Text

ff. 1a–493a · 985 folio sides

  1. 1a

    dpal rdo rje bdud rtsi'i dka' 'grel bzhugs so/ /

  2. 1b

    rgya gar skad du/ sh+rI badzra mri tapany+tsi kA /bod skad du/ dpal rdo rje bdud rtsi'i dka' 'grel/ dpal rdo rje sems dpa' la phyag 'tshal lo/ /gang gi dngos po mdza' dag rnam bcom dri med ye shes dar ba 'khrug med pa / thabs dang shes rab thugs rje chen po ro mnyam phyir gcig gnyis su gsal ba de/ /mA ma kI la sogs pa'i spyan zur rkang drug tshogs kyis bltas pa'i chu skyes zhal/ /de la btud nas mchog tu bde ba rgyal ba'i rang bzhin rdo rje bdud rtsi bri/ /rang

  3. 2a

    nyid la snang rgyud kyi don/ /nges par gsang ba gsang sems pa'i/ /bdag gzhan rnams kyi dran pa'i phyir/ / rnam par 'grel ba gsal bar bya/ /rgyud 'di la bcom ldan 'das mi bskyod pa mA ma kI la sogs pa'i 'khor gyis yongs su bskor ba ni brjod par bya'o/ /rgyud kyang rjod par byed pa'o/ /dgos pa yang rdo rje bdud rtsi bde ba chen po'i ye shes mngon du byed pas skye bo rnams kyis 'dod chags la sogs pa nyon mongs pa'i nyes pa nges par 'joms par byed pa zhes bya'o/ /de la yang

  4. 2b

    bde ba chen po'i ting nge 'dzin thob pa las 'dod chags la sogs pa'i nyon mongs pa bsam ste tshegs med par skye bo ma rgyal ba las rgyal bar 'gyur te rdzogs pa'i sangs rgyas rgyun tu sems can gyi don byed do zhes pa dgos pa'i yang dgos pa'o/ /de dag kyang gdon mi za bar brjod par bya ba ste/ chos kyi rjes su 'brang ba'i gang zag sgrub par byed pa la phan par byed pa'i phyir ro/ /'o na sems can rnams kyis rdzogs pa'i byang chub thob pa'i don du rtsi'i phyir 'di las thabs gzhan pa'i ting nge 'dzin bcom ldan 'das kyis rab tu bstan pa ma yin nam/ 'dir 'jig rten la 'gal ba bstan zhe na/ gang gi phyir 'jig rten thog ma med pa'i dus su goms pa 'dod chags la sogs pa'i nyon mongs pa mdza' dag gi dra bas 'khrugs pa yid chags pa la sogs pa dang bral

  5. 3a

    bas na cung zad kyang gnas par mi nus so/ /de'i phyir de kho na rdzogs pa'i byang chub thob pa'i ched du rgyu nyid du nye bar blang bar bya ste yid sngags dang phyag rgya dang ye shes sems dpa' dgug pa dang lhan cig pas byang chub thob par bya ba las nus pa shin tu skye bar 'gyur ro/ /gzhan yang 'dod chags dang 'dod chags can 'ching ba dang bcing bya dag don dam par yongs su grub pa med de/ rigs pas rnam par dpyod bzhin pa na brdzun pa nyid do/ /de bzhin du yang gsungs pa/ gang zhig chags pa dang gang la chags pa 'am gang gis chags pa de dang de'i chos su nye bar dmigs par mi bya ste/ nye bar dmigs pa'i yid la 'dod chags kyi skyon med do zhes pa la sogs pa'o/ /bskyed par bya ba dang nyams par bya ba med de/ 'dod chags med pa kho na'i sems la kun nas nyon mongs par bya

  6. 3b

    ba nas yang skye ba med do/ /gang yang bdag tu nye bar dmigs pa zhen pa'i lta ba po/ /de rnams chags pas ngan song du ni ltung bar 'gyur/ /gang rnams 'dod chags chos kyang sangs rgyas chos rnams te/ /de rnams kyis ni khyad par ci yang yod pa min/ /yi ge gcig pa tshul gcig mtshan nyid med pa ste/ /de bzhin skye dgu med cing bde gshegs nyid mchod med/ /tshul khrims 'chal dang tshul khrims rnam par brtags nas ni/ /gang zhig tshul khrims rlom pas myos pas bsam pa ste/ /de yi byang chub med cing sangs rgyas chos kyang med/ /gang phyir de yi dmigs pa'i lta bar rab gnas phyir zhes so/ /slar yang gsungs pa/ 'dod chags med cing chags bral med/ /dbu ma nye bar mi dmigs so/ /zhes pa la sogs pa'o/ /'dir bcom ldan 'das mi bskyod pa ni ston pa pa'o/ /mA ma kI ni zhu ba po ste rgyud kyi sdud par byed pa po de nyid do/ /zhi ba ma la sogs pa'i lha mo sgo skyong gi mthar thug ba ni 'khor lo/ /'di skad bdag gis zhes bya ba la sogs pa rgyud kyi skabs 'byed do/ /'di skad ni 'chad bar 'gyur ba can rdo rje bdud rtsi'i rgyud do/ /bdag gis thos pa nyid de shes so zhes pa'i don to/ /dus gcig na ni dus gcig gi tshe na ste/ gang gi tshe na ste/ gang gi tshe bcom ldan 'das mi bskyod pa gsang ba'i pad+ma rnams su bzhugs pa de'i tshe thos so/ /bcom ldan zhes pa bdung bzhi bcom pa ldan pas bcom ldan no/ /yang na dbang phyug la

  7. 4a

    sogs pa'i yon tan dang ldan pa'i phyir ro/ /gsang ba'i pad+ma rnams su rtag tu gnas dang ldan no zhes pa'i don no/ /de bzhin gshegs pa thams cad ni rnam par snang mdzad la sogs pa'o/ /de rnams kyi sku dang gsung dang thugs rnams de rnams kho na rdo rje'i snying po'o/ /rdo rje bdud rtsi'i gsang ba ni mA ma kI la sogs ba'i lha mo'o/ /de rnams kyis pad+ma ni b+ha ga'i dbus su lhag pa'i gnas rnams su bzhugs pa ni yang dag par gnas pa dang ldan no zhes pa'i don to/ /don ni 'di yin te mA ma kI la sogs pa'i lha mo de rnams kyi b+ha ga'i dbus rnams su bcom ldan 'das 'khor dang mchog tu bde ba'i dga' ba dam pa por mnyam pa'i ngo bo byang chub kyi sems rdo rje bdud rtsi'i gzugs kyis yang dag par gnas so/ /de bzhin du lha'i rnal 'byor mngon du byed par 'dod pa'i rnal 'byor kyis kyang gos par bya'o/ /zhes pa'o/ /rol zhes pa la sogs pa ni mA ma kI dang lhan cig tu snyoms par zhugs pa dang ldan par gyur nas zhi ba ma la sogs pa'i lha mo rnams kyis lhan cig rol par byed do/ /khang pa zhes pa dkyil 'khor du ste/ 'di dag gsungs par 'gyur ba/ mA ma kI la sogs pa'i chos 'byung du gru bzhi la sogs pa'i yon tan dang ldan pa'i dkyil 'khor du'o/ /de'i steng du yongs su brtags pa'i pad+ma 'dab ma brgyad pa la 'dab ma so so ma yang dag par gnas pa'i lha mo brgyad ni zhi ba ma la sogs pa'i ming can

  8. 4b

    rnams so/ /sgo ru khro gnyer ma la sogs pa'i sko skyong ma rnams so/ /grwa rnams su me tog ma la sogs pa'i lha mo rnams so/ /snam bu la gling bu ma la sogs pa'i lha mo rnams te/ thams cad rang gi mtshan ma 'dzin pa yang dag par bzhag par bya'o/ /bcom ldan 'das mi bskyod pa yang mA ma kI la snyoms par zhugs pa dang ldan pas pad+ma'i snying po la bzhugs so zhes pa'o/ /de ni bcom ldan 'das btsun mo'i 'khor gyi dbus su lhag pa'i gdan la shin tu dga' ba'i ngos yang dag par mnyes nas mA ma kI sa 'dod chags la sogs pa la kun nas zhen pa'i sems can gyi khams yongs su mgu bar byed pa'i don du gsol ba btab po/ /lha mo zhes bya ba la sogs pa gsungs te/ rdo rje bdud rtsi'i rgyud ces pa ni rgyud bla ma stong phrag bcu gnyis pa ni rgyas pa la dga' ba'i sems can gyi don byed pa'i thabs so/ /da ni bsdus pa la dga' ba la so sor bka' stsal to/ /bdud rtsi zhes pa byang chub kyi sems te/ 'chi ba'i chos dang bral ba'i bdag nyid bde ba chen po'i ye shes mngon du byed pas rgyu'i gtso bo de kho na'o/ /gang gi phyir sems tsam gyi bdag nyid du snang ba'o/ /phung por gyur pa khams gsum pa can la gnyis su med par gyur pa/ phyi dang nang gi rnam par rtog pa'i dri ma'i dra ba ma lus pa nges par bdal bar bltas nas/ de'i mthar bde ba chen po'i ye shes ro mnyam pa can du gyur par shes rab kyi pha rol tu phyin pa'i rang bzhin sa bcu gsum pa chos 'byung la/ nam mkha' lnga'i pad+ma 'dab ma brgyad pa'i dbus su ye shes bdud rtsi'i rgyun rgyas par 'phro bar byed pa'i bum pa dang ldan pa nam mkha' i mthil khyab par gyur pa la/ b+hUM gi yi ge yongs su gyur pa las /rdo rje dbyings kyi dbang phyug ma'i/ khang pa brtsegs pa gru bzhi pa la sogs pa'i dkyil 'khor brgyan par/ zla ba'i dkyil 'khor dang rdo rje las ye shes sems dpa' bsgom par byas nas 'chad par 'gyur ba'i bstod pa dang mchod pas yang dag par

  9. 5a

    bstod de yang dag par mchod nas bzod par gsol te/ de kha nas bcug ste rdo rje'i lam nas nges par byung ste zla ba zhu ba'i bdag nyid du bltas nas bcom ldan 'das dang bcom ldan 'das ma lhan cig blta'o// phyi nas rjes su rnal 'byor ni dkyil 'khor gyi 'khor lo byung nas lhag pa'i bdag po'i bsnyems pa bya'o/ /rnam pa lngas mngon par rdzogs par byang chub pa ni rdo rje bdud rtsi mchog tu nye bar 'byung bar yang dag par go bar byed do/ /de gsungs pa sems dang sems dpa' o ting 'dzin dang/ byang chub spyod pa zhes pa la sogs pa'o// slar yang gsungs pa/ dbang po gnyis po snyoms zhugs nas/ mkhas pas rang gi khu ba ni/ /phyung nas rtag par rnal 'byor pas/ /dkyil 'khor dkyil 'khor rnam pa rnams zhes so/ /'di'i phyir yang don 'di rtogs pa bya'o/ /'di nyid kyang rnal 'byor gyi rgyud la sgrub pa'i thabs kyi gtso bo yin gyis gang yang rung ba ni ma yin no zhes pa'o/ /gang gi phyir 'di nyid du gsungs par 'gyur ba/ bdud rtsi khu ba zhes brjod do/ /'gro ba gsum po de las skyes/ /sku gsung thugs ni grub don du/ /sgrub po rnams kyi bde ba spyod/ /ces pa 'dis kyang rtogs par bya'o/ /bsam med ces pa 'dis rdo rje bdud rtsi'i rgyu bde ba chen po'i ye shes kyi khyad par yin no/ /dngos po dang dngos po med pa'i dang gnyis kar rtog pa'i dri ma'i dra ba dang bral ba ni bsam med do/ /zad med dang zhes pa rang gi rigs dang mthun pa'i bde ba'i ngo bo brgyud pa skyed pa po nyid kyi phyir dang rgyud kyi rgyun ma zhig pa nyid kyi phyir ro/ /phra mo ni dag tu dper brjod pa'i yul ma yin pa nyid kyi phyir ro/ /don yod dang ni bskal ba chen po grangs med pas thob par bya ba'i mngon par rdzogs par byang chub pa de skad cig la yang dag par rtogs pa po nyid kyi phyir ro/ /dbang po las 'das ni mig la sogs pa'i skye mched las shin tu 'das

  10. 5b

    pa nyid kyi phyir ro/ /dam pa ni me long la sogs pa'i ye shes lnga'i gtso bo nyid kyi phyir ro/ /zhi ba ni 'dod chags la sogs pa'i nyon mongs pa rnams kyis ma gos ba nyid kyi phyir ro/ /shin tu rnam dag ni chos kyi dbyings kyi rang bzhin nyid kyi phyir dag pa'o// dbye bya min pa 'byed pa po nyid kyi phyir rdo rje'o/ /tha mal pa'i phung po yongs su sgyur bar byed pa'i rgyu bcud kyis len gyi ngo bo nyid kyi phyir bdud rtsi'o/ /de bzhin du 'byung ba dang mchog tu 'byung ba'i yon tan gyi tshogs kyi khyad par las dang byang chub kyi sems las 'gro ba gsum po yang rab tu skyes pa ni yang dag 'byung zhes pa'i don to/ /'dis brtan pa dang g.yo ba'i dngos po thams cad kyi rang bzhin nyid bcom ldan 'das su gsungs so/ /sku dang gsung dang thugs zhes bya ba la sogs pa ste/ 'dis rdo rje bdud rtsis sku dang gsung dang thugs rnams na bsgrub par bya ba ste bde ba chen po'i ngo bos nges par bskyed pa'i mthar thug pa'i zhes pa'i don to/ /rdo rje pad+ma zhes pa sgrub par byed pa rang hUM yig yongs su brtags pas rdo rje'i rnam pa'o/ /traM yig las yongs su skyes pa'i nor bu sna tshogs rdo rje'i ska rags kyis brgyan pa'o/ /gtum mo la sogs pa'i bu mo mA ma kI'i rnam par yongs su bskyed bzhin ba'i b+ha ga'i dbus su h+rI(rgyud 'grel): yig yongs su gyur pa'i pad+ma la b+h+ruM yig bkod de/ /khang brtsegs pa bsams nas mnyam par kun tu sbyor ba byed pa yin gyi/ gzhan du ltung ba dang bcas par 'gyur ro/ /da ni 'di'i lta'i rnal 'byor mngon du byed pa'i rgyu mchod pa dang dkyil 'khor ci lta bu zhes slar yang zhu bar byed pa/ gru gsum zhes pa la sogs pa ste/ gru gsum ni chos 'byung gi rnam pa rdo rje 'dzin pa'i sa'i rang bzhin no/ /dkyil ni snying po ste bde ba chen po'i ye shes so/ /de len par byed do/ /zhes pa dkyil 'khor ro/ /gsang ba pad+ma zhes pa gsang ba'i dbus su pad+ma'i 'di'i zhes 'dru mang po'o/ /gsang ba'i sbyong yul zhes

  11. 6a

    gsang ba spyod yul ni yul te zla ba'i dkyil 'khor dgong pas so/ /phyi rol zhes pa gru gsum de'i dbus su pad+ma 'dab ma brgyad pa bkod pa'i phyi rol tu'o/ /logs dang sgo bzhi zhes pa ni nye bar mtshon byed de/ gzhan gru bzhi dang rta babs bzhi dang sgo dang sgo khyung la sogs pa rtags nas rigs pa dang ldan par bri'o/ /shar la sogs pa'i sgo ru khro gnyer can la sogs pa'i sgo skyong ma rnams so/ /grwa rnams su me tog ma la sogs pa rnams so/ /snam bu la gling bu ma la sogs pa rnams so/ /de lta bur gyur pa'i dkyil 'khor yang dag par bris te/ nam mkha' i mthil du yongs su brtags pa'i sems kyis dkyil 'khor de la bkug nas gnyis su med par byas te yang dag par mchod pa des dam tshig phul nas dngos grub kyi phyir gsol ba btab ste/ slob dpon dang gnyis su med pa can du gyur pa lha'i nga rgyal gyis rab tu zhugs te gsang ba'i 'khor lo bsgrub par bya'o/ /zhes pa 'di ni dkyil 'khor 'dri bar byed pa'i rim pa'o/ /gsang ba ni gsung bar 'gyur bar zhi ba ma la sogs pa'i lha mo rnams su de dang de sgrub par byed pa'o/ /ma dang chung ma la sogs rnams de'i gzugs dang de mtshan ma sgom par byed pa'i sgo nas de la lnga rnams ni gtso mo mA ma kI la sogs pa'i lha mo rnams kyi sbyor bas ma la sogs pa lnga bsgrub par bya'o/ /mA ma kI'i rnal 'byor gyis ma'o/ /zhib ma'i rnal 'byor gyis rang gi chung ma'o/ /zhi zhal ma'i rnal 'byor gyis bu mo'o/ /zla ldan ma'i rnal 'byor gyis sring mo'o/ /ri bong can ma'i rnal 'byor gyis gnyen mo'o/ /da ni ma dang srin mo la sogs pa rnams kyi de ma thag tu 'dod pa bskyed pa'i rgyu gsungs pa /bung ba brtse ba'i tshul gyis ni zhes bya ba la sogs pa ste/ bung ba bzhin du shin tu dga' ba rtsom pa la khyud pa dang rtse ba

  12. 6b

    sngon ma can gyis tshig snyan pas rjes su chags pa bskyed nas/ phyi nas bung med thams cad bcing ba dang so so bcing bas 'dod pa'i de ma thag bde ba chen po shin tu dga' ba'i ro myong ba thob pa rnal 'byor ma rnams las skye bar 'gyur ro/ /da ni lus mnyes ba byed pa'i don du so so re re ba thams cad bsdus pa'i gtso mo mA ma kI la sogs pa'i rnal 'byor ma rnams kyi bcings pa lnga rnams gsungs pa/ khyogs dang gru mo zhes bya ba la sogs pa ste/ khyogs zhes pa sdom pa zhes bya ba'i bcing ba'o/ /'degs pa dang ni zhes ba 'phul bar brjod par bya'o/ /gru mo dang bskyang ba dang shin tu rab tu bskyang ba ni ji ltar nges par bstan pa'i ming gi brjod byar lta bar bya'o/ /de la sdom pa bshad par bya ste/ btsun mo'i mgrin pa brtan 'khyud de/ mi yi dpung pa zung gi ni// gru mo gnyis po bud med kyi/ /rje ngar bkod pa sdom par dran no/ /gru mo'i mtshan nyid ni/ bud med dpus mo bkug pa la/ mi'i gru mo bkod pa ni/ /pus mo gru mo steng du 'dod/ /zhes pa dag pa'i cho gar dran/ /brkyang pa brjod par bya ste/ /'dug pa'i skyes du'i brla la ni/ /bud med rkang pa'i mthil brtag pa/ /brla ni bshags nas gnyis ka'i yang/ /rkyang ba rab brkyar phyir brkyang ba/ /'phul ba brjod par bya ba ste/ /mi yi lte ba'i rtsa ba ru/ /mi mo'i rkang mthil 'god byed pa/ /phag pa'i mthar yang yang bteg pa/ / skyes pa 'phul bar rab tu grags/ /shin tu rab tu brkyang bar 'gyur ro ni/ /gnyis ka dag las rkang ba dag /brkyang ba las ni rab brkyang ba'o/ /bud med mi yi re re la/ /'og tu bltas pa'i lus su gnas/ /byed pa zhes bya ba la sogs pa ni/ /byed pa ni shin tu dga' ba la phan par byed pa/ /rnam par sel ba la sogs pa'o/ /bcing ba yis ni bshad ma thag pa rnams kyis so/ /yang dag sbyor ni gang rnams kyis zhes 'bru mang po'o/ /de ni tshogs kyi 'khor lo sgrub pa'i dam tshig gsungs pa/ sha chen zhes

  13. 7a

    bya ba la sogs pa ste/ khrag chen po ni rdul te rang byung gi khrag go/ lhag ma go sla'o/ /bsgrub par bya zhes pa a yig yongs su brtags pa'i pad+ma bandu'i steng du hUM yig dang oM yig gis sbyod ba dang rtogs par byed pa dang bdud rtsir bsgom nas bsgrubs pa bros pa tsam gyis rab tu grags pa'i dngos grub ster bar 'gyur ro/ /gal te dngos grub bdag 'dod na zhes pa ni/ 'dis sha chen po la sogs pa'i dam tshig rjes su bsgrub pa'i mthu chen po rab tu gsal bar byed pa bcom ldan 'das kyis ma nor ba de bzhin du gsungs shing mngon par 'don no/ /'di nyid rnal 'byor pa rnams kyi bya'o zhes pa'i don to/ /le'u dang po'i 'grel pa'o// //byang chub kyi sems chos sku'i rang bzhin dang bral bas dngos grub rnams bsgrub par bya ba ma yin no/ /zhes de lo na nyid ye shes kyi le'u gsungs pa/ 'o bya zhes pa la sogs pa ste/ 'o byed pas mig la sogs pa rtsa dgu dang 'brel ba'i sbyi bor gnas pa'i byang chub kyi sems 'jug par 'gyur ro/ /rdo rje bcings te nu ma 'dzin zhes pa ni rdo rje bcing bas mgrin pa la kun nas bcings nas lag pa g.yas pas nu ma gzung bar bya'o/ /de ltar de ma thag tu tshogs med pas rdo rje pad+ma'i ting nge 'dzin dam pa'i bde ba can 'gyur ba med par byed pa'i chos can ma rnams rnal 'byor rnams las skye bar 'gyur ro/ /sen mo'i ri mo zhes pa la sogs pa ni/ mkhur ba dang 'dren byed zung dang dpral ba dang nu ma'i 'gram dang mchon khung dang b+ha ga'i dkyil gyi phyogs dang/ lte ba dang pad+ma la sogs pa rnams su sen mo'i ri mos 'o byed par skul bar yang byed do zhes so/ /'og dang steng du nges blta bya zhes bya ba ni pad+ma'i gnas so/ /steng ni zhal gyi pad+ma'o/ /gang gi phyir bltas pas rjes su mthang chags pa ni de'i chags pa zin nas yud tsam bde ba thob par byed do/ /

  14. 7b

    da ni mA ma kIs bcom ldan 'das la shin tu rjes su chags pa'i 'di dang ldan pas de kho na nyid kyi ye shes nyan par byed pa la slar gsol ba btab bo/ /bcom ldan bdag gi de nyid gsungs zhes bya ba ni gang gis phyir/ rnam par rtogs pa'i dri ma mdza' dag des par gsal ba/ gnyis su med pa stong pa nyid kyi rang bzhin ni byang chub sems te/ de lta bur gyur pa la ci ltar rtsa bar bya/ dbang po gnyis snyoms par 'jug pas bde ba nyams su myong bar 'gyur/ nyid kyis gsungs zhes zhus pa'o/ /nyon gcig de nyid kyis zhes pa la sogs pa ste/ shes rab dang thabs dag gis sbyor bas chos thams cad gnyis su med pa can du bas rab tu gsal bar khong du chud par bya'o/ /zhes sbyor ba 'bigs par byed par brjod par bya'o/ /gang de'i rnam pa dang bcas pa'i blo gros dbang po las 'das pa bde ba chen po bla na med pa nyams su myong ba so so bdag nyid kyi rig par bya ba mi snang ba zhes ba de lta bu de phra mo ste 'di de yin zhes yongs su brtags pa'i ngo bos/ brjod par byang mi nus pa nyid kyi phyir ro/ de nyid kyi phyir gsang ba chen po ste thun mong ba'i yul ma yin pa'i nyid kyi phyir ro/ /shes bya'i ngo bo nyid ces pa ste/ shes bya zhes pa ni sa gsum gyi nang du gnas pa de rnams so/ /ngo bo nyid ni rang bzhin te 'di'i zhes pa shes bya'i ngo bo nyid du'o/ /gang gi phyir ye shes kha na dngos po mdza' dag rgyas pa'i tshul gyis rnam pa dang bcas pa bzhin du phyi rol gyi gzugs kyis so sor snang ba thob par byed do/ /de nyid la yang thams cad du 'jig rten gyi bden pa'i ngo bos so sor bstan par bya ba'i yid kyi ma rig pas gang 'khor bar 'khyam par 'gyur/ /de yang so sor snang ba la nges par dpyod bzhin pa dang brdzun pa'i rnam pa'o zhes so/ /gzung bya cung zad yod pa dang 'dzin pas so/ /zhes bya ba cung zad yod pa ma yin no/ /de bzhin du yang gsungs pa/ rang sems sems kyi bsams pa yin/ /chos rnams thams cad so sor gnas/ /chos 'di nam mkha' i rdo rjer gnas/ /chos

  15. 8a

    rnams med ci pa chos nyid med ces so/ /srid pa'i rtsa ba rnam shes te/ /yul ni de yi spyod yul yin zhes so/ /thog ma med pa'i dus nas brgyud pa'i rigs mthun pa'i skad cig skyed par byed pa'i phyir zad pa'i bya ba ma yin pa'i phyir mi zad ba'o/ /bskyed bya dang bskyed byed yang dag par 'byung bas zad pas 'gro ba ma yin no zhes pas mi zad pa'o/ /rtag pa yang zhes pa dus gsum kar yang rnam pa gcig pa nyid kyi phyir ro/ /thog ma med cing zhes pa ni de'i phyir dang po dbang phyug la sogs par yongs su brtags pa'i rgyu tshogs pa'i dngos po med pa'i phyir ro/ /thog ma spangs dang zhes pa/ thog mas a yig 'gyur ba med pas skye ba med pa ri mo'i gzugs kyis spangs pa nyid kyi phyir ro/ /yod nyid du 'gyur zhes pa ni bde ba'i ngo bos so so'i bdag nyid rig par bya bas mngon sum du nyams su myong ba'i yul yin pa nyid kyi phyir ro/ /med nyid du yang 'gyur/ ni yongs su dag pa'i shes rab kyi sa rnam par dpyod bzhin pas blo'i yul ma yim pa nyid kyi phyir ro/ /dbang po can yang 'gyur ni mig la sogs pa'i dbang po lhag par gnas pa nyid kyi phyir ro/ /dbang po med par yang 'gyur ro/ /ni dbang po de rnams kyis mthong ba med pa nyid kyi phyir ro/ /'byung rnams thams cad blta bya min zhes pa ni sa la sogs pa'i 'byung ba rnams thams cad nges par dpyod bzhin pa na nye bar dmigs byar med pa'o/ /de'i phyir 'byung ba rnams thams cad blta bya min par 'gyur ro/ /de lta mod kyi lam ci ltar bskyed par bya zhen/ sbyor ba'i lam gyi zhes bya ba la sogs pa ste sbyor ba ni/ nang gi shes rab ma dang 'dres par gyur pa las/ /bde ba chen po'i gnas skabs dang gnyis med du gyur pa snying rje chen po'i bdag nyid can rnam par rtog pa'i dri mas ma gos pa la 'dir mngon par rab tu 'dod do/ /de nyid kyang lam nye lam yin te bde ba chen po'i ting nge 'dzin gyis lhag par rtogs pa'i phyir ro/ /phyi

  16. 8b

    rol tu 'byung ba dang 'byung ba las gyur pa sngon po la sogs pa ste/ de'i phyir shin tu rmad du byung ba ma nor ba de bzhin te/ de bzhin nyid gnyis su med pa'i ye shes so/ /rnam pa zhes bya ba la sogs pa ste/ rnam pa yis te/ shes rab dang thabs gnyis su med par gyur pa bde ba chen po'i ye shes kyis kun tu sgrib par byed do/ /gnas so zhes pa'i bya ba zhes pas rnam pa kun rdzob ste/ gang gi phyir phung po lnga po mun pa'i rnam pa dang ma bral ba nges gzugs snang bar mi 'gyur ro zhes pa'i don to/ /'di rnams gsung bar 'gyur ba lus 'byung ba lnga'i bdag nyid can phung po lnga'i lus dang ldan pa lha'i rnam pa'i gzugs kyis yongs su brtags pa'o/ /de nyid kyang b+ha ga'i pad+ma'i dbus su bsgom par bya bzhin pa'i ye shes sems dpa' yin gyi phyi rol tu ni mi 'gyur ro zhes pa ji srid pa'o/ 'di nyid nang du so so'i bdag nyid rig par bya ba yang dag par rig pa dang ldan pa yang dag par rig pa'i ngo bos mngon sum gyis nyams su myong bzhin pa'i khams gsum pa yid kyis khyab pa can phung po lnga'i rnam pas yang dag par rig bzhin pa yang blun pa'i blo can gyis rtogs par bya ba ma yin no/ /de nyid kyi phyir/ blun sems mi yis chos ma yin/ zhes gsungs so/ /da ni bde ba chen po'i gnas skabs gnyis su med pa'i ye shes de'i 'gro ba'i 'chi ba dang skye ba byed pa nges par nyams par byed pa'i nus pa ston par byed pa gsungs pa/ sems dang sems byung zhes pa zhes bya ba la sogs pa ste/ sems ni gang zhig phyi dang nang kun tu rtog pa'i dra ba'i dri ma dang bral ba sems cam gnyis su med par 'byung bar byed do/ /de nyid kyi phyir yang sems byung ni bsod nams dang ye shes kyi tshogs sogs par byed do phung por byed do zhes pa'o/ /yid kyi rnam shes ni bsam par bya bskyed par bya bas so/ /ye shes zhes pa ni gang gis tshe khams gsum par/ phyi'i gzugs kyis yongs su bskyed par bya ba 'dzin pa'i rnam pa gyur nas rnam par shes par byed pa de'i tshe rnam par shes

  17. 9a

    pa'o/ /gzung bya'i ngo bo khams gsum pa ni shes bya'o/ /de bzhin du yang gsungs ba/ las ni sems kyis sogs pa byed/ /yid ni kun tu rnam bsam byed/ /rnam par shes pas rnam shes byed/ lnga rnams kyis ni blta byar rtog ces so/ /gang tshe zhes bya ba la sogs pa la 'bras bu dang rgyu'i dngos po ni/ gang gi tshe so so'i skye bo don dam pa ma mthong ba rnams kyis de ltar de kho na'i don du 'khrul bas sa bon dang myu gu la sogs pa'i ngo bor gdon mi za bar yongs su rtog par byed do// 'di las 'di dang 'di 'og tu yang 'di zhes pa'o/ /'dir gsal ba'i dpe gsungs pa/ klung zhes pa la sogs pa ste/ ji ltar yongs su gang ba'i rgyun 'bab pa'i klung rnams kyi shin tu mang ba'i rlabs dang chu gnyer tshogs pa'i ngo bo'i rgyun kun 'byung zhing khyad par du sgrub par byed do/ /de gzhan yang ma yin la gzhan ma yin pa yang ma yin no zhes so/ /de kho na bzhin du sems tsam yid kyi rnam par shes pa dang/ rnam par shes bya 'bras bu dang rgyur yongs su rtogs pa skye bar 'gyur ro/ /kha cig ni gzhan du klog ste/ klung gi rgyun bzhin rgyu mtsho la/ /zhes pa ste de'i tshe thar pa la bltos nas dngos po de 'dra bar rtogs ste/ ji ltar chu klung rnams kyi chu re rnam pa sna tshogs pa 'bab rnams rgya mtshor zhes pa rnams kyi ro gcig nyid de/ 'di lta ste lan tshwa'i ngo nyid do// thar pa ni sgo rnam pa mang por ci zhe na/ mang po nyid ni gcig kho na'i mthar thug ste rnam pa rab tu mang po nyid rigs pa rtogs par bya ba ma yin te/ de rnams kyi phyi rol gyi tshig gi don gyi rnam pa rnams brdzun pa'i rnam pa nyid kyi phyir ro/ /de nyid don dam par mi bslu ba can ni bden pa zhes bya ba'i don to/ /rnam pa de lta bu'i bcom ldan 'das kyi bde ba chen po de'i gnas gsungs pa/ b+ha ga'i pad+ma zhes bya ba la sogs pa ni mA ma kI la sogs pa'i lha mo rnams kyi b+ha ga'i dbus su/ gan zhig pad+ma 'dab

  18. 9b

    ma brgyad pa'i pad+ma la ge sar gsal ba yod pa de la sa la sogs pa'i rang bzhin la nam mkha' gang ni khong stong ngo/ nam mkha' lnga ni dbang chen dang me dang rlung dang chu dang nam mkha' i khams kyi ngo bo dkyil 'khor la lnga ni nye ma'i dkyil 'khor bzhin du gnas so/ /de'i dbus su gnas pa'i rdo rje can ni byang chub sems kyi bdag nyid can no/ /bdud rtsi yis ni mA ma kI la sogs pa'i byang chub sems kyis ldan pa ste/ de dang 'dus shing gcig tu 'dres par gyur te gnyis su med do zhes bya ba'i don to/ /cha dang cha min zhes bya ba la sogs pa la/ cha rnams ni a'i yi ge la sogs pa bcu drug go /cha min rnams ni ka'i yi ge la sogs pa rnams so/ /de rnams zla ba cha bcu drug gi bdag nyid can no/ /ka la sogs pa rnams ni kar ma'i gzugs te de rnams kyis rnam par grol ba'o/ /kha cig thig le tsam zhi ba'i de nyid lta bur 'gyur zhe na/ de yis rnam par spangs shes so/ /de lta bu'i khyad par 'dod pa'i lha'i gzugs ni der gnas te b+ha ga'i pad+ma'i dbus su lhag par gnas so/ /bdud rtsi ni 'chi ba dang bral ba'o/ /'dzag pa ni 'gyur ba byed pa'o/ /gzhi zhes bya ba la sogs pa ni khams rnams kun ni gzugs la sogs pa'i khams gsum po de rnams su khyab pa'o/ /khams rnams kun ni mig dang mig gi rnam par shes pa dang/ gzugs la sogs pa'i khams bco brgyad rnams so/ /de rnams su rnam par khyab pa ni gsum po des lhag par gnas pas khyab pa'o/ /rgyun tu mig la sogs pa rnams yul gzugs la sogs pa la lhag par dmigs par byed do/ /mthong ba zhes bya ba la sogs pas don 'di nyid gsal bar gsungs pa/ gzugs la lta'o/ /skra la mnyan par byed do// dbugs 'byung zhes bya ba la sogs pa ni bcom ldan 'das de nyid dbugs 'byung ba dang dgugs rdub pa'o/ /nyal dang gnyid log mngon pa ldang ni nyal ba yang de yin la/ gnyid thug po log pas blun pa'ang rang nyid do/ /so sor sang bar byed do/ /rmi lam ni rnam pa sna tshogs

  19. 10a

    pa'i grong dang kun dga' ra ba dang/ dgon pa dang 'bru dang gzhon nu ma la nges par mthong ba'o/ /de nyid 'dod chags zhes bya ba la sogs pa la/ 'dod chags ni yul la yid mngon par zhen pa'i mtshan nyid de/ gzugs la sogs pa rnams la dga' bar byed pa dang bral bar byed pa'i chos ni 'dod chags dang bral ba'o/ /gti mug rnam par blun pa nyid do/ /bcom ldan 'das de 'dod chags la sogs pa'i nyon mongs pa'i bdag nyid lta bur 'gro ba rnams la so sor snang bar thob par byed do/ /gzugs mang po zhes pa ni rnam pa sna tshogs pa'i gzugs rnam pa mang po 'dul byed nus pa gang yin pa de nyid sna tshogs gzugs te ma lus pa'i snod gyi skye bo'i mngon par 'dod pa'i don bya ba byed pa nyid kyi phyir ro/ /de nyid kyi phyir nor bu sna tshogs gzugs bzhin no/ /de bzhin du yang gsungs pa/ rdzas rnams gang dang gang gis ni/ /mi rnams yid ni yang dag sbyor/ /des de'i rang bzhin nyid 'gyur te/ nor bu sna tshogs gzugs ji bzhin zhes so/ /'di'i de kho na nyid ni don dam pa yang dag pa'i sgrub thabs so/ /zlas pa ste sngags kyi bdag nyid can med do/ /'dzin par byed pa ting nge 'dzin dbang po rnams 'gyur ba med pa'o/ /'o na 'di'i sgrub thabs ci ltar 'gyur zhe na/ gsungs pa/ b+ha ga'i pad+mar mchod bya ste zhes bya ba la sogs pa'o/ /da ni rnal 'byor pa dang rnal 'byor ma'i bde ba chen po thob pa'i rgyur rtsa'i dbye ba bstan pa gsungs pa/ gang de zhes bya ba la sogs pa ste/ gang b+ha ga'i dbus su rnam par gnas pa'i rtsa dgu po de dang de'i dbus su mkha' 'gro gdong zhes bya ba gang yin pa'i rtsa de ni bdud rtsi 'bab pa ste khu ba dzag par byed pa can ni ches gtso bo'i yum nyid du 'gyur ro/ /yang na bdud rtsi 'bab pa'i rtsa ni gang b+ha ga'i dbus su gnas pa de ni rnam pa dgu ste mig la sogs pa'i sgo ma bsten pa'i dgu po de rnams so/ /gzhan rtsa sum cu rtsa gnyis ni phyi'i mgo dang lus dang lag pa la sogs pa la khyab pa'o/ /de rnams

  20. 10b

    nyid gtso bor gyur pa/ ma yin te phyi'i lus la kun tu gnas pa nyid kyi phyir ro/ /zhes so/ /de nyid kyi phyir yang/ rtsa dgu po de nyid mA ma kI la sogs pa'i lha dgu'i bdag nyid b+ha ga'i dbus su sams pas dngos grub skye bar 'gyur ro/ /de bzhin du yang gsungs pa/ gang yang rkang pa dag las byung/ /lte ba las byung de rnams kyang/ /thams cad mkha' 'gro gdong du slar/ /de ni dngos po gcig par song zhes so/ /lha mo myos ma 'bab pa'i rtsa/ /'di rnams kha dog sna tshogs 'gyur/ /gci ba 'dzag pa'i rtsa de ni/ /lto ba'i mdza' yis kun tu 'gro zhes so/ / le'u gnyis pa'i 'grel pa'o// //da ni sngags btu ba yongs su shes pa'i don du bcom ldan 'das la gsol ba 'debs pa'i dbyangs kyis kun tu mnyes par byas nas mA ma kI zhu bar byed do/ /the tshom bcad pa zhes bya ba la sogs pa la/ gang gis the tshom rnams bcad zhe na/ the tshom bcad ba gsungs pa/ de kho na nyid kyis ni don dam pa'o/ /gsang ba la ste b+ha ga la dkyil 'khor bshad pa la'o/ /ye shes kyis zhes bya ba ni thab shes rab kyi pha bde ba chen po'i ye shes kyis so/ /the tshom bcad pa zhes bya ba ni sems can yongs su smin pa dang grol bar yongs su byed pa'i mtshan nyid de de byed do/ /zhes pa bya ba byed pa'o/ /chags pa bral bas zhes bya ba ni chags pa'i kun tu rtog pa las shin tu 'das pa'o/ /'di'i zhes pa ste bde ba ma yin pa'i ngo bos so/ /bdag gis kyang rdo rje theg pa'i yang dag par 'byung ba rab tu gsal bar byed do/ /zhes pa 'dis bcom ldan 'das lhan cig ye shes mnyam pa nyid du gsungs so/ /rnal 'byor phyag rgya zhes bya ba la sogs pa la/ rnal 'byor ni chos thams cad gnyis su med par yongs su shes pa'i mtshan nyid do/ /de nyid phyag rgya ste tha mal pa'i lus gsal bas kun tu rgyas 'debs par byed pa'i phyir ro/ /de bzhin du yang gsungs pa/ thabs dang shes rab snyoms 'jug pa/ /rnal 'byor zhes ni mngon rjod bya zhe na/ /ji ltar yang dag par shes pa la mtshan ma'i phyag rgya la sogs pa rnams

  21. 11a

    phyi rol nyid kyi phyir gzung bar bya ba ma yin no/ /de ltar yang dag par mchog tu gyur pa'i ye shes ma shes pa ci ltar shes par 'gyur zhe na/ /de rtogs shing mngon du byed pa'i thabs gsungs pa/ phyag rgya mngon sum gzugs yin te// lha ni lha mo bud med do zhes so/ /ji ltar zhes bya ba la sogs pa la/ dpag bsam gyi shing chen po rtsa ba dang lo ma stong phrag la sogs pas brgyan pa'i skyed pa'i rgyu sa bon tshad chung du yang de'i gzugs skyed par byed par nus pa ji lta ba de bzhin du b+ha ga'i pad+mar kun tu gnas pa'i bdud rtsi 'bab pa'i rtsa rnams mA ma kI la sogs pa'i lha mo'i gzugs dang sngags dang phyag rgya rnams yum gyi rgyu mtshan yang dag par 'gyur ro/ /zhes rtogs par bya'o/ /dang por rnam par snang mdzad ces bya ba la sogs pa rnams sngags btu ba ston par byed pa gsungs pa/ pad+ma 'dab ma brgyad pa bris nas 'dab ma so so la a yig la sogs pa'i sde pa brgyad bkod pa/ rim pa 'dis sngags btu bar bya'o zhes pa'o/ /dang por rnam par snang mdzad ces pa oM yig dang por sbyar nas slar yang badzrA mi ta ma hA su kha'i sgrar sbyar bar bya'o/ /oM yig kyang rnam par snang mdzad nyid de/ de bzhin du yang gsungs pa gang du dang po rnam par snang mdzad ni/ dag cing dri med blo ni oM du sprul/ /zhes pa'i tshig las rtogs pa bya'o/ /sa bon bzhi ni dza? hUM baM ho(rgyud 'grel): zhes pa'o/ /de rnams kyis mnyam par ldan pa'o/ /swAhA'i yi ge mthar sbyar ro zhes rjes su klog ste 'di'i zhes yang dag par sprel lo/ /sngags ni oM badzrA mri ta ma hA su kha dza(rgyud 'grel): hUM baM ho(rgyud 'grel): swAhA/ /bcom ldan 'das mi bskyod pa'i'o/ /sngar yang rnam par snang mdzad ces bya ba mA ma kI'i sngags gsungs pa/ oM yig byin nas/ gnyis pa zhes pa a yig byin par bya'o/ /bzhi pa zhes pa A yig go /bzhi pas zhes pa ka sde dang mnyam ldan pa ste/ b+ha yig gis yang dag par sbyar ma thag pa mA ma kI'i snying po ste

  22. 11b

    oM A ? swA hA/ da ni zhi ba la sogs pa rig ma brgyad po rnams kyi so so re re'i sngags gsungs pa/ brgyad po rnams kyi zhes pa a yig la sogs pa zung brgyad po rnams kyi ste ka sde spangs pa'i'o/ /dbus ma gang ni yi ge ring po'o/ /brgyad ces pa rjes su nga ro'i ming ste brgyad rnams kyi brgyad pa rdzas su nga ros rnam par brgyan zhes pa brgyan du byas pa'o/ /a yig la sogs pa yi ge ring po pad+ma 'dab ma brgyad pa rnams su mi ltar rigs par bkod nas/ zhi ba ma la sogs pa rnams kyi sngags btu ba mngon par brtags par bya'o de la dang por rnam par snang mdzad dang swAhA'i yi ge mthar sbyar bar bya'o zhes pa sngar gyi rang bzhin gyis kyang rjes su 'brel pa gdon mi za bar bya'o/ de bzhin du yang gsungs pa/ sngags rnams thams cad 'phal che yis/ /phyag 'tshal swAhAr ldan bya nyid/ /ces so/ de la shar gyi 'dab ma'i zhi ba ma'i sngags/ /oM AM swAhA/ lho'i 'dab ma'i zhi zhal ma'i sngags/ oM a'i swA hA/ nub kyi 'dab ma la zla ba can ma'i sngags/ oM a'uM swA hA/ byang gi 'dab ma la ri bong can ma'i sngags/ oM rIM swA hA/ dbang ldan gyi 'dab ma la ri bong can gyi dkyil 'khor ma'i sngags/ oM lIM swAhA/ me'i 'dab ma la ri bong can gyi ri mo ma'i sngags/ oM iM swA hA/ bden bral gyi 'dab ma la yid 'ong ba'i sngags/ oM iM swA hA/ rlung gi 'dab ma la yid tshim par byed ma'i sngags/ oM aM swA hA/ blo blun pa gzhan ma rtogs par gzhan du sngags rjod par byed do/ /de ni mi rig pa'i phyir slar yang 'dir bri bar bya ba ma yin no/ /sngags btu ba 'di nyid kyang dkyil 'khor la dgod pa 'am/ gzhan du sgom par byed pa la sogs pa la rab tu sbyar bar bya'o/ /sde pa'i tha ma zhes bya ba la sogs pas sgo skyong gi sngags bstan par 'dod nas gsungs pa/ sde pa'i mdza' ma la ste a yig la sogs pa rnams sde pa gcig go /gzhan ka yig la sogs pa bdun te/ de rnams kyi mdza' ma a(rgyud 'grel): yig dang nya Na na ma wa hA ste sa bon brgyad po 'di rnams kyang sngags rnams su 'gyur ro/ /stod pa'i lha yis zhes bya ba ni thig les

  23. 12a

    yang dag par mnan pa'o/ /rnam par snang mdzad dang ldan pa na oM yig yang dag par ldan pa'o/ /swAhA'i yi ge mnyam ldan pa ni sngags bzhi po rnams/ sgo skyong bzhi po rnams kyir 'gyur ro/ /oM aM swA hA/ shar sgo skyong ba'i 'o/ /oM di swAhA/ lho sgo la'o/ /oM nyaM swAhA/ nub sgo la'o/ /oM NaM swA hA/ byang sgo la'o/ /gzhan sngags bzhi po rnams ni me tog ma la sogs pa bzhi po rnams dang sbyar bar bya ste/ oM naM swAhA/ me tog ma'i'o/ /oM maM swAhA/ bdug pa ma'i'o/ /oM waM swAhA/ mar me ma'i 'o/ /oM haM swAhA dri ma'i'o/ /yang na sgo skyong ma la sogs pa rnams kyi ming gzung bas sngags kyi yi ge rnams su sbyar bar bya'o/ /zhes gzhan du'o/ /oM aM badzrA ku sha swAhA/ oM daM badzra pA she swAhA/ oM nya badzra spho Ta swAhA/ oM NaM badzra be she swAhA/ de bzhin du me tog ma la sogs pa rnams kyi yang/ oM naM badzra pu shI swA hA/ oM maM badzra d+hU pe swAhA/ oM waM badzrA lo ke swA hA/ oM haM badzra gand+heM swAhA/ zhes so/ /ma ning bzhi pos zhes bya ba la sogs pa rnams kyis gling bu ma dang pi wang ma dang mu kundA ma dang rdza rnga ma rnams kyi sngags btu ba gsungs pa/ ma ning la sogs ni ri rI li lI bzhi pa 'di rnams la swA hA dang rnam par snang mdzad sngar bshad pa nyid do/ /sngags de 'di yin te/ oM raM badzra baM she swAhA/ oM rIM badzra bI Ne swA hA/ oM liM badzra mu kunda swA hA/ oM liM badzra mu da dze swA hA/ le'u gsum pa'i 'grel pa'o// //sbyin sreg dang bral bas lha la 'bul ba'i cho gar mi 'gyur ro/ /zhes pa'i sbyin sreg gi las kyi cho ga gsungs pa/ rdo rje sems dpa' zhes bya ba la sogs pa rdo rje sems dpa' yi ni rdo rje hUM mdzad kyi'o/ /'gyid byang pa ni rnal 'byor bas lha'i rnal 'byor gyis zhes bsdus pa'o/ /dgu gnyis su rdo rje dang rdo rje dril bu dag 'dzin pa des lhan cig kun tu gnas pa'o/ /de ni slob dpon no/ 'jig rten gsum rgyal gyur nas ni zhes spel bar bya'o/ /g.yas brkyang dang g.yon brkyang dang mnyam pa'i rkang pa dang sa ga

  24. 12b

    rnams ni shar la sogs pa'i phyogs bzhi rnams su sbyar bar bya'o/ /de la g.yas brkyang ni rkang pa g.yon pa bskum par byas nas g.yas brkyang ba'o/ /g.yas brkyang du gnas pa can las bzlog pa ni g.yon brkyang ngo zhes pa'o/ /rkang pa dag phan tshun bshibs te sor mo ma lus pa bshibs pa 'di ni mnyan pa'i rkang pa'o/ /kha cig ni bar mtho gcig tu rig par byed do/ /rkang pa'i sor mo phyi rol gnas/ /pus mo'i mthil ni bsrang ba la/ /sor mo nyi shu drag tu gnas/ /de yang sa gang brjod par bya/ /'di rnams gsungs par 'gyur ba/ /rdo rje hUM mdzad kyi nga rgyal byed pa'i rnal 'byor gyi dbang phyug g.yon pa dang/ cig shos kyi mig dag lam dang Ta'i yi ge dag nyi ma dang zla ba'i dkyil 'khor du dmigs te/ de'i steng du hUM yig las yongs su rdzogs pa'i rdo rje/ 'od zer 'bar ba'i tshogs kyis bgegs mdza' dag bcom zhing bsal nas rkang pa'i mthil la yang yi ge a(rgyud 'grel): yongs su brtags la sna tshogs rdo rje 'od zer rnam par 'phro bar byed pas/ sa'i gzhi la kun nas gnas pa'i bgegs kyi tshogs rnam par bcom ste/ laM yig yongs su gyur pa'i dbang chen gyi dkyil 'khor gru bzhi pa'i dbus su gnas pa'i sa'i lha mo phyag gnyis kyis gser gyi bum pa 'dzin pa byon nas rang nyid la mchog sbyin par byed pa sngags 'dis spyan drang bar bya'o/ /de ltar spyan drangs la yang dag par mchod nas gsol ba btab ste de thab khung rko ba brtsam par bya'o/ /h+rI yig zhes bya ba la sogs pa ni gtum mo la sogs pa'i bu mo rnams kyi bsod nams yan lag la ni b+ha ga la'o/ /de pa yi ge h+rI'o/ /kha cig na re yan lag lnga po rnams su'o/ /zhes klog go /de nyid kyi phyir yan lag lnga po de'i dbus su b+h+ruM yig bsgoms te sbyar ma la sogs pa'i gzugs kyis so/ /nyid ces pa nges par byas nas so/ /slob dpon gyis b+ha ga'i dbus su me tog gtor bar bya'o/ /gtor ma zhes bya ba ni he ru ka'i bya ba ni he ru ka'i phyag rgya rdo rje thal mo gyen du phye ste 'dzub mo dang mthe bo dag mche ba gtsigs pa'i rnam pa'i phyag

  25. 13a

    rgya 'di dang yi ge b+hyo/ gdon par byed cing he ru ka'i nga rgyal du byas pa'i gzugs kyis phyogs rnams dang phyogs bral rnams su gtor ma byin par bya'o/ /zhes pa'i don to/ /lhag ma go sla ba'i phyir bshad par mi bya'o/ sngags kyi dngos grub rab sbyin 'gyur zhes bya ba ni/ sngags oM yig la sogs pa swAhA'i mthar thug pas dngos grub rab tu sbyin pa gcig pa can kho na'o/ /le'u bzhi pa'i 'grel pa'o// //da ni mig sman la sogs sgrub par byed pa'i ched du/ le'u lnga pa gsungs pa/ tshil chen zhes bya ba ni mi'i zhag go /snying po zhes bya ba ni arga dkar po dang pad+ma dkar po'i skud pa bsres pa'i snying po byas nas mtshon gyis bsang ba'i skyes bu'i thod pa la dung la phab nas/ 'ug pa'i mgo bo bsregs pa dang rdul te zla mtshan gyi khrag bsres pas btags te bya rgod kyi pags pa dkris te de'i rje ngar du bcug la gtum mo la sogs pa'i b+ha ga'i dbus su bzhag nas/ mA ma kI'i sngags kyis mngon par bsngags te mA ma kI la sogs pa dang sbyor ba'i bcom ldan 'das mi bskyod pa bsgoms nas nag po dang dkar po dang dmar po'i zhal mA ma kI lta bu nyid rnam par bsams te snyoms par 'jug pa byas nas mig sman bsgrub par byas na las rnam pa sna tshogs pa byed par 'gyur ro/ /gur gum zhes bya ba la sogs pas bskal pa bzang po can du byed pa gsungs pa/ b+ha gar mig bcug nas sngags gdon par bya'o/ /zhes pa'o/ /dang por oM yig go /phyi nas dbyangs kyis phye ba can ni badzrA mri ta'i tshig go /sprin gyi sgra zhes pa hUM yig dang phaT yig dang lhan cig par bya'o/ /sngags ni 'di'o/ /oM badzrA mri ta hUM phaT swAhA/ le'u lnga pa'i 'grel pa'o// //rdo rje hUM mdzad kyi sgrub thabs le'u drug pa gsungs pa/ rig ma bzhi ni rdo rje sgeg mo dang/ rdo rje phreng

  26. 13b

    ba ma dang rdo rje glu ma dang rdo rje gar ma rnams so/ /sgo skyong zhes bya ba ni rdo rje lcags kyu dang rdo rje zhags pa dang rdo rje lcags sgrog dang rdo rje dril bu rnams so/ /bskal ba bzang po ba zhes pa byams pa la sogs pa bcu drug rnams so/ /byams pa dang mthong ba don yod dang ngan song kun 'dren dang mya ngan gyi mun pa nges par 'jom pa zhes bya ba dang/ spos kyi glang po dang dpa' bar 'gro ba dang nam mkha' mdzod dang ye shes tog dang 'od dpag med dang zla 'od dang bzang skyong dang dra ba can gyi 'od dang rdo rje snying po dang blo gros mi zad pa dang spobs pa brtsegs dang kun tu bzang po zhes bya ba ste 'di rnams thams cad zhal gcig pa phyag gnyis par shes par bya'o/ /phyugs zhes bya ba ni bla ma la 'khu zhing gnod par byed pa 'am/ dkon mchog gsum la gnod par byed pa'o// de sngags kyis bkug nas dkyil 'khor du bcug ste ltung bar byas nas tsA du bya'o/ /tsA ru des bcom ldan 'das rdo rje hUM mdzad la mchod nas de'i lhag ma bza' bar bya'o/ /sgrub pa po ste mchog sgrub pa pos dang po nyid du slob dpon la yang dag par mchod par bya'o/ /rdo rje se gol zhes bya ba la sogs pa ni rdo rje khu tshur bcings nas phan tshun rgyab sbyar te se gol lan gsum gtogs nas rdo rje bsdu ba byas nas/ sngags lan gsum brjod par byas nas lha'i rdo rje dgug par bya'o/ /yang na rjes su rnal 'byor nyid kyi rdo rje dang pad+ma yang dag par sbyor ba las skyes pa'i sgra'i khyad par ni rdo rje se gol te nges dkyil 'khor pa gang rdo rje bdud rtsi ste thig le rgyu mthun bskyed nas phyag rgya chen po'i dngos grub skyed par 'gyur ro/ /phyung ba'i lhag ma ni khas blangs nas bza' bar bya'o/ /le'u drug pa'i 'grel pa'o// //mchod pa sngon du 'gro bas bsam gtan nges pa shes par 'dod pa'i bsam pas bcom ldan 'das la/ dbyangs rnams kyis yang dag par bstod

  27. 14a

    nas bcom ldan 'das ma yongs su zhu bar byed do/ /phyag rgya'i tshogs zhes bya ba ni zhi ba ma la sogs pa'i rig ma'i lha mo rnam pa brgyad kyis yongs su phye ba'i tshogs des mnyam par ldan pa'i bcom ldan 'das la phyag 'tshal bar bgyi'i zhes sbyar bar bya'o/ /rig ma chen po nyi shu bzhi zhes bya ba ni/ rdo rje sems dpa' i dkyil 'khor du nges par bstan pa'i rig ma chen mo zhi ba ma la sogs pa'i ming can la rjes su chags pa can gang gis zhes 'bru mang po'o/ /yid la rtogs pa kho na las su gyur pa ni rjes su chags par 'gyur ro zhes pa'o/ /'dab ma sngon po zhes bya ba la sogs pa ni ut pa la sngon po'i 'dab ma ltar gang gi phyag ljang gu de nyid ut pa la sngon po 'dab mtshungs phyag go /khyod nyid sangs rgyas te so sor rtogs te gti mug gi gnyid sangs pa'i phyir ro/ /de bzhin gshegs pa yang ste shes bya'i phung po thams cad yongs su shes par byed pa'i phyir ro/ /rdo rje yang ste mi phyed pa/ 'byed pa po nyid kyi phyir ro/ /bdag la rjes su chags pa khyod kyis shin tu dga' ba'i bde ba yis te/ bde ba chen po'i ting nge 'dzin gyis so/ /gang phyir de yis khyod ni sa gsum du ni bya ba bsgrub mdzad de ni/ gdul bar bya ba rnam pa sna tshogs pa'i don bsgrub par byed par 'gyur ro/ /stong pa zhes bya ba la sogs pa ni bcom ldan 'das khyod ni mchog gi go 'phang ste/ mya ngan las 'das pa'i ming du gsungs pa stong pa nyid kyi rang bzhin no/ /gang gi phyir na dngos po thams cad snang ba tsam yin pa de'i phyir snang ba tsam la de kho na nyid mthong ba rnams kyis brdzun bzhin du yang bzung bar bya ba dang 'dzin par byed pa nyid kyis rnam

  28. 14b

    pa la sgro btags nas don dam pa mchog go zhes ma 'khrul bar nges par byed do/ /chos thams cad so sor 'byed pa'i shes rab kyis rnam par dpyad gzhal na rang dang gzhan dang gnyis te 'di rnams thams cad kyi skye ba dang ldan par mi rigs pa'i phyir ro/ /zhes pa'o/ /chos thams cad stong pa ni don dam pa nyid do/ /bcom ldan 'das kyang bde ba chen po la gnas pa so sor rang rig par bya ba rtog pa'i dra ba ma lus pa nges par gsal ba gnyis su med pa'i rang bzhin stong pa kho na'o/ /de nyid kyi phyir mig sman med pa ni mig sman zhes bya ba phyir rol gyi gzung ba'i rnam pas 'dzin pa'i rnam par shes pa de'i gzugs nye bar len pa yin te nor bu shel bzhin du sngon po la sogs pa nye bas blo bur ba'i rnam par sgro 'dogs pas de'i rnam par so sor snang ba'i ming yin no/ /'di dag kyang bcom ldan 'das de'i yang dag par rig par mi byed pa ma yin te/ 'di dag gnyis ka yang brdzun pa nyid kyi phyir ro zhes pa'o/ /de nyid kyi phyir/ khyod ni 'gyur med de 'khor ba dang mya ngan las 'das pa ngag tu mi g.yo ba'i phyir ro/ /thog ma med pa 'ang 'gyur mdzad do ni phung po nye bar len pa'i rgyu khyod las/ gzhan yang dag par rig pa med pa nyid kyi phyir ro/ /'di ltar 'byung ba dang/ mchog tu byung ba'i rang bzhin bcom ldan 'das khyod gang gis rig pa de ji ltar de 'khor bar ga la 'gro ste/ cung zad kyang 'gro ba ma yin no/ zhes pa'i don to/ /rgyas par byed do zhes bya ba la sogs pa ni/ rkang pa la brten pa'i gar ni rgyas par byed pa'o/ /rkang ba las skyes pa ni/ sA twi kI'o/ /dpung pa dang lag pa rnams kyis nye bar bskyed pa ni A rA b+ha TI'o/ /mgo dang smin ma dang mig rnams kyis bskyed pa ni ko shi kI'o/ /rnam pa bzhi po 'di rnams kyis yan lag 'gyur ba rnams kyis gar byas nas bcom ldan

  29. 15a

    'das mchod pas yang dag par mchod nas de kho na nyid bzhu bar byed do/ /de la mchod pa zhes bya ba la sogs pa ni/ /gang gi tshe bcom ldan 'das kyis rnal 'byor chen po rnam par bzhag pas bde ba chen po'i gnas pas bskyed pa bya ste de'i tshe bcom ldan 'das ma g.yo ba med pa skye bar 'gyur ro/ /de kho na yang bcom ldan 'das bdud rtsi bde ba chen po'i rnam pa nang gi bdag nyid kyi ngo bo lus la legs par khyab pa can dam pa'i de kho na nyid du bsam par bya'o/ /da ni bdud rtsi thig le'i gzugs zhes bya ba 'dis/ bcom ldan 'das don dam par gnas skabs de b+ha ga'i pad+mar yongs su bsgyur ba'i gzugs la thig le'i ming du gsungs so/ /'di kho na yang kun rdzob byang chub kyi sems su brjod par bya'o/ /mkha' yi dbus su zhi ba la sogs pas ye shes sems dpa' bskyed pa sngon du 'gro bas bdag gi de kho na nyid du gnas par gsungs pa/ mkha' ru brjod par bya ba chos kyi 'byung gnas su bshad pa pad+ma'i 'dab ma brgyad pas dbus brgyan pa'o/ /de'i dbus su ri bong can yongs su zhugs pa nam mkha' dang mtshungs pa'i stong pa de kho na nyid byang chub kyi sems nges 'dzag pa'i bdud rtsi brgya phrag 'dzin pa ni mi zad pa'o/ /de kho na ni phra mo'o/ /rdo rje sems dpa' ni gzhom du med pa hUM gi yi ger 'gyur ro/ /gang du zhes pa ze 'bru gsang ba'i sbyong yul la'o/ /de nas der gnas nas b+ha ga dang ling? ba dag gi ma d+hya ste dbus su khu ba'i gzugs kyis 'gro ba tshim par byed pa 'dzag par byed nges par 'byin par byed do/ /de nyid srog chags rnams kyi srog ces bya ba dbugs chen po'o/ /rnam par shes pa'i phung po la brten nas rnam pa sna tshogs pa'i rnam par 'gyur ro/ 'dis kyang rnam pa lngas mngon par byang chub pa gsungs par 'gyur ro/

  30. 15b

    sangs rgyas zhes bya ba ni sangs rgyas rnam par snang mdzad do/ /rdo rje 'chang ni rdo rje hUM mdzad de gdul bya'i dbang las de nyid rigs lnga'i tshogs kyi dkyil 'khor 'byin par byed pa'i rim pas mngon sum du bsgoms pa'i sgrub pa po de rnams kyi so sor snang ba thob par 'gyur ro/ /de'i phyir sems tsam gnyis su med par gyur pa chos thams cad kyi bdag nyid snang ba'i phung po lta bur 'bar bzhin pa'i khams gsum po snang bar byed bzhin par mthong nas khang pa brtsegs par bzhugs nas lha mo dang 'khrig pa'i bde ba chen po'i ting nge 'dzin gyi ro myong ste de kha nas zhugs te rdo rje'i lam nas nges par byung ba'i thig le zla ba'i dkyil 'khor la rdo rje bdud rtsir gsungs so/ /A li kA li'i dkyil 'khor gnyis dang rdo rje las byung ba mA ma kI la 'khyud pas yang dag par bskyed pa'i bde ba chen po'i ngo bo bcom ldan 'das rdo rje bdud rtsi skye'i/ /de nyid kyi phyir gsungs pa de las nga ni khyod dang lhan cig skyes zhes bya ba ste 'di kho na phyag rgya chen po'i sgrub thabs kyi rim pa phyin ci ma log pa ste/ bcom ldan 'das kyis gsang ba 'dus pa la sogs par yang dag par sbas te bstan pa'o/ /tshangs pa zhes bya ba la sogs pas ni tshangs pa dang tshangs pa ma yin pa la sogs pa de dag kyang de nyid kho na yang dag pa ji lta ba bzhin ma rtogs par bdag nyid gzhan du sems par byed do/ /byang chub sems dpa' ni byams pa la sogs pa rnams so/ /de bzhin gshegs pa ni rnam par snang mdzad la sogs pa rnams so de nyid kyi phyir ba de ba chen po'i bdag nyid kyi ting nge 'dzin de kho na la/ de rnams skye bar 'gyur ro 'chi bar 'gyur ro thim par 'gyur ro/ /de bzhin gshegs pa rnams ni bde ba chen po gnyis su med pa'i ye shes kyi bdag nyid can dngos po

  31. 16a

    thams cad sel bar byed pas so so rang gi rig par bya ba yang dag par rig par byed pa'i bdag nyid can de kho na la/ gzung dang 'dzin pa dang bral ba'i ye shes la shes bya'i phung po mthar thug par rab tu zhugs pas gnyis su med pa la/ dngos po 'di dag kun nub pa dang 'char pa la sems par byed goms par byed do/ /de nyid kyi phyir gsungs pa/ shes dang shes bya'i bdag nyid can zhes so/ /skye bar 'gyur zhes bya ba la sogs pa ni/ de nyid kyi phyir dngos po thams cad kyi skye ba dang 'chi ba dang thim par byed pa la sogs pa'i chos rnams kyang bde ba chen po gnyis su med pa'i ye shes las nye bar skye bar 'gyur ro/ /'byin par byed pa ni 'gro ba skyed par nus pa'o/ /rang nyid 'gyur ba ni dngos pa thams cad kyi rang bzhin yin pas so/ /lhan cig pa ni gtso bo byed pa'i lha gnyis pa med pa'i phyir ro/ /brjod par bya zhes bya ba'i tshig 'dis yang dag par sbrel bar bya'o/ /thams cad mkhyen pa zhes bya ba ni rang gi sprul pa'i rten pa'i brten pa khams gsum pa'i dngos po thams cad don ji lta ba bzhin du shes par byed do zhes pas thams cad mkhyen pa'o/ /kun nas kun zhes bya ba ni skye ba dang gnas pa dang 'jig pa'i dbang gis gnas pa nyid kyi phyir ro/ /dge ba gsum 'dren par byed pa nyid kyi phyir zhi ba ste/ 'dod chags la sogs pa'i nyon mongs pa blo bur ba'i dri ma zhi ba de la/ lha thams cad yang dag par rig par byed pa nyid kyi phyir ro/ /gang bar byas nas zhes bya ba la sogs pa la khang pa ni dkyil 'khor de dkyil 'khor der phyung pa'i lha mo'i lha mo'i gzugs kyi 'khor los gang bar byas nas 'phro bar byed do/ /gang gi phyir des skyes bur brjod par bya'o/ /yang na khang pa ni mA ma kI la sogs pa'i sku ste phyung ba'i byang chub kyi sems kyis mngal 'dzin pa'i tshogs

  32. 16b

    pas/ de gang bar byas so/ /de'i phyir yang bcom ldan 'das skyes bu'o/ /de nyid kyi phyir lus la gnas phyir lha zhes pa'o/ /gnyid thug po log ste nyal ba yang rang nyid so sor sad par bya ste des na sang ba po'o/ /rol par byed do/ /zhes pas lha'o/ /gzhan gyi lus la rab tu 'jug pa'i phyir khyab 'jug go /lhag ma go sla'o/ /le'u bdun pa'i 'grel pa'o// //'dir slar yang he ru ka khro bo bskyed pa'i shes par 'dod pas bcom ldan 'das la zhu bar byad do/ /zhi ba ma'i rang bzhin bcom ldan 'das bde ba chen po ste/ slar yang he ru ka khro bo'i gzugs su de rgyud gang gis skye zhes bdag ni ltad mo mchog ces bya ba ste/ gang gi phyir 'dir dbang po dang bcas pa la sogs pa'i lha gdug pa drag po dang rims dang dug dang ro langs la sogs pa 'jigs pa'i gzugs can rnams/ bde ba chen po bdag gi drung du skyabs su 'ong ba de rnams la rjes su brtse bas bdag nyid khro bo he ru kar gyur nas 'gro ba yongs su skyong bar byed do/ /gzhan du rnam par snang mdzad la sogs pa zhi ba'i gzugs kyis/ gdug pa ches drag po rnams gdul bya bar mi nus pa'i phyir zhes pa'o/ /rdo rje pad+ma mnyam sbyor bas zhes bya ba 'dis mA ma kI la sogs pa rnams kyi mnyam par sbyor ba sngon du 'gro bas 'bar ba'i phreng ba 'khrugs shing 'khrugs par snang ba'i bcom ldan 'das rig ma brgyad dang gnyis med du gyur pa/ phyag brgyad pa zhal bzhi pa phyung ngo zhes 'brel to/ /de nyid rdo rje he ru ka mchod phyir thogs kyi tshul gyis rdo rje kha TwAM ga 'dzin bzhin pa'i phyag g.yon thod pa 'dzin pa dang/ phyag g.yas ba dan gsum pa'i tshul dang ldan pa'o/ /slar yang gnyis pa'i phyag dag gi mngon par dbang bskur ba'i phyag rgya dpal ba'i mdzod spur 'dzin pa dang gzhan gnyis po dag gis/ mngon par gsal

  33. 17a

    du yongs su bshus pa'i mi'i pags pa rlon pa'o/ /gzhan gnyis po dag gis dur khrod du 'jug pa'i phyag rgya'i phyag go /pad+ma'i lte ba la bzhugs par bsam par bya'o/ /'dab ma brgyad rnams su rim pa ji lta bar lha mo gtsigs bcas ma la sogs pa rnams kyis yid bcom ldan 'das la gsal bar byed pa bsgom par bya ba 'am bri bar bya'o/ /bzlas pa'i sngags zhes bya ba la sogs pa rnams kyis sngags btu ba gsungs pa/ slob dpon gyis dang por pad+ma 'dab ma brgyad pa bris la a yig la sogs pa k+Sha yig gi mthar thug pa'i sde ba brgyad 'dab ma so so la bkod nas rim pa 'dis lha rnams kyi sngags btu bar bya'o/ /de la gsum pa zhes pa tsa sde las gsum pa dza yig btus te bdun pa zhes pa ya ra la wa'i bzhi pa wa yig go /gnyis dag ste dza yig dang wa yig dag /ha dang la dag sbyar par bya zhes pa dang 'brel pa'o/ /slar yang bdun pa zhes pa de nyid las ya ra la wa'i gsum pa la yig bzung nas dzwa la zhes so/ /sgra ni lan gnyis byas nas su// tshig la sbyar bya ni 'brel par bya'o/ /zhes bya ba'i don to/ /de nyid yang dag ldan zhes bya de nyid hUM yig de des yang dag par ldan pa'i tshig go /phaT kyi yi ges rnam par brgyan zhes bya ba ni sngags kyi tshig gi khyad par ro/ /drug pa las zhes pa ni ba sde'i bzhi pa b+ha yig btus nas bdun pa'i dang pos zhes bya ba ya ra la wa'i sde pa'i dang pos/ 'di'i zhes pa b+ha yig gi gdan du'o/ /zhes bklag par bya'o/ /bcu gsum pa yis yang dag mnan zhes bya ba ni/ a yig dang por 'grel pa can gyi bcu gsum pa o'i yig gi ste de yang dag par mnan pa ni kun tu bzhag pa ste yi ge rnams bsdus pa b+hyo yig tu 'gyur ro/ /dang por rnam par snang mdzad dang mthar swAhA sbyin par bya'o/ /de lta bu yang bcom ldan 'das kyi sngags su 'gyur ro/ /oM dzwa la dzwa la hUM phaT b+hyo

  34. 17b

    swA hA/ 'di nyid brtsigs bcas ma la sogs pa'i lha mo rnams kyi'o/ /le'u brgyad pa'i 'grel pa'o/ /da ni las kyi rigs dang 'brel ba'i las sna tshogs kyi sgrub thabs bcom ldan 'das bdud rtsi 'khyil pa nye bar bstan pa gsungs pa/ rig ma chen po zhes bya ba la sogs pa la/ rig ma chen mo ni bdud rtsi ma la sogs pa'i lha mo brgyad do/ /de dag kyang sna tshogs gzugs te kha dog ljang khu'o/ /chos kyi 'byung gnas kyi dbus su snying po'i pad+ma 'dab ma brgyad pa'i 'dab ma so so la gnas pa 'o/ /lte ba'i dbus su gnas pa'i bcom ldan 'das kyang zhal gsum pa phyag drug pa drag shul la sogs pa'i ro'i tshul gyis rnam pa sna tshogs rnam par bsgyur ba'i zhal gsum pa can phyag dang pos ka tho ra dang sta re'i mtshon cha 'dzin pa phyag gzhan gyis ji ltar rigs par gtud shing la sogs pa'i mtshon cha 'dzin pa can no/ /sgo skyong yang dag ldan zhes bya ba ni sgo skyong ba rdo rje lcags kyu la sogs par rnam par shes par bya'o/ /slar yang rnam par snang mdzad zhes bya ba ni 'di'i sngags su 'gyur ro/ /rnam par snang mdzad oM yig dang por byin nas so/ /tshig rdzogs par bya zhes pa ni sngags bdun po yongs su rdzogs par bya'o/ /dang po las zhes bya ba a yig las gnyis pa A yig ste sbyar bar bya'o/ /zhes yang dag 'brel lo/ /stong pa ni ha yig gi ming can no/ /de'i gdan ni u yig ste des yang dag ldan ni sbyor ba'o/ /slar yang stong pa zhes bya ba ni thig ler brjod par bya'o/ /de yang stong pa ste nA da yis mnan pa'o/ /swAhA sbyar bas kyang sngags su 'gyur ro/ /oM A(rgyud 'grel): hUM swAhA/ /sngags 'di nyid kyang lha mo thams cad bsdus pa'i sngags su shes par bya'o/ /shin tu bde dga' i rnal 'byor gyis zhes bya ba 'dis shes rab dang thabs gnyis med du gyur pa bde ba chen po'i ye shes las bdud rtsi bzhin te byang chub kyi sems bdud rtsi lta

  35. 18a

    bus skye bo ma lus pa'i rga ba dang 'chi ba 'phrog par byed pa'o/ /de skyed pas bdud rtsi 'khyil pa'o/ /zhes bya ba'i don to/ /de yang bsgrub par bya ste/ sgrub pa po rnams kyis rnal 'byor dang rjes su rnal 'byor dang/ rnal 'byor chen po du ma'i tshul gyis thabs dang shes rab kyi bde ba'i ye shes dor bas bsgrub par bya ste/ gzhan du ni ma yin no zhes so/ /le'u dgu pa'i 'grel pa'o// //da ni ro langs chen po'i sgrub pa'i thabs he ru ka'i rnal 'byor mngon par ldan pa'i sngon du bsnyen pa bya ba nges par bstan pa gsungs pa/ bgegs nas shi ba'i zhes bya ba la sogs pa la rang nyid 'phyangs nas shi ba'o/ /sme sha can dang gtum mo'o/ /de med na khyi 'tshang ma ste g.yung mo'o/ /mtshan rnams thams cad yang dag rdzogs ni dam ma nges par 'byung ba zhes so/ /yan lag ma nyams ma gal te rnyed na de'i tshe sgrub pa brtsam par bya'o/ /sum cu rtsa gnyis lo zhes bya ba ni/ lo sum cu rtsa gnyis lon pa'i mdzes ma bsngags so/ /yang na lo nyi shu rtsa lnga lon pa mchog go/ de dag med na ma'am dang po'i ma ma yin pa bgegs nas shi ba de yang sgrub par byed nus so/ /khrus byed te zhes bya ba ni he ru ka'i rtsa ba'i sngags kyis chu la mngon par bsngags nas/ sa ha de ba dang bri ha ti dang kaN+Ta kA ri ka dang gi ri karti ka dkar po dang/ a nA kAn+ta rnams zhes bya ba'i sman lnga dang lhan cig bcug nas/ rdo leb la ste/ rnga'i snam bu la bzhag nas/ sngags kyis dag pa'i chu ngos so zhes bya ba'i don to/ /slob dpon rang nyid he ru ka'i lha'i rnal 'byor byas te rtsa ba'i sngags la 'jug pa lhur blang ngo/ /tsan dan dkar po dang ga bur rnams kyis lus la phyugs la/ me tog dang bdug pa'i mchod pa de rnams gna gcig tu bzhag nas dkyil 'khor bri bar bya ste zla ba phyed pa'i rnam pa la thod par bshad ces pa'o/ /yang na thod pa'i ming can gzhu'i

  36. 18b

    rnam par yongs su brtags pa dbus kyi re mig dang re mig brgyad pa rnams la'o/ /phyi rol tu yang logs bzhi dang grwa bzhi dang sgo bzhi dang dril bu dang dar dpyangs dang ba dan la sogs pa dang rnga yab dang do shal dang do shal phyed pa dang zla ba phyed pas nye bar brgyan pa dgod par bya'o/ /phyi nas bcom ldan 'das phyag brgyad pa rig pa'i lha mo brgyad kyis yongs su bskor ba ro mig so sor la 'jigs pa can ma zhes bya ba la sogs pa'i lha mo rnams kyi lhan cig pa'o/ /phrag par kha TwAM ga bkal nas phyag g.yon pas thod pa 'dzin pa/ phyag g.yas pas ba dan gsum pa'i tshul dang ldan pa rtsa ba'i sngags kyis bzhag par bya'o/ /yang na hUM yig gis so/ /sngags 'dis lha mo zhal gsum ma phyag drug ma ral gri dang kha TwAM ga dang thod pa dang zhags pa can rnams kyang dgod par bya'o sgo ru yang sgo skyong ba lang rna zhes bya ba la sogs pa bzhi po rnams zhal gcig pa phyag gnyis pa/ lcags kyu dang zhags pa dang lcags sgrog dang dril bu phyag gis 'dzin pa dgod par bya'o/ /me tog dang bdug pa dang mar me dang dri zhes bya'i lha mo rnams kyang me tog la sogs 'dzin pa can bri'o/ /de ltar gyur pa'i bcom ldan 'das btsun mo'i 'khor dang lhan cig pa dkyil 'khor gyi dbus su bskyed la spyan drangs te mchod nas bzod par gsol nas/ b+hyo yig gi gang rgyangs rgod pas khrag chen po phyogs bzhir gtor bar bya'o/ /sngags zlos shing mar khu chen pos bskus pa'i yungs kar dkar pos ro langs ma de'i lus kyi gdong la brdeg par bya'o/ /de nas de langs te sgrogs par byed do/ /srid pa gsum bdag nyid kyi sgras 'gengs par byed do/ /mthong nas 'jigs par mi bya bar lha'i rnal 'byor mngon du bya'o/ /de'i nga rgyal gyis gnas par bya'o/ /gzhan du 'da' bar byed na sgrub pa po slob ma dang bcas pa 'chi bar 'gyur ro/ /de nas de grub ste ci bgyi zhes bka' nod par byed do/ /sgrub pa'i yid la mngon par 'dod pa'i ral gri la sogs pa'i

  37. 19a

    dngos grub sbyin par byed do/ /rang nyid kyang sgrub par byed de/ /gtum mo dang g.yung mo dag gang yang rung ba'i gzugs kyis sme sha can ma dang khyi 'tshang ma dag sgrub pa'i thabs kyi rim pa 'dis bskyed de/ phyi nas bcom ldan 'das rdo rje he ru ka bdag nyid de de phyi ma'i sgrub pa po de dag gis lhan cig tu 'grub par byed par the tshom med do/ /ro langs ma'i sgrub pa'i thabs le'u bcu pa'o// //de lta bu'i rim pa 'dis 'dod chags la sogs pas gdul bar bya ba'i skye bo rnams kyi don byas nas/ bcom ldan 'das ci yang mi gsung ba'i ngo bor gyur nas rnam par rtog pa dang bral ba bde ba chen po'i ro yis sku dang gsung dang thugs mdza' dag so sor phug nas longs spyod rdzogs pa'i sku yis yang dag par gnas pa can du gyur to/ /de nyid kyi phyir gsungs pa/ dbugs med ces bya ba la sogs pa ste/ srog gi rtsol ba'i mtshan nyid kyi rlung gi ting nge 'dzin gyi gnas skabs 'gog pa las dbugs med ces pa nges par rtog pa med par ting nge 'dzin mchog la snyoms par zhugs te bde ba chen po ye shes gnyis su med pa can yang dag par gyur to zhes pa'i don to de ni de ltar gyur pa'i bcom ldan 'das la slar yang zhu bar byed do/ /rdo rje phra mo zhes bya ba la sogs pa la rdo rje phra mo ni bde ba chen po'i ye shes so/ /de ci ltar gnas na sems can kun gyi yid la zhes so/ /'di gsung bar 'gyur ba rnam pa lngas mngon par byang chub pa ji lta ba bzhin gyi rim pas chos 'byung gi dbus su gnas pa'i ye shes sems dpa' kha nas zhugs te zla bzhu ba can du gyur pa'i zla ba'i dkyil 'khor dang hUM yig la sogs pas skyed pas rdo rje sems dpa' la sogs pa'i gzugs su bdag nyid bskyed par bya ste/ phyi nas rjes su rnal 'byor gyi rim pas lha'i 'khor lo spros te de dkyil 'khor gyi dbus su gnas pa'i bdag nyid bdag po'i snyoms pa 'dzin pas de'i rjes su rang gi snying gar rdo rje phra mo byang chub kyi sems rdo rje

  38. 19b

    ni ye shes sems dpa' rnam par bsam par bya'o/ /de'i yang snying gar hUM yig phra mo la sogs pa bkod la lha yang dag par bsnyen pa'i dngos grub mngon du phyogs pa can du 'gyur ro/ /zhes bya ba ni man ngag go /yang na rdo rje phra mo ni byang chub kyi sems te chos thams cad gsal bas stong pa nyid kyi rang bzhin du nye bar bskyed pa ni sems can kun gyi snying la gnas par 'gyur ro/ /de bzhin du yang gsungs pa/ sems can kun gyi yid khyab pa/ /sems can kun gyi snying la gnas/ /sems can kun gyi yab nyid kyang/ /dam tshig mchog ldan 'dod pa mchog ces so/ /sngar bzhin gsungs pa zhes bya ba la sogs pas/ kun rdzob byang chub kyi sems gsal bar byed pas lan gsungs pa'o/ /'di zos pas dngos grub kyi 'bras bu bstan pa gsungs pa/ myang bar bya'o zhes bya ba la sogs pa ni bde blag tu rtogs so bdag nyid ces bya ba la sogs pa ni/ rang gi zos nas sngags dang rgyud shes pa rang rig pas bza' bar byas nas so/ /sbyong bar byed pa dang rtogs par byed pa'i rim pa ni ma gsungs te/ lha'i rnal 'byor kho nas byang chub kyi sems la sogs pa rnams rnam par dag pa nyid kyi phyir ro/ /'di ni zhes bya ba la sogs pas rgyud 'di'i che ba ston cing sgom pa mchog tu gyur pa yang dag par bsdu ba gsungs pa/ don mang zhes bya ba ni/ de la mang po rnams kyi don phyag rgya chen po la sogs pa sgrub pa'i thabs kyi mthar thug pa rnams so zhes 'bru mang po ba'o/ /gsang ba rim pa zhes bya ba ni gsang ba'i rtsal ni 'di'i nyams su myong ba'i mtshan nyid de lta bu byas nas/ gang gis phyir theg pa chen po yang chen po 'di las nges par byung ba de'i phyir gsang ba'i rtsal lo/ /gsang chen zhes bya ba la sogs pa ni/ gsang ba'i dbang po gnyis snyoms par 'jug pa'i bdag nyid can mi 'byung ba ni gsang chen te bde ba chen po gnyis su med pa'i ye shes zhes bya'o/ /de yang thams cad bdag nyid de bud med kyi gzugs la sogs pa lus la rtag tu gnas pa'i/ mya ngan las 'das pa'i

  39. 20a

    ngo bo nyid kyi phyir mchog go /bde ba chen po so so rang gis rig pa nyid kyi phyir dga' ba'o/ /de nyid kyi phyir byang chub sems dpa' rnams kyis shes pa ma yin te/ bcom ldan 'das kyis nye bar bstan yang de'i ma thob pa'i phyir ro/ /de nyid kyi phyir/ gzugs med de de mig gi rnam par shes pa'i yul ma yin no/ /cir gyur stong pa ste de bzhin nyid kyi rang bzhin phyi rol dang nang gi rtog pa'i dra ba bsal ba'i ngo bo nyid kyi phyir ro/ /mi 'gyur ba dang ste g.yo ba dang bral ba'o zhes pa'i don to/ /'di dag de nyid de/ yang dag pa ji lta ba'o/ /de bzhin du yang sangs rgyas mnyam sbyor dang rdo rje mkha' 'gro la sogs du ma las gsungs pa/ gsang chen mchog dges pa na/ thams cad bdag nyid rtag tu bzhugs/ /sangs rgyas kun dngos sems dpa' ni/ /rdo rje sems dpa' bde ba'i mchog /ces so/ /rdo rje gtsug gi nor bu ni gsang ba'i zla ba nor bu thig le'i rgyan gyi gzugs nyid kyi phyir ro/ /de'i phyir shin tu gsang la bzung bar bya zhes so/ /gtams pa zhes bya ba la sogs pa ni/ rgyud 'dir gtams pa bzhin du ste bzhag pa bzhin du khyod la bdag gis yang bshad pa yang gzung bar bya ste shin tu dkon pa nyid kyi phyir ro/ /de ltar gsungs nas/ bcom ldan 'das dkyil 'khor gyi 'khor lo dang lhan cig phra mo'i gzugs su gyur nas/ bde ba chen po'i rnam pas/ b+ha ga'i rnam pa ru shes rab kyi pha rol tu phyin pa'i ye shes kyi rang bzhin/ sa bcu gsum pa'i bdag nyid dngos po thams cad gnyis su med pa'i mtshan nyid chos kyi 'byung gnas a'i yi ge'i rnam pa la/ chos dang longs spyod rdzogs pa'i sku dag gis khams gsum pa la khyab nas 'khor bar yang dag par gnas so zhes bya ba'o/ /de bzhin du rnal 'byor pa rnams kyis kyang lha'i rnal 'byor la goms par byas pa'i phyi nas nye bar bsdu ba bya'o zhes pa'o// //gsang ba'i de nyid don dang

  40. 20b

    gsang sngags tshig ni rtogs par dka' ba rdo rje bdud rtsi zhes bya'i rgyud/ /blo gros blun po dri ma med pa gang gis don bzhin bshad par ci zhig nus te bdag /dang por cung zad shes pa 'di las dge ba dri ma med pa gang zhig bdag gis thob pa gang yin pa/ /de yis 'jig rten ma lus de dag kun rtag dra ba bcom nas mchog gi bde ba mnyam par shog /mchog gi bde ba gnyis med blo yi dngos grub rgyur/ /mdza' yas rgyud kyi snying po 'di ni 'bri byed pa/ /gang zhig 'dod pa'i dga' ba mthar grub gyur pa de/ /yon tan rnams la dri ma med pa'i bzang po zhes bya'o/ /rdo rje bdud rtsi'i rgyud kyi ni/ /bshad sbyar tshigs bcad du zhig ldan/ /'di yang sdeb sbyor ces bsngags pa/ /brgya phrag bzhi yi tshogs dang ldan/ /dpal rdo rje bdud rtsi'i rgyud kyi dka' 'grel rdzogs so// // slob dpon dri med bzang po'i zhabs kyis mdzad pa'o/ /'di ni sngar gyi 'gyur snying pa'i le'u gnyis pa man chad mtshang zhing de yan chad kyang shin tu 'khrugs shing 'grel pa gzhan dang 'dres pa las/ shAkya'i dge slong rin chen grub kyis rgya dpe las bsgyur zhing smri ti'i spel mar bshad pa dang yang bstun nas zhus shing gtan la phab pa'o// //paN+Di ta la ma mnyan zhing/ /rgya dpe'i dpe dpang ma rnyed la/ /saM skri ta la ma byar bas/ /nor na mkhas pas bcas par zhu'o/ / 'dis 'khor ba'i rgya mtsho chen po myur du skems par gyur cig/ // */ (/rdo rje bdud rtsi'i rgyud kyi 'grel pa bzhugs// //) */ /rgya gar skad du/ badzra mri ta ta? TI ?m bod skad du/ rdo rje bdud rtsi'i rgyud kyi bshad pa/ /dpal rdo rje sems dpa' la phyag 'tshal lo/ /gang gis dngos grub gsal ba dri ma med cing ye shes dar ba 'brul med pa/ /thabs dang shes rab thugs rje chen po'i ro mnyams gcig pa yin yang gnyis

  41. 21a

    snang ba/ /mA ma kI la sogs pa'i spyan zur bung ba mchog gis 'jibs pa'i pad+ma'i zhal/ /rgyal ba'i ngo bo dam pa'i bde ba de la btung nas rdo rje bdud rtsi dri/ /gsang ba'i gsang pa sems kyis ni/ /bdag gis rgyud don kun bstan nas/ /bdag gzhan phan pa'i don du ni/ /rnam bshad gsal bar byas pa'o/ /bsdus nas 'grel pa'i rjes 'brang ste/ /dang pas bod dpe rgyas par byas/ /rgyud 'di la mA ma kI la sogs pas yongs su bskor ba'i bcom ldan 'das mi skyod pa ni don to// rgyud ni tshig go/ dgos pa ni rdo rje bdud rtsi bde ba chen po ye shes sngon du byas pa'o/ /skye bo rnams 'dod chags la sogs pa'i nyon mongs pa'i spyad pa nyid na skyon gyis mi gos te/ rnam par grol ba'i lam du gyur pa'o/ /de ltar yab yum thabs dang shes rab gnyis su med par rol pa'i zer gyi skyo bas sems can gsang ba'i gnas su bkug nas dbang bskur ba'i mthus 'dod chags la sogs pa'i nyon mongs pa gnas su dag pa/ ye shes lnga'i rtags kyi phyag rgya rigs lnga'i skur 'bad rtsol med par lhun gyis grub par sems can gyi don byed pa ni dgos pa'i yang dgos pa'o/ /chos kyi rjes su 'brang pa'i gang zag dad pa bskyed par bya ba la phan par byed pa'i phyir de dag kyang gdon mi za bar brjod par bya'o/ /'o na ci'i phyir yang dag par rdzogs pa'i byang chub thob pa'i don du sems can rnams kyi thabs 'di las gzhan ting nge 'dzin bcom ldan 'das kyis ma bstan nas/ 'jig rten la 'gal ba de bstan ce na/ ci'i phyir 'jig rten gdong ma med pa'i dang po nas goms pa'i 'dod chags la sogs pa'i nyon mongs pa kun gyi dra bas 'khrugs pa'i yid yin pas/ yid la chags pa la sogs pa med par gnas mi nus pa de'i phyir/ de nyid rdzogs pa la byang chub thob pa'i rgyu nyid du dang du blangs te/ sngags dang/ phyag rgya dang/ ye shes sems dpa' 'gugs pa dang ldan par byas nas/ byang chub grub par bya ba la shin tu nus pa skye ba'i phyir ro/ gtan du 'dod chags dang/

  42. 21b

    'dod chags can bcing ba dang bcing bar gyur pa de gnyis don dam par rang gi ngo bor ma grub pa ma yin te/ rig pas dpyad na don med pa'i phyir te/ gang du chags pa 'am/ gang la chags pa 'am/ gang gis chags pa de dang de'i chos ni dmigs par mi bya ste/ mi dmigs pa'i chags pa ni skyon med cen mi skye ste chags par bya ba ma yin no/ /'dod chags med pa'i sems 'dir nams kyang nyon mongs pa ma yin no/ /gang dag dmigs pa'i bdag la zhugs pa'i lta ba pa/ /de dag chags pas ngan song du ni lhung bar byed/ 'dod chags chos gang de nyid sangs rgyas chos yin te/ /de gnyis ni khyad par 'ga' yang yod pa min/ /yi ge gcig tshul gcig gi mtshan nyid med pa ste/ /skye bo rnams dang bde bar gshegs pa nyid kyang khyad par min/ /tshul khrims 'chal dang tshul khrims spyod rtogs nas/ /tshul khrims drags pas myos pa gang gis bsam/ /de la byang chub sangs rgyas chos kyang med/ /de phyir dmigs pa'i lta bar bzhugs phyir ro/ /yang gsungs pa/ /chags min chags dang bral ba na/ /dbu mar yang ni mi dmigs so/ /zhes pa la sogs pa'o/ /rgyud 'di'i ston pa ni bcom ldan 'das mi bskyod ba'o/ /rgyud 'di zhu mkhan sdud pa po ni mA ma kI'o/ /'khor ni lha mo mdzes mas dang por bzung nas sgo srungs ma'i mthar thug pa'o/ /'di skad ces pa la sogs pa ni/ /rgyud kyi mgo brtsams pa'o/ /'di skad ces pa ni phyi nas brjod pa'i rdo rje bdud rtsi'i rgyud do/ / gnyis su na 'di skad ni rgya gar gyi tshig la e baM ste/ e gru gsum ni pad+ma'o/ /baM ni badzra ste rdo rje'o/ /rgyud 'di mgo mjug rdo rje dang pad+ma sbyor bas 'grub pa'i don yin pas/ /'di ni pad+ma/ skad ni rdo rje zhes sbyar bar bya'o/ /de la bdag gis zhes pa ni/ sdud pa po mA ma kI'i tshig ste/ bcom ldan 'das kyis zhal nas bdag gis mngon sum du thos par bstan te/ gzhan las gzhan tu thos pa ni ma yin no zhes pa'i don to/ /de yang gcig bu thos pa ni ma yin te/ phyi ma 'khor gyi phun sum tshogs pa dang 'gal ba'i phyir ro/ /thos pa zhes ba ni/ shes pa'i don te/

  43. 22a

    yid kyi rnam par shes pa'i spyod yul yin pa'i phyir ro/ /rna ba'i dbang po'i spyod yul sgra la yid kyi rnam par shes pa'i spyod yul yin nam zhe na yin te/ spyod yul thams cad 'jug pa dang rtog pa'i rnam par shes pa gnyis kyi thun mong gi spyod yul yin pa'i phyir ro/ /de bas na thos pa'i don la shes pa zhes bya ba mi 'gal lo/ /dus gcig na zhes bya ba ni/ dus gcig gi tshe na ste/ gang gi tshe bcom ldan 'das mi bskyed pa gsang ba'i pad+ma la zhugs pa'i tshe thos pa'i don to/ /yang na rgyud 'di mgo mjug ni lo grangs dang tshes grangs su thos pa ma yin pa'i phyir ro/ /bcom ldan 'das zhes pa ni/ bdud bzhi bcom pa'i phyir ram/ dbang phyug la sogs pa legs pa'i yon tan drug dang ldan pas/ bcom ldan 'das zhes te/ gsang ba'i b+ha ga'i pad+ma la rtag par gnas pa dang ldan pa'i don to/ /ci'i phyir b+ha ga zhes bya ba ni gnyis su med pa'i shes rab yin pas/ de bas bdud bzhi gsang ba'i b+ha gar gzhom pa'o/ /de ltar yang gsungs pa/ nyon mongs shes rab kyis thub ste/ de phyir shes rab b+ha gar gsungs zhes pa'o/ / dbang phyug la sogs pa'i rgyu sbyin pa'i pha rol tu phyin pa yang bcom ldan 'das gsang ba'i b+ha gar bzhugs pa la ldan pa'i phyir ro/ /de bzhin gshegs pa thams cad kyi zhes pa ni/ rnam par snang mdzad la sogs pa'o/ /de dag gi sku dang gsung dang thugs ni/ sku dang gsung dang thugs zhes pa ste/ longs spyod rdzogs pa'i sku dang/ bdag med pa'i chos mchog dang/ ngag pa 'jig rten pa'i ye shes so/ /de dag kho na snying po zhes te/ lha mo mA ma kI la sogs pa ste/ 'jigs pa med cing 'tshe ba med pa'i ? pa'i rang? bzhin te/ 'dod pa'i 'bras bu sbyin pa'i phyir ro/ /de nyid rdo rje bdud rtsi ste rdo rje'o/ /bdud rtsi gsang ba'i zhes pa ni/ mA ma kI la sogs pa ste/ shin tu gsang ba'i phyir ro/ /de ltar yang gsungs te/ mu stegs rnams la phan 'dogs phyir/ /sangs rgyas btsun mo

  44. 22b

    shin tu gshis zhes so/ /de dag gi b+ha ga ni pad+ma la zhes pa ste/ b+ha ga'i dbus lhag pa'i gnas la ni/ gsang ba'i b+ha ga'i nang na yi ge bruM las skyed pa'i pad+ma dang ldan pa'i phyir ro/ /de 'dra ba'i b+ha ga la bzhugs so zhes pa ste/ legs par gnas so zhes bya ba'i don to/ / don ni 'di lta ste lha mo mA ma kI la sogs pa de dag gi pad+ma'i b+ha ga la/ byang chub sems rdo rje bdud rtsi'i gzugs kyis/ ji srid srid pa gnas kyi bar/ /shin tu dga' ba dam pa dang/ /ro mnyam pa'i ngo bos bcom ldan 'das gnas pa ste/ spyod lam rnam pa bzhi ni ma yin no/ /de bas na rnal 'byor pa dag gis kyang lha dang sbyor ba mngon du byed 'dod pas/ bslab par bya'o zhes pa'o/ /gzhal yas khang brtsegs pa zhes pa la sogs ni/ mA ma kI dang thabs gcig tu snyoms par bzhugs te/ lha mo mdzes ma la sogs pa dag dang lhan cig tu bcom ldan 'das rol te zhes bya'o/ /khang pa na zhes pa ni dkyil 'khor la'o/ /mA ma kI zhes pa ni sangs rgyas thams cad kyi yum yin pa'i phyir ro/ /bcom ldan 'das zhes pa ni bshad zin to/ /rdo rje can zhes pa ni ye shes lnga dang rigs lnga rgyu 'bras ni rdo rje'o/ /de dang ldan pa'i phyir ro/ /de bas na phyag mtshan yang steng 'og rtse lnga pa'i rdo rje bsams so/ /de ltar yang gsang ba 'dus pa'i rgyud phyi ma las kyang gsungs pa/ rgyud lnga dag pa'i 'bras dag ni/ /rdo rje zhes ni bstan pa yin/ /zhes so/ /don ni 'di ltar gsungs par 'gyur te/ mA ma kI la sogs pa'i chos kyi 'byung gnas ni gru bzhi la sogs pa'i yon tan dang ldan pa'i dkyil 'khor du de'i phyed kyi chad brtags pa'i pad+ma 'dab ma brgyad kyi 'dab ma re re la/ lha mo mdzes ma zhes bya ba la sogs pa brgyad gnas pa/ sgo rnams la sgo srungs khro gnyer ma la sogs pa dang/ grwa rnams la lha mo ma tog ma la sogs pa dang/ snam bu la lha mo pi wang ma la sogs pa thams cad rang rang gi phyag mtshan 'dzin par gnas par bya ba dang/ bcom ldan 'das mi

  45. 23a

    bskyod pa yang mA ma kI dang snyoms par zhugs pa dang ldan pas pad+ma'i snying po la bzhugs so zhes pa'o/ /'di lta ste bcom ldan 'das dbus kyi gtso bo mi bskyod pa zhal gsum phyag drug la/ zhal ni gtso bo dang mthun phyag g.yas kyi dang po rdo rje bsnams nas/ gtso bo'i brlar brten pa/ 'og ma gnyis kyis 'khor lo dang ral gri bsnams pa/ g.yon pa gsum gyis zhags pa dang lcags kyu dang dril bu bsnams pa/ shar gyi 'dab ma la mdzes pa mo zhal gsum phyag drug la/ dbus kyi zhal dang sku mdog dkar/ /phyag dang po gnyis kyis 'khyud pa'i tshul lo/ /g.yas gnyis kyis bgrang phreng dang mnga' 'dzin pa/ g.yon gnyis kyis 'khor lo dang gzhu'o/ /zhal gsum phyag drug kun la shes par bya'o/ /lho'i 'dab ma la zhi ba'i zhal gyi dbus kyi zhal dang sku mdog ser po/ g.yas gnag g.yon dkar/ /phyag dang po 'khyud pa'i tshul/ /g.yas gnyis kyis rdo rje dang ral gri/ g.yon gnyis kyis rin po che dang zhags pa'o/ /nub na zla ba mo'i dbus kyi zhal dang sku mdog dmar po g.yas gnag g.yon dkar phyag gnyis kyis 'khyud pa'i tshul/ g.yas gnyis bgrang phreng dang rdo rje/ g.yon gnyis pad+ma dang guN+De/ byang du dung can ma'i dbus kyi zhal dang/ sku mdog ljang gu/ g.yas gnag g.yon dkar/ phyag dang po gnyis 'khyud pa'i tshul/ g.yas gnyis kyis ral gri dang rgya gram/ g.yon gnyis kyis lcags kyu dang zhags pa'o/ /dbang ldan gyi 'dab ma la ri bong 'dzin ma'i dbus kyi zhal dang sku mdog dkar/ g.yas gnag g.yon dmar/ phyag g.yas gsum mchod sbyin dang rdo rje dang mda'o/ /g.yon gsum gzhu dang rin po che snye ma dang/ sdigs mdzub bo/ /me mtshams la ri mo can gyi dbus kyi zhal dang sku mdog ni gnag/ g.yas dkar g.yon dmar phyag g.yas gsum na skyabs sbyin dang rdo rje dang mda'o/ /g.yon gsum gzhu dang sdigs 'dzub dang/ zhags pa'o/ /

  46. 23b

    bden bral mtshams la yid dga' ma'i dbus kyi zhal dang/ sku mdog ni dmar ba g.yas gnag g.yon dkar ba/ g.yas gsum mi 'jigs pa dang rdo rje mnga' / /g.yon gsum gzhu dang pad+ma dang bgrang phreng ngo/ /rlung mtshams la yid la bde bar byed ma'i dbus kyi zhal dang sku mdog ljang gu g.yas gnag g.yon dkar/ phyag g.yas mi 'jigs pa dang rdo rje dang mda'/ g.yon gzhu dang utpal dang sdigs 'dzub bo/ /yang na gong gi rig ma brgyad kyi phyag mtshan kun gtso bo dang mthun par bris kyang mi 'gal te/ rgyud nyid las gzhan gyi phyag mtshan ma gsungs pa'i phyir ro/ /me tog ma dbus kyi zhal dang sku mdog dkar/ g.yas gnag g.yon dmar/ phyag dang po gnyis kyis me tog gi gzhong pa bsnams pa/ phyi ma kun gtso bo mA ma kI dang mthun te/ 'og ma kun la 'ang shes par bya'o/ /spos ma'i zhal dbus ser g.yas gnag g.yon dkar/ phyag dang po gnyis spos me 'dzin pa'o/ me mar ma'e dbus dmar/ g.yas gnag g.yon dkar/ phyag dang po gnyis me mar 'dzin pa'o/ /dri chab ma'i zhal dbus ljang/ g.yas gnag g.yon dkar/ phyag dang po gnyis kyis dri'i dung bsnams so/ /gling bu ma zhal dbus dkar/ g.yas gnag g.yon dmar/ phyag dang po gnyis kyis gling bu bsnams so/ /pi wang ma'i zhal dbus ser/ g.yas gnag g.yon dkar/ phyag dang po gnyis kyis pi wang 'dzin pa'o/ /rnga chen ma zhal dbus dmar/ g.yas gnag g.yon dkar/ phyag dang po gnyis kyis rnga chen 'dzin pa/ rdza rnga ma'i zhal dbus ljang gu/ g.yas dkar g.yon dmar/ phyag gnyis kyis rdza rnga 'dzin pa'o/ khro gnyer ma'i zhal dbus dkar/ g.yas gnag g.yon dmar/ phyag dang po gnyis rdo rje lcags kyu 'dzin pa 'o/ 'jigs par byed ma zhal dbus ser/ g.yas gnag g.yon dkar/ phyag dang po gnyis kyis zhags pa 'dzin pa'o/ /rta'i gzugs ma zhal gsum phyag drug la/ dbus kyi zhal dang sku mdog ni dmar/ g.yas gnag g.yon dkar/ phyag gnyis kyis rdo rje lcags

  47. 24a

    sgrog 'dzin pa'o/ /tshegs kyi 'dren ma mo zhal gsum phyag drug la dbus kyi zhal dang sku mdog ni ljang ku/ g.yas gnag g.yon dkar/ phyag dang po gnyis kyis dril bu 'dzin pa'o/ /de ltar zhal mdog gi rim pa gsang ba 'dus pa'i ka ri ka las gsungs pa thams cad g.yon ni gnag pa min/ g.yas kyi zhal ni dmar ba min/ /ye shes zhabs kyis rjes 'phrang bas/ /gsang 'dus 'di ltar shes par bya'o zhes 'byung/ da ni bcom ldan 'das khang pa'i dbus na gnas pa de la shin tu dga' ba'i ro mnyam par bya ste/ lha mo mA ma kI des 'dod chags la sogs pa la chags pa'i sems can gyi khams rnam par sbyang ba'i ? zhus pa/ de la lha mo nges zhus pa zhes pa la sogs pa ste de la zhes pa ni mdzes pa mo la sogs pa'i lha mos bskor zhing mA ma kI dang thabs gcig tu bcom ldan 'das bzhugs pa'i khang pa na'o/ /lha mo de zhes pa ni sdud ba po mA ma kI ste/ lha'i ris su skye bar mdzad pa'i phyir ram/ rang gi 'od kyis gsal bar byed pa'i phyir ro/ /zhus pa zhes pa ni thabs dang shes rab rol par sbyar nas zhus pa yin te/ pus mo lha nga sa la btsugs nas zhus pa la sogs pa'i tshul ni ma yin no/ /gsang chen zhes bya ba zhes pa ni bde ba chen po gnyis su med pa'i so so rang rig pa'i ye shes so/ /de la cher gnas pa zhes te bde ba myong ba'i bdag nyid ces pa'o/ /rdo rje bdud rtsi rgyud ces pa ni/ rgyas pa dang dga' ba'i sems can gyi don byed pa'i thabs bla ma'i rgyud khri nyis stong pa'o de rnams la ston ce na sngon du zhes ni bskal pa dang bon kye lha mo khyod kyis thugs rjes ston par 'gyur te/ da ltar ni sdud pa la dga' ba'i sems can gyi don du bka' stsal 'tshal lo zhes ba'i don dang 'brel to/ /bdud rtsi'i zhes pa ni lhag pa'i byang chub kyi sems de shi ba'i chos dang bral bar byed nas/ bde ba chen po'i ye shes mngon du byed pa la rkyen gyis gtso bor gyur pa'o/ /

  48. 24b

    ci'i phyir/ de nyid sems tsam du bdag kun tu bltas nas/ phung por gyur pa'i khams gsum du/ gnyis su med par gyur pa med pa yi/ phyi nang gi rnam par rtog pa'i dri ma'i dra ba nges par bsal bar mthong ste/ de'i 'og tu bde ba chen po'i ye shes dang ro mnyam par gyur pa shes rab kyi pha rol tu phyin pa'i rang bzhin/ sa bcu gsum pa'i chos kyi 'byung gnas na/ nam mkha' dang 'byung ba bzhi'i dkyil 'khor lha'i pad+ma 'dab brgyad kyi dbus su ye shes kyi bdud rtsi'i rgyun 'phro ba 'bar ba bum par gyur pa nam mkha' i gzhir khyab pa/ yi ge bruM las yongs su sprul pa/ rdo rje dbyings kyi dbang phyug ma'i gzhal yas khang brtsegs pa gru bzhi la sogs pas brgyan pa'i dkyil 'khor byas pa la zla ba'i dkyil 'khor dang rdo rjes yi ye shes sems dpa' bsgom par bya ste/ 'og nas 'byung ba'i bstod pa dang mchod la bstod de mchod nas bzod par gsol te/ ye shes sems dpa' i kha nas bcug nas/ rdo rje'i lam gyis phyung ste zla bar zhu ba mthong nas bcom ldan 'das mA ma kI dang thabs gcig pa bcom ldan 'das mngon sum du bya'o/ /de'i 'og tu rjes su sbyor pa'i dkyil 'khor gyi 'khor lo bskyed nas gtso bo dbus su bya'o/ /rdo rje bdud rtsi 'byung ba de ni mngon par byang chub pa lnga mdor bsdus par zad do/ /de ltar yang gsungs pa/ sems dang sems dpa' i ting 'dzin yang/ byang chub spyod pa bsgom par bya'o zhes pa la sogs pa'o/ /yang gsungs pa/ dbang po gnyis ni snyoms zhugs nas/ /mkhas pas rang gi khu ba ni/ /phyung nas rtag par rnal 'byor pas/ /dkyil 'khor dkyil 'khor rgyan du bya/ /zhes so/ /de bas na don de kho nar nges par bya'o/ /khyad par du sbyor ba'i rgyud 'di la yang de kho na gtso bor sgrub pa'i thabs yin no/ gzhan ni ma yin no/ /ci'i phyir 'di kho nar gsungs pa/ bdud rtsi'i khu ba zhes gsungs te/ 'gro ba gsum ni des skyed do zhes pa dang/ sku gsung thugs ni bsgrub don du/ /sgrub pa pos ni bde

  49. 25a

    bar 'dren/ /zhes gsungs pa'i phyir/ bde ba chen po zhes pa ni/ mi bskyod pa'i mtshan te/ thabs dang shes rab rol pa'i bde ba'i bdag nyid dang ldan pa'i phyir ro/ /bka' stsal 'tshal te zhes pa ni bdud rtsi sgrub pa'i thabs zhus pa'o/ /bcom ldan 'das kyis lan btab pas gsungs pa/ 'di skad ces pa la sogs pa ste/ de la 'di skad ces pa ni bsam med ces pa la sogs pa'i 'og nas 'byung ba'i tshig go /bcom ldan 'das la sogs pa'i ni bshad zin to/ /de la yang re zhig bdud rtsi'i rang bzhin gyi sgo nas ston pa/ bsam med ces pa la sogs pa ste/ rdo rje bdud rtsi'i rkyen bde ba chen po'i ye shes kyi khyad par du gsungs pa'o/ /de la bsam med ces pa ni/ dngos po dang dngos po med pa gnyis su rtog pa'i dri ma'i dra ba bsal ba'i phyir ro/ /zad med ces pa ni rang gi rigs kyi bde ba ngo bo la grangs gzhan skye ba nyid kyi phyir dang/ rgyud kyi 'grel pa ma lhung ba'i phyir ro/ /phra mos te zhes pa ni tshig tu brjod pa'i spyod yul nyid ma yin pa'i phyir ro/ /don yod ces pa ni grangs med pa'i bskal pa mang pos thob pa'i mngon par rtogs pa'i byang chub nyid du gyur par byed pa'i phyir ro/ /dbang po las 'das zhes pa ni/ mig la sogs pa'i skye mched las shin tu 'das pa'i phyir ro/ /dam pa zhes pa ni me long lta bu'i ye shes la sogs par lnga'i gtso bor gyur pa'i phyir ro/ /zhi ba zhes pa ni/ 'dod chags la sogs pa'i nyon mongs pa'i dri mas ma gos pa nyid kyi phyir ro/ /rnam dag pa zhes pa ni/ shin tu rnam par dag pa'i chos kyi dbyings kyi ye shes kyi rang bzhin nyid kyi phyir ro/ /rdo rje zhes pa ni mi 'jig pa 'jig par byed pa nyid kyi phyir ro/ /bdud rtsi zhes pa ni/ phyin ci log pa'i lus yongs su 'gyur pa'i rgyun bdud rtsis slong ba'i ngo bo nyid kyi phyir ro/ /da ni rdo rje bdud rtsi'i ngo bo bstan pa gsungs pa/ de nas bcom ldan 'das rdo rje yis zhes pa la sogs pa ste/ de la de nas zhes pa ni bdud rtsi'i rang bzhin ston pa'i de ma thag

  50. 25b

    tu bdud rtsi kho na'i dngos po ston pa'i mgo mjug 'brel pa'i tshig go /gang gis ston ce na/ bcom ldan 'das rdo rje yis zhes pa ste bshad zin to/ /ji ltar ston ce na/ mA ma kI dang chags ldan nas zhes te/ mA ma kI dang sbyor ba byas pa'i bde ba dang ldan pa'o/ /de nyid rdo rje bdud rtsi ting 'dzin gyis zhes pa ste/ de la gsang ba'i rdo rje las byung ba'i lhag pa'i byang chub sems ni rdo rje bdud rtsi ste/ ye shes sems dpa' kha nas thim nas zla bar zhu ba gsang ba'i lam nas byung ba bsgom pa'i sems rtse gcig pa'i ting nge 'dzin la zhugs nas gsang chen mngon du mdzad ces pa ste/ de la gsang chen zhes pa ni/ bde ba chen po gnyis su med pa'i ye shes rang bzhin lhag pa'i byang chub sems te/ rgyud gzhan las gsang ba'i phyir ro/ /mngon sum du mdzad ces pa ni lhag pa'i byang chub sems rdzas su gsal ba'i 'og nas 'byung ba'i bdud rtsi khu ba zhes bya ste/ zhes pa'i tshig gis mA ma kI la ston par dgongs pa'o/ /de'i phyir gsungs pa/ rgyud thams cad la zhes pa la sogs pa ste/ de la rgyud thams cad ni bya ba'i rgyud dang/ sbyor ba'i rgyud dang gsang ba'i rgyud dang kha cig go /gsang chen zhes ba ni rdzas su mi ston pa'o/ /ye shes zhes pa ni bde ba chen po gnyis su med pa'i ye shes so/ /de nyid rdo rje bdud rtsi zhes te bshad zin to/ /de yang mchog ces pa ste/ mya ngan las 'das pa'i ngo bo nyid yin pa'i phyir ro/ /don 'di ni 'di lta ste/ kye mA ma kI rgyud kun las gsang ba'i rdo rje bdud rtsi ye shes gang yin pa de bdag gis bshad par bya zhes pa'o/ /de la re zhig bdud rtsi'i rdzas nyid sgrub pa'i thabs ston pa/ brtan por 'khyud dang zhes pa la sogs pa ste/ de la brtan por 'khyud pa ni mi shes pa'i 'dam la bying ba'i sems can rnams bla na med pa'i 'bras bu thob par bya ba'i don du 'jig rten las 'das pa'i snying rje chen po dang du blangs te bsgoms nas 'khyud pa'o/ /'o byed dang zhes pa ni nu ma dang lag rtse dang mgrin pa dang ma mchu dang mig dang rna ba dang sna dang spyi bo dang gsang ba'i sa dang dgu la bya'o//

  51. 26a

    dga' ba'i rol pa zhes pa ni/ 'og nas 'byung ba'i pad+mar 'o bya ba dang/ tshig 'jam po smra ba dang/ sen mo gdab pa dang/ byed pa bsdam pa lnga la sogs pa'o/ /mnyam sbyor zhes pa ni/ rol ba zin ma thag tu 'og nas ting nge 'dzin dang ldan par gsang ba'i rdo rje dang pad+ma sbyor ba'o/ /dbyangs zhes pa ni/ phyud mdzad phyud mdzad ces pa la sogs pa'o/ /sil snyan zhes pa ni/ pi bang la sogs pa'o/ /gar byed pa ni/ rked pa'i gar la sogs pa'o/ /rdo rje bdud rtsi zhes pa la sogs pa ni/ de ltar 'khyud pa la sogs pa byas nas rgyud kyi mchog 'di la 'bad pa drag po mi dgos pas myur bar rdo rje bdud rtsi skye ba 'grub par 'gyur zhes pa'o/ /des 'grub pa'i bdud rtsi bstan pa/ bdud rtsi khu ba zhes pa la sogs pa ste/ de la 'gro ba gsum zhes pa ni/ 'dod khams dang gzugs khams dang gzugs med pa'i khams gsum ste/ 'gro ba rigs gsum dang ste/ 'gro ba rigs lnga kun la 'od zhing 'gro ba'i phyir ro/ /des bskyed do zhes pa ni/ bdud rtsi des 'gro ba rigs gsum bskyed do/ /zhes pa'i don to/ /de ltar bdud rtsi'i rang bzhin dang dngos po bstan nas/ des bsgrub pa bstan pa/ khyod la dga' ma zhes pa la sogs pa ste/ de la khyod la zhes pa ni mA ma kI'o/ /de'i khyad par gsungs pa/ dga' ma zhes pa ni dga' ba skyed pa'i phyir ro/ /zhal bzangs ma zhes pa ni/ bud med kyi sgyu ma dang mdzes pa'i zhal lo/ /rol mo dang bcas pa'i stegs bu'i tshul gyis lta ba'i can dang ldan pa'i phyir ro/ /de ltar yang mnyam sbyor bde mchog las gsungs pa/ bud med mkhas pa sgyu ma che/ /mdzes pa'i bzhin ni rnam par sgyur// rol mo bcas shing bteg pa'i mchog /mdzes par ldan pa'i gar byas pas/ /zhes pa'o/ /de yis zhes pa ni bdud rtsi'o/ /de yis bsgrub pa zhes pa ni mi bskyod pa dang khams gsum dang sku gsung thugs so/ /de bdag gis bshad ces ston pas dam bcas pa'o//

  52. 26b

    ji ltar bshad ce na/ nyon cig ces pa la sogs pa ste/ de la nyon cig ces pa ni mA ma kI la bod pa'o/ /de'i sems kyi tshig khyod kyis gang las brtsams nas dris pa'i lan tshig go /mdor bsdus nas ni zhes pa ni khri nyis stong pa las mdor bsdus nas bshad par bya'o zhes pa'i tha tshig go /lha mo 'am sems can thams cad dang pa bskyed par bya ba'i don du/ bsgrub pa'i yon tan gyi sgo nas ston te/ sems can thams cad ces pa la sogs pa ste/ de la sems can zhes pa ni 'di las gzhan du phyin pa'i rang bzhin ni/ sems de dang ldan pa la sems can zhes so/ /sems can yang de thams cad kyang de nyid yin pas sems can de/ grangs med pa'i phyogs bcu'i sems can no/ /de dag la phan don du zhes pa ni sdug bsngal dang bral zhing bde ba dang phrad nas sangs rgyas pa'o/ /rnal 'byor zhes pa ni sgrub pa po ste/ thabs dang shes rab sbyor ba dang/ bde ba chen po gnyis su med pa'i ye shes dang ldan pa'i phyir ro/ /'khor ba'i zhes pa ni bar ma do'i srid pa dang/ skye ba'i srid pa dang/ sngon dus kyi srid pa dang/ shi ba'i srid pa dag la rten cing 'brel pa bcu gnyis kyi sgo nas 'khor ba'i phyir ro/ /de'i bcings las zhes pa ni/ 'dod chags kyis bcings pa dang/ zhe sdang gis bcings pa dang/ gti mug gis bcings pa dang gsum mo/ /myur ba zhes pa ni/ shes rab kyi pha rol tu phyin pa'i theg pa la bskal pa grangs med pa gsum gyis sangs rgyas so zhes 'byung ba dang/ mdo sde kha cig nas grangs med pa'i yang grangs med pas sangs rgyas so zhes 'byung ba dang/ nyan thos kyi theg pa la myur bar sangs rgyas pa'i tshe gsum gyi thar pa thob po zhes 'byung ba de dag las myur du 'grub pa rdo rje theg pa tshe gcig la sangs rgyas so zhes bya ba'i don to/ don ni 'di lta ste/ rnal 'byor pa gang gis sems can gyi don du dmigs nas thabs dang shes rab sbyor nas rdo rje bdud rtsi shes pa rtogs pa de ni bcings pa las myur du grol ba yin te/ 'dod sred kyi dbang gis ni grol ba ma yin no zhes pa'o/ /da ni

  53. 27a

    bsgrub pa'i dngos bstan pa/ ston du med cing zhes pa la sogs pa ste/ de la ston tu med cing zhes pa ni/ yongs su grub pa'i rang bzhin brjod du mi lang ba'i phyir ro/ /de ltar yang sems tsam gyi lta ba las gsungs pa de yi blo yis gzhan ma rtogs/ /de yang gzhan gyis rtogs pa min/ /gzung 'dzin rnam pa med pa'i phyir/ /bdag rang de nyid gsal ba yin zhes so/ /de gang zhe na/ ye shes chen po zhes te/ mi bskyod pa'i rang bzhin bde ba chen po gnyis su med pa'i ye shes mi bskyod pa'i rang bzhin no/ / de ltar yang gsang ba 'dus pa las gsungs pa/ mi bskyod rdo rje ye shes che/ /rdo rje dbyings ni mchog chen po zhes so/ /de 'dra ba'i dngos grub bdud rtsi bsgrub pa'o zhes pa'i don to/ /dngos grub kyi yang khyad par ston pa/ /'jig rten gsum 'grub ces pa ste/ mthong bsgom gyis spangs pa'i khams gsum gyi nyon mongs pa yang bde ba chen po gnyis su med pa'i ye shes kyis bsal nas/ phyin ci log pa'i 'dod chags dang bral ba'i phyir ro/ /sku gsung thugs kyi bsgrub don du zhes pa la sogs pa des ni/ rdo rje bdud rtsis sku dang gsung dang thugs rnams bsgrub pa ston te/ bde ba chen po'i ngo bor bskyed par 'gyur ro/ zhes pa'i don to/ /bsgrub pa de'i thabs gsungs pa/ rdo rje pad+ma zhes pa la sogs pa ste/ de la rdo rje pad+ma zhes pa ni rang gi bsgrub pa ste/ yi ge hUM gis yongs su brtags pa'i rdo rje'i tshul yi ge bruM gis bskyed pa'i nor bu rdo rje rgya gram gyis mdza' bskor nas brgyan pa'o/ /lha mo mA ma kI gzugs bskyed pa gdol ba la sogs pa'i bu mo'i b+ha ga la yi ge h+ri las yongs su bskyed pa'i pad+ma'i dbus su yi ge bruM bkod nas des gzhal yas khang dang rtsegs ma bsams nas sbyor ba byed pa ma yin gyi/ gzhan du na nyes pa dang bcas par 'gyur ba yin no/ /de ltar rdo rje pad+ma bsgoms nas/ rdo rje bdud rtsi zhes te lhag pa'i byang chub sems phyang ba de ni sgrub pa'i rnal 'byor pa dang/ de ltar bdud rtsi phyung ma thag

  54. 27b

    tu rdo rje dang pad+ma la'o/ /btab nas lhag pa'i byang chub sems blang bar bya'o/ /zhes gsungs pa/ b+ha ga'i pad+ma'i 'o btab ste/ rdo rje mA ma kI 'o btab ces pa'o/ /de bas na mi bskyod pa bsgom pa'i rnal 'byor ma gnyis kyis kyang bla na med pa'i 'bras bu 'dod na de bzhin du bsgrub par bya ba yin no/ /rdo rje bdud rtsi zhes pa la sogs pa ni bshad zin to/ /de gsungs so zhes pa ni/ ji skad gsungs pa'i tshig don de ni bcom ldan 'das kho nas gsungs pa yin te/ 'dod ka can gzhan gyis gsungs pa ma yin pa'i khungs bstan pa'o/ /da ni lha'i sbyor ba de mngon du byed pa'i rkyen mchod pa dang/ dkyil 'khor de ji ltar yin zhes yang zhus pa/ b+ha ga'i pad+mar 'o btab pa/ zhes pa la sogs pa ste/ de dga' ba'i lha mo zhes pa ni/ pad+ma la bcom ldan 'das kyis 'o btab nas byang chub kyi sems byin gyis rlob pa mthong bas dga' ba'i phyir ro/ /rdo rje bdud rtsi las byung ba ni rgyud 'di'i rim pa las byung ba'i zhes pa'o/ /nyams dga' ba zhes pa ni/ yid bzhin gyi nor bu bzhin du sems can 'dod pa skongs pa'i phyir na dkyil 'khor nyams dga' zhes pa'o/ /yang na 'dod chags la zhen pa'i sems can kun b+ha ga'i dkyil 'khor brten nas dga' ste/ mngon par rtogs pa mngon du bya ba'i phyir ro/ /gsang ba zhes pa ni/ mdzes ma la sogs pa'i lha mo'o/ /de dag gi dkyil 'khor ni gsang ba'i dkyil 'khor zhes pa ste/ dkyil 'khor gyi gtso bo bcom ldan 'das mi bskyod pa la lha mo mdzes ma la sogs pas g.yas su bskor ba'i phyir ro/ /don ni 'di lta ste/ bcom ldan 'das mA ma kIs rdo rje bdud rtsis sgyu ma'i dkyil 'khor zhus so zhes pa'i don to/ /zhus pa'i tshig gsungs pa/ cho ga'i rim pa zhes pa la sogs pa ste/ de la 'di ni zhes pa ni/ rdo rje bdud rtsi'i rgyud kyi rim pa'o/ /dga' ba chen po zhes pa ni/ gnyis su med pa'i bde ba chen po'i ye shes kyis rang bzhin gyi byang chub po/ /de nyid thob dka' ba zhes te/ bskal pa grangs med pa yis kyang theg pa 'og ma pa la zhugs pa

  55. 28a

    rnams kyis mi thob pa'i phyir ro/ /rab tu dgyes nas zhes pa ni thugs dang pa'i sgo nas so/ /de'i lan gsungs pa/ bcom ldan rdo rje zhes pa la sogs pa ste/ de la 'o btab pas ni dga' bar 'gyur zhes pa ni/ mA ma kIs gsang ba'i rdo rje la'o/ /btab pas dgyes pa'o/ /bzhad nas zhes pa ni/ thugs rje chen po'i phyir ro/ /'di skad ces pa ni/ 'og nas 'byung ba'i lan gyi tshig go /gang bka' stsal pa yin zhe na sku gsung thugs kyi zhes pa la sogs pa ste/ de la 'khor ba'i rgya mtsho zhes pa ni/ rgya mtsho dang chos mthun pa'i phyir na rgya mtsho ste/ ji ltar rgya mtsho chus gsher ba dang/ chu srin la sogs pas gang ste/ gting zab cing brgal dga' ba de ltar/ zab pa'i chos nyid kyis gsher la/ 'dod chags la sogs pa'i nyon mongs pa'i chu srin gyis gang nas zab cing mdza' yas pa'i phyir ro/ /de bsgral ba'i phyir zhes te 'khor ba spangs mya ngan las 'das par bya ba'i phyir zhes pa'o/ /mA ma kIs 'dir dris pa zhes pa ni/ mA ma kIs skabs 'dir gang dris pa de kho na bka' stsal to zhes pa'i don dang 'brel to/ /de la re zhig dkyil 'khor zhus pa'i don ton pas gsungs pa/ snyam pa'i rjes su chags pa bskyed par bya ste/ phyi na bud med thams cad bsdams pas rab tu bcings te/ 'dod pa zin ma thag tu ni rnal 'byor mas bde ba chen po shin tu dga' ba'i ro myong ba thob pa bskyed par 'gyur ro/ /da ni lus nye ba'i don du gtso mo mA ma kI la sogs pa'i rnal 'byor ma de dag thams cad kyis so so re re'i bsdams pa'i phyag rgya gsungs pa/ 'dus dang gru mo/ zhes pa la sogs pa ste/ de la 'dus zhes pa ni 'dus pa zhes bya ba'i bsdam pa'o/ /yar bteg dang zhes pa ni phul ba'i zhes bya ba'i bsdam pa'o/ /gru mo brkyang ba dang shin tu brkyang ba ni/ ji ltar ston pa ming gis bsdam pa'i ming shes par bya'o/ /de la yang 'dus pa dang

  56. 28b

    zhes bya ba'i mtshan nyid bshad pa/ bud med mgul ba dam 'khyud de/ /pho yi dpung ba gnyis ka yis/ /gru mo gnyis la bzhag pa yang/ /bud med rje dar 'dus par bshad/ /ces pa'o/ /gru mo'i mtshan nyid bshad pa/ /bud med pus mo bkug pa ni/ /pho yi gru mar bzhag bya ba/ /pus mo gru mor bshad bya ste/ /de ltar dag pa'i rim par 'dod/ /ces pa'o/ /brkyang pa zhes bya ba ni mtshan nyid bshad pa 'dug pa pho yi brla steng du/ /bud med rkang mthil bzhag pa rtag /gnyis ka yis kyang mthong kar rgyab/ /rkang pa rkyang phyir brkyang ba yin zhes ba'o/ /yar bteg pa dang zhes pa'i mtshan nyid bshad pa/ pho yi lte ba'i rtsa ru ni/ /bud med rkang mthil bzhag bya ste/ /phab pa'i mdza' ni pho ni yar/ /phul ba btegs par rab tu grags/ /zhes pa'o/ /shin tu brgyad zhes pa'i mtshan nyid bshad pa/ gnyis kas rkang gnyis brkyang bas ni/ /shin tu brkyang par 'dod ba ste/ /bud med pho yi ya res ni/ /'og tu bltas pa'i lus su gnas/ /zhes so/ /byed pa'i sbyor ba yis/ /zhes pa ni shin tu dga' ba la phan par byed pa'i rnam par rol pa la sogs pa'o/ /bsdam pa'i sbyor ba yis/ /zhes pa ni/ gong du gsungs pa'i bsdam pa dang sbyor ba gang dang ldan ba de de ltar ro/ /sa gsum dag ni bsgrub par bya zhes pa ni/ sa 'og sa steng sa bla 'grub pa'o/ /da ni tshogs kyi 'khor lo'i sgrub pa gsungs pa/ sha chen dang ni khrag chen dang/ /zhes pa la sogs pa ste/ de la khrag chen ni pad+ma'i mtshal lo/ /phyi ma ni go sla'o/ /bsgrub par bya zhes pa ni/ yi ge a las yongs su brtags pa'i pad+ma ban da'i steng du yi ge hUM gis yongs su dag par bya ba dang/ rgyas par byas nas bdud rtsi bsgom pa ni bsgrub par bya'o/ /de thos pa tsam gyis rab tu grags pa'i dngos grub sbyin par bya'o/ /rdo rje bdud rtsi bde ba che/ /gal te dngos grub bdag 'dod na/ /zhes pa la sogs pa ste/ de la don rnams thams cad ni zhes pa dang/ bdag don sangs rgyas pa dang/ gzhan gyi don zhi ba la sogs pa'i las so/ /de gsal bar byed pa gsungs

  57. 29a

    pa/ sgrub pa pos ni mtsho? ba ni 'grub ces pa ni/ bdud rtsi des sgrub pa po mchog gi dngos grub mya ngan las 'das pa 'grub po zhes pa'i don to/ /dbang dang dgug dang zhes pa la sogs pa ni/ gzhan la bya ba gsungs pa'o/ /sogs pa'i sgra ni zhi ba dang rgyas pa la shes par bya'o/ /des ni 'di ltar bshad par gyur te/ sha chen po la sogs pa'i dam tshig brtsams pa'i rnal 'byor pa'i mthu chen po bde bar gsungs pa'i bcom ldan 'das kyis bstan cing bshad pa'o/ /de bas na rnal 'byor rnams kyis kyang gdon mi za ba de ltar bya'o zhes pa'i don to/ /rdo rje bdud rtsi la sogs pa ni bshad zin to/ /de bzhin gshegs pa thams cad kyi zhes pa ni 'jig rten gyi rdul phra rab dang mnyam pa'i rnam par snang mdzad la sogs pa'o/ /de dag gi sku dang gsung dang thugs kyi zhes te/ de bzhin gshegs pa'i sku dang/ chos thams cad bdag med pa dang dag pa 'jig rten pa'i ye shes so/ /de nyid rdo rje zhes te/ rdo rje sems dpa' i rang bzhin nam gnyis su med pa'i bde ba chen po'i rang bzhin gyi phyir ro/ /de dang ldan pa ni can zhes so/ /de gang zhe na rdo rje bdud rtsi bde ba chen po zhes pa'o/ /de'i rdo rje bdud rtsi rgyud kyi rgyal po las zhes pa ni/ rdo rje bdud rtsi kho na'i rang bzhin gyis kun nas kun tu snang ba'i phyir ro/ /rgyud de las gsang ba'i dkyil 'khor dang byed pa'i tshul bstan pa'i le'u zhes pa ni/ gsang ba'i dkyil 'khor gyi don dang/ bya ba bsdam pa'i don shes che bar bshad pa'i tshig sder longs pa'o/ /dang pa zhes pa ni gnyis pa las gong mar rtogs so/ /rdo rje bdud rtsi'i rgyud kyi rnam par bshad pa las/ le'u dang po'i rnam par bshad pa'o// //da ni chos kyi sku'i rang bzhin byang chub sems med par bsgrub pa rnams 'grub pa ma yin pas na/ de bzhin nyid kyi ye shes kyi le'u gsungs pa/ de nas mgu ba'i lha mo de zhes pa

  58. 29b

    la sogs pa ste/ de la de nas zhes pa ni le'u dang po dang gnyis pa mgo mjug 'brel ba'i tshig go /mgu ba'i zhes pa ni/ le'u dang po lhag pa'i byang chub sems kyi rang bzhin dang/ gsang ba'i dkyil 'khor dang/ gsang ba'i mchod pa dang/ tshogs kyi dkyil 'khor thos pas mA ma kI dga' o zhes pa'i don to/ /lha mo de zhes pa ni sdung ba po zhes pa'i don to/ /pad+ma rgyas pa'i zhes pa ni/ gsang ba'i pad+ma'i yon tan te/ ru sbal gyi rgyab dang 'dra ba la sogs pa'o/ /mA ma kI zhes pa ni mtshan te/ sangs rgyas thams cad kyi yum yin pa'i phyir ro/ /brtan por 'khyud pa byas nas su zhes pa ni go sla'o/ /dbang po thams cad 'o btab pa zhes pa ni rtsa dgu'i gnas mig la sogs pa la'o btab pa yis/ spyi bor gnas pa'i byang chub kyi sems 'jug par 'gyur ba'o/ /srid sgra sngags ni brjod par bya zhes pa ni srid sgra dang lhan cig pa'i yi ge hUM bzla ba'o/ /rdo rje bcings te skra yang 'dzin ces pa ni/ rdo rje bcing ba yis mgul ba la 'khyud de lag pa g.yas pas skra la 'dzin pa'o/ /de ltar zin ma thag tu ni 'bad rtsol med par rdo rje pad+mar mnyam par bcug pa tsam gyis bde ba myong ba'i chos can rnal 'byor ma rnams skye bar 'gyur ro/ /rdo rje can gyis gsang byas te zhes pa ni/ theg pa 'og ma pa rnams dang/ gzhan mu stegs la sogs pa la gsang ba'i phyir ro/ chags nas dga' ste 'dod pa bya zhes pa ni/ de bzhin gshegs pa la mchod pa dang/ sems can gyi don la chags nas gang du gsungs pa bzhin du rdo rje dang pad+ma bsgom pa la dga' ste thabs dang shes rab kyi 'dod pa bya ba'o srid sgra snyan pa sgra rnams dang zhes pa ni thabs dang shes rab rol pa la sngags bsnyen par bzla ba la bya'o/ /ko ki la sems can gyi khyad par la bya ste/ de dang 'dra ba'i skad rnal 'byor mas gsungs pa'o/ /sogs zhes pa'i sgras ni pi bar dang dbyangs la sogs pa'o/ /lha mo mA ma kI zhes pa la sogs pa ni go sla'o/ /sen mo'i ri mos gdab par bya zhes pa ni lag mthil dang mig gnyis dang dbral ba dang/ nu ma dang/ mtshan khung dang/ b+ha

  59. 30a

    ga'i dkyil dang/ lte ba'i pad+ma la sogs pa la sen mos reg nas bskul ba yin te/ lag pa la sogs pa la sen mos reg na spyi bor gnas pa'i lhag pa'i byang chub kyi sems gzhu ste 'bab pa'i phyir ro/ /de'i gos ni phud byas te/ zhes pa ni mA ma kI'o/ /steng 'og la yang blta bar bya zhes pa ste/ steng ni zhal gyi pad+ma'o/ /'og ni gsang ba'i pad+ma'o/ /ci'i phyir rjes su chags pas de gnyis su blta ba'i phyir 'dod chags pa zin nas shin tu myur bar bde ba myong bar 'gyur ro/ /rgyas pa'i pad+marO btab nas zhes pa ni bshad zin to/ /dga' ba'i tshig kyang brjod par bya/ zhes pa ni/ bcom ldan 'das kyis lha mo mA ma kI dgyes pa'i tshig kyang brjod pa'o/ /tshig gang zhe na/ gsungs pa/ rgyas ma'i pad+ma mA ma kI zhes pa la sogs pa ste/ legs so legs so zhes pa ni/ sems can gyi don du rdo rje bdud rtsi legs par zhus pa dang/ bdag la gsang ba'i mchod pas mchod pa ni legs so zhes pa'i don to/ /gang zhig 'dod pa khyod kyis zhus zhes pa ni/ sems can gyi don du rdo rje bdud rtsi bdag la zhus pa dang/ mA ma kI khyod kyis gang byang chub kyi sems kyi don la sogs pa/ nyan 'dod pa dris shig dang gnang ba'i tshig go/ mchog kyang sbyin zhes pa ni bsmon lam gyi sgo nas nam mkha' la 'gro ba la sogs pa'i rdzu 'phrul lam mngon shes sam mthu stobs dang ldan par byin gyis brlabs pa ni mchog kyang sbyin zhes bya'o/ /da ni lha mo mA ma kIs gtan du rjes su chags pa bcom ldan 'das la dgongs nas/ de bzhin nyid kyi ye shes nyan 'dod pas zhus pa/ de nas lha mo mA ma kIs zhes pa la sogs pa ste/ de la bcom ldan nyid gyi de bzhin nyid ces pa la sogs pa/ ni gye bcom ldan 'das rang nyid kyi de bzhin nyid gsungs shig ces pa la sogs pa ste/ ci'i phyir zhe na/ rnam par rtog pa'i dra ba gnyis su med pa'i ye shes stong pa nyid kyi rang bzhin yin rdul phra rab las shin tu phra ba gzugs med pa'i byang chub

  60. 30b

    sems kho nar thos na ji ltar rol pa dam pa gnyis snyoms par 'jug pa'i bde pa myong bar 'gyur ba kye bcom ldan 'das ji ltar lags zhes gsol ba'i tha tshig go/ the tshom ni byang chub zab pa dang sprul pa the tshom du gyur pa'o/ /ngo mtshar zhes pa ni/ sngon du thes pa dang mthong ba ma yin par 'byung ba'o/ /lan gsungs pa/ rdo rje bdud rtsi bde ba chen po zhes pa la sogs pa ste/ de la de nyid ces na ni/ rang bzhin mi 'gyur pa'o/ /de nyid ci 'dra ba yin zhe na/ ye shes sbyor ba 'bigs byed pa zhes pa ni/ thabs dang shes rab sbyor ba gnyis dang chos thams cad gnyis su med par 'byed pa yis 'bigs pa ston pa ni ye shes sbyor ba 'bigs byed pa zhes gsungs so/ /gang de sim pa'i rnam pa dbang po las 'das pa bde ba chen po'i ngo bo gong nas gsungs pa'i so so rang rig pa mi 'gyur ba ni shin tu phra ba zhes pa ste/ 'di de yin zhes yongs su brtags pa'i ngo bor brjod du nus pa nyid ma yin pa'i phyir ro/ /de kho na nyid kyi phyir gsang chen zhes te/ thun mong ma yin pa'i spyod yul nyid do/ /ye shes shes bya ngo bo nyid ces pa ni/ de la zhes bya ba ni sa gsum gyi nang du gnas pa'i rang bzhin gyi ngo bo dang gang ldan pa de ni shes bya'i ngo bo nyid ces pa ste/ ye shes kho na dngos po thams cad rgyas pa'i tshul gyis rnam pa dang bcas pa bzhin du phyi rol gzugs su snang bar 'gro ba yin no/ /'o na ye shes gcig tu gyur na/ 'khor ba dang mya ngan las 'das pa nyid ji ltar yin zhe na/ de kho na yang thams cad du 'jig rten gyi bde ba ngo bos grub pa 'grub par 'gyur ba la ma rig pas 'khor ba la ni 'khor ba'o/ /de yang snang ba de shes rab kyis spyad na rnam pa'i don med 'ga' zhig kyang phyi rol med/ 'ga' yang bzung ba med pa'o/ /de ltar yang gsungs pa/ rang gi sems kyis grub pa'i chos/ /thams cad du ni gnas pa ste/ /chos de nam mkha' i rdo rjer gnas/ /chos med chos nyid yang med do/ /yang gsungs pa/ srid pa'i rtsa ba rnam shes te/ /yul ni de'i spyod yul yin zhes so/ /sangs

  61. 31a

    rgyas byang chub ces pa ni/ de bzhin gshegs pa'i dam tshig chen po rdo rje de kho na nyid mngon par rdzogs pa'i byang chub bo/ /gdod ma med pa'i dus gzhan grangs gzhan gyi rim par rigs mthun pa'i mtshan nyid skyed par byed pas mi zad pa'i phyir mi 'jigs ces pa'o/ /skyed pa po'i bskyed bya ltar zad par mi 'gro bas zad med ces pa'o/ rtag pa ni zhes pa ni dus gsum la/ yang chul gcig nyid kyi phyir ro/ /gdod ma med cig ces pa ni/ /dang po dbang phyug la sogs pas byas par rtags pa'i rkyen gyi byed pa po de med pa'i phyir ro/ /dang po spangs zhes pa ni/ dang po yi ge a mi skye ba ri mo med pa'i gzugs spangs pa'i phyir ro/ /yod nyid dang ni zhes pa ni/ bde ba'i ngo bos so sor rang rig pa ste/ bde ba'i ngo bo ma yin pa'i spangs pa'i phyir ro/ /yang na bde ba'i ngo bo nyid so so yang dag par rig pa yis mngon sum du myong ba nyid spyod yul nyid yin pa'i phyir yod nyid dang ni zhes pa'o/ /med nyid yang zhes pa ni/ 'khor gsum yongs su dag pa'i shes rab kyis dpyad pa la blo'i spyod yul nyid ma yin pa'i phyir ro/ /dbang po dang bcas zhes pa ni/ mig la sogs pa'i dbang po la byin gyis brlabs pa nyid kyi phyir ro/ /dbang po med ces pa ni/ ma mthong ba'i phyir ro/ /'byung ba kun tu mthong ba zhes pa ni/ mig la sogs pa'i 'byung ba thams cad la ltas nas mi rnyed pa'o/ /de na 'byung ba kun la ma mthong bar 'gyur ba'o/ /'o na de'i dngos grub ji ltar thob par bya zhe na/ gsungs pa/ sbyor ba'i lam gyis mthong ba'o/ /zhes bya ba la sogs pa ste/ de la sbyor ba zhes pa ni rang gi shes rab ma dang gcig tu gyur pa las/ bde ba chen po gnas pa gnyis su med pa'i snying rje chen po/ bdag nyid rnam par shes te/ rnam par rtog pa'i dra bsam gos pa 'dir 'dod do/ /de nyid kyang lam gyis shes pa ste/ bde ba chen po'i ting nge 'dzin la rnam par rol pa gang ngag phyi rol gyi 'byung ba dang 'byung ba las gyur la/

  62. 31b

    sngon po la sogs pa de las gzhan du gyur pa bden pa de bzhin gnyis su med pa'i ye shes so/ /sbyor ba rnam pa zhes pa la sogs pa ni go sla'o/ /de ltar nang gi sbyor ba bstan nas/ da ni phyi'i sbyor ba bstan pa/ phyi'i gzugs kyi zhes pa la sogs pa ste/ de la rnam pa kun rdzob ste/ zhes pa ni rnam pa thams cad dang shes rab gnyis su med par gyur pa'i bde ba chen po'i ye shes kyi kun tu 'jug par byed pas na/ rnam pa kun rdzob ste zhes pa ste/ ci'i phyir phung po lnga ni ye shes de med par mun pa bsal bar mi 'gyur ba'i don to/ /don ni 'di ltar gsungs par 'gyur te ci'i phyir lus su 'byung ba chen po lnga'i bdag nyid phung po lnga'i ngo bo nyid lha'i gzugs su brtags pa de nyid b+ha ga'i pad+ma'i dbus su bsgom par byas pa'i ye shes sems dpa' kho na phyi rol tu gyur pa yin pa ji snyed pa'o/ /de gcig pus ni zhes pa ni/ phyi'i sbyor ba kun rdzob de yang nang gi sbyor ba ye shes gcig pu kho na las 'byung ba'o/ /zhes pa'i don to/ /de'i don gsal bar byed pas gsungs pa/ thams cad rnam shes kho na'o zhes pa'o/ /yang bcom ldan 'das kyis de'i mtshan nyid kho na ston pas gsungs pa/ ci phyir sems can bdag med rnams/ rnam shes phung por rten pa yin zhes pa ste/ bdag med pa'i tshig chos la sems can rnams kyi gzugs la sogs pa'i phung po bzhi bar ma do'i srid pa ni/ rnam par shes pa'i phung po la brten na de'i phyir na bde ba chen po gnyis su med pa'i ye shes nang gi sbyor ba la phyi'i sbyor ba rten pa yin no zhes bya ba'i tha tshig go/ de bas na nang gi sbyor ba de yang so so rang rig par snang ba/ de rig pa'i ngo bo mngon sum du rjes su gyur pa/ khams gsum yid kyis khyab pa phung po lnga'i mun pa bsal ba yin pas blun pa'i blo can rnams kyis ni ma shes pa'o/ /de kho na'i phyir gsungs pa/ blun sems snyigs ma'i mi rnams kyis/ /'ga' yang shes pa ma yin no/ /zhes pa'o/ /de ni bde ba chen por gnas pa gnyis su

  63. 32a

    med pa'i ye shes te rgas pa'i bdag nyid dang/ skye ba dang 'jig pa la sogs pa'i mthu dang yang ldan ston pas gsungs pa/ sems las bsam 'byung sems kyi dngos zhes pa la sogs pa ste/ de la sems zhes pa ni gang nang gi bdag nyid kun brtags kyi dra ba med pa'i sems tsam gnyis su med par lta ba'o/ /de nyid las bsam 'byung zhes pa ste bsod nams dang ye shes kyi tshogs sogs par byed pa na'o/ /sems kyi dngos zhes pa ni yid kyi rnam par shes pa ste/ bsam bya skyed par byed pa'o/ /ye shes zhes pa ni gang khams gsum gyi phyi rol dngos po gzugs su bskyed nas/ bdag gzhan gyi rnam pa gzhan la rnam par shes pa la bya'o/ /phyi'i gzugs khams gsum ni shes bya zhes pa'o/ /gsungs pa las ni sems kyi 'dus byas te/ /yid kyi rnam par rtog rtag pa/ /rnam par shes pas shes gyur te/ /lngas ni mthong bar brtags pa yin/ /ngo bo nyid ces pa ni bsam pa dang sems kyi dngos dang/ ye shes dang shes bya rnams kyi ngo bo nyid ni sems tsam yin te/ de gcig bu las byung ba'i phyir ro/ /de gsal bar byed pas gsungs pa/ thams cad rnam shes zhes pa ste/ /de la rnam shes ni sems tsam du yod pa'o/ /yang na nyi shu ba las gsungs pa/ sems dang yid dang rnam par shes pa dang rnam par rig pa ni rnam grangs su rtogs pa'o/ /gang tshe lus la rkyen nyid 'gyur zhes pa ni/ gang gi tshe don dang rkyen du ji ltar so so'i skye bo rnams kyi don dam pa ma mthong bas de dag gi don 'khrul pa sa bon dang myu gu'i gzugs kyi zhen nas yongs su brtags pa de'i tshe na'o// gang tshe de las yin pa gang las kyang de las yin pa'o/ /de'i don kho na yang gsungs pa chos rnams dang ni zhes pa la sogs pa ste/ de la chos rnams dang zhes pa ni phung po dang skye mched la sogs pa'o/ /de dag rang gi mtshan nyid kyi ngo bo gcig

  64. 32b

    tu gyur pa ni chos gcig ces pa'o/ /de bas na dngos po dag ni de tshe 'gyur zhes te/ gang gi tshe sems nyid phyi'i sbyor ba phung po la sogs pa phyi'i dngos por gyur pa de'i tshe dngos po de 'dra'o/ /zhes bya ba'i tha tshig go /de gsal bar byed pa'i gtan tshigs dang dpe bstan pa/ ci'i phyir na chos can gyi/ /mang po nyid du chos rnams kyang/ /chu rgyun bzhin du rgya mtsho la zhes pa la sogs pa ste/ /ji ltar chu yis yongs su gang pa'i rtsang po la shin tu mang ba'i rlabs dang/ byed pa 'dus pa'i gzugs kyis klung gang bar 'gyur ba de las gzhan ma yin pa de kho na bzhin du/ sems tsam las kyang yid dang shes bya don dang rkyen du yongs su brtags par skye bar 'gyur ro/ /chos de kha cig na re chu rgyun bzhin du rgya mtsho la zhes pa ni don gzhan du bshad te/ ji ltar rnam pa sna tshogs kyi ro'i chu rgyun 'bab pa rgya mtsho la zhugs ma thag tu ro gcig par gyur pa ji ltar lan tshwa'i ror gyur pa de ltar thar par rtogs pa'i dngos po dang/ dngos po med par rtogs pa yang 'dra'o/ /de bas na thar pa ni sgo rnam pa mang po nyid du ma yin par gsungs pa/ thar pa ni tshig kho na ste zhes pa la sogs pa ste/ de kho na'i mdza' la mang po nyid du zhes pa rnam pa sna tshogs kyi don rig pas ma rnyed do zhes pa ste/ phyi ma'i tshig don rnam pa de dag gi don med pa'i phyir ro/ /de kho na yang don dam pa yis gtan la dbab na bden pa zhes pas bstan to/ /de 'dra ba'i zab mo ji ltar rtogs par bya zhe na/ ji ltar nang du zhes pa la sogs pa ste go sla'o/ /da ni de 'dra ba'i bcom ldan 'das bde ba chen po/ /gsungs pa/ b+ha ga'i pad+ma zhes pa la sogs pa ste/ de la b+ha ga'i pad+ma'i zhes pa ni lha mo rnams kyi b+ha ga'i dbus su pad+ma 'dab rgyad kyi snying po dang ge gsar gyi brgyan pa 'od 'bar ba yod pa ste/ de la sogs pa'i rang bzhin gang snang bar ston pa ni nam mkha' zhes pa'o/ /nam mkha' lnga yis brgyan pa ni zhes pa yis//

  65. 33a

    dbang chen dang me dang rlung dang/ chu dang/ nam mkha' i ngos ni dkyil 'khor lngas brgyan pa'o/ /snying dang snying po la sogs pa ni pad+ma'i yan lag ste gong du 'grel zin to/ /de'i dbus su rdo rje can zhugs te/ byang chub sems zhes pa ni/ nyi ma'i dkyil 'khor la cher gnas pa'i rdo rje can lhag pa'i byang chub sems kyi bdag nyid do/ /bdud rtsi dang zhes pa ni mA ma kI la sogs pa'i lhag pa'i byang chub sems dang ldan pa zhes pa ste/ de dang gcig tu gyur cing/ gnyis su med pa zhes pa'i don to/ byang chub sems ni ci 'dra zhe na/ cha shas cha min rnam grol ba zhes te/ de la cha shas ni yi ge a la sogs pa bcu drug go /cha min zhes pa ni yi ge ka la sogs pa'o/ /de dag ni zla ba dang 'dra ba cha shas bcu drug ni bdag nyid dang/ ka la sogs pa skar ma'i gzugs dang 'dra ba de dag gis rnam grol ba zhes so/ /'o na thig le tsam zhi ba de kho na nyid 'dra ba yin nam zhe na ma yin te/ thig le de ni rnam par spangs zhes pa'o/ /de 'dra ba'i khyad par can yi dam lha'i gzugs ni/ der gnas zhes pa ste/ b+ha ga'i pad+ma'i dbus su bzhugs pa'o/ /bdud rtsi zhes pa ni shi ba'i mtshan nyid med pa ste/ de ni rtag tu zag pa zhes te/ byung ba'i don to/ /de'i phyi rol tu snang ba'i khyad par gsungs pa/ khams gsum thams cad kyi gzhi yin pa'i zhes la sogs pa ste/ de la khams thams cad ni gzugs la sogs pa'i khams gsum rnams so/ /de dag rnams la rnam par khyab ces so/ /yang na khams thams cad kyi zhes pa ni mig dang gzugs dang rnam par shes pa la sogs pa'i khams rnams so/ /de dag la rnam par khyab ces pa'i gsum nyid du byin gyis rlob cing khyab pa'o/ de yang mig la sogs pa'i spyod yul la dmigs par byed pa'o/ /zhes so/ /des ni mthong ba zhes pa la sogs pas ni/ don de gsal bar byed pa gsungs te/ gzugs ni mthong ba zhes so//

  66. 33b

    sgra ni thos pa zhes pa'o/ /gzhan ni tal ba dang zhes pa la sogs pa ni/ bcom ldan 'das kyi rang bzhin de kho na nyal ba dang zhes te gnyid log pa'o/ /sad pa dang ni log pa dang zhes pa'o/ /bag chags kyi gnyid mthug par log ste/ log par rmong par gyur na yang rang sad pa'o/ /gzhan dang de bzhin tshe de dang zhes pa la sogs pa ni go sla'o/ /smyo ba dang zhes pa ni/ khams 'khrugs pa dang/ mya ngan dang 'dra ba'i dbang gis smyo ba la bya'o myos pa zhes pa ni/ chang dang 'dod chags la sogs pas gyur pa'i gzugs zhes so/ /de nyid yang 'dod chags zhes pa la sogs pa ste/ de la gti mug ces pa ni/ bcom ldan 'das de nyid blun pa can 'dod chags la sogs pas gyur pa'i nyon mongs pa'i bdag nyid de/ de ltar 'gro ba dag snang par grub pa'o/ /'dod chags zhes pa ni/ spyod yul la yid zhen pa'i mtshan nyid de/ gzugs la sogs pa la rol pa dang bral ba'i chos ni chags pa dang bral ba ma yin pa'i chos so/ /gzugs med ces pa ni ming bzhi phung po dang 'dus ma byas kyi chos kyi rang bzhin gyi phyir ro/ /mang po'i sems can ni/ zhes pa ni/ rnam pa sna tshogs mang ba tha dad pa 'dul ba'i sems can 'dul ba ma lus gang dang ldan pa de ltar ro/ /de nyid kyi phyir na du ma'i gzugs can zhes pa ste/ ma lus pa'i snod kyi 'jig rten gyi skye bo rnams kyis 'dod pa'i don byed pa'i spyod pa nyid kyi phyir ro/ /de kho na'i phyir na yang/ sna tshogs gzugs ni nor bu yin zhes pa'o/ /de ltar yang gsungs ba/ gang dang gang gi rdzas kyis ni/ /mi rnams yid ni 'byor 'gyur ba/ /de dang de yid de dngos 'gro/ /sna tshogs gzugs kyi nor bu ltar zhes pa'o// khyab pa'i dngos kyis zhes pa la sogs pa ni bshad zin no/ /de nyid dam pa cher gnas so zhes pa ni/ sems tsam gyi rang bzhin bde ba chen po gnyis su med pa'i ye shes te/ de gong du smos pa'i dngos su snang zhing kye mA ma kI gnas so/ /zhes bya ba'i tha tshig go /de

  67. 34a

    bzhin nyid de zhes pa ni/ don dam par mi 'gyur ba'i grub pa'o/ /phyi'i rang bzhin de yin par de mngon du gyur pa'i rnal 'byor pa'i tshul ni mi dgos so zhes gsungs pa bzlas med pa ces pa la sogs pa ste/ de la bzlas zhes pa ni/ sngags kyi bdag nyid 'dzin pa yang zhes pa ni/ ting nge 'dzin la dbang po rnams bsdams pa'o/ /de nyid ni de kho na nyid la med de zhes pa'i tha tshig go /bgrang 'phreng zhes la sogs pa ni go sla'o/ /'o na gang zhes bya ba de'i 'grub pa yin zhe na gsungs pa/ b+ha ga'i pad+mar mchod byas te zhes pa la sogs pa go sla'o/ /da ni rnal 'byor pa dang rnal 'byor ma'i bde ba chen po thob pa'i rkyen du rtsa la sogs pa brtan pas gsungs pa/ gang de bdud rtsi 'bab pa'i rtsa zhes pa ni khu ba 'dzag pa'o/ /de ni shin tu mchog ces te/ /de nyid ces pa'i don to/ /yang na bdud rtsi 'bab pa'i rtsa b+ha ga'i dbus su gnas pa zhes pa ni rtsa dgu kho na ste mi la sogs pa sgo dgu la brten pa'o/ /de dag dgu las rtsa gzhan ni sum cu rtsa gnyis zhes pa la sogs pa ste/ smin ma pa mgo dang/ lus dang lag pa la sogs pa'i lus la ji srid pa'o/ /de dag las gtso bo ste zhes pa ste rtsa dgu'i gtso bor gyur pa yin te/ gzhan phyi'i lus la gnas pa'i phyir ro/ /de nyid kyi phyir na rtsa dgu'i lha mo mA ma kI la sogs pa dgu'i bdag nyid b+ha ga'i dbus su bsams nas 'grub pa skye bar 'gyur ro/ /de ltar gsungs pa/ gang de rkang pa las byung ba/ /gang de lus las byung ba dag /de dag thams cad byang chub yang/ /gcig tu 'dus pa'i gyur pa'o/ /zhes pa dang dgu po 'khril bar 'gyur ba'i rtsa/ /de ni lha mo 'babs chen te/ /bshang gci 'bab pa rtsa gang yang/ /de ni gsungs pa mdza' dang 'brel zhes pa'o/ /de dag las gzhan gshin tu mchog /rtsa dgu la ni rnam par gnas/ /zhes pa ni bshad zin to/ /da ni bcom ldan 'das kyis mA ma kI de

  68. 34b

    la de'i bsgoms pa'i don bstan pas/ gsungs pa/ sgo dgu la gnas zhes pa la sogs pa ste/ de la sgo dgu la gnas rig ma dag ces pa ni/ mig la sogs pa sgo dgu'i rang bzhin b+ha ga'i pad+mar gnas pa'i rig ma'i lha mo rnams bsgoms te/ 'dod pa rnam pa lnga dang gsang ba'i mchod pas sgrub pa pos ni mchod par bya zhes so/ /'dod pa lngas ji ltar bsam nas mchod par bya ba yin zhe na gsungs pa rtag tu rdo rje can mnyam blta zhes pa ste/ kye lha mo mA ma kI 'dod pa'i yon tan rnam pa lnga ni rdo rje sems dpa' i rang bzhin steng pa nyid dang mnyam par rtag tu blta'o/ /zhes bsgom par bya ba'i don to/ /de bas shes te de ltar yin pa'i phyir de dag rab byed na/ chags bral zhes gsungs kun rigs pas shes te/ /ston pa thams cad mkhyen pas 'dod pa rnams de dag rdo rje sems dpa' dang rang bzhin mnyam par byas te/ spyad na 'dod chags dang bral lo/ /zhes gsungs pa yin no zhes pa'i tha tshig go /yang ston pa bcom ldan 'das kyis de bzhin nyid kyi sbyor ba ye shes kyi che ba ston pa/ de dag gsang chen zhes pa la sogs te/ de la gsang chen zhes pa ni bde ba chen po gnyis su med pa'i ye shes so/ /mchog rang ni zhes pa ni/ ye shes rnam pa lnga'i bdag nyid kyi phyir ro/ /zhal bzangs ma kye zhes pa mA ma kI la bos pa'i tshig ste/ 'dzum pa la sogs pa'i zhal 'gyur ba'i bzhin gyi phyag rgya dang ldan pa'i don to/ /sbyor ba zhes pa ni chos thams cad thabs dang shes rab gnyis su med par sbyong ba'o/ /de'i don mA ma kI khyod la bdag gis bshad zin to zhes pa'i don to/ /sna tshogs rnam snang mdzad la sogs zhes te rnam par snang mdzad la sogs pa'i de bzhin gshegs pa rnams sku mdog dang rigs dang ye shes dang/ phung po dang rang bzhin dang/ 'phrin las tha dad cing sna tshogs pa'i phyir ro/ /de bzhin gshegs pas zhes pa ni bshad zin to/ /mi shes zhes pa ni/

  69. 35a

    bya ba'i rgyud dang sbyor ba'i rgyud kyis sangs rgyas pa'i rnam par snang mdzad la sogs pas ma shes pa'i phyir ro/ /bdag gis khyod la ni tsi phyir bstan pa yin zhes na gsungs pa/ gtan du dga' ba'i yid bde bas zhes pa la sogs pa ste/ de la gtan du dga' ba'i yid bang? ba zhes pa ni mA ma kI la snyoms par zhugs pa'i bde ba chen po gnyis su med pa'i ye shes kyis yid bde ba'o/ /sbyor ba dam pa zhes pa ni/ zhi gnas dang lhag mthong gi sbyor ba 'am/ yan lag drug gi sbyor ba las thabs dang shes rab tu gyur pa'i phyir ro/ /don ni 'di ltar gsungs par 'gyur te/ mA ma kI gsang ba'i bltam pa la sogs pa'i rol pas dga' zhing bde bas na/ de bzhin nyid kyi sbyor ba ston to zhes pa'i tha tshig go /de'i don gsal bar byed pas gsungs pa/ gsang ba'i pad+ma mthong bas na zhes pa la sogs pa ste bshad zin to/ /de bzhin gshegs pa thams cad ces pa ni/ rdul phra rab dang mnyam pa'i rnam par snang mdzad la sogs pa'o/ /de dag gi sku dang gsung dang thugs zhes te/ de la sku ni longs spyod rdzogs pa'i sku phyag rgya chen po'o/ /gsung bu bdag med pa'i chos so/ /thugs ni dag pa 'jig rten pa'i ye shes so/ /de nyid rdo rje can zhes te/ sku gsung thugs rdo rje sems dpa' i rang bzhin dang tha mi dad pa'i phyir ro/ /rdo rje bdud rtsi bde ba chen po zhes pa ni/ bshad zin to/ /rdo rje bdud rtsi rgyud chen po zhes pa ni/ rdo rje bdud rtsi'i dkyil 'khor dang/ sngags dang phyag rgya dang/ de bzhin nyid dang/ 'phrin las dang bsgom pa dang rang bzhin rnams kyi chu rgyun chags pa'i phyir ro/ /de bzhin nyid sbyor ba ye shes zhes pa ni/ thabs dang shes rab kyi byang chub kyi sems gnyis su med pa'i ye shes so/ /de ston pa'i tshig sder longs pa 'am/ rim par phye ba ni le'u zhes pa'o/ /gnyis pa zhes pa ni/ dang po'i 'og ma yin pa'i phyir ro/ /rdo rje bdud rtsi rgyud kyi le'u gnyis pa rnam par bshad pa'o// //

  70. 35b

    da ni sngags 'byung ba yongs su shes par bya ba'i don du bcom ldan 'das la zhu 'dod pa mA ma kIs dbyangs kyis mnyes par byas nas zhus pa/ de nas mgu pa'i lha mo des/ zhes pa la sogs pa ste/ de la mgu ? zhes pa ni mA ma kIs de bzhin nyid kyi sbyor ba thos pas mnyes pa'o/ /ha ra zhes pa ni/ mu tig gi ha ra'i dkyil na rin po che btags pa la sogs pa'i mgul ngo byas pa'o/ /bu bur gyis zhes pa ni/ rkang pa'i gdu bu sil sgra dang ldan pa'o/ /rgyan zhes pa ni/ mA ma kI ha ra la sogs pa mo'i cha lugs dang ldan pa'o/ /'di dag dbyangs zhes pa ni/ 'og nas 'byung ba'i phyung mdzad la sogs pa'i dbyangs tshig go /blangs na su zhes pa ni/ sa 'dzin la sogs pa'i skad kyis gleng ba'o/ /sems dpa' chen po zhes pa ni mi bskyod pa ste/ sems dpa' chen po rdo rje sems dpa' i 'bras bu gyur pa'i phyir ro/ /de ltar yang rdo rje sems dpa' i mtshan brgya rtsa brgyad pa las 'byung ba/ sems dpa' chen po dang po'i mchog /dga' ba chen po dga' ba che/ /zhes pa la sogs pa'o/ /dgyes par byed ces pa ni dbyangs kyis mchod pas bcom ldan 'das thugs dgyes par mdzad pa'o/ /dbyangs kyi tshig gsungs pa/ phyung mdzad ces pa la sogs pa ste de la phyung mdzad phyung mdzad chen po rdo rje las zhes pa ni/ gsang ba'i rdo rje las bde ba chen po so so rang rig pa'i ye shes kyi ngo bo 'bros shig ces pa'i don to/ /ci'i phyir 'phros pa yin zhe na/ bdag gis mchog gi yig 'bru 'tshal bar bgyi zhes pa ste/ de la mchog gi yig 'bru ni gnyis su med pa'i mya ngan las 'das pa'i rang bzhin bde ba chen po'i ye shes de ? pa med pa'i phyir ro// de bdag gis 'tshal bar bgyi zhes mngon par bya zhes pa ni tha tshig go /gang du 'phros pa yin zhe na/ b+ha ga'i pad+mar zhes pa ste bdag gi pad+mar 'phros shig ces gsol ba btab pa'o/ /ci'i phyir bde ba chen po ste zhes pa ste/ pad+ma ni gnyis su med pa'i so so rang? rig

  71. 36a

    pa'i gnas kyi phyir ro/ /rdo rje ni mi 'jog pa'i rang bzhin no/ /yang na gsang ba'i rdo rje'o/ /de'i don ni bde ba chen po las zhes pa ste/ gnyis su med pa'i so so rang gis rig pa'i ye shes bde ba chen po de mngon du gyur pa'o/ /dbyangs kyi skad gsungs pa/ sa 'dzin pa dang zhes pa la sogs te/ de la sogs pa'i sgras ni drang srong lnga pa dang/ bam ma dang/ stobs lnga dang/ 'khor nyan rnams so/ /'khor ba'i tshul zhes pa ni/ de las gzhan pa de 'byor gyi skad la shes par bya'o/ /sna tshogs thun mong rnam dag gis zhes pa ni/ dbyangs kyi tshigs bcad gcig gis yin yang skad ni de dag dang thun mong du byas nas blang ba'o/ /ji ltar zhe na snyan pa'i sgra yis blang bar bya zhes pa ste/ dung dang gling bu dang/ pi bang la sogs pa dang mthun par blang ba'o/ /dbyangs des ci 'grub par bya zhe na de rnams dbyangs dag ces pa la sogs pa ste/ de dga' ba'i yid bde rnams sprul gyis zhes pa ni/ yid dga' ba dang bde ba'i rgyur gyur pa'i rnam par sprul pa ni zhes bya'o/ /de ltar yang sarba pu ta las gsungs pa gar ni shin tu rnam par sprul pa'o/ /rdo rje bdud rtsi bde ba che/ /zhes pa ni bshad zin to/ /de nyid sangs rgyas byang chub ces te mi gnas pa'i mya ngan las 'das pa'i dam tshig chen po rdo rje de kho na nyid mngon par rdzogs pa'i byang chub bo/ /de bsgrub par bya zhes pa ni/ gar dang dbyangs kyis kyang mya ngan las 'das pa la yin gyi gzhan du ni ma yin no/ /de ltar mA ma kIs dbyangs dang gar gyis mchod pa byas nas don zhus pa gsang ba'i dkyil 'khor bka' stsal pa/ de bzhin nyid kyi the tshom gcod ces pa ni de la the tshom gcod pa dang gang ldan pa ni the tshom gcod pa ces pa'o/ /don ni 'di lta ste/ de bzhin nyid don dam pa ye shes gsang ba'i b+ha ga'i dkyil 'khor bshad pas bdag gi the tshom bsal lo zhes pa'i don to/ /the tshom gang gis gcod pa yin zhe na/ rdo rje

  72. 36b

    can khyod bka' drin gyis zhes pa'o/ /ye shes pa ni thabs dang shes rab gnyis su med pa'i bde ba ldan pa'o/ /bya ba des sems can smin pa dang grol bar byed pa'i mtshan nyid des byas pa ni bya ba bgyi zhes pa'o/ /bcom ldan 'das ni bod pa'i tshig go /chags pa dang bral ba ni chags pa rtog pa las shin tu 'das pa'i rgyu gang yin pa de ni chags pa dang bral bral ba'o/ /rdo rje bdud rtsi 'byung ba 'di zhes pa ste/ rgyud 'dir 'dod pa'i yon tan lnga rdo rje sems dpa' i rang bzhin du ston pa'i phyir ro/ /de bas na bdag gis mi dmigs pa'i bde ba'i ngo bo'i sgo nas/ rdo rje theg pa'i 'byung ba'i sbyor ba sems can rnams la bstan par bgyi zhes pa'o/ /de'i don kho na yang bshad pa/ rdo rje theg des ni/ bcom ldan 'das mA ma kIs ye shes mnyam pa nyid du gyur pa'o/ /de ltar mA ma kIs de bzhin nyid kyi sbyor ba'i ye shes khong du chud nas som nyi ru gyur pa'i the tshom gzhan zhus pa/ da dung bdag la the tshom mchis zhes pa la sogs pa ste/ de phyag rgya gnyis kyis rnam sprul pa zhes pa ni/ rgyud gzhan la nang gi sku gsung thugs kyi phyag rgya dang/ phyi'i lag pa'i phyag rgya gnyis su 'byung ba 'dir gang la shes par bgyi zhes zhus pa'o/ /ji ltar phyag rgya yang dag 'byung zhes pa ni/ phyi nang gi phyag rgya'i nang na yang dag pa'i phyag rgya gang yin pa de zhus pa'o/ /de dag gi sngags ji ltar lags zhes pa ni gsang ba'i dkyil 'khor la bkod pa'i lha mo de dag gis bzlas pa'i sngags ni ji ltar lags zhes zhus pa'o/ /sngags rnams gang las skyes pa lags zhes pa ni/ lha mo rnams de dag yang sa bon gang las bskyed pa'i zhes zhus pa'o/ /khyad par du ni lha rnams kyang zhes pa ni/ gsang ba'i dkyil 'khor la pho dang mo'i la yang kho na lags zhes zhus pa'o/ /bcom ldan 'das kyis lan gsungs pa/ bcom ldan 'das rdo rje can gyis gsungs zhes pa la sogs pa ste/ de la phyag rgya gnyis kyis rnam sprul

  73. 37a

    pa zhes zhus pa'i lan no/ /phyag rgya rnam pa gsum gsungs te/ zhes pa'o de dag gang zhe na/ sku dang gsung dang thugs las byung zhes pa'o/ /de yang bcom ldan 'das nyid kyis 'grel pa sku ni phyag rgya mchog 'gyur zhes pa ste/ de bzhin gshegs pa'i sku'i phyag rgya chen po dang/ sku'i rdo rje bsgom pa ni sku'i phyag rgya ste las kyi phyag rgya yin pa'i phyir ro/ /gsung gi phyag rgya sngags pa'i las zhes pa ni/ gzung 'dzin gyi mtshan ma med pa'i zhi ba la sogs pa'i stags kyi las kyi ngo bo gsung gi rdo rje ni gsung gi phyag rgya ste/ chos kyi phyag rgya yin pa'i phyir ro/ /thugs kyi mtshan ma'i phyag rgya ni bsam gtan ri mo gnas med gnas zhes pa ni/ dbyibs dang kha dog ri mo gnyis su med par gnas pa'i bsam gtan gyi ngo bo thugs kyi rdo rje ni mtshan ma'i phyag rgyal bya ste/ phyag rgya chen pa'i phyir ro/ /de ltar yang gsang ba 'dus pa'i sgrub thabs las gsungs pa/ chos dang longs spyod sprul pa dang/ rim par thugs sogs rdo rje ste/ /de dag ye shes sems dpa' i ni/ /phyag rgya bzhir ni 'dod pa yin zhes so/ /ji ltar phyag rgya yang dag 'byung zhes pa'i lan ni/ rdo rje bdud rtsi rgyud chen po la zhes pa la sogs pa ste/ de la sbyor ba zhes pa ni/ chos thams cad gnyis su med pa yongs su shes pa'i mtshan nyid do/ /de nyid phyag rgya zhes pa ni/ phyin ci log pa'i lus gsal ba kun tu rgyas btab pa'i phyir ro/ /thabs dang shes rab sbyor ba ni sbyor ba'i phyag rgya zhes pa ste/ de ltar yang gsang ba 'dus pa las gsungs pa/ thabs dang shes rab snyoms 'jug pa/ /sbyor gzhi ni bshad pa yin zhes so/ /de bas na mtshan ma'i phyag rgya mi bri'o zhes pa ste/ yang dag pa'i ye shes la lag pa'i phyag rgya la sogs pa ni phyi rol nyid du yin par bzung bar bya'o/ /de 'dra bar gyur pa'i yang dag pa'i ye shes 'dod na ji ltar shes par bya zhe na/ de grub

  74. 37b

    cing mngon du byed pa'i thabs gsungs pa/ phyag rgya mngon sum gzugs yin te zhes te/ sku gsung thugs ma gsang ba'i pad+ma 'am/ rdo rje bsgom pa'i mngon du gyur pa'i ye shes ni phyag rgya yin te/ des yang dag pa'i ye shes grub par bya'o/ /khyad par du ni lha rnams kyang zhes zhus pa'i lan gsungs pa/ lha ni lha mo bud med do zhes pa ste/ lha mo yang mA ma kI la sogs pa lha dang sbyor ba'i bud med yin gyi gzhan ni ma yin no/ /de bas na gsang ba'i mchod pa ni sbyor ba yis kun bya'o/ /zhes gsungs pa/ dbang po thams cad ces pa la sogs pa'o/ /b+ha ga'i padmor lha mo bsgom pa gcig bu las byang chub grub pa'i dpe dang don bstan pa/ ji ltar dpag bsam shing zhes pa la sogs pa ste/ rtsa ba dang ldum bu dang lo mas brgyan pa'i dpag bsam gyi shing chen po skye ba'i rkyen sa bon phra mo'i tshed yin yang/ de 'dra ba'i gzugs bskyed par nus pa ji lta ba bzhin du/ de ltar b+ha ga'i pad+ma'i rtsar gnas pa'i/ /bdud rtsi 'bab pa'i rtsa dgu la lha mo mA ma kI la sogs pa'i gzugs kyi phyag rgya bsgom pa ni bla na med pa'i rkyen du gyur pa yin no zhes yid ches par bya'o/ /sngags de rnams kyang zhes pa la sogs pa zhus pa'i lan ni/ de nas bcom ldan zhes pa la sogs pa ste/ de la rdo rje bcug nas ni/ /gsang ba'i rdo rje dang pad+mar sbyor te sngags 'byung ba zhes pa'i tha tshig go/ dang po rnam snang mdzad ces pa la sogs pa ni sngags 'byung ba ston pas gsungs pa 'di lta ste/ pad+ma 'dab brgyad bris nas 'dab ma re re la yi ge a la sogs pa snga brgyad bkod de/ rim pa de ni sngags dbyung bar bya'o/ /dang po rnam snang mdzad sbyor te/ zhes pa ni/ ye ge oM dang bor sbyor bya ba ste/ yang badzra a mi ta ma hA su kha zhes sbyor ba'o/ /rnam par snang mdzad ni yi ge oM kho na yin no/ /de ltar yang rnam par snang mdzad sgyu 'phrul dra ba las gsungs pa/ gang du dang po rnam par snang

  75. 38a

    mdzad ni/ dag cing dri med blo ni oM du sprul zhes so/ /sa bon bzhi dang zhes pa ni dza(rgyud 'grel): hUM baM ho(rgyud 'grel): rnams so/ /de dang mnyam ldan la zhes so/ /swA hA'i yi ge yang sbyor ro/ /ni yi ge swA hA mdza' ma na sbyor ba dang ldan zhes pa dang 'brel to/ /sngags ni 'di lta ste/ oM badzra a mri ta mahA su kha dza(rgyud 'grel): hUM baM ho(rgyud 'grel): swAhA de ni bcom ldan 'das mi bskyod pa'o/ /rnam par snang mdzad yang dbul te zhes pa ni/ mA ma kI'i sngags gsungs te/ gong du yi ge oM zhag pa'o/ /yi ge gnyis pa ni yi ge a 'byin pa'o/ bzhi pa ste ni? yi ge i'o/ bzhi pa sten mnyam ldan te zhes pa ka'i sde tshan dang 'brel ba'i yi ge ni ga ste/ de dang ldan ma thag tu lha mo mA ma kI'i snying po ste/ oM gri swA hA'o/ /da ni mdzes ma la sogs pa rig ma brgyad kyi so so re re'i sngags gsungs pa/ brgyad dag kho na'i zhes pa ste/ yi ge ka'i sde tshan ma yin pa yi ge a la sogs pa zung brgyad rnams so/ /dbus pa gang zhes pa ni yi ge ring ba rnams so/ /brgyad kyis rnam par brgyan ces pa ni/ brgyad kyi thig le'i ming ste yi ge brgyad kyis brgyan par bya'o/ /de nas ring po'i yi a la sogs pa 'dab ma brgyad la sbyor ba ji lta ba bzhin du bkod nas/ zhal mdzad ma la sogs pa lha mo rnams kyi sngags phyung ngo/ /de dag la yang rnam par snang mdzad dang mdza' na yi ge swAhA yar sbyor ba ni gong du smos pa yis 'dir yang 'brel pa gdon mi za bar bya'o/ /de ltar rgyud kun las btus nas gsungs pa/ phal du sngags rnams thams cad ni/ /phyag 'tshal swAhA sbyor ba'o zhes so/ /lho'i 'dab ma la zhi ba'i zhal gyi sngags ni oM aM swAhA/ shar gyi 'dab ma la mdzad pa'i lha mo'i sngags ni oM aM swAhA/ /nub kyi 'dab ma la zla ba mo'i sngags ni oM uM swA hA/ byang gi 'dab ma la dung can ma'i sngags ni oM raM swA hA/ dbang ldan gyi 'dab ma'i ri bor 'dzin dkyil 'khor ma'i sngags ni oM laM swA hA/ me mtshams ma ri bong ma'i sngags ni oM aM swA hA/ bden bral gyi

  76. 38b

    'dab ma la yid dga' ba ma'i sngags ni oM hUM swA hA/ rlung mtshams kyi 'dab ma la yid la bde bar byed ma'i sngags ni oM aM swA hA/ blo blun po gzhan dag gis ni mi shes nas rig pa gzhan du sngags phyung bar byed do/ /de ni mi rigs te de bas na 'dir yang ma bris so/ /sngags dbyung ba 'di kho na ni dkyil 'khor la bkod pa 'am/ gzhan du sgo ba la sogs pa la sbyor bar bya'o/ /sgo srungs dag gis zhes pa la sogs pa ni/ sgo srungs ma'i sngags bshad 'dod pas gsungs pa/ de la skal bzangs zhes pa ni/ na so dang byang dang/ mdangs dang khams gsum gyis mchod 'os gyi phyir dang/ sems can gyi don byed pa'i skal ba dang ldan pa'i phyir na mA ma kA'i skal bzangs zhes so/ /sde'i tha ma zhes pa ni/ yi ge a la sogs pa ste gcig pa dang/ gzhan ka la sogs pa'i sde bdun no/ /de dag ni a nga nya Na na ma swA hA rnams so/ /de dag sa bon brgyad ni sngags zhes pa'o/ /spro ba'i lha yis zhes pa ni thig les mnyam par gnon pa zhes so/ /rnam par snang mdzad dang ldan pa zhes pa ni mgor yi ge oM dang ldan pa'o/ /swA hA'i yi/ ge mnyam par ldan zhes pa ni/ mdza' ma na yi ge swA hA dang ldan pa'o/ /bzhi ni sgo srungs kyi yin te zhes pa/ sngags bzhi ni sgo srungs ma bzhi'i yin te/ oM aM swAhA/ shar gyi sgo srungs ma'i 'o/ /oM daM swAhA lho'i sgo srungs ma'i 'o/ /oM nyam swAhA/ /nub kyi sgo srungs ma'i 'o/ /oM ni swA hA byang gi sgo srungs ma'i 'o/ /gzhi ni me tog spos me la sogs zhes pa ni/ gzhan sngags bzhi ni me tog ma la sogs pa bzhi dang sbyor te/ oM na swAhA me tog ma'i 'o/ /oM ma swA hA spos me ma'i 'o// oM waM swAhA/ mar me ma'i 'o/ /oM nyAM swA hA dri chab ma'i 'o/ /yang na gzhan dag na re/ sgo srungs ma la sogs pa'i sngags ni ming bzung nas sngags kyi yi ger sbyor bar bya ste/ oM badzra aM ku sha swA hA/ oM badzra pA sha swA hA/ oM badzra spho Ta swAhA/ oM badzra

  77. 39a

    A be sha swAhA/ de ltar me tog ma la sogs pa yang sbyor bar bya ste/ oM naM badzra puShpe swA hA/ oM maM badzra d+hU pe swAhA/ oM waM badzra A lo ke swA hA/ oM haM badzra gand+he swAhA/ da ni gling bu ma dang/ pi bang ma dang/ rnga chen ma dang/ rdza rnga ma rnams kyi sngags dbyung 'dod pas gsungs pa/ ma ning yi ge zhes te re re le le'o/ /de dag bzhi la yang swAhA/ rnam par snang mdzad yang zhes pa ni bshad zin to/ /sngags ni 'di lta ste/ oM raM badzra paM she swA hA/ oM rAM badzra bi ni swAhA/ oM laM badzra mu kunde swAhA/ oM lIM badzri mu ra dze swAhA/ lha mo gsang ba zhes pa la sogs pa ni go sla'o/ /de bzhin gshegs pa la sogs pa yang bshad zin to/ /sngags phyung ba bstan pa zhes pa ni/ sngags sogs gtso bor byas nas bstan pa'i phyir ro/ /gsum pa ni gnyis kyi 'og ma'o/ /rdo rje bdud rtsi rgyud kyi le'u gsum pa'i rnam par bshad pa'o// //da ni sbyin sreg med pa lha byin chags par mi 'gyur bas/ /sbyin sreg gi las kyi cho ga le'u bzhi pa gsungs pa/ de nas sbyin sreg las dag ni zhes pa la sogs pa ste/ de la cho ga'i rim pa ni 'og nas 'byung ba'i las kyi rim pas sa zung ba dang/ hom gyi dbyibs dang/ kha dog sgyur ba dang/ phyogs dang dus dang sreg rdzas la sogs pa bdag gis bshad par bya zhes pa'o/ /rgyud gang gi rim pas bshad par bya ba yin zhe na/ sbyor ba'i rgyud kyi zhes ba ste/ thabs dang shes rab sbyor bas na/ gsang ba'i rgyud kyang sbyor ba'i rgyud yin te/ de nyid 'dus pa la sogs pa'i rgyud ni ma yin no/ /de'i cho ga yi zhes pa ste/ gsang ba'i pad+ma la bsgom zhing gsang ba'i pad+ma dang rdo rje bskyed nas thabs dang shes rab sbyor ba la sogs pa'i rim pa'o/ /des grub pa'i don gsungs pa/ sku gsung thugs ni 'grub pa yin zhes pa ste/ chos kyi sku dang longs spyod rdzogs pa'i sku sprul pa'i sku gsum 'grub pa'i phyir ro/ /de lta bu'i nang gi bsgom pa'i tshogs dang ldan pas ni

  78. 39b

    phyi'i las bya ba gsungs pa/ zhi ba dang ni zhes pa la sogs pa ste/ de la zhi ba ni gnod pa dang nad la sogs pa zhi bar byed pa'i phyir ro/ /rgyas pa'i las ni tshe dang sring dang longs spyod la sogs pa rgyas shing 'phel bar byed pa'o/ /de bzhin dbang dang ni pha rol gyi sems dbang du 'gyur zhing bdag gi ci 'dod byed pa'o/ /mngon spyod dang zhes pa ni/ gzhan la gnod cing phung bar byed pa'i las so/ /'thab pa ni dkon mchog gi dgra bo dang gnyis 'thab par bya'o/ /bskrad pa ni yul gzhan du phyug pa'o/ /sngags dang ni zhi ba la sogs pa'i sngags so/ /phyag rgya ni zhes pa ni zhi ba la sogs pa'i las bya ba'i sku mdog gi khyad par can sku phyag rgya'o/ /de rnams 'grub pa'i rim pa rnams te de kun bdag gis bshad par bya zhes pa'o/ /rgyud gang gi rim pas bshad par bya ba yin zhe na/ rdo rje bdud rtsi 'byung ba'o/ /zhes pa ste rdo rje bdud rtsi'i rgyud kyi rim pas/ bshad par bya ba gzhan du ni ma yin no/ /rdo rje sems dpa' 'gying byed pa zhes pa ni/ rdo rje sems dpa' sgom pa'i rnal 'byor pas rdo rje hUM mdzad kyi 'gying bag dang ldan pa'i lha dang sbyor bar bya'o zhes mdor bsdus pa'o/ /dku rten bcas par gnyis ni rdo rje dang dril bu gnyis 'dzin pa dang ldan par gnas pa zhes te 'dug pa'o/ /slob dpon dkyil 'khor 'jug par bya zhes pa ni/ gong du gsungs pa'i ting nge 'dzin dang cha lugs dang ldan pa'i slob dpon sbyin sreg gi sa'i dkyil 'khor la 'jug pa yin te/ de bzhin du rdul tshon gyi dkyil 'khor la yang 'jug par bya'o/ /khams sum rnam par rgyal gyur nas zhes pa ni/ g.yas brkyang ba la sogs pas sa sbyang ba'i mdun du khams gsum rnam par rgyal ba'i ting nge 'dzin dang 'brel par bya'o/ zhes pa'i don to/ /rgang gnyis zhes pa la sogs pa ni/ g.yas brkyang ba dang g.yon brkyang ba dang mnyan po dang sa ga rnams kyis shar la sogs pa'i phyogs bzhi la sbyor bar bya'o/ /de la g.yas brkyang na ni g.yon pa bskum

  79. 40a

    nas g.yas pa'i rkang pa brkyang bar gnas par bya'o/ /de las bzlog pa ni g.yon brkyang ba'o/ /rkang pa phan tshun bshibs nas sor mo bshibs pa de ni mnyam po'i stabs so/ /kha cig na re bar gcig ta ga ta shes par bya'o zhes zer ro// phyir 'gyur sor mo rkang gnyis gnas/ /pus mo gnyis ni yar bsgrangs te/ /bar thag sor ni nyi shu drug/ /nas par gar bshad pa'o zhes so/ /don ni 'di ltar gsungs par 'gyur te/ /rdo rje hUM mdzad kyi nga rgyal byed pa'i rnal 'byor pas mig g.yas g.yon la yi ge maM gnyis kyis nyi ma dang zla ba'i dkyil 'khor dmigs te/ de'i steng du hUM las bskyed pa'i rdo rje 'od zer 'bar ba'i sde yis bgegs kyi tshogs kun bskrad par bya ste/ rkang mthil yang yi ge as yongs su bskyed pa'i rdo rje rgya gram gyi 'od zer gyis sa gzhir gnas pa'i bgegs kyi tshogs gsal bar bya ste/ yi ge laM las bskyed par bsgoms pa'i dbang chen gyi dkyil 'khor gru bzhi pa'i dbus su gnas pa'i sa'i lha mo gser gnyis kyis bzung ba la mchog sbyin gyi don du rang 'ong ba bsgom te sngags 'dis dgug par bya'o/ /de ltar bkug nas mchod par bya ste/ bzod par gsol nas hoM khung brko bar brtsam par bya'o/ zhes pa'i don to/ /de'i don ston pas gsungs pa/ sa ni sbyang ba byas ma thag ces pa nas/ sbyin sreg las ni grub par mdzad/ / h+ri hi hi ti swAhA zhes pa'i bar du'o/ /hoM khung brtsams pa'i sngon du sngags bzla zhing dri chus gtor ba dang spos btul nas byin gyis brlab par bya ba'i don gsungs pa/ bshang gci khrag dang khu ba yis zhes pa nas/ sha chen gyis ni dbul par bya zhes pa'i bar du'o/ /da ni zhi ba la sogs pa'i las byed na/ rnal 'byor ma'i shes rab ma dkyil 'khor gzhug pa'i rim pa gsungs pa/ de nas rig ma 'jug par bya zhes pa la sogs pa ste/ de la yan lag lnga la yi ge h+ri zhes pa ni/ gdol pa mo la sogs pa'i lha mo'i

  80. 40b

    b+ha ga ni yan lag lnga zhes te/ de la yi ge h+ri bkod pa'o/ /kha cig na yan lag rnams kho na la bkod pa brjod pa'o/ /zhes zer ro/ /yang na yan lag lnga de kho na'i dbus su yi ge bruM bsgoms te/ spyang ma zhes pa la sogs pas ni/ gzugs nyid du go rims su gdol pa mo la sogs pa bsgom par bya'o/ /de la yid dga' ma zhes pa ni/ dbus kyi gtso mo mA ma kI dang sku mdog dang phyag mtshan mthun pa dbang ldan gyi mtshams na bkod pa'i lha mo'o/ /de ltar bsgom pa gtan la phab nas b+ha ga'i dbus su slob dpon gyis me tog gtor bar bya'o/ /de nas zhes pa ni shes rab ma byin gyis brlabs pa'i de ma thag tu ni sngags pas zhes pa'o/ /tshad mar zhes pa ni/ 'og nas 'byung ba'i zhi ba la sogs pa dang mthun pa'i haM khung gi dbyibs so/ /bri byas te zhes pa ni/ dpag tshad bris te phyi nas brko'o zhes pa'i don to/ /tshad dang dbyibs dang mdog gsungs pa/ zhi ba zlum por bya zhes pa la sogs pa rnams ni go sla'o/ /de la dbug pa dang dbang gi tshad ni drag po dang mthun no/ /de ltar zhi ba la sogs pa'i las bya ba'i hoM khung gi dbyibs bstan nas/ yang zhi ba la sogs pa'i las bya ba'i phyogs bstan pas gsungs pa/ hoM khung ston nas su zhes pa la sogs pa'o/ /gong du gsungs pa'i mngon spyod kyi hoM lung gi mdog dang dbang la sogs pa'i hoM lung gi mdog bstan pa/ mngon spyod kha dog nag po ste/ dbang la sogs pa tshon lngas bri zhes pa ste/ de la sogs pa'i sgras dgug pa dang/ bskrad pa yang tshon lngas bya'o/ /da ni zhi ba la sogs pa'i sreg rdzas ston pas gsungs pa/ 'bras dang til dang zhes pa la sogs pa ste de la bdud rtsi lnga dang ldan pa yis zhes pa ni gsang ba'i rgyud kyi rim pa yin pas bdud rtsi dang ldan pa bsreg rdzas kun la bsreg par bya zhes pa'i don to/ /de la yang bsreg rdzas 'bul ba'i rim pa ni 'di lta ste/ dang la yaM shing mar dang sbrang rtsi 'bras dang til 'o ma sna tshogs zas sam gtor ma yang zhes pa la sogs pa ni/ khrag mthung gi phyag rgya rdo rje thal mo las

  81. 41a

    phyed phyed de/ mdzub mo gnyis dang the bong gnyis mche ba'i tshul du byas te/ phyag rgya de yis yi ge b+hyo brjod de khrag mthung gi nga rgyal dang ldan par byas nas/ phyogs dang mtshams la gtor ma sbyin par bya'o/ /zhes pa'i don to/ /las gzhan ni bla bas ma bshad do/ /da ni zhi ba'i las bya ba'i dus bstan pa dbyar gyi dus na zhi ba ste zhes pa la sogs pa'o/ /dbang gi dus la sogs pa ni dkyus na med de ston gyi dus gang dang ldan pa la shes par bya'o/ /yang nyin gcig gi dus bstan pa/ snga dro zhe bar rab tu gsungs zhes pa la sogs pa'o/ /da ni de ltar to khud brtsigs nas me 'bar bar byas te/ de'i dkyil du bsgom pa'i lha bskyed nas sbyin sreg dbul bar gsungs pa yi ge hUM gis zhes pa la sogs pa ste/ de la yi ge hUM gis bskyed nas su zhes pa ni/ yi ge hUM gis bcom ldan 'das rdo rje sems dpa' bskyed par bya ste/ de 'ong du zhu ba las gyur pa'i rang gi yid kyi lha bsgom pa'o/ /yang na yi ge hUM gis mi bskyod pa bsgom pa'i tha tshig go/ yi dam lha rdo rje sems dpa' bskyed par bya ste zhes pa ni/ slob dpon la dam bcas pa'i lta'o/ /zhal ni gdangs pa bsam byas te zhes pa ni/ yi dam gyi lha gang bsgom pa'i zhal ni gdangs par bsgom pa'o/ /sbyin sreg de la dbul bar bya zhes pa ni/ gong du bshad pa'i sreg rdzas blugs gzar dang dgang gzar gyis zhal gdangs pa de las blugs nas mchod par bya'o/ /dang po me ni 'gugs bya ba zhes pa la sogs pa ni/ hoM khung du yi dam gyi lha la mchod pa'i sngon du 'jig rten gyi lha thams cad kyi mchod gnas me'i 'od zer 'bar ba drug po'i tshul dang ldan pa bgrang phreng dang gunde bsnams ba bu ram gyi mdog skra ser po sangs rgyas byang chub bsgrub pa'i me lha me'i mtshams nas dgug pa'i mchod pa bya'o/ /de dgug pa'i sngags dang tshigs bcad ni/ oM e hya hi tshur sbyon tshur sbyon me'i lha zhes pa nas/ oM hUM hUM phaT phaT swAhA zhes pa'i bar du'o/ /me lha dang yi dam gyi lha la mchod pa dbul ba'i rim pa dang sngags dang dbyangs gsungs pa/ dang po la

  82. 41b

    ni zhes pa la sogs pa nas dri'i sngags so zhes pa'i bar du'o/ /zhabs g.yon zhes pa ni/ byon ma thag tu zhabs la dbul ba'o/ /rdo rje can zhes pa ni rdo rje sems dpas kyang mchod gnas su gyur pa khyod ces pa'i tha tshig go /yang na bdag rdo rje sems dpa' i ting nge 'dzin du bsgoms pas 'bul lo zhes pa'i don to/ /gong ma'i don de gsal bar byed pa bcom ldan 'das nyid kyis gsungs pa/ dang por mchod pa'i zhes pa la sogs pa ste/ dang por me lha'i zhal du bsreg rdzas thams cad la gzar bu gsum gsum phul nas yon dang dbyangs dang gang la sogs pas kyang mchod de 'bar ba'i me la thim nas 'od du gyur pas bsgoms te/ phyi nas rang gi yi dam gyi lha'i sngags brjod nas bsgoms te mchod par bya'o zhes pa'i tha tshig go /brjod pa'i sngags ni oM badzra a mri ta na hA su/ badzra(rgyud 'grel): hUM baM ho(rgyud 'grel): swAhA zhes pa'o/ /de bzhin du rang gi yi dam gyi lha'i sngags par na bcug nas sbyin sreg gi sngags shes par bya'o/ /de ltar sbyin sreg zin ma thag tu rnal 'byor pa dang rnal 'byor ma rnams kyis mchod pas mchod pa gsungs pa/ dbyangs dang gar dang zhes pa la sogs pa nas/ tshogs la mchod pas mnyes par bya zhes pa'i bar du'o/ /de'i yon tan bstan pa sku gsung thugs kyi dngos grub ni/ bdag la myur du grub pa'o zhes so/ /da ni rdzogs par bya ba'i cho ga gsungs pa/ me lha bla ma rdo rje 'dzin ces pa la sogs pa'i ste/ de la bla ma rdo rje 'dzin ces pa ni de bzhin gshegs pa'i yi dam lha ste/ de la mchod nas ting nge 'dzin gyis slar btad pa'o/ /de nas me lha'i yang gzugs su bsams te/ lhag bsreg rdzas phul nas mchod de gsol ba btab pa dang/ me lta la gsol ba gdab pa'i tshig ni/ oM me lha las ni grub par mdzod ces pa nas hUM swA hA dang ldan pa'i bar du ste/ de las rgyu dang zhes te nam mkha' la 'phur ba rnams so/ /mi rgyu ba zhes te sa la gnas pa rnams so/ /sgrub pa po dang zhes pa ni mi snang ba sgrub pa rnams so/ /bsod nams zhes pa ni gtsang bar byed pa'o/ /sngags kyi dngos grub rab sbyin zhing

  83. 42a

    zhes pa/ sngags zhi ba'i rang bzhin yi ge oM la sogs pa swAhA'i mthar thug pa'i dngos grub stsol cig ces pa'o/ /a a zhes pa la sogs pa ni/ rdo rje sems dpa' i yi ge brgya pa sbyin sreg zin nas brjod pa'o// de bzhin gshegs pa la sogs pa bshad zin to/ /sbyin sreg gi cho ga bstan pa zhes bya ba'i le'u zhes bya ba ni sbyin sreg gi che ba ston pa'i tshig gi tshogs sder longs pa'i phyir ro/ /rdo rje bdud rtsi'i rgyud kyi le'u bzhi pa'i rnam par bshad pa'o// / da ni mig sman la sogs pa bsgrub pa'i don du le'u lnga pa gsungs pa/ /sbyin sreg cho ga bshad zin nas/ zhes pa la sogs pa ste/ de la khyod la ni mA ma kI la bod pa'o/ /mig sman ni 'og nas 'byung ba'i rdzas ni snang ba mthong bar byed pa dang/ zhi ba la sogs pa'i las grub par byed pa'o/ /tshil chen ni mi'i tshil lo/ /snying po zhes pa ni/ pad+ma dkar pos byas pa'i skud pa'o/ /ba dan la ni dud pa blang zhes pa mtshon gyis brgyab nas shi ba'i skyes bu'i thod pa dung blang bar bya'o/ /'ug pa'i mgo ni sregs nas su zhes pa la sogs pa ni/ 'ug pa'i mgo bsregs pa dang bud med kyi khrag gnyis bsreg nas btags te/ bya rgod kyi lpags pas dkris te/ bya rgod kyi rje dar gyi nang bkang nas bzhag pa'o/ /mi'i rus pa'i thur ma yis zhes pa la sogs pa'i phyi'i rus pa la byas pa'i thur mas bya rgod kyi rje dar la bzhag pa'i mig sman blangs te/ rang gi mig la bskus na lha dang klu dang gnod sbyin dang/ sgrub pa po dang/ mkha' 'gro ma la sogs pa 'jig rten gyi nang na ji snyed sna tshogs kyi gzugs kun ni/ rtag tu rnal 'byor pa yis mthong bar byed ces pa'i don to/ /mig sman de tshe gang du bsgrub par bya zhes/ rdo rje bdud rtsi las byung ba zhes pa la sogs pa ste/ de la nag po zhes pa ni zla ba mar gyi ngo'o/ /de'i tshes brgyad ces pa ni zla ba mar gyi de'i tshes nyi shu gsum mo/ /bcu bzhi la zhes pa ni nyi shu

  84. 42b

    dgu'o/ /b+ha ga'i dbus su bsgrub par bya zhes pa la sogs pas ni/ rnal 'byor ma'i b+ha ga'i dbus su mig sman bzhag nas mA ma kI'i sngags btab ste/ mA ma kI la sogs pa dang ldan pa'i bcom ldan 'das mi bskyod pa bsgom pa nas/ nag po dang/ dkar po dang/ dmar po'i zhal mA ma kI bzhin du gdol pa mo la sogs pa rnal 'byor ma de bsams te/ phyi nas sbyor ba byas te mig sman bsgrub nas sna tshogs cho ga'i las bsgrub pa sna tshogs las de kho na bstan pa/ zhi ba dang ni rgyas pa dang/ zhes pa nas de bzhin bgegs kyang dgag par byed/ /ces pa'i bar du'o/ /don ni 'di lta ste grub pa'i mig sman du zhes pa rnal 'byor pa'i mig la bskus na zhi ba la sogs pa'i las byas na gang byas pa 'grub par bya'o/ /zhes pa'i tha tshig go /lha mo mA ma kI'i sngags bstan pa/ oM 'dod pa'i gzugs can mig yangs ma zhes pa nas haM haM swAhA zhes pa'i bar du'o/ /mA ma kI bsgom pa'i zhal gyi mdog dang phyag mtshan gyi khyad par gsungs pa/ dang po'i nag po ste zhes pa nas/ de bzhin rdo rje dril bu yang zhes pa'i bar du'o/ /b+ha ga'i dbus su bsgom par bya zhes pa ni/ mig sman rnal 'byor ma'i b+ha ga'i dbus su bzhag nas mA ma kI bsgom ste tshes nyi shu rtsa gsum mam rtsa dgu de la mig sman bsgrub par bya zhes/ b+ha ga gur gum gyi bkang nas zhes pa la sogs pa ni/ rnal 'byor dang rnal 'byor ma'i skal pa dang ldan par bya ba'i sman gsungs pa/ de la bkang nas zhes pa ni/ rnal 'byor ma'i b+ha ga'i dbus su gur kum gzhag pa'o/ /phyi nas ling ga bzhag pa'i zhes pa ni/ rnal 'byor mA ma kI dang ldan par bsgom pa dang/ bdag mi bskyod par bsgom pa'i phyir na thabs dang shes rab sbyar nas sngags zla bar bya'o/ /bzlas pa'i sngags gsungs pa/ de la brjod par bya ba sngags ni/ zhes pa la sogs pa ste/ de la oM yig ces pa ni/ dang po'i yi ge oM bzhag pa yin te/ phyi nas sgra yig dang tshig 'bru la sogs pa phyi nas bya'o zhes pa'i don to/ /sgra yig dang yig 'bru de kho na gsungs pa/ badzra a mri te

  85. 43a

    zhes bya/ sgra sgrogs sprin dang phaT yig go /zhes pa ste/ de la sgra sgrog sprin zhes pa ni yi ge hUM ngo/ /don ni 'di lta ste/ badzra a mri ta zhes bya ba'i sngags la yi ge hUM dang phaT ldan par bya'o/ /sngags ni 'di ltar 'gyur te/ oM badzra a mri ta hUM phaT swAhA zhes so/ /swAhA'i sgra ni yig sbas la med na yang don gyis shes par bya ste/ phal cher sngags rnams thams cad ni/ /phyag 'tshal swAhA dang ldan no/ /zhes gsungs pa'i phyir ro/ /bdud rtsi dang ni mnyam ldan pa zhes pa ni/ bdud rtsi rnam pa lnga dang ldan par byas nas b+ha ga'i dbus su 'byung bar bya zhes pa blang bar bya'o/ /de la sngags 'bum bzlas nas su zhes pa ni/ rnal 'byor ma'i b+ha ga nas blangs nas phyi rol du yang gong ma'i sngags 'bum phrag btab pa'o zhes pa'i don to/ /de yis thig le kho na bya zhes bya ni/ gur kum de yis rnal 'byor pa 'am/ rnal 'byor ma'i dpral bar thig le bya'o zhes pa'i tha tshig go /thig le'i yon tan gsungs pa/ bud med kyis khyo 'khol 'gyur te zhes pa la sogs pa ste/ de la bud med kyis khyo 'khol 'gyur te zhes pa rnal 'byor ma 'am/ bud med gang gis gur gum 'dis thig le byas nas rang gi khyo yang 'khol na gzhan smos ci dgos she'o/ /mdun na 'don bcas rgyal po yang zhes pa ni/ rang gi khyo gcig po kho nar ma zad de/ rgyal po'i mdun du bstod sgra byed pa'i 'khor la sogs rgyal po yang gur gum gyis thig le byed pa'i rnal 'byor mas 'dul lo/ /zhes pa'i tha tshig go /skyes pa gang gis de byas na zhes pa ni/ rnal 'byor pa skyes pas/ gur gum gyi thig le byas na/ bud med gang la skal can 'gyur zhes bya'o/ /rgyal po'i khab can ni rgyal po btsun mo rnams te/ de dag gis kyang gur gum gyis thig le byed pa'i rnal 'byor pa la chen por mchod ces pa'o/ /dgra bo rnams ni zang byed do zhes pa ni/ gur gum gyis thig le byas nas mngon spyod byas na dgra bo rnams dbang

  86. 43b

    du 'gyur zhing gsod par 'gyur zhes pa'i don to/ /de ni mig sman bsgrub pas dkon mchog gi dgra bo gsod pa gsungs pa/ da dung arka'i 'bras blangs te zhes pa la sogs pa ste/ de la da dur zhes pa ni smyo bar byed pa'i shing me tog che la 'bras bu tsher ma can no/ /arka ta zhes pa ni me tog dkar po'o ma 'byung ba'i shing ngo/ /de gnyis kyi 'bras bu blangs te bdud rtsi dang bsre zhes so/ /zhal gsum drag po gzugs dang ni zhes pa ni/ rnal 'byor pas gshin rje bshed kyi gzugs zhal gsum phyag drug la g.yas g.yon gyi zhal ni dkar ba dang dmar ba/ dbus kyi zhal dang sku mdog gnag pa/ ral gri dang tho ba/ rin chen dang pad+ma/ rdo rje dang dril bu bsnams pa/ sbrul gyi rgyan gyis brgyan pa/ thal bas lus bskus pa/ dgra rkang pas tshar gnon pa bsgom par bya'o/ /gshin rje bshed khros bzlas nas mi zhes pa ni/ 'og nas 'byung ba'i gshin rje gshed kyi sngags so/ /sha chen dang ni zhes pa la sogs pa ni go sla'o/ /gshin rje gshed kyi bzlas pa'i sngags ston pa/ oM h+ri(rgyud 'grel): Sh+TI(rgyud 'grel): zhes pa la sogs pa'o/ /yang bud med rnal 'byor mas skyed pa dang/ bud med dbang du byed pa'i las gsungs pa/ sngags pas gi wang zhes pa la sogs pa ste/ de la b+ha ga la ni yig 'bru bri zhes pa ni/ rnal 'byor ma 'am bud med gnyis kyi b+ha ga la gi wang gis yig 'bru bri bar bya'o/ /tsan dan gyis ni zhes pa la sogs pa go sla'o/ /yang bstan pa la gnod pa byed pa dam tshig mi bsrung ba'i sems can la mngon spyod bya ba'i don bstan pa/ bshang gci gzugs brnyan zhes pa la sogs pa ste go sla'o/ /yang na dkon mchog gi sku dgra haM gyis mngon spyod bya ba gsungs pa/ bshang gci khrag dang bsres pa yi zhes pa la sogs pa ste/ de la khro chen gshin rje gshed po'i sku zhes pa la sogs pa ni/ zhal gsum phyag drug la sogs par

  87. 44a

    bsgom pa ni gong ma dang mthun par bya'o/ /sngags kyang gong ma kho nar shes par bya'o/ /'di lta ste gshin rje gshed sgom pas bshang gci la sogs pas gzugs brnyan byas te/ de la g.yon brgyang ba g.yas bskum pas mnan nas bsgrub bya bkug nas de la thim ste gong ma'i sngags bzla zhing mtshon rnon pos bcad cing bcad cing dur khrod kyi me 'bar ba la srin po kha gdangs pa'i kha la 'bul bar bya'o/ /rdo rje bdud rtsi'i rgyud bde ba chen po las zhes pa la sogs pa bshad zin to// //las chen po bstan pa'i le'u zhes pa ni/ sman bsgrub pa las zhi ba la sogs pa'i las bya ba gtso bor ston pa'i tshig gi tshogs so/ /rdo rje bdud rtsi rgyud kyi le'u lnga pa'i rnam par bshad pa'o// //da ni rdo rje hUM mdzad kyi bsgrub par bya ba le'u drug pa gsungs pa/ rdo rje bdud rtsi rgyud chen las/ zhes pa la sogs pa'o/ /de la dpal rdo rje hUM mdzad kyi zhes pa ni/ hUM mdzad kyi mtshan nyid de yi ge hUM brjod pa tsam gyis drag po la sogs pa'i 'jig rten gyi lha rnams 'dul ba'i phyir ro/ /da'i dkyil 'khor gyi bsgrub pa mdor bsdus nas bshad par bya'o/ /de'i dkyil 'khor zhes bya ba zhes pa ni/ dbus kyi gtso bo hUM mdzad kyis byas pa'i phyir ro/ /de ltar yang gsang ba 'dus pa'i sgrub thabs zla ba las gsungs pa/ gang zhig gang du bzhugs par 'gyur ba/ de'i dkyil 'khor de na bya zhes so/ /ci 'dra ba yin zhe na gsungs pa/ /khams gsum rnam par rgyal ba yin pa ste/ dkyil 'khor gyi lha dang/ rigs dang sku mdog dang phyag mtshan dang rang bzhin gcig pa'i phyir ro/ /grwa bzhi la thig btab ste/ zhes pa ni/ dkyil 'khor gyi grwa bzhi dang sgo bzhi dang rnam bu dang/ rdul tshon lnga'i sa dang pa tra dang ha ra dang/ mu tig phreng ba dang/ mu tig ha ra la sogs pa gru bzhi pa'o/ /dkyil 'khor gyi tshad

  88. 44b

    gsungs pa/ khru gang ngam khru ngo 'am zhes pa'o/ /nang gi dkyil 'khor gyi dbyibs gsungs pa/ zla ba'i dkyil 'khor dang 'dra ba zhes pa ste/ gru bzhi pa'i nang du dkyil 'khor zlum po rdo rje phreng bas bskor bar bri'o/ /'od zer 'bar ba 'khrug pa la zhes pa ni/ dkyil 'khor las sems can gyi don du 'od zer phar 'phro ba dang phyir 'dul ba'i 'khrug pa'o/ /dpal ldan rdo rje hUM mdzad bzhag ces pa ni/ dkyil 'khor gyi dbus su yab yum bzhag pa'o/ /zhal gsum ni stong pa nyid dang mtshan ma med pa dang/ smon pa med pa'i rnam par thar pa gsum gyi rang bzhin gyi phyir ro/ /de bzhin phyag drug ste zhes pa ni/ sbyin pa la sogs pa pha rol tu phyin pa drug gi rang bzhin gyi phyir ro/ /rgyan rnams kyis ni yongs rdzogs par zhes pa ni/ de bzhin gshegs pa'i che ba'i yon tan thams cad dang ldan pa'i phyir ro/ /phyag rgya yis ni phyag brgyan pa zhes pa ni/ phyag dang po gnyis rang gi phyag rgya dang ldan pa'o/ /phyag rgya ni 'di lta ste/ rdo rje khu tshur gnyis bcings te/ rgyab dang rgyab ni sbyar bar bya/ the'u chung sbrel nas mdzub gnyis ni/ bsgreng nas snying gar bzhag pa'o zhes pa'o/ /rig ma bzhi dang mnyam ldan zhes pa ni/ sems ma'i rdo rje ma dang/ rin chen rdo rje ma dang/ chos kyi rdo rje ma dang/ las kyi rdo rje ma bzhi yin pa'o/ /sku mdog dang phyag mtshan ni 'di lta ste/ sems ma rdo rje ma zhal gsum phyag drug pa/ dbus kyi zhal dang sku mdog ni sngo/ g.yas dkar g.yon dmar/ phyag dang po gnyis kyis ni sems ma rdo rje ma'i phyag rgya bca' ba'o/ /rdo rje bcing ba las gung mo gnyis yang 'greng nas kha sprang de mdun na bzhag pa'o/ /sku rin chen rdo rje ma'i zhal gsum phyag drug la/ dbus kyi zhal dang sku mdog ni ser/ g.yas gnag g.yon dkar ba/ phyag dang po gnyis kyis rin chen rdo rje ma'i phyag rgya bcings te/ gong gi phyag rgya de kho na

  89. 45a

    las tshigs gsum bkug nas rin chen gyi tshul du byas pa'o/ /chos kyi rdo rje ma zhal gsum phyag drug la/ dbus kyi zhal dang sku mdog dmar ba/ g.yas gnag g.yon dkar ba/ phyag dang po gnyis kyis ni chos kyi rdo rje ma'i phyag rgya bcings te/ gong gi phyag rgya de kho na las gung mo pad+ma'i tshul du byas pa'o/ /las kyi rdo rje ma'i zhal gsum phyag drug la/ dbus kyi zhal dang sku mdog ni ljang khu/ g.yas gnag g.yon dkar phyag dang po gnyis kyis las kyi rdo rje ma'i phyag rgya/ phyag dang po'i phyag rgya las mdzub mo gnyis kyi rtse mo bkug nas gung mo rgyab tu sbyar ba'o/ /kun gyi phyag mtshan lhag ma ni gtso mo dang mthun pa'o/ /u ma'i nu ma'i bar du bzhugs zhes pa ni/ u ma'i nu ma'i steng du g.yas brkyang gis bzhugs pa'o/ /lha chen po'i rna bar zhabs g.yas pas mnan pa yang don gyis shes par bya'o/ /cung zad che ba zhes pa la sogs pa ni go sla'o/ /'di lta ste dbus kyi zhal mche ba gtsigs pa dang/ g.yas khro ba dang g.yon bzhad pa ste/ sdang pa thams cad 'dul ba'i phyir ro/ /phyag bzhi par ni bri ba la zhes pa ni/ rang gi lha mo'i nu ma gnyis bzung ba ma gtogs pa gong ma bzhi la bya'o/ /phyag gnyis pas ni num bsnams zhes pa ni/ zhal la sogs pa'i rang rang dang 'dra ba'i rig ma la phyag g.yon pas rgyab mas 'khyud nas nu ma g.yon pa 'dzin pa g.yas pa mdun nas nu ma g.yas pa la 'dzin pa'o/ /rig pa thams cad zhal gsum ste/ zhes pa ni lha mo mdzes ma la sogs pa brgyang zhal gsum dang/ don gyis phyag drug dang rang rang gi phyag mtshan dang/ sku mdog la sogs pa le'u dang po las bshad pa ltar ldan par bya'o/ /de bzhin sgo srungs lcags kyu dang zhes pa ni/ rdo rje lcags kyu ma dang/ rdo rje zhags pa ma dang/ rdo rje lcags sbrog ma dang/ rdo rje dril bu ma rnams so//

  90. 45b

    de bzhin me tog ma ces pa la sogs pa ni go sla'o/ /sgeg mo zhes pa la sogs pa ni mchod pa'i lha mo bzhi ste/ de bzhi'i sku mdog dang phyag ni 'di lta ste/ sgeg mo ni sku mdog dkar ba phyag dang po gnyis dku la brten pa'o/ /phreng ba ma'i sku mdog ser ba phyag dang po gnyis kyis rin po che'i phreng pa 'am me tog gi phreng ba 'dzin pa'o/ /dbyangs ma ni mdog dmar bo phyag gnyis kyis pi bang rdebs pa'o/ /gar mkhan ma ni ljang sku ste phyag dang po gnyis kyis gar byed pa'o/ /phyag mtshan gzhan dang zhal gzhan ni gong du bshad pa dang mthun te/ gdan zla ba'i dkyil 'khor ro/ /de dag grwa'i re'u mig la dgod pa'o/ /phyag drug nyid ces pa ni lcags kyu ma la sogs pa lha mo thams cad kyi phyag drug drug ste don gyis zhal gsum gsum dang sku mdog dang phyag mtshan yang shes par bya ste/ lcags kyu ma la sogs pa le'u dang po las shes par bya'o// //bskal pa bzang po yang gzhan te/ phyag gnyis pa dang zhal gcig pa zhes pa ni/ bskal pa bzang po 'di la 'tshang rgya ba'i byang chub sems dpa' byams pa la sogs pa bcu drug ni zhal gcig phyag gnyis par rdo rje hUM mdzad kyi dkyil 'khor la bri bar bya'o/ /'di lta ste byams pa sku mdog dkar po gunde bsnams pa dang/ 'jam dpal sku mdog ser po utpal bsnams pa dang/ ngan song kun 'joms sku mdog dkar gsung rab bsnams pa dang/ mya ngan dang mun pa kun 'joms blo gros sku mdog dkar po dbyug pa 'dzin pa dang/ spos kyi blang po che dkar po gunde 'dzin pa dang/ dpa' bar 'gro ba dkar po ral gri 'dzin pa dang nam mkha' mdzod ljang gu yid bzhin gyi nor bu rin po che 'dzin pa dang/ ye shes tog sku mdog nag po rgyal mtshan 'dzin pa dang/ 'od dpag med sku mdog ljang gu bum pa 'dzin pa dang ba zla ba'i 'od ljang gu zla ba'i dkyil 'khor 'dzin pa dang

  91. 46a

    bzang skyong nag po bum pa 'dzin pa dang/ dra ba'i 'od dkar po nyi ma'i dkyil 'khor 'dzin pa dang/ rdo rje snying po ser po rdo rje 'dzin pa dang/ blo gros mi zad pa ser po rin po che 'dzin pa dang/ spobs pa brtsegs pa dmar po chu srin gyi rgyal mtshan 'dzin pa dang/ kun tu bzang po rdo rje 'dzin pa ste/ g.yas thams cad ni mchog sbyin gyi phyag rgya'o/ /rgyan thams cad kyis brgyan pa zhes pa la sogs pa ste/ rdo rje dang dril bu dang bgrang phreng 'dzin pa'i sgrub pa po yang 'phags pa'i mdun du bri ba'o/ /gtor ma ni dam tshig gi gtor ma ste/ bdud rtsi lnga dang lcags kyu lnga'o/ /bdud rtsi lnga dang lcags kyu lnga des ni bcom ldan 'das rdo rje hUM mdzad la mchod nas de'i lhag ma bza' bar bya'o/ /gtor ma zhes pa la sogs pa ni go sla'o/ / nag po'i brgyad dang bcu bzhi la/ zhes pa ni tshes grangs gong du bshad zin to/ /dbus su gru bzhi zhes pa ni/ dkyil 'khor rdo rje phreng ba'i dbus su re'u mig dgu byas pa'i dbus kyi gru bzhi'i dkyil 'khor pri ba'o/ /sngags yig gcig bo gtso bo ni/ zhes pa ni yi ge hUM bzla'o/ /de ltar dkyil 'khor bya ba la sgrub pa po phyi ma rnams kyis rang gi slob dpon la mchod pa phul nas/ bsgrub pa rdzogs ma thag tu yon dbul bar bya'o/ /zhes gsungs pa/ phyi nas slob dpon la mchod pa zhes pa la sogs pa'o/ /sku gsung thugs kyi zhes pa la sogs pa ni/ sgrub pa po gang gis sku gsung thugs kyi ngo bo mi gnas pa'i mya ngan las 'das pa'i rang bzhin sku gsung thugs 'grub 'dod na khams gsum rnam par rgyal ba'i dkyil 'khor 'di bsgom par bya'o/ /zhes pa'i tha tshig go /ci'i phyir zhe na/ rdo rje sems dpa' i dkyil 'khor ni rdo rje bdud rtsi las byung ngo/ /zhes pa ste/ rdo rje bdud rtsi'i rgyud las byung ba'i dkyil 'khor ni rdo rje sems dpa' mi bskyod pa'i dkyil 'khor yin pas/ khams gsum rnam

  92. 46b

    par rgyal ba sgom na yang mi bskyod pa dang tha mi dad pas sku gsung thugs 'grub par 'gyur ro zhes pa'i don to/ /sgrub pa'i thabs gsungs pa/ zur gsum zhes pa la sogs pa ste de la zur gsum zhes pa ni chos kyi 'byung gnas kyi dbyibs rdo rje ma'i sa'i rang bzhin no/ /dkyil zhes pa ni snying po ste bde ba chen po'i rang bzhin ye shes so/ /'khor zhes pa ni/ de sbyin pa 'am de la 'khor bas na dkyil 'khor zhes pa'o/ /gsang ba'i pad+ma zhes pa ni/ gsang ba'i dbus su pad+ma dang ldan pa'i phyir ro/ /nang du snying po dang zhes pa ni/ nang du snying po spyod yul zla ba'i dkyil 'khor dang ldan pa'i phyir ro/ /de'i dbus ni pad+ma 'dab brgyad kyi dkyil 'khor gyi dbus su 'o/ /gsang chen zhes pa ni mA ma kI ste/ gsang ba'i lha mo mdzes pa mo la sogs pa'i gtso mor gyur pa'i phyir ro/ /yang na gsang chen rdo rje sems dpa' ste/ de'i rigs las byung ba'i phyir ro/ /rig ma dang zhes pa ni/ ma rig pa'i gnyen por gyur pa'i ye shes lha mo'i gzugs bzhugs pa'i ming ngo/ /gtso bo zhes pa ni mi bskyod pa ste/ g.yo ba dang mi g.yo ba la khyab pa'i bdag nyid chen po yin pa'i phyir ro/ /zhal gsum zhes pa ni/ stong pa nyid dang mtshan ma med pa dang/ smon pa med pa ste/ rnam par thar pa gsum gyi rang bzhin gyi phyir ro/ /phyag drug la zhes pa ni/ sbyin pa la sogs pa pha rol tu phyin pa drug gi rang bzhin gyi phyir ro/ /dang po'i zhal ni nag po ste/ zhes pa ni/ dbus kyi zhal dang sku mdog nag po ste/ thugs kyi rdo rje dang ldan pa'i mtshan ma'o/ /g.yas kyi zhal ni dkar por 'dod ces pa ni/ g.yas kyi zhal dkar ba ste/ sku'i rdo rje dang ldan pa'i ste nyid do/ /g.yon dmar po zhes ba ni/ gsung gi rdo rje dang ldan pa'i mtshan ma g.yon gyi zhal dmar ba'o/ /lha'i rgyan gyis brgyan byed pa zhes pa ni/ dbu rgyan dang/ snyan cha dang/ dbung rgyan la sogs pa'i lha'i yul gyi cha lugs

  93. 47a

    kyis brgyan pa'o/ /lha'i na bza' zhes pa ni/ lha ris kyi na bza' sna tshogs pa'o/ /me tog phreng zhes pa ni yongs su sa rtol dang manda ra ba'i phreng ba'o/ /lha'i dngos grub byed ces pa ni/ mig sman la sogs pa'i dngos grub chen po brgyad sbyin pa'i phrin las mdzad do/ /zhi ba ni/ zhi ba'i tshul gyi zhal dang ldan pa'i phyir ro/ /sku gsung thugs kyi rdo rje can/ zhes pa ni dbu dang mgrin pa dang/ thugs ka na sku dang gsung dang thugs ldan pa'o/ /don ni 'di lta ste de 'dra ba'i yab yum rnal 'byor pa yis kyang bsgom par bya'o zhes pa'i tha tshig go /phyi rol tu ni zhes pa ni/ zur gsum pa'i nang du pad+ma 'dab brgyad kyi phyi rol te bar na'o/ /sgo bzhi pa zhes pa ni nye bar brtags par zad do/ /gzhan yang gru bzhi dang/ tA ra na bzhi dang/ sgo'i khyams la sogs pa brtags nas tshul bzhin du bri ba'o/ /shar zhes pa ni shar gyi sgo'o/ /khro gnyer ma bzhag ste zhes pa ni/ shar gyi sgo na sgo srungs khro gnyer ma bkod pa'o/ /lho na 'jigs par 'jigs byed ma zhes pa ni go sla'o/ /grwa rnams la me tog ma la sogs pa dang/ snam bu la pi bang ma la sogs pa bkod pa'o/ /de 'dra ba'i dkyil 'khor bris nas nam mkha' i gzhir yongs su brtags pa'i sems kyi dkyil 'khor de la bkug nas gnyis su med par bya ste/ bstod cing mchod nas dam tshig dbul te bzod par gsol nas/ bsgrub pa'i don la gsol ba btab ste/ lha'i nga rgyal dang gnyis su med par gyur pa'i slob dpon gyis zhus nas gsang ba'i dkyil 'khor bsgrub par bya'o/ /zhes so de ni dkyil 'khor bri ba'i rim pa'o/ /de ltar bri ba'i dkyil 'khor gyi nang du bkod pa'i lha mo gsungs pa'i/ mkhas pas pad+ma 'dab brgyad la zhes pa la sogs pa ste/ de la ri bong 'dzin pa zhes pa ni/ zla ba ste dkyil ni ri bong gi pags pa dang

  94. 47b

    ldan pa'i phyir ro/ /de'i gtan tshigs ni skyes rabs kyis nang na gsal lo/ /zla ba'i dkyil 'khor ltar mdzes pa'i zhal dang ldan pa'i ri bong 'dzin gyi dkyil 'khor zhes so/ /rig ma brgyad dang zhes pa ni/ bcom ldan 'das kyi ma rig pa kun gzhi la sogs pa'i gnyen por gyur pa yang rig pa'i ye shes bud med kyi gzugs su gyur pa ni rig ma brgyad ces te/ ye shes kyi phun sum tshogs pa'i 'bras bu yin pa'i phyir ro/ /yang na me long lta bu la sogs pa'i ye shes bzhi dang/ tshad med pa bzhi'i ye shes lha mo'i gzugs su gyur pa ni rim pa brgyad ces bya'o/ /dge ma brgyad ces pa ni/ pi bang ma la sogs pa'i mchod pa'i lha mo brgyad de/ bcom ldan 'das kyi bsod nams kyi 'bras bu smin pa yin pa'i phyir ro/ /de ltar yang rnam par snang mdzad sgyu 'phrul dra ba las gsungs pa/ mnyes par byed pa'i dge ma'i zhes pa'o/ /sna tshogs zhes pa ni sku mdog ste bkral zin to/ /dge ma brgyad kyi dngos po brtan pa/ mchod pa'i gling bu zhes pa la sogs pa ste/ de la sogs pa'i sgras ni pi bang ma dang rdza rnga ma dang/ mar me ma dang dri chab ma'o gsang ba zhes pa ni/ mdzes ma la sogs pa'i lha mo rnams la gsungs pa'o/ /de dag bsgrub par bya zhes pa'o/ /'dir ni mchod pa ji ltar lags zhes pa de'i lan gsungs pa/ ma dang byan mo zhes pa la sogs pa ni/ mA ma kI la sogs pa'i gzugs dang phyag mtshan gyi sgo nas bsgom pa ste/ de la yang gtso mo mA ma kI la sogs pa'i lha mo lha dang sbyar nas ma la sogs pa'i/ bsgrub par bya ste/ ma ni mA ma kI dang sbyor/ bu mo ni zhi ba'i zhal dang sbyar/ sring mo ni zla ba mo dang sbyar/ gnyen mo ni ri bong 'dzin ma dang sbyar/ gsang ba'i dkyil 'khor bsgrub pa'i yon tan bdud rtsi ma blang ba'i don bshad pa/ ma las bdud rtsi blangs nas su zhes pa la sogs pa ste/ de la rdo rje bdud rtsi dang mnyam 'gyur zhes pa ni/ rnal

  95. 48a

    'byor pa mi bskyod pa dang dbyibs dang/ mthu mnyam par 'gyur ro/ /don yod grub ces pa ni/ bdud rtsi 'di la brten na/ bskal pa grangs med par thob dka' ba'i byang chub thob phyir ro/ /gzhan ni go sla'o/ /nga ni gong du gsungs pa'i ma dang sring mo la 'dod pa skyed par bya ba'i rgyud gsungs pa/ bung ba brtse ba'i tshul gyis ni zhes pa ste/ bung pa bzhin du bde ba'i mgo brtsam pa la 'khyud pa dang rtse ba sngon du byas nas/ tshig bdud rtsi lnga pa zhes pa la sogs pa ste go sla'o/ /rdo rje se gol mnyam sbyor gyi zhes pa ni/ rdo rje khu tshul gnyis bcings nas phan tshun bsnol te/ se gol lam gsum gtogs nas rdo rje bdu ba'i ting nge 'dzin bsgoms te/ sngags lan gsum brjod nas lha'i dkyil 'khor dgug par bya'o/ /yang na rjes su sbyor ba'i rdo rje dang padmo'i sbyor ba yis rdo rje se gol zhes te/ des dkyil 'khor gyi lha bdud rtsi'i thig le dang/ rgyud mthun par bskyed nas bde ba chen po'i dngos grub bskyed par bya'o/ /da ni rjes su sbyor ba'i rim pas dkyil 'khor gsang ba'i mchod pas mchod de bdud rtsi bsgrub pa gsungs pa/ rnal 'byor pa dang rnal 'byor ma'i zhes pa la sogs pa'o/ /bdud rtsi log par blangs pa'i skyon bstan pa/ lag pa yis ni zhes pa la sogs pa'o/ /rnal 'byor mas kyang spyod pa'i tshul bstan pa/ rin ma chen mo yang byung nas/ rdo rje la yang 'o btab bo zhes pa'o/ /de'i yon tan gsungs pa/ de ni sangs rgyas nyid du 'grub ces te/ de ltar thabs dang shes rab kyi rol pas 'grub pa'i rnal 'byor pa 'am rnal 'byor ma ni gti mug gi gnyid bsal nas tshig gi don thams cad rtogs nas sangs rgyas pa'o/ /sangs rgyas pa de ci 'dra ba yin zhe na/ khu ba'i gzugs can bdud rtsi'o zhes pa ste/ bde ba chen po gnyis su med pa'i ye shes so so

  96. 48b

    rang rig pa'i rtogs ba'o/ /rdo rje bdud rtsi zhes pa la sogs pa ni 'grel zin to/ /rdo rje hUM mdzad kyi bsgrub pa bstan pa zhes bya ba'i le'u zhes pa ni/ bcom ldan 'das hUM mdzad kyi dkyil 'khor bsgrub pa'i tshig don sder longs pa'o/ /rdo rje bdud rtsi rgyud kyi le'u drug pa'i rnam par bshad pa'o// //pa ni mchod pa mngon du byas nas bsam gtan la phab cing zhes 'dod pa'i bcom ldan 'das la dbyangs kyis bstod nas zhus pa/ de nas lha mo mA ma kI zhes pa la sogs ba ste/ de la dga' ba'i rol pa che zhus pa zhes pa ni/ thabs dang shes rab kyi rol pa la gnas pas thal mo sbyar te/ dbyangs 'di dag ni ched du blangs zhes pa'o/ /dbyangs kyi tshig gsungs pa/ de la re zhig sku'i rdo rje'i sgo nas bstod pa/ dpa' bo chu skyes sngon po'i sku zhes pa la sogs pa ste/ de la dpa' bo zhes pa ni/ rtog ba dang bcas pa'i phyin ci log pa'i 'dod chags la sogs pa'i yul las rgyal ba'i phyir ro/ /de ni rang bzhin gyi sgo nas bstod pa'o/ /chu skyes zhes pa ni/ me tog utpal la sogs/ de 'dra ba sngon po'i sku zhes pa ste/ gnyis su rtogs pa la zhe sdang ba'i phyir ro/ /de ni sku mdog gi sgo nas bstod pa'o/ /dpa' bo gzhan gyi yongs bskor cing zhes pa ni dkyil 'khor gyi lha mo'o/ /de kho na gsungs pa/ phyag rgya mo'i tshe nas zhes pa ni/ mdzes ma mo la sogs pa'i rig ma rnam pa brgyad la sogs pas yongs su bskor bar bya ba'i tshogs so/ /de dag dang mnyam ldan pa'i zhes pa'o/ /de ni 'khor gyi bstod pa'o/ /de 'dra ba'i bcom ldan 'das la bdag phyag 'tshal zhes pa dang sbyor ro/ /gsung gi sgo nas bstod pa/ ston ka'i nam mkha' dang 'dra ba zhes pa ni/ mtshan ma med cing dri mas ma gos pa'o/ /nga ro ni yi ge hUM bzla ba'o/ /ji ltar zla bar bya zhes na/ bung ba ltar zhes pa dang pad+ma'i

  97. 49a

    steng na bud ba sgra sgrogs pa dang ldan par rtsi 'jib pa ltar lha mo'i gsang ba'i pad+ma la yi ge hUM bzla zhing 'jib pa'i phyir ro/ /dga' bar bzhugs pa'i zhes pa ni/ gsang ba'i pad+ma dang rdo rje sbyar nas bzhugs so/ / skal bzang ba zhes pa ni sems can gyi don mdzad pa'i phyir ro/ /de ltar yang sangs rgyas mnyam sbyor las gsungs pa/ srid pa shin tu bsgrubs pas na/ skal bzang sangs rgyas bcom ldan 'das/ /skal ngan nyan thos 'jig rten na/ /shin tu mya ngan 'das phyir ro/ /zhes pa'o/ /de 'dra ba la bdag phyag 'tshal zhes pa dang bab 'brel to/ /thugs kyi sgo nas bstod pa/ thams cad ces pa la sogs pa ste/ de la thams cad ni phyogs bcu'i phyogs kun na'o/ thams cad ni rnam pa thams cad do/ /de 'dra ba'i gzugs med pa ni rnams te nam mkha' dang 'dra ba'i phyir ro/ /thams cad mkhyen pa zhes pa ni/ shes bya'i sgrib pa spangs pas spangs pa dang/ blang ba'i mtshan nyid mkhyen pa'o/ /thams cad mdzes zhes pa ni/ sems can thams cad kyi sems la gnas pa'i phyir ro/ /yang na rdo rje sems dpa' ni/ mya ngan las 'das pa kun gyi ngo bo nyid kyi phyir ro/ /de 'dra ba'i bcom ldan 'das la yang dag dbang po zhes pa ni dang pa'i dbang po ste de'i lam gyis na zhes pa ste/ dad pa'i sgo nas bdag phyag 'tshal zhes pa dang 'brel to/ /yang na yang dag dbang po'i ni gsang ba'i pad+ma ste/ yang dag pa'i bde ba chen po la dbang byed pa'i phyir ro/ /gsang ba'i pad+ma de'i lam gyis mchod par bya ste/ bdag phyag 'tshal zhes pa'o/ /nga ni khams gsum rnam par rgyal ba'i dkyil 'khor gyi sgo nas bstod pa/ ma lus pa'i zhes pa la sogs pa ste/ de la ma lus pa'i khams gsum zhes pa ni/

  98. 49b

    phyogs bcu'i 'dod pa'i khams dang gzugs kyi khams dang/ gzugs med pa'i khams so/ /de dag la rdo rje bdud rtsi dpe med pa zhes pa ste/ de dag la rdo rje bdud rtsi so so rang gis rig pa'i dpe ni/ gang gis kyang brjod du ma lang ba'i phyir ro/ /nyi shu rtsa bzhi rin chen mo zhes pa ni/ rdo rje sems dpa' i dkyil 'khor la ston pa'i lha mo mdzes ma'i zhes bya ba la la sogs pa'i rin chen mo zhes te/ de la khams gsum rnam par rgyal ba'i dkyil 'khor las gsungs pa'i mdzes ma la sogs pa brgyad dang/ sems ma rdo rje ma la sogs pa bzhi ste rig ma bcu gnyis dang/ lA sye la sogs pa bzhi dang me tog la sogs pa bzhi dang/ gling bu la sogs pa dang/ de ltar dge ba'i lha mo bcu gnyis te lha mo nyi shu rtsa bzhi'o/ /bsgrub pa'i lha mo lcags kyu ma la sogs pa bzhi ni nyi shu rtsa bzhi'i rtsis la mi gtogs la dkyil 'khor la ni bri'o/ /lha mo de la shin tu chags pas dga' byed pa/ gang yin pa de de ltar te/ yid la rtogs pa kho na'i las su gyur pa ni shin tu chags pas dga' bar zhes pa'o/ /sen mo rjes dang chags pa'i sku zhes pa ni/ bde ba chen po bskyed par bya ba'i don du lha mo rnams kyis bcom ldan 'das kyi sku la sen mo btab pa'o/ /de dang 'dra ba'i rdo rje bdud rtsi la phyag 'tshal zhes pa'o/ /saM skri ta'i skad kyi dbyangs kyis bstod nas/ da ni pra kri ta'i skad kyis bstod pa/ utpal sngon po zhes pa la sogs pa ste/ utpal sngon po dang 'dra ba phyag sngon po gang dang ldan pa'i bcom ldan 'das de ni/ utpal sngon po'i 'dab ma lta bur phyag sngo ba zhes bya'o/ /de ni sku mdog gi sgo nas bstod pa'o/ /khyod kho na sangs rgyas zhes te sangs shin tu rgyas nas gti mug gi gnyid gsal ba'i phyir ro/ /de ni ye shes kyi sgo nas bstod pa'o/ /de bzhin gshegs pa zhes pas ni/ khyod ni de bzhin

  99. 50a

    gshegs pa yang yin te/ shes bya thams cad kyi rgya mtsho yongs su mkhyen pa'i phyir ro/ /de ni mkhyen pa'i sgo nas bstod pa'o/ /rdo rje ni mi 'jigs pa ste/ rdo rje theg pa'i mngon du gyur pa'i phyir ro/ /de ni theg pa'i sgo nas bstod pa'o/ /khyod kyis ni bdag la shin tu dga' ba'i rjes su chags pa ste zhes pa ste/ khyod kyis chos kyi skur bzhugs pa las bzhengs te mi gnas pa'i mya ngan las 'das pa'i rang bzhin bdag la bde ba chen po'i ting nge 'dzin gyis longs spyod cig ces pa'o/ /ci'i phyir na khyod kham gsum la bsgrub par bya ba'i zhes pa ste/ sna tshogs kyi sku 'du ba rnams kyi don phyir bskyod par mdzod ces pa'i don to/ /de ni sems can gyi don du gsol ba btab pa'o/ /da ni mngon par byang chub pa lnga'i sgo nas bstod pa/ khyod ni zhes pa la ste/ de la khyod ni zhes pa kye bcom ldan 'das zhes bod pa'i tshig go /skyon med pa zhes pa ni/ phyi'i gzung ba'i rnam pa yis 'dzin pa'i rnam par shes pa de'i gzugs nye bar len pa yin te/ shel gyi nor bu bzhin du sngon po la sogs pa nye bar gyur nas/ blo bur gyi rnam par sgro 'dogs pas de'i rnam par snang mdzad bya ba ni skyon te/ de yang bcom ldan 'das de la med do zhes pa ste/ de gnyis kyang don med pa'i phyir ro/ / de nyid kyi phyir na dam pa'i zhes pa ste/ mya ngan las 'das pa zhes bya ba'i go 'phang ngo/ /de bas na stod pa la zhes bya ba ste/ de nyid stong pa zhes bya ba ni stong pa nyid kyi rang bzhin te/ ci'i phyir zhe na/ dngos po thams cad snang ba tsam nyid du snang ba la/ de kho na nyid mthong ba rnams kyi don med pa gzung ba dang 'dzin pa rang gis rtogs la de nyid kyang don dam par ni 'khrul par gtan la phab ste/ chos thams cad 'bigs pa'i shes rab kyis rnam par dpyad pa/ gzhan las

  100. 50b

    gzhan skye ba med pa'i phyir 'di dag thams cad rigs pas mi sbyor ro/ /'o na chos thams cad stong pa nyid yin pas don dam par bcom ldan 'das kyang bde ba chen po la gnas pa so so rang rig pa lta ba gsal ba gnyis su med pa'i rang bzhin stong pa nyid kho na'o/ /stong pa nyid las byung ba khyod ni yang yig 'bru zhes pa ste/ 'khor ba dang mya ngan las 'das pa la mi g.yo ste/ bzod ma med pa nas kyang srid pa'i nye bar len pa'i phung po'i rkyen de las gzhan med pa nyid kyi phyir ro/ /rdo rje gyur pa ni yig 'brus rdo rje bskyed nas/ rdo rje'i bum par yang yig 'bru dang ldan par bskyed par zhes pa'i don to/ /mgon po khyod ces pa ni/ rdo rje de las longs spyod rdzogs pa'i sku phyag rgya chen por byung ba ni mgon po ste/ g.yo ba dang mi g.yo ba la khyab pa'i bdag nyid kyi phyir ro/ /de ni mngon par byang chub pa lnga'i sgo nas bstod pa'o/ /de 'dra ba'i bcom ldan 'das khyod ni bar snang la rgyu ba dang sa steng na gnas pa mi rgyu ba gang gis khyod mthong na/ de dag 'khor ba ru ni ga la 'gro zhes pa ste/ 'gro ba ma yin no zhes pa ste/ de ltar dbyangs kyi tshig bstan nas/ rdo rje gar bstan pa/ rdo rje gar ni rnam par byed ces pa la sogs pa ste/ de la rdo rje gang ni bcings pa dang rdo rje khu tshur las byung ba'i gar ro/ /rnam par byed ni 'og nas 'byung ba'i rked pa'i gar la sogs pa rnams so/ /gar ni rnam par byed ces pa gang zhe na/ rked pa dang ni zhes te/ sku g.yas g.yon du mnyam par skyod pa'i ga'o/ /dpung pa yis ni zhes pa ni dpung pa dang lag pa las byung ba'i gar ro/ /mgo'i gar zhes pa ni/ mgo bskyod pa dang mig gzur ba dang smin ma bteg pa las byung ba'i gar ro/ /gar gyi gzhung 'di zhes pa ni/ drang srong ba twar zhes bstan pa'i gar gyi gzhung 'di'o/ /mtshan nyid do zhes pa ni/ gong du thal ba'i rked pa'i gar la sogs pa'i mtshan nyid bzhi dag go

  101. 51a

    de kho na gsal bar byed pa bcom ldan 'das nyid kyis ston pa de la re zhig rkang pa'i gar bshad pa rjes thabs ni rkang pa'i gar gyi gom pa ste/ mthe bong gi rtse la btsugs pa dang rting pa brdab pa'o/ /rjes su rim dang zhes pa ni/ rkang pa g.yas g.yon gyi rim pa'o/ /yang mtheb mo'i rtse mo dang rting pa'i rim pa'o/ /bstod pa dang ni zhes pa yar btegs pa'o/ /da ni rked pa'i gar 'grel pa/ 'gying ba ste zhes pa ni 'jo ba'i tshul dang ldan pa'o/ /mgo'i gar 'grel pa/ rgyas pa dang zhes pa ni bzhad pa'i tshul dang/ 'dud pa dang zhes pa ni mgo g.yas g.yon du byo nas gar byed pa'o/ /gsal bor byed pa ni de dag kun ma 'dres par byed pa'o/ /mgyogs pa dang ni zhes pa ni/ lha mo mA ma kI'i gar dang bcas pas rgyas pa'i tshul dang ldan pa'i phyir ro/ /smin bskyod par zhes pa ni/ gar dang mthun par smin ma bskyod pa'o/ /dpung ba'i gar 'grel pa/ lag pa'i phyag rgya sbyor ba yin zhes te/ me tog ma la sogs pa bzhi dang/ rda chen ma la sogs pa bzhis mchod pa'i phyir ro/ / stabs brgyad tshul gyis gar byed de zhes pa ni/ gong gi rjes thabs la sogs pa nas smin bskyod kyi bar gyi gar brgyad kyis gar byed ces so/ /de ltar gyi mchod pa byed pa la mA ma kIs gsang ba'i mchod par bya'o/ /zhes gsungs pa/ rgyas pa'i pad+ma zhes pa la sogs pa ste/ de la rdo rje bcings kyis rdo rje ni zhes pa/ rdo rje bcings pa'i phyag rgya yis gsang ba'i rdo rje bzung na rdo rje be con 'o btab bya zhes pa'o/ /don ni 'di lta ste/ de dag rnam pa bzhi'i lus kyi gar phul te bcom ldan 'das kyi la yang dag par gsang ba'i mchod pas mchod nas zhus so zhes pa'i tha tshig go /lan btab gsung pa de nas bcom ldan zhes pa la sogs pa ste/ de la bzhugs shig mi g.yo bar zhes pa ni/ gang gi tshe sbyor ba chen por bzhugs nas bcom ldan 'das kyis bde

  102. 51b

    pa chen po skyed par byed pa de'i tshe bcom ldan 'das ma de ni mi g.yo bar skye ba'o/ /bcom ldan 'das de kho na bdud rtsi zhes pa ste/ bde ba chen po'i rnam pa nang gi ngo bo'o/ /de bzhin nyid mchog ces pa ni lhag pa'i byang chub sems/ de rang gi lus la khyab pa bsams pa zhes pa'o/ /da ni bdud rtsi thig le'i gzugs can te zhes pa des ni/ bde ba dam par bzhugs pa'i bcom ldan 'das de gnas bsgyur nas b+ha ga'i pad+mar thig ler gnas pa'i ming gsungs te/ de kho na yang kun rdzob byang chub kyi sems su gsungs pa'o/ /mkha' i dbus su zhes pa la sogs pa ste/ ye shes sems dpa' bskyed pa mdun du byas nas bdag la rting pa ston pas gsungs te/ de la kha'i zhes pa ni chos kyi 'byung gnas zhes bya ba pad+mar dmigs pa'o/ /de'i dbus su zla ba zhes ba dbyibs su 'dra zhes te mnyam pa'o/ /stong pa nyid ces pa ni byang chub kyi sems so/ /bdud rtsi rgyun rgya mtsho ltar 'bab pas na 'jigs med ces so zad med ni bshad zin to/ /phra mo ni zhes pa ni de kho na'o/ /rdo rje sems dpa' 'jigs med ces pa ni/ lhag pa'i byang chub yi ge hUM du gyur pa ste/ 'jigs pa med pa'i phyir ro/ /gang du gnas pa yin zhe na/ lte ba'i dbus su gnas lha mo snying po lha mo spyod yul la/ zhes pa'o/ /byang chub sems de thog ma de la gnas nas khu ba'i gzugs kyis 'gro ba dga' ba'i don du zags nas/ b+ha ga ling ga'i dkyil 'khor du gnas nas zhes 'byung ba yin no/ /de'i tshe ba'i yon tan gyi sgo nas ston pa/ 'di ni srog can rnams kyis sreg ces pa ni/ dbugs chen po zhes bya ba'o/ /de 'dra ba sgoms shig ces pa'o/ /rnam par shes pa'i phung po rten zhes pa ni/ lhag pa'i byang chub kyi sems de gzugs med pa'i phung po la brten nas rnam pa sna tshogs par gyur ba'o/ /de dag gis ni mngon par byang chub pa lnga gsungs pa yin no/ /sangs rgyas ni rnam par snang

  103. 52a

    mdzad do/ /de bzhin rdo rje 'dzin ces pa ni/ rdo rje hUM mdzad do/ /de ltar kho na 'dul ba'i dbang gis sngar gtogs pa'i dkyil 'khor gyi lha phyung ba'i rim pa mngon sum du goms pa'i sgrub pa po so sor snang bar gsal ba'o// de bas na sems tsam gnyis su med pa'i chos thams cad bdag gi snang ba'i dpung bzhin du/ rdo rje 'bar ba khams gsum gsal bar byed pa mthong nas gzhal yas khang brtsegs pa la 'dug nas thabs dang shes rab de dag 'khril ba'i bde ba chen po'i ting nge 'dzin mnyam par myong bas/ ye shes sems dpa' de dag kha nas thim nas rdo rje lam gyis rdo rje bdud rtsi zla ba'i dkyil 'khor dang 'dra ba'i thig ler gyur pa yin no zhes gsungs pa'o/ /de bas na tshangs pa khyab 'jug ces bya ba la sogs pa yang/ byang chub sems de ni yin par bdag gis rtag tu bsam zhes pa'o/ /de la yang A li 'a li'i dkyil 'khor gnyis dang/ dge gnyis kyi khu ba las mA ma kI 'khyud pa las bskyed pa'i bde ba chen po'i gzugs bcom ldan 'das rdo rje bdud rtsi skye ba'o/ /de kho na gsungs pa/ de las skye de bdag dang khyod ces pa'o/ /bde ba chen po 'di kho na bsgrub pa'i rim pa ni phyin ci ma log pa ste/ gsang ba 'dus pa la sogs pa la shin tu gsang nas bcom ldan 'das kyis bstan pa yin no/ /de bas na tshangs pa la sogs pas kyang de bzhin nyid de kho na yang dag pa'i don ma rtogs pa nas gzhan gyi bdag nyid du bsam mo zhes gsungs pa/ tshangs pa zhes pa la sogs pa ste/ de la ni rnam par snang mdzad la sogs pa'o/ / de kho na las skye ba dang/ bde ba chen po'i bdag nyid ting nge 'dzin de kho na la 'chi ba thim pa ste/ de bzhin gshegs pa rnams tshangs pa zhes pa la sogs pa ste/ de la ni rnam par snang mdzad la sogs pa'o/ /de kho na las skye ba dang/ bde ba chen

  104. 52b

    po'i bdag nyid ting nge 'dzin de kho na la 'chi ba thim pa ste/ de bzhin gshegs pa rnams ni bde ba chen po gnyis su med pa'i ye shes kyi bdag nyid dngos po thams cad gsal ba yis sgro 'dogs pa'i gzung 'dzin med pa so so rang rig pa de kho na ye shes la shes bya'i phung por gyur te/ mjug nas gnyis su med par dngos po kun snang ba bsal nas bsams te goms par byed pa'o/ /de kho na'i phyir gsungs pa/ shes bya shes pa'i bdag nyid gtso/ /de nyid dam pa bsam pa'i zhes pa'o/ /skye ba dang ni zhes pa la sogs pa ni/ dngos po thams cad skye ba dang shi ba dang gnas pa la sogs pa'i chos rnams kyang bde ba chen po gnyis su med pa'i ye shes de kho na la chen po'i ye shes so/ /bya ba des sems can smin pa dang grol bar byed pa'i mtshan nyid de byas pa bgyi zhes pa'o/ /bcom ldan 'das ni bod pa'i tshig go /chags pa dang bral ba ni chags pa rtogs pa las shin tu 'das pa'i rgyu gang yin pa de ni chags pa dang bral ba'o/ /rdo rje bdud rtsi 'byung ba 'di zhes pa ste/ rgyud 'dir 'dod pa'i yon tan lnga rdo rje sems dpa' i rang bzhin du ston pa'i phyir ro/ /de bas nas bdag gis mi dmigs pa'i bde ba'i ngo bo'i sgo nas/ rdo rje theg pa'i 'byung ba'i sbyor ba sems can rnams la bstan par bgyi zhes pa'o/ /de'i don kho na yang bshad pa/ rdo rje theg pa des ni bcom ldan 'das mA ma kI'i ye shes mnyam pa nyid du gyur pa'o/ /de ltar mA ma kIs de bzhin nyid kyi sbyor ba'i ye shes khong du chung nas som nyi ru gyur pa'i the tshom gzhan zhus pa dang/ da dung bdag la the tshom mchis/ zhes pa la sogs pa ste/ de la phyag rgya gnyis kyis rnam sprul pa zhes pa ni/ rgyud gzhan la nang gi sku gsung thugs kyi phyag rgya dang/ phyi'i lag pa'i phyag rgya gnyis su 'byung ba 'dir gang la shes par bgyi zhes zhus pa'o/ /ji ltar phyag rgya yang dag 'byung zhes pa ni phyi nang gi phyag rgya'i nang na yang dag

  105. 53a

    pa'i phyag rgya gang yin pa de zhus pa'o/ /de dag gi sngags ji ltar lags zhes pa ni/ gsang ba'i dkyil 'khor la bkod pa'i lha mo de dag gi bzlas pa'i sngags ji ltar lags zhes zhus pa'o/ /sngags rnams gang las skyes pa lags zhes pa ni/ lha mo rnams de dag sa bon gang las bskyed pa'i zhes zhus pa'o/ /khyad par du ni lha rnams kyang zhes pa ni/ gsang ba'i dkyil 'khor la pho dang mo la yang kho na lags zhes zhus pa'o/ /bcom ldan 'das kyis lan gsum gsungs pa/ /bcom ldan rdo rje can gyis gsungs zhes pa la sogs pa ste/ de la phyag rgya gnyis kyis rnam sprul pa zhes zhus pa'i lan no/ /phyag rgya rnam pa gsum ste zhes pa'o/ /de dag gang zhe na/ sku dang gsung dang thugs las byung zhes pa'o/ / de yang bcom ldan 'das nyid kyis 'grel pa sku ni phyag rgya mchog 'gyur zhes pa ste/ de bzhin gshegs pa'i sku'i phyag rgya chen po dang/ sku'i rdo rje bsgom pa ni sku'i phyag rgya ste las kyi phyag rgya yin pa'i phyir ro/ /gsung gi phyag rgya sngags pa'i las zhes pa ni gzung 'dzin gyi mtshan ma med pa'i zhi ba la sogs pa'i sngags kyi las kyi ngo bo gsung gi rdo rje ni gsung gi phyag rgya ste/ chos kyi phyag rgya yin pa'i phyir ro/ /thugs kyi mtshan ma'i phyag rgya ni/ bsam gtan ri mo gnyis med gnas zhes pa ni/ dbyibs dang kha dog ri mo gnyis su med par gnas pa'i bsam gtan gyi ngo bo thugs kyi rdo rje ni mtshan ma'i phyag rgya la bya ste/ phyag rgya chen po'i phyir ro/ /de ltar yang gsang ba 'dus pa'i sgrub thabs las gsungs pa/ chos dang longs spyod sprul pa dang/ rim par thugs sogs rdo rje ste/ /de dag ye shes sems dpa' ni/ /phyag rgya bzhir ni 'dod pa yin zhes so/ /ji lta phyag rgya yang dag 'byung zhes zhus pa'i lan ni/ rdo rje bdud rtsi'i rgyud chen la zhes pa la sogs pa ste/ de la sbyor ba zhes pa ni/ chos thams cad gnyis su med

  106. 53b

    pa yongs su shes pa'i mtshan nyid do/ /de nyid phyag rgya zhes pa ni/ phyin ci log pa'i nye bar bskyed de la 'dus nas shi ba'o/ /skyed pa byed pa ni 'gro ba bskyed pa dang 'jig par byed pa'i nus pa dang ldan pa'i phyir ro/ /de dag ni lhag pa'i byang chub sems gcig pu zhes pa'o/ /rang bdag 'gyur ba zhes pa ni/ dngos po thams cad kyi rang bzhin nyid du gyur pa'i phyir ro/ /lha gcig pa zhes pa ni bsam pa'i rkyen gyi gtso bo 'di las lha gnyis pa gzhan med pa'i phyir ro/ /tshig des ni thams cad la phan par byed pa gsungs so/ /thams cad mkhyen pa zhes pa ni/ rang gi sprul pa'i dngos po thams cad khams gsum na tshig dang blos ji lta ba bzhin du shes pas na thams cad mkhyen pa'o/ /kun nas kun zhes pa ni/ skye ba dang gnas pa dang/ 'jig pa rnams kyi dbang gis gnas pa nyid kyi phyir ro/ /dge gsum 'dren par byed pa nyid kyi phyir na khyab pa'o/ /zhes pa ni bshad zin to/ /ji ltar khang pa bkang nas zhes pa ni/ de la khang pa zhes pa ni dkyil 'khor te/ dkyil 'khor de phyung ba'i ngo bos lha mo'i 'khor lo bkang nas byed pa de bas skyes bur bshad pa yin zhes pa'o/ /yang na khang pa'i tshig ni mA ma kI la sogs pa'i sku'o/ /de la byang chub kyi sems phyung ba yis bkang pa ste mngal bltams par byed pa'i phyir na/ bcom ldan 'das la skyes bu zhes bya'o/ /de nyid lus la gnas phyir lus can de zhes pa'o/ /shes byed phyir na shes par 'dod ces pa ni/ tshig don thams cad 'bigs pa'i phyir ro/ /bdag la bdag gis rig pa'i lha zhes bya ba ni/ gnyid char log na yang rang rang la gis sad pa des ni rig pa zhes pa snang ba'i phyir lha zhes pa 'od gzhan gyi lus 'jug pas khyab 'jug ces gsungs te/ ngag gis rdo rje 'dzin du 'gyur zhes pa ni/ ngag gi rdo rje 'dzin zhes brjod pa tsam gyis/ don dam pa gnyis su med pa'i don

  107. 54a

    yin pas gzugs med pa'i phyir ro/ /yang na 'jig pa med do zhes pa ni ngag gis brjod du med pa'i phyir na yang rdo rje 'dzin zhes gsungs so/ /ston du med pa zhes pa ni dbang po'i spyod yul ma yin pa'i phyir ro/ /gsang ba 'di zhes pa ni/ bde ba chen po gnyis su med pa'i ye shes yin pa'i phyir ro/ /nan tan du ni gsang bar bya zhes pa ni/ de 'dra ba'i byang chub sems bde ba chen po gnyis su med pa'i ye shes ni dus gsum du lus ngag yid kyi sgo nas nams kyang gzhan la ston par mi bya'o zhes pa'i don to/ 'o na gang la ston par bya ba yin zhe na/ skyon can min pa zhes pa la sogs pa ste/ de la skyon can min pa ni rang gi skyon ma spangs pa'o/ g.yo can min zhes pa ni/ gzhan gyi skyon phyung ste/ phung bar byed pa'o/ /dam tshig la ni mi 'da' ba zhes pa ni/ slob dpon gyi spyan sngar dam bcas pa'i tshig ni dam tshig ste/ srog gcod pa la sogs pa spong ba'o/ /de las mi 'da' ba ni mi 'da' zhes pa'o/ /chad par lta ba med pa la zhes pa ni/ / dge ba dang mi dge ba med par rtog pa chad par lta ba ste/ de med par yang dag pa'i lta ba can dge ba dang mi dge ba yod par yid ches pa'o/ /bla ma la chags zhes pa ni/ dbang bskur ba dang/ dam tshig sbyin pa dang/ gsang sngags nyan pa'i slob dpon ni bla ma ste de la chags pa ni gus pa dad pa'o/ /dul ba dang zhes pa ni srog gcod pa la sogs pa lus ngag gi las spong ba'i mtshan nyid bdun spong ba'o/ /phrag dog chags pa spong byed pa zhes pa ni/ de la phrag dog ni gzhan gyi phun sum tshogs pa la sdang ba'o/ /chags pa ni gzugs la sogs pa'i spyod yul la zhen pa'i mtshan nyid do/ /de gnyi ga med pa ni spong ba zhes pa'o/ /dkyil 'khor de ni 'jug pa dang zhes pa ni/ gsang ba'i dkyil 'khor

  108. 54b

    mthong ba ni/ rdo rje bstan pa'i slob ma dag ces pa ni/ rdo rje theg pa bstan pa'i slob ma ni yin pa/ phyi rol gyi nyan thos dang/ rang sangs rgyas dang byang chub sems dpa' i theg pa bstan pa'i slob ma ni ma yin zhes pa'o/ /de la rgyas pa'i bstan pa 'di de bzhin nyid mchog bshad par bya zhes pa ni/ gong du bstan pa'i skyon de kun med pa'i yon tan dang ldan pa'i slob ma de dag la bsod nams kyis rgyas pa bde bas ni snyan pa bde ba chen po byang chub sems 'di kun tu khyab pas de bzhin nyid mchog bshad par bya zhes ston par bya'o zhes bya'o/ /slob dpon gyis ji ltar bstan par bya zhe na gsungs pa/ slob dpon rig ma dang ldan pas/ de la dbang sbyin par bya zhes pa ste/ mi bskyod pa'i nga rgyal dang ldan pa'i slob dpon lha mo mA ma kI bsgom pa'i rig ma dang/ sbyor nas slob ma de dag dam tshig byin nas byang chub sems kyis dbang bskur bar bya'o/ /zhes pa'i tha tshig go /rdo rje bdud rtsi la sogs pa ni bshad zin to/ /de bzhin nyid cher dmigs pa bstan pa zhes bya ba'i le'u zhes pa ni/ bde ba chen po rang bzhin lhag pa'i byang chub sems de bzhin nyid kyi don shas che bar bstan pa'i tshig sder longs pa'o/ /bdun pa ni go sla'o/ /rdo rje bdud rtsi rgyud kyi le'u bdun pa'i rnam par bshad pa'o// //da ni gzhan yang khro bo khrag 'thung bskyed pa 'am shes par 'dod pas/ mA ma kIs bcom ldan 'das la zhu ba/ de nas lha mo yang langs nas/ zhes pa la sogs pa ste/ de la yang langs zhes ni thabs dang shes rab sbyor ba las langs pa'o/ /de la dam pa'i ngo mtshar bdag bskyed de zhes pa la sogs pa ni/ zhi ba'i rang bzhin ni zhi ba chen po bcom ldan 'das yang rgyud gang las khro bo khrag 'thung gis gzugs su skyed pa yin zhe na/ zhus pa'i lan btab pa/ ci'i phyir dbang dang bcas pa la sogs pa'i lha rnams sdang ba dang drag po dang/ /

  109. 55a

    rims dang dbyig dug dang/ ro langs la sogs pas btso ba nas/ bdag bde ba chen po'i drung du skyabs su 'ong ba de dag la rjes su rtse ba'i phyir bdag nyid khro bo he ru ka 'gyur te/ 'gro ba yongs su skyob par byed de/ rnam pa gzhan zhi ba'i gzugs rnam par snang mdzad la sogs pas sdang pa dang drag po nyid dang ldan pa'i sems can 'dul bar mi nus pa'i phyir ro/ /de'i don ston pa de nas bcom ldan 'das rdo rje can zhes pa ni/ de la rdo rje padmo mnyam sbyor te zhes pa la sogs pa des ni 'di gsungs te/ mA ma kI dang mnyam sbyor ba sngon du byas nas 'bar ba'i phreng 'khrugs drag po can 'jigs par byed pa bcom ldan 'das rig ma brgyad dang gnyis su med pa'i rnam par thar pa brgyad kyi rang bzhin gyis phyag brgyad dang/ rnam par thar pa bzhi thabs la mkhas pa'i rang bzhin gyi zhal bzhi pa dpal khrag 'thung gi gzugs ni phyung ngo zhes pa dang 'brel to/ /rdo rje khrag 'thung de yang se ral kha'i tshul gyis rdo rje kha TwAM lag pa g.yon gyis bsten cing mgo bsnams te/ lag pa g.yas pas 'phan gsum gyi phyag rgya 'bar ba rdo rje bsnams te/ 'di lta ste/ rdo rje khu tshur phye nas su/ /gung mo bcas par srin lag ni/ /lag mthil gnyis ni sbyor byas te/ lhag ma sbrang ba 'phan gsum mo/ /yang phyag gnyis kyis ni/ khrag 'thung bkang ba'i thod pa dang/ rgyu ma'i phreng ba 'khrug pa bsnams so/ /yang phyag gnyis kyis ni dbang bskur ba'i phyag rgya dbu'i steng du bcing ba'o/ /'di lta ste/ lag pa shin tu brkyang pa yi/ /mdzub mo gnyis ni mdud pa bcing/ /gung mo mthe bong rtse mo can/ /rdo rje phyag rgya yongs su bsgyur/ /yongs su bsgyur te btegs nas kyang/ /khro gnyer du ni legs bzhag na zhes pa'o/ /yang gnyis kyis ni dur khrod la 'jug pa'i phyag rgya bcing ba'o/ /de ni gong na bshad

  110. 55b

    zin to/ /de 'dra ba'i khrag 'thung pad+ma'i steng du bzhugs par bsam mo/ /rig ma brgyad kyis yongs su bskor zhes pa ni/ pad+ma 'dab ma brgyad las yang go rims bzhin du lha mo 'jigs can ma la sogs pas bcom ldan 'das kyis thugs mnyes par byed pa bsgom pa 'am bri bar bya'o/ /khrag 'thung chen po la sogs pa ni go sla'o/ /rig ma brgyad gang zhe na gsungs pa dang por rig ma 'jigs can zhes pa la sogs pa ni/ mdzes ma la sogs pa'i gzugs gyur nas/ 'jigs can ma la sogs pa'i khro mor gyur pa ste/ phyag dang po gnyis kyis kha TwAM banda bsnams pa/ sku mdog dang phyag mtshan gzhan ni rdo rje sems dpa' i dkyil 'khor dang mthun no/ /sgo srungs ni gra? sna ma la sogs pa'o/ /mchod pa ni gong ma dang mthun no/ /khrag 'thung de ltar bsgom pa'i rnal 'byor pas sngags bzla ba dang/ dbyangs dang gar gyis bstod cing mchod pa gsungs pa/ sngags 'di dag ni zhes pa la sogs pa ste/ de la sngags ni 'di dag bzlas byas te/ zhes pa ni he ru ka 'khor dang bcas pa bsgoms zin ma thag tu bsgom pa las mi g.yel bar 'og nas 'byung ba'i sngags bzla bar bya'o/ /zhes pa'i don to/ /gar yang byed nas dbyangs blang ngo zhes pa ni/ mchod pa'i phyag rgya'i gar dang 'og nas 'byung ba'i dbyangs blangs nas kyang mchod par byed ces pa'o/ /dbyangs kyi tshigs gsungs pa/ 'jigs byed chen po zhes pa la sogs pa ste/ de la 'jigs byed chen po ni rdo rje bdud rtsi la gsungs te/ de'i rang bzhin ni de yin pas 'jigs byed ces te/ bdud rtsi rang bzhin gyis sems can thams cad bkang bar byed cing dus thams cad du rol bar byed pa'o/ /de ltar yang gsungs pa/ thams cad du ni bkang byed pa/ /dus thams cad du ni rol byed cing/ /thams cad la ni gnas byed pa/ /de phyir 'jigs byed ces su bshad ces so/ /rnam pa cig tu na sems

  111. 56a

    can gnod par byed pa'i sdang ba dang drag po dang gdon la sogs pa skrag par byed pas na/ 'jigs byed chen po zhes bya'o/ /mche ba gtsigs zhes pa ni/ zhe sdang dang rdo rje rigs kyi rang bzhin gyi phyir ram/ 'jig rten gyi lha rnams las rgyal pa'i phyir ro/ /de ltar yang mnyam sbyor ba de mchog las gsungs pa/ mche ba cung zad btsigs pa'i kha/ /khro zhig 'dzum dang bcas pa'i zhal/ /khro las gyur par bcas shing 'dzum/ /gsal bar bcas shing legs par gnas/ /drag po dbang po nye dbang bcas/ /nyin zla gshin rje tshangs bcas pa/ /rgyal po rgyu mas rnam brgyan nas/ /khams gsum dag ni skrag par byed ces so/ /rgyu ma'i phreng gi brgyan kun can zhes pa ni/ dur khrod kyi 'dre dang sdang ba thams cad 'dul ba'i phyir ro/ /sha chen dge ni zhes pa ni/ rdo rje sems dpa' mi'i sku tshe blangs pa sha stag ste/ de gsol ba zhes pa ni/ rdo rje sems dpa' i sku dang dbyer med pa'i phyir ro/ /dpal ldan khrag 'thung zhes pa ni/ lha mo mA ma kI khro mo dang ldan pa'i bcom ldan 'das khrag 'thung ste/ de la lus ngag yid kyis phyag 'tshal zhes pa'o/ /da ni sgrub pa po rnams phan byed phyir zhes pa la sogs pa ni/ de'i dbyung ba gsungs pa/ dang por slob dpon gyis pad+ma 'dab brgyang bri ste/ yi ge a la sogs pa k+Sha'i mthar thug pa ste/ brgyad 'dab ma re re la bkod nas rim des lha rnams kyi sngags dbyung bar bya'o/ /de la gsum pa yi ni gsum pa la zhes pa ni/ gsum pa tsa'i sde tshan gyi gsum pa dza phyung ngo/ /bdun pa la ni zhes pa ni/ a war la'i sde tshan te/ de'i bzhi pa yi ge wa'o/ /yi ge dza dang wa gnyis sbyor/ /zhes pa dang 'bral to/ /bdun pa yi yang gsum pa ste/ zhes pa ni/ yar la wa'i de kho na las gsum pa yi ge dza la bzung ste dzwa la dzwa la zhes

  112. 56b

    pa'i sgra'i tshig ni lan gnyis su bzlas sbyor bya zhes dang 'brel to/ /kun gyi de bzhin nyid ldan te zhes pa ni/ de bzhin nyid kyi yi ge hUM ste de dang ldan pa'o/ /yi ge phyed kyis rnam par brgyan ces pa ni/ yi ge phaT kyis sngags kyi tshig khyad par byas pa'o/ / drug pa'i zhes pa ni pa'i sde'o/ /de'i bzhi pa yi ge ba phyung byas te zhes pa'o/ /bdun pa'i zhes pa ni ya ra la wa'i sde'o/ /de'i dang po ni yi ge ya'o des yi ge ba la gdan du bya zhes pa ni ya btags pa'o/ /bcu gsum pa yis steng gnon bya zhes pa ni/ yi ge a dang por gzung nas brtsis pa'i bcu gsum pa bar du 'brel ba ni yi ge a'o/ /de yis steng gnon pa rna ru gzhag pa'o/ /yi ge de rnams bsdus pas ni byo bar gyur pa'o/ /swAhA'i tha ma sngags sbas dbyung zhes pa ni/ sngags kun gyi mthar swAhA gzhag pa'o/ /dang po rnam par snang mdzad dbul zhes pa ni/ sngags kyi mgon yi ge oM bzhag pa'o/ /bcom ldan 'das sngags ni 'di ltar gyur te/ oM dzwa la dzwa la hUM phaT b+hyo swAhA/ sngags de kho na ni lha mo 'jigs can ma la sogs pa rnams kyi yang yin no/ /da ni sngags kyi phye ba'i yon tan brjod pas ston pa/ sngags kyi rgyal po zhes pa la sogs pa ste/ de la sngags kyi rgyal po zhes pa ni rtsa ba'i sngags yin pa'i phyir ro/ /'jig rten gsum ni zhes pa/ 'jig rten gsum gyi gtso bo rgyal bar byed pa dang/ sbrang rtsir byed pa dang/ don grub par byed pa spun gsum mo/ /yang na tshangs pa dang drag po dang khyab 'jug go /khams gsum zhes pa ni/ 'dod pa dang/ gzugs dang gzugs med pa'i khams so/ /zos par byed pa the tshom med ces pa ni/ sngags zlas shing 'bar ba'i rdo rje gser na khams gsum snod dang bcud du bcas pa 'jigs nas rgyal bar byed pa yin gyi/ sems can gyi sha khrag zos byed pa ni ma yin no/ /de'i phyir gsungs pa/ 'di yis 'dod pa thams cad sbyin zhes te/ sngags

  113. 57a

    'di yis ni gal te khams gsum thal bar byed na yang 'grub ste/ tshor bar byed pa yang nus so/ /de ltar yang sangs rgyas mnyam sbyor las gsungs pa/ thal bar gyur pa'ang mtsho bar byed ces pa'o/ /dpal ldan khrag 'thung bskyed pa bstan pa zhes bya ba'i le'u zhes bya ba ni/ 'phags pa khrag 'thung bsgom pa'i rim pa'i don ston pa'i tshig sder longs pa'o/ /rdo rje bdud rtsi rgyud kyi le'u brgyad pa'i rnam par bshad pa'o// //da ni las kyi rigs la yongs su rtogs pa'i las sna tshogs grub par byed pa rnams la bcom ldan 'das bdud rtsi 'khyil pa 'byung ba gsungs pa/ de nas bdud rtsi 'khyil pa'i zhes pa la sogs pa ste/ de la zhal gsum zhes pa la sogs pa ni/ chos kyi 'byung gnas kyi dbus su gnas pa'i pad+ma 'dab brgyad kyi snying po'o/ /lha mo mA ma kI khro mor bsgyur ba dang bcom ldan 'das zhal gsum phyag drug pa bzhugs pa drag po la sogs pa'i tshul dang ba rnam pa sna tshogs mi sdug pa'i zhal gsum dang tshogs bdag gi bgegs pos gnon pa/ phyag dang po dgra sta dang mtshon cha 'dzin pa/ phyag gzhan gyis ni go rims bzhin du gtun shing dang/ rdo rje dang/ zhags pa dang/ sdigs mdzub dang// ral gri bsnams pa bsgom par bya zhes bya'o/ /rigs ma brgyad dang mnyam ldan zhing zhes pa'o/ /bdud rtsi ma la sogs pa'i rig ma brgyad pad+ma'i 'dab ma re re la bkod par bya zhes pa'i tha tshig go /sgo srungs ma dang yang dag ldan zhes pa ni/ rdo rje lcags kyu ma la sogs pa'i sgo srung la shes par bya'o/ /gsang ba'i pad+mar bsgom bya ste/ zhes pa la sogs pa ni bshad zin to/ /zhal gsum zhes pa la sogs pa ni go sla'o/ /phyag gis pad+ma bsnams par

  114. 57b

    brtson zhes pa ni/ lha mo rnams kyi yang phyag g.yon pa'i dang pos pad+ma bsnams pa'o/ /sna tshogs gzugs rnams zhes pa ni sku mdog ljang ba'o/ /mchod sbyin ma zhes pa ni/ phyag g.yas pa'i dang po mchod sbyin gyi phyag rgya bca' ba'o/ / 'dod chags can ni gtso mo dang mthun pa'o/ /mchod pa'i lha mo rnams kyang don gyis shes par bya'o/ /gzhad cing rol par bzhad byed do/ /zhes pa ni bcom ldan 'das bde ba chen po bskyed par bya ba'i don du bzhad pa'i lha mo de dag dang rol pa'i bcom ldan 'das bsgom par bya'o/ /zhes so de ltar yang sangs rgyas mnyam sbyor las gsungs pa/ 'dod chags bde bas g.yon spyo ba/ /bteg pa'i ma mchu sos mnan pa'i/ /mdzub mo phyag rgya mchog 'di yis/ /khams gsum dag kyang rol bar byed ces so/ /mchod pa'i lha mo dang lcags kyu ma la sogs pa don gyis shes par bya'o/ /da ni sngags kyi rgyal po dbyung bar bya zhes pa la sogs pas/ de'i sngags sogs phyung ba'o/ /de la rnam par snang mdzad yang dbul nas zhes pa ni rnam par snang mdzad kyi yi ge oM dang po smos pa'o/ /tshig 'di yis ni yongs su bkang zhes pa ni/ sngags thams cad yongs su bkang bar byed pa'o/ /dang po'i ni zhes pa yi ge a'i sde'o/ /de'i gnyis pa ste/ zhes pa ni yi ge e sbyor bar bya'o zhes pa 'brel to/ /stong pa nyid ni zhes pa yi ge ha'o/ /de'i gdan ni yi ge u ste de dang ldan par bya zhes pa dang 'brel par bya'o/ /yang na stong pa zhes pa ni thig ler gsungs te/ stong pas stod la gnon pa'i sngags zhes pa'o/ /thams cad swAhA sbyor byed do/ /zhes pa ni swAhA sbyor ba'o/ /sngags ni 'di lta ste/ oM oM hUM swAhA zhes so sngags de ni lha mo thams cad kyis kyang shes par bya'o/ /sngags des bsgrub par bya ba gsungs pa/ gtan du shin tu dga'

  115. 58a

    sbyor nas zhes pa la sogs pa ste/ thabs dang shes rab gnyis su med par sbyor bas shi ba'i mtshan nyid med par byed pa bdud rtsi dang 'dra ba bdud rtsi lhag pa'i byang chub sems dbyung bar bya zhes pa'o/ /de nas gnyis su med pa'i bde ba chen po'i ye shes bdud rtsi dang 'dra ba'i byang chub sems bdud rtsi bzhin du 'gro ba ma lus par rgas pa dang shi ba gzhom par byed pa'o/ /de skye bar byed pa'i 'phags pa ni/ bdud rtsi 'khyil pa zhes bya ba'i don to/ /de ni bsgrub par bya zhes pa ste/ thams cad sgrub par byed pa'i sgrub pa po rnams kyis sbyor ba du ma dang/ rjes su sbyor ba chen po'i thabs dang shes rab kyi bde ba chen po'i ye shes dbyung ba'i bsgrub par bya ste gzhan du ni ma yin no zhes pa'o/ /de 'grub par byed pa'i yon tan gsungs pa/ don kun dngos grub thams cad kyang zhes pa ni/ mchog gi dngos grub dang thun mong gi dngos grub ste/ de la don kun zhes pa ni/ bdag dang gzhan gyi don phun sum tshogs pa'o/ /de yang ye shes kyi tshogs ni bdag gi don to/ /bsod nams gyi tshogs ni gzhan gyi don to/ /dngos grub thams cad kyang zhes pa ni mchog gi dngos grub dang thun mong gis dngos grub ste/ de la mchog gi dngos grub ni bde ba chen po rdo rje bdud rtsi mngon du gyur pa'o/ /thun mong gi dngos grub ni mig rnon dang rkang mgyogs dang/ ral gri dang ri lu dang mi snang ba dang/ ro langs dang/ sa 'og bsgrub pa dang/ nam mkha' la phur ba bsgrub pa dang brgyad do/ /de'i phyag mthil la kun gnas zhes pa ni/ gang bdud rtsi 'khyil bar bsgom pa'i rnal 'byor pa 'am/ rnal 'byor ma de'i lag mthil du dngos grub thams cad kun gnas so/ /zhes pa'i tha tshig go /de bas na rdo rje bdud rtsi bde ba chen po dus rtag par bsam par bya/ zhes pa'o/ /

  116. 58b

    de bzhin gshegs pa zhes bya ba la sogs pa ni bshad zin to/ /dpal rdo rje bdud rtsi 'khyil pa 'byung ba zhes bya ba'i le'u zhes bya ba ni bcom ldan 'das bdud rtsi 'khyil pa'i sgom pa bstan pa'i tshig sder longs pa'o/ /rdo rje bdud rtsi rgyud kyi le'u dgu pa'i rnam par bshad pa'o// //da ni khrag 'thung gi sbyor ba dang ldan pas sngon du bsnyen pa bya ste/ ro langs ma chen mo bsgrub par bya zhes gsungs pa/ de nas ro langs ma chen mo'i zhes bya ba la sogs pa ste/ de la bsgrub par bya ba'i tshes grangs bstan pa/ nag po tshes brgyad cu bzhi la zhes pa'o/ /gnas bstan pa ling ka gcig dang/ zhes pa la sogs pa ste/ de la /ling ka ni mahA de ba la sogs pa'i lha rten no/ /de nyid gcig dang zhes pa ste/ rgyang grags tshun chad gzhan med pa'o/ /gzhan ni go sla'o/ /las ni thams cad bsgrub bya ste zhes pas ni/ gzhan yang mngon spyod la sogs pa bsgrub pa'i las thams cad do/ /ci 'dra ba slong ba yin zhe na/ 'gegs nas shi ba'i mo rnams zhes pa rang 'phyabs nas shi ba'o/ /gang yin zhe na/ gdol pa mo dang sme sha can/ zhes pa'o/ /de gnyis med na khyi btsos ma rnams de dag na zhes pa ste/ de la rnams kyi sgras mkha' 'gro ma rnams la shes par bya'o/ / mtshan ni thams cad yongs rdzogs pa zhes pa ni yan lag tshang ba dang/ mdun so la so lhag yod pa'o/ /yang na rig byed dang ni sor ldan pa'o/ /mdzes ma ni byang dang ldan pa'o/ /bzang ba ni mdangs dang ldan pa'o/ /rma med pa ni lus la mtshon gyis ma bog pa'o/ /de 'dra ba gal te rnyed par gyur na/ de'i tshe na bsgrub pa brtsam par bya ba yin no/ /sum cu rtsa gnyis bsngags pa ste/ zhes pa 'di bsgrub pa la ni lo sum cu rtsa gnyis len pa bsngags so/ /yang na lo nyi shu

  117. 59a

    lnga bskyed/ ces pa'o/ /de gnyis ma rnyed na na chud ma pha ma las dang la skyes pa 'gags nas shi bas kyang bsgrub par nus so/ /ro de dang la chu yis bkru bar bya'o/ /zhes gsungs pa/ bud med ro'i skra bzung ste/ zhes pa la sogs pa ste/ khrag 'thung gi rtsa ba'i sngags kyis gtsang ma'i chu la sngags btab nas/ sa b+ha de ba dang/ bri ha ti dang/ we ha dang girti kar+Ni ka dang/ nA ga gand+ha dang/ sman lnga yang bcug par bya'o/ /rdo leb la zhes pa ni/ pha 'ong leb leb po'i steng du ro bzhag ste/ sngags btab pa'i chu des bkru bar bya'o/ /zhes pa'i don to/ /slob dpon rang gis khrag 'thung gi lha'i sbyor ba byas nas/ rtsa ba'i sngags bzla ba la brtson par bya'o/ /ga bur tsan dan dkar po yis zhes pa la sogs pas/ tsan dan dkar po dang ga bur rnams kyis lus la byug par bya ste/ me tog dang spos me dang zhes pas mchod nas sa gcig tu bzhag ste/ zla gam gyi tshul gyis dkyil 'khor bri'o/ /thod pa zhes bya ba ni thod pa'i ming ngo/ /yang na gzhu'i tshul du yongs su rtags pa de dbus kyi re'u mig la 'dod pa'o/ /phyi rol yang gru bzhi dang/ grwa bzhi dang sgo bzhi dang/ dril bu dang/ 'phan dang/ rnga yab dang bra ba dra phyed dang zla bas brgyan pa bkod par bya'o/ /de'i 'og tu bcom ldan 'das rigs brgyad kyi lha mo yongs su bskor ba re'u mig re re la 'jigs can ma la sogs pa'i sngags kyi lha mo ldan par bya phrag par kha TwAM bkal nas phyag g.yon pas thod pa 'dzin pa/ phyag g.yas pas 'phan gsum gyi phyag rgya dang ldan pa rtsa ba'i sngags sam/ yi ge hUM gis dkyil 'khor gyi dbus su bskyed nas bzhag par bya'o/ /sngags de kho na lha mo thams cad zhal gsum phyag drug phyag dang po gnyis kyis kha TwAM dang thod pa 'dzin

  118. 59b

    pa gzhag par bya'o/ /sgo la yang sgo srungs glang sna zhes pa la sogs pa bzhi lcags kyu dang/ zhags pa dang lcags sgrog dang dril bus phyag brel bar zhal gcig phyag gnyis pa bkod pa'o/ /lha mo me tog ma dang/ spos me ma dang/ mar me ma dang/ dri chab ma dang/ zhes bya ba rnams kyang me tog ma la sogs pa 'dzin par bri bar bya'o/ /de 'dra ba'i bcom ldan 'das 'khor lha mo dang 'dra ba'i dkyil 'khor gyi dbus su bskyed nas bgug ste/ mchod cing gsol nas khrag chen gyis phyogs bzhi la gtor bar bya'o/ /yi ge b+hyo gang sgrogs bzhad pas sngags bzla bar bya ste/ mar khu chen pos bskus pa'i yungs kar dkar pos ro langs ma de'i ngo la brdeg par bya'o/ /de nas mo ag tsar che zhing sa gsum rang gi sgras gang bar byed pa yang langs so/ / de mthong nas 'jigs par mi bya ste/ lha'i sbyor ba mngon du byed cing nga rgyal dang bcas nas gnas par bya'o/ /gzhan du 'da' bar gyur na slob ma dang bcas par bsgrub pa po shi ba'o/ /de nas de grub ma thag tu bdag gis ci bgyi zhes bka' nod par 'gyur ro/ /sgrub pa pos yid kyis 'dod pa'i ral gri la sogs pa'i dngos grub kyang sbyin no/ /gdol pa mo dang sme sha can de gnyis bdag grub par ma gyur na/ gzhan gyi gzugs kyi bcom ma dang bzod byed dang/ bsgrub pa'i rim pa 'dis bya ste/ phyi nas bcom ldan 'das rdo rje khrag 'thung bdag dang bsgrub po gcig dang lhan cig bsgrub na 'grub pa the tshom med pa'o/ /ro langs ma bsgrub pa bstan pa'i le'u bcu pa'i rnam par bshad pa'o// //de ltar de'i rim pas 'dod chags la sogs pas 'dul ba'i skye bo rnams kyi don byas te/ bcom ldan 'das ci yang mi gsung ba'i ngo bos rtogs nas ni rnam par mi rtog pa'i bde ba chen po'i ros sku gsung thugs kun la 'bigs te longs spyod rdzogs pa'i skur bzhugs

  119. 60a

    par gyur to/ /de nyid kyi phyir gsungs pa/ de nas bcom ldan rdo rje can zhes pa la sogs pa ste/ 'byung 'jug gi mtshan nyid kyi dbugs kyi ting nge 'dzin gnas pas dbugs 'gog pa'i phyir mi g.yo mi gzigs par ting nge 'dzin mchog la zhugs pa bde ba chen po'i ye shes gnyis su med par gyur to zhes pa'i don to/ /da ni de 'dra ba'i bcom ldan 'das la yang zhus te/ bcom ldan rdo rje phra mo ni zhes pa la sogs pa ste/ de la rdo rje phra mo zhes pa na bde ba chen po'i ye shes so/ de ji ltar gnas she na/ sems can kun gyi yid la gnas shes pa'o/ /don ni 'di ltar gsung bar 'gyur te/ mngon par byang chub pa rnam pa lnga ji lta ba'i rim par chos kyi 'byung gnas kyi dbus su gnas pa'i ye shes sems dpa' kha nas thim pa yis/ /zla bar zhu ma thag zla ba'i dkyil 'khor dang yi ge hUM la sogs pas/ bskyed pa'i rdo rje la sogs pa dang rdo rje des rdo rje sems dpa' la sogs pa'i gzugs su bdag bskyed par bya ste/ phyi nas rjes su sbyor ba'i rim pas lha'i 'khor lo sprul te/ dkyil 'khor de'i dbus su 'dug pa bdag nyid gtso bo'i nga rgyal dang ldan par bya'o/ /de nas de'i 'og tu ni rang gi snying gar rdo rje phra mo byang chub sems rdo rje ye shes can bsam par bya'o/ /de'i snying gar yang phra mo'i yi ge hUM la sogs pa dang/ rang gi yi dam lha yang bkod nas lha'i byin bsgrub pa mngon du gyur pa'o/ /zhes bla ma'i man ngag go /yang na rdo rje phra mo zhes pa ni byang chub sems te chos thams cad gsal ba yi stong pa nyid kyi rang bzhin du bskyed pa ni sems can kun gyi yid la gnas zhes pa'o/ /de ltar yang gsungs pa/ sems can kun gyi yid la gnas/ /de bzhin gshegs pa kun gyi pha/ /'dod chags dam tshig mchog rnams kyi zhes pa'o/ /de

  120. 60b

    nyid sngon bzhin bshad ces pa la sogs pa ni kun rdzob byang chub kyi sems ston pas lan gsungs pa'o/ /de zos pa'i dngos grub kyi 'bras bu ston 'dod pas gsungs pa/ rtag par rgyun tu myang bar bya zhes pa la sogs pa ste/ rang gis zos par byas nas sngags rgyud mkhas pas rang gis rig nas bza' bar bya'o/ /dag par bya ba dang sbyang ba'i rim pa ni ma gsungs te/ lha'i sbyor ba kho na yis byang chub sems la sogs pa bdag nyid kyi phyir ro/ /rdo rje bdud rtsi'i rgyud 'di ni zhes pa la sogs pas ni rgyud 'di'i che ba ston cing 'dug pa gsungs te/ de la don mang yang zhes pa ni/ phyag rgya la sogs pa bsgrub pa mthar thug pa'i don mang ba'o/ /gang du zhes pa ni ldan pa mdor bsdus pa'o/ /gsang ba'i rim pa zhes pa ni/ gsang ba'i rjes su myong ba'i mtshan nyid dang ldan par byas te/ ma lus pa'i rdo rje theg pa chen po yin pa de'i phyir de las byung bas na gsang ba'i rim pa can no/ /'di ni gsang ba chen po zhes pa la sogs pa ni/ gsang ba'i dbang po gnyis gcig snyoms par zhugs pa ni gsang chen te/ bde ba chen po gnyis su med pa'i ye shes zhes bya'o/ /mya ngan las 'das pa'i ngo bo nyid kyi phyir na dam pa zhes bya ste/ bde ba chen po so so rang gis rig pa'i phyir yid dga' o/ /kun gyi bdag la pho dang mo'i gzugs de la rtag par gnas so/ /de nyid kyi phyir na/ byang chub sems dpas ma shes te zhes te/ bcom ldan 'das kyis sten na yang des mi thob pa'i phyir ro/ /de nyid kyi phyir na/ gzugs med ces te/ mig gi rnam par shes pa'i spyod yul ma yin pa'i phyir ro/ /'o na ci 'dra ba zhe na stong pa zhes te/ de bzhin nyid kyi rang bzhin phyi nang rtog pa'i dra ba bsal ba nyid kyi phyir ro/ /mi 'gyur ba zhes

  121. 61a

    pa ni/ g.yo ba med pa zhes pa'i don to/ /de ni de nyid ces te bden pa'o/ /de ltar yang gsungs pa/ sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs shes pa'o/ /rdo rje spyi gtsug nor bu zhes pa ni/ thig le'i rgyan gyi rnam pa'i gzugs nyid kyi phyir ro/ /de bas na shin tu gsangs nas bzung lha mo zhes pa'o/ /'dor ba zhes pa la sogs pa ni/ rgyud 'di'i 'dor ba bzhin du gzhag pa la/ dga' ma khyod la yang bdag gis bstan pas na zung zhig /shin tu dkon pa'i phyir ro/ /de ltar gsungs ma thag tu bcom ldan 'das kyi dkyil 'khor dang bcas par phra mo'i gzugs su gyur te/ bde ba chen po'i ngo bos shes rab kyi pha rol tu phyin pa'i ye shes kyi rang bzhin sa gsum gyi bdag nyid/ dngos po thams cad gnyis su med pa'i mtshan nyid chos kyi 'byung gnas yi ge e gru gsum gyi dbyings b+ha ga'i phyogs la chos dang longs spyod rdzogs pa'i sku yis khyab nas gsum du khyab par bzhugs so zhes pa'o/ /de bas na rnal 'byor pa yis kyang lha'i sbyor ba goms par byas te phyi na 'khor ba 'dus pa'i sku la gnas par bya'o zhes so/ /gsang sngags shin tu dka' ba'i tshig dang gsang ba de nyid don ldan rdo rje bdud rtsi zhes bya'i rgyud/ /gang gis ji ltar don bzhin bshad par 'dod pa'i blun po dri ma med pa 'di las gyur/ /bdag gis 'ga' zhig shes nas 'grel pa 'di las thob pa dri ma med pa'i dge ba gang/ /des kyang ma lus 'jig rten 'di dag rtog pa'i dra ba bsal nas bde ba dam pa dang mnyam shog /dam pa'i bde ba gnyis med blo yi dngos grub rgyu yi phyir/ /mdza' yas

  122. 61b

    rgyud kyi snying po 'di'i 'grel mkhan ni/ /gang zhig 'dod pa 'ga' ba sngags kyi mthar gru gyur pa yis/ /yon tan rnams la dri ma med pa'i bzang po zhes bya'o/ /rgya gar gyi mkhan po smri ti dz+nyA na nyid kyis bsgyur cing bshad nas gtan la phab pa'i rdo rje bdud rtsi rgyud kyi rnam par bshad pa rdzogs so// //dpal bdud rtsi 'grel pa bzhugs so// // */ /rgya gar skad du/ sh+rI badzrA mri ta mahA tan+tA rA dzI sya TI kA nA ma/ bod skad du/ dpal rdo rje bdud rtsi'i rgyud kyi rgyal po chen po'i rgya cher 'grel zhes bya ba/ mkha' 'gro ma rnams la phyag 'tshal lo/ /tshangs pa gzi brjid thig le mchog /'dod chags tshogs rnams rnam dag pa/ /bla ma zla ba lta bu dang/ /rdo rje bdud rtsi'i zhabs btud nas/ /rdo rje bdud rtsi'i rgya cher 'grel bshad bya/ /rgyud 'di'i brjod par bya ba ni gsang ba'i dkyil 'khor gyi bdag nyid kyi bcom ldan 'das rdo rje bdud rtsi'o/ /de rjod par byed pa nyid kyis ? 'di yang de'i mngon par brjod par bzhed do/ /brjod bya dang rjod byed ni smra bya dang smra byed nyid du mtshan nyid du 'brel pa'o/ /'dis gdul bya'i skye bo gzhug cing rtog pa ni dgos pa'o/ /mya ngan las 'das pa'i bdud rtsi la sogs pa'i 'bras bu thob pa ni dgos pa'i dgos pa'o/ / 'dir rjod par byed pa dang brjod par bya ba dang 'bral pa dang dgos pa'i dgos pa rnams rtogs par bya ba ni/ le'u bcu gcig gi rgyud 'dir nges par bstan pa'o/ /dang por gsang ba'i dkyil 'khor byed pa'i le'u nges par bstan pa'i rang bzhin gyi bcom ldan 'das ma sdud par byed pa mA ma kI gnas la sogs pa phun sum tshogs pa rjod pa sngon du 'gro ba nas brtsams te gsungs pa/ /'di skad bdag gis shes pa la sogs pa'o/ /'di skad ces pa ni rgyud yongs su rdzogs pa'i mthar thug

