Text
ff. 1a–289b · 577 folio sides
- 1a
bai ro'i rgyud 'bum bzhugs so//
- 1b
bcom ldan 'das dpal rdo rje sems dpa' la phyag 'tshal lo// chos nyid kyi skabs 'chad de// rang bzhin gyis gnas pa'i don ston te/ rdo rje sems dpa' nam mkha' che/ zhes pa ni/ nam mkha'i rang bzhin ni/ dpe yungs 'bru mar gyis khyab pa dang 'dra bar/ kun tu khyab par gnas te/ rdo rje ni 'dus ma byas pa'i don/ sems dpa' ni snying po byang chub la dgongs pa nges par 'grel te/ che ba rnam pa lnga dang ldan nas bzhugs so// lnga gang zhe na/ mngon pa'i sangs rgyas pa'i che ba dang / bdag nyid chen po sangs rgyas pa'i che ba dang / chos kyi dbyings su sangs rgyas pa'i che ba dang / de yin pa'i sangs rgyas pa'i che ba dang / thams cad nas thams cad du sangs rgyas pa med pa'i che ba'o// kun bzang yangs pa chos
- 2a
kyi dbyings// ma 'dres pa dang / yongs su rdzogs pa ni/ chos kyi dbyings te kun tu bzang po'o// de yang bya ba thams cad dang bral ba'i phyir// mi gnas pa'i dbyings la rnam par gnas so// rnam dag lam chen kun sgrol phyir// zhes pa ni/ rtsol ba thams cad dang bral ba'i lam ste/ rnam par dag pas sgrol ba'i phyir ro// mi skye mi 'gag cing mi dgongs// zhes pa ni/ ji bzhin pa mi gnas pa'i mnyam pa nyid la/ dmigs pa'i yul med pas skye ba med de// de bzhin du bzung ba dang // 'dzin pa'i mtha' spangs pas// yul gang la mi gnas pa'i phyir// cir yang mi dgongs pa yin no// byams pas don nyid rnam sbyangs phyir// zhes pa ni/ bdag dang sems can du ma mthong ba ni/ byams pa chen po'i don
- 2b
to// phyi nang gi yul thams cad la mi dmigs pas/ rnam par sbyangs pa ste/ mngon du bya ba'i chos thams cad dang bral bas// chos thams cad la mi gnas pa ni snying rje chen po'o// gang ltar yang bdag dang gzhan gyi don du mi dmigs pas// snying rje chen po cir mi mdzad// ces bya'o// che bas che ba'i zab mo yis// zhes pa ni/ che ba ni chos nyid do// sems can thams cad ni zab mo byang chub kyi rang bzhin pas// de yang 'khor ba dang mya ngan las 'das pa'i// mnyam pa nyid kyi snying po yin pa dang / yon tan rgya mtsho la legs pa dang / sa'i rim pa la sogs par sgro mi 'dogs pas na// yon tan cir yang bsngags pa med// ces 'byung ba yin no// don rnams ji bzhin mi bskyod de// zhes pa ni/ chos thams cad nam mkha' dang 'dra ba la// bya ba dang tha snyad med de// ji bzhin pa la mi gnas pa'i phyir// bya ba'i yul thams cad dang bral ba'o// bya ba med pas/ grol bas dgrol/ zhes pa ni/ zhing chen po la bya ba med de// 'gro ba thams cad zhi ba'i rang bzhin pas na// rang las 'byung ba'i mthu des grol la// thob pa med pa'i dbyings mngon du gyur pas na dgrol ba yin no// rang 'byung ye shes brtsal med pas// zhes pa ni/ gzhan gyi mthu la mi brten cing rang 'byung bas brtsal ba med pa'o// grol bas grol ba'i lam yang ston//
- 3a
zhes pa ni/ de ltar rig pa'i rgyal po rang dbang du gyur pas na grol ba ste// mngon sum pa'i chos nyid des dgrol ba nyid du snang ba'i phyir ro// chos nyid kyi skabs so// da ni rang bzhin gyis gnas pa'i skabs 'chad de// ji ltar sems can thams cad la sangs rgyas pa rang bzhin gyis gnas pa'i don ston to// 'byung ba chen po bcom ldan 'das/ zhes pa ni/ 'byung ba chen po lnga ste/ ci lta zhe na/ sa rdo rje/ chu rdo rje/ me rdo rje/ rlung rdo rje/ nam mkha' rdo rje ste/ de la nam mkha' rdo rje ni snang ba ston pa'i sangs rgyas so// sa rdo rje ni chos nyid ye nas gnas pa'i gzugs 'dzin pa'i sangs rgyas so// me rdo rje ni chos nyid rin po che sangs rgyas pa'i rang bzhin no// chu rdo rje ni mtha' yas pa'i sems can rnams la/ snying rje chen pos brlan par mdzad pa'i sangs rgyas so// rlung rdo rje ni/ gti mug chen pos khebs pa rnams// shes rab chen pos bskyod de// 'dod pa chen po las sgrol ba'i sangs rgyas so// de ltar 'byung ba lnga po 'di ni// sangs rgyas kyi sku dang / gsung dang / thugs so// 'gro ba phal gyi ni/ lus dang ngag dang yid gsum ste/ chub par gnas pas/ 'byung ba chen po bcom ldan 'das// 'gro ba kun la rang bzhin gnas// zhes gsungs pa yin no// de la phyin ci log du bslad pas khrid kyang gzhan las mi 'byung gi/
- 3b
rang gi rig pa las byang chub 'byung bas na/ phyin ci log du rnam bslad kyang // grol ba rang 'byung gzhan las min// zhes 'byung ba yin no// da ni rang bzhin gyis che ba la gnas pa'i skabs 'chad de// de yang yongs su rdzogs pa dang // gzhan gyi dbang las mi 'byung gi/ rang bzhin gyis che ba la gnas pa'i don ston to// che ba'i ye shes rnyed par dka' bas/ zhes pa ni/ sangs rgyas kyi chos nyid ni shin tu zab cing phra// rtogs par dka' ste/ mi rnyed pa'i rnyed pa la sgyu mar gnas te/ mngon du rnyed par ni shin tu dka' ba'i phyir ro// shes rab thabs la brten pas 'grub/ ces 'byung ba yin te/ mi dmigs pa'i klung las/ chos nyid rang bzhin du 'char ba ni shes rab/ de la kun tu bzang po longs spyod rdzogs par sbyor bas thabs yin te/ mnyam pa nyid du bdag med pa'i bde ba la/ dus gsum du gnas pas grub pa yin// de ltar sku ma'i spyod pas/ de la ming tsam du gnas shing sbyor gyis kyang / rang bzhin gyi ye shes bde ba chen po rang gi rig pa las 'byung ba'i phyir/ ming tsam gzhan la brten 'dra yang // mngon sum bde ba rang las 'byung // zhes gsungs pa yin no// da ni rtsol ba dang bral ba'i skabs 'chad de// rtsol ba sgrib pa nyid du 'gyur ba'i don ston to// cho 'phrul chen po dka' ba min/ zhes pa ni/ ji bzhin pa la mi g.yo bar
