyan dang/ / chos nyan pa tshol bas chog mi shes pa'i rgyan dang/ ji ltar thos pa'i chos rnams chub par byas nas/ tshul bzhin so sor rtog cing dpyod pa'i rgyan dang/ sems can yongs su smin par byed kyang/ chos thams cad la mi dmigs pa'i rgyan dang// chos zab mo la rnam par sems shing/ rten cing 'brel par 'gyur ba dang/ sems can gyi dbang po mchog dang mchog ma yin pa shes pa'i rgyan dang/ sangs rgyas kyi byin gyis brlabs la thabs mkhas pas brgyan no/ /sangs rgyas phal po che las/ sangs rgyas spyod yul ting nge 'dzin las skyes/ de nas sangs rgyas kyi byin gyis brlabs kyis/ 'jig rten gyi khams me tog gi rgyan gyis brgyan pa'i gzhi dang/ snying po rgya mtsho thams cad rab tu g.yos so/ /yang dag sangs rgyas chos kyi sku/ /rnam dag nam mkha' 'dra ba ste/ /gzugs kyi sku yang rab brtan cing/ /chos nyid 'di la shin tu 'jug /skad cig sems kyis dus gsum 'byung ba yi/ /zhing 'byung tshul dang 'jug pa kun kyang ston/ /sangs rgyas rnams kyis dus gsum zhing bstan pa/ /rnam par snang mdzad rgya mtsho zhing mi zad/ /zhing rnams ring dang thung dang gling gi gzugs dang rnam pa sna tshogs te/ /chos dbyings mnyam zhing rnam par 'jam klas mig yor sgyu ma dang yang

  364. 182b

    'dra/ mig 'phrul rnam phye rnam dag dri med sems kyis shin tu bskyed pa ste/ nam mkha' i dbyings rnams sna tshogs rgyan gyi snying po gnas 'gyur 'di la snang/ /rin chen 'od 'phro 'byung ba'i zhing/ /'od 'phro'i sprin gyis mngon phebs shing/ /rin chen thams cad sna tshogs ldan/ /thams cad las kyi sprul pa yin/ /rgya mtsho sems las byung ba yi/ /zhing rnams mod pa'i yid la gnas/ /ye nas mi gnas smig rgyu bzhin/ /yongs su rtogs par yang dag bskyed/ /bsam gtan tshul dang rnam thar sa sbyar zhing/ /zhing rnams rgya mtsho sna tshogs yangs pa 'byung/ /yid bzhin rin chen rgyal po rnams/ /kha dog kun tu snang ba ltar/ /sems can bsam pa rnam dag pas/ /de bzhin zhing rnams rab tu snang/ /klu'i rgyal po'i sgrin gyi gnas/ /nam pa'i dbyings la ston pa ltar/ /de bzhin sangs rgyas smon lam gyis/ /zhing gi rnams ni 'byung ba yin/ /sems can lus kyi rnam par dag /ji ltar sems kyis brtag pa ltar/ /de bzhin zhing gi rnam pa yang/ /thams cad las kyis rnam par bris/ /ji ltar gzhan dang gzhan gzugs su/ /sems can rnams kyi bsam pa bzhin/ /mgon po rnams ni snang ba ltar/ /de bzhin zhing rnams snang ba'o/ /sgyu ma'i mkhan po sngags dag gis/ /sgo rnams sna tshogs ston pa ltar/ /de bzhin sems can las rnams kyis/ /bsam gyis mi khyab cing 'byung ngo/ /ji ltar ri mo gzugs kyi rnams/ /ri mo'i las kyis bris pa ltar/ /de bzhin zhing rnams 'di dag kun/ /sems kyis ri mor bris pa yin/ /gling byang chub kyi rgyal mtshan de na/ /grong rdal mdzod mdza' yas pa zhes bya ba/ /khang pa brtsegs pa'i dbyings su 'dug pa/ grong rdal 'jig rten gyi khams rgya mtsho bcu'i

  365. 183a

    rdul shin tu phra rab snyed kyi 'khor dang ldan pa yod de/ grol rdal mdzod mdza' yas pa zhes bya ba de ni/ de bzhin gshegs pa'i dgongs pa'i phyir/ rgya mtsho 'jig rten gyi khams rgya mtsho bcu'i rdul shin tu phra rab snyed phun sum tshogs pa dang ldan pa'o/ /de bzhin gshegs pa'i dgongs pa'i phyir yang re re zhing yang ting nge 'dzin gyi 'obs rgya mtsho 'jig rten gyi khams rgya mtsho bcu'i rdul shin tu phra rab snyed kyis yongs su bskor ba'o/ /ting nge 'dzin gyi 'obs rgya mtsho de dag re re zhing yang/ de bzhin gshegs pa zhi gnas kyi chu rgya mtsho 'jig rten gyi khams rgya mtsho bcu'i rdul shin tu phra rab snyed kyis yongs su dag pa'o/ /de bzhin gshegs pa'i zhi gnas kyi chu rgya mtsho de dag re re zhing yang/ de bzhin gshegs pa'i ye shes dang/ yon tan gyi me tog ud pa la dang/ padmo dang/ kun mu da dang/ puN+Dta? rI ka 'jig rten gyi khams rgya mtsho bcu'i rdul shin tu phra rab snyed kyis yongs su gang ba'o/ /grong rdal mdzod mdza' yas pa de ni/ /sems rin po che shin tu rnam par dag pa'i pha gu /rgya mtsho 'jig rten gyi khams rgya mtsho bcu'i rdul phra rab snyed la sogs pa yin no/ /de nyid na'ang shAkya thub pa zhes bya bar shes so/ /rnam par snang mdzad ces bya bar rab tu shes so/ /sems can de dag thams cad kyang/ /phung po lnga las shin tu brjod/ /de rnams las kyi phun chen yin/ /las kyi rtsa ba sems yin te/ /sems ni sgyu ma bzhin du bshad/ /sgyu mar gyur pa 'gro ba 'di'o/ /sems ni ri mo mkhan dang 'dra/ /sems ni phung po byed pa ste/ /'jig rten khams ni ji snyed pa'i/ /'jig rten 'di dag

  366. 183b

    sems kyis bris/ /gang zhig dus gsum thams cad kyi/ /rgyal ba thams cad shes 'dod na/ /sangs rgyas thams cad sems kyi dngos/ /chos kyi dngos su blta bar gyis/ /'dus byas kyi chos rnams gang zhe na/ /'di lta ste 'dod pa'i khams dang/ /gzugs med pa'i khams dang/ /sems can gyi khams rnams te/ /'di dag ni 'dus byas kyi chos so/ /'dus ma byas kyi chos rnams gang zhe na/ nam mkha' dang/ mya ngan las 'das pa dang/ so sor brtags te 'gog pa dang/ so sor ma brtags par 'gog pa dang/ rten cing 'brel par 'byung ba dang/ chos kyi gnas nyid de/ 'di dag ni 'dus ma byas kyi chos so/ /las sna tshogs kyis mngon par 'dus byas pa/ nam mkha' i khams dang 'jig rten gyi khams thams cad kyis yongs su bsdus pa/ 'jig rten gyi khams phyogs gzhan dang/ gzhan gyis rjes su song bar rab tu gnas pa/ sangs rgyas kyi zhing thams cad du/ ye shes kyi ri po shin tu 'phags shing rnam par dag pa'i rin po che'i ri bo grangs med pa kun tu gsal bar gyur cig / ye shes kyi phung po che'i 'od kyi phung po grangs med pa kun nas gnas par gyur cig /ye shes kyi mar mes yongs su grub pa'i rin po che'i mar me grangs med pa kun nas gnas par gyur cig / ye shes kyi snang ba kun tu gtong ba'i rin po che'i lo ma dang ldan pa grangs med pa kun nas gnas par gyur cig /gzhung de ltar rin po che ji lta ba bzhin du yongs su bsngo ba yang khong du chud par bya ste/ ye shes kyi spos tshogs pa med pa'i mdza'

  367. 184a

    thug pa'i spos kyi yid las rgya chen po yongs su dag pa tshad med pa kun nas gnas par gyur cig /de bzhin du me tog thams cad kyi me tog gi rgyan bsam gyis mi khyab pa kun tu gnas par gyur cig / ces bya ba nas/ ye shes kyi me tog chags par gyur cig ces bya ba nas/ ye shes kyi me tog chags pa med pa'i mdza' thug pa zhes bya ba dang/ ye shes kyi phreng ba dang byug pa dang/ ye shes kyi phye ma dang/ gdug pa dang/ ye shes kyis gos dang/ chos gos kyi rgyan dang/ ye shes kyi gdugs kyi rgyan dang/ ye shes kyi rgyal mtshan dang/ ba dan dang/ ye shes kyi lhab lhub dang/ ye shes kyi nor bu rin po che rnam par dag pa brjod du med pa/ kun tu gnas par gyur cig ces/ de ltar byang chub sems dpa' sems dpa' chen po chos sbyin pa la sogs pa'i dge ba'i rtsa ba de dag dge ba'i rtsa ba thams cad kyis bsgrubs pa'i sangs rgyas kyi zhing yongs su bsngos na/ lha ma yin gyi dbang po sgra gcan zhes bya ba yongs su bsngo'o/ /de'i rang bzhin gyi lus ni/ dpag tshad bdun brgya'o/ /sprul pa'i lus ni dpag tshad stong phrag drug cu rtsa brgyad do/ /'di lta ste nam mkha' ni/ skye ba med cing 'gag pa med kyang 'jig rten thams cad kyi skye ba dang/ 'gag pa 'dzin te/ /sangs rgyas bcom ldan 'das rnams ni/ sku'i skye mched kyis phrin las gang sgrub pa de/ thugs kyi skye mched kyis yongs su grub par mdzad do/ /byang chub sems dpa' kun tu bzang pos smras pa/ kye rgyal ba'i sras dag byang chub sems dpa' i sa/ gzhan la zhe sdang bskyed pa tsam du kha na ma tho ba'i chos ni 'ga' tsam yang bdag gis ma mthong ngo/ /de ci'i phyir zhe na/

  368. 184b

    gzhan la khong khro bskyed pa'i byang chub sems dpa' ni/ sgrib pa'i chos brgya stong phrag bcu po 'di dag yongs su 'dzin par 'gyur te/ gang zhe na byang chub sems dpa' mi mthong ba dang/ chos mi thos pa dang/ ngan song du gnas pa dang/ theg pa dma' ba dang 'dre ba dang sdig pa'i grogs po 'dzin pa dang/ bdud kyi yul bsten pa dang/ sangs rgyas kyi bstan pa las ring ba dang/ theg pa dma' ba la mos pa dang/ theg pa chen po la yid mi ches pa dang/ de bzhin gshegs pa'i chos spong ba dang byang chub sems dpa' dang 'grogs pa'i las drungs 'byin pa dang/ shes rab kyi pha rol tu phyin pa'i mi mthun pa'i phyogs dang/ gleng bzhi sgrag pa dang/ de bzhin gshegs pa'i rigs dang/ ring bar 'dzin par 'gyur ba la sogs pa ste/ sgrib pa'i chos kyi sgo brgyad stong phrag bcu 'dzin par 'gyur ro/ /'jig rten gyi khams 'jig pa'i tshe/ thog mar sgra chen po 'di lta bu 'byung ste/ kye ma grogs po dag bsam gtan dang po ni 'dod pa dang/ gnod sems med pas shin tu bde ba ste/ 'dod pa'i khams las yang dag par 'da' ba' i rgyur 'gyur ro/ /sgra de thos nas sems can dag bsam gtan dang po bsgrubs nas 'dod pa'i khams nas tshangs pa'i 'jig rten du skye'o/ /de bzhin du bsam gtan gzhi ba'i bar gyi sgra bsgrags nas/ de bzhin bsgrubs te skye/ klu'i rgyal po ma dros pa'i gnas nas chu klung chen po bzhi 'bab ste/ 'di ltar chu klung chen po gang gA ni glang po che'i kha nas 'bab bo/ /si ta ni seng ge'i? kha nas 'bab bo/ sind+hu ni glang gi kha nas 'bab bo/ /pak+Shu ni rta'i kha nas 'bab bo/ /gang+gA ni mdun nas dngul gyi bye ma 'dren cing 'bab po/ /sI ta ni rdo rje'i bye ma'o/ /sind+hu ni gser gyi bye ma'o/ /pak+Shu ni bai

  369. 185a

    DUrya sngon po'i bye me 'dre na cing 'bab po/ /de dag 'bab pa'i tshe re res kyang mtsho chen po lan bdun du g.yas phyogs su skor te phyogs bzhir 'bab cing rgya mtsho la zhen par 'dod do/ /lan bdun bskor ba'i bar gyi glang de dag kyang/ /me tog uta pa la dang/ /padmo dang ku mu da dang/ puN+Da rI ka lha rdzas kyi rin po che'i rang bzhin las grub pa'i 'dab ma sna tshogs dang ldan zhing snying po sna tshogs can gyis brgyan pa/ mtsho de'i dkyil 'khor ni dpag tshad lnga bcu yod de/ zabs su yang dpag tshad lnga bcu'o/ /de'i ngogs ni rin po che sna tshogs brtsigs pa pha gu ltar 'dug pas kun nas 'khor pa'o/ /ji ltar mtsho chen po ma dros pa/ rin po che'i zhing gis 'khor ba de bzhin du/ byang chub sems dpa' yang mngon pa 'tshang rgya ba ston pa na/ sangs rgyas kyi zhing gis kun nas 'khor zhing brgyan pa yin/ chu klung chen po bzhi char yang kha'i sgo dpag tshad tsam nas 'bab po/ /byang chub sems dpa' chen po de bzhin gshegs pa'i rigs su byung ba'i dpal gyis byang chub sems dpa' chen po kun tu bzang po la smras pa/ kye rgyal ba'i sras de bzhin gshegs pa rnams kyi sku ltar yod ji ba ltar khong du chud par bya/ smras pa/ kye rgyal ba'i sras sku bltar yod pa ni/ dper na nyi ma'i dkyil 'khor de nyid 'dzam bu'i gling du 'char ba'i tshe/ thog mar ri rab ri'i rgyal po la snang ngo/ /de'i 'og tu rin po che gzhan la snang ngo/ /de'i 'og tu ri nag pa la'o/ /de'i 'og tu sa phyogs mthon po rnams la'o/ /de'i 'og tu sa phyogs dma' ba rnams su snang bar byed de/ 'on kyang nyi ma'i dkyil 'khor la 'di ni thog mar snang snang bar bya'o snyam pa la sogs pa'i rtog pa

  370. 185b

    med do/ /kye rgyal ba'i sras de bzhin du de bzhin gshegs pa rnams kyi sku ye shes kyi sku nyi ma'i dkyil 'khor yang/ chos kyi dbyings mdza' dang dpung med pa'i ris su 'char bar 'gyur pa'i tshe/ thog mar lhag pa'i ri'i rgyal po lta bu dang ldan pa'i skye bu dam pa rnams la/ chos kyi snang ba chen po yang dag par ston pa'i tshul du 'char par 'gyur ro/ /de'i 'og tu nyan thos dang rang sangs rgyas kyi theg pa la zhugs pa rnams la'o/ /de'i 'og tu dge ba'i rtsa ba nges pa dang ldan pa'i sems can rnams la snod ji lta ba bzhin du'o/ /de'i 'og? tu log par nges pa'i sems yan chad sems can thams cad la yang 'char bar 'gyur ro/ /de ltar 'char yang de bzhin gshegs pa'i ye shes kyi sku nyi ma'i 'od zer de dag ni/ sems can 'di rnams la bdag cag gis thog mar theg pa chen po snang bar byas te/ de'i 'og tu 'di dag snang bar bya'o snyam du rtog pa mi mnga' ste/ de ni de bzhin gshegs pa'i ye shes kyi sku nyi ma'i dkyil 'khor la rnam par mi rtog pa mi mnga' ba'i phyir ro/ /yang dper na nyi ma'i dkyil 'khor la rtog pa med cing/ 'od zer mnyam pa nyid du 'char yang/ ri chen po rnams la/ rnam pa tha dad pa nyid du snang bar 'gyur ro/ /de bzhin du de bzhin gshegs pa'i ye shes kyi sku nyi ma'i dkyil 'khor rnam par rtog pa mi mnga' zhing/ 'od zer mnyam pa nyid du 'char yang/ sems can rnams kyi dge ba'i rtsa ba rnam pa tha dad pa dang/ bsam pa'i rnam pa tha dad pas/ de bzhin gshegs pa'i 'od zer tha dad pa yang snang zhing yod do/ /kye rgyal ba'i sras dper na nyi ma'i dkyil 'khor de nyid shar kyang/ dmus long rnams la snang bar mi 'gyur ro/ de mig dang mi ldan pa'i phyir ro/ /de mig lam du mi snang du zin kyang/ dmus long rnams la kha zas 'ju

  371. 186a

    ba dang/ lus kyi grang ba bsal ba dang/ lus kyi nad mkhris pa la sogs pa sal bas mi phan pa ma yin te/ phan 'dogs so/ /de bzhin du de bzhin gshegs pa'i ye shes kyi sku nyi ma'i dkyil 'khor yang sems can lhag pa'i bsam pa'i mig ldongs pa/ lta ba log pa/ sbyor ba log pa/ 'tsho ba log pa/ dmus long lta bur gyur pa'i mig lam du snang bar mi 'gyur te/ de ni dad pa'i mig dang mi ldan pa'i phyir ro/ /mig lam du mi snang yang/ de bzhin gshegs pa'i mthus/ de dag gi lus la mi bde ba rtse zhil bar 'gyur ba dang/ ma 'ongs pa'i nyon mongs pa'i rgyu'i lhag ma sel ba'i sgor phan mi 'dogs pa ma yin te phan 'dogs so// smras pa de bzhin gshegs pa rnams kyi gsung brjod pa ji ltar de bzhin gshegs pa'i ye shes kyi sku nyi ma'i dkyil 'khor rnam par rtog pa mi mnga' zhing/ 'od zer mnyam pa nyid du 'char yang/ sems can rnams kyi dge ba'i rtsa ba rnam pa tha dad pa dang/ bsam pa'i rnam pa tha dad pas/ de bzhin gshegs pa'i 'od zer tha dad pa yang snang zhing yod do/ /kye rgyal ba'i sras dper na/ nyi ma'i dkyil 'khor de nyid shar kyang/ dmus long rnams la snang bar mi 'gyur te/ de ni mig dang mi ldan pa'i phyir ro/ /mig lam du mi snang du zin kyang/ dmus long rnams la kha zas 'jug pa dang/ lus kyi grang ba bsal ba dang/ lus kyi nad mkhris pa la sogs pa sel bas mi phan pa ma yin te/ phan 'dogs so/ /de bzhin du de bzhin yang dag par ji lta ba bzhin du yang mi shes la/ de bzhin gshegs pa'i ye shes kyang khong na yod pa ngo mtshar ches/ bdag gis ci nas

  372. 186b

    kyang sems can 'di dag rang rang gi 'du shes kyi 'dun pa chen po/ 'phags pa'i lam gyis 'grol te/ de bzhin gshegs pa'i ye shes khong du chud par/ 'phags pa'i lam bstan pa mdzad do zhes nas/ 'du shes kyi rnam par? thams cad yongs su sel bar mdzad do/ /de ltar 'du shes yongs su sel ba'i phyir/ ye shes tshad med pas 'gro ba thams cad yongs su 'tsho'o/ /kye rgyal ba'i sras nam mkha' ni skye ba med pas/ 'jig rten gyi khams 'jig kyang rung/ 'du yang rung ste/ de bzhin du mi zad mi 'phel bar gnas so/ /smras pa de bzhin gshegs pa rnams kyi yongs su mya ngan las 'das pa ji lta bu smras pa/ kye rgyal ba'i sras de bzhin gshegs pa rnams ni byang chub sems dpa' la yongs su mya ngan las 'das pa shin tu mthar thug par mi brjod mi ston to/ /chu snod gcig gcig ma/ de nas logs shig tu phyung ngam/ stong par gzhag par gyur la/ nyi ma'i gzugs brnyan yang snang bar mi 'gyur na/ nyi ma'i dkyil 'khor gyis nyes sam/ smras pa ma yin no/ /smras pa de bzhin du sems can snod chag pa lta bu la sogs pa la/ de bzhin gshegs pa mya ngan las 'das par snang ngo/ /nyi ma'i dkyil 'khor chos dbyings chad dang mnyam pa ni/ snod du gzugs brnyan snang ste/ chags la snang ba min/ de ltar mi mchog dbang po kun du snang/ sems can dad med rnams kyis mya ngan las 'das par shes kye rgyal ba'i sras chos kyi rnam grangs 'di lta bu ni/ de bzhin gshegs pa'i rigs ston pa shin tu nges pa/ de bzhin gshegs pa'i spyod yul gyis rjes su bsngo ba/ shin tu mthar thug pa'i mur phyin pa'o/ /kye rgyal ba'i sras bcu po 'di dag ni byang chub sems dpa' rnams kyi bag chags te/ /'di lta ste/

  373. 187a

    byang chub sems dpa' i bag chags dang/ dge ba'i rtsa ba'i bag chags dang/ sems yongs su smin pa'i bag chags dang/ sangs rgyas la lta ba'i bag chags dang/ 'jig rten gyi khams yongs su dag par skye ba'i bag chags dang/ dge ba'i bag chags dang/ smon lam gyi bag chags dang/ pha rol tu phyin pa'i bag chags dang/ chos mnyam pa nyid nges par rtogs pa'i bag chags dang/ spyod pa tha dad pa'i bag chags te/ bag chags de dag la gnas shing/ nyon mongs pa ma lus par spangs nas/ de bzhin gshegs pa'i ye shes chen pos/ /bag chags thugs su chud pa/ bla na med pa 'thob par 'gyur ro/ /kye rgyal ba'i sras bcu po 'di dag ni byang chub sems dpa' i chos las 'gol ba'i lam ste/ bcu gang zhe na/ dge ba'i gshes gnyen la brnyas pa dang/ 'khor bas 'jigs pa dang/ byang chub sems dpa' i spyod pas skyo ba dang 'jig rten gyi khams na gnas pas skyo ba dang/ mnyam par bzhag pa la gnas su byed pa dang/ dge ba'i rtsa ba la zhen pa dang/ dam pa'i chos spong ba dang/ byang chub sems dpa' i spyod pa las spang bas 'gyed par byed pa byed pa dang/ nyan thos dang rang sangs rgyas su 'dod pa dang/ byang chub sems dpa' la khro zhing zhe sdang ba ste/ de dag ni yongs su spang bar bya'o/ /kye rgyal ba'i sras bcu bo 'di dag ni byang chub sems dpa' i bdud kyi las te/ 'di lta ste sems 'khrugs pa la brnyas pa dang/ shes rab 'chal ba la smod pa dang/ chos kyi dpe mkhyud dang/ chos kyi snod la khyad du gsod pa dang/ zang zing dang 'brel par chos ston pa dang/ snod ma yin ba la

  374. 187b

    chos rgya chen po ston pa dang/ dge ba'i bshes gnyen yongs su spong ba dang/ nyan thos dang rang sangs rgyas kyi theg pa 'dod pa dang/ byang chub sems dpa' la zhe sdang zhing mi snyan par brjod pa dang/ bdag bstod cing gzhan smod pa ngag zab mo'i gtam 'chab cing spong ba dang/ yi ge sna tshogs rang bzor byas pa'i rang bzo la dga' ba dang/ grol ba dang dbugs phyin pa la bsten cing bkur sti byed kyi/ ma grol cing dbugs ma byin pa la mi byed pa'o/ /nyan thos chen po de dag 'dze ta'i tshal de nyid na 'khod kyang/ sangs rgyas kyi zhing dag pa dang/ byang chub sems dpa' kun nas 'dus pa rnams mthong bar ma gyur to/ /'di lta ste dge slong la la zhig skye bo mang po'i tshogs kyi dbus su sas khyab pa'i ting nge 'dzin snyoms par zhugs sam/ chu 'am me 'am rlung ngam sngon po la sogs pas khyab pa'i ting nge 'dzin la zhugs na/ 'gro ba mang po de dag gis chu'i phung po la sogs pa mi mthong ste ting nge 'dzin de la snyoms par zhugs shing rnam par spyod pa rnams ni ma gtogs/ /de bzhin du sangs rgyas kyi ting nge 'dzin gyi yul rnam par 'phrul ba bsam gyis mi khyab pa de dag yongs su bstan pa mdzad na/ nyan thos de dag gis ma mthong zhing shes par ma gyur to byang chub sems dpa' i de bzhin gshegs pa'i lam la zhugs pa de dag gis ni mthong ngo/ /khong du chud do/ /dper na dge slong 'gog pa'i snyoms par zhugs pa/ dbang po drug gis 'jig rten gyi tha snyad thams cad gnas de na yod kyang/ snyoms par zhugs pa de nyid kyi byin gyis brlabs dang/ mthu nges mi shes mi mthong ngo/ /de bzhin du nyan thos chen po de dag 'dze ta'i tshal de na rnam par spyod la/ de dag la dbang po drug yod de/ de bzhin

  375. 188a

    gshegs pa'i ting nge 'dzin dang/ rnam bar 'phrul ba dang/ khyu mchog gi mthu 'byung ba dang cho 'phrul de dag mthong bar ma gyur zhes? par ma gyur to/ /thams cad 'dog bzhin du/ lto'i nad kyis shi ba bzhin/ chos ma bsgoms pa de bzhin no/ /sgra gdags ji snyed yod pa dang/ /sems can kun gyi sgra skad du/ /sgra la mkhyen pa thugs chud kyang/ /rnam par rtogs pa gang yang med/ /gang dag sangs rgyas rtog ma de? kyang/ /rgyal ba rnam par rtog bar snang/ /ji ltar sa bon rnam dag pa/ /zhing bzang la ni skye 'gyur zhing/ /de bzhin sems bsam rnam dag la/ /sangs rgyas chos ni skye bar 'gyur/ /sangs rgyas rtog par mi mdzad do/ /ston pa la rtog pa mi mnga' yang// 'jig rten khams ni tshad med par/ /thub pas rnam par rtog pa bstan/ /sku gnyis de dag bsam mi khyab/ /'jig rten khams su snang gyur kyang/ /sku la gnyis su gyur pa med/ /ji ltar zla ba shar gyur pa/ /tshad med pa yi gzugs brnyan rnams/ /chu yi snod du snang gyur kyang/ /zla ba gnyis su gyur pa med/ /sangs rgyas bcom ldan 'das rnams ni spyan gyi skye mched kyis sangs rgyas kyi phrin las gang mdzad pa de snyan gyi skye mched kyis yongs su grub par mdzad do/ /zhes bya ba nas dbang po thams cad sbyar ba 'byung/ /sangs rgyas mya ngan las 'das pa'i tshe/ 'jig rten thams cad ni sems can rnams ngu zhing smre sngags 'don pa zhes bya ba la sogs pa de dag gis bsod nams 'thob par bya ba'i phyir thabs mdzad pa 'byung/ /kye rgyal ba'i sras dag byang chub sems dpa' i theg pa la zhugs pa rnams la ni/ phan tshun du ngan sems kyi sems bskyed pa lta bur kha na ma tho ba'i che ba ngas? 'ga'

  376. 188b

    tsam ma mthong ngo/ /sems kyi rnam pa 'jig rten kun/ 'jig rten rnam pa sems can kun gyi sems yin te/ rnam pa gnyis kyi grangs su zhug /de bzhin gshegs pa sku yongs su 'byed pa mi mdzad/ sku tha dad par mdzad pa yang mi mnga' bar 'jig rten gyi khams thams cad du gtogs pa'i sems can rnams kyi bsam pa dang yos pa ji lta ba bzhin sku yongs su ston te/ de bzhin gshegs pa'i sku la rnam par rtog pa dang/ spros pa mi mnga' o/ /de bzhin gshegs ba ni dbyings kyi ser sna mi mnga' ste/ sems can dbang po yongs su ma sman pa rnams la/ de bzhin gshegs pa'i dbyings grags par mi 'gyur ro/ /'khor gyi dkyil 'khor du tshogs pa'i sems can thams cad kyang 'di snyam du sems te/ bdag kho na'i don du de bzhin gshegs pa chos ston to snyam mo/ /de bzhin gshegs pa ni gsung sgrog pa yang med phyir sdud pa yang med de/ de bzhin gshegs pa'i gsung gi phrin las de dag kyang/ yod cing snang ngo/ /dper na rgya mtsho chen po la chu'i phung po tshad med pa gang ji snyed yod pa de thams cad klu'i sems kyi khyad par las byung ngo/ /de bzhin du thams cad mkhyen pa nyid kyi rgya mtsho la/ chos kyi rgyud tshad med pa gang ji snyed pa de thams cad sngon gyi dgongs pa'i smon lam gyi khyad par las byung ba'o/ /rgya mtsho chen po la gling bzhi pa'i sems can gyi lus kyi gzugs brnyan lta bur snang ste/ de'i phyir rgya mtsho chen po zhes bya'o/ /bcu po 'di dag ni bdud kyi rlabs te/ bcu ni sems zhum pa dang/ bsam pa 'khrugs pa dang/ rgya chung ngus mgu ba dang/ gcig las mi bzad pa dang/ smon lam la ltung bar mi dmigs pa dang nyon mongs pa rnam par?

  377. 189a

    bzlog pa dang/ zhi ba dang/ dad pa dang/ 'khor ba'i rgyun gcod pa dang/ spyod pa las phyir ldog pa dang/ sems can yongs su smin par mi byed pa dang/ chos la the tshom za ba'o/ /byang chub sems dpa' i spyod yul gyi thabs kyi yul la rnam par 'phrul ba bstan pa las/ chos bcu gnyis dang ldan na/ bla na med pa'i byang chub kyi sems skye bar 'gyur te/ gang zhe na rang bzhin gyis rgya chen po la mos pa dang/ snying rje dang ldan pa dang/ bcos pa ma yin pa dang/ sangs rgyas la bsnyen bkur byas pa dang/ las gsum pa dang/ sdig pa'i grogs spangs pa dang/ ji skad smras pa bzhin byed pa dang/ bged? pa'i ngang tshul can dang/ de bzhin gshegs pas byin gyis brlabs pa dang/ 'dog pa kun la mi lta ba dang/ dge ba'i gshes gnyen la brten pa dang/ yi dam la brtan pa'o/ /yon tan gyi chos bcu gnyis mthong bas/ sbyin par gnas par bya ste/ gang zhe na/ byang chub kyi sems kyi lam ston pa dang/ longs spyod sgrub pa dang/ 'dod pa'i rigs su skye ba dang/ ser sna tshar gcod pa dang/ gtong ba'i rgyun 'phel bar 'gyur ba dang/ yi dags kyi sgo gcod pa dang/ thun mong gi longs spyod las snying po len pa dang/ yo byad rdzogs par 'gyur ba dang/ bdogs pa la goms par 'gyur pa dang/ 'dzin pa'i sems med par 'gyur pa dang/ de bzhin gshegs pa'i bka' dang mthun pa dang/ sbyin pa'i pha rol tu phyin pa rdzogs par 'gyur ro/ /bcu gnyis mthong bas tshul khrims bsrung ste/ byin gyis brlab phun sum tshogs par 'gyur ba dang/ byang chub kyi lam la 'jug pa dang/

  378. 189b

    bdag gi 'ching ba lhod par 'gyur ba dang/ bdag ngan 'gro las thar pa dang/ ngan 'gro'i lam spong ba dang/ las gsum kha na ma tho ba med pa dang/ mkhas pas mi smad pa dang/ bag yod pa la brten pa dang/ sems can la mi 'jigs pa sbyin ba dang/ sgo gsum gyi sdom pa 'thob pa dang/ sangs kyi chos bsgrubs pa dang/ tshul khrims kyi pha rol tu phyin pa rdzogs pa'o/ /bzod pa'i bcu gnyis ni 'du byed skad cig pa yin par bzod pa dang/ bdag mi dmigs par bzod pa dang/ bdag dang gzhan bsrungs pa dang/ 'khrug pa'i gtam med par bya ba dang/ bag la nyal ba dang kun nas dkris pa gsal ba dang/ rjes su chags pa dang/ khong khro ba bsal ba dang/ mtshan dang dpe byad bsgrubs pa dang/ tshangs pa'i 'jig rten du skye ba dang/ gzhan gyi gnod pa las 'da' ba dang/ zad pa dang mi skye ba shes ba 'thob pa dang/ bdud kyi yul las 'da' ba dang/ de bzhin gshegs pa mthong ba'o/ /brtson 'grus kyi ni chos thams cad rdzogs par byang chub pa dang/ de bzhin gshegs pa'i drung du phyin pa dang/ de bzhin gshegs pa la mchod pa byed pa dang/ de bzhin gshegs pa mnyes par 'gyur pa dang/ sems can smin par byed pa dang/ gdul bya sangs rgyas kyi chos la 'god pa dang/ sems can gyi mi shes pa sel ba dang/ gdul bya la ye shes sgrub pa dang/ zhing sbyang ba dang/ mu thug pa med par sems can gyi don byed pa dang/ skad cig cig gis zhing thams cad du 'gro ba dang/ mngon par 'tshang rgya'o/ /bsam gtan gyis ni mi 'khrug cing zhi ba dang/ yul la mi rgyug pa dang/ sems gnas pa dang/ khams gsum las 'da' ba dang/ 'jig rten pa'i snyoms par 'jug pa zil gyis

  379. 190a

    mnan pa dang/ de la ma chags par 'gyur ba dang/ bsam gtan zlog pa dang/ dngos po'i 'du shes dang 'bral ba dang/ tshad yod pa'i ting nge 'dzin la smon pa dang/ shin tu zhi ba dang/ cang? shes pa dang/ dbang po bsdams pa'o/ /shes rab kyi ni gti mug sel ba dang/ nyon mongs pa sel ba dang/ mi shes pa med pa dang/ ma rig pa drungs 'byin pa dang/ sred pa 'joms pa dang/ shes rab rdo rje lta bu dang/ shes rab nyi ma lta bu dang/ shes rab me lta bu dang/ shes rab nor bu lta bu dang/ mtshan ma med pa dang/ smon pa med pa dang/ stong pa nyid do/ /sems can thams cad 'khor los sgyur ba'i bsod nams dang ldan pa'i bsod nams brgya 'gyur gyis sangs rgyas kyi ba spu'i khung bu cig 'grub/ /ba spu'i bsod nams thams cad brgyar 'gyur bas/ dpe byad cig /de nas mtshan/ de nas gtsug to/ /de nas chos kyi g.yung drung ste/ des ni sems can thams cad kyis zhus na yang gsung gcig gis lan thebs so// nga mya ngan las 'das nas rgyal po ma skyes dgras sku gdung brgyang cha blangs nas rin po che'i za ma tog tu bcug nas grong khyer gyi phyi rol tu rgyal po mya ngan med 'byung ba la bsdad par sa bskos nas 'jog par 'gyur ro/ /rgyal po mya ngan med ni/ mya ngan las 'das nas la brgyan 'byung ngo/ /de nas nga'i ring bsrel byung nas zhag bdun mchod de mchod rten brgyad khri bzhi stong byed par 'gyur ro/ /gang chos kyi rnam grangs 'di nyan pa dang/ klog pa la sogs pa de ni de yang skyed mos tshal 'di ni chos kyi rnam pa 'di ston pa dang/ 'khor 'dus pa 'di yang mthong bar shes par bya'o/ /'jig rten dang mthun par 'jug pa las/ de dag sna tshogs sku med kyang/ /

  380. 190b

    sems can mos pa ji bzhin du/ /sku lus sprul pa mdzad pa nas/ 'di ni 'jig rten mthun 'jug yin/ /bdun ni bye ba phrag brgya yis/ /dge 'dun dbye bar mi nus kyang/ /dge ni dbyen ni ston mdzad pa/ /'di ni 'jig rten mthun 'jug yin/ /srid pa 'phro ba las/ /rnam par shes pa tha ma 'gag pa de ni/ 'chi 'pho zhes bya'o/ /rnam par shes pa dang po 'byung ba de ni skye ba zhes bya'o/ /mig gis gzugs rnams mi mthong zhing/ /yid kyis chos rnams mi rig pa/ /de ni bden pa mchog yin te/ de la 'jig rten mi dgos so/ /byams pa 'jug pa las/ nor kun du bsrung la mgo sha mi byed pa ni byang chub sems dpa' i nyes pa'o/ /byang chub sems dpa' i de bzhin gshegs pa'i bslab pa ji ltar bcas pa la bslabs su zin kyang/ /de nyan thos kyi sems sam/ rang sangs rgyas kyi sems sam/ dmigs par lta ba dang/ lhan cig rten par byed na/ byang chub sems dpa' i tshul khrims las nyams par 'gyur ro/ /stong pa nyid mi bzod pa ni byang chub sems dpa' i nyes pa'o/ /'di la ni yon dbul lo/ /'di la ni mi dbul lo snyam pa ni byang chub sems dpa' i nyes pa'o/ /'di la ni chos bshad do/ /'di la ni mi bshad do/ /'di ni tshul khrims 'chal ba'o/ /'di ni mi 'chal ba'o zhes phye nas 'chal ba la brnyas par byed na byang chub sems dpa' i nyes pa'o/ /bag yod pa gang zhe na/ brlab pa mi gtong ba dang/ dam bcas pa mi nyams pa dang/ sems can kun la byams pa dang/ sems can mi gtong ba dang/ byang chub la bdun pa brtan pa dang/ brtson pa mi gdeng ba dang/ dge ba'i bshes gnyen la brten cing bsnyen bkur byed pa dang/ chos la gus pa dang/ thos pa mang

  381. 191a

    pos chog mi shes pa dang/ gzhan la chos bgo sha byed pa dang/ zang zing med par chos ston pa dang/ sbyangs pa'i yon tan dang/ yo byad bsnyungs pa rnams mi gtong ba dang/ chog shes pa dang/ nga rgyal bcom pa dang/ rna blags te chos nyan pa dang/ bla ma la gus pa dang/ bzod pa la gnas pa dang/ gnod sems kyis tha spangs pa dang/ chos zab mo la mos pa dang/ dmigs par lta ba spang ba dang/ nang du yang dag 'jog la bdun pa drag pa dang/ bye mo'i gtam spong ba dang/ lus dang sems dben par gnas pa dang/ dgon pa la gnas pa dang/ sems mnyen pa dang/ tshul khrims mchog tu mi 'dzin pa dang/ bdag la mi bstod pa dang/ gzhan la mi smod pa dang/ dge sbyor gi tshul la dga' ba dang/ gsod por smra ba dang/ bzhin khro gnyer med pa'o/ /yang nyan thos kyi sems dang/ dmigs pa can gyi sems/ tha na rmi lam du yang yid la mi byed pa ni bag yod pa'o/ /de bzhin gshegs pa'i snying rje chen po bstan pa las/ de bzhin gshegs pa'i lha'i spyan gyis sems can gyi 'chi 'pho dang skye ba gzigs so/ /dmigs pa tshad med pa las yang dag pa ji lta ba bzhin so sor rtogs pas/ kun nas nyon mongs pa la dmigs pa rnam par byed pa la/ dmigs pa rnam par 'jog pa yang yod pa lhag pa'i nga rgyal gyis 'dzin pas/ rnam par byed pa la kun nas nyon mongs pa la dmigs par rnam par 'jog pa yod do/ /de la snrel gzhi'i rnam grangs kyis de bzhin gshegs pa'i ye shes 'jug go /kun nas nyon mongs pa'i rgyu ni/ tshul bzhin ma yin pa yid la byed pa'o/ /rkyen ni ma

  382. 191b

    rig pa'o/ /ma rig pa ni rgyu'o/ /'du byed ni rkyen no/ /de bzhin du bsgre/ rnam par dag par 'gyur pa'i rgyu dang rkyen ni gnyis te gzhan la rjes su mthun pa'i sgra dang/ rang gi tshul bzhin yid la byed pa'o/ /yang gnyis te zhi gnas la rtse gcig pa dang/ lhag mthong la mkhas pa'o/ kun du 'gro ba la mkhyen pa ni lus kyi las sbyor la ngag gi ma yin pa yang mkhyen to/ /de bzhin du bsgre/ yang 'dod chags kyi lam sdug pa rnams las skye ba yang yod/ rjes su 'chags pa las skye ba yang yod/ bdag chags las skye ba yang yod do/ /zhe sdang khong khro ba las skye ba'i rgyu yang yod/ bsam pa yongs su rdzogs pa las skyes pa yang yod/ bag chags las skye ba yang yod do/ /gti mug ma rig pa'i rgyu las skye ba yang yod/ 'jig tshogs las lha ba'i rgyu las skye ba yang yod/ the tshom gyi rgyu las skye ba yang yod do/ /gang zag bsam pa dman pa la sbyor brgya che ba yang yod/ de bzhin bsgre/ sems can gang dag snod min pa/ de la sangs rgyas btang snyoms mdzad/ gang gi dus na 'gro la 'gyur ba/ de yis dus la rab tu bzhes/ 'chags pa'i tshul khrims kyis lha dang mir skye ba dang/ gnod sems kyis mjes pa dang le los mngon par rtogs pa dang/ g.yengs pas nges par 'gyur ba dang/ dmigs pa can gyis rjes su mthun pa'i bzod pa 'thob pa dang/ bud med kyi lus mdzes par 'khor los bsgyur ba dang/ brgya byin dang/ tshangs pa dang/ sangs rgyas su 'jig rten du 'byung ba dang/ byang gi sgra mi snyan pa log par ltung ba dang/ de bzhin gshegs pas byin gyis brlabs pa ma rtogs par de bzhin gshegs pa'i thugs kyi rgyu shes pa

  383. 192a

    dang/ de bzhin gshegs pa la mnyam par ma gzhag pa ni gnas med do/ /skyes bu kha dog lnga can du/ nam mkha' gzugs su byed kyang srid/ sangs rgyas gnas min bshad pa 'di/ gnas su gyur pa mi srid do/ /na ni zhi ba'o/ /phyi ni nye bar zhi ba'o/ /zag pa bzhi ni 'dod pa dang/ srid pa dang/ ma rig pa dang lta ba'o/ /nye bar len pa bzhi ni/ 'dod pa dang/ lta ba dang bdag du smra ba dang/ tshul khrims dang brtul zhugs mchog tu 'dzin pa'o/ /sngon dro mchog gi bskal pa la/ 'jig rten gyi khams dri ldan du/ de bzhin gshegs pa tsan dan khyim 'jig rten du byung ba de mya ngan las 'da' khar gang zhig gdul bar bya zhes/ 'jig brten la gzigs pa dang/ srid pa'i rtse mo na sems can dge ba'i rtsa ba'i bskyed pa rgya chen po la mos pa sangs rgyas kyis gdul bya gcig 'dul ba de la/ bskal pa stong phrag brgyad cu rtsa bzhir gnas nas mir skye ste/ de nas shi 'phos te mir skyes nas 'dod pa la ma gtses par theg pa chen po thos pa lta na/ byang chub chen po las phyir mi ldog par 'gyur ba gzigs so/ /de nas sangs rgyas de thugs rje dang thabs mkhas pas/ dge slong dag la de dang yongs su mya ngan las 'das zhes mya ngan las 'das pa chen po bstan te/ sku gdung gis kyang rgyas par gyur to/ /dam pa'i chos kyang lo brgyad khri bzhi stong du gnas so/ /bcom ldan 'das de ting nge 'dzin gyi mthus bskal pa brgyad cu rtsa bzhir sku mi snang bar gyur to/ /de nas sems can mir skyes te lo brgyad lon pa dang/ sangs rgyas kyi kha dog dang gzugs kyis dor gshegs nas/

  384. 192b

    khye'u de la tshos bshad cing lung bstan te/ de'i tshe khye'u de ma gtogs par mir gyur pa gang gis kyang/ de bzhin gshegs pa de ma mthong ngo/ /de nas yang mya ngan las 'das pa bstan te/ sku gdung ni lha rnams kyis mchod do/ nyi zla cig gis mun pa thams cad sel ba ltar dge ba'i rtsa ba lhag mthong dang ldan pa gcig gis mi shes pa'i mun pa thams cad sel ba ste/ byang chub sems dpa' i rgyan ni bzhi ste/ tshul khrims dang ting nge 'dzin dang/ shes rab dang/ gzungs so/ /tshul khrims ni sems can thams cad la gnod pa mi byed pa'o/ /ting nge 'dzin ni byams pa'o/ /shes rab ni the tshom med pa'o/ /gzungs ni dri ba brjod du med pa'o/ /sa bzhi bai DUrya dkar po'i dbyings su 'dug pa/ sangs rgyas rtag tu mnyam par gzhag de'i ting nge 'dzin nyams pa med/ chos rnams kun dang mnyam par ldan/ sa chu me la ma yin te/ rlung dang 'dod khams gzugs med la/ /rgyal ba gnas te bsam gtan min/ lhag pa'i tshul khrims ni thams cad mkhyen pa'i sems mi mthong ba dang/ mngon par 'du byed pa thams cad rnam par spongs pa'o/ /lhag pa'i sems ni ting nge 'dzin la rab tu gnas nas shes rab 'thob po/ /lhag pa'i shes rab ni shes rab kyi pha rol tu phyin pa la gnas nas so so yang dag par rig par 'thob po/ /ma thos pa'i chos nyan pa ni shes rab kyi tsa ba'o/ /thos pa'i chos gzhan la ston pa ni shes rab kyi las so/ /'di la bu d+d+ha'i chos dang yig 'bru bshad pa ri la 'byung/ bdud rtsi rjod pa las/ tha byang chub sems dpa' i chos lnga dang ldan na/ bdud kyis mi rdzid? dang/ chos ring ba dang/ myur du sangs rgyas su 'grub ste/ lnga ni rtag tu sems can la chos sbyin pa dang

  385. 193a

    sems can la mi 'jigs pa sbyin pa dang/ tshad med pa bzhi sgom ba dang/ mchod rten snying po 'chos pa dang/ sems can kun byang chub sems la mos par byed pa'o/ /'jam dpal gyis zhus pa las/ /rgyu gnyis kyis de bzhin gshegs pa'i gzugs kyi sku khyad par du 'phags pa yin te/ de bzhin gshegs pa'i smon lam gyi dbang dang/ gdul ba'i sems can gyi dge ba yongs su smin pa'i dbang gis te/ sku ji ltar gsungs dang/ mtsham dang chos ston pa la sogs pa yang de 'dra ste/ sems can rnams kyis de ltar shes so/ /dkyil 'khor brgyad pa las des ni lci bas ro bsres pa'i/ dkyil 'khor gru bzhi lham par bya/ /sems can kun dang thun mong du// 'ongs pa'i sangs rgyas gang yin dang/ /gang dag ma 'ongs da ltar byung/ /byang chub sems dpa' nyan thos dang/ /rang sangs rgyas gang dag yod pa/ /de dag rnams la yongs su bsngo/ /de nas dkyil 'khor 'khor yul du 'khor gyi dkyil 'khor rnams bya ste/ /'jig rten dbang phyug byams pa dang/ thub pa skye mchog nam mkha' dang/ /kun tu bzang po blo ldan dang/ /gsang ba yi ni bdag po dang/ /'jam dpal gzhon nur gyur ba dang/ /sgrib pa thams cad rnam sel dang/ /de bzhin sa yi snying po ste/ /de dag gi tshad du dkyil 'khor brgyad bya'o/ /'di byas na yon tan bzhi 'thob ste/ /tshe rabs thams cad du chos dang ldan pa'i sems dang mi 'bral ba dang/ 'khor mang po dang/ /yo byad phun sum tshogs pa dang/ /lus sra zhing brtan pa'o/ /chos kyi phung po las/ /bud med sdu gu mthong nas 'dod chags skyes pas/ /phal cher nad kyi btab cing 'byin pa rings par 'gyur te/ de dag gi lus khu chu rgyas pas de ltar 'gyur ro/ /za ma dang ma ning las mtho ris su 'gro ba

  386. 193b

    ni nyung ste/ phal chen dmyal bar 'gro'o/ /'khor bzhi po gang dag 'dod chags dang mi mi gtsang ba'i nyes dmigs mi shes pa de dag ni/ chags pas gdungs pas mdog ngan cing mi sdug go/ shes pa ni de las zlog pa'o/ /skye bo lta bu'i ma yin pa srin po'i rigs lnga bud med la yod de/ de dag ni bud med kyi gci pa'i lam na gnas te/ de la yang srin bu brgyad cu brgyad cu yod la/ mchu rno zhing mchu kha gnyis yod pas rtag tu bud med kyi lus la za'o/ /des na de dag gang yin spyod pa ste/ 'dod pas ngoms mi myong ngo/ /'chal pa'i tshul khrims kyi nyes pa ni bcu ste/ 'chi ba'i tshe gdung ba dang/ 'gyod par 'gyur ba dang/ mnar med par 'gyur bas 'jigs pa dang/ mnar med par 'gro bas 'jigs pa dang/ khrims la skur pa 'debs pa dang/ sangs rgyas kyi spangs pa dang/ nyan thos kyis spangs pa dang/ 'chi ba'i che 'jigs pa dang bcas pa dang/ ngan 'gror 'gro ba dang/ mi lus 'thob par dka' ba dang/ lha rnams kyis spangs ba'o/ /bud med kyi rna'i nang na srin bu'i tshogs kha rdzogs zhes bya ba yod do/ /de dag bud med kyi kha spu la za bas bud med kyi kha spu mi skye'o/ /bud med la srin bu'i tshogs a ba re phen zhes bya ba yod pas/ bud med kyi kha la za ste/ des na ma gul ba dma' ba yin no/ /bud med kyis khar bcug pa yang dang por de dag gis zos nas nyal nyil nu ma'i drung du 'dor te/ des na nu ma 'phyang ba yin no/ /bud med sgrum na srin bu de dag kyang sbrums te/ des na nu zho mang ba yin no/ /bud med ni 'dod chags mi gzod pas na bslab pa'i gzhi lhag pa bca' bar mdzad do/ /yi ge med pa'i za ma tog las/ byang chub sems dpas rtag tu nan tan du bsung bar bya ba'i chos cig ste gang zhe na/ gang bdag mi 'dod pa de gzhan la mi bya'o/ /gang zhig chos kyis rnam grangs 'di nyan pa de/ 'chi ba'i dus kyi tshe da nyid byang chub sems dpa' 'di dag nyid dang thabs cig

  387. 194a

    bya rgod phung po'i ri la gnas mthong bar 'gyur ro/ /byang chub kyi phyogs bstan pa las/ sus 'du shes thams cad mi skye bar mthong bas sdug bsngal shes so/ /chos thams cad 'byung ba med par mthong bas kun 'byung spangs so/ /chos thams cad shin tu mya ngan las 'das par mthong bas 'gog pa mngon sum du byas so/ /chos thams cad dngos po med par mthong bas lam bsgoms so/ /'phags ba bcom ldan 'das kyi ye shes rgyas pa'i mdo rin po che mthar phyin pa las/ bud med kyi lus de nyid kyis brgya byin dang tshangs pa dang/ 'khor los bsgyur ba dang/ de bzhin gshegs par 'gyur ba dang/ 'jig rten gyi khams gcig tu de bzhin gshegs pa gnyis 'byung ba gnas ma yin no/ /cha bzhi dang drug pa dang/ cha brgyad pa dang/ cha bcu drug pa dang/ zur gsum pa dang/ mo'i sgrang dang/ mo'i dbyangs dang/ mo'i spangs dang/ mo'i tshul dang/ kun tu spyod pa ni mo'i dbang po zhes bya ste/ pho'i yang de dang 'dra'o/ /byang gi sgra mi snyan rnams kyi tshe'i tshad ni lo stong thub ste dus ma yin bar 'chi ba yang yod do/ /'dod pa'i khams kyi lha drug dang/ gzugs kyi khams kyi gnas bcu bdun dang/ gzugs med pa bzhi la yang dus ma yin par 'chi ba yod par 'byung/ dmyal ba'i ris la yang bar dor 'chi ba yod par 'byung ngo/ /'chi ba ni skye ba'i mtshan ma lam rgyud lnga gang gi mtshan ma mthong ba der skye ba 'byung/ zan la bod pa la tshul shing brim pa 'byung/ maung+gal gyi bus shA ri'i bu'i snam sbyar myur bar byas nas/ bcom ldan 'das kyi thad du 'gro bar bya ba'i phyir sor mo lngas kha bldas drug pa byung/ byang chub sems dpa' yongs su 'dri ba'i rang bzhin can ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /nga rgyal bskyed pas brnyas pa thob 'gyur la/ nga rgyal spangs pas bkur sti 'thob

  388. 194b

    par 'gyur/ bla na med pa'i byang chub mngon par rdzogs par 'tshang rgya bar 'dod pas/ nga rgyal spang bar bya/ sems can thams cad la yon gnas kyi sems nye bar gzhag par bya/ byang chub kyi sems mi btang bar bya/ dge ba'i gshes gnyen mgu bar bya /chos btsal ba chog mi shos par bya/ mang du thos pa la brtson par bya/ bstan bcos shin du brtag pa dag kyang btsal bar bya/ so so'i grub pa'i mdza' rtogs pa las yang bslab bar bya/ don dang ldan pa'i bstan bcos bcal bya zhing don med pa'i bstan bcos 'di lta ste/ 'jig rten rgyang phan pa dang/ byad stem gyi dang/ gzhon nu rtse ba'i bstan bcos dang/ brgyan po'i bstan bcos dang/ nyo chong gi dang/ 'khrig pa'i par dang rig byed kyi bstan bcos la sogs pa gang rnam par thar pa dang mi mthun pa thams cad ni spang par bya'o/ /byang chub sems dpa' nyan thos dang rang sangs rgyas kyi theg pa la bsten par mi bya'o/ /de ci'i phyir zhe na/ tshul khrims 'chal ba dang/ log par lta ba ni byang chub sems dpa' i mi dge ba'i bshes gnyen ma yin gyi nyan thos dang/ rang sangs rgyas kyi theg pa pa ni yin no// tshul khrims 'chal ba dang/ log par lta bas byang chub sems dpa' i tshul khrims bzhag par mi nus kyi/ nyan thos dang rang sangs rgyas kyi theg pa bas ni byang chub sems dpa' zag pa med pa'i ye shes la 'jug par nus so/ / sngon 'dzam bu'i gling 'di dag gi tshad khri phrag bzhi par 'gyur te/ byang chub sems dpa' bstan bcos thams cad la mkhas pa bya'o/ /de ci'i phyir zhe na/ thams cad mkhyen pa nyid kyis bcom pa ni 'di lta ste/ bstan bcos la mkhas pa yin no/ /chags pa ni 'gro ba lngar 'grub bo/ /zhe sdang gis ni gsum du'o/ /gti mug gis ni lngar ro/ /de ci'i phyir zhe na/ zhe sdang ni ngan song 'ba' zhig gis ste/ las las nyon mongs pa rjes su dpags te/ nyon mongs pa 'das pa las 'di mngon par 'dus byas nyon mongs pa las sems rjes su dpags/

  389. 195a

    nyon mongs pa rab tu spyod ba las chags pa 'am/ sdang ba 'am rmongs pa'i sems rjes su dpag go/ sems las gang zag 'byung bar rjes su dpag ste/ de bzhin gshegs pas sems can de dag gi 'gro ba 'dod pas mdzad do/ /gang zag 'dis las 'di mngon par 'dus byas pas se ni dpa' bar 'gro'o/ /sngon bud+d+ha 'jig rten gsum gyis bla mas bcom ldan 'das shAkya thub pa bram ze zla ba'i smin ma zhes bya bar gyur ba la/ ma 'ongs pa nas bskal pa bye ba drug cu bud+d+ha 'jig rten gsal mdzes zhes bya bar 'gyur te sku tshe ni lo bye ba brgyad cur 'gyur bar lung bstan/ sngon bud+d+ha grags ma smin pa'i spyan mang na/ bcom ldan 'das shAkya thub pa/ byang chub sems dpa' i spyod pa bla mar zhes bya bar gyur ba na/ yi dam 'di ltar bcas te ji srid du bdag gis sangs rgyas kyi zhing der sems can rnams mngon par shes pa myur ba/ bde ba'i lam gyis mya ngan las 'das pa dang/ gsum du skye ba dang/ sdug bsngal gyi sgra yod pa dang/ sems can thams cad srid pa tha ma par ma gyur pa de srid du bdag mngon par 'tshang mi rgya'o/ /byang chub sems dpa' gang zag dang grong dang/ yul gyi tha snyad dang/ 'jig rten gyi shes pa thams cad brlab par bya'o/ /bud+d+ha shAkya thub pa sngon ston pa spyan bzang zhes bya bar gyur ba na 'dod pa'i khams kyi skyon gyis gnod pa khams gnyis kyang de dang 'dra bas sems can rnams pa skyabs med de/ bdag gis ni 'du byed thams cad la gnas par mi bya ste/ gnas pa med pa na g.yo bar mi 'gyur ro snyam mo/ /de chos thams cad la mi gnas ba'i bsam gtan du gyur nas/ sems can la snying rje ba thob ste/ chos de bstan pas sems can bya ba khrag khrig mi gnas pa'i mya ngan las 'das so/ /brtson 'grus brtsams pa'i byang chub sems dpa' ni bdud lnga las rgyal bar nus so/ /lnga gang zhe na/ nyon mongs pa dang/ las dang/ phung po dang/ 'chi ba dag dang/ lha'i bu'i bdud do/ /sems kyi dbang yi

  390. 195b

    chos thams cad skye ste/ sems kyi dbang gis chos thams cad 'gag ste/ ji lta ji ltar sems kyi rtog pa de ltar da ltar chos thams cad kyi gzugs brnyan ston par byed do/ /tshe'i tshad kyi mdo las byang gi sgra mi snyan gyi mi rnams kyi tshe'i tshad ni lo stong ste/ bar ma dor 'chi ba ni med sgyu ma mkhan bzang po lung bstan pa las/ byang chub kyi snying por 'gro ba'i lam ni bzhi ste/ thams cad mkhyen pa'i sems yongs su mi gtong ba dang/ dge ba'i rtsa ba thams cad tshol ba la ngoms mi shes pa dang/ dam pa'i chos sgrub pa'i phyir brtson pa'o/ /bzhi po 'di dag ni nyan thos dang/ sangs rgyas kyis mi dpogs pa yin te/ bsam gtan zlog pa dang/ sems kyis rnam par 'byed ba dang/ sems can la snying rje che ba dang/ spongs ba dang skad sna tshogs pa'o/ /phan yon bzhi mthong na/ thos pa tshol bar byed de/ rang dang bzhin gyi shes par sbyor ba dang/ phyogs bzhi nas lhags pa'i the tshom gcod pa dang/ dam pa'i chos 'dzin pa dang/ sangs rgyas kyi bsngags pa mi zad pa'o/ /thos pa ma yin pa bzhi ste/ thos nas chos bye brag tu 'byed shes pa dang/ thos nas bya ba mi byed pa dang/ thos nas gzhan la ston pa dang/ thos nas byang chub la gtong bar byed pa'o/ /bzhi po 'di dag ni chos smra ba'i tshig gzug bar 'os bar 'gyur te/ 'dod pa chung ba dang/ chog shes pa dang/ ngang tshul bzang zhing gnyen pa dang/ rang gi chos bsgrub pa'o/ / chos bzhi dang ldan na/ sangs rgyas dang phrad par 'gyur te/ dran pa rtse gcig pa dang/ sangs rgyas kyi bsngags pa yang dang yang du brjod pa dang/ tshul khrims dag pa dang/ lhag pa'i bsam pas smon lam 'debs pa'o/ /chos bzhis spobs pa dag 'thob ste/ chos smra ba gzhan gyis bshad pa dang/ 'gal bar mi byed pa dang/ chos smra ba la gus ba dang/ zhes dang bcas par chos nyan pa dang/ thos pas khengs pa med pa dang/ thos pa nyung ngu la brnyas par mi byed pa'o/ /chos bzhi

  391. 196a

    dang ldan smon lam 'grub ste /tshul khrims dang/ bslab pa dag pa dang/ las kyi sgrib pa rnam par spyod pa dang/ g.yo sgyu med pa dang/ dge ba'i rtsa ba bskyed pa las sems pa'o/ /'dul ba gzhi las/ blta bas mi mngon pa lnga ste/ rgya mtsho dang/ ba lang cang shes dang ri rab dang/ 'khor los sgyur ba'i rgyal po dang/ sangs rgyas so/ /klu ni gnas skabs lnga rang bzhin du gnas te/ skye ba dang/ 'chi ba dang/ za ba dang/ gnyid log pa dang/ nyal po byed pa'o/ /bud med rang bzhin gyis mkhas pa kha cig ni skyes pa gang bdag la chags pa dang /dus dang zla mtshan 'ong ba dang/ bu chags pa dang/ gag las mngal du zhugs pa dang/ bu pho mo shes te/ lo ni g.yas par ro/ /mo ni g.yon par ro/ /rang bzhin gyis ma ning ni/ thog ma nas bud med kyang ma yin pa'o/ /zla ba phyed pa ni zla ba phyed ni bud med/ phyed ni skyes par 'gyur ba'o/ /chags pa'i ma ning ni/ gang pha rol la chags nas dbang po 'byung bar 'gyur ba'o/ /phrag dog pa'i ma ning ni/ pha rol log par sgrub pa mthong nas dbang po 'gyur ba'o/ /nyams pa'i ma ning ni/ nad kyis dbang po nyams pa 'am/ mtshon gyis bcad pa'o/ /sor mo'i phreng ba las/ nyan thos kyi theg pa las/ yid ches bstan pa gang yin pa yang de bzhin gshegs pa'i snying po zhes bya ba'i don de yid rang bzhin gyis dag pa zhes bya ba gang yin pa de ni de bzhin gshegs pa'i snying po'o zhes bya ba'i don de yid rang bzhin gyis dag pa zhes bya ba gang yin pa de ni de bzhin gshegs pa'i snying po'o/ /de ni chos thams cad kyi gtso bo ste/ chos thams cad kyi bo? de bzhin gshegs pa'i snying po'i rang bzhin no/ /'di lta ste rgyal po gzhan gyis khrims byas pa thos nas bdag nyid kyang skye dgu skyong ba de bzhin du/ khang che yul gyi 'khor dang/ yul b+ha ru ka tsa ba rnams kyang ngo tsha dang/ /nga rgyal bskyed nas theg pa chen pos 'jigs