  123. 62a

    pa'i don rnams 'dir bsdus pa'o/ /bdag gis zhes pa ni gzhan du brgyud pa las 'ongs pa ni ma yin gyi/ mA ma kI bdag nyid kyis mngon sum du yin no/ /thos pa zhes pa ni chos kyi rnam grangs bdag nyid kyis nyams su myong ba ste/ 'di skad kyi sgras bsdus par rtogs so/ /nam thos zhes pa la gsungs gcig ces pa la sogs pa'o/ /gcig gi sgras ni mnyam par ma gzhag pa'i dus dkar ba'o/ /de gsungs par gyur pa/ gang zhig nyon mongs mdza' bral ba'i/ /bcom ldan yid bzhin nor bu lha/ /bsam gyis mi khyab gnyis med pa/ /ting 'dzin skye ba'i chos ston pa/ /bdud rtsi'i char ni 'gro la 'bab/ /de ru rgyun mi 'chad pa ru/ /chos rnams ston pa mnyam gzhag dus/ / zhes pa'o/ /gang las thos zhes pa la gsungs pa/ bcom ldan 'das te bzhugs zhes pa 'dir 'brel to/ /bcom ldan 'das nyid kyis ston pa po yin pa nyid kyi skabs nyid kyis bcom ldan 'das las dngos su zhes pa la sogs pa shugs kyis go ba'o/ /bdud rtsi'i rnal 'byor gyi dbang phyug nyid kyis bcom ldan 'das sam/ sgrib pa thams cad kyi gnyen por gyur par bla na med pa'i shes rab ni b+ha ga zhes pa ste bcom ldan 'das so/ /gang du bzhugs nas bcom ldan 'das kyis 'di gsungs zhes pa la gsungs pa/ de bzhin gshegs pa thams cad ces pa la sogs pa'o/ /de thams cad kyang yin la de bzhin gshegs pa yang yin pas na/ de bzhin gshegs pa thams cad ni sku rdo rje la sogs pa ste/ ji lta ba bzhin du gsungs pa'i bdud rtsi'i thabs kyis bdud rtsir gshegs pa ni/ de bzhin gshegs pa rnams so/ /sku rdo rje ni rnam par snang mdzad do/ /gsung rdo rje ni snang ba mdza' yas so/ /thugs rdo rje ni

  124. 62b

    mi bskyod pa'o/ /de rnams kyi snying po ni mchog tu dga' ba las skyed pa gzhig tu med pa'o/ /rgyu las 'bras bu nye bar btags pas na 'di nyid ni rdo rje bdud rtsi'o/ /de la gsang pa'i pad+ma gang zhig la gnas pa ni gsang ba'i pad+mar dgongs so/ /gsang ba'i pad+ma zhes pa ni spyan ma dang/ /sgrol ma dang gos dkar mo rnams kyi chos kyi 'byung gnas so/ /lha mo gsum gyi gdan ni rnal 'byor gyi gnas su gyur pa de rnams su/ gdul bya'i skye bo rnams rjes su bzung ba'i don du rdzu 'phrul gyis bzhugs so/ /yang na rigs gsum dbyer med pa gnyis su med par rdzogs pa bcom ldan 'das rdo rje bdud rtsi de'i gzhi chos kyi 'byung gnas gzhal yas khang gi dbus su gru gsum rnal 'byor gyi gnas kyi steng du/ gsang ba'i pad+ma 'dab ma stong dang ldan pa'i lte bar bzhugs so/ /bzhugs zhes pa ni rnam pa sna tshogs pa rdo rje bdud rtsis bstan pa'i mA ma kI'i yid 'phrog ces pa'i don to/ /ci bcom ldan 'das gcig bu der bzhugs sam zhes pa la/ gsungs pa/ rol rtsed bcom ldan rdo rje can zhes pa la sogs pa'o/ /rol rtsed ces pa ni lha mo dang bcas par rol pas bla na med pa'i rol rtsed la longs spyod pa ste/ rdo rje bdud rtsi'i mA ma kI thag nye ba na gnas pa la gzigs nas tshigs su bcad pa gsum pa'i dgongs pas rdo rje bdud rtsi'i de kho na nyid la rnam par gnas nas 'di nyid grub ces nye bar bsdus te ston par bzhed pas/ rol rtsed la longs spyod pa ni/ mA ma kI dang bcas par longs spyod ces pa'i don to/ /dbang phyug la sogs pa'i yon tan dang ldan pas bcom ldan 'das so/ /rtsa lnga pa ni ye shes kyi rdo rje zhes pa 'dis na rdo rje can ni rdo rje bdud rtsi'o/ /mA ma kI zhes pa ni rdo rje rigs

  125. 63a

    kyi bdag po'i ltar rab tu gnas pa ste/ rang gi zhabs kyis rtsa bar 'khor ba'i pho nya ma de rnams dang bcas par man ngag brgyad po 'dis bden par bsgoms pa'o/ /ci'i phyir byang chub sems dpa' la sogs pa'i 'khor ma gsungs zhes pa'i dgos pa gsal ba'i phyir/ mA ma kI la sogs pa'i phyag rgya dang yang dag par sbyor bsgoms pas ji lta bur 'gyur ba'o/ /de kho na nyid kyi man ngag nyams su myong ba bsgrub par/ 'khol 'dod pas dngos su byed de/ rdo rje 'khor gyi tshul du mA ma kI yang nye bar bstan gyi/ byang chub sems dpa' i 'khor ni ma yin zhes brjod pa'o/ /de bzhin du yang bsang ba'i mdzod las gsungs pa phyag na rdo rje gsang bdag la/ rdo rje dri ma rnyed nas ni/ /sems can gyi ni don gyis shig /phyag na rdo rjes kyang de lta/ ngo mtshar khro mo zhes pa 'dis/ /sems can gyi ni don bya'o zhes pa la sogs pa'o/ /grong mchog ces pa ni de ma thag tu gsungs pa'i gzhal yas khang ngo/ /de ltar gnas la sogs pa'i gleng gzhi phun sum tshogs pa bstan nas/ da ni bdud rtsir 'dod pa'i rgyud nyan par 'dod pa la bcom ldan 'das kyis chos ston par brtson te/ 'dir gsol ba 'debs pa gsungs pa/ de ru lha mo des zhus pa zhes pa la sogs pa'o/ /zhus pa zhes pa ni 'chad par 'gyur ba'i man ngag go /der zhes pa ni gzhal yas khang du'o/ /des zhes pa ni mA ma kIs so/ /dam pa'i chos kyi rol rtsed la dga' bas lha mo'o/ /gsang ba zhes pa ni gzhan byang chub sems dpa' la sogs pa'i lha rnams med par gnas pas so tu'i sgra ni bden pa'i don to/ /bag chags kyi nyes pa mdza' dag gsal ba dang bla na med pa'i bdud rtsi thob par bya ba'i phyir de rtogs pa'i thabs ston par bshad pa'i

  126. 63b

    rdo rje can rtogs pa dris zhes par dgongs so/ /ci zhig dris zhes pa la gsungs pa/ lha khyod nyid kyis sngon du gsungs zhes pa'o/ /gsungs zhes pa mi gnas pa'i mya ngan las 'das pa bsdus pa'o/ /lha'i dngos ni lha'o/ /gzhan yang 'di ltar rje bo'i bye brag bud med rnams lha'i sgra chags pa dang bcas pa'i gtam byed ces pa'o/ /khyod ces pa ni rdo rje bdud rtsis so/ /sngon du zhes pa ni thog mar te/ 'dir mA ma kI thag nye ba la gzigs nas zhes pa'i don te/ rdo rje bdud rtsis thog ma'i 'khor rnams la mA ma kI thag nye ba la gzigs pa ni rgyud kyi don nye bar bsdus pa'i tshigs su bcad pa gsum pa'i dgongs pas rtogs par bya'o/ /de bzhin du yang gsungs pa/ sdug pa'i pad+ma bltas nas ni/ / nga yis de nyid rab gsal bya zhes pa'o/ /yang na rdo rje bdud rtsi'i stong phrag bcu gnyis pa sngon gsungs pa de las yang 'dir bsdus te brjod par bya zhes pa ste/ de'i dus la bltos nas sngon gyi sgra blta bar bya ba ni gzhan no/ /ci zhig gsungs zhes pa la gsungs pa/ rdo rje bdud rtsi rgyud kyi mchog ces pa la sogs pa'o/ /rdo rje bdud rtsi'i snying po'o/ /dkyil 'khor 'khor dang bsgom pa la sogs pa bsdus pas sam skyob pas na rgyud do/ /ming ci zhig snyam pa la gsungs pa rdo rje zhes pa la sogs pa ste/ rdo rje bdud rtsi ming can no/ /rgyud thams cad las phul du byung bas na mchog go /bdud rtsi ni mya ngan las 'das pa'o/ /de'i sgrub thabs ni dngos su byed pa'i don te/ thabs kyi rgyu'o/ /de ni rang gis gsungs zhes pa ni rab tu gsal bar mdzod cig pa'o/ /de ltar bcom ldan 'das la gsol ba btab nas/ sngon du nye bar bsdus pa'i rgyud kyi don nye bar rtogs par bya ba'i phyir bstan pa gsungs pa/ bcom

  127. 64a

    ldan rdo rje bka' stsal zhes pa la sogs pa'o/ /zhes pa'i sgra ni gsol ba btab pa'i de ma thag tu'o/ /bka' stsal zhes pa ni gsungs pa'o/ /ci zhig gsungs zhes pa la gsungs pa/ bsam gyis mi khyab ces pa la sogs pa ste gsungs zhes pa 'dir 'brel to/ /bsam gyis mi khyab ces pa ni bsam du med pa'i chos kyi dbyings kyi rgyu byed pa'i phyir bsam pa dang bral ba'o/ /zad pa ni brlag pa la sogs pa'o/ /zad pa med pa ni brlag pa med pa ste/ ma skyes pa dang mi 'gag pa dang/ chos nyid dang rgyu med ba zhes pa'i don to/ /gzugs la sogs pa'i yul rnams las ldog par byed pa nyid kyis phra ba'o/ /la la na re phra ba'i sgras ni bdag la sogs par brjod de/ de rnams kun tu bsdus pa nyid kyis phra rab brjod do/ /don med pa ni 'bras bu med pa ste/ don med pa yin pa ni don can te 'bras bu dang bcas zhes pa'i don to/ /dbang po las 'das zhes pa ni sku dang gsung mig la sogs pa'i dbang po rnams kyi yul ma yin zhing/ chos kyi de kho na nyid kyi rgyur gyur pa nyid kyis dbang po las 'das pa'o/ /dbang po'i sgras ni byed par brjod do/ /mig la sogs pa'i dbang po'i byed pa dang 'bral bas de kho na nyid nye bar bsdus pas dbang po las 'das zhes pa'o/ /gzhan yang mchog ni yang dag par khyad bar du 'phags pa'o/ /'dod chags la sogs pa'i chos rnams nye bar zhi bar byed pa'i phyir/ rgyu nyid kyis zhi bar byed pa'i phyir/ rgyu nyid kyis zhi ba'o/ /sgrib pa thams cad spang ba'i phyir rnam par dag pa'o/ /rdo rje bdud rtsi zhes pa la dbyer mi phyed pa'i ye shes so/ /bdud rtsi ni mya ngan las 'das pa ste/ de bzhin du de'i rgyu yin pa nyid kyis rdo rje bdud rtsi'i rgyud kyang de ltar gyur pa'i rang bzhin no/ /gsungs

  128. 64b

    pa ni mngon du bsdus pa yin no/ /'dis ni rang gi nye bar rtogs pa bcom ldan 'das kyis bdag la ston zhes pa ste/ de ltar sngon du bsdus pa'i rgyud mA ma kIs rjes su dran nas/ nga ni bcom ldan 'das kyis rdo rje bdud rtsi'i ting nge 'dzin gyis de kho na nyid gang zhig mngon sum du mdzad pa gang zhig /rgyud gzhan rnams sbas pa de bcom ldan 'das kyis bdag la gzhan ma yin par gsungs zhes pa'o/ /nye bar bstan pa'i phyir gsungs pa/ de nas bcom ldan rdo rje can zhes pa la sogs pa ste/ bcom ldan rdo rje can bka' stsal zhes so/ /rdo rje bdud rtsi bde ba che/ /zhes pa 'dir 'brel to/ /de nas zhes pa ni zhus pa'i de ma thag tu bcom ldan 'das kyis zhes pa'i tshig gi don to/ /ci zhig gsungs zhes pa la rdo rje bdud rtsi'i ting nge 'dzin gyis zhes pa la sogs pa'o/ /rdo rje bdud rtsi'i ting nge 'dzin gyis zhes pa ni/ rtsi'i 'o ma'i rang bzhin gshig tu med pa'i rdzogs pa'i dkyil 'khor gyi rnal 'byor gyis rdo rje bdud rtsi yang dag par sbyor pa bsgoms pa'i khyad par ni rdo rje bdud rtsi'i ting nge 'dzin no/ /de nyid bye brag du bya ba'i phyir gsungs pa/ mA ma kI zhes pa ni mA ma kI dang bcas par yang dag par sbyor ba'i bsgoms pa 'di ni chags pa'i sbyor ba ste/ ting nge 'dzin shin tu zhen pa'o/ / mA ma kI la chags pa dang ldan pa des rdo rje bdud rtsi'i ting nge 'dzin gyi byed pa por gyur pa 'am rgyur gyur pa'o gsang ba'i de kho na nyid rab tu gsal mdzad pa ni/ nga yis mngon sum du byas pa 'am mngon sum du gyur pa ste/ ting nge 'dzin 'di nga yis spyad ces bsdus par gyur to/ /de bzhin du yang gsang ba'i mdzod las phyag na rdo rje la gsungs pa/ gsang ba zhes bya kun tu sbyad par bya zhes pa'o/ /'dir ci zhig gsungs rdo rje bdud rtsi'i ting nge 'dzin 'di gzhan du yang gsungs pa ma yin nam/ gong gis de

  129. 65a

    rab tu gsal bar mdzad ces pa la gsungs pa/ sbas pa zhes pa ste ma gsungs pa'o/ /gang gi phyir 'di bstan pa ni bud med rnams nyid yin gyi gzhan rnams su gzhung 'di sbas zhes par dgongs so/ /yang gsang ba'i mdzod las phyag na rdo rje la gsungs pa/ bud med slob mar byas nas ni/ thams cad de nyid bstan par bya zhes bya'o/ /gang du sbas zhes pa la gsungs pa/ rgyud rnams kun tu zhes pa ni dam pa dang po dang gsang ba 'dus pa la sogs pa'i rtsa ba dang rgyud phyi ma rnams su'o/ /ci zhig sbas zhes pa la/ ye shes zhes pa la sogs pa'o/ /ye shes zhes pa ni de kho na nyid phyin ci ma log par bshad pa'o/ /rdo rje ltar mi phyed pas na bdud rtsi'i ming can no/ / mchog ni bla na med pa nyid kyis so/ /de bshad pa ni bcom ldan 'das kyis ting nge 'dzin 'di nyid du gsungs zhes pa'o/ /de ni zhes pa ni gang zhig nga yis rtogs pa rgyud gzhan du sbas pa de 'dir bshad par bya ba ste/ de ni bshad kyis nyon zhes pa 'dir 'brel to/ /de kho na nyid kyang rang rig pa nyid kyis 'di zhes tshig gis brjod par mi nus pas/ brda'i tshig gis rab tu gsal ba 'am snyoms par bzhugs pa'i rnal 'byor gyis shes par 'gyur te/ snyoms par 'jug pa yang 'khyud pa la sogs pa sngon du 'gro ba zhes pas 'dir de rtogs par bya'o/ /don du 'khyud pa la sogs pa'i byed pa'i brdas nye bar longs spyod pa'i sgrub thabs kyang rim par brjod pa'i phyir gsungs pa/ dam du 'khyud cing 'os byas te/ zhes pa la sogs pa'o/ /dam du ni shin tu'o/ /'khyud ces pa ni lag pa gnyis kyis mgrin pa la 'khyud pa'o/ /'o byas te zhes pa ni 'o bya ba'o/ /gnas rnams su khas par yang dag par

  130. 65b

    rig pas 'dar ba la sogs pa'i mtshan nyid do/ /chags pa'i rol pas zhes pa la chags pa la ni 'o la sogs pa mdza' zhing sdug pa ste des rol pa ni kha'i longs spyod do/ /des mnyam par sbyor zhing nye bar longs spyod pa nges 'grub ces par 'brel to/ /glu zhes pa ni dbyangs kyi tshig tu gyur pa'o/ /rol mo zhes pa ni gling bu dang pi bang dang rdza rnga la sogs pa'o/ /'grub ces pa ni bde ba'i byed pas rdzogs shing so sor gsal ba'i spyod yul du 'gyur zhes pa'i don to/ /dus mi ring bas zhes pa ni/ 'o la sogs pa'i de ma thag tu'o/ /lha mo zhes pa ni bod pa'o/ /ci zhig 'grub ces pa la gsungs pa/ rgyud ces pa la sogs pa'o/ /rgyud ces pa ni rgyu la 'bras bu'i ming btags nas sgra'i tshogs la sogs pa'i rgyu rdo rje bdud rtsi'i snying po'i yi ge der rdzogs nas/ der de yongs su gyur pa la rdo rje bdud rtsi rjod par byed pa/ rdo rje bdud rtsi'i rgyud nyid la gzhug ces par dgongs so/ /mchog ni khyad par du 'phags pa'o/ /'dis ni 'di ltar gsungs par gyur te/ 'o la sogs pa'i byed pas mngon pa'i nga rgyal can gyi bde ba skye ste/ de nas dbang po gnyis kyi snyoms par 'jug pas snyoms 'jug pa'i bde ba'o/ /de las rdo rje bdud rtsi'i de kho na nyid skye zhing so sor gsal ba'i spyod yul du 'gyur te/ des ni sgra'i tshogs kyis bdag nyid kyi rgyud nyid kyis 'grub ces pa'o/ /de ltar 'khyud pa la sogs pa'i byed pa ni rgyas par bstan pas rdo rje bdud rtsi nyid yang dag par rtogs pa'o/ /de nyid brdas rgyas par bstan pa gsungs pas/ bdud rtsi zhes pa la sogs pa'o/ /bdud rtsi sgras khu ba'o/ /khu ba zhes pa ni khu ba'i thig le ltar bskyed pa'i rgyu nyid kyis 'chang bar 'gyur ba'i snying po'i yi ge yin/ /la lar rab tu

  131. 66a

    byed pa'i dbang gis sgra ji bzhin par byang chub kyi sems nyid la brjod do/ /de yis zhes pa ni de'i phyir te de lta bu'i rnam par bdud rtsi'i yi ges so/ /rab tu bsdus zhes pa ni 'gro ba'o/ /'gro ba gsum gyi ri mo dang ldan pa'i dkyil 'khor zhes pa'i don to/ /brdas de kho na nyid rgyas par bstan nas/ de'i sgrub thabs gsungs pa/ de'i sgrub thabs zhes pa la sogs pa'o/ /de'i zhes pa ni 'gro ba skyed byed kyi de nyid do/ /sgrub thabs ni gang gis sgrub par bya'o/ /de nas zhes pa ni 'gro ba skyed byed nas so/ /bshad ces pa nas nam bshad par bya zhes pa'o/ /khyod 'dod don du zhes pa ni khyod 'dod pa'i ched du'o/ /gang zhal zla ba lta bu de ni de bzhin no/ /de ci rgyas par bshad dam zhes pa la gsungs pa/ brjod ces pa la sogs pa'o/ /mdor bsdus pa ni shin tu bsdus nas so/ /de nam zhes pa ni de kho na nyid do/ /nga yis ni rang gis so/ /brjod pa ni gzhung ngo/ /nyon zhes pa ni rna ba blags te zhes pa'i don to/ /khyod gcig pu 'dod pa'i ched du bshad pa ni ma yin no/ /'on kyang sems can mdza' dag gi don du ste/ de nyid gsungs pa/ sems can kun la zhes pa la sogs pa'o/ /rnal 'byor zhes pa ni lha rnams kyi rnal 'byor ro/ /der yang lha rnams kyi rnal 'byor bsgom pa'o/ /de'i don du bdud rtsi'i snying po'o/ /mchog ni gtso bo'o/ /gang zhig ces pa ni de kho na nyid do/ /shes pas zhes pa ni/ mngon par rtogs pa'o/ /myur du zhes pa ni skye ba 'di nyid do/ /rnal 'byor pa zhes pa ni/ bsgrub pa po'o/ /'khor ba'i 'ching ba las zhes pa ni srid par bying ba las so/ /grol zhes pa ni thar pa thob pa'o/ /slar yang de'i bye brag tu bstan pa'i phyir gsungs pa gsal mi bya zhes pa la sogs pa ste/ dam tshig med

  132. 66b

    pa rnams la mi bstan pa nyid kyis na shin tu gsang nas dam tshig can rnams la bstan par bya zhes dgongs so/ /ye shes chen po ni byang chub kyi sems te de'i rang bzhin zhes pa'i don to/ /'grub ces pa ni 'jig rten gsum gyi dngos grub kyi rang bzhin no/ /'jig rten gsum zhes pa ni srid pa gsum gyi dbang phyug go /de'i sgrub thabs ni rgyu'o/ /sku gsung thugs zhes pa ni rdo rje bdud rtsi'i sku gsung thugs so/ /'grub don ni rdzogs par bya ba'i ched du'o/ /sgrub po rnams zhes pa ni rdo rje sgrub cing brten pa'i sngags rnams so/ /bde thob ces pa ni de rnams kyis bla na med pa'i bde ba bde ba'i yid kyis thob pa'o/ /de lta bu'i sgrub thabs kyi bye brag nyid gsungs pa/ rdo rje pad+ma zhes pa la sogs pa'o/ /rdo rje'i tshig 'dis don gsum pa bstan te/ rdo rje dang pad+ma mnyam par sbyor ba las reg pa'i bde bas rdo rje dang pad+ma'o/ /'o byas pas kyang rdo rje bdud rtsi'i snying po'i yi ge'i bdag nyid kyi de kho na nyid shes pa'i bde ba rang rig pa'i spyod yul du gyur pa'am/ bcom ldan 'das ma'i rang bzhin nyid du yang dag par sbyor ba byas nas nga yis de nyid rab tu gsal por bya zhes so/ /don gsum po 'di dag gi dgongs pa bde blag tu bsdu ba'i phyir/ sdud par byed pa pos rdo rje tshig 'di lta bu nye bar bsdus so/ /rdo rje zhes pa ni skyes pa'i dbang po'o/ /pad+ma zhes pa ni bud med kyi dbang pos te de dag yang dag par sbyor ba las/ reg pa nye bar longs spyod pa'i bye brag des rdo rje bdud rtsi yang dag par 'byung zhes par 'brel to/ /byang chub sems kyi thig le nyid ni mi 'gyur ba'i yi ge ste/ rdo rje bdud rtsi zhes brjod do/ /de bzhin du brdas de kho na nyid do/ /de las yang dag par byung ba ni skyes pa ste ye shes kyi rang rig pa'i tshul gyis so sor gsal ba'o/ /gang du b+ha ga'i pad+ma der de

  133. 67a

    bzhin du gsungs pa ste/ de la rnal 'byor pas 'o bya ba ni phyi nang gi lces reg par bya zhes pa'i don to/ /rdo rje dang pad+ma yang dag par sbyor bas ni skyes pa ni/ gang zhig rdo rje bsgrub pa'o/ /de la phyag rgyas 'o bya ba ni/ des na mnyam par yang dag par 'o bya zhing bzhib par bya zhes pa'i don to/ /rdo rje bdud rtsi yang dag 'byung/ /b+ha ga'i pad+mar 'o bya'o/ /zhes pa 'dis ni mnyam par chags zhes par dgongs so/ /da ltar gyur pa 'dis chos kyi de kho na nyid 'di ltar chos bstan pa'i rim pa bzhin gsal bar mdzod cig pa'o/ /'dir zhes pa ni bstan par 'gyur ba'o/ /de bzhin du yang gsang ba 'dus pa las/ de bzhin gshegs pa thams cad kyang 'dod pa la ci yang mi gsung bar gyur zhes pa'o/ /de ltar bcom ldan 'das kyis nye bar gsungs nas/ de kho na nyid rtogs par bya ba la dkyil 'khor de nyid bsgom pa'i don du dkyil 'khor zhus pa gsungs pa/ de nas dgyes shes zhes pa la sogs pa'o/ /de nas zhes pa ni de kho na nyid thos pa'i de ma thag tu'o/ /dgyes zhes pa ni rangs pa'o/ /de zhes pa ni mA ma kI'o/ /dgyes pa'i rgyu gsungs pa b+ha ga zhes pa la sogs pa'o/ /b+ha ga'i pad+mar 'o dang rab tu sbyor bas de kho na nyid rtogs par 'gyur zhes pas na rgyu'o/ /dgyes nas ci zhig byed ces pa la gsungs pa/ zhus zhes pa la sogs pa'o/ /ci zhig zhus zhes pa la dkyil 'khor zhes pa la sogs pa'o/ /dkyil 'khor ni rdo rje bdud rtsis so ma la sogs pa'i lha rnams kyi bkod pa'o/ /nyes pa mdza' dag dang bral bas yid du 'ong ba'o/ /nyan thos la sogs pa rnams dang thun mong ma yin pa nyid kyis gsang ba'o/ /rdo rje bdud rtsi 'byung zhes pa ni rdo rje bdud rtsi'i snying po 'byung ba 'am/ der rdo rje bdud rtsi yis rab tu bcing ba'o/ /zhus pa nyid

  134. 67b

    gsungs pa/ cho ga dag ni gang zhig gis zhes pa la sogs pa'o/ /gang zhes pa ni thig gdab pa la sogs pa'o/ /cho ga ni chu dang zheng du'o/ /mchod pa'i dkyil 'khor zhes pa ni mchod pa la 'jug pa'i rgyur ram/ mchod pa byed pa nyid do/ /dkyil 'khor ni mchod pa'i dkyil 'khor te/ sangs rgyas rnams kyi ye shes kyi snying po'i skye ba'i gzhi'o/ /brtsam zhes pa ni ji ltar de nyid rnam par rdzogs par rab tu brtsam par bya'o/ /mchod pa zhes pa ni mchod pa'i bye brag gis mchod par bya'o/ /ji lta bu zhes pa ni ji lta bu'i chul gyis so/ /der ru zhes pa ni dkyil 'khor du'o/ /sgrub pa zhes pa ni dkyil 'khor ba'i lha rnams so/ /thabs ni dkyil 'khor byin gyis brlab pa'o/ /ci rnam pa gang gis dri ba gsum pa 'di rnams ji ltar brjod snyam pa la rang gis bka' drin gyis zhes pa ste 'jig rten na rab tu grags so/ /shin tu chags chen ni rdo rje bdud rtsi ste/ de dag nyid yin pa nyid kyis shin tu chags chen no/ /rnyed dka' ba zhes pa ni sangs rgyas 'byung ba dus ring pos kyang mi thob pa dang/ shin tu chags chen yang da las rnyed par dka' zhes bsdu ba'o/ /da ni lha rnams kyi rim pa dris pa'i lan bstan pa'i phyir gsungs pa/ de nas bcom ldan 'das zhes pa la sogs pa'o/ /de nas zhes pa ni zhus pa'i de ma thag tu'o/ /tu'i sgra ni tshig kha bskang ba'i phyir ro/ /bcom ldan zhes pa ni tshig gi don to/ /de zhes pa de de kho na nyid gsal bar bya ba'i phyir gang zhig gsungs pa'i rdo rje la byas par gyur pas dgyes pa'o/ /dgyes par gyur pa ni rangs pas cung zad gzhad pa'o/ /'di zhes pa ni thugs la gnas pa 'am 'chad par 'gyur ba rnams so/ /gsungs zhes pa ni gsung bar 'gyur ba'o/ /ci zhig gsungs zhes pa la gsungs pa/ sku gsung thugs ni 'grub don tu zhes pa la sogs pa'o/ /sku gsung thugs zhes pa ni/

  135. 68a

    rdo rje bdud rtsi'i sku gsung thugs te rdzogs par bya ba'i ched du'o/ /'khor ba zhes pa ni brgal bar dka' ba nyid kyis 'khor ba nyid ni rgya mtsho ste/ rgya mtsho der bying ba'i sems can rnams sgrol ba ni 'grol ba ste/ pha rol gyi 'gram thob par byed pa'o/ /shin tu chags chen zhes pa ni rdo rje bdud rtsi'o/ /yang dag sbyor ni gang du bsgoms pa de ni de bzhin no/ /dkyil 'khor zhes pa ni gang zhig 'dir snying po ye shes skye ba des na de kho na nyid la yang dag par gnas zhes dgongs pa'i don to/ /de nyid rgyas par bya ba'i phyir gsungs pa/ gru gsum zhes pa ni zur gsum mo/ /bri zhes pa ni rdul tshon sna lnga'i phye mas bri ba 'am/ bris pa dang 'dra bas bsgoms par bya'o/ /bri bar bya zhes pa 'dis bri ba'i tshig gzhan yang bsdu bar bya zhes pa'o/ /ji lta bu'i rnam pa zhes pa la gsungs pa/ gsang ba zhes pa sogs pa'o/ /gsang ba'i pad+ma zhes pa ni chos 'byung gi rnam pa'o/ /bdag ma zhes pa ni yang dag par bod pa'o/ /ci zhig bri bar bya ba zhes pa la pad+ma zhes pa la sogs pa'o/ /bya zhes pa ni thog mar pad+ma 'dab ma brgyad pa yang dag par bri ba'o/ /khyad par ji lta bu zhes pa la ge sar zhes pa la sogs pa'o/ /ge sar zhes pa logs kyi 'dab ma rnams so/ /gru gsum gyis sbas pas gsang ba ni mi mngon pa'o// gang zhig logs kyi ge sar nges bkab pas ni ma mthong ba'i spyod yul lo/ /ge sar ni lte ba'i spyod yul lo/ /dbus su zhes pa ni 'di lta bu'i 'phar ma gcig pa bri bar bya'o/ /de'i dbus su rdo rje bdud rtsi bzhag par bya zhes bstan pa'i phyir gsungs pa/ de'i zhes pa la sogs pa'o/ /de'i zhes pa dkyil 'khor dbus su/ /nga zhes pa ni rdo rje bdud rtsi'o/ /rig ces pa ni shes par bya zhing rnam par brtag par bya zhes pa'i don to/ /ci lta bur gyur pa zhes pa la gsungs pa zhal gsum zhes pa la sogs pa'o/ /pri yang ku lta bu

  136. 68b

    dang dkar po dang dmar po'o/ /kha dog ste gang gi zhal gsum po de ni de bzhin du gsungs so/ /rdo rje dang 'khor lo dang ral gri dang dril bu dang/ lcags kyu dang zhags pa ste mtshon cha rnams kyis brgyan pa'o/ /gang gi phyag gdug yin pa de ni de bzhin du gsungs so/ /gtso bo zhes pa ni dkyil 'khor gyi bdag po'o/ /zhal rnams rgyas par bstan pa'i phyir gsungs pa/ dkar min zhes pa la sogs pa'o/ /dang po'i zhal ni dkar min zhes pa ni pri yang ku lta bu'i mdog go /g.yas dang g.yon gyi zhal ni dkar po dmar po'o/ /lha'i rgyan gyis kun tu brgyan zhes pa ni/ rdo rje'i gtsug tor dang/ nor bu'i gcod pan dang/ ska rags dang/ dpung rgyan dang/ rkang rgyan la sogs pa'i rgyan gyis kun tu brgyan pa'o/ /lha'i phreng ba zhes pa ni a mi ta ka'i me tog gi phreng ba 'dzin pa'o/ /gos zhes pa ni sna tshogs bkra ba'i gos 'dzin pa'o/ /lha'i dri zhes pa ni rdo rje'i tshig 'dis gur gum ste/ lha'i dri'i gur gum nges byugs pa'i don no/ /'dis ni gzhan du mdog ser por bstan to/ /sngon du kha dog nag po brjod pa ni lha'i dri brjod pa'i don te/ pri yang ku lta bu'i kha dog ces gsungs pa'o/ /lhag ma'i lha rnams rigs gsum gyi rnam pa'i don du/ sngon du zhal nag po zhes gsungs so/ /lha'i dri zhes pa 'dis ni gzhan ser po dang ljang gu'i kha dog gnyis bsdus te/ de bsdus pa las dkyil 'khor la sogs pa'i cho gar rdul tshon lnga nges par mdzad do/ /gang zhig le'u lnga par mA ma kI'i phyag tu gnas pa'i rdo rje la sogs pa'i mtshan ma'i phyag rgya de nyid rdo rje bdud rtsi dang zla ba ma la sogs pa'i lha rnams sbyin par bya zhes don gyis shes par bya'o/ /lha'i dngos grub byed pa zhes pa la lha'i dngos grub ni lha la bdud rtsi dang dpal 'byor gyi dngos grub po/ /de rnams byed pa ni ster bar byed pa ste lha'i dngos grub byed pa ni dngos grub

  137. 69a

    kyi gtso bor dgongs so/ /zhi zhes pa ni zhi zhing ldan na phyag mtshan bstan ci'i phyir ma bstan snyam pa'i dog pa bsal sgeg pa'i ro'o/ /sku gsung thugs kyi rdo rje can zhes pa ni/ rigs gsum dbyer med pa'i bdag nyid ces pa'i don to/ /cung zad dmar ba lta bu'i 'od kyi dkyil 'khor can bdud rtsi'i dkyil 'khor gyi steng du sems dpa' i skyil mo krung gis bzhugs pa'o/ /dkyil 'khor gyi bdag po dgod pa bstan nas phyi'i 'phar ma bstan pa'i phyir gsungs pa/ phyi'i zhes pa la sogs pa'o/ /de'i zhes pa ni dkyil 'khor gru gsum gyi'o/ /phyi'i phyi rol te gru bzhi sgo bzhi par brtag pa'o/ /sgo rnams su sgo skyong dgod pa gsungs pa/ shar du khro gnyer can zhes pa la sogs pa ste/ thams cad zhal gsum phyag drug pa zhes pa'i tshig las/ shar sgor khro gnyer bsdus pa can khro bo'i rgyal po nam mkha' dang mnyam pa'i kha dog /zhal gsum ni nam mkha' dang dkar po dang/ dmar po'o/ /lcags kyu dang/ rdo rje dang ral gri dang/ 'khor lo dang zhags pa dang dril bus brel ba'i phyag drug go /sna tshogs pa'i rgyan dang rdo rje bdud rtsi'i po tis cod pa na mtshan pa/ dmar po'i 'od dang ldan pa zla ba'i dkyil 'khor gyi steng du 'gying bag gi zhabs kyis gnas pa'o/ /lho'i sgor mi bzad 'jigs pa kha dog dkar po ste/ zhal gsum ni dkar po dang/ nag po dang/ dmar po'o/ /phyag drug gis zhags pa dang/ rdo rje dang/ ral gri dang/ 'khor lo dang/ dril bu dang/ lcags kyus brel pa'o/ /rdo rje bdud rtsi'i po tis cod pan mtshan cing rgyan dang ldan pa zla ba'i steng du 'gying bag gi zhabs kyis bzhugs pa'o/ /nub kyi rta'i chu can/ kha dog dmar po'o/ /zhal gsum ni dmar po dang/ dkar po dang/ nag po'o/ /phyag drug tu lcags sgrog dang/ rdo rje dang ral gri dang 'khor lo dang dril bu dang lcags kyus brel ba nyi ma'i 'od

  138. 69b

    can rdo rje bdud rtsi'i po tis cod pan mtshan pa/ sna tshogs pa'i rgyan dang/ ldan pa nyi ma'i 'od can zla ba'i steng du 'gying bag gi zhabs kyis gnas par rab tu brtag go /byang sgor tshogs kyi gtso bo du rba ser po'i mdog can zhal gsum ni/ ser po dang dkar po dang nyi ma lta bu'o/ /phyag drug ni dril bu dang/ rdo rje dang/ ral gri dang 'khor lo dang/ lcags kyu zhags pas brel pa'o/ /dmar po rdo rje bdud rtsi'i cod pan sna tshogs pa'i rgyan can zla ba'i steng du 'gying bag gi zhabs kyis gnas pa'o/ /pad+ma'i 'dab ma rnams la lha mo rnams dgod par bya ba'i phyir gsungs pa/ rig ma zhes pa la sogs pa'o/ /ma rig pa'i mi mthun pa'i phyogs yin pa'i phyir ram/ rig par 'gyur ba nyid kyis rig ma ni lha mo'o/ /bri zhes pa ni 'dir ting nge 'dzin gyi dkyil 'khor te bris pa dang 'dri ba bsgom par bya'o/ /yang rdul tshon gyi dkyil 'khor du dkyil 'khor pa 'di rnams kun chos 'byung gi phyag rgya bri bar bya zhes bya'o/ /gang rnams zhes pa la gsungs pa/ zhi ma dang ni zhi zhal ma zhes pa la sogs pa'o/ /zhi ma shar gyi 'dab mar kha dog dkar po'o/ /zhal gsum ni dkar po dang nag po dang/ dmar po'o/ /phyag drug ni zla ba dang/ rdo rje dang ral gri dang dril bu dang/ lcags kyu dang/ zhags pas brel ba'o/ /cod pan du rdo rje bdud rtsis mtshan pa sna tshogs pa'i gos la sogs pa'i rgyan dang ldan pa/ nyi ma'i 'od can zla ba'i dkyil 'khor gyi steng du sems dpa' i skyil krung gis gnas pa'o/ /zhi zhal ni lho'i 'dab mar kha dog ser mo zhal gsum ni ser po dang dkar po dang nyi ma lta bu'o/ /phyag drug ni zla ba dang ral gri dang/ rdo rje dang zhags pa dang/ lcags kyu dang dril bus brel ba'o/ /cod pan rdo rje bdud rtsi po tis mtshan pa nyi ma'i 'od can gong dang mthun par lho'i 'dab mar gnas so/ /nub kyi 'dab mar zla nor dmar po/ zhal gsum ni dmar po dang/ dkar po dang/ nag po'o/ /phyag

  139. 70a

    drug ni zla ba dang/ ral gri dang rdo rje dang dril bu dang/ zhags pa dang/ lcags kyus brel ba'o/ /rdo rje bdud rtsi cod pan zhes pa nas/ skyil krung zhes pa mthun pa'o/ /byang gi 'dab mar sa si ni kha dog ser pa'o/ /zhal gsum ni ser po dang/ dkar po dang/ nyi ma lta bu'o/ /phyag drug ni zla ba dang/ lcags kyu dang/ ral gri dang/ zhags pa dang/ rdo rje dang/ dril bu'i mtshan mas brel ba'o/ /cod pan zhes pa mthun no/ /ri bong can gyi dkyil 'khor gyi kha dog nag po zhal gsum la/ nag po dang dkar po dang/ dmar po'o/ /phyag drug tu zla ba dang rdo rje dang/ ral gri dang/ zhags pa dang/ lcags kyu dang/ dril bu bsnams pa rdo rje bdud rtsis cod pan la sogs pa dang/ me'i 'dab mar gnas so/ /ri bong can gyi ri mo ni pri yang ku lta bu'i kha dog ste/ zhal gsum ni pri yang ku dang dkar po dang/ nyi ma lta bu'o/ /phyag drug ni zla ba'i cha dang/ rdo rje dang/ ral gri dang/ zhags pa dang/ lcags kyu dang/ dril bu 'dzin pa'o/ /bdud rtsi zhes pa mthun par bden bral gyi 'dab ma la'o/ /yid shes ma utpal sngon po lta bu'i kha dog zhal gsum ni sngon po dang/ dkar po dang dmar po'o/ /phyag drug tu zla ba dang dril bu dang/ rdo rje dang lcags kyu dang/ zhags pa dang/ dril bu 'dzin pa'o/ /rdo rje bdud rtsi po tis zhes pa nas rlung gri 'dab mar bri bar bya'o/ /ma ni a la da ni ka ri ni gser gyi kha dog ste zhal gsum ni gser lta bu dang dkar po dang/ dmar po'o/ /phyag drug tu zla ba dang/ ral gri dang/ rdo rje dang/ zhags pa dang/ lcags kyu dang/ dril bu'o/ /mtshon cha'i rgyan sna tshogs kyis brgyan pa rdo rje bdud rtsi'i po tis cod pan mtshan pa nyi ma'i 'od can zla ba'i dkyil 'khor gyi steng na sems dpa' i skyil mo krung gis gnas pa dbang ldan gyi 'dab mar shes par bya'o/ /'di nyid gsungs pa thams cad zhal gsum phyag drug ma/ phyogs dang phyogs

  140. 70b

    bral rnams su'o zhes pa'o/ /lha mo 'di rnams zla ba'i phyag rgya byang chub sems kyi phyag rgya zhes pa man ngag go /dkyil 'khor 'di nyid dkyil 'khor pa me tog la sogs pa yang brtags par bya'o/ /me tog kha dog dkar po/ zhal gsum ni dkar po dang/ nag po dang/ dmar po'o/ /phyag drug tu me tog gi za ma tog dang/ ral gri dang/ rdo rje dang/ lcags kyu dang/ zhags pa dang/ dril bu ste dbang ldan du'o/ /bdug spos ni du ba'i kha dog zhal gsum ni du ba dang/ dkar po dang/ dmar po'o/ /phyag drug tu spos dang ral gri dang rdo rje dang/ zhags pa dang lcags kyu dang dril bu 'dzin pa mer dgod do/ /mar me ma gser lta bu'i kha dog /zhal gsum ni gser lta bu dang/ dkar po dang dmar po'o/ /phyag drug tu mar me dang/ rdo rje dang/ zhags pa dang/ lcags kyu dang/ dril bu 'dzin pa bden bral du'o/ /dri ma ni kha dog dmar mo ste zhal gsum ni dmar po dang/ dkar po dang nag po'o/ /phyag drug ni dri'i dung phor dang/ ral gri dang/ rdo rje dang zhags pa dang/ lcags kyu dang dril bu 'dzin pa rlung du'o/ /de rnams kyang rgyan thams cad kyis brgyan pa zla ba'i dkyil 'khor gyi steng du sems dpa' i skyil mo krung gis gnas pa dmar ba'i 'od can rdo rje bdud rtsi'i po tis mtshan pa'o/ /gang zhig dkyil 'khor du yang me tog la sogs pa bshad pa ni ma gsungs te de lta mod kyi bri bar bya ste/ sngags bskyed pa gsungs pa las sngags su 'khor lo 'dus pas 'di rnams gsungs pa de nyid do/ /'dir pi waM la sogs pa dgod pa ma yin te/ de rnams kyis sngags ma gsungs pas mi dgod do/ /gang du de ma thag tu gsungs pa/ pi waM ma sogs mchod pa yis/ / zhes pa des ni phyi rol tu pi waM ma la sogs pa'i mchod pas dkyil 'khor grub pa gsungs kyi pi waM ma la sogs pa'i lha mo dgod pa'i tshig ni ma yin no/ /da ni dkyil 'khor gyi sgrub thabs gsungs pa/ pi waM rol mo sngags mchod pas zhes pa la sogs pa'o/ /

  141. 71a

    pi waM zhes pa ni khong stong ngo/ /rol mo zhes pa ni gling bu dang rnga dang mu kun da la sogs pa'i sgra dang su ni ha ra dang/ ra dang ba lang gi kha'i rnam pa la sogs pa gzung ngo/ /mchod pas zhes pa ni rnal 'byor gyi rgyud las 'byung ba rnams kyis so/ /me tog ces pa ni dzA ti la sogs pa'i me tog go /bdug spos zhes pa ni tsan dan dang/ a ga ru dang/ ga bur la sogs pa lhan cig skyes pa 'am yang dag par sbyar ba'o/ /sogs pa'i sgras mang me dang lhan cig skyes pa 'am yang dag par sbyar ba'i dri'i bye brag rnams so/ /glu zhes pa ni rgyud kyi glu'i rab tu sbyor ba'o/ /gar zhes pa ni rang gi lha'i rnam par rjes su byed pa'o/ /pi waM ma la sogs pa nyid nye bar longs spyod pa ni mchod pa'i bye brag go /ci lta bu bye brag ces pa la gsungs pa/ chags pa'i rol pa zhes pa la sogs pa'o/ /chags pa ni bde ba'o/ /des rol pa ni longs spyod pa'o/ /gang zhig der nye bar sbyor ba de ni de bzhin te/ lha rnams chags pa'i bde ba'i rjes su mthun zhes pa'i don to/ /gsang ba'i dkyil 'khor du lha mo de rnams kyis 'khor lo bsgrub par bya ba ni byin gyis brlab par bya ba zhes par dgongs so/ /pi waM ma la sogs pa'i mchod pa la 'jug pa sngon du song nas/ sgo skyong rnams kyis rdo rje se gol gtogs pa'i mnyam par sbyor bas lha rnams dgug cing gzhug pa dang/ bcing ba dang/ dbang du bya ste dkyil 'khor bsgrub par bya zhes gsungs pa'o/ /gang gi bsgrub par bya zhes pa la gsungs pa/ rdo rje bdud rtsi zhes pa la sogs pa'o/ /rdo rje bdud rtsi bde ba che zhes pa ni slob dpon gyis so/ /gong du gsungs pa'i mchod pa rnams ji lta bu zhes pa la de'i lan gdab pa'i phyir gsungs pa/ ma zhes pa la sogs pa'o/ /ma ni skyed byed ma'o/ /chung ma ni rang gi chos kyi chung ma'o/ /bu mo ni rang las skyes pa'o/ /sring mo ni skye gnas gcig pa'o/ /tsha mo ni ma dang pa'i phyogs kyis 'brel pa'o/ /'di

  142. 71b

    zhes pa ni zab mo'i rnal 'byor gyis ro mnyam pa la lhag par mos nas ma la sogs pas so/ /rdo rje bdud rtsi zhes pa ni khu pa'i thig le'o/ /des na dbang po gnyis snyoms par 'jug pa las skyes pa'i chang des lha rnams la mchod cing dbul bar bya ste/ de ltar dkyil 'khor la mchod par 'gyur ro/ /ma la sogs pa'i bdud rtsi blang ba'i 'bras bu gsungs pa/ ma yis rdo rje bdud rtsi zhes pa la sogs pa'o/ /rdo rje bdud rtsi zhes pa ni rdo rje sems dpa' o/ /nad med lang tsho ni rnam par snang mdzad do/ /'dod kun ster ni snang ba mdza' yas so/ /'gyur zhes pa ni so sor mngon par 'brel to/ /de bzhin du yang zhes pa ni ji ltar ma la sogs pa'i 'bras bu de lta bu mo ste/ rdo rje bdud rtsis kyang don yod grub pa'o/ /de bzhin gshegs pa 'dod par bya ba'i tsha mos kyang dkyil 'khor rin chen 'byung gnas te skyed byed ma la sogs pa zhes 'dir yang sbyar bar bya'o/ /rdo rje sems dpa' dang lang mtsho nad med pa 'dod pa grub pa dang dkyil 'khor rnams su sbyar zhing 'gyur zhes pa'i don to/ /mchod pa pos de'i bdud rtsi ji ltar blang zhes pa la gsungs pa/ kha yis zhes pa la sogs pa ste ma la sogs pa'i gsang ba'i pad+mar gang zhig bdud rtsi khu ba snyoms par 'jug pa bsrub bya dang/ srub pa de las khas ni rang gi khas so lce yis dgug pa ni blang bar bya'o/ /des cir 'gyur zhes pa la/ de zhes pa la sogs pa'o/ /de nas zhes pa ni snyoms par 'jug pa'i mchod pa'i de ma thag tu'o/ /'grub ces pa ni sngon du gsungs pa'i 'bras bu thob pa'o/ /ci skye ba gzhan du 'grub bam/ zhes pa la myur du zhes pa la sogs pa'o/ /myur ba ni skye ba 'di nyid du'o/ / gang gis 'grub ces pa la gsungs pa rdo rje bdud rtsi zhes pa la sogs pa'o/ /rdo rje bdud rtsi bde ba che/ /zhes pa ni mchod pa'o/ /dkyil 'khor gyi sgrub thabs ji lta bzhin du gsungs nas/ da dkyil 'khor bsgom pa bstan par bya ste/ bsgom pa de yang snyoms

  143. 72a

    par 'jug pa'i sbyor bas bya ba yin te/ de'i don du byed pa gsungs pa/ 'dod par bya zhes pa la sogs pa'o/ /gang la 'dod par bya zhes pa/ mi mo kun zhes pa la sogs pa'o/ /mi mo kun zhes pa ni zhi ba ma la sogs pa'i lha mo rnams so/ /ci grong ba la sogs pa'i byed pas 'dir 'dod pa bya 'am zhes pa la/ bung ba'i sgra ltar zhes pa la sogs pa'o/ /bung ba nyid kyi sgra ni gang zhig bung ba ltar 'khol zhing sgra brjod pa de mi bung ba'i byed pa ste/ ha yig gi sgra dang sid ces pa'i sgra 'byin cing sgra 'dzin pa dang sen mo 'debs pa'o/ /so la sogs pa 'debs pa'o/ /'di skad brjod par 'gyur te ji ltar bung bas sen mo dang sos me tog gi 'dab ma la bcod cing smra 'byin par byed de 'gu 'gu zhes pa'i sgra 'byin cing mchus me tog gi chang 'thung bar byed do/ /de bzhin du sen mo dang so dang 'o bya bo dang ma mchu bzung ba sngon du song ba'i sngags pas ha zhes pa'i sgra 'byin cing ji ltar gsungs pa'i dkyil 'khor gyi dbus su khyogs la sogs pa'i byed pas lha mo'i tshogs bsten par 'gyur te/ rdo rje bdud rtsi bdag nyid bsgom par bya zhes pa'o/ /bshad lugs gzhan yang bung ba'i sgra ni steng gi byed pa'i 'khrul 'khor te/ ji ltar yos dang sran ma la sogs pa 'thag pa ste pa'i 'khrul 'khor gyis te/ bung ba bzhin 'khor zhing sgra 'byin pa ste de dang 'dra ba nyid kyis bung ba'i sgra zhes brjod do/ /'dir bud med byed pa po ste byed pa po 'di yang go bzlog pa'i chags pa'i sbyor bas gnas te/ rked pa dang rang 'thag gi 'khrul 'khor bzhin 'khor bar 'gyur pa'o/ /byed pa 'di'i mtshan nyid kyi tshigs su bcad pa ni/ rtags kyi steng du mnyam par mnan/ /rked pa 'khor lo bzhin du bskor/ /'khor ba'i byed pa 'di dag ni/ /bung ba'i sgra yis byed par bzhed/ /byed pa des

  144. 72b

    'dod pa bya zhing 'jig pa'i rnal 'byor bsgom par bya zhes pa'i don to/ /khyogs zhes pa ni khyogs dang 'dra bas na khyogs so/ /'di yang steng gi byed pa ste 'dir yang bud med ni byed pa po ste skyes bu'i bya ba'i sbyor bas rab tu bsgrub pa de'i dbus su bud med mnyam par gnas te/ rang gi rked pa'i mdun gyis sam/ rgyab kyis g.yom zhing bskyod pa ni khyogs zhes pa'o/ /'di'i mtshan nyid kyi tshigs bcad kyang/ bud med mdun nas rgyab kyis ni/ /rked pa rim par g.yom zhing bskyod/ /rtags kyi steng du mnyam gnas nas/ /de'i phyogs dang 'dra bar grags zhes pa'o 'dis ngal bar gyur na steng du gnas te 'dang pa bya zhes pa ni steng gi byed pa ste/ de gsungs pa/ gru mo zhes pa la sogs pa'o/ /gru mo yang dag par sbyor ba las byed pa 'di bstan/ zhes pas gru mo'i byed pa brjod do/ /'dir yang g.yom zhing bskyod de skyes bu ni byed pa ste gnyis ka langs pa phan tshun kha bltas te gnas pa gnyis ka'i mgrin pa yang reg ste/ rab tu myos pa'i rkang pa g.yas pa'i sgyid khung bar gyi gru khugs g.yon par bzhag nas g.yas pas de'i rgyab nas bzung ba ni gru mo byed par 'gyur ba'o/ /de'i tshigs bcad ni/ bud med rkang g.yas sgyid khung gi /lag pa g.yon pa'i gru mor bzhag /langs pa'i byed par gnas nas ni/ /gnyis ka phan tshun kha bltas pa'o/ /gzhan yang grong ba'i gan rkyal du ni 'dod par bya zhes pas gan rkyal gyi byed pa gsungs pa/ khab ltar zhes pa la sogs pa'o/ /myur bar 'bigs pas kha lta bu ni byed pa'o/ /'dir yang skyes bu ni byed pa po ste bud med gan rkyal du nyal te rkang pa gcig ni 'og tu'o/ /gzhan ni steng du ste dbyug pa ltar bsgreng ba ni khab lta bu'i byed par 'gyur/ /'di'i tshigs bcad ni bud med gan rkyal steng 'og tu/ /gang zhig dbyug pa ltar gnas pa/ /skyes pa rang gi rkang pa 'dzin/ /cung zad khab kyi byed par brjod/

  145. 73a

    gzhan yang gan rkyal gyi 'dod pa gsungs pa/ slong ba zhes pa la sogs pa'o/ /'dir yang skyes bu byed pa po ste/ slong ba gtso bor byed pa nyid kyis slong ba ste ming 'phreng kha dar brjod do/ /bud med gan rkyal du nyal te/ de'i rkang pa'i mthil gyis rang gi lte ba'i rtsa bar bkod cing lag pa gnyis kyis mgrin pa la 'khyud par bya'o/ /de yang rkang pa'i mdza' rkang pa ni slong pa ni slong pa'i byed par 'gyur ro/ /'di'i tshigs bcad kyang/ /bud med rkang pa'i thil dag ni/ /skyes bu'i lte ba'i rtsa bar dgod/ /skyes pas rkang pa yang dag bslang/ /phreng ba zhes ni rab tu grags/ /gzhan gan rkyal gyi 'dod pa gsungs pa/ shin tu brkyang zhes pa la sogs pa'o/ /'dir yang skyes bu ni byed pa po ste/ rab tu brkyang ba'i bye brag gi khyad par du byas pa nyid kyis shin tu brkyang ba'i byed pa ste/ de yang bud med gan brkyal du nyal te/ g.yas dang g.yon pa'i rkang mthil la rang gi rkang pa'i mthil gyis sbyar te ngang pa'i gshog pa ltar lag pa'i mthar thug pa rab tu brkyang zhing rdzogs par bya'o/ /de'i mtshan nyid kyi tshigs bcad kyang/ lag pa dang pa'i gshog pa ltar/ /'di ni gan rkyal rab tu gnas/ /gnyis ka shin tu brkyang nas ni/ /de'i rkang gnyis shin tu brkyang/ /zhes pa'o/ /byed pa'i zhes pa ni/ bung pa'i sgra la sogs pa'o/ /bcing ba'i sbyor ba ni bcing ba'i mtshan nyid de/ /gang gis de ma thag tu gsungs pa de rnams ni de bzhin du gsungs pa'o/ /de yis lha mo rnams sgrub par bya ba ni bcing ba'i yang dag par sbyor ba ste/ srid pa gsum gyi dkyil 'khor bskom pa'i phyir mngon du bya zhes pa'i don to/ /gang zhes pa ni rang gi lhar rdzogs par gang zhig 'dod pa'o/ /rdo rje bdud rtsi bde ba che ni rdo rje bdud rtsir dbang bskur ba'i bsgrub pa po'o/ /des na 'di rnams thams cad nyams su myong

  146. 73b

    nas dkyil 'khor gyi dam tshig la 'jug par bya zhes gsungs pa/ sha chen zhes pa la sogs pa'o/ /rdzas lnga po 'di rnams kyi rang bzhin hUM yig las byung ba'i rdo rje rdul phra rab kyi rang bzhin gyi bdud rtsi chur bsgrub par bya ste/ 'di dag rdzogs par bya zhing rdzogs nas kyang/ slob ma dag la sbyin par bya zhing rang nyid kyis kyang nyams su myong bar bya'o/ /nyin re bzhin du zhes pa ni ji srid du dkyil 'khor la sogs pa'i bya ba ma bsdus kyi bar de srid du nyi ma so so la bsgrub par bya zhes par dgongs so/ /de ltar dam tshig rjes su myong ba sngon du song nas dkyil 'khor bsgom par mos pa'i sngags pas bsgrub par bya zhes gsungs pa/ 'dis ni zhes pa la sogs pa'o/ /'dis ni zhes pa de ma thag tu gsungs pa'i dam tshig rjes su myangs pa 'dis so/ /bsgrub par bya zhes pa ni rdzogs par bya ba'o/ /ci zhig bsgrub par bya zhes pa la/ dbang zhes pa la sogs pa'o/ /dbang ni bud med dam skyes pa dag bran khol du dbang byed pa'o/ /dgug pa ni ring po nas kyang 'gugs pa'o/ /sdang ba ni bud med dang skyes pa dag phan tshun mi mthun par byed pa'o/ /bsang pa ni gsod pa'i bya ba rnams lan pa'o/ /skrod pa ni rang gi yul na gnas pa/ gzhan gyis yul du bskrod pa'o/ /sogs pa'i sgras gnod pa thams cad log pa'i mtshan nyid ni zhi ba'o/ /rdzas thams cad phun sum tshogs shing 'phel ba ni rgyas pa'o/ /ci nyes pa can du bsgrub par bya ba 'am/ zhes pa la gsungs pa/ byed ces pa la sogs pa ste/ gzugs la sogs pa'i yul las log cing/ thams cad dang dngos po med par byas pas/ dbang la sogs pa thams cad sgrub pa pos byed pa'o/ /mA ma kIs rang dgar brtsams pa ni ma yin pas bstan pa'i phyir gsungs pa/ bcom ldan 'das kyis gsungs pa zhes pa la sogs pa'o/ /rang gi snying gar khyad par 'phags pa'i sbyor bas gyis/ rdo rje 'dzin

  147. 74a

    pa'i dbang phyug nyid kyis bcom ldan 'das so/ /'di nyid gsungs pa/ rdo rje zhes pa ste rdo rje 'dzin pa'o/ /dbang phyug gi bde bas bde ba nyid kyi rdo rje bdud rtsi bde ba che'o/ /tshig ring por brjod pa 'dis ni rdo rje'i mtshan ma phyag rgya'i sbyor bas khyad par du byas pa'o/ /rigs gsum gyi rang bzhin du bye brag du bya ba'i phyir gsungs pa/ de bzhin gshegs pa thams cad ces pa ste/ rnam par snang mdzad dang mi bskyod pa dang/ snang ba mdza' yas kyi rang bzhin sku dang gsung dang thugs rdo rje can gang yin pa de ni de bzhin du gsungs pa rigs gsum gyi rang bzhin yin pas mi gnas pa'i mya ngan las 'das pa'i rang bzhin nyid kyis rdo rje bdud rtsi bde ba che'o/ /'dis kyang rigs gsum gyi rang bzhin gsang ba'i pad+ma 'dir gnas so/ /bcom ldan 'das kyis ni gzugs kyi sku bstan zhes pa'o/ /gzhan rnams su yang don 'di nyid du nges so/ /rgyas par bstan pa nye bar bsdu ba'i phyir gsungs pa/ rdo rje bdud rtsi zhes pa la sogs pa ste/ rdo rje bdud rtsi'i rgyud chen po'i sgras rdo rje gtsug tor rin chen gyi ming du 'brel par bya'o/ /rdo rje bdud rtsi rgyud kyi bdag po ji lta bu/ zhes pa la sogs pa/ gsang ba'i zhes pa la sogs pa'o/ /gsang ba'i dkyil 'khor chen po 'di ni lha mo'i 'khor lo'o/ /der bung ba'i sgra la sogs pa'i byed pas mngon par ston pa ni sgrub pa po rnams kyis mngon sum du byed pa'o/ /gsang ba'i dkyil 'khor byed pa gzhung gang gis de gsal ba de rgyas par bstan pa ni de bzhin du gsungs so/ /le'u dang po'i rgya cher 'grel pa'o/ /de ltar gsang ba'i dkyil 'khor gyi bdag nyid kyi rdo rje bdud rtsi brjod nas/ 'di med par snying po'i sngags rdzogs par mi 'gyur zhes pas de kho na nyid kyi rnal 'byor gyi ye shes rgyas par bstan pa'i phyir gsungs pa/ de nas zhes

  148. 74b

    pa la sogs pa'o/ /de nas zhes pa ni le'u dang po bstan pa'i de ma thag tu'o/ /de la dang por thog mar bstan pa'i man ngag rjes su btsal ba las snyoms par 'jug pa'i zer gyis de kho na nyid rtogs zhes go bar bya ste/ 'khyud pa la sogs pa byed pas rjes su chags par bya zhes pa dgyes zhes pa la sogs pa'o/ /dgyes zhes pa ni gsang ba'i dkyil 'khor thos pa nyid kyis dgyes par gyur pa'o/ /tu'i sgras bden pa'i don to/ /sdug pa ni glang po che'i gnya' ba lta bu'o/ /pad+ma dang 'dra bas b+ha ga de ni de bzhin du brjod do/ /'dis b+ha ga bzang ba nyid du 'dir bstan pa'o/ /de bzhin du yang gsungs pa/ ru sbal rgyab 'dra glang chen mgrin/ /pad+ma'i mchu ni bzad zlum pa/ /spu med bde ba rnam par rgyas/ /gru gsum b+ha ga b+ha? ga yin zhes pa'o// gzhan yang tu'i sgras bsdus par ni dam por shin tu'o/ /'khyud ces pa ni 'khyud par 'brel to/ /dbang po kun tu zhes pa ni de'i rtags la sogs pa'o/ /bya ba'i gnas rnams su des 'o bya zhes par 'brel to/ /de ma thag tu des ci zhig bya zhes pa la gsungs pa/ so yis zhes pa la sogs pa'o/ /so zhes pa ni so nyid do/ /'og ces pa ni 'og gi chu'o/ /bzung ba ni cung zad btsir ba'o/ /sid yig ni ha yi sgra brjod par bya'o/ /'o la sogs pa'i rab tu sbyor ba la rjes su chags pas de kho na nyid ji lta ba bzhin du gsal bar byed pa mA ma kI'i dgongs pa de bzhin du chos kyi de kho na nyid nye bar bstan par 'gyur te/ 'di nyid gsol ba 'debs pa'i rim pa 'dir gnas zhes pa'o/ /'o la sogs pa'i chags pa bstan nas de kho na nyid gsal bar bya ba'i phyir/ 'dod pa bya ba 'am zhes pa la gsungs pa/ bshad mdzad de zhes pa la sogs pa'o/ /bshad ces pa ni cung zad bshad pa zhes pa ste/ rjes su chags pa'i de ma thag tu rdo rje can mA ma kI la 'dod pa bya zhes pa 'dir

  149. 75a

    'brel to/ /ji ltar 'dod pa bya zhes pa la gsungs pa/ rdo rje bcings zhes pa la sogs pa'o/ /rdo rje bcings shing sku gzung bas zhes pa ni rdo rje'i bcings pas rkog ma'i gnas dang mgrin pa'i phyogs su gang gis bzung ba de ni rdo rje'i bcing ba'o/ /sku gzung ba ni gau ra'i grong ba rnams kyi ste gan rkyal ngu nyal ba'i byed pa'o/ /rdo rje bcing bas mgrin pa bzung ba nyid dam gcig tu sku gzung bas bstan par brjod de/ rdo rje bcing ba dang skra bzung bas de mnyam par skye ba nyid kyis na 'dod pa bya ba'o/ /chags pa'i zhen pas zhes pa ni sngon du 'o la sogs pas yid 'dod pas rjes su bzung zhing bsgom pas lus dang ngag dang sems shin tu sbyangs pa thob pa'o/ /tu'i sgra ni bsdus pa'i 'dod pa nyid kyis par ston te/ pad+mar rdo rje zhes pa la sogs pa'o/ /de ltar gsang ba'i bsgom pa bsten pa'i lha mos 'grub par 'gyur zhes par dgongs so/ /gsang ba'i mdzod las yang gsungs pa/ phyag na rdo rje ji ltar sbom ba'i dbang pos bsnun na/ 'dir bud med kyi skyes pa gzhan 'dod par mi 'gyur ro/ /de bzhin du rnal 'byor bsgom pa'i phyir bsnun na lha mos bsngags pa gzhan dag 'dod par mi 'gyur zhes pa'o/ /de la yang 'dod pa rnams sid kyi sgra sngon du song nas sam zhes pa la gsungs pa/ sid ces pa la sogs pa'o/ /sid yig ni ha yig gi sgra ste/ ha zhes brjod pa 'am phus zhes brjod pa'o/ /snyan pa'i sgra zhes pa ni 'jam zhing yid du 'ong ba ste/ ka po ta dang phug ron gyi sgra lta bur sgra brjod pa'o/ /gzhan yang ko ki la dang bred kha dang bud ba'i sgra lta bur sgra rnams brjod pa'o/ /sgra ni sgra nyid de de rjes su byed pa ni skan gyi sgras zhes pa'i don to/ /la la gling bu'i sgras zhes pa'i tshig yod pa der gling bu nyid kyi sgra ni rkun mo'i tshig lha bu la sogs pas sid kyi sgra byed pa'o/ /dus ni

  150. 75b

    shin tu chags pa'i dus so/ /'dod chags bya zhes pa ni chags pa bskyed par bya'o/ /gang la chags pa bya zhes pa la bdag ma bya zhes pa la sogs pa'o/ /gang gis chags pa bya zhes pa la rdo rje bdud rtsi bde ba che/ /zhes pa la sogs pa'o/ /nu ma gnyed pas kyang chags pa skye bar bzhed de/ de bas na nu ma mnye bar bya ba'i phyir gsungs pa/ nyed mdzad ces pa la sogs pa'o/ /lag pa gnyis kyis nu ma gnyed dus su mnye bar bya'o/ /sen mo btab pas kyang chags pa skye bas 'dir sen mo btab par bya zhes pa ste/ de nyid gsungs pa/ sen mos zhes pa la sogs pa'o/ /sen mo ni 'bras phub kyi phyed tshad do/ /ma zhes pa ni ri mo'i rnam gangs so/ /sen mo'i rma de yang rnam pa bzhi ste/ zab pa dang ni mi zab dang/ /chu ri dang/ lcags kyu la sogs pa'i rnam pa'o/ /zab pa ni rked pa dang/ mtshan khung dang/ rgyab tu'o/ /mi zab pa ni b+ha ga dang spyi bo la sogs par ro/ /sor mo thams cad kyis reg cing sprug pa ni tshu ri ste nu ma dang 'gram pa la sogs par ro/ /'bras phub kyi phyed ni zla ba phyed pa'i rnam pa lta bu'i sen mo ni sma ste ji lta ba'i sbyor bas gdab cing sbyin par bya'o/ /sen mo 'debs par byed pa gcig pu ni ma yin te/ 'o la sogs pas kyang byed ces pa ste/ de nyid gsungs pa/ gos dang phral zhes pa la sogs pa'o/ /gos dang phra zhes pa ni gcer bu'o/ /de ni zhes pa ni mA ma kI'o/ /'og ces pa de ni de'i snag po che ste/ steng zhes pa ni nu ma gnyis dang/ gdong dang/ pad+ma'o/ /blta bar bya zhes pa ni mig gdangs ste/ blta bar bya'o/ /bltas nas ci zhig byed ces pa la 'o bya'o/ /zhes pa la sogs pa'o/ /pad+mar 'o bya ba ni nye bar mtshon pa'i don te 'gram pa la sogs pa'o/ /sdug pa ni ru sbal gyi rgyab 'dra'o/ /'dis ni 'di ltar gsungs te/ thog mar sngags pa rnams kyis snag po che la sogs pa lta

  151. 76a

    ba dang 'khyud pa dang 'o bya ba dang/ sen mo gdab pa dang/ nu ma dang/ b+ha ga gnyed pa sngon du song bas snyoms par 'jug pa'i bsgom pa bya zhes pa'o/ /de ltar phyi dang nang du des de kho na nyid de yang dag par rig par byas nas/ legs so zhes pa sbyin zhes pas na gsungs pa/ dgyes nas zhes pa ni de ma thag tu gsungs pa'i shin tu chags pa la dga' ba'o/ /tshig nyid gsungs pa legs so zhes pa la sogs pa'o/ /gang du khyod dang lhan cig snyoms par zhugs pa'i bsgom pa phyir bsgrub pa dang de kho na nyid gsal bar bya ba'i phyir bud med kyi bya ba byas pa de ni legs te mdzes pa'o/ /'dod pa'i chags pa ni gzugs la sogs pa'i 'dod pa la nye bar longs spyod pa'i thabs kyis sngags bsgrub par nus pa'o/ /des nang dga' ba ni dga' ba dang/ yid bde bar byas so/ /gang 'dod pa zhes pa ni gang la 'dod pa de ni 'dod pa 'am 'dod pa zhes pa'i don to/ /de dang de ni ster zhes par dgongs so/ /mchog ces pa la ni mngon par 'dod pa'i dngos po ste/ gsol ba btab pa'i de ma thag tu tshig dang ldan par de rab tu ster ba'o/ /ci zhig ces pa ni zhig go /'am gyi sgra ni de kho na nyid brjod pas bla lhag pa'i don rab tu gsal ba'o/ /gang du khyod ci 'dod pa'i don gsungs pa de nas zhes pa la sogs pa'o/ /de nas zhes pa ni mchog rab tu byed pa'o/ /de ma thag tu'o/ /'di zhes pa ni thugs la gnas pa rnams so/ /brjod par 'gyur ba rnams ni tshig go /de nyid gsungs pa/ bcom ldan bdag gi de kho na nyid ces pa la sogs pa'o/ /bdag gi de kho na nyid ces pa ni khyod kyi de kho na nyid de snying po'i ye shes zhes pa'i bar du'o/ /de khyad par ji lta bu zhes pa la gsungs pa/ byang chub sems zhes pa la sogs pa'o/ /byang chub kyi sems ni stong pa nyid do/ /de'i rnam par 'phrul pa ni byang chub kyi spyod pas

  152. 76b

    te gang yin pa de ni de skad du gsungs so/ /phra zhes pa ni phra mo'i rnal 'byor ro/ /ches phra ni shin tu yang yul rnams las log pa'o/ /sems rtse gcig tu byed pa'i ting nge 'dzin ni ye shes so/ /yang bzhig pa'i dus kyi rdul phra rab rnams ni mu stegs pas de kho na nyid du brjod de'i phyir phra ba'i rdul bas kyang ches phra ba ni chos kyi sku ste shin tu yang phra bar gnas pa nyid kyis sam/ rtsa'i khong stong gi rdul nyid kyang phra ba'o/ /'dra ba las 'dra ba'i 'bras bu 'dra ste rgyun mi 'chad pas na mi zad pas so/ / gzung ba dang 'dzin pa dang bral bas stong pas so/ /cung zad kyang gsal ba 'am bzhag pa med pa nyid kyis 'bri ba med pa'o/ /gang zhig de lta bur gyur pa'i 'gro ba'i grong du ji ltar gnas zhes pa la gsungs pa la/ ji ltar ro zhes pa la sogs pa ste/ rdo rje'i tshig 'dis de kho na nyid dang bcings pa dang thar pa dang gnas pa'i rang bzhin dang/ 'gags pa'i dang skyes pa dang/ dge ba dang mi dge ba'i rnam par smin pa rnam pa sna tshogs pa la sogs pa don du mar 'dod do/ /ji ltar zhes pa ni gang gi tshul gyis so/ /'di zhes pa ni de ma thag tu ngas bsngags shing stong pa'i de kho na nyid do/ /de zhes pa ni srid pa gsum gyi nang na gnas pa rnams so/ /lus ni lus la'o/ /rol pa ni khyad par gnas pa ste/ dge ba dang mi dge ba nye bar longs spyod pas 'jig rten 'di dang/ 'jig rten gzhan du/ sna tshogs pa'i 'gro bar 'pho zhing lus gtong ba dang/ lus yongs su 'dzin pa la sogs pa'i rol pas longs spyod ces pa'i don to/ /dbang po gnyis zhes pa ni bud med kyi dbang po dang skyes pa'i dbang po ste de dag gis byin gyis brlabs kyis mig la sogs pa'i dbang po sna tshogs pa'i rten te/ de'i bdag nyid kyis so/ /yul mdza' dag la ji ltar nye bar longs spyod snyam pa la/ spyod ces pa ste yul dang yul can nye bar btags nas longs spyod de dbang po gnyis

  153. 77a

    kyi longs spyod ces gsungs so/ /'di la zhes pa ni de kho na nyid dang 'gro ba mdza' dag gi skye ba dang 'jig pa la sogs pa'i rab tu bya ba rnam pa rnams so/ /the tshom ni rnam par rtog pa'o/ /de thob pa ni thob par gyur pa'o/ /hi'i sgra ni gang gi phyir gyi don te/ gang gi phyir nga yis the tshom thob par 'gyur ba de'i phyir the tshom dang bral bar bya ba'i don du/ de kho na nyid bskyed pa la sogs pa'i khyad par bya ba shes par mdzod cig pa'o/ /mchog ni shin tu 'o/ /bdag ni ngo mtshar bas 'dod ces pa lhag pa'o/ /zhus pa'i lan gdab pa'i phyir gsungs pa bka' stsal zhes pa la sogs pa'o/ /zhes pa'i sgra ni dris pa rdzogs nas so/ /bka' stsal zhes pas ni tshigs so/ /gang gi tshig gis zhes pa la bcom ldan zhes pa la sogs pas so/ /bcom ldan 'das zhes pa ni shes rab ldan pa'o/ /ye shes kyi rdo rje rtse lnga pa zhes pa 'dis ni rdo rje can no/ /rdo rje ltar mi phyed pas so/ /bdud rtsi ni mya ngan las 'das pa'o/ /bde ba ni yid bde ba nyid kyis rdo rje bdud rtsi bde ba che'o/ /ci zhig gsungs zhes pa la gsungs pa/ de kho na nyid bdag ma ni lha rnams kyi rnal 'byor te/ de'i rnam par rtog pa skyed pa'o/ /yang na rnal 'byor ni de kho na nyid kyi khyad par te/ de'i rnam par rtogs par bya ba'i don du gsal bar byed pa'o/ /shin tu phra zhes pa ni rtsa'i nang khong stong ste/ dga' ba la sogs pa'i tshul nyid kyi de mtshon par dka' ba nyid de ni phra ba nyid du gsungs so/ /gsang ba zhes pa ni gsal bar ma byas pa'o/ /shes dang zhes pa ni rnal 'byor pa'i shes pa'i rang bzhin no/ /shes bya zhes pa ni shes pa de nyid kyi yul gyi rang bzhin no/ /'jig pa med pas na zad med do/ /cung zad kyang bsal bar bya ba dang bzhag par bya ba med pas na 'bri med do/ /rtag pa'i rdzas med par gsungs pa nyid kyis na rtag med do/ /thog min zhes pa ni

  154. 77b

    ma skyes pa'o/ /thog ma zhes pa ni skyes pa ste/ de gnyis spangs pa ni bral ba'o/ /yod pa nyid ni gzung ba dang 'dzin pa la mngon par zhen pa nyid kyis/ yang dag pa ma yin pa la kun tu brtags pa'i gnas skabs so/ /med pa nyid ni de gnyis med pa nyid kyis yongs su grub pa'i gnas skabs so/ /mig la sogs pa gzugs la 'jug pa ni dbang por bcas zhes pa ste/ dbang por bcas pa ni rgya che ba'i gzugs/ /mig la sogs pa 'jug pa ni rnam par shes pa log pa'i dbang po med pa ste/ sprul gnyid log pa'i sgra lta bu kun gzhi rnam par shes pa'i rnam pa'o/ /'dis ni 'di skad brjod do/ /gang zhig khyod kyis nga la dris pa de lta bur 'gyur ba ma mthong zhes pa ste/ 'di nyid gsungs pa ma mthong zhes pa la sogs pa'o/ /gang rnams kyis man thong zhes pa la gsungs pa/ 'byung po kun gyis zhes pa la sogs pa'o/ /'byung po ni sems can te de rnams kyi ma mthong ba ni mig la sogs pa'i rnam par shes pas kyang yang dag par mi rig pa ste/ phra ba la sogs pa'i yon tan gyi bdag nyid kyis te/ drug pa'i don gyi bdun pa'o/ /de kho na de'i rnam par dbye ba brjod bya mang du yod kyang gzhung nyung dus rgyas par bstan par mi nus te/ rgyud 'di gzhung nyung ngu la don rgyas par dgongs zhes bsams pa'o/ /gal te yang de la dga' bas bstan par mi nus te/ 'on kyang man ngag tsam gyis bstan pa nyid de/ de la gzhung mang bas 'jigs pas mdor bsdus nas bstan pa gsungs pa/ rnal 'byor lam gyis zhes pa la sogs pa'o/ /rnal 'byor zhes pa ni byang chub kyi sems bsgoms pa la sogs pa'i rtsa'i 'o ma yongs su grub pa/ sku dang gsung dang thugs ye shes dbyer med pa'i bdag nyid kyi lha'i rnam pa'o/ /de bzhin du yang 'khor lo sdom pa las gsungs pa/ ye shes phyag rgya snyoms 'jug rnal 'byor gyi zhes brjod pa'o//

  155. 78a

    lam de bsgom nus pa des mthong bar 'gyur zhing so sor snang ba dang shes shing mngon sum du 'gyur zhes pa'i bar du'o/ /mang du brjod pas ci zhig dgos te/ khyod de kho na gang la dga' ba shes par gyis par dgongs te/ rnal 'byor gyi lam gyis mthong bar 'gyur zhes gsungs par 'gyur ro/ /rnal 'byor de rnam pa du zhig ces pa la gsungs pa/ rnam pa gnyis zhes pa la sogs pa'o/ /lha'i rnam par bsgom pa'i rnal 'byor rnam pa gnyis dngos grub kyi rnam pa'o/ /gang gi dbye bas rnam gnyis zhes pa la gsungs pa/ phyi dang zhes pa la sogs pa'o/ /phyi ni bum pa dang gos dang rtsig pa la sogs pa'o/ /nang gi phung po lnga'i bdag nyid do/ /'dis ni lha rnams dmigs pa'i yul du gsungs so/ /de bzhin du yang bde mchog las gsungs pa/ de nyid med pa'i rnal 'byor sems/ /lha ru dmigs par rtogs pa ste/ /gzugs brnyan rang bzhin rnal 'byor dag /dbang bskur la sogs skye ba ste/ /shin tu de nyid sems rnal 'byor// ? pa'i rnal 'byor zhes brjod do/ /zhes pa'o/ /de la phyi'i rnal 'byor nye bar bstan pa'i phyir/ gsungs pa/ phyi zhes pa la sogs pa'o/ /nang las ltos na phyi'o/ /gzugs ni kha dog dbyibs kyi bdag nyid do/ /dbyibs ni gru bzhi la sogs pa ste thams cad gcig tu 'dus pa'i gzugs kyi phung po zhes rnam par bzhag pa bstan to/ /sogs pa'i sgras ni dri la sogs pa yang bzung bar bya'o/ /de yang 'byung ba'i rnam pa ste/ 'byung ba yang sa la sogs pa'o/ /de rnams kyi rnam pa ni khams kyi rtsa srab? la sogs pa'i cha shas so/ /ci 'di dag rtsam nyid dam gzhan yang zhes pa la gsungs pa/ 'dus byas zhes pa la sogs pa'o/ /'dus byas ni shing bzo mkhan la sogs pas nan tan du bcas legs kyi las kyi rim pas lha'i gzugs brnyan byas pa'o/ /de ru gzugs 'byung

  156. 78b

    ste rim par bsgoms shing legs par byas pa ni 'dus byas rdzogs pa ste/ lha la dmigs pa'i rnam pa ni phyi'i rnal 'byor ro/ /nang gi rnal 'byor ni rang gi lus la rtsa'i rab tu sbyor bas skye zhing rim par 'dus pas rdzogs pa ni lha'i gzugs su ma gsungs kyang go bar bya'o/ /ci gzugs la sogs pa'i phung po gang gis 'dir rnal 'byor gyi dmigs pa'i rten byed pa nyid kyis bsgom pa'i yan lag tu brjod dam zhes pa la gsungs pa/ brtan pa la sogs pa ste 'dis ni thams cad bsgom pa'i bdag nyid ni rnal 'byor pa zhes bsdus par 'gyur ro/ /de bzhin du yang bde mchog las gsungs pa/ 'di ni thams cad bsgoms pas 'gyur zhes pa'o/ /snod ni ri la sogs pa'o/ /g.yo ba ni mig la sogs pa'o/ /sna tshogs zhes pa ni 'gro ba mdza' dag go /khams gsum zhes pa ni 'dod pa dang gzugs dang gzugs med pa'i khams sam/ ma lus zhes pa ni gang gi phyir gyi don te lnga pa'o/ /gang gi phyir snod bcud la sogs pa ma lus pa la stong pa nyid kyi rang bzhin gyis khyab pa'o// gang gis khyab ces pa la gsungs pa/ de nyid ces pa la sogs pa'o/ /de zhes pa ni de kho na nyid kyis so/ /gcig pus zhes pa ni phyi'i don med pas gnyis pa med pa'o/ /thams cad rnam par shes pa nyid ces pa ni/ khams gsum thams cad kyang rnam par shes pa tsam nyid do/ /de nas dngos po thams cad kyi sems nyid kyis bsgom bya'i dngos po thams cad kyang sems su 'gyur zhes pa ste/ snod la sogs pa bsgom byar dmigs pa nyid kyis gsungs pa/ de gsungs par gyur pa gang gi phyir snod bcud la sogs pa la des khyab pas na/ khams gsum yang dag rnam par shes pa tsam ste/ de'i phyir bstan pa la sogs pa lha rnams su sbyar ba rigs zhes pa'o/ /gal te thams cad de'i rang bzhin yin na thams cad de'i rnam par 'jig rten pa rnams kyi ci ste ma shes

  157. 79a

    zhes pa la gsungs pa/ gang phyir zhes pa la sogs pa'i rgyus te/ kun gyi bdag nyid ni dngos po thams cad kyi'o/ /bdag nyid ces pa ni rang gi rnam par shes pa'i phung po ste/ rnam par shes pa drug gi tshogs la brten pas rang rig pa'i tshul gyis so/ /de'i phyir mi shes pa ni gti mug gi skyes bu ste rigs pa thams cad la spyan la sogs pa rnams kyis ma rtog pa ni gti mug dang bcas pas mi shes pa'o/ /gal te mi shes na sems kyi des kho na nyid ji ltar rtogs par 'gyur zhes pa la gsungs pa/ sems zhes pa la sogs pa'o/ /sems rang sems kyi tshul gyis bdag nyid kyis zhes pa ni sems dpa' o/ /sems kyi tshul zhes pa ni/ thams cad du dga' ba dang/ mi dga' ba dang/ phung po la sogs pa rig pa'i bdag nyid kyi srog go /shes dang zhes pa ni thams cad du song bas khyab 'jug ste/ shes pa'i rang bzhin gyi skyes bu'o/ /shes bya'i rang bzhin zhes pa ni/ shed bu dang shed las skyes rang rig pa po dang byed pa po la sogs pa'i rdzas kyi gzugs so/ /rgyud nyid ces pa ni dbang phyug nyid de de dbang phyug tu smra ba rnams chos rnams kyi rgyu ni dbang phyug nyid ces smra'o/ /chos kyi dngos bdag ces pa ni zhi ba'i grub mdza' ste/ bsod nams la sogs pa'i tshes rab tu 'phel ba ni/ chos kyi gzugs kyi dbang phyug chen po ste zhes dbang phyug chen por blta'o/ /de kho na nyid rab tu bstan pa'i don du 'dis rdzas su mthun pa dang ldog pa gsungs pa ste/ gcig nyid dang du ma nyid kyis bsgrub par bya ba'i chos dang/ gtan tshigs dang dpe rnams gsungs pa chos rnams zhes pa la sogs pa'o/ /du ma nyid kyis zhes pa'i tshig gis gcig nyid bsgrub bya ma yin pa'i gtan tshigs gsungs so/ /du ma nyid du mi 'byung zhes pa 'dis du ma nyid bsgrub bya'i chos su mi 'gyur ba'i gtan tshig gsungs so/ /chu bo'i rgya mtsho'i dpe nyid kyang gnyis

  158. 79b

    ka'i dper bzhed de/ 'dis ni du ma nyid dang gcig nyid bsgrub bya'i dper brjod par bya ste/ de la sna tshogs nyid ma grub pas gang zhig de ma thag tu gsungs pa'i sems la sogs pa'i tshes du ma rnams ji ltar 'grub/ du ma'i dngos po ni gcig las log pa sna tshogs pa'i rnam par yod pa ste/ des na chos du ma nyid kyi rgyus mu stegs sems dpa' la sogs pa du ma'i rnam par snang ngo/ /'di lta bur nye bar dmigs pa ci 'dra zhes pa la gsungs pa/ chu bo'i rgyun zhes bya ba la sogs pa'o/ /rgyun gyi sgra 'di ni sdud pa po/ /rgya mtshor ji ltar chu bo rnams 'bab pa ni si ta dang/ sind+hu dang/ gang+gA la sogs pa'o/ /rgyun ni chu bo'i rab tu 'bab pa ste/ 'bab pas 'di ni chu bo sin du dang/ 'di ni si ta'o/ /'di ni gang+ga'o/ /zhes sna tshogs su dmigs par mi 'gyur te/ de bzhin du zab cing gting dpag par dka' ba'i chos kyi dbyings las phyi rol tu gyur pa'i mu stegs pa rnams/ 'di ni bdag gi srog dang/ skyes bu dang gang zag dang/ zhes sna tshogs par so sor snang ste/ ci de kho na nyid la 'dir du ma'i rnam pa yod pa nyid dam zhes pa la med par bstan pa'i phyir gsungs pa/ gcig ces pa ste 'dir gang zhig mngon par 'dod pa'i de kho na nyid de ni gcig gi tshul du bzung ba nyid do/ /gcig pa nyid ci'i phyir zhes pa la gsungs pa/ du ma nyid du zhes pa la sogs pa'o/ /du ma nyid zhes pa ni sems dpa' la sogs pa de rnams so/ /gang zhig du ma nyid sna tshogs kyi rnam par yod pa ni mi skye ste/ rigs pas mi rtog pa'i phyir ro/ /gang gi phyir du mar 'gyur ba ni gcig las 'grub po/ / ji ltar chu bo rnams su du mar 'grub pa ni rgya mtsho las 'grub po/ /gal te du ma'i rgyus sna tshogs kyi rnam par rtogs na de lta na rgya mtshor zhugs pa'i chu bo rnams sna tshogs su so sor snang bar rigs so/ /de'i phyir du ma nyid du mi 'byung zhes pa'i rigs

  159. 80a

    pa gsungs pa'o/ /de la rang bzhin gyis yod pa'i chu bo rnams 'dir dngos po dang dngos po med pa la sogs pa gcig pa nyid du brjod par mi nus te/ ji skad du gsungs pa/ ji srid chu ru chu zhugs pa/ /de nyid ro mnyam gyur pa yin/ /sems la skyon yon rnam pa dag /rmongs pa gnyen po'i phyogs 'chad med/ /ces pa'o/ /'di rnams gsungs par gyur pa/ sems dpa' dang bdag la sogs pa yod par rigs pas mi rtogs so/ /gal te rigs pa yod par gyur kyang/ gang zhig sems dpa' la sogs pa'i chos thams cad bdag med par zhugs par 'gyur ro/ /de lta bas na de rnams sna tshogs su so sor snang bar mi 'gyur te/ ji ltar rgya mtshor zhugs pa'i chu bo rnams sna tshogs kyi gzugs su so sor snang ba med pa bzhin du/ sna tshogs ma grub pas de kho na nyid gcig pa'i rnam pa nyid du go bar bya zhes pa'o/ /de kho na nyid gcig pa de ltar de kho na nyid gsum gang las thob par bya zhes pa la gsungs pa/ bla ma'i zhal las zhes pa la sogs pa'o/ /rgyud dang sngags rnams ston pa ni bla ma'o/ /de'i zhal ni nye bar bstan pas so/ /thob pa ni shes pa'o/ /de la man ngag bstan pa gsungs pa/ nang du zhes pa la sogs pa'o/ /rtsa rnams lus la ji lta ba'i gzugs kyis gnas pa'o/ /gang du gnas zhes pa la gsungs pa/ b+ha ga'i dbus su nam mkha' i gang zhes pa la sogs pa'o/ /nam mkha' zhes pa ni pad+ma'i lte bar rtsa'i khong stong gi gnas so/ /de khyad par ji lta bu dang ldan zhes pa la gsungs pa/ nam mkha' lnga zhes pa la sogs pa'o/ /nam mkha' lnga zhes pa ni/ khrag dang/ dri chu dang/ dri chen dang/ khu ba 'jag pa'i bzung bas rtsa lnga'i khong stong ni nam mkha' i phyogs so/ /bshad lugs gzhan yang chu dang me dang sa dang rlung ste/ grang ba dang/ dro ba dang gnyis ka dang/ dri'i mtshan

  160. 80b

    gyis nam mkha' i dkyil 'khor gyi nang du 'dus pas nam mkha' lnga yis brgyan pa'o/ /nam mkha' gcig pus ni ma yin te pad+mas kyang brgyan zhes pa la gsungs pa lte ba zhes pa la sogs pa ste/ lte ba'i dbus su ze 'bru'i ge sar ni de'i 'gram nas skyes pa ste de yis ldan pa'o/ /'dab ma brgyad ni 'dab ma brgyad pa'i pad+ma ste des brgyan pa'o/ /de'i zhes pa ni pad+ma'i nam mkhar ro/ /gang zhig rdo rje'i nor bu dang pad+ma'i lto ba dag sbyar zhing gzir ba de'i dbus su'o/ /rdo rje can zhes pa ni 'dod chags chen po'i bdag nyid kyi rdo rje bdud rtsi'i snying po'o/ /de ji lta bu'i rnam par gnas zhes pa la khu ba zhes pa la sogs pa'o/ /khu bas phye ba nyid kyis khu ba ste bdud rtsi gzhom du med par yang dag par rig pa'i tshul 'dis na bdud rtsi'i gzugs so/ /gzhan yang de'i bye brag tu bya ba'i phyir gsungs pa/ cha dang zhes pa la sogs pa'o/ /cha zhes pa ni a yig la sogs pa ma mo rnams so/ /cha min ni ka yig la sogs pa'i gsal byed de/ de gnyis las rnam par grol ba ni bral ba'o/ /thig le zhes pa ni aM yig go /thig le nyid ring por brjod pa ni nA da'o/ /de gnyi ga spangs pa ni dbyangs med pa zhes pa'i don to/ /gnas der ci zhig byed ces pa la gsungs pa/ 'dzag ces pa la sogs pa'o/ /ci zhig 'dzag ces pa la bdud rtsi zhes pa la sogs pa'o/ /bdud rtsi khu ba'i gzugs ni zhu ba'i tshul zhes pa'i don te/ 'dod chags chen po'i tshul nyid kyis so/ /de'i man ngag ni 'di yin te/ pad+ma'i nor bu'i dbus su mchog tu bde ba'i dga' ba rang rig pa'i rang bzhin dbyangs dang bral ba'i ha yig ni rdo rje bdud rtsi'o/ /snying po de kho na nyid ces dgongs so/ /'khrig pa'i chas kyi yang dag par sbyor bas de dang 'dra bar 'dod chags chen po'i tshul 'khrig pa'i chos kyi gnas skabs so/ /de'i tshul ji lta bu

  161. 81a

    zhes pa la lus kyi rab tu sbyor bas rgyas par bya ba'i phyir gsungs pa gzhi zhes pa la sogs pa'o/ /gzhi zhes pa ni srog chags kyi lus la gnas pa rnams kyi gzhi'o/ /gang rnams kyi gzhi zhes pa la kun gyi zhes pa la sogs pa'o/ /khu ba dang/ rus pa dang/ rkang dang/ sha dang/ khrag la sogs pa'i ro bcud rnams so/ /thams cad du rlung gi rnam pa gzhom du med pa'i rnam par shes pa ste/ snying gar gnas zhes pa gsungs par gyur pa'o/ /de ltar gyur pa de'i 'gro ba'i spyod pa gsungs pa 'og dang zhes pa la sogs pa'o/ /'og ces pa ni snying ga'i 'og ste lte ba dang b+ha ga'o/ /steng zhes pa ni sna'i rtse mo nas ji srid nam mkha' i bar du ste/ 'di rnams kyi mthar thug par rlung gi rnam pas khyab par byed ces pas so/ /yang na 'og ces pa ni rkang pa'i mthil lo/ /steng zhes pa ni spyi gtsug gi mtshams kyi mthar thug pa'i lus mdza' dag la myos byed kyi rnam pa khyab cing gnas zhes pa ni khyab par byed pas so/ /gang du gsungs pa'i lus 'di dag la ji lta ba bzhin rol te de'i phyir/ 'dis ni rol pa rgyas par bshad pa nye bar bstan zhes pa lhag ma'o/ /'di'i rnam pa gcig pus khyab pa ni ma yin te/ bya ba gang gi khyab byed ces pa gsungs pa/ blta dang zhes pa la sogs pa'o/ /blta ba la sogs pa'i bya ba rnams ni khyab bya ste/ gzhan ni de nyid rnam par gnas zhes pa 'dir 'brel to/ /blta dang zhes pa ni mig gi rnam par shes pa la brten nas lha'i spyod yul bsgribs pa la sogs pa'i dngos po'i bye brag rnams kyang yang dag par shes pa'o/ /de ltar rna ba'i rnam par shes pa la brten nas lha'i spyod yul bsgribs pa la sogs pa'i dngos po yongs su bcod pas sgra nyan par byed do/ /snom pa ni sno'i rnam par shes pa la brten

  162. 81b

    nas dri bzang po la sogs pa'i dri rnams snom par byed do/ /lce'i rnam par shes pa la brten nas ro zhim po la sogs pa'i rdzas rnams myang bar byed do/ /lus kyi rnam par shes pa la brten nas bde ba'i reg pa dang phreng ba la sogs pa'i rgyan rnams la reg pa'i bag chags kyis reg par byed do/ /yid kyi rnam par shes pa la brten nas tshig rab tu rgyas pa ste legs par sbyar ba la sogs pa'i mdzes pa rnams so/ /ri mo zhes pa ni ri mo mkhan la brten nas ri mo'i las shes pa'o/ /dri za pa brten nas dri za'i cho ga shes pa'o/ /a ni kun gyi don te/ ster ba ni kun tu ster bar byed cing yang nas yang du ster ba'o/ /'dzin po zhes pa ni so sor 'dzin cing zhes pa'i sred pa'i rnam par shes pa la brten nas len par byed do/ /rol rtsed ces pa ni nor la sogs pa la brten nas cho lo'i gtam la sogs pas longs spyod pa'o/ /rgyug pa zhes pa ni 'grol la brten nas mgyogs par rgyug pa'o/ /ngal zhing chad pas dbugs 'byin pa 'byung bar 'gyur ro/ /gnyid kyi rang bzhin gyis non pas nyal par byed do/ /gnyid dang bral bas rab tu sad par 'gyur ro/ /de nyid ces pa ni de kho na nyid kyi rgyal po'o/ /gnyid gdug pa ni dngos po mdza' dag gi bag chags las rmi lam du yang glang po dang shing rta dang/ rta la sogs mngon sum lta bur mthong ba'o/ /rgod pa'i dngos po la brten nas rgod par byed do/ /mya ngan gyi rang bzhin la rten nas ngu bar byed do/ /spro ba'i rang bzhin gyis gar byed do/ /gar mkhan la brten nas so/ /ltad mo la brten nas rdza rnga dang rnga rings dang/ rnga bo che la sogs pa'i rol mo byed do/ /yul gyi mi la sogs pa'i mi la brten nas/ kar+Na ta la sogs pa'i sna tshogs pa'i gtam smra bar byed do/ /sman gyi sbyor bas rlung can du byed pa dang/ chang gis myos pa ni smyon pa ste tha mal pa las gzhan du smra ba'o/ /chang la sogs pa'i btung bas gzi zhing

  163. 82a

    myos pa ni bya ba dang bya ba ma yin pa mi dpyod pa ste/ chang gis 'di thams cad nyid ces dgongs so/ /gti mug ni gti mug gi bdag nyid can no/ /'dod chags zhes pa ni chags pa'i 'dod chags dang khro ba'i 'dod chags so/ /chags pa'i rang bzhin ni spo ba las 'dod chags te sgeg pa'i bdag nyid do/ /khro ba'i rang bzhin gyi sbyor ba las ni rang gi dngos po'o/ /tsam gyi gzugs zhes pa ni du ma'i gzugs kyi rang bzhin zhes pa'i don to/ /gzugs yang dag par brje ba'i las thob pa las bud med kyi dngos po dang ldan na sun med du 'gyur ro/ /skyes pa'i dbang po thob na skyes par 'gyur ro/ /gnyis ka'i mtshan ma med na ma ning ngo/ /sna tshogs gzugs zhes pa ni lha dang lha ma yin la sogs pa'i bag chags kyi mtshams sbyor la mnyam par brten pa'i sbyor ba las so/ /lha la sogs pa'i rkang gnyis pa dang/ rkang bzhi pa dang/ rkang mangs? dang/ rkang med la sogs pa rnam pa sna tshogs pa'i rnam pa'o/ /sna tshogs bdag nyid ces pa ni sna tshogs pa'i dngos po'i rang bzhin gyis so/ /sna tshogs gzugs kyi nor bu 'dis dpes so sor rtogs par bya ste/ ji ltar nor bu gcig nyid la 'bru dang me tog la sogs pa la nye bar brten nas kha dog sna tshogs pa 'byung bar 'gyur ro/ /de bzhin du de kho na nyid kyang 'gro ba mdza' dag gi bag chags la nye bar brten nas sna tshogs pa'i gzugs su 'gyur ro/ /khyab bya khyab byed dngos po yis zhes pa 'dis ni lus logs pa'i dngos po ni khyab bya'o/ /lta bar byed pa dang nyon mongs pa'i bya ba rnams ni khyab bar byed pa ste/ de dag gi dngos po ni rang bzhin te khyab bya dang khyab byed kyi dngos po'o/ /des na mchog ni de kho na nyid do/ /rnam par shes pa gzhom du med pa'i rnam pa ste de lta bur 'gyur ba'i 'gro ba'i grong du rnam par gnas pa'o/ /gang du brjod pa ji ltar dbang

  164. 82b

    po gnyis ni spyod ces pa dang/ de ni 'di yis mthong bar 'gyur zhes pa nas brtsams te/ rnam par gnas zhes pa'i mthar thug pa'i gzhung gis dbang po gnyis kyi nye bar longs spyod pa bstan to/ /ji srid de kho na nyid la spyod pa yod dam zhes pa la/ med par bstan pa'i phyir gsungs pa/ 'di la zhes pa la sogs pa'o/ /'di zhes pa ni de ma thag tu gsungs pa'o/ /de nyid ces pa ni srog gi bdag nyid kyi ha yig go /bdag ma zhes pa ni bod pa'o/ /bzlas pa med ces pa ni stong phrag la sogs pa'i grangs su bcad pa'i sngon gyi bsnyen pa med pa'o/ /'dzin pa zhes pa ni srog dang rtsol ba la sogs pa'i bsgom pa'o/ /phreng ba'i grangs bzung ba'i phyir 'dzin pa'o/ /bya ba ni nas dang lo ma dang so ba la sogs pa za bas snum bag med pa'i zas za ba'o/ /bsnyung ba ni zas mi za ba'i 'o/ /'dod pa lnga la nye bar longs spyod pa nyid kyis pa'o/ /'dzin pa la sogs pa'i nye bar longs spyod pa thams cad ni med cing 'dod pa thams cad la nye bar longs spyod pa la 'jug pa ni yod par dgongs so/ /de nas 'dod pa thams cad la nye bar longs spyod pa nyid kyis 'grub ces bstan pa'i phyir gsungs pa/ mchod par bya zhes pa la sogs pa'o/ /nyon mongs pa rnams 'joms pas ni b+ha ga'o/ /'dod par bya ba nyid kyis pad+ma'o/ /de yang dag par rig pa ni mchod pa 'am me tog la sogs pa'i mchod pa'i mchod pa ste mchod cing dbul bar bya'o de'i de ma thag tu bdud rtsi bza' bar bya'o/ /des cir 'gyur zhes pa la gsungs pa/ 'dis ni zhes pa ni mchod pa'i rnam pa 'dis mchod pas so/ /'grub pa ni 'bras bu thob par 'gyur ro/ /de nyid ces pa ni snying po mchog tu khyad par du 'phags pa'o/ /rdo rje bdud rtsi bde ba tshe zhes pa ni bde ba chen po'i rang bzhin no/ /pad+ma gcig pu kho na mchod par bya ba

  165. 83a

    ma yin te/ der gnas pa'i rtsa yang mchod par bya zhes bstan pa'i phyir gsungs pa gang gis zhes pa la sogs pa'o/ /gang gis zhes pa ni sngon du snyoms par 'jug pa bstan pa rnams kyis so/ /brtag pa gnyis pa las kyang rgyas par gsungs pa/ rtsa ni pad+ma'i lte bar gnas/ /char 'bab par ni bshad pa ste/ /reg pa'i mchod pas mchod par bya/ /zhes par 'brel to/ /khyad par ji lta bu'i bdag nyid ces pa la sum cu rtsa gnyis zhes pa la sogs pa'o/ /rgyun ma dang rtag ma dang/ yul ma dang/ phreng ma dang/ lcug ma dang/ dkyil 'khor ma dang lnga pa ma dang/ lte ba'i rab ma dang/ ka ba ma dang/ rnam rkang ma dang/ 'jig ma dang/ g.yon ma dang/ me'i snam dang/ gru ma dang/ nor bu'i kha dog dang/ mgrin pa'i skud pa dang/ shing rta'i gso ma dang sprul gyi lce ma dang gdong na mo dang gdong dug ma dang/ phyogs ma dang mi 'phrogs ma dang/ langs ma dang/ bde langs ma dang/ bzang mo dang/ mig bzangs ma dang/ 'dus pa dang/ 'byung na ma dang/ brag 'bab ma dang/ dri chu 'dzag ma dang/ khu ba 'bab ma dang/ gtsang ma zhes pa ste sum cu rtsa gnyis so/ /'di rnams kyi nang na gtso bo ni gtso bor myos byed 'bab pa ste/ rtsa thams cad la 'di nyid ni sgor gyur pa nyid kyis so/ /ji ltar chu bo rnams la rgya mtsho sgor gyur pa de bzhin du rtsa rnams la myos byed 'bab pa sgo nyid do/ /sum cu rtsa gnyis kyi nang gcig pu las gtso bo yod pa ni ma yin te/ de las gzhan rtsa dgu yang gnas pas so/ /de rnams kyi nang gi gtso ba'i yang mchod par bya zhes bstan pa'i phyir gsungs pa/ de rnams las kyang zhes pa la sogs pa'o/ /de rnams las zhes pa ni rtsa sum cu rtsa gnyis po rnams las so/ /gzhan zhes pa ni gzhan rnams te/ sgrol ma dang/ rnam sgrol dang/ mkhur chos dang

  166. 83b

    nye ba'i mkhur tshos dang/ snam dang/ nye ra'i sna ma dang/ 'gram pa'i phreng ma dang/ bshang lam gnas ma dang/ bya gdong ma zhes pa'o/ /rtsa dgu'i rim pa ni mig la sogs pa'i sgro dgu phor gnas pa rnams so/ /ji lta ba'i sbyor bas mchod par bya ba ni/ rtogs par byas la de'i gnas rnams su nges par bstan par bya'o/ /'di'i thun mong ma yin par bstan pa'i phyir gsungs pa/ 'di dag ces pa la sogs pa'o/ /'di dag ces pa ni de ma thag tu gsungs pa nyid do/ /gsang ba zhes pa ni thun mong ma yin pa nyid kyis gsang ba'o/ /mchog ces pa ni rab mchog go /rnal 'byor zhes pa ni gnyis su med pa'i ting nge 'dzin gyi rnal 'byor ro/ /bshad pa zhes pa ni rtsa'i rab tu dbye ba la sogs pa bstan pa'o/ /de bzhin gshegs pas rnam mi shes ta/ rdo rje bdud rtsi bstan pa'i don du dran pa'i lam du nye bar song ba med pa'o/ /gang dang gang gis rnam par mi shes zhes pa la gsungs pa/ sna tshogs zhes pa la sogs pa ste sna tshogs ni don yod grub pa'o/ /rnam par snang mdzad ni rab tu gnas par zad do/ /sogs pa'i sgras ni snang ba mdza' yas dang rin chen 'byung ldan la sogs pa'o/ /de rnams kyis rnam par mi shes pa'i don ni shes kyang gzhan dag la ma bstan zhes pa'i don to/ /de lta bu'i tshogs gsol ba 'debs par byed pa med pas na'o// de lta bu'i cho gas de bzhin gshegs pa la sogs pa la gsol ba gdab pas gsol ba 'debs par byed pa yod na/ bstan pa'i bye brag rnams bsten par 'gyur ro/ /de bzhin du yang gsang ba 'dus pa las/ /ji srid mar me mdzad sogs kyis/ /rgyud rnams bstan par ma gyur to/ /zhes pa'o/ /de kho na nyid bsdus pa la sogs par/ rdo rje'i rigs can rnams rang gi yid la brjod par byed de/ bcom ldan 'das kyi bstan pa de gsungs so/ /gal te chu la ji lta ba bzhin ma rtogs na de bzhin

  167. 84a

    gshegs pa rnams kyis ma mkhyen pa dang ma gzigs pa cung zad kyang med do/ /zhes pa dang 'gal bar 'gyur ro/ /gang zhig 'dir gsungs pa/ byang chub sems dpa' rnams dang de bzhin gshegs pa rnams kyis kyang de sgom par byed do/ /zhes pa dang yang 'gal bar 'gyur ro/ /khyod kyis kyang ji ltar bstan pa zhes pa la/ rang gis bstan pa'i rgyu gsungs pa/ shin tu chags pa zhes pa la sogs pa ste/ nga yis bshad bces pa 'dir 'brel to/ /chags pa'i bde bas zhes pa ni 'dod pa thams cad la bde bar longs spyod pa bdud rtsi'i rnal 'byor gyi snod can gyi 'jig rten pa la zhes pa ste/ gtan tshigs kyi gsum pa'o/ /mchog gi rnal 'byor rab gsal byas ni/ gong du de ma thag tu brjod pa nyid do/ /gsang ba'i pad+ma ni khyod kyi chos 'byung ngo/ /lta ba yang de la'o/ /shin tu sdug pa'i sha dang ldan pa ste pad+ma'i 'dab ma sbom pa'o/ /yang dag par sbyor ba'i rnal 'byor bsgom pa'i lta ba'i rgyus de kho na nyid do/ /rdo rje bdud rtsi bde ba che ba'i rgyud ngas bshad cing rab gsal byas pa'o/ /de gsungs par 'gyur ba rdo rje bdud rtsi'i chos kyi snod dang ldan pa'i sems can mthong nas/ khyod kyi pad+ma lta ba'i gsol 'debs par byed pa des na nges kyang bshad ces pa'o/ /mA ma kIs rang dgar brtsams pa ni ma yin par bstan pa'i phyir gsungs pa/ rdo rje can gyis gsungs zhes pa la sogs pa'o/ /rgyas par bstan pa'i dbang du byas te gsungs pa/ rdo rje bdud rtsi zhes pa la sogs pa'o/ /rgyas par bstan pa'i ming gsungs pa/ de kho na nyid ces pa la sogs pa'o/ /de kho na nyid ces ba ni dbyangs dang bral ba'i ha yig snying gar ro/ /des na rnal 'byor ni dkyil 'khor bsgom pa'o/ /de'i ye shes ni de'i rnam pa ste de kho na nyid kyi rnal 'byor gyi ye shes so/ /gzhung gang gis de rgyas par bstan pa de nyid ni de

  168. 84b

    bzhin du brjod ces pa'o/ /le'u gnyis pa'i rgya cher 'grel pa'o// //da ni dkyil 'khor ba rnams kyis rtsa ba'i sngags rnams shes par 'dod pas/ mA ma kI'i klu yis gsol ba 'debs bar byed ces gsungs pa/ de nas zhes pa la sogs pa'o/ /de nas zhes pa ni gnyis pa bstan pa'i de ma thag tu'o/ /dgyes zhes pa ni de kho na nyid rtogs pas de yang dag par dgyes pa'o/ /lha mo de zhes pa mA mi kA'o/ /dpung rgyan la sogs pa'i rgyan gyis brgyan nas so// dgyes par byed ces pa ni dgyes pa skyed par ro/ /gang zhig dgyes par bya zhes pa la gsungs pa/ de zhes pa la sogs pa'o/ /de zhes pa ni rdo rje bdud rtsi'i rgyud ston pa po'o/ /sems dpa' chen po ni byang chub kyi bdud rtsi'i bdag nyid de/ sems dpa' i sems gang yin pa de ni de bzhin du gsungs so/ /gang gis dgyes par byed ces pa la/ glu blangs zhes pa la sogs pa'o/ /glu zhes pa ni lha rnams la yang dag par mnga' ba'i yon tan gyi sgo nas bstod pa'o/ /'di yis zhes pa ni 'chad par 'gyur ba'o/ /gang gis ci zhig byas na dgyes par bya zhes pa la glu blar zhes pa ni/ dbyangs sna tshogs snyoms par 'jug pa glu mkhan gyi bye brag ste/ phun sum tshogs par byed do/ /de la glu gsungs grol zhing grol ba zhes pa la sogs pa'o/ /shin tu chags pa la snyoms par zhugs pas de'i 'dod chags chen po'i bdag nyid so sor snang ba rdzogs pa dang/ de yongs su shes pa'i nges pa la sogs 'dir gsungs so/ /grol zhing grol zhes pa shin tu chags pa'i bya ba yongs btang zhes pa'i don to/ /bdud rtsi grol ba 'dis ni rdo rje'o/ /bde chen zhes pa ni bod pa'o/ /la lar nyon cig nyon zhes pa'i tshig yod do/ /shin tu chags pa'i bya ba yongs su gtong ba'i rgyu gsungs pa shes zhes pa la sogs pa'o/ /shes zhes

  169. 85a

    pa ni yang dag pa'i shes pas so/ /nga yis zhes pa ni nga yis so/ /ci zhig shes zhes pa la don dam zhes pa la sogs pa'o/ /don dam zhes pa ni de kho na nyid kyi man ngag mi bslu ba nyid do/ /de bstan pa'i phyir gsungs pa/ gnas zhes pa la sogs pa'o/ /gnas zhes pa ni bde ba zhes pa 'dir 'brel to/ /gang du gnas zhes pa la gsungs pa/ b+ha ga zhes pa la sogs pa'o/ /dri ma med par 'dod pa nyid kyis pad+ma ste der gnas pa'o/ /dbyer med ces pa ni bdud rtsi dbyer med pa'i tshul gyis bdud rtsi zhu bar gcig tu gyur pa zhes pa'i don to/ /bde pa zhes pa ni bla na med pa'i bde ba'i rgyu can te/ rdo rje bdud rtsi'i snying po'o/ /de nyid 'di gang gi zhes pa la rdo rje zhes pa la sogs pa'o/ /rdo rje bdud rtsi'i 'o 'di zhes pa ni de kho na nyid 'di'o/ /mdzes zhes pa ni don te/ mdzes zhes pa'i bar du ste/ bdud rtsi zhu ba dbyer med pa'i tshul ni rdo rje bdud rtsi'i snying po'o/ /b+ha ga'i pad+mar gnas pa ye shes kyi rang bzhin zhes gsungs par 'gyur te/ stong pa nyid kyi rang bzhin las bzhengs pa'i glu 'dis zhes bsdus pa'o/ /glu 'di'i rab tu sbyor ba gsungs pa/ glu zhes pa la sogs pa'o/ /glu zhes pa ni de ma thag tu gsungs pa ste/ glu'i rab tu sbyor bas glu blang bar bya ba ni/ phun sum tshogs par bya zhes pa'i don to/ /de la rab tu sbyor ba/ rnams gsungs pa/ 'jam pa'i zhes pa la sogs pa'o/ /'jam pa'i zhes pa ni 'jam zhing snyan pa'i bye brag dang ldan pa'o/ /sgra ni sgra dbyangs kyis te snyan pa nyid kyis mgrin pa'i yon tan gsungs so/ /man+ta tar zhes pa 'dis ni dbyangs kyi gnas rnams gsungs te/ snying gar chung rab tu sbyor bas ni man+ta'o/ /mgo bor gnas pa'i sbyor bas ta rA'o/ /ka ka la zhes pa ni gnyis su thos pas brjod pa ste/ 'dod pa rdzogs pa ni dbyangs te/ dbyangs kyi dkyil 'khor du dbyangs rnams mchog tu bsngags pa'o//

  170. 85b

    gcig rdzogs par rab tu ston pa ni drug ldan du yang gsungs pa/ gnyis su thos pa mchog yin te/ rdzogs pa ka ka li yin no zhes so/ /de yang pi wang gi rgyud la sor mo'i rtse mos dal bus brdabs nas shin tu gsal ba ma yin pa ni rta ra'i dbyangs su mtshon par bya'o/ /'jam pa'i sgras man+t+ra dang/ ta ra dang/ ka ka la rnams brjod pa'i gnas kyis blang bar bya'o/ /drug ldan la sogs pa grong pa'i chags pas glu blang bar bya zhes gsungs pa/ drug ldan la sogs zhes pa la sogs pa ste/ drug ldan ni gcig go/ /sogs pa'i sgras ka ku b+ha dang/ pany+tsi pi dang/ ke si ka dang/ Ta ka ra la sogs pa'o/ /tu'i sgras ni 'am gyi don to/ /thun mong gis kyang glu blang bar bya zhes gsungs pa/ sna tshogs zhes pa la sogs pa'o/ /sna tshogs ni shin tu yang 'jam zhing snyan pa'o/ /thun mong zhes pa ni drug ldan la sogs pa'i dbyangs kyi bye brag gzhan ni sgra'i khyad par te zhes glu blang bar bya ste/ de ni thun mong gi ming de yang me tog thun mong gi dus su 'dod chags kyi bdag nyid do/ /de bzhin du yang gsungs pa/ dgun gyi gnas ni byung ba dang/ /dpyid kyi dus dag 'ong ba ru/ /drang zhing dro dus chags pa yi/ /bdag nyid thun mong ba ni zhes pa'o/ /yang na sna tshogs 'di rdo rje bdud rtsi'o/ /de'i thun mong pa ni me tog yod pa'i nags te/ rtag par dpyid ni 'dod chags la sogs pa'i tshogs so/ /de gsungs par gyur pa/ gzhan gyi rab tu sbyor ba yis/ /glu dag blang bar byas pa yin/ /zhes pa'o/ /de la glu 'di'i 'bras bu gsungs pa/ 'dis ni zhes pa la sogs pa'o/ /'dis zhes pa la sogs pa ni glus so/ /blangs zhes pa ni bstod pa ste sangs rgyas byang chub 'grub ces pa gnas 'dir 'brel to/ /'dod chags ni shin tu chags par gyur pa'o/ /mchog

  171. 86a

    tu gyur pa'i gnas skabs kyi bde ba'o/ /de dag gi rnam 'phrul gyi don ni gang gis byin gyis brlabs pa de ni de bzhin du gsungs so/ /rdo rje bdud rtsi bde ba che ba'i rang bzhin nyid kyis de ni rdo rje bdud rtsi bde ba che ba'o/ /glus bstod par byas na gsol pa gdab bar bya zhes gsungs pa la mchod ces pa la sogs pa'o/ /mchod ces pa ni gsol cig pa'o/ /the tshom ni rnam rtog go /gang gi the tshom bsal zhes pa la gsungs pa/ de kho na nyid kyi zhes pa la sogs pa'o/ /de nyid gsungs pa/ gsang ba zhes pa la sogs pa'o/ /gsang ba'i dkyil 'khor zhes pa ni le'u dang por gsungs pa'i lha mo'i 'khor lo'o/ /de brjod pa ni/ khyod kyis bshad par gyur pas so/ /khyod kyi drin zhes pa ni khyod kyi nyams su myong ba las so/ /nga zhes pa ni bdag mo'o/ /rdo rje can zhes pa ni bod pa'o/ /ye shes kyis zhes pa ni le'u gnyis par gsungs pa'i de kho na nyid kyis so/ /byas pa dag ces pa ni byas par gyur pa rnams te de kho na nyid cig bus ni ma yin te/ byas par gyur pa rnams so/ /ngas kyang yang dag par sbyor ba'i sgom pa la nye ba'i rnal 'byor pa'i phyag rgya'i rnam par bshad pa'i dbye ba bstan pa'i phyir gsungs pa/ shin tu chags pas zhes pa la sogs pa'o/ /shin tu chags pas zhes pa ni don dam la shin tu chags pa'i bya bas so/ /bcom ldan 'das zhes pa ni bod pa'o/ /rdo rje bdud rtsi yang dag 'byung zhes pa ni rdo rje dang pad+ma las bdud rtsi de rnams yang dag par 'byung ba'o/ /rdo rje bdud rtsi 'byung ba ni rdo rje las byung ba dang/ pad+ma rgyas pas khu ba steng du g.yo ba'o/ /de'i steng du sbyor ba'o dang 'khyud pa la sogs pa'i 'dod pa nyams su myong ba de la ngas kyang brjod cing rab tu bstan pa zhes pa'i don to/ /rdo rje theg pa yang dag 'byung ni sngags kyi theg par bsdus pa'o/ /

  172. 86b

    de kho na nyid rtogs pa snyoms par 'jug pa de'i don du phyag rgya gang zhig bya ba'o/ /de la ngas kyang rab tu bstan pa 'dis bdag ni the tshom dang bral zhes dgongs so/ /'on kyang da rung du bdag la the tshom yod ces pa ste/ de nyid gsungs pa/ da rung kyang zhes pa la sogs pa'o/ /the tshom zhes pa ni yid gnyis so/ /gang la the tshom yod ces pa la gsungs pa/ phyag rgya zhes pa la sogs pa'o/ /phyag rgya zhes pa ni dam tshig gi phyag rgya la sogs pa'i phyag rgya rnams so/ /sngags ni dkyil 'khor pa rnams so/ /de dag gi rnam 'phrul ni rang rang gi yul rnams la rnam par sbyor ba ste/ de la ci rigs gsum gyi dam tshig gi phyag rgya la sogs pa'i phyag rgya rnams su brjod pa zhes dgongs so/ /de brjod pa zhes gsungs pa ji ltar zhes pa la sogs pa'o/ /ji ltar zhes pa la rtsa ba'i rgyud kyi rim pas sam/ yang na thig le la sogs pa'i rim pas rdzogs pa rdo rje bdud rtsi la sogs pa'i lha rnams sngon du bstan pa de rnams kyi dam tshig gi phyag rgya la sogs phyag rgya rnam pa ji lta bu sngags bris pa yang yi ge'i gzugs ni ji lta bur gyur zhes dgongs so/ /sngags rnams zhes pa ni yi ge ste lha rnams kyi rgyu sngags yongs su gyur pa las de rnams kyang gang du bskyed/ ci phyi lugs kyi byang chub sems ye shes sam/ gsang ba'i theg pa'i byang chub kyi sems ye shes dgongs so/ /'di rnams zhes pa ni lha rnams kyi rnal 'byor la sogs pa rdzogs pa'i bye brag 'di rnams la bdag the tshom yod kyi/ gzhan la ni ma yin no/ /des na mdor bsdus nas sngags dang lha rnams kyi bskyed pa yang bdag la gsungs zhes gsol ba 'debs par byed do/ /gsol ba btab pa'i de ma thag tu bcom ldan 'das kyis lha rnams bskyed pa gsungs par bzhed nas zhes pa ste/ de nyid gsungs pa/ bcom ldan 'das zhes pa la

  173. 87a

    sogs pa'o/ /zhes pa ni de ma thag tu'o/ /bka' stsal pa zhes pa ni gsungs pa'o/ /ci zhig bka' stsal zhes pa la bshad kyis nyon zhes pa la sogs pa'o/ /sngags dang phyag rgya zhes pa'i bsgom pa ni/ dkyil 'khor la sogs pa la nye bar sbyar ba ni phyag rgya ste lag pa'i phyag rgya dang mtshan ma'i phyag rgya'o/ /sngags ni oM yig la sogs pa'i gzugs te/ de dag las byung ba ni bskyed pa'i des pa'o/ /de la thog mar phyag rgya'i rab tu dbye ba bstan pas phyag rgya'i nges pa bya ba gsungs pa/ phyag rgya zhes pa la sogs pa'o/ /rnam gsum zhes pa ni sku dang gsung dang thugs kyi dbye ba rnams gsum mo/ /sku dang gsung dang thugs las yang dag par byung zhes pa ni/ sku dang gsung dang thugs log pa 'am/ sku dang gsung dag thugs las byung ba'o/ /de rnams nyid rgyas par bstan pa'i phyir gsungs pa/ sku gsung zhes pa la sogs pa'o/ /sku zhes pa ni sku rdo rje lag pa'i phyag rgya'o/ /gsung zhes pa ni gsung rdo rje sngags kyi las rnams dang sngags dgod pa la sogs pa'i bya ba gang yin pa ni gsung gi phyag rgya'o/ /thugs zhes pa ni thugs rdo rje'i mtshan ma'i phyag rgya ste/ rdo rje dang dril bu la sogs pa'o/ /mtshan ma'i phyag rgya de yang bsam gtan ni byang chub kyi sems bsgom pa la sogs pa'o/ /bri ba ni sngon po la sogs pa'i kha dog gis te/ dkyil 'khor la sogs pa rnam pa gnyis so/ /'di rnams kyi nang nas 'dir dgos pa de rnams bstan pa'i phyir gsungs pa/ rdo rje bdud rtsi zhes pa la sogs pa'o/ /lag pa'i phyag rgya rnam par zhes pa ni de'i mtshan nyid ma gsungs pa ste/ sku'i rang bzhin gyis gnas par byas nas zhes pa'o/ /rnal 'byor phyag rgya zhes pa ni rtags dang ldan pa'i chos 'byung gi phyag rgya'o//

  174. 87b

    gsung gi phyag rgya yang sngags kyi gzugs kyi bya ba thams cad la shes par bya'o/ /mtshan ma'i phyag rgya zhes pa ni rdo rje dang 'khor lo la sogs pa'i phyag rgya'o/ /de rnams dkyil 'khor la sogs pa la bri bar mi bya'o/ /gsung gi phyag rgya yang chos 'byung yang dkyil 'khor la sogs pa'i bya ba thams cad la sbyar bar bya zhes dgongs so/ /phyag rgya dang mtshan ma med par dkyil 'khor la sogs par ji ltar 'gyur zhes pa la gsungs pa/ phyag rgya mngon sum gzugs la ni zhes pa la sogs pa'o// mngon sum zhes pa ni mi'i phyag rgya mi rnams so/ /gang zhig gi rnam pa'i b+ha ga'i pad+ma ni de'i gzugs so/ /lha rnams lha'i btsun mo ni zhi ma la sogs pa'i lha mo rnams so/ /b+ha ga'i pad+ma ni sna tshogs su byas pa khams kun gyi rang bzhin du gnas pa'o/ /dbang po thams cad bde 'gyur ba zhes pa ni dbang po thams cad bde ba las skyes pa'i rdo rje des ldan zhes pa'i don to/ /de rnams 'di lta bu'i cho gas dkyil 'khor la sogs pa'i lha rnams kyi gnas su kun tu gzhag nas mchod par bya zhes gsungs par 'gyur te/ 'di nyid gsungs pa/ rdo rje pad+ma mnyam sbyor bas/ /bya ba thams cad bsgrub par bya zhes pa'o/ /bya ba thams cad ces pa ni dkyil 'khor dang sbyin sreg dang lha rnams kyi rnal 'byor bsgom pa la sogs pa'i bya ba rnams rdzogs par bya'o/ / de ltar dkyil 'khor la sogs pa'i cho gas phyag rgya'i nges pa'o/ /da ni lha rnams dang rtsa ba'i sngags myos byed 'bab pa'i rtsa skyed byed do/ /nges par bya bar 'dod pas dang po'i 'di nyid kyi dpe? gsungs pa/ ji ltar dpag bsam gyi shing chen ni zhes pa la sogs pa'o/ /dpag bsam gyi shing zhes pa ni 'dod pa'i 'bras bu'i shing ngo/ /brgya lhag pa'i lo ma stong phrag gcig gang la yod de ni de bzhin du gsungs so/ /de'i rang bzhin gsungs pa/ rtsa ba zhes pa la sogs pa ste/ ldan pa zhes pa 'dir

  175. 88a

    'brel to/ /tu'i sgra ni dpag bsam gyi shing de nyid rtsa ba dang 'dod pa'i 'bras bu rnams skye bo rnams la mkho ba ste/ rtsa gcig pu'i 'bras bu'i khams 'tsho ba'i tshul ma yin no/ /de la zhes pa ni de la 'dor ba'i shing la 'dod pas 'jug pa lhag ma'o/ /des na blang zhes pa ni de'i phyir blang bar bya ste/ 'dod pa'i 'bras bu yang dag par 'byung zhes dgongs so/ /de ltar rtsa ba nyid kyis kyang 'bras bu sna tshogs pa nyid skye pa'i dbye ba'i rgyu ru rung ba ste/ sems gang gis brtags pas kyang 'bras bu 'byung ba zhes pas na/ dpag bsam gyi shing gi rtsa ba'i rang bzhin gyis 'dod pa'i bag chags sna tshogs bskyed par byed pa po'o/ /de bzhin du gang rnams kyi lus kyi bdag nyid kyi rtsa sngags la sogs pa skyed pa can zhes mtshon par bya ba gsungs pa/ de ltar zhes pa la sogs pa'o/ /de ltar zhes pa ni de bzhin du myos byed 'bab pa'i rtsa ma zhes par 'brel to/ /gang rnams kyi ma zhes pa la/ gsungs pa/ sngags dang zhes pa la sogs pa'o/ /sngags ni ha yig la sogs pa'i snying po'o/ /phyag rgya ni chos 'byung gi mtshan ma'o/ /gang rnams kyi ma skyed byed ma de yang skye gnas la skye ba'o/ /sngags kun ni 'chang par 'gyur pa'i byang chub kyi sems kyi rang bzhin rnams so// de gsungs par gyur pa ji ltar rtsa ba'i bdag nyid kyi dpag bsam gyi shing dag las 'dod pa'i dbang las sa bon la sogs pas 'bras bu bskyed pa de bzhin du/ myos byed 'bab pa'i rtsas sha dang rtsa'i bdag nyid dang/ bde ba chen po'i rang bzhin gyi lha rnams rang byang chub kyi sems kyi rang bzhin gyi sngags rnams skyed par byed pa'o/ /zhes pa'o/ /'dis ni rtsa ba'i sngags 'o ma'i rnam pa rdo rje bdud rtsi'i dkyil 'khor gyi steng du chos kyi 'byung gnas kyi phyag rgya yongs su gyur pa las/ lha

  176. 88b

    rnams kyi rnal 'byor nye bar bsdus pa'o/ /de ltar sngags la sogs pa skyed pa rab tu gsal bar byas nas/ da ni sngags btu ba gsungs pa/ de nas zhes pa la sogs pa'o/ /rdo rje der gnas zhes pa ni skyes bu'i bya ba'i sbyor bas gnas nas so/ /mA ma kI zhes pa ni bod pa'o/ /gang gis mtshan mar bya zhing shes par bya ba de ni sngags kyi btu ba zhes pa'i don to/ de gsungs pa dang po zhes pa la sogs pa'o/ /dang por zhes pa ni thog mar ro/ /rnam par snang mdzad ces pa ni oM yig go /sbyar zhes pa ni yang dag par bri pa'o/ de'i de ma thag tu rdo rje bde ba chen po ni dbyangs dang ldan pa'i ha yig dbyangs dang ldan par bya ste bri bar bya zhes dgongs so/ /sa bon bzhi dang mnyam par ldan zhes pa la badzra a mri ta zhes pa'i ming gi yi ge bzhi ste de dang ldan pa'o/ /mthar ni mjug du ste swAhA'i yi ge sbyar bas 'di bzhin du 'gyur te/ oM ha badzra a mi ta swA hA/ 'dir bla ma gzhan gyi bshad pas oM yig gi de ma thag tu badzra a mri ta ma hA su kha zhes pa'i tshig rkang 'di sbyar ta sa bon bzhi ni rnam dang dbye ba bzhi pa dang mnyam par ldan pa'o/ /mthar ni swA hA'o/ /oM badzra a mri ta ma hA su khA ya swAhA/ /zhes pa ni yi ge bcu gnyis kyi sngags 'dir bshad pa ni rdo rje bdud rtsi'o/ /mA ma kI'i sngags gsungs pa yang ni zhes pa la sogs pa'o/ /yang ni zhes pa ni de ma thag tu'o/ /rnam par snang mdzad ni oM yig go /sbyin zhes pa ni thog mar ro/ /gnyis pa'i zhes pa ni gnyis pa'i sde tshan te ka sde'o/ /de'i bzhi pa ni g+ha yig go /sbyin par bya'o/ bzhi pas mnyam par ldan pa yin zhes pa ni de i yig gis ldan par byas pa'o/ /mdza' ru swAhA sbyar bar bya zhes pa rjes su mthun no/ /oM g+hi swAhA mA ma kI'i snying po'o/ /zhi ma la sogs pa'i sngags btu ba gsungs pa/ zhi ma la sogs pa'i lha mo brgyad po rnams 'og gi lte ba'i

  177. 89a

    dbus su gang zhig gnas pa rdo rje bdud rtsi'i snying po de ji lta bu'i khyad par ldan zhes pa la gsungs pa/ brgyad pa brgyad ces pa la sogs pa'o/ /brgyad ni brgyad dang brgyad de mdza' i dbyangs so/ /des brgyan pa ni ldan par byas pa'o/ /de gsungs par gyur pa/ tsheg drag dang bcas ha yig ni/ bdag po'i snying po dang ldan pa/ lha mo rnams kyi sngags ni btu zhes pa'o/ /lha mo gang rnams kyi sngags zhes pa la gsungs pa/ 'dab ma brgyad du zhes pa la sogs pa'o/ /dkyil 'khor gyi pad+ma'i 'dab ma la gnas pa'i mchod pa rnams kyis mchod par byed ces pa'i don to/ /de'i sngags gsungs pa/ sde tshan gyi mdza' son zhes pa la sogs pa'o/ /sde tshan ni a ka tsa Ta ta pa ya sha ste de rnams kyi mdza' gang zhig sa bon ni/ aM nga nya Na na ma wa sa zhes pa'i yi ge rnams btu ba so sor yang dag par blangs nas sngags su bya'o/ /ci zhig sngags su bya zhes pa la gsungs pa/ bsngags brgyad ces ces pa la sogs pa'o/ /tu'i sgras ni dbye ba ston par byed do/ /brgyad ces pa ni rim pa ji lta ba bzhin du yi ge re res sngags brgyad rnams su bya ba'i sngags rig ces pa ni slob dpon gyis so/ /sa bon de rnams dbyangs dang bcas pa zhes pa gsungs pa// mnan zhes pa la sogs pa'o/ /stong pa'i lha mo zhes pa ni thig le ste des spyi bor brgyad po rnams so/ /oM yig dang swAhA'i yi ges dang po dang mthar ldan par byas pa'o/ /de gsungs par gyur pa ha yig dang ldan de bzhin mdza' / yi ge re re thig ler bcas/ /oM yig swAhA ri bong bcas ldan pa ste/ rim par zhi ma la sogs zhes pa'o/ /oM a ha swAhA zhi ba'i 'o/ /oM da ha swAhA zhi bar smra ma'i'o/ /oM nya ha swAhA ni gtum mo'i 'o/ /oM Na ha swAhA ri bong can ma'i 'o/ /

  178. 89b

    oM na ha na swAhA/ ri bong can gyi dkyil 'khor gyi'o/ /oM maM ha swAhA ri bong can gyi ri mo'i'o/ /oM baM swAhA/ yid shes ma'i'o/ /oM saM ha swahA/ yid 'dod ma'i 'o/ /sgo skyong rnams kyi sngags gsungs pa/ sgo skyong rnams zhes pa la sogs pa'o// sgo skyong rnams ni dkyil 'khor du gsungs pa rnams te drug pa'i gnas su bdun pa'o/ /de gsungs pa bzhi zhes pa la sogs pa'o/ /dkyil 'khor du gsungs pa dang mnyam par ldan pa rnams te dang po'i mang po'i tshig gis drug pa phyis nas bdun pa'i gnas bzhis nye bar ldan pa ste/ rdo rje'i tshig 'dir bzhi zhes pa'o/ /gang zhig dkyil 'khor du gsungs pa'i sgo skyong bzhi po rnams ni khro gnyer can la sogs pa'o/ /bzhi po 'di rnams kyi rim par ma ning gi yi ge bzhi rnams te/ ri rI/ li lI/ zhes pa'i yi ge re re oM yig dang swAhAr ldan pas sngags so sor brjod par bya'o/ /oM ri swAhA/ khro gnyer can gyi'o/ /oM ri swAhA/ mi bzad 'jigs pa'o/ /oM li swAhA/ rta'i tshul can gyi'o/ /oM lI swAhA/ tshogs kyi bdag po'i'o/ /ma ning gi yi ge bzhi po 'di nyid ni me tog ma la sogs pa'i yang sngags nyid ces gsungs pa bzhi zhes pa la sogs pa ste/ dkyil 'khor dngos su ma bkod pa'i sngags bskyed pa 'dir gsungs zhes mngon par the tshom du gyur pa la dang po'i mang po'i tshig can gyis drug pa'i gnyis pa'i gnyis tshig phyis nas/ gnas bzhi nye bar bkod par bya ste 'dir yang tshig gi mthar bzhi zhes pa'o/ /dkyil 'khor du dngos su ma gsungs pa 'di nyid du nye bar dgod pa ni me tog la sogs pa'i lha mo'o/ /bzhi pa de rnams kyi nang nas me tog ma dang bdug spos ma'i lha mo dag rim par ma ning bzhi pa dang mnyam par ldan pa ni yi ge gnyis gnyis kyis swAhA dang rnam par snang mdzad kyi sngags su rig par bya'o/ /tu'i sgras ni

  179. 90a

    bye brag tu dbye ba nye bar bstan pa'o/ /oM ri rI swAhA me tog ma'o/ /oM li lI swAhA/ bdug spos ma'i'o/ /gang du de ltar me tog ma dang bdug spos pa'i sngags btus na/ mar me ma dang dri ma'i yang ji ltar brjod par bya snyam pa la/ rnam par dbye ba drug pa mthong bas tu'i sgra'i nus pas 'dir yang rdo rje'i tshig ni thun mong ma yin pa nyid kyis oM yig dang swAhA'i yi ges rim pa ji lta ba bzhin du mar me dang dri ma'i sngags dag ni man ngag gis zhes pa ste/ oM dI pA ya swAhA/ mar me ma'o/ /oM gand+hA ya swAhA/ dri ma'o/ /phyag rgya dang sngags rnam par bkod nas sngags dang dkyil 'khor la mchod pa bya zhes pa gsungs pa/ mchod par bya zhes pa ni mchod cing dbul bar bya ba ste/ mchod pa thams cad la mngon par chags pas/ phyi dang gsang ba'i mchod pas so/ /gsang ba'i dkyil 'khor ni pad+ma'i 'khor lo'o/ /mA ma kI zhes pa ni bod pa'o/ /'dis ni le'u gnyis par gsang ba chos kyi 'byung gnas kyi dkyil 'khor bsdus pa'o/ /sdud par byed pas rang dgar brtsams pa ni ma yin no/ /zhes bstan pa'i phyir gsungs pa/ bcom ldan rdo rje can gsungs zhes pa la sogs pa'o/ /sngags kun 'byung ba'i dbang du byed pa gsungs pa/ rdo rje bdud rtsi zhes pa la sogs pa'o/ /le'u'i ming gsungs pa/ sngags 'byung pa zhes pa ste/ sngags ni de ma thag tu gsungs pa rnams so/ /'byung ba ni btus pa ste le'u gang gis de brjod cing ston pa de ni le'u'i ming ngo/ /grangs gsungs pa gsum zhes pa ste/ le'u gsum pa'i rgya cher 'grel pa'o// //de ltar bzlas pa dang bsgom pa dang sangs rgyas rjes su dran pa'i rgya ru sngags btu ba yang dag par bstan nas/ da ni sbyin sreg

  180. 90b

    med par sngags dang 'khor lo'i nus pa rnams mi 'byung zhes pas/ sbyin sreg gi cho ga bstan pa'i phyir gsungs pa/ de nas des na yang dag bshad ces/ pa la sogs pa'o/ /de nas zhes pa ni sngags bstan pa'i de ma thag tu'o/ /des na zhes pa ni sngags rnams kyi 'bras bur myur ba'i rgyus so/ /sbyin sreg las ni don to/ /cho ga ni bya ba'i rim pa ste/ thab khung dang ho ma shing la sogs pa'i rim pa rnams so/ /de ji lta bur gyur pa zhes pa la gsungs pa/ rnal 'byor zhes pa la sogs pa ste/ 'dod pa lnga la nye bar longs spyod pa'i sgom pas gang byang chub de ni rnal 'byor gyi rgyud do/ /de'i tshogs ni rdo rje bdud rtsi'i rgyud kyi cho gas zhes pa'i don to/ /rnam par snang mdzad la sogs pa'i rang bzhin gyi sku dang gsung dang thugs rnams so/ /bsgrub par bya ba ni rdzogs par byas zhes pa ste/ sku gsung thugs kyi bsgrub pa'i thabs so/ /skyon thams cad dang bral bas zhi ba'o/ /nor la sogs pa yang dag par 'phel bas rgyas pa'o/ /rang gi dbang du byed pa ni dbang ngo gsod pa ni mngon spyod do/ /phan tshun 'gal bar byed pa ni rnam par sdang ba'o/ /rang gi gnas nas 'byung ba ni skrod pa'o/ /sngags zhes pa ni sngon du gsungs pa'i snying po rnams so/ /phyag rgya ni rdo rje bdud rtsi la sogs pa'i phyag rgya chen po'o/ /de'i sgrub thabs ni rdzogs pa rnams so/ /de zhes pa ni de ma thag tu gsungs pa ste/ thams cad bstan par bya ba ni rdo rje bdud rtsi yang dag par 'byung ngo/ /sbyin sreg dag gis bsdus zhes pa la gsungs pa'i/ rdo rje bdud rtsi zhes pa la sogs pa ste/ bdud rtsi ni mya ngan las 'das pa la sogs pa'i 'bras bu'o/ /de'i yang dag 'byung ni gang du rdo rje bdud rtsi yang dag 'byung ba'i rgyud dang zhes dgongs so/ /de la dang por sbyin sreg gis gzhi yang dag par sbyangs pa bstan pa'i phyir gsungs pa/ rdo rje

  181. 91a

    sems dpar bsnyems byas nas zhes pa la sogs pa ste/ sa gzhi rnam par sbyar bar bya/ /zhes pa 'dir 'brel to/ /rdo rje sems dpar bsnyams byas nas zhes pa ni rdo rje bdud rtsi'i rnal 'byor gyi nga rgyal lta bus so/ / dril bcas gnyis med ces pa ni/ g.yas pas snying gar rdo rje 'dzin pa dang/ g.yon pas dril bu rked pa'i ga nas su 'dzin pa'o/ /'jug par bya zhes pa ni sbyin sreg gi khang par ro/ /dkyil 'khor slob dpon zhes pa ni sbyin sreg gi slob dpon no// dkyil 'khor gyi sa gzhi yang dag par sbyang zhes pa ni dkyil 'khor slob dpon zhes pa 'dis bsdus pa'o/ /zhugs nas des ci zhig bya zhes pa la/ gsungs pa/ khams gsum rnam rgyal zhes pa la sogs pa ste/ khams gsum rnam par rgyal ba khro bo'i rgyal po'i lha'i rnal 'byor byas nas/ g.yas brkyang ba la sogs pa'i byed pas sa gzhi yang dag par sbyor bar bya zhes dgongs so/ /de nyid gsungs pa/ g.yas brkyang zhes pa la sogs pa'o/ /rkang stabs zhes pa ni rkang pa gnyis kyis so/ /g.yas brkyang byas pa ni gang gis de byas pa'i g.yas brkyang ba'o/ /g.yas ni rkang pa g.yas pa ste rkang mthil lnga tshad du dgrang ba'o/ /g.yas brkyang ba ni byed pa 'di ni thor gshal bzhin du g.yon pa bkug cing bskums pa'o/ / g.yon brkyang ni rkang pa de gnyis kyis so/ /slar yang ni de ma thag tu'o/ /sbyin zhes pa ni bya ba'o/ /g.yas pa bskum par byas nas ni/ /rkang pa g.yon pa bgrang bar bya/ /g.yas brkyang yongs su bzlog pa ni/ /g.yon brkyang yin par shes par bya/ /mnyam pa'i rkang stabs zhes pa ni rkang pa drang po'o/ /mnyam pa'i rkang pa ni rkang pa gnyis mnyam pa ste rkang mthil tsam gyi bar lag gis gnas pa tha mal gyi rang bzhin du gnas pa de ni mnyam pa'i rkang stabs zhes pa'i ming du 'gyur ba'o/ /mi

  182. 91b

    mnyam stabs ni mi mnyam pa'i stabs nyid de/ rkang mthil phye dang bzhi'i tshad kyis rkang pa gnyis kyi bar lag tu gyur pa ste/ rkang pa gnyis kyis gru gsum du gnas shing brla gnyis par med par gshibs pa ni mi mnyam pa'i rkang stabs zhes brjod pa ste/ rkang stabs 'di rnams kyis yongs su bskor zhing sa gzhi sbyang bar bya ba ni/ shing bu dang/ rdo ba dang/ gyo mo la sogs pa'i zug rngu rnams bsal bar bya zhes pa'i don to/ /ji ltar reg na 'jam par 'gyur ba bde bzhin du sbyang zhing dag par bya'o/ / de nas bgegs rnams bskrad par bya zhes gsungs pa/ de nas zhes pa la sogs pa'o/ /bgegs zhes pa ni ne le dang/ lce sbyang la sogs pa dang/ gzhan yang gang zhig yi dags kyi mi la sogs pa ni bgegs te de rnams so/ /de ltar sa'i gzhi rnams rnam par sbyangs nas/ mchog gi rnal 'byor pas sa'i lha mo'i sngags 'dis spyan drangs te byin gyis brlab pa dang/ lhag par gnas pa la sogs pa bya zhes pa ste/ de nyid gsungs pa/ bla ma la phyag 'tshal ba la sogs pa'o/ /bla ma zhes pa ni sngags kyi mkhan po ste/ 'di la phyag byas nas phyi nas sa'i lha mo gser gyi kha dog can phyag na bum pa bsnams pa bkug cing gzhug pa dang bcing ba dang/ dbang du bya ste dri zhim po la sogs pa dang/ mchod pa rnam pa lngas yang dag par mchod nas lhag par gnas pa nye bar bya'o/ /de la spyan drangs pa'i sngags gsungs pa/ oM e hye hi mahA de bi zhes pa la sogs pa'o/ /'dis lhag par gnas pa la sogs pa byas nas/ sa gzhi mnyam par byug par bya/ /zhes pas de nyid gsungs pa/ dri chen dri chu zhes pa la sogs pa'o/ /byug par bya zhes pa ni byug pa nyid do/ /de nas sha chen gyi bdug spos kyis bdug par bya'o/ /yang dag par bdug nas kyang de'i dbus su phyag rgya bzhag nas mchod pa bya zhes gsungs pa la/ de nas zhes pa la sogs pa'o//

  183. 92a

    de nas zhes pa ni bdug spos byin pa'i de ma thag tu'o/ /rig ma gzhug par bya zhes pa ste/ de nyid gsungs pa/ rig ma zhes pa la sogs pa'o/ /rig ma ni lha mo'o/ /ci rdzas la sogs pa la brdungs shing/ lugs su blugs pa de gzhug gam zhes pa la ma yin par gsungs pa gtum mo zhes pa ni gtum mo la sogs pa'i mi'i bu mo zhes pa'i don to/ /gtum mo ni gtum mo nyid do/ /reg min glu len pa'i rigs su skyes pa ni g.yung mo'o/ /rigs ngan gar byed pa'i bu mo gar mkhan ma'o/ /bram ze mo ni gnyis skyes kyi rigs su skyes pa'o/ /dmangs rigs ni dmangs rigs ma nyid do/ /rgyal rigs mtshan la sogs pa'i rigs su skyes pa ni rgyal rigs so/ /'di rnams ni zhi ba la sogs pa'i las kyi dbye bas gsungs te/ go rims ma 'chol bar shes par bya'o/ /gzhan thun mong pa rnams kyang yan lag la sngags rnams dgod ces pa ste/ de nyid gsungs pa/ h+ri yig ces pa la sogs pa'o/ /yan lag la zhes pa ni snying dang smin phrag dang/ mgrin pa dang/ spyi bo rnams su d+hi yig dgod par bya'o/ /b+ha ga'i dbus su zhes pa ni b+ha ga'i sgras de'i lte bar brjod par bya ste/ b+ha ga yang yin la/ dbus kyang yin pas b+ha ga'i dbus te/ der b+h+ruM yig dgod par bya'o/ /de ltar yi ge rnam par bkod nas spyan la sogs pa'i gzugs bsgom par bya zhes pa de gsungs pa/ spyan ma sgrol ma zhes pa la sogs pa'o/ /de la bram ze ma ni dmangs rigs mo ste zhi ma spyan ma'i rnam pa ste/ kha dog dkar mo'o/ /zhal gsum ni dkar po dang nag po dang/ nyi ma'i mdog go /phyag drug ni 'khor lo dang rdo rje dang/ dril bu dang/ lcags kyu dang/ zhags pa 'dzin pa'o/ /rdo rje bdud rtsi cod pan du brgyan par bsgom par bya'o/ /dbang du bya ba gtum mo ni sgrol ma ste/ kha dog dmar mo'o//

  184. 92b

    zhal gsum ni dmar po dang/ dkar po dang/ nag po'o/ /phyag drug na lcags kyu dang/ rdo rje dang ral gri dang dril bu dang/ 'khor lo dang/ zhags pa bsnams pa/ rdo rje bdud rtsi cod pan du byas pa'o/ /mngon spyod la sgrol ma nyid rab tu brtag par bya ste rnam par 'gyur zhing kha dog nag po'o/ /zhal gsum ni nag po dang/ dkar po dang/ nyi ma lta bu'o/ /phyag drug na ral gri dang/ 'khor lo dang dril bu dang/ zhags pa dang/ rdo rje 'dzin pa/ rdo rje bdud rtsi'i cod pan can no/ /rgyas pa la gar mkhan ma 'am/ rgyal rigs ma ni gos dkar mo'i gzugs te kha dog ser po'o/ /zhal gsum la ser po dang/ dkar po dang/ nyi ma'i mdog go /phyag drug na rdo rje dang/ 'khor lo dang/ ral gri dang/ dril bu dang/ zhags pa dang/ lcags kyu rnams 'dzin pa'o// rdo rje bdud rtsi po tis brgyan cing mtshan par shes par bya'o/ /de ltar las kyi dbye bas gzhan yang bsgom par bya'o/ /mchod pa rnam pa lnga mngon par mchod nas snyim pas me tog 'phang zhes pa ste/ de nyid gsungs pa/ me tog 'phang zhes pa la sogs pa'o/ /de la b+ha ga'i dbus su me tog ni khu ba ste gzhug par bya'o/ /de ltar sbyin sreg gi bzhi legs par byas par 'gyur ro/ /dkyil 'khor cho ga yang thun mong ba ste bu mo gzhan yang shes par bya'o/ /dkyil 'khor gyi khongs su gtogs pa'i sbyin sreg gi cho ga de bstan pa'i ched du gsang ba'i chos kyi dkyil 'khor yang bsdus pa ste/ 'dis ni 'dir dkyil 'khor ni rnam pa gnyis te phyi ni rdul tshon gyi dkyil 'khor ro/ /gsang pa'i chos kyi dkyil 'khor kyang nges pa'o/ /de ltar rnal 'byor gyi gnas kyi sar gyur nas/ sa phyogs dag tu thab khung bya zhes pa ste/ de nyid gsungs pa/ de nas zhes pa la sogs pa'o/ /kun tu bri zhes pa ni rnam par dgod pa'o/ /de yang tshang dang/ tshad kyi rnam pa ste chu dang zheng gi mtshan nyid dag go /de la tshad dang rnam pa gsungs pa/ zhi ba'i

  185. 93a

    zhes pa'o/ /zhi ba'i thab khung ni zlum po'i rnam pa khru gang gi tshad du thig gdab par bya'o/ /thig btab nas thabs su brko ba ni khru phyed sa la zhes pa ni 'og gi zabs su brko ba'o/ /kha dog dkar pos byug par bya zhes pa ni tsan dan dkar pos so/ /logs zhes pa ni tshangs thig gi logs gnyis la bltos nas bdun pa'i gnyis pa'i tshig can bstan no/ /'khor ba'i rnam pa zhes pa ni zlum po so sor bzhi'i kha khyer zhes par dgongs so/ /rgyas pa'i thab khung gsungs pa/ rgyas pa zhes pa la sogs pa'o/ /rgyas pa'i thab khung ni/ rgyar khru gnyis kyi tshad do/ /khru gang 'og tu brko ba'o/ /sor brgyad kyi kha khyer kun nas gru bzhir ro/ /btsag dang sind+hu ra dang/ btsag gi ming gi me tog ser po'i rigs kyi bye brag go /btsag ser po zhes pas gzhan du de'i kha dog gis bri zhing sbyin sreg bya zhes so/ /mngon spyod kyi thab khung na gsungs pa/ mngon spyod ces pa la sogs pa'o/ /mngon spyod kyi thab khung ni khru gsum rgyar sor mo nyi shu/ zabs su sor mo bcu'o/ /sor mo gsum gyis kha khyer gyi phreng ba'o/ /dur khrod kyi sol bas bri bar bya zhes pa'o/ /dbang dang dbu dgug pa dag thun mong ste/ thab khung gi mtshan nyid dag gcig pu gsungs te/ zla phyed ces pa la sogs pa'o/ /zla ba phyed pa lta bu rgyas pa'i hoM khung gi tshad dang mnyam pa thab khung gi phyed kyi tshad kyi thabs su'o/ /tshad dang rjes su mthun nas kha sbyar bris nas kha dag dmar pos byug par bya'o/ /thab khung thams cad kyi dbus su rim pa ji lta ba bzhin du chu dang/ sa dang me dang rlung gi dkyil 'khor gyi steng du rtags dang bcas pa'i chos 'byung gi phyag rgya yang ji lta ba'i sbyor pas bzhag par bya'o/ /las rnams kyi don du phyogs kyi cha rnams bstan par

  186. 93b

    gsungs pa/ phyogs kyi cha rnams zhes pa la sogs pa'o/ /phyogs kyi cha ni rab tu grags pa'o/ /me lha'i kha dog gi nges pa gsungs pa/ mngon spyod ces pa la sogs pa'o/ /mngon spyod ni mngon spyod kyi las rnams te/ me lha la sogs pa'i kha dog nag por bsgom par bya'o/ /dbang la sogs pa'i kha dog bstan par 'dod nas kha dog lngas zhes pa la sogs pa ste/ kha dog lnga yis dbang du bya zhes pa'i rdo rje tshig 'dis yi ge so sor bral ba'i nus pas kha dog lnga ni ser po dang dmar po dang dkar po'i kha dog ces pa'i don to/ /las rnams la dmar po la sogs pa'i kha dog rnams gang gang zhe na/ zhes pa la na ba sa yig ces pa la sogs pa ste/ na yi ge dang ba yig dang/ sa yig gis dbang dang/ rgyas pa dang zhi ba dang brjed pas de'i rang bzhin du sbyor ro/ /na dang ba dang sa'i las zhes pa'i don to/ /de bzhin du yang gsungs pa/ gab bya chen po zla ba'i 'od// yi ge so sor phral bas ni/ /pa yig pad+ma rA ga ste/ /de bzhin na yig gser yin no/ /tsa yig zla ba chu shel yin/ /kha dog kha dog nye bar bstan/ /na yig dbang gi ming can te/ /b+ha yig rgyas par brjod pa yin/ /sa yig zhi bar shes par bya/ /kha dog dang ni las rnams brjod/ /las kyi dbye bas srag rgyas rnams bstan par 'dod nas gsungs pa/ til dang 'bras zhes ba la sogs pa'o/ /til zhes pa ni ma grubs pa'i til lo/ /'bras ni sa lu'o/ /'o ma dang mar dang mar ni ba'i 'o/ /sbrang ni sbrang rtsi'o/ /bdud rtsi lnga zhes pa ni bri chen dang dri chu dang khu ba dang khrag dang sha chen no/ /sreg rdzas 'di rnams kyis rgyas pa dang/ zhi ba la sreg blugs bya'o/ /mngon spyod kyi rdzas gsungs pa/ sreg rdzas dag ni thams cad kyis zhes pa la sogs pa ste/ yam shing rnams kyang tsher ma dang mar khu tsha ba dang kha ba la sog pa'i shing khun las skyes pa sor mo bcu'i chad kyis so/ /dbang gi rdzas

  187. 94a

    rnams kyang yam shing gsungs pa/ 'o ma can gyi shing zhes 'o ma dang bcas pa'i shing pa Ta dang bim pa li dang u dum bA ra la sogs pa'i shing la sor brgyad do/ /dri zhim zhes pa ni sa la la ki dang gu gul shing dang kha di ra'i shing dang ngo/ /sbyin sreg gi cho ga'i gtor chog bya zhes gsungs pa/ kha zas zhes pa'o/ /rnam pa sna tshogs zhes pa ni las kyi dbye bas zhi ba la zho dang 'o ma dang/ 'bras zan la sogs pa'i bza' ba mdzes pa'o/ /rgyas pa la mar dang 'o ma dang sbrang rtsi dang/ sha dang/ ro zhim pa la sogs pa'o/ /khro ba la tsha ba dang/ la phug dang/ tshwa la sogs pa legs par sbyar te bza' bar bya'o/ /dbang la mar dang sha chang dang/ 'bras bu dang/ sha kar la sogs pa'o/ /gtor ma zhes pa ni lha bshos so/ /sbyin sreg gi lhag pa'i lha rnams dang/ 'byung po'i gtor ma dang/ 'byung po rnams gsungs pa/ kun zhes pa la sogs pa'o/ /'byung po kun zhes pa ni 'bras dang/ sran ma dang tshwa la sogs pa mar khus bsres nas brgya byin dang me sta dang/ gshin rje dang/ srin po dang/ chu dag dang/ rlung lha dang gnod sbyin dang/ dbang ldan la sogs pa la sbyin par bya'o/ /gtor ma de yang he ru ka'i phyag rgyas sbyin par bya zhes gsungs pa/ he ru ka zhes pa la sogs pa'o/ /he ru ka'i rnal 'byor gyi sngags gang zhig he ru ka'i phyag rgyar brjod pa ni he ru ka'i sngags kyis zhes pa'i don to/ /gang cung zad ces pa ni rtag par gtor ma gus pas chu dang bsres nas sbyin par bya'o/ /sgrub pa pos ni de yang he ru ka'i phyag rgya nyid do/ /des cis 'gyur zhes pa la gsungs pa/ 'grub ces pa'o/ /de ltar rnal 'byor pa rnams kyis so/ /yid la ci 'dod pa ni phun sum tshogs par 'gyur zhi ba la sogs pa'i las rnams kyi dus bstan pa ni zhi ba la sogs pa'o/ /ston gyi dus ni ston zla

  188. 94b

    'bring po'i tha chungs so/ /dgun ni dgun zla ra ba dang 'bring po'o/ /dpyid ni dbyar zla ra ba dang 'bring po'o/ /ci dus 'di thams cad du rtag par sbyin sreg bya ba 'am zhe na/ ma yin par gsungs pa snga dro thun gcig ces pa la sogs pa/ snga bar zhes pa ni nyi ma gzhan ni thun mtshams lhag ma rnams ni go bla'o/ /sbyin sreg la sogs pa'i lha rnams rdzogs nas sngags bstan pa gsungs pa/ hUM yig gis zhes pa la sogs pa'o/ /hUM yig ni 'dir rang gis las la bskul ba'i dbye ba las thams cad par bzhed do// des lha gzhan rnams rdzogs par byas nas srag blugs sbyin par bya zhes par 'brel to/ /gang du rdzogs par bya zhes pa la/ 'brel pa gsungs pa/ thab khung dbus su zhes pa la sogs pa'o/ /thab khung dbus ni sngon du gsungs pa'i zhi ba la sogs pa'i thab khung ste/ shing skam po las me 'bar ba'i dbus su'o/ /rang gi lha zhes pa ni 'dod pa'i lta rnams so/ /las rnam pa gsum la ni rdo rje bdud rtsis so/ /mngon spyod ni rje btsun gshin rjes so/ /de la zhi ba la kha dog dkar po'o/ /zhal gsum ni dkar po dang/ nag po dang/ nyi ma lta bu'o/ /phyag drug ni 'khor lo dang rdo rje dang/ ral gri dang lcags kyu dang zhags pa dang dril bu 'dzin pa'o/ /rdo rje bdud rtsis cod pan brgyan pa'i rdo rje bdud rtsi rdzogs par bya'o/ /rgyas pa la kha dog ser po dang/ zhal gsum ni ser po dang/ dkar po dang/ nyi ma lta bu'o/ /phyag drug ni rdo rje dang 'khor lo dang/ ral gri dang/ lcags kyu dang/ zhags pa dang/ dril bu ste mtshon cha 'dzin pa'o/ /rdo rje bdud rtsi cod pan gyi bdud rtsi bsgom par bya'o/ /dbang la rdo rje bdud rtsi kha dog dmar po zhal gsum ni dmar po dang/ dkar po dang nag po'o/ phyag drug na lcags kyu dang rdo rje dang/ ral gri dang/ 'khor lo dang/ zhags pa dang/ dril bu rnams kyis brel ba'o/ /rdo rje bdud rtsi cod pan la sogs pa rdzogs par bya'o/ /mngon spyod la ni gshin rje kha

  189. 95a

    dog nag po/ /zhal gsum ni nag po dang/ dkar po dang ni ma lta bu'o/ /phyag drug ni ral gri dang rdo rje dang 'khor lo dang/ lcags kyu dang zhags pa dang/ dril bu rnams kyis brel ba'o/ /rdo rje bdud rtsi cod pan du brtan par bya'o/ /dgang blugs zhes pa ni gang ba'i yan lag dang gnyi ga bsreg pa'o/ /dgang gzar gyi yu ba ni khru gang gi tshad do/ /mgo bo sor bzhi pa'i tshad kyi khru bzhi'o/ /sor gnyis kyis zab su'o/ /sor gcig tshad kyis mchu'o/ /sor bzhi pa'i dgang bzar la chos 'byung gi phyag rgyas dbus su mtshan pa'i dgang gzar ro/ /de bzhin du steng sor gnyis pa mthe bo'i tshad zabs su'o/ /dbus su chos 'byung gi phyag rgyas mtshan pa pad+ma'i 'dab ma'i rnam pa lta bu'i blug gzar bkang ste de ru sbyin par bya'o/ /sbyin sreg 'bum phrag gis rab tu 'grub ces gsungs pa/ 'bum zhes pa la sogs pa'o/ /ci dang por lha rnams la sreg blugs gtso bo yin nam zhe na/ ma yin par gsungs pa/ thog mar zhes pa la sogs pa'o/ /thog mar ni dang por te g.yas su sreg rdzas g.yon du mchod pa rnams gzhag nas ji lta bzhin du bshad pa'i me 'bar ba'i dbus su las thams cad pa'i rang bzhin gyis oM yig gis sam gzhan gyis me lha bskyed la dgug par bya'o/ /sngags kyis spyan drangs zhes gsungs pa la/ me zhes pa la sogs pa'o/ me zhes bya ni rang gi las dang rjes su mthun pa'i ye shes kyi mer dgongs so/ /de la zhi ba'i me lha ni kha dog dkar po zhal gsum ni dkar po dang/ nag po dang nyi ma lta bu'o/ /phyag drug ni 'khor lo dang/ 'grang phreng dang rdo rje dang/ zhags pa dang/ ril pa spyi blugs dang/ dril bu rnams 'dzin pa'o/ /rgyas pa'i me lha ni kha dog ser po/ zhal gsum ni ser po dang/ dkar po dang/ nyi ma lta bu'o/ /phyag drug na rdo rje dang mchog sbyin dang/ 'khor lo dang/ zhags pa dang/

  190. 95b

    dril bu dang ril pa spyi blugs rnams bsnams pa'o/ /dbang gis me lha ni kha dog dkar po ste/ zhal gsum la dmar po dang dkar po dang nag po'o/ /phyag drug na lcags kyu dang rdo rje dang dril bu dang ril pa spyi blugs dang/ zhags pa rnams kyis brel ba'o/ /mngon spyod kyi me lha ni kha dog nag po ste/ zhal gsum ni nag po dang dkar po dang nyi ma lta bu'o/ /phyag drug ni ral gri dang rdo rje dang 'khor lo dang/ zhags pa dang/ dril bu dang ril pa rnams kyis 'brel pa'o/ /thams cad bsdu pa rdo rje bdud rtsis brgyan pa/ ji ltar rnal 'byor gyi gdan gyi 'du shes par bya'o/ /me lha 'di rnams thams cad kyi rnam pa dang rgyan rnams brjod par 'dod nas gsungs pa/ lha'i zhes pa la sogs pa'o/ /lha'i phreng ba zhes pa ni/ spyi bor me tog gi phreng ba 'dzin pa'o/ /drag po'i zhes pa ni drag po'i dngos po ni drag po ste spyan gsum drag po lta bur snang bas zag pa ste spyan gsum zhes pa'i don to/ /de gsungs pa/ thog mar mngon par 'dod pa'i me/ /spyan drangs yon chab zhabs gsal dang/ gdan dang zhal bsil bsang gtor dang/ /mchod pa rnam lngas yang dag mchod/ /gang ba'i sreg blugs la sogs gsum/ /phul nas yid kyis mchod par bya/ /bstod cing bdud rtsi myang ba'i mthar/ /nang du zhugs shing zhu bar bsgom/ /phyi nas rang gi lha rnams ni/ /sngon bzhin hUM yig las byung ba/ /dgod ci sbyin sreg la 'jug bya/ /zhes pa'o/ /me lha rnams thun mong du spyan drangs pa'i sngags gsungs pa/ e hye hi zhes pa la sogs pa'o/ /sngags 'dis mdun du spyan drangs nas/ /de la yon chab dbul bar bya/ /arg+haM pra tIts+tsha zhes pa'o/ /de nas spyi bor me tog zhes pa ni/ me tog gi sngags gsungs pa'o/ /oM di bya puShpa zhes pa la sogs pa'o/ /mig gnyis la ni mar me zhes pa mar me'i sngags gsungs pa/ oM dI pa ni dzwA la ni zhes pa la sogs pa'o/ /sna la bdug spos zhes pa'i sngags

  191. 96a

    gsungs pa/ oM tsan dan zhes pa la sogs pa'o/ /lus kun la ni dri yin zhes pas/ dri'i sngags gsungs pa/ oM nA nA gand+ha su gand+ha zhes pa la sogs pa'o/ /bskul tshig dang bcas pa'i rnams ni las thams cad pa'i me lha'i thun mong ni sngags rnams dang rdo rje bdud rtsi'i sbyin sreg gi lhag pa'i lha rnams dang dkyil 'khor du gsungs pa'i me tog la sogs pa'i mchod pa'i sngags rnams su rtogs par bya'o/ /sbyin sreg gi rim pa bstan pa gsungs pa/ dang por zhes pa la sogs pa'o/ /nges pa byas zhes pa ni sbyin sreg gi nges pa byas pa ste/ slob dpon gyis dang por me lha mchod pa'i cho ga byas nas/ rang gi lha rnams gang dag par mchod pa byas te sbyin sreg la 'jug par bya'o/ /sbyin sreg gi las rnams rdzogs nas kyang glu dang gar la sogs pa rnal 'byor gyi rol rtsed kyis tshogs kyi dkyil 'khor dgyes par bya zhing bzod par gsol nas/ bla ma rdo rje 'dzin pa gshegs su gsol bar bya'o/ /phyi nas me lha gshegs su gsol bar bya'o/ /las thams cad thun mong du gshegs su gsol ba'i sngags gsungs pa/ oM agna ye swA d+hi da karma sarba satwa su kha a pa haM zhes pa la sogs pa'o/ /mA ma kIs rang dgar brtsams pa ma yin par bstan pa'i phyir gsungs pa/ bcom ldan rdo rje can gsungs pa zhes pa la sogs pa'o/ /sngon bzhin du rgyas par bshad par nye bar bsdu ba'i phyir gsungs pa/ rdo rje bdud rtsi zhes pa la sogs pa'o/ /sbyin sreg gi le'u zhes pa ste bzhi pa'i rgya cher 'brel pa'o// //da ni las kyi tshogs rnams bstan pa gsungs pa/ sbyin sreg cho ga gsungs nas ni zhes pa la sogs pa'o/ /sbyin sreg gi cho ga rnams de srid du gsungs nas/ de ma thag tu mig sman gyi rab tu sbyor ba bstan pa'i phyir/

  192. 96b

    gsungs pa/ mar khu che zhes pa la sogs pa/ mar khu chen po zhes pa ni mar khu ba chen po dang bcas pas dur khrod kyi ras la byas pa'i sdong bu ste gang du thod pa mi'i mgo bo yin pa de ni de bzhin te/ nag po'i tshes brgyad dang bcu bzhi'i nub mo dur khrod du thod pa gsum gyi steng du mar khu chen po'i mar me'i snod kyi thod pa bzhag ste/ de'i steng du bud med kyi thod pas kha bkab nas mig sman blang bar bya ste/ de la 'ug pa'i mgo bo bsregs nas khrag chen pos lad mang du bsnos te/ de nyid kyi nub mo ? gdan la yang dag par rtags nas phye ma 'jam zhing zhib par bya'o/ /mig sman dang bcas par gcig tu bsdus nas/ bya rgod kyi rkang pa'i pags par btum pa 'am/ bya rgod kyi rkang pa'i rus pa'i sbu gu gang zhing bsgrub par bya zhes bar 'brel to/ /gang dang gang gi snying po dang bcas pa de dang des ni 'grub ste/ mig sman gyis bdag gyis bdag nyid la 'am gzhan gyi mig la byug pa bya ste/ mi rus kyi thur mas so/ /de dang de'i gzugs kun byed do/ /de la mig sman ji ltar bsgrub par bya zhes pa la gsungs pa/ mig sman zhes pa la sogs pa'o/ /mig sman ni sngon du gsungs pa'o/ /gang zhig sngags dang sman gyi sbyor bas legs par sbyar ba ni sbyor bas 'grub ces brjod pa'o/ /rdo rje bdud rtsi las byung ba zhes pa ni/ rdo rje bdud rtsi rgyud kyi rim pa'i gzhun gi b+ha ga'i dbus su bsgrub par bya/ zhes brjod par bya ste/ thog mar phyag rgya byin gyis brlabs shing phyi nas mig sman gyi sgrub thabs dang/ yang dag par sbyor bas gzhug cing bsgom par bya'o/ /ji srid dngos grub kyi mtshan ma 'byung bar zhes pa'o/ /snying po dang bral ba'i sman 'di gcig bus zhi ba la sogs pa la yang byed ces gsungs pa/ zhi ba zhes pa la sogs pa'o/ /mig sman gyis mig la byugs te zhi ba la sogs pa'i lta stangs kyis bltas nas zhi ba la sogs par 'gyur ro/ /

  193. 97a

    bza' la sogs pas/ gzung ba rnams la mig sman gyis byugs na gza' la sogs pa 'joms par 'gyur ro/ /mig la mig sman gyis byugs te rgyal po la bltas na rgyal po'i mchod pa thob par 'gyur ro/ /mig la mig sman gyis byugs te khro ba'i lta bas dgra rnams la bltas na dgra rnams brlag par 'gyur ro/ /de bzhin du bgegs rnams la bltas na bgegs thams cad skrod par 'gyur ro/ /'chad par 'gyur ba'i sngags kyis mngon par bsngags shing bzlas par bya zhes gsungs pa/ khri ru bzlas zhes pa la sogs pa'o/ /khri ni stong phrag bcu mngon par bsngags nas mig sman gyis mig la byug par bya zhes pa'i don to/ /de'i sngags gsungs pa/ oM kA ma ru pi ni zhes pa la sogs pa'o/ /bdag ma'i rnal 'byor gyis mngon par bsngags pa dang bsgrub par bya zhes gsungs pa/ dang po'i zhal ni nag nga zhes la sogs pa'o/ /bdag ma'i kha dog dang mtshan ma rnams sba'o/ /b+ha ga'i dbus su zhes pa ni b+ha gi nyid ni phyag rgya'i dkyil 'khor ro/ /bsgrub par bya zhes pa ni rmi lam gyi mtshan ma'i bar du'o zhes pa'o/ /thig le'i rnal 'byor gyi sgrub thabs gsungs pa/ gur gum zhes pa la sogs pa'o/ /b+ha ga'i rnam pa zhes pa ni bud med kyi skye gnas su gur gum bcug ste/ phyi nas sgrub thabs 'di la zhugs te/ kha sbyar gyi rnal 'byor gyis sngags bzlas shing bsgrub par bya zhes pa lhag ma'o/ /de la sngags bstan pa'i phyir gsungs pa/ oM yig dbyangs kyis phye ba zhes pa la sogs pa'o/ /dbyangs kyis phye zhes pa ni dbyangs rnams kyi a yig la sogs pa rnams so/ /phye ba ni char te gnyis pa dbyangs ring po'i bdag nyid ces pa'i don to/ /oM yig dang dbyangs kyi dbye ba ni oM yig dbyangs kyis phye ba ste/ de nyid ni dang por yod pa gang yin pa de ni oM yig dbyangs kyis phye ba'o/ /oM a mri ta

  194. 97b

    zhes brjod par bya zhes pa ni 'di rnams kyi de ma thag tu a mri ta zhes pa'i yi ge gsum po bri bar bya zhes pa'i don to/ /de nas phaT yig go/ phaT yig gi de ma thag tu sprin gyi sgra sgrogs pa ni hUM yig go/ a mri ta yis mnyam par ldan zhes pa ni a mri ta ni haM yig go/ des ldan zhing mthar swAhA yang ngo/ /oM A a'i a'u rI lI/ i aau a(rgyud 'grel): a mri ta phaT hUM ha swAhA/ rnams gang du btu zhes pa la gsungs pa/ b+ha ga'i dbus su zhes pa la sogs pa'o/ /tsan dan gyis b+ha ga rnam par byug nas der btu zhes pa ni bri bar bya zhes dgongs so/ /btus nas ci zhig bya zhes pa la gsungs pa/ bzlas pa zhes pa la sogs pa ste sngon du bsnyen pa 'bum phrag gcig bzlas nas phyis mig sman sgrub pa bzhin gur gum yang zhes gsungs par gyur pas so/ des dpral bar thig le bya zhes gsungs pa/ thig le zhes pa la sogs pa'o/ /thig le ni 'bras bu ste go sla'o/ /smyo bar byed pa gsungs pa/ d+ha tu ra la zhes pa la sogs pa ste gser shing gi sa bon no/ /khu bas lan mang du bsnos dgos te sha chen dang mnyam par ldan pa la gshin rje'i sngags brgyad brgya bzlas pa byas nas chang dang bcas par gang la byin pa de ni smyon par 'gyur ro/ /phyis bskams nas 'chi'o/ /de la gshin rje mthar byed kyi sngags gsungs pa/ oM h+rI(rgyud 'grel): Sh+TrI(rgyud 'grel): wa kri tA nan zhes pa la sogs pa'o/ /bud med rnams rjes su chags par byed pa gsungs pa/ go ro tsa na zhes pa la sogs pa'o/ /de gsungs par gyur pa tsan dan gyis nye bar byugs pa'i b+ha ga'i steng du go ro tsa nas bruM yig yang dag par bri ba ni rdo rje'o dang bcas par yang dag par sbyar bar bya'o/ /ji srid myos byed 'gro ba de bzhin du rje'o bran bzhin du 'gyur ro/ /bsad pa'i rab tu sbyor ba gsungs pa/ dri chen dri chu zhes pa la sogs pa'o/ /dri chen dang dri chu la dgra bo'i gzugs brnyan byas la mi dus kyi phye ma dang mi'i skras

  195. 98a

    dkri bar bya zhing sha chen gyis bdug par byas nas/ gshin rje'i sngags brgyad brgya bzlas so/ /de nas dgra bo'i khyim gyi sgo der gzugs brnyan brkos nas gzhug par bya'o/ /nyi ma bdun gyi nang du dgra bo de 'chi bar 'gyur ro/ / yang na sbyin sreg gis bsad par bya zhes gsungs pa la/ dri chen dri chu khrag dag ces pa la sogs pa ste/ 'di'i bsdus pa'i don to/ /shing gcig gam bzhi mdo'i gnas su nyi ma phyed dam nam phyed na gshin rje'i rnal 'byor gyis dgra bo mnan te/ sha chen gyis stong phrag gsum du thab khung gru gsum dur khrod kyi mes sbyin sreg byas nas dgra bo 'chi bar 'gyur ro/ /rdo rje bdud rtsi'i byed pa po gsum pa/ bcom ldan rdo rje can zhes gsungs pa la sogs pa'o/ /rdo rje bdud rtsi zhes pa ni dbang du byed pa'i le'u rdzogs pa'o/ /las tshogs zhes pa ni ming ngo/ /lnga po zhes pa ni grangs te le'u lnga pa'i TI kA'o// //de ltar dkyil 'khor la sogs pa'i sgrub thabs de srid du bstan nas da ni 'dir rdo rje hUM mdzad kyi sgo nas thang khu'i sgrub thabs bstan pa'i phyir gsungs pa/ rdo rje bdud rtsi rgyud chen las/ /rdo rje hUM mdzad sgrub thabs ni/ /zhes pa la sogs pa'o/ /rdo rje bdud rtsi zhes pa ni rgyud 'di nyid do/ /rdo rje hUM mdzad ces pa ni rdo rje bdud rtsi'i bde ba chen po'i hUM yig gi snying po yongs su gyur pa las khro bo'i rdo rje'o/ /de las rdo rje hUM mdzad khro ba'o/ /de'i sgrub thabs ni gang yang thang kha'i cho ga bsgrub par bya zhing dngos su bya'o/ /de'i sgrub thabs mdor bsdus nas bshad par bya'o/ /de'i sgrub thabs ji lta bu zhes pa la gsungs pa/ dkyil 'khor rnams zhes pa la sogs pa'o/ /dkyil 'khor rnams zhes pa ni sngon du gsungs pa'i 'chad par 'gyur ba'i rdo rje bdud rtsi dang he ru ka la sogs pa'i dkyil 'khor rnams so/ /gang zhig cho ga'i rim pa ni thang kha thig

  196. 98b

    gdab pa dang/ lha rnams dgod pa la sogs pa'i rim pa rnams so/ /dkyil 'khor de dang 'dra bar thang kha sgrub thabs kyang zhes par dgongs te/ bstan pa 'dis thang kha'i sgrub thabs nyid brjod par bya ste/ bgrang phreng dang rdo rje dang dril bu 'dzin pa'i sgrub pa po'i mdun du thang kha bri bar bya/ tshig gis dkyil 'khor gyi cho ga gang du yang sgrub pa po bri ba'i cho ga mi gar yang gsungs pa med do/ /de'i phyir thang kha'i sgrub thabs 'di nyid yin no/ /de la dkyil 'khor gsungs pa/ dkyil 'khor zhes pa la sogs pa'o/ /dkyil 'khor zhes pa ni rdo rje hUM mdzad kyi dkyil 'khor te/ thang kha yang de bzhin du gru bzhi par thig gdub par bya ste/ ji ltar 'jig rten gsum sgrol bas dkyil 'khor mi thob pas/ 'jig rten gsum ni lha chen po la sogs pa'o// de rnams sgrol ba ni gsum la skyabs su 'gro ba la sogs pa'i 'dul bas so/ /gang zhig rdo rje hUM mdzad des ni 'jig rten gsum sgrol bas de'i dkyil 'khor yang 'jig rten gsum sgrol ba'i dkyil 'khor ro/ /lha mo dbu ma bla ma la yon tu phul te lha tshan po nyid ni phyir phyung nas sgren mo la sogs pas yongs su gang ba'i dkyil 'khor zhes pa'i don to/ /dkyil 'khor gyi thig 'dis ji ltar gdab par bya zhes pa la gsungs pa/ khru gang zhes pa'o/ /khru gang dang khru gnyis dag tu dkyil 'khor gyi tshad gang yin pa des thig gdab par bya ste/ nang du ni khru gcig go /bar ma yang khru gcig go /phyi rol tu yang khru gcig nyid do/ /'gyur? ma gsum la khru gsum zhes par dgongs so/ /zla ba'i dkyil 'khor 'dra bar ni zhes pa ni snying po'i dkyil 'khor zlum pa'o/ /de'i dbus su khro bo bzhag par bya zhes gsungs pa/ bzhag par bya zhes pa la sogs pa'o/ /bzhag par bya zhes pa ni gsang ba la pad+ma'i bdud rtsi'i dkyil 'khor gyi steng du 'gying bag gi zhabs kyis gnas pa kha dog nag po zhal ni nag po dang/

  197. 99a

    dkar po dang/ nyi ma lta bu'o/ /nyi ma'i 'od can rdo rje bdud rtsi cod pan la sogs pas brgyan pas so/ /phyag rgya zhes pas ni/ lag gnyis phan tshun rgyab sbyar te/ mthe'u chung mdus nas sdigs 'dzub tu bkug pa ni/ rdo rje hUM mdzad kyi phyag rgya'o/ /rig ma bzhi dang mnyam par ldan zhes pa ni kI li kI li dang/ rdo rje mtshon cha dang/ rdo rje snying po dang/ reg rdo rje lha mo rnams te/ de rnams kyis bskor ba'o/ /zhal gsum phyag drug ces pa ni tshig gis kI li kI li'i kha dog dmar po zhal gsum ni dmar po dang/ dkar po dang nag po'o/ /phyag drug ni a mra'i shing dang/ mda' dang/ rdo rje dang/ 'khor lo dang/ gzhu dang/ zhags pa rnams te g.yon du'o/ /rdo rje mtshon cha ma ni gser gyi kha dog zhal gsum ni gser po dang/ dkar po dang/ nyi ma lta bu'o/ /phyag drug ni gzhu dang mda' dang gnyis kyis chu srin gyis rgyal mtshan dang/ rdo rje dang/ zhags pa dang/ 'khor lo rnams te g.yas su'o/ /rdo rje snying po ma ni nag po dang dkar po dang nyi ma lta bu'o/ /phyag drug ni rdo rje dang/ bdug spos dang/ gzhu dang/ mda' dang/ 'khor lo dang/ zhags pa ste mdun du'o/ /reg rdo rje ma ni pri yang ku ltar ljang gu'i kha dog go/ zhal gsum ni ljang khu dang/ dkar po dang/ nyi ma lta bu'o/ /phyag drug la gnyis kyi snying gar rdo rje dang dril bu'o/ /gzhu dang/ mda' dang/ rdo rje dang/ 'khor lo ste rgyab tu'o/ /u ma zhes pa ni lag pa g.yon na rtse gsum 'dzin pa/ kha dog dkar mo ste dkar mo'i snying gar zhabs g.yon pas gnas pa'o// cung zad ces pa ni zhal dang po cung zad mche ba gtsigs pa'o/ /phyag lhag ma rnams kyi mtshon cha gzhan gsungs pa/ g.yas na zhes pa la sogs pa'i rig ma rnams dang/ 'chad par 'gyur ba'i me tog ma la sogs pa rnams

  198. 99b

    nas rdza rnga ma'i mthar thug pa dang sgo skyong rnams kyang zhal gsum pa/ phyag drug par bya zhes gsungs pa/ rig ma yang zhes pa la sogs pa'o/ /lcags kyu ma ni kha dog dmar po/ zhal gsum ni dmar po dang/ dkar po dang/ nag po'o/ /phyag drug ni lcags kyu dang/ ral gri dang/ mda' dang/ gzhu dang/ sdigs mdzub dang/ 'khor lo 'dzin pa 'gying bag dang bcas pa'i zhabs te shar sgor ro/ /rdo rje zhags pa ni kha dog dkar po ste/ zhal gsum la dkar po dang/ nag po dang/ nyi ma'i mdog go /phyag drug ni zhags pa dang/ ral gri dang/ mda' dang/ gzhu dang sdigs mdzub dang/ rdo rje rnams 'dzin pa/ lho'i sgor gdan la 'gying bag gyis bzhugs pa'o/ /rdo rje lcags sgrog ni kha dog ser po ste/ zhal gsum ni ser po dang/ dkar po dang/ nyi ma lta bu'o/ /phyag drug ni gnyis na lcags kyu dang/ gzhu dang/ mda' dang/ ral gri dang sdigs mdzub rnams te/ nub spor 'gying bag gis gnas so/ /rdo rje dril bu ni kha dog ljang khu dang/ zhal gsum la ljang gu dang/ dkar po dang/ nyi ma lta bu'o/ /phyag drug ni dril bu dang/ ral gri dang/ mda' dang/ gzhu dang/ sdigs mdzub dang/ rdo rje rnams 'dzin pa/ byang sgor 'gying bgags bzhugs so/ /sgo skyod rnams ni nges par khro bo'i gzugs bya'o/ /me tog ma ni kha dog dkar po zhal gsum la dkar po dang/ nag po dang/ nyi ma lta bu'o/ /phyag drug ni spyi bor thal mo sbyar ba dang me tog gi snod dang/ gzhu dang/ mda' dang/ 'khor lo rnams 'dzin pa rim pa gsum pa'i me'i mtshams su'o/ /bdug spos ma ni du ba'i kha dog ste/ zhal gsum ni du ba'i dang/ dkar ba dang nyi ma lta bu'o/ /phyag drug na bdug spos kyi snod dang/ spyi bor thal mo sbyor ba dang/ gzhu dang/ mda' dang/ 'khor lo rnams 'dzin pa dbang ldan gyi

  199. 100a

    mtshams su'o/ /mar me ma ni kha dog ser po/ /zhal gsum la ser po dang/ dkar po dang/ nyi ma lta bu'o/ /phyag drug na mar me dang/ spyi bor thal mo sbyar ba dang/ mda' dang/ gzhu dang/ rdo rje rnams 'dzin pa bden bral na'o/ /dri ma ni kha dog dmar po ste/ zhal gsum la dmar po dang/ nag po'o/ /phyag drug la gnyis kyis dri'i dung phor dang/ spyi bor thal mo sbyar ba dang/ gzhu dang/ mda' rnams 'dzin pa rlung na'o/ /rim pa gnyis pa'i dpang ldan gyi mtshams na sgeg me kha dog dmar po ste/ zhal gsum la dmar po dang/ dkar po dang/ nag po'o/ /phyag drug na gzhu dang/ mda' dang/ spyi bor thal mo sbyar ba dang/ rdo rje dang 'khor lo rnams 'dzin pa'o/ /me mtshams na phreng ba ma kha dog ser po ste/ zhal gsum la ser po dang/ dkar po dang/ nag po'o/ /phyag drug la gnyis kyis me tog gi phreng ba dang/ spyi bor thal mo sbyar ba dang/ gzhu dang/ mda''dzin pa'o/ /bdan bral du glu ma ni kha dog utpal sngon po lta bu ste zhal gsum ni sngon po dang/ dkar po dang/ nyi ma lta bu'o/ /phyag drug na kha rnga dang/ pi waM dang/ gzhu dang/ mda' dang/ spyi bor thal mo sbyar ba'o/ /rlung mtshams na gar ma ni kha dog ser po zhal gsum la ser po dang dkar po dang nyi ma lta bu'o// phyag drug la gar gyi rnam pa dang/ gzhu dang/ mda' dang/ spyi bor thal mo sbyar ba'o/ /pi waM ma ni kha dog dmar po zhal gsum la dmar po dang/ dkar po dang/ nag po'o/ /phyag drug pa la pi waM dang/ gling bu dang spyi bor thal mo sbyar ba dang gzhu dang/ mda''dzin pa shar du'o/ /gling bu ma kha dog ser po ste zhal gsum ni ser po dang/ dkar po dang nyi ma lta bu'o/ /phyag drug la gling bu dang/ spyi bor thal mo sbyar ba dang/ gzhu dang mda' rnams 'dzin pa lho ru'o/ /rnga ma ni kha dog dkar po ste/

  200. 100b

    zhal gsum la dkar po dang/ nag po dang/ nyi ma lta bu'o/ /phyag na rnga dang/ gling bu dang/ spyi bor thal mo sbyar ba dang/ gzhu dang/ mda' rnams 'dzin pa nub tu'o/ /rdza rnga ma ni du ba'i kha dog ste/ zhal gsum ni du ba dang/ dkar po dang/ nyi ma lta bu'o/ /phyag drug na rnga dang/ gling bu dang/ spyi bor thal mo sbyar ba dang/ gzhu dang/ mda' rnams 'dzin pa byang du'o/ /rim pa gsum pa'i phyogs bzhir byang chub sems dpa' rnams bri zhes gsungs pa/ 'jig rten gsum zhes pa la sogs pa'o/ bskal ba bzang po zhes pa ni/ byams pa la sogs pa byang chub sems dpa' rnams su dgongs so/ /byams pa kha dog ser po ste mchod sbyin gyi phyag rgya dang nA ga ge sar phyag na 'dzin pa'o/ /'jam dpal ni gser gyi kha dog ste mchog sbyin dang po ti phyag na bsnams pa ste shar du'o/ /nam mkha' i snying po ni utpal sngon po'i kha dog ste/ ral gri dang/ chos 'byung gi phyag go /rin chen phyag ni kha dog dmar po ste phyag na rin chen dang pad+ma ste lhor ro/ /kun tu bzang po ni kha dog gser lta bu ste me tog dang pad+ma phyag na'o/ /'jig rten dbang phyug ni shel lta bu'i kha dog go/ mchog sbyin dang pad+ma phyag na'o/ /nub tu'o/ /sgrib pa rnam sel kha dog gser lta bu ste sgrib pa sel pa'i phyag rgya'o sa'i snying po ni kha dog ljang gu snying ga'i g.yas su thal mo sbyar ba ste byang phyogs su'o/ /kI li kI la sogs pa nas sa'i snying po'i mthar thug par rdo rje bdud rtsi'i po tis cod pan du mtshan pa sna tshogs pa'i rin po che la sogs pas brgyan pa/ zla ba'i dkyil 'khor gyi steng du 'gying bag gis gnas par Frang rang gi kha dog dang rjes su mthun pa'i 'od kyis dkyil 'khor bri'o/ /bcom ldan 'das kyis 'og phyogs su sgrub po'o/ /g.yas su bgrang phreng/ g.yon du rdo rje dril bu gzhag pa bri bar bya zhes gsungs pa bdun du zhes pa la sogs pa'o/ /mdun du ni 'og

  201. 101a

    tu'o/ /gsungs pa'i dkyil 'khor 'di nyid dang thang kha'i sgrub thabs kyi nye bar mchod pa gsungs pa/ gtor ma ni gtor bya'i mchod pa zhes pa la sogs pa'o/ /gtor ma zhes pa ni sna tshogs pa'i lha bshos so/ / gtor bya ni 'byung po'i gtor ma'o/ /mchod pa ni rnam pa lnga'o/ /chang ni 'dod pa'i chang ngo/ /sha ni ra la sogs pa'o/ /khu ba ni sna tshogs pa'i rnam pa ste khu ba'i btung ba rnams la chags so/ /mchod pa'i bye brag 'di rnams kyis shin tu yang dag pas dkyil 'khor dang thang kha yang dag par mchod nas nag po'i brgyad dam bcu bzhi la thang kha'i mdun du hUM yig gis phyugs kyi gzugs zan bcos pa'i rang bzhin las ra 'am ma he 'am skyes bu ltung bar bya zhing mnan te mtshod ma btso bar ba'o/ /de bzhin du yang bde mchog las gsungs pa/ phyugs ni zan btsos rang bzhin las zhes pa'o/ /'dis ni sngags kyi spyod pa bya zhes pa ni/ brtso ba'i sngags kyis rnam par bya'o/ /cho ga 'di yis bsgrub par bya zhes gsungs pa ni bsgrub par bya zhes pa la sogs pa'o/ /yi ge gcig pa'i sngags pa ni hUM yig bzlas par bya zhing phyi nas slob dpon mchod par bya'o/ /ji ltar mchod par bya zhes pa la/ bdag nyid ces pa la sogs pa'o/ /bdag nyid ces pa ni rang gi lus te gtso bor 'dis bsrung ba 'am sa gzhi bsrung ba'o/ /'dis mchod pa nyin gcig pu ni ma yin te/ ma la sogs pa'i bud med kyang dngul bar bya zhes gsungs pa ma dbul zhes pa la sogs pa'o/ /bdag nyid ces pa ni rang gi lha rnams kyis gzugs rdzogs pa'i/ /sku gsungs zhes pa ni rdo rje hUM mdzad kyi sgrub thabs so/ /slob dpon kyang yang dag par mchod nas de nyid du 'jig rten sgrol ba'i slob ma dang dam tshig dang sdom pa rnams bzung bar bya zhes gsungs pa nges

  202. 101b

    pa zhes pa la sogs pa'o/ /nges pa zhes pa ni bslab pa dang dam tshig dang sdom pa rnams so/ /dkyil 'khor dang dam tshig la 'jug par bya zhes gsungs pa/ dkyil 'khor chen po zhes pa la sogs pa'o/ /rdo rje sems dpa' i zhes pa ni rdo rje hUM mdzad kyis te/ gang gis phyir rdo rje bdud las rnam par byung ba rdo rje bdud rtsi de'i phyogs pa ste/ de'i phyir bdud rtsi lnga dang ldan par bya'o/ /'dis ni thog mar bsgrub pa la rtsom pa'i sgrub thabs kyi cho ga gsungs so/ /des gsungs pa 'gyur ba 'di dag thams cad dam tshig byin gyis brlabs pa sngon du 'gro bas gtso bo la sogs pa'i cho ga rnams phun sum tshogs pas bla ma dgyes par bya ste/ chang la sogs pa'i mchod pas yang dag par mchod nas/ lha rnams thang kha'i mdun du phyag rgya dang yang dag par sbyor bas bsgom zhing bsgrub par bya zhes pa'o/ /de la bsgom pa'i rnal 'byor gsungs pa/ rdo rjes se gol zhes pa la sogs pa'o/ /lag pa gnyis rdo rjer bcings te/ se gol gtogs pa ni rdo rje se gol te yis mnyam pa dang mi mnyam pa'i sbyor ba'o/ /mnyam par dag pa'i sbyor ba des rdo rje hUM mdzad kyi sgrub thabs brjod cing bstan nas/ gang rnams su slar rgyas par brjod pa zhes gsungs pa/ rnal 'byor rnal 'byor pa zhes pa la sogs pa ste/ dra bo dang bcas pa'i rtsa'i 'o ma las bskyed pa'i rim pas rdzogs pa'i khro bo'i lnga'i rnam pa ni rnal 'byor pa ste/ de gang rnams kyis rig pa de rnal 'byor pa dang rnal 'byor ma'o/ /byang chub sems zhes pa ni stong pa nyid de'i rnam 'phrul sems so sor rig pa la sogs pa byang chub kyi spyod pa de gang gis rig pa de ni de bzhin du gsungs so rdo rje se gol bsdus pas ye shes sems dpa' byin gyis brlab pa la sogs pa sngon du song bas so/ /lha rnams kyi rnal 'byor bstan pa sgom par bya zhing bsgrub par bya zhes gsungs par gyur pa'o/ /rnal 'byor de rnams kyi bsgom

  203. 102a

    pa gsungs pa/ rnam 'phrul zhes pa la sogs pa'o/ /rol zhes pa ni shin tu chags pa'i rol rtsed do/ /rig ma ni sngon du gsungs pa'i gdol ba la sogs pa'i bu mo ste lha mo'i gzugs so/ /de rnams dang bcas pa'o/ /sna tshogs nor ni rnam pa sna tshogs pa ste/ shin tu chags pa'i rol rtse phun sum tshogs par bya zhing bsgrub par bya zhes par dgongs so/ /rol rtse de nyid gsungs pa/ b+ha ga'i dbus su zhes pa la sogs pa'o/ /dpa' bo ni ha yig gi bdag nyid kyi rdo rje bdud rtsi ste/ de'i gnas so/ /khas ni lce reg pa ste chags pa myong ba la sogs pa byas nas so/ /de nyid gnas zhes pa ste/ de nyid rdo rje bdud rtsi gzhom du med pa'o/ /de'i gnas ni pad+ma'i lte ba'o/ /de la sogs pa'i g.yon pa'i gung mo dang mdzub mo dag gis blang bar bya ba ni cung zad kha kha mu kha blang nas so/ /blangs nas nam yang sku drin gyis mi skyob ces gsungs pa/ blangs pas zhes pa la sogs pa'o/ /blangs zhes pa ni blangs par gyur pas so/ /brtson 'grus ni shin tu chags pa'i sgom pa la spro ba'o/ /stobs ni shin tu chags pa'i bya ba la nus pa'o/ /nyam pa ni phyag rgya'i bde ba skyed pa dang sgrub pa po yang nad med cing nyam stobs dang ldan par dgongs so/ /yang dag par blangs nas ci zhig bya zhes pa la gsungs pa/ blangs nas zhes pa la sogs pa'o/ /rig ma chen mo zhes pa ni yang dag par bod pa'o/ /'o bya zhes pa ni lces reg par bya zhes pa'i don to/ /des cing 'gyur zhes pa la gsungs pa/ gru zhes pa la sogs pa'o/ /sangs rgyas nyid ni rdo rje bdud rtsi nyid do/ /bdud rtsi ni mi gnas pa'i mya ngan las 'das pa'o/ /khu ba'i gzugs na chos nyid mi 'gyur ba'i tshul te 'dis ni khu ba'i tshul ni chos kyi sku zhes pa'i don to/ /bdag mas rang

  204. 102b

    dgar brtsams pa ma yin par bstan pa'i phyir gsungs pa/ bcom ldan rdo rje can zhes gsungs pas zhes pa la sogs pa'o/ /rdo rje 'dzin pa dbang phyug dang ldan pas rdo rje can no/ /rigs gsum gyi bdag nyid kyis sku gsung thugs kyi rdo rje can no/ /rdo rje bdud rtsi'i rgyud ces pa ni gzhi'o/ /rdo rje hUM mdzad kyi sgrub thabs gang gis bstan pa de ni de bzhin te le'u drug pa'i TI kA'o// //de ltar dkyil 'khor dang bzlas pa dang/ sbyin sreg dang thang ga dang bsgom pa'i cho ga rgyas pas rdo rje bdud rtsi'i sgrub thabs yang dag par bstan nas/ da ni dbang bskur ba med pa la mngon par 'dod pa'i sngags kyi dngos grub kyi 'bras bur mi 'gyur zhes pa 'dis na sngon du gsungs pa'i de kho na nyid gsal bar byas pa'i phyir dbang bskur ba'i rim pa nye bar bstan pa gsungs pa/ de nas zhes pa la sogs pa'o/ /de nas zhes pa de ma thag tu'o/ /chags pa'i zhes pa ni 'khyud pa la sogs pa'i bde ba'o/ /des rol pa ni rnal 'byor gyi longs spyod de der gnas par gyur pa'o/ /thal mo sbyar te phyag 'tshal ba ni glu'i tshul can gyis so/ /'di zhes pa ni 'chad par 'gyur ba rnams so/ /blang bar bya zhes pa ni glu blang ba'o/ /de la glu gsungs pa dkar min chu skyes lus zhes pa la sogs pa ste/ phyag 'tshal zhes pa 'dir 'brel to/ /dkar min ni pad+ma ljang gu lta bu'o/ /lus ni lus nyid de gang zhig dpa' bo rdo rje rdo rje bdud rtsi de ni de bzhin du gsungs so/ /dpa' bo zhes pa ni khro gnyer can dang mi zad 'jigs pa la sogs sgo skyong rnams kyis dkyil 'khor yongs su bskor ba ni dpa' bo'i dbus su yongs su bskor ba'o/ /phyag rgya'i tshogs zhes pa ni zhi ma la sogs pa'i lha mo rnams kyi tshogs te de rnams dang lhan cig ces pa'i don to/ /gsang ba'i dkyil 'khor gyi bdag po sku rdo rje'i rang bzhin gyis yang dag par bstod nas phyag rgya

  205. 103a

    yang dag par sbyor bas chags pa'i rdo rje'i rang bzhin gyis bstod pa gsungs pa/ ston kha'i dus kyi nam mkha' lta bu'i dri ma med pa'i rdo rje bdud rtsi'i ting nge 'dzin gsal bar bya ston pa'i dus su/ ko ki la dang phreng kha lta bu'i snyan cing 'jam pas mchog tu dga' ba'i bdud rtsi'i rnal 'byor ston pa'i ngang tshul nyid kyis ko bya ki la dang/ b+h+re da bya ba'i sgra'o/ /rdo rje bdud rtsi'i ting nge 'dzin gyi bdag nyid dang bcas pa'i sgrub thabs kyis bskal bzang ngo/ /shin tu chags pas min zhes pa ni/ lha mo dang yang dag par sbyar bas gnas pa 'am kha sbyar gyi rnal 'byor gyis sems can thams cad kyi don la 'jug pa'o/ /thugs kyi rdo rje'i rang bzhin gyis phyag 'tshal ba gsungs pa/ dngos po kun gyi bdag nyid de zhes pa la sogs pa'o/ /dbang po'i lam gyis phyag bya ba ni zhes bya ba'o/ /dngos kun bdag nyid gus pa rgya che ba'i dad pa'i bsnyen bkur bya'o/ /rdo rje hUM mdzad kyi rang bzhin gyis thams cad do/ /rdo rje hUM mdzad dang he ru ka la sogs pa'i yang dag pa'i lam nye bar bstan pa nyid kyis kun shes so/ /des na 'di nyid sems can thams cad kyang mdza' zhing mthun pa'o/ /yang dag dbang po ni gsum ste/ sku dang gsung dang thugs kyi mtshan nyid rnams te/ de rnams kyi lam ni rnam pa gsum gyi phyag 'tshal ba'i rim pa des so/ /yang na dbang po ni gsang ba ste/ de'i lam gyis de gsal bar brdas phyag bya ba'i rim pas de bzhin du gsungs pa/ gsang ba bstan par bya'o/ /gang zhig phyag 'tshal zhes pa ni rgyas par bstan pa zhes pa ste/ gsang ba'i dbang po nyid kyi lam byang chub kyi sems gang yin pa de ni de bzhin du gsungs pa ste/ byang chub kyi sems des/ phyag 'tshal zhes pa ni bshad pa gsum pa'o/ /gsang ba'i chos kyi dkyil 'khor gyis rang bzhin gyis phyag 'tshal ba gsungs pa/ khams

  206. 103b

    gsum pa zhes pa la sogs pa ste/ bdun pa'i don gyi drug pa ste/ khams gsum ma lus pa pa'o/ /'dra bas dpe ste mi 'dra ba med pas so/ /nyi shu bzhi zhes pa ni nyi shu bzhi nyid do/ /rig ma chen mo ni rtsa rnams te/ sngon du gsungs pa'i rtsa bzhi bcu rtsa gcig gi nang nas sgrol ma dang/ rnam grol dang gand+ho dang nye ba'i gand+ho dang sna ma dang nye ba'i sna ma dang rkang ma dang/ rnam rkang ma dang/ lte ba'i drang ma dang/ 'jigs ma dang/ rnam 'jigs ma dang/ g.yon ma dang/ lnga ma dang/ dkyil 'khor ma dang / bshad gnas dang/ dri chu 'bab pa dang/ khrag 'bab ste rtsa bcu bdun gsungs nas/ lhag ma nyi shu rtsa bzhi myos byed 'bab pa la sogs pa ni rig ma'o/ /sngags dang 'khor la rdzogs par byed pa shin tu chags pas gang zhig chags par bya ba de ni phyag btsal ba'o/ /gang zhig shin tu chags pas ngal ba 'am 'jigs shing spu langs pa ste/ chor ma lta bu lus la mtshan zhes par 'brel to/ /la lar lus la mnyam par ba spu langs zhes pa'i tshig yod do/ /de ltar rdo rje bdud rtsi'i glu dag brjod nas/ da ni bdag nyid la rten nas glu'i phyag btsal ba gsungs pa/ utpal sngon po zhes pa la sogs pa'o/ /utpal sngon po'i 'dab ma ljang gu chen po'o/ /sangs rgyas ni rnam par snang mdzad do/ /de bzhin gshegs pa zhes pa ni snang ba mdza' yas so/ /rdo rje zhes pa ni rdo rje 'dzin pa ste/ de'i phyir bdag nyid kyis yid kyis rjes su chags pas mdzod gcig pa'o/ /shin tu chags bde zhes pa ni bod pa'o/ /gang zhes pa ni bdag gi rjes su chags pa gang gi rgyus sa gsum gyi sems can mdza' dag don bya zhing bsgrub par bya ste/ rdzogs par bya zhes pa ni glu'i don no/ /gzugs kyi sku'i rang bzhin gyis yang dag par bstod nas/ chos kyi sku'i rang bzhin gyi glu gsungs pa/ stong pa rdul phran zhes pa la sogs pa'o/ /stong pa zhes pa ni gnyis su med pa'i ye shes

  207. 104a

    kyi rang bzhin gyis so/ /rdul med ni nyon mongs pa dang bral ba gang yin pa de ni rdul med de mi gnas pa'i mya ngan las 'das pa'i rang bzhin la brten pa nyid kyis so/ /mchog gi go 'phang chen po ste/ 'gyur ba med pa'i rdo rje yin zhes pa la/ gshig tu med pa'i chos nyid mi 'gyur ba'i bdag nyid/ skye ba dang 'gag pa dag mi dmigs pa thog ma dang tha ma med pa ste glu tshig phyed snga mas ni chos kyi sku'i yon tan brjod do/ /phyed phyi mas ni glu yi 'bras bu gsungs so/ /gang gis g.yo bcas ni g.yo ba zhes pa la sogs pa'o/ /gang gis g.yo bcas mi g.yo ba ni/ lha dang mi rnams kyis 'jig rten la khyod de lta bur gyur pa bsgom par bya'o/ /je ji ltar 'khor bar skye zhes pa ste/ srid pa gsum du mi skye bar dgongs so// de gsungs par gyur pa gang khyod stong pa rdul med pa mchog gi go 'phang mi 'gyur ba thog ma dang/ tha ma med pa'i rdo rje bsgom par gyur pa de 'khor bar mi skye zhes par dag go /gang sngon du 'gro bas dbang bskur nas de kho na sbyin zhes pas de rtogs par bya ba'i phyir glus gar bya zhes gsungs pa/ glu 'di dag ni blangs gyur pas/ zhes pa la sogs pa 'dis zhes pa ni de ma thag tu gsungs pa'o/ /rdo rje bdud rtsi'i gar la sogs pa'i rnam 'phrul zhes pa ni/ rdo rje gar zhes pa'i rnam 'phrul te rdo rje bdud rtsi'i mdun der dbang bskur gyi man ngag rtogs par bya ba'i don du rkang stabs brgyad kyis gar bya zhes par 'brel to/ /b+ha ra ta la sogs pas rjod byed pa ni gar nye bar bsdus te/ b+ha ra ta ni rjod byed gar/ sat+twi ka ni sat+twi ka'o/ /a ra b+ha Ta yan lag can/ ke si ka ni sbar mi btub b+ha ra ta'i sgras ni gar gyi mtshan nyid yongs su dpyad pa'i don to/ /rkang stabs rim par zhes pa la sogs pas rkang stabs kyis bskyod pa gsungs so/ /pra sta zhes pa la sogs pas bskyod pa'i gnas rnams

  208. 104b

    bstan par byed do/ /de bzhin du yang gsungs pa/ 'gro ba'i bskyod pa bri ta ste/ pi las sar bcas gnas rnams ston zhes pa'o/ /mi bskyod ces pa la sogs pas ni nyid lag rnams kyi las so/ /lag pa bskyod pa ni lus kyis bskyod pa ma yin par bsdus zhes pa ni man ngag go /b+ha ra ha la sogs pa ni b+ha ra ta ra dran zhes pa'i tshig las te/ 'di rnams thams cad ni b+ha ra tar bkod pa'i mtshan nyid du mngon par brjod do/ /de la b+ha ra tar gsungs pa'i mtshan nyid kyis khengs zhes pas b+ha ra ta'i gang zhig gtso bor dag gis dpa' bo'i ngo mtshar rmad du gyur par ro/ /gtso bo de ni b+ha ra ti'o/ /gang du gar gyi bzhad gang dang/ gar mkhan ma dang/ 'gram na gnas pa rnams dang/ mdo rtsa 'dzin pa dang bcas par phan phun kun tu smra bar byed de ni b+ha ra ta'i tshul can te che ge mo zhes pa'i gar dag bya ba'o/ rgyu ci'i phyir zhes pa la sogs pa'i tshig gis 'dir dpe brjod pa glu dag par blta bar bya'o/ /snying stobs kyi dngos po ni sang ti ste ngag dang lus ston pa can te/ snying stobs shas che zhing snying rje shas chung ba'i ro dag ni sat+twi ki'i rim pa'o/ /gang chung zad dngos po yongs su bsgyur zhing brjes pa der gang zhig rgod par byed pa don sat+twi ka'i tshul te 'di'i dpe brjod pa dpyid kyi sde ma sbrul gyis so btab pas srog chad pas dus kyis skyes bus thub pa'i lus la de'i srog bcug pas/ de'i lus kyis sngar gyi dpyid kyi sde ma'i bya ba kun byed pas slob ma rnams sman pa dang g.yo can rnams rna skad cher rgod par gyur pa do ni b+ha ga bar rdzra ga zhes par bya'o/ /a ra b+ha ta'i gnas skabs su skyes pa ni a ra b+ha ti ste mig 'phrul gyis nyal ba las langs nas mya ngan dang 'gyel ba dang drag po dang 'jigs par byed pa'i ro rnams dang ldan pa ni a ra b+ha ti'i mtshan nyid do/ /gang du dngos po khyad par du 'phags pa'i

  209. 105a

    rab tu sbyor bas kyang shin tu rnam par bkra ba'i gzugs la sogs pas bsal bar byed de/ de ni a ra b+ha ta'i tshul tsan gyis rmi lam gyi gar mkhan la blon pos chags pa smra na yang dag par sma sna nas yang ri mo'i rnam par bkra ba ba tshwa'i rgyal po la nye bar bstan zhes pa ni dpe brjod par blta zhing shes par bya'o/ /glu du ma dang rol mo'i cha byad kyis yul la sogs pa sgeg chos mngon par ston pa sna tshogs pa'i rgyan dang/ phreng ba'i rgyan rnams dang ldan par smad 'tshong ma bzang mo dang snyan dngags kyi tshig shin tu legs pa sna tshogs pa brjod pas rgyan pa rgod pa dang du ba dang khro ba rnams dang ldan pa'i sgeg chos ni ke si ka'i rim pa'o/ /gang la yang yid bcugs pas khro ba la gang gis mthun 'jug dang/ zhal lon byed pa ni ke si ka'i tshul lo/ /rin chen 'khor lo'i gar las chags pa smra ba dga' zhing yid bcug pas khros te rkang pa'i drung du 'gyel bas ba tshwa'i rgyal pos zhal lon byas shing mgul bar byas zhes pa ste/ de ltar dpe brjod par shes par bya'o/ /b+ha ra ti zhes pa ni drang srong b+ha ra tis gang zhig rab tu brjod pa'i gar gyis mtshan nyid de ni b+ha ra ta gar gyi mtshan nyid bstan bcos der mtshan nyid 'dir b+ha ra ta la sogs par brjod do/ /mtshon bya dang mtshan nyid du ldan pa'i gar dag mA ma kIs brjod ces pa ni bstan pa ste gang zhig 'jig rten las rab tu grags pa'i b+ha ra ta'i bstan bces nye bar bstan par 'gyur zhes dgongs so/ /gar 'di nyid kyi bskyed pa'i lugs gsungs pa/ mthun pa'i rkang stabs zhes pa la sogs pa ste/ rkang pa g.yon pa'i g.yon logs su rkang pa g.yas pa rab tu sbyar ba na mthun pa'i rkang stabs zhes bya'o/ /rkang pa g.yas pa'i g.yas logs su/ rkang pa g.yon pa rab tu sbyor ba ni g.yon

  210. 105b

    pa'i rim pa'i rkang stabs zhes bya'o/ /de gnyis kyis sbyong pa ni 'gyid pa'i rim pa rkang pa gang du gar byed pa ni mthun pa'i rkang stabs dang rim pa'i stabs byed pa'o/ /la lar mthun pa'i rkang stabs rim par byed ces pa'i tshig yod do/ / de'i don ni 'di yin te ji ltar bkod pa'i rim pas rkang pa g.yas pa dang g.yon pa dag g.yas pa dang g.yon pas logs su 'gyid pa yis bzhag pa ni mthun pa'i rkang stabs rim par byed ces 'gying bag gi lag pa dang rkang pa'i bskyod pa ni la li ta'o/ /rnam par rgyas pas lag pa dang rkang dag gis bskyod pa de ni rnam par rgyas pa'o/ /la lar rnam par rab 'phyang zhes pa'i tshig yod de der rnam par rab tu 'phyang bar gyur pa'i sgeg chos gang yin pa de ni da ltar zhes pa'i don te// gang gis spras te la sogs pa'i dngos po ston par byed pa ste/ de ni gnas nas 'jug ces gsungs pa/ prasta ni zhes pa la sogs pa'o/ /prasta ni reg pa'o/ /b+hi la sar? bcas ni sgeg ba dang bcas pa'o/ /ston pas ston pa'i gnas pa nye bar bsdus pa'o/ /b+ha ra ta ka bed pa'i mtshan nyid brjod de/ cung zad logs dang cung zad tsam mdun du dang/ cung zad brkyang pa dang gnyis par nye par bsnyen pa dang/ rang gi gnas nas rkang mthil gyi tshad kyis bcag pa dang/ gang zhig tshang ra bstod? nas gar byed pa de ni 'gying bag can te lag pa ni nges pa med do/ /gdong pa zhi bar lta zhing zur mig gis lta bar byed pa ni gnas bstan zhes pa'i gnas so/ /smin bskyed ces pa ni smin ma bsgrul? zhing zung mig dang/ bstod pa dang bsdus pa dang rgyas pa ston par gyur pas gang zhig gar byed pa'o/ /lag pa bskyod pa zhes pa ni lag pa gnyis bsror? zhing bskyod pa ste 'gyid bag gi lag pa logs rnams su rab tu brkyang ba'o/ /lag

  211. 106a

    pa'i lcug ma ni g.yon pa'i so sor mi sngo bar dgod pa dang/ rgyab la sogs par lag pa bstan pa'o/ /lag pa bskyod pa'i sbyor ba des bcas pas so/ /gar bya zhes pa ni bzhi pa'i don gyis gsum pa'o/ /brgyad ces pa ni 'di rnams de ma thag tu gsungs pa'i b+ha ra ta la sogs pa'o/ /lag pa bskyod par bya ste/ brgyad ni gar gyi rnam pa rkang stabs so/ /rkang stabs lnga ni brgyad du 'gyur zhes pa'i don to/ /b+ha ra ta ra rkang stabs lnga zhes brjod de'i gar gyis gar bya zhes dgongs so/ /rkang stabs lnga po 'di nyid brgyad kyi don gyi mtshan nyid du brjod do/ /sngon brjod pa'i gnas pa byas nas lag pa g.yon pa kha 'og tu bstan de lte ba'i gnas su bzung ba'o lag pa g.yon pa thal lcag gi tshul gyen du byas nas 'gying bag dang bcas rkang pa rkang mthil tsam gyis gyen du bteg cing g.yas dang g.yon pa'i rkang pa'i phyi logs su sbyar sbyar bar bya ste/ de nyid kyis dus mnyam par lcug ma zhes bya ba ste/ lag pa g.yon pa gyen du bsgreng ba dang de nas lte ba'i g.yon logs su dgod pa'o/ /tshang ra g.yas phyogs su byas nas lag pa bskor zhing de nas g.yon phyogs su/ /rkang pa g.yon pa btang ba dang/ lcug ma'i lag pas g.yas su 'gyid bag tu bya ba dang/ mgo bo cung zad pa stod nas lus cung zad smad de 'gro pa'i rkang stabs lnga zhes pa'o// //ci thabs gzhan gyis dbang bskur ba la sogs pa med dam gang gis 'di lta bu 'dir bstan zhes dogs pa bsal ba'i phyir/ gar gyis kyang rang 'dod pa'i lha rnams dgyes par 'gyur te/ de'i don du gsungs pas nges pa med do/ /de bzhin du yang gsungs pa/ dri dang phreng ba la sogs pas/ lha rnams de bzhin du dgyes shing mchod par gyur bas ma yin no/ /ji ltar glu sogs gar gnas kyis/

  212. 106b

    bstod pas dgyes shing bkra shis 'gyur zhes so/ /de gsungs par gyur pa/ gar dang gar gyis dbang bskur sbyin zhes pa'o/ /yang gsungs pa/ gar dang gar gyis sbyin sreg bya zhes so/ /snyoms par 'jug pa'i rnal 'byor gyis de kho na nyid gsal bar bya bar 'dod pas gsungs pa/ gar zhes pa la sogs pa'o/ /rdo rje dbyug pa zhes pa la bsgrub bya de yang rdo rje bcing bas blangs nas nga la 'o bya'o/ /des kyang de'i pad+ma la 'o bya'o/ /de ltar lha mo'i pad+ma la'o bya zhing pad+ma bstan par bya'o// mchod pa zhes pa ni reg pa'i mchod pa'o/ /bsang ba bsil bar shes nas mi g.yo bar rab tu gnas zhes gsungs pa/ de bzhin du nor bu gsang ba'i thig le las gsungs pa/ gang zhig bsil bar byed pa dang/ /mi g.yo bar ni bzhag par bya zhes so/ /de nas bcom ldan 'das bdud rtsi sgom par byed par 'dod pas don 'di gsungs pa/ bdud rtsi bsam gtan zhes pa la sogs pa'o/ /bdud rtsi'i bsam gtan ni rtsa thams? cad gcig tu byas te/ myos byed 'bab pa'o ma'i rgyun 'dzag par gyur par bsgom par bya zhes pa'i don to/ /de nas rtsa'i 'o ma'i thig le gzhom du med par bsgom par bya zhes gsungs pa/ bsgoms pas zhes pa la sogs pa'o/ /bsgoms pas zhes pa ni rtsa'i 'o ma las skyes pa gzhom du med par mngon du byed par 'gyur ro/ /de nyid 'di ltar bstan te mchog ces pa la sogs pa'o/ /mchog ces pa ni bla na med pa'o/ /de nyid ces pa ni rang rig sa phyin ci ma log pa'o/ /bdud rtsi zhi ba lta bu'i thig le yi ge'i rnam pa'i tshul zhes pa 'dir bdud rtsi thig le'i gzugs ni ha yig ces pa'i don to/ /de kho na nyid rtogs par byed pa mA ma kIs gsal bar byed ces gsungs pa nam mkha' i dbus zhes pa la sogs pa'o/ /nam mkha' dbus zhes pa ni bya

  213. 107a

    gdong ma'i nang du ste/ pad+ma'i lte ba nor bus 'bigs pa'i sa phyogs so/ /zla ba bzhin ni zla ba 'dzags pa lta bu'o nor bu gsang ba'i thig le las gsungs pa/ pad+ma'i dbus su nor bu'i tshad/ /nor bu shel bzhin rig pa ste// zhes gsungs pa'i 'bras bu dang 'dra'o zhes gsung/ /cha dang cha min las grol ba'i thig le'i tshul nyid kyis stong pa mchog tu dga' ba phyin ci ma log pa'i de kho na nyid do/ /de nyid brjod ces pa ni le'u gnyis par gsal bar byas ba'o/ /de nyid rgyun mi 'chad pas mi zad pa'o/ /bstan pa'i tshul nyid rgyun mi 'chad pas mi zad pa'o/ /bstan pa'i tshul nyid kyi 'grib pa med do/ /rtsa'i sbubs la gnas pa nyid kyis phra ba'o/ /rdo rje bdud rtsi rdzogs pa'i rgyud nyid kyis rdo rje sems dpa' 'o/ /rkan dang mchu la sogs pa'i rtsol bas gzhig tu med pa ste/ brjod du med ces gzhom du med pa ni ha yig ces pa'i don to/ /ci 'di rnams thams cad du gnas sam zhes pa la ma yin par gsungs pa/ lte ba zhes pa la sogs pa'o/ /lte ba ni pad+ma'i lte ba ste shin tu chags pas bgrod pa'i dus su gang du gnas par bya ba de ni dbus su/ gang gi lte ba'i zhes pa la gsungs pa/ ge sar zhes pa la sogs pa'o/ /ge sar gsang ba'i spyod yul ni pad+ma'i ste drug pa'i gnas su bdun pa'o/ /der gnas zhes pa ni ji ltar shes par bya zhes pa la gsungs pa/ 'dzag ces pa la sogs pa'o/ /b+ha ga dang ling ga yang dag par sbyor ba'i dbus su mnyam par bzhag 'am/ mnyam par chags pa'i dbus 'dzag par gyur pa khu ba'i gzugs kyis bde ba 'dzag par 'gyur te/ chags pa'i dus su rang rig ma'i mngon sum nyid kyis nye bar dmigs zhes pa'i man ngag 'dis rdo rje dang pad+ma yang dag par sbyor ba med na de dag ji ltar rtogs par

  214. 107b

    'gyur zhes pa'o/ yon tan mdza' dag gi 'byung gnas su gyur pa nyid kyis 'jig rten pa'i yon tan dag kyang bstan pa'i phyir gsungs pa/ de nyid ces pa la sogs pa'o/ /de nyid ces pa ni de kho na nyid kyi rgyal po'o/ /gang zhig phung po lnga dang las rnams kyi gnas la brten pa de ni srog chags te sems can no/ /srog ni 'tsho ba zhes pa ste dbang phyug tu smra ba rnams sems so/ /rnam shes phung po'i sgras phung po lnga po rnams spyir smras pa'o/ /grangs can gyi lta ba'i dgang du byas te gsungs pa sangs rgyas zhes pa la sogs pa'o/ /gang zhig skyes bu'i rang bzhin nang du shes pa de dbye zhing rtogs pas sangs rgyas so/ /gang zhig las mdza' dag dang ldan zhing mtho ris kyis chos kyis rgyal po byed pa de ni rdo rje 'dzin pa'o// brgya byin ni grags par zad do/ /tshangs pa zhes pa ni tshangs par smra ba rnams kyis thams cad tshangs pa'i gzugs su smra ba'o/ /pa ra ha ma sa ra smra ba khyab 'jug ste/ pa ra ha ma sa zhes smras pa'o/ /dbang phyug chen por smra ba rnams kyis dbang phyug tu smra'o/ /bshad lugs gzhan ni tshangs pa dang/ khyab 'jug dang dbang phyug chen po ste lha gsum ni gzugs gcig ces dngos po gcig tu smra ba rnams sems so/ /'jig rten pa'i rang dbang gi dbang du byas te gsungs pas zhes pa la sogs pa'o/ /sems can thams cad kyi nye bar 'tsho ba nyid kyis sam/ rnam rtog med par nges phan pa dang gnod pa byed pa nyid kyis sa zhes bya'o/ /dngos po thams cad mnyam zhing snyoms par byed pas chu ni chu nyid do/ /dngos po thams cad yongs su smin par byed pa'i rgyu nyid kyis me nyid do/ /dngos po thams cad rab tu bsgyur ba nyid kyis rlung ngo/ /rang bzhin gyis 'od gsal ba nyid kyis dang/ go skabs 'byed pas na nam mkha' 'o/ /shing la sogs pa'i lha rnams kyi rang bzhin nyid kyis

  215. 108a

    bstan pa'o/ /g.yo bas byin gyis brlabs pa 'gro ba rnams te rkang pas rgyu pa'o/ /sna tshogs ni tshangs pa dang me lha rnams kyis bye brag go /'dod pa dang gzugs dang gzugs med pa'i rang bzhin gyis khams gsum pa'o/ /ma lus zhes pa ni ma lus pa thob par bya ba'o/ /mang du brjod pas ci dgos te/ de ltar gyur pa'i 'jig rten pa dang/ 'jig rten las 'das pa'i rgyu dang 'bras bu'i rang bzhin gyi de kho na nyid do/ /bdag ni rdo rje bdud rtsi'o/ /bsam gtan bya ba ni gsal bar bya ba'i phyir cho gas mngon du bya zhes pa'i don to/ /de'i zhes pa ni las kyi drug pa'o/ /bsam gtan gcig pu ni ma yin te de'i phyir/ bdag nyid bskyed pa zhes pa gsungs pa/ de las byung zhes pa la sogs pa ste/ de las byung ba ni rdo rje bdud rtsi'i de kho na nyid kyis bskyed pas bdag go /khyod dang yang dag par sbyor ba'i phyir rtsa'i 'o ma'i thig le dang bcas pas shes par dgongs so/ /bdag nyid gcig pu bsam gtan bya ba ni ma yin te/ tshangs pa la sogs pa yang tshangs pa chen po la sogs par rdzogs nas rdo rje bdud rtsi'i go 'phang du rdzogs par bsam gtan bya zhes gsungs pa/ tshangs pa khyab 'jug ces pa la sogs pa'o/ / byang chub sems dpa' zhes pa ni rgyal tshab tu dbang bskur ba byams pa la sogs pa de rnams kyang rdo rje bdud rtsi'i go 'phang thob par bya ba'i phyir/ rdo rje bdud rtsi rgyud kyis cho gas 'grub par rigs so/ /rnam par snang mdzad la sogs ba'i de bzhin gshegs pa rnams kyang rdo rje bdud rtsi bstan pas de mngon du byed pa'o/ /shes bya zhes pa ni sa dang pha rol tu phyin pa la sogs pa'o/ /zhes pa ni rnam rtog med pa gnyis su med pa'i rnam pa'i bdag nyid do/ /gtso bo ni bdag

  216. 108b

    po ste byang chub sems dpa' bsam gtan bya zhes sbyar ro/ /tshangs pa la sogs pa de gcig pu'i bsgom pa ni ma yin te/ de'i bstan pa rtogs pas kyang lha de sgom par byed ces gsungs pa/ skye dang zhes pa la sogs pa ste/ spro ba'i dus su thog mar dbang phyug skye'o/ /rang nyid skye zhes pa ni ji lta bu'i tshul gyis te de la gus pa rnams kyi gzhung ngo/ /'chi ba zhes pa ni dus su smra ba rnams 'chi ba'i dus kyi tshul gyis nub ces pa ste/ sdud pa'i dus su gang zhig nub pa ma gos pa nam mkha' dang mnyam po der dbang phyug nub par 'gyur ba zhes pa ste/ lha 'di rnams kyi rnam pas dbang phyug tshan por smra 'o/ /de kho na nyid kyi rgyal po rnam pa thams cad sbyor thams cad dang ldan pas 'gro ba mdza' dag so sor spro ba'i byed pa po rang dbang zhes pa ste rig byed gsum pos spro ba'i byed pa po'i gzugs sgom par byed do/ /rang 'byung zhes pa ni lha chen por brjod de sdud pa'i dus su nub cing mi mngon par gnas shing/ spro ba'i dus su rang nyid gsal bar 'gyur zhes pa'o/ /rang 'byung de'i gzugs ni dbang phyug chen po'o/ /gcig pu nyid ces pa ni/ la la dag de'i phyed ni mi mo dang/ phyed ni dbang phyug gi gzugs so/ /thams cad ces pas thams cad mkhyen pa ste rig byed gsum bsgom par bya zhes pa'o/ /kun tu zhes pa ni brtul zhugs drug cu rtsa bzhi'i rtogs thob nas thams cad lha chen po de'i rnam pa'i brtul zhugs so/ /zhi ba zhes pa ni gnas skabs thams cad ni dbang phyug chen po dang u ma zhes so/ /kha cig na re dbang phyug chen po'o/ /zhi bar zhes pa ni cha dang bral bar rig byed gsum b+ha ga dang rtags kyi tshul gyis thams cad du khyab ste khyab pa ni des te zhi ba nyid kyis so/ /skyes bur smra ba rnams kyi dbang du byas te gsungs pa/ dgang bar bya zhes pa la sogs pa'o/ /

  217. 109a

    dgang ba zhes pa ni tshangs pa'i sgo nga'i mthar thug par spro bar kun tu dgang bar bya zhes pas skyes bu ste/ skyes bur smra pa'i mu stegs pa rnams de ltar smra ste/ dang por skyes bu yod de gang zhig 'gro ba rnams skyed cing sdud par byed pas skyes bu ste/ des na skyes bu de sgom par byed do/ /grangs can pas yongs su brtags pa'i skyes bu 'am/ skyes bu ni lus te dge ba dang mi dge ba'i las rnams kyis kun tu 'gengs pas na skyes bu de khyab 'jug rnams kyi'o/ /dbang po ni skyes bu dang rnam par shes pa skyes bur 'dod pa ni/ sangs rgyas pa'i phyogs gcig la brten te bshad pa gsum pa'o/ /lus la gnas pas lus can te/ de nyid ni gnas skabs thams cad de zhi ba pa'i phyogs gcig go /lus la gnas nas dbang po la sogs pa'i byed pas sngon po la sogs pa rtogs shing shes zhes pa ste bdag rtogs pa ba sgron ma bzhin don gsal bar byed ces pa ste/ zhi ba gnyis su med par smra ba rnams kyi'o/ /khyab 'jug gi rgyud kyi dbang du byas te gsungs pa/ rang ba zhes pa la sogs pa'o/ /khyab 'jug dbyar gyi dus su chu'i nang du nyal zhing/ ston zla tha chungs kyi zla ba nya la rang nyid rab tu bsad cing rnam par rtogs pa des na lha ste/ de'i phyir khyab 'jug pa rnams de sgom par byed do/ /sna tshogs pa'i sgyu mas thams cad du rnam par khyab 'jug ste/ sgyu ma'i gzugs 'dis khyab 'jug gi rgyud kyi rnal 'byor pa rnams so/ /dag bur bur shes pa de'i gzugs kyis tshogs pa'o/ /rdo rje 'dzin pa ni brgya byin du gyur pa ste brgya byin gyi tshul gyis bsgom par 'gyur zhes pas thams cad du blta bar bya'o/ /de gsungs par gyur pa rdo rje pad+ma sbyor gyur pas/ /'jig

  218. 109b

    rten pa yi yon tan yang/ /yon tan kun gyi rang bzhin rnams/ /de ru rtogs par bya ba yin zhes so/ /gang zhig 'jig rten pa 'am 'jig rten las 'das pa'i yon tan gyi bdag nyid de dag rab tu gsal bar mi bya zhes gsungs pa/ gsal mi bya zhes pa la sogs pa'o/ /de ma thag tu nye bar bstan pa de rnams gang dag la gsang bar bya zhes pa la gsungs pa/ g.yon can zhes pa la sogs pa'o/ /dam pa'i bya ba rnams shes nas mi byed cing mi snyen pa ni g.yo can no/ /dgos pa med pa nye bar spyod cing dge ba la zol byed pa ni zol ba'o/ /slus pa ni rgyun ma'o/ /chad lta ni log par lta ba'o/ /sngags dang rgyud dag sun 'byin pas ni dam tshig la sdang ba'o/ /'di rnams la gsal bar mi bya bar shes na gang rnams la gsal bar bya zhes pa la gsungs pa/ bla ma dge la gus zhes pa la sogs pa ste/ bdag nyid thams cad kyis dge ba la bskrun pa ni bla ma la gus pa'o/ /tshul khrims dang dam tshig phun sum tshogs pa ni tul pa'o/ /gsang ba'i dkyil 'khor du zhugs pa dbang bskur bas so/ /rdo rje'i sgrub thabs kyi rgyud 'dir dngos grub kyi sgrub thabs la 'jug pa ste drug pa'i gnas su bdun pa'o/ /'di rnams bstan zhes pa na brjod par zhes par des pa ste/ gang zhig thos pa rgya che ba de ni de bzhin no/ /yang dag par bos nas dbang bskur ba'i rim pa gsungs pa/ rig mar ldan zhes pa la sogs pa'o/ /rig ma ni sngon du gsungs pa'i gdol pa la sogs pa'i phyag rgya dang yang dag par sbyor bas gang zhig dbang bskur ba de ni rig ma dang ldan pas dbang bskur ba'o/ /rig mi zhes pa ni slob ma de la dbang bskur ba spyin par bya'o/ /phyis ni de nyid ces pa ni lha rnams kyi rnal 'byor sngags dang bcas pa gsal bar bya'o/ /

  219. 110a

    de la dbang bskur gsal bar bya ba'i phyir gsungs pas/ slob dpon zhes pa la sogs pa'o/ /slob dpon gyi dbang bskur bas de'i rdo rje la slob ma dang phyag rgyas 'o bya'o/ /slob dpon gyis kyang phyag rgya'i pad+ma la 'o bya'o bdud rtsi myang ba yang bya ste de ltar 'dir dbang bskur bar gyur pas so/ /de gsungs par gyur pa ji lta ba bzhin du gsang ba'i dkyil 'khor rnam par bris te/ slob dpon rab tu zhugs nas 'dus pa'i mchod pa'i dbang bskur nas bstod pa dang/ cho ga phun sum tshogs pa ji ltar gsungs pa'i cho gas slob ma gzhug par bya ba dang/ phyag btsal ba dang/ mchod nas dbang bskur ba la sogs pa'i las rnams gar sngon du song bas thams cad phun sum tshogs par bya zhes pa'o/ /mA ma kIs rang gar bstan pa ma yin par bstan par bya ba'i phyir gsungs pa/ bcom ldan rdo rje can zhes gsungs pa la sogs pa'o/ /sngon bzhin du le'u'i ming dang grangs su bcas pa'i le'u'i nye bar bsdu ba gsungs pa/ rdo rje bdud rtsi zhes pa la sogs pa'o/ /glu dang gar dag sngon du gsungs nas/ de sngon du song ba'i dbang bskur ba ni glu dang gar gyi dbang bskur ba des de kho na nyid rtogs pa de kho na nyid yongs su shes par gyur pa ste/ glu dang gar gyis dbang bskur nas de kho na nyid rtogs pa gang gis ston pa de bzhin du gsungs te/ le'u bdun pa'i rgya ched bshad pa'o// //da ni mu stegs pa rnams gdul ba'i phyir dang/ khro bo la mos pa'i rnal 'byor pa rnams rjes su gzung pa'i phyir rdo rje bdud rtsi khro bo dang bcas par shes pa'i don du de la dris pa gsungs/ yang ni bzhengs zhes pa la sogs pa'o/ /yang zhes pa ni de ma thag tu bzhad cing dris pa de ma thag pa bsdus pa'o/ /'di

  220. 110b

    zhes pa ni mchod par gyur pa'i thugs la gnas pa'i don rnams gsal bar byed pa'i tshig go /ci zhig gsungs zhes pa la gsungs pa/ bcom ldan 'das zhes pa la sogs pa'o/ /bcom ldan 'das zhes pa ni yang dag bod pa'o/ /the tshom ni rnam par rtog pa'o/ /gang du the tshom 'khrungs snyam pa la/ 'dir zhes pa ste/ de ma thag pa'i khro bo'i ting nge 'dzin gyi yul de shes pas bdag ni ngo mtshar bar gyur zhes pa ni tshig lhag ma'o/ /ngo mtshar gyi yul nyid gsungs pa/ zhi pa'i gzugs shes pa la sogs pa'o/ /zhi ba zhes pa ni khyod 'gyid bzhad dang skyed pa'i gzugs so/ /rdo rje can ni khro bo rnams so/ /'di ltar ni ci'i don gyis so/ /ji ltar 'gyur zhes pa ni de ltar gsol ba btab pa can no/ /bdag nyid khro bo'i gzugs su bsnyan pa'i phyir gsungs pa/ de nas zhes pa la sogs pa'o/ /de nas ni dris pa'i de ma thag tu'o/ /khro bo'i dbang phyug gi rnal 'byor gyis bcom ldan 'das so/ /rtse lnga pa'i rdo rje 'dis ni rdo rje can te/ khro bo'i gzugs ni rnam par phyung zhes 'brel to/ /rdo rje can pad+ma mnyam sbyor ba ni bsrub bya dang/ srub byed kyis snyoms par zhugs pa'i drod kyis rtsa'i 'o ma'i bdud rtsi'i thig le des bdag nyid khro bo'i gzugs su rnam par dbyung zhing spo zhes pa'i don to/ / de'i rnam par gsung pa/ 'bar zhes pa la sogs pa'o/ /'bar ba'i phreng ba zhes pa'i 'od zer dmar po'i dkyil 'khor ro/ /drag ces pa ni rnam par 'gyur zhing mche ba gtsigs pa ste kha dog sngon po/ /phyag brgyad pa zhal bzhi ni sngon po dang du ba lta bu dang/ ser po dang/ dkar po'o/ /thod pa'i phreng ba dang bcas pa'i rdo rje bdud rtsi'i po tis cod pan du byas pa/ rgyan sna tshogs dang rgyu mas rgyus pa'i me tog gi chun 'phyang can te dkyil 'khor la 'gying bag gis gnas so/ /

  221. 111a

    phyag mtshan rnams gsungs pa/ kha TwAM ga zhes pa la sogs pa'o/ /mgo bo zhes pa ni mi'i mgo bo'o/ /thod ba zhes pa ni khrag gis bkang ba'i thod pa'o/ /khrag la dgyes zhes pa ni srin po'i 'o/ /rgyu ma zhes pa ni mi'i rgyu ma'i phreng ba'o/ /phreng ba zhes pa ni rus pa'i phreng ba'o/ /rdo rje zhes pa ni rdo rje nyid do/ /'chang zhes pa ni rtse gsum mo/ /g.yas par rdo rje dang/ rgyu ma dang/ mgo bo dang/ rtse gsum mo/ /g.yon par kha TwAM ga dang/ thod pa dang/ srin po'i mgrin pa dam por btsir ba dang rus pa'i phreng ba'o/ /gnyis kyis ni 'dra ba'i phyag rgya'o/ /ri ma brgyad ni so ud ka ta la sogs pa'o/ /dur khrod chen po ni tshangs pa dang dbang phyug la sogs pa'i mgo bo'i rus pa dang/ brad? rus rkeng rus la sogs pa ma mo'i rigs dang bcas pa'o/ /dur khrod na gnas pa gang zhig 'byung po dang ro langs la sogs pa de rnams phed kyi sgra 'byin cing 'jigs pa mi zad pas gang ba'i dur khrod na gnas pa 'byung po dang ro langs ni skra rings la sogs pa'o/ /de lta bur gyur pa'i dur khrod chen po na tshangs pa la sogs pa'i lha rnams za bar dgongs so/ /he ru ga zhes pa'i khro bo ni gzugs su bdag nyid 'dzin pa'i brtul zhugs can no/ /rig ma brgyad bstan pa'i phyir gsungs pa/ btsigs bcas zhes pa la sogs pa'o/ /gtsigs bcas ni kha dog ser po zhal gsum ni ser bo dang dkar po dang/ nyi ma'i mdog go /phyag drug ni ral gri dang/ rdo rje dang/ mgo bo dang/ kha TwAM ga dang/ thod pa dang/ rus pa'i phreng ba rnams g.yas pa dang g.yon pa'i phyag gis 'dzin pa ste shar na gnas pa'o/ /rnam gtsigs ma ni kha dog sngon mo zhal gsum la sngon po dang/ dkar po dang/ nyi ma lta bu'o/ /phyag drug

  222. 111b

    ni ral gri dang/ rdo rje dang mgo bo dang/ rgyu ma'i phreng ba dang/ kha TwAM ga dang/ thod pa 'dzin pa ste nub tu'o/ /g.yung mo ni kha dog du ba'i mdog lta bu ste/ zhal gsum ni du ba dang/ dkar po dang/ nyi ma lta bu'o/ /phyag drug ni ral gri dang/ rus pa'i phreng ba dang/ rdo rje kha TwAM ga dang mgo bo dang thod pa rnams 'dzin pa byang du'o/ /ser skye ma ni kha dog dmar po ste zhal gsum ni dmar po dang/ dkar po dang nag po'o/ /phyag drug ni ral gri dang/ rgyu ma'i phreng ba dang/ rdo rje kha TwAM ga dang/ thod pa dang/ srin po'i mgrin pa 'dzin pa ste me ru'o ku li ni kha dog nag po ste/ zhal gsum ni nag po dang dkar po dang/ nyi ma lta bu'o/ /phyag drug ni ral gri dang mgo bo dang/ rtse gsum dang/ kha TwAM ga dang/ thod pa dang/ rgyu ma'i phreng ba rnams bsnams pa bden bral du'o/ /ag gu ni kha dog ser po ste/ zhal gsum ni ser po dang/ dkar po dang/ nyi ma'i mdog go /phyag drug ni ral gri dang/ rdo rje dang/ rus pa'i phreng ba dang/ kha TwAM ga dang/ srin po 'dzin pa rlung tu'o/ /da ru ni kha dog nag po ste zhal gsum ni ser po dang/ dkar po dang nyi ma lta bu'o/ /phyag drug ni ral gri dang/ rgyu ma'i phreng ba dang/ rdo rje dang/ kha TwAM ga dang/ thod pa dang/ mi mgo rnams dgod do/ /lha mos yongs su bskor zhes pa'i tshig gis 'dir dkyil/ 'khor nye bar bsdus te ro langs bsgrub pa'i le'u gsungs pa'o/ /ba lang rnal sogs pa'i sgo skyong rnams dang pi waM ma'i mthar thug pa'i lha rnams kyang lta bar bya'o/ /dkyil 'khor ba thams cad ni drag po rgyan thams cad dang ldan pa rdo rje gtsug tor nor bu'i cod pan can/ 'od dmar po'i dkyil 'khor la glu blang ba'i dgongs pa dang gar byad pa mthod pa'i gnas la gnas par bya'o/ /gang zhig glu len pas rnam par gnas par gyur pa de ni glu len par bstan te/ mche ba gtsigs

  223. 112a

    shing 'jigs pa chen po la sogs pas so/ /he ru ka'i bzlas pa'i sngags gsungs pa/ bzlas pa'i sngags zhes bya ba la sogs pa'o/ /gsum pa'i zhes pa ni rtsa'i sde'o/ /gsum pa ni dza'o/ /bdun pa'i zhes pa ni ya'i sde'o/ /bzhi pa ni wa yig ste de nyid gang gi gdan yin pa de ni de bzhin no/ /bdun pa'i zhes pa ni ya'i sde'o/ /gsum pa ni la'o sngon gyi yi ge'i de ma thag tu bri ba'o/ /gnyis gnyis zhes pa de ni de ma thag tu btus pa'i yi ge gnyis pa lan gnyis su bya'o/ /de nyid mdza' dag yang dag par ldan zhes pa ni zla phyed dang thig ler ldan pa ste u yig gi ha de dang bcas par yod ces pa'o/ /de ni hUM yig ste de dang yang dag par ldan pa ni de nyid mdza' dag yang dag par ldan no/ /hUM yig gi de ma thas tu phaT yig bri bar bya'o/ /drug pa ni zhes pa ni pa'i sde'o/ /bzhi pa ni b+ha yig ste de'i btu pa'i bdun pa'i dngos pos gdan du byas zhes pa'i sde'o/ /de'i dang po ni ya yig ste de nyid kyis gdan du byas pa gang yin pa de ni bdun pa'i dang pos gdan du byas pa'o/ /b+ha yig de nyid bcu gsum pa oM yig des spyi bor mnyam par mnan pa'o/ /de dang ldan par swAhA'i yi ge'o/ /oM badzra dzwa la dzwa la hUM phaT b+hyo swAhA/ dpa' he ru ka 'khor dang bcas pa'i rtsa ba'i sngags so/ /sngags 'di'i che ba'i yon tan gsungs pa/ de nyid ces bya ba la sogs pa/ rdo rje bdud rtsi'i mdzad pa po nyid gsungs pa/ bcom ldan zhes pa la sogs pa'o/ /sngon bzhin le'u'i te bar bsdu ba gsungs pa/ rdo rje bdud rtsi zhes pa la sogs pa'o/ /le'u gang du dpal he ru ka bskyed pa bstan pa de ni de bzhin no/ /le'u brgyad pa'i rgya cher bshad pa'o// //de la re zhig he ru ka zhes bya ba'i gtso bo'i rigs

  224. 112b

    kyi khro bo ngas? bstan nas gzhan yang rigs mi mthun pa'i khro bo yod de de yang bstan pa'i phyir gsungs pa/ de'i rnam pa gsungs zhes pa la sogs pa'o/ /de nas de ma thag tu'o/ /gzhan zhes pa ni 'gying bag dang snying rje can gyi khro bo las gzhan te shin tu yang khro bo'i rigs gcig tu bzod par dka' ba'i khro bo'i gzugs so/ /ming ci zhig ces bya ba la/ bdud rtsi 'khyil ba zhes pa'o/ /thog mar ming bstan nas/ de'i rnam pa gsungs pa/ zhal gsum zhes pa la sogs/ pa ste/ nag po dang/ dkar po dang nyi ma lta bu'i zhal gsum mo/ /phyag drug drag po zhes pa ni mche ba gtsigs pa'o/ /mig sman po zhes pa ni shin tu yang mnyes pa'i mig sman gyi kha dog go /'bar ba zhes pa ni 'od dmar po'i 'bar ba'i dkyil 'khor ro/ /gtum mo zhes pa na rab tu yang gtum pa'i mig go /ser zhes pa ni mig ser zhing smin ma ser ba dang/ spu gyen du 'bar ba'i spyi bor rdo rje bdud rtsi'i po tis mtshan pa gsus pa 'phyang ba bod thung pa/ chos 'byung gi steng du pad+ma 'dab brgyad la gnas pa/ 'gyid bag tu bya ste rkang pa g.yon pas bgegs kyi rgyal po mnyam par mnan pa'o/ /phyag mtshan rnams gsungs pa/ sta re zhes pa la sogs pa ste sta re dang/ /ral gri dang/ rdo rje g.yas na'o/ /g.yon na/ sdigs mdzub dang/ gtun shing dang/ zhags pa'o/ /rig ma brgyad ni 'chad par 'gyur ba rnams so/ sgo skyong rnams ni lcags kyu ma la sogs pa sngon du gsungs pa'o/ /shar du rdo rje lcags kyu ma ni kha dog dmar mo ste/ zhal gsum ni dmar po dang/ dkar po dang/ nag po'o/ /phyag drug na lcags kyu dang/ ral gri dang/ rdo rje dang/ gtung shing dang/ sta ri dang/ sdigs mdzub bo/ lhor rdo rje zhags pa ma ni kha dog ser po ste/ zhal gsum ni gser po dang/ dkar po dang/ nyi ma lta bu'o/

  225. 113a

    phyag drug ni zhags pa dang ral gri dang/ rdo rje dang gtun shing dang sta re dang/ sdigs mdzub bo/ /nub tu rdo rje lcags sgrog ma ni kha dog dkar po/ /zhal gsum ni dkar po dang/ nag po dang/ nyi ma lta bu'o/ /phyag drug na lcags sgrog dang/ ral gri dang/ sta re dang/ gtun shing dang/ rdo rje dang/ sdigs mdzub po/ /byang du rdo rje dril bu ma ni kha dog ljang gu ste/ zhal gsum ni ljang gu dang/ dkar po dang nag po'o/ /phyag drug na dril bu dang/ rdo rje dang/ ral gri dang/ sta re dang/ gtun shing dang/ sdigs mdzub po dang/ sgo skyong rnams ni rnam par 'gyur zhing mche ba gtsigs pa/ skra ser po gyen du bgreng ba/ spyi bor rdo rje bdud rtsi'i po tis mtshan pa/ rgyan sna tshogs dang ldan pa nyi ma'i 'od can pad+ma'i gdan 'gying bas du sgom par bya'o/ /khro bo'i gdan pad+ma la rig ma rnams dgod par gsungs pa/ bdud rtsi zhes pa la sogs pa'o/ /bdud rtsi min kha dog sngon po zhal gsum ni nag po dang dkar po dang/ nyi ma lta bu'o/ /phyag drug na pad+ma dang/ bdud rtsi'i snod dang/ rdo rje dang sta re dang/ zhags pa dang/ sdigs mdzub can te shar na gnas pa'o/ /bdud rtsi zhal ma ni bri yang ku ljang gu ste/ zhal gsum ni phri yang ku dang nyi ma lta bu'o/ /phyag drug na pad+ma dang/ me long dang/ sta re dang/ zhags pa dang/ gtun shing dang/ bsdigs mdzub byed pa lhor ro/ /bdud rtsi lus can ma ni kha dog dkar po ste/ zhal gsum ni sngon po dang/ dkar po dang/ nyi ma lta bu'o/ /phyag drug na pad+ma dang zla ba'i dkyil 'khor gyi steng du sangs rgyas kyi gzugs dang ral gri dang/ sta re dang/ zhags pa dang/ bsdigs mdzub can nub tu 'o/ /bdud rtsi can ma ni kha dog dkar po ste/ zhal gsum ni dkar po dang/ nag po dang/ dmar po'o/ /phyag drug na pad+mas mtshan pa'i spyan dang zla

  226. 113b

    ba dang/ /ral gri dang/ sta re dang/ zhags pa dang/ sdigs mdzub can te byang du'o/ /'di rnams ni rim pa bzhin no/ /a me ya ni mkha' ljang gu ste/ zhal gsum ni ljang gu dang dkar po dang/ nyi ma lta bu'o/ /phyag drug na pad+ma dang/ gtun shing dang/ zhags pa dang/ sta re dang sdigs mdzub byed pa ste/ me ru'o/ /gzugs bzang ma ni gser gyi kha dog ste/ zhar gsum ni gser gyi mdog dang dkar po dang/ nyi ma lta bu'o/ /phyag drug na pad+ma dang/ rdo rje dang/ ral gri dang/ sta re dang/ zhags pa dang/ sdigs mdzub can te bden bral du'o/ /snang bzang mi na kha dog ser skya ste zhal gsum ni ser skya dang/ dkar po dang/ nyi ma lta bu'o/ /phyag drug na pad+ma dang rdo rje dang/ ral gri dang/ zhags pa dang/ ? dang/ sdigs mdzub can de rlung du'o/ /bde sgrub ma ni kha dog dmar po ste/ zhal gsum ni dmar po dang/ nag po'o/ /phyag drug na pad+ma dang/ ral gri dang sta re dang zhags pa dang/ gtun shing dang/ sdigs mdzub can te dbang ldan du ?/ /thams cad khro bo'i gzugs can rgyan sna tshogs dang ldan pa nor bu 'dzin pa 'od dmar po dang ldan zhing 'gying bag gi zhabs kyis gnas pa'o/ /phyogs kyi lha mo rnams gang byed par ston pa ni/ bzhad ces pa ni cung zad bzhad po'o/ /mtshams gyi lha mo rnams kyang ku ci'i sgra byed de shin tu yang bshad pas ca co'i sgra byed par shes par bya'o/ /bdud rtsi 'khyil pa'i sngags bstan pa gsungs pa/ sngags kyi rgyal po zhes bya ba la sogs pa'o/ /rjes su dran pa zhes bya ba ni sngags ba tu bas sngags shes par bya zhes pa'i don to/ /sngags btu ba gsungs pa/ yang na zhes pa la sogs pa'o/ /yang ni zhes de ni de ma thag tu'o/ /thog mar ni dang por ro/ /rnam snang ni oM yig go /sbyin zhes pa ni bri zhes pa'i don to/ /de'i

  227. 114a

    ni yi ge'i ming can no/ /rkang pa ni de'i rkang pa'o/ /des gang ba ni oM la ste de'i de ma thag tu bri bar bya zhes pa'i don to/ /dang po'i zhes pa ni a'i sde mtshan no/ /de'i gnyis pa ni a yig go /stong pa zhes pa ni dbyangs med pa'i ma yig go /de nyid kyi gang na ni nges 'og tu ldan pa ni ma yin te stong pa'i gdan du ma ma dag par ldan pa ni ma yig ste/ steng pa'i gdan yang dag par ldan pa'o/ /stong pa zhes pa ni a yig go /stong pa zhes pa ni thig le'i rgyus te dbyangs med pa'i a yig ste/ de'i spyi bor brgyan cing mthar swAhA'i yi ge oM a mri te kuN+Da li a aM swAhA/ bdud rtsi 'khyil ba 'khor dang bcas pa'i rtsa ba'i sngags so/ /'di'i sgrub thabs bstan pa'i phyir gsungs pa'o/ /shin tu chags pa'i longs spyod ni khro bo'i dbang po gnyis snyoms par 'jug pa'i rnal 'byor des/ bdud rtsi dro ba myos byed 'bab pa'i rtsa'i 'o ma bdud rtsi lta bu nyi ma zhu ba'i rnam pa'i bdud rtsis myos shing brgyal ba'i don to// gang gis phyir dro ba'i bdud rtsi las byung ba'i sngags kyi rgyal po 'dis yin pa de'i bdud rtsi'i rnal 'byor gyis rdzogs par bya zhing sgrub par bya zhes gsungs pa/ bdud rtsi zhes pa la sogs pa'o/ /bdud rtsi shing tu dro bar 'char 'bab pa'i rtsa'i 'o ma des nyi ma'i steng du mtshan ma dang sngags te/ mtshan ma yongs su gyur pa las khro bo bsgom pa'i sbyor ba bdud rtsi dang bdud rtsi'i sbyor pa des bdud rtsi 'khyil ba bsgrub par bya zhing mngon du bya zhes pa'i don to/ /de bzhin du yang gsungs pa/ gsang ba'i mdzod las gsungs pa/ gang zhig drod kyi rtsa de ni/ khro pa'i gzugs bsgom par bya zhes pa'o/ /'dis ni lha rnams kyi rnal 'byor bsdus so/ /sgrub thabs kyi 'bras bu gsungs pa/ dngos grub ces pa la

  228. 114b

    sogs pa ste/ gang gis de ltar bsgrub par bya zhes pa'o/ /de'i don kun ni ri lu la sogs pa'i dngos grub thams cad dang/ rang gi lha rnams rdzogs nas grub mdza' ni sngon du gyur pa'o/ /gal te skyes pa'am bud med bdud rtsi 'khyil ba de dran zhing bzlas pa des thams cad dbang du 'gyur ro/ /gang gis yang rgyun tu bsam gtan byed pa des ni skye ba 'di nyid la sangs rgyas nyid du 'gyur te the tshom med do/ /mA ma kIs rang dgar bcas pa ma yin par bstan pa'i phyir gsungs pa/ bcom ldan rdo rje can zhes gsungs zhes pa la sogs pa'o/ /sngon bzhin le'u'i nye bar bsdu ba gsungs pa/ rdo rje bdud rtsi zhes pa la sogs pa ste/ bdud rtsi rdzogs pa mya ngan las 'das pa'i rgyu'o/ / 'khyil pa ni bdud rtsi 'khyil pa ste/ de bskyed pa'i le'u gang gis ston pa de ni de bzhin te de'i le'u'o/ /le'u dgu pa'i rgya cher bshad pa'o// //mig sman la sogs pa'i dngos grub las mchog tu gyur pa ro langs kyi sgrub thabs bstan pa gsungs pa/ de nas gzhan yang zhes pa la sogs pa'o/ /de nas gzhan zhes pa ni khro bo'i sgrub thabs las gzhan pa/ ro langs kyi sgrub thabs so/ /dus nam zhig de bzhin du bsgrub par bya zhes pa la gsungs pa/ nag po'i brgyad ces pa la sogs pa bstan pa'o/ /sgrub pa'i gnas bstan pa'i phyir gsungs pa/ rtags gcig ces pa la sogs pa'o/ /shing gzhan gyis sgrib mas reg par mi gnas pa ni shing gcig go /ro ji lta bu blang zhes pa la gsungs pa/ mtshan nyid thams cad ces pa la sogs pa ste/ 'dir gsungs pa ro langs kyi sgrub thabs su bu mo'i nye bar bstan pas phyag rgya chen po la phan zhing dgos pas ro langs kyi sgrub thabs kyang bstan pa yin no/ de'i

  229. 115a

    mtshan nyid bzhin du de yang mtshan nyid rtogs par bya'o/ /mtshan nyid thams cad ces pa ma yin zhing thung ba ma yin pa dang/ dkar ba ma yin zhing gnag pa ma yin pa dang/ sgom pa ma yin zhing phra ba ma yin pa dang/ lag pa la ri mor ldan pa'o/ /steng na dpyangs pa'i ro dang/ ma mo ni gtum mo'o/ /rang 'tshod? ni rang gis btsos nas za ba'i bram ze mo'o/ /rma med ni ma bug med pa'o/ /yang na bu skye ba'i dus su shi ba'o/ / bud med gzhan yang blangs nas bsgrub par bya zhes pa'o/ /ji ltar bsgrub par bya zhes pa la gsungs pa/ /cho gas khyad par du byas pa'i chu la sngags kyis mngon par bsngags pa'o/ /sman ni pa ta dang pa mi pa li dang/ u dum par dang 'dag 'chal lnga dang/ dri zhim por bsres pas bkrus te phyi nas dri zhim po'i chus bkru bar bya'o/ /ga bur dang bcas pa'i tsan dan gyis yang dag par byug cing dza ti'i me tog dang/ a ka ru de bdug spos dang/ chang dang sha la sogs pa'i gtor mas yang pad+mar mchod de/ dkyil 'khor gyi dbus su bsngags brjod nas mar khu chen pos yang dag par byugs nas rungs kar gyis khal bsnum par bya'o/ /de la dkyil 'khor gsungs pa/ dkyil 'khor zhes pa la sogs pa'o/ /he ru kar brjod dkyil 'khor zhes pa ni he ru ka'i dkyil 'khor ro/ /de ji lta bu zhes pa la/ zla phyed ces pa la sogs pa ste/ nang zla ba phyed pa'i rnam pa lta bu phyi gru bzhi pa'o/ /rig ma brgyad ni sngon du gsungs so/ /gtsigs bcas pa la sogs pa'o/ /mtshams dang logs rnams su thod pas nye bar mdzes par bya'o/ /lha mo rnams la thod pa'i gdan rnams sbyin par bya'o/ /thams cad drag po kha TwAM ga dang ral gri 'dzin pa'o/ /sgo rnams

  230. 115b

    su sgo skyong rnams dgod pa gsungs pa/ phyi rol zhes pa la sogs pa'o ba lang rna ni kha dog dkar po'o/ /glang chen rna ni kha dog dmar po'o/ /'di dag ni rim pa ji lta ba bzhin no/ /gdong bzang ma ni gser gyi mdog go /gdong ngan ma ni du ba'i mdog go /sgro skyong thams cad na rim par lcags kyu dang/ zhags pa dang/ lcags sgrog dang/ dril bu 'dzin pa phyag gnyis ma zhal gcig ma/ rdo rje gtsug bung dang nor bus cod pan brgyan pa 'od dmar por bya'o/ /me tog ma la sogs pa'i lha mo rnams ro mo bar dkar po dang/ dmar po dang/ ser po dang/ dmar po'i kha dog go /zhal gcig phyag gnyis ma'o/ /phyag na me tog dang/ bdug spos dang/ mar me dang/ dri'i snod rnams so/ /rdo rje dang/ kha TwAM ga 'dzin pa ste shar la sogs pa'i phyogs rnams su rnam par gnas pa'o/ /pi waM ma la sogs pa yang dmar po dang ser po dang dkar po dang du ba'i kha dog ste/ dag byed mchod phyir thogs dang/ rdo rje dang kha TwAM ga dang gling bu dang/ pi waM ma dang/ rdo dang rdza rnga'i phyag rgya ston cing 'ching ba ste/ mtshams rnams su thams cad dmar po dang ldan pa cod pan du rdo rje gtsug pud dang nor bu bya ba'o/ /'di lta bu'i dkyil 'khor gyi dbus su bu mo'i ro bzhag nas sgrub pa po 'jug par bya zhes gsungs pa/ de nas zhes pa la sogs pa'o/ /dpa' bo zhes pa ni 'jigs pa med pa'o/ /he ru ka ni de'i rnal 'byor dang ldan pa'o/ /dung chen zhes pa ni mi'i rus pa las byas pa'i rgyan gyis rnam par brgyan pa'o/ /sngags kyi chog zhes pa sngags kyi chogs go gyon pa'i lus so/ /Da ma ru'i sgra bya zhing gar stabs kyi kang bas kar pa g.yon pa sngon du btang ste/ dkyil 'khor du 'jug par bya'o/ /der zhugs nas phyogs bzhin phred kyi sgra brjod par bya'o/ /de nas khrag chen pos bzang gtor ngang/ kha bshal la sogs pa byas te/ nyungs

  231. 116a

    dkar gyis bsnun par bya zhing cho ga bya'o/ /bzlas par gyur pas zhes pa ni nyungs kar gyis bsnun par gyur pas ro dag sgra 'byin par byed do/ /sgrub pa pos 'jigs par mi bya ste yang nas yang du he ru ka'i sngags dran par bya'o/ /de nas ro langs nas bka' nod par 'gyur te/ bka' lung nod pa'i bye brag rnams gsungs pa/ rang gi zhes pa la sogs pa'o/ /ral gri zhes pa ni rig pa 'dzin pa'i rgyal po'o/ /mig sman ni mi snang ba'i dngos grub bo/ /rkang 'og gi zla ba'i bdag po nyid kyis so/ /mkha' spyod ni nam mkhar 'gro ba'o/ /mngon sbyod ni bsod pa'o/ /de nas bka' zhes pa ni sgrub pa po'i yid la 'dod ba rnams bslang bar bya'o/ /de thams cad ro langs kyis kyang ster par byed do/ /bdag ma ni bod pa'o/ /sgrub thabs kyi mchog de nyid gsungs pa /ro langs zhes pa la sogs pa'o/ /gang zhig rdo rje bdud rtsi'i rgyud las rnam par byung ba'i rim pa de ni rim par bstan pa'i ro langs kyi sgrub thabs te de nyid gtso bo'o/ /gang zhig rab tu sgrub ces pa la gsungs ba/ sku gsung zhes pa la sogs pa ste/ lha rnams kyi sku gsung thugs bsgrub pa'i don du ste mtshon par byas pas mchod par brjod do/ /mA ma kIs rang dgar ba rtsams pa ma yin pa bcom ldan zhes pa la sogs pa'o/ /sngon bzhin le'u'i nye bar bsdu ba gsungs pa/ rdo rje bdud rtsi zhes pa la sogs pa'o/ /gang du ro langs kyi sgrub thabs ston pa'i le'u de ni de bzhin de/ ro langs kyi sgrub thabs kyi le'u ste bcu pa'i rgya cher bshad pa'o// //da ni sngon du gsungs pa'i rdo rje hUM mdzad la sogs pa'i dngos grub dang/ pad+ma gnas pa'i phra ba'i rdo rje bdud rtsi'i dam tshig dang sngom pa med par mi 'grub ces pas

  232. 116b

    bdud rtsi lnga'i sgrub thabs kyi le'u bstan pa'i phyir gsungs pa/ de nas bcom ldan 'das zhes pa la sogs pa'o/ /de nas zhes pa ni de ma thag tu'o/ /bdud rtsi'i rnal 'byor gyi dbang phyug gis bcom ldan 'das so/ /rtse lnga pa'i ye shes kyi rdo rje 'dis rdo rje can no/ /bdud rtsi ni mi gnas pa'i mya ngan las 'das pa ste/ de dang bdag nyid gcig pa nyid kyis rdo rje bdud rtsi'o/ /mchog tu dga' ba'i rang bzhin nyid kyis bde ba chen po ste ting nge 'dzin la snyoms par zhugs par 'brel to/ /rdo rje pad+ma yang dag sbyor ni phyag rgya dang yang dag par sbyor bas dbang po thams cad kyi sems dang sems las byung ba rnams 'gogs pa'o/ /des cang mi gsung bar gyur pa ni stong pa'i ting 'dzin ma dmigs nas gnas pa'o/ /de nyid gsal bar bya ba'i phyir gsungs pa/ dbugs med ces bya ba la sogs pa'o/ /dbugs ni srog gi bdag nyid kyi rlung ste/ de bsog pa'i ye shes de spros pas 'gog pa nyid kyis dbugs med de gang rnams su 'ongs pa nyid kyis so/ /g.yo ba med pa ni g.yo 'gul med pa'o/ /lta ba med ni sna rtser lta ba nub pa nyid kyis lta ba med pa'o/ /lce ya rkan la sbyar ba nyid kyis brjod pa med pa'o/ /thun mong ma yin pa nyid kyis mchog go /ting nge 'dzin la snyoms par zhugs pa ni yul du byas pa can 'dis 'dod chags la sogs pa'i dngos po rnams rim par rnam par mi rtog pa'i ye shes kyis te/ dam tshig dang sdom pa yang bsdu ba'o/ /ting nge 'dzin la snyoms par zhugs pa de mA ma kIs mthong nas dam tshig la sogs pa dris zhes pa la gsungs pa/ yang ni mA ma kIs zhes pa la sogs pa'o/ /bcom ldan zhes pa la sogs pa'o/ /bcom ldan 'das ni bod pa'o/ /phra ba'i rdo rje zhes pa ni rdo rje bdud rtsi gzhom du med pa'i snying po'i phyag rgya la yang dag par sbyor ba med na'o/ /sems can

  233. 117a

    thams cad kyi snying la srog gi rnam par gang zhig gnas pa de'o/ /gang gis rnam pa yis ni dam tshig nyams su myong ba'i rnam pas so/ /de nyid dmigs par bya ba ni grub par bya ba ste/ de'i dam tshig byin gyis brlab pas gang yang grub pa'i don du bzlas pa dang sgom pa la sogs pa gsungs pa/ de lta mod kyi dam tshig dang sdom pa dang bral ba des dngos grub mngon du byed par mi 'gyur zhes par dgongs so/ /de nas bcom ldan 'das kyis dris ba dang rjes su mtshams par bstan pa gsungs pa/ de nas zhes pa la sogs pa'o/ /'di zhes pa ni thugs la gnas pa'o/ /spyan ngag gdams te zhes ting nge 'dzin las bzhengs pa'o/ /de ltar gsungs pa/ sngon du gsungs zhes pa la sogs pa'o/ /sngon zhes pa ni le'u dang por de khyod dang ngas brjod pa'o/ /ci zhig brjod ces pa la gsungs pa/ bdud rtsi zhes pa la sogs pa'o/ /bdud rtsi ni dbang po gnyis snyoms par zhugs pa las byung ba'i khu ba ste dri chen dang dri chu dang khrag dang shar ldan pas ni nyi ma so so la bza' bar bya ste/ des 'grub par 'gyur zhes dgongs so/ /bdud rtsi lnga'i dam tshig 'di thugs kyi rdo rje'i rang bzhin gyis bsngags so/ /rdzas 'di rnams kyi 'bras bu so sor gsungs pa/ re re yis zhes pa la sogs pa'o/ /thog mar bdud rtsi bza' bar bya zhes pa 'dis dam tshig myang ba'i rim pa bstan pa'o/ /ye shes ni thams cad mkhyen pa'i ye shes so/ /zhes bya ba ni sa dang pha rol tu phyin pa la sogs par shes par bya'o/ /gsung gi rdo rje'i rang bzhin rtsi dam tshig gsungs pa/ khrag chen zhes pa la sogs pa'o/ /khrag chen ni mi'i khrag go /de yis sku dang gsung dang thugs kyi dngos grub kyi don bsgrub par bya zhing rdzogs par bya ba dang/ kun tu myang bar bya'o/ /khrag

  234. 117b

    gi bye brag gsungs pa bu mo zhes pa la sogs pa ste/ bu mo ni lo bcu gsum ma ste/ de'i khrag go /gang yang rung ba'i zhes pa ni bram ze mo dang rgyal rigs mo la sogs pa'i rab tu myos ma mchog de'i khrag kun tu myangs nas bya ba thams cad bsgrub par bya'o/ /sku rdo rje'i rang bzhin nyid kyis dam tshig gi rdzas gsungs pa/ stobs kyis gsang ba zhes pa la sogs pa ste/ stobs ni drag shul gyis bsad par gyur pa'o/ /nag ni dur khrod do/ /de nas thob nas sha chen po ni bza' zhing blang bar bya'o/ /gsal zhing gis phug pa dang steng du bcings nas sbyangs pa dang rma snun pa rnams ni grags pa'o/ /thams cad blangs nas so sor dus gsum du bza' bar bya'o/ /brten zhing zab pa'i rnal 'byor pa ni 'jigs pa med pas bstan pa'o/ /rnam par rtog pa med pas zab pa'o/ /dam tshig gi rdzas 'di rnams kyi 'bras bu'i rim pa gsungs pa/ tshe ring nad med 'gyur ba yin zhes pa'i la sogs pa ste/ nags su stobs kyis bsad pa'i shas tshe ring ba dang nad med par byed pa'o/ /bsang shing gi shas 'dod pa ster ba dang bde ba ster ba'o/ /steng nas bcings pas sangs rgyas dang byang chub sgrub pa'o/ /rma bsnun pas rdo rje bdud rtsi'i tshe dang stobs dang dngos grub kyi 'bras bu rab tu ster ba'o/ /gzhan yang gsung gi rdo rje dang 'brel pa'i dam tshig gi rdzas rnams bstan par bya ba'i phyir gsungs pa/ rdo rje chu zhes pa la sogs pa'o/ /de gang gi rig ma zhes pa la sogs pa'o/ /bdag gi rig ma zhes pa ni rang gi chos kyi chung ma 'am/ sgrub thabs la gnas pa'i zhabs thog pa'i'o/ /bsdu ba'i don ni 'di yin te/ rang gi rig ma'i rdo rje chu dang rnam par snang mdzad cha mnyam par phye mar zhib mor byas nas khrag chen pos yongs su sgrus te tsa na ki'i tshad tsam ril bu byas nas

  235. 118a

    dus gsum du bza' bar bya'o/ /de nas rdo rje chu lag pa ya gcig gis skyor chu bcu zhing btud gar bya zhes pa'o/ /zla phyed tshes bcu bzhi'i dus gsum du shes par bya'o/ /thams cad du ni ma yin zhes pas man ngag go /dam tshig 'di'i 'bras du gsungs pa/ nyi ma re re zhes pa ni las kyi dus su dgongs pa'i tshig yin gyi/ thams cad du ni ma yin par shes par bya'o/ /gang zhig bsgrub par bya zhes pa ni rdzogs nas bza' bar bya ba'o/ /de nas de'i yon tan rnams gsungs pa'o/ /gang zhig de lta bu'i mi de rnams ni rnal 'byor dang bcas shing ldan pa'o/ /de yang thams cad mkhyen zhes pa ni bdag nyid la phan pa dang mi phan pa shes pa'o/ /'dod chags la sogs pa'i skyon dang bral ba dang/ sgrub thabs pa gang zhig zhugs pa des rdo rje bdud rtsi 'grub par 'gyur zhing mngon sum du 'gyur ro/ /rdo rje bdud rtsi'i rgyud 'di'i tshad bstan pa gsungs pa'o/ /rdo rje bdud rtsi'i rgyud 'di zhes pa la sogs pa/ ma zhes pa ni sangs rgyas kyi chos du ma 'bras bu'i tshul gyis 'dir gsungs zhes pas don mang ba 'am bde ba'i gnas kyi don mang ba'o/ /spas pa'i rim bzlog ces pa ni gzhung nyung par gyur pas so/ /sngags kyi theg pa rnams ni rdo rje bdud rtsi'i rgyud sngon du song pa can zhes ston pa'i phyir gsungs pa/ ma lus zhes pa rtsa ba dang phyi ma'i thig le la sogs pa ma lus shing lus pa med pa rnams so/ /rdo rje theg pa ni sngags kyi theg pa rnams so/ /de las byung ba ni thog mar mngon par rdzogs par sangs rgyas bcom ldan 'das kyis 'di bstan no/ /de nas sngags gzhan thams cad ston pa la 'jug ste/ don des na 'di las byung zhes gsungs/ /gang zhig 'dir phyi dang nang dang gsang ba'i rnam pa gang rab tu gsungs pa de yang rgyud gzhan du phyogs gcig tsam

  236. 118b

    ston pas de'i phyir/ 'di las byung ba rdo rje'i theg pa rnams zhes gsungs pa ste bshad pa gnyis pa'o/ /gang gis phyir thog mar gzhung nyung ba la goms par byas na/ phyis gzhung rgya che ba rnams rtogs pa skye ste/ de'i phyir 'di las byung zhes pa ni gzhan no// ji ltar shes shing mdza' ba rnams la yang 'di bstan par mi bya zhes gsungs pa/ brjod ces pa la sogs pa'o/ /de kho na nyid kyis bden pa'i rnal 'byor de yid ches pas ji lta bu zhes pa la/ de gsungs pa shin tu chags pas zhes pa la sogs pa ste/ yang dag par sbyor ba'i sgom pas 'di la shin tu mngon par zhen cing 'dod pa des chags pa ni rnal 'byor rang rjes su mdun par byas pa'o/ /'di nyid gsungs pa nga yis su la yang ma bstan pa zhes pa ste/ skal pa dang ldan pa las gzhan du'o/ /so so'i skye bo bde 'gro rnams kyis mi shes pa dang/ sa la zhugs pa rnams kyis kyang mi shes zhes gsungs pa/ gsang ba 'di zhes pa la sogs pa'o/ /'di zhes pa ni de ma thag pa'i sna tshogs pa rnams so/ /de la gsang ba zhes pa ni gnyis su med pa'o/ /mchog mi thams cad la phul du gyur ba'o/ /dgyes pa zhes pa ni rnal 'byor gyi bsgom pa'i byin gyis brlabs rnams so/ /thams cad bdag nyid ni lus thams cad do/ /nam mkha' i dkyil du bde ba'i rang bzhin gyis gang zhig gnas pa'o/ /byang chub kyi sems zhu ba nyid kyis gzugs med pa nyid do/ /cha dang cha min las rnam par grol ba nyid kyis stong pa'o/ /mi 'gyur ba ni mi phyed ba'i khya ba gzhom du med pa nyid do/ /de ni byang chub sems dpa' sa la rab tu bzhugs bsngags la dbang byed pas kyang rnam par mi shes pa'o/ /yang dag par gyur pa'i yid ches pa med pas sems can chos la rab tu zhugs pa rnams chos la bzod pa bkas gnang nas ston par 'gyur zhes dgongs so/ /rgyud 'di nyid kyi rnam grangs gsungs pa rgyud 'di zhes pa la sogs pa'o/ /rdo rje ni de

  237. 119a

    bzhin gshegs pa ste/ de rnams kyi gtsug tor gyi nor bu rin po cher gyur pa nyid rdo rje gtsug tor nor bur brjod do/ /gnyis pa'i phyogs la don gnyis te/ rtog par byed pa lha thams cad la dbang bskur bas cod pan nor bu rin chen du gyur pa sgom pa dang/ thig ler gyur pa ste/ rgyud 'dir shes par bya'i/ /rgyud phyi ma dang rtsa ba'i rgyud du ni ma yin no/ /zhes pa'o/ /nor bu'i sgras ni thig ler brjod pa dang/ cod pan yang ngo/ /mA ma kI la rgyud gzung ba dang/ bklag pa brjod du gnang ba ste/ zhes pa gsungs pa/ shin tu gsang la zhes zung zhes pa la sogs pa'o/ /gang gi phyir rdo rje gtsug tor nor bu zhes bya ba de'i phyir shin tu gsang la bcang bar bya zhing/ gzhung gi don yang yid la bya'o/ /shin tu gsang ba nyid gsungs pa/ pha dang zhes pa la sogs pa ste/ dam tshig la zhugs pa'i pha dang bu dag la ste/ sangs rgyas dang byang chub sems dpa' dag la yang yid mi brtan te de la man ngag de lta bu dag lta zhog gi /po ti tsam yang mi bstan pa dang/ sgra che bar klag par yang mi bya zhes dgongs pa'o/ /yang gang dag la yid brtan par bya zhes pa la gsungs/ shin tu gsang nas zhes pa la sogs pa ste/ gsang ba'i sngags gsang ba can no/ /mi bstan pa min pa ni brling pa 'jigs pa med pa dpa' bo'o/ /dam tshig mnyam shing nyams su len pa ni brtul zhugs brtan pa'o/ /g.yo sgyu med pa'i sri zhu'i dga' bas bla ma la gus pa'o/ /lha mo grub thabs rjes su gnang ba ster zhes gsungs pa/ 'di zhes pa la sogs pa'o/ /bde ba bsgrub ces pa ni dka' spyod kyi brtul zhugs med pas bde ba bsgrub ste/ 'dod pa'i yon lnga la nye bar longs spyod pas bsgrub par bya/ zhes pa'i don to/ /zhi zhes pa ni bgegs med pa'o/ /gzugs la sogs pa'i yul

  238. 119b

    rnams sbyangs shing bkug nas snying por byas te/ sangs rgyas kyi yon tan rab tu skyed pa nyid kyis snying po'o/ /rnal 'byor spyod pa'i ye shes yang dag par sdud par byed pa 'dis na/ ye shes bsdus pa'o/ /rgyud kyi che ba'i yon tan gsungs pa/ rdo rje bdud rtsi rgyud chen tu/ sgrub po gang zhig dbang bskur ba zhes pa la sogs pa ste/ gang zhig rdo rje bdud rtsi'i rgyud du dbang bskur ba'i tshogs dbang bskur ba'i slob dpon la thams cad der 'ongs nas/ phyogs bcu na rnam par gnas pa'i de bzhin gshegs pa dang bcas pa 'ongs nas kun tu phyag 'tshal bar byed de/ phyag 'tshal nas 'di skad ces smra bar 'gyur te/ khyod nyid sems can thams cad kyi 'khor bsgrol ba gtso bo yin zhes so/ /rdo rje bdud rtsi'i rgyud dam/ man ngag mA ma kI la bstan par bya zhes gsungs pa/ rdo rje bdud rtsi zhes pa la sogs pa'o/ /gter zhes pa ni gter chen po lta bur bzhag pa'o/ /rgyud gcig pu gtad ba ni ma yin te snying po'i man ngag kyang gtad ces gsungs pa/ phra ba zhes pa la sogs pa ste/ rtsa'i bod? stong gi phyir tshad med pa nyid kyi phra ba'i rdo rje can zhes pa ni rdo rje bdud rtsi'i snying po'o/ /b+ha ga ni nam mkha' ste/ gang zhi rnam par gnas pa de ni snying kar yang dag par gnas zhes dgongs so/ /dang por ji ltar bslang ba de bzhin du nye bar sdud par ston pa zhes pa 'dis le'u thams cad kyi nye bar bsdu ba gsungs pa/ 'di skad ces pa la sogs pa ste/ 'di zhes pa ni le'u bcu gcig gi mthar thug pa rnams so/ /bdud rtsi'i rnal 'byor gyi dbang phyug gis bcom ldan 'das so/ /de bzhin gshegs pa thams cad rnam par snang mdzad la sogs pa'o/ /de rnams kyi sku dang gsung dang thugs kyi rdo rje can gang yin pa de ni de bzhin du gsungs so/ /'dis ni rigs gsum gyi bdag nyid bstan to/ /bdud rtsi lnga'i sgrub thabs kyi le'u zhes pa ni le'u'i ming ngo/ /le'u bcu gcig ces pa ni grangs te/ le'u

  239. 120a

    bcu gcig pa'i rgya cher bshad pa'o// //rgyud nye bar bsdu ba gsungs pa/ sangs rgyas byang chub rab rtogs pa/ rdo rje bdud rtsi rgyud chen rdzogs/ /zhes pa ste rgyud kyi ming ngo/ /rgyas bshad 'brel ba 'di byas pa/ / bdag gi dge ba gang thob pa/ /des ni sems can ma lus pa/ /rdo rje bdud rtsi'i gnas thob shog /rdo rje bdud rtsi'i rgyud kyi rgyal po rgya cher 'grel pa bdud rtsi 'dzag pa zhes bya ba dngos grub thob pa'i slob dpon chen po b+ha gos mdzad pa rdzogs so// // gzhung gi tshad ni tshigs su bcad pa stong sum brgya yod do// //rgya gar gyi mkhan po tA ra pA la dang/ bod kyi lo tsa ba la la chings yon tan 'bar gyis bsgyur cing zhus te gtan la phab pa// //phyis paN+Di ta shI la ku dzha badzra dang/ klog skya shes rab brtsegs kyis bal yul du gtugs te gtan la phab po// // */ (/dpal sangs rgyas thong pa'i rgyud kyi bka' 'grel bzhugs so//) // */ /rgya gar skad du/ sh+rI bud+d+ha ka pA yi tan+ta sya pany+dzI ka dz+nya na pa ti nA ma/ bod skad du/ dpal sangs rgyas thod pa'i rgyud kyi bka' 'grel ye shes ldan pa zhes bya ba/ dpal he ru ka la phyag 'tshal lo/ /bsgrub bya phra gzugs mchog tu bde 'byung dga' ba bcu drug byed ma/ /bdun nang thig le'i ?ste sgra yongs shes sems dngos rang bzhin te/ /rang gi dga' ba'i rten gzugs yon tan sdud pa byang chub tshogs snying po/ /dngos dang dngos med rang bzhin srid pa'i 'jigs sel sna tshogs sde phyag 'tshal/ /sna tshogs sde mas bshad pa yi// sangs rgyas thod pa yi ni rgyud/ /ji ltar bla mas bshad pa dang/ /ji ltar rgyud gzhan dag mthong ba/ /de ltar cung zad bdag gis bshad/ /de la re zhig brjod pa dang/ /brjod par bya ba dang/ dgos pa dang/ dgos pa'i yang dgos pa ston te/ rjod par

  240. 120b

    byed pa ni rgyud do/ /brjod par bya ba ni rgyud kyi don no/ /dgos pa ni lha'i rnal 'byor mngon du byed pa'o/ /dgos pa'i yang dgos pa ni/ sems can gyi don gyi bya ba byed pa'o/ /gal te yang bcom ldan 'das nyid ston pa po la sogs pa'i gzugs su bzhugs med gyi/ 'on kyang bdag nyid bcom ldan 'das ma'i gzugs su logs su bstan to/ /de nas bcom ldan 'das ma las phyag na rdo rjes thos so/ /rgyud sdud par bzhed nas der 'di skad ces bya ba gsungs pa ni/ sdud par byed pa'i tshig go /thos pa zhes pa ni rnam pa 'di ltar bcom ldan 'das ma las bdag gi thos zhes sbyar ro/ /'di skad bdag gis zhes pa la/ e ni sar gsungs te/ de ni spyan ma'i rang bzhin no/ /ba ni chur gsungs te/ de ni mA ma kI'i rnga bzhin no/ /ma ni med gsungs te/ de ni gos dkar mo'i rang bzhin no/ /ya ni rlung du gsungs te/ de ni sgrol ma'i rang bzhin no/ /yi ge bzhi ni phyag rgya bzhir yang dag par bshad do/ /stong pa nyid kyi rang bzhin gyis 'gro ba rgyas 'debs pas na phyag rgya'o/ /bdag gis thos zhes bya ba la/ rna ba'i rnam par shes pas thos pa ni ma yin no/ /'o na ci zhe na/ dus gcig gi tshe na'o/ /dus gcig na zhes pa la/ dus ni rnam pa gsum ste/ bde ba'i dus dang/ sdug bsngal gyi dus dang/ bsam gyis mi khyab pa'i dus nyid do/ / 'jug pa'i rlung ni bde ba'i dus so/ /'byung ba'i rlung ni sdug bsngal gyi dus so/ /'di dag gnyis med par son pa'i rang bzhin ni bsam gyis mi khyab par son pa'i dus so/ /bcom ldan 'das zhes pa la skal ba phun sum tshogs pa'i phyir na bcom ldan no/ / bdud bzhi bcom pa'i phyir yang bcom ldan no/ /'di la bcom pa yod pas na/ bcom ldan 'das zhes gsungs so/ /de bzhin gshegs pa thams cad kyi sku dang gsung dang thugs rdo rje zhes bya ba la/ thams cad kyang yin la/ de bzhin gshegs pa yang

  241. 121a

    yin pas na de bzhin gshegs pa thams cad do/ /de rnams kyi sku dang gsung dang thugs nyid rdo rje ste mi shes pa'i gcod pas rdo rje'o/ /mi shes pa ni phung po dang khams dang/ skye mched rnams mi shes pa ste/ shes bya'i sgrib pa zhes bya ba'i tha tshig go /rdo rje ni gnyis su med pa'i ye shes te shes rab kyi gzugs zhes bya'i tha tshig go /dkyil 'khor chen po rgyan dang ldan pa'i dbus su zhes bya ba la/ dkyil 'khor chen po yang yin la/ rgyan dang ldan pa yang yin pas na dkyil 'khor chen po rgyan dang ldan pa ste/ de nyid dkyil 'khor ro/ /dkyil ni snying po'o/ /'khor ni de len pa ste snying po len ces pa'o/ /de'i dbus su dang po bcom ldan 'das yongs su mya ngan las 'das zhes 'chad par 'gyur ba dang sbyor ro/ /khyad par ji lta bu zhig ce na/ gsungs pa de bzhin gshegs pa thams cad ces bya ba ni phung po lnga'i rang bzhin rnam par snang mdzad la sogs pa'i sangs rgyas lnga'o/ /rnal 'byor ma zhes bya ba ni/ gshin rje mche ba ma la sogs pa rnams so/ /bzhugs zhes bya ba ni de rnams kyis brgyan zhes bya ba'i tha tshig go /gnas der 'khor gsungs pa/ 'phags pa kun dga' bo la sogs pa 'dod chags dang bral ba'i dge 'dun rnams kyis bcom ldan 'das yongs su bskor zhes pa'o/ /'dod chags dang bral ba 'ba' zhig tu ma zad do/ /zhes pa de gsungs pa/ 'phags pa spyan ras gzigs dbang phyug la sogs pa zhes pa ni 'phags pa spyan ras gzigs dbang phyug la sogs pa'i byang chub sems dpa' chen po rnams kyis yongs su bskor zhes bya ba'i tha tshig go /byang chub sems dpa' bye ba phrag brgyad cu dang yang thabs gcig tu bzhugs so zhes bya ba ni/ bye ba phrag brgyad cu'i grangs su bgrangs pa dang zhes bya ba'i tha tshig go /byang chub

  242. 121b

    sems dpa' i brtson 'grus dang ldan pa gang yin pa de dag ni byang chub sems dpa' 'o/ /thabs gcig tu bzhugs zhes pa ni/ dkyil 'khor de'i dbus su byang chub sems dpa' rnams dang lhan cig tu bzhugs zhes bya ba'i tha tshig go /rnam pa gang gis bcom ldan 'das yongs su mya ngan las 'das pa de nyid gsungs pa/ de nas zhes pa ni/ de'i rjes thogs su zhes pa'o/ /a ni thig le'i gzugs/ tha ni bcom ldan 'das gang gi thugs thig ler gnas pa'o/ /de nyid kyi khyad par ji lta bu yin snyam pa la/ rdo rje'i tshig gis zhes bya ba gsungs te/ rdo rje ni gnyis su med pa'i ye shes shes rab kyi ngo bo ste sprul pa'i 'khor lo la gnas pa'o/ /de'i tshig ni chos kyi 'khor lo la gnas pa'i thabs kyi rang bzhin no/ /'di dag gnyis su med par gyur pa'i rang bzhin ni bcom ldan 'das so/ /rdo rje chen po'i gnas su zhes bya ba ni rdo rje 'chang chen po'i go 'phang gi gnas te/ des na chos kyi 'khor lo dang sprul pa'i 'khor lo dang lhan cig tu gyur pa'o/ /khyad par ji lta bu zhe na/ rgyud thams cad dang sngags yang dag par bshad ces bya ba gsungs te/ rgyud thams cad kyi sgras ni 'dus pa la sogs pa bzung ngo/ /sngags ni a dang hUM la sogs pa'o/ /de dag gi gnas su yang dag par bshad pa ni bde ba chen po zhes bya ba'i tha tshig go /des na khyad par ji lta bu dang ldan pa'i bcom ldan 'das zhu bar gyur snyam pa la/ de bzhin gshegs pa thams cad kyi bdag po zhes smos te/ rdo rje 'chang ngo/ /de ltar yang/ dpal ldan sangs rgyas kun gyi bdag /rdo rje 'chang chen go 'phang ste/ /sangs rgyas kun gyi thabs byung ba/ /de nyid chos rnams chos nyid do/ /zhes gsungs te/ sangs rgyas thams cad skyed par byed pa zhes bya ba'i tha tshig go /rdo rje dang pad+ma yang dag par sbyor bas zhes bya ba ni/ rdo rje pad+mar bsnun pa de'i sbyor pas yang dag par bde ba'o/ /btsun mo'i b+ha gar zhes bya ba ni/ spyan ma la sogs

  243. 122a

    pa'i btsun mo'i b+ha gar ro/ /yongs su mya ngan las 'das zhes bya ba ni byang chub kyi sems kyi gzugs su zhu bar gyur zhes bya ba'i tha tshig go /yongs su ni kun du'o/ /mya ngan las 'das pa ni rnam par rtog pa las nges par byung ba ste de ni chos kyi sku'i rang bzhin zhes bya ba'i tha tshig go /de yongs su mya ngan las 'da' ba mthong nas zhes bya ba ni/ chos kyi sku de gzigs nas zhes bya ba'i don to/ /byang chub sems dpa' thams cad ces pa ni/ byang chub sems dpa' 'ang yin la/ thams cad kyang yin pas na/ byang chub sems dpa' thams cad de mig la sogs pa'i dbang po drug go /rnal 'byor ma thams cad ces bya ba ni thabs dang shes rab kyi bdag nyid kyi sbyor ba rang bzhin med pa'i shes rab gang yin pa dang/ thabs kyi dngos po'i mtshan nyid ces bya ba'i tha tshig ste/ gang dag la de dag yod pa de ni rnal 'byor ma ste/ rtsa thams cad kyi rang bzhin no/ /rmad du gyur te zhes pa ni ngo mtshar du gyur ces pa'i tha tshig go /gcig la gcig blta zhing zhes ba ni/ byang chub sems dpa' dang rnal 'byor ma rnams phan tshun du lta zhes bya ba'i don to/ /ci zhig smra zhe na/ e ma'o zhes gsungs te/ e ni shes rab yin la/ ma ni thabs su gsungs te/ 'o na gang gi phyir zhes bya ba'i don to/ /bcom ldan 'das zhes bya ba ni thams cad shes rab kyi bdag nyid kyi sbyor ba'i ting nge 'dzin zhes bya ba'i tha tshig go /de bzhin gshegs pa thams cad kyi bdag po zhes bya ba ni de bzhin gshegs pa thams cad kyi bdag nyid rdo rje 'chang ngo/ / dkyil 'khor chen po rgyan dang ldan pa'i dbus su zhes bya ba la/ 'dod chags dang bral ba'i dge 'dun dang/ byang chub sems dpa' du ma dang/ de bzhin gshegs pa thams cad dang/ rnal 'byor ma'i tshogs kyis brgyan pa gang yin pa'i dkyil

  244. 122b

    'khor de ni dkyil 'khor chen po rgyan dang ldan pa'i dkyil 'khor te/ de'i dbus kyi gnas su'o/ /ji ltar yongs su mya ngan las 'das zhes bya ba ni ji ltar chos kyi skur gyur zhes bya ba'i tha tshig go /sna tshogs sde ma la som nyi 'di zhus te/ de nas zhes pa ni de ma thag tu zhes pa'i tha tshig go /rnal 'byor ma sna tshogs sde ma zhes bya ba ni gsang bar gnas pa'i rtsa ste/ de'i sna tshogs ni ngo mtshar byed pa'o/ /sde ni bde ba chen po'i ye shes te/ de nyid theg pa chen po'o/ /gnyi ga'i sbyor ba dang ldan pa ni/ rnal 'byor mar brjod de de nyid lha mo'o/ /byang chub sems dpa' sems dpa' chen po phyag na rdo rjes 'di skad ces gsol to zhes pa la/ rdo rje ni gnyis su med pa'i ye shes te/ de'i phyag gang la yod pa de ni phyag na rdo rje'o/ /byang chub sems dpa' i brtson 'grus gang la yod pa de ni byang chub sems dpa' o/ /sems dpa' yang yin la chen po yang yin pas sems dpa' chen po'o/ /sems dpa' ni rnam pa gnyis su gsungs te/ skal ba bzang po skal ba ngan pa'o/ /'di skad gsol to/ /zhes ba ni/ 'di skad du zhus te/ zhes bya ba'i tha tshig go /ci zhig smras snyam pa la gsungs pa lha mo zhes pa ni bod pa'o/ /bsod nams dman pa zhes pa ni yid 'dul ba med pas na bsod nams dman pa ste/ bsod nams dman pa dang ldan pa'i sems can rnams so/ /nus pa la zhon par 'gyur ba zhes pa la/ nus pa ni rnam pa mang po'o/ /de la zhon pa ni/ sems kyis bcugs pa yin par bzhed do/ /thabs cung zad mchis sam zhes pa ni thabs cung zad mchis sam zhes pa'i 'dod pa ste/ lha mo la zhus pa'o/ /gsungs pa rnal 'byor gyi rgyud la ni bye ba phrag drug nyid do/ /bye ba ni rnal 'byor gyi rgyud rnam drug la'o/ /rnal 'byor ma'i rgyud la ni bye ba phrag bcu drug nyid do/ /zhes pa ni rnal 'byor ma'i rgyud rnam pa bcu drug la'o/ mdo sde so so la ni bye