- 4a
gnas pa ni cho 'phrul 'phel lo// yon tan kun dang stobs kyi rnams/ yon tan ni sangs rgyas kyi che ba dang / stobs dang ma 'dres pa dang / gzungs dang rnam par thar pa dang / sgyu ma ming du grags pa rnams la dmigs pa ste sgrib pa'o// mi dmigs pa'i shes rab la brten nas/ rang gi shes rab kyi mar me byung bas/ de bzhin nyid du rtogs pa'i mthus sgyu ma'i 'jig rten sbyong ba dang / sgyu mar ston pa dang / bde ba dang sdug bsngal du snang ba rnams/ ji lta bar ston pa'i thabs des 'chad par mdzad pas na// ji bzhin rtogs pa phra ba yis// de ma thag du rang las 'byung // zhes gsungs pa yin te/ phra ba ni dmigs pa'i yul ma yin te// nam mkha'i rang bzhin no// snang ba med pa'i chos nyid ni// ma brtsam bzhag pas bsgoms pa yin/ zhes pa ni/ chos nyid gdod ma nas ma gsungs pas rgyu'i rang bzhin dang // rkyen gyi rang bzhin med pa'i phyir snang ba med pa yin// bya ba med pa'i chos rnams la byed par rtsol ba ni// sdug bsngal chen po'i rgyal mtsho mtha' med pa la 'bogs pa ste/ de ni rgal bar shin tu dka'o// de bas na chos ji bzhin pa la gnas nas/ mnyam pa nyid kyi rgyal sa bzhugs shing / kun tu bzang po'i rol pa la mi nyams par gnas pa ni// sgom pa chen po'o// de dang der ni rnam rtsal na// de las de bzhin de
- 4b
mi 'byung // zhes pa ni/ de ni de bzhin nyid do// de dang brtsad pa ni nam mkha' la khang bu 'bubs pa dang 'dra ste// phyi ci log du gyur pas// de las de bzhin de mi 'byung // zhes gsungs pa yin no// da ni brjod pa dang bral ba'i skabs 'chad de/ byang chub sems kyi rang bzhin mi brjod pas tha snyad dang bral ba'i don ston to// mchog du gsang ba'i chos nyid ni/ zhes pa ni/ ci yang mi dmigs pas rang bzhin med// mtshan ma thams cad dang bral bas bza' ba'i yul med de// brjod du med pa'i phyir phal gyis mi rtogs pas// gsang ba yin no// de bas tshig 'bru thams cad dang bral te/ chos nyid du gnas shing nam mkha'i rgya dang 'dra bar gyur pas na/ bdag dang gzhan mi 'grub ste/ brnyed pa med cing thob par 'gyur ba'i mthu mi 'byung bas/ rna dbang gzhan las thob mi 'gyur/ de bzhin lce'i dbang pos kyang / de la brjod du rdul tsam med/ ces 'byung ba yin no// da ni 'gro ba las kyis mi 'khol ba'i skabs 'chad de// byang chub sems kyi rang bzhin la/ gzhan gyis mi 'khol ba'i don ston to// 'gro ba'i sdug bsngal byang chub sems/ kun tu chub pas rnam par rol/ zhes pa ni/ 'gro ba thams cad kyi rgyu ni byang chub sems kyi rang bzhin no// bslad pas na sdug bsngal yin no// de la yang bde bas kun tu chub pa dang / sdug
- 5a
bsngal gyis g.yen bcos te/ 'khor ba rtsed mo dang 'dra bar gnas te/ chos thams rang bzhin kun tu chud par rol/ de yang bdag med pa dang mnyam pa nyid la mi bskyod par gnas pa'i bde ba len pas na/ de la bskyod pa med bzhin du// nam mkha'i mtha' ltar mnyam par gnas// zhes 'byung ba yin no// khyad par cir yang mtshungs pa la// las so zhes ni rnam par brtags// zhes pa ni/ las zhes bya ba ni phyin ci log du mthong ba'i ming bla dgas te de yang yod pa ma yin no// sems can byang chub kyi zhing la kun tu bzang po'i bde bas mtshungs par gnas te// las kyis mi 'khol lo// de yang ci'i phyir zhe na/ ma bltas pa'i phyir ro// gal te las kyi mthu brtan zhing rdo rje dang 'dra ba yin na ni/ las ni snga la sems can ni 'phyi bas/ 'gro ba las kyis 'khol zhes bya ba'i dbang du 'gyur te/ grol thar ba med par gyur ro// de la sems can ni snga la las ni 'phyi ba'i phyir/ las nyid byang chub kyi rang bzhin yin te/ nyon mongs pa'i dbang du mi 'gyur ba'i phyir/ ci ste de'i dbang gyur na/ rang byung ye shes yod ma yin/ zhes gsungs pa yin no// rgyu nyid rdo rje rkyen dang 'dra/ zhes pa ni/ rgyu ni mi gnas pa'i byang chub kyi sems so// de las mi skye ba'i chos kun tu bzang po'i rnam par rol pa 'byung bas na rkyen yin te/ chos thams
- 5b
cad kyi rang bzhin ni mi skye ba chen po'i mthu dang ldan pa'i phyir/ ma bsgrubs pas grub pa'i byang chub chen po'i snying po las mi g.yo bas na/ ma skyes pas na 'jigs pa med// gdod nas snying po byang chub la// zhes bstan te/ de yang don dam pa'i brtsal ba dang / 'dus byas kyi re ba thams cad dang bral ba'i phyir/ chos nyid kyi gnas chen por 'gyur te/ mnyam pa nyid la gnas pas na/ rtsal ba'i bsam pas dbyings mi bskyod/ ces 'byung ba yin no// da ni brtsal sems dang bral ba'i skabs 'chad de/ re ba 'jog pa dang smon lam la gnas pa dang / skye ba khyad par du gyur pa'i don ston to// yon tan chen po'i bsam gtan ni/ zhes pa ni/ 'jig rten 'di'i nyon mongs pas zin pa la/ sems kyi rang dbang bde ba skad cig mas// bsod nams dang ye shes kyi tshogs bsags pas// bsam gtan chen po'i gnas bzung nas spyod pa rnams so// bsam gtan nyid pas bsam du med/ ces pa ni/ bde ba'i bgrod pa'i bsam gtan de/ gang de la 'gog pa'i yul de bsam du med par blta/ ma bsams ma sbyangs chos bzhin du/ zhes pa ni/ ma bsams pa'i cha dang / ma sbyangs pa'i cha gnyis ka rnam par rtog pa'i mthus 'khrul pa'i shes pa skye ste/ skyon yin pa'i phyir/ rnam rtog nyid las ye shes skye/ zhes 'byung ste/ bgrod cing sbyong ba la mi bltos par//