  392. 196b

    shing sgrag pas gsang ste ston bar 'gyur gyi de bzhin gshegs pa'i snying po ston par mi 'gyur ro/ /sngon bskal pa dpag tu med pa'i sngon rol du bud d+ha ko san ta bzang po mnyan yod kyi drung du byung ba na dam pa'i chos nub kar dge slong sangs rgyas blo gros dgon pa na gnas pa la gcig gcig gis gos bzang po zhig byin pa nub gcig nas gcig gis phrogs te gcer bur phyung nas shing la btags so/ /de nas bram ze me tog 'thub zhig gis mthong nas/ kye ma dag dge sbyong ngur smig can gyi ngur smig gis ni mthar par mi 'gyur ba lta ba zhig snyam nas/ gcer bur byung la dka' thub byas na dur pa lta zhes gcer bur byung nas rgyu ste/ de nas gcer byung ngo/ /de nas dge slong de bcings pa khrol nas lus sa ser zhig gis byugs te 'gro ba dang/ chur zhugs te glang pa'i rma bkrus nas rtswa 'jam bos glang pa bkab pa dang/ rang gi lus rma yod ba sgra 'jam pos g.yogs pa dang/ ba lang gi lci ba sogs te med bde dang/ rma la phog snyam byed pa/ bram ze zhig dang shing thun zhig dang/ nyam thag pa gzhan dag cig gis mthong nas/ snga ma bzhin bsam te yang mtshan can kun du rgyu dang/ dka' thub can rtswa gos gyon pa dang/ phyugs bdag dang ba lang gi lci ba'i ri lu can dang/ mya ngan du 'gro ba byung/ de nas mgo byung ste/ ya mtshan dgu bcu rtsa drug po thams cad kyang dge slong de'i spyod lam las 'phos te byung ngo/ /'phags pa bde byed kyis zhus pa las/ rigs kyi bu gang su yang rung ba dag de ltar chos thams cad sprul pa lta bur mi 'dod mi dad pa slar zlog pa dang/ gshe ba de ni dge sbyong ma yin pa zhes bya/ mu stegs can zhes bya/ dmigs can zhes bya/ dkrugs ma ba zhes bya/ ngan g.yo nga can zhes bya/ 'chal pa zhes bya'o/ /skye bo rmongs pa khros pas zil non pa/ 'jig rten mkhas pa'i bstan las de ring ste/ de ni log lha rnams kyi nang 'dzin yin/ de lta bas na mkhas mis 'khrug mi bya/ 'phags pa 'jam dpal gyis zhus pa las

  393. 197a

    'jam dpal rgyu gnyis kyis de bzhin gshegs pa'i gzugs kyi sku khyad par du 'phags pa yin no/ /rgyu gnyis gang zhe na/ 'di lta ste/ de bzhin gshegs pa'i sngon gyi smon lam gyi dbang dang/ gdul bya'i sems can rnams kyi dge ba yongs su smin pa'i dbang gis te/ 'jam dpal rgyu de gnyis kyis de bzhin gshegs pa'i gzugs kyi sku khyad par du 'phags pa yin no/ /sku ji lta bar gsungs pa dang/ mtshan dang chos ston pa la sogs pa yang de 'dra ste/ sems can rnams kyi de ltar shes so/ /'phags pa chos kyi phung po las/ bcu po 'di dag ni tshul khrims 'chal pa'i nyes dmigs yin te/ 'chi ba'i tshe gdung bar 'gyur ba dang/ 'gyod par 'gyur ba dang/ mnar med par 'gro bas 'jigs pa dang/ tshul khrims la skur pa 'debs pa dang/ sangs rgyas kyis spangs pa dang/ nyan thos kyis spangs pa dang/ lhas spangs pa dang/ 'chi ba'i tshe 'jigs pa dang ngan 'gror 'gro ba dang/ mi lus 'thob par dga' ba'o/ /'phags pa rin po che'i mdza' las/ chos kyi dbyings la 'di dag ni skye ba'i chos so/ /'di dag ni 'phags pa'i chos so zhes gdags bar mi nus so/ /chos kyi dbyings la 'di ni 'di na 'dug go /che ge mo zhig na 'dug go zhes gdags par mi nus so/ /de ci'i phyir zhe na/ chos kyi dbyings ni bstan du med pa/ gdags su med pa/ gdags pa las yang dag par 'das pa yin no/ /bcom ldan 'das sman gyi bla bai DUrya'i kyi smon lam rgyas pa las/ dus ma yin par 'chi dgu yod do/ /gang zhe na/ nad pa sman dang rim gro dang mi ldan pa 'am/ sman ma yin pa byed pa dang/ rgyal po chad pa dang/ ha cang bag med pas mi ma yin pas ma dangs 'phrogs pa dang/ me dang chu dang/ seng ge stag wa sprul la sogs g.yang du ltung ba dang/ dug byad ro lang kyi sbyor ba dang/ bkris skom ste/ 'di dag ni mdor bsdus pa'o/ /gzhan yang grangs med dpag tu med do/ /'phags pa spyan ras gzigs shes shes bya ba'i mdo las/ ji ltar de bzhin gshegs

  394. 197b

    pa sangs rgyas kyi chos thams cad kyis mdza' yas pa de bzhin du/ de bzhin gshegs pa la yon phul ba yang tshad med mdza' yas so/ /phyi ma'i tshe dus lnga brgya tha ma la su zhig de bzhin gshegs pa'i ring bsrel yungs 'bru tsam la mchod pa dang/ bsti stang byed pa nges phan yon lnga bzung bar 'gyur te/ dran pa dang ldan pa dang/ rtogs pa dang ldan pa dang/ ngo tsha shes shing khrel yod pa dang/ myur du sangs rgyas mthong ba dang/ mthong nas dad pa skye ba'o/ /de chos bzhi dang yang ldan par 'gyur te/ bzhi gang zhe na/ de bzhin gshegs pa'i bstan pa 'dzin pa dang/ de yang ji skad bstan pa bzhin bsgrub pa dang/ bsgrubs nas sangs rgyas dang nye bar 'gyur ba dang/ myur du sangs rgyas kyi zhing yongs su dag par skye bar 'gyur ba dag go /dar ma 'di las mchod rten la rgyan phul ba yan chad so so'i yon tan zhib tu 'byung ngo/ /'phags pa gser gyi bye ma lta bu las/ bcom ldan 'das la tshe dang ldan pa kun dga' bos 'di skad tsam gsol to/ /bcom ldan 'das 'jig rten gyi khams gang du sangs rgyas mi 'byung ba dang/ byang chub sems dpa' rnams kyang byang chub kyi spyod pa mi spyod pa'i 'jig rten gyi khams ji snyed mchis bka' stsal pa/ sangs rgyas 'byung ba dang/ byang chub sems dpa' i spyad pa spyod pa ni dper na rgya mtsho chen po'i bye ma dang/ gang gA'i bye ma'i nang na gser gyi bye ma dkon pa dang 'dra ste/ ji ltar rgya mtsho'i bye ma dang/ gang gA'i bye ma las la la zhig gis bye ma 'byu? cig blangs pa bzhin du nyung ngo/ /'phags pa chos kyi phyag rgya zhes bya ba'i mdo/ /bcom ldan 'das la tshe dang ldan pa shA radwa'i ti'i bus 'di skad ces gsol to// bcom ldan 'das ji tsam gyis na legs par gsungs pa'i chos 'dul ba la rab tu byung ba zhes bgyi/ bka' stsal pa/ shA radwa ti'i bu 'jig rten pa'i chos las kyang ma 'das la/ zag pa med pa'i chos rnams kyang ma thob na/ de tsam gyis rab tu byung ba dang/ /'jig rten

  395. 198a

    las 'das pa'i bsnyen par rdzogs pa yin no/ /'phags pa bzhi pa sgrub pa las/ bzhi po 'di dag ni byang chub sems dpa' dag byed pa ste/ gang zhe na/ sems mthu chud pa la bzod pa dang/ dbul ba la bdog pa thams cad gtong ba dang/ yan lag gi mchog mgo slong ba la khro ba med pa'i steng du bshes gnyen du 'du shes pa dang/ skye ba la mi rtog pas bsam bzhin du skye bar byed pa'o/ /byang chub sems dpa' i chos zung du 'brel pa bzhi ste/ gang zhe na/ bsam pa dang sbyor ba zung du 'brel pa dang/ gtong ba dang bsngo ba zung du 'brel pa dang/ byams pa dang snying rje zung du 'brel pa dang/ thabs dang shes rab zung du 'brel pa'o/ /'phags pa blo gros mi bzad pas/ pha rol tu phyin pa'i don gang zhe na/ spyod pa'i khyad par rdzogs pa'i don ni pha rol tu phyin pa'i don to/ /ye shes zab mo rdzogs pa'i don dang/ 'dus ma byas la ma chags pa'i don dang/ 'khor ba'i nyes pa ji lta ba bzhin rtogs pa'i don dang/ skye ba mi mkhas pa rnams rtogs par byed pa'i don dang/ sems can gyi khams shes pa'i don dang/ phyir mi ldog pa'i sa 'thob pa'i don dang/ sangs rgyas kyi zhing sbyor ba'i don dang/ yon tan thams cad kyi pha rol tu phyin pa'i don to/ /'phags pa sgo mdza' yas pa sgrub pa las rgyal bas bsngags pa'i dgon par gnas par kyis/ de la gnas pas gzhan la brnyas mi bya/ zab mo'i bzod la 'dun pa bskyed nas su/ bag yod mgo la 'bar bzhin gnas par gyis/ 'di ltar tshul 'chos byed kyi gzhi yin pa/ shes khe rnyed pa rnams la gnas mi byed/ bya dang 'dra bar ngan song tsam gyis chog bya ste/ mir gyur pa yi 'bras bu yod par gyis/ 'phags pa byang chub sems dpa' i spyod pa bstan pa las/ bcom ldan 'das la 'jam dpal gyis gsol pa/ bcom ldan 'das dge slong de dag gis chos 'di thos nas gnod par gyur pa la gzigs/ bka' stsal pa de skad ma zer cig /gal te 'di ma thos na bskal pa'i bar de ba dang? 'gror

  396. 198b

    yang mi skye na/ sangs rgyas brnyes par byed pa lta ci smos/ da chos kyi rnam grangs de dag the tshom dang bcas par thos pas da bzod kho na dmyal ba nas thar nas dga' ldan du skyes so/ /'phags pa dpal dbyig gis zhus pa las/ byang chub sems dpa' las dang po pas pha ma la gnod pa dang/ bu dang chung ma dang/ bran pho dang/ las byed pa dang/ zho shas 'tsho ba dang/ mdza' bo dang/ blon po dang/ nye du dang/ rgan rabs la gnod pa byed par ji ltar mos pa dang/ ci nus par dus dus su sbyin pa sbyin par bya'o/ /'phags pa bgres mos zhus pa las/ chos thams cad kyang ngo bo nyid kyis stong pa'i phyir te/ 'on kyang chos rnams 'dogs so/ /mkhas pa rnams ni de la mngon par mi zhen te/ mngon par zhen pa med pas mi cod do/ /rtsod pa med pa ni dge slong gi chos kyi mchog go /kun dga' bos gsol pa/ 'di ci'i slad du/ 'di ltar dbul bar gyur lags/ bka' stsal pa/ kun dga' bo nga byang chub sems dpa' i spyad pa spyod pa na/ 'di da'i mar gyur te/ de bzhin gshegs pa 'khor bar 'jig gi bstan pa la rab tu 'byung du ma bstan pas nga za cig zan bcad par gyur te/ de nas 'dod pas btang ngo/ /de'i rtan par smin pas 'di ltar gyur te/ 'phags pa rnam par mi rtog pa la 'jog pa las/ dam chos 'di la rgyas pa'i sras/ rnam par mi rtog bsam gyur nas/ rnam rtog 'grod dka' rnams 'das te/ rim gyis mi rtog thob par 'gyur/ 'phags pa 'jig rten dang mthun par 'jug pa las/ sangs rgyas ye shes dpag g.yas? te/ chos kyi dbyings las 'byung yin yang/ /sangs rgyas zhing ni ston mdzad pa/ /'di ni 'jig rten mthun 'jug yin// zhig pa med cing skyes med la/ /chos kyi dbyings dang mnyam gyur kyang/ /bsreg pa'i skal pa ston mdzad pa/ /de ni 'jig rten mthun 'jug yin/ /'phags pa chos dang don rnam par 'byed pa las/ bud med gang la la zhig gis chos kyis rnam grangs 'di

  397. 199a

    'chad dam klog na/ de bud med kyi lus brjes nas/ 'jig rten gyi khams bde ba can du skye bar 'gyur te/ de nyid de'i bud med kyi lus kyi tha ma yin no/ /'chi ba'i dus kyi tshe yang de bzhin gshegs pa 'od dpag med mthong bar 'gyur ro/ /'phags pa srid pa 'pho ba las/ bcom ldan 'das ji ltar na las bgyis shing bsogs pa 'gags nas yun ring du lags pa 'gum pa'i dus kyis tshe nye bar gnas shing yid la mngon du 'gyur lags/ 'du byed thams cad stong pa nyid ltar las rnams 'chi ba mi 'tshal par gda' / de skad ces gsol ba dang/ bcom ldan 'das kyis yul ma ga d+ha'i rgyal po bzo sbyangs gzugs can snying po la 'di skad ces bka' stsal to/ /rgyal po chen po 'di lta ste/ dper na mi zhig nyal ba'i rmi lam na/ yul gyi bud med bzang mo dang lhan cig tu yongs su spyod pa rmis la/ de nyal ba las sang nas yul gyi bud med bzang mo de dran na/ rgyal po chen po 'di ji snyam du sems rmi lam gyi yul gyi bud med bzang mo de yod dam/ gsol pa bcom ldan 'das de ni ma mchis lags so/ /bcom ldan 'das kyis bka' stsal pa/ rgyal po chen po 'di ji snyam du sems/ 'o na gang rmi lam gyi bud med bzang mo la mngon par zhen pa'i mi de/ ci mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi yul gyis bud med bzang mo yang shin tu ma mchis shing mi dmigs lags na/ de dang yongs su spyod pa lha ga la mchis te/ 'di ltar mi de ni phongs shing dub pa'i bskal ba can du 'gyur lags so/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang mig gis gzugs rnams mthong na/ yid bde bar 'gyur pa'i gzugs rnams la mngon par zhen te/ mngon par zhen par gyur nas rjes su chags par 'gyur ro/ /kun tu chags nas 'dod chags

  398. 199b

    las byung ba dang/ zhe sdang las byung ba dang/ gti mug las byung bI las dang lus dang/ ngag dang/ yid kyis mngon par 'du byed de/ las de mngon par 'dus byas par gyur nas 'gag go /'gag pa na shar phyogs su brten te gnas pa ma yin/ lho phyogs su ma yin/ nub phyogs su ma yin/ byang phyogs su ma yin/ steng du ma yin/ 'og tu ma yin no/ /phyogs mtshams rnams su rten gnas pa ma yin no/ /dus gzhan zhig na 'chis pa'i dus dang/ tshod nye bar gnas pa'i tshe dang skal ba 'dra ba'i las zad nas rnam par shes pa tha ma 'gag pa'i tshe/ 'di lta ste dper na/ nyal ba nyal ba las sad pa'i mi'i yul gyi bud med bzang mo lta bur las de nyid la mngon du 'gyur ro/ /rgyal po chen po de ltar rnam par shes pa tha ma 'gag cing skye ba'i char rtogs pa'i rnam par shes pa dang po yang na ni lha'i nang du/ yang na ni mi'i nang du/ yang na ni lha ma yin gyi nang du/ yang na ni sems can dmyal ba rnams su/ yang na ni dud 'gro rnams su/ yang na ni yi dwags rnams su 'byung bar 'gyur ro/ /rgyal po chen po rnam par shes pa dang po de 'gags ma thag tu/ gang la rnam par smin pa myong bar 'gyur ba/ mngon pa de dang skal ba 'dra ba'i sems kyi rgyud 'byung ngo/ /rgyal po chen po de la chos gang yang 'jig rten 'di nas pha rol tu phyin pa yang med la/ 'chi 'pho dang skye bar mngon pa yang yod do/ /rgyal po chen po de la rnam par shes pa gang tha ma 'gag pa de ni 'chi 'pho zhes bya/ gang rnam par shes pa dang po 'byung ba de ni skye ba zhes bya'o/ /rgyal po chen po rnam par shes pa tha ma 'gag pa'i tshe yang gang du yang mi 'gro'o/ /rnam par shes pa dang po skye ba'i tshe yang gang nas kyang mi 'ong ngo/ /de ci'i phyir zhe na/ ngo bo nyid dang bral ba'i phyir ro/ /rgyal po chen po de la rnam par shes pa tha ma ni tha mas stong/ 'chi 'pho ni 'chi 'phos stong/ las ni las kyis stong/ rnam par shes pa dang po ni dang pos stong pa skye ba ni skye bas stong la/ las rnams chud mi za bar mngon pa yang yod do/ /rgyal po chen po rnam

  399. 200a

    par shes pa dang po skye ba'i char gtogs pa 'gag ma thag tu bar ma chad par gang la rnam par smin pa myong bar 'gyur ba mngon par sems kyi rgyud 'byung ngo/ /'phags pa rmad du byung ba'i chos kyi rnam grangs las/ kun dga' bo stong gsum gyi stong chen po'i 'jig rten gyi khams yod do/ /de rigs kyi buAm rigs kyi bu mo mi gang la la zhig gis rin po che sna bdun gyi rang bzhin du byas te/ rgyun tu zhugs pa nas rang sangs rgyas dang/ phyogs bzhi'i dge 'dun la phul bas/ gang gis de bzhin gshegs pa mya ngan las 'das pa'i mchod rten brtsigs pa las sgyu ru ra'i 'bras bu tsam byas la/ khab tsam gyi srog shing btsugs te/ rgya shugs gi lo ma tsam gyis gdugs gsol nas/ nas 'bru tsam gyi sku gzugs byas la/ yungs 'bru tsam gyi ring bsrel bcug na de ni de bas ches bsod nams che'o zhes nga smra'o/ /'phags pa bram ze mo dpal gyis zhus pa las/ dpal ldan ma ma rig pa ni yang dag pa ma yin pa'i rnam par 'byung gi yang dag pa'i rnam par ni ma yin no/ /ma rig pa ni phyin ci log rnam par 'byung gi phyin ci log pa'i rnam par smin par ni mi 'byung ngo/ /shes rab kyi pha rol tu phyin pa lnga bcu pa las/ bka' stsal pa/ rab 'byor nyan thos dang/ rang sa la slob par 'dod pas/ shes rab kyi pha rol tu phyin pa 'di mnyan par bya/ gzung bar bya/ bcad par bya/ bklag par bya/ kun chub par bya'o/ /de ci'i phyir zhe na/ pha rol tu phyin pa dang/ byang chub kyi phyogs thams cad der 'dus pas so/ /shes rab kyi pha rol tu phyin pa ko'u shi ka las/ bka' stsal pa/ ko'u shi ka shes rab kyi pha rol tu/ phyin pa'i don ni 'di yin te/ shes rab kyi pha rol tu phyin pa ni gnyis su blta bar mi bya/ gnyis ma yin par yang ma yin/ mtshan mar ma yin mtshan ma med par yang ma yin/ blang bar ma yin/ bsnan par ma yin/ dor bar ma yin no/ /brnan ba med ma yin/ kun nas nyon

  400. 200b

    mongs par ma yin/ kun nas nyon mongs pa ma yin pa nas yang dag pa'i mdza' yang ma yin/ yang dag pa'i mdza' ma yin par yang ma yin no/ /skar ma rab rib mar me dang/ sgyu ma zil pa chu bur dang/ /rmi lam glog dang sprin lta bur/ /'dus byas thams cad de ltar blta/ /na mo b+ha ga ba te pradzdz+nyA pa ra mi ta ye/ oM d+hi shI sh+ru ti gi ti bi dzi ye swAhA/ /'gag pa med pa skye med la/ /rtag pa med cing chad med la/ /tha dang don min don gcig min/ /'od ba med cing 'gro med la/ /spros pa zhi bas zhi ba yi/ /rten cing 'brel 'byung sus bstan pa/ /rdzogs pa'i sangs rgyas gang yin pa/ /smra mchog de la phyag 'tshal lo/ /'phags pa chos bzhi pa bstan pa las/ /chos bzhi dang ldan na/ /sdig pa byas shing bsags pa zil gyis non par 'gyur te/ rnam par sun 'byin pa ni mi dge ba spyod pa na de la 'gyod pa mang ba'o/ /gnyen po spyod pa ni mi dge ba byas nas dge ba la brtson pa'o/ /sor chud par byed pa'i stobs ni sdom pa blangs nas phyin chad pa byed pa'o/ /rten gyi stobs ni dkon mchog gsum la skyabs su 'gro ba dang/ byang chub kyi sems mi gtong ba'o/ /'phags pa rten cing 'brel par 'byung ba las/ /chos gang rgyus byung de dag gi /rgyud dang de 'gog gang yin pa'ang/ /de bzhin gshegs pas bka' stsal to/ /de skad gsung ba dge sbyong che/ /la las mi yod pa'i sa phyogs su mchod rten byas te snying po 'di bcug na shi 'phos nas tshangs pa'i 'jig rten du skye'o/ /de nas shi 'phos nas gnas gtsang mar skye'o/ /'phags pa chos bzhi po las/ byang chub sems dpa' chos bzhi srog gi phyir yang nam 'tsho'i bab du mi gtong ba la byang chub kyi sems dang/ dge ba'i bshes gnyen dang/ bzod pa dang/ nges pa dang/ dgon par gnas pa'o/ /'phags pa byams pa la bka' stsal pa/ byams pa stong gsum gyi stong chen po'i gang gA'i bye ma snyed rin po che sna bdun gyis bkad ste/ de bzhin

  401. 201a

    gshegs pa la phul ba bas/ gang gis snying rje bas tshigs su bcad pa gcig gzhan gyi rgyud la bzhag na/ bsod nams 'di la snga mas char yang mi phod do/ /'phags pa klu'i rgyal po rgya mtshos zhus pa las mdo 'dir zlogs? na chos kyi phung po brgyad khri bzhi stong bklags par 'gyur/ 'phags pa chos bzhi ba'i mdo las/ dge slong gis ji srid 'tsho ba'i bar du yid brtan par mi bya ba bzhi la/ bud med dang/ rgyal po'i pho brang 'khor dang/ bdag gis gzugs bzang pa dang/ dbang phyug pa yod byad 'byor pa'o/ /'phags pa rgyal ba'i blo gros las/ bsod nams 'dod pas de bzhin gshegs pa mchod par bya'o/ /shes rab 'dod pas mnyan pa la brtson par bya'o/ /longs spyod 'dod pas gtong pa spel bar bya'o gzugs bzang bar 'dod pas bzod pa sgom par bya'o/ /spobs pa 'dod pas bla ma gus par bya'o/ /gzungs 'dod pas mngon pa'i nga rgyal med par bya'o/ /bde ba 'dod pas sdig pa spang bar bya'o/ /sems can la bde bar bya bar 'dod pas/ byang chub tu sems bskyed par bya'o/ /skad snyan par 'dod pas bden pa smra bar bya'o/ /yon tan 'dod pas dge ba'i bshes gnyen la bsten par bya'o/ /zhi gnas 'dod pas 'du 'dzi med par bya'o/ /lhag mthong mthong bar 'dod pas chos la stong bar brtag par bya'o/ /tshangs pa'i 'jig rten 'dod pas tshad med pa bsgom par bya'o/ /lha dang mi'i phun sum tshogs par 'dod pas dge ba bcu bya'o/ /mya ngan las 'da' bar 'dod pas/ thos pa la brtson par bya'o/ /yon tan thams cad 'dod pas dkon mchog gsum la mchod par bya'o/ /'phags pa sbyin pa'i phan yon bstan pa las/ ser sna spang ba'i phyir dang pas sbyin no/ /dus su sbyin no/ /de bzhin gshegs pas snang ba'i rung ba dngos po gsum yongs su dag par sbyin no/ /sems kyi 'khrug

  402. 201b

    pa'i skyon thams cad yongs su spang ba'i phyir bsti stang byas te sbyin no/ /snying po med pa'i lus las snying po blang ba'i phyir rang gi lag nas sbyin na/ /dar ma 'di las sbyin pa re re'i rnam par smin pa nges pa rgyas pa 'byung/ 'phags pa mi rtag pa nyid kyi mdo las/ nad med mi rtag lang tsho rtag ma yin/ 'byor pa mi rtag srog kyang rtag ma yin/ skye bo mi rtag nyid kyis nyen gyur na/ 'dod pa'i yon tan dga' ba ji ltar skye/ 'phags pa mi rtag pa nyid kyi mdo las/ bcom ldan 'das la kun tu rgyu sen rings kyis gsol pa/ bdag ji srid 'tsho'i bar du sangs rgyas dang chos dang dge 'dun la skyabs su mchi'o/ /ji srid 'tsho'i bar du yan lag brgyad pa'i bsnyen te gnas pa la nye bar gnas par bya'o/ /srog chags thams cad gsod dang gzhan nor rku dang mi tshangs spyod ba dang/ gang gi dbye ba brdzun dang nus bskyed btung dang dus min za ba dang/ phreng ba kha dog blu gar rtse 'jo mal stan mthong po rnams/ deng nas bdag gis spangs te yon tan brgyad kyis dgra bcom tshul du bgyi/ de bzhin du lan gnyis lan gsum du'o/ /bdag gi gso spyod gi tshul khrims kyi sdom pa yang dag par 'dzin pa 'di sems kyi rgyan dang/ sems kyi yo byad dang/ byang chub kyi tshigs su 'gyur ba dang/ don gyi dam pa thams cad mkhyen pa'i ye shes dang/ mya ngan las 'das pa'i bde ba bla na med pa la gnas par gyur cig /bka' stsal pa/ bram ze chen po khyod de ltar byed pa legs so legs so/ /'phags pa seng ges zhus pa las/ skye ba kun tu byang chub sems/ rmi lam na yang sems de ni/ 'dor mi 'gyur na ma nyal tshe/ smos ci 'tshal bar gang gis 'gyur/ grong dang grong khyer rnams su yang/ gang du gnas pa'i yul rnams su/ /byang chub la ni yang dag 'dzud/ /des na sems 'dor mi 'gyur ro/ /'dir ni snying po lnga byin zhing/ /skrag la mi 'jigs byin na ni/ /gang dang gang du skyes par yang/ /des na stobs ni cher 'gyur te/ /rtag tu mthu yis/

  403. 202a

    'phags pa dang/ /bdud rnams bye bas mi tshugs so/ /'phags pa 'jam dpal gyis bstan pa las/ /'jam dpal ci la dmigs nas de bzhin gshegs pa la mchod pa bgyi/ /lha'i bu dmigs pa bzhi ste gang zhe na/ byang chub ? sems dang/ sems can thams cad thar bar bya ba dang/ dkon mchog gi gdung rgyud mi bcad pa dang/ sangs rgyas kyi zhing yongs su dag par bya ba la dmigs nas so/ /'phags pa rdo rje snying po'i gzungs las/ bka' stsal pa/ 'jam dpal 'od snyam du sems/ sems can dmyal ba rang gi rtog pa las byung ngam/ 'on te ngo bo nyid las byung/ 'jam dpal gyis gsol pa/ bcom ldan 'das byis pa so so'i skye ba rang gi rtog pas sems can dmyal ba dang/ dud 'gro dang/ gshin rje'i 'jig rten du rig ste/ de dag ma mchis pa la sgro btags pa'i slad du ngan song gsum du gnod pa 'cher zhing sdug bsngal myong lags so/ /bcom ldan 'das bdag gis sems can dmyal ba ji ltar mi mthong ba de bzhin du sems can dmyal ba ba rnams mi mthong ste/ sems can dmyal ba'i sdug bsngal yang ma mchis so/ /bcom ldan 'das 'di lta ste dper bgyi na/ mi la la zhig gnyid log pa'i rmi lam na bdag sems can dmyal bar ltung ba snyam du rig nas de de dag na lcags kyi bum pa rab tu khros pa shin tu 'bar bar bdag nyid bcug par yang 'du shes par 'gyur ro/ /des de na sdug bsngal gyi tshor ba drag cing mi gzad la gnag bar dka' zhing yid du mi 'ong ba myong bar 'gyur/ des de na yid kyi gdung ba myong bar 'gyur/ des de na skrag bar 'gyur/ dngang bar 'gyur/ kun tu dngang par 'gyur zhes pa nas de 'di ltar bdag ni gnyid kyis log par gyur te yang dag pa ma yin pa 'di bdag gis kun tu brtags so snyam pa dran pa skye bar 'gyur zhing slar yang rim pa bde ba

  404. 202b

    thob par 'gyur lags so zhes gsungs so/ /'phags pa snang ba bsam gyis mi khyab pas bstan pa las/ chos bzhi dang ldan na myur du bzod pa 'thob cing bla na med pa'i byang chub mngon par 'tshang rgya ste/ bzhi ni sangs rgyas la chos nyid du mthong gi /gzugs su ma yin pa dang/ chos la 'dod chags dang bral bar ma thong gi/ yi ge dang nges pa'i tshig tu ma yin pa dang/ dge 'dun la 'dus las su ma yin pa dang/ shes rab kyi mig yongs su dag par 'gyur ba'o/ /'phags pa sangs rgyas bcu pa las/ gang gi mtshan bzung na myur du sangs rgyas pa'i mtshan bcu la/ shar phyogs na 'jig rten gyi khams yon tan thams cad rnam par dag pa na sangs rgyas yon tan bskal pa dpag tu med pa las 'das pa dang/ lho phyogs na 'jig rten gyi khams yon tan rin chen bkod pa na sangs rgyas yon tan bkod pa'i dpal gzi brjid kyi phung po'i bskal pa dang/ nub phyogs na 'jig rten sbyor bas mun pa thams cad bral ba na sangs rgyas chos thams cad la spobs pa bkod pa'i dbal dang/ byang phyogs na 'jig rten mun pa dang rdul dang bral ba na spobs dpag tu med pa yang dag par spyod pa dang/ shar lho na 'jig rten yul ring por bde ba bkod pa na sprin gyi 'brug sgra sgra dbyangs bstod pa dang/ lho nub na 'jig rten yon tan dpag tu med pa bkod pa na sangs rgyas nyi ma'i 'od dam pa dpal gyi gzi brjid 'byung ba dang/ nub byang na 'jig rten ngan song spangs pa na sangs rgyas rnam pa mang po'i gzi brjid kyi rgyal po dpal 'byung ba dang/ byang shar na 'jig rten mya ngan gyi gnod pa thams cad dang bral ba na sangs rgyas bskal pa bye ba grangs med par kun tu 'byung ba dang/ steng na 'jig rten gzi brjid dpag tu med pa bkod pa na/ sangs rgyas dge ba gser gyi nam mkha' nges par sgrogs pa dpal gyi gzi brjid 'byung ba dang/ 'og na 'jig rten rdul thams cad

  405. 203a

    'dus pa na sangs rgyas chos thams cad kyi tshul rnam par 'khrul ba'i gzi brjid 'byung ba'o/ /dam pa'i chos dran pa nye bar gzhag pa las/ dper na chu bo'i rgyun bar chad med bar rtag tu 'bab pa bzhin du skyes bu gnyid log gam/ myos par? rab tu myos pa'i 'jug pa na yang de bzhin no/ /de ltar na rnam par rig byed ma yin pa'i gzugs bstan du med pa thogs pa med par 'dod do/ /gzugs de ji lta bu yin zhe na/ las kyi ngo bor yod pa nyid yin no/ /dus gsum gyi sangs rgyas thams cad kyi gsung rab? yang dag pa'i lam ston pa ni 'di lta ste/ 'dod chags la mi sdug pa'o zhe sdang la byams pa'o/ /gti mug la rten cing 'brel bar 'byung ba'o/ /'di ltar sa chen po'i chos bcu ni tshor ba dang/ 'du shes dang/ sems pa dang/ reg pa dang/ yid la byed pa dang/ 'dun pa dang/ mos pa dang/ dran pa dang/ ting 'dzin dang/ shes rab ste/ dmigs pa gcig la mtshan nyid gzhan dang gzhan du 'dod pa de dang 'dra'o/ /mchod rten nam dge 'dun gyi gtsug lag khang gi skyang nul nyi ma 'am char pas zad pas slar 'chos na lha phyi bar gsum ba lus dkar gyi nang du skye/ de nas shi 'phos na yang de dang rgyu mthun dkar sha ma pad+ma'i rtsa lag lta bu'i mdog stod phyogs dang rgya yul la sogs par skye bar 'gyur/ rgyal chen bzhi rnams ni ri rab kyi ngos la 'khor lo/ /gzhal med khang dang ldan pa de dag la mu stegs can rnams gza' dang skar ma dang/ rgyu skar yin par sems te/ de rnams kyi rags pa bgrangs na bye ba phrag drug yod do/ /ri rab kyi ngos gang la nyi ma 'khor ba'i ngos de dang nges mi'i gnas gang pu ri rab kyi grib ma 'bab pa de ltar mtshan mor 'gyur ro/ /byang phyogs na rlung 'khor lo'i gzugs zhes bya ba yod/ byang phyogs kyi skar ma de dag 'char du yang mi ster/ nub tu yang mi gter na mu stegs can de dag gis de mthong nas drang srong bdun gyis 'jig rten

  406. 203b

    'dzin to/ /brgya byin gyi khang pa brtsegs ma la rgya byin snga rabs shi sten rag la sogs par song ba'i ming gi dkar chag bris pa ni legs 'byor pa dang/ kun dga' dang mi 'chi zhes bya ba la sogs sum cu ste de? mthong nas brgya byin skye ba skye'o/ /dkon mchog sprin las/ ji ltar na byang chub sems dpa' byams pa sgom pa mang ba yin zhe na/ rigs kyi bu 'di la byang chub sems dpa' gcig pur dben par 'dug ste nang du yang dag par bzhag nas rab tu dben pa la mngon du phyogs te/ shin tu skyo ba'i sems kyis lus drang po dang/ lus bags kyis klod pas skyil mo krung bcas nas dran pa mngon du bzhag ste/ phyi rol du ma byung ba'i sems kyis 'di snyam du sems so/ /sems can gang dag khro ba gnod sems mang ba mi dge ba'i las byed pa rnams dang/ gang bdag la rgol ba dang/ dgra bo gtsugs med par shar gnyer ba rnams byung ngam 'byung ngam 'byung 'gyur ba yang rung ste/ bdag gis de dag thams cad kyi khro ba dang/ gnod sems rab tu zhi bar bya ste/ /byang chub kyi snying po la dgong par bya'o snyam mo/ /de yang gang tsam gyis ma yin gyi bsam pa thag pas sems te/ de ltar na byang chub sems dpa' byams pa sgom pa mang ba yin no/ /bcom ldan 'das bskal pa grangs med pa gsum gyis de bzhin gshegs pa rnams yang dag par 'grub pa ma lags sam/ bcom ldan 'das kyis bka' stsal ba ma yin no/ /de ci'i phyir zhe na/ de bzhin gshegs pa'i yul bsgrub par bya ba bsam gyis mi khyab ste/ de bskal pa grangs med pa gsum gyis yang dag par sgrub par mi nus kyis/ nam byang chub sems dpa' chos mnyam pa nyid du zhugs par gyur pa de'i tshe nas brtsams te bskal pa bgrang bar bya'o/ /thog ma'i sems nas brtsams te ni ma yin no/ /theg pa chen po chos mngon pa'i mdo las 'byung ba byang chub sems dpa' i chos bzhi dang

  407. 204a

    ldan na/ rnam par rig pa thams cad kyi don med par khong du chud par 'gyur te/ rnam par shes pa mi mthun pa'i rgyu mtshan nyid shes pa ni/ 'di lta ste yi dwags dang/ dud 'gro dang/ mi dang lha rnams kyis dngos po gcig la rnam par rig pa tha dad par mthong ba lta bu dang/ dmigs pa med pa'i rnam par rig pa dmigs pa ni/ 'di lta ste/ 'das pa dang/ ma 'ongs pa dang/ rmi lam dang/ gzugs brnyan dmigs pa lta bu dang/ phrad ba med par phyin ci log med par 'gyur ba shes pas ni bden pa'i don la don dmigs pa'i rnam par shes pa 'bad pa med par bden par shes pa'i phyir phyin ci log med par 'gyur ba dang/ shes pa rnam pa gsum gyi rjes su mthun pa'i shes pas ni 'di ltar byang chub sems dpa' dang/ bsam gtan pa sems la dbang thob pa'i rnams mos pa'i dbang gis de ltar don de dag snang ba dang/ zhi gnas thob ba'i rnal 'byor pa chos la lhag mthong la brtson pa rnams la yid la byed pa tsam du don snang ba dang/ rnam par mi rtog pa'i ye shes thob ste/ de la gnas pa rnams la don thams cad mi snang ngo/ /dgongs pa nges par 'grel ba las/ 'jam dpal 'di ni de bzhin gshegs pa la sgrub pa nyes pa'i don du bstan pa yin te/ 'jam dpal 'di ni de bzhin gshegs pa'i bya ba sgrub pa nges pa'i don du bstan ba zhes bya bar zung zhig/ bcom ldan 'das rnam par lta ba'i ting nge 'dzin gyi spyod yul gyi gzugs brnyan gang lags pa de/ sems las tha dad pa zhes bgyi'am/ tha dad pa ma lags so zhes bgyi/ byams pa tha dad pa ma yin zhes bya'o/ /ci'i phyir tha dad pa ma yin zhe na/ gzugs brnyan de rnam par rig ba tsam du zad pa'i phyir te/ byams pa rnam par shes pa ni dmigs pa rnam par rig pa tsam gyis phye ba ma yin no zhes ngas bshad do/ /bcom ldan 'das ting nge 'dzin gyi spyod yul gzugs brnyan de sems las tha dad pa ma lags na sems

  408. 204b

    de nyid kyi sems de nyid la ji ltar rtog par bgyid/ bka' stsal pa/ byams pa chos gang la yang rtog par mi byed mod kyi/ 'on kyang de ltar skyes ba'i sems de ni de ltar snang ngo/ /byams pa 'di lta ste me long gi dkyil 'khor shin tu dag pa la gzugs kyis rkyen byas te gzugs nyid mthong yang gzugs brnyan mthong ngo snyam du sems te/ de la ni gzugs de dag gzugs brnyan snang ba de don tha dad pa snang ngo/ /de bzhin du de ltar skyes pa'i sems de yang ting nge 'dzin gyis gzugs brnyan zhes bya ba dang don tha dad par snang ngo/ /bcom ldan 'das sems can rnams kyi sems kyi gzugs brnyan rang bzhin du gnas pa gzugs la sogs gang lags pa de yang sems dang tha dad pa ma lags pa zhes bgyi 'am/ byams pa tha dad pa ni ma yin te/ byis pa phyin ci log gi blo can rnams kyis gzugs brnyan de dag la rnam par rig pa tsam de yang dag pa ji gzhin mi shes pas phyin ci log tu sems so/ /shes rab kyi pha rol tu phyin pa khri brgyad stong pa las/ bka' stsal pa/ byams pa 'du byed kyi mtshan ma'i dngos po la 'di ltar gzugs zhes bya ba nas/ sangs rgyas kyi chos rnams zhes bya ba'i bar du ming du glo bur du btags pa de rnam par rtog pa tsam du ma zad dam/ gsol pa/ rnam pa rtog pa tsam nyid do/ /yi ge med pa'i za ma tog rnam par snang mdzad kyi snying po las/ rigs kyi bu gang byang chub sems dpa' i rtag tu bsrung par bya ba'i chos ni gcig ste gang zhe na/ gang bdag mi 'dod pa de gzhan la mi bya'o/ /chos gcig pu de bsrungs na byang chub sems dpa' i bslab pa'i gzhi thams cad bsrung par 'gyur ro// de ci'i phyir zhe na/ rigs kyi bu dang? bdag gi srog? 'phangs par 'dzin pa des srog mi gcod do/ /gang bdag gi nor phangs pa de ma byin par mi len te/ gang bdag gi chung ma phangs par 'dzin pa de gzhan gyi chung ma'i gan du mi 'gro ba'o/ /rigs kyi bu

  409. 205a

    de la sogs te gang la la zhig 'di snyam du de bzhin gshegs pa'i bka' bzhin du bya'o snyam du sems pa des chos gcig pa 'di bsrung bar bya'o zhes bshad do/ /de ci'i phyir zhe na/ rigs kyi bu gang la la bla na med pa yang dag par rdzogs pa'i byang chub don du/ gnyer ba de thams cad ni rang gi bde ba'i rgyur don du gnyer gyi/ su yang bdag sdug bsngal bar mi 'dod/ 'gro ba rnams ni bde ba 'dod ces bya ba'i tha tshig ste/ gang khyed cag mi 'dod pa de gzhan dag la ma byed cig nga smra'o/ /rigs kyi bu 'di ni byang chub sems dpa' gang rtag tu bsrung bar bya ba'i chos gcig go /gang mdo 'di nyan pa de 'chi ba'i dus kyi tshe yang byang chub sems dpa' 'di dag nyid dang thabs cig tu ri'i rgyal po bya rgod kyi phung po la gnas pa mthong bar 'gyur ro// rigs kyi bu gang de bzhin gshegs pas mngon par rdzogs par sangs rgyas pa'i chos gcig pu de gang zhes zer ba ni chos gcig pu de gang yang med do/ /gang la chos gang yang rtog pa med pa de de bzhin gshegs pas mngon par sangs rgyas pa'o/ /rigs kyi bu yang de bzhin gshegs pas chos thams cad ma skyes par thugs su chud do/ /shes rab kyi pha rol tu phyin pa khri ba las/ de la rnam par thar pa'i sgo stong pa nyid gang zhe na/ 'di lta ste/ chos thams cad rang gi mtshan nyid kyis stong par so sor rtogs pa'i sems gnas pa rnam par thar pa'i sgo stong pa nyid de/ de ni rnam par thar pa'i sgo stong pa zhes bya'o/ /de la rnam par thar pa'i sgo mtshan ma med pa gang zhe na/ 'di lta ste/ chos thams cad rang gi mtshan nyid kyis mtshan ma med par so sor rtog pa'i sems gnas pa rnam par thar pa'i sgo mtshan ma med pa ste/ de ni rnam par thar pa'i sgo mtshan ma med pa zhes bya'o/ /de la rnam par thar pa'i sgo smon pa med pa gang zhe na/ 'di lta ste/ chos thams cad mngon par 'du byed pa med par so sor rtog pa'i sems gnas

  410. 205b

    so/ /de la mi shes pa kun shes par byed pa'i dbang po gang zhe na/ gang zag slob pa mngon par rtogs par ma gyur par rnams kyi dang po'i dbang po dang/ brtson 'grus dang/ dran pa dang/ ting nge 'dzin dang/ shes rab kyi dbang po gang yin pa'o/ /kun shes pa'i dbang po gang zhe na/ gang zag slob pa mngon par rtogs par ma gyur pa rnams kyi gang yin pa'o/ /kun shes pa dang ldan pa'i dbang po gang zhe na/ gang zag mi slob pa 'di lta ste/ dgra bcom pa rnams dang/ rang sangs rgyas rnams dang/ byang chub sems dpa' sa bcu la gnas pa dang de bzhin gshegs pa rnams kyi dad pa'i dbang po la sogs pa gang yin pa'o/ /de la rtog pa med la dpyod pa tsam gyi ting nge 'dzin gang zhe na/ bsam gtan dang po dang/ bsam gtan gnyis pa'i phyir gang yin pa'o/ /de dag ni zad par gyi skye mched bcu zhes bya ste/ thams cad sa'i khams su mos par byed de/ thams cad kyang sa'i khams kho nar khams gcig tu 'gyur ro/ /thams cad chud nas rnam par shes pa'i khams kyi bar du mos par byed de/ rnam par shes pa kho nar khams gcig pa'i bar du 'gyur ro/ /de la thams cad shes pa nyid gang zhe na/ nyan thos dang rang sangs rgyas rnams skye mched bcu gnyis po dag la gang zag la bdag med par myogs gcig shes pa gang yin pa ste/ de ni thams cad shes pa zhes bya'o/ /de la lam gyi rnam pa shes pa gang zhe na/ byang chub sems dpa' i theg pa gsum gyi lam shes kyang/ nyan thos dang/ rang sangs rgyas kyi theg pas dag par mi sems kyi/ byang chub sems dpa' i lam gyis nges par 'byung ba gang yin pa'o/ /de la n+ya gro da ltar sku chu zheng geb pa nyid ni 'di yin te/ chur ji srid ba chur yang de srid yin no/ /ro bro ba'i mchog ni de'i mgur drang por mid ba drang zhing ma yol chogs pa med pa de ming du bum par gyur pa yin no/ /bka' stsal pa/ shA radwa ti'i bu 'di snyam du sems/ /ci phung po lnga po 'di dag shes rab kyi pha rol tu phyin pa la

  411. 206a

    bslabs nas/ rnam pa thams cad mkhyen pa nyid du nges par 'byung snyam mam/ gsol ba/ btsun pa bcom ldan 'das de lta ma lags so/ /de ci'i slad du zhe na/ btsun pa bcom ldan 'das 'di ltar gzugs ni sgyu ma lta bu lags shing/ de bzhin du tshor ba dang/ 'du shes dang/ 'du byed rnams dang/ rnam par shes pa ni sgyu ma lta bu lags la/ rnam par shes pa gang lags pa de ni dbang po drug po lags la/ dbang po drug gang lags pa de ni nye bar len pa'i phung po lnga rnams lags pa'i slad du'o/ /'jig tshogs la lta ba dang/ the tshom dang/ tshul khrims dang/ brtul zhugs mchog tu 'dzin pa ste/ kun tu sbyor ba gsum po de dag spangs pas rgyun tu zhugs pa zhes bya'o/ /des bsgoms pa'i lam thob nas 'dod pa la 'dod chags dang/ gnod sems gnyis srab mor byed par 'gyur te/ de ni lan cig phyir 'ong ba yin no/ /des bsgoms pa'i lam bsgom pa de nyid kyis 'dod pa la 'dod chags dang/ gnod sems gnyis ma lus par spong bar 'gyur ro/ /des de gnyis spangs bas phyir mi 'ong ba yin no/ /des bsgoms pa'i lam cher bsgom pa de nyid kyis gong ma'i cha dang/ 'thun pa lnga po 'di lta ste/ gzugs kyi 'dod chags dang/ gzugs med pa'i 'dod chags dang/ ma rig pa dang/ nga rgyal dang/ rgod pa spangs pas dgra bcom par 'gyur 'di lta ste/ 'du byed thams cad ni rten cing 'brel par 'byung ba'o zhes rang sangs rgyas kyi lam sgom par bya'o/ /gang dag yang dag pa'i skyen med pa la zhugs pa de dag ni/ bla na med pa yang dag par rdzogs pa'i byang chub tu sems bskyed par mi nus so/ /de ci'i phyir zhe na/ de dag gis 'khor ba'i sa mtshams bcad pa'i phyir ro/ /tshe zad pa dang/ nyon mongs pa mgo mnyam du zad pa'i gang zag ces bya ba rim bya'o/ /bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang gis na byang chub sems

  412. 206b

    de shes rab kyi pha rol tu phyin pa spong zhing de bzhin du rgyang ring du byed pa'i rnam grangs yod do/ /rab 'byor gal te byang chub sems dpa' chen po byams pa shes rab kyi pha rol tu phyin pa la spyod pa na/ 'di snyam du kye ma shes rab kyi pha rol tu phyin pa 'di ni gsob bo// gsog go /snying po med pa'o/ /kye ma shes rab kyi pha rol tu phyin pa 'di ni ya ma brla'o snyam du sems na 'di ni shes rab kyi pha rol tu phyin pa spong zhing rgyang ring du byed pa yin no/ /rab 'byor byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas/ sa phyogs 'di nyid du shes rab kyi pha rol tu phyin pa 'di ston par 'gyur ro/ /bskal pa bzang po'i de bzhin gshegs pa thams cad kyang byang phyogs 'di nyid nyid du 'byung bar 'gyur zhing/ shes rab kyi pha rol tu phyin pa ston par 'gyur ro/ /rab 'byor 'di lta ste 'jig tshogs la lta ba'i nang na lta ba'i gyur pa drug cu rtsa gnyis 'dus pa de bzhin du/ rab 'byor shes rab kyi pha rol tu phyin pa zab mo 'dir pha rol tu phyin pa thams cad 'dus so/ /kun 'byung ba'i chos gang ci yang rung ba de thams cad 'gog pa'i chos can du shes pa ni rang byang chub yin no/ /sku dang dbu las skyes pa'i dbu skra dang dbu rnams ni kha gyen du bltas shing mthong ting la kun nas lcang lor 'khyil ba 'jam zhing bsnum pa g.yas su 'khyil pa mdzes par skyes par yin ni/ gal te de bzhin gshegs pas byin gyis brlab pa mdzad du zin na zla ba/ nyi ma 'di gnyis kyang 'jig rten na yod par mi 'gyur/ zla ba gcig dang/ zla phyed dang/ dus dang los khyung kar rnams kyang 'jig rten na snang bar mi 'gyur ro/ /chos 'di dag thams cad ni rten cing 'brel par 'byung ba/ phyin ci log bzhi las skyes pa dang/ las kyi rnam par smin pas yongs su zin pa yin na/ 'di na khyed dngos po med pa'i chos rnams la dngos por 'di shes pa'i rgyu

  413. 207a

    gang yin zhes ston par byed/ byang chub sems dpas dud 'gro'i skye gnas su skyes pa'i srog chags mthong na/ 'di snyam du bdag gi sbyin gnas ni yang dag par rdzogs pa'i byang chub yin gyi/ dud 'gro'i skye gnas ma yin no// snyam du sems pa'i sems bskyed na byang chub sems dpa' i chos ma yin no/ /de ci'i phyir zhe na/ rang gi sems yongs su dag na byang chub sems dpa' i sbyin gnas yongs su dag pa'i phyir te/ byang chub sems dpa' chen pos na bdag gis sems can dbul po 'di dag sbyin pa'i sa bsdus nas/ gzhan gyi rdzas la rku bar mi 'gyur ro zhes bya ba la sogs par sems bskyed par bya'o/ /gzugs kyang chos kyi dbyings ma yin la/ gzugs las gud na yang chos kyi dbyings med do/ /'di ltar byang chub sems dpas stong pa nyid dang/ mtshan ma med pa dang/ smon pa med pa la ma gtogs par gzhan la bslab par mi bya ba'i phyir ro/ /de ci'i phyir zhe na/ rab 'byor rnam par thar pa'i sgo gsum po 'dir dge ba'i chos thams cad 'dus pa'i phyir ro/ /bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad ma mchis pa lags te/ mtshan ma ni brtags pa tsam kun tu rtog pa las 'byung ba lags na/ byang chub sems dpa' ji ltar dge ba'i chos rnams kyis khyad par du 'phags par 'gyur lags/ btsun pa bcom ldan 'das ci dang po sems bskyed pa'i byang chub sems dpa' sems dpa' chen po nges pa'i zhes bgyi 'am 'on te srid pa tha ma pa lags/ bcom ldan 'das kyis bka' stsal pa/ rab 'byor dang po sems bskyed pa'i byang chub sems dpa' sems dpa' chen po yang nges pa yin no/ /phyir mi ldog pa dang/ srid pa tha ma pa yang nges pa yin no/ /yang dag pa nyid du nges pa'i sar

  414. 207b

    ni sems can dmyal ba rnams su mi skye'o/ /'phags pa chos thams cad shin tu rgyas par bsdu ba las/ 'jam dpal dam pa'i chos spong ba las kyi sgrib pa ni phra ba'o/ /'jam dpal gang la la de bzhin gshegs pa'i bka' la/ la la ni bzang bar 'du shes/ la la ni ngan par 'du shes/ de ni dam pa'i chos spong ba'o/ /gang chos spong ba des chos spangs pas de bzhin gshegs pa la skur pa yin no/ /gnas 'jog las bka' stsal pa/ gnas 'jog yan lag brgyad dang ldan pa'i bsnyen gnas la gnas par 'dod pas/ nang par langs nas dge slong ngam/ bram ze 'am gzhan gang yang rung ba zhig gis drung du song ste/ bla gos phrag pa gcig tu byas la/ pus mo g.yas pa'i lha nga sa la btsugs te/ thal mo sbyar nas 'di skad ces brjod par bya'o// bdag ming che ge mo zhes bgyi ba 'di/ dus 'di nas gzung ste/ gang do nub gyi mtshan mo 'di dang/ sang nyi ma shar gyi bar du srog gcod pa spangs shing srog gcod pa las slar ldog ste/ dbyug pa spangs shing mtshon cha spangs te ngo tsha dang ldan zhing snying rje dang ldan par bgyis la/ sems can dang srog chags 'byung po thams cad las chung ngu na srog chags phra mo grog spur yan chad kyi srog gcod pa spangs te/ srog gcod pa las slar ldog par bgyi'o/ /ji ltar 'phags pa dgra bcom pa dag ji srid 'tsho'i bar du srog gcod pa spangs te/ srog gcod pa las slar ldog nas dbyug pa spangs shing mtshon cha spangs te/ sems can srog chags 'byung po thams cad las chung ngu na srog chags phra mo grog spur yan chad kyi srog gcod pa spangs te/ srog gcod pa las slar ldog pa de bzhin du bdag che ge mo yang dus 'di nas bzung ste/ do nub kyi mtshan mo 'di dang/ sang nyi ma ma shar gyi bar du srog gcod pa spangs shing/ srog gcod pa las slar ldog ste dbyug pa spangs shing mtshon cha spangs te/ ngo tsha dang ldan zhing snying rje dang

  415. 208a

    ldan par gyis la/ sems can dang/ srog chags 'byung po thams cad las chung ngu na srog chags phru mo grog spur yan chad kyi srog gcod pa yang spangs te/ srog gcod pa las slar ldog par bgyi'o/ yan lag dang po 'dis bdag 'phags pa dgra bcom pa de dag gi bslab pa la rjes su sgrub po/ /rjes su bgyid do/ /ji ltar srog gcod pa las slar ldog pa de bzhin du ma byin pa len pa dang/ mi tshangs par spyod pa dang/ brdzun du smra ba dang/ 'bru'i chang dang btsos pa'i chang myos par 'gyur ba bag med pa'i gnas dang/ glu gang dang rol mo la sgra dang/ phreng ba dang/ spos nyug pa dang/ rgyan dang/ kha dog 'char ba dang/ khri stan mthon po dang/ khri stan chen po dang/ dus ma yin pa'i zas spangs te dus ma yin pa'i kha zas slar ldog par bgyi'o/ /ji ltar 'phags pa dgra bcom pa de dag ji srid 'tsho ba'i bar dus dus ma yin pa'i kha zas spangs te/ dus ma yin pa'i kha zas las slar ldog pa de bzhin du/ bdag che ge mo spang dus 'di nas bzung ste/ gang de nub kyi mtshan mo 'di dang sang nyi ma shar gyi bar du dus ma yin pa'i kha zas spangs te/ dus ma yin pa'i kha zas las slar ldog par bgyi'o/ /yan lag brgyad pa 'dis bdag 'phags pa dgra bcom par de dag gis bslab pa la rjes su slob bo rjes su sgrub po/ /rjes su bgyid de ltar la ni gnyis de ltar lan gsum du'o/ /'di lta ste yul chen po bcu drug la/ ang ga dang/ ma ga d+ha dang/ ka shi dang/ bri dzaM dang/ mal la dang/ bun tra dang/ srag ba dang/ ka ma dang/ a ban ti dang/ ku ru dang/ pad tsa la dang/ pad dang dpa' ste dang/ ya ba na dang kam po rnams so/ shes rab 'bum pa las/ ma rig pa nyid rnam pa thams cad mkhyen pa ste rnam pa thams cad mkhyen pa yang ma rig pa'o/ /lha'i bu dag bdag zab pa'i phyir chos 'di zab bo/ sems

  416. 208b

    can dang/ srog dang/ 'gro ba dang/ gso ba dang/ skyes bu la sogs pa zab pa'i phyir chos 'di zab bo/ /gzugs zab pa'i phyir chos 'di zab bo/ /de bzhin du tshor ba zab pa'i phyir chos 'di zab bo/ rab 'byor gyis smras pa/ tshe dang ldan pa sha rwada ti'i bu sems can gang phyin ci log pas byung ba'i las lus dang ngag dang yid kyis mngon par 'du byed pa de dag 'di lta bu'i skye mched mngon par sgrub ste/ las kyi rnam par smin pa phung po'i gzhi can rnam par rtog pa las 'byung ba yongs su gzung zhing sems can dmyal ba dang/ byol song gi skye gnas dang/ gshin rje'i 'jig rten dang/ lha dang mi'i 'gro ba mngon par grub bo/ /'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba de dag thams cad kyang rnam par rtog pa mi mnga' zhing rnam par rtog par spangs par gyur to/ /ma 'ongs pa dang/ da ltar byung ba yang de bzhin/ dga' bo de bas na shes rab kyi pha rol tu phyin pa 'di khyed la gtang de/ dga' bo gal te khyed kyis ngas gang chos ji snyed bshad pa las/ shes rab kyi pha rol tu phyin pa ma gtogs pa ngas chos bstan pa de dag thams cad bzung ste/ kun chub par byas nas de'i 'og tu chud bsan te bor yang de tsam gyis dga' bo khyod la ngas skyon du mi gzung ngo/ dge bo khyod kyis gal te shes rab kyi pha rol tu phyin pa zab mo 'di bzung ste/ kun chub par byas nas/ de'i 'og tu chung bsan tam/ bor bar gyur na des ni dga' bo khyod la ngas skyon du bzung ngo/ /bdag stong pa nyid du rig par bya'o/ sems can dang/ srog dang/ skyes bu dang/ gang zag dang/ shed can dang/ shed bdag dang/ byed ba po la sogs pa stong pa nyid yin par rig par bya'o/ /bcom ldan 'das kyis 'di ni kun tu sbyor ba gsum spangs pas/ rgyun tu zhugs pa'i 'bras bu'o/ /'dod pa'i 'dod

  417. 209a

    chags dang/ gnod sems bsrabs pas lan cig phyir 'ong ba'i 'bras bu'o/ /'og ma'i cha can gyi kun tu sbyor ba lnga spangs pas/ phyir mi 'ong ba'i 'bras bu'o/ /bla ma'i cha can gyi kun tu sbyor ba lnga spangs pas dgra bcom pa nyid do?/ /gang ci yang rung ste/ kun 'byung ba'i chos de dag thams cad 'gog pa'i chos can du shes pas rang byang chub bo/ /bag chags kyi mtshams sbyor ba'i nyon mongs pa thams cad spangs pas yang dag par rdzogs pa'i byang chub po zhes gsungs/ byis pa so so'i skye bo rnams gang la chags par gyur pa'i 'dus byas thams cad ni ming tsam ste/ de dag la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas ming thams cad ni yongs su rtog pa las byung ba yin gyis/ yongs su brtags pa dngos po med pa'i ngo bo nyid stong pa nyid la khyed chags par ma byed cig/ chos thams cad stong pa la mkhas pa ni chags par mi byed do zhes 'doms par byed do/ /bcom ldan 'das kyis bka' stsal pa/ shA radwa ti'i bu ci gzugs kyi dngos po gang la byis pa so so'i skye bo rnams mngon par zhen par gyur pa de lta bu yod dam/ yod par gyur tam/ yod par 'gyur ram/ gsol pa/ phyin ci log ma gtogs par de ni ma lags so/ /byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ lha'i mig mngon par sgrub ste/ lha'i mig des chos thams cad stong pa nyid du mthong ste/ des chos de dag la gnas shing lam mngon par sgrub po/ /shA radwa ti'i bu cig nyan thos dang rang sangs rgyas thams cad bdag cag gis pha rol tu phyin pa drug la spyad? de sems can yongs su smin par byas/ sangs rgyas kyi zhing yongs su dag par byas te/ de bzhin gshegs pa'i stogs? bcu dang/ mi 'jigs

  418. 209b

    pa dang/ so so yang dag par rig pa dang/ byams pa dang/ snying rje chen po dang/ sangs rgyas kyi chos ma 'dres pa yongs su rdzogs par byas te/ sems can tshad med pa yongs su mya ngan las 'da' o? snyam du sems sam/ gsol pa/ de ltar sems pa ma mchis so/ /bka' stsal pa/ byang chub sems dpa' ni de ltar sems/ /bcom ldan 'das kyis bka' stsal pa/ rab 'byor rmi lam dang/ sgyu ma dang/ sgra snyan dang/ mig yor dang/ chu zla dang/ mig sgyu dang/ sbrul pa lta bu'i phung po lnga po de dag shes rab kyi pha rol tu phyin pa la bslabs shing/ rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur/ de ci'i slad du zhe na/ bcom ldan 'das de 'di ltar lam nas sbrul pa'i bar dngos po ma mchis pa'i rang bzhin te/ dngos po ma mchis pa'i rang bzhin de ni dmigs su ma mchis so/ /bcom ldan 'das kyis bka' stsal pa/ rab 'byor de ni 'di ltar gzugs ni rmi lam lta bu/ tshor ba ni rmi lam lta bu/ 'du byed ni rmi lam lta bu/ rnam bar shes pa ni rmi lam lta bu ste/ rnam par shes pa gang yin pa de ni dbang po drug do/ /de ni phung po lnga'o/ /de dag ni nang stong pa nyid kyi phyir mi dmigs pa nas dngos po med pa'i ngo bo nyid phyir mi dmigs so/ /rab 'byor gzugs nas rnam par shes pa'i bar ni sgyu ma dang/ sgra snyan dang/ mig yor dang/ chu zla dang/ smig rgyu dang/ sprul pa lta bu ste/ rnam par shes pa'i gang yin pa de ni dbang po drug go/ de ni phung po lnga'o/ /de dag ni nang stong pa nyid kyi phyir mi dmigs pa'o/ /gsol pa/ bcom ldan 'das de ltar lags na/ byang chub sems dpa' sems dpa' chen po theg pa la gsar du zhugs pa 'di thos nas 'jigs shing dbang ba dang/ skrag par mi 'gyur lags/ bka' stsal pa/ rab 'byor gal te theg pa la gsar du zhugs pa yin la/ thabs kyang mi mkhas pa zhig ste/ mi dge

  419. 210a

    ba'i bshes gnyen gyi lag tu 'ongs na de ltar 'gyur ro/ /gsol pa/ byang chub sems dpa' sems dpa' chen pos bstan ba 'di thos nas mi 'jigs mi dngang la skrag bar mi 'gyur ba'i shes rab kyi pha rol tu phyin pa la thabs la mkhas pa de gang lags/ bka' stsal pa/ rab 'byor byang chub sems dpa' shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i sems kyis gzugs mi rtag ces bya bar rtog ste de mi dmigs so/ /tshor ba nas rnam par shes pa'i bar mi rtag ces bya bar rtog de de mi dmigs so/ /rab 'byor de ni shes rab kyi pha rol tu phyin pa la spyod pa'i thabs mkhas pa'o/ /gzugs nas rnam par shes pa'i bar sdug bsngal ba dang/ bdag med pa dang/ zhi ba dang/ stong pa dang/ mtshan ma med pa zhes bya ba la sogs te de mi dmigs so/ /rab 'byor de ni shes rab kyi pha rol tu phyin pa la spyod pa'i thabs mkhas pa'o/ /gsol pa/ bcom ldan 'das 'dus byas kyi chos gang lags/ bka' stsal pa/ rab 'byor 'dus byas kyi chos ces bya ba ni 'dod pa'i khams dang/ gzugs kyi khams dang/ gzugs med pa'i khams dang/ gzhan yang de ma yin pa de 'dus byas kyis khams su gtogs pa'i chos rnams dang/ dran pa nye bar gzhag pa nas sangs rgyas kyi chos ma 'dres pa bco brgyad kyi bar te de dag gis 'dus byas kyi chos zhes bya'o/ /gsol pa/ 'dus ma byas kyi chos gang lags/ bka' stsal pa/ rab 'byor 'dus ma byas kyi chos zhes bya ba'i gang gang la skye ba med cing 'jigs pa med pa de dang/ gnas pa las gzhan du gyur pa med pa ste/ 'dod chags zad pa/ zhe sdang zad pa/ gti mug zad pa/ de bzhin nyid mnor? ba/ de bzhin nyid gzhan ma yin pa/ de bzhin chos kyi dbyings chos skyon med