  245. 123a

    pa phrag brgyad cu'o zhes pa la/ mdo sde so so la rnam pa brgyad cu brgyad cu'o/ /pha rol tu phyin pa'i theg pa la ni bye ba bsgres pa'i 'bum phrag lnga'o/ /zhes pa ni pha rol tu phyin pa'i theg pa rnam pa lnga la'o/ /gzhung rgyas pa'i 'jigs pas rgyas par ma bris so/ /'di dag thams cad ces ba ni rnal 'byor dang rnal 'byor ma'i rgyud dang/ mdo sde dang/ pha rol tu phyin pa'i theg pa rnams so/ /thub pa'i dbang po zhes bya ba ni de bzhin gshegs pa'i bdag po'o/ /gsungs zhes pa ni bshad ces pa'o/ /sngags zhes pa ni yid skyob par gyur pas na sngags so/ /dang zhes pa ni gang gi phyir zhes pa'i don to/ /bral na zhes pa ni ma rtogs par zhes pa'i don to/ /rgyud kyi nus pa mi snang ste/ zhes pa la/ rgyud klags pa tsam la ni nus pa dang stobs med ces bya ba'i tha tshig go /de ltar yang lus kyis klags par mi 'gyur zhing/ ngag gis klags par cir 'gyur gyis/ gso dpyad klags pa tsam gyis ni/ nad pa rnams ni ji ltar 'gyur zhes gsungs so/ /da ni rnal 'byor pa tha ma dang 'bring dang mchog rnams kyi bzlas pa bstan par bya ste/ rgyud la lar zhes pa ni rgyud kha cig tu'o/ /ji nas zhes pa ni rnam pa kun nas so/ /sngags bye ba bzlas zhes pa la rnal 'byor pa tha mas ni/ sngags bye ba bzlas par gsungs zhes pa'i tha tshig go / bsod nams 'bring po rnams kyis ni sngags 'bum bzlas zhes pa ni bsod nams 'bring bo'i rnal 'byor pa dang par mas 'bum bzlas par gsungs te myur bar zhes pa ni mgyogs par zhes pa'i don to/ /gang gsungs zhes pa ni gang bshad pa'o/ /bsod nams che bas zhes bya ba la/ bsod nams che ba'i rnal 'byor mchog gis ni bri bzlas par bshad do/ /de ltar yang/ rdzogs ldan dus su yi ge 'bum bzlas te/ gnyis ldan dus su sngags pas 'bum phrag gnyis/ /gsum ldan dus su 'bum phrag gsum

  246. 123b

    du 'gyur/ /bye ba phrag gsum 'bum bzhi brtsod dus sbyar/ zhes gsungs so/ /rdo rje can chen po zhes pa ni rdo rje 'chang chen po'o/ /rnam pa de lta bur bcom ldan 'das kyis sngags bzlas pa gsungs so/ /'khor gyi nang du phyag na rdo rje la sogs pa byang chub sems dpa' rnams dang/ gshin rje mche ba ma la sogs pa'i rnal 'byor ma rnams phan tshun gleng bar byed do/ /bsod nams chung ba'i sems can rnams zhes pa ni bsod nams dman pa rnams so/ /bye ba bzlas par gsungs zhes pa ni/ bye ba bzlas par bcom ldan 'das kyis gsungs so/ /sems can rtsol ba chung ba rnams kyis zhes bya ba la/ nyung dus mgu ba'i sems can rnams kyi bzlas pa ni 'bum du 'gyur ro/ /bsgom pa la zhom pa'i sems can rnams kyis ni zhes pa la/ de kho na nyid kyis bsgom pa la zhon par nus pa de kho na nyid kyis sems brlan pa de rnams kyi bzlas pa khrir 'gyur ro/ /'dod chags la zhugs pa'i sems can rnams zhes pa ni 'dod chags dang zhe sdang la sogs pa dang mtshungs par ldan pa zhes bya ba'i tha tshig go /sngags kyi bzlas pa ji ltar lags zhes bya ba la/ de dag gi sngags kyi bzlas pa'i grangs med ces pa'o/ /blun pa dang lkugs pa'i rigs can rnams kyi zhes pa ni rmongs pa dang dig pa'i rigs can zhes pa'i tha tshig go /grangs ji ltar lags zhes pa la/ sems can de rnams bzlas pa la grangs med ces pa'i tha tshig go /shin tu dmigs pa'i sngags kyi bzlas pa zhes bya ba ni bsgom pa la gcig tu brtsom pa la ni sngags kyi bzlas pa dgos pa med de/ sngags kyi bzlas pa bas bsam gtan bsod nams chos 'phel bar 'gyur ro/ /'di ltar phan tshun smra bas zhes pa la sogs pa ni go sla'o/ /dman pa'i sems kyis zhes pa ni sngags 'dis dngos grub 'thob bam mi 'thob/ ces rnam pa de lta bur gal te byed na'o/ /bskal pa skar ma lta bu bye bar yang zhes pa ni ji

  247. 124a

    ltar/ ji srid du nam mkha' la skar ma gnas pa de srid kyi bskal pa'i grangs su yang dngos grub med ces bya ba'i tha tshig go /de ltar yang/ thams cad du ni sprul pa'i sku/ /nyan thos la sogs pa yis mthong/ /byang chub sems dpa' rdzogs longs spyod/ /de bzhin chos sku sangs rgyas kyis/ /zhes gsungs so/ /de lta bas na/ bcom ldan 'das de nyid na bzhugs pa de bzhin gshegs pa dang rnal 'byor ma 'ba' zhig gis mthong ngo/ /de ltar thos nas zhes pa la/ e'i cha byad bzang po gang/ /dbus su paM gis rnam par brgyan/ /bde ba thams cad kyi ni gzhi/ /sangs rgyas rin chen za ma tog /ces so/ /de'i dbus su 'dzag pa ni/ /'dir sru sh+ra ba Na'i skad kyi dbyings kyi sbyor ba las so/ / des cir 'gyur zhe na/ gang gi tshe na byang chub kyi sems 'dzag pa de'i tshe thams cad mkhyen par 'gyur zhes sbyar ro/ /rnal 'byor ma sna tshogs sde ma zhes pa ni gsang ba na gnas pa'i rtsa'o/ /de'i sna tshogs ni ngo mtshar byed pa ste/ rtsa thams cad kyi tshogs 'dus zhes pa'i tha tshig go /de'i bde ba chen po nyams su myong ba ni rnal 'byor ma'o zhes brjod par bya'o/ /thabs dang bral ba'i rnal 'byor ma ni med de/ de ltar yang/ ma mo'i gzugs kyis te/ mkha' 'gro ma ni 'gro dang tshul// rnal 'byor ma ni thabs dang ldan/ /dkyil 'khor las ni rtag tu spro zhes gsungs/ /de nyid kyi phyir sna tshogs sde ma la bcom ldan 'das 'khyud de bzhugs so/ /bcom ldan 'das kyi zhal la zhes bya ba ni/ zhal dbu ma bde ba chen po'i rang bzhin no/ /lta bar byed ces bya ba ni/ nyams su myong bar byed ces bya ba'i tha tshig go /rngur mig dang bcas pa la sogs pa ni go sla'o/ /bdud kyi dpung rab tu bcom mo zhes pa la/ bdud ni dbang po la sogs pa ste/ de rnams kyi rnam par rtog pa'i tshogs

  248. 124b

    bcom mo zhes bya ba'i tha tshig go /slar yang khyad par ji lta bu zhig dang ldan zhe na/ gsungs pa de ltar bzhugs pa'i lha mo zhes pa la/ de ltar gsang ba chen po'i gnas sprul pa'i 'khor lo dang/ chos kyi 'khor lor rol pa ni lha mo'o/ /des cir 'gyur zhe na/ thabs dang shes rab dag yang dag par 'dus pas bde ba myong bar 'gyur ro/ /rgyud thams cad kyi bdag po zhes pa la/ rgyud kyang yin la thams cad kyang yin mas rgyud thams cad de 'dus pa la sogs pa'o/ /de rnams kyi bdag ba'i dbang phyug ni sna tshogs sde ma'o/ /yang na rgyud thams cad kyi sgras ni a la sogs pa'i dbyangs yig bcu drug longs spyod na gnas pa gzung ste/ des ni rgyud thams cad kyi sgras longs spyod kyi 'khor lo yang dag par bshad do/ /rgyud thams cad kyi bdag po ni bde ba chen po'i 'khor lo'o/ /de'i dbang phyug ni gtum mor yang dag par bshad do/ /'di dag gis ni sngags kyi de nyid rab tu bshad pa yin no/ /gzigs pa tsam gyis zhes pa ni gtum mo bsgoms pas sngags 'grub par 'gyur ro zhes gsungs so/ /bcom ldan 'das kyi dbu las sngags 'byung ngo/ /zhes pa ni byang chub kyi sems kyi sa bon no/ /lus skyong bas na thod pa'o/ /kaM ste yul skyong bas na thod pa'o/ /kaM ni bde ba skyong ba ste byang chub kyi sems kyi sa bon mi shigs pa haM ngo/ / de'i gnas nas sngags byung bar 'dod do/ /las rnams bzhir ni rnam gzhag pas/ mi shigs pa'i gzugs rnams bzhi/ /lus 'di'i kha dog rnam bzhi yis/ /las rnams bzhi ni rab tu sgrub/ /zhes so/ /slar yang A li kA li rab sbyor bas/ /de yi sa bon yang dag btu/ /smin dbus gnas kyi thig le yi/ /sa bon ye shes can gyis bsgom/ /zhes gsungs so/ /de nyid kyi phyir sngags thams cad kyi gnas mi shigs pa'i yum mo/ /gnas der sems btags pa'i sngags spros pas/ /dngos grub thob bo zhes sbyar

  249. 125a

    ro/ /sngags gang yin zhe na/ de nyid gsungs pa/ oM bud+d+ha zhes bya ba la sogs pa'i rkang pa brgyad pa'o/ /byung zhes pa ni song ba'o/ /gang du song zhes ni de nyid gsungs pa sa rim pa bdun gyi 'og tu chud pa zhes bya ba ni/ ri mo bdun po de la thim par gyur pa ste/ de ni ka la sogs pa'i rang bzhin no/ /de nyid las sngags 'phro zhing de nyid du thim mo/ /klu rnams bcom par byas zhes bya ba la/ klu rnams zhes bya ba la sogs pa ni sgra ji bzhin no/ /yul dang dbang po dang rnam par shes pa bcom zhing brlag par byas zhes pa'i tha tshig go /slar 'ongs te zhes pa ni slar ri mo de la 'ongs pa ste/ zhugs zhes bya ba'i tha tshig go /sna tshogs sde ma zhes pa ni a ba d+hU tI'i nang du chud pa'o/ /zhal zhes pa ni rang bzhin gyis phra ba'i gnas su rlung gi rab tu dbye bas sngags zhugs par bsam par bya'o/ /pad+ma'i nang nas byung nas zhes pa ni/ pad+ma'i nang du chung pa'i thig le las byung zhing 'thon to zhes pa'i tha tshig go /slar thod par zhugs zhes pa la thod pa ste/ mi shigs pa'i rtsa phra pa'i dngos po zhugs par bsam par bya'o/ /yang na sna tshogs sde ma la sogs pa ni sgra ji bzhin du shes par bya'o/ /rdul byung zhes pa ni/ rtsa stong bdun cu rtsa gnyis las byang chub kyi sems 'phro bar 'gyur ba'o/ /nor rgyas la sogs pa'i glu zhes pa ni go bar sla'o/ /de ltar yang/ bde chen 'khor lo las ni brgyad/ /longs spyod 'khor lo las de bzhin/ /chos kyi 'khor lo las ni bzhi/ /de bzhin sprul pa las bcu gnyis/ /zhes gsungs so/ /de ltar rtsa sum cu rtsa gnyis las byang chub kyi sems thams cad 'bab bo/ /de ltar yang/ gang tshe byang chub sems kyis ni/ /rtsa 'di dag ni gang gyur pas/ /de yis rjes su sangs rgyas dang/ /rdo rje 'chang pa nyid 'thob 'gyur zhes gsungs so/ /rnal 'byor ma sna tshogs sde ma la

  250. 125b

    kha phyogs te zhes pa ni rnal 'byor ma chen mo'i mdun du kha bltas pa'o/ /klu thams cad ces bya ba ni/ nor rgyas la sogs pa'o/ /zhus pa zhes pa ni yang dag par gsol ba'o/ /snying na gnas pa'i rtsa brgyad po de rnams ni klu brgyad kyi rang bzhin no/ /dbus kyi thig le'i gzugs ni sna tshogs sde ma dang/ ldan pa'i bcom ldan 'das so zhes bya ba'i tha tshig go /lha mo bka' ci zhig stsol zhes pa ni/ lha mo sna tshogs sde ma bka' stsol cig /ces pa'o/ /sangs rgyas nyams su myong ba zhes pa la/ sangs rgyas ni phung po lnga ste/ de rnams kyi rjes su ni phyis 'byung ba'o/ /des na gang nyams su myong bar 'gyur ba de gyis shig pa'o/ /de ltar thos pa tsam zhes pa ni/ e baM yang dag par sbyor ba ste/ byang chub kyi sems spros pa tsam gyis so/ /gnas gang du zhe na/ dkyil 'khor chen po'i rgyan dang ldan pa'i dbus su ste 'khor lo bzhi'i dbus su'o/ /gang las she na bcom ldan 'das las te/ bcom ldan 'das thig le'i gzugs su snang ba las zhes pa'i don to/ /thod pa kha phye ste zhes pa la nyol? ba ni bshad zin to/ /A li kA li'i rang bzhin gyi thod pa kha phye zhing gsang zhes pa'i tha tshig go /glegs bam zhes pa ni/ chos thams cad gcig tu bsdus pa'o/ /yang na glegs bam ni byang chub sems te/ bu ni pu li ra'i gnas te spyi bo'o/ /kaM ni bde pa'o/ /ha ni de rgyas par byed pa ste/ des na thig le'i gzugs mi shigs pa'i yid lta bu glegs bam mo/ /byung ngo zhes pa ni/ spros pa'i tha tshig go /nam mkha' las sgra byung ngo zhes pa la/ nam mkha' ni chos kyi 'byung gnas so/ /sgra ni pa tsam ste/ rdo rje dang pad+ma yang dag par sbyor ba las byung rdo rje zhes pa'i bar du'o/ /glegs baM byung ba'i dus su nam mkha' la lha rnams kyis rol mo'i sgra sna tshogs sgrogs par byed do/ /lha mo sna tshogs sde ma zung zhes pa la lha mo ni bod pa ste/ kye lha mo glegs

  251. 126a

    bam zung zhes pa'i don to/ /sems can kun la phan 'dogs ma/ /zhes pa ni sems can thams cad la phan par mdzad ma zhes pa'i don to/ /rgyud 'di rgyal po chen po ste/ zhes pa ni 'dus pa la sogs pa'i rgyud rnams kyi nang na rgyal po ste gtso bo'o/ /zhes pa'i tha tshig go /rgyud kyi khyad par ji lta bu zhe na/ de nyid gsungs pa/ rnal 'byor ma'i gong na med ces pa ni/ spyan ma la sogs pa'i ngag gi lam las 'das pa'i rang bzhin no/ /rgyud kyi mtshan ci zhe na/ sangs rgyas thod pa'o/ /sangs rgyas ni rdo rjer gsungs la/ thod pa ni pad+mar bshad de/ chos kyi 'byung gnas zhes pa'i don to/ /de nyid kyi phyir thabs dang shes rab kyi rgyud ces pa'i tha tshig go /de ltar thos nas zhes pa ni shes rab dang thabs kyi rang bzhin gyi byang chub kyi sems spros pa'o/ /sna tshogs sde ma zhes pa la sna tshogs ni ngo mtshar ro/ /sde ni bde ba chen po zhes pa'i tha tshig go /des cir 'gyur zhe na glegs bam yang dag par bzung ste/ zhes pa la/ pu ni pu li ra'o/ /kaM ni su ka ste mi shigs pa'o/ /ta ni rgyas par byed pa ste/ byang chub kyi glegs bam yang dag par gzung ste/ 'gro ba gang yin pa de ni sna tshogs sde ma zhes pa'i tha tshig go /phyag na rdo rje la nye bar gtad te zhes pa la rdo rje ni mi phyed pa'o/ /de'i phyag gang la yod pa de ni phyag na rdo rje'o/ /de'i drung du song ste/ nye bar gtad ces pa'i tha tshig go /ci'i phyir 'gro zhe na phyag na rdo rje la gsang ba'i dbang sbyin pa'i don du zhes bya ba'i tha tshig go /sems can kun la bde 'bab pa zhes pa ni/ sems can thams cad la zhes pa ni sems can thams cad la bde ba 'bab par byed pas na/ sems can kun la bde 'bab pa zhes pa'i don to/ /dngos grub kun zhes pa ni dngos grub thams cad ster zhes pa'i don to/ /gang dag gi zhe na rnal 'byor ma rnams kyi zhes

  252. 126b

    smos te/ rnal 'byor ma rnams la zhes sbyar bar bya'o/ /'bras bu myur du ster zhes pa la byang chub kyi sems de nyid kyis phyag rgya chen po'i dngos grub ster bar 'gyur ba'o/ /mnan dang sbar dang ye shes che zhes pa la mnan pa'i sgra ni shes rab kyi pad+ma'o/ spar ba'i sgras ni rdo rje zhes pa'i don to/ /rdo rje dang pad+ma dag la skyed pa'i ye shes gang yin pa de ni ye shes che ste/ lhan cig skyes pa'i rang bzhin zhes pa'i tha tshig go /ye shes de'i khyad par ji lta bu zhe na/ gong na med pa zhes pa ste/ ngag gi lam gyi spyod yul las 'das pa'o/ /snyed par dka' zhes pa ni rtsa ba skyong pa las shes par bya ba'o/ /'di dag gis ni rang rig pa tsam bstan to/ /de ltar yang rtag tu 'dod pa bsten bya zhing/ chu'i mchog kyang btud par bya/ /chos pa sten chos min spang bar bya/ / 'di ni so mo'i brtul zhugs so zhes gsungs so/ /nyan thos la sogs pas dka' ba sbyang kyang ming tsam yang mi rnyed do/ /zhes bya ba'i tha tshig go /gsang ba zhes pa la gsang ba'i sgras ni chos kyi dbyings kyi tshul gyis khyad par byed cing de bzhin gshegs pa thams cad de las byung bas na gsang ba ste/ nyan thos la sogs pa'i spyod yul ma yin pas na gsang ba'o/ /mchog ces bya ba ni phul du byung ba'i ye shes dam pa'i phul lo/ /nyams dga' zhes bya ba ni dga' ba la sbyor bas nyams dga' o/ /lus kun la ni rnam par gnas zhes pa ni lus can thams cad kyi snying gi dbus na bde ba chen po'i gzugs kyis rnam par gnas par 'gyur ba'o/ /de'i las gang yin zhe na/ de nyid gsungs pa nam mkha' lding la sogs pa'i las bcu gnyis su 'gyur ro/ /sna tshogs sngags rim ji bzhin gang zhes pa ni rnam pa sna tshogs pa'i bag chags las yid skyob par byed pas na sna tshogs sngags zhes pa'i don to/ /rim ji bzhin zhes pa ni sngags kyi go rims ji lta ba

  253. 127a

    bzhin 'byung zhes pa'i tha tshig go /ji bzhin rnal 'byor ma skyes dang/ zhes pa la/ rnal 'byor ma ni gshin rje mche ba ma la sogs pa'o/ /de rnams kyi ji ltar 'byung ba ni go rims ji lta ba bzhin phyogs dang mtshams su bskyed ces pa'i tha tshig go /dpal chen he ru ka'i zhes pa la/ he ni rgyu spangs pa'o/ /ru ni gzugs bcom pa'i don to/ /ka ni gang duAng mi gnas pa ste/ A li kA li mnyam par sbyor ba'i byang chub kyi sems bde ba chen po'i rang bzhin ni dpa' bo chen po he ru ka zhes pa'i don to/ /dang ni sdud pa'o/ /bskyed pa dang ni gnas rgyu dang zhes pa ni mngon par byang chub pa lngas he ru ka bskyed cing/ bzhengs pa zhes pa'i don to/ /de'i gnas pa'i rang bzhin de nyid rgyu ste bla na med pa yang dag par rdzogs pa'i byang chub kyi rgyud dang 'bras bu zhes pa'i tha tshig go /dngos dang dngos med ces pa la/ /bcom ldan 'das ni dngos po'i ngo bo ste/ dngos po med pa'i ngo bo yang de'o/ /rnam pa kun gyi mchog dang ldan pa stong pa nyid kyi mtshan nyid ces pa'i tha tshig go /de ltar yang dpal gsang ba 'dus pa las/ dngos po thams cad dang bral zhing/ /phung po khams dang skye mched dang/ /gzung dang 'dzin pa rnam spangs pa/ /chos bdag med pa mnyam nyid pa/ /rang sems gdong ma nas skyes pa/ /stong pa nyid kyi rang bzhin no/ /zhes gsungs so/ /lang kar gshegs pa las kyang/ /ji ltar byis pas rnam brtags pa'i/ /phyi yi don ni yod pa min/ /'dod chags kyis ni sngags pa'i sems/ /de ni du snang bar rab tu skye zhes gsungs so/ /de ltar na dngos po med pa'i rang bzhin bcom ldan 'das zhes pa'i tha tshig go /spros med ces pa ni spros pa dang bral ba'i phyir na spros pa med pa'o/ /srid par spyod cing gos pa med ces pa ni/ srid pa'i 'khor bar spyod par byed pas na srid par

  254. 127b

    spyod pa'o/ /dgongs pas bshad pa zhes pa nas ral gri zhes pa'i mthar thug pa'i las bco brgyad por 'gyur ba de ji ltar bsgrub par bya zhe na/ gsungs pa/ sangs rgyas thod pa'i sbyor ba yis/ /zhes pa la/ sangs rgyas ni rdo rjer gsungs la thod pa ni pad+ma nyid do/ /de dag gi sbyor ba'i bsam gtan gyis 'grub par 'dod pa'o/ /mi snang ba zhes pa ni lha dang mi rnams kyis mi mthong ba'i don to/ /sna tshogs rdzu 'phrul rnam 'phrul dang zhes pa la/ sna tshogs rdzu 'phrul ni sna tshogs pa'i cho 'phrul te rnam pa sna tshogs pa byed par 'gyur ba'o/ /rang gi gzugs su bsgyur ba dang zhes pa la/ rang gi gzugs kyi rang bzhin bsgyur zhing gzhan gyis gzugs su byed pa ste/ gzugs sna tshogs par sprul par byed pa'o/ /gzhan gyi lus pa gzhug sogs dang zhes pa la/ gzhan gyi lus ni gzhan gyi khog pa ste der 'jug par byed pa'o/ /sogs pa'i sgras ni gong du 'pho ba zhes pa'i tha tshig go /las kyi tshogs ni gzhung rgyas pa'i 'jigs pas ma bris te/ gdan bzhi pa dang rdo rje mkha' 'gro'i rgyud dag las bla ma'i man ngag gis shes par bya'o/ /sangs rgyas bye bas rab gsungs pa/ zhes pa la sangs rgyas bye ba ni rdo rje 'chang ba la sogs pa'o/ /rab gsungs pa ni lhan cig skyes pa'i gzugs can gtum mo bsgom pa'o/ /sangs rgyas bu mo zhes pa ni sangs rgyas dang rdo rje 'chang bu mo lhan cig skyes pa'i gzugs can ma ste/ bu mo de yang mchog chen mo'o/ /khros pa tsam gyis 'gugs byed na zhes pa ni/ /chags pa'i sbyor bas gtum mo sbar te/ byang chub kyi sems 'dzag pa ni 'gugs pa yin no/ /sangs rgyas bu mo zhes pa ni sprul pa'i 'khor lo'i a bsgom pa'o/ /sangs rgyas bye bas zhes pa la ko Ti ni rtse mo ste chos kyi 'khor lo'i thig le'i gzugs phra mo'o/ /sangs rgyas zhes pa ni de bzhin gshegs pa'i sa bon rnams so/ /

  255. 128a

    rab gsungs zhes pa ni yongs su bskor zhes pa'i tha tshig go /chos dang sbrul pa dag bsgoms pas gong du 'pho ba dang/ gzhan gyi lus la 'jug bar byed ces sbyar ro/ /gzhan dag smos lta ci zhig dgos zhes pa la/ gzhan ni sprul pa dang chos dag las gzhan pa'i longs spyod kyi 'khor lo cha bcu drug dang ldan par bshad do/ /smos lta ci zhig dgos zhes pa ni mchog rab kyi haM ngo/ /'khor lo gang la de yod pa'i 'khor lo de ni bde ba chen por gsungs so/ /'khor lo bzhi bsgoms pas sems brtan par gyur na sangs rgyas thod par gang gsungs pa de thams cad 'grub ces bya ba'i don to/ /de ltar yang sa gnyis dag la sems byed pa/ 'di ni grol bar rab tu grags/ /zhes gsungs so/ /mig 'phrul zhes bya ba la sogs pa ni go sla'o/ /'dod pa lnga ni bsten bzhin pas zhes pa la/ 'dod pa lnga dbang pos lngas bsten par bya zhing nyams su myong bar bya ba'o/ /de gang yin zhe na/ gzugs dang sgra la sogs pa/ de rnams 'dod par bya bas na/ /'dod pa ste/ des rnal 'byor pa 'grub pa yin no/ /'jigs shing 'dzom pa'i rtsod chen po zhes bya ba la sogs pa ni go sla'o/ /'dzag byed cing zhes bya ba ni/ bud med rnams las 'dzag par gsungs so/ /de ltar yang khro bo'i mdzub mo'i rtse mo la/ bdud rtsi'i yi ge bsams pa dang/ lte ba bya gdong mdzub rtse la/ sbyor ba gsum po bsams nas ni mdzub mo de yis bsgul bya zhing/ yang dag man ngag bsgom par bya/ zhes gsungs so/ /sangs rgyas thod pa zhes pa la sangs rgyas thod pa'i rgyud 'ba' zhig tu gsungs kyi rgyud gzhan du ni ma gsungs so/ /rdo rje mgon po zhes pa la rdo rje ni gnyis su med pa'i ye shes te shes rab kyi rang bzhin no/ /mgon po ni thabs so/ /de gnyis kyis na thabs dang shes rab bo/ /bsam gtan 'di nyid kyis khams bco

  256. 128b

    brgyad rnam par dag pa'i sbyor ba bco brgyad 'grub ste/ sbyor ba bco brgyad po de nyid gsungs pa/ sha li ka'i sbyor bas zhes pa la/ glu dgug pa'i don du bya ri skegs mngag ces pa'i tha tshig go /rig pa 'dzin pa zhes pa ni/ dug gsal ba'i don du rig pa 'dzin pa'i skyes bu'i gzugs su sprul zhes pa'i tha tshig go /rgyan po zhes bya ba ni chos long brtse bas dug sel ba'o/ /rnga brdungs zhes pa ni rnga brdung bzhin pas dug sel ba'o/ /bud med 'brog ces pa ni/ dug gis zin pa'i skyes bu'i chung ma phrogs pas dug gi zin pa'i skyes bu langs par 'gyur ba'o/ /shing bsnun zhes pa ni ka ra bi ra'i lcug ma la mngon par bsngags te/ des mgo bo dang rkang pa'i mthar thug par rag par bya ba'o/ /dang ni sdud pa'o/ /zhags pas 'ching ba zhes pa ni/ thag pa zhags pa'i rnam pa lta bus mgrin par bcings te dgug par bya'o/ /khu byug ces pa ni/ khu byug gis sgra bton pas dug gis zin pa sangs par 'gyur ba'o/ /pad+ma 'byed pa/ zhes pa ni longs spyod kyi 'khor lo'i rtsa gnyis mnan pas dug sel ba'o// stag byed ces pa ni/ stag gi rnam pa'i tshad dam bya ba'o/ /chu zhes pa ni chus dug sel ba'o/ /dung zhes pa ni dung chus bkang ste/ dug gis zin pa'i spyi bor blugs pa'o/ /thod lo kor 'phrog ces pa ni thod lo kor gyis dug gis zin pa'i ming bris na dug sel bar byed ces sbyar ro/ /skyug pa zhes pa ni dug rlon pa'i tshul du byed pa'o/ /ras g.yog ces pa ni ras yug chen gyi dug gis zin pa g.yogs na dug sel to/ /thal lcags brdab ces pa ni dug gis zin pa la thal lcag drag tu brdab pa'o/ /yig gsum zhes pa ni/ ha/ ho/ h+ri/ ste/ yi ge gsum mo/ /'dis dug sel bar byed do/ /bsam gtan gyi ni gtam zhes pa ni dkar po'i bsgom pa'i gtam gyis dug nyams par byed pa'o/ /'di rnams kyis dug nyams par byed do/ /'di rnams kyis ni

  257. 129a

    dgug par bya/ zhes pa ni sbyor ba bco brgyad po 'di rnams kyis dug sel bar byed do/ /rdo rje mgon po zhes pa ni/ rdo rje 'chang chen po byang chub kyi sems kyi rang bzhin no/ /de nas zhes pa ni rgyu des na nang gi rnal 'byor gsungs pa'o/ /rab bshad ces pa ni gang gi tshig yin zhe na/ sna tshogs sde ma'o/ /de ni sna tshogs sde mas gsungs so/ /ci zhig gsungs she na/ mchog gi ye shes zhes pa ste/ ye shes kyi rol zhing rtse bas na mchog gi ye shes des na rab bshad ces pa dang sbyar ro/ /b+ha ga'i dbus su rnam par bzhugs zhes pa ni/ e'i cha byad kyi sprul pa'i 'khor lor a thung ngu rnam par gnas pa ste/ ka la sogs pa sde bdun gyi ri mo'i rnam pas yongs su bskor ba'o/ /bde ba chen po star byed pa zhes bya ba ni/ gnas par bsgoms pa tsam gyis bde ba chen po ster byed par 'gyur ba'o/ /'di nyid du ni kun gnas kyang zhes pa ni/ nam mkha' lding dang/ dngul chu dang/ bcud kyis len la sogs pa der bsgoms pa tsam gyis grub kyi gzhan du ni ma yin no/ /dkyil 'khor bzang po zhes pa la dkyil ni snying po'o/ /'khor ni len pa ste dkyil 'khor ro/ /mdzes par byed pa nas bzang po ste mchog ces pa'i tha tshig go /slob ma dbang bskur zhes pa la gnas de nyid du slob ma dbang bskur ba sbyin par bya ste/ bla ma'i man ngag las khong du chud par bya zhes pa'i tha tshig go /he ru ka dpa' po zhes pa ni dbang bskur ba'i rjes thogs su bla mas bstan pa ste/ gnas de nyid du he ru ka bsgom par bya zhes sbyar ro// khyad par ji lta bu'i he ru ka bsgom zhe na/ gsungs pa/ nyi shu rtsa bzhi'i dbang gtso bo zhes pa ni rtsa nyi shu rtsa bzhi'i rang bzhin gyi lha mo rnams kyis bskor ba'i bcom ldan 'das bsgom par bya zhes sbyar ro/ /der ni nam mkha' lding 'jigs pa zhes bya

  258. 129b

    ba la sogs pa ni go sla'o/ /phyag rgya chen po grags chen po zhes pa ni/ a thung ngu'i rang bzhin phyag rgya chen po'i don du grags pa dang ldan par 'gyur ba'o/ /dngos grub kun gyi 'dod byed ma zhes pa ni 'dod pa dang ldan pa la sangs rgyas nyid 'grub par 'gyur ba'o// dbang bskur ba'i don du phyag rgya'i tshogs gsungs pa la/ ma zhes pa ni/ dang po shes rab ma mthong ba las dga' ba tsam skye bas na ma'o/ /tsha mo zhes pa ni rdo rje dang pad+ma'i 'jug pas mchog tu dga' ba'i rnam par dbye ba ston pas na tsha mo'o/ /srid mo zhes pa ni thabs rnam pa sna tshogs pas pad+mar rten par byed pas na sring mo'o/ /bu mo zhes pa ni gnas bco brgyad nas lhan cig skyes pa 'jo bas ne bu mo'o/ /bud med rab brtan ma zhes pa ni mchog tu dga' ba'i dus su ngo tsha chung ba'i bud med de yang dag ba'i bde ba sgrub pa'i don gyis na/ mchog tu gyur ba ste/ rig ma bzhi dang mnyam par sbyor bas bde ba nyid bsgrub par bya zhes pa'i tha tshig go /'gro ba drug ces pa ni/ 'gro ba drug tu 'jug pa rnams kyis bde ba nyid sgrub mod kyi/ 'on kyang byis pa rnams kyi ni zag pa dang bcas pa'o/ /'phags pa rnams kyi ni zag pa med pa'o/ /'on kyang bde ba 'ba' zhig sgrub kyi gzhan ni med do/ /de bas na sgrub thabs du ma'i rjes su 'brangs te/ bde ba'i don nyid bsgrub par bya'o/ /'on kyang byis pa rnams kyi ni ji srid du bde ba de srid du rang bzhin gyis rnam par dag pa nyid yin no/ /de ltar yang bde ba yis ni bde ba bsgrub/ /rgyu bde bas ni 'bras bu bde/ /zhes gsungs so/ /'khor ba mya ngan 'das pa nyid ces pa ni/ 'khor ba dang mya ngan las 'das pa rnal 'byor bas dbyer med par nye bar spyad par ?? bar bya'o/ /gal te tha dad par byas na nyes pa ci yod ce na/ bde ba med pa dang dngos grub med par 'gyur ba'o/ /'char dang nub pa zhes pa ni byang chub kyi sems 'char ba'i tshe dbang po thams cad nub par 'gyur ba'o/ /sems can kun

  259. 130a

    la bde ba 'bab ces pa ni/ sems can thams cad la bde ba ster pa'i sna tshogs sde ma de ni rtsa yin no/ /sna tshogs sde ma btang ste/ gang de kho na nyid la re ba ni ci yang 'grub pa med do/ /de ltar yang/ blo dman byis pas rang gi lus btang na/ de ni 'dod pas gzugs brnyan tshol bar 'gyur/ /ljon shing 'bras bu smin pa bor nas ni/ /de ni sa bon rgyus khrid dus la sdod/ /ces gsungs so/ /glegs bam zhes bya ba la sogs pa ni go sla'o/ /sangs rgyas zhes bya ba ni gnyis su med pa'i ye shes te/ rdo rje dang pad+ma'i sbyor bas mtshon par bya'o/ /sangs rgyas rdo rje zhes pa la/ rdo rje ni gnyis su med pa'i ye shes so/ /sangs rgyas ni thabs kyi rang bzhin te gnyis su med pa'i ye shes kyi rang bzhin sgom par bya zhes pa'i don to/ /thod pa gru gsum yang dag byung zhes pa la/ lus skyong bas na thod pa'o/ /grong skyong bas na yang thod pa'o/ /bde ba chen po'i 'khor lo gru gsum pa las yang dag par byung bas na gru gsum yang dag byung ngo/ / sbyor ba zhes pa ni thabs dang shes rab kyi bdag nyid kyi sbyor bar bsgom par bya zhes pa'i tha tshig go /gnas gang du bsgom par bya zhe na/ de nyid gsang bar gnas pa'i rtsa zhes gsungs te/ gsang ba'i sprul pa'i 'khor lor gnas pa'i rtse'o/ /de khyad par ji lta bu zhe na dbyangs yig lnga pa klu dbang lta bu'o/ /de ni sgra tsam gyi rang bzhin no/ /zhes pa'i tha tshig go /de'i sna tshogs zhes pa ni mtshon par bya ba'i gnas der rnam par rtog pa las sems skyob pas na sna tshogs so/ /ngo mtshar byed ces pa ni dngos grub sna tshogs pa sgrub par byed pa'i thabs kyis 'jig rten pa ngo mtshar byed ces pa'i tha tshig go /sde ni sde chen ye shes so/ /zhes pa ni rtsa stong phrag bdun cu rtsa gnyis kyi sde'i tshogs las bde ba chen

  260. 130b

    po'i ye shes nyams su myong ba zhes pa'i tha tshig go /'di nyid theg pa chen po ste/ zhes pa ni theg pa yang yin la chen po ste rnam pa bdun zhes pa'i tha tshig go /rnam pa bdun ni don rnam pa bdun te/ brgyad pa'i mtshan nyid ni brjod par mi nus pa'o/ /rnal 'byor ma'i wa las byung zhes pa ni/ rtsa'i rang bzhin rnal 'byor ma/ /zhes pa'i tha tshig go /de ni rmad byung chen po ste zhes pa ni gnas der byung ba'i byang chub kyi sems ni che ba'i mchog ces pa'i don to/ /sangs rgyas zhes pa la sogs pa ni go sla'o/ /de nyid he ru ka dpa' bo zhes pa la he ru ka'i sgras yi ge gsum gyi bdag nyid sku gsung thugs so/ /dpa' bo ni 'dod chags la sogs pa dang bral ba zhes pa'i don to/ /'khor pa'i 'jigs las sgrol byed pa/ zhes pa ni 'khor ba'i 'jigs pa las sgrol bar byed pa bcom ldan 'das he ru ka'o zhes pa'i tha tshig go /sangs rgyas thod pa'i sbyor ba zhes pa ni/ rdo rje dang pad+ma yang dag par sbyor bas he ru ka'i rang bzhin lhan cig skyes pa bsgom par bya/ zhes pa'i tha tshig go /sangs rgyas kun gyi bde 'bab pa zhes pa la/ sangs rgyas kyi sgra ni mig la sogs pa ste/ de dag thams cad sangs rgyas kyi rang bzhin rtag tu bde ba 'bab pa'o/ /rnal 'byor ma chen mo sna tshogs sde zhes pa la/ rnal 'byor ma sna tshogs sde ni a'i rang bzhin no/ /khyad par ji lta bu dang ldan pa zhig ce na/ ta dang pa sbyar ba'i yi ge ni ma yin gyi/ ta dang ra sbyar ba'i yi ge a zhes pa'i tha tshig go /ta'i sgra byang chub kyi sems so/ ra ni chags pa'i rang bzhin te/ de nyid kyis na khrag dang khu ba'i rang bzhin zhes pa'i tha tshig go /de ni thod pa'i dkyil 'khor la zhes pa la/ thod pa ni sprul pa'i 'khor lo'o/ /de nyid dkyil 'khor de dkyil ni snying po'o/ /'khor ni len pa ste/ dkyil

  261. 131a

    'khor ro/ /sngags dang rgyud ni rnam par gnas/ /zhes pa ni yid skyob par gyur pa'i phyir na sngags so/ /de sa sems rnam par rtog pa las skyob par byed pas na rgyud do/ /sngags dang rgyud mdza' dag gi don rnam par gnas pa ste/ rnam pa sna tshogs pa gnas zhes pa'i tha tshig go /de ye shes bzang po zhes pa ni shes pas ye shes so/ /mdzes pas na bzang po'o/ /de nyid kyis ni ye shes bzang po mchog ces pa'i tha tshig go /lhan cig skyes pa dag las byung/ zhes pa ni rdo rje dang pad+ma yang dag par sbyar ba las lhan cig skyes pa'i dga' ba skyes pa'o/ /dag pa las byung bas na dag byung ngo/ /der ni rig pa'i dbang lnga dang zhes pa ni/ sprul pa'i mdud par thig le la 'od zer lnga yod pa de ni dbang lnga'i rang bzhin no/ /sangs rgyas bdun gyi mtshan can te/ /zhes pa ni gnas der sangs rgyas bdun gyi rang bzhin gyi ri mo bdun gyi bskor ba'o/ /ri mo bdun po phra ba'i rang bzhin 'bar ba'i bsgom ba gsungs pa/ gang gi tshe rlung 'byung ba de'i tshe ri mo bdun 'byung bar bsam par bya'o/ /gang gi tshe 'jug pa de'i tshe thig le phra mo la rang gi sems 'jug par bsgom par bya'o/ /de nyid dbang bskur ba zhes pa'i tha tshig go /bsgom bzhin pa na bskyed pa'i ye shes gang yin pa de ni lhan cig skyes par gsungs te/ dbang bskur pa bdun zhes pa'i tha tshig go /yang sangs rgyas bdun gyi mtshan can zhes pa ni/ sangs rgyas bdun ni rnam par gzigs dang/ btsug tor can la sogs pa ste bsam gtan 'dis sangs rgyas bdun 'grub ces pa'i tha tshig go /sna tshogs sbyor dang zhes pa ni/ dngos grub kyi sgrub thabs la sogs pa'i sbyor ba sna tshogs pa 'grub pa'i tha tshig go /tshe 'phel zhes pa ni tshe 'phel

  262. 131b

    pa'i sbyor ba gsungs pa/ /gang gi tshe rlung 'jug pa de'i tshe a'o/ /gang gi tshe 'byung ba de'i tshe hUM bsam par bya'o/ /'di ni thabs dang shes rab kyi bzlas pa ste/ /des tshe 'phel gyi gzhan du ni ma yi no/ /sangs rgyas thod pa'i sbyor ba yis/ /zhes pa ni rdo rje dang/ pad+ma yang dag par sbyong pas thams cad sgrub ste/ gzhan du ni ma yin no/ /man ngag lam las gang shes pa zhes pa la/ /'dis lung 'bogs par byed bas na man ngag go /'tshol bas na lam mo/ /gang shes pa zhes pa ni/ khyod kyis gang gsungs pa de thams cad shes par zhes pa'o/ /de nyid gsungs pa/ /bla ma'i drin las zhes pa la/ bla ma ni rgyud sngags ston par byed pas na ston pa'o/ /de'i drin gyis de kho na nyid shes par bya zhes pa'i tha tshig go /sangs rgyas thod pa'i rgyud chen po zhes pa la thabs dang shes rab kyi bdag nyid kyi rnal 'byor ni sangs rgyas thod pa zhes brjod do/ /rgyud kyang yin la chen po yang yin pas na rgyud chen po'o/ /rnal 'byor ma'i gong na med pa zhes pa ni rnal 'byor ma rtsa'i rang bzhin rnams gong na med pa ste/ ngag gi lam gyi spyod yul las 'das pa zhes pa'i tha tshig go /gsang ba zhes pa ni thabs kyis rang bzhin no/ /shin tu gsang ba zhes pa ni shes rab kyi rang bzhin no/ /dngos grub thams cad ces pa ni/ sangs rgyas thod pa'i sbyor bas dngos grub thams cad ster gyi gzhan du ni ma yin no/ /ye shes gtan la dbang pa zhes pa la shes pas na ye shes so/ /le'u gang la ye shes gtan la dbab pa yod pa'i le'u de ni ye shes gtan la dbab pa'i le'u 'o/ thod pa kha bye ba las zhes pa la/ thod pa ni bde ba chen po'i 'khor lo'o/ /kha bye ba ni de gas pa'i tha tshig go /glegs bam gyur? zhes pa ni/ yang dag par gyur zhes pa'i tha tshig go /le'u zhes pa la sgrib g.yogs bcod pas na le'u'o/ /slob dpon chen po sar ha pas mdzad pa'i bka' 'grel ye shes ldan pa las le'u

  263. 132a

    dang po'i bshad pa'o// //de nas zhes pa ni dngos grub gtan la dbab pa'i rjes thogs su thal ba'i sbyor ba dang/ las sna tshogs gtan la 'bebs pa'i sngags kyi le'u gsungs so/ /ji bzhin gsungs pa zhes pa ni sangs rgyas thod pa'i rtsa ba'i rgyud stong phrag bcu gnyis po las ji lta ba bzhin btus pa'i sngags rnam pa nyi shu po de sngags kyi le'u las 'chad par 'gyur ro/ /mkha' 'gro ma mo 'byung po rnams zhes pa la/ mkha' 'gro ni mkha' 'gro ma la sogs pa'i rnal 'byor ma bzhi 'grub pa'o/ /ma mo zhes pa ni thabs dang bral ba ni ma mo zhes bstan to/ /'byung po zhes pa ni zhi byed la sogs pa 'grub pa'o/ /dad pa brtan pas zhes pa ni rgyud 'di la dad pa brtan pa gang yin pa de ni dad pa brtan pa'o/ /rgyu des na sngags kyi le'u nyon cig ces sbyar bar bya'o/ /oM bud+d+ha ka pA li ni zhes pa la sogs pa ni go sla'o/ /oM haM zhes pa la sogs pa ni gnas bdun gyi go cha'i sngags so/ /de'i gnas gsungs pa snying ka dang/ dpral ba dang spyi gtsug dang/ dpung pa gnyis dang/ gsang ba dang/ yan lag thams cad kyi gnas su rnal 'byor pa bdag nyid kyis sngags 'dis go cha bya'o/ /go cha'i sngags kyi rjes thogs su dkyil 'khor spyan drang ngo/ /de'i rjes thogs su gshegs su gsol lo/? de'i rjes thogs su gtor ma gtad do/ /gtor ma gang zhe na 'byung po thams cad pa'o/ /da ni mi snang bar byed pa gsungs pa/ /'bras snga lu blangs te zhes pa ni/ 'bras dmar po chu lugs so/ /'o mas zhes pa ni dkar mo'i 'o mas bkrus zhes pa'i don to/ /gzhon nu ma zhes pa ni nu ma ma mnyes shing pad+ma ma nyams pa gang yin pa de ni/ gzhon nu ste des 'bras btag par bya'o/ /ji ltar bya zhe na/ de nyid gsungs pa shin tu zhib par btags zhes pa ni 'bras phye mar byas la ras gyis

  264. 132b

    gtsag par bya ste/ des ni phye ma zhib mor 'gyur ro/ /btags pa 'di las phyag bzhi pa'i khrag 'thung byas te/ g.yas na ral gri dang thod pa'o/ /g.yon na cang te'u dang kha TwAM ga'o/ /rnam pa he ru ka bya'o/ /ro bsreg pa'i sol pa'i phye mas zhes pa ni dur khrod kyi sol ba'i phye ma'o/ /rdo rje gtsug ces pa ni/ dang po khrag dang ldan pa dang snyoms par zhugs pa las byung ba'i byang chub kyi sems gang yin pa de ni rdo rje btsug ces bya'o/ /rdo rje gtsug de dang dur khrod kyi sol pa'i phye ma mnye bar bya'o/ /sangs rgyas thod pa'i rnal 'byor pa zhes pa ni he ru ka'i rnal 'byor byas te/ rdo rje pad+ma'i yang dag par sbyor ba las/ oM mahA badzra he ru ka zer ba la zhes pa la sogs pa'i sngags bzlas par bya'o/ /chu zhes pa ni nang gi chu ste lan bdun mngon par bsngags la he ru ka'i gzugs brnyan bkru bar bya'o/ /bla ma dang sangs rgyas mchod par byas te gdong bkrus nas ji skad gsungs pa bzhin du 'gyur ro/ /de'i rjes thogs su thal pa'i rab tu sbyor ba gsungs pa/ /gzugs brnyan de nyid la shing 'bab bo las phug? cing shing 'bab bo la shun phrags bshus pa skam po dang/ tshangs pa rdo rje zhes pa'i dri chen skam po dang lhan cig bsreg ste dur khrod kyi me rab tu sbar pa la gzugs brnyan de thal bar bya'o/ /de nas thal ba de kham phor so ma btang bar nyi ma bzhi bzhag par bya'o/ /de nas pad+ma'i snod du nyi ma lngar gzhag go /de nas zhag dgur sngags kyi bzlas pa bya'o/ /sngags gsungs pa/ oM bud+d+ha ka pA li ni zhes pa la sogs sngags rkang bas lnga pa'o/ /kham phor so ma btang ba dang pad+ma dag gi man ngag gsungs pa/ /gnyis ka la yang pad+ma 'dab ma bzhi pa bris te/ /dbus su ni sna tshogs sde ma'i sngags bri'o/ /'dab ma rnams la ni gzhan gyi sngags bri'o/ /de ltar byas nas thal ba bzhag par bya'o/ /de nas sngags

  265. 133a

    bzlas par bya'o/ /rdo rje gtsug gis zhes pa ni/ rang 'byung dang bsres pa'i byang chub kyi sems dang thal bar bsres te/ /lus byug par bya'o/ /de'i lus la mtshon cha phog na yang mi tshugs shing dgra thams cad kyi mgo chad par 'gyur ro/ /skyes bu de la 'gal bar sbyod btsam gyis long ba la sogs par 'gyur ro/ /zhes sbyar ro/ /mar khu bzang pos zhes pa ni/ 'phyang ba'i skyes bu'i mar khu dang/ thal ba lhan cig sbyar bas mig la byugs na ji skad gsungs pa bzhin du 'gyur ro/ /gang ci yang rung ba zhes pa la sogs pa ni go sla'o/ /rdzas su bya bar gsungs ba thal ba dang zha nye'i bye ma dang/ rdo rje'i gtsug lhan cig tu cha mnyam par byas la/ /de nas khab len gyi lcags kyi phye ma dang/ gser gyi phye ma cha mnyam pa yang bsre'o/ /rdo rje mchu'i khu ba zhes pa ni shin tu gnag pa'i phag gi khrag go /zangs ma'i snod ces pa ni snod der nyi ma bdun du bzhag par bya'o/ /mkhris pa chen pos zhes pa ni mi'i mkhris bas mnye bar bya zhes bya ba'i tha tshig go/ rta'i khrag dang zhes pa ni snod de nyid du nyi ma gsum du mnye bar bya'o/ /lcags kyi snod du zhes pa ni/ khab len gyi lcags kyi snod du bzhag bar bya ba'o/ /me'i nang du bcug na gser dang dngul du 'gyur ro zhes pa ni/ zangs ma ni gser du 'gyur ro/ / lcags ni dngul du 'gyur zhes sbyar ro/ /srang gcig kyang srang stong gi zhes pa la sogs pa ni go sla'o/ /gsang ba 'dus pa la sogs pa'i rnal 'byor gyi rgyud du gang gsungs pa'i sbyor ba des ni 'grub par mi 'gyur ro/ /rnal 'byor ma'i rgyud du ni gdon mi za ba kho nar 'grub par 'gyur te/ gzhan du ma yin no/ /glegs bam la ma bris zhes pa ni/ glegs bam bklags pas shes par mi 'gyur gyi bla ma'i drin las shes par bya zhes pa'i don to/ /bla ma'i drin las shes par zhes pa la/ dang po dga' ba ni

  266. 133b

    bla ma'o/ /bla mas dngos grub ces pa ni mchog tu grub pa'i gnas skabs zhes pa'o/ /bla mas thar zhes pa ni rnam pa sna tshogs pas thar zhes pa'i bar du'o/ /bla ma ston pa zhes bya ba ni lhan cig skyes pa'i dga' ba de nyid ston pa'o/ /ltas blta ba'i don du bu mo zhes pa la sogs pa ni go sla'o/ /bdug spos lngas zhes pa ni go ku da ha na ste sha lnga'i spos kyis bdug par bya'o/ /bu ma la 'bab zhes pa la sogs pa ni go sla'o/ /ral gri'i dngos grub gsungs pa grub don gyi 'bras bu zhes pa ni yungs dkar dkar po ste/ bu mo'i thod par bskyed de smin pa'i yungs kar 'di dang/ oM bud+d+ha ka pA li ni zhes pa la sogs pa'i sngags bsnyen pa 'du ma byas la/ /yungs kar dang lhan cig bu mo'i gdong la sngags nges bsnun par bya'o/ /bsnun ma thag tu sngags kyi mthus ral gri'i dngos grub ji ltar gsungs pa 'grub par 'gyur ro/ /sangs rgyas thod pa'i rnal 'byor pas zhes bya ba la sogs pa ni go sla'o/ /ri lu'i sgrub pa gsungs pa/ de'i thal ba zhes pa ni de'i thal ba yang dag par blangs pa'o/ /lcags gsum zhes pa ni nyi ma dang zla ba dang byin za ste/ zangs ma dang dngul dang gser rnams rim pa bzhin du dkri bar bya'o/ /de'i tshad gsang ba'i mdzod las/ /gser dang zla ba zangs ma rnams/ /rig byed gsum bzhi ma sha'i tshad/ /ra ti bdun gsum lnga lhag pas/ /rim pa bzhin du ri lu bcing zhes gsungs so/ /rim pa 'dis bkris na ri lu'i dngos grub 'grub par 'gyur te/ gzhan du ni ma yin no/ /sum cu pa yang 'khor zhes pa la sogs pas che ba'i bdag nyid gsung ba yin no/ thal ba'i sbyor ba 'di dag ni/ /sangs rgyas kyis kyang rnyed par dka' / /zhes pa ni gang gi phyir sangs rgyas rnams kyis kyang rnyed bar dka' na/ gzhan dag gis lta smos kyang ci yod/ ces pa'i don to// oM bud+d+ha ka pA li dza zhes pa la sogs pa ni dbang

  267. 134a

    du byed pa'i sngags so/ /sna tshogs sde ma mdog dmar po bsgom par bya'o/ /oM ma hA ka pA li badzra zhes pa la sogs pa'i sngags kyis skrod las dang rjes su mthun pa'i sna tshogs sde ma bsgom par bya/ zhes pa'i tha tshig go /sangs rgyas thod pa zhes pa la/ sangs rgyas ni rdo rje'o/ /thod pa ni pad+ma ste/ 'di dag ni rgyud do/ /rgyud kyang yin la chen po yang yin pas na rgyud chen mo'o/ /rnal 'byor ma rnams zhes pa ni gshin rje mche ba ma la sogs pa'o/ /gong na med pa ces pa ni dag gi lam gyi yul las 'das pa'o/ /gsang ba'i yang shin tu gsang bzhes pa la/ gsang ba ni 'dus pa la sogs pa'o/ /de bas kyang gsang ba ni sangs rgyas thod pa'i rgyud do/ /thal ba'i sbyor ba zhes pa ni thab pa'i sbyor ba bshad pa'o/ /las sna tshogs gtan la dbab pa/ zhes pa ni rnam pa sna tshogs pa'i las kyi tshogs so/ /le'u gang la sngags yong pa de ni sngags kyi le'u'o/ /gcig la bltos pas na gnyis pa'o/ /las kyi tshogs du ma'i rjes su lha'i le'u bshad par bya ste/ de nas zhes pa ni de ma thag tu'o/ /byang chub sems dpa' sems dpa' chen po phyag na rdo rjes rnal 'byor ma sna tshogs sde ma la 'di skad ces gsol to/ /zhes pa'i don to/ /sangs rgyas kun gyis rab spas pa zhes pa ni rdo rje sems dpa' la sogs pa'i lha rnams kyis skal pa med pa'i sems can la ma gsungs pa'o/ /de ni 'bad de zhes pa ni kye ma lha mo nang gi don yang dag pa'i sbyor bas gsal bar mdzod ces pa'i don to/ /ci zhig gsal bar mdzad ce na/ de nyid gsungs pa lha'i le'u zhes pa ste/ he ru ka la/ sogs pa'i lha rnams bskyed pa'i le'u 'o/ /ji lta bu zhes pa ni ji lta bur 'gyur zhes pa'o/ /gang du zhe na sangs rgyas thong pa zhes pa ste/ sangs rgyas kyi sgra ni he ru ka'o/ /thod pa ni lha mo'o/ /rnal 'byor ma zhes pa ni thabs dang shes rab dag ji ltar

  268. 134b

    bsgom par 'gyur zhes pa'o/ /rgyud du lha rnams du zhig gsungs/ /zhes pa ni rgyud 'dir lha'i grangs du zhig gsungs// zhes pa'i tha tshig go /gzugs ji lta bu zhes pa ni/ /lha de rnams kyi mdog dang phyag la sogs pa ji lta bu lags / zhes pa'i don to/ /gus pas zhes pa ni zhes dang bcas shing gus pa dang bcas pas nyan par 'tshal zhes sbyar ro/ /gsungs pa zhes pa la a ni lha mo'o/ /ha zhes pa ni he ru ka'o/ /'di dag gi sbyor ba de nyid sbyor ba yin no/ /da ni sna tshogs sde ma'i dkyil 'khor gsungs pa// ri las nyi ma zhes pa ni bdag dang 'gro ba thams cad stong pa nyid du bsgoms nas byang chub kyi tshogs kyi don du sems tsam du gnas te/ /de'i snang ba'i ri yongs su gyur pa las nyi ma'i dkyil 'khor/ de'i steng du hUM ngo/ /de nyid phung po lnga'i bdag nyid rnal 'byor ma'i sems so/ /de yongs su gyur pa las rdo rje'i lte bar hUM ngo/ /nag po bsreg pa'i bdag ces pa la/ rdo rje de las byung pa'i 'od zer me dang 'od mnyam par 'bar ba'o/ /'od zer de nyid las bsrung ba'i 'khor lo bsgom par bya'o/ /mtshams bcing zhes pa ni phyogs bcur bcing bar bya'o/ /ra ba zhes pa'i dgar bsam pa'o/ /dra ba zhes pa ni nam mkha' gur gyi rnam pas bkab pa bdag nyid kyis bsam par bya'o/ /mtshams bcing pa ni thugs go ra ba ni gsung ngo/ /dra ba ni sku ste sku gsum gyi rang bzhin gyi bsrung ba'i 'khor lo'o/ /rdo rje nag po zhes pa ni hUM dang ldan pa'i rdo rje las rdo rje'i sa gzhi bsgom zhes pa'i tha tshig go /rdo rje sa gzhi dbus chung pa zhes pa la/ lhan cig skyes pa'i rdo rje'i sa gzhi ni sprul pa'i 'khor lo ste/ gnas der gnas pas na/ de'i sa gzhi zhes pa'i don to/ /e'i rnam pa'i bdag nyid che zhes pa'i la/ e'i cha byang che ba'i bdag nyid ni/ e'i gnas te/ sems can thams cad kyi che ba'i bdag

  269. 135a

    nyid ni bdag nyid che ste de nyid 'tsho ba'i rang bzhin zhes pa'i tha tshig go /gru gsum zhes pa ni chos kyi 'byung gnas gru gsum zhes pa'i don te chos kyi 'byung gnas de nyid khams pa'i rang bzhin zhes pa'i tha tshig go /yi ge laM gyur pa yi ni/ dkyil 'khor gru bzhi rab ser ba/ zhes pa'i yi ge laM yongs su gyur pa las sa'i dkyil 'khor gru bzhi ser bo zla bzhi la rdo rjes mtshan pa ste/ de nyid chos kyi 'khor lo'i rang bzhin no/ /zhes pa'i don to/ /de'i dbus gnas zhes pa ni chos kyi 'khor lo'i dbus kyi steng du longs spyod kyi 'khor lo bcud kyi rten gyi rang bzhin chu'i dkyil 'khor ro zhes pa'i tha tshig go /oM las byung pa'i 'khor lo ni oM yongs su gyur pa las long spyod kyi 'khor lo'o/ /'khor lo'i dbus su yi ge oM bsam mo/ /rtsa rnams kun gyi rang bzhin can zhes pa ni 'khor lo bzhi'i rtsa rnams la gnas pa lhan cig skyes pa'i rang bzhin zhes pa'i don to/ /rnal 'byor ma ni nam par bzhugs zhes pa ni rtsa sum cu rtsa gnyis las byang chub kyi sems 'bab pa de rnams ni/ bde ba chen po'i rang bzhin te/ der gnas zhes pa'i tha tshig go /de ltar yang rab tu dga' ba'i nam mkha' las/ bde chen 'khor lo las ni brgyad/ /de bzhin long spyod 'khor lo'i brgyad/ /chos kyi 'khor lo las ni gzhi/ /sprul pa'i 'khor lo las bcu gnyis/ /rtsa 'di dag ni bde chen dngos/ /rtag tu byang chub sems 'bab 'gyur zhes gsungs so/ /rtsa ni bcu drug la brgyan pa/ zhes pa ni long spyod kyi 'khor lo la/ oM bcud kyi rten gyi rang bzhin du 'drug pa dang/ /a la sogs pa'i rang bzhin drug po de rnams kyis brgyan zhes pa'i tha tshig go /de nyid 'pho ba bcu drug gi rang bzhin no/ /bde ba chen po'i 'khor lo'i rtsa sum cu rtsa gnyis ni chu tshong sum cu rtsa gnyis kyi rang

  270. 135b

    bzhin no/ /sprul pa'i 'khor lo la ni dbyug tshong drug cu rtsa bzhi'i rang bzhin no/ /chos kyi 'khor lo la ni thun brgyad kyi rang bzhin no/ /de na rtsa brgya nyi shu'o/ /zhes pa ni 'khor lo bzhi'i rtsa rnams ni brgya dang nyi shu'o/ /de nas lus dang ngag dang sems kyis bsgres na sum brgya drug cur 'gyur ro/ /des ni lo gcig gi zhag gi grangs kyang bzung ngo/ /sprul pa drug cu rtsa bzhi'i 'dab ces pa ni rlung gi 'pho ba phra ba'i rang bzhin gyis dbyug tshod bzhi brtsir med pa dor bas drug cu'o/ /sum brgya drug cu bsgres pa'i drug cu la ni stong phrag nyi shu rtsa gcig dang drug brgyar 'gyur ro/ /'dis lo gcig gi dbyug tshod dang zhal gcig gi dbugs kyang shes par bya'o/ /rdo rje sku'i bdag nyid che zhes pa las rdo rje ni de bzhin gshegs ba rnams te/ de'i bdag nyid kyi sku'o/ /sku de la rtsa 'di dag gnas pa yin zhes pa'i don to/ /de'i dbus gnas sa bon ni/ zhes pa ni/ de'i 'khor lo bzhi'i ngo bo 'byung ba chen po bzhi'i sa bon gnas zhes pa'o/ /ci zhe na baM dkar yi ge las byung ba zhes pa ni phaM? yongs su gyur pa las chu'i dkyil 'khor zlum po bum pas mtshan pa zhes pa'i tha tshig go /paM de nyid chos kyi 'khor lo dang 'dra ba'o/ /sa'i dkyil 'khor ni sngon du gsungs so/ /rtsa rnams thams cad chu yi ni/ /dkyil 'khor la ni thim par 'gyur/ /zhes pa ring? ma'i man ngag las rlung gi bsgom pa'i rtsa thams cad kyi rang bzhin chos kyi 'khor lo la thim par 'gyur ro/ /de lta mod kyi der sems spre'u lta bu bla ma'i man ngag gis bcing bar bya'o/ /slar yang bsam par bya ba ni sprul pa'i 'khor lo'i 'og gi chang me'i dkyil 'khor bsam par bya'o/ /ri dmar las byung me'i dkyil 'khor/ zhes pa ni raM yongs su gyur pa las me'i dkyil 'khor gru gsum mdog dmar po 'bar ba bdun gyis mtshan pa bsam par bya zhes pa'i tha tshig go /rab tu 'bar bzhin pa yi ni/ /

  271. 136a

    rtsa'i 'khor lo yang dag blta/ /zhes pa ni rtsa'i 'khor lo'i mdud pa'i gnas na sde brgyad kyis brgyan pa'i a me ltar 'bar bzhin pa de blta zhing bsgom zhes pa'i tha tshig gi /yaM gyur rlung gi dkyil 'khor ni zhes pa ni/ me'i 'og tu yaM yongs su gyur pa'i rlung gi dkyil 'khor ba dan gnyis kyis mtshan pa'o/ /rtsa rnams rab tu g.yo ba'i gzugs zhes pa ni/ rtsa'i 'khor lo thams cad nas byang chub kyi sems rlung gis bskyod pas de dang mthun pa'i rang bzhin lhan cig skyes pa bskyed pa'o/ /der byang chub kyi sems g.yos nas rlung la thim par gyur te/ 'khor lo'i bsgom pas rang rig par 'gyur zhas ba'i tha tshig go /de dag thams cad tham 'gyur ba zhes pa ni phung po dang khams dang skye mched thams cad der thim par 'gyur pa'o/ /de'i dbus gnas rnal 'byor pa zhes pa ni de la rnal 'byor pa rang gis sems btags shing der gnas zhes pa'i tha tshig go /de ltar yang gdan bzhi pa las/ sa gnyis dag ni bsam pa yis/ /grol bar 'gyur gyi gzhan du min/ /chos dang sprul pa bsgom pa yi/ /rnal 'byor pa ni grol bar 'gyur/ /zhes gsungs so/ /de ltar yang zla ba nyi mas brgyan pa yi/ /thabs dang shes rab 'di dag bsgom/ /zhes gsungs pa ste/ chos kyi 'khor lo'i sduM kha thur du phyogs pa de la gnas pa'i 'od zer gyis a la gnas pa'i thig le'i ri mo gyen du phyogs pa la reg par bya ste/ rlung gis 'gro ba dang 'ong ba dag gis 'phyang bzhin ba bsam par bya'o// phyis ni der phra ba'i ngo bos thim par 'gyur ro/ /rlung gi bsgom pas ni 'di'i rang bzhin khong du chud par bya'o/ /de nas zla ba bsam par bya/ zhes pa ni/ a la sogs pa'i dbyangs yig bcu gnyis nyis sgor du byas ba las zla

  272. 136b

    ba'i dkyil 'khor du bsgom ste/ de ni me long lta bu'i ye shes kyi rang bzhin no/ /zla ba'i steng du nyi ma zhes pa ni/ ka la sogs pa'i yi ge sum cu rtsa bzhi la ya ra la wa Da b+ha bsnan bas bzhi bcur 'gyur la/ de nyis skor du byas pa'i brgyad cu ni nyi ma'i dkyil 'khor du 'gyur te/ de ni mnyam pa nyid kyi ye shes kyi rang bzhin no/ /de'i dbus chud sa bon ni/ zhes pa ni de dag gi dbus su a dang hUM shes rab dang thabs kyi bdag nyid gnas pa ste/ de ni so sor rtog pa'i ye shes kyi rang bzhin no/ /yi ge ka yis ha brgyan te zhes pa ni yi ge ka nyi ma'i dkyil 'khor gyi rang bzhin de la ha thim par gyur pa'o/ /yang na ka yis rnam brgyan pa/ zhes pa ni ka bde ba chen pos mi shig ba'i ha mgo bo stong bas brgyan ces pa'i tha tshig go /ka ni ha la thim par 'gyur zhes pa ni/ ka shes rab kyi rang bzhin dang/ a thabs kyi rang bzhin thims par 'gyur ba'o/ /des cir 'gyur zhe na/ a hUM dbyer med par 'gyur ba'o/ /gug skyed dang bral ba'i ha ni shes rab kyi rang bzhin no/ /hUM ni thabs kyi rang bzhin no/ /des ni thabs dang shes rab gcig tu 'gyur ro/ /mi byed ba'i ha zhes pa ni/ gug skyed dang bral ba'i ha sra'i rang bzhin dang/ dbyangs yig drug pa gcig tu gyur pa 'ba' zhig tu 'gyur te/ hUM de yang thabs dang shes rab kyi bdag nyid do/ / hUM las byung ba'i 'od zer rnams zhes pa ni hUM de las byung ba'i 'od zer te/ de bzhin gshegs pa lnga'i bdag nyid rlung lnga'i rang bzhin de rnams kyis bde ba chen po'i 'khor lo bskul bas bdud rtsi 'dzag pa'o/ /pa mo lta bu'i ri bong can zhes pa la ri bong can ni zla ba ste/ de ni 'jug pa'i rlung ngo/ /ba mo zhes pa ni nyi ma ste/ de ni 'byung ba'i rlung ngo/ /de dag gcig tu gyur pa'i rnal 'byor de ni bsam gtan du brjod do/ /nyi mar lhan cig zhu gyur cing zhes pa la/ nyi ma ni chags pa dang chags pa dang bral pa dag

  273. 137a

    gcig tu gyur pa'i chags pa tsam 'ba' zhig nyi ma nyid du blta ste/ khrag dang khu ba'i mdog tu snang ba'o/ /de nyid ni nyi ma ste/ ye shes kyi rang bzhin gyis nga rgyal la sogs pa'i sdig pa bsreg pa'o/ /yang na hUM byung 'od zer zhes pa ni khrag dang khu ba'i rang bzhin gyi thig le hUM du bsgom pa ste/ de'i 'od zer rnams 'gro ba dang 'od ba sems kyis bsam par bya'o/ /rtsa'i 'khor lo thams cad la zhes pa ni/ khams bco brgyad gnas pa'i rtsa las 'dzag pa'o// 'dzag pa des thig le'i nang du chud pa'i hUM bkru bar bya'o/ /bkrus pas cir 'gyur zhe na/ bde ba chen po'i ye shes skye ste/ de nyid mtshan sum cu rtsa gnyis kyi yon tan dang ldan zhing dpe byad brgyad cus brgyan pa'i he ru ka sna tshogs su snang ba sna tshogs sde mas 'khyud par 'gyur ro/ /da ni sgyed pa'i rim pa gsungs pa zla ba dang nyi ma'i dbus su hUM bsam/ hUM gyur pa las rdo rje de'i lte ba yang hUM ngo/ /sa bon rdo rje las byung ba zhes pa ni/ sa bon hUM dang rdo rje dag gcig tu gyur pa las byung zhing bskyed pa'o/ /gang gi zhe na dpa' bo ste/ bcom ldan 'das dpa' bo de yi'o/ /'dod chags la sogs pa'i nyon mongs pa dang bral bas dpa' bo'o/ /he ru ka mdog sngon po zhes pa la/ he ni chos thams cad kyi rgyu dang bral ba'o/ /ru ni gzugs kyi bkod pa dang bral ba'o/ /ka ni chos thams cad gang na yang mi gnas pa'o/ /ha ni thabs so/ /e ni shes rab ste/ de'i bdag nyid la he'u sgrar gsungs so/ /ra ni khu ba'o/ /u ni khrag gi rang bzhin no/ /ra ni khu ba'o/ /u ni bde ba'o/ /'di dag ni khu ba dang bde ba ste/ thabs dang shes rab kyi bdag nyid do/ /he ni dam tshig sems dpa' o/ /ru ni ye shes sems dpa' o/ /ka ni bde ba chen po'i ye shes skyed pa'o/ /oM ni las kyi phyag rgya'o/ /ha ni chos kyi phyag rgya'o/ /ra ni dam tshig gi phyag rgya'o/ /u ni sgra'i

  274. 137b

    rang bzhin phyag rgya chen po'o/ /ka ni phyag rgya 'di rnams la bcom ldan 'das bde ba'i gzugs bzhugs pa'o/ /bcom ldan 'das de ni bla ma'i man ngag las khong du chud par bya'o zhes pa'i don to/ /zhal gcig pa la phyag bzhi pa zhes pa ni bcom ldan 'das kyi gzugs can dang/ bcom ldan 'das ma ste/ /thabs dang shes rab dbyer med pa'i gzugs so/ /rdo rje sems dpa' ji lta ba de ltar rdo rje dbyings kyi dbang phyug ma'o/ /gtso bo hUM zhes 'don pa zhes pa la sogs pa ni go sla'o/ /dpa' bo 'khor ba sgrol byed pa zhes pa ni de ltar rnal 'byor pas dpa' bo bsgoms nas 'khor ba las sgrol bar 'gyur ro/ /ji ltar 'khor ba las sgrol bar byed ce na/ de nyid gsungs pa/ byang chub sa bon rang bzhin zhes pa ste/ phra ba'i hUM bsgoms pas bde ba chen po skye ba'o/ /lhag ma ni go sla'o/ /kha dog dmar mo zhes pa la sna tshogs sde ma ni dmar mo'o/ /he ru ka ni nag po ste gnyi ga snyoms par zhugs pa'o/ /ji ltar pad+ma dmar po la bung pa gnas pa de ltar bcom ldan 'das blta bar bya'o/ /zhal ni shin tu rnam 'gyur ba/ zhes pa ni zhal nas khrag 'dzag pa'o/ /sna tshogs sde ma yang phyag bzhi pa ste/ g.yas na cang te'u dang gri gug /g.yon na kha TwAM ga dang thod pa'o/ /phyag gnyis pa'i phyogs la sna tshogs sde ma gri gug dang thod pa bsnams pa bsgoms par bya'o/ /rang gi lus skyes 'od zer gyis/ zhes pa ni lus dang lhan cig par yod pa lus bcas te a dang hUM ngo/ /de dag gi 'od zer gyis 'gro ba dang 'od bar byed do/ /rtsa'i 'khor lo bskul bar bya/ zhes pa ni sprul pa'i 'khor lo la gnas pa'i 'od zer gyis chos dang longs spyod dang bde ba chen po yang dag par bskul bas bdud rtsi 'dzag pa'o/ /bdud rtsi des chos kyi 'khor lo'i sa bon bkrus pa tsam gyis chos kyi 'khor lo la gnas pa'i rtsa brgyad po rang bzhin gyis rnal 'byor ma

  275. 138a

    brgyad bskyed nas/ phyi rol tu phyung ste/ he ru ka mchod par byed do/ /brgyad po bu mo rnams kyi mchog ces pa ni chos kyi 'khor lo'i rang bzhin gyi bu mo mchog rab ces pa'i don to/ /mchod pa sna tshogs 'dzin pa yis zhes pa ni/ ri dags kyi mtshan pa la sogs pa mchod pa rnam pa brgyad 'dzin par byed pas na mchod pa brgyad do/ /rnal 'byor ma de rnams gang zhe na/ rdo rje mche ba ma la sogs pa'o/ /rdo rje mgon po'i shar gnas pa zhes pa ni/ he ru ka'i shar phyogs na gnas pa'o/ /rdo rje mche ba ma ni khrag gis bkang ba'i thod pa bsnams pa'o/ /gzi brjid chen mo gsol bar mdzad/ /ces pa la/ gzi brjed ni khrag gi rang bzhin te/ phyag gnyis kyis khrag gis gang ba'i thod pa bsnams te gsol pa ni tshim pa zhes pa'i don to/ /rdo rje pho nya cang te'u brdung zhes pa ni rdo rje pho nya ma dbang ldan gyi phyogs su gnas shing/ phyag g.yas dang g.yon pas cang te'u brdungs pa'o/ /rdo rje gdong ma dri snod dang zhes pa ni/ rdo rje gdong ma me'i phyogs su gnas shing phyag gnyis na dri'i snod pa bsnams pa ste dri chen gyi snod bsnams pa'o/ /rdo rje can ma mchod yon snong ces pa ni rdo rje can ma bden bral gyi phyogs su gnas shing mchod yon gyi snong bdud rtsis bkang ba phyag gnyis kyis 'dzin pa'o/ / rdo rje gcig ma zhes pa ni lho phyogs su gnas shing phyag gnyis kyi rnga brdung ba'o/ /rlung du rdo rje lte ba ma zhes pa la rdo rje lte ba ma ni/ rlung gi phyogs na gnas shing ri bong can gyi snod de/ byang chub kyi sems kyi snod bsnams pa'o/ /nub tu rdo rje 'jigs ma zhes pa ni rdo rje 'jigs ma nub kyi phyogs su gnas shing ce spyad ma wa 'dzin pa'o/ /byang du rdo rje 'dod chags ma zhes pa ni byang gi phyogs su gnas nas chags pa chen po la rjes su chags pas he ru ka mchod pa'o/ /rnal 'byor 'di

  276. 138b

    dag ni byang chub kyi sems kyi rgyu ba la gnas par dgongs so/ /dri zhim lnga dang me tog spos zhes pa la/ dri zhim ni bdud rtsi lnga'o/ /me tog ni bud med kyi rdul gyi me tog go /spos ni gtum mo'i 'od zer 'di dag gis ni bcom ldan 'das bde ba chen po mi shigs pa'i rang bzhin mchod do/ /dpa' bo rdzogs par mthong nas ni/ zhes pa ni dkyil 'khor rdzogs nas nang gi rtsa'i 'khor lo bsgom par bya'o/ /ci'i phyir zhe na dbang bskur ba'i phyir ro/ /'khor lo de'i rtsa stong pa'i gnas su sprul zhes pa'i tha tshig ste/ der gnas pa'i mdung pa'i nang du 'od zer gyi gzugs 'khyil par gyur par bsam par bya'o/ /'od zer des byang chub kyi sems 'dzag par 'gyur de 'dzag pa des rnal 'byor ma rnam pa mang po rdzogs par bya/ zhes pa'i tha tshig go /rnal 'byor ma de rnams rgyan sna tshogs pas brgyan cing/ lang tsho'i gzugs dang ldan pa/ lo bcu gnyis lon pa dbyangs kyi yi ge bcu gnyis las rdzogs pa de rnams ni sna tshogs sde ma'i sprul pa'i rang bzhin te/ rgyud 'dir lo bcu gnyis lon pa'i shes rab mar gsungs so/ /byang chub sems bkang bum pa bsnams zhes pa ni byang chub kyi sems kyis yongs su bkang pa'i bum pa ste pad+ma bsnams shing brel ba'o/ /a mra'i lcug bcas zhes pa ni rdul dang ldan pa ste/ khrag dang khu ba 'dres pa des gsang ba'i dbang sbyin par bya'o/ /lo bcu gnyis ma'i rnal 'byor ma rnams la dbang gi don du gsol ba gdab bo/ /dbang med pa'i nyes pa bstan pa'i phyir/ dbang dang bral na nyes pa med ces gsungs te/ dper na bu tsha med pa'i khyim zhes pa la/ bu ni mig la sogs pa'i byang chub sems dpa' ste/ de ltar de rnams kyis byin gyis ma brlabs pa'i lus ni khyim ste/ de stong par khong du chud par bya'o/ /shi ma thag tu stong pa nyid ces pa ni/ byang

  277. 139a

    chub sems dpa' de rnams kyis byin gyis ma brlabs pa ni shi nas rnal 'byor pa khyad par can du 'gro bar mi 'gyur ro/ /de bzhin dbang dang bral na ni zhes pa ni dbang med na'o/ /ye shes kun gyis stong pa nyid ces pa la/ /ye shes kun me long lta bu'i ye shes la sogs pa'o/ /de rnams kyis byin gyis ma brlabs pa ni theg pa chen po yongs su shes pas stong pa'o/ /'dis ci zhig ston ce na/ mig la sogs pa byin gyis brlabs pa byas nas ye shes lnga'i bdag nyid byang chub kyi sems slob ma la sbyin par bya'o/ /de ltar yang kha la mthe bo srin lag gis/ /rnal 'byor rig pas rtag tu myang/ /zhi ba'i btung ba bzhin myangs na/ /dngos grub rtag pa thob par 'gyur/ /zhes gsungs so/ /tshigs bcad 'dis ni gsang ba'i dbang bskur ba bstan to/ /da ni shes rab ye shes dpe'i sgo nas ston te/ de ltar yang dper na pi bang sbyor kun tshogs zhes bya la sogs pa gsungs la/ pi bang gi skra ni a ba d+hU tI'o/ /de'i sbyor ba kun tshogs pa ni/ phung po dang khams dang skye mched thams cad kyi skyor ba 'dus pa ni bde ba chen po'i bsam gtan du 'gyur ro/ /rgyud dang bral na brdung mi rung zhes pa ni rgyud dang ldan pa'i phyir na rgyud can no// byang chub kyi sems kyi rgyu ba dang/ bral na bde ba chen po myong bar mi rung ba ni brdung du mi rung ba'o/ /de bzhin dbang dang bral na ni zhes pa ni shes rab ye shes kyi dbang dang bral na phyag rgya chen po'i dngos grub med pa'o/ /sngags dang bsam gtan 'grub mi 'gyur/ zhes pa ni yid skyob pas na sngags so/ /sngags kyis ni las kyi tshogs 'grub la/ bsam gtan gyis ni phyag rgya chen po 'grub ste/ bde ba chen po'i bsam gtan med par ni dngos grub med do snyam du bsams so//

  278. 139b

    rmongs pa gang zhig dbang med par/ /zhes pa ni/ sangs rgyas kyi de kho na nyid mi shes pa'i rmongs pa dbang med par slob ma rnams sdud par byed pa'i sems can de rnams dmyal bar 'gro bar 'gyur ro/ /bdag ni dbang bskur zhes pa ni bdag la dbang yod ces brdzun tu smra zhing phyis slob ma la dbang bskur ba'o/ /slob mar bcas te dmyal bar 'gro/ zhes pa ni slob dpon slob ma dang lhan cig tu mnar med pa'i dmyal par 'gro ba'o/ /dus ji tsam gyi bar du zhe na/ de nyid gsungs pa/ ji srid sangs rgyas bzhugs kyi bar zhes pa ni/ ji srid du sangs rgyas kyi bstan pa gnas pa'i dus de srid du dmyal bar gnas par 'gyur ro/ /de ltar shes byas rnal 'byor mas zhes pa ni rnam pa de lta bu'i mkhyen par mdzod la/ kye lha mo sna tshogs sde ma'i rang bzhin bdag la dbang skur cig ces pa'i don to/ /dbang skur zhes pa la sogs pa ni go sla'o/ /phyi nang gsang bar bcas pa'i dbang skur tsam gyis zhes pa ni/ phyi'i dbang ni thun mong gi dbang ngo/ /gsang ba'i dbang ni byang chub sems kyi dbang ngo/ /dbang bskur tsam gyis zhes pa ni shes rab ye shes kyi dbang rdzogs pa'i bar du'o/ /nam mkha' zhes pa la sogs pa ni go sla'o/ /de nas rnal 'byor ma de rnams/ rtsa'i 'khor lo la thim pa zhes pa la/ de nas kyi sgra ni dbang bskur ba'i rjes thogs su'o/ /rtsa'i 'khor lo'i mdung pa khong stong gi gnas kyi thig le la lo bcu gnyis ma'i rnal 'byor lha mo de dag thams cad thim par gyur pa'o/ /sangs rgyas thod pa'i rgyud rnal 'byor ma'i gong na med par zhes pa la/ sangs rgyas ni de bzhin gshegs pa lnga'i? dbang ngo/ /thod pa zhes pa ni pad+ma der gsang ba'i dbang bskur ba'o/ /rgyud ni lus la skyob pas na rgyud do/ /rnal 'byor ma zhes pa ni shes rab dang thabs kyi sbyor ba'i ting nge 'dzin

  279. 140a

    dang ldan pa'i rnal 'byor ma'o/ /gong na med pa zhes pa ni ngag gi lam las 'das pa'i ye shes rang rig pa der bskyed pa zhes pa'i don to/ /khyad par ji lta bu zhe na/ de nyid gsungs pa gsang pa'i yang shin tu gsang ba zhes pa la/ gsang pa ni pad+ma'o/ /shin tu gsang ba zhes pa ni rdo rje'o/ /shin tu de dag gi sbyor bas bde ba bskyed pa'o/ /lha bskyed pa zhes pa ni/ le'u der lha bskyed de rdzogs par byas pa'o/ /dbang bskur ba zhes pa ni lha rnams kyis dbang bskur ba'i cho ga'o/ /le'u der de dag thams cad bshad pa de ni le'u gsum pa'o/ /'o ni rdzogs pa'i don to// //da ni ri skegs kyi sbyor ba dang chu'i sbyor ba'i dkyil 'khor la sogs pa bshad par bya ste/ de nas zhes pa ni lha bskyed pa dang/ dbang bskur ba bstan pa'i rjes thogs su'o/ /nor rgyas la sogs pa zhes pa ni sna tshogs sde ma'i 'od zer gyis bkug pa'i klu thams cad de/ /phyag na rdo rje la phyag byas nas 'di skad ces gsol to// zhes pa ni klu de rnams rnam pa 'di ltar smra ba'o/ /ci'i phyir na bdag cag rnams/ 'od zer gyis ni zhes pa la sogs pa ni/ bcom ldan 'das phyag na rdo rje bdag cag la shod cig ces sbyar bar bya'o/ /de nas phyag na rdo rje gnod sbyin gyi bdag pa zhes pa ni/ gnod sbyin thams cad kyi bdag po dang gtso bo phyag na rdo rje des zhes pa'i tha tshig go /rnal 'byor ma sna tshogs sde ma zhes ba la sogs pa ni/ rgyu ci'i phyir nor rgyas la sogs pa'i klu rnams 'tshal te mchis pa 'das? zhes pa'i tha tshig go /de nas sna tshogs sde ma'i snying ga'i 'od zer gyis zhes pa la sogs pa ni klu rnams kyi lus kyi nad tshim par byas nas slar yang sna tshogs sde ma'i thugs kar zhugs pas klu thams cad 'jigs pa med par gyur pa'o/ /phyag

  280. 140b

    'tshal te 'di skad ces gsol to/ /zhes pa ni/ lha mo la phyag 'tshal te smras pa'o/ /lha mo bka' ni ci zhig stsol zhes pa ni/ lha mo sna tshogs sde mas bdag cag la bka' ci stsal ba de thams cad bgyi'o/ /zhes sbyar ro gsungs pa/ zhes pa ni rnal 'byor ma sna tshogs sde mas gsungs pa'o/ /gang zhig gsungs she na/ de nyid gsungs pa/ mu stegs la sogs mkha' lding sngags zhes pa la/ mu stegs zhes pa ni tshangs pa la sogs pa'i lha rnams kyi'o/ /mkha' lding sngags zhes pa ni/ mkha' lding gi rang bzhin gyi sngags so/ /ye shes las byung zhes pa ni lha de rnams yang dag pa ji lta bu yin zhes pa'o/ /ji lta bu zhes pa ni ji lta ba'i bdag nyid yin zhes pa'o/ /dus su zin pa ji ltar yin zhes pa ni dus zin pa'i rgyu sprul gyi zin pa mchi 'am/ zhes sbyar bar bya'o/ /ji ltar dug ni skye bar 'gyur zhes pa ni/ gnas gang nas dug skye bar 'gyur zhes pa'i tha tshig go /slar yang sems can 'chi 'gyur ci/ zhes pa ni sprul gyis zin pa'i sems can rnams 'chi ba'i lam du ci 'gro bar 'gyur ram zhes pa'o/ /zhus pa zhes pa ni/ klu rnams kyis smras pa'o/ /khyab 'jug dbang phyug sogs lha gang zhes pa la sogs pa la/ khyab 'dzug ni nor lha'o/ /dbang phyug ni zhi byed do/ /sogs pa'i sgras ni tshangs pa dang brgya byin la sogs pa'o/ /lha gang zhes pa ni gang dag tshangs ris la sogs pa'i lha tshangs pa dang/ tshangs pa'i 'dun na 'don la sogs pa rnams la rnam par rtogs pa'i dug yod cing/ dug gis khyab pas 'chi bar 'gyur ro/ /de rnams la ni 'chi 'pho mchis zhes pa ni/ /'chi zhing 'gog pa'i dus kyi mthar thug pas dug gi nyes pas gnod do/ /zhes sbyar ro/ /de ltar dus su zin ces smra/ sprul gyi dug ni sel ba med/ ces pa ni/ sprul la dug yod dam med ces pa dang/ sprul gyis

  281. 141a

    zin pa 'tsho 'am mi 'tsho ba dbang phyug la sogs pa smra'o/ /zhes pa'i tha tshig go /ston pa stong nyid des gsungs pa zhes pa la/ ston pa ni khyab 'jug dang dbang phyug la sogs pa thams cad 'dul bar byed pas na ston pa'o/ / stong nyid gsungs pa zhes pa ni chos thams cad stong pa nyid du gsungs pas na stong nyid gsungs pa'o/ /nges ba zhes pa ni chos thams cad kyi nges pa'i don des par byed pas na/ nges pa zhes pa'i tha tshig go /bcom ldan 'das rdo rje 'chang bas gsungs zhes pa ni gnyis su med pa'i ye shes kyi rdo rje 'chang bas bcom ldan 'das rdo rje 'chang ba'o/ /chos rnams thams cad stong pa la zhes pa la thams cad ni phung po lnga la sogs pa'i chos rnams kyi rnam par rtog pa dang bum pa dang ras dang shing rta la sogs pas stong pa de'i phyir/ sprul gyi dug ni ji ltar yod ces pa'i don to/ /gang gis 'dzin cing gang zhig 'dzin zhes pa ni/ rnam pa gang gis 'dzin cing ci zhig bzung ste/ gzung ba dang 'dzin pa dang 'dzin pa po mi dmigs pa'i phyir dug gi rnam par rtog pa med do/ /ji ltar spyod ces pa la sogs pa ni go sla'o/ /'dod chags gti mug stong pa nyid ces pa ni/ 'dod chags dang zhe sdang dang gti mug gsum po de rnams dug nyid du gyur pa de rnams kyang stong na dug ji ltar skye bar 'gyur zhes pa'i tha tshig go /grags chen zhes pa ni sna tshogs sde ma la bod pa'o/ /yul ni stong pa nyid ces pa la yul ni phung po lnga'i lus de nyid stong pa'o/ /yul gyi nyes pa zhes pa ni/ yul dang dbang po dang rnam par shes pa stong pa yin na dug gi nyes pa ji ltar yod dug ces pa ni sems kyis rnam par rtog pa nyid dug ste/ gal te sems kyi rnam par rtog pa yod na/ de'i tshe dug yod pa la sems kyi rnam par rtog pa dang bral na dug med ces pa'i tha tshig go /lha rnams yul rnams kyis ni bsgribs

  282. 141b

    zhes pa la/ lha gang dag gi rnam par rtog pa'i dra bas bkris pa de rnams kyi dug ni yul gyi nyes pa'i dug ces pa'i tha tshig go /yul gyi nyes pa sbyangs pa nyid/ ces pa ni/ gang dag gis yul gyi nyes pa lha'i rnam pas yang dag par sbyor ba de la yul gyi nyes pas gos par mi 'gyur ro/ /ston pa longs spyod gos mi 'gyur/ /zhes pa la ston pa ni bcom ldan 'das rdo rje 'chang ba'o/ /longs spyod gos mi 'gyur zhes pa ni/ gzugs la sogs pa'i 'dod pa'i yon tan lnga longs spyad kyang mi gos shing gos par mi 'gyur ro/ /ri skegs sbyor ba zhes pa ni/ ri skegs kyi sbyor bas dug nyams par byed pa 'og nas 'chad par 'gyur ro/ /klu rnams thams cad ces bya ba la sogs pa ni go sla'o/ /dus zin the tshom med par ni/ zhes pa ni khyab 'jug dang dbang phyug la sogs pa'o/ /lha rnams dus su zin pa la the tshom med cing gdon mi za zhes pa'i don to/ /'di ltar smras te zhes pa ni klu thams cad kyis 'di lta bur smras te/ rang rang gi gnas su song zhes pa'i tha tshig go /de nas bcom ldan 'das mas zhes bya ba la sogs pa la/ de nas zhes pa ni/ klu'i tshig gi rjes thogs su bcom ldan 'das ma sna tshogs sde mas so/ /yul gyi nyes pa zhes pa ni yul la sogs pa'i nyes pa spang ba'i don du sngags gsungs pa zhes sbyar ro/ /sngags gang yin zhe na de nyid gsungs pa/ oM shU n+ya tA dz+nyA na badzra swa b+hA ba At+ma ko haM/ 'dis yul thams cad kyi nyes pa spong bar byed do/ /sngags 'di'i bshad pa gsungs pa/ stong dang stong min zhes pa ni stong pa nyid la stong pa ma yin pa'ang yod de/ de nyid snying rje'i rang bzhin no/ /mdza' dag ces pa ni 'bras bu mdza' dag go /bcas zhes pa ni/ dngos po mdza' dag dang thabs gcig pa'o/ /sgyu ma rmi lam lta bur gcig ces pa ni sgyu ma lta bu'i stong pa nyid dang rmi lam lta bu'i stong pa nyid de sgyu ma dang rmi lam dag dang stong pa nyid gcig tu

  283. 142a

    bsgom par bya'o/ /'jig rten mdza' dag brdzun gyis bcings zhes pa ni log pa'i shes pas 'jig rten mdza' dag bcings pa'o/ /kye lags bshes mo 'di ltar ltos zhes pa la/ kye lags zhes pa ni bod pa'o/ /bshes mo zhes pa ni grogs mo zhes pa'o/ /'di ltar ltos zhes pa ni 'di ltar bur ltos shig pa'o/ /rnal 'byor ma grogs mo thams cad 'di lta bu'i stong pa la ltos shig pa'o/ /de nas zhes pa ni yul gyi nyes pa spong ba bstan pa'i rjes thogs su'o/ /da ni ri skegs bsgrub pa'i don du mkha' lding gi dbang bskur ba'i dkyil 'khor bstan pa'i phyir/ phyag na rdo rjes bcom ldan 'das ma'i zhabs la spyi bos gtugs te 'di skad ces gsol to/ /zhes pa ni bcom ldan 'das ma sna tshogs sde ma'i zhabs kyi pad+ma'i rdul la phyag na rdo rjes phyag 'tshal te 'di skad ces smras shes pa'i don to/ /ri skegs sbyor ba rab rnyed dka' / /lha mo yis ni bshad du gsol/ /zhes pa ni kye lha mo sna tshogs sde ma ri skegs kyi sbyor bas dug nyams par byed pa bdag la bshad du gsol/ gsungs pa zhes pa ni/ sna tshogs sde mas gsungs pa'o/ /dkyil 'khor med par sbyin mi bya/ zhes pa ni dkyil 'khor med par ri skegs kyi sbyor ba rjes su sbyin par mi bya zhes pa'i don to/ /slob ma bsdu bar mi bya'o zhes pa ni/ /dkyil 'khor med par slob ma bsdu bar mi bya'o/ /slob ma bsdu ba'i don du lha mos dkyil 'khor gsungs pa/ gtso bos ji skad gsungs pa yi/ /zhes pa ni sngon gyi de bzhin gshegs pas ji ltar gsungs pa'i dkyil 'khor bshad par bya yis dkyil 'khor de nyon zhes pa'i tha tshig go /mtho lnga pa'i sa gzung ngam/ zhes pa ni yul lnga rnam par dag pa'i don du mtho lnga pa'i sa tsam gzung ste/ dug gi dkyil 'khor gyi don du mtho lnga pa'i sa gzung bar

  284. 142b

    bya'o/ /khor yug tu ni gru bzhi'o zhes pa ni kun nas gru bzhi par bya zhes pa'i tha tshig go /de'i phyed kyi zlum po la zhes pa ni/ gru bzhi lham pa'i phyed las zlum por bya'o/ /rgyud las 'dam skyes 'dab ma brgyad ces pa ni zlum po'i phyogs brgyad dang de'i dbus su pad+ma 'dab ma brgyad pa bri bar bya zhes pa'i tha tshig go /oM hUM zhes pa nas a d+hi Sh+Thi ye ta zhes pa'i bar gyi sngags ni sbyad pa'i sngags so/ /oM he ru ka badzra zhes pa la sogs pa ni gtor ma'i sngags so/ /oM sarba ta thA ga ta zhes pa la sogs pa'i sngags kyi mthar tha tha gnyis ni phaT phaT gnyis su 'gyur ro/ /sngags 'dis lan bdun du thig skud la mngon par bsngags par bya'o/ /thig skud kyi sngags so/ /gru bzhi pa zhes pa la sogs pa la sgo bzhi dang rta babs bzhi dang ldan pa'i dkyil 'khor thig gdab par bya'o/ /kha khyer snam bu spangs pa la zhes pa ni kha khyer gru bzhi pa'i nang du snam bu ste gzungs kyi snam bu spangs pa'i dkyil 'khor ro zhes pa'i don to/ /sangs rgyas thod pa'i sbyor ba yis zhes pa ni he ru ka dang sna tshogs sde ma'i rnal 'byor bya zhes pa'i don to/ /rdul tshon gzhan dang 'dres med pa'i zhes pa ni/ rdul tshon gzhan dang 'dres par mi bya'o/ /rdul tshon dmar pos rdzogs par bya zhes pa ni/ /dkyil 'khor ma lus pa kha dog dmar po'i rdul mtshon gyis bri bar bya zhes pa'i tha tshig go /der ni bum pa bzhi pa rnams zhes pa ni lha mo bzhi rnam par dag pa'i bum pa bzhi po rnams bya'o/ /bum par mtshan ma bri bya ba zhes pa ni dang po'i bum pa la thod pa/ gnyis pa la kha TwAM ga/ gsum pa la gri gug bzhi pa la cang te'u/ las thams cad pa'i bum pa la cang te'u/ steng du rdo rje'o/ /de ltar bum pa zhes pa la sogs pa ni go sla'o/ /'bru lnga zhes pa ni sran ma ma sha dang nas dang gro dang sran sngon dang til te/ bum pa

  285. 143a

    rnams su gzhug par bya'o/ /de nas 'o ma'i snod ces pa ni bum pa'i steng du 'o ma'i gnod spyad bzhag par bya'o/ /dang po stong pa nyid du bsgoms pa la paM yongs su gyur pa las pad+ma'o/ /der hUM yongs su gyur pa las rdo rje'o/ /yang rdo rje'i lte bar hUM ngo/ /rdo rje dang hUM gyur pa las he ru ka sku mdog sngon po zhal gcig phyag bzhi pa g.yas na gri gug dang thod pa'o/ /g.yon na kha TwAM ga dang rdo rje'o/ /sku la mi'i rus pas brgyan pa/ skyil krung phyed pa'i gar gyis gnas pa/ gcer bu'i rang bzhin can/ zhal gyi mche ba cung zad gtsigs la skra ser po gyen du 'bar ba/ dbu la thod pas brgyan ba/ sna tshogs sde mas 'khyud pa'i dpa' 'o/ /de ltar bsam par bya zhing rnal 'byor 'di dag slob dpon gyis bya zhes pa'i tha tshig go /sa 'og bdun ni 'khrug par byed ces pa ni sa rim pa bdun na gnas pa'i klu rnams 'khrug par byed pas na sa 'og bdun 'khrug par byed pa ste/ bcom ldan 'das he ru ka dpa' po'o/ /oM hUM khaM swa zhes pa ni shar gyi 'dab ma la oM gyur pa las sna tshogs sde ma'o/ /lhor hUM gyur pa las 'dod can ma'o/ /nub tu khaM gyur pa las sa 'og gnas ma'o/ /byang du swa gyur pa las rab tu bzang mo'o/ /rnal 'byor ma 'di rnams ni zhal gcig phyag bzhi ste rnal 'byor ma 'di dag gi g.yas gri gug dang thod ba'o/ /g.yon na kha TwAM ga dang cang te'u'o/ /rus rgyan zhes pa la sogs pa ni go sla'o/ /blon ldan mtshams kyi 'dab bsam pa zhes pa la/ mtshams kyi 'dab ma la gnas pa'i rnal 'byor ma thams cad ni chang 'tshong ma dang/ 'byung po ma dang bzhin bzang ma dang/ nam mkha' 'gro ma ste rnal 'byor ma 'di dag thams cad hUM gyur pa las bzhengs pa'o/ /shar gyi 'dab ma la sogs pa na gnas pa'i lha mo thams cad ni mdog sngon mo'o/ /mtshams kyi 'dab ma'i lha mo thams cad ni

  286. 143b

    mdog ser mo'o/ /lha mo mdog sngon mo rnams ni ge sa sngon mo bnabs so/ /lha mo mdog ser mo rnams ni go sa ser mo bnabs so/ /rnal 'byor ma thams cad ni g.yas rkyang ba'i zhabs kyis bzhugs pa'o/ /phyogs kyi 'dab ma la gnas pa'i mtshan ma ji lta ba bzhin du mtshams kyi 'dab ma la gnas pa'i mtshan ma yang de bzhin du bya'o/ /klu brgyad brgyan byas lha mo ni/ zhes pa ni nor rgyas la sogs pa'i klu brgyad kyis rnal 'byor ma brgyad brgyan par byas pa'o/ /g.yas na gri gug ces pa la sogs pa ni go sla'o/ /de nas rang gi snying gi 'od zer gyis de bzhin gshegs pa rnams spyan drangs te dkyil 'khor la gzhug par bya/ phyis ni gtor ma btang bar bya/ /zhes pa ni de nas slob dpon gyis glu la 'o ma'i gtor ma sbyin par bya zhing bdag nyid chang btung bar bya/ zhes sbyar bar bya'o/ /sangs rgyas thod pa'i sbyor ldan pa/ /zhes pa ni bshad zin to/ /mar me bzhi ni dbul bar bya/ /zhes pa ni sbrang rtsi'i mar me dang/ zhun mar gyi mar me dang// nya'i zhag gi mar me dang/ dri zhim po'i mar khu'i mar me ste/ de ltar mar me bzhi dbul bar bya zhes pa'i tha tshig go /'bras bu bzhi yang dbul bar bya zhes pa'i ni a mra'i 'bras bu dang/ na ri ke'i 'bras bu dang chu shing gi 'bras bu dang/ ka pi tha'i? 'bras bu ste/ 'bras bu bzhi po 'di dag dbul bar bya'o/ /de nas slob ma zhes pa la sogs pa go sla'o/ /gdan bzhugs te zhes pa ni slob dpon gdan la bzhugs pa la/ slob mas ri skegs kyi sbyor ba sgrub pa'i don du gsol ba gdab par bya'o/ / ston pa bcom ldan 'das zhes pa nas bla ma che zhes pa'i mthar thug pa ni gsol ba 'debs pa'i tshigs bcad do/ /de nas slob dpon rtse ba yis/ zhes bya ba la sogs pa la/ slob ma lhag par gnas pa'i dus su so shing sbyin par

  287. 144a

    bya ba'o/ /khrag 'thung go 'phang gnas pa yi/ /zhes pa ni slob ma he ru ka'i gzugs su gnas par bsam par bya zhes sbyar ro/ /so shing gi sngags gsungs pa/ oM hUM he zhes pa la sogs pa'i sngags kyis so shing sbyin par bya'o/ /lhag ma ni go sla'o/ /mgrin pa lag par zla ba bsam/ zhes pa ni mgrin pa dang lag pa dag tu a la sogs pa gyur pa las zla ba'i dkyil 'khor bsam par bya zhes pa'i tha tshig go /mgrin par bsrung skud bcing par bya zhing lag par me tog bcing bar bya'o/ /zla ba'i gzer zhes pa la sogs pa ni go sla'o/ /slob ma'i mgor ni lag bzhag ste/ zhes pa ni slob ma'i mgo la lag pa bzhag ste 'chad par 'gyur ba'i sngags lan bdun du gdon par bya'o/ /des ni slob ma lhag par gnas par 'gyur ro/ /sngags gsungs pa/ oM sarba bud+d+ha zhes pa la sogs pa nas ha ha zhes pa'i mthar thug pa'i sngags gdon par bya'o/ /sngags 'dis sangs rgyas thams cad slob ma'i lus la byin gyis brlab pa yin no/ /lhag par gnas pa tsam gyis ni zhes pa la sogs pa ni go sla'o/ /bdag nyid chen po grags chen po/ /bum par zhugs pa tsam gyis ni zhes pa ni rnal 'byor ma brgyad dang ldan pa'i he ru ka bum pa'i nang du zhu par gyur pa bsam par bya zhes pa'i tha tshig go /dung phor chus bkang ste zhes pa ni/ dung por gyi chu la he ru ka bdag nyid zhu bas dung phor byin gyis brlab par bya/ zhes pa'i don to/ /man gzhi zhes pa ni go sla'o/ /chus gtor te/ zhes pa ni dkyil 'khor gyi sgod slob ma la chus gtor bar bya ste/ oM a b+hi Sha ny+tsi tu zhes pa la sogs pa'i sngags kyis cod pan la gtor to/ /zhes sbyar ro/ /mig rab gsal te/ zhes pa ni mig gi ras phye ste/ dkyil 'khor mchod par bya ba'o/ /oM he ru ka badzra puShpa pra tIts+tsha hUM zhes pa ni/ he ru ka la me tog 'bul ba'o/ /rim pa

  288. 144b

    'dis sna tshogs sde ma nas brtsams te ji srid nam mkhar gnas pa'i mthar thug pa la me tog dbul ba'o/ /slob ma la bstan par bya zhes pa ni/ slob ma la dkyil 'khor dang lha'i ming dang mtshan ma thams cad bstan par bya ba'o/ /dung phor blangs te chu btung bya/ /zhes pa ni dung phor chu dang bcas pa lag pa gnyis kyis yang dag par blangs te/ dkyil 'khor ba'i sngags bton cing/ he ru ka'i sngags kyis dung phor gyi chu slob ma'i khal sbyin par bya'o/ /de'i yon tan gsum pa/ bstan pa dang g.yo ba la sogs pa'i dug thams cad de'i lus la 'byung par mi 'gyur/ zhes pa'i tha tshig go /brtan pa zhes pa la sogs pa ni go sla'o/ /ji srid mkha' lding rig yod par/ /zhes pa ni nam mkha' lding gi rig pa ji srid grub par bya ba med pa'i dus de srid du/ nam mkha' lding gi sbyor ba mi bya'o/ /sangs rgyas thod pa'i rnal 'byor pas ji srid du nam mkha' lding gi rig pa grub pa'i de srid du ni sangs rgyas thod pa'i sbyor bas bya ba'o/ /'bad rtsel bya ba min zhes pa ni ji srid du ma grub pa de srid du dus su zin pa po'i drung du 'gro ba'i rtsol ba mi bya'o/ /dus zin 'chi ba zhes pa la sogs pa ni go sla'o/ /ngo mtshar bstan zhes pa ni grub nas ngo mtshar bstan par bya ba ste/ ri skegs kyi sbyor ba'i ngo mtshar bstan pa'o sa la ma lhur ba'i lci ba blangs te zhes pa ni/ ba ser skya'i lci ba sa la ltung bar ma gyur pa bar snang nas blang bar bya ba'o/ /ri skegs gnyis bya zhing zhes pa ni lci ba de las ri skegs gnyis bya'o/ /snod dkar po byas te/ zhes pa ni 'bras btags la snod dkar po byas te/ der ni ri skegs gnyis bzhag par bya'o/ /ro bsregs pa'i sol ba la bzhag par bya/ zhes pa ni/ snod der ri skegs dang bcas pa'i ngo bsregs pa'i sol ba la bzhag par bya'o/ /ro bsregs pa'i sol ba la

  289. 145a

    snag tsha byas te/ dben par sngags bri/ zhes pa ka ra bi ra dkar po'o/ /myu gus gro ga'i 'dab ma la ro bsregs pa'i thal ba dang/ 'chang par 'gyur ba'i sngags bri bar bya zhes sbyar ro/ /sngags gsungs pa/ oM bud+d+hA ka bA li zhes pa la sogs pa sar skri ta dang/ phal pa bsres pa'i sngags mu ra d+ha pra na dza i'i mthar thug par bri bar bya'o/ /ri skegs kyi snying po'i sngags zhes pa ni ri skegs byas pa'i snying gar sngags 'di bris te gzhug par bya'o/ / yongs rdzogs sha li ka byas pas/ zhes pa sngags yongs su rdzogs pa'i ri skegs bya/ zhes pa'i tha tshig go /pho dang mor ni brtag par bya zhes pa ni/ 'di ni pho 'o 'di ni mo'o zhes yongs su brtag par bya zhes pa'i tha tshig go /snag tsha yis ni bri bar bya zhes pa ni/ snag tshas ri skegs kyi gzugs brnyan la ri mo bri zhes pa'i tha tshig go /mig gi mngon du mi bzhag cing zhes pa ni ri skegs kyi gzugs mdun du bzhag pa mi bya'o/ /gang du bzhag par bya zhe na/ rgyab tu bzhag bar bya zhes pa'i tha tshig go /de nas lcug ma sngags kyis mngag ces pa ni/ ka ra bi ra dkar po'i lcug mas mngag cing spang par bya zhes pa'i tha tshig go /mngag pa'i sngags gsungs pa/ oM haM ha zhes pa ni khyab 'jug gi sa bon zhes pa'i don to/ /oM baM zhes pa ni tshangs pa'i sa bon zhes pa'i don to/ /oM saM zhes pa ni zhi byed kyi sa bon zhes pa'i don to/ /sngags 'di ni sku dang gsung dang thugs kyi rang bzhin no/ /de ltar yang gsang ba'i mdzod las khyab 'jug sems su gsungs pa ste/ dbang phyug 'dod pa du ni grags/ /tshangs pa thar par gsungs pa ste/ /'di dag 'jig rten gsum du bshad/ ces gsungs so/ /oM ha ha ha ha ha ha haM saM swAhA/ 'di lta bu'i sngags kyi mchog

  290. 145b

    ces pa sngags 'di lta bu ni mchog yin pa'o/ /stong gsum na yang rnyed par dka' zhes pa ni stong gsum gyi stong chen po rnams su yang rnyed par dka' ba ste/ sdug bsngal gyis rnyed par dgongs so/ /lan bdun mngag pa tsam gyis ni/ zhes pa ni lan bdun du bsngags bton pa tsam gyis de 'gugs par 'gyur ro/ /'gro bar 'dir ni the tshom med ces pa ni ri skegs 'di dag gnyis klu'i gnas su 'gro zhes sbyar ro/ /mkha' lding bye ba'i stobs dang ldan/ zhes pa ni de dag mthong nas klu thams cad kun tu skrag par 'gyur ro/ /mi 'dzin pa'i sbrul gang gis ri skegs mthong ba tsam gyis yod par 'gyur ro/ /ri skegs kyis sbrul long ba bzung nas 'od bar 'gyur ro/ /sprul long ba de slob dpon gyis mthong nas ci zhig byed ce na/ sbrul long ba la bsnun/ zhes pa ni sprul long ba de la sa dang mngag pa'i sngags kyis bsnun par bya'o/ /bsnun pa tsam gyis mig dang ldan par 'gyur ro/ /sprul gyis zin pa shi bar mthong nas de'i lus la lan gsum du 'gro zhing 'ong bar byed de/ zin pa dug med par 'gyur ro/ /dug 'phrog pa'i stong pa nyid kyi tshigs bcad gsungs pa/ stong pa dri med ces pa ni gang zhig dri ma dang bral ba don ni stong pa nyid dri ma med pa ste de nyid stong pa dri ma med pa'o/ / kun rang bzhin zhes pa ni mdza' dag gi rang bzhin stong pa nyid ces pa'i tha tshig go /chos rnams stong pa'i rang bzhin kye/ zhes pa ni chos thams cad stong pa'i rang bzhin no/ /zhes pa'i don to/ /gang gis 'dzin cing zhes pa ni 'dir chos thams cad stong pa nyid yin na su 'dzin te su yang mi 'dzin zhes pa'i don to/ /gang zhig 'dzin te zhes pa ni gang yang mi 'dzin zhes pa'i don to/ /mdza' dag sgyu ma'i rang bzhin/ zhes pa ni dngos po mdza' dag sgyu ma'i rang bzhin zhes

  291. 146a

    pa'i tha tshig go /dngos po mdza' dag stong pa zhes pa ni khams gsum pa mdza' dag stong pa dang/ dngos po mdza' dag stong pa nyid las/ chos thams cad stong pa nyid la dug gi skabs ga la yod ces pa'i tha tshig go / sangs rgyas thod pa'i rgyud ces bshad zin to// //nyi shu rtsa gcig ces pa la sogs pa ni go sla'o/ /slob dpon gyis yang dag par brtsam par bya'o/ /zhes pa ni slob dpon gyis dug gi zin pa mthong nas/ /stong pa nyid kyi ting nge 'dzin yang dag par brtsams te bsgom zhes pa'i tha tshig go /de ltar zhes pa ni slob ma dbang bskur ba'i 'og tu rjes su gnang ba la sogs pa sbyin par bya ba'i don to/ /oM bud+d+ha ka pA li zhes pa la sogs pa ni dug bza' bar bya zhes pa'i tha tshig go /de nas zhes pa la sogs pa ni go sla'o/ /oM bud+d+hA ka pA li zhes pa la sogs pa ni/ dkyil 'khor gshegs su gsol ba'i sngags te/ lag pa sa la bzhag nas sngags 'dis dug gi dkyil 'khor gshegs su gsol lo/ /de nas yang dag rab bshad bya/ /zhes bya ba la sogs pa ni go sla'o/ /gnas dgu rnams su mchod par bya zhes pa ni he ru ka'i dkyil 'khor gyi sa gzhi dgu'i bdag nyid du gsungs pa/ rdul tshon gyis bris la mchod par bya zhes pa'i tha tshig go / rung phor chu yis zhes pa la sogs pa ni go sla'o/ /rang gi lag pa g.yon pa la/ /zla ba yi ni khyad par bsam/ zhes pa ni rang gi lag pa g.yon pa la zla ba'i dkyil 'khor bsgom zhes pa'i tha tshig go /bcu drug cha la yongs rdzogs pa'i zhes pa mchi? bcu drug ste/ dbyangs yig bcu drug khyab par yongs su rdzogs pa las/ zla ba'i dkyil 'khor bsgom zhes pa'i tha tshig go /dri med dge ba'i lus can te/ zhes pa ni dri ma med cing dkar ba'i zla ba'i dkyil 'khor gyi lus te gzugs

  292. 146b

    bsgom zhes sbyar ro/ /de'i dbus su mi shigs dge /zhes pa ni zla ba'i dkyil 'khor de'i dbus su mi shigs pa'i haM mgo dang bral ba dge ba'i mchog bsam/ zhes pa'i tha tshig go /kha dog dkar po'i lus can zhes pa ni mi shig sa pa kha dog dkar po/ /lus lag pa g.yon pa la sgom zhes pa'i tha tshig go /lag des snod kyi kha mnan te/ zhes pa ni chu snod kyis bar nas chu blangs te/ lag pa la zla ba'i dkyil 'khor bsgoms nas/ de'i kha mnan te/ oM sarba ba sha ha de zhes pa la sogs pa'i sngags bzla zhes pa'i don to/ /mi shigs pa zhes pa la sogs pa ni go sla'o/ /sangs rgyas thod pa zhes ba la sogs pa ni bshad zin to/ /'o'i sgra ni le'u rdzogs pa'i tshig go /gang zhe na sangs rgyas thod pa la sogs pa'o/ /ri skegs kyi sbyor ba dang chu'i sbyor ba'i le'u ste bzhi pa'o// //da ni bcud kyis len gyi le'u rab tu bshad par bya/ de nas zhes pa ni dug gi dbang bskur ba la sogs pa'i le'u bshad pa'i rjes thogs su bcud kyis len gyi le'u rab tu bshad par bya/ zhes sbyar ro/ /de bzhin gshegs pa'i snying po mchog /ces pa ni de bzhin gshegs pa lnga dang phung po lnga'i ngo bo mchog tu phul du byung ba snying por gyur pa'i bdud rtsi lnga zhes pa'i tha tshig go /rnal 'byor ma'i gong na med ces pa ni rnal 'byor ma rtsa lnga'i rang bzhin te/ de rnams kyi gong na med pa'i snying po zhes pa'i tha tshig go /gzhon nu ma zhes pa ni lo brgyad ma'i mig las byung ba la gzhon nu ma zhes yang dag par bshad do/ sha ri ka zhes pa ni lo bcu gnyis ma'i rtsa khong stong las yang dag par byung ba'i rdzas la sha ri ka zhes yang dag par bshad do/ /grub ma zhes pa ni lo bcu drug ma me tog dang ldan pa dang kha sbyar ba'i sbyor ba byas pa las gang byung ba'i rdzas te/ de ni grub mar yang dag par

  293. 147a

    bshad do/ /byis can ma zhes pa ni lo nyi shu ma dang po rdul dang ldan pa dang kha sbyar ba'i sbyor ba las gang byung ba'i rdzas de ni byis can mar yang dag par bshad do/ /thod bzangs can ma zhes pa ni lo nyi shu rtsa lnga ma'i shes rab kyi khu ba dang/ shes rab kyi snum bsres pa'i rdzas gang yin pa de ni thod can mar yang dag par bshad do/ /de dag ni shes rab ma lnga'i rtsa lnga las bdud rtsi lnga yang dag par 'bar bar bshad do/ /sangs rgyas lngas kyang rnyed par dka' zhes pa las sangs rgyas lnga ni/ rnam par snang mdzad la sogs pa ste/ de rnams kyis kyang rnyed par dka' zhing/ dka' ches pa zhes pa'i tha tshig go /'dis ni sman lnga po rnams kyi che ba'i bdag nyid gsungs pa yin no/ /gzhon nus ni zla drug tu zhes pa ni lo brgyad pa'i mig las byung ba ste/ /mig gi chu dang dngul chu ra ti gcig pa bsris te zla ba drug tu zos na ji skad gsungs pa bzhin du 'gyur ro/ /de bzhin sha ri ka zla gsum zhes pa ni/ lo bcu gnyis ma'i shes rab ma'i dang po'i rdul dang dngul chu ra ti gcig dang lhan cig tu zla ba gsum du zos na ji skad gsungs pa bzhin du 'gyur ro/ /gru ma zla ba gcig tu'o zhes pa ni lo bcu drug ma mdog nag mo dang lhan cig tu yang dag pa'i sbyor pa las byung ba'i rdzas blangs te/ dngul chu ra ti gcig dang lhan cig zla ba gcig tu bza' bar bya'o/ /byis can ma ni zla phyed gnyis zhes pa ni lo nyi shu ma'i pu mo gang ma nyams shing skyes pa gzhan gyis ma spyad pa de'i nyi ma dang po la byung ba'i rdul dang de dang yang dag sbyor ba las byung pa'i rdzas dang dngul chu ra ti gcig dang bsres pa zla ba phyed dang gnyis zos na/ /ji skad gsungs pa bzhin du 'gyur ro/ /thod can ma'ang zla bar te/ zhes pa ni lo nyi shu rtsa lnga ma'i yang dag par sbyor ba med par pad+mar ?Ongs

  294. 147b

    pa'i bcud blangs la/ dngul chur ti gcig dang bsres te/ zla bar zos na ji skad gsungs pa bzhin du 'gyur ro/ /'di dag thams cad zos par gyur na ji skad gsungs pa'i tsher 'gyur ro/ /bya rog ma ni bya rog gzugs zhes pa ni bya rog can ma'i shes rab ma bya rog gi gzugs ltar mdog gnag pa ste/ de'i rdul ni zla ba mar kyi ngo la 'byung bar 'gyur ro/ /glang po ma ni dang pa'i gzugs zhes pa ni/ glang po ma'i shes rab mngag? yin pa ni glang po che'i chang gi dri bro ba'o/ /ngang pa'i gzugs zhes pa ni/ mdog dkar po ste de'i rdul ni zla ba yar ngo la 'byung bar 'gyur ro/ /drod ma drod kyi gzugs can te zhes pa ni drod can ma'i shes rab ni sngo bsams te/ drod kyi gzugs zhes pa ni thams cad du lus dro ba ste/ de'i rdul ni zla ba ngo gnyi ga la 'byung bar 'gyur ro/ /sngo bsangs dkar mo sngon mo'i mig /ces pa ni sngo bsangs dang/ dkar mo dang sngon mo rnams kyi mig gi dri ma'i 'di dang dngul chu bsres te bza' o/ /kha sbyar sbyor ba'i dus su ni zhes pa ni 'di rnams dang sbyor ba'i dus kyi tshe kha sbyar sbyor zhing dbang po gnyis snyoms par 'jug par byas nas byang chub kyi sems blangs te rdul dang bsre bar bya'o/ /mig las byung pa'i rdzas gang yin zhes pa ni 'di rnams kyi mig gi drod ma'i sman de'i ming ni gzhon nu ma zhes pa ste/ sman de'i ming ni gzhon nu ma'i ming can no/ /'di ni rten par som nyid med ces pa ni sman des lus brlan par bya zhing chim par bya zhes pa'i tha tshig go /de'i pad+ma las byung rdzas shes pa ni/ bud med rnams kyi rdul de khrag ces pa'i don to/ /rtsa'i nang na rnam sar gnas zhes pa ni rtsa khong stong na gnas pa'i bdud rtsi'o/ /ge sar spas pa'i spyod yul te zhes pa ni pad+ma'i ge sar gyi dbus na gnas pa zhes pa'i tha tshig go /sman de sha ri kar gsungs so/ /zhes pa ni sman de sha ri

  295. 148a

    kar yang dag par bshad do/ /me tog ldan pa'i bud med gang zhes pa gang rdul dang ldan pa'i shes rab ma'o/ /kha dog nag mo rab mdzes ma zhes pa kha dog nag mos rab tu mdzes ma'o/ /de'i kha sbyar sbyor las byung zhes pa ni de dang lhan cig tu kha sbyar sbyor ba ste dbang po gnyis sbyor ba las byung ba'i rdzas te sman de'i ming ni grub ma zhes pa'i tha tshig go /sangs rgyas thod pa'i sbyor ba yis zhes pa ni rdo rje dang pad+ma yang dag par sbyor bar bshad pa'o/ mi byed nye bar spyad pa yis zhes pa ni rang gi srog dang 'dra ba'i shes rab ma gang yin pa'o/ /khyad par ji lta bu zhe na gsungs pa/ rab mdzes ma nyams dang zhes pa ni skyes pa gzhan dang sbyar bar ma gyur pa de ni rab tu mdzes shing bzang zhes pa'i tha tshig go /de las dang por byung ba'i rdzas zhes pa ni nyi ma dang po las byung ba'i rdzas te/ khrag dang de dang yang dag par sbyor ba las byung ba'i byang chub kyi sems dang bsres pa'i sman de ni byis pa can du yang dag par bshad do/ / lhan cig skyes dag byung ba'i rdzas zhes pa ni/ rdo rje dang pad+ma yang dag par sbyor ba med par chos kyi 'byung gnas su lhan cig skyes pa'i dga' ba skyes pa'i rdzas ni pad+ma'i bcud ces pa'i tha tshig go /mar khu dag dang ni bsre zhes pa ni rtsa'i bcud dang pad+ma'i bcud bsre ba yin te/ sman de ni thod can ma zhes yang dag par bshad do/ /sman lnga po 'di dag ni sangs rgyas thod pa'i rgyud las gsungs so/ /zla ba nyi ma'i sbyor ba yis zhes pa ni/ dkar mo'i rdul sna gang g.yas pa'i rlung rgyu ba na snar gzhug par bya zhing nag mo'i rdul sna gung g.yon pa'i rlung rgyu ba na snar gzhug par bya'o/ /sbyor bas 'di dag byas nas ji ltar gsungs pa bzhin du 'dir the tshom med par 'gyur ro/ /zla bas zla bar zhes pa la/ zla ba ni byang

  296. 148b

    chub kyi sems te/ sna g.yon pa'i sna gung du byin par bya'o/ /nyi mas nyi zhes pa ni/ shes rab ma'i rdul sna gung g.yas par blugs par bya'o/ /de'i lus skra dkar gnyer ma zhi zhes pa ni/ lus kyi ste mgo'i skra dkar zhi zhing spangs zhes pa'i tha tshig go / gnyer ma zhes pa ni gnyer ma dang bral ba zhes pa'i tha tshig go /ji srid sangs rgyas bzhugs kyi bar zhes pa ni/ ji srid sangs rgyas bzhugs pa de srid kyi bar du tshe ring bar 'gyur zhes pa'i tha tshig go /de'i tshe ni rgyas par 'gyur zhes pa ni dus ring por tshe 'phel zhing rgyas par 'gyur ro zhes pa'i tha tshig go /dngos po gang dang gang yang rung/ /zhes pa la dngos po gang ste/ lcags dang zangs ma la yang rung/ /rdul byugs pas dngul dang gser du 'gyur ro/ /da ni dgongs pas bshad pa yang dag par bshad par bya ste/ dgongs bshad shin tu rnyed dka' ba zhes pa la dgongs pas bshad pa ni brda'i tshig ste rab tu dga' ches par 'gyur zhes sbyar ro/ /dri chu ye shes rdo rje ste zhes pa la/ ye shes rdo rje ni mi skyod pa'i rang bzhin gyi dri chu'o/ dri chen rdo rje bzang po nyid ces pa la rdo rje bzang po zhes pa ni rnam par snang mdzad kyi rang bzhin dri chen no/ /khrag gi mar me rdo rje yin zhes pa la/ mar me rdo rje ni rin chen 'byung ldan gyi rang bzhin khrag du 'gyur ro/ /khu ba rdo rje thabs byung nyid/ /ces pa ni sangs rgyas thams cad kyi thabs las byung ba byang chub kyi sems khu ba'i rang bzhin gtso bo zhes pa'i tha tshig go /sha ni chos kyi rdo rje yin zhes pa la/ chos kyi rdo rje ni don yod par grub pa'i rang bzhin gyi sha yin no/ /de lnga rnal 'byor ma'i mchog /ces pa ni de bzhin gshegs pa lnga'i rang bzhin ni rnal 'byor ma lnga'i bdud rtsi zer/ rtsa lnga'i rang bzhin mchog tu phul du byung ba zhes pa'i tha tshig go /ngag gi dam tshig rnyed dka' ba/ /zhes pa la ngag gi dam tshig ni tshig gi

  297. 149a

    brda rnyed par dka' ba ste/ nyan thos la sogs pas dka' bas kyang rnyed par me 'gyur ba'o/ /ba lang sha ni 'bar ba zhes pa la sogs pa ni go sla'o/ /de lnga rnal 'byor mchog tu gsungs/ zhes pa ni go ku da ha na la sogs pa dam tshig lnga yang dag par sbyar ba'i phul ni/ sbyor ba'i mchog tu gsungs so/ /rnal 'byor rnal 'byor ma ldan par zhes pa la rnal 'byor ma zhes pa ni bdud rtsi lnga'o/ /rnal 'byor zhes pa ni sha lnga'o/ /ldan zhes pa ni/ bdud rtsi lnga dang sha lnga po dag gcig tu byas te gang bza' ba'o/ /de'i yon tan gsungs pa/ de tshe rnam rtog de thams cad/ /'jig rten 'gyur zhes pa ni sems kyi rnam par rtog pa thams cad 'jig cing zad par 'gyur zhes pa'i tha tshig go/ zan la bsod nams zhes bya ste zhes pa la/ zan gyi ming ni bsod nams zhes bya'o/ /tshod ma la ni sdig pa nyid ces pa ni sha'i tshod ma srog gcod pa la sogs pa med bar tshod ma med de des na/ tshod ma'i ming ni sdig pa zhes bya'o/ /byis pa la ni 'gal ba nyid ces pa ni byis pa shi ba la ni 'gal ba zhes bya'o/ /skyes pa la ni rdo rjer gsungs zhes pa na skyes pa'i rdo rje la ni rdo rje zhes bya'o/ /bud med la ni snod bzangs nyid ces pa ni/ shes rab ma'i pad+ma'i ming ni snod bzang zhes bya'o/ /rab chags shin tu mthong ba nyid/ /ces pa ni rab tu chags pas na/ rab chags te bzang po mthong bas so/ /ci zhe na pad+ma mthong bas rab tu chags pa bzang por 'gyur ro/ /'khyud pa la ni chos zhes brjod/ ces pa ni chos 'byung gis rdo rje 'khyud pa gang yin pa de ni 'khyud pa ste chos su brjod do/ /'dri ba la ni mar me'o zhes pa la/ gsal bas mar me ste/ 'dod chags kyis gsal bar byed pas na mar me'i 'dri ba ni rdo rje chos 'byung 'dri bas na 'dri

  298. 149b

    ba la mar me zhes bya'o/ /shin tu 'dril me zhes bya/ zhes pa ni 'dod chags chen po'i me'i rdo rjes pad+ma la rab tu 'dri bas na/ shin tu 'dri zhes bya'o/ /'gro ba la ni phreng can ma zhes pa la rdo rjes pad+mar 'gro zhing song ba de ni phreng can ma zhes bya'o/ /'od la shin tu phreng can ma zhes pa ni/ rdo rje las byang chub kyi sems 'phro ba'i rnam pa 'ong ba de la ni/ shin tu phreng can ma zhes bya'o/ /myur pa la ni byug ces bya/ zhes pa ni rdo rje pad+ma la myur bar byug cing reg pa la sogs par 'gyur ba ma byug pa zhes bya'o/ /bsngags la lce 'og ces bya ste/ zhes pa ni pad+ma'i 'og gi cha la lces bldag pa de la lce 'og ces bya'o/ /so la bza' ba zhes pa la sogs pa ni go sla'o/ /'di dag bshad do lag chen po zhes pa la 'di dag ni dgongs pas bshad pa'o/ /lag chen po zhes pa ni lag ni rdo rje 'khod ba'o/ /shin tu phreng can ma zhes pa la sogs pa nas grags mthong ma zhes pa'i mthar thug pa'i rnal 'byor ma nyi shu rtsa bzhi dang/ he ru ka dang bcas pa'i dkyil 'khor nyi shu rtsa lnga'i rnam yang dag pa ni dgongs pas bshad pa'i brda'i tshig ces pa'i tha tshig go /'jig rten gsum zhes pa la sogs pa ni go sla'o/ /sa bcu'i nang gi sbyar bar bshad par bya ste/ nye bdun grong mdza' lhan cig /ces pa ni 'dus dang nye ba'i 'dun pa ni 'dod pa'i 'dun pa zhes pa'i don to/ /de gang zhe na haM ngo/ /lhan cig ces pa ni/ bdud rtsi'i rang bzhin gyi zla tshes dang thig le dang ha ra ldan pa ni taM zhes pa'i tha tshig go /'dus pa'i phyir rol zhes gsungs zhes pa ni/ phyi rol gyi dbang po rnams dkyil 'khor gyi gzugs kyis gang du 'dus pa zhes brjod par 'gyur ro/ /nye ba'i 'dus pa zhes pa ni/ sprul pa'i 'khor lor gang phung po la sogs pa thams cad 'dus pa de ni/ nye ba'i 'dus pa zhes bya'o/ /nang de bzhin zhes pa ni/ de bzhin

  299. 150a

    nyid kyi chos 'byung du/ a'i thig le'i nang gi dbus su sems dgod pa ni nang de bzhin zhes bya'o/ /gnas la 'bras bu zhes su gsungs/ zhes pa ni sprul pa dang chos dang long spyod dang bde ba chen po rnams la gnas su gsungs so/ nye ba'i gnas la shing nyid do/ /zhes pa ni 'khor lo'i dbus su a ba d+ha tI shing gi gzugs su gnas pa ni nye ba'i gnas su dgongs so/ /grong mdza' la ni sa bon gsungs/ zhes pa ni a dang hUM dang hi rnams sa bon gyi gzugs 'khor lo'i dbus su gnas pa la grong mdza' la ni sa bon gsungs zhes bya'o/ /nye ba'i grong mdza' myu gu'o/ /zhes pa ni bya gdong gi khong stong gi myu gu ni grong mdza' ste/ des na myu gu ste bya gdong la grong mdza' zhes bya'o/ /tshogs pa la ni sdong bur gsungs zhes pa la/ sdong bu a bo d+hU tI ste/ gnas der byang chub kyi sems kyi thig le'i tshogs 'gro ba ste/ des na tshogs pa la ni sdong bu zhes bya'o/ /gcig bu la ni 'dab mar gsungs zhes pa ni/ bde ba chen po gcig pu nyid kyis sdig pa dang dmyal ba las skyob pas na 'dab ma ste/ des na gcig bu la 'dab ma zhes bya'o/ /stong pa la ni rtsa ba'o zhes pa la/ stong pa zhes pa ni shes rab kyi rang bzhin no/ /rtsa ba zhes pa ni mdud pa gsum gyi rtsa ba ste gzhi zhes pa'i don to/ /des na stong pa la rtsa ba zhes bya'o/ /de ltar sa bcu la sogs pas bshad par rig par bya'o/ /de ltar dgongs pas bshad ces bya ba la sogs pa ni go sla'o/ /kye lags zhes pa ni bod ba'o/ /grogs mo zhes pa ni bshes mo zhes pa'o/ /'gro kun gang zhes pa ni gang gis bde ba dang bral na 'gro ba mdza' dag la thabs med ces pa'o/ /mdza' dag dri ma med pa zhes pa ni stong pa nyid ma gtogs par brdzan brdzun mdza' dag ci yang ma yin no/ /zhes pa'i don to/ /blta dang bral ba skye bo ltos/ /zhes pa ni blta bar bya ba dang

  300. 150b

    bral ba la skye bo ltos shig pa ste/ 'gro ba mdza' dag gis stong pa nyid du ltos shig ces pa'i don to/ /gsog gsob rang bzhin brdzun slu ba zhes pa ni gsog gsob kyi sngags kyi sgra dang bral na slu zhing brdzun par 'gyur zhes pa'i don to/ /pad rtsa'i grib ma lta bur ltos zhes pa ni pad+ma'i rtsa ba'i grib ma la ngang pa lta ba de bzhin du lha'i rnal 'byor pad rtsa'i grib ma lta bu dang/ sgyu ma lta bur bsgom par bya'o/ /blta bar bya ba gang zhe na/ de nyid gsungs pa dbang po lnga ni sgyu 'dra zhing zhes pa la dbang po lnga ni sgyu ma lta bu dang rmi lam lta bur bsgom par bya'o/ /lnga phung dag pa'i rang bzhin zhes pa ni phung po lnga mngon par rdzogs par sangs rgyas kyi gzhan ni sangs rgyas par 'gyur ba ma yin no zhes bya'o/ /rnal 'byor 'di ni bsgoms pas 'grub ces pa ni phung po lnga po 'di ni rnal 'byor bsgoms pas bsam gtan gyi rang bzhin 'grub par 'gyur ro/ /zhes pa'i don to/ /'o'i sgra ni le'u rdzogs pa'i don to/ /sangs rgyas thod pa'i rgyud las sman bzang po dang dgongs pas bshad pa'i le'u ste lnga pa'o// //de nas zhes pa ni sman bzang po dang dgongs pas bshad pa'i rjes thogs su'o/ /rab bshad pa zhes pa ni bstan pa'o/ /ci zhe na dkyil 'khor 'jigs pa'o/ /dkyil 'khor zhes pa la dkyil ni snying po'o/ /'khor ni len pa ste/ dkyil 'khor ro/ /mchog bzang zhes pa la mchog ni snying po'o/ /bzang po ni phul du byung ba ste/ bshad ces sbyar ro/ /shes rab thabs kyi sgrub pa yis zhes pa ni rdo rje dang pad+ma dag gi sbyor bas de kho na nyid bshad pa'o/ / gang gis slob ma dbang bskur bar zhes pa ni/ gang gis slob ma bkrus shing dbang bskur zhes pa'i tha tshig go /shes rab pad+ma'i nang dbus su zhes pa ni/ shes rab kyi chos 'byung gi nang du chud pa'i dkyil 'khor de'i gnas su slob ma

  301. 151a

    dbang bskur zhes pa'i don to/ /dpag tshad bye ba'i dkyil 'khor la zhes pa la/ ko Ti zhes pa ni slob ste mdud pa'i gnas so/ /yo dza na ni zhes pa ni der sems sbyor bar byed pas na yo dza na ni te dpag tshad do/ / dkyil 'khor zhes pa la dkyil ni snying po'o/ /'khor ni len pa zhes pa'i don to/ /sum rtseg dag pa'i bdag nyid lus zhes pa ni chos 'byung khong stong dang ze 'brur bcas pa ni sum rtseg ste/ rnam par dag pa'i lha dang ldan zhes pa'i tha tshig go/ 'khor ba'i 'jigs pa las skyob pa zhes pa la 'jigs pa ni 'jigs par byed pa ste/ 'khor ba las sgrol bar byed pas na skyob pa'o/ /dkyil 'khor de'i dbus gnas par zhes pa ni de'i dkyil 'khor de'i sar gnas te/ lha'i de kho na nyid lhan cig skyes pa'i ye shes ston pa'o/ /mkhas pas slob ma bzang dbang bskur zhes pa ni bla ma la gus pa'i slob ma la der dbang bskur zhes pa'i tha tshig go /phyi'i dkyil 'khor bya ba min zhes pa la phyi'i dkyil 'khor byas nas ni byang chub las ring bar 'gyur zhes pa'i don to/ /ji ltar zhe na dkyil 'khor du rdul tshon gyis bri ba byas nas slar 'jig par byas pas so/ /lha rnams bshig pa tsam gyis ni/ sdig pa chen po skye bar 'gyur/ zhes gsungs pa de'i phyir/ phyi'i dkyil 'khor mi bya zhing nang gi dkyil 'khor du dbang bskur bar bya zhes pa'i tha tshig go /de ltar yang lus kyi de nyid mi shes pa'i rnal 'byor phyi'i sbyor dga' ba/ chos kyi phung po brgyad khri dang/ /bzhi stong la ni 'bras bu med ces gsungs so/ /de nyid kyis na nang gi rnal 'byor ni mchog tu 'gyur ro/ /gang gis spyan drangs shing zhes pa ni gang gis spyan drangs pa'i de bzhin gshegs pa'i de nyid lus la gnas pa yin no/ /gang gis gshegs su gsol/ /zhes pa ni yang de nyid na

  302. 151b

    gnas pa yin no/ /gang na'ang bzhugs pa'ang ma yin no/ /zhes pa ni gnas gang na'ang mi gnas te rang gi sems nyid la gnas zhes pa'i tha tshig go /lo bcu gnyis pa'i bu mo zhes pa dbyangs yig bcu gnyis kyi rang bzhin gyi shes rab ma lo bcu gnyis ma'o/ /ka na bde ba'o/ /n+ya ni 'dren pa ste dga' ba la sogs pa rim bzhin du skyed par byed pas na ka n+ya ste bu mo'o/ /tshul khrims ma nyams pa zhes pa nas dul zhes pa'i bar gyi yon tan bcu gnyis dang ldan pa ni de bzhin gshegs pa rnams kyis bstong ces pa'i tha tshig go /de nas zhes pa ni go sla'o/ /de rnams la ni de nyid bshad ces pa ni slob ma gus pa de rnams la de kho na nyid bshad cing bstan zhes pa'i tha tshig go /gsang ba phyi'i lnga dang ni zhes pa la gsang ba ni gsang ba'i dbang ngo// lnga ni phyi'i dbang zhes pa'i tha tshig go /bdun dang bcu bzhi bshad pa dang/ zhes pa la/ bdun ni dbang bdun te slob dpon gyi dbang zhes pa'i don to/ /bcu bzhi zhes pa ni de kho na nyid bcu bzhi rnam par dag pa'i dbang dag go /gnyis gcig tu 'dus pa zhes pa la/ gnyi ga ni shes rab dang ye shes so/ /'dus pa zhes pa ni bsres na bcu bzhir 'gyur zhes pa'i don to/ /gang du de kho na nyid bshad snyam pa la de nyid gsungs pa/ gsang ba'i de nyid bshad par bya zhes pa la gsang ba ni bde ba chen po'i gnas so/ /der de kho na nyid bshad cing bstan zhes pa'o/ /su la zhe na/ slob ma la zhes pa'i don to/ /kha cig gi gzhung gis ni gsang ba'i sprul pa'i 'khor lo'i mdud pa mtshon par bya bar bshad do/ /de yang bzhi mdo mtshan gcig chu bo'i 'gram/ der ni ri khrod gnas byas pa/ /gdong lnga pa ni gzung mi nus/ /glang chen mchog kyang ring bar bsam/ /zhes gsungs pa dang/ yang gang du yid rlung rgyu med pas/ /nyi ma'i 'od zer 'jug pa med/ bla mas

  303. 152a

    bshad pa'i man ngag gis/ /der ni sgrub pa'i sems ngal bsos/ /zhes gsungs so/ /slob ma legs dang ldan zhes pa la sogs pa ni go sla'o/ /slob ma gsol ba gdabs pa'i tshigs bcad gsungs pa/ 'khor ba zhes bya ba la sogs pa nas mgon po zhes pa'i mthar thug pa ni gsol ba 'debs pa'i tshigs bshad de/ /de ltar zhes bya ba la sogs pa ni go sla'o/ /man ngag 'di'i cha dag ni/ glegs bam rnams las spyod yul ma ni zhes pa la/ de kho na nyid 'di ni glegs bam la ma bris so/ /'o na gang las she na/ bla ma'i kha las shes par bya zhes pa'i tha tshig go /dkyil 'khor gang la gang gis brgyan/ /zhes pa ni dkyil 'khor gang la lha gang gis brgyan te/ bcom ldan 'das kyi thugs kyi rang bzhin gyis brgyan zhes pa'i tha tshig go /de nyid kyis na phyi'i dkyil 'khor bri bar bya'o/ /mtshan ma'i don gzhan gar bkod kye/ zhes pa la mtshan ma ni rdo rje la sogs pa'o/ /don gzhan zhes pa ni don gzhan du 'gyur ba'o/ /gar bkod ces pa ni gnas gang du bkod ces pa'i tha tshig go /kye zhes pa ni bong ba'o/ /su yis sangs rgyas can drangs kye zhes pa la/ su yis zhes pa ni gang gis zhes pa'i don to/ /sangs rgyas spyan drangs zhes pa ni sangs rgyas kyi sku ste/ sangs rgyas kyi lus spyan drangs pa'o/ /gang gis spyan drangs she na sems kyis zhes pa'i tha tshig go /'gro ba brdzun pa'i som nyir lhung zhes pa ni/ brdzun gyi dra ba ste/ mig 'phrul lta bu la 'gro ba rnams the som skyes pa'o/ /de nyid kyis na thams cad brdzun bzhin mig 'phrul lta bu'o/ /de lta bu mthong nas mthong 'gro ba rnams the tshom skyes zhes pa'i don to/ /mdza' dag stong pa gos med kye/ zhes pa ni mdza' dag stong pa la dro mas sngags pa

  304. 152b

    dang bral bas na gos pa med pa'o/ /kye zhes pa ni bod pa'o/ /des na thams cad stong pa nyid dri ma med pa'i rang bzhin zhes pa'i tha tshig go /chu nang zla ba ci 'dra ba zhes pa ni chu'i nang gi zla ba ci 'dra ba de ltar dkyil 'khor gyi 'khor lo zhes pa'i don to/ /de 'dra'i dkyil 'khor bar dbus zhes pa ni de dang 'dra ba pad+ma'i dkyil 'khor la gnas pa ste/ chos kyi 'byung gnas kyi nang du chud pa'i chu'i zla ba lta bu ste/ he ru ka'i dkyil 'khor zhes pa'i don to/ /kye lags rnal 'byor ma chags ltos zhes pa ni pad+ma'i nang der rtsa'i gzugs kyi rnal 'byor ma'i tshogs ltos zhes pa'i don to/ /der ni he ru ka gcig dang zhes pa ni der he ru ka gcig pu 'ba' zhig byang chub kyi sems kyi rang bzhin du blta zhes pa'i tha tshig go /thams cad bskyed par byed ces pa ni/ thams cad bskyed pa'i gnas zhes pa'i tha tshig go /'gro kun rmi lam slu ba zhes pa ni ji ltar rmi lam du bud med bzang mo dang sbyor ba mthong ba de ltar thams cad blta bar bya ste/ 'gro ba mdza' dag rmi lam gyis bslu zhes pa'i don to/ /gti mug las ni bskyed pa ltos zhes pa ni gti mug las skyes pa ltos shig pa ste/ gti mug las rnam par rtog pa thams cad bskyed ces pa'i tha tshig go /ltos zhes pa ni phyag na rdo rje la sna tshogs sde mas bod pa'o/ /sangs rgyas thod pa zhes pa ni bshad zin to// //dkyil 'khor 'jigs pa zhes pa ni rnam par rtog pa 'jig par byed pa'i dkyil 'khor 'dir dbang bskur bar bya ba ste/ de'i le'u ni drug pa'o// //da ni phyi'i dkyil 'khor bri bar bya ste/ de nas zhes pa ni dbang bskur ba'i dkyil 'khor bstan pa'i rjes thogs su'o/ /lha bskyed pa'i dkyil 'khor bstan par bya/ zhes sbyar ro/ /ri'i phug dang tshang tshing ngam zhes pa la/ bde ba chen po mi g.yo ba'i bdag nyid kyis na ri'o/ /dman pa'i

  305. 153a

    sems can rnams kyis gting dpag par mi nus pas na phug go /bdud rtsi'i khung bur gyur pas na mtshang tshing ngo/ /yang na dur khrod dang ni zhes pa ni sems can thams cad kyi rgyud mnyam pa nyid du lhag par gnas zhes pa'i don to/ /gdod nas grub pa zhes pa ni rtag tu grub pa'i yongs su rdzogs pa 'char ba dang nub pa dang bral ba/ rtag tu nam mkha' dang mnyam pa bde ba chen po'i rnam pa gang du nyams su myong ba de'i rang bzhin du bya zhes sbyar ro/ /rgya mtsho'i 'gram zhes pa ni de dang yang dag par sbyor ba'i shes rab ma'i chu skyes ni rgya mtsho'i 'gram mo/ /shes rab ma gcig gi chos 'byung la yang yon tan lnga dang ldan par gsungs so/ /yang na shes rab ma yang lngar gsungs te/ de gang zhe na/ de nyid bshad pa/ ri pug ces pa ni/ lo bcu gcig ma'o/ /tshang tshing zhes pa ni lo bcu gnyis ma'o/ /dur khrod ces pa ni lo bcu drug ma'o/ /gdod nas grub pa zhes pa ni lo nyi shu ma'o/ /rgya mtsho'i 'gram zhes pa ni lo nyi shu rtsa lnga ma'o/ /lo bcu gcig ma ni bcud kyis len pa sgrub pa la'o/ /lo bcu gnyis ma ni shin tu chags pa'i dam tshig gi don du bsten no/ /lo bcu drug ma dang sngags la goms phar bya'o/ /lo nyi shu ma dang nam mkha' la 'gro ba sgrub po/ /lo nyi shu rtsa lnga ma ni dbang bskur ba'i don du'o/ /zhes pa 'di dag thams cad bshad do/ /phyi'i dkyil 'khor zhes pa la sogs pa ni go sla'o/ /pho brang rim gsum zlum po la/ zhes pa ni gzhal yas khang gi nang du rim pa gsum pa rdo rje'i phreng bas bskor ba'i 'khor lo bri zhes pa'i tha tshig go /rdo rje gsum gyis yongs su bskor zhes pa ni rtse gsum pa'i rdo rje nag pos bskor zhes pa'i tha tshig go /phyi rol gru bzhi lham pa/ zhes pa ni rdo rje phreng

  306. 153b

    ba'i phyi rol tu gru bzhi lham pa zhes pa'i don to/ /sgo bzhi zhes pa la sogs pa ni go sla'o/ /pad+ma nyi ma nyi shu lnga'i zhes pa ni 'khor lo'i dbus su nyi ma'i gdan lnga'o/ /de'i phyi rol du nyi ma'i gdan brgyad do/ /de'i phyi rol du yang nyi ma'i gdan brgyad do/ /sgo bzhir ni nyi ma'i gdan bzhi dgod do/ /de'i dbus chud sa bon ni zhes pa ni 'khor lo'i dbus kyi nyi ma'i steng du hUM bsam pa ste/ bcom ldan 'das he ru ka'i sa bon hUM dang phreng bzangs ma la sogs pa'i lha mo rnams sgo nga las skye ba'i rim pas ka la sogs pa'i nyi shu rtsa bzhi sa bon du 'gyur zhes pa'i tha tshig go /skad cig tsam gyis zhes pa la skad cig ste/ myur bar rdzus te skye ba'i rim pas bcom ldan 'das bskyed pa'i tshe lha thams cad bskyed par 'gyur zhes pa'i don to/ /bcom ldan 'das kyi phyag mtshan gsungs pa/ g.yas na cang te'u dang gri gug go /g.yon na kha TwI ga dang thod pa ste/ zhal gcig phyag bzhir 'gyur/ zhes pa'i tha tshig go /skyil krung byed pa zhes pa la sogs pa'i yon tan nyi shu rtsa bzhi dang ldan pa'i bcom ldan 'das bsgom zhes pa'i don to/ /rnal 'byor ma nyi shu rtsa bzhi ni sku mdog sngon mo shin tu 'jigs pa'i gzugs can thams cad zhal gcig phyag gnyis ma'o/ /thod pa 'chang zhes pa ni rnal 'byor ma las rnams kyi g.yon na thod pa g.yas na gri gug man ngag las shes par bya'o/ /da ni rnal 'byor ma rnams kyi ming rab tu bshad de phreng bzangs ma dang/ 'dod can ma dang/ 'jigs ma dang/ thub dka' ma rnams kyi ni bcom ldan 'das kyi phyogs bzhir gnas pa'i rnal 'byor ma bzhi'o/ /dge ba'i ska rags can ma dang/ gzugs can ma dang/ rnam rgyal ma dang/ 'byung gnas ma dang/ thod pa can ma dang/ mtsho chen ma dang/ byed ma dang/ gsor ma ste/ rnal 'byor ma 'di rnams

  307. 154a

    ni rim pa gnyis pa'i phyogs dang mtshams su gnas pa'o/ /sgrol byed ma dang/ 'jigs ma dang/ mthong ma dang/ mi 'pham ma dang/ dge ma dang/ 'dzur byed ma dang/ dus mtshan ma dang/ grags chen ma rnams ni rim pa gsum par phyogs dang mtshams su gnas pa'o/ /mdzes sdug ma dang/ nor 'dzin ma dang/ skal bzangs ma dang/ grags mthong ma rnams ni sgo na gnas pa'i rnal 'byor ma'o/ /de dbus gnas pa'i rnal 'byor ma he ru ka la bde ster ma zhes pa la sna tshogs sde ma de ni g.yon na thod pa 'dzin cing g.yas na gri gug 'chang ba ste he ru ka dang 'dra ba'o/ /lhag ma ni go sla'o/ /zhal nas khrag ni 'thor byed ma zhes pa ni bcom ldan 'das kyi gzugs can bcom ldan 'das ma zhes pa'i don to/ /dkar mo zhes pa ni dbus kyi 'dab ma la gnas pa'i rnal 'byor ma bzhi ni dkar mo zhes pa'i tha tshig go /rim pa gnyis pa na gnas pa thams cad ni mdog sngon mo zhes pa'i don to/ /ljang gu zhes pa ni sgo na gnas pa'i rnal 'byor ma bzhi ni mdog ljang gu'o/ /zhes pa'i tha tshig go /thams cad khu bar ldan gyur ma zhes pa la rnal 'byor ma de rnams shin tu chags pas khu ba dang ldan par 'gyur zhes pa'i tha tshig go /lha'i dkyil 'khor bskyed pa ni/ zhes pa la sogs pa ni go sla'o/ /gtso bo las gzhan tha dad gzugs zhes pa ni he ru ka dang nye ba na gnas pa'i rnal 'byor ma rnams ni mdog dkar mo zhes pa'i tha tshig go /rnal 'byor ma kun de dang 'dra/ zhes pa ni rim pa gnyis pa na gnas pa'i rnal 'byor ma rnams mdog nag mo ste gtso bo'i mdog dang 'dra zhes pa'i tha tshig go /de ltar he ru ka mgon pos/ /rnal 'byor ma kun spyad par bya zhes pa ni phred bzad ma la sogs pa thams cad spyad cing dga' bar byas pas nyi

  308. 154b

    ma'i dkyil 'khor gyi steng du zhu ba'i gzugs te byang chub kyi sems kyi gzugs su gnas/ zhes pa'i tha tshig go /'dis ni mngal nas skye ba'i rim pa gsungs so/ /sgo nga las skye ba dang mngal nas skye ba dag la glus bskul ba yod la/ rdzus skyes la ni glus bskul ba med/ ces pa'i tha tshig go /de ni zhu bar mthong nas ni/ sgo yi rnal 'byor ma yis bskul zhes pa la sgo'i rnal 'byor ma zhes pa ni sgo bzhin gnas pa'i rnal 'byor ma rnams so/ /de la shar gyi sgo na gnas pa'i rnal 'byor ma mdzes sdug mas bskul ba'i glu gsungs pa/ ji ste 'jig rten snyan mnan na/ zhes pa ni ci'i phyir 'jig rten pa rnams kyis don du snyan gsan phab na zhes pa'i don to/ /ci'i phyir khyod ni mi dgyes gyur/ zhes pa ni ci'i phyir mi dgyes par gyur ces pa'i tha tshig go /gal te khyod bdag tshig gsan na/ zhes pa ni gal te khyad bdag gi tshig gsan par bzhed na zhes pa'i don to/ /mi dgyes gyur pa mdza' dag thod/ /zhes pa ni mi dgyes par gyur pa mdza' dag thong zhes pa'i don to/ /'di ni shar na gnas pa'i mdzes sdug ma'i glu'o/ /srid 'jigs skye bo kun lhung bas/ zhes pa ni srid pa'i 'jigs par skye bo mdza' dag lhung zhes pa'i tha tshig go /stong pa'i thugs ni ma mdzad par/ zhes pa ni stong pa nyid kyi thugs ma mdzad/ ces pa'i don to/ /nyid kyi dgongs pa kun bsgrub kyi zhes pa ni khyed nyid kyi bya ba thams cad sgrubs shig grogs po kye/ zhes pa'i don to/ /rnal 'byor ma'i grogs po bzhengs zhes pa ni rnal 'byor ma rnams kyi bshes gnyen bzhengs shig ces pa'i don to/ /lho sgo na gnas pa nor 'dzin ma'i glu'o/ /gal te sngon gtso tshig gsan na/ zhes pa ni gal te sngon gyi bdag po bdag gi tshig gsan na zhes pa'i don to/ /'bras bu yal

  309. 155a

    bar mdor cig ces pa ni 'bras bu la lhod par ma mdzad cig ces pa'i don to/ /khyod mi snang na 'gro ba'i zhes pa ni/ khyod mi snang zhing nub bar gyur na 'gro ba mdza' dag nub par 'gyur zhes pa'i don to/ /skye bo mdza' dag gdung pas non zhes pa'i 'gro ba mdza' dag mi dga' ba'i gdung bas non/ zhes pa'i don to/ /nub sgo na gnas pa'i skal bzangs ma'i glu'o/ /log pa'i nga rgyal ma mdzad par zhes pa ni log pa'i nga rgyal ma mdzad/ kyi grogs po zhes pa'i don to/ /stong pa'i rang bzhin spangs nas ni zhes pa ni stong pa nyid kyi rang bzhin mthong zhes pa'i don to/ /khyod kyis dngos med kun thong la zhes pa ni khyod kyis dngos po med pa kun thong la dngos po'i rang bzhin long zhes pa'i don to/ /rnal 'byor ma'i tshogs la spyod ces pa ni/ rnal 'byor ma'i khyu thams cad la spyod ces pa'i don to/ /byang sgo na gnas pa'i grags mthong ma'i glu'o/ /byams pa dang snying rje dang dga' ba dang btang snyoms kyi rang bzhin rnal 'byor ma de rnams kyis yang dag par bskul ma thag tu khu ba'i gzugs las bzhengs zhes pa'i don to/ /'jigs pa'i 'khor ba sgrol byed pa zhes pa la 'jigs pa ni 'jigs par byed pa ste/ 'khor ba las sems can rnams sgrol bar byed pa// 'khor ba'i 'jigs las sgrol byed pa zhes bya ba'i tha tshig go /dkyil 'khor gyi 'khor lo bsgom pa'i le'u ste bdun pa'o// //da ni sbyin sreg gi dkyil 'khor bshad par bya ste/ de nas zhes pa ni bsgom pa'i dkyil 'khor bshad pa'i rjes su sbyin sreg bshad ces sbyar ro/ /zhi ba dang ni rgyas pa dang/ de bzhin dbang dang mngon spyod de/ zhes pa ni zhib la ni lha dkar po sbyar ro/ /rgyas pa la ni lha ser po sbyar ro/ /dbang la ni lha dmar po'o/

  310. 155b

    mngon spyod la ni lha nag po ste/ las dang rjes su mthun pa'i kha dog bya/ zhes pa'i don to/ /sbyin sreg rnam pa bzhir gsungs so/ /zhes pa la zhi ba la sogs pa'i sbyin sreg bzhi ni sangs rgyas thod pa'i rgyud du gsungs so/ /shing gi sbyin sreg mi bya zhing zhes pa ni rgyud gzhan las gsungs pa'i u dum+ba ra dang pa la sha la sogs pas sbyin sreg mi bya zhes pa'i tha tshig go /'brul sogs pas kyang mi bya zhes sbyar ro/ /me tog gis ni sbyin sreg bya zhes pa ni/ bud med kyi rdul gyi me tog gis lus la sbyin sreg bya zhes pa'i don to/ /me tog lnga po mchog chen dang/ zhes pa ni bram ze la sogs pa'i rigs kyi shes rab ma lnga'i rdul blangs la sbyin sreg bya'o/ /de nyid mchog ste bzang por 'gyur ro/ /'o mas yang dag ldan par bya'o// zhes pa rdul dang ldan pa ni shes rab ma dang snyoms par zhugs te byang chub kyi sems 'o ma dang bsres pas lus kyi thab khung du bsreg ces pa'i tha tshig go /da ni zhi ba la sogs pa'i sbyin sreg bstan par bya ste/ zhi ba'i thab khung gru bzhi pa/ zhes pa la sogs pa ni go sla'o/ /e paM ma ya mchog chen gyi zhes pa la e ni spyan ma'o/ /baM ni mA ma kI'o/ /ma ni gos dkar mo'o/ /ya ni sgrol ma'o/ /spyan ma ni bram ze'i bu mo'o/ /mA ma kI ni g.yung mo'o/ /gos dkar mo ni gar mkhan ma'o/ / sgrol ma ni khrus mkhan ma ste/ 'di rnams kyi chos 'byung gi gnas kyi ze'u 'bru'i dbus su phung po la sogs pa bsreg par bya'o/ /mchog chen ni mchog tu bzang ba'i sbyin sreg yin zhes pa'i don to/ /gsungs zhes pa ni rdo rje 'chang gis gsungs zhes pa'i tha tshig go /rtsa gsum 'jigs pa'i rdo rje zhes pa la sogs pa ni go sla'o/ /me'i lha zhes pa la/ oM sarba de ba zhes pa la sogs pa'i sngags lan bdun brjod pas me lha spyan drang ngo/ /me lha spyan drang ba'i sngags so/ /sangs rgyas cod pa'i

  311. 156a

    sbyor ba yis/ zhes bya ba ni sangs rgyas thong pa'i sbyor bas me lha spyan drang zhes pa'i don to/ /sangs rgyas kun gyis byin brlabs shing zhes pa la sogs pa ni go sla'o/ /de nas blo ldan sbyin sreg bya zhes pa ni shes rab can gyi rnal 'byor pas sbyin sreg bya zhes pa'i tha tshig go /der ni sol ba gzhug bya ba/ a shwat+tha dang n+ya gro dang zhes bya ba la sogs pa ni go sla'o/ /pad+ma ni pad+ma'o/ /utpal ni utpa la'o/ /ku mu de dmar po zhes pa ni utpal dmar po'o/ /dri zhim zhes pa ni dri zhim pa'i me tog dkar po ste phyi'i me tog lnga po 'di dag bsreg ces pa'i don to/ /ka ra bi ra gzhan gnyis 'gyur zhes pa ni/ ka ra bi ra'i me tog nyis 'gyur kha sbyar ba byas te bsreg ces sbyar ro/ /yang na pad+ma la sogs pa'i tshad gang yin pa de'i nyis 'gyur gyi/ ka ra bi ra bsreg ces pa'i don to/ /zhi bar gsungs zhes pa ni de bzhin gshegs pa'i sbyin sreg 'dis zhi bar gsungs pa'o/ oM pad+ma rA dzo zhes bya ba la sogs pa ni pad+ma bsreg pa'i sngags so/ /utpal 'o mas sbyin sreg bya zhes bya ba ni/ utpal dang 'o ma bsres la sbyin sreg bya zhes pa'i don to/ /oM g+ha g+ha g+hA ta ya g+hA ta ya zhes bya ba la sogs pa ni me tog ku mu ta la sogs pa bsreg pa'i sngags/ /dri zhim pa'i tsan dan sreg pa'i sngags gsungs pa/ oM d+harme d+harma rA dzA zhes pa la sogs pa'o/ /ka ri ba ra dri zhim dmar zhes pa ni sngags 'dis me tog ka ra bi ra dri zhim pa'i mar khus bsregs shes pa'i don to/ /'di'i sngags gsungs pa/ oM ka li su ka li zhes pa la sogs pa'o/ /me tog re re re re la zhes pa ni sngags la na re bzlas pa'i me tog re re bsreg ces pa'i don to/ /me ni 'o mas zhi bar bya zhes pa ni sbyin sreg rdzogs nas

  312. 156b

    me 'o mas bsang bar bya zhes pa'i tha tshig go /de nas zhes pa la sogs pa ni go sla'o/ /kha dog ser po rnam par bsam/ zhes pa ni rdul tshon ser pos thab khung zlum po mdog bsgyur zhes pa'i don to/ /bdag nyid he ru ka rnam pa zhes pa ni bdag nyid he ru ka ser po'i gzugs su bsgom zhes sbyar ro/ /rgyas ba'i don du shing lnga'i yam shing bsreg ces gsungs te/ gang zhe na a mra la sogs pa'i shing lnga'o/ /sor bcu gnyis kyi tshad tsam du zhes pa ni slob dpon nyid kyi sor bcu gnyis kyi tshad kyi yam shing gzung bar bya'o/ /ma gas zhes pa ni rma med pa'o/ /ma skams zhes pa ni rlan dang bcas pa'o/ /ma bcad ces pa ni rtse mo ma nyams pa'o/ /bu ga can zhes pa ni srog chags kyis zos pa'i lcag can te de rnams spang bar bya zhes pa'i don to/ /de'i dbus su zhes pa la sogs pa ni go sla'o/ /rgyas pa'i sngags gsungs pa/ oM ga ga zhes pa la sogs pa'o/ /sngags 'dis rgyas pa'i sbyin sreg bya zhes pa'i tha tshig go /phyi nas ser po chus zhi bya zhes pa ni sbyin sreg zin nas chu ser pos me bsang bar bya/ zhes pa'i don to/ /rgyas pa'i sbyin sreg go /dbang du bya ba'i sbyin sreg mchog ces pa ni dbang du byed pa'i sbyin sreg mchog tu ces pa rab tu bshad ces sbyar ro/ /thabs khung gru gsum dmar po la zhes pa ni thab khung gru gsum pa la rdul tshon dmar pos mdza' dag g.yog ces pa'i don to/ /zabs dang rgyar ni sor mo brgyad ces pa ni 'og gi zabs su sor brgyad brko ba'o/ /steng gi cha ste rgyar sor brgyad kyi tshad du bya ba'i don to/ /de dbus pad+ma 'dab brgyad dmar zhes pa ni thab khung de'i dbus su pad+ma 'dab brgyad pa mdog dmar ba bri/ zhes pa'i tha tshig go /zla ba dmar la sogs pas brgyan zhes pa ni zla ba dmar po'i 'od zer gyis brgyan pa'o/ /sogs pa'i sgras ni thab khung mdza' dag brgyan zhes sbyar ro/ /grwa zhes pa la sogs pa ni go sla'o

  313. 157a

    bdag nyid he ru ka zhes pa la sogs pa la he ru ka sku mdog dmar po phyag gnyis pa/ g.yas na rdo rje dmar po g.yon na khrag gis bkang ba'i thod pa bsnams pa bsam par bya'o/ /a shwa ka'i yam shing dang zhes pa ni a shwa ka'i yam shing sor brgyad pa go ro tsa na dang bcas pas dbang gi sbyin sreg bya zhes pa'i don to/ /dbang gi sbyin sreg gi sngags gsungs pa/ oM a shwa ka ni zhes pa la sogs pa'o/ /nyin bdun sbyin sreg byas tsam gyis zhes pa ni nyi ma bdun du sbyin sreg byas pas ji skad gsungs pa bzhin du 'gyur ro/ /chu dmar po yis me zhi bya zhes pa ni tsan dan dmar pos bsres pa'i chus bsad par bya zhes pa'i tha tshig go /mngon spyod dang ni bsad pa mchog /ces pa la mngon spyod ni nad la sogs pa'i nye bar 'tsho ba'o/ /bsad pa ni gdon mi za bar gsod pa ji lta ba de rab tu bshad par bya zhes sbyar ro/ /zabs dang rgyar ni khru gang tshad ces pa la 'og gi char ni khru gang gis tshad tsam brko ba'o/ /steng gi rgyar yang khru gang gi tshad tsam bzhag par bya'o/ /mdog ljang gu zhes bya ba ni rdul tshon ljang khus thab khung brgyan par bya'o/ /grwa grwa ru ni rdo rje bri zhes pa ni thab khung gi grwa dang grwar rdo rje dri bar bya ba'i don te/ /dbus kyi sa gzhi stong par bya'o/ /zhes pa ni dbus kyi stong pa ci yang mi bri zhes pa'i don to/ /sha lngas sbyin sreg bya zhes pa la sha lta ni/ go ku da ha na ste de rnams kyis mngon spyod dang bsad pa dag la sbyin sreg bya'o/ /sbyin sreg gi sngags gsungs pa/ oM mA ra ya mA ra ya zhes pa la sogs pa'o/ /bdag nyid he ru ka zhes pa ni/ bdag nyid mdog nag po'i he ru kar bsgom par bya zhes pa'i don to/ /lhag ma ni go sla'o/ /phed mdzad 'jigs shing 'jigs par mdzad/ ces pa ni phed kyi 'jigs par byed pa'i sbyin sreg gi dus su bya zhes pa'i don to//

  314. 157b

    ha ha zhes kyang sbyar ro/ /ljang gu chu yis me zhi bya zhes pa ni chu ljang khus me bsad par bya/ zhes pa'i tha tshig go /gang gis bsregs zhes pa ni su yis bsregs zhes pa'i don to/ /gang zhig bsregs zhes pa ni ci zhig bsregs zhes pa'i don to/ /gang gi zhi ba zhes pa ni su'i zhi ba zhes pa'i don to/ /gang zhi ba zhes pa ni ci zhig zhes pa'i don to/ /gang gis rnam rtog kun bcom pa zhes pa ni gang gis rnam par rtog pa bcom pa de la sbyin sreg gis ci zhig bya zhes pa'i don to/ /de'i dam tshig tsam gyis thams cad 'grub snyam du dgongs so/ /de yis sems ni mgu bar byed/ ces pa ni phyi'i sbyin sreg brdzun pas sems mgu bar mi 'gyur te/ nang gi sbyin sreg nyid gtso bo zhes pa'i don to/ /sangs rgyas thod pa zhes bya ba la sogs pa ni bshad zin to/ /sbyin sreg gi cho ga zhes pa ni sbyin sreg gi cho ga'i sgrub pa'o/ /de rjod par byed pa'i le'u ste brgyad pa'o// //da ni spyod pa'i le'u rab tu bshad par bya ste/ de nas zhes pa ni sbyin sreg gi cho ga'i le'u bshad pa'i rjes thogs su'o/ /rnal 'byor gang gis spyod kun byed/ ces pa ni rnal 'byor pa gang gis spyod pa yis 'khor ba'i pha rol tu 'gro bar byed pa zhes pa'i don to/ /bud med shin tu mchog gyur dang zhes pa la/ spyod pa'i khyad par ji lta bu zhe na bud med de bu mo mchog phul du byung ba dang zhes pa'i don to/ /dngos grub brgyad dang yang dag ldan zhes pa ni/ /gang gi tshe rnal 'byor pa yon tan gyi dbang phyug brgyad dang ldan pa de'i tshe/ spyod pa yang dag par brtsam par bya zhes pa'i tha tshig go / sems can dngos grub gang gang 'dod de de dngos grub rtag tu ster/ zhes pa ni sems can gang dag gis dngos grub gang dang gang blangs pa de dang de rnal 'byor ba de la ster bar 'gyur ro/ /lag pas thod pa zhes pa la sogs pa ni/ lag pas thod pa

  315. 158a

    'dzin pa gcer bu skra grol pa 'khyam par bya'o/ /rgyan rnams kun las rnam grol zhing zhes pa ni rnam par rtog pa thams cad spangs pa'o/ /nam mkha' dang ni mtshungs gyur pa/ zhes pa ni gang nam mkha' dang 'dra zhing mtshungs par 'gro ba de ni nam mkha' dang ni mtshungs par gyur pa ste chos kyi dbyings kyi rang bzhin zhes pa'i don to/ /shes rab can gyis khyim du/ slongs mo zhes pa la sogs pa ni go sla'o/ /bsdus pa'i don gsungs pa gang du der zhes pa ni gnas gang yin pa der rnal 'byor pa spyod pas gnas par bya'o zhes pa'i don to/ /ji ltar de ltar zhes pa ni ji lta ba de lta bu'i rnam pas gdon mi za bar 'khor ba'i pha rol tu 'gro zhes pa'i don to/ /gang gis de'i sangs rgyas te/ zhes pa ni rnam pa gang gis te/ de yis sangs rgyas su 'gyur zhes pa'i don to/ /rang gi rnam rtog dag gis nyams zhes pa ni rang gi rnam par rtog pas sems nyams pa des na skye ba 'di la sangs rgyas su mi 'gyur zhes pa'i don to/ /mdza' dag rang bzhin rnam par dag ces pa ni thams cad kyi rang bzhin rnam par dag pa'o/ /de gang zhe na phung po la sogs pa'o/ /de'i tshe skye ba 'di la sangs rgyas su 'gyur zhes pa'i tha tshig go /sangs rgyas thod pa zhes bya ba la sogs pa ni bshad zin to/ /spyod brjod par byed pa'i le'u ste dgu pa'o// //da ni sman bzang po dang mo gsham bu dang ldan pa'i le'u rab tu bshad par bya ste/ de nas zhes pa ni spyod pa'i le'u bshad pa'i rjes thogs su'o/ /gser du nges par byed pa'i le'u zhes pa ni gser gyi las kyi le'u des shing gdon mi za bar 'gyur zhes pa'i tha tshig go /slob dpon la ni rab dang pas zhes pa la sogs pa ni go sla'o/ /'di ni phyi'i sman min ste/ zhes pa ni 'di ni phyi'i sman rnams ni ma yin gyi 'on kyang nang gis sman yin no/ /des pa'i

  316. 158b

    don to/ /shun pags lo ma yin zhing zhes pa'i shun pags dang lo ma'i sman rnams kyi lo ma yin zhes pa'i don to/ /dngul chu bcud len ma yin te zhes pa ni dngul chu dang bcud kyis len gyi las ma yin zhes pa'i don to/ /mu zi lhang tsher ma yin zheng zhes pa ni/ ji ltar mu zi dang lhang tsher bdag gis 'ju ba'i las ma yin zhes pa'i don to/ /lcags dang zha nye zangs ma yin/ zhes pa ni rdo khab len gyi lcags dang zha nye dang zangs ma/ rnams kyis las ma yin zhes pa'i don to/ /'di lta bu'i tshigs thos nas zhes bya ba la sogs pa la phyag na rdo rjes sna tshogs sde ma'i zhabs la phyag btsal nas ci zhig smras zhe na/ de nyid gsungs pa lha mo legs so zhes ni smra zhes pa ni kye lha mo legs so zhes brjod pa'i don to/ /sman gyi mchog ni gang yin zhes pa ni sman de dag gang yin zhes pa'i don to/ /dngos grub kyang ni ji lta bu zhes pa'i dngos grub kyang ji lta bu yin zhes pa'i don to/ /lha mo chen mo khyod kyis gsungs zhes bya ba la sogs pa ni go sla'o/ /phyag na rdo rjes dris pa'i rjes thogs su bka' stsal pa zhes pa ni bcom ldan 'das sna tshogs sde mas gsungs te bka' stsal ba zhes pa'i don to/ /khyim 'di nyid du gnas pa yaM/ zhes pa ni lus 'di la gnas pa'i sman no/ /sman chen po yis 'grub ces pa ni 'di nyid du gnas pa'i sman chen pos 'grub par 'gyur zhes pa'i don to/ /de yang snod bzang mchog la grub ces pa ni rab tu bzang ba'i snod mchog ste/ snying po la sman gnas zhes pa'i don to/ /byis pa rmongs pas mi shes so/ /zhes pa la byis pa ni so so'i skye bo'o/ /mi shes pa ni rmongs pas zhes pa ma yin/ zhes pa'i don to/ /lhag ma ni go sla'o/ /sno bzangs la ni gnas pa'i bcud/ ces pa ni khyad par can gyi snod pad+ma la gnas pa'i/ bcud de mi shes zhes pa'i don to/ /

  317. 159a

    gnas gdan gnas she na de'i gnas gsungs pa/ ze'u 'bru gsang ba'i spyod yul te zhes pa la/ pad+ma'i ze'u 'bru gab pa ni de'i yul te gnas der 'dug ces pa'i don to// //ro bcud rtsi'i nang gnas pa zhes pa ni chos kyi 'byung gnas kyi nang gi g.yas la sogs nas 'dug pa'i rtsa ni ro bcud ma ste/ de'i nang gi bcud la yang ro bcud/ ces bya ste de ni sman gyi mchog go /sman des lcags gser du 'gyur ro/ /gcig gis zhes pa la sogs pa ni go sla'o/ /rab 'byor zhes pa ni yang dag pa'i sbyor ba gang gis lcags gser du 'gyur ba de bshad ces sbyar ro/ /me tog ldan pa'i bud med gang zhes pa ni gang gi tshe bu mo ste bud med khrag dang ldan pa de'i tshe sman du 'gyur ro/ /bud med de gang zhe na/ de nyid gsungs pa/ gzhon nu kha dog nag mo ste zhes pa ni gzhon nu ma gang kha dog nag mo lo bcu drug pa'i khrag gi rdul de ni/ sman gyi mchog sman bstan ces pa'i tha tshig go /rgyud 'di thos dang ldan zhes pa nas brtsog med ma zhes pa'i mthar thug pa'i yon tan bdun dang ldan pa bka' la sogs pa'i shes rab kyi rang bzhin zhes pa'i tha tshig go /'di lta bu'i bud med ces pa la sogs pa ni go sla'o/ /skyes bu shin tu chags che zhing/ /myur du byang chub sems 'bab pa/ zhes pa ni skyes pa gang gcig tu chags pa dang ldan pa/ pad+ma la reg pa tsam gyis byang chub kyi sems 'tshor bar 'gyur ba'i skyes pa ni phyag rgya'i dngos grub kyi snod du mi 'gyur ro/ /zhes pa'i tha tshig go /der ni me tog ldan bud med/ /gser gyi sbyor ba zhes pa ni gang gi tshe mdog nag mo'i bu mo me tog ste khrag dang ldan pa de'i tshe gser du byed pa yang dag par brtsam par bya/ zhes pa'i don to/ /gser gyi las gsungs pa/ grub pa'i bcud kyis

  318. 159b

    byugs pas yi/ zhes pa la grub pa'i bcud de/ khrag gis byugs pa'i dkar dmar 'dres pa'i zla ba'i dkyil 'khor bsgom par bya'o/ /der ni sa bon yi ge d+hi zhes pa ni zla ba de la yi ge d+hi'o/ /khyad par ji lta bu zhe na sngon du ri'i rgyal pos brgyan zhes pa ni dang po zla ba'i dbus su yi ge suM suM gyi dbus su hI bsam par bya'o/ /de nas me tog dang ldan pa'i shes rab dang snyoms par 'jug par bya'o/ /zangs ma'i dngos po srang gcig bcas zhes pa ni zangs ma srang gcig zlum por byas la bu mo'i g.yas logs su bzhag par bya'o/ /de nas rdo rje pad+ma yang dag par sbyar bar bya'o/ /lhag ma ni go sla'o/ /ri rab zla ba sa bon rgyal/ /zhu gyur the tshom med pa yin zhes pa ni/ snying ga'i zla ba dang suM gi sa bon dang d+hi'i sa bon gsum gcig tu byang chub kyi sems kyi gzugs su zhu ba chos 'byung du 'dzag cing 'bab pa'i don to/ /de nas zangs ma'i ri lu de yang dag par blangs te me'i nang du bcug na gser su 'gyur bar som nyi med do/ /snod bzangs der ni ngal bsos pa zhes pa la sogs pa ni go sla'o/ /de'i yon tan gsungs pa de'i ma sha gcig gis ni/ srang brgya ru zhi 'gyur ba yin/ zhes pa la sogs pa ste 'di la dad par bya'o/ /blo gros chen po thos ldan pa zhes pa ni/ rnal 'byor pa blo gros chen pos thos pa dang ldan pa gal te ma dad par byed na de'i tshe dmyal bar 'gro'o/ /dus ji srid kyi bar du dmyal bar gnas she na/ ji srid sangs rgyas bzhugs kyi bar zhes sbyar ro/ /chos phung brgyad khri bzhi stong zhes pa la sogs pa ni go sla'o/ /ji srid sangs rgyas ye shes yod/ /ces pa ni ji srid sangs rgyas kyi ye shes yod pa de srid kyi dus su 'tsho'o zhes pa'i don to/ /mi ni bskal pa bye bar 'tsho zhes pa ni de'i rdul dang dngul chu 'o ma se gcig dang lhan cig byang chub kyi sems dang bsres pa zla ba drug gi

  319. 160a

    bar du gal te zos na zhes pa'i don to/ /da ni mo gsham gyi bu byed pa gsungs pa/ de nas zhes pa la sogs pa la yang dag sbyor bas bkrus tsam gyis zhes pa ni rdo rje dang pad+ma'i sbyor ba dang spyan ma la sogs pas bkrus par bsgoms na skad cig de la bu dang ldan par 'gyur/ zhes pa'i tha tshig go /sngon gyi gtso bos ji ltar gsungs zhes pa ni/ sngon gyi de bzhin gshegs pa rnams kyis ji ltar khrus kyi cho ga gsungs pa ji ltar bdag gis khrus kyi cho ga rab tu bshad ces pa'i don to/ /kha dog lnga'i rdul tshen zhes pa la sogs pa ni go sla'o/ /dkyil 'khor 'jigs pa bri zhes pa ni/ he ru ka'i dkyil 'khor lha dgu'i bdag nyid bri bar bya zhes pa'i don to/ /der ni bum pa lto che ba zlum po bzhi ni bri bar bya zhes pa ni mtshan nyid thams cad rdzogs pa'i bum pa bzhi bzung ste/ bum pa chus bkang zhing ras kyis dkri ba'i don to/ /rang gi khrag ces pa ni srin lag gi khrag gis bri zhes pa'i don to/ / mtshan bri zhes pa ni/ bum pa bzhi la sngon du gsungs pa'i mtshan ma bri zhes pa'i don to/ /bud med mo gsham zhes pa la sogs pa ni go sla'o/ /nag po dmar po 'jigs chen po zhes pa la/ nag po ni bcom ldan 'das so/ /dmar po ni bcom ldan 'das ma'o/ /'jigs chen po zhes pa ni/ rus pa'i rgyan dang ldan pa bsgom zhes pa'i don to/ /lhag ma ni go sla'o/ /zhal gcig pa la phyag bzhi pa zhes pa ni/ sngon du gsungs pa'i dug gi dkyil 'khor gyi mtshan ma dang ldan pa bsgom pa ste/ bum pa'i nang du rnal 'byor ma bzhi dang ldan pa bum pa'i tshul zhu bar bsam pa'i don to/ /de nas ral gri 'dzin pa'i skyes pa bzhi zhes pa ni mo gsham gyi khrus kyi dus su ral gri 'dzin pa'i skyes bu bzhi bzhag par bya zhes

  320. 160b

    pa'i don to/ /ral gri nam mkhar bsnun cing mo gsham khrus kyi dus du skyes bu de rnams kyis nam mkha' ste ste 'du ral gris gcod par byed pa ste/ bum pa re res 'khrud pa'i dus su skyes pa re res ral gris nam mkha' gcod par byed ces pa'i don to/ / sangs rgyas thod pa'i sbyor ba zhes pa ni sangs rgyas thod pa'i bsam gtan gyi bud med mo gsham gdon mi za bar bu dang ldan par 'gyur zhes pa'i don to/ /sangs rgyas thod pa zhes pa la sogs pa ni bshad zin to/ /sman bzang po dang mo gsham gyi khrus kyi cho ga rjod par byed pa'i le'u ste bcu pa'o// //da ni mkha' lding dang rig pa 'dzin pa'i le'u rab tu bshad par bya ste/ de nas zhes pa ni sman bzang po la sogs pa bshad pa'i rjes thogs su'o/ /sngon du gsungs pa'i cho ga yis zhes pa ni le'u bzhi par gsungs pa'i cho ga yis lha dgu'i bdag nyid kyi dkyil 'khor bri zhes pa'i tha tshig go /blo ldan he ru ka dang ni/ /kun nas rnal 'byor ma brgyad bskyed/ /ces pa ni gshin rje mche ba ma la sogs pa'i rnal 'byor ma brgyad dang ldan pa bskyed par bya'o/ /phyogs kyi rnal 'byor ma dkar zhing zhes pa ni phyogs na gnas pa'i rnal 'byor ma rnams ni mdog dkar mo'o/ /mtshams kyi dmar po nyid yin no/ /zhes pa la mtshams na gnas pa'i rnal 'byor ma rnams ni/ mdog dmar mor bsgom zhes pa'i tha tshig go /sngon du gsungs pa'i cho ga yis zhes pa ni le'u bzhi par gsungs pa'i cho ga'i bya ba thams cad bya ba'o/ /bum pa rnam pa bzhi po la/ zhes pa la sogs pa ni go sla'o// 'bras btags rang bzhin zhes pa ni 'bras chu lugs 'jam zhing zhib par btags pa byas pa btags la zer/ de las rig pa 'dzin pa gnyis bya ba'i don to/ /de'i lag par ral gri sbyin zhes pa de'i lag par 'bras btags pa'i rang bzhin

  321. 161a

    las byas pa'i ral gri sbyin par bya'o/ /de'i snying gar sngags bris gzhug ces pa ni rig pa 'dzin pa de'i snying gar sngags bris pa gzhug ces pa'i tha tshig go /mar khu chen pos snag tsha dang/ zhes pa ni mi'i mar khu las byas pa'i snag tshas gro ga'i 'dab ma la sngags bris te rig pa 'dzin pa'i snying gar gzhug ces pa'i tha tshig go sngags gsungs pa/ oM bud+d+ha ga pA li zhes pa la sogs pa'o/ /lan bdun bar du spyan drang ngo zhes pa ni rang bzhin pa'i sngags dang/ ka ra bir dkar po'i lcug mas spyan drang zhing dgug ces pa'i don to/ /spyan drang ba'i sngags gsungs pa/ oM bud+d+ha ka pA li ni g+ha Ta g+ha Ta zhes pa la sogs pa'o/ /lan bdun bsngags pa tsam gyis ni/ zhes pa ni sngags 'dis bskul ma thag tu rig pa 'dzin pa gnyis bar snang du 'gro bar dgongs so/ /gcig ni dum bur ni/ sa la lhung bar 'gyur ba yin/ zhes pa ni rig pa 'dzin pa gnyis bar snang la 'thabs pas rig pa 'dzin pa gcig dum bu dum bur gyur nas dus su zin pa'i steng du lhung ngo/ /lhung ma thag tu dus zin pa ldang bar 'dir lo ma nyi mi bya'o/ /pad bteg la sogs bco lnga po/ /glegs bam la ni bri mi bya/ /zhes pa ni longs spyod kyi pad+ma mnan pa la sogs pa sbyor ba bco lnga po rnams glegs bam ste sangs rgyas thod pa'i rgyud du ma bris te/ 'on kyang bla ma'i man ngag las shes par bya zhes pa'i don to/ /sangs rgyas thod pa zhes pa la sogs pa ni bshad zin to/ /rig pa 'dzin pa'i sbyor ba'i man ngag rjod par byed pa'i le'u ste bcu gcig pa'o// //nga ni sngags sna tshogs kyi rab tu sbyor ba'i le'u bshad par bya ste/ de nas zhes pa ni rig pa 'dzin pa'i sbyor ba'i man ngag bshad pa'i rjes thogs su'o/ /de nas phyag na rdo rje rnal 'byor ma sna

  322. 161b

    tshogs sde ma la phyag 'tshal te 'di skad ces gsol te zhes pa ni/ phyag na rdo rjes sna tshogs sde ma la phyag byas nas te 'di skad ces smras zhes pa'i don to/ /ci zhig smras she na de nyid gsungs pa/ rnal 'byor ma'i gtso bor gyur pa zhes pa la sogs pa ni go sla'o/ /rgyud 'dir khyod kyis gang gsungs pa zhes pa ni sangs rgyas thod pa'i rgyud 'dir sna tshogs sde ma khyod kyis bsrungs pa'i rab tu sbyor ba zhes pa'i don to/ /sangs rgyas kun gyis ma bshad do/ /zhes pa la sangs rgyas kun te rnam par snang mdzad la sogs pa rnams kyis ma gsungs shing ma bshad ces pa'i don to/ /e ma'o/ /sems can don la brtson/ zhes pa la/ e ma'o/ zhes pa ni ngo mtshar pa'o/ /sems can rnams kyi don ched che bas na brtson zhes sbyar ro/ /e ma'o sangs rgyas kun bskyed ma zhes pa la/ e ma'o zhes pa ni bshad zin to/ /de bzhin gshegs pa thams cad skyed par byed pas na sangs rgyas kun skyed ma zhes pa'i don to/ /e ma'o phyag rgya che la brtson zhes pa ni/ phyag rgya chen po la nan tan che zhing dang ba dang ldan pa rnams la dngos grub ster ba'i don to/ /lha mo gsum zhes pa ni kye lha mo sngags kyi rab tu sbyor ba gsungs zhes pa'i tha tshig go /dang po'i le'ur gang gang gsungs/ zhes pa ni dang po'i le'ur rnam 'phrul sna tshogs gsungs pa de thams cad kyi lha mos gsungs zhes pa'i tha tshig go /'di lta bu'i tshig gsan nas/ zhes pa la sogs pa ni go sla'o/ /gsungs pa zhes pa ni sna tshogs sde mas gsungs pa'o/ /rgyal mtshan 'phyang ba blang byas la/ de'i sha yang blang bya zhing zhes pa ni bar snang na 'phyang ba'i sha dang dus ma blang bar bya'o/ /ro'i phyogs gang gi sha dang rus pa blang zhe na/ de nyid gsungs pa/ rked cha'i zhes pa ste rked pa'i sum mdo'i phyogs kyi sha dang rus pa blang ba'i don to/ /rked pa'i rus pa blangs nas ci zhig bya

  323. 162a

    zhe na/ de nyid gsungs pa/ thab khung du ni bya zhes pa ni rus pa des thab khung gi gzugs su bya zhes pa'i don to/ /de'i thod pa'i rjes bzung ste zhes pa ni ro'i thod pa blangs te thod pa der sdong bu gzugs par bya'o/ /de'i mar khus bkang bya zhing zhes pa ni rkang pa'i cha'i sha blangs pa bcos te mar khu bya'o/ /mar khu 'dis sdong bu btsugs pa'i thod pa dag gang zhes pa'i don to/ /thab khung gru gsum steng du bzhag ces pa ni rkang pa'i cha'i rus pa las byas pa'i thab khung gru gsum gyi dbus su thod pa bzhag par bya/ zhes pa'i don to/ /gzhan yang du ba 'bebs pa zhes pa ni de'i steng du thod pa bzhag la du ba dbab ces sbyar ro/ /sangs rgyas thod pa'i rnal 'byor pas zhes pa ni/ sangs rgyas thod pa'i sbyor ba 'dzin pa'i rnal 'byor pas byis sngags bzla bar bya'o/ /sngags gsungs pa/ oM bud+d+ha ka pA li ni ha ra ha ra/ zhes pa la sogs pa'o/ /'di lha'i sngags zhes pa la sogs pa ni go sla'o/ /rol brtsed phreng ba btung bar bya zhes pa ni chos kyi 'byung gnas su babs pa'i byang chub kyi sems pad+ma las btung zhes pa'i don to/ /gang gi pad+ma las she na/ de nyid gsungs pa bu mo lo ni bcu drug ma zhes pa'i ni lo bcu drug lon pa'i tshad kyi bu mo'o/ /lang tsho'i gzugs la brtse ba can zhes pa ni gzhon nu la 'tsha bab pa mdzes shing snying rje dang ldan pa'o/ /de ni rnal 'byor ma yis spyad/ ces pa ni bu mo gcer bur byas la gnyis kyis gnyis sbyor 'dod pa spyad cing haM he'i sngags gdon par bya'o/ /rol rtsod phreng ba btung bar bya'o/ /zhes pa ni de'i pad+ma las lces yang dang yang du bklags ces pa'i don to/ /snyoms par 'jug pa'i dus su du ba lag pa g.yon par bzhag ste/ de nas yang dag par sbyor bar bya'o/ /pad+ma las byung rdzas gang zhig

  324. 162b

    ces pa ni/ pad+ma de las byung ba'i mras zhes pa'i tha tshig ste/ chos kyi 'byung gnas kyi nang nas byung ba'i zhes sbyar ro/ /de nyid kyis ni du ba mnye zhes pa ni pad+ma las byung ba des du ba mnye zhes pa'i don to/ /ming med mthe bos me tog sbyin zhes pa la/ ming med pa ni pad+ma'o/ /mthe bo ni rdo rje ste de dag gis me tog gis rdul dang byang chub kyi sems bsres pa'i mig sman gyi nang du blugs par bya zhes pa'i don to/ /ri lu brgya rtsa brgyad bya zhes pa ni 'di las ri lu brgya rtsa brgyad byas te/ ri lu re re la sngags brgya rtsa brgyad mngon par bsngags ces sbyar ro/ /sngags gsungs pa/ oM bud+d+ha ka bA li ni traM h+ri hUM phaT/ sngags 'dis mngon par bsngag go /'jig rten gsum na rnyed dka' zhing zhes pa la sogs pa ni go sla'o/ /srin lag gi ni sor mo yis zhes pa ni/ srin lag kyang yin la sor mo yang yin pas na/ srin lag gi sor mo ste des so/ /mig la du ba byugs pa tsam gyis zhes pa ni mig la du ba byugs pa tsam gyis 'chad par 'gyur ba'i yon tan dang ldan par 'gyur zhes pa'i don to/ lag pa g.yon pas zhes pa la sogs pa ni go sla'o/ /mdzub mo byugs pa tsam gyis ni zhes pa ni de'i yon tan 'chang bzhin pa dang ldan par 'gyur zhes bya ba'i tha tshig go /gung mo byugs pa tsam gyis ni zhes pa ni gung mo dbu mas mig la byugs pa 'og nas 'byung ba'i ngo mtshar byed do/ /mthe bong gi mi dud pa yi/ bdag nyid chen po byugs tsam gyis zhes pa ni mthe bos mig la byugs pa tsam gyis khang bzangs la sogs pa phye mar byed pa'i don to/ /mthe chung gis ni mig byugs na zhes pa ni mthe chud gis sor mos byugs pa tsam gyis 'chad par 'gyur ba'i mi snang ba la sogs pa'i yon tan du 'gyur ro/ /bya rog ces pa la sogs pa ni go sla'o/ /sbyor ba glegs bam la ma bris zhes pa ni/ yang dag pa'i sbyor ba glegs

  325. 163a

    bam las shes pa ma yin no/ /'o na gang las shes she na/ de nyid gsungs pa/ bla ma'i zhal las shes par bya zhes pa ni bla ma'i zhal gyi man ngag gis shes par bya zhes pa'i don to/ /de nas zhes pa ni mig sman bshad pa'i rjes thogs su'o/ /sngags dang dus pa'i sbyor ba rab tu bshad par bya ste/ sngags dang rus pa'i sbyor ba yis/ rtag tu sna tshogs las byed do zhes pa ni sngags dang ldan pa'i rus pas rab 'byam sna tshogs pa rtag tu ste/ dus thams cad du byed ces pa'i tha tshig go /de ltar glang po che'i rus pa dang/ oM bud+d+ha ka pA li ni h+ri hUM zhes pas gsad par bya'o/ /rta'i rus pa dang/ oM bud+d+ha ka pa li ni khaM h+ri hUM phaT/ ces pas bskrad pa'o/ /de ltar glang po che'i rus pas zhes pa nas hUM phaT/ ces pa'i bar du rus pa bcu bzhi dang/ sngags bcu bzhis las bcu bzhi byed ces pa'i don to/ /le'u yis bsdus pa'i don gsungs pa/ sems gcig dri med me long bzhin zhes pa ni/ sems gcig nyid dri ma med pa'i me long bzhin du blta ba ste/ de bas na sems nyid la sogs pa 'di rnams kyi rgyur gyur zhes pa'i tha tshig go /gang bsams de yang gzugs brnyan dang/ zhes pa ni gang bsams pa de yang gzugs brnyan lta bu ste/ gad gzugs brnyan gyi rnam pa de lta bu'i lha'i sbyor bas gang bsam pa de thams cad 'grub par 'gyur zhes pa'i don to/ /rmi lam lta bu shes mod kyi zhes pa ni 'gro ba mdza' dag rmi lam sgyu ma lta bu zhes pa'i don to/ /'on kyang rnam par rtog pas bzung/ zhes pa ni 'on kyang rnam par rtog pas 'jig rten pa bzung zhes pa'i tha tshig go /sangs rgyas thod pa zhes pa la sogs pa ni bshad zin to/ /sngags kyi rab tu sbyor ba zhes pa ni mig sman gyi las kyi tshogs la

  326. 163b

    sogs pa bsdus pa'o/ /gang du de rjod par byed pa'i le'u ni bcu gnyis pa'o// //da ni rnam par dag pa'i le'u rab tu bshad par bya ste/ de nas zhes pa ni mig sman dang/ sngags kyi las kyi tshogs bstan pa'i rjes thogs su'o/ /rnam dag le'u rab rnyed dka' zhes pa ni/ de bzhin nyid du rnam par dag pa'i le'u de rab tu rnyed par dka' ba ste nyan thos la sogs pas dga' bas kyang mi rnyed pa zhes pa'i don to/ /ne ne mo dang tsha mo dang/ ma dang bu mo chung ma nyid/ ces pa'i ni shes rab ma 'di dag lnga ste/ rnal 'byor ma mchog lnga lus 'byung zhes pa'i don to/ /shes rab can gyis 'di ltar spyad/ ces pa ni rnal 'byor ma 'di rnams rdo rje dang pad+ma'i yang dag pa'i sbyor bas spyad cing bsten par bya'o/ /des cir 'gyur zhe na de nyid gsungs pa/ gal te phyag rgya che 'dod na/ zhes pa ni gal te rnal 'byor pa phyag rgya chen po'i 'dod pa dang ldan pa de'i tshe shes rab ma lnga po 'di dag 'dod par bya zhing nye bar longs spyod par dgongs so/ /g.yung mo dang ni gar mkhan ma/ khrus mkhan ma dang gtum mo yis/ bu mo ko bar byed mar gsungs/ zhes pa ni rnal 'byor ma lnga po 'di rnams phyag rgya chen po 'dod pas spyad par bya zhes pa'i don to/ /blo dang ldan pas 'di dag spyad/ ces pa ni blo dang ldan pa'i rnal 'byor pas 'dod pa spyad cing bsten zhes pa'i don to// de la rnal 'byor ma'i mchog ces pa ni rnal 'byor lnga po 'di dag ni mchog ste phul du byung zhing phyag rgya chen po sgrub pa la gong du gyur ces pa'i don to/ /ma dag pa'i sems sbyang phyir zhes pa ni ma dag pa'i sems te/ rnal 'byor pa'i sems sbyang ba'i don du bstan pa'o/ /mig ni srid mor 'gyur ba ste/ zhes pa ni mig gi rang bzhin sring mor 'gyur ba'o/ /rna ba tsha mo nyid yin no/ /zhes pa ni rna ba'i rang bzhin tsha mor 'gyur ba'o/ /sna ni ma ru 'gyur ba ste zhes pa la sna'i rang bzhin ni mar 'gyur

  327. 164a

    ba'o/ /lce ni bu mo nyid yin no zhes pa la/ lce'i rang bzhin ni bu mor 'gyur ba'o/ /yid ni chung mar 'gyur ba ste/ zhes pa la yid kyi rang bzhin ni chung mar 'gyur ba'o/ /lha mo lnga po de rnams mchog ces pa ni rnal 'byor ma lnga po rnams ni 'dod pa'i yon tan lnga'i rang bzhin te/ gong ma zhes pa'i don to/ /phyag rgya chen po rab ster ma zhes pa ni rnal 'byor mas phyag rgya chen po rab tu ster zhes pa'i don to/ /gti mug gar mkhan nyid du 'gyur zhes pa ni/ gti mug gi rang bzhin gar mkhan mar 'gyur ba'o/ /zhe sdang g.yung mo nyid yin no/ /zhes pa ni zhe sdang gi rang bzhin g.yung mor 'gyur ba'o/ /'dod chags khrus mkhan ma yin te/ zhes pa ni 'dod chags kyi rang bzhin khrus pa mkhan mar 'gyur ba'o/ /nga rgyal gtum mo nyid yin no/ /zhes pa ni nga rgyal gyi rang bzhin gtum mor 'gyur ba'o/ /phrag dog ko ba byed ma'o/ /zhes pa ni phrag dog gi rang bzhin ko ba byed mar 'gyur ba'o/ /gzugs las gti mug skye ba ste zhes pa la mig ni gti mug rnam par dag par 'gyur ba'o/ /sgra las zhe sdang skye ba yin zhes pa ni sgra las zhe sdang skye bar 'gyur ba'o/ /dril longs spyod pas 'dod chags zhes pa la sogs pa ni go sla'o/ /shin tu sbyor ba'i sems kyis ni zhes pa ni shin tu gcig tu bsam gtan la sems pa'i rnal 'byor ba'o/ /skye ba 'dir dngos grub ma thob kyang zhes pa ni gal te mi'i skye ba 'dir phyag rgya chen po'i dngos grub ma thob kyang ngo/ /de'i tshe cir 'gyur zhe na de nyid gsungs pa skye gzhan srid par dngos grub 'gyur zhes smos te/ 'di las gzhan pa'i skye ba la gdon mi za bar phyag rgya chen po'i dngos grub 'thob ces pa'i don to/ /de ltar yang gsang ba'i mdzod las/ dbang bskur yang dag sbyin ldan na/ /skye dang skye bar dbang bskur

  328. 164b

    'gyur/ /de'i skye ba bdun la ni/ /ma bsgoms par ni dngos grub thob/ /gang yang bsgom pa dang ldan zhing/ /gal te dam tshig sdom la gnas/ /skye 'dir las dbang gis ma 'grub/ /skye ba gzhan du dngos grub 'thob re zhig dam tshig sdom mi gnas/ dngos grub thob pa lta zhog gi /mi yi skye ba'ang rnyed par dka' /gang yang bla ma brgyud pa yi/ /ri ma 'ongs de nyid rig pa yi/ /sgrub po de yis bsgrub snyam dgongs zhes gsungs so/ dag pa'i sems kyis blta mi bya/ /zhes pa ni gang gis sems dag pa lhan cig skyes ba'i ye shes kyis dkar po dang/ ljang gu dang/ nag po'i mdog tu mi blta zhing mi brtag pa'i don to/ /'o na ji ltar blta zhe na/ lhan cig skyes pa'i bde ba'i rnam pa thams cad blta zhes pa'i don to/ /de ltar yang rab tu dga' ba'i nam mkha' las/ /tsan dan me tog bud med bzang/ /mthong bas gang tsha 'dzag 'gyur ba/ /de tshe dga' bar yang dag bshad/ /sems can kun la rnam par gnas/ /sems can de dag kun gyi sems/ /dpag dka' skad cig nyid las shes/ /zhes gsungs so/ /lhag ma ni go sla'o/ /yid kyi gnyi ga spyad pas bde zhes pa ni dngos po dang dngos po med pa gnyis ka dpyad pas bde ba'i rang bzhin thob ces pa'i don to/ /der ni dpyad pa yod ma yin zhes pa ni bde ba chen po yang dag par byung ba la dpyad pa yod pa ma yin no zhes pa'i don to/ /dngos po la ni dngos med yod ces pa ni chos thams cad kyi dngos po la dngos po med pa stong pa nyid yod/ ces pa'i don to/ /'di dag sems kyi dag pa zhes pa ni dngos po med pa stong pa la dngos po yod ces pa'i don to/ /dngos dang dngos med gnyi ga stong zhes pa ni dngos po yang stong la dngos po med pa yang stong pa nyid de gnyi ga stong pa nyid du bsgom zhes pa'i don to/ /'di dag sems kyi bdag nyid ces pa ni 'di dag thams cad sems kyi dag par dgongs so/ /

  329. 165a

    de nas gzhan yang rab bshad pa/ phyi'i lus ni spyad phyir ro zhes pa ni rgyud des phyi'i lus kyi mchog spyod pa la rab tu bshad ces sbyar ro/ /lha dang ldan pa'i snying rje ste/ zhes pa ni shes rab ma mthong ba tsam gyis snying rjer 'gyur ro// 'khyud pa byams par 'gyur ba'o/ /zhes pa ni shes rab ma la 'khyud pa gang yin pa de ni byams par bstan/ zhes pa'i don to/ /drung pa'i sbyor ba'i bdag nyid ni/ zhes pa ni rdo rje dang pad+ma yang dag par drud pa las dga' bar 'gyur zhes pa'i don to// gnyi ka 'dus las gang 'dzag pa zhes pa ni shes rab dang thabs gnyis ka las byang chub kyi sems kyi bdag nyid 'dzag pa de ni btang snyoms su gsungs so/ /de ltar dngos po'i sbyor ldan pa/ /ji ltar 'dod chags kyis 'ching 'gyur/ zhes pa'i don to/ / mthong pa las ni sdug bsngal skye zhes pa ni shes rab ma mthong ba las 'dod chags kyi sdug bsngal skye zhes pa'i don to/ /'khyud las 'bras bu cung zad tsam zhes pa ni 'khyud pa las cung zad dga' ba'i 'bras bu 'byung/ zhes pa'i don to/ /drung pa las ni dga' ba skye/ zhes pa ni rdo rje dang/ pad+ma yang dag par drung pa las mchog tu dga' ba skye zhes pa'i don to/ /kun gyi mdza' mar dga' bral ba/ zhes pa ni thams cad kyi tha mar dga' ba shor zhing dga' bral skye zhes pa'i don to/ /lhag ma ni go sla'o/ /de kun bshad dang gci sogs su/ zhes pa ni gang bza' ba dang btung ba de thams cad bshad pa dang gci ba la sogs par rnal 'byor rig pas rtag tu ste/ dus thams cad du brtag ces pa'i don to/ /lhag ma ni go sla'o/ /nyed dang 'tshir ba nyid kyis ni/ zhes pa ni nu ma nyed cing sub pa ste/ de la sogs pa'i bya bas phyag rgya chen por yang dag par bskyed ces pa'i don to/ /rnal 'byor ma lnga zhes pa ni rnal 'byor ma lnga'i rtsa lnga'o/ /sangs rgyas kyi dpal zhes pa ni phyag rgya chen po

  330. 165b

    zhes pa'i don to/ /phyag rgya che ster byed pa ces pa ni khyad par du ster bar byed pa zhes pa'i don to/ /rnal 'byor pa yis de mchod na zhes pa ni rnal 'byor pa yis shes rab ma lnga po de rnams bsten na zhes pa'i don to/ /'dod pa rnams kyis gos mi 'gyur zhes pa ni/ spyod bzhin pa 'am bsten bzhin pa na srid pa'i nyes pas gos par mi 'gyur zhes pa'i don to/ /phrag dog la sogs dri mas kyang zhes pa ni phrag dog la sogs pa'i nyon mongs pa skyes kyang bsam gtan dang ldan pa la nyes pas/ gos par mi 'gyur ro/ /ji ltar yang 'gro ba mdza' dag brdzun dang sgyu ma lta bu yin na ji ltar nyes pa rnams kyis gos zhes pa'i tha tshig go /rnal 'byor pa'i mchog de nyid ces pa ni rnal 'byor pa bsgom pa po nyid mchog tu phul du byung ba'i de kho na nyid shes pa'o zhes pa'i don to/ /srid pa'i nyes pas gos mi 'gyur zhes pa la srid pa ste 'khor ba thog ma med pa'i rnam par rtog pa'i nyes pa rnams kyis mi gos shing mi reg ces pa'i don to/ /le'u'i bsdus pa'i don gyi tshigs su bcad pa gsungs pa/ ji srid kha ma bye mi gsong/ /zhes pa ni ji srid du pad+ma kha ma bye ba de srid du rdo rje gsor bar mi bya'o/ /zhes pa'i don to/ /sangs rgyas sku srid sdig dang bral zhes pa ni sangs rgyas kyi sku ji srid pa ste/ 'khor ba'i sdig pa'i dri ma dang bral zhes pa'i don to/ /byang chub sems ni 'dzag med pa zhes pa ni byang chub kyi sems 'dzag par mi 'gyur ba'o/ /des cir 'gyur zhes pa nyid gsungs pa/ /gang de phun sum tshogs pa'i shing zhes pa ni byang chub kyi sems gang mi 'dzag pa'i phun sum tshogs pa'i shing ni rdo rje phun sum tshogs pa ste rdo rje mkhrad zhes pa'i bar du'o/ /sangs rgyas thod pa zhes pa la sogs pa ni bshad zin to/ /le'u gang du sems rnam par dag pa rjod par byed pa'i le'u ni sems rnam par

  331. 166a

    dag pa'i le'u zhes bya ba ste bcu gsum pa'o// //da ni sna tshogs sde ma'i le'u rab tu bshad par bya ste/ /de nas zhes pa ni sems rnam par dag pa bshad pa'i rjes thogs su'o/ /sangs rgyas thod pa'i rgyud kyi gleng gzhi'i le'u rab tu bshad ces sbyar ro/ /de ltar phyag na rdo rje la sogs pa'i byang chub sems dpa' rnams zhes pa ni phyag na rdo rje la sogs pa'i byang chub sems dpa' rnams dang zhes pa'i don to/ /ri rab kyi rdul phra rab rnyed dang mtshungs pa'i rnal 'byor ma rnams zhes pa ni ri rab lhun po'i rdul phra rab dang mtshungs pa ste/ de nyid kyi rdul phra rab kyi rdul dang mtshungs pa'i sbyor ba rnams zhes pa'i don to/ /spyan gdangs shing mgu ba'i sems kyis shes pa'i mig phye zhing sems dga' ba'i rnal 'byor ma rnams zhes pa'i don to/ /sna tshogs sde ma la btud de/ bstod pa zhes pa ni rnal 'byor ma de rnams bcom ldan 'das sna tshogs sde ma la bstod par byed ces pa'i don to/ /e ma ho/ /bcom ldan 'das lha mo zhes pa la e ma'o zhes pa ni ngo mtshar ba'o/ /bcom ldan 'das lha mo zhes pa ni bcom pa dang ldan pa'i lha mo zhes pa'i don to/ /sangs rgyas thams cad bskyed byed ma zhes pa ni sangs rgyas thams cad ni rnam par snang mdzad la sogs pa ste/ de rnams skyed par byed pas na skyed byed ma'o/ /dpal dang grags pa che zhing 'jigs zhes pa ni phyag rgya chen po'i dpal gyis byis pa'i rigs can rnams 'jigs par byed pas na grags pa chen po dang ldan pa'o/ /sems can kun la phan byed ma zhes pa ni sems can gyi don thams cad la phan par byed ces pa'i don to/ /lha mo snying rje cher ldan ma zhes pa ni lha mo snying rje chen po dang yang dag par ldan pa zhes pa'i don to/ /phyag rgya chen po blo chen ma zhes pa ni stong pa nyid chen po'i

  332. 166b

    rang bzhin gyis de bzhin gshegs pa rnams rgyas 'debs pas phyag rgya chen po'o/ /don chen 'bras bu ston mdzad ma zhes pa la don chen po dngos grub chen po'o/ /de'i 'bras bu bde ba chen po'i ye shes ston par mdzad pas na/ ston mdzad ma'o// sangs rgyas thod pa yi ni rgyud ces pa ni shes rab dang thugs kyi rgyud do/ /rdo rje 'chang gis spas pa dang zhes pa ni rdo rje 'chang bas ma gsungs pa'o/ /zhes pa'i don to/ /sangs rgyas rnam par snang mdzad la sogs pas sems can de gang rnams la dngos grub ma gsungs pa de bcom ldan 'das mas gsungs zhes pa'i don to/ /snod chen lha mo khyod ces pa la e ma'o zhes pa ni ngo mtshar ba'o/ /snod chen lha mo zhes pa ni gnas chen po'i ngo bo'i/ lha mo zhes pa'i don to/ /rnal 'byor ma kun 'dus mdzad ma zhes pa ni/ rnal 'byor ma zhes thams cad de rtsa thams cad bsdus shing bzlums pa zhes pa'i don to/ /lha mo ni go sla'o/ /gsungs pa zhes pa ni sna tshogs sde mas gsungs pa'o/ /rnal 'byor ma ni thams cad nyon zhes pa ni 'dod chen ma la sogs pa'i rnal 'byor ma thams cad nyon zhes sbyar ro/ /byang chub sems dpa' thams cad dang/ 'dod chags bral dang bdag chen nyon zhes pa la/ byang chub sems dpa' zhes pa ni phyag na rdo rje la sogs pa'o/ /'dod chags dang bral zhes pa ni nyan thos la sogs pa'o/ /bdag nyid che zhes pa ni tshangs rigs la sogs pa'i lha ste de rnams thams cad nyon cig ces sbyar ro/ /sangs rgyas de bzhin gshegs pa nyon zhes pa la/ sangs rgyas zhes pa ni sa bcu gcig brnyes pa'i sangs rgyas so/ /de bzhin gshegs pa zhes pa ni sa bcu gsum pa brnyes pa ste de rnams thams cad nyon zhes pa'i don to/ /lha dang klu dang mi ni nyon zhes pa la lha ni tshangs pa la sogs pa'o/ /klu ni nor rgyas la sogs

  333. 167a

    pa'o/ mi ni mi nyid do/ /de rnams thams cad nyon cig ces sbyar ro/ /ci zhig nyan zhe na/ de nyid gsungs pa/ rgyud rgyal 'di ni klags tsam gyis zhes pa ni rgyud rgyal 'di ste sangs rgyas thod pa'i rgyud kyi rgyal po 'di mnyam pa dang klags pa tsam gyis bsod nams chen por 'gyur zhes sbyar te/ bris pa dang ston pa'i bsod nams la yang sangs rgyas dang byang chub sems dpa' dang lha dang klu dang mi rnams rjes su yi rang ngo/ /zhes pa'i don to/ /phyag rgya chen po'i don du ni/ sangs rgyas yon tan rnams la dbul/ zhes pa ni sangs rgyas kyi yon tan gyi rnam pa'i bsod nams 'di phyag rgya chen po'i dngos grub kyi don du dbul zhing bsngo zhes pa'i don to/ /sngags don zab mo rnams dang ni zhes pa la sogs pa la/ gang zhig gsal byas bzod pa mdzod/ /ces pa ni bdag gis rgyud kyi rgyal po gsal bar byas pas sangs rgyas dang byang chub sems dpa' rnams bdag la bzod pa mdzod cig ces sbyar ro/ /de nas zhes pa ni rgyud kyi gleng gzhi bstan pa'i rjes thogs su sngags kyi bzlas pa rab tu bshad ces sbyar ro/ /sngags kyi bzlas pa stobs po che zhes pa ni sngags bzlas pas stobs chen por 'gyur ba'i don to/ /gal te dngos grub mchog 'dod na zhes pa ni/ gal te rnal 'byor pa phyag rgya chen po'i dngos grub mchog tu phul du byung ba 'dod cing don du gnyer bar byed na zhes pa'i don to/ /sangs rgyas thod sbyor bzang po bzla zhes pa'i shes rab dang thabs kyi bsam gtan gyis so/ /bzang ngo bzla zhes pa ni sngags kyi de kho na nyid bzang po dang ldan pa'i sngags bzla zhes pa'i don to/ /sngags gsungs pa oM h+rI bud+d+ha hUM ka pA li ni A/ 'jug pa dang ldang ba dang gnas pa'i rlung la yi ge bcu bsam pa'o/ /'jug pa la oM 'byung pa la

  334. 167b

    h+rI gnas pa la bud+d+hA/ bde ba la hUM nub pa la ka pA li ni/ ldang ba la a'o/ /de ltar bzlas pa rab rnyed dka' zhes pa ni rnam pa de lta bu'i sngags kyi bzlas pa'i man ngag nyan thos la sogs pas dka' bas kyang mi rnyed ces pa'i don to/ /sangs rgyas thod pa'i sbyor chung bzla/ zhes pa ni sangs rgyas thod pa'i sbyor ba der sems chud pas sngags bzlas shes pa'i don to/ /de ltar yid kyi bzlas ldan pas zhes pa ni de lta bu'i bzlas pa dang ldan pa'i rnal 'byor pas dngos grub thob par the tshom med de rnal 'byor pa de'i dngos grub tu 'gyur gyis gzhan du ma yin no/ /snying po sngags gsungs pa/ om bud+d+ha ka pA li ni a hI he hUM phaT/ nye ba'i snying po'i sngags gsungs pa/ oM ka pA li badzri Ni ho hUM ya du ra la k+She hUM phaT/ de dag snying po dang nye ba'i snying por yang dag par bshad do/ /de nas zhes pa ni sngags kyi de nyid bshad pa'i rjes thogs su dbang bskur ba rab tu bshad ces sbyar ro/ /slob ma dang brtan gang zhig gi zhes pa ni dad pa dang ldan pa'i slob ma ste mi phyed pa'i dad pa dang ldan pa'i slob mas so/ /shes rab ma la gsol ba gdab ces pa ni/ /bla ma shes rab ma'i drung du gsol ba gdab par bya'o/ /ji ltar gsol ba gdab ce na/ de nyid gsungs pa maN+Dal rnam pa lnga byas te/ zhes pa ni rnal 'byor ma lnga rnam par dag pa'i dkyil 'khor lnga byas la gsol ba gdab ces pa'i don to/ /ji lta bu'i maN+Dal bya zhe na/ dri zhim pa'i dngos po yis zhes gsungs te dri zhim pa'i chus dkyil 'khor bya ba'i don to/ /sangs rgyas kun gyis brgyan byas pa zhes pa ni/ sangs rgyas lnga rnam par dag pa'i lha mo'i dbang lnga stsol cig pa ste/ rnam par snang mdzad la sogs pa'i sangs rgyas thams cad kyis brgyan pa'i dbang lnga stsol cig ces pa'i don to/ /lha mo chel gsol ba gdab ces pa'i ni dbang gi don du lha mo

  335. 168a

    sna tshogs sde ma la gsol ba gdab ces pa'i don to/ /zhal du bza' ba'i rdzas mchog bstab/ ces pa ni zas kyi mchog byang chub kyi sems kyi bza' ba dang/ khrag 'dres pa pad+ma'i kha nas sbyin par bya zhes pa'i don to/ /'dis ni lha mo'i b+ha ga'i dbang stan to/ /gsol ba dang zhes pa ni dung bor gyi dri'i chu btung ba 'am yang na byang chub kyi sems btung ba'o/ /'dis ni gsang ba'i dbang bstan pa'o/ /yid ni tshim zhing thugs dgyes so/ /zhes pa ni slob ma'i sems dga' bas byang chub kyi sems btung zhing tshim par bya ba'i don to/ /da ni shes rab kyi dbang gsungs pa/ lha mo dgyes par mthong nas ni/ tshig 'di dag ni smra bar byed/ ces pa ni lha mo sna tshogs sde ma'i zhal gyi pad+ma bye zhing/ dgyes par mthong nas de nas slob mas tshig 'di dag smras zhes pa'i don to/ /rnam par rtog pa mang po yis zhes pa nas zhi bar mdzod/ ces pa'i bar gyi tshigs bcad kyis sna tshogs sde ma la gsol ba gdab par bya'o/ /de nas slob mas ci zhig bya zhe na de nyid gsungs pa/ der ni rgyan rnams thams cad dang/ lhab lhub rgyan rnams dbul bar bya/ zhes pa ni gser dang dngul dang nor bus spras pa'i rgyan rnams lha mo la dbul zhing bstab par bya zhes pa'i don to/ /dad pa bstan pa'i sems kyis ni zhes pa ni mi byed pa'i dad pas dbul ba bya zhes sbyar ro/ /de nas bdag nyid dbul bar bya/ zhes pa ni de'i rjes thogs su bdag nyid dang dngos po thams cad dbul bar bya zhes pa'i don to/ /sna tshogs zas zhes pa ni zan dang sha dang tshod ma sna tshogs pa sgyur ba dang mngar ba la sogs pa'o/ /sna tshogs btung zhes pa ni chang sna tshogs te bu ram gyi chang dang dgun chang dang sbrad chang la sogs pa'o/ /de'i mdun du dbul bar bya

  336. 168b

    zhes pa ni de'i ste/ sna tshogs sde ma'i mdun du dbul zhes pa'i don to/ /da ni sna tshogs sde ma shes rab ma gtang ba gsungs pa/ gang gis shes rab mnyes pa zhes pa ni gang gis rdo rjes shes rab ma'i pad+ma mnyes pa de yis dngos grub thob par 'gyur ba'o/ /sangs rgyas thams cad kyis ni mchod ces pa ni/ shes rab kyi pha rol tu phyin pa 'dis sangs rgyas thams cad de rnam par snang mdzad la sogs pas mchod cing mnyes par bya zhes pa'i don to/ /'di dang yang dag par ldan pa ni rnam par snang mdzad la sogs pa'i rdzogs pa'i sangs rgyas so/ /zhes pa'i don to/ /'di nyid la ni sangs rgyas bzhugs zhes pa ni shes rab kyi pha rol tu phyin pa 'di nyid la sangs rgyas bzhugs pa'i don to/ /gzhan yang dngos grub gtso bo dang zhes pa ni/ 'di'i chos kyi 'byung gnas la dngos grub gzhan yang ste/ ral gri la sogs pa thams cad 'di nyid la gnas zhes pa'i don to/ /snying rje ldan pa gzhan gang zhig ces pa ni go sla'o/ /mkha' 'gro ma kun 'di la gzhugs zhes pa ni phreng bzangs ma la sogs pa'i mkha' 'gro ma rnams shes rab ma'i pad+ma'i nang na gnas pa'i don to/ /mtshon pa'i gnas gsungs pa/ gang du dbang po 'gags gyur pa/ zhes pa ni gang du dbang po rnams 'gags shing nub par gyur pa de nyid mtshon pa'i gnas so/ /bdag rtog rang bzhin nyams pa ste/ zhes pa ni gang du bdag gi rang bzhin nyams pa de nyid gnas su gsungs pa'o/ /kye de lhan cig skyes dgar gyur zhes pa la/ kye zhes pa ni phyag na rdo rje la bod pa'o/ /de lhan cig skyes dgar gyur zhes pa ni de lhan cig skyes pa'i dga' pa'i rang bzhin du gyur pa'o/ /zhes pa'i tha tshig go /lhan cig skyes pa'i dga' ba'i rang bzhin ji ltar shes par bya zhe na de nyid gsungs pa bla ma'i spyan sngar gsal bar zhus zhes pa ni bla ma'i zhal sngar

  337. 169a

    don gsal bar zhus shig pa ste/ bla ma'i zhal snga'i drin gyis gsal bar byed cing mi mngon pa med par byed ces pa'i don to/ /de nas slob mas shes rab kyi ye shes bde ba chen po'i rnam pa nyams su myong ba de la phyag 'tshal ba gsungs pa/ de la phyag 'tshal zhes pa ni bde ba chen po de la phyag 'tshal ba ste/ phyag bgyi zhes pa'i don to/ /gang zhig 'char dus tshe na dbang po dang/ zhes pa la gang zhig ste/ gang 'char ba'i dus kyi tsha'i skad cig gcig la ji ltar gyur pa de nyid gsungs pa/ dbang po dang yul mnyam par nub pa ste bde ba chen po'i ye shes 'char bas dbang po dang yul la sogs pa nub cing nyams pa zhes pa'i don to/ /mkhas pa rnams kyis snying spas su sad pa zhes pa la/ su sad ces pa ni byang chub kyi sems kyi sku de nyid sad kyi gzhan su 'jam sad pa'i don to/ /sbas pa zhes pa ni rab tu spas pa'o/ /sad ces pa ni nyams su myong ba'o/ /gnas gang du zhes na mkhas pa'i snying gar te mkhas pa de kho na nyid ces pa rnams kyi snying gar dus thams cad du dga' ba'i gzugs kyis sad ces sbyar ro/ /phyis ni mngon dga' zhes pa ni ye shes de nyid mngon par dga' ba zhes pa'i don to/ /su zhig mngon par dga' zhe na/ rgyal ba mdzes sku gcig ces bya ba smos te/ rgyal ba ste sangs rgyas kyi mdzes pa'i sku'i gzugs gcig ni byang chub kyi sems zhes pa'i don to/ /sangs rgyas thod pa zhes pa la sogs pa ni bshad zin to/ /sngags kyi bzlas pa zhes pa ni sngags kyi de kho na nyid do/ /shes rab ma la sogs pa gdab pa dang zhes pa ni go sla'o/ /rgyud thams cad kyi gling gzhi'i le'u zhes pa ni le'u gang rgyud thams cad kyi gleng gzhi rdo rjed par byed pa'i le'u de ni bcu bzhi pa'o// //'di gsungs nas

  338. 169b

    sna tshogs sde ma la sogs pa'i rnal 'byor ma thams cad dang zhes pa la/ rgyud kyi rgyal po 'di gsungs nas zhes pa ni/ sna tshogs sde ma dang gshin rje mche ba ma dang/ phreng bzangs ma la sogs pa dang/ phyag na rdo rje la sogs pa'i byang chub sems dpa' rnams rang rang gi gnas na ci'ang mi gsungs par bzhugs par gyur pa'o/ /rgyud ces pa ni/ shes rab dang/ thabs kyi bdag nyid do/ /rnal 'byor ma chen mos gsungs zhes pa ni rnal 'byor ma chen mo sna tshogs sde mas gsungs pa'o/ /ci gsungs she na/ mchog tu gsang ba'i rgyud do/ /so zhes pa ni rgyud rdzogs par rjod par byed pa'o/ /sna tshogs sde mas gsungs pa yi/ /rgyud rgyal sangs rgyas thod pa 'di/ /bdag rtogs don du dka' 'grel ni/ /rgyal ba bdag gis byas pa yin bsod nams 'di yis 'jig rten rnams/ /dka' ba'i bde ba kun rnyed nas/ /ye shes ldan pa'i sa gnas su/ /thams cad du ni 'gro bar shog/ //sangs rgyas thod pa'i rgyud kyi dka' 'grel ye shes ldan pa zhes bya ba dngos grub brnyes pa'i slob dpon chen pos re ha'i zhal snga nas kyis mdzad pa rdzogs so// //rgya gar gyi mkhan po sh+rI gA ya d+hA ra dang/ bod kyi lo tsa ba gyi jo zla ba'i 'od zer gyis bsgyur cing zhus te gtan la phab pa// // bla ma'i zhabs la gus btung gsol btab ste/ /man ngag 'grel pa'i dka' 'grel ye shes ldan/ /sgra don sdeb sbyor 'bad de bsgyur byas pas/ /'gro kun gnyis med ye shes lhun grub shog/ (//sangs rgyas thod pa'i rgyud kyi dka' 'grel de kho na nyid kyi zla ba zhes bya ba bzhugs//) // */ /rgya gar skad du/ bud+d+ha ka pA la tan+t+ra ta btra? pany+dzi tsin+d+ra ka nA ma/ bod skad du/ sangs rgyas thod pa'i rgyud kyi dka' 'grel de kho na nyid kyi zla ba zhes bya ba// sangs rgyas la phyag 'tshal lo/ /

  339. 170a

    dngos po kun gyi rang bzhin te/ lhan cig skyes pa'i rang bzhin dang/ tshig dang bral ba sgra brnyan 'dra/ /rdo rje sems dpa' de la 'dud/ /shin tu zab pa'i rang bzhin can/ /sangs rgyas thod pa'i rgyud kyi ni/ /kun nas bsdus pa'i tshig rnams kyis/ /ji ltar dran pa rnam par bshad/ /'di skad bdag gis zhes bya ba la sogs pa la bdag gis thos pa ni bdag gis 'di skad thos pa ste/ dkyil 'khor chen po 'dus pa'i dus su bcom ldan 'das kyis bshad pa phyag na rdo rjes thod pa la bya'o/ /dus ji tsam zhes na/ dus gcig tu ste/ dus zhes bya ba ni dus tshod do/ /dus gcig ces bya ba ni/ bsam gyis mi khyab pa'i dus te/ gang gi dus na bdag gis yid bsam pa gzhan dag du yangs par ma gyur pas so zhes bya ba'i don to/ /dus zhes bya ba ni 'khor ba na rnam pa gsum yin te bde ba'i dus dang/ sdug bsngal ba'i dus dang/ bsam du med pa'i dus so/ /de lus rab tu sdug bsngal bar mngon du gyur pa'i gnas skabs na gang cung zhig thos shing go ba de phyis ji bzhin pa de dran par 'gyur na ma yin pa de kho na ste yid sdug bsngal bar mngon du gyur pa'i phyir na'o/ /yid shin tu bde bar tshogs pa mngon du gyur pa'i gnas skabs de'i tshe yang shes pa gzhan dag ji ltar dran par 'gyur ba yin te ma yin no/ /de'i phyir na de dag gnyis po'i gnas skabs dang/ gang rnam par bral ba'i skad cig ma de ma thag pa'i gzhan pa de nyid la ji lta ba'i rtogs pa'i dran pa skye ba'o/ /de nyid dus gcig ces pa bsam pa gnyis po dag med pa'i dus te/ don kyi dngos po thams cad du 'gro ba'i sems dang/ rnam par bral ba'i sdud pa po bdag gis bcom ldan 'das kyis gsungs pa gang yin pa de'i rang bzhin 'di skad du bdag smra'o/ /zhes sdud par byed pa'i dgongs pa'o/ /'o na sems bsam pa

  340. 170b

    thams cad dang rnam par bral ba'i dus gang zhig ce na/ thos pa la sogs pa'i mtshan nyid yang dag par rig par gyur pa de ma 'ongs pa'i dus na dran pa skye ba'i gnas skabs su ji ltar 'gyur/ ji srid du dran pa zhes bya ba ni bsam pa'i chos yin pas bsam pa med pa'i dran pa skye? bar srid pa ma yin no/ /de'i phyir na dus gcig na zhes pa bsam gyis mi khyab pa'i dus su ji ltar 'thad ce na/ 'di la brjod par bya ste bsam gyis mi khyab pa zhes bya ba ni 'jig rten pa'i la bzung bar bya bas dus gang zhig tu nges par rab tu gnas pa'i dngos po la yid 'du byed pa las ma gtogs pa'i gzhan tshig dang don rnams la bsam pa med pa yin no/ /de ltar dngos po'i don rnams des pa gang yin pa la yid nan tan du gyur pa gang na/ dngos po'i don mang po rnams su gnas gang gi tshe yid der gnas par gyur pa de'i tshe dngos po gcig pur ji ltar gyur pa'i yang dag par rig cing dran pa skye ba ma yin no/ /de'i phyir na bsam gyis mi khyab pa'i dus ni nges pa'i dngos po nges par yongs su 'dzin pa'i dus kyi yid la gzung gi bsam gyis mi khyab pa don dam pa la dgongs pa ni ma yin te/ gang de'i dus na ni gzung ba dang 'dzin pa la sogs par rig pa thams cad rab tu zhig pa dang/ de la rang dang gzhan du yang dag par rig pa dang rab tu bral ba'i phyir na dran pa la sogs pa yang dag par 'byung bar 'gyur ba ji lta bu zhig /de bzhin gshegs pa thams cad ces bya ba la sogs pa ni de bzhin gshegs pa thams cad kyi sku dang/ gsung dang thugs kyi rang bzhin gyi yi ge laM gi dkyil 'khor chen po'i dbus zhes pa 'byung ba chen po'i dkyil 'khor gyi dbus su bcom ldan 'das bzhugs te/ 'di dag bshad pa yin no/ /de bzhin gshegs pa thams cad ces bya ba la sogs pa ni de dag dang lhan cig sdud pa po bdag gis mngon

  341. 171a

    sum du thos pa de brjod par byas na/ de dag dang lhan cig pa'i dus su ci yang rung ba 'ga' zhig brjod pa na 'jig rten pa rnams bden pa dang yid ces pa yin no/ /des na de'i 'khor na de bzhin gshegs pa thams cad bzhugs pa dang de bzhin du mA ma kI la sogs pa'i rdo rje rnal 'byor ma rnams kyang bzhugs shing de bzhin du 'phags pa kun dga' bo la sogs pa de dag dkyil 'khor na bzhugs pa yin no/ /de la 'phags pa zhes bya ba sdig pa las 'phags pas na 'phags pa ste/ sdig pa mi dge ba rnams tshar bcad de/ /ces pa ji srid pa'o/ /de bzhin du byang chub sems dpa' 'jig rten dbang phyug la sogs pa byang chub sems dpa' i 'khor bye ba phrag brgyad cu dang/ thabs gcig tu bzhugs pa na/ /de la sangs rgyas bcom ldan 'das kyis chos kyi de kho na nyid ces bya ba 'di skad du bshad pa de dag gi sems rtse gcig pas rtogs par byas pa de dag nyid bdag gis brjod par bya'o zhes pa'o/ /byang chub sems dpa' zhes bya ba ni byang chub la gang gi sems sems pa de gang yin pa 'di ni byang chub sems dpa' o zhes bya'o/ /de nas bcom ldan 'das kyis gzhan yang chos kyi de kho na nyid dus ji tsam zhig tu bka' stsal pa de brjod pa/ /de nas zhes bya ba la sogs pa gsungs te/ de nas zhes bya ba ni de ma thag par ro/ /bcom ldan 'das ni 'bras bu'i rdo rje 'dzin pa chen po'o/ /rdo rje'i go 'phang chen pos shes par bya ba ni rol rtsed mdzad pa'o/ /bshad pas zhes bya ba ni de lta bur ro/ /gang lta bur zhe na/ btsun mo'i b+ha gar yongs su zhu bar gyur to zhes bya ba'i don 'di'o/ /de bzhin gshegs pa thams cad kyi sku dang/ gsung dang thugs rdo rje btsun mo'i b+ha gar mchog tu bde pa'i go 'phang la gnas pa na bcom ldan 'das der bzhugs pa zhes bya'o/ /b+ha ga la zhes bya ba ni nyon mongs pa'i

  342. 171b

    bag chags thams cad yongs su 'joms pa'i gnas yin pas na'o/ /mchog tu dga' ba'i ro khong du chung par byed pa'i phyir na de bzhin gshegs pa rnams nyid btsun mo'i rang bzhin du gnas pa yin no/ /yul gyi bag chags kyis sems can rnams kyi sems yongs su nyon mongs par gnas pa dag rjes su bzung ba'i don du/ gsang sngags kyi tshul 'di dag bcom ldan 'das kyis khyad par du yang bstan pa yin no/ /de'i phyir na btsun mo'i b+ha ga'i ngo bor rnam par 'phrul par mdzad pa ni/ 'dod chags chen po'i rjes su zhugs pa nyid kyis yul la chags pas bsregs pa'i sems can de rnams yang dag par gdon par bya ba'i phyir 'di nyid mchog tu bstan to zhes bya'o/ /de'i phyir na yul de rnams kyi mchog gi de kho na nyid kyi ye shes bskyed pa la byang chub sems dpa' rnams kyis 'jig par mi bya ste/ de rnams la mos pa dang bral ba ni/ dge ba ma yin pa'i phyir dang/ de rnams de bzhin gshegs pa'i rang bzhin mchog tu rnam par dag pa nyid kyi phyir na'o/ /de'i phyir na gang gi yul rnams rang bzhin nyid kyis rjes su 'brel ba'i sems can rnams la de nyid kyi chos ston par/ bcom ldan 'das kyang thugs rje chen po rab tu 'jug go /yang na yul rnams nyid ni 'khor ba'i rgyud nyid yin no/ /de'i phyir na/ 'di rnams kyi de kho na nyid rang bzhin gyi ro yongs su shes na yang de yod pa'i shes pa'i phyir na/ de mya ngan las 'das pa'i yang rgyu yin no/ /de'i phyir na yang/ de rnams kyi rang bzhin ji lta bar nyams su myong bar byas na zhes so/ /de skad du yang srid pa nyid ni yongs shes na/ mya ngan las 'das pa zhes byar brjod ces so/ /gang dang gang nyid bcings par 'byung ba/ de dang de yang bde ba chen por 'byung ba ste/ dper na me yis tshig pa la me la bsros pa nyid sman gyi mchog yin gyi gzhan ni ma yin no/ /de bzhin du yul rnams brten pas tshig pa'i

  343. 172a

    sems can 'di rnams kyang yul rnams la/ ro myang ba bor nas byang chub chen po la rab tu gnas par nus pa yin no/ /de nyid kyis na btsun mo b+ha ga la mchog tu mya ngan las 'das par gyur bcom ldan 'das chos ston par mdzad pa yin no/ /de bzhin gshegs pa thams cad kyi gtso bo la zhes bya ba ni de bzhin gshegs pa thams cad pa'i bcom ldan 'das la blta ba ste/ gang zhig bdun pa yin pa de bzhin na yang drug pa nyid du blta ba yin te/ drug pa dang bdun pa dag pa ni gnas skabs 'gar/ dbyer med pa yin pas so/ /yongs su zhu ba'i rgyu gsungs pa/ rdo rje dang pad+ma zhes bya ba la sogs pa ste/ rdo rje dang pad+ma mnyam par sbyar bas btsun mo'i b+ha ga der bcom ldan 'das zhu nas bzhugs pa yin no/ /zhu ba zhes bya ba ni bde ba chen po'i gnas skabs su gnas pa tsam mo/ /de lta bur bcom ldan 'das bde ba chen po'i ngo bor snyoms par zhugs par yongs su snang ba na byang chub sems dpa' la sogs pa rnams ngo mtshar rmad du gyur pa yin par blta'o/ / de mya ngan las 'das pa mthong ste/ zhes bya ba la sogs pa ni byang chub sems dpa' la sogs pa rnams dam pa skyes par gyur na ni de kho na nyid kyi mchog tu gsal bar rab tu 'byed par mdzad pas so/ /gcig la gcig bgros pa zhes bya ba ni bcom ldan 'das 'di mchog gi chos ji 'dra ba zhig ston zhig gu zhes pa'o/ /de nas de ltar byang chub sems dpa' la sogs pa rnams ngo mtshar gyi rnam par gyur par snang ba na phyag na rdo rje chos nyid rab tu gsal bar bya ba'i don du bcom ldan 'das yum rnal 'byor ma ri mo can gyi sde la zhus pa'i/ tshig lha mo zhes bya ba la sogs pa gsungs te/ sems can nas bsgral bar bya ba'i phyir/ shin tu mchog tu gyur pa'i thabs gzhan 'ga' zhig yod de/ de bas na bcom ldan 'das

  344. 172b

    de lta bu'i/ ting nge 'dzin la snyoms par zhugs nas gnas so/ /thabs gzhan pa gang gis sems can bsod nams dman pa rnams kyang mthu dang dngos grub thob par 'gyur te/ de'i don du de lta bu 'di bcom ldan 'das kyi khyad par can gyi rgyud gzhan dag dang/ gzhan na'ang 'chad par mdzad pa yin no/ /'o na rnal 'byor pa'i rgyud rnams dang/ /rnal 'byor ma'i rgyud rnams dang/ /pha rol tu phyin pa'i tshul rnams/ /ci bcom ldan 'das kyis ma bstan nam/ 'di dag gi de kho na nyid yongs su shes pa las sems can rnams dngos grub dang/ rdzu 'phrul thob par mi 'gyur ci/ gang yang gzhan las khyad par du 'di sems can rnams kyi dngos grub chen por 'gyur bar ston cing 'chad ce na/ 'di la gsungs pa rnal 'byor ma'i rgyud nyid bye ba phrag drug dang zhes bya ba la sogs pa ste/ 'di'i don ni gang yang bcom ldan 'das kyi rnal 'byor pha'i rgyud la sogs pa mang po gzhan dag bstan pa der yang dngos grub dang rdzu 'phrul rnams bstan cing brjod pa nyid do/ /gzhan yang gang de rnams kyi sngags rnams gsungs pa gang yin pa dag kyang dngos grub rnams stsol ba yin no/ /de ltar bshad mod kyi yang bshad pa'i de kho na nyid las khyad par nyid ni de rnams su ji srid pa'i sngags rnams gsungs pa las de rnams kha cig tu ni 'bum bzlas pas so/ kha cig tu ni bye ba bzlas pas so/ /la lar ni 'bum phrag lnga dang bcu bzlas pas dngos grub kyi char 'gyur ro zhes pa ste/ des rgyud gzhan pa de rnams su sems can rnams nyon mongs par 'gyur ba yin la/ yang 'dir ni de kho na nyid rab tu gsal ba 'di bklags pa tsam gyis dngos grub tu 'gyur ba yin na ni/ gang gis 'dir sngags rnams thams cad bklags pas 'grub par 'gyur ro/ /zhes pa 'di'i dgongs pa ni 'di lta ste/ rgyud kyi yang dang por ni sngags rnams gtso bo yin te/ dngos grub dang

  345. 173a

    nus mthu rnams su byed pa ni sngags rnams kyi yin pa'i phyir na'o/ /de'i phyir sngags rnams dngos grub myur du ster ba yin pa'i phyir na/ rgyud gzhan pa de rnams kyang mchog tu blang bar bya ba yin no/ /de nyid kyang rgyud pa cig las ni zhes bya ba la sogs pa ston te/ de nyid ni bye bar bzlas pa zhes bya ba la sogs pa rgyu yin par ston par gsungs so/ /sems can bsod nams dman pa ces bya ba la sogs pa la bsod nams dman pas ni bye bar bzlas so zhes bya bar nye bar gnas so/ /brtson 'grus chung ba rnams la ni 'bum du bzlas so/ /bsod nams kyi snod can bsgom pa la 'bad pa la ni khri phrag gcig gis so/ /da ni 'di rgyud gzhan rnams las ji lta ba bzhin du khyad par du gyur pa de nyid rang tu gsal bar bya ba'i phyir sems can 'dod chags kyis bcings pa zhes bya ba la sogs pa gsungs te/ sems can 'dod chags kyis bcings ba rnams kyi sems ni sngags zlos par byed par nus pa ma yin te/ shin tu 'dod chags la mngon du phyogs pa'i phyir ro/ /de bzhin du sems can 'on pa dang/ lkugs pa'i rigs rnams kyi yang sngags kyi bzlas pa byed pa'i nus pa med pa nyid de/ de rnams la yi ge gsal bor brjod pa dang/ grangs nges par bzhag pa med pa'i phyir na'o/ /sngags brjod lugs ni shin tu myur pa ma yin/ shin tu ngal ba ma yin/ shin tu thung ba ma yin/ shin tu ring ba yang ma yin par sngags bzlas pa cung zhig thos tsam du brjod par gsungs so/ /de bzhin du yang shin tu yang sems thams cad par gyur na/ yid kyis kyang sngags kyis kyang bzlas pa bya ba ma yin no/ /de ltar na yang ji ltar phan tshun 'dus shing tshogs pa ni zlos pa dang/ /de bzhin du yang sems skyo zhing zhum pas der bzlas pas ni bskal pa bye ba

  346. 173b

    brgyad bzlas pa bye ba brag brgya byas kyang 'grub par 'gyur ba ma yin te/ gus pa'i sems dang/ rtse gcig pa'i sems med pa'i phyir na'o/ /de'i phyir na rgyud gang rnams su bye bar bzlas pa la sogs pa'i 'grub par gsungs pa de rnams su de rnams 'grub par ji ltar 'gyur/ 'o na pa la sogs pa rgyud 'dir ni sngags lan cig bzlas pa tsam gyis kyang dngos grub tu 'gyur ba'o/ /nges na gang yang 'dod chags kyi shin tu bcings pa yang dag sngags mang du bzlas pa la mngon par spro ba med pa rnams kyang 'grub par 'gyur pa yang/ de bzhin du sngags gsal por brjod pa la sogs pa 'dir ni rgyu yin pa las 'dis ni lkugs pa la sogs pa yang dngos grub kyi snod du 'gyur ba dang/ /sngags rnams med kyang sgom pa dang rab tu sbyong ba tsam las kyang 'dir dngos grub kyi snod du phun sum tshogs par 'gyur ba dang/ nus pa med pa dang/ 'dod pa med pa de rnams kyis kyang stags bzlas na thams cad 'grub po/ /gzhan yang dman pa'i sems dang ldan pa la sogs pa yang 'dir dngos grub kyi rgyu'i dngos po yin no/ /des na sems can gyi phung po thams cad yang dag par bsdu pa'i phyir/ rgyud gzhan rnams las sangs rgyas thams cad pa'i rgyud 'di phul du byung ba yin no/ /'o na ni bcom ldan 'das kyis rgyud gzhan dang gzhan rnams yang dag par gsungs pa ma yin te/ ji srid du rgyud 'dir sems can thams cad mchog tu yang dag par bsdus nas dngos grub myur bar 'grub par brjod pa de'i phyir na/ rgyud gzhan pa rnams yang dag par ma yin par rab tu gsal par 'gyur ro// zhe na/ de ni ma yin te rgyud de rnams yang dag par ma yin par gnas pa ni ma yin te/ de 'dra ba'i de kho na nyid rnams bstan pa ni snod du gyur pa'i sems can rnams la rgyud de rnams bstan pa'i phyir ro/ /gang zhig sangs rgyas thod pa'i rgyud kyi

  347. 174a

    mtshan nyid bstan ba'i snod kyi sems can de rnams la yang 'di nyid bstan pa'i phyir te/ sems can de dag thams cad ni/ bstan pa thams cad kyi snod du skye ba ma yin pas dman pa dang 'bring dang mchog gi rims pas sems kyi bye brag las lhag pa'i bsod nams dang bsod nams med pa'i khyad par las so/ /phyag na rdo rje'i tshig de dag nyid thos nas rnal 'byor ma ri mo can gyi sde bdag nyid sngags kyi don de nyid nyams su myong par 'dod nas bcom ldan 'das kyi zhal du reg pa dang bcas pas blta zhing bzhugs pa de nyid ston pa de skad du thos rnal 'byor ma ri mo can gyi sdes zhes bya ba la sogs pa gsungs pa la/ chags pa'i lta ba ni bcom ldan 'das la rjes su chags pas mchod pa mdzad pa yin no/ / mchod pa de byas nas ji lta ba re pa'i don 'grub par 'dod pa'o/ /'jigs ma shin tu gshe nas zhes bya ba ni de lta bu'i chos mchog gi dngos grub stsol ba'i sngags la sogs pa'i de kho na nyid de bcom ldan 'das kyis gsal por ma mdzad pa la gshe ba ste/ bcom ldan 'das yum de sems can gyi don nyid la gshe ba phun sum tshogs ma'o/ /de yang 'khor ba'i sdug bsngal las yongs su bsgral ba'i phyir mchog gi sngags la sogs pa'i de kho na nyid bstan pas sems can 'di dag myur du dngos grub thob par nus par 'gyur bar bya ba la'o/ /'o na ni bcom ldan 'das yum de nyid rang gis ci de lta bu'i de kho na nyid mi mkhyen nam/ gang gis na bcom ldan 'das la zhu ba mdzad pa yin zhe na/ de la brjod par bya ste gang gis yang dam pa'i don ni mkhyen pa ma yin pa de lta mod kyang sems can rnams rjes su bzung bar bya ba'i rgyus de lta bu'i de kho na nyid bstan pa'i don gyi spyod pa mdzad pa yin no/ /de lta bu'i dam tshig gi dbang po dam pa rnams kyis rang bzhin

  348. 174b

    dang lhan cig tu ston par 'gyur ba ni shin tuAng tshad ma yin par 'gro'o/ /de lta bu'i dam tshig nyid ni bcom ldan 'das kyi rtogs pa'i dgongs pa'i dbu'i thod pa las sngags 'byung ba yin pa yin no/ /des de la gzigs pa tsam gyis zhes bya ba la sogs pas ni sngags bstan te/ oM bud+d+ha/ sid+d+hi zhes bya ba la sogs pa ste/ sngags de nyid kyi nus mthu skad cig tsam gyis gsal byed pa'o/ /de lta bu'i sngags kyi mchog song bas zhes bya ba la sogs pa ni de lta bur byung ba tsam gyis sngags kyi mchog de nyid kyis sa'i 'og rim pa bdun na gnas pa'i klu thams cad phye mar byas nas slar 'ongs te/ bcom ldan 'das ri mo can gyi sde'i zhal nas zhugs nas pad+ma'i nang nas byung ste/ slar yang bcom ldan 'das nyid kyi dbu'i thod par zhugs/ /de lta bu'i rim pa 'di ni rnal 'byor pas kyang sngags 'don pa'i dus su yang bya ba yin par blta bar bya ste/ rang gi kha nas zhugs nas rdo rje'i lam nas 'byung bar 'gyur ba'i sngags bzlas pa'o/ /'o na yang 'di lta bu zhig yin/ gang yang sngags 'di rim can gyi sde'i zhal nas zhugs nas pad+mar byung ste/ zhes bya ba ji srid pa 'di lta bur sus yang dag par rig par ji ltar 'gyur ba dang/ gang zhig zhal du zhugs nas pad+ma'i nang du nges par 'gro ba zhes bya ba ni gang gi phyir sngags de srid pa ni sgra'i bdag nyid yin la/ sgra de srid pa ni rna bas mnyan par bya ba yin pa gang gi tsha rna ba'i spyod yul du sgra de dag ma skyes te/ 'di ltar thams cad kyi bdag nyid khar? rab tu zhugs pa'i phyir ro/ /de'i tshe ji ltar na bdag gi khang rab tu zhugs pa de rna ba lags la na ni dbang po gzhan gyis 'dzin pas dbang po'i gzung pa'i dbye ba med par 'gyur te/ gang gis na rna ba'i gzung bar bya ba'i sngags ra ldan gyi dbang po'i gzung bar bya bar 'gyur la/ de lta na ni sngon po la sogs pha yang rna ba'i gzung bar bya bar gnas so/ /

  349. 175a

    de lta na ni dbang po'i dbye ba'i tshogs don med par 'gyur pa yin te/ dbang po gcig gis sna tshogs pa kun rtogs pa'i phyir ro/ /'di mi rtogs pa de lta na ni de bzhin du rtogs pa min no/ /zhes bya bar rigs kyi thams cad rna ba'i rtogs na ni ha cang thal bar 'gyur ro/ /des na rna bas rtogs par byas te phyis khar zhugs nas pad+ma'i nang du byung ngo/ /zhes bya ba la ni sun dbyung bar bya ba med do zhes pa de dag kyang bzang po ma yin la/ gang gi tshe de srid pa'i sngags kyi bdag nyid rna ba'i spyod yul du gyur pa de'i tshe sngags de nyid mchog tu rtogs par rigs na ji ltar na khyad par dug bas zhugs te zhes bya ba la sogs par rtogs par de'i tshe mi rigs te rna ba tsam la mngon du gnas pa'i phyir ro/ /gang gi tshe kha la sogs par zhugs pa yin pa de'i tshe sna bas gzung bar bya ba ma yin pa'i phyir de ji ltar de bzhin par rtogs/ de nas yang rna bas gzung bar bya ba ma yin na'ang yid kyis sngags kyi bdag nyid rang rig pa yin par gyur pa yin te/ yid kyi spyod yul du ma gyur pa 'ga' yang ma yin pa'i phyir ro zhes zer na 'di yang ma grub ba ste/ bde ba dang sdug bsngal la sogs pa'i rang bzhin nyid ni yid kyi yang dag par rig par byed pa'i phyir ro/ /sngags 'di dag ni rna ba'i dbang po'i gzung par bya ba yin na yid kyis ji ltar rtogs par byed pa yin te/ de rtogs na ni sngon po la sogs pa yang dbang po gzhan gyis gzung bar bya ba yin par 'gyur bas de rna ba'i gzung bar bya bar yang 'gyur ro/ /de ltar gyur pa yin na 'o na pa la sogs pas kyang sgra la sogs pa rnams 'dzin par thal bar 'gyur te/ de dag la yang yid yod pa'i phyir ro/ /de ltar yin na ni 'o na pa dang long ba la sogs pa mi srid par gnas par 'gyur ro/ /de lta na ni 'ga' zhig tu yang sngags rnams rna bas rab tu rtogs shing khong du chud pa ma yin te yid kyis

  350. 175b

    bzung ba'i phyir na'o/ /yod ni yul gyi dngos po gcig la dbang po gnyis kyis 'dzin par 'gyur ba mi srid de/ sngon po la sogs pa yang rna ba'i gzung bar bya bar thal bar 'gyur ba'i phyir ro/ /de ltar yin na yang skyon du mi 'gyur te dbang po gnyis kyis yul gyi dngos po gcig 'dzin par yang 'ga' zhig tu mi 'gal te/ ji ltar me'i dngos po la mig gi dbang pos 'dzin pa dang/ lus kyi reg par byed pa nyid do/ /de lta bu yang yid dga' bar byed pa ma yin te/ de la 'dir me'i sreg par byed pa'i rdul phra rab kyang gzhan yin la blta bar bya ba'i rdul phra rab kyang gzhan yin pa de blta bar gnas so/ /de lta bu'i me'i dngos po la 'dir blta bar bya ba dang reg par bya ba dag gcig par spyod cing dngos po'i don gcig tu bsdus par blta ba ni 'phrul pa kho na'o zhe na/ de la 'dir brjod par bya ste/ yid kyi shes pa 'di nyid kyis shes pa 'di nyid kyi sngags rnams rtogs pa yin pa la ni 'dir skyon 'ga' zhig kyang yod pa ma yin te/ 'khor ba'i sems can thun mong ba'i yid la skyon yod pa de ltar bcom ldan 'das yul gyi thugs gang yin pas snyan gyis dbang pos gzung bar bya ba'i sngags de 'dzin par mi nus pa ma yin gyi thun mong ba rnams kyi yid gang yin pa de ni dbang po'i dbye ba so so ba rnams rtogs pa ma yin pa ltar/ khyad par can rnams kyi rang de ltar 'gyur ba ma yin te/ de'i spyod yul thams cad yin pa'i phyir na'o/ /yang brgal ba 'di ltar sems te/ rang yang dag par rig pa'i mtshan nyid las ma gtogs pa'i yid gzhan pa'i rang bzhin ni 'ga' yang ma thong ste/ de 'di ltar so so yang dag par rig pa'i bdag nyid tsam gyis rang bzhin yin pa'i phyir na yid kyi khyad par 'ga' zhig kyang ma mthong ngo zhe na/ de ni ma yin te 'dir skyes bu tsam du gcig kyang thams cad kha dog ser po zhes rtogs pa ma yin te/ de lta yin par

  351. 176a

    gyur na ni skyes bu tsam gyis thams cad kha dog ser por grub par thal bar 'gyur ro/ /'dir yang skyes bu tsam du gcig par khyad par 'ga' yang mi dmigs na/ de ltar ji ltar gzugs kyi khyad par 'grub pa 'di ltar mthong ste/ kha cig gi yid ni bstan bcos thams cad phyin ci ma log par shes pa can yin la/ kha cig gi de lta ma yin pa de bzhin du bcom ldan 'das kyi thugs ni ji ltar de kho na nyid thams cad mkhyen pa'i rang bzhin yin pa de ji ltar na tha mal pa'i gnas skabs su ji ltar gnas pa yin te/ de la yang de'i yid ces bya ba'i sgra ni tshigs mthun pa tsam mo/ /gzhan yang dbang po so so'i dbye bas yul rnams la yang ste/ srog chags kyi dbye bas dbang po'i dbye ba gzhan gyis gzung bar bya ba gzhan po la blta ba nyid de ji ltar gdengs kha can rnams mig gis nyan pa bzhin no/ /de'i phyir na thams cad du mthun pa tsam gyis thun mong bar dmigs par mi blta ste/ yul dang dus dang rkyen gyi bye brag gis thams cad la khyad par yod pa'i phyir ro// 'o na yid 'di'i khyad par ji lta bu zhig na ci lha rnams kyi khyad par gyis de bzhin du 'di'i rang bzhin nyid dam/ 'on te gzhan rgyu las byung ba zhig gam ci zhig yin/ gal te gang gi tshe 'di rang bzhin nyid yin pa de srid ni yid kyi rang bzhin gyi gzugs yin pa de'i tshe ni thams cad kyi yang de bzhin du rang bzhin gyi khyad par gyis mngon du gnas pa'i phyir na/ yid kyi rang bzhin yin pa nges na de bzhin du khyad par 'ga' yang med pa yin te/ srog chags thams cad kyi yang der mtshungs pa nyid kyi phyir ro/ /de nas yang rgyu las byung ba'i khyad par yong pa de lta na yang khyad par 'ga' yang med pa yin te/ gzhan la yang rgyu dang rkyen gyi byed pa dang ldan pa'i phyir ro/ /de la rgyu de yod na yang rgyu'i khyad par gyi rang bzhin ni srag chags thams

  352. 176b

    cad kyis ni ma rtogs pa des na srog chags thams cad kyi yid khyad par can du grub pa ma yin no/ /'o na rgyu de kun la yod pa la rang gi ye shes skye ba'i sbyor ba ma rtogs pa gang la yang med par 'gyur la/ de ltar gyur pa yin na ni ci yod de'i khyad par du byed ba'i rgyu ci yis rtogs par byed/ gang gis lta ba'i khyad par ngo rab tu rtogs pa ni yid khyad par can du grub po zhes bya ba yang ji lta bu rang gis rang rtogs so zhes bya ba de lta bu yang med de/ yod na ni de bzhin du gzhan rnams kyang de ltar rab tu rtogs par 'gyur ba'i phyir ro/ /gzhan man ngag brgyud cing brgyud pa gzhan las kyang ma yin te/ de yang ji lta zhe na/ rang gis rang rab tu rtogs pa ni med de yod na ni skyon brjod zin to/ /de la brgyud cing brgyud pa las rtogs par 'gyur na yang thug pa med pa'i skyon du 'gyur ro/ /da'i phyir na bcom ldan 'das kyi yid khyad par du 'phags par grub pa ji ltar yin pa dang/ rgyu gzhan gyis byed pa yid khyad par can tu byas pa yin na yid bzhin du de thams cad du brtan pa ma yin par 'gyur te/ rgyu las byung ba'i bum pa la sogs pa bzhin brtan pa'i rang bzhin ma yin par 'gyur ba'i phyir ro/ /de'i phyir na yid khyad par can du brtan pa ma yin te res 'ga' ba nyid kyi phyir ro/ /de lta bu na yang khyad par can du rab tu grub pa'i dgos pa de ni 'ga' zhig tu yang grub pa ma yin no zhe na/ de la brjod par bya ste yid khyad par can 'di nyid ni rang bzhin kyang yin la/ de bzhin du gzhan 'di rgyu yang yin pa 'di la gnod pa 'ga' yang med de/ rgyu ni mngon par gsal bar byed pa'i rkyen tsam yin pa'i phyir dang/ de bzhin du dngos po'i rang bzhin nyid kun tu snang par gnas pa'i yid nyid yin te/ 'on kyang rang rang gi bag chags kyi dri mas g.yogs pas de bzhin par snang ba yin pa des na thams cad gyi yid don gyi dngos

  353. 177a

    po thams cad rab tu gsal bar 'gyur ba ma yin te/ dper na ling tog gi skyon dang ldan pa'i skye ba can la me long shin tu gsal ba yin kyang g.yogs pa ltar 'gyur ba yin no/ /des na rgyu yang de lta bu'i dngos po'i phyir na de la sgrib pa'i skyon rnams sel bar byed pa nyid ma yin pas na/ de khyad par can gyi rang bzhin du skye ba ma yin la/ rgyu de'i khyad par can gyi rang bzhin du skye ba ma yin la/ rgyu de'i khyad par can ni glo bur ba'i dri ma'i skyon rnams sel bar byed pa'i mtshan nyid tsam yin la/ de yang kun gyis khong du chud pa ni ma yin te/ dper na yod ba yin yang mi mthong ba nyid ni khron pa zab mo'i nang na yod pa'i rdzas kun gyi mthong zhing rtogs pa ma yin pa bzhin no/ /de lta bu'i rgyu de yang bla ma brgyud cing brgyud par khong du chung par byed pa la thug pa med pa'i skyon kyang 'byung ba ma yin te/ thug pa med pa'i dngos po de lta bu'i skyon gyis gnod pa med de 'khor ba la thog ma med pa yin pa'i phyir ro/ /de lta bu'i phyir na ci yang de ltar min na kun kyang mi 'grub te ji srid du 'bras dkar po'i myu gu 'di yang ji ltar skye bar 'gyur zhig na rang gi sa bon las so zhe na/ de'i sa bon yang ci zhig ce na/ rang gi sa bon las so zhes bya ba yin no/ /'o na thams cad thug pa med par 'gyur ba ji ltar min te yin no/ /'o na bag chags de yang gang las skye ba zhig yin/ gang ji srid pa'i sems 'di thams cad du gsal ba'i rang bzhin yin na yang kun nas bsgribs pa gang gis na tha mal pa'i sems can du gnas pa'i yid 'di lha'i dngos po ji bzhin pa ma yin na de la gang gi che ji srid du sems las ma gtogs pa'i logs shig pa'i rgyu las de skye ba yin na de'i tshe de sems las ma gtogs pa'i rgyu gzhan zhig las kyang yang rgyu gzhan zhig yod dgos pa des na chos nyid gnyis su

  354. 177b

    med par mi 'grub la/ de nas yang bag chags de nyid sems nyid las skye ba yin na yang/ de'i tshe bag chags rnams 'ga' zhig tu yang gsal bar mi phrel bar gyur te/ sems de dus thams cad du yod pa'i phyir na'o/ /de yang ci ste zhe na/ mi skye mi srid pa ste/ byed pa nus pa can rnams yod bzhin du yang bya ba rnams skye bar 'gyur ba med na ni thams cad du bya ba dang 'bras bu kun skye ba med par thal bar 'gyur ro/ /de'i phyir na bag chags rnams dus thams cad du skye bar 'gyur ba nyid dam yang na dus thams cad du gdod nas mi skye bar gnas par 'gyur ro/ /de la bag chags skye ba gtan du skye ba med na ni de dus thams cad du skye ba med pa yin pas 'ga' zhig tu yang sems la dri mas ji ltar bsgos te rgos pa'i rgyu med pa des na yid khyad par can zhes bya ba dang/ khyad par can ma yin pa zhes bya ba 'ga' yang med par 'gyur pa gang gis na mya ngan las 'das pa dang/ 'khor ba zhes bya ba dang/ grol ba dang mi grol ba'i sems kyi gnas skabs kun la 'jug par ji ltar 'thad/ de nas yang bag chags dus thams cad du rgyu ba can yin na yang de'i tshe tha mal pa'i sems can dang 'di las gzhan pa'i khyad par du mi grub pa gang gis na bcings pa dang grol ba'i gnas skabs dang bzhag pa med par 'gyur ro zhe na/ gang yang ye shes nyid la bag chags rnams skye yang 'on kyang 'khor ba la 'chel te zhen par gnas pas de las byung ba tsam gyis dus thams cad du yod par 'gyur ba 'am med par 'gyur ba zhes bya ba'i skyon med de/ de ji srid du 'khor ba'i rjes su 'jug par gnas pa'i sems de srid nyid du ni de'i rgyun du 'byung ba'i phyir ro/ /de lta bu'i sems de ni 'khor ba'i ngo bor rtogs par bya bar gnas te/ phyin ci log gi ngo bor rab tu gsal ba'i phyir na de lta bu'i bag chags kyi bdag nyid yin no/ /des na thams cad nas thams cad du yid thun mong ba'i skyon med do//

  355. 178a

    thams cad kyi yid 'khor ba las 'chel bas dus thams cad du gnas ba ma yin pa de srid du 'khor ba dang mya ngan las 'das pa'i lugs dag yod pa las kyang mod de mi 'dod kyang khas blang bar bya'o/ /gzhan du na ni dus thams cad nas mya ngan las 'das pa 'ba' zhig du gnas ba'am/ yang na srid pa nyid 'ba' zhig tu gnas par 'gyur ro/ /de'i phyir na 'khor bde srid par du thams cad du yod pa nyid de de yang bag chags kyi bdag nyid can gyis sems kyi rang bzhin nyid do/ /de'i phyir na bag chags kyi bdag nyid can gyi yid 'khor ba'i rjes su mthun pa'i rang bzhin byed pa ste/ de ni yid de nyid kyi rnam pa'i dngos por rtogs par bya ba la 'khor ba de yang thog ma med pa'i phyir na sngon du bsags pa'i las kyi bag chags kyi stobs las mig 'phrul mkhan gyis sprul pa'i dngos po rnams bzhin du bag chags dang yongs su ldan pa'i yid gang gar gis 'dzin pa ni 'khor bar 'gyur ba yin la/ mig 'phrul mkhan gyis sprul pa dang 'dra bar byung ba'i 'khor ba yang bsam gyis mi khyab pa yin no/ /des na 'khor bar kun tu 'jug cing chags bas 'khor ba yin par khas blang ba lta las kyang mod de/ bag chags kyi rang bzhin can gyi yid kun tu skye ba gang yin pa de nyid ni 'khor ba ces bya'o/ /de'i phyir na sngon gyi las kyis bskyed pa'i stobs kyis bcings pa'i yid kyi bag chags kyi rang bzhin du 'byung ba ni 'khor ba'i mtshan nyid du 'byung ba yin no/ /gang gi tshe 'khor ba'i gnas skabs la mchog tu mi byed na de'i tshe bag chags kyi rang bzhin dgar yang gnas pa ma yin pas yid 'od gsal zhes bya ba dang/ /'od gsal ma yin zhes bya ba yang med pas khyad par med par 'gyur ro/ /de'i phyir na mig 'phrul mkhan gyis sprul pa bzhin du 'khor ba lugs su 'byung bar khas

  356. 178b

    blang bar bya'o/ /gzhan yang mig 'phrul mkhan gyi sprul pa mthong ba yin zhe na/ ji srid du dri ma med pa'i dbang po bden pa'i dngos po de srid pa de lta bu'i shes pas ni de byed pa ma yin te/ de byed na ni dus thams cad du bden par gyur pa yang dag par shes pa skye ba mi srid pa'i phyir ro/ /de'i phyir na de dag kyang brdzun tsam du 'byung bar ci las skye bar 'gyur snyam du sems so zhe na/ de ni sngags dang sman gyi nus mthus dbang po'i yon tan dang bral bar byas pa las so zhi'o/ /'o na dus thams cad du de lta min ba ci ste zhe na/ de bzhin du yang rab tu sbyor ba'i dngos po dus thams cad du med pas na'o/ /rab tu sbyor ba de nyid kyang dus thams cad du med pa ci ste zhe na/ de ni de'i tshe las kyi rnam par smin pa med par gyur pas de bzhin no zhe'o/ /las kyi rnam par smin pa mi mthun pa de nyid kyang gang zhig las skye bar 'gyur zhe na/ 'khor bas bsgos pa'i yid de bzhin pa'i nus mthus sprul pa yin no zhe na/ yid de nyid de lta bu'i mthu can du mi 'dra bar gang gi phyir skye zhe na srid pa'i ngo bo nyid du gnas pa'i sems ni nus mthu rnam pa sna tshogs pa dang ldan par yin par rjes su rtogs so zhes smra'o/ /'dis na de nyid srid pa'i rjes su 'jug pa'i yid dang ldan pas yid thog pa med pa nas las kyi srid par rab tu 'jug pa'i phyir las mi 'du ba rnams kyis sprul ba'i dngos por gnas pa ni bsam gyis mi khyab par skye ba 'di la gnod ba 'ga' yang med do/ /des na sems de nyid bag chags kyi sprul bar skye ba la 'ga' yang yod pa ma yin no/ /de lta bu'i sngags kyis mthu zhes bya ba la sogs bas ni de lta bu'i sngags de ji skad du brjed pa de'i mthu las nor rgyas la sogs pa'i klu chen po rnams 'ongs nas ri mo can gyi snga la bka' nod cing lha mo ji ltar bgyi zhes so/ /de nas ri mo can gyi sdes de dag la bka' bsgo ba sangs rgyas dang rjes su mthun par

  357. 179a

    byos shig ces so/ /de ltar sngags kyi mthu gsungs nas rgyud kyi don ji ltar yin pa'i glegs bam phyung ba gsungs pa/ de skad thos pa tsam gyis zhes bya ba la sogs pa ste/ rnal 'byor ma'i bla na med pa zhes bya ba ni rnal 'byor ma'i rgyud bla na med pa ste/ gang gi phyir 'di las mchog med pa de bas na rgyud 'di dang mtshungs pa med de/ rgyud 'di nas sangs rgyas thod pa zhes bya bar brjod de sangs rgyas bcom ldan 'das kyis dbu'i thod pa las sngags la sogs pa rnams gton pas na de'i bdag nyid kyi rgyud la yang de skad ces bya ste/ sangs rgyas dbu'i thod pa las byung ba'i rgyud ni bya ba dang/ byed par nye bar spyod do/ /bya ba dang byed pa de ltar na sangs rgyas thod par zhes bya bar brjod do/ /yang na sangs rgyas zhes bya ba'i sgra ni rdo rje'i rnam grangs so/ /thod pa zhes bya ba yang gru gsum gyi ngo bo la bya bas na/ shes rab dang thabs kyi bdag nyid kyis ni sangs rgyas thod pa zhes bya bar brjod do/ /de nyid kyis na glegs bam la sogs pa rnams sems can rnams rjes su gzung bar bya ba'i phyir ri mo can gyi sdes phyag na rdo rje la gtad pa yin no/ /gsang dang mchog dang zhes bya ba ni rgyud las gsungs pa'i de kho na nyid gang yin pa ste de ni mchog tu gsang ba'i yang mchog tu gsang ba 'di nyid sems can thams cad kyi lus la bzhugs pa yin no 'o na de kho na nyid kyi mchog de nyid sems can thams cad kyi yang lus la gnas pa yin na sems can thams cad kyi bde ba dang sdug bsngal la sogs pa rnams kyang gcig gi dngos por rig par 'gyur te/ de'i de kho na nyid de ni don dam pa'i rang bzhin gcig pa nyid kyi phyir dang/ yang sems can thams cad 'khor bar bcings pa med par yang 'gyur te/ thams cad kyi de kho na nyid kyi rang bzhin ni gcig pa nyid tsam

  358. 179b

    gyi phyir dang/ yang 'khor ba zhes bya ba dang mya ngan las 'das pa zhes bya bar bzhag pa'i lugs kyang med par 'gyur na/ bcom ldan 'das kyis gsungs pa 'di ji ltar 'brel ce na/ 'di la brjod par bya ste/ gang thams cad kyi don dam pa de kho na nyid ni rang bzhin gcig pa kho na ste/ de ltar na yang 'khor ba'i bag chags kyis yongs su gzung ba'i phyir dang/ thog ma med pa'i dus na sems can rnams kyi blo rang dang gzhan du dmigs pas/ gzung ba'i phyir na de lta bu de gsal bar ma gyur to/ 'dis na ji srid du 'khor ba'i gnas skabs dag tu lta ba yod pa de srid de bzhin par gyur pa'i de kho na nyid de ji ltar rtogs/ 'dis na 'di mi shes pa'i rgyu 'di'i phyir na bdag dang gzhan du yang dag par rig pa'i yid ni 'khor bar bcings pa yin pas bde ba dang sdug bsngal la sogs pa gcig gi dngos po ma yin par mang por so sor rig par 'gyur ba yin te/ thog med pa'i bag chags las yongs su gyur pa'i phyir ro/ /de yang dper na zla ba ni gcig nyid yin yang so so'i mig gi skyon gyis kha cig la rnam pa sna tshogs par 'gyur ba bzhin du de rnams kyi yang dag par rig pa yang dngos po sna tshogs su skye ba dang/ chu lteng dang ba mang na ni zla ba gcig po'i gzugs brnyan yang mang por dmigs par 'gyur ba de bzhin du mi shes pa yang kun tu snang bar gnas pa nyid kyi phyir na rnam par bcings pa yang brdzun tsam gyis kyang sdug bsngal grub pa yin te/ dper na mkha' i 'od zil la thag pa la sprul gyi dngos por gzung ba des 'jigs pa las shin tu sdug bsngal ba mngon du nyams su myong ba yin kyang de yang dag par ni sdug bsngal de sbrul nyid kyis bskyed pa ma yin no/ /de'i phyir na brdzun tsam gyis kyang sdug bsngal 'byung bar 'gyur te/ gang gi tshe yang de 'dra ba'i bag chags las skye ba'i 'khor ba bcom na ni de'i tshe 'ga' zhig tu yang 'khor bar

  359. 180a

    bcings pa'i sdug bsngal 'byung bar mi 'gyur bas bde ba dang sdug bsngal la sogs pa yang med par 'gyur te/ bdag dang gzhan du so sor rig pa dag de'i tshe nub par gyur pa'i phyir na'o/ /nam mkha' lding dang char 'bab pa dang zhes bya ba la sogs pa rgya cher gsungs pas ni dngos grub gang yang rung ba de thams cad bskyed pa'o/ /de bzhin du he ru ka'i de kho na nyid chen po de nyid 'dir bsgrub par bya par gsungs so/ /dpa' bo chen po he ru ka /zhes bya ba la sogs pa la/ skyed dang gnas pa'i rgyu dang ni/ zhes bya ba ni bcom ldan 'das de nyid gcig pu ste/ dper na sbrul gcig kho na res dga' ni kyag kyog tu 'dug /res 'ga' ni drang por 'dug kyang 'di'i ngo bo nyid ni so sor dbye bas gnas pa ma yin no/ /de bzhin du bcom ldan 'das 'di yang gcig nyid yin na yang 'khor ba'i gzugs sna tshogs su snang bar blta'o/ /de bzhin du bcom ldan 'das de nyid dngos po dang dngos po med pa'i rang bzhin du yang rtogs par bya'o/ /'o na gang gi tshe bcom ldan 'das de nyid dngos po dang dngos po med pa gnyi ga'i rang bzhin yin na 'di ko ji ltar na de gnyis su med pa'i dngos por 'byung zhi gu ste/ dngos po kun gyi rang bzhin yin pa nyid kyis na gzung ba dang 'dzin pa dag gi skyon gyi dngos po de ltar de la gnas so zhe na/ 'di la gsungs pa spros med dang gos med ces bya ba ste/ don dam par na bcom ldan 'das 'di la spros pa med pas dngos po dang dngos po med pa'i spros pas mi rig go /ci ste zhe na/ gos pa med pa'i phyir te dngos po med pa'i rang bzhin ni gos pa'o/ /'dis na gos pas 'di la gzung ba med de gnyis po rnams ni skyon dang bcas pa yin pa'i phyir na'o/ /ci ste de dngos po dang/ dngos po med pa'i rang bzhin nyid do zhes brjod pa de ji ltar yin zhe na/ 'di la srid par spyod pa dang zhes

  360. 180b

    bya ba gsungs te/ bcom ldan 'das de'i 'khor bas kun tu spyod pa'i dngos po dang/ dngos po med pa'i rang bzhin gyi sgo nas de skad ces bya ba brjod de/ sems can 'khor ba la spyod par brtson pa de dag rnams la ston pa mdzad pa'i dngos po yin par dgongs so/ / 'o na de kho na nyid kyi ye shes de gcig pu 'khor ba'i rjes su gnas pa'i phyir na dngos po dang dngos po med pa'i rang bzhin don dam ba de gnyis kyi rang bzhin dang bral ba yin na 'di de ji ltar rig pa yin/ ji srid du bcom ldan 'das de'i rang bzhin srid pa'i rjes su 'jug par rab tu shes pas sam/ 'o na te men na gang gi tshe mi shes na ni mi shes de srid du de'i tshe de'i rang bzhin gyi srid pa dngos po dang dngos po med pa'i 'gro ba kun gyi rang bzhin du rnam par gnas pa 'di yang ji lta bu zhig ste/ gang yang shes pa de sngon po'i dngos gzhi tsam du ma skyes na ni ser po'i rang bzhin du shes pa skye ba'i rigs pa med pa dang/ zla ba gcig po med na gnyis kyi gzugs su des ji ltar rig par 'gyur/ de nas yang bcom ldan 'das 'di shes nas srid par 'jug na ni de la? mo? de rang rig pa'i rang bzhin gyis 'jug /de la gal te rang gi rang bzhin nyid kyi rig pas 'jug na ni srid pa 'di yang de ltar rig pas na srid pa 'di yang dngos po dang/ dngos po med pa'i rang bzhin kun tu so sor gsal bar 'gyur te/ de'i rang bzhin la 'di dag lta bu'i rang bzhin dang bral ba'i phyir na/ sngon po'i rang bzhin nyid du gsal ba na ser po'i dngos por blo skye srid pa med pa nyid do/ /de'i phyir na sna tshogs pa'i srid pa 'di yang ji lta ba'i rang bzhin gyis rab tu gsal bas na bcom ldan 'das 'di yang dngos po dang/ dngos po med pa'i 'gro ba kun gyi rang bzhin des rab tu gsal bar mi 'gyur te de'i rang bzhin gnyis po rnams dang rnam par bral ba de'i phyir na'o/ /de nas yang de bzhin gyi rang bzhin du rig par 'jug go zhes smra na/ de'i tshe srid pa rnams 'dir rig par

  361. 181a

    mi 'gyur te/ 'ga' zhig tu yang gzhan nyid du rig par skyes na ni de kho na nyid du skyes pa min te/ gzhan gyi rang bzhin du rig pa ni de de'i ngo bo ma yin te ji ltar bum pa'i shes pa ni snam bu'i shes par gyur pa rigs pa ma yin no/ /zhes pa 'di dag ni brgal ba'o/ /de kho na nyid de'i rang bzhin shes pa yin pas/ 'di ltar srid pa ste 'dir shes pa'i ngo bo yin na yang 'on kyang rang gi ngo bo des de bzhin du rang ma shes pa'i rgyu yis g.yogs pas gzhan dag tu gsal bar shes pa yin no/ /de nyid kyi na kun rdzob ces bya ste 'khor ba la bya bar brjod la de yang 'dis de kho na nyid la kun na bkab cing bsgribs pas na kun rdzob ces bya'o/ /gang gi tshe yang de kho na nyid 'di nges par rig par gyur na ni rang gi rang bzhin nyid du gyur pas na de'i tshe ji ltar 'khor bar kun tu 'jug de'i phyir na gang yang gzhan dang gzhan gyi rang bzhin du de rig pa 'di ni log pa'i lta ba'i skyon gyi 'khor ba'o/ /de yang dper na rab rib can gyi mig gis nam mkha' dri ma med pa la yang skra shad 'dzings pa la sogs pa dang ldan par snang ba bzhin no/ /de la gzhan pa'i rang bzhin nges de rab tu shes na de ji ltar shes pa yin te gang gis ni de nyid du shes pa zhes bya ba 'di don ji lta ba bzhin ma yin pas sngon du brjod pa de dag sun dbyung bar bya bar gnas pa ma yin no zhe na/ min te gzhan du rab tu shes pa zhes bya ba'i de kho na nyid 'di ni rang bzhin gyis thams cad du de ltar rab tu shes pas khas blangs sam ci gang gis gzhan rab tu shes na ji ltar de'i rang bzhin rab tu shes na ji ltar de'i rang bzhin rab tu shes pa ci zhes bya ba'i skyon du 'gyur ro/ /gal te de bzhin du gyur na ni de srid par yang ji ltar 'gyur/ /de'i phyir na de ji lta ba'i rang bzhin du ma shes pas 'di srid pa'i ngo bor 'gyur te/ srid pa

  362. 181b

    lugs su 'byung ba 'di dag kun kyang bag chags kyi ling tog gis lag pas byas pa bzhin du brdzun gyi rnam par kun tu 'byung ngo/ /de lta bu de dag dang ci zhig las she na/ /sngon gyi las kyi rnam par smin pa'i stobs las skye ste/ de ltar khas len pa los kyang mod de ji srid du 'khor ba'i rjes su 'jug pas yid rjes su 'jug go /de'i phyir na smig rgyu ba'i dngos po la chu'i rnam par shes pa ltar 'dir de kho na nyid rang bzhin srid pa'i dngos por snang ba la 'gal ba 'ga' yang yod pa ma yin no/ /des na de 'khor ba yin par gyur pa na des ji lta bu'i smig rgyu la sogs pa'i rang bzhin ma shes pas brdzun gyi ngo bor rtogs pa 'ga' zhig tu skye bar 'gyur ba bzhin de kho na nyid la de ji ltar rig pa yin pa zhig na ste de ji srid du de kho na nyid rab tu gsal ba na mya ngan las 'das ba zhes bya ba yin par khas len pa lta los kyang mod kyi gzhan bdag gis kyang ni 'ga' zhig tu mya ngan las 'das par 'gyur ro/ /des na ji lta ba'i rang bzhin rab tu ma shes pas kyang de rang rig pa tsam nyid las ji bzhin pa de bzhin pas rang rang gi mya ngan las 'das pa'i go 'phang thams cad thob par 'gyur te/ ji ltar yul na ri ke la'i gleng nas 'ongs ma thob pa'i mis me 'di'i rang bzhin ni sreg par byed pa yin no/ /zhes bya bar mi shes kyang de yang dag par rig cing myong ba na grangs ba sel bar mi 'gyur ram/ de'i steng du yang dag par reg na sreg par yang mi 'gyur ram ci de bzhin du bca' sgra 'dra bar rig nas dug du ma shes pas zos na kha chu 'dzag cing ba rgyal ba la sogs pa'i bya ba rnams byed par mi 'gyur ram ci/ de'i phyir na de kho na nyid kyi rang bzhin de ji lta ba'i rang bzhin du des ma shes pas 'khor pa yin la gzhan ni rang bzhin khong du chud pas so zhes pa 'di rigs pa ma yin no zhe na/ de ni min te de kho na nyid kyi ye shes de ji lta ba bzhin du rab tu shes na yang rang rang gi

  363. 182a

    dgos pas/ 'byung bar 'gyur pa nyid de ci ming gi tshig de gang zhig gzhan rab tu gsal ba na gzhan bo de rang rab tu gsal ba de de'i dgos par 'byung ba min nam ci 'o na de'i tshe thams cad la kho na nyid rig yod pas srid pa rnam par bcang mi dgos par 'gyur ro zhe na/ min te de kho na nyid nyams su myong ba tsam gyis srid pa'i dngos po med pa'i mtshan nyid mya ngan las 'das par 'gyur bar brjod pa ni min te/ gang de tsam gyis ni mya ngan las 'das par sbyor bar byed pa ma yin no/ /de kho na nyid shes pas mya ngan las 'das par mi 'gyur na/ mi 'gyur ba gang gi tshe gang zhig gang gis 'gyur ba yin zhe na/ de kho na nyid du rig pa de nyid las so/ /ci zhig na de'i tshe yang thams cad du srid pa med par 'gyur ro zhe na/ min te ji bzhin ba'i rang bzhin du de nges par rig par ma byas pas te/ ji lta ba'i rang bzhin du rtogs pa gang gi tshe de de kho na nyid du rtogs pa de'i tshe mya ngan las 'das pa zhes bya bar bzhag par brjod kyi srid pa'i rgya mtshor/ zhugs pa'i sems can rnams kyis ni de'i rang bzhin ji lta ba bzhin du khong du chud pa yod pa min gang gi na thams cad mya ngan las 'das par ma gyur pa yin te/ gnyis su med pa'i dngos po nyid la gnyis kyi rjes su zhugs pa'i phyir na de brdzun pa'i blor gnas pa ci ste min des na ji ltar de kho na nyid kyi rang bzhin yongs su ma rig pa'i sems can rnams la ji ltar yod par brjod/ /'o na mya ngan las 'das pa las ma gtogs pa'i de kho na nyid kyis dgos par bya ba ji lta bu zhig 'thob/ gang yang de shes ba la mya ngan las 'das pa mi 'byung na gzhan zhig las dgos pa de 'byung bar bzhag gam zhe na/ min te de las gzhan pa de yang pa'i rang bzhin zhes bya ba thams cad pa nyid kyi

  364. 182b

    ye shes rang rig pa zhes bya ba thun mong ba'i dgos pa nyid sngon po dang/ ser po la sogs pa'i rnam pa bye brag tu rtogs pa'i khyad par nyid do/ /des na de kho na nyid kyi ye shes rang rig pa ni dngos po dang dngos po med pa sna tshogs pa'i gzugs kyis yod pa nyid do/ /de'i dgos pa khyad par can ni/ mya ngan las 'das pa'i mtshan de don gyi rang bzhin pa khyad par du rtogs pa yin pa 'di la the tshom med do/ /'o na ci mya ngan las 'das pa'i rang bzhin rang rig pa min pa gang gis na rang rig pa'i mtshan nyid kyi dgos pa las 'di khyad par du so sor brjod pa de bzhin du yin na ni brgyal lan 'ga' zhig na'ang mya ngan las 'das pa ni rtogs pa'i bdag nyid du mi 'gyur te rang rig pa'i rang bzhin med pa'i phyir te/ rang rig pa las gzhan pa gang zhig ni 'ga' zhig du yang de ji ltar rig par byed pa 'di ci rigs des na bum pa la sogs pa yang rang bzhin gyis rig pa med de bems po tsam gyis gsal bar skye ba med pa nyid dam ci mya ngan las 'das pa 'di yang de bzhin yin no zhe na/ min te mig dang rna pa dang yid la byed pa dang yul rnams kyi rkyen gyis bum pa'i rnam pa'i shes pa yang dag par skyes nas rig pa las bum par rig go shes so zhes zer yang de nyid bems po yin pa'i phyir na gzhan dag byed pa'i dngos po'i gsal ba med pa de bzhin du e mya ngan las 'das pa yang yin no zhe na min te de ni ye shes kyi rang bzhin nyid kyi phyir ye shes kyi bdag nyid la yang ye shes gzhan zhig gis shes par byed pa ni rigs pa ma yin te/ de la yang gzhan pa'i ye shes shig dgos la/ de la yang gzhan pa zhig dgos pas thug pa med pa'i skyon du gnas so/ /de nas yang gal te mya ngan las 'das pa yang ye shes kyi rang bzhin ma yin no zhes zer na/ ci de ni mya ngan las 'das pa yang bems po'i bdag nyid du smra 'am de lta bu nyid yin

  365. 183a

    par smra ba'o zhe na/ /'o na ni bum pa la sogs pa bems po'i bdag nyid thams cad kyang mya ngan las 'das pa yin par 'gyur ro/ /de ltar gyur na ni 'gro ba thams cad 'bad pa mi dgos par yongs su grol bar 'gyur te/ bum pa la sogs pa thams cad kyang de lta bu nyid kyi rang bzhin du gnas pa dang/ /bems po'i rang bzhin nyid kyis na/ bum pa la sogs pa dang/ mya ngan las 'das pa ni khyad par 'ga' yang yod pa ma yin pa'i phyir ro/ /de nas yang mya ngan las 'das pa ye shes kyi rang bzhin yin na yang srid ba'i dngos po dus thams cad du ye med pa'i skyon du gnas pa nyid de sngon po la sogs pa'i shes pa rnams de bzhin dang dus thams cad du yod pa ste/ /ye shes nyid yin pa des na sngon po la sogs shes pa dang/ /mya ngan las 'das pa'i shes pa dag la 'ga' zhig dang khyad par du 'jug pa med pas na'o zhe na/ min te mya ngan las 'das pa'i ye shes ni de kho na nyid kyi ye shes las skye bar 'gyur gyi ye shes min pa skye mi srid pa dang shes pa'i bya ba shes pa ma yin pa ni shin tu mi rigs te rgya'i bye brag gis bye brag tu byas na 'bras bu bye brag tu dbye ba yin te/ ji ltar skud pa nag po btags pa las sna bu dkar por gyur srid pa ni med pa dang/ mji ba la snod du byas na zangs kyi snod 'gyur ba med pa des na de kho na nyid kyi ye shes kyi dgos pa rang rig pa'i mtshan nyid dang de las gzhan yang khyad par can gyi mya ngan las 'das pa'i mtshan nyid ji lta ba'i rang bzhin khong du chud pa'o/ /zhes bzhig par bya ba 'di dag ji ltar yin zhe na/ 'di la smras pa de kho na nyid kyis shes kyi dogs pa rang rig pa las mya ngan las 'das pa'i mtshan nyid kyi dgos pa 'di rang rig pa ma yin pa'i rang bzhin du gzhan du 'gyur bar skye ba med pa nyid do/ /ci rang rig pa

  366. 183b

    las gzhan pa ni rang rig pa ma yin par 'gyur ba yin pas 'gal lo zhe na/ min te mya ngan las 'das pa'i mtshan nyid kyi dgos pa de nyid kyi rang rig pa yin pa kho na'o/ /'di ji lta bu zhig na/ /rang rig pa'i dgos pa dang zhes dbye bar yod pa de dang/ /gzhan pa'i dgos pa 'di yang rang rig pa ma yin par khas blangs pa 'dis na gnyis su dbye ba 'gal lo zhe na/ min te rang rig pa zhes bya ba tsam gyis thams cad rang rig pa zhes bya ba'i dngos po gcig tu gyur pa ma yin te/ rang rang gi dbye bas so sor byed pa'i phyir na sngon po dang ser po la sogs pa'i rang rig pa'i shes pa tsam gyis rang rang gi ngo bo de gcig tu 'gyur ba ma yin no/ /de'i phyir na de kho na nyid kyi ye shes kyi dgos pa mya ngan las 'das pa'i mtshan nyid ni rang rig pa tsam thun mong ba de las dbye bar gnas pa nyid do/ /des na rang rig pa tsam gyis srid pa'i dngos po yang thams cad du rab tu dbye bar gnas pa nyid do/ /des na mya ngan las 'das pa khong du chud pa yang rang rig pa'i rang bzhin gyi phyir na yod pa nyid do/ /de kho na nyid kyi rang bzhin ji lta ba bzhin du rtogs pa las mya ngan las 'das par 'gyur pa yin no zhes smra na/ ci 'dod pa tsam gyis rab tu smra bar byed pa 'dir 'gyur te/ /de kho na nyid ces pa dang/ mya ngan las 'das pa zhes bya ba dang/ grol ba zhes bya ba la sogs ji srid pa de dag ni ming gi rnam grangs tsam yin na bya ba dang byed pa gnyis su bzhag pa dag gis rab tu smras pa de ji ltar legs pa yin zhe na/ /gang yang don dam pa la ni khyad par med pa de bzhin na yang kun rdzob la brten nas kun rdzob tsam du bzhag pa'i rtog pa nyid bya ba dang byed pa la sogs par dbye ba thams cad du kun rdzob tsam du gnas kyi don dam pa la ni bya ba dang byed pa zhes bya ba la sogs pa gnyis su dbye ba rnams 'ga' yang med de/ /bka' las blo gros chen po chos thams cad ni skye ba med pa ste bden pa dang bden pa min pa gnyis kar ma skyes pa'o zhes gsungs so/ /

  367. 184a

    de'i phyir na bag chags dang rnam par bral ba las ji lta ba bzhin gyi de kho na nyid kyi ye shes la yang dag par rig pa'i de ma thag par mya ngan las 'das pa los kyang mos te sa bon des de bzhin du kun rdzob tsam du byas pa la bya'o/ /de yang ji ltar rab tu dga' ba las 'drangs par 'gyur ro/ /zhes pa'i kun rdzob tu grub pa de'i rab tu dga' ba dang 'drangs pa dag ni mya ngan las 'das pa las gzhan na 'ga' yang med kyang de ltar grub pa yin no/ /'o na mya ngan las 'das pa'i sngon du rtogs pa nyid ji ltar skye zhe na/ de la smras pa/ /rang rig pa'i rang bzhin no zhe na/ min te rang rig pa 'di gang gis dgos pas ye shes kyi rang bzhin gang de srid pa 'dir 'di'i rang bzhin ston cig /rig pa'i rang bzhin de mi shes pas 'gyur te/ /ji ltar bum pa'i mgrin pa la sogs pa rnams mi shes par bum pa shes so zhes bya bar mi 'gyur bas 'di'i rang bzhin dngos po can zhig tu dmigs par 'gyur ba 'am/ /'o na te dngos po med pa can zhig tu dmigs par 'gyur pa ston cig /de la dngos po'i phyogs su gnas na ni gcig dang du ma'i rang bzhin dang rnam par bral ba'i sbyor bas de kho na nyid kyang rab tu mi gnas pa kho nar 'gyur ro/ /dngos po med par rjes su gnas na yang dngos po med pa ni dngos po sngon du 'gro ba yin pa'i phyir na/ /dngos po nyid de ltar med pas dngos po med pa'i rang bzhin ji ltar yod par ston/ /de nas gnyis ka'i rang bzhin rnam par bral ba zhes bya ba de de kho na nyid yin par ston no zhe na/ /de ltar na yang rig pa dang ldan pa'i dngos po des na ye shes de skye ba dang ldan pa'i phyir dmigs pa dang/ bcas pa'i rang bzhin gyis na dngos po nyid du gyur pas thams cad du bya ba dang byed pa'i dngos po can gyi mtshan nyid yin no/ /de nas yang ye shes 'di la skye ba med de de nyid rang rig pa'i rang bzhin gyi phyir ro zhe na/ de ltar nang ni ye shes 'di bya ba

  368. 184b

    rnams ci yang mi bskyed na ni de ji ltar yod pa yin te/ nus pa thams cad dang bral ba'i phyir mo gsham gyi bu bzhin na rig pa yin par ji ltar 'gyur te/ /de nas mya ngan las pa de nus pa thams cad dang rnam par bral ba kho na'i stong pa nyid kyi rang bzhin du 'gyur ro// de lta bu yin bzhin du yang de la rang rig de nges par yod pa yin na ni ye shes de bya ba dang byed pa la sogs can du khas blang dgos so/ /de dag de ltar gyur na sngar gyi bzhin du dngos por dmigs pa'i skyon du 'gyur te dngos po ni bya ba dang byed pa'i mtshan nyid can yin pa'i phyir ro/ /de nas de bzhin du gnyis kyi rnam pa dang rnam par bral ba'i rang bzhin gyi phyir na de kho na nyid de la de bzhin pa'i rang bzhin du rig pa yang med pa des na ye shes bya ba dang byed pa la sogs pa can gyi dngos por dmigs pa'i skyon du gnas pa ji tsug yod ce na/ de ltar na yang de bzhin pa'i rig pa'i dngos po med pa'i phyir na/ /da de'i mya ngan las 'das pa ji lnga rang bu zhig yod de/ mya ngan las 'das par yang so sor rig pa med pa'i skyon du 'gyur ro zhe na/ min te ci ston cing brjod pa med ces te/ / med pas rang rig pa'i rang bzhin yang zhig ste med dam/ ji ltar lkugs pa la sogs pas ro mchog myangs pa na ston par mi nus pa'i dngos po las ro myong ba med dam ci/ nus pa rnam pa mang gsungs pa zhes bya ba la sogs pa ni rgyud gzhan dag las rgyud 'di nyid khyad du 'phags par gsungs pa yin te/ rgyud 'dir gang gsungs pa'i sngags la sogs pa'i de kho na nyid ni thos pa tsam gyis 'grub par brjod do/ lan cig brjod pa de nyid kyis dngos grub stsol bar mdzad pa dang/ 'dir sngon du bsnyen pa yang mi dgos shing de bzhin du bzlas pa 'bum la sogs pa med par yang 'grub po/ /sku gzugs dag ni dags pa dang/ zhes bya ba la sogs pa ni rnal 'byor pas nus mthu rnam pa sna tshogs pa'i rang bzhin brjed pas sems can rnams gzhug par bya ba la