- 6a
rig pas ji bzhin pa'i ye shes rang las 'byung bar 'gyur ro// phra ba'i sgo mor ming brtags nas/ zhes pa ni/ yul med pa la yod par rtog pa ni phra ba'i sgo mo'o// sems kyi dben pas lam tshol zhing // zhes pa ni/ 'khrul pa'i phra bas sems bslad de/ dben zhing dgon pa la chags shing lam du mthong bas// dgon pa'i rgyud du dben 'dzin te/ brtags na rnam par rtog rgyu sgom/ zhes 'byung ba yin te/ rgyu dang 'bras bur ming 'dogs shing // dge sdig gnyis ka rnam par sel// zhes pa ni/ rnam par ma byang ba'i chos thams cad rgyur blta/ de las nyon mongs pa 'byung ba ni 'bras bur ming btags pa'i phyir ro// dge ba dang sdig pa'i rgyu gcig pa'i las rnam par phye ste/ nam mkha' la bgo bsha' byed pa dang 'dra bar 'gyur ro// 'jig rten 'di las 'byung ngo zhes// blang dor brod pa mchod du skyed// zhes 'byung ba yin no// chags dang ma chags tshig gi lam// dbu ma yin te brag cha 'dra// zhes pa ni/ gong ma'i skyon dang bral ba'i don ston to// chags ni rang dbang med pa'i mthu'o// ma chags pa ni de nyid 'jil ba'i thabs kyi snying po yin no// de ltar thabs dang shes rab zung du 'brel ba'i phyir/ tshig gi lam ltar snang ngo // chags pa'i mi gnas pa dang mi chags pa'i mi gnas pas/ chos kyi dbyings su ro cig pa'i phyir/
- 6b
khyad par du gnang gis kyang / gang ltar yang ma grub pa'i phyir brag cha dang 'dra'o// bde dang sdug bsngal rgyu mthun zhes// 'gro ba'i mgon po sems dpas gsungs// zhes 'byung ba yin te/ byang chub chen por / rtsol ba na sdug bsngal lo// zhi ba mnyam pa chen po ni bde ba ste// mi dmigs pa'i thun mong ba'i phyir// rnam par mi 'gyur ba'i dbyings la gdon mi za bar gnas pa yin pas/ gzhan las ma byung gi/ 'gro ba'i mgon po sems dpas gsungs/ zhes 'byung ba yin no// da ni ye shes rang las 'byung ba'i skabs 'chad de// byang chub sems kyi rang bzhin bdag nyid chen po'i don ston to// 'dod chags zhe sdang gti mug kyang // byang chub chen po'i lam las 'byung / zhes pa ni/ 'dod chags su grags pa thams cad kyang / sku'i rgyan bde ba chen po kun tu bzang po'i rol pa las/ mtha' yas gdon mi za ba'i ting nge 'dzin pad ma rigs kyi gtso bo sems can gyi zhing yongs su sbyong ba'i rang bzhin no// de bzhin du zhe sdang dang gti mug kyang / snying rje chen pos rgyun du 'dul ba dang / sgrol ba'i thabs su gnas pas che ba'i sku ste/ byang chub kyi yan lag bde ba chen po mi dmigs pa'i rang bzhin/ de las byung bas lam yin pa'i phyir ro// kun spyod yon tan rnam lnga yang / chos nyid dbyings kyi rgyun zhes gsungs/ zhes pa ni/ zhi ba chos kyi
- 7a
sku ste mnyam pa nyid du gnas pa'o// rnam par mi rtog pa ni thabs kyi rol pa'i byang chub kyi sems te/ kun bza' ba dang / kun spyad pa'i rkyen du 'gyur ba'i chos 'dod pa'i yon tan lnga yang mi 'gog la/ rang bzhin gyi dmigs su med pa'i snying rje chen po las byung ba'i bdud rtsi/ byang chub kyi sems yongs su 'bar bar byed pa dang / 'khor gsum sku gsum du rdzogs par 'gyur ba'i phyir// chos nyid dbyings kyi rgyan zhes gsungs/ zhes 'byung ba yin no// nam mkha' rtog pa skye med cing // rtog pa de nyid nam mkha' 'dra// zhes pa ni/ nam mkha' mi skye ba'i rang bzhin skye bar rtog pa ni/ mtshan nyid mi 'gyur/ bas skye ba med de/ rtogs pa snga ma dang / rjes bzhin du 'byung ba'i rtog pa la yang yul med pas nam mkha' dang 'dra'o// mi chags pa nam mkha'i bsngo ba la/ zhes pa ni/ mi chags pa ni byang chub kyi sems don na po la gnas pa'o// thams cad kyi rgyu gcig pa'i phyir bsngo ba med de// rang rig pa'i rgyal po nang nyid du 'char ba ni// rang byung gi don chen po ste/ rang don chen po nam mkha' 'byung / zhes gsungs pa yin no// da ni mngon par byang chub pa las bzhengs te/ rdo rje dbyings kyi snying po nas sems can 'dul bar dgongs nas/ shin tu bde ba chen po thams cad mnyam pa nyid du spyod pa chos nyid// rang gi yul la
- 7b
'dus ma byas kyi rang bzhin zla gsang thig le'i dkyil nas/ gzungs kyi rang bzhin don mi gtong ba dang / don du mdzad pa dang / don ltar ston pa dang / don gyi rjes su 'jug pa'i thabs kyi rang bzhin/ yi ge a li ka li zhes bstan te/ gzungs kyi rol pa'i skabs 'di gsungs so// rtog med mnyam nyid chos kyi sku// gzung bas mi zin chu zla 'dra// zhes pa ni/ rnam par mi rtog pa ni mnyam pa nyid de/ de la bya ba dang btsal ba'i yul med pas chos nyid de/ ji bzhin pa'i sku ni mtha' med par khyab pas chos kyi sku'o// de la dus gsum gyi de bzhin gshegs pa mi tsam du gnas la/ 'dul ba'i dbang gis rdzu 'phrul chen po dang mthu bsam gyis mi khyab pa yang med pa ma yin te/ gzugs thams cad dang bral bas gzung bas mi zin/ sgyu mas dbang bsgyur zhing don mdzad pa yang med pa ma yin pa'i phyir/ chu zla dang 'dra ste/ de ltar thabs kyi rol pas kun tu bzang po'i rgyal la dgongs par mdzad pa'i phyir/ gzungs kyi rang bzhin/ kun tu bzang po'i rol pa'i gzungs/ a li ka li zab du bstan/ zhes 'byung ba yin no// da ni chos thams cad kyi rang bzhin mi dmigs pa'i dpe bstan pa/ yi ge a zhes pa bstan par bya ste/ byed pa thams cad dang bral bas bya ba'i don mi 'grub pa la/ zabs dang shes rab tu bstan te/ re shig yi ge ma skyes pa bstan