  420. 210b

    pa nyid bsam gyis mi khyab pa'i dbyings yang dag pa'i mdza' ste/ de dag ni dus ma byas kyi chos zhes bya'o/ /de la byang chub sems dpa' zang zing med par chos sbyin pa rnam par 'byed pa gang zhe na/ chos ston pa'i tshe chos kyis sbyin pa des chung ngu na byang chub tu yang re ba med pa ste/ 'di ni zang zing med bar chos sbyin pa rnam par 'byed pa gang zhe na/ chos ston pa'i tshe chos kyi sbyin pa des chung ngu na byang chub tu yang re ba med pa ste/ 'di ni zang zing med par chos sbyin pa'o/ /de la byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba gang zhe na/ dge ba'i rtsa ba gang gis sangs rgyas kyi zhing yongs su dag par byed cing/ bdag dang gzhan gyi sems kyis zhing yongs su sbyong ba'i tshe/ dge ba'i rtsa ba de dag yongs su bsngo ba ste/ 'di ni byang chub sems dpa' i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba'o/ /de la byang chub sems dpa' sems dpa' chen po'i dge slong ma dang rten pa yongs su spangs pa gang zhe na/ dge slong ma dang ge gol gtogs pa tsam du lhan cig mi gnas shing/ de'i rgyus yongs su skoms pa'i sems mi bskyed/ de'i rgyus gos thob par mi byed pa 'di ni dge slong ma dang rten pa yongs su spong ba'o// shes par bya ba lnga gang zhe na/ 'das pa dang/ ma 'ongs pa dang da ltar byung ba dang/ brjod du med pa dang/ 'dus ma byas so/ /byang chub sems dpa' i lta ba rnam par bzlog pa gang zhe na/ nyan thos kyis dang/ rang sangs rgyas kyi sa rnam par spong ba'o// de la byang chub sems dpa' sems dpa' chen po'i sangs rgyas kyi zhing de dag ji ltar mthong ba bzhin du yongs su grub pa gang zhe na/ stong gsum gyi stong chen po'i 'jig rten gyi khams kyi dbang phyug 'khor los sgyur ba'i sa la gnas te/

  421. 211a

    stong gsum gyi stong chen po'i 'jig rten gyi khams yongs su mthong zhing des rlom sems su mi byed do/ /de la byang chub sems dpa' sems dpa' chen po'i sangs rgyas kyi zhing yongs su sbyad pa gang zhe na/ mi dmigs pa'i tshul gyi sems can thams cad kyi sems sbyod ba'o/ /de la byang chub sems dpa' sems dpa' chen po'i yon tan thams cad phun sum tshogs pa yongs su rdzogs pa gang zhe na/ sems can yongs su smin par bya ba rnam bar dag pa dang/ sangs rgyas kyi zhing rnam par dag pa'o/ /de la byang chub sems dpa' sa bcu pa la gnas pa de bzhin gshegs pa nyid ces bya ba gang zhe na/ byang chub sems dpa' sems dpa' chen po gang gis pha rol tu phyin ba thams cad dang/ stobs bcu nas sangs rgyas kyi chos ma 'dres pa bco brgyad kyi bar dang/ rnam pa thams cad mkhyen pa nyid kyi ye shes dang/ bag chags kyi mtshams sbyor pa'i nyon mongs pa thams cad spangs pa dang/ snying rje chen po dang/ sangs rgyas kyi chos thams cad kyang yongs su rdzogs bar gyur pa dag ste/ rab 'byor de ltar na byang chub sems dpa' sa bcu pa la gnas pa ni de bzhin gshegs pa nyid ces bya'o/ /chos gang yang mi dmigs mod kyi theg pa gsum du rnam par bkod pa ni yod do/ /shes rab kyi pha rol tu phyin pa 'di las theg pa gsum rgya cher bstan te/ gsum gang zhe na/ 'di ltar nyan thos kyi theg pa dang/ rang sangs rgyas kyi theg pa dang yang dag par rdzogs pa'i sangs rgyas kyi theg pa bshad do/ /ngas 'di nas sangs rgyas kyi sbyan sgrib ba med pas/ shar phyogs kyi 'jig rten gyi khams gang gA'i byed ma rnyed dag na sems can tshad med grangs med pa/ bla na med pa'i byang chub la spyod kyang shes rab kyi pha

  422. 211b

    rol tu phyin ba la thabs mkhas pa dang mi ldan pas de las gcig gam gnyis shig phyir mi ldog pa'i sa la gnas bar 'gyur gyi phal cher nyan thos kyi sa'am/ rang sangs rgyas kyi sa la gnas par 'gyur bar mthong ngo/ /de ci'i phyir zhe na/ ko'u shi ka bla na med pa'i byang chub ni le lo can brtson 'grus med pa bsam pa gzhan pa/ mos pa dma' ba/ shes rab 'chal ba rnams kyis sgrub dka' o/ /lho phyogs la sogs pa bcur yang de dang 'dra bar gzigs ro/ /rab 'byor skyes bu glen pa shes rab kyi pha rol tu phyin pa 'di la skyon gdags par sems shing/ phyir spang bar sems pa de dag kyang chos 'dul ba 'di nyid la rab tu 'byung bar 'gyur ro/ rab 'byor dper na khyi la la zhig jo bo'i zan nar ma bor te las mi las zas btsal bar sems pa dang 'dra? bar ma 'ongs pa'i dus na byang chub sems dpa' i theg pa'i rigs kyi bu dang/ rigs kyi bu ma shes rab kyi pha rol tu phyin pa zab mo sangs rgyas kyi chos thams cad kyi rtsa bar gyur pa 'di bor te yal ga dang lo ma dang 'dab ma lta bu'i mdo sde/ nyan thos dang rang sangs rgyas dang ldan pa dag la bstan par sems par 'byung ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ rab 'byor gzhan yang ma 'ongs pa'i dus na/ byang chub sems dpa' theg pa pa kha dang bkur sti'i phyir nyan thos dang/ rang sangs rgyas dang ldan pa'i mdo sde kun chub par bya ba'i sems pa 'byung ste de yang bdud kyi las so/ /de bzhin du glang po rnyed la rjes btsal bar sems pa dang/ rgya mtsho chen po lta bar 'dod ba la ba lang gi rjes btsal bar sems la/ ngo mthong nas 'di dang rgya mtsho mnyam mam mi mnyam snyam na mkhas pa yin nam/ rang 'byor gyi gsol pa ma lags so/ /nyan thos dang rang sangs rgyas dang ldan pa'i yid la byed pa yang bdud

  423. 212a

    kyi lam su 'byung/ de bzhin du rnam par rgyal byed kyi khad pa brtsig? bar 'dod pa la chad nyi zla'i gzhal med khar las len pa dang/ 'khor los sgyur ba'i rgyal po mthong bar 'dod la/ khams kyi rgyal phran mthong nas de de nas bsnyoms? pa dang zas ro brgya dang ldan pa spangs nas drug cu pa tshol ba dang/ nor bu rin thang med pa rnyed nas mching bu dang/ sgrun par sems pa de dag mi mkhas pa bzhin du/ shes rab kyi pha rol tu phyin pa spangs shing theg pa dman pa dang ldan pa'i 'dod pa gang bdud kyi las su 'byung/ rnam pa thams cad mkhyen pa'i sems gyis yongs su ma bzung na byang chub sems dpa' i theg pa pa de dag bar ma dor nye zhor 'gyur bar shes par bya'o/ /rab 'byor de dag nye zhor 'byung ba gang zhe na/ 'di lta ste nyan thos kyi sa'am/ rang sangs rgyas kyi sa'o/ /bka' stsal pa/ rab 'byor de bzhin gshegs pa rnams ni byang chub sems dpa' sems dpa' chen po rnams kyi dge ba'i bshes gnyen du reg par bya'o/ /byang chub sems dpa' sems dpa' chen po rnams ni dge ba'i bshes gnyen no/ /nyan thos gang pha rol tu phyin pa drug brjod cing ston pa dang 'chad cing 'grel pa dang/ rnam par 'byed cing gsal bar byed pa dang/ yang dag par ston pa de dag kyang byang chub sems dpa' sems dpa' chen po rnams kyi dge ba'i bshes gnyen du rig par bya'o/ /gsol ba /bcom ldan 'das shes rab kyi pha rol tu phyin pa'i mtshan nyid ji lta bu lags/ rab 'byor nam mkha' ltar chags pa med pa'i mtshan nyid shes rab kyi pha rol tu phyin pa'o/ /shes rab kyi pha rol tu phyin pa ni mtshan nyid med pa te/ shes rab kyi pha rol tu phyin pa la mtshan nyid gang yang med do/ /gsol pa/ mtshan nyid gang gis shes rab kyi pha rol tu phyin pa mchis pa'i

  424. 212b

    mtshan nyid nges chos thams cad mchos par 'gyur ba'i rnam grangs de lta bu mchis sam/ bka' stsal pa/ rab 'byor de de bzhin no de de bzhin te/ mtshan nyid gang gis shes rab kyi pha rol tu phyin pa yod pa'i mtshan nyid de nyid gyis chos thams cad yod do/ /de ci'i phyir zhe na/ rab 'byor chos thams cad ni rang bzhin gyis dben pa ste/ chos thams cad ni chos thams cad kyis dben pa'o/ /chos thams cad ni chos thams cad kyis stong pa'o/ /rab 'byor rnam grangs nges ni 'di ltar stong ba nyid kyi mtshan nyid dang/ dben pa'i mtshan nyid gang mtshan nyid gang gis shes rab kyi pha rol tu phyin pa yod pa'i mtshan nyid nges chos thams cad yod do/ /bka' stsal pa/ dga' bo shes rab kyi pha rol tu phyin pa 'di las gang la nyan thos kyi theg pa ba dang/ rang sangs rgyas kyi theg pa ba dang/ byang chub sems dpa' i theg pa bas bslab par bya ba dang/ gang la ji ltar bstan pa bzhin du bslabs pas rang rang gi sa la gnas par 'gyur pa'i chos thams cad rgya cher bstan te/ dga' bo shes rab kyi pha rol tu phyin pa zab mo 'di ni yi ge thams cad la 'jug pa'o/ /bka' stsal pa/ rab 'byor bag chags kyi mtshams sbyor ba ni nyon mongs pa yang ma yin mod kyi/ nyan thos dang rang sangs rgyas rnams la 'dod chags dang/ zhe sdang dang/ gti mug gi lus kyi rnam pa dang/ ngag gi rnam pa yod do/ /de dag gi bag chags kyis mtshams sbyor ba de ni byis pa so so'i skye bo kun dang thun mong du yang gnod par 'gyur ba ni ma yin te/ de bzhin gshegs pa la ni de rnams thams cad du mi mnga' zhing mi dmigs so// gsol pa/ ci'i slad du shes rab kyi pha rol tu phyin pa zhes bgyi bka' stsal ba/ rab 'byor shes rab kyi pha rol tu phyin pa 'di ni chos thams cad kyi pha rol tu phyin pa dam pa thob pa yin te/ de'i phyir shes rab kyi pha rol tu phyin pa zhes bya'o//

  425. 213a

    chos 'di dag thams cad ni rten cing 'brel par 'byung ba phyin ci log las skyes pa las kyi rnam par smin pas bzung ba yin na/ khyed rnams ci'i phyir chos thams cad dngos po med pa la dngos po'i 'du shes su byed ces te/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can ser sna can dag ser sna las rnam par bzlog nas sbyin pa'i pha rol tu phyin pa la sbyor te/ sbyin pa yongs su gtong ba de yang longs spyod chen po'i rgyur 'gyur ro/ /stong pa nyid kyi ting nge 'dzin ni stong pa'i rnam pa dang/ dben pa'i rnam par sems rtse gcig pa'o/ /mtshan ma med pa ni zhi ba'i rnam pa dang mtshan ma med pa'i rnam par sems rtse gcig pa'o/ /smon pa med pa ni mi rtag pa'i rnam pa dang/ sdug bsngal gyi rnam par sems rtse gcig pa'o/ /ji ltar na rten cing 'brel par 'byung ba shes pa yin zhe na/ rten cing 'brel par 'byung ba skye ba med pa dang/ 'gag pa med pa dang/ rtag pa med pa dang don gcig pa ma yin pa dang/ 'ong ba med pa dang/ 'gro ba med pa dang/ spros pa dang bral zhing zhi bar shes pa da ltar shes pa yin no/ /rab 'byor 'di ji snyam du sems/ dgra bcom pa'i rmi lam gyi blo 'dzin pa 'am mi 'dzin pa gang yang spyod dam/ gsol ba/ dgra bcom pa la yong yang nyal ba ma mchis na/ de ni rmi lam gyi blo 'dzin pa 'am ma 'dzin pa la spyod par 'gyur ba lta ga la mchis/ bka' stsal pa/ rab 'byor chos thams cad ni sprul pa ste/ la la ni nyan thos kyi sprul pa'o/ /la la ni rang sangs rgyas kyi sprul pa'o/ /la la ni byang chub sems dpas sprul pa'o/ /la la ni de bzhin gshegs pas sprul pa'o/ /la la ni nyon mongs pas sprul pa'o/ /la la ni las kyis sprul pa'o/ /skyes bu glen pa de dag

  426. 213b

    rnam pa zhis shes rab kyi pha rol tu phyin pa phyir spong bar 'gyur ro/ /gsol ba/ bzhi gang lags/ bka' stsal pa/ skye bu glen pa gang shes rab kyi pha rol tu phyin pa zag mo 'di spong ba de dag ni bdud kyis byin gyis brlabs pa yin te/ rab 'byor rgyu dang po des na shes rab kyi pha rol tu phyin pa zab mo 'di la phyir spong bar 'gyur ro/ /chos zab mo rnams la yid ches pa dang/ dad cing mos pa med pa yin te/ rgyu gnyis pa des na shes rab kyi pha rol tu phyin pa zab mo 'di la phyir spong bar 'gyur ro rab 'byor skyes bu glen pa de dag ni sdig pa'i grogs po'i lag tu song ba yin te/ brtson 'grus med cing phung po lnga la mngon par zhen pas rgyu gsum pa des na shes rab kyi pha rol tu phyin pa zab mo 'di phyir spong bar 'gyur ro/ /zhe sdang gi spyod pa can yin te/ bdag bstod cing/ gzhan smod par gyur pas rgyu bzhi pa des na/ shes rab kyi pha rol tu phyin pa zab mo 'di la phyir spong bar 'gyur zhes 'byung/ shes rab kyi pha rol tu phyin pa bdun brgya pa las bka' stsal pa/ 'jam dpal bkod pa gcig pa'i ting nge 'dzin la 'jug par 'dod pa'i rigs kyi bu 'am rigs kyi bu mos dben par gnas bca' bar bya ste/ 'du 'dzi med pa la dga' bar bya'o/ /mtshan ma thams cad yid la mi bya bar skyil mo krung bcas te 'dug la/ der mi dmigs pa'i tshul gyis de bzhin gshegs pa gcig yid la bya'o/ /de bzhin gshegs pa gang yid la byed pa de'i mtshan nas kyang smos te/ mtshan de yang thos te dmigs nas/ de bzhin gshegs pa de phyogs de gal ba'i phyogs de mngon du byas nas 'dug pa'o/ /de bzhin gshegs pa de nyid yid la byas na dus gsum gyi de bzhin gshegs pa thams cad yid la byas par 'gyur ro/ /de ci'i phyir zhe na/ de bzhin gshegs pa nyid de ni gcig go /de bzhin

  427. 214a

    gshegs pa gcig gi sangs rgyas kyi yon tan dpag tu med pa dang/ spobs pa dpag tu med pa de bzhin du bkod pa cig pa'i ting nge 'dzin thob nas/ mi skye ba gcig las chos kyi rnam grangs kyi bye brag dpag tu med pa gang de la 'byung bar rig par bya'o/ /gang yang ma 'ongs pa'i dus na shes rab kyi pha rol tu phyin pa zab mo ma skyes pa ma byung ba nas dngos po med pa'i bar 'di thos nas yid dga' zhing rangs par 'gyur ba de dag ni nga'i 'khor 'di nyid na 'dug pa yin par 'od srungs khyod kyis rtogs par gyis shig 'jam dpal gyis gsol ba/ bcom ldan 'das gang ci la yang mi gnas pa de nyid shes rab kyi pha rol tu phyin pa bsgom pa'o/ /gzhan yang bcom ldan 'das gang chos ci la yang mi sems shing rnam par mi sems pa de ni shes rab kyi pha rol tu phyin pa bsgom pa'o/ /gzhan yang bcom ldan 'das gang chos ci yang mi sems pa de ni shes rab kyi pha rol tu phyin pa sgom pa'o/ /shes rab kyi pha rol tu phyin pa rab kyi rtsal gyis rnam par gnon pas zhus pa las bka' stsal pa/ rab kyi rtsal gyis rnam pa gnon pa chos thams cad ni phyin ci log pa byung bas smig rgyu dang 'dra'o/ /rab kyi rtsal gyis rnam par gnon pa 'du ba zhes bya ba ni rtag pa'o 'bral ba zhes bya ba ni chang pa'o/ /rab kyi rtsal gyis rnam par gnon pa/ chos thams cad ni phyin ci log las byung ba ste/ phyin ci log de la yang 'du ba dang/ 'bral ba gang yang med do/ /de ci'i phyir zhe na/ rab kyi rtsal gyis rnam par gnon pa/ phyin ci log gi dngos po dmigs su med do/ /de'i byung ba yang mi dmigs so/ /rab kyi rtsal gyis rnam par gnon pa/ phyin ci log ni med pa/ yang dag pa ma yin par brdzun pa slu ba gsog gi chos can

  428. 214b

    de la chos gang yang mi dmigs pas de ni phyin ci log ces bya'o/ /phyin ci log ces bya ba 'di ni sems can rnams la slu ba'o/ /'di ni sems can rnams kyi yang drug pa ma yin pa la yongs su rtog pa'o/ /shA ri'i bu chos 'di dag ni byis pa so so'i skye bos ji ltar mngon par chags par bya ba de lta bu'i rnam par rtog pa yod pa ma yin no/ /gsol pa/ bcom ldan 'das chos 'di dag rnam pa gang gis mchis pa lags/ bcom ldan 'das kyis bka' stsal pa/ ji ltar med pa de ltar yod de/ de ltar yang pa min yin pas de'i phyir med ces bya'o/ /gsol pa ci'i slad du mchis pa ma lags pa la mchis zhes bgyi/ bka' stsal pa/ gzugs stong pa bco brgyad kyi phyir yod pa ma yin pa zhes bya'o/ /de bzhin du bsgri'o?/ /de nas gnas brtan rab 'byor 'di snyam du gyur te/ ji ltar lha rnams kyis mngon par gtor ba'i me tog 'di rnams ni bdag gis sngan chad lha'i gnas thams cad na yang yod par ma mthong ste/ me tog 'di dag ni sprul pa'o/ /'di ltar lha'i bu rnams kyis mngon par gtor ba'i me tog 'di rnams ni ldum bu las skyes pa ma yin/ chu las skyes pa ma yin/ thang las skyes pa ma yin no/ /'di ltar me tog 'di dag ni yid las byung ba ste/ me tog ldum bu las byung pa ma yin na snyam mo/ /ko'u shi kas gsol ba/ bcom ldan 'das gnyis po 'di dag gi chos nyid de gang lags she na/ 'dus byas kyi chos thams cad kyi chos nyid dang/ 'dus ma byas kyi chos rnams kyi chos nyid do/ /de la 'dus byas kyi chos rnams kyi chos nyid gang lags she na/ nang stong pa nyid kyi ye shes nas 'jig rten pa'i chos rnams kyi ye shes dang/ 'jig rten las 'das pa'i chos rnams kyi ye shes kyi bar lags so/ /de la 'dus ma byas kyi chos rnams kyi chos nyid gang lags she na/ de ni gang la skye ba ma mchis

  429. 215a

    pa dang/ 'gag pa dang/ gnas pa dang/ gnas pa las gzhan du 'gyur ba dang/ kun nas nyon mongs pa dang/ rnam par byad? ba dang/ 'phel ba dang 'grib pa ma mchis pa ste/ de ni chos thams cad kyi ngo bo nyid do/ /byang chub sems dpa' i theg pa la zhugs pa'i rigs kyi bu 'am/ rigs kyi bu mo'i rmi lam na byang chub kyi snying po la 'dug gi bar du/ shes rab kyi pha rol tu phyin pa bsgom pa dang/ bsam gtan la snyoms par 'jug pa dang/ brtson 'grus rtsom pa dang/ bzod pa sgrub pa dang/ tshul khrims bsrung ba dang/ sbyin pa sbyin pa'i rigs kyi bu 'am/ rigs kyi bu mo de yang bla na med pa yang dag par rdzogs pa'i byang chub la bsnyen par rig par bgyi na/ bcom ldan 'das byang chub sems dpa' sems dpa' chen po gang dngos po shes rab kyi pha rol tu phyin pa bsgom pa la sogs pa bsnyen pa lta smos kyang ci 'tshal/ stug po bkod pa las/ lus can rnams kyi lus kyi yul/ stug na gnas la stug na med/ zhing de dri med bsod nams te/ /stug po snying po shin tu mdzes/ /de bzhin thar pa thar shes la/ /zhing gi nang na zhing gi mchog /sangs rgyas rnams kyi zhing rab ste/ /stug po de ni yul du rtag /mnga' rnams bcu po de dag dang/ /stobs dang mngon mkhyen ting nge 'dzin/ /yid kyi rgyu las byung ba'i skus/ /sangs rgyas de ni rnam par mdzes/ /stug po thar mchog ye shes te/ /chos kyi dbyings dang rdzu 'phrul yang/ /sdug te rnal 'byor can gyi gnas/ /mun pa'i rgya las rab 'das nas stug po'i zhing ni rnam par mdzes/ /phyogs 'di bka' las grub pa ste/ /rgyu can rnams kyi spyod yul min rdul phran rnam par gzhig pa dang/ /rdul gyi dngos po mi gnas te/ /rang bzhin kun gyi mchog yin pas/ /rdul phran mchog /ces

  430. 215b

    de phyir brjod/ /dbang gi yon tan brgyad po rnams/ /phra sogs che ba'i yon tan dang/ /'thob dang 'dod 'byor sgrags pa dang/ /bdag po dbang dang ldan pa dang/ /ji ltar 'dod par rung ba rnams/ /thob nas stug po'i dbus yul na/ /rnam par gnas shing rab tu rtse/ /de ltar kun gzhi rnam shes kyang/ /rtog tu bag chags ldan gyur pa/ /rnam par shes pa rnam bdun po/ /'grogs kyang 'dre ba med pa ste/ /lha dang lha min 'bar ba dang/ /lam rgyud kun kyang de yi dbang/ /sangs rgyas kun gyi zhing mdzes pa 'ang/ /de nyid rgyud ni gyur pa ste/ /tshe dang drod dang rnam shes 'dis/ /gang tshe lus 'di bor gyur pa/ /de tshe lus 'di bor ba ste/ /shes bzhin tshor ba med pa'o/ /de ni kun gzhi rnam shes te/ /yid ni gro bar rab tu brtags/ /yid kyi rnam shes de na ste/ /lhag ma dbang po lngar yang gnas/ /yid ches lus dang mi ldan par/ /chos rnams ston par byed pa ni/ /mtshan nyid rnam par rtog pa yis/ /bdag kyang chud gzon gzhan chung gzon/ /'jig rten rdul phran bsags pa min/ /phyogs dang gnas su mi 'gro'o/ /de dag sor gnyis sor gsum du/ /ci yang rtsom par mi byed do/ /lha yul gnas nas gnas pa la/ /sna tshogs sar yang de bzhin rtog /phung po gang zag bdag med par/ /rab tu rnam phye mthong gyur cing/ /chos kyi dngos po yod ma shig nyan thos de dag mngon rtogs 'gyur/ /ting nge 'dzin rgyal po las/ sangs rgyas rjes su dran pa/ 'di ltar bcom ldan 'das de ni zhes bya la sogs pa 'byung/ stong pa bde bar gshegs pas bshad pa ltar/ /nges don mdo sde dag gi bye brag shes// gang las sems can gang zag /skyes bu bstan/ /chos de thams cad dang ba'i don du shes/ /'jig rten dag na ting 'dzin sgom byed kyang/ /de ni bdag tu 'du shes 'jig mi byed/ /de yi nyon mongs phyir yang rab tu 'byung/ /lhag spyod kyis ni ting

  431. 216a

    'dzin 'dir bsgom bzhin/ /mkhas pa byis pa dag dang rtsod mi byed pa byis pa dag ni ri mor byas nas spong/ /zhe sdang sems kyis bdag gis drung 'ong zhes/ /byis pa chos la ston par spong mi byed/ /byis pa dag gi rang bzhin rgyud rig nas/ /mkhas pa byis pa dag dang mi 'grogs te/ /ji srid du ni byis pa legs bsnyen kyang/ /de dag phyir yang dgra dang 'dra bar 'gyur/ /byis pa dang ni byis pa mthun 'byor pa/ /ji ltar mi gtsang ba dang mi gtsang bzhin/ /mkhas pa dang ni mkhas pa'i skye bo dang/ /mthun zhing 'byor pa mar dang snying khu bzhin/ /byis pa la ni gang phan snying brtse ba/ /de la gnod pa byung ba byis pa dga' / /de lta'i nyes phyir byis pa rnams spangs te/ /ri dwags bzhin du gcig pu dgon par gnas mkhas pa 'di 'dra'i nyes pa rig nas ni/ /shes rab dman bsten bdag gi mtho ris nyams/ /byang chub 'thob par gal 'gyur snyam ste/ byis pa rnams dang nam yang yod mi sten/ /bla med mi 'jigs sbyin pa khyod la phyag 'tshal lo/ /gzhan phan sems can gnyen rtsa khyod la phyag 'tshal lo/ /stobs bcu bden pa'i rtsal mnga' khyod la phyag 'tshal lo/ /bde gshegs mi mnyam mnyam pa khyod la phyag 'tshal lo/ /mgon po shin tu thugs rje can la phyag 'tshal lo/ /dpa' bo dgra bzhi rnam par btul la phyag 'tshal lo/ /rtsod pa dam pa'i don rnams mkhyen la phyag 'tshal lo/ /chos kyi sku mchog mnga' ba'i lha la phyag 'tshal lo/ /snying rje byams 'od rgyal ba'i nyi ma mun sel ba/ /shes rab shin tu yangs pa nam mkha' i dkyil du shar/ /don dam shin tu zab pa'i chos rnams ston mdzad pa/ lha khyod la ni rtag tu bdag kyang skyabs su mchi/ /'gro ba 'di dag thams cad sangs rgyas 'gyur/ /'di na snod min sems can 'ga' yang med/ /bde gshegs yon tan de dag

  432. 216b

    dpag med de/ /mi mchog yon tan rab kyi pha rol phyin/ /yon tan khyad par kun gyi pha rol son/ /sangs rgyas bsod nams zhing la mgos phyag 'tshal/ /zla 'od gzhon nur gyur pas/ /bcom ldan 'das 'khor dang bcas pa bzhugs par rig nas mchod yon chen po rim gyis gsol te/ zhal zas gsol cing bdar to/ /'di ltar byang chub sems dpa' dag /bag chags rab tu spangs gyur pa/ /de dag gzugs kyis mi 'phrogs te/ /sangs rgyas rigs la de dag gnas/ /bka' stsal pa/ zla 'od gzhon nur gyur pa 'di nyid kyis/ /sngon yang rgyal po'i khab kyi grong khyer 'dir/ /sangs rgyas dag kyang bye ba phrag stong mthong/ /sku ni byang chub mtshan nyid de/ /sangs rgyas zhing yang de 'dra zhing/ /stobs dang rnam thar bsam gtan yang/ /de dag thams cad mtshan nyid gcig /de ltar sangs rgyas 'byung 'gyur te/ /'jig rten mgon po de 'dra bas/ /sus kyang sha'i mig gis ni/ /nam yang mthong bar mi nus so/ /dpa' bo chen po chos kyi sku/ /sku ni chos las byung ba ste/ /gzugs kyi sku ni nam du yang/ sangs rgyas gdags par nus ma yin/ /sangs rgyas kyi ni sku mthong nas/ /'dren pa mthong zhes smra mod kyi/ /nga ni gzugs kyi sku lus su/ /sus kyang blta bar mi nus so/ /gang gi 'khrul pa ci mthong yang/ /de dag gi ni nyes mi brjod/ /ci 'dra ba yi las byas pa/ 'bras bu de 'dra 'thob par 'gyur/ dgon pa la gnas pa lhur len pa'i phan yon ni bcu ste/ bya ba nyung bar gnas pa dang/ 'du ba'i ring ba bas kyang ring du spong ba dang/ de la rtsod pa med par 'gyur ba dang/ gnod pa med par gnas pa dang/ zad pa 'phel bar mi byed pa dang/ rtsod pa'i gzhir mi byed pa dang/ shin tu zhi bar spyod pa dang/ shin tu bsdams par gnas pa dang/ sems thar pa dang mthun pa'i rgyun tu 'gyur ba dang/ myur du rnam par grol ba mngon du byed pa'o/ /lha'i 'khor los sgyur ba'i rgyal srid kyi

  433. 217a

    bde pa spangs te rab tu 'byung ngo zhes gzhon nu khyod kyis de ltar bslab par bya'o/ /rab tu byung nas kyang sbyangs pa'i yon tan yo byad bsnyungs pa la gnas shing/ bden par gnas pa dang bzod pa dang des pa phun sum tshogs par bya'o/ /sngon sangs rgyas gzi brjid tshogs rgyal gyis chos bshad nas/ rgyal po brten 'byin rab tu byung ngo/ /de nas 'dzam bu'i gleng gling gi mi rim gyis rab tu byung ba dang/ sangs rgyas kyi mthus 'bras ma rmos ma btab par 'khrungs pa dang/ chos gos kyang rang byung/ g.yog kyang lha rnams kyis byas so/ /'jig rten khams ni stong dag tu/ /ngas ni mdo sde gang bshad pa/ /tshig 'bru tha dad don gcig ste/ /thams cad brjod par nus ma yin/ /tshig gi rnam par bsgoms na ni/ /de dag thams cad bsgoms par 'gyur/ /sangs rgyas ji snyed thams cad kyis/ /chos rnams mang por bshad pa/ /chos rnams thams cad stong pa nyid/ /chos kyi rang bzhin shes pas na/ /de phyir sangs rgyas zhes bya ste/ /sems can bsam gyis mi khyab cing/ /dpag tu med pa byang chub 'du ba/ /chos rnams mig yor lta bu yang/ /gang gis ngo bo nyid shes pa/ /de dag gzugs kyi lus su ni/ /sangs rgyas sku la mi blta'o/ /chos 'di lus gzugs med pa ste/ /'di la lus gzugs gang yang med/ /chos 'gags lus gzugs med pa ni/ /de ni sangs rgyas sku lus so/ /gang dag chos kyi skur lta ba/ /de dag gis ni 'dren pa mthong/ /rdzogs pa'i sangs rgyas chos kyi sku/ /de ni rdzogs pa'i sangs rgyas mthong/ /'khor ba dag ni 'phel byed cing/ /so so'i skye bo de dag 'khor/ /so so tha dad 'gro bas na/ /so so'i skye bor brjod pa yin/ /'du shes 'di ni spang snyam du/ /gang gi 'du shes 'byung ba ni/ /'du shes spos la sprod pa ste/ /'du shes las ni de mi brda?/ /su

  434. 217b

    yis 'du shes 'di dag 'byung/ /su yis 'du shes 'di bskyed byas/ /sus ni 'du shes reg par byas/ /sus ni 'du shes 'gag par gyur/ /gang gi 'du shes 'byung ba ni/ /sangs rgyas kyis kyang chos ma brnyes/ 'dir ni don de bsam par gyis/ /de bas 'du shes med par 'gyur/ /bsam pa'i sa la gnas nas ni/ /mthar gyis rnam par bsam bya ste/ /bsam pa thams cad rnam spangs na/ /de nas bsam du med par 'gyur/ /'di ni dkar chos rnam smin te/ /'du byed med pas mthong bar 'gyur/ /sems can kun gyis rnam bsams pa/ /skad cig gcig la rab tu shes/ /sangs rgyas zhing 'di thams cad kyang/ /rin chen shing gis legs brgyan te/ /yan lag brgyad ldan chus gang ba/ /rdzing bu dag ni rnam par sprul/ /rdzing bu'i 'gram na gnas pa rnams/ /de dag de las chu 'thungs nas/ /thams cad sred pa bsal nas ni/ /'jig rten gyi yang mchod rten 'byung/ /de bzhin du pad+ma la sogs pa sprul nas/ /de'i dri tshor ba dang de las sgra grag pa mnyan pas kyang dug gsum spong ba la sogs pa'i yon tan 'byung ngo/ /byang chub sems dpa' bde byin gyis de bzhin gshegs pa dbyangs byin la mchod par lag pa g.yas pa ras bcos bus bkris te mar me btang nas ting nge 'dzin rgyal po'i mdo las skad che zhing 'jam pas sgrags pa dang/ sa yang g.yos lha rnams kyang dad pa skyes nas mchod pa byed do/ /de nas lha phal mo ches byang chub tu sems bskyed pa la sogs sems can gyis don mang du byas par 'byung/ /chos dang zang zing sbyin pa ni bsngo ba bzhin byas te/ thabs mkhas pa gang gis de bzhin gshegs pa rnams mngon par sangs rgyas pa'i thabs de thob pa dang/ bla na med pa'i byang chub myur du thob pa ston par 'gyur ba'i dge ba'i bshes gnyen dang phrad pa dang/ longs spyod gang gis sems can

  435. 218a

    thams cad 'tsho bar 'gyur ba'i longs spyod de dag phrad pa dang/ bdag gi lus gang gis sems can la chos dang zang zing gis phan 'dogs pa 'thob par 'gyur pa'i lus 'dzin par bsngo ba'o/ /gcig la gcig kyang gnod sems byas na ni/ /de la tshul khrims thos pas skyob mi nus/ /bsam gtan mi skyob dgon gnas skyob ma nus/ /sbyin pas mi skyob sangs rgyas mchod pas min/ /skyes bu khyu mchog gis ni dam pa'i chos/ /'jig par 'gyur tshe gang dag btang snyoms sgom/ /de yis rgyal ba bkur sti byas ma yin/ /'dred pa dag la ri mor des ma byas/ /rgyal po dpa' bas sbyin gyis dge slong me tog zla mdzes bsad/ /nyan thos sar ni nam yang ma slob cig /de yi sbyong la'ang dga' bar ma byed cig /sangs rgyas yon tan dag las sems ma btang/ /myur du sangs rgyas rgyal po'i dbang por 'gyur/ /mi gtsang bas ni rtag tu 'dod chags tshar gcad do/ /byams pa yis kyang zhe sdang khor mor ma lus bcom// shes rab kyis ni gti mug nyon mongs dra ba bsal/ /ting 'dzin thob pa 'jig rten kun na rab tu mdzes/ /rdzu 'phrul gang zhe na/ /gang 'grub pa dang smon pa dang 'byor pa yongs su rdzogs pa 'di ni rdzu 'phrul zhes bya'o/ /de la thos pa yongs su 'tshol ba gang zhe na/ nyan thos kyi sde snod dang/ sangs rgyas kyi sde snod dang/ byang chub sems dpa' i sde snod kun 'dzin cing bsgoms pa'o/ /sbyangs pa mthong ba gang zhe na/ yi dam la brtan pa'o/ /khrel yod pa gang zhe na/ mu tsor mi smra lo'o/ /skyes bu dam pa dang brten pa gang zhe na/ sangs rgyas dang/ byang chub sems dpa' dang/ nyan thos dang/ rang sangs rgyas la brten pa'o/ /skyes bu dam pa ma yin pa rnam par spong ba gang zhe na/ dmigs pa can dang/ le lo can rnams yod pa'o/ /rnyed

  436. 218b

    pa med kyang sems mis 'gong ba gang zhe na/ bdag gis byas pa la so sor rtog pa'o/ /khyim pa dang mi sten pa gang zhe na/ zang zing ci yang rnam par spong ba'o/ /rab tu byung ba la rten pa gang zhe na/ mi rigs pa spong ba dang/ rigs pa tshol ba'o/ /de la rnal 'byor du spyod pa'i sa gang zhe na/ byang chub kyi phyogs kyi chos sum cu rtsa bdun bsgom pa'o/ /sangs rgyas chos ni rgya che ste/ /tshul yang rgya chen bstan pa yin/ /chos rnams rgya cher bstan pas na/ /yon tan rgya cher thob par 'gyur ji ltar nam mkha' rgya che ba/ /chos kyi mtshan nyid de bzhing te/ /rin chen 'od zer rgya che gang/ /de phyir shin tu rgyas shes bya/ /sems can spyod pa rgya che ste/ /de dag bstan pa 'am rgya che'o/ /lung gi don yang rgya che bas/ /de phyir shin tu rgyas shes bya// klu'i rgyal po rgya mtshos zhus pa las/ /sum cu rtsa gsum pa'i lha'i rgyal po brgya byin/ /'thab bral gyi rab 'thab bral/ /dga' ldan gyi yongs dga' ldan/ /'phrul dga' i rab 'phrul dga' / /gzhan 'phrul dbang byed kyi dbang byed/ /bdud kyi ris kyi lha'i rgyal po ded dpon/ tshangs pa'i mdun na 'don ni bdun gyi rab tshangs pa/ tshangs ris kyi mi mched kyi bdag po 'od gsal gyi 'od gsal/ dge rgyas kyi dge rgyas/ 'bras bu che ba'i 'bras bu che/ gnas gtsang ma'i dbang phyug chen po/ /'og min gyi dri med/ sangs rgyas kyi chos mnyan 'dod kyi nyan thos dang rang sangs rgyas kyi chos 'dod pa ma yin na/ chos 'dod pa yin no/ /byang chub kyi sems kyi gtam la dga' ba'i theg pa dman pa'i gtam la ma yin no/ /chos kyi kun dga' la dga' bas gnas pa yin no/ /byang chub sems dpa' i don gyi dbang lnga mthong ba'i thos pa tshol bas chog mi shes te/ lnga ni thos pa las shes rab 'byung ba dang/ 'gyod pa dang the tshom med par 'gyur ba dang/ kun nas nyon mongs pa dang/ rnam par

  437. 219a

    bya ba rtogs par 'gyur ba dang/ sems can gyi nyon mongs pa spong ba dang/ mi 'jigs pas sems can gyi the tshom gcod pa'o/ /yang gnyis kyi phyir te/ yang dag pa'i lta ba bskyed pa dang/ chags pa med pa'i gzungs 'tsho ba'o/ /byang chub sems dpa' phan yon lnga mthong nas/ rab tu 'byung ba las mos par 'gyur te/ lnga ni bdag gis las byas pa chud mi za ba dang/ bdag gis las byas pa bag chags kyis bsgoms pa dang/ yongs su 'dzin pa thams cad las sems gtang pa dang/ sangs rgyas kyis mi smad pa dang/ bdag grol nas gzhan grol bar bya ba'i phyir chos ston par 'gyur ba'o/ /byang chub sems dpa' mi phyed pa'i dad pa rab tu thob nas phyin ci log las byung bar mthong ba dang/ chos thams cad rmi lam lta bur rab tu shes na chos zab mo'i tshul la gnas pa yin no/ /chos gnyis dang ldan na byang chub sems dpa' chad par lta bar ltung par mi 'gyur te/ las kyi bya ba la 'jug pa shes pa dang/ sangs rgyas kyis chos thams cad rnam par sgrub shes pa'o/ gnyis dang ldan na rtag pa'i lta bar mi ltung ste/ mi rtag pa'i chos la 'jug pa dang/ skyes nas zhig cing zhu ste mi gnas par rnam par dbye ba shes pa'o/ /byang chub sems dpa' shes rab kyi gnas la gnas pa'i bsam gtan gang zhe na/ lus dang sems kyis bsam gtan gyi yan lag dang/ bsam pa dang sbyor ba de dag sgrub par mi byed pa dang/ ci nas de bzhin nyid du dang/ yang dag pa'i mdza' dang/ chos kyi dbyings kyis snyoms par 'jug pa de lta bus snyoms par 'jug ste/ de ni dmigs pa can gyis snyoms par 'jug pa thams cad zil gyis gnon to/ /de'i dge ba'i rtsa ba dang/ bsam gtan de dag kyang shes rab kyi shes

  438. 219b

    che ba dang/ lta ba'i nyon mongs pa dang bral ba yin no/ /byang chub tu bsngos pa dang/ sems can smin par byed pa yang grub pa yin te/ de bas ni de bzhin gshegs pa ni snyoms par 'jug pa gcig gis mya ngan las 'das pa'i bar du thug par mdzad do/ /byang chub sems dpa' 'khor gyi nang du 'ongs te 'dug la/ chos zab mo'i gtam gyi bar chad byed de gtam sna tshogs gleng ba gang yin pa de dag pa'i chos nub par bya ba'i phyir brtson pa yin no/ /gzhan yang mi chos 'dod de nyan pa ni nyung gi ma yin pa'i chos nyan pa ni mang ste/ chos smra ba btang ste/ gtam sna tshogs gleng na der zab mo'i chos la mos pa'i lha rnams ma rangs te/ 'di skad du 'jig rten pa'i gtam gleng zhing 'dug ste/ kye re ngan 'di na sangs rgyas kyi chos mi grag go /zhes tshig ngan bton nas 'khor de nas 'dod do/ /rgyal po ma skyes dgras gsol pa/ bcom ldan 'das byang chub sems dpa' rnams kyis ni sangs rgyas kyi zhing yongs su sbyang bar bgyi'o/ /bka' stsal pa de bzhin te/ chos thams cad ni yid la byed pa las 'byung ste/ chos thams cad byed pa med pa'i phyir/ de dag ni ji ltar 'dod pa bzhin rnam par 'grub po rgyal po ma skyes dgras gsol pa/ bcom ldan 'das rgya mtsho chen por gshegs na chab kyi tshogs de ni mchis pa de gang du mchis lags/ bka' stsal pa/ gang gi tshe dge slong me'i khams kyi ting nge 'dzin la snyoms par zhugs pa de'i tshe/ stong gsum gyi stong chen po'i mes yongs su gang bar mthong na der chu'i phung po de gang du song/ / gsol pa/ de ni ting nge 'dzin la dbang thob pa'i sems de ltar las su rung ba las gyur pa lags bka' stsal pa/ khyod nyan thos kyi sems las su rung ba las de ltar gyur par 'dod na de bzhin gshegs pa chos thams cad la mkha'

  439. 220a

    pa'i de ltar mi 'dod dam/ nga de bzhin gshegs pa'i tshe chu na gnas pa'i sems can rnams ni bdag nyid chu na gnas so snyam du sems so/ /skam na gnas pa rnams kyis ni rgya mtsho chen po skams par mthong ngo// lha rnams sdug bsngal 'chi 'pho'i chos gcig pa/ /mi rnams kyis ni sdug bsngal tshol khro lags/ /dmyal ba dag gi sdug bsngal gnod pa lags/ /gcig la gcig 'tshal dud 'gro rnams kyi lags/ /yi dags sdug bsngal 'di ni skres dang skom/ /sangs rgyas bgro ba las/ de nas rgyal po sras rgyal spyan mngar 'dug cing rin po che'i gos lag na thogs pa dang gyon pa phud de/ bcom ldan 'das la phul nas 'di skad ces gsol to/ /bcom ldan 'das bdag gi gos rin po che 'di ni sngon gyi las kyis rnam par smin pa las grub pa lags na bzhes su gsol/ bka' stsal pa rgyal po chen po chos bzhi po 'di dag la brtson par bya ste/ rgyal po rgyal rigs spyi bo nas dbang bskur bar dge sbyong dang bram ze tshul khrims dang ldan pa'i thang du 'gro zhing dri bar bya ba dang/ de bzhin gshegs pa'i bstan pa bsrung ba'i phyir sgrub pa dang/ zab mo las mos pa brtsal ba'i phyir spro bar bya ba dang/ log par lta ba dang/ bral bas yang dag par nyid du nges par bya ba'i phyir spro bar bya'o/ /dge ba'i rtsa ba yongs su 'dzin pa las/ rigs kyi mdor na sangs rgyas kyi chos thams cad ni chos yongs su tshol ba la rag las pa yin na/ /byang chub sems dpa' zhes bya ba ni sangs rgyas dang/ nye ba'i sems dpa' yin des na byang chub sems dpa' zhes bya'o/ /byang chub ces bya ba ni stong pa nyid gang yin pa de ni byang chub bo/ /stong pa nyid ces bya ba cis stong zhes na/ chos thams

  440. 220b

    cad kyis stong ngo/ /byang chub sems dpa' i lhag pa'i bsam pa ni gnas gsum du rig par bya ste/ lhag pa'i bsam pa dang po ni dngos po thams cad yongs su mthong ba'i las can no/ /gnyis pa ni chos yongs su tshol ba dang/ len pa dang 'dzin par byed la bdag tu zhen pa med pa nyid do/ /gsum pa ni chos zab mo mi spong ba dang/ /sangs rgyas kyi byang chub la 'jug cing sgyid lug pa med pa'o/ /bzhi po 'di dag ni bde pa'i rgyu yin te/ bzhi ni de bzhin gshegs pa mthong ba dang/ dal ba phun sum tshogs pa yin/ /de bzhin gshegs pa'i chos 'dul ba la dad pa rnyed pa yin/ lta ba drang po phun sum tshogs pa yin/ khyim bdag rnam par rgyal ba srung ba/ chung ma gzugs ldan ma/ shAkya'i gnags sbyin no/ /chos bzhi dang? ldan na tshe rjes na yang dran pa brjed par mi 'gyur te/ bzhi ni chos tshol ba dang sbyin pas chog mi shes pa yin/ /sems can gzhan bla na med pa'i byang chub 'dzin du 'jug cing/ de bzhin gshegs pa'i yon tan sgrogs pa yin/ chos zab mo la bzod pa yin/ de bzhin gshegs pa mnyes par bya ba'i phyir yang mi g.yeng zhing/ chos yid la bya ba'i phyir dran pa dang shes bzhin can yid la/ chos zab mo la bzod cing 'chi ba'i dus byed pa yin no/ /chos bzhi ni theg pa chen po la zhugs pa'i mchog sgrub pa yin te/ bzhi ni sangs rgyas kyi byang chub rnam par 'jig cing dam pa'i chos nub par 'gyur ba na dam pa'i chos tshol ba la brtson pa yin/ de bzhin gshegs pa'i mchod rten rnam par 'jig pa na phyis 'chos shing lus dang srog la bab kyang chos mi gtong pa yin/ sems can sdug bsngal ba mthong na snying rje bskyed pa yin/ snying rje thob nas brtson 'grus brtsom zhing/ nam zhig bdag sangs rgyas nas sems can de dag gi sdug bsngal gzhil ba'i phyir

  441. 221a

    chos bstan par bya snyam pa yin no/ /byang chub sems dpa' chos kyis sems can la phan 'dogs pa ni zag pa med pa'i bde ba sgrub pa yin la/ sems can gyis gos la sogs pas lan glan pa ni zag pa dang bcas pa yin na/ ji ltar des de la lan lon par 'gyur/ shA radwa ti'i bus gsol pa/ bdag cag gis ni deng glan chad la lar chos bstan chos thog mar byang chub sems dpa' i theg pa las brtsams nas bstan par bgyi zhing/ nyan thos kyi theg pa na slar gyis bstan par bgyi'o/ /de ci'i slad du zhe na/ sems can 'ga' zhig byang chub chen po la bzhag na bdag gis de bzhin gshegs pa la byas pa gzo ba lags so/ /bka' stsal pa/ shA ri bu khyed de ltar go gyon pa legs so/ /de ci'i phyir zhe na/ theg pa de lta bu de la 'phya ba dang/ sting par byed pa dang/ mdo sde de lta bu spong bar byed pa 'byung ba'i phyir ro/ /chos bzhi dang ldan na/ bdag nyid kyis bdag dbugs phyung zhing bde bar gnas pa yin te/ bzhi ni theg pa chen po la zhugs nas/ longs spyod kyi bdogs thams cad gtang ba yin/ tshul khrims kyi phung po la gnas pa yin/ chos zab mo'i ye shes kyis 'phags shing lus dang srog gi phyir yang mi gtong ba yin/ dge slong dam pa'i chos smra ba dam pa'i chos 'dzin pa la bde ba'i yo byad thams cad kyis stobs pa yin no/ /chos bzhi dang ldan na byang chub chen po las nyams par mi 'gyur la/ tshe brjes nas kyang 'khor los sgyur bar 'gyur zhing/ dge ba'i rtsa ba ji ltar smos pas 'jug par 'gyur/ 'khor los sgyur ba thob nas rab tu 'byung bar 'gyur zhing/ tshangs pa'i gnas pa bzhi yang 'thob par 'gyur/ de nas shi 'phos nas kyang tshangs pa'i 'jig rten du skye bar 'gyur ro/ /bzhi ni de bzhin gshegs

  442. 221b

    ba'i mchod rten zhig pa mthong nas bcos pa'i phyir spro zhing than 'jim pa'i gong bu gcig tsam yang rtsig par byed pa yin/ mchod rten brtsigs pas skye bo mang po'i 'du ba'i sa lam gyi bzhi mdo lta bu mchod rten dang khang pa brtsigs pa 'am/ rdo rings dang nam de bzhin gshegs pa'i yon tan rjes su dran pa gang yang rung ba byed pa 'di lta ste/ mngon par 'byung ba nas mya ngan las 'das pa'i bar gyis mchod rten brtsigs pa yin/ de bzhin gshegs pa'i nyan thos kyi dge 'dun bye zhing 'thab pa dang/ rtsod pa byung ba mthong nas mi 'byed pa dang mthun par bsdum pa'i phyir brtson pa yin/ bstan pa'i chos rab tu 'jig pa ni tha na tshigs su bcad pa gcig tsam yang bsrung ba dang/ mi nyams par bya ba'i phyir brtson pa yin no/ /chos bzhi dang ldan na tshe rjes nas dge slong tshur shog ces byas pas rab tu 'byung ba 'thob te/ bzhi ni bdag nyid rab tu 'byung ba la dga' zhing gzhan na yang rab tu 'byung ba la dga' zhing gzhan yang rab tu 'byung ba 'dzin du 'jug la/ rnam pa thams cad du rab tu 'byung ba la rton par byed de/ rab tu byung nas chos dang ldan pa'i gtam gyis yang dag par dga' bar byed 'dzin du 'jug pa yin no/ /chos brtsal ba'i phyir bdag nyid kyang brtson zhing gzhan yang brtson pa'i 'jug pa yin/ bdag nyid brjod pa dang nges pa dang ldan zhing gzhan yang de la 'god/ bdag nyid yo spyad bsnyungs shing shes pa sum tshogs la gzhan yang de dag la 'god pa yin/ bdag nyid thabs la mkhas shing smon lam gyi stobs can yin la/ gzhan yang de la 'god pa yin no/ /chos bzhi dang ldan na byang chub chen po las mi nyams pa yin te/ gzhi ni lhag pa'i sems kyi byang chub tu sems bskyed pa de bzhin gshegs pa'i bstan pa la dga' pa yin/ chos nyan pas ngoms mi shes pa yin/ mi slu bas bden par smra ba yin no/ /gang dag dge slong bsten byed

  443. 222a

    pa/ de dag mang du thos par 'gyur/ chos kyi rgyal pos bkur ba yin/ /de dag 'di ni nga rjes 'brang/ ji ltar na byang chub sems dpa' chos las nyams pa yin zhe na/ chos stong pa nyid bstan kyang zang zing sngon du btang ste ston par byed pa yin/ chos de dag ston kyang de bzhin du zhugs pa ma yin te/ de ltar na chos las nyams pa yin no/ /yab dang sras mjal ba las/ de bzhin gshegs pa'i yon tan gzugs can zhig yin na ni/ sems bskyed pa re re'i bsod nams dang yon tan gyi tshogs kyang/ de bzhin gshegs pa gang gA'i klung gi bye ma snyed kyis bskal ba de snyed du brjod par mi nus so/ /ci'i phyir zhe na/ de bzhin gshegs pa byang chub sems dpa' i spyad pa spyod pa na/ sems bskyed pa yang rung sems can ji snyed pa thams cad la phan pa dang/ bde ba'i phyir don du ma skyes pa gcig kyang med do/ /sems can gyi khams tshad med pa dang zad mi shes pa bsod nams kyang de snyed du 'gyur ro/ /sems de ltar bskyed pas sems can thams cad kyis mchod pas kyang lan mi lon to/ /'jig pa'i mchod pa ni zang zing yin la/ sems bskyed pa ni sems can 'khor ba la gzhol pa rnams mya ngan las 'das par gzhol bar byed pas zang zing med pa'i phyir ro/ /bcom ldan 'das shAkya thub pa 'di nyid sngon bgrang du med pa'i sngon rol na/ de bzhin gshegs pa dbang po'i tog ces bya bar gyur to/ /chos rnams yang rang bzhin nyid kyis med/ rnam par rtog pa chos 'byung kun kyang stong/ rtog pa med pas mtshan ma med par 'gyur/ de nyid byang chub gzhan du mkhas mi smra/ sangs rgyas brda' tsam nyid lags te/ /de bzhin stobs dang ye shes dang/ /mi 'jigs bzhi yang de bzhin du/ /kun rdzob ces ni thub pas gsungs/ /dkon mchog sprin las/ de de ltar sems mi mkhas

  444. 222b

    pas chos 'di dag gi sgyu ma lta bu'o/ /chos 'di dag ni rmi lam lta bu'o/ /chos 'di dag ni dge ba'o/ /chos 'di dag ni mi dge ba'o/ /chos 'di dag ni 'byung ba'o/ /chos 'di dag ni mi 'byung ba'o/ /zhes chos rnams la yongs su rtog ste/ 'di snyam du chos 'di dag thams cad ni sems la gnas pa/ sems las byung ba sems rkyen du 'gro ba ste/ sems shin tu bcil/ shin tu btul/ shin tu khong du chud par byas nas/ chos de dag thams cad shin tu bcil ba dang/ shin tu brtul pa dang/ shin tu khong du chud par 'gyur te/ des chos rnams de ltar mthong bas/ rgyu de dang rkyen des sems zhi bar bya ba'i phyir nan tan byed de sems nyid la sems gtong ngo/ /ji ltar na byang chub sems dpa' yongs su bsngo ba'i thabs la mkhas pa yin zhen gang 'di me tog gi rnam pa 'am/ 'bras bu'i rnam pa nga yir bya ba med pa yongs su bzung ba med pa de rnams nyin lan gsum mtshan lan gsum sangs rgyas dang byang chub sems dpa' rnams la 'bul lo/ /dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o/ /de bzhin du me tog gi shing la sogs pa yang bsngo'o/ /mdo sde dag mchod pa'i rnam pa rgya chen po dag nyan cing bsam pa thag pa nas yongs su bsngo'o/ /ji ltar na byang chub sems dpa' gnas nas gnas su slong ba'i thabs la mkhas pa yin zhe na/ sems can gang dag bla na med pa'i byang chub mngon par rdzogs par 'tshang rgya bar nus shing lcog bzhig la de yang nyan thos dang/ rang sangs rgyas kyi theg pa thog mar rtsol zhing 'bad de brtson 'grus brtsom pa mthong na/ de gnas de nas bslad ste de na 'khor dbye ba yang byas nas theg pa chen po la 'jog ste/ de ltar na gnas nas gnas su slong ba'i thabs la mkhas la mkhas pa yin no/ /byang chub sems dpa' snod du ma gyur sems can rnams

  445. 223a

    la chos mi ston to/ /zhes 'gras pa rnams la ma yin/ klan ka tshol ba dang/ mu stegs can dang/ ri mo med pa dang/ ma dad pa mang ba dang/ g.yo dang rgyus klag pa dang/ 'tsho ba'i bsam pa can dang/ rnyed pa dang/ bkur sti dang/ phrag dog dang/ ser snas glags pa dang/ glen pa rmongs pa lug ltar lkugs pa rnams la ma yin/ ci'i phyir zhe na/ chos la ser sna yang med sems can gyi don la rgyab kyis phyogs pa yang ma yin mod kyi sems can 'di dag ni de bzhin gshegs pa'i chos 'dul ba'i snod du ma gyur to/ /zhes btang snyoms su 'jug go /sems can ci 'dra ba la sangs rgyas dang byang chub sems dpa' chos ston zhe na/ sems can dad pa can dang/ dge ba'i rtsa ba'i smin pa dang/ snod du gyur pa dang/ g.yo med pa dang/ spyod lam mi 'chos pa dang/ rnyed pa dang/ bkur sti la mi chags pa dang/ tshul bzang po dang/ legs par ston nus pa dang/ dbang po rno ba dang/ ji skad bshad pa bzhin byed pa rnams la ston to/ /byang chub sems dpa' ni theg pa chen po yongs su 'dzin pa dang/ de yongs su 'dzin pa rnams la chos mtshungs pa'i 'du shes kyis zhes dang/ ri mo dang/ bcas pa dang theg pa chen po la gzhol 'bab/ bab pa yin pa ste des na byang chub kyi sems ma snang ba yin no/ /skyon yang gang zhe na/ rnyed pa dang/ bkur sti 'dod pa dang/ rigs pa dang rus dang lta ba la chags pa dang/ sdig pa chung ngus 'jigs par mi lta ba dang/ shi bas mi skrag pa dang/ mi bsam pa sems pa dang/ lam yin pa la lam du 'du shes pa dang/ 'phral gyi bya ba la chags pa dang/ theg pa chen po dang/ de ston pa'i gang zag gi mi bsngags pa brjod pa dang/ rtsod pa lhur len pa dang/ brlang ba dang/ rtsub pa dang/ spyi brdol

  446. 223b

    che ba dang/ gtugs pa dang/ gtug/ pa dang/ ngag mi snyan pa dang/ mu tsor smra ba dang/ mi gcig par smra ba dang/ ngag tu smra ba ste/ de de ltar skyon la mkhas pas spros pa thams cad dang bral bar bya ba'i phyir/ stong pa nyid bsgom pa la rnal 'byor du byed do/ /'di ni byang chub sems dpa' rnams kyi 'dul ba'o/ /lang kar gshegs pa las lang ka'i bdag po sa bon cig las byung kyang/ myu gu dang/ ljang bu dang/ sog ma dang/ tshig pa dang/ yal ga dang/ me tog dang/ 'bras bu dang/ gra ma'i bye brag yod pa de bzhin du phyi nang gi chos skye ba'i chos ma rig pa las byung du byung ba phung po dang/ khams dang skye mched la sogs pa thams cad dang khams gsum du skye ba'i chos thams cad la bde ba'i dbyings dang/ brjod pa dang 'gro ba'i khyad par dag snang ste/ mtshan nyid gcig pa'i rnam par shes pa yul na mngon par 'dzin par rab tu 'jug pa'i khyad par rab dang 'brid dang/ tha ma'i khyad par dang/ rnam par byung ba dang/ dge ba dang mi dge bar yang snang ngo/ /lang ka'i bdag po de dag gi tha dad pa'i khyad par du yang ma zad de/ rnal 'byor pa rnal 'byor bsgom pa rnams kyi lam la yang so so rang gis rig pa'i mtshan nyid snang na/ so so'i rnam par rtog pa las byung ba'i chos dang chos med pa'i khyad par lta ci ste med yod do/ /blo gros chen po 'jim pa'i gong du rdul phra rab las tha dad pa zhig yin na ni de dag las brtsams pa ma yin par 'gyur ba zhig na brtsams pas tha dad pa ma yin no// tha mi dad pa ni khyad med par 'gyur ro/ /bzhin du 'jig pa'i rnam par shes pa rnams kun gzhi'i rnam par shes pa'i rigs kyi mtshan nyid dang tha dad na ni de las 'byung bar mi 'gyur ro/ /tha mi dad na ni 'jig pa'i rnam par shes pa

  447. 224a

    'gags na kun gzhi yang 'gags 'gyur na/ rang gi rigs kyi mtshan nyid ni 'gags par mi 'gyur te/ de'i phyir rnam par shes pa rnams kyi rang gi rigs kyi mtshan nyid mi 'gag gi las kyi mtshan nyid 'gag go /rang gi rigs kyi mtshan nyid 'gag na kun gzhi rnam par shes pa yang 'gag par 'gyur te/ blo gros chen po kun gzhi rnam par shes pa 'gags na ni smra ba 'di yang mu stegs byed pa'i chad par smra ba dang khyad med par 'gyur ro/ /mu stegs byed rnams kyi smra ba ni 'di lta ste/ yul 'dzin pa rgyun chad pas rnam par shes pa rgyun chad par 'gyur te/ rnam par shes pa'i rgyun chad pas thog ma med pa'i dus kyi rgyun yang chad par 'gyur ro/ /mu stegs byed pa rnams ni rgyu las rgyun/ 'byung bar smra ba'i rgyu ma gtogs par mig gi rnam par shes pa gzugs dang snang ba 'dus pa las 'byung bar mi smra ste/ rgyu ni gtso bo dang/ skyes bu dang/ dbang phyug dang/ dus dang/ rdul phra mor smra ba'o/ /blo gros chen po snying rje chen po dang thabs la mkhas pa lhun gyis grub par 'gyur ba'i sbyor ba dang/ sems can gyis khams thams cad sgyu ma dang/ gzugs brnyan dang/ mnyam pa nyid dang/ rkyen gyis ma brtsams pa dang/ nang dang phyi'i las rnam pa dben pa dang/ phyi rol sems su lta bas mtshan ma med pa'i gnas dang ldan pa rnams/ rim gyis sa'i rim pa ting nge 'dzin gyi spyod yul la rjes su 'jug pa dang/ khams gsum bdag gis sems rgyu mar shin tu mos pas rab tu sgoms pa na/ sgyu ma lta bu'i ting nge 'dzin 'thob par 'gyur ro/ /bdag gi sems snang ba med pa tsam la 'jug pas/ shes rab kyi pha rol tu phyin pa gnas pa rjes su 'thob pa skye ba bya ba dang ldan pa med pa'i byang chub sems dpa' rnams kyi ting nge 'dzin rdo rje'i gzugs lta bu/ de bzhin