  369. 185a

    brjod do/ /de'i phyir na sku gzugs dags pa la sogs pa ni de las gzhan pa thun mong ma yin pa mthong bas gdul dka' ba'i sems can rnams 'dul bar 'gyur la/ /des chos bstan pa'i snong du 'gyur ro/ /rang gi gzugs ni bsgyur ba nyid ces bya ba ni so so'i ming gzugs por nas seng ge dang stag mo la sogs pa'i gzugs su byed pa'o/ /gzhan gyi grong du 'jug ces bya ba ni rang gi lus yongs su bor nas gzhan gyis lus kyi nang du rang gi rnam par shes pa 'jug par byed pa ste/ de dag la sogs pa'i nus pa thams cad byed par nus pa ni sangs rgyas thod pa'i rnal 'byor pa yin no/ /de nas gzhan yang bshad bya ces bya ba la sogs pa ni dug gsal ba dang/ nus mthu 'phral du dbyung ba 'dir brjod cing bstan to/ /de nas sbyor ba bco brgyad gsungs zhes bya ba ni zos te myos par bslad bar bya ba gsungs pa/ sa li ki yis sbyor ba dang zhes bya ba la sogs pa ste gang gi tshe dug zos myos par gyur pa de'i che ji skad du gsung pa'i sa li ka la sogs pa'i sbyor ba rnams sngags pas bya ba yin no/ / de nas rab tu sbyor ba byas ma thag tu zos pa rnams 'tsho'o/ /rig pa 'dzin pa ni 'bras btags pa las rig pa 'dzin pa gnyis bya ba yin no/ /rgyan po 'gyed dang zhes bya ba ni gang du zos pa 'di yod pa de la bsam gtan dang ldan pa'i sngags pas rgyan po rtse bar byas pa las de nas zos pa 'di 'tsho bar 'gyur ro/ /de nas rda brdung ba'i sbyor ba yis te de dag la sogs pa'i rab tu sbyor ba bco brgyad po sngags pas bya'o/ /mchog gi ye shes he ru ka'i dngos po de rab tu gsal bar gsungs pa/ de nas gzhan yang rab bshad pa/ ci bzhin de nyid ye shes mchog /ces bya ba la sogs pa ste/ lhan cig skyes pa'i dga' ba'i rang bzhin gyi ye shes gang yin pa ye shes rab kyi pad+ma'i rtsa'i nang na khu ba'i gzugs kyis rgyu ba'i gnas de yin mod kyang sems can 'di dag thams cad ni

  370. 185b

    ma rig pa'i mun pas g.yogs pas dmigs pa dang bcas par gyur ba'i rang bzhin des de lta bur gzung bar 'khor bar bcings par gyur pa yin no/ /de nyid shes rab kyi pad+mar lhan cig skyes pa'i ye shes de bzhin pa'i tshogs yang dag par rig pa las dkyil 'khor gyi 'khor lo'i lha rnams tshogs par nyams su myong bar bya ba ste/ de nyid du de bzhin par dmigs pa med pa'i ye shes kyi mchog yang dag par rig pa las bcud kyi len la sogs pa thams cad du 'gyur te/ dngos grub thams cad kyi gtso bo ni ye shes de nyid yin pa'i phyir ro/ /de lta bu grub pa'i ye shes kyi gang byin gyis brlabs pa de nyid ni dngos grub kyi gnas su 'gyur ba yin gyi de las gzhan pa'i sngags dang sman la sogs pa'i sbyor ba de la mi bltos te de thams cad de'i bdag nyid yin pa'i phyir ro/ /zhes dgongs so/ sbyor ba gsang bar gnas pa'i rtsa zhes bya ba la sogs pa ni ri mo can gyi sde'i de kho na nyid ji lta bu yin pa dris pa las ri mo can gyi sde'i rang bzhin ji ltar yin pa brjod pa ste/ gsang bar gnas pa'i rtsa zhes bya ba ni rtsa de dag ni bde ba mchog gi rgyu des ri ma can nam mdzes ma zhes bya ba ste ngo mtshar ba'o/ /bde ba'i rang bzhin gyi ye shes ni sde ma zhes bya bar brjod do/ /de lta bu'i bde ba chen po'i ye shes kyi dngos po rtsa'i rgyu las yang dag par byung ba de ni ri mo can gyi sde zhes bya bar brjod do/ /de nyid kyang theg pa chen po yin pa gsal bar mdzad pa gsungs pa/ 'di de nyid ni theg pa chen po zhes bya ba la sogs pa ste/ /'byung gnas rtsa ni rnal 'byor ma zhes bya ba ni 'byung gnas kyi rtsa gang dag dga' ba chen po'i ye shes su gnas pa ni ri mo can gyi rang bzhin te de nyid ni theg pa chen po zhes bya ba yin par brjod do/ /de'i phyir ni de nyid ni mchog gi ye shes te dngos grub kun gyi sgrub thabs yin no zhes gsal bar mdzad do/ /'di dag ni rnal 'byor ma'i rgyud bla na med pa sangs rgyas thod pa zhes

  371. 186a

    bya ba rgyud kyi rgyal po'i le'u dang po'i 'grel pa slob dpon mkhas pa chen po pad+ma rdo rje zhes bya ba dngos grub chen po brnyes pas mdzad pa'o// //da ni sngags kyi dngos grub gsungs pa/ de nas yang dag rab bshad pa zhes bya ba la sogs pa ste/ rnal 'byor ma rnams grub par byed pa'i spos la sogs pa sbyin pa'i sngags de srid pa gsungs pa/ oM bud+d+ha ka pA li nI zhes bya ba la sogs pa'o/ /oM hAM ho zhes bya ba la sogs pa ni go cha'i sngags te/ snying ga dang/ 'tshogs ma dang/ spyi gtsug dang/ phrag pa dang/ mig dag dang/ yan lag thams cad la rim pa ji lta ba bzhin du 'di rnams kyi go cha bya'o/ /oM bud+d+ha ka pA li ni A khaM zhes bya ba la sogs pa ni rnal 'byor ma ri mo can gyi sde spyan dang ba'i sde yang dag par byon na byin gyis rlob pa'i phyir ro/ /de nas gtor ma dang mchod pa la sogs pa byas zin nas slar yang gshegs su gsol ba'i sngags gzhan dag gsungs pa/ oM mahA ka pA la badzri Ni zhes bya ba la sogs pa'o/ /de lte bu dag gis ni rnal 'byor ram dngos grub thams cad stsol bar 'gyur ro/ /da ni mi snang bar byed pa'i rab tu sbyor ba gsungs te/ sbyor ba gang gis rnal 'byor pa lha dang lha ma yin dang mi rnams kyis kyang mi mthong ba'i rab tu sbyor ba de nyid gsungs pa 'bras dkar po blangs te zhes bya ba la sogs pa'o/ /de la 'bras dkar po bu mo gzhon nu mas zhib mo gtags pa byas pa las gzugs brnyan ni gzhon nu mas btags pa zhib ma thag tu rang nyid kyi gzugs brnyan bya'o/ /gzugs brnyan de yang gdong ba gcig pa lag pa bzhi pa bya'o/ /de'i lag pa'i mtshon cha gsungs pa/ kha TwAM ga dang zhes bya ba la sogs pa'o/ /rdo rje las byung zhes bya ba mi bskyod pa'o/ /ji skad du gsungs pa de dag nyid

  372. 186b

    cho ga bzhin du blangs te rnal 'byor mas brgya rtsa brgyad du sngags kyi bzlas pa bya'o/ /bzlas par bya ba'i sngags kyang gsungs pa/ oM ma hA badzre zhes bya ba la sogs pa'o/ /de nas chu la lan bdun yongs su bzlas nas gzugs brnyan la bsku'o/ /de'i lhag mas rang gi kha bkrus na mi mthong bar 'gyur te/ de nas de lta bus rnal 'byor pa sna tshogs su rol ba drung nyid na byed kyang gang gis kyang mi mthong ngo/ /de nas 'o mas rang gi kha gdong bkrus na slar mthong bar yang 'gyur ro/ /mtshon cha rengs par bya ba'i rab tu sbyor ba gsungs pa/ gzugs brnyan de'i zhes bya ba la sogs pa ste/ ji skad du gsungs pa'i gzugs brnyan de'i snying gar ji skad bstan pa'i rab tu sbyor ba de dag bya ba yin te/ dur khrod kyi mes shing ba bo la gtso bor snying kar gcer te rab tu sbyar bar tshangs pa'i rdo rje ste/ rnam par snang mdzad kyis gzugs brnyan yog par bskus nas bsregs pa'i thal ba blangs pa dang/ rdo rje las byung ba zhes bya ba la sogs pa gsal lo/ /de lta bu'i thal ba'i sbyor ba 'dis gdug pa can rnams rnam par 'jig par 'gyur ba yang blta ba/ gdug pa can thams cad kyi zhes bya ba la sogs pa ste/ rab tu sbyor bas bsgrubs pa'i thal ba des rnal 'byor pa'i lus la byugs nas khros te bltas pa tsam gyis dgra bo stong yang mgo 'chad par 'gyur ro/ /de bzhin du sems kyis byas pa tsam gyis smyo bar byed do/ /de bzhin du rab tu grub pa'i thal ba 'di nyid til mar bzang po dang bsres nas mig la byugs na dpag tshad stong na gnas pa'i dngos po rnams kyang mthong bar 'gyur ro/ /dngos po de rnams mthong bar gyur na rnal 'byor ba des sbom po dang tha ltag gis brdegs pa tsam gyis de dag rang nyid 'ongs nas gam du nye bar gnas par 'gyur ro/ /de bzhin du thal ba de nyid kyi rab tu sbyor ba gzhan yang gsungs pa/ thal ba de ki wang gis zhes bya ba la sogs pa ste/ rnal 'byor

  373. 187a

    pas rab tu sbyor ba 'di byas na 'dis ni dmag gi tshogs stong ngam 'bum yang khas bu ba tu 'gyel bar 'gyur ro/ /bkrus pa tsam gyis zhes bya ba ni rnal 'byor pa'i mthe bos de 'o mas bkru bar byas na dgra bo rnams slar yang 'tsho bar 'gyur ro/ /gzhan yang thal ba'i sbyor ba de nyid kyis gzhan du sbyar ba las gser du 'gyur bar blta ba/ yang thal ba de nyid ces bya ba la sogs pa'o/ /shing bad ga'i khu ba zhes ni shing bad? ga'i bcud do/ /de nas rdo rje las byung bar gzhug go /lcags kan+ta zhes bya ba phye mar byas pa yang der blugs so/ /rdo rje dbyug pa'i bcud ni mi bskyod pa'o/ /mkhris chen gyi bsnos nas zhes bya ba ni ma'i 'khris pas bsno ba'o/ /de nas gzhan yang gzhon nu ma'i rdo rje'i rtsis kyi don gyi rab tu sbyor ba gzhan dag gsungs pa/ yang thal ba de nyid kyis zhes bya ba la sogs pa ste/ thal ba de spyi bor byin te rdo rje las byung bas kyang gzhon nu ma'i dar rab tu brlan par bya'o/ /gzhan yang thal ba de nyid kyis de la thig le yang bya'o// de la gdug pa lngas gdugs na zhes bya ba ni gzhon nu ma de la bdud rtsi lnga'i bdug pas bdug na'o/ /rab tu sbyor ba de lta bu las gzhon nu ma de thams cad smra bar 'gyur ro/ /gzhon nu ma de lta bu de'i rab tu sbyor ba 'di byas nas/ gzhan yang grub pa'i ral gri bdun po kha nas 'thon par 'gyur ba'i sbyor ba gzhan dag sbyar bar brjod pa/ don 'grub pa'i 'bras bu la zhes bya ba la sogs pa ste/ don 'grub pa'i 'bras bu ni yud kar gyi 'bras bu'o/ /rab tu sbyor ba 'dis rig pa 'dzin pa'i dngos grub bskyed par byed do/ /gzhan yang thal bar de nyid kyis ri lu'i dngos grub bsgrub pa gsungs pa/ thal ba de ces bya ba la sogs pa ste/ lcags gsum gyis kris nas/ ri lur byas te zhes bya ba ni zangs ma dang/ dngul dang gser

  374. 187b

    gyi thal ba de phur te rnal 'byor pas ri lu'i dngos grub grub par bya ba'i don du ri lur bya ba yin no/ /de bzhin du gzhan yang grub pa'i sngags bstan pa de yang ji lta ba bzhin yin pas khong du chud pa sla'o/ /'di dag ni rnal 'byor ma'i rgyud bla na med pa sangs rgyas thod pa zhes bya ba rgyud kyi rgyal po'i le'u gnyis pa'i 'grel pa// //slob dpon mkhas pa chen po pad+ma rdo rje zhes bya ba dngos grub chen po brnyes pas mdzad pa'o// (//dpal sangs rgyas thod pa'i rgyud kyi dka' 'grel zhes bya ba bzhugs/) rgya gar skad du/ sh+rI bud+d+hA ka pA lA mahA tan+t+ra rA dza TI kA b+hA ya pa dwa ti nA ma/ bod skad du/ dpal sangs rgyas thod pa'i rgyud kyi rgyal po chen po'i rgya cher 'grel pa 'jigs pa med pa'i gzhung 'grel zhes bya ba/ dpal rdo rje sems dpa' la phyag 'tshal lo/ /bskal pa'i mthar thug mchog tu dul ba chen por 'phro ba dpag med 'gro ba'i yum dang rol dpal can/ /sna tshogs sde ma dang 'dus shin tu che ba'i mchog tu dka' ba'i sku can srid pa'i dgra bo ni/ /rdzogs pa'i byang chub phun tshogs lhan cig skyes pa'i bde ba'i rol rol pa snying la 'jug pa yis/ /spyod pa dam pas bsgom bya de phyir 'jigs pa mang 'di 'di'i lam 'di ltar gsang med brtan par byed/ /rdo rje lha mos gnang ba rnams/ /rmi lam du ni thos las dang/ /des byin brlabs las 'jigs med ni/ /sangs rgyas thod 'dir 'grel pa byed/ /nges par bdag ni rdo rje can/ /dang po'i mgon po des byin brlabs/ /gang phyir des gsungs tshig rnams ni/ /rang don rna bar smra ba bzhin/ /dga' ba bsten pa'i skye bo dam pa legs pa rnams ni gtsang dang dga' ba ste/ /de yang tshu rol mthong ba dan par 'gro zhing don ring srid par 'jug pa rnams/ 'jigs pa med pa'i gzhung 'grel las ni chos gnas mchog ci yang 'tshar byed cing/ /bzod par byed cing dbu mar gnas las mnyam med phun

  375. 188a

    tshogs reg par byed/ /sangs rgyas thod pa'i rgyud le'u bcu bzhi'i bdag nyid can 'di'i ston pa bo dang brjod bya ni bcom ldan 'das sangs rgyas thod pa'o/ /de lta na yang bstan par bya ba dang ston pa bo'i 'brel pa dang/ rjod par byed pa dang brjod par bya ba'i 'brel pa brjod do/ /gdul bya rnams kyis sangs rgyas thod pa'i don rtogs pa ni dgos pa'o/ /rdo rje lta bu bde ba chen po dang ro gcig pa 'gro ba mdza' dag la phan par byed pa phyag rgya chen po'i dngos grub ni dgos pa'i dgos pa'o/ /de la 'di skad bdag gis zhes pa la sogs pa nas gyur to zhes pa'i mthar thug pa'i dang por gleng gzhi ste/ 'di yod pa na ston pa 'jug pa'i phyir ro/ /dus dang yul dang ston pa bo dang 'khor rnams tshogs pa ni ston pa'i gleng gzhi ste/ 'di med na ston pa mi 'thad pa'i phyir ro/ /de la 'di skad bdag gis zhes pa de'i chos bsdu bar bya zhing de bzhin du go rims su rtogs par byas nas shes bcom ldan 'das kyis chos yang dag par sdud pa'i mdor gsungs te/ de'i phyir sdud pa bos de kho na bzhin du bsdus so/ /'dir sdud pa po su yin/ ming nges pa 'dis ci zhe na/ bcom ldan 'das kyis bka' gnang ba kho na des brjod pa'i phyir 'dir bcom ldan 'das kho na'i gsung yin no/ /yang 'di la rgyud gtad ba nyid kyi phyir phyag na rdo rje'o/ zhes gsung ngo/ /de la bsdu bar bya ba phyin ci ma log pa rgyud kyi don mdza' dag 'di skad ces pa'i tshig phrang 'dis gsal bar byed do/ /des na 'di skad kyi yi ge 'di ni rgyud kyi don mdza' dag gi don dang ldan par rtogs par bya'o/ /rgyud kyi don kyang shes rab dang thabs kyi rang bzhin nyid kyis yi ge gnyis kyi yan lag gi ngo bor gnas so zhes 'joms so/ /bdag gis zhes pa sdud pa po bdag gis so/ /thos pa zhes pa ni rna ba'i rnam shes kyi tshig 'bru dang/ yid kyi rnam shes kyi

  376. 188b

    don rtogs kyi/ 'di bdag gi mngon sum du byas pa ni ma yin te/ bcom ldan 'das kho nas chos 'di la thams cad rtogs pa'i phyir ro zhes chos la gus par ston to/ /de ltar spyir bstan nas khyad par du gleng gzhi de rim gyis ston pa/ dus gcig na zhes pa la sogs pa ste/ gcig ni bsod nams dang ye shes kyi tshogs du mas bskrun pa tshes dang rgyu skar la sogs pas bcad du med pa bsam gyis mi khyab pa'i dus kyi khyad par 'ga' zhig go /de yang 'dir skad cig bzhi pa'i ngo bo dus zhes bshad do/ /dus gcig po de na bcom ldan 'das bzhugs pa rnams su gyur to zhes pa tshig sgyur bas bzhugs par gyur to zhes 'brel to/ /'di la b+ha ga yod do zhes pa bcom ldan te/ /de yang dbang phyug la sogs pa'i yon tan rnams so/ /de gsungs pa dbang phyug gzugs grags pa dang/ /dpal dang ye shes brtson 'grus rnams/ /phun sum tshogs pa drug rnams ni/ /skal pa zhes ni bshad pa yin/ /zhes so/ /yang na bdud bzhi rnams bcom pas na bcom ldan no/ /yang na chos thams cad nges par rtogs pa nyon mongs pa'i bdud la sogs pa nges par rtogs pa nyon mongs pa'i bdud la sogs pa des par sel pa'i shes rab ni bcom pa ste/ de 'di la de'i bdag nyid du yod do zhes pas bcom ldan no/ /de rdo rje rtse mo'i rgyud du gsungs pa/ shes rab gzhom bya nyon mongs te/ /de phyir shes rab bcom par brjod ces so/ /de bzhin gshegs pa yang de yin la thams cad kyang yin pas de bzhin gshegs pa thams cad de/ mi bskyod pa la sogs pa rnams te/ de rnams kyi sku dang gsung dang thugs rnams so/ /rdo rje ni stong pa nyid do/ /de'i ngo bo chen po ste rang dang gzhan gyi don phun sum tshogs pa dag a laM ste/ /shin du bla na med par byed pa ste/ bya ba dang bya ba las gang gi yin pa de rgyan chen po ste/ rdo rje snyems ma shes rab kyi pha rol tu phyin pa'i bdag

  377. 189a

    nyid do/ /de'i dkyil snying po byang chub kyi sems len cing 'dzin pas na dkyil 'khor ni chos 'byung ngo/ /de bzhin gshegs pa thams cad kyi sku dang gsung dang thugs rnams kyang de yin la/ rdo rje rgyan chen po'i dkyil 'khor yang yin pa'o/ /'di'i de bzhin gshegs pa thams cad kyi sku dang gsung dang thugs kyi ngo bo nyid kyang de dang ro gcig pa nyid kyi phyir ro/ /de nyid kyi phyir yang gru gsum ste de'i dbus su'o/ /'dir gzhal yas khang ma gsungs pa nyid na yang chos 'byung gi dbus na gnas pa'i gzhal yas khang du zhes don gyis rtogs par bya ste/ dper na grong khyer na phyug po gnas so zhes pa grong khyer na gnas pa'i khang bzangs na zhes don gyis 'gyur ba bzhin no/ /de ltar ma gsungs pa ni bde ba chen po'i sa gzhi gtso bor nye bar bstan pa'i don du ste /gzhal yas khang yang de dang ro gcig pa kho nas so/ /yang na rdo rje ni stong pa nyid chos 'byung ste/ der rgyan chen po'i dkyil 'khor ni gzhal yas khang de'i dbus su'o/ /de ltar 'gyur pa'i gnas su bcom ldan 'das bzhugs par nye bar bstan pas stong pa nyid dang snying rje dbyer med pa lhan cig skyes pa'i sku gsal bar rig pa byas la sku de kho nas rgyud ston pa yang de dang ro gcig par bstan to/ /de ltar dus dang yul dang ston pa po phun sum tshogs pa brjod nas 'khor phun sum tshogs pa gsungs pa/ thams cad ces pa la sogs pa ste/ mi bskyod pa la sogs de bzhin gshegs pa rnams dang/ sna tshogs sde ma la sogs pa rnal 'byor ma rnams dang 'phags pa kun dga' bo la sogs pa rnams dang yang bzhugs so/ /'dod chags dang bral ba gzung ba ni nyan thos kyi theg pa can nye bar mtshon pa nyid kyi phyir pha rol tu phyin pa'i theg pa ba rnams kyang rdo rje theg pa kho nas bde ba chen po'i rang bzhin rdzogs pa'i

  378. 189b

    byang chub 'grub po zhes shes pa'i don du'o/ /'jig rten dbang phyug la sogs pa rnams kyang der 'dus par gyur to/ /gleng gzhi'i dag 'di yang ji ltar srid ba ltar kho bos rgyas pa dang bcas par dpal yang dag par sbyor ba'i rgya che 'grel du bshad zin bas blo bzang rnams kyis nges par bya'o/ /gleng gzhi dang rjes su mthun par bcom ldan 'das kyis bstan pa sdud pa pos de nas zhes pa la sogs pas skabs phyed do/ /rdo rje stong pa nyid kyi rang gi ngo bo'i ye shes lnga rnams 'dzin no zhes pas stong pa nyid dang snying rje dbyer med pa lhan cig skyes pa bde ba chen po'i rang bzhin rdo rje 'dzin pa'o/ /phyag rgya chen po bde ba chen po dang ro gcig pa 'gro ba la phan pa byed pa stong pa nyid de kho na rdo rje ste/ sgrib pa thams cad 'byed ba'i phyir ro/ / gnas kyang ste rang dang gzhan gyi don phun sum tshogs pa'i gzhi'o/ /de kho na sngags dang rgyud rnams kyi tshad mas 'thad pa nyid kyi phyir mchog tu nye bar bstan pa nyid kyis na legs par bstan to/ /des na de bzhin gshegs pa thams cad kyi ste rnam par snang mdzad la sogs pa rnams kyi bdag pos zhes pa bdag po ste/ bdag po nyid kyis na 'di ston pa po bla na med pa'o zhes gsal par byed do/ /rdo rje ni bdag nyid kyi sde pad+ma ni sde ma'i 'o/ /de dag yang dag par sbyor bas so/ /btsun mo ni sna tshogs ste ma sde/ de'i b+ha ga ni chos 'byung ngo/ /nang du ni rdo rje byang chub kyi sems dang/ pad+ma spyi bos la sogs pa rnams te/ de rnams kho na btsun mo'i ste/ a ba d+hU tu'i'i b+ha ga rnams/ /yongs su mya ngan las 'das ba ste byang chub sems kyi ngo bo zhu bar gyur zhes pa'i don to/ /don dam par ni btsun mo ni shes rab ste/ sna tshogs snga ma ming gzhan kun tu bzang mo'o/ /de'i b+ha ga ni stong pa nyid do/ /mang pos tshigs ni sna tshogs sde ma ni btsun mo thams cad bsdus pa'i ngo bo nyid kyi phyir ro/ /der bcom ldan

  379. 190a

    'das phyag rgya chen po rdo rje'i gnas kyi shes rab kyis srid pa la mi gnas shing snying rjes zhi ba la mi gnas pa'o/ /zhes pa mi gnas pa'i mya ngan las 'das pas yongs su mya ngan las 'das te /de'i bdag nyid du gyur nas ro gcig pa'i rang bzhin gyis tha dad mdza' dag gis ma reg pa las 'khor ba'i bar du/ dpag tu med pa'i de bzhin gshegs pa dang/ byang chub sems dpa' dang/ rnal 'byor ma dang/ 'dod chags dang bral ba dang/ phyag rgya dang/ dkyil 'khor dang/ sngags bye ba phrag brgyad cu po rnams dang lhan cig rnams par rtog par med par gyur kyang sngon gyi 'phen pa'i las sems can thams cad la ci bya ba'i tshul gyis gzhugs so zhes bya ba'i don to/ /de ltar na yang mchog tu zab pa'i chos 'di bdag gi rtogs kyi sems can rnams kyang phal cher bsod nams zhan pa/ shes rab ngan pa theg pa dman pa la mos pa rnams te/ des na su zhig 'di la mos par 'gyur zhes gdul bya rnon po rnams gus pas rings pa'i don du mya ngan las 'das te/ khong du chud pa'i chos ston pa la bya ba med cing mi spro ba'o zhes pa'i don to/ /de zhes pa srid pa dang zhi ba la mi gnas pa dang mi spro ba'o/ /mchog tu brtse ba dang shes rab dang ldan pas ci bya ba'i tshul gyis bzhugs pa ji ltar mi spro ba zhes rmad du gyur pa thob pa'o/ /sna tshogs sde ma la zhes pa/ sna tshogs te rnam pa sna tshogs pa dang rmad du byung ba'i sde ste bde ba chen po gang gi yin pa de la'o/ /rnal 'byor ma zhes pa shes rab dang thabs dang snyoms 'jug pa/ rnal 'byor zhes par mngon par brjod/ /da 'di la shin tu yod pa'o/ /de nyid kyi phyir dris pa lan gdab pa la nus pa'i zhes 'dri'o/ /gang gis sems can rnams nus pa rang dang gzhan la phan pa rdzogs par byed yod pa 'thob pa'i thabs 'ga' zhig yod dam/ rgyud la sogs pa rnams

  380. 190b

    su sngags kyi thabs bstan pa la dgos pa 'di ga las zhe na gsungs pa ste/ 'dir bsdus pa'i don ni/ gang rgyud la sogs pa thub pa'i dbang po rnams kyis gsungs pa de rnams la/ sngags med na nus pa ma mthong zhing/ sngags la ni dgos pa mang po rnams skye ste/ de ltar ni chung ngu dang 'bring dang che ba'i bsod nams kyi sems can rnams kyi rim pa ji lta bar bye ba dang 'bum dang/ khri 'das pa rnams kyis 'grub par rdo rje can chen pos gsungs na/ nga yang ci chur du la sogs pa'i nang du gtogs gnas ma yin zhes the tshom dang ldan pa ni sems zhan pas ci ltar sngags zlos/ /'dod chags la sogs pas nye bar bcom pa log pa'i shes pa can rnams/ /ji ltar 'dod chags la bzhugs pa de las sngags zlos/ /'dod chags la zhugs pa'i sems can rnams zhes klog pa la ni de rnams kyi zhes brtag par bya'o/ /mi shes pa rnams kyi rgyud dang sngags zlos pa la brtsis bgrang ba srid kyang ji ltar nyon mongs pa can gyi sems gyis yin/ yang dag pa'i shes pa can gyi yang shin tu ste/ dngos po dang dngos po yang pa'i mthar sems dmigs pa ni gang gis nges par btags pa ste/ niShtha'i mdza' can ni 'ga' zhig tu pha rol tshig phrad do/ /de'i sngags ni ji ltar rtsags te sngags su bya ba bzlas bya yin te/ sems rtog pa de las yid kyi ngo bo yid dang skyob pa'i ngo bo skyob pa ste stong pa nyid dang snying rje dbyer med pa don dam pa'i sngags yin cing de kho na las rang dang gzhan gyi don nus pa'i dngos grub yin na sngags bzlas pas ci zhig ces pa dgongs pa'o/ /thams cad du ji ltar zhes pa dri pa la'o/ /de ltar zhes pa brjod pa'i rims pas/ rtog dpyod dang ldan pas mi bzlas te/ de la yang zlos pa yod na yang dngos grub gzhan du dngos grub ma yin pa'o/ /bskal pa skar ma lta bu bye ba zhes pa gsum pa'i don la dang po'o/ /nam mkha' la skar ma dpag tu med

  381. 191a

    pa bzhin du dpag tu med pa'i bskal pa bye bas so/ /de ltar zhes pa ji ltar dgos pa la bzlas pa mi srid pa de ltar don la the tshom za ba la sogs pas nges 'ga' bzlas pa yod na yang dngos grub kyang ngo/ /bcom ldan 'das zhes pa bcom ldan 'das kyi'o/ /lha mo chen mo ni btsun mo mchog go /de nyid kyi phyir bcom ldan 'das bzhin du rgyud thams cad bdag mo ste rgyud thams cad ston par rung ba nyid kyis so de ltar ni 'dis rdo rje phag mo'i gzugs kyis 'bum pa mngon par brjod pa dang/ rdo rje mkha' 'gro'i rgyud dag bstan zhes gsungs pa ste/ bcom ldan 'das kho na 'di'o zhes pa ni dgos pa'o/ /dbang phyug ma ni thams cad du thog pa med cing bsam gyis mi khyab pa'i nus pa dang ldan pa'i phyir ro/ /gzigs pa tsam gyis bcom ldan 'das zhes pa bcom ldan 'das kyi'o/ /thod par zhes pa thod pa las te/ kaM bde ba skyong bar byed ces pa ka pA la byang chub kyi sa bon na gzhom du med pa'o/ /de las sngags phyung ngo/ /'di ni 'dir dgongs pa ste smin ma'i dbus su ye shes kyi sa bon thig le'i rnam par bsgom par bya'o zhes gsungs pa'i phyir/ smin ma'i dbus su thig le'i rnam par sems bsgom pas brtan par byas nas sngags spro bar bya'o zhes pa'o/ /yang na bcom ldan 'das dang 'brel pa'i thod ba las te sna tshogs sde ma'i chos 'byung las so/ /gang gsungs par 'gyur ba de'i thod par dkyil 'khor dang sngags dang rgyud legs par rnam par gnas so zhes so/ /'di ni 'dir man ngag ste/ bcom ldan 'das kyi bde ba chen po'i 'khor lo'i gnas gzhom du med pa las 'ongs te/ 'og gi lam nas byung nas bcom ldan 'das ma'i chos 'byung du zhugs te/ a wa d+hU ti'i sgo smin mtshams kyi dkyil nas sngags byung ba ni ltags 'byung yin cing lugs mi mthun gyis 'jug pa'o /

  382. 191b

    don 'di nyid ni 'di ltar zhes pa la sogs pa nas thod par zhugs so zhes pa'i mthar thug pa gsal bar mdzad do/ /bcom ldan zhes pa bcom nas so/ /sna tshogs sde ma'i 'dir bcom ldan 'das ma sna tshogs sde ma'i rtsa a wa b+hU tI'i ste/ de'i sgo smin mtshams kyi dbus su zhugs shing byang chub kyi sems dang lhan cig zhu bar gyur nas 'og gi thod pa chos 'byung gi nang du zhugs so/ /de nas byung nas bcom ldan das kyi rdo rje'i lam gyi steng na/ a nA hA la rim pa las zlog pas zhugs pa'o / 'di'i zhes pa 'di'i'o/ /klu rnams zhes pa klu rnams so/ /klu thams cad ni rdzu 'phrul chen po zhes pa dang 'brel to/ /nor rgyas dang stobs rgyu la sogs dang gzhan yang gang su yang rung pa dug 'byung ba rnams te/ mthod pa dang mche ba dang kha chu dang/ reg pa dang/ 'od zer dang/ za 'phro'i dug rnams las 'byung ba'o/ /bka' bsgo ba ni kye lha mo bdag cag la'o/ /smra ba ni smra ba rnams so/ /gsungs pa ni sna tshogs sde mas so/ /de ltar zhes pa sangs rgyas zhes pa la sogs pa thod pa'i de ma thag kho nar ro bcom ldan 'das kyi thod pa ni bshad zin to/ /kha phye nas te rnam par gsal la bar gyur nas so/ /smin mtshams ni gnas pa'i thig le las A li kA li'i rang bzhin nyid kyi phyir/ glegs bam chos thams cad bsdus pa'i rang bzhin bris pa'i 'dab ma'i bdag nyid sngags bzhin du byung ngo/ /yang na bu zhes pul+li ra ma la ya ra ste zhes pa rgyas par byed de ki bde ba'o/ /zhes pa bu sta ka byang chub kyi sems so/ /de kho na bris pa'i 'dab ma'i bdag nyid du glegs bam du 'gyur ro zhes pa'i don to/ /nam mkha' zhes pa bzlas nas bshad pa las so/ /nam mkha' las te chos 'byung du rdo rje pad+ma yang dag par sbyang pa'i dus na gang gi tshe sgra tsam byung ba de'i tshe glegs bam byung ba'o/ /de'i tshe kho na lha rnams kyis nam mkha' las sgra byed

  383. 192a

    bzhin pa byung ba'o/ /rgyud ces pa la rgyud ni rgyun te/ de yang rnam pa gsum ste rgyu dang 'bras bu dang/ thabs kyi dbye ba las so/ /de la thog ma dang tha ma med pa'i he ru ka'i bdag nyid ni rgyu'i rgyud de/ de kho na rgyur byas nas 'bras bu'i he ru ka 'byung ba'i phyir ro/ /blo bur gyi dri ma dang bral ba las 'gro ba ma lus pa'i don byed pa'i ngang can 'bras bu'i he ru ka ni 'bras bu'i rgyud do/ /de kho na'i rnam par dag pa'i thabs ni thabs kyi rgyud de/ mkha' lding gi sbyor ba la sogs pa rnams ni thabs kyi yan lag nyid kyis thabs rnams so/ /dngos su pa'i thabs ni phyag rgya chen po'i dngos grub kyi dus su phyag rgya'i rnal 'byor las ji skad bshad par sgrub pa dang de'i yang dngos su pa'i thabs ni rdzogs pa'i rim pa ste de'i bskyed pa'i rim pa'o/ /rgyal po chen po zhes pa chen po ste/ rang bzhin gyi don phun sum tshogs pa sgrub pas sems can kha sgyur ba'i phyir ro/ /'di'i rgyas par bshad pa ni sems can kun la phan byed pa zhes pa'o/ /rab tu rgyas par bshad pa ni sems can kun la bde 'bab pa zhes pa'o/ /dngos grub thams cad ces pa/ gang gi phyir 'di las dngos grub thams cad yin ba'o/ /rnal 'byor ma'i theg pa zhes pa rnal 'byor ma'i rgyud de/ der 'gro ba dang 'dis 'gro ba zhes pa 'bras bu dang rgyud dang thabs kyi rang bzhin no/ /gong na med ces pa'i rgyas par bshad pa/ myur du 'bras bu ster byed pa'o zhes pa'o/ /de la dngos su pa'i thabs nyid kyis na rdzogs pa'i rim par zhig mdor ston te/ spar ba zhes pa la sogs pa'o/ /spar ba ni bzang stod pa ste rdo rje'o/ /nang du ni byang chub kyi sems so/ /mnan pa ni rten nyid kyi phyir pad+ma'o/ /de las skyes pa ni chos thams cad kyi rtsa ba nyid kyis na ye shes chen po'o/ /sgrib pa med pa'i bde ba chen po nyid kyis

  384. 192b

    na bla na med pa'o/ /gnas zhes pa go 'phang ste/ rang dang gzhan gyi don phun sum tshogs pa'i gzhi'o/ /yang na gnas ni rtsa rnams su rgyu ba spangs pa'o/ /rnyed dka' ba ni le lo la sogs pas nye bar bcom pa rnams la'o/ /gsang ba ni nyan thos la sogs pa rnams la gsal bya min pa'o/ /de nyid kyi phyir mchog phul du byung ba ste/ shes rab rno zhib bsod nams gsags pa rnams kho na'i yul 'di nyid kyi phyir ro/ /nyams dga' ba ni dga' ba la sogs pa dang ldan pa'o/ /lus kun la ni rnam par gnas// shes pa thams cad du rgyun ma chad par nyams su myong ba'i phyir bde ba chen po yongs su rgyas pa nyid du gsungs so/ /lus kho na dang/ de ro gcig par 'byung ba'i phyir rlabs dang chu bzhin no/ /de ltar dngos po thams cad la khyab par byed pa nyid du dkyil 'khor ba dang bcas pa'i dkyil 'khor gyi dbang po bstan to/ /thabs kyi yan lag mdor ston te/ mkha' lding sbyor dang zhes pa la sogs pa gsod pa'i bar las bcu gnyis rnams so/ /bskyed pa'i rim pa mdor ston pa/ sngags sna tshogs zhes pa hUM yig la sogs skyes pa'i sa bon no/ /ji ltar rigs pa ni 'chad par 'gyur ba'i le'ur bshad pa'i cho ga yis so/ /rnal 'byor ma rnams kyi sna tshogs sde ma la sogs kyi'o/ /ji bzhin 'byung ba ni ji ltar rigs par skyed pa'o/ /he ru ka zhes pa dpa' bo chen po he ru ka ?O/ /skyed pa'i rgyu ni zla ba la sogs pa'o/ /gnas pa'i rgyu ni chos 'byung la sogs pa'o/ /bskyed pa'i rim pa 'di dang por bsgom par bya'o/ /theg pa chen po'i gsang sngags 'dir las dang po'i sems can? rnams dang por gzhug pa'i? ched du lha'i sku sgom pa kho na gsungs te/ gang gsungs pa/ dang po'i las can sems can la/ o/lha nyid kyi ni sku sgom pa/ /thog mar rgyud du las thams cad/ /'grub pa'i ched du nges par bstan/ /zhes so//

  385. 193a

    skyed pa'i rim pa'i dngos su pa'i thabs las byung ba rdzogs pa'i rim pa'o zhes pas gang gang 'dra ba'i bskyed pa'i rim pa thabs yin zhes pa rtogs pa'i don du bskyed pa'i rim pa mdor bstan pa'i de ma thag tu rim pa gnyis kyi khyad par gsungs pa dngos po zhes pa la sogs pa'o/ /dngos po dang dngos po med pa dag tu sgro btags pa gnod pa mdza' dag gi khyab par byed pa dag med pa'i phyir dngos dang dngos med spros med pa'o/ /sgrib pa gnyis kyi cha med pa'i phyir gos pa med pa'o/ /'o na gzhan gyi don bya ba ma yin te/ nyan thos kyi mya ngan las 'das pa bzhin no/ /zhes na gsungs pa/ srid par spyod byed ces pa ste/ sgrib pa med gang gzhan gyi don du snying rje chen pos mu mdza' med pa'i dus su 'khor bar 'byung ba'i phyir ro/ /de mchog gi dang po'i rgyud du gsungs pa/ dpa' bo mchog rnams ji srid du/ 'khor ba'i gnas su gnas gyur pa/ /de srid mnyam med sems can don/ /mya ngan mi 'da' bya bar nus zhes so/ /slar yang thabs kyi yan lag gsungs pa/ dgongs pa'i skad ces pa la sogs pa'o/ /gzugs brnyan dags pa la sogs pa ral gri'i mthar thug pa ni las bcu gnyis rnams sngar dang phyi ma'i las bshad pas so/ /bskyed pa'i rim pa la gnas pa dang rdzogs pa'i rim pa la gnas pa'i sangs rgyas thod pa'i sbyor ba yis las thams cad 'grub par 'gyur ro/ /zhes gsal bar byed do/ /de nyid kyi phyir gsod pa dang ro dag la nye bar mtshan pa nyid kyis gnyis ka la nye bar len pa'o/ /mi snang ba zhes pa bdag nyid do/ /mchog min zhes pa phul byung ma yin pa'o/ /dka' thub nges pa drag rnams kyis/ /lus ni skems shing sdug bsngal nyid/ /sdug bsngal ba las sems dbyengs te/ /g.yeng ba las dngos grub gzhan du'o/ /zhes gsungs pa/

  386. 193b

    'dod pa lnga ni bsten bzhin pas shes so/ /sgyu ma rnams ni thams cad la/ /bud med sgyu ma khyad par 'phags/ /ye shes gsum gyi dbye ba 'di/ /'di kho na la gsal bar mtshon zhes pa'i rigs pas 'dod pa'i yon tan lnga rnams la/ nye bar spyod pa na gtso bo bud med bsten pa ste/ thabs la mkhas pa nyid kyis phyag rgya chen po'i dngos grub kyi rgyu nyid kyis phyir ro/ /nges na de'i don du ro rtsa bar byed pa mdor bstan pa'i don du gsungs pa/ 'jigs pa 'joms byed ces pa la sogs pa ste/ 'jigs pa rnam par rtog pa rnams lhan cig skyes pa 'char pa'i dus su nub par 'gro ba'i phyir 'joms par rung ba'o/ /g.yul chen po ni dga' rtsed sna tshogs pa'o/ /byed bzhin pa ni skyes pa gcig gis bud med 'bum las rgyal bar byed de ro rtsa ba'i byed pas so/ /ci 'di ltar mthong dam zhe na gsungs pa skyes pa gcig gis shes te/ skyes pa gcig 'dod pa chen po can du mthong ste 'phags pa chos 'phags la sogs pas bud med stong phrag drug cu rtsa brgyad rnams te/ nye bar mtshon pa nyid kyi phyir bud med 'bum phrag zil gyis gnon zhes pa lhag ma'o/ /de'i phyir 'dod pa spyod de/ gcig gis zhes pa gcig pus thams cad ces thams cad ma rnams la'o/ /'dir yang thabs ni ro rtsa bar byed pa zhes pa byang chub kyi sems 'ju bar byed pa dang 'dzin pa dang 'phel ba ste/ gsum po 'di ji ltar 'gyur ba de 'chad par 'gyur ro/ /de nas zhes pa la sogs pas mkha' lding sbyor ba mdor ston te/ ming ji bzhin zhes pa ji ltar rab tu grags par 'gyur pa de ltar bshad par bya'o/ /shA li kA'i byed pa dang rig pa 'dzin pa'i byed pa ni rab tu rgyas par ston par 'gyur ro/ /rgyan pa ni cho lo ste/ de rtse bas du zhi bar byed do/ /rda brdung ba'o/ /zin pa bud med kyis 'phrog pa'o/ /ka ra bI ra'i shing gis mgo bo nas bzung

  387. 194a

    nas rkang pa'i mdza' ji srid par bsnun pa'o/ /zhags pa zhes pa zhags pa'i rnam pa'i thag pas mgrin par bcings nas 'gugs pa'o/ /khu byug gi sgra byed pa'o/ /pad+ma 'byed pa zhes pa nang gi pad+ma rnams su rtsa ba'i 'don pa'i bsam pas man ngag ji lta bar rlung 'gog pa'o/ /gzhan ni longs spyod rdzogs pa'i 'khor lo'i rtsa gnyis 'khrul 'khor du byed bar smra'o/ /stag byed ni stag bzhin du bgrong ba'i tshul gyis 'chag pa'o/ /chu ni rab tu rgyas par ston par 'gyur ro/ /dung zhes pa ni dung gi sgra'o/ /thod lo kor 'phrog ces pa ni thong lo kor gyi bzung ba'i ming bris pa las dug 'phrog pa'o/ skyug pa zhes pa skyug par byed pa'o/ /ras kyi gos kyi g.yogs pa'o/ /thal lcag ces pa thal lcag gis bsnun pa'o/ /yi gsum zhes pa b+ha ka kar yis rdeg pa'o/ /ha ho h+rI(rgyud 'grel): zhes pa yi ge gsum gyis dug 'jig pa'o zhes kha cig go /bsam gtan lta bas gtam zhes pa dkar po'i a yig la sogs pa bsgom pa yi lta bas gtam bya ba'o/ /zhes pa sbyor ba bcwa ba rgyad po 'di rnams kyis dug dgugs par 'gyur ro/ /rdzogs pa'i rim pa mdor bstan pa rgyas par ston to/ /de nas zhes pa la sogs pa'o/ /ro las bde ba can pad+mar yod pa ni bzang po ste/ ye shes ni lhan cig skyes pa'i dga' ba'i dga' ba'o/ /ji bzhin pa ni gcig dang du ma'i rang bzhin dang bral ba nyid kyis rang bzhin med pa nyid kyis na de ltar kun rdzob kyi bden pa'o/ /b+ha ga ni pad+ma ste de'i dbus kyi gzhi la rnam par bzhugs te/ rnam par rtog pa rnams gsal nas bzhugs te/ srid pa dang mya ngan las 'das pa la mi gnas pa nyid kyis so/ /de kye'i rdo rjer gsungs pa/ rdo rje rtse mo'i b+ha ga bzang/ /bde ba can dung bzhugs te/ /sangs rgyas rin chen za ma tog /e yig cha byad ngo bo ro//

  388. 194b

    de bzhin du/ btsun mo'i b+ha ga bde chen du/ /khu ba'i ming gis rnam par gnas/ /de med par ni bde mi 'gyur/ /bde ba por nas de mi 'gyur/ /zhes so/ /de bzhin du/ lhan cig skyes dga' rang bzhin nga/ /mchog mdza' khyad dga' dang po can zhes so/ /'dir khu ba'i ming gis zhes pa byang chub sems kyi rnam pa kho na'i sems de ltar gsal ba'i phyir ro/ /mchog mdza' khyad dga' dang po can zhes mchog gi mdza' khyad par dga' ba ni gang gi dang po yin pa ste/ mchog gi de ma thag tu khyad par dga' ba dang de'i de ma thag tu lhan cig skyes pa zhes pa'i don to/ /lugs gzhan la ni khyad par dga' ba'i dang po ste/ mchog dang khyad par dga' ba dag gi dbus su'o zhes pa'i don to/ /'dod pa 'di yang mi 'thad de/ /khyad dga' dang por mtshon par bya/ /de yang dga' ba gsum po spangs zhes gsungs pa'i phyir ro/ /'dis ni khyad dga' yang 'di yin la dang por yang ngo zhes pas khyad dga' i dus kho nar nye bar 'char ba'i lhan cig skyes pa dang po kho nar mtshon par bya'o zhes rtog par byas te lhan cig skyes pa shar ba na ni rnam par rtog pa thams cad nub pa'i rang bzhin nyid kyi phyir ga la mtshon/ de nyid kyi phyir 'phags pa'i zhabs kyis gsungs pa ye shes gsum gyi dbye ba 'di/ 'di kho na la gsal bar mtshon/ /zhes pa 'dis dga' ba gsum po mtshon pa dang bzhi pa mi mtshon par gsungs so/ /bcom ldan 'das kyis kyang mtshan nyid dang bral ba gsum las gzhan zhes pa 'dis so/ /de'i phyir ji ltar lhan cig skyes pa'i rjes thogs su khyad dga' skye ste/ mtshon par mi nus pa nyid kyi phyir ro/ /khyad dga' i de ma thag pa'i dran pa kho nas mtshon pa nyid kyis na nyams su myong ba'i chos ma bstan par 'gyur ro/ /lhan cig skyes pa 'chad ba'i gnas la ni log par rtog pa med pa kho na'o/ /'o na dang por yang ci'i phyir mtshon te/ nyams su ma myong ba nyid kho na'i

  389. 195a

    phyir ro zhe na/ ma yin te/ /tho rangs kyi dus mtshams bzhin no/ /'o na de lta na yang de'i ngo bo nye bar mtshon pa kho na'o zhe na bden te/ nyams su myong ba'i thabs ni 'di ltar nye bar bsten par bya'o/ /'o na de lta bu ni thabs su yang 'gyur bar 'os pa ma yin te/ de nas bzung nas de nye bar mtshon par mngon par zhen pa 'di la de mi srid pa'i phyir ro zhe na/ bden te gal te de ltar gyur na'o/ /der ni de ltar 'byung bzhin pa na ji ltar bya ba de ltar bya ba de ltar bla ma rnams gsung bar 'gyur ro/ /de ltar 'dod pa gnyis ka la yang nye bar mtshon pa'i rim pa gsal bar byas so/ /khyad dga' lhan cig skyes pa'i de ma thag pa nyid na rgyud gzhan rnams dang/ bcu drug phyed phyed thig le 'dzin pa phyag rgya'i dngos grub kyang mi 'thab cing/ lhan cig skyes pa nyams su myong ba kyang mi srid kyi lhan cig skyes pa'i rang gi ngo bo kho na 'ba' zhig pa ni mi 'thad pa med do zhes pas lugs snga ma kho na man ngag rig pa rnams gsung ngo zhes pa shin tu zhar la byung bas chog go /ye shes bzang po de dpe nyid kyis 'jig rten pa'i lhan cig skyes pa'i bde ba bsgrub par bya pa'i sgrub par byed par blta par bya'o zhes gsungs pa bde ba chen po ster byed pa zhes pa/ de'i thabs su gyur pa'i lhan cig skyes pa man ngag ji lta ba bzhin goms par byas ni mi 'gyur ba bde ba chen po sgrib pa phul du dbyung du med pa thabs las byung ba nye bar bskyed par bya'o/ /thabs dang thabs las byung ba'i bde ba 'di dag gi de kho na nyid ni rang bzhin med pa'i mtshan nyid can stong pa nyid kho na'o/ /gang rnams bde ba kho na de kho na nyid du yid ches nas gnas pa de rnams kyi 'khrul pa gsal ba'i don du bcom ldan 'das kyis gsungs pa/ gang phyir 'byung ba

  390. 195b

    chen bde ba/ /de phyir bde ba de nyid min zhes so/ /lhan cig skyes pa yang thams cad kyi tshe thams cad du mi 'byung ste/ de ltar na lhan cig skyes pa dngos po'i rang gi ngo bo ste/ de'i don dam pa stong pa nyid kho na dang kun rdzob pa rtogs pa'o/ /bde ba ni rtogs pa yin mod kyi/ de lta na yang thams cad kyi tshe thams cad du lhan cig skyes pa yin te/ sdug bsngal dang btang snyoms nyams su myong ba'i dus su dang/ bsam gtan bzhi pa la dang/ gzugs med pa'i khams su rtogs pa bzhin du nyams su ma myong ba nyid kyi phyir ro/ /gang mtshan yang dag par brjod par gsungs pa/ bsam gtan bzhi pa'i rtse mo 'chang/ zhes pa der bsam gtan bzhi pa lhan cig skyes pa'i dga' ba'i rtse mor ste/ rnam par rtogs pa'i dri ma thams cad dang bral ba rab tu gyur pa mthar thug pa la de'i bdag nyid kyis gnas pa de'i phyir de'i rang gi ngo bo 'dzin pa zhes pa'i don to/ /bde ba chen po'i rang bzhin du mu mdza' med pa'i khams gsum pa snang bar gyur pa na bsam gtan la sogs pa yang bde ba chen po'i rang bzhin ni bcom ldan 'das kho na ste gzhan gyi ni ma yin no/ /zhes pa bzlas te bshad pa'i don to/ /'o na ji ltar bde ba lhan cig skyes par brjod ce na/ /ji ltar dmigs pa'i snying rje chen po de kho na nyid ma mthong ba'i yod pa ma yin pa lhag par mos pas bsgom bzhin pa ni de kho na nyid rtogs pa na rtogs pa'i bdag nyid kyi phyir kun rdzob pa'i lhan cig skyes par brjod pa de bzhin du bde ba res 'ga' nyams su myong pa'i gnas skabs su dang/ nyams su ma myong pa'i gnas skabs su de kho na nyid ma mthong bas lhag par mos pas snying rje chen po dang dbyer med pa'i rang bzhin stong pa nyid kyi bdag nyid rnam pa thams cad mchog dang ldan pas/ sdom pa ni de kho na nyid rtogs pa'i gnas skabs su 'jig rten las 'das pa'i kun

  391. 196a

    rdzob pa'i lhan cig skyes par brjod do/ /de kho na nyid ma rtog pa'i gnas skabs su nyams su myong ba ni 'jig rten pa'i kun rdzob pa'i lhan cig skyes pa ste/ lhan cig skyes pa'i grib ma'i rjes su byed pa nyid kyi phyir ro/ /de skad du yang gsungs pa/ lhan skyes dag las gang skyes pa/ /de ni lhan cig skyes par bshad/ /rang bzhin lhan cig skyes par bshad/ /rnam pa thams cad sdom ba cig /snying rje thams cad rnal 'byor 'gyur/ /phyag rgya rgyu dang bral ba las/ /stong nyid snying rje dbyer med pa/ /byang chub sems zhes bshad pa'o/ /zhes 'dir 'di la sdom pa bya ba'o/ /zhes pa sdom pa'o/ /rnam pa thams cad kyi ste sngon po dang ser po la sogs kyis gcig ste gnyis pa med pa'i sdom pa ste/ lhan cig skyes pa kho na de ltar snang ba'i phyir ro/ /lhan cig skyes pa dag yang gang dag las skyes pa lhan cig skyes par brjod par bya ba de dag ni snying rje dang phyag rgya dag go /de'i phyir snying rje dmigs pa med pa'i snying rje chen po'i rang bzhin de gang gi thabs yin pa 'di ltar thar pa de ni rnal 'byor par 'gyur ro/ /'di skad bshad de/ thabs kyi de kho na nyid bde ba 'di yin gyis/ shes rab kyi de kho na nyid ni ma yin no/ /phyag rgya ni stong pa nyid dang de kho na chos thams cad skye ba med pa'i mtshan nyid can shes rab dam pa ste rgyu dang bral ba las ni rgyu med pa las te/ chos rnams thams cad gdod ma nas ma skyes pa nyid kyi phyir ro/ /rang bzhin 'di dag kyang lhan cig skyes pa dag kho na ste/ rang nyid las grub pa nyid kyi phyir ro/ /'di dag las skyes pa'i de kho na nyid byang chub kyi sems stong pa nyid dang snying rje dbyer med pa'o/ /de ci 'di shes rab kyi ye shes las gzhan pa kho na 'am zhe na/ gzhan ma yin te/ de kho na mi mthun phyogs bsal ba de ni rnam pa 'di lta bu'o/ /zhes rang gi ngo bor rab tu

  392. 196b

    gsal ba'o/ /lhan cig skyes pa shes rab ye shes kyi rang gi ngo bo dag las goms pa las skyes pa'i byang chub kyi sems 'di kho na ni bzhi pa phyag rgya chen po'i dbang bskur te/ rnam par rtog pa'i dri ma rnams thams cad dngos su 'des 'khrung pa'i phyir ro/ /de gsungs pa/ bzhi pa de yang de bzhin no/ /zhes so/ /lhan cig skyes pa'i ngo bo nyid kho na sna tshogs par ston pa gsungs pa de kho nar ni zhes pa la sogs pa'o/ /bzang po'i ye shes de kho nar dngos po dang dngos po med pa la sogs par sgro btags pa mdza' dag stong pa nyid dang ro gcig par de'i bdag nyid kyis thams cad gnas so/ /byis pa zhes pa byis pa rnams te so so'i skye bo'o/ /'o na ji ltar bdag nyid kyi rang gi ngo bo yang mi shes zhe na/ gang phyir rmongs pa rnams te/ dngos po dang dngos po med par la sogs par 'dzin pa'i phyin ci log mi shes pa'i rmongs pa 'di rnams las skyes pa'o/ /ye shes de kho na nyid bcud de bde ba chen po dang bcud len te/ stobs dang mi 'jigs pa la sogs pa'i yon tan rgyas pa'i rgyu nyid kyi phyir ro// 'di ni khyad par la ste/ phyi rol gyi bcud la sogs pa rnams las khyad par du 'phags pa'o/ /zhes pa'i don to/ /de lta kho nar goms bzhin pa ni bde ba chen po ster bar byed pa po ni ji ltar sna tshogs pa'i rnam bcad dngos po dang dngos po med pa la sogs pa dang bral ba'i dngos po yang dag pa ji lta ba rtogs pa las sangs rgyas rnams te/ dri ma med pa nyid yongs su dag pas stobs dang mi 'jigs pa la sogs pa ye shes kyi rang bzhin rnams nges par gnas so/ /'dis ni sems kyi rdo rje'i rang gi ngo bo chos kyi sku gsungs so/ /dkyil 'khor zhes pa sngon po dang ser po la sogs pa sna tshogs pa'i rnam pa can stong pa nyid dang snying rje dbyer med par snyoms par zhugs pa'i lha'i ngo bo dga' ba la sogs pa'i dbye bas tha dad pa skye ba dang 'chi ba

  393. 197a

    dang 'gog pa'i ngo bo spro ba dang sdud pa'i byed pa po rdo rje sems dpa' dkyil 'khor gyi 'khor lo bde ba chen po'i rang bzhin kho na'o/ /bzang po ni rdzogs pa'i ngo bo'o/ /bzhi pa'i don kho na sgom bzhin pa grub par 'gyur ba ni dbang bzhi par 'gyur ro zhes gsungs pa/ der ni slob ma bzang dbang bskur zhes te/ gang b+ha ga'i dbus su bskyed pa'i rim pas dbang skur ba de ni 'chad par 'gyur ro/ /he ru ka zhes pa he ru ka bcom ldan 'das te/ longs spyod rdzogs pa'i sku'i bdag nyid do/ /pha rol tu phyin pa'i tshul las sa bcu'i dbang phyug byang chub sems dpa' rnams la zab cing rgya che ba'i chos ston pas chos la longs spyod rdzogs pa'i yan lag nyid kyis na mtshan ni sum cu rtsa gnyis dang dpe byad bzang po brgyad cu'i bdag nyid kyis sku kho na longs spyod rdzogs pa'i sku'o/ /'dir ni 'di chos kyi sku'i dbang gi gdul bya'i dor he ru ka la sogs pa'i gzugs kyis de lta de ltar sprul pa'i sku brjod do/ /gang sprul pa'i sangs rgyas sprul pa'i skur pha rol tu phyin pa'i tshul la gsungs pa de 'dir yang de 'dra ba kho na dang sprul pa dang 'dra ba yang ngo chos kyi sku yis sprul pa nyid yin na yang longs spyod rdzogs pa'i sku ni pha rol tu phyin pa'i theg par log pa nyid de/ chos la longs spyod rdzogs pa'i phyir ro/ /'dir ni dag gi ngo bo nyid kyis kyang ste longs spyod rdzogs pa nyid kyang ro la rdzogs par longs spyod pa nyid las kyang ngo/ /mi mthun pa'i phyogs mdza' dag rtsa ba med par byas pa nyid kyi phyir dpa' bo'o/ /nang du dang dkyil 'khor du yang 'chad par 'gyur ba'i lha mo nyi shu rtsa bzhi'i bde ba chen po'i ro 'thung ba'i phyir dang chos kyi gsung gis sbyong ba'i phyir bdag po'o/ /mu mdza' med par sna tshogs pa'i sku spros pas gzhan gyi don gyi ngor rab tu 'byung ba'i ngang

  394. 197b

    tshul can nyid kyi phyir gtso bo'o/ /mkha' lding sbyor ba ni dug gzhil pa'i thabs te mchog tu stong pa nyid kho na'o/ /gang gsung bar 'gyur ba/ /chos rnams thams cad stong pa la/ /sprul drug de las ji ltar yin zhes so stong pa nyid la lhag par mi mos pa rnams kyi 'jigs pa'i rgyu nyid kyi phyir 'jigs pa'o/ /lha min sgrub pa zhes pa gang de ltar shes pa'i rnal 'byor pa'i dbang du 'gyur ba ma yin pa de yod pa ma yin pa'i phyir ro/ /dur khrod ces pa bskyed pa'i rim pa la dbugs rgyu'o zhes pa dang ro rnams gnas so zhes bya ba'i nges pa'i tshig gis tshul gyis bdag med pa nyid kyi mtshan nyid can chos kyi dbyings gsal bar byed pa'i ro rnams kun nas gnas pa ni dur khrod de/ brgyad kyi grangs su bcad pa ni 'chad par 'gyur ro/ /'dir ni chos kyi dbyings kyi ngo bo'i lus kho na yan lag brgyad pa'i dur khrod do/ /pha rol tu phyin pa'i tshul la bskal pa grangs med pa gsum rnams kyi sangs rgyas nyid skyed par gsungs pa la/ 'di ni nges pa med pa'i dus kyis so zhes gsungs pa/ yud ces pa yis bskyed pa'i rgyu zhes pa'o/ /stong gsum du ni rdzu 'phrul che zhes pa stong pa gsum la sogs pa'i 'jig rten gyi khams rnams su dpag tu med cing sna tshogs pa'i sprul pa'i ngo bo'i rdzu 'phrul chen po gang rnams kyi yin pa de rnams de skad do/ /'dis ni sprul pa'i sku ni rdo rjer gsungs so/ /snod kyi 'jig rten yang de'i rang bzhin no zhes gsungs pa/ 'jig rten khams zhes pa ste/ 'jig rten gyi khams rnams so/ /de nyid ces pa phyag rgya chen mo'o/ /mchog tu dga' rtse'i gnas nyid kyi phyir lha mo'o/ /sangs rgyas rnams thams cad skyed pa ste rgyu'i gnas skabs kyi rang bzhin no/ /byang chub sems dpa' i dpal chen po ste/ bsod nams dang ye shes kyi tshogs kyi rang bzhin no/ /'bras bu'i

  395. 198a

    gnas skabs su ni shes rab pha rol phyin dpung gnyen zhes pas shes rab kyi pha rol tu ste rab kyi mthar phyin par mchog tu bgrod cing mdza' dag par phyin pa ste shes rab kyi pha rol phyin pa zhes pa'i don to/ /dmyal ba'i sgo zhes pa de spong ba rnams kyi'o/ /ji skad du rgyal po rin po che'i phreng bar gsungs pa/ gzhan yang 'di shes ldan pa'i phyir/ /rmongs pa mkhas pa'i nga rgyal can/ /'di spong bdag nyid phung byas pa/ /'og tu kha phyogs mnar med 'gro zhes so/ /de kho na ni kho na'i sgrib pa thams cad dang bral ba ni thar pa'o/ /stong pa nyid dang ro gcig pa'i dmigs pa med pa'i snying rje chen po'i rang bzhin bde ba chen po las byung ba 'gro ba ma lus pa'i don gyi sku ni phyag rgya chen po'o/ /gang du gang gi gzhan las yin pa ni 'di'i rang bzhin nyid kyi phyir grags chen no/ /de nyid kyi phyir sems can kun la phan 'dod ma ste/ snying rje chen po'i rang bzhin nyid kyi phyir ro/ /bde ba chen po'i rnam pas sna tshogs pa skyed pa'i phyir ma'o/ /kun rdzob dang don dam pa'i bden pa'i rnam par dbye ba sgom pas skyes pa nyid kyi phyir sring mo'i bu mo'o/ /kun rdzob dang don dam pa'i bden pa dag gi rnam par dbye ba 'chad pa'i phyir sring mo'i 'o/ /stobs dang mi 'jigs pa la sogs pa bla na med pa'i yon tan nam mkha' i ba bzhon las 'jo ba'i phyir te skyed pa'i phyir na bu mo'o/ /bla na med pa'i bde bas rjes su chags pa'i phyir bud med kyi zhes pa bud med de/ shes rab kyi pha rol tu phyin pas rab tu gsal bas bag la nyal rnam par mkhyen ji ltar rigs par 'dzud cing dgod pa'i phyir sems can thams cad rjes su chags pa nyid du 'gyur zhes pas shes rab kho na bud med ces brjod do/ /skyes bur legs g.yo zhes pa legs par skyes bu rnams la g.yo

  396. 198b

    ba ste/ snying rje mchog gi zag pa med pa bar med ba mur thug pa med pa'i bde ba chen po'i don sems can so sol bdag nyid kyi phang du gtod bar byed pa'i phyir ram/ las dang po'i sems can rnams kyis brtan par bya mi nus pa nyid kyi phyir ro/ / shes rab ni spros pa med pa rtogs pa ste shes rab kyi pha rol tu phyin pa dang phyag rgya chen mo zhes pa'i bar ro/ /bla na med pa'i phyag rgya 'di rnams dang gzhan rnams kyang bcu gsum bar chad par 'gyur ro/ /bsod nams nye bar ma bsags pa de'i rang gi ngo bo ma rig pa nyan thos la sogs pa'i rigs can rnams 'jigs pa'i rgyu nyid kyi phyir na 'jig byed ma'o/ /de 'phags pa sgra gcan 'dzin bzang pos gsungs pa/ byis pa rnams la 'jigs ston ma zhes so/ /phyin ci log pa ste chad pa dang sgro 'dogs las lta ba'i 'o/ /mtho ris dang byang grol las phyir phyogs pa'i dmyal ba'i rgyu nyid kyi phyir 'jigs rung ngo/ /de gsungs pa khyod kyi ma mthong bas 'ching 'gyur zhes so/ /'gro ba drug 'jigs rung zhes kha cig tu klog pa de'i tshe 'jigs rung 'khor ba'o/ /de'i phyir shes rab gcig pu kho na 'di rnams kyi dang gzhan rnams kyi dang mya ngan las 'das pa'o/ /de 'phags pa klu grub zhabs kyis gsungs pa/ 'khor ba yongs su shes kho na/ /mya ngan las pa zhes par bshad ces so/ /dpal yang dag par sbyor ba'i rgyud du yang gsungs pa/ kun rtog chung min mun pas zil mnan pa/ rab tu bcom phyir myos pa'i glog 'gyur dang/ /chags sogs bzlog dka' i dri mas gos pa yin/ /sems ni 'khor bar rdo rje can gyis gsungs/ /rab tu 'od gsal rnyogs pas rnam grol ba/ /chags sogs dri mas gos par rab spangs shing/ /gzung dang 'dzin pa med pa de nyid ni/ /sems can mchog gis myang 'das mchog tu gsungs/ /de phyir sdug bsngal phung po mang po yis/ /rgyu mtshan gyur pa de las gzhan ci'ang med/ /

  397. 199a

    mdza' yas bde ba 'char ba'i rgyur gyur pa'ang/ /de las gzhan pa yod min thar 'dod rnams zhes so/ /mdza' yas pa'i bde ba yang dag par 'byor bas rdzu 'phrul chen po can no/ /'khor ba rgyas par ston te/ rnam rtog ces pa la sogs pa grangs kyi mthar thug pa'o/ /yod pa dang med pa dang rtag pa dang chad pa dang/ gzung dang 'dzin pa la sogs pa rnam pa sna tshogs par rtog pa ni rnam rtog ste de kho na rgyun du 'jug pa ni kun rtog pa'o/ /'char ba dang nub pa ni skye ba 'gog pa dag go /de rtogs pa'i thabs ston pa/ rnam par mi rtog ces pa la sogs pa'o/ /rnam par mi rtog pa ci zhig rnams zhe na gsungs pa dman dang zhes pa la sogs pa'o/ /dman pa ni phra ba'i dngos po sems dang sems las byung ba'i ngo bo'o/ /mchog ni byis pa'i bar la dngos po'i tha snyad can nyid kyi phyir na rags pa'i ngo bo'i dngos po'i lus kho na'o/ /bar ma ni gnyis dag las gzhan a li dang kA li dag go /de ltar lus dang ngag dang sems rnams ji ltar rigs par dman pa dang bar ma dang mchog gi tshig rnams kyis gsungs so/ /gzhan rnams ni dbang po drug rnams so/ /gang rnams de rnams zhes pa 'dis brtan pa sa gzhi la sogs pa rnams dang g.yo ba gzhan srog chags brjod do/ / de kye'i rdo rje'i rgyud du gsungs pa dman pa phra ba'i tshig don te/ mchog ni dngos por brjod pa bya/ /bar ma gnyis ka spangs pa'o/ /gzhan rnams zhes pa dbang po drug /gang rnams de rnams brtan dang g.yo zhes so/ /dman pa la sogs pa rnam par mi rtog pa rtog pa med pa'i lhan cig skyes pa'i rang bzhin 'di rnams sgom bzhin pa rnams ni gsal por 'gyur zhes rkang pa brkyang bas ni ma yin zhes rnam par mi rtog pa'i sgras bsgom pa gsal bar byas so/ 'o na rnam par

  398. 199b

    mi rtog pa bsgom pa zhes pa don ci zhe na/ bde ba chen po'i thabs kyis chos thams cad mi bsal ba kho na ni sgom ba'o zhes pa'i don to/ /de ci bde ba chen po yid la byed pa skyon can ma yin no zhe na skyon can yin pa ma yin te de yang 'gro ba thams cad tha mi dad pa nyid kyis te/ 'gro ba stong pa nyid kyi phyir la stong pa nyid bsam par nus pa yang ma yin zhes pas de yang yid la byed pa skyon pa'o/ /sems pa med pa'i rjes su mthun pa nyid kyi phyir ni nye bar bstan pa'o/ /ji skad du gsungs pa/ 'khrul pa rnams kyis nyer 'kho'i chad/ /'khrul pa gzhan ni sel ba'i phyir/ /zhes so/ /de'i phyir rnam par mi rtogs par chos thams cad yongs su shes pa kho na rgyun gyis 'jug pa na don dam pa'i sgom pa zhes pa gdags par bya'o/ /de la gang gi tshe dang gang gi tshe kho na sems bstan pa nyid du 'gyur ba de'i tshe kho na mnyam par bzhag pa'i rnal 'byor te/ gzhan gyi tshe ni mnyam par ma bzhag pa'i rnal 'byor kho na'o/ /de nyid kyi phyir rdzogs pa'i rim pa la phyag rgya'i rnal 'byor med par yang mnyam par bzhag pa'i rnal 'byor nye bar ston te/ bde ba chen po'i thabs kyis chos thams cad rnam par mi rtog pas gnas pa'i phyir ro/ /dngos grub ni phyag rgya'i rnal 'byor kho na las so/ /de ltar 'di gcig pu rang gi don phun sum tshogs bas sal? pa chen mo dang/ gzhan gyi don phun sum tshogs pas sems can kun la bde ba 'bab pa ces pa mjug bsdu ba'o/ /de ltar zhes pa rim pa gnyis so/ /dga' ba ni bskyed pa'i rim pa thos pa las so/ /spyan gdangs pa ni rdzogs pa'i rim par thos pa las shin tu dga' ba las so/ /sems bcas zhes pa sems dang ldan pa rnams te rim pa gnyis la mkhas par sbyangs pa'i blo can rnams so/ /btung ces pa phyag 'tshal nas so/ /don gang zhes pa don brjod bya gang zhig go /yang dag par blangs so zhes pa yang

  399. 200a

    dag par bzung pa'o/ /de nas zhes pa la sogs pa la 'dir bsdus pa'i don to/ /gang bcom ldan 'das kyi thod pa nas sna tshogs sde ma'i snying gar ngal bsros nas phyung bar gang sngar gsungs pa'i glegs bam de so sor snang ba tsam nyid kyi phyir de ltar phyag na rdo rje'i lag pa nas smin mtshams nas zhugs te gzhung dang don dang bcas pa snying gar zhu bar gyur to zhes ba'o/ /de nyid kyi phyir phyis sdus pa bor 'thad do/ /bzlas pa zhes pa sngon du bsnyen pa na'o/ /sna tshogs zhes pa yul dang dus la sogs pa rnams kyis so/ /sbar dang rengs pa la sogs pa gang gsungs pa'o/ /der rjes su nan tan du bya ba'i dus su dang bya ba rnams la nges pa'o/ /ji ltar 'gyur zhes pa dri ba gsal bar byed de/ ci rnams zhes pa la sogs pa'o/ /kaM bde ba skyong bar byed pa ka pA la kho na thod pa ste pad+ma'o/ /gru gsum rnams kyi 'byung ngo zhes pa gru gsum yang dag 'byung ngo/ /bcom ldan 'das dang bcom ldan 'das me'i rdo rje dang pad+ma de dag gi sbyor ba'o/ /nang du ni rdo rje ni byang chub kyi sems bcom ldan 'das te/ gsang ba'i 'khor lo las yang dag 'byung ba'o/ /khu ba'i rnam pa bcom ldan 'das zhes gsungs pa'i phyir ro/ /thod pa'i rtul te thod pa la yod pa nyid kyi phyir ro/ /de nyid kyi phyir gsungs pa/ gru gsum las te gsang ba'i 'khor lo las yang dag 'byung ba'o/ de dag man ngag ji lta ba bzhin rin chen 'dus sar las kyi gtum mo la sogs pas sbyor ba'o/ /don dam par ni sangs rgyas dang thod pa dag gi ste stong pa nyid dang snying rje dag gi sbyor ba'o/ /de'i ste sbyor ba rnam pa gsum gyi gsang bar te nang du gnas pa'i rtsa a ba d+hU tI'i ni dngos su sna tshogs sde ma'o/ /des spros pa'i phyir ni rtsa stong phrag bdun cu rtsa gnyis kyang sna tshogs sde ma'o/ /yan lag gi don gsum pa sna tshogs zhes pa ste/ ngo mtshar stobs dang mi 'jigs pa la sogs pa'i yon tan sprin

  400. 200b

    pa med par byed pa ste/ rnam pa thams cad mchog dang ldan pa'i stong pa nyid do/ /de kho na sna tshogs pa ste/ brtan pa dang g.yo ba'i bdag nyid khams gsum pa ni bde ba chen po'i ye shes kyi rang bzhin nyid kyi phyir ro/ /'dis ni ji ltar bcom ldan 'das stong pa nyid dang snying rje dbyer med pa nyid kyis na sangs rgyas thod par brjod pa de ltar bcom ldan 'das ma sna tshogs sde ma yang ngo/ /zhes gsal bar byas so/ /de ltar na chen po rnams kyis gang gis sam gang du 'gro ba zhes pa theg pa ste rgyu dang 'bras bu'i bdag nyid theg pa chen po'o/ /'di ste 'khor lo skye ba zhes pa'o/ /rnal 'byor ma zhes pa rnal 'byor pa gsum phul du byung ba dang ldan pa nyid kyi phyir rnal 'byor ma rnams te/ rnal 'byor ma'i rang bzhin rtsa ni a ba d+hU tI ste/ de las yang dag 'byung ba'o/ / bshad pa'i sbyor bas so/ /de nyid de ye shes bzang po gang sngar gsungs pa de rmad byung ste/ sgom pas drod la sogs pa'i rim pas che mchog ste/ 'bras bu rdo rje 'dzin pa'i ye shes so/ /sems can kun bde 'bab ces pa bla'o/ /kha cig du sangs rgyas kun gyi bde 'bab ces klog pa de'i tshe/ sangs rgyas kyi rang bzhin gyi phung po la sogs pa rnams kun gyi bde ba 'bab pa'o/ /ji ltar 'di bzhin du yin zhe na gsungs pa/ sna tshogs zhes pa la sogs pa ste bzang chen kho na'o/ /thod par te chos 'byung du'o/ /gsang sngags rgyud dang rnam par gnas zhes pa/ oM bud+d+ha zhes pa la sogs pa sngags so/ /rgyud ni sngar brjod zin to/ /de dag dang lhan cig dri ma dang bral bar gnas pa'o/ /yang na sngags ni stong pa nyid dang ro gcig pa'i bde ba chen po ste/ de rgyud de rgyun du rnam par rtog pa rnams gsal nas gang du gnas pa de de skad do/ /de'i ni thod pa kho na'i'o/ /gru gsum zhes pa gru gsum gyi 'bras bu nyid kyi phyir dang thabs gzhan med par shes pa'i don du nye bar brtags pa'o/ /der ni zhes pa gang du ye shes

  401. 201a

    bzang po shes rab ye shes kyi ngo bo de skyes ba de la brten pas dang de kho na goms pa las dbang bzhi par 'gyur ba'i gnas der bdun dang lnga zhes pa dang dbang bcu bzhi rnams so/ /sangs rgyas mngon brjod byed ces pa ni mi bskyod pa la sogs pa rnam par dag pa rnams te de rnams 'chad par 'gyur ro/ /sbyor pa sna tshogs rnams ni zhi ba la sogs pa 'chad par 'gyur ba rnams so/ /tshe 'phel zhes pa tshel dbang ba nyid kyis na ye shes de kho na'o/ /yang na sprul pa'i 'khor lo'i mdud par 'od zer lnga dang ldan pa'i thig le phra mo dkar po ni dbang bskur lnga'i rang bzhin no/ /sangs rgyas bdun ni rjod byed ba zhes pa'i thig le de re khA bdun gyis bskor par bya zhing phra bar 'bar ba de rnams kyang rlung 'byung ba na 'byung zhing/ 'jug pa na sems dang lhan cig thig le la 'jug ste/ 'di ltar sgom pas skyes pa'i lhan cig skyes pa'i ye shes ni dbang bdun rnams so zhes pa'i don to/ /tshe 'phel zhes pa 'jug pa dang 'byung ba dag shes rab dang thabs kyi rang bzhin gyi bzlas pas 'gog pa'i phyir ro zhes pa man ngag go /'di thams cad bla ma'i man ngag med na rtogs par dka' o zhes gsungs pa/ man ngag lam zhes pa ste man ngag gang gi lam de rtogs pa'i thabs yin pa de de skad de/ /man ngag kyang kho bos rnam par phye zin cir 'byed par yang 'gyur ro/ /mkhas pa 'jigs pa med pa'i 'byung gnas kyi sbas pas mdzad pa'i 'jigs pa med pa'i gzhung 'grel dpal sangs rgyas thod pa'i rgyud chen po'i 'grel pa le'u dang po'o/ / bskyed pa'i rim pa rgyas par ston pa'i ched du sngags kyi le'u gsungs pa de nas zhes pa la sogs pa ste/ bskyed pa'i rim pa ni sngags dang sngags kyi sku'i rang bzhin nyid kyi phyir dang bskyed pa'i rim pa'i yan lag las rab 'byam yang sngags

  402. 201b

    kyis bsgrub par bya ba nyid kyi phyir ro/ /sngags kyi ngo bo ni sngags te/ bod par byed pa de kho na nyid skul bar byed pa'i smra ba'o/ /de gsal bar byed pa'i le'u yang dag par bshad par bya ste/ ji ltar 'dod pa bcom ldan 'das kyis sangs rgyas thod pa'i rtsa ba'i rgyud stong phrag bcu gnyis par ro/ /rdo rje zhes pa ni dam tshig gi rdzas te/ de dbul ba'i sngags so/ /dngos grub thams cad gtor ma sngon du 'gro ba nyid kyi phyir gsungs pa/ oM mahA kA pA la badzra zhes pa la sogs pa'o/ /dbang po la sogs pa rnams 'khor dang bcas pa rnams ni 'byung po thams cad de de rnams 'di'i lha'o zhes pa 'byung po thams cad pa ste/ gtor ma ni nye bar spyod pa'i khyad par ro/ /de'i byin gyis rlob pa'i sngags ni/ 'byung po thams cad pa'i gtor ma'i sngags so/ /'dir phyogs bcu rnams su sangs rgyas dang byang chub sems dpa' la sogs pa rnams dang dbang po la sogs pa 'khor ba dang bcas pa rnams dang srog chags dpag tu med pa rnams shes rab dang bcas pa rnams shes rab mchog gi dbang du byas pas yud kyis bcom ldan 'das dang bcom ldan 'das ma yang dag par sbyar ba'i gzugs su lta zhing gtor ma yang 'chad par 'gyur ba'i sgom pas sam yud kyis dngul chu 'dra ba bdud rtsi'i rang bzhin bdug spos la sogs pa dang bcas pa de rnams la sbyin par bya'o zhes pa man ngag go /'bras sA lu zhes pa 'bras sA lu dmar po ma chag pa/ ba dkar mo'i 'o mas bkru bar bya'o/ /gzhon nu ma ni yan lag ma tshang ba med cing ma nyams pa'o/ /shin tu zhib pa'i zhes pa ni shin tu zhib par ro/ /de ltar btags pa'i 'bras ba'i des gzugs te he ru ka'i gzugs brnyan bya ste rang nyid kyis bya ba'o/ /shes rab can zhes pa mnyam pa'i shes rab dang ldan pa'o/ /rdo rje gtsug ces pa rdo rje gtsug ni gzhon nu ma ma nyams pa'i me tog dang po'i dus su rdo rje dang pad+ma sbyor ba

  403. 202a

    las skyes pa'i gnyi ga'i byang chub kyi sems te/ de dang rang 'byung gi me tog bsres la de dang lhan cig mnyes shing de dang cha mnyam pa'i dur khrod kyi sol ba'i phye mas gzugs brnyan de byug par bya'o/ /sangs rgyas thod pa'i rnal 'byor pa zhes pa sbyor ba thams cad la rang nyid he ru ka'i bdag nyid do/ /he ru ka'i rnam pa'i rab tu sbyor bas zhes pas gzugs brnyan dam tshig sems dpa' ye shes sems dpa' dang lhan cig dbyer med pa'i he ru ka dngos su bsgom par bya ste/ de ltar na gzugs brnyan he ru ka'i rnam pa'i sbyor bas so/ /gzugs brnyan de la lag pas reg nas oM mahA badzra zhes pa la sogs pa'i sngags brgyas zla lhag pa'i brgya bzlas so/ /chu zhes pa rdo rje'i chu'o/ /de'i rjes su bkrus pa'i gzugs brnyan mchod de mngon par 'dod pa'i bsam pas khrus kyi chu des bdag nyid kyis gdong bkrus pa las sgrub pa po mi snang bar 'gyur ro/ /thal ba'i sbyor ba 'chad pa'i ched du gsungs pa de'i zhes pa la sogs pa'o/ /bab po la'i shing gis phug nas zhes ba lhag ma'o/ /mes zhes pa ni dur khrod kyi mes so/ /de'i zhes pa gzugs brnyan gyi'o/ /tshangs pa'i rdo rjes zhes pa la/ tshangs pa'i rdo rje ni rnam par snang mdzad do/ /de'i zhes pa gzugs brnyan gyi'o/ /thal ba zhes pa thal ba'o/ /'dis zhes pa oM bud+d+ha zhes pa la sogs pas so/ /oM bud+d+ha zhes pa la sogs pa a d+hiSh+TA ya h+rI(rgyud 'grel): hUM zhes pa'i mthar thug pa sngags gcig ste rkang pa lnga pa'o/ /sngags kyi zhes pa sngags so/ /'di ni 'dir man ngag dang bcas pa'i bsdus pa'i don te/ dur khrod du shing bab po la'i shun pa skam po dang rnam par snang mdzad skam po gcig tu dur khrod kyi sems sbar la me de la snying gar shing bab po la bzhag pa'i gzugs brnyan de bzhag nas gzugs brnyan de'i snying

  404. 202b

    gar tshangs pa'i rdo rje oM bud+d+ha zhes pa la sogs pa rkang pa lnga pa'i sngags kyis brgyad lhag pa'i brgyar sbyin sreg bya zhing gzugs brnyan de yang bsregs nas thal bar bya'o/ /de'i rjes su kham por so ma btang ba dang pad+ma'i snod dbus su pad+ma 'dab ma bzhi pa bri zhib de'i lte bar rkang pa lnga pa'i sngags kyis tsi tra se na'i rkang pa'o/ /'dab ma rnams la rkang pa gzhan rnams so/ /sngags rnams thams cad kyang lha nyid sngags kyi gzugs kyis ni dngos grub mdza' dag bsgrub par mdzad ces dpa' po grub pa'i rgyud du gsungs pa'i phyir sngags dang lha dag tha mi dad cing rang gi lha'i bzhin du bsgom mo/ /de nas thal ba de se ma btang ba'i kham phor du bzhag ste/ nyi ma nyi shu rtsa gcig tu nyi ma so sor dus gsum du oM bud+d+ha zhes pa la sogs pa'i sngags kyis brgya rtsa brgyad du mngon par sngags par bya'o/ /de'i rjes su thod par yang de ltar 'gyur ro zhes pas thal ba bsgrub par 'gyur ro/ /des zhes pa ni de ltar bsgrubs pa'i rdo rje gtsug gnur bas so/ /de kho na zhes pa dgra bo'o/ /sbyor ba gnyis pa gsungs pa de kho na zhes pa bsgrubs pas so/ /mar khu bzang po ni skyes bu sbyangs pa'i mar khu ste des so/ /de rnams zhes pa gter rnams te/ bsdigs so zhes pa lhag ma'o/ /thams cad ni gter rnams so/ /sbyor ba gsum pa gsungs pa thal ba des zhes pa la sogs pa ste/ bsgrubs pas byugs te sdigs mdzub kyis bsdigs shing mthe bos bskor nas kha spub tu ltung bar byed do/ /sbyor ba bzhi pa gsungs te/ nges zhes pa bsgrubs pas so/ /thal ba de dang bdar zhing sbyangs pa'i zha nye'i phyi ma dang rdo rje gtsug cha mnyam pa'o/ /cung zad ces pa zha nye'i phye mas dman pa'i tshang ngo/ /'di dag thams cad bsres par byas nas rdo rje mchu zhes po phag nag po ste/ de'i khu ba ni khrag go /rdo rje dbyug pa zhes klog pa la ni rdo rje dbyug pa'i khu ba ni mi'i chu'o/ /des ta khrag gam chus bsgos nas/ phyi

  405. 203a

    nas srang gang gi tshang kyi tshems dbug tu rung ba'i zangs ma'i snod du gzhag ste/ rdo rje mchu'i khu bas sam mi'i gci bas bkang nas zhag bdun du bsgom par bya'o/ /de'i rjes su mkhris pa chen pos te mi'i mkhris pa dang lhan cig zhag bdun du snod de kho nar mnye bar bya'o/ /de nas zhes snod nas so/ /lcags kyi snong du ste/ khab len gyi lcags kyi snod srang gi tshad khab kyis dbug tu rung bar rdo rje mchu la sogs pas bsgom pa la sogs pa byas nas bzhag par bya'o zhes pa'i don to/ / de zhes pa de'i zangs kyi snod dam lcags kyi snod do/ /me la bzhag ste bzhag par bya'o/ /kha cig smra ba ni bar chad med par me 'bar ba'i sa gzhi la bzhag ste/ thob nas zhag bdun bzhag par bya'o/ /gzhan smra ba ni bzhag ste bskol bar bya'o zer ro// de nas zangs kyi snod de gser du 'gyur zhing lcags kyi snod ni dngul du 'gyur ro/ /gzhan rnams smra ba ni snod gang ci yang rung bar dang por rdo rje mchu'i khu bas bsgos nas/ de nas phyung nas zangs kyi snod dang lcags kyi snod du bsgo ba dang mnye ba dang bzhag pa rnams byas nas bzangs kyi snod dam lcags kyi snod de dang lhan cig me'i dbus su bzhag go zhes ba snga ma bzhin no/ /'o na kyang bskal ba'i phyogs la bsha' tshe'i phye ma dang kha len gyi phye ma zad par bya'o/ /stong phrag ces pa la sogs pa go sla'o/ /sbyor ba lnga pa gsungs pa de nyid kyis zhes pa grub pas so/ /nyi ma bzang po la tho rangs thal ba de gzhon nu ma'i mgor bzhag ste rdo rje gtsug pud kyi bkru'o/ /spos lnga ni sgron ma lnga'i bdug pas rkang pa lnga'i sogs klog cing bdug par bya'o/ /sbyor ba drug pa gsungs pa/ yungs kar dkar po gzhon nu ma'i thod par bskrun nas de las skyes pa'i 'bras bu sngags 'dis sngon du bsnyen pa 'bum bzlas pas lan bdun du mngon par sngags pa'o/ /skar rtsis kyi cho ga 'di sangs

  406. 203b

    rgyas thams cad kyis byin gyis brlabs pa'i gzhon nu ma'i 'am/ sgrub pa po brtan pa nyid las gzhan gyi'ang gdod pa la sngags bzlog cing brten par bya'o/ /de nas gzhon nu ma de rgod do/ /gcig ces pa gzhon nu ma'i kha nas byung ba'i ral gri rnams kyi ral gri gcig yud kyis gzung nas ral gri'i grub par 'gyur ro/ /bzang po zhes pa bzang mo ste rang bzhin du gnas pa'o/ /sbyor ba bdun pa gsungs pa de'i zhes pa la sogs pa'o/ /thal ba'i ri lu rim gyis gser dang dngul dang zangs rnams kyis dkris nas de ma thag tu brjod pa'i sngags 'bum bzlas pa byas pas lan bdun du mngon par bsngags pas dro ba dang du ba dang 'bar ba'i rjes thogs su khar gzhug par bya'o/ /'dir gser gyi tshad ni ra ti phyed dang bcas pa bdun lhag pa'i drug nas gsum mo/ dngul gyi ni phyed dang bcas pa'i ra ti gnyis lhag pa'i drug nam bzhi'o/ /zangs ma'i ni ra ti lnga lhag pa'i drug nam lnga'o/ /de gsungs pa phyed dang brgyad dang mA sa gsum/ /phyed dang gsum dang de bzhin bzhi/ /ra ti lnga dang mA sa gsum/ ri lu bcings la yang dag nges zhes so/ /'jig rten gsum bsgrub pa'i sngags zhes pa grong khyer dkrug pa'i sngags so/ /las kyi rjes su 'brang bas bcom ldan 'das dang bcom ldan 'das ma dag gi sku mdog gi dbye ba brgyad dang 'chad par 'gyur ro/ /zhes pa mkhas pa a b+ha yA ka ra grub? yis mdzad pa mjigs? pa med pa'i gzhung 'grel du le'u gnyis pa'o// //sngags bshad nas sngags kyi rang bzhin gyi sku dang rdzogs pa'i ngo bo yang bshad pa'i tshed du gsungs pa de nas zhes pa la sogs pa'o/ / lha'i le'u zhes sngags las skyes pa rnams kyi dang/ rdzogs pa'i ngo bo'i lha rnams kyi le'u'o/ /raM yig zhes pa la sogs pa dkyil 'khor gyi 'khor lo bsgom pa ni gsal bar phyogs gcig tu 'chad par 'gyur ro/ /nang gi ni rdo rje sa gzhi zhes

  407. 204a

    pa la sogs pa la rdo rje sa gzhi ni lte ba ste de'i dbus su'o/ /rdzogs pa'i rim pa la ni e yig bdag nyid chen po ni chos kyi dbyings kyi rang bzhin no/ /e yig yongs su gyur pa'i gru gsum ni chos 'byung sprul pa'i 'khor lo ste/ khams gsum bdag nyid bsam par bya'o/ /gru gsum de'i dbus su e yig gam lam yig sa bon te/ de yongs su gyur pa'i sa'i dkyil 'khor ro/ /snying gar baM yig gam oM yig ni chos te sems yin zhing de'i bdag nyid ni de las byung ba ste 'khor lo ni chos kyi 'khor lo'o/ /rtsa rnams kun gyi ngo bo can zhes pa rtsa brgyad kyi rang bzhin te/ 'khor lo bzhi'i rtsa rnams kyang bde ba chen po'i sems las tha mi dad pa'i phyir de'i rang bzhin no/ /mgo bo la rnal 'byor ma ni rnam par gnas zhes pa rnal 'byor ma sum cu rtsa gnyis rnams te/ khyad par du bde ba chen po'i gnas nas 'dzag pa byang chub kyi sems 'bab pa rnams gang du gnas pa'o/ /bzang ba ni bde ba chen po'i 'khor lo de'i rang bzhin no/ /rtsa thams cad kyi rang bzhin rtsa sum cu rtsa gnyis po 'di rnams kyi byang chub kyi sems 'bab pa spyi'i las dang khyad par gyi las dang ming yang rgyud gzhan gyi rjes su 'brang bas bshad par bya'o/ /de la a ba d+hU tI ni byang chub sems kho na 'bebs so/ /rkyang ma lte ba'i rtsa bar 'phyang bzhin pa ni zos pa dang 'thungs pa rnams lto ba'i sems smin pa rnams las zhu ba 'bebs so/ /de las zhu ba 'di rtsa gzhan dang gzhan du rgyu bas lus mngon par khyab par byed do/ /ra sa nA ni zhu ba las khrag 'bab po/ /de'i phyir de yang de lta kho nar lus la khyab par byed do/ /kun gyi yang bsdu ba'i da yin te mi phyed so dang son mo 'bab/ /phra mo skra dang ba spu 'byin/ /rtson ma pags pa dri ma 'bab/ /g.yon pa ma ni sha 'bab cing/ /me'u thung ma zhag 'bab 'gyur/ /

  408. 204b

    ru sbal skyes ma ru sbal 'dod/ /sbom ba mo 'gyur mkha' la 'bab/ /dbang bskur ma ni snying 'bab 'gyur/ /skyon ma mig ni 'bab par 'dod/ /'jug ma mkhris pa 'bab par bshad/ /ma mo ma ni glo ba 'bab/ /mtshan mo ma ni sgyu ma 'bab/ / pa sil ba ma ni ste zur dag /drod ma lto ba 'bab par 'gyur/ /mi bskyod 'bab brgyad pa'o/ /a ba d+hU tI zla ba 'bab/ /ro ma khrag 'bab byed par bshad/ /bshad ba la ni gzhol mar 'dod/ /dga' gdong ma ni skra mtshams la'o/ /spyi ma rnag ni 'bab par byed/ /bad kan rgyu sbyin ma ru bshad/ /rdul 'bab ma ni bral ba ma/ /tshil la dga' ba ma zhes brjod/ /grub ma mya ngan mchi ma 'bab/ /'tshe ma mchil ma la 'dod de/ /yid bzang ma ni snabs 'bab ma/ /gsum skor ma ni gzugs la 'dod/ /'dod pa ma ni sgra la bshad/ /khyim ma dri 'bab par 'gyur ro/ /ro 'byin byed ma gtum mo'o/ /reg la rnal 'byor mar shes bya/ /chos la bdud 'bral ma ru 'gyur/ zhes so/ /'dir la la nA dang ro ma dang kun 'dar ma ni sna tshogs sde ma'o/ /de las gzhan gnyis gnyis ni rim pa bzhin phreng bzang ma dang thod pa can ma dang/ 'jigs ma dang thub dka' ma'o/ /de las gzhan rnams ni dge ba'i ska rags ma la sogs pa rnal 'byor ma nyi shu'i ngo bor shes par bya'o/ /gdung bral ma ni a wa d+hU tI dang 'dres pa kho na ste/ lce'i rtse mo ji srid par lte ba nas langs pa dus kyi rtsa ste/ 'gog pa'i mtshan nyid can gyi chos rnal 'byor ma rnams 'bab pa'o/ /de ni rnal 'byor ma sdus pas rab tu 'jug ste/ de ni ma rig pa'i ngo bo nyid yin pa'i phyir ro/ /'o na brtag pa gnyis par byang chub kyi sems sum cu rtsa gnyis 'bab pa rnams so zhes gsungs pa ji ltar zhe na/ dus kyi rtsa ni 'gog pa nyid du 'bab par byang? pa'i phyir skyon med do/ /

  409. 205a

    rnal 'byor ma ngo bor rtsa ston pa'i skabs su ni de ston pa yongs su spangs pa'i don to/ /de'i dbang las 'jig rten 'di bde ba chen po'i rang bzhin du skyes kyang de'i dkyil 'khor mi mthong ngo/ /de'i bde ba yang ngo/ /de nyid kyi phyir gsungs pa 'bad pas kun gyi lhag ma spang zhes so/ /bcom ldan 'das byang chub kyi sems rdo rje kun gyis thabs so/ /'di yang don dam par sa bon las skye ba med pa kho nar stong pa nyid dang snying rje dbyer med pa'i byang chub kyi sems ngo bo rdzogs pa'i dkyil 'khor gsungs pa/ bcu drug cha yis brgyan gyur ba zhes pa mgrin par te/ cha ni 'dir rtsa rnams te/ rtsa bcu drug dang ldan pa longs spyod kyi 'khor lo'o/ /sprul pa ni sprul pa'i pad+ma ste gar du drug cu rtsa bzhi'i 'dab ma rnams te rtsa rnams yin pa de'o/ /de ltar zhes pa 'khor lo bzhi rnams su rtsa brgya nyi shu ste/ rtsa rnams nyi shu lhag pa'i brgyar 'gyur ro/ /de ltar bsam par bya zhes pa de ltar rdzogs pa'i dkyil 'khor bsam par bya ste bsgom par bya zhing bzlas par bya'o/ /de la rkyang ma dang ro mar srog gi rlung thun phyed phyed du bdag po nyid kyi phyir nyin mtshan du 'pho ba bcu drug rnams mgrin par ro/ /de kho na la dkyil 'khor bzhi'i dbye bas dbyu gu bzhi'i bdag nyid las sprul pa'i 'khor lor dbyug gu drug cu rtsa bzhi rnams su 'gyur/ /bcom ldan 'das kyis yang dag par sbyor ba la sogs pa'i rgyud rnams su dang/ 'phags pa klu sgrub zhabs kyis kyang ji skad du gsungs ba/ me nyid dang ni rlung dang ni/ /dbang chen dang ni de bzhin chu'o// dkyil 'khor du ni de rgyu ba/ /steng logs thad ka 'og tu 'gro'o zhes so/ /de kho na la so sor shes rab dang/ thabs kyi ngo bo'i dkyil 'khor gnyis longs spyod pa las rtsa ba'i 'khor lor yang dag par rgyu ba'i phyir bde ba

  410. 205b

    chen po'i 'khor lor rtsa sum cu rtsa gnyis rnams so/ /nyin mo dang mtshan mo'i rnam par dbye bas shes rab dang thabs kyis dbye ba las thun brgyad rnams te snying gar ro/ /rgyud gzhan rnams su nyin zhag dbyu gu drug cu'i bdag nyid du gang gsungs pa de ni dbugs drug cu lhag pa'i sum brgya rnams dbyu gur rnam par bzhag pas so/ /'dir ni dkyil 'khor bzhir rnam par bzhag pas dbugs phyed dang bcas pa sum cu rtsa bdun lhag pa'i sum rgya rnams dbyu gur rnam par bzhag pa'o/ /gnyis ka la yang nyin mtshan la dbugs drug brgya lhag pa'i stong nyi shu rtsa gcig tu 'gyur ro zhes pa khyad par med do/ /de ltar rdzogs pa'i rim pa la bltos pas bzlas pa yang rdzogs pa'i ru gsal bar byas so/ /de gsungs pa/ rnal 'byor dbang po nyid mtshan gyis// nyi khri ngang ni stong phrag dang/ /de bzhin brgya phrag drug tu ni/ /bzlas pa yis ni grangs byed do zhes so/ /rig pa bzlas pas sems brtan pa na bde ba chen po'i rang bzhin rdzogs pa'i dkyil 'khor la mngon du phyogs par 'gyur ro/ /shes rab can zhes pa shes rab chen po can rdzogs pa'i rim pa'i dkyil 'khor bsgom pa la mkhas pa'o/ /rdo rje sku la ni stong pa nyid dang ro gcig pa bde ba chen po'i rang bzhin gyi sku la'o/ /de nyid kyi phyir rang dang gzhan dag phyag rgya chen po'i dngos grub tu rung ba nyid kyi phyir bdag nyid chen po'o/ /der zhes pa chos kyi 'khor lor ro/ /bskyed pa'i rim pa la ni bi las skyes pa'i chu'i dkyil 'khor ro/ /rtsa rnams kun gyi dkyil 'khor ni/ /chu'i dkyil 'khor la thim 'gyur ro zhes pa rtsa'i dkyil 'khor gzhan ni snying ga'i rtsa brgyad po rnams kho na pho ba ste/ de'i phyir rtsa'i dkyil thams cad chu'i dkyil 'khor la 'byar bar byed do/ /slar yang zhes pa la sogs pa la sprul pa'i 'khor lo'i 'og tu ma yig dmar po las skyes pa 'am raM las skyes pa'i me'i dkyil 'khor

  411. 206a

    gru gsum pa 'bar ba sprul pa'i rtsa'i 'khor lo la 'byar bzhin pa'o/ /me las 'og tu yA yaM ga las skyes pa 'am yi yig las skyes pa'i glung gi dkyil 'khor ro/ /rtsa rnams thams cad g.yo byed gzugs zhes rlung gi dkyil 'khor des me 'bar bar byed cing rtsa thams cad la gnas pa'i byang chub kyi sems g.yor 'jug go /thim bzhin pa ni 'khor lo rig ces pa 'khor lo la thim bzhin pa ni rig pa ste rig par byed pa des g.yos pa'i byang chub kyi sems rlung gi 'khor lor thim pa de'i tshe lhan cig skyes pa'i bde ba rig par 'gyur ro/ /de rnams thams cad thim pa yis/ /rnal 'byor pa der dbus su gnas zhes pa der te lhan cig skyes pa'i bde ba rig pa la/ thams cad de phung po la sogs pa rnams thim bzhin pa rnams dang rnal 'byor pa ni sems te de yang der de'i bdag nyid kyis gnas so/ /zla ba zhes pa byang chub kyi sems te bde ba chen po'i 'khor lor spyi gtsug ji srid par ro/ /nyi ma ni rdul te sprul pa'i 'og tu'o/ /hUM a(rgyud 'grel): zhes pa la kha cig tu hUM aM zhes klog ste/ hUM yig sngon po ni chos kyi 'khor lo la'o/ /A(rgyud 'grel): yig gaM aM yig dmar po ni sprul pa'i 'khor lor ro/ /longs spyod kyi 'khor lor oM yig dmar po ste rgyud gzhan du gsungs pa'i phyir ro/ /ka yig ha yig brgyan gyur pa zhes pa ka yig kyang 'di yin la ha yig kyang yin zhing brgyan pa'ang ngo/ /kaM bde ba chen po ste de'i rang bzhin ni bde ba chen po'i 'khor lor ha yig dpral bar stong pa gzhom du med pa zla ba phyed pa dang thig les brgyan pa dkar po bsam par bya'o/ /ka yig ha yig la thim pa zhes pa bde ba chen po gzhom du med pa la 'dres par gyur pa ste dbyer med pa zhes pa'i bar ro/ /ha hUM dbyer med pa zhes pa gzhom du med pa'i rang bzhin ji lta bu de lta bu ni hUM yig ste/ gnyis yang gnyis ka'i rang bzhin no/ /zhes bya ba'i don

  412. 206b

    to/ /ji ltar de yi bde ba 'dod par bshad ces pa'i gsungs las/ kaM shes rab dang ha thabs te de dag dbyer med pa de ltar bde ba'i thabs nyid kyi ha yig ni shes rab a'uM yig dang ldan pa las ha hUM zhes pa'i yi ge gnyis 'dres pa ni hUM yig sems thabs so zhes pa shes rab dang thabs dbyer med pa'o/ /hUM yig gi ni 'od zer rnams zhes pa rlung gis me gtum mo'i 'od zer bskul ba bde ba chen po'i 'khor lor son pa ste/ der ri bong can bskul zhing ri bong can yis rnam par rtog pa'i gdung ba bzhi pa las kha ba lta bu'i ka yig bde ba chen po dang nyi ma rdul dang ha dang oM dag lhan cig zhu bar gyur nas hUM yig la ngal so'o/ /de nas hUM yig kyang zhu bar gyur nas sprul ba'i sa bon la ngal so'o/ /de dang nyi ma dang zla ba'i dkyil 'khor gnyis kyang 'dres par gyur nas nyi ma zhes pa rdul gyi dkyil 'khor kho na lhag pa'i thig le'i gzugs su blta bar bya khu ba ni lhag ma min pa'o/ /yang ni hUM yig 'od zer rnams zhes pa hUM yig zhu ba'i thig le'i 'od zer gyi ri mo rtsa'i 'khor lo thams cad la reg pa'o/ /sa bon zhes pa bde ba chen po bskyed pa thig le'i gzugs so/ /de ltar thig le'i rnal 'byor gsungs so/ /rdzogs pa'i dkyil 'khor bsgom pa la ni sa bon la sogs pa bskyed pa med par rdul gyi ngo bo'i gtum mo nges par 'byung ba yang shin tu 'bar ro/ /des mchog tu sbar ba'i ri bong can yang shin tu ches 'dzag go /des brtas par byas pa'i gtum mo/ /shin tu ches 'bar ro/ /ri bong can des mchog tu gdungs pa yang ches 'dzag go /de ltar nang gi zla ba dang nyi ma mnyam 'dub par ma chad pa bde ba chen po'i rang bzhin phung po khams la sogs sgo? btags pa zil gyi gnon pa rab tu skye bo/ /gang rnams de ltar mi mos pa de rnams ni ji skad bshad pa'i bzlas pas sog sdom pa la dbang nyid thob pas thur sel gyi rlung bsdus lte ba'i dkyil 'khor du phyag rgya chen po dmigs te/

  413. 207a

    rlung bkag pas gtum mo 'bar du 'jug go /de nas de lta kho nar bde ba chen po gsal bar 'gyur ro/ /de ltar mi nus pas ji de lta kho nar lte ba'i dkyil 'khor du rlung bkag par mos nas gnas pas dbugs 'byung ba ni ri mo drang po gtum mo'i ngo bos bcom ldan 'das ma 'bar ba mos te/ bde ba chen po'i gnas rjes su thob pa las dbugs 'jug pa na haM yig zla ba 'dzag pa thig le'i gzugs kyis de la dmigs bzhin pa bde ba chen po'i rang bzhin lta pa'i dkyil 'khor du 'ongs nas dmigs pa med par 'gyur ro/ /de ltar ji srid du srog 'gog pa'i bar du gnas par bya ste/ de kho nar dbugs 'byung ba dang/ 'jug pa dag la yang dang yang du bsgrub par bya'o/ /gang yang srog 'byung ba dang/ 'jug pa brtag par mi nus pa de lhag par mos pa tsam kho na sgrub par byed do/ /bskyed pa'i rim pa sgom pa pos ni de sngon ma can kho nar 'di mdza' dag stobs ji lta bar dmigs par bya'o/ /rgyas pa la dga' bas ni rnal 'byor ma'i 'khor lo mdza' dag gi ngo bo phyag rgya chen po'i bdag nyid bcom ldan 'das ma sna tshogs sde ma gtum mo'i ngo bo 'bar bzhin pas phyogs bcur 'phros pas 'dod chags chen po'i me'i 'od kyis bskul ba'i de bzhin gshegs pa 'dod chags chen po'i rjes su chags pa rnams thams cad bde ba chen po'i 'khor lor zhugs par bltas nas de kho na bzhin du thams cad sgrub par bya'o/ /de ltar 'di la sangs rgyas kyi byin rlabs kyang 'byung ngo/ /zhes pa gtum mo'i gdams pa'i dbye ba'o/ /'di thams cad kyang bla ma dam pas gdam par byas pa bsnyed pa'o/ /de kho nas zhes pa mi'i rgyus pa rlon pas zhes pa lhag ma'o/ /de ltar pha rol phyin ma zhes pa shes rab kyi pha rol tu phyin pa'i rang bzhin no/ /bcom ldan 'das ni snying rje chen po'i rang bzhin

  414. 207b

    no/ /me yi lus skyes 'od zer rnams zhes pa bcom ldan 'das de'i sku las skyes pa'i gtum mo'i 'od zer rnams so/ /'dzag pa des zhes pa chos kyi 'khor lo'i sa bon bkru ba'i dus su chos kyi 'khor lo'i rtsa brgyad po'i rang bzhin rnal 'byor ma rnams phyi rol tu spros nas zhes pa'i don to/ /dri bzangs lnga zhes pa bdud rtsi lnga rnams so/ /me tog ni bud med kyi rdul lo/ /bdug spos ni 'dod chags rdo rje ma'i chags pas 'bar ba'i gtum mo'i mar me'i'o/ /dpa' po rdzogs pa zhes pa dpa' bo grub par mthong nas sngar bzhin 'dzag go /a mra'i lo ma ni sa ha kA ra'i 'dab ma'o/ /gsol ba gdab ces pa don du gnyer bar bya'o/ /dbang bskur ba yis zhes pa la/ dbang bskur ni dri ma med par byed pa'o/ /mkhas pa ni rig pa dang ldan pa ste/ sgrol pa'i thabs rig pa rnams so/ /bu tsha med ces pa la sogs pa la ji ltar bu shi ba'i khyim du bus stong pa ste de ltar dbang bskur dang bral ba'i skyes bu la thams cad mkhyen pa'i ye shes dang bral ba'o/ /ji ltar thams cad sbyar ba na yang pi wang rgyud med brdung mi rung de las sgra 'grub ma yin no/ /ji srid sangs rgyas kyis mi spong ste/ dmyal ba mi bdor gyi bar du'o/ /'dis ni dbang bskur thams cad gdon ni za bar gsungs so/ /he ru kar gyur pa na zhes pa/ he ru ka'i gzugs su sgom pa rdzogs pas/ dgos pa ni ste dbang bskur med na sangs rgyas nyid med pa'i phyir ro/ /bsod nams tsam du ni 'gyur ro zhes pa'i don to/ /de zhes pa de la'o/ /phyi dang gsang ba zhes nye bar mtshon pa las shes rab dang bzhi pa'i dbang bskur dag kyang shes par bya'o/ /dpal sangs rgyas thod pa'i rgyud chen po'i 'grel ba 'jigs pa med pa'i gzhung 'grel du le'u gsum pa'o// //mkha' lding sbyor ba bshad pa'i ched du gsungs pa de nas zhes pa la sogs pa'o/ /bdag cag gi ni bdag cag

  415. 208a

    rnams so/ /'od zer gyis ni le'u dang por spros pa'i sngags kyi 'od zer gyis so/ /snying gi 'od zer rnams zhes pa sna tshogs sde ma'i snying ga'i 'od zer rnams kyis klu rnams gtang par byas nas 'ong ste sna tshogs sde ma'i snying gar zhugs pa rnams so/ /bka' bsgos pa zhes pa bdag cag rnams so/ /lha mo zhes pa kyi lha mo'o/ /gsungs pa zhes pa sna tshogs snga mas so/ /klu rnams la byin gyis brlabs nas de'i khas dug gi de kho na nyid rgyas par bstan pa'i ched du dri ma lnga rnams te/ mu stegs la sogs mkha' lding sbyor zhes pa la sogs pa'o/ /khyab 'jug dang dbang phyug la sogs pa rnams kyi dang/ bcom ldan 'das rdo rje 'dzin pa'i mkha' lding sbyor ba sngags dang sman dang ting nge 'dzin gyi khyad par ro/ /ji lta bur 'dod de ye shes kyang de yin la yang dag par 'byung ngo zhes pas 'byung ba yang ste/ ye shes 'byung ba ji lta bu ma ning nyid ni khyad par lhur byed pa 'am gtsug lag khang nyid kyi phyir ro/ /dug gi zhes pa dug go /ji ltar zhes pa rab tu dbye ba dris pa'o/ /zhus pa zhes pa klu rnams kyis so/ /khyab 'jug ces pa la sogs pa mu stegs pa'i phyogs la dri ba lnga pa lan sngon pa'o/ /khyab 'jug dang dbang phyug la sogs pa blo phyin ci log pa dngos po'i de kho na nyid mngon par mi shes pa rnams te/ de rnams kyi lugs la mche bas bzung ba'i dug dang mche ba yang don dam pa de yod do/ /de'i phyir de kho na nyid mi shes pa las dug gi skyon rnams kyi gnod 'gyur te/ 'chi bar 'gyur zhing mkha' lding sbyor bas kyang 'tsho bar nus pa ma yin te/ de ltar dus su gzung bar smra zhes pa/ mnga' dang phyogs dus me dang rta/ /zung dang zla ba sogs kyis nyin/ /drug dang rig byed lag bdun mda'/ /yon tan phun tshogs ri mtshan mo/ /zhes pa la sogs pa'i lan rnams la rim pa ji lta bar thun phyed rnams ni dus te/ de la bzung ba

  416. 208b

    ni bcos su mi rung bar smra'o zhes pa dri ba gsum pa'i lan no/ /dri ba dang po'i lan 'debs pa/ sbrul gyi zhes pa la sogs pa ste/ dus su zin pa nyid med na 'phrog go /zhes pa 'phrog byed do/ /khyab 'jug dang dbang phyug la sogs bas byas pa'i sbrul gyi dug zil gyis gnon pa'i thabs yod do/ /de ltar gyur na bzung ba la sprul gyi dug med do/ /dus su zin pa nyid la mkha' lding gi sbyor ba med na/ sprul gyis zhes pa la sogs pa nye bar bsdu ba'o/ /rdzu 'phrul che ba ni mkha' lding sbyor byed pa'i phyir ro/ /bcom ldan 'das kyi phyogs la dri ba gnyis pa'i lan ldon te/ bcom ldan 'das zhes pa la sogs pa'o/ /dor bya dang blang bya ston pa'i phyir ston pa'o/ /khyab 'jug dang dbang phyug la sogs pa yang/ de la gus pa rnams kyi ston par brjod do zhes pas gsungs pa stong pa nyid ngos gsung ba zhes te/ thabs khyung ste rgyu lkog gyur pas/ /de 'chad pa ni dka' ba yin zhes pa'i rigs pa las dngos po mdza' dag gi de kho na nyid khong du chud pa brtse ba'i gzhan dbang nyid las gdul bya rnams la stong pa nyid kyi bdag nyid kyi de kho na nyid gsungs pa'o/ /nges pa ni zin pa nyid de bya ba'i khyad par ro/ /bde byed la sogs pa rnams ni rang nyid kyis de kho na nyid ma nges shing gzhan rnams la yang nges par mi smra'o/ /zhes pa dgongs pa'o/ /des stan pa'i stong pa nyid kyi ting nge 'dzin kho na dug zhi bar byed pa bla na med pa'o zhes dri ba dang po lan 'debs par byed pa/ stong pa la zhes pa gcig dang du ma'i rang bzhin dang bral ba'i rang bzhin med pa rnams la'o/ /rten cing 'brel 'byung gang yin pa stong pa nyid de nyid khyod dgongs pa zhes pa chos rnams thams cad la ste phung po dang khams dang skye mched rnams la'o/ /sprul dang gzung ba dang dug kyang ci ltar te med pa kho na'o/ /'di ltar stong pa nyid las dug gi de kha nyid nges pas dug gdon mi za bar 'jig par 'gyur ro zhes pa'i don to/ /de nyid kyi phyir

  417. 209a

    dri ba gsum pa'i lan ji ltar zhes pa la sogs pa ste/ thams cad du ci ni spong ba la'o/ /dri ba lnga pa la lan zin pas zhes pa la sogs pa ste stong pa nyid ni ma nges pa las ni 'chi ste/ de'i phyir de rnams stong pa nyid smra bas bstan pas bcom ldan 'das kyis nges pa gsungs so/ /da ni gang rnams la nang gi dug med pa de rnams la sprul la sogs pa'i dug kyang ngo zhes bshad pa'i ched du gsungs pa 'dod chags zhes pa la sogs pa'o/ /'dod chags ni zag pa dang bcas pa'i dngos po la chags pa'o/ /gti mug ni ma rig pa ste dngos po dang dngos med la sogs par zhen pa'o/ /grags chen ma zhes pa sna tshogs sde ma bod pa'o/ /tha mal pa'i yul zhes pa la tha mal ni 'dir ma rig pa ste/ des sgro btags pa rnams ni tha mal pa'o/ /rang bzhin yul ni dri ma med ces pa la rang bzhin ni 'dir stong pa nyid de des gzugs la sogs pa'i yul lnga sems kyis rnam par bsgrubs pa lnga rnams dri ma 'dod chags la sogs pa bag chags dang bcas pa rnams legs par brtsad nas bton cing stong pa nyid kyi rang bzhin gang rnams la yod pa de rnams ni de skad do/ /mang po nyid la gcig gi tshig ni gtsug lag nyid kyi phyir ro/ /'di rnams kyi dri ma med pa nyid kyang sems dri ma med pa nyid las so/ / sems kyang rang bzhin gyis dri med pa ste/ de tshad ma rnam 'grel du gsungs pa/ sems 'di rang bzhin gyis 'od gsal dri ma rnams ni blo bur pa zhes so/ /dkyus ma la sbyor ba ni dri ma zhes pa la sogs pa'o/ /don 'di yin te/ 'dod chags la sogs pa kho na nang gi dug ste bsod nams dang ye shes kyi tshogs kyi srog 'joms pa'i phyir ro/ /de'i sems kyi dbang las yul gyi rang gi ngo bo yang dug go /gang gi tshe sems stong pa nyid dang snying rje dbyer med pa'i rang bzhin dri ma med

  418. 209b

    ba nyid las dug med par nges pa de'i tshe yul gyis rang gi ngo bo yang dri ma dang bral ba ste ji ltar te dug ma yin pa kho na'o/ /'di lta bu'i tshul gyis bstan pa'i dug la sogs pa za ba la sogs pa na de kho na nyid la mos pa las mi gnod do/ /zhes gsal bar byas so/ /de kye'i rdo rje'i rgyud du dol nyid kyis gsungs pa gang zhig sems med 'jig rten mi/ /dug zos pa yis brgyal ba yin/ /rmongs spangs de kho na nyid shes/ /de tshe nyid na mya ngan spong zhes so/ /'dir rmongs spangs ni dug gi de kho na nyid yongs su shes pa'i phyir ro/ /de kho na nyid zhes pa ni dug gi de kho na nyid la myos bzhin pa'o/ /mya ngan ni mya ngan no/ /nang gi dug 'jig pa yang nges dpes bstan pa nyid du gsungs pa de bzhin myang 'das thabs shes shing/ /kye yi rdo rjer ral pa byas/ /ma rig sogs kyis mi 'ching ste/ gti mug la sogs 'ching bas min zhes te/ 'dir kye'i rdo rjer zhes pa stong pa nyid dang bde ba chen po dmigs pa med pa'i snying rje chen po dbyed med pa'i ye shes la'o/ /ma rig la sogs rnams kyis te yan lag bcu gnyis rnams kyis so/ /gti mug la sogs rnams kyis te/ nyon mongs pa rnams kyis so/ /de ltar nang gi dug dang bral ba la phyi rol gyi dug gis kyang mi gnod par gsungs la/ sprul gyis kyang zhes pa la sogs pa ste/ dri ba bzhi pa'i lan 'debs par byed do/ /tha mal dug dang sbrul gyi dug /nyes pa kho na zhes pa la tha mal ni ma rig pa ste/ des sgro btags pa las byung ba ni tha mal pa'i dug ste/ sprul gyi 'di yin pa ni sprul gyi ste/ aN 'phel ba med pa'i phyir ro/ de dang yul gyi dug ces pa gnyis ka ci zhig byed ces 'brel to/ /mu stegs pa'i phyogs la dri ba gnyis pa'i lan 'debs ba lha rnams yul gyis bsgrib pa zhes te/ bde byed la sogs pa rnams yul rnams la nyon mongs pa dang/ shes bya'i

  419. 210a

    sgrib pa rnams kyis de kho na nyid kyi shes pa bsgrib par byas pa rnams te/ de'i phyir de rnams la nang gi rang phyi'i dug yod do/ /'on kyang rdzu 'phrul che ba nyid kyis na dug zhi ba'i thabs byed cing/ dus su zin pa gsor mi rung bar smra'o// de nyid kyi phyir gsung bar 'gyur ba rdzu 'phrul che la blo med pa zhes so/ /bag chags dang bcas pa'i sgrib pa thams cad rtsa ba nas phyung ba'i bcom ldan 'das sangs rgyas thod pa ni 'dod pa la spyod kyang mi 'ching ngo zhes ston pa yul zhes pa la sogs pa'o/ / de bzhin du sbyong bzhin pa ni sangs rgyas thod pa'i rnal 'byor pa rnams kyang longs spyod kyang mi dgos te/ sangs rgyas bod pa'i rnal 'byor las so/ /zhes gsungs pa sangs rgyas zhes pa la sogs pa'o/ /thams cad nye par mtshon pa nyid kyis mjug sdad pa/ de las dus zin med ces pa sangs rgyas thod pa'i sbyor las so/ /de ltar don dam pa'i dug zhi thabs brjod nas kun rdzob pa gsungs pa/ shA ki li zhes pa la sogs pa'o/ /bsdams te yang dag par bsdams par shA li kA'i'i/ byed pa'i bar 'gyur ba'o/ /mu stegs pa rnams dus su bzung ba gsor mi rung bar smra la bcom ldan 'das ni ma yon no zhes dgongs pa'o/ /de skad brjod nas glu rnams kyis/ /sna tshogs sde mar phyag 'tshal nas/ /rang rang gnas rnams su ni song zhes pa sdud pa pos gsungs pa/ 'di 'dra zhes pa la sogs pa'o/ /rab tu rtogs pa zhes pa/ rang gi ngo bo nges par sems pa'o/ /oM zhes pa sku gsung thugs so/ /shU n+ya tA rang bzhin med pa nyid do/ /dz+nyA ni na thugs rje chen po'o/ /de gsum dbyer med pa nyid kyi phyir rdo rje'i rang bzhin gang gi bdag nyid rnyed gi ngo bo yin pa de nga'o/ /ji ltar de lta bu nga yin pa de ltar mdza' dag go zhes gsungs pa/ stong dang stong min zhes pa la sogs pa ste stong pa ste rang gi ngo bo dang bral ba

  420. 210b

    nyid kyi phyir ro/ /stong min te de ltar yang brjod du med pa nyid kyi phyir dang/ gnyis dang bral ba'i ngo bor gnas pa'i phyir ro/ /mtho lnga zhes pa sor drug cu ba rtsa ba'i thig gi nang du ste/ gru bzhi pa'i dkyil 'khor ro/ /zlum po ni sor sum cu pa ste/ de nyid du rdo rje sngon po'i phreng bas bskor ba pad+ma 'dab ma brgyad pa sor bcu pa'o/ /rgyud gzhan du sa rko ba la sogs pas zug du dbyung ba la sogs pa sbyang ba gsungs so/ 'dir ni mchog gi rgyud yin pa nyid kyi phyir na lag pas reg nas sngags brgya rtsa brgyad bzlas pas dkyil 'khor gyi sa gzhi 'chad par 'gyur ba'i sbyin sreg gi thabs kyi sa gzhi yang sbyang bar bya'o/ /zhes gsungs pa/ sa zhes pa la sogs pa'o/ /'dir dug gi thabs kyi dbang du byas pa'i dkyil 'khor la lha'i stegs bu dang/ snam bu mi bya'o zhes gsungs pa/ stegs bu zhes pa la sogs pa'o// rdul tshon dmar pos zhes pa phyogs bzhi rnams su dkyil 'khor gyi gnas kun rdul tshon dmar po kho nas dgang bar bya'o/ /ji ltar 'dus pa la sogs par rnam par snang mdzad la sogs pa'i phyogs kyi dbye bas sa'i kha dog tha dad pa de ltar ma yin no zhes gsungs pa/ gzhan zhes pa la sogs pa'o/ /re khA lnga la sogs pa bzhin kha dog lnga'i tshon rnams kyis ji ltar rigs par bya'o/ /gtor ma sbyin pa dang sa gzhi sbyong ba dang/ thig pa sngags? pa dang/ thig gdab pa dang/ rdul tshon gdab pa la sogs pa ni he ru ka'i rnal 'byor dang ldan pa'i zla mas bya'o/ /bum pa rnams zhes pa/ rtsa ba mi nag pa lte ba dang mchu 'phyang ba dang/ mgrin pa'i dab rnams te/ dbang ldan dang me la sogs

  421. 211a

    pa mtshams su'o/ /bum pa bzhi rnams su grangs ji lta bar mtshan ma bzhi rnams so/ /rnam par rgyal ba'i bum pa ni lnga pa gtso bo'i ste/ 'dir ma brjod kyang rgyud gzhan gyi rigs pas shar sgo las cung zad lhor rtogs par bya'o/ /de kho na 'dir las thams cad pa ste/ 'dir mtshan ma ni chos 'byung dbus su cang te'u ste/ cang te'i steng du rdo rje dang pad+ma'o/ /slob dpon sangs rgyas thod pa'i rnal 'byor ldan par 'gyur ro bya'o/ /ji ltar zhe na gsungs pa/ pad+ma zhes pa la sogs pa ste/ sna tshogs padme'i lte bar ro/ /phyis ni zhes pa la sogs pa la/ slob dpon rang nyid lha mo brgyad kyis yongs su bskor ba'i he ru ka'i bdag nyid kyi ye shes sems dpa' bstims pa'i rjes thogs su bdag nyid la dbang bskur bar bya'o/ /he ru ka'i sku las skyes pa'i 'od zer zhes pa snying ga'i rtsa brgyad rnams las spros pa'i 'od zer dang bcas pa'i lha mo brgyad rnams kyis de bzhin gshegs pa rnams la reg tu gzhur par bya ste/ slob dpon gyis so/ /lha mo de rnams dang byon pa'i de bzhin gshegs pa'i 'od zer gyis spros pa'i lha mo rnams kyis he ru ka dang lha mo brgyad rnams khrus byed du 'jug go /gcod pan can du zhes pa he ru ka cod pan can dang rnal 'byor ma rnams dang lhan cig ste/ de rnams kyang cod pan can zhes pa'i don to/ /dkyil 'khor rdzogs pa de ltar rang nyid he ru ka'i bdag nyid du rdzogs pa na rdul tshon gyi dkyil 'khor la yud kyis dam tshig sems dpa' dang ye shes sems dpa' dang dbang bskur ba dang rgyas gdab pa rnam par bsgoms nas dkyil 'khor sgrub pa'i phyir ro/ /gtor ma zhes pa klu rnams la'o/ /mar me zhes pa sbrang rtsi dang mar dang nya'i tshel bu dang/ dri zhing pa'i 'bru mar te mar me bzhi rnam dkyil 'khor dang nye bar sbyin par bya'o/ /a mra dang nA ri ke la dang chu shing dang/

  422. 211b

    ka pi ta tha'i 'bras bu bzhi rnams so/ /ras zung gsum ni smad g.yogs dang stod g.yogs dang thod pa'o/ /rnal 'byor ma ni rang nyid kyis phul ba'i bla ma'i shes rab ma dang dpa' bo ni bla ma'o/ /'khor lo ni tshogs 'du ba'o/ /dam tshig snying por gcig sems kyis zhes pa'o/ dam tshig snying po ni bcom ldan 'das so/ /bdag nyid dogs pa bzlog byed pa zhes pa dgongs pas dug byung gi dogs pa med pa la ni ma yin no zhes pa'i don to/ /brtan pa ni bong nga'i dug la sogs pa'o/ /g.yo ba ni sprul la sogs pa rnams kyi'o/ /lus skyes ni lhog pa la sogs pa'o/ /bcos ma ni mar dang sbrang rtsi la mnyam par sbyar ba la sogs pa'o/ /rnam pa bzhi'i dug ni dug med par bgyi zhing ngo/ /shing bu ni sa shing ngo/ /slob ma ni he ru ka'i gzugs su bsgom par bya'o/ /mgrin par zhes pa slob dpon gyi rang slob ma'i'o/ /lag par yang ste g.yon par ro/ /zla bar zhes pa mgrin par gnas pa dang lag par gnas pa la'o/ /sgom pa'i nus pas zhes he ru ka'i sku dang zla ba la sogs pa sgom bar byed cing/ de ltar bsgom pa'i lag pa slob ma'i mgor bzhag nas sngags bzlas so/ /bum pa zhes pa bum pa'i tshad do/ /bzod dka' zhes pa sdug bsngal ba'o/ /mkha' lding sbyor zhes pa la sogs ni gang gi tshe sems can 'dis mkha' lding gi sbyor pa rtogs par 'gyur ba de'i tshe bdag cag rnams la 'ga' zhig tu yang yongs su bskyab pa'i mched du rten par bya ba nyid kyis rten du 'gyur ba ma yin no/ /de ma thag pa zhes pa lhag par gnas pa'i de ma thag tu'o/ /rjes su byin pa zhes pa byed pa po la 'jug bzhin pa la kata ste/ gtsug lag nyid kyi phyir ro/ /rim pas dbul bar bya'o/ /zhes pa'i don to/ /dung chos zhes pa la sogs pa man ji gcig la ni dung ngo/ /gnyis pa la ni zangs kyi snod do/ /bum pa ni rnam par rgyal ba'i bum pa dang/ bum pa

  423. 212a

    gzhan bzhi rnams so/ /rnal 'byor ma brgyad zhu bar gyur nas zhes pa la bcom ldan 'das dang dkyil 'khor na gnas pa'i lha mo rnams dang lhan cig de'i bdag nyid du gnas pa rnams so/ /dam tshig dang ye shes sems dpa' dag ro gcig par gyur pa kho na ni dkyil 'khor gyi rab gnas so/ /bum par te rnam par rgyal ba'i bum par bcom ldan 'das dang lha mo brgyad zhu ba bzhugs shing bum pa gzhan rnams su ji ltar rigs par lha mo rnams bsam mo/ / chu zhes pa rnam par rgyal ba'i bum pa la sogs pa'i chu bag tsam zangs snod dang dung chos su bzhag par bya'o/ /chu zhes pa zangs kyis chus te/ de'i rjes su dung phor gyi chu cung zad kyis so/ /brjod du gzhug ste slob dpon gyi slob ma'o/ /mchod du gzhug ste bla mas slob ma'o/ /slob ma zhes pa gdong g.yogs bkrol ba la'o/ /yang zhes pa khrus kyi don du zung ba la bltos nas so/ /rdo rje dang bcas pa'i lag pa gnyis kyi 'thung tu bzhugs ste/ he ru ka'i sngags zlos shing lan gsum du zangs snod kyi chu bsres pa'i dug gi chu'o/ /chu 'thungs pa'i phan yon 'chad par 'gyur ro/ /'dir rim pa ni 'di yin te/ slob dpon ji lta ba bzhin du dbang bskur zhing slob mas rjes su gnang ba'i ting nge 'dzin gsum pa mkhas pa he ru ka'i bdag nyid sngags bzlas par 'gyur bas/ yun ring por bar ma chad par legs par brtags pa'i don du gnyer ba'i slob ma la dbang bskur bar 'dod pas/ thog mar rgyal po dang rkun mo la sogs pa'i nye bar 'tshe ba thams cad dang bras pa'i dkyil 'khor gyi khang pa la sogs par cho ga ji lta bar bzhengs pa'i rdul tshon gyis dkyil 'khor ram ras bris la sogs pa'i dkyil 'khor du ji skad bshad pa'i mar me dang 'bras bu la sogs pa

  424. 212b

    nye bar mchod pa lngas mchod par klu'i don du 'o ma phul ba na/ bum pa rnams lhag par gnas par bya'o/ /de la rnam par rgyal ba'i bum pa chos 'byung gi dbus su gnas pa'i cang te'u dang rdo rje pad+mas mtshan pa dri'i chus gang ba/ gser dang dngul dang mu men dang mu tig dang byu ru ste rin po che lnga rnams dang/ nas dang gro dang til dang sran mA sha dang 'bras so ba ste/ 'bru sna lnga rnams dang bri ha tI dang ka Na Da ka ri dang/ a pa rA dzi ta dkar po dang/ da Na Do ta pA lA dang/ sa ha de wa ste sman sna lnga rnams nang du ldan pa e mra'i lo mas kha brgyan pa mgrin pa gos dmar pos dkris pa me tog gi phreng ba dang ldan pa/ me tog phreng bcings pa'i rdo rje steng na yod pa/ 'o mas bkang ba'i snod steng na gnas pa/ nang du yud kyis bskyed pa'i dam tshig sems dpa' dang ldan par byas nas nyi ma dang rdo rje'i lte ba la gnas pa'i hUM gi sa bon gyi 'od zer rnams kyis/ 'og min nas bcom ldan 'das rnal 'byor ma brgyad kyis yongs su bskor ba spyan drangs te snying po'i sngags kyis mchod yon la las bdun bzlas te/ e he ru ka badzra arg+haM prA tIts+tsha hUM zhes pa 'dis phul nas de'i dbus su bcug pa ste/ dam tshig sems dpa' dang lhan cig gcig tu gyur pa'i bde ba chen po'i rang bzhin byang chub kyi sems kyi ngo bor chu de bsams pa/ khu tshur g.yon pas rdo rje la bcings pa'i me tog gi phreng ba gzungs nas snying po'i sngags kyis brgya rtsa brgyad du bsngag go /dkyil 'khor ba gzhan gyi bum pa'i dri'i chus yongs su gang ba a mra'i yal ga dang ldan pa gos dmar pos mgrin pa dkros? pa me tog gi phreng ba can grangs ji lta bar thod pa dang kha TwAM ga dang gri gug dang cang te'u'i mtshan mas mtshan pa nang du dam tshig gi lha mo ye shes kyi lha mo dang dbyer med pa zhu ba'i chu dang ldan ba rnams la so sor lha mo'i sa bon gyi sdangs kyis brgyad lhag pa'i

  425. 213a

    brgyan mngon par bsngags par bya'o/ /de la thod pas mtshan par chang 'tshong ma dar sna tshogs sde ma'o/ /kha TwAM ga yis mtshan par 'byung mo dang legs bzangs ma'o/ /gri gug gis mtshan par phyag bzhi ma dang sa 'og gnas ma'o/ /cang te'us mtshan par nam mkhar gnas ma dang/ 'dod ma'o/ /hUM oM hUM swA(rgyud 'grel): hUM khaM hUM hUM rim pa bzhin du 'di rnams kyi sa bon no/ /de'i rjes su tshogs par me tog dang bdug pa la sogs pa rnams kyis yang dag mchod la gtor ma phul te/ rdo rje pad+ma zhes pa la sogs pas bstod pa sngon du 'gro bas dril bu dkrol phyag bya'o/ /zhes pa bum pa lhag par gnas pa'i cho ga'i rjes thogs su slob dpon slob mas phul ba'i ras gsum la sogs pas brgyan ba shes rab dang bcas pa rol rtser byas pas dkyil 'khor gyi gnas las phyi rol gyi stan la 'dug pas slob ma maN+Dal gsum byas pa/ me tog gi phreng ba bzung ba/ bus mo sa la btsugs pa/ thal mo sbyar ba/ dug zhi thabs la sogs pa'i skal ba can/ blos rang gis lus la bcug nas rdo rje nas phyung ba/ shes rab kyi pad+mar gnas pa la/ snying ga'i sa bon gyi 'od zer gyis spyan drangs pa a ba dU tI nas zhugs pa'i de bzhin gshegs pa zhu ba rnams kyis dbang bskur ba he ru ka'i gzugs can dkyil 'khor gyi shar sgor bzhag nas/ sems can don la gcig tu brtson/ /bcom ldan bla ma ston pa kye/ /dug zhi'i thabs ni bzang po 'tshal/ /shA laM ka byed sbyor ba skyes/ /sems can don ni bzang po 'gyid/ /dus su bzang ba bzlog byed pa/ /de ni ston chen bdag la gsungs/ /sangs rgyas thod pa'i sbyor ldan pas/ /zhes pa 'dis 'jug pa zhur bcug nas/ /dkon mchog gsum la bdag skyabs mchi/ /sdig pa mi dge so sor

  426. 213b

    bshags/ /'gro ba'i dge la rjes yi rang/ /sangs rgyas byang chub yid la gzung zhes lan gsum brjod du gzhug ste/ snying po'i sngags kyis bsrungs la/ de'i snying gar rdo rje nag po'i lte ba la hUM/ mgrin par pad+ma dmar po la A(rgyud 'grel): mgo bo la 'khor lo dkar po la oM zhes pa'i yi ge rnams nag po dang/ dmar po dang/ dkar po rnams bsam par bya'o/ /de nas langs te dri'i chu dang/ rdo rje dang ldan pa'i lag pa g.yas pas hUM A(rgyud 'grel): oM zhes brjod cing/ snying ga dang/ mgrin pa dang mgo bo rnams la reg nas mgo bo la me tog dang/ mdun du spos dang/ mar me dang/ snying gar dri sbyin no/ /de'i rjes su a shwat+tha la sogs pa'i so shing rtse mo ma gas pa/ 'khyog po la sogs pa ma yin pa/ sor bcu gnyis pa'i tshad tsam pa/ me tog gi phreng ba rtse mo la dkris pa/ dri zhim pa'i chus dkrus pa/ so shing gi sngags kyis lan bdun mngon par bsngags pa shar du phyogs pas sbyin par bya'o/ /slob mas kyang shar ram byang du phyogs pas rtse mo 'chos nas gyen du ltos pa med par sa gzhi ba lang gi ko ba tsam byugs pa dor ro/ /de nas kha bshal ba'i don du dri'i chu khyor ba gsum gyi btung ba/ oM h+rI(rgyud 'grel): bi shud+d+ha sarba d+harmA sarba pA pi ni tsA sye bi sho d+ha ya sarba bi kalpan a pa na ya hUM zhes pa'i sngags 'dis byed du gzhug go/ de'i rjes su slob dpon gyis rang gi lag pa g.yon pa dang mgrin pa dris byugs shing me tog gis dkris par zla ba'i dkyil 'khor bltas la/ de'i 'od zer rnams kyis phyogs bcu'i sangs rgyas rnams spyan drangs pa 'dod chags chen pos zhu par gyur nas zla ba gnyis la thim par bsam par bya'o/ /de nas lag pa de slob ma'i mgor bzhag nas lhag gnas kyi sngags lan bdun du bzlas so/ /de nas mgrin par gnas pa dang/ lag par gnas pa'i sangs rgyas de rnams zla ba dang bcas pa slob ma'i

  427. 214a

    lus la zhugs nas/ byin brlabs mdzad par bsams te/ slob ma srung bar bya'o/ /de nas de la snying po'i sngags bzlas pa'i ku sha rnams bting ste/ stan gyi don du dang sngags kyi don du sbyin no/ /slob dpon dkyil 'khor gyi khang par zhugs te/ bsgom pa dang bzlas pa bya'o/ /zhes pa slob ma lhag par gnas pa byas nas/ /tho rangs gtor ma byin te/ dkyil 'khor gyi khang pa nas byung la slob ma la rmi lam dris te/ snying po'i sngags kyis bsrung bar bya zhing dkyil 'khor gyi khang par 'byor ba ji lta bar mchod nas lha'i 'khor lo dngos su der gnas par mos la rang gi blos gtso bo bla mar byas te 'chad par 'gyur ba'i slob ma gzhug pa'i cho gas rang nyid dang por dkyil 'khor du zhugs la/ rigs kyi bdag pos bdag nyid la dbang bskur gyi mthar thug pa bsgrubs nas/ de nyid las slob dpon gyis las kun la gnang ba thob ste/ /bden pa'i byin brlabs bya'o/ /bden pa gang gis ye shes mchog /shes rab thabs bdag dkyil 'khor yin/ /bden pa de yis mgon po khyod/ /bdag gi 'dod pa yongs rdzogs mdzod/ /chos rnams gzugs brnyan dang mnyam pa/ /rangs shing dag la rnyog pa med/ /gzung du med cing brjod du med/ /rgyu dang las la yang dag byung/ /de nyid de bzhin las skyes/ /de lta'i bden pas dkyil 'khor ni/ /gzugs brnyan gsal bar slob ma rnams/ /kun gyis sdig med mthong bar shog /ces pas so/ /de'i rjes su slob ma khrus byed du bcug la/ /dri bzang po la sogs pas gtsang sbra can du 'gyur ba/ /gos dmar po'i smad g.yogs dang stod g.yogs can/ /gdong g.yogs dmar po bcings pa/ dpal he ru ka'i gzugs su dmigs pa la/ a(rgyud 'grel): khaM bI ra hUM zhes pa'i sngags kyis me tog bzung bas yol ba'i phyi des su yon phul ba las

  428. 214b

    thams cad pa'i bum chus gtor ba/ hUM yig gis dkyil 'khor gyi shar sgor bzhag pa la/ dkyil 'khor du gzhug pa'i don dri bar bya ste/ kye khyod su yin zhes pa'o/ /des bdag ni rgyal ba'i sras zhes brjod par bya'o/ /de nas 'di la oM sarba yo tsit+taM utpA? ta ya mi zhes pa 'dis byang chub kyi sems bskyed nas me tog dang bcas pa'i rdo rje snying gar hUM su ra te sa ma ya stwaM ho(rgyud 'grel): sid+hI badzra ya thA su khaM zhes brjod cing bzhag par bya'o/ /de nas spyi bor rdo rje bzhag nas brjod par bya ste/ 'di ni khyod kyi dam tshig rdo rje ste/ gal te khyod kyi 'di 'ga' zhig la smras na spyi bo 'gas par byed do/ /de nas snying gar rdo rje bzhag nas 'di skad brjod de/ oM da ni rdo rje sems dpa' rang/ /khyod kyi snying la yang dag bzhugs /gal te tshul 'di smras na ni/ /de ma thag tu dral te gshegs/ /zhes pa 'dis mna' byed du bcug ste/ /pad+ma'i snod du 'dug pa yi ge gsum gyis byin gyis brlabs pa'i bdud rtsi lnga bsres pa'i bum pa'i steng na gnas pa'i 'o ma/ oM pany+tsa a mri ta u da ka tha(rgyud 'grel): hUM zhes pa 'dis lan bdun du bzlas pa/ 'di ni khyod kyi dmyal ba'i chu/ /dam tshig 'das na bsreg par byed/ /dam tshig bsrungs las dngos grub ste/ /rdo rje bdud rtsi'i chu 'thung shig /ces brjod cing 'thung du gzhug go /khyod kyis nga la brnyas par mi bya ste/ khyod dam tshig nyams nas dmyal bar song bar gyur ta re/ zhes brjod nas/ bcom ldan 'das la thal mo sbyar bas/ dkyil 'khor du ni slob ma dag /bdag gis yang dag bcug pa 'di/ /lha rnams rigs kyi rim pa ni/ /bsod nams ji lta de ltar shog /'di yi dngos grub ji 'drar 'gyur/ /rigs gang la ni snod yin dang/ /bsod nams mthu yang gang 'dra ba/ /de'ang dkyil 'khor du gyur cig /ces pa bden pa'i byin brlabs byas te/ /yi ge lngas sngar bzung ba'i me tog traM yig gis byin gyis brlabs pa hUM yig gis

  429. 215a

    dkyil 'khor gyi dbus su 'phang zhing oM badzra he ru ka badzra puShpaM pra tIts+tsha hUM zhes 'don du gzhug go /'phangs pa'i me tog de slob ma'i mgo la 'ching zhing/ kye stobs po che khyod kyis 'di slar zung zhig ces brjod do/ /de rjes su slob ma'i snying gar zla ba la bdag po dang/ dpral bar ra yig dang mig gnyis la oM yig gnyis bsgoms nas/ oM rdo rje sems dpa' rang nyid deng/ /khyod kyi mig ni 'byed par brtson/ /thams cad mig ni 'byed mdzad de/ /rdo rje'i mig ni bla na med ces 'don cing gdong g.yogs bsal nas/ dgu yi bdag nyid dkyil 'khor du/ /oM he ru ka badzra puShpaM pra tIts+tsha hUM zhes pa la sogs pa'i sngags rnams kyi bdug pa la sogs pa'i sngags rnams kyis kyang mchod de/ kye rdo rje ltos shig ces brjod pas/ /dkyil 'khor gyi lha rnams kyi mtshan brjod pa sngon du 'gro bar bstan par bya'o/ /zhes pa dkyil 'khor du 'jug pa'i rjes thogs su/ slob mas yan lag lngas phyag byas pas bus mo g.yas pa sa la btsugs pa thi ba'i thal mo sbyar bas/ bdag ni 'khor ba'i 'dam du bying/ /dpung gnyen skyob pa po mdzod cig /bdag ni skal dman spro ba chus/ /sangs rgyas chos dang rnam bral las/ /kye kye mgon ston bla ma che/ /mgon po khyod kyi thugs rje mdzod/ / ces brjod pas gsol ba gdab po/ /de la slob dpon gyis rang gi lte bar gtum mo 'bar bas gzhu ba'i bdud rtsis snying ga'i sa bon bkrus pa'i dus su/ snying ga'i rtsa brgyad kyi rang bzhin gyi lha mo spros pa rnams dang/ snying ga'i sa bon gyi 'od zer gyis spyan drangs pa'i phyogs bcu'i de bzhin gshegs pa dang/ rig pa'i lha mo rnams dang bcas pa rnams la/ snying rje can rnams 'di la dbang bskur ba stsal du gsol/ yang yang phyag 'tshal thal sbyar

  430. 215b

    gsol 'debs bgyid/ /ces gsol ba gdab cing/ gdugs dang/ rgyal mtshan dang/ ba dan dang/ gos dang/ rol mo la sogs pa dang ldan pa/ /ye shes kyis chus kang ba'i bum pa dkar po'i phyag tsan bkra shis kyi glu len pa rnams kyis/ gang gi tshe slob ma he ru ka'i gzugs can la dbang bskur bar mdzad pa de'i tshe man ji gnyis la gnas pa'i zangs snod dang/ dung chos rnam par rgyal ba'i bum pa la sogs pa'i chus bkang nas/ dang por rdo rje dang bcas pa'i lag pa gnyis kyis bzung ba'i zangs snod kyi chu nyung ngu yis dang de'i rjes su dung gis dbang bskur rdo rje chen po ni/ khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /oM he ru ka bI ra stwAM a b+he Shiny+tsa mi/ zhes brjod cing khrus byed pa'i slob ma la cod pan gyis byin gyis brlab par bya'o/ /de ltar chu dang cod pan gyi dbang bskur dag gis dbang bskur ba'i slob ma la de ltar bzung ba'i drung gi zangs snod na gnas pa'i chu lhag ma bsres pa'i chu lhag ma/ le'u dang por brjod pa'i sngags/ oM bud+d+hA zhes pa la sogs pa brjod cing/ lan gsum blung ngo/ /zhes pa'o sbyar ba rnams zhes pa byas pa rnams so/ /gzhan rnams ni lhog pa la sogs pa'i lus la skyes pa'i dug rnams so/ /nye ba'i dug ni laM ga lI la sogs pa'o/ /mnga' dug ni dug gi chu zhes pa'i don to/ /byug pa zhes pa bza' ba'i don du bza' bya la sogs pa la byug pa rnams byas nas so/ /gang rnams zhes pa dug rnams so/ /de rnams zhes pa de thams cad do/ /de nyid du zhes pa gang gis gzung ba 'am sbyin pa de rnams kho na'o/ /shA li kA byed pas zhes pa shA li kA'i byed pa tsam gal te shes par 'dod na de kho nas shes par gyis shig /yang na dug zhi thabs te 'jig rten pa dang don dam pa thams cad ces pa'i don to/ /stong phrag

  431. 216a

    ces pa la sogs pa stong phrag brgya'i nang na gang bsam pa rnam par dag pa la gdams pa dang/ 'chad par 'gyur ba'i sngags sbyin no/ /sbrul zhes pa la sogs pa la sbrul gyis zin pa la'o/ /de bzhin zhes pa mi brtson pa'o/ /don 'di yin te/ gzung ba la ji srid du dug gso thabs gzhan sngags dang sbyar ba la sogs pa'i las byed pa 'am/ byed par 'gyur ba de srid sangs rgyas thod pa'i rnal 'byor pas spro bar mi bya'i/ /'od na dus su bzung ba ste shi ba'o/ / zhes dug gos ba gzhan rnams kyi sa dor ba na bzung ba la las brtsam par bya'o/ /'od zer rnams zhes pa la sogs pa la/ bdag nyid he ru ka'i gzugs can gyi snying ga'i sa bon gyi 'od zer rnams kyis nor rgyas la sogs pa'i klu'i gnas su bskul bas/ klu'i snying skams pa ci bgyi zhes zer ba'i klu rnams la gsungs pa'o/ /sngon zhes pa le'u dang por te/ 'dir yang sangs rgyas thod pa gsungs pa zhes don du 'jug ste/ khyed rnams sngags kyi 'od zer gyis zil mnan pa bcom ldan 'das ma la zhus nas/ de'i bka' khas blangs pa zhes pa dgongs pa'o/ /de nas 'gyur zhes pa 'di ltar rigs pa sgrub pa ma yin zhes pa klu rnams kyis gsol pa'o/ /kye 'od zer bzhud cig /gang gis phyir dus su zin pa med cing/ gzung ba dang 'dzin pa med de/ 'dzin par byed pa dus su zin pa las gzhan med do/ /dogs pa ste dogs pa can dug gis 'chi ba la sogs pa dang bral ba'i phyir ro/ /'od zer la ni 'od zer ro/ /ba lang gi gci ba sa la ma lhung pa ni ba ser skya'i'o/ /des 'dab chags ri skegs dang ri skags mo yang bya'o/ /snod dkar po ni 'bras dkar po btas pa las byas pa ste/ der 'dab chags gnyis po de bzhag par bya'o/ /der dung la sogs pa'i snod

  432. 216b

    dkar por ro bsregs pa'i sol ba ma nyes pa'i snag tsha bzhag cing des ka ra bI ra'i dkar po'i 'bri myug gis ri skegs kyi sngags bri bar bya'o/ /pho dang mo ru zhes pa mo ru zhes pa mo ni ri skegs mo ste/ de'i pho ni ri skegs so/ /ni ni khyad par la ste de'i phyir des bris pa'i sngags kyi gro ga la sogs pa'i 'dab ma gnyis ri skegs kyi snying gar dang ri skegs mo'i snying gar bzhag go zhes bstan to/ /snag tsha sbyin par bya zhes pa la sogs pa la/ snag tsha des ri skegs gnyis la phyug cing bris la/ bdag nyid kyi mig la phyogs par bzhag ste/ bden pa'i re skegs gnyis bzhin du blta zhing ka ra bI ra dkar po'i lo mas sngags lan bdun bdun brjod cing dkug pa'i lha'i ri skegs gnyis dang dbyer med par bsgom mo/ /oM zhes pa la sogs pa swAhA'i mthar thug pa ni sngags gcig go /zhus zhes pa ri skegs de gnyis sod nas klu'i gnas su zhugs pa'o/ /gang gis zhes pa la sogs pa 'dzin pa po'i klu'o/ /ri skegs mthu chen po can mthong nas ma shi na yang long par ni mi 'gyur ro/ /shA li kA rnams la ni shA li kA dag la'o/ /gsol ba ni gsol ba rnams so/ /tshig ni sna tshogs sde ma la khas blangs pa'i tshig ste/ rnam pa gzhan du mi 'gyid pa'o/ /kha cig tu ma mdzad ces klog pa de'i tshe sprin la zhon gyis/ klu nye bar mi 'tsho ba'i don du phyed du bcug pa'i tshig gis bya khyung gi rgyal pos 'dab chags stobs po che thams cad la dag byas te/ de'i phyir tshig de rnam pa gzhan du ma mdzad cig ces pa'i don to/ /de ltar zhes pa la sogs pa ri skegs dang shA li kA mo dag gis mgo dang mjug ma dag bzung nas zin pa'i mdun du khyer 'ong ba'i sprul lod ba la 'gugs pa'i sngags kyis mngon par bsngags pa'i sprul gyi khung bu'i sa yis 'gugs pa'i sngags brjod pa sngon du 'gro bar brabs pa las/ /mig byung ba zin pa mthong ba la rkang pa mgo

  433. 217a

    po'i mthar thug pa dang/ mgo bo nas rkang pa'i mthar lan gsum du 'gro'o/ /de nas gzung ba langs pa na shA li kA gnyis kyis sbrul rang gi gnas su khyer nas song ba ni/ rang gi gnas su rtag tu gnas su gzhug go zhes/ spyi'i don to/ /yan lag gi don ni bzung ba'i zhes pa bzung ba'o/ /sprul gyis ni sprul lo/ /shing 'gyel pa'i zhes pa shi zhing 'gyel ba'o/ /'gro ba ni mgo bo'i mthar thug par ro/ /'od ba ni rkang pa'i bar du'o/ /kun rdzob ba'i dug gso thabs ri skegs kyi byed pa gsungs nas don dam pa gsungs pa stong pa nyid kyi ye shes zhes pa'o/ /de nyid rgyas par ston te/ stong pa zhes pa la sogs pa'o/ /stong pa ni rang bzhin med pa rnam par rtog pa'i gos pa thams cad dang bral ba'o/ /mdza' dag ste phyi dang nang gi bdag nyid kyi dngos po'o zhes pa'o/ /yod par sgro 'dogs pa gsal nas med pa sgro 'dogs pa spong ste/ chos ni dngos po rnams kyi chos nyid stong pa nyid med de ni spros pa med pa nyid kyi phyir ro/ /de srid du zhes pa la sogs pa nyin zhag nyi shu rtsa gcig rnams ji srid pa'o/ /mang pos ci ste ji srid du zin pa'i gdong pa la sogs pa mi dbye ba ste/ gdangs nas mi gnas pa de srid du 'khrul 'khor gyi las bya'o/ /mjug bsdu ba ni/ de ltar zhes pa la sogs pa ste/ de ltar dung gi chu blung pa'i mthar thug pas rjes su bzung nas dug zhi thabs ri skegs kyi byed pa dang/ don dam pa lung bstan par bya'o/ /sangs rgyas thod pa'i rnal 'byor gyis oM ba d+hA ka pA li nI A(rgyud 'grel): hUM zhes pa 'dis lan nyi shu rtsa gcig tu mngon par bsngags pa'i dug bza' bar bya'o/ /phyi rol gyi sar zhes pa dkyil 'khor gyi gnas la ste/ dkyil 'khor gshegs su gsol nas so/ /'dis zhes pa brjod zin pas te/ rdul mtshon gyi dkyil 'khor

  434. 217b

    dkyu'i bdag nyid mchod par bya'o zhes pa sngar bzhin no/ /yang na bsgrub pa po sems brtan pa he ru ka'i bdag nyid kyis brjod zin pa'i mchod pa'i sngags 'dis rim pa ji lta bar mchod par bya'o zhes 'brel lo/ /dkyil 'khor ni tsan dan la sogs pas zhes pa'i don to/ /dkar po'i lus can zhes pa dkar po'i yon tan gyi tshogs dang ldan pa'o/ /mi shig pa ni mgo bo med pa ste/ bde ba'i gnas kyi nang du'o zhes pa man ngag go /snod kyi kha ni bum pa'i kha'o/ /zla ba ces pa zla ba zhu bar gyur pa'o/ /langs par zhes pa ldang bar byed do zhes pa'o/ /sangs rgyas thod pa'i rgyud chen po'i 'grel pa mkhas pa mi 'jigs pa'i 'byung gnas kyi spas pas mdzad pa mi 'jigs pa'i gzhung 'grel du le'u bzhi pa'o// // bcud len rgyas par ston pa gsungs pa/ de nas zhes pa la sogs pa'o/ /zla ba drug du zhes pa snar blug bya'o zhes pa lhag ma'o/ /shes rab bya rog min/ gang gi gzugs dang kha dog bya rog gi lta bu ste lus nag po'o/ /dang pa mo ni shes rab ma ste gang gi gzugs dang pa'i bye brag gi bzhin du dkar pa'o drong ma ni shes rab ste/ gang gi thod gzugs te sngon po dang dkar po bsres pa'o/ /kha cig ni kha dog sngon po ste drod gzugs zhes pa ni rtag tu 'di'i lus dro ba'o zhes zer ro/ zhes pa shes rab rnam pa gsum mo/ /de la bya rog ma'i rdul ni nag po'i phyogs la byung ba gzung bar bya'o/ /ngang pa ma'i dkar po'i phyogs la byung ba'o/ /drod ma'i phyogs gnyis ka la byung ba'o/ /gzhon nu ma la sogs pa rnams kyis mtshan nyid gsungs pa/ sngon bsangs ni bya rog ma ste mig spo bas khyad par du byas pa'o/ /de'i lo bco brgyad ma ni rdzas mig rnag dang kha sbyar sbyor ba ces thabs dang yang dag par sbyar ba'i sbyong ba las skyes

  435. 218a

    pa'i gnyi ga'i byang chub kyi sems dang/ de'i rdul zhes pa gsum gzhon nu ma can du brjod do/ shes rab ma gsum po de rnams su byung bas na der byung ngo/ /de rnams su yang de ci'i yin zhen gsungs pa/ rtsa rnams kyi ste a ba d+hU tI la sogs pa rnams kyi'o/ /pad+ma skyes pa ni chos 'byung du skyes pa'i rdzas byang chub kyi sems so/ /de'i yang ci zhig tu gnas she na gsungs pa/ ge sar du ste rtsa tshogs par ro/ /khyad par ji lta bur zhe na/ spas pa'i spyod yul du ste skyes pa'i spyod yul ni gang shis rdzas gnas pa'i yul? lte lta ba nas byung nas ge sar du gnas pa zhes pa'i don to/ 'di'i don ni 'di yin te/ shes rab ma gsum po rnams las gang yang rung ba lo bcu gnyis lon pa dang sbyor ba las skyes pa'i gnyi ga'i byang chub kyi sems dang de'i rdul dang po gnyis shA ri kA'o/ /me tog ldan pa zhes pa la sogs pa la/ bya rog ma lo bcu drug lon ba rdul dang ldan pa dang sbyar ba las byung ba'i gnyi ka'i byang chub kyi sems grub ma'o/ /nyer sbyod tha mi dad pa zhes pa ni spyod pa mtshungs pa'o/ /mi mo ni shes rab ma gsum las gang yang rung pa'o/ /ma nyams ma ni skyes pa gzhan byis ma bgrod pa ste/ skye gnas ma nyams pa zhes pa'i don to/ /de las dang por byung ba zhes pa de la nyi shu ma zla mtshan dang ldan pa'i nyi ma dang po la byung ba'i rdul dang/ de'i tshe kho na de dang sbyar ba las skyes pa'i byang chub kyi sems zhes pa gnyis ni byis pa can ma'o/ /lhan cig skyes pa zhes pa la sogs pa shes rab gsum po gang yang rung ba lo nyi shu rtsa lnga ma dang sbyar ba'i gnyi ga'i khu ba dang/ bud med shi pa'i thod pa'i rtsa las byung pa'i 'bru mar zhes pa gnyis ni thod pa can ma'o/ /sman lnga po 'di rnams dngul chu dang sbyangs par ti re dang lhan cig rim pa ji bzhin

  436. 218b

    du zla ba drug dang gsum dang gcig dang phyed dang gnyis dang gcig rnams su 'chad par snga dro sbyar bar bya'o/ /de la sman bya rog ma sna bug g.yon par rlung rgyu pa'i dus su snar blugs par bya'o/ /sman dang ma ni g.yas kyis so/ /drod ma ni gnyis gnas so zhes gsungs pa/ zla ba zhes pa la sogs pa'o/ /zla ba ni 'dir rkyang ma'i rlung ngo/ /nyi ma ni rol mo'i rlung ngo/ /zla ba ni khu ba'o/ /nyi ma zhes pa rdul lo/ /gal te sman de la khu ba shas che na de'i tshe sna bug g.yon par ro/ /ci ste rdul shas che na de'i tshe g.yas nas so/ /de nas 'di las zhes pa la sogs pa go sla'o/ /rnal 'byor ma'i mchog ces pa bdud rtsi lnga rnams ni rnal 'byor rnams so/ /rnal 'byor mchog rnams ni thabs sgron ma lnga rnams so/ /nus te bza' bar zhes pa lhag ma'o/ /rnam rtog ni rnams rtog rnams so/ /de bzhin gshegs pas mi rtog so zhes pa la sogs pa'i phul du byung pas rjod pa ni/ gus pa bskyed pa'i don du'o/ /'o na su rnams kyis rtogs she na gsungs pa/ bla ma la gus zhes pa la sogs pa ste/ rtag pa la sogs pa'i mdza' las 'das pa'i stong pa nyid sgom pas 'dod chags la sogs pa dang bral ba rnams so/ /de nyid kyi phyir nyon mongs thams cad rnam spangs pa/ 'di rnams kyis zil gyis mnan pa'o/ /bza' ba la sogs pa lam zhen pa'o/ /shes rab thabs sogs kyi shes pa'i reg bya la sogs pa 'dod pa'i yon tan lnga rnams kyis/ /phyogs gcig gi zhes pa phyogs gcig gis te/ bla na med pa'i shes rab dang thabs dag gcig gi ngo bos de kho na nyid mnyam par bzhag pa dang ma bzhag pa'i gnas skabs dag tu bsgoms par byed pas 'grub po zhes pa'i don to/ /de kho na nyid sgom pa kho na la lhur len pa nyid kyi don du yul la zhen pa spang bar

  437. 219a

    gsungs pa/ kye lags zhes pa la sogs pa'o/ /cal col ni 'gal ba'o/ /ci zhe na gang dbang po rnams kyis gnod cing yul rnams la kun nas zhen pa'o/ /sems can 'di ste mngon par zhen pa'i skye bo rnams so/ /hA hA zhes pa mya ngan no/ /cal col ni de kho na nyid sgom pa las gzhan bza' ba dang btung ba la sogs pa la la sems g.yeng ba'o/ /grib ma ni gzugs brnyan no/ /gnyug ma'i bdag po zhes pa gnyug pa'i bdag po rnams te me long lta bu la sogs pa ye shes lnga'i rang bzhin rnam par snang mdzad la sogs pa'i de bzhin gshegs pa lnga rnams 'grub par 'gyur te/ rnal 'byor pa de'i rang bzhin du 'gyur ro/ /zhes pa'i don to/ /mi 'jigs pa'i gzhung 'brel du le'u lnga pa'o// // dbang bskur nas de kho na nyid gsal bar bya zhing/ /dbang bskur nas dkyil 'khor sngon ma can te/ de nas slob ma dbang po mchog yid kyis rang bzhin gyi dkyil 'khor du dbang bskur bar bya'o/ /zhes rtogs par bya ba'i don du gsungs pa/ de nas zhes pa la sogs pa'o/ /phyi rol gyi dkyil 'khor la mngon par zhen pa rnams 'jigs par byed pa nyid kyi phyir 'jigs pa'o/ /dbang po rnon po dga' ba'i gnas nyid kyi phyir bzang ba ste yid kyi rang bzhin no/ /mchog ni 'jigs par byed pa'i 'bras bu 'byin pa nyid kyi phyir ro/ /gang gis zhes pa dkyil 'khor gyis so/ /shes rab thabs kyi sgrub pa ni zhes pa shes rab dang thabs dag gi sgrub pa ste/ des rjes su bsgrub pa'o/ /mdza' ni bya gdong gi rtse mo ste de dang sbyor? zhing 'brel ba'o/ /zhes pa mdza' la sbyor ba'o/ /phyi'i dkyil 'khor ni rdul tshon gyi dkyil 'khor ro/ /lha nyid bshig pa tsam gyis zhes pa bag med pa las lha gshegs su ma gsol ba'i rdul tshon bshig pas zhes rtogs par bya ste/

  438. 219b

    gzhan du na lnga phyi dang rgyud gzhan rnams dang 'gal ba'o/ /de nyid kyi phyir lha bshig pa srid pa nyid kyi phyir rdul tshon gyi lha la gzugs 'dzin du 'dzin pas dag pa ste/ gnyis med ye shes kyi bdag nyid med cing yid rang bzhin gyi dkyil 'khor la ni yod do// zhes mngon par dgongs so/ /lha bshig pa bzhin du de'i mtshan ma bshig na yang sdig pa'o/ /zhes gsungs pa/ rdo rje zhes pa la sogs pa mi bskyod pa la sogs pa'i rigs kyi bdag po rnams kyi ma ste/ yang yig las sa bon rnams dang/ lha gzhan rnams kyi yang ngo zhes rigs par bya'o/ /song nas zhes pa 'gro ba'o/ /don dam par ni yang/ /sangs rgyas zhes pa la sogs pa ste ci yis te ci zhig gis kyang ma yin no/ /spyan drang pa la sogs pa ni sems can dman pa'i bsam pa'i dbang gis gsungs pa'o/ /'bar yang zhes pa don dam par 'ga' zhig tu yang ma yin no/ /de 'phags pa shes rab kyi pha rol tu phyin par gsungs pa/ /rigs kyi bu de bzhin gshegs pa rnams ni gang las kyang byon pa 'am bzhud pa med do/ /de bzhin nyid ni mi g.yo ba ste de ni de bzhin gshegs pa'o zhes so/ /dri ma med ces pa dri ma med pa rnams te 'dod chags la sogs pa dang bral ba nyid kyi phyir ro/ /shes bya'i sgrib pa dang bral ba nyid kyi phyir dan pa chos sku rnams so/ /gzhan rnams zhes pa gang rnams don dam par spyan drangs pa la sogs pa srid pa na rdul tshon gyi dkyil 'khor rigs pa bzhud pa la sogs pa'i spros pa las grol bsgrib pa med pa'i de bzhin gshegs pa rnams las gzhan pa'i de bzhin gshegs pa rnams yod do zhes 'dod par mi bya'o/ /'di la tshad ma ci? zhe na gsungs pa 'dir zhes pa la sogs pa'o/ /gang gi pad+mar dkyil 'khor du 'gyur ba shes rab ma ji lta bur zhe na gsungs pa/ lo bcu gnyis

  439. 220a

    ma zhes pa la sogs pa'o/ /zla ba sten pa ni byang chub kyi sems bsags pa'o/ /mi g.yo ba zhes pa mi g.yo ba ste skyes pa gzhan la mi 'gro ba zhes pa'i bar ro/ /'di lta bu'i shes rab ma bla ma la dbul pa'i slob ma de rnams ni/ 'di rnams kho na zhes pa 'chad par 'gyur ba'i yon tan dang ldan pa rnams so/ /de nyid ni bzhi pa'o/ /lnga zhes pa chu dang cod pan dang/ rdo rje dang/ bdag po dang/ ming rnams so/ /sngags dang/ rdo rje brtul zhugs dang/ spyod pa'i brtul zhugs dang/ lung bstan pa dang/ phyir mi ldog pa dang/ gsang pa rnams rigs ma'i brtul zhugs dang bcas pa bdun no/ /gnyis ni shes rab ye shes dang bzhi pa'o/ /gcig tu bsdus pa zhes pa 'di rnams gcig tu 'dus na dbang bskur bcu bzhi rnams su 'gyur ro/ /de la chu la sogs pa phyir mi ldog pa'i mthar thug pa ni slob dpon gyi dbang du brjod par bya'o/ /de kho na rig pa'i brtul zhugs dang bcas pa ni phyi'o/ /gsang ba ni gsang ba'i dbang bskur ro/ /gsang ba ni de nyid ni shes rab kyi dbang bskur ro/ /de kho na nyid ni dbang bskur bzhi pa'o/ /de ltar yang rig ma'i brtul zhugs slob dpon gyi dbang ngam/ shes rab kyi dbang bskur du de dang de'i yan lag nyid kyis nang du bsdus nas gsungs pa/ slob dpon gsang ba shes rab dang/ bzhi pa de yang de bzhin no zhes so/ /dbul bya zhes pa ni bla ma la slob mas gser la sogs pa'o/ /bla mar zhes pa bla ma'o/ /mi gsungs pa ni ting nge 'dzin la phyogs pa'o/ / 'di thams cad mtshon pa kho na ste/ gsal bar rdzogs pa ni ma yin no zhes sdud pa pos gsungs pa 'di zhes pa la sogs pa'o/ /'dir gdams ngag ni 'di yin te/ 'dir slob dpon lha mo nyi shu rtsa bzhis yongs su bskor ba'i dpal he

  440. 220b

    ru ka'i bdag nyid du dang/ slob ma yang de ltar dpal he ru ka'i bdag nyid du bsgoms nas 'khyud pa'i las kyi phyag rgya sna tshogs sde ma'i gzugs can cho ga ji lta bar sbyangs pa'i pad+ma'i sa'i dbus su rang gi snying ga'i sa bon gyi 'od zer gyis tshogs kyis spyan drangs pa'i nyi shu rtsa lnga'i bdag nyid kyi bcom ldan 'das a ba d+hU ti'i steng gi sgo nas bcug ste zhu bar gyur pa'i byang chub kyi sems kyi rdul rdo rje'i lam nas dbab po des yud kyi khang pa brtsegs pa dang bcas pa'i lha nyi shu rtsa lnga'i bdag nyid yid kyi rang bzhin rim pa gsum pa'i dkyil 'khor bsgrubs nas slob mas maN+Dal lnga byas pas/ thar pa chen po'i grong? mchog tu/ /mgon po bdag ni gzhug tu gsol/ /zhes lan gsum du gsol ba btab pa/ rang gi lus la blos bcug nas rdo rje'i lam nas phyung pa dkyil 'khor gyi shar gyi sgor 'dug pa la/ rang bzhin dag pa sangs rgyas bdag /lus rang bzhin gyi dri ma med pa/ dpa' bo dpa' mo'i dbang mo'i grong/ /dkyil 'khor la ni bu khyod ltos/ /zhes brjod cing dkyil 'khor bstan to/ /de nas 'khor ba'i 'dam du bying ba bdag ces pa la sogs pas gsol ba btab pa la gtum mos zhu pa'i byang chub kyi sems kyi bdud rtsis 'khrus bzhin pa dang/ snying ga'i sa bon gyi 'od zer gyis bkug pa'i de bzhin gshegs pa dang rig pa'i lha mo rnams steng gi sgo nas zhugs te zhu bar gyur pa'i rdo rje'i lam nas phyung ba rnams kyis mi bskyod pa'i rang bzhin byang chub kyi sems kyi chus/ sangs rgyas thams cad kyi ni dbang/ gsang ba gsum gyi gnas las byung/ /khams gsum kun gyis phyag byas pa/ /rdo rje chen po sbyin par bya zhes brjod cing/ oM shI trI tsakra bA ra tAM a b+hi Shiny+tsa mi zhes pa'i sngags kyis dbang bskur bar bya'o/ /zhes chu'i dbang bskur ro/ /de nas chu de rin chen 'byung ldan gyi

  441. 221a

    bdag nyid kyi cod pan du bsgom zhing/ a b+hi Shiny+tsan+tu mA/ sarba yo gi n+yo mu ku Te a tra a d+hi tiSh+Than+tu/ A gats+tshan+tu hUM swA hA/ zhes brjod par bya'o/ /zhes pa cod pan no/ /'od dpag med kyi bdag nyid kyi rdo rje lag pa g.yas pas snying gar he ru ka dpal sogs dpa' bos/ /di ring khyod ni dbang bskur ro/ /'di de sangs rgyas thams cad nyid/ /rdo rje rab tu 'grub ched zung zhes brjod cing 'dzin du gzhug go ces pa rdo rje'o/ /don yod grub pa'i rang bzhin gyi dril bu lag pa g.yon pas snying gar 'dzin du gzhug cing 'di de sangs rgyas thams cad kyi/ /dbyangs kyi rjes 'gro dril bur bshad/ /khyod kyis kyang ni rtag tu bzung/ /byang chub mchog tu rgyal ba bzhed ces brjod cing 'khyud pa'i tshul byed du gzhug go ces pa bdag po'o/ /de nas slob ma'i mgo bor rdo rje dang dril bu mnyam par 'dzin du gzhug cing/ /oM shwI tsakra a d+hi pa ti sh+rI he ru ka wI ra tAM a b+hi Shiny+tsan mi che ge mo rdo rje khyod do zhes brjod do/ / ces pa ming ngo/ /oM bud+d+ha ka pA li nI a(rgyud 'grel): hI hai hUM phaT ces pa bdag po'i snying po 'don du gzhug go zhes pa'i sngags so/ /'di de sangs rgyas thams cad nyid/ /he ru ka dpal go 'phang gnas/ /khyod kyis kyang ni rtag tu bzung/ /he ru ka dpal brtul zhugs bstan/ /zhes brjod cing rdo rje sbyin no/ /des kyang oM sarba ta thA ga ta sid+hi badzra sa ma ya tiSh+Tha e Sha twAM d+hA ra yA mi/ oM ha ha ha ha hI(rgyud 'grel): zhes brjod cing gzung bar bya'o/ /zhes pa rdo rje'i brtul zhugs so/ /he ru ka dpal phyag rgya 'di/ /phyi dang nang du yang dag gnas/ /des na kha TwAM cang te'u snod/ /byin pa dpa' bo gzung bar gyis zhes brjod cing kha TwAM ga dang cang te'u dang thod pa rnams sbyin par bya'o/ /zhes pa spyod pa'i brtul zhugs so/ /lag pa

  442. 221b

    g.yon pas chos gos kyi sna pa bzung nas/ lag pa g.yas pa mi 'jigs pa sbyin pas rang nyid sangs rgyas kun rang bzhin/ 'khor lo gsum gyi dbang phyug ngas/ /he ru ka dpal zhes bya yi/ /de bzhin gshegs par khyod lung bstan/ /dpal he ru ka/ zhes pa'i ming can gyi de bzhin gshegs pa'i dngos grub sa ma ya stwaM b+hur b+hur wa(rgyud 'grel): swa(rgyud 'grel): zhes brjod de lung bstan pa'o/ /de nas gang gis bdag ni da ltar nyid/ /rgyu med 'gro ba'i don byed pa/ /phyir mi ldog pa'i dbang bskur che/ /dpa' bo chen po bdag la stsol/ /zhes gsol ba btab pa'i rjes thogs su/ /snying ga'i sa bon gyi 'od zer gyis spyan drangs pa'i mdza' yas pa'i phyogs na bzhugs pa'i dpa' bo dang lha mo rnams sngar bzhin bcug ste rdo rje nas byung nas ye shes kyi chus gang ba'i bum pa'i phyag can rnams kyis bkra shis dang glu dang/ mchod pa dang/ bkur sti rgya chen pos dbang bskur zhing/ dbang bskur rdo rje chen po ni/ khams gsum po yis phyag byas pa/ /sangs rgyas kun gyi gsang gsum gyi/ /gnas las rgyud ba sbyin par bya'o/ /oM sarba ta thA ga ta a b+hi She ka sa ma ya sh+rI ye hUM zhes brjod do/ /de nas mi bskyod pa dbu rgyan du bsams la/ dpa' bo dang lha mo gzhan de nyid du ye shes sems dpa' i ngo bor bcu pa la oM su pra tiSh+Tha badzra swAhA/ zhes pa la sogs pa'i sngags brjod do/ /de'i rjes su bka' bsgo bar bya ste/ de nyid rig pa'i rnal 'byor bas/ /mi bya cung zad med de'i phyir/ /dpa' bos de nyid shes nas ni/ /khyod kyis 'dod pa lnga spyod cig / sems can gzugs brnyan rang bzhin te/ /rten cing 'brel par 'byung chos can/ /de rnams khams gsum pa shes nas/ /khyod kyis sems can don nus kyis/ /zhes pa phyir mi ldog pa'o/ /de'i rjes su 'khor ba'i 'dam du bying ba

  443. 222a

    bdag ces pa la sogs pas bla ma la dang/ bdag ni 'khor ba'i 'dam du bying/ /rnam rtog ming dang bdag ldan pas/ /bag chags yang dag bcad pa yis/ /mdzes ma khyod kyis bskyabs par mdzod/ /grags pa chen mo thugs rje ldan/ /de nyid nye bar zhi bar mdzod/ /ces pas shes rab ma la gsol ba btab par byas pa la/ rang gi snying ga'i sa bon gyi 'od zer gyis spyan drangs pa'i phyogs bcur bzhugs pa'i dpa' bo dang lha mo rnams sngar bzhin bcug ste zhu bar gyur nas phyung ba'i byang sems snying po'i bsngags brjod cing dkyil 'khor du gnas pa'i blos/ phyi rol tu gnas pa'i slob ma mthe bong dang ming med pa dag gis btsir la rdo rje pad+ma las phyung ste dngos su 'thung du bzhug go /slob mas ni a ho su kha zhes smra zhing btung ngo/ /shes rab mas kyang langs la/ /rang gi chu skyes kyi nang gi byang chub sems kyi lhag ma me tog gi bcud kyi thig le de'i kha'i nang du gos med pa kho nas 'jug par bya'o/ /zhes pa shes rab dang thabs dag gi gsang bas dbang bskur ba'o zhes pa gsang ba'o/ /de nas sngar bzhin du bla ma dang shes rab ma la gsol ba btab pa la/ shes rab ma de 'am gzhan yang rung bas bka' bsgo ba dpa' bo byang chub sems bza' bar/ /khyod ni spro bar gyur tam ci/ /rigs lnga las byung rig min/ /gus pas yang dag mchod byed dam/ /bshang gci stobs dang khrag la sogs/ /gzhan yang dam tshig bzang po ni/ /de ring rab tu za byed dam/ /bu khyod ji ltar 'dod pa smros/ / zhes so pa'o/ /des kyang ji skad brjod pa'i dam tshig sogs/ /lha mo bdag ni cis mi spro/ /bud med pad+ma mchod pa dang/ /rtag tu gus ba cis mi bgyi/ /zhes khas blang ngo/ /de nas des pad+ma gsal bar byas te/ thar pa bsten cig ho:

  444. 222b

    zhes brjod do/ /des kyang bla ma'i man ngag las dga' ba la sogs pa'i dbye bas khong du chud pas rol par bya'o/ /pad+ma'i nam mkha' dang nor bu'i lte ba dag btsir ba'i gnas su/ rdo rje skyil krung las sems ni/ /nor bu'i nang du gnas lta zhing/ /de las skyes pa'i ye shes gang/ /de gzugs zhes pa brjod mi nus/ /'dod chags ma yin chags bral min/ /bar mar dmigs pa ma yin te/ /gsum po spangs pa kho na las/ /lhan skyes byang chub brjod par bya'o/ /gang du dbang po nyams par 'gyur// bdag gi rang bzhin rnam par nyams/ /lhan cig skyes dga' rtogs de yin/ /bla ma'i zhal la gsal 'dri na'o/ /zhes rtogs pas rnal 'byor ba yis byang chub sems/ /ji srid gtong par mi byed pa/ /de srid bar ma chad par ni/ /dga' skyes bde ba ci? yang 'thob/ /dngos grub thams cad kyi ni gter/ /byang chub sems ni lhung ba na/ /phung po rnam shes brgyal ba la/ /dngos grub ma smad ga la yod/ /ces pas ji ltar nus par bzung ste/ dal bus btang nas de kho na nyid lta bas byang chub kyi sems dam tshig gi ngo bo chu skyes nas lces blang bar bya'o/ /de'i rjes su des mgo bor rkang pa g.yon pa bzhag nas bka' bsgo ste/ bu khyed de ring nas brtsams te/ /ji srid byang chub snying po'i bar/ /rmi 'drar sems can thams cad kyi/ /don ni bdag nyid kun gyis byos/ /zhes pas te shes rab ye shes so/ /de nas bla mas rigs ma 'di ni spangs nas thabs/ /gzhan gyi sangs rgyas nyid min phyir/ /brtul zhugs gong ma'i gong ma ste/ /gnyen gshin rig ma'i brtul zhugs spyod ces brjod de rig ma'i brtul zhugs so/ /de'i rjes su shes rab ye shes blangs pa kho na'i slob ma la shes rab ye shes kho na goms pa las rdo rje 'dzin pa'i ngo bo bzhi pa'o zhes tshig kho nas dbang bskur bzhi pa bla ma'i man ngag las rtogs par bya ba'i khyad par

  445. 223a

    sbyin no/ /de dpal saM bu Ta ra gsungs pa/ ji skad brjod pa'i cho gas dbang byin nas/ slob ma'i mos pa yid kyis blta bya ste/ zab cing rgya che ba'i tshul la mos pa la dbang bskur rin chen tshig nyid kyis sbyin bya zhes so/ /dbang bzhi pa'o zhes pa'o/ /gang slob ma dbang po 'bring po de la/ phyi rol tu bsgoms pa'i shes rab ye shes kyi rang bzhin la chos 'byung gis pad+ma'i nang du dpag tshad phyed pa'i tshad can yid kyi rang bzhin rim pa gsum pa'i dkyil 'khor bsgoms nas ji ltar rigs par brjod pa'i cho gas dbang bskur bar bya'o/ /gang bsod nams bsags pa'i dkyil 'khor gnyis po 'di bskyed par nus pa'i bla mas sprul pa gsal bar mthong ba de ni dbang po mchog gi mchog yin te/ de la yang 'di ltar dbang bskur bar bya'o/ /dbang po brtul po ni rdul tshon gyi dkyil 'khor ram ras bris kyi dkyil 'khor du'o/ /de ltar gdams pa phye nas bya ste/ gdam pa nyams pas 'jigs pa'i phyir ro/ /bskyed pa'i rim pa'i phyogs la dkyil 'khor gsungs nas rdzogs pa'i dkyil 'khor brjod pa'i ched du gsungs pa/ ci ru zhes bya ba la sogs pa ste/ ci ru zhes pa don dam par rten 'gog pa'o/ /ci zhig ces pa lha'i ngo bo'i rten pa 'gog pa'o/ /dkyil 'khor bzhengs pa la sogs pa bsod nams sgrub par byed pa nyid kyi phyir byang chub chen po'i lam yin mod kyi/ de ltar yang ring ba dang mngon par shes pa la sogs pa'i yon tan rnams kyi stong pa'o zhes gsungs pa/ lhung zhes pa la sogs pa ste/ brdzun la zhes pa rnam par rtogs pas sgro btags pa brdzun pa'i ngo bo la'o/ /cal col zhes pa g.yeng ba rnam pa sna tshogs su myur du rdzogs pa'i byang chub 'grub pa'i lam las grol/ /ba'i 'gro ba lhung ngo zhes thugs brtse bar mdzad do/ /'o na

  446. 223b

    sgro ma btags pa ci zhe na/ gsungs pa/ stong pa zhes pa la sogs pa'o/ /mdza' dag ces pa phung po dang/ khams la sogs pa'o/ /de 'dra'i dkyil 'khor ni rdzogs pa'o/ /ji ltar zhe na/ gsungs pa/ pad+ma zhes pa la sogs pa ste/ bde ba chen po la sogs pa'i pad+ma'i dbus su gnas pa'o/ /rnal 'byor ma tshogs ni rtsa'i rang bzhin no/ /he ru ka ni byang chub kyi sems so/ /de kho na ste bde ba chen po'i bdag nyid stong pa nyid dang ro gcig pa rmi lam dang gzugs brnyan dang/ sgyu ma la sogs pa'i rang bzhin ni phung po la sogs pa'i ngo bor skye'o/ /ces gsungs pa/ mdza' dag skyed byed ces pa'o/ /de'i phyir rdzogs pa'i dkyil 'khor blang bar bya ba 'di bsgoms pa mthong bar gyis shig pa'o/ /de dril bu zhabs kyis gsungs pa/ sems gnas las kyi thig dang ni/ rdul tshon dgyes pa'i rim las byung/ 'gro 'di dkyil 'khor kho na ste/ rang bzhin gyis grub gnyis med pa'o/ /bcom ma gnyis kyi ngo bo gang/ /de ni gdul bya'i dbang las 'dod/ /de ni thar 'dod bsgrub bya min/ /thar pa yang dag don mthong las zhes so/ /gal te rnam pa de ltar rdzogs pa yin na/ 'o na de ni thams cad kyi tshe yod pa kho na ste/ cis 'gro bas mi rtogs/ sgom pas kyang ci bya zhe na/ gsungs pa/ gnod pas te gnod pa ni phyin ci log pa ste/ rmi lam gyi rang bzhin gyi phung po la sogs pa la rmongs pas so/ /de'i phyir ltos te blang bya dang dor bya la rmongs pa las nges par dpyod cig /skyen par ni myur bar te/ ji srid du dal 'byor phun sum tshogs pa yid brtan du med pa 'di yod kyi bar du'o/ /zhes sgom pa la spyod pa'o/ /'jigs pa med pa'i gzhung 'grel du le'u drug pa'o// //da ni 'bras bu'i rgyud bcom ldan 'das kyi sgom pa brjod pa'i ched du gdul bya'i skye bo'i dor re zhig phyi'i dkyil 'khor gsungs pa de nas zhes pa la sogs

  447. 224a

    pa'o/ /ri po zhes pa la sogs pa ni sgra ji bzhin pa'o/ /zlum po zhes pa la sogs pa la/ de la rim pa 'di yin te/ dkyil 'khor gyis gzhi'i cho ga ji lta bar yongs su spyangs pa 'am/ lag pas rig nas sa sbyong pa'i sngags brgyad lhag pa'i brgya bzlas pas sbyangs par/ kho bos byas pa'i dus 'khor la 'jug par brjod pa'i rigs pas thur ma'i grib ma dang nya dag gis phyogs dang phyogs bral nges par byas nas lha'i sku can gtor ma byin pa'i slob dpon gyis/ dang por shar du kha bltas par gyur nas/ so sor ye shes lnga'i bdag nyid kyi de bzhin gshegs pa lngar bsgoms pa'i skud pa nyi shu rtsa lnga bsgril ba slob dpon gyi nas tsam du sgom gsar ba ring bar dkyil 'khor gyi nyis 'gyur mtho gang lhag pa'i thig skud/ g.yon pa'i rdo rje khu tshur gyis lte bar bzung bas slob ma lha'i sku can dang/ lhan cig tu ye shes kyi thig ces bya ba tshangs pa'i thig gnyis nam mkha' la btab nas/ 'og tu sa gzhi la tshangs ba'i thig de ltar drang por gdab bo /de nas dkyil 'khor gru bzhi par 'grub pa'i ched du nya'i kha dang/ /mjug ma dag gi steng du tshangs thig gnyis pa byang du kha phyogs pas gdab bo/ /de nas zur? thig gnyis cho ga ji lta par gdab bo/ / /de nas khru gang ba la sogs pa'i tshad tsam gyi dkyil 'khor gyi rtsa ba'i thig bzhi'o/ /de nas tshangs thig gnyis kyi phyi rol tu shar la sogs pa'i phyogs su 'gro zhing/ rdul tshon gyi sa'i tshad kyis thig gcig dor nas thig bzhi'o/ /slar yang thig gcig go /de'i rjes su thig gnyis dor nas lha'i snam bu'i thig gcig go /re ltar tshangs thig nas bzung nas rtsa ba'i thig dang bcas pa thig bcu rnams logs gcig tu ste/ logs gzhan

  448. 224b

    du yang rim pa 'di ltar ro/ /de nas rtsa ba'i thig las phyi rol tu 'khor lo'i brgyad cha'i sgo'i bzhi cha'i tshad du rdul tshon gyi sa'i thig gcig go /de nas sgo'i phyed kyi tshad du lha'i stegs bu'i thig gcig go /de nas tshon gyi sa'i tshad kyis rin chen snam bu'i thig gcig go /de nas snam bu'i tshad du dra ba dang phyed pa'i snam bu'i thig gcig go /de nas tshon gyi sa'i tshad kyi sa ba ku lA'i snam bu'i 'am/ kha gcig gi lugs la slar yang rin chen snam bu'i thig gcig go /de nas mun pa'i snam bu'i thig thung pa gcig ste/ de kho na la mda' yab rnams so/ /de nas dbyi ba'i ngal bas 'jigs pas thig thung gis sam ring pos kyang rung ste/ sgo las sum 'gyur gyi rta babs kyi thig bzhi'o/ /de nas thig gnyis dor nas rta babs dang/ 'brel pa'i thig gcig go /de nas thig gsum dor nas dril bu dang bcas pa rlung gis bskyod pa'i ba dan dang/ rgyal mtshan dang/ gdugs dang/ dpag bsam gyi shing la sogs pa'i gnas kyi thig gcig go /slar yang thig gcig dor nas thig gcig go /de nas pad+ma'i 'dab ma'i phreng ba'i thig gcig go /de nyid kyi phyir pad+ma'i lte ba'i nang du gnas pa'i sna tshogs rdo rje'i lte pa la khang pa brtsegs pa gnas pa'o/ /lte ba de'i phyi rol pad+ma'i lte ba la ni sna tshogs rdo rje'i ra ba dang rta babs la sogs pa bri'o/ /de nas rdo rje'i phreng ba'i thig gcig go /de nas thig gnyis dor nas 'od zer gyi phreng ba'i thig cig go /pad+ma'i 'dab ma'i phreng ba med do zhes kha cig go /kong+ga Na ni rdo rje dang/ pad+ma dang 'khor lo dang/ 'od zer gyi phreng pa'i thig bzhi rnams so zhes smra'o/ /de ltar tshon gyi sa'i thig nas brtsams te thig bcu drug rnams ngos gcig tu'o/ /de ltar ngos gzhan du yang ngo zhes pa thig nyi shu rtsa drug rim pa gnyis pa'i

  449. 225a

    dkyil 'khor du gdab pa'i cho ga'o/ /phyogs 'di kho nas rim pa gsum pa la sogs pa'i dkyil 'khor du thig gdab par bya'o/ /de ltar gcig gi tshe thig gtab pas/ dgu dang bcu gsum dang/ bco lnga dang/ bcu dgu dang/ sum cu rtsa gnyis dang/ sum cu rtsa bdun dang/ ji srid du 'bum la sogs pa bsdus pa'i dkyil 'khor gyi rnam par shes par bya'o/ /'dir rta babs la sogs pa rnams su nang gi thig gi khyad par dang/ sa spyang ba la sogs pa dang/ dbyi ba dang/ tshon dbye ba la sogs pa rgyas par kho bo cag gis dkyil 'khor gyi cho gar bshad do/ /rdo rje gsum gyi yongs su bskor zhes pa sngon po dang dmar po dang/ dkar po'i rdo rje phreng ba gsum rnams kyis bskor ba'o// yud kyis zhes pa hUM yig gcig kho na las rnal 'byor ma rnams dang/ bcom ldan 'das te nyi shu rtsa lnga bskyed pa'i phyir ro/ /de ru phyung ba ces pa bcom ldan 'das bskyed pa'i dus su hUM yig las so/ /kha dog lnga yis rnam brgyan pa ni rten gyi dkyil 'khor ro/ /hUM yig bdag nyid ni hUM yig las skyes pa'i bdag nyid gang la yod pa de de skad do/ /nag dang dkar po ljang khu rnams zhes pa/ /dbus ma dang gnyis pa dang/ gsum par gnas pa rnams go rims bzhin no/ /sgo skyong ma rnams ni nag mo ste rim pa dbus mar gnas pa ltar ro/ /mi bskyod pa'i cod pan can zhes pa dbus na gnas pa'i mi bskyod pa gtso bo nyid kyis gsungs pa ste gsungs pa yang sangs rgyas lnga'i cod pan can gyis brgyan pa zhes so/ /rnal 'byor ma kun zhes pa nyi shu rtsa lnga'o/ /de'i gzugs zhes pa ji ltar bcom ldan 'das dbu la rgyas btab pa de ltar do rnams kyang rgyas btab pa ste/ 'on kyang de rnams kyi spyi bor gnas pa'i de bzhin gshegs

  450. 225b

    ba gtso bo so so yin no zhes gsungs pa gtso bo zhes pa la sogs pa'o/ /'dod par bya ste 'dod du 'jug pa'o/ /rnal 'byor ma rnams ni phreng bzang ma la sogs pa bzhi rnams so/ /bla ma kha cig sgo skyong ma rnams so zhes so/ /sgyid lug gyur pa ni gzhan gyi dor sgyid lug par gyur pa ste/ stong pa nyid gcig pu'i mthar thug pa nyid kyi phyir ro/ /mig ces pa 'gro ba 'dron par dam bcas pa'o/ /dran byed ni dran par byed pa'o/ /bdag po kye ni mdza' dag gi bdag po'o/ /bya ba ces pa rang gi don tsam byas nas so/ /bdag po sngon zhes pa la sogs pa bdag pos sngon ji ltar dam gcas pa dran par gyis shig pa'o/ /sgyid lug ni sgyid lug ba ste 'khor ba'i sdug bsngal gyis nye bar btses pa nyid kyi phyir ro/ /log pa ni log par yongs su brtags pa la ste dngos po'i mdza' dang dngos po med pa'i mthar ro/ /nga rgyal zhes pa mngon pa'i nga rgyal lo/ /dges pa zhes pa 'dzin pa'o/ /de ltar dngos por 'dzin pa'o/ /de ltar dngos por 'dzin par 'gyur ro/ /zhe na gsungs pa thob zhes pa la sogs pa ste rnal 'byor ma'i tshogs la 'dod pa yis stong pa nyid dang ro gcig pa'i bde ba chen po 'byung ba las dngos po dang dngos po med pa la sogs par mchog tu 'dzin pa zad par 'gyur ro zhes pa'i don to/ /sngon bzhin zhal dang phyag mtshan sogs zhes pa rgyu rdo rje 'chang bzhin no/ / sku mdog ni 'bras bu rdo rje 'chang gi nag po rgyu rdo rje 'chang gi dkar po'o zhes rgyud gzhan du'o/ /'dir ni sngon po kho na'o/ /kha cig tu sngon bzhin sku mdog phyag mtshan sogs zhes klog ste/ de'i tshe rgyu rdo rje 'dzin pa yang sngon po'o zhes gsal lo/ / bzhengs so zhes pa ni sna tshogs snga ma dang bcas pa'o/ /'o na me long ye shes la sogs pa'i rang bzhin zla ba dang nyi ma la sogs pa yongs su gyur pa ni rgyu rdo rje 'dzin par gdams pa de ltar 'di yang ji ltar min zhe na ma yin te/ zhu ba las byung

  451. 226a

    ba'i hUM las sdes pa'i rdo rje dang bcas pa'i hUM yig las skyes pa'i phyir ro/ /de ci 'bras bu rdo rje 'dzin pa ye shes lnga'i rang bzhin nam zhe na/ de ltar ma yin te shin tu rnam par dag pa 'di rnams de'i ngo bor skye ba'i phyir ro/ /de ltar na gang du 'gro ba thams cad me long la bzhin du gzugs brnyan du gyur pa so sor snang ba de me long ye shes so/ /mnyam pa nyid kyi ye shes ni gang gis de ltar gzugs brnyan du gyur pa'i 'gro ba mnyam pa nyid du rtogs pa'o/ /so sor rtogs pa'i ye shes ni gang gi de ltar mnyam par bzhag pa kho nas sems can thams cad kyi sems kyi spyod pa rnams so so rtogs pa'o/ /bya ba sgrub pa'i ye shes ni gang gis de ltar so sor brtags pa'i 'gro ba'i bya ba rjes su sgrub pa'o/ /chos kyi dbyings shin tu rnam par dag pa'i ye shes ni gang bag chags dang bcas pa'i sgrib pa gnyis las grol ba bde ba chen po'i rang bzhin snying rje dang shes rab gnyis su med pa chos kyi dbyings rtogs pa rdzogs pa'o/ /de nas 'bras bu rdo rje 'dzin pa yang ye shes lnga'i rang bzhin no/ /ye shes 'di rnams ni las dang po pas lhag par mos pas sgom par byed de/ 'gro ba thams cad kyi yid shin tu dad pa zla ba'i tshul can kho na ni me long dang zla ba dang nyi ma 'dus pa na bde ba chen po'i rang bzhin gyi yid kyis chos rnams thams cad gzugs brnyan lta bu nyid du yang tha dad pa ni mthong ba'i phyir dang/ 'gro ba'i don la nges par rtog pa lhur len pa dang/ sprul pa dpag tu med pa rnams kyis de'i don byed pa de ltar gsal bar 'gyur ba'o/ /zhes pa bsam pa 'di rnams kyis so/ /rdzogs pa ni de'i don nges par sems dpas goms par byed do/ /zhes pa mang pos chog go /'di ni 'dir gdams ngag ji lta bar bsgom pa'i rim pa

  452. 226b

    ste/ 'dir sgom pa'i dbang du byas pa'i sngags pa lha mo bzhi'i glus bskul bas sad pa snga bar langs te/ hUM phaT ces pa 'am/ oM A(rgyud 'grel): hUM/ zhes pa gnas dang bdag dang rnal 'byor bsrung bar byas nas/ dur khrod la sogs pa yid dang rjes su mthun pa'i gnas su stan bde ba la rdo rje skyil krung gis 'dug pa shes rab dang bcas pa 'am shes rab med pa gcer bu skra grol ba las thams cad pa la kha lhor phyogs bzhi pa la sogs pa'i dbye bas ni rang nyid ji lta ba'i phyogs su gdong phyogs pas/ dam tshig gi rdzas sten pa sngon ma can gyis 'chad par 'gyur ba'i rim pas bdud rtsi bsgrubs te/ gtor ma byin nas/ rang gi snying gar nyi ma'i dkyil 'khor la gnas pa'i hUM yig gi 'od zer gyi tshogs kyis 'og min na bzhugs pa'i bcom ldan 'das he ru ka gnyug ma'i sna tshogs sde mas 'khyud pa/ phreng bzangs ma la sogs pa rdo rje rol pa mo nyi shu rtsa bzhis yongs su bskor ba/ bdag nyid la zhal phyogs pa 'chad par 'gyur ba'i sku mdog la sogs pa can mdun gyi nam mkhar spyan drangs la/ hUM yig la 'od zer de bzhugs pa'i rjes thogs su hUM yig las cig car 'byung ba'i rdo rje lha mo rnams kyis mchod par bya'o/ /de la bcom ldan 'das kyi shar phyogs rdo rje brtan ma dang pad+ma'i tshul gyis phyag gnyis kyis bzung ba'i thod pas gtso bo la rdul 'bul lo/ /dbang ldan phyogs su rdo rje pho nya mo phyag gnyis kyi cang te'u sgrogs par byed do/ /me mtshams su rdo rje phag mo padmo'i tshul gyis bzung ba'i thod pas rnam par snang mdzad gsol du 'jug pa'o/ /srin po'i mtshams su rdo rje ma de ltar bzung ba'i mchod yon gyi snod rdo rje'i chus bkad ba 'bul ba'o/ lhor rdo rje gtsigs ma lag pa dag gi rnga bo che brdung ba'o/ /rlung mtshams su rdo rje lte ba ma de ltar bzung ba'i thod pas

  453. 227a

    ri dags mtshan ma 'bul ba'o/ /chu'i phyogs su rdo rje 'jigs ma de ltar bzung ba'i thod pas gcod byed ces rab tu grags pa ce spyang gi sha gsol du 'jug pa'o/ /byang du 'dod chags rdo rje ma sna tshogs sde ma dang lhan cig de'i bdag nyid du gyur nas yang dag par 'khyud de chags pa chen pos rjes su chags par byed pa'o/ /gar dang glu la sogs pa rnams kyis kyang yang dag par mchod nas phyag 'tshal te/ sdig pa bshags pa la sogs pa 'di ltar bya'o/ / bdag gi bdag nyid gyi sdig pa thams cad so sor bshags shing slar yang mi bgyid do/ /sangs rgyas dang byang chub sems dpa' dang 'phags pa dang so so skye bo thams cad kyi bsod nams thams cad la rjes su yi rang ngo/ /bdag nyid kyi dge ba thams cad bla na med pa yang dag par rdzogs pa'i byang chub tu yongs su sngo bar bgyi'o/ /dkon mchog gsum po 'di lta ste/ sangs rgyas dkon mchog dang shes rab kyi pha rol tu phyin pa chos dkon mchog dang/ phyir mi ldog pa'i byang chub sems dpa' 'phags pa'i dge 'dun dkon mchog la byang chub kyi bar du skyabs su mchi'o/ /kye ma ma la bdag nyid sems can kun gyi don dang phan pa dang/ bde ba dang/ ji srid du de rnams shin tu mthar thug pa'i mya ngan las 'das pa bla na med pa de bzhin gshegs pa'i ye shes las dgod pa'i ched du de'i lam sgrub pas bla na med pa yang dag par rdzogs pa'i byang chub mngon par byang chub bgyi'o/ /de'i rjes su 'og gi rlung gis bskul bas 'bar ba'i gtum mos 'khyud pa'i snying ga'i hUM yig gi 'od zer rnams kyis khams ma lus pa za zhing oM shU n+ya ta dz+nyA na badzra swa b+hA wa At+ma ko haM zhes pa 'di nang gi brjod pa sngon ma can gyis don mngon du byed cing chos thams cad

  454. 227b

    stong pa nyid la gzhug go /de'i rjes su sngon gyi smon lam gyi shugs las/ raM gyi sa bon las skyes pa'i nyi mar hUM yig yongs su gyur pa'i sna tshogs rdo rje'i mthil la gnas pa'i hUM yig dag gis bskul ba'i 'od zer gyi yal ga rnams kyis rdo rje ra ba dang gur dang mnga' i dra ba dang bla re dang mtshams bcing ba rnams byas nas/ 'og rdo rje'i sa gzhi dang/ de sna tshogs rdo rje sprul pa'i steng du e yig las skyes pa'i chos 'byung dkar po gru gsum gyi nang du/ chu skyes kyi lte bar gnas pa'i sna tshogs rdo rje'i lte ba la yaM las skyes pa ba dan gnyis pa can gzhu lta bu'i rlung gi dkyil 'khor sngon po'i steng du raM yig yongs su gyur pa las dmar po gru gsum pa 'bar ba bdun 'phro ba'i me'i dkyil 'khor ro/ /der gnas pa baM las byung ba bum pas mtshan pa dkar zhing zlum pa'i chu'i dkyil 'khor la gnas pa laM yig gyur pa'i sa'i dkyil 'khor rdo rjes mtshan pa gru bzhi pa gser gyi ngo bo yid du 'ong ba'o/ /de ltar rang rang gi sa bon gyi byin gyis brlabs pa'i 'byung ba bzhi po 'dres pa'i khang pa brtsegs pa na zlum po'i rim pa gsum pa phyi gru bzhi pa sgo bzhi pa rta babs bzhis brgyan pa do shal la sogs pa rnams dang lha mo rnams kyis 'od dang ldan pa'i stegs bu bzhi pa can/ rin mo che thams cad kyi rang bzhin ka ba dang dril chung rnams kyis brgyan pa'o /de'i dbus su 'khor lo nag po rtsibs brgyad pa la gnas pa'i sna tshogs pad+ma 'dab ma brgyad pa'i lte ba la chos kyi dbyings kyi rang bzhin ro'o/ /de'i steng du snying gar nyi ma la A li nyis 'gyur yongs su gyur pa mtshan sum cu rtsa gnyis kyi rgyu zla ba'i gzugs me long ye shes kyi rang bzhin no/ /yar la wa Di d+ha dang bcas pa'i gsal byed nyis 'gyur yongs su gyur pa dpe byed brgyad cu'i rgyu mtshan nyi ma mnyam pa nyid kyi ye shes kyi

  455. 228a

    ngo bo/ /de dag gi dbus su hUM las skyes pa'i rdo rje rtse lnga pa'i snying por gnas pa'i hUM yig shes rab dang thabs kyi bdag nyid can so sor rtog pa'i ye shes kyi rang bzhin no/ /de kho na 'od zer rnam pa lnga byung ba yis spros pa'i lha rnams kyis kun nas 'gro ba'i don byed pa ni bya ba sgrub pa'i ye shes kyi rang bzhin no/ /zla ba la sogs pa 'di yongs su gyur pa chos kyi dbyings shin tu rnam par dag pa'i rang bzhin bcom ldan 'das sangs rgyas thod pa'i rgyu rdo rje 'chang chu shing gi me tog mngon par gsar pa kha 'bus pa lta bu 'am/ rgyud gzhan gyi rigs pas kun da ltar dkar ba'i 'od can gyi sku/ 'chad par 'gyur ba'i 'bras bu rdo rje 'dzin pa lta bu'i phyag la sogs pa can sna tshogs sde ma dmar po 'khyud pa/ hUM yig las bcom ldan 'das 'grub pa'i dus kho nar grub pa'i phreng ba pa bzang mo la sogs pa'i lha mo nyi shu rtsa bzhi'i rnams kyis yongs su bskor ba bsgom par bya'o/ /bdag gi bla ma kha cig ni skabs 'dir yang bcom ldan 'das lha mo nyi shu rtsa bzhis phul ba thod pa na gnas pa'i bdud rtsi lnga gsol ba'o zhes gsung ngo/ /de'i rjes su sna tshogs sde ma'i dbu rang mgrin pa dang thugs ga dang gsang ba dang brla dag la rim pa ji lta bar oM A(rgyud 'grel): hUM swAhA/ zhes pa 'di rnams bsgom ste/ phan tshun gyi bar du spros pa de rnams kyis 'di'i sku khyab par byas pas h+rI(rgyud 'grel): yig las byung pa'i pad+ma dmar po'i lte bar A(rgyud 'grel): yig dmar po dang/ bcom ldan 'das kyi rdo rje hUM yig nag po las skyes shing rtse mo oM yig dkar pos byin gyis brlabs par bsgoms te/ lha mo nyi shu rtsa bzhi sna tshogs sde ma dang lhan cig dbyer med pa rnams kyis rnam pa de lta bu'i rdo rje dang pad+ma sbyor bas bcom ldan 'das la 'dod pa mdzad de

  456. 228b

    bcom ldan 'das kyang ngo/ /oM sarba ta thA ga ta ma nu rA ga Na badzra swa b+hA wa At+ma ko haM zhes pa'i sngags kyis dgar ba rtsom bzhin pa ni 'dod chags chen pos bcom ldan 'das ma dang/ /lhan cig nyi ma'i steng du zhu bar 'gyur ro/ /zhes pa dang po'i sbyor ba ces bya ba ting nge 'dzin dang po'o/ /de nas sngon gyi smon lam la bltos pa la zhu ba las spros pa'i lha mo bzhi rnams kyis mnga' bdag ma mthong bas btung ba dang/ bcas par glu rnams kyis mgon po slong bar byed do/ /de la byams pa chen po'i rang bzhin phreng ba bzang mos ci yis khyod ni sgyed lug gyur/ /'jig rten mgon pos ci zhig yin/ /gal te khyod tshe ga dran byed na/ /kun gyi bdag po bzhengs mdzod cig ces pa'i glu 'dis so/ /thod pa can ma snying rje chen po'i bdag nyid kyis bdag nyid bya ba byas nas ni/ stong pa nyid la sems ma mdzad/ /skye skun srid pa 'jigs par lhung/ /rnal 'byor ma grogs po bzhengs zhes pa 'dis so/ /'jigs ma dga' ba chen mo'i rang bzhin gyis/ bdag po sngon gsungs dran pa mdzod/ /bya bar sgyid lugs ma mdzad cig /khyod nub na ni skye bo kun/ /lhung zhing 'gro ba sgying lug 'byung zhes pa 'dis so/ /de ltar bskul ba'i rjes thogs su/ /zhu ba de las 'byung ba'i hUM las skyes pa'i rdo rje dang bcas pa'i hUM yongs su gyur pa'i bcom ldan 'das he ru ka mdog sngon po zhal gcig pa phyag bzhi pa phyug g.yas pa gnyis kyis cang te'u dang gri gug dag dang/ g.yon pas kha TwAM ga dang thod pa dag bsnams pa/ sna tshogs pad+mar nyal ba'i ro'i 'phrad la gnas pa'i nyi ma'i dkyil 'khor la gnas pa/ skyil bung phyed pa bcings pas sgeg pa la sogs pa gar gyi nyams dgus gar mdzad pa/ mgrin par mi mgo rlon pa lnga bcu'i phreng ba 'phyang ba mi'i rgyu ma rlon pa'i tshang skud can/ rgyab kyi char stab

  457. 229a

    gi pags pa 'dzin cing mdun gyi char gcer bu 'khor lo can dang/ rna rgyan dang mgul rgyan dang/ dpung rgyan dang gdu bu dang/ ske rags grol ba dang/ zhabs gdub dang/ er kha'i sgras brgyan pa/ sangs rgyas lnga'i cod pan can sna tshogs rdo rje dang zla ba phyed pas mtshan pa'i ral pa'i thor tshugs can/ dpral ba'i mthar thod pa lnga'i phreng ba bcings pa/ ro bsregs pa'i thal pas brgyan pa/ bcos ma'i khro bas drag po chen po'i sku can/ nyi ma shar ka'i dkyil 'khor lta bu spyan gsum pa/ hUM yig sgrogs pas bdud kyi sde dregs pa can gyi rgol ba bsdigs shing phye mar mdzad pa/ mchog tu byams pa dang/ thugs rje chen po 'khor ba'i rgya mtsho'i dong du bying ba'i lus can gyi lus 'dzin pa rnams 'don par mdzad pa/ rnal 'byor pas dbugs nang du bsdams pas bsgom par bya'o/ /gtso bo 'di'i mdza' mo sna tshogs sde ma bcom ldan 'das dang/ lhan cig kho nar hUM yig las skyes pa gos med pa rus pa'i rgyan can/ mi mgo'i phreng ba dor ba dbu skra'i tshogs grol zhing dmar ser gyen du 'bar ba bandu ka'i me tog gi thong can/ sgeg cing g.yo bas rtsen pa'i sku can/ mche ba'i myu gu cung zad gtsigs pa'i zhal gcig ma spyan gsum pa/ sgeg ma dang bcas pa'i gtso bo'i mgul pa la 'khyud pa'i phyag g.yon gyis/ thod par blugs pa'i gnyug ma'i chu skyes kyis bu ga las byung ba'i me tog gi rgyun gtso bo la stob pa/ srid pa gsum na gnas pa/ legs ba'i lam las gol pa'i tshogs la brdeg pa'i tshul gyi sa gri gug dang bcas pa'i phyag g.yas pa'i snye ma steng du drang po can shAti sgra dang bcas par ma mchu bdud rtsi ster ba la sogs pa rnams dang/ shin tu rgyu rtsal dang rtsed mo rnams la mkhas pas

  458. 229b

    khu? ba 'dzag cing/ gtso bo'i yid shin tu 'jam zhing chags par mdzad pa'o/ /yab yum 'di dag 'grub pa'i dus phreng bzang ma la sogs pa rdo rje rol pa mo rnams grub bo/ /de la bcom ldan 'das kyis gdan las shar gyi 'dab ma la lags phreng ma'o/ /byang du thong ba can ma'o/ /nub tu 'jigs ma'o/ /lhor thub dka' ma'o/ /dbang ldan la sogs pa phyogs bral gyi 'dab ma rnams la g.yas skor du khu ba dang rdul dang bdud rtsi lnga dang/ sgron ma lngas gang thod pa rnams so/ /'di ni rim pa dang po ste pad+ma 'dab ma brgyad pa rdo rje sngon po'i phreng bas bskor ba'o/ /de nas rim pa gnyis pa rtsibs brgyad dmar po la gnas pa'i pad+ma brgyad de/ phyi rol tu mngon par gsar pa'i skye rang ltar dmar po'i rdo rje phreng pas bskor pa'o// de'i shar du rtsibs la dge ba'i dags ma'o/ /byang du gzugs can ma'o/ /nub tu rnam par rgyal ma'o/ lhor byed ma'o/ /dbang ldan du dus can ma'o/ /mer mtshon chen mo'o/ /bden bral du byed ma'o/ /rlung du gsod byed ma'o/ /de nas rim pa gsum pa rtsibs brgyad dkar po la gnas pa'i pad+ma brgyad de rdo rje phreng ba dkar pos bskor ba'o/ /de'i shar du rtsibs la rdo rje sgrol ba can ma'o/ /byang du 'jigs mthong ma'o/ /nub tu legs mthong ma'o/ /lhor mi thab ma'o/ /dbang ldan du dge ba ma'o/ /mer grib gnon ma'o/ /bden bral du dus mtshan ma'o/ /rlung du grags chen mo'o/ /de nas shar gyi sgor pad+ma la mdzes ma'o/ /byang du pad+ma la nor 'dzin ma'o/ /nub tu pad+ma la skal pa bzang mo'o/ /lhor pad+ma la dka' mthong ma'o/ 'di rnams thams cad g.yas pa dang cig shos kyi phyag gi yal legs? gri gug dang thong pa 'dzin pa/ bdag po la sems pas mchu g.yo ba so cung zad ston pa/ zhal gcig pa phyogs kyi gos can rus pa'i rgyan can/ mgo bo'i phreng ba dang bral pa

  459. 230a

    skra'i tshogs grol zhing dmar ser gyen du 'bar ba shin tu chags pa las khu ba 'dzag pa/ me tog man dA ra ba kha gsar du bye ba lta bu'i nyi ma'i gzugs rnams la skyil krung phyed pas gar mdzad pa rnams so/ /sgo skyong ma rnams ni g.yas brkyang gi zla ba'i zhabs stabs kyis so/ /thams cad kyang stag gi pags pa'i sham thabs can 'od zer 'bar ba/ zhal nas khrag gi rgyun 'dzag pa/ spyan gsum pa/ sgegs pa la sogs pa'i nyams kyi tshogs can mngon par gsar ba'i in+d+ra nI la'i rdo ba bcag pa'i kha dog gi sku dang ldan pa'o/ /yang na legs par phreng ma la sogs pa bzhi rnams nag mo'o/ /rim pa gnyis pa ma rnams dkar ser ro/ /rim pa gsum par bzhugs pa ma rnams ljang gu rnams so/ /sgo skyong ma'i lha mo rnams nag mo'o/ /bdag gi bla ma gzhan rnams ni legs phreng ma ni dkar mo/ /thod pa can ma ni ser mo'o/ /'jigs ma dkar mo'o/ /thub dka' ma nag mo'o/ /rim pa gnyis pa ma rnams dkar mo'o/ /rim pa gsum par gnas ba rnams dkar mo'o/ /mdzes ma dkar mo'o/ /nor 'dzin ma ser mo/ /skal pa bzang mo dmar mo/ /dga' mthong ma nag mo ste/ rgyud rgyas par gsungs pa'i phyir ro/ /zhes gsungs so/ /ji ltar mos par bsgom par bya ste/ phyogs gnyis po yang nyung ngu'i rgyud gsungs pa nyid kyi phyir ro/ /de nas bcom ldan 'das kyi thugs khar oM dpral bar hAM/ mgrin pa heM spyi bor haiM phrag pa gnyis la hoM mi gnyis la hauM/ gsang pa la haM/ lus thams cad la ha(rgyud 'grel): zhes pa go cha'o/ /de'i rjes su thugs kar hUM nag po las skyes pa'i rdo rje'i lte bar hUM mgrin par a(rgyud 'grel): dmar po yongs su gyur pa'i pad+ma la A(rgyud 'grel): bde ba chen po'i 'khor lo la oM yig dkar po las skyes pa'i 'khor lo la oM zhes pa thugs dang/ gsung dang/ sku byin

  460. 230b

    gyis brlabs nas/ snying ga'i nyi ma'i rdo rje la gnas pa'i hUM yig gi 'od zer rnams kyis ye shes kyi 'khor lo bkug nas/ hUM yig gis bgegs rnams bskrad te(rgyud 'grel): mchod yon phul nas sgo skyong ma bzhi po rnams kyis rim pa ji lta bar dza hUM baM ho zhes pas dgug pa dang gzhug pa dang/ bcings shing dbang du byas nas oM bud+d+ha ka pA li nA A(rgyud 'grel): khaM kroM h+ruM sruM oM oM oM hUM hUM hUM phaT phaT ces bsgyings pa dang bcas pa brjod cing de dang lhan cig dam tshig gi dkyil 'khor ro/ /gcig tu gyur par ba lta'o/ /de na lte bar gtum mo 'bar bas rim gyis zhu ba'i bde ba chen po'i 'khor lor gnas pa'i bdud rtsis chos kyi 'khor lo'i sa bon 'khrung ba'i dus su chos kyi 'khor lo'i rtsa brgyad kyi rang bzhin bde ba chen po'i ngo bo'i mkha' 'gro ma brgyad po mchod pa'i dus su brjod pa rnams sna tshogs pa'i gos la sogs pa'i rgyan can phul du dbyug du med pa'i gzugs dang sgeg pa dang ngal so'i sa gzhi/ lo bcu gnyis lon pa shing a mra'i snye ma dang bcas pa byang chub kyi sems kyis gang ba'i bum pa bsnams pa'i phyag gi yal ga can/ zhi zhing 'dzum pa'i 'od zer dang bcas pa rnams spros nas/ phyi rol tu gshegs shing/ de'i tshe kho na snying ga'i sa bon gyi 'od zer gyis spyan drangs pa'i phyogs bcu'i de bzhin gshegs pa dang lha mo rnams dang bcas pa'i de rnams la/ yang nas yang du phyag 'tshal te/ thal mo sbyar bas gsol 'debs na/ thugs rje dang ni ldan pa rnams/ /bdag la dbang ni skur du gsol/ /a b+hi Shtsiny+tsan+tu nAM/ sarba yo gi n+yo ma ku tre a tra a d+hi tiSh+Than+tu A gats+tshan+tu hUM swAhA zhes pa 'dis gsol ba btab pa/ gdugs dang/ rgyal mtshan dang/ ba dan dang/ gos dang rol mo la sogs pa'i nye bar 'kho ba thams cad dang ldan pa/ ye shes kyi chus bkang ba'i bum pa dkar po'i phyag 'tshal

  461. 231a

    rnams kyis rgyal bar gyur cig /rgyal bar gyis la sogs pas phyi dang gsang ba dang shes rab dang bzhi pa'i dbang bskur ba rnams kyis dbang bskur bar mdzad do/ /dbang bskur ba'i dus suAng/ dzyo dzyod byed pa dang/ bkra shis dang/ rnga bo che'i sgra dang tsan dan dang gur gum dang me tog la sogs pa'i char pa nam mkha' i mthil las 'byung ba'o/ /de'i rjes su de rnams rtsa de rnams la thim par bya'o/ /de nas bcom ldan 'das dang lha mo rnams rang rang gi rigs kyi 'dren pas rgyas gdab par bya ste/ de la bcom ldan 'das rdo rje sems dpa' sangs rgyas lnga yis cod pan brgyan zhes gsungs pa'i phyir/ mi bskyod pa la sogs pa'i sangs rgyas lnga rnams kyis so/ /sna tshogs sde ma la ni rnam par snang mdzad chen po ming gzhan rdo rje sems dpas so/ /legs phreng ma la sogs pa bzhi rnams rin chen 'byung bas so/ /rim pa gnyis par gnas pa rnams 'od dpag med kyis so/ /rim pa gsum par gnas pa rnams rnam par snang mdzad kyis so/ /sgo skyong ma rnams don yod grub pas rgyas gdab bo/ /de nas rtsa brgyad po de las byung ba'i rnal 'byor ma brgyad rnams kyis sngar bzhin du gtso bo la mchod nas rdo rje dang ni pad+ma 'dus shing bdud rtsi'i bde rgyas shing/ rim gyis yongs gyur sku can sems can don du gar byed pa/ rdo rje lha mo'i rtsed mo'i rol pa rtsen mdzad 'gro rmongs la/ /'gro la mi dman kun dga' ster ba khyod la bdag 'dud do/ /zhes pas bstod de/ 'di ltar bdud rtsi myang bar bya'o/ /bcom ldan 'das dang bcom ldan 'das ma'i dga' ba'i sgras bskul ba'i de bzhin gshegs pa lnga rnams byon te rnam par snang mdzad kyi sgo nas zhugs pa zhu ste pad+ma'i nang du babs so/ /de'i tshe nang gi bdag nyid ye shes lnga'i

  462. 231b

    bdud rtsi lce'i rtse mo'i rol pas rang nyid kyi blangs zhing/ dkyil 'khor ba'i lha tshim par bya'o/ /phyi rol tu ni yaM yig las skyes shing yaM gi snying po can ba ngan g.yo ba gnyis kyis mtshan pa'i rlung gi dkyil 'khor sngon po la/ raM las byung zhing raM dang ldan pa 'bar ba bdun pa'i me'i dkyil 'khor dmar po la/ de'i steng du yi ge gsum las skyes pa'i mgo bo gsum la gnas pa A(rgyud 'grel): yig las skyes pa'i pad+ma'i snod do/ /de'i dbus su zla ba phyed pa dang/ thig le dang bcas pa'i bi ra shu ma mu/ go gu da ha na yongs su gyur pa'i bdud rtsi lnga dang sha lnga oM hUM khaM swA(rgyud 'grel): hUM dang bcas pa rnams te/ de nas rlung gi bskul ba'i mes gdungs pas thod pa na gnas pa'i rdzas bcu bsres pa'i rlangs pas mtho gang gi bar can gyi steng gi bar snang la hUM las skyes shing hUM gi mtshan pa'i rdo rje sngon po la reg pas zhu nas zhugs pa las thams cad ro gcig par smin pa'i steng du mtho gang gi bar na oM las skyes shing oM yig gis byin gyis brlabs pa'i bdud rtsi'i 'od can gyis dkyil 'khor gyis oM yig gi 'od zer gyis bkug pa phyogs bcu na gnas pa'i de bzhin gshegs pa la sogs pa'i byang chub sems kyi bdud rtsi rnams dang/ nor bu dang sngags dang sman gyi nus pa'i bye brag rnams dang lhan cig zhugs pa na/ de thams cad dngul chu'i mdog can ba mo'i phung po bzhin du bsil ba'i bdud rtsir de nyid gsum gyis lan gsum byin gyis brlabs te/ des lce hUM dkar po las skyes pa'i rdo rje rtse gcig pa 'od zer dang bcas pa'i spu gu nas bdag nyid dang dkyil 'khor gyi lha rnams dang tshim par bya'o/ /zhes pa ni dkyil 'khor rgyal po mchog ces bya ba'i ting nge 'dzin gnyis pa'o/ /de nas bcom ldan 'das kyis bskul ba'i mkha' 'gro ma thams cad dang/ bcom

  463. 232a

    ldan 'das kyis sku'i sprin spros pa rnams kyis sems can rnams kyis don mdzad do/ /rdo rje 'chang chen po'i go 'phang thob par bskyed nas rang gi sku'i sprin rnams rtsa ba'i sku la bsdu'o zhes pa las rgyal po mchog ces bya ba'i ting nge 'dzin gsum pa'o/ /de'i rjes su nang du rdzogs pa'i dkyil 'khor mngon du bya ste/ de la mgo bo bul+li ra ma la ya ru phreng bzangs ma'o/ /spyi bo dzO lan d+ha ra la thong pa can ma'o/ /rna ba g.yas pa aau DI ya na ru 'jigs ma'o/ /mgo bo'i rgyab ar pu da ru rgyal dka' ma'o/ /gnas te sa rab tu dga' pa'o/ /rna ba g.yon pa go dA ba rI ra mdzes ma'o/ /smin ma'i dbus rA me shwa ra la nor 'dzin ma'o/ /mig gnyis de bi koT Ta ru skal bzangs ma'o/ /phrag pa gnyis mA lA ba ru dga' mthong ma'o/ /nye pa'i gnas te sa dri ma med pa'o/ /brgyad po 'di rnams thugs kyi 'khor lor mkha' la spyod pa rnams so/ /mtshan khung dag kA mU pa ru dge ba'i skye rags ma'o/ /o re nu ma gnyis su gzugs can ma'o/ /zhing ste sa 'ong byed pa'o/ /tri sha ku ni lte bar rnam rgyal ma'o/ /ko sha la sna'i rtse mor byed ma'o/ /nye ba'i zhing ste sa 'od 'phro ma'o/ /ka ling+ga kha ru dus can ma'o/ /laM bA ka mgrin par mtsho chen ma'o/ /tshando ha ste sa sbyad dka' ba'o/ /kany+tsi snying gar byed can ma'o/ /hi mA lA ye rle ga pa la gsod byed ma'o/ /nye pa'i tshando ha ste sa mngon du gyur pa'o/ /gsung gi 'khor lo re sa la spyod pa rnams so/ /pre ta pu rI rtags la sgrol ba can ma'o/ /gri ha de ba ta bshang lam du 'jigs mthong ba'o/ /'du ba ste sa ring du? song ba'o/ /sau rAkhTa brla gnyis la legs mthong ma'o/ /gser gling byin pa la mi thub ma'o/ /nye ba'i 'du pa ste sa mi g.yo ba'o/ /na ga ra sor mo rnams la dge ba ma'o/ /sin d+hu bo la gong dag la grib non ma'o/ /dur khrod

  464. 232b

    des legs pa'i blo gros so/ /ma ru mthe bo dag la dus mtshan ma'o/ /phu lu ta pus mo dag grags chen ma'o/ /nye pa'i dur khrod nges chos kyi sprin no/ /sku'i 'khor lor sa 'og na gnas pa rnams so/ /byang chub kyi sems la sogs pa bzhi ni bde ba chen po la sogs pa'i 'khor lo bzhi la'o/ /bcom ldan 'das dang sna tshogs sde ma dag gi gnas ni pad+ma'i lte ba gnyis so/ /bcom ldan 'das ni kun rdzob pa'i byang chub kyi sems kyi bdag nyid de/ sna tshogs sde ma'i rdul gyi rang bzhin no/ /byang chub kyi sems la sogs pa bzhi dang gzhan yang thams cad 'di dag thams cad la 'phros pa'o/ /rang rang gi gnas na gnas pa'i rtsa'i rang bzhin lha mo nyi shu rtsa bzhi rnams bcom ldan 'das kho nas 'phros pas yang dag par 'khyud pa'o/ /gdams ngag ji lta ba deng kho na nyid ji lta ba dang mos par ji lta bar gtum mo'i rab tu dbye ba bsgoms pas 'di thams cad dang grol ba yang don dam par stong pa nyid dang/ bde ba chen po'i rang bzhin snying rje dbyer med pa'i ngo bo sna tshogs sde ma dang sangs rgyas thod pa'i rang bzhin kho nar bsgom par bya'o zhes pa'o/ /gal te rnal 'byor pa dngos grub rnams thams cad myur du 'grub pa'i ched du sems bstan par byed 'dod na de'i tshe ting nge 'dzin gsum mdor bsdus nas/ /bsgom ste sprul pa'i 'khor lo'i pad+ma 'dab ma drug cu rtsa bzhi pa'i kha steng du phyogs pa'i mdud pa'i bu gar aM sngon po'o/ /chos kyi 'khor lo rtsibs brgyad pa 'og tu phyogs par hUM sngon po'o/ /steng du ba phyogs pa'i longs spyod rdzogs pa'i 'khor lor rtsibs bcu drug par oM dmar pa'o/ /bde ba chen po'i 'khor lo rtsibs sum cu rtsa gnyis pa 'og tu kha phyogs pa'i haM dkar po'o/ /gsang ba'i 'khor lor gnas pa'i rlung gi me

  465. 233a

    skul ba'i gtum me'i rang bzhin eM yig 'bar ba'i 'od zer gyis gzhu ba'i hUM yig la sogs pa yi ge gsum dang lhan cig dbyer med pa'i aM yig lhan cig skyes pa'i dga' ba'i rang bzhin gyis thig ler gyur pa'i dpa' o sgom zhing sgom pa yongs su smin par mos nas/ de nyid las 'od zer gyi re khA bra mo 'bar ba'i gcis ltar gnas pa blta bar bya'o/ /de'i mthus bdud rtsi 'dzag pas gang bas dpa' o dkrus pa 'od zer gyi re khA de yang gsil bar gyur te/ de nas dpa' o las sems nges pas ji srid du sems brtan pa thob par mtshan ma rnams kyi nye bar dmigs pa de srid du blta bar bya'o/ /brtan pa nye bar mtshon pa na/ 'od zer gyi ri khA de'i snang bas sna tshogs pa gsal bar byed par bsams te/ thams cad lag mthil gyi skyu ru ra ltar blta'o/ /ting nge 'dzin thams cad kyang myur du rdzogs par bya'o/ /zhes pa thig le'i rnal 'byor ro/ /man ngag ji lta ba dang/ ji ltar mos pa gtum mo'i dbye ba yang bsgom par bya'o/ /rig pa bzlas pa la dngos grub yin pas bzlas pa brjod par bya'o/ /de la sgom pas skyo ba las rtsa ba'i sngags 'di bzlas par bya ste/ oM h+rI(rgyud 'grel): bud+d+ha hUM ka pA li nI A(rgyud 'grel): 'di'i bzlas pa'i rim pa ni sna bug gi rlung lte bar gnas pa'i de ma thag tu bshad pa'i thig le la 'jug pa na/ oM sna bug nas 'byung ba la h+rI(rgyud 'grel): 'o/ /thig le la gnas pa la bud+d+ha'o/ /bde ba la hUM ngo/ /'gag pa la ka pA li ni'o/ /thig le las ldang ba la a:O/ /zhes pa yan lag gi bzlas pa la rdo rje bzlas pa'o/ /phra mo'i rnal 'byor yang bder rnam pa 'di lta bur rtogs par bya'o/ /oM bud+d+ha ka pA li nI A(rgyud 'grel): hi hai hUM phaT snying po'o/ /oM bud+d+hA ka pA li nI badzre tI hau duN+Da ya dud la k+She hUM phaT nye ba'i snying po'o/ /'di rnams las gang

  466. 233b

    yang rung ba'i sngags ji ltar 'dod par bzlas nas ldang ba'i dus su 'byung po thams cad pa'i btor ma oM bud+d+ha ka pA la badzre tsi tre su tsa te a li ba le prE Na ya sarba b+hu dA na/ mA ra ya sarba mA rA na/ kI la ya sarba duSh+TAn/ u tsa nA ya sarba big+han/ /bi trA pa ya b+ho b+ha ga wa ti ya k+Sha rA k+Sha sa pi sha tsA na/ sho Sha ya tA Da ya sapta pA tA la ga tA na/ sa ra sa ra/ ra sa ra pra sa ra/ hUM hUM hUM phaT phaT phaT ces pa'i sngags kyis byin te/ dge pa 'di thams cad bla na med pa yang dag par rdzogs pa'i byang chub kyi ched du dang mngon par 'dod pa'i dngos grub kyi ched du yongs su bsngos nas sngar bzhin mchod pa byas te/ dkyil 'khor nyi shu rtsa bzhi rnams nang du gnas pa la sogs nyi shu rtsa bzhi'i gnas na gnas pa'i rtsa rnams la man ngag ji lta bar nang du 'dus par bya'o/ /byang chub sems kyi thod pa ni bde ba chen po'i 'khor lor ro/ /rdul gyi thod pa ni sprul pa'i 'khor lor ro/ /bdud rtsi lnga'i thod pa ni snying gar ro/ /sgron ma lnga'i thod pa ni mgrin par ro/ /de ltar mang du bsdus nas/ bcom ldan 'das mas 'khyud pa'i bcom ldan 'das kyi sku stong pa nyid dang ro gcig pa'i bde ba chen po rang bzhin sgyu ma'i ngo bor bdag dang khams gsum pa mdza' med pa mos pas ji ltar 'dod par gnas par bya'o/ /nyi ma'i gung dang dgongs ka dang mtshan byed kyi thun mtshams rnams su/ lha mo'i 'khor lo thams cad yud kyis spros pas go cha la sogs pa ma lus pa bsgrub par bya'o/ /nyal ba'i dus su sngar bzhin du zhu bar gyur pa stong pa nyid kyi ngo bo lhan cig skyes pa'i rang bzhin du bdag nyid kyang de'i rang bzhin du mos te nyal bar bya'o/ /lnga'i bar 'dod na sngar bzhin du lha mo bzhis bskul ba yud kyis langs te de kho na bzhin du mdza' dag mtshad ba med par bya'o/ /de ltar ji srid dngos grub kyi mtshan ma rnams thob kyi bar du nyi ma so

  467. 234a

    sor ro/ /dbang gi cho gas khrus bya'o/ /bza' ba thams cad ni bdud rtsi myang ba'i cho gas so/ /gang gi tshe bcom ldan 'das 'di kho na shes rab ma med par bsgom par bya ba de'i tshe rgyu rdo rje 'chang zhes pa la sogs pa bcom ldan 'das he ru ka zhes pa'i bar gyi gzhung dang/ gtso bo 'di'i mdza' mo zhes pa la sogs pa nyung ngu'i rgyud du gsungs pa nyid kyi phyi ro zhes pa'i mthar thug dang/ sgo skyong bzhi zhes pa la sogs pa dbang du byas nas zhes pa'i bar dang/ de la sogs pa rgyas gdab po zhes pa'i bar bcom ldan 'das dang bcom ldan 'das ma zhes pa la sogs pa tshim par bya'o zhes pa'i bar dang/ do rjes su nang zhes pa la sogs pa rab tu dbye ba sgom pas zhes pa'i bar dang/ sna tshogs sde ma dang zhes pa dang/ nyi shu rtsa bzhi zhes pa la sogs pa 'khyud pas zhes pa'i bar dang/ sngar bzhin du zhu bas zhes pa dang/ sngar bzhin du lha mo bzhis bskul ba las zhes pa spangs te/ gzhan brjod pa thams cad shes par bya'o/ /khyad par ni bcom ldan 'das 'di'i shar dang byang dang nub dang/ lho'i pad+ma'i 'dab ma rnams la rim pa ji lta bar oM hUM khaM swa(rgyud 'grel): zhes pa'i sa bon las byung ba'i sna tshogs sde ma dang 'dod ma dang sa 'og gnas ma dang rab bzang mo rnams sku mdog sngo ba g.yas brkyang gi zla bo'i rkang stabs can/ stag gi pags pa'i shams thabs can/ phyag g.yas gnyis kyis gri gug dang thod pa dag dang/ phyag g.yon gnyis kyis kha TwAM ga dang Da ma ru dag 'dzin pa'o/ /dbang ldan dang me dang bden bral dang rlung gi 'dab ma rnams su rim pa ji lta bar hUM hUM hUM hUM yongs su gyur pa'i chang tshong ma dang/ 'byung po mo dang/ phyag bzhi ma dang/ nam mkha' la gnas ma kha dog ser ba/ na bza'

  468. 234b

    ser po can/ 'od zer ser po 'phro ba'i sku can g.yas brkyang gi zhabs stabs can/ sprul brgyad kyis brgyan pa/ phyag gi yal ga g.yas pa dag gis gri khug dang/ cang te'u dag dang/ phyag g.yon pa'i yal ga dag gis kha TwAM ga dang pad+ma'i snod 'dzin pa rnams so/ /brgyad po 'di rnams kyang phul du dbyung du med pa'i sgeg pa la sogs pa'i nyams shes che ba'i snying po can/ mngon par gsar pa'i nyi ma'i dkyil 'khor la gar thabs can/ zhabs kyi pad+ma mche ba cung zad gtsigs pa/ dbu skra kham pa gyen 'greng ba/ thod pa lnga'i phreng ba can/ mi rus las byung ba'i 'khor lo can dang rna rgyan dang mgul rgyan dang/ lag gdub dang/ ske rags dang/ dril bu er kha dang/ dpung rgyan dang/ zhabs gdub kyis rgyan can/ mi mgo rlon pa lnga bcu'i phreng ba ske la 'phyang ba/ bskal pa'i mdza' i 'bar ba lta bur rol pa'i 'od zer gyis bdud kyi dkyil 'khor bsreg pa/ gang mo rgod pas cher 'jigs pa/ zhal gcig pa/ zhal nas khrag 'dzag pa/ spyan gsum pa/ phyag bzhi pa/ klu rnams shin tu ches skrag par mdzad pa/ gtso bo la mngon du phyogs nas gzigs pa rnams bsgom mo/ /'dir bcom ldan 'das rdo rje sems ni/ sangs rgyas lnga'i cod pan rgyan zhes pa'i gsungs las mi bskyod pa la sogs pa'i sangs rgyas lnga rnams kyis rgyas gdab bo/ /sna tshogs sde ma la sogs pa rnams ji lta ba'i rim pas mi bskyod pa dang rnam par snang mdzad dang rin chen 'byung ldan dang 'od dpag med rnams kyis so/ /chang 'tshong ma la sogs pa rnams kyang de bzhin no/ /nang gi bdag nyid kyi bdud rtsis tshim pa yang gtum mo'i rab tu dbye ba bsgom pa kho nas so/ /de ltar rdo rje

  469. 235a

    rnam sgeg ma brgyad kyis bskor ba'i bcom ldan 'das he ru ka 'di kho na a dri sh+yA dang thi pa dang sol ba'i sbyor ba rnams la dang dug zhi ba'i sbyor ba rnams la bsgom par bya'o/ /mo gsham khrus byed pa'i sbyor ba la ni shes rab dang bcas pa'o/ /rig pa 'dzin pa'i byed pa la ni bcom ldan 'das dang phyogs kyi lha mo rnams dkar ba/ phyogs bral gyi lha mo rnams dmar ba rnams so/ /mo gsham dang bud med bu shi ba'i khrus kyi cho ga la ni bcom ldan 'das 'di shes rab dang bcas pa'o/ /de'i tshe shes rab ma med pa nyid la spangs gzhung ji ltar rigs pa nye bar blang bar bya'o/ /gzhal yas khang 'di thams cad kyang dur khrod brgyad kyis yongs su bskor ba rnam par bsam par bya'o/ /de'i shar phyogs su gtum drag ces bya ba'i dur khrod te/ sgrub pa po rjes su 'dzin pa zhes pa ming gzhan no/ /shing shi ri ShA ste yang na ba ta li'o/ /rdzu 'phrul chen po pa glang po che'i gdong pa can no/ /phyogs skyong ba dbang po nye dbang ngo/ /klu nor rgyas dkar po'o/ /sprin sgrogs pa zhes bya'o/ /mer brag tu rgod pa 'am ming gzhan rab 'jigs chen po zhes bya ba'i dur khrod de/ shing ka rany+dza 'am u dum+ba ra'o/ /rdzu 'phrul chen po pa ra'i gdong pa can rnam khyi'i gdong pa can no/ /me lha dang pad+ma chen po dkar po dang sprin sdug po zhes bya'o// //lhor keng rus 'jigs pa 'am ming gzhan 'jigs rung mun pa can zhes pa'i dur khrod de/ shing a mra 'am/ shA ri Sha dang rdzu 'phrul chen po pa ma he'i gdong pa can nam stag gdong can dang/ gshin rje dang pad+ma dkar po dang sprin 'khor byed do/ /bden bral du ku co ca cor sgrogs pa zhes pa'am/ ming gzhan rnal 'byor mang du 'dus pa chen po zhes pa ste/ shir pa rka TI'i ma wa ta dang/ rdzu 'phrul chen po pa ro'i gdong pa

  470. 235b

    can nam bya rgod gdong dang/ srin po dang/ mdza' yas sngon po dang/ sprin ni 'gengs byed do/ /nub tu 'bar ba 'khrugs pa 'am ming gzhan khro bo'i me zhes pa'i dur khrod du/ shing kaM ke l+li 'am tsU ta dang/ rdzu 'phrul chen po pa chu srin gyi gdong pa can nam/ 'ug pa'i gdong pa can dang/ chu lha dang/ stobs kyi rgyu ljang gu dang/ sprin 'jigs rung ngo/ /rlung du 'jigs rung mun pa can nam seng+ge'i sgra phed yig chen po'i sgrogs pa ces pa'i dur khrod te/ ardzu na 'am a shwat+tha dang/ rdzu 'phrul chen po pa ri dags kyi gdong pa can nam/ phag gi gdong pa can dang/ rlung lha dang/ rigs ldan khra bo dang/ sprin char 'bebs so/ /byang du kangka ri'i dur khrod dam ming gzhan gnyis med byed ces pa'o/ /shing a shwat+tha 'am/ kangke l+li dang/ rdzu 'phrul chen po pa mi'i gdong can dang/ byi la'i gdong pa can dang/ lus ngan dang/ log 'dren dag dang/ 'jog po dmar po dang sprin 'ur 'ur sgrogs so/ /dbang ldan du phun tshogs nams sam ming gzhan mtsho skyes dpa' o zhes pa'i dur khrod te/ ba Ta 'am nA ga ge sar dang/ rdzu 'phrul chen po pa glang gis gdong pa can nam/ sha za'i gdong pa can dang/ dbang ldan dang/ dung skyong ser po dang/ sprin gtum byed do/ /thams cad du mchod rten lta bur bya'o/ /de las sa srung dkar po la zhon pa/ rdo rje can ser mig stong pa'o/ /nag mo 'khor lo dbyug to dung/ /gau stu b+ha 'dzin mkha' lding gnas/ /me lha dmar po smin ma dang/ /ral tsug sma ra 'bar zhing 'khrug /tshon po rab gnas mi 'jigs dang/ /bgrang phreng ril ba dbyu gu 'dzin/ /g.yon brkyang ba yi rkang can/ /dus nag ma he la gnas pa/ /skra ni gyen du 'bar zhing khros/ /dbyug pa sdigs mdzub 'dzin pa'i lag /de 'dra'i bden bral rol gnas/ /gcer bu mi rus kyis brgyan pa/ /zhal ni mche ba gtsigs pa can/ /gri gug thod pa

  471. 236a

    dag 'dzin pa'o/ /chu srin la ni chu lha dkar/ /gdengs ka bdun pa sprul zhags 'dzin/ /e Ne ye ser la gnas pa'i rlung lha ljang khu rlung ras can/ me la gnod sbyin chen po ser/ /na ku la bi dza pU ra 'dzin/ /byi bar glang chen gdong can dkar/ /la phug dbyug to la du phreng/ /dbang ldan khyu mchog la zhon dkar/ /ral pa'i thod tshugs rul rgyan can/ /rtse gsum pas mtshan kha TwAM ga /cang te'u 'dzin pa'i phyag can no/ /gdengs can brgyad rnams mi'i gdong can/ /rgyan bzangs can gang bye brag med/ /brgya byin la sogs 'di bcu drug /g.yon pas yid 'ong ma la 'khyud/ /cig shos phyag ni sgeg bcas rnams/ /shing dang nye bar shes par bya/ /nyi mar srin po gshin rje ma/ /gzhan rnams zla bar zla 'od can/ /dbang ldan gshin rje srin po rnams/ /ma gtogs rin chen cod pan 'bar/ /dbang ldan rin chen cod pan can/ /zhes kyang rdzu 'phrul chen po brgyad/ /lus stong phyed mthong phyag rnams kyis/ /thod pa 'dzin par byed pa ste/ /gzhan gyis byin pa'i gtor ma la/ /g.yas pas 'dzin pa'i tshul gyis 'brel/ /sprin rnams kha dog sna tshogs pa'o/ /brgyad po 'di rnams rnam pa sna tshogs pa'i shing mchog gzhan gyis kyang mdzes par byas pas bya rog dang/ 'ug pa dang/ bya rgod dang/ khyi dang ce spyang dang/ seng+ge dang/ phag dang/ stag la sogs pa rnams kyis 'jigs su rung ba/ go nA sa la sogs pa'i sprul rnams kyis shin tu breng 'jug pa can/ keng rus dang/ gsal zhing gis dug pa dang 'phyang ba dang/ phyed tshig pa dang mgo bo dang thong pa dang/ pus mo dang ro mgo med pa dang/ rus pa dang mgo bo'i dum bu la sogs pa rnams kyis 'jigs su rung ba sna tshogs pa'i grub pa dang/ rigs pa

  472. 236b

    'dzin pa rnams dang/ dam tshig spyod pa'i rnal 'byor dang rnal 'byor ma'i tshogs kyis dang/ ca co sgrogs pa'i gnod sbyin dang/ ro langs dang/ srin po la sogs pa rnams kyis dang/ 'di dang de nas rgyug ba dang/ g.yo ba dang/ 'greng ba dang/ sdong ba dang/ nyal ba dang/ ldang ba rnams kyis shin tu ngo mtshar bar byed ba dur khrod chen po rnams so/ /zhes pa paN+Di ta a b+ha yA ka ra gupta yis mdzad pa 'jigs pa med pa'i gzhung 'grel sangs rgyas thod pa'i rgyud chen po'i 'grel pa le'u bdun pa'o// //thabs kyi yan lag rgyas par ston pa de nas zhes pa la sogs pa'o/ /shing gis zhes pa rgyud gzhan nas bshad pas so/ /me tog gis zhes mdor bstan pa rgyas par ston te/ me tog lnga zhes pa 'chad par 'gyur ba'i pad+ma la sogs pa me tog lnga rnams so/ /'o mas zhes pa nye bar mtshon pa nyid kyi phyir mar la sogs pa rnams kyis so/ /nang gi sbyin sreg la ni shes rab ma lnga rnams kyis rdul rnams me tog lnga dang/ 'o ma ni skyes pa'i byang chub kyi sems te/ snyoms par zhugs pa na de'i rdul dang sres pa shes par bya'o/ /zhes gzhan du gsungs te/ 'dir skabs ma yin no/ /zhi ba zhes pa la sogs pa la/ 'dir thab gru bzhi pa/ rgya dang zabs su sor bcu gnyis pa'o// de'i kha'i steng du sor bzhi'i par rdor ro/ /der phyogs bzhi rnams su rdo rje dkar po rtse lnga pa kha gyes pa'o/ /de'i phyi rol tu rgya dang pangs? su sor bzhi pa thab khung gi dbyibs can cung zad kha dma' ba' i kun nas kha khyer te/ mtshams rnams su rdo rje rtse gsum pas mtshan pa phyi ngos su rdo rje rtse gsum pa sngon po'i phreng bas bskor ba'o/ /thabs kyi dbus su chos 'byung gi dbus su gnas pa'i khang pa brtsegs par pad+ma sor brgyad pa rdo rje phreng ba sngon po dang dmar po dang dkar po

  473. 237a

    gsum gyis bskor ba'o/ /pad+ma'i steng du rdo rje rtse lnga pa mgo shar du bstan pa sor bzhi'i tshad tsam pa dpang su sor gcig pa'o/ /de'i steng du pad+ma'o/ /de'i dbus su nyi ma'o/ /de'i steng du h+ri'o(rgyud 'grel): khang pa brtsegs pa'i grwa rnams su rdo rje rtse dgu pa ser po rnams so/ /rdo rje kha byes pa la sogs pa 'di thams cad rdul tshon gyis bris pa yang ngo zhes pa sdus pa'i don to/ /yan lag gi don brjod par bya ste/ hUM yig bdag nyid bskyed ni hUM las skyes pa'i rang bzhin du mos pa 'am hUM gi snying po can no/ /'khor lo ni gzhal yas khang ngo/ /gru gsum ni chos 'byung ngo/ /e waM mA ya zhes pa yi ge bzhi las skyes pa'i sa la sogs pa'i 'byung ba bzhi yongs su gyur par 'khor lo mos par bya'o/ /lte bas te lte bas mtshon pa'i pad+mas khyad par du byas pa'o/ /nyis 'gyur ni bcu drug lhag pa'i nyis brgya'o/ /kha lU ka yis zhes pa gur gum gyi bye brag gis so/ /'og tu pad+ma zhes pa rdo rje'i 'og tu pad+ma 'dab ma brgyad pa'o/ /sor bcu gnyis ni slob dpon gyi sor mos so/ /der zhes pa thab tu'o/ /re re'i zhes pa A mra la sogs pa'o/ /dmar ba'i rdo rje thod pa 'dzin zhes pa dmar ba'i rdo rje dang thod pa'o/ /zhes phyag mtshan no/ /khrag gis gang ba'o/ /stong pa nyid ces pa thab kyi dbus su ci yang mi bri ba'o/ /sha lnga ni go ku da ha na'i shas so/ /me ni me sngar bshad pa'o/ /zhi ba la sogs pa 'di rnams kyi khyad par gzhan rnams ni kho bos byas pa'i sbyin sreg gi cho ga 'od kyi snye mar te/ 'dir bshad pa'i khyad par dang mi thun pa spangs nas gzung bar bya'o/ /'di thams cad ni kun rdzob tu'o/ /don dam par ni ci yis bsreg ces pa la sogs pa'o/ /'jigs pa med pa'i gzhung 'grel du le'u brgyad pa'o// //rim pa gnyis po mngon du gyur pa na yang spyod pa

  474. 237b

    dang bral na phyag rgya chen po'i dngos grub med do zhes pas spyod pa gsungs pa de nas zhes pa la sogs pa'o/ /lus dang ngag dang yid rnams kyi bya ba khyad par can ni spyod pa'o/ /rtag pa dang chad pa la sogs pa'i mdza' yas 'das pa nyid kyis na/ spyod pa gzhan las khyad par du 'phags pa nyid kyi phyir shin tu mchog go /'jig rten las 'das pa nyid kyis na son pa'o/ /kha cig tu bud med shin tu mchog gyur zhes klog pa de'i tshe de bzung nas zhes pa lhag ma'o/ /'di ni rgod cing g.yengs pa las bar col du mi bya'o zhes gsungs pa dngos grub brgyad ces pa la sogs pa'o/ /sa 'og dang mig sman dang rkang pa byug pa dang ri lu dang mi snang ba dang ral gri dang ro dang bcud len gyi dngos grub rnams sam dbang phyug gi yon tan brgyad rnams so// 'dis ni nus pa thod pa la 'dod par gyur na/ spyod pa rjes su gnang ste/ gang las rnal 'byor la dga' ba 'di bag med par mi 'gyur zhing/ glags 'tshol ba rnams kyis kyang 'di la mi tshugs la/ 'di rnams tshar bcod pa dang rjes su 'dzin nus par 'gyur zhing/ grang ba dang tsha ba la sogs pa rnams kyis kyang zil gyis mi non pa ste/ 'jig rten gyi chos brgyad la sogs pas mi gnod pa nyid kyi phyir sgrib pa kun las grol ba'o/ /gang gi phyir nam mkha' mnyam pa nyid gyur pa sde chos thams cad mnyam pa nyid du ro gcig pa'o/ /stong pa nyid la dga' zhes pa slongs mo slong ba'i dus su ster ba po rnams kyis med ces dgag pa byas pa na chos thams cad kyi don dam pa stong pa nyid bsgom par bya'o/ /sgom pa zhes pa thabs bsgom pa'o/ /bla na med pa ni shes rab dang thabs dbyer med pa'o/ /chos la mchog tu gzhol ba ni gnyis su med pa'i chos de la rgyun mi 'chad par mngon par sbyor ba'o/ /rdzas zhes pa la sogs pa ji ltar tshogs pa zil gyis tshim pas ji ltar 'dod pa'i

  475. 238a

    yul dang dus dang skabs kyi khyad par rnams su goms pa'i khyad par las rnal 'byor rgyun mi 'chad par 'gyur bas/ /mar me'i sdong bus yun ring por bsags pa'i lug gi mun pa bzhin du yun ring por bsags pa'i yang rnam par rtog pa'i skyon gyi tshogs chen po gsal nas phyag rgya chen po sngon du bya'o zhes pa spyi'i don to/ /spyod pa'i rnal 'byor dang ldan pa'i zhes pa dang po'i don la drug pa'o/ /rgyud du ni sangs rgyas thob pa'i rgyud stong phrag bcu gnyis par ro/ / rang bzhin gyis dag ces pa la gal te rang bzhin gyis 'gro ba dag na de'i tshe thams cad kyi tshe kho na 'bad pa med par phyag rgya chen po thob par 'gyur zhing/ rnal 'byor goms pas ci bya zhe na/ ci rnam par rtog pas nyams zhes brjod pa ma yin nam/ de nyid kyi phyir ye shes zhabs kyis gsungs pa/ tha mal rnam rtog 'jug las gzhan/ /srid pa'i sdug bsngal ci yang med/ /de dang 'gal ba'i sems 'di yis/ /mngon du 'dir ni byed par 'gyur zhes so/ /mi 'jigs pa'i gzhung 'grel du le'u dgu pa'o// //gzhan rjes su 'dzin pa lhung byed pa la/ /de'i thabs bshad pa'i ched du gsungs pa/ de nas zhes pa la sogs pa'o/ /sems can don gcig ra ba nges pa zhes pa gang du sems can gyi don gcig bu legs par nges par bya'o/ /gser byed cing rab tu gsal bar byed do zhes pa gser byed do/ /byu ru'i ni byu ru'o/ /gang gis zhes pa gser gyis so/ /mu tig la sogs pa'i nor rnams kyis nor ldan du 'gro ste 'gyur ba'o/ /'di'i ste gser de'i phyi rol gyi sman rgyud gzhan du bshad pa rnams med ces mdor ston pa rgyas par ston te/ shun pags zhes pa la sogs pa'o/ /lcags gzhan gyi zhes pa lcags gzhan no/ /'on kyang grub pa'i sman gzhan no/ /dngul

  476. 238b

    gyi ni dngul lo/ /de rnams ci zhes pa ni sman chen po'i mchog de ci yin pa'o/ /bklags pas grub pa zhes pa gang la bklags pa ste nang gi brjod pas grub pa'i sngags yod pa de ni de skad do/ /de yang zhes pa de yang 'grub bo/ /snod du ste shes rab kyi pad+mar ro/ /bzang ba ni sman no/ /bcud ces bya ba byang chub kyi sems so/ /dbus su pad+ma'i'o/ /ro steng gi gnas nas 'og tu 'dren no/ /zhes pas ro bcud ma ni a wa d+hU tI ste/ der gnas pa'o/ /gzhon nu ma ni dar ma ste lo bcu drug ma'o/ / de yang zhes pa mo de yang ngo/ /de bzhin gshegs pa ni sangs rgyas thod pa'i rnal 'byor ma rnams so/ /skyug bro med pa'i zhes pa la sogs pa med pa'o/ /kyug bro srid pa ni rdul dang ldan pa las so/ /mi 'grub ces pa shes rab dang/ thabs kyi khu ba dag mnyam pa'i dus su 'phros pa ni dngos grub kyi rgyu'o zhes dgongs pa'o/ /sangs rgyas rnams kyi 'dren pa'i gnas zhes 'grel lo/ /dus cung zad bzung bas mnyam par 'phos pas kyang sman chen po ste gser sgrub par byed cing/ bar med par bzung bas ni bde ba chen po'i rang bzhin sangs rgyas nyid do/ /zhes pa snying po'i don to/ /brtan pas bskul bar bya ste/ sman chen po de bya ba'o/ /zla ba ni khu ba'o/ /byugs pa ni khrag gis kyang ngo/ /der ni ste zla ba la'o/ /ri rab ni sum yig go / bya ba snyoms 'jug go /bzhug bya ni 'phang par bya ba'o/ /dngos po ni byang chub kyi sems so g.yon dang g.yas ni rtsa gnyis so/ /bskum pa ni bya ba'i khyad par ro/ /bskum pa yang myur du 'pho ba 'dzin pa'i thabs gsungs so/ /'on kyang gdan sa ngag las gsal bar shes par bya'o/ /de ltar ni srog dang thur sel dag lte bar bskum nas man ngag ji lta bar sems brtan pa las sems kyi 'jug pa dbang du byas pa'i byang chub kyi sems rang gi gnas nas dar ba pa dang/ phyir 'gro ba

  477. 239a

    srung ba nyid dang 'phel ba rnams rim pas 'gyur ro/ /de kho na 'dir ro rtsa bar byed pa'o/ gser la sogs pa 'dod pas ni gtong ngo/ /de nyid kyi phyir gsungs pa/ lhan cig skyes pa cig car shes rab kyis dang thabs kyis kyang 'phang ngo/ / zangs srang gcig gis dngos por bcas zhes kha cig go /logs su ni shes rab ma'i g.yon pa'i gzhogs su'o/ /pad+ma'i nang ngo zhes kha cig go /rgyas par ston pa nyid de nas las zhes pa snyoms 'jug go /ri rab ces pa la sogs pa dang po'i don la drug pa'o/ /sa bon rgyal po ni h+ri(rgyud 'grel): yig go /dril bu ni zangs kyi rdog ma'o/ /shes rab can te lha'i sbyor ba dang ldan pas snying po la sogs pa'i sngags rnams kyis bsrung ba bya'o/ /don ni 'di yin te/ rang nyid bcom ldan 'das kyis gzugs kyis bcom ldan 'das ma'i gzugs kyi gzhon nu ma la 'khyud pas/ rang gi snying gar byang chub kyi sems zla ba'i dkyil 'khor gyi rnam pa grub pa'i bcud ma lus pa khrag dang 'dres pa ste/ de'i steng du sa bon sum dang de'i steng du h+ri(rgyud 'grel): yig bsam nas gsum po 'di 'dod chags chen pos zhu ba mnyam par dga' ba las byung ba'i byang chub kyi sems dang lhan cig zhu zhing 'dres par gyur nas pad+mar lhung ba shes rab ma'i byang chub kyi sems dang rdul dag dang 'dres pa ste/ de dron pos zangs ma 'am lcags la myur du byugs te me la 'phang bar bya'o zhes so/ /sangs rgyas tshad ma min pa yang ma yin no/ /de'i phyir 'di zhes pa la sogs pa ste/ dngos po gang dang zhes pa bshad zin pa dang 'chad par 'gyur ba'o/ /tshad min ni tshang ma ma yin par sgro btags pa'o/ /dmyal ba las mi nyams te mi 'dor ba'o/ /chos zhes pa la sogs pa chos kyi phung po stong phrag brgyad cu rtsa bzhi rnams kyis gsang chen bla na med pa'i rnal 'byor pa'i rgyud 'di'o/ /gser dang

  478. 239b

    dngul duAng zhes pa zangs ni gser du dar khab len gyi lcags ni dngul du 'gyur ro/ /'di kho na dron mo dngul chu sbyangs par ti? gcig dang lhan cig zla ba drug tu nyi ma so sor snar blug par bya ste/ 'di'i phan yon ni 'tsho'o zhes pa la sogs pa'o/ /yang dag sbyor ba ni rdo rje dang pad+ma dgo bzhi zhes pa rnam par rgyal ba'i bum pa gtso bo nyid kyis nam brjod kyang grub pa nyid kyi phyir ro/ /'dir bum pa lhag par gnas pa ni le'u bzhi par ji skad bshad pa bzhin no/ /khyad par gsungs pa/ bdag nyid kyi zhes pa la sogs pa ste/ bdag nyid kyi ming med kyi khrag mo gsham gyi khams kyi gtso bo dang bsres pas so/ /nag po dmar po 'jigs chen po zhes pa/ kha dog nag po dang dmar po de dag gis 'jigs chen no/ /nag po bcom ldan 'das dmar ba'i sna tshogs snga mas 'khyung ba ste/ /'dir lha mo brgyad kyis bskor ba zhes pa'i don to/ /bla ma kha cig ni nag po yang yin la cung zad dmar ba yang ngo zhes pa shes rab med pa kho na'o zhes gsung ngo/ /don 'di yin te 'dir slob dpon 'khor dang bcas pa'i he ru ka'i bdag nyid kyis cho ga ji ltar bzhengs pa'i dkyil 'khor ram ras bris kyi dkyil 'khor nye bar spyod pa lngas mchod pa'i shar gyi sgor phyogs bcu'i gtor ma byin bas khrag dang khams kyi gtso bos kha'i nang byugs pa'i bum pa lnga lhag par gnas pa byas nas mo gsham dkyil 'khor la phyogs pa la rdul gyi rjes thogs su khrus byed pa'i dus su/ rang nyid langs nas dang por rnam rgyal bum pas snying po'i sngags dang hUM yig bsgyings pa dang bcas par brjod cing khrus bya'o/ /de'i tshe kho na snying ga'i sa bon gyi 'od zer gyis spyan drangs pa'i dpa' o dang dpa' mo dpag tu med pa rnams kyis byang chub kyi sems kyis gang ba'i bum pa lag pa'i yal gas gzung ba rnams kyis

  479. 240a

    khrus byed du 'jug par mdzad do/ /de'i tshe kho na skyes bu gtum mo shes rab med pa'i gcig pu'i bdag nyid kyi he ru ka'i gzugs can ral gri 'dzin pa bzhi rnams kyis cig car ral gris nam mkha' la gdon la sogs pa'i bdud rnams bsod pa'i bsam pas brdeg par bya'o/ /'di lta bu'i rim pas bum pa gzhan rnams kyis rim gyis bkru'o/ /de'i rjes su 'dod pa spyod par bya'o/ /de nas de bu'i mngal dang ldan par 'gyur zhing/ de bzhin du bu shi ma ni bu 'tsho'o zhes pa'o/ /mi 'jigs pa'i gzhung 'grel du le'u bcu pa'o/ /rig pa 'dzin pa'i sbyor ba rgyas par bston pa'i ched du gsungs pa/ de nas zhes pa la sogs pa'o/ /le'u bzhi par ri skegs kyi byed pa'i cho ga'i snga ma thams cad 'dir rtogs par bya'o/ /khyad par gsungs pa/ 'di nyid kyis zhes pa 'chad par 'gyur bas so/ /zin pa zhes pa la sogs dus su zin par gyur pa dug gso ba po thams cad kyis mi nus pas gang gi tshe dus su bzung ba'o zhes dor ba de'i tshe las brtsam mo/ /lus dkar rnams ni zhes pa bcom ldan 'das dang phyogs kyi lha mo rnams dkar ba ste/ mtshams kyi lha mo rnams dmar ba'o/ /chog bzhin du zhes pa'i ting nge 'dzin gsum rdzogs par byed pas so/ /ral gri ni sA li btags pa las byung ba'o/ /de'i ste rig pa 'dzin pa gnyis kyi'o/ /bri ste gzhug go /'dab ma ni gro ga la sogs pa'o/ /lcug ma ni ga ra bI ra dkar po'i 'o/ /gcig la zhes pa rig pa 'dzin pa gcig go /ltung ba ni zin pa'i steng du'o/ /de'i tshe kho na zin pa ldang ngo/ /de ltar ri skegs kyi byed pa dang chu'i byed pa dang/ rig pa 'dzin pa'i byed pa rgyas par bshad/ gzhan byed pa bco lnga rnams ni sangs rgyas thod pa'i

  480. 240b

    rgyud stong phrag bcu gnyis par rgyas par bstan pa rnams shes par bya'o zhes pa'o/ /mi 'jigs pa'i gzhung 'grel du le'u bcu gcig pa'o// //mig sman gyi dngos grub mdor ston pa gsungs pa/ de nas zhes pa la sogs pa'o gtsor gyur te rnal 'byor ma nyi shu rtsa bzhi rnams kyi'o/ /mthong ba ni mthong ba rnams so/ /gang rnams zhes pa gang rnams su'o/ /ma gsungs pa ni rgyud gzhan rnams su'o/ /skal ba che ni bsngags par 'os pa ste sgrib pa med pa'i stobs dang mi 'jigs pa nyid la sogs pa'i yon tan chen po ston pa'i phyir ro/ /sems can don la brtson pa nyid las gzhan gyi don phun sum tshogs pa gsungs so/ rgyu'i gnas skabs kyi rang bzhin nyid kyi phyir sangs rgyas kun skyed ma'o// 'bras bu'i ngo bo nyid kyi phyir phyag rgya chen mo'o/ /rnal 'byor pa ni rnal 'byor pa rnams so/ /kun rnams te thams cad kyi ngo mtshar thob pa'o/ /gzhad pa'i nus pa des pa thob nas zhes pa lhag ma'o/ /rgyal mtshan ni rgyal mtshan lta bu'i mi'o/ /thab khung ni gru gsum pa'o/ /de nyid du ni thab tu'o/ /mgo bos ni mgo bor te thor bar ro/ /de'i ni sha'i 'o/ /gzhan yang ni thor pa gzhan du'o/ /bgegs kyi zhes pa bgegs rnams so/ /du ba zhes pa ma lus pa'o/ /btung bar bya zhes pa rang nyid kyis so/ /'thur du gzhug ces pa shes rab ma'o/ /'dis sangs rgyas thod pa'i rnal 'byor pas dur khrod du sbyangs pa'i mi'i rked pa'i rus pa las byas pa'i thab khung gru gsum pa'i steng du de'i thod par de'i 'phongs kyi sha'i mar khus gang bar dur khrod kyi ras kyi sdong bu la dur khrod kyi mes sbar bzhag la/ steng du sbyangs pa'i mi'i thod pa gzhan du sngags zlos shing du ba dbab par bya'o/ /du ba de sa la ma rig pa dang por lag pa

  481. 241a

    gnyis kyis bzung nas/ de'i rjes su lag pa g.yon par bzhag ste/ ki li mA li 'thungs pa'i bu mo skye gnas ma nyams pa rdul 'thab ma sna tshogs sde ma'i gzugs su mos pa la dal bus 'dod pa spyad nas rdul dang 'dres pa'i gnyis ka'i byang chub kyi sems cung zad gnyis kas myangs te cha gzhan mang po dang lhan cig g.yas pa'i ming med dang mthe bo dag gis mnur ro/ /de nas de kho na'i rdul gyis ri lu brgyad lhag pa'i brgya byas te/ ri lu so so la brgyad lhag pa'i brgyar mngon par bsngags nas sngags 'don cing des mig la mig sman du bya'o/ /zhes pa tshogs pa'i don to/ /'di nyid kyis zhes pa 'di byugs zhes pa la sogs pa dang 'grel lo/ /dpung pa che ni phyag na rdo rje ste/ sems can ma lus pa tshim pa la gzhol ba'i phyag can nyid kyi phyir ro/ /rnal 'byor ma mchog ni rnal 'byor ma'i rgyud du rnyed bla'o/ /ming med dang mthe bos zhes pa g.yas pas so/ /de bzhin du 'og gi mig sman la yang g.yas pa'i bya ba'o/ /rnal ma zhes pa mig gnyis pa las mig sman ma byugs pa'i gnas skabs bzhin du 'gyur ba'o/ /geg rdob bdun gyi chang du 'gyur te ha cang char ches pa bzlog pa'i don du'o/ /bdag nyid chen po'i zhes pa mthu las zhes pa lhag ma'o/ /rang gi gzugs ni sgyur ba'i zhes pa dang po'i don la drug pa'o/ /sbyor ba zhes pa rig pa 'dzin pa nyid la sogs pa 'grub pa'i ched du sbyor ba rnams nyu du'i rgyud du ma gsungs shing rgyas par ni gsungs pa rnams bla ma'i zhal las shes par bya'o sngags bzlas pa'i bye brag la bgrang phreng gi bye brag brjod pa'i ched du gsungs pa de nas zhes pa la sogs pa'o/ /glang chen rus pas te glang por che'i rus pas mngon sbyor gyi dus su bzlas so/ /rus ba chen po ni mi'i rus pa'o/ /bya'i rus pa'i

  482. 241b

    bya rgod kyi rus pa'o/ /lcags kyis ni lcags kyi bgrang phreng gis so/ /'di thams cad ni skyed pa'i phyogs la yang spros pa yin te/ de lta de ltar gdul bya'i skye bo'i ngor gsungs pa'o/ /rdzogs pa'i rim pa la ni 'di mis ci zhig ces gsungs pa/ sems gcig ces pa la sogs pa'o/ /sems gcig du kho na ni khams gsum pa'i dri med me long ste/ /gang phyir des gang bsams pa de gzugs brnyan bzhin du snang bas so/ /'di thams cad ni sems kyi sgro btags shing sems de yang don dam par rmi lam gyi ngo bo spros pa thams cad spangs pa ste/ rmongs pa gang rnams kyis mi shes pa de rnams la rnam par rtog pa chen po ma chad pa med pa yod cing/ de rnams thos pa la sogs pa shes pa yang ste de lta na yang de rnams rnam par rtog pas bzung ba'o/ /zhes pas spros pa med pa'i de kho na nyid sgom pa la chen po sbyor dgongs pas thugs brtse bar gyur pa'o/ /mi 'jigs pa'i gzhung 'grel du le'u bcu gnyis pa'o// //rim pa gnyi ga la yang de kho na nyid kho na sgribs pa thams cad rnam par dag pa'o/ /zhes gsungs pa de nas zhes pa la sogs pa'o/ /rnam dag le'u zhes pa la de kho na nyid rnam par dag pa ni rnam dag yin gyi de kho na nyid ni rnam dag ma yin te/ de kho na nyid ni thams cad kyi tshe yod pa'i phyir na thams cad la thams cad kyi tshe rnam par dag par thal bar 'gyur ba'i phyir ro/ /de yang thabs kyis de kho na nyid med par mngon du bya bar mi smra'o zhes pa de'i thabs dang ldan pa ji lta bas rdo rje theg pa la brten pas mngon du bya ba de ston pa'i ched du gsungs pa sring mo zhes pa la sogs pa ste/ rnon po la sgra ji lta ba bzhin no/ /yang na sring mo ni rdo rje theg pa la yang dag par gnas pa'o/ /de'i bu mo ni tsha mo'o/ /dbang bskur ster ba mo ni ma'o/ /bu mo ni mnyes ba shin ma'am der bzhag par bya'o//

  483. 242a

    shes rab can ni rnam par dag pa zhes pa'i phyir ro/ /phyag rgya chen mo zhes pa mngon du bya bar ro/ /'dis ni thabs las byung ba'i de kho na nyid gsungs so/ /g.yung mo ni bsam gtan la dga' ba'o/ /gang mkhan ma ni rab tu spyod pa mkhas ma'o/ /khrus mkhan ma ni dkar po'i chos la dga' ba'o/ /gtum po ni nga rgyal nges par bcom pa nyid kyi phyir bzod pa'i ngang tshul ma'o/ /dge ba'i 'du byed rdo rje gsum gyi lus can la dga' ba pags pa mkhan ma'o/ /nang gi shes rab mo ni sring mo ni rkyang ma'o/ /sring mo'i bu mo ni re ma'o/ /skyed ma ni a paM d+hU tI'o/ /snga ma dag phyi ma dang bla ma'i man ngag las sbyor ba ni bu mo'o/ /shes rab dang thabs gnyis su med pa'i rang bzhin rtsa gsum po de rnams yang dag par sbyor ba las skyes pa'i bde ba chen po ni chung ma'o/ /de gsungs pa/ de'i bde ba 'dod mar bshad ces so/ /sgra'i rnam par shes pa g.yung mo'o/ /ro'i rnam par shes pa gang ma'o/ /reg bya'i rnam par shes pa ni 'khrud mkhan ma'o/ /sna'i rnam par shes pa ni gtum mo'o/ /mig gi rnam par shes pa ni ko pags mkhan no/ /des pa'i don ni bla na med pa'i shes rab ma sring mo la sogs pa ni le'u dang por bshad zin to/ /bsod nams dang ye shes kyi tshogs dag gi bsag par bya'o zhes pa chung ma'o/ /stong pa nyid dang ro gcig pa nyid kyi phyir blo bur ba'i spros pa rnams thams cad kyi reg bya ma yin pa nyid kyis na g.yung mo'o/ /srid pa dang mya ngan las 'das pa la mi gnas pa nyid kyis rnam pa sna tshogs sgyu ma'i ngo bo'i sprul pa rnams kyis gdul bya rnams la gar byed pa'i phyir gar ma'o/ /chung ngu'i chung ngu la sogs pa rtogs pa'i rim pas chen po'i chen po la sogs pa'i sgrib pa bag chags dang bcas pa'i dri ma 'khrud pa'i phyir khrus mkhan ma'o/ /tsa tA li

  484. 242b

    ni shes rab rdzogs pa'i rang gi ngo bo nges par rtog pa'o/ /A li ni snying rje chen po'o/ /de dag ni phul du dbyung du med pa'i go 'phang du 'dren no zhes pa gtum mo'o/ /srid pa'i yan lag bcu gnyis kyi rjes su song ba'i ma rig pa'i pags pa 'byed pa'i phyir ko pags mkhan ma'o/ /zhes pa bla na med pa'i shes rab bo/ /phyi dang nang gi bdag nyid kyi shes rab ma 'di rnams kho na la/ bla na med pa'i shes rab kyi yon tan rnams kyi rjes su byed pa'i phyir shes rab nyid du rtogs par bya'o/ /de nyid kyi phyir gsungs bar 'gyur ba/ rnam par mngag sems sbyangs pas zhes so/ /'dis ni rdzogs pa'i rim pa la/ phyi'i shes rab ma las kyi phyag rgya dang/ nang gi shes rab ma chos kyi phyag rgya dang/ bla na med pa'i shes rab ma phyag rgya chen mo'o/ /'di kho nas dag pa mthar thug pa la lhag par gnas pa nyid kyi phyir chos kyi sku ste/ de ni bde ba chen po'i sems kyi rang bzhin nyid kyi phyir ro/ /las kyi phyag rgya dang sbyar ba mtshan dang dpe byad kyis rnam par mdzes pa'i sku ni longs spyod rdzogs pa'i sku'o/ /mtshan pa med par sna tshogs shing mdza' yas pa'i dkyil 'khor gyi 'khor lo la sogs pa'i rnam par sprul pa ni gdul bya'i skye bo skal ldan rjes su 'dzin pa'i dus las mi 'da' ba' i phyir dam tshig gi phyag rgya dang sprul pa'i sku'o/ /phyag rgya chen po khyad par byed pa ni rang bzhin pa'i sku ste bzhi pa'o/ /yang na phyag rgya chen po mtshan dang dpe byad 'bar ba phyag dang zhal dang phyag mtshan la sogs pa dang ldan pa'i ngo bo ni longs spyod rdzogs pa'i sku'o/ /dam tshig gi phyag rgyas sems kyi rang bzhin so so rang gis rig par bya ba ni chos kyi sku ste/ dam tshig ni yang dag par rtogs pa'o/ /zhes byas nas so/ /chos kyi phyag rgya chos dang longs spyod rdzogs pa'i sku'i byin brlabs las sna tshogs pa'i rnam pa'i chos kyi de kho na nyid gsal bar byed pa'i gsung

  485. 243a

    gi bdag nyid do/ /las kyi phyag rgya ni bya ba sgrub pa'i ngo bo nyid kyi phyir sprul pa sna tshogs pa rnams kyis bya ba phun sum tshogs par byed pa'i phyir sprul pa'i sku'o/ /skyed pa'i rim pa la ni phyi rol gyi shes rab ma kho na mngon par 'dod pa'i lha mo'i gzugs su bsgoms pa ni las kyi phyag rgya'o/ /rang 'dra'i bud med ni ye shes kyi phyag rgya zhes pa'i ming gzhan no/ /lus la bsgoms pa'i hUM yig la sogs pa yang chos kyi phyag rgya'o/ /dam tshig phyag rgya'i sa bon la sogs pa las rdzogs pa'i dkyil 'khor gyi 'khor lo 'dus pa'i lha spro ba dang sdud pa la sogs pa'i byed pa can rnams te mtshan te yod pa ma yin pa kho na ste/ dang po nas dag pa nyid kyi phyir ro/ /'o na skye ba med pa'i de kho na nyid bsgom byar yod do zhes na gsungs pa dngos med ci 'dra zhes pa skye ba med pa med do/ /don dam par rtogs pa dang rjes su mthun pa nyid kyi phyir na ni don dam pa de kho na nyid du brjod do/ /gang yang kun rdzob kyi bden pa'i bdag nyid kyi dngos po de yang bsgom bya dngos med ma yin te/ bden pa nyid kyi phyir ro/ /bden pa gnyis gnyis su dbyer med par mthong ba tsam gyis grol ba'i phyir bsgom bya sgom pa po dang sgom pa zhes mngon par zhen pa zung 'jug gi rim pa rtogs pa rnams la med do/ /zhes pa dgongs pa'o/ /de dpal 'dus par gsungs pa/ dngos po med la sgom pa med/ /sgom pa bsgom pa min nam nyid/ /de ltar dngos po dngos med pa/ /bsgom pa dmigs par mi 'gyur ro zhes so/ /de nyid kyi phyir nye bar bsdud do/ /ci ltar 'gyur zhes pa sgom pa ste/ de'i phyir nye bar mi dmigs so/ /zhes pa dgongs pa'o/ /de ci rdzogs pa'i rim pa la sgom pa chad pa kho na 'am zhen chad pa ma yin no/ /'o na de ci 'dra ba yin zhe na/ de gang 'dra ba yin pa ni 'chad par 'gyur ro/ /de ltar don dam par bsgom par bya ba la sogs

  486. 243b

    par mngon par zhen pa bsal nas/ gzugs la sogs par mngon par gsal bar 'dod pas gsungs pa/ sring mo zhes pa la sogs pa'o/ /ci ltar te gang gi phyir dkar mo la sogs pa'i dbye ba tha dad pa gzugs dang yang dag par ldan pa dbang po dang phan tshun phan gdags bya 'dogs byed kyi dngos po las 'brel ba sems ma dag pas mthong gi /sems dag pas ni ma yin te/ don dam pa nga dbang po dang yul dang de'i shes pa rnams rang bzhin med pa nyid kyi phyir ro/ /de bzhin du phyi mar ro/ /rnams gsum zhes pa/ yid dang yid kyi shes pa dang mi sems pa'i bye brag las so/ /'di 'dra'i sbyor ba dang ldan pa yi zhes pa phyag rgya chen po'i rnal 'byor dang ldan pa'o/ /mnyam par bya'o zhes pa mnyam pa ste dri'o/ /blta min zhes pa blta bya ma yin zhing shes bya min pa'o/ /de nyid kyi phyir dri la sogs pa rnams las 'dod chags dang zhe sdang la sogs skye ba ma yin no/ /myang pa'i gzugs kyi zhes bya ba myang ba'i gzugs med de/ lce dang ro dag med pa'i phyir ro/ /yid kyis te yid kyi nye bar mtshon pa lus kyi dbang pos bde ba reg bya'i yul la skye ba dang nye bar mtshon pa las sdug bsngal dang btang snyoms longs spyod de/ de yang ci 'dra zhig go /yid kyi dbang po ni yid nyid do/ /bde ba dang nye bar mtshon pa las sdug bsngal te/ dga' ba dang skyo ba dang btang snyoms longs spyod pa de yang ci 'dra zhig ces 'brel lo/ /'o na gzugs la sogs pa'i yul lnga rnams dang de'i yul can dbang po lnga rnams dang de dag gi rnam par shes pa rnams shes rab lnga'i rang bzhin du rnam par bzhag cing/ yul dang dbang por shes pa drug pa rnams mi brjod pa ji ltar zhe na/ yid kyi dbang po ni mig la sogs pa'i dbang po bzhin du logs pa med kyis 'das ma thag pa kho na'i rnam par shes pa ni rnam par shes pa'i khyad par phyi ma skyed pa'i bdag po nyid kyi phyir yid kyi dbang por

  487. 244a

    brjod cing de'i bye brag sems las byung ba rnams dang de'i yul dang yid kyi rnam par shes pa'o/ /de la rtog med dag ni yid kyi dbang po dang de'i yul dag ste dbang po'i shes pa lnga'i rang bzhin dag go /sems byung rnams kyang sems rnams las gzhan pa ma yin no/ /de gsungs pa/ sems las sems byung gzhan ma yin zhes so/ /rtog pa can dag ni yid kyi rnam par shes pa'i rang bzhin dag go /yid kyi rnam shes ni chad dang mtshams sbyor 'dod chags bral/ nyams sam yang ngo/ /rang nyid gtso bo'i lha'i gzugs can ni phyag rgya chen po'o/ /zhes gsal bar byas so/ /nang gi shes rab ma kho na dbang po dang nyon mongs pa dang yul gyi ngo bor brjod pa'i ched du de nas zhes pa la sogs pa'o/ /ro zhes pa lce'o/ /yid ces pa yid kyi nye bar mtshon pa 'dir lus kyi dbang po'o/ /sring mo gzugs su ji ltar 'gyur zhes pa la sogs pa 'chad par 'gyur ba'i gsung gi phyir mig la sogs pa rnams kyis nye bar mtshon pa nyid kyi gzugs la sogs pa'i yul rnams kyang sring mo la sogs pa'i ngo bor shes par bya'o/ /gang gis zhes pa/ gang gzugs yin pa de gti mug gi rgyu nyid kyi phyir gti mug gzugs te/ 'brel pa'i phyir zhe sdang la sogs pa yang ngo/ /'dod chags te 'dod chags kyang ngo/ /nga rgyal te nga rgyal yang ngo/ /phrag dog kyang ngo/ /gzugs la sogs pa'i yul rnams gti mug la sogs pa skyed pa nyid kyi phyir gti mug la sogs par tha snyad bya'i/ de kho na nyid du ma yin no/ /zhes pa'i don to/ /sems kyi zhes pa/ sems kho na'i gnas skabs kyi khyad par ni mig dang gti mug dang gzugs la sogs pa 'di rnams so/ /sems kyang ma dag pa kho na ste gti mug la sogs pa'i dri ma rnams kyis so/ /de'i phyir mig la sogs pa rnams kyang ma dag pa'o zhes dgongs pa'o/ /'o na ji ltar sring mo la sogs pa shes rab nyid du bshad ce na gsungs pa/ de phyir zhes pa

  488. 244b

    ste gang gi phyir 'di rnams rnam par dag pa kho na shes rab yin cing sems rnam par dag pa 'di rnams rnam par dag pa yin pa de'i phyir sems rnam par dag par bya'o/ /sus she na gsungs pa shes rab che ldan zhes pa shes rab chen po ni phyag rgya chen po yin cing de sgom pa po ste/ de kho nas dri ma ma lus pa 'khrud pa'i phyir ro/ /de nyid kyi phyir gsungs pa/ shin tu sbyor ba'i sems ldan pa zhes te/ yod pa dang med pa la sogs pa'i mdza' las shin tu 'das pa shes rab dang thabs gnyis su med par ro gcig pa'o// gal te de ltar mi byed na de'i tshe dngos grub ste/ phyag rgya chen po'i dngos grub tu mi 'gyur ro/ /gang gi tshe ni gus pas bar med par sgom pas rang rig pa'i bde ba chen po'i rang bzhin gyi dag pa kho nar 'gyur na/ dngos grub 'di kho nar te/ mi'i skye ba la'o// dngos grub 'dod pas skad cig kyang/ gzhan pa'i sems kyis mi gnas so/ /zhes bcom ldan 'das kyis gsungs la/ gus pas bar chad med par sgom pa las byung ba'i bsod nams dang ye shes kyi tshogs yongs su rdzogs pa ni gcig la'o/ /rnam pa 'di lta bu'i sgom pa dang bral ba ni srid pa gzhan la ste grangs sam nges pa la skye ba mi khom pa brgyad las grol ba goms pa dang rjes su mthun pa rnyed na'o/ /de nas goms pa las rnam par dag pa'o/ /pha rol tu phyin pa'i tshul la ni bya ba'i rang bzhin gyi bsod nams gi tshogs las dang thabs kyi khyad par med pa las bskal pa grangs med pa gsum rnams kyis rnam par dag par gsungs so zhes pa 'gal ba med do/ /'o na 'dir bsgom par bya ba cung zad kyang nye bar bstan pa med de/ rdzogs pa'i ngo bo kho na'i phyag rgya rnams rgyas par ston pa'i phyir dang rnal 'byor pa rnams kyang de'i sgo nas de ltar gsal bar byed pa'i phyir ro zhes na bden te de kho na nyid du bsgom par bya ba dang bsgom par bya ba bsgom pa po dang sgom pa ma skyes pa'i phyir te/ chos rnams

  489. 245a

    thams cad gdong ma nas zhi ba nyid kyi phyir ro/ /de ston pa dngos po med pa zhes pa la sogs pa ste dngos po med pa la ste/ dngos por sgro btags pa bkag pa skye ba med pa don dam pa'i bden pa la sgom pa ji ltar dang 'chi 'pho skye ba rnams yid kyi rnam shes kho nar 'dod ces pa'i rigs pa la gtso bo nyid kyi phyir nye bar longs spyod pa po'o/ /zhes pas phan 'dogs byed nye bar longs spyad bya shes rab kyi ngo bor rnam par bzhag pa ma yin no/ /bla na med pa'i shes rab sngar rnam par bzhag pa ni yid kyi rnam par shes pa la yod pa kho na'o/ /gang yid ces gsungs pa de ni 'dir dngos po'i grong khyer ma lus pa rnam par dbyed pa la 'jug pa'i don du'o/ /de ltar ni rab tu 'brel pa 'dis khams bco brgyad rnams gsungs shing/ de rnams kho na bsdud pa las skye mched bcu gnyis rnams te shin tu 'dus pa la phung po rnams so/ /khams gsum pa yang de rnams kho na'o/ /de yang sems tsam kho na ste de lang kar gshegs pa'i mdor gsungs pa kye rgyal ba'i sras rnams 'di lta ste/ khams gsum pa ni sems can tsam mo zhes so/ /'phags pa klu sgrub zhabs kyis kyang/ byang chub sems 'grel du gsungs pa/ bdag tu 'dzin pa zlog don du/ /phung po khams sogs bstan pa ste/ /de yang sems tsam rnam gzhag pas/ /bskal pa chen po rnams kyis bshig ces so/ /sems de yang kun rdzob pa ste/ /de nyid du gsungs pa/ 'di rnams thams cad sems tsam zhes/ thub pa rnams kyis gang bstan pa/ /byis rnams skrag pa spang phyir te/ /de ni de kho na nyid min zhes so/ /ji ltar sems de kho na nyid ma yin zhe na/ gsungs pa/ gnyis rnams dpyad las zhes pa dngos po dang dngos po med pa'i rang gi ngo bo rnam par brtag pa las so/ /'o na rnam par dpyod pa po'i sems don dam par yod do zhe na gsungs pa/ rnam dpyod ces pa ste/

  490. 245b

    rnam par dpyod du 'jug go /zhes pas rnam dpyod de rnam par dpyod pa po'i rnam shes ni der ni ste/ gnyis rnam dpyad par gyur ma yin no/ /de 'phags pa zhi ba lha'i zhabs kyis gsungs pa/ dpyad bya rnam par dpyad pa ni/ /rnam dpyod la ni rten yod min/ /rten med nyid phyir mi skye ste/ /de yang mya ngan las 'das par brjod ces so/ /de bzhin du gang tshe dngos dang dngos med pa/ /blo yi mdun na mi gnas pa/ /de tshe rnam pa gzhan mang pas/ /dmigs pa med par rab tu zhi'o/ /zhes gsungs so/ /rgyal po la rin po che'i phreng bar yang gsungs pa/ /'gro ba'i chos kun rnam shes kyi/ /me yi bud shing nyid du 'dod/ /de rnams ji bzhin rnam dpyod pa'i/ /me yis sreg pa nyer zhi'o zhes so/ ji ltar gnyis rnam par dpyod ces na gsungs pa dngos po la zhes pa la sogs pa ste dngos po med pa dag phan tshun de'i bdag nyid du med de 'gal ba'i phyir ro/ /tha dad du yod do zhe na gsungs pa/ dngos po dngos med gnyis ka stong zhes te/ dngos po dang dngos po med pa'i rang bzhin dag stong pa dag ste/ sems ni gcig dang gcig min gyi rang bzhin dang bral pa nyid kyis na rang bzhin med pa nyid kyi phyir ro/ /de ltar ni de gcig ma yin te/ gcig nyid ni sngon po dang ser po'i ngo bo nyid du khra por snang ba'i myong bar mi 'gyur zhing/ ser po la sogs pa mdza' dag sngon po'i nang du 'dus par rtogs par thal bar 'gyur pa'i phyir ro/ /sngon po yang snga ma dang phyi ma dang bar ma tha dad na rags par snang ba nyid kyis rtogs par mi 'gyur gyi/ gang la phyogs cha dbye ba yod/ de ni gcig tu mi rung ngo/ /zhes pa'i rigs pa las rdul phra rab tsam nyid du snang bar 'gyur ro// gcig min yang ma yin te/ sems gcig min nyid na rdul phra rab tu tha dad pa'i phyir na de las gzhan pa yang dag par myong ba med na rdul yang phra rab so sor rang rig pa'i ngo bo nyid kyis na de kho na rdul phra rab so sor snang bar thal bar 'gyur ro/ /gnyis

  491. 246a

    ka ngo bo nyid du yang mi rigs te/ de lta bu'i rnam pa myong ba med pa'i phyir ro/ /thams cad la kho bo cag gi lta ba tshad ma'i phyir ro/ /ldog pa'i ngo bo lhan cig pa 'am logs pa rjes su rtogs par bya ba mngon sum du myong ba yang nye bar dmigs pa ma yin zhing rjes su dpag pa'i bdag nyid kyang ste/ de ni sngon ma can nyid kyi phyir ro/ /ma dmigs shing/ tshad ma med pa'i ldogs pa'i ngo bo nyid rjes su rtogs par bya ba ji ltar rtog /ci ste khra bo nyid kyis rags pa'i rnam pa rang rig pa'i ngo bo myong ba ni bsnyon mi nus shing de tsam du yod la/ de yang ldog pa'i ngo bo nyid rjes su rtogs par bya ba med na mi 'gyur ro zhes pas/ /de ni de yod pa las gzhan du mi 'thad pas yongs su brtag par bya'o zhe na de ni ma yin te gnyi ga ma yin pa'i ngo bo nyid kho nas spros pa med pa nyid du ches gsal bar 'thad pa las don gyi go bar zad pa'i phyir ro/ /de'i phyir skye ba yang mi rigs te/ 'bras bu dang rgyu'i dngos po la tshad ma med pa'i phyir ro/ /snga ma dang phyi ma nyid kyis tshad ma 'jug pa ni 'bras bu dang rgyu'i dngos po rnam par bzhag pa yin na rnam gnyis dang bral ba gnyis med par myong ba ni snga ma dang phyi mar 'jug pa dang ldan pa yang med cing de las gzhan pa'i yang dag par rig pa yang yod pa ma yin te/ tshad ma med pa'i phyir ro/ /zhes bsgrubs zin to/ /gang gi tshe de ltar 'bras bu dang rgyu'i dngos po la tshad ma med pa'i phyir skye ba med pa kho na yin pa de'i cho ga las rang las sa gzhan las sam gnyi ga las sam rgyu med las yin de ltar skye ba med pa'i phyir sems ni dngos po'i ngo bo nyid du yang med de/ 'byung ngo zhes pas na dngos po ste/ med pa sngon ma can gyi 'byung ba kho na la rnam par bzhag pa'i phyir ro/ /de nyid kyi phyir de nyams pa'i ngo bo dngos po med pa'i ngo bo nyid kyang med do/ /dngos po dang dngos po med pa'i rang bzhin med pa'i phyir yang spros pa thams cad med pa ste de rnams ni

  492. 246b

    dngos po dang dngos po med pa'i rten can nyid kyis na de dag gi khyab pa nyid phyir khyab byed med na/ khyab bya yang med pa'i phyir ro/ /des na rnam par dpyad pa 'dis spros pa med pa nyid kyi stong pa nyid rtogs par bya'o// //'di kho na yang de kho na nyid mthong ba ste gang shes rab kyi mig gi nges par dpyad pa las yang dag pa'i ye shes kyi snang ba byung pa na chos rnams thams cad mi mthong ba'o zhes pa'o/ /ji skad du bcom ldan 'das mar gsungs pa/ sangs rgyas bcom ldan 'das rnams kyi ye shes kyi spyan ci zhe na/ gang gi cung zad kyang mi mthong ba'o/ /de bzhin du don dam pa mthong ba ci zhe na/ gang chos rnams thams cad mi mthong ba'o zhes so/ /des na de kho na nyid kyi rnal 'byor pa spyod lam thams cad la gnas pa rnams kyis kyang chos rnams thams cad mthong yang mthong pa med pa'o/ /'di 'dra ba kho na mthong ba med par dgongs kyi gnyid log pa dang mig btsums pa dag gi mig bzhin du gang yid la mi byed pas ni ma yin no/ /de lta na ni bag chags ma spangs pa'i phyir 'du shes med pa'i snyoms par 'jug pa la sogs pa las langs pa bzhin du slar yang gzugs la sogs par mngon par zhen pa'i rtsa ba can 'dod chags la sogs pa rnams skye ba'i phyir rnal 'byor pa ma grol ba kho nar 'gyur ro/ /thog ma med pa'i dus can gyi gzugs la sogs par mngon par zhen pa yid la byed pa yongs su bor ba tsam las spong ba yang ma yin te 'du shes med pa'i snyoms par 'jug pa la sogs pa las kyang spangs par thal bar 'gyur ba'i phyir ro/ /gzugs la sogs pa'i yul la the tshom spong pa med par de yid la byed pa yongs su spong bar yang nus pa ma yin te/ me ma spangs na tsha ba mi spongs pa bzhin no/ /de'i phyir the tshom gyi sa bon dang bral ba kho na las gzugs la sogs par mngon par zhen pa gsal bar bya'i tsher ma gdon par bya ba bzhin du ni ma yin no zhes bya ba nges pa'o/ /de