- 8a
de nas gzungs kyi rang bzhin bstan par bya'o// de la a ni a a nud pa/ ba pa na swa b+hA ba ste/ chos thams cad ma skyes pa'i rang bzhin la ni chos kyi dbyings mi 'gyur ba'i rang bzhin/ gu gu ni snying rje chen po ste mi stong pa'o// ka ni thams cad byed pa'i don la mnga' brnyes pa'o// la ni zab mo'i gsang ba ste don thams cad byed pa'o// de la a ni snying rje chen po ste shes rab po// li mi thabs kyi rang bzhin te gzungs so// ka ni gnas nas gnas su bskyod pa'i rang bzhin gyi mthu'o// li ni thams cad du thun mong ba'i don no// de la don mdzad pa'i ma thabs ston te// de ni a dang mdzes pa'i ta/ ba dang yan lag spros pa bzhin/ zhes pa ni/ a ni bdag nyid chen po'i rang bzhin bde ba chen po la rol pa'o// mdzes pa'i ta zhes pa ni/ shes rab kyi rang bzhin zla ba'i dkyil 'khor la gnas pa ste/ thabs kyi rgyal po shes rab kyi rang bzhin la gnas pa'i don to// pa zhes pa ni grol thar pa'i don te/ pad+ma'i rang bzhin/ de la 'gro ba thams cad skye ba dang gnas pa/ bde ba dang sdug bsngal gyi yan lag du gyur pa'i chos rnams la kun tu spros shing gnas te/ de lta bas na gzhan gyi 'dod chags kyang bdag gi la/ bdag gi 'dod chags kyang gzhan gyi'o zhes 'byung la// kun tu bzang po'i rang bzhin ni thams cad bde bar gnas
- 8b
so zhes 'byung te// mi dmigs pa'i zab mo la/ bslad pa'i rnams dgrol ba'i phyir// spyod yul thun mong yang rang gi rkyen gyis gsang bar gyur pas/ 'jig rten yongs kyi spyod yul la/ sangs rgyas gsung gi zab mo 'byung // zhes gsungs pa yin no// e ma'o sangs rgyas spyod yul 'di btsal bas rnyed pa'i gnas med de// zhes pa ni/ chos kyi rang bzhin dngos po ci yang med cing shin tu phra ba'i phyir// btsal kyang rnyed par mi 'gyur te/ ci phyir zhe na sangs rgyas kyi spyod yul mtha' klas shing rnyed par dka' ba'i phyir ro// drug gi chos bzhin yul med pas// mdongs pas nam mkha' brlab pa bzhin zhes pa ni/ chos drug ni// gzugs/ sgra/ dri/ reg chos so// 'di na thams cad sgyu mar ston pa'i gzhi ste/ sangs rgyas thams cad kyi che ba nyid do// gang gis chos 'di drug phyin ci log du mthong ba ni/ mdongs pa ste/ bdud rtsi spangs nas dug phyir 'breng ba ni// mdongs pas nam mkha' brlab pa bzhin/ zhes gsungs pa yin no// gong nas gong du tshangs pa'i la/ bral chos dang mthun pa min/ zhes pa ni/ 'jig rten las 'byung ba'i bsam pa// bsod nams dang ye shes kyi tshogs bsags te/ rim pas bgrod pa/ byang chub kyis dang / tshangs pa dang brgya byin gyi gnas dang / 'khor lo bsgyur ba'i rgyal po la sogs te/ gang ci tsam du bgrod pa'i yul
- 9a
can ni nyon mongs pa ste 'ching ba'o// bya ba thams cad dang bral ba nam mkha' dang 'dra ba yongs su zhi ba/ kun tu mnyam zhing mtha' yas pa'i bde ba/ rang bzhin gyis yongs su rdzogs pa chen po// ma bsams/ ma spyad/ ma bsgoms te/ rang bzhin gyis gzhan la rag lus pa med de/ dper na yid bzhin gyi nor bu rin po che rgyal po ltar// chos dang chos ma yin pa'i gter thams cad 'byin nus pa'i phyir/ mnyam par bzhag pa ste/ ci ste lam la bgrod 'gyur na/ nam mkha'i mtha' bzhin thob pa med/ ces 'byung ba yin no// da ni yongs su rdzogs pa'i skabs 'chad de/ byed pa med pa'i don ston to// de ltar de bzhin de'i phyir/ de la de bstan de dang thob/ ces pa ni/ de bzhin nyid ni 'gro ba thams cad la mnyam pa'i dbyings cig du gnas pa'o// de ltar gnas pa de yang ci'i phyir mngon sum du mi 'gyur zhe na/ de bzhin nyid ni rtog pa'i chos thams cad dang bral ba yin te/ rang las 'byung ba'i chos nyid dang / de bzhin nyid du nang du bstan pas thob par 'gyur ro// de ni snying po de bas na/ de las de 'byung ngo mtshar che// zhes pa ni/ de bzhin nyid ni byang chub kyi sems te/ byang chub kyi sems de ni chos thams cad kyi snying po yin pa'i phyir ro// snying po de las mngon sum pa'i bde ba kun tu bzang po 'byung bar 'gyur la// de dang
- 9b
dus thams cad du mi 'bral ba'i yon tan dang ldan pa'i phyir/ de las de byung ngo mtshar che/ zhes 'byung ba yin no// sngon gyi de dang da ltar de// de bzhin de'i gnas su che/ zhes pa ni/ 'das pa dang ma 'ongs pa dang da ltar 'byung ba'i de bzhin nyid ni/ gnas gyur pa'am 'pho ba med pa'i che ba nyid de/ sngon zhes pa'i tshig ni phyi ma'i mtha' med pa'i don ston te/ de bzhin ni sems can thams cad sangs rgyas kyi zhing du 'gyur ba'i dbyings cig pa'i phyir/ de'i gnas su che'o// de ltar de'i lam 'dra bar/ zhes pa ni/ de la bgrod pa thams cad dang bral ba'i lam ni rnam par grol ba chen po'o// rnam par grol ba ni ma yin te cig pa'i phyir// 'gro ba thams cad chos mnyam pa nyid kyi dbyings la bgrod pa'i lam 'dra ba'i phyir// de ni de'i rang bzhin no// zhes 'byung ba yin no// de dang 'dra ba yongs kyi lam/ zla ba las byung rten dang bcas// zhes pa ni/ chos thams cad kyi rang bzhin de bzhin nyid ni/ mnyam pa'i klung las 'dra ba'i phyir yongs kyi lam mo// skye ba med pa'i skye ba la/ sems can chen po man chad thun mong du gnas te/ chu zla'i gzugs brnyan dang 'dra bar rten cing / chos kyi dbyings su ro cig pa'i mnyam pa nyid yin te/ kun gyi mnyam nyid yin pa la/ phyogs su bltas pas 'grub pa med/ ces 'byung ba yin no// da ni bde ba la