  448. 224b

    gshegs pa'i sku'i rjes su song song pa/ de bzhin nyid kyi sprul pa dang ldan pa/ stobs dang mngon par shes pa dang/ snying rje dang thabs kyis brgyad pa/ sangs rgyas kyi zhing mu stegs kyi gnas thams cad du nye bar song ba sems dang yid dang rnam par shes pa dang bral ba/ rim gyis gnas 'phos pa de bzhin gshegs pa'i sku rab tu 'thob par 'gyur ro/ /ji ltar sgyu ma sna tshogs dag /snang yang yod pa ma yin te/ de bzhin gshegs pa sna tshogs kyang/ bshad pa rnam par 'khrul pa yin/ /gzhan la gang zhig bstan pa de/ /gzhan la bshad par mi rung ste/ /ji ltar nad pa so so la/ /sman pa sman rnams gtong ba ltar/ /de bzhin sangs rgyas sems can la/ /sems tsam du yang rab tu gsungs/ /mgon po rnams ni gang gsung pa'i/ /so so rang rig spyod yul ni/ /rtog ge can gyi spyod yul min/ /nyan thos rnams kyi 'ang de bzhin min/ /blo gros chen po gnas yang byang chub sems dpa' rang gi sems snang ba'i gzung ba dang/ 'dzin pa la rnam par rtog pa'i spyod yul yongs su shes par 'dod pas 'du ba dang/ 'du 'dzi dang/ gnyid dang sgrib pa med par bya'o/ /srod dang tho rangs dang nam gyi gung thun la mi nyal ba'i sbyor ba la brtson par bya'o/ /mu stegs can ngan pa'i gtsug lag dang/ gtam dang/ nyan thos dang/ rang sangs rgyas kyi theg pa'i mtshan nyid dang bral bar bya zhing byang chub sems dpa' sems dpa' chen pos rang gi sems snang ba la rnam par rtog pa'i mtshan nyid khong du chud par rtogs par bya'o/ /sna tshogs snang ba yod ma yin/ /snang ba las ni sems 'byung ste/ /lus dang longs spyod gnas lta bur/ kun gzhi mi la smad pa yin/ /blo gros chen pos rang sems snang ba'i rgyur rnam par dag par bya ba'i phyir yang gsol ba btab pa/ bcom ldan 'das rang

  449. 225a

    gi sems snang ba'i rgyu ba'i cig car rim gyis 'jug pas sam/ ji ltar rnam par dag par 'gyur/ bka' stsal pa/ rim gyis te cig car ma yin pa'i dpe a mra'i 'bras bu smin pa dang/ rdza mkhas snod byed pa dang/ sa las rtsi shing skye ba dang/ rol mo la mkhas pa rim gyis 'byung ba gsungs/ me long du gzugs brnyan snang ba rtog pa med pa cig car 'byung ba'i dpes/ de bzhin gshegs pa yang sems can gyi rang gi sems snang ba'i rgyud rnam par mi rtog cing snang ba med pa'i spyod yul cig car rnam par spyod do/ /zhes bstan/ blo gros chen po yang nyan thos kyi dngos po rnam par rtog pa'i rang bzhin mngon par zhen pa gang zhe na/ 'di lta ste sngon po dang ser po dang dro ba dang/ gsher ba dang/ g.yo ba dang sra ba'i 'byung ba chen po rnams byed pa med par 'byung ba rang dang spyi'i mtshan nyid dang/ rigs pa dang lung gi tshad ma dang/ shin tu 'brel pa rnams mthong nas/ de'i rang bzhin la mngon par zhen pa'i rnam par rtog pa 'byung ngo/ /blo gros chen po 'di ni byang chub sems dpa' khong du chud nas zlog par bya'o/ /de nas yang bcom ldan 'das la/ blo gros chen pos gsol pa/ ji ltar bdag dang byang chub sems dpa' gzhan sgro 'dogs pa dang/ skur pa'i lta ba ngan pa spangs pa'i blo can rnams bla na med pa'i byang chub tu 'tshang rgya zhing/ sangs rgyas nas kyang rtag pa dang sgro 'dogs pa dang chad pa dang/ skur pa 'debs pa'i lta ba rnam par spangs te/ khyod kyis sangs rgyas kyi tshul la mi skur bar 'gyur ba sgro 'dogs pa dang/ skur pa'i mtshan nyid bdag la bshad du gsol/ bka' stsal pa/ sgro 'dogs pa dang skur pa dag /sems tsam po la yod pa min/ /lus dang longs spyod

  450. 225b

    gnas lta bu'o/ /sems ni su dag mi shes pa/ /sgo 'dogs pa dang skur pa la/ /mi mkhas de dag rab tu spyod/ /rang bzhin med pa ni rang bzhin thar ba med ba la dgongs te/ dngos po thams cad rang bzhin med pa zhes bya'o/ /blo gros chen po thams cad kyi brten nas rgyu dang 'brel par 'byung ba'i mtshan nyid ni rnam pa gnyis te/ 'di ltar phyi'i dang nang gi'o/ /de ltar phyi'i rten cing 'brel par 'byung ba ni sbyin pa'i gong bu dang/ lag zungs dang 'khor lo dang srang bu dang chu dang/ mi'i nan tan la sogs pa'i rkyen gyis rdza ma 'byung ba dang/ de bzhin du thags las snam bu dang/ rtsi kyang las re lnga dang/ sa bon las myu gu dang/ srub ma la sogs pa mi'i nan tan dang/ zho las mar 'byung ba 'di ni phyi'i rten cing 'brel bar 'byung ba snga ma las phyi ma 'byung ba'o/ /nang gi ni 'di lta ste/ ma rig pa dang srid pa dang/ las dang chos 'di dag la sogs pa ni rten cing 'brel par 'byung ba'i ming 'thob bo/ /blo gros chen po 'di dag las skyes pa'i phung po dang/ khams dang skye mched ces bya ba'i chos de dag kyang rten cing 'brel par 'byung ba zhes bya ba'i ming 'thob ste/ de dag ni khyad par med pa las byis pa rnams kyis brtags pa'o/ /blo gros chen pos gsol pa/ bcom ldan 'das kyis rten cing 'brel par 'byung ba bshad pas/ rgyu rnam par brjod pa nyid bgyid kyi/ rang gi tshul gyis slar gzhil ba'i tshul mi gsungs na/ bcom ldan 'das mu stegs byed rnams kyang gang las dngos po rnams 'byung pa 'di lta ste/ gtso bo dang dbang po dang/ skyes bu dang dus dang/ rdul phra mo 'jug pas/ rgyu las byung bar brjod de/ bcom ldan 'das kyis kyang ma mchis pa las rkyen rnams kyis 'byung ba dang/ byung nas kyang 'jig par gsungs te/ /gang

  451. 226a

    yang bcom ldan 'das kyis ma rig pa'i rkyen gyis rga shi'i bar gsungs pa 'di yang rgyu med par smra ba rnams brjod pa gsung gi rgyur smra ba ni ma lags so/ /'di yod na 'di yod do/ /zhes bgyi ba 'di ni gcig car? gnas pa rnams la rung gi/ rim gyis 'byung ba la bltos par gnas pa rnams la ni ma yin te/ mu stegs kyi brjod pa nyid bzang gi khyod kyi bzang po ma lags so/ /ci'i slad du zhe na/ mu stegs kyi rten cing 'brel par 'byung ba ma lags ba'i rgyus 'bras bu mngon par bsgrub bo/ /bcom ldan 'das khyod kyis rgyu yang 'bras bu la bltos/ 'bras bu yang rgyu la bltos pas rgyu rkyen yang 'dre ste/ de bzhin phan tshun thub pa ma mchis par yang 'gyur ro/ /'di yod na 'di yod do/ /zhes brjod pa ni 'jig rten rgyu ma mchis par yang 'gyur ro/ /bka' stsal pa/ blo gros chen po gzung ba dang/ 'dzin pa med pa dang/ rang gi sems snang ba tsam du khong du chud pa'i phyir 'di yod pas 'di yod do/ /zhes brjod kyang rgyu dang byed par smra ba dang/ rgyu rkyen 'dres par yang mi 'gyur ro/ /gang gzung ba dang/ 'dzin pa la mngon par zhen cing/ phyi rol gyi rang gi yul gyi dngos po med par rang gi sems snang ba tsam du chud par de dag la ni 'di lta bu nyes par 'gyur gyi/ nga'i rten cing 'brel par 'byung ba brjod pa la nyes par mi 'gyur ro/ /blo gros chen po sgyu ma ni skyes bu gzhan gyi rigs sngags kyi mthus 'byung ste/ rang gi rnam par rtog pa'i gnas ngan len gyi bag chags kyi mthu las ni ma yin no/ /byis pa so so'i skye bo lta ba ngan pa'i mtshan nyid du ltung ba'i bsam pa can/ rang gi sems snang ba tsam du ma rtogs pa

  452. 226b

    rgyu dang rkyen gyi byed pa las skye ba'i mtshan nyid du mngon par chags pa rnams glan pa'i phyir chos thams cad sgyu ma dang/ rmi lam gyi rang bzhin gyi mtshan nyid du bstan to/ /blo gros chen po chos thams cad ni ngo bo nyid med pa ste ci'i phyir zhe na/ blo gros chen po 'di ltar rang gi blo rnam par dbang na rang dang spyi'i mtshan nyid kyi dngos po mi rigs pas na de'i phyir chos thams cad ngo bo nyid med ces bya'o/ /srog dang lus dang gzhan ma yin pa la sogs pa dris na 'jog pa ni mu stegs can sems tsam mi shes pa yin gyi/ sangs rgyas kyi ma yin gyis bud d+ha'i ni gzhag par lung bstan pa ye shes snod la bltos nas re zhig lung mi bstan par bya bar 'gyur/ log pa la bden par chags pas ni phung po lnga 'dus pa dang/ 'byung pa las gyur pa rnams skye'o/ /blo gros chen po rnam par shes pa yang gnas kyi yul sna tshogs la mngon par chags shing 'dod pa'i rgyus 'gro ba gzhan du mtshams sbyor bar 'byung ngo// sa'i 'byung ba las gyur pa rnams la ni rgyu 'byung ba chen po rnams yod mod kyi/ 'byung ba chen po rnams la ni med do/ /ci'i phyir zhe na/ blo gros chen po dngos po dang/ rtags dang/ mtshan nyid dang/ dbyings dang/ bya ba'i bdag nyid dang/ sbyor ba med pas 'byung ba rnams mi skye'o/ /dngos po la sogs pa'i bya ba 'dus pa las skye bar 'gyur gyi/ rtags dang mi ldan pa las ma yin no/ /de lta bas na blo gros chen po 'byung ba dang/ 'byung ba las byung ba'i mtshan nyid ni mu stegs byed rnam par brtags pa yin te ngas ni ma yin no/ /brtags pa sna tshogs snang ba ni/ gzhan gyi dbang zhes brjod pa ste/ /rnam pa gzhan du brtags na ni/ /mu stegs smra la mkhas par 'gyur/ /rtog pa rtogs zhes

  453. 227a

    bya ba ste/ /mthong ba'i phyir ni rgyu las byung/ /rnam rtog gnyis las grol ba ni/ de nyid yongs su grub pa yin/ /blo gros chen po nyan thos dang/ rang sangs rgyas thams cad ni shes bya'i sgrib pa dang/ las kyi bag chags na spangs pa'i phyir chos la bdag med pa'i ma gtogs shing bsam gyis mi khyab par 'gyur ba'i 'chi 'pho ma thob pas/ nyan thos rnams la theg pa gsum du bstan te/ gcig tu ma bstan no/ /blo gros chen po de dag nam nyes pa'i bag chags thams cad spangs shing chos la bdag med pa rtogs pa de ni/ de dag bag chags kyis nyes pa dang/ ting nge 'dzin gyis myos pa med par gyur nas/ zag pa med pa'i dbyings nas slar sang de 'jig rten gyis dang/ 'jig rten las 'das pa zag pa med pa'i dbyings su gtogs pa'i tshogs rnams yongs su bskang nas/ chos kyi sku bsam gyis mi khyab pa la dbang byed pa rab tu 'thob par 'gyur ro/ /theg pa rnam par bzhag med kyang sems can rnams ni drang ba'i phyir/ theg pa tha dad ngas bshad do/ /theg pa gcig tu ngas bshad do/ /sems kyi gnas shin tu gyur te/ sgyu ma lta bu'i ting nge 'dzin gyi sgo gzhan dag rab tu thob pa dang/ mtshan dang dbang dang/ mdod par shes pa du ma'i me tog rgyas shing yid kyi mgyogs pa dang/ mtshungs pa sgyu ma dang/ rmi lam gzugs brnyan lta bu 'byung ba las gyur pa ma yin pa la 'byung ba dang/ 'byung ba las gyur pa 'dra ba gzugs thams cad kyi yan lag sna tshogs 'dus pa sangs rgyas kyi zhing thams cad du 'khor gyi dkyil 'khor du rjes su song ba'i lus de ni chos kyi ngo bo nyid rtogs pa yin gyis lus zhes bya'o/ /lta ba thams cad rnam bzlog cing/ /rtog dang brtag pa spangs pa ste/ dmigs med skye ba med pa ni/

  454. 227b

    sems tsam du yang ngas bshad do/ /dngos min dngos po med min pa/ /dngos dang dngos med rnam par spangs/ /de bzhin sems las grol ba ni/ /sems tsam du yang ngas bshad do/ /de bzhin nyid dang stong pa'i mdza' / /mya ngan 'das dang chos kyi dbyings sna tshogs yid kyis lus rnams ni/ /sems tsam du yang ngas bshad do/ /rnam rtog bag chags 'brel pa yin/ /sna tshogs sems las byung ba ste/ /mi rnams la ni phyi rol snang/ /'jig rten pa yi sems tsam mo/ /phyi rol snang ba yongs med de/ sems ni sna tshogs rnams su snang/ /lus dang longs spyod gnas 'dra ba/ /sems tsam du na nges bshad do/ /bud d+ha'i drung du bram ze 'jig rten rgyang pan ba zhig gis thams cad ma byas pa 'am/ rtag pa 'am mi rtag pa 'am gcig pa 'am tha dad pa 'am zhes bya ba la sogs pa mang pa zhig zhus ba las/ bud d+has lan du de skad ces zer ba thams cad ni 'jig rten rgyang pan ba yin te/ kye bram ze 'jig rten rgyang pan pa 'di ni khyod kyi nga'i ma yin no/ /bram ze de ni thog ma med pa'i dus nas spos pa rnam par rtog pa'i bag chags gnas ngan len gyi rgyu las srid pa gsum skyes par ston? te/ bram ze de yang rang gi sems snang ba tsam khong du ma chud pas rnam par rtog pa 'byung gi /phyi rol gyi dngos po dmigs pa las ni ma yin no/ /'di lta ste mu stegs byed rnams kyi bdag dang/ dbang po dang/ don gsum phrad ba lta bu nga'i ma yin no/ /kye bram ze da ni rgyur smra ba yang ma yin/ /rgyu med par smra ba yang ma yin te/ gzhan du na rnam par rtog pa nyid gzung ba dang 'dzin pa'i dngos po rab tu bshig ste/ rten cing 'brel bar 'byung bar ston to/ /khyod lta bu dang bdag tu 'dzin par ltung ba'i rgyud can gzhan dag gis ma rig go gzhan yang blo gros chen po bram ze 'jig rten rgyang pan pa la da

  455. 228a

    la 'di skad ces zer ro/ /kye go ta ma srid pa gsum po 'di mi shes pa dang/ sred pa dang/ las kyi rgyu las byung ngam/ de ste rgyu las ma byung/ bram ze 'di gnyis ka yang 'jig rten rgyang pan pa'o/ /kye go ta ma dngos po thams cad rang dang spyi'i mtshan nyid ltung ba 'am/ kye bram ze de yang 'jig rten rgyang pan pa nyid yin te/ bram ze ji tsam du yid las rnam par g.yos pa dang/ phyi rol gyi kho na la mngon par chags shing rnam par rtog pa de tsam du 'jig rten rgyang pan no/ /me long la ni ji ltar gzugs/ /snang yang yod pa ma yin ltar/ /bag chags dag gi me long la/ /byis pas sems ni rnam gnyis mthong/ /sems kyi snang ba ma shes bas/ /rnam par rtog pa rnam gnyis skye/ /sems kyi snang ba yongs shes nas/ /rnam par rtog pa mi 'byung ngo/ /sems ni sna tshogs 'gyur ba ste/ /mtshan dang mtshan gyi gzhi yang spangs/ /ji ltar byis pas brtags pa bzhin/ /snang ba'i rnam pa snang ba med srid gsum rnam par rtog tsam pas/ /phyi rol gyi ni don med do/ /rnam rtog sna tshogs snang ba ni/ /byis pa dag gis mi rtogs so/ /ji srid du yang dam bca' ba/ /de srid thams cad 'dres pa can/ /rang sems tsam du blta bya ste/ /brtsod pa brtsal bar mi bya'o/ /blo gros chen po gal te kun gzhi rnam par shes pa zhes bsgrags pa de bzhin gshegs pa'i snying po med du zin na/ de bzhin gshegs pa'i snying po kun gzhi rnam par shes pa zhes bsgrags pa med pas 'jug pa'ang med/ /ldog pa'ang med par 'gyur na/ blo gros chen po byis pa dang 'phags pa rnams la 'jug pa dang/ ldog pa yang yod de rnal 'byor can brtsen pa mi 'dod pa rnams bdag gi so so rang

  456. 228b

    gis rigs pa tshe 'di bde bar spyod pas gnas so/ /dro dang gsher dang sra g.yo bar/ /chos rnams byis pas rnam par brtags/ /yang dag ma yin sgro 'dogs te/ /mtshan nyid med cing mtshan gzhi med/ /rgyun rnams kyi ni lus 'di la 'di ni rdzas brgyad gzugs yin te/ /lus kyi dbyibs dang dbang por ni/ /byis pa nor pa rnam rtog go /lus dang longs spyod gnas dag ni/ gzung ba'i rnam par rig gsum te/ /yid dang yid kyi rnam rig dang/ /rnam par rtog ni 'dzin pa gsum rang gi sems la mngon chags pas/ /sems ni shin tu 'byung bar 'gyur/ /phyi rol snang ba yongs med de/ /de yi phyir na sems tsam mo/ /dbang po rnams ni rgyu ma bzhin/ /yul rnams kyang ni rmi lam 'dra/ /byed dang las dang bya ba nyid// rnam pa kun tu g.yo ba yin/ /kun rdzob tu ni thams cad yod/ /dam pa'i don du yod pa min/ /gang 'di sna tshogs snang ba ni/ /gnas ngan len gyis bsgos pa'i sems/ /gzugs su snang ba 'dzin pa ste/ /phyi rol dag ni sems 'khrul pa// snang ba ri bong rwa bzhin te/ /mi rnams kyi ni rnam rtog yod/ /smig rgyu la ni ri dwags bzhin/ /gang rnams rtog pa de dag nor/ /rnam rtog mngon par chags pa yin/ /rnam par rtog pa shin tu 'byung/ /phyi rol brtags pa'i rang bzhin te/ /gzhan dbang rang gi gzhi las skyes/ /bdag la skyes pa'i 'khrul ma mthong/ /de yi sems rnams rab tu 'jigs/ /de yi rgyu can de la dmigs/ /yid mi 'jug pa'i gnas yin te/ /sems kyi rgyu yang 'byin par byed/ /rnam par shes kyang de la gnas/ /dngos po mtshan nyid ldan pa ni/ /phyi rol ji srid rnam rtog cing/ /rang gi nor pa ma mthong na/ /de srid du ni sems rgyas byed sa bag chags dag las sems mi byed/ /sems dang bag chags gcig ma yin/ /sems ni tha dad

  457. 229a

    ma yin mtshan/ /bag chags rnams kyis yongs su dkris/ /yid kyi shes las byung ba yi/ khag chags dri ma bzhin du ltos/ /sems ni ras yug dkar po 'dra/ /bag chags rnams kyis mi mdzes so/ /mya ngan las 'das pa'i skabs nas gsol pa/ bcom ldan 'das kyis rnam par shes pa brgyad du bzhag gam/ bzhag go bzhag na ji ltar yid kyi rnam par shes pa lags lam bzhag lags/ bka' stsal ba/ de'i rgyu dang dmigs pa'i phyir rnam par shes pa 'dus pa rnams 'byung bar 'gyur te/ blo gros chen po yid kyi rnam par shes pa yul bye brag 'byed pa la mngon par chags shing 'byung bas/ bag chags kyi kun gzhi rnam par shes pa shin tu rgyas par byed do/ /yid dang lhan cig tu bdag dang bdag gir 'dzin pa la mngon par chags pas/ rang sems pa lta bu rjes su 'jug ste/ kun gzhi rnam par shes pa rgyur cig /de la dmigs pa lus tha dad pa ma yin pa'i mtshan nyid do/ /rang gi sems snang ba'i yul la mngon par chags pas/ gcig gi rgyur gcig gyur pa'i sems 'das pa 'byung ste/ blo gros chen po rgya mtsho chen po ltar rang gi sems snang ba'i yul gyi rlung gis bskyod pas 'jug cing ldog go /de lta bas na yid kyi rnam par shes pa bzlog pas bdun po rnams kyang ldog par 'gyur ro/ / kun gzhi la ni rten bcas nas/ /yid kyang shin tu 'jug par 'gyur/ /sems dang yid la brten bcas nas/ /rnam par shes pa 'jug par 'gyur/ /dkar po la ni dri ma snang/ /dri ma la ni sems mi snang/ /nam mkha' la ni sprin bzhin du/ /de bzhin sems kyang mi snang ngo/ /thams cad 'byung 'gyur gzugs med de/ /'byung las ma gyur gzugs yod do/ /dri za'i grong khyer rmi lam dang/ /sgyu ma smig sgyu 'byung 'gyur min/ /ji ltar gser ni dag pa dang/ /chu yang rnyog pa spangs pa dang/ /nam mkha'

  458. 229b

    la ni sprin med ltar/ /rnam rtog dag pa de bzhin no/ /dbus ma 'jig pa dang sems tsam/ /dbu ma yin pa rgyun chags 'byung/ /yon tan rdul phran rdzas 'dus par/ /byis pa rnams ni gzugs la rtog /rdul phran re rer yod pa yin/ /de yi phyir yang don med do/ /rang gi sems ni snang ba'i dbyibs/ /mi rnams la ni phyi rol snang/ /phyi rol snang mod min te/ /de yi phyir yang don med do/ /skra shad 'dzin dang sgyu ma dang/ /rim lam dri za'i grong khyer dang/ /mgal me smig rgyu sna tshogs dag /med kyang mi la rab tu snang// sems dang rnam rtog rnam rig dang/ /yid dang rnam shes nyid kyang ste/ /kun gzhi srid gsum g.yo ba rnams/ /de dag sems kyi rnam grangs yin/ /gang dag 'jungs pa'i nyan thos dang/ /mu stegs can gyi byas pa ni/ /gang phyir rtog ges bshad pas na/ /de dag don la 'khrul pa'o/ /chos yang dag par sdud pa las/ /chos kyi tshul la 'jug pa bcus byang chub sems dpa' rnams mi 'grogs pa khong du chud par bya ste/ bcu gang zhe na/ 'di lta ste/ dman pa la sems dpa' dang/ dman pa la smon pa'i sems can dman ba rnams dang lhan cig mi 'grogs pa dang/ sems can mi brtson pa mi 'grus pa la lo can brtson 'grus med pa rnams dang lhan cig mi grogs pa dang/ nga rgyal bdun dang nga rgyal gyis khengs pa'i sems can rnams dang lhan cig mi 'grogs pa dang/ ser sna dang/ 'tshal ba'i tshul khrims dang/ gnod sems dang/ le lo dang/ rnam par g.yeng ba dang/ 'tshal ba'i shes rab kyi rang bzhin can gyi sems can rnams dang lhan cig mi 'grogs pa dang/ 'dod pa la 'dun pa dang/ gnod sems dang/ rnam par 'tshe ba'i rnam par rtog pa rnams dang/ lhan cig mi 'grogs pa dang/ rtog pa dang/ rnam par rtog pa dang/ kun tu rtog pa thams cad lhan cig mi 'grogs pa dang/ sgrib pa dang/ ched pa dang/ kun nas dkris pa thams cad dang stan

  459. 230a

    cig mi 'grogs pa dang/ nyan thos dang rang sangs rgyas kyi yid la byed pa thams cad dang lhan cig mi 'grogs pa dang/ brnyed pa dang bkur sti dang/ tshigs su bcad pa la mngon par dga' ba'i yid la byed pa thams cad lhan cig mi 'grogs pa dang/ dar 'dzin pa dang/ nga yir 'dzin pa dang/ nga yir 'dzin pa rnams dang lhan cig mi 'grogs pa dang/ 'ja' la kha dog skya bo dang/ sngon po dang/ dmar po rnams ni rim pa bzhin sa chu me'i dbang ngo/ /gzhu'i dbyibs ni rlung gi dbang po zhes 'byung rnal 'byor spyod pa'i dge slong dge ba med pa'i tshogs rnam par dag pa/ dbang rab tu thob pas zad par nam mkhar bsams pa tsam gyis de bzhin du 'gyur te/ sra ba dang/ gsher ba dang/ tsha ba dang/ g.yo ba rnams dang/ sngon po dang ser po dang/ dmar po dang/ dkar po rnams kyi sgrib pa med par 'gyur yang/ sems kyi sgrub pa med pa nam mkha' i sgrib pa med par 'pho ba yang ma yin/ bsams pa tsam gyis sgrib pa med pa de dang mi ldan par bsra ba la sogs pa med par 'gyur ba ma yin no/ de bzhin du rkyen las byung ba'i las dge ba dang/ mi dge ba thams cad kyi rnam par smin pa'i dbang nyid khong du chud par bya'o/ /byang chub sems dpa' i rnam par thar pa brgyad la/ gzugs can gzugs rnam la lta ba'i rten cing 'brel par 'byung ba dang/ stong pa dang g.yo ba med par lta ste/ des 'grol bas rnam par smin thar pa zhes bya'o/ /nang gzugs med par 'du shes pas/ phyi'i gzugs rnams la lta ba ni stong pa nyid dang/ rten cing 'brel par 'byung ba dang/ g.yo ba med par lta bas so/ /sdug par mos pa ni stong pa'o/ /mi sdug pa ni lta bar gyur pa ste/ sdug par mos pas so/ /gzugs kyi 'du shes las 'das nas/ nam mkha' mdza' yas snyam pa ni nam mkha' ni stong pa ste/ rnam shes mdza' yas snyam pa ni rnam par shes pa thog ma med

  460. 230b

    pa can du bshad la/ gang thog ma med pa de ni stong pa yin te/ de ltar mthong bas so/ /ci yang med do snyam pa ni ji yang zhes bya ba ni dus gsum ste de dag med pas mthong ngo/ /'du shes med 'du shes med min rdzogs par bya ste/ gnas pa ni 'du shes med ces bya ba ni stong pa'o/ /'du shes med min skye mched ces bya ba'i ni rten cing 'brel par 'byung ba ste/ de ltar mthong bas so/ /'du shes dang tshor ba 'gog pa ni de 'di snyam du 'du shes ni smig rgyu lta bu'o/ /tshor ba ni chu'i chu bur lta bu ste/ 'du shes nyid tshor ba/ tshor ba nyid 'du shes pas/ 'di la shes pa pho med/ tshor ba po med nas/ de ltar mthong bas 'gro bas rnam par thar pa zhes bya'o/ /byang chub sems dpa' i zad par gyi skye mched bcu la zad par sa nas rnam par shes pa'i bar du mos na yang de kho na yang de bzhin du 'gyur te/ zad par gyi skye mched ces bya'o/ /re re la yang skye mched thams cad du 'gyur pas de'i phyir zad par skye mched ces bya'o/ /byang chub sems dpa' i dbang bcu la/ mi 'chi ba thob pas tshe la dbang pa'o/ /sems tsam du yongs su shes pa'i phyir sems la dbang ba'o/ /lag na rin po che dang/ nam mkha' i mdzod rab tu rnyed pa'i phyir yo byad do/ /bag chags dang bcas pa'i las kyis lam bcad pas las so/ /ting nge 'dzin bzlog pa'i bsam gtan rnyed pas skye ba'o/ /lhun gyis grub par bya ba la 'jug pa thob pas rdzu 'phrul lo/ /zad par gyi skye mched thob pas mos pa'o/ /bsams pa tsam gyis don 'thob smon lam mo/ /ye shes sngon du 'gro ba'i lus dang ngag dang yid kyis las thob pas ye shes so/ /de bzhin nyid dang chos kyi dbyings dang/ yang dag pa'i mdza' mnyam pa'i ye shes dri ma med pa'i phyir ro/ /chos so/ /dbang bcu po dag mi mthun pa gang gi gnyen po yin pa dang/ de dag gi rgyu yang d+harma 'di las bshad/ byang chub sems dpa' ni gang so sor thar pa'i sdom pas bsdams pa

  461. 231a

    yang lags pa/ so sor thar pa tsam gyis dag par yang mi sems te/ byang chub sems dpa' i sgom pa la rton pa lags so/ /d+harma 'di las sangs rgyas bcu 'byung/ chos 'phrul chen po bstan pa las/ 'jam dpal ji ltar byang chub sems dpa' lus yongs su dag pa yin/ smras pa lha'i bu gang gi tshe yid las byung ba'i lus kyis sems can thams cad kyi lus dang mthun par ston pa yin/ ji ltar dag yongs su dag pa yin/ sems can thams cad kyi sgra yongs su rdzogs pas 'bras bu yod pas chos ston pa min/ ji ltar na sems yongs su dag pa yin/ sems gcig gis sems can thams cad kyi sems yongs su shes pa yin no/ /bud d+ha'i spyan mnga' na 'phags pa 'jam dpal dang/ lha'i bu ded dpon chos gleng ba las/ ded dpon gyis chos zab mo mang du smras pa dang/ shA ri'i bus bud+d+ha la ded dpon 'di dge ba'i rtsa ba can no zhes gsol ba dang/ sngon yang dge ba spel ba yin pa las glengs las/ bskal pa grangs med pa'i sngon rol na 'jig rten gyi khams bde bar ? bdra ri rab lta bur 'byung ba de'i tshe/ 'khor los sgyur ba'i rgyal po dge bas bkod pa 'byung/ de la bud d+has chos bshad nas bu dang bcas pas chos dang mthun pa'i bzod pa thob/ de nas 'khor de ni chos smra ba'i dge slong chos kyi rgyal mtshan zhes bya ba zhig yod pas rgyal po chos zab mo bshad pa dang rgyal po rangs nas gos dang/ rgyan ci yod pa de la yon du byin no/ /de nas dge slong des gos la sogs pa ni mchod pa chen po ma yin gyi/ rab tu byung zhing chos spyod pa mchod pa che bar /gang dag stong chen sems can de dag kun/ /byang chub phyir ni rab tu zhugs gyur cing/ /ma zhum sems kyis bskal pa rdzogs par ni/ /bu dang chung ma sbyin pa byas pa las/ /gang gis byang chub phyir ni sems bskyed nas/ /de bzhin

  462. 231b

    gshegs pa'i rjes su bslab ched du/ /rab 'byor sems kyi gom pa gcig bor ba/ /de ni de bas bsod nams khyad par 'phags/ /gang dag sngon chad 'byung ba'i sangs rgyas dang/ /gang dag ma byon byung dang bzhugs pa rnams/ /de dag skyon mar khyim ni ma spangs par/ /bla med byang chub zhi ba thob pa med/ /rang byung de bzhin gshegs pa thams cad kyis/ /rab tu ston cing sngags la bkur ba ste/ /gang zhig sangs rgyas kun la mchod 'dod pa/ /rgyal ba'i bstan la rab byung gzung bar gyis/ /gang zhig khyim gnas rin chen khyim brgyan pa'i/ /gang+ga'i bye snyed sangs rgyas zhing byin dang/ /gang zhig rab byung nyid dang mtshan gcig tu/ /mi rtag sdug bsngal bdag med sems byed na/ /gang zhig rab byung bag yod gyur pa yi/ /byang chub sems dpa' byang chub nye bar dang/ /bdud kyi dkyil 'khor shin tu bcom byas shing/ /dge ba'i phyogs kyi mi 'grib 'phel ba yin/ /rab 'byung de ni lam ngan spangs pa dang/ /lam gyi rjes mthun 'phags pa'i skye bos bstod/ /de ni dge ba cung zad ma yin zhing/ /de ni yongs su 'dzin pa spangs pa yin/ / khyim las grol pa nyon mongs mi 'phel zhing/ /nyon mongs rnam grol bdud kyi 'ching ba med/ /rnam grol sems ni byang chub spyad pa spyod/ /spyod pa dag pas byang chub rnyed mi dka' / /de nas rgyal po de rab tu byung bar 'dod nas/ /bud d+ha la gsol te snang nas bu stong la smras pa/ /khyed las rgyal sring 'dzin cing sems can chos bzhin skyong bar spro bsu yod/ /de dag thams cad kyis bdag kyang rab tu 'byung gis mi 'dor bar gsol zhes smras so/ /rgyal pos smras pa/ 'di rab tu byung na gling bzhi pa'i 'gro ba chung zos su bor gis so/ khyod las gang snying rje bstan pa des rgyal srid zung lnga 'gro ba chos la tshung cig /de nas rgyal bu snying rje can sems kyis khas blangs nas/ gzhan ri la rab tu byung ngo/ /de'i tshe'i rgyal po ni ded dpon chos smra ba'i dge slong de 'jam dpal lo/ /rgyal bu rgyal srid

  463. 232a

    'dzin pa ni bcom ldan 'das shAkya thub pa'o/ /rgyal bu gzhan ni bskal pa bzang po'i sangs rgyas gzhan no/ /ye shes snang ba'i rgyan las/ dper nas chen po 'di bai DUrya'i rang bzhin du gyur te/ sum cu rtsa gsum pa gnas brgya byin longs spyod dang bcas par snang la de ni lha rnams kyis 'dzam+bu'i gling gi mi rnams la/ kye lha'i dbang po la ltos khyed kyang bsod nams kyis las 'di 'dra bar 'gyur bar gyis shig ces smras pa dang/ de dag bsod nams dag byed smon lam yang 'debs so/ /de nas brgya byin la sogs pa med kyang sa gzhi dag pas de ltar snang ba de bzhin du bsgom pa la shin tu goms shing sems dag pa'i phyir sems can gyis de bzhin gshegs pa'i sku mthong bar 'gyur zhing/ de bzhin gshegs pa'i byin gyis brlabs kyis sku mthong ste/ de yang ma 'gags snang ba yang ma yin mi snang ba yang ma yin med kyi/ de bzhin gshegs pa'i sku'i gzugs brnyan la dmigs nas/ bsod nams byed cing yongs su bsngo'o/ /brgya byin gyi gzugs brnyan mi g.yo mi g.yo mi sems mi rtog pa de bzhin gshegs pa yang mi skye mi rtog mod kyi gzugs brnyan dang 'dra bar 'jig rten ni snang ste/ sems can rnams kyi mthong ba'i rim pa tha dad pas che ba'i rim pa tha dad par ston to/ /yongs su smin pa dang dad pa'i stobs bskyed pas chos thos par 'gyur zhing bsams pa ji lta ba bzhin theg pa gsum du yang shes rab rnam par grol bar yang 'gyur ro/ /las dang po pa'i byang chub sems dpa' dang gzhan yang byis pa so so'i skye bo'i mya ngan las 'da' bas 'dul ba rnams kyi sngon gyi rnam par smin pas/ gzugs brnyan ltar mi snang bar gyur pa dang/ de bzhin gshegs pa mya ngan las 'das shes de snyam du sems so/ /nyi ma'i dkyil 'khor sa'i mthon dman rim phar 'char ba bzhin du/ de bzhin gshegs pa'i ye shes

  464. 232b

    kyi yi ma'i dkyil 'khor yang byang chub sems dpa' nas tha na log par zhugs pa yan chad la rim gyis 'char ro/ /mdor na mi dge ba yid la byed pa thams cad ni kun nas nyon mongs pa'i rgyu'o/ /de dge ba yid la byed pa thams cad ni rnam par byed pa'i rgyu'i bka' stsal pa/ de bzhin gshegs pas rtsa ba med cing rten med pa'i byang chub brnyes so/ /'jam dpal gyis gsol pa/ rtsa ba dang rten gang legs rtsa ba ni 'jig tshogs so/ /rten ni yang dag pa ma yin kun brtags so/ /gang brjod du med pa'i don de rten cing 'brel par 'byung ba'i don to/ /gang rten cing 'brel par 'byung ba'i don de chos kyi don to/ /gang chos kyi don de sangs rgyas kyi don to/ /de'i phyir gang gis rten cing 'brel par 'byung ba mthong ba des chos mthong ngo/ /gang gis chos mthong ba des sangs rgyas mthong ste/ ji ltar btsal na ci yang mi mthong ba de ltar mthong ngo/ /'jam dpal ci yang zhes bya ba gang zhe na/ 'di lta ste/ sems dang dmigs pa'o/ /des na sems dmigs pa mi mthong ba de na yang dag pa mthong ba'o/ /de ltar na chos de dag ni bzhin gshegs pas mnyam pa nyid kyis mnyam par mngon par rdzogs par sangs rgyas so/ /de bzhin gshegs pa dge chos zag med kyis/ /zugs brnyan lta bu yin te 'di la ni/ de bzhin gshegs med de bzhin nyid kyang med/ 'jig rten dge ni gzugs brnyan snang bar chad/ chos yang dag par bsdus pa las/ byang chub sems dpa' mthar gyis gnas pa'i snyoms par 'jug pa dgu/ 'dod pa dag pa las dbyen pa sdig pa mi dge ba'i chos las dben pa/ rtog pa dang bcas spyod pa dang bcas dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de la 'dod pa rnams ni bsam gtan dang po'i mi mthun pa'i phyogs te/ gang sred pa de dag las dben pa'o/ /sdig pa mi dge ba'i chos rnams ni chags pa dang zhe sdang dang gti mug ste/ gzhi

  465. 233a

    de las mi dge ba bcu 'byung ngo/ /'di ni sdig pa'i mi dge ba'i chos rnams zhes bya ste/ de dag la dben pa ni bsam gtan pa'o/ /rtog pa dang lhan cig pa ni rtog pa dang bcas pa'o/ /rtog pa de dag gang zhe na/ gang dag bsam gtan dang ? ma mthun pa'i rtog pa ste/ de chog bzhin du rtog cing de dag kyang dul bas na/ de dag ni rtog pa zhes bya ba ste/ shes pa dang khong du chud pa dang/ dpyod pa dang rab tu rtog pa dang/ ting nge 'dzin du byed pa ni rtog pa'o/ /spyod pa gang zhe na/ bsam gtan dang po dang mthun pa'i rtog pa de dag nyid la spyod pa dang/ rnam par dpyod pa dang/ nye bar dpyod pa dang/ kun du longs spyod pa dang/ ting nge 'dzin du byed pa dang/ sems rjes su 'gro ba ni spyod pa zhes bya ste/ de dag dang lhan cig pa ni rtog pa dang bcas/ dpyod pa dang bcas pa bsam gtan dang po'o/ /dga' ba dang bde ba dben pa las skyes pas de'i phyir dben pa las skyes pa'i dga' ba dang bde ba zhes bya'o/ /rdzogs par byas te gnas zhes bya ba la/ rdzogs par byas zhes bya ba ni/ sdom pa dang sdom par byed pa dang/ sped pa dang/ sped par byed pa dang/ ro myang ba dang mngon par dga' ba ste/ bsam gtan de la gnas pa'i byang chub sems dpa' ni mi skye ba'i chos la bzod pa khong du chud par bya ba'i 'dun pa dang/ 'dod pa 'thob ste/ 'dun pa dang 'dod pa des bsam gtan dang po la snying po 'du shes pa ma yin no/ /de bsam gtan gnyis pa rtsom te/ de bsam gtan dang po'i rtog pa dang/ dpyod pa de dag zhi bar byed/ de dag las sems rab tu zhi bar byed cing/ bsam gtan gnyis pa yongs su 'grub pa'i rgyu tsho la te/ de rtog pa dang dpyod pa dang bral nas/ nang yongs su dang ste/ sems kyi rgyud cig tu gyur pas/ rtog pa dang dpyod pa med par dga' ba dang ldan pa/ bsam gtan gnyis pa rdzogs par byas te gnas so/ /de la nang yongs su dang pa ni de'i bsam gtan gnyis pa'i mi mthun pa'i phyogs kyis chos gang yin pa de

  466. 233b

    dag nye bar zhi pa dang ldan pa yin te/ de'i phyir nang yongs su dbab zhes bya'o/ /rgyud cig tu gyur ces bya ba ci bsam gtan dang po'i rtog pa dang dpyod pa de dag thams cad rab tu zhi nas/ rgya mtsho'i chu ltar ro gcig tu 'gyur par 'thob pa'o/ /'di lta ste/ dper na rgya mtsho chen por chu 'bab pa rnams lan char ro gcig par 'gyur ba de bzhin du/ byang chub sems dpa' bsam gtan gnyis pa la snyoms par zhugs pa'i bsam gtan dang po'i rtog pa dang dpyod pa de dag thams cad zhi nas ro gcig tu gyur te/ de ni ting nge 'dzin ces bya'o/ /ting nge 'dzin de las sangs rgyas dang/ chos dong dge 'dun la dga' ba skyes te/ de dkon mchog la dga' bas dge ba'i chos rnams rdzogs par 'gyur ro/ /de las mi skye ba'i chos la bzod pa thob pa'i 'dun pa shin tu 'bar ba dang/ shin tu 'od gsal ba dang/ shin tu 'ong ba 'thob pa/ /de 'dud bdes bsam gtan gnyis pa la mi chags te/ bsam gtan gsum pa kun tu tshol lo/ /de 'di snyam du sems te dga' ba ni bsam gtan gsum pa'i sgrib pa yin no snyam nas/ de dga' ba de las 'dod chags dang bral nas/ btang snyoms dran pa yongs su dag pa/ 'phags pa rnams kyis gang de dga' ba med pa bde ba la gnas pa zhes brjod pa/ bsam gtan gsum pa rdzogs par byas te gnas so/ /ting nge 'dzin las skyes pa'i dga' ba la 'dod chags dang bral ba thob par de gang de dga' ba med pa'i bde ba'i gtan du bde ba ma yin gyi zad pa dang 'jig pa'i chos can te/ de mi rtag cing mi brtan la ther zug ma yin zhing de yid brtan du mi rung ngo/ /snyam pa'i sems de lta bu 'thob bo/ /de ltar shes nas mi skye ba'i chos la bzod pa rab tu 'thob pa'i 'dun pa drag po chen po 'thob pa/ /'dun pa drag po des bde ba dang sdug bsngal la mngon par chags pa mi skye'o/ /de bde ba yang spangs te snga nas sdug bsngal ba yang spangs shing/ yid bde ba dang/ yid mi bde ba yang nub pas/ bde ba yang ma yin

  467. 234a

    sdug bsngal ba yin pa/ btang snyoms dang dran pa yongs su dag pa bsam gtan bzhi pa rdzogs par byas te gnas so/ /de bsam gtan bzhi pa la snyoms par zhugs pas mnyen pa'i sems so/ /yid du 'ong ba'i sems so/ /las su rung ba'i sems so/ /'od gsal ba'i sems so/ /dran pa'i sems so/ /bde ba de sems can thams cad kyis mngon par ston te/ de sems can thams cad la phan pa dang bde ba la mngon du phyogs pas mi skye ba'i chos la bzod pa snang ba skye'o/ /de snang ba skyes pa des bsam gtan bzhi pa sdug bsngal ba yang ma yin/ bde ba yang ma yin pa mang ba de la dga' bar mi 'gyur ro/ /gang btang snyoms dang dran pa yongs su dag pa'i bde ba las yang chags par mi byed do/ /de la mi chags pas de nam mkha' nyid du snang bar 'gyur ro/ /de thams cad kyi gzugs kyi 'du shes rnams las yang dag par 'das te thogs pa'i 'du shes rnams nub par gyur cing/ sna tshogs kyi 'du shes rnams yid la mi byed pas/ nam mkha' mdza' yas so snyam nas/ /nam mkha' mdza' yas skye mched rdzogs par byas te gnas so/ /de 'di snyam du sems te/ /mdor na 'di la gzugs ni rnam pa gnyis te/ 'byung ba dang/ 'byung las 'gyur ba'o/ /'byung ba'i gzugs ni 'byung ba chen po bzhi'o/ /'byung ba las gyur pa ni kha dog dri ro reg pa ste/ da ltar gzugs rnam pa brgyad do/ /gzugs de dag gis 'du shes rnams las yang dag par 'das nas/ thogs pa'i 'du shes mi 'byung ste/ nub par 'gyur ro/ /gang na gzugs su 'du shes pa de na thogs pa 'du shes pa ste/ de bas na gzugs kyi 'du shes rnams las yang dag par 'das nas thogs pa'i 'du shes rnams chub par 'gyur ro/ /thogs pa'i 'du shes rnams nub na/ sna tshogs kyi 'du shes rnams yid la mi byed pas nam mkha' mdza' yas so/ /'di snyam du 'jug go /de

  468. 234b

    nas nam mkha' mdza' yas so snyam nas/ nam mkha' mdza' yas skye mched rdzogs par byas te gnas so/ /de la byang chub sems dpa' nam mkha' mdza' yas skye mched la snyoms par zhugs pa 'di snyam du sems te/ nam mkha' i mdza' med pas so/ /gang la mdza' med pa de'i thog ma yod par ga la 'gyur dbus yod par gal 'gyur te/ de ltar chos thams cad ni thog ma dang tha ma med dang dbus med do snyam mo/ /de ltar snyoms par zhugs pa'i byang chub sems dpa' i sems can rnams la ni snying rje chen po bskyed/ chos rnams la ni nam mkha' dang mtshungs pa nyid kyi shes pa 'jug ste/ de ni de'i mi skye ba'i chos la bzod pa'i brtson pa'i de rnam pa thams cad du nam mkha' mdza' yas skye mched las yang dag par 'das te/ rnam par shes pa mdza' yas so snyam nas/ rnam shes mdza' yas skye mched rdzogs par byas te gnas so/ /de 'di snyam du sems te/ gang nam mkhar 'du shes pa ni rnam par shes pa 'gyur ba'o/ snyam nas/ 'di snyam du 'di thams cad ni rnam par shes pa tsam pa ste/ rnam shes mdza' yas de yang yod pa yang ma yin/ med pa yang ma yin no snyam du sems so/ /de de ltar snyoms par zhugs pas mi skye ba'i chos la bzod pa yin te/ yongs su grub pa ni ma yin no/ /de rnam pa thams cad du rnam shes mdza' yas skye mched las yang dag par 'das te/ ci yang med do snyam nas ci yang med pa'i skye mched rdzogs par byas te gnas so/ /ci yang med ces bya ba la/ ci yang zhes bya ba ni 'dod chags zhe sdang gti mug dang/ rtog pa dang rnam par rtog pa dang/ yongs su rtog pa dang/ 'dus byas kyi chos thams cad dang/ yang dag pa ma yin pa kun tu rtog pa las byung ba rnams ni ci yang zhes bya'o/ /ci yang med pa ni ji skad du brjod pa de dag las chung ngur 'gyur/ phra bar gyur pa ni ci yang med pa zhes bya'o/ /de la gnas pa'i byang chub sems dpa' i mi skye ba'i chos la bzod pa shin tu 'bar

  469. 235a

    ba shin tu 'od gsal ba yin no/ /de rgyu dang rkyen de dang gzhi de dang/ thab de'i phyir/ ci yang med pa'i skye mched la mi chags de gong du tshol lo/ /de gong du tshol ba ni 'di snyam du sems te 'di ni gang du 'du byed rnams kyi phra ma 'dir yang med par yongs su brtags pa te/ de ni 'du shes med pa la yin no/ /snyam mo de la 'du shes med pa ni stong pa'i phyir ro/ /'du shes med pa yang ma yin pa de rten cing 'brel par 'byung ba'i phyir ro/ /de 'du shes med 'du shes med min skye mched du 'gyur te/ de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas so/ /de de la gnas nas 'di snyam du sems te/ gang 'du shes med 'du shes med min de la dga' ba ci zhig yod snyam nas/ blo de las gong du bskyed de blo de las gong du bskyed nas/ skye ba med pa dang/ 'gag pa med pa'i chos mngon du gyur te/ de chos thams cad ma skyes pa dang/ ma 'gags par mthong ngo/ /de chos thams cad rang bzhin gyis 'gags par mthong nas yang mi 'jig mi rtag go /de'i phyir mi skye ba'i chos la bzod pa yongs su dag pa yin no/ /de de las gong du lhun gyis 'grub pa rgyun mi chad par 'jug ste/ 'di dag ni byang chub sems dpa' i mthar gyis gnas pa'i snyoms par 'jug pa dgu'o// dri ma med par grags pa bstan pa las/ li tsa byi gzhon nu dkon mchog 'byung gnas kyis/ bud d+ha la sangs rgyas kyi zhing yongs su dag pa zhes pa dang/ pha rol tu phyin pa dang/ dge ba bcu dang/ byang chub kyi sems la sogs pa sangs rgyas kyi zhing yin pa bshad pa'i rjes la/ rigs kyi bu de lta bas na sangs rgyas kyi zhing yongs su dag par 'ong ngo/ /de nas sangs rgyas kyi mthus tshe dang ldan pa shA ri'i bus 'di snyam du bsams so/ /ji ltar rang gi sems can thams cad yongs su dag pa ltar sangs rgyas kyi zhing

  470. 235b

    yongs su dag par 'gyur ro zhe na/ bcom ldan 'das shAkya thub pa byang chub sems dpa' i spyad pa spyod pa'i tshe/ sems yongs su dag gam ci na sangs rgyas kyi zhing 'di lta bur yongs su ma dag par snang/ de nas bcom ldan 'das kyis shA ri'i bu'i bsam pa mkhyen nas bar bstsal ba shA ri'i bu ji snyam du sems/ nyi ma dang zla ba dag gam/ ci na dmus long gis ma mthong/ dmus long gis nongs kyi nyi zlas ma nongs so/ /shI'i bus de bzhin du sems can bsod nams med cing ma rig pa'i mig gis nyes kyi sangs rgyas kyi zhing gi yon tan gyi rgyan mang po sems can gang gis kyang mi mthong ba ni de bzhin gshegs pas ma nyes so/ /shA ri'i bu de bzhin gshegs pa'i sangs rgyas kyi zhing ni yongs su dag na khyod kyis mi mthong ngo/ /de nas tshangs pa ral pa can gyis shA ri'i bu la smras pa/ sangs rgyas kyi 'di dag go nas ma zer cig/ sangs rgyas kyi zhing ni yongs su dag pa'o shA ri'i bu dper na gzhan 'phrul dbang byed kyi lha'i gnas brgyan pa gzhan du/ bcom ldan 'das shAkya thub pa'i sangs rgyas kyi zhing 'di yang yon tan gyis brgyan par bdag cag gis mthong ngo/ /de nas shA ri'i bus tshangs pa ral pa can la 'di skad ces smras so/ /tshangs pa kho bos ni sa chen po 'di mthon dman dang/ tsher ma dang/ gad pa dang/ ro nga dang/ ri rtse dang/ ras 'brog dang mi gtsang ba dang/ bod bas rab tu gang bar mthong ngo/ /tshangs pas smras pa/ btsun pa shA ri'i bu sems yongs su ma dag cing mthon dman du rtog pa dang/ sangs rgyas kyi ye shes la bsam pa yongs su ma dag pas na sangs rgyas kyi zhing de lta bur mthong/ shA ri'i bu sems can de dag thams cad kyi sems sdoms par mongs su dag cing sangs rgyas kyi ye shes la bsam pa yongs su dag pa de dag gis ni sangs rgyas kyi zhing 'di yongs su dag par mthong ngo/ /de nas sangs rgyas kyi 'khor de rnams 'di lta bu zhig yin snyam du sems dpa' mkhyen nas sa chen po 'di

  471. 236a

    la zhabs kyi mthe bos reg par mdzad pa dang/ de'i tshe stong gsum gyi stong chen po'i 'jig rten gyi khams 'di rin po che du ma dang/ yon tan gyi tshogs kyis brgyan par snang ste/ dper na de bzhin gshegs pa rin chen rgyan gyi zhing ltar snang ngo/ /'khor thams cad kyang bdag kyang rin po che'i padmo la 'khod par shes so/ /de nas shA ri'i bu la bka' stsal pa/ mthong ngam gsol pa/ sngon ma mthong ba 'di lta bu mthong ngo/ /bka' stsal pa/ nga'i sangs rgyas kyi zhing rtag tu yang 'di bzhin dag ste/ sems can ngan pa smin par bya bar gnod pa dang nyes pa mang por ston to/ /dper na lha'i bu rnams snod cig nas zab za mod kyi/ bsod nams ji lta ba bzhin myong ngo/ /de bzhin du sangs rgyas kyi gcig tu skyes kyang sems can gyi bsam pa ji ltar dag pa bzhin sangs rgyas kyi zhing gi yon tan gyis bsngags pa yang de bzhin mthong ngo/ /de nas sangs rgyas kyi zhing de ltar snang ba'i tshe/ srog chags brgyad khri bzhi stong bla na med pa'i byang chub tu sems bskyed do/ /snang ba bsam du med pa la/ rgyal po sde rab 'pham byed kyis sangs rgyas la zhus pa dang/ bka' stsal pa/ bskal pa dgu bcu rtsa gcig gi sngon logs su sangs rgyas rnam par gzigs byung ba'i tshe/ de'i gsungs rab la byang chub sems dpa' bzang ba'i lha dang sa zhes bya ba gnyis shig byung ba las/ bzang ba'i lha ni 'dod pa chung bya ba nyung bsam gtan dang mngon par shes pa bya ba la phyir mi ldog pa zhig /sa ni de tsam gyis chos chen po dang ldan pa ma yin te/ bzang ba'i lha'i g.yog byed pa na/ de ha cang grong dang yul dang/ rgyal po'i pho brang 'khor du 'gro zhing der phyin nas kyang bya ba mang ba dang/ bzang ba'i lha khyod ha cang bya ba mang ches so/ /spyad pas spang ba la cung zad sgrims shig ces byas te yang bskul yang bskul ba dang/ khros tshig mi dga' nas/ tshig rtsub mos nal bu sbyar ma'i bu khyod kyi

  472. 236b

    pha ma yang byi ba byed na/ khyod kyi tshul khrims dang shes rab ga la yod ces smra zhing slar yang mi chags bag la nyal ston to/ /bzang ba'i lhas kyang de snod ma yin pa tsam du rig nas bcos te btang ba dang/ de tshig pa za nas phrad dgu la bzang ba'i lha la kha byar btang ngo/ /de shi nas bskal pa drug cur nal bur skyes shing skyes ma thag tu srang gi rdog lam du bor nas wa khyi la sogs pas za ba dang/ 'gro ba mang pos nal bu sbyar ma'i bu zhes kha 'phya bar gyur to/ /byang chub kyi sems kyis gzung bas sems can dmyal bar ma skyes so/ /bzang ba'i lha ni de bzhin gshegs pa'i mi skul ba'i sangs rgyas kyi zhing na tshangs par spyad par spyod de byang chub sems dpa' dpal 'byung zhes bya'o/ /snang ba gsum du med pas kyang sngon sangs rgyas bye ba phrag dgu bcu rtsa bzhi'i drung du tshangs par spyad cing mnyes par byas pas/ de lta bu'i bdag nyid chen por gyur to/ /de bas na srog dang yang bsdos te/ sdig pa'i lus dang ngag dang yid kyi las bsdam mo/ /dge ba'i bshes gnyen la bsten par bya ste/ de las yon tan gyis tshogs thams cad 'grub par 'gyur ro/ /de'i tshe bud d+ha 'dzi ta na bzhugs/ bud+d+ha bsod snyoms la gshegs pa'i tshe/ khyi'u yang 'dzi ta'i tshong 'dus kyi srang gi khang stong zhig na gzhag pa gzigs so/ /khye'u yang bskal pa grangs med pa brgya na snang ba bsam du med pa'i bud d+har 'gyur bar lung bstan to/ /rin po che'i phung po las/ dge slong gi dri ma ni sum cu rtsa gnyis te/ gang zhe na 'dod pa'i lha rnam par rtog pa dang/ gnod sems dang/ 'tshe ba dang/ bdag bstod pa dang/ pha rol la brnyas pa dang/ yang ba'i rnyod pa tshol ba/ dri man rnyed pa rnyed pa 'dod pa dang/ dang pas byin pa chung gzon pa dang/ ltung ba 'tshang ba dang/ khyim pa la bsten pa dang/ rab tu byung ba dang sten pa dang/ 'du 'dzi la dga' ba dang/ rnyed pa yongs su ma rdzogs par rtogs pa dang/ pha rol gyi rnyed pa la 'dod pa dang/ bdag gis rnyed pas chog mi shes pa dang/ pha rol bsod nams rnyed pa la phrag dog dang ser sna byed pa dang/ pha rol gyi phul

  473. 237a

    pa tshol ba dang/ bdag gi 'phrul ba la so sor thar pa dang/ 'dul bas ma bsngams? pa dang/ bya rog ltar yu tsor? smra ba dang/ ma gus pa dang/ rgod pa dang/ g.yeng ba dang/ lta ba kun nas ldan pa dang/ rkyen 'du ba tshogs te byung ba dang/ 'gal pa dang mthar lta ba la chags pa dang/ 'khor ba la mngon par dga' ba dang/ mya ngan las 'das pa la mngon par mi dga' ba dang/ 'jig rten gyi 'du mched pa'i gsang sngags 'dzin pa dang/ sgrib pas kun du bskor ba dang/ las kyi rnam par smin pa 'gal ba dang/ rnam par thar pa'i sgo gsum gyis skrag pa dang/ sangs rgyas kyi chos zab mo spong ba dang/ chos dang 'gal ba gnas pa dang/ dkon mchog gsum la mgus pa'o/ /'od srungs sdig pa'i dge slong mang pos nga'i bstan pa 'di nub par byed do/ /'od srungs mur 'dug dgu bcu rtsa lnga dang/ pha rol rgol ba thams cad kyis ni nga'i bstan ba nub par byed mi nus so/ /gzhan du na nga'i bstan pa 'di nyid las skyes bu gti mug pa 'byung ste/ des nga'i bstan pa 'di nub par byed do/ /'di lta ste 'od srungs ri dwags kyi rgyal po seng ge 'chi ba'i dus byas nas kyang/ ri dwags dang bya gag gis kyang de'i sha za bar mi nus kyi/ 'di ltar seng ge'i rong? nyid las sin bu byung ste/ gangs ri dag gi rgyal po seng ge'i sha la za ba dang 'dra'o/ /'od srungs chos bzhi dang ldan pa ni sdig pa'i dge slong du rig par bya ste/ bzhi gang zhe na/ khengs pa dang/ ca co can/ bya rgod lta bu 'chal ba'i tshig yin no/ /yang bzhi ste/ 'phyar ba 'gying ba rnying pa 'dod pa/ chos ma yin pa 'dod pa'o/ /'od srungs dge slong gnyis kyis zhal nga bya bar rjes su gnang ste/ gnyis gang zhe na/ yongs su dag pa'i dge slong 'jig rten pha rol gyi kha na ma tho bas 'jig par lta ba las kyis rnam par smin pa'i rjes su 'brang bas ngo tsha zhing 'gyod pa dang ldan zhing/ dgra bcom par gyur pa'o/ /dkon mchog gi za ma tog las/ klu'i rgyal po mthu dang ldan pas sems dpa' i dbang gi

  474. 237b

    sprin gyi phung po cig las tsha ba'i bdag nyid klog gi phreng ba yang gtong ngo/ /bskyed par byed pa'i bdag nyid rgyu'i rgyun kyang gtong ngo/ /bya'i rgyal po ka la ping ka/ kun dga' bo phyi ma'i dus lnga brgya'i tha mal dam pa'i chos 'jig pa'i ste/ nga'i bstan pa la dge slong dga' ?? char sham thabs dang blogs legs pa ma bgos pa btul te byon pa lhung bzed chag pa/ shes bzhin med pa/ spyod lam mi sdug pa/ lag na mkhar ba thogs pa sna leb dang zhar ba dang/ 'theng po dang/ zha bo dang/ lus kyi sha tshugs ma lags pa nad? sna tshogs kyis btab pa 'byung bar 'gyur ro/ /ci'i phyir zhe na/ de'i tshe dge slong de dag phal cher bsnyen bkur dang rnyed pa dang/ bkur sti 'dod pa bya ba sna tshogs kyis brel ba/ 'dul ba bor so sor thar pa dral ba yin/ tshe 'di lhur len pa/ tshe phyi ma la mi lta bar 'gyur te/ de dag chos kyi phyir ma yin gyis/ bsnyen bkur gyi phyir zhar ba dang/ sha tshugs ma legs pa'i bar rab tu 'byin pa bsnyan par rdzogs par byed par 'gyur ro/ /de'i de lta bus nga'i bstan pa bltar mi rung ba dang/ mnyan du mi rung bar 'gyur ro/ /lha rnams ni yid mi dga' bar 'gyur ro// bdud rnams ni dga' ba dang btang snyoms su 'gyur ro/ /chos gnyis gyi bla na med pa'i byang chub mngon par rdzogs par 'tshang rgya bar 'gyur te/ brtson 'grus dang bag yod pa'o/ /mdor na byang chub sems pa'i thabs mkhas pa'i las ji snyed pa de dag thams cad ni brtson 'grus so/ /shes rab kyi las yod pa thams cad ni dag yod pa ste/ de bas na thabs dang shes rab dang ldan pa la bla na med pa'i byang chub las ldog pa med do/ /rnam par 'phrul pa'i rgyal pos zhus pas las/ nges pa'i don gyi mdo gang zhe na/ brjod du med pa'i phyir mdo sde thams cad ni nges pa'i don te/ de ltar na nges pa'i don gyis mdo sde la rton pa yin no/ /nges pa'i don gyis mdo sde 'di dag la gang dag mi rton pa de dag ni drang ba zhes bya ste/ ci'i phyir drang ba zhes bya zhe na/ 'di ltar nges pa'i don dang rang gal? ba'i

  475. 238a

    chos la gnas pa yin te/ de dag ni drang dgos pa yin no/ /gang gis drang zhe na/ sgras drang ngo/ /nges pa'i don gyi mdo sde dag la rton pa ni sgras drangs ba ma yin no/ /ci'i phyir zhe na/ de dag gis don dam pa brjod du med pa rtogs shing/ de dag gis dus gsum gyi chos thams cad la lhag chad med par shes pa'i phyir te/ rnam par 'phrul pa'i rgyal po don gyi rnam pa 'di la de ltar chos nyid 'di la rton nas mdo sde thams cad nges pa'i don du 'gyur ro/ /de ltar mi rton mdo sde thams cad drang ba'i don du 'gyur ro/ /de bzhin gshegs pa lha'i rgyal po'i sangs rgyas kyi zhing ni ma rnams kyi bza' ba dang btung ba rnams kyang yid la bsam pa tsam gyis 'byung de/ /drag shul can gis zhus pa las/ byang chub sems dpa' khyim pa slongs mo pa mthong ba 'du shes gsum bskyed par bya ste/ dge ba'i bshes gnyan de tshe rjes nas longs spyod du 'gyur ba dang/ byang chub kyi lam nye bar brten pa'o/ /yang dag gsum ste/ dug gsum dang bral ba'i phyir ro/ /ci'i phyir zhe na/ dngos po stong pa dang/ snying rje pa dang/ sbyin pa bla na med pa'i byang chub tu bsdogs so/ /khyim na gnas pa ni gdung ba dang/ bcings pa dang don chud pa dang ngan song gyi them skas dang dam pa'i chos rgud pa dang/ zang zing dang bcas pa dang sdug bsngal gyi gzhi'o/ /rab tu byung ba ni de dag las bzlog pa'o/ /byang chub sems dpa' i khyim pas ni dge sbyong gi spyod pa la mkhas par bya'o/ dge sbyong gis mi 'dum pa rnams kyi sdums bya'o/ /dam pa'i chos 'jig pa na srog dang bsngos te bsrung bar bya'o/ /dge slong nub? mthong na rang gi sha khrag gis kyang gso bar bya'o/ /tshul khrims yongs su dag pa bzhi ni 'phags pa'i rigs bzhi la gnas pa dang/ sbyangs pa'i yon tan dang yo byad bsnyungs pa la mngon par dga' ba dang khyim pa dang rab tu byung ba dang mi 'dre ba dang/ tshul 'chos pa med par dgon par gnas pa'o/ /byams pa seng