  493. 247a

    ltar dngos po dang dngos po med pa dang rang gi dngos po rang gzhan gyi dngos po la sogs par yid la byed pa gsal bas thams cad las yid bsdus te cung zad kyang mi bsam mo/ /de de ltar mi sems pa las sngon rnam par spyod pa'i dus kho nar bla ma bsnyen bkur ba'i rnal 'byor pa'i gang bla ma'i drin las rtogs pa kho na'i bcom ldan 'das ma shes rab kyi pha rol tu phyin pa skye ste tshad ma dang gzhal bya dang 'bras bu'i cha dang yang dag par bral ba nyid kyis na rang gsal ba'i rang bzhin spros pa med pa nyid kyis na spros pa'i bdag nyid can 'khor ba'i rang bzhin gyi sdug bsngal gyi tshogs dang bral ba las mchog tu dga' ba'i rang gi ngo bo nyid mthong ba med pa'i tshul gyis mngon du rtogs te/ de'i mthu las kye ma ma la gti mug gi nus pa/ gang gis sems can 'di rnams mya ngan las 'das pa yin yang bdag nyid ma rtogs te/ 'di rnams ji ltar rtogs par bya zhes rnam par bsams te/ de'i bdag nyid kho nar 'gro ba mdza' dag la dmigs te/ dmigs pa med pa'i ngo bo'i snying rje chen po skye'o/ /de'i bdag can kho na'i rdzogs pa'i dkyil 'khor gyi ngo bo bdag dang dngos po thams cad kyi rang bzhin snying rje chen po'i bdag nyid ni/ bcom ldan 'das ma shes rab ma ming gzhan phyag rgya chen mo dang de'i bdag nyid kyi phyir dbyer med pa'i rang bzhin du blta'o/ /de'i tshe stong pa nyid dang snying rje dag de'i bdag nyid te/ de yang rnam par mi rtog pa'i rnal 'byor ro/ /de kho na so sor sdud dang de bzhin du/ bsam gtan srog sdom 'dzin pa dang/ rjes su dran dang ting nge 'dzin te/ rnal 'byor yan lag drug tu 'dod/ ces 'dus pa phyi mar gsungs pa'i yan lag drug gi rnal 'byor ro/ /de ltar ni gzhon nu ma'i phra phab pa na mthong bzhin du dbang po rnams stong pa nyid dang ro gcig pas rang gi yul las 'dzin pa so sor sdud

  494. 247b

    pa'o/ /de las bsam gtan te/ de yang rtog pa dngos po nges par rtog pa dang/ dpyod pa dngos po stong pa nyid du rnam par dpyod ba dang/ de ltar dpyad pa las de kho na nyid la 'jug pa la mngon du phyogs pas gang yin pa de ba nyid de dga' ba dang de las lus shin tu sbyangs pa la sogs pa bde ba chen po dang de ltar goms pa las chos thams cad stong pa nyid du gcig pa mthar thug pa'i shes rab kyi bdag nyid sems rtse gcig pa nyid ces pa rnam pa lnga'o/ /de nas rkyang ma dang ro ma dag 'gags pa'i kun dar ma'i lam kho nar 'jug ba dang gnas pa dang 'byung ba'i bdag nyid can gyi srog gi rlung 'jug pa ni srog sdom pa'o/ /de nas kun dar ma las phyir ma byung bar byang chub sems kyi thig le la sems kyi gzhon pa srog rlung 'jug pa stong pa nyid nga ro gcig pa ni 'dzin pa sti de'i tshe gang gtum mo las nges par byung ba cher 'bar zhing ri bong can yang des cher gdungs pas shin tu ches 'dzag go /de'i tshe rdo rje nor bu'i nang bu chud pa'i ma nyams pa'i byang chub kyi sems rim gyis rgyu mthun pa la sogs pa'i bde bas rdzogs pa dri ma med pa nyid ji srid par 'gyur ro/ /de nas 'dzin pa las sems rab tu zhugs pa na mtshan ma so sor snang ba sngon ma can rdzogs pa'i dkyil 'khor gyi lha mthong pa gzugs brnyan gyi rnam pa can rnam par rtog pa med pa de las 'od zer du ma 'phro zhing/ de las khams gsum pa spro ba zhes pa dran pa'o/ /de nas de kho na rnam par mi rtog pa'i rnal 'byor mi 'gyur ba'i bde ba chen po'i rang bzhin zung 'jug gi bdag nyid ye shes kyi sku rdo rje 'dzin pa chen po'i rang bzhin ni ting nge 'dzin no zhes pa'o/ /de ltar rnal 'byor pa gang gi tsha spros pa med pa'i zhes rab dang thabs kyi bdag nyid yin pa de'i tshe bsod nams thams cad kyi rang bzhin dang ye shes thams cad kyi rang bzhin dkyil 'khor gyi lha mdza' dag gi bdag nyid

  495. 248a

    dang pha rol tu phyin pa mdza' dag gi rang bzhin du mgon po rnams kyi rnam par bzhag go /de gsungs pa/ 'di de rnal 'byor dam pa ste/ /kun tu rtog pa thams cad spangs/ /gang la rnal 'byor pa gnas pa/ /kun mkhyen bcom ldan dngos su 'gyur/ /'di de de nyid dam pa ste/ /shes rab thabs kyi rang bzhin zhi/ /'di nyid gnyis med ye shes te/ /'di ni byang chub sems mchog go /zhes so/ /'phags pa klu sgrub zhabs kyis kyang gsungs pa/ mi gang skad cig gcig tsam dang/ /byang chub sems ni rab bsgom pa// de yis bsod nams phung po ni/ /'di tsam zhes pa bgrang mi nus/ /nyon mongs med pa'i rin chen sems/ /'di ni nor mchog gcig pur brjod/ /nyon mongs bdud sogs chom rkun gyi/ /gzhom du med cing dprog tu med ces so/ /'di thams cad la dgongs te/ /gsungs pa/ 'di dag sems kyi dag pa nyid ces pa ste/ 'di rnams ni 'dod/ de nyid kyi phyir bde ba chen po'i ngo bo rdo rje 'dzin pa'i sa ni 'di kho na sgrub par byed pa'i phyir pa rol tu phyin pa'i tshul las 'di khyad par ro/ /'o na 'di ni gnyis su med pa'i ye shes kyi ngo bo kho na ste/ de 'di 'di'i khyad par ci yin zhe na/ khyad par yod de de'i ngo bo nyid du bsgrub pa kho na'o/ /ji ltar dngos por na stong pa nyid dang ro gcig pa'i stobs dang mi 'jigs pa la sogs pa rnams nyan thos kyi tshul la rtogs pa rnams kyang stong pa nyid du ma bsgrubs pa'i phyir dang/ pha rol tu phyin pa'i tshul la sgrub pa'i phyir khyad par chen po sgrogs pa bzhin no/ /'o na bsam gtan dang po thob pa rnams kyang 'khor lo sgyur ba rnams bzhin du bden pa nye bar ston na/ bdag med pa gnyi ga rtogs pas ci bya/ de ltar ni dga' ba lhag pa kho na las dang po sa ni rab tu dga' bar brjod do zhe na bden te/ 'di lhan cig skyes pa'i bde ba ni ma yin zhing/ /de nyid kyi phyir bde ba chen po ma yin la/ las dang po pa'i gnas skabs su thabs su

  496. 248b

    gyur pa yang ma yin te/ khab kyi pug pa ni bu ga zhes pa nam mkha' dang mnyam pa nyid du nyams su myong ba ma yin pas so/ /'o na shes rab kyi pha rol tu phyin par gang bla na med pa yang dag par rdzogs pa'i byang chub kyi bde ba'o/ /zhes gsungs pa ma yin nam zhe na/ 'di ni gsungs mod/ 'di'i thabs bstan pa ni ma yin te/ thabs su gyur pa lhan cig skyes pa'i bde ba chen po nye bar ma bstan pa'i phyir ro/ /de nyid kyi phyir de yang rim pa 'di kho nas go bar bya'o/ /de ci pha rol tu phyin pa'i tshul la byang chub med dam zhe na/ de lta ma yin te/ shes rab kyi pha rol tu phyin pa med par bla na med pa yang dag par rdzogs pa'i byang chub kyi dri yang ci las yin/ mthar thug pa na yang nges par thabs 'di la ltos so zhes brjod par bya'o/ /zhes pa shin tu rgya che bas cho ga ste/ man ngag rig pa rnams kho nas khyad par 'di yongs su gsal bar shes par 'gyur ro/ /bde ba chen po sgrub par byed pa nyid kyis na gtso bor/ yul reg bya dang dbang po dang de'i rnam par shes pa snying rje la sogs pa'i ngo bor dang shes rab lnga'i ngo bor yang sgrub pa'i ched du gsungs pa/ de nas zhes pa la sogs pa'o// phyi rol gyi shes rab ma'i lus yul dang/ de dang sbyor ba las nang gi lus dang ye shes dag sbyong pa'i phyir ro/ /gang 'gyur ba de ni 'chad par 'gyur ro/ /lha dang ldan pa zhes pa bud med mchog mthong ba ni snying rje ste/ sdug bsngal dang bral ba'o/ /'khyud pa byams pa ste bde ba dang ldan pa'o/ /dbang po gnyis drud pa las dga' ba ste bde ba dang mi 'bral ba'o/ /byang chub sems 'gyur ba las btang snyoms te rnam par rtog pa thams cad dang bral ba'o/ /de bzhin du ni nang gi lus dang shes pa dag snying rje la sogs pa'i ngo bo dag go /de ltar gyur pa'i rnal 'byor ldan zhes pa'i snying rje la sogs pa'i ngo bo'i phyag rgya chen po dang ldan pa 'dod chags la sogs pa rnams kyis 'ching ba ma yin no/ /phyag rgya chen po'i rnal 'byor med na 'gro ba 'ching ngo zhes gsungs pa/ mthong ba

  497. 249a

    las zhes pa la sogs pa'o/ /cung zad lhag pa ni de'i 'bras bu'o/ /kun gyi mdza' ste 'gyur ba las so/ /de ltar dga' ba dang skyo ba 'bras bur gsungs so/ /khams gsum pa skyes pa ni/ stong pa nyid kyis snying rje la sogs pa rnams yang grol pa'i rgyu'o zhes pa dgongs pa'o/ /nye bar sdud pa ste/ yang dag dag pa zhes pa la sogs pa'o/ /dngos po gsum zhes pa yul dang dbang po dang rnam par shes pa rnams kyis so/ /de ltar goms pa lhur lan pas/ ji ltar tshogs pa'i bza' ba 'dus byas pa gsungs pa/ gang zhes pa la sogs pa/ bshang ba dang/ gci ba la sogs pa bdud rtsi dang sgron ma lnga la rang bzhin gyi bdud rtsir brtag go /'ba' zhig tu ma zad kyi de'i dga' rtsed la sogs pa yang ngo/ /phyag rgya chen po yang phyag rgya chen po'i ngo bor blta bar bya ste/ 'di 'dra'i sgom dang ldan pa ni 'grub bo/ /ji ltar zhe na gsungs pa/ lnga zhes sring mo la sogs pa rnal 'byor ma rnams so/ /dpal dang phyag rgya che ster byed/ ces pa rang dang gzhan gyi don phun sum tshogs pa'i mtshan nyid ni dpal te phyag rgya chen po kho na ster te/ mchod pa rnams la'o/ /de'i phyir gsungs pa/ mchod par bya zhes so/ /ji ltar zhe na gsungs pa 'dod par bya'o/ /'o na 'di rnams mchod pa mchog ni 'dod pa byed pa kho na ste/ de yang skyon yin no/ /zhe na skyon min te gang gi phyir mi gos pas so/ /'o na 'dod pa byed pa kho na gos pa'o/ /zhe na ma yin te/ gang gi phyir phrag dog la sogs pa rnams dang ldan pa ni gos par brjod na/ rnal 'byor pa de pa phrag dog la sogs pa'i nyes pa de rnams kyi 'di la gnod pa ma yin no/ /'o na ji ltar 'di 'dra ba'i mchod pa ni ches mchog tu gyur pa dang/ rjes su 'brel pa can yin/ sgro btags pa'i khyad par yin pa'i phyir ro zhes na/ sgro btags pa rnam pa gnyis te/ de kho na nyid kyi ngo bo dang de kho na nyid ma yin pa'i ngo bo'o de la de kho na nyid kyis ngo bo'i

  498. 249b

    bdag nyid kyi sgro btags pa ni ma la sogs par sgro btags pa bzhin du brgyud nas byang chub sgrub par byed pa'i phyir/ nyes pa med do/ /'o na 'ga' zhig gi nyams su myong ba yang bkag pa nyid kyi phyir 'gal bar 'gyur ro zhe na ma yin te/ las ni rnam pa gnyis te/ kun nas bslang bar bya ba dang/ kun nas slong ba po'i dbye bas so/ /de la lus dang ngag gi las thams cad kun nas bslang bar bya ba ste/ yid kyis ni kun nas slong ba po'o/ /de yang rnam pa gnyis te/ ma chags pa la sogs pa'i ngo bo dang/ de las cig shos so/ / de la chags pa la sogs pas kun nas bslang ba'i lus dang ngag gi las thams cad mi dge ba ste/ de yang bkag pa'o/ /ma chags pa la sogs pas kun nas bslang ba thams cad ni dge ba kho na'o/ /phyag rgya chen po gnyis su med pa'i rnal 'byor dang ldan pa'i rnal 'byor pa ni mdza' dag ma chags pa la sogs pa'i bdag nyid 'gro ba la snang bar byed do/ /des na 'di spyod lam thams cad dang ldan yang mi dge ba mi dmigs pa'i ngo bo nyid kyi phyir dge ba'i bdag nyid kho na'o/ /zhes gsungs pa/ rnal 'byor pa de zhes pa la sogs pa'o/ /de kho na nyid ni phyag rgya chen po'i rang bzhin no/ /de'i phyir 'khor ba'i nyes pa rnams kyi mi gos so/ /de'i phyir shes rab dang thabs kyi rang bzhin gnyis su med pa'i byang chub kyi sems bsgom pa kho na sdig pa thams cad rnam par sbyong ba legs pa thams cad byed pa'o/ /de 'phags pa klu sgrub zhabs kyi gsungs pa/ 'di ni theg pa che mchog ste/ 'di ni byang chub sems mchog go /mnyam par bzhag rnams 'bad pa yis/ /byang chub sems ni bskyed par gyis/ /'khor ba rang bzhin don sgrub la/ / byang chub sems las ma gtogs pa'i/ /thabs gzhan sangs rgyas rnams kyis ni/ /sngon chad gzigs pa nam yang med ces so/ /'di de rnal 'byor mchog de'i phyir/ /de bzhin gshegs rnams kyis phyag 'os/ /de las byung ba'i rnal 'byor ni/ /mdza' yas

  499. 250a

    pa rnams dag tu bsgrags/ /de kho na las ting nge 'dzin/ /mdza' yas pa las yang dag 'byung/ phyag rgya dkyil 'khor sngags rnams ni/ /rnal 'byor de las rnam dag nyid/ /zhi ba rgyas pa nyid kyi las/ /sngags las skyes pa gzhan gang yang dza hUI bu mo'i bye ma'i grangs/ /ji snyed dngos grub phra rnams dang/ /phyag rgya'i dngos grub gzhan nyid rnams/ /ji snyed sal rnam grangs pa/ /rnal 'byor 'di las skyes pa ru/ /thugs kyi rdo rje gsungs pa yin/ /gang yang nges 'byed cha mthun pa/ rnam pa gzhi dang sa bcu dang/ /'bras bu la gnas de thams cad/ /rnal 'byor 'di las yang dag skyes/ /byung dang gang yang 'byung 'gyur ba/ /'byung bzhin pa yi rgyal ba'i sras/ /'jig rten dbang sogs sems dpa' che/ /de rnams kyang 'di kho nar gnas/ /'das dang ma byon sangs rgyas dang/ /da ltar byung bar 'dod gang dang/ /bse ru nyan thos dge 'dun te/ /de rnams kyang ni 'di las byung/ /rnal 'byor sbyod dang bya ba yi/ /dbye bas ji snyed sprul pa 'byung/ /de snyed thams cad rnal 'byor ni/ /'di kho na las nges par 'byung/ /kun tu brtags pa'i ngo bo ni/ /bag chags stobs las byung rnams dang/ /ji srid brtan dang g.yo ba'i dngos/ /de srid de la brten pa'o zhes so/ /'dod pa lnga rnams med na stong pa nyid ni ro bro ba med pa kho nar 'gyur ro/ /zhes gsungs pa ji srid ces pa la sogs pa ste/ ji srid du yul gyi bcud rnams kyi byang chub kyi myu gu skyod par mi byed pa de srid du/ sangs rgyas kyi dpag bsam gyi shing 'byung bar mi 'gyur te/ chu bran? pa dang bral pa'i myu gu las shing phun sum tshogs pa bzhin no/ /de sa ra ha'i zhabs kyis gsungs pa/ sems kyi myu gu shin tu chung ba ni/ /phung bcud dag pas gal te mi 'gran na/ /nam mkha' khyab pa'i 'bras bu sbyin pa yis/ /dpag bsam shing nyid ji ltar thob par 'gyur

  500. 250b

    zhes so/ /'jigs pa med pa'i gzhung 'grel du/ le'u bcu gsum pa'o// //mngon par 'dod pa'i bla na med pa'i don bstan pas rab tu dang/ /phul du byung ba skyes pas ji ltar stong pa ston pa'i ched du gsungs pa/ de nas zhes pa la sogs pa'o/ /bde ba chen pos rnam par brtse ba'i phyir lha mo'o/ /skyed byed ma ni lam gyi ngo bo'o/ /dpal mo ni rtogs pa dang/ spangs pa phun sum tshogs pa 'bras bu'i ngo bo'o/ /rigs med pa rnams cher skrag pa'i gnas nyid kyi phyir 'jigs pa'o/ /grags chen ma ni rnam par thos pa'i grags can na/ /byams pa'i rang bzhin nyid kyi phyir gnyis shin ma'o/ /dkyil 'khor gyi 'khor lo la sogs pa mdza' yas pa'i rdzu 'phrul gyis rnam par 'phrul pa'i phyir lha mo'o/ /snying rje chen po dang shes rab chen po dag las tha dad ma yin pa nyid kyi phyir phyag rgya chen po ste 'di dag gi par don phun sum tshogs pa'o/ /don chen 'bras bu ston mdzad ma/ /don chen ni rdo rje 'dzin pa nyid do/ /de kho na lam goms pa'i 'bras bu dam pa ste/ de gdul bya rnams la ston no/ /zhes pa gzhan don phun sum tshogs pas bstod par byed do/ /bstan pa'i yul gyi sgo nas bstod de/ sangs rgyas zhes pa la sogs pa'o/ /sangs rgyas rnams kyis ni rnam par snang mdzad la sogs pa rnams kyis so/ /gang rnams kyi zhes pa dngos grub gang zhig byang chub sems dpa' rnams kyi yang spyod yul ma yin pa'o// lha mo zhes pa lha mos so/ /gsung gcig gis zhes pa thog mar go dka' pa brjod nas tshig gzhan gyis gsal bar byas pa ni ma yin pa'o/ /chen po'i snod ni chen po 'jig rten pa dang/ 'jig rten las 'das pa'i dngos grub rnams kyi stod do/ /kun zhes pa rnal 'byor ma nyi shu rtsa bzhi'i ngo bo'o/ gang rnams de rnams ni gang dngos grub de'o/ /gsungs pa ni sna tshogs sde mas so/ /'di ni zhes pa 'di'i'o/ /sangs rgyas yon tan rnams ni stobs dang/ mi 'jigs pa la sogs pa rnams te/ de rnams kyang

  501. 251a

    bdag la bzod mdzod cig ste/ gang gi phyir de rnams kyi rgyu dang 'bras bu'i bdag nyid ni rgyal ba mchog rnams kyi gdul bya rnams la sbas pa'o/ /shin tu rnyed dka' i don shin tu sbas pa'i spyod yul can gyi rgyud 'dir bdag gis gsal bar byas pa'o/ /de'i phyir bdag gi sgo nas de rnams kho nas 'di bstan pa'o/ /zhes dgongs pa'o/ /bdag la yang phyin ci log tu bstan pa'i gnod pa sgro btags pa las mi bzod pa bya ba min/ zhes gsungs pa rgyal ba mchog rnams bzod mdzod cig /ces rnam dbye ba bsgyur ba'o/ /rgyud thams cad gsungs nas/ dbang bskur rnams lon 'di la dbang du bya'o/ /zhes bstan pa'i ched du dbang bskur gsungs pa/ de nas zhes pa la sogs pa'o/ /gsol ba gang ba ste gsang ba dang shes rab ye shes kyi dbang bskur gyi don du'o/ /lha mo chen mo la'o/ /bcad ces pa khyod kyis so/ /g.yogs zhes klag pa la ni khyab par byed pa ste/ bdag la'o/ /de'i zhes pa mo de'i'o/ /cis 'di ltar shes rab ma mgu bar bya ba la 'bad ces na gsungs pa/ sangs rgyas thams cad kyis ni mchod/ rgyu dang 'bras bu'i gnas skabs dag tu las kyi phyag rgya'i rnal 'byor kho nas phyag rgya chen po'i dngos grub bo zhes pa man ngag go /ji ltar na 'di ltar yin zhes gsungs pa 'di kho na la ste/ shes rab ma la sangs rgyas la sogs pa rnams bzhugs te/ de rnams bde ba chen po'i rang bzhin rnams yin zhing/ de'i rtan yang shes rab ma ste/ de las cho ga ji lta bar shes rab ye shes kyi dbang bskur ba la? bar bya'o/ /de nyid kyi phyir shes rab ye shes kyi rang gi ngo bo gsal bar byed de/ dbang po zhes pa la sogs pa dbang pos nye bar mtshon pa las yul la sogs pa yang ngo/ /bdag ces pa bdag gi sems te/ sems ni bdag ces brtags pa'o/ /zhes pa'i gsung las so/ /yang na bdag tu gdags pa'i yul nye bar

  502. 251b

    len pa'i phung po lnga rnams bdag 'di thams cad rang bzhin med pa ste/ gang du nye bar mi dmigs pa de mchog tu dga' ba rtogs pa'o/ /mchog dga' ni 'dir lhan cig skyes pa'i dga' kho na dang ming gzhan shes rab ye shes te/ dbang po la sogs par sgro btags pa dang bral ba'i phyir ro/ /de brtag pa gnyis pa'i rgyud du gsungs pa/ mchog tu dga' ba thob na ni/ sna tshogs spangs pa'i skad cig la zhes so/ /'tshar ba'i rim pa kho nas 'di'i yang dag 'thog rtogs par bya'o/ /de'ang le'u dang por dpyad zin to/ /mchog tu dga' ba kho na la rgyu nyid kyis phyag 'tshal te/ de la zhes pa la sogs pa'o/ /gang zhig shar bas ni lhan cig skyes pa gang shar bas so/ /'bras bu nyid kyis phyag 'tshal te/ gang yang goms pa las nges par 'byed pa'i cha la phan pa la sogs pa rtogs pa'i rim gyis mngon dga' ste/ kun nas mngon par shes pa dang/ stobs dang mi 'jigs pa la sogs pa phul du byung ba'i yon tan rin chen rnams yang dag par 'byor pa ni/ rgyal ba rnams kyis nyon mongs pa'i rnyog pa ma lus pa dang bral ba'i phyir mdzes pa kun tu bzang po mchog tu dgyes par gnas pa'i sku ste sku bzhi pa rdo rje 'chang mkhas pa yang dag par rdzogs pa'i sangs rgyas rnams kyi thugs las de'i bdag nyid du rnam par rtog pa'i g.yeng ba ma lus pa spangs pa'i phyir spas te/ tshig dang blo'i spyod yul ci yang ma yin pa'o/ /de nyid kyi phyir 'di rtogs nas/ sna tshogs sde ma la sogs rnams mi smra bar gyur nas gnas par 'chad par 'gyur ro/ gcig pu ni gnyis su med pa'i mchog tu dga' ba ste/ sgrib pa thams cad kyi bag chags lhag ma'i gnyid dang bral ba'i phyir sang ba ste/ de la phyag 'tshal lo/ /de nas tshigs su bcang pa 'dis shes rab ye shes de nyid khyad par ba'i ngo bor chu'i rlabs kyi ngo bo bzhin du byung ba ni dbang bzhi pa zhes gsungs so/ /de 'di? bde ba chen po'i rang bzhin rdo rje 'dzin pa ni rgyud thams cad kyi gleng

  503. 252a

    gzhi'o shes pa'o/ /'jigs pa med pa'i gzhung 'grel du le'u bcu bzhi pa rdzogs so// //he ru ka dpal dpa' bo'i lam ni rnam par bkral las dge ba ched byung bas/ 'khor ba'i 'khrul med bcang nas 'gro /'di de yis dkyil 'khor du ni 'du bar shog /bdag ni thub pa 'di yi mdza' yas sku ni yun ring rnam par 'dzin byed cing/ srog chags so so la gzhol che ba'i bde ba spros pa 'jigs pa 'dzin gyur cig /rnam gnon tshul gyis mkhas pa ni/ /'jigs pa med pas gnas re go chog / dga' ba skyong gi rgyal srid lo// nyi shu lnga las 'di byas so/ /srid gsum rnam rgyal phun tshogs sa gzhi ma nyams sku can gyis/ /'gro la chung min phan bya'i ched du bsags pa yi/ /ma ga d+ha bdag sras po dang ldan gnod sbyin skyong gi mthu/ /brtan pa yongs 'gyur ched du ngas don gnyer las 'di gzhung bas/ /dga' ba'i bde sbyin gnyis med dam pa'i bcud kyi rol pa las 'phrul pa'i sa gzhi rdo rje btsun mo ni/ rtsen pa shes rab dpal 'dis thug pa'i tshogs kyis bkod pa bsgrigs pa'i them skas phreng ba gang gi gnas/ /ma byas byas don 'on gnyer yang dag rtog pa'i stobs can du ni rgyal mdzad gyur cig de yis yang/ /kho bos bkral bas mnyam med dge ba bdud rtsis gang ba don du gnyer bya'i tshim pa 'byung gyur cig/ tshigs bcad brgya phrag bcu drug ni/ /rkang bcas 'di ni bsdoms pa'i tshad// mkhas pa rnams kyis rgyan ched 'di'i/ /tshad bzhin snying la dngos po nyid/ /ces pa dpal sangs rgyas thod pa'i rgyud chen po'i 'grel pa mi 'jigs pa'i gzhung 'grel gnas brtan mkhas pa a b+ha yA ka ra ku pa ta yis mdzad pa rdzogs so// //'di ni sngon po tsa ba mkhas pa zhig gis bsgyur ba la/ bar skabs su dpe stor bas ma tshad ba las/ /dbang lo tsa ba dge slong blo gros brtan pas/ /spyi ba ltas pa mkhan po 'jam dpal ser po'i gsung gi bskul te/ le'u dang por deng bcom ldan 'das kyi phyag rgya chen

  504. 252b

    po rdo rje zhes pa nas/ 'og gi lam nas cung? zhes pa'i bar dang/ lha'i sku sgom pa kho na gsungs te/ gang gsungs pa zhes pa nas brtan pa sa gzhi la sogs pa rnams dang g.yo ba ces pa'i bar dang/ le'u gsum pa'i 'jug he ru ka'i gzugs su bsgom pa rdzogs pas zhes pa nas le'u bzhi pa'i tha mal ni 'dir ma rig pa ste des zhes pa'i bar dang/ le'u bcu gsum pa'i dbu'i de kho na nyid ni thams cad la zhes pa nas le'u bcu bzhi pa'i mjug na gang zhig shar bas ni zhes pa'i bar dang/ srid gsum rnam rgyal zhes la sogs pa'i tshigs bcad gnyis rnams hor kong pas bas shing lhag ma rnams la zhu chen bgyis nas bsgyur cing gtan la phab pa'o/ /'di sa 'gro ba thams cad la phan par shog /'di'i 'gyur snga ma ni lo tsa ba chen po ding ri chos grags zhes bya ba yin zhes thos so// // */ /rgya gar skad du/ sh+rI bud+d+ha ka lA? li sA d+ha na nA ma/ bod skad du/ dpal sangs rgyas thod pa'i sgrub thabs zhes bya ba/ dpal sangs rgyas thod pa la phyag 'tshal lo/ /khrag 'thung yon tan zab mnga' ba/ /dngos po kun gyi rang bzhin mchog / sems can kun la ban? dgyes dang/ /sna tshogs sde la rtag tu 'dud/ /ji ltar bla mas bstan pa yi/ /bla ma brgyud rim las 'ongs pa/ /sems can gang gis shes 'gyur ba/ /de ltar bdag gis sgrub thabs bshad// //dang po re zhig rnal 'byor bas bde pa'i stan la 'dug ste rang gi snying gar dbyangs yig dang po las skyes pa'i zla ba'i dkyil 'khor ro/ /de'i steng du yi ge hUM 'od zer lnga dang ldan pa de bzhin gshegs pa lnga'i bdag nyid bsam par bya'o/ /de nas hUM des 'od zer las byung ba gshin rje che ba ma la sogs pa mchod pa'i lte? bo rnams spros te/ phreng bzang ma la sogs pa'i rnal 'byor ma nyi shu rtsa bzhis bskor ba sna tshogs sde ma la 'khyud pa'i he ru ka bdud rtsi lnga'i mchod pas mchod par bya'o/ /mchod pa thams cad kyis yang dag par mchod nas de'i mdun du dkon

  505. 253a

    mchog gsum la sogs pa dran pa dang/ sdig pa bshags pa la sogs pa bya'o// //rnal 'byor gyi rgyud du ni snying rje dang por bsgom pa yin la/ rnal 'byor ma'i rgyur 'dir ni byams pa dang por bsgom par bya'o/ /de nas snying rje de'i rjes la dga' ba thams cad kyi tha mar btang snyams so/ /de nas rang gi snying gar nyi ma la gnas pa'i hUM bsam par bya'o/ /de nas 'og gi rlung gi dkyil 'khor gyis sbar bas hUM las 'od zer 'phros pas lus mdza' dag yang dag par bsregs te/ thams cad stong ba nyid du bsam par bya'o/ /de nas yi ger ma gyur pa las nyi ma nyi ma'i steng du yi ge hUM de dag yongs su gyur pa las sna tshogs rdo rje sna tshogs rdo rje'i dbus su hUM kho na bsam par bya'o/ /'di las rdo rje nag po'i 'od zer 'phros pas ra ba dang 'dra ba'i mtshams bcing bar bya'o/ /rdo rje gyur pa las sna tshogs rdo rje'i sa gzhi bsgom par bya'o/ /rdo rje sa gzhi'i dbus su chung par e gru gsum gyi cha byed chos kyi 'byung gnas bsgom par bya'o/ /de nas de'i dbus su 'byung ba chen po bzhi bsam par bya ste/ yaM gyur pa las rlung gi dkyil 'khor gzhu'i rnam pa lta bu ba dan gnyis kyis mtshan pa bsam par bya'o/ /de yang rtsa rnams bskyod pa'i gzugs can 'khor lo thams cad thim bzhin pa de'i dbus su rnal 'byor pa gnas par bya'o/ /'dis ni rlung gdag pa gsungs so/ /raM gyur pa las me'i dkyil 'khor dmar po gru gsum 'bar ba bdun gyi mtshan pa bltas te/ rtsa bco brgyad kyi gnas nas 'dzag bzhin par byed pa bsam par bya'o/ /baM gyur pa las chu'i dkyil 'khor dkar po zlum po bum las mtshan pa bsam par bya ste/ rtsa'i 'khor lo thams cad chu'i dkyil 'khor la thim par gyur pa bsam par bya'o/ /laM gyur pa las sa'i dkyil 'khor gru bzhi ser po rdo rjes mtshan pa bsam par bya'o/ /de ltar 'byung ba chen po bzhi'i dkyil 'khor la yi ge bzhis

  506. 253b

    byin gyis brlabs pa bsgom par bya'o/ /de nas 'byung ba chen po bzhi gyur pa las khang pa brtsegs pa gru bzhi pa sgo bzhi rta babs pa zhis brgyan pa dra ba dang dra ba phyed pas brgyan pa g.yer ka'i dra bas mdzes shing ka ba brgyad kyis nye bar spras pa bsam par bya'o/ /'di'i dbus su pad+ma 'dab ma brgyad pas spras pa bsam par bya'o/ /de'i dbus su chos kyi dbyings kyi bdag nyid kyi ro bsam par bya'o/ /der a la sogs pa'i dbyangs yig bcu drug nyis skor du byas pa'i yi ge sum cu rtsa gnyis gyur pa las dkyil 'khor ro/ de ni me long lta bu'i ye shes rnam par dag pa'o/ /de la ka la sogs pa sum cu rtsa bzhi la ya ra la waD d+ha drug bsnan pas bzhi bcur gyur te/ de yang nyis 'gyur du byas pa'i yi ge brgyad cu gyur pa las nyi ma'i dkyil 'khor ro/ /de ni mnyam pa nyid kyi ye shes kyi rang bzhin no/ /'di dag gi dbus su yi ge hUM shes rab dang thabs kyis bsam par bya'o/ /de ni so sor rtogs pa'i ye shes kyi rang bzhin no/ /hUM gyur pa las rdo rje'i lte ba la yang hUM bsam par bya'o/ /de ni bya ba grub pa'i ye shes kyi rang bzhin no/ /'di dag yongs su gyur ba las sna tshogs sde mas 'khyud pa'i sangs rgyas thod pa he ru ka bsgom par bya ste/ kun da dkar po dang zla ba 'dra ba'i 'od mtshungs pa zla ba ltar 'tshar zhing nor bu'i 'od ltar 'phro ba zhal cig pa phyag bzhi pa/ g.yas na gri gug dang thod pa g.yon na kha TwAM ga dang rdo rje man ngag las bsgom par khong du chud par bya'o/ /'di ye shes rab ma sna tshogs sde ma ni zhal cig ma phyag gnyis ma skra sgol ma he ru ka la 'khyud de gnas pa/ gcer bu mgo'i phreng ba dang bral ba/ mchod phyir thogs pa/ bde ba thams cad rig cing gzugs mdzes ma/ g.yas na cang te'u steng na gri gug /g.yon na kha TwAM ga 'phyar zhing phyag na thod pa bsnams pa/ bcom ldan 'das kyi gzugs can ma bsgom par bya'o/ /shar gyi 'dab ma la phreng bzang mo mdog dkar mo'o/ /byang gi 'dab ma la 'dod can ma mdog

  507. 254a

    ser mo'o/ /nub kyi 'dab ma la 'jigs ma mdog dmar mo'o/ /lho'i 'dab ma la thub dka' ma mdog nag mo ste/ 'di dag nyi ma la gnas shing skyil krung phyed pa'i gar gyis bzhugs pa zhal cig phyag gnyis ma gri gug dang thod la phyag na bsnams pa bsam par bya'o/ /mtshams kyi 'dab ma bzhi la bdud rtsis gang ba'i thod pa bzhi'o/ /dbus kyi 'dab ma ni rdo rje phreng bas brgyan pa'o/ /rim pa gnyis pa'i rtse bas brgyad pa la/ pad+ma'i phreng pas brgyan pa ste/ de'i shar gyi rtsibs la dge ba'i ska rags ma'o/ /byang gi rtsibs la gzugs can ma'o/ /nub kyi rtsibs la rnam rgyal ma'o/ /lho'i rtsibs la byed ma'o/ /dbang ldan gyi rtsibs la thod can ma'o/ /me'i rtsibs la mtshon chen ma'o/ /bden bral gyi rtsibs la rgyus byed ma'o/ /rlung gi rtsibs la bdud byed ma ste/ rnal 'byor ma 'di dag ni mdog dmar mo nyi ma'i gdan la gnas pa/ zhal gcig phyag gnyis ma skyil krung phyed pa'i gar gyis gnas shing phyag na gri gug dang thod pa bsnams pa'o/ /rim pa gsum pa'i rtsibs brgyad pa la rdo rje phreng bas brgyan pa ste/ de'i shar phyogs kyi rtsibs la sgrol byed ma'o/ /byang gi rtsibs la 'jigs ma'o/ /nub kyi rtsibs la lA ma'o/ /lho'i rtsibs la mi 'pham ma'o/ /dbang ldan gyi rtsibs la dge ma'o/ /me'i rtsibs la 'jur byed ma'o/ / bden bral gyi rtsibs la dus mtshan ma'o/ /rlung gi rtsibs la grags chen ma'o/ /rnal 'byor ma 'di dag ni mdog dkar mo nyi ma'i stan la gnas pa zhal cig phyag gnyis ma gri gug dang thod pa rnams pa'o/ /shar gyi sgor mthos ma mdog dkar mo'o/ /byang gi sgor nor 'dzin ma mdog ser mo'o/ /nub kyi sgor skal bzangs ma mdog dmar mo'o/ /lho'i sgor grags mthong ma mdog nag mo'o/ /rnal 'byor ma 'di dag ni ro dang nyi ma la gnas pa byams pa la sogs pa'i rang bzhin can g.yon brkyang ba'i zhabs kyi gnas pa

  508. 254b

    gar mdzad bzhin ma/ zhal gcig phyag gnyis ma gri gug dang thod pa bsnams pa he ru ka la kun tu blta ba'o/ /sgo srungs ma gtogs pa'i rnal 'byor ma rnams ni/ skyil krung phyed pa'i gar gyis gnas pa/ stag gi pags pas rked pa dkris shing rus pa'i rgyan gyis brgyan pa 'od zer rnon pos gtibs pa/ skra ser po gyen du 'bar ba/ kha nas khrag 'thor ba thams cad khu ba dang ldan pa bsgom par bya'o/ bcom ldan 'das rdzogs pa'i dus su rnal 'byor ma thams cad skad cig gi rnam pas hUM las rdzogs par 'gyur ba ste/ de ltar lha mo nyi shu rtsa bzhi dang ldan par bdag nyid bsgom par bya'o/ /de nas lha mo nyi shu rtsa bzhis mchod nas thod pa'i bdud rtsi lnga gsol bar mdzad do/ /de nas sna tshogs sde ma'i pad+ma la a he ru ka'i rdo rje la hUM bsam te/ sna tshogs sde ma dang bcom ldan 'das gnyis kyi rdo rje dang pad+ma sbyor ba mdzad nas/ yang lha mo nyi shu rtsa bzhi la 'dod pa spyad cing chags pa chen po la shin tu chags pas zhu bar gyur nas/ /nyi ma'i dkyil 'khor gyi dbus su khu bas gnas so/ /zhu ba de mthong nas byams pa la sogs pa'i rang bzhin gyis sgo srungs rnams kyi glus/ /bskul ba ci ste 'jig rten snyan mnan na/ /ci phyir khyod ni mi dgyes 'gyur/ /gal te khyod bdag tshig gsan na/ /mi dgyes gyur pa mdza' dag mthong/ /mdzes sdug mas bskul ba'o/ /stong pa'i thugs ni ma mdzad par/ /nyid kyi dgongs pa grags par mdzod/ /srid 'jigs skye bo kun slu bas/ /rnal 'byor ma'i grogs po bzhengs /nor 'dzin pas bskul ba'o/ /sngon gtso gal te tshig gsan na/ /bya ba yal bor mdor gcig /khyod mi snang na 'gro ba kun/ /'gro bar ldud bas mi dga' gyur/ /skal bzang mas bskul ba'o/ /log pa'i nga rgyal ma mdzad par/ /grags pas stong pa'i rang bzhin mthong/ /dngos po mdza' dag khyod thong la /rnal 'byor ma yi tshogs la spyod/ /grags mthong mas bskul ba'o/ /de ltar glus bskul ma thag tu/ /khu ba'i gzugs

  509. 255a

    las a dang hUM ra gnyis las gri gug dang rdo rje/ gri gug dang rdo rje las he ru ka sku mdog sngon po zhal gcig phyag bzhi pa/ gtso bo hUM zhes sgrogs pa'i sngon du gsungs pa'i mtshan ma dang ldan pa skyil krung phyed pa'i gar gyis gnas pa 'jigs shing khro ba'i bdag nyid stag gi pags pa'i na bza' mnabs pa/ mgo bo rlon pa bzhi bcu rtsa dgu'i phreng ba 'chad pa/ mchod phyir thogs pa shin tu bzheng pa drag po chen po'i snying rje'i ubdag nyid kyi gtso bo blta'o/ /dpung brgyan mgu po 'khor gdub dang/ gcer bu rkeng du ska rag bcings/ /rkang brgyan sil sil sgra sgrogs shing/ /bdud kun rab tu 'joms par byed/ /ral pa'i cod phan yang dag ldan/ /sangs rgyas lnga yi dbu rgyan can /zla ba phyed pa 'dzin pa'i lha/ /dbu la sna tshogs rdo rjes mnan/ /'khor lo rna cha mgul ngo dang/ /gdu bu dang ni ske rags nyid/ /phyag rgya lnga ni 'dzin pa'i mgon/ /shal ba'i rdul gyis byug shing 'jigs/ /thod pa gti mug gi brgyan pa/ /dpa' bo 'khor ba sgrol bar byed/ /byang chub sa bon rang bzhin can/ /dbugs mi g.yo bar bsgom par bya'o/ /gtso bo'i shes rab chen mo sna tshogs sde ma rnal 'byor ma ni gcig pu mgo bo'i phreng ba dang bral ba rgyan med cing mchod phyir thogs pa dang bral ba thams cad bde ba dang ldan pa zhal cig phyag gnyis ma skra grol ma sku mdog dkar mo zhal shin tu 'gyur ba mche ba cung zad gtsigs pas 'jigs pa/ g.yas na cang te'u dang gri gug g.yon na kha TwAM ga dang thod pa bsnams pa pha rol tu phyin pa'i lha mo de ltar bsgom par bya'o/ /da ni bdag nyid kyi snying ga dang dpral ba dang spyi gtsug dang/ dpung pa gnyis dang/ mig gnyis dang/ gsang ba dang lus thams cad kyi gnas bdun du/ oM hAM haiM hoM hAM hOM hAM zhes pa'i sngags 'di rnams kyi cho ga bya'o/ /snying gar hUM las thugs rdo rje'o/

  510. 255b

    mgrin par A(rgyud 'grel): las gsung rdo rje'o/ /spyi bor oM las sku rdo rje'o/ /sku dang gsung dang thugs byin gyis brlabs nas ye shes sems dpa' spyan drang bar bya ste/ snying gar zla ba la gnas pa'i hUM gi 'od zer lcags kyu lta bu bsgoms pa dang/ oM bud+ha ka pA li ni a(rgyud 'grel): khaM graM hUM shUM a(rgyud 'grel): a(rgyud 'grel): a(rgyud 'grel): hUM hUM hUM phaT/ ces pa bsgyings pa dang bcas pas sngags bzlas pas/ ye shes sems dpa' bkug ste/ dam tshig sems dpar btsug pas/ chu dang 'o ma ltar thim par bsam par bya'o/ /de ltar dpa' bo rdzogs pa mthong nas rtsa yi 'khor lo 'dzag ste/ 'jig pa de las rnal 'byor ma rnam pa sna tshogs pa'i snying rje chen po dang ldan pa de bzhin gshegs pa thams cad kyis byin gyis brlabs pa/ gos sna tshogs gyon pa gzugs gzhon pas brgyan pa/ lo bcu gnyis ma'i rnal 'byor ma brgyad bskyed de nam mkha' i phyogs su gnas te/ bum pa byang chub sems kyis yongs su gang ma a 'bra'i shing los kha brgyan pa brgyad thogs pa de thams cad du dang zhing bzhad pa'i zhal gyis rgyal gyur he ru ka zhes smra ba/ mgon pos mthong nas dbang bskur ba'i mchog la gsol ba gdab par bya'o/ /brtse ldan grags pa chen po yi/ /rdo rje rnal 'byor ma dbang bskur/ /'khor ba'i 'dam du bying ba'i bdag /dbang bskur ba yi bdag sgrol mdzod/ /ji lta bu tsha med pa'i khyim/ /shi ma thag tu stong par 'gyur/ /de bzhin dbang dang bral na ni/ /ye shes kun gyis stong par 'gyur/ /tshigs bshad 'dis gsang ba'i dbang bstan to/ /ji ltar pi wang sbyor kun tshogs/ /rgyud dang bral na brdung mi rung/ /de ltar dbang dang bral na ni/ /sngags dang bsam gtan 'grub mi 'gyur/ /tshigs bshad 'dis ni shes rab ye shes kyi dbang bstan to/ /dbang med na nyes pa che bar 'gyur ba de ltar yang gsungs te/ rmongs pa gang zhig dbang med par/ /bdag ni dbang bskur zhes smra ba/ /ji srid sangs rgyas bzhugs

  511. 256a

    kyi bar/ /slob mar bcas te dmyal bar 'gro /tshigs bcad 'dis ni dbang med pa'i nyes pa bstan to/ de ltar mkhyen mdzod rnal 'byor ma/ /slar yang bdag la dbang bskur gsol/ /gal te dbang bskur skye med na/ /he ru ka ru bdag gyur cig /de nas rnal 'byor ma rnams kyis rgyal gyur zhes pas bcom ldan 'das la khrus gsol zhing dbang bskur ro/ /phyi dang gsang bar bcas pa'i dbang bskur ba rtsam gyis nam mkha' i nges nas de'i sgra grag cing tsan dan dang me tog gi 'char 'bab par 'gyur ro/ /dbang bskur zin nas rnal 'byor ma rnams rtsa'i 'khor lo la thim par gyur to/ /dkyil 'khor ba'i 'khor lo thams cad la rang gi rigs kyis rgyas gdab par gyur to/ /de nas glu'i bstod pa dang/ mchod pa dang bdud rtsi lngas bcom ldan 'das mchod par bya'o/ /de nas yaM gyur pa las rlung gi dkyil 'khor de'i steng du raM gyur pa las me'i dkyil 'khor/ de'i steng du aM gyur pa las thod pa/ /thod pa'i dbus su bi mu ra su ma gyur pa las bdud rtsi lnga'o/ /go ku da ha na gyur pa las sha lnga bsam mo/ /de nas rlung gis me sbar zhing mes thod pa sros pa 'di las rdo rje'i rnam pa lta bu'i rlangs par 'byung ngo/ /yang bsil bar byas pa'i phyir thod pa'i star mtho gang tsam du o gyur pa las zla dkyil 'khor bdud rtsi'i rang bzhin oM gyis byin gyis brlabs pa de las kha ba lta bu'i bdud rtsi babs pas bsil bar 'gyur ro/ /de kho na nyid gsum gyis lha rnams tshim par bya'o/ /de nas dkyil 'khor gyi 'khor lo rtag tu rmi lam dang sgyu ma lta bur bsgom par bya'o/ /lte bar a(rgyud 'grel): snying gar hUM/ mgrin par oM dpral bar sgra dang thig ler ldan pa mi shigs pa'i haM ngo/ /sa sogs 'byung ba chen po bzhis/ /'khor lo bzhi ru rab tu phye/ /thun

  512. 256b

    mtshams bzhi ru byin gyis brlabs/ /pad+ma bzhi las yang dag 'byung/ /dga' ba bzhi yi rang bzhin gyis/ sbyor ba bzhi la kun du brten/ /mchog tu dga' ba'i gzugs kyis ni/ /bya ba byed pa po rang bzhin/ /rdo rje sems dpa' dpal gzugs can/ /ci bde ba ru 'di ru rol/ /rlung gi 'gro 'ong bsgoms pa yis/ /thim 'gyur bde chen skye bar 'gyur/ /rtsa brgyad phyogs kyi 'dab ma ni/ /'byung chen gzhi yi rang bzhin no/ /mtshams kyis 'dab ma bzhi po ni/ /bdud rtsi lnga yis rang bzhin gyis/ /de ru mchod pa'i gzugs su gnas/ /sku gsung thugs kyi dbye ba yis/ /nyi shu rtsa bzhir yang dag gsungs/ /de nyid phyi yi dkyil 'khor ni/ /nyi shu rtsa bzhi'i rang bzhin no/ / sna tshogs sde dang lhan cig tu/ /bcom ldan 'das ni dbus su bzhugs/ /sbrul pa'i 'khor lo drug cu rtsa bzhi'i dbus su oM thig le'i gzugs can no/ /snying ga'i 'khor lo brgyad kyis dbus su/ hUM thig le'i gzugs can no/ /oM gyi 'od zer steng du 'gro bzhin pa dang/ hUM gi 'od zer 'og tu 'gro bzhin pa/ /gnyis ka 'dus te thig le'i gzugs la thim pa de'i tshe bde ba thob ste/ de ltar na 'byung ba dang 'jug pa bsgom par bya'o/ /zla ba drug tu sbyor ba la goms par byas pas/ 'dir 'grub par som nyi med do/ /bsgoms pas skyo bar gyur na sngags kyis bzlas pa bya'o/ /oM h+rI bud+d+ha hUM ka pA li ni a/ 'jug pa la oM/ 'byung ba la h+rI/ gnas pa la bud+d+ha/ bde ba la hUM/ nub pa la ka pA li ni/ ldang ba la a'o/ /de ltar yan lag drug gi nang gi bdag nyid kyi sngags kyis bzlas pa bya'o/ /'di nyid la goms pa'i sbyor bas sangs rgyas su 'gyur te/ gzhan du ma yin no/ /rtsa ba'i sngags so/ /oM bud+d+ha ka pA li ni/ oM h+rAM hai hUM phaT snying po'i

  513. 257a

    sngags so/ /oM ka pA la badzri ni hUM haM du rak+She hUM phaT/ nye ba'i snying po'i sngags so/ /oM mahA ka pA la badzre tsi tre a laM ba ne phri na ya sarba b+hU ta na mA ra na kI la ya sarba duSh+TAn/ u tsA Ta ya sarba big+h+nA na bi dra ma ya b+ha ga ba ti yak+Sha rAk+Sha sa pi shA tsa na sho Sha ya tra Ta ya sapta pA tA la ga ta na sa ra sa ra pra sa ra pra sa ra hUM hUM hUM phaT phaT phaT/ thun bzhi ru dkyil 'khor lan bzhir spros te/ 'dir gtor ma sbyin par bya'o/ /'byung po thams cad kyi gtor ma'i sngags so/ /sangs rgyas thod pa'i lha nyi shu rtsa lnga'i bdag nyid kyi sgrub thabs/ slob dpon chen po sa ra ha'i zhal snga nas kyis mdzad ba rdzogs so// //rgya gar gyi mkhan po chen po sh+rI ga ya d+ha ra dang/ bod kyi lo tsa ba gyi jo zla ba'i 'od zer gyis bsgyur cing zhus pa'o// // rgya gar skad du/ sarba b+hu ta ba li bi d+hi/ bod skad du/ 'byung po thams cad kyi gtor ma'i cho ga /sangs rgyas thod ba la phyag 'tshal lo/ /dngos kun rang bzhin bde ba thog /sna tshogs sde la phyag 'tshal nas/ /bla mas brtan pa'i rim bzhin du/ /sems can don phyir gtor ma bshad/ /re zhig dang po nyid du ni/ /yul gyi nyes pa spong byed sngags/ /brjod pas dngos kun stong par bsgom/ /de nas raM gyur nyi ma la/ /hUM bsam yongs su gyur pa las/ /sna tshogs rdo rje bsgom byas nas/ /ra ba dra ba sa gzhi bsam/ /de nang skad cig tsam las ni/ /'khor lo gsum gyi lha rnams dang/ /khams gsum sems can ma lus pa/ /phyogs skyong mkha' 'gror bcas pa bskyed/ /bdag ni de rnams mdun na gnas/ /he ru ka yi gzugs bsam la/ /gnas bdun go cha gsal bar dgod/ /de nas mdun du yaM las ni/ /rlung gi dkyil 'khor bsam par bya/ /de steng raM ni yongs gyur pas/ /me'i dkyil 'khor bsgom pa'o/ /de steng a las thod pa'o/ /thod pa dkar po'i dbus

  514. 257b

    su ni/ /bi mu ra su ma lnga las/ /bdud rtsi lnga ni bskyed pa'o/ /go ku da ha na las ni/ /lcags kyu lnga yang de bzhin bsam/ /de nas rlung gis me sbar zhing/ /thod pa dros pa'i rlangs pa ni/ /rdo rje rnam pa'i gzugs brnyan byung/ /de yang bsil bar bya ba'i phyir// thod pa'i steng gi mtho gang du/ /oM gyur zla ba'i dkyil 'khor ni/ /bdud rtsi rang bzhin oM gyis ni/ /steng nas byin gyis brlab par bsam/ /de las ba mo lta bu yi/ /bdud rtsi babs pas bsil bar gyur/ /de nyid gsum gyi gsang sngags ni/ /lan bdun bzlas pas byin gyis brlabs/ /de rjes snying ga'i sa bon gyis/ /ye shes bskul zhing gsang sngags brjod/ /oM bud+d+ha ka pA li ni a(rgyud 'grel): khaM braM drUM sh+rUM a(rgyud 'grel): a(rgyud 'grel): hUM hUM hUM phaT/ bsgyings bcas sngags ni zlos bzhin pas/ /'khor lo gsum gyi lha rnams dang/ /zhi byed bde byed 'byung po rnams/ /tshogs bcas myur du bkug nas kyang/ /dam tshig tshogs la thim gyur pa/ /chu dang 'o 'drang tha dad med/ /de nas spros dang me tog sogs/ /gzhan yang yid la byung ba yi/ /rdo rje mche sogs rnams kyi mchod/ /lha rnams lce ni nas 'bras tsam/ /bu gu can gyi rdo rjer bsam/ /de'i rtse mor oM bsam ste/ /'od zer gyis drangs gsol bar bsam/ /'khor lo gsum gyi lha rnams la/ /oM bud+d+ha ka pA li ni bi la grih+Na grih+Na grih+NA pa ya grih+NA pa ya kha kha hUM/ 'khor gyi zhing skyong 'byung po la/ /yongs su bsngo ba'i sngags brjod de/ /oM ma hA ka pA la badzre tse tre pu tswe tre/ a laM ba ne pri na ya sarba b+hU ta na sarba ma ra ya mA ra ya kI la ya/ ma ra la duSh+Tan uts+tsha Ta ya sarba big+h+nA bi tra ya/ b+ho b+ha ga ba ti/ yak+Sha rak+Sha sa pi shA tsa sho kha ra tra la sabta pa tA la dz+nyA na sa ra sa ra pra sa ra pra sa ra hUM hUM hUM phaT phaT phaT/ de nas tshim par gyur nas su/ /smon lam mthar ni dag par bya/ /chos rnams gzugs brnyan lta bu ste/ /dag cing gsal la rnyog ba med/ /gzung du med cing brjod du med/ /rgyu dang las la

  515. 258a

    kun tu byung/ /ngo bo nyid med gnas med par/ /de ltar chos 'di shes par gyis/ /sems can don ni mnyam med byos/ /zhes pa nas/ 'on te sangs rgyas sras su skye/ /sems can thams cad bder gyur cig /sems can thams cad sdig med pa'i/ /sangs rgyas nyid du phrad gyur cig /lam de nyid du zhugs nas kyang/ /ma grol ba rnams grol bar shog /ma brgal ba rnams brgal bar shog /rnal 'byor gtsug lag dam pa la/ /da lta nyid du gnas par shog /lag pa brkyang ste sa la bzhag /se gol lan gsum gdab bya zhing/ /dril bu dkrol bas der 'bad pas/ /mgron rnams gshegs su gsol ba bya/ /sangs rgyas thod pa'i 'byung po thams cad pa'i gtor ma'i cho ga slob dpon sa ra ha pa'i zhel snga nas mdzad pa rdzogs so// //ga ya d+ha ra dang gyi dzo zla ba'i 'od zer gyis bsgyur cing zhus te gtan la phab pa'o// (//dpal sangs rgyas thod pa'i cho ga bzhugs//) //rgya gar skad du/ sh+rI bud+d+hA ka pA la maN+Da la kra ma pa byo ta na nA ma bi d+hi/ bod skad du/ dpal sangs rgyas thod pa zhes bya ba'i dkyil 'khor gyi cho ga'i rim pa gsal ba/ dpal sangs rgyas thod pa la phyag 'tshal lo/ /dpal ldan khrag 'thung rgyal po che/ /nyi shu rtsa bzhi dra ba'i sdom/ /dngos kun rang bzhin 'gro ba skyob/ /sna tshogs sde la phyag 'tshal te/ /sangs rgyas thod pa'i dkyil 'khor mchog /ji ltar rgyud gzhan cho ga mthong/ /bla ma brgyud rim las 'ongs pa/ /bdag gi gsal bar bshad par bya/ /bla ma mtshan nyid ? na po/ /brtan zhing bul la blo gros ldan/ /bzod ldan drang la g.yo rgyu med/ /sngags dang rgyud kyi sbyor shes pas/ /legs par brtags pa'i slob ma'i phyir/ /dkyil 'khor bri ba'i las bya'o/ /de yang slob ma blo chen po/ /shin tu dad pa'i sems dang ldan/

  516. 258b

    'dod med dbang po dul ba dang/ /chags dang chags bral rnam par spangs/ /sems can don la shin sbyor ba/ /gti mug zhe sdang phrag dog spangs/ /sangs rgyas kun gyis byin gyis brlabs/ /de rnams la ni de nyid bshad/ /slob ma de ni yongs su gzung/ /da ni dngos grub ma lus pa'i/ /sgrub byed cho ga bshad par bya/ /lha rnams mgu bar ma byas na/ /bdag nyid nges par sun 'byin 'gyur/ /dur khrod la sogs gnas dag tu/ /dpal ldan khrag 'thung sogs 'khor lo/ /rab tu mnyes par bya ba'i phyir// mdzes pa'i maN+Dal legs byas te/ /chu la sogs pa'i rnam lnga dang/ /ba byung mar sogs legs par byugs/ /'byor pa'i yo byad tshogs gyur pas/ /rgyud las gsungs pa'i tshul bzhin du/ /bskyed pa'i tshul gnas bla ma yi/ /dkyil 'khor bdag po bzlas pa ni/ /bsod nams che 'bring chung ba dag /bye ba 'bum dang khris 'grub 'gyur/ /'khor rnams gtso bo'i yan lag phyir/ /tha dad par ni bzlas mi bya/ /gal te mtshan ma mthong gyur na/ /bzlas pa'i 'phro yang bshol bas 'grub/ /lha yi byin brlabs ldan gyur pas/ /dkyil 'khor mchog ni bri ba'i phyir/ /ri dang phug dang tshang tshing ngam/ /yang na dur khrod dag gi ni/ /gdod nas grub pa'i gnas su 'am/ /'on te rgya mtsho'i 'gram ngag tu/ /phyi'i dkyil 'khor legs bri'i phyir/ /yid 'ong gnas dang legs pa'i sar/ /bcos ma'i maN+Dal legs par brtsig /dri dang ba sogs bdud rtsis bran/ /grangs mnyam lha yi gnas bkod de/ /der ni yid 'ong me tog dgram/ /khrag 'thung 'khor lo rdzogs bskyed cing/ /skyo sogs nus pa ye shes lha/ /dgug sogs byas te dbang bskur nas/ /mchod bstod mthar ni gsol ba gdab/ /sangs rgyas thams cad bdag la dgongs/ /khyed rnams mchod pa'i phyir dang ni/ /slob ma rnams la phan pa yi/ /sangs rgyas thod pa zhes bya ba'i/ /dkyil 'khor bzang po bri bar

  517. 259a

    'tshal/ /bdag la byin brlabs gnang bar mdzod/ /de ltar gsol ba gdab byas nas/ /mchod dang gtor ma nyer ldan pas/ /lha mo mdzes dga' bskul ba'i phyir/ /sngon byung sangs rgyas tshul ji bzhin/ /lag pa sa la brab byas pas// sa 'og 'thon pa'i lha mo ni/ /gser mdog zhi ba'i rang bzhin can/ /rin chen mdzes pa'i rgyan cha can/ /gser gyi bum 'dzin ci bgyi zhes/ /de la mchod yon rkang bkru sogs/ /mchod dang gtor mas mnyes par bya/ /gzi brjid can gyis 'di skad smra/ /skyo ba sangs rgyas thams cad kyis/ /spyod pa'i tshul dang khyad bar gyi/ /sa dang pha rol phyin pa la/ /lha mo khyod ni dbang du gyur/ /shAkya seng+ge skyob pa yis/ /ji ltar bdud kyi sde bcom pa/ /de bzhin bdag gi bdud sde las/ /rgyal bar byas te dkyil 'khor gyi/ /de skad lan gsum brjod nas ni/ /dga' ba'i mdangs kyi lha mo yang/ /khyod ni slob dpon yin pas na/ /dkyil 'khor mchog gi las gyis shig /zer nas sa la thim par mdzad/ /de nas phyogs skyong rnam dag la/ /tshul bzhin gtor ma byin nas ni/ /sa phyogs gnas pa'i lha dang klu/ /gnod sbyin dri za lha ma yin/ /gang dag rdzu 'phrul che ldan pa/ /rdo rje spyan dang snyan mnga' ba/ /bdag ming che ge zhes bya bas/ /bde gshegs rnams la mchod pa dang/ /sems can kun la phan pa'i phyir/ /dge ba'i sa phyogs 'di nyid du/ /dkyil 'khor dam pa cher 'byung ba/ /sangs rgyas thod pa rgyud rgyal gyi/ /dkyil 'khor chen po'i las byed pas/ /khyod kyis bar chad ma byed par/ /dge ba'i grogs po nyid du mdzod/ /lan gsum gsol ba 'debs pa ni/ /sa blang cho ga mdzes pa yin/ /de'i 'og mgul rgyan rna cha sogs/ /thal ba'i gos dang rgyan char ldan/ /dpal ldan khrag 'thung rgyal chen po/ /sa gzhi'i dbus su 'dug nas ni/ /rnal 'byor go rims rdzogs par bya/ /de tshe mkha' 'gro ma

  518. 259b

    bzhi yi/ /gnas la gnas pa'i rnal 'byor pas/ /mchod cing bstod pas mnyes byas nas/ /dkyil 'khor kun gyi gtso bo ni/ /sdig pa ma lus zad byed pa'i/ /sangs rgyas thod pa'i dkyil 'khor ni/ /mgon po chen pos bshad du gsol/ /gsol ba'i tshig de mkhyen nas su/ /snying rje 'gro la bltas nas ni/ /bgegs ni bskrad pa'i cho ga bya/ /khrag 'thung nga rgyal ldan pa yi/ /mig du ma dang Ta las ni/ /nyi ma zla ba gsal bsgom la/ /mig 'bras hUM las gyur pa yi/ /rdo rje mthing nag bsgom par bya/ /rkang pa gnyis su a las ni/ /sna tshogs rdo rje 'bar bas bsam/ /rdo rje lta ba'i mig 'bras las/ /khro tshogs spros pas bgegs gsal zhing/ /rkang 'gros rdo rje ra ba sprul/ /rdo rje gsor zhing dril bu dkrol/ /dbang ldan mtshams su song nas ni/ /nyon cig bgegs tshogs ma lus kun/ /lha dang lha min gsang ba pa/ /gnod par gyur pa'i bgegs tshogs rnams/ /sangs rgyas thod pa'i rnal 'byor gtso/ /bde chen ye shes las byung ba/ /de ni he ru ka dpal dngos/ /bka' i 'khor lo rab sbyor byed/ /gal te bka' las 'das gyur na/ /rdo rje rab tu 'bar ba yis/ /mgo ni tshal pa rgyar 'gas shing/ /'jig par 'gyur ba gdon mi za/ /de bas gzhan du 'gro bar gyis/ /zhes brjod bgegs la bka' sgos nas/ /dbang ldan phyogs nas brtsams nas ni/ /g.yas bskor lan gsum bgrod bya ba/ /bskal pa'i me bzhin 'od zer can/ /rkang pa'i 'og nas byung nas su/ /gdug pa rnams ni bsregs gyur pas/ /phan tshun 'byed bar gyur par bsam/ /g.yas dang g.yon du bskor ba dang/ /'khyud dang ku tsa pa yi dang/ /b+ha ra? ti dang sa tik / bre te ka shi kya la sogs/ /chags bcas tshul gyis sbyong bas ni/ /rol pas rab tu 'phyang ba dang/ /rol pa'i gom stabs bcas pa 'am/ /gom pa brgyad pas gar bya'o/ /rkang pa bskyod dang lag pa bskyod/ /smin ma 'degs dang rab dags 'brang//

  519. 260a

    cung zad ngo tsha'i zu mig dang/ /brla rgyas lta na 'dud pa dang/ /mig yangs? gar ni byed 'gyur zhing/ /kha yi pad+ma'i 'dzum dang bcas/ /cung zad dmar ba'i mche ba 'chang/ /kun da ltar dkar sa'i phreng/ /dpal ldan khrag 'thung rnal 'byor che / sems can grol ba rmad du byung/ /de la sogs pa'i gar gyis ni/ /bgegs kun ma lus bskrad par bya/ /hUM bzhi la sogs gsang sngags kyis/ /phur bu bskyed pa'i cho ga bya/ /oM badzra kI li kI la ya/ /byin gyis brlab pa bzlas rdzogs nas/ /g+ha g+ha la sogs sngags kyis gdab/ /de rjes ra ba dra ba sprul/ /dkyil 'khor gyi ni sa yi cha/ /mnyes dang yang dag ldan gyur pa/ /bgegs rnams gsal ba'i cho ga'o/ /sangs rgyas thod pa'i rnal 'byor gyis/ /lag pas la phab byas te/ /hUM khaM zhes ni brjod pa yis/ /rnam dag nam mkha' bsams nas ni/ /hUM laM sngags kyis gser gyis ni/ /sa gzhi rdo rjer ldan par bsam/ /oM me di ni badzri b+ha ba band+ha hUM/ /rnyed pa'i sa phyogs de nyid du/ /zhi dang drag po me yi las/ /yang dag sel bar byas nas ni/ /rnal gyi khyad par mkhas pa yi/ /lto 'phye'i rim pa shes byas la/ /g.yas skor lto nas brko bar bya/ /gseg ma mgal dum gyo mo dang/ /phug ma dus pa ro rnams gsal/ /sa de mi 'chi bcu phyed dang/ /dri zhim chu la hUM bzlas dgang/ /tshad ldan 'thas? bar bcags stengs su/ /chu sogs pa langs las byung dang/ /bdud rtsi lnga yis snyoms par byug /mkha' 'gro ma rnams mnyes par 'gyur ro/ /shar dang byang du gzhol bas ni/ /sngags rnams kyis ni dngos grub 'gyur/ /dbus su mtho bas rgyal srid dam/ /rigs pa 'dzin pa'i gnas dag thob/ /byang du mtho bas 'chi 'gyur ram/ /nor rnams 'jigs par 'gyur ba bskyed/ /ji skad bshad pa'i shar mtho bas/ /myur du rig rnams zad par byed/ /dbus su

  520. 260b

    dma' ba' i rang bzhin gang/ /sgrub pa po ni 'joms dang ldan/ /mtshan nyid gsal bar shes par dpyad/ /de ltar 'dus byas sa de la/ /sangs rgyas thod pa'i rnal 'byor gyis/ /bdud rtsi lnga yi chu bran zhing/ /oM hUM d+h+ri hUM khaM hUM tiSh+Tha tiSh+Tha badzra sa ma ya a d+hiSh+Tha ya de/ /zhes brjod sa de stong par bsgom/ /sa spyad dus su 'byung chen la/ /gtor ma rab tu sbyin par bya/ /oM he ru ka badzra sa ma ya d+hi/ /sarba duSh+Tan sa ma ya mu dra/ /pa b+hany+dza ka hUM(rgyud 'grel): ru lu ru lu b+hyo hUM hUM phaT/ de nas legs sbyang dri zhim chu/ /bdud rtsi lnga ldan byugs pa'i sar/ /thig le dri zhim me tog dgod/ /khrag 'thung rgyal po la sogs pa/ /nyi shu rtsa lnga'i 'khor lo bskyed/ /oM heM la sogs go bgo zhing/ /gnas gsum byin gyis brlabs rjes su/ /ye shes 'khor los byin brlabs nas/ /dbang bskur rgyas gdab rim bya ba/ /mchod dang bdud rtsis tshim bya zhing/ /bstod pas mgon po mnyes byas la/ /btud de gsol ba gdab par bya/ /gnyis med ye shes las byung ba'i/ /khyab bdag dngos kun bdag cag nyid/ /ston pa'i gtso bo khrag 'thung dpal/ /sna tshogs sde mar yang dag ldan/ /phyogs mtshams rnams kyi mkha' 'gro ma/ /rig pa'i lha mo rdzu 'phrul can/ /byang chub sems dpa' la sogs kun/ /ma lus bdag la dgongs su gsol/ /slob ma rnams la phan pa dang/ /khyed rnams la yang mchod pa'i phyir/ /rdo rje can bdag 'di zhes pa/ /nang par dkyil 'khor 'bri bar 'tshal/ /rjes su brtse bar nyer dgongs te/ /kun gyis byin gyis brlab tu gsol/ /lan gsum gsol ba gdab rjes su/ /dri zhim me tog phreng ldan dang/ /thod pa bdud rtsi lnga ldan pas/ /dpal ldan khrag 'thung la sogs kun/ /bdug spos la sogs legs phul nas/ /de 'og rang gi dbugs 'byung ba/ /cho gas brtul zhugs kun bya'o/ /lha la gsol ba gdab cho ga'o/ /de'i 'og gser dngul la sogs rin chen las byung ba'i/ /zhabs phra lto che mgrin ring mchu phra

  521. 261a

    nyi shu drug /dri zhim dkar rtsis byugs shing nag nog ra ri med/ /pad+ma'i lte bar rang dang mtshan ma rnams kyis mtshan/ /ras dkar zung res bum pa'i mgul du bcing bar bya/ /chu ni 'o ma bsres pa chang dang bcas pa dang/ /rin chen rnam pa lnga gzhug cing/ /bum pa kun nas 'bru lnga dang/ /sman dang bdud rtsi sha lngar bcas/ /rnam par rgyal ba'i nang bcug ste/ /a mra'i lcug mas dgab par bya/ /bdugs bskrad bum pa byin brlabs nas/ /de rjes slob dpon blo chen gyis/ /sangs rgyas thod pa'i sbyor dang ldan/ /bum pa'i nang du bsgom bya ba/ /pad+ma'i steng du nyi ma ste/ /de steng ro yis yang dag mnan/ /de steng ye shes lnga las byung/ /gtso bo yab yum bsgom par bya/ /de nas bum pa gzhan dag tu/ /yud tsam gyis ni lha mo rnams/ /rab tu gsal bar bskyed par bya/ /las kun byed pa'i bum pa la/ /sna tshogs rdo rjes mtshan byas nas/ /cho ga gsum gyis bdud rtsi 'khyil/ /bskyed pa'i cho ga rdzogs par bya/ /dkyil 'khor tshul du bkod byas la/ /go cha bgos dang gnas gsum brlab/ /dbug sogs dbang bskur legs zin nas/ /thod pa'i mchod yon sngon 'gro bas/ /spos sogs lha bshos dag gi bar/ /lha yi grangs dang mnyam par dbul/ /nad dang gsang bar bcas pas kyang/ /bum pa'i lha rnams mnyes par bya/ /de bzhin sngar gsungs lha tshogs la'ang/ /mchod pa'i mig? rab tu bya/ /de 'og bzlas pa dbul bya ba/ /rnam par rgyal ba'i bum pa la/ /snying po dag gis mnyes par bya/ /de las gzhan pa rnams la ni/ /nye ba'i snying po rab tu sbyar/ /las kun byed pa rang sngags so/ /gsol gdab gzhan dang mtshungs par bya/ /de ltar cho ga'i tshul dag ni/ /bum pa lhag par gnas pa'o/ /de nas slob ma'i gtso bo sogs/ /lhag gnas mchod par bya ba'i phyir/ /sngar bshad mtshan nyid dang ldan tshogs/ /lus gtsang gos gtsang gyon pa dang/ /me tog snyim par rab bkang nas/ /mdzes pa'i maN+Dal phul rjes su/ /'dod pa'i gsol gdab gus par

  522. 261b

    brjod/ /dga' chen khyod bdag ston pa po/ /slob dpon khyod ni dgongs su gsol/ /byang chub sems dpa' i tshul bstan pa/ /mgon po chen po bdag 'tshal lo/ /dam tshig de nyid bdag la gsol/ /byang chub sems kyang bdag la gsol/ /sangs rgyas chos dang dge 'dun te/ skyabs gsum? dag kyang bdag la gsol/ /thar pa chen po'i grong mchog tu/ /mgon po bdag ni 'jug par 'tshal/ /de ltar gsol 'debs slob ma rnams/ /rang snying 'od kyis bur byas la/ /rna lam 'di skad sgrag par bya/ /bu tshur theg pa chen po la/ /khyod ni tshul chen snod yin te/ /gsang sngags sbyong pa'i cho ga ni/ /khyod la yang dag bshad par bya/ /rdzogs pa'i sangs rgyas gang 'das dang/ /de bzhin gang dag ma byon pa/ /da ltar byung ba'i rdzogs sangs rgyas/ /'gro la phan phyir bzhugs pa kun/ /de dag kun gyi gsang sngags kyi/ /cho ga bzang po 'di mkhyen nas/ /dpa' bo byang chub shing drung du/ /thams cad mkhyen mtshad med brnyes/ /gsang sngags spyod pa mnyam med de/ /skyob pa dpal ldan he ru kas/ /bdud sde shin tu mi bzang pa/ /dbung chen dag kyang de yi bcom/ /de bas kun mkhyen thob bya'i phyir/ /bu yi blo gros 'di gyis shig /gong nas gong gi sdom pa ni/ /bu khyod kyis ni bsrung bya'o/ /grol pa'i rgyu ni de las gzhan/ /thabs ni gang yang yod ma yin/ /mkha' 'gro'i yan lag las byung ba'i/ bshags pa la sogs slob ma la/ /byang chub thob pa'i don gyi phyir/ /cho ga thams cad tshogs par spyad/ /bdag gis sdig pa bgyis pa dang/ /bgyid du stsal dang yi rang dang// sangs rgyas spyan sngar mchis nas ni/ /ma lus so sor bshags par bgyi/ /sangs rgyas byang chub sems dpa' dang/ /rang rgyal dgra bcom 'gro rnams kyi/ /bsgom dang bzlas brjod bsod nams rnams/ /tshogs dag la ni yi rang ngo/ /sangs rgyas chos dang dge 'dun la// rtag tu bdag ni skyabs su mchi/ /sangs rgyas thod pa mkha' 'gro ma/ /'khor lo gsum gyi bdag nyid can/ /kun la rtag tu skyabs su mchi/ /dpa' bo dpa' mo dbang lha mo/ /byang chub sems dpa' i bdag nyid che/ /khyad par du yang slob dpon la/ /rtag tu bdag ni skyabs su mchi/ /dpal ldan

  523. 262a

    khrag 'thung dpa' bo dang/ /rnal 'byor ma dang snang mdzad sogs/ /byang chub sems dpa' dpag med sogs/ /thams cad bdag la dgongs su gsol/ /che ge dus 'di nas bzung nas/ /ji srid gnyis med la gnas par/ /de yi tshangs spyod gnyis med pa/ /byang chub mchog sems bskyed par bgyi/ /bdag gi dge ba'i las rnams kyis/ /sangs rgyas myur du bsgrub byas te/ /sems can 'khor ba'i rgya mtsho las/ /bla med gnas su bsgral bar bgyi/ /yud tsam slob ma lhar byas nas/ /gnas gsum thig le bkod pa'i sar/ /rdo rjes mtshan pa'i 'bru gsum bsgom/ /sku gsung thugs kyi mtshan mar gyur/ /de dkyil 'bru gsum nus mchog gis/ /bkug bstims lha ru gsal byas la/ /spyi bor me tog mdun du spos/ /dri dang mar me snying gar te/ /lha bshos zhal du snyan la sgra'o/ /u dum+ba ra a shwat sogs/ /sor bcu gnyis kyi tshad tsam la/ /skyon bral me tog tser bcings sbyin/ /shar ram byang du kha bltas te/ /mi smra bar ni so shing bca' / /ba ko tsam lci byugs pa'i sar/ /so shing mdun ni drang por dong/ /de tshe rang la blta ba dang/ rtse mo gyen du 'greng 'gyur na/ /dngos grub mchog tu de bshad do/ /mtshams dang byang du bltas pa na/ /'jig rten pa yi dngos grub thob/ /de bzhin gzhan du kha bltas na/ /dngos grub 'bring po nyid du 'gyur/ /so shing bor ba brgya zhig la/ /gal te thur du kha bltas na/ /de ni nges par sa 'og gi /dngos grub dag la the tshom med/ /oM h+ri(rgyud 'grel): la sogs gsang sngags kyis/ /skyor mo bsdams pa'i chu blung bya/ /'jig rten du ni kun mkhyen kyang/ /u dum+ba ra'i me tog ltar/ /brgya lam na ni re 'ga' zhig /'byung 'gyur yang ni mi 'byung ngo/ /gsang sngags spyod pa'i tshul 'di ni/ /de bas kyang ni rnyed dka' ste/ /gang gis sems can mnyam med don/ /bla na med par byed nus pa/ /gnyis med zab mo'i spyod tshul 'dis/ /sems can sangs rgyas thob byed pa'o/ /dang po bskal pa grangs med

  524. 262b

    nas/ /bsags pa'i sdig pa gang dang gang/ /de kun zad par gyur pa ni/ /zab mo'i dkyil 'khor mthong bas so/ /de rjes 'bru gsum sngags mchog gis/ /ku sha byin gyis brlab byas te/ /sngas dang bstan du gding bar byas/ /gtso bo'i snying pos rab bzlas pa'i/ /srad bu dmar lam dud pa gsum/ /byas te dpung pa g.yon par bcing/ /seng+ge'i nyal stangs bstan byas te/ /ku sha'i stan la khyod nyol la/ /nad par bzhin bzangs rnams longs shig /sang gi nad par khyod rnams kyis/ /dpal ldan sangs rgyas thod pa yi/ /grong khyer chen po mthong zhes brjod// de nas rang snying sa bon las/ /sngags zhugs mdun du lha rnams sprul/ /phyi nang bdag nyid can gyis kyang/ /dpal ldan khrag 'thung la sogs pa'i/ /'khor lo rnams ni rab tu mchod/ /'byung po rnams kyang mgu bar bya/ /nang par gyi ni dus dag tu/ /rmi lam mtshan ma dri bar bya/ /des kyang mtshan mgad mthong rnams/ /'dzom pa med par smra bar bya/ /gal te bzang na dngos grub bstan/ /dan na bgegs rnams bzlog par bya/ /slob ma lhag gnas cho ga'o/ /de ltar lhag par gnas byas nas/ /shes rab can gyis nang par dus/ /thig dag gdab par bya ba'i phyir/ /slob dpon mtshan nyid sngar gsungs pas/ /thod pa las byas spyi bor 'chang/ /yan lag thal bas rnam par byugs/ /lus la phyag rgya drug la sogs/ /kha TwAM ga ni lag na thogs/ /brgya phyeng phreng bas rnam par brgyan/ /he ru ka dpal rang byas te// 'khor la bltas pas snying gar dgod/ /bdag nyid gsal bar go gyon cing/ /sngags dang phyag rgyas brgyan nas ni/ /dngos grub mchog gi stsol ba yi/ /dkyil 'khor 'jigs pa bri bar bya/ /ga mi ta ka la sogs pas/ /ma ra ru d+hi ras spangs pas/ /rab shes dkyil 'khor nyis 'gyur sogs/ /tshad ldan srad bu bkal byas nas/ /khrag 'thung grong khyer nyams dga' ba/ /ji srid mtho lnga nas brtsams nas/ /bcu gnyis bcu drug mthar thug par/ /rnal 'byor dbang phyug dam pa yi/ /shes rab can gyis thig gdab ste/ /srad bu

  525. 263a

    kha dog sna lnga ru/ /rnam par phye ste bcos nas ni/ /thod pa'i snod bzhag ngag mos pas/ /sa bon las byung rigs lngar bskyed/ /dpal ldan khrag 'thung la sogs kun/ /spyan drangs nas ni de ru gzhug /sangs rgyas kun gyi mkha' 'gro ma/ /gtso bo'i sngags dang gnyis med pas/ /pad+ma'i snod la legs bzhag cing/ /rang byung me tog dag gis mchod/ /ye shes skur bskyed byas nas su/ /mkhas pas thig ni gdab bya ba/ /sngon chad cho ga mthong ba yis/ /ye shes thig skud gdab bya'i phyir/ /bla mas khu tshur gyis bzung zhing/ /gcig ni mdza' ru shi sha yis/ /dbugs 'byin 'gro bar bsam nas su/ /thig gnyis dag ni legs par bsgril/ /gnyis su med pa'i gsang sngags kyis/ /bsgril nas thig ni der bya'o/ /dzdza dzdza zhes pas legs btang zhing/ /blo ldan rgyab nas 'greng bar bya/ /dang po byang dang lho yi ni/ /sgo dbus ji bzhin gnas nas su/ /lho ru mngon par phyogs nas su/ /de bzhin nam mkha' i thig gdab bo/ /nub dang shar nas gnyis pa gdab// oM badzra sa ma ya sU tra mA ti kra ma hUM/ /de rjes g.yon pa'i khu tshur rgyal?/ /lte ba'i phyogs su bzung nas kyang/ /shar du bltas nas 'gro mgon gyis/ /sa la tshangs pa'i thig gnyis gdab/ /thig skud dag ni 'debs pa'i tshe/ /'jig rten khams ni ma lus pa'i/ /sangs rgyas la sogs 'gro ba'i don/ /khyed kyis dus ni yin zhes bskul/? /bla ma nyid dam grogs mchog gis/ /g.yon nas bskor ba shin tu brtson/ /rlung dang dbang ldan phyogs gnas dang/ /me dang bden bral khar gnas te/ /bla mas mtshams su thig gnyis gdab/ /byang nas mngon par bltas nas ni/ /bden bra la du ni srad bu bsgreng/ /me yi phyogs su gnas pa dang/ /dbang ldan phyogs su gnas pa yis/ /shar gyi thig ni gang yin pa/ /brtul zhugs can gyis cho gas gdab/ /phyogs skor la sogs dbyer shes pas/ /kun gyi thig ni thams cad kyang/ /bla ma'i man ngag

  526. 263b

    rim thob pas/ /bla ma mkhas pas thig gdab bo/ /bla ma mer gnas bden bral dang/ /bla ma rlung dang dbang ldan du/ /gnas byas lho byang thig gdags bo/ /ra ba me ri bor byas pa'i/ /cha ldan bcu drug rab dbye bya/ /dbang po drug ni nang dor nas/ /gnyis gsum bdun pa bzhi bzhir dbye/ /bzhi pa de bzhin lnga dang brgyad/ /dbus ma dor ba'i cho ga bya/ /gtso bo'i pho brang cha chen gcig /lte ba ze'u 'bru ldan par gdab/ /pad+ma rim gsum 'dab ma brgyad/ /cha chen gsum gyi sa yin te/ /cha phran gsum gsum pad+ma ste/ /cha phran re re rdo rje phreng/ /sgo ni 'khor lo'i brgyad cha ste/ /khyams ni de yi phyed du bya/ /sgo khyud dag ni sgo yi tshad/ /tshon sna lnga yang de yi phyed/ /rin chen pha gu tshon gyi tshad/ /nyis 'gyur dra ba dra phyed yin/ /sgo yi sum 'gyur rta babs te/ /ba dan dril bu 'od zer gyis/ /brgyan par thams cad thig gdab cing/ /gdugs dang 'khor lo ri dags bcas/ /phyogs su rdo rje rgya gram mdzes/ /phyi rgya ra ba mi ri ste/ /brgyad du ma gtogs cha chen gcig /rim gnyis thig ni gdab par bya/ /dang po dkar rtsi thig sogs las/ /rim bzhin thig gdab nges par bya/ /de steng ye shes thig btab pas/ /kun nas yongs su brkyang bar bya/ /rdul tshon sngon po ro bsregs pa'i/ /sol ba nag pos bya ba yin/ /rdul mtshon dmar po dur khrod kyi/ /so phag las ni bya bar bshad/ /de bzhin rdul tshon ljang gu ni/ /nim pa'i 'dab ma dag las so/ /rdul tshon dkar po'i rgyu dag ni/ /mi dus phye ma dag las so/ /rdul tshon ser po'i rgyud dag ni/ /yud ba'i phye ma dag las bya'o/ /de ltar rdul tshon lnga rnams kyis/ /mkhas pas dkyil 'khor bri bar bya/ /de ltar dur khrod sa rnams ni/ /dbang phyug chen po'i rgyan yin phyir/ /lnga po lngar ni rab sprul bya/ /ye shes thig gi cho ga bzhin/ /bskyed pa'i lha sogs rgyas par bya/ /sems dag nang par langs nas ni/ /dkyil 'khor las ni rab tu brtsam/ /'di ni chos dbyings dag pa ste/ /sems can khams ni rab grol byed/ /sangs rgyas thod pa rgyal chen po/ /de bzhin gshegs

  527. 264a

    pa kun gyi gnas/ /nyes pa ma lus rab zhi pa'i/ /tshon gyi las la yang dag 'jug /slob dpon gyis ni dang por ni/ /g.yon pa'i khu tshur sar bzhag ste/ /dbang ldan mtshams nas brtsams nas su/ /ri mo lnga pa rgyab tu bri/ /tshon dang 'bri ba'i las byed pa/ / dam tshig sdom pa ldan par sbyin/ /mthe'u chung dang mthe bo spangs/ /drangs te mtho bar yang dag bri/ /g.yas su bskor zhing rgyun mi bcad do/ /sngon zhing dkar ba ser ba dang/ /pad+ma rA ga markata bzhin/ /rab tu bsgrims te bri bar bya/ /phyi nas kun slob mas so/ /gal te ri po? mi mnyam zhing/ /yo zhing dma' dang chad pa yang/ /ri mo dma' bas mi 'grub cing/ /g.yon pas gdung ba skyed par byed/ /chad pas slob dpon slob ma dag/ /gnyis ka 'chi bar shes par bya/ /de phyir mtshan ldan ri mo ni/ /mtshan nyid kun gyis legs par mtshan// pho brang rim gsum zlum po la/ /rdo rje gsum gyis yongs su bskor/ /phyi rol gru bzhi lham pa la/ /sgo bzhir rta babs rnams kyis brgyan/ /ba dan rnam pa bzhi? yis rgyan/ /dra ba dra ba phyed pas spras/ /phyi rol kha khyer dag pa dang/ /rin chen pha gur yang dag ldan/ /pad+ma nyi shu rtsa lnga yis/ /gdan rnams kyis ni shin tu mdzes/ /de la rim pa dang po ni/ /'dab brgyad sna tshogs lte bar bcas/ /pad+ma'i lte ba sngon po bri/ /dkar ser dmar zhing gnag pa ste/ /shar dang byang sogs phyogs kyi rdul/ /mtshams bzhir mdzes pa'i kha dog can/ / bdud rtsis gang ba'i? thod pas mdzes/ /rdo rje phreng ba'i sngon pos brgyan/ /de 'og rim pa gnyis pa ni/ /'khor lo rtsi bas brgyad dmar po la/ /rtsi bas mtshon ljang gus yang dag bri/ /pad+ma dmar po'i phreng bas brgyan/ /rim gsum pa yi 'khor lo na/ /rtsi bas brgyad kha dog dmar po la/ /rtsi bas mtshon kha dog nag po bri/ /de yang rdo rje ra bas brgyan/ /dkar pa'i tshon gyis legs pa'o/ /sgo bzhir rigs kyi rim ji bzhin/ /sgom bzhi ni nges par gnas/ /pho brang dbus kyi lte ba la/ /ro steng rdo rje nag po dang/ /gri gug dmar po legs

  528. 264b

    par dgod/ /pad 'dab 'khor lo rnams kyi steng/ /nyi ma'i dkyil 'khor la gnas pa'i/ /gi gug lha mo'i mdog bzhin bri/ /sgo bzhi rnams su 'ang de bzhin no/ /de dag tshon gyi cho ga'o/ /de ltar ming 'od sna tshogs pa'i/ /lha rnams gzhal yas khang mdzes pa/ /de skad gsungs pa rdzogs par bya/ /sna tshogs gos dang rgyal mtshan dang/ /bla re la sogs bre ba dang/ /spos dang me tog la sogs pa'i/ /mchod pa'i rgyan gyis rnam par brgyun/ /rgyan cha che ldan bla ma yis/ /rang gi rnal 'byor rdzogs byas la/ /bde ba chen po ster byed pa'i// khrag 'thung rgyal po'i dkyil 'khor mchog /rdul tshon bris pa'i khang pa la/ /mtshan nyid ldan pa bskyed par bya/ /pad+ma nyi ma nyi shu lnga/ /gdan rnams shin tu mdzes pa la/ /de yi dbus chud sa bon ni/ /yi ge hUM gi rang bzhin sngo/ /skad cig tsam gyis he ru ka /sku mdog sngon po grags chen po/ /g.yas gri gug cang te'u 'dzin/ /g.yon na thod pa kha TwAM ga /skyil krung phyed pa'i 'jigs chen po/ /zhal gyi mche ba cung zad gtsigs/ /ral pa'i cod pan gyis brgyan cing/ /sangs rgyas thod pa'i cod pan can/ /dbu la sna tshogs rdo rjes mtshan/ /zla ba phyed mas? 'dzin pa'i lha/ /sku la thal ba'i rdul gyis byugs/ /dpa' bo phyag bzhi phyag mtshan 'chang/ /shin tu hUM sgrogs 'jigs byed pa/ /gar gyi stabs kyis rnam par bzhugs/ /mgo bo rlon pa'i phreng ba can/ /mchod phyir thogs pa'i phreng ba 'chang/ /thod pa gti mug rnam dag pa'i/ /phreng ba rgyus pas brgyan pa'i lha/ /mgul ngo dang ni 'khor lo dang/ /rkang gdub dang ni dpung brgyan dang/ /gdub bu rkeng pa'i ske rags dang/ /dpa' bo rna cha mchog gis brgyan/ /'di 'dra'i gzugs can gtso bo ni// hUM zhes bzlas ba khyed? bar bsgom/ /de las byung ba'i rnal 'byor ma/ /nyi shu rtsa bzhi bdag nyid rnams/ /sku mdog sna tshogs grags chen mo/ /shin tu 'jigs pa'i gtsigs can ma/ /zhal gcig phyag ni thod pa 'chang/ /g.yas pa na ni gri gug 'dzin/ /so so

  529. 265a

    yi ni ming ji bzhin/ /rab tu gsal bar bshad par bya/ /rim pa dang po'i phyogs bzhi ni/ /phreng bzang ma dang 'dod can ma/ /'jigs ma dang ni thub dka' ma/ /mtshams su thod pas yang dag brgyan/ /rim gnyis gsung gi 'khor lo la/ /bde ba'i ske rags can dang ni/ /gzugs can 'byung gnas rnam rgyal ma/ /shar sogs phyogs bzhir g.yon rim gnas/ /thod can ma dang mtshon chen ma/ /rgyud byed ma dang gsod byed ma/ /dbang ldan mtshams sogs g.yas rim bzhugs/ /rim gsum sku yi 'khor lo la/ /sgrol byed ma dang 'jigs ma dang/ /lha mo mi pham ma bzhi ni/ /shar phyogs lugs 'jug phyogs bzhir ro/ /dge ma 'dzur byed ma dang ni/ /dus mtshan ma dang grags chen ma/ /dbang ldan mtshams sogs lugs las bzlog /mdzes sdug ma dang nor 'dzin ma/ /skal bzang ma dang brags mthong ma/ /shar sogs sgo bzhir yang dag gnas/ /'di lta bu yis dkyil 'khor mchog/ kha dog rnam pa lnga yis brgyan/ /de yi dbus gnas lha mo ni/ /he ru ka la bde ster ma/ /skyil krung byed pa'i gar byed ma/ /me yi rus pa'i phreng bas brgyan/ /lha mo 'od zer dpag dka' zhing/ /skra ser gyen du 'bar ba ste/ /hUM gi bdag nyid las skyes 'jigs/ /zhal nas khrag gi 'thor byed ma/ /dkar mo nag mo ljang gu ma/ /thams cad khu ba ldan gyur ma'o/ lha yi dkyil 'khor bskyed pa ni/ /nyi shu rtsa lnga'i bdag nyid bsrungs/ /mdog dang phyag mtshan cha lugs gdan/ /sgrub pa'i thabs bzhin bsgom par bya/ /sngar gsungs sta gon lha rnams ni/ /snying ga nyid nas rab sprul nas/ /dkyil 'khor la ni byin gyis brlabs/ /yang ? snying ga'i sa bon gyis/ /ye shes lha rnams dgug byas te/ /dkyil 'khor lha rnams byin gyis brlabs/ /oM bud+d+ha ka pA lI ni a(rgyud 'grel): khaM graM pruM sh+ruM a(rgyud 'grel): a(rgyud 'grel): a(rgyud 'grel): hUM hUM hUM phaT/ rtsa yi 'khor lo 'jigs tshul gyis/ /dbang bskur

  530. 265b

    rgyas gdab phun sum tshogs/ /ma lus pa ni 'dir bya'o/ /de nas me tog spos la sogs/ /lha yi grangs dang mnyam par dbul/ /de bzhin gon ni zur res mchod/ rab byung me tog la sogs pa'i/ /bdud rtsi lngas kyang de bzhin mchog /thod pa gdu rtsi lngas dkang ba/ /he ru ka yis btung bar bya/ /de yis 'thungs pa tsam gyis ni/ /'gro ba'i bla ma bdag nyid che/ /gtso bo las gzhan tha dad gzugs/ /rnal 'byor ma kun de dang 'dra/ /'dod pa'i yon tan sna tshogs dang/ /tshogs kyi sbyor ba cha ldan zhing/ /nam mkha' co ce'i sgras bkang nas/ /bkra shis glu yis bstod bya zhing/ /bzlas pa yis kyang mgu bar bya/ /lto ba'i gnas su sbyin sreg bya/ /pad+ma'i 'dab ma brgyad ldan du/ /khrag 'thung mkha' dro nyi shu lnga/ /ge sar pad+ma'i lte ba la/ /bdag nyid lha yi dngos byas nas/ /sbyin sreg cho ga ldan byas nas/ /ldeb mi dgos pa dngos grub 'gyur/ /bza' dang bca' btung myang ba dang/ /brtul zhugs can gyis ci spyod pa/ /ye shes bdud rtsi lnga nyid du/ /bsgrubs te thams cad spyad par bya/ /bdag nyid lhe ni lha yi mchog /bdag nyid lha ni lha dam pa/ /rang gi gzugs la ma chags pas/ /gzugs brnyan la sogs bzhin du shes /bdag nyid sangs rgyas ma lus dang/ /mkha' 'gro ma kun gnas yin te/ /de phyir rtsol ba ma lus kyis/ /bdag nyid he ru ka dpal mchod ? khur la skyegs bza' ba dang/ /? dron sha dang nya sha dang/ /bdud rtsi lnga sogs ci 'byor pa/ /thod pa'i nang du legs bzhag ste/ /sbyang sogs rim gyis byin brlabs nas/ /zhing skyong rnams la gtor ma sbyin/ /mchod pa'i bya ba rdzogs gyur nas/ /slob ma gzhug po'i cho ga yis/ /dang po nyid du slob dpon gzhug/ mtshan nyid ldan pa'i slob ma'i tshogs/ /gus byas mdzes pa'i gos gyon te/ /bu sdug de dag rnams kyi ni/ /gdod ba dar gyis g.yogs byas nas/ /gsol ba 'debs pa

  531. 266a

    sngon du 'gro/ sangs rgyas kun gyi rang bzhin sku/ /slob dpon la ni skyabs su mchi/ /dpa' bo rnal 'byor ma 'khor lo/ /rnal 'byor gnas la bdag phyag 'tshal/ /thar ba chen po'i grong mchog tu/ /mgon po bdag ni gzhug tu gsol/ /don dam smra ba'i seng ge rnal 'byor zhes bya ba/ /nyon mongs gcod pa'i don la shin tu mkhas gyur pa/ /srid pa'i nyes brgya bskyed pa'i nyon mongs gcod mdzad pa/ /rnal 'byor don dam rgyal po de nyid grub par mdzod/ /lan gsum du ni gsol ba gdab// de nas slob dpon gyis kye khyod su zhes smra'o/ /slob mas bdag ni rgyal ba'i sras zhes smra'o/ /de bzhin gshegs pa kun gyi gnas/ /he ru ka dpal grong khyer mchog/ snying po'i dkyil 'khor 'di ru ni/ /bdag gi slob ma gzhug par bgyi/ /de nas lho sgor mngon phyogs nas/ /dkyil 'khor mkha' 'gro tshogs dag la/ /sgo gsum dang bas phyag btsal ba/ /oM na ma ste hUM/ nam mi hUM/ na mo na ma(rgyud 'grel): hUM swAhA/ zhes brjod sku gsung thugs kyis ni/ /sgo nas lan gsum sngon 'gro phyag/ oM sarba bI ra yo gi ni pU dzo past+tharbA ya At+ma nAM nIrya ta ya mi sarba ta tha ga ta bI ra yo gi ni/ At+ma ma le a d+hi tiSh+Tha swa maM/ /zhes brjod lus ni thams cad kyi/ /gus pas rab tu phyag 'tshal lo/ /de nas shar gyi sgor gnas la/ /snying ga'i g.yon du thal mo sbyar/ /oM sarba bI ra yo gi ni/ /pU dzo pas+tha nA ya/ a b+hi She ka ya At+ma nAM/ niryA? tA ya mi sarba ta tha ga ta bI ra yo gi ni/ At+ma ka ma d+ha a b+hi Shiny+tsa tu mAM/ de rjes byang gi sgor phyogs shing/ /thal mo de nyid dpral bar bzhag/ oM sarba bI ra yo gi naM/ pU dza pra barta nA ya/ At+ma nShaM/ nirya tA ya mi sarba ta thA ga ta bi ra yo gi ni At+ma me ma pra b+hi d+ha na maM/ de nas nub kyi sgor 'dug la/ /thal mo de nyid mgor bzhag ste/ /oM sarba bI ra yo gi ni/ /pU dza karma At+ma nI/ nirya? tA ya mi sarba ta thA ga ta bI ra yo gi ni/ At+ma Arya karma ku ru rAM/ byin gyis brlab phyir phyag bzhi btsal/

  532. 266b

    de nas lho sgor 'dug nas kyang/ /las ni bum pa'i chu yis gtor/ /slob ma'i lag pa bzung byas la/ /sangs rgyas thod pa'i sdom pa mchog /brjod de thams cad sbyin par bya/ /sangs rgyas chos dang dge 'dun te/ /dkon mchog gsum la skyabs su gdong/ /'di ni sangs rgyas rigs yin te/ /sdom pa rtag par gyur pa'o/ /rdo rje dril bu phyag rgya ni/ /blo chen khyod kyis gzung bar bgyi/ /byang chub sems gang do rdo rje/ /shes rab dril bu shes rab grags/ /slob dpon khyod kyis gzung bar bya/ /bla ma sangs rgyas kun dang mnyam/ /'di ni rdo rje rigs dag pa'i/ /dam tshig sdom pa yin par bshad/ /rin chen rigs la rtag tu ni/ /nyin re bzhin nam lan drug tu/ /chos dang zang zing mi 'jigs byams/ /sbyin pa rnam bzhi rab tu sbyin/ /phyi dang gsang ba'i theg pa gsum/ /dam pa'i chos kyang ma lus gzung/ /'di ni pad+ma'i rigs dag pa'i/ /dam tshig yid du 'ong ba'o/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar gyi/ /mchod pa'i las kyang ci nus kyi/ /de ltar sdom pa bzung nas ni/ /me tog phreng dang bcas pa yis/ /snying gang rdo rje rab bzhag la/ /oM badzra yo ga tsit+ta utwA tA ya mi/ oM su ra ste sa ma ya stoM ho sid+d+hiM badzra ya tha su khaM/ rnal 'byor du ni sems bskyed do/ /yongs su sbyangs pa'i bu sdug de/ /las kun byed pa'i chus gtor la/ /dkyil 'khor du ni gzhug par bya/ /oM A khaM bI ra hUM/ deng khyod dpa' bo dang rnal 'byor ma thams cad kyi rigs su zhugs kyis/ ngas khyod la dpal he ru ka'i ye shes bskyed par bya ste/ ye shes gang gis khyod de bzhin gshegs pa thams cad dang dpa' bo dang rnal 'byor ma rnams kyi dngos grub kyang thob par 'gyur na/ dngos grub gzhan lta ci smos/ /khyod kyis dkyil 'khor ma mthong ba'i/ /mdun du smra bar mi bya ste/ /dam tshig nyams par gyur ta re/ /he ru ka dpal deng khyod kyi/ /snying la yang dag bzhugs pa ni/ /gal te tshul 'di smras na ni/ /de ma thag tu dral te gshegs/ /rjes su

  533. 267a

    mna' chu blud? ba ni/ /tsan dan dang ni ga bur bcas/ /bde 'byung me tog chu dang ldan/ /blo gros brtan pa'i slob ma la/ /mtshan ldan thod par blugs nas ni/ /gzi brjid can gyis 'di skad smra/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub 'gyur/ /oM pany+tsa a mri ta ud ka Tha Tha Tha hUM/ deng nas brtsams te khyod kyi dpal he ru ka nga yin gyi ngas gang 'di byos shig bsgo ba de khyod kyis bya'o/ /khyod kyis nga la brnyas par ma byed cig /khyod mi bde ba ma spangs par dus byas nas dmyal bar gyur ta re/ de rjes slob ma'i gtso bo yis/ /dpa' bo dang ni rnal 'byor ma/ /thams cad kyis ni byin rlobs la/ /he ru ka dpal rnal 'byor ma/ /bdag la ye shes dbab du gsol/ /sngar gsungs rgyan ldan bla ma yis/ /gzi lda bsgyings bcas slob ma la/ mi 'chi bcu phyed ro ras dang/ /byi brun gu gul nag po dang/ /grir shi glang khrag tshil chen bcas/ /rang skra dang bcas zhib mor brdungs/ /pad+ma'i snod du rab bzhag nas/ /dur khrod yi dags mes gdungs la/ /gnyis med sngags kyis gcun par bya/ /dril bu'i sgra ni rab bsgrags nas/ /rang nyid 'od kyis mkha' 'gro gzhug /gal te 'bab par ma gyur na/ /slob ma'i snying gar nyi ma la/ /sangs rgyas thod pa yum bcas shing/ /yungs kar tsam gyi skur bsams la/ /de yi gsang dang mkha' bskyod par 'od zer dmar pos lus kun yang/ /ros gang gcig gyur sngags bzlas shing/ /bdug dang bsam gtan cho ga yis/ /skad cig nyid la dpa' bo dang/ /mkha' 'gro 'khor bcas snying la 'jug /oM tiSh+Tha mahA kro d+ha a be sha hUM/ oM sh+rI he ru kA ya/ bidma he birya rA dzA ya d+ha? bi he swAhA/ /mkha' 'gro bskul bas nges par 'bab/ /lce la a ni dmar bsams nas/ /gsungs shig rdo rje dge mi dge /sku gsung thugs la phebs gyur nas/ /brtan pa'i gsang sngags brjod par bya/ /'dir ni bsod nams ji lta bu/ /lha rnams rigs kyi rim bzhin

  534. 267b

    'di ni dngos grub gang yin pa/ /dkyil 'khor 'dir ni de bzhin shog/ pra tIts+tsha dang badzra ho/ /dkyil 'khor du ni me tog dor/ gang rnyed de yi rigs yin te/ /dbugs sogs mchan ma shes byas la /slar yang slob ma'i mgo la bcing/ /sha mig dag pa'i ltas kyi phyir/ ci mthong dri ba'i cho ga bya/ /de nas lag pa nas bzung ste/ /mig phyed dkyil 'khor bstan par bya/ he ru ka dpal deng khyod kyi/ /mig 'byed par ni brtson par mdzad/ /phye bas thams cad mthong 'gyur te/ /rdo rje'i mig ni bla na med/ /oM badzra nai tra ya a pa ha ra phaT laM h+rI/ dkyil 'khor bzang po 'di la ltos/ /nga ni dad pa rab tu bskyed/ /khyod ni rnal 'byor ma rigs skyes/ /sngags dang phyag rgyas byin gyis brlabs/ /'gro don phun sum tshogs kun dang/ /dngos grub kun mkhyen mngon du 'gyur/ dam tshig thams cad bskyang pa dang// gsang sngags la yang brtson par gyis/ /de nas dkyil 'khor 'khor lo yi/ /lha yi sku mdog ji bzhin dang/ /mtshan ma la sogs de bzhin du/ /slob ma rnams la bstan par bya/ /sna tshogs pad+ma'i dkyil stengs nas/ /gnyis su med par legs 'khyud pa'i/ /dngos po kun gyi rang bzhin can/ /dngos grub ma lus stsol ba po/ /khrag 'thung che la pu khyod ltos/ /sna tshogs sde mas gtsor mdzad pa'i/ /phreng bzang ma sogs lha mo lnga/ /thod pa bzhi por bcas pa'i yi/ /rab zab thugs kyi 'khor lo dang/ /dge ba'i ske rags can la sogs/ /gsung gi rnam dag 'khor lo dang/ /sgrol byed mkha' 'gro ma la sogs/ /rnam dag sku yi 'khor lo ste/ /rab dang 'bring dang tha ma can/ /mdzes sdug la sogs lha mo bzhi/ /gzugs sogs dag pa'i bdag nyid 'gyur/ /lha rnams de nyid mtshan ma yin/ de nas slob ma blo ldan gyis/ /zla ba'i zhabs la phyag 'tshal te/ /yon gyi mchog chen phul nas su/ /dbang bskur don du gsol ba gdab/ /he ru ka dpal dbang sgrub ba/ /'gro ba skyob cing gzi brjid can/ /de ltar yon tan 'byung gnas sogs/ /de bzhin

  535. 268a

    bdag la der gsol cig /dpa' bo chen pos mi ldog pa'i/ /dbang bskur ba ni bdag la gsol/ /sems can kun gyi don gyi phyir/ /bdag ni rtag tu slob dpon gyi/ /'jug sgo lho yi phyogs su ni/ /bdag nyid he ru ka dpal sems/ /pad+ma 'dab brgyad bris stengs su// seng ge'i khri ni bsham bya ste/ /sna tshogs mdzes pa'i stan bting la/ /gnyis med blo ldan der bzhag ste/ /he ru ka dpal sprul par bya/ /gdugs dkar stengs du phub nas kyang/ /dpa' bo rnal 'byor ma chogs kyis/ /bkra shis sgra yis legs gang ba/ /rol mo snyan dang glu dbyangs rnams/ /nam mkha' ca co yis bkang ste/ /dbang bskur bar ni 'dong pa yin/ /de la bar chod zhi ba'i phyir/ /yungs kar rnal 'byor pa yis kyang/ /bzlas brjod cho ga bzhin byas la/ /gsang sngags brjod nas brdegs par bya/ /de 'og lag gnyis 'dab rtse yis/ /bum pa rnams bteg sngags pa yis/ /lus nang rtogs gyur dkyil 'khor la/ /cho ga'i tshul gyis dbang bskur bya/ /rnam rgyal la sogs bum pa'i chu/ /lhag ma med par bsdu byas la/ /glu blang dril bu la sogs brdung/ /dpa' bo rnal 'byor ma lus kun// bsgoms la thams cad dbang bskur ro/ /dbang bskur rdo rje chen po ni/ /khams gsum pa yi gnas las byung/ /khams gsum kun gyis phyag 'tsha ba/ /chu yis dbang bskur spyin par bya/ /oM badzra a b+hi Shiny+tsa zhes/ /brjod de rang snying 'od las byung/ /rig pa'i lha mo rdzu 'phrul can/ /bdud rtsi chu yi bkru bar bya/ /dbu rgyan rin chen rgyu las byung/ /dar dpyangs bcings pa dbang bskur te/ /thor tshugs cod pan gyis brgyan pa/ /sangs rgyas kun gyis bsngags pa yis/ /rin chen dam pa'i dbu rgyan dang/ /dar dbyangs dbang bskur sbyin bar bya/ /oM badzra pa ti ka badzra? a ra li ho/ /rdo rje chen po rtse dgu pa/ /de nyid ldan pa byin brlabs nas/ /sangs rgyas rdo rje'i dbang bskur bas/ /di ring khyod la dbang bskur bya/ /'di ni sangs rgyas thams cad nyid/ /shin tu grub phyir rdo rje zung//

  536. 268b

    oM badzra a d+hi ba ti stwaM a b+hi Shiny+tsa mi/ lag tu byin la dbang bskur bya/ /thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po bdag/ 'di ni rnal 'byor ma kun gyi/ shes rab dbyangs kyi rjer 'gror bshad/ /khyod kyi kyang ni rtag tu bcang/ /byang chub mchog tu rgyal ba bzheng/ /de dus dril bu'i sgra bsgrags la/ /srid pa ngo bo nyid kyis dag /ngo bo nyid kyis dngos med byas/ /rang bzhin dag pa'i sems dpa' rnams/ /srid pa'i dam pa byed par shog/ oM shI he ru ka a d+hi pa ti stwaM/ a b+hi Shiny+tsa tiSh+Tha pI ra sa ma ya/ /dril bu g.yon du sbyin par bya/ /rdo rje dril bu yang dag 'khyung/ /g.yon bsnyams pa dang spros gnon 'chang/ gnyis med gnyis med rnal 'byor bdag/ phyag rgya chen por byin gyis brlabs/ /byin rlabs che ldan sngags kyis ni/ /sngags kyi dbang bskur sbyin par bya/ /oM sh+ri he ru ka a d+hi bo ti stwaM/ a b+hi Shiny+tsa maM/ h+rI he ru ka nA ma a b+hi She ka ta/ sh+rI yi sgra dang bcas pa yis/ /ming gi dbang bskur byin par bya/ /'di ni sangs rgyas thams cad kyi/ /he ru ka dpal phyag na gnas/ /khyod kyis kyang ni rtag tu bcang/ he ru ka dpal brtul zhugs brtan/ /oM si ta thA ga ta maM d+hya badzra sa ma ya tiSh+Tha e ? ? ? ? i hUM ha ha ha ho/ /'dis ni rdo rje'i brtul zhugs so/ /kha TwAM Da ma ru bzangs bcas/ /byin gyis brlab cing dbang bskur bya/ /he ru ka dpal kha TwAM ga rnal 'byor ma ni Da ma ru/ /rdo rje kha TwAM rdo rjer bcas/ /dril bu sil sil sgra sgrogs shing/ /tshangs pa'i skud thogs rnal 'byor bdag ? ? ? dang rnal 'byor snod/ /dpa' bo chen pos blang bar gyis/ /zhi dang rgyas dang dbang dgug dang/ /sdang dang dbye dang mnan la sogs/ /sang dang bskang pa ma lus pa'i/ /las rnams de ni sgrub par gyis/ /ral gri mig sman sa 'og dang/ /mchil lham de bzhin dril bu sde/ /rnal 'byor ba yi dngos grub sgrub/ /de nas ci dkar sgrub par gyis/ shAkya thub par bsgom byas la/ /lag g.yon gyis ni chos gos mdza' g.yas kyi mi 'jigs phyag rgyab gnas/ /slob ma la ni lung bstan bya/ /he ru ka dpal rnal 'byor che/ /'khor lo ma lus rnam

  537. 269a

    gnas shing/ /he ru ka dpal lur bstan bzhin/ /mgrin gcig tu ni thams cad kyis/ /'di lta rang yis lung bstan te/ /he ru ka dpal de bzhin gshegs/ /dngos po mchog tu grub pa'i phyir/ /srid pa'i ngan 'gro rnams la bton/ /shI he ru ka nA ma sarba ta tha ka ta tiShtha sid+d+hi sa ma ya stwaM b+hu ra b+hu ba swa(rgyud 'grel): de tshe he ru ka dpal dang/ /mkha' 'gro ma dang bla mar bcas/ /mgrin cig lung ston bsam par bya/ /rdo rjes dbugs dbyung sbyin pa ni/ /gang chen mchog gi dkyil 'khor du/ /mthong ba dang na bcug pa yis/ /sdig pa kun la grol 'gyur bar// khyod ni shin tu de ring gnas/ /dbang ni bskur btsam gyis kyang/ /slob ma yon tan bdag por 'gyur/ /slob dpon nying kyi bde ba yis/ /brtan dang g.yo kun dam tshig yin/ /sems ngag tho rangs du langs te/ /bza' dang bsrung ba la sogs pa'i/ /sdom pa'i bdag nyid can srung ngo/ /lus dang srog la mi lto bar/ /dam tshig dang ni sdom bsrungs/ /nyin dang mtshan mo lan gsum du/ /rtag tu bzlas la gzhol bar byos/ /gang tshe nyams na rnal 'byor pa/ /kha na ma tho sbom por 'gyur/ /dgun zla 'bring po nas brtsams te/ /zla ba re re bsrung ba ni gnyis su med pa'i 'khor lor gnas/ /tshes bcu dus su ma chod par bya/ /sha dang chang sogs gang ci'ang rung/ /dpa' bo rnal 'byor ma yi tshogs/ /he ru ka sogs rab tu mchod/ /theg pa dman la 'dod mi bya/ /sems can don la rgyab phyogs min/ /'khor ba dag kyang yong mi spang/ /mya ngan 'das la dga' mi 'gro/ dpa' bo rnal 'byor ma kun la/ /khyod kyis brnyas par mi bya'o/ /phyag rgya bzhon pas tshon cha dang/ /mtshan ma 'gom bar mi bya'o/ /dam tshig rab bsrungs bsod nams kyis/ /tshe 'di nyid la 'grub par 'gyur/ /bud med thams cad mthong ba na/ /g.yon nas lan gsum bskor byas la/ /sbyi bos phyag ni byas nas kyang/ /lan gsum bar du gsol ba gang ba/ /bdag gis ma khyod bu yin te/ /ji srid byang chub 'gyur bar du/ /byang chub yan lag du ma las/ /byung ba'i rang gi 'o mas

  538. 269b

    skyongs/ /gnyis med ye shes sbyod ldan pa'i/ /bslab pa blar ba sngon 'gro bas/ /tshangs par spyod pa shin tu bsrung/ /dam tshig de la rtag gnas te/ de sngon 'gro ba'i gsang ba yin/ /spyod dang grol ba'i gnas 'dod pa'i/ /yid la 'dod pa kun 'grub 'gyur/ /gtso pos ji ltar bka' stsal pa/ /de ltar bdag gi bgyid par 'tshal/ /de ltar yongs smin slob ma la/ /gsang ba'i dbang mchog sbyin par bya/ /dper na bu tsha med pa'i khyim/ /shi ma thag tu stong par 'gyur/ /de bzhin dbang dang bral na ni/ /ye shes kun gyis ston pa nyid/ /dbang mchog thog 'dod slob ma yis/ /sna tshogs zas dang sna tshogs skom/ /sna tshogs rol mo mchog gsungs dang/ /dra zhim lnga dang me tog spos/ /'di dag la sogs bla ma mchod/ /mchod yon zhabs bsil bde bzhin khrus/ /glu yis mchod pa rnams mang bas/ /sangs rgyas kun gyi rang bzhin che/ /'di dag gis ni bla ma mchod/ /mtshod ldan pa'i bu mo yang/ /mtshan nyid ldan pa dbul bar bya/ /de nas yang dag ba bshad pa/ /dbang dus cho ga ji bzhin du/ /slob ma dang brtan gang zhig gis/ /shes rab ma la gsol ba 'debs// dri zhim pa yi dngos po yis/ /maN+Dal rnam pa lnga byas te/ /sangs rgyas kun gyis brgyan byas pa/ /bla ma che la gsol ba 'debs/ /shin tu dri med sems kyis ni/ /de nas 'dir ni gsol ba 'debs/ /'khor ba'i 'dam du bying ba dag /dpung nyen khyod kyis bsgral du gsol/ /bdag ni rtsol chung skal dman zhing/ /sangs rgyas chos ni rnam par spangs/ /kye kye ston pa bla ma che/ /mgon po khyod kyis brtse bar mdzod/ /de nas slob dpon chen ldan par/ /lha yi rnal 'byor dang ldan pas/ /sngar gsung cho ga bzhin du ni/ /chu sogs dbang rnams bskur bar bya/ /gsang ba'i go 'phang 'di brjod bya/ /dam tshig phyag rgyar rab gsungs pa/ /yid kyi lus ni brtan phyir ro/ /gang gis lus kun brtan byed pa/ /de ni phyag rgyar rab tu grags/ /slob ma la ni ra brjod nas/ /bdag nyid rig pa lhan

  539. 270a

    cig tu/ /yid dang rjes mthun bza' dang bca' / /btung ba la sogs rjes spyad cing/ /kha la sogs par ga bur gyis/ /dri zhim mchog tu bsgos pa las/ /yid la 'phrog pa'i bgod pa dang/ /sgeg dang rol sogs sngar byas te// dbang po gnyis kyi snyoms 'jug pas/ /bde dga' rgya mtsho byung gyur pas/ /zhal du bza' ba'i rjes mchog bstab/ /rdzas de rnams ni gsol ba dang/ /yid ni tshim zhing thugs dgyes phyir/ /a ti su kha zhes brjod do/ /khams gsum thabs dang shes rab gcig/ bde chen gnyis med ye shes gsal/ /slob ma nus dang ldan par 'gyur/ /de ltar dbang mchog bskur byas pas/ /mgon po sa bcu dang mnyam 'gyur/ /de nas gsang dbang thob gyur pa'i/ /slob ma bzang la bla ma yis/ /shes rab la brten ye shes kyi/ /dbang bskur bzang ba sbyin pa'i phyir/ /dkyil 'khor bzang po'i phyi rol tu/ /sngar bzhin dkyil 'khor rdzogs bsgoms la/ /de yi dbus gnas bla ma ni/ /sangs rgyas thod pa'i rnal 'byor can/ /me tog la sogs mchod pa dang/ /chang la sogs pa'i dga' ston gyis/ /mchod cing bstod pas mnyes byas la/ /yon mchog dam pa phul nas ni/ /bla ma che la gsol 'debs pa/ /bla ma lha mo bgyes mthong nas/ /tshig 'di dag ni smra bar byed/ /rnam par rtog pa mang po yis/ /g.yogs pa'i bag chags rab ldan pa/ /'khor ba'i 'dam du bying ba bdag/ /mdzes ma khyod kyis skyob par mdzod/ /grags chen snying rje ldan pa yis/ /lha mo nges ni zhi bar mdzod/ /gsol ba btab rjes bla ma che/ /rang gi rnal 'byor rdzogs byas nas/ /dpa' bo rdzogs par mthong nas ni/ /rtsa yi 'khor lo las ni 'dzag /'dzag pa de las rnal 'byor ma/ /rnam mang brtse ba cher ldan pa/ /bder gshegs kun gyis byin brlabs ma/ /sna tshogs brgyan gyis rnam par klubs/ /sna tshogs pa yin bza' man bas/ /gzugs ni lang tsho

  540. 270b

    gzhon pas brgyan/ /lo ni bcu dang gnyis lon pa/ /phyag g.yas byang chub sems gang ba'i/ /bum pa a mra'i lcug bcas rnams/ /zhal ni rab bzhad dang ba yis/ /he ru ka ni rgyal gyur cig /rgyal bar gyur cig ces smras pas/ /chu sogs bum pa gsang ba dag/ dbang bskur rjes su shes rab kyi dbang ni rab tu bskur bar bya/ /dper na pi wang spyod kun tshogs/ /rgyu dang bral na brdung mi rung/ /de bzhin dbang dang bral na ni/ /sngags dang bsam gtan 'grub mi 'gyur/ /lo bcu gnyis pa'i bu mo ni/ /tshul khrims ma nyams chags chung bas/ /thong dang ldan zhing grags chen mo/ /nad med snying rje dang ldan pa/ sems can don la cig nan tan/ /rgod cing pad+ma'i spyan dang ldan/ /zla ba'i cha 'dra gdong mdzes ma/ /mu cor mi smra brtan zhing dul/ /shes rab pad+ma'i nang dbus/ / dpag tshad bye ba'i dkyil 'khor la/ /sum rtse gdag pa'i bdag nyid lus/ /'khor ba'i 'jigs pa las skyob pa/ /dkyil 'khor de yi dbus gnas pa/ /mkhas pas slob ma gsang dbang bskur/ /gal te byang chub bla med 'dod/ /phyi yi dkyil 'khor bya ba min/ / lha rnams gshig ba tsam gyis ni/ /sdig pa chen po skye bar 'gyur/ /de nas rdul tshon tsam gyis ni/ /de bzhin lha rnams dag mi 'gyur/ /rdo rje 'khor lo rin chen dang/ /de bzhin pad+ma ral gri nyid/ /byas nas slar yang 'chang byed pa/ /skyes bu tha shal dmyal bar 'gro/ /gang gis sangs rgyas spyan 'dren zhing/ /gang gis gshegs su gsol ba yin/ /rdo rje sems dpa' byon pa dang/ /de bzhin gshegs pa byon pa rnams/ /gang na'ang bzhugs pa ma yin te/ /dri ma med cing dag pa'i lus/ /gang gis spyan drangs gshegs su gsol/ /de nyid kyis na brtag med pa/ /de bzhin gshegs pa rnams phyag bya/ /mdzes pa'i phyag rgya byin brlabs nas/ /slob ma bzang ldan de la gtang/ /gang gis shes rab ma mnyes pa/ /sangs rgyas thams cad kyis ni mchod/ /'di nyid la ni sangs rgyas bzhugs//

  541. 271a

    gzhan yang dngos grub gtso bo dang/ /snying rje ldan pa gzhan gang zhig/ mkha' 'gro ma kun de la bzhugs/ /gsang ba phyi yi lnga dang ni/ /bdun dang bcu bzhir bshad pa dang/ /gnyis ka gcig tu 'dus pa'o/ /gsang ba'i de nyid bshad par bya/ /de 'og slob ma stan bzang la/ /thabs dang shes rab snyoms 'jug pas/ /dga' ba la sogs bskyed byas nas/ /rnal 'byor dam pa mtshon par bya/ /gan du dbang po 'gags gyur pa/ /bdag rtog rang bzhin nyams pa ste/ /kye de lhan cig skyes gyur pa/ /bla ma'i zhal snga gsal bar zhus/ /lhan cig skyes pa rtogs gyur pa/ /gsang ba'i de nyid bshad par bya/ /gang zhig 'char dus tshe na dbang po dang/ /yul mnyam nus gyur de la phyag 'tshal lo/ /mkhas pa rnams kyis snying sbas su sad pa/ /phyis ni mngon dga' rgyal ba'i mdzes sku gcig/ rmongs pa gang zhig dbang med par/ /bdag ni dbang bskur zhes smras pa/ /ji srid sangs rgyas bzhugs kyi bar/ /slob mar bcas te dmyal bar 'gro/ /slob ma legs par ldan pa dang/ /rtse ldan sems gzhan med pa yi/ /gser ni 'bum phrag bcu drug dang/ /sa gzhi yul 'khor ldan ma dang/ /glang po bud med dam pa dang/ /ral gri 'khor lo rta dang ni/ /yongs 'dren skyes bu rin chen rnams/ /spyor dang ldan pa'i sems kyis ni/ /der ni bla mar dbul bar bya/ /der ni rgyan rnams thams cad dang/ lhab lhub brgyan rnams dbul bar bya/ /dad pa brtan pa'i sems kyis ni/ /de nas bdag nyid dbul bar bya/ /sna tshogs zas dang sna tshogs btung/ /de yi mdun du dbul bar bya/ /mtshams med lnga ni byed pa dang/ /rmongs gang ma rungs las byed dang/ /skye ba dman 'gyur 'gro ba rnams/ /rdul tshon mthong bas grol bar 'gyur/ /dkyil 'khor dag tu mngon zhugs pas/ /gtsang ma'i gnas su skye bar 'gyur/ /shin tu sbyor ba'i sems kyis ni/ /skye 'dir dngos grub ma thob kyang/ /skye gzhan srid par dngos grub

  542. 271b

    'gyur/ /dbang bskur yang dag sbyin ldan ni/ /skye dang skye bar dngos grub 'gyur/ /de yi skye ba bdun la ni/ /ma bsgrubs par ni dngos grub thob/ /gang yang bsgom pa dang ldan zhing/ /gal te dam tshig sdom la gnas/ /skye 'dir las dbang gang ma grub/ /re zhig dam tshig nyams pa la/ /dngos grub thob pa lta zhog gi/ /mi yi skye ba'ang rnyed par dka' / /gang yang bla ma brgyud pa yi/ /sgrub pa po yis 'grub snyam dgongs/ /rdo rje dril 'dzin slob ma'i mgor/ /bla mas gdugs phub bkra shis brjod/ /lan gsum dkyil 'khor bskor byas te/ /shar nas phyag byas sa la ni/ /bde gshegs rnal 'byor ma tshogs la/ /bza' btung la sogs dga' ba yis/ /rol pa phul la smon lam gdab/ /de nas ci bder gshegs su gsol/ /tshon rtsi la sogs dngos po kun/ /tho rangs dus su bsdu byas la/ / gser sogs bum pa'i nang du ni/ /bcug nas chu bo chen por dor/ /bum pa thams cad bsdu nas kyang/ /chu bo che la bkru bar bya/ de nas bdud rtsi lnga sogs dang/ /sbyar ba'i sa ni dbyug par bya/ /de nas zhi ba'i sbyin sreg ni/ /me yi phrin las tshul bzhin du/ /bdag dang slob ma'i tshogs rnams la/ /sdig pa zhi ba'i sbyin sreg bya/ /rigs mthun mdza' sdug bcas pa rnams/ /snod ldan skye bo 'dus pa kun/ /bkra shis glu dang rdo rje dril/ /mkha' 'gro mnyes phyir rol par bya/ /sangs rgyas thod pa'i rgyud 'di ru/ /dum pa'i dbang ni gsal mod kyang/ /gsang ba mdzod sogs rjes 'brangs nas/ /dkyil 'khor cho ga bdag gis byas/ /dge ba 'di yis 'gro ba rnams/ /bsgribs pa'i tshogs dag spangs byas nas/ /ye shes ldan pa'i sa gnas su/ /mi ldog par ni 'gro bar shog /dpal sangs rgyas thod pa'i dkyil 'khor gyi cho ga'i rim pa gsal ba zhes bya ba dngos grub kyi mchog brnyes pa'i slob dpon sa ra ha'i zhal snga nas mdzad pa rdzogs so// //ga ya d+ha ra dang/ gyi rdo zla ba'i 'od zer gyis bsgyur pa'o// //

  543. 272a

    ri gi A ra li'i sgrub thabs bzhugs// //rgya gar skad du/ ri gya ra l+li sA d+ha naM/ bod skad du/ ri gi A ra li'i sgrub thabs/ /dpal he ru ka rdo rje la phyag 'tshal lo/ /dang po re zhig sngags pas yid du 'ong ba'i gnas 'ga' zhig tu bde ba'i stan la 'dug ste/ /rang gi snying gar nyi ma'i dkyil 'khor la gnas pa'i hUM yig gi 'od zer rnams kyis nam mkha' i phyogs su gnas pa'i de bzhin gshegs pa la sogs pa rnams bltas nas yang dag par mchod nas kyang/ sdig ba bshags pa la sogs pa byas te/ tshangs pa'i gnas bzhi bsgoms nas stong pa nyid du rnam par bsgom par bya'o// yaM las byung ba'i rlung gi dkyil 'khor rdo rje rgyal mtshan gyis mtshan pa/ raM las byung ba'i me'i dkyil 'khor rdo rjes mtshan pa baM las byung ba'i chu'i dkyil 'khor rdo rjes mtshan pa laM las byung ba'i sa'i dkyil 'khor rdo rjes mtshan pa/ de'i sten du re ba yongs su gyur pa'i chos 'byung/ de'i dbus su gnas pa'i sna tshogs pad+ma la gnas pa'i nyi ma'i dkyil 'khor la gnas pa'i hUM yig las skyes pa rdo rje rdo rje'i ra ba dang rdo rje'i gur gyi rang bzhin can gyi sa bzhi rnam par bsgom par bya'o/ /hUM yig las skyes pa'i sna tshogs rdo rje'i ze 'bru'i dbus su/ ri rab kyi rtse mor sna tshogs rdo rje las skyes pa'i sna tshogs pad+ma'i ze 'bru la dbyangs bcu drug nyis 'gyur du gyur pa yongs su gyur par zla ba'i dkyil 'khor ka la sogs pa yongs su gyur pa'i nyi ma'i dkyil 'khor la gnas pa'i gi ngang hUM yig las skyes pa'i lcags kyu dang rdo rje de yongs su gyur pa'i ri gi A ri lar bsam par bya'o/ nag po spyan gsum pa phyag gnyis zhags pa dang lcags kyus lho mo ri gi la 'khyud pa phyag drug ? ? pa/ g.yas kyi phyag gnyis kyis 'khor lo dang cing te'u bsnams pa/ g.yon gyi phyag gnyis gyis thod pa dang tshangs pa'i mgo bo bsnams pa/ phyag gnyis kyis shes rab la 'khyud pa/ g.yon brkyang ba'i zhabs kyis 'jigs byed mnan pa/ re gi'i zhabs kyis shing la

  544. 272b

    'dzeg pa bzhin gis pa/ phyag rgya lnga la sogs pas brgyan pa/ thal ba'i rdul gyis byugs pa'o/ /siM seng ge ma ljang gu/ kAM 'dod pa'i 'khril shing ma ser mo/ /aM e ma bde ba ma kha dog dmar mo/ /shaM 'tshe byed mnag mo/ /thugs kyi 'khor lo sngon po la'o/ /de'i grwa bzhir dur khrod rnam par dag pa'i thod pa bzhi'o/ /g+haM drag mo/ ljing khu ba tAM(rgyud 'grel): rnon po ma ser mo/ /mAM sgyu ma chen mo dmar mo/ /uM uM chud gnag mo/ /gsung gi 'khor lo dmar po la'o/ /grwa bzhir nye ba'i dur khrod rnam par dag pa'i thod pa bzhi'o/ /dze ce spyang ma ljang gu/ /h+rI ma ha ma ser mo/ /rta mgrin ma dmar mo/ /kAM glang chen rgyal mtshan ma nag mo/ /sku'i 'khor lo la ste/ shar la sogs pa'i phyogs su lugs dang mthun pas dgod do/ /'di dag thams cad gcer mo skra gyen du grol ba/ zhal gcig pa/ phyag gnyis kyi g.yas na gri gug/ g.yon na thod pa bsnams pa'i phyag gis gar byed pa'o/ /rang gi snying gar zla ba la gnas pa'i hUM yig dang rdo rje las skyes pa'i ye shes sems pa'o/ /de'i snying gar zla ba la gnas pa'i hUM yig 'od zer lcags kyu'i rnam pas dang/ lcags kyu'i phyag rgyas dzA na tsa kraM dri Dho me b+ha ba/ su to Sh+yo me b+ha ba su bo Sho me b+ha ba/ sarba sid+d+hi me pra yats+tsha e hya hi/ b+ha ga ba hi ri'i gi swAha/ dza(rgyud 'grel): zhes pa 'dis bkug nas h+rI(rgyud 'grel): yig gis rab tu bcug ste haM yig gis bcings la/ gaM yig gis mnyes par bya'o/ /mnyes par byas nas/ /oM A(rgyud 'grel): hUM swAhA/ zhes pa 'dis spyi bo dang/ mgrin pa dang/ snying ga dang/ lte ba dang/ gsang gnas su byin gyis brlab par bya'o/ /sbyi bo dang/ mchan khung dag dang/ lte ba dang/ kha dang/ mig dang/ rkang pa'i mthil dang/ gsang gnas su ha hA hi hI hu hU he hai 'dis zhags pa'i phyag rgyas yan lag la dgod par bya'o/ /lcags kyu'i phyag rgya zhes pa ni mthe chung dag phan tshun lcags kyu'i rnams sa? gung mo gnyis dang mthe bong? ? nas mthe bong gis btsing bar bya'o/ /zhags pa'i phyag rgya zhes pa'i sdig mdzub mthe bong gis btsir bar bya'o/ /ye shes sems dpa' i thugs kar gnas bzhir hUM yig lcags kyu'i rnam ba'i 'od zer gyis

  545. 273a

    de bzhin gshegs pa thams cad yang dag par bskul nas/ oM sarba ta tha ga ta rA ki ni a nu ga tA ma tyaM/ a b+hi She kaM da dan+tu zhes pa 'dis gsol ba gdab par bya'o/ /sangs rgyas lnga'i ngo bo bdud rtsi lnga'i bum pa lnga rnams kyis gtor bar bya ste/ 'dis lha rnams la dbang bskur ro/ /oM sarba ta tha ga ta DA kI nI/ a b+hi She ka badzra swa b+hA ba At+ma ko haM/ zhes nga rgyal bya'o/ /snying po'i sngags bzlas par bya'o/ /oM A ra l+li shhya sh+yo(rgyud 'grel): sh+yo(rgyud 'grel): sh+yo(rgyud 'grel): ha ha ha sa sa sa/ u dAn+ta du gdon par nye ba'i snying po gnyis ni ha ha ha hUM hUM hUM swAhA/ rtsa ba'i sngags ni/ oM A ra l+li ri gi poM poM poM b+hyo swAhA/ oM shaDga ti dza satwa rnaM a kA ro mu khaM/ sarba d+harmmA NaM A dya nutpan+tu twA ta hUM swAhA/ 'di ni gtor ma'i sngags so// //ri gi a ra l+li'i sgrubs rdzogs so// //shAkya'i dge slong rin chen grub kyis/ rgya dpe ji lta ba bzhin du bsgyur ba'o// (//dpal sangs rgyas thams cad kyi sgrub thabs bzhugs//) //rgya gar skad du/ sh+rI sarba bud+d+ha sa ma yo gi dzA ba la sham+ba ra tan+t+ra rta da ro DI bA nA ma/ bod skad du/ dpal sangs rgyas thams cad dang mnyam par sbyor nga mkha' 'gro sgyu ma bde ba mchog gi rgyud kyi don rnam par bshad pa zhes bya ba/ dpal rdo rje sems dpa' la phyag 'tshal lo/ /dpal ldan rigs sku ye shes kun gyi bdag nyid rin po che/ /thams cad 'byung gnas gnyen gyur la 'dres las mdzad nyi ma'i 'od/ /gnyis med rdo rje 'chang ba las byung brgya rtsa nyi shu brgyad/ /dkyil 'khor las spros grangs med rigs kyi lha rnams rgyal gyur cig /rgyud rgyal sangs rgyas thams cad mnyam sbyor mkha' 'gro rgyu ma yi/ /dngos po de nyid gsal byed dgongs mdzad rnam ston rjes 'dug la/ /mtshon byed rtog pa bzhi bcu rtsa gnyis legs pa'i don bsdus bcu la gzhung/ /phyi ma rtog bsdus la sogs gsung gi tshogs rnam rgyal gyur cig /dus gsum rgyal ba'i thugs 'dzin rjes 'gro rdo rje gsang ba'i bdag /sprul pas don mdzad gsang

  546. 273b

    pa'i sgo 'byed 'dzam gling nyi ma rgyal/ /nyid mtshungs dbyer med dgongs pa'i tshogs dgrol sangs rgyas gnyis par grags/ /mgon mchog brgyud pa rnams la phyag 'tshal dgra yi tshogs las rgyal gyur cig /bstan pa'i snying po dri med rgyud rnams kun gyi rtsa ba'i rgyal/ /yan lag lnga yi tshul ldan rgya mtsho las byung rin po che/ /tshig zur du ma'i sgron spar chos rtags phyag rgya bzhis bsgrubs te/ /bla ma'i gzhung bzhin 'gro la phan phyir rab tu bshad par bya/ /rgyal ba kun gyi bdag nyid rdo rje 'chang/ /bskal pa bzang po'i thog mar rab sprul nas/ /snod bcud brtan g.yo dngos po dag bya'i phyir/ /thugs rjes sprul ba'i dkyil 'khor snang bar mdzad/ /skal ldan rjes 'jug lha tshogs bzung bya'i phyir/ /sngon 'byung ston pa'i dgongs mdzad rjes mthun par/ /mtshon bya'i rgyud don gsal bar bstan dgongs nas/ /ri rab rtse mor dkyil 'khor rnam sprul zhing/ /dang po'i rgyud chen la sogs rim bzhin du/ /dge ba'i rnal 'byor la sogs rim bzhin bshad/ /gsang ba'i bdag po la sogs skal ldan gyis/ /rgyal pa'i thugs kyi dgongs pa rgya mtsho'i bcud/ /rgyas 'bring bsdus pa'i sgo nas dbye mdzad cing/ /dgongs don so so'i las gzhung mthun pa bzhin/ /legs bsdus mtshon byed tshig gi gzhung bgod de/ /rgyal ba'i dgongs don yun ring gnas pa'i thabs/ /sprul sku nyi mas 'dzam gling gsal mdzad nas/ /sde snod gsum gyis 'dzam gling 'dul ba'i dus/ blo dman 'phags pa'i lam la bkod byas kyang/ /rang gi de nyid nges don gsal ma mthong/ /ma 'ongs blo mchog grol bar bya ba'i phyir/ /sprul pa'i byang chub sems dpa' blo gros mchog /dgongs pa'i dbang gis rmongs la 'dul ba'i tshul/ /dkyil 'khor 'khrul ba'i 'khor lo rab snang mdzad/ /mgon po rnams kyi rjes su bslab bya ste/ /dpal ldan sangs rgyas thams cad mnyam sbyor gzhung/ /gsang ba'i dkyil 'khor rims kyis bsgrub don gsal/ /gdul bya dag pa'i tshogs rnams grol bar mdzad/ /yun rings

  547. 274a

    gsang ba'i theg pa gnas bya'i phyir/ /sprul pa'i byang chub sems dpa' sme khrod rgyal po la/ /gsang ba dam pa'i man ngag rab dkrol zhing/ /rnal 'byor don phyir rab tu gdams pa mdzad/ /sprul pa'i sku 'das phyi ma'i dus zhig tshe/ /rgyal ba'i bka' gsang 'dzam gling gnas su shar/ /rgyal po'i khab tu spyan drangs mchod byas te/ /dga' zhing gus bstod legs bltas brda ma mjal/ /thugs rje'i 'brel shugs gsang sngags 'dzin par grags/ /dam par bzung ste glegs bam gzigs par zhus/ /sgyu 'phrul thig le stong pa'i dkyil 'khor gzhung/ /grub thob lhag pa'i lha yis lung bstan mdzad/ /rdo rje theg pa'i gzhung lugs sna tshogs mdza' / /dam pa rnams kyi gdams ngag ji bzhin pa/ /mi 'gal legs par bsdus shing rab bkrol te/ /'grel dang bsdus don sgrub thabs mang du bstan/ /rgyal ba kun gyis rgyud mang bshad mdzad cing/ /rjes mthun rnam par bshad pas 'di ci dgos/ /dam pa'i gzhung lugs rnam bkod rtogs dka' i don/ /rgya che'i don mang tshig nyung bsdus pa dang/ /cung zhig gsal bar byas te dam pa'i gzhung/ /'di la nyes pa'i skyon sogs ci zhig yod/ /snyigs ma lnga dus nyon mongs rlabs 'khrugs pa/ /tshe thung brtson zhan rang gi grub mdza' can/ /las rnams kun la 'jug cing don med pa/ /rjes gzung phyir bkar yi gsang don dgrol// gang zhig dgos 'grel yan lag ma tshang ba/ /de ni legs par brtsams pa ma yin te/ /gang zhig bshad pa'i yan lag zur nyams pa/ /des ni rgyud don gsal bar ston mi nus/ /gang zhig lta sgom spyod pa rmongs pa la/ /des ni yang dag bdan don mi mthong ste/ /gang zhig lam gnyis sgrub pa'i yan lag bral/ /des ni legs bshad 'bras bu 'grub mi 'gyur/ /brjod bya nam mkha' i mdza' dang mnyam par bzhugs/ /bskal pa bzang po'i rdo rje sems dpa' dpal/ /thabs dang shes rab bde ba

  548. 274b

    chen po'i sku/ /sangs rgyas mnyam sbyor mkha' 'gro sgyu ma bde/ /rgyud don ston pa gnyis su med pa'i tshul/ /sku gsum gnyis med rtog pa ngo bor bzhugs/ /brjod pa gzhung tshogs tshig gi tshogs rnams te/ /rtsa rgyud chen po'i don tshogs rnams bsdus pa/ /phyi ma'i phyi ma phyi ma la sogs kyis/ /gsal bar ston pa'i rtog par bcu bdag nyid/ /rgyud bzhi'i gzhung tshad khri las brgyad stong lhag /bshad rgyud la sogs grangs kyi 'bum sder grags/ /de ltar bstan kyang las su bya ba la/ /dgos med skyes bu 'jug par mi 'gyur te/ /las rnams bsdus bsgrub bya ba gang yang rung/ /bstan bcos la sogs bshad pa'i rgyud dag la/ /ji srid dgos pa'i gtan tshigs ma smras par/ /de srid skyes bu gang zhig 'jug par byed/ /dgos pa bdag gzhan dkyil 'khor du zhugs shing/ /de nyid lam zhugs 'jig rten las bsgrub pa'o/ /yang dgos phyag rgya chen po'i dngos grub ste/ /tshogs gnyis thabs shes las byung 'bras bu'o/ /'brel pa dang po mtshon bya mtshon byed tshul/ /gnyis pa rgyu 'bras thabs dang thabs byung tshul/ /khyad par dgos don rgya mtsho'i 'khrugs 'dra la/ /srub thabs yan lag tshang bas bdud rtsi bton/ /rin chen snod bzang legs bcas 'gro la spel/ /nad mang zug rngu rab sel bde la bkod/ /yan lag dpe don nyes pa'i skyon bsal zhing/ /lung dang man ngag gtan tshigs mthun pas sgrub/ /dpe yi 'thad pa gnas skabs dbye bas bdun/ /don tshogs bshad pa'i yan lag rnam pa lnga/ /nyes pa'i skyon tshogs rnam pa brgyad du bstan/ /rgyud lung mkha' 'gro sgyu ma'i rjes 'gro rnams/ /man ngag sbas pa gsum 'byin brdas dgrol zhing/ /gtan tshigs khyad par tshad mas legs bsgrubs to/ /shin tu brtag dga' nor? bu rin chen gzugs/ /yan lag kun gyi sgo nas gtan la dbab/ /de dag rnal 'byor don snad gsal byed pa/ /rnal 'byor tshig gis rnam par dgrol bya ste/ /mu stegs sogs spas gsang pa'i brda don ni/ /sgra tshad rtog ge'i sgo nas shes pa

  549. 275a

    min/ /de ltar dang po'i sangs rgyas rgyud las kyang/ /gsang sngags rgyud don shin tu rtogs dka' ba/ /bshad rgyud cha mthun sogs kyis bsgrub byas te/ /de nyid brgyud pa'i gdams ngag legs btsal bas/ /nges pa'i klong bskyed thag bcad rtogs par bya/ /de don ma 'ongs 'gro ba blo ldan la/ /sgrub thabs bsdus don 'grel sogs 'thad pa yis/ /legs brtsams rnam par bsdu byas nga yi bka' / /yun ring gnas phyir gus par gzung bar gyis/ /zhes pas rtogs dka' bshad gsal 'gal ba gang/ /gzhan yang rjes su 'jug pa bskul ba'i phyir/ /tshig gi thigs pas don gyi rgya mtsho gsal/ /de nyid rab tu sbyar pa'i sgra bzhin du/ /rnam par bshad pa 'gal ba ci zhig yod/ /de ni sgo nas 'jug pa'i rnal 'byor pas/ /tshags med chung ngus chen po'i don 'grub ste/ /nor bu rin chen legs par mchod pa'i bzhin/ /dang ba'i dad pas rab brtson blang bar gyis/ /bsdus pa'i don ni rnam pa gnyis te/ /mtshon byed mtshon bya rgyud kyi sgo nas so/ /re zhig tshig gi rjes su dpyad bya ste/ /ces pa phyogs gcig bsdus pa'i rgyud 'di la/ /dang po gleng gzhi 'grel tshul gleng bslang don/ /mchan gyi sgo nas rgyud don mdor bsdus shing/ /yongs su shes bya'i dngos po 'bring du bstan/ /rtsa ba'i rgyud kyi le'u gsum rnam par bsdus/ /gnyis pa lta ba spyi yi mtshan nyid dang/ /rtogs thabs gtan tshigs spyod lam bzhi yi chos/ /gzhi lam 'bras bu kun gyi phan yon te/ /rtsa ba'i rgyud kyi bzhi pa bsdus pa yin/ /gsum pa grub pa spyi yi mtshan nyid dang/ /don dang thabs dang khyad par phan yon te/ /thun mong mchog gi dbye ba gnyis su bstan/ /des ni lnga pa'i tshig don bsdus pa'o/ /bzhi pas spyod pa spyi yi mtshan nyid dang/ /gang zag bzhi yi sgo nas bdag gi don/ /gzhan gyi don dang 'bras bu phan yon can/ /rjes 'jug spyod pas lam gyi chos yin la/ /mthar phyin rgyal ba'i mdzad bcas 'bras buAng bstan/ /drug pa'i tshig don rnam par bsdus pa'o/ /lnga pas rdor sems rnam

  550. 275b

    snang he ru ka /gar dbang nyi ma rta mchog rol pa yis/ /dbugs dbyung rdub pa bsdus pa'i sgo rnams nas/ /khyad par gleng gzhi sngon byung dgongs mdzad dang/ /rjes 'jug ting 'dzin nyams su blang pa'i thabs/ /rtogs pa drug gi tshig don bsdus te bstan/ /drug pas tshogs 'khor bshad par zhal pa zhes zhing/ /lha yi mtshan nyid sngon du 'gro ba dang/ /bsod nams ye shes tshogs 'khor rjes su 'gro /slob ma'i bya ba phrin las 'bras bu bsdu/ /zhar la rten gyi mtshan nyid dam tshig dbang/ /bcu gsum pa yi tshig don bsdus pa yin/ /bdun pas gzugs brnyan mdor bstan 'dod pa yi/ /phun tshogs dkyil 'khor cho ga 'jug pa'i las/ /dbang bskur rdzas kyi mtshan ma so so'i rgya/ /rjes 'jug zhar la 'phros tshogs bsdus pa yin/ /brgyad pa mchod pa mdor bstan rgyas pa'i lam/ /phyag 'tshal phyag rgya'i sgo nas 'chod pa dang/ /mchod pa'i phyag rgya'i sgo nas mchod pa ste/ /rtog pa kun gyi cho ga'i yan lag yin/ /dgu pa phyag rgya nyi shu rtsa bdun tshogs/ /bsgrub bya'i cho ga kun gyi yan lag yin/ /dang po phyag rgya chen pos rgyas btab pa/ /ting 'dzin sgrub pa kun gyi yan lag yin/ /gnyis pa dam tshig phyag rgyas brtan bya pa/ /dam tshig ting 'dzin phrin las yan lag yin/ /gsum pa bdag sogs byin gyis brlab pa ste/ /ting 'dzin dam tshig dbang gi yan lag yin/ /bzhi pa sbyor ba bzhi yi sngon 'gro ba/ /lta ba ting 'dzin sgrub pa'i yan lag yin/ /lnga pa sbyor ba sna tshogs bya ba ste/ /tshogs dang phrin las spyod pa'i lan lag go /drug pa bzhin gyi 'gyur bas gnas bya ba/ /mchod bstod bsgrub pa phrin las yan lag go /bdun pa so so'i 'dzum pa'i cha lugs rgya/ /mchod bstod spyod pa'i rim pa'i yan lag go /brgyad pa so so'i lta stangs 'gyur ba'i spyan/ /sgrub pa phrin las kun gyi yan lag go /dgu pa lce la chos kyi snying po'i tshogs/ /rgyas gdab bzlas brjod cho ga'i yan lag go /bcu pa glu 'gyur skad kyi bye brag ste/ /mchod cing bstod pa'i las kyi bye

  551. 276a

    brag go /bcu gcig so so'i las bzhi bya ba dag /mchod bstod phrin las rtsom pa'i yan lag go /bcu gnyis gar thabs sna tshogs las bya ba/ /sgrub pa tshogs kyi 'khor lo'i yan lag go /bcu gsum rdo rje glu yi bye brag rnams/ /mchod cing gsol 'debs bskul ba'i yan lag go /bcu bzhi mchod pa lnga yi rdzas bsham pa/ /tshogs bsag gzugs brnyan bsgrub pa'i yan lag go /bco lnga mgron mnyes bar chang zhi pa'i las/ /dkyil 'khor sgrub tshogs phrin las yan lag go /bcu drug lha dang slob ma dbab bskur ba/ /ting 'dzin dbang bskur ba yi yan lag go /bcu bdun dngos grub shis bar bya ba'i las/ /sgrubs tshogs bdag don phrin las yan lag go /bco brgyad yi ge'i mtshan mas mnyes bya ba/ /tshogs bsrung bsgrub pa dbang gi yan lag go / bcu dgu rnal 'byor don rtags mtshon pa ste/ /dbang dang dam tshig tshogs sgrub spyod pa yin/ /nyi shu zag? med mngon shes sgrub pa'i thabs/ /sgrub pa phrin las dkyil 'khor mtshan rtags so/ /nyi shu gcig ba sra sre yo ga'i ltas/ /sgrub pa phrin las dbang gi yan lag go /nyi shu gnyis pa bdag gzhan bsrung ba'i las/ /sgrub pa'i phrin las rtsom pa'i yan lag go /nyi shu gsum bzhi lnga dang drug pa ni/ /phrin las phyogs gcig dag pa'i yan lag yin/ /nyi shu bdun pa dngos grub las dbang byed/ /tshogs dang sgrub mthun gyi yan lag go /rtog pa bcu bzhi pa nas bzhi bcu'i bar/ /rtog pa nyi shu rtsa bdun bsdus pa yin/ /bcu pa bsdus don 'bras bu phan yon de/ /bshad par dam bca' don bzhin bshad pa la/ /sbyor ldan gar phyi phyag rgya dgrol ba dang/ /dkyil 'khor bsgom ba'i don bzhin sgrub pa dang/ /phan yon 'bras bu yon tan mdzad par bcas/ /rang nyid mchod cing phyag rgyas gdab pa'i thabs/ /dgyes shing yi rang mngon par bstod pa ste/ /mdza' ma rtog pa gnyis dag bsdus pa'o/ /'brel tshul gleng gzhi rgyu ste thog mar bstan//

  552. 276b

    gleng bslang rkyen te de yi rjes la'o/ /rtogs sla'i don du mdor bsdus 'bring du byas/ /rgyud don ston pa gnyis med brjod bya'i tshul/ /lta ba phan yon shes bya gzhi yi chos/ /lnga pa'i khyad par gleng gzhi dag dang 'brel/ /de yi don bzhin sgrub pas gsum pa ste/ /de dang rjes mthun spyod pas bzhi pa'o/ /dgongs mdzad dang mthun rjes su dpyad dgos pas/ /ting nge 'dzin par lnga pa byung ba yin/ /sngon 'gro tshogs dbang dam tshig brten pas drug /de yang gzugs brnyan la brten bdun pa'o/ /kun gyi yan lag mchod pa'i las yin brgyad/ /phyag rgya nyi shu bdun gyi la skongs dgu/ /de ltar lam la spyod pa byas pa'i mthus/ /mthar phyin 'bras bu la sogs bcu pas bstan/ /mtshon bya don gyi 'brel tshul rnam pa gnyis/ /bdag don sgrub dang gzhan don spyod pa'o/ /gang zhig sngon 'gro phun sum tshogs ldan pas/ /shes bya dngos dngos gnas lha shes byas ma/? gnas mchog phun sum tshogs pa bzhir ldan par/ /gzugs brnyan dkyil 'khor dbang dang dam tshig dang/ /ting 'dzin phrin las spyod pa'i bye brag dang/ /tshogs kyi 'khor lo bsgrub pa'i rim pa dag /bdag gzhan don gyi dbye ba'i rnam grangs kyis/ /rim pa gnyis su sbyar? zhing ?? ?/ /lam gnyis nyams su blangs shing goms byas pa/ /'bras bu mdzad bcas yon tan snang ba yin/ /khyung chen mkha' lding spyi rgya rlabs kyis bcad/ /ngang pa'i rgyal po mi 'khor don la 'bebs/ /seng+ge mchod pas snor mtshams 'phen sdud shes/ /rus sbal ? 'gro ba yan lag 'bru la dbab/ /rna bu brag gnas ma mtshim 'tsham par bstan/ /bya lag gzan snyog gces ka dgongs pa 'dzin/ /rin chen sgon nas tshig zur du ma spar/ /dpe don mthun pas le mtshams gtan la dbab/ /zab dang rgya chen don gyi bye bye brag la/ /thun mong khyad par mtshan nyid gsang sngags /dman pa dbyibs tshogs gsang sngags don gyi gzhung/ /mthar thug chos kyi don du shes par bya/ /nyes pa'i skyon tshogs zhar? la bshad pa ste/ /rgyud lung mi 'gal mthun gsal nges shes bskyed/ /man ngag tshig don yi ge sbas pa

  553. 277a

    'byin/ /gtan tshigs brgal lam sgro 'dogs gcod par byed// //de la spyir theg pa chen po gsang sngags kyi rgyud mdza' dag bsdu na/ /mtshon bya don dang/ mtshon byed tshig go /dang po ni rgyud dang thabs dang/ 'bras bu'i mtshan nyid can no/ /de dag kyang 'gro ba thams cad sangs rgyas kyi rang bzhin du gnas pa dang/ zag pa med pa'i smin pa dang/ grol ba'i rgyud kyis bsdus pa'i lam la spyod pa dang/ bdag gzhan la snang ba'i sku dang ye shes yon tan mdzad pa dang bcas pa'o/ /gnyis pa'i tshig ni bya ba'i rgyud dang/ /spyod pa'i rgyud dang/ rnal 'byor gyi rgyud dang/ rnal 'byor chen po'i rgyud do/ /de la bskyed rdzogs rnam pa gsum gyis phye ste/ dang po rgyud kyi rnam grangs bco brgyad du gsungs pa las/ 'di nyid sku'i rgyud thams cad kyi gzhi dang rtsa bar gyur pa ste de dag gi mtshan nyid dang dbye ba rgyas par ni dpal phreng ba dam pa'i 'grel par bstan pas 'dir spro bar mi bya'o// //da ni rgyud kyi don la 'jug par bya ste/ mtshon bya'i don ji lta ba bzhin mtshon pa'i sgo nas rnam par bshad pa la/ /dang por phun sum tshogs pa'i rgyu ma tshogs na gzhi med de ston pa la sogs pa gleng gzhi'i don bstan pa'i phyir gsungs te/ sems dpa' sangs rgyas kun gyi dngos/ /rdo rje sems dpa' bde ba'i mchog/ gsang ba mchog gi dgyes pa na/ /thams cad bdag nyid rtag tu bzhugs zhes so/ /gzhan dag na re/ bcom ldan 'das kyis rigs kyi bu dag ba yongs su mya ngan las 'das nas khyed rnams kyis dam pa'i chos bsdu bar bya ste/ bka' thams cad kyi dang por 'di skad bdag gis thos pa dus gcig na zhes pa la sogs pa'i gleng gzhi rgyas pa dang/ zhabs su yi rang zhing bstod pa thogs shig ces gsungs pa la/ /'dir bsdus pa po gsang ba'i bdag po phyag na rdo rje ma smos pa ci'i phyir zhe na/ de'i rgyu ni gnyis te/ rdo rje 'chang chen po'i dgongs mdzad rgya

  554. 277b

    cher slob pa'i rim pa rtsa ba'i rgyud rtog pa bzhi bcu rtsa gnyis par rgyas par gsungs pa dang/ rdo rje 'chang chen po'i mi gnas pa'i mya ngan las 'das pa chen po'i rang bzhin du rtag tu bzhugs te/ bdag nyid rtag tu bzhugs zhes pa dang/ bdag nyid chen po rtag pa yi zhes pas gsal lo/ /des na rgyud gzhan las ni gleng gzhi dang brjod bya so so bstan la/ 'dir ni gnyis su med pa'i sgo nas sangs rgyas rigs drug gi mtshan gyi don gyis gleng gzhi bstan te de nyid ni brjod bya'i don du gnas so/ /'o na yongs su shes par bya ba'i dngos por khyad par med pas logs su bzhag mi dgos so zhe na de ltar yin yang gzhan yang cha 'thun pa'am/ thog mar rgyu bkod pa'i tshul gyis rgyud bsdus pa'o/ /de la lung gzhan dang sgo mthun pa'i tshul du ni/ /ston pa dang/ gnas dang/ 'khor dang/ sdud pa dang/ dus so// de'i phyir rtsa ba'i rgyud las/ 'di skad bdag gis thos pa dus gcig na/ bcom ldan 'das sku gsum gnyis su med pa'i sangs rgyas rdo rje 'chang chen po de bzhin gshegs pa dang/ rdo rje dang pad+ma dang rin po che dang rgya gram kun gyi bdag nyid dam pa thams cad kyis 'byung gnas su gyur pa zhes bya ba la sogs pa'i tshig rgya chen pos ston pa'i rang bzhin gyi de kho na nyid dang/ mtshan nyid kyi tshogs dang/ yon tan gyi snang ba dang/ phrin las rgya chen po'i sgo nas gzhan las khyad par du gyur pa dang/ 'phrul pa'i zhing khams dang/ bshad pa'i gnas dang/ de nyid las mi gzhan par 'phrul pa dang/ tha dang rang rgyud pa'i 'khor phal po che dang/ thugs kyi dkyil 'khor sdud pa'i de bzhin gshegs pa'i tshogs dang/ gsung gi sdud pa po byang chub sems dpa' gsang ba'i bdag po phyag na rdo rje dang/ 'phrul pa dang bshad pa'i dus rnam pa gnyis kyis mtshan nyid rgya cher bstan to/ /rtog pa bdun las kyang/ gzhung gzhan mi 'gal bsgrub pa'i phyir/ /ston pa gnas dang 'khor tshogs dang/ /sdud pa dus kyi bye brag gis/ /thun mong gleng gzhi rnam par bstan zhes so// //gsang

  555. 278a

    sngags khyad par gyi don du sangs rgyas drug gi mtshan gyi sgo nas phun sum tshogs pa'i don ston te/ rtog pa bsdus pa las/ sems dpa' sangs rgyas kun dngos ni/ /rdzogs sangs rgyas phyir rnam par mdzad/ /rdo rje sems dpa' rgyal chen po/ /ye shes rdo rje 'dzin mchog phyir/ /gsang ba khrag 'thung zhes bya ste/ /phyag rgya chen po grub pa'i lha/ /mchog ni pad+ma 'dzin rgyal po/ /dam tshig dam pa shes ldan byed/ /dgyes pa nyi ma dam pa ste/ /sbyin pa la sogs mchog 'grub 'gyur/ /thams cad bdag nyid rtag tu bzhugs/ /rdo rje rta mchog las nyid bdag /ces pa dang/ rtog pa bdun pa las kyang/ sangs rgyas drug gi mtshan gyis ni/ /khyad par gleng gzhi'i don gsal byed ces so/ /de yang rnam par snang zhing ye shes gsal ba'i bdag nyid kyis gnyis su med pa'i sems dpa' mdzad pa khyad par gyi las kyis phun sum tshogs pa gnyis mnga' bas sangs rgyas kun gyis dngos nyid do/ /de nyid kyi mtshan nyid kyi bye brag ni rdo rje sems dpa' dang/ bde ba chen po'i sku mchog tu gyur pa zhes bya ste/ don rtags gnyis kyi sgo nas rdo rje sems dpa' ni bde ba'i mchog tu gyur pa'o/ /yi ge gsum gyis rnam thar gyi sgo gsum ston cing/ de mtshon par byed pa ni b+ha ga gru gsum pa gsang ba'i dbyibs so/ /de nyid chags pa'i mdza' thams cad dang bral zhing/ chags pa chen po'i bdag nyid rtog pa'i dri ma dang bral zhing dag par byed pas na mchog tu gyur pa ste/ pad+ma gar gyi dbang phyug gi rang bzhin no/ /bde ba byang chub sems kyi mtshan nyid dgyes pa'i longs spyod thams cad 'byung ba'i gnas su gyur pa yon tan gyi bkod pa ste nyi ma'o/ /rta mchog ni phrin las kun gyi bdag nyid de/ 'khor thams cad dang/ sdud pa po'i bdag nyid dang/ dus kun tu rang gi mtshan nyid dang/ gdul bya'i don du rtag tu bzhugs pa'o/ /gsang sngags kyi g.yo pa'i rten dang/ gsang ba'i brten pa gnyis su med par gnas pa'i ye shes chen po'i rang

  556. 278b

    bzhin te sems dpa' o/ /de nyid sangs rgyas kun gyi rang bzhin rlung lnga'i dngos por gzhan gyis mi shigs pa'i las mdzad pas rdo rje lta bur gnas shing/ rang gi de kho na nyid nyams su myong ba'i sems dpa' chen po bde pa'i ngos rgyas pas/ de ni zag pa med pa'i lam ste mchog tu gyur pa'o/ /gsang ba'i don sngags gsum gyi rnam pa 'byung 'jug gnas pa'i sgo nas 'phro 'dus las mdzad de/ mchog tu gyur pa'i rtsa gsum dgang zhing bde ba chen po'i ting nge 'dzin gyis dgyes pas na chos thams cad kyi bdag nyid du rtag tu bzhugs so/ /de yang rtog pa bdun pa las/ /gnyis med ye shes sems dpa' che/ /sangs rgyas kun bdag g.yo ba lnga/ /rdo rje sems dpa' bde chen rgyal/ /zag pa med pa'i lam mchog gnas/ /gsang ba sngags gsum 'byung 'jug gnas/ /mchog gyur rtsa gsum bde chen dgyes/ /kun gyi bdag nyid de bzhin nyid/ /chos rnams thams cad 'byung ba'i gnas/ /zhes gsungs so/ /dbyibs kyi sgo nas thabs dang shes rab gnyis su med pa'i mtshon bya sems dpa' i rang bzhin de nyid/ 'byung lnga 'khor lo'i rnam par sangs rgyas kun gyi dngos por zhugs te/ rdo rje sems dpa' i mtshan ma'i yi ge'i rnam pa dang/ bde ba chen po gnyis su med pa'i mchog tha dang med cing/ gsang ba'i gnas rdo rje dbyings ma'i phyag rgya dang/ rin po che 'bar ba ka ta sbyar bas rlung dang me'i rkyen gyis bde ba'i mchog gi bskul te skad cig ma bzhi las dga' ba bcu drug tu 'phel bas dgyes shing tshim nas/ chos thams cad snang stong gnyis su med pa'i ngo bo la bde ba chen po'i rgyas btab ste/ sku gsum gnyis su med pa'i sangs rgyas bdag nyid du rtag tu bzhugs so/ /de yang rtog pa bdun pa las/ gnyis med sems dpa' sangs rgyas mchog/ 'byung khams 'khor lo'i rnam par gnas/ /yi ge gnyis med bde chen mchog /rdo rje sems dpa' de bzhin nyid/ /gsang ba'i phyag rgya rab sbyor nas/ /bde mchog rkyen gyis bskul bya ste/ /dga' bzhi bcu drug gnas spro zhing/ /thams cad

  557. 279a

    bde ba chen po'i sku/ /zhes so/ /chos kyi tshul du sems dpa' rang byung gi ye shes chen po rtog pa'i dri ma thams cad dang bral ba de nyid ni sangs rgyas kun gyi dngos nyid do/ /de yang yul dang yul can gnyis su med pa'i tshul du bde ba chen po'i skur bzhugs shing/ /zag pa med pa'i ye shes las grub pas 'bral ba med do/ /chos thams cad kyi de kho na nyid sku nyams su bstan pa'o/ /de'i don dngos po kun la gnas kyang rtog pa'i dri mas bsgrib cing rang gsad du gnas la/ /mtshan nyid kyi theg pas dka' ba spyad kyang ma rtogs pas snang ba shin tu lkog tu gyur pa lta bur gnas so/ /de la spyod pa'i theg pa chen po gsang sngags kyi lam pa dag ni sku gsum gnyis su med pa'i 'bras bu mchog dang ldan zhing/ bde ba chen po'i ros dgyes te chos thams cad kyi bdag nyid du rtag tu bzhugs pa'o/ /de yang rtog pa bdun pa las/ /snang ba nyid na stong pa'i dngos/ de nyid bde ba chen po yis/ /de nyid sems dpa' sangs rgyas dngos/ /de nyid chos rnams kun gyi dbyings/ /bde chen rdo rje sems dpa' ni/ /snang khyab gsal ba'i tshul du bzhugs zhes so/ /de dag ni brjod bya'i don dang de 'byung ba'i rgyu gnyi ga yin te/ gleng gzhi phun sum tshogs pa'o// //gzhan yang rkyen med par ni rgyu tshogs pas kyang mi 'byung ste/ /'bri ka ta'i me tog gi 'bras bu bzhin no/ /de nas sangs rgyas gnyis kyi mtshan gyi sgo nas gleng bslad ba'i don le'u gnyis pa bsdu bar bya ba'i phyir/ 'di ni rang byung bcom ldan 'das/ gcig pu rab tu tsha ba'i lha zhes pa ste/ rang bzhin lhun gyis grub pa'i phyi nang gi dngos po dag las rang gi de kho na nyid don dam pa dang/ kun rdzob kyi chos grag cing/ rtogs pa mngon du gyur pa'i sangs rgyas kyis kyang rang gi de kho na nyid don dam pa dang/ kun rdzob kyi chos ston to/ /de'i phyir gsungs te/ de nas sku gsum gnyis su med pa'i sangs rgyas rdo rje 'chang

  558. 279b

    chen po'i byin brlabs las/ 'od zer gyi snang bas stong gsum la sogs pa gnas gsal bar byas te/ phyogs bcu'i sangs rgyas dang byang chub sems dpa' i tshogs rnams bskul zhing/ rgyud yongs su dag pa'i 'gro ba thams cad bsdus nas/ de dag mdun du dkyil 'khor gyi rim pa sna tshogs sprul zhing 'khod pa las/ nyid kyi mthus 'byung ba dang 'byung ba las gyur pa'i brtan g.yo dang/ /phyogs bcu'i sangs rgyas dang sprul pa'i tshogs rnams kyis dpal sangs rgyas thams cad dang mnyam par sbyor ba mkha' 'gro ma sgyu ma bde ba mchog gi don/ /bden pa gnyis su med pa'i mtshan nyid ston te/ gzugs kyi 'phrul pa sna tshogs dang/ sgra'i 'phrul pa sna tshogs snang ba mdzad do/ /de'i tshe 'khor gyi tshogs rnams rtogs pa skyes te/ sna tshogs rab tu bkod pa'i mchod pa'i tshogs dang/ sna tshogs rnam par sgyur ba'i bstod pas gtso bo'i dkyil 'khor mnyes par mdzad nas lan mang du bskor bas 'dud cing phyag 'tshal te/ byang chub sems dpa' sems dpa' chen po lag na rdo rje la sogs pa sum cu rtsa gnyis kyis yang dang yang du gsol ba btab cing gleng bslang ngo zhes pa la sogs pa'i tshig don rgya cher gsungs so/ /tshig gi don ni 'di ni nye pa mngon sum pa'i tshig ste snang srid kyi dngos po'i snang ba dag go/ /de nyid dbyings skye ba med pa stong pa nyid las rang byung ste yon tan gyi rnam par 'phrul pa 'byung ba chen po lnga dang 'gro ba lnga dang phung po lnga la sogs pa so so'i mtshan nyid 'dzin pa dang spyi'i rnam pa'i sgo nas mi mthun pa'i mtshan rtog gnas su dag pa'i bcom ldan 'das sangs rgyas drug gi spyod yul du snang ba'o/ /de nyid gsal bar byed pa'i rang byung gi ye shes chen po gnyis can gyi dri ma thams cad dang bral ba'i snang stong zung du 'jug pa'i tshul bde ba chen po'i sku gcig pu ni dngos po'i mtshan nyid de dus gsum sangs rgyas thams cad kyi dgongs pa'o/ /de las rnam par 'phrul pa'i thugs rje chen po rab tu che ba'i lha dag ni so so rigs kyi/

  559. 280a

    dkyil 'khor mdzad pa'i tshul du phun sum tshogs par bzhugs so/ /de yang rtog pa bdun pa las/ /'di dang stong nyid rang byung ba/ /snang srid chos rnams bcom ldan 'das/ gnyis med ye shes gcig pu las/ /dkyil 'khor sna tshogs che ba'i lha/ /byin rlabs sprul pa'i sgra yis ni/ /rgyud don re nyid gleng slong mdzad/ /ces so/ /des ni zab pa dang rgya che ba'i don phyogs gcig tu bstan to/ /khyad par gyi dbang du dpal rdo rje sems dpa' ni sangs rgyas kun gyi rang bzhin chos thams cad kyi 'byung gnas dkyil 'khor sna tshogs rnam par 'phrul pa po ste/ 'di ni rang byung gi ye shes chen po'i snang ba las grub pas bdud bzhi bcom zhing dbang phyug brgyad dang ldan pas bcom ldan 'das chen po gnyis su med pa'i bdag nyid gcig pu'i ngo bor gnas shing yon tan gyi rnam pas rab tu phye ba'i lhar gnas so/ /de yang rtog pa bdun pa las/ rdo rje sems dpa' bde chen sku/ /kun bdag rang nyid bcom ldan 'das/ /gnyis med ye shes gcig pu'i dngos/ /rnam 'phrul rab tu che ba'i lha zhes so/ /sngags dang dbyibs kyi sgo nas rnam par rgyal ba'i rlung zhub de gnyis dang bcas pa 'di ni rang byung bcom ldan 'das te rlung rnam pa bcu dang rtsa sum cu rtsa gsum gyi gnas kyi rtog pa 'joms shing rang bzhin bde ba chen po gcig pu'i ngo bor bzhugs pas rab tu che ba'i lha'o/ /de yang rtog pa bdun pa las/ sngags tshogs dbyings kyi phyag rgya yis/ /'byung 'jug gnas pa'i byang chub sems/ /gnyis med rang byung bcom ldan 'das/ /bde chen rab tu che ba'i lha/ /zhes pa dang/ yang dngos po de nyid la brten te/ dkyil 'khor rab sprul sgyu ma'i tshogs/ /sngags dang dbyibs kyi mtshan nyid kyis// chos kyi de nyid rab ston phyir/ /don de nyid kyi sgo nas ni/ /don de nyid ni gsal bar byed/ /brda yis gleng slong rkyen du mdzad ces so/ /de dag ni gleng bslang ba'i don mdor bstan pa'i bshad pa'o/ /de ltar rgyu rkyen tshogs pa las byung ba ni mtshon byed rgyud do/ /des bsgrub

  560. 280b

    par bya ba ni gzhi dang lam gyi chos te de las byung ba ni sku drug lhun gyis grub pa'o/ /de'i phyir mtshon cha mdza' dag ni 'bras bu'i tshul du gnas skabs kyis gnas so/ /des na rgyud dang ston pa gnyis su med pa'i mtshan nyid kyi sgo nas yongs su shes par bya ba'i dngos po mdor bstan cing/ rtog pa gsum pa'i don bsdu ba'i phyir/ sangs rgyas thams cad mnyam sbyor ba/ mkha' 'gro sgyu ma bde ba'i mchog ces te/ de ltar tshig drug po des ni 'og gi gzhung rnam par bsdus pa'o/ /de da phyogs bcur gnas shing dus gsum gyis bsdus pa'i rang bzhin gyi sangs rgyas thams cad ni/ chos can dang chos nyid gnyis su med pa'i dang du mnyam par sbyor la/ rtogs pa'i rgyal pa rnams ni phun sum tshogs pa kun gyi bdag nyid de/ ye shes chen pos chos nyid las gnas shing thugs rje chen pos sems can gyi don la mnyam par sbyor ro/ /mkha' 'gro rnam pa lnga'i sgo nas rang rang gi de nyid las gnas shing/ sgyu ma'i dkyil 'khor sna tshogs kyis gdul bya'i don dang mthun par sprul cing/ theg pa'i rim pa tha dad pa'i sgo nas/ sems can gyi khams dag theg pa thun mong gi lam lnga dang/ khyad par gyi lam gnyis kyis nges par legs pa'i bde ba mchog /sku dang ye shes yon tan mdzad pa dang bcas pa'i gnas la 'jog par mdzad pa'o/ /de yang rtog pa bdun pa las/ dus gsum sangs rgyas kun gyi dngos/ /rdo rje 'dzin mchog bde chen sku// phyogs bcu'i chos rnams ma lus dang/ /thams cad sku gsum mnyam sbyor zhing/ /mkha' 'gro sgyu ma'i dkyil 'khor gyis/ /sna tshogs sku gsung thugs kyi las/ /rnam 'phrul bstan pas 'dul mdzad de/ /bde chen 'bras bur bcas pa'i lam /zhes so// khyad par gyi dbang du sangs rgyas kyi sgo nas mtshan med kyi ting nge a' dzin dang/ thams cad kyi sgo nas mtshan bcas dang 'phrin las dang chos 'khor dang/ mnyam sbyor gyi sgo nas sgrub pa la sogs pa ndang/ mkha' 'gro'i sgo nas gzugs brnyan gyi dkyil 'khor dang/ sgyu ma'i? ?

  561. 281a

    nas lta ba dang/ spyod pa dang/ bde mchog gi sgo nas dbang bstan to/ /de yang rtsa ba'i rgyud kyi rtog pa sum cu rtsa bzhi pa las/ sangs rgyas la sogs mtshan gyis grangs/ /tshig drug rnam par bstan pa gang/ /gzhir gyur ji ltar gnas pa dang// lam gyi yan lag brgyad tshogs dang/ /'bras bu mdzad bcas bsdus pa ste/ /mtshon bya'i de nyid gcig pa las/ /khyad par sgra yi tshig lam gyis/ /brda don nges pa'i gtan tshigs bstan ces so/ /sngags kyi tshul gyis srog dang rtsol ba gnyis su med cing rtog pa'i dri ma dag pa'i sangs rgyas de nyid rtsol ba lnga nas nyi khri chig stong drug brgya'i bar du spro zhing/ gnas bcu nas bye ba bzhi 'bum du bsdus te/ dngos po thams cad kyi de kho na nyid la mnyam par sbyor nas nyams su myong ba'i khyad par gyis/ srog rtsol sngags kyi rnam pas mkha' 'gro sgyu ma'i rang bzhin a ba d+hU tIr zhugs te/ bde ba chen po'i ye shes zag pa med pa'i mchog tu gnas so/ /de yang rtog pa bdun pa las/ srog rtsol gnyis med sangs rgyas sku/ /dri med 'khor bcas gnas sbyor zhing/ /mkha' 'gro sgyu ma'i rnam 'phrul gyis/ /bde chen a ba d+hU tIr zhugs/ /zag pa med pa'i ye shes mchog /chos kun de las gzhan ma yin zhes so/ /dbyibs kyi tshul gyis lhan cig skyes pa'i byang sems 'khor lo'i gnas la bzhugs pa'i snang ba las/ 'khor lo'i 'dab ma dang ye shes thams cad du bskor zhing/ thabs dang shes rab me rlung sgrub pa'i rkyen gyis mnyam sbyor te/ kun rdzob byang chub sems 'bebs pa dang/ gzung ba dang/ slar gyen du bzlog pas/ dga' ba'i rim pa 'khor lo'i gnas su skye ste/ lugs su 'byung ba dang/ lugs las bzlog pa'i rnam pas mkha' 'gro'i tshul du zag pa med pa'i byang sems sgyu ma bde mchog tu gnas pa'o/ /de yang rtog pa bdun pa las/ bde chen lhan skyes 'khor lo'i gnas/ /sangs rgyas kun tu 'khor lo'i tshul/ /thabs shes sbyor ba'i

  562. 281b

    byang chub sems/ /'gyur bzlog zag med bde cho ga sku/ /chos kyi tshul gyis rtsa ba'i rgyud las/ /gnyis med ye shes sangs rgyas che/ /dngos sogs thams cad mnyam sbyor ba/ /mkha' 'gro sgyu ma'i rnam 'phrul gyis/ /chos rnams bde ba chen po'i dbyings zhes so/ /des ni rgyud kyi don mdor bstan pa'o/ /de dag ni dpe bdun dang yan lag lnga la sogs pas thun mong du bstan to// //da ni yongs su shes par bya ba'i dngos po 'bring du bstan te/ de yang dang po gcig pu'i sgo nas ye shes kyi de kho na nyid bstan pa'i phyir/ chags med chags dang bral ba min/ /dbu mar yang ni mi dmigs so/ /zhes la sngags kyi dbang du srog dang rtsol ba'i rnam pas 'byung gi rim pa la spro bsdu'i chags pa dang/ de rnam par spangs pa'i dga' bde dang/ /mdza' thams cad spangs pa'i dbu ma dag gang gi yang rnam par mi dmigs te/ de kho na nyid gsum gyi sgo nas rab tu sbyangs nas bde ba chen po'i de bzhin blta bar bya'o/ /de yang rtog pa bdun pa las/ 'byung 'jug gnas pa'i rim pa la/ /chags pa chags bral dbu ma dag /kun spyod mdza' las rnam grol ba/ /bde ba chen po blta bar bya zhes so// dbyings kyi sgo nas lhan cig skyes pa'i chu rgyun rang gi gnas su bsdam pa dang/ gzhan gyi gnas su gtong ba dang/ shas cig bzung zhing shas chig gtong ba'i rnam par mi dmigs te/ rdo rje dbyings ma dang rin po che 'bar ba ka ta'i mtshams su de kho na nyid kyi ye shes bltas nas ma zin pa zin pa la sogs pa chos thams cad kyi rang bzhin gsal ba dang/ slar gyen du drangs te/ lhan cig skyes pa'i gnas la bzhag par bya'o/ /de yang rtog pa bdun pa las/ bde ba'i byang chub sems tshogs rgyun/ /chags pa chags bral dbu ma dngos/ /zhen chags mdza' las 'das pa yis/ /lhan cig skyes pa'i snyoms 'jug gnas zhes so/ /chos su/ dbang po'i snang ba rab 'bring gsum gyi rnam pa mdza' dag gang la yang/ so so'i skye bo'i rtog pa dang/ nyan thos kyi rtog pa dang/ byang chub sems dpa' i rtog pa gang

  563. 282a

    yang mi dmigs te chags pa gnyis dang bral pa'i tshul gyis chags pa gnyis la longs spyod pa'o/ /de'i dus na chos thams cad dang? byung gi ye shes chen po'i snang ba la dngos po dang blo'i chos su med de/ snang ba'i chos thabs ni rang gi rang bzhin dang/ ngo bo'i nyid kyis stong pa nyid du gnas la de la bde ba chen po'i rgyas thebs pas zag pa med pa'i sku cir yang snang zhing srid pa'o/ /de yang rtog pa bdun pa las/ chags dang chags bral tshul spyod cing/ /dbu ma'i rtog pas 'ching 'gyur te/ /gnyis med phyag rgya chen po'i dang/ /snang ba nyid na stong pa'i dbyings/ /stong pa nyid na snang ba yin/ /dbang gi drug gi yul la rol/ /chos rnams mngon sum bde chen po/ /gzugs sogs rab 'bring tha ma med/ /snang stong bde ba'i rgyas btab pas/ /dmigs pa kun las rnam par grol zhes so da ni dmigs pa'i yul de nyid kyi sgo nas 'di ni rang byung zhes pa'i don bstan pa'i phyir/ /bud med kun gyi sgyu ma'i rgyu/ /'di ni gnyis med theg pa'i mchog ces so/ /sngags kyi tshul du srog dang rtsol ba dag ni thabs dang shes rab gnyis su med pa'i tshul du gnas la/ / de las ni dngos po'i 'phrul pa thams cad snang bas bud med lta bu'o/ /des thams cad kyi don mtshon zhing mtshan bar byed pas na sgyu ma'i phyag rgya ste/ 'di ni gzung 'dzin gyi rtog pa gnyis can dang bral zhing theg pa mchog tu gnas pa'o/ /de yang rtog pa bdun pa las srog rtsol gnyis med las byung ba'i/ /dngos kun de bzhin nyid kyi dbyibs/ /bud med sgyu ma'i phyag rgya mchog /'di ni theg pa'i rnam grol chos/ /zhes so/ /dbyibs kyi tshul du las kyi phyag rgya las byung zhing/ dngos po'i de kho na nyid ston par mdzad pas sgyu ma'i phyag rgya ste/ 'di ni gnyis su med pa'i don gsal bar byed pas phyag rgya chen po'i rang bzhin theg pa'i mchog go /de yang rtog pa bdun pa las/ bud med sgyu ma'i phyag rgya yis/ /dga' bde sgyu ma 'joms par byed/ /chos kyi phyag rgya goms pa'i mthus/ /phyag rgya chen po

  564. 282b

    gsal bar 'gyur zhes so/ /chos kyi dbang du yum kun tu bzang mo phyag rgya chos thams cad sgyu ma'i mtshan nyid la bde ba'i phyag rgyas rol pas/ rang gi mtshan nyid gnyis su med pa'i de kho na nyid la gnas so/ /de yang rtog pa bdun pa las/ gzugs sogs chos rnams gnyis med pa/ /bud med kun gyi phyag rgya yin/ /zhes so/ /de dag ni lta ba'i mtshan nyid chos thams cad ji ltar gnas shing/ de rnal 'byor pas rtogs par bya ba'i thabs te/ zab pa'i sgo nas rnam par phye bas rgya che ba'i tshogs kyis ni ma yin no/ /'dis ni le'u gnyis pa'i stod lta ba rnam par bsdus pa ste/ khyud chen ldings pa'i dpes? bstan to/ /da ni sgyu ma'i sgo nas spyod pa bstan pa'i phyir/ /sgyu ma dag ni thams cad pas/ /bud med sgyu ma khyad par rje/ /ngo bo nyid kyi mthu dag gis/ /rang bzhin gyis ni des grub pa'o/ /zhes pas ni lta spyod zung du 'brel ba'i gtan ni?? te de nas gzhi'i mtshan nyid ni dngos rtogs kyi sangs rgyas gnyis las gyis kyang sgyu ma'i khongs su bsdu bar bya'o/ /de la chos thams cad gtan la dbab par byed pa ni mngon sum gyi tshad ma dang/ de'i rjes su dpag pa'o/ /de yang mngon sum ni gsal bar snang pa/ rjes su drang? pa ni lkog tu gyur pa ste yid dpyod kyi shes pa'o/ /'dir sgyu ma'i dpe brgyad dag ni mngon sum du snang la/ de'i rjes su gcig dang du bral dang/ mu bzhi skye 'gog la sogs pas gzhal nas/ chos thams cad rang bzhin med par 'dod pa ni mtshan nyid kyi theg pa'i gzhung yin te/ des ni chos thams cad kyi de kho na nyid bde ba chen po'i sku sgyu ma'i mtshan nyid can rtogs shing mthong par mi 'gyur bas nges pa'i sangs rgyas kyi sa ni nam kyang bgrod pa ma yin no/ /'dir ni gsang ba'i theg pa 'di'i gzhung gis mngon sum gyis mtshon byed gzhan las? khyad par du gyur pa grol lam thabs kyi sgo nas dang/ chags lam shes rab kyi sgo nas dang/ gnyis su med pa'i phyag rgya chen po'i sgo nas bud med sgyu ma'i dga' ba nyams su myongs pas/ bde ba chen po'i ngos rgyas pa ni khyad bar che ste/ de nyid rgyu rgyan 'bras bu'i tshul

  565. 283a

    du ngo bo nyid kyi mthu dang/ rang bzhin gyis de ltar grub pa'o/ /de yang rtsa ba'i rgyud las/ rang gi rang bzhin rtogs dka' ba/ /grol chags gnyis med phyag rgya che/ /bud med gsum la rten pa'i mthus/ /mngon sum bde ba nyams su myong/ /de don lta ba'i yul dam pa/ /ting 'dzin spyod pa'i bya ba'ang de/ /bsgrub cing 'bras bu sgyu ma'i tshul/ /de nyid nges pa'i sangs rgyas sku/ /zhes so/ /de'i 'bras bu'i tshul ni/ 'jig rten gsum 'dir bud med 'dis/ /gus par byed pa dag tu 'gyur/ /zhes te/ 'jig rten 'dir yang yon tan thams cad 'grub cing/ /gzhan du che ba'i yon tan gyi rnam grangs bdag nyid chen po gus par byed pa'o/ /gang zag rnam pa bzhi'i gnas skabs kyi bye brag gis rgya chen po'i spyod pa dang/ mchog tu gyur pa'i tshul dang/ 'bring dang dman pa'i las zab mor ston pa dang shin tu yang zab mo'i tshul du gnas pa/ dbang po yul la dga' bar longs spyod pa'i phyir/ rnyed dang bde dang dga' kun gyis/ /ngan par spyod pa'ang 'grub par 'gyur/ /zhes te/ gang zag las dang po pas ni rigs dang mthun pa'i phyag rgya gang rnyed pa btsal zhing sbyor thabs drug cu rtsa bzhi'i sgo nas 'jug par bya'o/ /ye shes la cung zhig dbang bas ni bde ba'i ye shes ma skyes kyi bar du snyoms 'jug la gnas shing de nyid gzung bar bya'o/ /ye shes la yang dag par dbang bas ni rang nyid kyi phyag rgya mthong zhing dga' ba'i sems skyes pa tsam gyi bde ba chen po'i skur gsal bar 'gyur ro/ /shin tu rnam par grol ba'i gang zag gis ni dbang po drug gi yul kun gyis zag pa med pa'i lam du 'gyur ro/ /de nas lta ba gnyis med kyi don bsgoms pas nyams su blang zhing ting nge 'dzin gnyis kyi grogs su ni spyod pa bya ste/ bza' ba dang btung ba dang bgo ba dang gnas ma la dang/ las su bya ba'i 'jig rten na smod cing ngan pa'i las dag spyod pas 'grub par 'gyur ba'o/ /de yang rtsa ba'i rgyud las/ /gang zag bzhi yi bye brag gis/ /rnyed

  566. 283b

    rang bde bar dga' kun spyod/ /rgya chen mchog gyur 'bring dman pa/ /zab mo shin tu zab mo'i tshul/ /dpe yi lhan skyes bde ba yis/ /bde chen lhan cig skyes bde rgyas/ /de phyir spyod pa las gnas pas/ /yang dag ye shes rnyed par 'gyur zhes so/ /'o na 'ching bar byed pa nyid kyis grol lam zhe na/ rang gi ngo bo yongs bsgyur nas/ bud med kun gyi sgyu mas 'grub/ /ngo mtshar sgyu ma'i phyag rgya 'di/ /mkha' 'gro ma zhes brdar bstan to zhes te/ khyad par gyi don du stong pa chen po'i ting nge 'dzin la sogs pas tha mal pa'i rnam par rtog pa bzlog ste/ rang gi ngo bo yongs su bsgyur nas lha'i sku gsung thugs bud med nyi shu'i tshogs dang bcas pa'i sgyu mas 'grub pa'o/ /des na ngo mtshar sgyu ma'i phyag rgya 'di nyid mkha' 'gro'i brda'o/ /zab mo'i dbang du bzang tog gi rnam pa de nyid kyang rang gi ngo bor bsgyur te/ bud med gsum gyi sgyu mas 'grub pas chos thams cad kyi de kho na nyid la gnas par 'gyur ro/ /des na ngo mtshar sgyu ma zhes pa la sogs pa gsungs so/ /de yang rtog pa bdun pa las/ skyes bu drug gis zin pa las/ /dug gis de nyid shes pas grol zhes so/ /'di ni lta spyod zung du 'brel ba'i mtshan nyid las shas cher spyod la bstan pas/ le'u bzhi pa rnam par bsdus te rna bu brag la gnas pa'i dpes bstan to/ /da ni mkha' 'gro'i sgo nas dkyil 'khor gyi mtshan nyid bstan pa'i phyir/ DA ki ni nam mkhar 'gro ma zhes/ khams las mngon du brtags pa ste/ nam mkha' kun tu spyod grub pas/ /mkha' 'gro ma zhes rab tu grags zhes te/ kun tu 'gro ba'i ngang tshul can gyi rgya che ba'i sgo gnyis nas thugs rje chen po'i mdzad spyod rnam pa mdza' yas pas gdul bya'i don bya ba'i phyir/ sku gsum gnyis su med pa'i sangs rgyas de nyid las rnam par 'phrul pa'i dkyil 'khor sna tshogs ston cing/ ye shes kyi 'khor los 'gro ba'i don mdzad pa dang/ phyis 'jug pa po rnams rjes su gzung bar bya ba'i phyir/ ting nge 'dzin bsgom pa'i rim pa dang/ gzugs brnyan gyi

  567. 284a

    dkyil 'khor sgrub pa dag ni mkha' 'gro nam mkhar 'gro ba'i mtshan nyid can dag gzugs brnyan las bsgrub cing gsal bar bya ste phyi nang gi 'byung ba dang 'byung ba las gyur pa'i dngos po dag ni rigs kyi dkyil 'khor drug gi bdag nyid du gnas shing khyad de las khyad par gyi las rtson pa'i don du rdul tshon dang/ rten dang yum gyi phyag rgyas mngon du brtags te nam mkha' spyod pa'i las mdza' dag 'grub par byed do/ /des na sna tshogs su 'grub pas mkha' 'gro ma zhes grags so/ /de yang rtsa ba'i rgyud las/ kun tu 'gro pas rab tu gnas/ /sngon byung dkyil 'khor rtogs dka' ba/ /gsal mdzad rjes su bya ba'i tshogs/ /gzugs brnyan phyi nang 'byung tshogs las/ /nye bar mtshon byed dkyil 'khor gsum/ /mkha' 'gro'i brda yis rab tu bshad ces gsungs so/ /zab pa'i sgo nas ye shes chen pos chos nyid kyi ngang du 'gro bar byed de/ thabs dang shes rab snyoms par 'jug pa'i bud med gsum gyi khams las mngon du brtags pas/ thabs kyi sgo nas dang/ shes rab kyi sgo nas dang/ gnyis su med pa'i sgo nas dang/ gnyis su med pa'i sgyu ma bde ba chen po'i mtshan nyid nam mkha' lta bu la kun tu spyod pas 'grub ste/ mkha' 'gro ma zhes rab tu grags so/ /de yang rtsa ba'i rgyud las/ mkha' 'gro ma yi brda yis ni// zab mo'i dkyil 'khor rnam par 'byed/ /ces pa dang/ rtog pa bdun pa las kyang/ thabs dang shes rab snyoms 'jug pa'i/ /bud med gsum gyi khams las ni/ /gnyis med sgyu ma bde chen po/ /nam mkha' lta bur gnas 'gyur te mkha' 'gro ma yi phyag rgya yis/ /gzugs brnyan la rten ye shes gsal/ /zhes so/ /de ltar zab pa dang rgya che ba'i sgo nas bstan pa dag 'jug bsdu ba'i phyir/ thams cad ma lus phyag rgya yis/ /thams cad ma lus bde mchog gi /sangs rgyas

  568. 284b

    thams cad mnyam sbyor ba mkha' 'gro ma zhes rab tu grags shes te/ 'khor ba dang mya ngan las 'das pa'i chos thams cad ma lus pa dag /phyag rgya gnyis kyi bdag nyid du snang ba la de dag thams cad ma lus pa yang/ gnyis su med pa bde ba chen po'i sku'i rnam pa can no/ /de'i dus na blos btags pa'i mtshan ma dang/ dngos po'i chos thams cad gnyis su med pa sgyu ma'i gzugs can te/ de la ni sangs rgyas thams cad dang mnyam par sbyor ba mkha' 'gro sgyu ma zhes brdar grags te/ 'di nyid kyi le'u dgu pa las kyang// Di zhes bya ba mkha' 'gro ma'i khams gsum 'dir ni rnam par brtag /nam mkha' 'gro ba'i phyag rgya dag /mkha' 'gro ma zhes rab tu grags/ /kun tu sna tshogs phyag rgya ni/ /thams cad nam mkhar 'gro ba ste/ sangs rgyas thams cad mnyam sbyor pa'i/ /mkha' 'gro ma zhes rab tu grags/ /sgyu ma'i gar dbang grub pa ni/ /a ra li zhes rab tu grags/ /mkha' 'gro ma yang a ra li/ /sangs rgyas brda yi phyag rgya'o zhes so/ /ci ste na med pa cig gzugs brnyan gyis thob par byed dam zhes na/ de ni nam mkhar 'gro ma zhes/ /sangs rgyas khams las rnam par brtags/ /kun tu 'gro bar grub pa ni/ /sangs rgyas kun bdag mkha' 'gro ma'o zhes te/ chos thams cad ye nas sangs rgyas pa'i ngo bo bde mchog sgyu ma'i lta bu las/ 'gro ba rang rang gi rtog pas bsgribs te gnyis can gyi chos sna tshogs la spyod kyang/ de kho na'i rang bzhin la g.yo zhing bslab pa med de rang gi mtshan nyid la gnas pa'o/ /de yang gnas skabs kyi bye brag gis ye nas lhun gyis grub cing gnas pa ni rgyu/ de la dmigs shing spyod pa ni/ gsal bar nyams su myong ba ni 'bras bu ste yul dang yul can dbyer med pa'i rnam pas rtag tu gnas pa'i chos kyi sku'o/ /de las kun tu 'gro ba ni gzugs sku rnam pa gnyis so/ /de dag bde ba chen po'i sgyu ma'i rnam par grub pa ni mthar phyin pa'i sku zhes bya'o/ /des ni sangs rgyas kun bdag mkha' 'gro ma

  569. 285a

    ste/ de gsal bar ston pas gzugs brnyan gyi dkyil 'khor ro/ /de yang rtog pa bdun pa las/ /thams cad sku dang ye shes snang/ de nyid rang bzhin ngo bos gsang/ /sangs rgyas khams las rnam brtags te/ /kun tu 'gro ba grub pa'i tshul/ /gzugs brnyan stobs kyis nyams myong ba/ /sangs rgyas kun bdag mkha' 'gro ma'o/ /zhes so/ /'dis ni dkyil 'khor kun gyi mtshan nyid las khyad par du gzugs brnyan gyi rim pa ste/ le'u bdun pa'i phyogs gcig bsdus pas ngang pa'i rgyal po 'phur ba'i dpes bstan to/ /da ni bde ba'i sgo nas/ dbang bstan pa'i phyir/ sham zhes bya ba bde bar bshad/ /sangs rgyas kun gyi bde mchog yin/ /sgyu ma thams cad rab sbyor ba/ /mchog tu bde bas bde ba'i mchog /ces te/ sham+ba ra a b+hi Shiny+tsa zhes pas gtan tshigs tshangs pa'i sgra sbyar ba bzhin du/ sgo gsum gyi dri ma 'khru zhing bde ba bskyed de nus pa khyad par can bskyed cing skad cig ma'i rnam pas rgyud yongs su smin nas grol ba'i lam la sbyor zhing/ rten khyad par can du 'gyur te/ yon tan dang phrin las kun gyi bdag nyid can du 'gyur ba'o/ /des na dbang dang po'i gnas skabs su sangs rgyas kun gyis byin brlabs pa'i phyi ma'i bum pa dang/ yab yum sbyor ba las byung pa'i bde ba chen pos 'od du zhu ba'i chu rgyun/ nang gi bum pa mchog tu gyur pas dbang bskur ba dang/ rdo rje slob dpon gyis shes rab kyi sgyu ma dang mnyam par sbyor ba'i 'debs dbang bskur ba dang/ rang nyid kyis las kyi phyag rgya la brten te bla ma'i gdams ngag bzhin mchog tu bde ba'i ye shes bskyed pa dang/ bde ba'i mchog zag pa med pa'i ye shes bskyed nas/ chos thams cad kyi de kho na nyid la gnas pa'i dbang ngo/ /de ltar dbang tha ma gnyis rang la skye yang gdams ngag gi stobs kyis byung bas bskur ba'i dbang ngo/ /de yang rtig pa bdun pa las/ bde mchog ces bya'i sgra yis ni/ /sgo gsum dag byed dbang gi lam/ /bzhi po bskur pa'i thabs dag gis/ /bde chen gsal

  570. 285b

    ba bsgrub pa'i mtshig /kun gyi bde mchog dang po ste/ /sgyu ma'i rab sbyor gnyis pa yin/ /mchog tu bde ba gsum pa yin/ /bde pa'i mchog 'gyur bzhi pa'o/ /zhes so/ /'dis ni dbang gi rim pa ngon mdor bsdus te/ le'u drug pa dang bdun pa rang dgu pa'i phyag rgya bcu drug pa bsdus pas/ seng+ge dang rna bu'i dpes bstan te/ /da ni sangs rgyas kyi sgo nas mtshan med kyi sgom pa bstan pa'i phyir/ /kun tu kun nas thams cad ni/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por bdag 'gyur te zhes te/ thabs kyi sgo nas dang/ shes rab kyi sgo nas dang/ gnyis su med pa'i sgo nas yul kun tu dus kun nas dbang pa'i snang ba thams cad ni rig pa'i ye shes kyi bdag nyid gnas skabs kun tu mi 'gyur bar/ thabs dang shes rab gnyis su med par zhal sbyor ba gsum gyi tshul du sangs rgyas la sogs bstan g.yo'i dngos po kun gyi bdag nyid du gnas par bya'o/ /de yang rtog pa bdun pa las/ yul dus kun tu ma nyams blos/ /sangs rgyas ting 'dzin bsgom bar bya/ /sngags dbyibs chos kyi phyag rgya yis/ /brtan g.yo kun gyi dngos por bsgom zhes so/ /de nyid bsgom pa'i rim pa ni/ /slob dpon sangs rgyas gnyis pas sgrub pa'i thabs su rgyud kyi dum bu bsdebs nas bkod pa las shes par 'gyur ro/ /'dis ni rdzogs pa'i rim pa bstan te/ zab pa'i sgo nas dbye zhing le'u lnga pa'i phyogs gcig dang/ dgu pa'i sbyor ba'i phyag rgya bsdu zhing bya lag gis dpos bstan to// //da ni thams cad kyi sgo nas mtshan bcas kyi ting nge 'dzin bstan pa'i phyir/ sems dang sems dpa' i ting 'dzin dang/ /byang chub spyod pa sna tshogs nyid/ /de bzhin bdud dang bdud las rgyal/ /de ni byang chub sangs rgyas yin zhes so// de las bskyed pa'i rim pa bsgom pa'i rnal 'byor pas/ dang por byang chub mchog tu sems bskyed cing rang nyid dbang dang dam tshig tu ldan pas/ 'gro ba

  571. 286a

    thams cad kyi don bya ba'i bsam pas gnas te/ stong pa nyid dang lha'i skur bsgom pa dang/ sgo gsum nus pa bskyed pa'i phyir byin brlabs pa dang/ bdag dang 'gro ba sbyar zhing gsal bar bya ba dang/ dbang po bsam zhing 'phags pa la tshogs bsag pa dang/ sems can la tshogs bsag pa dang/ bsrung ba'i 'khor los bgegs tshar gcad cing slar bsrung ba dang/ gzhi'i ting nge 'dzin dang/ rten gyi ting nge 'dzin rnams bsgoms nas sbyor ba'i don bsam par bya ste/ rdo rje sems dpa' i sku 'phrul dga' i tshul du gnas pa las/ dbus kyi gdan thog tu byon nas rnam thar sgo bzhi'i snyoms 'jug la gnas pa las/ phyogs bcu'i sangs rgyas rnams kyis bslang nas mngon par byang chub pa lnga'i sgo nas sku yongs su rdzogs par 'gyur ro/ /dang po dbyings dang ye shes zab pa dang rgya che ba'i mtshan ma nyi zla'i dkyil 'khor ni/ sems dang sems pa'i ting 'dzin te byang chub kyi sems rang thugs rje chen po'i rtags so/ /de la gnas pa'i A li bcu drug dang/ kA li'i bzhi bcu 'phro zhing 'du bas mtshan dang dpe byad mi ldan pa dang/ mi gsal ba dag grub par mdzad nas/ nyi zla'i dkyil du g.yas g.yon gyi phreng bas mtshan ma ni byang chub sbyod pas sems can skyong ba'o/ /de la rdo rje rtse lnga pa bum par hUM gis mtshan zhing 'od zer lnga'i tshogs 'phro ba ni sna tshogs nyid do/ /de las byung ba'i rigs drug gi sangs rgyas rnams kyis bdud bzhi dang/ de'i rigs kyi phyogs rnams bcom nas sku gsung thugs bsdu zhing rang gi gnas su zhugs pas rdo rje chen por gyur to/ /de las rgyu'i rdo rje 'chang chen po'i skur gyur pa ni byang chub kyi sems lnga'i bdag nyid sangs rgyas kyi sku yin no/ /de yang rtog pa bdun pa las/ zla ba sems kyi rang bzhin te/ nyi ma sems pa'i ting nge 'dzin/ /A li kA lis las gnyis tshogs/ /byang chub spyod pas sems can skyong/ /rdo rje kha dog sna

  572. 286b

    tshogs 'od/ /'phro 'dus bdud dang bdud las rgyal/ /byang sems ye shes ldan pa yi/ /rgyu yi mgon po sangs rgyas mchog /ces pa dang/ rtog pa bsdus pa las kyang/ ting 'dzin las kyi khyad par ni/ sems brtan nyid kyis sems dpa' ste/ /sems dpa' i ting 'dzin bsgom pa'o/ /rnam par shes la sems dpa' gnas/ /rdo rje nyid yin rdo rje las/ /rdo rje sems dpa' 'byung ba'o/ /zhes so/ /rim pa rgyas par ni rtsa ba'i rgyud las/ dbus kyi pad+ma'i gdan dag la/ /dpal mchog dang po bzhugs mdzad de/ /chos kun stong nyid mtshan ma dbral/? /smon lam rang bzhin 'od gsal ba'i/ /ting nge 'dzin la bzhugs nas kyang/ /'gog pa'i rang bzhin la gnas la/ /phyogs bcu'i rgyal bas bskul mdzad de/ /mngon byang lnga'i rdzogs skur gyur/ /rang sems zla ba'i dkyil 'khor la/ /a yig bcu drug gnas pa la/ /thugs rje chen po shar byed pa'i/ /nyi dkyil ga yig sum cu bzhi/ /lce rtsa can bzhi mi gsal gnyis/ /skar ma'i gzugs 'dra bsgom par bya/ /de dag 'gro zhing 'dus pa yis/ /tshogs gnyis mtshan dang dpe byad rdzogs// ye shes dang po gnyis ston cing/ /byang chub sems gnyis mtshan nyid do/ /gsum pa rdo rje rtse lnga pa/ /dkar gsal dmar ba'i mdangs dang ldan/ /bum par hUM mtshan rnams gsal pa/ /tshogs gnyis 'bras bu yongs rdzogs rtags/ /kha dog lnga yi snang ba las/ /rigs drug dkyil 'khor bsam byas pas/ /rang gi gnas rnams sbyor mdzad cing/ /dkyil 'khor so so 'khor bcas pa/ /slar 'dus sku gsung thugs zhugs pas/ /rdo rje 'od bcas chen por gyur/ /ye shes par ma gnyis ston cing/ /byang chub sems gnyis mtshan nyid do/ /lnga mchog rdzogs pa'i las/ /rdo rje sems dpa' i skur bzhengs te/ /ye shes byang sems lnga pa las/ /phyag rgya chen po gsal ba yin zhes so/ /da ni 'bras bu'i rigs kyi sangs rgyas dag bskyed par bya pa'i phyir/ rdo rje rdo rje

  573. 287a

    'dzin nyid dang/ /de bzhin padmo padmo 'chang/ /nor bu nor bu 'dzin nyid dang/ /de dag gi yang rigs yin no zhes te/ /rgyu'i rdo rje sems dpa' las/ /phyung ba'i rdo rje sems dpa' dang/ /he ru ka gnyis ni rdo rje rigs so/ /gar gyi dbang phyug dang rta mchog gnyis ni pad+ma'i rigs so/ /ci las kyi rigs pad+mar 'gyur ram zhe na/ phyag na pad+ma 'dzin pa dang/ rta'i skad dang bcas pa'o/ /rnam snang dang nyi ma'i gnyis ni rin po che rigs te sku dang yon tan rin po che'i tshogs la longs spyod par mdzad pa'o/ /de dag gi rigs ni 'khor gyi lha mo rnams te/ sbyor ba'i rjes su sbyor ba dang shin tu sbyor ba dang sbyor ba chen pos sangs rgyas rigs drug gi dkyil 'khor gang yang rung ba bsgom par bya zhes pa'o/ /'di dag ni gsang sngags khyad par gyi don du bshad pa ste/ seng ge'i dpes bsgrub cing/ le'u lnga pa'i phyogs gcig dang dgu pa'i cha shas bsdus pa'o/ /da ni rang bzhin lhun gyis grub pa'i sangs rgyas kyi mtshan nyid kun rdzob kyi rnam par dang/ thams cad kyi khongs su phrin las bsdu ba'i phyir/ de nyid 'dod chags 'dod chags bral// 'dod pa dang ni grol ba'ang yin/ /dus gsum srid gsum mchog gsum dang/ /'jig rten gsum dang khams gsum dang/ /rnam pa sna tshogs tha dad pa'i/ /gnas pa thams cad de nyid do/ /zhes pa 'dod chags ni rigs drug gis sems can rnams so/ /de dang bral ba ni theg pa 'og ma pa'i lam la zhugs pa'i dman pa'i rigs can no/ /'dod pa ni longs spyod lnga yis myos pa'o/ /grol pa ni de yang ma chags pa'o/ /de dag gi rang bzhin yin pa dang/ /yang rang rgyud pa dag 'dul ba'i don du sprul pa'i gzugs su gnas pa'o/ /des na rdo rje 'chang chen pos ni srid pa dang zhi ba'i rang bzhin du bzhugs pa'o/ /de yang rtog pa bsdus pa las/ skyon med brtag pa gtan du ni/ /'dod chags thams cad rjes chags phyir/ /de nyid gsang ba bcom ldan

  574. 287b

    'das/ /'dod chags chen po dga' ba che zhes so/ /yang srid pa phyogs gcig gi don du/ /dus gsum gyi rnam pas bsdus shing rgyu rkyen 'bras bu'i srid pa'i chos kun gyi bdag nyid de/ 'jig rten gyi gnas mchog tu gyur pa'i tshangs pa dang khyab 'jug dang brgya byin gyi ngo bor yang bzhugs so/ /'jig rten gsum ni sa 'og sa stengs bla ste/ de'i bdag po ni myos byed dang/ rgyal bar byed pa dang sbrang rtsir byed pa'o/ /khams gsum ni 'dod pa dang gzugs dang gzugs med kyis bsdus pa'i rnam pa'o/ /des na sna tshogs tha dad cing dbang po drug gi yul du gyur ba'i snod ba cung kyi dngos por gnas pa thams cad de nyid do/ /de yang rtog pa bsdus pa las/ /dngos grub thams cad rjes chags phyir/ /'dod chags chen po bcom ldan 'das/ /kun grub zag med bde ba ni/ /bde chen rdo rje 'chang ba'i sku zhes pa dang yang/ 'jig rten gsum bdag mdza' yas phyir/ /'dul mdzad srid gsum mchog gsum dang/ /thams cad nyid phyir dkon mchog gsum/ /'jig rten gsum bdag khams gsum yin/ /zhes pa dang/ yang sems can bsod nams cher 'phags phyir/ /mi g.yo thams cad kho na'i bdag? /'du byed sems kyis g.yo ba ste/ /'du byed thams cad kho na'i phyir/ /zhes pa dang/ yang/ snying stobs rdul dang mun pas kyang/ /gang phyir sems cad 'dul mdzad pa/ /des na kun tu bzang po ste/ /byang chub sbyor bas gzhan skyong mdzad ces so/ /theg pa thun mong gi dbang du bshad pa'o/ /khyad par gyi don du ni/ rtog pa bdun pa las/ grol par mdzad pas zhi ba ste/ 'dod pa'i tshogs grub rgyas pa yin/ 'dod chags tshul gnas dbang gi las/ /chags bral drag pos sang bar mdzad/ /dus gsum sku gsum rtog bzhugs shing/ /srid gsum sku gsum thugs su ngag /mchog gsum theg pas 'gro 'dul zhing/ /lam gsum mdzad pas gzhan rgyud sel/ /sa gsum gnas dga' rab tu gnon/ /mdzad pa'i tshogs 'phrul dag mdzad cing/ /sna tshogs phrin las

  575. 288a

    rab tu spyod/ /ces pa dang/ yang rtsa ba'i rgyud las/ dbang gi 'dod pa'i don chags shing/ /drag pos chags bral bsad par mdzad/ /yon tan tshogs rgyas 'dod pa'i las/ /zhi ba'i rab tu grol byed pa'o/ /zhes pa la sogs pa gsungs so/ /dbyibs kyi sgo nas gsang ba'i phrin las ni/ /rtog pa 'dun pa las ni/ 'dod pa dga' ba'i rnam pa can/ /'dod chags rjes su dga' ba'i tshul/ /chags bral dga' mdza' bral ba'i dngos/ /rnam grol lhan cig skyes pa'o zhes pa dang/ yang dus gsum dag tu 'bebs gzungs bzlog /srid gsum yi ges rtsa gsum 'gengs/ /mchog gsum gsal bar gyur pa dang/ /'jig rten khams rnams gsal bar byas/ /sna tshogs gnas pa'i chos rnams kun/ /bde ba che las gzhan ma yin/ /zhes so/ /de dag gi mjug bsdu zhing gtan tshigs su/ /'gro ba dag gi ma lus kun/ /thams cad du ni 'di 'gyur ro/ /de la sogs pa mdza' yas mchog /chos dbyings mnyam dang mi mnyam pa/ /nam mkha' dbyings kyi mthas klas pa/ /dngos po thams cad de yin te/ /rgya che ba'i tshul gnyis dang/ dbyibs kyi tshul gyis chos thams cad de nyid rnam par gnas par kun tu bzang po'i rang bzhin no/ /de yang rtog pa bsdus pa las/ /rtag tu dag pa kun gyi mchog /gdong nas grol ba de bzhin gshegs/ /kun tu bzang po kun gyi bdag /byang chub sems nyid nges pa'o/ /zhes so/ /'dis le'u dgu pa'i phyag rgya shas cher bsdus ta nor bu rin po che dang gser dge'i dpes bstan to/ /da ni rtog pa mngon du 'gyur ba'i kun rdzob dang/ mnyam sbyor gyi don gyis tshogs 'khor bsdu ba'i phyir/ nam mkha' kun gyi skabs na dpal/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma'i bde mchog go /zhes chos can gyi dngos pos gang du khyab par chos nyid kyi rang bzhin de dag thams cad dpal rdo rje sems dpa' ste/ dper na til gyi zhing?

  576. 288b

    bu bzhin no/ /de ltar don gnyis kyi tshul du bzhugs pa'i dpa' rdo rje sems dpa' de nyid ni de bzhin du gshegs pa'i ngang tshul can no/ /gang zhe na dpal sangs rgyas thams cad dang mnyam par sbyor ba/ mkha' 'gro sgyu ma bde ba mchog gi tshogs kyi 'khor lo las bsgrub pa'o/ /de yang rtog pa bdun pa las/ nam mkha' kun gyi skabs na dpal/ /rdo rje sems dpa' de bzhin gshegs/ /tshogs kyi dkyil 'khor gnas bzhugs shing/ /lha mo kun gyi bde ba bskyed ces so// //'dis ni le'u drug pa bsdus te rna bu dang seng ge'i dpes bstan to/ /de ni mnyam sbyor gyi sgo nas grub pa la sogs pa bstan pa'i phyir/ bskal pa bye ba grangs med par/ /sangs rgyas thams cad ma thob pa/ /phyag rgya'i cho ga gang dag gis/ /tshe 'di nyid la 'thob 'gyur ba zhes te/ mtshan nyid kyi theg pa'i gzhung du bskal pa grangs med par dka' ba spyad cing tshogs bsags pas lam rnam pa lnga mthar phyin nas/ drang ba'i don gyis sangs rgyas 'grub par 'dod pa des ni/ nges pa'i 'bras bu rnyed pa ma yin te/ rang gi de kho na nyid ma shes pa'i phyir sangs rgyas mthong bar 'gyur ro/ /gsang ba'i phyag rgya rnam pa gnyis kyi don shes pas/ cho ga gang dag gis bsnyen bsgrub yan lag bzhi yi sgo nas/ tshe 'di nyid la thun mong gi dngos grub thams cad 'grub cing/ mchog gi dngos grub kyi lam la sbyor bar byed pa dang/ yang tshe 'dis mchog gi dngos grub rig 'dzin 'thob ste/ des na/ de ni bdag gis brtag par bya/ /sangs rgyas kun bdag bde ba'i mchog /bdag nyid shin tu sgrub pa las/ /sangs rgyas kun bdag bde mchog go zhes so/ /de yang lus ngag yid gsum gyi sgo nas brtags par bya ste/ rigs drug gi dkyil 'khor gyi rnam pa dang/ de nyid bde ba chen po'i ye shes rang gi mtshan nyid bsgrubs pas de'i rnam pa gsal zhing nyams su myong ngo/ /de yang rgyud las/ mtshan nyid theg dman lam zhugs pas/ /yang

  577. 289a

    dag sangs rgyas mthong mi 'gyur/ /bsnyen sgrub yan lag bzhi gnas don/ /rab gsum theg pa'i byang chub 'grub ces so/ /'dis ni sgrub pa'i le'u gsum pa bsdus te/ ngang pa dang seng ge'i dpes bstan to/ /da ni lha dang gnyis su lta pa dgag pa'i phyir/ rnal 'byor yang dag ma yin sems/ /lha la dmigs par byed pa dag/ rnal 'byor gzugs brnyan rang bzhin te/ /lugs ma la sogs rnal 'byor skye/ /zhes te/ gang thabs dang shes rab gnyis su med par ston pa de la rnal 'byor te/ rtog pa bdun pa las/ thabs kyi dkyil 'khor rnam 'phrul zhing/ /shes rab dbyings su sbyor sgrub pas/ /rnal 'byor gsal bar mtshon pa ste/ /gnyis med phyag rgyas de nyid ston zhes pa dang/ yang/ shes rab dbyings las byung ba yi/ /sbyor ba zhi la legs gnas pa/ /rnal 'byor nam mkha' i mtshan nyid de/ /dus kun tu ni rnam par spyod/ /ces pa dang/ dpal gsang ba 'dus pa las kyang/ /thabs dang shes rab snyoms 'jug pa/ /rnal 'byor zhes bya bar bshad/ /shes rab rang bzhin med pa ste/ /mtshan ma'i cho 'phrul thabs yin no/ /zhes so/ /de la gnas pa'i sgrub pa po la ni rnal 'byor pa zhes bya'o/ /gang zhig de dang mi ldan pa'i 'jug pa po dag ma yin pa'i sems kyis bdag dang lha gnyis su lha zhing dmigs par byed de/ rten gyi gzugs brnyan las rnal 'byor 'byung zhing skye bar 'dod pas ni 'grub par mi 'gyur ro// de yang glang po rab 'phogs dang sgyu 'phrul dra ba dag las/ phyogs bcu'i 'jig rten gang nas kyang/ /sangs rgyas rnyed par mi 'gyur te/ /sems nyid rdzogs pa'i sangs rgyas pas/ /sangs rgyas gzhan du ma tshol cig ces pa dang/ 'di dag gzhan las kyang rgya cher gsungs so/ /de ni sgrub pa'i zhar la spros pa'o/ /de ni mnyam sbyor gyi sgo nas dam tshig bstan pa'i phyir/ yang dag mchog sems rnal 'byor pa/ /lha la dmigs par byed pa dag /rang gi dam tshig bdag sbyor ba/ /mi 'gyur dam pa 'grub par 'gyur/ /zhes te/ chos

  578. 289b

    thams cad kyi de kho na nyid rtogs shing de'i don la gnas pas gnyis su med pa'i sgo nas thun mong dang khyad par dam tshig rang gi bdag nyid dang sbyor zhing/ mi 'gyur dam par gnas na 'grub par 'gyur ba'o/ /de yang rtog pa bdun pa las/ zab cing rgya che'i chos dag gi /yang dag mchog sems rnal 'byor gnas/ /dam tshig lha gnyis rab sbyor bas/ rang gi rang bzhin gsal 'grub 'gyur zhes so/ /'dis ni le'u drug pa dang bdun pa'i dam tshig bsdus te/ khyung dang rna bu'i dpes bshad do/ /da ni de'i zhar la theg pa'i khyad par bstan pa'i phyir/ / gzugs brnyan lugs la sogs pa la/ /rnal 'byor 'byung bar mi 'gyur te/ /byang chub sems la rab brtson na/ /de las rnal 'byor lhar 'gyur ro/ /zhes te/ gong du lha dang gnyis su lta ba dgag ste/ /gang zhig nang rang gi ting 'dzin la dmigs pas ni theg pa 'og ma rnams las khyad par du 'gyur ba'o/ /de yang rtog pa bsdus pa las/ bsam 'das rgya chen zab pa ni/ /dngos grub thams cad zad med bde/ /kun gyi dri ma med pa ni/ /byang chub sems bsag brtan pa yin/ /zhes pa dang/ yang sems de kho na bdud nyid de/ /sems de kho na de bzhin gshegs/ /rang sems 'dul ba'i don du ni/ /bdag nyid bdud las rgyal ba yin/ /zhes pa dang/ yang rang sems so sor rig pa ni/ /byang chub sems mchog rdo rje yin/ /de nyid de las de sangs rgyas/ /rang byin brlabs mchog bsgom phyir ro/ /'dis ni dbu zhabs kyi theg pa rnam par 'byed pa ste/ khyung dang bya lag gi dpes bshad do/ /de ni phan yon gyi che ba bstan pa'i phyir/ /byang chub sems 'di rdo rje ste/ /sangs rgyas kun gyi bdag nyid yin/ /de bas thams cad bdag sbyor bas/ /sangs rgyas thams cad thob par 'gyur// zhes te/ zab? pa dang rgya che ba'i sgo nas byang chub kyi sems rnam pa bzhi po 'di ni rdo rje lta bu ste/ sangs rgyas kun gyi bdag nyid yin no/ /de lta bas na lta ba dang ting nge 'dzin dang spyod pa la sogs pa'i don rnams shes shing nyams su blangs na sbyor ba stobs kyis thob par

  579. 290a

    'gyur ro/ /de yang rtsa ba'i rgyud las/ lta spyod ting 'dzin sgrub pa dang/ /dkyil 'khor dbang bskur dam tshig tshogs/ /phrin las thams cad bdag sbyor bas/ /sangs rgyas thams cad thob par 'gyur zhes pa dang/ rtog pa bsdus pa las kyang/ gang gi rtog pa mchog 'di sgrub par byed pa la/ /bdud nyid nye bar mi 'gro mi brtan nyid kyang yin/ /rtog pa'i tshogs bcas bdag gis gzhom mdzad de/ /myur ba mchog gi mchog nyid 'grub phyir brten par mi byed do/ /gang gis bdag gi snying po bdag la rtag tu 'grub byed ni/ /mchog chen dngos grub dang ni rtag par bde chen dang/ /chags dang shin tu dga' dang brtan dang rgyas/ /yig chen dang ni brtan par bdag gis 'gyur bar byed/ /ces so/ /des ni le'u gnyis pa'i smad dang le'u so so'i khyad par gyi phan yon bsdus te/ ru sbal gyi dpes bshad do/ /da ni mnyam sbyor gyi sgo nas 'bras bu phrin las dang bcas pa bstan pa'i phyir/ bdag nyid sangs rgyas thams cad dang/ /dpa' bo thams cad bdag yin no/ /de bas bdag nyid lhar sbyor bas/ /bdag nyid rab tu bsgrub par bya/ /zhes te/ 'brel pa'i tshul du 'jug bsdus pa'i phyir/ /cho ga dang po gnyis kyis ni gzhi'i mtshan nyid bstan te/ dngos rtogs kyis sangs rgyas kyi don dam pa'i mtshan nyid dang/ kun rdzob kyi rnam pa dang/ dpa' bo byang chub sems bde ba chen po'i sku ni chos thams cad kyi gnas lugs yin pas rgyal ba'i dgongs pa'o/ /de nyid tshul gsum gyis rtogs par byas nas/ de'i rjes su tshig gnyis kyis ni lam gyi yan lag ting nge 'dzin la sogs pas bdag nyid ltar sbyor zhing bsgrub par bya'o/ /de nyid goms shing mngon du gyur pa'i 'bras bu ni/ de yis sangs rgyas thams cad dang/ /dpa' bo rnams kyang thams cad dang rdo rje 'dzin pa thams cad du/ /tshe 'di nyid la 'grub par 'gyur/ /zhes te/ nges pa'i don rdo rje theg pa'i sgo nas sangs rgyas pa'i dkyil 'khor gyi tshogs thams cad dang/ dpa' bo 'khor gyi sems dpa' gsang sngags kyi sgor zhugs pa'i tshogs dang/ rigs 'dzin

  580. 290b

    gyi bye brag bzhin du gnas pa'i rdo rje 'dzin pa dag bsgom zhing bsgrub pa'i stobs kyis tshe 'di la sangs rgyas kyi rang bzhin dang/ dpa' bo rdo rje 'dzin pa'i rnam pa gsal bar 'gyur ro/ /de nyid kyis bsgrubs pas ni rdo rje 'dzin pa'i rim gyis sangs rgyas kyi rnam par yang gsal bar 'gyur ro/ /de yang 'og nas 'di ni phyi dus sangs rgyas yin zhes pa dang/ rtog pa bdun pa las/ tshe 'dis rigs 'dzin thob byed cing/ /de gnas rim bzhin goms pa'i mthus/ /nges pa'i don gyi sangs rgyas che/ /bde chen sku gsum gnyis mang 'grub ces so/ /des ni le'u bcu pa bsdus te rin po che'i dpes bstan to/ /de ltar gsungs pa de dag kyang sdud pa po'i rang dga' i tshig ma yin te/ yid ches pa'i khungs/ bcom ldan 'das dpal rdo rje sems dpas de skad gsungs so zhes te/ sngon byung 'phrul pa'i 'khor los dus rnam pa drug du gdul bya'i rgyud grol bar mdzad nas/ rjes su 'jug pa po dag gzung bar bya ba'i phyir/ ri rab kyi rtse mor sku gsum gnyis su med pa'i rdo rje sems dpas rgyud bshad pa'o/ /dpal sangs rgyas thams cad dang/ mnyam par sbyor ba mkha' 'gro sgyu ma bde ba'i mchog las de kho na nyid snang ba dam pa'i yul la 'jug pa ye shes kyi phyag rgya'i rtag pa ste dang po'o zhes pa la/ gdul bya rgyas pa la dga' ba rnams kyi don to/ /ston pa'i dgongs mdzad rgya chen po'i tshul du rtsa ba'i rgyud chen po gsungs nas/ /yang bsdus pa la dga' ba dang rtog pas 'dra ba rnam par bcad pa'i don du/ rdo rje'i tshig dgongs pa du ma dang ldan pa brda'i don gyis rnam par bshad pa bsdus pa'i rgyud 'di gsungs so/ /'dir ni shes par bya ba dang/ nyams su blangs pa dang/ 'bras bu mthong ba'i de kho na nyid gsum bya don snang zhing gsal bar mdzad pa dang/ dam pa sangs rgyas rnams kyi yul la 'jug pa'i thabs gsal zhing/ rgyas 'debs pa'i mtshan nyid can gang yin pa de nyid la rtog pa zhes bya'o/ /de yang rtog pa bdun pa las/ shes bya lam sgrub 'bras bu'i chos/

  581. 291a

    bden gnyis mtshungs med de nyid gsum/ /snang gsal dam pa rnams kyi yul/ /phyag rgya rtog pa'i ngang tshul ces zhes pa dang/ rtog pa bsdus pa las/ rnam par mi rtog chos dag las/ /sems can don du yongs su rtog /des na rtog pa zhes bya ste/ rtog pa yongs su dag phyir ro zhes so// le'u dang po'i don rnam par bshad pa'o// //gang zhig dmigs pa med pa stong phrag gis ni lam du 'jug cing rin po che brtag par mi nus la/ de nyid kyi bstan bcos dang phan yon mi shes pa dag kyang de la 'jug cing phrad par mi 'gyur ro/ /de ltar spyi dang rang gi mtshan nyid dang rang gi rang bzhin ma rtogs pa dag gis ni yang dag pa'i don mi mthong zhing/ so so'i phan yon mi shes pas na ci'i phyir 'jug par byed/ de'i phyir le'u gnyis par shes par bya/ bzhi lta pa'i bye brag dang/ de'i zhar la phan yon bstan to/ /de yang rtsa ba'i rgyud las/ phyogs rnams ma lus rnams brtags shing/ rang bzhin ngo bo las grol pa/ /rags pa'i dri ma kun spyod de/ /rnam grol phra ba'i lta rmongs 'gyur/ /kye ma'o rang nyid ma mthong ba/ /gzhan gang mthong zhing shes par 'gyur zhes so/ /de las dang po lta ba spyi'i mtshan nyid ni/ /'di ni rnal 'byor bcom ldan 'das/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /thabs dang shes rab gnyis su med pa'i mtshan nyid bde ba chen po'i sku 'di ni rnal 'byor gyi bdag nyid can te/ gnyis can du rtog pa'i mtshan ma bdud la sogs pa'i tshogs rnams rang gi ngang gis bcom zhing/ legs pa'i yon tan gyi bkod pa thams cad la mnga' brnyes pas/ yon tan gyi bye brag gzhan na med de rang bzhin lhun gyi grub pa dang/ rtogs pas mngon du gyur pa'i tshul du bzhugs shing/ don rtogs gnyis kyi tshul gyis rdo rje sems dpa' thog ma dang tha ma med par bzhugs shing/ sku gsung thugs las 'das

  582. 291b

    te rang de kho na nyid de bzhin gshegs pa'i sku gsung thugs rdo rje la gnas na/ sangs rgyas thams cad dang mnyam par sbyor ba mkha' 'gro sgyu ma'i ngang tshul la gnas so/ /de yang rtog pa bdun pa las/ sems dpa' gdong ma tha ma med/ /rdo rje sems dpa' dga' ba che/ /kun tu bzang po kun gyi bdag /rdo rje snying po gtso ba'i gtso/ /gdong ma tha ma med phyir yang/ /dam pa'i dang po zhes 'dod de/ /'khor lo kun gyi gtso phyir na/ dam pa dam pa'i dbang phyug yin zhes na/ sangs rgyas gnyis kyi tshul du bzhugs so/ /de yang kun rdzob phyogs gcig gi sgo nas/ rtog pa bdun pa las/ sku mdog mtshan dang dpe byad dang/ /yon tan ma 'gags gsal snang zhing/ dkyil 'khor dbang la sogs par ldan/ /gsung thugs phrin las gsal bar snang/ /zhes pa dang/ yang dus gsum sgrib pa mi mnga' ba'i/ /mgon rnams/ bde chen gnas bzhugs te/ /gsal ba'i stobs dang mi 'jigs tshogs/ /bdag gzhan gnyis med sna tshogs snang zhes so/ /de dag gi don dam pa ni stong pa nyid rang bzhin gyis gnas pa dmigs pa'i mtshan ma thams cad las dben pa zhi ba chen pa'i dbyings so/ /spyi'i mtshan nyid ni gnyis su med pa'i bde ba chen po'i ye shes mkha' 'gro sgyu ma'i sku'o/ /de ltar gnas skabs kyi dbang du na bden pa gsum du bshad cing/ rang gi mtshan nyid la gang du yang ma phye'o/ /des na thams cad ma lus phyag rgya yi/ /thams cad ma lus bde mchog gi /zhes te gong du gsungs so/ /don de nyid lta bas thag chod nas bsgom pas nyams su blangs nas 'grub pa'i phyir/ rdo rje sems dpar bdag sbyor na/ /dbab pa thams cad rab tu 'grub ces te/ phyag rgya gsum gyi sgo nas gnyis su med par sbyor na// mchog tu gyur pa'i don phyin ci ma log pa'i rnam pa dag 'grub par 'gyur te/ rang gi de kho na nyid las shar ba'i phyir ro/ /de yang rtsa ba'i rgyud las/ /thams cad bde chen rdo rje sems/ /ma 'gags rol pa phyag rgya'i sku/ /kun rdzob snang zhing dngos med pa/ /don

  583. 292a

    dam las 'da' sgyu ma'i dbyings/ /rang bzhin gsal bar sbyor byas pas/ /dbab pa thams cad rab tu 'grub ces so/ /de nyid rtogs par bya ba'i thabs ni/ /sangs rgyas thams cad mnyam sbyor ba/ /rnal 'byor dbang phyug bde ba che/ /gang zhig la dang por sangs rgyas thams cad dang mnyam par sbyor ba ni dbyings ye shes kyi 'brel tshul te le'u dgu pa las/ thams cad nam mkha' i mtshan nyid de/ /nam mkha' la yang mtshan nyid med/ /khams gsum dag ni ma lus pa/ /thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa ma yin te/ /de bzhin 'gro ba kun gyi tshul zhes pa dang yang yod pa ma yin med pa min/ /dbu mar yang ni dmigs su med/ /shes rab pha rol phyin sbyor ba/ /sangs rgyas byang chub rab bsgrub pa'o/ /zhes so/ /don de dag rnal 'byor dam pa'i mtshan nyid de/ dbang phyug phun sum tshogs pa'i yon tan dang ldan pa bde ba chen po'i rang bzhin no/ /de yang thabs kyi sgo nas dang/ /shes rab kyi sgo nas dang/ gnyis su med pa'i sgo nas rtogs par bya ba ste/ de yang rtog pa bdun pa las/ thabs kyi sgo nas bde ba che/ /thig le phra mo las 'das shing/ /rlung gi gnas la gnas mi mdzad/ /gsang sngags kyi dmigs bral ba'o/ /shes rab las la brten pa'i mthus/ /'khor lo'i byang chub 'bebs? dang gzung/ /rang gi gnas sam gzhan du spro/ /rtsa sogs dman pa dbyibs las 'das/ /gnyis med phyag rgya chen po'i dang/ /snang ba nyid ni stong pa ste/ /stong pa nyid ni snang ba yin/ /dbang po drug gi yul la rol zhes so/ /de'i gtan tshigs ni/ bde bas bde ba nyid kyis ni/ /sangs rgyas bde ba kun 'thob bo/ /zhes te/ rgyu bde ba'i sgo nas lam bde bar sgrub ste/ 'bras bu bde ba chen po'i skur 'grub pa'o/ /de yang rtog pa bdun pa las/ chos rnams mngon sum bde

  584. 292b

    chen po/ /gzugs brnyan rab 'bring tha ma med/ /snang stong bde ba'i rgyas btab pas/ /dmigs pa kun las rnam par grol zhes te/ mngon sum du chos thams cad la bde stong gnyis su med pa'i rgyas gdab pa'o/ /'dis ni rtogs pa'i yon tan yang bstan to/ da ni lus ngag gi dka' ba spyad mi dgos par bstan te/ sangs rgyas thams cad mnyam sbyor bas/ /rnal 'byor dbang phyug bde chen po/ /'di la khrus dang bsdam mi dgos/ /dka' thub dka' ba spyad mi dgos/ /rang gi rtog pas bcings pa'i bram ze dang/ nyan thos la sogs pa'i khrus dang bza' bsrung gi spyod pa dang/ sdom pa dang sbyang ba'i yan lag bcu gnyis kyi dka' thub dang/ me lnga brten pa dang dbyig gu gsum pa dang khye'u dka' thug dang ba lang gi dka' thub dang/ byang chub sems dpa' i spyod pas lam rnam pa ltar dka' ba spyang mi dgos te gnyis med kyi don la gnas na spyod lam kun gyis tshogs gnyis rdzogs par 'gyur ro/ /des na dka' thub sdom pa med pa dang/ /bde ba dang ni dga' bas 'grub/ /de bas ji ltar 'dod spyad cing/ /kun za de bzhin thams cad spyod/ /spyod pa ci dgar 'dod par byed/ /g.yo pa dag kyang ci dgar byed/ /gang la thog pa 'og ma pa'i gzhung du spyod pa'i rim pa dag ched du gnyer zhing dgag pa med de/ bram ze dang mu tig la sogs pas dben pa'i spyod pa gang yang rung bas sems bde ba dang/ lus dga' ba'i sgo nas 'grub ste/ des na sdig pa ma sbyangs pas kyang mnyam pa'i don bsgrubs na 'grub par 'og nas gsungs so/ /de nyid rtog pa bdun pa las kyang/ /gang la ji ltar spyod kyang rung/ /gnyis med bde chen grogs su 'gyur zhes so/ /de yang gang zag las dang por dang/ /ye shes la cung zad dbang ba dang/ yang dag par dbang ba dang/ shin tu rnam par grol ba'i sgo nas shes par bya'o/ /ji ltar 'dod pa bzhin sems can gyi don du 'gyur na kha na ma tho ba med par ngan pa'i las la sbyad kyang nyes par mi 'gyur zhing/ kun zas

  585. 293a

    te dam zas bcu'i rnam pa dag /gnyis su med pa'i don dang ldan pas longs spyad pas dngos grub 'grub pa'i yan lag tu 'gro ba'o/ /de bzhin thams cad ni thun mong dang khyad par gyi dam tshig ma lus pa'i tshogs so/ /de bzhin du lus ngag gi sgo nas spyod pa ci dga' dang/ sems kyi sgo nas g.yo ba ci dga' ste dgag pa dang sgrub pa med do/ /des ni theg pa dman pa dang/ so so'i skye bo'i mdza' bkag par 'gyur ro/ /dpal gsang ba 'dus pa las kyang/ sngags pa seng+ge bzhin du rgyu/ /'di la mi bya ba dag dang/ /mi bza' ba ni gang yang med/ /'dod pa'i longs spyod kun gyis brgyan cis so/ /de ltar na chos thams cad bde ba chen po'i rang bzhin du gnas pa las/ ma rtogs pa'i sems can kha cig 'khrul pa'i dbang gis sdug bsngal gsum dang brgyad kyi rgyu dang 'bras bu de nyid la spyod de/ de yang rtog pa bdun pa las/ rang gi rang bzhin ma rtogs shing/ /gzhan du 'khrul pa'i 'gro ba dag /yul drug rang rgyud brtags pa yis/ /sna tshogs gnyis kyi chos su snang/ /mi mthun bde sdug gnas la spyod/ /chos brgyad mtshan mas g.yengs gyur cing/ /nyon mongs yan lag dang bcas pas/ 'gro drug gnas rnams so sor snang/ /sdug bsngal gsum dang brgyad kyis gdungs/ /las kyis 'brel pas dngos la chags/ zhes so// yang log par blo gros 'khrul pa'i gang zag kha cig mu stegs kyi lam dang nyan thos kyi lam dang byang chub sems dpa' i lam la spyod de/ rang gi de kho na nyid las nyams shing bde ba chen po'i ro ma myong bar gnas te/ de nyid la snying rje chen pos gzung bar bya'o/ /de yang rtog pa bdun pa las/ kye ma log par rtogs pa yi/ /kha cig lam ngan log zhugs pa/ /rgyu las 'khrul dang lam las 'khrul/ /'bras bu'i dngos las 'khrul gyur dag /'jig rten 'dir yang sdug bsngal te/ /khyi dang

  586. 293b

    ba lang dbyu gu gsum/ /me lnga sogs kyis lus gdungs te/ /tshe zad ngan song gsum du 'gro /rigs ngan dman pa'i lam zhugs pas/ /bde 'dod de nyid lam las gol/ /sdug bsngal kun 'byung shes spong 'dod/ /phyir zhing sdug bsngal kun 'byung gnas// 'gog lam mngon par sgom byed kyang/ /'phags pa'i lam la rgyab kyi phyogs/ /kye ma'o yang dag bden lags gzhan/ /'khrul pa'i bden pa bzhi ru brtags/ /rkyen rtogs dgra bcom sa 'dod pas/ /rten 'brel la spyod de nyid spong/ /nyon mongs las dang sdug bsngal gyis/ /rang bzhin rmongs pas de spyod pa/ /de nyid mtshan mas 'khrul 'gyur te/ /thams cad ma rig las byung ba/ /de nyid rgyu gzhan gang las byung/ /thams cad rang byung ye shes yin/ /kye ma'o dgra bcom sa 'dod pas/ /rgyun zhugs lan cig 'ong ba dang/ /mi ldog spyod sogs dka' ba yis/ /dgra bcom lam zhugs grol mi 'gyur/ /yang dag bden pa'i don med par/ /kun tu btags par gnyis 'dzin pa/ /bskal pa mang por dka' spyad kyang/ /yang dag sangs rgyas thob mi 'gyur/ /kye ma'o nges don ma rnyed pas/ /lam gzhan g.yengs pas tshi? tshad de/ /gyang kyi nor bzhin kun tu tshol/ /sku gsum 'bras bu skye mi 'gyur/ /kye ma 'di dag snying re rje/ /bde chen gnas las 'di ltar gyur/ /sdug bsngal 'di gzhan gang las byung/ nam zhig rang gi de nyid mthong/ /nam zhig rang byung ye shes 'char/ /nam zhig bde ba chen pos brgyan zhes so/ /'o na de dag gis thog pa chen po'i lam du zhugs na mi 'grub bam zhe na/ gang zhig rang gi lta ba rnam par gtong zhes shes rab dang snying rjes gzhi gzung nas byang chub kyi sems dang ldan pas ni 'jug tu rung zhing 'grub par 'gyur te/ langs pa dang ni 'dug pa dang/ /'chag gam ji ltar gnas kyang rung/ /rgod dam rab tu smra yang rung/ /gang na ji ltar gnas kyang rung zhes te/ /de yang rtog pa

  587. 294a

    bdun pa las/ skye bo gzung 'dzin rags pa'i rgyun/ /rtog pa langs pas kun tu 'khor/ /mu stegs spyod bcas 'gro byed cing/ /sdug bsngal rmongs tshogs sdug bsngal bsgrub/ /yul drug 'gog cing gnas byed pa'i/ /blo dman gol ba'i lam la zhe na/ ji ltar gnas pa'i rang rgyal ba/ /gcig tshugs mang pos dgra bcom lam/ /rgod pa'i sgo nas bram ze'i smrang/ /smra byed byang chub sems dpa' yin/ /de dag rtog gnas lam ldog cing/ /'di don spyod pas 'grub par 'gyur zhes so/ /'o na de dag gis tshogs ma bsags gzugs brnyan du ma bsgrubs par 'grub bam zhe na/ dkyil 'khor dag tu ma zhugs shing/ /sgrib pa kun dang ldan pa'ang rung/ /rang gi lhar ni bdag sbyor na/ /bsod nams chung yang 'grub par 'gyur/ /thog mar bla ma dam pa la brten te// gzugs brnyan gyi dkyil 'khor du dbang thob cing dam tshig dang ldan pas/ gdams ngag la chos thams cad kyi rang bzhin mngon du byas na bsgrub pa'i dkyil 'khor lam brten pa dang/ sngon du sdig pa'i las spyad pas kyang rang gi lha gnyis su med pa'i don dang sbyar na lus ngag gi tshogs ma bsags kyang 'grub par 'gyur ba'o/ /da ni lta ba rtogs pa'i phan yon gyis 'jug bsdu ba'i phyir/ de nyid rnal 'byor 'di yis ni/ /thams cad 'grub par byed pas na/ /ngan zos ngan spyod thams cad kyis/ /nyes dag tu yongs mi 'gyur zhes te/ rtsa ba'i rgyud las/ lta ba mchog la 'jug sbyor ba'i/ /sku drug lhun grub rnal 'byor pas/ /dngos bcas chos tshogs rnam grol rgyar/ /thams cad rab tu 'grub byed cing/ /ngan pa'i spyod pa rnam dag chos/ /'grub byed nyes par yong mi 'gyur/ /rma bya'i gzi mdangs gsal ba ltar/ /rang bzhin ngo bos rnam par dag ces so/ /de dag ni lta ba rnam par dag pa'i mtshan nyid bstan pa'o/ /nga ni de'i zhar la lam dang 'bras bu'i phan yon bstan te/ de yang so so'i gnas

  588. 294b

    skabs su ni khyad par gyi mtshan nyid yin la/ 'dir ni shes par bya ba'i yul bsdu ba dang/ yon tan gyi sgo nas 'jug par bya ba'i phyir/ dang por mchog gi bsgrub par bya ba'i sgo nas ni/ bskal pa bye bar mi thob pa/ /sangs rgyas dam pa thams cad de/ /phyag rgya'i cho ga gang dag gis/ /bsgrubs na kun tu 'thob 'gyur pa/ /mchog tu gyur pa'i dngos grub gang zhig /sku drug lhun gyis grub pa de nyid ni nges pa'i don gyi sangs rgyas dam pa ste/ theg pa dman pas bskal pa bye bar bsgrubs kyang 'thob par mi 'gyur ro/ /gang zhig rgyu rkyen ma shes pas ni 'bras bu bsgrub pa'i thabs dang bral ba'o/ /thabs khyad par can gyis sgo nas bsnyen sgrub yan lag bzhi'i phyag rgya'i tshogs dkyil 'khor gang yang rung bar bsgrubs na phyag rgya chen po'i dngos grub thob par 'gyur ro/ /gang las zhe na/ bdag nyid sgrub par byed pa'i mchog /de ni bdag gis brtag par bya zhes te/ /yon tan thams cad kyi 'byung gnas sku gsum mam drug gi bdag nyid de ni rang gi mtshan nyid de/ nam zhig ye shes kyis gsal bar byas na rang gi rgyud la skye zhing 'grub ste de ni rang gi rgyud las brtag par bya'o/ /de yang rtog pa bdun pa las/ bsnyen sgrub yan lag bzhi yi don/ /sangs rgyas dam pa 'grub byed pa/ /de nyid phyag rgya'i cho ga yis/ /rang nyid dkyil 'khor bdag por blta/ /rigs 'dzin lam gyi bye brag las/ /mchog gi dngos grub skye bar 'gyur zhes so/ /thun mong gi dngos grub bsgrub pa'i sgo nas/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /rdo rje sems dpar bdag sbyor ba/ /cha lugs ji bzhin bsgyur ba yis shes te/ /mchog gi dngos grub la sbyor bar byed pa'i yan lag tu 'jig rten gyi las tshogs dang thun mong gi dngos grub bsgrub par bya ste/ gzhi rten sbyor ba'i ting nge 'dzin gyis bdag nyid rdo rje sems dpa' sbyor zhing/ le'u dgu pa'i bsrung ba'i cho ga la sogs pa'i phyag rgya'i las rnams dang las gzhan

  589. 295a

    dag ni gnod par byed pa'i 'byung po gsal zhing bsrung ba dang byin gyis brlab pa dang ldan pas rten dang rdzas kyi sgo nas cha lugs ji bzhin du rang rang gi las dang mthun par bsgyur ro/ /des ci zhig sgrub tsa na/ thams cad ma lus phyag rgya'i bdag /bsod nams chung yang 'grub par 'gyur zhes te/ 'jig rten gyi 'gro ba phal pa la yod pa'i stobs dang rang rang gi las rnams dang/ thun mong du lha'i rgyal po dang klu'i rgyal po la sogs pa'i rgyud la mnga' ba'i mngon par shes pa lnga dang/ rin po che sna bdun dang/ chu la mi 'bying bar 'gro ba dang/ nam mkha' la sgas bzhin 'dzeg pa dang/ ri brag la thogs pa med par 'gro ba dang/ sa 'og gi gter dang gser 'gyur gyi rtsi dang/ bum pa bzang po dang ral gri dang ril bu dang mig sman dang bcud kyis len dang rkang 'gyogs la sogs pa'i las/ rtsa ba'i rgyud kyi le'u lnga pa las gsungs pa'i thams cad sna tshogs phyag rgya'i bdag nyid thun mong gi dngos grub rnams/ sngon du sdig pa can gyi gang zag tshogs ma bsags shing yun ring du ma sbyangs pas kyang 'grub par 'gyur na gzhan gyis lta mos kyang ci dgos zhes pa'o/ /de yang rtog pa bdun pa las/ cha lugs ji bzhin bsgyur byas te/ /las tshogs dngos grub mang po dag /thams cad sna tshogs phyag rgya yi/ /lam gyi grogs su bsgrub par bya zhes so// de dag gis ni le'u gsum pa'i sgrub pa'i phan yon bstan to// //mtshan bcas kyi tshogs dang rang bzhin med pa'i rtse gcig pas ni de nyid gsal bas/ rgya 'di grub pa tsam gyis ni/ /sangs rgyas thams cad byin gyis rlob/ /shin tu byin gyis brlabs nas ni/ /sangs rgyas thams cad 'du bar 'gyur zhes te/ phyag rgya gnyis kyi sgo nas goms par bsgoms pas phyag rgya gnyis kyi rnam pa gsal ba ni byin gyis brlabs pa'o/ /de las phyag rgya bzhi dang sngags dang phyag rgya gzhan dag dang rang

  590. 295b

    gi de kho na nyid byin gyis brlab cing sangs rgyas thams cad bsdu bar bya'o/ /de yang rtog pa bsdus pa las/ /ting 'dzin la sogs rnam bzhi yis/ /gang zhig bskyed pa yong bsgom na/ /bsgoms na thams cad bdag nyid du/ /tshe 'di nyid la 'grub par 'gyur// sems dpa' i byin gyis brlabs sbyor yang/ /rang byin brlabs 'di grub mchog ste/ /de nyid nyin re grub pa ni/ /rdo rje sems dpa' nyid 'thob po zhes so/ /de'i gtan tshigs ni/ sangs rgyas kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang mnyam pa'i phyir/ /sangs rgyas thams cad 'grub par 'gyur/ /chos thams cad kyi mtshan nyid ji ltar gnas pa'i ngo bo la rang gi rig pa ye shes kyi phyag rgya gnyis kyi tshul du sbyor bas/ phyogs dus kyi dkyil 'khor thams cad dang skal ba mnyam par 'gyur ro/ /des ni bdag gi rgyud la sku dang ye shes gsal zhing grub par bstan to/ /de yang rtsa ba'i rgyud las/ bde chen sgyu ma'i sangs rgyas la/ /rang gi ye shes kyis 'jug cing/ /phyag rgya gnyis kyi snyoms 'jug gis/ /dkyil 'khor kun dang skal mnyam 'gyur zhes so/ /des ni le'u lnga pa'i rjes 'jug gi bya ba dang/ dgu pa'i phyag rgya chen po la sogs pa'i bsgoms pa'i rim pa'i don ston par byed do/ /gang dag lam du 'jug pa'i gzhir gyur pa'i gzugs brnyan gyi gnas te/ gang gis ldan pa 'di mthong zhing/ /rnam pa kun tu mchod byed la/ /de yis sangs rgyas thams cad kyang/ /mthong zhing mchod pa byas par 'gyur/ /dang por ni kun tu 'gro ba'i tshig yin te/ /skye bo gang yang rung ba zhig gi gzugs brnyan gyi dkyil 'khor mthong zhing/ sku gsung thugs kyi phyag rgya dang ldan pa gsum po 'dir bzhugs te/ mthong zhing rnam pa kun tu mchod na/ de yis sangs rgyas thams cad mthong zhing mchod pa byas par 'gyur ro/ /de yang rtog pa bsdus pa las/ /rdo rje sems dpa' la sogs lha'i/ /dkyil 'khor

  591. 296a

    mthong zhing mchod byas pas/ /bsod nams rtag pa ci 'dra ba/ /gzugs brnyan dkyil 'khor de bzhin no zhes so/ /'dis ni le'u bdun pa'i phyogs gcig mtshon par byed do/ /bsod nams dang ye shes kyi zab pa dang rgya che ba 'grub ste/ 'di dang sangs rgyas thams cad la mthong ba dang ni reg pa yis/ /dkyil 'khor ngag tu ma zhugs pa'ang/ /bden pa dag kyang mthong bar 'gyur/ /gzugs brnyan gyi dkyil 'khor dang/ /der rten sa'i 'khor lo rigs kyi sangs rgyas tshogs kyi dkyil 'khor gyi tshul du bzhugs pa thams cad dga' ba'i bzhin gyis bltas nas/ reg bya'i bde ba sbyor te bsod nams dang ye shes kyi tshogs kyi bye brag gi sgo nas/ mthong ba dang reg pa'i mtshan mas 'grub par gyur te/ sgrub pa'i dkyil 'khor du ma zhugs pa dag kyang bden pa chos nyid kyi dngos grub mthong bar 'gyur ro/ /de yang rtog pa bdun pa las/ bsod nams dkyil 'khor mthong byas shing/ /ye shes dkyil 'khor reg pa yis/ /tshogs kyi dga' bde'i sgo nas ni/ /bden pa ye shes skye bar 'gyur zhes so/ /des ni le'u drug pa'i don phyogs gcig mtshon par byed do/ /smin zhing rgyud gsum gyi dri ma dag par byed pas/ mthong ba dang ni reg pa dang/ /thos pa dang ni dran pa yis/ /sdig pa kun las rnam grol zhing/ /sangs rgyas dngos grub thams cad 'grub ces te/ dbang rnam pa bzhi po dag slob ma'i rgyud la bsgo ste/ sdig pa dang dri ma'i tshogs ba ni dgrol zhing dngos grub rnam pa bzhi thob par mdzad do// de yang rtog pa bdun pa las/ /phyi yi rgyan sogs mthong mdzad cing/ /lha yi chu yis dag par byed/ /nang gi dbang bskur reg pa yis/ /smin pa'i lam la rab tu gnas/ /gsang ba'i don bshad thos byas pas/ /las kyi phyag rgya'i gnas la sbyod/ /de don nyams myong dran pa'i mthus/ /ngar gi ye shes rnam par grol/ /sdig pa'i dri ma bzhi dag cing/ /sangs rgyas dngos grub bzhi thob 'gyur zhes so/ /'dis ni le'u drug pa dang bdun pa dang dgu pa'i phyogs gcig mtshon par byed do/ /gnas pa dang 'jug pa'i sgo nas 'da' bar bya ba ma yin te/ 'di dang

  592. 296b

    sangs rgyas thams cad la/ /rnal 'byor thams cad mnyam sbyor bas/ /bud med dag kyang rnam grol zhing/ /sangs rgyas byang chub reg par 'gyur/ /snang ba dang sred pas bsdus pa'i brtan g.yo'i dngos po thams cad dang dkyil 'khor ma lus pa'i sangs rgyas sras dang bcas pa kun gyi rang bzhin la thun mong dang khyad par gyi dam tshig gnyis kyi sgo nas sbyor na lus dman zhing shes rab dang snying stobs zhan pa'i bud med dag kyang grol na gzhan lta ci smos zhes pa'o/ /de yang rtog pa bdun pa las/ /rtag tu rang gi dam tshig gzung/ /rtag tu lha dang bla ma mchod/ /chos rnams kun la mnyam sbyor bas/ /bud med dman pa grol bar 'gyur/ /zhes te/ kyang gi don blta bar bya'o/ /de ni le'u drug pa la sogs pa'i don phyogs gcig mtshon par byed do/ /legs pa'i lam dang 'bras bu mdzad pas don spyod de/ kun tu kun nas thams cad ni/ /bdag nyid rtag par thams cad du/ /sangs rgyas thams cad dngos grub pa/ /de yi bdag nyid mthong bar 'gyur/ /zhes te/ bdag dang gzhan gyi don du dus kun tu 'am gzhan yang gnas skabs kun nas phrin las thams cad de/ zhi ba dang rgyas pa dang bsrung pa dang gso ba dang gnod pa dang dbang dang dgug pa dang/ dbye ba dang drag po dang rengs pa dang rmongs pa dang 'dzums pa dang bskrad pa dang/ 'khrugs pa la sogs pa'i las rnams ni bdag nyid sbyor ba dang ldan pa'i rigs pas brtsam par bya ste/ rtag par dus thams cad du spyod na phrin las kyi sgo nas 'grub par 'gyur ba'o/ /de yang rtog pa bdun pa las/ kun tu kun nas spyod pa'i las/ /phrin las nyi shu la sogs stobs/ /sbyor bcas rol pa'i brtul zhugs mchog /sangs rgyas kun gzugs mthong bar 'gyur/ /zhes so/ /'dis ni le'u dgu pa'i smad nas las tshogs rnams bsdus so/ /chos kun gyi yan lag tu mnyes pa'i las kyis 'grub par 'gyur te/ 'di ni bdag nyid kun gnas pa'i/ /mchod pa'i sprin chen thams cad kyis/ /bkod pa'i rab 'byam mchog dag gis/ /de bzhin gshegs pa mchod par mdzad ces pas

  593. 297a

    bsod nams dang ye shes kyi tshogs rab tu sbyangs pas rang gi de kho na nyid gsal te/ phyogs dus kyi sangs rgyas thams cad kyi bdag nyid du gnas shing/ mchod pa thams cad sprul par mdzad pas/ 'dus byas kyi rdzas las byung ba ma yin te/ rang nyid kyi ye shes las byung ba'i phyi nang gsang ba'i mchod sprin lta bu thams cad kyis/ stong gsum gyi 'jig rten na bzhugs pa'i brtan g.yo'i dngos po thams cad bkod pa ram 'byam mchog tu gsungs te/ dkyil 'khor gyi 'khor lo gnyis su med pa'i sgo nas mchod par mdzad do/ /de nyid kyi yon tan gyi thams cad bdag nyid sbyor mchod dpal/ rdo rje sems dpa' mchog gyur pa/ /sangs rgyas kun gyi rang bzhin te/ /bde ba'i mchog ni thob par 'gyur/ /chos thams cad la tshul rnam pa bzhi'i sgo nas sbyor zhing/ /dbang po drug gi snang ba mdza' dag 'khor gsum dag pas rol zhing mchod na dpal rdo rje sems dpa' i mchog gi dngos grub zag pa med pa'i ye shes sangs rgyas kun gyi rang bzhin bde ba'i mchog thob par 'gyur ro/ /de yang rtog pa bdun pa las/ /rang las byung ba'i mchod pa yis/ /rang gi dkyil 'khor mnyes par bya/ /thams cad bdag nyid sbyor ba'i mthus/ /rdo rje sems dpa' bde chen 'grub ces so/ /chos nyid dngos po'i rang bzhin gsal bar 'grub pa'i grogs ni tshul dang mthun pa'i spyod pas de nyid 'bras bu 'grub par byed de/ rnal 'byor thams cad nyer spyor mdzad/ /dpal ni bzhi 'gyur 'grub par 'gyur zhes pa ni mdor bstan pa ste/ rnal 'byor dang/ thams cad dang nye bar sbyor ba dang dpal bzhi 'gyur ro/ /de nyid rgyas par dang po spyod pa'i rim pa ni don gsum gyis bsdus pa ste/ rnal 'byor kun ni bcom ldan 'das/ /rdo rje sems dpa' de bzhin gshegs/ /de yi nye par sbyod pa yin/ /khams gsum ma lus thams cad do//

  594. 297b

    gang zhig thabs dang shes rab gnyis su med par/ mi mthun pa'i phyogs thams cad las rgyal zhing/ rang gi yon tan gyi bkod pa sna tshogs snang bar mdzad pa ni rdo rje sems dpa' ste/ de bzhin gshegs pa thams cad kyi bdag nyid do/ /de ni rnal 'byor chen po ste tshul rnam pa gnyis kyi sgo nas khams gsum ma lus pa thams cad la nye bar sbyor ba'o/ /de yang gang zag bzhi'i sgo nas rgya che ba'i spyod pa gnyis dang zab pa'i sgo gsum nas 'jug par byed do/ /tshul ni/ rnal 'byor kun gyi longs spyod kyis/ /ji ltar bde bar bsten byed cing/ /rang gi lha yi rnal 'byor gyis/ /bdag nyid rab tu mchod par bya/ /rjes su sbyor bas mchod byed cing/ /rnal 'byor kun gyi bde ba dag/ bdag nyid kun tu myang byed na/ /shin tu sbyor bas 'grub par 'gyur/ /las dang po pa'i gang zag gis ni ting nge 'dzin brten pa'i sgo nas dus dang gnas skabs la lar don du 'gyur na spyod cing/ de las gzhan pa dag ni dgag ste tshul dang mthun pa'i sbyor pas 'dod pa'i longs spyod drug la ji ltar ba de bar bsten cing bslab par bya'o/ /ye shes la cung zad dbang bas ni rang nyid lha'i rnal 'byor dang mi 'bral bar bde ba ni ye shes gzung ba'i phyir/ bdag nyid las byung ba'i dpa' i lhan cig skyes pa'i don gyi bde ba spel te/ mchod par bya'o/ /ye shes la yang dag par dbang bas ni rnal 'byor gyi bde ba rjes su sbyor ba'i mchod pas/ dkyil 'khor gyi lta mnyes par bya ba dang/ 'gro ba sbyang ba dang/ rnal 'byor sbyang ba la sogs pas rang gi de kho na nyid gsal bar nyams su blang ngo/ /shin tu rnam par grol bas ni dbang po drug gi snang ba mdza' dag la bdag nyid kyis kun tu myang zhing/ lha'i dkyil 'khor rgyas par gsal bar yongs spyad de/ de'i dus na de nyid kyi rnam pa la bde ba chen po'i sku gsal bar byed do/ /yun ring du goms pa'i mthus ni 'bras bu mngon du gyur pa yin no/ /de yang rtog pa bdun pa las/ /de bzhin nyid gnas gsal byed pa/ /de grogs spyod

  595. 298a

    pa'i rim pa ste/ /gang zag bzhi'i bye brag gis/ /'jug ba'i cho ga don bzhin bstan/ /las dang po yis dpyad bya ba/ /longs spyod kun la ci bder gnas/ /de rjes lha'i rnal 'byor gyis/ /bdag gzhan gzung pa'i don phyir spyod/ /gsum pas mnyes shing dag byed de/ /rnal 'byor gsal bas bde chen rgyas/ /dbang po yul dum kun tu spyod/ /rnam grol ye shes zag pa med ces so/ /gsal pa nyams su myong ba'i nus pa mngon sum du gsal ba las ni sku drug lhun gyis grub par gnas par 'gyur te/ sangs rgyas kun gyi bdag nyid kyis/ /ra sa ya na bde ba 'dis/ /rdo rje sems dpa' i dpal chen dang/ /lang tsho nad med bde mchog 'grub/ /mdor bstan pa yi dpal bzhi 'gyur zhes pa'i don yin te/ /phyogs bcu dus gsum gyis bsdus pa'i yon tan gyi tshogs kun dang ldan pa'i bdag nyid rdo rje sems dpa' 'di ni sangs rgyas kun gyi rang bzhin te/ de'i rnam par spyod pa'i tshul gyis mthus 'chi ba med pa'i bdud rtsis bde ba chen po'i dpal bzhi 'gyur 'grub pa'o/ /rdo rje sems dpa' i dpal yangs pa phun sum tshogs pa dang ye shes phun sum tshogs pas bdag dang gzhan gyi don du 'gyur pa dang/ sku gsum rtag pa'i rnam pa thog ma dang tha ma med par gnas shing 'gro ba'i don spyod pa dang/ nyid kyi sku la mtshan dang dpe byad stobs dang/ mi 'jigs pa dbang dang mngon par shes pa la sogs pa lang tsho mnga' ba dang/ nyon mongs pa'i tshogs dang/ gzung 'dzin gyi rtog pa'i sdug bsngal spangs te bde ba'i mchog 'grub pa'o/ /de yang rtog pa bdun pa las/ /rdo rje sems dpa' i dpal tshe dang/ /lang tsho nad med bde mchog gi /mchod pa kun gyi gnas 'jug cing/ /bdag dang gzhan don rol par mdzad/ /de yang gnas skabs lan re tsam du gnas sam zhe na/ kun tu kun nas thams cad du/ /sangs rgyas thams cad mnyam sbyor ba/ /mkha' 'gro

  596. 298b

    sgyu ma bde pa'i mchog /rtag tu de ni 'grub par 'gyur/ /dus kun tu gnas skabs kun nas rnam pa thams cad du yon tan gyi mchog tu 'grub par 'gyur ba'o/ /de yang rtog pa bdun pa las/ /chags pa kun gyi tshul bzhugs pa/ /rdo rje sems dpa' bde chen sku/ /rtag tu bdag gi gnas gzung 'jug cing/ /'gro ba'i don la de bzhin gshegs/ /rang gi ngo bo gsal ba'i mthus/ /dgongs pa rgyud la snang ba yin zhes so/ /dpal rdo rje sems dpa' kun tu sbyor pa ni chos thams cad kyi rang bzhin dang de dang mthun pa'i lam dang 'bras bu'i sgo nas so// //le'u gnyis pa'i rnam par bshad pa'o// //gang zhig snying rje chen po'i sgo nas bdag dang gzhan gyi don mthar dbyung bar 'dod pa bdag gis ni sgrub pa gnyis kyi las la sbyar bar bya'o/ /ci mchog tu gyur pa'i lam lag yin pas zhar la skyes te logs su bzhag mi dgos so/ /zhe na rten gyi sgo nas yun ring su dka' ba ma spyad pa rnams kyis ni dang por mthun mong gi lam gyi bzhi gzung dgos te/ de yang rtsa ba'i rgyud las/ sgrub pa'i dngos grub las la sbyor/ /mchog gi phyag rgya grub pa las/ /bdag gzhan don gyi bya ba yi/ /'bras bu phun sum tshogs gyur yang/ /las dang po pa yis spyad bya ba/ /thun mongs dngos grub sgo nas yin/ /bsgrubs pas yon tan 'phel 'gyur zhing/ /bsgrubs pas las la sbyor par byed/ /yun rings bla ma mnyes byas shing/ /cho ga'i yan lag tshogs pas brtsam/ /blo dman dang brtson med pa dang/ byang sems snying rje shes rab bral/ /the tshom rtog pas bslus pa dag/ yun rings bsgrubs kyang 'grub mi 'gyur zhes so/ /de la spyi'i mtshan nyid ni/ /'di ni rnal 'byor bcom ldan 'das/ /rdo rje sems dpa' de bzhin gshegs/ /sangs rgyas thams cad mnyam sbyor bas/ /mkha' 'gro sgyu ma bde ba'i mchog/ /nye ba mngon sum du gnas pa'i bsnyen sgrub yan lag bzhi'i sgo nas rnal 'byor la 'jug pa'i thabs rtog pa gnyis

  597. 299a

    kyi dra ba 'joms shing yon tan gyi snang ba gnyis dang ldan par byed pa 'di ni brjod bya'i don ji bzhin par mtshon ba'i thabs dam ba ste/ gnyis med pa'i bdag nyid can no/ /ci 'dra ba zhig na dpal rdo rje sems dpa' i sku drug lhun gyis grub pa'i bdag nyid de la sbyor bar byed pa'i lam yan lag dang bcas pa'i tshul can te/ de bzhin gshegs pa'o/ /de nyid ni sangs rgyas thams cad dang mnyam bar sbyor ba mkha' 'gro sgyu ma bde ba'i ngang tshul can no/ /de'i phyir rtsa ba'i rgyud las/ lam mchog bsnyen sgrub yan lag bzhis/ /rang nyid 'dod pa'i las la sbyor/ /thabs kyi sgo nas 'jug pa'i mthus/ /bcom ldan de ni gsal bar byed ces so/ /brjod bya'i don 'bras bu gang la dmigs te sgrub pa rtson zhe na/ sku drug ye shes drug rigs drug gi gnas la sbyor zhing de dang mthun pa'i mdzad pas yul drug las kyang sgo nas rnam par dag pa'i phrin las kyi rang gi ngang la sbyor ro/ /dang po dbang phyug bde ba sgo nas/ /rdo rje sems dpa' i rnal 'byor pa/ /dpal ldan rang gi dam tshig bde/ /sangs rgyas thams cad mnyam sbyor ba/ /rnal 'byor dbang phyug bde ba che/ /rgyu 'bras dbyer med kyi tshul gyis stong pa chen po'i ye shes kyi rang bzhin bde ba chen po'i sku rnam par dag pa las byung ba'i rigs thams cad kyi bdag nyid rdo rje 'chang chen po gang yin pa de ni rdo rje sems dpa' zhes bya ste rgyu'i mtshan nyid can no/ /de la 'jug pa'i lam dag ni/ rnal 'byor pa'i sgra can te/ sh+rI'i dam tshig gi phyag rgya dang ldan zhing de dang sbyor ba'i bde ba las byung ba'i don ni dam tshig gi bde ba'o/ /de nyid 'grub par byed pa ni khyad bar gyi tshul dang sngags dang dbyibs dang chos kyi sgo nas/ sangs rgyas thams cad dang mnyam par sbyor ba rnal 'byor dbang phyug bde ba chen po'i don sgrub pa ste/ de'i tshul du gzhan dag la yang rgya cher sbyar ro/ /gnyis pa bde ba chen po ni/

  598. 299b

    dpal rdo rje sems dpa' sbyor pa'i mthu nyid kyis ni thams cad du/ phyag rgya bde ba chen po kun/ /so so'i rjes su rang 'grub 'gyur/ /chos kyi dbyings kyi ye shes kyi/ /rang bzhin stong pa chen po'i sku las snang ba'i de bzhin gshegs pa rnam par snang mdzad ni/ sangs rgyas thams cad kyi sku'i bdag nyid rdo rje 'chang chen po las snang ba ste/ sbyor ba'i rnam par bkod pa sna tshogs su 'phrul zhing/ mtshan dang mthun pa'i las kyis kun tu 'gro ba'i ngang tshul can rang gi las rnam par bsags pa las byung ba'i mthu nyid kyis chos tham cad phyag rgya bde ba chen po'i rnam par rjes su 'grub par mdzad do/ /bde ba mos pa'i sgo nas/ /dpal rdo rje sems dpa' sbyor ba'i/ /mthu nyid kyis ni thams cad du/ /rnal 'byor bde ba mos pa kun/ /so so'i rjes su rang 'grub 'gyur/ /ye shes kyi sku las me long lta bu'i ye shes kyi rang bzhin de bzhin gshegs pa thams cad kyi thugs rje chen po'i yis khro bar mdzad pa dpal he ru ka na rdo rje 'chang chen po'i thugs la snang ba ste/ gsal ba'i 'od zer gyis zag pa med pa'i ye shes spel zhing/ bcas bcos rnam pa gnyis kyi mthus dregs byed kyi tshogs thams cad zhi bar mdzad cing/ rnal 'byor dam pa'i mtshan nyid bde ba mos pa'i tshul gyis so so'i rjes su 'grub par byed pa'o/ /bde ba mos pa'i dngos grub kyi sgo nas/ /dpal rdo rje sems dpa' sbyor ba'i/ /mthu nyid kyis ni thams cad du/ /bde ba mos pa'i dngos grub kun/ /so so'i rjes su rang 'grub 'gyur/ /chos kyi sku'i rang bzhin mnyam pa nyid kyi ye shes kyis snang ba'i gnyis su med pa'i de kho na nyid rnam par dag pa sgro sogs dang bkud? 'debs kyi mdza' gcod par mdzad ba'i dpal pad+ma gar gyi dbang phyug ni rdo rje 'chang chen po'i gsung gi bdag nyid do/ thabs dang shes rab kyi de kho na nyid la 'khrul zhing pad+ma'i rigs kyi phrin las kyi mthu nyid kyis thams cad dag

  599. 300a

    par mdzad de bde ba mos pa'i dngos grub kyi sgo nas so so'i rjes su 'grub par mdzad pa'o/ /bde ba mos pa'i dbang phyug ni/ /dpal rdo rje sems dpar sbyor ba'i/ /mthu nyid kyis ni thams cad du/ /bde ba mos pa'i dbang phyug kun/ /so so'i rjes su rab 'grub 'gyur/ /longs spyod rdzogs pa'i sku'i rang bzhin so so'i kun tu rtog pa'i ye shes las snang ba'i dpal rdo rje nyi ma ni bcom ldan 'das rdo rje 'chang chen po'i yon tan gyi rnam par 'phrul pa ste/ mtshan dang mthun pa'i mdzad pas kun tu khyab par gdal cing rnam par bkod pa las byung ba'i mthus kun tu brgyan te bde ba mos pa'i dbang phyug 'grub par 'gyur ro/ /mkha' dbyings mdza' yas ni/ /dpal rdo rje sems dpar sbyor pa'i/ /mthu nyid kyis ni thams cad du/ /nam mkha' i dbyings kyi mthas klas pa'i/ /bud med mchog rnams skyes par 'gyur/ /bya ba grub pa'i ye shes kyi rang bzhin sprul pa ni de bzhin gshegs pa rta mchog rol pa ste/ rdo rje 'chang chen po'i phrin las kyi bdag nyid sbyor ba'i mthu las snang ba'i rnam par 'phrul pas chos thams cad dag par bya ba dang/ dregs byed kyis tshogs 'dul pa'i phyir/ nam mkha' dbyings kyis mthas klas pas tshad dang mnyam par dkyil 'khor gyi lha mo rnams 'phrul par mdzad pa'o/ /de yang rtsa ba'i rgyud las/ sangs rgyas drug gi tshul gyis ni/ /de nyid dkyil 'khor don ston mdzad/ /ye shes sku yi rnam grangs dang/ /rigs dang mdzad pa'i phrin las tshogs/ /sbyor ba mthu yis thams cad du/ /dbang phyug bde ba la sogs 'grub/ /so so'i rjes su 'grub mdzad cing/ /rang gi de nyid gnas la sbyor/ /zhes so/ /ci gnyis su med pa'i rang bzhin la so sor bzhag ce na/ lam pa'i dbang du byas te gnas skabs kyi bye brag gis dbye ba'o/ /ci ye shes kyi bye brag gzhan dang mi mthun par bstan ce na/ sku'i dbang du dgongs pa dang/ ye shes kyi dbang du dgongs pa dang/ rigs kyi

  600. 300b

    dbang du dgongs pa dang/ phrin las kyi dbang du dgongs pa'o/ /de yang rtsa ba'i rgyud las rnam par snang mdzad stong nyid sku/ /ye shes chen po he ru ka /gnyis med mnyam pa gar dbang phyug/ longs spyod rdzogs sku nyi ma ste/ /sprul pa'i sgo nas rta mchog ston/ bde chen rdo rje sems dpa' i sku/ /sangs rgyas drug gi rang bzhin no/ /gnyis med lhun gyis grub pa'i sku zhes pa dang/ yang rigs kyi sgo nas/ de bzhin gshegs pa snang mdzad mchog /thub pa chen po'i don bzhin bstan/ /rdo rje 'dul ba he ru ka/ khro rnams khro pa'i mchog gis so// dag mdzad pad+ma gar dbang phyug/ chags bral chags pa'i tshul gyis zhugs/ /rin chen rigs drug nyi ma mchog/ mkha' las rin chen char chen 'bebs/ /las kun mdzad nyid rta mchog ste/ /sna tshogs rdo rje 'khor lo bskor/ /rigs rnams kun gyi bdag nyid ni/ /drug pa rdo rje 'chang chen mchog ces pa dang/ /ye shes ni rtog pa bsdus pa las/ /me long khrag 'thung rgyal po ste/ /mnyam pa nyid la gar dbang mchog/ so sor kun rtog nyi ma yin/ /bya ba la ni rta mchog ste/ /chos kyi dbyings la sangs rgyas ni/ thub chen rnam par snang mdzad do/ /ye shes lnga yi bdag nyid ni/ /'dod chags chen po bde ba che/ /zhes so/ /phrin las ni rtog pa bdun pa las/ /zhi 'gog mya ngan 'das zhen rnams/ /'dul mdzad rnam snang srid gnas bzhugs/ /zhe sdang du dra sogs ? phyir/ /drag gi pho he ru ka dang ldan/ /gti mug sgro bskur mdza' bral mdzad/ /dag pa'i dkyil 'khor pad+ma dbang/ /srid zhen las chags 'jungs pa rnams/ /'dul mdzad nyi ma'i dkyil 'khor ro/ /le lo dar rgyal phrag dog sogs/ /mthu yis gnod pa'i rta mchog dpal/ /nyon mongs spyi yi lam gnas pa/ /dbugs 'byin rdo rje sems dpa' i sku/ /zhes pa the tshom med do/ /bsgrub pa'i thabs ni de dag nyams su blang ba ste/ /bsnyen sgrub yan lag bzhi'i sgo nas sbyor ba bzhi dang ldan pas

  601. 301a

    rig ma la brten te nyams su blang ba'o/ /las dang po pa'i dbang du 'od kyi reg ma la brten te/ sgrub pa ni/ de yis dam tshig de byung ba/ /sdug pa'i dam tshig bdag rjes 'brang/ /shin tu sbyor dang sbyor chen po/ /thams cad bdag nyid dam tshig mchog/ /sbyor ba'i yan lag bzhi ni sbyor ba dang rjes su sbyor ba dang shin tu sbyor ba dang sbyor ba chen po'o/ /ye shes rnam pa lnga'i rang bzhin byang chub kyi sems pa rnam pa lnga mtshon par byed pa ni mngon par byang chub pa lnga ste de'i dam tshig go/ de las byung ba rgyu'i ni rdo rje 'chang chen po dang/ de dang rjes su mthun pa'i gtso bo drug go /de'i rjes su ye shes kyi yul rigs dang mthun pa'i yum 'od kyi snang ba la myu gu la grib ma 'khor ba'i tshul du bskyed/ rgyan dang cha lugs dang/ mtshan ma'i bye brag gis sku gsal bar grub nas/ dbang skur zhing byin gyis brlab pa ni yid du sdug pa'i dam tshig go /phyag rgya bzhi dang ldan pas rol pa mdzad cing/ byang chub kyi sems kyi 'od zer gyis dkyil 'khor mchod pa ni bdag rjes su 'brang ba ste rjes su sbyor ba'o/ /de la 'od zer gyis 'gro ba sbyang ba dang/ rnal 'byor sbyang ba dang/ rten dang brten pa'i dkyil 'khor bskyed pa ni shin tu sbyor ba'o/ /dkyil 'khor rgyas pa rnams kyi skye mched drug dang gnas bzhi byin gyis brlab cing dbang bskur ba'i 'bras bu bsam pa ni sbyor ba chen po ste/ /de ltar snod bcud kyi dngos po thams cad dkyil 'khor gyi bdag nyid du bsgoms zhing de la gnas pa ni dam tshig gi mchog go /de yang rtog pa bdun pa las/ ye shes tsam la snyoms 'jug pa/ /?? pa zhes ni bya bar bshad/ /yum ldan byin brlabs rol pas mchod/ /gzhug pa rjes su sbyor ba'o/ /dag mdzad dkyil 'khor rdzogs byas nas/ /'phro 'du shin tu sbyor ba yin/ /byin brlabs dbang bskur

  602. 301b

    las rdzogs pa/ /sbyor ba chen po zhes bya zhes so/ /tshul dang yon tan ni gcig bzhin du ni gcig spyod pa/ lhan cig spyod pa'i rjes spyod sdug/ sangs rgyas thams cad mnyam sbyor ba/ /mkha' 'gro sgyu ma mchog tu 'bar/ /'di ltar tshogs kyi sgrub pa dang// phyag rgya'i bsgrub pa dang/ rdzas kyi bsgrub pa dang/ sman gyi bsgrub pa dang/ mngon par shes pa bsgrub pa dang/ rigs 'dzin bsgrub pa dang/ phyag rgya chen po'i bsgrub pa dag la ni/ rigs 'du dang/ dkyil 'khor rim bzhin pa dang/ dkyil 'khor gcig pa dang/ dpa' bo gcig pas bsnyan sgrub bzhi'i sgo nas 'jug par bya'o/ /des ci zhig tu 'gyur zhe na/ sangs rgyas thams cad dang mnyam par sbyor ba mkha' 'gro sgyu ma'i mthu dang gzi brjid mchog tu 'bar bar 'gyur ro/ /de yang rtog par bdun pa las/ /dang po'i las can rnal 'byor pas/ /bsod nams ye shes tshogs bsags te/ /'od kyi rig ma la brten nas/ /sbyor pa bzhi dang ldan pas 'grub/ /bsnyen dang nye bar bsnyen pa dang/ /sgrub dang sgrub chen tshul bzhin pa/ /bsnyen pa las la 'jug pa ste/ /nye bsnyen gcig bzhin spyod pa'o/ /lhan cig spyod pa sgrub pa'i las/ /rjes spyod sgrub chen 'bras bu'i mchog ces pa dang/ yang bsnyen bsgrub yan lag bzhi sgo nas/ sgrub pa rnam bdun las la 'jug /tshogs sgrub phyag rgya'i sgrub pa dang/ /rdzas dang sman dang mngon shes dang/ /rigs 'dzin sgrub pa phyag rgya che/ /dkyil 'khor bsdus pa'i lam dag gam/ /dkyil 'khor drug gam gcig pa 'am/ /dpa' bo gcig las 'jug par bya/ /zhes so/ /gang zag mchog tu gyur pas ni/ /dbang po yul dus kyi spyod pa la brten te sgrub pa'i phyir/ thams cad dga' ba ma lus pa'i/ phyag rgya thams cad bde ba che/ /rtag pa dam pa lha mo yi/ /rgyal mos mchod pa thams cad mchog /na rig phung po dang khams dang skye mched dang/ phyi'i

  603. 302a

    dbang po yul dus kyi rnam pa thams cad yab yum thabs dang shes rab kyi rigs kyi dkyil 'khor du bsgom zhing/ dbang po drug yul la 'jug pa'i tshul/ /gnyis su med pa'i rol pa mdzad pas dga' ba ma lus pa ste zag pa med pa'i bde ba chen po 'phel zhing/ phyag rgya thams cad kyang bde ba chen po'i rang bzhin no/ /de nyid rgyun mi 'chad par gnas pas rtag pa dam pa ste/ thams cad mnyes par mdzad pas na mchod pa'i mchog go /de yang rtog pa bdun pa las yul drug phyag rgya rnam 'phrul ba/ /thams cad gnyis med rol pa'i yum/ /zhes pa dang/ yang rtsa ba'i rgyud las kyang /gzugs phung? chos dbyings ye shes che/ /mig la sangs rgyas rnam snang mdzad/ /rnam gsum gzugs dang rol mdzad de brtan g.yo'i dngos po rnams par 'phrul/ /tshor ba kun rtog ye shes che/ /rna ba rdo rje nyi ma yin/ /rnam gsum sgra dang rol mdzad de/ /brtan g.yo dngos po rnam par 'phrul/ /'du shes mnyam nyid ye shes che/ /lce la pad+ma gar dbang rgyal/ / rnam gsum ro dang rol mdzad de/ /brtan g.yo'i dngos po rnam par 'phrul/ /'du byed bya ba grub pa'i las/ /sna la rtag mchog rol pa ste/ /rnam gsum dri dang rol mdzad cing/ /brtan g.yo'i dngos po rnam par 'phrul/ /rnam shes me long ye shes che/ /yid la rdo rje he ru ka /rnam gsum chos dang rol mdzad de// brtan g.yo'i dngos po rnam par 'phrul zhes so/ /des ni bde ba chen po'i sku yon tan gyi rtsal ma 'gags pa'i phyag rgya chen po la sbyor bar byed do/ /ye shes la cung zad dbang ba dang yang dag par dbang bas ni phyag rgya'i rig ma la brten te bsgrub par bya ba'i phyir/ sh+rI rdo rje sems dpar sbyor ba dang/ /thams cad lha mor 'dus pa ni/ /ma lus bskal pa bzang po kun/ /bde ba so sor rjes su 'grub

  604. 302b

    bsnyen pa dang nye bar bsnyen pas gsal bar byas nas/ rdo rje sems dpa' i sbyor ba dang ldan pas dkyil 'khor gang yang rung ba'i tshul bzhin du/ rigs kyi phyag rgya mo dag byin gyis brlab cing rol pa brtsams te/ sgrub pa dang sgrub pa chen po'i rim bas longs spyod na/ de nyid kyis ni dngos grub ma lus pa kun gyi skal pa bzang po kun so sor rjes su 'grub pa'o// //de yang rtog pa bdun pa las/ gang zag 'bring pos sbyang bya ba/ /las kyi phyag rgya'i tshul gyis ni/ /rang gi cha lugs gsal ba yis/ /sgrub pa so sor rjes su sgrub ces so /phyag rgya la rol pa'i tshul gyis ni/ /phyag rgya 'di yis btab pa las/ /rdo rje sems dpa' che ba'i lha/ /bsnyen sgrub yan lag bzhi'i sgo nas phyag rgya dang rol pa'i tshul du spyod pa'o/ /ji ltar zhe na/ rdo rje sems dpa' dang lha mo thams cad snyoms par 'jug pa ste/ nam mkha' dbyings kyi mthas klas pa'i/ /lha mo bde ba chen mo kun/ /thams cad rnal 'byor bde bas myos/ /sdig med stobs kyis mngon mthon du gang zhig thugs byams pa dang snying rje'i chu yis brlan zhing byang chub kyi sems kyi rol chags pa'i rnal 'byor bas ni/ sdig pa byed pa'i mngon mthon du phyag rgya mo thams cad bkug ste long spyod pas zag bcas kyi bde ba la brten te/ zag pa med pa'i bde ba skye bar 'gyur ro/ /de yang bdag nyid gcig pu 'am/ /zhen phan tshun du ni rab dga' bas/ /skyes bu'i tshul gyis dga' bar byed/ /chags pa'i ros dbyes pa chen po'i bde ba bskyed de 'gro ba'i dpes nye bar sgrub bo/ /de yang rtog pa bdun pa las/ /phyag rgya rol pa'i snyoms 'jug gis/ /phyogs bcu dkyil 'khor mnyes mdzad cing/ /lha mo'i tshogs rnams ma lus pa/ /shes rab dbyings la bzhugs byas nas/ /rab tu dga' ba de'i mchod pa yis/ /skyes bu'i tshul gyis longs spyod do/ /zhes so/ /de las byung ba'i sgrub pa byang chub sems kyi mchod pa ni/ /dbang po kun las byung ba yi/ /mchod

  605. 303a

    pa'i sprin chen thams cad kyi/ /bkod pa rab 'byams tshogs rnams kyis/ /thams cad bdag nyid mchod par byed/ /lus gzungs rnam pa bdun las khyab pa'i brten pa ni lhan cig skyes pa ste/ dbang po rnam pa lnga la gnas shing so so'i las thams cad la 'jug pas gsal ba'i bdag nyid rlung rnam pa bcu dang/ phyogs gcig tu rgyu zhing srog gnas pa'i rten byed de/ rtsa gsum nas ba spu bye ba bzhi 'bum gyi bar du 'phro zhing 'du ba'o/ /de las byung ba'i mtshon par byed pa'i byang chub kyi sems kun tu spro zhing rang gi dkyil 'khor mchod par byed pa'o/ /de yang rtsa ba'i rgyud las/ /srog dang rtsol ba'i rten mdzad ba/ dbang po kun las byung ba yin/ /byang chub sems sogs bde ba'i rgyun/ /ba spu kun gyi gnas nas spro/ /rgyal ba'i dkyil 'khor mnyes pa dang/ /'gro ba'i don la sbyor bar mdzad ces so/ /sgrub pa'i yan lag bzhi'i thog ma dang bar dang dngos grub blang ba'i dus su ni las dang mthun pa'i dbang sbyin par bya ste/ rnal 'byor bde ba thams cad gyis/ /dbang bskur bde chen las byung ba/ /rin chen tshogs rnams thams cad kyis/ /rab tu myong bar dbang bskur 'gyur/ /rnal 'byor pa yi bde ba ni/ /thabs dang shes rab gnyis su med pa'i don rtags gnyis kyi bde ba dang ldan pa ste/ des na dri ma'i tshogs thams cad 'khrud par byed cing/ /b+ha ga dang ling ga mtshan ma las nges par byed pas rin po che'i tshogs dan ldan te/ spyi bo dang lce steng dang snying ga la sogs pa'i dbang po dang nyams su myong ba'i sgo nas bde ba'i ye shes kyi rgyas shing myong ba'i tshul du dbang bskur bar bya'o/ /de yang rtsa ba'i rgyud las/ /zag pa med pa'i dga' bde yi/ /ro myang bde chen gnas la zhugs/ /de rtags dbang bskur las byung ba/ /zhu bde gnyis kyi chu bo'i rgyun/ /rin chen tshogs kun gyis

  606. 303b

    brgyan pas/ /rang gi ye shes gnas la sbyor/ /dbang bskur gsang ba bla na med/ /gnas kun dag byed 'bras tshogs bskyed ces te/ /'dis ni gzugs brnyan gyi dkyil 'khor dang/ tshogs kyi 'khor los slob ma la dbang bskur ba'i bye brag tu yang shes par bya'o/ /sbyor ba bzhi dang ldan pa'i rnal 'byor bas lha mo la sogs pa'i longs spyod rnams la spyad pa'i phyir/ lha mo kun gyi longs spyod la/ /ci bde bar ni bsten bya ba/ /gang zag bzhi'i sgo nas 'od kyi rig ma la sogs pa'i phyag rgya mo dang longs spyod kyi tshogs la dus dang rtogs pa'i bye brag dang khams dang grogs la sogs pa'i sgo nas ci bde bar bsten par bya'o/ /de yang rtsa ba'i rgyud las/ /rnal 'byor longs spyod thams cad la/ /dus la sogs pa'i bye brag gis/ /bdag gzhan don du 'gyur ba'i las/ /ci bde bar ni bsten par bya zhes so// de yang sbyor ba bzhi'i rnam pa gsal bas nyams su blang ste/ dang po'i sbyor ba ni/ bdag nyid che ba'i lhar sbyor bas/ /bdag la bdag gis rab tu mchod/ /mngon par byang chub pa rnam pa lngas rgyu'i rdo rje 'chang chen po'i skur gyur pa ni che ba'i lha ste sangs rgyas kun gyi bdag nyid do/ 1 /de nyid kyi sku gsung thugs kyi phyag rgyar sbyor zhing/ /rgyan chas dang cha lugs dang dbang bskur zhing byin gyis brlabs pas bdag gis mchod pa'o/ /rjes su sbyor ba ni/ rnal 'byor thams cad bde ba yi/ /rjes su sbyor bas mchod byed cing/ /rigs dang mthun pa'i yum bskyed pa ni/ /dper na 'od kyi snang ba dang ldan pa'i dus su myu gu la gring ma skye ba bzhin ye shes kyi snang ba chos kyi dbyings kyi rgyu mthun pa'i gzugs brnyan rnam par 'phrul te/ dbang bskur ba dang byin gyis brlab pa sngon du 'gro bas/ brda la sogs pas bskul zhing rol pa mdzad de/ rnal 'byor thams cad kyi don la bde ba'i ting nge 'dzin gyis gnas shing/ rjes su sbyor ba'i mchod pa'i rgyal ba mnyes pa dang 'gro ba dag par mdzad do/ /shin tu sbyor ba ni/ kun la myang bar byed pas na/ shin tu sbyor ba

  607. 304a

    'grub par 'gyur/ 'od kyi bde bas phyi'i mtshan ma sbyangs nas gsang ba'i gnas su brten dang brten pa'i dkyil 'khor bskyed pa'o/ /sbyod ba chen po ni/ sangs rgyas thams cad bdag nyid kyi ra sa ya na'i bde ba yis/ rdo rje sems dpa' i tshe 'grub cing/ /lang tsho nad med bde mchog 'grub/ /skye mched drug byin gyis brlab pa dang/ /gnas bzhi byin gyis brlabs pa dang/ /dbu rgyan gyi byin gyis mtshan ma dang/ /lha mo'i bum pas dbang bskur zhing khrus byas te/ byang chub sems kyi chu rgyun ra sa ya na'i bde ba des dpal bzhi 'gyur 'grub pa'o/ /de yang rtsa ba'i rgyud las/ /bsnyen sgrub yan lag rnam bzhi yis/ /'bras bu nyams su blang bar bya/ /sbyor ba bzhi'i rim pa yis/ /de yi la la rab tu sbyor zhes so/ /sku gsung thugs kyi sbyor thabs kyi sgo nas/ sangs rgyas kun gyi sku chen dang /sangs rgyas kun gyi gsung snyan pa/ /sangs rgyas kun gyi thugs chen po/ /sangs rgyas kun gyi mchod pa che/ /rten gyi bye brag bzhin du zab pa dang rgya che ba'i rim pa la sbyor ba bsgrub par bya'o/ /de yang khyad par gyi don du sku gsung thugs kyi dkyil 'khor gsum mchod cing bsgrub par bya ba ste/ sku'i sgo nas ni rnam par snang mdzad dang rdo rje nyi ma'o/ /gsung gi sgo nas pad+ma gar gyi dbang phyug dang rta mchog rol pa'o/ /thugs kyi sgo nas rdo rje 'dzin pa dang he ru ka'o/ /sngags kyi 'jug gnas pa'i 'phros 'dus yi ge gsum gyi de kho na nyid gsal bar byed pa'o/ /dbyings kyi ni rtsa rnam pa gsum dang 'khor lo bzhi'i sgo nas sku gsung thugs kyi gnas sbyang zhing mchod spang? pa'o/ / chos kyis ni gnyis su med pa'i rang bzhin la sbyor ba'i thabs bde ba chen po'i don mtshon par byed pa ste/ gzugs snang ba dang/ sgra grag pa dang/ sems kyi rtog pa dag de nyid kyi sgo nas bde ba chen po'i ye shes zag med pa'i lam mtshon

  608. 304b

    par byed pa'o/ /de yang rtsa ba'i rgyud las/ /sku gsung thugs kyi dkyil 'khor du/ /de nyid spyod pas 'jug bya ste/ /bsnyen sgrub bzhi yi bye brag gis/ lam gyi 'bras bu bde ba 'grub ces pa dang/ yang rtog pa bdun pa las/ /sku gsung thugs kyi 'phro 'du yis/ /rlung gsum gnas la dpal mdzad cing/ /bcom ldan kun tu khyab mdzad de/ /rang gi ye shes rnam grol ba'o/ /zhes pa dang yang/ sku gsung thugs kyi rtsa gsum gyis/ /'khor lo'i bde chen dga' ba skyed/ /mgon po rab tu bzhengs nas ni/ /phyogs rnams kun tu gzigs mdzad de/ /zhes pa dang/ yang rtsa ba'i rgyud las/ /snang srid mgon po zag pa med/ /rnam par grol ba grol pa'i sku/ /sku gsung thugs kyi rtog pa'i tshogs/ /sgyu ma lhun grub phyag rgyas 'debs zhes te/ lam de dag gi sgo nas ni rigs kyi dkyil 'khor gsal bar 'gyur/ /rigs drug gi sbyor thabs kyi sgo nas/ sangs rgyas kun gyi rgyal chen po/ /rdo rje 'dzin pa kun gyi bdag /'jig rten dbang po kun gyi gtso/ /rin chen dbang phyug kun gyi bdag /rnam par snang mdzad de bzhin gshegs pa'i rigs te sangs rgyas kun gyi sku 'dzin pa'i rgyal po'o/ /rdo rje sems dpa' nyid ni khro bo'i tshul du he ru ka ste rdo rje 'dzin pa'o/ /rigs drug pa rdo rje 'chang chen po ni rdo rje sems dpa' ste/ de bzhin gshegs pa kun gyi bdag nyid do/ /pad+ma gar gyi dbang phyug gis 'gro ba thams cad la spyan ras gzigs pas 'jig rten dbang po ste/ gsung gi rigs thams cad kyi bdag nyid du gyur pa'o/ /rdo rje nyi mas rgyal srid rin po che'i tshogs la dbang sgyur zhing/ rin po che'i tshogs thams cad las 'byung ba'i bdag nyid du gyur pa'o/ /rta mchog gis ni 'jig rten gyi lha chen po rnams kyi gtso bo mdzad de/ phrin las rnams bzhi'i tshul gyis lha mo rnams kyi gtso bor bzhugs pa'o/ /de dag kyang rigs bsdus pa'i dkyil 'khor du gang zag