- 10a
chags pa dang bral ba'i skabs 'chad de// chags na skyon du 'gyur ba'i don ston to// de lta'i bde dang phyi ma'i mngon sum pa dang rgyab las byung // zhes pa ni/ chos thams cad kyi bde ba'i rgyu ni// nam mkha' dang 'dra bas bde ba snga ma dang phyi ma zhes bya ba med do// de las sangs rgyas su bya ba'i yan lag ye shes chen po mdun nas 'byung ba dang / rgyab nas rnyed pa'i ye shes dang / sangs rgyas kyi che ba'i yon tan grangs med pa rnams len pas thob par bya ba dang / thob zin pa rnams thams cad kyang / mtshan ma med pa'i dbang gis lta ba'i mthus 'grub mod kyis/ de yang rnam pa'i skyon yin pas/ de la brten par mi bya'o// zhes 'byung ba yin no// da ni gdod ma nas che ba nyid kyi snying po la/ rang bzhin gyis gnas pa'i skabs 'chad de/ bya ba med pa'i don ston to// dus gsum cig ste khyad par med// sngon med phyis gdod nas byung / zhes pa ni/ chos thams cad 'du ba dang 'bral ba med pa'i phyir/ dus gsum cig ste khyad par med do// chos kyi dbyings ni cig char 'char te/ mtha'i mun pa med pa'i phyir/ sngon yang med phyis yang med gdod ma nas byung ba nyid do// chos sku khyab pas cig pa'i phyir/ zhes pa ni/ mi gnas pa'i dbyings la mnyam pa nyid kyi phyir/ chos kyi sku ni nam mkha' ste/ nam mkha' ni kun tu khyab pa la//
- 10b
nam mkha' la gnyis su med de/ cig pa'i phyir ro// de lta bas na che ba'i rgyan dpal phun sum tshogs pa mnyam par gnas pa// thams cad la khyab ste gnyis su med pa'i phyir/ che bas chen po rang bzhin gnas// zhes 'byung ba yin no// da ni kun tu smon lam chen po dang / bral ba'i skabs 'chad de// ci la yang mi gnas pa'i don ston to// srid pa gsum na sbyor ba yang // ming tsam sgyu mar snang ba ste// zhes pa ni/ srid pa gsum mi dmigs pas sgyu ma dang sprul pa lta bur sbyor ba'o// de la mi gnas pa'i thabs kyis gnas pa ni// ming tsam sgyu ma nyid du snang ngo // 'khor lo bsgyur ba'i gnas chen yang // zhes pa ni/ 'khor lo bsgyur ba ni gling bzhi'i rgyal por grags te/ 'khor lo ni mi gnas pa// bsgyur ba ni rnam par sbyong ba'i mtshan ma ste/ de yang mngon par byang chub pa'i gnas thob pa med pa'i dbyings su 'gyur ba'i rgyu des 'dul te// de bas na/ sgyu mas sbyong ba'i gnas chen yin// zhes 'byung ba yin no// rnam smin dus las bltos pa'i rnams// dus de 'byung bar mi 'gyur te/ zhes pa ni/ chos nyid ni ye nas gnas pa cig par rdzogs pa yin pas dus med do// dus med pa la 'byung bar 'dod pa rnams ni shin tu 'khrul pa ste// dper na 'o ma 'dod pa rwa la bzhos pa bzhin no// ma bral smon pa spyod pas na/ zhes pa ni/ ma bral ba ni chags pa mi
- 11a
gtong ba ste// rmi lam gi nor dang 'dra ste spyad pa la sman par mi 'gyur ro// de ltar chos thams cad stong pa nyid kyi rang bzhin snang bar mi 'gyur ba dang / mngon du gyur pa'i mthu med par// de la gzas shing 'khrul pa'i blos btsal bar gyur pa ni ji ltar bcom ldan 'das kyis stong pa'i rang bzhin/ ci yang med pas/ stong pa'i mtshan nyid gsungs pa bzhin/ zhes 'byung ba yin no// de ni lung ston pa'i skabs 'chad de// lung ni rna bar brgyud pa ste/ mngon du gzhag par mchi bas// brda ci rigs pa tsam zhig bshad pa yin no// gcig ste rnam pa yongs kyis med// rnal 'byor nam mkha'i bya lam gnas// zhes pa ni/ de bzhin nyid ni gcig ste rnam pa dang khyad par gi ming med do// de ltar gleng gzhi thams cad dang bral bar sbyor bas rnal 'byor te// de yang mi gnas pa'i tshul gyis kun tu bzang po'i bde ba la rol pa ni// nam mkha'i bya lam bzhin du mi chags mi gnas pa'i phyir ro// ma byung mi skye snying po la/ zhes pa ni/ de bzhin nyid ni brten pa thams cad dang bral bas ma byung ba'o// brjod pa thams cad dang bral bas na skye ba med de// mtha' dang dbus gnyis ka la mi gnas pa'i phyir snying po yin la/ smra ba dang bsam pa'i yul med de// rang bzhin gyis che bas bde ba la gnas pa'i phyir// sgros btags chos kun ga la yod//
- 11b