  476. 238b

    ges smras pa/ bzhi ni dge sbyong chom rkun pa ste/ dge slong gi rtags kha dog dang dbyibs la gang nas sdigs pa'i chos spyod pa dang/ tshul khrims 'tshal pa dang/ dben par song ba ste/ mid ge ba rnam par rtog pa dang 'bras bu ma thob par rnyed pa dang bkur sti'i phyir 'bras bu thob par khas 'che ba dang/ bdag bstod cing gzhan smod pa'o/ /dper na dug gso ba'i sngags dang/ sman pa mkhas pa gnyis shig yod pa de las gcig gis mi mang po mang par bya ba'i phyir du zos nas lan gcig thabs des sos so/ /yang de ltar bya zhes dug zos pa las bcos ma khom par shi pa dang/ cig shos na re kho bo ni mi mang yang bla'i dug kyang mi za sman yang mi gtong ngo zhes zer te/ bde blag tu 'dug nas tshe'i mthar phyin pa dang 'dra bar phyi ma'i dus na rab tu 'byung ba kha cig ni nyes pa byas las sbyong zhes zer ba dang/ kha cig sde? nas sdom pa gnyis 'byung ba yang de dang 'dra'o/ /byang chub sems dpa' bzhi po 'di las dpag tshad brgyad 'byol bar bya ste/ bzhi ni rnyed pa dang/ bkur sti dang/ tshigs su bcad pa dang/ sdig pa'i grogs po dang/ 'du 'dzi las 'byod par bya gnas gang na byang chub sems dpa' i theg pa zhig gnas la/ de la zhe sdang gi sems 'ga' tsam ma skye bar 'gyur blta na yang dpag tshad brgyad 'byor ba bya'o/ /byams pa byang chub sems dpas stong gsum gyi sems can thams cad bcos sam brgyad dam mtshon gyis btab pa pas ni byang chub sems dpa' gzhan zhig la zhe sdang 'ga' bskyed pa de nyams par 'gyur te gal te zhe sdang bskyed na sems ji snyed kyi bskal par go bgo? dgos so/ /dper na lcags ni lcags kyis chod kyis bod ba'am shing dam rtswas gcod mi nus pa ltar/ byang chub sems dpa' dge ba'i rtsa ba yang zla la? zhe sdang bskyed pa ma yin pa gzhan gyis zad par mi 'gyur ro/ /de bas na sems dang po bskyed pa la yang ston pa'i 'du shes bskyed par bya'o/ /gang zhig khyim na gnas nas ni/ /stong gsum thams cad rin chen gyis/ /rab tu bkang

  477. 239a

    ste 'jig rten gyi/ /mgon la yon du 'bul byed na/ mkhas pa gang zhig yid 'byung zhing nyes pa shes nas khyim spangs te/ /sangs rgyas rjes su slob byed la/ /rab tu 'byung ba tshol byed cing/ /rab tu 'byung ba brtsal nas kyang/ /g.yal ba med par 'dod rnams dang/ /khyim gyi gnas la mi blta bar/ /gom pa bdun ni 'dor byed na/ /bsod nams phung po de la ni/ /snga mas rin gyis char mi phod/ /de bzhin gshegs pa tog sna tshogs kyi cho 'khor las sgyur ba mu khyud kyis sna drangs nas/ gleng bzhi pa'i mi ril rab tu 'byung ba dang/ ma mos ma btab pa'i 'bras dang dpag bsam gyi shing yang 'byung/ g.yog kyang lhas byas so/ /chos kyi dbyings kyi rang bzhin dbyer med pa bstan pa las/ 'jig rten gyi khams dag pa bkod pa na mi rnams kyi bza' ba dang btung ba yid la bsam pa tsam gyis 'byor par 'gyur/ sangs rgyas rnams ni chos kyi dbyings rang bzhin dbyer med pa nyis kyis chos ston par mdzad kyi/ skye ba med pa 'gag pa med pa nas/ mya ngan las 'da' bar bya ba'i phyir chos ston par ni mi mdzad de/ bcom ldan 'das rnams ni de ltar chos ston par mdzad do/ /mar me dbul ba las/ de bzhin gshegs pa la mchod pa'i bsam pas mar me than glog gi rgyun tsam mam/ tha na theg skas gyi gzhi cig tsam yang snang bar byed na/ de'i rnam par smin pa nyan thos dang rang sangs rgyas rnams kyis bsam par mi nus so/ /de bzhin gshegs pa'i mchod rten la mar me phul na 'chi ba'i tshe/ snang ba bzhi 'thob ste/ gang zhan mdun na nyi ma'i dkyil 'khor 'char ba dang/ zla ba 'char ba dang/ lha'i 'khor gnas pa dang/ de bzhin gshegs pa mthong ba'o/ /mchog tu rnyed par dkon pa ni lnga ste/ mir skye ba dang de bzhin gshegs pa'i bstan pa la rab tu 'byung ba dang/ de la mngon par dga' ba dang/ tshul khrims yongs su rdzogs pa dang/ zag pa zad pa'o/ /pha rol tu phyin pa lnga las/ byang chub

  478. 239b

    sems dpa' nam yang 'gog pa'i snyoms par 'jug pa la mi 'jug ste/ 'jug par de bzhin gshegs pas kyang ma gnang ngo/ /byang chub sems dpa' 'gog pa la snyoms par 'jug pa'i dus dang skabs de ni phyir 'ong bar 'gyur te/ gang gi tshe byang chub kyi snying po la 'dun par 'gyur pa de ni de'i dus dang skabs yin no/ /'du shes dang tshor ba thams cad las bzla ba'i phyir de la snyoms par zhugs te/ bla na med pa yang dag par rdzogs pa'i sangs rgyas nas chos kyi 'khor lo rnam pa bcu gnyis pa sgor bar byed de/ /mthar gyis gnas pa'i snyoms par 'jug pa brgyad la ni/ snyoms par yang 'jug pa 'byung sems can gang dag dgra bcom pa'i 'bras bu mngon du bya ba'i 'dod pa'i phyir/ bskal pa gang+gA'i bye ma snyed du sems can rnams sam/ nyan thos sam rang sangs rgyas rnams la sbyin pa byin la/ byin pa de la byang chub sems dpa' bsams te/ rjes su yi rang nas dge ba'i rtsa ba theg pa la gsar du zhugs pa'i byang chub sems dpa' phyir mi ldog pa dang/ phyi mi ldog pa rnams myur du thams cad mkhyen pa nyid thob par bsngon?/ de la bsod nams snga mas dpe? dang? char?? yang mi phong ngo/ /mi zhig gis chom rkun gyi yang ba las/ phyis de 'ongs pa ni bla yi bcom ste myur du 'ongs pa ni da lta ma yin no/ /de bzhin du'i mo zhig ste mngon par rdzogs par 'tshang rgya ba ni bla'o/ nyan thos kyis 'am rang sangs rgyas kyi sar ltar ba ni de lta ma yin no/ /gang pos gsol pa/ mi shes pa ni rten cing 'brel par 'byung ba lags te/ sus kyang ma bskyed lags so/ /rgyu tshogs shing 'dus pa las/ 'byung la rgyu ma mchis par gyur pas ni 'gag par 'gyur ro/ /chos rnams ni rang gi dang gis 'gags pas na sus kyang bkag pa ma mchis so/ /dngos po 'di dag sgyu ma lta bur mi shes pas de dag las shas cher zhen par gyur te/ yongs su mi gtong ba'i blor 'gyur ro/ /yongs su mi gtong bas ser sna 'dzin to/ /ser sna des kyang ngan song rnams su skye

  479. 240a

    bar 'gyur la/ dngos po de dang 'bral bar 'gyur ro/ /bcom ldan 'das kyis byang chub sems dpa' bsam gtan bzhi la snyoms par 'jug tu ni gnang la gnas par ni mi gnad do/ /de ci'i phyir zhe na/ lha tshe ring po rnams?? sre bar ?? dogs pas ste/ 'dod bar skyes na myur du thams cad mkhyen par rdzogs par 'gyur ro/ /chos thams cad kyi yon tan bkod pa'i rgyal po las/ bka' stsal pa/ rgyal ba can zhes bya ba'i gzungs yod de/ de ni byang chub sems dpar gyur pa na de bzhin gshegs pa rgyal ba'i dbyangs las blangs te thob pa'i mod? la yang sa bcu thob par gyur la srog chags stong phrag du mas kyang chos la bzod pa thob par gyur to/ /de nas byang chub sems dpa' de dag gis 'di skye ces gsol to/ /bcom ldan 'das gzungs mthu chen po bstan par gsol/ de nas bcom ldan 'das kyis gzungs 'di bka' stsal pa/ ta dya thA/ dza ya dza ya/ dza ya b+ha ha/ kha? ba ha/ ji yab+ha ha/ hu lu hu lu/ pad+ma b+h+re/ a ba ma ba me/ sa rA sa rA Ne/ d+hi ri d+hi ri/ d+hi ri d+hi ring ba tA/ a nu pa la Ne/ yu t+totra tA ra ni/ pa ra tsa kra ni ba ra Ni/ bu ra ya b+ha ga bAn/ sarba a sha na/ ma ma sarba karma kA pa ya/ bud+d+ha a d+hi sha ne Na swAhA/ rigs kyi bu 'di ni rgyal ba can zhes bya ba'i gzungs yin te/ sdig pa thams cad par byed brnyod dang 'bru rnam par 'phel bar byed pa pha rol gyi dmag tshigs zlog par byed pa/ ma go'i gnod par btu zhi bar byed pa tshe? nu ra bar byed pa ste/ 'dri ni de bzhin gshegs pa rnams kyi yab yum dang 'dra ba'i chos kyi rnam grangs yin no/ /de nas byang chub sems dpa' lag na rdo rjes gzungs sngags kyi chag 'di dag smras so/ /nam(mdo 'grel): sarba ta thA ga ta nan/ na ma e mi Na ba a ta thA ga ta ya/ na ma(mdo 'grel): sarba bod+hi sa dwInA/ na ma(mdo 'grel): sarba ma ha/ b+he ke b+he ka ta dya thA/ hu hu he he/ ma ti ma ti/ ma ha ma ti/ badzra?? ma ti/ dwe d+ha bar badzra ma tri/ ta thA ga/ de a nu pa ri ba le ni/ sa ra? sA ra sa ya?? khi/ b+hi ka??

  480. 240b

    ti/ b+hi ku tyi mu/ gi kri di kri ba lu ki/ sad dya ba tsa na/ ma na ma smar b+ha ga bAn/ badzra pA Ni sarba kadma a ba ra Ni k+Sha ba ya/ sarba a shtha ma pa ri bu ra ya/ de ti me ba ram/ bud d+ha sad tye na/ bo di sad tra sad dye na/ bo d+hi sad tre na swAhA/ gang la la bdag mthong bar 'tshal ba dang/ stobs kyis 'khor los sgyur bar 'gyur ba dang/ ting nge 'dzin khrab pa dang/ thos pa 'dzin par 'gyur ba dang/ khams rnam par 'gyur ba dang/ lus mi snang bar 'gyur ba dang/ nam mkha' la mchi bar 'tshal ba des ni/ zla ba yang gyi do tshes brgyad la/ nyin mtshan du smyur ba bgyis la/ gzugs bgyid du stsol te/ rdo rje 'chang gi gzugs 'od ma mda' rgyu'i mdog can dang/ rgyan thams cad kyis brgyan ba/ zhi ba'i tshul can sku gdung dang ldan par bgyi'o/ /dbus su ni de bzhin gshegs pa shAkya thub pa bzhugs par bgyi'o/ /g.yas logs ni 'phags pa spyan ras gzigs dbang phyug lag pa bzhi pa/ rgyan thams cad kyis brgyan pa/ sku gdung dang bcas pa gzhag go/ g.yas yon dag tu ni/ rgyal po chen po bzhi mchod pa bgyid ba gzhag go/ sgrub ba po'i rigs kyi bu des kyang gcod spra bgyi ba dang dus gsum du khris pa gyi ba dang/ dus lnga'i bar du zas su nas kyi'o thugs tshel? zhing/ dus gsum bzlas brjod bgyi'o/ /gdug pa ni a ga ru dang/ tsandan dang/ peg dang gu gu lang bul lo/ /lan gsum 'bul gyi bar du bzlas brjod bgyis te/ de ni 'di ltar gzugs brnyan bgyi ba lags so/ /sku gdung dang ldan pa'i mchod rten nam/ dgon pa'i gnas su spos dang/ bdug pa dang me tog sna tshogs dang/ ba dan sna tshogs kyis kyang mchod par bgyi'o/ /dkar dag gi lha bshos kyang 'bul bar bgyi'o/ /chos kyi rnam grangs 'di yang yi ger 'dir stsal cing gos dang rgyan dang lhab lhub dang gdugs dang gzhan pa rnam pa sna tshogs kyis mchod par bgyi'o/ /de nas zla ba nya? ba tshes bco lnga'i bar du sems can thams cad la snying rje'i sems dang ldan pa dang/ dus gsum du khrus bgyi ba dang/ dus gsum du gos rje bar ?? ste/ dkyil

  481. 241a

    'khor gru bzhi pa ba lang gi lci bas bskus la me tog sna tshogs kyis khebs par bgyis te/ bum pa gang ba bcu drug dang/ mar me bcu drug kyang bzhag par bgyi'o/ /gdugs dang rgyal mtshan dang bdan? sna tshogs kyis kyang sa phyogs de brgyan par bgyi'o/ /ro sna tshogs sbyar ba'i lha bshes rgya chen po phab la spos chab kyis phyogs der chag chag btab nas/ nam sku gzugs dang sa bzhi 'gul ba dang/ bdag nyid kyang dga' bar gyur pa'i bar du bzlas brjod bgyi'o/ /de nas des ni gcig tu nges par 'grub par 'gyur ro snyam du shes par bgyi'o/ /de nas de'i 'og tu bdag gi rmi lam du bstan par bgyi zhing 'brel ba'i gtam bgyi'o/ /bsam pa thams cad kyang rdzogs par bgyi'o/ /bu gcig pa bzhin du yongs su kyang bar bgyi'o dam ba ci 'tshal ba yang stsal bar bgyi ste/ chos kyi rnam grangs 'di la ma dad cing spong bar bgyid pa ni ma lags so/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das spyan ras gzigs dbang phyug ces bgyi ba/ ci'i slad du de skad ces bgyi lags/ bka' stsal pa/ gang gi phyir 'di ltar 'jig rten thams cad lta bar byed/ rtog par byed/ tshim par byed/ yongs su skyong bar byed/ yang dag par dbugs 'byin par byed cing/ snying rje'i sems dang/ bde ba'i sems dang/ byams pa'i sems dang/ snying brtse ba'i sems dang ldan la/ bsam pa thams cad yongs su rdzogs par byed pas na/ de'i phyir spyan ras gzigs dbang phyug ces bya'o/ /nam mkha' mdzod las/ byang chub sems dpa' bsod nams kyis brgyan pas gsol pa/ bcom ldan 'das rigs kyi bu 'am rigs kyi bu mo gang 'di lta bu'i mdo sde zab mo de bzhin gshegs pas gsungs pa des pa'i don blta dka' ba/ sangs rgyas thams cad kyis bstan cing bsngags pa 'di kun chub pa dang gzhan

  482. 241b

    dag la yang rgya cher ston pa de dag bsod nams ci tsam zhig bskyes par 'gyur/ de nas sangs rgyas kyis bsod nams dpag tu med par gsungs rnam par rig pa'i mtshan nyid pas/ chos thams cad ni dngos po med pa'o/ /rgyal ba chos kyi sku ni rab phye sku mnyam yang/ gzugs mdzes ldan zhing gzugs bzang sku yang ston par mdzad/ sems can rnams la phan pa'i thugs rje rab bskyed nas/ /bsod nams brgya yi tshad kyi sku yi mchog kyang ston/ /chos 'di thams cad rgyu dang rkyen las skyes pa ste/ byed med ngo bo nyid med kun tu rtog las skyed/ /bde bar gshegs pa de 'dra'i chos kyi tshul rnams mkhyen nas su/ /byang chub mi 'gyur zhib bla na med pa brnyes/ /de la rigs kyi bu ji ltar na byang chub sems dpa' rten cing 'brel par 'byung ba'i ye shes la mkhas shing/ mthar lta ba thams cad dang bral ba yin zhe na/ rigs kyi bu byang chub sems dpa' 'di snyam du sems te/ gang rten cing 'brel par 'byung ba de ci yang ma yin te/ gang rkyen la brten pa de dngos po med pa'o/ /gang rkyen la brten pa de yongs su ma grub pa'o/ /gang rkyen la brten pa de/ bdag med/ sems can med/ srog med gso ba med skyes bu med/ gang zag med/ shed las skyes pa med/ shed bu med do/ /gang rkyen la brten pa de la yang dag par na gang yang skyes pa med do/ /chos gang rkyen la brten pa de spros pa med pa de/ de'i phyir spros pa med pa ma spros pa ni/ skye ba ni yang chos nyid skye 'gag pa ni yang chos nyid 'gag ces bya ste/ de la bdag gam sems can nam/ shed bu'i bar gang yang med do/ /chos gang rkyen las byung ba de dag la bdag po med pa'i phyir skye ba gang yang med de/ de'i phyir chos thams cad rtswa dang shing dang rtsig pa dang/ rmi lam dang mig yor lta bu zhes bya'o/ /ji ltar phyi rol gyi dngos po rnams skye ba la yang bskyed pa med/ 'gag pa la yang 'gog par byed pa med pa de bzhin du skyen rnams yod na skye ba dang/ ma tshad na 'gag par 'gyur ba ma gtogs par nang gi chos rnams kyang skye ba la skye ba med/ 'gag pa la 'gog par byed pa med de/ de ltar

  483. 242a

    ye shes la rab du sbyor ba ni mthar lta ba thams cad rab tu spong ngo/ /de la mthar lta ba gang zhe na/ mdza' zhes bya ba ni rtag pa dang chad pa ste/ gang de la skye bar yang mi byed/ 'jig par yang mi byed do/ /gang skye ba med cing 'jig pa med ?? ni/ rtag pa dang chad pa med pa'o/ /de bas na dag pa ste/ mthar lta ba thams cad rnam par dag pa yin no/ /de ltar na rten cing 'brel par 'byung ba dang/ 'jug pa'i ye shes la mkhas shing/ mthar lta ba thams cad 'brel ba yin no/ /theg pa chung ngu 'dod pa ni bdud kyi las so/ /byang chub mchog gi sems ni bskyed par bgyi/ sems can thams cad bdag gis rab tu gnyer/ /byang chub spyod mchog yin par spyod par bgyi/ /'gro ba bla med sangs rgyas 'gyur bar bgyi/ dper na nam mkha' la gnyen po med pa de bzhin du/ chos thams cad la yang gnyen po med do/ /gang dag gnyen pos mya ngan las 'das pa 'tshol ba de dag ni/ skye ba dang 'jig par lta ba yin te/ chos 'di dag ni bskyed par bya/ chos 'di dag ni 'jigs par bya zhes skye ba dang 'jig pa la spyod pas/ de dag mya ngan las 'das pa'i mnyam pa nyid mi shes so/ /de pas na bcom ldan 'das kyis kyang 'di skad ces shes par gyis shig /ma rtsod cig /rtsod pa med pa/ dge sbyong gi yon tan gyi mchog rnams yongs su rdzogs par gyis shig /ces gsungs so/ /dmigs pa dag la rab gnas pa/ /bdud kyi pho nya bdud kyi phyogs/ /dam pa'i chos la skur 'debs pa'i/ /dge slong dag ni 'byung bar 'gyur/ /ngang tshul ngan pa sdig chos can/ /khyim pa dang ni rten cing gnas/ /bkur sti dag dang brten la brkam/ /tshul 'di tshol bar mi byed do/ /'jig rten rgyang phan rnams dang 'dre/ /bdag la rab tu bstod byed cing/ /rab tu des pa rnams la smod/ /mi mkhas nga rgyal can dag 'byung/ /dgon pa'i gnas ri spangs nas su/ /rtag tu 'du 'dzi rnams la dga' / /'jig rten pa yi gsang tshigs brtsol/ /'jig tshogs la ni rab tu gnas//

  484. 242b

    mi mkhas de dag dge 'dun las/ /zhal ta byed la rab tu brtson/ /mdo sde rnams kyang phan tshun du/ /mthun par dpyod par mi byed de/ rang rang gi ni smra rnams la/ /de dag rtag tu mos par byed/ /dmigs pa yis ni rab tu 'gying/ /ltar tha dad kun du gnas/ /stong pa nyid kyis chos thos nas/ /de dag g.yang sa bzhin du sems/ /'di 'dra ba yi dus 'di ni/ /don bcas yi ge ldan pa yin/ /legs par gsungs pa'i chos rnams ni/ /rab tu rnam par 'jig par 'gyur/ /chos rnams la ni gnas pa la/ /ded la 'dra ba'i chos rnams ni/ /ji lta bur yang yod med ces/ /gshed ma dag kyang 'gyed par 'gyur/ /bdag cag ming gi dge sbyong ste/ /dge sbyong yon tan med do zhes/ /yang dag bskul ba thob pa dang/ /mdo sde 'di la smon par 'gyur/ /rna ba dang ni sna chang rnams/ /me long ltas kyang mi sdug ces/ /yang dag bskul ba thos pa dang/ /de dag dam chos smod par 'gyur/ /dge sbyong gang dag dam pa'i chos/ /rab tu 'dzin pa 'byung 'gyur te/ /de dag gzhan du tshul 'chos kyang/ /gang yang chos 'di mi nyan to/ /rgyal po rnams kyang slu bar bgyi/ /skye bo phal chen 'phyed 'gyur yang/ /sangs rgyas kyi ni byin rlabs kyis/ /sems can de dag chos pa nyan 'gyur/ /dus de tshe na bdag cag rnams/ /sems can rnams la phan slad du/ /lus dang srog kyang rab btang ste/ /dam pa'i chos ni bzung bar bgyi/ byang chub sems dpa' i las ni bzhi ste/ bdud dang nyon mongs pa thams cad tshar gcad pa dang/ pha rol rgol ba thams cad chos dang mthun par zil gyis mnan pa dang/ sems can yongs su smin par bya ba dang/ dam pa'i chos yongs su gzung ba'o/ /las bzhi po de dag kyang las cig gis yongs su bsdus te/ gang gis she na/ 'di lta ste/ dam pa'i chos yongs su 'dzin pa'o/ /byang chub sems dpa' nam mkha' mdzod kyis byin gyis brlabs kyis nam mkha' las chos zab mo sten pa'i tshigs su bcad pa mang po zhig grags pa dang/ byang chub sems dpa' ngo mtshar dang ldan pas nam mkha' mdzod la smras pa/ sgra 'di dag ga las byung snyam bdag ngo mtshar

  485. 243a

    du gyur to/ /nam mkha' mdzod kyis smras pa/ rigs kyi bu ji snyam du sems/ brag ca'i sgra ga las byung/ smras pa pha rol gyi sgra go bar byed pa las byung ngo/ /smras pa brag ca las lus sems sam/ gzugs sam kha dog dbyibs gang yang yod dam smras pa med pa de bzhin te/ brag ca ma grub kyang go bar byed pa de bzhin du nam mkha' ma grub ste/ sgra dang skad go bar byed par 'gyur ro/ /smras pa sgra 'di dag go bar byed pas su?/ /de nas dbyangs 'di byung/ smras pa/ ye shes kyi go bar byed pa bsam gyis mi khyab ste/ ngas yid kyi sems pas bsams na/ bde bar snang ba 'di las byung yang sems der 'gro ba yang med de/ de 'di ltar 'ong ba yang med mod kyi/ sgra'i sgra bsnyan yang 'byung ngo/ /rigs kyi bu rten cing 'brel par 'byung ba ji tsam du zab pa ltos/ gang rgyu las 'bras bu 'byung yang/ rgyu 'bras bu grub par mi 'phel/ rgyu med pa las kyang 'bras bu 'byung ba ma yin no/ /'di lta ste/ rgyu dang rkyen las 'bras bu 'grub pa'i chos 'di gnyis ka yang g.yo ba med cing byed pa med do/ /gang de lta bu'i 'du ba shes pa de dag ni 'bral ba ste/ ci'i phyir zhe na/ bcom ldan 'das kyis kyang gang kun nas nyon mongs pa shes pa de nyid/ de'i rnam par byang ba zhes gsungs so/ /gtsug na rin po ches zhus pa las/ byang chub sems dpa' i tshul khrims kyi pha rol tu phyin pa'i spyod pa yongs su dag pa brgyad de gang zhe na/ zang zing med pa'i sems kyis tshul mi 'chos pa dang/ yongs su 'dzin pa thams cad 'dor bas kha bsags med pa dang/ rang bzhin gyis chog shes pas gzhogs slong mi byed pa dang/ sbyangs pa'i yon tan dang yo byad snyungs pas 'phags pa'i rigs yang dag par 'dzin pa yongs su rdzogs pa dang dgon pa la gnas pa rjes su mi gtong bas lus la mi lta ba dang/ dam pa'i chos yongs su 'dzin pas srog la mi lta ba dang/ 'du 'dzi spong bas gcig

  486. 243b

    pur dga' ba dang/ khams gsum thams cad kyis 'jigs pas chos kyi dpa' ba la mos pa'o/ /shes rab kyi pha rol tu phyin pa zhes bya ba ni/ pha rol tu 'gro bar gsungs te/ de'i phyir pha rol tu phyin pa zhes bya'o/ /mtshan ma thams cad dang/ dmigs pa thams cad dang/ sems can gyi sems kyi spyod pa thams cad kyi pha rol tu son pas de'i phyir pha rol tu phyin pa zhes bya'o/ /de'i shes rab yongs su dag pa gnyis te/ gang zhe na/ chags pa med pa'i mtshan nyid yongs su dag pa dang/ thogs pa med pa'i mtshan nyid yongs su dag pa'o/ /bka' stsal pa/ rigs kyi bu mngon par shes pa rnams shes bya ba ni/ zag pa med pa'i ye shes kyi tshig bla dwags so/ /byang chub sems dpa' ni/ mngon par shes pa lnga po 'di dag gis rnam par rol cing zag pa med pa'i ye shes la yang rab tu gnas so// byang chub sems dpa' i chos chos bzhi dang ldan na/ sems can yongs su smin par byed nus te/ bzhi ni mi skyo ba dang/ bdag bde ba la mi chags pa dang/ dus dang dus ma yin par bskul ba dang/ bsam pa yongs su shes pa'o/ /yang bzhi ste/ bka' blo bde ba dang/ snyan par smra ba dang/ ngang tshul mnyen pa dang/ bzhin 'dzum zhing khro gnyer med pa'o/ /byang chub sems dpa' lus dran pa nye bar gzhag pa bzhi ni/ rnam pa gnyis dang ldan pa'i dran pa'i dran pa nye bar gzhog go /gnyis na mi sdug pa dang/ sdug par so sor rtog pa'o/ /de la mi sdug pa ni kye ma lus ni mi gtsang bas gang ba/ yun thung ba/ byis pa'i drang pa'o snyam mo/ /sdug pa ni lus 'dis de bzhin gshegs pa'i sku/ chos kyi sku bsod nams kyi sku/ ye shes kyi sku rdo rje'i sku/ mi shig pa'i sku/ zag pa med pa'i sku gzugs mthong na/ /sems can thams cad tshim par 'gyur ba thob par bya'o/ /snyam mo/ yang rnam pa gnyis te/ mi rtag pa dang/ rtag pa'i rnam par ro/ /de la mi rtag pa'i rnam pa ni kye ma lus 'di mi rtag pa/ 'jig pa'i chos can yin pas/ lus

  487. 244a

    kyi phyir yang bas mi 'tsho ba'o/ /rtag pa ni lus kyi rjes su lta zhing gnas pa'i dge ba'i rtsa ba thams cad/ dkon mchog gsum gyi gdung mi 'chad pa dang sems can thams cad yongs su bskyab pa'i phyir/ bla na med pa'i byang chub tu yongs su bsngo'o/ /dran pa nye bar gzhag pa bzhin gnas pas/ phyin ci log bzhi spong ste/ lus kyis gtsang ba spong/ tshor bas bde ba sems kyi rtag pa/ chos kyi bdag tu phyin ci log pa spong ba'o/ /gser 'od dam pa las/ sku la rus pa khrag med na/ /ring bsrel yod pa dag la 'gyur/ /sems can rnams la phan pa'i phyir/ /thabs kyis ring bsrel bzhag pa mdzad/ skabs gzhan dag tu mya ngan las 'das pa dang/ ring bsrel 'jig rten du bzhag pa zhes bya ba ni/ de bzhin gshegs pa'i thabs mkhas pa ste/ sems can rnams kyis mchod pa dang/ rim gro byed pa de dag kyang de bzhin gshegs pa'i thugs rje dang/ dge ba'i rtsa ba'i mthu yin par blta bar bya'o/ /de la gang zhig mchod pa dang rim gro byed pa de ni ma 'ongs pa'i dus na/ mi khom pa brgyad yongs su spangs te/ de bzhin gshegs pa rnams dang phrad cing dge ba'i bshes gnyen dang ldan pa dang/ byang chub kyi sems mi stor ba dang/ bsod nams dpag tu med pa 'phel ba dang/ 'khor ba las myur du 'da' zhing 'khor ba'i 'ching bas glags par mi 'gyur ba'i spyod pa dam pa 'di yin pas khyed kyis nan tan du sgrub cing g.yel ba med par bya'o/ /de kho na nyid dang/ yang dag pa'i ye shes nyid tsam du gnas pa de ni/ chos kyi sku zhes bya'o/ /sku snga ma gnyis ni brtags pa tsam mo/ /chos kyi sku ni yang dag pa ste sku de gnyis kyi gzhi byed do/ /ci'i phyir zhe na/ chos kyi de bzhin nyid dang/ rnam par mi rtogs pa'i ye shes las kud na/ sangs rgyas kyi chos gang yang med pa'i phyir ro/ /rigs kyi bu dper na rnam par mi rtog pa'i sems la brten nas/

  488. 244b

    nyon mongs pa dang las dang 'bras bu rnam pa mang po ston pa bzhin du chos kyi chos nyid dang/ de bzhin nyid kyi ye shes la brten nas/ theg pa gsum gyi chos rnams sna tshogs ston to/ /dper na nyi ma dang zla ba la yang rtog pa med/ chu dang me long la yang rtog pa med/ snang ba la yang rtog pa med mod kyi/ gsum 'dus pa las gzugs brnyan 'byung ngo/ /de bzhin du de bzhin nyid dang/ de bzhin nyid kyi ye shes la yang rnam par rtog pa med mod kyi/ smon lam gyi dbang gis sems can skal ba can dag la longs spyod rdzogs pa dang/ sprul pa'i sku yang nyi zla'i gzugs brnyan bzhin du rgyu dang rkyen 'dus pa las byung ngo/ /rigs kyi bu gzhan yang dper na tshad med grangs med pa'i chu dang me long dag ni snang ba la brten nas stong pa'i gzugs brnyan mtshan nyid tha dad pa dag snang ngo/ /stong pa zhes bya ba ni mtshan nyid med pa'o/ /de bzhin longs spyod rdzogs pa dang/ sprul pa'i skus ni 'khor rnams chos kyi sku'i gzugs brnyan ston par smon lam gyi dbang gis sku de gnyis snang ste/ mtshan ma sna tshogs su snang yang chos kyi sku'i gnas pa ni mtshan nyid tha dad pa med do/ /rigs kyi bu sku de gnyis la gnas te/ sangs rgyas bcom ldan 'das rnams phung po'i lhag ma dang bcas pa'i mya ngan las 'das pa zhes gsungs so/ /sku 'di gsum la brten nas/ sangs rgyas rnams mi gnas pa'i mya ngan las 'das pa zhes bshad do/ /rigs kyi bu sangs rgyas kyi sprul pa'i sku ni/ so so'i skye bo'i yid dang mthun par rnam pa mang pos mtshan ma ston pa'i phyir mang po zhes bya'o/ /longs spyod rdzogs pa'i sku ni 'khor rnams kyi bsam pa gcig pas mtshan nyid gcig pa'i phyir gcig ces bya'o/ /chos kyi sku ni mtshan ma sna tshogs las yang dag par 'das pa mtshan mar gzung ba'i spyod yul ma yin pa ste/ de bas na gcig pa yang ma yin/ tha dad pa yang ma yin pa zhes bya'o/ /rigs kyi bu sprul pa'i sku ni longs spyod

  489. 245a

    rdzogs pa'i sku la brten de snang ngo/ /longs spyod rdzogs pa'i sku ni chos kyi sku la brten te snang ngo/ /chos kyi sku yang dag par te ci yang mi gnas so/ /rigs kyi bu sku de gsum ni rtag par bshad pa'i rnam grags kyang yod/ mi rtag par bshad pa'i rnam grangs kyang yod do/ /stobs dang mi 'jigs pa dang so so yang dag par rigs pa la sogs pa ma 'dres pa'i chos brgyad cu/ gser dang chu dang nam mkha' dag dri ma dang rnyog pa dang sprin dang bral na gser la sogs pa med pa yin pa bzhin du/ chos kyi sku nyon mongs pa thams cad zad pa'i phyir/ rnam par dag pa zhes bya ba'i sku nyid med par gyur pa ni ma yin no/ /rnam par rtog pa yod par snang yang ngo bo nyid la ni rnam par rtog par yang med do/ /gsum du bgrang ba yod mod kyi/ dngos po gsum du yang med de 'phel ba dang/ 'grib pa med pa de ni rmi lam dang sgyu ma lta bu ste/ gzung ba yang med 'dzin pa yang med do/ /shA ri'i bu sbyin pa rnams kyi nang na chos kyi sbyin pa mchog ces ngas bshad do/ /lus ni g.yo ba med cing byed pa med/ /snying po med cing rkyen las byung ba ste/ /yang dag ma yin yongs su rtog las byung/ /grong stong las kyi 'khrul 'khor 'dra bar gnas/ /chos rnams 'di dag thams cad stong pa ste / ma rig pa yi rkyen las byung ba yin/ /'byung ba chen po 'di dag ches 'byung min/ /ma byung ba las byung zhing mi 'byung ste/ /gang gi phyir ni 'byung ba mi 'byung ba /de phyir 'byung ba che zhes ngas bshad do/ /yod pa min zhing nam yang yod min la/ /ma rig pa'i rkyen las byung ba yin/ /ma rig 'di ni yod pa ma yin te/ /de bas sa ni ma rig 'di bshad do/ /rdo rje ri rab chen po'i rtse mo'i khang pa brtsegs pa'i gzungs las/ yongs su brtags pa yin pa'i phyir brtags pa yang stong pa'o/ /rten

  490. 245b

    cing 'brel bar 'byung ba'i phyir/ gzhan gyi dbang nyid kyang stong pa'o/ /rgyu dang rkyen las byung ba'i phyir/ rten cing 'brel par 'byung ba yang stong pa'o/ /blo bur du rgyu dang rkyen gyis bskyed pa'i phyir/ 'byung ba'i bdag nyid kyis stong ngo/ /de la rten cing 'brel par 'byung ba ni rang gis mtshan nyid kyis stong ngo/ /rang gi mtshan nyid kyis stong pa gang yin pa de mtshan nyid med pa'o/ /sku gsum rnam par bzhag pa zhes bya ba de ni tshogs gnyis kyi sbrul pa'i mtshan nyid do/ /de bzhin gshegs pa skye bar 'byung ba las/ byang chub sems dpa' skye ba gcig gis thogs pa ye shes kyi rang bzhin gyi lus gcig cing tha mi dad pas gzugs kyi lus mdza' yas pa'i sgo kun tu ston pa sha stag 'di lta ste/ byang chub sems dpa' kun tu bzang po la sogs pa sangs rgyas kyi zhing phrag bcu'i rdul phra rab snyed dang thabs cig tu bzhugs so/ /lha'i rgyal po sgyur gyi lha'i bu mo bzang mo'i kha'i dbugs gcig gis lha rdzas kyi rol mo'i sgra yan lag brgya phrag stong dang ldan pa'i ro 'byung ste/ sgra de byung ba na sgra rnam pa tha dad pa brgya phrag stong gi dbyangs su drag go /de bzhin du de bzhin gshegs pa'i gsung gcig 'byung yang sems can gyi bsam pa bzhin tshad med pa'i sgra rnam par grag go /dper na 'og gi chu'i phung po nye bar bzung ba yan chad 'du shes med min skye mched kyi srid pa'i rtse mo'i bar gyi stong gsum gyi stong chen po thams cad nam mkha' la gnas te/ gzugs med pa la sbyor ba'i sems can gyi gnas dang 'dod pa la spyod pa'i sems can gyi gnas ji snyed pa de dag thams cad nam mkha' la gnas shing/ nam mkha' i dbyings las byung ba'o/ /dper na ri mo'i gzhi chen po stong gsum gyi stong chen po'i 'jig rten gyi khams tsam zhig yod par gyur la/ gzhi de la stong gsum gyis stong chen po ril gyis rdzogs par bris te/ 'dod pa na spyod pa'i lha'i gzhal med khang gi tshad dang/ gzugs na spyod pa'i lha'i

  491. 246a

    gzhal med khang dang gzugs med pa na spyod pa'i lha'i gzhal med khang gi tshad la sogs pa de'i tshad du bris la/ ri mo'i gzhi de rdul phra rab gcig gi nang du chud par byas pa sems can gang gis kyang mthong ba 'am/ shes par ma gyur la 'phrul gyi mig can 'ga' zhig gis mthong nas/ rdul de phye ste sems can la bstan te phan btags pa zhig yod na/ de dang 'dra ba'i de bzhin gshegs pa'i ye shes sems can thams cad nye bar 'chi ba dang sems can thams cad kyi sems la ril gyis chud par gnas pa byis pas mi shes pa rnams la de bzhin gshegs pas byis pa'i 'du shes kyis dud ba bkrol nas/ ye shes khongs su chud cing mnyam pa nyid rtogs par byed pa gang de dang 'dra ste/ dpe 'dis de bzhin gshegs pa'i ye shes 'byung ba shes par bya'o/ /dam pa'i chos pad+ma dkar po las byams ma'i bu gang po ma 'ongs pa'i dus na/ 'jig rten gyi khams mi mjed 'di nyid du mngon par 'tshang rgya ste/ de'i tshe sangs rgyas kyi zhing 'di na ngan song de bud med kyang med do/ /sems can de dag thams cad rdzus te skye bar tshangs par spyod pa yid las byung ba'i lus 'od rang la yod pa/ rdzu 'phrul can nam mkha' la 'gro ba lus gser gyi mdog can skyes bu chen po'i mtshan sum cu rtsa gnyis kyis lus brgyan par 'gyur ba'o// skyes bu dam pa bcu drug la/ bzang skyong/ dkon mchog 'byung gnas/ /de dbon bzang po/ mis byin/ phug sbas/ chus byin/ dbang pos byin/ bla ma'i blo gros/ khyab par blo gros/ 'phel ba'i blo gros/ mthong ba don yod/ shin tu yang/ dag zhugs rab kyi rtsal gyi rnam par gnon pa/ dpe med blo gros/ nyi ma'i snying po/ sa 'dzin/ phyogs bcu'i de bzhin gshegs pa rnams bdag gi zham ring ba dang lhan cig tu bdag dang gcig gam bdag dang gnyis mi mjed kyi 'jig rten gyi khams

  492. 246b

    'dir gshegs so/ /de'i tshe thams cad dang ldan pa'i 'jig rten gyi khams mi mjed kyi rin po che'i shing ljon pas rab tu brgyan par gyur to/ baiDUrya'i gzhi la rin po che'i sna bdun dang gser gyis dra bas des/ dril bu g.yer ga'i dra bas brgyan pa/ me tog sna tshogs bkram pa/ gser gyi skud pas mig mangs ring su bres par gyur to/ /grong dang/ grong khyer dang/ gong brdal dang/ ljongs dang/ yul 'khor dang rgyal po'i pho brang 'khor yang med par 'gyur/ ri nag po yang med par 'gyur/ btang zung dang/ btang zung chen po dang/ khor yug dang/ khor yug chen po dang/ ri rab kyang med par gyur/ ri rab chen po dang ri gzhan yang med par gyur/ rgya mtsho yang med par gyur/ 'bab chu dang 'bab chu chen po yang med par yongs su gnas par gyur to/ /lha dang mi dang lha ma yin gyi tshogs kyang med par gyur/ sems can dmyal ba dang dud 'gro'i skye gnas dang gshin rje'i 'jig rten yang med par gyur to/ 'di ltar de'i tshe 'jig rten gyi khams mi mjed 'khor ba 'gro ba drug du skyes pa'i sems can de dag thams cad 'jig rten gyi khams gzhan dag tu bkod par gyur te/ gang dag 'khor der 'dus pa de dag ma gtogs so/ /'du shes phyin ci log las byung bar de ltar 'jam dpal byang chub sems dpa' chen po rtag tu chos thams cad la lta zhing gnas pa 'di gnas na/ byang chub sems dpa' chen po spyod yul la gnas pa yin no/ /gang zhig mdo 'di 'chad 'dod chos smra bas/ g.yo dang nga rgyal de bzhin 'phyal ba dag /ma lus par ni yongs su spang bar bya/ /de bzhin mkhas pas phrag dog gzher mi bya/ nam duAng su la 'ang mi snyan brjod mi bya/ /lta bas rtsod ba nam yang mi bya'o/ /bla med ye shes thob par mi 'gyur zhes/ the tshom gnas ni nams kyang mi bya'o/ /'jam dpal 'di ni de bzhin gshegs pa rnams kyi chos bstan pa'i mchog ste/ chos kyi rnam grangs kyi mdza' o/ /chos kyi

  493. 247a

    rnam grangs thams cad kyi nang na chos kyi rnam grangs 'di zab ste/ 'jig rten thams cad dang mi mthun pa'o/ /'jig rten gyi khams gzhan nas lhags pa'i byang chub sems dpa' mang po zhig gis chos kyi rnam grangs 'di de bzhin gshegs pa mya ngan las 'das pa dang mi mjed 'dir bstan pa la sogs par bgyi bar 'tshal na/ bcom ldan 'das kyis gdams su gsol zhes bya ba dang/ bka' stsal pa/ khyod kyis bya ci dgos/ 'jig rten gyi khams 'di nyid ngas smin par byas pa'i byang chub sems dpa' stong phrag gang+gA'i klung drug cu'i bye ma snyed yod de dag ston pa la sogs pa byed par 'gyur ro/ /de skad gsungs ma thag tu byang chub sems dpa' mang ba zhig sa rum nas 'thon te/ de bzhin gshegs pa rin chen mang dang/ shAkya thub pa dang phyogs bcu nas gshegs pa rnams la phyag 'tshal lo/ /de'i tshe byang chub sems dpa' sems dpa' chen po de dag sa rum nas 'thon nas bar gyi bskal pa lnga bcu rdzogs par 'das kyi bar du de bzhin gshegs pa rnams la phyag 'tshal zhing/ byang chub sems dpa' i bstod pa rnam pa du mas bstod do/ /bar gyi bskal pa lnga bcu po de dag la/ bcom ldan 'das shAkya thub pa de cang mi gsung bar gyur to/ /'khor bzhi po de dag kyang bar gyi bskal pa lnga bcu pa de dag la cang mi smra bar 'khor par gyur to/ /de nas bcom ldan 'das kyis rdzu 'phrul mngon par 'du bya ba 'di lta bu mngon par mdzad de/ rdzu 'phrul ji lta bu mngon par 'du bya ba mngon par mdzad pas/ 'khor bzhi po de dag gis phyi dro cig kho na snyam du shes so/ /rtag tu nga yi byin brlabs de 'dra te/ /bskal pa bsam yas bye ba stong du ni/ /bya rgod phung po 'di las mi 'pho yang/ /gung na 'ang bye ba snyed kyi mal cha yod/ /gang tshe 'jig rten khams 'di sems can gyis/ /bskal pas srag bar mthong zhing/

  494. 247b

    rtog pa ni/ /de tshe nga yi sangs rgyas zhing 'di ni/ /lha dang mi yis yongs su gang bar 'gyur/ /de dag rtse zhing dga' ba sna tshogs ldan/ /skyed mos khang bzang gzhal med che ba yod/ /rin chen ri bo rnams dang de bzhin du/ /me tog 'bras ldan shing ljon rnams kyis brgyan/ /steng nas lha rnams rnga chen rab tu brdungs/ /man nga ra'i char kyang rab tu 'babs/ /mkhas pa gzhan gang byang chub 'dir bzhugs dang/ /de dang nyan thos rnams la mngon par 'thob/ /nga yi zhing 'di de ltar rtag gnas kyang/ /gzhan dag 'di la bskal pas sdog par rtog/ mya ngan brgya yis gang zhing tses pa dang/ /'jig rten khams ni shin tu 'jigs par mthong/ /lo mangs bya bar de bzhin gshegs rnams dang/ /chos dang yi dge 'dun tshogs rnams kyi/ /ming ni nams kyang thos par mi 'gyur te/ /sdig pa'i las kyi 'bras bu dang 'dra'o/ /nam zhig sems can 'jam zhing mnyen pa rnams/ /mi yi 'jig rten 'dir ni skyes gyur te dge ba'i las kyi de ltar skyes ma thag/ nga ni chos rnams rab tu 'chad bar mthong/ /de bzhin gshegs pa sku tshe dpag tu med/ /mya ngan las 'da' par bstan pa thams cad yin par bshad pa'i rjes la bka' stsal pa/ ma pham pa gang gi tshe rigs kyi bu 'am/ rigs kyi bu mo de bzhin gshegs pa'i tshe'i tshad bstan pa'i chos kyi rnam grangs 'di thos nas/ lhag pa'i bsam bas mos par byed pa de'i tshe/ de'i lhag pa'i bsam pa'i mtshan nyid 'di yin par rig par bya ste/ 'di lta ste bya rgod kyi phung po'i ri la 'dug ste/ byang chub sems dpa' i tshogs kyi yongs su bskor ba dang/ byang chub sems dpa' i tshogs kyi mdun gyis blta ba dang/ nyan thos kyi dge 'dun gyi dbus na 'dug cing chos ston par mthong ba dang/ de'i sangs rgyas kyi zhing mi mdzed kyi 'jig rten gyi khams 'di gzhi baiDUrya las grub cing mnyam par gnas la/ gser skud mig mangs ris su bris shing rin po che'i shing ljon

  495. 248a

    pa rnams kyi rnam par bkra bar mthong ba dag/ 'di ni yongs su spyod pa'i khang pa brtsegs pa dag na/ byang chub sems dpa' dag gnas par mthong ba ste/ ma pham pa 'di ni lhag pa'i bsam pas mos pa'i rigs kyi bu 'am rigs kyi bu mo'i lhag pa'i bsam pa'i mtshan nyid rig par bya'o/ /rigs kyi bu dag mdor na sangs rgyas kyis chos thams cad dang/ sangs rgyas kyi khyu mchog tu gyur pa thams cad dang/ sangs rgyas kyi chos zab mo'i gnas thams cad ngas chos kyi rnam grangs 'di las bshad do/ /rigs kyi bu 'am rigs kyi bu mo bla na med pa yang dag par rdzogs pa'i byang chub 'di 'dod pas de bzhin gshegs pa'i mchod rten dag la rkang pa'i mthe bong 'bar bar bya'o/ /lag pa'i sor mo'am/ rkang pa'i sor gcig bam/ yan lag gcig gam/ lag pa 'bar bar bya'o/ /byang chub sems dpa' i theg pa la zhugs pa'i rigs kyi bu 'am rigs kyi bu mo 'di ni bsod nams 'du byed pa chos mang du bskyed kyi/ rgyal srid dang/ bu dang/ chung ma dang/ stong gsum gyi 'jig rten gyi khams yongs su btang ba ni de lta ma yin no/ /de bzhin gshegs pas bshad pa'i mdo sde thams cad kyi nang na dam pa'i chos pad+ma dkar po'i chos kyi rnam grangs 'di mchog tu gyur pa yin no/ /byang chub sems dpa' kun tu bzang pos gsol pa/ su chos kyi rnam grangs 'di spyod pa de bsrung ba'i phyir/ bdag glang po tsha dkar po mche ba drug pa 'tshal te der mchi'o/ /de'i tshe na bcom ldan 'das 'khor bzhi po rnams kyi yongs su bskor cing mdun gyis bltas te/ bsti stang du byas btsun par byas te/ nges par bstan pa chen po zhes bya ba'i chos kyi rnam grangs mdo sde shin tu rgyas pa chen po/ byang chub sems dpa' la gdams pa sangs rgyas thams cad kyis yongs su bzung ba bshad do/ /nam mkha' i spyan las/ bcom ldan 'das kyis

  496. 248b

    bka' stsal pa/ rgyal po chen po ma 'ongs pa'i dus na/ gang de bzhin gshegs pas nyan thos rnams la bslabs pa'i khrims su bca' ba 'cha' bar 'gyur ba'i rkyen de lta bu dag 'byung bar 'gyur te/ gang zag gnod mi bkur ba rnams tshad bcad pa'i phyir dang/ de tshe shes pa rnams bde ba la reg par gnas par bya ba'i phyir dang/ tshe 'di'i zag pa rnams spangs pa'i phyir dang/ tshe phyi ma'i zag pa rnams bsdams pa'i phyir dang/ de'i bstan pa yun ring du gnas par bya ba'i phyir/ gang zag lam gol bar zhugs pa kha cig la ni lus dub pa spyad pa'i chad pa bca' o/ /kha gcig la ni yid du mi 'ong ba dang phrad pa'i chad pa'o/ /kha gcig la ni mtshams kyi phyi rol du dbyung zhing tha dad du gnas par bya ba'i chad pa'o/ /kha cig la ni dge slong gi tha mar gzhag pa'i chad pa'o/ /kha cig la ni sangs rgyas kyi bstan pa thams cad la bsnyil zhing smad par 'os pa'i chad pa bcad de/ rgyal rigs de ltar byung ba khyed dang ma 'ongs pa thams cad kyi lag tu nyan thos kyi bslab pa khrims su bca' ba gtod do/ /de ci'i phyir zhe na/ gang de ltar dang ma 'ongs pa'i dus na da'i bstan pa la gang zag lam gol ba gdul dka' ba ngo tsha dang khrel spangs pa spyod pa ma dag pa 'byung bar 'gyur la/ gang dag nye du'i stobs sam/ nor gyi stobs sam/ khyim pa'i dbung ngam/ mang du thos pa'i stobs sam/ kha stobs kyis bslabs pa dag la skyon yod par spyod cing/ khyim na gnas pa'i rtags dang/ khyim gyi longs spyod dag la snang ba yongs su gzung ba sdud pa de dag dge slong don nyung ngu rnams kyis myur du dge 'dun gyi nang nas bskrad pa dang/ bslab pa ji ltar bcad pa bzhin chad pas gcad par mi nus pas/ de dag bslab pa'i khrims su bca' ba bzhin bya bar rgyal rigs kyi lag tu gtad de/ rgyal rigs de dag gang zag de lta bu rnams la ji ltar khrims bcas pa bzhin chad bas gcod par 'gyur ro/ /rgyal rigs gang dag de

  497. 249a

    ltar dang ma 'ongs pa'i dus lnga brgya tha ma'i bar du de lta bu'i brtson pa dang/ pha rol gnod pas nga'i bstan pa bsrung zhing yongs su skyong ba dang/ chos kyi tshul 'bar bar byed pa dang dkon mchog gsum gyi gdung rgyun mi 'chad par byed pa de dag ni sangs rgyas kyi bstan pa bsrung ba yin te/ lha rnams kyang bsrung zhing yongs su skyong bar 'gyur ro/ /rgyal rigs de dag ni rgyal srid kyang yun ring du byed du 'jug go /bsod nams kyang shin du 'phel bar 'gyur ro/ / de nas bskal ba brgyar byang chub kyi spyod pa spyod par 'gyur ro/ /rgyal rigs gang dag de ltar dang ma 'ongs pa'i dus na nga'i bstan pa yal bar 'dor zhing 'dug pa'i rgyal rigs de dag ni thams cad kyis bor ba yin/ nyan thos dang/ rang rgyal ba thams cad kyis kyang yongs su btang ba yin te/ rgyal rigs de ni 'jig rten pha rol tu phyin pa lha dang mi'i skye ba yang med do/ /gang de'i bstan pa yal bar 'dor ba de ni dkon mchog gsum gyi gdung gcod par zhugs pa yin/ chos kyi sgron ma gsad par zhugs pa yin/ chos kyi chu bskams par zhugs pa yin/ sems can thams cad kyi chos kyi mig 'byin par zhugs pa yin no/ /rgyal po chen po de ji snyam du sems/ gang zag gang zhig sems can thams cad kyi mig 'byin par byed na/ gang zag de bsod nams ma yin pa ji tsam zhig dang ldan par 'gyur/ rgyal po gzugs can snying pos mchi ma blags te 'di skad ces gsol to/ /gang zag de ni bsod nams ma lags pa zla ma mchis pa grangs ma mchis pa/ tshad ma mchis pa 'phel bar 'gyur ba lags so/ /bcom ldan 'das kyis bka' stsal pa/ rgyal po chen po de bas rgyal rigs gang dag da lta dang ma 'ongs pa'i dus na da'i bstan pa de bzhin gshegs pa thams cad kyis byin gyis brlabs pa 'bar gyis bar du gang

  498. 249b

    zag chos kyi gnas pa rnams mi bsrun zhing lam gol ba la gnas pa'i gang zag rnams chos bzhin mi slob pa de dag la bsod nams ma yin pa ches mang du 'phel bar 'gyur te/ rgyal rigs de snga ma bskal pa brgyar sbyin pa byin/ tshul khrims bsrungs pa ? ges? rab bsgoms pa'i bar du gyur la/ theg pa gsum las theg pa gang yang rung ba zhig gyis zhugs par gyur na/ yang dag pa'i chos yal bar 'dor ba'i rgyus de'i dge ba'i rtsa ba sngon bsags pa de dag thams cad yongs su zad cing gtugs par 'gyur ro/ /de'i yul du chos gsum du yang 'byung bar? 'gyur te/ lo nyes dang/ 'thab mo dang/ nang 'byung bar 'gyur ro/ /lhas kyang yal bar 'dor zhing btang bar 'gyur ro/ /de'i yul du bka' mi btsan zhing g.yo dang slu ba dang/ rdzun sna tshogs kyang 'byung bar 'gyur ro/ /gzhan gyi dmigs gis de'i nor gyi phung po phrogs par 'gyur ro/ /yang na mas tshig par 'gyur ro/ /yang na chus 'khyer bar 'gyur ro/ /rgyal rigs de ring por mi thogs par nad tshabs po ches thebs nas 'dug pa yid du 'ong ba dang bral bar 'gyur ro/ /shi nas kyang dmyal ba dag tu skye bar 'gyur ro/ /brgya la res 'ga' zhig ri mo zhig na/ legs par spyad pas mi nyid thob na myur du mig med pa dang/ longs spyod dang/ nye bar spyod pa thams cad dang bral bar 'gyur ro/ /nyam nga bar gnas shing yun ring du 'tsho bar 'gyur ro/ /shi nas yang dmyal ba dag gi nang du skye bar 'gyur ro/ /de gnas ma yin pa yongs su bstags pas sangs rgyas 'byung ba'i tshe yang mi lus mi 'thob bo/ /rgyal rigs ji ltar bram ze dang/ rje'u rigs dag kyang de bzhin te/ grong khyer gyi gtso bo 'am/ yul gyi gtso bo 'am/ ri khrod kyi gtso bo 'am/ ljongs kyi gtso bo yang rung/ gang zhig bag med pa'i rgyu 'am/ nor gyi phyir nga'i bstan pa la chos kyis gnas pa'i gang zag rnams ci nus kyi mi bsrung zhing lam gol ba la gnas pa'i gang zag rnams chos bzhin dang 'dul ba bzhin tshang mi gcod pa de thams cad

  499. 250a

    las kyi sgrib pa de lta bu dang ldan par 'gyur ro/ /rgyal po gzugs can snying pos gsol pa/ bcom ldan 'das da ltar dang ma mchis pa'i dus na/ rgyal rigs rnams kyis mi nyid 'thob pa ni dka' lags te/ gang dag myos shing bag ma mchis mang du gnas la/ dam pa'i chos yun ring du gnas pa dang/ dkon mchog gsum gyi gdung rgyun mi 'chad par bgyi pa'i slad du chos la gnas pa tshul khrims dang ldan pa/ yon tan gyis phyug pa rnams mchod gnas su mi 'gyid pa dang/ lam gol ba la gnas pa ngo tsha dang khrel bor ba rnams chos dang mthun pa'i chad pas mi 'gums pa de dag ni 'phung bar 'gyur lags so/ /lha'i bu skya rengs ni smon lam gyi dbang gis rgyal chen bzhi'i rigs kyi lha'i nang du skyes te/ de nyi ma'i mdun dpag tshad khris bcad nas 'gro'o/ /de'i gzhal med khang ni dpag tshad nyi shu pa'o/ /de nyid mtshan gcig la gling bzhi dang bar gyi gling brgyad khri dang/ klu'i drug khri dang/ lha ma yin gyi gling bzhi khri dang/ nam mkha' lding gi gling brgya dang/ /mi 'am ci'i gling lnga stong nyis brgya dang/ lto 'phye chen po'i gling bzhi stong drug brgya dang grul bum gyi gling brgyad brgya dang/ yi dags kyi gling brgyad khri bzhi stong dang/ sha za dang/ srul po dang/ lus srul po'i gling sum stong dag tu gling re re zhing yang srog chags bye ba khrag khrig brgya stong mang po dag yongs su smin par byed do/ /'dzam bu'i gling 'di'i nang shar phyogs kyi cha rgya mtsho chen po ni baiDUrya 'ba' zhig gi ri ar Na pa zhes bya ba yod de/ de ni chu'i nang nas dpag tshad nyi shu gyen du 'phags so/ /ri de la ri phug shin tu bkra ba zhes bya ba sngon gyi byang chub sems dpa' rnams gnas nas gnas/ 'phang dang brgyar dpag tshad re re ba zhig yod de/ phug de na 'dzin dur ra gnas so/ /de ni nyan thos dang thun mong gi byams pa legs par spyad

  500. 250b

    bar byas pa yin no/ /ri phug gnyis pa a ma re zhes bya ba 'phang dang rgyar dpag chad zhig yod de/ phug de na rta'i gnas so/ /ri phug gsum pa rab tu gnas pa zhes bya ba 'phang dang rgyar dpag tshad re re ba zhig yod de/ phug de na phyugs gnas so/ /ri de la shing gi lha rgyal ba'i? ? zhes bya ba dang/ srin mo chen mo mgrin bzangs ma zhes bya ba gnas te gnyis ka yang 'khor lnga stong dang bcas par dud 'gro'i skye gnas su gtogs pa de gsum gyi sbyin bdag byed cing nyin mtshan rtag tu bkur sti bya bar brtson no/ /'dzam bu'i gling 'di'i nang lho phyogs kyi cha rgya mtshan shel 'ba' zhig gi ri skye bo'i dpal zhes bya ba yod do/ /de ni chu'i nang nas dpag tshad nyi shu gyen du 'phags so/ /ri de la ri phug mdog bzang zhes bya ba rgya dang 'phang du dpag tshad re re la spre'u gnas/ ri phug gnyis pa spro ba'i nyan bzang po zhes bya ba rgya dang 'phang du dpag tshad re re ba la khyim byas nas/ ri phug gsum pa d+ha ra ma pa ha zhes bya ba rgya dang 'phang du dpag tshad re re pa la khyi gnas/ ri de la sbyin gnas srin mo snang ba dang/ nye snang ba zhes bya ba 'khor lnga stong dang gnas te sbyin bdag byed/ 'dzam bu'i gling gi nub phyogs rgya mtsho'i nang na gser 'ba' zhig ri byang chub kyi zla ba zhes bya ba yod de/ de nas dpag tshad nyi shu nas gyen du 'phags so/ /ri de la ri phug mi lin tra zhes bya ba la 'phang dang rgyar dpag tshad re re ba la phag gnas so/ phug gnyis pa dri dpal zhes bya ba 'phang dang rgyar dpag tshad re re ba la gnas/ phug gsum pa ud sa sh+rI zhes bya ba 'phang dang rgyar dpag tshad re re ba la glang gnas/ ri de la srin mo chen mo legs srung zhes bya ba dang/ be'u su rAk+Sha zhes bya ba 'khor snga ma snyed pa dang/ ri de rlung lha g.yog pa zhes bya ba 'khor snga ma rnyed pa dang bcas pa snga ma bzhin sbyin bdag byed/ 'dzam bu'i gling gi nang byang phyogs kyi cha rgya mtsho na 'dzam bu chu bo 'ba' zhig gi ri tog dpal gyi mtshan ces

  501. 251a

    bya ba yod de/ de ni dpag tshad nyi shu chu nas gyen du 'phags so/ /ri de la ri phug a ru na go la zhes bya ba tshad snga ma tsam la seng ge'i gnas/ phug gnyis pa lam dkar zhes bya ba tshad snga ma ri bong la gnas phug gsum pa dga' bar 'byung zhes bya ba tshad snga ma tsam la sprul gnas/ ri de la srin mo dung can ma zhes bya ba dang/ sha ta grong srung zhes bya ba 'khor snga ma rnyed dang chu lha 'bebs byed ces bya ba 'khor snga ma snyed dang/ gnas pa snga ma bzhin yon bdag byed do/ /dud 'gro'i skye gnas su song ba bcu gnyis po de dag ni bsod nams che ba skal ba che ba yin no/ /smon lam gyi dbang gis nyin mtshan re re zhing sems can rnams su yongs su smin par byed do/ /byi ba dang ga ba dang/ stag dang/ ri bong dang/ glang po che dang/ dzan du dang/ rta dang/ pa shu dang spre'u dang/ khyim bya dang khyi dang/ phag ste de dag ni lha dang mi'i mchod pa yon tan thob pa yin no/ /skad cig ma dang po la ma'i mngal du sa bon gyi rnam par shes pa nur nur por gnas par gyur te/ dper na yungs kar gyi 'bru'i tshad tsam gyi chung ngu'o/ /zhag drug pa bdun pa la nur nur por gyur nas/ mer mer por 'gyur te/ dper na rgya shug gi sa bon tsam du chung ba'i zhag bdun pa las mer mer por gyur nas nar nar por 'gyur te/ stag gtsam mo/ zhag bdun pa brgyad pa la nar nar por gyur nas/ gor gor por gyur te pil ba'i 'bras bu tsam mo/ /de nas zhag bdun thal nas zhag bdun pa bcu gsum gyi bar du mgo'i mtshan ma dang/ lag pa dang/ brla dang gnas kyi mtshan ma dag dod par 'gyur ro/ /zhag bdun pa nyi shu pa la pho dang mo'i mtshan ma dod par 'gyur ro/ /zhag bdun pa nyi shu rtsa gcig pa la rus pa rdzogs par 'gyur ro/ /zhag bdun gsum cu pa la yan lag thams cad dang/ khrag dang pags pa dang/ ba bu'i bu ga kun rdzogs par 'gyur ro/ /de nas ma'i lto