  609. 305a

    rgyas pa la dga' ba rnams kyis spros pa'i tshul du sgrub cing nye bar sbyor ba dang/ dkyil 'khor drug po dag bsnyen sgrub kyi rim pa phye ste bsgrub cing sbyor ba dang/ dkyil 'khor gcig gi dbang du sgrub cing sbyor ba'i phyir rtsa ba'i rgyud las/ bsnyen pa'i yan lag rnam bdun du/ /gsal bar nye bar sbyor byas te/ /rjes mthun 'jug pa'i tshul bzhi yis/ /las spyod nye bsnyen zhes bya'o/ /snga ma las ni gnas bsgyur nas/ /rigs mthun gzugs kyis bsgrub par bya/ /lam mthar 'bras bu las sbyor bas/ /sgrub chen dngos grub tshul bzhin snang/ /zhes so/ /de'i phan yon ni/ de dag dang ni dga' spyad na/ /'dod pa bzhin du 'gro 'ong lding/ /lha mo kun gyi grub chen po/ /'khor lo sgyur ba rab tu 'grub/ /sbyor ba dang ldan pas sgrub pa'i sngon du 'gro ba'i phun sum tshogs pa bzhi la sogs pa bya ba'i yan lag rnams dang bsnyen bsgrub bzhi'i rim pas rigs drug gi dkyil 'khor nyams su blang zhing sbyor bas/ de dang mthun pa'i 'bras bu skye 'dod pa bzhin du 'gro 'ong lding ba dang lha mo chen po'i dngos grub chen po'i bdag nyid/ dkyil 'khor gyi 'khor lo sgyur ba rab tu 'grub par 'gyur ro/ /de nas le'u gnyis pa las/ sangs rgyas thams cad mnyam sbyor ba/ /mkha' 'gro sgyu ma bde ba'i mchog /rdo rje sems dpar bdag sbyor ba/ /cha lugs ji bzhin bsgyur ba yis/ /thams cad sna tshogs phyag rgya'i bdag /bsod nams chung yang 'grub par 'gyur zhes pas dkyil 'khor gnyis kyi tshul du sbyor bas dga' zhing longs spyod na/ 'jig rten pa'i dngos grub dang thun mong gi las rnams 'grub par 'gyur ro/ /'bras bu de nyid sgrub pa'i yan lag tu rtsom mam zhe na/ de la brten nas mchog kun kyang tshe 'di nyid la thob par byed de/ bskal pa bye bar mi thob pa/ /sangs rgyas dam pa thams cad de/ /phyag rgya'i cho ga gang dag gis/ bsgrubs na kun tu 'thob 'gyur ba/ /bdag nyid sgrub par byed

  610. 305b

    pa'i mchog /de ni bdag gis brtag par bya zhes gsungs so/ /dngos grub 'di las gzhan gong na med pa'i phyir/ chos dbyings mnyam dang mi mnyam pa/ /nam mkha' dbyings kyi mthas klas pa'i/ /dngos grub kun gyi bde mos pa/ /de las rgya chen mchog gzhan med/ /chos can gyi dngos po sna tshogs dang/ /chos nyid kyi rnam pa dag mnyam pa dang/ /mi mnyam pas bsdus pa'i nam mkha' dbyings kyi mthas klas pa dag gi nang na dngos grub kyi dbang phyug ni sku drug lhun gyi grub pa ste/ de nyid la bde bar mos shing gsal bar byas pa las lhan cig rgya che ba'i 'bras bu gzhan med pa'o/ /de dag thams cad kyang tshe 'di la 'grub par bstan pa'i phyir/ sangs rgyas thams cad mnyam sbyor ba/ /rnal 'byor dbang phyug bde chen nges/ /'di la tshe 'di nyid kyis ni/ rnam pa kun tu mi 'grub pa'i/ /dngos grub kun gyi bde mos pa/ /chos dbyings mnyam dang mi mnyam pa'i/ /nam mkha' dbyings kyi mthas klas pa'i/ /dam pa rgya chen gang yang med/ /dbang phyug kun gyis bde mos pa/ /rgyu phun sum tshogs pa dang/ /lam phun sum tshogs pa'i tshul gyis/ /tshe 'di la rigs 'dzin gyi 'bras bu 'thob cing des ni dngos grub kyi mchog skye bar byed pa ste/ /mos pa spyod pa'i rigs 'dzin dang/ /las la sbyor pa'i rigs 'dzin dang/ /lam la sbyor ba'i rigs 'dzin dang/ /lam smin pa'i rigs 'dzin dang/ /phyag rgya chen po'i rigs 'dzin dang/ /bya ba mthar phyin pa'i rigs 'dzin dang/ /tshul gyis gsang sngags kyi spyod pa spyad do/ /sangs rgyas kyi sa kun tu 'ong dang/ padmo spyan dang/ yi ge 'khor lo'i tshogs chen gyi sa dang/ rdo rje 'chang ba dang/ ye shes bla ma'i sa dang/ bde ba chen po'i sa rnams rims pa bzhin du sbyangs shing cig car thob pa'o/ /de yang rtsa ba'i rgyud las/ /bsnyen bsgrub bzhi yi rim pa yis/ /'dod pa'i don la rab sbyor zhing/ /de dag dang ni dga' spyad na/ /'dod pa bzhin du 'gro 'ong lding/ /rigs kyi 'khor lo sgyur ba yis/ /gtso bo gang yang rung pa 'gyur/ /tshe 'dis rigs 'dzin 'thob cing/ /des na bde ba chen po

  611. 306a

    'grub ces pa dang/ yang/ rigs 'dzin rnam pa bdun gyis ni/ /ngang gi ye shes gnas sbyor zhing/ /gsang sngags mthun pa'i khyad par gyis/ /mos pa'i blo dang don mthun ston/ /rnam grol zag med sangs rgyas la/ /mthar phyin 'di'i thob par byed/ kun tu 'od dang padmo spyan/ /yi ge 'khor lo rdo rje 'chang/ /ye shes bla ma'i sa non nas/ /zag med rtag tu bde bas bzhugs shes pa dang/ rtog pa bdun pa las kyang/ sangs rgyas tshe 'dis bsgrub pa'i phyir/ /sku gsum sa la goms par bya zhes so/ /de nyid gtan tshigs nges par bstan pa'i phyir/ /sangs rgyas thams cad mnyam sbyor ba/ /mkha' 'gro sgyu ma bde mchog bde/ /'di la tshe 'di nyid kyis ni/ /rnam pa kun tu mi 'grub med ces gsungs so/ /lha mo thams cad dang mnyam par sbyor ba skal ba bzang po dpal rdo rje dam tshig gi rtog pa zhes te/ sgrub pa'i dkyil 'khor thams cad dang/ bsnyen sgrub yan lag bzhi'i sgo nas mnyam par sbyor ba/ dngos grub rnam pa gnyis kyi skal ba dang ldan pa de'i bdag nyid dpal rdo rje sems dpa' i sku gsung thugs kyi dam tshig gsal bar byed pa'i gnas pa'i rtog pa ces pa'i le'u gsum pa'i don rnam par bshad pa'o// //gang zhig de kho na nyid kyi don shes pas/ de nyid nyam su blang zhing bsgom pa dang/ bsgrub pas gsal bar bya'o/ /de'i grogs ni spyod pa'i rim pa ste/ yang gang zag bzhi'i sgo nas 'jug par bya'o/ /de'i phyir rtsa pa'i rgyud las/ rang bzhin gnas pa'i shes byed thabs/ /bsgom zhing sgrub pa'i mtshan nyid can/ /grogs mchog spyod pa'i rim pa ste/ /gang zag bzhi yi tshul gyis 'jug ces so/ /dang po spyod pa spyi'i mtshan nyid ni/ /'di ni rnal 'byor bcom ldan nyid/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog/ snang ba sring pas bsdus pa'i brtan g.yo'i dngos po 'di dag ye shes rang byung ba'i mtshan nyid la snang ba ste/

  612. 306b

    thabs dang shes rab rnam par 'phrul pa ngang gi de kho na nyid dang ldan pas bcom ldan 'das nyid du bzhugs pa'o/ /de'i sku drug lhun gyis grub pa ni ngo bo las so gzhan du g.yo ba rdul tsam yang med pa ste/ mi mthun pa'i phyogs thams cad kyis spyod par mi nus pas na de la ni rdo rje sems dpa' dang bde ba chen po la sogs pa'i tha snyad sna tshogs su grags te de bzhin gshegs pa thams cad kyi bdag nyid do/ /de dang ldan pa'i rnal 'byor pas sgo gsum nas bya ba'i las thams cad gsang sngags kyi don bzhin du sangs rgyas thams cad dang mnyam par sbyor ba/ mkha' 'gro bde ba'i tshul bzhin du spyod do/ /de yang rtsa ba'i rgyud las rang gi ye shes de nyid mthong/ /rang gi cha lugs rnam gsal bas/ /de nyid spyod dang mthun pa'i las/ /rnal 'byor ba yis dor mi bya/ /ngang tshul 'di la gnas pa yi/ /blo ldan de nyid skal ba bzang zhes so/ /dang po gang zag gsum gyi thun mong gi spyod pa phyogs gcig tu bstan ba ni/ lha mo kun dang mnyam sbyor zhing/ /skal ba bzang po mchog 'dod pa/ /yang dag sbyor pa'i bde myong ba/ /'dod chags ther zug brtan pa can/ /las dang po bas ni rigs drug gi dbye bas rnam par phye ste thabs dang shes rab drug cu rtsa bzhi'i sgo nas lha mo kun dang sbyor zhing dbang bskur ba dang/ tshogs kyi 'khor lo dang bsgrub pa'i mchod pa dang/ srog rtsol gzung ba'i don du skal pa bzang po mchog gi 'dod pa la longs spyod de/ yang dag par sbyor ba'i bde ba'i chu rgyun dbab pa dang bskyil pa dang slar gyen du bzlog pa'i bde ba myong nas/ chags pa gnyis dang bral ba'i tshul du chags pa gnyis la longs spyod cing/ ther zug tu brtan par gnas so/ /ye shes la cung zhing dbang ba dang/ ye shes la yang dag par dbang bas ni/ don gong ma'i tshul gyis las kyi phyag rgya la brten te/ bde ba'i ye shes ma skyes kyi bar du bde ba gzung ba dang/ thabs dang shes rab mthong zhing dmigs pa tsam gyi skal pa bzang po'i mchog tu gyur pa dang/ zhu bde rnam pa gnyis las skyes

  613. 307a

    pa'i don rang gis gnas thams cad nas bsdus shing thams cad du spros pa dang/ 'dod pa'i longs spyod gzhan dag kyang tshul bzhin du rang gi phyag rgya la longs spyod cing yang dag par sbyor ba'i bde ba chen po'i sku ther zug tu brtan pa'o/ /de yang rtsa ba'i rgyud las/ thabs dang shes rab spyod pa'i sgo/ /'jug pa'i las kyi blo gros mchog /rten gyi rim pas legs sbyor zhing/ /'dod chags chen po bstan par gnas/ / dang pos gnas skabs tshul rig rnyed/ /bdag dang 'gro ba'i las la sbyor/ /gnyis pas de nyid mthong gyur te/ /gsum pa dran pa'i yan lag bskyed/ /lha mo kun dang mnyam sbyor zhing/ /skal bzang sbyor bde la gnas mchog ces so/ /mchog tu gyur pa bzhi pa'i spyod pa ni/ /sangs rgyas kun gyi gzugs chen dang/ /dbyangs dang dri dang ro dag dang/ /sangs rgyas kun gyi reg bya'i mchog /rang gi spyad par de spyod do/ /dbang po drug gi yul du// spyad pa dag gi dngos rtogs kyi mtshan ma dag ni ye shes snang ba yin te/ gang zhig gnyis su med pa'i blo dang ldan pa'i rnal 'byor pa dag gis de dag lha dang lha mo'i dkyil 'khor du longs spyod na/ bde ba chen po'i sku gsal bar byed pa'i zag pa med pa'i ye shes 'phel bar 'gyur ro/ /de yang rtsa ba'i rgyud las/ /dbang po gang dang gang lam 'byung/ /de dang de yi ngo bo nyid/ /mnyam par shes pa'i sbyor ba yis/ /thams cad sangs rgyas rang bzhin snang/ /mig la rnam par snang mdzad mgon/ /rna ba rdo rje nyi ma rgyal/ /sna ni rta mchog nyid yin te/ /kha ni pad+ma gar dbang phyug /yid la rdo rje he ru ka /lus ni rdo rje sems dpa' 'o/ /de ltar yang

  614. 307b

    dag sbyor ldan pa'i/ /snying rje'i bdag nyid can gyis spyad/ /ji ltar 'dod pa'i bya ba yin/ /kun za kun byed de bzhin gnas/ /rnam rtog med pa'i sems kyis ni/ /de kho na nyid grub par 'gyur zhes so/ /yang las dang po pas ni thun mong gi sgo nas bslab par bya ste/ sangs rgyas pha rol phyin grub pa/ /gzungs dang sa rnams de bzhin du/ /dga' bar spyod na lha dang mi'i/ /bskal bzang bud med smos ci dgos/ /mtshan nyid kyi theg pa dang thun mong gi sgo nas tshogs bsags cing lam spyad ste 'bras bu mngon du bya'o/ /de nyid gang zhe na/ drang ba'i sangs rgyas sa bcu pa'i rgyud la gnas pa dag ni yon tan gyi rnam pa gzung ba'o/ /lam ni sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ stobs dang/ smon lam dang/ ye shes kyi rnam par bsdus pa'i pha rol tu phyin pa bcu'o/ /des ni mthun pa'i 'bras bu so sor 'grub pa dang/ gzungs kyi sgo bzhi dang sa bcu rnams dga' bar sbyor ba'i mthus/ skad cig la 'grub par byed do/ /lha dang mi'i bud med la sogs pa ni smos kyang ci dgos so/ /de yang rtsa ba'i rgyud las/ / dang po'i las can rnal 'byor pas/ /rgyu rkyen lam dang 'bras bu dang/ /rgya chen thun mong spyod pas spyad/ /thams cad cig car rdzogs pa'i tshul zhes so/ /de yang mtshan nyid kyi theg pa ltar yun ring du dka' ba spyad pas 'grub pa ni ma yin te/ skad cig ma gcig la rdzogs par byed pa'o/ /phan yon ni/ lha'i dngos grub dka' ba dang/ /sangs rgyas byang chub bde chen po/ /skal pa chen po bde myong ba/ /so so'i rjes su rang 'grub 'gyur/ /

  615. 308a

    spyod pa'i sgo nas rjes sgrub ste/ /dman pa'i dngos grub 'jig rten phal pa dag gis 'grub par dka' ba dang/ mchog gi dngos grub sangs rgyas kyi byang chub bde chen rdo rje sems dpa' skal pa bzang po'i dngos grub dag thabs so so'i sgo nas rjes su 'grub par 'gyur ro/ /spyad par bya ba'i thabs ni dngos po thams cad ni rigs kyi gtso bo gang yin pa'i yab yum du dmigs la/ rang nyid kyi sku gsung thugs kyi phyag rgyar gsal bas bsgrub cing longs spyod par bya ste/ dngos grub thams cad las byung ba/ /de bzhin gshegs pa kun gyi dpal/ /skal pa bzang po'i longs spyod kun/ /rang gi spyod par de spyod do/ /'dir dang po'i tshig ni snyan la snyog go /rten dang rgyu dang lam dang 'bras bu mdzad pa'i dngos grub gang yang rung ba dag la longs spyod pa'o/ /da yang rtsa ba'i rgyud las/ skal pa bzang po'i sbyor mthu las/ /dngos grub bcu drug 'bras bzang dpal/ /bsnyen sgrub bcu drug gnas las skyes/ /dngos grub thams cad las byung ba// de bzhin skal bzang longs spyod mchog /bcu drug rten gyi bye brag gis/ /mtshan nyid rim pa gnas bzhin du/ /rang gi spyad par de spyod do/ /rdo rje sems dpa' rigs kun bdag /'dod pa'i longs spyod kun gyis brgyan// bcu drug sa la spyod pa'i mthus/ /chos rnams ma lus bde bar spyod ces so/ /dang por rten bcu drug ni gang zag bzhi'i dbye bas bye ste/ las dang po pas ni ting nge 'dzin gyi dgongs pa nas gzung ste/ sbyor ba'i bar du gsal pa dang/ /rjes su sbyor ba'i bar du gsal ba dang/ shin tu sbyor ba'i bar du gsal ba dang/ sbyor ba chen po'i bar du gsal ba'o/ /ye shes la cung zhig dbang bas ni yang gong ma'i gnas nas ye shes kyi dkyil 'khor la dmigs pa'i bya ba dang/ mdun

  616. 308b

    gyi dkyil 'khor la dmigs pa'i bya ba dang/ gnyis su med pa'i dkyil 'khor la dmigs pa'i bya ba dang/ phyag rgya bzhi'i 'phro 'du la dmigs pa'i bya ba'o/ /ye shes la yang dag par dbang bas ni bzlas brjod dang thig le dang phra mo dang rnam pa dag la rigs kyis sam/ gzhan yang sku gsung thugs 'phro 'du dang bzhi po gsal ba'i rnam pas so/ /shin tu rnam par grol bas ni dbang po yul dus thams cad dkyil 'khor rags pa'i rnam pa dang/ cha phra ba'i rnam pa dang/ snod stong gnyis med du gsal ba dang/ bde ba chen po'i rgyas btab pa'o/ /de ltar rten gyi sgo nas phye ba'i lam bcu drug des ni/ rigs 'dzin rnam pa bdun yang bsdus so/ /gsal bar gyur ba ni rtags lnga po mthar phyin pa'o/ /yang rgyud la las ni rtags lnga'i sgo nas gang zag bzhi dbye zhing bstan na 'dir ni gsal bar bshad pa med do/ /de yang rtog pa bdun pa las/ /bcu drug rten gyi mtshan nyid kyis/ de gsal la ma grangs bcu drug ste/ /rigs 'dzin gnas mchog tu bskyed nas/ /rgyal pa'i zhing khams drug la sbyor zhes pa dang yang/ /sbyor ba bzhi'i bye brag las/ /las dang po yi ting 'dzin bsgrub/ /dmigs pa bzhi yi tshul gyis su/ /cung zhig ye shes dbang ba rnyed/ /yan lag bzhi yi 'phro 'du las/ /ye shes sems dpa' gnas mchog gsal/ /rags phra stong nyid bde ba'i rgyas/ /shin tu rnam par grol ba yin zhes so/ /bsnyen sgrub bcu drug ni rigs kyi lha/ /gang yang rung ba gcig la dmigs pa'i bsnyen sgrub bzhi dang/ rigs kyi dkyil 'khor bar yang rung ba gcig la dmigs pa'i bsnyen sgrub bzhi dang/ rigs drug gi dkyil 'khor rim bzhin bsgoms pa'i bsnyen sgrub bzhi dang/ rigs bsdus pa'i dkyil 'khor bsdus pa'i dkyil 'khor bsgoms pa'i bsnyen sgrub yan lag

  617. 309a

    bzhi'o/ /de yang rtog pa bdun pa las/ /mngon byang sbyor ba'i sku bskyed de/ /rigs rgyan gsal ba bsnyen pa'i las/ /'od ces myu gu'i grib ma bzhin/ /grogs gsal nye ba'i bsnyen pa yin/ /byin brlabs dbang bskur bskul mdzad cing/ /sbyor ba bsgrub pa zhes bya'o/ /byang chub sems tshogs kun 'byung gnas/ /las tshogs sgrub pa chen po'i tshul zhes pa dang/ yang rtsa ba'i rgyud las gsal ba'i dkyil 'khor gsal bsgoms shing/ mnyes mdzad bzlas pa gnyis kyi las/ /rdzogs pas 'khor gyi dkyil 'khor bsnyen/ /bsnyen pa gsal bas nye bsnyen yin/ /phrin las yan lag kun ldan pas/ /'dod don sgrub pa'i las sbyor zhing/ /'bras bu shes pa'i las dag gis/ /dngos grub sgrub pa las chen tshul/ /zhes pa dang/ yang rtog pa bdun pa las/ /rdo rje sems dpa' la sogs pa/ /thugs rje che dang ldan pa yi/ /dkyil 'khor lnga la sogs pa'i 'khor/ /zhi ba'i mchod pas mnyes pa dag / bsnyen ba'i don du de dag gis/ rtsa ba'i dkyil 'khor tshul bzhin blta/ /phrin las bzhi'i dkyil 'khor las/ /nye bar bsnyen pa goms byas nas/ /snga ma las ni gnas bsgyur te/ /sgrub pa'i dkyil 'khor rnam par bsam/ / dngos grub chen po blang ba'i phyir/ /bskal pa'i me dpung 'khrigs pa bzhin/ /mtshan ma brtan po mthong ba na/ /sgrub pa chen po brtsam par bya zhes pa dang/ /yang rtsa ba'i rgyud las/ /bsnyen bsgrub yan lag rnam bzhi'i tshul// rigs bsdus dkyil 'khor bsgrub par bya/ /bsod nams tshogs kyi 'khor lo dang/ /ye shes tshogs kyi 'khor lo yis/ /rigs kyis 'khor lo rabs mdzes pa/ /phun sum tshogs pa'i las kyis sgrub ces te/ bsod nams

  618. 309b

    kyi tshogs la bsdus pa dang/ rgyas pas bsnyen pa dang nye ba'i bsnyen pa ye shes kyi tshogs bsdus pa dang/ rgyas bas sgrub de dang sgrub pa chen po'o/ /dngos grub bcu drug ni rtsa ba'i rgyud las/ /ral gri mig sman rkang 'gyogs shugs/ /bum pa ril bu gser 'gyur rtsi/ /bdud rtsi bcud len rigs 'dzin mo/ thun mong las mchog dngos grub yin/ /bkra shis dngos grub bzang po ni/ /kun tu sku gsung yon tan thugs/ /'gro zhing khyab mdzad dpal gyi gzhi/ /mi 'jigs stobs mchog rgyal po'i tshul zhes so/ /sa bcu drug ni yang rtsa ba'i rgyud las/ rigs 'dzin rgyal po tshul dag gis/ /sangs rgyas thams cad rjes mthun gus/ /theg pa thun mongs spangs te/ /sangs rgyas thams cad mnyam sbyor zhing/ /sa mchog bcu drug gnon mdzad de/ /rang gi bde chen gnas la bzhugs zhes so/ /ci skabs 'dir de dag bstan par mdzad ce na/ spyod pa dang lta ba dang bsgom zhing bsgrub pa'i grogs kyi yan lag ste/ des ni tshig gis zor yang pa'i gnas su bsdu ba'i phyir gsungs pa yin no/ /de las byung ba ni de bzhin gshegs pa kun gyi dpal rdo rje sems dpa' ste de la ni skal ba bzang po zhes bya'o/ /de nyid kyi yon tan gyi snang ba'i longs spyod thams cad kyang/ rigs kyi dkyil 'khor du zhugs pa'i rnal 'byor pas rang gi sbyad par spyod do/ /de ltar bdag gi don du rigs kyi dkyil 'khor gzhan dag la'ang sbyor zhing btsun mo dang dngos grub la sogs pa dbang du bya ba'i phyir/ rdo rje can gyi grub mchog dang/ /'jig rten dbang po mchog gi dpal/ / sangs rgyas dag pa'i bde dam pa/ /phrogs nas nye bar spyod par byed/ /dpal he ru ka rdo rje'i rigs las khro bo chen po'i skur snang pa'i yum kro d+hi shwa ri ma dang ye shes byin rlabs rnams bkug cing bdag gir nye bar longs spyod pa dang/ dpal

  619. 310a

    pad+ma gar gyi dbang phyug ni 'jig rten dbang po dang/ de'i yum mchog dpal na bza' dkar mo dang/ sangs rgyas rnam par snang mdzad kyi yum bde dam sangs rgyas spyan ma 'gug pa'o/ /yang gsungs pa/ khams gsum dag na ma lus pa/ /sangs rgyas rgyal srid chen po kun/ /rtsal gyi stobs kyi mngon mthon du/ /phrogs nas nye bar spyod par byed/ /dpal rdo rje nyi ma'i rgyud la mnga' ba'i che ba'i yon tan dang/ khams gsum gyi rgyal srid dang/ yum mA ma kI dag phrogs pas nye bar spyod par byed do/ /sangs rgyas kun gyi grub chen po/ /mchog gi dbang phyug dam pa dag /kun nas phrogs te bde spyod na/ /longs spyod gzhan lta ci zhig smos/ /dpal rta mchog gi che ba'i yon tan dang ye shes dang/ yum sangs rgyas kun gyi grub chen mo dang mchog gi dbang phyug ma bkug ste longs spyod do/ /de dag ni bdag gi don du 'jig rten las 'das pa'i longs spyod pa ste sngags dbyibs chos kyis don bzhin shes par bya'o/ /nga ni 'jig rten pa la longs spyad pa'i tshul gyi gzhan don bya ba'i phyir/ mthu chen las ni bkra shis brtan/ /'phrog las grub dang dran las dga' / /mngon mthon stobs kyis grogs nas kyang/ /de ni dad la sbyin par byed/ /lam pa'i dbang du bsgrub pa'o mthu yis/ 'jig rten pa'i lha chen po dag gis chung ma sngar bsdus nas bdag gi spyod pa dang/ 'gro ba gzhan la sbyin par mdzad pa'o/ de yang 'jig rten gsum gyi drag po dang/ phrag mo'i tshogs thams cad 'dul bar mdzad pa'i mthu dang ldan pa'i lha chen po rnams yin la/ de dag gi slob dpon ni khyab 'jug yin te mthu chen po dang/ de'i chung ma bkra shis brtan ma'i dbang phyug ma sngags

  620. 310b

    dang phyag rgya dang ting nge 'dzin gyi nus pas bkug pa dang/ dbang phyug chen po mahA de ba skye 'gro thams cad kyis mdangs 'phreg par mdzad pa'i chung ma dka' bzlog grub pa tho bkug pa dang/ 'dod pa'i lha dran pa'i dga' rab dbang phyug gis chung ma dpal ldan phreng ba ma dga' ba mo bkug pa'o/ /de la mngon mthon gyi stobs kyis 'phrog pa'i rim pa ni 'di ltar yin te/ gang zhig snying rje chen po'i stobs kyis byang chub mchog tu sems skyed cing pha rol tu phyin pa'i spyod pa rlabs po che'i sgo nas/ rang gi dam tshig skyong zhing gzhan la phan pa'i don du yang brtsam par bya ste/ lha chen po'i mtshan ma yod pa'i gnas su phun sum tshogs pa bzhi dang ldan pas/ sgo gsum byin gyis brlabs pas rigs kyi lhar sgom zhing/ bdag dang 'gro ba sbyangs pa dang gsal bar bya ba dang/ dbang po bsam pa dang/ 'phags pa la yan lag bcus mnyes par bya ba dang/ tshad med pa'i 'jug pa dang/ bsrung ba'i 'khor lo dang/ bzhi'i ting nge 'dzin dang/ rten gyi ting nge 'dzin dang/ sbyor ba'i ting 'dzin dang/ ye shes kyi dkyil 'khor dang/ mdun gyi dkyil 'khor dang gnyis su med pa'i dkyil 'khor la dmigs nas bzlas brjod la sogs pa'i mtshan rtags gsal ba dang/ khyab 'jug gyi dkyil 'khor bri ste ba'i rnam lnga la legs par sbyar bas byugs pa'i 'dab ma brgyad kyis mtshan pa'i dkyil 'khor sngon po la me tog sngon po bkram zhing mchod pa thams cad kyi phyag rgya shes pa'i rdzas dang/ mchod pa thams cad kyi gtor ma'i phyag rgya shes pa'i rdzas rnams dang/ khyad par du lce dpog dkar po bdun sbyor du byas pa 'am spyan ras gzigs kyi ril bu dang ru sbal gyi snod du gi wang dang mdar gsum sbyar ba'i rgun chad dang/ g.yos sna dgu las sbyar ba'i gtor ma brtsam par bya'o/ /der rten gyi 'khor lo khyab 'jug gi sngags kyis bskor ba dang/ ba so'i mchod rten du sbyor zhing me tog sngon po dang/ bdug pa la

  621. 311a

    sogs pas bkad ba'i rin po che'i snod dam kham phor gyi nang du bzhag nas/ rang gi sa bon dang sngags kyis skyes pa'i dkyil 'khor rnams dgug gzhug dang mchod pa'i las kyis mnyes par byas te/ rang gi sngags kyis brtan par byas na mtshan ma mthong bar 'gyur ro/ /de nas 'jigs pa'i gzugs kyis me tog sbyin par byed de gnas pa las/ dam tshig gi phyag rgya bstan zhing mchod nas sngags dang phyag rgyas zil gyis gnon cing mchod rten gyi nang du bcug ste/ snod kha sbyar ras sngon pos dkri par bya'o/ /yang lha mo gnyis bkra shis ma'i rten gyi 'khor lo'i sngags kyis brgyan pa gur gum gyis byugs te/ rin po che'i snod du me tog dkar pos bkad nas rang gi sngags dang phyag rgyas dgug par bya'o/ /sngags 'bum gyis me tog gi char 'bebs shing sgra sang sang sgrogs te/ gsang sngags 'bum gyis ni gzugs ston par byed do/ /de nyid zil gyis mnan cing dam tshig gi phyag rgya bstan par byas la/ dbang bskur zhing byin gyis brlab pa byas na dga' ba'i bzhin ston par 'gyur ro/ /de nas lha mos sgrub pa po la a las zhes rjod cing rin po che sbyin par byed re mdun du gnas so/ /de la bka' sgo pa byas pas bdag gis dbang du 'gyur te/ 'dod pa'i las 'grub par byed do/ /des ni sngags kyi tshul gyis 'jug cing rang gi lha chen po lha yang gsol bar byed de 'khor dang bcas pa rnams bran bzhin du 'gyur ro/ /de bzhin du lha chen po'i gzhan chung ma la sogs pa dbang du byed do/ /rgya cher rtsa ba'i rgyud las gsungs pa/ rnal 'byor de nyid bcom ldan 'das/ /rdo rje sems dpa' i sbyor ba yis/ /rigs kyi dkyil 'khor rnams sbyor zhing/ /bsgom bzlas cho ga gsal ba yis/ /dngos grub dbang phyug bde ba'i mchog /bzung zhing gzhan la sbyin par byed/ /mngon mthon stobs kyi sbyor ba yis//

  622. 311b

    mthu chen la sogs rmongs mdzad cing/ /'ongs sbyor tshogs dang chung ma dag /bdag gis spyod cing gzhan la sbyin/ /sgrub pa'i gnas mchog nyams dga' zhing/ /lha chen mtshan pa'i gnas yod pas/ /'bras bu me tog ljon pa'i tshal/ /chu bo'i dogs su bsgrub bya ba/ /phun sum tshogs pa bzhi ldan pas/ /rdzas dang sa bzhi cho ga brtsam/ /dkyil 'khor sngon po gru bzhi la/ /sgo bzhi phreng ba khyams dang bcas/ /'bras bu pad+ma 'dab brgyad la/ /me tog sngon pos mngon par brgyan/ /sna tshogs mchod gtor nyer sbyar zhing/ /khyad par mchod pa dgram par bya/ /'khor lo ras la legs bris pas/ /rtse brgyad mu khyud nyis rim mdzes/ /gi wang sna ma'i khu ba dang/ /rims dang ren de'i rdzas bzhi'i yis/ /dbus dang rtse mo mu 'khyud byug / khru gang tshad du bca' bar bya/ /dbus su haM maM he raM bek+Sha/ shar du ma no ri bsum/ lho ru bruM k+Sha kruM ta ta Da/ nub tu suM bag Shan tsa ra/ byang du ni ran d+haM me ha/ /mtshams su klung d+haM ru baM si/ /u thA shu Ta khaM b+ha be ta Ta/ na mo sarba su ga ta k+Sha/ /mdza' lnga lnga yi mtshan ma bri/ /dbyangs rang gsal byed mu khyud la/ /khams kyi rgyud las grub pa yin/ /gnod mdzes me tog lnga ldan par/ /ba so'i mtshan ma 'khor lor bcas/ /legs bzhag bdug pa'i dri sbyor bsag /rdo rje sems sogs sbyor ba yi/ /mthu chen 'khor bcas dgug bya ste/ /dam tshig rdzas kyis mnyes pa dag /sngags dang phyag rgyas brtan par bya/ /sde mtshan dgu yi gsang sngags la/ /oM dang swAhA thog mthar sbyin/ /rtse gcig gsal ba'i bzas brjod kyis/ /rim bzhin dgug sogs las la sbyar/ /des ni mtshan ma 'jigs tshul ston/ /nag po drag chen khros pa'i tshul/ /'khor lo rtse gsum mda' dang gzhu/ /sgra sgrogs mkha' la 'phyo ba las/ /rdo rje brjod gnod phyag rgyas bcing/ /mdun nas me tog sbyin par byed/ /zil gnon dam tshig

  623. 312a

    phyag rgya bstan/ /mchod cing dam tshig bsgrag par bya/ /rang gi gnas su phyin pa las/ /slar nyid mnan cing phyag rgyas bsdams/ /yul dang phye ste rin chen sgrom/ /mchod rten ras sngon dag gis dgag /oM aM b+hu ba ga ta na ra ya ni dza dzA/ /dam tshig sngags kyis bskul byas nas/ /'khor lo'i mtshan ma bri bar bya/ /snga ma bzhin du brtsams pa las/ /gur gum bzang pos byug par bya/ /dbus su de bi sid+d+hi dza/ /phyogs mtshams mu khyud sngags mthun bri/ / gnod mdzes me tog dkar pos dgad/ /oM dang swA hA mdzes brgyan pa'i/ /rang gi sngags dang phyag rgyas dgug /gsang sngags 'bum gyi grangs tshangs pas/ /mkha' las me tog char pa 'bebs/ /sgra skar sna tshogs sgrogs par byed/ /'bum tsho gnyis kyis ma sdug gzugs/ /gsum gyis legs pa'i gzugs ston 'gyur/ /gzugs 'dzin bkra shis padmo'i mdog /dmar gsal rtse gsum pad+ma 'dzin/ /zil gnon dam tshig phyag rgya bstan/ /dbang bskur byin gyis brlab par bya/ /dga' ba'i bzhin mdangs rgyas pa yis/ /sgrub pa po la slar smras pa/ /ngo mtshar chen po a la la/ /lag gi rin chen sbyin par byed/ /mdun nas bsgo ba dbang bskor te/ /'dod pa'i las rnams grub par byed/ /sngags kyis sbyor ba mthu nyid kyis/ /gsang sngags dkyil 'khor 'jug par 'gyur/ /phyag rgya dgrol ba'i cho ga yis/ /mthu chen lha la gsol 'debs shing/ /slar yang 'khor bcas tshogs pa yis/ /bran bzhin 'dod pa kun grub mdzad/ /oM haM tsakra na ya ra ni bsdu? kampa la d+ha ha ru pa hUM phaT swAhA/ oM na mo pi mu sam de pi kaM pa la rad nan hUM smri ta ya phaT swAhA/ /'khor lo rtse gsum phyag rgya che/ /sgrub pa'i las la sbyor bar 'gyur/ /dbang phyug

  624. 312b

    bde ba gnas mdzad pa'i/ /rdo rje sems dpa' i rnal 'byor pas/ dkyil 'khor sngo gnag gru gsum la/ /dbus su dri shul mtshan mas brgyan/ bru bzhi sgo dang mtshams su bcas/ /pad+ma me 'od phreng bas bskor/ /mchod pa'i rgyan rnams thams cad kyis/ /sna tshogs nye bar mdzes byas te/ /nyi ma mu tig sgron ma'i rdzas/ /rul sbal snod du gzhag steng grab/ /dri sna lnga'i bdug pa dang/ /dri sna bdun pa'i ril bu dag /bdud rtsi gi wang mar dkar dang/ /nya phyis snod bcas bzhag par bya// gro ga la sogs las bris pa'i/ /'khor lo rtse gsum mtshan ma can/ /lte ba rtsibs brgyad mu khyud gnyis/ /sor tshad bcu gnyis tshad du bya/ /dbus su kaM shI shwa ra ya/ shar du ma hA de ba ho/ nub tu ba ri su tha g+ha/ lho ru par+Na sha ba ri/ byang du hUM phaT taT thu muM/ /mtshams su lam pa b+huM g+huM hUM dza/ pra mo sa ra b+hinDa ya/ ni nur rat+ta gri ha ra/ hUM mthar swA hA thog mar oM/ mu khyud ye shes lnga bcu can/ /rin chen snod mdzas sbrang rtsi can/ /me tog dri bcas bzhag bya ste// phyag rgya sngags kyis lha chen dpal/ /dgug gzhug 'khor lo la gnas bya/ /dbang phyug chen po drag po'i gzugs/ /rin chen nyi zla'i snyan cha phreng/ /sngon skya rab 'jigs thod pa thogs/ /mig gsum ral pa'i mtshan ma can/ /tri shul dgra sta ral gri dang/ /thong pa sha khrag bkang ba 'dzin/ /'khor bcas sna tshogs gzugs dang sgra/ sum 'bum sngags kyis gzugs ston 'gyur/ /dam tshig zil gnon phyag rgya sngags/ /las kyis rjes su mthas pas bsgrub/ /gnod brjid sngags kyis brgyal mdzad nas/ phyag rgya'i tshogs kyis rmongs par 'gyur/ /lha mo ljang skya thod pa thogs/ rgyan phreng na ra'i mtshan ma can/ /dbang bskur byin brlabs dga' mdzad nas/ /snyoms 'jug

  625. 313a

    phyag rgya'i tshul du gnas/ /lha mos chags pas yid g.yos te/ /sgrub pa po la slar gsol ba/ /'dod pa'i dngos grub ci gzhed pa/ /myur bar skangs te bran du bgyi/ /gsang ba'i dkyil 'khor dam pa 'dir/ /bde ba'i ye shes bstan du gsol/ /phyag rgya'i grol ba'i las rnams kyis/ /dbang phyug chen pos bslang byas nas/ /dbang bskur dam tshig rab sbyor mthus/ /bde ba'i ye shes bskyed par mdzad/ /gtso bo bde chen a la la// rdo rje gsum mchog a la la/ /bdag cag ngo mtshar bde skyed mdzad/ /ci 'dod dgos pa bsgrub par bgyi/ /oM na mo bi tsar Ni mahA bde ba/ /ma hA ru kaM pa la hi ha ha ha ha hUM phaT swAhA/ /tri shul phyag rgya sngags bcas kyis/ /las rnams kun la sbyor bar byed/ /sna tshogs gnas kyis brgyan dga' bar/ /sna tshogs lha mo'i tshogs 'phrul zhing/ /me tog dmar pos nyes mdzes par/ /dkyil 'khor dmar po bri bar bya/ /dbus su mda' yis mtshan phreng mdzes/ /bar khyams sgo dang bcas pa bri/ /gang ba'i bum pa rgyan tshogs tshad/ /rin chen snying po can nang du/ /sngags kyi 'khor lo bzhugs par bya/ /rtse brgyad mda' yas mtshan byas pa'i/ /lte ba mu khyud phreng ba can/ /sor mo bcu drug ras la bri/ /dbus su d+haM haM hUM hUM hUM/ shar du pheM phaT pheT tad+dwa /lho ru sid+d+hi gre ta su/ nub tu raM ta ma h+ri hi/ byang du g+ha g+ha sar rdung/ mtshams su hu hu la he/ ? ga te shtsar ru ka maM bok+ta tra ta ta ra/ ha(rgyud 'grel): sde lnga lnga phyogs dang mtshams/ /mu khyud dbyangs dang gsal byed tshogs/ /dza(rgyud 'grel): hUM baM haM(rgyud 'grel): sngags sbyor bas/ /lha chen phyag rgya gsal bar dbab/ /ser skya rin chen rgyan phreng mdzes/ /snang ba'i mda''dzin myos pa'i dpung/ /drag mo gnas rgyal rin chen skyes/ /'dod pa'i gnas la longs spyod 'phrul/

  626. 313b

    gsang sngags rgyal pos bskur mdzad nas/ /sum 'bum grangs kyi gzugs ston 'gyur/ /aM d+haM kA ma de ba ru lu b+hyo na mo b+hyo/ /ha ri stsanya rag+haM saM b+hyo b+hyo b+hyo hUM phaT swAhA/ mda' yis phyag rgya sngags bcas mthus/ /rang gi las la bskul bar 'gyur/ /rnal 'byor rab tu nyer sbyor nas/ /'dod pa'i las rnams gnas 'jug ste/ /mchod pa'i kun gyis brgyan pa'i gnas/ /der ni dkyil 'khor brtsam bya ste/ /gru bzhi dbang chen dbyibs 'dra ba/ /rdo rjes mtshan ma gser gyi mdog / dbus su pad mtshan mu khyud can/ /bar khyams sgo nas bcas par bri/ /rtse brgyad 'khor lo mu khyud kyi/ /'phreng ba gnyis dang ldan pa la/ /oM i id sarba/ shar du phra ma bri shaM ru/ lha ru shAn+ti nA ga hUM/ nub tu hUM phaT bri gu taM/ byang du trig mu raM su/ mtshan su brem ze ku mu ra/ /ga tra ru gaM laM ba saM/ /ba ra ba ra saM ba ra/ /phaT kyi mthar thug sde dgu pa'o/ /gnas rer lnga lnga bri bar bya/ /ma khyud yi ge lnga bcus mtshan/ /'khor lor rtse mor brgyan pa bri/ /gur kum dri bzang ma bsgos pa'i snod/ /rin chen rgyan gyis spras pa ru/ /'khor lo 'bras kar sngags bcas bzhugs/ /rang sngags phyag rgya dgug cing gzhug /zil gnon dam tshig phyag rgya bstan/ /mchod cing las la bskul bar bya/ /zhib gser mdog gdong bzhi ba/ /rgyan mdzes 'khor lo'i phreng ba 'dzin/ /gsang stags sum 'bum grangs kyis ni/ /rnam pa gsum gyi tags ston 'gyur/ /rmongs shing brgyal bar byas nas ni/ /lha mo dbang du bsdu bar bya/ /mtshangs? pa rin chen phreng ba 'dzin/ /mdzes pa kun gzugs gser gyi mdog /dbang bskur byin brlabs rol par mdzad/ /lus bskyod dga' ba de'i ye shes rgyas/ /oM pra ma ni g+ha ta pa ra h+ra ni d+ha ya/ oM A hUM hUM phaT swA hAM/ /'khor lo'i phyag rgya

  627. 314a

    sngags bcas mthus/ /las rnams kun la sbyor bar byed/ /bzang po kun spyod rnal 'byor gyis/ /sa stengs rgyal po'i gnas bsdad phyir/ /dkyil 'khor dkar po rgyan ldan par/ /me tog dkar po gtor bar bya/ /dbus su pad+ma rdo rje gsum/ /ma khyud par khyams sgo bcas bar/ /'khor lo'i rtse mo brgyad dag la/ /rtse gsum rdo rjes mtshan pa ni/ /ras la sor tshud bcu bzhi pa/ /rams dang lhang tsher bsres pas bri/ /dbus su a a bi ma le/ /shar du in+d+ra b+hi ha ho/ /lho ru bruM suM a a am/ /nub tu tsaN+Da shwa ri twaM/ byang du he he rung ta no/ /mtshams su na mo she ka lu/ /he ha mu ni taM/ Tra Tra ba ra sa mo ba ra hUM/ hUM gi mthu can gnas dgur dgram/ /mu khyud gnyis la gsal byed dbyangs/ /rgun 'brum la sogs me tog gis/ /dus gsum du ni mchod byas te/ /gsang sngags rgyal pos gzhug byas nas/ /sngags dang phyag rgyas brten par bya/ /dbang po gangs ri mig stong po/ /rdo rje rtse gsum rgyan phreng mtshan/ /sum 'bum sngags kyis las sbyor zhing/ /lha mo kun dang rol bar mdzad/ /oM in+d+ra ye sad+ga ma nu rak+Sha a'in+d+ra b+h+ruM g+he ta TU ha ma ha ra no phaT swAhA/ /rdo rje rtse gsum sngags kyi mthus /ci 'dod dngos grub thob par mdzad/ /gang zhig bzlas dang sgrub pa dang/ /bsgom zhing gzung bar ma byas kyang/ /phyag rgya 'chang ba'i yon tan gyi/ /tshad bzung ba ni nus ma yin/ /bsrung dang rgyas sogs lam rnams la/ /dbus mthar lha dang bsrung sngags dang/ /yi ge brgya ba ming sngags spel/ /khyim du legs par mchod byas na/ /bu 'dod pas ni bu rnyed cing/ /dpal 'dod pas ni dpal thob 'gyur/ /tshe dang bar mdzod rgyas pa dang/ /nad med rtag tu bde bar 'gyur zhes

  628. 314b

    gsungs te/ de ltar lha chen po'i tshogs rnams dbang du mdzad nas bran bzhin du 'gyur te/ bdag gis 'dod pa thams cad skod zhing de nyid las dag pa'i rnal 'byor bas gzhan la yang sbyin par mdzad do/ /yang 'jig rten gsum gyi rgyal srid ma lus pa rnams la longs spyod pa'i phyir/ ma lus 'jig rten gsum rgyal srid/ /'jig rten dbang phyug kun dang bcas/ /mngon 'thon stobs kyis phrogs nas kyang/ /de ni dad la sbyin par byed/ /'jig rten gsum po ma lus pa na yod pa'i rgyal srid lha'i rgyal po dang klu'i rgyal po dang/ mi'i 'khor lo sgyur ba dang/ gnod sbyin gyi rgyal po la sogs pa'i yon tan rnam par 'phrul pa dang/ rang gi las las grub pa'i rdzas dag kyang bsdu bar mdzad na gzhan ni lta ci smos so// de las rtsa ba'i rgyud las/ rnal 'byor de nyid bcom ldan 'das/ /rdo rje sems dpa' i sbyor ba yin/ /rigs kyi dkyil 'khor gsal byas nas/ /bzlas bsgom cho ga rdzogs mdzad cing/ /'jig rten bkod pa nyams dga' bar/ /phun sum tshogs pa'i dgos pa 'grub/ /rin chen bum pa bzang po mdzes/ /cha rigs nyi shu rtsa bdun ldan/ /dkyil 'khor re'u mig dgu ba yis/ /gnas dgur mchod pa'i rgyan bcas dag ma/ /bsnyen bsgrub bzhi'i rim pa yis/ /rang rigs lha yi gsang sngags la/ /sbyor ba spel te brjod byas na/ /'bum tshogs gsum gyis 'grub par 'gyur/ /na ma artha sid+d+ha g+ha ha na lo tsa ni ma ma sid+d+hi ku ru ku ru hUM hUM phaT phaT swAhA/ /bdun phrag nyi shu rtsa dgu yis/ /las la sbyor zhing dngos grub brang/ /bum pa bzang sogs las rnams kun/ /'di yis 'grub par the tshom med/ /ces so/ /de ltar na las chen po dag kyang 'grub na gzhan ni lta ci smos te/ tshangs pa 'jug sel dbang chen gyi/ /cho ga gi dbang phyug

  629. 315a

    dam pa dag /kun nas phrogs te myur sbyin na/ /longs su spyod gzhan lta smos ci dgos/ /khams gsum kun gyi bdag po tshangs pa chen po dang/ /lha rnams kyi slob dpon 'jug sel dang/ /'dod khams kyi bdag po dbang phyug chen po dang/ /sa steng gi bdag po sbyin bdag gi mchog ste dbang po dang/ gzhan 'phrul dbang byed kyi bdag po dga' rab dbang phyug dam pa'o/ /'dod par byed pa'i 'bras bu ni mchog gi las la sbyong ba ste/ de yis mi sbyin ci yang med/ /sangs rgyas don du bya ba kun/ /mi bya ba ni gang yang med/ /sbyin pa dang ni byed pa 'ang yin/ /de kho na nyid kyi don la gnas shing bsnyen bsgrub kyi yan lag ldan pa'i spyod pa 'dis ni/ rnam par grol ba'i 'bras bu skyed cing thams cad 'grub po/ /mchog gi dngos grub kyi don du thams cad la longs spyad de gzhan la yang sbyin par bya zhes pa'o/ /ji ltar de dag 'grub bam zhe na/ sangs rgyas byang chub sems dpa' yang/ /phyogs nas kyang ni sbyin byed na/ /las mchog dag ni rab 'byam dang/ /dngos grub gzhan lta ci zhig smos/ /'jig rten pa'i lha klu mthu bo chi dang/ /'jig rten las 'das pa'i 'phags pa nyan thos dang/ /rang sangs rgyas dang/ byang chub sems dpa' dag gis kyang 'grub par mi nus pa'i sangs rgyas kyi che ba'i yon tan las byung pa dag rnal 'byor pas 'grub par byed de/ ci de kho na nyid kyi rang bzhin shes pa las byung ba yin pa'i phyir ro/ /de yang rtsa ba'i rgyud las/ zag med ye shes las byung ba'i/ /bde ba chen po'i gnas sbyor ba/ /de yis mi 'grub gang yang med/ /sangs rgyas byang chub dka' ba min/ /rang nyid byang chub sems sbyor bas/ /rang gi rang bzhin 'grub phyir ro/ /de yang 'jig

  630. 315b

    rten pa dad 'das pa yis/ /lta mdan so so'i rgyud 'grub min zhes so/ /de dag spyod pa'i phan yon bdag gi don du/ /dngos grub mchog ni gdon mi za/ /sde rnams thams cad rab 'joms pa/ /gang zhig 'dod pas bya ba'i 'bras bu las mchog tu gyur pa de ni bde ba chen po'i sku las byung ba dag go /ji ltar na lam dang 'bras bu thams cad kyi mthar phyin pa'i ste/ nyid kyi che ba'i yon tan zag pa med pa'i ye shes la snang bas mi mthun pa'i bdud rnams sde dang bcas pa 'dul bar mdzad pas so/ /de yang gzhan gyi don du ni/ sangs rgyas kun gyi grub chen po/ /'khor lo sgyur ba rab tu 'grub/ /de nyid rtsa ba'i rgyud las/ /dpal ldan dngos grub mthar phyir rgyal/ /sangs rgyas rnal 'byor rgyas pa'i tshogs/ /chos kyi 'khor lo bskor mdzad cing/ /bya ba thams cad ma lus grub ces so/ /tshul ni/ sangs rgyas thams cad mnyam sbyor ba/ /mkha' 'gro sgyu ma bde mchog gis/ /sangs rgyas kun gyi rdzu 'phrul che/ /rnam par 'phrul pa rab tu 'jug /le'u gnyis pa'i lta ba'i ron bzhin du shes shing rtogs par byas nas lnga pa'i sgo nas yid ches par 'jug cing gsol bar gyur pas/ gsum pas phyag rgya chen po'i lam sgrub cing/ /bzhi pa'i de'i don du spyod na/ sku drug lhun gyis grub kyi snang ba las byung ba'i sangs rgyas kun gyi rdzu 'phrul chen po ni/ rigs kyi dkyil 'khor chen po drug la sogs par 'phrul cing/ de la dgugs dbyung ba grangs med par snang ba'i sgo nas sems can gyi don mdzad pa'o/ /gzhan yang mdzad pa sna tshogs kyis sems can gyi don spyod pa la/ /mtshan nyid kyi theg pa la slob pas 'dul ba'i lam dag gi phyir la lar byang chub sems chen pos/ la lar spyod dang mthun par

  631. 316a

    'gro /zhes pa'i tshigs su bcad pa gsum gsungs te/ gang zhig dus la lar thugs rje chen pos gzhi gzung ste/ byang chub mchog tu thugs rin po che rnam pa gnyis bskyed cing sbyangs pa dang/ dus la lang bsod nams kyi tshogs mang pos gzhi gzung ste/ lam rnam pa lnga spyad pa'i phyir pha rol tu phyin pa'i tshogs dang byang chub kyi phyogs kyi chos sum cu rtsa bdun la spyod pa dang/ dus la lar dga' ldan gyi gnas su byang chub sems dpa' dam pa tog dkar gyur nas lha rnams las mngon par mtho ba'i gnas su bzhugs te/ 'od zer spro zhing ting nge 'dzin gyi snang ba bsam gyis mi khyab pa la sogs pa ston par mdzad pa/ dus la lar sngon gyi smon lam dang/ 'phral gyi thugs rje chen po mtshungs pa'i dbang gis phyogs bcu na bskul ba'i sgra gcan nas nyid kyi sku glang po che'i gzugs kyis btsun mo sgyu 'phrul chen po'i lhums su zhugs nas 'khor rnams la chos ston pa dang/ dus la lar yum la rab lum pa'i tshal du yum gyi mchan khung g.yas pa'i sgo dral te mun rum nas glog 'gyur pa bzhin du bltam ste phyogs bzhir gom sna pa bdun bdun por ba dang/ gzhon nu rol rtsed mdzad pa la sogs pas 'jig rten gyi bya ba mthar phyin par mdzad pa dang/ dus la lar khyim nas khyim med par rab tu byung ste dka' ba spyod pa dang dus la lar byang chub kyi shing drung du rtse gcig pa'i ting nge 'dzin la gnas par sgribs pa'i dri ma thams cad dag ste tshogs rdzogs pa dang/ dus la lar bdud bzhi'i tshogs bcom zhing rdo rje'i gdan la mngon par rdzogs par sangs rgyas pa dang/ dus la lar gdul bya'i rgyud dang mthun pa'i chos kyi 'khor lo rim gyis bskor bar mdzad pa dang/

  632. 316b

    dus la lar mu stegs kyi ston pa drug la sogs pa rnams thabs mkhas pa'i mdzad spyod kyis tshang bcad pa dang/ dus la lar sprul pa'i sku mya ngan las 'das pa'i tshul gyis gdul bya le lo can gzung ba dang/ chos thams cad 'dus byas kyi tshul du bstan pa'o/ /gzhan yang sprul pa'i dbang du byas na cig car sdong gsum gyi 'jig rten rnams la thugs rje chen po'i mdzad pas don spyod do/ /yul la lar sems can thams cad byang chub kyi sems la bkod pa nas gzung ste/ yul la lar mya ngan las 'das pa'i tshul gyis don mdzad pa'o/ /de dag gi don ni rgya che ba'i sde snod dag las rgyas par gsungs so/ /gang zag dbang po khyad par du gyur pa dag la gsang sngags kyi theg pas don spyod do// skus 'dul ba rnams la ni/ la lar 'jig rten sum rgyal ba grub pa kun gyi dbang phyug nyid/ dus la lar dang yul la lar sems can gyi don du ji ltar 'gyur ba bzhin du sku bstan te/ rtsa ba'i rgyud las/ la lar zhi la tshangs pa'i gzugs/ /la lar drag po gshin rje'i tshul/ /la lar mkhas pa'i gzugs kyang 'dzin/ /la lar dus mdza' i me ltar 'bar/ /la lar skye dgu'i mgon mdzad cing/ /la lar skye dgu 'joms par mdzad/ /la lar dkyil 'khor grangs med tshogs/ /la lar dpa' bo gcig par snang/ /la lar snod bcud bkod mdzad cing/ /la lar snod bcud stongs par byed/ /la lar zhi khro'i gzugs spong zhing/ /la lar dkyil 'khor sdud par mdzad ces te gdul bya'i tshogs rnams la dkyil 'khor sna tshogs kyi sgo nas don bzhin du dbugs 'byin par mdzad pa'o/ /gang zhig gsung gi theg pas 'dul ba dag la ni/ /la lar rtog pa thams cad mchog /grub pa'i dbang phyug bla na med/ /phung po dang

  633. 317a

    khams dang skye mched kyi bye brag ji lta ba bzhin du/ drang ba dang des pa'i don gnyis las brtsams te theg pa rim pa mang du spros shing gsungs so/ /de yang rtsa ba'i rgyud las/ lta dman byas pa 'dren don du/ / rtog ba dman pa'i lam bstan te/ /gnas ngan dka' sbyar zhen pa'i shugs 'khor ba'i ngan song gnas mi mthong/ /rtog pa'i sgrib tshogs gnas mdza' yis/ /rnam grol ye shes mthong mi 'gyur/ /cung zhig rnam grol las gzung ba'o/ /shes rab snying rje gnas mos pa'o/ /grol mdzad theg pa mdza' las sgo/ /rnam thar sa la rab sbyor mdzad/ /bya dang spyod pa la mos pa/ /gsang sngags don spyod theg chen mchog /rang gi ye shes gnas 'jug cing/ /sngags sbyar rgya chen lhar sbyor ba/ /'jig rten bya ba rab grub ste/ /bdags pa'i 'bras bu gyis mthar phyir/ /rab sbyangs shes rab blo mchog la/ /gsang ba zab mo'i tshul bstan te/ /rang gi bde chen dbang phyug mchog /sna tshogs bkod pa grol bar snang/ zhes so/ /yang mdzad pa rgya chen po'i sgo nas/ /de la sogs pa mdza' yas mchog /sangs rgyas kun bdag bde mchog gis/ /'dul pa'i thabs su nges pa'i gar/ /rnam par 'phrul pa'i dgyes shing rol// mngon du nyams su myong bas grub pa'i yon tan gyi mdzad pa mdza' yas pa'i sgo nas gzhan du spyod de /sangs rgyas kun gyi bdag po chen po'i sku de nyid la/ /sku gsung gshegs pa'i gsungs rab la log bar spyad bas dregs byed sde can chung ma nyi shu dang bcas par byung ngo/ /de la sogs pa nyon mongs pa'i spyi'i lam pa dag gdul ba'i don du ston pa chen po'i ye shes kyi snang ba rigs thams cad kyi bdag nyid drug pa rdo rje 'chang chen po de nyid rdo rje

  634. 317b

    sems dpa' i cha lugs kyis lha mo nyi shu'i tshogs dang bcas par rnam par 'phrul te snang ngo/ /de dag gi gleng bzhi rgyas par ni rtsa ba'i rgyud las rgya cher bstan to/ /'dir ni cung zhig tsam gsungs pa'i don bshad par bya ste/ dang po sku dang ye shes kyi mtshan nyid ni/ 'di'i rnal 'byor bcom ldan 'das/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /nye bar mngon sum bar snang ba'i dbang po drug gi spyod yul 'di dag rang byung gi ye shes chen po'i snang ba yin te/ de nyid la rang gi ye shes chen pos rnam par sbyor bas rtogs pa sngon du gyur nas che ba'i yon tan thams cad la mnga' brnyes nas/ bcom ldan 'das rdo rje sems dpa' i skur snang zhing de bzhin gshegs pa thams cad kyi rang bzhin no/ /de nyid kyi tshul gyi ci zhig ce na/ gang zhig sangs rgyas gnyis kyi rnam pa'i sgo nas thams cad la mnyam par sbyor zhing mkha' 'gro rgyu ma bde ba'i dang tshul can no/ /sa ma yo ga'i sgras thams cad mtshon pa'i byings can te/ sende ba'i sgra bzhin no/ /mkha' 'gro'i rnam pas gnas skabs lngar 'jug par byed de/ ye shes shugs kyis mkha' la 'gro ba dang/ rdzu 'phrul stobs kyis mkha' la 'gro ba dang/ grub pas mkha' la 'gro ba dang/ rang bzhin gyis mkha' la 'gro ba dang/ las kyis mkha' la 'gro ba ste/ de dag thams cad kyang bde ba mchog gi rang bzhin no/ /de las sku rnam pa drug gi tshul du snang ste/ yang dag grub pa gcig pu nyid/ /ji ltar 'dod pa bzhin du sbyar/ /chos thams cad dbyings skye ba med pa rang gi mtshan nyid yang dag pa'i rnam par gnas pa de nyid ji bzhin pa'i ngo bor shes par bya ste/ shes rab rnam pa

  635. 318a

    gsum gyi sgo nas rtogs shing grub pa la gnyis su med pa'i don gyis gcig pu nyid du gnas pa'o/ /de nyid las rang nyid kyi che ba'i yon tan mi zad pa'i snang ba dang/ gzhan gyi rgyud la snang ba'i don grub pa'i tshul du/ ji ltar 'dod pa bzhin du sku rnam pa gnyis kyi snang ba sna tshogs kyi rnam par sbyar ro/ /de'i sku drug lhun gyi grub pa'i mtshan nyid de bsdus pa'i don gyi gnyis su med pa'i sku dang/ rnam par 'phrul pa'i sku dang/ bde ba chen po'i sku dang gsum duAng sbyar te/ de dag sku gsum spyi'i mtshan nyid bstan pa zhes kyang bya'o/ /de yang rtsa ba'i rgyud las/ /sku dang ye shes gnas sbyor ro/ /rnal 'byor chen po bcom ldan 'das/ /de nyid rdo rje sems dpa' ste/ / sangs rgyas kun gyi bdag nyid yid/ /zhes pa dang/ rtog pa bdun pa las kyang/ yang dag grub pa gcig pu nyid/ /sangs rgyas bde chen kun 'dus pa/ /rnal 'byor zab mo sku gsum rdzogs/ /mkha' 'gro sgyu ma bde mchog bde zhes so/ /da ni ston pa'i mdzad pa las dgongs pa'i don bstan pa'i phyir ro/ rtog pa'i cho ga thams cad la/ /grub pa'i dam pa mchog gi mchog /gzhi las 'khrul pa'i 'gro ba dag dang/ /lam las 'khrul pa'i mu stegs pa/ / la sogs pa'i rtog pa'i lta ba'i ri bo lnga dang/ ri bo drug dang/ ri bo nyi shu dang/ ri bo drug cu rtsa gnyis dang/ ri bo bcu gnyis dang/ ri bo bzhi dang/ ri bo bcu drug dang/ ri bo gnyis kyis mtshan ma de dag gnyen pa'i rtog pas bcom zhing/ de las rten te 'jig rten pa'i dngos grub dang/ thun mong gi dngos grub kyi sgo nas mchog gi dngos grub kyi lam la sbyor ba'i phyir/ grub pa dam pa mchog gam/ mchog gi mchog bstan par mdzad do/ /de yang rtsa ba'i

  636. 318b

    rgyud las/ /rtog pa de nyid gzhom pa'i phyir/ /sna tshogs dkyil 'khor lha rnams dang/ /sna tshogs rgyud don gsungs mdzad cing/ /mchog gi dngos grub mchog thugs yon tan phrin las kyis 'dul ba'i thabs sna tshogs rnam par grol pas nges pa'i don bstan cing spyod par mdzad do/ /de yang rtsa ba'i rgyud las/ /sku dang gsung thugs yon tan dang/ /sna tshogs las byung phrin las kyis/ /'dul ba'i thabs su nges pa'i gar/ /thams cad don la rnam par grol/ zhes so/ /gang spyod pa'i sgo nas 'bras bu'i mtshan nyid la bdag don lhun gyis grub pa'i tshul ni/ dngos grub chen po kun gyi mchog /bstan pa dbang phyug chen po'i bdag /gzugs dang tshe dang kha dog stobs/ /dpal ldan rdo rje sems dpa' bzhin/ /lam la rnam par spyod pa'i mthus/ /dngos grub chen po'i mchog 'grub ste/ /rtag tu rang gi rgyud la gnas pa'i dbang phyug brgyad dang/ /dpal bzhi 'gyur 'grub pa'o/ /de'i yon tan gzhan yang/ 'gro ba dag gis bsnyen bya zhing/ /de bzhin gshegs pa kun gyis mchod/ /lha mo kun gyis dpal ldan mchog /rdo rje sems dpa' rab tu 'grub/ /dpal sangs rgyas thams cad dang mnyam par sbyor ba'i dngos grub thob pa 'di la/ khams gsum gyi skye 'gro kun dga' ba'i sgo nas bsnyen bkur byed de/ de bzhin gshegs pa kun gyis ni mchod par mdzad cing lha mo kun gyi gtso bor 'gyur te/ rdo rje sems dpa' bzhin no/ /gzhan yang 'bras bu yon tan dang bcas pa'i sgo nas gzhan don mthar phyin pa'i tshul ni/ sems can khams ni du ma dag /ma lus par phyag rgyas 'debs/ /lha dang byang chub dka' ba rnams/ /brtan par sems can dag la sbyin/ /rnam par shes pa dang ldan pa'i phung po'i tshogs

  637. 319a

    dang ldan zhing/ byed pa med la rang gi mtshan nyid 'dzin pa'i chos can dag ni sems can gyi khams so/ /de dag la lus pa rnams la sku gsung thugs kyi phyag rgyas 'debs shing lha'i dngos grub dang/ bla na med pa'i byang chub dag brtan par sems can la sbyin par mdzad do/ /ci dus lan re tsam du 'am zhe na/ sangs rgyas kun bdag bde mchog gis/ /sems can kun gyi don byed cing/ /ma lus lus pa med pa yis/ / bskal pa kun tu srid par gnas/ /sku drug gi 'phrul pa de nyid kyi sgo nas sems can kun gyi don mdzad cing/ /gcig tsam gyi don mdzad pa'i/ phyir yang bskal pa'i bar du gnas pa'o/ /de dag ni lam gyi sgo nas rnal 'byor pa'i mdzad spyod dang/ mthar phyin pa'i 'bras bu'i mdzad pas sems can gyi don bya ba'i rim pa bstan te/ de nas khyad par du le'u drug pa dang/ le'u bcu pa'i don yang 'grel to/ /de dag bsdus pa'i tshul du le'u yi mtshan nyid sna tshogs thams cad kyi skal pa bzang po mchog gi dngos grub ces bya ste/ dpal dam tshig gi rtog pa'o/ /rdo rje sems dpa' i rnal 'byor pas spyod pa dang sgrub pa'i las sna tshogs spyod zhing longs spyod pas na skal pa bzang po'o/ /de nyid 'bras bu'i mchog la longs spyod pas na mchog gi dngos grub ste/ lha mo'i dkyil 'khor dang mi 'byed pa'i dam tshig la longs spyod pa'o/ /le'u bzhi pa'i don rnam par bshad pa'o/ /gang dag gi don du gang gis glang ltar byung zhing gang zhig bshad pa'i mtshan nyid ni/ sngon byung ston pa'i dgongs mdzad dang/ khyad par gyi gling gzhi yis yid tshed par bya ba dang/ rjes su 'jug pa'i bya bas don nyams su blangs pa'i

  638. 319b

    phyir/ le'u lnga pa'i ting nge 'dzin gyi rim pa gsungs so/ /de yang rtog pa bdun pa las/ /cho 'phrul bkod pa'i gleng gzhi yis/ /'jug pa po rnams yid ches mdzad/ /rjes mthun bsgrub par bya ba'i chos/ /ting 'dzin ye shes gnas la sbyor/ /mtshan bcas mtshan med rim pa bzhin/ /khyad par mngon sum gsang gsum sku/ zhes so/ /de yang cho 'phrul bkod pa'i gleng gzhi ni bskal pa bzang po rgyan gyi dus su/ sangs rgyas dpal sde bzang po'i bstan pa la dge slong grol ba'i rgyal mtshan gyis de bzhin la sbyor/ /zhes so/ /de yang thugs rje skye ba'i yul dang mthun par sbrul pa'i tshul ni/ sna tshogs las kyi sbyor ba yis/ /cho ga sna tshogs 'dod pa yis/ /sems can rnams ni 'dul ba dang/ / bde ba thams cad bsgrub pa'i phyir/ /de dag gdul bya sems can gyi/ /rnam par rtog pa mdza' yas te/ /gcig dang gnyis dang gsum dang bzhi dang lnga dang drug nas gzung ste/ grangs med pa'i bar du gnas pas/ de dag 'dul zhing bde ba la dkod pa'i phyir/ sku gsung thugs yon tan phrin las sna tshogs kyi sgo nas las kyi sbyor ba so sor bstan cing/ dge slong grong ba'i rgyal mtshan la sogs pa'i nyon mongs pa spyi'i lam la gnas pa dag 'dul ba'i phyir mdzad do/ /de yang rtsa ba'i rgyud las/ nyon mongs rnam par rtog pa'i chogs/ /gcig nas gzung ste grangs med par/ /spyi yi lam pa gdul don du/ /rigs bdag sku la sna tshogs ston/ /cho ga sna tshogs bye brag gis/ /bde chen rdo rje 'dzin pa'i gnas/ /zhes so/ /'o na thugs rje chen po'i mtshan nyid dang po ji ltar zhe na/ bcom ldan rnal 'byor de nyid ni/ /sangs rgyas thams cad rnam 'phrul bas/ /sems can kun don rnam sprul na/ /myur du shin tu

  639. 320a

    'grub par 'gyur/ /de yang sku'i sgo nas 'phrul pa dang/ /ye shes kyi sgo nas 'phrul pa dang/ /rigs kyi sgo nas 'phrul pa dang/ gdul bya'i sgo nas 'phrul pa dang/ de dag thams cad mthun pa'i sgo nas 'phrul pa dang/ mi mthun pa'i sgo nas 'phrul pa'o/ /de yang rtsa ba'i rgyud las/ /bcom ldan rnal 'byor de nyid las/ /sangs rgyas thams cad rnam 'phrul mdzad/ /sku dang ye shes rigs dang ni/ /phrin las mthun dang mi mthun tshogs/ /dkyil 'khor gcig la'ang sna tshogs skur/ /rnam 'phrul rang gi bya ba yis/ /sems can kun don rnam 'phrul zhing/ /zag med ye shes de bzhin nyid ces so/ /de dag gis ni dkyil 'khor rnam par 'phrul zhing don mdzad pa'i mtshan nyid bstan pa'i/ /de ni rjes 'jug gi dbang du byas te le'u gnyis pas nas 'byung ba bzhin du shes pas de nyid kyi don la 'jug cing sgrub pa'i phyir/ ting nge 'dzin bsgom pa'i rim pa yis tshogs kyi dkyil 'khor la spyod pa bya ste/ dang po rab 'bring gi dus su ni/ nyin re 'am yang na zla re 'am/ yang na de bzhin lo re ni/ ji bzhin byin gyis brlabs nas kyang/ /sangs rgyas bde mchog gar bya'o/ /dang por rdo rje sems dpa' i gsang ba'i don rnam par dkod ba las gsungs pa bzhin du/ 'gro ba thams cad snying rje chen po'i blos dmigs te/ bdag dang gzhan sgrol ba dam bcas nas lus ngag yid gsum sbyor zhing nas mthu bskyed de/ sgo gsum byin gyis rlab cing gsal bar byas nas 'phags pa la tshogs bsag pa dang/ sems can la tshogs bsag pa dang/ bsrung ba'i 'khor lo dang/ gzhi'i ting nge 'dzin dang/ rten gyi ting nge 'dzin dang/ sbyor ba'i ting nge 'dzin dang/ dmigs pa

  640. 320b

    gsum gyi ting nge 'dzin rjes su 'gro ba'i rnal 'byor la sogs pas dus rab 'bring tha ma gsum gyi sgo nas phyag rgya'i rig ma byin gyis brlob bar bya ste/ gnyis su med pa'i bde bas 'phags pa mchod cing sems can gyi don byas nas bde ba'i ye shes gzung bar bya'o/ /de yang rtog pa bdun pa las/ g.yon phyogs gnas las tshul bzhin du/ /ji ltar 'dod pa bzhin du sbyar/ /gar mkhan tshul 'dra sgyu ma'i rgya/ /de yang 'ja' tshon gzhin du gsal/ /'dod chags ye shes gsal ba'i phyir/ /'bar ba sna tshogs 'khrigs pa'i 'od/ /thim pas rgyal mor byin brlabs nas/ /ye shes dam tshig chen po yis/ /bde mchog sgyu ma'i brdas mtshon te/ /padmo rin chen ldan byas nas/ /dbyings kyi bde chen byung ba na/ /rang rig ye shes de la 'od/ /ji bzhin mkha' la gsal ba dag /dri med nyi ma'i 'od pas 'tsher/ /byang chub sems de kun tu dag /khams gsum rab tu 'das nas kyang/ /ma lus nye bar khyab byas nas/ / 'dod bar bya ba rab tu mnyes/ /'od 'dus thog ma'i gzugs la gzung/ /de dag dngos grub chen po las ji ltar 'dod po'i nan tan bya zhes pa/ /de la tshogs bsags pa'i brten ni/ /khams kyi rang bzhin thams cad dang/ de bzhin srog dang rtsa las byung/ /rang gi lha yi cha lugs su/ /sgrub pa'i phyag rgya rab tu bya/ /dang po rgya chen po las khyad par gyi sgo nas ting nge 'dzin gyi dkyil 'khor la 'jug pa po dag gis dmigs pa'i don gsal zhing grub par bya ba'i phyir/ gser dngul zangs lcags la sogs pa rin po che'i khams las byas pa 'am/ srog chags rgyu las byung pa rA dang bso dang rus pa las byas pa 'am/ rtsi shing gi rgyu las byung ba 'am/ rang gi lha'i cha

  641. 321a

    lugs dang mthun pa'i sku dang/ phyag mtshan dang rgyan la sogs pa'i sgrub pa'i phyag rgya rab tu bya zhes pa'o/ /yang zab mo'i dbang du byas te/ thabs dang shes rab gnyis su med pa rnam pa gsum gyi sgo nas rlung rnam pa gsum dang 'khor lo bzhi dang dbang po drug gi snang ba de dag ni khams kyi ngo bo yin la/ de la yi ge rnam pa gsum gyi 'phro 'du dang/ dbang po yul dus kyi 'phro 'du dag ni srog rtsa las byung ba'o/ /de ltar thabs dang shes rab gnyis su med pa'i rang gi lha'i cha lugs su/ bsgrub pa'i phyag rgya rab tu gnas par bya'o/ /zhes so/ /de nyid la 'jug pa'i tshul gyi dkyil 'khor gang dang gang bsten pa/ sna tshogs phyag rgya'i mchod pa yis/ /slob ma'i tshogs kun de dang der/ /mchod pa byas nas de sgrub po/ /rigs drug gi dkyil 'khor gang yang rung bar dbang dang dam tshig thob pa'i lha de nyid lhag pa'i lha ste/ de'i dkyil 'khor la ting nge 'dzin gyis gsal bar gnas shing/ sna tshogs kyis phyag rgya las 'phrul pa'i mchod pa tshogs rnams kyis dkyil 'khor mchod de bsgrub par bya'o/ /de dag gis ni ting nge 'dzin gyi dkyil 'khor gsal ba'i sgo nas tshogs bsag cing bsgrub par bya ba bstan te/ des ni le'u drug pa dang gsum pa'i don yang 'grel to/ /de yang rtog pa bdun ba las rang gi ting nge 'dzin gsal ba yis/ /bsod nams ye shes tshogs bsam te/ /de nyid sgrub pa'i las kyis ni/ /bde chen mtshan ma med pa'i sku zhes so/ da ni rdo rje sems dpa' i dkyil 'khor de nyid las rang gi dkyil 'khor dang mthun pa'i rgya chen por sprul pa'i tshul bstan te/ de las gzhan yang rtog pa kun gyi/ /sangs rgyas thams cad rnam 'phrul ba/ /ci rig pa ni sprul byas pa'i/ /

  642. 321b

    gtam dag rab tu bshad par bya/ /dkyil 'khor gyi 'khor lo thams cad dang/ rnal 'byor ma'i rgyud thams cad dang 'di las rnam par skros te/ thams cad kyi spyi'i bdag nyid du gnas pa dang/ yang khyad par du rigs kyi dkyil 'khor chen po drug gi bdag nyid du gnas pa dang/ de las kyang khyad par du rang nyid kyi rigs bsdus pa'i dkyil 'khor gcig dang/ rtsa ba'i dkyil 'khor bzhi dang/ rnam par 'gyur ba'i dkyil 'khor bcu dang/ rim pa bzhin du bstan pa'i dkyil 'khor nyi shu dang/ rgya cher sprul pa'i dkyil 'khor sum cu rtsa drug gi byung tshul bsgrub bar bya ba'i rim pa dang bcas par rtsa ba'i rgyud las rgya cher bstan te/ 'dir ni bsdus pa tsam 'ba' zhig gi lo rgyus bshad par bya'o/ /de ltar dkyil 'khor sna tshogs su snang ba yang sangs dbyung gi mtshan nyid do/ /des na/ sems dpa' sems dpa' i snang ba ste/ de nyid ni sangs rgyas drug gi dbyugs dbyung gi mtshan nyid do/ /des na/ sems dpa' sangs rgyas kun gyi mdos/ rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /'dod chags chen po'i sgo nas nyon mongs pa spyi'i lam la gnas pa dag /rdo rje 'chang chen po nyid kyis 'dul bar mdzad pa'i mtshan nyid ni/ rdo rje sems dpa' zhes bya ste sangs rgyas drug gi rnam pa can no/ /de dag gi rang bzhin ni/ 'di ni rnal 'byor bcom ldan 'das/ rtag pa dam pa brtan pa ste/ /rtag tu da ltar byung ba bzhin/ /ngo bo nyid ni 'da' bar dka' / /sku drug lhun grub kyi sangs rgyas 'di nyid ni rnal 'byor chen po'i mtshan nyid can te bcom ldan 'das so/ /de nyid rtag tu rang gi rang bzhin gyis gnas shing/ 'gro ba'i

  643. 322a

    don du bzhugs te bde pa chen po'i sku ni rang bzhin gyis ma 'gags par bde ba chen po rtag pa chen po'i dbyings su gnas pa dang gnyis su med pa'i sku ni gnyis med mnyam pa'i rnam par rtag par gnas pa de/ ngo bo nyid kyi skus ni thams cad la khyab pa'i tshul gyis rtag par gnas pa dang/ ye shes kyi skus ni gsal ba rtse gcig pa dang bcas pas rtag par gnas pa dang/ longs spyod rdzogs pa'i sku ni yon tan thams cad kyis brgyan pa'i rten gyi sgo nas rtag par gnas pa dang/ sprul pa'i sku ni rgyun mi chad par 'byung ba'i sgo nas rtag par gnas pa'o/ /des na rtag par dag pa brtan pa'o/ /de ltar sku drug gi rnam pa'i tshul gyis gnas pas na dam pa bstan pa'o/ /de nyid mi gnas pa'i mya ngan las 'das pa la bzhugs pas na rtag tu de ltar byung ba bzhin du/ mi 'gyur ba'i ngo bo nyid du gnas pas 'da' dga' ba'o/ /de yang rtsa ba'i rgyud las/ / rnal 'byor chen po bcom ldan 'das/ /sku drug lhun grub rtag pa las/ /rang bzhin ngo bo la gnas te/ dus gsum 'gyur med par bzhugs zhes so/ /de nyid kyis thabs sna tshogs kyi sgo nas gdul bya'i don mdzad pa'i tshul ni/ cho ga sna tshogs 'dod rnams la/ /las kyi spyod pa sna tshogs kyis/ /sangs rgyas rdo rje 'dzin la sogs/ /'dul ba'i phyir ni byas pa yin/ /gang zag bsdus pa la dga' ba dang/ /shin tu yang rgyas pa la dga' ba rnams la phan par bya ba'i phyir/ cho ga sna tshogs kyi sgo nas lha bsgom pa mi 'dra ba dang/ sngags dang phyag rgya mi 'dra ba dang sgrub pa'i rim pa dang/ phrin las kyi rim pa mi 'dra ba'i las kyi sbyor ba sna tshogs bstan te/ de dag ni sangs rgyas

  644. 322b

    rdo rje 'dzin pa la sogs pa'i skus kun rdzob tu 'gro ba 'dul ba'i phyir byas pa yin no/ /de yang rtog pa bdun pa las/ /ji lta ji ltar 'dul gyur pa/ /de lta de ltar 'gro ba la/ /'dul ba'i thabs ni sna tshogs kyis/ /sems can don la rab tu sbyor zhes so/ /da ni phan yon bstan pa'i phyir/ sangs rgyas la sogs brtan g.yo kun/ kun gyis dngos por 'di 'gyur ro/ /zhes pa la sogs pa gsungs te/ phyi nang snod bcud kyi dngos po 'di dag rten dang brtan pa'i rang bzhin gyi dkyil 'khor gyi rang bzhin te/ rdo rje 'chang chen po'i rang bzhin no/ /gzhan dag ni go sla ba'i phyir ma bshad do/ /dpal rdo rje sems dpas dbugs dbyung ba'i rnam par bshad pa'o/ /da ni chags pa'i mdza' dang bral ba ni zhi ba phyogs gcig pa'i mya ngan las 'das pa'i lam la bzhugs pa rnams dang/ blo chung zhing shes rab gzhan pa'i skye 'gro mdza' dag dang bskal pa gzung dka' ba'i dus su sangs rgyas stobs mchog seng+ge'i bstan pa la/ dge slong bzod pa can zhes bya ba byung ste/ des yang dag pa'i don phyin ci log tu spyod pa'i dbang gis drag po mun pa'i tshogs zhes bya ba chung ma nyi shu'i tshogs dang bcas par byung ngo/ /de dag 'dul pa'i don du dpal rdo rje sems dpa' nyid las sangs rgyas rnam par snang mdzad kyi dkyil 'khor gyi 'khor lo snang zhing dbugs 'byin par mdzad do/ /de ltar byung ba'i dus ni/ 'das pa'i dus na sngon byung ba/ bdag nyid chen po rtog pa yi/ / gdul bya dang gdul byed gnyis ka'i don du gsungs te/ 'das pa'i dus na bskal pa gzung ka'i dus su sangs rgyas stobs mchog seng+ge'i bstan pa la/ drag po'i mun pa'i tshogs can byung ba'i gnyen por/ sangs rgyas rnam

  645. 323a

    par snang mdzad kyi dkyil 'khor sngon du byung zhes pa'o/ /rgyu gang las byung zhe na/ bdag nyid chen por rtag pa'i lta ba 'dzin pas 'khor ba dag la sku gsung thugs rtag pa'i sgo nas don mdzad do/ /de las spyi'i mtshan nyid bstan pa'i phyir/ de bzhin gshegs pa'i gsung rab la/ /'gro ba'i tshul du sngon byung ba/ /rkyen gang gis byung ba zhe na/ /don log par spyod pa dang/ log par rtogs pa rnam pa gnyis kyi sgo nas so/ /tshul ni nyon mongs pa spyi dang khyad par gyi lam la gnas pa'i 'gro ba'i tshul dang de 'joms par byed pa gnyen po'i tshul lo/ /yang thugs rje skye ba'i yul de nyid ji lta bu zhe na/ de tshe sems can thams cad ni/ shin tu stong pa nyid la rtsom/ / 'gog pa'i chos nyid la sbyor bas/ /'gags shing yongs su mya ngan 'das/ /bskal pa gzung dka' i tshe na sems can snying stobs chung ba dang/ shes rab zhan pa dang/ dbang po dman pa dag las kyi dbang gis phyogs gcig tu smin nas zhi ba phyogs gcig pa'i mya ngan las 'das pas rang gi don bsgrub pa'i phyir/ rgyu'i sgo nas shin tu stong pa nyid kyi lta ba la rtsom pa dang/ lam gyi sgo nas 'gog pa'i cho nyid la sbyor bas 'bras bu'i sgo nas 'gags shing yongs su mya ngan las 'das te/ phung po lhag med kyi tshul du 'khor ba'i dngos po thams cad spangs te dgra bcom pa'i 'bras bu thob par 'dod pa'o/ /de la thugs rje chen po skyes pa'i tshul ni/ rnal 'byor de nyid bcom ldan 'das/ /rdo rje sems dpa' de bzhin gshegs/ /'gro ba thams cad rnam sbyang phyir/ /sangs rgyas sprul pa kun tu bskyed/ /'khor ba las grol bar 'dod pas lta ba dman pa de dag rnam par sbyang ba'i don du dpal rdo rje sems

  646. 323b

    dpa' nyid kyi sku'i rnam par 'phrul pa las chos kyi dbyings kyi ye shes kyi rang bzhin bcom ldan 'das dpal rnam par snang mdzad kyi rigs bsdus pa'i dkyil 'khor gcig dang/ rtsa ba'i dkyil 'khor gsum pa dang/ rnam par gyur pa'i dkyil 'khor bcu dang/ rim pa bzhin du bstan pa'i dkyil 'khor nyi shu dang/ rgya cher sprul pa'i dkyil 'khor sum cu rtsa drug dang/ bkod pa rgyan gyi dkyil 'khor lnga bcu rtsa brgyad de spyi'i grangs kyi dkyil 'khor bdun brgya bcu gsum la rdo rje sems dpa' dkyil 'khor bdun cu rtsa gcig /rnam par snang mdzad dang/ he ru ka dang/ pad+ma gang gyi dbang phyug dang/ rdo rje nyi ma rnams la ni/ mtshungs par dkyil 'khor po rgya nyi shu rtsa brgyad du shes par byas la/ rta mchog rol pa la ni dkyil 'khor rgya sum cur shes par bya ste/ de dag gi grangs dang dbye ba rgya cher bstan pa ni rtsi ba'i rgyud kyi le'u bdun pa dang/ brgyad pa dang/ dgu pa dang/ bcu pa dang/ bcu gcig pa dang/ bcu gnyis pa dang/ drug pa las bstan te/ 'dir ni cung zhig bsdus pa'i rgyud yin pas de dag spro bar mi bya'o/ /des na sangs rgyas sprul pa kun tu bskyed ces bshad do/ /dkyil 'khor rgyas par brtan pa de dag las/ sangs rgyas rnam par snang mdzad kyi dkyil 'khor gang gi gnyen por byung zhe na/ de nyid 'gags pa'i gnyen por ro/ /de nyid tshul ji ltar zhe na/ zhi ba phyogs gcig pa'i mya ngan las 'das pa bsgrub pa'o/ /de dag par bya ba'i phyir de kho na nyid kyi don bstan ste stong pa ma yin mi stong min/ dbu mar yang ni mi dmigs te/ mu stegs kyis brtags pa nyi tshe ba la sogs pa'i lta ba bsgrub pa'i stong pa dang/ nyan thos kyis brtags pa'i gang zag gis stong zhing zhi ba phyogs gcig pa'i mdza' la gnas

  647. 324a

    ba dang/ mdo sde pas brtags pa'i rgyu 'bras kyi mdza' chad pas bsgrubs pa'i rang gi lta bas rnam par dben pa'i chad lta ba dang/ rang rgyal bas bsgrubs pa'i ma rig pa bkag nas chos kyi khams kyi phyogs gcig bdag med pa'i ngo bo stong pa nyid du 'dod pa dag ni don bzhin du gnas pa ma yin te/ thun mong gi mngon sum pa dbang po drug gi yul du snang ba dang/ khyad par gyi mngon sum gsal bar nyams su myong pa dang 'gal ba'i phyir ro/ /'o na stong pa nyid chad par lta ba la sogs pa'i lta ba bkag pas rtag par ther zur bar gnas pa zhig gam zhe na/ de nyid ni so so'i skye bo'i rtog pa'i lta ba ste gzung 'dzin gyi rnam pas gnyis su btags pa la spyod pa'o/ /de'i phyir sku drug lhun gyis grub par ngo bo de yod par bden pas stong pa ma yin la/ de nyid rtog pa'i mdza' dang bral ba'i mi stong pa yang ma yin zhes pa'o/ /'o na mdza' rnam pa gnyis dang bral ba'i lta pas dbu ma'i don bsgrubs te/ byang chub sems dpa' i lam 'bras bu dang bcas pa la spyod dam zhe na/ de yang zag pa med pa'i bsod nams kyi tshigs las byung ba bya ba'i don du kun gyis ni rang gi de nyid gsal bar byed pa ste/ lus ngag gi spyod ba rnam par bsgrubs pa las byung ba bsod nams kyi tshogs bsag pa'i yan lag de dag ni gzhan gyis bskyed pa grogs su 'gyur pa'o/ /ye shes kyi tshogs kyi tshogs de ni yang rang gi rang bzhin gsal bar ston par sgo nas mthong ba zhig na/ 'dir ni de mthong ba'i thabs med de/ mu bzhi skye 'gog dang gcig dang du bral la sogs pa'i gtan tshigs dag ni rjes su dpag pa'i sgo nas gsal bar byed de/ de nyid ni yid dpyod

  648. 324b

    kyi shes pa yin pa'i phyir ro/ /de ci'i phyir zhe na/ mngon sum sgyu ma'i dpe rgyad la dag las te/ de tsam gyi sgo nas ni nyams su myong ba'i don med par bde ba chen po'i sku mtshon par mi nus so/ /de yang bla ma dam pa'i gdams ngag gis mtshon zhing rang gi mtshan nyid thabs la brten pa dang/ shes rab la brten pa dang/ phyag rgya chen po la sogs pa'i sgo nas gsal bar nyams su myong ba'i yid ches pa'i phyir ro/ /yang gang zhig mdza' las bltos nas/ dbus grub pa las mdza' ma grub pa'i phyir dbus kyang 'grub pa med de/ thams cad rang byung gi ye shes chen po'i snang ba gnyis su med pa'i bde bas khyab par gnas pa'i phyir/ dbu mar yang ni mi dmigs so/ /de nyid gsal bar bstan pa'i phyir/ shes rab pha rol phyir sbyor ba/ /thabs kyis snying rje'i bdag nyid rnams/ /de bas de nyid snying rje'i thabs/ /shes rab pha rol phyin par gsal/ /chos thams cad ji ltar sangs rgyas pa'i don la phyag rgya gsum gyi sgo nas pha rol tu phyin par sbyor te/ bde ba chen po'i sku dang gnyis su med pa las thabs kyi dkyil 'khor rnam par 'phrul ba'i sku snying rje chen po'i bdag nyid can rnam par ston pa'o/ /de bas na de nyid la snying rje chen po'i thabs kyi dkyil 'khor dang bcas pa'i shes rab kyi pha rol phyin pa gnyis su med pa'i don te/ sku gsum gnyis med kyi tshul du gsal ba'o/ /de yang rtsa ba'i rgyud las/ lta dman rnams kyi stong nyid dang/ /brtags pa'i ri bo gzhon pa'i phyir/ /chos kun dbu ma tsam sgo nas/ /de 'jug don phyir bstan par mdzad/ /drang ba'i lam la spyod byas pas/ /nges pa'i 'bras bu rnyed mi 'gyur/ /phyag rgya gsum la sbyor ba'i mthus/ /lhun grub snang gsal rang bzhin

  649. 325a

    med/ /shes rab pha rol phyin don las/ /thugs rje thabs kyi dkyil 'khor gsal/ /zhes so/ /'o na don de nyid ston par mi mdzad cing dkyil 'khor sgom pa'i rim pa dang/ sna tshogs bshad pa'i bye brag rtog pa sna tshogs bstan pa ci las dgongs zhe na/ 'jug pa po'i gang zag dbang po dang khams kyi bye brag sna tshogs pa rnams tha mal pa'i rnam par rtog pa las bzlog ste/ rtog pa'i sgo nas mi rtog pa'i don bstan pa'i phyir/ rtog pa med pa'i chos rnams la/ /sems can don du yongs rtags la/ /rnam par mi rtog la mos pas/ /thams cad rtog pas brtag par bya/ /de yang tshig dang pos ni rang bzhin bstan to/ /tshig gnyis pas ni dgongs pa'i mtshan nyid bstan to/ /gsum pas ni lam la gzhug par bstan to/ /bzhi pas ni gnyen po'i nges tshig bstan te/ de dag ci'i bstan zhe na/ rtog pa zhes pa'i nges tshig tu sbyar ro/ /de'i don ni/ rtog pa bdun pa las bstan te gong du bshad zin to/ /da ni dkyil 'khor thams cad du lha mnyes par bya ba'i phyir bstod pa'i glu gsungs pa las dang por yon tan brjod pa ni/ brag cha yi ni sgra 'dra ba/ chos kyi tshig tu de 'gyur te/ de las thugs rje chen po yi/ /yon tan yang dag rgyas pa glu/ /dkyil 'khor gyi ni lha rnams la/ /nyid kyi yon tan gyi sgo nas tshigs su bcas pa dag brag cha'i rnam pa bzhin du/ sgra sgra mthar stong pa gzung zhing 'dzin pa med pas/ chos kyi de nyid dam tshig gsum ston pa'i tshig tu de 'gyur te/ de nyid las de kho na nyid mtshon par byed pa'i theg pa chen po'i glu yang dag pa'i yon tan thams cad rgyas par byed pa 'di ltar dmigs pa chen po dang/ lte ba chen po dang/ sgrub pa

  650. 325b

    chen po dang/ phrin las chen po dang/ 'bras bu chen pos gzhan las khyad par du gyur pa'i don rjod par byed pa'o/ /des ni sgra'i mtshan nyid dang/ don gyi mtshan nyid bstan to/ /des gang zhig la bstod ce na/ dus gsum pa yi dam tshig gsum/ /de bzhin gshegs pa thams cad bstod/ /mi 'da' ba' i don gyis na dam tshig ste/ /dus gsum du mi 'gyur zhing rtag par bzhugs pa'i sku gsum gnyis med kyi sangs rgyas de bzhin gshegs pa thams cad kyi bdag nyid du gyur pa la bstod pa'o/ /de la dang por de bzhin gshegs pa'i rig chos kyi dbyings kyi ye shes las byung ba/ sku'i dkyil 'khor gyi sgo nas don mnyam pa nyid las ma g.yos kyang thugs rje rgyun mi 'chad par ston pa'i phyir mnyam med mi g.yo mnyem nyid mchog gi chos nyid can/ thugs rje'i bdag nyid 'gro ba'i sdug bsngal sel bar mdzad/ yon tan mdza' yas dngos grub thams cad sbyin mdzad pa/ dri med mi g.yo mnyam med dam pa'i me tog chos can/ 'di ltar snang ba'i chos thams cad ni don chos nyid mnyam pa nyid kyi sku ste/ yon tan thams cad byung ba'i rten gnas su gyur pa'o/ /de nyid kyi rab bzhin gyi sgo nas ni ngo bo nyid kyi sku zhes bya ba/ gsal pa'i sgo nas ni ye shes kyi sku zhes bya ste/ de gnyis gnyis su med pa'i sgo nas ni chos kyi sku'o/ /de la ni mtshan ma'i rnam par rtog pa gang gis kyang g.yo bar mi nus pas mnyam med mi g.yo zhes bya'o/ /'di ltar snang ba'i longs spyod rdzogs pa'i sku mtshan dang dpe byad dang stobs dang mi 'jigs pas brgyan pa la ni mnyam nyid mchog gi chos nyid can zhes so/ /sprul pa'i sku mtshan dang dpe byad dang ldan pa dang mtshan dang mi ldan pa'i rnam pas thugs

  651. 326a

    rje chen po'i bdag nyid 'gro ba'i sdug bsngal thams cad sna tshogs kyi sgo nas sel bar mdzad pa dang/ yon tan mdza' yas pa'i dngos grub thams cad 'gro ba la sbyin par mdzad pa'o/ /de ltar na sku drug po 'di dag ni dri med mi g.yo mnyam med dam pa'i chos mchog can no/ /nga ni rdo rje'i rigs kyi dkyil 'khor gyi rnam pa me long lta bu'i ye shes kyi rang bzhin de bzhin gshegs pa thams cad kyi thugs kyi sgo nas mchod pa'i dpe dang bral bar bstan pa'i phyir/ yon tan shin tu phro pa'i cha la 'ang tshad med de/ dpe ni nam mkha' dang yang sgrun du yod pa min/ dngos grub mdza' yas mnyam med dpe dang bral ba'i rnams/ /sems can khams la dngos grub mchog? rnams nges par stsol/ bde bar gshegs pa'i yon tan gyi rnam pa ni ye shes rnam pa drug gi bdag nyid de/ de dag ni shin tu phra zhing rtogs par dka' bas na tshad gzung du med de/ dpe ni nam mkha' i khams kyi khyab ba tsam gyis kyang sgrun du yod pa ma yin pas na/ dngos grub mdza' yas pa 'byung ba'i gnas su gyur ba'o/ /de lta bu chos gang yang mtshungs shing mnyam pa med pa'i dpe dang bral ba de las sems can gyi don du dngos grub kyi mchog bde bar gshegs pa'i sku dang ye shes mi bslu bar sbyin pa mdzad do/ /rin po che'i rigs mnyam pa nyid kyi ye shes kyi rang bzhin/ yon tan gyi dkyil 'khor gyi snang bas smon lam dang thugs rje chen po'i sgo nas snang ba ni/ rtag tu dri ma med pa'i thugs rje shugs las byung/ smon lam grub pa 'gag pa med pa'i chos nyid can/ 'gro ba'i don sgrub rab tu brtson pa mdza' yas pa/ thugs rje chen po bdag nyid rtag tu rnam par snang/ bskal pa mang por dka' ba sbyang

  652. 326b

    nas sgrib pa'i tshogs thams cad bsal zhing/ tshogs bsags pa'i mthus thugs rje chen po dang ldan par gyur pa dang/ lam sbyang ba'i dus su sems can gyi khams la dmigs te smon lam rgya chen po btab pa'i mthus de dang mthun pa'i mdzad pa gdul bya'i rgyud la snang ste phrin las mdza' yas pas 'gro ba'i don sgrub pa la brtson te/ yon tan gyi ngo bor sbyor bas thugs rje chen po'i bdag nyid rtag tu rnam par snang ba'o/ /yang pad+ma'i rigs so so kun tu rtog pa'i ye shes kyi rang bzhin gsung gi dkyil 'khor gyis don dam pa'i dngos grub mchog mtshon pa'i phyir/ tshad med tshad dang bral ba shin tu rdzogs pa yi/ /bde bar gshegs pa'i go 'phang dam pa bsnyes gyur kyang/ khams gsum rnams la dngos grub mchog stsol mdzad pa yi/ /thugs rje'i spyod pa mi g.yo 'gag par yong mi 'gyur/ /lam mchog tu gyur ba la zhugs pa'i nus pa'i mthus 'bras bu mchog tu gyur pa brnyes te/ rang gi mdzad pa mthar phyin te bzhugs kyang 'gro pa'i don du thugs rje chen po dri ma med pas gzigs te don mdzad pa'o/ /yang las kyi rigs bya ba grub pa'i ye shes kyi rang bzhin las kyi dkyil 'khor gyis dngos grub myur bar ston pa la sogs pa'i phyir/ e ma ho shin tu bzang po'i chos nyid mchog dang ldan/ /mchog sbyin rnams kyi nang nas go 'phang mchog brnyes pas/ /khams gsum rnams la rtag tu dngos grub mchog stsol mdzad/ /mgon po dus gsum sgrib pa med par rab mkhyen pa/ /dam tshig mchog gsum dngos grub dam pa bdag la stsol/ /thar pa mchog tu gyur pa'i lam gyi nang na mchog tu gyur pa ni 'di nyid kyi sgo nas te mchog tu gyur pa'i 'bras bu skye ba gcig gis rab tu sbyor zhing brnyes par byed pa'i phyir ro/ /des na ngo

  653. 327a

    mtshar du gyur ba ste shin tu bzang po'i chos nyid mchog dang ldan pa'i don to/ /'bras bu'i mdzad pa yon tan dang bcas par de nyid las snang bar bstan te/ khams gsum gyi skye 'gro thams cad la yang dngos grub kyi mchog stsol bas byang chub chen po'i lam la sbyor bar byed cing/ dus rnam pa gsum dag tu sgrib pa med pa'i ye shes kyis/ ji lta ba dang ji snyed pa'i rnam pa kun mkhyen te thugs rje chen po'i bdag nyid du bzhugs pas dam tshig gsum gyi dngos grub bdag la gsol zhes pa'o/ /de ltar bstod pa'i yon tan bstan pa'i phyir/ /'di ni sangs rgyas thams cad kyi/ /yang dag yon tan rgya chen te/ /zhes pa la sogs pa'i tshigs su bcad pa gnyis gsungs te/ bstod pa'i rgyal pa 'dis ni dus gsum gyi sangs rgyas thams cad kyi bdag nyid/ rdo rje 'chang chen po'i sku dang ye shes kyi rigs la sogs pa'i yon tan rgya chen po brjod par byed pa ste/ lan cig tsam brjod pas kyang sangs rgyas thams cad kyi dngos grub 'grub par byed na/ rang nyid rigs kyi dkyil 'khor du bsgoms shing/ don bzhin du bsam pa dang ldan pas dam tshig gsum gyi sgo nas brjod nas smos kyang ci dgos zhes pa'o/ /'bru'i don ni sla bsam bshad do/ /de dag ni ston pa'i dgongs mdzad yon tan gyi bstod pa dang bcas pas bstan pa'o/ /nga ni rjes 'jug gi dbang du byas te bsgom pa'i bsgrub pa las byung pa'i dngos grub kyi tshul bstan te/ sku ni lta bas mi ngoms pa/ thams cad bdag nyid bstan nas kyang/ /legs so zhes ni grub pa yi/ /mchog rnams kun ni rab sbyin mdzad/ /rang gi rigs kyi dkyil 'khor mtshan dang dpe byad kyis brgyan pa lta bas mi ngoms pa'i yon tan gyi cho gas

  654. 327b

    bstan te/ legs so zhes pa la sogs pa'i gsung sgrogs shing lung ston pa dang dngos grub kyi mchog sbyin par mdzad do/ /de nyid tshul ji ltar zhe na/ thams cad bdag nyid grub dga' dang/ /bsam pa thams cad yongs su rdzogs/ /sangs rgyas grub pa'i mchog kun dang/ /rnal 'byor dam pa'ang sbyin par mdzad/ /'jig rten pa'i thun mong gi dngos grub thams cad kyi bdag nyid ji ltar grub pa dga' ba bzhin du 'byung zhing/ bsam pa'i las thams cad rdzogs par byed pa dang/ mchog gi dngos grub sangs rgyas kyi sku dang/ thugs bde ba chen po'i ye shes rnal 'byor dam pa'ang sbyin par mdzad pa'o/ /de dag gis ni 'bras bu la bros pa bskyed pa'i tshul du rjes su 'jug pa po'i gang zag gis gzhung bzhin du bsgrubs pa'i dngos grub thob pa'i yon tan bstan pa'o/ /da ni nyams su blang ba'i thabs bstan te/ de nas de yi sgrub pa dang/ shin tu rtag pa'i dngos grub dag /gang gis srid pa 'di nyid la/ /dngos grub shin tu rtag thob bshad/ /de nas thung ngu'i sgra de ma thag tu 'gyur la ring po'i sgras bkra shis kyi tshig tu 'gyur te/ de ma thag tu sgrub pa'i bkra shis kyi don to/ /dngos grub rnam pa gnyis las byung ba'i 'bras bu'o/ /de 'grub par byed pa'i thabs ni bsnyen sgrub yan lag bzhi la sogs pa'i cho ga'i rim pa'o/ /des ni srid pa 'di nyid la phyag rgya chen po'i dngos grub la sbyor bar byed pa'o/ /bsnyen sgrub kyi rjes su 'gro ba'i cho ga ni/ rdo rje se gol gtogs pa yis/ /sangs rgyas thams cad bsdu bar bya/ /thal mo legs par sbyar ba yis/ /thal mo lan gsum rnam par bdab/ /sbyor ba dang ldan pas lce lag byin gyis brlab pa la sogs pa sngon du 'gro ba'i tshul gyis/ rdo rje se gol lam gsum

  655. 328a

    gtogs shing badzra sa mA ya dza'i sngags brjod pas ni ye shes kyi dkyil 'khor rnams bsdus shing/ slar gshegs su gsol ba'i dus su dgyes pa'i thal mo lan gsum du brdab cing badzra tu Sh+ya ho zhes pas dkyil 'khor gyi lha rnams gshegs su gsol pa'o/ /de ltar ye shes kyi lha rnams gshegs pa'i rjes la dam tshig gi dkyil 'khor dag kyang rim pa bzhin du bdag la bsdus te/ de nyid kyang nA da'i tshul du spos me yal ba ltar rnam par mi rtog pa'i de bzhin nyid la bzhag par bya'o/ /de las slar rigs kyi lhar bsgom nas/ dbang bskur zhing byin gyis brlabs te/ go cha go chings kyis bsrungs shing thun mtshams kyi mdza' ldang bar bya ba de nyid kyi spyod lam ni/ dbang po gang dang gang las gyur/ de dag de yi ngo bor bya/ rnal 'byor pa rang nyid spyod lam rnam pa bzhir ting nge 'dzin las mi nyams par bya'o/ /mnyam par bzhag pa'i sems kyis mtshan bcas dang mtshan med kyi sgo nas dbang po drug gi snang ba dag /thabs dang shes rab yab yum gyi sku dang/ dbyings dang ye shes zung du 'brel ba'i tshul gyis mnyam par sbyor ba gnas par bya'o/ /de yang rtsa ba'i rgyud las/ mig la sangs rgyas rnam par snang mdzad ces pa la sogs pa dang/ yang rtog pa bdun pa las/ dbang po yul du snang ba dag bde ba'i ye shes rnam par spyod/ /mtshan ma bcas mtshan med pa yi/ /rim pa gnyis kyi sgo nas 'jug /rang gi ye shes gnas sbyor zhing/ /mtshan rtog kun las rnam par grol zhes so/ /da ni sgom bzlas kyi cho ga bstan pa'i phyir/ shin tu mnyam gzhag sbyor ba yis/ /sangs rgyas kun dang mnyam sbyor zhing/ /ji ltar mos pa'i chags pa dang/ /sha

  656. 328b

    ta pa la sogs pa yis/ /ci nas yongs su mi skyo bar/ /rtag tu tshad med bzlas par bya/ /mtshan bcas dang mtshan med rim pa gnyis kyi sgo nas mnyam par bzhag cing/ de nyid la sbyor ba'i dngos rtogs kyi sangs rgyas gnyis kyi sgo nas mnyam par sbyor te/ rigs kyi dkyil 'khor gang yang rung ba'i sgo nas ji ltar mos pa'i glu dang sil snyan dang bro gar gyi phyag chas chags pa'i tshul du mngon par spyod cing/ shaT pa'i glu dang sha ta dza ko ha'i glu dang/ tso sha pany+tsa ma'i glu dang ni ri dan+ta ka'i glu dang/ ri ta si ta'i glu dang/ sur+Na pi pi ra'i glu rnams blangs te/ thun mtshams kyi bar skabs dag tu bzlas brjod gnyis sam thig le gnyis saM pra mo gnyis sam rnam dag gnyis kyi rnam pa gang yang rung ba dag ji srid mi skyo ba'i bar du byas te/ rtags rnam pa lnga mi gsal gyi bar du rtag tu gnas par bya'o/ /de yang rtsa ba'i rgyud las/ bsgom dang bzlas sogs cho ga yi/ /mtshan rtags gsal bar ma gyur pa/ /shin tu mnyam gzhag sbyor gnas te rigs kyi dkyil 'khor gsal par bya zhes so/ /de nyid nyams su blang ba'i rim pa rgyas par ni/ dpal rnam par snang mdzad kyi gsal ba'i don rnam par bkod pa las shes par bya'o/ /de nyid kun tu mi nyams par bya ba'i phyir/ kun tu bkug nas thams cad du/ /sangs rgyas kun gyi gnas bsgoms pas/ /bdag nyid rtag tu rnam pa kun/ /sangs rgyas kun tu dngos grub pa/ /rab tu mthong zhing dngos grub 'thob/ /dus dang rnam pa thams cad du bdag nyid rtag tu sangs rgyas thams cad kyi rnam par bsgoms nas/ dngos grub rab dang 'bring thams cad 'grub par 'gyur ro/ /de yang rtsa ba'i rgyud las/ /kun tu kun nas thams cad du/ /sangs rgyas kun gyi gnas bsgoms pas/ /

  657. 329a

    sangs rgyas kun dang phrad par 'gyur/ /zhes so/ /de dag nyams su blangs pa'i phan yon ni nges pa'i theg pa'i gzhung du spyad pa spyod pa po dag gis nges pa'i sangs rgyas dang/ dpa' bo dang mkha' 'gro ma'i tshogs dang/ rdo rje 'dzin pa'i rigs 'dzin pa'i gnas rnams tshe 'di nyid kyis 'grub par 'gyur ba'i phyir tshigs su bcad pa gcig gsungs pa yin no/ /da ni rjes su bstod pa'i phan yon bstan pa'i phyir/ sangs rgyas kun gyi yon tan bsngags pa rgya che ba/ bstod pa'i rgyal po mchog 'di lan cig glur blangs pas/ zhes pa la sogs pa'i tshigs su bcad pa gsum gsung pa yin te/ bde bar gshegs pa'i sku dang/ ye shes kyi rigs dang mtshan ma'i sgo nas sangs rgyas thams cad kyi yon tan rgya chen por ston par byed pa'i glu 'di lan cig tsam blangs pas kyang dngos grub mi zad pa'i bde ba 'thob pa dang/ chos thams cad la dbang sgyur zhing de bzhin gshegs pa thams cad 'grub pa dang/ sku gsung thugs kyi dkyil 'khor la sogs pas sems can gyi rgyun rnam par grol bar mdzad do/ /dpal rnam par snang mdzad kyi dbugs dbyung ba'i don rnam par bshad pa'o/ /da ni gdul bya zhe sdang la spyod pa dag gi rgyu'i lam pa dang/ rkyen gyi lam pa dang/ 'bras bu'i mtshan nyid can dag thun mong dang khyad par gyi don du rnam par gdul ba'i phyir thugs rnam par mi rtog pa me long lta bu'i ye shes la snang ba/ rdo rje rigs kyi dkyil 'khor gyi sgo nas dpal he ru ka'i dkyil 'khor du bstan te dbugs dbyung ba'i phyir/ 'das pa'i dus na sngon byung ba/ bdag nyid chen po rtag pa yi/ /zhes pa la sogs pa gsungs so/ /de

  658. 329b

    yang dang por ni dus bstan te/ 'das pa'i dus kyi bskal pa drug 'dzin gyi dus su sangs rgyas dpa' bo'i zla ba zhes bya ba 'jig rten du byung ngo/ /de'i bstan pa la slob dpon chos kyi 'khor lo la slob ma dge sbyong nag po zhes bya ba zhig yod de/ des yang dag pa'i don phyin ci log tu spyad pa'i dbang gis ngan song gsum du skyes shing/ de las thar nas bdud ma trang ru tra zhes bya bar gyur te/ 'jig rten gsum po 'jig par byed cing sgrub pa po dang/ lha la sogs pa dang/ bstan pa dag kyang 'jig par byed do/ /de 'dul ba'i gnyen por dpal he ru ka'i dkyil 'khor sngon du byung zhes pa'o/ /rgyu gang las zhe na/ rtag pa ther zug pa'i sgo nas 'khrul par spyad pas ni ru tra nag po byung la/ sku gsum rtag pa'i ngo bo las ni dpal he ru ka'i ngo bo byung ba'o/ /de yang spyi yi mtshan nyid ni/ de bzhin gshegs pa'i gsung rab las/ 'gro ba'i tshul ni sngon byung ba zhes pas/ gdul bya dang gdul byed gnyis ka la sbyar bar bya'o/ /yan thugs rje skye ba'i yul du tra'i mtshan nyid ni/ de tshe sems can thams cad ni shin tu khro gtum gdug par 'gyur/ shin tu khro gtum gdug pa yis/ /'o 'dod 'bod par ltung bar 'gyur/ rgyu'i lam la gnas nas nyon mongs pa zhe sdang gi sgo nas log par spyad pa'i dbang gis/ thun mong gi lam dang/ khyad par gyi lam pa dag lus shin tu khro ba dang/ ngag shin tu gtum pa dang/ yid shin tu gdug pa'i dbang gi 'o 'dod 'bod pa'i dmyal bar ltung bar gyur to/ /de las thar nas snga ma'i rgyu rkyen 'bras bu rags pa'i rnam pa zad cing rgyu mthun pa'i 'bras bu rnam par smin pa'i mthus/ bdud ma trang ru tra de nyid bstan pa'i phyir/ de nas 'phos nas sems can de/ bag chags kyis ni

  659. 330a

    mtshan nas sbyor bas/ shin tu gdug pa chen por 'gyur/ blo ni bdud kyis byin brlabs nas/ drag po'i las rnam par smin pa'i dbang gis drag po'i gzugs su byung ste/ yang drag po'i las kyi myos par gyur nas gdug pa chen po'i sbyor bas sems can la 'tshe bar byed do/ /ji lta bu'i rnam pa'i sgo nas zhe na/ rims dang dug dang dbyig dug dang/ phra men ma dang gnod sbyin gdon/ /bdud dang rnam par log 'dren nyid/ /shin tu gdug pa chen por 'gyur/ /kha blangs ngan pa las byung ba'i sbyor bas sems can gyi tshe 'phrog rmongs par byed pa'i rims nyin gcig pa dang/ nyin gnyis pa nas bzung ste/ sna tshogs pa'i bar du snang ba dang/ dri rlabs ngan pa las byung ba gdug pa'i sbyor ba lta ba dang reg pas gzhan gyi srog 'phrog pa dang/ rin po che'i tshul gyis gzhan slu bar byed do/ rnam par 'joms pa dang phra men gyi sbyor sngags dang/ lus kyi sprul pa sna tshogs par 'phro ba dang/ gzhan yang gnod sbyin pho mo dang/ bdud dang log 'dren la sogs pa'i gdug pa chen po'i tshogs rnams myur du dbyung zhing gnas thams cad du khyab par byed pa'o/ /de'i las ni/ gnas gsum po ni 'jig byed cing/ /sgrub po rnams la yang za/ /lha la sogs pa'ang 'pho bar byed/ /bstan pa dag kyang 'jig byed ces pa'o/ /de ltar spyod pa'i las kyis 'jig rten pa'i lha rnams rim pa bzhin du skyabs su 'gro ba'i tshul bstan te/ de nas dbang por bcas pa'i lha/ tshangs pa'i drung du nye bar dong tshigs su bcad pa gnyis gsungs te/ ri rab kyi rtse mo na gnas pa'i lha'i dbang po brgya byin nye dbang sum cu rtsa gnyis dang bcas pa rnams tshangs

  660. 330b

    pa la skyabs su dong ngo/ /tshangs pa nyid kyang skyabs mdzad par mi nus te/ dbang po dang bcas pa'i lha/ rnams khyab 'jug chen po'i drung du nye bar dong ngo/ /de dag gis kyang skyabs mdzad par mi nus te/ lha chen po mig gsum pa la skyabs su dong ngo/ /de dag gis kyang skyabs mdzad par mi nus te/ rdo rje 'chang chen po la skyabs su gsol lo zhes pa dang/ de yang rtsa ba'i rgyud las/ de nas ru tra de nyid kyis mkha' 'gro dang/ phra men gyi tshogs chen po bsdus te sbyor ba sna tshogs kyi sgo nas rbod stong byed cing/ sngon gyi las las grub pa'i mtshon cha sna tshogs dang drag po'i gsang sngags kyis rgyal chen rigs bzhi'i lha rnams bcom nas sa steng gyi ya thog tu song ste/ rtsub 'gyur gyi tshal na gnas shing sbyor ba sna tshogs kyi sgo nas rnam par rgyal ba'i khang bzangs na yang rgol bar brtsams so zhes pa la sogs pa'i tshig rgya cher gsungs so/ /yang rdo rje sems dpa' i sbyor bas sangs rgyas thams cad bsdu ba'i phyir/ de nas bcom ldan rdo rje can/ /rdo rje sems dpa' i sbyor ba yis/ /zhes pa la sogs pa'i tshigs su bcad pa gnyis gsungs te/ rdo rje 'chang chen po'i sku gsung thugs kyi sbyor ba dang ldan pas rdo rje se gol gyi sgras sangs rgyas thams cad bsdu bar mdzad de/ dpung pa gnyis ni rdo rje bcing ba'i tshul du bsnol te/ rdo rje se gol gtogs pa'i sgras thams cad snyan gsan dbang ba ni/ ci se gol gcig tsam gtogs pa'i sgras sangs rgyas thams cad bsdu bar nus sam zhe na/ sku gsung thugs kyi sbyor ba las byung ba yin pas khyad par gyi mthu dang ldan te/ de yi bka' tsam gyis skrag nas/ 'khor dang 'khor lo'i tshogs bcas pa/ sangs rgyas thams cad gshegs gyur na/ gzhan lha mos

  661. 331a

    kyang ci zhig dgos zhes gsungs pa yin te de ltar spyan drangs te dkyil 'khor rnams kyis 'jig rten gyi khams rgyas par gang bar til gyi gang bu til 'brus bcer ba bzhin du bzhugs pa'i tshul du bstan pa'i phyir/ rdo rje se gol gtogs pa yis/ /'jig rten khams ni ma lus par/ /sangs rgyas rdo rje 'dzin bcas pa/ /kun gyis til 'bru bzhin du rgyas/ /zhes gsungs so/ /yang de dag gis gdan 'dzom chen po'i bka' bgros mdzad nas/ thugs rje chen po bstan par dgongs te/ shin tu gdug cing gtum pa la/ /zhi bas phan par mi 'gyur te/ /shes rab thabs kyi ngo bo yi/ /khro bor de bzhin gshegs kun mdzad/ /ru tra nag po la sogs pa'i khro bo'i gzugs can de dag la zhi ba'i skus 'dul bar mi 'gyur te/ shes rab dbyings kyi mtshan nyid dang/ thabs snying rje chen po'i rgyu las de bzhin gshegs pa thams cad gcig tu 'dul ba'i rkyen gyis 'bras bu'i khro bo yi dkyil 'khor du snang bar mdzad pa'o/ /'o na zhi ba'i skus mi 'dul ba khro bo'i skus 'dus kyang cang 'dul bar nus sam zhe na/ khro bo'i tshul can khros pas kyang/ /'jig rten gsum dag sreg byed na/ / sangs rgyas thams cad khros pa yis/ /khams gsum ma lus smos ci dgos/ /nyon mongs pa rang ka mar 'dzin cing spyod pa'i khro bo rang rgyud pa dag gis kyang sa 'og sa stengs bla yi 'jig rten gsum dag kyang sreg par nus na/ dus gsum gyi sangs rgyas thams cad gcig tu 'dus pa'i rang bzhin rdo rje 'chang chen po'i skus ni bcas bcos rnam pa gnyis kyi tshul gyis khro bo'i cha lugs su bsgyur te/ khams gsum ma lus pa rnams kyang skad cig

  662. 331b

    tsam la sregs par byed pa ni smos kyang ci dgos zhes pa'o/ /de dag gis ni sngon byung ston pa'i dgongs mdzad gsang ba bla na med pa'i tshul bstan te/ rjes su 'jug pa'i rnal 'byor pas kyang mtshams kyi dkyil 'khor la sogs pa'i gnas su de bzhin du bslab par bya'o/ /da ni sngon byung gi mtshan nyid dang rjes 'jug rnal 'byor pas bya ba dag thun mong du bstan pa lam dang por lha bskyed pa'o/ /de nas sna yi rtsa mo la/ /yid ni yang dag brtan par gzung/ /sna yi dbugs ring dro ba las/ /rgyal ba'i phyag rgya'i sbyor ba byung/ /gnas skabs gsum gyi bye brag gis/ /phyi nang gsang ba gsum gyi sna'i rtse mo la yid rtse gcig pa brtan pa'i rnam pa yang dag par gzung ste/ yi ge hUM ring po che ga drag can drod rnam pa gsum dang bcas pa las bdud bzhi las rgyal ba'i rdo rje 'chang chen pos thabs dang shes rab sbyor ba'i phyag rgyas dpal he ru ka'i sku gsung thugs kyi rnam par 'phrul pa'i dkyil 'khor dbyung bar bya'o/ /da ni 'bras bu mdzad pa'i mtshan nyid las dang por gtso bo cha lugs bstan pa'i phyir/ bcom ldan de nyid rnal 'byor pa/ /rdo rje khro bor gyur nas phyung/ /dpal rdo rje chen po he ru ka /'bar bas thal bar rab tu 'jigs/ /dpal rdo rje sems dpa' i sbyor pa dang/ thabs dang shes rab gnyis su med pa las rdo rje khro bo chen po'i skur bsgyur zhing phyung ngo/ /de nyid ji ltar zhe na/ yon tan gyi dpal dang ldan zhing sku gsung thugs gnyis su med pa'i rdo rje chen pos mi mthun pa'i phyogs thams cad bcom zhing/ rnam thar sgo gsum gyi mtshan nyid kyis/ /dgyes chags phrin las kyi bdag nyid du gyur pa don ye shes lnga'i mtshan nyid las/ 'bar ba chen po'i me'i dkyil 'khor gyis thams cad bsregs shing brlag

  663. 332a

    par mdzad pa'o/ /gzhan yang mdog dang 'od zer la sogs pa'i sgo nas/ sems dpa' sngon po 'bar ba'i dang/ /'jigs pa chen po'i dus ltar drag /dur khrod kyi ni me dang 'dra/ /thugs ye shes rnam pa lnga dang ldan pas/ /rin po che bai DUrya sngon po'i kha dog la 'od kyi dkyil 'khor dmar po 'bar bas chags pa gnyis dang ma bral ba'i rtags mtshon pa snod kyi 'jig rten 'jig pa'i dus kyi tshe/ me la sogs pa'i sna tshogs 'joms pa bzhin du grag po'i skur gnas te/ dur khrod kyi me dang 'dra ba'o/ /gzhan yang khro bo'i cha lugs dang rgyan chas kyi rnam par brjid pa ni/ 'bar ba chen po skra 'bar ba/ /thod pa mang po'i dbu rgyan can// 'jig pa chen po'i dus ltar drag /dur khrod bzhin du rab tu 'jigs/ /khro la sogs pa'i tshul ldan pa/ /zhal rnams sna tshogs 'gyur ba dang/ /smin ma khro gnyen bcas par bsgyur/ /'bar ba'i lta bas gar byas pas/ /dpal chen po'i sku la rang nyid kyi yon tan snang ba las grub cing/ gzhan 'dul ba'i don du byung ba'i rngom brjid sum cu rtsa gnyis dang/ khro rtag drug cu rtsa gcig dang/ gar rnam pa dgu'i mtshan mas brgyan te/ rdo rje 'bar ba'i sgra gyen du brdzes shing/ spyan mig nyi zla'i dkyil 'khor bzhin du 'bar ba las 'od 'phro ba/ thod pa'i phreng ba la sogs pa dbu rgyan rgyan chas sna tshogs kyis mtshan pa/ dur khrod kyi chas chen po brgyad kyis brgyan pas 'jigs pa chen po'i dus ltar drag cing/ dur khrod bzhin du rab tu 'jigs pa'i zhal bzhi khro ba la sogs pa'i tshul gyis sna tshogs par 'gyur zhing/ drag po dang/ rmongs

  664. 332b

    pa dang/ chags pa dang/ zhi ba'i tshul du rab tu gnas la/ smin ma'i rtse mo gyen du bteg cing dga' ba'i rang bzhin gyi gnas la stobs bcu'i sgo nas khro gnyer bcu yis brjid pa/ 'bar ba'i gar thabs rnam pa bzhis bskyod cing gnas pa'o/ /de yang rtsa ba'i rgyud las/ khrag 'thung 'thing nag 'jigs pa'i zhal/ 'bar ba chen po'i 'od zer can/ /zhal yas zhi ba'i rang bzhin dkar/ /dbus ma mthing nag drag po'i zhal/ /g.yon pa rmongs byed ser po ste/ / rgyan cha chags mdzad dmar po'o/ /smin mtshams khro gnyer glog bzhin 'gyur/ /spyan dmar mche gtsigs 'jigs pa'i zhal/ /dbu skra sma ra ser nag mdzes/ /spu rnams rdo rje gyen du 'khyil/ /sgeg po dpa' bo 'jigs su rung/ /rgod dang gshe dang 'jigs par byed/ /snying rje rngam dang zhi ba yi/ /sku gsung thugs kyi gar thabs can/ /zhes so/ /gtso bo'i phrin las kyi mdzad pa ni/ /gu lang dbang chen nye dbang bcas/ /nyi zla gshin rje tshangs par bcas/ /gnas gsum dag ni 'bar byas nas/ /thal mo bzhin du rab tu bshig /dbang phyug chen po gu lang gi gzugs kyis 'dod chags kyi lam la gnas pa dang/ lha'i dbang po sa steng kyi dbang po ste/ nga rgyal gyi lam la gnas pa dang/ rab dga' dbang phyug gis thams cad gsal bas nyi zla zhes grags pa phrag dog la gnas pa dang/ khyab 'jug khro bas gshin rje lta bu zhe sdang la gnas pa dang/ tshangs pa gti mug gi lam pa dag bcom ste/ gnas gsum po'i tshogs rnams sreg cing thal ba bzhin du/ zhig bar mdzad do/ /ci gong du 'di dag phyogs re 'dul ba'i don du bstan pa las 'dir kun 'dul bar mdzad ce na/ shas che ba'i dbang du dgongs pa dang gcig gi chas las byung ba'i phyir ro/ /yang phyag mtshan

  665. 333a

    gyi sgo nas/ rdo rje rdo rje kha TwAM ga /dril bu'i sgra ni bsil ba yis/ /thams cad phab nas slar yang ni/ /thal bar gyur pa'ang 'tsho bar byed/ /'dir ni phyag dang po gnyis kyi mtshan ma smos te/ lhag ma dag ni le'u dgu pa'i gnas skabs nas ston to/ /de dag gsal bar ni rtsa ba'i rgyud las bstan te/ g.yas g.yon dang pos rdo rje dang/ /rdo rje kha TwAM dril bur bcas/ /de 'og gnyis kyis 'jigs byed kyi/ /pags pa rlung gi tshul gyis bskor/ /gsum pa gnyis na mda' dang gzhu/ /g.yas kyi bzhi pas dung khrag 'dzin/ /g.yon gyi bzhi pas thod pa bzung/ /snying chen pos bkang pa'o/ /zhes so/ /yang gnas skabs la lar ni/ /zhal gcig phyag bzhi pa la sogs pa'i rnam pas snang bar mdzad de/ de yang rtsa ba'i rgyud las/ la lar zhal gcig phyag bzhi pas/ /g.yas gnyis rdo rje dung khrag 'dzin/ /g.yon gnyis thod pa zhags par bcas/ /rdo rje kha TwAM se ra pa kha/ /la lar rdo rje band+ha dmar/ /kha TwAM ga la rgyab brten bcas/ /zhes so/ /de ltar rdo rje 'chang chen po las byung ba'i he ru ka de nyid sku mdog dang zhal la sogs pa'i mtshan ma dang/ phrin las dang/ phyag mtshan gyi rnam pa dag gsal bar bstan pa'i rjes la/ cha lugs dang rgyan chas kyi bdag nyid/ dur khrod bzhin du rab tu 'jigs/ zhes pa'i don ni/ rtsa ba'i rgyud las/ glang chen stag gi pags pa yis/ /stong smad sku yin bza' bnabs// klu rgyal thod pa'i phreng ba yis/ /sku yi gnas brgyad rnam spras shing/ /lha chen dpa' bo g.yang bzhi dag /tsham dam chen po'i na bzar gsol/ /sku la thal bas byugs pa las/ /khrag dang zhag gi ri mos mtshan/ /phyag rgya

  666. 333b

    lnga yis mtshan pa las/ /snyan gong nyi zla rin chen phreng/ /zhes so/ /de ltar 'bar ba chen po'i sku 'jigs pa'i cha lugs rnam par 'gyur ba'i tshul gyis/ bdud dregs byed dang lha chen po'i tshogs thams cad dbang du byas te drag po'i tshogs btul nas/ sha khrag rus pa kun gsol zhing 'khor ba na gnas pa dag kyang brgyal bar mdzad do/ /de ltar thal bar gyur pa dag /thugs rje chen po'i mi gtong zhing rnam par shes pa slar gzung bar mdzad de 'tsho bar byas so/ /ci dga' ba sna tshogs kyi las grub par byed/ /gong du lha chen po rnams kyis rnam par bstan cing/ yang de nyid dang mi 'dra ba'i rnam pa gzhan ston pa dang/ yang de dag gi skyabs mdzad ce na/ 'gal ba med de de'i rang bzhin du gnas pa dang/ de 'dul ba'i rnam pa dang mthun par 'phrul pa dang/ de gzhan gyis nyen pa'i sdug bsngal la skad cig tsam gyis bde bar gnas pa'i skyabs mdzad pa dang/ yang de dang de nyid gnyis ka rnam par grol zhing byang chub chen po gnas su bkod pa la nyes pa'i skyon ci zhig yod/ che ba'i yon tan gyi khyad par las snang ba'i mtshan ma'o/ /de yang shes rab dang bral ba'i thabs mi srid de 'od dang bcas pa'i myu gu las grib ma skye ba'i tshul du yum bskyed cing las la gzhug pa'i phyir/ de yi 'bar ba'i nyi ma las/ /phyung ba'i grib ma mi bzad pa/ /skyed nas ma lus bdud la sogs/ /bdug pa rnams kyi khrag za nus/ /de yang de'i don yang/ rtsa rgyud las/ rang nyid ngo bo las byung ba'i/ /kro ti shwo ri 'jo sgeg stabs/ /sku mdog sngo skya nam mkha' i lus/ /se ral kha yi tshul dag tu/ /kha TwAM ga la rgyab brten bcas/ /lag pa g.yon pas thod pa thogs/ /g.yas pas ba dan gsum pa'i phyag /rin chen 'bar ba'i rgyan gyis mtshan/ /phyung nas byin

  667. 334a

    gyis brlab mdzad de/ /thabs dang shes rab ldan par gyur/ /dregs byed bdud la sogs pa yi/ /'byung po thams cad rmongs mdzad de/ /gdugs pa'i tshogs kyi sha khrag dang/ /ma lus yud tsam gcig la gsol/ /zhes so/ /de dag kyang ston pa'i dgongs mdzad kyi dbang du ni de kho na ltar snang ba yin la/ rjes su 'jug pa'i dbang du ni sbyor ba'i yan lag dang/ rjes su sbyor ba'i yan lag gis rgyas par bsgom par bya'o/ /da ni shin tu sbyor ba'i rim pas 'khor bskyed pa'i phyir/ rgyal po de ni de dag dang/ lhan cig dur khrod rnam par rol/ /thams cad rdo rjer mnyam sbyor ba/ /mkha' 'gro'i dkyil 'khor 'bar ba yis/ /dpal he ru ka ni tshes bdun gyi bdag nyid dang ldan pas rgyal po chen po lta bu'o/ /'khor gyi lha mo dag ni de nyid kyi sku dang ye shes dang yon tan gyi snang ba las byung bas/ de dag dang lhan cig tu gnas shing dur khrod brgyad du rnam par rol lo/ /de dag kyang gang zhe na/ gau rI la sogs pa'i ma mo brgyad dang/ mda''dzin ma la sogs pa'i phrin las kyi lha mo bzhi dang/ me tog ma la sogs pa'i mchod pa'i lha mo bzhi dang/ rta mgrin 'thang mtho ma la sogs pa'i sgo ma bzhi ste/ lha mo nyi shu thams cad sku gsung thugs rdo rje'i ngo bor mnyam par sbyor ba mkha' 'gro'i dkyil 'khor 'bar ba'i tshogs dang bcas pa'o/ /de dag gi phrin las ci zhig mdzad ce na/ shin tu gdug cing khro drag po'i/ /sems can khams ni rnam sbyangs nas/ /dag pa'i sangs rgyas zhing khams su/ /sangs rgyas byang chub dag la bkod/ /bdud ma traM ma ru tra la sogs pa'i nyon mongs pa/ /spyi dang khyad par gyi lam la gnas pa dag gi sems can gyi khams rnams

  668. 334b

    rnam par sbyang zhing/ sangs rgyas kyi byang chub la bkod pa'o/ /de yang ji ltar zhe na/ dag pa'i sangs rgyas zhing la sbyor ba ste dpal he ru kas ni zhe sdang las skyes pa'i nyon mongs pa spyi'i lam pa dag gdul bar mdzad pa dang/ lha mo gau rIs zhi ba'i sgo nas thugs kyis phrin las kyis sems can zhe sdang gi khams la gnas pa dag /rnam par sbyangs zhing rdo rje'i rigs dag pa'i sangs rgyas kyi zhing khams su/ me long lta bu'i ye shes kyi rang bzhin sangs rgyas kyi byang chub la rab tu 'god pa'o/ /lha mo gzhan yang des 'dra ste tsau rI mas nga rgyal gyi lam la gnas pa rnam par sbyangs pa dang/ phra mo has 'dod chags kyi lam la gnas pa rnam par sbyang ba dang/ be ta lIs phrag dog gi lam la gnas pa rnam par sbyang ba dang/ puk+ka sIs gti mug gi lam la gnas pa rnam par sbyang ba dang/ tsaN+Da lIs nyon mongs pa spyi'i lam la gnas pa rnam par sbyang ba dang/ g+hasma rIs log par lta ba la gnas pa rnam par sbyang ba dang/ sma shAs ni the tshom dang yid gnyis kyi rnam par rtog pa dag sbyor bar mdzad pa'o/ /yang mdzad pa rgya chen po'i sgo nas khro bo'i dkyil 'khor bstan pa'i phyir/ rdo rje 'dod khro la sogs kyis/ /rtog pa bla med thams cad kyis/ /nam mkha' dbyings kyi mdza' klas? pa'i/ /sems can khams ni rnam par sbyangs/ /dpal he ru ka la khro bo chen po bcus bskor ba'i/ /dkyil 'khor dang khro bo re res rigs kyi dkyil 'khor mdzad pa'i dkyil 'khor grangs med pa'i rnam par spros te sems can gyi rgyud sbyang bar mdzad pa'o/ /rjes su sgrub pa'i rim pa ni dpal he ru ka'i gsang ba'i don rnam par bkod pa las shes par bya'o/ /dpal he ru ka'i dbugs dbyung ba'i don rnam par bshad pa'o/ /da ni gti mug gi rgyu dang

  669. 335a

    rkyen dang 'bras bu'i lam la nyon mongs pa spyi dang khyad par gyi mtshan nyid rtag chad kyi mdza' can log par lta ba la gnas pa rnams 'dul ba'i don du mnyam pa nyid kyi ye shes la snang zhing/ de bzhin gshegs pa thams cad kyi gsung pad+ma'i rigs dpal pad+ma gar gyi dbang phyug gi dkyil 'khor gyis don mdzad pa'i tshul bstan pa'i phyir dang por dgongs mdzad kyi dus bstan te/ 'das pa'i dus bstan te/ 'das pa'i dus na sngon byung ba/ bdag nyid chen po stan? pa yi/ 'das pa'i tshe bskal pa bcud ldan gyi dus su sangs rgyas pad+ma'i dpal 'jig rten du byung ngo/ /de'i bstan pa la dge slong rgyal ba'i mchog ces bya bas bka' i don phyin ci log tu spyad de/ rtag chag gyi mdza' la gnas shing/ log pa'i lta ba dang ldan pas ngan song rnam pa gsum du 'khor zhing sdug bsngal nyams su myong ngo/ /de las thar nas dregs byed mdza' la gnas pa zhes bya ba nyon mongs pa'i lam la zhen cing rang gi lta ba 'dzin par 'gyur ro/ /de 'dul ba'i gnyen por rdo rje 'chang chen po'i nyid kyi sku las pad+ma gar gyi dbang phyug rnam par 'phrul pa'i gar thabs dang bcas pa'i dkyil 'khor chen po rnam par byung ngo/ /ci zhig las zhe na/ rang gi lta ba rtag par 'dzin pa'i rgyu dang rkyen gyis ni gdul bya'i rnam pa thun mong dang/ khyad par gyi tshogs snang zhing/ sku gsum rtag pa'i sgo nas 'dul byed kyi bde bar gshegs pa byung ngo/ /de nas 'dul bya 'dul byed spyi'i mtshan nyid ni de bzhin gshegs pa'i gsung rab la/ 'gro ba'i don ni mngon byung ba/ bka' i don phyin ci log tu spyad pa'i dus thugs rje chen po skye ba'i yul 'gro ba'i tshul du

  670. 335b

    sngon byung ba dang/ de bzhin gshegs pa'i gsung rab ji bzhin par spyad par mthus thugs rje chen po'i mtshan nyid de dang mthun pa 'phrul pa'o/ /de la thugs rje skye ba'i yul gyi mtshan nyid ni/ de tshe sems can thams cad ni/ / shin tu log par lta bar gyur/ /shin tu lta ba ngan pa yis/ /'o dod 'bod pa chen por lhung/ /bskal pa bcud ldan gyis dus kyi tshe de nyid na las kyi dbang gis skye 'gro ma lus pa thams cad nyon mongs pa'i lam la gnas shing log par lta bas kun tu rmongs te/ rtag chad kyis mdza' la gnas pa dang/ de dag gi nang nas kyang dge slong rgyal ba mchog dang/ de'i rjes su 'brang ba dag ste de dag gi rgyu dang rkyen dang 'bras bu'i rnam pa dag gzigs pa'o/ /de dag gi gnyen por thugs rje chen po'i mtshan nyid ji ltar skyes pa ni/ rnal 'byor de nyid bcom ldan 'das/ /byang chub sems ni rnam sbyang phyir/ /padmo chags par sbyor ba yis/ /rdo rje chos su gnas par 'gyur/ /rdo rje 'chang chen po nyid kyis gsung gi rnam par 'phrul pa ni pad+ma'i rigs te/ gang zhig rang bzhin byang chub kyi sems rnam par dag pa'i ngo bo las gzhan 'dul ba'i thabs su rdo rje chos su snang ste/ ji ltar zhe na rtsa ba'i rgyud las/ /sku mdog dkar la dmar zhad chags/ /zhal mang brgya byed phyag gis mdzes/ /g.yas kyi pad+ma rdo rje dang/ /'khor lo rin chen dbyug sogs kyis/ /mtshan zhing g.yon pa'i phyag dag gis/ /pad+ma rkyang pa'i sdong po 'dzin/ /mtshan sogs dpe byad bzang pos mdzes/ /nyi shu rtsa lnga'i 'od zer 'phro/ /rin chen la sogs rgyan phreng tshogs/ /dar gyi gos rgyan cod pan sbyangs/ /bkra shis skyil krung legs bzhugs shing/ /bsnyems bcas chags pa'i tshul du gzigs

  671. 336a

    zhes so/ /de yang rjes su 'jug pa'i dbang du ni/ pad+ma chags par sbyor ba'i tshul yang/ rtog pa bdun pa las/ byin brlabs rigs kyi dbu rgyan gyis/ /rgyu yi mgon po rdo rje 'chang/ /dpal ldan pad+ma gar dbang phyug /cha lugs mtshan ma rgyan gsal 'gyur zhes so/ /ci skabs 'dir sangs rgyas snang ba mdza' yas la rdo rje chos la sogs pa ming gyi bye brag mi mthun pa 'dogs she na/ de ni rang bzhin gyi bye brag chos shes bya ba phrin las kyi sgo nas spyan ras gzigs kyi dbang phyug ces bya ba dang/ phrin las sna tshogs kyi 'bras bu'i sgo nas pad+ma gar gyis dbang phyug ces so/ /de nyid kyi rang bzhin gyi mtshan nyid ni/ ji ltar pad+ma dmar po 'di/ / chags pa'i nyes pas mi gsal/ /de bzhin bag chags khams gsum gyi/ /nyes pa sna tshogs rnam par dag /dper na pad+ma'i dkyil 'khor ni/ /'dam rdzab las skyes shing de dag gi dri mas ma gos pa bzhin du/ gsung pad+ma'i rigs kyi rnam par 'phrul pa byang chub sems kyi ngo bo rnam par dag pa las byung ba'i sku 'di yang khams gsum gyi nyes pa'i bag chags las rnam par grol ba'o/ /des na chags pa rnam pa gnyis dang ma bral ba'i tshul gyis spyod cing gnas pas na rdo rje chos zhes bya'o/ /de yang thabs ('di rnying ma'i sgyu 'phrul sde brgyad kyi gcig yin no//) kyi zhags pa'i rtsa ba'i rgyud las pad+ma 'dam bral skams 'thas rul/ /de ltar 'khor ba spangs spyod min/ /mdza' gnyis las grol rnam spyod pa/ /kun tu snang ba mdza' yas sku/ /gsar ba theg chen bla med gzhung/ /de nyid dkyil 'khor rnam gsal ston zhes so/ /de nyid kyi phrin las kyi mtshan nyid ni/ 'di ni kun tu gzigs pas na/ /rgyal

  672. 336b

    ba'ang dbang phyug nyid du 'gyur/ /dpal ldan spyan ras gzigs kyi dbang/ /rdo rje sems dpa' de bzhin gshegs/ /gdul bya'i las ji lta ba bzhin du dbang po skye mched kyi bye brag cher gzigs nas/ mthun pa'i sku gsung thugs kyi phrin las kyi gzhan gyi don mdzad par dgongs nas/ nyid kyi yon tan rnam par bkod pas bdud rnam pa bzhi bcom zhing/ dbang phyug brgyad dang ldan pas thugs rje chen po rtsa gcig pa dang ldan te/ dus dang rnam pa thams cad du kun tu gzigs par mdzad pa ni rdo rje sems dpa' ste/ de bzhin gshegs pa thams cad kyi bdag nyid yin pa'o/ /de'i tshul ni 'dod chags thams cad dag pas na/ mchog sbyin dam pa bcom ldan 'das/ phyin ci log rtog pa las byung ba'i 'dod chags la sogs pa'i nyon mongs pa rnams la/ la las de nyid la spyod pas grol bar 'dod pa dang/ la las spangs pas grol bar 'dod pa dang/ la las sbyangs pas grol bar 'dod pa ni/ rnam par dag pa ma yin te/ de dag ma spangs par dag pa'i rang bzhin du mkhyen pa ni gsang ba bla na med pa'i don te/ de nyid la spyod pa'i sgo nas dngos grub mchog sbyin zhing dam pa grub par mdzad pas bcom ldan 'das so/ /yang phrin las sna tshogs kyi 'bras bu'i sgo nas/ 'dul ba'i thabs ni sna tshogs kyis/ /sna tshogs pa ni 'dul bar mos/ /kun tu spyan ras gzigs dbang rgyal/ /padmo gar gyi dbang phyug gyur/ /'gro ba'i tshul du 'dul ba'i don du gzugs kyi cha lugs sna tshogs dang ldan pa'i zhal phyag mang po dang/ sku las snang ba'i gzugs brnyan mang por ston pa'o/ /de yang le'u dgu pa las/ gar thabs rnam pa sna tshogs kyis/ /yongs su bsgyur zhing gar byas pas/ /padmo'i mtshan

  673. 337a

    mchog padmor byas/ /phyag ni brgya rnams 'khor lo skor zhes pa dang/ de bzhin gshegs pa kun la sogs pa'i gzugs mchog sna tshogs 'dzin/ zhes pa la sogs pa gsungs so/ /des na gang zhig kun tu gzigs pa'i ngang tshul dang ldan pa de la de skad ces bya'o/ /de ltar phrin las sna tshogs kyi ngo bo de gang las byung zhing ji lta bu zhe na/ padmo sgyu ma rgyal po mnyam sbyor ba/ /mkha' 'gro sgyu ma bde chen mchog /des dbyings dang ye shes gnyis su med pa'i ngo bo thabs dang shes rab las byung ba de nyid ni sku gsum gnyis su med pa'i mtshan nyid can no/ /de nyid kyi snang ba pad+ma'i rigs kyi lha'i dkyil 'khor rnams ni mkha' 'gro sgyu ma mchog go /yang phrin las sna tshogs kyi sgo nas mdzad pa rgya chen po bstan pa'i phyir/ dpal pad+ma gar dbang la sogs pa/ /rtog pa bla med thams cad kyis/ /nam mkha' i dbyings kyis mthas klas pas/ /sems can khams ni rnam par sbyangs/ /gang zhig rang gi lha ba sna tshogs kyi rtog pa la spyod pa'i 'gro ba ni grangs med do/ de dag gi don du sngon byung ba'i dkyil 'khor dang/ rjes 'jug gi sgrub pa'i rim pa mang por bstan zhing gsungs te/ rtsa ba'i dkyil 'khor la sogs pa grangs mang du snang ba dag kyang dpal ldan pad+ma gar gyi dbang phyug yab yum gyi snang ba yin te/ de nyid kyang rdo rje 'chang chen po'i byin brlabs las byung ba'o/ /de lta bu'i skus skye 'gro ji snyed du rnam par sbyod zhing/ sgo gzhan gyi rnam par 'phrul pa dang bcas pas/ sems can gyi khams ni rnam par sbyad bar mdzad do/ /de dag rnal 'byor pas nyams su blangs pa'i rim pa ni dpal pad+ma gar gyi dbang phyug gi gsang ba'i don rnam par bkod pa las

  674. 337b

    shes par bya'o/ /dpal pad+ma gar gyi dbang phyug gi dbugs dbyung ba'o/ /da ni srid cing zhen pa dang gdug cing rnam pa'i shin tu 'jungs par gyur pa'i nyon mongs pa spyi dang khyad par gyi 'gro ba dag rjes su gzung ba'i phyir/ so sor rtog pa'i ye shes las snang zhing de bzhin gshegs pa thams cad kyi yon tan rin po che'i rigs dpal rdo rje nyi mas dbugs dbyung ba'i tshul bstan te/ de las dang po dgongs mdzad kyi dus ni/ 'das pa'i dus na sngon byung ba/ bdag nyid chen po rtag pa yi/ bskal pa mi gnas pa'i dus dus su sangs rgyas nyi ma'i dpal zhes bya ba 'jig rten du byung ngo/ /de'i bstan pa la dge slong 'byor pa can zhes bya bas bka' i don log par spyad de/ nyon mongs pa'i chu bos g.yengs nas ngan song rnam pa gsum du 'khor zhing/ de las thar nas dregs byed 'jungs ba can zhes bya bar skyes so/ /rgyu gang las zhe na/ bdag nyid chen po rtag pa las so/ /de yang spyi'i mtshan nyid ni/ /de bzhin gshegs pa'i gsung rab las/ /'gro ba'i tshul ni sngon byung ba/ /gdul bya dang gdul byed kyi spyi'i mtshan nyid de bstan pa'i don log par spyad pa dang ji bzhin par spyad pa'i dbang gis las dang thugs rje 'brel par gyur pa'o/ /de la thugs rje skye ba'i yul gyi mtshan nyid ji lta bu zhe na/ de tshe sems can thams cad ni/ shin tu gdug cing bskam par 'gyur/ ces pa la sogs pa'i tshigs su bcad pa gnyis gsungs so/ /bskal pa mi gnas pa de nyid kyi tshe na bdud dang bdud kyi rnams kyis blo bslad pa'i 'gro ba thun mong dang/ khyad par gyi tshogs rnams lus shin tu gdug cing dag shin tu brkam pa dang sems shin tu 'jungs par gyur pas/ yi dags gshin

  675. 338a

    rje'i dmyal bar lhung zhing yun rings du gnas so/ /de nyid las zad pa'i dbang gis grol nas mi'i gnas su shin tu dbul zhing phongs pa dang/ bkrem zhing skom pa'i sdug bsngal gyis gdungs te/ phan tshun gcig gis gcig gsod par byed do/ /de'i las zad nas yi dags kyi srin po dregs byed 'jungs pa can zhes bya bar gyur nas/ skye 'gro thams cad kyi tshe srog 'phrog cing 'jig rten gyi khams phung bar byas so/ / de 'dul ba'i gnyen por thugs rje chen po'i mtshan nyid bstan pa'i phyir/ shin tu gdug pa sbyang pa'i phyir/ /rnal 'byor de nyid bcom ldan 'das/ /dam pa'i don gyi nor chen po/ /rdo rje nyi ma byung bar gyur/ /gzhan gyis 'dul bar mi 'gyur ba'i dregs byed kyi tshogs sde dang bcas pa de dag sgo kun tu sbyang pa'i phyir/ dpal rdo rje sems dpa' zag pa med pa'i yon tan gyi rin po che'i tshogs thams cad dang ldan pa'i sku dpal rdo rje nyi ma byung bar gyur to/ /de nyid ji lta bu zhe na/ rtsa ba'i rgyud las/ gser gyi ri la nyi shar bzhin/ /zhal bzhi phyag bzhi rnam mdzes pa/ /g.yas na mda' dang ral gri 'dzin/ /g.yon gzhu nyid dkyil rdo rjes mtshan/ /'od kyi dkyil 'khor sna lngas bskor/ /'dzum bcas g.yon gyi gyen du bteg ces pa dang/ /yang zhi bas mi 'dul pa la khro bo'i skur yang snang ste/ /la lar cung zhig khros pa las/ /phyi ru dmar po'i mdangs ldan sku/ /zhabs gnyis skyil krung legs bzhugs shing/ /snga ma'i rgyan gyis mdzes byas pa'o/ /zhes te/ de lta bu'i sku yum dang 'khor gyi dkyil 'khor du bcas pa nyi ma'i dkyil 'khor gyi mdangs dang ldan pa 'gro ba'i don du phyung bar

  676. 338b

    mdzad pa'o/ /da ni rang bzhin gyi mdzad pa bstan pa'i phyir/ nam mkha' i snying po thams cad phyogs/ /kun gyi re ba yongs rdzogs mdzad/ /bud med la sogs rin chen mchog /mkha' la rin chen thams cad 'bebs/ /gang zhig rang bzhin dang yon tan dang phrin las kyi rnam pa dag dang ldan pa de nyid la ni de dang mthun pa'i mtshan brtags de bcom ldan 'das rin chen 'byung ldan nyid la nam mkha' i snying po dang/ rdo rje rin chen dang/ /rdo rje nyi ma dang/ 'jig rten gsum rgyal zhes grags so/ /de nyid kyis dbang bskur ba'i ngo bo nyid dang/ gter gyi re ba rdzogs par mdzad pa dang/ rin po che'i rgyal mtshan gyi gzugs can dang/ mchod pa rnam par 'phrul pa la sogs pa'i tshul du lha mo dag gi rnam par 'phrul pas nam mkha' i snying po bzhin du gnas thams cad du khyab par mdzad cing phyogs kun gyi re ba dag ji ltar 'dod pa bzhin du yongs su rdzogs par mdzad do/ /ji lta bu'i rnam pas zhe na/ btsun mo rin po che dang/ dmag mi rin po che dang/ rta rgyal rin po che dang/ glang po rin po dang/ 'khor lo rin po che dang/ nor bu rin po che la sogs pa'i rdzas rnams nam mkha' las char bzhin 'bebs pa'o/ /de lta bu zhi bas mi 'dul ba dag la khro bo bsgyur zhing phrin las lhag pa'i sgo nas don mdzad pa'i phyir/ shin tu gdug cing khro ba la/ zhi bas phan par mi 'gyur te shes rab thabs kyi nyi mas ni/ rab tu gdud pa kun sgrub pas/ /'jungs par yi dags kyi srin po gshin rje'i tshogs dang bcas pa de dag ni thabs gzhan gyis 'dul bar mi 'gyur te/ mthun pa'i gnyen pos khro bo'i sku bstan cing nyi ma 'bum gyi gzi brjid dang bcas pa'i

  677. 339a

    thabs dang shes rab thugs rje chen po dang ldan pas 'gro ba'i gdung ba thams cad gcod cing skems par mdzad pa'o/ /de yang ji ltar zhe na/ bya ba dang ni bzlog pa dang/ /dbrog pas kyang ni khyad par du// rgyal bar byas nas gnas gsum gyi/ /nor gyi tshogs kun sdud par byed/ /mnga' la sogs pa'i mtshon cha la la dag /'khrul 'khor la sogs pa la brten te 'phang zhing dge ba'i las la bzung ba dang/ 'khor lo la sogs pa'i mtshon cha dag la gab pas 'phang zhing/ sdig pa'i las spyod pa dag las bzlog pa dang/ zhags pa la sogs pa yis slar yang drangs te mthu dang rdzu 'phrul thams cad dbrog pa dang khyad par gyi phrin las kyis mi mthun pa'i rgol ba thams cad bcom zhing khams gsum las rgyal par byas te/ nor gyi tshogs rnams sdud par mdzad pa'o/ /de yang rtsa ba'i rgyud las rdo rje nyi ma rgyal chen pos/ /rang gi 'od kyi snang ba'i tshogs/ /phyogs rnams kun tu gsal mdzad cing/ /rab tu gdung ba sel bar mdzad/ /dge ba'i bya ba la gzung cing/ /mi dge lam las zlog pa dang/ /yon tan thams cad 'phrog mdzad de/ /khams gsum kun las rgyal bar mdzad/ / slar nyid yon tan che ba'i mthus/ /de 'dod kun la sbyin par mdzad ces so/ /da ni phrin las rgya chen po'i mtshan nyid bstan te/ /'jig rten gsum rgyal la sogs kyi/ /rtog pa bla med thams cad kyis/ /nam mkha' dbyings kyi mdza' klas pa'i/ /sems can khams ni rab tu bkrol/ /gang zhig 'jig rten gsum 'joms pa'i mthu dang ldan pa de la de skad ces bya ste/ de nyid rdo rje nyi ma'o/ /de las byung ba'i dkyil 'khor mi 'dra ba rnam pa

  678. 339b

    sna tshogs pas 'gro ba'i don mdzad pa ste/ khyad par gyi phrin las ji lta ba'i rnam pas mthar phyin pa'i mtshan nyid do/ /de dag ni sngon byung ba'i dgongs mdzad bstan te/ de dang rjes su 'jug pa'i sgo nas rjes su 'jug pa'i bya ba'i rnam par snang ste/ 'di ni thun mong du bstan pa yin no/ /de dag gi sgrub pa'i rim pa ni dpal rdo rje nyi ma'i gsang pa'i don rnam par bkod pa las shes par bya'o/ /dpal rdo rje nyi ma dbugs dbyung ba'i don rnam par bshad pa'o/ / da ni sems can phrag dog gi lam la gnas shing rang gi lta bas bsnyems pa'i nga rgyal dang bcas pa/ le lo'i las can yang dag pa'i lam la ma gus pa'i lha chen po dregs byed kyi tshogs la sogs pa'i spyi'i lam pa rnams dang/ khyad par dregs byed sna tshogs 'phrul pa can sde dang bcas pa dag 'dul ba'i phyir/ bya ba grub pa'i ye shes kyi snad ba can de bzhin gshegs pa thams cad kyi phrin las rgya chen po'i bdag nyid bcom ldan 'das dpal rta mchog rol pa'i dkyil 'khor 'phrul pa'i tshul bstan te/ dang por dgongs mdzad kyi dus ni/ 'das pa'i dus ni sngon byung pa/ /bdag nyid chen po rtag pa yi/ /bskal pa gzi chen snang ba zhes bya ba'i dus su sangs rgyas rnga sgra zhes bya ba 'jig rten du byung ngo/ /de'i bstan pa la dge snyen zla ba zhes bya bas bka' i don log par spyad de ngan song gsum du yun ring du 'khor ro/ /de las thar nas dregs byed sna tshogs 'phrul pa can zhes bya ba chung ma'i tshogs dang bcas par byung nas/ lha chen po dag gi nyon mongs pa skyed par byed do/ /de 'dul ba'i gnyen por rdo rje 'chang chen po nyid kyis sku las rta mchog rol pa'i dkyil 'khor sngon byung zhes pa'o/ /rgyu gang las zhe na/

  679. 340a

    mi mthun pa dang gnyen po'i sgo nas brtag pa gnyis las so/ /de dag gi spyi'i tshul ni/ /de bzhin gshegs pa'i gsung rab la/ /'gro ba'i tshul ni sngon byung ba/ /bka' i don phyin ci log tu spyad pa'i rkyen dang/ /ji bzhin par rtog pa'i mthus/ gdul bya gdul byed gnyis kyi mtshan nyid 'gro ba'i tshul du byung zhes so/ /de la thugs rje skye ba'i yul gyi mtshan nyid ni/ /de tshe sems can thams cad ni/ /brtson 'grus shin tu chung bar gyur/ /shin tu brtson 'grus chung ba yi/ /mnar med pa yi dmyal bar lhung/ /bskal pa gzi chen snang ba'i dus de nyid na sems can thams cad le lo dang snyoms las kyi dbang gis rang nyid brtson 'grus dang bral zhing/ /brtson 'grus dang ldan pa dag la yang smod par byed do/ /de'i rgyus ngan song la sogs pa'i sdug bsngal nyams su myong zhing de las grol nas dregs byed sna tshogs 'phrul pa la sogs pa'i tshogs su gnas pa'o/ /de dag gdul ba'i gnyen por thugs rje chen po'i mtshan nyid ni/ rnal 'byor de nyid bcom ldan 'das/ /rdo rje sems dpa' de bzhin gshegs/ /drag shul sbyor ba'i tshul dag du/ /rta mchog dpal ni byung bar gyur/ /pha rol gnon pa'i mthu rtsal dang ldan pa'i rta mchog dpal gyi dkyil 'khor 'byung bar bstan te/ de yang tshul ji ltar zhe na/ rtsa ba'i rgyud las/ zhal bzhi pa la phyag brgyad pa/ /de bzhin zhabs kyang rnam pa bzhi/ /zhal rnams dmar dang nag po dang/ /dkar zhing rta mgo ljang khu ston/ /sku yi kha dog ljang khu dang/ /phyag rnams dmar la zhabs nag po/ /g.yas pas ba dan gsum pa sgrengs/ /sna tshogs rdo rje ral gri

  680. 340b

    mda'/ /g.yon pa khu tshur sna tshogs dang/ /mdung dang dbyug pa gzhu 'dzin pa'o/ /g.yas pas gru gsum dpal mo mnan/ /gnyis pas grol ma dga' ma'o/ /g.yon pas mig gsum khyab 'jug dang/ /gnyis pas changs pa dga' rab gnon/ /khro rtags drug cu rtsa gcig dang/ /'bar ba chen po'i rgyan gyis mdzes shes so/ /da ni mdzad pa sna tshogs kyi sgo nas ngo 'thon du las sbyod pa'i phyir/ thams cad dag par mos pa yis/ / sdig byed stobs kyis ngo 'thon du/ /pha rol gnon pa'i rtsal dag gis/ /shin tu gdug cing khro gtum pa'o/ /sems can rnam pa mang po'i khams/ /'jig rten thams cad rab tu 'jig /gang zhig byams dang snying rje'i chus brlan zhing 'gro ba thams cad bu gcig pa ltar dgongs pas/ thams cad rnam par dag pa'i phyir zhe sdang gis gsang ba dang/ gti mug gis dman pa'i rtog pa dang bral te/ sdig pa med pa'i mthu rdzu 'phrul gyi stobs kyis ngo 'thon du las mdzad cing/ dregs byed sna tshogs 'phrul pa la sogs pa pha rol pa dag gnod pa la sogs pa'i mthu ta dang rtsal gyis bsgral zhing/ sha khrag kun stsol ba dang/ lha chen po dag gis so so'i nga rgal zhi bar byas te/ gti mug gis mchog tu gyur pa tshangs pa dang/ 'dod chags can gyi mchog tu gyur pa dbang phyug chen po dang/ zhe sdang can gyi mchog tu gyur pa khyab 'jug dang/ nga rgyal can gyi mchog tu gyur pa brgya byin dang/ phrag dog can gyi mchog tu gyur pa dga' rab dbang phyug rnams 'khor g.yog sde ris dad bcas pa rgyal bar mdzad do/ /yang mthun pa'i spyod pas thams cad gdul pa'i phyir/ byi ba

  681. 341a

    rkun po chom pa yis/ /thams cad rnam par sbyor bar byed/ /brid pa dang ni sgyu dag dang/ /ngo 'thon stobs kyis de bzhin du/ /dgra cha lnga yis brgal nas ni/ /de tshe 'jig rten gsum las rgyal// gnas skabs la lar byi thabs kyi tshul gyis gzhan gyi chung ma la spyod cing 'jig rten gsum las rgyal bar byed pa dang/ yang gnas skabs la lar rkun po'i tshul du yon tan la sogs pa'i snod du nor gyi rnam pa sdu bar mdzad pa dang/ chom po'i tshul du mngon sum du 'phrog pa dang/ dor thabs kyi tshul du brid pa dang/ mig 'phrul gyi tshul du sgyu ma la spyad pas 'gro ba thams cad rnam par sbyor zhing/ sgra lnga yis brgal nas 'jig rten gsum las rgyal bar byed pa'o/ /de la dgra cha lnga ni le'u dgu pa'i phyag rgya nyi shu pa las bshad de 'khrul 'khor gyi 'phangs ma 'phangs dang/ de bzhin lag pas 'phangs pa dang/ 'phangs nas slad du bzung ba dang/ stobs su 'gyed pa lnga yin te/ /rang byung rnams kyi dgra cha'i dpyad/ /phyag rgya lnga la rab tu gnas zhes so/ /de lta bu'i mdzad pa de phyogs gcig pa yin nam zhe na/ skye 'gro rnams dang 'gro ba rnams/ /mdza' dag gtul nas 'grub par 'gyur/ /gang zhig skye ba gnas bzhi'i tshul du snang ba dag ni skye 'gro'i gnas so/ /de las byung ba'i 'gro ba ris drug gi sems can rnams so/ /de dag mdza' thams cad ma lus par bsdus shing rtog pa mdza' dag rnams btul zhing/ rang rang gi 'bras bu grub par byas pa'o/ /de nyid kyi tshul ni/ gdul ba'i thabs rnams sna tshogs kyis/ /rang gi rgyal srid rtag tu

  682. 341b

    skyong/ /g.yem pa rnams la g.yem par 'gyur/ /khro ba rnams la khro ba'i mchog /zhi ba rnams la zhi ba'i mchog /drag shul can la drag pos gnon/ /gang zhig 'dod chags kyi lam la zhen pa rnams 'dul ba'i don du ni zhal dbus ma dmar po dang/ khro ba zhe sdang gi rgyud la gnas pa rnams 'dul ba'i don du ni g.yon ba nag por bstan pa dang/ zhi ba gti mug gi lam la gnas pa 'dul ba'i don du ni g.yas pa dkar por ston pa dang/ nga rgyal dang phrag dog gi lam la gnas pa drag shul can rnams 'dul ba'i don du ni rta mgo ljang gu khro gnyer can du bstan pa'o/ /da ni lha chen po rnams zhabs kyis mnan nas chung ma rnams lngar bsdus pa'i phyir/ tshigs su bcad pa gsungs pa las/ dbang phyug dam ba ma hA de ba 'dod pa'i longs spyod thams cad la mnga' mdzad pa de nyid zhabs kyis mnan nas/ lha mo dka' thub bzlog ma lha chen po'i mig nas sprul pa mo 'gugs shing longs spyod pa dang/ khyab 'jug 'khor lo nag po mthu dang rdzu 'phrul gyi mchog dang ldan pa mnan cing lha mo rug mi ma snying las sprul pa mo bkug ste longs spyod pa dang/ skye dgu'i bdag po tshangs pa mnan te lha mo sgron ma zhib mo sbyor ba las byung ba dgug cing longs spyod pa dang/ 'dod pa'i lha dga' rab dbang phyug gnan nas mdangs las sprul pa'i lha mo dga' sdugs ma'i dbang phyug ma dgugs shing longs spyod pa'o/ /de yang rtog pa dgu pa las/ rab kyi rtsal gyis gnon pa'i stobs kyis ngo 'thon dbang phyug gnon/ sbyor chen hu lu hu lu mig gsum pa la gsum drug drongs/ zhes pa la sogs pa gsungs so/ /da ni phrin las kun gyi bdag nyid yin par bstan pa'i phyir/ tshig rkang pa drug gsungs pa las/ phrin las thams cad mthar phyin par mdzad pa ni

  683. 342a

    rdo rje rta mchog gi sgo nas te/ de nyid ni rdo rje sems dpa' i rang bzhin yin zhes pa'o/ /de dag gi phrin las bya ba'i thabs ni/ thabs dang rtsal gyis bsgrub pa yis/ /drag shul sbyor bas bsgrubs nas ni// khams gsum rgyal srid ma lus pa/ /rdo rje 'dzin pa des thob nas/ /byang chub sems ni mdza' yas mchog /drag shul sbyor bas sgrub par byed/ /rta mchog ni las khyad par gyi dkyil 'khor te/ /zhi ba'i dus su sangs rgyas rnam par snang mdzad kyi dkyil 'khor gyi gtso bor gnas pa dang/ dbang gi dus su pad+ma gar gyis dbang phyug gi dkyil 'khor gyi gtso bor gnas pa dang/ rgyas pa'i dus su rdo rje nyi ma'i dkyil 'khor gyi gtso bor gnas pa dang/ drag po'i dus su dpal he ru ka'i dkyil 'khor gyi gtso bor gnas pa dang/ rigs thams cad kyi bdag nyid kyi dus su dpal rdo rje sems dpa' i dkyil 'khor gyi gtso bor gnas pas na/ phrin las thams cad kyi bdag nyid can te/ khams gsum gyi rgyal srid ma lus pa dang/ rdo rje 'dzin pa'i go 'phang thob par byed cing/ byang chub kyi sems mdza' yas pa dag drag shul gyi sbyor bas sgrub par byed pa'o/ /de yang rtog pa bdun pa las/ haM las skyes pa'i rta mchog ni/ /kun gyi spyi la rol pa'o/ /zhes pa dang/ rtog pa bsdus pa las kyang/ /dkyil 'khor gang gi dbus la ni/ /rta mchog 'di ni bzhag byas nas/ /de nyid de yis dkyil 'khor te/ /yul 'khor thams cad 'dul ba'o/ /zhes so/ /de yang rnam par dag pa'i sgo nas spyod par mdzad/ /'bras bu mthar phyin pa'i go 'phang la dgongs par mdzad pas na/ thams cad dag par mos pa yis/ /sdig med stobs kyis ngo 'thon du//

  684. 342b

    rtsal gyi pha rol gnon pa yis/ /sangs rgyas byang chub rab tu 'grel zhes gsungs pa yin no/ /de dag gi mdzad pa'i phan yon ni/ /lha yi dngos grub bka' ba dang/ /sangs rgyas byang chub bde chen po/ /go 'phang mchog ni rtag pa dang// rang gi rnal 'byor gyis thob nas/ /dang por rang gi don du dngos grub thob pa'i tshul ni/ /thun mong gi dngos grub mchog /brgyad la sogs pa lha'i dngos grub grub par dka' ba dag dang/ mchog gi dngos grub sangs rgyas kyi byang chub bde ba chen po yi sku grag pa med pa'i go 'phang mchog tu gyur pa/ rtag par gnas pa dag rang gi rnal 'byor gyis thob par 'gyur pa'o/ /yang gzhan gyi don du/ sems can khams ni ma lus dag /ma lus par ni rgyas 'dabs shing/ /'chi med byang chub dka' ba dang/ /sems can rnams la brtan pa sbyin/ /rigs rnam pa drug gi phrin las rnam par 'phrul pa'i phyag rgya bzhis rgyas 'debs shing/ rang rang gi rigs kyi byang chub la rab tu sbyor zhing brtan par mdzad pa'o/ /de ltar mdzad pa'i mtshan nyid ni/ /rta mchog rnam par 'phrul pa yis/ /ma lus lus pa med pa yis/ /bskal pa kun tu srid par gnas/ /sems can kun gyi don yang byed/ /rigs kyi phrin las ji ltar 'dul bas rtag tu sems can gyi don la gnas pa'i tshul bstan pa'o/ /da ni mdzad pa rgya chen po'i sgo nas/ de ltar rta mchog dpal la sogs/ /rtog pa bla med thams cad kyis/ /nam mkha' dbyings kyis mdza' klas pa'i/ sems can khams rnams rab tu bsgrubs/ rtsa ba'i dkyil 'khor la sogs pa rigs gcig las rnam par 'phrul pa'i 'khor lo mi mthun pa sna tshogs kyi sgo nas sku gsung thugs kyi rtog pa bla na med pa'i tshul gyis/ nam mkha' i

  685. 343a

    dbyings kyis mthas klas par spros zhing/ sems can gyi don mdzad pa'o/ /de nyid rnal 'byor pas nyams su blangs zhing sgrub pa'i rim pa ni dpal rta mchog gi gsang pa'i don rnam par bkod pa'i las shes bar bya'o/ /dpal rta mchog gi dbugs dbyung ba'i don rnam par bshad pa'o/ /gzhan yang dbugs sna tshogs kyi sgo nas rgya chen po'i 'gro ba mdza' dag ni don mdzad pa'i tshul ni rtsa ba'i rgyud chen po las rgya cher bstan te rigs bsdus pa'i thun mong gi dkyil 'khor dang/ so so'i dkyil 'khor sna tshogs dang/ de las byung pa'i dkyil 'khor mang por bstan pa bsdu pa'i phyir tshigs su bcad pa gnyis gsungs pa las/ dang por dkyil 'khor sna tshogs ji ltar byung zhing de nyid spro pa'i gnas dang gdul bya 'dul gyi lo rgyus dag ni/ de la sogs pa mdza' yas mchog /chos dbyings mnyam dang mi mnyam pa/ /nam mkha' dbyings kyi mdza' klas pa'i/ /rang byung rnams kyi gtam gyi gtam/ / gang zhig sku dang ye shes thams cad kyi bdag nyid du gyur pa'i yon tan thams cad kyi gnas/ da ni rdo rje 'chang chen po de nyid de/ thog mdza' med pa'i sems dpa' chen po de nyid kyi ye shes dang/ rigs kyi bye brag las snang ba'i mgon po sangs rgyas drug go /de re re las kyang rigs dang ye shes las snang zhing yon tan dang phrin las kyi rnam par 'phrul ba'i dkyil 'khor lo mdza' yas par byung zhing/ sangs rgyas dang sems can gyi gnas su chos can dang chos nyid kyis gar khyab pa'i mnyam pa dang mi mnyam pa dag tu rnam par spros shing nam mkha' i dbyings kyi mdza' klas bar khyab cing rgyas so/ /de yang gdul bya'i ris so so'i las kyis bsgrubs pa dag

  686. 343b

    sbyor ba'i gnyen por rang byung gi 'phrul pa dag ji ltar snang ba ni/ gtam gyi lo rgyus sna tshogs kyis mtshon pa de nyid/ rtsa ba'i rgyud las gsungs pa dag bsdus te bshad pa/ dang por dregs byed sde chen la sogs pa'i gdul bya rnams kyi don du/ dpal rdo rje sems dpa' i dkyil 'khor ji ltar snang ba ni/ sku gsum gnyis su med pa'i sangs rgyas dpal rdo rje 'chang chen po de nyid kyis sna tshogs rnam par 'phrul pa'i ting nge 'dzin la sogs par bzhugs te/ bsnyems tshul gyis rab tu gnod pa'i 'od zer spros shing/ sngags kyi rgyal po'i mthus rang nyid dang cha lugs 'dra ba'i dpal rdo rje sems dpa' thabs dang shes rab gnyis kyi sku rnam pa gnyis phyung ngo/ /oM ma hA su kha badzra satwA a(rgyud 'grel): dza(rgyud 'grel): hUM baM ho(rgyud 'grel): su ra ta stwaM/ nyid kyi sku bde ba chen po'i sku la longs spyod cing/ dgyes pa'i 'od zer gyis ye shes kyi cho 'phrul yan lag bdun rnam par bkod pas dregs byed kyi tshogs thams cad rab tu 'jigs par mdzad/ de dag gi gtso bo chen po'i nga rgyal gzhom zhing gnyen po'i tshul du bzhugs so/ /yang 'khor gyi dregs byed gzhan rnam par 'joms pa'i bkod pa'i yan lag bdun rnam par bstan cing/ shes rab kyi snang ba mo yum kun tu bzang mo dang gnyis su med pa'i rol pa las 'khor gyi lha mo nyi shu rnam par spros shing/ de dang mthun pa'i gdul bya de nyid rab tu gzhom par mdzad do/ /de yang me long lta bu'i ye shes las snang ba'i thugs rdo rje'i rigs thams cad gcig tu 'dus pa'i lha mo dpal bde mchog ma'i sku phyung zhing rang gi gsang sngags kyi rnam par spros so/ /dza(rgyud 'grel): badzra dri Sh+Ti sa ma ke maT/ dur khrod kyi mun pa mo'i gnas sbyang zhing rang bzhin gyi dkyil 'khor gyi phyogs su gnas te

  687. 344a

    zhi ba'i phrin las kyis gzhan dag rnams kyang phrin las rgya chen po la rnam par sbyor zhing/ rang gi rigs kyi dkyil 'khor dang gnyis su med par mdzad do 'di nyid kyi tshul gyis ni lha mo gzhan dag la yang rigs dang ye shes dang/ mdzad pa'i phrin las dang/ 'dul bya dang/ 'dul byed kyi mtshan nyid rgya cher sbyar bar bya'o/ /de ltar so sor rtog pa'i ye shes kyi rang bzhin yon tan rin po che'i rigs las snang ba'i lha mo/ e ma he bde ba mo phyung ste/ hUM badzra kI li kI li hUM zhes pas rin chen dpal 'phrog ma 'dul bar mdzad do/ /mnyam pa nyid kyi ye shes las snang ba'i gsung pad+ma'i rigs thams cad gcig tu 'dus pa lha mo snang mdzad ma'i sku phyung ste/ baM badzri Ni sma ra ra Ta zhes pas pad+mas lus kun tu klubs pa mo 'dul bar mdzad do/ /bya ba grub pa'i ye shes kyi rang bzhin phrin las las kyi rigs thams cad gcig tu 'dus pa'i lha mo slong ma mo phyung zhing/ ho badzra kA me shwa ri twAM zhes pas gnas 'joms drag po 'dul bar mdzad do/ /de dag ni ye shes rnam pa bzhi'i snang ba yin te/ rigs rnam pa bzhi'i bde bar gshegs pa'o/ /yang rigs kyi yum rnam pa bzhi las sprul pa'i lha mo gzhan yas phyung ste/ oM aM ma d+hu badzri g+huM g+huM zhes pas lha mo sangs rgyas byang chub sems dpa' i gzugs 'dzin ma 'dul bar mdzad do/ /oM badzra me b+he gu lu gu lu bruM chos kyi 'khor lo mas sde 'dzin drag mos 'dul bar mdzad do/ /oM ma he shwa ra Ta badzri oM oM zhes pas khams gsum rnam par rgyal mas gsum sgrub sdig byed ma'i tshogs 'dul bar byed do/ /oM khaM badzra she shaM raM hUM hUM zhes bas lha mo 'dod pa'i lcug ma mos yid myur gzugs

  688. 344b

    can mo 'dul par mdzad do/ /de dag ni rtsa ba'i dogs byed kyi tshogs rtsa ba'i dkyil 'khor gyis 'dul bar mdzad pa'i gleng gzhi'o/ /yang phyi dkyil 'khor gyi mkha' 'gro ma dag ni phyi'i dkyil 'khor gyi mkha' 'gro mas 'dul bar mdzad pa'i rdo rje gling bu ma phyung ste/ oM he ra ti badzra pi lI si ni tri Ta zhes pas 'phrug sgra rab tu 'byin ba mo 'dul bar mdzad do/ /rdo rje pi wang ma phyung ste he ra ti badzra gI te te te zhes pas rgyud gsum gyi drag mo 'dul bar mdzad do/ /rdo rje rnga chen ma phyung ste he ra ti badzra hAM sya ha ha baM zhes pas ming tshig kun ldan ma 'dul bar mdzad do/ /rdo rje rdza rnga ma phyung ste he ra ti badzra nE? She? pa be pa ?dzaM zhes bas sgra skad drag mo 'dul bar mdzad do/ /rdo rje me tog ma phyung ste/ oM badzra puShpe zhes pas 'dod pa'i gzugs 'dzin ma 'dul bar mdzad do/ /rdo rje spos med ma phyung ste oM badzra d+hU pa zhes pas rtse gsum dri ldan ma 'dul bar mdzad do/ /rdo rje mar me ma phyung ste oM badzra A lo ke zhes pas glog gi 'phreng ba mo 'dul bar mdzad do/ /rdo rje dri chab ma phyung ste oM badzra gaM d+he zhes pas dregs byed g.yo ba mo 'dul bar mdzad do/ /rta mgrin 'phangs mtho ma phyung ste oM badzra aM ku sha dza(rgyud 'grel): zhes pas drag mo 'gugs pa can 'dul bar mdzad do/ /phag gdong zhags pa mo phyung ste oM badzra pA sha hUM zhes pas drag mo sdom pa mo 'dul bar mdzad do/ /rdo rje snang ba ma phyung ste oM badzra shaM kha le baM zhes bas gzung 'dzin dka' bzlog ma 'dul bar mdzad do/ /thal 'jig ro langs ma phyung ste oM badzra g+haN+De ho(rgyud 'grel): zhes pas gtum mo thal phyed ma 'dul bar mdzad do/ /de ltar dpal rdo rje sems dpa' i dkyil 'khor las sprul ba'i lha mo'i rigs rnams kyis dregs byed kyi gtso mo rnam par spyod zhing/ yang de'i rigs dang 'khor na gnas pa'i sde dang ris bsam gyi mi khyab

  689. 345a

    ba dag 'dul ba'i phyir/ lha mo re re las kyang dkyil 'khor rgyas pa'i sgo nas don mdzad pas rdo rje sems dpa' i rigs su dkyil 'khor mi 'dra ba bdun cu rtsa gcig byung ba yin no/ /de ltar rigs kyi dkyil 'khor gzhan yang rnam par dbye ste/ de nas gong nas bshad pa bzhin du dkyil 'khor gyi dbye ba grangs med par 'gyur ro/ /de dag gtso bo tsam gyi sgo nas bstan pa ni/ dbugs dbyung bsdus pa'i rim pa ste rgya cher spros pa ni rgyas pa'i tshul du shes par bya'o/ /gzhan yang bcom ldan 'das rnam par snang mdzad kyi sgo nas bstan pa'i phyir drag po mun pa'i tshogs can la sogs pa'i gdul bya rnams kyi don du dpal rdo rje 'chang chen po la sangs rgyas rnam par snang mdzad kyi sku yab yum rnam pa gnyis phyung zhing/ oM b+huM khaM zhes brjod pas dregs byed kyi gtso bo de nyid 'dul bar mdzad do/ /yang 'khor gyi tshogs rnams 'dul ba'i don du sangs rgyas byang chub ma dang dpal mo dang kun tu bzang mo dang/ zad med kyi snong 'dzin ma dang/ sangs rgyas sku ldan ma dang/ mdzes pa mo dang/ sprin chen po dang nam mkha' i spyan ma rnams phyung ste so so'i sngags brjod pas ngor tshen sgrogs pa dang/ dpa' bo mtshon cha ma dang/ mdzes pa'i phreng ba can dang/ yid mchog rgyal mo dang/ kun gzugs ma dang/ mdzes chen mo dang/ drag mo sgra chen mo dang/ 'gyur ba'i spyan can ma rnams 'dul bar mdzad do/ /yang 'khor lo'i pi wang ma la sogs pa'i lha mo bcu gnyis phyung zhing/ rang gi gsang sngags brjod pas me tog gsum 'dzin ma dang/ 'gro ba'i yid 'phrog ma dang/ rgyal mtshan gsum 'dzin ma dang/ rab tu gtum pa mo dang/ me tog gi /

  690. 345b

    mda''dzin ma dang/ nag mo chu la spyod pa mo dang/ dmar mo'i phreng ba can dang/ dri mchog sna tshogs zab mo dang/ drag po'i gzugs kyis 'dren pa mo dang/ rab gtum yin mo dang/ keng rus sdom pa mo dang/ rmongs byed chen mo rnams 'dul bar mdzad do/ /gzhan yang dpal he ru ka'i dkyil 'khor gyis don mdzad pa'i tshul ni/ ru tra la sogs pa'i gdul bya spyi dang khyad par gyi lam la rnams te/ de nyid kyi gnyen por rdo rje 'chang chen po'i sku las/ dpal he ru ka'i phyag rgya chen po gnyis su med pa'i tshul du byung ste/ rang nyid sngags brjod pas de nyid kyi gtso bo 'dul bar mdzad do/ /gzhan yang gau rI dang/ tsau rI dang/ pra mo ha dang/ pa tA lI dang/ puk+ka sI dang/ tsaN+Da lI dang/ g+hasma rI dang/ sma shA ni rnams phyung ste/ rang rang gi sngags brjod pas tshig gsum drag me dang/ mche ba'i sde can dang/ mi sdug gzugs can dang/ gnas 'jom mtshon cha mo dang/ kun rgyu ma dang/ tshe 'phrog ma dang/ 'jigs pa'i las mkhan ma dang/ don byed pho nya mo rnams 'dul par mdzad pa'o/ /yang lha mo mda''dzin ma dang/ kha TwAM 'dzin ma dang/ 'khor lo 'dzin ma dang/ sna tshogs ba dan 'dzin ma mo phyung ste/ so so'i sngags brjod bas srin mo mi khrag 'thor ba mo dang/ drag mo rtse gsum ma dang/ yid myur gcod pa mo dang/ sna tshogs mda''dzin ma rnams 'dul bar mdzad do/ /yang khro mo me tog la sogs pa brgyad phyung ste so so'i sngags brjod pas/ keng rus 'thor byed ma dang/ gdug pa'i dri ldan ma dang/ dbang po'i phreng ba ma dang/ srin mo khrag 'thung ma dang/ dur khrod kyi phreng 'dzin ma dang/ myur du 'ching ba mo dang/ rab sdom chen mo dang/ rgyud gsum rlag byed ma rnams 'dul bar mdzad do/ /gzhan yang dpal pad+ma

  691. 346a

    gar gyi dbang phyug gi sgo nas dregs byed mdza' la gnas pa la sogs pa'i gdul bya sna tshogs kyi don du/ dpal rdo rje 'chang chen po nyid las pad+ma gar gyi dbang phyug yab yum thabs dang shes rab gnyis su med pa'i sku phyung ste/ rang gi gsang sngags brjod pas bdud kyi rgyal po 'dul bar mdzad do/ /de nyid kyi 'khor rnams gdul ba'i phyir lha mo rnam par gzigs ma dang/ sgrol ma dang/ sa 'dzin ma dang/ khro gnyer ma dang/ pad+ma gtum pa'i dbang phyug ma dang/ sna tshogs pad+ma mo dang/ pad+ma'i na bza' mo dang/ rdo rje padmo'i dbang phyug mo rnams phyung ste so so'i sngags brjod pas/ phyogs kun mthong ba mo dang/ dka' bzlog chen mo dang/ gnas bdag mo dang/ 'jigs pa'i sgra 'byin ma dang/ me lce'i gshog pa can dang/ mi lpags kyi gos can ma dang/ kun tu 'khrug byed ma rnams 'dul bar mdzad do/ /pad+ma'i gling bu ma la sogs pa bcu gnyis phyung ste/ so so'i sngags brjod pas glu mkhan ma dang/ nor bsrung ma dang/ 'joms ma dang/ kun byed ma dang/ me tog bdud 'dzin ma dang/ 'khor lo'i go cha ma dang/ kun tu spyod pa mo dang lam gyi gnas 'jig mo dang/ brtson 'grus 'khrug mdzad ma dang/ gnas kun sdom pa mo dang/ 'jigs pa'i las spyod ma dang/ 'jigs byed drag mo rnams 'dul bar mdzad do/ /gzhan yang dregs byed 'jungs pa can la sogs gdul bya rnams kyi don du/ dpal rdo rje nyi ma'i dkyil 'khor ji ltar snang pa ni dpal rdo rje 'chang chen po las/ rdo rje nyi ma yab yum gyi sku snang bar mdzad cing rang gi sngags brjod pas dregs byed kyi gtso bo de nyid 'dul bar byed de/ /de nyid kyi 'khor

  692. 346b

    rnams gdul ba'i phyir lha mo dbang bskur ma dang/ gter ldan ma dang/ rgyal mtshan mchog ldan ma dang/ mchog chen ma dang/ mda''dzin mo dang/ kha TwAM 'dzin mo dang/ nyi ma mo dang/ rdo rje me mo ma rnams phyung ste/ so so'i sngags brjod pas ma mo rgyan can ma dang/ mi thub dpa' mo dang/ kun spyod ma dang/ kun za mo dang/ phyag brnyan mo dang/ g.yul las rgyal mo dang/ nyi ma'i mig can mo dang/ 'jig rten bsags byed ma rnams 'dul par mdzad do/ /phyi rol gyi lha mo rin po che gling bu ma la sogs pa bcu gnyis phyung ste so so'i sngags brjod pas/ yi dags lto mo che dang/ dgra 'dzin ma dang/ rlung gi shugs can mo dang/ gnod sbyin gyi mche ba can dang/ kun 'dzin dam byed mo dang mi mthun bsgyur ba mo dang/ rang 'od gsal ba mo dang/ dri ngan 'thor byed ma dang/ 'gugs pa mo dang/ 'ching ba mo dang/ drag mo nad bdag mo dang/ nag mo be con ma rnams 'dul bar mdzad do/ /gzhan yang dpal rta mchog rol pa'i sgo nas dregs byed sna tshogs 'khrul pa can la sogs pa gdul bya sna tshogs kyi don du/ dpal rdo rje 'chang chen po nyid las rta mchog yab yum thabs dang shes rab gnyis su med pa'i sku phyung ste rang gi sngags brjod pas bdud kyi rgyal po de nyid dang/ lha chen po drag byed kyi tshogs rnams 'dul bar mdzad do/ /de dag gi 'khor thams cad ni khyad par gyi lha mo gnyis dang/ thun mong gi lha mos sna tshogs kyi sgo nas 'dul bar mdzad de/ sna tshogs pad+ma ma dang/ sna tshogs rdo rje ma dang/ phrin las bzhi'i dkyil 'khor gyi tshul gyi chags chen rgyal mo dang/ phrin las kun spyod ma dang/ de dang rigs mthun pa'i sde rnams 'dzoms par mdzad do/ /de ltar dkyil 'khor rgya chen po rnam par 'phrul zhing de re re la snang ba'i dkyil

  693. 347a

    'khor gyis kyang gdul bya'i tshogs grangs med pa 'dul par mdzad pas na/ 'di ni dbugs dbyung sna tshogs pa zhes bya'o/ /de dag gang las byung ba'i rang bzhin ni nam mkha' kun gyi skabs na dpal/ rdo rje sems dpa' rab tu gnas/ /dper na til gyis 'brus bcer zhing de dag la mar gyis khyab pa dang 'dra bar snod bcud kyi dngos po thams cad lha'i dkyil 'khor gyis bar mtshams med par khyab cing/ de dag ni dpal rdo rje sems dpa' i rang bzhin las phyung ba'o/ /gzhan yang mdzad pa'i tshogs 'bras bu dang bcas pa'i sgo nas/ grub pa'i dbang phyug rab grub pas/ /thams cad bdag nyid 'jug par byed/ /so so'i phrin las kyi sgo nas las bya ba'i cho ga rnams rnam par spyod pas yon tan gyi snang ba thams cad gsal zhing rang bzhin gyi gnas la sbyor bar byed do/ /gtam gyi phyag rgya zhes pa ni sngon byung gi rjes 'jug gi tshul rgya chen po'i mtshan nyid bshad pa'o// // le'u lnga pa'i don rnam par bshad pa'o/ /gang zhig bdag dang gzhan gyi bsgrub par bya ba thams cad kyi lam du bya ba ni/ bsod nams dang ye shes kyi tshogs kyi bya ba ste/ theg pa gzhan las khyad par du gyur pa'i don las gnyis phyogs gcig tu spyod pa'i dus su yon tan thams cad kyi gnas la sbyor zhing sgo gsum gyi bya ba thams cad mthar phyin pa'i sgo nas lam 'bras bu dang bcas pa thams cad skye zhing nyid kyi yon tan phun sum tshogs pa thams cad 'grub par byed pa'o/ /de yang rtse ba'i rgyud las/ bsod nams ye shes tshogs chen po/ /rab tu sbyangs pa'i mthu dag gis/ /'bras bu thams cad rdzogs byed de/ /rang gi ye shes gnas la sbyor zhes so/ /

  694. 347b

    des dang por tshogs kyi dkyil 'khor bshad par zhal gyi bzhes pa ni/ de nas gzhal yas thams cad du rnam pa sna tshogs mchog gyur pa'i/ /sangs rgyas thams cad mnyam sbyor ba/ /mkha' 'gro sgyu ma bde mchog bshad/ /mtshon cha'i dbang du 'gro ba'i yan lag phun sum tshogs pa'i rjes la/ tshogs kyi rim pa rtsom pa dang/ tshig gi dbang du le'u lnga pa'i rjes thogs su byung bas mtshams sbyar ba'o/ /de yang rnal 'byor pa gang gis spyod pa'i bye brag gis lam bsgrub pa'i phyir/ tshogs kyi cho ga sna tshogs pa la rang gi mos pa dang 'byor pa'i sgo nas 'jug par bya ste/ gnas dang dus la sogs pa'i bye brag bzhin du shes par byas la/ tshogs kyi 'khor lo dang tshogs kyi sgrub pa dang/ tshogs kyi mchod pa dang/ he ru ka'i dus ston dang/ dpa' bo'i ston mo'i rim pa rnam pa sna tshogs pa dag so so'i cho ga las 'byung ba bzhin du nyams su blang zhing sbyod pa'i mthus/ rgyu rkyen phun sum tshogs pa mchog tu gyur pa'i mthus/ lam sbyang zhing 'bras bu mchog tu gyur pa la sbyor bar byed de/ bla na med pa'i bde ba dang/ yid bde pa'i ngo bo nyid yon tan phun sum tshogs pa'i gnas su gyur pa 'dis sgrub par 'gyur pa'o/ / de'i phyir rtog pa bdun pa las/ gang zhig rnal 'byor las sbyor ba/ de nyid tshogs kyis 'grub par byed/ /bsod nams ye shes tshogs sbyor bas/ /rnam pa sna tshogs mchog tu 'gyur/ /de sbyor thabs ni rnam lnga ste// bsten gnas dus gsum sngon 'gro dang/ /sgrub pa lnga yi cho ga ste/ /de spyod las rnams mthar phyin 'gyur/ /de phyir lam gyi yan lag mchog /bsod nams ye shes tshogs chen yin/ /gang sngon tshogs lam ma sbyor bar//

  695. 348a

    bsgrub byas las kyi rim pa dag /rten dang bral ba'i sa bon bzhin/ /legs smin 'grub par mi 'gyur ro/ /zhes so/ /de'i don ni sangs rgyas thams cad dang mnyam par sbyor ba'i tshul gyis tshogs kyi dkyil 'khor rab 'bring gi las la mkha' 'gro sgyu ma bde mchog gi tshul gyis spyod pas de nyid kyi don bshad pa'i phyir le'u drug par gsungs ba yin te// //grub pa'i rim pa dag ni so so'i cho ga las shes par bya'o/ /de yang rtsa ba'i rgyud las/ /sangs rgyas thams cad mnyam sbyor ba/ /tshogs kyi dga' bde'i longs spyod kyis/ mkha' 'gro sgyu ma'i bde ba sgrub/ /thams cad don phyir rnam sprul mchog /tshogs kyi 'khor lo sgrub pa dang/ /mchog tshogs ston mo rnam gnyis kyis/ /phun sum tshogs pa'i don sgrub mdzad/ /gsang ba gsang chen nyid kyi sku/ /rdo rje lta bu'i gnas la bzhugs/ /tshogs kyi dkyil 'khor rgyal po'i mchog /sgrub byed yan lag gnyis kyi tshul/ /gang thabs 'khor lo rab bshad bya/ /zhes so/ /de ltar bshad pa'i don bzhin du dkyil 'khor dngos bsgrub pa'i phyir/ dang por lha'i mtshan nyid bstan te/ dpal ldan sangs rgyas kun gyi dngos/ /rdo rje sems dpa' i bde byung ba/ /gsang ba mchog gis dgyes pa na/ thams cad bdag nyid rtag tu bzhugs/ gang zhig lha mo'i tshogs kyis mi 'bral bar bskor ba ni dpal dang ldan pa'o/ /de nyid ni sangs rgyas kun gyi bdag nyid/ /rdo rje sems dpa' i sku/ thabs dang shes rab zhal sbyor gyi tshul du gnas pas/ mtshon bya dang mtshon byed du 'brel pa'i bde ba la longs spyod cing/ rigs drug gi dkyil 'khor rnam par 'phrul pa'i bkod pa bstan nas/ gdul bya'i

  696. 348b

    gnas la longs spyod de/ gsang ba lnga'i dgongs pa mnga' zhing mchog tu gyur pa'i las rnam pa drug gis dgyes shing/ longs spyod bzhi'i dgyes pas 'khor lo thams cad kyi bdag nyid du 'phros 'dus mdzad pa'i las la rtag tu bzhugs pa'o/ /de yang rtog pa bdun pa las thabs dang shes rab gnyis med pa'i/ /dpal ldan rdo rje sems dpa' i sku/ /bde chen gsang ba'i gnas bzhugs te/ /gsang ba'i dgongs pa lnga dang ldan/ /las drug mchog tu gyur pa yis/ /dgyes mdzad dgyes pa bzhi'i la spyod/ /'khor lo thams cad bdag nyid mchog /las mdzad 'gro 'dus rtag tu bzhugs/ /rigs drug dkyil 'khor sku yis ni/ /rigs mthun tshogs kyi gtso bo mdzad ces so/ /de ltar tshogs kyi dkyil 'khor kyi las sgrub pa dag la ni dang por sngon du 'gro pa'i cho ga dgos te/ de la dkyil 'khor gyi rgyan ni/ sangs rgyas kun gyi dam tshig dpal/ /rdo rje sems dpa' snang ba bde/ /de bzhin gshegs pa'i lha rdzas mchog /rin chen rgyan la sogs pas smras?/ /dril bu rgya mtshan mchog ldan pa'i/ /bla re dam pa bres pa na/ /dngos su 'byor pa dang/ yid kyis sprul pa dang/ sngags dang/ phyag rgya dang/ ting nge 'dzin gyis byin brlabs pa'i rin po che bai DUrya dang ka ti ka dang pad+ma rA ga dang/ in+d+ra nA li dang/ pu sha ra ga? dang/ spug dang/ rdo rje dang/ rdo rje'i snying po dang/ aN+Da rI la dang/ ni mi kha dang/ shel dang/ gzi dang/ mu tig la sogs pa'i phreng ba dang/ chun 'phyang ba dang/ dra bas mdzes pa dang/ ras dang/ dar la sogs pa'i gdugs dang rgya mtshan dang/ ba dan dang/ bla re dang/ yol ba dang/ za ra chags la sogs pa dag ni rdo rje sems dpa' i snang ba las byung zhing bde ba de nyid ni sangs rgyas kun gyi dam tshig ste/ yon tan gyi chags pa dang phrin las

  697. 349a

    kyi snang ba mi 'bral bar gnas pa'o/ /gzhan yang de bzhin gshegs pa'i lha rdzas rin po che'i rta babs la sogs pas rnam par brgyan pa'i khang pa chen po dril bu la sogs pa 'khrol ba'i sgra las zab pa dang rgya che ba'i rnam par sgrogs par mdzad pas/ rang rang gi de kho na nyid mtshon zhing gsal bar mdzad pa'o/ /gzhan yang mchod pa'i tshogs rgya chen po thams cad dgod pa'i phyir/ rdo rje tshig dang mchod la sogs/ /glu dang sil snyan rnam par sprul/ /me tog 'dug pa'i sbyor ba dag /mar me dri la sogs ldan par/ /mchod pa'i lha mo dang bcas pa'i mchod pa'i tshogs gzugs kyi bye brag rin po che sna bdun dang/ mchod pa'i dngos po brgya dang/ bum pa bzang po dang/ dpag bsam gyi shing dang/ 'dod 'jo'i ba dang/ yid bzhin nor bu la sogs pa'i 'dra 'bag gis bcos pa'i lha mo dag gi bzhag par bya'o/ /sgra'i bye brag gling bu dang/ pi wang dang/ rdza rnga dang/ rnga zlum dang/ dung dang/ zangs dung dang/ mu tig ha ra dang/ dgu po rgyud mangs dang/ cha lang dang/ ? rdob pa la sogs pa dngos su sgra 'byin pa dang/ rol mo dang gzugs brnyan gyi bcas pa dag kyang bzhag par bya'o/ /dri'i tshogs a ka ru dang/ spros la sogs pa'i rgyud las byung ba dang/ go risha Sha dang sbrul gyi snying po dang ga bur la sogs pa'i rdzas khyad par can dag kyang bzhag par bya'o/ /sbyar ba dang rang bzhin gyi rgyu las byung ba rnams kyang so so'i gnas su dgod par bya'o/ /ro'i tshogs mngar ba dang skyur ba la sogs pa'i ro drug dang sbyar ba'i rdzas ston mo'i g.yos kyi bye brag sna tshogs pa dag kyang dgod par bya'o/ /reg bya'i bye brag stong g.yogs dang/ smad g.yogs dang/ cod pan dang/ rna

  698. 349b

    rgyan dang/ do shal dang/ phreng ba la sogs pa'i rgyan rnams kyang gdags par bya'o/ /gzhan yang bsrung ba'i rdzas thams cad kyang mda' dang phur bu dang/ ral gri dang/ yungs kar dang/ gu gul dang/ thal ba dang/ rang rang gi phyag mtshan dang/ bya ma dang/ dri chu rnams kyang so so'i gnas rnams su dgram par bya'o/ /mchod pa dang gtor ma'i rdzas mchod pa thams cad kyi phyag rgya shes pa dang/ mchod pa thams cad kyi gtor ma'i phyag rgya shes pa las ji ltar bshad pa bzhin du sbyar zhing dgod par bya'o/ /spyi'i mchod pa'i yan lag me tog dang/ bdug spos dang/ mar me dang/ dri chab dang/ zhal zas dag kyang gnas brgyad du 'gram par bya'o/ /de dag byin gyis brlab pa la sogs pa'i cho ga ni sgrub thabs las shes par bya'o/ /de ltar spyod pas las su bya ba ci zhig sgrub ce na/ sgrub pa'i don bshad pa'i phyir/ sangs rgyas thams cad mnyam sbyor ba/ mkha' 'gro sgyu ma bde mchog sgrub/ /rigs bsdus pa'i dkyil 'khor gyi sgo nas brtsam par bya ba dang/ rigs kyi dkyil 'khor rim bzhin pa'i sgo nas brtsam par bya ba dang/ rigs gcig gi dkyil 'khor gyi sgo nas brtsam par bya'o/ /de yang dang por ni bsod nams kyi tshogs kyi 'khor lo'i sgo nas sgrub cing/ de dag mthar phyin pa dang ye shes kyi tshogs kyi 'khor lo'i sgo nas bsgrub par bya'o/ /de yang rtsa ba'i rgyud las/ rigs bsdus dkyil 'khor rgya chen dang/ /dkyil 'khor rim bzhin sgrub pa dang/ rigs gcig dpa' bo gcig pa yi/ /dkyil 'khor gang yang rung ba dag /sgrub pa'i phyag rgya rab tu sbyor/ /bsod nams ye shes tshogs chen po'i/ /rim par 'dug pa bstan pa yin zhes so/ /de ltar bsgrub par bya ba'i don de dag kyang/ /rten gyi gang zag yon tan phun sum tshogs pa dang

  699. 350a

    ldan pas mngon par 'dod pa'i gnas su sgrub par bstan pa'i phyir/ yang na bde ba'i gnas dag gam/ /skyed mos tshal la sogs par sgrub/ /gang zhig rang gi sngon du brtsams pa'i gnas phun sum tshogs pa dang mi ldan pa dag gis ni rang gi mos pa'i gnas ji ltar bde ba dang skyed mos tshal la sogs par bsgrub par bya'o zhes pa'i don to/ /der sgrub par bya ba'i las bya ba la/ dang por bsod nams kyi tshogs la ni sngon du sa'i cho ga dang sta gon la gnas pa'i cho ga dang ldan pas dkyil 'khor gyi thig gdab cing bris nas/ so so'i gnas su rdul tshon ma bkye bar gdan tsam dgod pa'i phyir/ der ni dang por gdan bshams te/ 'jam zhing reg na bde gyur pa/ /sna tshogs pad+ma ras kyis g.yogs/ /de ni thams cad dag pa'i gdan/ /dkyil 'khor gang yang rung pa'i sgo nas lha'i grangs bzhin du rnal 'byor pa du yod pas so so'i gdan du yod pa la gnas par bya'o/ /stan de nyid kyang dngos su pad+ma ras kyis g.yogs pa 'am/ ras de nyid la pad+mas mtshon par bya'o/ /de yang rnal 'byor pa'i grangs dkyil 'khor gyi lha grangs pas mang ba zhig na ni mchod pa'i lha dang/ phrin las kyi lha'i gnas su gnyis dang gsum dang bzhi'i grangs kyis lnga pa cing gal te grangs nyung ba zhig na ni 'dra 'bag gi bcos ma dag kyang bzhag par bya'o/ /de yang rtsa ba'i rgyud las/ dkyil 'khor gang yang rung ba bzhin/ /phyag rgya'i cha lugs gnas par bya/ /gang zhig rang gnas las lhag 'gyur/ /mchod dang phrin las lha mo yis/ /gnas su btang ste bzhag par bya/ /ma tshang ba dag brnyan mas bsab/ /de dag so so'i rnal 'byor gyi/ /pad+ma la gnas mtshan ma 'dzin zhes so/ /de ltar sngon du 'gro ba'i yan lag dang ldan pa des ni tshogs kyi

  700. 350b

    'khor lo'i rim pa la 'jug par bya ste/ dang por bsod nams kyi tshogs bsag pa'i phyir/ sgom pa'i rim pas dkyil 'khor 'khrul pa ni/ sangs rgyas thams cad mnyam sbyor ba/ sbyor ba'i dbang phyug rnam 'phrul pas/ /rdo rje sems dpa' dpal gyi lha/ /de nas rnam par 'phrul par mdzad/ /rigs bsdus kyi dkyil 'khor gyi dbang du lha nyis brgya drug cu rnams dang rigs so so'i dkyil 'khor gyi rim pa'i dbang du lha brgya nyi shu rtsa brgyad dang cig rigs so so'i dkyil 'khor dang kha yar pa'i sgo nas lha nyi shu rtsa gcig dang/ rta mchog gi lha mo gnyis kyis lhag pa dang/ dpa' bo yab yum gyi dkyil 'khor gyi sgo nas lha sum cu po dag rnam par 'phrul pa'o/ /de nyid gang gi sgo nas she na/ sangs rgyas thams cad dang mnyam par sbyor ba'i don gnyis su med pa'i ngo bo las byung ba'o/ /tshul ji ltar zhe na/ sbyor ba'i dbang phyug gi rnam par 'phrul pa'i sgo nas so/ /rkyen gang zhig gis zhe na/ rdo rje sems dpa' dpal gyi lha las byung ba'o/ /'bras bu ci zhig gis mdzad pa la spyod ce na/ dkyil 'khor gong ma dag gis gong ma'i so so'i bya ba grub par mdzad pa'o/ /de ltar dkyil 'khor rgya chen po dag kyang rigs kyi dkyil 'khor rnam pa drug tu 'dus te/ de las rdo rje sems dpa' dkyil 'khor ji ltar 'phrul pa'i tshul ni/ dpal rdo rje 'chang chen po nyid kyi rang bzhin la snang ba'i rdo rje sems dpa' i sku dang/ dung dang kun da zla ba'i bzhin gyis mdzes pa ye shes kyi mdangs la rin po che sna lnga'i 'od zer 'phro zhing/ de las sangs rgyas rigs drug gi sku byung bas mdzes pa/ 'jo sgeg dgyes pa'i 'dzum mig dang bcas pas chags pa'i tshul du bzhugs pa dkar po dang mthing kha dang ser po dang dmar po'i zhal bzhis mtshan zhing rin po che'i dbu rgyan dang cod pan du

  701. 351a

    bcas pa/ phyag g.yas g.yon gyi dang pos rdo rje rtse lnga pa thugs kar bsnyems pa'i tshul du gsor zhing kha TwAM ga dril bu dang bcas pas 'khrol ba'o/ /'og ma gnyis mda' dang gzhu 'dzin pa mtshan bzang po sum cu rtsa gnyis dang dpe byad brgyad cus spras shing phyag rgya lnga yis mdzes pa/ sku stong dar dkar gser gyi ris can stong g.yogs su bnabs shing/ sku smad tshe gu'i na bza' can/ rin po che'i phreng ba'i rked chings can mgur chu dang do shal dang/ dbung rgyan phyag zhabs kyi gdu bu dang/ se mo dos mtshan pa rang nyid kyi cha 'dra ba 'am/ lha mo bde mchog ma lta bu'i kun tu bzang mo zhal sbyor du bzhugs ba'o/ /de'i phyogs su gsang ba'i lha mo bzhi rang nyid kyi cha 'dra ba'i 'od kyi skyes bu bzhi la/ 'khril ba'i tshul gyis bzhugs te shar du lha mo bde mchog ma sku mdog dkar mo sna tshogs kyi gos dang rgyan gyis mdzes pa/ 'gyings pags gis phyag na mda' gzhu 'gengs pa ste pad+ma'i dkyil 'khor la gnas pa'o/ /lho phyogs su e ma bde ba mo gser gyi mdog can b+ha ga dang ling ka'i mtshan ma 'dzin cing rdo rje dang rin po ches brgyan pa'o/ /nub phyogs su lha mo snang mdzad ma dmar mdangs can phyag g.yas na sna tshogs rdo rje rgya gram 'dzin cing bdag po'i sku la 'khyud nas g.yon pas thod pa'i snod bdud rtsis bkang ba thogs te/ kha TwAM ga gru mor bcug pa'o/ /byang phyogs su slob ma mo in+d+ra nI la'i mdog can g.yas pas bdag po la 'khyud cing g.yon na sangs rgyas kyi skus mtshan pa'i bdud rtsi'i bum pa bsnams pa'o/ /yang phyi rol shar gyi re'u mig la sangs rgyas byang chub ma dkar dmar gyi mdangs can tshangs pa'i mgo bzhis mtshan pa'i mda' gzhu dus gcig tu

  702. 351b

    'phen pa'o/ /lho phyogs su chos kyi 'khor lo ma dkar ser gyi mdangs can phyag g.yas kyi gung mo la 'khor lo dmar po rtsibs brgyad pa dang/ sngon po rtsibs brgyad pa gnyis brtsegs pa'i tshul du brgyud shing 'degs pa'i tshul gyi stod pa/ g.yon pa 'gying bags gis tshul gyis khu tshur dku'i gnas su brten te bzhugs pa'o/ /nub phyogs su khams gsum rnam rgyal ma dmar skya'i mdog can g.yas na tri shul rtse gsum stod pa'i tshul gyis 'dzin cing g.yon pas rdo rje rtse lnga pa thugs kar brten pa'o/ /byang phyogs su 'dod pa'i dbang mo ljang gu'i mdog can/ phyag gnyis na dpag bsam gyi shing lcug ma dang bcas pa rlung gis bskyod pa 'dzin zhing gar mdzad pa'o/ /de ltar rtsa ba'i dkyil 'khor gyi lha mo de dag kun kyang rin po che'i rgyan dang cha byad kyis mdzes shing/ rang 'od kyi rig ma dang 'khril ba'i zhal sbyor te 'gying bags gi rnam pas bzhugs pa'o/ /me mtshams kyi re'u mig la rdo rje gling bu ma bai DUrya'i mdog can/ rdo rjes mtshan pa'i gling bu sgrogs pa'o/ /bden bral gyi re'u mig la rdo rje pi wang ma gser gyi mdog can/ rdo rjes mtshan ma'i pi wang glu dbyangs drug gi sgra sgrogs pa'o/ /rlung gi mtshams su rdo rje rnga chen ma pad+ma rA ga'i mdog can rdo rjes mtshan pa'i zlu ma brdung ba'o/ /dbang ldan gyi mtshams su rdo rje rdza lnga ma in+d+ra nI la'i mdog can/ rdo rjes mtshan pa'i rdza rnga brdung ba'o/ /yang phyi rol gyi me mtshams su rdo rje me tog ma dmar ser rdo rjes mtshan ma'i me tog gi gzhong pa thogs pa'o/ /bden bral gyi mtshams su rdo rje spos me ma dkar sngon rdo rjes mtshan pa'i spos me thogs pa'o/ /rlung gi mtshams su rdo rje mar me ma dmar mo rdo rjes mtshan pa'i mar me 'degs pa'o/ /dbang ldan gyi

  703. 352a

    mtshams su rdo rje dri chab ma ljang gu rdo rjes mtshan pa'i dri chab 'thor ba'o/ /yang shar gyi sgor rdo rje rta mgrin 'phang mtho ma chu shel gyi mdog can/ g.yas na lcags kyu g.yon na thong pa'i bdud rtsi rta mgo dang bcas pa'o/ /lho phyogs kyi sgor phag mdog mo bai DUrya'i mdog can g.yas na mche ba g.yon na zhags pa 'dzin pa'o/ /nub phyogs kyi sgor snang ba mo dmar gsal gyi mdangs can phyag gnyis na lcags sgrog nyi zlas mtshan pa'o/ /byang gi sgor thal byed ma ljang gu g.yas na dril bu 'khrol zhing/ g.yon pa'i banda'i bdud rtsi nang nas sangs rgyas snang ba mdza' yas kyi sku byung ba'o/ /lha mo nyi shu po de dag kyang rgyan dang cha lugs dang 'od kyi dkyil 'khor gyis mdzes par gyur to/ /bsdus pa'i dbang du ni lha mo kun kyang kha dog 'dra bar le'u dgu pa las gsungs pa'i don bzhin bstan pa'o/ /yang rnam par snang mdzad kyis dkyil 'khor gyi rnam par 'phrul pa'i phyir/ rdo rje 'chang chen po nyid las snang ba'i sangs rgyas de nyid gser gyi mdog can nyi ma 'bum gyi 'od dang ldan pa'i gangs ri lhun po ltar bzhugs pa/ gser dang karti dang in+d+ra nI la dang/ pad+ma rA ga'i mdog can gyi zhal bzhi dang ldan pa/ phyag bzhi na chos gos dang lhung bzed dang khar sil dang/ dam pa'i chos kyi glegs bam 'dzin pa 'khor los sgyur ba'i rgyal po'i cha lugs can rin po che/ sna bdun dang 'dod pa'i longs spyod kun gyis nye bar mdzes pa/ rang 'od kyi rig ma yum sangs rgyas spyan ma dang gnyis su med par zhal sbyor gyi tshul du bzhugs pa'o/ /de nyid kyi shar du sangs rgyas kun tu brjod ma chu shel gyi mdog can rin po che'i rgyan kun gyis mdzes

  704. 352b

    pa'i pad+ma 'dzin par me lces mtshan pa'i pad+ma 'dzin pa'o/ /lho phyogs su dpa' mo shin tu rgyal ma gser gyi mdog can phyag gnyis na cha lang 'dzin pa'o/ /nub phyogs na kun tu bzang mo pad+ma rA ga'i mdog can phyag gnyis na rdo rje rtse lnga pa dang rin po che'i za ma tog 'dzin pa'o/ /byang phyogs ni mi bzad rin po che'i snod 'dzin ma/ sna tshogs kyi mdog can rin po ches bkang ba'i snod dang chos kyi dung 'dzin pa'o/ /yang phyi rol gyi shar phyogs kyi re'u cha la sangs rgyas kun 'dzin ma gur gum gyi mdog can sangs rgyas mi bskyod pa'i sku thugs kar 'dzin pa'o/ /lho phyogs na lha mo zhal bzang ma me long gi mdog can phyag gnyis me long dang rnga yab 'dzin pa'o/ /nub phyogs su lha mo sprin chen ma bai DU rya'i mdog can phyag gnyis kyis rdo rje sprin gyi dkyil 'khor la ser ba 'bebs pa'o/ /byang phyogs su nam mkha' i spyan ma ser skya'i mdog can phyag gnyis pad+ma'i dkyil 'khor la mig gis mtshan pa 'dzin pa'o/ /phyi rol gyi lha mo gling su ma la sogs pa bzhi dang/ me tog ma la sogs pa bzhi dang/ rta mgrin 'phang mtho ma la sogs pa bzhi po dag ni/ rdo rje sems dpa' i dkyil 'khor las bstan pa dang 'dra bar gnas pa las/ cung zhig gi khyad par ni zhi ba'i cha lugs 'dzin cing rgyan dang phyag mtshan la 'khor lo'i rnam pas mtshan pa'o/ /yang dpal he ru ka'i dkyil 'khor rnam par 'phrul pa'i phyir rdo rje 'chang chen po nyid las snang ba'i 'bras bu'i he ru ka'i de nyid sku bai DUrya'i mdog can 'bar ba chen po'i 'od zer dang bcas pa/ zhal g.yas zhi ba'i rang bzhin dkar po/ /dbus mthing nag drag po'i cha lugs can/ /rgyab ma chags mdzad dmar po'i zhal/ /g.yon pa rmongs mdzad ser

  705. 353a

    por bzhugs pa/ /smin mtshams kyi khro gnyer bcu 'gyur zhing spyan mig dmar po las 'jigs pa'i me stag 'phro ba dang/ dbu skra dangs ma ra ser nag tu 'khyil zhing gyen du brdzes pa spu rnams rdo rje'i tshul gyis g.yas su 'khyil ba zhal gdangs pa/ mche ba gtsogs pa dang/ ljags 'dril ba dang/ rkan brdab pa dang/ 'dzum pa'i mdangs kyis gnas pa dang/ sgeg pa dang/ dpa' ba dang/ 'jigs su rung ba dang/ rgod pa dang/ gshe ba dang/ 'jigs par byed pa dang/ snying rje dang rngam pa dang/ zhi ba'i mdangs kyis gnas pa/ phyag g.yas g.yon gyi dang po na rdo rje kha TwAM ga dril bus mtshan pa 'dzin pa/ de'i 'og ma gnyis kyis 'jigs byed chen po'i pags pa rlung gi tshul du bskor pa/ gsum pa gnyis na mda' dang gzhu 'dzin pa/ g.yas kyi bzhi pa na dung chen po'i khrag gis bkang zhing gsol ba'i stabs kyis gnas pa/ g.yon gyi bzhi pa na dung chen po'i snying gis bkang ba'o/ /yang la lar zhal gcig phyag bzhi pa la g.yas gnyis rdo rje dang dung khrag gis bkang ba/ g.yon gnyis na thod pa dang/ zhags pas mtshan pa/ rdo rje kha TwAM ga ser ral khang thogs pa'o/ /yang la la zhal gcig phyag gnyis pa la rdo rje dang dung chen po khrag gis bkang ba 'dzin zhing/ kha TwAM ga la rgyab brten mdzad pa'o/ /de dag kun gyi sku la glang chen gyi ko rlon dang/ sbrul gyi chun po dang/ stag gi pags pa dang/ lha chen po'i g.yang gzhi dang/ thod pa'i 'phreng ba dang/ khrag dang/ zhag dang/ thal ba'i ri mos mtshan zhing phyag rgya lnga yis brgyan pa/ nyi ma dang zla ba dang rin po che'i phreng bas snyan tshe byas la yum kro d+he shwa ri dang zhal sbyor

  706. 353b

    gyi tshul du bzhugs pa'o/ /de nyid kyi mdun gyi shar phyogs su gau rI dkar ser zhi ba'i mdangs can/ zhal bzhi phyag brgyad na mda' dang gzhu 'gengs pa las/ tshangs pa'i mgo bo bzhi sbyangs pa g.yon brkyang ba'i gang stabs kyis bzhugs pa'o// lho phyogs su tso rI dmar ser drag po'i mdangs can/ g.yon na lcags kyu 'dzin zhing g.yas pa'i gung mos 'khor lo rtsibs brgyad pa stod cing 'dzin pa/ kha TwAM ga la rten bcas nas zhabs g.yas pa bteg pa'i stabs kyis bzhugs pa'o/ nub tu phra mo ha dmar nag zhal gnyis kyis gong ma phag gi gdong can/ phyag bzhi la dang po gnyis na rdo rje kham por chang gis bkang ba/ 'og ma gnyis kyis khu tshur bcings te 'khor lo 'degs pa/ g.yas brkyang pa'i stabs kyis bzhugs shing rmengs byed kyi mdangs dang ldan pa'o/ /byang phyogs su pe tA la'i dkar mo shi ba slong ba'i tshul can dga' ba'i gar stabs kyis gnas shing /g.yas na thod pa mtshan ldan bdud rtsis bkang ba/ g.yon pa ba dan gsum pa'i phyag rgya can no/ /me'i phyogs su puk+ka sI drag mo sna tshogs kyi mdog can/ g.yas na rdo rje rtse lnga pa gsor zhing/ g.yon pa dpag bsam gyi shing lcug ma dang bcas pa 'dzin cing gar gyis gzigs thabs kyis 'gyur ba'i bzhin dang bcas pa'o/ bden bral gyi mtshams su tsaN+Da lI sde nag dbugs 'byin pa'i tshul can/ g.yas na ras sge rlung gis bkang ba rdo rjes mtshan zhing 'thor ba/ g.yon na tri shul 'dzin cing gar byed pa'o/ /rlung gi mtshams su b+hasma rI ser nag ro ldag pa'i tshul can g.yas na ral gri dang/ g.yon brkyang ba'i gar stabs kyis bzhugs pa'o/ /dbang ldan gyi mtshams su sme sha 'thing nag he ru ka phyag bzhi pa dang 'dra bar g.yas gnyis na rdo rje dang dug khrag 'dzin cing/ g.yon gnyis kyis

  707. 354a

    thod pa dang zhags par bcas pa kha TwAM ga ser ngal khar thogs pa'o/ /lha mo de dag kun kyang thod pa'i phreng ba dang/ sbrul bdud kyis brgyan cing zhing lpags rlon pa dang dar gyi na bza' gsol ba/ rin po che'i phreng bas brgyan pa'o/ /yang phyi rol gyi me mtshams su mda''dzin ma chu shel gyi mdog can phyag na mda' dang gzhu thogs pa'o/ /bden bral du kha TwAM ga 'dzin ma ser mo phyag tu kha TwAM ga dril bu ba dan dang bcas pa'o/ / rlung mtshams su 'khor lo 'dzin ma dmar ser mo phyag na 'khor lo rtsibs rgyad 'dzin pa'o dbang ldan du sna tshogs ba dan 'dzin ma chu shel gyi mdog ljang gu phyag na ba dan dril bu bcas pa 'dzin pa'o/ /gzhan yang phyi'i lha me tog ma la sogs pa bzhi dang rta mgrin 'phang mtho ma la sogs pa bzhi po dag ni dpal rdo rje sems dpa' i dkyil 'khor dang 'dra ba las/ cung zhig gi khyad par ni khro bo'i cha lugs su gnas shing khro bo'i rdo rje sngon pos nye bar mtshan pa'o/ /yang dpal pad+ma gar gyi dbang phyug gi dkyil 'khor rnam par 'phrul pa'i phyir rdo rje 'chang chen po nyid las sprul pa'i sku dpal pad+ma gar gyi dbang phyug sku mdog dkar gsal shel gyi ri bo lta bu zhal bco lnga 'od mdangs dang ldan pa/ phyag lnga bcu phrag gnyis zhabs nyi shu rtsa bzhis mdzes par pad+ma'i dkyil 'khor la bzhugs pa phyag kun gyis pad+ma 'dzin pa las/ g.yas pa rnams las rdo rje dang 'khor lo la sogs pas brgyan pa/ g.yon gyi pad+ma dag kyang kha dog so'i mdangs dang ldan pa/ sku las kha dog nyi shu rtsa lnga'i 'ang 'phro ba rin po che sna tshogs kyi rgyan dang gos kyis spras mtshan dang dpe byad du ldan pa'o/ /la lar zhal bzhi phyag rgya phyed pa dang/ zhal

  708. 354b

    gcig phyag bzhi pa'i rnam pa can dang/ byi ru'i sdong bu lta bur gnas pa'i mtshan mdangs can no/ /de nyid kyi snang bas yum gos dkar po 'khril ba'i tshul gyis bzhugs pa'o/ /shar du rnam par gzigs ma pad+ma rA ga'i mdangs can/ phyag g.yon pas pad+ma dmar po bsnyems pa'i tshul du 'dzin cing g.yas pas kha 'byed pa'o/ /lho phyogs su sgrol ma ljang gu g.yon pa pad+ma ljang gu'i sdong bu nas bzung ste/ dgu'i gnas su brten cing g.yas 'dren pa'o/ /nub phyogs su 'dzin ma sngon mo g.yon pas pad+ma dkar po dang/ g.yas pas 'khor lo rtsibs brgyad 'dzin pa'o/ /byang phyogs su khro gnyer ma ljang gu g.yon pas pad+ma mthong ka'i sdong bu 'dzin cing/ g.yas pas rtse gsum pa'i phyag rgya stod pa'o/ /yang phyi rol gyi shar phyogs su padmo gtum pa'i dbang phyug ma mthing ka g.yon pas pad+ma dmar po gzung zhing/ g.yas pas rdo rje gyen du stong pa'o/ /lho phyogs su sna tshogs pad+ma sngon po g.yon pas sna tshogs pad+ma 'dzin zhing/ 'khor lo rtse brgyad gyen du stong pa'o/ /nub phyogs su pad+ma'i na bza' ma ser mo g.yon pas pad+ma 'dzin cing/ g.yas pas chu srin gyi rgyal mtshan phyar ba'o/ /byang phyogs su pad+ma dbang phyug ma dmar mo g.yon na pad+ma dmar mo 'dzin cing/ g.yas pa rdo rje rtse lnga thugs kar gsor ba'o/ /lha mo 'di dag rkyang rin po che'i rgyan chas dang/ dar gyi na bzas klubs pa'o/ /gzhan yang gling bu ma la sogs pa'i lha mo bzhi dang/ me tog ma la sogs pa bzhi dang/ rta mgrin 'phang mtho ma la sogs pa'i sgo ba bzhi dag ni rdo rje sems dpa' i dkyil 'khor las bshad pa bzhin du gnas pa las/ cung zhig mi 'dra ba'i khyad par ni/ chags pa'i bzhin mdangs dang bcas shing pad+ma'i phreng bas klubs pa'o/ /yang rdo rje nyi ma'i dkyil 'khor rnam par 'phrul pa'i phyir/ rdo rje 'chang chen po las

  709. 355a

    rdo rje nyi ma/ nyi ma'i dkyil 'khor gyi 'od shar ba bzhin du mngangs gsal ba/ zhal bzhi pa/ spyan mig g.yon pa gyen du gzigs pa/ g.yas g.yon gyi dang pos mda' dang gzhu 'dzin pa/ g.yas kyi 'og mas nyi ma'i dkyil 'khor gyis mdzes pa'i pad+ma la rdo rje rtse lnga pas mtshan pa/ che ba'i yon tan rin po che sna bdun la sogs pas brgyan cing/ bdan pad+ma'i dkyil 'khor la bzhugs cing/ yum mA ma kI dang gnyis su med par 'khyil pa'o/ /gnas skabs la lar drag po'i tshogs dag gdul ba'i phyir sku mdog dmar po'i 'od kyi snang ba dang bcas pa/ cung zhig khros pa'i bzhin gyis gnas shing rin po che sna tshogs kyi phreng bas klubs pa'o/ /shar du lha mo dbang bskur ma dmar gsal gyi mdangs can phyag na rin po che'i dbu rgyan la rdo rje rtse lnga pas mtshan pa 'dzin pa'o/ /lho phyogs su lha mo gter ldan ma ser mo phyag na rin po ches bkang ba'i bum pa 'dzin pa'o/ /nub tu rgyal mtshan mchog ldan ma dkar dmar gyi mdangs can/ phyag na rin po che'i rgyal mtshan tog dang bcas pa 'dzin pa'o/ /byang du mchod rten ma ljang sngon rin po che'i snong rin po che'i rdzas kyis bkang ba 'dzin pa'o/ /yang phyi rol gyi shar du mda' gzhu ma dmar ser phyag na rang mtshan dang mthun pa'i rtags 'dzin pa'o/ /lho phyogs su rdo rje kha TwAM ma sngon mo phyag na ral gri dang/ kha TwAM ga 'dzin pa'o/ /nub phyogs su rdo rje nyi ma mo dmar ser phyag na de nyid kyis mtshan pa'o/ /byang du rdo rje ma mo ljang dmar phyag na rdo rjes mtshan pa'i me thab 'dzin pa'o/ /lha mo de dag thams cad las kyang 'od kha dog sna lnga 'byung zhing rin po che la sogs pa'i rgyan gyis mtshan pa'o/ /phyi'i lha mo glang bu ma

  710. 355b

    la sogs pa bcu gnyis po de dag kyang rdo rje sems dpa' i dkyil 'khor dang 'dra ba las cung zhig gi khyad par ni yon tan rgyas pa'i sgo nas rin po che'i chags pa 'phro zhing mdangs dang ldan pa/ sku dang phyag mtshan gyi bye brag las nor bu rin po ches mtshan pa'o/ /yang rta mchog rol ba'i dkyil 'khor rnam par 'phrul pa'i phyir rdo rje 'chang chen po las snang ba'i 'bras bu'i sangs rgyas de nyid ljang gu dang/ sngon po dang/ dmar po'i zhal gsum dbu'i steng na rta mgo ljang gu mgrin pa bstod de sgra 'byin pa/ sku mdog ljang gu la g.yas pa bzhis ba dan gsum pa'i phyag rgya dang rdo rje rgya gram dang/ ral gri dang/ mda''dzin pa'o/ /g.yon pa na sna tshogs pad+ma dang/ shak+ti rtse gcig dang/ be chon dang/ bzhu 'dzin pa/ zhabs g.yas kyi rmig pa dang pos dngos grub gsum dang/ dpal mo gnon pa/ gnyis pas zhi ma dang dga' ma gnon pa/ g.yon gyi dang pos drag po rang khyab 'jag gnon pa/ gnyis pas 'dod zer dang tshangs pa mnan pa/ khro bo dang sgeg pa dang drag po dang zhi ba'i sgo nas gzigs pa'i mdangs can/ rin po che sna tshogs kyi rgyan dang/ khyad par gyi rtags kyis rnam par spras pa'o/ /g.yas phyogs su sna tshogs padmo ljang ser gyi sku las 'od zer 'phro ba phyag na sna tshogs pad+ma 'dzin pa'o/ /g.yon phyogs su sna tshogs rdo rje ma sku mdog las 'od zer 'phro ba/ phyag na sna tshogs rdo rje 'dzin pa'o/ /mdun du rang 'od kyi snang ba yum dam tshig sgron ma dang zhal sbyor gyi tshul du 'khril nas bzhugs pa'o/ /'khor gyi lha mo gzhan dag ni phrin las kyi bye brag bzhin du/ rigs kyi dkyil 'khor gzhan dag gi lha mo dang mthun pa las/ cung zhig mi 'dra ba'i khyad par du ni sku dang/ phyag rgya dag la sna tshogs rdo rjes mtshan cing dbul don

  711. 356a

    yod grub pa'i skus brgyan pa'o/ /lha mo gzhan dag gis dkyil 'khor gyi gtso bo mdzad pa'i 'khor lo mi 'dra ba dag dang/ rigs bsdus kyi dkyil 'khor las/ 'khor gyi lha tshogs rnams ni gdul bya'i mos pa bzhin du byung zhing/ 'gro na thabs su bkod de phrin las kyi phyag brnyan pa yin pas dkyil 'khor gyi grangs su bzhag kyang/ skabs 'dir sprul pa'i lha ma yin pa'i phyir bshad par mi bya ste rjes su 'jug pa pos sgrub pa'i dus su ni tshogs kyi 'khor lo'i sgrub thabs las rgya cher bstan pa bzhin du shes par bya'o/ /da ni lha de dag gi bzhugs thabs bstan pa'i phyir/ stan de dag ni thams cad la/ ji ltar gnas pa bzhin du dgod/ dpal rdo rje sems dpa' dkyil 'khor gyi lha rnams ni zhabs g.yas g.yon gyi sbyor bas bde ba'i cha lugs bzhin du gar byed cing sems dpa' i skyil mo krung du bzhugs pa'o/ /rnam par snang mdzad kyi lha rnams ni g.yas pa'i yan lag gnon pas g.yon pa'i yan lag kun las rgyal te sems dpa' i 'gying tshul gyis bzhugs pa'o/ /rdo rje he ru ka'i lha rnams na g.yas g.yon gyi sbyor bas bde ba'i gar byed cing skyil mo krung phyed pa'i tshul du rkang pa rang gi brlabs mnan pa'o/ /pad+ma gar dbang gi lha rnams ni g.yas g.yon kyi sbyor bas skyil krung phyed pa'i tshul du rgyal ba'i skyil krung gis gnas pa'o/ /rdo rje nyi ma'i lha rnams pus mo gnyis gzhibs te rdo rje'i skyil krung gis bzhugs pa'o/ /rta mchog gi lha rnams g.yas g.yon gyi sbyor bas brkyang bskum gyis tshul gyi khro bo'i skyil mo krung bcings pa'o/ /de dag thams cad kyang gdan pad+ma'i dkyil 'khor la rang rang gi cha lugs kyis dang mtshan nyid

  712. 356b

    kyis gnas pa'o/ /de ltar brten pa lha'i dkyil 'khor rnams kyi bzhugs gnas lha'i gzhal yas khang ji lta bu zhe na gru bzhi pa sgo bzhi pa/ rta babs bzhi yis mdzes par byas/ rdo rje rin chen padmo sogs/ /sgo bsrungs dang ni ldan par bya/ /phyi rol gyi rgyar ni rab rim gsum dang bcas pa'i dur khrod rgyan gyis brgyan cing/ de'i nang du gzhal yas khang gru bzhi pa la sgo bzhi pa sangs rgyas kyi che ba'i yon tan thams cad kyis rgyas shing tshad med pa bzhi las sbyangs pas rnam par thar ba'i sgo bzhir 'jug pa/ byang chub kyi phyogs kyi chos sum cu rtsa bdun la sogs pas mtshon cha'i mtshan ma rta babs la sogs pa'i rgyan dang/ rigs mtshan gyis mtshan mas rang nyid kyi ye shes yon tan gyi tshogs dang bcas pa'i rta mtshon pa'i rang gi rigs kyi sgo srungs dang ldan pa'o/ /de yang rtsa ba'i rgyud las/ gser gyi 'khor lo sna tshogs rdo rje'i dbus/ /gru bzhi sgo khyung rta babs bzhi yis mtshan/ /rin chen sna lnga'i phyogs kyi rtsig pa la// rang byung nyi shu lnga yis 'od dang bcas/ /rdo rje mtshan pa'i kha ba mchog brgyad spras/ /rin chen mu tig me tog phreng bas mdzes/ /gzugs sgra dri ro reg bya'i lha mo 'khrugs/ /gdugs dang rgyal mtshan bla ra rnga yab dang/ zla phyed rdo rje rin chen ba dan bcas/ /dril bu snyan pa'i sgra sogs thams cad sgrogs zhes so/ /de nyid kyi nang gi pho brang ni rigs bsdus kyi dkyil 'khor dang/ rigs so so dag gi dkyil 'khor gyi bye brag gis shes par bya'o/ /de nyid du lha'i rten gyi dkyil 'khor khod pa'i phyir/ rang gi lha dang 'dra ba lyis/ /bud med dag ni legs bsgrub pa/ /bskal bzang rang gi phyag rgyas mtshan/ /tshogs kyi dkyil 'khor brtag par bya/ /rigs so so'i dkyil 'khor gyi tshul gyis lha mo rang/

  713. 357a

    gi rtags dang kha dog dang mtshan mas brgyan cing/ rang rang gi ting nge 'dzin la gnas te de nyid kyi skur legs par bsgrubs nas/ rang rang gi phyogs su skal pa bzang po'i dam tshig las byung ba'i phyag rgya'i tshul gyi gnas par bya'o/ /de ltar phyag rgya bzhi dang ldan pa'i sgo nas spro ba dang bsdu ba'i rim pas yon tan gyi snang ba thams cad skad cig la rdzogs par bya ba'i phyir tshogs kyi dkyil 'khor brtag par bya'o/ /ga na bind+hu ra zhes pas skal ldan dang 'byor ldan gyi phun sum tshogs pa thams cad 'dus par bshad do/ /g+ha na bi ha ra zhes pas de nyid la spyod pas de lta bu'i rtags gsal zhing/ yun ring du brtags de dang mthun pa'i 'bras bu 'grub pa'o/ /da ni rnal 'byor pas tshogs kyi dbus su bdud rtsi lnga bsgrub pa'i phyir/ mi yis tshal ni grub pa la/ dmar chen po zhes bya bar bshad ces pa la sogs pa'i tshigs su bcad pa drug gsungs te/ gang zhig rang gi ting nge 'dzin gsal bar bya ba dang/ dngos grub kyi rdzas khyad par can la brten nas 'dod pa'i don sgrub pa'i phyir bdud rtsi lnga grogs dang bcas pa las/ bsnyen bsgrub kyi yan lag gis sgrub pa'i thabs bstan te/ de yang tshigs su bcad pa dang pos ni sngags kyis drangs pa'i tshal chen po dag ni sgron mas gnyis kyi rten du gyur pas ra ga'i sgra dang ldan te/ de la brten nas sku'i dngos grub ngo bo nyid kyi mthu dang rang bzhin gyis grub pa dag gsal bar bya ba dang/ tshigs su bcad pa gnyis pas rdo rje dang chu dang dri chen dang/ mtshal chen po dang sbyar zhing bsgrubs te pad+ma'i snod du bzhag nas/ thugs ye shes rnam pa lnga'i rtags blta ba dang/ tshigs su bcad pa

  714. 357b

    gsum pas de nyid kyi mtshan ma gsal bar grub pa'i yon tan bshad cing de las mi 'da' bar gnas pa dang/ tshigs su bcad pa bzhi pas de nyid kyi mtshan nyid des tshig dang bcas par bstan pa dang/ tshigs su bcad pa lnga pas ni bdud rtsi lnga la sbyor ba'i dngos grub kyi ril bu sgrub pa'i thabs dang/ de'i phan yon bstan to/ /tshigs su bcad pa drug pas ni dngos grub de dag nyams su blang ba'i cho ga 'bras bu dang bcas pa ste/ bram ze rnams kyi nyi ma dang/ zla ba'i mchod sbyin chen po byed pa'i dus su g+hing? ga ra li rgyal po'i brda sbyor bshams pa bzhin du da du ra'i g.yos bshams pa myang ba ltar btung ba dang/ gtso 'khor thams cad kyis srin mtheb kyi phyag rgyas lan gsum du blangs pa dang/ sku gsung thugs rtag pa'i dngos grub skye bar 'gyur ro/ /de dag sgrub pa'i phan yon ni/ sangs rgyas kun gyi bdag nyid kyi/ ra sa ya na bde ba 'dis zhes pa la sogs pa'i tshigs su bcad pa gsum gsungs te/ bdud rtsi ras yan 'grub pa'i mthus 'jig rten 'di'i yon tan gyi 'bras bu thams cad dang/ 'jig rten phyi ma'i dngos grub dag kyang 'grub ste/ rdo rje sems dpa' i dpal bzhi gyur dang/ sangs rgyas thams cad kyi bdag nyid du 'gyur ro/ /bdud rtsi de nyid kyi bsrung ba'i cho ga na/ 'dis ni bsrung ba byas pas dpal/ /rdo rje sems dpa' bzhin du 'gyur/ /rnal 'byor mkha' 'gro bde mchog gis/ /sangs rgyas thams cad bdag nyid 'grub/ /yig lnga yis mtshan pa'i byang chub sems kyi thig les dbang po lnga la thig le bya zhing/ bsrung ba byas pas de nyid du rigs rnam pa lnga'i sku gsal zhing 'grub par 'gyur ba dang khong du yang 'thungs shing gnas gsum du yang byugs pas/ dpal rdo rje sems dpa' dri ma gsum

  715. 358a

    dang bral ba'i sku 'grub par 'gyur ro/ /de yang rtsa ba'i rgyud las/ /byang chub sems kyis thig le yis/ /gnas rnams kun tu brgyan byas pas/ /de nyid rigs kyi dkyil 'khor gyis/ /bsrung zhing 'grub pa'i mchog tu 'gyur zhes so/ /de dag gis ni bdud rtsi sgrub pa'i rim pa bstan te go rims rgyas pas nyams su blang ba'i thabs su ni cho ga lnga pa las shes par bya ste/ skabs 'dir spros pa mangs pas ma bshad do/ /de ltar bsod nams kyi tshogs bsags nas rgyu mthun pa'i las kyi sgo nas 'bras bu sgrub pa'i phyir ye shes kyi tshogs kyi 'khor lo bya ba'i don du gang zag gi rgyan brtan pa ni/ de nas khrus byas dri zhim lus/ /ci'i 'byor pa yi gos dang rgyan// sna tshogs gos dag bgos nas ni/ /me tog phreng ldan kha dri zhim/ /phyi nang gsang ba gsum gyi khrus legs par byas nas lus dri zhim po'i rdzas kyis phyugs te kha'i spos la sogs pas dri bsgyur zhing ci 'byor pa'i gos dang rgyan sna tshogs rnam par gos nas rang gi cha lugs su gnas par bya'o/ /de la kha dri zhim por byas pa'i spos ni le'u dgu pa las/ ka k+ko la dang sug smel dang/ gla gang ga pur gla rtsi dag /'di dag zhib tu btags pa ni/ seng ldeng bu ram dag dang sbyar zhing tsha ba tra lo tra dang/ na le sham dang ga pur sbyar/ ha sa ka ri shing mar gyis/ /sprus pa kha yi spos yin no/ /zhes so/ /gzhan yang sbyor thabs kyi bye brag bstan pa'i phyir/ /sna tshogs kun gyi skal bzang pos/ /slong bar dal gyis dal gyis su/ /gos dgab pa yi sbyor ba yis/ /bdag gis 'byung ba bskul bar bya/ /rigs rnam pa drug gi sgo nas sbyor thabs kyi bye brag drug cu rtsa bzhi bstan te/ rang rang gis rigs kyi phyag rgya dag rnyed pa dang dga' ba'i sgo

  716. 358b

    nas bskul ba'i glu brjod cing/ gar stabs bskyod cing 'gying ba dang blta ba dang 'dzum pa dang/ 'khyud pa dang sbyor ba dang ta ma la'i phur pa 'debs pa dang/ gnas dgu ru sen mo gdab cing rol pa'i brtul zhugs la mi drag par bskyod pas byang chub kyi sems dbab par bya'o/ /de dag gi sngon du 'gro ba ni brdas bskul ba dang/ gsol ba gdab pa'i sbyor ba dang/ gtam gyi 'dris par bya ba dang/ thugs 'brel par bya ba dang/ chags pa'i lo rgyus gleng ba'o/ /de las byung ba'i bde ba chen pos thabs dang shes rab kyi rgyud tshim par gyur nas dkyil 'khor gsal ba dang/ dngos grub blang pa dang/ 'phags pa mchod pa dang dbang bskur ba dang/ 'gro don bya ba'o/ /yang byang chub sems kyi phrin las ni/ rdzogs par sangs rgyas nyi zla'i rnams/ /shar ba dang ni mthong ba yis/ /sdig pa kun las grol 'gyur zhing/ /bsod nams thams cad 'grub par 'gyur/ /nges pa'i lam dang kun ldan pa/ /rnam par 'das pas rnam par brgyan/ /gang zhig rang gi de kho na nyid bsod nams dang ye shes kyi tshogs rnam par dag pa'i sgo nas mthong ba'i bde ba chen po'i byang chub kyi sems chags pa'i mtshan nyid du gnas pa ni nyi ma dang zla ba lta bur snang la/ de mtshon par bya ba'i rtags byang chub kyi sems rnam pa gnyis/ gnyis su med pa'i bde ba dag kyang de'i bdag kyang de'i bdag nyid do/ /de nyid gsal bar nyams su myong zhing/ mngon sum du shar ba ni sku gsum gnyis su med pa'i sangs rgyas mthong ba yin te/ bdag gi zhal bdag gi mthong pa'o/ /de'i mthus sdig pa thams cad kun las grol zhing bsod nams thams cad 'grub ste/ legs pa'i lam kun dang ldan pa'i yon tan rnam par bkod pa kun gyis brgyan par 'gyur ro/ /rol pa'i dus su lha mo'i gus bskul

  717. 359a

    ba'i dgongs pa ni/ brtan zhing grub pa slong byed pa/ kun nas slong pa'i bde ba ni/ /sgo gsum dag nas dngos grub dang/ /yon tan gyis tshogs thams cad brtan zhing bdag dang gzhan gyi don du bskul ba'i glu brjod pas/ dga' bde'i rnam pa gnyis slong bar byed pa dang/ 'bras bu'i dbang du gnyis su med pa'i sku las 'gro ba'i don mdzad par bskul ba'o/ /de dag ni glu ni/ stong pa shin tu rnal 'byor yod med mthus/ /nam mkha' nyid du dam tshig nye bar gnas/ /bde gshegs bde bar gshegs pa bzhengs su gsol/ rdo rje sems dpa' skal bzangs dpal khyod bdag /dang por gnyis su med pa'i bde ba chen po'i sku ni stong pa chen po'i ye shes kyi rang bzhin te/ rnal 'byor rnam pa gnyis kyi mtshan nyid can de ni yod med kyi mdza' las 'das shing/ yod med gnyis kyi ngo bor bzhugs pa yin te/ rtag pa ther zur ba'i rnam pa dang/ stong pa mdza' gral gyi rnam pa gnyis dang bral zhing snang stong gnyis med kyi rnam pa las bde ba chen po'i rang bzhin du bzhugs pa'o/ /de'i dpe ni nam mkha' lta bur bzhugs shing rang gi mtshan nyid las mi 'da' ba' i dam tshig nye bar gnas pa'o/ /da lta bu'i bde bar gshegs pa la bzhengs bzhugs mi mnga' yang/ sems can gyi blo'i nges nas gzugs kyi sku yon tan gyi rnam par 'phrul pa dang bcas par bzhengs te bdag la dgongs su gsol zhes pa'o/ /ci 'dra ba'i rnam pas zhe na/ rdo rje sems dpa' lha mo nyi shu'i skal pa bzang po'i tshogs dang bcas pa zhes pa'o/ /glu de nyid kyi phan yon ni 'di dag nyid ni glur blangs na/ shin tu mya ngan yongs 'das

  718. 359b

    par/ /shi ba'ang slar ni slongs 'gyur na/ /yang srid pa lta smos ci dgos/ /zhu ba de rnam pa gnyis kyi 'od kyi thig ler gyur pa las/ sngon du lam sbyangs shing tshogs bsag pa'i rgyu mthun pa'i 'bras bu lha mo bzhi byung nas phyogs bzhi nas bskul ba'i glu blangs pa dang/ gtso bo 'gog pa chen po'i ting nge 'dzin las bzhengs pa'o/ /de nyid kyis bskul bas cang 'grub bam zhe na/ shin tu mya ngan 'das pa'i nyan thos dang rang sangs rgyas dag kyang zhi ba phyogs gcig pa'i lta ba la slong bar byed na/ yang srid pa'i 'gro ba gzhan dag ni ci zhig smos/ zhes pa'o/ /de nyid ji ltar bslang zhe na/ lam bzhi dang ni mnyam ldan pa/ /rnam par 'das pas mdzes par byas/ /phyogs bzhi nas lha mo bzhis tshad med pa'i glu ma tra byed pa dang/ gnyis pa dang/ bzhi pa dang/ brgyad kyi chas rim bzhin du yan lag bzhi'i sgo nas/ sangs rgyas kyi che ba'i yon tan thams cad la sbyor bar byed pas/ rang nyid kyi snang ba rnam par 'das pas mdzes par byas pa'i glus bskul bar byas pa'o/ /de yang rtsa ba'i rgyud las/ /ma tra phyed pa'i glu yis ni/ /gdung ba rnam par sel byed cing/ /mu tig phreng ba'i tsam bzhin du/ /ma tras phrin las gsal bar byed/ /ma tra gnyis pa glu yi rgyal/ seng+ge bsgyings pa'i nga ro bzhin/ /rjes chags bdud ba sangs byed cing/ /gnyis med ye shes skye par mdzad/ /ma tra bzhi pa'i dbyangs rgyun gyis/ /mdza' yi 'ching pa grol mdzad de/ /bud pa'i sgra bcas gsal ba'i rgyun/ /tshig gzhis mtshon don gsal par byed/ /ma tra brgyad pa'i glu dbyangs kyis/ /mgon po gnas nas bskyod mdzad de/ /rin chen go'u rgyud mangs sgras/ /sna tshogs phrin las rnam par sbyor/ /lam bzhi dang ni mnyam ldan pa'i/ /bskul ba mchog tu 'gyur pa'o/ /zhes

  719. 360a

    so/ /gzhan yang tshogs kyi dkyil 'khor du dkyil 'khor drug gi dngos grub sgrub pa'i phyir dgos pa mtshan nyid dang bcas pa ni/ sna tshogs 'brang ba rab tu 'grub/ 'jig rten gsum ni rab sgrub pa bsgrub par bya ba'i dngos grub thams cad kyi nang nas mchog tu gyur pas yon tan thams cad la sbyor bar byed pas sna tshogs 'brang ba'o/ /de rab tu grub pas ni 'jig rten gsum gyi gnas thams cad zil gyis mnan cing/ yon tan gyi snang ba thams cad skad kyi rgyud la ston par 'gyur ro/ /de'i sgo nas rigs kyi dkyil 'khor kun gyi dngos grub mthar phyin pa'i tshul ni/ /'jig rten gsum gyis phyag byas pa/ /'jig rten gsum gyi ston pa po/ /'jig rten gsum la skyid sbyin pa/ /'jig rten gsum po bdag la bsgrub/ /sangs rgyas rnam par snang mdzad kyi yon tan thams cad mnga' brnyes pas/ 'jig rten gsum du sku'i bkod pa rnam par spro bar mdzad cing kun gyi phyag gnas su gyur pa/ he ru ka'i yon tan gyi 'bras bu dag mnga' brnyes pas drag pa chen po'i sku ston cing/ 'jig rten gsum gyi dregs byed ru tra la sogs pa'i tshogs rnams 'joms par mdzad pa dang/ rdo rje nyi ma'i yon tan gyi 'bras bu la mnga' brnyes bas/ 'jig rten gsum la rin po che sna bdun la sogs pa'i gdul bya'i longs spyod rnams skyed par smin pa dang/ pad+ma gar gyi dbang phyug gis yon tan gyi 'bras bu thams cad la mnga' mdzad pas/ 'jig rten gsum po de dag dngos grub rnam par dag pa'i ngo 'or sgrub pa'o/ /gzhan yang 'grub ste/ rdo rje sems dpa' dpal sbyor ba/ /lha mo kun dang 'grogs pa yis/ /sna tshogs kun gyi skal bzang po/ /a ra li ni kun 'grub

  720. 360b

    'gyur/ /rigs thams cad kyi bdag nyid rdo rje sems dpa' dang/ las thams cad la rta mchog gi 'bras bu che ba'i yon tan gyi tshogs dag la mnga' brnyes te/ 'jig rten gsum gyi 'dod par bya ba a ra li'i ngo bo rnam par 'grub pa'o// yang don zag med kyi ye shes 'grub pa'i tshul ni/ /nam mkha' dbyings kyi mthas klas pa'i/ /lha mo kun dang bde mos pa/ /rdo rje sems dpa' yang dag rdzogs/ /nyi ma zla ba gsal bar shar/ /rdo rje sems dpa' yang dag sbyor/ /mkha' 'gro sgyu ma'i bde mchog 'byung/ /bdag gi don du dman pa'i dbyings la brten pa dang/ mthar thug chos la brten pa'i tshul gyis snang ba dang/ srid pas bsdus pa'i chos thams cad kyi bdag po dag rigs kyi dkyil 'khor thabs dang shes rab kyi tshul du gnyis su med pa'i bde ba la longs spyod cing rdo rje sems dpa' i rang bzhin nyi ma dang zla ba'i dkyil 'khor shar ba bzhin du gsal bar snang ste yang dag par sbyor ba'o/ /des na rang gi mtshan nyid gsal bar nyams su myong ba'i mthus zag pa med pa'i ye shes sku drug lhun gyis grub par sangs rgyas par gyur pas mkha' 'gro sgyu ma'i bde mchog 'byung bar 'gyur ba'o/ /nga ni gzhan don 'phrul pa'i don du glus bskul ba las/ dang por dgongs po mtshan nyid dang bcas pa ni lan cig dmigs ba tsam gyis kyang/ bde ba'i dngos grub kun 'byung ba/ zhes pa la sogs pa'i tshigs su bcad pa phyed dang gsum gsungs te/ dkyil 'khor gyi lha tshogs kyi yon tan gyi rnam pa la dmigs shing sbyor bar byed pa'i glu 'di lan cig blangs pa tsam gyis kyang/ bde ba gnyis kyi dngos grus 'byung zhing sku gsung thugs brtan par 'gyur ba dang/ grub pa stong? bar byed do/ /de na sna tshogs kyi tshul dang ldan pas/ glu dbyangs mthugs dang

  721. 361a

    srab bu'i sgo bye brag khug pa ring thung dang de'u mtho dman gyi sgo nas sna tshogs rnam par blang zhing/ rdo rje sems dpa' i dkyil 'khor la gcig gis bskul ba'i phyir/ chags pa'i rang bzhin gyis blang bar bya'o/ /de nyid kyi tshigs su bcad pa ni/ rjes su chags pa'i rnam mang dga' ba'i rnam dag pa'i/ /mchod pas gsal bar rjes su mchod byas pas/ /mchog tu rtag par rnal 'byor bde bas bde ba grub par mdzod/ /dang por rigs kyi lha mo bzhis rang nyid kyi yon tan tshon par byed pa'i rigs dang ye shes kyi sgo nas gsungs te/ chags pa rnam gnyis dang ldan zhing/ sbyor ba'i bde ba la longs spyod pas yon tan gyi rnam pa mang po grub par mdzad de/ bde mchog ma'i mda' gzhu'i sgo nas so/ /gnyis dang gnyis 'khyud pa'i rnam pas bde ba chen po mtshon par byed pa b+ha ga dang ling ga'i mtshan ma dga' ba'i pad+ma ste/ e ma ho bde ba mo'i nyon mongs pa'i dri ma thams cad dang bral ba'i phyir ro/ /rnam par dag pa'i mchod pa ste khams gsum las rnam par rgyal bar byed cing/ bdud rtsi'i bcud kyis brnyan par gyur pa'i snang mdzad ma'o/ /dbang phyug chen po'i yon tan thams cad thob par byed pa'i 'chi ba med pa'i bdud rtsis gzhan dag tshim par byed pa'i sangs rgyas kyi sku gsal bar byed pas na/ gsal bar rjes su mchod pa byas pa ste slob ma mo de dag gi ngo bo ji lta bu zhe na/ mchog tu rtag par rgyun mi 'chad pa'i rnal 'byor pa'i bde ba grub par mdzod ces pa'o/ /yang phrin las kyi sgo nas rang gi las kyis bskul ba'i phyir/ kye ma'o mchog tu bde ba'i dam tshig ngo bo nyid mchog tu bde ba shin tu rnal 'byor skal bzang mchog /

  722. 361b

    dgyes pa rang gi dam tshig skyon med dag la rol cig rol cig ho/ /kye ma'o mchog tu gsang ba'i bdag po rang gi dam tshig yin pa'i phyir/ rab tu gsang ba'i lha mo mchog rnams so/ /ngo mtshar gyi cho 'phrul sna tshogs dang/ ldan par gzhan dag gi rmongs pa sel bar mdzad cing/ las mchog tu gyur pa la spyod pa'i mthus zag pa med pa'i bde ba chen po rang gi dam tshig gi ngo bo nyid la rtag tu bzhugs pas/ lha mo bde mchog ma'i rigs kyi phrin las de nyid kyis/ 'dul ba'i 'dul bya grol bar mdzad pa dang/ zag pa med pa'i bde ba rgyun mi 'chad par 'byung ba'i rgyun mtshon pa'i rtags kyis thabs dang shes rab kyi bde ba nyid la longs spyod pas de nyid kyi mdza' las grol bar gyur pa ni/ e ma'o bde ba mo ste/ skal bzang mchog la dgyes par gnas pa dang/ sku gsung thugs kyi dam tshig gis gzhan skyod bar mdzad cing/ khams gsum las rgyal nas bdud rtsi'i chu rgyun dri ma'i skyon dang bral ba dag la rtag tu longs spyod pas/ lha mo snang mdzad ma'i phrin las kyis dus kun tu rol cing gnas skabs kun tu rol gcig pa dang/ tshul sna tshogs kyi phrin las sbyor ba'i mtshan nyid mdzad pa/ sna tshogs kyi bya ba gsang bar gyur pa'i don la dbang thob pas bdag por gyur pa ste/ sangs rgyas kyi sku dang bcas pa'i cha lugs ston pas slob ma mo ste/ rang gi dam tshig la gnas pa yin pa'i phyir ro/ /des na mdzad pa'i sgo nas yon tan las byung ba'i tshogs la dga' ba rab tu gsang ba'i don dang ldan pas lha mo mchog rnams so/ /da ni phun sum tshogs pa'i sgo nas bskul ba'i phyir/ 'gro ba'i rgyud ni rnam pa sna tshogs 'dul ba gsal bar mkhyen/ dam tshig thams cad dngos po brtan g.yo kun gyi ngo bor gyur//

  723. 362a

    rgyal ba kun gyi bdag nyid rnal 'byor bde ba mkha' 'gro sgyu ma ho/ /kye ma dam pa rtag pa'i dngos grub chen po rab tu bsgrubs la ston/ so so'i las las grub pa'i gdul bya sna tshogs pa dag gi rgyud ji snyed pa rnams gzigs nas de dang tshul mthun pa'i gdul thabs rnam pa sna tshogs gsal bar mkhyen pa'i don mdzad pa'i kun tu spyod pas/ so so'i lta ba dang/ rtog pa sna tshogs pa dag gi lam las bzlog nas rang gi de kho na nyid dam tshig chen po'i bdag nyid du sbyor bas/ chos thams cad kyi ngo bo nyid du 'gyur ro/ /de dag gis mchod pa'i phrin las thabs khyad par can ston par byed pa ni rdo rje 'chang chen po nyid kyi ngo bo las byung ba ste/ rgyal ba kun gyi bdag nyid rnal 'byor bde ba'i dbyings nas mkha' 'gro bde pa'i dkyil 'khor ston par mdzad pa'o/ /tshul de nyid kyis sku drug lhun gyis grub pa'i dngos grub rnal 'byor pa'i rgyud la bsgrub shing ces pa'o/ /yang lha mo bzhi'i sngags la sogs pa khyad par phrin las kyi sgo nas bskul ba'i phyir/ dza(rgyud 'grel): hUM baM ho(rgyud 'grel): zhes pa la sogs pa gsungs pa yin te/ rang rang gi phrin las la rim pa bzhin du sbyar bar bya'o/ /de ltar glu blangs pa'i phan yon ni/ klu'i rgyal po 'di dag ni/ rdo rje sems dpa' dpal la gnas/ shes pa la sogs pa'i tshigs su bcad pa gnyis gsungs te go bla ba'i phyir ma bshad do/ /gang zhig bsdus pa la dga' ba'i gang zag gi las bzhi'i sgo nas dngos grub mdza' dag sgrub pa'i phyir blu rnam pa bzhi gsungs pa las dang pos ni sems can 'dul ba'i don du dbang gi phrin las kyi sgo nas rdo rje sems dpa' i dkyil 'khor la dpal pad+ma gar gyi dbang phyug gi dkyil 'khor gyis don mdzad par bskul ba dang/ gnyis pas ni rdo rje sems dpa' las rdo rje nyi ma'i dkyil

  724. 362b

    'khor gyi sgo nas rgyas pa'i las kyis sems can 'dod pa dag la dga' ba rnams kyis don mdzad par bskul ba dang/ gsum pas ni rdo rje sems dpa' las dpal he ru ka dang rta mchog gi dkyil 'khor gyi sgo nas sems can gdug pa can rnams la drag po'i phrin las kyis don mdzad par bskul ba dang/ bzhi pa sa rdo rje sems dpa' las rnam par snang mdzad kyi dkyil 'khor gyi sgo nas sems can srog gi phongs shing zhi ba phyogs gcig pa'i mdza' la gnas pa rnams la zhi ba'i phrin las kyis don mdzad par bskul ba'o/ /yang rigs kyi dkyil 'khor so so re re'i sgo nas kyang phrin las rnam pa bzhi'i tshul gyis don mdzad bar bskul ba ste/ gnas skabs kyis sbyor bar bya'o/ /de las rnam pa mang po'i 'dod chags kyi rgyud kyi sems can 'dul ba ni/ nyid kyi sku las 'od dmar po 'phros rigs kyi dkyil 'khor de nyid kyis mkha' 'gro sgyu ma'i dkyil 'khor rnam par sprul nas tshul rnam pa lnga las la sbyor bar mdzad cing de nyid mthar phyin par bya ba'i phyir bskul ba dam tshig ni/ te na te te hUM zhes pa'o/ /yon tan rgyas pa'i tshogs la dga' ba'i gar thabs rnam pa brgyad kyis sems can 'dul bar mdzad cing de nyid dang mthun pa'i dkyil 'khor sprul pas don mdzad pa'i phyir ni hUM gsum brjod pa'o/ /khro bo'i cha lugs rang rgyud pa dag gdul bar bya ba'i phyir ni nyams dgu'i phyag rgyas rnam par gnon pa ni dam tshig gi sngags ru lu ru lu hUM b+hyo hUM gis bskul bar mdzad pa'o/ /tshe srog yal bar gyur pa la sogs pa'i sems can mang po dag bde bar bya ba'i phyir ni thabs kyi yan lag bcu gcig gi sgo nas zhi ba'i las rnam par 'phrul pa'i phyir/ hUM shi sha bi sha hUM zhes so/ /bsdus pa'i don ni 'di ltar yin te/ rnal 'byor pa 'di zhig gis bdag dang

  725. 363a

    gzhan gyi don la dmigs nas/ mkha' 'gro sgyu ma'i dkyil 'khor ji lta bu'i tshul gyis 'jug cing/ rigs kyi dkyil 'khor so so'i gzhung ngam/ gcig tsam gyi sgo nas phrin las kyi rim pa la 'jug pa'i phyir/ bsam gtan la brten pa'i dngos grub dang/ bzlas brjod la brten pa'i dngos grub gnyis kyi bye brag gi sgo nas spyod cing spyad par bya'o/ /de yang dang por lha mo bde mchog ma la sogs pa'i 'khor gyi dkyil 'khor rnams kyi gzhan gyi phyag rgya dang/ lta ba'i bye brag la sogs pa rnams bsgyur zhing dbang gi las la rtse gcig tu gnas pas sngags kyi bzlas brjod bya'o/ /oM ba b+hu bi b+hi ta ra ga san+ti ta/ e she sha ni she sha/ sarba bi na ya/ sarba ta thA ga ta dzwa la dzwa le/ kurba bi kurba/ sarba sham+ba re/ te na te te hUM zhes pas ni rgyun gyis bsnyen pa ste grangs sum 'bum mo/ /pa shaM ku ru hUM zhes pas brtegs nas mtshan rtags gsal bar gyur pa dang las la sbyor bas ni rgyal po dbang du bsdu pa dang/ blon po dang bud med dang rgyal srid la sogs pa'i yul 'khor thams cad dbang du 'gyur ro/ /rtag tu brjod pas bde bar gshegs pa'i yon tan thams cad rgyud la sbyor zhing 'grub par 'gyur te/ dus 'dir yang 'gro ba gang gis mthong pa dag chags pa'i sems skye bar 'gyur ro/ /de lta bu'i yon tan dag ni gzhan dag la yang rgya cher bstan to/ /de las rgyas par 'dod pa dag gis ni/ oM ba b+hu bi b+hi ta ra ti san+ta ti/ e she sha ni sha sha/ satwa bi na ya/ sarba ta thA ga ta dza le/ pra dza le/ kurba bi kurba/ sarba sham+ba re/ hUM hUM hUM/ rgyun gyi bsnyen pa'i sngags so/ /puSh+TaM gu ru swAhA zhes pas ni las kyi sbyor ba'i sngags so/ /drag por 'dod pa'i gang zag gis ni

  726. 363b

    rang gis cha lugs dang/ mtshan ma'i sgo nas/ oM ba b+hu bi ta rau tra san+ta ti/ e sha sha ne she sha/ satwa bi na ya/ sarba ta thA ga ta dzwa le pra dzwa le/ kurba bi kurba/ sarba sham+ba re/ ru lu ru lu hUM b+hyo hUM/ rgyun gyi sngags so/ /ma rA ya phaT/ ces pas ni las la sbyor ba'o/ /gang zhig zhi bar 'dod pa dag gis de nyid kyi sgo nas 'jug par bya ste/ oM ba b+hu bi b+hi ta dza baM san+ta ti/ e she sha ni she sha /satwa bi na ya/ sarba ta thA ga ta dzwa le pra dzwa le/ kurba bi kurba/ sarba sham+ba re/ hUM shi sha bi sha hUM/ rgyun gyi bsnyen pa'o/ /shIn+taM ku ru zhes pas ni las la sbyor bar byed do/ /'di dag gi yon tan ni bsam gyis mi khyab ste/ lan cig tsam brjod pas kyang so so'i las 'grub par byed na grangs bzhin du bsnyen pa dang/ rgyun du brjod pas ni smos kyang ci dgos te/ las dag 'grub par byed do/ /de dag gi yon tan bstan pa'i phyir/ de la sogs pa mdza' yas mchog /chos dbyings mnyam dang mi mnyam pa/ /zhes pa la sogs pa'i tshigs su bcad pa gsum gsungs te/ go sla ba'i phyir ma bshad do/ /da ni byang chub sems kyi mchod pa bstan pa'i phyir/ /dbang po kun las byung ba yi/ /mchod pa'i sprin chen rnam bkod pa/ /rab 'byams tshogs rnams thams cad kyis/ /kun gyi bdag nyid mchod par byed/ /byang chub sems kyis 'od zer gyis lha mo bcu gnyis kyi mchod pa rgya chen po spro zhing phyogs dus kyi sangs rgyas thams cad mnyes par mdzad pa dang/ 'gro ba sbyang ba dang/ rnal 'byor gsal ba dang/ slar nyid yab yum gsal bar byas nas dga' bde'i mchod pas mnyes par bya ba dang/ rten dang brten pa'i dkyil 'khor gsal bar gyur pa'o de yang rtsa ba'i rgyud las/ bde ba chen po'i 'od zer las/ /lha mo bcu gnyis tshul 'dra ba/ /phyogs dus sangs

  727. 364a

    rgyas yab yum rnams/ /dga' ba chen pos mnyes par mdzad/ /rdul phran yi ge'i dbyibs su gyur/ /rang gi zhal du zhugs pa las/ /bde ba chen po'i gnas su 'dus/ /'khor lo bzhi las rim bzhin spro/ /bra ta ka ra'i gnas byung ste/ /bde chen chags dang gnyis med 'dres/ /khams gsum 'gro ba'i rgyus sregs pas/ /rigs drug so so'i dkyil 'khor grub/ /rnal 'byor dag pa'i rgyud bskul zhing/ /rnam gsum dkyil 'khor gsal bar snang/ /slar 'dus gnas su gzhal yas dang/ /gdan dang brgyan bcas sngon bzhin byung/ /thig le gnas su mtshan byas nas/ /spros pas yi ge'i dkyil 'khor gsal zhes so/ /de las lha'i dkyil 'khor gsal bar bskyed pa'o/ /ci mchod pa tsam las ma smos pa'i phrin las kun ston par mdzad ce na/ de dag kun gyis kyang 'phags ba mnyes par mdzad pas mchod ba'i cho ga yin te/ rtog pa bdun pa las byang chub sems sprin mchod pa'i tshogs/ /ma lus kun tu spro mdzad cing/ /mchod dang bdag gzhan don rdzogs pa/ /mnyes pa'i cho ga chen po spro/ /zhes so/ /de'i phan yon ni/ sangs rgyas thams cad mnyam sbyor ba/ /mkha' 'gro sgyu ma bde mchog gis// dngos po kun gyi bdag nyid lus/ /ma lus lus pa med pa 'grub/ /don 'di nyid kyi rnam pa dag sbyor pa'i mthus chos thams cad kyi dngos po dag bde ba chen po'i rang bzhin du sbyor zhing/ rnam par 'phrul pa'i sku sna tshogs su snang ba dag gsal bar ston cing yon tan gyi rnam grangs thams cad gsal bar rdzogs pa'o/ /da ni lha mo nyi shu'i dkyil 'khor gsal bar ston cing byin gyis brlab pa'i phyir/ ston pa'i phyag rgya phab pa yis/ /bud med dag kyang

  728. 364b

    bsgrub na ni/ /rdo rjer bcas pa'i mtshan ma 'dzin/ /rnal 'byor mar ni rab tu 'gyur/ /'di dag rang gi lha rnams dang/ /'dra bar byin gyis brlabs bsgrubs nas/ /gong du gsungs pa'i rang gi lha dang 'dra ba'o/ /bud med dag gis legs bsgrubs pa'i/ /dkyil 'khor bkod pa'i lha dag gis/ /byin gyis brlabs pa'i cho ga bya ba dang/ /ston pa'i sku gsung thugs kyi phyag rgyas rigs so so'i dkyil 'khor gyi lha mo nang ma brgyad dag so so'i cha lugs rnam par bsgrub cing/ mtshan ma'i rtags kyis brgyan pa'i mthus rigs kyi lha de nyid dang 'dra ba byin gyis brlabs kyis grub pa'o/ /des ni rnam pa bzhi dang/ yum bzhi dag las 'phrul pa'i lha mo brgyad bstan pa'o/ /yang gling bu ma la sogs pa'i mchod pa'i lha mo dag gi /sngon med rol mo sil snyan gar/ /rnam par sprul pas 'grub par 'gyur/ /lha yi gzugs dang sgra dang dri/ /ro dang reg pa'i bde mos pas/ /bdag nyid rang gi ltar mthong zhing/ /mchod pa dag kyang byed par 'gyur/ /rang nyid kyi yon tan las rnam par 'phrul pa'i lha mo sngon du ma byung ba'i bkod pa'i lha'i rol mo dang/ sil snyan dang/ gar dang rnam par 'gyur pa'i glu dbyangs kyi phyogs bcur 'khrigs par spro zhing bsdu ste/ lha'i gzugs sna tshogs dang/ sgra sna tshogs dang/ dri sna tshogs dang/ ro sna tshogs dang/ reg bya'i mchod pa sna tshogs pa'i bde bas ji ltar mos pa bzhin du bsgyur zhing/ rang rang gi rigs kyi gtso bo dag mnyes pa'i cho ga la brtson par mdzad pa'o/ /yang lha mo me tog ma la sogs pa bzhi'i mchod pa ni/ lha yi mchod pa mnyam sbyor ba/ /skal bzang mchog gi 'dod chags can/ /rnam pa kun tu bskal pa yi/ /bde ba yang dag sgrub par byed/ /

  729. 365a

    gong ma ltar 'dod pa'i yon tan lnga'i mchod pa rnam pa sna tshogs pa spro zhing/ zag pa med pa'i phung po dag pa'i sgo nas/ chos thams cad la mnyam par longs spyod de/ byang chub kyi sems rnam pa bzhi'i bdag nyid bskal pa bzang po rdo rje sems dpa' i longs spyod kyis rang gis gtso bo mnyes par mdzad do/ /phrin las kyi lha dag ni zhar 'byung pa'i 'phrul pa yin pas shugs kyis shes par bya'o/ /de ltar byin gyis brlabs pa'i che ba bstan pa'i phyir/ sangs rgyas sgyu ma byin brlabs pas/ /rdo rje sems dpa' mnyam sbyor ba'i/ /dngos grub kun gyi bde ba rnams/ /dkyil 'khor mchog dga' myong bar 'byung/ /dkyil 'khor rnam par bkod pa dang/ /'phrul pa'i lha rnams dang/ sangs rgyas drug gi dkyil 'khor gyi sgo nas so so'i cha lugs ci 'dra bar mkha' 'gro sgyu ma'i skur byin gyis brlabs pa'i mthus/ rdo rje sems dpa' i cha lugs gnyis dang mnyam par sbyor zhing/ dngos grub kun gyi bde ba dag mthong zhing dkyil 'khor rnam pa gnyis mthong par 'gyur ro/ /de ltar tshogs kyi dkyil 'khor gyi ngo bo gnyis ji lta bu zhe na/ rdo rje sems dpar mnyam sbyor ba'i/ /mthu nyid kyis ni thams cad du/ sna tshogs kun gyi skal bzang po/ /rang gi bde ba nyid kyis 'grub/ /de'i don ni rtsa ba'i rgyud las/ /bsod nams ye shes tshogs chen gyi/ /rnam 'grol bde ba'i 'khor lo'i dbyibs/ /sna tshogs skal pa bzang sbyor ba/ /tshogs kyi ngo bo bde chen 'grub/ /ces so/ /gzhan yang mchod pa rgya chen po'i mtshan nyid ni/ /sangs rgyas kun gyi gzugs chen dang/ /dbyangs dang dri dang ro bde bas/ /zhes pa la sogs pa'i tshigs su bcad pa gsum gsungs te/ snang ba dang srid pas bsdus pa'i dngos po thams cad rang byung gi ye shes chen po'i snang bas las rnam

  730. 365b

    par 'phrul zhing/ rang nyid kyi rnam pas rang nyid la mchod par mdzad pa'o/ /des na che ba'i yon tan 'dod pa'i longs spyod thams cad kyi gnas la bzhugs pa'i dngos grub chen po gsal bar 'gyur ro/ /de yang rtsa ba'i rgyud las/ rang gi longs spyod rnam 'phrul pas/ /rang gi dkyil 'khor mchod par bya/ /kun tu 'dod pa'i longs spyod rdzogs/ /rdul phran rin chen tshogs rnams kyis/ /gnyis med dkyil 'khor mnyes byas nas/ /rang gi ye shes gnas la rol?/ /rtog par bya ba thams cad kun/ /kun tu bzang po'i longs spyod rdzogs zhes so/ /de dag gi mchod pa'i thabs ni/ /de nas yang dag rang gsang pas/ /bud med dag ni bzhi rnams dang/ /gar gyi phyag rgya'i mchod pa yis/ /mchod pa thams cad dbul bar bya/ /rigs rnam pa bzhi'i sgo nas ye shes rnam pa bzhi 'od gsal bar mdzad pa/ rang las byung ba'i de bzhin nyid kyis gsang pa'i phyag rgya rnams mtshon par byed pa'i lha mo bzhis tshad med pa dang/ phrin las kyi sgo nas sngags dang ting nge 'dzin gar gyi phyag rgyas me tog dang bdug spos la sogs pa'i mchod pa thams cad dbul par bya zhes so/ /tshul ji ltar zhe na/ rab tu dga' pa'i bdag la phyag 'tshal lo/ /de bzhin gshegs pa'i dam pa grub par mdzod oM hUM/ dam tshig dam pa grub par mdzad du gsol/ /mchod pa chen po thams cad yang dag par mdzod/ /oM hUM/ mchod pa chen po thams cad grub par mdzod/ he ra te badzra bi la si na traT zhes brjod cing gling bu phreng ba ltar bya ba dang/ yang tshigs su bcad pa'i rjes la badzra puShpe zhes brjod cing me tog mthor ba'i tshul du bya'o/ /de bzhin du gzhan dag la yang rgya cher sbyar ro/ /de dag gi don ni rigs dang ye shes dang tshad med pa dang/ phrin las kyi las bya ba'i don gyis shes par bya'o/ /de ltar mchod pa'i phyag rgya 'dir me tog 'thor ba'i tshul du bya'o/ /mchod pa'i las thams cad la spyad pa'i phyir/

  731. 366a

    glu yi phyag rgya 'di ni dpal/ /rdo rje sems dpa' la gnas te/ /mchod pa ma lus med pa yis/ /rab 'byams las la sbyar du rung/ /so so'i sngags dang phyag rgya dang ting nge 'dzin gyis bsgyur zhing/ tshigs su bcad pa 'dis mchod pa'i las thams cad la sbyar bar bya'o/ /gzhan yang gong nas gsungs pa'i glu 'di dag kun gyis ni/ bsnyen pa dang/ sgrub pa dang/ tshogs kyi 'khor lo dang/ phrin las dag gi dus su spyan drangs pa dang/ mchod pa dbul ba dang/ bstod cing bskul ba'i las thams cad la sbyar du rung zhes bya'o/ /de yang rtsa ba'i rgyud las/ glu yis bskul ba sna tshogs kyis rab 'byams las la sbyar par bya/ /bsnyen dang bsgrub sogs gang dag gis/ /cho ga'i yan lag kun 'grub bo zhes so/ /de ltar mchod pa'i phan yon ni/ /gang dag grub par ma gyur dang/ /mchod pa dag ni mi 'byor ba/ /phyag rgya 'di yis mchod byas na/ /mchod pa thams cad myur du 'grub/ /yun ring du rnam par dpyad pa'i lam gang dag gsal bar ma gyur pa dang/ dngos su 'byor ba'i rdzas ma tshogs pa dag gis ni phyag rgya'i mchod pa gong ma rnams kyis tshogs rgya chen po sprul zhing/ dkyil 'khor legs par 'phrul pa'i mthus/ thams cad 'grub par 'gyur ba'o/ /da ni slob ma'i las su bya ba'i rim pa las dkyil 'khor du mjug pa'i thabs bstan te/ mchod pa'i sbyor pa 'di dag dang/ /lha mo bzhi po dag gis ni/ /me tog la sogs mchod byas nas/ /slob ma thams cad bzung bar bya/ /rdo rje slob dpon gyi dkyil 'khor du mchod pa thams cad kyi sngags dang phyag rgya dang ting nge 'dzin du bcas pas 'byor pa'i rdzas thams cad la sbyar zhing byin gyis brlabs te/ lha mo bzhi'i tshul gyis me tog la sogs pa'i phreng ba dang/ bdug spos kyi ril bu

  732. 366b

    la sogs pa dang/ mar me'i sdong po dang/ phreng ba la sogs pa dang/ dri'i sbyar ma rang bzhin dang/ bcos ma las byung ba dag gis sna drang zhing/ de'i rjes la gzhan dag kyang phul te slob dpon 'jug par bya'o/ /de nas slob ma'i don du gsol ba gdab cing 'jug pa'i phyir/ thun mtshams su bya ba'i cho ga dang/ yol ba'i nang du bzhugs pa'i cho ga dang/ rjes su bya ba'i las dag gi rim par 'jug par bya'o/ /de dag gi cho ga ni 'di ltar yin te/ dang por rdo rje slob dpon gyis snga ma'i dkyil 'khor du ji ltar zhugs pa bzhin du bya ba dang/ dkyil 'khor gyi rnam par dag pa bsgom pa dang/ byang chub kyi sems kyi tshigs su bcad pa gsol pa dang/ bden pa bdar ba dang dbang bzhi rgyud la bskyed pa dang/ lha dang bla ma mnyes pa'i cho ga dag bya'o/ /de'i rjes la slob ma stegs bu la bzhag ste/ bum pa'i chus bsang ba dang/ mchod pa 'bul ba dang/ gdong g.yog pa dang/ phreng ba thogs te sems bskyed pa dang/ dris lan dang/ skyabs su 'gro ba dang/ gsol ba bdab pa dang slar? gzhug pa'i cho ga'o/ /des na dngos grub 'dod pas ci 'dod par snyim pa'i gar ni kun bskyod nas/ de dag gdong ni mdzes pa yi/ /ras kyi g.yogs nas gzung par bya/ /dman pa'i dngos grub dang mchog tu mi 'gyur ba'i dngos grub sna tshogs pa dag/ ji ltar 'dod pa bzhin du thob pa bya ba'i don du rigs dang mthun pa'i ris kha dog rnam pa drug gis gdong g.yogs te/ so so'i dkyil 'khor du 'dod pa'i don gsol zhing snyim pa'i gar thabs lan gsum bskor nas/ rdo rje 'dzin pa'i phyag rgya bcings te/ lag pa g.yon pa'i thal mo kha spub pa'i steng du/ g.yas pa'i thal mo gan rgyal du bzhag pa ste/ mthe'u chung dang mthab chen du bsnol mar brel nas rin po che'i phreng ba thogs te yol ba'i nang du

  733. 367a

    gzhug par bya'o/ /de yang gzhug pa'i thabs dang/ tshogs bsags pa dang/ gsang ba bsgo ba dang/ dam tshig bsgrag pa dang/ mna' chu blud pa dang/ sku'i dam tshigs bsnan pa'i cho ga bzhis sku gsung thugs kyi rdo rje can du bya ba dang/ gsol ba gdab pa dang/ dbab pa'i thabs dang/ dbab pa'i mtshan ma dang/ bde ba sbyin pa dang/ che ba'i yon tan lngas ye shes dbab par bya'o/ /des na 'jug pa'i cho ga ni/ /dngos grub ji ltar thob 'dod par/ /slob ma me tog 'thor du gzhug /lha mo gang la lhung ba ni/ /lha de de la 'grub par 'gyur/ /rang gi dngos grub kyi mtshan ma brtag pa'i phyir me tog dkyil 'khor du gtor te/ de nyid kyi sgo nas ltas brtag pa'o/ de yang bden pa brjod pa ni/ las dngos grub dbab pa dang/ me tog 'thor ba dang/ dngos grub brtag pa dang/ phreng bas brgyan pa'o/ /de'i rjes su bya ba ni/ de nas gdong ni bkrol nas kyang/ /yon gyi mchog ni dbul bar bya/ /gser gyi thur mas mig dbye zhing gdong g.yogs bsal te dkyil 'khor bltas nas yon dbul ba dang bka' bsgo bar bya'o/ /de'i rjes su dbang bskur ba'i phyir/ sangs rgyas rin chen dbang bskur bas/ ji lta ba ni dbang bskur ro/ /de yang gsol ba gdab pa dang/ steg bu bca' ba dang/ slob ma gdan la bzhag ste brgyan pa dang/ slob ma sbyar ba dang/ rigs kyi lhar bsgom zhing mchod pa ste sngon du 'gro ba'i yan lag bzhi'i rjes la rim pa'i dbang bskur bar bya'o/ /de yang sngon gyi rgyal ba dag sangs rgyas rin po che'i dbu rgyan la sogs pas ji ltar dbang bskur pa bzhin du rigs lnga ye shes lnga'i rtags mtshon cing/ don 'grub par byed pa'i rang bzhin chu'i dbang dang/ dbu rgyan gyi dbang dang/

  734. 367b

    rdo rje'i dbang dang/ dril bu'i dbang dang/ ming gi dbang dag bskur zhing phan yon bstan te/ dam tshig bsgrags pa'i rim pa bzhin du bsnan zhing sdom pa sbyin pa dang/ sdom pa nyams pa'i skyon dang/ srid pa dag par bsgrub pa dang/ mi mthun pa'i spang bya dang/ lta spyod dang ldan par 'dod yon lnga la spyod pa'i man ngag sbyin par bya'o/ /de nas rdo rje slob dpon gyi dbang bskur ba'i cho ga dag rim pa bzhin du byas nas/ gsang ba'i dbang bskur phyir/ dmar chen po dang ga bur bcas/ / tsandan dmar po sbyar ba rnams/ /tshogs kyi dbus su bzhag pa la/ g.yon pa mtshan 'dzin rdo rjer bcas/ /zhes bya ba la sogs pa gsungs te/ tshogs kyi dkyil 'khor dang bsgrub pa la brten pa'i spro nas dbang skur ba dang/ gzugs brnyan gyi dkyil 'khor tsam la brten te dbang bskur ba las dang po pa'i dbang du yab yum thabs dang shes rab gnyis su med pa'i ro la pa las byung ba'i nyi zla'i dkyil 'khor gyi dbus su bzhag ste/ lha'i rnal 'byor dang ldan pas byin gyis brlabs cing/ g.yon pa mtshan 'dzin rdo rje'i srin mtheb kyi phyag rgyas zhi ba'i btung ba bzhin du myang bas dngos grub kyis mchog thob par 'gyur ba'o/ /de yang dbang bskur ba 'ba' zhig don du gnyer ba'i dus su ni/ gsang ba'i gnas nas smre byed kyi phyag rgyas blangs te/ longs spyod kyi gnas su gzhug bar bya ba las/ 'dir ni tshogs bsag cing bsgrub pa'i don du bstan pas bya ba mi 'dra bar bstan pa yin no/ /bsdus pa'i don ni 'di ltar yin te dben zhing rgyan gyi brgyan par rdo rje slob dpon la zhus te bzhugs su gsol nas shes rab la yon tan can rab tu brtags nas/ dbang bskur zhing byin gyi brlabs pa slob dpon la dbul zhing mnyes par byas la/ slar slob mas gsol ba bdab pa

  735. 368a

    dang/ slob dpon gyis gnang ba'i lan brjod pa dang/ dbang bskur ba'i don du khrus la sogs pas lha mo sbyang zhing lhar bskyed pa dang/ dbang bskur zhing byin gyis brlabs te rol pa mdzad pa dang/ byang chub kyi sems dkyil 'khor gyi dbus su sgrub pa 'am/ yang na slob ma'i khar dbab cing gnang ba'i lan brjod pa dang/ slob ma'i longs spyod kyi gnas su bzhugs te don bzhin bsgom pa'o/ /de'i rjes la gsang ba chen po'i dbang bskur ba'i phyir tshig gcig la zur gnyis su 'dren te/ rang gi lha'i rnal 'byor ldan/ /srin lag dang ni mthe bo'i rtses/ /zhi ba'i btung ba bzhin myangs nas/ /rtags pa'i dngos grub 'thob par 'gyur/ /zhes pa dang/ yang gong nas 'byung ba yi/ de nas khrus byas dri zhim lus/ ci 'byor ba yi gos dang brgyan zhes bya ba la sogs pa'i don gyi slob dpon la bskul zhing gsol ba gdab par bya'o/ /lha mo lag tu gtad de lan gdab pa dang/ lha mos grogs la bskul ba dang/ grogs kyi lan brjod pa dang/ yon tan brjod pa dang/ dbang bskur pa'i don du gnas dben par thabs dang shes rab kyi bsgom pa dang/ sbyor thabs sna tshogs kyi sgo nas mtshan brtag pa dang/ mtshon bya dang bcas pa'i byang chub kyi sems blang zhing slob dpon mnyes par bya ba dang/ bde pa chen po'i dbang bskur ba'i cho ga'o/ /de dag gi phan yon ni sangs rgyas thams cad mnyam sbyor ba'i/ mkha' 'gro ma yi tshogs kyis kyang/ /rgyas mi thabs shing mi rmongs te/ de la gnod par mi 'gyur ro/ /rig pa'i dbang bskur ba tsam gyi sgo nas spyod pa'i rnal 'byor pa tshul bzhin du 'jug

  736. 368b

    pa dag la ni/ 'jig rten pa'i mkha' 'gro ma la sogs pa drag po drag mo'i tshogs rnams kyis rgyas mi thebs/ rims la sogs pa'i blo bur dag gis kyang gnod par mi nus so/ /de dag gi dam tshig dang sdom pa'i rim pa ni/ de nas mna' ni bsgag byas nas/ sangs rgyas thams cad mthun pa yis/ /mchog tu rtag pa'i bka' stsal pa/ /dam tshig sdom pa sbyin par bya/ /dang por slob ma'i dbang bskur nas/ /dam tshig bsgrags pa'i rim pa ni mna' bsgrag cing sdom pa sbyin pa'i phyir ro/ /rigs kyi dkyil 'khor gyi sbyor ba gsal ba'i thugs ka'i 'od zer gyis rigs kyi dkyil 'khor rnams dbang po'i tshul du kun gyis dbyangs mthun pa'i gsung gis brjod par mdzad pa'o/ /de las dam tshig nyams pa'i skyon ni/ /sangs rgyas thams cad mnyam sbyor ba'i/ /sdom pa nyams par khyed byed pa/ /zhes pa la sogs pa'i tshigs su bcad pa gnyis gsungs pa yin te/ dkyil 'khor 'di nyid kyi sgo nas dam bcas pa'i don las 'gal par byas na theg pa thun mong gi sangs rgyas dang byang chub sems dpa' dang/ rnal 'byor pa'i rigs 'dzin la sogs pa dag gi chad pas bcad cing khyad par dkyil 'khor dag snying nas byung zhing/ khrag 'thung zhing gshegs par 'gyur/ srid pa dag par bsgrub pa'i dam tshig gi dgos pa gzung par bya ste/ sems can khams ni ma lus don/ /srid ba shin tu dag bya'i phyir/ /mi 'gog chos nyid sbyor pa yis/ /brtag pa nyid du bsgrub par bya/ /bdag dang 'gro ba mdza' dag gi 'dzin rtog gi mtshan ma lus pa dag sbyar par bya ba'i phyir srid pa gsum gyi mdza' dag rgyu dang rkyen dang 'bras bu rnam par dag pa'i mtshan nyid du skor zhing/ mi gnas pa'i mya ngan las 'das

  737. 369a

    pa'i 'gog pa med pa'i chos nyid gsal bar byas pa'i mthus sku drug lhun gyis grub pa'i don/ rtag par ngo bo nyid sgrub par 'gyur ba yin no/ /de yang rtsa ba'i rgyud las/ sdig pa dag par bsgrub pa'i phyir// rgyu rkyen 'bras bu sbyor pa'i dngos/ /dag pa nam mkha' lta bu'i dbyings/ /mi gnas mya ngan 'das pa'i rgyu/ /mi 'gog rtag pa nyid du sgrub/ ces pa dang/ yang rang bzhin la gnas dam tshig che/ /sku gsung thugs su gsal byed pa gnyis med chos su sbyong ba'i mthus/ /sku drug bsgrub par bya ba'o/ /zhes so/ /da ni rten mi mthun pa spangs pa'i phyir/ rang gi ngo bo yongs spangs shing/ /dka' thub kyis ni gzir mi bya/ /ci bde bar ni bde bar spyad/ /'dir ni phyi dus sangs rgyas yin/ /gang zhig rang gi mtshan nyid mi shes par yon tan gyi 'bras bu bzang po dag thob par 'dod cing/ mu stegs kyi dka' thub dang/ nyan thos kyi dka' thub sna tshogs la zhugs nas/ rang gis lus ngag gdung bas gzir ba ni/ 'jig rten 'dir yang sdug bsngal gyi rgyu la spyod cing/ gzhan du yang bde ba'i ye shes dang phrad par mi 'gyur ro/ /des na 'dod pa'i yon tan rnam pa lnga dag rang nyid kyi ye shes las byung ba'i snang ba ste/ yon tan gyi rtsal ma 'gags pas ji ltar mos shing bde ba'i sgo nas spyad pa'i mthus 'dir ni rig 'dzin la sogs pa'i yon tan gyi sgo nas phrin las kun 'grub cing des ni sangs rgyas kyi ye shes brnyes par 'gyur ro/ /de dag gi bsdus pa'i don ni dang por bya ba thams cad bsgrub pa'i don du brten gyi mtshan nyid bston te/ slob dpon gyi yon tan dang/ slob ma'i yon tan dang/ mi mthun pa'i spang bya la sogs pa shes par bya'o/ /gzhan yang lta

  738. 369b

    spyod dang ldan pas 'dod pa lnga la longs spyad pa'i phyir/ rnal 'byor longs spyod thams cad la cis kyang mi 'jigs dga' bar gyis/ /sdig pa med kyis khyed ma 'jigs/ /dam tshig 'da' bar dka' ba'o/ /khyad par gyi don du phyi yul dang nang gi 'byung ba las bsdus pa mdza' dag gi nyon mongs pa dug lnga dang/ 'dod pa'i longs spyod kyi dngos po ma lus pa mdza' dag rigs kyi dkyil 'khor lha mo'i tshogs dang bcas par longs spyod cing/ bdag dang gzhan gyi don mthar phyin pa'i mdzad pa dang/ zab pa'i dbang du g.yo ba dang/ gnas dang/ dbang po'i rnam par 'phrul pa ma 'gags pa'i tshogs mdza' dag rnal 'byor gyi longs spyod kyi rnam par shes shing rtogs par longs spyod de/ bag yangs kyis gnas par bya'o/ /gzhan yang spyod pa'i rim pa ni/ /grub pa gcig pu gcig la spyod/ /lhan cig spyod dang rjes spyod sdug /sangs rgyas byang chub bla med yin/ /yang dag nyid kyis rtag tu bsten/ /gang zag bzhi yi sgo nas bdag gzhan gyi las la spyod pa pos mngon par byang chub pa la sogs pa'i sngon du 'gro ba'i yan lag rdzogs pa'i sgo nas lha dpal po gcig pa yab yum gang yang rung ba gcig tsam bsgom pa dang/ de nyis kyi rig ma dang 'od kyi skyes bu dag zhal sbyor gyi tshul du bsgom pa dang/ dkyil 'khor gyi 'khor lo 'khor gyi tshogs dang/ lhan cig tu spyod pa'i rnam par bsgom pa dang/ de dbang bskur zhing byin gyis brlab pa'i lha dag las 'od zer gyi 'phro 'das bdag gzhan mdzes par byas pa'i rnam par bsgom pa dang/ thams cad sangs rgyas byang chub kyi ngo bo bla na med pa la bkod pas na/ yang dag par rtag tu bsten par bya'o/ /de ltar nges sam zhe na rdo rje sems dpa' de bzhin gshegs/ de skad bka'

  739. 370a

    stsal dpal ldan gyi/ /yang dag rdzogs pa'i sangs rgyas dang/ /rdo rje can gyi bka' stsal to/ /che ba'i yon tan mi bzad par bsgoms pa'i mthus rtag tu 'byung ba yin te/ de dag ye nas gnas pa'i ngo bor gsal zhing rgyan gyi cho 'phrul rnam par bkod pa dag /rnal 'byor dag pa'i mthu las gsal bar snang ste/ de nyid rigs thams cad kyi bdag po rdo rje 'chang ba dang/ de las byung ba'i dkyil 'khor kun gyis gsungs pa'o/ /da ni gong du dbang bskur ba'i thog mar ye shes dbab pa'i cho ga bstan pa'i phyir/ rnal 'byor bcas dang gsang bcas pa'i/ /bdag gi ye shes rgya bsgrubs nas/ /ji lta'i tshul bzhin gar byed pas/ /slob ma rnams la bde ba sbyin/ /rnal 'byor rnam pa bzhi dang/ /gsang sngags dang phyag rgya ru bcas pas gsang ba'i phyag rgya'i ye shes dbab pa'i thabs las 'byung ba'i dkyil 'khor rnam pa bzhi yi ge'i mtshan ma dang bcas par bsgom pa dang/ de las sku gsung thugs kyi phyag rgyas rang gi mtshan ma dbab pa dang/ bdag gi ye shes kyi phyag rgya bsgrub cing rtse gcig tu gnas pa las/ rnal 'byor gyi bde ba sbyin pa dang/ ji lta bu'i tshul gyis gar thabs su bskyod cing slob ma la bde ba'i ye shes sbyin par mdzad pa'o/ /de'i rjes su bya ba ni/ slob ma dam pas de phyin chad/ /phyag rgya'i ye shes rjes gzung bas/ /rnam par snang mdzad mchog bzhin du/ /sangs rgyas kun gyi bdag nyid 'grub/ /rang gi nyams su myong ba'i mtshan ma dag la rtse gcig tu gnas pas sku g.yo zhing 'gul ba dang mtshan dang dbye byad kyi rnam pa gsal bas rab tu brgyan te/ sangs rgyas rnam par snang mdzad bzhin du sku mchog tu gyur pa 'grub cing sangs rgyas kun gyi bdag nyid du 'gyur ro//