ces 'byung ba yin no// phyi nang gnyis ka phyi nyid nang / zhes pa ni/ phyi ni rtsol ba'i byang chub kyi sems so// nang ni bde ba la gnas pa'o// rtsol ba ni bdag med pas zhi ba ste nang ngo // nang ni bde ba la gnas pa ni// rgyu med pa'i dbyings la gnas pa na// thob pa'i bsam pa dang ldan pas phyi'o// de ltar phyi nang gnyis ka la thob pa'i rab ni// phyi'i yul mi 'byung gi/ nang nyid du blta bas 'khrul pa'i phyir 'gyur te// 'di dag ni nang ma dag la phyi rol sgom pa la sgom pa'i nad do// zab mo'i cha shas rtogs yul med// zhes pa ni/ zab mo ni zhi ba chen po ste rnam par dag pa'i dbyings so// de la byang chub kyi sems mngon du 'char bar byed pa ni// cha shas phra ba ste mi dmigs pas rtog pa'i yul med do// srid pa ming tsam log pa'i stabs// zhes pa ni/ snang ba'i chos 'di dag thams cad rang bzhin gyis che ba nyid de mnyam pas zhi 'o/ de la yang 'khrul pas chags pa'i lta bas// srid pa ming tsam mo zhes 'khor ba'i phyir ro// de bas ting 'dzin mnyam dang bral// zhes pa ni/ rnam pa kun tu zin pa'i chos la mnyam par bzhag pa dang // dgongs pa'i dbang dang / rnam par bkod pa dang / ting nge 'dzin la sogs pa/ sgyu ma'i rnam par thar pa thams cad 'ching ba ste/ de bas ting 'dzin mnyam dang bral// zhes 'byung ba yin no// de la tha tshig phyi
- 12a
dang nang / rang bzhin phung po khams bzhin gnas/ zhes pa ni/ de la tha tshig la rnam pa lnga ste/ gang zhe na/ sa dang / chu dang / me dang / rlung dang / nam mkha' dang 'dra'o// 'byung ba chen po lnga po 'di/ de bzhin gshegs pa thams cad kyi che ba nyid de// zab mo'i thabs kyis sems can thams cad la khyab par gnas te/ thams cad kyang che ba nyid mi gtong ba'i dam tshig rjes su sbyong ngo // de yang rang bzhin thams cad kyi gnas kun la gsang ba'i tshul gyis gnas te/ phung po ni mnyam pa nyid kyi gtso bo lnga'i mtshan nyid do// khams ni kun tu bzang po'i byang chub kyi che ba'o// de bzhin du skye mched la sogs pa de'i rgyus sgyu ma la sogs pa'i thabs so// de bzhin du chos kyi rgyal po ltar dbang du mdzad pas/ rtag du de la gnas pa dang / mi 'bral ba blangs pa dang / dor ba med pa'i phyir dam tshig blang ba yang / dus gsum de dang mi 'bral bas/ tha tshig ming du btags pa med/ ces 'byung ba yin no// da ni mnyam pa nyid kyi chos la dbang bsgyur ba'i skabs 'chad de/ mi rtsol mi sems par lhun gyis grub pa'i don ston to// mi g.yo ba ni sku'i rgya/ mi bskyod de nyid ye shes te/ zhes pa ni/ chos thams cad skye 'gag med de mnyam pa nyid la gnas pa ni/ sku nam mkha' dang 'dra bas kun du khyab pa ste/ de ni phyag rgya chen po'o// de la
- 12b
len pa'i bsam pa dang / mngon par rtogs pa'i yul med pas/ mi bskyod pa nyid ye shes te/ shes pa med pa'i dbang thob pas so// mi len pas na bdag med cing mi 'dor tshig bral mnyam nyid do// zhes pa ni/ mi len pa ni bdag med pas/ blang ba'i yul med pa'i phyir/ smra bsam las 'das pas na/ tshig dang yi ge'i don la sogs pa dbye bsal byed pa med pa'i phyir// mi 'dor ba'i mnyam pa nyid do// gang dang gang gi gang du yang // kun 'khol kun spyod bdag las byung / zhes pa ni/ gang dang zhes pa ni 'das pa'i/ gang gi zhes pa ni da ltar gyi/ gang du zhes pa ni ma 'ongs pa'i don te/ de rnams la ming gis bgrang ba'i rnam pa dang bral ba ste/ dper na yid bzhin gyi nor bu rin po che mngon du gyur pa na/ ci tsam du spyod pa dang / gzhan la ston pa dang 'dra bar// rang dbang gi ye shes chen po dang ldan pa'i dus na/ rnam pa brgya stong du spyod na yang / mi zad pa'i gter bdag las byung ba'i phyir// kun 'khol kun spyod bdag las byung // zhes 'byung ba yin no// de bzhin du skye ba mi mthun pa'i dbyings ma yin pa dang / chos thams cad kyang cig pa dang / kun tu bzang po'i thabs 'jig rten kun la mnyam pa nyid du rol pa'i phyir/ 'di la skyes pa bud med zhes/ mnyam pa'i rgyal pos yong ma gsungs/ zhes 'byung ba yin no// da ni dngos grub
- 13a
chen po bde ba thams cad len pa dang / chags pa spong ba'i skabs 'chad de// de'i zhor la dka' thub las chos mi 'byung ba dang / sems mi gdung ba dang / byang chub sems la dbyer med pa'i don ston to// 'di la brtul zhugs drag shul gyis// gnas su bya ba ming med de/ zhes pa ni/ chos nyid kun tu bzang po la shin tu bde ba dang / bla 'og gi mchog gi thabs kyis dbyings la rol pa'o// dka' thub ni nyon mongs pa len pa dang / sems gdung ba ste 'khrul pa'i nad do// de bas na dka' thub kyi gnas ni brjod par yang mi bya'o// de la mtshan ma med pa'i dbang gis thabs gang du rol kyang bde ba 'byung ba dang / sgyu ma ltar gang du bskyed kyang thabs kyi mthu bsam gyis mi khyab pas/ de bzhin du 'gyur ba dang / de bzhin du snang ba'i dmigs pas ston te/ de ni 'ching ba'o// a dang par ni rnam ldan pas/ sgyu ma'i bde ba skye bar 'dod/ zhes pa ni/ a ni chos thams cad ma skyes pa'i rang bzhin gong du bshad pa nyid do// pa ni chos thams cad bskyed pa'i bdag nyid pad mo'i rang bzhin te/ de ltar thabs dang shes rab tu ldan pas sgyu ma'i rang bzhin bde ba gang 'dod pa ltar skye bar 'gyur ro// de ni zin pa'i skyon yin te/ rang bzhin du ma skyes pa'i skye ba ni ma yin pa'i phyir ro// rang bzhin gcig du ma nges pas// ji ltar bltas
- 13b