  502. 251b

    khrag dang dri mi zhim pa'i nang na gnas so/ /gang ma'i lton gnas pa na tshe rabs snga ma dran nas mchog tu skyo bar 'gyur te bdag ma'i lto 'di nas nam 'byung zhig gu/ phyis ma'i mngal du skye bar mi 'gyur ba de lta bu'i dge ba dag la brtson 'grus/ pha rol gnon pa brtan por bya'o/ /snyam pa las btsas pa dang ma'i lus kyis gzir ba dag sa'i reg pa dang/ lag pa'i reg pa dang/ /dri ma bkru ba'i sdug bsngal lus dang sems la mchog tu gnas pa dag gis tshe rabs snga ma ril brjod de/ de'i tshe lha'i dbang po rnams sha za'i dbang po'i bar nam mkha' la rgyu ba dang/ sa la rgyu ba thams cad kyis mgrin cig tu gsol pa/ bcom ldan 'das de ltar 'tshal/ /bde bar gshegs pa de ltar 'tshal te/ ma mchis pa'i dus na ji srid du de bzhin gshegs pas byin gyis brlabs pa'i chos kyi tshul 'bar zhing ji srid du bcom ldan 'das kyis nyan thos rnams rnam pa thams cad du yongs su 'dzin pa ma mchis pas chos la mngon par dga' ba de srid du/ bdag cag gis rang gis sug las btang ste/ de bzhin gshegs pas gsungs pa'i chos 'dul ba bsrung bar 'tshal lo/ /chos kyi gnas pa'i gang zag tshul khrims kyis phyug pa yon tan phun sum tshogs pa dang/ de dag gi 'khor dang yongs su gzung ba thams cad kyang yongs su bsrung zhing bskyang bar 'tshal lo/ /de ci'i slad du zhe na/ bcom ldan 'das de srid du/ bcom ldan 'das kyi nyan thos rnams rnam pa thams cad du yongs su 'dzin pa ma mchis par chos la gnas shing chos dang mthun pa'i chos sgrub de srid pa'i mdangs dang/ sems can gyi mdangs dang chos kyi mdangs nub par mi 'gyur bar gnas lags so/ /de srid du lha dang klu dang/ gnod sbyin rnams mi'i 'jig rten 'di mngon par dga' lags so/ /de srid du sems can rnams shi 'phos nas/ lha dang mi rnams kyi nang du dbang che bar grags pa dag tu skye bar 'gyur lags so/ /de srid du lha rnams kyi nang

  503. 252a

    sems can dbang che bar grags pa dag gis gang bar 'gyur lags so/ /de srid du byang chub sems dpa' chos kyis gnas pa rnams gnas lags so/ /de srid du bdag cag gi stobs dang brtson par 'di ltar chos ma lags pa'i phyogs tshar dgum par pha rol gnon par 'gyur lags so/ /de srid du sems can de bzhin gshegs pa'i bstan pa la dad pa rnams dad par bgyi bar rngo thogs lags so/ /btsun pa bcom ldan 'das ma 'ongs pa'i dus na/ bcom ldan 'das kyi nyan thos yongs su 'dzin pa dang bcas pa/ rnal 'byor yid la byed pa'i chos kyis gnas pa'i dgon pa dang/ nags mdza' dang/ pas mdza' i gnas mal bor pa/ phrag dog can la sogs pa/ mang pos gnas pa bslab pa dang/ ngo tsha dang khrel por ba/ khyim pa dang 'dre pa/ rnyed pa dang bkur sti la dga' ba dag 'byung bar 'gyur lags te/ de dag khyim pa'i dbung dang nor gyi phung po'i stobs kyis phan tshun bsnyems shing 'thab mo la dga' bas khyim pa rnams kyi mdun du yang rtsod cing tshig rtsub mo dang/ brdzun dag mi srung lags so/ /de'i tshe khyim brgyal rigs dang bram ze nas ljongs dang/ yul na gnas pa'i bar rnams bcom ldan 'das kyis bstan pa la che tang du ma dad bar 'gyur zhing/ gang dag bde bar gshegs pa'i bstan pa la dad pa skyes pa de dag kyang rgyun chad par 'gyur lags so/ /dkar po'i phyogs zad pa'i dus de lta bu nye bar gnas pa na/ byang chub sems dpa' sems dpa' chen po rnams kyang thugs mi dgyes shing/ 'jig rten gyi khams gzhan dag tu gshegs so/ /lha dang gnod sbyin chos kyis gnas pa dbang che bar grags pa rnams kyang btang snyoms su gnas pa 'am/ de nas 'ongs par 'gyur lags te/ de tshe ni bdag cag gis sdig pa can gyi gnod sbyin dang/ lus srul po nas

  504. 252b

    sdig pa can gyi mi rnams kyi bar bzlog pa'i rngo yang mi thog la/ de'i tshe bdag cag gis dkar po'i phyogs zad pa dang/ 'jig pa sna tshogs kyang bzlog pa'i rngo mi thog lags so/ /dgongs pa nges par 'grel pa las/ sems can rnams ni gzhan gyi dbang ? yongs su grub pa'i ngo bo nyid la kun brtags pa'i ngo bo nyid du sgro btags nas/ gzhan gyi dbang dang yongs su grub pa'i ngo bo nyid la kun brtags pa'i ngo bo nyid rjes su tha snyad 'dogs te/ ji lta ji ltar rjes su tha snyad btags pa de lta de ltar tha snyad btags pas sems yongs su sgom zhing tha snyad btags pa'i rjes su 'brel pa 'am/ tha snyad brtags pa'i bag la nyal gyis gzhan gyis dbang dang yongs su grub pa'i ngo bo nyid la kun btags pa'i ngo bo nyid du mngon par zhen to/ /ji lta ji ltar mngon par zhen pa de lta de lta bur gzhan gyi ngo bo nyid la kun btags pa'i ngo bo nyid du mngon par zhen pa'i rgyu de dang rkyen des phyi ma la gzhan gyi dbang gi ngo bo nyid rab tu bskyed do/ /gzhi des na nyon mongs pa rnam pa gsum gyis kun nas nyon mongs shing/ 'gro ba ris lngar 'khor zhing kun du rgyu ste 'khor ba las mi 'da' o/ /gal te mig gi rnam par shes pa gcig lan cig 'byung bar 'gyur na rnam par rtog pa'i yid kyi rnam par shes pa mig gi rnam par shes pa dang spyod yul mthun pa gcig kyang lan cig 'byung ngo/ /gal te lan cig gnyis dang gsum dang bzhi dang/ lan cig rnam par shes pa'i tshogs lnga rnams 'byung bar gyur na yang de la rnam par rtog pa'i yid kyi rnam par shes pa/ rnam par shes pa'i tshogs lnga dang spyod yul mthun pa'i gcig kyang lan cig 'byung ngo/ /byams pa gzhan gyi dbang gi mtshan nyid dang yongs su grub pa'i mtshan nyid la rnam pa thams cad du kun nas nyon mongs pa dang/ rnam par byang ba'i kun brtags pa'i mtshan nyid dang/ shin tu bral ba de la de yang mi dmigs pa 'di ni/ theg pa chen po la stong pa nyid kyis mtshan

  505. 253a

    nyid rdzogs zhes bya'o/ /nyi ma'i snying po las/ dzam+bu'i gling 'di na mchod rten drang srong thub pa'i gnas kun rten 'di ni sngon gyi sangs rgyas dang/ byang chub sems dpa' dang/ rang rgyal ba dang nyan thos mang po gnas gnas shing/ ma 'ongs pa'i dus na yang gnas par 'gyur ba ste/ rjes su bstan pa chen po yun ring du gnas par mdzad pa'i phyir drang srong thub pa'i gnas kun 'di mngon gyi yang dag par rdzogs pa'i sangs rgyas rnams kyis chu lha'i lag tu yongs su gtang pa mdzad do/ /ngas kyang de nyid kyi lag tu yongs su gtad de/ 'di yang spro bar 'gyur zhing/ gang zag chos kyis gnas pa rnal 'byor yid la byed pa la mngon par brtson pa dag yongs su smin par byed par 'gyur ro/ /gang dag gang zag chos kyis gnas pa rnams la bsnyen bkur la mngon par brtson pa'i sbyin pa po dang/ sbyin bdag de dag kyang yongs su bsrung bar 'gyur ro/ /klu'i rgyal po lhas gsol pa de lta lags so/ /ba glang spyod kyi gling na rdul gyi ri la drang srong thub pa'i gnas bkra ba klu'i rgyal po'i rin po che'i 'phel ba la chang phyir btang/ lus 'phags kyi gling na ni ba glang gi na'i ri la drang srong 'byung ba klu'i rgyal po zla srung la gtad/ sgras mi snyan gyi gling na rgyal dga' i ri la spos brtsegs klu'i rgyal po lus 'bigs pa'i khab la gtad/ ba lang spyod kyi gling na 'od zer 'byung ba klu'i rgyal po ba lang mgo la gtad/ shar phyogs gling na pad+ma shing n+ya grong lta bu klu'i rgyal po dbyibs stong la gtad/ sgra mi snyan gyi gling na spos rtsegs 'od zer klu'i rgyal po gnas na rgyu la gtad/ rgya mtsho chen po'i nang na nor bu'i snying po'i 'od zer 'phro ba klu'i rgyal po rgya mtsho la gtad/ ri rab kyi rtse mngon sum cu rtsa gsum pa'i gnas na me tog rab tu rgyas pa'i snying po klu'i rgyal pos srung gi bu la gtad/ dzam+bu'i gling na dga' 'phel

  506. 253b

    zhes bya ba na gnas brtan gyi phug klu'i rgyal po che sbyang la gtad/ yangs pa can na shin tu brtan klu'i rgyal po nor rgyal gyi bu la gtad/ gser skya'i gnas na gser sgron dri zhim klu'i rgyal po ma dros pa la gtad/ yul ma ga d+ha na rgyal chen klu'i rgyal po ri pos byin la gtad/ bcom klag na sdug ba'i sprin klu'i rgyal po lce sbyang la rgyu ba gtad/ yul 'khor ko sa la na rgyal ba dag pa klu'i rgyal po srin bu la gtad/ phug gi pha rol na btang zung bden ba'i dri klu'i rgyal po btang zung la gtad/ yul 'khor sa 'dzin na mthong ba'i lam rgyags klu'i rgyal po e la'i 'dab la gtad/ kha che'i yul na gur gum gyi rtse mo klu'i rgyal po hu lu ru la gtad/ yul chu len na 'od zer bye ba'i snying po klu'i rgyal po 'phyang ba la gtad/ rgya yul na sred med kyi bu'i 'od kyi rgyal po rgya mtshos byin lags/ kha sha'i yul na sa'i nu ma'i gnas ri glang ru'i drug chu bo gom ti'i ngogs na/ goms la gan d+ha'i ni klu'i rgyal po khyim bdag gis byin la gtad/ de gal te phyogs thams cad du blta ba byed na thams cad du nam mkha' thams cad la de bzhin gshegs pa mthong bar 'gyur ro/ /chung ngur lta bar byed na de bzhin gshegs pa chung ngu nyid du mthong ngo/ /tshad med bar lta bar byed na tshad med par mthong ngo/ /de 'di snyam du sems te de bzhin gshegs pa 'di ga las gshegs snyam mo/ /de 'di snyam du sems te/ de bzhin gshegs pa ni ga las kyang ma gshegs so/ /gang du yang ma bzhung ngo/ /de gang du yang de bzhin gshegs pa bzhud pa mi dmigs byon pa mi dmigs so/ /yang de 'di snyam du sems te/ lus kyi rgyu khams gsum pa 'di ni sems tsam bos sus ji ltar rnam par brtags pa de bzhin du yang mthong ngo/ /bdag gis rang gi sems kyis sangs rgyas su byed do/ /bdag gis sems kyis sangs rgyas mthong ngo/ /bdag gi sems nyid sangs rgyas so/ /bdag gi sems nyid lus so/ /sems nyid du kyang nam mkha' o

  507. 254a

    bdag gis sems kyi rnam par rtog pas sangs rgyas mthong ngo/ /sems kyis sems mi shes so/ /sems kyi sems mi mthong ngo/ /sems su 'du shes pa rnams ni ldan pa'o ldog pa ni snying po med pa'o/ /chos de dag ni shes pa med pa'i phyir yang dag par ma byung ba'o/ /sus sngon byang chub tu sems bskyed cing/ shes rab gang gis stong pa rtogs pa de yang rang bzhin gyis stong pa'o snyam nas/ dmigs pa yid la byed pa des de ltar gyi sangs rgyas mngon sum du bzhugs pa'i ting nge 'dzin thob bo/ /'on kyang yang nyan thos kyi theg pa yin te/ de ltar mtshan ma med pa'i gzugs thams cad rnam par bsgoms pas ngas par 'byed pa yongs su dag pa yin/ /'dod chags dang bral ba yongs su dag pa yin/ ma rig pa yongs su dag pa yin no/ /mdo sde rab tu rnam par 'byed pa las/ shA ri'i bu skyes bu dam pa ma yin pa'i 'tsho ba'i lam dang bying ba thab mo 'dzin pas bdag dang gzhan yang phung bar byed pa de lta bus dzam+bu'i gling 'di gang bar 'gyur ro/ /gzhan yang shA ri'i bu bcom ldan 'das 'od srung kyis kyang de bzhin gshegs pa shAkya thub pa'i gsung rab ni rnyed pa dang bkur stis myur du nub par 'gyur ro/ zhes bya ba ni lung bstan te/ shA ri'i bu rnyed pa dang bkur stis ni chos 'dul ba 'di myur du nub par 'gyur ro/ /shA ri'i bu dge slong chos yongs su ma dag pa ston pa de de bzhin gshegs pas dgongs te gsungs pa mi shes par gzhan dag las chos ston par byed do/ /de de bzhin gshegs pas sems can med pa dang/ srog med pa dang/ gos ba med pa dang/ gang zag med pa'i chos bstan pa de dag la bdag go zhe'am/ sems can no/ /zhe'am gso ba'o zhe'am/ gang zag go zhes chos ston bar byed do/ /des ni nga la yang bskur ba btab pa yin/ chos kyang spangs pa yin/ dge 'dun la yang mi snyan par brjod pa yin te/ de'i rnam par smin pa gang yin pa de ni/ de bzhin gshegs

  508. 254b

    bam gtogs ba lha'i dbang dang bcas pa'i 'jig rten gyis shes par nus pa ma yin no/ /shA ri'i bu khyod mos par bya/ khong du chud par bya bar chos yongs su ma dag par ston pa'i dge slong de mi dge ba'i brtson pa ji tsam dang ldan pa de'i bya'o/ /shA ri'i bu de ji snyam du sems 'dzam+bu'i gling gi sems can mang ngam/ gsol pa bcom ldan 'das mang lags so/ /shA ri'i bu 'ga' zhig gis dzam+bu'i gling gi sems can rnams bsad na de gzhi des mi dge ba'i rtsa ba mang po mngon par 'dus byas par mi 'gyur ram/ gsol ba mang lags so/ /bde bar gshegs pa mang lags so/ /bka' stsal pa/ gang zhig sangs rgyas kyi byang chub mi shes par gzhan dag la chos yongs su ma dag par ston pa de ni/ de bas kyang chos mi dge ba mang du mngon par 'dus byas par 'gyur ro/ /de ci'i phyir zhe na/ gang zhig sangs rgyas kyi byang chub spongs des ni 'das pa dang ma 'ongs pa dang/ da ltar byung ba'i sangs rgyas bcom ldan 'das la skur pa btab pa yin no/ /de ci'i phyir zhe na/ sngon dang ma 'ongs pa dang/ da ltar byung ba dang/ phyogs bcu'i de bzhin gshegs pa thams cad kyang don dam ba stong pa nyid kho na ston cing bdag med pa dang/ sems can med pa dang/ srog med pa dang/ gso ba med pa dang/ gang zag med pa'i chos ston to/ /shA ri'i bu sangs rgyas bcom ldan 'das rnams kyi don dam ba stong pa nyid kyi chos bstan pa 'di ni yang dag phul yin te/ 'di lta ste/ sangs rgyas kyi chos rnams ni rang gi dang gis 'jig pa ngo bo nyid med pa dmigs pa med pa stong pa nyid do/ /sngon de bzhin gshegs pa bkod pa chen po byung ste/ de yongs su mya ngan las 'das nas sku gdung ni rgyas par byas te/ dper na ma 'ongs pa'i dus na nga'i ji lta ba bzhin no/ /dam pa'i chos ni lo lnga brgyar gnas par gyur te/ dper na ma 'ongs pa'i dus na nga'i ji lta ba bzhin no/ /shA ri'i bu de bzhin gshegs pa na ni sangs rgyas dkon mchog gcig/ chos dkon

  509. 255a

    mchog cig go /dge 'dun dkon mchog cig go /yongs su mya ngan las 'das nas ni bstan pa rnam pa lngar 'gyur ro/ /shA ri'i bu gang yang bstan pa 'di la bdud sdig can dge slong gi gzugs su sprul nas/ log par 'dzin pa rnam pa du mar rab tu ston gyis? skye bo mang po de la 'god pa'i dus de dang de yod do/ /de 'di lta bu'i log par 'dzin pa yang dag par rab tu ston to/ /'di lta ste/ yid kyi gzhi dang lnga cha mthun ba'i gzhi dang skad cig ma dang/ cha mthun pa'i gzhi dang/ thams cad yod par smra ba'i gzhi dang/ gang zag gi gzhi dang/ dmigs pa'i gzhi dang ngo/ /shA ri'i bu sangs rgyas dang/ nyan thos rnams kyis rab tu ma bstan pa log par 'dzin pa de lta bu rab tu ston par 'gyur ro/ /bka' stsal pa/ shA ri'i bu nga ni sprul ro myags pa 'am/ khyi ro myags pa 'am/ mi ro myags pas gang ba'i sa phyogs spyod lam gang yang rung bas gnas par spro'i/ shA ri'i bu'i dge slong tshul khrims 'chal pa/ cho ga nyams pa 'tsho ba nyams pa/ lta ba nyams pa/ lta ba nyams pa dang ni mtshan gcig gam/ nyin cig gam/ skad cig gam/ tha na se gol gtogs pa tsam yang gnas par mi mi spro'o/ /shA ri'i bu blun po de dag gis de bzhin gshegs pas gsungs pa'i mdo sde 'di lta bu thos nas skag par 'gyur ro/ /kun du skrag par 'gyur/ kun du dngang? bar 'gyur/ yang sa'i 'du shes su 'gyur/ yang sa chen po'i 'du shes su 'gyur ro/ /de ci'i phyi zhe na/ mdo sde 'di las/ tshul khrims 'chal pa'i skyon ma lus par bshad pas so/ /shA ri'i bu rgyu gang dang rkyon gang gis tshul khrims 'chal pa zhes bya zhe na/ 'chal pa'i tshul khrims spyod pas na/ tshul khrims 'chal pa zhes bya'o/ /tshig gang gi spyod pa dang dus gsum gyi spyod pa dang/ las kyi mdza' mang po'i spyod pa dang/ smra ba mang po'i spyod pa dang/ gnyid la dga' ba dang/ 'du 'dzi la dga' ba dang/ spros pa la dga' ba dang/ rigs pa ma yin pa'i gtam ma yin pa zer ba dang/ bdag tu 'dzin pa dang/ sems

  510. 255b

    can tu 'dzin pa dang/ srog dang gang zag tu 'dzin pa dang/ pha dang ma dang/ dge slong dang bram zer mi 'dzin pa dang/ dman dpyad kyi tha snyad byed pa dang/ khyim sun 'byin pa dang/ pho nyar 'gro ba dang/ khyim gyi las kyi mdza' la dga' ba dang/ khyim pa dang/ 'dre dang/ khyim pa'i g.yog byed pa dang/ lo ma dang/ me tog dang/ 'bras bu 'joms pa dang/ lo nyi shur ma lon pa bsnyen par rdzogs par byed pa dang/ yan lag ma tshang ba bsnyen par rdzogs par byed pa dang/ 'bru rjen len pa dang/ sha rjen len pa dang/ gser dngul la len pa dang/ brdzun du smra ba dang/ spyod lam lhod pa dang/ sran chung ba dang/ byas pa mi gzo ba dang/ khengs pa dang/ ngad pa chung ba dang/ rmug pa dang/ gnyid mang ba dang/ 'gyod pa mang ba dang/ khro ba dang/ g.yo rgyu mang ba dang/ phrag dog che ba dang/ ngo tsha ba dang/ khrel med pa dang brgyags pa dang/ dregs pa dang/ khengs pa dang/ 'gying pa dang/ kha zas rgyags pa dang/ sems mi zhum pas rgyags pa dang/ nga rgyal bdun pa dang/ ngan g.yo dang/ kha gsag dang/ gzhag slongs dang/ thob kyi 'jal ba dang/ rnyed pas rnyed par byed pa dang/ dkon mchog gsum la dad pa mi mnga' ba dang/ las kyi rnam par smin pa yid mi ches pa dang/ tshe 'di ched cher 'dzin pa dang/ tshe phyi ma la ched cher mi 'dzin pa dang/ the tshom dang yid gnyis mang bas na tshul khrims 'chal pa zhes bgyi?/ shA ri'i bu lus dang ngag dang yid kyi las mi gtsang ba dang/ 'tsho ba mi gtsang ba dang ldan pa de dag ni phyis dang 'dra'o/ /de dag ni lus zhig shi nas sems can dmyal ba dag tu skye bar 'gyur ro/ /de dag ni sangs rgyas dang/ sangs rgyas kyi nyan thos dang/ dge ba don du gzhir ba rnams kyis spang bar bya'o/ /dper na mi gtsang ba'i snod kyi nang du tsan dan dmar po bcug na de yang mi gtsang bar 'gyur ba bzhin no/ /'bum pa las/ shA ri'i bu 'di ltar yang byang chub sems dpa' sems dpa' chen po pha rol tu phyin pa drug la spyod pa dang po

  511. 256a

    sems bskyed pa nyid kyis byang chub sems dpa' i skyon med pa la zhugs nas phyir mi ldog pa'i sa thob pa yang yod do/ /shA ri'i bu 'di ltar yang byang chub sems dpa' sems dpa' chen po dang po sems bskyed pa nyid kyis/ bla na med pa yang dag par rdzogs pa'i byang chub mngon par 'tshang rgya zhing mngon par sangs rgyas nas/ chos kyi 'khor lo bskor te/ sems can grangs med tshad med pa'i don byas nas/ phung po ma lus pa'i mya ngan las 'das pa'i dbyings su mya ngan las 'da' zhing/ de dag yongs su mya ngan las 'das nas kyang/ dam pa'i chos bskal pa 'am/ bskal pa las lhag par gnas pa dag kyang yod do/ /'bum pa'i Ti ka las/ bcu gnyis ba ni yon tan de dag nyid dang ldan zhing sangs rgyas kyi zhing gi stobs bskyed pa dang/ bdag nyid yon tan rnams kyis sems rgyud yongs su dag par byas shing/ rtsol ba chung ngus sa dang po thob par byas na/ 'phral kho nar chen po 'bad mi dgos par mngon par rdzogs par sangs rgyas nas/ chos kyi 'khor lo bskor te dus ji srid kyi bar du bstan pa gnas par byed do/ /shan ta de bas bshad pa/ gal te gnyen por byar yod na/ de la ci'i phyir yid mi bde/ ci ste gnyen por byar med na'ang/ de ci'i phyir yid mi bde/ yid mi bde dang khros rgyal ba/ /gnyen po la ni rmongs par 'gyur/ /zhum pa'i phyir ni spro ba med/ /rgud pa chen pos zin par 'gyur/ /de sems pas na yul la'ang/ /tshe ni thung bar 'gyur ba yin/ /de lta bas na don med pa/ /gnod pa bzhin du goms par spangs/ /yid mi bde ba spang pa ji ltar 'thob ce na/ spang ba dang/ shin tu mnyen pa'i sems bor ba ste/ drag shul can gyis zhus pa las/ shing mal gyi 'dab ma lta bu'i sems por ba zhes gsungs pa dang/ sdong po bkod pa las/ nyon mongs pa thams cad gzhom pa'i phyir/ thub par dka' ba'i sems bskyed par bya'o/ /zhes gsungs pa lta bu'o/ /goms na dka' bar 'gyur ba cung

  512. 256b

    zad kyang med de/ dper na nyon mongs pa'i dbang gi sems can thams cad sdug bsngal ba la bde bar 'du shes pa bzhin du sdug bsngal 'byung thams cad la de bar 'du shes nye bar bzhag pa goms par bde ba'i 'du shes nyid du gnas so/ /des na chos thams cad la bde bar 'gro ba zhes bya ba'i ting nge 'dzin 'thob ste/ sems can dmyal ba'i sdug bsngal gyis bab kyang bde ba'i 'du shes nye bar gnas par 'gyur to/ yab dang sras mjal ba'i mdo las byung ba bzhin no/ /dga' po rab tu byung ba'i mdo las bskal pa bya stong dang ni/ /rgya dang khrag khrig dag tu yang/ /sangs rgyas sgra yang mi thos na/ /sangs rgyas mthong ba ga la zhig /u dum ba ra'i me tog ni/ /shing las shin tu rnyed dka' ltar/ /de bzhin sangs rgyas rnyed dka' ste/ /khyod kyis de ni rnyed gyur na/ /dga' bo khyod kyis rab tu 'byung/ /dal ba shin tu rnyed dka' rnyed/ /dga' bo ston par mthong gyur ba/ /nga la mi mnyes ma byed cig /gnya' shing bu ga can de yang/ /rlung gis phyogs phyogs su rgyug par byed pa na/ /dga' bo rgyal rkyen zhig gis rus sbal zhar ba de'i mgrin pa gnya' shing gi bu ga der 'jug par 'gyur gyi dga' bo mi nyid thob pa ni ma yin no/ /ngal ba phun sum tshogs pa yang de bzhin no/ /phyogs bcu'i mun ba rnam par sel ba las/ nub byang gi mtshams na bud+d+ha yid gnyis kun 'joms rnam par gnon pa zhes bya ba bzhugs te/ de byang chub gyi shing drung du bzhugs pa stong gsum gyi bdud kyi ris kyi lha ji snyed pa thams cad bla na med pa'i byang chub las phyir mi ldog par mdzad de/ skyes bu'i rtsal de lta bu byung ba yin no/ /bya ba kun la nyin mtshan du/ /sangs rgyas de ni dran bya zhing/ /byang chub sems kyang ma btang dang/ /khyod la 'jigs pa 'byung mi 'gyur/ /byams pa seng ge'i sgra chen po las/ dge sbyong choms rkun bzhi la/ dge slong dge sbyong gi kha dog dang/ rtags dang dbyibs la gnas shing tshul

  513. 257a

    khrims 'chal cing sdig pa'i chos dang ldan pa dang/ dben gnas su song ste/ mi dge ba'i rnam par rtog pa dag la gnas pa dang 'bras bu ma thob pa bzhin rnyed pa la sogs pa la chags pas 'bras bu ma thob pa bzhin rnyed pa la sogs pa la chags pa 'bras bu thob par khas che ba dang/ bdag bstod cing gzhan smod pa'o/ /bka' stsal pa/ 'od srungs de bzhin gshegs pa ring po mi thogs par yongs su mya ngan las 'da' bar 'gyur ro/ /gsol ba dam pa'i chos yongs su bsrung ba'i slong du bskal pa bas lhag par bzhugs su gsol/ bka' stsal pa/ gal te sangs rgyas stong rnyed kyis cho 'phrul dang/ bcas pa'i chos ston du zin kyang/ skyes bu dam pa de dag sdig pa 'dzin pa de dag las phyir gzung ba 'am/ bzlog par mi spyod do/ /bka' stsal pa/ byams pa phyi ma'i dus lnga brgya tha mal/ byang chub sems dpar khas 'che ba khyi'i chos kun tu spyod pa 'byung ste/ des sngon phyin pa'i khyim der dge slong gzhan 'ong bar mthong na/ khro bas blta ba dang/ nyes pa 'di yod do/ /zhes bya ba la sogs pa brjod par byed de/ de dag ni sgyugs pa'i rgyur gyur pa ring du mi gnas pa smad par bya ba'i zas kham 'ga' i phyir bsod nams ma yin pa mang du bskyed do/ /de dag yi dags kyi chos kun tu spyod de/ snog pa dang/ sems dman pa dang ldan pa yin te/ ming gis byang chub sems dpar khas che zhing/ bdag nyid sdig pa can gyi bsam pa dang ldan bzhin du/ sangs rgyas dang byang chub sems dpa' i bsngags pa brjod nas zas dang skom sgrub par byed do/ /byams pa dper na seng+ge'i sgra sgrogs shing wa'i las byed pa ltar de dag bsdu ba'i dngos po bzhi'i bsngags pa brjod cing/ sems can 'ga' la yang sbyin pa la sogs pa mi spyod pas/ tshig tsam du 'gyur gyi yon tan yang dag par blang ba dang 'brel pa'i spyod pas brtson pa ni ma

  514. 257b

    yin no/ /de dag ni ji ltar gzhan dag gis ma rnyed pas yi rangs ba te de ltar bdag nyid kyis rnyed pas ni de lta ma yin no/ /ji ltar gzhan gyis rnyed pas yid mi bde bar 'gyur ba ltar bdag nyid kyis ma rnyed pas ni de lta ma yin no/ /byams pa byang chub sems dpas ni bdag nyid kyis bde ba'i yo byad thams cad la mi lta bar gzhan la sbyin dgos na/ de dag ji tsam du phyin ci log tu 'gyur ba ltos/ dge slong khyim rnams su 'gro bas chos kyi skyes ma gtogs pa zang zing gi yo byad 'du 'dzi'i gtam mi bya ste/ de dag ni phan 'dogs pa ma yin no/ /de las dgongs nas/ gang zhig gang+gA'i bye snyed kyi/ /'jig rten khams mchog rin chen gang byas te/ /dga' mchog sems kyis rgyal ba phul ba dang/ /gang gis sems can gcig la tshigs bcad byin/ /rin chen sbyin pa shin tu rgya che des/ /tshigs bcad sbyin pa snying rjes sgrubs de la/ /char yang mi phed grangs su 'ang ma yin na/ /gnyis sam gsum la bsam du ga la yod/ /ces bstan to/ /byang chub sems dpa' i theg pa pa rnams ni las yongs su gsal bar byas pas na/ mi dge ba'i las chung ngus ngan song du skyed par mi 'gyur mod kyi/ bdag grol bas gzhan grol bar 'dod pas 'dzem dog dang ldan pa dang/ myur du gsal zhing 'jig rten pha rol la 'jigs par blta bar bya'o/ /'di la bdag dang sems can dang/ srog dang gang zag ma mchis par bzod pa bla med gang lags pa/ /sbyin pa de ni sbyin chen lags/ /zhi ba'i tshul las mi g.yo ba'i/ /tshul khrims yongs su sbyang bar bya/ /gang zhig zhi tshul mdzes rtogs pa/ /de ni tshul khrims mchog yin gsungs/ /brtson 'grus brtan pa'ang brtson par byos/ /'dus byas kun kyang spang bar gyis/ /dben par lta ba gang yin pa/ /de ni sangs rgyas brtson 'grus gsungs/ /dngos po'i dngos po med pas na/ /dngos po thams cad sreg par bya/ /nyon mongs med pa gang yin pa/ /de ni rtog med bsam gtan yin/ /tshul rol ma yin pha rol

  515. 258a

    min/ /dbus suAng gnas par mi bya ste/ /dus gsum mnyam lta gang yin pa/ /de ni shes rab dam pa yin/ /gnas brtan 'od srungs chen pos ni/ /tshu rol ma yin pha rol min/ /dbus su 'ang gnas par mi bya ste/ /dus gsum mnyam lta gang yin pa/ de ni shes rab dam pa yin/ /gnas brtan 'od srungs chen pos gsol ba/ skye bo mang po la sman par bgyi ba'i slad du/ byang chub sems dpa' lhag pa'i bsam pa nyams chung ba tshul 'chos pa lags par 'tshal bar 'gyur ba'i gnas de bshad du gsol/ bka' stsal pa/ phyi ma'i dus lnga brgya tha ma byang chub sems dpa' sdig pa'i grogs kyis zin cing lhag pa'i bsam pa nyam chung ba de dag ni/ de bzhin gshegs pa'i sku gdung rnams la me tog nas mar me'i bar gyis mchod pa'i las la brtson par 'gyur ro/ /'od srungs ngas ni shes pa dang mi ldan pa rnams kyis dge ba'i rtsa ba yang dag par sgrub pa'i mchod pa bshad pa yin na/ mi slun po dag ni de la brtson par gyur te/ ngas lha dang bcas pa'i 'jig rten gyi bdun du khyed cag ni bdag nyid du pa ba dang/ zhi bar sbyor ba'i rjes su brtson pas gnas par gyis shig /bram ze dang khyim bdag dad pa dang ldan pa yod na/ nga'i sku gdung rnams la mchod pa byed par 'gyur ro/ /zhes de skad gsungs nas/ mi slun po de dag rnal 'byor dang/ spong ba dang/ lung nod pa dang/ kha ton spangs nas sku gdung gis mchod pa la brten nas/ 'tsho bar byed pa la ltos/ gang gis chu'i phung po nas tshangs pa'i 'jig rten gyi bar 'bru mar gyis bkang ste/ snying po ri rab tsam gyi mar me btsugs te/ de bzhin gshegs pa la mchod pa bas/ byang chub sems dpa' lhag pa'i bsam pa can tshul khrims la gnas pa gcig gis mkhan po 'am/ slob dpon las tshig bzhi pa'i tshigs su bcad pa gcig lung nod te/ kha ton byed cing gom pa bdun 'dor ba gang yin pa

  516. 258b

    de chos bsod nams mang du bskyed do/ /sangs rgyas su 'du shes pa la sangs rgyas mthong ba yang med na mchod pa'i las lta ci smos te/ de ni gnas med do/ /gang 'du shes dang mtshan mar mi byed pa de ni de bzhin gshegs pa mchod pa yin no/ /grogs pa dag de bzhin gshegs pa'i sku ni mi skye bas mchod par bla ba ma yin no/ /'od srungs dus phyi ma lnga brgya tha mal/ byang chub sems dpa' i theg pa pa thabs mi mkhas pa brkam pa 'dod pas zil gyis non pa dag 'byung bar 'gyur te/ de dag ras bcos bu 'am rtsig ngos la bris pa 'am/ de bzhin gshegs pa'i sku gzugs gzhan dag la mchod pa byas pas dngos grub dang rdzu 'phrul 'thob par sems shing rlom sems su yang gyur te/ dge ba'i rtsa ba cung zad tsam po des bdag bstod gzhan la smod par byed cing/ gzhi des 'tsho bar yang sems so/ /de'i tshe de bzhin gshegs pa'i sku gzugs byed pa ba dang/ mchod pa la ma gtogs pa lung nod pa dang/ kha ton dang/ bsam gtan gces su mi byed de/ de dag de'i tshe khyim pa dang rab tu byung ba dag gis mchod pa dang/ ri mor bya bar shes nas/ bsod snyoms dang/ sman dang/ yo byad kyi bar dag kyang rnyed par 'gyur ro/ /ngas ni byang chub sems dpa' i theg pa pa rnams kyi las su 'di lta ste/ tshul khrims la gnas te mang du thos pa btsal bar bya'o/ /zhes bstan na de dag de'i tshe na tshul khrims 'chal bar gnas shing chos tshol ba spangs te/ mchod rten dag la mchod pa'i las bya bar brtson zhing gzhi des 'tsho bar 'gyur bar sems pa la ltos/ mya ngan las 'das pa chen po las/ gzhan yang de'i rgyal po ma skyes dgra ma gtogs pa/ yangs pa can gyi rgyal po zla ba dri ma med pa'i snying po grong khyer gyi nang na gnas pa dang/ phyi rol na gnas pa'i g.yogs 'khor dang bcas pa la sogs pa dzam+bu'i gling thams cad kyi grong khyer dang/ ri khrod kyi grong dang/ yul po che dang/ kha yungs kyi rgyal po gang+gA'i klung

  517. 259a

    drug gi bye ma snyed dang lhan cig tu lhags so/ /gzhan yang de'i tshe rgyal po ma skyes dgra'i btsun mo ma gtogs pa yangs pa can gyi btsun mo 'jig rten na mdzes ma la sogs pa/ dzam+bu'i gling gi rgyal po dang/ tshong dpon dang khyim bdag gi chung ma gang+ga'i klung gi bye ma snyed dang lhan cig lhags so/ /de la bdag ces bya ba ni sangs rgyas zhes bya ba'i don to/ /rtag ces bya ba ni chos kyi sku zhes bya ba'i don to/ /bde zhes bya ba ni mya ngan las 'das pa'i don to/ /bde zhes bya ba ni mya ngan las 'das pa'i don to/ /sug ces bya ba ni chos kyi tshig bla dags so/ /'di ltar rtag pa thams cad kyi nang na ni/ nam mkha' mchog tu rtag pa yin la/ de bzhin gshegs pa yang nam mkha' bzhin rtag go /ngas ni bsgal pa grangs med pa nas kyang dgra bcom pa'i mthar gtugs zin mod de/ byang chub kyi shing drung du rtsa bting ba la 'dug pa dang bdud btul bar bstan pa la 'di ni 'jig rten des par bsgral bar bya ba'i phyir bdud pham par byas te sangs rgyas so/ /zhes bya bar sems can rnams kyis shes so/ /ngas ni bskal ba grangs med pa nas bdud pham par byas te/ bdud rtsi rtogs so/ /bla ma bla ma zhes bya ba ni ci ltar phyogs thams cad kyi nang na byang phyogs mchog yin pa de bzhin du/ thar pa yang de dang 'dra ste/ thar pa gang yin pa de ni de bzhin gshegs pa'o/ /bla na med pa bla na med pa zhes bya ba ni ji ltar yul thams cad kyi nang na byang phyogs pa la yul bla na med pa zhes bya ba de bzhin du thar pa yang de dang 'dra ste/ de ni de bzhin gshegs pa'o/ /chu klung zhes bya ba ni rgya mtsho la bya ste/ chu klung thams cad kyi nang na rgya mtsho 'ba' zhig chu klung yin pas rgya mtsho ni chu klung zhes bya ba'i grangs su gtogs pa'o/ /sems can yon tan dpag tu med pa dang ldan pa de dag ni theg pa chen po thos nas dad par 'gyur te/ dam pa'i chos 'dod pa'i rigs kyi bu de dag gis sdig pa'i las grangs

  518. 259b

    med pa'i byas pa rnams klad pa na ba dang/ rims kyis gdung ba dang/ zug rngo dang/ skur ba tsam gyis 'byad par 'gyur ro/ /bcom ldan 'das kyis 'bras bu rnams bzhi lta bu'i mdo las gsungs pa'i khrims dang ldan pa dang/ tshul khrims 'chal pa de ji ltar rtogs par bgyi chos nyid ni de bzhin gshegs pa brtag pa brtan pa ther zug ces bya'o/ /gal te gang zag tshul khrims 'chal pa zang zing la brkam pa rnams de bzhin gshegs pa mi rtog zhes zer ma gang zag de dag ni tshad ma yin no/ /zhes bya ba'i don to/ /des pa'i don phyir mdo snga ni theg pa chen po pa rnams yin no/ /nyan thos kyi theg pa pa rnams ni drang po'i don gyi rnam grangs su gtogs so/ /ye shes zhes bya ba ni de bzhin gshegs pa'i tshig bla dgos to/ chos kyi sku ni tshad ma yin no/ /de bzhin gshegs pa sha'i sku'o zhes bya ba ni/ rnams shes pa ba rtags pa las brten te/ rnam par shes pa ni tshad ma ma yin no/ /don zhes bya ba ni de bzhin gshegs pa rtag ces bya ba ni chos rtag pa'i don to/ /chos rtag ces bya ba ni dge 'dun rtag ces bya ba'i don to/ /yi ge zhes bya ba ni rang bzo'i yi ge dang tshig sna tshogs sangs rgyas kyis gsungs pa ma yin pa rnams so/ /bdag ces bya ba ni de bzhin gshegs pa'i snying po'i don to/ /sangs rgyas kyi bstan pa shin tu rgyas pa'i mchog tu cha phra ste bdud rtsi'i mchog kyang yin na/ /dug gi mchog kyang yin no/ /sangs rgyas nyid chos kyang yin dge 'dun kyang yin te/ de bzhin gshegs pa nyid bzhi gsum pa yin no/ /nyan thos kyi theg pa las ni byis pa rnams kyis 'jig rten pa'i lta ba bsal ba'i phyir gzhi gsum pa bzhag go /bag yod pa ni 'chi ba med pa'i gnas so/ /bag med pa ni 'chi ba'i gnas so/ /'jig rten pa rnams ni bag med pa dang ldan pa yin te shi ba dang 'dra'o/ /'jig rten las 'das pa ni rga ba dang 'chi ba med do/ /bag yod pa rnams ni mya ngan las 'das pa mchog tu bde ba 'thob/ /de bzhin gshegs pa'i sku dang

  519. 260a

    dgongs pa'i tshig ni shes par dka' ste/ dper na rgyal po la las blon pa la sen da? pa 'on cig ces byas nas/ zas za ba'i dus su ni lan tshwa khyer te 'ong/ zos zin pa'i tshe skom nod/ skyed mos tshal du 'gro ba'i tshe ni rta gdul bar 'gro ba'i tshe ni ral gri khyer te 'ong ste/ rgyal po'i dgongs pa'i tshigs rnams shes par byed do/ /de bzhin du theg pa chen po 'di la yang mi rtag pa rnam bzhi yod par theg pa chen po'i blon po rnams kyis shes par bya ste/ gang gi tshe de bzhin gshegs pa 'jig rten du byung nas yongs su mya ngan las 'das pa ston pa de'i tshe ni mi rtag pa'i 'du shes sgom mo/ /chos nub pa dang zhi bar 'gyur/ /zhes ston pa de'i tshe sdug bsngal bsgom par bya'o/ /nam nga'i lus nad mdza' yas pas gzir te/ /dge 'dun 'jig par 'gyur ro zhes ston pa de'i tshe ni bdag med pa bsgom mo/ /nam de bzhin gshegs pa'i thar pa mtshan ma med pa dang/ ci yang med pa'o/ /zhes sngon pa de'i tshe ni stong pa bsgom par bya'o/ /gang gi phyir sdug bsngal ci yang med pa dang/ mi rtag pa dang mi brtan pa dang/ ther zug ma yin pa dang/ zhi ba ma yin pa med pas na de bzhin gshegs pa ni bde ba dang rtag pa dang/ brtan pa dang/ thor zug dang zhi ba ste/ nam de bzhin gshegs pas sems can thams cad la de bzhin gshegs pa'i snying po yod do zhes bshad pa de'i tshe ni yang dag par rtag pa bsgom pa bsgom par bya'o/ /de ltar bsgom pa ni nga'i nyan thos yin/ dgongs pa'i tshig la mkhas pa yin no/ /mdo 'di ni skyes pa'i rang bzhin de bzhin gshegs pa'i snying po ston pa ste skyes pa'i rang bzhin ni mi zhes bya'o/ de bzhin gshegs pa'i rang bzhin ni skyes pa'o/ /rigs kyi bu gzhan yang pham pa byed byed pas ji ltar bya ba nyon cig /pham pa byed byed pas ni chos kyi de kho na nyid de bzhin gshegs pa'i snying po khong du chud par byas nas/ dam pa'i

  520. 260b

    chos 'byung bar bya'o snyam du bsams nas/ de la byin pa yang ches khyad par can du 'gyur ro/ /dam pa'i chos 'byin pa'i 'bras bu ni de ltar che'o/ /drag shul can gyis zhus pa las/ khyim zhes bya ba ni dge ba'i rtsa ba 'joms pa dang/ dge ba'i sdong po dkyil bar byed pas khyim zhes bya'o/ /khyim na gnas pa zhes bya ba ni nyon mongs pa'i rtsa ba la rnam par rtog pa/ sngon goms pa'i dge ba'i rtsa ba nyams par byed pas khyim na gnas pa zhes bya'o/ /khyim na gnas pa ni rgya mtsho la chu bran ltar dgang dka' / mel shing ltar chog mi shes pa'o/ /rlung dmar ltar thug pa med par rtog pa'o/ /kha zas bzang po dang dug dang 'dres pa'o/ /phan tshun gyi rkyen gyis 'thab pa'o/ /las kyi mthar thug pa med pa'o/ /ngan 'gror 'gro bar 'gyur ba'o/ /dngos po tshol zhing srung bas sdug bsngal myur du phan tshun 'gyes pas mthar rgud cing 'gyur ba'o/ /slong ba mthong na dge ba'i bshes gnyen dang/ longs spyod kyi rgyus dang byang chub ston pa yin par 'du shes pa bskyed do/ /byang chub sems dpa' i khyim pas chuAm la/ rgya dang khog tshe dang snying 'du shes pa'o/ /yang gsum ste khri mon dang 'chi ba dang bsod pa'o/ /gang zag gis gang zag la chod gzung bar mi bya ste/ gzung na nyams par 'gyur ro/ /dgon pa na gnas pa ni gnas pa ni chos kun 'dzin pa'o/ /'phags pas bkur ba'o/ /byang chub kyi sems mi brjed pa'o/ /dgon pa la gnas pa ni tshigs chung ngus pha rol tu phyin drug yongs su rdzogs par 'gyur ro/ /ji ltar zhe na/ lus dang srog la mi lta bas sbyin pa dang/ sbyangs pa'i yon tan gyis tshul khrims dang/ gnod sems med pas byams shing thams cad mkhyen pa nyid la 'thad pas bzod pa dang/ mi skye ba'i chos la bzod pa thob pa las phyir mi ldog pa las brtson 'grus dang/ sems can yal bar mi 'dir zhing dge ba'i rtsa ba sdud pas bsam gtan dang de bzhin nyid kyis mi rtog pas shes rab bo/ /byang chub sems dpa'

  521. 261a

    rab tu byung ba chos bzhi dang ldan na/ dgon par gnas par gnang ste/ gang zhe na/ mang du thos pa yin te/ thos pa 'dzin pa chos brtan la dbab pa la mkhas pa/ tshul bzhin yid la byed pa la brtson zhing chos? sgrub pa dang/ nyon mongs pa shes chen pos zhi bar bya ba dang/ mngon par shes pa lnga thob pa yin te/ lha dang klu la sogs pa smin par bya ba'i ched dang/ dge ba'i rtsa ba brtan nas phyis grong la sogs par chos bstan par bya'o snyam pa de bzhi dang ldan par bya'o/ /mi rtag pa nyid kyi mdo las/ nad med mi rtag lang tsho rtag ma yin/ /'byor pa mi rtag srog kyang rtag ma yin/ /skye bo mi rtag nyid kyis nyen gyur pa/ /'dod pa'i yon tan dga' ba ji ltar skye/ /za ma tog bkod pa las/ /yul 'khor mor 'jig gi grong khyer chen po na/ gshang ba dang gci ba'i gnas de na srin bu'i rigs brgya stong du ma gnas pa/ spyan ras gzigs dbang phyug bud pa'i gzugs su sprul nas/ sangs rgyas la phyag 'tshal lo zhes byas ba dang/ de dag sangs rgyas la phyag 'tshal lo/ zhes byas rjes su dran nas/ 'jig tshogs la lha'i ri'i rtse mo nyi shu byung ba ye shes kyi rdo rjes bcom nas/ de dag thams cad byang chub sems dpa' kha na spos kyi dri zhes bya bar gyur te/ 'jig rten gyi khams bde ba can du skyes so/ /oM ma Ni padme hUM/ na mas sa ba tA nan/ sam myags sam b+hud+d+ha go ti nan/ tadya thA tsa le tsul tsun de swAhA gang gtsug lag khang la khyim gyi 'du shes 'dzin pa de dag ni bu dang bu mo dag gis yongs su bskor bar 'gyur/ de dag dge 'dun gyi khri dang/ khri'u dang tshang thur dang/ sngas dang/ mal stan dgra la spyod par ma nges pa las spyod par byed/ dge 'dun gyi nye bar spyod pa la bshad ba dang gci bar byed do/ /mchil ma dag kyang 'dor zhing las kyi rnam par smin pa mi shes so/ /dge 'dun gyi nye bar spyod pa la

  522. 261b

    mchil ma 'dor ba de dag ni/ lo bcu gnyis su sa la'i tshal du kha khab mig tsam gyi srog chags su skye'o/ /dge 'dun gyi gso shing la spyod pa mi 'os pas las spyod pa ni rus sbal dang chu srin dang nye'i nang du skye'o/ /dge 'dun gyi til dang 'bras la sogs pa mi 'os par spyad na yi dags su skye'o/ /dge 'dun gyis zas kyi khyi gso bar byed pa de dag ni rigs dman pa dang/ dbang po nyams bsgur po dang/ sprang por skye'o/ /dge 'dun gyis la mi 'os pas dpyad na bskal pa bcu gnyis su dmyal bar 'o dod par 'bod par skye'o/ /dge 'dun gyi ni me'i 'obs lta bu'o/ /dug lta bu'o/ /rdo rje lta bu'o/ /khur lta bu'o/ /dug la ni gnyen po bya nus/ kye dge 'dun gyi la ni gnyen po bya mi nus so/ /rmi lam bstan pa las/ bka' stsal pa/ rnam pa dang/ mtshan ma dang/ rtags gang gis byang chub sems dpa' i thag pa pa yin par ngas khyod la bshad do/ /mtshan ma brgya rtsa brgyad kyis byang chub sems dpa' theg pa pa yin par shes par bya ste/ rmi lam na de bzhin gshegs pa mthong ba dang/ sku gdung rnyed pa dang/ de bzhin gshegs pa'i mchod rten la mchod pa dang/ chos thos pa dang/ dge slong la chos smra ba dang/ de bzhin gshegs pa'i gdugs mthong ba dang bdag gcer bur 'dug pa dang/ sngon ma mthong ba'i yul du phyin pa dang/ chu'i nang na 'dug par shes pa dang/ sprin las char 'bab par shes pa dang/ sa g.yos pa dang/ bdag gsang pa las shor ba dang/ bdag nam mkha' las 'gro ba dang/ glegs bam rnyed pa dang/ chos smra ba'i dge slong che ge mo zhes bya ba'i ming thos pa dang/ rin po che thub dang/ nyi ma dang/ zla? ba gzas zin pa dang/ gtsug lag khang na 'dug par shes pa dang/ sprin las 'brug grag pa dang/ glog 'byung ba dang/ go mtshan rnyed par mthong ba la sogs pa'o/ /byang chub sems dpa' gang gis rmi lam na de bzhin gshegs bcad? mi gsung ba mthong na?/

  523. 262a

    des ni chos la sgrib par 'gyur ba'i las bsags pa yin pas/ des chos nyan pa yang dag par 'dzin du gzhug cing kha dog la brtson pa'i gang zag rnams la yang bsnyen bkur sgrub po/ /des ni sgrib pa de dag par 'gyur te gang zag de ni sa dang po bdun pa dag las byung ba ltar ro/ /de'i tshe sa dang po la gnas pa zhig na ni des spyad pa'i phyir/ lo bdun du phung po gsum pa'i chos kyi rnam grangs nyin lan gsum gdon par bya'o/ /sa gnyis pas ni lo drug /sa gsum pas ni la lnga/ sa bzhi pas ni/ lo bzhi/ sa lnga pas ni lo gsum/ sa drug pas ni lo gnyis/ sa bdun pas ni lo gcig gdon par bya'o/ /gal te de bzhin gshegs pa'i sku gzugs sbyin pa las byas pa mthong na/ byang chub sems dpa' de ni sa dang po par blta'o/ /sa bdun po dag la mthong ba gang yin pa des bdun gyi las kyang rig par bya'o/ /sa dgu pa dang bcu pa dag la ni rmi lam logs par mthong ba med do/ /de bzhin gshegs pa rnams kyis yongs su bskor bar mthong nas sa bcu par blta ste/ bdud kyi las ni ma gtogs so/ /nam mkha' i khams dang de bzhin sems can khams/ /sangs rgyas dang byang chub de bzhin byang chub sems/ /chos bzhi gang yin de dag dpag med de/ /de dag 'jig rten kun gyis rtog mi nus/ /mdog ngan glen nam yang na rnyed med dam/ /brnyes shing dman par bya ba yin na yang/ /mi yi khams dang spyod pa shes dka' bas/ /de la gya tshom dag tu skyon ma gdags/ /dgra bcom kun gyis rang sems mi shes na/ sems can spyod pa shes pa smos ci dgos/ /ma skyes dgra yi pha ni bsad gyur cing/ /de bzhin gshegs pa dkrongs par spyod byas kyang/ /de sems gcig gis ngan 'gro rnams grol na/ /gang zag dag pa gang yin smos ci dgos/ /gser ni mi gtsang nang du bcug gyur kyang//

  524. 262b

    'bar ba'i rang bzhin ma yang mi 'bri ltar/ /des pa gang zhig 'jig rten chos spyod kyang/ /nam yang bsam pa'i rang bzhin de mi spong/ /gang dag byang chub sems dpa' ni mi brjed pa/ /de dag rnyed pa rab rnyed legs 'tsho ba/ /nor 'dod pa dag rgya mtsho chen po ltar/ /de bzhin de dag rnyed pa phun sum tshogs/ /dgon par dga' zhing rtag tu dbang bsdams pa la/ /brtson 'grus brtsams shing nye du thag srings la/ /byams la gnas shing don dam mkhas gyur pa/ /des ni nga 'dra'i byang chub thob par gyur/ /rin po che'i mdza' las/ /'jam dpal sangs rgyas nyid ces bya ba de ni chos kyi dbyings kyi tshig bla dags so/ /stobs dang mi 'jigs pa nas ma 'dres pa la thub pa de dag kyang chos kyi dbyings khong du chud par bya'o/ /chos kyi dbyings la ni so so'i skye bo nas/ sangs rgyas kyi chos kyi bar dag tha dad par rjes su mi mthong ngo/ /chu bo gang+ga la sogs rgya mtshor 'bab pa 'di'o/ /zhes tha dad par gdags par mi nus pa ltar chos kyi dbyings la ni so so'i skye bo'i chos la sogs pa tha dad par gdags par mi nus so/ /'phags pa sgra chen po las/ /gling bzhi pa gser la sogs pas gang bar byas pa 'am/ rnam par rgyal byed kyi khang pa lta bus stong gsum gyi stong chen po bkang ste/ phyogs bzhi'i dge 'dun la phul ba bas/ gang gis de bzhin gshegs pa'i sku gdung yungs 'bru tsam mchod rten gyi bum pa skyu ru ra tsam gyi nang du bcug ste/ srog shing khab tsam btsugs nas rgya shug gi lo ma tsam gyi gdugs 'dogs par byed dam/ de bzhin gshegs pa'i sku gzugs mtshon gang pa byed na/ ches bsod nam che'o/ /ma skyes dgras pa rgyun du zhugs pa bsad nas/ de bzhin gshegs pa'i sku gdung brgyad cha la mchod pa dang ri mor bya ba'i las byas pas/ sems can dmyal bar lan cig song nas/ dge ba'i rtsa ba de nyid kyis bskal pa nyi shur log par ltung bar mi 'gyur

  525. 263a

    zhing rab tu byung nas/ rang rgyal ba mngon du byed par 'gyur te/ rnam par rgyal ba'i bde zhes bya bar 'gyur ro/ /byam pa 'jug pa las/ bka' stsal pa/ rigs kyi bu byang chub sems dpa' byams pas la yang dag par zhugs te bskal pa brgyad khri bzhi stong lon nas/ de'i 'og tu gdod ngas bla na med pa'i byang chub tu sems bskyed do/ /byams pas ni de bzhin gshegs pa gser bzangs zhes bya ba'i spyan sngar 'khor los sgyur ba'i rgyal po gser mdog ces bya bar gyur pas byang chub tu sems bskyed de/ bka' stsal pa/ byang chub sems dpa' de bzhin gshegs pa'i bslab pa gzhan las 'gal bar byas sam/ ngas ltung bar 'gyur ba'i chos bzhi gang dag gsungs pa de dag gi nyes pa de dag byas sam/ mi dge pa'i las kyi lam bcu blangs te 'dug gam/ mtshams med pa lnga byas su zin kyang de byang chub kyi sems ma spangs ma btang ste/ byang chub kyi sems dang ma bral ba la dmigs pa can gyi sems dang mngon par zhen pa'i sems kyang mi bskyed na/ byang chub sems dpa' de ni tshul khrims dang ldan pa kho na yin no/ /de ci'i phyir zhe na/ de dag ni byang chub sems dpa' i byang chub la bar du gcod par byed pa ma yin pa'i phyir te/ sdig pa'i las byas srid par skyes kyang ji tsam du srid par skyes pa de tsam du pha rol tu phyin pa yongs su rdzogs par byed do/ /byang chub sems kyi rnam smin bstan pa yi/ /bsod nams de la gal te gzugs yod na/ /zhing rnams gang+ga'i bye snyed gang byas byas/ /de dag bkang bas cha tsam zad pa med/ /rgya mtsho dang ni chu yi thigs pa bzhin/ /sangs rgyas zhing 'dir sems can ji snyed ga? bskal pa re re la ni sangs rgyas gyur/ /bskal pa mang por las gzhan mi byed par/ /bsod nams bshad kyang mdza' ni thug med pa/ /de dag byang chub sems kyi rnam smin bstan/ /gang gis stong gsum rin chen bkang byas la/ /

  526. 263b

    stobs bcu mnga' ba rnams la dbul byed pa/ /de bas byang chub tu ni smon byed pa/ /bsod nams shin tu mang po 'phel bar 'gyur/ /gal te sems can mdza' dag sangs rgyas ste/ /spobs pa mdza' yas ldan pa nyid 'gyur la/ /ji ltar sngon gyi 'khor ba'i bskal pa'i bar/ /sems can gcig pus mchod pa byas pa dang/ /mkhas pa'i mi ni gang yang rung ba yis/ /byang chub mchog tu sems ni bskyed nas kyang/ /me tog cig pu phul ba'i bsod nams ni/ /de bas khyad par 'phags par 'gyur ba yin/ /gal te sems can thams cad dgra bcom gyur/ /ye shes dbang thob gyur pa de dag la/ /bsod nams 'dod pa'i gang zag la la zhig /bskal pa bye ba khrag khrig par du mchod pa byed/ /gang gis snying rje bskyed nas byang chub tu/ /rgya chen sems ni bskyed par byed gyur te/ /sems kyi gtso bo bskyed pa byas nas kyang/ /goms pa bdun ni bor pa'i bsod nams 'di/ /de bas khyad par 'phags par 'gyur ba yin/ /gsol pa/ bcom ldan 'das ci'i slad du byang chub sems dpa' byams pa la byams pa zhes bgyi/ ming 'di dag las rnyed lags/ bka' stsal pa/ de bzhin gshegs pa rin chen gdugs byung ba'i tshe/ dge slong blo gros brtan po zhes bya bas sems can bye ba khrag khrig 'bum phrag sum cu rtsa drug la ci nas byams pa sgrub par 'gyur ba de lta bu'i chos ston pa dang/ dge slong de gang gi tshe glong du 'gro ba de'i tshe/ byams pa'i ting nge 'dzin du zhugs te 'gro'o/ /grong la sogs pa'i thab pa la rkang pa gzhag ma thag tu sems can byams pa la gnas pa de dag thams cad byams pa'i ting nge 'dzin la zhugs par gyur te/ de nas lha rnams kyis snal? la sems dpa' chen po 'di ni byams par 'gyur ro zhes bsgrags nas/ mi de la de bzhin gshegs pa de yang yi rang pas ni byams pa zhes bya'o/ /gang+gA'i mchog las bka' stsal pa/ gang+gA'i mchog dper na bdag ces bya

  527. 264a

    'dogs kyang bdag gang yang mi dmigs pa de bzhin du nges gzugs nas mya ngan las 'das pa'i bar brtags kyang don dam pa na de dag thams cad med cing mi dmigs so/ /tshangs pa'i dpal lung bstan pa las ni/ de ltar sangs rgyas bsam mi khyab/ /sangs rgyas chos kyang de bzhin te/ /bsam mi khyab la dad pa yin/ /rnam par smin pa'ang de bzhin no/ /las kyi sgrib pa rnam par dag pa las/ bka' stsal pa/ 'jam dpal sgrib pa zhes bya ba 'dod chags ni sgrib pa'o/ /zhe sdang dang gti mug ni sgrib pa'o/ /sbyin pa ni sgrib pa'o/ /tshul khrims dang bzod pa dang/ brtson 'grus dang/ bsam gtan dang/ shes rab ni sgrib pa'o/ /sangs rgyas su 'du shes pa ni sgrib pa'o/ /chos dang/ dge 'dun dang/ stong pa nyid dang mtshan ma med pa dang/ smon pa med par 'du shes pa ni sgrib pa'o/ /gsol pa/ ji ltar sbyin pa nas shes rab kyi bar sgrib pa lags/ bka' stsal pa/ chos thams cad sgrib pa med mod kyi/ byis pa so so'i skye bo rnams rang gi rtog pas sbyin pa la sogs pa yang sgrib pa byed do/ /de ci'i phyir zhe na/ byis pa rnams kyis sbyin pa byed pa na sems can ser sna can rnams la ma dad de/ ma dad pa des khong khro ba dang/ tha ba'i nye ba bskyed de/ nyes pa sems can dmyal bar ltung bar 'gyur ro/ /de bzhin du tshul khrims bsrung ba bo/ /tshul khrims 'chal pa la smod par byed de/ smad pas skye bo mang po dag bsngags pa ma yin pa thob pas/ de dag lam dang pa des ngan 'gror 'gro bar 'gyur ro/ /bzod pa bsgom pa ni 'di dag gnod sems kyi gzhi dang ldan zhes bya ba dang/ brtson 'grus brtsom pa na 'di dag le lo can des dad bas sbyin ba chu ra'i chu yang spyad par mi 'os so snyam pa dang/ bsam gtan la mnyam par 'jog na 'di dag ni sems g.yengs pa'o/ /snyam pas bsnyas pas byed de/ de dag gi bar? du brnyas

  528. 264b

    pa'i sems bskyed pa de tsam du 'khor ba yongs su 'dzin par 'gyur ro/ /phyis de dag gis gang du byang chub tu spyod pa na mang du thos kyang chos thams cad yi ge med pa la rnam par shes pa yod pa brtags te/ shes rab tu dmigs nas pha rol tu son pa'i? pa de dag ni mi shes pa zhes nga smra'o/ /gal te theg pa chen po la zhugs na yang/ bdag cag ni 'jig rten na gtso bo snyam nas/ nyan thos kyi theg pa la smod cing bsam pa ngan pa dang/ nyes par brjod pa des na ngan 'gro ba thob par 'gyur ro/ /'jam dpal sgyu ma lta bu'i sems la gnas pa la ni chos gang yang sgrib pa med do/ /'jam dpal gyis gsol pa/ nyon mongs pa spong ba'i slad du sangs rgyas kyi chos rnams la dmigs pa de ni phongs par 'gyur ba lags so/ /bka' stsal pa/ byang chub sems dpa' i nyon mongs pa thams cad la sangs rgyas kyi chos rnams su mos pa des ni las kyi sgrib pa 'thob par 'gyur ro/ /khye'u bzhi pa'i ting nge 'dzin las/ gang gis de 'dar rang bzhin stong shes nas/ /dngos po kun la mi gnas sgom byed pa/ /de ni nyon mongs dra? ba kun spangs shi pa/ spyad pa'i 'dod chags bcom pa'i sangs rgyas 'gyur/ /gang gis stong pa stong shes shing/ /stong pa la yang mi sems la/ /gang dag stong nyid mi 'thob bo/ /de dag stong nyid shes pa yin/ /'khor lo bcu pa las/ bka' stsal pa/ 'di lta? ste/ 'ga' zhig gis byang chub sems dpa' byams pa 'am 'jam dpal sam/ kun tu spyan ras gzigs sam/ kun tu bzang po la sogs pa byang chub sems dpa' chen po gang+gA'i klung gi bye ma snyed la bskal pa brgya'i bar du sems rtse gcig tu skyabs su song nas/ de dag gi mtshan nas brjod cing dmigs pas mchod cing smon lam btab pa pas/ 'ga' zhig gis skad cig yud tsam byang chub sems dpa' i snying po la de ltar byas nas/ myur du de ba thams cad 'grub par 'gyur ro/ skyes bu yang dag sa'i snying ?? yon tan

  529. 265a

    mang po phun sum tshogs par ldan/ /dge sbyong cha lugs 'dzin cing ston byed pa/ /ston pa chen po la ni phyag 'tshal lhags/ /de bzhin gshegs pa ni snod du gyur pa'i sems can lha dang mi'i theg pa la rgyab kyis phyogs shing ngan song du gzhol bar mi mdzad do/ /bka' stsal pa/ rnal 'byor pas mi'i chos ni bcu byas na/ 'dod pa'i khams kyi dge ba'i rtsa 'di yang mi 'grub na/ gong ma lta ci smos/ sngar grub pa yang nyams shing ston par 'gyur ro/ /bcu gang zhe na/ 'tsho de'i yo byad kyis dma' me thong ba dang tshul khrims nyams pa dang/ log pa la zhen cing 'jig rten gyi lhas la chags pa dang/ 'phags pa la mi gzhol zhing sems rgol ba dang phra ma dang dben byed pa dang 'phags pa la smod cing dbang za ba dang/ log par lta bas rgyu 'bras la skur pa 'debs pa'o/ /yang rnal 'byor ba chos 'di bcu dang ldan na ting nge 'dzin mi 'grub cing grub na yang nyams par 'gyur ro/ /bcu gang zhe na/ las su bya ba'i dngos po la 'ga' zhig chags pa dang bre mo'i gtam la dga' ba dang gnyid la dga' ba dang/ gang zag tshol ba la dga' ba dang/ gzugs la dga' ba dang/ sgra la dga' ba dang/ dril dga' ba dang/ rol dga' ba dang/ reg la dga' ba dang/ rtogs pa dang dpyod pa la dga' ba'o/ /u tra ka dang/ a ra ka dang/ de sha ku ba li ga dang/ lta byin la sogs pa dang/ 'dra bar bsam gtan las nyams nas mtshams med pa'i sems can dmyal bar ltung bar 'gyur ro/ /u pa lis gsol pa/ tshul khrims kyi rtsa ba bzhi srungs/ kun la sems mnyam par gzhag ste/ mi brnyes mi smad glo bur du nyes pa mi gleng ngo zhes gsungs na/ tshul khrims 'chal ba dag la dge 'dun gyis ji lta bu'i thabs bgyi/ bka' stsal pa/ ngas mu stegs can dang/ khyim pas dge slong gi nyes pa gleng du gnas pa'i skabs ni med do/ /dge 'dun gyis kyang ma rtogs pa dang

  530. 265b

    chos bzhin ma yin par gleng du ma gnang na skrad pa lta ci smos/ ma rtogs pa dang/ chos bzhin ma yin par gleng na/ kha nas thob chen po'i sdig pa'o thob po/ /u ba lo ma rtogs pa dang/ chos bzhin ma yin pa 'di bcus/ /gleng na sdig pa chen po 'thob ste/ gang zhe na/ dge 'dun ma dad pa rgyal po'i spyan sngar gleng ba dang ma dad par kun tu rgyu'i nang dang/ ma dang par blon pa'i mdun dang/ tshong dpon dang/ khyim bdag dang/ bud med mang po dang ma rungs par byed pa mang po dang/ dge slong dang dge slong ma'i mdun dang/ sha 'khon yod pa'i mdun dang/ khro bo zhe 'bras ba'i 'dun du'o/ /de ltar dge slong de chos kyi snod ma yin te/ 'phags pa'i chos nyams pas yongs su dag pa'i dge 'dun sme bar byed cing/ dge sbyor gi las thams cad mi rung bar byed pa yin te/ phyogs bzhi'i dge 'dun gyi longs spyod la spyod du si gnang mod kyi/ 'on kyang yid mthun pa'i dge 'dun la bsnyen par rdzogs te/ sdom pa thob pa ma btang bas khyim pa skye bo thams cad pas mchog go /rtsa ba'i sdig nyams kyang de lta ba yin na bcas pa'i sdig phra mo gzhan nyams pas lta ci smos te/ de bas na/ rgyal po dang/ blon po dang khyim pa rnams kyis brnyas pa 'ang/ /chad pas gcad du mi gnang ngo/ /ma 'ongs pa'i dus na rgyal rigs khyim bdag gdol ba'i bar de dag de'i bstan pa la skyabs su song zhing rab tu byung ba chos kyi snod du gyur kyang rung ba rnams pa 'che bar byed de gshe ba nas/ srog dang bral ba'i bar du byed de dag ni mtshams med pa'i sems can dmyal ba chen por ltung ngo/ /mar tshil gnas sdig bcu po gang/ smad 'tshong gnas sdig gcig dang mnyam/ smad 'tshong gnas sdig bcu pa dag /chang 'tshong gnas sdig gcig dang mnyam/ /chang 'tshong gnas sdig bcu po dag /gshan pa'i gnas sdig gcig dang mnyam/ gshan pa'i gnas sdig bcu gnas pas/

  531. 266a

    rgyal po gdon can sdig gcig mnyam/ theg pa gsum gyi dam pa'i chos la thams cad kyis dad cing bkur sti bya'i de la 'phye zhing skur ba 'debs pa dang/ bar chad dang bgegs mi bya ste/ theg pa gsum gyi dam pa'i chos las tshigs su bcad pa gcig tsam med par byas na gdon mi za bar mtshams med pa'i sems can dmyal bar ltung bar 'gyur ro/ /theg pa gsum las gcig la 'phya zhing skur na de dang lhan cig mi gnas/ chung ngu ma skad cig tsam yang bsnyen bkur dang/ chos mnyan par mi bya'o/ /de lta bu la 'dri zhing mnyan par byas na/ de'i rgyu dang rkyen gyis mtshams med pa'i sems can dmyal bar ltung bar 'gyur ro/ /de ci'i phyir zhe na/ byang chub sems dpa' i spyad pa spyod pa ni/ theg pa gsum char gyi tshigs su bad pa 'ga' phyir yang gleng ba'i bar btang/ bla na med pa'i byang chub thob par gyur to/ /byam pa la gnas te zhe sdang dang/ khong khro ba spong ba dang/ snying rje la gnas te sems can nyams thag sgrol ba dang/ dga' ba la gnas te dag gi las mi dge ba bzhi spong ba dang/ btang snyoms la gnas te 'dod chags dang/ ser sna dang phrag dog thams cad snod do/ /theg pa gnyis kyi chos la dad nas/ theg pa chen po la ni dad par mi 'gyur/ theg pa chen po chos la dad ba med par tshig tu smra bas don du mi 'gyur/ nang ni yang dag chad par lta zhing/ theg pa chen po can zhes khas 'che/ mi dge ba gsum gyi las mi bsrung/ nga'i dam chos ma rung 'jig byed/ gang zag de ni 'chi 'phos gyur nas/ sems can dmyal ba'i mtshams med ltung bas/ lus rul ba la dri zhim pos byugs kyang zhim por mi 'gyur ro/ /de bzhin du sems can theg pa gnyis kyis chos la brtson par ma dad pa mi dge ba bcu ma spangs pas theg pa chen po'i chos zab mo rtogs par mi nus te/ rgyu med par ? ?