  740. 370b

    de ltar tshogs bsag cing sgrub pa dang/ dbang bskur ba'i rjes la lha dang slob dpon mchod pa'i thabs ni/ de nas ro dang zas dang gnas/ /glu dang sil snyan la sogs pa/ /de dag mgon po rnams la dbul/ /rdo rje bla ma chen po dang/ /bdag dang gzhan yang 'dod dgus mchod/ /'dod don 'bras bu phun tshogs 'grub/ /'dod pa'i longs spyod kyi tshogs dang/ /gzhan yang mchod pa'i rdzas ma lus bdag dngos su sbyar ba dang/ yid kyi sprul ba'i sgo nas dkyil 'khor lha tshogs la thog mar mchod pa phul zhing/ de'i rjes la sangs rgyas gnyis pa tshul de ltar mchod nas/ bdag dang rnal 'byor pa gzhan dag lha'i dkyil 'khor du bsgoms pa rnams kyang 'dod pa'i longs spyod snga dgus mchod par bya'o/ /de ni dkyil 'khor du 'jug pa'i yan lag bstan pa'i phyir/ de nas bdag nyid rab bsgrub nas/ /kun gyi slob dpon rab gnas pa/ /ji lta'i tshul gyis 'jug pa yis/ /bden pa'i chos ni brjod par bya/ /rdo rje slob dpon gang gis sngon du bsnyen pa'i rim pas bdag gi rgyud las su rung bar bya ste/ gsang ba'i don bkod pa dag las bstan pa'i cho gas bsgom pa dang/ bzlas pa'i bya bas rdzogs par byas nas/ tshogs bsag pa dang/ bsgrub pa dang/ dbang bskur ba dang/ rab tu gnas pa'i cho ga la sogs pa'i don brtson par de kho na nyid bcu la sogs pa bya ba mdza' dag rdzogs shing/ rigs so so'i dkyil 'khor rtsom pa la mkhas pa'i blo dang ldan pas/ kun gyi slob dpon du rab tu gnas pas ji lta bu tshul gyis sa'i cho ga dang sta gon la gnas pa'i

  741. 371a

    cho ga la sogs pas 'jug par bya'o/ /de yang rim pa ni 'di ltar yin te/ tshogs bsag pa dang sgrub pa dag la ni dang po nas sa'i cho gas mgo rtsom zhing 'jug par bya ba dang/ slob ma dbang bskur ba'i rim pa dag la ni bsnyen gnas lnga gang yang rung ba dag rdzogs pa las rtsom par byed de/ dkyil 'khor gyi dus kyi cho ga'i thog mar dkyil 'khor gyi dgos pa shes bas/ sa brtag pa dang/ sa bslang ba dang/ sa gzhi byin gyis brlab pa dang/ sa'i dbang po bsgo ba dang/ sa bsrung ba'i don du gsol ba gdab pa dang/ bsrung ba'i cho ga rgyas par bya'o/ /des na/ ji lta bu'i tshul gyis 'jug pa yis/ zhes so/ /gzhan yang lha sta gon la gnas pa'i don du maN+Dal byug cing me tog sna tshogs dang bcas par gram pa dang/ mchod pa bsham shing srung ba'i 'khor lo bsgom pa dang/ bsgom pa'i rim pa bsal bas gsol ba gdab cing mnyes par bya bas ni ji lta'i tshul gyis yis zhes so/ /yang slob ma sta gon la gnas pa'i don du bka' bsgo ba dang/ spro ba bskyed pa dang/ rjes su gdams pa dang/ dbang po'i spyan sngar tshogs bsag cing byang chub tu sems bskyed nas sdom pa bzung ba dang/ shis par bya ba'i phyir gnas gsum dag par bya ba dang/ tshems shing sbyin pa'i rim pa dang/ skyon bsal zhing dor ba dang/ de la mtshan ma'i bltas blta ba dang/ dri chab kyi spyang ba dang/ ku sha sbyin pa dang/ bsrung skud gdags pa dang/ spro ba skyed pa

  742. 371b

    dang/ sta gon gyi gnas su gtor ma btang zhing slob ma ku sha'i stan la nyal ba dang/ slob dpon gyis nang du dkyil 'khor mnyes par bya ba dang/ mtshan ma bzang ngan gyi bya ba bstan pa dang/ byin gyis brlab pa'o/ /yang ji lta'i tshul gyis 'jug par bya ste/ bum pa sta gon la gnas ba'i phyir rgyu dbyibs kha dog bstan pa dang/ rigs kyi mtshan mas brgyan cing byin gyis brlab pa dang/ rnam par dag pa'i de nyid dang/ rigs kyi dkyil 'khor bstim zhing bzlas brjod tshang bas sngags kyi chur gyur pa dang/ de nyid shis par bya ba'i cho ga dang/ gzugs brnyan gyi dkyil 'khor bsgrub pa'i rjes la so so'i gnas su dgram pa'o/ /yang ji lta'i tshul gyis 'jug pa gzugs brnyan gyi dkyil 'khor rtsom pa dang/ dkyil 'khor bsgrub pa dang/ gtor ma dang/ sbyin sreg dang/ rab gnas kyi las dag la 'jug par bya'o/ /de dag gi cho ga rgyas par ni le'u bdun pa las de nyid du gsal bar bshad do/ /de dag spyi'i las su bya ba'i rim pa ni dkyil 'khor cho ga las bstan te/ 'dir rgyas par ma spyos so/ /des na tshigs su bcad pa 'di ni cho ga'i yan lag kun gyi spyi don du shes par bya ba yin te/ rkang? pa dang pos ni sngon du 'jug pa'i yan lag bstan to/ /gnyis pas ni rten gyi mtshan nyid bstan to/ /gsum pas ni dkyil 'khor gyi dus kyi cho ga'i yan lag bcu po bstan to/ /bzhi pas ni de dag dang mi 'gag pa'i gdams ngag bstan to/ / de yang rtsa ba'i rgyud las/ /de nas bdag nyid rab bsgrubs nas/ /rnal 'byor gsal bar goms pa'i mthus/ /bsnyen pa'i yan lag gang dag gis/ /sngon du 'gro ba dang po rtsam/ /de nyid bcu sogs rim pa dag /kun gi slob dpon la gnas shing//

  743. 372a

    blo ldan dpa' bo chen po yis/ /bdag gzhan don la rab tu sbyor/ /dkyil 'khor dus su cho ga'i tshogs/ /ji ltar tshul gyis 'jug pa yis/ /sa nas cho ga lhag ma'i bar/ /ma 'dres las kyi don spyod pas/ /don mthun gdams ngag ji bzhin par/ /der 'jug 'gro ba gzung ba'i phyir/ /bden pa'i chos ni brjod bya zhing/ /bstan pa'i don ni tshim par mdzod/ /ces so/ /da ni phrin las kyi mtshan nyid rigs bsdus spyi'i 'gro ba dag 'dul bar mdzad pa'i tshul bstan te/ rdo rje sems dpa' dpal gyi tshul/ /rtog pa thams cad rab bsgrub cing/ /rtog pa kun gyi rab sbyor ba'i/ /ngo bo nyid phyir chen po'i mchog /sku gsum gnyis su med pa'i rdo rje 'chang chen po de nyid kyis gdul bya'i dbang po dang skye mched kyi bye brag sna tshogs kyi sgo nas rgya chen po'i tshogs rnams gcig tu bsdus pa la dga' zhing/ de nyid kyi sgor 'jug par 'dod pa'i don du rigs bsdus pa'i dkyil 'khor bstan te/ bcom ldan 'das nyid kyi sku las dpal rnam pa gnyis kyi snang ba/ rigs rnam pa drug gi rtog pa thams cad rab tu bsgrub cing/ rtog pa'i cho ga kun gyi sgo nas gzhan dag gi don rgya chen po la sbyor zhing/ don dam pa'i de kho na nyid dang/ kun rdzob kyi rnam par 'phrul ba gnyis su med pa'i rnam par ston par mdzad pas rang gi ngo bo nyid du de bzhin du phyag rgya'i mchog gsal bar 'grub bo/ /bsdus pa'i don ni rigs bsdus kyi dkyil 'khor chen po'i sgo nas tshogs kyi dkyil 'khor chen po rtsom pa dang/ de la brten te tshogs kyi dkyil 'khor bsgrub pa'i don gyi phyir/ blo dang ldan pa'i rnal 'byor bas rten gyis mtshan nyid dang ldan par bya'o/ /de yang rtog pa bdun pa la/ /shes rab kyis ni blo phye nas/ nges par brtags pa'i sa gzhi

  744. 372b

    la/ bla mas nges pa'i lung 'di bstan/ /grub pa'i dbang phyug phun sum tshogs/ /shes pa la sogs pa dang/ rtsa ba'i rgyud las/ bzhin bzang rang bzhin zhi ba'i chos/ /skye bo kun dga' mkha' 'dra'i blo/ /zhes pa la sogs pa'i don gyis yon tan dang skyon gyi bye brag shes par byas nas/ phun sum tshogs pa bzhi dang ldan pas/ rdzas dang sa gzhi brtags pa de/ /cir yang 'gyur ba'i yig 'bru pa sam/ /'od zer kun tu spros nas kyang/ /ma lus nye bar khyab byas te/ /re dang dam pa'i tshul du dgongs/ zhes pa la sogs pa'i don gyis phun sum tshogs pa bsag pa dang/ sa'i cho ga dang sta gon la gnas pa'i cho ga dang/ gzugs brnyan gyi dkyil 'khor rtsom ba dang/ dkyil 'khor sgrub pa'i rim pa bzhin du/ de yang dkyil 'khor gyi bye brag ni rdo rje'i phreng ba la sogs pa rim pa rnams kyis bskor cing/ dur khrod chen po'i gnas brgyad dang bcas pa'i nang du/ gru bzhi pa sgo bzhi rim dang bcas pa'i nang du/ phyi nang gi bar khyams dang pho brang gi phreng ba dang bcas pa ste/ de'i nang rol ga pa brgyad kyi gdung mas phye ba'i phyogs mtshams kyi sa gzhi ste lte ba dang bcas pa/ dkyil 'khor chen po dgu'i gnas dgod par bya ste/ dbus su rdo rje sems dpa' i dkyil 'khor zhi ba'i rdo rje rtse lnga dkar dmar 'od zer dang bcas pa'o// rwa phyogs su rnam par snang mdzad kyi 'khor lo'i pho brang la 'khor lo'i phreng bas mdzes pa'o/ /lho phyogs su he ru ka'i dkyil 'khor zla kham kha nang du bstan pa la re'u mig dgur phye ba la/ khro bo rdo rje sngon po rtse mo gyes pas bskor ba'o/ /nub tu pad+ma gar gyi dbang gi pho brang pad+ma'i dkyil 'khor la pad+ma dmar po'i phreng bas bskor ba'o/ /byang du rdo rje nyi ma'i pho brang rin po che zur brgyad pa la rin po che'i phreng ba ser pos bskor ba'o/ /mtshams kyi re'u mig bzhi la rta mchog las

  745. 373a

    bzhi'i dkyil 'khor phrin las rnam bzhi'i kha dog dang mtshan mas brgyan pa'o/ /de ltar dbus kyi pho brang dgu bo de dag la ni nang gi lha bcu gsum po dag so so'i gnas su bkod cing/ de'i phyi rol bar khyams nang ma la mchod pa'i lha mo bzhi dag kha dog dang rgyan chas mi 'dra zhing phyag gi mtshan ma mthun bar mtshams rer dgu dgu dgod par bya'o/ /sgo nang ma la ni ye shes kyi lha mo dgu bzhi bkod cing phyi ma la ni de dang cha lugs gcig pa'i 'jig rten pa'i lha mo dgu bzhi dgod par bya'o/ /bar khyams phyi ma la ni sprul pa 'jig rten pa dang mthun pa'i dkyil 'khor dang rang rgyud pa dag gcig tu bsdoms te/ shar du lha mo chen po dag dang phyogs skyong dag go /lho phyogs su mkha' 'gro ma chen mo brgyad kyi chogs rnams so/ /nub tu klu chen po brgyad rang rang gi 'khor tshogs dang bcas pa'o/ /byang du 'gro ba ris drug gi gtso bo 'khor dang bcas pa'o/ /sgo nang ma la ni sangs rgyas kyi che ba'i yon tan rnam par bkod pa dang bcas pas rta babs la sogs pa'i rgyan gyis mtshan ba'o/ /sgo phyi ma ni 'jig rten pa'i bar khyams zlum po la 'jig rten pa'i rgyan gyis brgyan pa'o/ /de nas rtog pa thams cad la rab tu bsgrub pa'i phyir bsod nams kyi tshogs bsag pa dang/ sbyin gtor gyi cho ga rgya chen pos bar chad kyi bgegs bsal zhing/ bsrung ba'i 'khor lo la sogs pas mtshams kyi rim pa brtan par byas nas bsod nams kyi tshogs kyi 'khor lo dang/ ye shes kyi tshogs kyi 'khor los bsnyen bsgrub gyi yan lag dang/ ldan pas bsgrub par bya'o/ /de nas rtog pa kun las rab tu sbyor ba'i phyir/ tshogs kyi cho ga dang phrin las rgya chen po dag gis bdag gzhan gyi don mthar dbyung zhing sbyin sreg dang lhag ma'i gtor mas mnyes shing brtan par bya ba dang/

  746. 373b

    rjes su bya ba'i yan lag cho ga'i lhag ma dag gis dkyil 'khor gyi bsgrub pa mthar dbyung ste/ dkyil 'khor mdza' ma bskor zhing mi 'bral ba'i smon lam gdab ba dang/ lhag chad bskang ba dang/ bkra shis brjod pa dang dngos grub kyi lhag ma blang ba dang lha rnams la mchod bstod bya ba dang/ dkyil 'khor rnam pa gsum rim pa bzhin du bsdu ba dang/ mtshams kyi dkyil 'khor dgrol zhing srung ma dang/ 'gron tshogs dag la gtor ma sbyin pa dang/ rdo rje slob dpon la sogs pa dag yon gyis mnyes par bya ba dang/ 'gro ba'i don du smon lam gdab cing chos kyi sbyin pa brjod pa dang/ spyod lam gyi rnal 'byor las mi nyams par gnas pas rab tu sbyor bar bya'o/ /des ni rigs bsdus pa'i dkyil 'khor chen po'i ngo bo nyid gsal bar 'grub pa'i phyir/ dkyil 'khor chen po dang/ sgrub pa'i tshul chen po'i sgo nas phyag rgyas rab tu sbyor zhing gnas pas de dang mthun pa'i mchog 'grub par 'gyur ro/ /de nyid kyi tshul ni rtog pa dgu pa'i gnas skabs nas kyang bshad la/ rtsa ba'i rgyud las kyang rgya cher bstan pa'i don bzhin du shes par bya'o/ /da ni rigs so so'i dkyil 'khor dag la dga' ba dag gi don du/ so so'i phrin las kyis tshogs kyi dkyil 'khor gyi las sgrub pa'i phyir/ tshul rnam pa drug tu bstan pa las/ dang por rdo rje sems dpa' sgo nas/ sna tshogs las kyi sbyor ba dang/ 'dul ba'i thabs ni sna tshogs las/ /sems can rnams ni 'dul ba'i phyir/ /de las gzhan pa'i tshul du bstan/ /thabs thugs rje chen po mdzad pa'i phrin las sna tshogs rnam par bstan te/ des 'dul ba'i gdul bya mdza' dag de lta bu'i lam la gzhug pa'i thabs khyad par can mnga' bas/ de nyid kyi sgo nas gzhug pa'i phyir rdo rje sems dpa' i rnam pa las byung ba'i tshogs dang/ tshogs kyi sgrub pa'i sgo nas rnam

  747. 374a

    par spyad pa'o/ /de yang bsdus pa'i don snga ma dang 'dra bar rten gyi gang zag khyad par gyi mtshan nyid can gyi le'u bdun pa las 'byung ba'i rang gi gnas su/ yum dang/ 'khor dang/ yo byad dang/ rgyan cha la sogs phun sum tshogs pa bzhi dang ldan pas rang gi dkyil 'khor gyi sgo nas bsgrub par bya'o/ /de yang rigs bsdus kyi bya ba dag dang cha 'dra bar spyod pa ste/ gzugs brnyan gyi dkyil 'khor bri ba dang/ dkyil 'khor sgrub pa dang/ bsod nams dang ye shes kyi tshogs bya ba la brten te bsnyen sgrub yan lag bzhi'i sgo nas spyod pa dang/ glu dang glu'i lan dang/ brda dang brda'i lan dang/ phyag rgya dang phyag rgya'i lan dang/ bro gar gyi phyag rgya sna tshogs kyi sgo nas so sor mnyes par bya ba dang/ bza' btung gi tshogs la longs spyad pa dang/ gnas dang dam tshig gi phyag rgya la gnas pa dang/ so so'i las kyi sgo nas rol pa'o/ /rjes su 'jug pa'i gang zag gi don gong ma dang 'dra bar rnam par snang mdzad kyi dkyil 'khor bsgrub par bya ba dang/ de ltar rdo rje he ru ka dang/ pad+ma gar gyi dbang phyug dang/ rdo rje nyi ma dang/ rta mchog rol pa yis bsgrub pa'i phrin las la sbyor ba'i thabs bstan pa'i phyir/ rnal 'byor de nyid bcom ldan 'das rdo rje sems dpa' de bzhin gshegs/ /zhes pa la sogs pa'i tshigs su bcad pa drug gsungs te/ bsgrub pa'i rim pa ni tshogs kyi 'khor lo'i cho ga las rgya cher bstan pas 'dir spro bar mi bya'o/ /gzhan yang rten gyi sgo nas sgrub ba'i phyir/ rang gi lha dang 'dra ba yis/ /rang gi byin brlabs bsgrub pa'i phyir/ /gzugs bsnyan ngo bo'i sbyor ba yis/ /phyag rgya'i sbyor bas gar bya'o/ /tha mal pa'i 'gro ba dag gi lus ngag yid gsum dag bde bar

  748. 374b

    gshegs pa'i sku gsung thugs su sbyor ba'i phyir/ sku'i gzugs brnyan dang/ gsung gi mtshan ma dang/ thugs kyi phyag rgya dag la bstan cing sbyor ba rnam pas gar bya'o/ /bsdus pa'i don ni tshogs kyi dkyil 'khor du sku gsung thugs kyi phyag rgya gang yang rung ba gcig la/ bsnyen sgrub yan lag bzhi'i sgo nas rtags rnam pa lnga gsal bar gyur pa dang phyag rgya'i dngos grub blang bar bya'o zhes pa'o/ /da ni gong ma dag gi 'bras bu bstan pa las/ dang por spyi mtshan nyid ni/ dam tshig rnam pa sna tshogs kyis/ de ltar rnam par dpyad na ni/ zhes pa la sogs pa'i tshigs su bcad pa phyed dang gsum gsungs te bsgrub pa las byung ba'i las thams cad skad cig mas rgyud la nyams su myong bar bya ba'i phyir nyams su blang pa'i thabs lam rnam pa gnyis la sbyar bar bya ste/ gzhi dang rten la sogs pa'i las gsal bar dag la dmigs shing de nyid dang tshul mthun pa'i spyod pa'i rim pa dag rnam par spyad nas don bzhin du bstan pa'i mthus/ sangs rgyas thams cad dang mnyam par sbyor ba mkha' 'gro sgyu ma bde ba mchog gi dngos grub 'grub par 'gyur pa'o/ /khyad par gyi dbang du rdo rje sems dpa' i dkyil 'khor bsgrubs pa'i 'bras bu la sogs pa rigs kyi dkyil 'khor rnams kyi rang rang gi yon tan 'bras bu dag bstan pa'i phyir/ kun tu kun nas thams cad ni/ /sangs rgyas rdzu 'phrul thams cad kyis/ /zhes pa la sogs pa'i tshigs su bcad pa drug gsungs te/ rigs rnam pa lnga'i don stags kyis chos thams cad la sbyor zhing/ khyad par gyi phrin las rnam pa lnga'i mdzad pas rang gi gdul bya grol bar mdzad nas bsgrub pa'i 'bras bu yon tan mchog tu gyur pa la sbyor bar mdzad pa'o/ /de dag gi 'bras bu ni go bla ba'i phyir ma bshad do/ /yang 'bras bu'i 'jug bsdu pa'i phyir/ /de la sogs pa

  749. 375a

    mdza' yas mchog /chos dbyings mnyam dang mi mnyam pa/ /zhes pa la sogs pa'i tshigs su bcad pa phyed dang gnyis gsungs te/ dngos grub rgya chen por 'khrigs pa las byung ba'i tshad med cing/ mdza' yas pa'i mchog gi chos kyi dbyings mnyam pa dang mi mnyam pa'i bsdus pa/ mthar thug med pa'i bar du rnam par spros shing bde ba chen po'i ye shes kyis brgyan pa'i dpal rdo rje sems dpa' nyid du grub pa'o/ /da ni phrin las kyi 'jug bsdu ba'i phyir/ dpal dgyes rol pa rnam 'phrul ba/ /sna tshogs kyis ni rnam par rol/ /zhes pa la sogs pa'i tshigs su bcad pa phyed dang gnyis gsungs te dpal bde ba chen po'i sku las khyad par gyi phrin las rnam pa bzhi dang/ brgyad dang/ bcu drug dang/ nyi shu dang/ sum brgya drug cu'i bar du dkyil 'khor gyi 'khor lo dag gi mdzad pa'i rnam pas 'gro ba'i don du sna tshogs kyi bya bas rnam par rol cing/ thams cad skal pa bzang po'i bde ba mchog gis gdul bya'i phrin las rnam pa sna tshogs kyi sgo nas sems can gyi khams dag rab tu bsgrub pa'o/ /gzhan yang tshogs kyi dkyil 'khor gyi 'jug bsdu ba'i phyir/ de la sogs pa mdza' yas mchog /chos dbyings mnyam dang mi mnyam pa/ /zhes pa la sogs pa tshigs su bcad pa gnyis gsungs te/ tshogs kyi dkyil 'khor gyi sgor zhugs pa'i rnal 'byor pa dag gis/ dang por bsgrub pa'i rim pa shes par bya ba dang/ de'i don bzhin du spyod pas yon tan gyi 'bras bu de nyid dang mthun pa'i tshogs snang bar mdzad pa yin no/ /sangs rgyas thams cad dang mnyam par sbyor ba mkha' 'gro ma'i dkyil 'khor gyi rtog pa zhes pa ni spyi'i sgra las khyad par gyi bye brag tu sbyar ba ste/ las mkhan gyi

  750. 375b

    skabs su bab pa'i tshig bzhin du/ tshul de nyid kyi rtog pa gcod par byed pas tshogs kyi dkyil 'khor gyi lha rnams la gnas skabs kyis de nyid 'jug par 'gyur ba'o/ /des mkha' 'gro ma'i dkyil 'khor gyi rtog pa shes pa yin no/ /rtog pa drug pa'i don rnam par bshad pa'o/ /gang zhig gis chos thams cad kyi mtshan nyid ji ltar gnas pa'i don mi shes shing/ las sgrub pa dag gi phan yon ma rtogs pa dag gis ni bya ba'i sgo thams cad la rmongs pa yin te/ rin bu'i tshogs kyis rgyal po'i bka' gsang nang par las spyod pa lta buAm/ long pa'i tshogs kyis brtag pa'i bstan bcos mdza' dag la spyod pa bzhin no/ /de dag bsgrub par mi nus pas ni shes pa'i lo rgyus tsam pa brten pas phan par mi 'gyur te/ glu stag sha ka'i spyi bo nas rgyan gyi rin po che lta bu 'am las mdza' la spyod pa'i dus su dug za ba'i bdud rtsi bzhin no/ /de dag spyod par mi nus pas ni bsgrubs shing bsags pas kyang phan par mi 'gyur te/ bram ze mo bzang mdzes ma lta bu 'am/ btsun mo rin sbyong ma lta bu'o/ /de dag kyang don gyi lo rgyus la sogs pas de ma bsgrubs shing/ /sgrub pa'i thabs la spyod pa'i yan lag dang bral bas ni 'jug par mi 'gyur te/ yid mi ches shing gsal ba'i don nyams su myong ba rgyud la bskyed par mi 'gyur te/ bstan bcos kyi lo rgyus gang yang med pa'i lam la 'jug pa dang/ rgyu rkyen ma tshogs pa'i bya ba rtsom pa ste khyim bdag rnam dpyod kyis shing mkhan gyi gnas su zhugs lta bu 'am/ rgyal po sgra gcan las gsum pa'i 'khor lor bsgrub pa lta bu'o/ /de dag thams cad kyang phun sum tshogs pa'i sgo nas las dag la sbyor bar ma byas shing/ rang nyid kyi rgyud ma sbyangs pas ni stobs 'phel zhing 'jug par mi nus te ma pham pa'i longs spyod lta ba

  751. 376a

    dang khyim bdag bshes gnyen can gyi 'khor lo lta bu'o/ /de dag gi rten gnas ni lam dang po'i mtshan nyid can las byung ba ste/ gang zhig de la ma brten par bya ba'i las gzhan rtsom par 'dod pa dag /rgyal po ser rkyang gi dpung gi tshogs yan lag bzhi pa bzhin du 'gyur bas/ rang dga' i blo dgag par bya'o/ /de dag gi mtshan nyid ni rten nyams pa dang/ gnas dang mi ldan pa dang dkyil 'khor du ma zhugs pa dang/ de las byung ba'i don dag mi mthong zhing thob par ma byas pa ste/ ne tso sma rgyal dang bram ze sngo bsangs dang/ rgyal po yul skyong gi bu dang/ gsum mdzes phreng ba can gyi bu dang/ rgyal po skyabs song dag bzhin no/ /de nas le'u bdun pa las 'byung ba'i don dag ni kun gyi thob mar 'gro pa yin te/ de yang rtsa ba'i rgyud las/ las kyi sgrub pa gang dag la/ /brten nas phun sum mtshogs par/ /rjes su spyod pa gang yin pa/ /gang yang 'grub par mi 'gyur ro/ /zhes so/ /de dag spyi'i mtshan nyid ni rtog pa bdun pa las/ rten gnas phun sum tshogs ldan pas/ /sngon 'gro'i bsnyen pa rdzogs byas te/ /sa gzhi sta gon gnas pa dang/ /gzugs brnyan dkyil 'khor rtsom sgrub cing/ /gtor ma sbyin sreg shis ba'i las/ /'jug ba dbang bskur la sogs rnams/ /bdag gzhan smin cing grol ba'i phyir/ /dam pa'i lung bzhin sgrub par bya/ /zhes so/ /de las dang po gzugs brnyan gyi dkyil 'khor mdor bstan pa'i phyir/ de nas gzhan yang bshad bya ba/ /rdo rje sems dpa' dpal gyi lha/ /rnam pa sna tshogs kun gyi mchog /'khor lo thams cad rnam 'phrul ba/ /gsang ba mchog gi dgyes par ni/ /thams cad bdag nyid rjes su bsgrub/ /gzugs brnyan gyi dkyil 'khor bshad pa skabs su bab pa'i phyir

  752. 376b

    dbang bskur ba dang/ tshogs bsags pa dang/ bsrung bar bya ba dang/ rab tu gnas pa'i cho ga la sogs pa'i don du/ las gong ma dag las gzhan du bya ba'i rim pa dag gis dkyil 'khor thams cad kyi phyag rgya shes pa'i sbyor ba dang ldan pas stangs thabs kyi bye brag sna tshogs kyi sgoms dkyil 'khor thams cad kyi rtog pa la sbyar bar bya'o/ /de dag sngon byung gi dus su dkyil 'khor 'phrul zhing bshad pa'i tshul dag rgya chen por snang ba ni dpal rdo rje sems dpa' i dkyil 'khor las/ 'khor lo thams cad kyi rnam par 'phrul pa'i tshul gyis dpa' bo yan lag bdun dang ldan pa'i sgo nas ston par mdzad pa dang/ de nyid sgrub pa'i thabs khyad par can rten gyi gang zag nas gzung ste/ dbang bskur ba la sogs pa cho ga'i yan lag rnams rdzogs par rjes su 'jug pa'i gang zag gis bsgrub pa'i yan lag tu bshad pa'i 'khor lo thams cad rnam par 'phrul pa'i phyir bstan par mdzad do/ /tshig mdza' ma'i rkang pa gnyis kyi ni phyi nang gsang ba gsum gyi gnas dben bar phun sum tshogs pa thams cad dang ldan pas bsgrub par bya'o/ /de yang rtsa ba'i rgyud las/ bkod pa'i dkyil 'khor rgya chen po/ /ri rab rtse mor sprul mdzad cing/ /gdul bya'i snang ba ji lta bar/ /dkyil 'khor rnam par 'phrul pa'i tshul/ /rjes 'jug 'gro ba gzung ba'i phyir/ /de nyid dkyil 'khor bshad mdzad cing/ /phyi nang gsang ba'i gnas dag tu/ /phun sum tshogs pa'i bsgrub par bstan zhes so/ /da ni rgyas pa'i sgo nas gnas bstan pa'i phyir/ /dben pa yi ni gnas dag gam/ /rang gi skyed mo mo la sogs bar/ zhes la sogs pa'i tshigs su bcad pa phyed dang bdun gsungs te/ dang por tshigs su bcad pa phyed kyis rdo rje sems dpa' i gnas bstan te/ /de nas tshigs su bcad pa gcig gis ni rten phun sum tshogs pa dang ldan pas bsgrub

  753. 377a

    pa'i yan lag dang/ dkyil 'khor gyi sngon du 'gro ba la sogs pa phun sum tshogs pas 'jug par bya'o/ /de'i rjes la tshigs su bcad pa lngas ni dpal rnam par snang mdzad dang/ he ru ka dang/ pad+ma gar gyi dbang phyug dang/ rdo rje nyi ma dang/ rta mchog gi dkyil 'khor bsgrub pa'i gnas rim pa bzhin du bstan pa yin no/ /de ltar spyi'i mtshan nyid shes nas khyad par gyi don ni/ dkyil 'khor sgrub pa la mi mthun pa'i phyogs thams cad kyis dben pa'i gnas su khang pa rim pa gsum par bya ste/ phyi rol gyi bar khyams su phyi'i srung ma dang gar dang rol mo la sogs pa'i rdzas dag dgod? par bya'o/ /bar gyi khyams su ni las kyi rdo rje la sogs pa'i phyi'i rnal 'byor pa slob ma'i tshogs rnams bzhag par bya'o/ /nang gi khang par ni gzugs brnyan gyi dkyil 'khor bri zhing rgyan dang yo byad la sogs pas mdzes par bya ste/ rnal 'byor pa gtsog gzungs dag gnas par bya'o/ /de lta bu'i gnas dag dang mi ldan na rang gi skyed mos tshal dang/ chu bo'i 'gram dang/ rgya mtsho'i dgos dang/ ne'u gsing dang me tog gis brgyan pa la sogs par dkyil 'khor rtsom pa dang bsgrub pa'i rim pa brtsam mo/ /de yang rten ji lta bu'i rnam pas bsgrub par bya na rang nyid dpal rdo rje sems dpa' i phyag rgya chen po gnas shing/ kun tu sna tshogs skal pa bzang po'i lha tshogs dang bcas pas rang gi dkyil 'khor rtsom pa dang dkyil 'khor sgeg pa la sogs pa'i rnam pas dkyil 'khor sgrub cing gsal bar gyur pa dang phrin las brtsam par bya'o/ /de yang phrin las phyogs gcig pa dang/ bsgrub pa phyogs gcig pa'i rus su na rgyu rkyen rten 'brel tshogs pa dag gi mthus 'grub par 'gyur ba yin la/ bsnyen bsgrub ci bde ba'i dus ni gnas ci bder brtsam par bya'o/ /zhi ba'i dus su sangs rgyas rnam par snang mdzad kyi dkyil 'khor

  754. 377b

    rtsom pa'i phyir ni dkon mchog gsum gang yang rung ba'i rten gnas su gyur pa dang khyad par du rten btsugs pa'i gnas dang/ grong las dpag tshad lnga rgyas dgon par gyur pa de'i gtsug lag khang la sogs pa dang/ chos brgyad dang ldan pa'i ri bo'i rtse mo dag tu bsgrub par bya'o/ /drag po'i dus su dpal he ru ka'i dkyil 'khor bsgrub pa'i gnas ni/ chos dgu dang ldan pa'i dur khrod kyi gnas dang/ 'jig rten gyi lha chen po dag gsol mchod byed pa'i gnas dang/ ma mo'i gnas bdun la sogs par brtsam par bya'o/ /dbang gi dus su pad+ma gar gyi dbang phyug bsgrub pa la ni padmo'i skyed mos tshal dang/ chu rgyun g.yas nas 'khyil ba dang/ chu bo 'dus pa'i mdo dang/ rgya mtsho'i gnas la sogs par brtsam par bya'o/ /rgyas pa'i dus su rdo rje nyi ma bsgrub pa'i phyir/ rgyal po chen po'i pho brang ngam/ dga' 'tshogs mang po 'dus pa'i gnas sam/ khyim bdag 'byor can gyi gnas dang/ pad+ma skyed mos tshal la sogs par bya'o/ /las sna tshogs pa dag bsgrub pa'i phyir/ rta mchog gnas ni bya ba sna tshogs kyi las so so dang mthun pa'i mkhar dag gam/ chu bo'i 'gram mam/ gnas khang gzhan las 'phags pa dag tu brtsam par bya'o/ /da ni mngon par 'dod pa'i gnas de nyid du rgyan dang yo byad bsag pa'i phyir/ cha lugs rnam pa sna tshogs kyis/ rdo rje sems dpa' i dgos pa la/ dkyil 'khor la sogs rab tu bsgrub/ dkyil 'khor bsgrub pa'i don du rgyan dang cha lugs dang/ mchod pa'i yo byad la sogs pa sna tshogs sbyar zhing bkod par bya ba ste/ gong du rgyas par bshad zin? to/ /de'i don ni khyad par du rdo rje sems dpa' i dkyil 'khor la sbyar ba'o/ /rigs kyi dkyil 'khor gzhan dag gi khyad par gyi rgyan dang yo byad kyi zhang la gdan dgod pa dag bstan pa'i phyir/ sangs rgyas rnams kyi padmo mar/ phyag na rdo rje

  755. 378a

    sna tshogs la/ /'jig rten dbang gi kha dog dkar/ /rdo rje nyi ma dpal gyi ser/ /kha dog kun dang ci 'byor ba/ bla ra rgyal mtshan rgyan gyi rnams/ /sna tshogs rab tu sgrub pa dpal/ /rta mchog rdo rje can gyi'o/ /sangs rgyas rnam par snang mdzad kyi dkyil 'khor gyi rgyan dang/ rnal 'byor pa'i rgyan dang/ mchod pa'i rdzas la sogs pa dag ni dmar por bya'o/ /de yang chags pa rnam pa gnyis ma bral zhing/ zhi ba phyogs gcig pa'i mya ngan las 'das pa zil gyis mnan pa'i phyir ro/ /de bzhin du he ru ka'i ni mngon spyod kyi las sna tshogs 'grub pa'i sgo nas dregs byed kyi tshogs rnams grol bar mdzad pa sna tshogs pa dang/ pad+ma gar gyi dbang phyug gi ni gti mug gi rgyud dag par mdzad cing/ sgro skur gyi mdza' thams cad zhi ba dang/ brtag chad kyi mtshan ma dag par mdzad pa'i phyir dkar po'o/ /rdo rje nyi ma ni yon tan rin po che'i tshogs sna tshogs chags sred can dang 'jungs pa'i tshogs dag sgrol bar mdzad pa'i phyir ser po'o/ /rta mchog gi ni gcig tu nges pa med de rnal 'byor pa'i rgyan dang dkyil 'khor gyi bla rgyan dang/ mchod pa'i rgyan dang/ dar kha dog sna tshogs kyi sgo nas ji ltar 'dod pa bzhin du bshad par bya'o/ /da ni rang bzhin gyi dkyil 'khor gyi rnam pa dang mthun par gzugs brnyan gyi dkyil 'khor dag bri ba'i phyir/ gnas dang 'khor rnams ci 'dra dang/ /bkod dang 'gro ba ci 'dra dang/ /'khor rnams bkod pa ni 'dra ba/ /de 'dra'i 'khor lo mchog gis mdzad/ /sngon byung gi dus su ri rab kyi rtse mor bde bar gshegs pa nyid kyis gnas byin gyis/ brlabs cing bsrung bar bya ba bzhin du/ rjes su 'jug pa po dag gis kyang sgrub pa'i gnas gang dag sa'i cho ga la sogs pas dag par bya'o/ /de'i rim pa ni 'di ltar yin te/ sa gzhi rgyan gyi sgo nas brtag pa dang/ dbyibs kyi sgo nas brtag

  756. 378b

    pa dang/ las dang bya ba'i sgo nas brtag pa dang/ rnam shes ye shes phyag rgya'i sgo nas brtag pa rnam pa bzhi byas nas/ sa snang ba la slang ba 'am/ rin gyis nyo ba dang/ mi snang ba la slang ba'i phyir sbyor ba la gnas pa dang/ gtor mas mnyes par byas nas sbyang pa'i phyir rdzas dang ting nge 'dzin sngags kyi dag par bya ba dang/ lto 'phye brtag pa dang/ skyon bsal zhing stegs bu brtsig pa nas/ snying po gzhug pa dang/ chos nyid dag pa'i sngags dang dri yis byug par bya'o/ /de nas sa gzhi byin gyis brlabs pa'i phyir mchod gtor bsham shing gtso 'khor gyi rigs kyi lhar bsgom pa dang/ 'byung ba rim brtsegs rdo rje rwa ba la sogs pas byin gyis brlab pa dang rdo rje rgya gram gyi sngags dang phyag rgyas brtan par byas shing/ sa'i dbang po la bsgom pa'i phyir thal mo sa ? sngags nas lha mo bton pa dang/ de la mchod gtor dbul ba dang/ gsol ba gdab pa dang/ lha mos rjes su gnang ba dang/ sa bsrung ba'i don du rnal 'byor pa gtso 'khor gyi bya ba dang/ phyogs bzhi'i lha mos tshad med pa bzhi la sogs pa'i sgo nas bskur ba dang/ thun mong spyi'i mtshan nyid kyi sgo nas gsol ba gdab pa dang/ sku'i cha lugs dang/ mig gi lta ba dang/ yi ge bzhi'i 'phro 'du dang/ mtshon cha 'khrol zhing sngags brjod de/ drag po'i tshogs spro ba dang/ bka' bsgo ba dang/ dkyil 'khor bskor zhing phur pas gdab pa dang/ stang thabs kyi bye brag dag gis ni sa'i cho ga rnam par bsdus pa yin no/ /der 'khor rnams di 'dra zhes pas sngon byung gi dus su rten gnas gzhal yas khang rgyan gyis rnam par mdzes shing/ khang pa rtseg ma'i bye brag dang/ de ltar lha'i dkyil 'khor brten pa'i tshogs rnams ci 'dra ba dang/ der 'jug pa'i gang zag gis 'khor rnams ci 'dra ba bzhin du gnas pa dang/ bkod dang zhes sgra yis bum pa la sogs pa'i dkyil 'khor gyi rgyan dang/

  757. 379a

    mchod pa'i yo byad la sogs ba dag ji ltar tshogs pa bzhin du rjes su 'jug pa po dag gis kyang de dag sta gon la gnas par bya ba yin te/ lha sta gon la gnas par bya ba'i maN+Dal byug cing me tog sngags dang phyag rgya bcas par dgram pa dang/ mchod pa bsham zhing bsrungs pa'i 'khor lo bsgom pa dang/ bsgom pa'i rim pa gsal bar dmigs pa gnyis kyi las bya ba dang/ gsol ba gdab cing mnyes par bya ba dang/ slob ma'i don du bka' bsgo ba dang/ spro ba skyed pa dang/ rjes su gdams pa dang/ tshogs bsag pa'i don du dbang po'i spyan sngar dam bca' ba dang/ rgyas pa'i dbang du yan lag bcu bzhis rnam par dag pa dang/ bsdus pa'i dbang du yan lag bdun pas dag par bya ba dang/ tshoms? shing sbyin pa'i rim pa dang/ skyon bsal zhing dor ba dang/ de la mtshan ma'i ltas blta ba dang/ dri chab kyis spyad pa dang/ ku sha sbyin pa dang/ bsrung skud gdags pa dang/ spro ba bskyed ba dang/ sta gon gyi gnas su gtor ma gtang zhing slob ma ku sha'i stan la nyal ba dang/ slob dpon gyis nang du dkyil 'khor mnyes par bya ba dang/ mtshan ma bzang ngan gyi bya ba bstan pa dang/ byin gyis brlab pa dang/ bum pa'i don du rgyud dbyibs kha dog bstan pa dang/ rigs kyi mtshan mas brgyan cing byin gyi brlab pa dang/ rnam par dag pa de nyid dang/ rigs kyi dkyil 'khor de nyid dang/ rigs kyi dkyil 'khor bstim zhim bzlas brjod tshang bas sngags kyi chur gyur ba dang/ de nyid shis par bya ba'i cho ga dang/ dkyil 'khor bsgrub pa'i rjes la so so'i gnas su dgram pa'o des ni sta gon la gnas pa'i cho ga rnam par bsdus pa yin no/ /des na 'gro ba ci 'dra ba dang zhes pa'i don gyis gdul bya'i rnam par rtog pa sna tshogs ba la dgongs pa ste sprul

  758. 379b

    pa'i dkyil 'khor bdun brgya bcu gsum byung ba'i tshul gyis gzugs brnyan gyi dkyil 'khor yang de'i grangs dang mthun par dkyil 'khor gyi 'khor lo bkod pa'i cho gas de 'dra bar bstan pa yin no zhes pa'o/ /ci dkyil 'khor gyi rim pa dngos su ma byung bar? ma mthong bar bcos pa la spyod pas 'grub bam zhe na dkyil 'khor rnam pa gsum bsod nams 'dra bar bstan pa'i phyir/ dpal rdo rje sems dpa' i lha rnams kyi/ /'khor lo mngon sum mthong ba las/ /bsod nams rtag pa ci 'dra ba/ /phyis byas pa yang de bzhin no/ /rdo rje 'chang chen po nyid kyis rnam par 'phrul ba las byung ba'i rigs kyi 'khor lo rnam pa drug gi snang ba'i bye brag sngon du 'phrul pa'i dkyil 'khor dang/ ri rab kyi rtsa mor bshad cing 'phrul pa'i dkyil 'khor bstan pa dang de'i don bzhin du ting nge 'dzin gsal bar bsgom pa dang/ de dag ma mthong ba rnams la phyis gzugs brnyan gyi sgo nas mtshon par byed pa dag bsod nams 'dra zhing mtshungs par 'gyur ro/ /de ltar sa'i cho ga dang sta gon la gnas pa'i cho ga dang dkyil 'khor gyi phan yon bstan pa'i rjes la ni gzugs brnyan gyi dkyil 'khor rtsom pa la sogs pa'i las brtsam par bya ste/ de yang dang por thig gis las dang/ cha dbye ba'i phyir/ dkyil 'khor thig gdab shes rab can/ phyogs kun mnyam pa nyid bsgrub cing/ /shar nub byang gi phyogs rnams su/ /thig bzhi btab pas dkyil 'khor brgyad/ /slob dpon de kho na nyid rnam pa bcu dang ldan zhing/ phyi nang gi las dang gsang ba'i bye brag mdza' dag shes pas dkyil 'khor gyi cho ga las/ dang por thig gdab pa'i las brtsams te/ thig g.yog las kyi phyag rgya mo dang ldan pa'am gzhan yang lha mo bzhi'i ting nge 'dzin zhugs pa'i sgrub pa'i grogs mchog bzhis phyogs bzhi nas gsol

  759. 380a

    ba gdab cing/ rang rang gi phyag rgyas brgyan te/ thig skud tshon rtsi sna lnga las byung ba'i sbom phra sgo'i nyi shu'i cha ring thung dkyil dkyil 'khor nyis 'gyur du sleb pas/ phyogs kun thams cad mnyam pa nyid du dmigs nas/ shis pa dang mi shis pa'i rtog pa thams cad bsal nas rang bzhin gcig pa'i blos na mkha' la lha rnams kyi bzhugs gnas khang pa dgug cing/ de nyid du sta gon gyi lha rnams dbang po'i tshul du bzhugs su gsol nas phyag rgya'i stang thabs kyis bskor zhing de dang rjes su mthun par shar nub byang dang lho'i phyogs rnams ma nor ba'i sgo nas sa gzhi la thig gangs par bya'o de'i phyir rtog pa bdun pa las/ slob dpon mtshan nyid kun ldan zhing/ /yang dag ye shes de nyid shes/ /rang gi lha yi sbyor ldan pas/ /shes ldan mtshan ma bcu gnyis brgyan zhes las slob dpon gyi mtshan nyid bstan pa dang/ yang rtsa ba'i rgyud las thig skud sar pa tshad ldan pa/ sngags bcas lta mos bkal pa yis/ /ring thung dkyil 'khor nyis 'gyur la/ spon pa sgo yi nyi shu cha/ /rin chen thong pa'i snod bzhag la/ /rigs kyi ye shes sngags kyis bskyed/ /ces pa dang/ de nyid bsdus pa'i rgyud las kyang/ mig gi lta bas dgug byas pa'i/ /sangs rgyas rigs rnams gzhug par bya zhes te/ thig skud kyi mtshan nyid dang/ de nyid rigs kyi lhar bskyed pa'o/ /yang rtog pa bsdus pa las nyi shu 'bar ba'i lcags kyu yis/ /gnyis med gcig tu gnas pa dang/ /mchod dbul bstod pas mnyes byas nas/ / gtso bo'i sngags kyis bsgril bar bya zhes pas ye shes dkyil 'khor dgug bya zhing gnyis su med par bstims nas mchod cing bsgril ba dang/ yang de nyid bsdus pa'i rgyud las/ oM dipta driSh+Ti oM ku sha dzdza/ oM badzra sa ma ya su tra ma ti kra

  760. 380b

    ma hUM/ oM A(rgyud 'grel): hUM zhes pas brtan par bya ba dang/ don yod zhags pa'i rgyud las kyang/ sgrub pa'i grogs mchog nub gnas pas/ de nyid gsum gyi gsang sngags la dzdza(rgyud 'grel): gdugs? gtso bos thugs ka nas/ rang gi smin mtshams drang po 'dren zhes pas thig brkyang ba dang/ rtog pa bsdus pa las stobs mchog dpa' bo dgongs su gsol/ rdo rje thig gi sgrar ldan pas/ /nam mkha' i dkyil 'khor legs bsgrub cing/ /'gro ba'i don la bskul bar mdzad ces pas thig gi sgra yis/ /bskul ba dang de yang ngan song sbyong ba la oM/ A n+yo n+ya a nu ga ta sarba d+harmA/ pa raM pa raM/ a nu ga ta sarba d+harmA/ a tyan+ta a nu pra biSh+Ta sarba d+harmA hUM/ zhes pas rjes su chags par bskul ba dang/ rtog pa bsdus pa las grogs mchog rdo rje'i phyag rgya yis/ /dza: gsum lte ba'i gnas su 'dren/ /rdo rje khu tshur sar bzhag cing/ /dang po'i thig skud gdab par bya zhes pa dang/ yang rtsa ba'i rgyud la/ shar nub byang lho'i thig bzhi'i rjes/ /logs dang mtshams su gdab par bya/ /dang po'i cha chen bcu drug las/ /khyams kyi snam bu ma gtogs par/ /cha phran bzhi bzhir bgo byas pas/ /phyi nas bcu drug rta bab sgo/ /rtsig pa rgyan bcas 'dod yon gnas/ /ra ba dur khrod ci rigs brtag /dbus ma rang gi rigs 'khor lo/ /dkyil 'khor so so'i cha bzhi bgo zhes pas dkyil 'khor gyi cha chen gdab cing zhi ba tu bgo ba dang yang thig gdab cho ga rdzogs byas nas/ ye shes skud pa mchog bstod cing/ /phyag rgya gsang sngags ting 'dzin gyi/ /rang gi gnas su gshegs su gsol/ /zhes pas/ ye shes kyi skud pa mnyes pas byas shing gshegs su gsol ba'o/ /de nas cha dbye ba'i phyir/ rdo rje rtse mo las rigs kyi nga rgyal sbyor ldan pas/ /mig gnyis nyi zla'i lte ba yis/ phyogs bcur rdzi ma 'dren byed cing//

  761. 381a

    ti bcas sgo dang cha rnams dbye/ /oM badzra be gA kram hUM zhes pas rdo rje'i lta bas sgo dang cha dbye ba dang/ /yang rtsa ba'i rgyud las oM thams cad rnam 'phrul rang bzhin mchog /dngos med zhi ba'i 'od ldan gsal/ /rdo rje 'dzin pa gter chen 'byin/ /dkyil 'khor dag par byin gyis brlab/ /mnyam pa'i sngags blos rnams gsal bas/ /nyes pa'i zug rngu dag par 'gyur zhes pas gsol ba gdab cing nyes ba'i zug rngu dag par byas nas/ de'i rjes su tshigs su bcad pa 'di nyid kyis phyogs kun mnyam pa nyid du blta ba yin pas/ bla ma dam pa'i gdams ngag gis dkyil 'khor gyi cho ga'i las bstan pas de'i dbang du cho ga'i yan lag bsgrigs pa yin no/ /thig bzhi ni tshangs thig gnyis zur thig gnyis te bzhi'o/ /de btab pas ni dkyil 'khor gyi cha rtse phran brgyad du 'gyur te/ de nyid ni tshad mi 'gyur bar bya ba'i dgos pa yin no/ /yang de'i rjes la dkyil 'khor brtag cing bsgrub par bya ba'i phyir/ dkyil 'khor yang dag ji lta bar/ /rab tu brtag par su zhig nus/ rang gi lha yi rang bzhin gyis/ /dkyil 'khor brtag pa 'grub par 'gyur/ /don dam pa yi dkyil 'khor dang/ /de las rnam par 'phrul ba'i ye shes kyi lha dag ni gdul bya kun gyis mthong bar nus pa ma yin no/ /'o na ji ltar dkyil 'khor la lta bar bya zhe na/ rang gi rang bzhin dang ye shes kyi dkyil 'khor dang gnyis su med par bsgom pa 'am/ de ltar du spyad par mi nus pa dag gis kyang/ /gzugs brnyan gyi dkyil 'khor la brten cing 'jug pa'i mthus 'grub par 'gyur ba'o/ /de dag kyang gang zag rnam pa gsum gyi sgo nas dbye bar bya ste/ dang pos ni mtshan bcas dang mtshan med kyi sgo nas bde bar gshegs pa'i yon tan gyi dngos po thams cad

  762. 381b

    la sbyar bar bya'o/ /gnyis pas ni rang bzhin dang/ ting nge 'dzin gyi dkyil 'khor gnyis su med pa'i sgo nas gnas par bya'o/ /thams cad ni rten gyi sbyor bas gzugs brnyan gyi dkyil 'khor la dmigs shing brtan pas 'grub bar 'gyur pa'o/ /gzhan yang rnal 'byor dang ldan pas lhag chad bskang zhing sgrub pa'i phyir/ bdag nyid rang gi lhar sbyor bas/ /dngos grub thams cad bsgrub par bya/ /chog lhag gam ma tshang na/ /nyes pa med de 'grub par 'gyur/ /bdag dang gnyis su med pa'i ting nge 'dzin rnam pa gnyis dang ldan pa de nyid la rnam par brtags na/ cho ga'i yan lag phra mo tsam nyams pa dag gis sgrib par mi 'gyur te/ dngos grub kyi yan lag 'grub ba'o/ /de yang gsang ba sbyor ba'i rgyud las/ mtshan bcas mtshan ma med pa yi/ /phyag rgya gnyis kyi bdag nyid dngos/ /ting 'dzin ye shes la gnas pas/ /dngos grub thams cad thob 'gyur te/ /cho ga'i yan lag phra mo dag /lhag chad nyes par yod mi 'gyur/ /de phyir dkyil 'khor la sogs las/ /bdag nyid rang ltar sbyor bas 'grub/ /gang zhig sbyor ba dman gyur pa/ /de yis dngos grub thob mi 'gyur/ /de bas nan tan thams cad kyis/ /sbyor ba chen po'i don brtsam bya zhes so/ /da ni dkyil 'khor gyi dbyibs la sogs pa'i bye brag bstan pa'i phyir/ kun tu sna tshogs skal bzang po/ / kun tu sna tshogs 'khor lo can/ /kun tu sna tshogs 'grub pa'i phyir/ /dkyil 'khor kun tu sna tshogs pa'o/ /dkyil 'khor gyi nang gi mtshan ma ni re'u cha brgyad dang ldan pa las/ /rdo rje'i thig bzhi'i rnam par phye ba de'i phyi rim na re'u cha brgyad pa zlum po 'khor lo'i tshul du bskor ba/ /mu khyud dang mtshams 'byed dag rdo rje'i ra ba dang bcas pas/ skal pa bzang po rdo rje sems dpa' i yon tan gyi snang bas mdzad par byas shing/ kun tu sna tshogs kyi 'khor lo'i rnam pas mtshan pa'o/ /de ni rdo rje sems

  763. 382a

    sems dpa' i khyad par gyi gnas bstan cing yang tshigs su bcad pa byed kyis ni dkyil 'khor drug po kun gyi mtshan ma phyi'i bar khyams nas gzung sta/ phyi rol rdo rjer ba'i bar du gru bzhi pa/ rta babs kyi rgyan dang/ 'dod yon gyi longs spyod sna tshogs 'khrigs par mdzes pa dang/ pad+ma dang rdo rje ra ba dang/ me 'od kyis phreng ba gsum gyis rnam par bskor zhing de'i phyi rol tu dur khrod chen po'i gnas brgyad 'jigs pa'i tshul du gnas shing/ kun 'byung gi yon tan brgyad dang/ phyi'i lcags ri rdo rje phreng bar bcas pa dag bri bar bya'o/ /de nas dkyil 'khor kun tu sna tshogs pa zhes bya'o de yang rtsa ba'i rgyud las/ /dkyil 'khor tshad ldan mnyam pa la/ rdo rje thig gis legs phye ba'i/ /khang pa gru? bzhi sgo dang bcas/ /rta babs bzhi yis mdzes par brgyan/ /bar khyams sgo khyung 'khor ba yi/ /rin chen sna'i rtsigs par bcas/ /dra ba dra ba phyed po dang/ /rin chen pa gu me tog bsham 'dod yon drug gi lha mo 'khrigs/ /zla phyed rdo rje mtshan mas mdzes/ /gdugs dang rgyal mtshan rnga yab phreng/ /ba dan dril bu sgra snyan sgrogs zhes bdag rang nang gi dbyibs dang rgyan dang mtshan ma la sogs pa dang/ phyi'i dur khrod la sogs pa bstan pa'i phyir yang gsungs te/ re'u cha brgyad la thig bzhis phye ba la/ sna tshogs pad mtshan mu khyud rdo rje tsam/ mtshams kyi re'u char bum gang ba bzhi/ bdud rtsi bcud ldan rgyan dang mtshan mas mdzes/ re'u ma phyi ma kun tu 'khor lo'i tshul/ mtshams 'byed rdo rje'i phreng ba dag ldan/ /phyi rol rab rim gsum gnas pa'i rgyan/ /phyi yi lcags ri rdo rjer ba'i nang/ phyogs dang mtshams su du khrod chen po brgyad/ /shing brgyad ngos na zhing skyong lus phyed 'thon/ /gdong pa phyogs

  764. 382b

    skyong brgyad kyi gdan dang mthun/ /g.yas kyi gri gug g.yon na thod pa 'dzin/ /mtsho brgyad nang nas klu brgyad lugs phyed 'thon/ /thal mo sbyar te bcom ldan 'das su gus/ /shing brgyad drung na rnal 'byor 'khor bcas gnas/ /sprin dang mchod rten rab byung mkha' 'gro'i cho gas/ /ro langs sha za 'byung po mang gnas shing/ /ro dang bya khyi ce spyad rnam par 'dres/ /de dus dregs byed mkha' 'gro lha tshogs la/ /'dzam bu'i gling bzhin dur khrod rnam par snang/ /phyi rol dpag bsam bum pa ba dang rdzing/ /'dod pa'i longs spyod gyis ni rnam par mdzes zhes pa dang/ yang rtsa ba'i rgyud las/ gra bzhi ba la sgo bzhi pa/ /tshad ldan mnyam par phye ba la/ /rnal 'byor phreng ba'i ra bas mdzes/ /rta babs brgyan gyis rnam spras shing/ /bar khyams cha chen gcig gi chad/ /ka ba mchog brgyad gdung rnams la/ /so so'i mtshan ma'i phreng bas brgyan/ /rin chen rdor sogs ker 'bar zhes so/ /de ni rigs kyi 'khor lo gzhan dag gi dbyibs kyi nang la sogs pa'i bye brag bstan pa'i phyir/ dkyil 'khor zlum po sangs rgyas kyi/ rdo rje can gyi zla kham bzhin/ /padmod bar gis pad+ma'i dbyibs/ /rin chen mchog gi rin chen dbyibs/ /sangs rgyas rnam par snang mdzad kyi dkyil 'khor gyi nang gi rgya ni 'khor lo rtse mo brgyad pa la phyi'i mu khyud 'khor lo phreng ba dang/ re'u cha brgyad pa'i 'khor lo'i tshul du bskor ba'o/ /rdo rje he ru ka'i dkyil 'khor gyi dbyibs ni rlung gi dkyil 'khor zla ba kham pa'i dbyibs bzhin du gnas pa las/ dmar mo shar du bstan par dbus su re'u cha dgur phye zhing/ pho brang nad ma la sgo dang bcas pa las rdo rje sngon po'i phreng bas bskor ba'o/ /pad+ma gar gyi dbang phyug gi ni pad+ma'i dkyil 'khor la pad+ma'i phreng ba dang/ re'u cha brgyad kyi phreng ba 'khor lo'i tshul du bskor ba'o/ /rdo rje nyi ma ni rin po che zur

  765. 383a

    brgyad pa la lte ba re'u cha dgur che ba rin po che'i phreng bas ser pos bskor ba'o/ /de dag gi mtshan ma'i bye brag gsal bar ni rtsa ba'i rgyud las bshad pa'i don sgrub thabs dag las bstan pa dang/ rtog pa bsdus pa las bstan pa'i phyir the tshom med do/ /yang rta mchog gi dkyil 'khor bstan pa'i phyir/ ji ltar 'dod pa'i ci 'byor ba/ /ji lta'i dus dang ci bde bar/ /dkyil 'khor kun tu gsal ba'i dpal/ /rta mchog phyag rgya rdo rje la/ /rta mchog ni rigs thams cad kyi phrin las la mnga' mdzad pa ste/ dkyil 'khor gyi gnas kun dang lha mo kun la rol cing zhib rgyas dbang drag bzhi'i gdul bya'o ji ltar 'dod pa dang/ ji snyed 'byor ba'i sgo nas bsgrub par bya'o/ /de yang phrin las so so'i bya ba'i dus dang las dag shes par byas nas/ ji ltar bde ba bzhin rta mchog gi dkyil 'khor bri ba'i phyir 'khor lo gang yang rung ba la rang gi mtshan ma sna tshogs rdo rjes skor bar bya'o/ /de ltar dkyil 'khor gyi cha phyed nas rigs kun gyi thun mong gi chogs tshon dbyibs? bya ste/ tshon gyi rgyu bsag pa dang/ lhar bskyed cing gnyis su med pa dag mnyes par bya ba dang/ tshon gyi go rims kyis pany+tsa rA ga bri ba dang/ de la mchod cing dgab pa dang/ tshon shis par bya ba dang/ tshon bzang ngan gyi ltas blta bar bya'o/ /de nas rigs so so'i mtshan ma dgod par bya ste/ 'og nas bshad par bya'o/ /da ni sgrub pa'i gang zag gi mi mthun pa'i spang bya bstan pa'i phyir/ dkyil 'khor kun tu ma zhugs shing/ dam tshig rnams ni spangs pa dang/ gsang ba yang dag mi shes pas sgrub pa ci yang mi 'grub bo/ /dang por rten gyi mtshan nyid dang mi ldan pa dang/ des bla ma dam pa mnyes par ma byas pa dang /

  766. 383b

    gzugs brnyan gyi dkyil 'khor du ma zhugs shing/ dbang legs par ma thob pa dang/ dam tshig la mi gnas shing gsang ba'i don yang dag pa mi shes pa bdag gis ni sgrub pa thams cad ngal zhing 'bras bu 'grub par mi 'gyur ro/ /gzhan yang rten gyi gang zag gis thun mong gi sdom pa la gnas par bya ste/ srog chags bsad par mi bya zhing/ /dkon mchog gsum ni yong mi spang/ byang chub sems kyang mi gtang ste/ /slob dpon bskal bzang yod mi gtad/ /theg pa mdza' dag gi gzhung gi sdom par bya ba 'di dag nyid yin te/ de las theg pa chen po gsang ba bla na med pa'i gzhung gis khyad par du yang sdom par bya ba ste/ phyogs bcur 'gro ba drug gis lam la gnas pa'i sems can mdza' dag lha dang lha mo'i dkyil 'khor gyi ngo bor bzhugs te/ de dag gcig tsam la yang phung po dang khams dang skye mched lha'i dkyil 'khor grangs med pas brgyan pa'i phyir/ srog chags gcig tsam bsad pas ni dkyil 'khor gyi tshogs mang po dag bcom pa yin no/ /de bzhin du theg pa thun mong dang khyad par gyi dkon mchog gsum po dag spangs pa ni/ brten pa'i gnas med de bya ba gang yang 'grub par mi 'gyur la/ don dam pa dang kun rdzob kyi byang chub kyi sems spangs shing nyams par byas pa ni rigs kyi rtsa ba mchod cing byang chub kyi 'bras bu dag skams par 'gyur la/ slob dpon skal ba bzang po spangs pas ni 'den par mdzad pa'i mig mkha' dang bral zhing shes rab kyi blo gros dang bral te yon tan gyi myu gu skye bar mi 'gyur bas de'i phyir sdom pa 'di dag la 'da' bar bya ba ma yin no/ /yang rten gyi gang zag skal pa bzang ngan gyi bye brag bstan pa'i phyir/ kun tu sna tshogs skal bzang po/ /bdag rang sgrub pas skal pa bzang zhes pa la sogs pa'i tshigs su bcad pa bdun gsungs te/ dang por

  767. 384a

    dpal rdo rje sems dpa' ni chos thams cad la rnam par sbyor zhing bdag gi rang bzhin du sgrub par mdzad pas byang chub sems bde ba chen po'i rang bzhin gyis ngo bor bzhugs pas na skal pa bzang po'o/ /de nyid kyi mi mthun pa'i phyogs kyi gdul bya ni byang chub sems dpa' i theg pa la gnas shing/ sa dang lam gyi rim gyis sbyor bar mdzad pa dag ste/ byang chub kyi sems spangs shing bdag med pa'i chos la gnas pas bde ba chen po'i rang bzhin dang bral ba'i phyir skal bar ngan pa'o/ sangs rgyas rnam par snang mdzad ni chags pa rnam pa gnyis dang ma bral ba'i sgo nas/ srid pa gsum gyi skye 'gro mdza' dag bla na med pa'i byang chub kyi lam du sgrub par mdzad pas na skal ba bzang po'o/ /de nyid kyi mi mthun pa'i phyogs kyi gdul bya ni zhing phyogs gcig pa'i mya ngan las 'da' ba' i lam sgrub cing 'khor ba'i dngos po thams cad spong bar byed pas na skal pa ngan pa'o/ /dpal he ru ka ni rtog pa thams cad kyi sgo nas zhe sdang gi las pa'i dregs pa mdza' dag 'dul bar mdzad cing/ thabs kyi lha tshogs kyi sgo nas 'gro ba'i lam la sbyor ba'i phyir skal ba bzang po'o/ /mi mthun pa'i gdul bya ni rang sangs rgyas dag gis stong ba phyogs cig la sbyor bar mdzad cing/ gdul bya'i don dang bral bas na skal pa ngan pa'o/ /pad+ma gar gyi dbang phyug gis ni chos thams cad 'dod chags rnam par dag pa'i ngo bor gzigs pas 'gro ba thams cad dag pa mdzad pa'i phyir/ nyid dang mthun pa'i don spyod pas skal pa bzang po'o/ /mi mthun pa'i gdul bya ni rtag chad rnam pa gnyis kyi mdza' dag gnas shing log par lta ba dang ldan pa'i mu stegs kyi rigs rnams te skal pa ngan pa'o/ /rdo rje nyi mas ni dam pa'i nor thams cad sdud cing sangs rgyas kyi zhing du yongs su spyod par mdzad pa

  768. 384b

    dang/ dam pa'i chos kyi rgyal srid bsgrub pa'i phyir skal pa bzang po'o/ /'jig rten pa'i dka' thub la gnas pa dag ni rang gi bu la'ang yongs su ma chags shing snying rje'i rgyun dang bral te 'gro ba gzhan la dmigs par mi byed pas na skal pa ngan pa'o/ /rta mchog gis ni drag por spyod pa'i dbang phyug gi sgo nas 'jig rten dang/ 'jig rten las 'das pa'i rgyal srid thams cad bsdus te/ skye 'gro mdza' dag grol ba'i lam la 'dzud pas skal pa bzang po'o/ /lha chen po'i ya mtshan can dag ni 'dod pa'i longs spyod thams cad spangs shing dpag med pa'i de bzhin nyid mi shes pa'i phyir rtag pa'i mdza' sgrub pas na skal pa ngan pa'o/ /rgyu bde ba'i sgo nas sbyor bar mdzad pa'i rdo rje slob dpon dag na lam bde ba sgrub cing/ 'bras bu bde ba'i rnam dag gsal bar mdzad pas skal pa bzang po'o/ /de dang mi mthun pa'i gdul bya ni lta ba dan pa dang/ dam tshig la sdang ba dag gi slob ma rnams so/ /da ni gsang ba'i don shes pa'i phan yon bstan pa'i phyir/ gsang ba'i don ni yang dag nyid/ /'di ni gsal bar shes pa yis/ /sangs rgyas kun gyi bka' bzhin du/ /sangs rgyas kun gyis 'grub par 'gyur/ /gzugs brnyan gyi dkyil 'khor la brten te thob pa'i dbang bskur ba'i don dang/ dam tshig sbyin pa'i don dang/ sgrub pa'i don dag gsal bar shes pas de bzhin du bsgrubs na mthar phyin pa'i 'bras bu 'grub par 'gyur ba'o/ /de'i phyir tshig rkang pa dang po gnyis kyis ni gzhi bstan to// gsum pas ni lam bstan to/ /bzhi pas ni 'bras bu bstan pas 'di ni spyi'i mtshan nyid du yang shes par bya'o/ da ni 'jug pa'i tshul bstan pa'i phyir/ kun tu slob dpon la gnas pas/ 'khor lor 'jug par byed pa na zhes pa la sogs pa'i tshigs su bcad pa gnyis gsungs te/ rdo rje slob dpon yon tan phun sum sogs pa dang ldan pas slob

  769. 385a

    ma la sogs pa'i las dang bya ba la 'jug dgos te/ de las gzhan bdag gis ni ma yin no/ /de yang yon tan ni rtsa ba'i rgyud las/ /gzhan don brtson pa'i blo ldan pas/ /rang bzhin mngon par 'dus byas pa'i/ /thun mong khyad par blang thob ldan/ /yon tan rtsa la ldan gang yang rung/ /dkyil 'khor phyag rgya ting 'dzin sngags/ /dgug mchod las sbyor bsrung ba che/ /nyer bsdu gshegs su gsol ba yis/ /de nyid bcu sogs las ma mkhas/ /khyad par las kyi rim pa yis/ /gsal mdzad rgya chen 'gro ba dmigs/ /rgya mtsho ri rab nor bu rdzing/ /nam mkha' sa gzhi gser bzhin gnas zhes so/ /de lta bu dang ldan pas gsang sngags kyi dkyil 'khor chen por zhugs nas/ rjes su 'jug par 'dod pa'i slob ma yon tan dang ldan bdag gzhug ste/ de yang rtog pa bdun pa las/ /des shing 'jam la snyan par smra/ /dang brtson shes rab blo ldan pas/ /thos bsam sgom pa'i las la brtson/ /sems can kun la byams sems can/ /snying rje dga' ba btang snyoms gnas/ /dkyil 'khor rgyu dang bla ma dang/ /zab mo'i tshes la rtse gcig dga' / /bstan bcos kun las 'jigs med cing/ /brtan po byang chub don gnyer bas zhes so/ /de dag gzung bar bya ste/ dkyil 'khor gyi cho ga las ji ltar bshad pa bzhin du bum pa'i chus bsang ba dang/ gdong g.yog pa dang/ phreng ba thogs te/ sems bskyed pa dang/ dris lan dang/ skyabs su 'gro ba dang/ gsol ba gdab pa dang/ slar gzhug pa dag bya'o/ /de la gzhug pa'i dris lan ni gsang ba'i dkyil 'khor gyi gzhung nas 'byung ba'i mtshan nyid brjod cing khyod ci la dga' zhes dris pa dang/ slob mas kyang bdag gis skal pa bzang po de dag 'grub pa'i phyir/ dkyil 'khor du 'jug cing/

  770. 385b

    dbang nod par 'dod do zhes so/ /gzhug pa'i thabs ni/ gsang pa yang dag 'di shes na/ /ji ltar 'dod par rab tu gzhug /gsang ba yang dag ni shes na/ /g.yas ba yis ni gzhug par bya/ /sngon du dkyil 'khor gyi gnas su zhugs shing brda'i don shes ba dag gis snga ma'i bya ba dag gi tshul gyis rang nyid ji ltar 'dod pa bzhin dkyil 'khor du gzhug par bya'o/ /gal te brda med dag ni g.yas pa thabs kyi sgo nas gzhug par bya'o/ /de'i rjes su bya ba'i tshul ji ltar zhe na/ de ltar dkyil 'khor du zhugs nas/ de bzhin du yon tan phul te/ gsang ba'i cho ga nyid shes pas mi 'gyur ba'i mchog 'grub po/ /slob ma yol ba'i nang du bcug nas cho ga rnam pa lnga rdzogs par byas pa'i rjes su sku gsung thugs kyi rdo rje sbyin zhing/ ye shes dbab pa'i cho ga rnam pa lnga dang/ 'jug pa'i cho ga lngas rdzogs par byas te/ rjes su bya ba'i las mig dbye ba dang gdong g.yogs bsal zhing dkyil 'khor blta ba dang/ yon dbul ba dang/ dka' bsgo ba dag bya'o/ /des ni gsang ba'i cho ga nyid shes nas de'i don bzhin du 'jug cing spyod pas mi 'gyur ba'i mchog 'grub po/ /de la yon gyis rim pa ni/ kun du sna tshogs bla ma la/ yon mchog dag ni dbul bar nges zhes pa la sogs pa'i tshigs su bcad pa dgu gsungs te/ dang por dpal rdo rje sems dpa' dang rdo rje slob dpon gnyis su med pa'i tshul du gnas ba dag mnyes par bya ba'i yon ni/ /gang rang la phangs shing shin tu btang bar dka' ba'i rnam pa dag dang/ rang gi snying du sdug pa dag dang/ khyad par can gyi rdzas kyi rnam par dag gis mnyes par bya'o/ /ci'i phyir zhe na/ de nyid kyi don mi zad pa 'dod pa'i phyir ro/ /cang 'grub par nus sam zhe na/ kun tu sna tshogs rdo rje 'dzin pa dang gnyis su med pa yin te sku gsung thugs kyi khyad par 'dra ba las phan pa'i sgo nas lhag par gyur pa'o/ /de'i phyir yon gyi mchog dang dbul bar nges pa yin no/

  771. 386a

    yang na de nyid kyi sems mngon par dga' zhing ji ltar 'dod pa 'am/ thugs la dgyes pa'i las yang gang rung ba dag bsgrubs pas ni chung du dag kyang chen por 'gyur ba ste/ yon gyi mchog tu gyur pa yin no/ /gal te slob ma de la yo byad mchog tu gyur pa'i rdzas sna tshogs yod pa las gad ngan pa dang dman par gyur cing rang nyid la mi dgos pa dag rdo rje slob dpon la dbul nas brnyas pa'i las kyis ltung bar 'gyur te/ rtag tu sdug bsngal gyi lam la 'khor zhing mi 'dod pa'i 'bras bu nyams su myong bar 'gyur ro/ /des na rdo rje slob dpon gyi yon tan dang de la bsnyen bkur byas pa'i 'bras bu dag ni tshad gzung par mi nus shing de la ma gus shing ngan du bsags pa'i las kyang de dang 'dra bar tshad zung du rung pa ma yin no de'i phyir rnam par snang mdzad sgyu 'phrul dra pa las re zhig dang por dngos grub ni/ slob dpon gyi mi rjes 'brangs te/ slob dpon med par gyur na ni/ /dngos grub thob par mi 'gyur bas/ /slob dpon gyi ni mtshan nyid bshad/ /brtan zhing dul la blo gros ldan/ /bzod ldan drang zhing g.yo sgyu med/ /gsang sngags rgyud kyi sbyor ba shes/ /dkyil 'khor gyi ni las la brtson/ /sems can kun la mi 'jigs sbyin/ /theg pa che la dga' ba dang/ /de nyid bcu ni yongs shes pas// de ni slob dpon yin par gsungs/ /de dag rab tu mchod pas ni/ /sangs rgyas byang chub 'grub 'gyur zhing/ /gang zhig de la smad pa dag /sdug bsngal nyams su myong bar 'gyur zhes pa dang/ /yang dpal gsang ba 'dus pa las kyang rgyud 'dir dbang thob pa'i slob dpon byang chub kyi sems ni sangs rgyas ma lus pa'i 'byung gnas so/ /de bas na phyogs bcu'i sangs rgyas dang byang chub sems dpa' thams cad kyis slob dpon de la phrad na phyag 'tshal zhing mchod par byed do/ /zhes pa

  772. 386b

    dang/ gzhan yang dpal zla gzang thig le la sogs pa'i rgyud las kyang/ rdo rje slob dpon la mchod pa'i yon tan dang/ brnyas pa'i skyen mang du bshad de/ de dag spros pa mang pas bzhag go /gzhan yang sangs rgyas rnam par snang mdzad kyi dkyil 'khor dang/ de nyid kyi slob dpon la ni bu mo shin tu brgyan pa dang/ chung ma sdug pa dag dbul zhing rdo rje slob dpon la nam mi dgos pa'i dus su rin gyis slar blu ba'o/ /dpal he ru ka'i dkyil 'khor dang rdo rje slob dpon dag la ni/ rang nyid dam gzhan dag la ni gang yang rung ba'i skyes bu mtshan dang ldan pa dbul zhing slar blu ba'o/ /pad+ma gar gyi dkyil 'khor dang/ slob dpon dag la ni mu tig bzang po dang/ nor bu dang/ ras dkar po zung du 'brel pa dang/ rta dkar po dag dbul zhing blu ba'o/ /rdo rje nyi ma'i dkyil 'khor dang/ slob dpon dag rgyal srid kyi longs spyod rin po che dang/ gos dang rgyan dag dbul zhing slar blu bar bya ba'o/ /rta mchog gi dkyil 'khor dang/ slob dpon la ni rgyan gyis brgyan pa'i rta dang/ glang po che dang/ shing rta la sogs pa dag dbul zhing slar glu ba'o de ltar dkyil 'khor du zhugs pa'i slob ma la dbang bskur ba'i phyir/ khams kyi rang bzhin thams cad dang/ /srog dang rtsa ba de bzhin te/ /zhes pa la sogs pa'i tshigs su bcad pa brgyad gsungs te/ dang por sangs rgyas rdo rje sems dpa' i lha bsgom pa dang dkyil 'khor du dbang bskur ba'i slob ma dag la ni rin chen po'i dbu rgyan gyis mtshan par bya ste/ rgyu ni khams kyi rang bzhin thams cad las byung ba dang/ srog chags dang rtsa ba las byung ba dag go /de nyid las dbu rgyan rtse mo lnga pa'i rin po che'i khang bu sgo can rgyan gyis spras pa'i gnas su sangs rgyas rnam pa lnga bzhugs shing/ rang rang gi cha lugs dang phyag rgya'i mtshan mas/ /brgyan par gnas pa dag gis gnas rnam pa lngar sngags dang/

  773. 387a

    phyag rgya dang/ ting nge 'dzin gyis bzhag par bya'o/ /rin po che'i dbu rgyan de nyid 'chi ba'i don du dar gyis cod pan dkar dmar gyis dpung pa dang bcas pa'o/ /yang ye shes drug dang pha rol tu phyin pa drug dang/ mdzad pa'i phrin bas rnam pa drug gi snang bas/ rigs rnam pa lnga'i bde bar gshegs pa dag la brgyan pa'i rtags su/ /rin po che'i rgyun thag la thod pa drug gis mtshan pas mdza' mar thod thabs bzhin du bcings pa dang/ rigs kyi bdag po rang nyid dang/ cha 'dra ba'i rnam pas spyi'i gtsug gi nor bu bzhin du/ dbu rgyan gyis rtse mo dbu la gnas par gyur pa'o/ /yang rnam par snang mdzad kyi dbu brgyan ni rin po che'i ngo mtshar can rgyu dang/ kha dog cig las byas pa'i rtse mo gcig pa la kham bya sgo dang/ bcas pa'i nang na rigs kyi sangs rgyas gcig gi sku dang thod pa cig gis mtshan zhing/ sna tshogs kyis brgyan cing 'khor lo'i phreng ba dang/ dar dpyangs kyis brgyan pa'o/ /ci sangs rgyas kyi sku la rigs kyi bdag po gang zhig nyid kyis nyid mtshan pa dag ni dgos pa med do zhe na/ 'gal ba med de bde bar gshegs pa thams cad kyi rigs kyi byin brlabs las rgyu'i tshul du bzhugs pas rdo rje 'chang chen po las khyad par gyi don du sprul pa'i 'bras bu'i mtshan nyid 'dzin pa dag gi bye brag gis gnyis su snang ba'o/ /he ru ka'i ni rin po che'i dbu rgyan la rdo rje phyed pas mtshan nyid khang pa sgo dang bcas par rang nyid kyi sku bzhugs shing rdo rje'i phreng bas mtshan pa'o/ /pad+ma gar dbang gi ni pad+ma rin po che'i dbu rgyan la rang gi skus mtshan pa pad+ma'i phreng bas bskor ba'o/ /rdo rje nyi ma la ni rin po che'i dbu rgyan zur brgyad pa rtse mo la nor bu rin po ches 'bar bas mtshan pa las/ rang nyid kyi skus brgyan cing rin po che'i phreng bas bskor ba'o/ /rta

  774. 387b

    mchog gi ni rigs rnam pa bzhi'i sgo nas don mdzad pa'i phyir/ dpal rdo rje sems dpa' i dbu rgyan sangs rgyas lnga'i mtshan ma dang/ rnam snang gi dbu rgyan rin po che dang gar dbang gi dbu rgyan padmo dang/ he ru ka'i dbu rgyan rdo rje dang nyi ma'i dbu rgyan nor bu dag gang rung? gis mtshan pa'o/ /da ni gzugs brnyan gyis dkyil 'khor du mtshan ma dgod pa dang/ dbang bskur ba'i mtshan ma dag thun mong du bstan pa las/ dang por rdo rje sems dpa' i dkyil 'khor gyi sgo nas/ kun tu sna tshogs skal bzang po/ /rang byung rnams kyi mtshan ma'i bya zhes bya ba la sogs pa gsungs te/ de yang dkyil 'khor gyi dbus kyi lte ba la rdo rje sems dpa' i mtshan ma dbyings dang ye shes ni don mtshon par byed pa'i rtags kun tu sna tshogs skal pa bzang po'i rang byung gi ye shes gsal bar byed pa/ rdo rje'i mtshan ma gang yin pa de la de skad ces bya ste/ dkyil 'khor gyi lha mo bzhi dang bcas pa'i brdar gyur pa'i phyir ro/ /de yang rtog pa bdun pa las/ /de nyid chen po gsang ba lnga/ /rdo rje rtse lnga 'dod pa yin zhes pa dang/ yang lha mo kun dang 'dus pa yis/ /kun tu sna tshogs skal pa bzang zhes pa'i phyir ro/ /de nas ni phyag rgya'i mtshan ma gzhan dag byung ba'i phyir rnams zhes smos so/ /des na rdo rje sems dpa' i mtshan ma rdo rje dang/ rdo rje kha TwAM ga dril bu dang bcas pa dang/ 'da' dang gzhu dag kyang rnams kyi sgras shes par bya'o/ /yang lha mo rnams kyi ni shar phyogs kyi le'u tshe la bde mchog ma'i rdo rje rtse lnga mtshan pa'i mda' dang gzhu'o/ /lho phyogs kyi le'u tshe ma e ma bde ba mchog gi b+ha ga dang/ ling ga skal pa ?? kho'i mtshan ma dgos par bya'o/ /nub phyogs kyi le'u tshe la ni snang mdzad mo'i thod pa dang/ kha TwAM ga dang/ rdo rje rgya gram mo/ /byang phyogs kyi le'u tshe la ni slob ma mo'i thod pa'i nang nas rdo rje rgya gram gyi dbus su sangs rgyas tshe dpag med kyi skus

  775. 388a

    mtshan pa'o/ /yang phyi rol gyi shar le'u gyi tshe la sangs rgyas byang chub ma'i mda' bzhis phug pa'i tshangs pa'i mgo bzhi sbyangs pa'o/ /lho phyogs kyi le'u tshe la chos kyis 'khor lo ma'i 'khor lo dkar po dang/ sngon po rtse brgyad pa'o// nub phyogs le'u tshe la 'jig rten gsum la rnam par rgyal ma'i rdo rje rtse lnga pa dang/ tri shu la'o/ /byang phyogs kyi le'u tshe la 'dod pa'i dbang po'i dpag bsam gyi shing me tog dang lcug mas brgyan pa'o/ /shar phyogs kyi sgor rta mgrin 'phang mtho ma thod pa'i bdud rtsi'i nang nas byung ba'i rta mgo ljang gu rta skad 'tsher ba dang/ rdo rjes mtshan ba'i lcags kyu'o/ /lho phyogs kyi sgo la ni rdo rje gdong mo'i rdo rjes mtshan pa'i mche ba dang/ zhags pa'o/ /nub phyogs kyi sgo la ni rdo rje spyan ma'i rdo rjes mtshan ma'i lcags sgrog dang nyi zla'o/ /byang phyogs kyi sgo la ni thod pa'i nang nas sangs rgyas snang ba mdza' yas kyi sku byung zhing bdud rtsis bkang ba dang/ dril bu'o/ /phyi'i re'u cha'i mtshams su ni rdo rjes mtshan pa'i gling bu dang/ pi wang rnga chen dang rdza rnga'o/ /nang gi re'u mig gis mtshams bzhi dang phyi'i gru chad dag la ni bdud rtsi'i bum pa'o/ /bar khyams kyi mtshams bzhir ni rdo rjes mtshan pa'i me tog dang/ bdug spos dang/ mar me dang/ dri chab dag ste so so'i lha mo dag gi phyag rgya'o/ /dpal rnam par snang mdzad kyi dkyil 'khor la ni dbus su 'khor lo dang lhung bzed dang/ ches gos dang/ khar gsil dang/ dam pa'i chos kyi glegs bam mo/ /shar phyogs kyi 'khor lo'i rtse mo la sangs rgyas kun spyod ma'i lces mtshan pa'i pad+ma sdong bu dang bcas pa'o/ /lho phyogs kyi rtse mo la dpa' bo'i cha lang dang lnga'o/ /nub phyogs kyi rtse mo la kun tu bzang mo'i rdo rje rtse lnga dang rin po che 'od 'bar ba'o/ /byang phyogs kyi rtse mo la zad med kyi snod

  776. 388b

    'dzin ma'i rin po che'i snod de nyid kyi rgyan thams cad kyis bkang ba dang chos kyi dung ngo/ /yang phyi rol gyi shar gyi le'u tshe la sangs rgyas sku ldan ma'i sangs rgyas mi bskyod pa'i sku'o/ /lho phyogs kyi le'u tshe la zhal mdzes ma'i me long dang rlung yab po/ /nub phyogs kyi le'u tshe la sprin chen mo sprin gyi dkyil 'khor rdo rjes mtshan pa las/ rdo rje'i ser ba 'bebs pa'o/ /byang phyogs kyi le'u tshe la nam mkha' i spyan ldan ma'i pad+ma'i dkyil 'khor la mig gis mtshan pa'o/ /lhag ma phyi'i lha mo bcu gnyis kyi mtshan ma dag ni/ rdo rje sems dpa' i dkyil 'khor dang/ mthun pa las/ mi 'dra ba'i khyad par ni 'khor los mtshan pa'o/ /rdo rje he ru ka'i dkyil 'khor gyi dbus su ni rdo rje nag po rtse lnga pa dang/ kha TwAM ga dril bus brgyan pa dang/ thod pa dang kham phor gnyis su dmar chen pos bkang ba'o// shar phyogs kyi le'u tshe la ke'u ri ma'i rdo rjes mtshan pa'i mda' rnon po dang/ gzhu'o/ /lho phyogs kyi le'u tshe la ci lu ri ma'i 'dren par byed pa'i lcags kyu dang 'khor lo dang kha TwAM ga'o/ /nub phyogs kyi le'u tshe la ni phra mo'i thod pa chang gis bkang ba dang/ 'khor lo'i byang phyogs kyi le'u tshe la ni pa ta li'i thod pa bdud rtsi'i chus bkang ba dang/ rdo rje ba dan no/ /shar lho'i le'u tshe la ni puk+ka si'i dpag bsam shing gi lcug ma rlung gis bskyod pa'o/ /rdo rje rtse lnga pa'o/ /lho nub kyi le'u tshe la ni tsaN+Da la'i rdo rjes mtshan pa'i ril gyi dang/ tri shu la'o/ /nub byang gi le'u tshe la ni g+hasma ri'i rdo rje 'bar bar mtshan pa'i me thab dang/ ral gri'o/ /byang shar mtshams kyi le'u tshal ni/ sme sha na'i phyag mtshan gsal bsam smos kyang dpal khrag mthur phyag bzhi pa'i phyag mtshan dang 'dra ste/ rdo rje 'bar ba dang/ kha TwAM ga dang/ zhags pa dang/ thod pa'o/ /'khor gyi lha mo gzhan dag gi phyag mtshan yang rtsa ba'i rgyud las 'byung ba bzhin du dgod par bya ste/ gru chad bzhi la lha mo mnga' 'dzin

  777. 389a

    ma dang/ kha TwAM ga 'dzin ma dang/ 'khor lo 'dzin ma dang/ sna tshogs ba dan 'dzin ma dag gis mtshan dang mthun pa'i phyag mtshan dgod par bya'o/ /bar khyams kyi mtshams bzhir me tog la sogs pa'i lha mo bzhi dang/ sgo bzhir sgo ma dag dang ni rdo rje sems dpa' i dkyil 'khor dang/ mthun pa las/ khro bo'i rdo rjes mdzes pa'o/ /pad+ma gar gyi dbang phyug gi dkyil 'khor la ni dbus su padmo sna tshogs pa dang/ de bzhin du dmar po dang/ ljang gu dang/ dkar po dang/ mthing kha dang/ ser po dang/ leb rgan dag ste/ pad+ma'i mtshan ma bdun bri bar bya'o/ /shar phyogs kyi 'dab ma la ni/ rnam par gzigs ma'i padmo smyud po kha dog dmar la kha zlum pa'o/ /lho phyogs kyi 'dab ma la ni sgrol ma'i bud med kyi khu tshur gyi phyag rgya dang pad+ma ljang gu'o/ /nub phyogs kyi 'dab ma la ni sa 'dzin pa'i dkyil 'khor rtse brgyad dang/ pad+ma dmar pa'o/ /byang phyogs kyi 'dab ma la ni khro gnyer ma'i gsal zhing rtse gsum pa dang pad+ma nag pa'o/ /yang pad+ma'i mtshan ma'i tshogs gzhan zhes pa'i sgras ni phyi'i lha mo dag gi phyag mtshan bstan te/ phyi rol gyi shar gyi 'dab ma la pad+ma gtum pa'i dbang phyug ma'i pad+ma dmar po dang tri shU la'o/ /lhor sna tshogs padmo'i pad+ma sna tshogs kyi mdog can dang/ 'khor lo rtse brgyad pa'o/ /nub tu pad+ma'i na bza' mo'i pad+ma ser mo dang/ chu srin gyi mtshan no/ /byang du pad+ma dbang phyug ma'i pad+ma leb rgan dang rdo rje rtse lnga pa'o/ /phyi'i lha mo bcu gnyis ni snga ma dang 'dra ba las pad+mas mtshan pa'o/ /rdo rje nyi ma'i dkyil 'khor la ni dbus su gzhu dang mda' dang ral gri dang/ nyi ma'i dkyil 'khor 'bar ba'i me 'od dang bcas pa'o/ /shar phyogs kyi le'u tshe la dbang bskur ma'i yid

  778. 389b

    bzhin gyi nor bus mtshan pa'i dbu rgyan rtse lnga pa'o/ /lho phyogs kyi le'u tshe la gter ldan ma'i gter gyi bum pa'o/ /nub phyogs kyi le'u tshe la rgyal mtshan mchog ldan ma'i nor bu rin po ches mtshan pa'i rgyal mtshan no/ /byang phyogs kyi le'u tshe la mchod chod chen ma'i mchod pa'i mtshan ma rin po che'i rgyan sna tshogs kyis bkad ba'o/ /'dus pa'o zhes pa'i sgras phyi'i lha mo bzhi'i mtshan ma bstan te/ mda' gzhu ma dang ral gri ma dang/ nyi ma me dang/ me mo dag gi rang rang gi mtshan dang mthun pa'i mtshan ma dag go /phyi rol gyi lha mo'i gling bu ma la sogs pa dag gi ni snga ma dang 'dra ba las/ khyad par du rin po ches mtshan pa'o/ /rta mchog gi dkyil 'khor la ni dbus su rang nyid kyi mtshan ma brgyad dang/ lha mo gnyis kyi mtshan ma bri bar bya'o/ gzhan dag ni phrin las so so'i gnas skabs bzhin du dbye bar bya'o/ /de ltar gong du bshad pa'i phyag mtshan de dag kyang skabs 'dir mi gsal ba dag ni gzhan gyis kha bskangs te bshad pa yin no/ /phyag rgya mtshan ma de dag bkod cing sgrub pa dang/ de nyid kyi sgo nas dbang bskur ba'i phan yon dang/ rta mchog gi phyag rgya'i 'jug bsdu ba'i phyir thun mong du gsungs pa ni/ /sangs rgyas thams cad la sogs pa/ /dngos po bstan g.yo ma lus kun/ /rang byung rnams kyis mtshan ma'i rgya/ /nam mkha' dbyings kyis mthas klas pa'o zhes so/ /de nyid bden zhing mi slu ba'i phyir/ /de skad bcom ldan de bzhin gshegs/ /rdo rje sems dpa' dpal gyis gsungs 'di nyid ni rtsa ba'i rgyud chen po las 'di dag bsdus pa'i tshul du byung ba yin pa'i phyir yang gsungs la/ bstod pas ji ltar bshad pa'i don sgro skur gyi mdza' dang bral ba sdus pa pos bsdus pa'i phyir yang bkod pa'o/ /dkyil 'khor thams cad kyi phyag rgya shes pa ni/ gzugs

  779. 390a

    brnyan gyi dkyil 'khor dang/ der bkod pa'i mtshan ma dag gi sgo nas rgyas 'debs shing gsal bar byed pas so/ /rtog pa bdun pa'i don rnam par bshad pa'o// //gang zhig bsgrub par bya ba'i gzhi shes shing 'bras bu la mngon par phyogs pa dag gis ni sgrub pa'i las rnam pa gnyis la sbyor ba'i phyir cho ga'i yan lag dang ldan par bya'o/ /de'i phyir 'dir ni phyag 'tshal ba'i phyag rgya dang/ mchod pa'i phyag rgya dag gsal bar bstan pa'o// ci spyan drang ba la sogs pa'i las dag dang/ de dag gi thun mong du 'gro ba'i sngags dang phyag rgya sna tshogs pa dag bstan pa las 'di nyid khyad par du dgod par mdzad ce na/ lam rnam pa gnyis kyi thun mong gi cho ga ni mnyes pa'i bya ba yin te/ de nyid phyag 'tshal dang? mchod pa la rag las pa ste/ des na rtsa ba'i rgyud chen po las so so'i zhar byung du bshad zin kyang/ 'dir zhes pa phyogs gcig la bsdu ba'i dus su ni logs shig tu bkod par rigs pa yin no// de yang rtsa ba'i rgyud las cho ga'i yan lag thams cad las/ /phyag 'tshal mchod pa'i las dag ni/ /gnas skabs kun tu 'jug pa ste/ brtson ldan 'jug pas kun tu sbyor/ lha dang bla ma gnyis pa'i mthus/ /'dod yon las la sbyor bar 'gyur zhes so de'i phyir le'u brgyad pa 'di ni kun gyi yan lag gi tshul gyis thun mong du bshad pa ste/ phyogs gcig tu bzhag pa ni med do/ /de las dang por mdor bstan pa'i phyir/ /de nas gzhan yang bshad pa ni/ /rdo rje sems dpa' dpal? gyi? sta'i/ /rnam pa kun tu sna tshogs mchog /mchod pa thams cad rnam 'phrul pa'o/ /dkyil 'khor gyi 'khor lo dang/ rang nyid kyi bla ma la sogs pa'i thun mong dang/ khyad par gyi lha rnams mgu bar bya ba'i don du dpal rdo rje sems dpa' i

  780. 390b

    rnam par 'phrul pa las/ mchod pa rnam pa sna tshogs kun tu mchog tu gyur pa thams cad rnam par 'phrul zhing phyag 'tshal ba'i chod pa lus ngag yid gsum gyi rnam pa las byung ba dang/ mchod pa'i phyag rgya phyi nang gsar ba'i sgo nas glu dang gar la sogs pa'i sgo nas rnam par 'phrul zhing dkyil 'khor mnyes par mdzad pa'o/ /de yang rtsa ba'i rgyud las/ /rdo rje sems dpa' i rnam 'phrul las/ /mchod pa'i tshogs mang rang spros te/ /sna tshogs kun gyi phyag rgya yis/ /dkyil 'khor thams cad nyes pa bya zhes so/ /da ni phyag 'tshal ba'i phyag rgya'i sgo nas mchod pa las dang por rdo rje sems dpa' i dkyil 'khor gyi ni/ /lag pa g.yas g.yon gnyis dag ni/ /mdzub mo mthe chung mdzes par bsgyud/ /dpal ldan g.yon pa 'gying pa'i thabs/ / g.yas pa ba dan gsum pa bya/ /phyag rgya bcing ba la nus pa la mthu dang ldan par bya ba'i don du lag pa byin gyis rlab pa sngon du song bas rdo rje khu tshur las byung ba'i phyag rgya g.yon dang g.yas dang/ mdun rnam pa gsum du pad+ma'i lag skor? lan gsum du bsgyur zhing/ /g.yas? g.yon pa khu tshur du bcas shing dril bu 'dzin pa'i tshul gyis sku'i gnas su bzhag ste/ 'gying bag dang ldan pa'i tshul du bya ba dang/ g.yas pa'i srin mtheb spyar te/ ba dan? gsum pa'i tshul gyis rdo rje bzung nas bkan te snying gar bzhag par bya'o/ /tshul ji lta'i sgo nas shes na/ /sri zhur byas shing bteg pa'i mchog /bdag nyid rdo rje sems dpa' dpal/ /'dzub dang bcas pa'i mig gis blta/ /bsam pa g.yos pa'i phyag rgya'o/ /bdag nyid rdo rje sems dpa' dang gnyis su med pa'i tshul gyis kun tu chags pas las 'dzum pa ni sri zhur bcas pa ste/ de nyid la rang 'od kyi rig ma dang zhal sbyor gyi tshul gyis bzhugs pa ni teg pa'o/ /phyag rgya de lta bu sngon du song bas 'dzum mig dang bcas par lta zhing/ bsam pa

  781. 391a

    g.yos pa'i sgo nas dpal rdo rje sems dpa' i dkyil 'khor gyi lha tshogs rnams la phyag 'tshal par bya'o/ /de yang rtog pa bdun pa las/ /sgyu 'phrul dga' ba'i rdo rje rol mo'i tshogs gzhan la snang ba'i dkyil 'khor rnam par mdzes zhes pa la sogs pa'i sku gsung thugs yon tan phrin las lnga'i sgo nas phyag 'tshal ba'i tshigs su bcad pa dang/ /oM a(rgyud 'grel): hUM/ a ti pu ho/ band+ha naM ka ro mi/ ga ru ba ti a la la ho oM A ti hUM zhes pas sngags brjod cing phyag btsal bar bya'o// 'di dag rigs kyi dkyil 'khor gzhan dag gi gnas skabs su yang rgya cher sbyar par bya'o/ /de ltar phyag 'tshal pa'i phan yon ni/ /sangs rgyas rdo rje pad+ma 'dzin/ /rdo rje nyi ma khams gsum pas zhes pa la sogs pa'i tshigs su bcad pa gnyis gsungs te/ 'jig rten las 'das pa'i rigs drug gi dkyil 'khor dag dang/ rigs kyi dkyil 'khor thun mong pa'i sangs rgyas dang byang chub sems dpa' dag dang/ 'jig rten gyi lha chen po dregs byed kyi tshogs kun gyis phyag 'tshal zhing las thams cad byed par 'gyur pa'o/ /gzhan yang sangs rgyas rnam par snang mdzad la sogs pa'i dkyil 'khor gzhan dag gi phyag 'tshal phyag rgya dag bstan pa'i phyir/ /rdo rje dpal gyi thal mo bsgyur/ /bsam pa g.yos pas phyag byas pa'i zhes pa la sogs pa'i tshigs su bcad pa lnga gsungs te/ dang po rnam par snang mdzad kyi dkyil 'khor la ni tshul gong ma dang 'dra ba las 'khor lo'i phyag rgya'i thal mo dang dpral par gtugs cing oM a ti pu oM zhes pa'i tshig brjod par byas pas sangs rgyas kyi mchod pa rgya chen pos thams cad mnyes shing thams cad 'grub par 'gyur pa'o/ /he ru ka'i smin ma g.yon pa bteg cing gar thabs kyi sgo nas mthe'u chung mche ba bzhin du byas te khar bzhag nas

  782. 391b

    oM a ti pu nyi hi ru lu ru lu hUM zhes brjod pas 'jig rten gyi lha chen po dregs byed kun gyis bran bzhin du las la 'dud pa'o/ /pad+ma gar dbang gi ni pad+ma'i thal rdo? kha 'bus bzhin du mthe bong mthe'u chung bzhi po dag pad+ma'i 'dab ma kha bye ba bzhin du snying gar sbyar te/ oM a ti bu h+ri zhes pas chos thams cad rnam par dag pa'i dang du sbyor zhing rgyas par 'gyur ro/ /rdo rje nyi ma yi ni gar bskor ba sngon du 'gro bas lus kyi yan lag thams cad sa la phab ste gnas gsum du thal mo sbyar zhing/ oM a ti pu tra ma zhes pas phyag 'tshal pas yon tan rin po che'i rigs thams cad kyis rgyas par 'gyur ba'o/ /rta mchog gi ni gar bskor ba sngon du song bas rdo rje 'gying bag gi thabs kyis sna tshogs rdo rje'i phyag rgya bcing te 'dzum pa'i mig dang ldan pas oM a ti pu hi zhes brjod pas khams gsum thams cad dag zil gyis gnon par 'gyur ba'o/ /des ni phyag 'tshal ba'i phyag rgya shes pa'i don rnam par bshad pa'o/ /da ni mchod pa'i phyag rgya'i sgo nas dkyil 'khor mnyes par bya ba las/ dang por rdo rje sems dpa' i dkyil 'khor gyi gtso ba'i phyag rgya bstan pa'i phyir/ gar gyi rgyud rnams ji snyed dang/ /de bzhin bya ba'i tshul ston kun/ /de dag rdo rje sems dpa' i rgya/ /rang gi don rnams sgrub par byed pa'o/ /gar gyi gtsug lag las ji skad du bshad pa'i brgyad lding dang drug 'gyur dang/ yan lag can dang/ tshig chen dang/ bud ba'i bstabs dang/ do shal dang/ seng ge bsgyings pa dang/ gnas bdun rol/ /gnas bdun rol pa zhes bya ba la sogs pa ji snyed pa dang/ de dang rjes su mthun pa'i gling bu'i bstabs/ pi wang dang/ mu sdi ha ra la sogs pa'i stabs kyi sgo nas gar dang phyag rgya sna tshogs bsgyur zhing/ bya ba'i tshul dang bcad pas rdo rje sems dpa' i phyag rgya'i sgo nas rang gi don rnams bsgrub par bya'o/ /de dag gi tshul

  783. 392a

    gzhan yang bstan pa'i phyir/ 'gying dang bcas pa'i tshul bstan nas/ de lta'i tshul gyi gar byed cing/ zhes pa la sogs pa'i tshigs su bcad pa gnyis gsungs te/ tshogs kyi dkyil 'khor la sogs pa'i so so'i las dang mthun par bye brag gi tshul du phyi nang gsang ba'i mchod pa thams cad kyi sngags dang/ phyag rgya dang/ ting nge 'dzin du sbyar zhing g.yon phyogs nas bskor ba'i gar thabs kyi sgo nas las su bya ba dag spyad par bya'o/ /de yang dpal rdo rje sems dpa' i phyag rgya bcing zhing/ 'og nas 'byung ba'i bzhin gyi phyag rgya dang/ lta ba'i phyag rgya dang/ glu'i phyag rgya la sogs pas mtshon zhing rigs kyi gtso bo mnyes par bya'o/ /bsgrub pa'i don ni 'di ltar yin te/ gang zhig gis bsgom pa'i rim pa rdzogs par byas nas dkyil 'khor dag mchod pa la sogs skabs su sbyor ba'i sgo nas dkyil 'khor bskul ba dang/ spyan drang ba dang/ bzhugs su gsol ba dang/ phyag btsal ba dang/ mchod pa spro ba dang/ dbul ba'i sngags dang/ glu 'gyur dang/ phyag rgya dang/ lha rnams dgug gzhug bya ba dang/ phyag rgya chen po gsal zhing mnyes par bya ba dang/ dngos grub bskul ba dang/ dam tshig gi phyag rgyas brtan par bya ba dang/ mchod pa bzhi'i sgo nas gsol ba gdab pa dang/ /rdo rje glu'i sgo nas gsol ba gdab pa dang/ las sna tshogs kyi sgo nas gsol ba gdab pa dang/ bzhin gyi phyag rgya dang/ 'dzum pa'i phyag brgya dang/ bdud rtsi'i mchod pa dang/ gsang ba'i mchod pa dag gis mnyes par bya'o/ de dag gi phan yon ni/ /phyag rgya 'di yis btab na ni/ /sangs rgyas kun dang 'grogs pa dang/ zhes bya ba la sogs pa'i tshigs su bcad pa gcig gsungs pa yin te/ de las sangs rgyas kun dang 'grogs pa ni phyag

  784. 392b

    rgya 'di yi mthus bde bar gshegs pa'i sku gsung thugs yon tan phrin las kun gyi bdag nyid du sbyor bar mdzad pa'o/ /dpal skal pa bzang po zhes bya ba'i phyag rgya'i bshad pa'o/ /da ni bde mchog ma la sogs pa'i mchod pa bstan pa'i phyir/ snyems 'dzin chen por bcas pa yis/ /spyor bas de ni bteg nas su/ /zhes bya ba la sogs pa'i tshigs su bcad pa gnyis gsungs te/ lha mo nyi shu la sogs pa'i so so'i 'gying bag dang bcas pas gar thabs lan gsum du bsgyur zhing/ 'gram pa'i phyogs su bteg ste yang bsgyur zhing thal mo sbyar te spyi bo'i mtshams su gzhan pa las bkrol nas so so'i phyag rgya bcings pa'i rjes la hUM gi glu blang zhing mchod pa thams cad dbul bar bya'o/ /dpal skal ba bzang po bde ba chen po las rnams kyi phyag rgya bshad pa'o/ /da ni rigs kyi dkyil 'khor gzhan dag gi mchod pa'i phyag rgya bstan pa'i phyir/ lag pa g.yas g.yon gnyis dag gi /mdzub mo mthe'u chung mdzes bsgyur ba'i/ /zhes pa la sogs pa'i tshigs su bcad pa gsungs pa las/ dang por rnam par snang mdzad kyi ni gar bsgyur ba las byung ba'i 'khor lo'i thal mo sbyar zhing g.yon phyogs su bsgyur zhing/ bteg ste spyi bo'i mtshams su bzhag nas oM gyi glu dang bcas pas las la sbyar bar bya'o/ /he ru ka'i ni gar bsgyur pa las thal mo gyen du bkrol te/ rdo rje gnod sbyin gyi zhal lam/ thod pa'i tshul du byas nas mchod pa dang/ gtor mas bkang ba'i tshul gyis dur khrod kyi chas dang ldan par byas nas rdo rje drag po'i pad+ma'i sgo nas las la sbyar bar bya'o/ /pad+ma gar dbang gi ni gar bskor ba las byung ba'i rdo rje thal mo lan gsum du brdab cing hi'i glu blangs te las thams cad la sbyar bar bya'o/ /nyi ma yi ni gar bskor ba las byung ba'i rdo rje rin po che'i thal mo sbyar zhing traM

  785. 393a

    gi glu blangs te las thams cad la sbyar bar bya'o/ /rta mchog gi ni gar bskor ba las so so'i phrin las kyi bya ba bzhin du/ sna tshogs rdo rje'i thal mo bcing zhing me tog gyen du 'thor ba dang/ bdug spos thur du blu gsab dang mar me phyogs bcur bskor ba dang/ dri yis bdag dang lha rnams kyi thugs kar nyug pa la sogs pa'i tshul du las de rnams la sbyar bar bya'o/ /yang tshigs su bcad pa tha ma 'di nyid kyis ni mchod pa'i lha mo dag kyang mtshon par byed pa'o/ /de ltar mchod pa de dag grangs la sogs pa'i tshad ji tsam zhe na/ gang dam 'on te stong yang rung/ /yang na ci 'byor ba yis kyang/ /dam tshig mnyam par bsgrubs pa yis/ /mchod pa thams cad 'grub par 'gyur/ /snod gcig nas bzung ste/ stong gi bar du rin po che dang/ mchod pa'i tshogs rnams kyis bkang ba 'am/ yang na ci 'byor pa bzhin du bsham shing/ dngos su 'byor pas gang ba dang/ ma 'byor pa'i stong bdag kyang sems kyis rgya chen sprul te mchod par bya'o/ /de yang dam tshig dang mnyam par ldan pa'i sgrub pa pos sngag dang phyag rgya dang ting nge 'dzin tshogs pa'i rnam pas/ mchod pa'i tshogs rnams bsgrub cing dbul bar bya'o zhes pa'o/ /de dag gi phan yon ni/ phyag rgya 'di rnams bcings na ni/ /sangs rgyas thams cad mchod par 'gyur/ /zhes pa la sogs pa'i tshigs su bcad pa bzhi gsungs te/ go bla bas ma bshad do/ /mchod pa thams cad dang mnyam par sbyor ba skal pa bzang po dam tshig gi rtog pa nyid rang gi che ba'i yon tan rnam par 'phrul pa las byung bas rang nyid mchod par mdzad pas mnyam par sbyor ba ste/ de dag mi 'bral zhing longs spyod par mdzad pas skal pa bzang po dpal gyi dam tshig ces bya'o/ /le'u brgyad pa'i don rnam

  786. 393b

    par bshad pa'o// //gang zhig lam gyi chos nyams su blangs pa de dag kyang /cho ga'i yan lag phun sum tshogs pa dang mi ldan pas ni 'grub par mi 'gyur te/ rgyal po rta rna'i bkod pa lta bu yin te/ yan lag ma tshang ba'i gsang sngags dang/ rten 'brel ma tshogs pa'i las kyang de bzhin du bram ze mo bzang ldan gyi bkod pa bzhin no/ /des na bsgrub bya'i 'bras bu dag ni rgyu phun sum tshogs pa dang rkyen phun sum tshogs pa la rag las te/ legs par sbyar ba'i shing rta dag kyang rta la ma brten par rang gi gnas su phyin par mi nus la/ bden pa'i mthus ni zol ba'i las dag kyang 'grub par byed de/ sgyu ma mkhan bzang po'i bza' ston bzhin no/ /de'i phyir phyag rgya nyi shu rtsa bdun dang ldan pas ni las thams cad la sbyor bar byed cing/ de dag gi phrin las ma lus pa 'byung ba'i grogs su gyur pa yin no/ /de yang rtsa ba'i rgyud las/ /bsgrub pa'i las rnams gang zhig la/ /goms pa'i las kyis rtsams bya ba'ang/ /rgyu rkyen rten 'brel ma tshogs par/ mi mthun phyogs kyis sgrub byed pa'i/ /rma bya shi ri'i shing bzhin du/ /bskal par bsgrub kyang 'grub mi 'gyur /smin cing grol bar bya ba'i thabs/ /thabs kyi yan lag spyod pa dang/ /rgyu rkyen la sogs tshogs pa'i mthus/ /'dod pa'i 'bras bu las sbyor 'grub/ /phyag rgya'i dkyil 'khor gang dag la/ /phyag rgya'i tshogs kyi ma bsgrubs par/ /legs spyad 'bras bu 'byung mi 'gyur/ /de phyir phun sum tshogs pas 'jug ces so/ /des na lam gong ma dag bsgrub par bya ba la ni phyag rgya nyi shu rtsa bdun gyis bya dgos so/ /de yang rtog pa bdun pa las/ /bsnyen sgrub la sogs pas gang ba'i/ /phyag rgya rim pa gsal ba dag /bsgrub bya'i lam du gyur pa ste/ /de gsal 'bras bu'i las la sbyor/ /tshogs pa'i

  787. 394a

    yan lag nyi shu bdun/ /phyag rgya'i las su rab tu grags/ /khyad par so so'i las dag gi /'jug pa'i yan lag grogs su bshad/ /de dag gnas skabs gang du 'gro ba ni gong du bshad zin to/ /de yang bsdu na phyag rgya bzhi ru shes par bya ste/ dang po dang/ drug pa dang/ bdun pa dang/ brgyad pa dag gi ni phyag rgya chen po'o/ /gnyis pa dang/ gsum pa dang/ bzhi pa dang/ bcu drug pa dang/ bcu dgu pa ni dam tshig gi phyag rgya'o/ /dgu pa dang/ bcu pa dang/ bcu gcig pa dang/ bcu gsum pa dang/ bco brgyad pa dag ni chos kyi phyag rgya'o/ /lnga pa dang/ bcu gnyis pa dang/ bcu bzhi pa dang/ bco lnga pa dang/ bcu bdun pa dang/ nyi shu pa nas gzung ste/ thar thug gi bar du ni las kyi phyag rgya'o/ /de dag gi tshigs gi 'brel tshul dang por phyag rgya chen po'i sku la brten dgos pas thams cad 'byung ba'i phyag rgya bstan to/ /de nyid kyis rgyas btab nas/ yang dam tshig gi phyag rgya bstan par bya dgos pas gnyis pa bstan to/ /de yang dam tshig chen po'i phyag rgya la brten te 'byung ba'i phyir gsum pa bstan to/ /de dag gi bzhir gyur pa ni sbyor ba'i phyag rgya yin te/ de nyid dang ldan dgos pa'i phyir bzhi pa bstan to/ /des ni sbyor ba sna tshogs kyi sgo nas las bya ba'i phyir lnga pa bstan to/ /de yis las sgrub pa dag shes par bya ba'i phyir gzhan gyi cha lugs dang 'dzum pa'i rim pa dang lta ba'i khyad par gyi bye brag gis sbyor dgos pas drug pa dang/ bdun pa dang brgyad pa dag bstan pa yin no/ /des ngag dag par byas shing bzlas brjod la sogs pa bya ba dang mchod pa stod la sogs pa bya ba'i phyir/ dgu pa dang bcu pa dang bcu gcig pa gsungs pa yin no/ /des lha mnyes par bya ba'i phyir gar gyi

  788. 394b

    phyag rgya dang rdo rje'i glu dang/ mchod pa dang/ gtor ma brtsam dgos pas bcu gnyis pa dang/ bcu gsum pa dang/ bcu bzhi pa dang/ bco lnga pa dag bstan pa yin no/ /de ltar mchod pas mnyes pa'i rjes la lha dang slob ma dbang bskur dgos pas bcu drug pa bstan te/ /des ni dngos grub kyi las dang/ bsrung ba la sogs pa'i las la sbyor dgos pa'i phyir bcu bdun pa dang bco brgyad pa bstan to/ /de nyid brda'i mtshan ma la gnas pas las la 'jug pa'i phyir bcu dgu pa bstan to/ /des dngos grub dang/ las kyi bye brag gzhan la'ang sbyor ba'i phyir nyi shu pa nas nyi shu bdun gyi bar bstan pa yin no/ /de yang rtsa ba'i rgyud las/ /sna tshogs phyag rgya'i mdza' dag kun/ /phyag rgya bzhi las spros pa ste/ /de yi yan lag nyi shu bdun/ / las kyi cho ga brtan par byed/ /dngos grub thams cad sgrub pa dang/ phrin las cho ga rab 'byams dag /phyag rgya nyi shu bdun gyis/ /gsal zhing 'grub par byed pa yi/ /sna tshogs gnyis med dkyil 'khor gsal/ /sna tshogs dam tshig rjes chags shing/ /sna tshogs chos kyi sngags brjod pas/ /sna tshogs phyin las kun tu spyod/ /sangs rgyas thams cad mnyam sbyor bas/ /sangs rgyas kun gyi dam tshig mchog /mkha' 'gro sgyu ma'i kun spyod gnas/ /las kyi cho ga rnam gsal 'grub/ /rang gi las la sbyor ba'i mthus/ /phyag rgya'i ye shes gsal bar 'grub ces so/ /de'i phyir phyag rgya spros pa mdza' dag ni phyag rgya nyi shu rtsa bdun du 'dus pa de dag ni phyag rgya bzhir 'dus pa'o/ /des na rtog pa bdun pa las kyang/ /phyag rgya spro la sogs ma lus kun/ /phyag rgya bzhi la 'dus par bstan zhes so/ /de las dang por phyag rgya chen po mdor bstan pa'i phyir/ /de nas gzhan yang bshad pa ni/ /rdo rje sems dpa' dpal gyi lha/ /kun

  789. 395a

    tu sna tshogs mchog rnams kyi/ /phyag rgya thams cad rnam 'phrul pa'o/ /phyag rgya'i dkyil 'khor sgrub pa'i yan lag gong ma dag las khyad par gyi mtshan nyid mi 'dra ba gzhan yang/ dang por lha'i dkyil 'khor so so'i sku mdog dang/ cha lugs dang/ rgyan cha dang/ bzhugs tshul dang/ phyag tshan la sogs pa'i bye brag thams cad 'byung ba'i phyag rgya sna tshogs pa dag ni dpal rdo rje sems dpa' i snang ba yin te/ tshul ji ltar zhe na/ kun tu sna tshogs kyi cha lugs dang ldan zhing mchog tu gyur pa'i phyag rgya thams cad rnam par 'phrul pa'o/ /da ni khyad par gyi sgo nas dkyil 'khor drug gi thams cad 'byung ba'i phyag rgya'i mtshan nyid las rdo rje sems dpa' i dkyil 'khor gyi gtso bo'i mtshan nyid bstan pa'i phyir/ sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa ni/ /thams cad bdag nyid rtag tu bzhugs/ /rdo rje sems dpa' ni sku gsum gnyis su med pa'i sangs rgyas rdo rje 'chang chen po nyid kyi snang ba las byung ba yin te/ rigs drug gi bdag nyid du bzhugs pa'o/ /de nyid kyi sku mdog la sogs pa'i mtshan nyid ni/ /bde ba kun la zhen pa dang/ dngos grub thams cad rnam dag phyir/ rdo rje sems dpa' bde ba'i mchog /zla ba nya ltar rtsa dmar sku/ /bde ba dang yid bde ba bla na med pa'i chos la longs spyod pas chags pa chen po'i cha lugs su mdangs dmar po dang ldan zhing/ dngos grub thams cad rnam par dag pa'i byang chub kyi sems rnam pa gnyis la longs spyod pas tshogs yongs su rdzogs te/ tshes bcu drug gi zla ba ltar dkar la rgyas pa'i zhal mnga' ba'o/ /de yang rtog pa bdun pa las/ /dam pa'i yi ge grub pa dang/ /

  790. 395b

    chos rnams thams cad rnam dag cing/ gsang ba de nyid dag pa'i phyir/ /rdo rje 'dzin pa zla ba'i mdog /ci phyir bcom ldan 'dod chags che/ /'dod chags kun la rjes chags phyir/ /rdo rje 'dzin pa de nyid kyang/ /sna tshogs dmar mo 'bar ba'i mdog /ces so/ /de nyid kyi 'od kyi snang ba gzhan spang bar bya ba'i phyir/ /'dod chags kun la chags pa'i phyir/ /chags pa chen po bcom ldan 'das/ /rdo rje sems dpa' i phyag rgya 'di/ /dmar po sna tshogs 'bar ba'i 'od/ /stong gsum gyi skye 'gro mdza' dag la thugs rje chen pos dabbi? gyi bkol med par gzigs shing don mdzad pa'i phyir/ dpal rdo rje sems dpa' phyag rgya zhal rnam pa bzhi dang/ phyag rgya rnam pa bzhis mdzes shing/ sku las 'od zer kha dog sna tshogs 'od 'phro ba las rigs rnam pa drug gi dkyil 'khor gyis gzhan las la sbyor pa rgyan dang cha lugs su bcas pa'i sku ston par mdzad pa'o/ /de yang rtsa ba'i rgyud las/ /gangs ri rdul bral nyi shar 'od/ /rin chen lnga'i zer phreng mdzes/ /sgeg dgyes 'dzum mig chags pa'i bzhin/ /dkar mthing gser mdog dmar ba'i mdangs/ /zhal mar phyag bzhi sgeg bzhad 'chang/ /g.yas na rdo rje rtse lnga 'bar/ /bsnyems bcas gsor zhing thugs kar bstan/ /g.yon pa kha TwAM rgya gram can/ /dril bu ba dan bcas pa 'khrol/ /'og ma gnyis kyis mda' dang gzhu mtshan dpa' i phyag rgya lnga yis mdzes/ /stod g.yogs dar dkar gser ris can/ sku smad ches gu'i na bza' la/ /rin chen phreng pa'i sked chings can/ /mgur chu do shal dpung rgyan dang/ phyag zhabs gdu du se mo do/ /zhes so/ /da ni sangs rgyas de nyid la rigs rnam pa lnga'i dbu rgyan dang/ /rigs kyi bdag po dang/ thod pa'i phreng ba dag gis mtshan pa'i phyir/ /khams gsum dag na rin chen gzhan/ /sangs rgyas rin chen lta bu med/ /ces pa

  791. 396a

    la sogs pa'i tshigs su bcad pa gsum gsungs te/ stong gsum gyi 'jig rten dag nor thams cad kyi mchog tu gyur pa ni nor bu rin po che yin te/ dkon zhing yon tan thams cad kyi 'byung gnas su gyur pa dang/ rin che ba'i phyir ro/ /de dag gis zag bcas kyi rdzas ston par nus kyang/ zag pa med pa'i ye shes kyi rang bzhin ma yin pas 'dus byas kyi rdzas so/ /de las khyad par gyur pa'i phyir dkon mchog rin po che yin la/ de yang theg pa thun mong du brtags pa'i sangs rgyas dag ni gsang sngags kyi dkyil 'khor du ma zhugs shing/ /dam tshig dang mi ldan pa'i phyir dbu rgyan med de bde ba chen po'i ye shes nyams su ma myong ba'o/ /'dir gsang sngags kyi dkyil 'khor du lha mos dbang bskur ba'i 'bras bu las rigs kyi bdag pos bu brgyan pa'o/ /de yang rtog pa bdun pa las/ /dkyil 'khor spyan drangs lha mo yis/ /khrus byas dri ma gsum dag nas/ /dbang bskur 'bras bu bsams par bya/ /sangs rgyas gtsug gi nor bu'o// zhes so/ /de yang gzhan gyi nor bu lta bu ma yin te/ rang nyid kyi zag pa med pa'i ye shes kyi snang ba las byung ba'o/ /de las lha mo'i bdud rtsi'i bum pa'i chu rgyun ni lha'i dkyil 'khor gnyis su med pa'i 'od las byung ba'o/ /de nyid stong pa nyid kyi ye shes kyi ngo bo mtshan ma'i tshogs thams cad yang dag par mdzad pas chu rgyun lta bu ste/ bsod nams ye shes kyi mthu dang/ lhag pa'i bsam pa rnam par dag pa'i smon lam gyi ngo bo nyid kyis lhun gyis grub pa'i rang bzhin gyi 'bras bu gsal bar byas pa'o/ /de yang ye shes rnam pa drug dang rigs rnam pa drug gi rtags kyis mtshan zhing stong gsum gyis 'jig rten thams cad sangs rgyas kyi dkyil 'khor gyis rgyas par

  792. 396b

    mdzad pa'o/ /de dag gi phan yon ni/ rdo rje sems dpa' dpal sbyor ba/ /lha mo kun dang 'dus pa yis/ /shes pa la sogs pa'i tshigs su cad pa gsum gsungs te/ go sla ba'i phyir ma bshad do/ /mchog tu dga' ba la rab tu sbyor ba ni sbyor ba la sogs pa'i sgo nas phyag rgya chen po'i cha lugs la gnas pa'i mtshan nyid can no/ /skal pa bzang po dpal rdo rje sems dpa' bde ba'i mchog rol pa zhes bya ba'i phyag rgya las gtso bo'i rang bzhin dang sku mdog la sogs pa'i mtshan nyid bshad pa'o/ /da ni yum dang gnyis su med par rol pa'i skyil mo krung bshad pa'i phyir/ g.yas dang g.yon pa'i sbyor ba yis/ /bde ba'i cha lugs gar byed cing/ /sems dpa' i skyil mo krung bcas na/ /dpung rnams thams cad rab tu 'joms/ /dpal rdo rje sems dpa' i yab yum zhal sbyor te zhabs g.yas g.yon bsnol nas gnyis su med pa'i rol pa la snyoms par zhugs pa'i sbyor ba yis bde ba'i cha lugs dang 'od zer gyi 'phro 'dus phrin las gnyis kyi bya ba'i tshogs kyis gar byed cing sems dpa' i skyil krung du gnas pas bdud kyi dpung thams cad 'joms par byed do/ /tshul ji lta zhe na/ gtso ba'i zhabs g.yas g.yon gyi rkang pa'i bol gnyis brla'i steng du phyung nas yum phang du bzhag ste/ zhabs kyis thabs la 'khyad pa'o/ /dpal rdo rje sems dpa' i skyil mo krung gis bshad pa'o/ /de ni 'khor gyi lha mo rnams kyi phyag rgya chen po'i mtshan nyid las thun mong du kha dog gi bye brag bstan pa'i phyir/ zla ba'i kha dog 'dzum pa'i zhal/ /dngos grub thams cad dag pa dang/ /padmo 'dod chags rnam dag phyir/ /brla'i dbus ni dkar la dmar/ /zhes pa la sogs pa'i tshigs su bcad pa bzhi gsungs te/ lha mo thams cad mthun par bsdus pa'i rgyud 'dir kha dog mtshungs par stan te/ bsod nams

  793. 397a

    dang ye shes kyi tshogs rnam pa gnyis rab tu rgyas shing dngos grub thams cad rnam par dag pa'i don du/ zhal gyi dkyil 'khor zla ba rgyas pa 'dra ba las bzhin 'dzum pa mdang dang ldan pa'o/ /brla gnyis kyi nang rol ni byang chub kyi sems rnam pa gnyis dang ldan pa'i rtags su dkar la dmar zhing chags pa'o/ /phyag dag ni phrin las thams cad las mi 'gyur ba'i sgo nas spyod par mdzad pa dang/ de nyid kyi che ba'i longs spyod mnga' brnyes pa'i rtags su/ bra ma ha'i lo ma gcig tu gcus pa lta bu las 'od 'ja' tshon bzhin du 'gyur ba'o/ /de bzhin du zhabs kyi byin pa gnyis kyang sngon por gnas pa'o/ /bde ba'i dbang phyug yon tan gyi tshogs thams cad la rnam par sbyor zhing bde ba tshon po'i cha lugs kyis bdag gzhan gyi 'dod pa mdza' dag ston par mdzad pa'i phyir/ brla'i rgyab dang brla bzhi ni dkar la ser ba'i mdangs can no/ /sku la 'od zer kha dog sna tshogs 'phro zhing de dag gi rtse mo las kyang sangs rgyas drug gi dkyil 'khor gyis stong gsum gyi 'jig rten gyi khams thams cad gang bar mdzad pas rin po che'i kha dog can gyi lha rdzas kyi tshogs ston par mdzad pa'o/ /de dag kyang gdan pad+ma'i dkyil 'khor la chos thams cad rnam par dag pa'i ting nge 'dzin la bzhugs shing/ dbu la sogs pa'i rgyan dag sangs rgya'i mtshan mas spras shing/ rin po che'i rgyan la sogs pa sna tshogs kyis spras pa'o/ /de dag gi sku'i snang bas stong gsum gyi 'jig rten thams cad rgyas par mdzad de/ dper na bcom ldan 'das 'od zer bkod pa'i gnas la 'jug cing mi mdzad kyi 'jig rten 'di dag sangs rgyas kyi dkyil 'khor sna tshogs kyis bkang ste/ 'dul bya'i lha ma srin sde brgyad dag skad cig gis 'dul bar mdzad pa bzhin no/ /da ni khyad par

  794. 397b

    gyi lha mo dag gi mtshan nyid so sor bstan pa las dang por lha mo bde mchog ma'i bstan pa'i phyir/ bya ba dang ni zlog pa dang/ 'phrog pa dag kyang lhag pa mdzad/ /dag la 'khyud pa'i phyag rgya yis/ /yan lag thams cad phrog pa 'grub/ /zhi gnas dang lhag mthong zung ngu 'brel ba'i mda' gzhu 'gengs pas gtso bo yis thugs bskul zhing rjes su chags pa'i tshul gyi rang 'od kyi rig pa la 'khyud pa'o/ /de dag gi phan yon ni/ /phyag rgya 'di yis btab na ni zhes pa la sogs pa'i tshigs su bcad pa gcig gsungs te go bla'o// dpal rdo rje mda' bde ba'i mchog rol pa zhes bya ba ni phyag mtshan gyi sgo nas so/ /yang lha mo gzhan dag gi bstan pa'i phyir/ /rnam pa sna tshogs dam tshig chags/ /bde ba 'bab pa'i gar byed bas zhes bya ba la sogs pa gsungs te/ e ma bde ba mo'i dam tshig chags pa mo'i dam tshig gi brdas mtshon te/ b+ha ga dang ling ga'i mtshan ma 'dzin cing rang 'od kyi rig pa la 'khyud pa dang/ snang mdzad pa'i se ral kha'i tshul du kha TwAM ga la rgyab rten bcas shing/ g.yas pa rang 'od kyi rig pa la 'khyud pa dang g.yon pas rdo rje rgya gram 'dzin pa dang/ slob ma mos g.yas pa rang 'od kyi rig pa la 'khyud cing g.yon pas thos pa sangs rgyas kyi sku dang bcas pa 'dzin pa'o/ /lha mo 'di dag la dbus kyi lha mchog chen po'o zhes pa ni rang 'od kyi rig pa rdo rje sems dpa' lta bu dang 'khril zhing/ rdo rje pho brang nang ma'i khongs su chud pa'o/ /des na rtsa ba'i phyag rgya'i tshogs shes kyang bshad do/ /phyag rgya bcings pa'i phan yon thun mong dang khyad par du bstan pa dag ni go sla'o/ /yang phyi'i lha mo gzhan dag gi bstan pa'i phyir/ /gtsug lag ji lha'i rjes mthun par/ /dpal rdzogs rgya chen gang dag gis/ zhes pa la sogs pa ste/ lha mo sangs rgyas byang chub ma la sogs pa bzhi dang/ rta mgrin dbang mngon la sogs pa bzhi dang/ gling bu ma la sogs pa bzhi

  795. 398a

    dang/ me tog la sogs pa bzhi dag gi phyag rgya ste/ de dag ji ltar 'ching ba'i mtshan nyid ni gong du gsal bar bstan zin la/ rnam par dag pa'i de kho na nyid ni cho ga lnga las bstan pas 'dir spro bar mi bya'o/ /de dag gi phan yon phyogs gcig tu bstan pa'i phyir/ de la sogs pa mdza' yas mchog /chos dbyings mnyam dang mi mnyam pa zhes pa la sogs pa gsungs pa yin no/ /yang bskul ba'i glu bstan pa'i phyir/ /sangs rgyas thams cad mnyam sbyor ba/ /mkha' 'gro sgyu ma bde mchog gi /zhes pa la sogs pa tshigs su bcad pa gnyis kyis dgos pa'i don dang glu'i mtshan nyid bstan nas tshigs su bcad pas bskul ba'i phyir rdo rje sems dpa' skal bzang dpal khyod bdag lags bdag cag la bsgrubs pa rtogs par mdzad du gsol/ kye de bzhin gshegs pa kun gyi bdag nyid bde ba mkha' 'gro sgyu ma sna tshogs bde ba'i mchog /ces pa la sogs pa gsungs te/ dpal rdo rje sems dpa' bde ba'i phyag rgya rol ba dang bcas pa'i gar thabs kyis skal pa bzang po'i lha mo la spyod pa ni bdag gi rang bzhin dang gnyis su med par gnas pa lags pas de nyid kyi che ba'i yon tan bdag gi rgyud la mi gsal ba dag gsal bar sgrub du gsol zhes pa dang/ yang 'khor gyi lha mo kun gyi rang bzhin te/ de bzhin gshegs pa kun bde ba dang/ mkha' 'gro sgyu ma sna tshogs bde ba dang/ sna tshogs gdul ba'i mchog 'grub pa dang/ sbyor ba sna tshogs kyi gar gyi sgo nas mdzad cing/ sngags rnam pa bzhis gsung mtshon pa dang phrin las kyi dam tshig bzhis thugs mtshon par mdzad pa dang/ de'i yon tan 'bras bu dang bcas pa bstan pa yin no/ /dpal rdo rje sems pa'i dkyil 'khor gyi thams cad 'byung ba'i phyag rgya zhes pa'i don bshad

  796. 398b

    pa'o/ /nga ni dpal rnam par snang mdzad kyi dkyil 'khor las thams cad kyi 'byung ba'i phyag rgya bstan pa'i phyir/ rnal 'byor de nyid bcom ldan 'das/ /rdo rje sems dpa' de bzhin gshegs/ /zhes pa la sogs pas dkyil 'khor gyi lha tshogs kyi spyi mtshan nyid pa sku mdog dang/ dang bzhin dang/ phyag mtshan dang/ rgyan cha dang/ skyil krung dang/ 'khor rnams kyi mtshan nyid dang/ glu'i bye brag rnams bstan to/ /de las dbus kyi gtso bo'i mtshan nyid ni/ thar pa thams cad rnam dag phyir/ sangs rgyas phyag rgya dpal du gnas/ 'jig rten dang 'jig rten las 'das pa'i lam srid pa las nges par 'byung ba'i don la gnas bdag ni nyan thos la sogs pa dag par bya ba'i phyir bde ba chen po'i phyag rgya stan par mdzad pa'i dpal rnam par snang mdzad 'khor los sgyur ba'i rgyal po'i cha lugs sam/ /bcom ldan 'das shAkya thub pa'i cha lugs su rab tu sprul pa'o/ /de nyid kyi sku mdog ni/ don rnams thams cad dag pa'i phyir/ /gtso ma gser gyi kha dog bzhin/ /chags med la sogs chag chen phyir dkar zhing sna tshogs gsal ba'i mdangs/ /zhes chos kyi dbyings kyi ye shes thugs su chud cing 'khor ba dang mya ngan las 'das pa'i chos thams cad sku drug lhun grub kyi ngo bor sbyor bas mtshan ma'i rnam par rtog pa gzhan gyis mi 'gyur bas sku byin po dang zhal dbus ma ni ser por gnas pa'o/ /sku'i dkyil 'khor dkar po la zhal g.yas ser por yang bstan to/ /bdag la sogs pa'i nyon mongs pa'i rtog pa thams cad spangs pas chags pa med de dkar po'i tshul dang/ phrin las sna tshogs dang ldan pas ljang gu'i tshul dang/ chags pa chen pos chos thams cad la mnga' mdzad pas dmar gsal du bzhugs pa'i zhal bzhi dang ldan no/ /de gnyis kyi phyag rgya rnam pa bzhi ni rang rtag kyi phyag rgya 'dzin zhing

  797. 399a

    rgyan dang cha lugs kyis mdzes par sprul pa'o/ /de yang rtsa ba'i rgyud las/ /zhal bzhi ser kar ljang dmar mdog /sku mdog gangs ri nyi shar bzhin/ /phyag na chos gos lhung bzed dang/ /khar gsil dam chos glegs bam 'dzin/ /'khor los rgyu ra rgyal cha lugs dang/ /longs spyod tshogs kyis nyer mdzes par/ /thun mongs rgyan tshogs tshangs pa las/ /khyad par rtags kyis rnam spras pa'o/ /zhes so/ /yang rin po che'i rgyan chas kyi sgo nas ni/ /chos kyi rgyal srid rab bsgrub pa/ /rin chen chos las lhag pa med/ /de bas theg chen byang chub sems/ /rgyal ba rdo rje rin chen can/ /gang zhig rgyal srid kyi longs spyod thams cad ni chos kyi rgyal srid kyis zil gyis gnon par byed la/ rin po che'i cho gas thams cad ni theg pa chen po'i chos bla na med pa'i byang chub kyi sems kyis gnon par mdzad de/ de dang ldan pa'i rtags su rin po che'i dbu rgyan dang/ rgyan chas kyis spras pa'o/ /de nyid kyi las kyi phyag rgya ni/ g.yas pa'i mthe bong gung mo gnyis/ /g.yon pa'i khu tshur bcangs pa yi/ /sor mo kun la reg pa ni/ /rtsa ba'i phyag rgya yin par grags/ /de ni sangs rgyas thams cad kyi/ /shes rab pha rol phyin gsal yin/ /chos kyi 'khor lo bskor ba'i tshul du phyag rgya bcings te/ shes rab kyi pha rol tu phyin pa chos can dang/ chos nyid kyi don mdza' dag gsal bar mdzad pa'i tshul gyis chos kyi rgyal srid rab tu grub par mdzad pa'o/ /de dag gi mdzad pa'i phrin las ni/ byang chub sems can skye ba dang/ chos kyi 'khor lo bskor ba ste/ /zhes pa la sogs pa'i tshigs su bcad pa phyed dang gsum gsungs te/ phyag rgya gsal bar byas pa'i sgo nas/ byang chub kyi sems rgya chen po bskyed pa dang/ chos kyi 'khor los mi mthun pa'i

  798. 399b

    phyogs thams cad gcod par mdzad nas/ shes rab kyi pha rol tu phyin pa'i tshul rgya chen po la sbyor zhing 'bras bu de kho na nyid gsal bar mdzad pa'o/ /de dag gi phan yon bstan pa'i phyir/ gang gis ldan pa 'di mthong zhing/ /rnam pa kun tu mchod byed pa/ /zhes pa la sogs pa'i tshigs su bcad pa phyed dang gnyis gsungs te/ ting nge 'dzin gyi dkyil 'khor gsal ba'i sgo nas rtse gcig tu sgoms shing mchod na ye shes kyi dkyil 'khor thams cad mthong zhing mchod pa dang 'dra ste/ sems bskyed cing lam la zhugs ma thag tu sangs rgyas kyi 'bras bu 'grub ste chos kyi 'khor lo bskor bar mdzad pa'o/ /dpal dam tshig ces bya ba'i phyag rgya ni dpal rnam par snang mdzad kyi 'khor ba'i chos thams cad mi spong zhing longs spyod pas zhi ba phyogs gcig pa'i mya ngan las 'das pa 'joms par mdzad pas na rang nyid kyi de kho na nyid mtshon pa'i phyag rgya chen po'i tshul gyis bzhugs pa'o/ /yab yum gyi skyil krung bstan pa'i phyir/ /g.yas pa'i yan lag gnon pa yis/ /g.yon pa'i yan lag kun las rgyal/ /sems dpa' i skyil mo krung byas na/ /bdud rnams thams cad rab tu 'joms/ /yab yum gyi brla g.yas pa dag gis so so'i brla g.yon pa mnan to/ /zhabs bnol ba'i skyil mo krung bcas nas gnyis su med pa'i snyoms 'jug la zhugs pas srid pa dang zhi ba'i mdza' la gnas pa dag gdul par mdzad pa'o/ /dpal rdo rje sems dpa' i skyil mo krung ni rdo rje sems dpa' i skyil mo krung dang 'dra ba'i sgo nas so/ /gtso bo'i mtshan nyid rnam par bshad pa'o/ /da ni 'khor gyi lha mo'i mtshan nyid la phyag rgya'i yon tan bstan pa dang/ 'og nas lha mo rnams kyi mtshan sbyar te shes par bya ba las/ rdo rje khu tshur bcangs nas su/ /lag pa g.yon pas bkab nas ni/ /zhes pa la sogs pas khyad par gyi lha mo

  799. 400a

    brgyad kyi phyag rgya bcing ba'i phyir/ gar bskor ba sngon du 'gro bas lag pa g.yas pa rnams kyis ji skad du bstan pa'i rang rang gi khu tshur bzhin g.yon pa'i thal mos 'gebs par mdzad pa'o/ /de la rdo rje khu tshur ni lha mo sangs rgyas kun brjod ma'i ste khu tshur bcangs pa las srin lag dang mthe'u chung gi bar du mthe bo'i rtse mo bcug ste/ mdzub mo brkyang ste cung zad bkug pa'o/ /de yang srin lag mthe'u chung yan lag dbus/ /mthe bong legs par bzhag par bya/ /de nas khu tshur bcangs nas ni/ /mdzub mo legs par dgug par bya/ /zhes so/ /lha mo dpal mo yi ni he ru ka'i khu tshur ni/ /rdo rje khu tshur bcangs pa las/ mthe'u chung gnyis ni rab brkyang ste/ /mche ba ltar byas pa'o/ /kun tu bzad mo'i ni padmo'i bud med kyi khu tshur te/ brdeg pa'i khu tshur bcangs pa las/ mthe bong dag la gung mo bzhag ces te/ khu tshur bcangs pa las mthe bong dang gung mo sbyar te pad+ma'i 'dab ma 'dra bar byas pa'o/ /mi zad snod 'dzin pa yi ni/ /rin chen 'dzin pa'i khu tshur to/ /god ma las gung mo sbyar zhing tshigs zur can du byas pa'o/ /de yang rin chen 'dzin pa'i khu tshur ni/ /khu tshur rdo rje rin chen mchog ces so/ /sangs rgyas yan lag bdun ldan ma'i ni sangs rgyas kyi khu tshur bcangs pa ste/ rdo rje khu tshur legs bcangs la/ bdag gi mthe bong nang du gzhug ces pa'o/ /zhal bzangs gzugs ma'i bud med phyag rgya ni khu tshur snying gar bstod de me long 'dzin pa'i tshul du byas pa'o/ /de yang khu tshur snying gar bcangs pa ni/ bud med phyag rgya der bshad de / zhes pa'o/ /sprin chen mo ni rta mchog gi khu tshur te/ /rdo rje khu tshur bcangs pa las/ /sor mo thams cad yongs su gzung/ rtul phod las rnams thams cad ni/ /ma lus lus pa med pa 'grub ces pa'o/ /nam mkha' i spyan ldan ma'i ni

  800. 400b

    dpal sgrub spyan gyi khu tshur bzhin te/ /mdzub mos mthe bong mnan nas ni/ /rang gi mthe bos mdzub mo mnan/ dpal grub spyan gyi phyag rgya ste/ /mdzub mo mig gi 'bras bur bcas zhes so/ /de yang lha mo 'di dag gi so so'i khu tshur bcangs pa las rang gi phyag mtshan nang du tshud pa'o/ /de yang rigs drug gi khu tshur ni las thams cad kyi phyag rgya zhes pa las bshad cing/ bud med kyi phyag rgya ni/ dngos grub kyi dbang phyug gi phyag rgya las bshad pa la/ dpal grub can gyi phyag rgya ni dam tshig gi phyag rgya las bstan to/ /de dag 'ching pa'i dus su/ /so so'i sngags brjod cing so so'i sku gsal bar bsgoms pas phyag rgya chen po'i rgyas 'debs pa'o/ /lha mo gling bu ma la sogs pa dag ni rdo rje sems dpa' i dkyil 'khor las bshad pa bzhin du phyag rgya bcing zhing/ so so'i sngags la 'khor lo'i sgra dang ldan pa brjod pa'o/ /de ltar dkyil 'khor 'og ma dag la yang tshul de ltar shes par bya'o/ /da ni bskul ba'i glu las dang po'i spyi'i mtshan nyid ni/ phyag rgya shes pa 'di dag gi sangs rgyas sprul pa glu mchog gi /zhes pa la sogs pa tshigs su bcad pa gnyis gsungs pa la/ gong nas 'byung ba'i phyag rgya dag gi don shes pas 'og nas 'byung ba'i don shes pas sangs rgyas sprul ba'i glu glang bskul ba'i mthus thams cad 'grub par byed cing/ thams cad dgag pa/ las thams cad la sbyor ba'o/ /des ni mya ngan las 'das pa'i lam la zhen pa dag kyang slong bar byed cing/ sku gsung thugs kyi phyag rgya bstan par 'grub pas na glu mthug po dang/ srab bu la sogs pa bye brag bzhi legs par sbyar ba'i dbyangs phral 'khyug pa dang/ tshangs pa'i dbyangs dag blang bar bya'o/ /de dag gi bskul ba'i klu dngos ni/ 'jig rten khams mang rdul phran grangs med khyad par spros pa yi/ rgyal ba'i don

  801. 401a

    rnams rab tu phra ba'i rdul gyi grangs snyed pa/ zhes pa la sogs pa'i tshigs su bcad pa gcig gsungs pa las/ 'jig rten gyi khams snrel gzhi dang/ spyi gtsug dang/ yan man dang/ phan tshun la sogs pa'i bkod pa rgya chen po mdza' dag tu de dang mthun pa'i mdzad pa sna tshogs kyis sems can thams cad kyi don mdzad cing zhes pa dang/ bya ba'i tshul de dag skad cig tsam gyi rnam pas bdag la sbyor zhing grub par mdzod cig ces pa'o/ /de dag gi phan yon ni/ /glu 'di dag ni blangs pa yis/ /nam mkha' thams cad mnyam sbyor ba/ /mkha' 'gro sgyu ma bde ba'i mchog /'grub par 'gyur ba gdon mi za/ /zhes gsungs pa yin no/ /de ltar bskul ba'i rjes la mchod pa'i phyir/ de nas bud med bzhi rnams dang/ rang gi yang dag gsang ba yis/ /zhes pa la sogs pa yi mchod pa'i lha mo bzhi dang/ ting nge 'dzin gyis mngon par sprul pa'i phyi nang gsang ba'i mchod pa dag rgya chen por spros shing mchod pa'o/ /de bzhin gshegs pa'i phyag rgya shes pa'i don rnam par bshad pa'o/ /da ni dpal he ru ka'i dkyil 'khor gyi phyag rgya chen po las/ dang po spyi'i mtshan nyid ni/ rnal 'byor de nyid bcom ldan 'das/ /rdo rje sems dpa' de bzhin gshegs/ /dam tshig la sdang rnam sbyar phyir dur khrod gar gyi phyag rgyar gsal/ /dpal rdo rje sems dpa' i che ba'i yon tan las dam tshig la sdang ba'i ru tral sogs pa gzhan pa'i don du dpal he ru ka dur khrod chen po'i chas brgyad la sogs pa'i cha lugs dang ldan par bya'o/ da ni khyad par gyi mtshan nyid las/ gtso bo'i sku de ltar bstan pa gang gis don du zhe na/ thugs rje skye ba'i yul dag gi phyir te/ shin tu gdug cing gtum pa la/ /zhi bas phan par mi 'gyur te/ zhes so/ /de'i

  802. 401b

    gnyen por thugs rje chen po'i mtshan nyid ni/ shes rab thabs kyi rnal 'byor gyi/ rnal 'byor bde mchog dam par 'gyur/ zhes pa'o/ /de nyid kyi cha lugs kyi mtshan ma ni/ sangs rgyas khro byung khro bo ni/ thal bar 'jig pa'i mchog yin te/ zhes pa la sogs pa la/ phyag brgyad las dang po'i 'og ma gnyis na dbang phyug chen po'i pags pa brkyang ste 'dzin pa dang/ gsum pa dag na mda' gzhu 'dzin pa/ bzhi pa dag na sha chen po dag dang/ sbrang rtsi'i sgras khrag chen po dag gis bkang ba'i thod pa 'dzin pa dang/ dang po gnyis ni 'og nas 'byung ba'i rdo rje dang kha TwAM ga 'dzin pa'o/ /gzhan dag gi don ni go gla bas ma bshad do/ /de nyid kyi phrin las ni/ dpal ldan he ru ka bcas pa'i phyag rgya sna tshogs rnams sprul pas zhes bya ba la sogs pa'o// pad+ma gar gyi dbang phyug ces pa ni dpal he ru kas chos thams cad la gar thabs sna tshogs kyi sgo nas dbang sgyur bar mdzad pas so/ /yab yum gyi mtshan nyid bstan pa'i phyir/ se ral kha yi tshul dag tu/ kha TwAM ga la rgyab rten byas/ zhes pa la sogs pa la yum gyi sku mdog dang/ rgyan cha dang phyag mtshan dag kyang shes par bya'o/ /de nyid kyi phyag rgya'i yon tan ni/ /bud med la sogs rin chen mchog /dngos po thams cad mkha' las 'byin zhes pa la sogs pa gsungs te go sla'o// yab yum gyi skyil krung gi mtshan nyid ni/ g.yas dang g.yon pa'i sbyor ba yis/ /bde ba 'bab pa'i gar byed bas/ /skyil mo krung ni phyed bcas pas/ /rkang pa rang gi brla mnan na/ /'gying bag dang bcas pa'i sgo nas langs te yab kyi zhabs g.yas pas yum gyi brla la la byung cing/ g.yon pa brkyang ste sa la bzhag nas yum gyis kyang de bzhin du skyil krung phyed pa'i zhabs kyis 'khyud cing gnas pa'o/ /de dag gi phrin las yon tan dang bcas pa ni/ drag po dbang po nye dbang

  803. 402a

    bcas/ /nyi zla gshin rje tshangs bcas pa/ /zhes pa la sogs pa'o/ /bde bar reg pa mnyam par sbyor ba skal pa bzang po dpal rdo rje drag po gnas pa ni gnyis su med pa'i byang chub kyi sems kyi 'od zer las sprul par bcas pas mnyam par sbyor zhing de nyid kyi phrin las kyis drag po'i tshogs 'joms par mdzad pa'o/ /da ni 'khor gyi lha mo las dang po spyi'i mtshan nyid ni/ de nas gzhan yang rab bshad pa/ sangs rgyas mkha' 'gro'i dkyil 'khor du/ dpal ldan he ru ka bka' bcas pa'i/ /sangs rgyas sna tshogs gnas pa'o/ /gtso bo'i cha lugs las gzhan pa'i lha mo rnams kyi mtshan nyid phyag rgya sna tshogs kyi tshul du gnas te/ /dang por sku'i cha lugs bstan pa dang lta ba'i khyad par dang/ gar thabs kyi khyad par dang mtshan gyi khyad par gyi sgo nas sna tshogs su gnas pa'o/ /de las dang po sku'i khyad par ni zhi dang drag po rmongs pa mchog /dga' ba'i gar byed 'gyur bar bcas/ /shi ba ldang ba'i sbyor ba yis/ /bde ba'i phyag rgya rab tu gnas/ /'dir gnas zhes pa'i sgras zhal gdong gi khyad par dang/ bzhugs tshul bstan pa yin te/ ke'u ri ni rgyas 'debs ma ste zhi ba'i zhal dang ldan zhing de nyid kyi tshul gyis bzhugs pa'o/ /de bzhin du zhal dang bzhugs thabs gnyis ka la sbyar te/ gtso bo ni ri snying 'dren ma zhes bya ste drag po'i tshul lo/ /pra mo he ni rmongs byed ma ste/ de nyid kyi tshul gyis so/ /puk+ka si ni gar byed ma zhes te dga' ba'i tshul can no/ /g+hasma ri ni 'debs byed ma ste/ de nyid kyi tshul gyis so/ /be tA la ni gsod byed ma ste 'gyur ba'i tshul du bzhugs pa'o/ /sme sha ma ni gsod byed ma ste/ shi ba slong ba'i tshul gyis bzhugs pa'o/ /tsaN+Da li ni zab mo ste/ shi ba ldang ba'i tshul du bzhugs pa'o/ /

  804. 402b

    de ltar lha mo kun kyang rang rang gi skyes bu dang mi 'bral zhing bde ba la longs spyod pas na bde ba'i phyag rgya'o/ /yang lha mo dag gi lta ba'i khyad par bstan pa'i phyir/ zhi dang drag po rmongs byed dang/ /gyen du dbugs 'byin gar byed lus/ /lta ba'i phyag rgya grub pa'i mchog /gsang ba'i sbyor ba bde mchog gis/ /de la zhi ba'i lta ba ni mig zam zim du byas la glang po che khyo shug byed pa'i gnas skabs bzhin no/ /drag po'i lta ba ni sdang mig gi tshul du'o/ /rmongs pa'i lta ba ni chang gis myos la bzhin mi gsal bar brtags pa'o/ /shi ba slong ba ni cung zad gyen du gzigs pa'o/ /dbugs 'byin pa'i tshul ni phyogs bcur lta ba'o/ /gar byed pa ni rang gi g.yas dang g.yon du res bzhin gzigs pa'o/ /rnam par g.yeng ba ni phyogs bcur bus 'debs pa'i tshul gyis gzigs pa'o/ /ro za ba ni mdun du res kyi lta ba'o/ /grub pa'i mchog ni lta ba de dag gi las la sbyor bar byed cing/ gsang ba'i sbyor ba'i bde mchog la gnas pa'o/ /phyag mtshan gyi khyad par ni me tog 'dug par bya ba'i mchog chang dang tshu dang lcug ma dang/ zhes pa la sogs pa'i tshogs su bcad pa lnga gsungs te/ dang pos ni mchod pa'i mtshan ma brgyad bstan te/ bsgrub par bya ba la rgyas 'debs pa'o/ /gnyis pas ni phrin las rgyas 'debs par mdzad pa'o/ / gsum pas ni cha lugs kyi rim ma mtshon par byed pa'o/ /bzhi pa dang lnga pas ni phrin las kyi phyag mtshan dag bstan pa'o/ /mtshan gyi khyad par ni/ dang po rgyas 'debs ma yi rgya/ /snying 'dren ma yi gnyis pa'o/ /zhes pa la sogs pa'i tshigs su bcad pa gnyis gsungs pa'o/ /yang phyag rgya lan dang bcas pa ni/ de nas phyag rgya kun gyis/ /phyag rgya'i lan rnams bla na med ces pa la sogs pa ste/ gzhan gyi spyor ba la sogs pas mi tshugs par bya zhing/ rang gi dngos

  805. 403a

    grub mdza' dag sgrub pa'i phyir dpal he ru ka'i phyag rgya dang/ 'khor gyi lha mo rnams kyi phyag rgya rim pa bzhin du bcing zhing thams cad la sbyar bar bya'o/ /dkyil 'khor gyi lha rnams mnyes par bya zhing/ rang gi las la sbyor bar bya ba'i phyir/ glus bskul pa las dang po spyi'i mtshan nyid ni/ de nas phyag rgya shes pa 'di/ /dpal ldan rdo rje'i sbyor ba'i glu/ /las rnams thams cad rab sgrub pa/ /khyad par du ni bshad par bya/ /dpal he ru ka'i phyag rgya dang gnyis su med par sbyor zhing/ las thams cad 'grub par byed pa'i tshul gyis rang gi de kho na nyid gsal bar ston pa'i glu brjod pa'o/ /de las dang po gtso bo'i zhal rnam pa bzhi'i sgo nas bskul ba'i phyir/ gzigs pa rnam pa sna tshogs 'gyur pa'i rgyas thob la/ rnam pa sna tshogs 'o byed 'khyud bas rmongs mdzad de/ rnam pa sna tshogs bde ba'i mchod ston kun gsol la/ rnam pa sna tshogs bde mchog ngo mtshar bstan du gsol/ /zhal dang po drag pa'i sgo nas gzigs pa sna tshogs 'gyur ba'i rgyas 'debs pa dang/ zhal gnyis pa rmongs pa'i sgo nas 'o byed 'khyud pa Fdang/ zhal gsum pa za byed kyi sgo nas mchod ston kun gsol ba dang/ zhal gzhi pa steg pa'i sgo nas ngo mtshar bstan pa'o/ /da ni 'khor gyi lha mo brgyad kyi bskul ba'i glu gsungs te/ rgyas btab rmongs byas mnabs su gsol/ /bde mchog ngo mtshar bde bar bzhugs zhes pa ni nang gi lha mo bzhi yi'o/ /hUM a la la ho snang bar mdzod/ rnal 'byor bde mchog sgyu mas sprul/ /zhes pa ni nang gi lha mo bzhi'i phrin las so/ /dam tshig la 'jug du gsol/ /nyon mongs kun las rgyal bar mdzod/ /ma lus pa dag man bas su gsol/ /nyon

  806. 403b

    mongs thams cad gsal bar mdzod/ /ces pa ni phyi'i lha mo bzhi yi'o/ /phan yon ni go kla'o/ /dpal he ru ka rdo rje'i phyag rgya zhes pa'i don rnam par bshad pa'o/ /da ni dpal pad+ma gar gyi dbang phyug gi dkyil 'khor gyi phyag rgya chen po las/ /dang por spyi'i mtshan nyid ni/ rnal 'byor de nyid bcom ldan 'das rdo rje sems dpa' de bzhin gshegs/ 'dod chags thams cad rnam sbyang phyir/ /padmo'i phyag rgya dpal du gnas/ /bdag tu 'dzin pa'i lta bas kun tu slad cing/ rtag pa dang chad pa'i mdza' rnam pa gnyis la mngon par zhen pa dag dag par bya ba'i don du gang zhig pad+ma'i mtshan nyid dang ldan pa'i phyag rgya chen po de nyid la de skad ces bya'o/ /de las gtso bo'i sku mchog gi rnam par dag pa bstan pa'i phyir/ mi 'gyur dag pa dam pa'i phyir/ shes sgong bzhin du dag pa yi/ /'dod chags thams cad dag pa'i phyir/ /'bar ba sna tshogs 'khrigs pa'i 'od/ /mi mthun pa'i mtshan ma gzhan dang/ /rtog pa'i bag chags kyis 'gyur ba med de/ /gzugs nas rnam pa thams cad mkhyen pa'i bar du chos thams cad rnam par dag pa la mnga' brnyem pas nor bu rgu shel gyi mdangs dang ldan pa'o/ /mi gnas pa'i mya ngan las 'das pa'i thugs rje chen pos gdul bya du ma'i 'dul thabs mkhyen cing mthun pa'i mdzad pa ston pa'i phyir/ kha dog nyi shu rtsa lnga'i mdangs 'phro ba'o/ /rigs kyi mtshan ma mi 'gyur zhing 'bras bu la rgyas gdab pa'i phyir/ sangs rgyas che dpag med kyis brgyan cing rigs dang mthun pa'i mdzad pa'o/ /de nyid kyi spyod pa'i phyir/ sna tshogs pa'i gos dang rgyan gyis brgyan pa sku'i 'od zer las byung ba'i bde bar gshegs pas stong gsum gang bar mdzad pa'o/ /gzhan yang zhal nyi shu rtsa lnga las phyag rgyas mtshan pa 'am/ zhal bzhi la phyag lnga bcus mtshan pa 'am/ brgyad dang bzhis mtshan

  807. 404a

    pa'i g.yas kyi pad+ma dag la pad+ma dang 'khor lo dang/ rin po che dang/ ral gri dang/ rtse gsum pa dang/ dbyug pa dang/ gtun shing dang/ bkra shis kyi mtshan ma brgyad la sogs pas mtshan zhing/ g.yon pa dag ni pad+ma brkyang ba'o/ /de dag gi sgo nas rigs kyi dkyil 'khor spro zhing/ pad+ma'i mkha' 'gro ma rnams kyi sgyu mas 'dul ba'i thabs sna tshogs ston cing/ sangs rgyas kyi byang chub la bkod pa'o/ /yang yum dang zhal sbyor du bzhugs pa'i skyil krung gi mtshan nyid ni g.yas dang g.yon pa'i sbyor ba yis/ /skyil mo krung ni phyed mar gnas/ /rgyal po skyil mo krung bcas nas/ /sdug bsngal thams cad sel bar byed/ /me tog pad+ma'i stebs bu la g.yas pa brkyang ste sa la brten cing/ g.yon pa sku ma ste skyil mo krung gi tshul du yum dang zhal sbyor ba'i tshul gyis gnas pa'o/ /dpal pad+ma rgyal po gnas zhes bya ba'i phyag rgya'i bshad pa'o/ /gzhan yang 'khor gyi lha mo rnams kyi phyag rgya chen po'i mtshan nyid ni/ bsnyems pa'i lag pa g.yon pa yis/ /pad+ma dmar po ci bder gzung/ /zhes pa la sogs pa gsungs te/ lha mo brgyad po 'di dag gis/ phyag g.yon pa na pad+ma so so'i kha dog dang mthun par 'gying bag tshul gyis gnas shing 'dzin pa/ g.yas pa dag na so so'i phyag rgya'i gar gyi cha lugs dang ldan pa'o/ /de las dang po rnam par gzigs pa yi ni g.yon pa pad+ma dmar po ci bde bar 'dzin cing/ g.yas pa'i mtheb 'dzub rtse sprad cing skal pa'i phyag rgyas rang gi snying gar 'dren pa'i kha 'byed par mdzad pa'o/ /des ni rnam par gzigs pa'i rnam dag dpal te chos dag pa la spyod pa'o/ /sgrol mas ni pad+ma sngon po bzung ste rang gi snying gar bud med

  808. 404b

    kyi khu tshur gyis 'dren pa'o/ /de nas byang chub kyi mchog tu gyur pa la longs spyod pa'i phyag rgya dang bcas pa'o/ /rgya can mas ni g.yon pa pad+ma dkar po gzung ste/ /g.yas na chos kyi 'khor lo bskor ba'o/ /de nas chos kyi 'khor los 'khor ba'i rgyun gcod par byed pa'o// khro gnyer mas ni g.yon pa pad+ma mthing ka 'dzin cing/ g.yas kyi ba dan gsum ba'i phyag rgyas gar mdzad pa'o/ /de nyid kyi sgo nas gzhan gyi phyag rgya slar bzlog par mdzad pas na/ phyag rgya'i lan zhes so/ /pad+ma gtum pa'i dbang phyug mas ni g.yon pa pad+ma thogs te bsnyems bag gis sku'i gnas su brten cing/ g.yas pas ni rin po che 'dzin pa'o/ /des ni gzhan dag gi 'dod pa thams cad skong bar mdzad pas/ bang gtum dbang phyug rin chen mchog ces so/ /sna tshogs padmos ni g.yon na pad+ma ljang gu bstod cing g.yas na rtse gsum pa 'dzin pas phrin las gsum gyis gzhan 'joms pa'i phyir/ sna tshogs pad+ma rtse gsum las rgyal zhes so/ /pad+ma dpal chen mos ni g.yon/ /pad+ma ser po 'dzin cing g.yas na chu srin gyi rgyal mtshan 'dzin pa'o zhes pas na/ des padmo gnas pa'i skyed pa'o zhes so/ /'dod pa'i dbang mos ni g.yon na padmo leb rgan 'dzin cing g.yas pa rdo rje rtse gsum thogs te gar byed pas 'gro ba gsum dbang du bsdus pa'o/ /da ni de dag mnyes par bya ba'i glu dbyangs gsungs pa las/ dang po spyi'i mtshan nyid go sla'o/ /gzhan yang gtso bo la bskul ba'i phyir/ de bzhin gshegs pa kun la sogs pa'i gzugs mchog sna tshogs 'dzin/ /sems can rnam pa sna tshogs su mchog dngos grub ? mnga' ba/ zhes pa la sogs pa gsungs pa las/ kun la sogs pa'i gzugs mchog can te sangs rgyas byang chub sems dpa' dang/ 'jig rten gyi lha dregs byed chen po dag gi sku sna tshogs ston cing 'gro ba'i don du 'phrul

  809. 405a

    pa'o de na/ sangs rgyas rdo rje 'dzin pa bdag /tshangs pa 'jug sel dbang phyug bdag /nyi zla bdag lags zhes pa dang/ rnal 'byor gyi rgyud rdo rje rtse mo las kyang/ de nyid kyi rigs kyi sgrul pas 'gro ba 'dul ba la 'khor bas mya ngan las 'das pa'i dngos po sna tshogs snang bar bstan te/ 'gro ba 'dul ba kun gzugs can zhes bstan to/ /yang 'khor gyi lha mo rnams kyi glu ni padmo sgyu ma dpal rnam pa sna tshogs 'dul mdzad dag pa'i tshul gyis gar mdzad pa/ padmo dam tshig dbang phyug sangs rgyas gar rnams mdzad du gsol zhes pa la sogs pa'i sgo nas yon tan dang bcas par bstan to/ /dpal padmo gar gyi dbang phyug gi phyag rgya shes pa'i don rnam par bshad pa'o/ /gzhan yang rdo rje nyi ma'i dkyil 'khor gyi phyag rgya chen po las dang po spyi'i mtshan nyid bstan pa'i phyir/ rnal 'byor de nyid bcom ldan 'das/ /rdo rje sems dpa' de bzhin gshegs/ /nor mchog rnam par sbyang ba'i phyir/ /dpal ldan nyi ma'i phyag rgyar gnas/ /gang zhig ser sna'i lam la gnas shing 'tshal ba'i tshul khrims kyi dri ma can dag 'khor gsum yongs su dag pa'i sbyin pa bzhi la dgod pa'i phyir/ gang nyi ma'i gzugs dang/ gzi brjid dag gang la yod pa de la de skad ces bya'o/ /nga ni gtso bo'i mtshan nyid las/ dang por zhi ba'i cha lugs su gnas pa'i tshul ni nam mkha' i snying po thams cad phyogs/ re ba thams cad yongs rdzogs pa/ /bud med la sogs rin chen mchog /rin chen thams cad mkha' las 'bebs/ /gang zhig ni? pa'i lus can la/ /gser gyi ri bo ltar zhugs pa/ /phyogs thams cad nas sems can gyi re ba rdzogs par byed pa'i btsun mo rin po che la sogs pa'i bdun po dag /char bzhin du 'bebs

  810. 405b

    par mdzad pa ni nam mkha' i snying po nyid do/ /de las khyad par du drag po'i tshogs rnams gdul ba'i phyir khro bo'i cha lugs su bstan pa ni shin tu gdug cing gtum pa la/ zhi bas phan par mi 'gyur te/ zhes pa la sogs pa gsungs te/ nyi ma 'bum gyi 'od zer dang ldan pa'i sgo nas gzhan dag gi gdud pa sel zhing drag po'i cha lugs sna tshogs dang ldan zhing/ sku nyi ma'i dkyil 'khor 'bar ba bzhin dmar ser du gnas nas/ drag po'i thabs sna tshogs kyi sgo nas de dag 'dul par mdzad pa'o/ /de dag gi phyag mtshan la sogs pa'i khyad par bstan pa'i phyir/ rdo rje gzhu dang mda' mchog dang shin tu legs par 'gying ba ste/ zhes pa la sogs pa las/ phyag rnam pa gzhi ni gzhu dang mda' dang/ nyi ma dang/ ral gri 'dzin mi 'dzum? bag dang bcas pa'i bzhin gyis spyan mig g.yon pa gyen du bteg ste/ nam mkha' la rin po che sna bdun gyi char 'bebs pa gzigs pa'o/ /de nyid kyi phrin las ni go bla'o/ /skyil krung gi khyad par bstan pa'i phyir/ rdo rje pus mo gnyis bcings te/ rdo rje skyil mo krung bcas nas zhes pa la sogs pa la nor bu rin po che'i dbyibs ltar pus mo gnyis bcings te/ yum dang zhal sbyor du bzhugs shing/ bgegs thams cad gsheg par mdzad pa'o/ /gzhan yang 'khor gyi lha mo dag gi mtshan nyid kyi sgo nas phyag rgya chen po'i cha lugs bstan pa'i phyir/ dbang bskur ba dang gter dag dang/ rgyal mtshan mchog ldan mchod pa che/ zhes pa ni nang gi lha mo bzhi'o/ /ji lta'i tshul dag ston pa dang/ rang gi don rnams rab sgrub pa'o/ /zhes pa ni phyi'i lha mo dag dang po'i so so'i las so/ /dkyil 'khor gyi lha de dag mnyes shing las la gzhug pa'i phyir bskul ba'i klu gsungs pa lam/ de nas phyag rgya shes pa 'di/ /rgyal po sgyu ma mchog gi glu//

  811. 406a

    las rnams thams cad rab sgrub pa/ /khyad par du ni bshad par bya/ /gar sna tshogs dang so so'i phyag rgya bcings nas/ /sku'i dkyil 'khor gsal par gyur pa la dmigs te sngags dang phyag rgyar ldan pas las la gzhug par bya'o/ /de yang las rnam pa bzhi'i sgo nas zhal bzhi'i rnam pas lha mo gzhi'i phrin las la gzung pa'i phyir/ sems can sprin las byang chub mchog sbyin sna tshogs char 'bebs pa/ bdag gi re ba kun sprul myur du ston a la ma ho/ /zhal dang po dang lha mo dbang bskur ma'i sgo nas sems can sprin tshags la byang chub sems kyi dbang bskur ba dang/ zhal gnyis dang/ lha mo gter ldan ma'i sgo nas rin po che'i mchog sna tshogs kyi char 'debs shing byin pa dang/ zhal gsum pa dang lha mo rgyal mtshan mchog ldan ma'i sgo nas chos thams cad zil gyis gnon cing/ bdag gi re ba'i kun sgrub pa'i thabs myur du ston pa dang/ zhal bzhi pa dang lha mo mchod chen ma'i sgo nas dga' bzhi'i mchod pa spro ba'o/ /gzhan yang rnams kyi khyad par gyis las la bskul ba'i phyir mi zad gter gyi dbang bskur khyad par bdag la stsal du gsol/ /khyad par 'di dag thams cad bud med rin chen rnams kyi phyir/ zhes pa la sogs pa'i glu dang phan yon dag gsungs pa yin no/ /dpal rdo rje nyi ma'i phyag rgya chen po'i bshad pa'o/ /gzhan yang rta mchog rol pa'i dkyil 'khor gyi phyag rgya chen po las/ dang po spyi'i mtshan nyid ni rnal 'byor de nyid bcom ldan 'das// rdo rje sems dpa' de bzhin gshegs/ /drag shul sbyor bar rnam spyod dpal/ /rta yi phyag rgya rab tu gnas/ /dpal rdo rje 'chang chen po las rta mchog gi skur sprul pa'i tshul lo/ /da ni phyag rgya chen po'i cha lugs las

  812. 406b

    dgongs mdzad kyi rnam pa ni/ thams cad dag par mos pa yis/ sdig med stobs kyis ngo mthon du/ zhes pa la sogs pas lha chen po bzhi'i dregs pa gzhom pa'i phyir zhal bzhi'i sgo nas phrin las rnam pa bzhi mnga' bar bstan pa'o/ /gzhan yang phyag rgya'i cha lugs ni/ /zhal bzhi pa la phyag bzhi pa/ /zhabs bzhi pa la rmig pa bzhi/ /zhes pa la sogs pa ste/ dpung pa bzhi la lag par brgyad du gyes pa'o/ /g.yon pa dag na ni khu tshur gyis sna tshogs pad+ma dang/ mdung dang dbyug pa dang gzhu thogs pa'o/ /g.yas pa dag na ni ba dan gsum pa gyen du bsgreng ba dang sna tshogs rdo rje dang ral gri dang mda'o/ /phyag rgya de dag bcings pa'i phan yon ni/ phyag rgya 'di yis btab na ni/ shin tu ltung par gyur pa yang zhes pa la sogs pa ste go bla'o/ /rdo rje slong ba ni pad+ma sdigs mdzub kyi phyag rgyar bcas pas dreg byed kyi tshogs rnams brgyal zhing slar sangs par mdzad pa'o/ /de nyid kyi skyil krung ni/ g.yas dang g.yon pa'i sbyor ba yis/ /brkyang bskum pa yi tshul bcas nas/ /zhes pa la sogs pa ste zhabs g.yas brkyang ba'i dang pos gsum grub ma dang dpal mo mnan pa'o/ /gnyis pas sgrol ma dang dga' ma mnan pa'o/ /g.yon bskum pa'i dang pos mig gsum pa dang khyab 'dug? mnan pa'o/ / gnyis pas tshangs pa dang lta'i bu dga' rab dbang phyug mnan pa'o/ /khro bo gnas pa ni khro bo chen po'i cha lugs kyis brkyang bskum gyi gnas pa'o/ /de nyid la bskul ba'i glu ni/ de nas phyag rgya shes pa 'di/ rta mchog dpal ldan gnas pa'i glu zhes pa la sogs pa ste/ 'dod pa'i lha mo dag dang chags pa'i tshul gyis gnas shing/ glang po che smyon pa 'dod chags kyis myos pa stong pas lhag par gnas pa dag 'dul zhing bde ba la dgod pa'i phyir/ zhal dang po

  813. 407a

    sgeg par bstan pa dang khyab 'jug zhe sdang gi me bsngo bas shin tu stong pas 'jigs pa'i mtshan nyid can 'dul ba'i phyir zhal gnyis pa drag por bstan pa dang/ brgya byin zhi ba'i sku tshangs pa stong pas lhag pa'i bzhin dang ldan pa gdul ba'i phyir/ zhal gsum bzhi pa'i tshul du bstan pa dang/ thams cad dag par mos pas ngo mthon gyi stobs kyis gdul ba'i phyir/ zhal bzhi pa rta'i gdong pa khro gnyer dang bcas pa las dgyes pa'i gad mo pha rol gnon pa'i stobs kyi sgra dang bcas par sgrogs pa'o/ /gzhan yang zhabs rnam pa bzhi'i sgo nas lha chen po bzhi mnan zhing de dag gi chung ma la spyod par mdzad pa'o/ /de yang dbang phyug chen po'i phyung ma ni mig las phyung ba ste/ lha'i dbang po brgya byin gyis mchod sbyin chen po byed pa'i dus su lha gzhan dag ma pos par sngon du tshogs nas de dag 'dus pa'i rjes la dbang phyug chen po spyan drangs pa las/ nga kun gyi mdza' mar bod pa ci nyes zhes te gtum tshig drag por smras shing khros nas dpral ba nas mig lhag pa gcig phyung bar mdzad do/ /des bltas pa tsam gyis 'jig rten gyi khams su nad rnam pa sna tshogs dang/ mu ge dang gdug pa'i mtshon cha'i char dang 'khrug pa la sogs pa mang du spro zhing/ 'jig rten gyi khams nas skye 'gro kun la gnod par mdzad do/ /de 'dul ba'i phyir sangs rgyas 'od mdza' yas pa'i skus 'od zer gyi snang ba dpag tu med pa las khro bo mi g.yo mgon po'i sprul pa snang par mdzad de/ lha chen po'i sems rmongs par byas shing/ sgo gsum gnon par mdzad pa las zhum pa'i sgo nas mchi ma phyung ba dag rang nyid kyi smon lam gyi mthus lha mo gsum grub par gyur nas/ de dang

  814. 407b

    longs spyod pa las rta mchog gi mthus phrogs pa'o/ /gzhan yang khyab 'jug gis ni nyid kyi smon lam gyi lha mo mngon par sprul pa dang/ tshangs pas ni sbyor ba'i mthu las lha mo sprul par mdzad pa dang/ dga' rab dbang phyug gis ni me tog gi mdangs gzhan dag gi mdangs bsdus te chags pa'i sems g.yos pas rang nyid kyi mdangs 'phen par byas pa las grub pa'i lha mo ste/ de ltar dpal mo dang sgrol ma dang dga' mo dag la spyod par mdzad pa'o/ /de dag gi lo rgyus ni gsung bkod pa'i rgyud las bshad pa'o/ /ci lha mo 'di dag ras gdul bya'i dbang gis bskyab par mdzad pa dang 'khor du mdzad pa dang/ yum du mdzad pa dang zhabs kyis mnan pa dag ni 'gal bar snang ngo zhe na/ ye shes kyi cho 'phrul chen por ji ltar 'dul ba gzhan thabs sna tshogs kyi sgo nas snang bar bkod pa dang/ de nyid gzung pa'i phyir skyon med do/ /yang lha mo gnyis kyi sgo nas bskul pa'i phyir tshigs su gcad pa gcig gsung ba las/ gang zhig gis gnyen la mdza' bar bya ba'i sems dang/ dgra la brgal bar bya ba'i sems dag ni rtse gcig pa'i sgo nas 'grub ste/ the tshom dang yid gnyis su bcas pas ni de ltar 'grub par 'gyur ba ma yin pa bzhin du theg pa chen po gsang sngags 'di'i sgor 'jug pa'i gang zag gis kyang yid gnyis kyi rtog pa spang bar bya'o/ /des na rtsa ba'i rgyud las/ the tshom gyis ni rmongs par byed/ /las rnams 'grub par mi 'gyur zhing/ /'jug pa'i gnas skabs mi shes te/ /bsgrubs kyang 'bras bu med par 'gyur/ zhes so/ gnyis pas ni mdza' ba dang rgol ba dag kyang/ 'jig rten gyi bya ba'i sgo nas rtog pa dag ma skyes kyang bla'i/ gnyen la chags pa dang dgra la zhe sdang ba'i chos de dag ni skad cig ma'i rnam pa mi brtan pa'i ngo bo/ bcos pa dang sgyu ma

  815. 408a

    yin pa'i phyir/ de la bu zhig gis yid brtan par dung ste gnas par mi bya'o/ /gang zhig lta ba dang lhag pa'i lta la sems mdza' bar byas nas mi 'bral zhing bsgrub pa dang/ lam gyi mi mthun pa'i tshogs rnam par rtog par dgra dag la rgol bar byed pa ni yun gyi srid brtan pa'i las la 'jug pa ste yon thams cad kyi 'bras bu la sbyor bar byed pa'o/ /yang gsum pa'i don gyis 'di ltar lha dang mi la sogs pa dag la gang zhig phan par bya ba dang/ gnod par bya ba'i rtog pa bzhi nas ma skyes na bla'i/ gal te de dag khas blangs phan chad du ni de'i don sgrub par mi nus pa dag sgyu ma tsam yang mi rung ste/ de nyid ni mdza' bo ltar snang ba 'am mdza' bo'i gzugs brnyan nam sgyu ma'i mdza' bo yin pa'i phyir/ de la mi gdags par mi rigs te/ su zhig gis rjod par byed/ de lta yi dam gyi lha dag la chags sdang zhen tog gi blo mi mnga' ba'i phyir dngos grub stsol ba dang/ mi stsol ba'i rtog pa ga la yod/ gal te mnga' ba zhig yin na ni su zhig gis lha zhes brjod de 'os pa ma yin no/ /de dag gis rigs rnam pa drug gi sgo nas phyag rgya chen po'i mtshan nyid bstan pa yin te/ mnyam par sbyor ba drug gi sgo nas las rgya chen po 'grub par mdzad pa'i tshul bstan pa'o/ /de yang dpal rdo rje sems dpa' ni rigs kun gyi bdag nyid pas/ sangs rgyas thams cad dang mnyam par sbyor zhes bya ste tshul sna tshogs kyi bya bas 'jug pa'o/ /dpal rnam par snang mdzad la ni/ nam mkha' thams cad mnyam par sbyor ba zhes bya ste/ chos thams cad shes rab kyi pha rol tu phyin pa'i ngo bor sbyor zhing chos kyi dbyings kyi ye shes khyab par mdzad pa'i phyir ro/ /dpal he ru ka la ni rdo rje thams cad dang mnyam par sbyor ba zhes bya ste/ sku gsung thugs rdo rje lta bur

  816. 408b

    drag po'i tshogs 'joms shing/ me long lta bu'i ye shes kyi snang ba yin pa'i phyir ro/ /dpal pad+ma gar gyi dbang phyug la ni padmo mnyam par sbyor ba zhes bya ste/ gdul bya'i ji lta ba sna tshogs mkhyen cing chos thams cad rnam par dag pa'i dbyings su sbyor bas mnyam pa nyid kyi ye shes kyi tshul dang ldan pa'o/ /rdo rje nyi ma la ni rgyal srid thams cad dang mnyam par sbyor ba zhes bya ste/ yon tan rgyas pa'i tshogs rnams kyis 'jug pa'i rgyud grol bar mdzad cing so sor kun tu rtog pa'i ye shes kyi tshul dang ldan pas so/ /rta mchog rol ba la ni las thams cad dang mnyam par sbyor ba zhes bya ste/ lha chen po dag gi rtog pa zhi bar mdzad cing phrin las rnam pa bzhi'i bdag nyid can du bzhugs nas bya ba grub pa'i ye shes kyi tshul gyis thams cad la sbyor ba'i phyir ro/ /de yang rtsa ba'i rgyud las/ sangs rgyas thams cad mnyam sbyor ba'i/ /rdo rje sems dpa' i lha rnams kyis/ /sna tshogs cho ga kun gyi tshul/ /sna tshogs 'gro ba sgrol bar byed/ /nam mkha' thams cad mnyam sbyor ba'i/ /rnam snang mdzad kyi dkyil 'khor gyis/ /shes rab pha rol phyin pa'i tshul/ /dman rnams lta ba grol bar mdzad/ /rdo rje thams cad mnyam sbyor pa'i/ /he ru ka yi dkyil 'khor gyis/ /sku gsung thugs rdo rje yi tshogs/ / drag pos mi mthun phyogs 'joms mdzad/ /sna tshogs pad+ma mnyam sbyor ba'i/ /pad+ma gar dbang dkyil 'khor gyis/ /sna tshogs dag pa'i chos sgrub cing/ /sgro kun rtog pa zhi bar mdzad/ /rgyal srid thams cad mnyam sbyor ba'i rdo rje nyi ma'i dkyil 'khor gyis/ /bkod pa'i yon tan 'phel bzhed de/ /nyungs pa'i las mdza' rnam par grol/ /sna tshogs dag par mnyam sbyor ba'i/ /las kun pa yi dkyil 'khor gyis/ /lha chen drag po'i rgyud 'dul zhing/ /phrin las stobs kyis thams

  817. 409a

    cad gnon/ /zhes gsungs so/ /de nyid kyi cho ga'i yan lag ni bdun gyi dkyil 'khor phyag 'tshal ba dang/ mchod pas mnyes par byas nas sngags bzhis dgug gzhug byas te/ phyag rgya chen po sku gsal zhing mnyes pas byas nas/ de'i rjes la dngos grub bskul pa'i glu blang bar bya'o/ /lha'i dkyil 'khor thams cad kyi sku mdog la sogs pa 'byung ba'i phyag rgya dang po'i don bshad pa'o/ /de ltar bskul ba'i rjes la/ /gnyis pa dam tshig gi phyag rgya brtan par bya dgos pa'i phyir/ /dkyil 'khor gyi phyag rgya bstan pa las/ /dang por rdo rje sems dpa' i dkyil 'khor brtan par bya ba'i phyir/ mdzub mos mthe bong mnan nas ni/ rang gi mthe bos mdzub mo mnan/ zhes pa la sogs pa gsungs pa la/ dang po lag pa gar thabs lan gsum du bsgyur zhing sor mo phan tshun bsnol te rdo rje thal mo sbyar bar bya'o/ /de las yi ge'i 'phro 'dus so so'i dkyil 'khor bstib zhing/ dga' chen dpal gyi rdo rje las byung ba'i rdo rje bcings pa gcig du byas nas / mdzub mos mthe bong rtsa ba mnan te mig go 'bras bu bzhin bya ba'o/ /yang de las khu tshur so sor phral te gar thabs su lan gsum du bskor zhing/ sor mo'i lhag ma rnams thal mo khong stong du sbyar nas lha so so'i gnas su bstan cing/ gong ma bzhin du so so'i sngags brjod pas sku gsung thugs brtan par byas pa'o /de ltar bcings pa'i phan yon ni go sla ba'i phyir ma bshad do/ /gzhan yang rnam par snang mdzad la sogs pa'i dkyil 'khor lnga po dag gi dam tshig gi phyag rgya phan yon dang bcas pa rim pa bzhin du bstan pa'i phyir/ rdo rje thal mo mnyam sbyar nas/ mdzub mo gnyis kyi rtse dgug ces pa la sogs pa gsungs so/ /de las rnam par snang mdzad kyi ni rdo

  818. 409b

    rje thal mo'i tshul du sor mo bsnol te mdzub mo gnyis kyi rtse mo bkug ste/ mthe bong gnyis par du bcug nas gtsug tor bzhin du bya zhing/ thal mo khong stong du sbyar te dpral bar bzhag pas ni gsungs par 'gyur ro/ /he ru ka'i ni rdo rje thal mo gyen du phye la rdo rje gnod sbyin gyi zhal gnam du gdengs pa bzhin bcings pas/ gdug par byed pa rnams kyi tshogs za pa la sogs pa'i las rnams 'grub par 'gyur ro/ /pad+ma gar dbang gi ni pad+ma'i 'dab ma kha 'byed pa bzhin du byas pa'o/ /sdig pa sbyong pa'i las la sbyar ro/ /rdo rje nyi ma yi ni rin po che'i gzugs lta bur byas pas/ rang nyid kyi rgyal srid skyong ba'i las la sbyar ro/ /rta mchog gi ni de nyid kyi phyag rgya ste las thams cad pa'i rgyud la sbyar ro/ /de dag gi cho ga'i rim pa ni dngos grub bskul ba'i rjes la dam tshig gi phyag rgya sngags dang bcas pas brtan par byas nas/ de ma thag tu mchod pa bzhi'i sgo nas gsol gdab pa dang/ rdo rje glu'i sgo nas gsol ba gdab par bya'o/ /des ni bde bar gshegs pa dag dus thams cad du dam tshig las mi 'da' zhing/ bdag nyid la dngos grub stsol bar 'gyur te/ dam tshig gi phyag rgya shes pa'i don bshad pa'i/ gsum pa dam tshig chen po'i phyag rgya shis pa ni/ rang gi lha dang dus thams cad du sbyor zhing byin gyis brlabs/ khyad par can gsal bar bya ba'i phyir ro/ /de yang sku dang gsung dang thugs rnam pa gsum gyi sgo nas shes par bya ba las dang por sbyor ba'i tshul ni/ lus dang ngag sems rdo rje yi/ /mtshan mo'i phyag rgyar ldan byas te/ /thams cad 'byung ba'i phyag rgya yis/ /bdag gi lhar ni bdag nyid bya/ /rnal 'byor pa la sogs pa'i tha mal pa'i lus ngag yid gsum bde bar gshegs pa'i sku gsung thugs su bsgrub pa'i

  819. 410a

    phyir/ gnas gsum du zla ba dang/ pad+ma dang nyi ma la gnas pa'i yi ge rnam pa gsum so so'i 'od zer kha dog dang ldan pas/ yi ge ye shes kyi dkyil 'khor thams cad gnas gsum du bdu zhing sku gsung thugs kyi mtshan ma rnam pa gsum du grub nas/ sngags brjod pas bdag dang gnyis su med par grub pa'o/ /de dag gi phan yon ni/ 'dis ni sangs rgyas thams cad dpal/ /de bzhin dpa' bo thams cad dang/ /zhes pa la sogs pa gsungs pa yin no/ /cho ga'i yan lag ni thog mar rang nyid rigs kyi lha gang yang rung bar bsams nas nus pa bskyed pa'i phyir yan lag byin gyis brlab pa dang/ sgo gsum byin gyis brlab pa dang/ bdag spyad pa dang/ gsal bar byas pa'i gnas skabs su yang 'gro la rjes su sbyor ba gsum bskyod pa'i rjes la thun mong du lus ngag yid gsum byin gyis brlab pa dang/ slob ma dbang bskur ba la sogs pa'i cho ga'i yan lag gzhan la yang sbyar bar bya'o/ /de yang rtsa ba'i rgyud las/ las rnams kun gyi thog ma dang/ tha ma la sogs gnas rnams su/ /sku gsung thugs kyi phyag rgya yis/ /thams cad byin gyis brlab par bya/ /zhes so/ /de ltar sku gsung thugs kyi dam tshig dang lhan pas ni/ dngos grub thams cad kyi rten yin pas chen por gyur pa ste/ dam tshig chen po'i phyag zhes so/ /dam tshig chen po'i phyag rgya shes pa'i don rnam par bshad pa'o/ /gzhan yang bzhi pa sbyor ba'i phyag rgya la mi gnas pa ni rang gi de kho na nyid gsal bar mi 'gyur bas/ lta ba dang sgom pa thams cad kyi gnas skabs su de nyid shes par bya'o/ /des na mtshan nyid kyi bye brag dang dmigs pa'i yul dang/ sbyor ba'i thabs la sogs pa gcig

  820. 410b

    du bstan pa yin te/ rtsa ba'i rgyud las kyang/ sbyor ba bzhi yi mtshan nyid kyis/ /phyag rgyas las kun gnas la 'jug /sngon du 'gro ba'i las can te/ /rnam grol ye shes bskyed par mdzad/ ces so/ /de las dang po rdo rje sems dpa' yi ni/ /rdo rje sems dpa' dpa' sbyor ba/ /ji lta'i gzugs dang dbyibs su ldan/ /zhes pa la sogs pa tshigs su bcad pa gnyis kyi de nyid yon tan dang bcas pa bstan pa yin te/ mtshan ma med pa dang mtshan ma dang bcas pa'i tshul rnam pa gnyis kyis 'jug cing/ chos thams cad rnam par dag pa'i ngo bo la dkyil 'khor rnam pa gnyis kyi tshul du sbyar nas rdo rje sems dpa' phyag rgyas gnas pas dbang po drug gi snang ba thams cad bde ba chen po'i ye shes zag pa med pa'i rang bzhin du bzhugs par mdzad cing/ de dang mthun pa'i sgo nas sbyor ba rnams bzhi'i bye brag la sogs pa gsal bar snang ba yin no/ /yang lha mo dag gi khyad par du sbyor ba'i phyag rgya'i mtshan nyid ni/ chags pa med cing ma chags med/ /dbu mar yang ni dmigs su med ces pa la sogs pas mtshon bya dang mtshon byed gnyis su med pa'i sgo nas rang rang gi mtshan nyid dang las la sbyor zhing/ de'i phan yon dang bcas par bstan pa yin no/ /yang sangs rgyas rnam par snang mdzad la sogs pa'i sgo nas ni / yod pa ma yin med pa min/ /dbu mar yang ni dmigs su med ces pa la sogs pa'i don gsungs pa las dang pos chos thams cad rnam par dag pa'i tshul bstan pa dang/ de'i rang bzhin bstan pa de las sbyor ba'i thabs bstan pa dang/ de nyid kyi yon tan dang phrin las kyi sgo nas shes par bya ste tshigs su bcad pa'i don ni gong du bshad zin la/ rigs kyi dkyil 'khor dang sbyar ba ni gsal bar snang bas ma bshad do/ /sbyor ba'i phyag rgya shes pa'i don bshad pa'o/ /de

  821. 411a

    ni lnga pa sbyor ba thams cad kyi phyag rgya shes pa'i don bshad pa las/ /dang por rdo rje sems dpa' i sgo nas bstan te/ sbyor ba ji snyed yong pa kun/ /byed pa rnam pa sna tshogs gsal/ /rdo rje sems dpa' dpal gyi rgya/ /dngos grub thams cad rab grub pa'o/ /dang por gar dang glu'i bstan bcos las 'byung ba bzhin du sbyor ba'i phyag rgya ji snyed pa'i sgo nas tshogs kyi 'khor lo dang/ phrin las dang spyod pa ngag gi las la sbyor ba'i phyir/ dpal rdo rje sems dpa' i phyag rgya'i sgo nas brtsams zhing/ dngos grub thams cad kyi las bsgrub pa la sbyar bar bya'o/ /de dag gi phan yon ni go sla'o/ /yang 'khor gyi lha mo dag gi sgo nas/ bya ba dang ni bzlog pa dang/ khyad par du ni dbrog pa dang zhes pa la sogs pa'i tshigs su bcad pa bzhi gsungs pa las/ dang por lha mo bde mchog ma'i sgo nas phyag nas me tog gi mda''phen zhing/ sbyor ba thams cad kyi las kyis byang chub kyi sems dbab pa dang/ bzlog pa dang/ che ba'i yon tan gyis rgyas par mdzad cing/ las gzhan la yang sbyor te/ so so'i bya ba'i las la gzung cing bya ba ma yin pa'i las las bzlog pa dang/ gzhan gyi yon tan gyi tshogs dag dbrog par mdzad pa'o/ /de yang rtsa ba'i rgyud las/ /mda' bzhi yongs su 'phangs mdzad nas/ /gtso bo chags pa'i thugs bskul zhing/ /byang chub sems sprin dbab pa dang/ /bzlog pa la sogs pa'i las dag gis/ /phrin las sna tshogs sbyod mdzad de/ /bdud bzhi dag las rgyal par 'gyur/ /gnyis pa ni e ma'o bde ba'i sgo nas b+ha ga dang ling ga dag 'dzin cing dbyings dang ye shes kyi phyag rgyas 'o byed 'khyud pa la sogs pa'i tshul gyis khams gsum pa dag rgyas 'debs shing/ khyad par gyis

  822. 411b

    phrin las gsum la sbyor ba'o/ /de yang b+ho? ga'i ga'i mtshan ma yin/ /bde ba'i gar thabs rgyas 'debs shing/ /khams gsum pa yi 'jig rten dag /phrin las gsum gyi rnam par spyod ces so/ /gsum pa ni lha mo snang mdzad ma'i sgo nas snod bcud kyi 'jig rten mdza' dag bdud rtsi'i longs spyod pho brang dang bcas par byin gyis brlabs te zhal du gsol zhing khams gsum las rgyal ba'i mtshon chas phrin las rnam pa bzhi la sbyor ba'o/ /de yang stong gsum band+ha bzang 'khor yug /sbyor ba'i longs spyod bdud rtsi'i rgyas/ rtse gsum mtshon chas khams gsum las/ /rgyal bar byas te kun spyod pa'o zhes so/ /bzhi pa ni lha mo slob ma mo'i sgo nas bdud rtsi'i snod dag sangs rgyas kyi skus brgyan pa 'dzin zhing/ glu dang gar sna tshogs kyi tshul gyis sbyor ba thams cad la longs spyod pa te/ khams gsum las rgyal ba'i tshul du phrin las lnga la spyod pa'o/ /de yang sbyor ba kun gyis bde ba'i rgyas/ /sangs rgyas sku ldan mtshan ma 'dzin/ /gar dang glu rnams sna tshogs kyis/ /rang gi phrin las rnam sngar spyod/ ces so/ / de ltar rdo rje sems dpa' i dkyil 'khor las rang gi gtso bo dang rigs kyi lha mo bzhi'i sbyor ba thams cad kyi mtshan nyid bstan te/ de'i sgo nas 'khor gyi lha mo gzhan dag dang/ rigs kyi dkyil 'khor gzhan dag kyang shes par bya'o/ /cho ga'i rim pa ni sbyor ba sna tshogs kyi sgo nas so so'i bstan bcos las 'byung ba bzhin las thams cad kyi gnas su sbyar bar bya'o/ /sbyor ba thams cad kyis phyag rgya zhes pa'i don bshad pa'o/ /gzhan yang drug pa bzhan gyi phyag rgya zhes pa las/ dang por rdo rje sems dpa' i mtshan nyid ni/ lha mo kun gyi bde ba'i mchog /mdzes pa'i zhal ni rnam bsgyur zhing zhes pa la sogs pa gsungs pa las rang rang gi dkyil 'khor du las kun la 'jug pa'i yan lag tu/ bzhin gyi sgo nas sbyor ba ste/ ji srid du sku gsung

  823. 412a

    thugs kyi phyag rgya mi gsal gyi bar du bzhin gyi 'gyur ba'i cha lugs kyis gnas par bya'o/ /gzhan yang 'khor gyi lha mo rnams kyi bzhin gyi phyag rgya ni/ bud med mkhas pa rgyu ma che/ /mdzes pa'i bzhin mi rnam par bsgyur zhes pa la sogs pa la/ bud med kyi sgyu 'phrul drug cu rtsa gcig gi sgyu rtsal la sbyang zhing/ mdzes pa'i bzhin rnam par bsgyur te rang gi phrin las la spyod pa'i tshul gyis bzhugs pa zhal gyi mdangs ri mo'i mtshan ma can zur gyi mig gis blta ba dang/ 'gying bag gi si zhur chas pa ste bud med lugs kun gyi mchog tu gyur pa'o/ /gzhan yang rnam par snang mdzad la sogs pa dag gi yang bstan pa'i phyir/ sangs rgyas byang chub mnyam sbyor ba/ /rab tu dga' bas lta zhing 'jum zhes pa la sogs pa so so'i yon tan dang bcas par bstan pa las/ dang por sangs rgyas rnam par snang mdzad kyi ni 'khor gyi lha mo sangs rgyas kun brjod ma la sogs pa mthun pa'i cha lugs kyis mnyam par sbyong zhing zhi pa'i tshul du dga' ba'i bzhin gyis gsang ba'i lta ba la gnas pa'o/ /dpal he ru ka 'khor gyi lha mo dang bcas pa'i ni phyag rgya chen pos gnas skabs nas bshad pa dag la bltos pa'i phyir 'dir ma bstan to/ /pad+ma gar gyi dbang phyug ni bteg pa la sogs pa'i tshul bzhi dang ldan pa mdzes pa'i bzhin ni rnam par 'gyur zhing/ zhal ri mo dad bcas pa'o/ /rdo rje nyi ma'i ni mche ba cung zad gtsigs shing rgyal po'i bzhin khro 'dzum dang bcas par rgyas pa'i las la sbyar bar bya'o/ /rta mchog gi ni zhal rnam pa bzhi'i sgo nas bzhin gyi cha lugs so sor gnas pa ste/ zhal dbus ma 'dod chags myos pas g.yon smyo ba lta bu dang/ g.yas pa drag po mche ba gtsigs pas gdug

  824. 412b

    pa za ba 'jigs 'jigs ltar gnas pa dang/ g.yon dga' zhing 'jum pa'i cha lugs dang spyi bor rta mgo ljang ser khros pa'i cha byad can no/ /cho ga'i rim pa ni/ mchod pa dang bstod pa la sogs pa'i las dag la ste gsol ba btab nas/ bzhin gyi phyag rgya dang 'og nas 'byung bar 'dzum pa'i phyag rgyas bdud rtsi'i mchod pa dang/ gsang ba'i mchod pa bya'o/ /bzhin gyi phyag rgya zhes don bshad pa'o/ /da ni 'dun pa 'dzum pa'i phyag rgya zhes pa las/ dang por gtso bo rdo rje sems dpa' yi ni/ /lha mo kun gyis bde ba'i mchog /mdzes pa'i ma mchu sos mnan pa'i/ /'dzum pa'i phyag rgya mchog 'di ni/ /sangs rgyas thams cad dgyes par byed/ /lha rnams kyi zhal gyis phyag rgya las kyang/ /khyad par du spyan dang mchu'i sgo nas stan pa las/ lta ba ni logs su bzhag pas 'dir ni mchu'i? khyad par gcig pu la sbyang bar bya'o/ /de yang rdo rje sems dpa' i cha lugs dang ldan pas/ ma mchu sos mnan cing 'dzum pa'i gnyer ma dang bcas pas dgyes pa'o/ /yang lha mo rnams kyi mtshan nyid bshad pa'i phyir/ 'dod chags bde bas g.yon spro? ba/ bteg pa'i ma mchu sos mnan pa'i zhes pa la sogs pa'i tshigs su bcad pa bzhi gsungs pa las/ dang por ni lha mo bde mchog ma'i 'o/ /gnyis pa ni e ma bde ba ma'i'o/ /gsum pa ni snang mdzad ma'i 'o/ bzhi pa ni slob ma mo yi'o/ /tshul 'di nyid kyis rang rang gi phrin las mdzad pa'o/ /cho ga 'dis rigs kyi dkyil 'khor gzhan la yang sbyar par bya'o/ /'dzum pa'i phyag rgya mchog ces pa'i don bshad pa'o/ /da ni brgyad pa lta ba'i phyag rgya shes pa las dang po rdo rje sems dpa' i sgo nas/ bde ba myong bar rab sbyor ba/ /zam zim lta ba rnam 'gyur pas/ /rgyas btab rmongs byas zos pa yis/ /khams gsum dag kyang 'tsho bar byed/ /bzhin gyi phyag rgya las gzigs thabs kyi khyad par

  825. 413a

    lhag par bstan te gtso bo sku zhal sbyor du gnas shing bde ba myong ba'i tshul du spyan zam zim du gzigs pas phrin las bzhi la sbyor bar byed pa'o/ /yang lha mo bde mchog ma la sogs pa'i ni/ bud med mkhas pa sgyu ma'i mchog /mdzes par lta ba'i gar byas pas zhes pa la sogs pa ste/ /lha mo rnams so so'i phrin las kyi gzigs thabs mdza' dag gis rang rang gi las la sbyor bar byed pa'o/ /dpal rnam par snang mdzad la sogs pa'i rigs kyi dkyil 'khor gzhan dag gi ni/ sangs rgyas gsang ba'i mnyam sbyor ba/ lta ba rab zhi bde bar gnas/ zhes pa la sogs pa'i tshigs su bcad pa bzhi gsungs pa yin te/ rnam snang gi zhi ba'i lta ba dang/ he ru ka'i khro bo'i lta ba dang/ rdo rje nyi ma'i khro 'dzum gyi lta ba dang/ pad+ma gar gyi dbang phyug gi chags pa thams cad dbang du mdzad pa'i lta ba'o/ /'dir rta mchog ma smos pa ni/ las thams cad pa yin pas/ gang zhig gi gnas skabs su de nyid kyi lta ba'i lta ba dang tshul dang ldan pa'o/ /lta ba'i phyag rgya shes pa'i don bshad pa'o/ /da ni dgu pa chos kyi phyag rgya shes pa las dang por rdo rje sems dpa' i yi ni/ na mo stu sarba bud+d+he b+hya(rgyud 'grel): zhes pa la sogs pa gsungs te/ sku phyag rgya'i sbyor ba la sogs pa la gnas pas ?? pad+ma 'dab ma brgyad pa bsams te/ ge sar dang ze 'gru dag las 'od zer 'phro ba'i de'i dbus su hUM las gyur pa'i rdo rje dkar dmar rtse mo lnga pa bum pa la yi ge hUM gis mtshan pa bsgoms nas/ de las byung ba'i 'od zer gyis phyags bcur khyab cing bde bar gshegs pa'i gsungs gi gsang sngags thams cad gcig tu bsdus te/ yi ge'i tshul du g.yas nas bskor ba'i rim pas/ sangs rgyas thams cad la bstod cing phyag 'tshal bar bya'o/ /zhes pa'i tshul du

  826. 413b

    gnas par bsam par bya'o/ /de ltar bsgom zhing bzlas pa'i mthus rang gi yon tan rgya chen po dag 'grub par byed pa ste go sla'o/ /gzhan yang sangs rgyas rnam par snang mdzad la sogs pa rnams kyi ni/ oM ru lu tiSh+Tha sid+d+ha lo tsa ne sarba arU sA d+ha ni swAhA zhes pa la sogs pa ste/ rnam par snang mdzad kyi ni pad+ma la gnas pa'i 'khor lo la sngags de nyid kyis bskor ba'o/ /dpal he ru ka'i ni pad+ma la gnas pa'i khro bo'i rdo rje la su b+ha gasta ma hA de bi zhes pa la sogs pa'i sngags kyis bskor ba'o/ /pad+ma gar gyi dbang phyug gi ni pad+ma la gnas pa'i pad+ma la oM tA re la sogs pa'i sngags kyis bskor ba'o/ /rdo rje nyi ma yi ni pad+ma la gnas pa'i rin po che la traM pa la sogs pa'i sngags kyis bskor ba'o/ /rta mchog gi ni pad+ma la gnas pa'i sna tshogs rdo rje la sh+rI badzra la sogs pa'i sngags kyis bskor ba'o/ /cho ga'i yan lag ni sgo gsum dag bya ba dang/ chos kyi phyag rgyas gdab pa dang/ bzlas brjod dang bsdod pa la sogs pa'i las grub par bya ba'i phyir sbyar bar bya'o chos kyi phyag rgya zhes pa'i don rnam par bshad pa'o// yang bcu pa glu'i phyag rgya zhes pa'i don bshad pa las/ dang por spyi'i mtshan nyid ni/ /skad kyi gsang ni mthon dman dang/ /gre sgyur bcos shing bzlas pa dang/ /zhes pa la sogs pa'i tshigs su bcad pa phyed dang gnyis gsungs pa las glu gang yang rung bdag blad pa'i thog mar rang nyid kyi rigs kyi dkyil 'khor dag gsal bar byas nas/ so so'i sngags dang yi ge dang tshigs su bcad pa sgo nas dbyangs kyi de'u mthon dman dang/ gre 'gyur dang khugs su bcas pas dus gsum du rab tu zhi ba'i lha rnams mtshon par byed pa'i hUM gis sna drangs te bstod pa la sogs pa'i dbyangs brjod par byed pa'o/ /de dag khyad par gyi don du rigs kyi dkyil 'khor rim pa bzhin du ston pa las/ hUM gi glu yi phyag rgya dpal/ /rdo rje sems dpa' rab bsgrub pa'o/ /

  827. 414a

    zhes pa la sogs pa la/ dpal rdo rje sems dpa' yi ni hUM gi glu ci bde bar len cing/ lha mo rnams kyi ni lnga ldan dang drug ldan la sogs pa'i dbyangs brjod pa'o/ /rnam par snang mdzad kyis ni rig byed kyi smrang 'don pa ltar tshangs pa'i dbyangs kyis oM tshar byed dang gsum brjod pa'o/ /he ru ka yi ni dbyangs drug gi sgo nas ru lu 'bru brgyad kyi sgra brjod cing 'od zer gyi 'phro 'dus gsal bar byed pa'o/ /pad+ma gar gyi dbang phyug gi ni te yi sgo nas chags pa'i glu zung mangs blang ba'o/ /rdo rje nyi ma yi ni hi 'i sgo na sa sgom zhing khungs mnyam pas ring ba dang bcas pa'o/ /rta mchog gi sgo nas las rnam pa bzhi la so so'i gnas skabs su/ /spom zhing dal ba dang/ phra zhing 'khyug pa dang/ mdangs snyan dang/ drag po'i glu dag blang bar bya'o/ /cho ga'i rim pa ni tshogs kyi 'khor lor mchod pa dang/ bstod pa dang gzhan dag gi yang yan lag tu sbyar bar bya'o/ /glu'i phyag rgya shes pa'i don rnam par bshad pa'o/ /da ni bcu gcig pa rnga dang sil snyan gyi phyag rgya shes pa'i sgo nas rigs spyi'i mtshan nyid bstan pa'i phyir/ gling bu dang ni rgyud gcig dang/ de bzhin rgyud mangs rgyud stug dang/ zhes pa la sogs pa'i tshigs su bcad pa gsum gsungs pa las/ sil snyan gyi rnam pa sna tshogs pa dag sbyang zhing byin gyis brlabs te/ rang rang gi lha mo'i tshogs kyis 'dzin pas/ gar dang dbyangs su bcas pas 'khrol na dpal bzhi 'gyur 'grub cing/ ma dkrol zhing bkod pa tsam gyis kyang las phra mo dag 'grub par 'gyur ba'o/ /de la snying po dang phyag rgya dang gsang sngags dang rig sngags dag ni phrin las rnam pa bzhi dang/ rigs bzhi dang phyag rgya bzhi dang lha mo bzhi la sogs pa'i mtshan nyid can no/ /de dag gi khyad par gyis don du rigs

  828. 414b

    kyi dkyil 'khor rim pa bzhin du bstan pa las/ dang por rdo rje sems dpa' i lha mo rnams kyi sgo nas ni/ dza(rgyud 'grel): hUM baM ho(rgyud 'grel): zhes pa las lha mo nang ma dag gis chos kyi sa bon gyis rang gi las la skul bar byed pa'o/ /ru ta ma ta ni sangs rgyas byang chub ma'i'o/ /sma ra d+ha ni chos kyi 'khor lo ma'i'o/ /hu lu hu lu ni 'jig rten gsum rgyal ma yi'o/ /pra sit+tya ni 'dod pa'i lcug ma ma yi'o/ /Tak+ki hUM dza(rgyud 'grel): ni lha mo dag las rol pa'i tshig go /ki ni gling bu ma'i'o/ /du ni rgyud gcig ma'i'o/ /hUM ni rgyud mangs ma'i'o/ /d+hUM ni rgyud stug ma'i'o/ /Tak+ki ni rta gdong ma'i'o/ /hUM dza(rgyud 'grel): ni phag gdong ma'i'o/ /hu lu ni nyi zla ma yi'o/ /yang hu lu zhes pa ni thal byed ma yi'o/ /a la la la la ho zhes pa ni me tog ma la sogs pa bzhi yi'o/ /shud+d+hya sid+d+ha da ra ya sarba na zhes pa las sna tshogs kyi sgo nas bskul ba'o/ /ta g+he na g+he zhes pa la sogs pa ni rdo rje sems dpa' i thal mo brdab pa'i sgra skad do/ /he na don zhes pa la sogs pa ni ma mo rnams kyi thal mo brdab pa'i sgra skad do/ /ta g+he g+he zhes pa la sogs pa ni bde mchog ma la sogs pa'i rgyun gyi rda'o/ /ang ang zhes pa la sogs pa ni rnam par snang mdzad kyi dkyil 'khor rnams kyi dam tshig gsum gyi rda'o/ /rde kong kong kong kong zhes pa ni gau rI ma'i'o/ /d+he badzra badzra N+Tyar N+Tyar zhes pa ni tsau rI mi'i'o/ /yang kong kong kong kong kong zhes pa ni pra mo ha'i'o/ /hUM b+hyo bzhi ni bet+ta lI yi'o/ /ru lu ru lu hUM b+hyo ni dpal chen po dang lha sme sha na'i thun mong gi sngags so/ /d+heng kong kong ni puk+ka sI'i'o/ /yang kong kong bzhi ni tsaN+Da lI yi'o/ /d+he kong kong ni/ g+hasma ri yi'o/ /pad+ma zhes pa la sogs pa ni dpal ldan pad+ma gar gyi dbang phyug gi sku gsung thugs la bskul ba'o/ /trAM trAM trAM zhes pa la sogs pa rdo rje nyi ma'i dkyil 'khor la mtshan gyi sgo nas bskul ba'o/ /Tak+ki ni hUM dzdza(rgyud 'grel): zhes pa la

  829. 415a

    sogs pa ni rta mchog gi las bzhi'i sgo nas bskul ba'o/ /cho ga yan lag ni lha mnyes pa'i don du mchod pa dang/ bstod pa'i las la sbyor ba'o/ /rnga dang sil snyan gyi phyag rgya shes pa'i don bshad pa'o/ /nga ni bcu gnyis pa gar gyi phyag rgya zhes pa las thams cad bsdu ba'i sbyor ba ni/ rdo rje sems dpa' bdag sbyor bas/ /lag gnyis rdo rjer bcings pa yi/ /zhes pa la sogs pa la/ /rigs so so'i sbyor pa dang ldan pas rdo rje khu tshur las byung ba'i se gol dang/ thal mo dag gi sgras sangs rgyas thams cad spyan drangs zhing/ de dag gi las la rnam par sbyar ba'o/ /de la g.yas pa ni thabs kyi rang bzhin pas thal mo'i las la sbyar ba yin la/ se gol ni shes rab kyi rang bzhin pas de nyid kyi las la sbyor ba'i sgrar brjod pa'o/ /da ni gar dgu'i mtshan nyid kyi sgo nas rigs bsdus kyi dkyil 'khor bstan pa'i phyir/ sgeg dang dpa' dang snying rje dang/ rgod dang khro dang 'jigs pa dang/ zhes pa la sogs pa gsungs te/ rigs bsdus kyi dkyil 'khor 'di dag ni rdo rje 'chang chen po nyid kyi sku gsung thugs kyi gar rnam pa dgu las byung ba ste/ de yang steg pa'i ma hA de ba gdul ba'i phyir ni dpal rdo rje sems dpa' lha mo nyi shu'i dkyil 'khor rgyan dang cha lugs kyis mdzes par bstan pa dang/ dpa' bo'i lta stobs ldan gdul pa'i phyir ni sangs rgyas rnam par snang mdzad lha mo'i tshogs dang bcas par bstan pa dang/ snying rje can gyi lha'i dbang po brgya byin gdul ba'i phyir ni rdo rje 'dzin pa he ru ka'i skur bstan pa dang/ rgod pa'i gad mo can tshangs pa gdul pa'i don du ni pad+ma gar gyi dbang phyug gi skur bstan pa dang/ khro bo bi na ya gdul ba'i don du ni rdo rje nyi mar ston pa dang/ 'jigs pa'i gzugs can khyab 'jug gdul ba'i don du ni dpal lta

  830. 415b

    mchog gi skur bstan pa dang/ mai sdug pa'i gzugs can log 'dren sna yon gdul ba'i don du ni/ shAkya thub pa'i skur bstan pa dang/ ngo mtshar can sgra gcan 'dzin gdul pa'i don du ni mkha' 'gro ma'i skur ston pa dang/ zhi ba'i klu'i rgyal po se sha gdul ba'i don du ni/ sangs rgyas snang khyab mdzad kyi skur ston cing/ skye 'gro mdza' dag gi don spyod pa'o/ /gzhan yang dngos grub kyi tshul bstan pa'i phyir/ lha bas mi ngoms pa'i gzugs/ thams cad bdag nyid ston par mdzad/ / ces pa la sogs pa'i tshigs su bcad pa gnyis gsungs te/ bsnyen bsgrub kyi dus su sems mngon par goms pa'i mthus de dang rjes su mthun pa'i bde bar gshegs pa'i byin brlabs yid bzhin gyi nor bu las snang ba bzhin du/ 'dod pa'i las mdza' dag gsol bar mdzad pa'i phyir/ rten gyi dkyil 'khor mtshan dang dpe byad kyis brgyan pa sna tshogs su bstan te/ lha bas mi ngoms pa'i sku dang/ legs so zhes pa la sogs pa'i tshig brjod cing/ dngos grub kyi mchog dag gsol bar mdzad nas 'gro ba thams cad kyi re ba bskor zhing zag pa med pa'i bde ba ster bar mdzad pa'o/ /yang phyag rgya'i sbyor bas mchod pa'i phyir/ phyag rgya'i sbyor ba 'di dag gis/ /rang gi mchod pa rab tu sbyar/ zhes pa la sogs pa la/ tshogs kyi 'khor ? la sogs pa'i gzhung du bsnyen sgrub kyi yan lag dag las sbyor ba'i phyag rgya ni rang las sprul pa'i lha mo'i tshogs kyis/ phyag rgya'i lan gyi sgo nas mchod pa rgya chen po sbyar zhing/ de dag gi sbyor ba la gnas par? bya'o/ zhes pa'o/ /yid rgol pa lan dang bcas pa'i phyag rgya las sna tshogs sbyar ba'i phyir/ kun tu sna tshogs skal bzang po kun tu/ /slob dpon bdag nyid bsgyur/ zhes pa la sogs pa la rdo rje slob dpon dang/ slob ma'i tshogs kyis tshogs kyi dkyil 'khor chen po'i sngon

  831. 416a

    du 'gro ba dag rnam par spyod cing/ phun sum tshogs pa dang ldan pas bya ba'i las dag rtsom pa'i phyir/ phyi dang nang gi mtshams bcad nas las kyi rdo rje dag sgo sangs kyi khro bor gnas pa las/ phyi nas 'jug pa bo dag gis phyag rgyas rgol zhing/ slar nang nas de dag gi lan bstan par bya zhing/ lus dang ngag las byung ba'i brda sna tshogs kyi mtshon cing rim pa bzhin 'jug par bya'o/ /de'i rjes la rdo rje slob dpon slob ma'i tshogs brda dang brda'i lan la spyod par bya ste/ rigs drug gi dkyil 'khor dag gi sgo nas so so'i mtshan nyid dang phrin las la sbyar bar bya'o/ /de'i rjes la rnal 'byor pa gnyis kyis gar thabs dang ldan pa'i sgo nas dang por dpal rdo rje sems dpa' i phyag rgya chen po lha mo so so'i sngags dang phrin las su bcas pa'i sgo nas gar sgyur zhing/ de'i rjes la rgol bas rnam par snang mdzad kyi dkyil 'khor dag gi phyag rgya sngags dang bcas par rim pa bzhin du 'ching zhing/ yang phyir rgol pas he ru ka'i phyag rgya bcing ba dang/ de bzhin du pad+ma gar gyi dbang phyug dang/ rdo rje nyi ma dang/ rta mchog rol pa dang/ yang rdo rje sems dpa' i dkyil 'khor gyi bar du rgol ba dang slar rgol bdag gis phyag rgya rim pa bzhin du bsgyur zhing/ de dag rdzogs pa dang bskul ba'i glus so so'i rgyud bskul zhing tshogs kyi mchod pas mnyes par bya'o/ /dang por bskul pa'i spyi'i mtshan nyid ni/ de nas phyag rgya zhes pa 'di/ sdom pa thams cad rab ston pa/ zhes pa la sogs pa ni brda dang brda'i lan gyi sgo nas dam tshig la gnas par bstan to/ /gru'i bye brag ni la lar dri med zla ba'i dkyil 'khor zhes pa la sogs pas/ rdo rje sems dpa' i dkyil 'khor gyi sgo nas bskul ba dang la la rab tu 'jigs pa'i zhes pa la sogs

  832. 416b

    pas he ru ka'i sgo nas bskul ba dang la lar mdangs bzang gzi chen zhes pas rdo rje nyi ma'i dkyil 'khor la bskul ba dang/ bde dang zhi bar ldan pa rgyal ba'i gzugs su snang zhes pas rnam snang gis dkyil 'khor la bskul ba dang/ la lar 'gro ba thams cad ces pa la sogs pas gar dbang gi dkyil 'khor la bskul ba dang/ rdo rje sems dpa' zhes pa la sogs pas rta mchog gyi dkyil 'khor la skul ba dang/ rnam pa mang po zhes pa la sogs pas lha mo'i tshogs rnams la khyad par gyi glus bskul ba dang/ de dag gi phan yon bstan pa dag ni yi ge'i don go sla phyir ma bshad do/ /de ltar glus bskul ba'i rjes la tshogs kyi yon bdag dang/ gsar du zhugs pa dang pham pa dag gis gzhan rnams rigs kyi dkyil 'khor du bsgoms nas/ dbang dang dam tshig gsol ba'i don du bza' ston gyi bye phrag gi gzhan dag mchod cing yon dbul bar bya'o/ /de yang de ltar rab tu gar byas te/ de las gang zhig pham gyur pa/ /tshogs la de yis tshogs kyi zas/ /yin dang bcas par dbul bar bya/ /brda dang gar gyi phyag rgyas mtshon pa'i dus su pham par gyur pa gang yin pa dag gis/ tshogs pa dag la tshogs kyi bza' ston bya'o zhes pa'o/ /de dag gi phan yon ni mchad par cho ga 'di dag gis/ sdig pa kun las thar par 'gyur/ zhes pa la sogs pa ste go sla'o/ /cho ga'i yan lag ni sgrub pa dang tshogs kyi 'khor lo'i dus su rnal 'byor pa dag gzhug pa'i cho ga la sbyar bar bya'o/ /gar gyi phyag rgya zhes pa'i don rnam par bshad pa'o/ /da ni bcu gsum pa phyag rgya glu'i mchod pas phyag rgya zhes pa lan/ dang por rdo rje sems dpa' i dkyil 'khor gyi lha mo dang bcas pa'i sgo nas/ rab tu dga' ba rjes su chags pa dga' ba'i mda' gzhu rab tu phra ba'i rgyas btab pas zhes pa la sogs gsung pa las tshigs su bcad pa 'di dag gi don ni/ dang por lha rnams kyi yon tan gyi sgo nas bstod pa dang gnyis

  833. 417a

    pa 'phro ba'i las la bskul ba dang/ gsum pa dngos grub kyi don du bskul ba'o/ /de yang dpal rdo rje sems dpa' ni dga' ba de rnams gnyis kyis tshul gyis las rnam pa gnyis kyi rjes su chags pa dang/ bde mchog dga' ba'i mnga' gzhus chos nyid phra ba'i don 'jigs shing/ 'gro ba thams cad la rgyas 'debs pa dang/ e ma'o bde ba mos dbyings dang ye shes gnyis su med par bde ba bdag la sgrub pa dang/ snang mdzad mos bde ba'i rgyal mtshan bsgreng zhing longs spyod pa dang/ slob ma mos dga' ba'i dbang phyug tshe dpag med kyi sku dang cas par bzhugs pas ni/ lha mo rnams kyi yon tan gyis dgyes shing phrin las kyi las dag la rta mchog gi mdzad pa bzhin du rol pa'o/ /yang lha mo rnams kyi phrin las sna tshogs kyi sgo nas bde mchog mas bde ba'i mchog la rol pa dang/ e ma bde ba pos bde bas slong zhing rnam par rol pa dang/ snang mdzad mos thugs rtse gcig gis rnam pa gsal bar byed cing dga' ba rnam pa bzhi'i las la rol pa dang/ slob ma mos de bzhin gshegs pa kun gyi mkha' 'gro sgyu ma'i tshul gyis las mdzad pa'o/ /yang lha mo bzhi yis dngos grub kyi mchog de ltar bu bdag la stsol bar mdzad de/ bde ba'i mchog grub pa dang/ bde bas bde ba rtsol ba dang/ dam pa gzhug cing bde bar gyur pa dang/ bde ba'i 'khor lo bskor ba'o/ /des na dpa' i bde ba bskyed cig de la brtan pa'i zag pa med pa'i lam gro ba dang/ byang chub kyi sems 'phel zhing rgyas pa dang/ brten par gyur pas chos thams cad las rgyal ba dang/ bde ba gar gyi 'khor lo rtag tu rgyud las 'byung ba'o/ /de dag gi phan yon ni go sla'o/ /yang rigs kyi dkyil 'khor gzhan dag ni rdo rje gu'i mchod pa'i phyag rgya las/ dang por rnam par snang mdzad kyi sgo nas/ rdo rje sems dpa' sdud

  834. 417b

    pa dang/ rdo rje rin chen bla na med/ rdo rje chos ni gsungs pa dang/ rdo rje las ni byed par 'gyur/ /'khor lo'i gling bu ma la sogs pa bzhis rang gi phrin las la spyod pa ste/ gling bu mas byang chub kyis chos thams cad sdud pa dang/ pi wang mas yon tan rin po che'i tshogs bla na med par spel ba dang/ lha mo rdza rnga mas chos rnam par dag pa'i gsungs grogs pa dang/ rnga chen mas phrin las rnam par dag pa'i tshogs la sbyor ba'o/ /des na lha mo rnam pa bzhis bskul ba'i glu'i ngag la thog mar oM brjod cing mthar so so'i sngags dang phyag rgyar ldan pas mchod pa'i las dag bya ste/ rigs kyi dkyil 'khor gzhan dag gis gnas skabs su yang sbyar bar bya'o/ /ci mchod pa thun mongs 'di rnams par snang mdzad kyi dkyil 'khor du brjod ce na dkyil 'khor 'di'i sgo nas mchod pa dang bstod pa'i las dag khyad par du byed ste/ theg pa dman pa dang zhi ba phyogs gcig pa'i mya ngan la 'das pa'i las can dag slong zhing/ 'khor los sgyur ba'i rgyal po'i tshul gyis 'khor ba'i chos thams cad la spyod pa'i phyir/ de yang rtsa ba'i rgyud las/ mgon po rnam snang mdzad chen skus/ /chags pa'i lam chen bsgrub pa'i phyir/ /'gog pa'i lam rnams slong mdzad de/ /sna tshogs mchod dang bstod par mdzad ces so/ /de'i phyi rnam par snang mdzad kyi gnas skabs su bshad pa'i mchod pa dag ni kun gyi mthun mong du snang par bya'o/ /'o na rdo rje nyi ma yang rgyal po'i cha lugs su bzhugs shing yon tan rin po che'i mchod pa la spyod do zhe na/ gdul bya'i dbang gis dang/ khyad pa gyi phrin las gzhan mdzad pa'i phyir/ des na rigs kyi dkyil 'khor drug la khyad par gyi phrin las drug bstan pa yin no/ /yang he ru ka'i sgo nas/ hUM rdo rje las kyi mda' gzhu la phyag 'tshal lo/ /dpal rdo rje chags pa'i dam tshig la khyad

  835. 418a

    'tshal lo/ /rdo rje kha TwAM ga rab tu 'jigs pa la phyag 'tshal lo/ /dpal rdo rje dril bu rab tu 'khrul ba la phyag 'tshal lo/ /zhi gnas lhag mthong zung du 'brel ba'i mda' gzhu dang/ chags pa gnyis kyi dam tshig dang mo 'bral ba'i rtags su lha chen po'i g.yang gzhi dang/ ye shes rnam pa lnga mtshon par byed pa'i rdo rje rtse mo lnga pa dang/ khams gsum las rgyal ba'i rtags su kha TwAM ga rtse mo gsum pa dang/ dus gsum dag par byas shing snod bcud cig car du gsol ba'i rtags su sha khrag gis bkang ba'i thod pa dang/ kha TwAM ga'i rgya gram la ba dan dril bu dang cas pa 'khrol ba'o/ /'di dag rdo rje sems dpa' i dkyil 'khor gcig tu sbyor ba'i dus su ni gong ma'i tshig gis byang chub kyi sems rnam pa bzhi ston cing/ 'di nyid kyis ni gsang ba'i lha mo bzhi mtshon par byed pa'o/ /gzhan yang pad+ma gar gyi dbang phyug gi sgo nas/ la lar rab tu drag cing skye bo drag la drag pa'i bud med sku ltar rab tu snang/ zhes pa la sogs pa ni zhal rnam pa bzhi'i sgo nas dreg byed kyi chogs rnam pa bzhi'i sgo nas 'dul bar mdzad pa'i phrin las bstan pa yin no/ /yang rdo rje nyi ma'i sgo nas/ thams cad dbang bskur dbang phyug dam pa mi zad gter mchog bdag la grub par mdzad du gsol/ zhes pa la sogs pas rdo rje nyi ma'i zhal bzhi dang lha mo bzhi'i sgo nas las la bskul ba'o/ /rta mchog gi ni la lar mkhas pa'i gzugs kyang 'dzin/ zhes pa la sogs pas zhal bzhi'i sgo nas phrin las bzhi la bskul ba'o/ /bsdus pa'i don ni rdo rje sems dpa' i dkyil 'khor du rigs kyi lha mo bzhi'i dngos grub bdag sdu zhing bskul ba dang/ rnam par snang mdzad kyi dkyil 'khor du byang chub kyi sems rnam pa bzhi'i mchod pa bdag la stsol ba dang/ he ru ka'i dkyil 'khor du gtso bo'i phrin las

  836. 418b

    kun dang ldan par bya ba dang/ pad+ma gar dbang gi dkyil 'khor du gdul bya rnams 'joms pa'i mthu dang ldan pa dang/ rdo rje nyi ma'i dkyil 'khor du yon tan gyi tshogs thams cad bsdu ba dang/ /rta mchog gi dkyil 'khor du phrin las so so'i rnam pas ji ltar 'dul ba bzhin du bdag nyid grub par mdzod ces pa'o/ /cho ga'i yan lag ni so so'i sngags dang phyag gyis phyi nang gi mchod pa phul ba'i rjes la gsol ba gdab pa'o/ /rdo rje glu'i mchod pa'i phyag rgya zhes pa'i don rnam par bshad pa'o/ / da ni bcu bzhi pa mchod pa thams cad kyi phyag rgya zhes pa las dang por rdo rje sems dpa' i mchod pa'i rim pa rgyas par bstan pa'i phyir/ me tog dkar dang dmar ba dang/ mthing ga ser po kun bsdus pa/ zhes pa la sogs pa gsungs te/ me tog gi khyad par gang dag rang bzhin gyi dri dang kha dog du ldan pa/ rin po che sna lnga'i 'od dang ldan pa/ rgya skyegs dang rnams la sogs pa'i tshon dag gis kha btsos pa dang/ gsher dang skam las byung ba dang/ lha'i rnam par 'phrul pa las byung ba dang/ rang nyid kyi ting nge 'dzin las byung ba gang yang rung ba dag gi mchod par bya'o/ /gzhan yang spos kyi rnam pa dang dri'i byug pa'i rdzas dag kyang rang bzhin g+hi ngi bor snang ba dang/ de dag sbyor ba'i mthu las byung ba rnams so/ /da ni dkyil 'khor gzhan gyi mchod pa bsdus te bstan pa'i phyir/ me tog dmar po sangs rgyas la/ rdo rje can la sna tshogs pa/ zhes pa la sogs pa gsungs te/ me tog dang bdug spos dang mar me dang dri'i khyad par sna tshogs pa dag gis rang rang gi dkyil 'khor mchod pa'i tshul bstan pa yin no/ /mchod pa thams cad kyi phyag rgya zhes pa'i don rnam par bshad pa'o/ /gzhan yang bco lnga pa mchod pa thams cad kyi gtor ma'i phyag zhes pa las/ thun mong du phyi'i 'byung ba las gyur

  837. 419a

    pa'i gtor ma ni/ sgeg ma dang ni na chung dang/ myos dang de bzhin bdud rtsi dang/ zhes pa la sogs pa ste/ sgeg mo dang ni 'bru'i chang ngo/ /na chung ni sbrang rtsi'i chang ngo/ /myos pa ni bu rnam gyi chang ngo/ /gcig pu ? ni rgyun chu dang sbrang rtsi gcig tu bsres pa'o/ /'dod chags ni tshwa'o/ /de nyid yun ring du lon pa ni 'dod chags sra ba'o/ /g.yon can kyur po'i khu ba'o/ /bran mo ni 'dod pa'i tshed ma'o/ /lan tshwa ni tshwa sna tshogs pa'o/ /la sogs kyis ni phru ma dang sha dang chang dang gzan dang ba'i btung sna tshogs pa'o/ /kha ra la sogs pa ni brda sbyor ba'i rim pa dag go /bdud rtsi dag ni rgyun chang la sogs pa btung ba'i yan lag brgyad do/ /bdag nyid kun gyi ro ni de dag kun gyi ro gcig tu 'dus pa'i mthus so/ /tshe'i dam pa ni dga' ba'i longs spyod skal pa bzang po'o/ /yang nang gi 'byung ba'i rdzas las gyur pa'i mchog gtor bstan pa'i phyir/ a mra smin dang rgun 'brum dang/ pa na se dang le ker zhes pa la sogs pa gsungs te/ 'bras bu chen po lnga po 'di dag kha na ma tho ba dang bral ba'i tshul gyi dngos grub kyi rdzas su blang bar bya'o/ /de dag dam tshig gi rdzas su ri lur gsum gyis byug cing gtor mar dbul ba dang/ lce zhabs su bcangs nas bzlas brjod ba'o/ /yang bcas pa'i gter ma ni sems can lnga'i gzugs brnyan byas te/ khar la sogs pas byug cing shing mar la sogs pa'i dri dang yung pa la sog pa'i kha dog gis bsgyur ba'i 'bras bu chen po lnga'i gzugs brnyan dag /shing shun nam gro ga la sogs pas legs par byas shing mchod pa'i gtor ma dbul ba'o/ /da ni khyad par gyi mchod gtor gyis rigs kyi dkyil 'khor rnams dang/ de'i 'khor na gnas pa dag ma nyes par bya ba'i phyir/ sangs rgyas rnams

  838. 419b

    la bshos dbul ba/ sha dang chang ni rnam par spangs/ /zhes pa la sogs pa ste/ rnam par snang mdzad la ni kha na ma tho ba dag spangs pa'i sha dang chang gi ston mo dang/ glu dang sil snyan la sogs pas mchod pa'o/ /he ru ka la ni skyes bu mtshan dang ldan pa'i sha khrag gi gzugs brnyan dag dbul lo/ /gzhan dag ni go sla'o/ /cho ga'i yan lag ni sbyin sreg dang dkyil 'khor gyi go cha la sogs pa'i gnas skabs kun tu sbyar bar bya'o/ /mchod pa dang gtor ma thams cad kyi phyag rgya zhes pa'i don rnam par bshad pa'o/ /da ni bcu drug pa phyag rgyas dbang bskur ba'o phyag rgya zhes pa las/ dang por rdo rje sems dpa' yi/ /mthe bong sems dpa' i skyil mo krung/ /mdzub mo gnyis kyi rtse mo dgug /ces pa la sogs pa ste/ dang por rin po che dang/ dbu rgyan gyis dbang bskur ba'i ste/ rdo rje thal mo sbyar ba las the bong g.yas pas g.yon pa mnan cing/ mchod rten gyi gdan khri ltar byas nas mdzub mo gnyis kyi rtse mo bkug ste/ gung mo la bcar bar khril phang gi tshul du byas la/ gung mo'i tshig don bar bcag ste bum pa'i tshul du bya zhing/ mthe'u chung dang srin lag bsnol ba rgyab yol 'od kyi dkyil 'khor ltar byas pa'o/ /'di nyid kyi sngag dang bcas par mgo bo'i gnas rnam pa lngar gcug cing dbang bskur te/ dar dpyangs kyi mdza' ma nas 'ching zhing dgrol bar bya'o/ /de dag gi sngags ni ratna sA le a b+hi Shiny+tsa traM phaT la a pa laM ? hUM zhes rjod cing dgyes pa'i thal mo lan gsum du brdab cing badzra tu Sh+ya ho zhes brjod par bya'o/ /de'i rjes la thod pa'i phyag rgya bcings te snga ma dang 'dra bar byas la hUM a b+hi Shiny+tsa maM zhes brjod par bya'o/ /dpal rdo rje he ru ka padmo nor bu rin po che zhes bya ba ni rdo rje sems dpa' i thor pa'i dbu rgyan dang/ he ru ka'i yang de nyid de rin po che'i rgyu las byung zhing/

  839. 420a

    padmo rnam par dag pa'i mtshan nyid can du gnas pa'o/ /yang rigs kyi dkyil 'khor gzhan gyi bstan pa'i phyir rdo rje thal mo mnyam sbyar te/ lag gnyis nor bu rin chen dang/ /zhes pa la sogs gsungs so/ /de yang rnam par snang mdzad kyi rin po che'i phyag rgya bcings nas khaM a b+hi Shiny+tsa maM zhes pas dbang bskur ba dang/ he ru ka'i mdzes pa'i phyag rgya bcings nas khro gnyer du bzhag ste/ hi a b+hi Shiny+tsa maM zhes pa dang/ pad+ma gar dbang gi pad+ma'i phyag rgya bcings te hUM(rgyud 'grel): a b+hi Shiny+tsa maM zhes pa dang/ rdo rje nyi ma'i rin po che'i phyag rgya bcings te traM a b+hi Shiny+tsa maM zhes pa dang/ rta mchog gi ni phrin las gang la babs bzhin du dbu rgyan gang yang rung ba bcings te haM e b+hi Shiny+tsa maM zhes brjod pa'i/ de dag gi phyag rgya bcings pa'i thabs dang phan yon dag ni go sla ba'i phyir ma bshad do/ /che ga'i yan lag ni lnga bsdom pa dang slob ma dbang bskur ba'i dus rnam pa gnyis su sbyar te/ dang po'i dbang du rdo rje sems dpa' rnam thar sgo bzhi'i snyoms 'jug la gnas pa la dbang bskur ba dang/ mngon byang lngas skur gyur pa dang/ de nyid kyi sku mdog mtshan ma'i bye brag dang/ gnas lnga byin gyis brlabs pas sku'i rdul phran grub pa dang/ gnas kun dag par bya ba dang/ de dag gi rjes la rigs kyi dkyil 'khor gang yang rung ba'i dbu rgyan gyis dbang bskur zhing dar dpyangs bcings pas 'bras bu rigs kyi sku grub pa'i/ gnyis ba slob ma dbang bskur ba'i phyir dkyil 'khor gyi gnas su 'jug pa dang/ gsol ba gdab pa dang/ stegs bu bca' ba dang/ slob ma stan la bzhag ste brgyan pa dang/ slob ma sbyang ba dang rigs kyi lhar bsgom zhing mchod pa dang/ chu yis dbang bskur ba'i rjes la dbu rgyan gyis dbang bskur ba'o/ /phyag rgyas dbang bskur ba'i phyag rgya

  840. 420b

    zhes pa'i don rnam par bshad pa'o/ /da ni bcu bdun pa rdo rje thams cad kyi phyag rgya zhes pa las dang por phyag rgya 'ching ba'i sku bstan pa'i phyir/ /sor mo phan tshun bsnol ba ni/ /rdo rje thal mo yin par bshad/ /sor mo thams cad bsdams pa ni/ /rdo rje rje bsdam pa yin par bshad/ /dang por rigs kyi rnal 'byor dang ldan pas lag pa g.yas pa'i ser mo lnga'i bye brag dang/ mthil du nyi ma'i dkyil 'khor la gsang ba'i rigs drug gi chos kyi snying po bsam par bya'o/ /lag pa g.yon pa'i zla ba'i dkyil 'khor la yum drug gi chos kyi snying po bsam par bya'o/ /de dag las 'od zer gyi 'phro 'dus so so'i phyag mtshan dang sku phra mo'i bar du bsgoms te/ rang rang gi phrin las la rnam par spros shing rigs kyi dkyil 'khor dag bsdus nas so so'i sku la thim par bsam mo/ /so so'i sku la thim pa las/ thugs chags pa'i rnam par gsol te yab yum gcig la gcig gzigs shing sbyor ba'i brdas bskul ba bar mdzad do/ /de'i rtags su rdo rje thal mo bsnol bar bya'o/ /yang phyag rgya rnam pa bzhi'i sbyor ba'i rol pa'i snyoms par 'jug pa la gnas pa'i rtags su ni rdo rje bsdams pa bcing ngo/ /yang de dag gi rang bzhin bstan pa'i phyir/ /rdo rje bsdams pa byas nas ni/ /mdzub mo mthe bong mngal dag tu/ /zhes pa la sogs pa'i tshigs su cad pa gnyis gsungs te/ dang pos ni dkyil 'khor rnams kyi sku'i gsang ba b+ha ga dang ling ga rnam pa gnyis la zhu ba de'i dga' ba chen po skye bar bstan pa'o/ /gnyis pas ni sems kyi bde ba chen po dbyings dang ye shes kyi don gnyis su med pa'i rang byung gi ye shes chen po las dngos grub rab 'byams kyi las sna tshogs 'grub cing/ zag pa med pa'i don bde ba chen po'i dngos grub 'grub par bstan pa'o/ /da ni bye brag tu phye ste/ rdo rje sems dpa' dngos grub kyi las

  841. 421a

    thams cad la sbyor ba'i phyir/ phyag rgya bcing ba'i thabs rnam pa gnyis phan yon dang bcas par bstan pa las/ thugs 'gyur ba med pa'i ye shes rnam pa lnga mtshon par byed pa'i rdo rje rtse lnga pa'i phyag rgya bcings te/ dkyil 'khor gyi lha rnams la/ bskul zhing rang nyid la gtugs pas/ dngos grub kyi tshogs dang las rab 'byams ma lus pa thams cad dbang du mdzad de/ phyag rgya de nyid kyis gzhan dag gi don du yang bsgyur bar bya'o/ /phyag rgya gnyis pa ni phyag rgya gong ma las gung mo lcags kyu'i tshul du byas te/ rang gi snying gar sbyar zhing 'od zer gyis 'dod pa'i las mdza' dag 'gugs par mdzad pa'o/ /sangs rgyas rnam par snang mdzad kyi ni rdo rje bsdams pa las/ rdo rje'i phyag rgya las 'khor lo bzhin du bskor ba las thams cad la sbyor ba dang/ rdo rje'i phyag rgya las thal mo khong stong du byas pas dngos grub de dag skad cig tsam gyis phyag gdab pa'o/ /he ru ka'i ni kho bo yi rdo rje kha gyes pa las gung mo lcags kyu bzhin du dbyings dang/ ye shes don gsal bar byed pa'o/ /pad+ma gar dbang gi ni pad+ma'i rdo rje bcings te/ mthe bong gnyis phan tshun bcar zhing/ mdzub mo gnyis rtse mo sprad de bkug nas pad+ma'i 'dab ma 'dra bar byas pa'o/ /rdo rje nyi ma yin rdo rje bcings pa las gung mo gnyis rin po che 'dra bar zur can du bkug ste/ mthe'u chung gnyis mda' bzhin byas pas khams gsum gyi rgyal srid thams cad dbang du byed pa'o/ /rta mchog ni rdo rje bcings pa las sna tshogs rdo rje 'dra bar rang gi phrin las la sbyor pa mdzad pa'o/ /de dag gi mtshan nyid dang/ so so'i dgos pa dang/ dngos grub kyi gnas gang du sbyor ba ni cho ga lnga pa dang/ tshogs kyi 'khor lo'i cho ga las bstan pas 'dir rgya cher ma spros so/ /cho ga'i yan lag ni phyag rgya 'ching

  842. 421b

    ba'i rgyu dang rang bzhin dag ni las dang dam tshig phyag rgya thams cad kyi thog mar sbyar zhing/ so so'i bye brag gi mtshan nyid ni bsnyen pa dang/ nye ba'i bsnyen pa dang sgrub pa'i rjes la/ sgrub pa'i rjes la sgrub pa chen po'i dngos grub blang ba'i dus dang/ phrin las phra mo dag gi las sgrub pa'i gnas skabs su sbyar bar bya'o/ /rdo rje'i phyag rgya thams cad ces pa'i don rnam par bshad pa'o/ /da ni bco brgyad pa bstod pa dang bcas pa'i ming gi phyag rgya zhes pa las/ dang por thun mong gi don spyi'i mtshan nyid bstan pa'i phyir/ A li kA li mnyam sbyar nas/ kha yi thad kar gdung par bya/ zhes pa la sogs pa'i tshigs su bcad pa gsum gsungs te/ dang por rnal 'byor pa yon tan phun sum tshogs pa dang ldan pas gnas dben zhing brgyan par gang zag blo'i bye brag rab 'bring rnam pa gsum gyi sgo nas bsam gtan la dmigs pas rang gi de kho na nyid bsgom pa dang/ rten sbyang ba las mtshan ma bsgrub pa dang/ ri mo bris pa'i sgo nas tshogs bsag cing bsrung bar bya ba'i phyir/ yi ge 'khor lo'i cho ga la 'jug par bya'o/ /de yang bri ba'i dbang du sa gzhi legs par byas la/ rdul tshon gyis bri ba dang ras dang shing shun la sogs pa la pir tshon gyis bris te zla ba'i dkyil 'khor la gnas pa'i 'khor lo'i phreng ba rim pa bdun dang ldan pa la dbus kyi lte bar rigs kyi dkyil 'khor gang yang rung ba'i rtsa ba'i snying po mgo nub tu bstan pa so so'i kha dog bzhin du gnas pa bri'o/ /de dag gi mu khyud rnams la ni rang rang gi mtshan ma'i phreng bas bskor ba'o/ / de'i mdza' mar rnal 'byor pa dang/ gang bsrung bar 'dod pa'i gsang ba'i ming dang bsrung sngags bri bar bya'o/ /nang gi 'khor lo rtse mo brgyad pa la ni shar nas brtsams te/ phyogs dang mtshams ma nor bar/ lha mo so so'i chos kyi snying po

  843. 422a

    yi ge brgyad dag dgod par bya'o/ /de'i phyi rim 'khor lo rtse mo bcu drug la/ yi ge brgya pa shar gyi dang po nas brtsams te/ de la thug gi bar du dgod par bya'o/ /de yang rtse mo dang po ni oM badzra satwa sa ma ya'o/ /gnyis par ni ma nu pA la ya'o/ /gsum par ni badzra satwa te no pa tiSh+Tha'o/ /bzhi par ni dri Dho me b+ha pa'o/ /lnga par ni su toSh+yo me b+ha ba'o/ /drug par ni a nu rak+to me b+ha ba'o/ /bdun par ni su po Sh+yo me b+ha ba'o/ /brgyad par ni sarba sid+d+hi mme'o/ /dgu par ni pra yats+tsha'o/ /bcu par ni sarba karma su tsa me'o/ /bcu gcig par ni tsit+taM sh+re ya(rgyud 'grel): ku ru'o/ /bcu gnyis par ni hUM dang ha bzhi dang ho'o/ /bcu gsum par ni b+ha ga ban no/ /bcu bzhi par ni sarba ta thA ga ta'o/ /bco lnga par ni badzra mA me muny+tsa'o/ bcu drug par ni badzrI b+ha ba ma hA sa ma ya satwa A(rgyud 'grel): zhes pa'o/ /'di ni rdo rje sems dpa' i dbang du bstan pa ste/ rigs gzhan dag gis ni rigs mtshan gyis bsgyur ba'i gsang sngags bzhin no/ /'khor lo'i rtsibs mtshan bcu drug pa la ni 'og nas 'byung ba'i rigs so so'i phrin las kyi gsang sngags mdza' rgyan dang bcas par bri'o/ /de'i phyi rol na sna tshogs rdo rje'i rtse mo bzhi'i rwa dbus ma la ni chos kyi snying po dkyil ma dang mthun par 'dri ba las/ rnam par snang mdzad kyi ni khyad par oM mo/ /sna tshogs rdo rje'i rtsibs mtshan bzhir ni khro bo gnod mdzes kyi snying po hUM bzhi dang sbyor ba dang bcas par bri ste/ shar lhor ni oM suM b+ha ni sum b+ha hUM zhes pa'o/ /lho nub tu grih+Na grih+Na hUM zhes pa'o// nub byang du grih+NA pa ya grih+NA pa ya hUM zhes pa'o/ /byang shar du ni A ho b+ha ga ban pi dya rA dzA ya hUM phaT zhes pa'o/ /de'i phyi rol mu khyud la phyogs mtshams rim pa bzhin du A li bcu drug las gnas re re ru gnyis gnyis

  844. 422b

    dgod pa'o/ /de'i phyi rol mu khyud la gsal byed kyi yi ge rnams phyogs dang/ mtshams sde ba re re dgod par bya'o/ /dbus kyi yi ges gtogs pa'i yi ge thams cad ni mgo bo shar nas bstan te bri bar bya'o/ /mdza' ma'i mu khyud la ni/ oM chos rnams thams cad rgyu las byung/ /de rgyu de bzhin gshegs pas gsungs/ /rgyu la 'gog pa gang yin pa/ /dge sbyong chen pos 'di skad gsungs/ /zhes pa'i rjes la swAhA zhes brgyan par bya'o/ /de'i phyir rtsa ba'i rgyud chen po las kyang 'di dag rgyas par bshad de/ gzhud mang po'i tshogs 'dzin pa dag la tshigs bcad kyi don bsdus te bstan pa'o/ /de lta bu'i 'khor lo dris nas mchod pa dang bsgoms pas ni 'og nas brjod pa'i yon tan dag 'grub par 'gyur ba'o/ /de yang tshon sna tshogs dang gur gum la sogs pa'i dri sna tshogs bzang pos brgyan cing/ mchod pa'i tshogs rgya chen po bshams nas/ rigs kyi dkyil 'khor dgug gzhug byas te rab tu gnas pa'i tshul gyis gnyis su med par bya'o/ /de la yi ge'i don ni gang zhig A li kA li ni thabs dang shes rab mtshon pa'i rtags su byung bas/ 'od kyi skud pa dang bcas par mnyam zhing mtshungs pa'i phreng ba gnyis su bya zhing/ shar phyogs kyi kha'i thad kar mgo mjug gi rtse mo mdud par bya'o/ /de dag bsgom pa'i dus su ni snying gar gnas pas yi ge'i sbyor mtshams khI thad kar mdud pa yin la/ rten la sgrub pa'i dus su yang rnal 'byor pa'i mdun drang por bstan pa'i phyir ro/ /de ltar yi ge sna tshogs bkod pa'i sgo nas yi ge thams cad dgong par bya'o/ /de dag ni thun mong gi cho gar bstan pa de/ gang zag rnam pa gsum gyi sgo nas rigs kyi dkyil 'khor spyi'i don du shes par bya'o/ /da ni khyad par gyi mtshan nyid las rigs drug gi dkyil 'khor rim pa bzhin du bstan pa'i phyir/ rdo rje sems dpa' dpal gyi lha'i/ bstod dag bcas pa'i

  845. 423a

    mtshan bris nas/ zhes pa la sogs pa ste/ rdo rje sems dpa' i sgo nas gzhan bsrung zhing sdig pa sbyang bar bya ba dang/ bdag nyid kyis grub la sbyor ba'i dus su 'khor lo'i bye brag gnyis bstan te/ 'khor lo'i rtsibs mtshan bcu drug la gnas pa'i sngags dang/ mdza' rgyan dag rgyud pa'i sgo nas so/ /de bzhin du sangs rgyas rnam par snang mdzad la sogs pa'i 'khor lo dag kyang shes par bya ste/ go bla ba'i phyir ma bshad do/ /gang dag zis shing brjod pa'i khyad par gyi phan yon ni/ bris na bsod nams che ba ltar/ /brjod pa dag kyang de bzhin te/ /las kyi dngos grub rab 'byams dag /ma lus par ni myur du 'grub/ /gong nas 'byung ba bzhin du sgom pa dang/ /sgrub pa ma lus pa dag gis ni sngags brjod pas kyang las thams cad la sbyor bar byed de/ /gang zhig gis yi dam gyi lha dang bla ma dag gi mtshan brjod pa'i tshul ni/ lhag pa'i lha'i gang gang gis slob dpon gang dang gang yin pa/ de dang de yi mtshan dag ni/ dpal gyi tshig dang ldan par brjod/ de dag la ma gus pa spang ba'i don du gnas dang yon tan gyi sgo nas dpal zhabs zhes pa'i sgra gzhug go /yang gzugs brnyan gyi dkyil 'khor dang/ tshogs kyi 'khor dang sbyor ba 'di dag tsam gyi sgo nas dbang bskur ba'i don du slob ma dkyil 'khor btsug nas kyang/ yon gyi mchog dag blangs nas ni/ /rdo rje ming gis dbang bskur bas/ /de bzhin gshegs par de lung bstan zhes so/ /gnyis par na yi dam lha'i sngags blang ba'i don du gnas dben par maN+Dal legs par byugs te/ rdo rgyus kyi phye mas e gru gsum dkar po la gnas pa'i pad+ma dmar po 'dab ma brgyad pa bri par bya'o/ /de la dbyangs dang gsal byed kyi yi ge dag dgod de/

  846. 423b

    dbus su ni k+Sha mgo nub du bstan pa'o/ /'dab ma brgyad la ni shar mtshan nas brtsams te/ ka'i sde mtshan dang tsa'i sde mtshan dang ta log gi sde mtshan dang/ ta drang gi sde mtshan dang po'i sde mtshan dang ya'i sde mtshan dang sha'i sde mtshan dang/ A la'i sde mtshan dag bri bar bya'o/ /de'i mdza' mar mchod pa'i tshogs dang gtor ma'i tshogs dang/ rgyun thams cad bkram zhing/ de dag sbyangs nas slar byin gyis brlab par bya'o/ /de nas rdo rje slob dpon gyis sngon du 'gro ba'i las dag dang/ bsod nams kyi tshogs bsag pa dang/ bsrung ba'i 'khor lo bsgom pa dang/ gzhi rten sbyor ba'i ting nge 'dzin dang/ dmigs pa gsum gyi las kyis ye shes kyi dkyil 'khor rnams dgug gzhug bya ste/ sngags kyi bstim nas mnyes par gyur pa dang/ yi dam gyi lha'i snying po btu par bya ste/ maN+Dal gyi mdza' mar rdo rgyus kyi bris nas slob ma klog tu gzhug go /de nas bde bar gshegs pa'i byin rlabs dang/ sngags kyi rnam pa de nyid kyi rgyud la dbab pa byas nas/ yi ge brgya pas brtan par bya zhing las mthar phyin par bya'o/ /de dag gi rjes la gtor ma'i cho gas mgron rnams mnyes par byas nas bkra shis kyi cho ga brjod par bya'o/ /de'i phan yon ni/ phyag rgya'i sbyor pa 'di dag gis/ byang chub snying po'i bar du ni/ /rdo rje ming du rab tu gnas/ / de nas sangs rgyas su yang 'gyur zhes pa ste go sla'o/ /cho ga'i yan lag ni tshogs bsags pa dang/ bsrung zhing bsgrub pa dang/ dngos grub kyi las kyi las thams cad la sbyor ba dang/ dbang bskur ba dang/ gsang sngags blang pa dag gi dus su cho ga'i yan lag sngon du 'gro ba dag dang ldan pas/ 'di nyid brtsam par bya'o zhes pa'o/ /bstod pa dang bcas pa'i ming gi phyag rgya zhes pa'i don rnam par bshad pa'o/ /da ni bcu drug pa brda'i phyag rgya zhes pa las/ dang por lus kyi brda

  847. 424a

    dam tshig gi phyag rgya'i sgo nas phyag btsal ba'i phyir/ spyi bor nyug pa gang yin pa/ /phyag 'tshal par ni bstan pa ni/ /'phral bar reg par byed pa ni/ /phyag lan yin par shes par bya/ /dur khrod la sogs pa'i gnas su rnal 'byor pa nang tshogs pa'i tshe/ sgo gang nas 'jug pa la sogs pa'i tshul dang/ phyi nang gi mtshan ma ngo shes par bya ba dang/ tshogs kyi 'khor lo'i gnas su rnal 'byor pa gcig la gcig gis dam tshig brtag pa dang/ sgrub pa phrin las kyi dus su gsang ba'i brda' la gnas shing/ tha mal pa'i lus kyi spyod pas bar chad du mi 'gyur ba'i phyir/ rdo rje slob dpon dang slob mar bcas pa thams cad kyi tshul 'di nyid kyis 'jug par bya ste/ phyag 'tshal ba'i dus su spyi gtsug sa la gtugs pa ste/ der nyug pa'o/ /phyag lan gyi dus su dga' ba'i mdangs kyis dpral pa gyen du 'degs pa'o/ /yang smin ma la sogs pa'i lus kyi yan lag dang/ nying lag la sogs pa'i kun gyi sgo nas bstan pa'i phyir/ smin ma bsgul ba gang yin pa/ sangs rgyas thams cad gnas pa'i brda zhes pa la sogs pa gsungs te/ smin ma g.yas pa dang g.yon pa dag gi bye brag gi lha yab yum gyi ngo bor gnas pa yin zhes pas/ g.yas pa gyen du bteg pa ni nam mkha' la blta ba ste/ de dang tshul mthun pa'i mkha' 'gro ma'i dngos grub thob pa ces pa'o/ /g.yon pa bteg pa ni 'jig rten gsum gyi dngos grub mdza' dag la sbyor zhing de dag zil gyis mnan pa'o/ /mgo g.yon pa bsgyur bas shes rab kyi brda' ste bud med mtshon pa'o/ /g.yas pa thabs kyi brda' ste skyes pa mtshon pa'o/ /rna ba g.yon pa'i sgo nas shes rab kyi glu snyan pa'i dbyangs nyan pa dang/ g.yas pa thabs kyi tshig legs par

  848. 424b

    brjod pa'o/ /sna bug g.yas pa thabs kyi sgo nas 'dug bslong ba dang/ g.yon pa'i sgo nas shes rab kyi dri de las gzhan dag slong ba'o/ /lce g.yas dang g.yon par nyug pa ni gtum pa'i sha dang/ sgog pa'i chad do/ /mche ba g.yas pas ma mchu mnan pa ni thabs kyi mtshan mas skye par 'gyur la/ g.yon pa shes rab kyi brdas ni bud med do/ /lkog ma ni dam pa'i chos thams cad brjod pa'i sgra'i gnas te rtog pa thams cad kyi don mtshon par byed pa'o/ /snying ga ni gsang ba'i mdzod rang byung gi ye shes kyi gnas yin pas/ de nyid nas mdzub mos 'dren pa ltar byed pa ni rdo rje theg pa'i don ston cing/ 'khor ba'i chos thams cad byang chub chen po'i lam du sbyor bar byed pa'o/ /lte ba ni lus kyi dkyil du gyur pas mdza' thams cad dang bral ba'i dbu ma'i don sgrub cing ye shes kyi 'khor lo las chos sna tshogs kyi don sten cing bskor bar mdzad pa'o/ /dbang po 'greng ba ni rang byung gi ye shes chen pos bde ba las byung ba'i bde ba chen po'i sku mtshon par byed pa'o/ / phrag pa g.yas pas ni 'gugs pa'i don du bskul zhing/ g.yon pas ni slar gtong bar byed pa'o/ /dpung pa g.yas g.yon dag gis bdag la 'khyud pa las thams cad pa dang/ de las khyad par du gyur pa'i che ba'i yon tan gyi dbang phyug thams cad 'grub pa'o/ /khu tshur g.yas pa bcings pas ni gang yang rung ba dag bcings shing/ g.yon pa bkrol bas ni de dag slar thong zhig pa'o/ /brla g.yas pas ni 'dod pa'i bya ba la sbyor zhing/ g.yon pa chos sna tshogs la sbyor ba'o/ /pus mo g.yon pas ni 'dud pa tsam yin la/ g.yas pas ni dga' zhing dad ba'i sgo nas phyag 'tshal ba dang/ yang g.yas pa dang g.yon pas bya ba'i las thams cad 'chid ba dang grol bar gyis shig pa'o/ /rkang

  849. 425a

    pa g.yon pa shes rab kyi tshul gyis gnon cing/ g.yas pa thabs kyis ni de dag 'joms par mdzad pa'o/ /de dag gi phan yon ni go sla'o/ /des ni lus kyi yan lag dang nying lag gi sgo nas brda'i dam tshig gi phyag rgya bstan pa'o/ /nga ni dag gi brda las phyag 'tshal ba dang/ de'i lan bstan pa'i phyir/ oM a ti b+hu zhes pa'i brda 'di ni phyag 'tshal zhes bstan pa'o/ /pra ti b+hu zhes pa ni phyag lan yin par shes par bya'o/ /rigs so so'i dkyil 'khor du rang rang gi sngags kyis mtshon zhing gus pa'i sgo nas tshig brjod pa dang/ dgyes pa'i sgo nas lan brjod par bya'o/ /de dag ni spyir bstan pa'o/ /khyad par gyi don rgyas par bshad pa ni rtsa ba'i rgyud las 'byung bdag ste / tshogs kyi 'khor lo'i cho gar bsdus shing gsal bar byas pa yin no/ /da ni dkyil 'khor gyi mtshan gyi brda las/ dang por rdo rje sems dpa' ni/ /sems dpa' sngon dang mdza' med pa/ /rdo rje sems dpa' bde ba'i mchog /ces pa la sogs pa ste/ dpal rdo rje sems dpa' ni 'khor ba'i thog ma dang tha ma med pa'i dus su byung zhing/ chos thams cad kyi rang bzhin dang 'byung gnas bde ba chen po'i skur gnas pa'o/ /des na thog mdza' med pa'i sems dpa' ni/ rdo rje sems dpa' bde ba'i mchog /byang chub sems mchog gtso bo'i gtso /kun tu bzang po'i kun bdag nyid/ /ces dpal mchog dang po'i rgyud las kyang gsungs so/ /de nyid ngo mtshar rmad du byung ba'i chos dang ldan pas e ma bde zhes bya ste/ de nyid dpal dang ldan pa'i sgras brjod na sdig pa thams cad las thar cing bde ba thams cad 'grub par 'gyur ba'o/ /nga ni dkyil 'khor gyi lha mo rnams kyi rim pa bzhin du bstan pa'i phyir/ bde mchog e

  850. 425b

    ma'o bde ba dang/ sgron ma de bzhin shi shi dag /ces pa la sogs pa ste/ rang nyid kyi che ba'i yon tan ye shes bzhi'i snang ba rigs rnam pa bzhi'i bde bar gshegs pa dag ni lha mo bzhi'i mtshan mar gnas te/ de dag dang mi 'bral zhing rtag tu gnas pa'i sgo nas gsang ba'i lha mo bzhi zhes te/ phung po rnam pa lnga dang/ nyon mongs pa lnga po rnam par dag par mdzad pa'i phyir/ rgyas 'debs ma dang rmongs byed ma dang/ zab mo dang tshe 'phel mo zhes brdar bstan pa'o/ /byang chub kyi sems rnam pa bzhi rnam par dag pa'i mtshan nyid ye shes kyi dmigs pa'i yul du snang ba rigs kyi yum bzhi dag ni sangs rgyas byang chub ma la sogs pa'i brdas bstan pa'o/ /thabs mkhas pa'i tshad med pa bzhi'i mdzad spyod kyi snang ba dag la rta gong ma la sogs pa'i brdas bstan pa'o/ /dga' ba las byung ba'i phyag rgya chen po'i byang chub kyi sems rnam pa bzhi dang/ zag pa med pa'i phung po lnga mtshon pa'i brdar ni nang gi mchod pa'i lha mo bzhi dang phyi'i lha mo bzhi dag bstan pa'o/ /dkyil 'khor gyi mtshan rgya chen po'i brdas ni sna tshogs pa'i don mtshon par byed pa ste/ nyid kyi snang ba'i yon tan rang las byung ba tshogs ma lus pa rnams so/ /yang gsang ba'i lha mo bzhi'i phyag mtshan gyi brda ni/ smin ma bskyod pa mdang bzhi yin/ b+ha ga ling ga e ma'o bde/ zhes pa la sogs pa ste/ chags pa'i sgo nas me tog gi mnga' 'phen pa dang/ smin ma bskyod pa'i lta ba dag chos mthun te/ bde ba byang chub kyi sems kyi ngo bo la dga' ba rnam pa bzhis gnas pa'i pa'i brdar 'gyur pa'o/ /b+ha ga dang ling gas ni lus dang sems kyi bde ba dag skyes pa'i brdar gyur pa'o/ /thod pa ni padmo dang chos mthun zhing rnam par dag pa'i don ston par byed la/ des ni 'khor ba'i snod bcud thams cad la spyod kyang de

  851. 426a

    nyid dang tshul mthun par gnas shing/ khams gsum las rgyal nas bsnyems pa mi mnga' ba'i rtags su thod pa bdud rtsis bkang ba dang/ kha TwAM ga byung ba yin no/ /bde ba byang chub kyi sems kyi bdud rtsis skye bo mdza' dag 'dzin cing 'chi ba med pa'i skur bsgrub pa'i phyir thod pa sangs rgyas kyi sku dang bcas par brten pa yin no/ /da ni dkyil 'khor gyi nges tshig bstan pa'i phyir/ dkyil 'khor la ni 'khor lor bshad/ de nyid dam tshig yin par bshad/ dkyil 'khor gyi 'khor lo dang/ mtshon cha'i 'khor lo dag ni chos dang las mthun te/ tshogs pa dang gcod pa dang bsrung ba dang myur ba dang gzhan dag 'jigs par mdzad pa'o/ /de nyid ni mi 'dra ba'i sgo nas rang bzhin gyi chos su gnas pa'o/ /yang tshogs kyi 'khor lo'i nges tshig ni/ lha rnams thams cad tshogs pas na/ skye bo dam pa kun tshogs pa/ /zhes pa la sogs pa ste/ phun sum sogs pa bzhi dang bkod pa bdun dang/ mdza' ba mdza' dag 'dus pa'i sgo nas bstan pa'o/ da ni rten gyi mtshan nyid las rdo rje rgyal po dang rgyal 'thab dang las mkhan la sogs pa dag gi mtshan nyid rim pa bzhin du bstan pa'i phyir/ lha mo thams cad kun 'dus pas/ /thams cad sna tshogs skal pa bzang/ /zhes pa la sogs pa gsungs te/ rdo rje rgyal po ni dpal rdo rje sems dpa' dang gnyis su med par bzhugs pa'i rnam pa can te/ lha mo thams cad kyi longs spyod thams cad dang/ 'dod pa'i gnas thams cad 'byung ba'i gnas su gyur pa shes bya thams cad la ma rmongs pa'i thams cad mkhyen pa'i ye shes can rtag tu 'gro ba'i don rnam par spyod pa la brtson pa'o/ /rgyal mtheb ni de nyid rjes su slob cing las dang bya ba thams cad gsal bar shes shing sgrub pa dang/ cho ga'i

  852. 426b

    yan lag kun dang ldan pa'o/ /las kyi rdo rje ni phrin las phyogs gcig nyams su lon pa dang/ brtson 'grus shes rab kyi grogs dang ldan zhing rab 'bring tha ma gsum gyi skal ba can no/ /de dag gis ni rten gyi gang zag gi mtshan nyid bstan pa yin no/ /da ni dbang bskur ba'i brda bstan pa'i phyir/ sangs rgyas thams cad rin chen mchog/ dbu rgyan mi 'gyur dam pa ni/ /zhes pa la sogs pa ste/ rigs kyi dkyil 'khor rnam pa lnga yon tan gyi rgyal srid dang bcas par mtshon pa'i brdar ni rin po che lnga las grub pa'i dbu rgyan rtse mo lnga pa dang/ ye shes drug dang pha rol tu phyin pa drug gis mtshon pa'i brdar ni thod pa'i phreng ba dang/ drug pa rdo rje 'chang chen po dang ldan pa'i brdar ni sangs rgyas gtsug gi nor bus mtshan pa'o/ yang rnam par snang mdzad la sogs pa'i rigs kyi dkyil 'khor gzhan dag gi rang bzhin nyid kyi rigs dang/ ye shes dang yon tan dang mdzad pa'i tshogs dag mtshon pa'i rtags su sangs rgyas rang bzhin grub pa gcig dang/ de bzhin padmo'i rang bzhin gcig /thams cad dbang bskur dbang bskur che/ /yin par don kun grub par gsungs/ /rigs so so'i dbu rgyan gong nas gsungs pa lta bur bstan pas de kho na nyid kyi brda grol bar mdzad pa'o/ /gzhan yang yon gyi rim pa ni/ yon gyi dam pa grub pa ni/ /nor gyi dbyig tu bshad pa ste/ /snying yang nor gyi mchog yin pas/ /sangs rgyas brda'i phyag rgyas bshad/ /yon rab 'bring rnams gsum las mchog tu gyur pa ni dad pa dang ldan zhing sems gdud pas bka' bzhin sgrub pa'o/ /yang tshogs kyi dkyil 'khor du sgrub pa'i rdzas ni/ ga bur tsanda dmar po dang/ sbyar ba khrag chen yin par bshad/ /ces pa la sogs pa la/ tshogs kyi dkyil 'khor dbus su bdud rtsi rnam pa lnga dang/ chags

  853. 427a

    pa chen po'i mtshan ma dang mchod pa'i rdzas rigs rnam pa drug gi longs spyod kyi rkyen du gyur pa kun bsdus shing dbul bar bya'o/ /des ni mchod pa'i dus su phyi nang gsang ba'i tshul gyi de kho na nyid kyi don ston cing/ rang rang gi mtshan nyid mtshon pa dang/ dkyil 'khor gyi mtshan nyid mnyes par mdzad pa'o/ /da ni dam tshig gi brda' bstan pa'i phyir/ de nas grub pa'i mna' bsngag pa/ /dam tshig ces par bshad pa'o/ /zhes pa la sogs pa ste/ dkyil 'khor du zhugs shing dbang thob nas sdom pa'i rim pa dang/ ji ltar mna' dang dam tshig tu khas blangs ba bzhin du gnas shing/ de las mi 'da' ba dang/ lha mo bzhi'i don gyi sgo nas sgrub pa'i de bzhin nyid dag shes pa'i sgo nas nyams su blang ba'o/ /yang phyag rgya'i brda ni/ de bzhin gshegs pa kun gyis kyang/ /'da' bar bya ba ma yin pas zhes pa la sogs pa ste/ sku gsung thugs kyi dam tshig gi phyag rgya dag ni rnal 'byor pas dus thams cad du bsgom zhing bsgrub pa dang/ bde bar gshegs pas kyang de nyid la rgyas 'debs pa'i phyir/ sku gsung thugs kyi phyag rgya la sbyor bar gyur pa ni dam tshig gi mchog ste/ de nas sbyor ba dang phyag rgya dang dam tshig dag gi tshul gcig pa'i las can de/ sna tshogs gcig gi ngo bo sbyor bar byed pa'i phyir ro/ /yang mchod pa'i sgo nas brda bstan pa'i phyir/ de yi nye ba'i longs spyod ni/ khams gsum thams cad ma lus pa'o/ /zhes pa la sogs pa gsungs te/ rigs kyi dkyil 'khor du gsal ba'i sbyor bas phyi nang snod bcud kyi snang srid mdza' dag lha dang lha mo'i dkyil 'khor du bsgom zhing de las byung ba'i snang ba mdza' dag ni mchod pa'i tshogs su sprul cing bkod par bya'o/ /de yang ji lta bu'i rnam pa can zhe na/ 'dod pa'i

  854. 427b

    yon tan rnam pa drug ste/ rang gi longs spyod kyis rang nyid mchod pa'i brdar gyur pa yin no/ /de yang kha dog dang dbyibs kyis rnam pa dag ni gzugs kyi lha mo'o/ /sgra'i bye brag sna tshogs par grag pa dag ni glu'i lha mo'o/ /dri zhim par byed pa'i tshul gyis dri'i lha mo'o/ /ro thams cad ra sa ya na'i rnam par 'gyur bas de nyid 'dzin pa'i sgo nas/ ro'i lha mo'o/ /dga' ba dang bde ba gnyis kyis don nyams su myong bas reg gi lha mo'o/ /zag ba med pa'i ye shes rnam par grol ba'i lam la sbyor bas chos kyi lha mo ste/ 'di dag ni phyi rol gyi 'byung ba kun la yang snang la /rang nyid kyi bdag nyid las 'byung ba yin pa'i phyir/ rnal 'byor pa'i longs spyod kyis ji ltar bde ba bzhin du bsten par bya'o/ /zhes pa'o/ /da ni sbyor bzhi'i rim pa'i brda las dang por mtshan nyid bstan pa'i phyir/ /bdag gi lhag pa'i lhar sbyor ba/ /rang gi mchod pa'i dam tshig yin/ /rjes su sbyor bas mchod na ni/ /sbyor ba kun gyi bde ba'i mchog /sangs rgyas brda yi phyag rgya yis/ /bde ba chen po yin par bshad/ /dang por mtshan nyid mdor bstan pa yin te/ /sbyor bas rang nyid rgyu'i rdo rje sems dpa' sgrub pa ni lhag pa'i sbyor ba ste/ rang nyid mnyes pa'i yan lag go /rjes su sbyor bas yum bskyed cing byang chub kyi sems kyi 'od zer gyis phrin las dag mthar phyin pa ni mnyes pa'i yan lag gnyis pa'o/ /shin tu sbyor ba'i dkyil 'khor bskyed cing de dag gi spyi dang khyad par gyi phrin las rgya cher mdzad pa ni mnyes pa'i yan lag gsum pa'o/ /de la skye mched drug byin gyis brlab cing/ sku gsung thugs rdo rje bsgom pa la sogs pas bde ba mchog tu gyur pa ste/ thams cad mkhyen pa'i ye shes dang/ tshe 'di nyid kyi mngon par shes pa dag 'grub cing bde ba chen po'i sku la sbyor ba'o/ /des na sbyor ba chen po ni 'bras bu'i ngo bor gnas so zhes kyang bshad do/

  855. 428a

    yang de nyid kyi nges tshig bstan pa'i phyir/ ye shes tsam la snyoms 'jug pa/ rnal 'byor zhes ni bshad pa yin/ zhes pa la sogs pa'i tshigs su bcad pa gnyis gsungs te/ dang por mngon par byang chub pa rnam pa lnga ye shes lnga'i tshul gyis sbyor zhing/ byang chub kyi sems rnam pa lnga gsal bar byed pa'i tshul gyis/ thabs kyi sku gcig bu la dmigs pas tsam zhes pa'i sgra smras pa yin no/ /gzhan dag ni go sla ste de nyid kyi don gsal ba ni rtog pa bdun pa las gsal bar bshad pa sbyor ba bzhi yi rim pa las/ /dkyil 'khor rdzogs par byas nas ni/ /rjes su 'gro ba'i las dag gis/ /dkyil 'khor bsgrub par bya ba yin/ /zhes pa dang/ yang rtsa ba'i rgyud las kyang/ sbyor ba'i bye brag rim pa bzhin// dkyil 'khor gsal bar bsgom byas nas/ rgyu mthun lam gyi tshogs las ni/ /rnam grol 'bras bu skye bar 'gyur/ /sbyor ba bsgom pa'i mthu dag gis/ /rjes sbyor la sogs gsal bar 'gyur/ /mi rtog rnam grol blo 'bras bu// yon tan sna tshogs 'byung gnas 'grub ces so/ /nga ni bsnyen sgrub kyi brda' las dang por mtshan nyid ni dga' spyod grub par bshad/ rjes su sbyor ba rjes su bsgrub/ /ces pa la sogs pa'i tshigs su bcad pa gnyis gsungs te/ bsnyen sgrub kyi rim pa dag mtshon pa'i mtshan mar khyad par so so'i ming gis ston par byed de/ dang por ting nge 'dzin gyi dgos pa nas bzung ste/ sbyor ba'i bar du gsal bar bsgom pa ni sgrub pa'o/ /de bzhin du rjes su sbyor ba dang shin tu sbyor ba dang sbyor ba chen po'i bar du gsal bar bsgom pa dag ni rjes su sgrub pa dang/ sgrub pa chen po dang/ shin tu sgrub pa zhes pa'o/ /'di ni bsnyen sgrub kyi yan lag kun gyi yang gnas su yang 'jug cing/ khyad par du yang gang zag blo dman pa dang bsdus

  856. 428b

    pa la dga' ba'i don du bstan pa yin no/ /de nyid rtsa ba'i rgyud las kyang rgyas par bshad cing/ de dang rjes su mthun par dpal zla gsang thig le las kyang/ sgrub ba lha yi sbyor ba ste/ /rjes su sgrub pa lha mo'i don/ /sgrub pa chen po gnyi ga'i rgya/ /mnyam bar sbyor bar rdo rje'i mchog/ nye bar sbyor ba gnyi ga'i gnas/ /shin tu sbyor ba bde dam pa zhes so/ /de dag 'bru'i don go sla'o/ /yang 'brel tshul ni/ thams cad ldan pa kun 'gro ba/ /dngos grub dam pa rab tu bshad/ /ces pa la sogs pa tshigs su bcad pa gnyis gsungs te/ bsnyen sgrub yan lag bzhi'i tshul gyis thun mong dang mchog gi dngos grub rnam pa gnyis la sbyor zhing rigs dang ye shes kyi snang ba gnas skabs so so'i tshul gyis dmigs pas las dag tshul rnam pa bzhi'i sgo nas 'grub par byed de/ rang nyid la gnas pa'i yon tan gyi 'bras bu thams cad rgyu tshogs pa las rkyen tshogs pas gsal bar byed pa'o/ /de dag gi phan yon go sla ba'i phyir ma bshad do/ /da ni brda sna tshogs bstan pa las dang por mchod pa lnga ni/ khrag ni me tog yin par bshad/ /mdangs ni bdug pa yin par bshad/ /sha chen dag ni mar me ste/ /thal ba dag ni spos su bshad/ /gang zhig chags pa'i mtshan mar gyur cing gsal bar byed par ni me tog lta bu ste/ yid tshim pa'i sgo nas bdug pa lta bu dang/ skye bo bdun pa'i shas mar mer 'gyur ba dang/ byug pa'i spos bzhin lus dag pa'i phyir ro/ /yang bza' btung gi brda ni/ chang ni sgeg mo yin par bshad/ rab tu myos pa sbrang rtsi'o/ /zhes pa la sogs pa la bdud rtsi'i lam gyi yan lag brgyad ni/ bdud rtsi lnga dang zhag dang/ khrag dang thal bas brgyan pa'o/ /de dag gi lus kyi bcud du gyur pas bdud rtsi lta bu dang/ gzhan dag ni gong du bshad zin te go sla'o/ /yang 'bras bu lnga'i brda bstan pa'i phyir/ a mra rgun 'brum pa na se/

  857. 429a

    na li ki ri a ru ka zhes pa la sogs pa ste/ de dag rang bzhin gyi mthu dang ldan pa dang/ de dag sgrub pa las byung ba'i khyad par mchog tu gyur pa'i 'bras bu chen po lnga'i brda bstan pa yin no/ /da ni lha rnams mnyes par byed pa'i brda las/ rdo rje sems dpa' rnam par snang mdzad dang nyi ma dang/ he ru ka dang/ gar gyi dbang phyug dang/ rta mchog rnams kyi rim pa bzhin du bshad pa'i phyir/ rdo rje sems dpa' dpal sbyor ba'i/ /glu dang sil snyan gar byed pa/ zhes pa la sogs pa ste/ dpal sbyor ba'i glu dang sil snyan dang/ rab tu zhi ba'i glu dang/ sil snyan dang mi yi dbang po'i glu dang/ sil snyan dang/ dur khrod kyi glu dang/ sil snyan dang/ chags pa'i glu dang/ sil snyan dang/ rab tu dpa' ba' i glu dang sil snyan rnams kyis mchod pa mdzad pa'i brda 'gyur pa'o/ /yang mkha' 'gro ma'i nges tshig dang/ sgyu ma'i nges tshig gi sgo nas rang rang gi don ston par mtshon pa'i tshul gyis dpal rdo rje sems dpa' la sogs pa dkyil 'khor gyi brdar btags pa yin no/ /da ni mtshan sna tshogs kyi sgo nas brda'i don bstan pa las/ dang por rdo rje sems dpa' i dkyil 'khor lha mo dang/ bcas pa ni/ sangs rgyas thams cad mnyam sbyor zhing/ sgyu ma kun gyi gar byed pa/ zhes pa la sogs pas gtso bo dang 'khor dag gi mtshan gyi rnam grangs dang/ so so'i las kyi sngags rnams bstan pa yin no/ /de'i zhar la ni rigs bzhi'i sangs rgyas kun gyi mtshan nyid bshad do/ /shin tu brtan pa'i sangs rgyas rnam par snang mdzad dang/ rab tu brtan pa'i rdo rje 'dzin pa dang/ kun tu brtan pa'i 'jig rten dbang phyug dang/ rgya cher brtan pa'i nam mkha' i snying po dag ni shes par 'gyur ba dang/ dag par 'gyur ba dang/ grub par 'gyur ba dang/

  858. 429b

    zhugs shing dbang du mdzad pa'i tshul gyis brda'i mtshan mar gyur pa yin no/ /sangs rgyas rnam par snang mdzad kyi mtshan gyi bye brag ni/ ang ang A A kun bshad pa/ sangs rgyas brda yi phyag rgya yin/ zhes pas/ gtso bo'i sku gsung thugs kyi phyag rgya dang 'khor gyi lha mo rnams kyi yon tan dang/ phrin las kyi mtshan gyi bye brag bstan pa yin no/ /yang he ru ka'i mtshan gyi bye brag ni kro d+ha kro d+ha zhes pa la sogs pa'i sgras dbang po lnga dang yul lnga'i sgra'i dbyings du ma dang ldan pa'i brda ston par byed do/ /de yang snod sbyin mgrin bcu la sogs pa dag gis kla klo'i skad du ming bcu dang/ pha rol tu phyin pa bcu dang sa bcu dang/ mchod pa bcu dang bstod pa bcu'i sgo nas rjod par byed pa'o/ /de yang ming bcu'i kro d+ha k+Sha zhes pa'i sgras rim pa bzhin du/ khyod ni pha ltar slob pa ste/ /khyod ni ma ltar byams pa yin/ /khyod ni seng ge'i 'gying bag can/ /khyod ni glang po'i lta stangs can/ /khyod ni ma ltar 'bar ba ste/ /khyod ni chu ltar sdud pa yin/ /khyod ni yon tan phreng bas mdzes/ /khyod ni phrin las kun gyi bdag /yon tan rin chen 'byung gnas khyod/ /khyod ni bden pa'i sprin chen yin/ /zhes ye shes gsang ba'i rgyud las gsungs pa/ phyag na rdo rje dbang bskur ba'i rgyud dang/ rdo rje bkod pa'i rgyud las kyang rgya cher bshad pas 'dir ma spros pa'o/ /de dag gi phan yon ni go sla'o/ /mtshan dang lha mo rnams kyi brda ni gong du bshad zin to/ /yang phrin las kyi sgo nas lha mo dag las la zhugs pa'i phyir/ srungs shig myur du rnam rgyal dpal/ /thal ba bzhin du rab tu lhogs/ /zhes pa ni rigs kyi lha mo bzhi'i khyad par gyi phrin las so/ /hang hang h+ra hUM zhes pa ni lha mo bzhi phrin las la zhugs pa'i sngags so/ /rol cig dgongs shig de bzhin du/ rol du chug pa'i gsod du

  859. 430a

    chug /ces pa'i ni phyi'i lha mo bzhi'i khyad par gyi phrin las so/ /ma ta ra Ta phaT phaT zhes pa ni las la gzhug pa'o/ /des ni dpal he ru ka'i brda'i mtshan ma bstan to/ /yang pad+ma gar gyi dbang phyug gi mtshan nyid dag brda'i sgo nas bshad pa ni/ rgyal po spyan ras gzigs dbang phyug /'jig rten dbang po zhes bya ste/ /zhes pa la sogs pa ni/ gtso bo'i de kho na nyid ston pa'i brda dang/ 'khor gyi lha mo rnams kyi rang bzhin dang/ mtshan dang phrin las dag gi don rnams brdas bshad pa'o/ /shud+d+ha zhes pa la sogs pa lha mo brgyad kyi snying po'i sgo nas las la gzhug pa'i brda'o/ /gzhan yang rdo rje nyi ma'i brda'i don bstan pa'i phyir/ nam mkha' i snying po thams cad phyogs/ /re ba thams cad rdzogs mdzad pa/ /zhes pa la sogs pas gtso bo'i mtshan nyid dang phrin las dang/ lha mo rnams kyi las la gzhug pa'i sngags dang/ mtshan gyi brda' dag bstan pa yin no/ /yang rta mchog rol pa'i don mtshon par byed pa'i brda ni/ sna tshogs padmo thams cad spyan/ /de bzhin 'jig rten thams cad pa/ /zhes pas rigs rnam pa bzhi phrin las kyi sgo nas/ 'jig rten dang 'jig rten las 'das pa'i las thams cad bsgrub pa'i bdag nyid tshul rnam pa bzhi dang ldan pa'i ngo bo dang yon tan dang bcas par bstan pa'o/ /cho ga'i yan lag ni sgrub pa la sogs byed pa'i dus su brda dang/ mtshan ma'i sgo nas 'dod par bya ba'i don mdza' dag shes par bya ba'i phyir bstan pa yin no/ /brda'i phyag rgya zhes pa'i don rnam par bshad pa'o/ da ni nyi shu ba? ye shes kyi phyag rgya'i bye brag shes pa'i sgo nas 'jig rten 'di'i mngon par shes pa dang/ phyi ma'i bla na med pa'i byang chub dag bsgrub par bya ba'i phyir gsungs te/ rjes su chags par bya'o/ /zhes/ cha lugs shes pa bzhin byed cing/

  860. 430b

    zhes pa la sogs pa la/ dpal rdo rje sems dpa' i sgo nas thams cad la stong pa chen po'i ye shes kyi rjes su chags shing/ bdag dang gzhan gyi don du mtshan ma dang bcas pa'i dngos grub lha'i sku phyag rgya'i mtshan nyid ji lta ba'i sgo nas sgrub cing gnas pas/ de dang mthun pa'i 'bras bu phrin las dang bcas pas las thams cad la sbyor ba'i phan yon dang bcas pa'o/ /rnam par snang mdzad dkyil 'khor gyi sgo nas 'khor ba dang mya ngan las 'das pa'i chos mdza' dag chos kyi dbyings kyi ye shes kyi ngo bor rjes su chung bar byas nas/ de las kun rdzob tu rang gi dkyil 'khor gsal bar bsgoms shing/ bsgrubs pa'i mthus sku gsung thugs kyi rdo rje'i sgo nas de nyid dang tshul mthun pa'i phrin las kyi las la sbyor ba'o/ /dpal he ru ka'i go nas me long lta bu'i ye shes kyis chos thams cad rjes su sbyor bar byas shing/ kun rdzob tu de nyid sku gsung thugs kyi phyag rgya'i sgo nas dngos grub thams cad la sbyor ba'o/ /pad+ma gar gyi dbang phyug gi sgo nas/ mnyam pa nyid kyi ye shes kyi chos thams cad la rjes su sbyor zhing/ /kun rdzob tu lha'i sku phyag rgya'i cha lugs kyis sgrib pa'i tshogs thams cad sbyang zhing dngos grub thams cad sgrub pa'o/ /rdo rje nyi ma'i sgo nas so sor kun tu rtog pa'i ye shes kyi chos can gyi dngos po sna tshogs ma 'dres par mkhyen? cing gdul bya'i chos rnams rjes su yi rang par byas la mchod pa la sogs pa'i las kun bsgrub par bya'o/ /rta mchog gi sgo nas bya ba bsgrub pa'i ye shes kyis rtog pa la sogs pa'i dregs pa thams cad gzhom zhing/ gang gi rta? lugs kyi phrin las kyi lus la sbyor ba'o/ de yang rtsa ba'i rgyud las/ tshe 'di'i mngon shes la sogs pa/ dus gzhan thams cad mkhyen 'grub phyir/ ye shes chen po'i tshul dag ni/ /ches rnams ma lus thams cad la/ /rjes chags la sogs tshul gyis ni/ /rigs kyi dkyil 'khor rnam par sbyor zhes

  861. 431a

    dang/ yang rigs kyi dkyil 'khor drug rnams kyi/ /bsnyen rdzogs cho ga gsal ba'i mthus/ /phyag rgya chen po'i las mthun sku/ /so so'i rgyud la skye bar 'gyur/ /mngon par shes pa lnga sogs dag /rang gi rten la bsgrub bya ste/ /cha lugs shes pa sbyor ba'i mthus/ /dngos grub thams cad skye bar 'gyur zhes so/ /bsdus pa'i don ni 'di ltar yin te/ bdag gzhan gyi don du tshad med pa bskyed pa'i rnal 'byor pas 'gro ba thams cad bsgral ba'i phyir/ dang por sgrol bar dam bcas nas sbyor ba dang ldan pas dbang po bsam zhing/ 'phags pa la tshogs bsags pa dang/ sems can la tshogs bsags pa dang/ bsrung ba'i 'khor lo bsgom pa dang/ gzhi'i ting nge 'dzin dang/ rten gyi ting nge 'dzin dang/ sbyor ba'i ting nge 'dzin dang ye shes kyi dkyil 'khor la dmigs pa'i bya ba dang/ mdun gyi dkyil 'khor la dmigs pa'i bya ba dang/ gnyis su med pa'i dkyil 'khor la dmigs pa'i bya ba dang/ rjes kyi rnal 'byor gang yang rung ba dag brtsams nas/ rigs rnam pa drug gi phyag mtshan dag la brten te/ chos kyi snying pos dngos grub kyi las la sbyar bar bya'o/ /de dag gi don ni rgya cher rtsa ba'i rgyud las bshad de 'dir ni bsdus pa tsam gyi dbang du bstan pa yin no/ /ye shes kyi phyag rgya shes pa'i don rnam par bshad pa'o/ /da ni nyi shu gcig pa rnam shes kyi phyag rgya shes pa'i sgo nas/ 'jig rten 'di'i brtags dang/ mtshan ma grub pa dang/ ma grub pa la sogs pa'i bltas blta ba'i phyir dang por rdo rje sems dpa' i sgo nas pra se na dbab pa ni/ rdo rje sems dpa' dpal sbyor ba/ /gzugs dang dbyibs ni ci 'drar ldan/ /zhes pa ste dpal rdo rje sems dpa' i rnal 'byor la gnas pas rang nyid kyi phyag rgya la rten te snying po'i sngags dang chos kyi snying po dag 'bum du bzlas shing

  862. 431b

    dkyil 'khor lha dag spyan drangs zhing mchod de/ bdag dang gnyis su med par bstim mo/ /de nas gnas rgyan gyis brgyan par maN+Dal legs par byas la me tog gi brgyan cing khye'u dang bu mo gang yang rung ba khrus byas te/ gos dang rgyan dang ldan pa byin gyis brlab par bya'o/ /de nyid la rdo rje'i phyag rgya btang nas rigs kyi dkyil 'khor dbab cing/ /de nyid la bstims la mchod pas mnyes par bya'o/ /de nas gsang sngags 'bum du brjod nas/ byis pa la mtshan ma'i ltas ji ltar snang ba dri bar bya'o/ /yang sangs rgyas rnam par snang mdzad kyi sgo nas/ sa chu me rlung nam mkha' dang/ /khams gsum kun ni thams cad las/ /zhes pa la sogs pas/ rigs kyi sbyor ba dang ldan pas snga ma'i tshul gyis 'byung ba rnam pa lnga las mtshan ma'i ltas blta bar bya'o/ /he ru ka'i ni/ kun tu thams cad kun gyi bdag /'dod pa'i yon tan thams cad dang zhes pas de nyid la brtag par bya'o/ /pad+ma gar dbang gi ni/ padmo chags pas rjes chags shing/ /sna tshogs padmo kha 'byed pas zhes pa la sogs pa ste de nyid la brtag par bya'o/ /rdo rje nyi ma yi ni/ me tog bdug pa mar me mchog /spos dang mchod pa thams cad la/ /zhes pa la sogs pa ste de nyid la brtag par bya'o/ /rta mchog rol pa yi ni/ reg dang ma reg rdo rje che/ /ral gri me long mda' gzhu dang zhes pa la sogs pa ste de nyid la rtag par bya'o// 'o na gang zhig brtag ce na/ bya ba dang ni mi bya dang/ stor ba dang ni ma stor ba zhes pa la sogs pa dag gi cho ga'i yan lag ni/ las kha tshar ba dag gi gnas skabs gang yang rung ba dag tu 'am/ gzugs brnyan gyi dkyil 'khor du slob ma'i don du 'am/ sgrub pa dang phrin las kyi dngos grub blang ba'i dus dag tu 'ang sbyar bar bya'o/ /rnam par shes pa'i phyag rgya shes pa'i don rnam par bshad pa'o/ /da ni nyi shu gnyis pa bsrung ba thams cad kyi phyag rgya shes pa las/ dang por rdo rje sems dpa' i sbyor

  863. 432a

    ba'i sgo nas/ rdo rje sems dpa' i dpal sbyor ba/ /ji lta'i gzugs dang dbyibs ldan pas/ /zhes pa la sogs pa gsungs te/ de yang dpal rdo rje sems dpa' i sbyor ba dang ldan pas/ dur khrod dang lha'i gnas dang ma mo'i gnas gang yang ba'i ?thal ba blangs te/ rang nyid kyi sngags kyis bzlas brjod dang ldan par byin gyis brlabs nas/ gang bsrung bar 'dod pa de nyid la thig le 'am sor rig gsum du bya'o/ /de ltar sbyor ba dang ldan pas chus bsrung ba dang/ yungs kar gyis bsrung ba dang/ lha dpa' bo gcig pa'i skus bsrung ba dang/ dkyil 'khor byas pa'i sbyor bas bsrung bar bya'o/ /de dag gi bsdus pa'i don ni gang gis gang zhig bsrung ba'i phyir/ sngon du/ tshogs bsags pa la sogs pa'i rim pa dang/ srung ba'i 'khor lo dang ye shes kyi lha la sbyor bar byas nas/ rten rnam pa gsum gang yang rung ba dag mdun du bzhag ste/ rang gi gsang sngags 'bum du brjod pas byin gyis brlabs pa dang/ gang bsrung bar 'dod pa de nyid dkon mchog gsum la skyabs su gsol zhing/ sngags kyis byin gyis brlabs nas de nyid la bsrung bar bya'o/ /gal te rdzas de dag dang mi ldan pa dang/ rang gi ting nge 'dzin gsal bar gyur pa dag gis ni bsdus pa dang/ rgyas pa gnyis kyis bsrung bar bya'o/ da ni sbyor ba gzhan gyis bsrung bar bya ba'i phyir/ rdo rje sems dpa' dpal sbyor ba/ /sangs rgyas kun bdag sbyor ldan pas/ zhes pa la sogs pa ste/ rnam snang gi sbyor bas 'khor lo'i phyag rgyas bsrung ba dang/ de bzhin du he ru ka'i phyag rgyas bsrung ba dang pad+ma gar dbang gi phyag rgyas bsrung ba dang/ rdo rje nyi ma'i phyag rgyas bsrung ba dang/ rta mchog rol pa'i phyag rgyas bsrung ba dang/ bsdus pa'i don ni rigs so so'i rnal 'byor la gnas pas/ rang rang gi

  864. 432b

    phyag rgya'i mtshan ma la sgom dang bzlas pa'i tshogs gsal bar byas nas gang bsrung bar bya ba de nyid la gdags par bya'o/ /cho ga'i yan lag ni phrin las bzhi ni gnas skabs kyi rjes su sbyor zhing rigs kyi cho ga'i sgo nas bsrung bar bya'o/ /de dag gi phan yon? ni go sla bas ma bshad do/ /yang rta mchog gi sbyor ba la ni cho ga bzhin du bshad do/ gang bsrung bar bya ba de nyid bdag nyid kyi sku 'am/ lha gang yang rung ba'i nang du zhugs te go cha dang go chings kyi tshul du bya zhing/ rin po che'i dbu rgyan dang/ dar dpyangs kyis brgyan nas dgyes pa'i thal mo lan gsum du brdabs pas brtan par bya'o/ /bsrung ba thams cad kyi phyag mtshan phyag rgya shes pa'i don rnam par bshad pa'o/ /da ni nyi shu gsum pa thams cad gso ba'i phyag rgya shes pa las/ dang por nang bsal ba'i cho ga bshad de/ chos sems dpa' yi tshul ston cing/ /rdo rje khu tshur gnyis dag dang/ /zhes pa la sogs pa ste dang por rims dang dug rnam par bsal ba'i phyir rtse gcig pa'i sbyor bas/ rdo rje khu tshur gyi phyag rgya dang zhi ba'i lta bas nang pa'i lus la khyab cing rims dang dug gi gzugs mi sdug pa gdon par bya ba'o/ /de yang grang ba'i rims la ni sku dang 'od zer dmar po'i tshogs kyis bsrung zhing/ tsha ba'i rims la ni chu shel gyi mdog can gyis so/ /yang nad bzlog cing sdug bsngal med par bya ba'i phyir/ rdo rje rtse gcig pa'i phyag rgya gtsug tor gyi tshul du smin mtshams su bzhag nas/ phyogs mtshams su lta zhing nad dang sdug bsngal thams cad gzhig par bya'o/ /zug rngu med par bya ba ni rdo rje skam pa'i phyag rgyas de dag e' byin pa ltar mdzad? pa'o/ /mig nad? shes par bya ba ni dpal grub can gyi phyag rgyas mig phyug pa'o/ /glang nad sel bar bya ba ni rdo rje khu tshur dam pos nad rnams kha'i phyogs su 'dren cing lha'i sbyor ba dang ldan pas btung ba'o/ /de nyid kyi sngags dang phyag rgya ni ta thA ga ta zhes

  865. 433a

    pa la sogs pa'o/ /bsdus pa'i don ni 'di ltar yin te/ rigs kyi sbyor ba gsal bar byas pas/ rang nyid kyi sku gsung thugs byin gyis brlabs nas gzhan dag bsrung ba'i phyir/ rang nyid kyi sngags brjod cing so so'i phyag rgya ni sgo nas de dag gi las la sbyor bar bya'o/ /da ni phyag rgyas bsrung ba'i phyir/ g.yas pa yi ni lag pa yis/ sems dpa' i gtsug tor bcings nas ni zhes pa la sogs pa ste dang por gtsug tor gyi phyag rgyas gzhon nu bsrung ba dang/ sprul mgo'i gi? rang ka'i phyag rgyas dug gi las dag bsrung dang 'khor lo'i phyag rgyas gdon thams cad las thar bar bya ba dang/ rdo rje'i phyag rgyas las thams cad grub par bya ba dang/ de dag gi phan yon bstan pa'o/ /bsdus pa'i don ni sbyor ba la gnas pas rang nyid kyi gsang sngags dag khri 'am 'bum du brjod cing/ bsrung ba'i las la sbyor ba'i tshe/ oM rak+Sha rak+Sha hUM zhes pas mdza' sngags su sbyar te bstan pa'i sgo nas/ gang zhig bsrung bar bya ba de nyid bsrung zhing byin gyis brlab par bya'o// da ni gso ba'i sbyor ba bstan pa'i phyir/ rdo rje sems dpa' dpal sbyor bas/ /rta rnams thams cad zhon nas ni/ /zhes pa la sogs pas/ dpal rdo rje sems dpa' i rnal 'byor dang ldan pas/ sngags dang phyag rgya dang ting nge 'dzin gyi sgo nas rta gso ba dang glang po che gso ba dang/ bya gso ba dang shin dag gso bar bya'o/ /thams cad gso ba'i phyag rgya shes pa'i don rnam par bshad pa'o/ /da ni nyi shu bzhi pa mtshon cha thams cad kyi phyag rgya shes pa las dang por dgra cha lnga bstan pa'i phyir/ 'khrul 'khor gyis 'phangs ma 'phangs pa dang de bzhin lag pas 'phangs pa dang/ zhes pa la sogs pa dang/ pas kyi rgol ba thams cad bzlog cing gzhan gyis mi tshugs par bya ba'i phyir/ mtshon cha lnga'i sbyor bas gzhan

  866. 433b

    dag gzhom par mdzad pa'o/ /de las khrul 'khor gyis 'phang ba ni me skyogs dang chu skyogs dang rdo skyogs la sogs pa'o/ /me 'phangs pa ni ral gri dang mdung dang rtse gsum pa la sogs pa'o/ /lag pas 'phangs ba ni 'khor lo dang mda' dang rdol sogs pa'o/ 'phangs nas slad du bzung pa ni zhags pa dang thag mdud la sogs pa'o/ /stobs kyi 'gyed pa ni rkang pa'i 'phra ba dang lag pa'i khu tshur la sogs pa'o/ /da ni 'bigs pa bcu'i phyag rgya'i sgo nas dbyings dang bde blag sbyor ba dang/ /kun tu sbyor dang 'dren dang myur/ /zhes pa la sogs pa gsungs te/ dbyibs kyi phyag rgya dang bde blag gi phyag rgya dang/ sbyor ba'i phyag rgya dang/ kun tu sbyor ba'i phyag rgya dang/ 'dren pa'i phyag rgya dang/ myur ba'i phyag rgya dang/ 'gengs pa'i phyag rgya dang/ 'phen pa'i phyag rgya dang/ gsal ba'i phyag rgya dang/ mnan pa'i phyag rgya dang/ sna tshogs pa'i phyag rgya'o/ /bsdubs pa'i don ni bsrung ba'i 'khor lo la sogs pa'i dus su dpal he ru ka dang/ rta mchog la sogs pa'i phrin las kyi lha dag gi so nas 'bigs pa bcu'i las brtsam par bya'o/ /da ni sbyin pa'i yan lag gi sgo nas las bya ba'i phyir/ rab tu 'phangs dang rnam par 'phangs/ /de b? khrog ltar 'phangs pa dang/ /zhes pa la sogs pas/ thabs thams cad kyi phyag rgya dang/ nges par zlog pa'i phyag rgya dang/ 'phrog? pa thams cad kyi phyag rgya dang/ de dag gi phan yon bstan pa ste/ de nyid gong ma'i cho ga kun gyi yan lag tu sbyar bar bya'o/ /mtshon cha thams cad kyi phyag rgya shes pa'i don rnam par bshad pa'o/ /da ni nyi shu lnga? ? kyi phyag rgya shes pa'i las dang por rdo rje sems dpa' yi ni/ /srin lag gnyis kyi nang du ni/ /mthe bong legs par bzhag par bya zhes pa la sogs pa ste rigs kun gyi bdag nyid kyis phrin las la sbyor ba dang/ rdo rje sems

  867. 434a

    dpa' i bsod nams dang ye shes kyi tshogs rgya chen pos phrin las thams cad gcig tu sbyor ba'i phyag rgya dang ldan pas/ /dngos grub dang las kyi cho gas thams cad 'gugs cing grub par mdzad pa'o/ /rigs kyi dkyil 'khor gzhan dag gi yang bstan pa'i phyir/ rdo rje khu tshur legs bcings la/ /bdag gi mthe bong mang du gzhug ces pa la sogs pa gsungs te/ rnam par snang mdzad kyi sbyor bas zhi ba'i las sgrub pa dang/ dpal he ru ka'i sbyor bas drag po'i las bsgrub pa dang/ pad+ma gar gyi dbang phyug gi sbyor pas dbang gi las bsgrub pa dang/ rdo rje nyi ma'i sbyor bas rgyas pa'i las bsgrub pa dang/ rta mchog rol pa'i sbyor bas las sna tshogs bsgrub pa'i don so so'i sngags dang phyag rgya dang/ sbyor ba dang ldan pas rang gi phrin las brtsam par bya'o/ /zhes bya ba'i don to/ /bsdus pa'i don ni sbyin sreg dang/ 'khrul 'khor dang/ phyag rgya la brten pa'i phrin las dag rtsom pa'i dus su cho ga'i yan lag sngon du 'gro ba dang bsnyen pa'i rim pa dag rdzogs par byas nas/ so so'i las la sbyor ba'i tshe phyag rgya 'di dag ldan par bya'o/ /las thams cad kyi phyag rgya shes pa'i don rnam par bshad pa'o/ /da ni nyi shu drug pa dpal rdo rje gnon pa'i phyag rgya shes pa las/ dang por gnon pa spyi'i mtshan nyid las/ rkang pa brkyang deng gnon pa dang/ bskum nas 'degs pa'i stabs dag gis/ g.yas dang g.yon pa'i sbyor ba yis/ /gzugs rnams thams cad mnan par bya/ /rigs kun gyi bdag nyid du gyur pas/ /phrin las rnam pa bzhi'i ?rdo rje stangs? kyi tshul gyis zhugs shing/ skye 'gro mdza' dag gi pho mo thabs dang shes rab kyi zhabs gnyis kyis mnan cing bzhugs pa'o/ /yang dkyil 'khor gyi gtso bo yi rnams zhabs kyis gnon pa'i tshul ni/ sdig med stobs kyi

  868. 434b

    ngo mthon du/ rnam par snang mdzad dpal mnan nas zhes pa la sogs pa gsungs te/ rgyu'i cha la gnas pa dang/ lam gyis la gnas pa dang/ 'bras bu'i cha la gnas pa dag gi tshul gyis rnam pa gsum du bzhugs te/ dang po'i dbang du rigs kyi gdul bya'i nyon mongs pa de nyid mnan cing de las byung ba'i 'bras bu bskyed cing 'gugs pa dang/ gnyis pa'i dbang du rnal 'byor pa dag rigs kyi dkyil 'khor so so'i rjes su slob pa rnams mngon sum du sgo gsum gyi rgyud sbyad zhing/ rigs so so dang mthun pa'i dngos grub dag 'gugs shing gsum par gdul bya'i dbang gis/ rang nyid dang tha mi dad pa'i bde bar gshegs pa dag zhabs kyi mnan cing/ de dag gi btsun mo dag bkug te/ longs spyod pa ltar bstan pa'o/ /yang mtshan nyid kyi rgyu 'bras rnams zhabs kyis mnan cing/ 'bras bu'i lha mo rnams la longs spyod pa'i phyir/ byang chub pha rol phyin pa dang/ grub dang gzungs dang sa rnams dang/ rigs dang phyag rgya rnams mnan nas/ /bdag gi dpyad par de spyod do/ /byang chub phyogs kyi chos sum cu rtsa bdun dang/ pha rol tu phyin pa bcu dang/ yang dag grub pa dang/ gzungs kyi sgo dang/ sa bcu dang rigs dang phyag rgya rnams la spyod pa'o/ /yang 'bras bu'i lha mo ni bdun cu ste/ rtsa ba'i rgyud las/ /byang chub rnam bcu'i gnas sbyor zhing/ /pha rol phyin bcu'i las rdzogs mdzad/ /grub pa'i phyag rgya bcu sbyor pas/ /gzungs bcu'i yon tan tshul 'jug pa/ /sa bcu ye shes mthar phyin cing/ /rigs kyi phrin las bcu yi stobs/ /phyag rgya brjod gnon bcu gsum pas lha mo kun gyi gnas 'jug pa'o zhes pa'o/ /lha mo rnams zhabs kyis mnan cing longs spyod par mdzad pa'o/ /gzhan yang 'jig rten gyi lha 'dre dregs byed rnams zhabs kyis mnan pa'i phyir sdig med stobs kyis ngo mthon du/ dbang phyug dam pa

  869. 435a

    mnan nas su/ /zhes pa la sogs pa gsungs te/ dbang phyug chen po dang khyab 'jug dang/ tshangs pa dang dga' bar dbang phyug dang ma mo'i tshogs dang mkha' 'gro ma dang/ gnod sbyin logs pa'i lha klu sde brgyad ma'i rgyal po la sogs pa dag gzhan gyis mnan cing/ de dag gi chung ma'i tshogs la longs spyod par mdzad pa'o/ /gzhan yang 'khor ba dang mya ngan las 'das pa'i chos thams cad zhabs kyis mnan cing de dag gi 'bras bu la longs spyod phyir/ 'gro ba dang ni mi 'gro ba'i dngos po thams cad ma lus pa'ang/ rnal 'byor bdag gis de mnan nas/ bdag gi spyad par de spyad do/ /zhes pa gsungs pa yin no/ /bsdus pa'i don ni lam pa rnams kyi phrin las kyi dus su rgyal ba'i dgongs mdzad la yid ches shing/ de'i rjes su slab par bya ba dang/ 'jig rten gyi lha mthu bo che la sogs pa rnams kyi zhen rtog bzlog pa dang/ 'bras bu dang phrin las kyi tshul yon tan dang bcas pa bstan pa yin no/ /dpal rdo rje las kyi phyag rgya shes pa'i don rnam par bshad pa'o/ da ni nyi shu bdun pa dngos grub kun gyi dbang phyug gi phyag rgya shes pa las/ rigs drug sbyor ba bzhin du bstan ba'i phyir/ khu tshur snying gar bcangs pa ni/ bud med phyag rgyar de bshad de/ /zhes pa la sogs pa gsungs te// dpal rdo rje sems dpa' i sbyor bas dngos grub kyi don du bud med kyi khu tshur rang gi snying par bzhag cing/ g.yon pa dril bu dgu'i gnas su brten nas/ slar yang g.yas pa'i phyag rgyas rdo rje rtse lnga pa gyen du gsor zhing bstod pa'i tshul gyis 'dzin pas ni bud med thams cad dbang du 'gyur zhing las thams cad sbyor bar byed do/ /yang rnam par snang mdzad kyi sbyor ba'i phyag rgyas sa 'og ma'i sa dga' phar bar mdzad pa dang/ dpal he ru ka'i sbyor ba'i phyag rgyas rdo rje sgyu ma'i dbang

  870. 435b

    phyug ma dag byung ba dang/ pad+ma gar gyi dbang phyug gi sbyor ba'i phyag rgyas chos thams cad dag cing dga' ba'i tshogs sbyor mdzad pa dang/ rdo rje nyi ma'i sbyor bas bsam pa thams cad yongs su rdzogs par mdzad pa dang/ rta mchog gi sbyor ba'i phyag rgyas dbang phyug dam par mdzad pa'o/ /sbyor ba'i yan lag ni bsnyen pa dang/ nye ba'i bsnyen pa dang/ sgrub pa dag rdzogs par byas nas sgrub pa chen po'i skabs su so so'i phyag rgya dang ldan pas/ dngos grub kyi las la sbyar bar bya'o/ /dngos grub kun gyi dbang phyug gi phyag rgya shes pa'i don rnam par bshad pa'o/ /kun tu sna tshogs kyi dam tshig ni phyag rgya'i tshogs nyi shu rtsa bdun dang/ de las byung ba'i phyag rgya phra mo sna tshogs kyi tshul dang ldan pas dam tshig tu gnas pa'o/ /rtog pa dgu pa'i don rnam par bshad pa'o/ /gang zhig bzhi'i chos lta ba'i bye brag dang/ lam gyi phan yon dag dang de nyams su blang ba'i thabs dang lam rnam pa gnyis po dag sgrub pa'i thabs dag bstan nas/ de las byung ba'i 'bras bu ni/ 'jig rten 'di'i dbang du las phra mo dag gi dngos grub dang thun mong gi las sbyor ba dag las byung ba'i grub pa brgyad la sogs pa bstan pa dang/ 'jig rten pa'i dman pa'i las sna tshogs pa rnams/ mchog tu gyur pa'i dngos grub mdzad pa dang bcas pa'i tshul/ bstan pa'i phyir/ le'u bzhi pa dang dpal rdo rje las kyi phyag rgya dang/ le'u bcu pa'i don bzhin du 'bras bu mdzad pa dang/ phrin las bcad pa bstan pa yin no/ /de la le'u dang po mnyam sbyor gyi sgo nas bdag nyid sangs rgyas thams cad dang dpa' bo thams cad bdag yin pa la sogs pa'i tshigs su bcad pa gnyis su gsungs pa'i don rnam par bshad pa'i phyir 'bras bu'i mtshan nyid bstan pa las/ dbang por bshad pa dam bcas pa ni/ de nas kun tu sna tshogs kyi/ phyag rgya

  871. 436a

    shes pa'i sgrub pa 'di/ kun tu sna tshogs sbyor ba yi/ /kun tu sna tshogs bshad par bya/ /sku drug lhun gyis grub pa'i tshul de nyid kyis/ sna tshogs su rnam par 'phrul pa las gdul bya'i snang ba ji lta ba bzhin du/ kun tu sna tshogs kyi phyag rgya'i bye brag dag shes shing/ sgrub pa'i mthu lam pa'i 'gro ba dag /de dang mthun pa'i 'bras bu gsal ba ltar snang zhing/ de nyid kyi sgo nas mdzad pa'i phrin las kun tu sna tshogs su sbyor bas/ sems can gyi don du sna tshogs pa ltar snang ba dag bshad par bya'o/ /zhes pa'o/ /de'i don bzhin bshad pa las/ dang po sbyor ba dang ldan pa gar thabs kyi phyag rgya dgrol ba'i phyir/ smin ma mig dang so dang mchu/ /kha dang lus dang rkang lag gis/ /cha lugs bzhin du gar byed pa/ phyag rgya thams cad yongs su dgrol/ /dpal rdo rje sems dpa' sbyor ba'i gar thabs kyis 'gro ba'i don du phrin las sna tshogs la snyoms par bzhugs te/ smin ma dang mig la sogs pa'i sgo nas gar thabs 'od zer spro zhing/ phyag rgya'i dkyil 'khor dag 'gro ba'i don du 'byung zhing dgrol bar mdzad pa'o/ /yang dkyil 'khor bsgom pa'i don bzhin du bsgrub pa'i phyir/ rdo rje sems dpa' dpal sbyor ba/ lha mo kun dang 'dus pa ni zhes pa la sogs pa gsungs te/ dpal rdo rje sems dpa' lha mo'i tshigs dang mi 'bral zhing/ longs spyod par mdzad pa ni/ kun tu sna tshogs skal bzang po yin te/ sngon du dkyil 'khor bsgom pa'i don du bde ba'i dngos grub grub par 'gyur ba'o/ yang tshigs su bcad pa 'di gnyis rjes su 'jug pa'o/ /de dag gi don du yang bstan pa ste/ lha bsgom pa dang/ ye shes kyi dkyil 'khor spyan drangs shing gshegs su gsol ba dang/ dkyil 'khor bsdu zhing phyag rgya dgrol

  872. 436b

    ba dang/ bsrung ba'i cho ga dag la yang sbyar te/ rgyal ba'i bka' i don la ni dgongs pa du ma'i mtshan nyid can te/ de dag nyams su blangs shing spyod pa'i mthu 'di dag 'grub par 'gyur ro/ /zhes pa'o/ /de dag gi phan yon ni tshigs su bcad pa gcig gis bstan te go sla'o/ /yang 'bras bu'i ngo bo de dag ji ltar 'byung ba'i 'brel tshul bstan pa'i phyir/ sangs rgyas kun dang mnyam sbyor bas/ sangs rgyas kun dang mnyam par 'gyur/ zhes pa la sogs pa'i tshigs su bcad pa gnyis gsungs pa las/ sangs rgyas gnyis dang mnyam par sbyor bas rtogs shing gsal bar byas te/ de'i don sgrub pa'i thabs lam gyi chos dag nyams su blangs na de dang mthun pa'i 'bras bu gsal bar 'grub pa'o/ /de nyid ji lta bu zhe na/ yon tan mdzad pa dang bcas pa'i tshul gyis snang ba ste/ lta bas mi ngoms pa yi sku/ thams cad bdag nyid ston par mdzad/ ces pa la sogs pa'i tshigs su bcad pa gnyis gsungs te/ bde bar gshegs pa'i sku drug rnam par bkod pa yon tan rin po che'i cho gas kyis brgyan cing/ lta bas mi ngoms pa'i gdul bya'i rgyud ston par mdzad nas/ legs pa'i 'bras bu dang bde ba'i lam dang/ sna tshogs kyi dngos grub dag sbyin zhing legs so/ /zhes pa la sogs pa'i gsung brjod de dngos grub kyi mchog gi bar du thams cad stsol par mdzad pa'o/ /yang rang nyid mchod pa'i cho ga ni dbang po kun la byung ba yi/ /mchod pa'i sprin ni thams cad kyi/ /bkod pa rab 'byams cho gas rnams kyis/ /thams cad bdag nyid mchod par mdzad/ /sku dang ye shes thams cad la mnga' brnyes shing/ kun gyi bdag nyid du gyur pas/ sangs rgyas kyi che ba'i yon tan brgyad cu dang/ phrin las sum brgya drug cu dag rgyud la rdzogs par dbang po'i yul dus mdza' dag mchod pa'i sprin bkod pa mdza' dag rab 'byams sna tshogs par gyur te/

  873. 437a

    bdag dang gnyis su med pa'i tshul gyis longs spyod mdzad pa'o/ /yang phyag rgyas gdab pa'i phyir/ dpal ldan g.yon pa 'gying dang bcas/ dpal ldan lag pa g.yas pa yi/ zhes pa la sogs pa tshigs su bcad pa gsum gyis phan yon dang bcas par bstan pa las/ phyag rgya'i cha lugs gsal bar gnas shed dngos grub la sogs pa'i las mdza' dag la sbyor zhing rgyas gdab pa'i tshul gyis/ g.yon pa dril ba'i phyag rgya dgu'i gnas su 'jog cing/ g.yas pa pad+ma'i khu tshur dpral bar 'jog cing mig gi lta ba gyen du bteg nas/ dngos grub kyi gnas la 'jug par bya ba'o/ /'di nyid 'bras bu'i gnas skabs su ci'i phyir gsungs zhe na/ mdzad pa ji bzhin gyi tshul gyis de'i gnas la 'jug pa'i phyir ro/ /padmo gyen du 'phang pa'i spyan zhes pa ni chos thams cad rnam par dag pa'i sgo nas dngos grub kyi las thams cad la gzigs pa'i tshul gyis phyag rgya dang phyag rgya'i lan dag rnam par bstan pa'o/ /da ni phan yon las dang por nges par lung mi 'gyur ba'i mtshan nyid bstan pa'i phyir/ sangs rgyas thams cad 'dus pa yis/ /rtag tu dpag med tshe dang ldan/ /nam mkha' i dbyings kyi mthas glas pa'i/ /bden pa'i tshig ni rab tu smra/ /nges pa'i theg pa'i sgo nas sangs rgyas pa'i bde bar gshegs pa sras dang bcas pa rnams kyis stong gsum gyi 'jig rten 'di dag rgyas par bkang nas/ rtag tu 'gyur ba med pa'i sku dang gsung dang thugs kyis theg pa chen po nges pa'i don 'bras bu rdo rje theg pa yi bden pa'i tshig rgyud sna tshogs bshad par mdzad pa'o/ /yang rgyud dang dkyil 'khor gyi yon tan brjod pa las 'das pa'i don bstan

  874. 437b

    pa'i tshigs su bcad pa gcig gsungs te go sla'o/ /yang 'bras bu rang chos su gnas pa gsang ba'i mtshan nyid dang bcas pa bstan pa ni/ mthu dang rang bzhin dag gis 'grub/ ngo bo nyid kyis rtag tu 'grub/ so sor rjes su 'grub bde ster/ / 'di ni gsang mchog mchog gi mchog /bsod nams dang ye shes kyi tshogs rnam pa gnyis bsags pa'i mthu dang/ 'bras bu'i rang bzhin du chos thams cad yi gnas shing ngo bo nyid kyis de nyid gsal bar byas pa'i stobs las byung bas las mthun pa'i 'bras bu so so'i rjes su gang sgrub pa dang/ sgrub pa'i sgo nas bde ba'i ye shes mchog skye bar 'gyur bas gsang ba'i theg pa thams cad kyi don mchog gi mchog tu gyur pa'o/ /gzhan yang rtog pa thams cad dang bral ba'i rgyal ba ni mdzad pa ci yang mi mnga' ste/ sna tshogs kyi rgyu dang rigs dang/ phrin las dang/ dkyil 'khor ston par mdzad kyang der 'dzin gyi rtog pa dang bral ba'i phyir ro/ /des sems can don phyir las rnams spyod pa dang/ rnam par sbyong ba/ rgyal ba yong mi mdzad/ ces pa la sogs pa'i tshigs su bcad pa phyed dang gnyis gsungs pa yin na/ /gang zhig de lta bu'i don rtogs pa de nyid yon tan thams cad kyi 'byung gnas yin par bstan te/ gang zhig rang gi bde bas bde bsgrub pa/ /dngos grub mchog gis nga ni bstan par mdzad/ rang nyid kyi rnam pa ci sbyin par gsal ba'i mthus dngos grub kyi mchog brtan par 'gyur te/ sku gsung thug kyi dngos grub rtag tu zhugs pa yin no/ /de dag gis ni phan yon gyi don rnam par bshad pa'o/ /da ni rtsa ba'i rgyud kyi rtog pa tha ma las gsungs pa bzhin du bstan pas dang cing dgyes nas yi rang ba la gtso bo dgyes par mdzad pa'i

  875. 438a

    phyir/ kun tu sna tshogs pas ni de skad gsungs/ bcom ldan de bzhin gshegs pa rtag tu dgyes/ /rang nyid la rang nyid dam pa'i tshul gyis thugs kyi dkyil 'khor nas dgongs pa'i don ji bzhin pa dpal gyi mgur nas phyung zhing/ ljags kyi pad+ma la bkram ste tshems bzang po bzhi bcu rtsa gnyis kyi ? nas tshangs pa'i gsung dbyangs su sten pa dang/ rang nyid kyi thugs dam par gyur pa'o/ /de yang rtsa ba'i rgyud las bstan pa rnam pa gnyis kyi tshul du btad pa mdzad nas ngo mtshar gyi 'dzum pa chen pos 'khor gyi mdangs phyung zhing/ a la las bstan pa'i snying po 'di mchog tu gyur pa'o/ /de ci'i phyir zhe na/ zab pa dang rgya che ba gnyis su med pa'i tshul du ston par mdzad cing zhes pa la sogs pa gsungs/ de'i rjes su 'khor gyi tshogs dag gis mchod pa dang bskor ba la sogs pa byas shing mngon par bstod pa de'i phyir/ rdo rje sems dpa' dpal gyis legs par gsungs la/ mngon par ston cing rab tu dgyes par 'gyur zhes gsungs pa yin no/ kun tu sna tshogs skal bzang po dam tshig gi rtog pa zhes pa'i sku drug ka lhun gyis grub pa'i sangs rgyas de nyid 'khor ba dang mya ngan las 'das pa'i chos thams cad kyi 'byung gnas dang rang bzhin du bzhugs pas/ sna tshogs kyi skal pa bzang po yin la sh+rI'i sgras yon tan gyi tshogs thams cad dang bral ba med cing /de nyid dam tshig gi tshul gyi gzhan la yang ston par mdzad pa'o/ /le'u bcu pa'i don rnam par bshad pa'o/ /dpal ldan rgyal ba kun gyi bdag nyid sku/ /srid dngos thog mdza' med

  876. 438b

    pa'i sems dpa' mchag /rigs mang dkyil 'khor sna tshogs 'byung ba'i gnas/ mgon mchog thugs rje'i bdag po rmad du byung/ /dgongs pa'i bcud rdzogs gsang ba rgya mtsho'i rgyud/ /shin tu brtag bka' mun khams 'od kyi rin chen gzugs/ /du ma'i rtog bcom cho ga kun ston pa/ /bde chen phyag rgya ngo mtshar rmad du byung/ /skyabs mdzad thugs gnyis nyi zer rim shar 'dra/ /blo yi mun sel rin chen zur mangs gsal/ /legs bshad tshul mang mkhas pa'i spyod yul yin/ /rnam par bshad las 'gal med rmad du byung/ /phyi dus rtog mang blo gros mdza' yas rnams/ /legs bshad rgyal ba'i gsung la'ang mgu dka' ba/ /bdag la brten te sgro skur snod 'dzugs 'gyur/ /de dag sgrib bsags dri ma dag gyur cig /rdul bral gangs ri rin chen lhun po'i rgyan/ /skar tshogs zla rgyas nyi ma'i 'od dangs kyis/ / mi mthun phyogs bral legs pa'i lam zhugs te/ /mtshungs med 'khor los sgyur rgyal gnas thob shog /dpal oM DyaN? gyi mkhas pa chen po 'dzam bu'i gling gi nyi ma dang 'dra ba/ dngos grub thob pa'i slob dpon rgyal po chen po brgya byin sdong pos mdzad pa rdzogs so// //rgya gar gyi mkhan po bidyA ka ra sid+ha dang/ zhu chen gyi lo tsa ba banda lha'i rin po ches bsgyur cing zhus te/ skad gsar chad kyis phyis legs par bstan la phab pa'o// //

  877. 439a

    sangs rgyas thams cad mnyam sbyor mkha' 'gro de mchog gi 'grel ba bzhugs// //rgya gar skad du/ sarbba bud d+ha sa ma yo ga DA ki nI mA yA sam+ba ra bit+ti yo gA laM kA ra nA na/ bod skad du/ sangs rgyas thams cad dang mnyam par sbyor ba mkha' 'gro ma bde mchog gi 'grel ba mnyam sbyor gyi rgyan zhes bya ba/ dpal rdo rje mkha' 'gro la phyag 'tshal lo/ /sangs rgyas kun dngos bdag nyid can/ /rdo rje sems dpa' bde ba'i mchog /rgyu ma bde mchog phyag 'tshal te/ /sangs rgyas thams cad mnyam sbyor bshad/ /dang po re zhig rnal 'byor pa/ /bdag dang gzhan don bsgrub par ci la yang ma rag par chas pa rnams la sangs rgyas thams cad dang mnyam par sbyor ba'i de kho na nyid khong du chud par bya ba'i phyir rgyud kyi don 'di brtsam par bya'o/ /de la brjod par bya ba ni gang/ dgos pa ni gang/ 'brel pa ni gang/ dgos pa'i dgos pa ni gang zhe na/ bshad par bya ste/ rtsa ba'i rgyud dang/ phyi ma dang/ phyi ma'i phyi ma bstan pa'i don du rgyu'i rgyud dang/ thabs kyi rgyud dang 'bras bu'i rgyud ni brjod par bya ba yin la/ rtsa ba'i rgyud rtog pa bcu ba dang/ phyi ma'i rtog pa bdun pa dang/ phyi ma'i phyi ma rtog pa lnga pa ni rjod par byed pa'o/ /'grel pa ni brjod par bya ba dang rjod par byed pa ni de'i bdag nyid yin la/ brjod bya dang shes pa ni de las byung ba yin no/ /dgos pa ni bsgrub par 'dod pa dang/ dngos grub len pa dang/ gzhan la phan 'dogs pa'i gang zag gis khong du chud pa'o/ /dgos pa'i dgos pa ni 'jig rten thun mong dang mchog gi dngos grub bsgrub pa'o/ /de ltar dgos pa'i don bshad nas/ bsdus pa'i don ni bdag dang gzhan gyi don phun sum tshogs pa'i rtogs pa drug bsgrub pa'i yan lag dang bcas pa'i bshad pa dang/ mchog gi don sgrub pa rgyud phyi ma rtog pa dgu pa bshad pa dang/ dris pa dang lan gyi rgyud

  878. 439b

    kyis rtsa ba'i rgyud dang phyi ma'i sgrub pa dang/ dngos grub dang grub pa'i las rnams bshad pa'o/ /bsdus pa'i don de lta bu dang ldan pa'i gnyis su med pa'i sems dang sems las byung ba'i phyogs bcu dus gsum gyi de bzhin gshegs pa sangs rgyas kyi zhing rdul phra rab dang mnyam pa'i thugs dang rnal 'byor pa yang dag par mnyam par sbyar bas na sangs rgyas thams cad mnyam sbyor ba zhes bya ba'i rgyud yin no// //bsdus pa'i don mtshan dang bcas pa bshad nas yan lag gi don bshad par bya ste/ bcom ldan 'das mkha' 'gro bde mchog la bstod pa dang pU dza dang phyag byas nas/ mgon po khyod la gsol ba ni/ /sems can kun gyi don gyi phyir/ /rnal 'byor bde mchog sgyu mas sprul/ /nyon mongs kun las rgyal bar mdzod ces gsol ba btab pa'i rjes thogs la/ bcom ldan 'das kyis/ /sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs /'di ni rang byung bcom ldan 'das/ /gcig pu bdag nyid che ba'i lta/ /sangs rgyas kun dang mnyam sbyor ba/ / mkha' 'gro sgyu ma bde ba'i mchog/ ces bya ba ston pa po nyid kyis gling gzhi gsungs pa yin no/ /de la ston pa ni gang zhig yin/ /gnas ni gang/ 'khor ni su dang lhan cig tu/ dus ni nam gyi tshe/ tshes ni ci zhig gsungs she na/ de la ston pa ni sku gsum gyi bdag nyid yin te/ sprul sku'i bdag nyid ni/ sems dpa' sangs rgyas kun dngos ces bya ste 'khor lo sbyar ba drug gi bdag nyid can no/ /longs sku ni rdo rje sems dpa' bde ba'i mchog ces bya ba yin no/ /gnas ni gsang ba mchog gi dgyes ba na zhes bya ba yin no/ /'khor ni thams cad bdag nyid do/ /dus ni rtag tu bzhugs zhes bya'o/ /de la chos kyi sku ni/ 'di ni rang byung bcom ldan 'das/ /gcig pu bdag nyid che ba'i lha/ /zhes bya ba ste/ sems rang rig 'od gsal

  879. 440a

    gnyis su med pa'i bdag nyid gcig pu che ba'i lha yin no/ /bshad pa'i chos ni sangs rgyas kun dang mnyam sbyor ba/ mkha' 'gro sgyu ma bde ba'i mchog ces bya'o// //phun sum tshogs pa lnga'i 'khor rnams kyi mngon sum du grub na ci'i phyir gleng gzhi gsungs she na/ ma 'ongs pa'i gsang sngags kyi sgo spyad pa spyod par 'dod pa rnams la dman pa dbyibs dang/ gsang sngags dang mthar thug chos sgom pa'i don du byang chub sems dpa' i sa'i snying po dang/ spyan ras gzigs dang/ 'jam dpal la gsungs pa yin no/ /don gsum po 'di ni 'khor lo bde mchog gi 'grel par blta bar bya'o/ /de ltar gleng bzhi gsungs nas nga ni le'u dang po kho na nyid snang ba dam pa'i de kho na nyid snang ba dam yul la 'jug pa zhes bya ba rgyu dang thabs dang 'bras bu gsum gyis shes bya'i dug lugs bstan par bzhed nas/ 'dod chags ma yin chags bral min/ /dbu mar yang mi mi gnas so/ /zhes pa thabs kyi bdag nyid bzhin brgyad cu dang bral par ston to/ /thabs de gang gis rtogs snyam na/ bud med kun gyi sgyu ma'i rgya zhes bya ba smos te/ bud med kun ni las kyi phyag rgya dang/ chos kyi phyag rgya dang/ dam tshig gi phyag rgya dang/ phyag rgya chen po dang/ sgyu ma'i rgyan ni zhi gnas dang/ lhag mthong mngon sum du bskyed pa'i rgyu'i tshogs pa'o/ /de nyid theg pa gcig pu yin zhe na/ 'di ni gnyis med theg pa mchog ces bya ba smos te/ thabs dang shes rab gnyis med rgyu rkyen gyi tshogs pa'o/ /rgyu rkyen ji lta bu zhe na/ rgyu ma dag ni thams cad las/ /bud med sgyu ma khyad par 'phags/ /ngo bo nyid kyi mthu dag gis/ /rang bzhin gyis ni 'grub pa po/ /zhes bya ba smos te/ sgyu ma thams cad ni tshor ba sdug bsngal gyi rgyu rkyen tshogs pa dang/ btang snyoms kyi dang/ bde ba'i rgyu rkyen chogs pa

  880. 440b

    las/ phyag rgya rang bzhin 'di ni rgyu rkyen las khyad par 'phags so/ /goms pa med na ji lta bu zhi gnas dang lhag mthong mngon sum du 'grub ce na/ ngo bo nyid kyi mthu dag gis zhes bya ba smos te/ zhi gnas dang lhag mthong mngon sum du byed pa'i rgyu rkyen tshogs pa las phyag rgya rang bzhin gyis ni de 'grub pa'o/ /zhes bya ba ni gser 'gyur rtsi'i rnam pa bzhin du phyag rgya'i rgyu rkyen tshogs pa'i mkhu las bsam gtan gyi ting nge 'dzin dang zag pa med pa'i ye shes 'grub pa'o/ /de la phyag rgya gsum gyi 'bras bu bshad pa ni/ 'jig rten gsum 'dir bud med kyi/ /gus pa byed pa dag tu 'gyur/ /zhes bya ba gsungs te/ phyag rgya chen po dang/ dam tshig dang chos gsum gyi 'jig rten gsum gyi dri dang ma bral ba yin te zin kyang mngon sum gyi bde ba stong ba bskyed pa gus par byed pa yin no/ /de skad rtsa rgyud las/ myur du dngos grub rab bskyed de/ 'phral du yid chos byed pa yin/ zhes gsungs so/ /bzhi pa las kyi phyag rgya'i 'bras bu mi rnyed dang bde dang dga' kun gyis/ zhes bya ba smos so/ /rnyed pa ni dga' ba dang/ mchog tu lus bde ba dang/ bde ba ni lhan cig tu skyes dga' i phreng bar ba'o/ /dga' ba kun gyi zhes bya ba ni dga' ba gsum gyi ting nge 'dzin gyis so/ /don spyod ma 'ang 'grub par 'gyur zhes pa ni dag byed dang dbang dang dpa' bo dang bkas gnas pa'i lha mo las gzhan pa'i tha ma'i bud med ngan spyod ma la 'grub par 'gyur ba'o/ /de'i ci'i phyir las dang po pa la 'gyur zhe na/ rang gi ngo bo yongs sgyur na/ bud med kun gyis gyu mas 'grub ces bya ba smos te/ rang gi ngo bo bsgyur ba ni ye shes sems dpa' bcug nas tha mal pa'i bud med kyi ngo bo ba sgyur te/ sangs rgyas spyan dang/ mA ma kI go dkar mo sgrol ma la sogs bud med kun gyi sgyu mas 'grub pa'o/ /ma'i lus la ci'i phyir sangs rgyas spyan ces bya ba la sogs par brjod ce na/ ngo mtshar

  881. 441a

    sgyu ma'i mu dra 'di/ mkha' 'gro ma zhes brdas brtan pa zhes pa smos te/ mu stegs drang song ngam/ mtshan nyid theg pa'i rgyu bsnyoms 'jug gi bsam gtan bzhin du ma'i bud med la ye shes sems dpa' babs nas ngo mtshar ci sgyu ma las kyi mu drar gyur pas nam mkha' 'gro ma zhes sangs rgyas dang byang chub sems dpa' i bzlas bstan to/ /de ni mkha' la 'gro ba zhes/ khams las kun tu brtags pa ste/ zhes bya ba la/ DA ki ni zhes bya ba'i sgra'i khams ni/ de'i ha sag ma zhes pa ste/ nam mkhar 'gro ba zhes bya'o/ /nam mkha' ni gcig ste zhi gnas rtog med kyi nam mkha' dang/ gzung 'dzin gcig dang bral ba lhag mthong gi nam mkha' o/ der 'gro ba ni zhi gnas bde ba'i ting 'dzin dang/ lhag mthong rnam par mi rtog pa'i ye shes kyis 'gro bar byed pa'o/ /de bas na/ nam mkha' kun tu spyod grub pa/ /mkha' 'gro ma zhes /rab tu grags zhes bya'o/ /ma lus thams cad phyag rgya yi/ /zhes pa las dang chos dang dam tshig dang phyag rgya chen po'o/ /thams cad ma lus bde mchog gi zhes pa las/ chos dang dam tshig dang phyag rgya chen po'i thabs shes pa'o/ /sangs rgyas thams cad mnyam sbyor ma/ zhes pa thabs bzhi dang shes rab bzhi mnyam par sbyor bas zung 'jug bsgom pa'o/ /mkha' 'gro ma zhes rab tu grags/ zhes pa ni phyag rgya chen po'i stong nyid dang/ dam tshig gi phyag rgya rlung me'i drod can dang/ chos kyi phyag rgya 'dod pa'i yon tan lnga dang/ las kyi phyag rgya ye shes las skyes pa dang/ sngags dang zhing las skyes pa'i mkha' 'gro ma'o/ /de ni mkha' 'gro ma zhes/ sangs rgyas khams las rab tu brtags zhes gnas gtsang ma'i lha'i skang/ sangs rgyas dang byang chub sems dpa' i brdar gyur pa'i zhi gnas dang lhag mthong gi sems la mkha' 'gro ma zhes bya'o/ /kun tu

  882. 441b

    'gro par 'grub pa ni zhes pa mu dra chen po chos kyi bdag nyid ni/ sangs rgyas kun gyi mkha' 'gro ma'o/ /sham zhes bya ba bde bar bshad ces pa ni zag med kyi bde ba sangs rgyas dang byang chub sems dpa' kun gyi ye shes kyi bdag nyid bde ba chen po'o/ /rgyu ma thams cad mnyam spyod ba mchog tu bde bas bde pa'i mchog ces pa zhi gnas dang/ lhag mthong gi bde ba mngon sum du tshogs pa'i bde ba'i ye shes kyi rgyu ma zhi gnas kyi mchog tu bde ba dang/ lhag mthong zag med kyi bde ba mchog go/ de ltar sangs rgyas thams cad dang mnyam par sbyor pa'i mkha' 'gro ma sgyu ma bde ba'i mchog ces bya ba mtshan don dang ldan par bshad pas thabs kyi rgyud shes byed bstan to/ /kun tu kun gnas thams cad ni zhes pa la sogs pa snod bcud dang thams cad dang mnyam par sbyor ba'i don bshad do/ /kun tu zhes dus ? du'o/ /kun nas zhes ba phyogs pa'o/ thams cad ni dngos po thams cad du'o/ /rtag tu ni yul dang dus thams cad la'o/ /rnam pa kun ni gnas skabs thams cad do/ /sangs rgyas la sogs nas rtsa ba'i rigs bzhi'o/ /sogs zhes smos pa ni rdo rje dang rdo rje 'dzin pa la sogs pa'i rigs su'o/ /bstan pa ni gzhal yas khang dang/ g.yo ba ni lha'i 'khor lo'o/ /kun gyi dngos por bdag gyur to zhes pa bde ba chen po'i de nyid zhi pa dang srid pa khyab par bstan pa'o/ /de ltar mdor bstan nas/ rgyas par bstan pa ni sems dang sems kyi ting nge 'dzin zhes smos te/ sems ni tshogs brgyad nyid du bgrangs pa'o/ /sems pa ni 'du byed lnga bcu rtsa gcig tu gzhag pa'o/ /ting nge 'dzin ni bsam gtan dang/ gzugs med pa'o/ /byang chub pa sbyod pa tshogs nyid ni/ lhums su zhugs pa nas byang chub sbyor pa'i bar ro/ /de bzhin bdud dang bdud las rgyal/ zhes pa srod la bdud btul nas tho rangs sangs rgyas pa'o/ /de ni byang chub sangs rgyas yin/ zhes pa thams cad la khyab pa de nyid rigs bzhi'i?