pa der snang ste/ zhes pa ni/ ci'i phyir zhe na/ rang bzhin gcig du ma nges la/ gzung ba dang 'dzin pa ma spangs pa'i phyir skye bar 'gyur bas// bltas par gyur pa'i skyon snang ba ste// chos nyid kyi 'khrul pa ni 'gyur pa yin la// ming 'dod pas bskal pa'i rgya mtsho'i rlabs kyis kun tu snang bar 'dod cing rtsol ba ni// sangs rgyas su btsal na yang skyon no// sems de'i bde ba la gnas pa bus pa'i spyod yul 'khrul pa yin pas/ snang 'dod rtsol sems bde ba yang // de ni de sgrib skyon chen yin// zhes 'byung ba yin no// byang chub yan lag kun gyi sgo/ chu lugs sgom pa chu zla bzhin/ zhes pa ni/ byang chub kyi lam sa bcu bgrod pa dang / thabs kyi snying po dang / yi ge 'brus byang chub kyi cha lugs ji bzhin par 'dzin cing / chu zla dang 'dra bar 'byung yang bya ba dang ma bral ba'i mtha'o// de bas na/ ma chags ma gos 'byung 'gyur yang / sgom pas byas pa'i spyod yul bzhin/ zhes 'byung ba ste/ de bzhin du byang chub kyi che ba'i sku/ dmigs su med pa mngon du 'char te 'byung ba yang / bsgoms pa dang re ba'i mthu las gyur pa'i phyir/ skyon chen po yin te/ bslad pa'i byis pa'i spyod yul bzhin no// dkyil 'khor khro gnyer cha lugs kyis/ khro bdag chen po'i lugs bzung nas// yi ge mngon du byung na yang / zhes pa ni/ de bzhin du gong ma ltar sgom pa
- 14a
dang sgrub pa'i yan lag zhal nas gsungs pa'i dkyil 'khor sgrub pa'i mthus// khro bo'i sku yi rang bzhin yi ge'i cha lugs mngon du byung na yang // sgom pa dang mngon du gyur pa'i skyon re/ zhi ba de bzhin nyid med pa'i phyir ro// zhi ba de bzhin nyid mthong ba min// zhes gsungs pa min no// ta la'i mgo bo bcad pa dang / sa bon me yi bsregs pa bzhin/ zhes pa ni/ nyon mongs pa'i dbang gis 'khor ba chen por mi 'gyur ba'i thabs bstan pa/ yan lag du sgom pa'i thabs kyi skabs 'dis ston te/ rnam grangs brgya stong phrag yas pa/ gang ltar bskyed kyang mi tog skye/ zhes pa ni/ sgrub pa dang dngos grub rtsol ba la yang rnam pa gnyis te/ nges pa'i lung dang rang bzhin no// nges pa'i lung ni mnyam pa nyid chos kyi dbyings la mnga' bsnyes pa na/ gang ltar bsgrubs gang du dmigs pas// mngon sum pa dang 'dra bar mngon du gyur kyang / chos kyi dbyings la 'char ba dang / dbang chen gyi mangs bsgyur ba ste 'ching ba med do// sprul pa ni kun tu bzang po rol pa'i rgyan las 'dul bar mdzad pa'i sgyu ma'i sprul pa bdag nyid chen po las gtong ba'i phyir// sgrib pa dang 'ching bar mi 'gyur ro// mtshan ma med pa'i dbang gis na// bsti gnas de las 'byung mi 'gyur// zhes pa ni/ chos nyid kyi byin rlabs kyi mthu la brten pa ni/ dper na yid
- 14b
bzhin gyi nor bu rin po che la brten nas/ de nyid las yid bzhin gyi nor bu rin po che 'byung ba dang 'dra bar/ skabs 'dir mtshan ma med pa'i chos nyid dbyings kyi dbang gis byang chub sems dpa' chen po rnams kyi/ sku dang gsung dang thugs kyi rang bzhin bsgrubs te grub pa'i skyon gyis bde ba'i bsti gnas su 'gyur gyi/ rnam par grol ba chen po ni ma yin no// da ni rtsol ba dang bral zhing mnyam pa nyid du mi g.yo bar gnas pas/ bde ba chen po thob par 'gyur ba'i skabs 'chad de/ byang chub sems kyi rang bzhin gleng gzhi thams cad dang bral ba'i don ston to// gleng bral 'di la gnas pa'i/ rnal 'byor de ni skal pa bzang / zhes pa ni/ mi skye ba'i chos nyid la bya ba med de/ bya ba med pa ni gleng gzhi dang bral ba'o// de la bde bar gnas pa'i rnal 'byor te/ chos kyi gter nam mkha' dang ldan pas skal ba bzang po'o// bdag dang gzhan don mi 'byed pas// sgyu ma lhun grub yul la rol/ zhes pa ni/ gzung ba dang 'dzin pa'i mtha' spangs pas/ chos kyi dbyings su la 'khrul pa med pas rnam par dbyer med do// mi gnas pa'i snang ba thams cad ni sgyu ma chen po ste/ de'i mnyam pa nyid kyi yul la rol pas// lhun gyis grub pa'i dbang chen no// da ni chos nyid kun tu mi 'gyur bar gnas pa'i skabs 'chad de/ byang chub kyi sems nam
- 15a
mkha' ltar mi 'gyur ba'i don ston to// lhag ma med pas yongs su rdzogs/ 'gyur ba ma yin drang por gnas/ zhes pa ni/ chos thams cad mtha' dang dbus med pas/ byang chub snying po yongs su rdzogs pa'i dbyings cig pa'i phyir ro// chos nyid la gzugs med de nam mkha'i rang bzhin du ye nas gnas pa la// g.yo ba'i mtha' thams cad dang bral ba'i phyir// de bsrang ba'i mthu dang ldan pa gang nas kyang mi 'byung bas na/ dus gsum du ma nor ba'i dbyings drang por gnas pa yin no// nam mkha' bzhin te mtha' mnyam zhing // gzhan la ltos 'gyur chos ma yin// zhes pa ni/ rang bzhin chen po'i ye shes ni// mi dmigs pa'i mtha' nam mkha' dang 'dra ste/ rnam pa kun du mnyam pa chen po'i phyir ro// mnyam pa nyid ni gzhan las 'byung bar mi 'gyur te/ smra ba dang bsam pa'i yul thams cad las 'das par sbyor ba ni/ mtshungs pa med pa'i chos nyid ni/ rang gis mthu'i rig pa las/ zhes 'byung ba'i phyir/ sgom pa dang bsgrub pa'i stobs gzhan la brten pas/ chos ni 'byung bar mi 'gyur ro// zhes gsungs pa yin no// sla zhing dka' la sla phyir dka'/ zhes pa ni/ ye nas snying po byang chub la gnas pa dang / rdul tsam bya ba med pa'i phyir sla'o// mi dmigs pa nam mkha'i spyod yul la/ thabs med pas bgrod pa ni shin tu dka'o//
- 15b