  532. 266b

    theg pa chen po bstan kyang bdag dang gzhan la phan pa'i don du mi 'gyur ro/ /rten cing 'brel ba nyid stong pa yin/ rten cing 'brel par 'byung ba'i chos las gzhan pa stong pa ma yin no/ /tshul khrims nyams par dga' la sdigs pa can/ theg pa chen po'i yon tan mchog thob nas/ /khe dang grags phyir theg chen khas 'che ba/ /bong bu seng ge'i lpags pa gyon pa bzhin/ /deng 'dir 'khor rnams kun la bka' stsal pa/ gang zhig myur du byang chub mchog 'dir ni/ /dge ba bcu'i las kyi lam la nan tan byos/ /nga yi chos la mi smad shing du bsrung/ /ngas sngon mdo sde gzhan dag las srungs pa/ /byang chub chen po 'dod pas theg chen spyad/ /nyan thos rang rgyal theg pa spongs shig pa/ /de ni rnam dag 'khor la bstan pa'i chos/ /la la nyan thos theg pa'i chos dang ldan/ /la la bden par dga' zhing rang byang chub/ /la la ye shes mchog la dgod 'os pa/ /de bas mos pa bzhin du theg gsum shod/ /sgyangs pa'i yon tan tsam gyis grol 'dod pa/ /theg chen bshad pa thos na ngan song ltung/ /bskal ba bzang po sangs rgyas stong gi tha ma snang mdzad ces bya/ gal te dge ba bcu'i las yang dag par ma bsgrubs par mngon par 'tshang rgya ba 'am/ dge ba bcu'i las 'ga' tsam yang mi srung bar nga ni theg pa chen po yang dag par spyod pa'o zhes sam/ bla na med pa'i byang chub sgrub pa de'o zhes zer na/ brdzun du smra ba dang/ phyogs bcu'i sangs rgyas kyi spyan sngar 'jig rten slu ba ngo tsha med par stong par smra zhing rmad par lta ba yin pas tshe 'phos nas ngan song du skye bar 'gyur ro/ /de ci'i phyir zhe na/ dge ba bcu'i las ni theg pa chen po'i rtsa ba yin te/ byang chub kyi rgyud dang mya ngan las 'das pa'i them skas lta bu yin no/ /dper na spos sregs na/ spos nyid tshig ste med par song yang dri bsrung gis gzhan la bri bar byed do/ /de bzhin du tshul khrims nyams pa'i dge slong yang bsod nams kyi

  533. 267a

    zhing gshin pa ma yin te/ nyin mtshan du dad pas byin pas bsregs te ngan song du 'gro mod kyi sems can dpag tu med pa'i phan ba dang/ bde ba'i don du 'gyur te mtho ris dang mya ngan las 'das pa'i gsung bro bar byed do/ /de ltar dge slong de chos kyi snod ma yin mod kyi skra dang kha spu bregs te gos ngur smrig gyon pas cha lugs dang/ spyod lam 'phags pa rnams dang mthun te mthong ba tsam gyis sems can tshad med pa dge ba'i rtsa ba rnam pa sna tshogs 'phel zhing skye bar 'gyur ro/ /de bas na rgyal po la sogs pa gang yang chad pas gcod la mi dbang ngo/ /rgyal po la gdams pa las/ nor ni btang gi lus ni bsrung bar bya/ /yan lag btang gis srog nam bsrung bar bya/ /nor dang yan lag rnams dang de bzhin srog/ thams cad btang gis 'dir ni chos bsrung ngo/ /chos spyod pa ni chos kun bsrung bar byed/ /dper na dbyar dus gdugs ches bsrung ba bzhin/ /chos spyod pa yi phan yon 'di yin te/ /chos spyod pa ni ngan 'gror mi 'gro'o/ /chos ma yin pa spyod cing bag med pa// 'di nas shi 'phos ngan 'gro mi zad 'gro /gang du gnas na shi bas mi tshugs pa/ /sa phyogs de ni spyod pa ma yin te/ /bar snang ma yin rgya mtsho'i nang ma yin/ /ri yi phug tu zhugs kyang mi phan no/ /mya ngan las 'das pa thob phyin chad mchi mi 'gyur/ /dge ba'i rtsa ba yongs su 'dzin pa las yi ge ma mchis zhes bgyi ba ni brjod du ma mchis pa lags la/ yi ge ni brjod pa kho na lags so/ /bka' stsal pa/ ma pham pa 'di ste/ dper na mar med pas mar gyi snying khu'i rgyun chad par 'gyur ba de bzhin du/ byang chub kyi sems bskyed pa med par de bzhin gshegs pa mngon par 'grub par mi 'gyur ro/ /ji tsam du spros pa de ni byang chub yin no/ /de ci'i phyir zhe na/ byang chub ni spros pa med pa'i phyir te/ 'di ni tshul yin no/ /yang na ji tsam du spros pa de tsam du spros pa de tsam du byang chub bo/ /de ci'i

  534. 267b

    phyir zhe na/ spros pa thams cad ni dbyen pa'i phyir te/ byang chub de yang dbyen pa yin no/ /mdza' gnyis zil gyis mnan nas su/ khams rnams dbu mas spyod par byed/ de phyir bzod pa bsten par bya/ /ngo bo nyid kyis chos stong pa/ /de ni byang chub lam yin te/ /ngas kyang de ni bsten pa yin/ /yang dag pa'i lta ba zhes bya ba ni gang lta ba med pa'o/ /lta ba thams cad ni log par lta ba'o/ /gang zhig gis stong gsum gyi stong chen po'i 'jig rten gyi khams dgra bcom pa srog dang phral ba de bas ni/ 'ga' zhig gis byang chub sems dpa' i byang chub kyi sems las mos pa bzlog na/ bsod nams ma yin pa'i phung po ches che bar nga smra'o/ /shA ri'i bu mdor na byang chub tu sems bskyed pa la bar chad bya ba'i phyir sems 'jug pa de la mya ngan las 'das par 'gro ba med cing dal ba phun sum tshogs pa med do/ /chos bzhi dang ldan pa ni dge ba'i bshes gnyen du rig par bya ste/ gang zhe na/ char gcod pa'i tshig dang ldan pa yin/ chos zab mo dang ldan pa yin/ chos zab mo la sbyor bar byed pa yin/ dus dus su gdams ngag gis tshigs dang ldan pa yin/ dus dus su yal bar 'jog pa yin no/ /mngon par shes pa myur ba nyid du bya ba'i phyir de bzhin gshegs pa'i mchod rten mchod pa dang/ phyir bcos pa dang/ byi dor bya ba ltung blangs par bya ste/ gang zhig byi dor byed pa de ni gzugs kyi smon lam gyi mchog dang/ dal ba phun sum tshogs pa dang/ yang dag par blang ba bstan pa dang/ de bzhin gshegs pa'i lta ba'i smon lam gyi mchog 'thob po/ /'jam dpal rnam par 'phrul pa'i le'u las/ rnal 'byor pa rnam par grol bar 'dod cing 'khor bas skrag pa rnams la brten cing bsnyen bkur byed pa mi bdud kyi las so/ /stong ba nyid la rtog cing sems can yal bar 'dor ba ni bdud kyi las so/ /'dus ma byas pa rtog cing 'dus byas kyi dge ba'i rtsa bas skyob yang bdud kyi las so/ /nyon mongs pa ma lus bzad par tshol zhing/ /'tshor ba'i

  535. 268a

    rgyun gyis nyon mongs pa rnams la smod pa yang bdud kyi las so/ /nam dge slong 'jigs la lta ba ngo bo nyid kyis bgrod pa gcig pa'i las su bsgoms te/ gnyis su med par 'jig tshogs la lta ba'i ngo bo nyid ga la yin pa de bgrod pa gcig pa'i las kyi ngo bo nyid du mnyam par shes shing ma rig pa dang srid pa dang sred pa las byung ba yang tshol la ma rig pa dang/ srid pa dang/ srid pa las byung ba la so sor rtog pas na ma rig pa dang/ srid pa dang/ sred pa'i ngo bo nyid kyang rig pa dang rnam par grol bar shes na lhag pa'i nga rgyal med pa yin no/ /chos bzhis rdzu 'phrul 'thob ste/ lus yang ba dang/ sems yang ba dang/ chos thams cad la mngon par zhen pa med pa dang/ khams bzhi nam mkha' i khams dang/ mnyam pa nyid du byin gyis rlob pa'o/ /chos bzhis brdzus te skye bar 'gyur ro/ /de bzhin gshegs pa'i sku gzugs pad+ma'i steng na bzhugs pa byed du 'jug cing/ pad+ma la sogs pas lag pa bkang ste/ sku gzugs dang mchod rten la 'thor ba dang/ ban pa'i dngos po mang zhing dga' bar byad pa'i ngang tshul dang/ gzhan gyi skyon mi 'dzin pa dang/ dge ba'i rtsa ba thams cad sems can gyi don du sangs rgyas su bsngo ba'o/ /chos bzhis shes rab chen por 'gyur te/ chos la ser sna mi byed pa dang/ mi mthun par 'jug pas 'gyod pa sel ba dang/ gsol ba 'debs ba la yang dag par ji lta ba bzhin gdams ngag ston pa dang/ stong pa nyid sgom pa la mang du gnas pa'o/ /chos bzhis sangs rgyas dang 'phrad pa 'thob ste/ srog gi phyir yang dam pa'i chos mi spong ba dang/ srog gi phyir yang sdig pa'i grogs po mi bsten pa dang/ srog gi phyir yang chos smra ba la skur ba mi 'debs pa dang/ sangs rgyas rjes su dran pa'i ting nge 'dzin bsgom pa'o/ /chos bzhis skyes bu chen po'i

  536. 268b

    mtshan sum cu rtsa gnyis 'thob ste/ de bzhin gshegs pa'i mchod rten la rin po che spar gyis 'thor ba dang/ 'bru mar gyi dri zhim pos de bzhin gshegs pa'i mchod rten la 'khru ba dang mchod rten la spos dang me tog dang sil snyan la sogs pas mchod pa dang/ yid du 'ong ba'i g.yog 'khor gyi mkhan po dang/ slob dpon la bsnyen bkur byas pas rim gro byed pa'o/ /chos bzhis dpe byed bzang po brgyad cu 'thob ste/ bstan rgyu sna tshogs chos kyi bstan 'dul ba dang/ gzhan la bsti stang byed pa mi skyo ba dang chos smra ba la 'thab mo'i rgol ba dang sems can rnams byang chub la yang dag par 'dzin du 'jug pa'o/ /chos bzhis sangs rgyas kyi zhing gar sems bskyed pa der skye ste/ gzhan dag gi shes pa'i kha dang rnyed pa la phrag dog mi byed pa dang lhag pa'i bsam pas pha rol tu phyin pa drug yongs su dag pa tshe la ba dang/ byang chub sems dpa' thams cad ston pa'i 'du shes skyed pa dang/ shes kyi khe'i phyir tshul 'chos pa med pa'o/ /kun rdzob dang don dam pa'i bden pa bstan pa las/ sha'i mig mig gis sems can thams cad dang sangs rgyas kyi zhing mthong ngo/ /lha'i mig gis sems can gyi 'chi 'ong dang skye ba mthong ngo/ /shes rab kyi mig gis sems can gyi sems kyi spyod pa dang g.yo ba shes so/ /chos kyis mig gis chos can thams cad yang dag par ji lta ba bzhin mthong ngo/ /sangs rgyas kyi spyan gyis sangs rgyas kyi mdzad pa thams cad byed do/ /mi dge ba'i grogs po dang rtsen pa ni mi dge ba thams cad kyi sgo'o/ /dge ba'i bshes gnyen dang bsten pa ni dge ba'i rtsa ba thams cad kyi sgo'o/ byang chub kyi sems ni sangs rgyas kyi chos thams cad kyi sgo'o/ /de bzhin gshegs pa'i ye shes kyi phyag rgya'i ting nge 'dzin las bka' stsal pa/ byams pa byang chub sems dpa' bye ba brgya phrag sum cu po 'di dag gi nang nas brgyad stong ni dam pa'i chos

  537. 269a

    'dzin cing yongs su 'dzin par gnas par 'gyur ro/ /byang chub sems dpa' lhag ma ni dmu rgod dmigs par 'dzin pa la mngon par zhen pa dam pa'i chos 'dzin pa ma yin par 'gyur te/ de dag phyi ma'i dus lnga brgya tham pa'i tshe/ nga'i byang chub bskal pa grangs med pa du mar bsgrubs pa 'di spong bar 'gyur/ 'gal bar byed par 'gyur mi ston mi 'dzin par 'gyur ro/ /de ci'i phyir zhe na/ byams pa rnam pa bdun gyis byang chub tu sems bskyed do/ /bdun gang zhe na/ sangs rgyas bcom ldan 'das rnams kyis/ byang chub sems dpa' byang chub tu sems bskyed pa dang/ dam pa'i chos rnam par 'jig pa'i dus na dam pa'i chos yongs su bzung ba'i phyir/ byang chub sems dpa' byang chub tu sems bskyed pa dang/ sdug bsngal sna tshogs kyis yongs su gzir ba'i sems can gyi khams mthong nas snying rje chen po skyes te/ byang chub sems dpa' byang chub tu sems bskyed pa dang/ bsti stang du byas te sbyin pa bzang po yid du 'ong ba byin nas/ byang chub sems dpa' bdag nyid byang chub tu sems bskyed pa dang/ gzhan byang chub tu sems bskyed pa mthong nas/ byang chub sems dpa' byang chub tu sems bskyed pa dang/ de bzhin gshegs pa'i sku'i mtshan nyid dang dpe byad bzang po'i rgyan sna tshogs kyi yon tan bsngags pa rdzogs pa thos nas/ byang chub sems dpa' byang chub tu sems bskyed pa gong ma gsum ni sangs rgyas kyi byang chub bsrung ba yin te/ myur du bla na med pa'i byang chub las phyir mi ldog par 'gyur ro/ /lhag ma bzhi ni byang chub sems dpa' dmu rgod dam pa'i chos 'dzin pa ma yin par 'gyur ro/ /byang chub sems dpa' chos lnga dang ldan na phyir mi ldog pa'i chos su rig par bya ste/ lnga ni sems can thams cad la sems snyom pa dang/ pha rol gyi rnyed pa dang bkur sti la phrag

  538. 269b

    dog med pa dang/ srog gi phyir yang dam pa'i chos 'dzin pa'i dge slong gi bsngags pa ma yin pa mi brjod pa dang/ shes kyi khe dang rnyed pa dang/ bkur sti dang grags pa la mi chags pa dang/ chos zab mo la mos pa'o/ /chos lnga dang ldan na byang chub sems dpa' dmu rgod yin te/ lnga ni gzi brjid chung zhing bka' blo mi bde ba yin/ dman pa la mos shing thams cad la dman pa'i chos ston pa yin/ shes kyi khe dang rnyed pa dang bkur sti la chags nas slongs mo ster ba'i khyim la ser sna byed pa yin/ g.yo rgyu dang ldan pa yin/ stong pa nyid la gang gi las lhur len pas mi 'dra ba yin no/ /byams pa phyi ma'i tshe phyi ma'i dus na byang chub sems dpa' sgyid lug par mi 'gyur zhing/ yang dag par blangs pa bstan la bsam pa thag pa nas byang chub la zhugs pa'i byang chub sems dpa' de dag ni sangs rgyas grangs med pa mang po la bsnyen bkur byas pa yin no/ /de dag gis ngan song du 'gyur ba'i las gang mngon par 'dus byas pa de yang mdog ngan par 'gyur ba tsam gyis byang bar 'gyur/ nad mang ba tsam dang/ dman ba'i rigs su skyes pa dang/ dbul po dang mdza' 'khob dang/ log par lta ba'i rigs su skyes pa dang/ bran du skyes pa dang/ sems can la mya ngan med pa dang/ dge ba'i bshes gnyen mi mthong ba dang/ rgyun du chos mnyan pa mi 'thob pa dang/ bsam gtan la sems g.yeng ba dang/ tha na rmi lam na sdig pa mthong ba rmis pas kyang las kyi sgrib pa 'byang bar 'gyur ro/ /gang zhig stong sems de ni rigs min te/ /ji ltar de yis skye med brtags phyir ro/ /rnam rtog thams cad bdud kyi zhugs pa ste/ /'gyur med chos kyi phyag rgya zhes bya'o/ /skye ba med pa bden pa gcig yin na/ /de la kha cig bden pa bzhi zhes zer/ /byang chub snying por 'dug nas bden cig kyang/ /grub par ma mthong zhing lta ba la zhig /sgyu ma lta bu'i ting nge 'dzin las/ de bzhin gshegs

  539. 270a

    pa 'od dpag med mya ngan las 'das nas/ bskal pa bye ba khrag khrig brgyad cu rtsa bzhi'i bar du dam pa'i chos gnas par 'gyur ro/ /dam pa'i chos nub ma thag pa'i mtshan mo skya rengs 'char ba'i dus kyi tshe spyan ras gzigs dbang phyug mngon par 'tshang rgya ste/ 'od zer kun nas 'phags pa dpal brtsags rgyal po zhes bya bar 'gyur ro/ /'jig rten gyi khams de ni rin chen kun nas bsags pa zhes bya bar 'gyur ro/ /de'i 'og tu byang chub sems dpa' mthu chen thob der 'tshang rgya ste/ yon tan shin tu gnas pa nor bu brtsegs pa'i rgyal po zhes bya bar 'gyur ro/ /chos kyi rnam grangs 'di bud med sus thos ma thag tu bud med kyi dngos po las thar par 'gyur te/ rgyu gnyis po ser sna dang phrag dog ni ma gtogs so/ /rab tu zhi ba rnam par nges pa'i cho 'phrul gyi ting nge 'dzin las/ byang chub sems dpa' gang gis snying rje dang ldan pa'i sems bskyed na dge ba'i rtsa ba des gal te sangs rgyas ma byung bar 'dzam+bu'i gling du skyes na yang skyes bu dam par 'gyur/ lha rnams kyi yongs su bzung bar 'gyur te/ nam bag med par gyur pa de'i tshe/ yang gnas gtsang mi'i ras kyi lha'i bu rnams kyi bskul par 'gyur/ de ni dran pa chung mi za par 'gyur ro/ /rnam par dag pa'i chos lnga yang yongs su 'dzin te/ tshul khrims rnam par dag pa dang/ lus rnam par dag pa dang/ mtshan phun sum tshogs pa rnam par dag pa dang/ dge pa'i rtsa ba de sbyar ba rnam par dag pa dang/ dkon mchog gsum la rten pa dang/ byang chub sems dpa' dang/ byang chub kyi sems la brten pa rnam par dag pa yongs su 'dzin to/ /bka' stsal pa/ gang gi 'dzam+bu gling pa'i sems can thams cad srog gcad do/ /bdog pa thams cad phro ba las/ gang gi byang chub sems dpa' i dge ba'i rtsa ba tha na byol song la zan khyim?

  540. 270b

    cig byin pa'i bar chad byas na ches sdig grangs med par che'o/ /gang chos thams cad mi mthong ba ni de bzhin gshegs pa mthong ba'o/ /byang chub tu ni sems bskyed na/ bskal pa bye ba rnams su yang/ /nam duAng long theng mi 'gyur te/ ston pa bla na med par 'gyur bka' stsal pa/ 'jam dpal ngas ni ji ltar byang chub sems dpa' la khong khro ba'i sems cig bskyed pa las/ kha na ma tho ba che ba'i chos de lta bu gcig kyang ma mthong ngo/ ('jam dpal byang chub sems dpa' byang chub sems dpa' la khro ba 'am) brnyas pa'i sems bskyed pa rnyed bskal par sems can dmyal ba rnams su gnas par go cha bgo bar bya'o/ /'jam dpal byang chub sems dpa' la skur pa btab pa ma gtogs par byang chub sems dpa' las gzhan gang gis kyang log par ltung bar byed mi nus so/ /rin chen zla bas zhus pa las rgyal po gzugs can snying po'i bu rin chen zla bas gsol pa/ gang gis phyogs bcu'i sangs rgyas bcu'i mtshan bzung nas bla na med pa'i byang chub la dga' ba na sangs rgyas tsan dan dpal bzhugs/ nub na 'jig rten gyi khams bzang po na/ sangs rgyas snang ba mdza' yas bzhugs/ byang na 'jig rten gyi khams 'khrus med na sangs rgyas tog gis dpal bzhugs/ shar lho na 'jig rten gyi khams zla ba snang ba nas sangs rgyas mya ngan med pa'i dpal bzhugs/ lho nub na 'jig rten gyi khams tog dang ldan pa na sangs rgyas rin po che'i mchod sdong bzhugs/ nub byang na 'jig rten gyi khams sgra lnga na sangs rgyas me tog dpal bzhugs/ byang shar na 'jig rten khams bde ldan na sangs rgyas mngon par shes pa chung ngu dang chen pos rnam par rol pa bzhugs/ 'og na 'jig rten gyi khams yangs pa dang ldan pa na sangs rgyas snang ba'i dpal bzhugs/ steng na 'jig rten gyi khams zla ba can na sangs rgyas nor dpal bzhugs so/ /dkon mchog ta la la'i gzungs las/ dad pa med pa'i mi dag la/ /dkar po'i chos rnams mi skye te/

  541. 271a

    sa bon me yis tshigs pa las/ /myu gu sngon po de bzhin no/ /sdong po bkod pa las byang chub kyi sems ni sangs rgyas kyi chos thams cad kyi sa bon lta bu'o/ /dri ma med par grags pas bstan pa las/ 'jig tshogs lta ba ri rab dang mnyam pa bskyed kyang/ byang chub kyi sems skye zhing de las sangs rgyas kyi chos rnams skye'o/ /dkon mchog zam rtog las/ byang chub sems dpa' ma rig pa'i spubs kyi nang na 'dug pa bdag tu lta ba ma brtol zhing khams gsum las ma byung yang/ sangs rgyas kyi sgra nyid du rnam par thar pa'i sgo gsum gyi sgra 'byin to/ /dpal 'bar 'gro ba'i mdo las/ g.yo byas te byang chub kyi sems bskyed pa la yang sangs rgyas kyi rgyur gsungs na/ dge ba sna 'ga' byas te/ sems bskyed pa lta smos kyang ci dgos/ bskal pa bzang po'i mdo las/ de bzhin gshegs pa skar ma'i rgyal po ba lang rdzir gyur pas so/ /rtsa'i mdab ma phul te/ dang po byang chub tu sems bskyed do/ /de bzhin gshegs pa grags pa tha ga par gyur pas ras kyi kha tshar phul/ 'od 'phro can grong gi sprang po'i gyur pas tswa'i me sgron phul/ gdul dka' shing thun du gyur pas so shing phul te/ dang po byang chub tu sems bskyed do/ /spyod pa dang mi yang byang chub kyi sems ni bde pa mdza' yas pa bskyed pa yin te/ ci mngon zhe na/ byams pa'i rnam par thar pa las/ rigs kyi bu dper na rdo rje rin po che ni chags kyang gser rgyan thams cad zil gyi gnon cing/ rdo rje rin po che'i ming yang mi 'dor la dbul ba thams cad kyang rnam par bzlog go/ de bzhin du thams cad mkhyen par sems bskyed pa'i rdo rje rin po che nan tan dang bral yang nyan thos dang rang sangs rgyas kyi yon tan thams cad zil gyis gnon cing/ byang chub sems dpa' i ming yang mi 'dor la/ 'khor ba'i dbul ba thams cad

  542. 271b

    rnam par bzlog go /sdong po bkod pa'i mdo las/ 'phags pa dpal 'byung gis bstan pa lta bu ste/ rigs kyi bu dge ba'i bshes gnyen gyis yang dag par zin pa'i byang chub sems rnams ngan 'gror mi ltung ngo/ /byang chub sems dpa' i bslab pa dang ? bar bar mi byed do/ /spyod pa thams cad rjed ngas pa med par spyod pa yin no/ /las dang nyon mongs pas thub par dka' ba yin no/ /dge ba'i bshes gnyen ni bag med pa'i gnas nas zlog pa'o/ /'khor ba'i grong nas 'dor ba'o/ /rigs kyi bu de lta bas na yid bya ba rgyun ma chad pas dge ba'i bshes gnyen rnams kyi drung du 'gro bar bya'o/ /khur thams cad kyi mi skyo bas sa lta bu'i sems dang/ mi phyed pas rdo rje lta bu dang/ las thams cad nyams su len pas bra na lta bu dang/ nga rgyal bcom pas phyag dar ba lta bu dang/ mi khro bas khyi lta bu dang/ dge ba'i bshes gnyen gyi dor lta bas bu 'dzangs pa lta bu'i sems kyis dge ba'i bshes gnyen la bsnyen bkur bya'o/ /rigs kyi bu khyod kyis bdag la ni nad pa'i 'du shes/ dge ba'i bshes gnyen la ni sman pa/ rjes su bstan pa la ni sman/ nan tan la ni nad 'tsho ba'i 'du shes bskyed par bya'o/ /seng ges zhus pa las/ skye ba kun tu byang chub sems/ /rmi lam na yang sems de ni/ /'dor mi 'gyur na ma nyal tshe/ /smos ci 'tshal bar gang gis 'gyur/ /bka' stsal pa/ grong dang grong khyer rnams su 'am/ /gang du gnas pa'i yul rnams su/ /byang chub la ni yang dag 'dzud/ /des na sems 'dor mi 'gyur ro/ /rin po che'i phung po las/ mchod rten la gos phul ba gang yin pa de ni mchod rten de nyid du rlung dang nyi ma dang char bas dengs kyang bla'i mchod rten la phul ba'i gos zong gser du bsgyur du mi rung ste/ mchod rten la ni mchod rten gyi zod cis kyang brel phongs pa med pa'o/ /dpal 'bar 'gro ba'i ting nge 'dzin las/ gang zag gis gang zag la 'dod bzung na smras

  543. 272a

    bar 'gyur bar shes par gyis shig /chos thams cad shin tu rgyas pa'i bsdus pa'i mdo las/ gang chos smra ba la mi gus pa de sangs rgyas mthong bar mi 'dod pa yin no/ /gang chos smra ba la mi snyan pa brjod pa de sangs rgyas yongs su gtong ba yin no/ /byams pa byang chub sems dpa' rnams kyi byang chub kyi phyir pha rol tu phyin pa drug yang dag par sgrubs pa gang yin pa de la gti mug can de dag 'di skad du/ shes rab kyi pha rol tu phyin pa drug yang dag par sgrubs pa byang chub sems dpa' bslab par bya ba'i pha rol tu phyin pa lhag ma rnams kyi ci zhig bya zhes zer cing de dag pha rol tu phyin pa gzhan la sun 'byin par sems na 'di ji snyam du sems/ da ka shi ka'i rgyal por gyur pas phug ron gyi phyir khra la sha byin pa de shes rab 'chal pa can yin nam/ gsol pa/ de ni ma lags so/ /ngas byang chub kyi spyad pa spyod na pha rol tu phyin pa drug dang ldan pa'i rtsa ba'i sgrubs pa de dag gis gnod par gyur tam/ de ni ma lags so/ /mi ti mug can de dag 'di skad du/ byang chub ni stong pa nyid kyi tshul cig pa yin no/ /zhes zer na de dag spyod pa yongs su dag pa ma yin no/ /dkon mchog brtsegs pa'i mdo las/ chos bzhis byang chub sems dpa' i dge ba'i rtsa ba skyes pa rnams zad par 'gyur te/ nga rgyal gyis 'jig rten rgyang pan pa'i gsang tshig tshol ba dang/ thos pa dang/ bkur sti la chags pas khyim pas lta ba dang/ byang chub sems dpa' la khro zhing skur ba 'debs pa dang/ me zin cing mthos pa'i mdo sde spong ba'o/ thams cad yod par smra ba'i lung las/ bka' stsal pa/ dge slong 'dis mchod rten la phyag byas te sems dad pa la ltos/ btsun pa de lta lags so/ /dge slong 'dis ji tsam non pa'i 'od dpag tshad brgyad khri bzhi stong na bye ma ji snyed yod pa de snyed du 'khor los sgyur ba'i rgyal srid stong gyur du spyod par 'gyur ro/

  544. 272b

    tshe dang ldan pa nye bar 'khor gyis gsol ba/ dge ba'i rtsa ba de lta bur che ba gang du yongs su bas par 'gyur/ bka' stsal pa/ tshangs pa mtshungs par spyod pas/ tshangs pa tshungs par spyod pa la rma phyung ba dang/ rmas pa byas pa de lta bu ni ngas ma mthong ste dge ba'i rtsa ba chen po 'di dag der yongs su zad par 'gyur ro/ de bas na mgal ba la yang sems kyis gnod par mi bya na/ sems dang bcas pa'i lus ci smos/ sman gyi bla bEe DUrya ya 'od kyi mdo las/ gang dag byang chub sems dpa' i bslabs pa'i gnas bzhi brgya 'dzin pa dang/ dge slong gi bsdom pa bslab pa'i gnas nyis brgya lnga bcu dang/ dge slong ma'i lnga brgya 'dzin pa las nyams te/ ngan 'gros 'jigs na sman gyi bla la mchod pa sna tshogs byas na/ ngan song las thar ro/ /'phags pa byams pa'i rnam par thar pa las/ dper na mar ma gcig khyim mam khang bur bcug ma thag du la stong du bsags pa'i mun pa yang sel ba de bzhin du/ thams cad mkhyen pa'i sems cig bskyed ma rtag tu bskal pa brjod du med par bsags pa'i las dang nyon mongs pa sel to/ /zla ba sgron ma'i mdo las sems can don brtson byang chub sems dang ni/ tshul bzhin yid kyis dben sems gang yin dang/ rtag tu bag yod 'chi med rgyu yin te/ /yongs su 'dzin med bde ba kun gyi rgyu/ /'od srungs kyi le'u las/ chos bzhis byang chub sems dpa' shes rab yongs su nyams par 'gyur te bzhi ni/ chos dang chos smra ba la mi gus pa yin/ chos la ser sna byed cing slob dpon gyis dpe mkhyud byed pa yin/ chos 'dod pa'i gang zag la chos kyi bar chad byed de 'dun pa bzlog cing chos mi ston pa yin/ nga rgyal gyis bdag bstod gzhan la smod pa yin/ chos bzhis byang chub kyi sems brjed par 'gyur te/ bzhi ni slob dpon dang bla ma dang/ sbyin gnas la slu ba dang/ gzhan 'gyod pa med pa la nye bar sgrub pa dang/ theg pa chen po la zhugs pa'i gang zag la bsngags pa ma yin

  545. 273a

    ba smra ba dang/ g.yo dang sgyus gzhan la spyod kyi lhag pa'i bsam pas ma yin no/ /chos bzhis byang chub kyi snying po'i bar du byang chub kyi sems brjed par mi 'gyur zhing skyes ma thag tu mngon du 'gyur te/ bzhi ni srog gi phyir yang tha na gzhang gang du yeng rdzun mi byed pa dang/ g.yo sgyu med par sems can thams cad la lhag pa'i bsam pas gnas pa dang/ byang chub sems dpa' thams cad la ston par 'du shes shing de dag gi bsngags pa phyogs bzhir bsgrogs pa dang/ nyi tshe ba'i theg pa mi 'dod pa'i phyir sems can smin par byed pa de dag bla na med pa'i byang chub 'dzin du 'jug pa'o/ /bzhi po 'di ni byang chub sems dpa' i yang dag pa'i yon tan no/ /gang zhe na/ chos rnams stong pa nyid du rtog mod kyang/ las kyi rnam par smin la'ang yid ches so/ /bag med bzod pas mnyam pa nyid gnas kyang/ /sems can rnams la snying rje chen po bskyed/ /de yi bsam pa rtag mya ngan 'das la gnas/ /de yi sbyor ba 'khor par gnas pa yin/ /yongs smin bya phyir sbyin pa smin byed kyang/ /las kyi rnam par smin la re ba med/ /sngags dang sman gyis zin pa'i dug gis ni 'chi bar byed mi nus so/ /de bzhin du thabs dang shes rab kyis zin pa'i byang chub sems dpa' i nyon mongs pa'i dug gis kyang log par ltung bar byed mi nus so/ /dper na grong khyer rnams kyi mi gtsang lung/ /de ni bu ram shing gi zhing la phan/ /de bzhin byang chub sems dpa' i nyon mongs lung/ /de ni rgyal po'i chos la phan pa byed/ /lta bar gyur pa thams cad las byung ba'i stong pa yin no/ /'od srungs stong pa nyid kho nar lta ba de ni gser mi rung ba'o zhes ngas bshad do/ /byang chub sems dpa' sems dang po bskyed pa ma rig pa'i sgo nga'i sbubs na 'dug pa/ ma rig pa'i mun pa dang ling tog gis mig khebs pa dang yang/ 'di lta ste/ dge ba'i rtsa ba yongs su sngo ba'i

  546. 273b

    sgra skad kyis nyan thos dang/ /rang sangs rgyas thams cad zil gyis gnon te/ log par zhugs pa'i 'du shes pa las 'byung ba ma gtogs pa sangs rgyas thams cad kyis kyang ma gzigs pa gang yin pa de ni rgyu ba 'dri ba lta zhe na/ 'od srungs sems ni sgyu ma dang mtshungs so/ /ngan song bzhi gang zhe na/ sems can dmyal ba dang/ dud 'gro'i skye gnas dang/ gshin rje'i 'jig rten dang lha ma yin no/ /rtsod pa med pa lhur len pa ni dge sbyong gi chos so/ /gang zhig de bzhin gshegs pa'i chos smra ba la rim gro byed pa des 'chi ba'i dus kyi tshe/ de bzhin gshegs pa mthong zhing lus kyi dge ba bcu ni tshor bas kun tu ma zin par 'chi ba'i dus mi byed pa dang/ mig 'khrul bar mi 'gyur ba dang/ lag pa g.yo ba mi byed pa dang/ rkang pa 'phra bar mi byed pa dang/ gcin mi gtor ba dang/ phyis mi 'byung ba dang/ de'i snying gang rdul mi 'byung ba dang/ khu tshur mi 'byang ba dang/ nam mkha' la mi snyegs pa dang/ ji ltar 'dug pa de bzhin du tshe'i 'du byed 'dor bar 'gyur/ las kyi sgrib pa rgyun gcod pa las sbyin pa rnams kyi nang na na 'di lta ste/ chos kyi sbyin pa mchog ces ngas bshad do/ /rin po che bdun ni gser dang dngul dang/ mu tig dang bai DUrya dang/ shel dang/ spug dang/ mu tig dmar po'o/ /rnam par 'thag pa thams cad bsdus pa las/ gang zag sems dang po bskyed pa'i byang chub sems dpa' khong khro ba'i sems bskyed pa dag gis ni sangs rgyas yongs su btang ba yin te/ ji snyed kyi kho khro ba'i sems bskyed pa de/ de snyed kyi bskal par sems can dmyal bar go bgo bgos so/ /byang chub sems dpa' rnams la gnod sems bskyed pas/ byang chub sems dpa' don song du 'gro bar log par ltung bar 'gyur ba'i chos de lta bu gzhan ni ngas ma mthong ngo/ /mi 'pham pa byang chub sems dpa' rnams kyi pha rol tu phyin pa drug sgrub pa 'di ni byang chub kyi phyir

  547. 274a

    yin na/ de la mi blun po dag 'di skad ces shes rab kyi pha rol tu phyin pa kho na la byang chub sems dpa' bslab par bya'o/ /zhes zer zhing pha rol tu phyin pa lhag ma rnams la sun 'byin to/ /'di ji snyam du sems ga sha'i? rgyal po gang yin pa des mgo byin pa de 'chal pa'i shes rab can yin nam/ gsol ba ma lags so/ /de bzhin gshegs pa'i bka' la la la ni bzang bar 'du shes na chos spong ba'o/ /'di ni byang chub sems dpa' i ched du'o/ /'di ni nyan thos kyi 'di ni rang sangs rgyas kyi ched du gsungs pa'o zhes zer na chos spong ba'o/ /nga ni nyan thos dang byang chub sems dpa' rnams kyi spobs pa thams cad de bzhin gshegs pa'i mthu las byung bar smon lam btab pa yin no/ /mi blun po de dag ngan song du 'gro bar bdud kyis byin gyis brlabs pa'i phyir de la skyon 'dog par sems so/ /de bzhin gshegs pas gnang ba'i chos smra ba la skyon 'dogs par sems so/ /chos kyi rnam grangs 'di ma bzung ma klag par smra na chos kyis phongs par 'gyur ba las/ ma smras par thar pa shin tu dka' o/ /chos bzhi dang ldan na ma spras par 'gyur te/ sems can la khong khro ba chad pa dang/ chos smra ba rnams dang 'gal bar mi byed pa dang/ pha rol mi spong ba dang/ de bzhin gshegs pas gsungs pa thams cad la gus pa'o/ /sprin chen po dang/ /bram ze chen po byang chub sems dpa' sems dpa' chen po ser po chen po byang chub sems dpa' i 'khor gyis bskor ba la bzod par gsol cig /gang la la lha byin gyis yon tan mi shes pa de dag ni sangs rgyas byung ba'i phyed thob pa tsam du zad par yin par rig par bya'o/ /bram ze chen po lha byin gyi yon tan gyi che ba la ltos/ de bzhin gshegs pa'i yul dang 'dra bar skyes bu chen po yin par blta ste/ 'dul ba'i dbang gis de bzhin gshegs pa

  548. 274b

    dag dang snang ba dang skyes bu chen po de yang phyi bzhin 'brang zhing snang ngo/ /byang chub sems dpa' i drung sde rnams kyis skor ba la rjes su yid rang bar gyis shig /byang chub sems dpa' rnams ni rtag tu mngon par shes pa rnams kyis sems can dmyal ba ni rtsa bar byed de/ 'di ni byang chub sems dpa' i yul yin no/ /lhas byin ni sems can dmyal bar 'gro ba yang ma yin no/ /lha mo slob dpon lung ston pa bram ze ko'u di n+ya da 'das pa'i 'og tu lo brgya nyi shu lon pa na mo'u rgya'i rigs zhes bya ba byed kyi 'khor los sgyur ba'i rigs su skye bar 'gyur te/ skyes nas yang phyed kyis 'khor los sgyur ba'i rgyal por 'gyur ro gsol pa/ de'i ming/ ji skad ces bgyi/ lha mo dge bsnyen gyi rgyal po mya ngan med ces bya bar 'gyur ro/ /sangs rgyas mya ngan yong mi 'da' / chos kyang nub par mi 'gyur te/ sems can rnams ni smin mdzad phyir/ /yongs su mya ngan 'da' ba ste/ /sprin chen po 'di yang lo bzhi bcu'i bar du 'dzam+bu'i gling na spyod par 'gyur te/ rgyal bar yang 'gyur ro/ /dam pa'i chos yongs su nyams pa'i dus na/ 'od srungs chen po dang 'dra ba'i dge slong du 'dzam+bu'i gling du skye bar 'gyur te/ bslab pa'i gzhi bcas pa'i bsngags pa brjod par 'gyur ro/ /lha'i bu mang po dag gis gsol pa/ yul ji srid cig na 'od srungs chen po dang 'dra ba'i dge slong 'byung bar 'gyur/ gang du ni skye/ de'i ming ni ji skad ces bgyi bar bzung bar 'tshal bka' stsal pa/ nga 'das pa'i 'og lo brgya phrag mang po 'das pa na/ lho phyogs kyi rgyud du mkhar gyi rgyal po bde spyod ces bya ba 'byung bar 'gyur te/ de tshe lo brgyad nu na/ dam pa'i chos nub par 'gyur ba'i lhag ma tsam lus pa'i dus la bab pa de'i tshe nga'i nyan thos 'byung par 'gyur te/ chos kyang 'dzin par 'gyur te/ theg pa chen po yang gzhan la rgyas par 'chad par 'gyur ro/ /gang gi phyir dge slong des ni de bzhin gshegs pa klu rigs sgron ma'i?

  549. 275a

    thang du shAkya thub pa'i bstan pa bzung ba'i phyir smon lam btab ste/ brtson 'grus chen po'i gru de ni de ltar li tsa ba'i 'jig rten thams cad kyis mthong ba dga' ba 'di yin no/ /'di ni de bzhin gshegs pa dang mi mthun pa'i dge slong du 'gyur bar rig par bya'o/ /gzhan yang nyan thos de bzhin gshegs pa dang mi mthun pa'i dge slong chos kyi sgra chen po lan gsum mngon par bsgrags nas 'chi ba'i dus byed par 'gyur ba'i che ba nyid la ltos/ de'i tshe nga'i dam pa'i chos kyi chags nub par 'gyur ro/ /de ni 'di nas 'chi 'phos nas sangs rgyas su 'gyur te/ bskal pa bzang po 'di 'das nas/ bskal pa drug cu rtsa gnyis su sangs rgyas ma 'byung ste/ rang sangs rgyas bye ba drug 'bum 'byung ngo/ /bskal pa de dag 'das nas sangs rgyas bdun 'byung bar 'gyur ro/ /bdun pa yongs su mya ngan las 'das pa'i tshe/ 'jig rten gyi khams 'di mngon par dang ba zhes bya bar 'gyur te/ der 'dir de bzhin gshegs pa ye shes 'byung gnas 'od ces bya bar 'gyur ro/ /byang chub sems dpa' chen po gang dag de kho na dang rtag pa dang bdag dang sems can du 'du shes pa yang dag par mthong ba ni shin tu yang dag pa'i lta ba can zhes nga smra ba'o/ /gsol pa/ ci las dgongs te 'jig rten pa'i shes brdzun pa rnams rdzogs bar bshad cing/ de skad bka' stsal pa de kho na dang rtag pa dang bdag dang sems can du 'du shes pa zhes bya ba ni thar pa'i tshig bla dags so/ /de bzhin gshegs pa rtag pa dang ther zug brtan pa zhes bya ba dam pa'i chos nub par mi 'gyur ba'i tshigs bla dags so/ /sems can bsod nams chung ngu dag ni thar pa la zad pa'i 'du shes bskyed cing/ de bzhin gshegs pa bzhugs bzhin yongs su mya ngan las 'das par sems te/ de bzhin gshegs pa rnams kyi shin tu lhag pa yang dag par

  550. 275b

    mthong bar 'dod pas ni ting nge 'dzin 'di la gnas pa'i byang chub sems dpa' la rtag pa dang bdag dang sems can du 'du shes bskyed par bya'o/ /'di ni ma 'ongs pa'i sems can bye ba snyed dag lung ston par sprin chen po'i mi de? tshigs par brgyad par sbyar ba'i le'u 'bum pa las lung bstan pa'i rgyud yin no/ /sgo mdza' yas pa rnam par sbyong ba las chos kyi rnam grangs gang zhe na mi shes pa las 'dus byas kyi chos thams cad 'byung bar rtogs pa dang/ ye shes mthong ba las 'dus ma byas kyi chos thams cad 'byung bar rtogs nas/ spros pa med pa'i ye shes kyis 'dus byas dang 'dus ma byas pa'i chos rnams la yang dag par 'jug par bya zhing yang dag par bya zhing yongs su sbyad par bya'o/ /gang dag de bzhin gshegs pa la chos nyid du rtogs na yang de dag gis de bzhin gshegs pa mthong bar rnam par dag ma yin no/ /de ci'i phyir zhe na/ de bzhin gshegs pa ni chos kyang ma yin chos ma yin pa yang ma yin no/ /chos thams cad de sems tsam ste sems dang mtshungs par ldan pa yin no/ /ngas sems can chos zab mo la byed pa byas pa rnams rmongs par gyur na mi rung zhes de bzhin gshegs pa nongs phan chad yod pa med do zhes rnam grangs kyis bstan par bya ba yin zhes gsungs so/ /chos gang zhig skye ba yang med/ 'gag pa yang med pa de ni shi phan chad pa 'am med pa zhes bya bar mi 'gyur ro/ /de bzhin gshegs pa yang skye ba yang med 'gag pa yang med do/ /chos thams cad ni nam mkha' lta bu'o zhes bya ba ji ltar chos thams cad nam mkha' lta bu yin zhe na/ ji ltar nam mkha' gang du yang ma gtogs de ltar chos thams cad kyang gang du ma gtogs pa'o/ /de bzhin gshegs pa ni thams cad mkhyen pa'i ye shes rnam par mi rtog pa ma chags ma thogs pas/ sems can thams cad kyi spyod pa rnam pa du ma ma lus pa yang dag pa ji lta ba bzhin du

  551. 276a

    tu mkhyen to/ /lus ngan pa'i bu thug /gnod sbyin yang dag shes zhes bya/ /rtsod med khro ba mang gnas te/ /nga? dang bcas te rtag tu ni/ /chos 'di dag la dga' ba gang/ /de la srung ba byed par 'gyur/ /lha'i bur brtsal sems kyis zhus pa las/ byang chub sems dpa' chos bzhi dad ldan na shes rab kyi mun pa dang bral ba yin te/ bzhi ni thos pas ngoms pa med cing/ tshul bzhin la dang tu sbyor ba dang/ zang zing med pa'i sems kyis chos kyi dbyings dbyer med par shes par bya ba'i phyir nyon mongs pa thams cad sgyu ma lta bur rtog pa dang/ tshul gcig la 'jug pas tshul thams cad kyi 'jug pa la 'jug go /chos bzhi dang ldan na 'jig rten gyi tshul la rtog pa rnams yin te/ bzhi ni bre mo gtam byed pa rnams la chos bstan pa dang skye bo phal po che 'dus pa 'chi ba las su dran pa dang/ gtong pa chen po la rjes su yi rang zhing byang chub tu bsngo ba'o/ /'du 'dzi thams cad las dbyen par gzhol ba'o/ /chos bzhi dang ldan na sangs rgyas kyis gsungs pa bzhin smra ba yin te/ 'di ni byang chub kyi sems mi gtong ba dang/ thos pa dam pa snying por byed pa dang/ ji skad smras pa de bzhin du byed pa dang/ rang bzhin gyis bdag med pa la 'jug pa'o/ /chos bzhi dang ldan na las kyi bya ba thams cad kyi rgyu las mkhas pa yin te/ bzhi ni longs spyod chen po'i rgyu sbyin pa mi spong ba dang/ mtho ris kyi rgyu tshul khrims mi spong ba dang/ shes rab chen po'i rgyu thos pa mi spong ba dang/ bral ba'i rgyu sgom pa mi spong ba la/ gang gi tshe byang chub sems dpa' chos thams cad rang bzhin gyis mnyam par gzhag pa nyid yin par yang shes par byed la sems rnam par g.yang ba rnams la snying rje chen po bskyed de/ phyi ma'i mdza' i mur thug gi bar du sbyod par byed kyang bsam gtan la gnas pa las g.yo bar mi 'gyur na/ de tsam

  552. 276b

    gyis na byang chub sems dpa' bsam gtan pa yin no/ /byang chub sems dpa' yul thams cad sangs rgyas kyi yul yin par lta zhing/ sangs rgyas kyi yul yang med par lta na/ de tsam gyis na byang chub sems dpa' dbang po bsrung ba? ?? byang chub sems dpa' sangs rgyas kyis gsungs pa/ thams cad nyan par byed cing thos pa'i don yang rtogs par byed la/ ji ltar thos pa yang 'dzin cing ji ltar gzung ba yang gzhan la ston par byed na mang du thos pa yin no/ /'jam dpal gyis smras pa/ byang chub sems dpa' i 'jig pa ni 'dus byas las kyang 'byung ste/ 'dus byas las ni nyon mongs pa 'jig pa 'byung la/ 'dus ma byas las ni nyon mongs pa med pa'i 'jigs pa 'byung ngo/ /'jam dpal nyon mongs pa med pas 'jigs pa yod/ lha'i bu khams gsum na ni nyon mongs pa'i 'jigs pa yod la/ byang chub sems dpa' der nyon mongs par mi byed na nyan thos su 'gyur ro/ /byang chub sems dpa' yongs su mi gtong bas/ sbyin pa'i pha rol tu phyin pa sgrub par byed pa dang/ tshul khrims las yang dag par 'da' bas tshul khrims dang/ gnod sems kyis bzod pa dang/ le los brtson 'grus dang/ brjed ngas pa bsam gtan dang/ bem po dang sems dang po lug ltar lkug pas shes rab kyi pha rol tu phyin pa sgrub pa byed pa na de tsam gyis na lam la gnas pa yin no/ /'jam dpal cil bsams te de skad smra/ lha'i bu bzhi po 'di dag ni byang chub sems dpa' rnams kyis yongs su mi gtong ba yin te/ sems can dang chos dang byang chub kyi chos dge ba'i chos te bzhi po de dag yongs su mi gtong bas sbyin pa'i pha rol tu phyin pa sgrub par byed de/ /tshul khrims las yang dag par 'da' ba ni/ tshul khrims las yang dag par 'das pa yin no/ /ting nge 'dzin dang de las 'das pa? shes

  553. 277a

    rab dang/ de las 'das pas rnam par grol ba ste/ de lta bus tshul khrims sgrub pa yin no/ /gnod sems bzhugs ni nyan thos dang/ rang sangs rgyas kyi thog pa la ldan zhing theg pa chen po la zhugs pa ste/ theg pa chen po la zhugs pas bzod pa'i pha rol tu phyin pa'o/ /le lo'i lus dang ngag dang sems kyis rtul bar mi byed pa ste/ chos la ltar brtson pa ni brtson 'grus so/ /rmi lam na yang nyan thos dang rang sangs rgyas kyis dran pa med pas/ brjed ngas pa ste/ sa de lta bur ma lhung pa nyid theg pa chen po la mnyam par gzhag pa yin pas bsam gtan no/ /chos thams cad bem po ste/ rtsa ba dang la sogs pa dang lug pa yin pas de bzhin du shes rab bo/ /gang tshe sems ni chags med pa/ /bla med byang chub sems yin te/ /sems kyi rang bzhin mngon sum pa/ /de ni shes rab mtshan nyid do/ /sems bskyed pa ni thams cad na/ /byang chub tu ni yongs bsngo zhing/ /byang chub sems las rab brtags pa/ /de ni thabs kyi mtshan nyid do/ /thabs dang mi ldan shes rab kyis/ /ma byung 'byung bar 'gyur ba med/ /shes rab med pa'i thabs kyis ni/ /mkhas pa rab tu zhi mi 'gyur/ /nad bzhi brgya rtsa bzhi 'di lta ste/ rlung las gyur pa brgya rtsa gcig dang/ mkhris pa las gyur pa brgya rtsa gcig dang/ bad kan las gyur pa brgya rtsa gcig dang/ 'dus pa las gyur pa brgya rtsa gcig go/ las rnam pa gsum ste/ tshe dang 'brel ba dang/ srid pa bar ma dang 'brel ba dang/ tshe gzhan dang 'brel ba'o/ /skyes pa gang zhig skyes pa la 'jug ngar byed na/ de lus dang bral nas sems can dmyal ba nyam nga bar skye bar 'gyur ro/ /lug mo 'am bong mo la 'jug par byed na sems can dmyal ba a tsa zer du skye ba 'gyur ro/ /sring mo 'am gzhan yang 'os ma yin pa la 'jug na sems can dmyal ba kyi nyung? zer du skye

  554. 277b

    bar 'gyur ro/ /dge slong ma tshul khrims ral zhing spyod pa ngan pa la 'jug na sems can dmyal ba 'chi ba'i gyun?? med lta bur skye bar 'gyur ro/ /gnyis rtsod pa na rgyal po blon po 'am gzhan yid ches pa'i gnas su bya bas nor blangs pas mdza' shes sam/ 'dod chags la sogs pa'i dbang gis zhal che? yon por bcod na/ sems can dmyal ba lce bcu gcig par skye bar 'gyur ro/ /sdug bsngal ba dang/ nad bu can dang ltogs pa dang dman pa dang/ mgon med pa dang/ bkren pa dag la nor rdzas sbyin par khas blangs pa las mi byin zhing bza' ba dang btung ba khas blangs pa las ma byin na/ sems can dmyal ba kun dga' la re ba med par skye bar 'gyur ro/ /don med chos la dga' ba ni/ /bud med g.yo dang phrag dog mang/ /'jig rten gnyis ni rnam 'jig pa/ /skyes pa rnams kyi mdun na gnas de'i tshig shin tu mi brtan te/ /rtag tu 'dod chags skye la mkhas/ /de yi snying ni gzhan sems la/ /gzhan gyi tshul gyis slo?? bar byed/ /dang po mnyen zhing sran byed la/ /phyi nas sems na rdo rje 'dra/ /sems ni yang zhing phan pa med/ /bkur sti dag ni dran med byed/ /legs pa brgya ni chung gsan la/ /ma legs gcig pu dran par byed/ /sdig pa'i sa gzhi bud med yin/ /snying gi glog gi ngo bo bzhin/ /skyes pa'i chags pa'i sems yod pa/ /'jigs pa'i rgya ni bud med yin/ /'jig rten 'di dang pha rol tu/ /'jig byed na ngan bud med 'jigs/ /gal te bde ba'i mchog 'dod na/ /de ltar bud med rnam par spongs/ /bud med rtag tu spangs pa ni/ /'jig rten 'di dang pha rol bde/ /gang zhig dbul ba spong 'dod cing/ /gang zhig bdag ni 'byor 'dod dang/ /gang zhig mya ngan 'das 'gro 'dod/ /mi des bud med spang bar 'dod/ /ji ltar bram ze'i smra ba'am/ /bud med gzhon nu 'dod langs pa/ /bag ma'am? blangs na mi srog bcod