  883. 442a

    sangs rgyas kyi bdag nyid do/ /rdo rje ni rdo rje sems dpa' i rigs so/ /rdo rje 'dzin pa ni he ru ka'i rigs so/ /pad+ma'i ni pad+ma gar gi dbang phyug gi rigs so/ /pad+ma 'chad ba ni las kyi rigs so/ /nor bu ni rdo rje rin chen gyi rigs so/ /nor bu 'dzin pa ni rnam snar? gi rigs so/ /de nyid 'dod chags ni khyim pa'i gzugs can no/ /'dod chags bral ni rab byung gi gzugs can no/ /'dod pa ni 'jig rten gyi dngos grub bo/ /grol ba ni mchog gi sid+d+hi'o/ /de ltar sangs rgyas byang chub sems dpa' i mnyam par sbyor bar bshad nas/ sems rang rig 'od gsal ma dag pa'i gnas skabs na/ sangs rgyas thams cad mnyam par spong pa'i bshad pa ni/ dus gsum srid pa gsum mchog gsum dang/ zhes pa la sogs pa gsungs te 'jig rten gsum ni sa blas 'og sa steng ngo/ /khams gsum ni 'dod pa dang gzugs dang gzugs med pa la sogs pa'o/ /rnam pa sna tshogs tha dad pa zhes pa phung po dang khams dang skye mched la sogs pa'i gnas thams cad do/ /'gro ba dag ni ma lus kun zhes pa 'gro ba rigs rnams so/ /thams cad du ni 'das gyur ro/ /zhes pa sems 'od gsal lo/ /de la sogs pa mdza' yas mtshog ces pa snod bcud thams cad kyi bdag nyid do/ /chos kyi dbyings mnyam mi mnyam zhes pa/ skya ma lta bur mi mnyam pa dang/ 'od gsal bar mnyam pa'o/ /nam mkha' dbyings kyi mthas klas pa zhes pa/ sangs rgyas kyi ye shes kyi spyod yul gyi dngos po thams cad do/ /nam mkha' kun gyi skabs na dpal zhes pa phyag rgya chen po la stong pa nyid kyi gser brtol nas/ zla bcos pa lta bu 'am/ seng+ge 'phrul pa lta buAm/ skar gdung? lta bu in+d+ra po d+hi'i man ngag gis rdo rje sems dpa' de bzhin gshegs pa sangs rgyas thams cad mnyam par sbyor ba/ mkha' 'gro ma sgyu ma mnyam pa'i mchog ces bya'o/ /de ltar

  884. 442b

    bde ba chen po'i rang bzhin rdo rje sems dpa' i rang bzhin yin par bshad nas/ da ni de sgrub pa'i thabs bshad pa'i phyir/ bskal pa bye ba grangs med par zhes pa smos te/ mtshan nyid theg pas bskam pa grangs med pas mi thob pa phyag rgya bzhi'i rgyu'i tshogs pa ? dang gang dag gis tshe 'di nyid la sangs rgyas thob par 'gyur ro/ /zhes bshad par dam bca' ba gsungs pa nya yin no/ /sangs rgyas bdag nyid bde ba'i mchog ces bya bas phyag rgya gsum las zhi gnas bde ba mngon sum du byas te/ phyag rgya chen po bde ba stong pa nyid shin tu bsgrubs pa las sangs rgyas kun gyi bdag nyid sa bcu gcig pa'i bde ba'i mchog thob pa'o/ /de ltar rdzogs pa'i rim pa bshad nas/ bskyed pa'i rim pa bshad pa ni/ rnal 'byor yang dag ma yin sems zhes pa smos te/ rtog pa drug la so so'i bskyed rim pa'i sems lha la dmigs par byed pa dag ces pa dbugs 'byung ba drug gi dkyil 'khor gyi lha'o/ /rnal 'byor gzugs brnyan rang bzhin te/ zhes pa sprul sku'i gzugs brnyan rjes 'jug gi rnal 'byor gyis/ lugs ma la sems dpa' i skur bskems na/ mthong ba dang thos pa rang reg pa'i mtshan ma skye bar 'gyur ro/ /de ltar las dang po'i rnal 'byor bshad nas/ mchog tu gyur pa'i rnal 'byor pa'i ting nge 'dzin ni yang dag mchog sems rnal 'byor pa'i zhe/ kha la sogs pa smos te/ mtshan ma thob pa'i mchog tu gyur ba'i rnal 'byor pas sprul sku/ /lte la dmigs par byed pa dag/ rang gi chos kyi dbyings kyi dam tshig gi sbyor bas/ phyag rgya chen po'i mchog tu mi 'gyur ba dang/ gzhan gyi don phun? sum tshogs pa dam pa 'grub bar 'gyur ro/ /gzugs 'ba' zhig bsgoms pa las mchog gi dngos grub du ci mi 'gyur zhe na/ gzugs brnyan gzugs la sogs pa dang/ rnal 'byor 'byung bar mi 'gyur gyi byang chub sems dpa' ?

  885. 443a

    chen po'i lha'i de kho na nyid rab tu rtsol ba de la rnal 'byor pa sangs rgyas dang byang chub sems dpar 'gyur ro/ /byang chub sems dpa' rdo rje zhes pa sems 'od gsal gnyis su med pa'i rdo rje ste/ sangs rgyas kun gyi bdag nyid yin pa de bas na rnal 'byor thams cad lha thams cad kyi rang bzhin du sbyor bas kyang sangs rgyas thob par 'gyur ro/ /de ltar bstan nas rgyas par bshad pa ni/ bdag nyid sangs rgyas thams cad dang/ dpa' o thams cad bdag yin no/ /zhes pa sems 'od gsal gyi bdag nyid sangs rgyas thams cad dpa' o sems dpa' thams cad kyi bdag nyid yin ni/ /de bas bdag nyid lhar sbyor bas/ /zhes pas sgyu ma dang stong par gcig pa'i lha'i rang bzhin du sbyor bas bdag nyid lha'i rang bzhin du sbyor bar bya'o/ /rgyu mtshan des na phung po lnga sangs rgyas thams cad dang dpa' o rnams sems dpa' thams cad dang/ longs sku rdo rje 'dzin pa thams cad du cha 'di nyid la 'grub par 'gyur ro/ /rtag pa dang po'i 'grel pa rdzogs so// // de ltar de kho na nyid gtso bor bstan pa'i ? pa bshad nas/ da ni rdo rje sems dpa' i rang bzhin thabs mang bo bshad pa ni/ 'di ni rnal 'byor lha ga bAn/ zhes bya ba la sogs pa smos te/ rdo rje sems dpa' de bzhin gshegs pa zhes pa la sogs pa bshad zin to/ /rnal 'byor de ji lta bu zhe na/ rdo rje sems dpa' bdag sbyor bas/ dbab pa thams cad 'grub bar 'gyur zhes sngos te/ bdag gis rtog pa drug gis lhar bskor la ye shes sems dpa' spyan drangs nas sku gsung thugs gnas cad kyi ye shes phob na/ gser 'gyur rtsi'i rnam pa bzhin du sangs rgyas kyi sku gsung thugs 'grub par 'gyur ro/ /de bas na byin rlabs kyi lam gyi sangs rgyas thams cad dang mnyam par sbyor ba/ 'dis rgyu'i rgyud kyi rnal 'byor gyi

  886. 443b

    dbang phyug chen po thabs kyi rgyud kyi byin gyi rlabs kyi lam gyis bde ba nyid kyis 'bras bu'i sangs rgyas kyi bde ba kun thob pa'o/ /de ltar bsgom pa bshad nas/ spyod pa bshad pa ni/ sangs rgyas thams cad mnyam sbyor ba zhes ba smos te/ mnyam par sbyor ba'i spyod pa'i sgoms nas thabs kyi rnal 'byor 'di la khrus dang sdom pa la sogs pa mi dgos so zhes gsungs pa yin no/ /lhag ma ni go sla'o/ /spyod pa bshad nas brtul zhugs bshad pa ni/ langs pa dang na 'dug pa dang/ zhes pa la sogs pa smos te sbyir la ma bzhi la rnal 'byor pa rnams rtog pa drug gi lha'i nga rgyal gyis rgyas btab nas lha'i brtul zhugs spyod pa ni mdun gyi shes rab kyi dkyil 'khor du ma zhugs kyang/ rang gi lha'i bdag nyid du bsgom pa'i rnal 'byor pa bsod nams ? ? 'grub par 'gyur ro/ /de ltar brtul zhugs gsung nas de kho na nyid bshad pa ni de nyid rnal 'byor 'di yis ni zhes pa la sogs te/ chos kyi dbyings kyi dkyil 'khor las dbang bzhi pa thob nas/ de kho na nyid bsgom pa ni rnal 'byor pa spros mer gyi spyod pas dge ba dang mi dge ba dang lur? du ma bstan pa? thams? cad? ? chen po'i rang bzhin sgrub par byed ba ni nyes pa thams cad gyis gtses par mi 'gyur ro/ /mtshan nyid theg pas bskal pa grangs med pa'i sa mi thob pa yang sar pa rgyas dang byang chub sems dpa' i lam rim? ma? ? gyi ? ? chen po? gang gis bsgrubs na dngos grub thob par 'gyur ro/ /de kho na nyid bsgom pa bshad nas/ da ni gdod rgyun gyon nas sgrub pa bsten pa'i phyir/ sangs rgyas thams cad mnyam sbyor gnas pas sogs pa gsungs te/ sangs rgyas kyi thugs dang mnyam par sbyor gdang rgyan byon nas/ rtog pa rug gi lha'i 'khor lo bsgrubs na sangs rgyas thams cad kyis rlob cing 'du bar 'gyur ro/ /der sa na sangs rgyas thams cad 'grub par 'gyur ro/ /gdong rgyan

  887. 444a

    gyon ba bshad nas/ tshogs kyi 'khor lo bshad pa'i phyir/ gang gis ldem dgongs 'di mthong nas/ rnam pa kun tu mchod byed na/ /zhes pa la sogs pa smos te/ bcos ma'i rnal 'byor gyi gzugs brnyan dang bcas pas rtog pa rang gi lha'i 'khor lo bsgom zhing 'dod pa'i yon tan lngas rnam pa kun tu dad par byed pa ni/ rnal 'byor pa ye shes sems dpa' dang tha mi dad par byas na des sangs rgyas mthong zhing/ pU dza byas par 'gyur ro/ /'di dang sangs rgyas thams cad la/ zhes pa rnal 'byor pa 'di dang sangs rgyas thams cad la mthong ba gzugs dang/ thos pa sgra dang/ snom pa dri dang/ myong bong dang reg bya la sogs pas pU dza pas rdul tshon gyi dkyil 'khor du ma zhugs kyang bde bas dar po'i ye shes mthong bar 'gyur ro/ /de'i phan yon bstan pa ni/ mthong ba dang ni reg pa rang zhes bya ba la sogs pa gsungs te/ grol ba'i lam pa'i rnal 'byor pas rgod pa dang bltas pa dang/ lag bcangs kyis kyang 'grub par 'gyur ro/ /chags pa'i lam gsungs pa ni/ 'dir sangs rgyas thams cad la zhes pa la sogs pa gsungs te/ 'di ni tshogs kyi 'khor lo bsgom pa'i rnal 'byor pa dang rnal 'byor ma'o/ /sangs rgyas thams cad la zhes pa ye shes sems dpa' dang rnal 'byor mnyam bar sbyir? ? bsangs byer ? la mo dang/ dbang gi dang/ dpa' bo'i dar/ bkas gnad ba'i lha mo dag kyang rnam par 'grol zhing byang chub la reg par 'gyur ro/ /de ltar chags pa'i lam bshad nas/ tshogs kyi 'khor lo'i sbyor pa bshad pa ni/ kun ? ? ? cad pu nas pa la sogs pa gsungs te/ spyod pas bzhi pa lha'i 'khor lo dngos bzhi dang/ mthun bar mtshan mthob pa'i rnal 'byor pas/ gnas thams cad dus thams cad kyi bdag nyid rtag par bsgoms nas/ thams cad mis byang chub

  888. 444b

    thob par 'gyur ro/ /sbyor pa bshad nas/ rnal 'byor bzhi bsgom pa bshad pa ni/ 'di'i bdag nyid kun gnas pas zhes bya ba la sogs pa gsungs te/ bdag nyid rdo rje sems dpa' i rnal 'byor byas la/ gzugs yid du 'ong ba dang mi 'ong ba rnam pa gsum dang/ gzugs sgra dri ro reg bya yid du 'ong ba gsum lha mor bskyed pa'i pU dza'i sprin thams cad kyi pU dza na bde ba'i mchog thod par 'gyur ro/ /de ltar rnal 'byor ba'i dgos pa bshad nas/ thams cad kyi rnal 'byor bshad pa ni/ rnal 'byor thams cad nyer sbyor bas/ zhes pa la sogs pa gsungs te/ kham gsum pa thams cad lha'i rang bzhin du bskyed la/ rnal 'byor ma kun gyi longs spyod ba 'khyud pa dang/ 'o byed pa la sogs pa'i bde bas rab tu pU dza bar bya'o/ /rjes su rnal 'byor thabs kyi 'khor lo dang shes rab kyi 'khor lo mnyam par sbyor ba bde bas pU dza na 'grub par 'gyur ro/ /shin tu rnal 'byor ni/ sangs rgyas kun gyi bdag nyid kyi zhes bya ba la sogs pa gsungs te/ bde ba la stong pa nyid kyi rgyus btab nas/ sangs rgyas thams cad kyis sa ya na'i bde ba sgrub bas sangs rgyas thams cad dang mnyam par sbyor ba'i bde ba'i mchog 'grub pa brtag pa gnyis pa'i 'grel pa'o// //de ltar thabs mad bshad pa nas/ zab pa bshad pa 'di ni/ rnal 'byor bcom ldan 'das zhes pa la sogs pa ste/ zab pa'i sangs rgyas thams cad dang mnyam par sbyor ba yin no zhes bya ba'i tha tshig go/ rdo rje sems dpa' i rnal 'byor pa zhes bya ba'i rgyu'i rgyud dang/ dpal ldan rab kyi dam tshig dge zhes pa phyag rgya dang mnyam? ba? sbyor? bas? zhi? gnas dang ltag mthong ma bon sum du bskyed pa'i mnyam par sbyor ba'o/ /rdo rje sems dpa' i sbyor ba yis zhes pa la sogs pa gsungs te/ gti mug gi rigs can gyi phyir/ rgya bzhi dang mnyam par sbyor bas rten ? tshogs pa'i

  889. 445a

    mthu nyid kyis bde ba chen po so sor dang 'grub par 'gyur ro/ /he ru ka'i dam tshig gi bshad pa ni/ kun tu bzang mo'i rang bzhin gyis/ phyag rgya bzhi rten 'brel gyi mthu nyid mu dra bzhi so so la bde bstong pa nyid kyi rgyas btab na bde ba stong pa nyid du 'grub par 'gyur ro/ /pad+ma gar dbang gi dam tshig gi bshad pa ni/ gos dkar mo'i rang bzhin gyi phyag rgya bzhi la bde ba stong nyid so sor sgrub pa'o/ /rdo rje nyi ma'i dam tshig bshad pa ni/ mA ma kI'i rang bzhin gyi phyag rgya bzhi la stong nyid kyi rgyas btab pas bde ba chen po so sor 'grub par 'gyur ro/ /rta mchog gi dam tshig bshad pa ni dpal rdo rje sems dpa' sbyor ba zhes bya ba bsam gtan dang zag med kyi sdom pa mngon sum du bskyad pa'i rgyu'i tshogs pa'i mthu nyid kyis sgrol ma'i rang bzhin gyi phyag rgya gnyis las bde ba chen po so sor grub nas 'jig rten gyi dngos grub drug rjes su rang 'grub par 'gyur ro/ /de ltar lha so so'i phyag rgya bshad nas/ rigs drug thun mong gi chos kyi phyag rgya gsungs pa ni de'i dam tshig de 'byung ba zhes bya bar lungs? te thabs? drug po gang yin pa de'i dam tshig shes rab kyi rang bzhin gang yin bde 'byung ba'o/ /sdug pa'i dam tshig 'das? rjes 'brang zhes bya ba sdug pa ni lha mo'o/ /dam tshig ni rang snang ba'i chos kyi phyag rgya'o/ /bdag rjes 'brang zhes pa thabs dang sku mdog mthun pa'o/ /shin tu sbyor ba ni sgyu ma lta bur shes pa'o/ /sbyor ba chen po ni 'od gsal/ gyi rang bzhin du shes pa'o thams cad bdag nyid dam tshig mchog ces bya ba'i chos kyi dbyings kyi rang bzhin can dang snang gi lha mo drug go /gcig bzhin du ni gcig spyod pa zhes pa bsnyan sgrub bzhis lha dang lha mor bskyed pa'o/ /lhan cig spyod pa ni dga' ba gnyis so/ /rjes su sdug ces pas mchog dga' bo/ /mkha' 'gro sgyu ma mchog tu 'bad zhes pa lhan cig

  890. 445b

    skyes dga' o/ /thams cad dga' ba ma lus pa'i/ phyag rgya thams cad bde ba che zhes bya ba ni/ bde ba chen po'i ye shes so/ /rtog pa dam tshig lha ma'i zhes pa sangs rgyas spyan la sogs pa bud med kyi gzugs can gyi sprul sku'o/ /rdo rje sems dpa' sbyor ba'ang? zhes? pa/ rang bzhin brgyad cu dang bral ba'i dga' ba gsum dang/ bde ba stong pa nyid du shes pa ni rdo rje sems dpa' i sbyor ba'o/ /lha mo thams cad 'dus pa ni tshogs kyi 'khor lo'i lha mo'o/ /ma lus skal pa bzang po kun zhes pa ye shes las skyes pa dang zhing skyes dang sngags las skyes pa'o/ /bde ba so sor rjes 'grub pa zhes pa lha mo de rnams la zhi gnas lhag mthong sum du bskyed pa'o/ /de ltar chos kyi phyag rgya bshad nas/ phyag rgya chen po bshad pa ni/ phyag rgya 'di yis rgyas btab pas shes pa smos te/ rdo rje sems dpa' i rnal 'byor bas rang gi mu dra la bde ba chen po'i rgyas btab nas bsgoms na nam mkha' i khams kyis mthas klas pa'i lha mo thams cad la dbang bsgyur ba'i 'dod pa'i dbang phyug tu 'gyur ro/ /ji ltar 'gyur snyam na/ thams cad rnal 'byor bde bas myong zhes pa smos te/ skal pa dang ldan pa'i rnal 'byor ma thams cad la ye shes bsam pa'i bde bas myos nas snyoms par zhugs kyang sdig pa med cing/ stobs kyi ngo mthon du zhes bya ba ni de'i mthus mngon sum du zhes bya ba'i tha tshig go /rang bzhin brgyad cu dang drang? babs sdig pa med cing zhi gnas dang/ lhag mthong mngon sum skye bas na ngo mthon du'o/ /rdo rje sems dpa' i rnal 'byor pas mchog gi dngos grub thob nas 'dod// //pa'i dbang phyug gi dngos grub kyi las byed par 'gyur ro/ /rnam snang gi phyag rgya chen por grub pa'i phan yon ni/ dbang po kun las byung ba'i zhes pa la sogs pa smos te/ 'jig rten gyi khams kyi 'dod yon lngas pU dza ba dza'i? grub po//

  891. 446a

    he ru ka'i phyag rgya chen po ni/ rnal 'byor bde ba thams cad ni zhes pa smos te/ bde ba chen po'i dbang bskur bas he ru ka chos kyi ngo bor ro gcig pa'i dbang bskur ba yin no/ /he nyid? bde chen las byung ba/ /ru ni rin chen chags dang bral/ /ka ni rab tu rmongs pa sbyangs/ /bde ba kun gyi dbang bskur ro/ /zhes bshad do/ /pad+ma gar dbang gi phyag rgya chen po ni lha mo kun gyi longs spyod la zhes pa smos te/ zhing dang sngags dang las las skyes pa'i lha mo'o/ /de rnams la dga' ba bzhi'i tshul gyis ji lta bar bstan nas de stong pa nyid du bsgom pa'o/ /rdo rje nyi ma'i phyag rgya chen po'i rnal 'byor thams cad dang bde ba'i zhes gsungs te/ thabs dang shes rab gnyis su med pa'i sbyor pas bde ba chen po kun tu rnal 'byor gnyis kyi tshul gyis myong bar byed do/ /rta mchog gi phyag rgya chen po ni sangs rgyas thams cad bdag nyid kyis zhes bya ba la sogs pa smos te/ dga' ba bzhi'i ra sa ya na'i bde ba des rdo rje sems dpa' 'grub pa 'gyur ro/ /de ltar phyag rgya chen po drug bshad nas/ de rnams kyi 'dir gsungs pa ni sku dang gsung dang thugs dang pU dza dang yon tan dang lnga ste/ lnga po de mdor bsdu na rdo rje 'dzin pa thugs dang 'jig rten dbang phyug gsung dang/ rin chen dbang phyug sku'i bdag nyid yin na/ de dag dang ni dga' ba spyad na zhes pa rigs lnga 'am gsum gi lha mo de rnams dang dga' ba gnyis kyi ting nge 'dzin spyod na/ 'dod pa bzhin du 'gro ldib? zhes pa lha'i rgyal po'i dngos grub dang/ chos kyi dbyibs dang mnyam mi mnyam pa zhes pa sangs rgyas dang byang chub sems dpa' mchog gi dngos grub tshe 'di nyid la thob pa yin no/ /de ni 'di skad ston pa yin te/ skyed rim rdul tshon gyi maN+Dal mtshan ma thob nas dngos grub len pa 'am/ /rdzogs rim lus dang b+ha ga dang chos kyi dbyings kyi maN+Dal

  892. 446b

    tshogs kyi 'khor lo dang zhing gi? btung ba dang/ pho nya'i gtsang sbra gnyis kyis dngos grub sgrub pa na sgrub pa'i thabs ni lam dang po de nyid snang ba/ gnyis pa thabs mang pa/ gsum ba zab pas dngos grub 'di blangs nas sems can gyi don phyin las zhes bya bar gsungs pa yin no/ /brtag pa gsum pa'i 'grel pa'o// //de ltar zab pa bstan nas dbang po rnon po'i dbang du byas pa mchog gi dngos grub bshad pa ni/ 'di ni rnal 'byor bcom ldan 'das zhes pa la sogs pa gsungs te dbang po thon? po dbang du byas pa'i rnal 'byor 'di ni sangs rgyas thams cad dang mnyam par sbyor ba'i bde mchog yin no/ /lha mo kun dang mnyam sbyor ba zhes pa phyag rgya dang mnyam par sbyor ba'o/ /skal pa bzang mchog 'dod pa ste/ zhes dbang skur pa'i gang zag gi dngos grub 'dod pa'o/ /yang dag sbyor bas bde ba myong ba zhes pa rang bzhin brgyad cu dang bral ba'i dga' ba bzhi'i ting nge 'dzin zag med kyi bde ba myong pa'o/ /'dod chags ther zug rtag pa can zhes pa 'dod chags ni zab med kyi bde ba'o/ /ther zug ni mngon sum gyi nyams su myong ba'i don de ltar 'ba' zhig rtogs pa 'das pa dang/ ma 'ongs pa zhig pa dang/ ma? byung ba med pas na rtag pa'o/ /de'i spyod pa bshad pa ni sangs rgyas kun gyi gzugs chen du zhes pa la sogs pa gsungs te/ zag med kyi gzugs sgra? dri ro reg bya la spyod pa'o/ /sangs rgyas pha rol byin grub pa zhes pa pha rol phyin pa dang gzungs dang sa rnams kyis bskal pa gsum gyis dngos grub kyang thob par 'gyur na/ lha dang mi'i ris su skyes pa'i bskal ba bzang po'i ye shes las skyes pa'i sngags dang zhing skyes la sogs smos kyang ca dgos/ /lha'i dngos grub dga' ba dang zhes pa'i 'jig rten gyi dngos grub/ sangs rgyas byang chub bde chen po zhes pa mchog gi dngos grub bskal pa bzang po bde ba stong zhes pa/ zag med kyi bde ba 'dod pas phyag rgya'i bde ba

  893. 447a

    so sor nges zag pa med pa'i ye shes grub par 'gyur ro/ /de ltar mdor bstan nas rgyas par bshad pa ni/ las dang po pa'i rdo rje sems dpa' spyod pa bstan pa ni dngos po thams cad las byung ba zhes pa la sogs pa smos te/ kun tu bzang mo'i rigs dang mthun pa'i phyag rgya bzhi la spyad par bya'o/ /he ru ka'i spyod pa ni rdo rje can gyis mchog grub dang zhes pa ni khro mo dbyings kyi dbang ma'i rigs dang mthun pa'i phyag rgya bzhi dang zag med kyi bde ba bskyed pa'o/ /pad+ma gar dbang gi spyod pa ni 'jig rten dbang po mchog gi dpa' zhes bya ba smos te/ gos dkar mo dang mthun pa phyag rgya bzhi la bde ba bsgom pa'o/ /rnam snang gi spyod pa ni sangs rgyas dag la bde ba dam pa zhes bya ba la sogs pa smos te/ sangs rgyas phyag rgya'i rigs dang mthun pa'i phyag rgya bzhi la bde ba bsgom pa'o/ /rdo rje nyi ma'i spyod pa ni/ khams gsum dag na ma lus pa zhes bya ba la sogs pa smos te/ mA ma kI'i rigs dang mthun pa'i phyag rgya bzhi la bde ba bsgom pa'o/ /rta mchog gi spyod pa ni/ sangs rgyas kun gyi grub chen po zhes bya ba la sogs pa smos te/ sgrol ma dang mthun pa'i phyag rgya bzhi la bde ba sgom pa'o/ /de ltar mchog gi dngos grub kyi ye shes kyi lha mo bshad nas/ 'jig rten gyi dngos grub gyi bsam gtan gyi lha mo bshad pa ni/ mthu chen la ni bkra shis brtan/ zhes bya ba la sogs pa smos te/ mthu chen ni khyab 'jug go /bkra shis brtan ni de'i chung ma'o/ /'phrog las ni dbang phyug chen po'o/ /grub pa ni lha mo u ma'o/ /dran pa las ni 'dod pa'i lha'o/ / dga' zhes pa de'i chung ma'o/ /ngo mthon stobs kyis phrogs nas zhes pa mngon sum du bkug nas bdag nyid longs spyod pa dang/ sems 'dzin pa dang/ dbang bskur ba dang/ tshogs 'khor byed pa'i dad pa la sbyin par bya'o/ /de ltar btsun mo rin

  894. 447b

    po che bsgrub pa bstan nas/ rgyal srid bsgrub pa ni ma lus 'jig rten gsum rgyal srid ces bya ba la sogs pa smos te/ khams gsum gyi bdag po la longs spyod thams cad phrogs nas bdag nyid kyang longs spyod cing dad pa la sbyin par byed do/ /rgyal srid sgrub pa bstan nas/ bdag po sgrub pa bstan pa ni tshangs pa khyab 'jug dbang chen gyi zhes bya ba la sogs pa gsungs te/ lha'i rgyal po rnams kyi bdag po phrogs nas bdag nyid longs spyod cing dad pa yang sbyin par byed do/ /des 'jig rten gyi dngos grub bstan nas 'jig rten las 'das pa'i dngos grub ni/ sangs rgyas don du bya ba kun/ zhes bya ba la sogs pa gsungs te/ bde ba chen po'i rgyas btab nas/ phyag rgya chen po bsgom pa'i rnal 'byor pa las mi bya ba gang yang med do/ /sangs rgyas dang byang chub sems dpa' i ye shes kyang sngags kyang rgyud dang yan+ta'i thabs gsum gyis phrogs nas gzhan la sbyin par byed na/ 'jig rten gyi dngos grub lta smos kyang ci dgos/ bde ba chen po'i rgyas btab pa'i mthus dngos grub mchog thob pa dang/ bdud thams cad 'joms pa dang/ ye shes phun sum tshogs pa dngos grub chen po dang/ 'khor los sgyur ba yang rab tu 'grub par 'gyur ro/ /'jig rten gyi khams thams cad du sprul pa'i 'khor los sgyur ba bzhugs pa bstan pa ni la lar byang chub sems dpa' chen po zhes bya ba la sogs pa gsungs te/ gdul bya btul ba'i thabs 'grub pa'o/ /longs sku'i 'bras bu bstan pa ni 'dis dngos grub chen po kun gyi mchog ces bya ba la sogs pa smos te/ bsam gtan bzhi pa'i lha'i gzugs dang bsam gyis mi khyab par yongs su sgyur ba sku'i tshe dang/ mtshan sum cu rtsa gnyis dang/ dpe byad bzang po brgyad cu'i kha dog dang/ stobs bcu la sogs pa'i stobs dang/ zag med kyi snang ba rdo rje sems pa'i rang bzhin dang/ 'gro

  895. 448a

    ba bzang po thams cad kyi bsnyen pa bya zhing de bzhin gshegs pa thams cad mchod pa'o/ /longs sku de yang gcig tu nges pa zhig yin snyam na/ lha mo bzhi ka'i dbus na rdo rje sems dpa' bzhugs pa dang/ rigs drug 'khor lo'i tshul gyis byang chub sems dpa' rnams la rgyas 'debs pa dang/ 'jig rten gyi lha dang nges par legs pa'i byang chub rnams kyang sems can rnams la sbyin par byed pa dang/ 'khor ba ji srid par gnas kyi bar du bskal pa mang por sems can gyi don du srid pa la rgyun tu zhugs pa'o/ /rtag pa bzhi pa'i 'grel pa rdzogs so// //de ltar rtog pa thams cad thun mong du sgrub pa'i de kho na nyid bstan pa dang/ thabs mang ba dang zab pa dang/ dbang po rnon po'i dbang du byas pa'i dngos grub sgrub pa'i thabs kyi le'u bshad nas/ nga ni gdul bya so so'i bye brag gi rtog pa gsungs pa ni/ 'di ni rnal 'byor b+ha ga bA na zhes bya ba la sogs pa smos te/ 'dod chags chen po'i gang zag 'dul pa'i phyir rdo rje sems dpa' i rnal 'byor 'di ni de bzhin gshegs pa thams cad kyi sangs rgyas thams cad dang mnyam par sbyor ba rdo rje dngos grub rtog pa lha nyi shu rtsa gcig pa'i mkha' 'gro ma sgyu ma'i bde mchog gsungs pa yin no/ /de yang gcig yin te/ /sngon 'dzam+bu'i gling du yang dag par rdzogs pa'i sangs rgyas kyi sprul pa'i skur bshad pa dang/ rjes 'jug rnal 'byor pa'i dbang du byas na/ gzugs brnyan gyi 'khor lo bsgoms nas/ las dang po pa'i dngos ba grub dang/ mchog tu gyur pa'i rnal 'byor pa dngos grub len pa dang/ gzhan la phan 'dogs pa'i gang zag la dbang bskur ba'i dkyil 'khor gsungs pa yin no/ /sngon 'dzam+bu'i gling du gyur pa'i sprul sku'i lugs

  896. 448b

    kyi rim pa gsungs pa ni/ yang dag grub pa gcig pu nyid ces gsungs te/ 'og min du byang chub pas chos sku bsnyes pa'o/ /ji ltar 'dod pa bzhin du sbyar zhes pa byang chub pa lnga pa la longs sku'i rgyu rdo rje sems dpa' 'am/ rgyu'i rnam snang ngam/ rgyu'i rdo rje'i ?pa'am/ rgyu'i pad+ma gar dbang ngam/ rgyu'i he ru ka 'am/ rgyu'i rta mchog tu snang ba'i rtog pa'i cho ga thams cad la'o/ /grub pa dam pa mchog gi chos zhes pas sngon sangs rgyas kyi lam du grub pa zag med dam pa mchog gi lam ni de nyid du gsungs pa dang/ kha sbyor thig le nas 'byung ba bzhin du zla ba dang/ zla ba gcig pa dang/ rdo rje dang/ khams zhugs pa dang/ sku gyur pas rtog pa drug po thams cad la 'og min du byang chub pa'i tshe bsgom par bya'o/ /sna tshogs lam gyi sbyor ba yis zhes bya bas 'og min du phyogs bcu'i sangs rgyas bzhugs nas byin gyis brlab pa dang/ dbang bskur ba dang ting nge 'dzin dang phrin las la bzhag pa'o/ /cho ga sna tshogs pa 'dod pa'i/ sems can rnam par gdul ba dang zhes pa rtog pa drug gi gdul bya 'dod chags chen po dang/ gti mug dang/ zhe sdang dang/ log par lta ba dang/ ser sna dang le lo chen po can 'dul ba'i phyir/ ye shes drug gi bde ba sgrub pa'i phyir/ b+ha ga bAn sngon bde ba can du sprul sku'i 'bras bu ni rdo rje 'chang drug po de nyid kyis sangs rgyas kyi rnam 'phrul sems can gyi don du sprul nas/ phyag rgya bzhi la smos pas myur du 'grub par 'gyur ro/ /de yang thabs gang gis myur ba yin zhe na/ byin rlabs kyi lam gyis ye shes sems dpa' bcug pas 'grub par 'gyur ro/ /de ltar ston byung ba sangs rgyas kyi mdzad pa bshad nas rjes 'jug gsungs pa ni/ nyin re 'am yang na zla re 'am/ yang na de bzhin lo re na/ ji bzhin byin gyis brlabs nas kyang/ /sangs rgyas bde mchog gar bya'o/ /zhes gsungs te/ bsnyen bsgrub bzhi bsgoms pas

  897. 449a

    bsnyen pa byas nas zhag gcig 'jog pa'i dkyil 'khor 'bri ba 'am/ zla ba gcig 'jog pa 'am/ lo gcig 'jog pa'i dkyil 'khor bri bar bya'o/ /ji bzhin byin gyis brlabs nas zhes pa dkyil 'khor byed pa'i rnal 'byor bas bsnyen pa dang sgrub pa chung du dang 'bring dang chen po'i rim pas 'og nas 'byung ba bzhin du bskyed na pU dza byas la sangs rgyas pa de mchog gi zlos gar bsgom par bya'o/ /yang na ting nge 'dzin gyi dkyil 'khor bsgom par mi 'dod na cha lugs byas nas sgrub pa bstan pa ni/ khams kyi ngo bo thams cad rang zhes bya ba la sogs pa smos te/ gser dngul zangs lcags la sogs pa'o/ /de gzhin srog dang rtsa las byung/ /zhes pa srog chags las byung ba'i bso dang rwa las byas pa dang/ rtsa las byung ba'i shing la 'bur du bkos nas rang gi lha'i cha lugs su bya'o/ /de yang ji lta bu zhe na/ sgrub pa'i phyag rgya rab tu zhes smos te/ rdo rje sems dpa' dang/ rnam snang dang/ he ru ka dang/ rdo rje nyi ma dang/ pad+ma gar dbang dang/ rta mchog gzugs su bya'o/ / dkyil 'khor gang dang gang bstan pa/ sna tshogs phyag rgya'i mchod pa yis/ zhes bya ba smos te/ rigs drug gi rnal 'byor pa khyim pa 'am rab tu 'byung ba 'am skyes pa'am bud med kyi rtog pa drug gi 'khor lo gang dang gang ston pa'o/ /de yang gang zhig dang lhan cig bsgom zhen/ slob ma'i tshogs kun de dang der/ mchod pa byas nas de 'grub po/ /zhes bya bas dbang bskur ba'i slob ma'i tshogs dang/ gdong rgyan byon la tshogs kyi 'khor lo bsgrub par bya'o/ /de ltar sngon 'byung dang rjes 'jug gi rgyud bshad nas/ da ni rtog pa thams cad kyi sngon 'byung gi gling gzhi gsungs pa ni/ de nas gzhan yang rtog kun gyi/ sangs rgyas thams cad rnam pa sprul pa yi rigs drug sprul par bya'o/ /gtam dag rab tu bshad par bya zhes bya ba gsungs so/ /de yang

  898. 449b

    ston pa su zhig la gnas gang zhig tu su zhig dang lhan cig tu dus nam gyi tshe thos zhe na/ ston pa sems dpa' sangs rgyas kun gyi dngos/ rdo rje sems dpa' bde ba'i mchog ces bya ba ste longs sku dang sprul sku'i ngo bo nyid do/ /gnas ni gsang ba'i mchog gi dgyis pa na'o/ /'khor ni thams cad bdag nyid do/ /dus ni rtag tu bzhugs pa'o/ /der bzhugs pa'i chos sku'i ngo bo ni/ /'di ni rnal 'byor bcom ldan 'das/ rtag pa dam pa bstan pa ste/ rtag tu da ltar byung ba bzhin ngo bo nyid kyi 'da' dka' ba zhes gsungs so/ / bshad pa'i chos ni/ cho ga sna tshogs 'dod rnams la/ /las kyi sbyor ba sna tshogs kyis/ /sangs rgyas rdo rje 'dzin la sogs/ /gdul bya'i phyir ni byas pa yin zhes pa rigs drug gi 'khor lo'i gzugs kyi rnam rtog sprul pa dang/ sgra'i rnam rtog bshad pa'o/ / sangs rgyas la sogs brtan g.yo kun/ /kun gyi dngos por 'di 'gyur ro/ /zhes bya bas snod kyi 'jig rten gzhal yas khang dang/ bcud kyi 'jig rten ltar bskyed pa'o/ /sems can kun gyi don mchog rnams/ /sangs rgyas la sogs 'bul bas 'grub ces bya ba phun sum tshogs pa lnga'i bdag nyid can gyis sems can gyi don du sprul bar bshad pa yin no/ /rdo rje sems dpa' i dbugs 'byung ba'i 'grel pa'o// //de'i don ni 'di skad ston pa yin te/ de ltar sprul sku mi yul du thabs pa'i thabs nyams su blang pa'i rim pa bshad nas da ni yan lag gi don brjod par bya ste/ rdo rje sems dpa' dbugs byung ba'i yan lag gi don dang/ /brtog pa drug gi nyams su blang ba'i cho ga bshad pa yin no/ /da ni rnam par snang mdzad kyi dbugs 'byung yan lag gi don mdzad par bya ste/ 'das pa'i dus na sngon 'byung ba zhes bya ba sngon sangs rgyas kyi sprul sku'i mdzad pa bskyed pa dang/ spro ba dang bsdu ba dang/ gnas pa dang brtan pa'i tshul lo/ bdag nyid chen po rtag pa'o/ /de bzhin gshegs pa'i gsung rab las

  899. 450a

    zhes bya ba ni/ sngon bcom ldan 'das rdzogs ldan gyi dus kyi tshe/ bsam gtan bzhi'i yang thag tu/ rdo rje sems dpa' i tshul gyis sbyor nas dpal mchog la sogs pa'i rnal 'byor ba'i rgyud gsungs pa dang/ da bstan pas sems can rnams gzugs sku la sogs par zhen par sgro 'dogs par 'gyur ba dang/ 'khor ba 'jig dang/ gser thub dang/ 'od srungs la sogs pas dbu ma'i theg pa bstan pas sgro 'dogs gsal bar mdzad pa yin no/ de la sems can rmongs pas stong pa nyid 'ba' zhig la zhen pas sgro 'dogs pa dang/ skur ba 'debs pa las bzlog pa'i phyir thabs kyi bla na med pa dang/ shes rab kyi bla na med pa'i rgyud gsungs pa yin no/ /de yang rdo rje mkha' 'gro'i le'u dang po las go rim ji bzhin bshad pas the tshom mi bya'o/ /shes rab kyis bla na med pa'i mnyam sbyor gyi rgyud stong phrag bco brgyad pa'i dbang du byas nas bdag nyid chen po rtag pa chos kyis las/ de bzhin gshegs pa'i gsung rab las sa bcu'i dbang phyug gi don rgyu? rnam snang gis byin gyis brlabs pa dang dbang skur dang ting nge 'dzin dang phrin las mdzad pa yin no/ /sngon rdzogs ldan gyi dus kyi bskul pa dang po la bsam gtan bzhi pa'i yang thog dang/ gzhan 'phrul dbang byed kyi gnas dang/ ri rab ri'i rtse mor dpal mchog de nyid bsdus pa la sogs pa'i lha rnams 'dul ba'i don de bzhin gshegs pa'i gsung rab kyi 'khor lo 'gro ba lha'i gzugs kyi rnam par rtog pa sngon byung ba dang 'dzam bu gling du bskal pa bzang po 'di la 'khor ba 'jig dang gser thub dang 'od bsrungs gi bstan pa'i de bzhin gshegs pa'i gsung rab las 'dzam bu gling du 'gro ba dang mthun bar rab byung gi tshul du sngon byung nas sde snod gsungs so/ /de tshe sems can thams cad shin tu stong pa nyid la sogs pa?

  900. 450b

    ye shes rgyun chad 'gog pa'i chos nyid la sbyor bar shes pa'i rgyun 'gags nas phung po lhag ma med pas mya ngan las 'das pa yin no/ /dor bar bya ba'i rnal 'byor de nyid mkhyen pas bcom ldan 'das rdo rje sems dpas de bzhin gshegs pa 'gro ba stong pa nyid phyogs gcig la zhen pa de dag stong pa nyid las grol zhing/ phung po lhag ma med kyi mya ngan las 'das pa bzlog pa'i phyir rnam par snang mdzad kyi mngal skyes kyi dkyil 'khor bskyed par mdzad pa yin no/ /bai ro'i dkyil 'khor bas lta ba lhag na ci zhig ston snyam na/ stong pa 'am ma yin/ mi stong pa yang ma yin zhes pa la sogs pa gsungs te/ don dam pa sgyu ma lta bu dang/ rab tu mi gnas pa lta bu'i stong pa yang ma yin zhing/ rnam bcas dang rnam med lta bu'i mi stong pa yang ma yin la/ gnyis su med pa'i zung du 'jug pa dbu mar yang mi dmigs pas/ shes rab stong pa nyid dang/ thabs snying rje'i bdag nyid kyi chos sku rtog med las dag pa 'jig rten pa'i ye shes yongs su brtags pa'o/ /rnam par mi rtog pa la mos pa'i rnal 'byor pa la mos pa yang lha'i 'khor lo thams cad brag cha 'am/ sgra brnyan gyi tshul gyis brtag par bya'o/ /'gro ba rmongs pa lha'i skul zhe na pas sgro 'degs dang ldan? 'debs mi bya'o zhes pa'i dgongs pa bstan pa'i phyir dkyil 'khor gyi 'khor lo dang lha'i de nyid gsungs pa yin la/ ma 'ongs pa'i sgo gsang sngags kyi sgo spyod pa sbyar bar 'dod pa rnams kyis dkyil 'khor rgyal mchog gi theg pa chen po yon tan rgyas pa'i ? dus gsum du de bzhin gshegs pa thams cad la bstod par bya'o/ /de yang mnyam pa nyid mi g.yo ba zhes bya ba nas mchog chos can zhes pa'i bar gyi me long lta bu'i ye shes kyi sngogs bskor ba dang/ yon tan shin tu phra ba'i cha la'ang zhes pa nas/ nges par gsol gyis bar

  901. 451a

    gyis mnyam pa nyid kyi ye shes kyi sgo nas bstod pa dang/ rtag tu dri med thugs zhes bya ba nas/ rtag tu rnam par zhes bya ba'i bar gyis so sor rtog pa'i ye shes kyi sgo nas bstod pa dang/ tshad med tshad dang bral ba zhes bya ba nas yongs mi 'gyur zhes bya ba'i bar gyis bya ba nan tan gyi ye shes kyi sgo nas bstod pa dang/ e ma'o shin tu bzang po zhes pa nas bdag la sogs zhes bya ba'i bar gyis chos kyi dbyings kyi ye shes kyi sgo nas bstod pa yin no/ /slob dpon klu sgrub ni bsnyen pa'i dus su phra mo'i sa ma d+hi la snyoms par zhugs pa na/ /lha mo rnams kyi glus bskul bar bzhed do/ /in+d+ra b+hU d+hi rgyu'i rnam snang zhu ba las 'bras bu'i bai ro bskyed pa'i phyir lha mo bzhi'i glus bskul bar bzhed/ rab zhi bshes gnyen dang/ kun dga' snying po ni dkyil 'khor sgom pa rdzogs nas stong pa nyid kyi ting nge 'dzin las bslang ba nas bskul bar 'dod do/ /ye shes zhabs ni dkyil 'khor rgyal mchog la bstod par the tshom mi za'o/ /'di ni sangs rgyas thams cad kyi zhes bya ba la sogs pa ni go sla bas ma bshad do/ /de nas de'i sgrub pa dang zhes bya bas rjes 'jug gi don bshad pa yin te/ sgrub pa ni mtshan ma thob kyi bar du bsnyen bsgrub gnyis lha'i 'khor lo bsgom pa'o/ /shin tu brtag pa'i dngos grub bdag ces pa mtshan mthob nas/ 'jig rten pa'i dngos grub mngon par shes pa lnga bsgom pa'o/ /gang gi srid pa 'di nyid la/ /dngos grub shin tu rtag pa thob/ /ces pa ni/ mchog gi dngos grub bud+d+ha'i bo d+ha'i ye shes grub pa'o/ /de sgrub pa'i thabs gang yin zhe na/ rdo rje se gol gtogs pa yi/ /sangs rgyas thams cad bsdu bar bya/ zhes gsungs te/ bai ro'i dkyil 'khor gyi 'khor lo bsgom pa'i rnal 'byor pa byin gyis brlabs kyi lam ye shes sems dpa' gzhug pa'o/ /thal mo legs par

  902. 451b

    sbyar ba yis/ /thal mo lan gsum nges par brdab ces pa ye shes sems dpa' 'byon pa la phyag byas nas snying gar bcug ste dbang bskur ba'i mthar pheb brdabs mnyes par bya'o/ /dbang po gang dang gang lam gyur/ /de dang de yi ngo bor bya zhes pa/ bud+d+ha'i dbang po dang rang gi mnyam par sbyor bar ro gcig par bsgom pa'o/ /ji ltar mos pa chags pa dang/ zhes pa lha la dang ba'i dad par mos par bsgoms na sha dza ba zhes bya ba la sogs pa'i snying po dang/ sngags kyi glu len cing bstod par bya'o// kun tu gnas pa'o/ /kun nas ni dngos po'o/ /thams cad ni rnam pa'i bye brag go /bdag nyid rtag tu rnam pa kun zhes bya ba dus so/ /sangs rgyas kun dang dngos grub 'dzin/ /rab tu mthong zhing dngos grub po/ /ces bya ba rang gi lus dang lha tha mi dad mthong ba dang reg pa dang/ thob pa'i mtshan ma thob par 'gyur ro/ /gang gi tshe dngos grub ma thob na bskyur chos gsungs pa ni sangs rgyas kun gyis zhes bya ba la sogs pa gsungs te/ sngar bshad pa'i bstod pa'i rgyal pos rigs kyi rnal 'byor pas mtshan thog thag lha la bstod na de kho na nyid bskul ba yin pa dngos grub grub par gdon mi za'o/ /bai ro'i dbugs dbyung ba'i 'grel pa'o// //de ltar bai ro'i dbugs dbyung bshad nas/ he ru ka'i dbugs dbyung ni/ 'das pa'i dus na zhes bya ba la sogs pa gsungs te/ 'das pa'i dus nas zhes bya ba la sogs pa bshad zin to/ /de tshe sems can thams cad ni zhes bya ba 'od srungs gi bstan pa'i rjes la sems can thams cad gdug cing gtum par 'gyur ro/ /gdug par 'gyur du zad mod nyes pa cir 'gyur zhe na/ shin tu khro zhes pa la sogs pa smos te/ de'i rnam smin gyis du 'bod du skye bar 'gyur ro/ /de nas tshe phos na 'byung po rtogs 'dod can gyi bu 'byung po dge ba can du skye bar 'gyur ro/ /de legs ldan byed

  903. 452a

    nag por gyur nas/ des grong khyer sum rtseg 'jig pa'i phyir/ rims dug dbyig dug la sogs pa log 'dren gyi las byed pa dang/ 'jig rten gsum po 'jig par byed cing rig pa 'dzin pa'i sgrub pa po rnams la 'tshe ba dang/ lha la sogs pa tshe 'pho bar byed pa dang/ bde bar gshegs pa'i bstan pa yang 'jig par byed do/ /de'i tshe drag po 'jigs byed kyis gdug pa de ma bzod nas dbang po dang bcas pa'i lha tshangs pa la skyabs su song ngo/ /tshangs pa yang khyab 'jug la skyabs su song ngo/ /khyab 'jug kyang gzhan 'phrul dbang byed kyi lha'i bu chen po la skyabs su song ngo/ /lha chen po des bcom ldan 'das rdo rje 'chang ba'i rang bzhin shes nas de nyid la skyabs su song ngo/ /de nas bcom ldan 'das rdo rje 'chang ba de nyid kyis rdo rje se gol brdabs nas rdo rje bsdu ba mdzad de/ sangs rgyas thams cad spyan drangs nas 'jig rten gyi khams thams cad til gyi gang bu bzhin gang par gyur to/ /de rdo rje sems dpas gdug cing gtum pa'i sems can la zhi bas phan par mi 'gyur bar gzigs nas/ shes rab thabs kyi ting nge 'dzin la snyoms par zhugs te/ thabs shes rab kyi snying po hUM gsungs pas bdag nyid de bzhin gshegs pa thams cad khros nas khro bo'i gzugs su mdzad pa yin no/ /de nas khro bo'i ched du brjod pa ni/ /khro bo'i tshul can khros pa ni/ /'jig rten gsum yang srog byed na/ /sangs rgyas thams cad khros pa yis/ /khams gsum ma lus smos ci dgos/ /de nas sna yi rtse mo la/ /yid ni yang dag bstan par gzung zhes pa dpal he ru ka yab yum thabs shes rab gnyis su med pa'i yab yum gyi mkha' gsang du phyogs bcu'i sangs rgyas zhu ba'i thig le yi ge hUM gi gzugs su snang ba la sems gzung nas/ gsang ba'i rdo rje sna rtse'i dbugs yi ge sum cu rtsa gnyis kyis ring zheng dro? par

  904. 452b

    gyur pa las he ru ka'i 'khor lo'i phyag rgya ke ri ma la sogs pa mngal skyes kyis byung bar gyur pa yin no/ /de nyid ma 'ongs pa'i gsang sngags kyi sgo'i spyod pa spyad par 'dod pa rnams kyi dkyil 'khor gyi 'khor lo mngal skyes kyi rim pa bsgom par bya'o zhes bstan pa ni/ bcom ldan 'das de nyid rnal 'byor pa zhes pa la sogs pa gsungs so/ /bcom ldan 'das de'i sku mdog ji lta bu zhig ce na/ sems dpa' sngon po 'bar ba'i zhes pa la sogs pa gsungs te/ zhal bzhi pa phyag brgyad pa/ g.yas zhi zhing dkar ba/ g.yon chags pas dmar ba/ dbus ma'i zhal drag pa/ rgyab ma rmongs par mdzad pa ser po/ phyag dang po gnyis na rdo rje dril bu/ 'og ma gnyis na 'jigs byed kyi pags pa brnabs pa/ gsum pa gnyis na mda' dang gzhu bzhi pa gnyis na mdung dang thod pa bsnams pa'o/ /yang na zhal gcig pa phyag bzhi pa'o/ /des phrin las ci zhig mdzad ce na/ 'jigs pa chen po dus ltar drag ces pa nas thams cad pham nas slar yang ni/ thal bar gyur pa 'tsho bar byed pa po'i bar gsungs te/ ma rungs pa'i 'khor lo thams cad la sdug bsngal phab pas slar yang shi bas thal bar gyur pa las slar 'tsho bar mdzad pa yin no/ /slar yang ci zhig mdzad ce na/ de'i 'bar ba'i nyi ma las zhes gsungs te/ rang gi nyi ma'i 'od zer 'bar ba las byung ba'i dur khrod kyi zhing skyong du sprul nas/ grib ma bzhin du sprul pa'i gzugs su mdzad pa yin no/ /de nas ma lus pa'i bdud las grags pa/ ma 'ongs pa'i rnal 'byor pa'i bar du gcod pa'i gdug pa la sogs pa'i khrag za bar nus pa dur khrod kyi rgyal po he ru ka dang/ lhan cig rol pa yin no/ /de'i phyir sangs rgyas kyi zhing sbyangs nas 'gro ba thams cad byang chub la bkod de/ sems can gyi khams thams cad sbyangs pa yin no/ /he ru ka'i dbugs

  905. 453a

    dbyung ba'i 'grel pa'o// /de ltar he ru ka'i dbugs dbyung bshad nas/ da ni pad+ma gar gyi dbang phyug gi dbugs dbyung bshad par bya ste/ 'das pa'i dus na sngon byung ba zhes bya ba nas 'gro ba'i tshul du sngon byung ba'i bar du bshad zin to/ /de tshe sems can thams cad ni zhes pa sangs rgyas 'od srungs gi bstan pa'i rjes la sems can thams cad rmongs pa'i dbang gis log par lta ba can du gyur to/ /de nas chag pa'i dbang gis ngu 'bod chen por skyes par gyur to/ /log lta can gyi shes rab de nyid sbyang ba'i phyir/ bcom ldan 'das rdo rje chos kyis ji ltar pad+ma dmar po 'di 'dam las skyes kyang 'dam gyis nyes pas mi gos pa bzhin te/ khams gsum pa'i sems can 'od gsal blo bur gyi dri ma'i nyes pas ma gos pa gzigs nas/ spyan ras gzigs kyi skur bskyed pa yin/ de yang su zhig yin zhe na/ rdo rje sems dpa' de bzhin gshegs pa zhes bya ba gsungs te/ rigs drug gi dkyil 'khor dang rdo rje sems dpa' nyid rtsa ba'i sprul sku yin zhes shes par bya'o/ /de bas na bcom ldan 'das rdo rje sems dpa' des log lta las byung ba'i 'dod chags 'dul ba'i phyir/ so sor rtog pa 'dod chags dag pa'i mchod sbyin te/ pad+ma gar gyi dbang phyug thabs dang shes rab mnyam par sbyor ba'i mnga' skyes kyi rim pas pad+ma bar gyi dbang phyug gi dkyil 'khor gyi tshul gyi sna tshogs pa 'dul ba la mos pa la kun tu spyan ras gzigs dbang phyug gi rgyal po snang ba mdza' yas su gyur pa yin no/ /pad+ma gar gyi dbang phyug gi dbugs dbyung ba'i 'grel pa'o// //de ltar gar gyi dbang phyug gi 'grel pa bshad nas/ da ni rdo rje nyi ma'i dbugs dbyung bshad par bya ste/ 'das pa'i dus na sngon byung ba'i tshigs bcad gcig gshad zin to/ /de tshe sems

  906. 453b

    can thams cad ni zhes bya ba ni bud+d+ha 'od srungs gi bstan pa'i rjes la ser sna'i sems kyis 'dug cing nor la shas cher brkam par gyur pa dang/ shin tu 'jungs par gyur pa'i dbang gis yi dags kyi gnas su lhung bar gyur to/ /de nas tshe 'phos nas mi dbul por skyes nas bkres pa dang skom pa dang/ phan tshun gsod par gyur pa dang/ shin tu gdug pa'i ser sna can gyi rnal 'byor de nyid sbyang ba'i phyir/ bcom ldan 'das rdo rje sems dpas mnyam pa nyid kyi nor chen po'i ting nge 'dzin la mnyam par thag nas rdo rje nyi ma'i gzugs su mdzad pa yin no/ /de nas bcom ldan 'das nam mkha' i snying po rdo rje nyi ma des phyogs bcu'i sems can thams cad kyi re ba rdzogs par bya ba'i phyir bud med rin po che la sogs pa'i char phab nas/ sems can thams cad la 'khor los sgyur ba'i rgyal srid ster ba yin no/ /gang gi phyir gdug cing ser sna can gyi nga rgyal gyis khro ba la zhi bas phan par mi 'gyur ba de'i phyir/ shes rab thab kyi rdo rje nyi ma las/ mjal skyes kyi rim pas nyi ma'i 'od zer gyis ser sna can rnams rab tu gdungs nas ser sna med pa'i lhar bsgrubs so bya ba dang/ zhes bya ba lus ngag sems kyi dbang du bya ba'o/ /zlog pa dang zhes bya ba srog dang rnam shes thim pa'o/ /dbrog pas kyang ni khyad par du zhes pa btsun mo longs spyad pa dang/ tshogs kyi 'khor lo longs spyad pa'o/ /de ltar gzhan las rgyal bar byas te/ sa 'og sa sla ste steng gyi gnas gsum po mdza' dag gi rang dbang yod pa'i nor gyi tshogs thams cad kun tu sdud par byed cing 'jig rten gsum las rnam par rgyal pa yin no/ /rdo rje nyi ma'i dbugs dbyung ba'i 'grel pa'o// //da ni rta mchog gi dbugs dbyung pa bshad de/ 'das pa'i dus na zhes pa'i shlo ka ni bshad zin to/ /de tshe sems can thams cad ni zhes pa'i 'od srungs gi bstan pa'i

  907. 454a

    rjes la'o/ /brtson 'grus shin tu chung bar gyur pa zhes la/ le lo dang phrag dog dang bcas pa'o/ /le lo des cir 'gyur snyam na/ mnar med pa'i dmyal bar lhung zhes bya ba smos te/ mnar med pa ni nye bar mtshon pa ste brgyad do/ /de nas shi 'phos te mir skyes kyang byi bo dang/ chom po dang/ rkun po yis dge ba'i phyogs la bar du gcod pa'i las byed pa yin no/ /rnal 'byor de nyid bcom lan 'das rdo rje sems dpa' mkhyen nas bya ba nan tan gyi ye shes kyi rang bzhin drag shul gyi sbyor ba'i tshul rta mchog gi tshul du skyed par byed pa yin no/ /gdul bya sems can thams cad dag par mos pas sdig pa med pa'i thugs rje'i stobs kyis mngon sum kho nar ro/ /pha rol gnon pa'i rta la dag gis zhes pa dbang dang longs spyod pa thim pa'i mdzad pas zil gyis non par mdzad pa'o/ /ji ltar zil gyis non snyam na rta mchog yab yum mnyam par rab sbyor ba mnga' skyes kyi rim pas shin tu le los gdug cing phrag dog gis gtum pa'i sems can rnam pa mang po'i 'jig rten thams cad 'jug par bya ba'i phyir dkyil 'khor gyi 'khor lo sprul pa yin no/ /des ci zhig mdzad ce na/ byi bo chom po rkun po yis zhes bya ba mos te/ byi bo ni gzhan gyi bud med la 'gro ba'o/ /rkun po ni ma mthong ba nor 'phrog pa'o/ /chom po ni mngon sum du nor 'phrog pa'o/ /brid pa dang ni sgyu dag dang/ zhes pa brid pa ni tshig gis so/ /sgyu ni rang gi nyes pa 'chab pa'i thabs sems gya gyu ba'o/ /thams cad rnam par sbyor bar byed ces pa/ gdul bya de dag sprul pa'i 'khor los sbyor ba'o/ /rdo mthon stobs kyis de bzhin du zhes pa mngon sum du brtson 'grus kyi stobs kyis dbang du byas ba longs spyad pa thim pa'o/ /dgra cha nga yis brgal nas ni zhes bya ba/ rdo rje ral gri

  908. 454b

    mda' gzhu mdung rtse gcig pa be con gyis btul nas/ de'i 'jig rten kun las rgyal bar 'gyur ro/ /de nas dbus kyi gtso bo rta mchog gi dbang du byas nas gdul bya rnams 'dul ba'i thabs sna tshogs kyis rang gi rgyal srid skyong ba zhes gsungs pa yin no/ /khams kyi rta mchog gnyis kyi dbang du mdzad nas/ g.yem pa rnams 'dul bar bya ba'i phyir dang/ g.yem ba'i dbang gi sku dang/ khro bo rnams 'dul bar bya ba'i phyir/ khro ba sngon spyod kyi sku dang/ zhi ba 'dul ba'i phyir/ zhi ba'i sku dang grag shul can rnams 'dul ba'i phyir drag po rgyas pa'i sku bstan pa yin no/ /rta mchog de bzhir gang gtul ba yin zhe na/ sdig pa med pa'i brtson 'grus kyi stobs kyis mngon sum du mnan nas lha mo byi ma phrogs pa yin no/ /mthu'i tshe khyab 'jug ma nam nas lha mo drug min phrogs nas longs spyod pa yin no/ /skye dgu'i bdag po tshangs pa mnan nas lha mo rab tu zhi ba phrogs nas longs spyod pa yin no/ /'dod pa'i lha mnan nas mi'i dbang phyug ma phrogs nas longs spyod pa yin no/ /de ltar sngon byung gi dus su mi rungs pa thams cad mnan nas lus ngag sems dbang du byas te/ lha mo dang tshogs kyi 'khor lo thams cad phrogs nas longs spyod pa yin no/ /de dag kyang rnam par rtog pa 'gags nas srog thim pa dang/ mi rtog pa'i ye shes skyes nas ye shes thim pas na de la sogs pa mdza' yas mchog ces pa nas/ ro rje las chen rnams ston pa zhes pa'i bar du sprul pa'i skus sems can gyi don bya ba gsungs pa yin no/ /sems can de dag 'dul bar mdzad pa ni gang/ thabs ni gang gis thob par 'gyur/ 'bras bu ni gang thob snyam na/ nam mkha' kun gyi gnas skabs dang/ dpal rdo rje sems dpa' rab tu gnas zhes pa ston pa ni/ thabs dang rtsal gyi sgrub pa yis

  909. 455a

    zhes pa dbang du bya ba'i thabs dang longs spyod pa'i rta la gyis mngon spyod kyi sbyor ba'i stobs kyis bsgrubs pas/ khams gsum pa'i rgyal srid ma lus pa la dbang rta mchog gi gzugs su rdo rje 'dzin pa de yis thob par mdzad nas mngal skyes kyi rim pas rigs bsdus pa'i 'khor bzhis bskor ba'o/ /byang chub sems dpa' mdza' yas mchog skal nas mngon spyod kyi drag shul gyi sbyor bas bsgrubs par mdzad pa ni thabs yin no/ /'bras bu thams cad rnam dag mos pa'i sa zhes pa nas/ sangs rgyas byang chub rab tu 'grel zhes pa'i bar gyis mchog gi dngos grub dang/ lha'i dngos grub dga' ba dang/ zhes pa nas 'jig rten gyi sid+d+hi grub pa'o/ /sangs rgyas byang chub bde chen po zhes pa nas rang gi rnal 'byor gyis thob nas shes pa'i bar gyis chos kyi sku bstan/ /sems can thams cad ni dri ma dag ces pa nas/ sems can khams la brtan par sbyin zhes pa'i bar gyis longs sku bstan pa dang/ rta mchog rnam par sprul pa yin zhes pa nas sems can gyi don ? byed ces bya ba'i bar gyis sprul sku bstan to/ /rta mchog gi dbugs dbyung ba'i 'grel pa'o// //de ltar dbugs dbyung drur bshad nas/ de rnams kyi 'jug bsdu ba ni de la sogs pa mdza' yas mchog ces pa gsungs te/ dbang bskur pa'i 'khor lo ni rnam pa drug yin la/ dngos grub len pa'i 'khor lo ni lha brgya rtsa brgyad dam/ yang na dpa' bo gcig pu'i brgya rtsa brgyad sprul nas/ sngon byung gdul bya btul ba rnams rang byung gi gtam dag pa 'jig rten pa'i ye shes rtogs pa yin no/ /dkyil 'khor brgya rtsa brgyad po de rnam dang po sbyor ba'i rtsa ba'i gang gis sprul zhe na/ nam mkha' kun gyi skabs na dpal rdo rje sems dpa' kun tu

  910. 455b

    gnas zhes gsungs so/ /dngos grub len pa'i rnal 'byor pa brgya rtsa brgyad kyang grub pa'i dbang phyug rab tu grub pa ste/ 'jig rten thun mong dang mchog gi dngos grub rnams so/ /thams cad bdag nyid 'jug par byed ces pa/ /dngos grub thob pa'i rnal 'byor pa phrin las thams cad la 'jug par byed do/ /gtam gyi phyag rgya zhes pa bskal pa dang por pa la mchog gi lo rgyus dang/ bar gyi bskal pa sangs rgyas gsum gyi lo rgyus dang/ bskal pa tha mar mnyam sbyor gyi dbugs dbyung dkyil 'khor drug gi brtag pa sprul pa dang/ ma 'ongs pa'i rnal 'byor pa drug gi rjes 'jug bsgom pa gsungs pa'o/ /brtag pa lnga pa'i 'grel pa'o// //de ltar sngon byung dang rjes 'jug gi dbungs dbyung ba'i dkyil 'khor drug bshad nas/ da ni dam tshig dang dbang bskur ba'i cho gas skal pa dang ldan par bstan pa'i phyir de nas gzhan yang thams cad du zhes pa la sogs pa gsung ste/ gang gi phyir dkyil 'khor du dam tshig dang dbang bskur ba med na dngos grub thob par mi 'gyur ba de'i phyir mkha' 'gro ma sgyu ma'i mchog bshad ces bya bar sbyor/ gzhan yang zhes bya ba dkyil 'khor snga ma drug la bltos nas skal pa dang ldan pa'i slob ma rnams smin par bya ba ni gzhan yang ngo/ thams cad du zhes pa phyogs thams cad du skal pa dang ldan pa'i gang zag rtogs pa drug pa la mos pa la'o/ /rnam pa sna tshogs byung ba ni rigs drug gi 'khor lo bshad pas gdul bya rnams btul ba'o/ /de thabs gang gis yin snyam na sangs rgyas thams cad mnyam sbyor ba/ /mkha' 'gro sgyu ma bde ba'i mchog ces smos te/ rigs drug gi sangs rgyas zag pa med pa'i ye shes dang/ so so'i skye bo'i rnal 'byor pa blo bur gyi dri ma dang bcas pa rnams mnyam par sbyor bas zhi gnas dang lhag mthong gi mkha' 'gro ma'i rgyu rkyen tshogs pa ste/ de yang zhi gnas bde ba dang/ lhag mthong stong

  911. 456a

    pa gnyis rgyu rkyen tshogs pas bde mchog ste/ zag med kyi bde ba sgyu ma'i rgyu rkyen tshogs pa bshad par bya'o/ /bde mchog de nas gang su grub/ dngos po gang zhig sgrub/ thabs ji lta bu zhig gis sgrub snyam na dpal ldan zhes bya ba la sogs pa gsungs te/ de'i gnas ni phyi dang nang gcig yin la/ phyi'i gnas yid du 'ong ba la sogs pa 'am/ nang lus kyi dkyil 'khor dang/ b+ha ga dang chos kyi dbyings kyi dkyil 'khor gsum la yin no/ /phyi rol gyi gnas yid du 'ong brdal tshon gyi dkyil 'khor bris nas bum pa'i dbang bskur ba ni brtog pa bdun pa las ston par 'gyur ro/ /'di ni mchog tu gyur pa'i rnal 'byor pa'i dbang du mdzad na lus kyi dkyil 'khor la gsang ba'i dbang bskur ba dang/ b+ha ga'i dkyil 'khor la shes ra bye shes kyi dbang bskur ba dang/ chos kyi dbyings kyi dkyil 'khor la dbang bzhi pa bskur ba gsum bshad par bya'o/ /de la lus kyi dkyil 'khor dang b+ha ga'i dkyil 'khor bshad par bzhed nas dpal ldan sangs rgyas kun gyi dngos/ rdo rje sems dpa' bde byung ba/ gsang ba mchog gi dgyes pas na/ zhes pas gnas gsungs pa yin no/ /zhi gnas bsam gnas kyi bde ba dang/ lhag mthong zag med kyi bde ba ni sangs rgyas thams cad kyi dngos po rdo rje sems dpa' o/ /bde bde 'byung ba'i gnas ni lus kyi dkyil 'khor b+ha ga'i dkyil 'khor gsang ba mchog gi dgyes pa na'o/ /sarbba bdag nyid ni 'khor phun sum tshogs pa'i yon tan dang ldan pa'i bdag nyid rlung gnyis 'gog pa'i dus su dga' ba bzhi'i dus na rtag tu bzhugs so/ /de yang chos kyi dbyings kyi dkyil 'khor gyi dbang du byas nas rnam par mi rtog pa'i ye shes kyi rdo rje sems dpa' chos kyi dbyings gsang ba mchog gi dgyes pa ni ye shes lnga

  912. 456b

    thams cad kyi bdag nyid bsam gyis mi khyab pa'i dus rtag tu bzhugs so zhes byar ro/ /bsgrub pa'i dngos po gang zhe na/ sangs rgyas thams cad kyis 'da' bar mi bya ba ni dpal stong pa nyid sgyu ma lta bu ro gcig pa'i rdo rje sems dpa' de ba snang ba'i bde ba'i ngo bo'o/ /thams cad kyi khyad par ni de bzhin gshegs pa rin po che bzhi'i dpung brgyan do shal la sogs pas brgyan cing sra pa'o/ de yang bde mchog las/ dri sbyangs me tog spos kyis brgyan/ shin tu sgra snyan dril bu dkrol zhes gsungs so/ rdo rje dril bu rgyal mtshan mchog ldan pa zhes pa ni dmangs rigs kyi bu mo bcu drug lon pa'i dpyid kyi dus kyi re ta dang ldan pa'o/ bla re dam pa bres pa na zhes pa gos sar pa bgos pa'o/ /rdo rje tshig dang mchod pa la sogs so zhes pa brda dang 'khyud pa dang/ 'o byed pa la sogs pa ka ra na'i mchod pas mchod pa'o/ /glu dang sel snyan rnam par 'phrul zhes pa glu bzhi len cing gling bu dang pi wang la sogs pa rol mo'i cha byad bcus bskor ba'i gnas so/ /yang na sgra ji bzhin bshad pa ste go sla'o/ /me tog bdug pa mar me dri ltar bshos la sogs pas brgyan cing gnas su lus dang b+ha ga'i dkyil 'khor la sgyu ma'i bde mchog bsgrub par bya'o/ /yang na bde ba'i gnas skyed mos tshal la sogs par rdo rje sems dpa' i dkyil 'khor gyi dbang du byas nas gdan nyi shu rtsa gcig gshams te/ nang tshangs dang bcas pa'i 'jam pa reg na bde ba'i stan chogs pad+mas brgyan pa'i ras kyi g.yogs la de thams cad kyis gdan la bsnyen bsgrub zhi ba'i rim pa dang po rdo rje sems dpa' bskyed la phyis bstan te thams cad la 'khor gyi lta skul par bya'o/ de yang dpa' bo dang rnal 'byor ma nyi shu tham pa mnga' skyes kyi rim pas so sor rang gi lha bsgom du gzhug go/ tshogs kyi 'khor lo'i gzhal yas khang du ji

  913. 457a

    ltar bsgom zhe na/ gru bzhi pa la sgo bzhi pa zhes pa nas sgo srungs dang ni ldan par bya/ zhes pa'i bar gyis bstan to/ /de rnams kha dog dang dbyibs ji lta bu zhe na/ rang gi lha dang 'dra ba'i zhes gsungs te/ bud med rnams ni legs pa zhes pa bsnyen sgrub bzhis sbyangs nas/ rang rang gi lha mo bsgom pa 'am/ gdong rgyan dang bcas pas rang gi mu tras mtshan ma'i tshogs kyi 'khor lo brtag par bya'o/ /tshogs kyi 'khor lo dang gsang ba'i dbang bskur pa'i rdzas ni mi'i mtshal ni grub pa la dmar chen zhes bya bar bshad ces gsungs te/ rang byung gi khrag go de ci dgos snyam nas/ ngo bo nyid kyi mthu dag dang/ rang bzhin gyis mi de 'grub pa'o zhes gsungs te/ gtso bo rtsa ba dang tshe 'phel bar byed pa ka mata twa dang/ ba shAn+ta twa zhes bya ba ngo bo nyid kyi mthu dang/ de'i rang bzhin brgyad cu dang bral ba'i dga' ba bzhi rtog pa med pa ni ni ra rdza? ta t+twa zhes pa rang bzhin gyis grub pa yin no/ de ji ltar myang snyam na/ rdo rje chu dang rdo rjer bcas zhes gsung te dri chen dri chu bcas pas/ byang chub sems dang mtshal chen po ste sha dang bcas pa'i bdud rtsi lnga rang bzhin gyi mthus nus pa dang ldan pa thod pa'i snod du bzhag nas bcom ldan 'das rdo rje sems dpa' i dam tshig ro rdo rje ma la sgyu ma lta bur rtogs pa yin no/ /de ni gang zag gcig gis ma yin par/ rnal 'byor pa thams cad kyi myang bar bya'o/ /zhi ba'i btung ba bstan pa ni/ de'i 'tshal dang khu ba dang zhes gsungs te/ 'tshal ni rang byung gi me tog go/ khu ba ni sa bon no/ /mtshal chen po sgrub pa ni bdud rtsi sgrub pa'o/ /ci'i phyir bdud rtsi lnga la mtshal chen po zhes khyad par gyi ming gang gis gdags shen/ bde ba stong pa nyid bsgom pa'i chags pa chen po las byung bas na dmar chen zhes

  914. 457b

    zhes bshad do/ de'i byang chub sems dang/ tsan dan dmar po ste sha chen bcas pa tshogs kyi dbus su bzhag pas lha thams cad kyis myang ba'i ra sa ya na shi slong ba zhes bya bar 'gyur ro/ ji ltar myang zhe na/ rang gi lha'i sbyor ldan pa zhes gsungs te/ tshogs kyi 'khor lo'i rnal 'byor pa rnams kyis rang rang gi lha'i rnal 'byor dang ldan pas srin lag dang/ mthe bo'i rtse mos zhi ba'i btung ba bzhin myangs na rtag par zag med kyi ye shes kyi dngos grub thob par 'gyur ro/ /de yang rdo rje gdan bzhi las/ mthe bos gzhir bskyed nas srin lag ri rab tu bsams te/ bdud rtsi rgya mtsho chen por bsgoms dkrugs te sprul pa ri bo ba di ra las btus pa'i rtsa so ma ni zhes pa gi bang yod pa'i ba ser mo'i ko bar rig byed kyi sngags zlos shing brdungs nas 'thungs pas sdig pa dgu par 'dod pa de bzhin du myang bar bya zhes gsungs so/ /de'i 'bras bu ni sangs rgyas kun gyi rang bzhin te zhes pa la sogs pa la gsungs te go sla'o/ /de ltar gsang ba'i dbang bshad nas shes rab ye shes kyi dbang bskur gsungs pa ni de nas khrus byas dri zhim lus zhes smos te/ khrus byas shing lus dri zhim pos byugs la ci 'byor pa'i gos dang rgyan btags te/ me tog phreng ba gdags shing dri kha zhim pos bkad la rigs sna tshogs pa'i bud med skal pa bzang po dang ldan pa dang/ a ba d+hA tI'i sgo sbyar nas reg pa'i bde ba la stong pa nyid kyi ye shes kyi shes pa skyes nas/ sngon pa gnyid log pa'i tshul du gnas pa la dkyil 'khor gyi lha mos ye shes phab nas rnam rtag nub pa'i ting nge 'dzin la snyoms par zhugs pa na slob dpon gyi sa 'og nas 'byung ba'i shi ba slong ba'i dkyil 'khor gyi slob dpon gyis blang zhing/ btsun mo yum gyi b+ha ga'i gos kyis gsang ba'i rdo rje dag pa'i sbyor bas bdag gi byang chub sems bskul

  915. 458a

    bar bya ste/ thabs dang shes rab gnyis ka'i nam mkha' rtsi'i dbus su rdzogs pa'i sangs rgyas nyi ma zla ba zhes bya ba thabs shes rab kyi byang chub kyi sems 'khor lo bzhi'i ri las 'das nas dung can ma'i nam mkha' i dbus su shar ba dag bla ma'i man ngag gi stobs kyis des shes drangs nas ma bying zhing nyams su myong bas/ sdig pa kun las grel bar 'gyur zhing bsod nams thams cad 'grub par 'gyur ro/ /de nyid rgyas par bshad pa ni/ nges pa'i lam zhes pa la sogs pa gsungs te/ des pa'i lam ni kun dang ldan zhes pa zhi gnas bde ba rtog med par nges pa lhag mthong bde ba stong pa nyid du nges pa'i lam dang ldan pa'o/ /rnam par 'das pas rnam par brgyan zhes pa rang bzhin brgyad cu las 'das pas na dga' ba bzhis brgyan ba'o/ /de ltar na bde ba chen po grub pa de las slong bar byed pa ni kun nas slong ba'i glu gsungs pas sad par byas ba yin no/ /de'i glu ni stong pa shin tu rnal 'byor pa zhes pa nas/ dpal khyod bdag ces pa'i bar du bstan to/ /phan yon ni 'di dag nyid glur blangs nas zhes pa nas/ ci zhig smos zhes pa'i bar gyis bstan to/ /slob ma shes rab ye shes kyi dbang thob ba de lam du dang ldan pa yin snyam na/ /lam bzhi dang ni mnyam ldan pas/ rnam par 'das pas mdzes par byas zhes pa smos te/ dga' ba'i dus su stong pa nyid dang ldan pa dang/ mchog dga' i dus su shin tu stong pa nyid dang ldan pa dang/ lhan cig skyes dga' i dus su chen po'i stong pa nyid dang ldan pa dang/ 'od gsal ba'i dus su rnam pa thams cad kyi stong pa nyid dang ldan pa ni lam bzhi dang ldan pa'o/ /de yang rang bzhin brgyad cu las 'das pas gnyis su zhen pa rang gnyis su brtags pa nub nas

  916. 458b

    kun brtags dang/ gzhan dbang gi rtog pa dang bral te gnyis su med pa rang bzhin du mdzes par byas pa yin no/ /de yang bde mchog las/ mchod pa de bzhin rnal 'byor ma/ dbang gnyis snyoms par 'jug pa yi/ /snyoms par 'jug pa'ang de nyid 'dzin zhes gsungs pa dang/ rdo rje mkha' 'gro las kyang sems snang ba rnam pa gsum 'od gsal ba'i rang bzhin du 'jug par gsungs pa dang/ 'di nyid kyi rgyud phyi ma'i phyi ma las kyang/ sems can bsod nams cher 'phags shing/ /rnam gnyis mi g.yo de nyid bdag/ sems kyi 'du byed g.yo ba ste/ /'dus byas thams cad nyid du snang/ /zhes gsungs so/ /dga' ba bzhi'i dus bshad pa ni/ /sna tshogs 'brang ba shin tu grub ces gsungs te/ rnam pa sna tshogs pa'i rjes su 'brang bar rnam par smin/ pa dang/ rnam par nyed pa dang/ mtshan nyid dang bral ba'o/ /'jig rten gsum ni rab grub pa zhes pa ni/ sems snang ba gsum 'od gsal gyi rang bzhin du grub pa'o/ /'jig rten gsum gyis phyag byas pa zhes pa/ ji ltar chu la chu bzhag dang ji ltar mar la mar bzhin du/ /rang gis rang? gi ye shes ni/ /'ding mthod gang yin 'dir phyag yin zhes bshad do/ /'jig rten gsum gyi ston pa po ni sems kyi de kho na shes na/ chos thams cad kyi mdo dang rgyas pa shes par 'gyur ro// 'jig rten kun la skyed sbyin pa zhes pa shin tu sbyangs pa yang dag byang chub kyi yan lag lus ngag sems bde ba'o/ /'jig kun gyi skal bzang po/ /a ra li kun 'grub par 'gyur zhes pa/ rang bzhin du grub pa'o/ /rdo rje sems dpa' dpal 'byor pa/ /lha mo kun dang 'grogs pa yin no/ /sna tshogs kun gyi skal bzang po/ /a ra li kun 'grub par 'gyur zhes pa/ chags lam pa las kyi phyag rgya dang sbyor ba dang/ /grol lam chos dang dam tshig gi phyag rgya dang sbyor bas

  917. 459a

    dga' ba gsum gyi rol pa a ra li kun tu grub par 'gyur ro/ /nam mkha' i khams kyi mdza' klas pa'i/ /lha mo kun dang bde mos pas/ /zhes pa phyag rgya chen po chos kyi dbyings kyi rang bzhin byang chub phyogs kyi chos sum cu rtsa dgu/ stong nyid kyi lha mo dang/ sgyu ma lta bu ci bde ba ro gcig par mos pas zag pa med pa'i dpal rdo rje sems dpa' 'od gsal ba'i rang bzhin yang dag par rdzogs par 'gyur ro/ /shes rab kyi ye shes dang bzhi pas lan cig nyams su myong nas dus thams cad du stong pa nyid ji ltar shes par 'gyur snyam nas/ nyi ma gsal bar 'char ba yi/ /rdo rje sems dpa' yang dag sbyor zhes gsungs te/ 'khor lo bzhi la byang chub sems nyi zla'i tshul du gsal nas a ba d+hU tI'i sgor 'char ba'i tshe/ mkha' 'gro sgyu ma bde mchog gsungs zhes bya ste/ zhi gnas dang ltag mthong gi mkha' 'gro ma bde ba stong pa nyid kyi sgyu ma'i tshogs pa 'byung ba la/ lan cig bla ma'i man ngag gi stobs kyis ngas pa drangs shad dmigs pa la dus phyis dus thams cad dang/ dngos po thams cad dang/ rnam pa thams cad la bde ba'i dngos grub kun gsungs pa yin no/ /gal te bde ba stong pa nyid 'ba' zhig la dmigs nas srog a ba d+hU tId chud nas bstan zhing grub bar 'gyur ba'i tshe ji ltar bya snyam na slong bar byed ces gsungs te/ rnam pa sna tshogs dang/ rnam par smin pa dang/ rnam par nyed pa dang/ mtshan nyid dang bral ba'i glu ganDar? ba ste/ dri za can zhes bya ba dang/ /sardza ste drug ldan zhes bya ba'i 'og nas 'byung ba'i glu blangs pas bde 'chen po'i ting nge 'dzin slong ba yin no/ /de nas rnal 'byor ma'i rgyud las ye shes phab nas nye bar bsdu ba bzhin du 'dir yang blta bar bya'o/ /rjes su chags pa rnam mang zhes

  918. 459b

    pa nas/ bde ba grub bar mdzod ces pa'i bar du me long lta bu'i zung 'jug bshad do/ /kye mchog ces pa nas rol cig ho zhes pa'i bar du mnyam pa nyid kyi zung 'jug bshad do/ /kye ma mchog tu gsang bzhes pa nas/ gsal bar mkhyen zhes pa'i bar du so sor rtog pa'i zung 'jug bshad do/ /dam tshig thams cad ces pa nas/ rab tu bsgrubs la ston pa zhes pa'i bar du bya ba nan tan gyi zung 'jug bshad do/ /dza(rgyud 'grel): hUM baM ho zhes pa nas/ yal la ho zhes pa'i bar gyi chos kyi dbyings kyi ye shes kyi zung 'jug bshad do/ /de ltar chos kyi dbyings kyi dkyil 'khor du sga brnyan lta bu'i glus bskul nas rnam par shes pa'i 'od gsal ba'i rang bzhin dbang bzhi pa 'jug pa yin pa de bas na de bzhin gshegs pa thams cad kyi mkha' 'gro sgyu ma sna tshogs kyis slob ma gzhug bar gsol zhes gsol ba 'debs ba yin na/ de ltar sgra brnyan lta bu'i glus bskul nas chos kyi dbyings dbang bzhi pas rang gi sems kyi chos nying rtogs pa dang/ chos thams cad kyi stong pa nyid rtogs nas bde ba chen pos rgyas btab pa'i phyir/ sangs rgyas thams cad rnam 'phrul ma lus shing lus ba med par snang ba zhes bya ba glu'i rgyal po gsungs so/ /rdo rje sems dpa' dpal gyi gnas zhes pa/ sems 'od gsal ba'i ye shes so/ /sgyu ma kun gyi bde mchog ces pa/ rdul tshon gyi dkyil 'khor sgyu ma las snang srid lha'i 'khor lor rtogs pa'i bde mchog dang/ lus kyi dkyil 'khor las gsang ba'i dbang gi sgyu ma las snang srid sgyu mar rtogs pa'i bde mchog dang/ b+ha ga'i dkyil 'khor du shes rab ye shes kyi dbang gi sgyu ma las yum gyi stong pa nyid kyi bde mchog rtogs pa dang/ rang gi sems kyi dbyings kyi dbang bzhi pa'i sgyu ma las rnam par mi rtog pa zag pa med pa'i bde mchog rtogs pa yin no/ /de na chos

  919. 460a

    thams cad la khyab pa'i sa dang po rab tu dga' ba'i kun tu 'gro ba'i bde mchog ston pa'i glu ni rnam pa mang po 'dod chags rgyud kyi zhes pa nas te na te te hUM zhes pa'i bar gyis snang srid me long lta bu'i zung du 'jug pa'i ye shes bstan pa yin no/ /rnam pa mang po rab tu dga' ba'i rgyud ces pa nas/ hUM hUM hUM zhes pa'i bar gyis snang srid mnyam pa nyid kyi zung du 'jug pa'i ye shes bshad do/ /rnam pa mang po khro bo'i rgyud ces pa nas/ ru lu ru lu hUM b+hyo hUM zhes pa'i bar gyis snang srid so sor rtog pa'i ye shes kyi zung 'jug bstan to/ /rnam pa mang po srog gi rgyud ces pa nas/ hUM shi ya a be sha hUM zhes pa'i bar gyis snang srid thams cad bya ba grub pa'i ye shes kyi zung 'jug pa bstan to/ /gnas gtsang ma'i ris kyi lha'i skad kyis me long lta bu'i chos nyid ni 'dod chags kyi rgyud yin la/ mnyam pa nyid kyi chos nyid ni rab tu dga' ba'i rgyud yin zhing/ so sor rtog pa'i chos nyid ni khro bo'i rgyud yin te/ bya ba grub pa'i chos nyid ni srog gi rgyud ces bya ba/ rang byung thams cad kyi la glu'i mu dra zhes grags so/ /de la sogs pa mdza' yas mchog ces pa chos kyi dbyings su 'jug pa'i sgra brnyan lta bu'i glu mdza' yas pas gdul bya mdza' yas pa 'grub pa'i dbang phyug sems 'di gsal grub nas/ snang srid thams cad 'od gsal gyi rang bzhin du grub pa'o/ /lha mo kun gyis rab bskul nas zhes pa sngar bshad pa'i glu gnyis so/ /de dag nyid bde mchog ma dang/ ngo mtshar bde ma dang/ snang mdzad ma dang/ slob ma mo dang bzhis glus bskul ba yin no// de ltar na rnal 'byor pa dag nyid kyis gsang ba shes rab ye shes dbang bzhi ba thob nas/ da ni slob ma rnams la dkyil 'khor drug gi tshogs kyi 'khor lo mi 'dra ba drug mdzad nas lus kyi dkyil 'khor dang/ b+ha ga chos kyi dbyings kyi dkyil 'khor

  920. 460b

    drug la slob ma drug dbang bskur ba gsungs pa ni/ dbang po kun las byung ba'i zhes smos te/ rgyu ba'i he ru ka drug gi thabs shes rab gnyis su med pa'i kha gsang las byung ba'i mchod pa'i lha mo gling bu ma la sogs pa dang/ me tog ma la sogs pa brgyad kyis bkod? pas bdag nyid yab yum mchod la/ b+ha ga dang rdo rje byin gyis brlabs te/ sangs rgyas thams cad mnyam par sbyor ba'i mkha' 'gro ma sgyu ma'i bde mchog rigs bzhi'i dngos po kun gyi bdag nyid kyis lus su snang srid thams cad ma lus par 'grub pa yin no/ /de ltar rigs drug gi tshogs kyi 'khor lo bskyed pa mdor bstan nas/ rgyas par bshad pa ni ston pa'i phyag rgya phab pa yis zhes gsungs te/ /rigs drug gi 'khor lo'i phyag rgya'i gzugs su bskyed la ye shes phab nas bsnyen bsgrub bzhis bud med dag lha mor bsgrub la/ rdo rje 'khor lo thod pa ma rin po che/ sna tshogs rdo rje bsnam pa'i lha mor 'gyur ro/ /de dag kyang rang gi lha 'dra bar ye shes phab nas bsgrub pas ye shes babs pa dang/ sngon ma byung ba'i rol mo sil snyan gar dang rnam par 'phrul pa yang 'grub par 'gyur ro/ /ye shes babs na sngon ma byung ba'i lha'i gzugs sgra dri ro reg bya'i bde ba gang yin pa yid la mos par rang nyid ltar mthong ba'i tshe mchod pa byed par 'gyur ro/ /lha'i mchod pa mnyam sbyor ba zhes bya ba'i bsam gtan gyi bde ba'i rang bzhin brgyad cu dang bral ba'i rtog med skal pa bzang po mchog gi bde ba stong pa'i 'dod chags can/ slob ma kun la skal ba bzang po'i bde ba sgrub par byed pa'o/ /sangs rgyas kyi ye shes kyis sgyu ma'i byin gyis brlabs pas zag med kyi rdo rje sems dpa' i bde ba dang mnyam par sbyor ba rtag pa drug gi dkyil 'khor kun gyi bde ba rnams/ dkyil 'khor drug gi mthong ba las dga' ba bzhi'i bde ba myong ba'i mthu nyid kyis dkyil 'khor drug gi lha brgya rtsa

  921. 461a

    brgyad bsgom pa'i rnal 'byor skal pa bzang po brgya rtsa brgyad rang rang gi lha'i lus ngag yid kyi bde ba nyid kyis 'grub pa yin no/ /tshogs kyi 'khor lo bsgrub pa'i dga' bzhi'i ting nge 'dzin bstan nas tshogs kyi yul chos kyi phyag rgya bstan pa ni/ sangs rgyas kun gyi gzugs can dang zhes gsungs te/ lha'i gzugs sgra dri ro reg bya'i yid du/ 'ong ba'i bdag nyid la dga' ba bzhi'i bde ba bsgoms pas dngos grub ma lus 'grub par 'gyur ro/ /de ltar cho gas 'khor rdzogs pa'i tshe rnal 'byor ba brgya rtsa brgyad kyi ched du brjod pa ni/ oM sangs rgyas kun dang mnyam sbyor ba'i/ mkha' 'gro sgyu ma'i bde mchog gsang/ /sangs rgyas kun gyi bdag nyid gar/ /rnam par rol pa mchog tu snang/ zhes brjod par bya'o/ /de nas rang rang gi yum bzhi'i glus 'khor lo drug la bstod pa gsungs pa ni/ de nas yang dag rab gsang ba zhes gsungs te/ rdo rje sems dpa' i dkyil 'khor la bde mchog ma dang/ ngo mtshar bde ma dang/ snang mdzad ma dang/ slob ma ma'i bud med bzhis bstod par bsam mo/ /rnam snang gis dkyil 'khor la/ dbyangs can ma/ dpa' bo ma /kun bzang ma/ ming bzang dang bzhis bstod par bsam mo/ /he ru ka'i dkyil 'khor la/ gau rI/ tsau rI/ pra mo ha/ be thA lIs bstod par bsam mo// pad+ma gar gyi dkyil 'khor la/ sa chen ma/ sgrol ma/ rnam par gzigs ma/ khro nyer ma bzhis bskul bar bsam mo/ /nyi ma'i dkyil 'khor la dbang bskur ma/ gter ldan ma/ rgyal mtshan ma/ las mchog ma bzhis bstod par bsam mo/ /rta mchog gi dkyil 'khor la/ zhi rgyas/ dbang mngon spyod kyi lha mo bzhis bskul bar bsam mo/ /de'i glu ni/ rab tu dga' ba zhes pa nas thams cad 'grub par mdzod/ ces pa'i bar gyis bshad do/ /glu de dag gis phan yon ni/ glu'i phyag rgya 'di

  922. 461b

    yis las rab 'byams la/ 'byor ba'i yang bstod pa dang/ dngos grub 'grub par ma gyur pa'i tshe bstod pa dang/ yo byad ma 'byor ba'i tshe byas na 'grub par 'gyur ro/ /yang slob ma 'jug pa'i tshe glu'i mchod pa'i sbyor ba 'di dag dang/ sngar bshad pa'i lha mo bzhi po dag gis me tog la sogs pa lag tu thogs nas slob ma thams cad dkyil 'khor du 'jug pa'i tshe mchod pa bya'o/ /de ltar tshogs kyi 'khor drug ni slob dpon gyi cho ga bshad nas// //da ni slob ma 'jug pa'i cho ga bshad do/ / mchog tu gyur pa'i rnal 'byor pa dngos grub 'dod pa'i rgyun bshags dang/ sdom pa bzung ba/ sems bskyed pa phyi rol du las thams cad pa'i bum pas dbang bskur nas ci rigs par rigs drug gi snyim pa'i gar kun nas bskor zhing bskyod pa 'ching du bcug la/ rigs drug gi kha dog gi ras kyis gdod g.yogs la bzhugs par bya'o/ /de ltar dngos grub thob par 'dod pa'i slob ma la ye shes phab nas phreng ba dor zhing bcing ba dang/ gdong g.yogs dgrol ba dang/ dkyil 'khor blta bar bya'o// de nas yon gyi mchog blangs te/ chu dang/ cod pan rdo rje dril bu ming gi dbang bskur bar bya'o/ /de ltar bum pa'i dbang bskur nas gsang ba'i dbang bskur ba ni/ dmar chen po dang ga bur bcas zhes bya ba la sogs pa gsungs te/ slob dpon dang 'dra'o/ /shes rab ye shes kyi dbang bskur ba ni sangs rgyas thams cad mnyam sbyor ba zhes bya ba la sogs pa gsung te/ sangs rgyas thams cad dang/ mnyam bar sbyor ba mkha' 'gro ma sgyu ma'i tshogs kyi b+ha ga'i dkyil 'khor ro/ /des kyang rgyas mi 'debs pa ni bde ba rtog med la rang bzhin brgyad cu'i zil gyis gnon pa'o/ /rmongs pa ni bde ba stong pa nyid rtog pa la gzung 'dzin gyi dri mas mi rmongs pa'o/ /de la gnod par mi 'gyur te zhes pas sems kyi stong pa nyid dbang bzhi pa rtogs pa la gnod par mi

  923. 462a

    'gyur ba'o/ /de nas slob ma dbang bskur ba'i rjes la dbang bzhi pa'i man ngag bstan pa ni/ de nas man ngag ni bsgrag par bya zhes pa gsungs te/ sangs rgyas thams cad mthun pa'i zhes pa nas/ snying la khrag chen 'thung ba zhig ces pa'i bar du man ngag bsgrag pa bstan to/ /dbugs dbyung ba bstan pa ni/ sems can khams ni ma lus don zhes pa nas/ rdo rje sems dpa' bka' stsol te/ zhes pa'i bar gyis bstan te/ /de nas rigs bzhi'i phyag rgya'i ye shes bslab ba ston pa las rdo rje sems dpa' i phyag rgya'i ye shes ni/ rnal 'byor bcas dang gsang bcas pa'i zhes pa la sogs pa gsungs te/ rnal 'byor bcas pa ni cho gas 'khor gsang bcas ni zhi ba'i btung ba'o/ /bdag gi phyag rgya sgrub ces pa po nya'i gtsang sbra'o/ /lha'i tshul bzhin gar byed pas/ slob ma rnams la bde ba sbyin/ zhes pa gtsang sbra gsum gyi man ngag bstan to/ /slob ma mchog gi rnal 'byor pa de/ de phyin chad sngags skyed zhing skyes ye shes las skyes pa'i phyag rgya bzung nas/ rnam snang dang sangs rgyas spyan bzhin du sangs rgyas kun gyi rang bzhin 'grub par 'gyur/ de nas ro dang zhes pa nas bdag dang gzhan la 'dod dgur mchod ces pa'i bar gyis gal te dga' bral du song na sangs rgyas dang byang chub sems dpa' la mchod par bya'o/ /da yang bde mchog las/ rang rdzas thig les sangs rgyas dang/ byang chub sems dpa' mchod par bya zhes gsungs so/ /de nas bdag nyid gtsang sbra gsum bsgrubs nas kun gyi slob dpon du rab tu gnas nas rang bzhin brgyad cu dang bral ba rtog med kyi bde ba stong pa nyid la ji lta bu'i tshul gyis slob ma 'jug pa la bden pa'i chos zhes brjod par bya'o/ /rdo rje sems dpa' i gtsang sbra gsum gyi phyag rgya sgrubs pa'o/ /da ni rnam snang gi gtsang sbra gsum

  924. 462b

    gyi phyag rgya sgrub pa ni/ rdo rje sems dpa' dpal gyi tshul zhes gsungs te/ rdo rje sems dpa' i gtsang sbra gsum gyis sgrub cing rtog pa kun gyi ltar sgoms pas tshogs kyi 'khor lo chen po byed par 'dod pas bsnyen bsgrub bzhi sna tshogs kyi las kyi sbyor pa dang/ chags las grol lam gyis 'dul ba'i bdag nyid phyag rgya sna tshogs pas/ sems can gyi mos pa mdza' yas pa 'dul ba'i phyir rdo rje sems dpa' i dkyil 'khor de las gzhan pa rnams snang gi dkyil 'khor bstan to// bcom ldan 'das sems dpa' de nyid kyis zhi ba'i snyas 'dul ba'i thar pa thams cad sbyangs nas/ grol ba'i mkha' 'gro rnam snang gi dkyil 'khor bskyed nas rnal 'byor pho mo rang gi lnga dang 'dra bar byin gyis brlabs ste/ mkha' gsang byin gyis brlabs nas/ rang gi phyag rgya dang ji lta ba bzhin du rjes su mthun pa'i sangs rgyas kyi sprul pa'i cho gas 'khor dang/ zhi ba'i btung pa pho nya'i gtsang sbra sgrub par bya'o/ /he ru ka'i gtsang sbra gsum bstan pa ni/ /gzhan yang rnal 'byor bcom ldan 'das zhes gsungs te/ zhe sdang sbyangs pa'i phyir he ru ka'i gtsang sbra gsum gsungs pa yin no/ /pad+ma gar gyi gtsang sbra ni gzhan ni shin tu rnal 'byor ma zhes pa la sogs pa gsungs te/ log ltas kun nas bslang ba'i 'dod chags sbyang ba'i phyir skal pa gzang po mchog tu gyur pa'i rnal 'byor ba la pad+ma gar dbang gi gtsang sbra gsum gsungs pa'o/ /rdo rje nyi ma'i gtsang sbra gsungs pa ni gzhan yang rnal 'byor bcom ldan 'das zhes gsungs te/ ser sna can sbyangs pa'i phyir rdo rje nyi ma'i gtsang sbra gsum gsungs pa yin no/ /rta mchog gi gtsang sbra ni rnal 'byor de nyid bcom ldan 'das zhes gsungs te/ /drag shul can gyi gang zag sbyang ba'i phyir rta mchog gi gtsang sbra gsum gsungs pa yin no/ /de ltar gtsang sbra

  925. 463a

    bshad nas rtag pa drug gi rnal 'byor pa brgya rtsa brgyad kyi dpa' bo gcig pa brgya rtsa brgyad bsgoms la rang gi las kyi phyag rgya brgya rtsa brgyad byin gyis brlabs nas bsgrubs par bya'o zhes bstan pa'i phyir/ rang gi lha dang 'dra ba yis/ rang gis byin gyis brlabs bsgrubs pa/ /gzugs brnyan ngo bo sbyor ba yis/ /sangs rgyas sbyor ba gar bya'o/ /zhes gsungs te/ lha brgya rtsa brgyad kyi nga rgyal byas nas rang gi lha brgya rtsa brgyad byin gyis brlab ste/ tshogs kyi 'khor lo zhi ba btung ba pho nya'i gtsang sbra'i dam tshig rnam pa sna tshogs kyi de ltar dga' bzhi spyod pa sangs rgyas thams cad dang mnyam par sbyor ba'i bde mchog 'grub par 'gyur ro/ /rta mchog gi dkyil 'khor bzhin du rigs bsdus kyi dkyil 'khor sgrub par 'dod pas dbus su de bzhin gshegs pa'i dkyil 'khor shar du rdo rje sems dpa' i dkyil 'khor/ nub du pad+ma gar dbang gi/ lhor rdo rje nyi ma'i/ byang du rta mchog gi dkyil 'khor bzhag la sgrub pa 'am/ yang na he ru ka 'am/ pad+ma gar dbang ngam/ rdo rje nyi ma bzhag par bya'o zhes bstan pa'i phyir/ kun tu kun nas thams cad du zhes bya ba la sogs pa gsungs te/ gnas kun tu dus thams cad kyis sangs rgyas thams cad kyis rnam par 'phrul ba'i 'khor thams cad bdag nyid thams cad kyis sgo nas rnam pa kun tu sangs rgyas la so so 'khor lo rten gzhal yas khang gi rang bzhin dang/ g.yo ba lha'i rang bzhin gyis bsdus pa'i dkyil 'khor la tshogs kyi 'khor lo'o/ /mdor bstan nas rgyas par bshad pa ni dbus su rnam snang gi dkyil 'khor bzhag pa ni dbus su sangs rgyas thams cad kyi zhes pa la sogs pa gsungs te/ rnam snang gi dkyil 'khor sangs rgyas thams cad kyi rnam par 'phrul pa thams cad kyis so/ /lha mo brgyad kyis bskor ba'i rnam snang gi bdag nyid kyi

  926. 463b

    rnal 'phrul ston pa dang/ 'khor gyi lha mo gling bu ma dang/ me tog ma la sogs pa/ rtag gdong ma la sogs pa lha mo bcu gnyis kyis phyi rol gyis sangs rgyas kyi zhing ma lus pa sangs rgyas sprul pa 'grub par byed pa yin no/ /de bzhin du shar phyogs kyis ka ba'i dbus su sangs rgyas kyi sprul sku ma rdo rje sems dpa' i dkyil 'khor gyi sangs rgyas kyi mdzad pa lha mo brgyad kyis bskor ba bzhag la/ 'khor gyi lha mo bcu gnyis ni thun mong du bzhag pa yin no/ /de bzhin du nub phyogs kyi ka ba'i dbus su pad+ma gar dbang sdul pa ni/ pad+ma sgyu ma rnam 'phrul bas zhes pa la sogs pa yin no/ /lho phyogs kyi ka ba'i dbus su rdo rje nyi ma'i dkyil 'khor sprul pa ni khams gsum pa la sogs pa gsungs pa yin no/ /byang phyogs kyi ka ba'i dbus su rta mchog gi dkyil 'khor sprul pa ni/ khams gsum pa yis rgyal srid che/ bdag gdul spyod pas zhes gsungs so/ /de la sogs pa mdza' yas mchog ces pa brgya rtsa brgyad gang rung dbus su gtso bo byas pa ni sdus pa'i dkyil 'khor du gyur pa yin no// dpal dgyes rol pa'i rnam 'phrul ba zhes pa bsdus pa'i dkyil 'khor mdza' yas sprul pa'o/ /sna tshogs kun gyi rnam par rol zhes pa gdul byed kyi 'khor lo sna tshogs pa'o/ /rnam pa sna tshogs skal bzang po zhes pa gdul bya sna sogs bgo/ rnam pa sna tshogs bde mchog gis zhes pa gtsang sbra rnam pa gsum sna tshogs pa'o/ /gdul bya rnam pa sna tshogs kyi/ sems can khams ni rab tu bsgrubs zhes pas mchog tu grub pa'i rnal 'byor pa mdza' yas pas rtog med du/ bsgrubs pa'o/ /de la sogs pa mdza' yas mchog ces pa bla ma gcig nas gcig tu brgyud pa'i rims pas rtog pa drug gi dkyil 'khor gyi 'khor lo dang/ dpa' bo re re bsgom pa dang/ rtog pa bsngas pa'i dkyil 'khor mdza' yas bsgom pas

  927. 464a

    thams cad kyi bdag nyid grub pa gsungs so/ /brtag pa drug pa'i 'grel pa'o// //de ltar gleng gzhi de kho na nyid snang ba'i yul la 'jug pas zhes pas gnas lugs bstan nas/ thams cad mang ba dang/ zab pa dang/ dbang po rnon po'i dbang du byas pa'i le'u gsum pa bskyed pa'i rim pa dang/ rdzogs pa'i rim pa'i thabs kyis/ mtshan ma thob par byas nas/ dbugs dbyung ba rtog pa drug gi sngon 'byung sangs rgyas kyi sprul sku'i mdzad pa dang/ mthun par rjes 'jug rnal 'byor pa rnams kyis dkyil 'khor gyi 'khor lo bsgoms la/ las dang po bsgrub par 'dod pa 'ang rung mchog tu gyur pa'i rnal 'byor pa 'ang rung/ snying rje chen po dang ldan pa'i rnal 'byor pa gzhan la phan 'dogs pa'ang rung ste/ dbugs dbyung drug gi grangs dang/ dus dang mtshan ma'i bsnyen pa bya ba bstan nas/ bsnyen pa 'grub pa'i rjes la tshogs kyi 'khor lo'i dpa' bo dang/ rnal 'byor ma lha'i cha byang du byas pas las sgrub par bya ba dang/ dngos grub len pa dang/ gzhan la phan 'dogs pa bstan pa yin no/ da ni gzugs brnyan lugs su blugs pa 'am/ 'bur du bskos pa 'am ri mor bris pa'i rdul tshon gyi dkyil 'khor la mos pa'i ngor dbugs dbyung ba drug gi bsnyen pa byas nas/ gzugs brnyan gyi dkyil 'khor bri ba gsungs pa ni/ de nas gzhan yang bshad bya ba zhes pa la sogs pa gsungs te/ rdo rje sems dpa' sna tshogs kun gyi mchog gi 'khor lo drug gi gzugs brnyan gyi dkyil 'khor sprul par bzhed pas/ gsang ba mchog gi dgyes ba rdul tshon gyi bdag nyid du bstan pa yin no// gsang ba dpal he ru ka mchog ni pad+ma gar dbang phyug dgyes pa rdo rje nyi ma ste/ bdag gi rta mchog gi brtag pa rnam par snang mdzad de/ rjes su sgrub pa rdo rje sems dpa' zhes gsungs pas/ rdul tshon drug gi bsgrubs pa yin no/ /de la yang bye brag gi

  928. 464b

    rigs gnas gsungs pa ni/ dben pa bzhes pa nas ci bde bar ni bsgrubs par bya zhes pa rdo rje sems dpa' i gnas gsungs pa yin no/ /rten dang dgon pa zhes pa nas bsgrubs par bya zhes pa'i bar gyis rnam snang gi gnas gsungs pa'o/ /dur khrod ces pa nas bsgrubs par bya zhes pa'i bar gyis/ he ru ka'i gnas gsungs pa'o/ /pad+ma zhes pa nas grub par 'gyur zhes pa'i gar gyis pad+ma gar dbang gi gnas gsungs so/ /rgyal po zhes pa nas bsgrubs par bya zhes pa'i bar gyis rdo rje nyi ma'i gnas gsungs pa'o/ /'khor ni zhes pa nas bsgrub par bya zhes pa'i bar gyis rta mchog gi gnas gsungs pa'o/ /de ltar dkyil 'khor bzhi'i gnas bshad nas rnal 'byor pa'i cha lugs dang rdzas bsags pa bstan pa ni/ cha lugs zhes pa nas/ rta mchog rdo rje can gyis so zhes pa'i bar gyis ston to/ /gnas dang 'khor rnams ci 'dra ba zhes pa gnas gyi rten gyi 'khor lo drug go /'khor gyi rta mchog gi dkyil 'khor ba rigs su bsdus pa'i dkyil 'khor ma byas na rigs drug la lha brgya rtsa brgyad yin no/ /rigs bsdus byas nas phyogs bzhi gtso bo dgu dgu sum cu rtsa drug yin la/ 'khor gling bu ma la sogs pa dang/ me tog ma la sogs pa dang/ rta gdong ma la sogs pa bzhis yang drug drug dgod pas lha bsdus pa'i dkyil 'khor gyi lha brgya rtsa brgyad 'phel ba yin no// phrin las bzhi'i rta mchog dang/ yab yum gsum so so bgrangs pa'i brtsi bar mi bya'o/ /bkod par ni dbyibs yin te/ gzhal yas khang gi dbyibs dang lha'i sku mdog dang/ phyag mtshan gyi dbyibs yin no/ /bkod pa rigs drug gi gtso bo ste/ ci 'dra ba zhes pa dang sbyar na bde bar pa/ gshegs pa zhes bya'o/ /'khor nas ni sngon byung gi dkyil 'khor ro/ /de 'dra'i 'khor lo mchog mdzad ces pa gzugs brnyan bri ba'i dkyil 'khor bshad do/ /dpal rdo rje sems dpa' la sogs pa'i

  929. 465a

    bsam gtan gyi 'khor lo sprul pa'i sku mthong pa'i bsod nams dang ldan par bris pa'i dkyil 'khor yang bsod nams su 'gyur zhes pa gzugs brnyan gyi dkyil 'khor gyi dgos pa bshad pa'o/ /de ltar dgos pa bshad nas/ thig gi chog gi dkyil 'khor zhes pa la sogs pa smos pa te/ gang gis gdab ce na dkyil 'khor gyi thig gdab ces gsungs te drug gi'o/ /su zhig gis she na/ shes rab can gyis so/ /ji ltar bsam pas she na/ phyogs kun mnyam pa nyid du dmigs pas so/ /dbus kyi dkyil 'khor gyi cha ru bya zhe na/ shar dang nub dang/ byang dang lhor/ thig bzhi btab nas dkyil 'khor brgyad ces gsungs te/ ka ba brgyad kyi thig gtab pas/ cha brgya dang dbus ma dang dgur 'gyur ro// dkyil 'khor gyi tshad tsam zhe na/ sangs rgyas dang byang chub sems dpa' i snang ba'i sprul pa'i dkyil 'khor ni ci 'dra ba yin brtag par mi nus so/ /gzugs brnyan gyi dkyil 'khor drug ni rang gi lha yang mang nyung gi bye brag gis de ni chad kyi dkyil 'khor mos pas brtags na 'grub bo/ /dkyil 'khor lhag ma dang ma tshad ba ji ltar dag par 'gyur zhe na/ bdag nyid ces pa nas 'grub par 'gyur zhes pa'i bar gyis ston te/ kun tu sna tshogs bskal bzang po/ /zhes pa rgyu'i rgyud do/ /kun tu sna tshogs 'khor lo can zhes pa thabs kyi rgyud do/ /kun tu sna tshogs grub pa'i phyir zhes pa nas mar/ tshigs bcad phyed? 'bras bu'i rgyud bstan/ phyi'i dkyil 'khor la khyad med kyang nang gi dkyil 'khor ji lta ba zhe na/ rnam snang gi dkyil 'khor dkar po/ ka ba brgyad dang ldan pa rdo rje phreng ba zlum pos bskor ba'o/ /he ru ka'i nag pos zla gam dgus bstor ba'o/ /pad+ma gar dbang gi pad+ma 'dab ma 'grub kyi bar du ? ka ba brgyad dang ldan pa/ kha dog dmar po la pad+ma phreng

  930. 465b

    bas bskor ba'o/ /rdo rje nyi ma'i rin po che ka ba brgyad dang ldan pa zur brgyad pa rtse mo rin po che'i phreng bas bskor ba'o/ /rta mchog gi ljang gu sna tshogs rdo rje'i ka ba brgyad dang ldan pa sna tshogs rdo rje'i phreng bas bskor ba'o/ /ji ltar 'dod pa'i rta mchog dpa' bo gcig pu 'am/ lha bcu dgu pa 'am bsdus pa'i dkyil 'khor lha brgya bco lnga pa bri'o/ /ci 'byor pa ni rdzas dang yo byad che chung ngo/ /ji lta'i dus zhes bya ba/ zhib tho dangs kyi dus su zhi ba'i rta mchog dbus su bzhag pa dang/ rgyas pa snga dro'i dus su rgyas pa'i rta mchog bzhag pa dang/ mngon spyod nyi ma byed nas mngon spyod kyi rta mchog bzhag pa dang/ dbang srod la dkyil 'khor dbus su dbang gi rta mchog go/ ci bde bar zhes pa snga ma bzhin bsnyen bsgrubs bzhir bsgoms la/ bdag nyid rta mchog tu byang chub pas bskyed nas/ mdun gyi dkyil 'khor skad cig bskyed do pU dza la sogs pa bya'o/ /dkyil 'khor kun tu gnas zhes pa/ bsdus pa'i rta mchog gi dkyil 'khor ro/ /de ltar dkyil 'khor thig gtab cing bris nas rdzas btags te/ lhag par bskangs nas/ bum pa la sogs pa'i mchod pa'i rdzas bcug ste/ tshogs 'khor du zhugs pa bzhin du bdag nyid bzhugs nas/ phyis 'byur ba'i sngags dang/ phyag rgyas ye shes sems dpa' bcug la sku gsung thugs byin gyis brlabs pa dang/ dbang bskur te mchod pa rgyas pa byas pas slob dpon gyi las rdzogs nas da ni slob ma'i las bshad par bya'o/ /dor bya ba'i rten gyi gang zag ni tshigs bcad gcig gis bstan to/ /tshigs bcad gcig gis dam tshig dang sdom pa bstan to/ kun tu sna tshogs skal bzang po zhes pa nas/ thub pa thams cad skal ngan pa zhes pa tshigs bcad bzhi yis glang bya'i rten gyi gang zag drug bshad do/ /bde ba thams cad ces pa nas grub par 'gyur zhes pa'i bar gyi tshigs bcad gnyis kyi dngos grub lon pa'i slob dpon gyi mtshan

  931. 466a

    nyid bshad do/ /dngos grub len ba'i slob ma'i cho ga ni/ /kun gyi slob dpon zhes pa la sogs pa smos te/ kun gyi slob dpon la gnas pas zhes pa/ dkyil 'khor drug gi gtso bor bsgom pa'o/ /slob dpon 'khor lor 'jug par byed pa na zhes slob ma drug go/ de'i dkyil 'khor du 'jug pa'i slob ma la dkyil 'khor drug gi/ 'jig rten dang thun mong dang/ mchog gi dngos grub gyi gsung ba yang dag pa mdza' yas mchog tu tsam dag zhes slob ma la dri bar bya'o/ /slob mas kyang 'di 'dod ces smra bar bya'o/ /mchog tu gyur pa'i rnal 'byor pas gsar ba bzhi'i mtshan ma yang dag par shes nas dngos grub 'di su ji ltar 'dod pa la rab tu 'jug go/ de ltar mchog tu gyur pa'i slob ma'i cho ga bshad nas las dang po'i pa'i cho ga bshad pa ni/ gsang ba yang dag mi shes na/ yon phul nas ni 'jug par bya/ zhes bya ba la sogs pa gsungs te/ slob mas gsol ba btab nas/ rgyun bshags dgu dang/ sdom pa gzung ba dang/ byang chub tu sems bskyed pa dang/ lhar bskyed pa dang/ phyi rol byam pa'i chus dbang skur ba'i rjes la slob dpon la yon dbul bar bya'o/ /de ltar dkyil 'khor du zhugs nas/ zhes pa nas rta mchog gi yon yin no zhes pa'i bar gyi tshigs su bcad pa bcus yon dbul pa 'bras bu dang bcas bstan to/ / de ltar sgo nas zhugs nas lha'i dam tshig bsgrag pa dang/ slob dpon gyi dam tshig bsgrag pa dang/ ye shes dbab pa dang/ phreng ba 'dor ba dang/ gdong g.yogs dgrol ba dang/ dkyil 'khor blta ba ni tshogs kyi 'khor lo'i dkyil 'khor bshad pa bzhin byas la/ bsnyen bsgrubs bzhis slob ma ltar bskyed nas/ /dbang bskur bar bya ste/ khams kyi ngo bo thams cad dang zhes pa gser la sogs pa las byas pa'i cod pan bzhi'o/ /sog ni ba so dang rus pa la sogs pa las byas pa'o/ /

  932. 466b

    rtsa ba ni tsan dan dang rgya dbugs la sogs pa las byas pa'o thod pa rin chen dbu rgyan zhes pa rin po che'i dbu rgyan mthod pa'i 'phra bkod pa'o/ /sangs rgyas gtsug gi nor bu dag/ ces pa spyi gtsug tu rnam snang byang chub mchog gi phyag rgya can bzhag par bya'o/ /kun tu sna tshogs bla ma ni zhes pa rigs lnga'i cod pan gyis dbang bskur ni dkyil 'khor drug gi slob dpon du 'gyur ro/ /kun gyi slob dpon ni dkyil 'khor drug gi'o/ /kun la zhes pa gtso mo bsgom pa la/ rigs lnga'i cod pan gyis dbang bskur ba'i rgyal srid ces pa la sogs pa 'bras bu'o/ /yang na gsang la tog phog pa bde mchog ma la sogs pa 'khor ji ltar bsgom pa'i che/ /rin po che ngo mtshar gcig las byas zhes pa gser la sogs pa las byas pa thob pa spangs pa'i rigs lnga'i cod pan gyis dbang bskur la/ de'i steng du rdo rje rin po che pad+ma sna tshogs rdo rje phreng ba gnyis dbang bskur ba dang/ shar phyogs pa la sangs rgyas dang/ lho phyogs pa la rin po che dang/ nub phyogs pa la pad+ma dang/ byang phyogs pa la sna tshogs rdo rjes dbang bskur bar bya ba yin pas na/ de bzhin sna tshogs rgyan gyis spras/ /sangs rgyas padmo dbang bskur bas/ /slob ma thams cad dbang bskur ro/ /rdo rje sems dpas dkyil 'khor gyi dbang bskur bshad nas/ /da ni de bzhin gshegs pa'i dkyil 'khor gyi dbang bskur bshad pa ni/ rin po che'i rdo rje phreng bas mtshan pa'o/ /he ru ka'i dkyil 'khor gyi dbang ni/ khro bo'i rdo rje lnga'o/ /lha ba la sangs rgyas lnga bzhugs pa'o/ /pad+ma gar dbang gi ni pad+ma 'dab ma gnyis kyi dbus su snang ba mdza' yas bzhugs pa'o/ /rdo rje nyi ma'i ni rin po che chu'i 'o/ /rta mchog gi ni sangs rgyas rin po che pad+ma rdo rje nor bu'i phreng ba lngas slob ma la dbang bskur bar bya'o/ /rdo rje dril bu'i dbang bskur ba ni/ brdungs pa'i byas pa 'am zhes pa la sogs pa'i tshigs su bcad pa gcig gis bstan to/ /tshogs kyi 'khor lo byed pa 'am/ mtshan ma thob nas

  933. 467a

    dngos grub len pa'i dkyil 'khor drug gis lha rnams kyi phyag mtshan bzung nas sgrub pa dang gzugs brnyan gyi dkyil 'khor la yang phyag rgya chen po 'di ltar bri bar bya'o/ /zhes ston pa'i phyir/ kun tu sna tshogs skal bzang po/ rab 'byung rnams kyi mtshan ma'i rgya zhes pa dngos grub len pa'i slob ma dang tshogs kyi 'khor gyi lha dang/ 'di ni sangs rgyas thams cad kyi/ /rang 'byung rnams kyis mtshan ma'i rgya/ /rang 'byung rnams kyi lag na 'dug/ sna tshogs skal pa bzang gis bcing/ /oM sarba ta thA ga ta i Sha tAM d+ha ra yA mi badzra sa twa hi hi hi hi hUM/ zhes pas lha thams cad kyi phyag mtshan gyi brtul zhugs sbyin par bya'o/ /de su'i phyag rgya yin zhe na/ nam mkha' i dbyings kyi mdza' klas pa'i/ /lha mo thams cad bde ba'i mchog ces gsungs so/ /mngal dang gzhu mi bde mchog ma'o/ /skal bzang de bzhin skal bzang zhes pa pad+ma dang/ rdo rje ngo mtshar bde ma'i 'o/ /thod pa dang kha TwAM ga dang/ rdo rje rgya gram ni/ snang mdzad ma'i 'o/ /pad+ma rgya gram dang/ tshe dpag med kyis sku ni slob ma'i 'o/ /mda' gzhu dang tshangs pa'i mgo bo bzhi ni sangs rgyas byang chub ma'i 'o/ /'khor lo rtsibs brgyad pa ni chos kyi 'khor lo ma'i 'o/ /rdo rje rtse lnga pa dang tri shu la ni/ khams gsum rnam rgyal ma'i 'o/ /dpag bsam shing dang lcug ma ni 'dod pa'i dbang mo'o/ /padmo dang/ rta mgrin dang/ mnyam pa'i lcags kyu 'phang mtho ba ni rta gdong ma'i 'o/ /phag gi mche ba ni zhags pa ma'i 'o/ /nyi zlas mtshan pa'i lcags sgrog ni sgrogs kyi'o/ /sna tshogs rdo rje dang dril bu dang thod pa'i nang du sangs rgyas kyi sku lnga bzhugs pa'i bcud kyi len ni dril bu ma'i 'o/ /gli bu ni shar lho'i 'o/ /pi wang ni lho nub po/ /mu kun da ni nub byang ngo/ /mu dza ni byang shar ro/ /me tog ma la sogs pa bzhi ni phyi'i mtshams bzhir ro/ /de la sogs pa mdza' yas mchog ni 'khor gyi gtso bo byas nas/ dkyil

  934. 467b

    'khor nyi shu rtsa gcig tu 'gyur pa la dgongs so/ /rdo rje sems dpa' i phyag mtshan gyi brtul bzhugs bshad nas/ rnam snang gi phyag mtshan gyi brtul bzhugs ni/ chos gos lhung bzed/ khar bsil glegs bam bzhi ni gtso bo'i phyag mtshan gyi brtul zhugs/ kun snying ni spros pa'i dkyil 'khor la phyogs bzhir dgod ces zer ro/ /lce ni rgyas 'debs ma'i 'o/ /cha lang ni dpa' bo ma'i 'o/ /rdo rje ni kun bzang ma'i 'o/ /mi bskyod pa'i gzugs brnyan ni skur ldan ma'i 'o/ /me long dang rlung yang ni zhal bzang ma'i 'o/ / rdo rje ser ba ni sgron sprin ma'i 'od zer ma'i 'o/ /mig ni nam mkha' i spyan ma'i 'o/ /de bzhin gshegs pa'i brtul zhugs bshad nas he ru ka'i brtul zhugs ni g.yas na rdo rje 'bar ba/ g.yon na kha TwAM dang thod pa bsnams pa ni/ he ru ka'i 'o/ /dmar chem snying chen po yang thod pa'i nang du gnas pa bcom ldan 'das kyi'o/ /zhes kun snying zer ro/ /mda' ni gau rI/ 'dren pa'i lcags kyu ni tsau rI/ cha la dpra mo ha/ chu pe te li/ lcags kyu ni suk+ka sI/ rlung gis bskyod pa'i ras sar pa tsaN+Da li/ ma'i snod 'bar ba bsnams pa g+hasma ri?/ he ru ka'i phyag mtshan dang 'dra ba ni Dom+bi ni ste/ des brjod mas phyag mtshan mthun pas he ru kar snang 'debs? bshad do/ /pad+ma gar dbang gi brtul zhugs bshad pa ni/ pad+ma kha dog sna tshogs pa ni b+ha ga can gyi'o/ /pad+ma snying po ni rnam gzigs ma'i 'o/ /chos 'byung gru gsum ni sgrol ma'i 'o/ /'khor lo ni rgyal mtshan ma'i 'o/ /gsal shing ni 'bro gnyer ma'i 'o/ /rdo rje nyi ma'i brtul zhugs ni/ mda' gzhu ral gri 'bar ba me bzhi ni gtso bo'i 'o/ /dbu rgyan ni dbang bskur ma'i go/ /bum pa ni ting 'dzin ma'i 'o/ /rgyal mtshan ni rtog ldan ma'i 'o/ /me tog gi mchod pa ni mchod chen ma'i 'o/ /rta mchog gi brtul zhugs ni/ sna tshogs pad+ma'i rdo rje rgyag ma gcig gnyis kyis rgyal srid la sogs pa'i dngos grub thams cad 'thob yum ral gri'i

  935. 468a

    phyag mtshan yang rdo rje dang pad+ma yin no/ /bzhi pa rtog pa bdun pa'i 'grel pa'o// //de ltar rtul tshon gyi 'khor lo dam tshig dang dbang bskur ba dang rdo rje brtul zhugs kyi cho ga bshad nas/ da ni dkyil 'khor bzhi la mchod pa'i phyag rgyas mchod pa bshad pa ni/ de nas gzhan yang bshad bya ba/ zhes pa la sogs pa gsungs te/ las dang po pa'i rnal 'byor pas bsgrub pa'i yan lag tu b+ha ga ban rdo rje sems dpa' rigs drug gi rnam pa sna tshogs pa'i mchod pa thams cad sprul bar bya'o/ /zhes gsungs pa yin no/ /de ltar mdor bstan nas rgyas par bshad pa ni/ lag pa g.yas g.yon gnyis dag dang zhes pa la sogs pa gsungs te/ lag pa g.yas g.yon gyi mthe chung gnyis mthe bos mnan nas lus 'gying ba dang/ bcas pas 'dzum pa'i mig gis lta zhing gar byas la bsam pa g.yon pas 'dud pa ni/ sangs rgyas kyi rigs dang/ rdo rje'i rigs dang/ pad+ma'i rigs dang/ rdo rje nyi ma'i rigs dang/ las kyi rigs rnams la phyag bya ba yin no/ /de bzhin du 'jig rten pa'i drag po ma hA de ba dang/ dbang po brgya byin dang/ nye dbang khyab 'jug dang/ nyi zla dang/ gshin rje la sogs pa phyogs skyong rnams dang/ tshangs pa la sogs pa la thal mo sbyar te phyag byas par zhi ba/ rgyas pa las thams cad byed par 'gyur ro/ /de bzhin gshegs pa'i phyag 'tshal ba'i thal mo ni/ rdo rje dpal gyi thal mo sbyor zhes pa la sogs pa gsungs te/ rdo rje thal mo bcings la gar byas te/ snying gar bzhag la dbral bas lag tu ga par bya'o/ /he ru ka'i phyag 'tshal pa'i rdo rje thal mo ni gar byas la/ spyi bor bzung nas/ smin ma g.yo ba zhes pa la sogs pa gsungs te/ 'degs shing ru lu ru lu hUM sh+yo? hUM zhes dgod pa dang bcas pas phyag byas so/ /pad+ma gar dbang gi phyag 'tshal ba'i thal mo ni/ thal mo

  936. 468b

    pad+ma kha dbye dbu bzhin zhes pa la sogs pa gsungs te/ thal mo pad+ma kha 'bus pa bzhin byas pa las mthe bo mthe chung bzhi bsnan nas phyag bya'o/ /rdo rje nyi ma'i phyag 'tshal ba'i rdo rje thal mo ni/ lus kyi yan lag thams cad ces pa la sogs pa gsungs te lus kyi yan lag thams cad sa la bsnyal nas phyag rgya'o/ /rta mchog gi phyag bya ba'i thal mo ni/ dpal rdo rje 'gying ba'i thal mo zhes pa la sogs pa gsungs te/ 'dzum pa'i mig gis lta zhing gar byas 'phyag bya'o/ /thams cad kyi thun mong gi phyag 'tshal ba'i sngags ni/ oM na mo te hUM/ na ma mi hUM/ na mo na ma hUM/ zhes brjod pas bya'o/ /de ltar phyag 'tshal pa'i phyag rgya bshad nas/ gar gyi nyams dgu dang ldan pas gar byas nas mchod pa bya ba bstan pa ni/ gar gyi nyams dgu ji snyed dang zhes pa la sogs pa gsungs te/ sgeg pa dpa' ba 'jigs su rungs pas sku'i nyams rgod pa/ gshe brdab pa gsungs gi nyams/ snying rje zhi bar ngo mtshar ba thugs kyi nyams so/ /de yang 'gying ba'i nyams dang bcas pas gar bskor nas dbul bar bya'o/ /de ltar gtso bo'i gar bshad nas/ 'khor gyi gang gsungs pa ni/ lag pa g.yas g.yon dag gi zhes pa la sogs pa gsungs te/ g.yon pa rdo rje khu tshur byas la g.yas pa ba dan gsum par byas la gar bya ba ni bde mchog ma dang/ ngo mtshar bde ma dang/ snang mdzad ma dang/ slob ma mo rnams kyi nyams kyis tshul du gar bya'o/ /gling bu ma la sogs pa'i gar bya ba ni/ sregs 'dzin chen dmo bcangs pa'i zhes pa la sogs pa gsungs te/ snyems pa dang bcas pas gar byas la thal mo 'gram pa gnyis dang spyi bor bzhag ste/ de yang phabs nas gling bum nas thal byed ma'i bar gyi lha mo bcu gnyis kyi gar bya ba yin no/ /de bzhin gshegs pa'i gar ni/ g.yas dang g.yon gyi lag pa yis zhes pa la sogs pa gsungs te/ de bzhin gshegs pa'i khu

  937. 469a

    tshur bcings la de bzhin gshegs pa'i dkyil 'khor gyi lha thams cad kyi gar bya'o/ /he ru ka'i gar ni/ lag pa g.yas g.yon gnyis dag gi zhes pa la sogs pa gsungs te/ rdo rje khu tshur gnyis kyis gar byas la rdo rje thal mo gyen du phye nas bkrol te/ he ru ka'i lha thams cad kyi mchod pa'i phyag rgya gar gyi tshul du byas pa yin no/ /pad+ma gar dbang gi gar ni/ lag pa g.yas g.yon gnyis dang/ gis zhes pa la sogs pa gsungs te/ padmo'i khu tshur gnyis kyis gar byas pa pad+ma'i thal mo bskor nas gar dbang gi dkyil 'khor gyi lha thams cad kyi pu dza'i phyag rgyas gar gyis bya ba yin no/ /rdo rje nyi ma'i gar ni/ lag pa g.yas g.yon gnyis dag gis zhes pa la sogs pa gsungs te/ rin po che'i khu tshur bcings nas gar bya ste/ rin po che'i thal mo bskor la rdo rje nyi ma'i dkyil 'khor gyi lha thams cad kyi phyag rgya'i tshul gyis gar gyi mchod pa bya'o/ /rta mchog ni las kyi khu tshur las byung ba'i gar byas la las kyi thal mo bskor bas gar gyi phyag rgyas bya ba yin no/ /dkyil 'khor las byung ba'i lha mo rnams kyi gar ni gyen du 'thor ba me tog ma'i 'o/ /thung du 'debs pa ni bdug pa ma'i 'o/ /bskor ba mar me ma'i 'o/ /byug pa dri chab ma'i 'o/ /lag pa gang yang rung ston pa na me tog la sogs ci 'byor pas lag pa bkang ste/ rang gi lha'i dam tshig dang mnyam par gar gyi sgrub pas mchod pa byas na mnyes par 'gyur ro/ /phyag rgya 'di rnams bcings na ni zhes pa la sogs pa'i tshigs bcad gcig gis phyag rgya bcings pa'i bar kyis phan yon bstan to/ / chos dbyings mnyem dang mi mnyam pa zhes pa nas de'i mi 'grub gang yang med ces pa'i bar gyis lus ngag yid gsum gyi sgo nas mchod pa byas nas de'i dngos grub gsum po mi 'grub pa gang yang med do/ /de yang ji ltar chu la chu bzhag dang

  938. 469b

    ji ltar mar la mar bzhin du/ /rang gi ye shes ni/ /legs mthong gang yin 'dir phyag yin/ zhes bshad do/ /rtog pa brgyad pa'i 'grel pa'o// //de ltar las dang po pa'i bsgrub pa'i yan lag bshad nas/ da ni mchog tu gyur ba'i rnal 'byor pa mtshan ma thob pa ye shes cung zad tsam pa dbang ba/ 'jig rten gyi dngos grub 'gro ba rigs drug gi yon tan dang/ thun mong gi dngos grub bsam gtan dang/ gzugs med kyi yon tan brgyad dang/ mchog gi dngos grub bcu gcig pa bsgrubs pa'i yan lag tu gyur pa phyag rgya chen po la sogs pa phyag rgya nyi shu rtsa brgyad gsungs pa ni/ de nas gzhan yang bshad bya ba/ zhes pa la sogs pa gsungs te/ bsgrub pa'i yan lag thabs nyi shu rtsa brgyad po de dag gi ston pa po gang/ gnas ni gang du/ 'khor ni su dang lhan cig /dus ni nam gyi tshe/ dam pa'i chos ni ci zhig bshad ces na/ rdo rje sems dpa' zhes pa nas/ bde ba che zhes pa'i bar gyis ston pa pos bstan to/ /gsang pa mchog gi dgyes bzhes pas gnas bstan to/ /thams cad bdag nyid ces pas 'khor bstan to/ /rtag tu zhugs zhes pas dus stan to/ /bde ba kun la chags pa dang/ zhes pa la sogs pas chos bstan to/ /bde ba kun zhes pa ni dkyil 'khor lha'i sku la zhe na pa'o/ /dngos grub thams cad rnam dag phyir ni stong pa nyid kyi rgyas btab na bde ba chen po rtogs pa'o/ /de gang yin zhe na/ rdo rje sems dpa' bde ba'i mchog ces gsungs te/ bde ba stong pa nyid bsgom pa'i ting nge 'dzin to/ /de ltar mdor bstan nas rgyas par bshad pa ni/ zla ba ltar dkar rtsa dmar sku zhes pa nas dbu rgyan gyi dam pas mdzes zhes pa'i bar gyis rdo rje sems dpa' i sku phyag rgya chen po cod pan dang bcas pa bstan to/ /gzhan gyi nor min mi phrogs pa zhes pa gzhan gyi nor ma yin pa ni thod pa'o/ /mi phrogs pa ni gzhan la nye bar mi 'kho bas so/ /

  939. 470a

    thong ba'i snod kyi nang gi lha'i chu dag pa dang bcas pa ste zhes pa nas/ de 'grub pa po'i zhes pa'i bar gyi tshigs bcad gcig gis chu'i dbang bskur ba'i rtags phyogs bzhir thod pa'i phreng ba'i dbu rgyan dang/ spyi gtsug tu sangs rgyas kyi bzhag pa ni/ nyon mongs pa dang bcas pa'i 'jig rten stong gsum bcu gsum pa mi mdzed kyi 'khor los sgyur ba'i rgyal tshab tu dbang bskur ba yin no/ /rdo rje sems dpa' sbyor ba'i zhes pa nas mkha' 'gro ma ni thams cad 'grub ces pa'i bar shlo ka gcig gis rdo rje sems dpa' lha mos bskor ba bshad pa yin no/ /sangs rgyas dang rdo rje dang/ pad+ma dang nyi ma khams gsum pa'i gdul bya rnams rgyas btabs pas dbang byas pa dang/ rmongs pas longs spyad pa dang/ thims pas bslangs nas slar gsol te/ srog byin nas las rnams kun la sbyor bar byed pa yin no/ /de ltar mdzad pa su zhig yin zhe na/ phyag rgya 'di yis btab na ni/ /zhes gsungs te/ rdo rje sems dpa' i sku lha mos bskor ba'i sprul skus gdul bya la rgyas btab nas/ rdo rje sems dpa' rab tu 'grub par 'gyur ro/ rdo rje sems dpa' i rkang pa yis/ /phyag rgyas bcings nas dngos grub 'grub pa bshad pa ni/ /g.yas dang g.yon gyi sbyor ba yis zhes gsungs te/ sems dpa' i skyil mo krung gis so/ /rdo rje sems dpa' i phyag rgya chen po bshad pa nas/ yum bzhi'i phyag rgya chen po bshad pa ni/ /zla ba'i kha dog 'dzum pa'i zhal zhes pa nas mi 'jed la sogs brgyan pa bzhin zhes pa'i bar gyis bstan to/ /de bye brag tu bde mchog ma'i phyag rgya bya ba ni/ sgeg pa'o/ /zlog pa ni dpa' bo'o/ /'phrog pa ni 'jigs rung ba'o// lhag par mdzad pa ni gar gyi nyams gsum dang ldan pa'o/ /bdag la 'khyud pa'i phyag rgya'i/ /yan lag thams cad phrogs pa 'grub ces gsungs so/ /sgrub pa po'i 'khyud pa la sogs pa'i sbyor bas dngos grub ster bar 'gyur te/ mda' gzhu bsnams

  940. 470b

    ba'o/ /rnam pa sna tshogs zhes pa nas/ 'ol pa zhes bya ba'i phyag rgya bzhin zhes bya ba'i bar gyis bdag dang yid ga 'khyud pa'i ngo mtshar bde ba mo'i phyag rgya bstan to/ /se ral kha'i tshul dag tu zhes pa nas bde mchog rol pa'i phyag rgya'o zhes pa'i bar gyis g.yas pa sna tshogs rdo rje g.yon pa kha TwAM ga bsnams pa/ snang mdzad ma'i phyag rgyas so/ /rdzogs pa'i sangs rgyas kyi kham por 'grub ces pa nas phyag rgya'o/ /zhes pa'i bar gyis g.yas pa sna tshogs rdo rje dang g.yon pa kham por bsnams pa slob ma ma'i phyag rgya bstan te/ de la sogs pa mdza' yas mchog ces ba lha mo de rnams kyi lag pa'i phyag rgya dang/ rkang pa'i phyag rgya dang/ mig gi phyag rgya dang/ ngag gi phyag rgya la sogs pa mdza' yas kyang/ rdo rje sems dpa' la sogs pa'i sku gsung thugs kyi bdag nyid kyi ye shes phab par 'gyur ro/ /rtsa ba'i phyag rgya'i tshogs so zhes pa rdo rje sems dpa' dang yum bzhi'i dkyil 'khor gyi gtso bo yin pas rtsa ba zhes gsungs so/ /gtsug lag ji ltar rjes mthun sogs zhes pa la sogs pas sangs rgyas byang chub pa'i phyag rgyas gsungs pa yin/ rkang pa bteg cing phab pa dang/ zhes pa la sogs pas chos kyi 'khor lo ma'i phyag rgya chen po gsungs so/ /bya ba dang ni zlog pa dang zhes pa la sogs pas khams gsum rnam rgyal ma'i phyag rgya gsungs so/ /lcug ma gang yang rung pa gzung nas zhes pa la sogs pa 'dod pa'i dbang mo'i phyag rgya gsungs so/ /myang ba brdub pa ltar byas pas zhes pa la sogs pas rta mchog gi phyag rgya gsungs so/ /sna'i myang ba brdub pa yis zhes pa la sogs pas phag gdong ma'i phyag rgya gsungs so/ /mig tshugs zhen par lha pa yis zhes pa la sogs pa lcags sgrog ma'i phyag rgya gsungs so/ /thams cad bdag nyid myang ba ngos zhes pa la sogs pas thal byed ma'i phyag rgya gsungs so/ /gling bu ma/ pi wang ma/ cang te'u ma/ rdza rnga ma rnams kyi phyag rgya ni ming

  941. 471a

    gi gsal bar bstan te phyag rgya gar gyi mchod pa yis zhes pa nas/ ma lus lus pa med pa 'grub pa ces pa'i bar gyis shlo ka gcig gis me tog mar me dri chab ma rnams kyi phyag rgya bstan to/ /rims dang dug dang dbyig dug byas zhes pa la sogs pa nas/ thams cad bdag nyid 'grub par 'gyur zhes par 'gyur zhes pa'i bar gyis lha mo de rnams kyi phyag rgya'i phan yon bstan to/ /de ltar dngos grub len pa'i rdo rje sems dpa' i phyag rgya bshad nas/ da ni lha nyi shu rtsa gcig gi thun mong gi glu bshad pa ni/ sangs rgyas thams cad mnyam sbyor ba zhes pa nas/ bla na med pa'i dngos grub thob ces pa'i bar gyi thun mong gi glu bstan to/ /de nas zhes pa la sogs pa shlo ka gcig gis phrin las 'grub pa'i phan yon bstan to/ /dpal rdo rje sems dpa' bde chen zhes pa nas gzung du gsol zhes pa'i bar gyis thun mong gi glu bstan to/ /sangs rgyas thams cad mnyam sbyor ba zhes pa la sogs pas/ thun mong gi sgrub pa'i phan yon gsungs pa'o/ /de ltar rdo rje sems dpa' i dkyil 'khor gyi dngos grub len pa'i phyag rgya dang glu bshad nas/ da ni rnam snang gi dkyil 'khor gyi dngos grub len pa'i phyag rgya chen po gsungs pa ni/ rnal 'byor de nyid b+ha ga ban zhes pa nas/ dpal dam tshig zhes pa'i phyag rgya'o// zhes pa'i bar gyis chos gos lhung gzed gseg shar bsnams pa'i phyag rgya chen po bstan to/ /de'i rkang pa'i phyag rgya ni/ g.yas pa'i yan lag 'dus pa yis zhes pa la sogs pas rnam snang gi sems dpa' i skyil mo krung bstan to/ /rnam snang gi phyag rgya bstan nas/ sangs rgyas dbyangs ma'i phyag rgya chen po ni/ rdo rje khu tshur bcangs nas su zhes bya ba la sogs pas bstan to/ /dpa' bo ma'i phyag rgya ni/ /de bzhin dpal ldan he ru ka zhes pa la sogs

  942. 471b

    pas bstan to/ /kun tu bzang mo'i phyag rgya ni pad+ma bud med ces pa la sogs pas bstan to/ /zad pa med pa'i phyag rgya ni/ rin chen 'dzin pa'i khu tshur yang zhes pa la sogs pas bstan to/ /skur ldan ma'i phyag rgya ni/ sangs rgyas khu tshur bcangs nas su zhes pa la sogs pas bstan to/ /mdzes pa'i phyag rgya ni pad+ma'i bud med kyi phyag rgya bcing snas/ zhes pa la sogs pas bstan to/ /sprin chen ma'i phyag rgya ni/ rta mchog dpal gyi khu tshur yang zhes pa la sogs pas bstan to/ /nam mkha' spyan ma'i phyag rgya yang/ dpal grub spyan gyi phyag rgya yang zhes pa la sogs pas bstan to/ /de nas thun mong du mtshan brgyad gsungs pa ni/ dang po sangs rgyas kun bla ma zhes pa la sogs pa'i shlo ka gnyis kyis gsungs so/ /phyag rgya chen po bcings nas/ dngos grub bsgrub pa'i yan lag tu glu gsungs pa ni/ phyag rgya zhes pa 'di dag gi zhes pa la sogs pas tshigs bcad gnyis kyis glu blang ba'i thabs 'bras bu dang bcas pas bstan to/ /de las rdza ni drug ldan no/ /de ba lta zhes pa sum cu rtsa gsum gyi lha mo til mchog dang/ rim pa'i glu'o/ /sems can khams mang zhes pa nas di ring 'grub par 'gyur zhes pa'i bar gyis rnam snang gi lha mo thams cad kyi thun mong gi glu gsungs pa yin no/ /rdo rje sems dpa' i lha mo'i glu dang/ rnam snang gi lha mo'i glus ni bdag mtshan pa thob pa'i rnal 'byor pa la/ lha'i sku bstan nas/ thugs kar zhugs par mdzad ces pa'i don yin no/ /glu 'di dag ni blangs pa yis zhes pa nas gdon mi za zhes pa'i bar gyis sgrub pa'i phan yon gsungs pa yin no/ /de las bud med bzhi rnams zhes pa ni gling bu ma la sogs pa bzhi dang/ me tog ma la sogs pa bzhi dang/ rta gdong ma la sogs pa bzhi'i phyag rgya chen po'i tshul gyis mchod cing/ dngos grub bsgrub par bya ba yin no/ /zhes pa'i

  943. 472a

    don to/ /de ltar de bzhin gshegs pa'i dngos grub len pa'i phyag rgya chen po bshad nas/ da ni he ru ka'i dngos grub len pa'i phyag rgya chen po bstan pa ni/ rnal 'byor de nyid b+ha ga ban zhes pa nas/ /rdo rje gar gyi dbang phyug gi zhes pa'i bar gyis bstan to/ /de la dur khrod dpal gyi phyag rgyas nas zhes pa/ rus pa'i rgyan gyis brgyan pa'o/ /gzhan gyis ma yin mi 'phrogs zhes pa'i shlo ka gcig gis chu'i dbang bskur ba bstan to/ /gos chen po'i ni mi lpags so/ /dbang bskur che ni thod pa'i bcod pan lnga'o/ /sha chen dang sbrang rtsi che ni/ phyag g.yon na bsnams pa'i sprang rtsi te sha chen po dang khrag gis gang ba'o/ /ci'i phyir b+ha ga ban de lta bu bsnams she na/ dur khrod rgyad kyi 'byung po rnams gdul ba'i phyir/ thod pa dang kha TwAM gdang/ thod pa'i phreng ba dang mi bskyob pas gtsug gi nor bu byas pa'o/ kha TwAM bcas zhes pas phyag mtshan bstan to/ /phyag mtshan des ci zhig byed snyam na/ de bzhin gshegs pa'i gdul bya dang/ rdo rje pad+ma nor bu sna tshogs rdo rje'i gdul bya rnams dbang du bya ba gsum gyis rgyas btab pa dang/ btsun mo la longs spyad pas rmong spar byas pa dang/ tshegs 'khor la longs spyad pa zab pa dang/ srog thims pas thal bar gyur pa'o/ de ltar zhal bzhi brgyad bshad nas/ zhal gcig phyag gnyis pa bshad pa'i phyir/ se ral kha'i tshul dag ces pa la sogs pa gsungs te/ lag pa g.yon par thod pa thogs nas/ mchan khung g.yon par kha TwAM ga ser la khar bsnams pa/ g.yas par ba dan gsum pa rdo rje rtse lnga pa bzung pa'o/ /bud med la sogs rin chen ces pa/ btsun mo rin po che la sogs pa rin po che sna bdun sprul nas/ longs spyod pa'o/ /dbang po drug po nye dbang bsad ces pa bdud bzhi dang phyogs skyong thams cad bsad nas za bar mdzad

  944. 472b

    pa'o/ /dbang po gcig pu dang zhal bzhi phyag brgyad pa gnyis ka'i thun mong gi gar gsungs pa ni/ g.yas dang g.yon pa'i sbyor ba yis zhes pa la sogs pa gsungs te/ lag pa gnyis kyis gar byed cing sems dpa' i phyed krung dang/ langs pas drag po la sogs pa'i bdud thams cad dbang du byas shing longs spyad nas gsol bar mdzad pa yin no/ /de nyid kyi sbyor ba yis zhes pa la sogs pa skyil krung byed pa'i gar bshigs nas g.yas brkyang byas te/ bskal pa bzang po'i lha mo rnams kyi bud med kun la longs spyod pa yin no/ /rkang pa g.yas pa'i mthe bo sa la brtsugs nas g.yon pa brla'i steng du bzhag nas rab tu brkyang ba ste/ bskyod pa dang btang ba ni byang chub sems bzlog pa ste/ lus kyi 'khrul 'khor bstan to/ /lus kyi 'khrul 'khor gyi sgyu ma de dag nyid kyis lha dang mi rnams la longs spyod pa yin no/ /de ltar he ru ka'i dngos grub len pa'i phyag rgya chen po bstan to/ /de'i 'khor gyi phyag rgya chen po bstan pa ni/ de nas gzhan yang bshad bya ba/ zhes bya ba la sogs pa gsungs te/ dpal ldan he ru ka'i dbab pa zhes pa/ tshogs 'khor ram gzugs brnyan gyi dkyil 'khor la ye shes phab nas/ gdul bya'i ji ltar mos pa'i/ sgyu ma sna tshogs gnas pa yin no/ /de la 'khor gyi nyams ni/ zhi ba ni kau rI'o/ /drag po ni tsau rI'o/ /rmongs pa ni pra mo hA 'o/ dga' ba ni bet+tA lI'o/ /gar byed sgyur ba ni puk+ka sI'o/ /babs pa ni tsanDa lI'i'o/ /shi ba bzhad pa ni g+hasma rI'i'o/ /bde ba'i phyag rgyas gnas pa ni DoM bi na'i'o/ /gzhan yang zhi ba'i mig dang ldan pa ni gau rI'o/ /drag po'i mig dang ldan pa ni tsau rI'o/ /rmongs pa'i mig dang ldan pa ni bet+tA li'i'o/ gyen du lta ba ni puk+ka sI'i 'o/ /chag pa'i lta ba ni phra mo ha'i'o/ /gar byed pas lta ba ni tsaN+Da li'i'o/ /khro bo'i lta ba ni g+hasma rI'i'o/ /byams pa'i lta ba ni dngos grub mchog ster DoM bi ni'i'o/ /phyag mtshan bstan pa ni

  945. 473a

    me tog ni go rI'i'o/ /bdug pa tsau rI'i'o/ /chang phra mo ha'i'o/ /chu bet+ta lI'i'o/ /lcug ma puk+ka sI'i'o/ /ras tsaN+Da li'i'o/ /men g+hasma rI'i'o/ /grub pas 'khyud pas ni DoM bi ni'i'o/ /de rnams kyi sems kyi phyag rgya bstan pa ni/ rtse gcig mnyam par sbyor ba yis/ zhes pa la sogs pa gsungs te/ rtse gcig pas bde ba rgyas 'debs pa ni gau rI ste dang pO'o/ /lag pa gnyis mngon par bstod nas se gol rdebs shing dbugs gyen du 'byin pas g.yon du lta zhing lag pa snying 'dren pa ni gnyis pa'o/ /'o byed pas 'khyud cing gar byed pas rmongs pa ni gsum pa'o/ /sgrub bya za ba'i bsam pas lus 'degs pa ni bzhi pa'o/ /tshangs pa'i mgo bo'i nang du bdud rtsi rnams 'jig rten gsum las rgyal ba'i gar byed pa ni lnga pa'o// de bzhi nas la 'dren pas snying phub nas rang gi phyag rgya tshul du ston pa ni bdun pa bsod byed ma'o/ /klu'i dkyil 'khor gyi sgrub par bya ba'i zhal bu gsol ba ni zab mo'i'o/ /rab tu 'jigs pa'i mes sreg pa ni he ru ka dang DoM bi ni'i phyag rgya'o/ /de nas phyag rgya'i lan gyis dngos grub sgrub pa bshad pa ni/ de nas phyag rgya 'di kun gyis zhes pa la sogs pa gsungs te/ dngos grub sgrub pa'i dus su slob dpon gyis gau rI'i phyag rgya'i ba'i che slob mas DoM bi ni'i phyag rgya'o/ /slob dpon gyis tsau rI/ slob mas g+hasma ri/ slob dpon gyi pra mo ha/ slob mas tsaN+Da lI/ slob dpon gyi bet+tA lI/ slob ma puk+ka sI'i phyag rgya'o/ /de ltar gar dang gar gyi lan phyag rgya'i mtshan nyid nyon mongs 'joms pa'i bdag nyid phyag rgya'i khyad par bshad par bya'o/ /dpal ldan rdo rje padmo slong zhes pa/ dang po lag pa gnyis padmo kha phye ba lta bu'i phyag rgya byas pas rgyas btab pa dang/ rmongs pa dang/ zos pa dag thal bar bsgrub pa dang/ 'tsho bar byed pa'o/ /las lnga phyag rgya'i lan brgyad kyis sgrub par byed pa yin no/ /de ltar las kyi phyag rgya bshad nas/ he ru ka'i dkyil

  946. 473b

    'khor gyi gru bshad pa ni/ de nas phyag rgya shes pa'i zhes pa nas/ khyad par du ni bshad par bya zhes pa'i bar gyis dam bca' ba bstan to/ /gzigs pa rnam pa sna tshogs zhes pa nas/ gsal bar mdzod ces pa'i bar gyis he ru ka'i dngos grub yin pa'i glu gsungs pa yin no/ /glu 'di dag ni blangs pa yis zhes pa'i shlo ka gcig gi phan yon bstan to/ /he ru ka'i phyag rgya dang dngos grub len pa'i glu gsungs pa yin no// //da ni pad+ma gar dbang gi dkyil 'khor gyi phyag rgya bshad pa ni/ rnal 'byor de nyid b+ha ga ban zhes pa nas phyag rgya'o zhes pa'i bar gyis pad+ma gar dbang gi phyag rgya chen po gsungs so/ /g.yas pa g.yon pa sbyor ba yis/ zhes pa rkang pa'i phyag rgya bstan to/ /'khor gyi lha mo'i phyag rgya ni/ snyems pa'i lag pa g.yon pa yis zhes pa la sogs pa gsungs te/ g.yon pa bsnyems pas pad+ma gzung nas g.yas pas kha 'byed pa rnams gzigs ma'i'o/ /g.yon pa snyems pas pad+ma rnon po bzung nas g.yas pa snying gar 'den pa sgrol ma'i 'o/ /g.yon bsnyems pas pad+ma bzung nas g.yas pas sa'i 'khor lo bskor ba ni sa 'dzin ma'o/ /g.yon bsnyems pas pad+ma'i thang ka bzung nas g.yas pa ba dan gsum pa gar byed pa khro gnyer ma'i 'o/ /g.yon pa bsnyems pas pad+ma ser po ci bder bzung bas g.yas pa chu srin gyi rgyal mtshan bsgrengs nas 'dzin pa gtum pa'i dbang phyug ma'i 'o/ /g.yon pa pad+ma dmar po bzung nas g.yas pas snying gar 'bren pa sna tshogs padmi'o/ /sna tshogs pad+ma 'am pad+ma dmar skya 'dzin pa pad+ma na za? ma'i'i pad+ma dkar sngo g.yon pas bzung nas g.yas pas snying gar 'byed pa rdo rje dbang phyug ma'i'o/ /de ltar las kyi phyag rgya bshad nas sku'i phyag rgya chen po bstan pa ni/ /rnam dag gzigs ma zhes pa nas/ lha mo chen po rnams so zhes pa'i bar

  947. 474a

    gyis bstan to/ /phyag rgya bshad nas dngos grub len pa'i glu bshad par dam bca' ba ni/ de nas phyag rgya zhes pa shlo ka gcig gis gsungs so/ /de bzhin gshegs pa kun gyis so zhes pa nas/ gar mdzod cig ces pa'i bar gyis pad+ma gar dbang gi dngos grub len pa'i glu gsungs pa yin no/ /glu 'di dag ni blangs pa yis zhes pa shlo ka gcig gis phan yon yin no/ /de ltar pad+ma gar dbang gi phyag rgya dang glu bshad nas// //da ni rdo rje nyi ma'i dngos grub len pa'i phyag rgya chen po gsungs pa ni mnyam sbyor de nyid b+ha ga ban zhes pa la sogs pa gsungs pa yin no/ /shin tu gdug cing gtum ba la/ zhi bas phan par mi 'gyur te/ zhes pa/ rdo rje nyi ma cung zhig khro bo'i nyams dang bcas pa/ khro bo'i gzugs dang/ khro bo'i spyod lam dang/ khro bo'i tshul dang gzi brjid chen po ston pa lha'i nyi ma'i gzugs can no/ /lhag ma ni go sla'o/ /rdo rje pus mo gnyis bcings nas bzhes pa shlo ka gcig gis rkang pa'i phyag rgya bstan to/ /gtso bo bstan nas 'khor gyi ni? dbang bskur ba dang/ gter dag dang zhes pa la sogs te/ /dbang bskur ma/ gter ldan ma rgyal mtshan mchog ma/ mchog ldan ma'o/ /mchod tshe zhes bya bas mnga' 'dzin ma la sogs pa gcig dang/ gling bu ma la sogs pa bzhi dang/ me tog ma la sogs pa bzhi dang/ bcu gnyis mchod pa che zhes bya'o/ /ji lta'i tshul du ston pa dag /ces bya bas rta gdong ma la sogs sgo bzhi gsungs so/ /phyag rgya bshad nas/ glu bshad pa ni/ de nas phyag rgya zhes pa la sogs pa la shlo ka gcig ni dam bca' ba'o/ /khams gsum kun gyi rgyal srid ces pa nas thams cad 'gro zhes pa'i bar gyis dngos grub len pa'i glu gsungs so/ /glu 'di dag ni blangs pa yis zhes pa'i shlo ka gcig gis phan yon

  948. 474b

    gsungs pa yin no/ /rdo rje nyi ma'i phyag rgya bshad nas/ rta mchog gi phyag rgya gsungs pa ni/ rnal 'byor de nyid ces pa/ rdo rje slong ba zhes bya ba'i phyag rgya'o zhes pa'i bar gyis sku phyag rgya chen po bstan to/ /de'i rkang pa'i phyag rgya ni/ g.yas dang g.yon gyi sbyor ba yis zhes pa la sogs pa gsungs so/ /rkang pa bzhis brkyang bskum gnyis su gnas pa ni/ khro bo'i skyil krung ngo/ /de'i 'khor gyi dkyil 'khor ni sla ba la dgongs nas ma gsungs so/ /de ltar phyag rgya bshad nas dngos grub kyi glu gsungs pa ni/ de nas phyag rgya ni/ zhes pa ni 'di shlo ka gcig gis dam bca' pa gsungs so/ /myos byed stong pa zhes pa tshig rkang gcig gis dbang gi sku bstan to/ /stong ni gshin rje stong pas zhes pa'i tshig rkang gcig gis mngon spyod kyi bstan to/ / tshangs pa stong las zhes pa'i tshig rkang gcig gis zhi ba'i sku bstan to/ /dkyil 'khor zhes pa'i tshig rkang gcig gis rgyas pa'i sku bstan to/ de bstan nas ci mdzad ce na/ phrin las bzhi mdzad pa yin te/ thams cad rnam par dag par mos pa'i 'dul bya bzhi la/ /ngo mthon stobs kyis mnan nas yi ge hi bzhis mngon sum gyis lam bstan to/ /de yang su yin zhe na dbang phyug thams cad shig zhig pas lha bzhi pa brgyal du bcug pa yin no/ /de yang hu lu hu lu'i sgras dbang phyug chen po mnan nas gsum grub ma phrogs pa yin no/ /ma ta ma ta'i sgras mthu bo che/ mnan nas dpal mo phrogs so/ /sman ta'i sgras tshangs pa mnan nas dbang ma phrogs pa dang 'dod pa'i lha mnan nas dga' ma phrogs/ /rta mchog gi phrin las bzhi bstan nas lha mo bzhi dang mnyam par sbyor bas a la la ho/ zhes gsungs pa yin no/ /ma 'ongs pa'i gsang sngags kyi sgo spyad pa spyod pa rnams kyang khro zhing gtum pa'i stobs kyis bdag po rnams nas lha mo rnams dang sbyor ba'i tshe

  949. 475a

    a la la ho zhes gsungs pa yin no/ /rjes 'jug rnal 'byor pas bdag po bzhis brgyal du bzhugs pa'i sngags ni oM suM b+ha ni zhes pa nas hUM phaT ces pa'i bar gyis gsungs so/ /de ltar mngon spyod kyi sgrol ba dang/ 'dod chags kyi sbyor bas ji ltar sangs rgyas par 'gyur zhe na/ mdza' bo mi la bya 'am mi bya ba/ de dag yongs rtogs med kyang bla zhes pa la sogs pa gsungs te/ rang bzhin brgyad cu dang bral bas gzung 'dzin med pa'i ye shes skyes pa na/ sgyu ma lta bur nges pas mdza' ba dang/ mi mdza' pa su zhig dang med do/ /de bzhin du rgol ba rnams sgyu ma lta bur shes nas dgra bo bya ba su yang med do/ /glu 'di blangs pa'i zhes pa'i shlo ka gcig gis phan yon bstan to/ /de ltar phyag rgya chen po bstan nas dam tshig gi phyag rgya bshad pa ni/ mdzub mo mthe bo mnan nas zhes pa la sogs par gsungs te/ rdo rje thal mo sbyar la/ mdzub mo dang mthe bo'i tshigs kyi rtse mor mnan la gung mo'i rtse mo ni dpal grub pa'i spyan zhes bya ste/ rdo rje sems dpa' i dkyil 'khor gyi dngos grub sgrub pa'i dam tshig gis phyag rgya'o/ /rnam snang gi dkyil 'khor gyi phyag rgya ni/ rdo rje thal mo mnyam sbyar la/ zhes pa la sogs pa gsungs te/ rdo rje thal mo gnyis sbyar nas mdzub mo gnyis pa kun? ste mthe bo'i rtse mor sbyar la thal mo'i mthe bong steng du bya'o/ /he ru ka'i dkyil 'khor gyi phyag rgya ni/ rdo rje thal mo gyen du phye nas/ mdzub mo gnyis rtse mo bkug la mthe bong gnyis kyis mnan te ngal bso bo mnan nas/ dpal mo zhes bya'i gnod sbyin ma phrogs nas 'ongs te/ dga' ba bzhi bskyed pa bya'o/ /pad+ma gar dbang gi phyag rgya ni/ /rdo rje thal mo mnyam par sbyar nas gung mo brkyang la mthe bo chung gnyis pad+ma bzhi pa'i chu la du ni rdo rje nyi ma'i dkyil 'khor gyi phyag rgya ni/

  950. 475b

    rdo rje thal mo mnyam par sbyar la/ mdzub mo gnyis bkug nas/ mthe bos bgar? ba ni dpal gyi nor bu zhes bya'o/ /rta mchog phyag rgya ni/ rdo rje thal mo sbyar la/ mthe chung dang srin lag bzhi pa nas brkyang la mdzub mo gnyis rtse mo bkug pa ni phyag rgya'o// de ltar dam tshig gi phyag rgya bstan nas/ rdul tshon gyi dkyil 'khor gyi dam tshig chen po'i phyag rgya bsgom pa ni/ lus ngag sems ni rdo rje zhes pa la sogs pa gsungs te/ rnal 'byor pa'i lus ngag sems rdul tshon gyi dkyil 'khor gyi ltar bsgoms la/ mtshan ma'i phyag rgya bzung nas bsnyen bsgrub bzhi'i tshul gyis thams cad gsungs gi lha'i sbyor bas bskyed la bdag nyid lhar bsgom bar bya ste/ dkyil 'khor drug gi lha so sor rang rang dkyil 'khor bsgom par bya'o/ /ci'i phyir dam tshig ces bya zhen sku gsung thugs la stong nyid kyi rgyas btab nas/ sgyu ma dang stong pa nyid kyi chos kyi dbyings las mi 'da' bas dam tshig chen po zhes bya'o/ /de ni tshogs kyi 'khor gyi dam tshig chen po bshad pa ni/ rdo rje sems dpa' rnal 'byor zhes pa la sogs pa gsungs te/ lha'i gzugs dang cha byad dang ldan par bsgom pa'o/ /bde ba nyid kyis kun gyi bdag ces pa/ lhan cig skyes dga' i bde ba nyid kyis 'dod yon kun gyi bde ba'i bdag nyid du 'dod yon lnga la 'jug par bya'o/ /de ji ltar dam tshig chen po yin zhe na/ chags pa med cing ma chags med/ dbu ma yang ni dmigs su med ces pa yul dang yul can gyi stong nyid bsgoms pa'i rdo rje sems dpa' i sbyor ba'o/ /yod pa ma yin med pa 'ang min no/ dbu mar yang ni dmigs su med ces pa sems kyi stong pa nyid bsgoms pa dbang bzhi pa'i ting nge 'dzin skye bar 'gyur bas/ rnam snang gi sku 'od gsal lta bu bsgoms pas/ rnam snang gi sbyor pa'i phyag rgya'o/ /thams cad nam mkha' i mtshan nyid de/ nam mkha' la yang mtshan nyid med/ ces pa la sogs pas

  951. 476a

    'od gsal gyi rang bzhin no/ /he ru ka'i gzugs su bsgoms nas sngags skyes zhing skyes ye shes las skyes bud med rin po che la sogs pa la longs spyod pa 'dod pa'i dbang phyug gi dngos grub thob par 'gyur ro/ /he ru ka'i sbyor ba'o/ /ji ltar pad+ma dmar po 'di zhes pa la sogs pas 'od gsal gyi rang bzhin gyi pad+ma gar dbang gi sbyor ba'o/ /shin tu gdug cing drag po la zhes pa la sogs pas 'od gsal gyi snang ba ste rdo rje glu ma'i sbyor ba'o// thams cad dag par mos pa'i zhes pa la sogs pas 'od gsal gyi rang bzhin rdo rje nyi ma dang rta mchog gi gzugs su bsgom pa ste/ rta mchog gi sbyor ba'i phyag rgya'i ye shes so/ /de ltar dngos grub sgrub pa'i phyag rgya nyi shu rtsa brgyad las phyag rgya chen po dam tshig rdul tshon bsgoms pa'i dam tshig chen po'o/ /tshogs 'khor gyi lha bsgoms pa'i sbyor ba'i phyag rgya'i ye shes gsungs pa yin no// //da ni thams cad kyi sbyor ba'i phyag rgya ni/ sbyor ba ji snyed yod pa kun zhes pa la sogs pa gsungs te/ dkyil 'khor sprul pa'i rnal 'byor pas ma snyen bsgrub bzhis ji ltar bzhin bsgoms nas phrin las bzhi'i dbye ba rnam pa sna tshogs pas rdo rje sems dpa' la sogs pa'i dkyil 'khor drug gi /zhi ba dkar/ rgyas pa ser/ dbang dmar/ mngon spyod nag po'i gdong rgyan dang bcas pa bgos gar mkhan gyi spong ba bzhin du/ lha rnams bsgom pa'i che cha byad spong zhing sgom pa na/ rdo rje sems dpa' la sogs pa'i dngos grub thob par 'gyur ro/ /bya ba dang ni zog pa dang zhes pa la sogs pas dkyil 'khor drug gi shin tu sbyor ba'i phrin las kyi dngos grub bstan te/ bya ba ni phan 'dogs pa dang zlog pa tshar chod pa'o/ /khyad par du

  952. 476b

    'phrog pa ni dbang phyug la sogs mnan nas lha mo rnams 'phrog pa'o/ /yan lag kun tu byed pa yis zhes pa lus ngag yid gsum dbang du byed pa'i yan lag gi nor yang 'phrog pa'o/ /longs spyod pa ni 'o byed pa dang 'khyud pa la sogs pas khams gsum pa la rgyas 'debs pa'o/ /thim pa ni ye shes thim pas thar pa dang/ srog thim pas gsod pa dang/ shi ba las de ma thag slong bar byed pa'o/ /de ltar dkyil 'khor drug gi phyag rgya bshad pa'o/ /bzhin gyi phyag rgya ni/ rdo rje sems dpa' i zhal mdzes pa dang/ bud med kun gyi sgyu ma che zhes pa la sogs pas/ bde mchog ma la sogs pa lha mo nyi shu'i sgeg pa'i nyams dang ldan pa'o/ /de bzhin gshegs pa'i dkyil 'khor gyi rang bzhin gyi phyag rgya ni sangs rgyas thams cad mnyam sbyor ba/ rab tu dga' bas lta zhing 'dzum zhes pa la sogs pa'o/ /he ru ka'i bzhin gyi phyag rgya ni dgu sgeg pa la sogs nyams dang ldan zhes pa la sogs pa'o/ /pad+ma gar dbang gi bzhin gyi phyag rgya ni/ sgeg pa'i lta bas gar byed cing zhes pa la gsungs so/ /rdo rje nyi ma'i mche ba cung zad gcig pa'i kha zhes pa la sogs pa gsungs so/ /rta mchog gi ni 'dod chags mos pas g.yem spyo ba zhes pa la sogs pa gsungs so/ /bzhin gyis phyag rgya bshad nas/ 'dzum pa'i phyag rgya ni/ lha mo kun gyi bde ba mchog ces pa la sogs pa'o// bde mchog ma'i 'dzum pa'i phyag rgya ni/ 'dod chags bde bas g.yem spyo ba zhes pa la sogs pa'o/ /ngo mtshar bde ma ni/ sbyor pa kun gyi bde ba'i mchog ces pa la sogs pa'o/ /snang mdzad ma'i ni/ sha chen ro ni myong ba'i zhes pa la sogs pa'o/ /slob ma mo'i ni/ bde ba kun gyi ro myong zhing zhes pa la sogs pa'o/ /de bzhin gshegs pa la sogs pa'i dkyil 'khor lnga'i ni/ 'dzum ba'i phyag rgya mchog 'di ni/ khams gsum dag kyang za bar byed/ ces pa la sogs pa shlo ka phyed dang gnyis kyis

  953. 477a

    thun mong du gsungs so/ /lta ba'i phyag rgya'i ye shes ni bde ba stong pas rab sbyor ba zhes pa nas 'tsho ba byed ces pa'i bar gyis rdo rje sems dpa' i lta ba bstan to/ /bu med mkhas pa zhes pa shlo ka gcig bde mchog ma la sogs pa'i 'o/ /sangs rgyas gsang pa mnyam sbyor zhes pa la sogs pa shlo ka gcig gis de bzhin gshegs pa'i dkyil 'khor bstan to/ /smin mtshams khro gnyer zhes pa la sogs pa shlo ka gcig gis he ru ka'i lta ba bshad do/ /khro zhing 'gyur zhes pa la shlo ka gcig gis rdo rje nyi ma'i dang rta mchog thun mong gi lta ba bshad do/ /brdeg pa la sogs pa zhes pa lta bu shlo ka gcig gis pad+ma gar dbang gi bstan to/ /de ltar na thams cad sbyor ba'i phyag rgya dang/ bzhin gyi 'dzum pa'i lta ba'i phyag rgya ste rnam pa brgyad do/ /chos kyi phyag rgya min sku thams cad bu dre bya zhes pa la sogs pa rdo rje sems dpa' i dkyil 'khor gyi chos kyi phyag rgya bstan to/ /ru ru spu ru zhes pa la sogs pa rnam snang gi'o/ su ba ga sta zhes pa la sogs pa dpal chen po'i dkyil 'khor gyi'o/ /oM tA re zhes pa la sogs pa sgrol ma'i sngags pad+ma gar dbang gi'o/ /traM ba ba ta zhes pa la sogs pa mA ma kA'i sngags ni rdo rje nyi ma'o/ /sh+ri badzra pad+ma b+ha ba ti mu kha zhes pa la sogs pa mchog gi dkyil 'khor gyi'o/ /dkyil 'khor drug gi chos kyi phyag rgya'i ye shes so/ /glu'i phyag rgya'i ye shes ni/ skad kyi gsang gi mthon dman du zhes pa la sogs hUM hUM zhes pa la sogs pa'i sgras yi ge sum cu rtsa gnyis kyi ched du 'don pa'i ka ka la zhes pa dbyangs snyan pa dang/ sha rdza ba zhes pa la sogs pas rdza rnga la sogs brdung zhing glu blang ngo/ /rdo rje sems dpa' i dkyil 'khor gyi'o/ /oM gyi glu'i phyag rgya ni zhes pa/ tshangs pa'i dbyangs oM yi ge sum cu rtsa gnyis su 'don/ glu blangs zhing rnga rings la sog pa

  954. 477b

    brdung bar bya'o/ /rnam snang gi'o/ /rdo rje drag mo gad mo che zhes pa la sogs pa ru lu ru lu'i sgra hi dang/ hUM gcig dang bcas pas klu len cing rnga bo che brdung ba he ru ka'i 'o/ /te na te zhes pa la sogs pa glu'i phyag rgya dang/ rnga dra ba can brdung ba pad+ma gar dbang gi 'o hi zhes bya ba yi ge bcu drug gi tshad du 'don to/ /rnga zlum brdung ba'i glu'i phyag rgya ni rdo rje nyi ma'i 'o/ /haM zhes pa rta mchog gi bslang po/ /ka ka zhes pas 'gre 'gyur gsum rtseg yon pa dang/ ka gnyis zhes pa 'gre 'gyur mi mthun pa yod pa dang/ rab gdangs snyan zhes pa gla'i mdza' gsal bar 'don pa dang/ ka hi la zhes pa zangs dung bzhin rgya glu len ba'o/ /dkyil 'khor drug gi gru'i phyag rgya'i ye shes mi sil snyan gyi phyag rgya bshad pa ni/ gling bu dang ni rgyud gcig ni zhes pa la sogs pa gsungs te/ gling bu ni bu ga bcu 'am khams lnga dang bcas pa'o/ /rgyud gcig ni 'dzeng ngo/ rgyud mangs ni dgu po rgyud mangs so/ /rgyud stag po ni rgyud nyi shu rtsa gcig pa'o/ /sil snyan ni pi wang rdza rnga ste/ dkyil 'khor drug gi lha cha byad bzung nas lha'i zlos gar bzhin du sil snyan brdung zhing glu blangs na dngos grub zla ba bzhis 'grub pa 'am zla ba gcig gis 'grub par 'gyur ro/ /snying po ni rigs bzhi'i gtso bo'i sngags so/ /phyag rgya ni lha mo rnams kyi sngags so/ /sngags ni bzlas pa'i sngags so/ /rig pa ni mchod pa'i sngags so/ bya ba rnam pa sna tshogs ni/ /rkang pa'i gar/ lag pa'i gar/ mig gi lta ba dang bcas pa'o/ /rnam par sel la sogs pa'i thabs ni/ rgod dang bltas dang/ lag par des dang/ 'khyud pa la sogs pa'i thabs so/ /de ltar thun mong gi sil snyan gyi phyag rgya bshad nas/ khyad par gsungs pa ni/ dza(rgyud 'grel): hUM ba ho(rgyud 'grel): ru Ta ma Ta ces pa la sogs pa nas/ rgyun gyi nga'o zhes pa'i bar gyi/ rdo rje sems dpa' i dkyil 'khor gyi rnga brdung ba'i glu'i'o/ /aM aM zhes ba nas dam tshig gsum gyi rnga'o zhes pa'i bar

  955. 478a

    gyis rnam snang gi glu'o/ /de 'od zhes pa nas he ru ka'i rnga'i phyag rgya'i zhes pa'i bar gyis he ru ka'i'o/ /pad+ma pad+ma tri zhes pa nas/ thal mo bdebs pa'i rnga'o zhes pa'i bar gyis/ pad+ma gar dbang gi'o/ tuM traM zhes pa nas rgyal po'i rnga'o zhes pa'i bar gyis rdo rje nyi ma'o/ /ta ki hUM zhes pa nas myur ba'i rnga zhes pa'i par gyis rta mchog gi zhi ba'i 'gros dang/ rgyas pa dang/ dbang dang mngon spyod kyi 'gros bstan to/ /sil snyan gyi phyag rgya'i ye shes ni thun mong du gsungs so/ /kun snying ltar yi ge re re dang lha re re sbyor ba'i bshad pa ni/ rgyud yong pa yang ma yin la/ ming mtshan gyi dang po dang tha ma bzung ba lta bu phan tshun mi 'gal ba'i lung gi 'thad pa yang med do/ /in+d+ra b+hU d+hi'i zhal nas glu 'di rnams kyi sil snyan brdungs la/ sgra'i rdo rje nyams las gnas med dang/ lhag mthong sgra'i de nyid shes pa yin/ sil snyan sgra dang gzugs rnams la/ /gang gis stong nyid de shes pas/ /de yis mdzad pa 'dus pa yis/ /bde ba'i ye shes skye bar 'gyur/ /zhes gsungs so/ /de ltar sil snyan gyi phyag rgya ye shes bstan nas/ ye shes bsdu ba'i phyag rgya bstan pa ni/ rdo rje sems dpa' i bdag sbyor bas zhes pa nas/ thal mo dkyil 'khor bsdu bar bya zhes bya ba'i bar gyis bstan to/ /bsdu ba byas pa'i rjes la glu dang sil? snyan gar byas pas de bzhin gshegs pa rnams mnyes par bya ba'i phyir nyams dgu byas te/ dkyil 'khor re re la yang gar gyis nya mos dgus mchod par bya ste zhes bstan pa yin te/ sgeg? pa rdo rje sems dpa' o/ /dpa' ba de bzhin gshegs pa'o/ /snying rje he ru ka'o/ rgod pa 'jig rten dbang phyug go/ khro ba rdo rje nyi ma'o/ /'jigs pa rta mchog go/ mi sdug pa ni mi gtsang ba'i rdzas bsgoms pa ste shAkya thub bo/ /ngo mtshar gyi dkyil 'khor bzhi'i mkha' 'gro ma rnams so/ /

  956. 478b

    zhi ba ni rnam snang mdzad chen po ste/ rgyu'i rdo rje 'chang drug go/ sgeg pa la sogs pa'i nyams dang ldan pa zhes pa 'khor lo drug gi lha'i gar byas pas 'khor lo bzhi'i ye shes skye bar 'gyur ro/ /rdo rje sems dpa' i sgeg ces pa la sogs pa rgyas par bshad pa ste/ oM rdo rje sems dpa' sgeg pha la/ dpa' la dpa' ba' i de bzhin gshegs zhes pa nas/ mchog tu gyur pa'ang rab tu stsol/ swAhA zhes pa'i bar gyis rdo rje glu blangs bsnyan pa yin no/ /de'i phan yon gsungs pa ni/ thams cad bdag nyid ces pa nas/ dam pa ster gar 'gyur zhes pa'i bar gyis bstan to/ /bde mchog ma la sogs pa'i lha mo rnams kyis phyag rgya'i sbyar ba 'di dag gis zhes pa nas/ mchod pa rab tu sbyar zhes pa'i bar gyis gsungs so/ /rnam snang gi dkyil 'khor gyi phyag rgya ni/ kun tu sna tshogs skal bzang po zhes pa nas/ sangs rgyas thams cad 'byung bar 'gyur zhes pa'i bar gyis bstan to/ /de nas lan du sbar yang ni rdo rje 'dzin pa chen por 'gyur zhes pas he ru ka'i'o/ /de nas lan yang tshul bzhin du/ pad+ma gar byung mchog tu sgyur zhes pas/ pad+ma gar dbang gi'i 'o/ /de slar yang lan du ni/ rdo rje nyi me mchog tu sgyur zhes pas rdo rje nyi ma'o/ /de nas slar yang sgyur bas zhes pa rta mchog gi'i'o/ /de nas slar yang nas bdag nyid byung bar rab tu/ 'grub ces bas thun mong gi dngos grub bstan to/ /de ltar sil snyan med kyang gar gyi nyams dgu dang mchod par bsnan pa ni/ de nas phyag rgya shes pa yis/ sdom pa thams cad rab ston pa/ rdo rje sems dpa' dpal gyi glu/ khyad par du ni bshad par bya// zhes ba dang bcas pas bstan to/ /glu gang zhe na/ la lar dri med ces bya bas rdo rje sems dpa' dang rnam snang gi glu bshad do/ /la lar rab tu 'jigs zhes pas he ru ka'i glu bstan to/ /la lar mdangs bzang zhes pas pad+ma gar dbang gi bstan

  957. 479a

    to/ /la lar 'gro ba thams cad ces pas rdo rje nyi ma bstan to/ /rdo rje sems dpa' 'grub pa'i phyir zhes pas/ rta mchog gi bstan to/ /rnam pa mang po 'dul bar mdzod ces pa la sogs pas dkyil 'khor drug gi 'khor bstan to/ /'di dag glu ni blangs pa yis zhes pa la sogs pas phan yon bstan to/ /de ltar rab tu dgar byas te zhes pa la sogs pas/ gar ma shes na phan ba dang lhung bar 'gyur pa yin pas tshogs 'khor lo'i zas dang/ g.yog dang bcas pa dbul bar bya'o/ /mchod pa'i cho ga 'di dag gis zhes pa/ sngar bshad pa'i rigs bzhi'i tshogs kyi 'khor lo'i dbang po dang rnal 'byor ma bkod la mchod pa 'am/ yang na dri'i thig le 'am/ me tog gi tshom bu dang/ yig 'bru dang/ phyag mtshan dang phyag rgya chen po bkod la las dang po pas mchod pa byas nas/ sdig pa kun las thar ba dang/ bsod nams thams cad 'phel lo zhes bas brjod las kyang gsungs so/ /chos kyi phyag rgya dang/ glu'i phyag rgya dang/ sil snyan gyi dang/ gar gyi phyag rgya zhes pa ste bcu gnyis so/ /phyag rgya bshad pa ni rab tu dga' ba zhes pa nas/ a la la ho zhes pa'i bar gyis rdo rje sems dpa' i dkyil 'khor gyi glu bshad do/ /de bzhin gshegs pa kun gyi mkha' 'gro zhes ba nas gdong mi za ba zhes pa'i bar gyis rnam snang gi glu'o/ /rdo rje sems dpa' bsdus pas nas/ rdo rje dril bu rab tu 'khrol ba la phyag 'tshal lo/ /zhes pa'i bar gyis he ru ka'o/ /la lar rab tu dran zhes pa nas/ grub pa ston zhes pa'i bar gyis pad+ma gar dbang gi glu'o/ /thams cad dbang bskur zhes pa nas/ grub par mdzod ces pa'i bar gyis rdo rje nyi ma'i glu'o/ /la lar mkhas pa'i zhes pa shloka gcig gis rta mchog gi dkyil 'khor gyi glu'o/ /glu'i mchod pa'i ye shes bstan nas/ me tog la sogs pa'i mchod pa'i

  958. 479b

    ye shes bstan pa ni/ me tog dkar dang dmar ba la/ zhes pa la sogs pa gsung ste/ rdo rje sems dpa' i dkyil 'khor gyi me tog bdug pa mar me dri chab dri dang ldan pa'i zhal zas kyi gong bu bstan pa yin no/ /me tog dmar po zhes pa la sogs pa go sla'o/ / mchod pa'i phyag rgya bstan nas/ tshogs 'khor gyi dus du gtor ma la sogs pa'i rdzas bstan pa ni/ sgeg mo dang ni chu dang zhes pa la sogs pas ston te/ phyis byung ba'i rdo rje'i ye shes dang sbyar nas sgeg mo dang ni chu la sogs pa ston te go sla'o/ /rdo rje sems dpa' i 'o/ /sangs rgyas rnams la bshos 'bul ba zhes pa la sogs pa nas/ rta dbul ba zhes pa'i bar gyis sangs rgyas la sogs pa'i 'khor lo lnga'i mchod pa dang gtor ma'i cho ga'o/ /de ltar gtor ma'i phyag rgya'i ye shes bstan nas/ dbang bskur ba'i phyag rgya ston pa ni/ /mthe bo sems dpa' i skyil mo krung zhes pa la sogs pa gsungs te/ mthe bong bsnol nas mdzub mo gnyis kyi rtse mo bkug gung mo gnyis kyi tshigs mnyam bar sbyar la/ lhag ma rdo rje thal mo sbyar nas/ spyi bo la sogs pa'i gnas lngar gtugs nas/ rigs lnga'i dbang bskur ba dang/ de bzhin gshegs pa la rin po che'i cod pan gyi dbang bskur ba dang tshogs kyi 'khor gyi dbus kyi rdo rje sems dpa' i cod pan gyi phyag rgya na/ sor mo thams cad nang du bsnol zhes pa la sogs pa gsungs te/ rdo rje pa sngams pa nang du bcings la/ mdzub mo dang mthe bo rtse mor sbyar nas/ thod pa skam po'i kha dang mig gi phug lta bur bzhag pa'i ni he ru ka pad+mar gar dbang/ rdo rje nyi ma rta mchog gi bdag po'i rigs bsdus pa'i gtso bo'i dbang bskur yin no/ /rdo rje thal mo mnyam sbyar te/ zhes pa la sogs pas de bzhin gshegs pa'i dbang bskur ba'i phyag rgya bstan to/ /lag pa shin tu brkyang ba yis zhes pa la sogs pas he ru ka'i dbang bskur bstan to/ /mthe bong dpa' o skyil mo krung

  959. 480a

    zhes bya ba la sogs pas pad+ma gar dbang gi phyag rgya bstan to/ /rdo rje thal mo mnyam sbyar bar zhes pa la sogs pas/ rdo rje nyi ma'i dbang bskur ba'i phyag rgya bstan to/ /sangs rgyas rin chen padmo dang/ /zhes bya ba la sogs pas rta mchog gi dbang bskur ba'i ye shes kyi phyag rgya'o/ /de ltar dbang bskur ba'i ye shes kyi phyag rgya bstan nas/ da ni rdo rje thams cad kyi ye shes kyi phyag rgya ni/ sor mo thams cad bsnol ba ni/ /rdo rje thams cad yin par bshad ces bya ba la sogs pa thun mong gi phyag rgya dam tshig 'byung ba'i rgyu bshad do/ /thun mong gi spyan drang ba'i phyag rgya ni/ de las gung mo lcags kyu zhes pa la sogs pa smos te/ de bzhin gshegs pa ni rdo rje bsdams pa bya ba ni zhes pa la sogs pa gsungs so/ /he ru ka ni rdo rje'i phyag rgya bcings pa las zhes pa la sogs pa gsungs te/ rdo rje dbab pa dang/ rdo rje'i snying po'i phyag rgya gnyis he ru ka'i phyag rgya yin no/ /rdo rje bsdams pa la sogs pa la gnas te zhes pa la sogs pas pad+ma gar dbang gi phyag rgya bstan rdo rje'i phyag rgya padmor byas pa las zhes pas rdo rje nyi ma'i phyag rgya bstan to/ /rdo rje'i phyag rgya yongs su bcings nas zhes pa la sogs pa rta mchog gi phyag rgya bstan to/ /rdo rje thams cad kyi phyag rgya de shes pas ci zhig byed ce na/ sgrub par 'dod pa dang/ dngos grub len pa'i gang zag gis rdo rje thal mo dang bsdams pa dang/ gung mo gnyis nang du bcug pa dang/ mthe bo mthe chung brkyang bas ye shes 'bebs pa dang/ rdo rje'i phyag rgya yongs su sgyur bas lha'i skur bsgom pa dang/ gung mo lcags kyu byas pas ye shes sems dpa' spyan drangs pa ni/ rdo rje sems dpa' i dngos grub dang bsgrub pa'i yan lag tu 'gyur ro/ /de bzhin du de bzhin gshegs pa la sogs pa lnga la ye shes dbab pa dang/ ye shes sems dpa' spyan drangs nas lhar bsgoms par

  960. 480b

    blta bar bya'o/ /de yang dang po'i rdo rje sems dpa' dang dbus ma'i he ru ka dang/ ye shes dbab pa ye shes sems dpa' zhes gsungs so/ /bstod pa dang bcas pa'i yum gyi phyag rgya ni/ A li kA li mnyam byas nas/ /kha yi thad kar 'dud par bya zhes pa dbyangs yig bcu drug dang/ gsal byed sum cu rtsa bzhi las/ dkyil 'khor drug lha gang rung bsgoms pa la snying gar nyi zla nyis brtsegs bsam pa ni/ A li kA li mnyam sbyar nas zhes bya'o/ /de la gzugs kyi rnam rtog yig 'bru dang/ sgra'i rnam rtog gnyis las sgra'i rnam rtog ge dbang du byas nas/ A li kA li ni dbyung rdub po/ /mnyam par gnas pa ni lte ba'i dbus kyi gnas pa'i rlung ngo/ /kha'i thad kar 'dud par bya zhes pa/ lte ba snying ga lkog ma byed pa gsum gyis 'grib pa'i gling pur brdabs nas sgra'i gnas brgyad kyi byed pas phye ste/ de'i 'og tu bzhi pas gzung du rung ba'i sgra'i ri mo rnams dpag bsam gyi shing gi sdong po ltar rtsa bar dgod par bya ba yin la dbyangs yig bcu drug gi/ gu ku lcug ma ltar byas la gsal byed kyi steng du yi ger bzhag pas mgo rtseg mar gyur pa lcug ma las myu gu skyes pa bzhin no/ /de las me tog byung ba ltar lha'i phyed chag gi zla ba tshes pa dang/ 'bras bu smin pa ltar rjes 'jug gi dbyangs kyi thig le dang/ lo 'dab 'brul po bzhin tsheg drag gnyis kyis mtshams bcad pa yin no/ /gzugs kyi rnam rtog dbyangs dang gsal byed mnyam par byas nas thams cad thig gi ri mo las mi 'da' bar tshar du bkris pa ni kha'i thad kar zhes bya'o/ /dbyangs dang gsal byed thams cad snga ma la blta bas na 'dud pa bya zhes bya'o/ /de'i 'og tu ri mo rnams zhes pas dbyangs gsal byed/ mthe mdzub thabs shes rab kyi spu gus bzung nas mig gi ltar rung bar dgod do/ /gug skyed dag gis lcug mar bya zhes pa la sogs pa gzugs kyi rnam rtog dang mtshungs gi slo'o/ /de yang rgyud 'bum pa las yi ge'i dbyibs gsungs pa

  961. 481a

    ni/ a ni khyim bya'i mgo'i gzugs/ /i ni glang chen sna lta bu/ /a'i ni dbang phyug chen po 'dra/ /u ni rnga mo'i mgo ji bzhin/ /a'u ni sha ba'i kha 'dra ba/ /ri ni ri bong mgo bo 'dra/ /yi ge rI ni seng ge bzhin/ yi ge li ni glang chen kha/ /lI ni dbang ldan zhal dang mtshungs/ /e ni ma he'i kha 'dra ba/ /i ni rma bya'i kha dang mtshungs/ /o ni bye la'i kha bzhin no/ /aau ni khyi'i kha bzhin no/ /aM ni chu srin mgo bo 'dra/ /tshegs drag a(rgyud 'grel): ni stag mgo bzhin/ /e zhes gsungs pa dang/ de bzhin du rus sbal dang/ bung ba dang/ bse dang kangka dang tsag sha/ gdug /rnga/ rnga chen dang/ rked nyeg/ thi ba/ pu shud/ mkha' 'gro/ sbyin bdag srang/ pha bang che ba can/ gzhu ma ste/ ri skags/ khrung khrung/ 'dam bya/ sgeg ga/ spre'u/ phug ron/ dur pa/ khu byug bya rog /ri bong/ zhi ba'i bya/ spyang gu/ 'phrog ma/ srin po'i kha 'gro ba dang 'dra bar gsungs so/ /'di ni sangs rgyas thams cad kyis zhes pa la sogs pas gzugs kyi rnam rtog dang sgra'i rnam rtog gsungs so/ /yi ge dag kyang mi 'gyur mchog ces ba rdo rje sems dpa' i yi ge badzra swAhA zhes pa'i mtshan bris pas yongs su grub pa'i 'od gsal ba'i ngo bo mi 'gyur ba'i mchog mtshon pas na sngags kyi yi ge a na ha ste/ mi 'gyur ba zhes bya'o/ /de ji ltar mtshon zhe na/ sangs rgyas dang byang chub sems dpa' brdar gyur ba'i phyir ro/ /de yang gsang ba 'dus pa'i phyi ma las/ yi ge lnga'i rang bzhin lus/ 'byung ba lnga'i ngo bo nyid ces gsungs so/ /de bzhin gshegs pa ni/ chags chen 'gro ba'i dpal zhes pa de bzhin gshegs pa'i mtshan snying ga'i nyi zla'i steng du phyag mtshan gyi dbus su mtshan bris pas bstod na dngos grub thob bo/ /de bzhin du he ru ka'i thugs kar zla ba'i steng bu khro bo'i rdo rje la snying rje dri med khro bo'i dpal zhes pa'i mtshan bris nas bstod do/ /pad+ma gar

  962. 481b

    dbang gi thugs kar nyi zla'i steng du pad+ma chags pa'i dpal dag pa zhes pa'i mtshan bris la bstod do/ /rdo rje nyi ma'i thugs kar nyi zla'i steng rin po che'i dbus su/ rdo rje nyi ma dpal gdangs pa zhes pa bkod la bstod do/ /rta mchog gi thugs kar nyi zla'i steng gi sna tshogs rdo rje'i dbus su/ rta mchog pha rol rnon po'i dpal zhes pa bris la bstod do/ /dngos grub myur du grub par 'gyur ro/ /da ni lha gzhan dag la bsgre ba bstan pa ni/ lhag pa'i lha ni gang dag gi zhes pa la sogs pa gsungs te/ rdo rje sems dpa' i bde mchog ma dang/ rnam snang gi sangs rgyas dbyangs dang/ he ru ka'i ke ri ma dang/ pad+ma gar dbang gi rnam gzigs ma dang/ rdo rje nyi ma'i dbang bskur ma dang/ rta mchog gi zhi ba'i rta mgrin la sogs pa dkyil 'khor bzhi'i slob dpon gyis lha gang dang gang la me tog phog pa de dang de'i mtshan bris nas bstod par bya'o/ /gal te gzhan la phan 'dogs pa'i tshe/ slob ma 'jug pa dang/ dbang bskur ba'i tha mar ming gi dbang bskur ro/ /ming de brtan par 'gyur ram zhe na/ /phyag rgya'i sbyor ba de dag gis/ byang chub snying po bar du ni/ /rdo rje'i ming du rab tu gnas/ /de nas sangs rgyas su yang 'gyur zhes gsungs so/ /me tog phog pa'i pra se nas lha'i rigs su shes shing ming gtags pa bzhin du dbyangs dang/ gsal byed kyi yi ge sde tshan bzhi dang/ sha sa ha spangs pa'i sde mtshan bzhi gsal byed dang/ dbyangs dang po dang/ tha mar mnyam par sde mtshan bzhi ru bris la ka gnas pa'i bar gyi sde tshan bzhi la yi ge ma tshang ba'i yi ge lnga lnga las sha Sha sa ha bzhi dang/ ri dang li ma ning yi ge rnams gnyis su brtsis pas kha bskangs nas brgyad tshan bzhi ru byas la 'khor lo'i rtsibs bzhi la/ yi ge lnga bcu rtsa brgyad bkod pa la reg pa 'am/ me tog 'dor bas de'i rigs su shes pa 'am/ de'i ming gdags so//

  963. 482a

    gal te kha dog dang dbyibs dang spyod lam gyi mtshan dang lus ngag yan lag brda shes pas kyang sngags skyes zhing skyes/ ye shes las skyes pa'i dpa' bo dang rnal 'byor ma shes pas tshogs 'khor gyi lhar bya ba dang/ rdul tshon gyi dkyil 'khor la dbang bskur ba'i mtshan nyid shes par 'gyur ro/ /de skad du yang chos spyod bcu pa'i mdo las/ du ba las ni mer shes shing zhes pa la sogs pa gsungs so/ /brda'i phyag rgya ji ltar shes par 'gyur snyam nas/ spyi bor byug pa gang yin pa zhes pa la sogs pas/ tshogs 'khor byed pa'i tshe 'am/ rdul mtshon la mtshan ma thob nas dngos grub len pa'i tshe na/ sangs rgyas dang byang chub sems dpa' i brdar gyur pa yan lag dang nying lag la lus kyi brdar gyur pa yin no/ /tha mal pas mi brjod cing tha mal pa'i lus kyi brdar yang mi bya bas dpa' bo rnal 'byor ma'i tha snyad du byed pa yin no/ /brda'i phyag rgya bshad nas/ zag med kyi tshig gi brda'i phyag rgya bshad pa ni/ a pi pu la sogs pa gang gi brdar gsungs so/ /a bi pu ta pra ti pu ta ni dkyil 'khor gyi phyag 'tshal pa yin ni/ zag med kyi tshogs kyi 'khor lo'i brda dang tha snyad byas pa ni/ rdo rje sems dpa' bde ba'i mchog /e ma ho bde ba thos mdza' med pa dang bzhi ni rdo rje sems dpa' i mtshan ma yin no/ /bde mchog ma las rgyas 'debs ma dang/ mtshan gnyis so/ /e ma'o bde ba la rmongs byed ma dang mtshan gnyis so/ /snang mdzad ma la zab mo dang/ mtshan gnyis so// slob ma mo la tshe 'phel ma dang mtshan gnyis so/ /lhag ma lha mo bcu bzhi la mtshan re re'o/ /smin ma spyod pas mda' bzhi 'dzin pa'i bde mchog ma mtshon te/ b+ha ga ling ga bstan pas e ma'o/ /bde ba mtshon/ thod pa kha TwAM gas

  964. 482b

    rnam snang mtshon/ sangs rgyas phyag rgya thod pa gnyis sa la nas gang bas slob ma mo mtshon to/ /'khor los bstan pas dkyil 'khor mtshon to/ /sdong rgyan gom bde nyid dam tshig yin par bshad do/ /lha thams cad kyis cha byad gyon nas skye bo dam pa rnams 'dus pa ni tshogs kyi 'khor lo yin no/ /sangs rgyas dang byang chub sems dpa' i brda de dag ni/ 'dza' ba 'dus pa'i dus su bya ba yin par gsungs so/ /ci'i phyir dkyil 'khor yin zhe na/ rdo rje sems dpa' dpal sbyor ba/ dkyil 'khor thams cad yin par bshad ces pas lus kyi dkyil 'khor bstan to/ /lha mo thams cad bskal pa bzang zhes pas/ b+ha ga'i dkyil 'khor bstan to/ /rdo rje sems dpa' dpal sbyor ba zhes pa nas/ kun gyi slob dpon yin par bshad ces pa'i bar gyis chos kyi dbyings kyi dkyil 'khor bstan to/ /de yang nges brjod las dkyil 'khor lus ces bya bar bshad ces pa la sogs pas gsungs so/ /dkyil 'khor gsum la dbang ba'i slob dpon ji lta bu zhe na/ kun gyi slob dpon rab gnas zhes pa la sogs pa shlo ka gcig gis mtshan nyid gsungs so/ /de'i slob ma sgrub pa'i grogs po ji lta bu zhe na/ de'i slob ma grub na ni zhes pa la sogs pa shlo ka gcig gis las kyi slob dpon rgyal tshab yin par bshad do/ /slob ma lhag ma rnams ji lta bu zhe na/ de las gzhan pa'i slob ma kun zhes pa'i shlo ka gcig gis 'jig rten thun mong mchog gi dngos grub bsgrub pa'i tha ma dang 'bring dang rab byang chub sems dpa' yin par bshad do/ /sangs rgyas thams cad rin po che zhes pa'i shlo ka gcig gis sangs rgyas lnga'i cod pan gyis rdul tshon gyis dkyil 'khor gyi slob dpon du mtshon to/ /thod pa bzhi dang sangs rgyas kyi cod pan gyis tshogs 'khor gyi slob dpon du mtshon to/ /snang ba mdza' yas kyi rang bzhin du grub pa gcig/ pad+ma'i 'dab ma bzhis dbang

  965. 483a

    bskur pas pad+ma'i rigs so/ /rin po che myu gu'i cod pan gyis nor bu rigs kyi slob dpon du mtshon to/ /rta mchog gi rigs la snying po lnga brjod nas/ nor gyi mchog phreng ba lngas bcings pas rta mchog gi dbang bskur ba'i slob dpon du mtshon to/ /ga pur tsan dan dmar po dang zhes pa la sogs pas gsang ba'i dbang bskur gyi bdud rtsi lnga brda yin no/ /shes rab ye shes kyi dbang bskur ba ni/ dang po mna' bsgrags la dam tshig bsgrags la dbang bskur ba ni go rims yin pas/ dang po bag zan las go ku da ha na'i gzugs byas de'i nang khrag gis bkang nas/ phyi rol tsan dan dmar pos byugs te/ mngal btsos pa'i rgyal po'i zan zhes bshad pas/ de dang mkha' 'gro ma la gtor ma gtad la slob ma'i lce la sha rdos su sha lnga med na/ de'i khrag gi thig le byin la mna' bsgrag go/ de'i phyir rgyud thams cad las phyugs gsod pa'i sbyor ba zhes bag zan gyi gzugs la zer ro// shes rab ye shes kyi dbang bskur ba'i lha mo la ming ji skad gdags she na/ bde mchog ma dang e ma bde ma la sogs pa'i ming bzhi gdags so/ /lha mo de rnams sngags skyes zhing skyes yin no/ /rdo rje sems dpa' bde ba'i ye shes phob la sangs rgyas kyi brda btags nas phyag rgyar byin gyis brlabs te/ dga' bzhi sbyor ba thams cad rtog bral sangs rgyas kyi zhi gnas dang/ lhag mthong ye shes yin par bshad do/ /reg bya rdo rje ma de rtogs na chos thams cad kyi mdo dang rgyas pa shes par 'gyur bas phyis ye shes las skyes pa'i lha mo de nye bar longs spyod pas khams gsum ma lus pa'i stong pa nyid rtogs par 'gyur ro/ /de bzhin gshegs pa zhes bya ba'i bdas las kyis phyag rgya'i gzugs gdong rgyan gyon nas ri mo bris pas mtshon no/ /sgras ni glu'o/ /dris ni de'i dri'o/ /ros ni de'i lce dang

  966. 483b

    mchu 'jib pa'o/ /reg pa ni rang bzhin brgyad cu dang bral ba'i dga' ba bzhi'i bde ba'o/ /'dod pa'i yon tan lnga la phyag rgya gang gi brdas gdags she na/ sangs rgyas brda'i phyag rgya yis/ chos kyi mu dra yin par bshad/ ces gsungs pas chos kyi phyag rgya la bya'o/ /gal te rtog med du ma song nas dga' bral du song na ji ltar bya snyam na/ sbyor ba'i longs spyod thams cad kyis zhes pa'i shlo ka gcig gis mchod par bya ba'i bstan to/ /de yang bde mchog las yid nang du chung pa yis/ 'dod pa'i dngos grub bsgom par bya/ rang rdzas thig le mnyam sbyor bas/ /sangs rgyas byang chub sems dpa' mchod ces gsungs so/ /de lta bu'i ting nge 'dzin de rnal 'byor du yin zhe na/ rjes su sbyor bas mchod na ni zhes pa'i shlo ka gcig gis lha mo dang snyoms par 'jug pa'i mchog dga' la rjes su rnal 'byor zhes bya'o/ /rnal 'byor gang yin zhe na/ sems tsam la ni snyoms par zhugs pa zhes pa shlo ka gcig gis rnal 'byor zhes pa'i dga' ba bshad do/ /shin tu sbyor ba gang yin zhe na/ lha mo kun dang mnyam sbyor bas zhes pa'i shlo ka gcig gis chos kyi phyag rgya 'dod pa'i yon tan lnga dang sbyar bas lhan cig skyes dga' bstan to/ /mnyam sbyor gyi brdas ni/ mchog dga' la rjes su sbyor ba/ bde ba chen po zhes bshad de/ /dga' ba bzhi'i ting nge 'dzin gyi rab tu sbyor ba bshad de/ /lhan cig skyes dga' la sangs rgyas thams cad dang mnyam par sbyor bas sangs rgyas kyi byin gyis brlabs zhes bshad do/ /gal te yid nang du chud nas dga' bral du song ba'i tshe ji ltar bya snyam na/ dga' ba'i spyod pa bsgrub pa bshad de zhes pa la sogs pa gsungs te/ rjes su sbyor ba'i rjes su sgrub pa ni shes rab bde bar 'gyur bas na mchog dga' o/ /skyes pa ltar byed dga' spyod ces pa thabs kyi bde

  967. 484a

    bste dga' ba'o/ /slar yang rjes su bsgrub pa bshad ces pa yid bde bar te/ lhan cing skyes dga' o/ /lha mo kun la bde blugs pas zhes pa'i shlo ka gcig gis dga' bral gyi bcud kyi len gyi bde ba ste dga' bral bshad do/ /de dus nam gyi dga' bral zhes gdags zhe na/ thams cad ldang ba kun 'gro ba zhes pa'i shlo ka gcig gis dga' bral zhes pa'i sangs rgyas kyi brda bshad do/ /gal te dga' bral du ma song na mchog dga' lhan cig skyes dga' i rjes la ci zhig sgom snyam na/ dngos grub chen po kun gyi mchog ces pa'i shlo ka gnyis kyis bde ba chen po zhes bya ba de sangs rgyas thams cad kyi brdas dngos grub chen po dang/ kun gyi mchog dang/ dbang phyug chen po dang/ bde mchog dang/ mnyam sbyor dang/ sbyor ba'i dbang phyug dang/ bde chen dang/ bla na med pa zhes pa'i ming brgyad kyis bstan to/ /de ltar tshogs kyi 'khor lo sgom pa'i rnal 'byor pas yid nang du chud pa'i dga' ba bzhi dang/ /yid phyir byung ba'i tshe longs spyod pa'i dga' ba bzhi bsgom pa yin par rgyud 'di nyid dang/ dgyes rdor/ nges brjod/ rdo rje mkha' 'gro he ru ka 'byung ba/ mkhar 'gro ma kun spyod/ gdan bzhi las gsal bar gsungs pa yin no/ /kun snying ni ma rtogs nas skyed rim gyi lha skyed par bshad/ longs spyod pa'i dga' ba bzhi bsgom pa yin par rgyud 'di nyid dang/ 'pho ba 'byung ba dang 'dra ba yin no/ /da ni de rnams kyi tshogs kyi 'khor lo dang/ zhi ba'i gtung ba dang/ pho nyil ?? sgra'i yan lag tu gyur pa'i pu dza'i rdzas 'dod pa'i yon tan rnams la 'jig rten na grags pa'i brda'i steng du brag med kyi brda dngos grub kyi yan lag tu gyur pa ni/ /'jig rten na grags pa'i khrag la sangs rgyas dang byang chub sems dpa' i brdzas me tog bshad do/ /mdangs la 'dug pa zhes bshad do/ /lhag ma rnam?

  968. 484b

    la yang de bzhin du shes par bya'o/ /rdo rje sems dpa' i sbyor ba'i zhes pa'i shlo ka gcig gis rdo rje sems dpa' i dkyil 'khor gyi glu dang/ gar la sangs rgyas kyi sprul pa zhes brdar btags so/ /de bzhin gshegs pa'i glu gar la zhi ba'i sprul pa zhes btags so/ /rdo rje nyi ma'i glu gsal ma'i dbang po'i sprul pa zhes btags so/ /he ru ka'i glu gar la dur khrod kyi sprul pa zhes btags so/ /pad+ma gar dbang gi glu gar la chags pa sprul pa zhes bshad do/ /rta mchog gi glu gar la rab tu dga' ba'i sprul pa zhes btags so/ /de ltar dag gi brda gsungs pa ni/ Ti zhes bya ba mkha' 'gro ma zhes pa la sogs pa'i tshigs bcad gnyis kyis rdo rje sems dpa' dang de bzhin gshegs pa'i dkyil 'khor gyi sngags skyes zhing skyes ye shes las skyes pa'i brda yin no/ /he ru ka'i lha mo la ar l+lI zhes bya'o/ /pad+ma gar dbang gi la dam tshig mchog ces bshad/ rdo rje nyi ma'i badzra a ra l+li zhes bya'o/ /rta mchog la yang de nyid do/ /rdo rje sems dpa' la sogs pa'i rigs bzhi'i rnal 'byor pa sngags skyes zhing skyes ye shes las skyes pa'i brda ni/ sangs rgyas thams cad mnyam sbyor ba zhes pa la sogs pa gsungs te/ rdo rje sems dpa' i rnal 'byor pa la skal pa bzang po zhes bshad do/ /de bzhin gshegs pa'i rnal 'byor pa la ta ki zhes bshad do/ /he ru ka'i la ki li ki la zhes bshad do/ /pad+ma gar dbang gi la byas pa chu srin rgyal mtshan zhes bshad do/ /rdo rje nyi ma la 'dod pa'i dbang phyug mchog ces bshad do/ /rta mchog gi la dbang phyug mchog ces bshad do/ /rdo rje dril bu drug pa dam tshig ces bshad do/ /lus ngag yid gsum pa oM bruM? zhes bshad do/ /dgug ?g bzhi la dza(rgyud 'grel): hUM baM? ho(rgyud 'grel): zhes bshad do/ /tshur gshegs ni e hi'o/ /phar gzhud pa ni a hi'o/ /u ti ta ni longs shig pa'o/ /swAhA ni drongs shig pa'o/ /khA hi ni zo zhig pa'o/ /lhag ma ni go sla'o/ /bde mchog la rgyas 'debs ma zhes pa nas/ cher brtan ma zhes pa'i bar gyis bde mchog ma? sogs pa'i lha mo brgyad kyi brda yin no/ /rdo rje 'dzin dang

  969. 485a

    sangs rgyas dang zhes pa la sogs pas rdo rje sems dpa' la ni shes 'gyur zhes bshad do/ /'jig rten dbang phyug dag 'gyur zhes bshad do/ /yang sangs rgyas dang/ rdo rje sems dpa' dang/ 'jig rten dbang phyug dang/ mkha' skyes la aM aM aM aM aM zhes bya'o/ /thams cad mkhyen pa la sarba bid ces bya'o/ / sangs rgyas spyan gyi sngags ni ru ru 'khor ba'o/ /tiSh+Tha sid+d+ha ni mkhyen no/ /lo tsa na ni don dam nye bar zhi ba'o/ sangs rgyas rang byung b+ha ga ban ni sarba artha'o/ /ki ta sa ni mig sa snying ngo/ /ko ta pa ni rna ba phyag na rdo rje'o/ /ko ta pa ni lce spyan dras gzigs so/ /ka ti ra ka ni lus sgrib pa rnams sel+lo/ /ko la sha ni gzugs sangs rgyas spyan no/ /ko la ba ni sgra mA ma kI'o/ ko la ni dri sgrol ma'o/ /ko la ba ni gos dkar mo'o/ /ko lam ni reg kun tu bzang mo'o/ /phyag na rdo rje rang gi mtshan 'di rnams gang brjod par bya ba ni mig nas reg bya'i bar gyi yul rnams rnam shes kyi stong pa nyid rtogs pa'o/ /de nas rgyal po rdo rje 'dzin ces pa la sogs pa tshigs bcad phyed dang gnyis kyis phan yon no/ /mig dang zhes pa tshigs bcad gcig gis sngar gyi rang don gyi brda'i ming yin no/ /yid kyi rnam shes kyi dkyil 'khor rdo rje mtshon cha dang bi ti dang dgra bo dang lag na rdo rje zhes kyang bya'o/ /gnod sbyin gyi bdag po la nyon mongs pa thams cad zad pa dang dgra rnams zad pa dang/ phyag na rdo rje zhes kyang bya'o/ /rdo rje 'chang chen po la he ru ka dang/ thal bar 'jig dang mchog dang sangs rgyas kun gyi khro bo zhes btags so/ /de'i phyir mtshan rdo rje 'bar ba la rab tu 'jig /ces bshad do/ /kha TwAM ga la rgyal mtshan che zhes bya'o/ /thod pa la kham por zhes bya'o/ /khrag chen po la sbrang rtsi zhes bya'o/ /sgeg mo la sogs pa brgyad pa la dkar mo rkun mo zhes bya bar grags so/ /sgo ma bzhi la srungs shig dang/ myur du dang rnam rgyal dpal dang/ thal bzhi dang glog ces bya'o/ /yang na gdong ma ni haM/ nyi zla ma la dra

  970. 485b

    thal byed ma la hUM zhes bya'o/ /phaT ces pa rol cig pa'o/ /rang ces pa dgongs cig pa'o/ /phaT zhes pa rol cig pa'o/ /phaT ces pa sod cig pa ste/ he ru ka'i brda'o/ pad+ma gar dbang dkyil 'khor gyi brda ni/ pad+ma spyan ras gzigs dbang phyug ces pa la sogs pa gsungs so/ /rnam gzigs ma la dga' ba zhes bya'o/ /sgrol ma la grub pa zhes bya'o/ /rgyan ldan ma la blo zhes bya'o/ /khro gnyer ma la rdzu 'phrul zhes bya'o/ /na bza' ma la 'phel ba zhes bya'o/ /pad+ma'i dbang phyug ma la sbyor ba zhes bya ba'o/ /sna tshogs pad+ma la pad+ma'i rin chen zhes bya'o/ /nam mkha' i snying po la thams cad re re ma dang rdzogs mdzad dang/ skal bzang dang/ rdo rje nyi ma nor bu che zhes grags so/ /de'i 'khor ni traM gyi dbang bskur ba'o/ /ba pa ma ni gter ldan ma'o/ /de bzhin gshegs pa'i rgyal mtshan ma'i'o/ /ra ta tra ha ni mchod chen ma'o/ /rta mchog gi ni sna tshogs sangs rgyas padmo spyan zhes pa la sogs pa gsungs te/ sna tshogs padmo sangs rgyas spyan/ 'jig rten dbang byang chub kun/ sems dpa' chen po sna tshogs rdo rje bla na med pa thams cad mo?// 'jig rten kun rab 'jigs/ rta mchog ma dpal ldan dang mtshan bcu gnyis dang ldan pa ni rta mchog gi brda'o/ /de bas na phyag rgya nyi shu yin no/ /de lta dngos grub bsgrub pa'i phyag rgya nyi shu bshad nas/ da ni gdong rgyan gon la mtshan ma byin pa'i dkyil 'khor gsungs pa ni/ rjes su chags par bya'o/ /zhes cha lugs chag pa bzhin byed ces zhes pa la sogs gsungs te/ shlo ka gnyis kyi rdo rje sems dpa' i cha lugs gyon la bsam gtan dang po mtshan ma 'byin pa bstan to/ shlo ka re res ni rnam par la sogs pa dkyil 'khor lnga'i cha lugs bya ba bstan to/ /de ltar mthong ba dang thos pa dang reg pa'i mtshan ma'i ye shes kyi phyag gyi bsten nas/ mngon shes kyi phyag rgya bshad pa ni/ rdo rje sems dpa' i dpal 'byor pa zhes pa la sogs pa gsungs te/

  971. 486a

    yun ring du goms par byas pa'i ting nge 'dzin gyis mngon shes skyed pa 'am/ 'khrul 'khor gyis bskyed pa'o/ /thabs bstan pa ni gzugs dang kha dog dang dbyibs dang gar gyi nyams dgu dang ldan pa dang/ thabs kyi phyag rgya lha mor sbyor ba dang/ lha'i sku mi 'gyur ba dam pa 'grub par yul kun la dngos po kun la thams cad kyi bye brag kun gyis bag nyid la shes pa'i rnam pa kun rdo rje pra sems dngos grub 'gyur ro/ /zhes bstan to/ /de ltar thun mong gi mngon shes bstan nas/ bye brag tu rdo rje sems dpa' bstan pa ni/ mtshan ma thob pa'i rnal 'byor pas sa phyogs pa ko tsam du byugs la bdud rtsi lnga'i thig ler byas nas mchod pa lnga mchod la/ bu mo 'am khye'u gzhon nu ma grong pa'i chos kyis ma gos ba sdom pa byin la/ gnas bzhi ru rigs bzhi'i snying po bkod la dkyil 'khor gyi steng du thod pa kor gyis rdo rje sems dpa' i dkyil 'khor ji lta ba bzhin bris te/ yig 'bru bkod la mtshams bzhir bde mchog ma la sogs pa yum bzhi bzlas pa'i bum pa la sman lnga 'bru lnga/ rin po che lnga bcu la ras sar bas mgul ba bcings te/ ldum chags lcug mas kha brgyan la/ rnam rgyal gyi bum pa la gtso bo bkod la sngags 'bzum bzlas par bya'o/ /de nas bdag gam gzhan la mngon shes bskyed par 'dod pa de la rnam rgyal gyi chus dbang bskur zhing bsrung ba byas la dkyil 'khor de'i thog tu lha gang yin pa de'i yi ge la reg tu gzhug par bya'o/ /de'i tshe dkon mchog gsum gyi bden pa dang/ bden pa chen po'i byin brlabs dang/ chos thams cad sgyu ma lta bu dang/ chos nyid rnam par dag pa'i bden pa dang/ bden pa'i byin gyis brlabs kyis/ ji lta ba bzhin ston par gyur cig/ ces byas la reg par gzhug go/ de bzhin du ma reg par me tog

  972. 486b

    dor ba 'am/ ral gri 'am/ me long ngam/ shing leb am/ chu dang ba dang ba chu 'am/ brag ngos 'jam po 'am/ gzugs brnyan 'byung ba'i khyim 'jam po dag la mig byin gyis brlabs la bltar gzhug go/ rna ba byin gyis brlabs la nyan du gzhug go/ sems byin gyis brlabs la gzhan gyi sems brtag par bya'o/ /'gro ba'i rigs bzhi'i 'khor lo snying gar bkod la 'chi 'pho dang skye ba brtag par bya'o/ /zad par dang zil gnon bsgoms la rdzu 'phrul gyi yul shes pa bsgoms par bya'o/ / des 'jig rten gyi bya ba blang bya dor bya dang/ nor stor ba dang/ ma stor ba dang/ chom pos phrogs pa dang/ ma phrogs pa/ /rnyed pa dang ma rnyed pa/ rgyal ba dang 'pham pa/ don yod pa dang med pa/ grub pa dang mi 'grub pa/ bde ba dang mi bde ba/ 'dod pa gzugs/ gzugs med pa'i khams te/ sangs rgyas kyi don thams cad kyang 'khrul 'khor gyi stobs kyis mngon shes lnga skyes nas sems can gyi don byed do/ /rdo rje sems dpa' i mngon shes bskyed nas/ rnam snang gi rnal 'byor bas sa chu me rlung nam mkha' la mngon shes bskyed par bya'o/ /he ru ka'i rnal 'byor pas 'dod yon thams cad la bskyed par bya'o/ /rta mchog rnal 'byor pas/ reg pa 'am ma reg pa la sogs pa pa dbang pa'i yul bcu la snga ma ltar mngon shes bskyed par bya'o/ /de lta ji snyed mkhyen pa'i rnam shes kyi phyag rgya'i ye shes bshad nas/ da ni lha'i bu bdud 'joms pa'i bsrung ba'i phyag rgya'i ye shes bshad par bya ste/ rdo rje sems dpa' dpal 'byor pa/ ji lta'i gzugs dang dbyibs ldan pas rdu tshon slob dpon bsnyen bsgrub bzhis lhar bskyed pa 'am/ tshogs kyi 'khor lo'i slob don cha byad dang/ rgyan btags pa 'ang rung ste/ dur khrod du ro bsregs pa'i thal ba 'am/ ma mo'i gnas su

  973. 487a

    keng rus yun ring po lon pa'i phye mas bdud rtsi lnga dang bsres pas bsgrub pa'i dpral bar thig le bya ba 'am/ yang na snying ga lkog ma dpral ba gsum du sor mo gsum pa'i ri mo byas pa bdag dang/ gzhan bsrung bar 'gyur ro/ /thal ba des phyogs bzhi dang mtshams bzhi dang/ nam mkha' dang sa la gtor na bsrung bar 'gyur ro/ /de bzhin du dkyil 'khor lnga yang bsrung ba de nyid yin par shes par bya'o/ /thal ba de ji lta bu yin snyam na/ bdud rtsi lnga dang bsres pa'i thal ba la bsnyen pa byas nas/ du ba dang/ rlangs pa dang/ 'phar ba la sogs pa'i rtags byung nas bsrung ba'i rdo rje thal ba'i dam tshig ces bya ba'i bsrung ba'o/ /rigs bzhi'i thal ba'i bsrung ba bshad nas/ cha'i bsrung ba bshad pa ni/ rdo rje sems dpa' dpal sbyor ba zhes pa la sogs pa gsungs te/ bsgom pa gdong brgyan gyon pa'i lha bzhi'i rgya mtsho 'am 'bab chu'i 'gram du chu'i dkyil 'khor bsgoms nas/ chu gyen du 'gro ba dang mi g.yo ba mthong ba de'i tshe lha thams cad zhu ba'i lha rdzas kyi zhi ba'i chu'i mchog gis bdag dang gzhan la gtong ba dang/ spyi bor blugs pa dang khrus bya ba dang/ chu der 'phogs shing brgal nas bcud kyi 'jig rten bsrung ba dang/ snod kyi 'jig rten kyang snga ma bzhin du bsrung bar 'gyur ro/ /rigs bzhi'i chu'i bsrung ba ? nas/ yungs kar bskyed nas bsrung ba ni/ rdo rje sems dpa' dpal sbyor ba zhes pa la sogs pa gsungs te/ snga ma ltar bsgoms pa 'am/ lha rnams kyi cha byad gyon pa bskyed pa nas mi'i thod pa dur khrod kyis bkang pa la sangs rgyas spyan gyis sngags kyis gzugs? dang/ mA ma kI'i sngags kyi bdud rtsi lnga dang ldan pa'i chu blugs pa dang/ gos dkar ba'i sngags kyis gyur ma bya ba dang/ sgrol ma'i sngags kyis bsrung ba byas la/ smin pa'i tshe dmangs rigs kyi bu mo'i lag par sprul nas/ lus sam mgul du

  974. 487b

    gdags pa dang/ lo mas tshod ma bya zhing yungs mar gyi mgo la bsku ba dang/ phyogs mtshams kyang snga ma bzhin bsrung ba bya'o/ /de ltar rigs rnams kyi yungs gar gyi bsrung ba bshad nas/ rigs rnams kyi lus kyi dkyil 'khor gyi srung ba bshad pa ni/ rdo rje sems dpa' dpal sbyor ba zhes pa la sogs pa gsungs te/ rdo rje sems dpa' bsgom pa'i rnal 'byor bas mig tu ma dang Ta las ni zla bskyed la mig 'bras las hUM las rdo rje rtse lnga pa bskyed de/ glog lta bu rdo rje phra mo'i 'od zer gyis nam mkha' i khams gang bar smra bar bya'o/ /rdo rje phra mo'i mthong ba mtshan ma thob pa'i tshe/ ma mchu sos mnan la rdo rje dril bu bzung nas g.yon du 'gying ba dang bcas pa'i rdo rje dril bu bzung nas g.yon du/ 'gying ba dang bcas pa'i rdo rje 'gros kyi 'gro zhing gsal ba'i lta bas phyogs bcur bskor zhing/ steng 'og byin gyis brlabs las 'og sa bla sa steng gsum rgyas 'debs par 'gyur ro/ /de bzhin du gdul bya dkyil 'khor du zhugs pa'i rkang pa'i rang bzhin ngan pa rnams kyang snod du 'gyur ro/ /de bzhin du dkyil 'khor bzhi la yang shes par bya'o/ /thun mong gi phyag rgya gsungs nas bye brag gsungs pa ni/ rdo rje sems dpa' dpal sbyor zhes gsungs te/ bud med bcu bzhi lha mo'i chad byad du byas la de'i dbus su ba ra ti nas 'byung ba bzhin du bdag kyang rdo rje sems dpa' tshe byed du byas nas bsnyen sgrub bzhi ji lta ba bzhin du bsgoms te/ lha mo phyag rgya lta ba 'dug stangs dang phyag rgya'i gar dang sngags zlos shing che ge mo rak+Sha rak+Sha bya nas bdag dang gzhan phyogs bcing ba la sogs pa bsrung par 'gyur ro/ /rnam snang gi rnal 'byor las rnam snang gi dkyil 'khor gyi lha'i cha byad nas/ bud med bcu bdun gyi ba ra ti nas 'byung ba ltar lha'i cha byad byas nas lta ba dang/ lag pa rkang pa sngags 'don pa dang bcas pas snga ma ltar bsrung bar

  975. 488a

    'gyur ro/ /he ru ka'i rnal 'byor pas/ he ru ka'i rnam par 'phrul pas ba ra ti nas 'byung ba bzhin byas nas bsrung bar 'gyur ro/ /pad+ma gar dbang gi rnal 'byor pas/ /ji lta ba'i gzugs dang dbyibs dang zhing pad+ma kha 'byed pas ba ra ti nas 'byung ba ltar cha byad byas na snga ma bzhin du bsrung bar 'gyur ro/ /rdo rje nyi ma'i rnal 'byor pas 'bar ba'i rdo rje lta ba yis tshul bzhin zhugs/ /rdo rje nyi ma'i dkyil 'khor gyi lha'i cha byad ba ra ti ltar byas na snga ma ltar bsrung bar 'gyur ro/ /rta mchog gi rnal 'byor pas ji lta ba'i rta mchog gi dkyil 'khor gyi tshul bzhin byas la rta mchog gi dbang bskur ba'i phyag rgyas dbang bskur te haM khaM las go cha bskyed de/ snying gar mdud pa lan gsum nu ma dang lkog mang lan gnyis gnyis mdud la/ lan cig dpral bar/ lan cig rna ba gnyis kyi lhag par theg bcings nas ltag ma sbyangs pa ni go cha'i tshul du zhes bya'o/ /de nas spyi bo dang dpral ba dang glo g.yas g.yon dang rgyab tu rdo rje phreng ba bcings la dar bin ba bzhin du phreng ba yang bcings nas bdag dang gzhan bsrung ba dang/ phyogs bcings par 'gyur ro/ /de ltar dngos grub len pa'i bsrung ba'i phyag rgya bshad nas da ni nad zhi bar byas nas tshe 'phel ba'i phyag rgya'i ye shes bshad pa ni/ chos sems dpa' i tshul ston cing zhes bya ba la sogs pa gsungs te/ bsnyen bsgrub gnyis kyis rdo rje sems dpa' i bskur bskyed la/ rdo rje khu tshur gnyis bcings la nad pa'i lus las mig gsum pa lag pa gsum pa rkang pa gsum pa kha dog nag pa ste/ nad dang sdig sprul dang/ sprul ba dang sdig pa la sogs pa'i gzugs bsams te/ khams gsum rnam rgyal gyi phyag rgya bcings mdzub mo lcags kyur byas nas nad dang dug bsal ba/ de nyid smin mtshams su bzhag na bsrung bar 'gyur ro/ /rdo rje bsdams pa las mdzub mo gnyis kyi rtse mo bkug la ? ? gsum?

  976. 488b

    ? la gtsugs na bu 'byung pa dang/ lkog? pa dang/ skran dang/ dmu rdzing la sogs pa la btsugs na sngags 'bum phrag gcig bzlas na zug du sos par 'gyur ro/ /mig gso ba ni dpal grub pa'i spyan zhes bya ba mdzub mo mthe bo'i rtse bar bkug nas mthe bong dang/ krung mo rtse sbyar ba ni dpal grub pa'i spyan zhes bya ste/ sngags 'bum bzlas nas mig phyis na long ba mthong bar 'gyur ro/ /glad nad gso ba ni bdag nyid lha rnams kyi sbyor ba dang/ rdo rje dang/ de bzhin gshegs pa dang/ khro bo'i khu tshur dang/ pad+ma'i dang/ rin po che dang/ las kyi khu tshur gyis glad pa'i nad drangs nas kha'i phyogs su byung ba ltar bya na glad nad sos par 'gyur ro/ /rna ba gso pa ni hUM las rdo rje rtse lnga pa dkar po gnyis rna bar skyed la bdag nyid kyi lce la rdo rje rtse lnga pa dkar po bsams la de rnams tA thA ga tA hUM zhes 'bum bzlas pa rna bar phus gdab par bya'o/ /byis pa gso ba ni rdo rje bsdams pa las gung mo gnyis brkyang la mthe bo mthe chung so sor brkyang nas lag pa g.yas pa'i gud mo byis pa'i spyi bor bzhag nas/ sum b+has gtsug te ? na byis pa'i nad sogs par 'gyur ro/ /dug gso ba ni lag pa g.yas pa'i mthil du a las zla ba'i dkyil 'khor bsams la/ de las byung ba'i sor mo lnga sprul mgo dengs ka bsam nas sgrub pa'i rkang ?? rlung/ lte dang raM las me/ de'i steng du ra ?? zhon pa'i skyes bu'i gzugs can nag po bsams nas/ me 'bar bas bsreg pa dang/ dug ba kun nas gdul ba dang/ dug 'od zer gyi lcags sgrog gis bcing ba dang/ me lhas ?? bsams la/ gdug? pa'i mche ba la sogs pa'i zin pa'i ? stangs te ?? ? ste brtson pa rnams sos par 'gyur ro/ /gdon gso ba ni/ khro bo'i sdigs mdzub kyis g.yas pa'i mthe bo dang/ gung mo gnyis mig lta bur byas nas g.yon pa'i khro bo'i khu tshur gyis yod de

  977. 489a

    bzhin du byas te/ g.yas g.yon gyi gong mo'i tshig gsum pa'i rgyab sbyar te/ mthe bo dang mdzub mo so sor bcad pas mdzub mo dang gung mo bar du gru gsum dang/ gung mo gnyis mthe bo'i tshigs dang por bzhag pas/ mdzub mo gung mo mthe bo gnyis kyi bar gru bzhi byas nas zhi rgyas mngon spyod kyi phyag rgya bcings la gdon dang dug sel bar 'gyur ro/ /shi ba slong ba'i phyag rgya ni he ru ka'i phyag rgya 'dzin byas la ba dan gsum pa gnyis bcings te nang bzlog pa gung mo gnyis 'dud nas/ mdzub mo gnyis dang/ m? gnyis so sor 'dud de/ g.yas pa'i srin lag dang/ g.yon pa'i mtheb mo g.yon pa'i srin lag dang/ g.yas pa'i mthe bong rtse mor sbyor bas rtse mo lnga pa zhes bya ba smin mtshams kyi mdzod spu ru bzhag pas ma mo thams cad? 'dul ba dang/ 'jig rten ?? gdab pa dang/ rmongs pa dang thal bar byas pas slar 'tsho bar byed do/ /rta gso ba'i mu dra ni traM las rta rnams bskyed la/ h+rI las stan pad+mar skyed la/ a las zla ba'i dkyil 'khor bskyed la/ hUM las rdo rje sems dpa' bskyed pa 'am/ rta mchog ? nad med cing nyams skye bar 'gyur ro/ /glang po gso ba ni hUM ga hUM zhes pa nas glang po bskyed la pad+ma'i gdan dang zla ba'i gdan bskyed de/ rigs bzhi'i lha'i bskyed nas bdud rtsi 'dzag par bsams na glang po'i nyams stobs 'phal bar 'gyur ro/ /bya gso ba ni? h+ri maM h+ri zhes pas bya bskyed la sh+rI badzra satwa saM a gi ho zhes pa rna bar bzlas na nad med pa dang mi skad smra bar 'gyur ro/ /ljon shing bskyed pa ni rdo rje sems dpa' la sogs pa'i rigs bzhi'i rnal 'byor byas la hUM maM hUM zhes pa las skar ma rgyal gza'? bu'i zhing thams cad sangs rgyas spyan gyi sngags kyis bskyed la/ mA ma kI'i sngags kyis bcu pa dang/ sgrol ma'i sngags kyis bsrung ba dang/ gos dkar mo'i sngags kyis yur ma bya ba dang gnod mdzes la sogs pa'i sngags kyis bsrung? med cing me

  978. 489b

    tog dang 'bras bu 'phel bar 'gyur ro/ /de ltar gos pa'i phyag rgya'i ye shes bslabs nas/ mtshon cha'i phyag rgya'i ye shes bshad pa ni/ 'khrul 'khor gyi 'phangs ma 'phangs zhes bya ba la sogs te/ 'khrul 'khor gyi 'phangs pa ni mda'o/ /ma 'phangs pa ni mdung/ lag pas 'phangs pa ni 'khor lo/ /'phangs nas slar bzung ba ni mda' mdung dang zhags pa'o/ /stobs 'gyed pa ni lag stobs/ de nyid rgyas par bshad pa ni dbyibs dang bde blag sbyor ba dag ces pa la sogs pa gsungs te/ de la 'khrul 'khor gyi 'phen pa'i sbyor ba dang/ kun tu sbyor ba dang 'dren par 'gyur ba dang/ 'gengs pa dang/ gsal ba dang/ 'phel lo/ /de dag gi bshad pa ni/ rkang pa gshibs nas mnyam pa'i stangs stabs bya ba dang/ rkang pa 'gyed pas sa ga bya ba dang/ dkyil 'khor dag kyang zhes pa zlum pos sa gnon dang/ bskyad bskum gyis kyang zhes g.yas brkyang g.yon bskum pa'o/ /g.yas brkyang ni dbyibs kyi phyag rgya'o/ /de la bde blag gi rgya cher bshad pa ni/ dpung pa g.yon pa ni lhod par bsgoms pa dang/ 'phen pa rtad nas sran gzugs pa dang/ lag pa g.yas pa bskums pas bten pa ste/ 'di ni lus kyi phyag rgya bde blag can zhes bya ste/ lhag ma ni phan yon no/ /de la sbyor ba'i rgya cher bshad pa ni/ rang gi snying kar 'dren tshul du zhes pa'i shlo ka gcig gis kun tu sbyor ba'i rgya cher bshad pa ni/ lag pa g.yon legs par bsrangs pa shes pa shlo ka gcig gis 'dren pa'i rgya cher bshad pa'o/ rna drung du bar du zlum por ni zhes pa'i shlo ka gcig gi 'gengs pa'i rgya cher bshad pa ni/ ji ltar rig pa drangs nas ni zhes pa'i shlo ka gcig gis myur ba'i rgya cher bshad pa ni 'das pas 'phen pa bsgrim? par bya zhes pa'i shlo ka gcig go/ 'phen pa'i rgya cher bshad pa ni/ de gru bzhi pa la sgo bzhi pa zhes pa la sogs pa? smos te/ g.yas phyogs ???

  979. 490a

    snang pa dang 'phen nam sa la gtod pa dang/ rkang pa g.yon pa'i pus mo bkug g.yas pa'i brang nga sa la btsugs pa ni dmigs pas mnan shes pa'o/ /'bigs pa bcu'i rgyal mchog gis shes pa g.yas pa'i sor mo sangs rgyas lngar bskyed de/ phyag rgya'i mchog nges phung po lnga dang/ dbang po lnga la mda' phog par bsam mo/ /gsal ba'i rgya cher bshad pa ni/ mtshon cha lnga po thun mong gi cho ga bstan pa yin te/ rab tu 'phangs pa dang/ mnyam pa dang rab tu 'phangs pa la sogs pa lnga thabs kyi phyag rgya dang/ nyam nga la gam dang bde sogs shes pa ni/ zlog pa'i phyag rgya lnga dang/ thams cad 'degs dang? nges par 'degs zhes pa phreng ba'i phyag rgya lnga dang/ kun tu kun nas thams cad du zhes pa rus pa la sogs pa phyag rgya lnga dang/ nyi shu ni dgra cha thams cad gsal bar shing/ rtog pa zhes bya ba'i tha tshig go /mtshon cha de rnams ni dngos grub len pa'i tshe mdun gyi lha dang bar chad kyi bdud la 'phen pa dang/ 'phrin las byed pa'i tshe g.yul las rgyal bar 'gyur ba'i phyag rgya'o/ /de ltar mtshon cha'i phyag rgya bstan nas las thams cad kyi phyag rgya bstan pa ni/ srin lag gnyis kyi nang du ni zhes pa/ rdo rje sems dpa' i rdo rje khu tshur dang/ de bzhin gshegs pa'i khro bo'i pad+ma'i rin po che'i las kyi khu tshur rnams kyi dngos grub bsgrub pa dang/ mtshan ma thog? ? las rnams bya'o/ /de ltar lag pa'i mu dra'i ye shes bshad nas/ dpal rdo rje las kyi rkang pa'i phyag rgya'i ye shes bstan pa ni rkang pa brkyang dang gnon pa dang zhes pa la sogs pa gsungs te/ rdo rje sems dpa' i rnal 'byor pas gzugs brnyan gyi dkyil 'khor la dngos?? len pa dang/ las rnams byed pa dang/ tshogs kyi 'khor lo spyod pa'i brtul zhugs byed pa'i tshig rkang pa brgyad pa g.yas kyi byed krung dang/ gnon pa g.yon gyi phyed krung bskums nas 'degs pa'i rdo rje skyil mo krung gis gzugs brnyan mnan nas bskad?

  980. 490b

    phyung ba'i tshe bka' bsgo bar bya'o/ /de bzhin du rnam snang rnal 'byor pas dpal mnan pa rdo rje skyil mo krung dang/ rdo rje 'dzin pa he ru kas g.yon brkyang ba dang/ pad+ma gar dbang gi pad+ma'i skyil krung gis mnan pa dang/ rdo rje nyi ma'i rin po che'i skyil krung gis mnan pa dang/ rta mchog gi las kyi skyil mo krung gis mnan pa'o/ /mnan nas su dag longs spyod snyam na/ dbang phyug mnan nas dngos grub gsum ma bkug pa dang/ khyab mjug mnan nas/ dpal mo bkug ba dang/ / tshangs pa mnan nas grol ma bkug pa dang/ 'dod pa'i lha mnan nas dga' ma bkug pa dang/ de'i 'khor ma mo dang/ mkha' 'gro ma rnams longs spyad par bya'o/ /de bzhin du ku pe ra mnan nas rig pa grub pa'i rnal 'byor ma bkug pa dang/ /mi'i rgyal po mnan nas btsun mo bkug la longs spyad par bya'o/ /de ltar rkang pa'i phyag rgya bshad nas/ sgrub pa'i yan lag sngags skyes zhing skyes/ ye shes las skyes pa kha dog dang dbyibs dang spyod lam shes nas yan lag dang nyid lag gi brda bya ste/ sgrub pa'i yan lag tu shes nas/ dgug pa'i phyag rgya bstan pa ni/ rdo rje khu tshur snying gar bcings zhes pa la sogs pa gsungs so/ /thun mong gi phyag rgya bshad nas/ bye brag tu rdo rje sems dpa' i lha mo dgug pa ni/ g.yon 'gying tshul shlo ka gcig gis so/ /rnam snang gi ni/ dpal ldan sna tshogs 'dzin zhes pa gcig go /he ru ka'i no/ g.yon pa'i dril bu sgra sgrogs shing zhes pa gcig go /pad+ma gar dbang gi ni g.yon pa'i pad+ma ? ces pa gcig go /rdo rje nyi ma'i ni/ bdag snying gar 'dren ba'i tshul du zhes pa gcig go /rta mchog gi ni/ bdag gi snying gar 'dren tshul du/ zhes pa'i shlo ka gcig go /de ltar rtog pa dgu pa ni phyag rgya nyi shu rtsa brgyad kyi bsgrub ba'i yan lag nyi shu rtsa gsum?

  981. 491a

    du byas na/ las dang po pa bsgrub pa'i tshe/ mtshan ma thob pa'i tshe/ mchog tu gyur pa'i rnal 'byor pa dngos grub len pa'i tshe dang/ dngos grub thob pas ye shes la dbang ba'i rnal 'byor pas/ sems can gyi don du las rnams byed pa'i tshe dag cing rigs par yan lag tu gyur pa yin no/ /brtag pa dgu pa'i 'grel pa'o// //de ltar brtag pa dgu bshad nas/ da ni phyag rgya chen po chos kyi dbyings kyi rang bzhin la mos pa bdag byin gyis rlob pa'i phyag rgya chen po dang mnyam par sbyor nas/ mngon sum gyi lam bsgom pa bshad pa ni/ de nas sna tshogs kun tu ni lha drug tu bsgom pa'i rnal 'byor pa drug go /phyag rgya zhes pa'i sgrub pa 'di zhes pa rigs drug phyag rgya bzhi'i bye brag gi /kun tu sna tshogs sbyor ba yis zhes pa phyag rgya bzhi la dga' ba bzhi'i ye shes bskyed pa'o/ /kun tu sna tshogs bshad par bya zhes pa/ rnal 'byor ma bzhi'i phyag rgya nyi shu rtsa bzhi la sbyor ba'o/ /de ltar mdor bstan nas rgyas par bshad pa ni/ smin ma mig dang sna dang mchu zhes pa la sogs pa gsungs te/ rang dang 'dra ba'i las phyag rgya drug yum gyi smin ma dang mig dang so la sogs pa cha lugs su byas la phyag rgya thams cad kyis 'khyud pa dang/ 'o bya ba la sogs pa rnam par smin pa bkrol nas rnam pa sna tshogs dang/ rnam par smin pa bkrol nas mtshan nyid dang bral ba'o/ /de yang rnam par shes pa bsam gtan gyi ting nge 'dzin bskyed pa'i lha mo drug gi dbang du byas nas/ rdo rje sems dpa' dpal sbyor ba'i zhes pa'i shlo ka gcig gi dga' pa'i mtshan nyid bshad do/ /phyag rgya 'di yis btab na ni zhes pas mchog dga' i mtshan nyid do/ /sangs rgyas kun dang mnyam sbyor bas/ zhes pa'i shlo ka gcig gis lhan cig skyes dga' i lha mo'i mtshan nyid du bstan to/ /da ltar zhi gnas kyi bde pa bstan nas/ lhag mthong gi bde ba bstan pa ni/ rdo rje sems dpa'

  982. 491b

    sbyor ba'i zhes pa shlo ka gcig gis rdo rje sems dpa' i bde ba chen po 'od gsal ba bsgom pa'o/ /lta bas mi ngoms pa'i sku zhes pa'i shlo ka gcig gis/ rnam snang gi bde ba chen po bstan to/ /bsam pa thams cad rdzogs pa'i shlo ka gcig gis he ru ka'i bde ba chen po bstan to/ /dbang po kun las byung ba yis zhes pa'i shlo ka gcig gis rdo rje nyi ma'i bde ba chen po bstan to/ /dpal ldan yon tan 'gying dang bcas zhes pa'i tshig rkang drug gis pad+ma gar dbang gi bde ba chen po bstan to/ /gyen du 'bar pa'i dngos grub dang zhes pa'i tshig rkang drug gis/ rta mchog gi bde ba chen po 'od gsal bstan to/ /lha mo rnams kyis ji ltar phyag bya zhe na/ kun tu sna tshogs bskal bzang po zhes pa la sogs pa gsungs te/ 'byung ba bzhi rtsa gsal nas/ a ba d+hu tI kha sbyar na dpal rdo rje ? gyen du 'phar pa'i spyan zhes bya ba/ rigs bzhi'i srog A d+hu tIr 'jug pa'i thabs kyis phyag rgya drug la shes rab kyi phyag rgya drug gi lan du shes par bya'o/ /de ltar rtog pa bcu pa'i don bshad nas/ de'i 'bras bu gsungs pa ni/ sangs rgyas thams cad 'dus pa yi zhes pa la sogs pa gsungs te/ phyogs bcu'i sangs rgyas thams cad 'dus sku dpag tu med pa dang ldan zhing/ nam mkha' i khams kyi mthas gtugs pa'i dus su bden pa'i tshig tu gsungs kyang/ sangs rgyas kyi zhing mdza' yas pa mu med pa na rgyud sde bzhi'i rtog pa thams cad dang/ rtog pa'i rgyal po'i gzugs kyi rnam par rtog pa'i mthu dang/ sgra'i rnam rtog gi yon tan de bzhin gshegs pa thams cad kyis gang du yang gsung par mi nus so/ /ci'i phyir zhe na/ byin brlabs kyi lam ? mthu dang/ mngon sum lam gyi rang bzhin dag 'grub pa dang/ sems 'od gsal chos kyi dbyings kyi ngo bo nyid kyis brtag tu 'grub pa dang/ zhi gnas dang lhag mthong so sor grub pa'i phyir ro/ /de lta bu yin yang/ ci'i phyir gsung par mi nus she na

  983. 492a

    'di ni gsang ba mchog gi mchog ces pa la sogs pa gsungs te/ don rang gi mtshan nyid ni sgra'i brjod bya ma yin pas mngon sum gyis nyams su myong ba'i don dga' ba ni gsang ba dang/ mchog dga' ni mchog dang/ lhan cig skyes dga' yin pas mchog gi dang/ bde ba chen po yin pas bde mchog go /sangs rgyas rnams kyis byang chub sems dpa' la longs sku dang sprul skus ji ltar bstan zhe na/ sems can don phyir lam rnams spyod ba dang/ rnam par dag pa rgyal ba yod mi mdzad ces gsungs te/ nyan thos ltar phung po lhag med kyi mya ngan las 'das par mi mdzad pa sangs rgyas rnams la/ ye shes kyi rnam pa dang/ byang chub sems dpa' la gzugs kyi sku'i rnam pa dang/ las dang po'i so so'i skye bo la gsung gi rnam par snang pa yin no/ /don dam par mnyam par sbyor ba'i don la gsung mi mda'o/ /ci'i phyir mnyam par sbyor ba'i don la bar chad med pa yin zhe na/ 'di la 'gegs byed bdud kyang yod ma yin zhes gsungs so/ /dri ma dag pa dang ma dag pa ci'i phyir med snyam ni/ rtog pas mi 'grub brdar bas yong mi 'gyur zhes gsungs so/ /ci'i phyir blo bur dang 'dres pa ma yin zhe na/ mi brtan pa dang bdud du nga mi 'gyur zhes bshad do/ /rtsa ba'i chos kyi sku sems rang rig 'od gsal ci'i phyir mi ston zhe na/ brtan pa'i phyir yang ba'i? 'doms zhes gsungs so/ /don dam par mkhyen pa med kyang/ kun rdzob tu ji ltar lam rtogs zhe na/ gang zhig rang gi bde pas bde ba grub pa dngos grub mchog gis ni brtan par mdzad/ de ltar 'bras bu'i rgyud gsungs nas/ rjes su yi rang zhing bstod pa na/ sna tshogs zhes pa la sogs pa gsungs te/ sna tshogs pas de skad gsungs pa ni/ rigs drug gi ston pa drug go /b+ha ga ban/ de bzhin gshegs pa rtag tu dgyes zhes pa/ nyan pa po'i sangs rgyas gang+gA klung gi bye ma snyed rtag tu dgyes pa'o/ /rdo rje sems

  984. 492b

    dpa' dpal gyi ri la gsungs pa zhes pa/ rigs drug gi gzugs kyi rtog pa bshad nas/ sgra'i rnam par rtog pa drug ni/ bcom ldan 'das rdo rje sems dpas gsungs zhes pa'i don to/ /mngon par bstod cing rab tu dgyes par 'gyur zhes pa/ gzugs kyi rnam rtog bsdus pa la bstod pa dang/ sgra'i rnam rtog bshad zin pa la sogs pa bstod pa'o// //'dis ma 'ongs pa'i sngags pa gsang sngags kyi spyad pa spyod pa rnams kyi dkyil 'khor bsdus pa la bstod pa dang chos bshad pa'i rjes la rjes su yi rang zhing bstod pa'o/ /de ltar rjes su yi rang bstod pa'i rjes la dbang po rnon po rnams kyis rtog pa bcu'i don cig car rtogs par bya'o zhes bstan pa ni/ rnam mang rjes chags dga' bas mchod pa rang zhes pa/ dga' ba gsum gyi ni gnas kyi ting nge 'dzin to/ /rta mchog rnal 'byor bde bas gsal bar rjes su gsal bar mchod na ni/ bde ba chen po grub par mngon sum du bsgom par bya'o/ /zhes pa'i don yin no/ /rab tu bde ba rnal 'byor dam pa skal bzang dga' ba? ces bya ba rang lhag par gnas pa'i rnal 'byor bde ba chen po cig car bsgoms shig ces pa'i don to/ /rab mchog bde ba'i rang bzhin dam tshig rjes su grub par 'gyur zhes pa bde ba chen po sku gsum thob par 'gyur ro/ /zhes bshad do/ /de ?? cig car bsgom pa'i don bstan pa 'das ma 'ongs pa'i rnal 'byor rnams kyis nye bar bsdu ba byas pa'i rjes la/ dge ba'i rtsa ba bsngo ba gyis zhes pa'o/ /bcom ldan 'das rdo rje sems dpas de skad gsungs so/ /zhes pa lag na rdo rje'i? tshig? yin// phyogs bcu'i sangs rgyas thams cad ye shes kyi yul dang/ mnyam par sbyor ba'i mkha' 'go phyag rgya bzhi'i rgyu rkyen gyi tshogs pa mngon sum lam gyi sgyu ma yis zag pa med pa'i bde ba'i mchog? ces bya ba rtog pa bcu'i mtshan yin no/ /rtog pa bcu pa

  985. 493a

    'dis ni rtog pa thams cad kyi 'khor lo bskor pa zhes bya ba/ dbang bzhi pa chen po bsgom pa rdzogs so// //zhes bya ba ni mthar thug pa zhes bya ba'i don to/ /brtag pa bcu pa'i 'grel pa'o/ /'grel pa dag gis mnyam sbyor ni/ /ma lus gsal bar ma bkrol zhes/ /mnyam sbyor rgyud las bdag gis ni/ /gtam du dris pa bzhin du thos// bdag gis rtogs dka' yin na yin/ /bla ma'i zhabs kyis byin brlabs pas/ de don rtsom phyir nyes pa med/ /de phyir rgyud rgyal rtog pa'i don/ gsal byed dag gi 'od zer 'di/ 'phags pa'i shes rab bskyed pa'i phyir/ /dge ba cung zad gang bsags pa/ /de yis kun mkhyen thob par shog/ sangs rgyas thams cad dang mnyam par sbyor ba mkha' 'gro ma sgyu ma bde mchog gi 'grel pa mnyam sbyor gyi rgyan zhes bya ba rab dga' rdo rjes mdzad pa rdzogs so// sarba mang+ga lam// dge'o// //