  555. 278a

    pa dang/ 'dra bar 'gyur ro/ /zhes zer ba lta bu/ /mtshams med pa lnga char byas na lus dpag tshad lnga bar gyur pa nas/ gcig byas na gcig gi bar 'gyur ro/ /mnar med pa de dag kha cig ni 'chi ba'i dus kyis rang gi brtsal? nyi? las mnar med pa'i me 'byung bar 'gyur/ /kha cig ni 'chi ba'i dus nas srid pa bar mar skyes la/ de'i 'og tu sems can dmyal ba mnar med par 'gyur ro/ /bslab pa'i bzhi gcig gam gnyis sam gsum ma ma/ bzhi 'am lnga 'am/ gzhan blangs pa dang/ bu srid dam bu sring dang 'dra ba'am/ grogs kyi chun ma ma 'os pa ma yin pa dag la slu bar byed na/ sems can dmyal ba a la la zhes zer bar skye bar 'gyur ro/ /yi dags kyi rigs ni mdor bsdus na sum cu rtsa drug yod de/ 'di ltar ste?/ /lta gug dang/ /gab pa ltar phra ba dang/ gshad? ba za ba dang/ dri za ba dang/ chos za ba dang/ chu 'thung ba dang/ mchil ma za ba dang/ phrad ba za ba dang/ sha za ba dang/ khrag? za ba dang/ dud? pa za ba dang/ drag shul spyod pa dang/ glags lta ba dang/ mthu bo che dang/ mi la? glags? lta ba dang/ mtshan mo lus 'bar dang/ 'dod pa'i gzugs can dang/ gshin rje'i dbyug pa dang/ tshangs pa'i srin bu dang/ mi gtsang ba za ba dang/ bdud kyi sde dang/ yul dgon du chu dgon pa srog chags dang 'brel cing spyod pa 'tsho ba de la ltos pa de bcad na? sems can dmyal bar bya dza ba b+ha sgra 'byin du skye'o/ /glan ka btsal ba'i phyir mkhas pa las chos mnyan nas/ chos 'dul ba de la mi 'jug mi snyan pas sun 'byin na sems can dmyal ba mes sreg tu skye'o/ /gnod sems snying la yod pa ni/ kun gyis bsrung bar mi nus te/ /bshes grags gnyen gyi mis pa yin/ /chos dang don gyis tshogs kyis min/ /'khrul med mi zad nor yin te/ /skye bo kun gyi ngo? bor che/ /bden pa mtho ris skas yin te/ /de nyid mya ngan 'das pa'i sgo mo/ /mos pa'i rdzu 'phrul dang

  556. 278b

    ldan pa ni ji ltar mos pa de ltar 'gro ba yin te/ gal te sa'i khams su mos na nam mkha' yang sa'i khams su mthong nas 'gro bar 'gyur ro/ /rin chen chung ngus nyos nas chen por 'tsho ba dang phrag dog dang/ seng sna'i nyams pa ni yi dags tshangs pa'i srin por skye? ste/ mi bram ze'i gzugs kyis rgyu ba yin/ /yun ring ngan 'gror bcom pa yi/ /dge ba'i bag chags dga' byed de/ /me tog nyams kyang til dag la/ /bag chags snang ba ji bzhin no/ /de dag gis las ngan pa byas pa des rgya mtsho yang thams cad skams? shing ri dang nags tshal dang bya mtshor bcas pa de yang 'bar ba mthong ngo/ /'phags pa klu'i rgyal po rgya mtshos zhus pa'i mdo las/ /'khor los sgyur ba'i rgyal pa lhas btsal gnyid kyis log pa'i rmi lam du tshigs su bcad pa gnyis thos nas/ de'i mtshan mo 'das nas g.yog 'khor dang bcas te/ bcom ldan 'das kyis spyan sngar dong ste lhags nas bcom ldan 'das de'i spyan mngar byang chub tu sems bskyed de/ tshigs su bcad pa 'di dag smras so/ /gzugs la brkam dang sbra la brten pa dang/ /dri dang ro dang reg la gnas pa dang/ /'dod la brkam dang bde la dga' ba yis/ /byang chub mchog 'di rtogs par mi nus so/ /yang de nyid las byung ba/ /byang chub sems ni bdag gi rmi lam thos/ /chos rnams pa dag ni byang chub mchog la zhugs/ /de bzhin gshegs pa gsang ba bstan pa la byung ba'i/ /zhi ba'i blo gros gzhan yang de bzhin gshegs pa'i gsung ni/ phyogs bcu'i 'jig rten gyi khams thams cad rgyas par 'gengs shang sems can thams cad kyi bsam pa yang dag par tshim par mdzod kyang/ zhi ba'i blo gros de bzhin gshegs pa ni 'di snyam du/ mdo'i la sogs pa gsal bar 'chang cing/ ston kyang/ 'di ltar yang dag par sgrags par mdzad do/ /snyam du mi dgongs so/ /de lta

  557. 279a

    mod kyi de bzhin gshegs pa'i 'khor 'dus pa dge slong la sogs pa de dag gi dbang po'i rim pa dang/ de dag ci 'dra'i chos kyi sbyin pa thos pas dgongs par 'gyur ba de 'dra ba'i chos kyi sbyin pa thob pa de/ de bzhin gshegs pa'i zhal gyi sgo nas 'byung bar shes kyang/ chos bstan pa da ni phan tshun nges pa'i chog tha dad pa la/ gnod pa med par thams cad kyang/ rang rang gi chos rnam par rig pa kun tu shes te/ zhi ba'i blo gros 'di ni de bzhin gshegs pa'i gsung gi gsang ba'o/ /yang de nyid las/ de bzhin gshegs pa ni shin tu mnyam par gzhag pa ste/ yi ge'i rnam par rtog pa thams cad kyi thams cad du rnam par rigs par mi mdzad kyang/ sems can yi ger lhur len pa rnams 'di snyam du sems te/ de bzhin gshegs pa ni bdag cag la chos ston to/ /bdag cag ni de bzhin gshegs pa'i chos bstan pa'i kun shes so snyam mo/ /zhi ba'i blo gros de bzhin gshegs pa'i tshe mas dang/ sgros dang/ zhal gyi rkan dang/ ljags? dang/ zhal gyi sgo nas sgra 'byung ba yang med la/ 'byung ba yang grags so/ /zhi ba'i blo gros gzhan yang de bzhin gshegs pa'i sku ni phung pos rab tu phye ba ma yin/ khams kyis rab tu phyi ma yin/ /skye mched kyi rab tu phye ba ma yin ?? lam las byung ba ma yin/ /nyon mongs pa las byung ba ma yin/ pha ma las byung ba ma yin/ 'byung ba chen po'i nur nur po las byung ba ma yin/ sha dang khrag gis g.yogs pa ma yin/ rus pa dang chu ba'i 'og ris 'brel pa ma yin? dbyugs phyi nang du rgyu ba ma yin/ srog dang 'brel ba ma yin te/ zhi ba'i blo gros/ de bzhin gshegs pa'i sku ni sku med pa ste/ chos kyi sku dang gzugs dang mtshan ma med pa'i sku dang/ spros pa med cing rgyu ba med

  558. 279b

    pa'i rgyu yin yang/ gzugs dang mtshan ma gtso bor byed pa'i sems can sku bstan pas 'dul ba'i sems can rnams kyi mig la snang bar 'gyur ro/ /gzugs la dben pa chos kyi mtshan nyid gtso bor byed pa'i sems can rnams la ni lha'i mig gis kyang thams cad du bltar snang bar mi 'gyur ro/ /'dul ba gzhi las/ bud+d+ha 'od srungs kyi ring la rgyal po kri kri byung ste/ bud+d+has kyang der smon lam btab na dga' ldan du skyes so/ /kri kri'i rgyud kyis grong khyer po ta lar rgyal po'i rabs brgya rtsa gcig byas so/ /de dag gi tha mar po dkar na zhes bya ba ste/ de la bu gau ta mngar/ b+ha ra d+ha dza? zhes bya ba gnyis yod pa las/ b+ha ra d+ha dza ni rgyal po byed do/ /gau ta ma ni pha ma la gsol nas/ drang srong nags sbyin las rab tu byung ba ste/ drang srong gi gnas dgon pa ma bcad de/ grong po lta la dang lte? ba zhig na sbyil bu na 'dug pa las/ bzang mo gzugs kyis 'tsho ba mi g.yon chan/ mri na pa zhes bya ba dang mthus te nyal bar byas pa gzhan zhig dang khri ba'i gtam thos nas/ bzang mo mri na las bsad pa dang/ bzang mo'i g.yog kyis khus btang ste/ mi kun gyis brnyags pa dang/ mri na las ras gri khag can/ drang srong gau ta ma'i spyil bu'i sgor bzhag nas bros so/ /mi kun gyis ral gri mthong ba dang/ rab tu byung ba mi gsong ces te khrid pa dang/ rgyal po b+ha rad+hwa dza sa ma brtags par gsal shing la btsugs so/ /de nas drang srong nag pos de mthong nas dris te gtam byas nas/ gau ta mas bdag gar skye zhes byas pa dang/ de na re bram ze dag na re rigs rgyud med pa la 'gro ba mdo zhes na/ bu lta yod dam des smras pa med do/ /de nas drang srong gis byin gyis brlabs te/ tshor? ba dang rlung bsil ba dag gis lus la phog par byas nas/ sngon gyi 'dod pa la spyod pa dran par gyis shig ces pa/ /bu? ba

  559. 280a

    khrag dang 'dres pa'i thig pa gnyis zags pa las sgo nga gnyis byung ste/ nyi mas smin par byas pa dang/ de rdol nas bu gnyis bu ram gyi tshal gyi rab zhig du dong ngo/ /pha ni shi'o/ /de nas drang srong gi de gnyis? ?? nas gsos te/ nyi mas smin par byas pa dang/ bu ram gyi tshal na gnas pa dang/ gau ta ma'i bu la ming gsum du grags par btags so/ /de nas b+ha ra d+hwa dza rabs chad de/ shi nas blon pos pho ba gau ta ma rab tu byung ba rgyal por bzhug go/ zhes nas drang srong nag po la rmas pa las gsang bar gyur to/ /bu gnyis de ni 'dug pa las phu bo rgyal por bcug pa las rab chad do/ /nu bo bcug te bu ram shing ba zhes bya bar grags so/ /de'i 'phel rgyud las grong khyer po ta la'i rgyal po brgya rtsa gcig go/ de dag gi tha ma bu ram shing pa rgyal po 'phags skyes po'o/ /de la bu bzhi ste/ tha la la kir ni dang/ ka ra ka ra ni dang/ ha sti ni yangs? dang/ nu bo ro ka'o/ /de nas 'phags skyes po'i chung ma shi bas rgyal po gzhan zhig gi bu mo blangs pa las/ rgyal po des rang gi tsha bo zhig yod na rgyal tshab du bzhugs par dam bcas nas byin no/ /phyis bu zhig byung ba dang/ rgyal tshab tu ma bcug pa dang/ rgyal po de yang dag gam zhes bsdigs so/ /de nas 'phags skyes bo bred nas/ ji ltar bya zhes pa dang blon pos bu gzhan skrod la de chu gces de nas rgyal po dang blon pos thabs byas nas bu kun bskrad pa dang de dag la kun dga' bas/ sring mo yan chad zhag bdun gyi bar du phrong ta la la'i sgo? nas 'drul ma chad par dod ba dang/ phyis sgo bcad de lhag ma ma bkye'o/ /de dag gangs ri dang nye ba chu bo b+ha go ra thi'i drung na drang srong ser skya'i gnas kyi nye 'khor du dong nas spyil bo byas te ri dwags shor zhing ?? do/ /de nas

  560. 280b

    'dod chags kyis gdungs nas/ kun ser bu bser bser por song nas/ drang srong gis khyed rgyal rigs rgyal thabs las nyams pas g.yas kyis? gyi sring mo dang/ 'tsho zhing chos so/ /de nas mi 'phel nas kun chos dang srong la mnos? nas/ gser? gyi ril ba'i chus sa 'khor bris te grong brtsis nas der bzhag go/ grong khyer gyi gzhi drang srong ser skyas bres pas ser skya'i grong khyer ro/ /de nas 'phags skyes kyis de dag gis nus phod par thos nas shAkyar btags so/ /de nas 'phags po shi nas rgyal tshab dang bu skrad pa yan chad/ ri'i rgyal por mthar gyis bcug pa las gzhan ni kun rabs chad do/ /nu pu ra ko la bu ra ka zhes bya ba zhig yod pa'i 'phel rgyud kyis ser skya'i grong khyer gyi rgyal po stong lnga bcu rtsa lngar byas so/ /de dag gi tha ma gzhu brtan la bu gnyis te/ seng ge man ka pa dang/ seng ge'i sgra'o/ /seng ge'i man ka la bu bzhi ste/ zas gtsang ma dang/ zas dkar po dang/ 'dro no? da na dang/ bdud rtsi zas so/ /bu mo ni gtsang ma dang/ dgar mo dang/ dre mo dang/ bdud rtsi ma'o/ /zas gtsang ma la bu gnyis te nga dang dga' bo'o/ /zas dkar po la bu gnyis te tsha dang ldan pa ti sh+ya dang/ pi ka'o/ /dro no da na la bu gnyis te/ ming chen dang/ tshe dang ldan pa ma 'gags pa'o/ /bdud rtsi zas la bu gnyis te/ tshe dang ldan pa dga' bo dang lhas byin no/ /gtsang ma'i bu ni rab tu tshor ba'o/ /dkar mo'i bu ni bang dra ma li'o/ /dro na'i bu ni ta li'o/ /bdud rtsi ma'i bu ni shes ba la'o/ /bud+d+ha'i sras na ri hu la'o/ /bud+d+ha yum sgyu 'phrul chen mo/ /g.yur yar mo sgyu ma ste gnyis ka rgyal po gnyi tshad kyi bu mo'o/ /yum ni tsan no/ /byang chub sems dpa' dga' ldan gyi gnas nas/ gshegs pa chos nyid kyis gzigs pa lnga la gzigs te

  561. 281a

    rigs dang yul dang rus dang/ dus dang bud med do/ /rigs ni rgyal rigs dang bram ze gang la brtsan par 'dzin pa la gzigs te/ der skye ba ma blangs na 'jig rten la phan pa dang/ sems can gyi don du mi 'gyur te gzhan yang de dang 'dra'o/ /yul ni gang na bu ram shing dang ba glang dang ma he dang slongs mo pa mang ba 'gro ba yang rabs mang zhing mdza' kho ba kyi skye bo med pa'o/ /dus ni skye bo'i tshe lo brgyad khri las yar 'das na yang skyo ba chung zhing blun brgya las mar 'grim na yang snyigs ma lnga shas che/ rus dang bud med ni shag dang sgyu ma chen po lta bu go rims bzhin mang pos bkur ba tshun chad che dang/ bdun brgyud tshun chad la skyon med cing mdzangs dge la/ byang chub sems dpa' yang mngal na zla ba bcur 'dzin nus pa'o/ /ston pa drug 'od srungs rdzogs byed la sogs pa rjes su ston pa drug bram ze ku ta tal do la sogs pa drug ma rig pa'i bu u tra ka la sogs pa/ bud+d+ha lhums su zhugs tshun chad don kun grub pa'i phyir don kun grub/ shAkya'i spyi lha gnod sbyin shAkya spel ba la phyag 'tshal du khrid pa las de phyi rol du bsu ste/ phyag byas pas lha'i yang lha/ lha la phyag 'tshal du chad pa'i tshe/ grong khyer de na gnas pa'i shAkya mthong zur can mi bsrun pa kun thub pa bzhin 'khong pas na shAkya thub pa'o/ /bdun mtho pa phyag gnyis dpung mgo gnyis lhags pa'o/ /rin po che lnga la 'khor lo ni gser las byas pa lte ba zlum pa rtsi bas stong pa'o/ /ba lang gi thal kar ro/ /rta ni mgrin sngon no/ /bud med ni reg na bde ba'o/ /blon po ni gser la sogs pa nor 'bul ba'o/ /dmag dpon ni dmag thabs la mkhas pa'o/ /chos nyid kyis byang chub sems

  562. 281b

    dpa' bltams nas zhag bdun na yul dus las 'das so/ /byang chub sems dpa' lo nyi shu rtsa dgu na khab nas byung ste/ lo drug dka' ba spyad nas bdud rtsi chung par 'gyur bar drang srong mi dkar bas tshor/ drang srong mi dkar bas ri sgrin? bde ba gnas te/ shi khar slob ma bu la bdud cher du btang nas phyung ba ka tya ya chen po yin/ ji ltar lam rgyags nyung ba dag /lam zhugs sdug bsngal 'gro ba ltar/ /de bzhin las bzang ma byas pa'i/ /sems can dag ni ngan 'gror 'gro /ji ltar lam rgyags gang 'dogs pa/ /lam zhugs bde bar 'gro ba ltar/ /de bzhin las bzang byas pa'i/ /sems can dag ni bde 'gror 'gro /rgyu lngas srog gcod pa byas kyang/ kha na ma tho bas gos par mi 'gyur te/ 'di lta ste/ lam ru 'gro bar zhugs pa'i mi shes pas srog chags phra mo dang/ grog spur la sogs pa srog dang bral bar byed pa dang/ gzhan la tshon chas gzas pa las bsam pa dang mi ldan par gzhan la phog ste/ de srog dang bral ba dang/ nad pa la sman pa phan par 'dod pas nyes par ma mthong ste/ sman byin pa las de shi ba dang/ de bzhin du mas bu 'dul bar bya ba'i phyir brdeg pa las de srog dang bral ba dang/ me spar ba'i nang du srog chags mi 'dod bzhin lhung ba ste/ rgyu rnam pa de lngas srog gcod par gyur kyang/ kha na ma tho bas gos par mi 'gyur ro/ /ma byin par len pa'i bsdom pa ma blangs par ma byin par len pa 'di ni rnam par smin pa chung ba yin no/ /glang po che bdun legs par gnas pa ni rkang lag bzhi dang mjug ma legs pa dang/ rlig pa 'doms kyi nang na 'dug pa dang sna legs par gnas pa'o/ /ral gri nye ba'i rin po che ni/ yul 'khor gzhan du ral gri rang song ste/ mi bdebs par mthong ba tsam gyis thams cad rgyal po'i

  563. 282a

    bka' nyen pa'o pags pa ni rgya mtsho'i klu'i pags pa yin to/ zheng dpag tshad lnga chur dpag tshad bcu ste/ klu rnams kyi rgyal po la phul/ grang na dro bar byed/ dron bsil bar byed/ bud med mi sdug pa mthong bar mi byed do/ /mal cha ni dong? na der nyal na sems las su rung bar 'gyur ro/ /tshal ni rgyal po der bzhugs pa na lha'i bya ba la sogs pa 'du ba'o/ /khyim ni drang dro ran thun tshod gang la dge ba byas pa de'i dus su sad par 'gyur ro/ /gos ni me la sogs pas mi rdzi du ba med pa'o/ /lham ni chu la yang mi 'byid dal gyis 'gro na yang dpag tshad brgyar phyin pa'o/ /gnyen pa dag la dga' med cing/ /mkhas pa dag la lta 'dod la/ khyim gyi skyon las des 'byung ba/ de lta bu ni dge slong yin/ /glu dang gar la mi lta zhing/ nyes tshogs rnams la chags med pa/ /gang dag dur khrod dga' byed pa/ de lta bu ni dge slong yin/ /de la mi dge ba'i las kyis na/ sems can dmyal ba rnams su'o/ /dge bas ni lha rnams su'o/ /'dren mas ni mi rnams su skye'o/ /rgyal po'i chad pas nyen pa dang/ bla ma dang/ pha ma dang/ 'phags pa'i nad par ltogs pa dag gi don du ma byin par len pa na 'bras bu chung ba yin/ dkon mchog gsum las ma byin par blangs pa de dag las kyang sangs rgyas dang chos kyi ni ris mthun par slar phul na dag par 'gyur la/ dge 'dun gyi brkus pa ni tshor ba ma myong ba dag par 'gyur ba med do/ /ma byin par len pa'i sdom pa ma blangs pas ma byin par blangs pa 'di ni rnam par smin pa chung ba yin no/ /de yi las ni rnam gsum gyis/ /gnas skabs dag tu mchod byed cing/ /rnam par smin pa bzhi bcu tham//

  564. 282b

    drag po dag tu g.yos par 'gyur/ /don med bzhi ni chang yin te/ /sems can dmyal ba'i bzhad gang pa/ /dbang po thams cad rnams nyams shing/ /don med pa yi rgyur gyur to/ /tshig la shin du dga' ba dang/ /chags pa dang ni 'jigs pa dang/ /ngag gi skyon dang rlom pa dang/ /tshig rtsub bzhi ni de bzhin no/ /chang gi kun du g.yengs pa'i yid/ /bya dang mi bya mi shes pa/ /mi de phyugs dang mtshungs pa yin/ /de bas na chang spangs shig/ chang gi g.yengs pa'i mi dag ni/ /gson yang shi ba dag dang mtshungs/ /gang zhig rtag tu gson 'dod pas/ /rtag par chad ni rnam par spongs/ /chang ni nyes pa kun gyi bzhi/ /rtag par don kun med par byed/ /ngan song kun gyi them skas te/ /mun nag gnas ni chen po yin/ /chang gis sems can dmyal bar 'gro /de bzhin yi dwags 'jig rten dang/ chang gi skyon gyis bslus pa yin/ /mi dag dud 'gro rnams su 'gro /dug gi nang ma dug gi chang/ /de bzhin dmyal ba'i nang na dmyal/ /nad kyi nang na nad mchog ni/ /chang zhes mkhas pa rnams kyis bshad/ /blo dang dbang po nyams su byed cing/ /rin chen chos ni zad byed la/ /tshangs par spyod pa 'jig byed pa/ /mi zad chad ni skye gnas gcig /rgyal po dang ni bstan bcos mkhas/ /chang gis g.yang bar byed 'gyur na/ tha mal mi dag chang 'thung ba/ /bslus par 'gyur ba ci zhig smos/ /chang la brten pa'i mi dag ni/ /chos rnams kun gyi sta re yin/ /ngo tsha med par byed pa'i mchog /yang bdag tu nye bar brten/ /chang gis phrog par gyur pa'i sems/ /bya ba

  565. 283a

    dang ni mi bya ba/ /mi shes rnam par mi shes shing/ /thams cad mi yis mi shes so/ /gang zhig chang la brten byed pa/ /skye bo res 'ga' dga' byed cing/ /res 'ga' yongs su gdung byed la/ /res dga' sdig pa byed pa yin/ /blo ni shin tu rmongs bskyed cing/ /'jig rten gnyis ni rnam 'jig byed/ /thar pa'i chos la me lta bur/ /sreg byed kho na chang yin no/ /mi gang dag ni chang spong ba/ /chos kyi dang tshul mnyam par gzhag /gang na 'chi ba med pa yin// gnas mchog dag tu de 'gro'o/ /chang 'thung ba yis bslus pa dag /de ni byed pa sman pa yin/ /mi zad sems can dmyal bar ltung/ /don med ci zhig yongs su gdung/ /'thung ba'i tshe na chang zhing ste/ /rnam smin chen mchog tu tsha/ /kim pa ka nang kim pa ka /chang zhes mkhas pa kun gyis bshad/ /bdag la 'di yi mi gnod ces/ /blo ldan chang la yid mi rton/ /myong na bsil yang rnam smin tsha/ /chang ni dmyal bar 'gro bar byed/ /sdig pa'i chos rnams byed pa la/ /sems yang bdag dga' bar byed/ /phyi nas rnam smin che ba ru/ /blo ngan yongs su gdung bar 'gyur 'dod pa rnams la blo mi btang/ /'dod pa mchog ni bla ba yin/ /'khor ba'i 'chi ba drag po de/ /sems can dmyal ba kun gyi rgyu/ /gang zhig 'dod pa rnam la dga' / /de yi sdug bsngal mdza' med do/ /'dod pa'i sprul gyis zil pa la/ /bde ba rnams kyang ga la yod/ /khyed cig 'dod pa mi zad cing/ /drag po sems can dmyal bar 'ongs/ /gnod pa shin tu mi zad la/ /don med ci zhig yongs su gdung/ /gang tshe 'dod pas bslus pa yi/ /khyed cig gis ni sdig byas pa/ /de'i tshe ci phyir khro mi byed/ /de ring ci zhig yongs su gdung/ /byas pa bsags pa brtan pa yi/ /las dag gis ni 'bras bu snang/ /sdig pa'i tshor ba mi

  566. 283b

    bzad pas/ /de lta bas na sdig mi bya/ /sdig pa sdig pa'i rnam smin ni/ /rtag tu ngan song rnams su smin/ /sdig mi byed la sdig med do/ /de lta bas na sdig pa spongs/ /sdig pa yongs su spangs pa la/ /sdig pa'i rnam smin med pa yin/ /sdig pa rang gis byas pa gnod/ /gzhan gyis spyod par mi 'gyur ro/ /'phags pa yongs su mya ngan las 'das pa chen po'i mdo las/ /de bzhin gshegs pa'i ring srel gso ba dang/ /mchod rten rtsig par 'byung ba dang/ /bcom ldan 'das kyis/ /dga' bo dang 'khor mang po rnams la bka' stsal pa/ /nga mya ngan las 'das nas gnas kyi steng ngam/ mi'i 'jig rten na sems can gyis nga'i gdung lag tu thob ste/ mya ngan dang dga' ba dang bcas pa bas bsti stang du phyag 'tshal te/ /dad pa'i sems kyis mchod pa byas na bsod nams tshad med dpag tu med pa 'thob par 'gyur ro/ /dga' bo gang gis de bzhin gshegs pa'i sku gdung mthong na des ni sangs rgyas mthong ngo/ /sangs rgyas mthong ba des ni chos mthong ngo/ /chos mthong ba des ni/ dge 'dun mthong ngo/ /dge 'dun mthang ba des ni mya ngan las 'das pa mthong ngo/ /dga' po de bas na dkon mchog gsum ni rtag pa brtan pa mi 'gyur mi 'pho ba ste sems can thams cad kyi mgon dang skyabs kyi gnas su 'gyur bar rig par bya'o/ /dga' bos bcom ldan 'das la gsol pa/ /bcom ldan 'das yongs su mya ngan las 'das nas bdag cag gis cho ga gang dang sbyar te/ de bzhin gshegs pa'i sku zhugs la bzhin na/ sku gdung 'thob cing dad pas mchod par 'gyur/ bcom ldan 'das kyis dga' bo la bka' stsal pa/ nga mya ngan las 'das nas khyed kyis 'khor los sgyur ba'i rgyal po'i thabs su bsregs shig /dga' bo ? yang

  567. 284a

    gsol pa/ 'khor los sgyur ba'i rgyal po sreg pa'i cho ga ji lta bu lags/ /bcom ldan 'das kyis dga' bo la dka' stsal pa/ 'khor los sgyur ba'i rgyal po ni shi nas zhag bdun gyi bar du 'jog ste/ gdod lcags kyi sgrom gyi nang du 'dzud do/ /sgrom du bcug nas 'bru mar bsung can sgrom gyi nang dkar nas/ kha legs par bcad de yang zhag bdun du 'jog go /de nas sgrom nas phyung ste spos chus bkru'o/ /spos chus bkrus nas bdug spos kyis mchod cing bdams la/ shing bal gyi lus dkri'o/ /shing bal gyis lus kun dkris pa'i steng du ras dkar po bzang po yug stong gi mthar chags su dkri'o/ /de ltar dkris nas sgrom gyi nang 'bru mar gsung can gyis bkang ste/ rgyal po'i rus bu phyir sgrom du bcug / la sgrom gyi kha legs par bcad do/ /shing bsrung can gyi rin po che sna bdun gyi shing rta'i steng du drangs te/ shing rta'i ngos bzhi yang rgyan 'chang zhing rin po che sna tshogs kyis kyang/ shing rta spra'o grangs med pa'i me tog dang/ ba dan dang rin po che sna bdun gyi gdugs dang/ rgyal mtshan dang spos bzang po sna tshogs dang lha'i rol mos bskor cing mchod pa bya'o/ /de nas shing bsung can phyi na ri mo dang ldan pa dang/ mar bsung can gyis 'khor los sgyur pa'i rgyal po'i rus su la sreg go/ de ltar bsregs nas ring bsrel bsdus te/ grong khyer chen po'i bzhi mdor rin po che sna bdun gyi mchod rten sgo bzhi dod pa byas te/ ring bsrel de'i nang du bzhag la/ 'jig rten du bcas pa thams cad kyis rjes su yi rang ngas bltar bzhugs go /dga' bo 'khor los sgyur ba'i rgyal po bsod nams cung zad gcig gis rgyal po'i thabs thob kyang srid pa las rnam par ma grol 'dod pa lnga dang bstan te/ btsun mo dang pho brang gi slas su bcas/ ngan par

  568. 284b

    lta ba dang gdug pa gsum du bcas/ nyon mong pa dang/ kun nas nyon mongs pa ba spu'i nyag ma tsam ma spangs pa/ shi nas 'jig rten du bcas pas de lta bu'i cho ga byed cing mchod rten brtsigs nas/ thams cad rjes su yi rang zhing lta na/ dga' bo de bzhin gshegs pa la ci smos te/ bskal pa tshad med mdza' yas dpag tu med grangs med pa nas/ btsun mo dang pho brang gi slas dang 'dod pa lnga yongs su spangs te/ 'jig rten gyi chos la ba mo 'am ser ba lta bur rtogs nas brtson dga' ba bskal te/ shin tu spyod dka' ba spyad nas byang chub sems dpa' thams cad kyi 'jig rten las 'da' ba' i spyod dka' ba spyad te/ phyogs bcu na dus gsum du rnam par bzhugs pa'i sangs rgyas thams cad kyi mdzad pa yongs su dag pa'i tshul khrims dang ting nge 'dzin dang shes rab dang rnam par grol ba dang rnam par grol pa'i ye shes ston pa dang pha rol tu phyin pa drug ma bsgrubs pa gang yang med la/ gzhan yang de bzhin gshegs pa'i stobs bcu dang/ snying rje chen po dang mi 'jigs pa bzhi dang/ rnam par thar pa'i sgo gsum dang/ stong pa bco brgyad dang/ mngon par shes pa drug dang/ spyan lnga dang byang chub kyi phyogs sum cu rtsa bdun dang/ ma 'dres pa'i chos bco brgyad dang/ mtshan sum cu rtsa gnyis dang dpe byad bzang po brgyad cu dang/ sangs rgyas thams cad kyi sku tshe dang chos kyi zhing thams cad yongs su sbyang ba dang/ sems can thams cad yongs su smin par bya ba dang/ spyod dka' thams cad dang/ dge ba bsdu ba'i tshul khrims dang/ sems can gyi don bya ba'i tshul khrims dang/ sdom pa'i khrims dang/ yon tan thams cad dang/ ye shes thams cad dang/ rgyan thams cad dang/ smon lam

  569. 285a

    chen po thams cad dang/ thabs la mkhas pa thams cad dang/ de la sogs te bsam gyis mi khyab pa'i bsod nams dang/ ye shes thams cad yongs su rdzogs par lhun gyis grub ste/ mi dge ba thams cad yongs su bcad/ nyon mongs pa thams cad kyang yongs su bcad/ nyon mongs pa'i bag chags thams cad kyang yongs su bcad de/ /bden bzhi dang rten cing 'brel te 'byung ba bcu gnyis shin tu rtogs nas/ byang chub kyi shing drung du bdud rnam bzhi btul te/ thams cad mkhyen pa'i ye shes su gyur nas/ de lta bu'i dam pa'i chos thams cad nan tan byas pas/ sangs rgyas thams cad kyi gsung mthun par legs so zhes bka' stsal pas/ mthun pa'i chos kyi ye shes kyi chu chos kyi sku'i spyi bor dbang bskur te/ gdod bla na med pa yang dag par rdzogs pa'i byang chub tu mngon par rdzogs par sangs rgyas so zhes bsgrags so/ /de bas ni da ltar lha dang mi rnams kyi ston pa ste/ phyogs bcur rnam par sangs rgyas pa mthar phyin pa/ bcom ldan 'das zhes bya ba ste lha dang mi'i nad na dpe zla med pa sems can thams cad la sgra gcan 'dzin dang 'dra bar gzigs pas/ de bzhin gshegs pa yang dag par rdzogs pa/ mkhyen pa dang zhabs su ldan/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo bsgyur ba/ lha dang mi'i ston pa sangs rgyas bcom ldan 'das zhes bya ste/ 'jig rten la thugs brtse ba'i mdzad pa kun mdzad nas/ sems can gyi phyir mya ngan las 'das nas 'jig rten gyi chos bzhin du 'khor los sgyur ba'i rgyal po ltar sems can thams cad kyis mchod pa byed par 'gyur

  570. 285b

    bar bya'o/ /dga' bo mya ngan las 'das na/ 'khor los sgyur ba'i rgyal po ltar zhag bdun gyi bar du zhog la/ gdod lcags kyi sgrom du chu gcig /lcags kyi sgrom du bcug nas mar gsung can gyi khong la/ kha legs par chod cig / sgrom yang rin po che sna bdun gyis rab tu spra zhing brgyan la/ sgrom 'khor ba rin po che'i rgyal mtshan dang/ spos dang me tog gi mchod pa gyis shig /de lta bur zhag bdun du mchod nas/ sgrom nas phyung la spos chus legs par khrus shig /de ltar spos chus de bzhin gshegs pa sku legs par bltas nas shing bal gyi sku legs par dkri shing/ de'i steng du rin thang med pa'i ras dkar po yug stong gis dkri zhing/ de ltar dkris nas phyis lcags kyi sgrom du chug la/ mar bsung can gyis bkang ste/ kha lags par chod cig de nas go shing sha tsan dan dang/ a ga ru dang/ shing bsung can thams cad dang bcas sku rin po che sna bdun gyi shing rta'i seng du bzhag ste/ rin po che thams cad kyis brgyan te sregs pa'i gnas su drongs shig /rin po che'i rgyal mtshan grangs med pa dang/ rin po che'i gdugs grangs med pa dang rin po che'i gos grangs med pa dang/ grangs med pa'i rol mo dang/ grangs med pa'i me tog dang/ spos kyis nam mkha' yang gang tsam du mchod pa gyis la dugs shig/ lha dang mi dang 'khor thams cad kyis ni spos kyi shing tsandan dang/ e ka ru dang/ mar bsung can gyis nga bsregs la ma du zhig /de ltar bsregs nas lha dang mi dang 'khor rnam bzhis ring bsrel bsdus la/ rin po che sna bdun gyi bum par bcug ste/ grong khyer chen po'i lam gyi bzhi mdor rin po che sna bdun gyi mchod rten byas la ring bsrel la mchod na sems can

  571. 286a

    la mchod na sems can dag bsod nams chen po thob cing/ srid pa gsum gyi sdug bsngal spangs nas mya ngan las 'da' ba' i bde ba thob par 'gyur ro/ /dga' bo 'khor rnam bzhi pos/ sangs rgyas kyi skrag tu gi rin po che sna bdun gyis mchod rten byas nas/ gzhan yang mchod rten gsum bya'o/ /gang zhe na 'di lta ste/ rang sangs rgyas kyi mchod rten dang/ dgra bcom pa'i mchod rten dang/ 'khor los sgyur ba'i rgyal po'i mchod rten te/ 'jig rten du bcas pas skyabs su 'gro ba'i gnas shes par bya ba'i phyir ro/ /dga' bos gsol ba/ bcom ldan 'das de bzhin gshegs pa 'jig rten du gshegs pa na/ sems can la thugs rtse ba'i slad du/ stobs bcu dang/ /thugs rje chen po dang/ mi bsnyengs pa bcu dang/ rten cing 'brel de 'byung ba bcu gnyis dang bden pa bzhi dang rnam par thar pa'i sgo gsum dang/ tshangs pa'i dbyangs rnam pa brgyad kyis khams gsum du bsgrags pa dang/ kha dog rnam pa lnga dang ldan pa'i byams pa'i 'od kyis lam rgyud drug snang ba mdzad nas sems can gyi bsam pa bzhin du la la ni 'bras bu bzhi dang/ theg pa gnyis pa spyod par gyur/ la la na zag pa med pa'i 'dus ma byas pa'i rang sangs rgyas kyi byang chub thob par gyur la la ni 'gog pa mi skye ba'i byang chub kyis sa non par gyur/ la la ni tshad med pa'i gzungs thob par gyur/ la la ni spyan lnga dang mngon par shes pa drug thob par gyur/ la la ni ngan song gsum las thar par gyur/ la la ni mi khom pa brgyad dang bral bar gyur la la ni lha dang mi'i 'jig rten gsum gyi sdug bsngal dang bral bar gyur to/ /de bzhin gshegs pa'i byams pa'i shugs rnam par dag pa dang/ de bzhin gshegs pa'i rnam par grol ba'i chos

  572. 286b

    kyi gzhung bsam gyis mi khyab pas mya ngan las 'da' ba' i bar du/ 'jig rten du bcas pa lha nang mi dang 'khor rnam bzhis rin po che sna bdun gyis mchod rten byas te ring bsrel la mchod rten bsod nams chen po thob cing so so'i skye bo dag khams gsum gyi sdug bsngal las thar cing yang dag pa'i rnam par grol ba la 'jug par 'gyur te/ de bas na sangs rgyas mya ngan las 'das na/ 'jig rten du bcas pa lha dang mi dang 'khor thams cad kyi sangs rgyas mdzad pa'i drin chen po dang byams pa tshad ma mchis pa rjes su gzung ba'i slad du rin po che sna bdun gyi mchod rten bgyid cing/ ring bsrel la mchod pa bgyid pa ni 'os na/ bcom ldan 'das mchod rten rnam pa gsum po bgyis pas sems can rnams la sman pa ci mchis na mchod rten bgyid cing/ mchod pa bgyi/ bcom ldan 'das kyis dga' bo la stsal pa/ rang sangs rgyas ni rten cing 'brel te byung ba'i chos shin tu zab mo rtogs nas/ srid pa thams cad las rnam par grol te/ nyes pa'i skyon thams cad dang bral nas/ lha dang mi'i bsod nams kyi zhing du gyur te/ de bas na chod rten byas te/ mchod na bsod nams thob par 'gyur ro/ /de bzhin gshegs pa'i 'og tu 'gro ba mang po 'bras bu mchog thob par byed pa'i phyir ro/ /dga' bo dgra bcom pa ni skye ba'i phyogs zad de srid pa phyi ma mi len la tshangs par spyod pa yongs su rdzogs pa 'jig rten gyi bsod nams kyi zhing du gyur te/ de bas na mchod rten byas te mchod na bsod nams thob pa ni rang sangs rgyas kyi 'og tu de mang ste/ des kyang 'gro ba rnam par grol bar byed do/ /dga' bo 'khor los sgyur ba'i rgyal po yang khams gsum gyi nyon mongs pa las rnam par ma grol mod kyi/ bsod nams kyi shugs kyis gling bzhi la dbang ste dge ba bcu'i las kyis

  573. 287a

    sems can gyi srid byed pas sems can de dag gis bkur sti'i gnas yin te/ de bas na 'khor rnam bzhis mchod rten byas te mchod na bsod nams tshad med pa thob par 'gyur ro/ /dga' bos yang gsol ba/ bcom ldan 'das sangs rgyas mya ngan las 'das nas/ bdag cag 'khor rnam bzhis gang du de bzhin gshegs pa'i sku zhugs la bzhen na/ de bzhin gshegs pa'i ring bsrel thob par 'gyur pa bcom ldan 'das kyis bstan du gsol/ bcom ldan 'das kyis dga' bo la bka' stsal pa/ sangs rgyas mya ngan las 'das nas/ 'khor rnam bzhis gal te rtswa mchog gi grong khyer gyi nang du nga bsregs na/ grong khyer de'i mi dag rgyal po'i las kyis chad pa dang/ rtsod pa tshad med pa 'byung ste/ thams cad kyis bsod nams mnyam par mi 'thob po/ /dga' bo gal te 'khor rnam bzhis grong khyer gyi phyi rol na bsregs na/ 'jig rten dag bsod nams mnyam par thob po/ /dga' bos gsol pa/ bcom ldan 'das sangs rgyas mya ngan las 'das nas zhugs la bzhen pa'i 'og tu 'khor rnam bzhis ring bsrel bsdus te rin po che'i bum par stsal nas/ rin po che sna bdun gyi mchod rten gang du brtsigs na thams cad rang ba'i sems skye zhing mchod par 'gyur ba/ bcom ldan 'das kyis bstan du gsol/ bcom ldan 'das kyis dga' bo la bka' stsal ba/ sangs rgyas mya ngan las 'das te/ bsregs nas 'khor rnam bzhis ring bsrel bsdus te/ rin po che sna bdun gyi bum par chug la rtsa mchog gi grong khyer nad lam gyi bzhi mdor rin po che sna bdun gyi mchod rten bang rim gsum dang ldan pa 'phang lo dang bcas pa rin po che thams cad kyis brgyan cing spas pa/ 'jig

  574. 287b

    rten pa thams cad kyis mchog tu bya ba'i ba dan gyis shin tu brgyan pa/ ngos bzhi'i pu shu yang rin po che sna bdun la byas pa thams cad du rgyan gyis rab tu spras pa/ mchod rten de'i rim pa gcig ni yang ngos bzhir sgo re rer btong pa skar khung thad kar 'bar ba'i nang du rin po che bum pa bcug ste/ 'khor rnam bzhis mchod par bya'o/ /dga' bo rang sangs rgyas kyi mchod rten ni rim pa bcu gcig dang ldan pa/ rin po che sna tshogs kyis spras par bya'o/ /dga' bo dgra bcom pa'i mchod rten ni rim pa bzhi dang ldan pa ste/ de yang rin po che sna tshogs kyis spras pa'o/ /dga' bo 'khor los sgyur ba'i rgyal po'i mchod rten yang rin po che sna bdun la byas te/ rim pa dang bcas pa ni ma yin no/ /de ci'i phyir zhe na/ khams gsum gyi srid pa'i sdug bsngal las ma grol ba'i phyir ro/ /de'i tshe ma 'gags pas bcom ldan 'das la 'di skad ces gsol to/ /sangs rgyas mya ngan las 'das te zhugs la zhen/ lha dang mi dang 'khor rnam bzhis de bzhin gshegs pa'i ring bsrel ji ltar bgos na thams cad kyis mchod par 'gyur/ de'i tshe bcom ldan 'das kyis ma 'gags pa la 'di skad ces bka' stsal to/ /mya ngan las 'das nas/ lha dang mi la sogs pas sangs rgyas kyi ring bsrel sdus te/ shin tu mnyam par sems kyis khams gsum dang rgyud drug pa thams cad la yang dgos te/ mchod pa byed par 'gyur pas bya'o/ /de'i tshe brgya byin lha'i dbang phyug gis/ bcom ldan 'das la 'di skad ces gsol to/ /bcom ldan 'das bdag ni de bzhin gshegs pa las/ de bzhin gshegs pa'i ring bsrel gyi phyed gsol to/ /bcom ldan 'das kyis brgya byin lha'i dbang po la 'di skad ces bka' stsal to/ /de bzhin gshegs pa ni sems can thams cad la sras sgra

  575. 288a

    gcan 'dzin dang 'dra bar gzigs te/ de bas na khyed ring bsrel gyi phyed 'dod do zhes ma zer cig /de ci'i phyir zhe na/ sems can thams cad la phan pa'i don snyams par mdzad pa'i phyir ro/ /bcom ldan 'das kyis brgya byin lhar dbang phyug la bka' stsal pa/ ngas khyod la 'gras pa g.yas pa'i tshems mche ba gcig sbyin gyis/ khyod kyis lha'i 'jig rten du mchod rten byos la mchod cig dang/ khyod kyis bsod nams zad mi shes pa thob par 'gyur ro/ /de'i tshe na lha dang mi thams cad tshe nges 'debs shing dus so/ /de nas bcom ldan 'das kyis 'khor bzhi mo la bka' stsal pa/ sangs rgyas mya ngan las 'da' ba la lha dang mi la sogs pa khyed mya ngan ma byed cig de ci'i phyir zhe na/ sangs rgyas mya ngan las 'das kyang/ ring bsrel rtag mchod du yod la/ gzhan yang bla na med pa'i dkon mchog mdo sde dang 'dul ba dang/ chos mngon pa yod do/ /de bas dkon mchog gsum dang bden pa bzhi rtag tu 'jig rten na yod do/ /sems can dag dad pas mchod pa'i gnas yod pa yin no/ /de ci'i phyir zhe na/ ring bsrel la mchod pa'i sangs rgyas dkon mchog yin no/ /sangs rgyas mthong ba des ni chos kyi sku mthong ngo/ /? chos mthong ba des ni 'phags pa mthong ngo/ /'phags pa mthong ba des ni bden pa bzhi mthong ngo/ /bden pa bzhi mthong ba des ni mya ngan las 'da' ba mthong ngo/ /de bas na dkon mchog gsum ni rtag pa/ gnas pa mi 'gyur ba mi 'pho ba ste/ 'jig rten gyi gnas dang rten du 'gyur par rig par bya'o/ /bcom ldan 'das kyis 'khor mang po rnams la bka' stsal pa/ khyed sdug bsngal gyis gdungs pa'i mya ngan chen po ma byed cig /nga ni mya ngan las 'da'

  576. 288b

    bar gshegs su ngas tshul khrims sam/ gnas sam rtag pa 'am mi rtag pa'am/ dkon mchog gsum lam bden pa bzhi'am/ /pha rol tu phyin pa drug gam/ rten cing 'brel te 'byung ba bcu gnyis las the tshom du gyur pa yod na myur du dris shig /'dri ba 'di ni tha mar 'dri ba ste/ sangs rgyas mya ngan las 'das nas 'gyod pa med par bya'o zhes lan gsum gyi bar du bka' stsal to/ /de'i tshe 'khor rnams bzhi la sogs pa mya ngan kyis yid? gdungs te/ srad rnangs nas yid chad pa tsam du yid la gcags te mya ngan gyis rgyal po sangs rgyas kyi byin gyis brlabs kyis mchi ma phyis nas cang mi smra ste zhu ba yang med do/ /de ci'i phyir zhe na/ 'khor bzhi po 'di dag thams cad ni tshul khrims dang gnas dang/ dkon mchog gsum dang/ bden pa bzhi mngon sum du rtogs te/ the tshom med par gyur to/ /de'i tshe bcom ldan 'das kyis 'khor rnam bzhi po la the tshom med par thugs kyis mkhyen nas/ legs legs so shin tu legs so/ /'khor bzhi po khyed dkon mchog gsum dang/ bden pa'i shin tu rtogs te/ the tshom med pa ni ji ltar chu dad pas dri ma dkrus pa dang 'dra ste/ khyod kyang brtson 'grus kyis shig dang/ myur du 'byung lam thob pa/ 'gyur gyis brgyal ba tsam du mya ngan ma byed cig /de'i tshe bcom ldan 'das kyis seng ge'i khri la bzhugs bzhin du gser lta bu'i phyag gis na bza' sbyar ma bzhag nas gser gtso ma'i kha dog lta bu seng+ge'i mthong ka dpal be'u phyung ste/ 'khor mang po rnams la bstan nas/ lha dang mi dang 'khor mang po rnams la nga'i sku mdog gser btso ma lta bu la ltos shig ces pa dang/ stsal te/ /de'i tshe 'khor rnam bzhi dang thams cad kyis de bzhin gshegs

  577. 289a

    pa'i sku gser btso ma'i kha dog lta bu la mig mi 'dzum par bltas bas rab tu bde ba ni ji ltar dge slong dag sdom pa sum la reg pa dang 'dra bar gyur to/ /de'i tshe bcom ldan 'das gser btso ma'i kha dog lta bu'i sku 'khor mang po la bstan nas mya ngan las 'das pa chen po'i 'od zer tshad med dpag tu med pa khrag khrig brgya stong snyed bkye nas/ phyogs bcu'i 'jig rten gyi khams thams cad snang bar byas nas/ nyi zla'i 'od kyang zil gyis gnon to/ /de ltar 'od bkye nas 'khor mang po rnams la 'di skad ces bka' stsal to/ /de bzhin gshegs pa ni khyod kyi phyir bskal pa grangs med pa'i bar du shin tu spyod dka' ba spyad de/ lus kyi yan lag dang/ rkang pa yang btub nas shin tu spyod dka' ba thams cad spyad de/ snying rje chen po'i smon lam gyi dbang gis rnyog pa lnga'i 'jig rten gyi khams 'dir bla na med pa yang dag par rdzogs pa'i byang chub tu mngon par sangs rgyas te/ rdo rje lta bur mi 'jigs pa'i gser btso ma'i kha dog gi sku mtshan sum cu rtsa gnyis dang/ dpe byad bzang po brgyad cu dang ldan pa tshad med pa'i 'od zer gyis thams cad du snang bar byas pa thob ste/ 'od zer gyis reg gam/ sku mthong ba tsam gyis kyang ma grol ba med do/ /bcom ldan 'das kyis yang 'khor mang po rnams la 'di skad ces bka' stsal to/ /sangs rgyas 'jig rten du gshegs pa shin tu dka' ba ba ni me tog u dum ba ra dang 'dra ste/ shin tu mthong bar dka' o/ /khyod kyis nang gi tha mar nga'i sku mthong bar 'gyur ba 'di la don med par mi bya'o/ /sngon gyi smon lam gyi mthus rnyed pa'i 'jig rten gyi khams 'dir gshegs te/ de ni gdul ba'i mdzad nas nga mya ngan las 'dar nye'o/ /khyod la sogs pa sems rtse gcig tu nga'i sku gser btso ma'i kha dog lta bu la shin tu ltos shig khyed kyang yongs su dag

  578. 289b

    ba'i las la nan tan byas na 'bras bu 'di thob par 'gyur ro/ /de'i tshe bcom ldan 'das de bzhin du yang dang yang dang yang lan gsum gyi bar du bka' stsal nas/ gser btso ma lta bu'i sku 'khor mang po rnams la mngon du bstan to/ /de nas rin po che sna bdun gyi gser gyi khri las bzhengs te/ steng gi nam mkha' la shing tA la bdun srid du 'phags nas yang 'di skad ces bka' stsal to/ /de yongs su mya ngan las 'dar nye yis/ /khyed la sogs pa 'khor mang po rnams bsam pa bzhin du dag pas/ nga'i sku kha dog gser btso ma la ltos shig ces lan bdun gyi bar du bka' stsal to/ /de nas yang bcom ldan 'das seng+ge'i khri las bzhengs nas nam mkha' la shing tA la gcig srid du 'phags nas/ 'khor mang po rnams la 'di skad ces bka' stsal to/ /de yongs su mya ngan las 'dar nye'i khyed la sogs pa bsam pa dag pas nga'i sku gser btso ma'i kha dog lta bu la ltos shig/ de bzhin du shing tA la lan bdun srid du 'phags nas lan bdun gyi bar du nga yongs su mya ngan las 'dar nye yid khyed la sogs pa 'khor mang po rnams nga'i sku gser btso ma'i kha dog lta bu la ltos shig ces bka' stsal to/ /dkon mchog gi za ma tog pas/ gang dag sems shus ngo tsha med cing khrel med dang/ /gang dag 'di 'dra'i yon tan med cing bden tshig med/ /de dag sgren mo bas kyang sgren mor 'jig rten rgyu/ /srog chad shi ba rjes blang ste/ 'tsho ba ngan pa de lta min/ /g.yul ngor shi ba legs pa ste/ pham nas bson pa de lta yin/ /snga ma'i dpung las mi rgyal ba te/ /dpa' bo'i dpung las rgyal bar 'gyur zhes 'byung/ /'phags pa shes rab kyi pha rol tu phyin pa khri brgyad stong pa las bka' stsal pa/ rab 'byor gal te sems can rnams dngos po yin te/ dngos po med pa ma yin na ni/

  579. 290a

    gang dag gi de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor lo bskor ba'i sems can de dag phung po'i lhag ma med pa'i mya ngan las 'das pa'i dbyings su yongs su mya ngan las 'das par mi 'gyur bzhig na rab 'byor gang gis phyir sems can rnams dngos po med cing/ dngos po yod pa ma yin pas de'i phyir gang dag gi ched du de bzhin gshegs pas chos kyi 'khor lo bskor ba'i sems can de dag phung po lhag ma med pa'i mya ngan las 'das pa'i dbyings su yongs su mya ngan las 'da' o/ /yongs su mya ngan las mya ngan las 'das so/ /yongs su mya ngan las 'da' bar 'gyur ro zhes 'byung ba dang/ yang rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyis skyes bu chen po'i mtshan sum cu rtsa gnyis dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyi 'od dang/ sku mdog dang gzi brjid dang/ dpal gyi lha dang/ mi dang/ lha ma yin du bcas pa'i 'jig rten zil gyis mnan te/ mdzes shing lham med/ lhan ne/ lha der mi 'gyur ba zhig na/ rab 'byor gang gis phyir de bzhin gshegs pa dgra bcom pa yang dag par rdzogs pa'i sangs rgyas kyi skyes bu chen po'i mtshan sum cu rtsa gnyis dngos po med cing dngos po yod pa ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas kyi/ 'od dang sku mdog dang gzi brjid dang dpal gyi lha dang mi dang lha ma yin du bcas pa'i 'jig rten zil gyis mnan te/ mdzes shing lha me lhan ne lhang nge zhes 'byung ba dang/ yang rab 'byor gal te de bzhin gshegs pa

  580. 290b

    dgra bcom pa yang dag par rdzogs pa'i sangs rgyas kyi chos kyi 'khor lo dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis/ dge slong ngam bram ze dang/ lha 'am bdud dam/ changs pa 'am/ sus kyang 'jig rten du chos dang mthun par bskor bar mi nus pa'i chos kyi 'khor lo bskor bar mi 'gyur ba zhig na/ rab 'byor gang gi phyir de bzhin gshegs pa dgra bcom pa yang dag par rdzogs sangs rgyas kyi chos kyi 'khor lo dngos po med cing/ dngos po yod pa ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas dge slong ngam/ bram ze 'am lha 'am bdud dam tshangs pa 'am sus kyang 'jig rten du chos dang mthun par bskor bar mi nus pa'i chos kyi 'khor lo bskor ro zhes 'byung ba dang/ yang rab 'byor gal te byang chub sems dpa' sems dpa' chen po'i rdo rje lta bu'i ye shes dngos po yin te/ dngos po med pa ma yin na ni/ theg pa chen po 'dis byang chub sems dpa' sems dpa' chen pos bag chags dang/ mtshams sbyor ba dang/ nyon mongs pa thams cad dngos po med par rtogs nas/ rnam pa thams cad mkhyen pa nyid kyi ye shes rnam pa thams cad kyi mchog dang ldan pa thob nas/ lha dang lha ma yin du bcas pa'i 'jig rten zil gyis mnan te/ nges par 'byung bar mi 'gyur ba zhig na/ rab 'byor gang gi phyir byang chub sems dpa' sems dpa' chen po'i rdo rje lta bu'i ye shes dngos po med cing dngos po yod pa ma yin pas/ de'i phyir byang chub sems dpa' sems dpa' chen pos bag chags dang/ mtshams sbyor ba dang/ nyon mongs pa thams

  581. 291a

    dngos po med par rtogs nas/ rnam pa thams cad mkhyen pa nyid kyi ye shes rnam pa thams cad kyi mchog dang ldan pa thob ste/ lha dang mi dang lha ma yin du bcas pa'i 'jig rten zil gyis mnan nas nges? par 'byung bar 'gyur ro zhes 'byung/ rab 'byor gyis smras pa/ tshe dang ldan pa shA radwa ti'i bu shes rab kyi pha rol tu phyin pa 'di bshad pa na/ gal te byang chub sems dpa' sems dpa chen po nam nur med cing/ rmongs pa med par gyur na/ byang chub sems dpa' sems dpa' chen po de ni 'di ltar ste/ /sems can thams cad bskyab pa dang/ sems can thams cad yongs su mi gtong ba'i phyir 'di ltar gnas pa 'dis gnas pa yin par rig par bya ste/ de yang mi gnas pa'i tshul gyis gnas shing/ byang chub sems dpa' sems dpa' chen po da ni 'di lta ste/ snying rje chen po yid la byed pa de dang ma bral bar rig par bya'o/ /shA ri'i bus smras pa/ tshe dang ldan pa rab 'byor 'di lta ste/ snying rje chen po yid la byed pa'i yid la byed pa de dang ma bral bar gnas pa de byang chub sems dpa' sems dpa' chen po yin par 'dod na/ tshe dang ldan pa rab 'byor de ltar na sems can kyang byang chub sems dpa' yin par 'gyur ro/ /de ci'i phyir zhe na/ tshe dang ldan pa rab 'byor 'di ltar sems can thams cad ni yid la byed pa dang ma bral ba'i phyir ro/ /rab 'byor gyis smras pa tshe dang ldan pa shA ri'i bu legs so legs so/ /tshe dang ldan pa shA ri'i bus yang dag pa'i tshig brjod nas/ don de nyid yongs su bzung ba ni tshe dang ldan pa shA ri'i bu'i dmigs su phebs so/ /de ci'i phyir zhe na/ tshe dang ldan pa shA ri'i bu sems

  582. 291b

    can med pa'i phyir yid la byed pa med par rig par bya'o/ /sems can stong pa nyid kyi phyir yid la byed pa stong pa nyid du rig par bya'o/ /sems can dbyen pa'i phyir yid la byed pa dbyen par rig par bya'o/ /sems can ngo bo nyid med pa'i phyir yid la byed pa ngo bo nyid med par rig par bya zhing/ sems can mngon par rdzogs par 'tshang rgya ba med pa'i phyir/ yid la byed pa mngon par rdzogs par 'tshang rgya ba mang por rig par bya ba'i phyir ro zhes 'byung/ 'phags pa sangs rgyas phal pa che sdong po brgyan pa las/ byang chub sems dpa' spyan ras gzigs dbang phyug gi yon tan 'byung ba/ songs shig nor bzangs dpal gyi chu rgyal dpungs shig na/ mkhas pa rnams kyi ri rgyal grus 'dzin mdzes pa yod/ rin chen rgyus byas shing ngang nags tshal me tog mang/ bza' shing ra ba'i rdzing dang chu bran 'bar bar ldan/ /ri mchog de la rten spyan ras gzigs kyi dbang/ 'gro ba rnams la phan pa'i don du rnam par spyod/ /de nas song dang nor bzang khyed la mgon po yi/ /yon tan rgya chen tshul 'jug bstod bar byed/ /g.yas phyogs bskor ba byas te gus par skur sto nas/ /nor bzangs shin tu dul ba lho phyogs rgyud du song/ /spyan ras gzigs dbang drang song snying rje rnam spyod pa/ /rin chen ri yi sul na gnas par des kyang mthong/ /rin chen sna tshogs rdo rje'i ri yi sman ljongs na/ /pad+ma'i snying po seng ge'i khri la brten pa 'dug /lha dang lha min klu dang srin po mi 'am ci/ /rgyal ba'i sras kyis bskor cing de la chos kyang ston/ /mthong nas nor bzang dga' ba tshad med skyes par 'gyur/ /bsnyen te yon tan rgya mtsho'i zhags

  583. 292a

    la phyag 'tshal nas/ /ci nas bzang po'i spyod pa bdag gis thob 'gyur bar/ /'phags pa thugs rjes bskyed de gdams shing bslab par gsol/ /bsod nams brgya bas brgyan pa dri med phyag brgyang ste/ 'od sprin dra ba rgya chen bzang po'i rib 'thon nas/ /nor bzangs spyi bor bzhag ste sems can rnam dag pa/ /spyan ras gzigs kyi dbang phyug mkhas pas tshig 'di smras/ /sangs rgyas sras por ni rnam thar gcig sgo shes/ /ye shes snying po rgyal ba kun gyi thug rjes sdug /'gro ba thams cad bskyab cing yongs su bsdu phyir 'byung/ /kun du bdag nyid rang la byams pa bzhin du rgyu/ /'gro ba mang po thams cad sdug bsngal kun las bskyo/ /gang rnams dam du bcings shing dgra lag phyin pa dang/ lus la gzer cing de bzhin brtson rar btsud pa yang/ /nga yi ming thos bcangs shing bzang ba'ang thar par 'gyur/ /rgyal po dag la nyes pa'i g.yor byas bsad sprangs pa/ /de tshe de dag yin yang dran 'gyur na/ /mda''phangs de yi lus la phog par mi 'gyur/ /mtshon rnos btab kyang de dag mi 'jug rgal bar 'gyur/ /dbang po'i 'khor du phyin dang gang rnams rtsod 'gyur ba/ /dgra rnams kun las rgyal 'gyur grags pa thob par 'gyur/ /grags dang grogs dang rigs dang nor rnams 'phel bar 'gyur/ /gang gis nga yi ming ni rjes su dran byas pa/ /de dag rkun pos 'jigs dogs dgras 'jigs nam phyin te/ seng ge dom gzigs gcan na g.yag rgod sbrul gang yang/ /dgra rnams kun las rgyal zhing 'jigs pa med par

  584. 292b

    'gyur/ /gang rnams la las nga yi ming zhig dran byas na/ /sdang ba'i sems rgyun sa chen ltongs su thar gyur gtam/ /sol dag lci me rab tu 'bar gyur kyang/ /gang ba chu yi gter du 'byung bar 'gyur/ /nga yi ming ni skang 'ga' yud tsam rjes dran na/ /rgya mtsho'i chu bor de ni nang du 'chi mi 'gyur/ /chu bos mi khyer me'i dbus su 'tshig mi 'gyur/ /don med kun du mi 'gyur don rnams grub par 'gyur/ /shing sgrog dbyig bcings lcags sgrog de bzhin ltung rnams dang/ /brnyas shing phyad bsad de bzhin bred cing bslus pa dang/ /spyos shing sdigs te gshe dang sma phab rnam pa las/ /nga yi ming tsam dran par byas na thar pa thob/ /gang rnams thar gnyen sna tshogs klags lta ji snyed dang/ /gang rnams rtag tu zhe sdang mi snyan brjod pa rnams/ /nga yi ming thos dran byas snyan par brjod par 'gyur/ /mthong ba tsam gyis mod la byams pa'i sems kyang bskyed/ /nga yi ming tsam la la gang gis dran byas nas gnod pa'i don du ro langs sngags dang byed pa yi/ /dgra rnams rtag tu de yis zil gyis gnon par 'gyur/ /ma lus dug gis de yi lus la mi tshugs so/ /la la gang gis nga yi ming tsam dran byas na/ /klu dbang sprin tshogs mkha' lding sha za thams cad dang/ /grul bum srin po 'che phyed gtam pa'i sems ldan dang/ /mdangs 'phrog 'jig byed rmi lam 'ong ba zhi bar 'gyur/ /nga yi ming ni skad cig yud tsam dran byas kyang/ /pha dang ma dang mnyen bshes mdza' ba kun dang yang/ /'bral bar mi 'gyur sdang dang 'grogs par de bzhin min/ /nor zad mi 'gyur phongs pa'i dngos su mi 'gyur ro/ /nga yi ming gi rjes su la la dran byed na/ /'di nas shi 'phos mnar med sems dmyal mi 'gro ste/ /byol song skye nas yi dags mi kho mas gnas su min/ /sems can dag pa lha dang mi yi gnas su skye/ /nga yi ming ni la la gang gis dran byas na

  585. 293a

    dmus longs zhar ba 'on bza' zha bor mi 'gyur te/ /theng po long bar mi 'gyur gsal smra blta bsdug 'gyur/ /bskal pa bye ba mang por dbang po kun ldan 'gyur/ /la la gang gis nga ni rjes dran na/ /sems can dag pa 'di nas shi 'phos phyogs bcu yi/ /'jig rten khams su sangs rgyas mngon sum skye bar 'gyur/ /sangs rgyas mthong 'gyur de dag chos kyang thos bar 'gyur/ /'di dang de bzhin gzhan dag thabs mang ji snyed kyis/ /'gro ba sems can des 'dul gzhan dang zad nus kyi/ /sangs rgyas sras bo ngas ni rnam thar gcig bsgoms te// yon tan thams cad ngas mi shes/ /'phags pa spyan ras gzigs dbang phyug gi yon tan/ /'phags pa mdo sde sna tshogs kyi mdo btus/ /gsung rab rin po che'i gtam rgyud/ / 'dus pa shAkya'i rabs rgyud/ /mkhan po dpal brtsegs kyis mdzad pa rdzogs so// sarba mang+gA laM /