de ltar yongs su rdzogs pa'i rang bzhin la/ 'di ni sangs rgyas so// 'di ni chos so// 'di ni dge 'dun no// zhes 'bras bu gcig la rgyu gsum du phye ba ni bslad pas gsungs pa'i phyir dka' bar 'gyur la// mi g.yo bar sla ba las rnam par btsal ba'i dka' ba 'byung ngo // mngon sum mi gnas kun la khyab/ zhes pa ni/ chos nyid de ma zag gi bde ba ni mtshan ma med pa ste// dmigs pa'i yul ma yin pa'i phyir// mig gis mthong ba dang / rna bas thos pa'i yul med do// de bzhin du kun tu khyab pa dang / snying rje chen po la gnas pa'i mthu tha mi dad cing / mngon par 'char ba cig pa'i phyir// kun du khyab pa yin no// de la yang thob pa dang btsal ba dang bcas pa rnams ni/ dper na ri 'ong gi rwa dang mo gsham kyi bu bzhin thob pa med de// gnas med pa'i phyir/ ming tsam 'di zhes bstan par ni// rdo rje sems dpas mtshon du med// ces gsungs pa yin no// da ni rgyu rkyen las ma grub pa'i phyir/ rnam par mi rtog pa'i dga' ba la chags pa'i skyon bstan pa'i skabs 'chad de/ bde ba chen po rgyu rkyen las mi 'grub pa'i don ston to// ngo mtshar smad byung rol pa 'di// bya bral nam mkha' ji bzhin te/ zhes pa ni/ bcom ldan 'das kyi sku dang gsung dang thugs kyi bdag nyid med pa las/ kun tu bzang po'i rol pa la mnyam par gnas pa ni/ ngo mtshar
- 16a
che'o// mi gnas pa'i sprul pa sgyu ma'i 'jig rten gyi 'dul ba rmad du 'byung ste// bya ba med pa las bde ba'i mchog nam mkha' dang 'dra bar mi 'gyur bar gnas pa ni/ chos nyid kyi mangs sems can gyi zhing la rol cing ci yang mi mdzad pa'o// cir yang mi dmigs gti mug la// de ma zag du rang las 'byung // zhes pa ni/ de bzhin du rang byung ba nam mkha' dang 'dra'o// nam mkha' ni cir yang mi dgongs te gti mug chen po'o// de ltar gti mug chen po de las de ma thag du shes rab kyi rang bzhin chos kyi dbyings su 'char bar 'gyur te// de bas na/ cir yang mi dmigs gti mug la// de ma thag du rang las byung / zhes gsungs pa yin no// 'di ni thams cad mtshungs pa'i lam// 'gro ba kun gyi rang bzhin gnas/ zhes pa ni/ sems can thams cad mi dmigs pa la mnyam par gnas pa dang // mtshan nyid grangs med par ston kyis kyang / snying po byang chub kyi rang bzhin cig pa la/ phyin ci log gis bslad pas bsgribs pa'i phyir/ skad cig ma la gnas te/ de yang byang chub kyi rgyu'i phyir/ byis pas bslad pas 'khrul pa'i phyir// sman nyid sman pa tshol ba bzhin/ zhes pa ni/ dper na sman zhes bya ba'i ming gis sems can thams cad kyi sdug bsngal sel bar byed pa yin na/ de yang sman pa zhes bya ba'i ming thob pas ma
- 16b
sbyar ma btad na/ bsod par mi 'gyur ba dang 'dra bar/ phyin ci log kyang byang chub kyi rang bzhin yin mod kyi/ phyin ci ma log pa yang byang chub ste/ thabs mkhas pa'i yul yin pas/ de bas na/ sman nyid sman pa tshol ba bzhin/ zhes 'byung ba yin no// da ni 'gro ba thams cad rang bzhin gyis sangs rgyas pa'i che ba nyid du gnas pa'i skabs 'chad de// byang chub kyi sems ye nas rnam par dag pa'i don ston to// go paba'i yul na bde ba che// de nyid rnam dag 'jig rten yin// zhes pa ni/ chos thams cad zhi ba dang bya ba med par gyur pa na/ bde ba chen po ste kun tu bzang po'o// gang de bzhin du gnas pa dang / gnas pa de nyid gzung ba dang 'dzin pa la mi ltos pa ni/ dus thams cad du rnam par dag pa'i 'jig rten na gnas pa zhes bya ste/ de la yang ming tsam du chos thams cad la mnga' brnyes pa'i dbang gis phyogs mtshams dang / bla 'og la sogs pa gnyis su med pa'i bde ba las 'od 'dus pas/ phyogs bcu'o zhes sgyu ma'i mtshan nyid du rnam par bsgrags te/ de yang las dang rang bzhin no// de la rang bzhin ni chos kyi dbyings ye nas gnas pa'i mthus/ mi 'gyur ba'i 'jig rten sgyu mar gnas pa'o// las ni bltos pa'i mthu las sgyu mar snang bas/ de la phyogs kyi 'od 'dus pas/ phyogs bzhi mtshams dang bla 'og 'grub/ ces 'byung
- 17a
ba yin no// ma nges 'ja' tshon kha dog las/ rigs kyi khyad par mngon par snang / zhes pa ni/ 'ja' tshon ni ma nges pa'i dpe ste/ kha dog rnam pa sna tshogs pa sems can du snang du snang ba rnams so// de la skye ba'i rgyu de mi mthun pa'i kha brgyud cing skye ba rnams ni/ rigs kyi khyad par snang ba rnams so// de bzhin g.yo rdul mi g.yo ba/ 'byung ba lnga pas gtso chen yin/ zhes pa ni/ de la g.yo ba'i rdul ni ma lus pa'i sems can no// mi g.yo ba ni snod kyi 'jig rten te// gzhan gyi dbang gis ni g.yo zhing spyod la/ rang gi mthun ni mi g.yo ba'o// rdul zhes pa ni mi dmigs par don cig pa'i phyir ro// 'byung ba lnga ni snying rje chen po lnga ste// de bzhin du g.yo ba dang mi g.yo ba'i rdul la mtshungs par gnas shing lhag pa'i bsam pa thams cad dang bral ba'i phyir sangs rgyas chen po lnga yin no// nga ni tshogs dbul ba dang / rnal 'byor gyi dbang phyug 'das pa dang / da ltar gyi dang ma byon pa'i rnams mchod cing bskul ba dang / rgyud dang gal po'i rnams las sngags dang phyag rgya dang ting nge 'dzin du bya bas// spyan drang ba dang bshos gsang sbyar ba dang / sems can gyi don du 'gyur ba'i thabs su gsungs pa yang mang mod kyi// de ni lung dang man ngag nges pa ma thob pa rnams la bstan pa ste/ sbyang ba'i don no// da ni rang bzhin gyis gnas pa dang //
- 17b
yongs su rdzogs pa'i skabs 'chad de/ byed pa thams cad dang bral ba'i don ston to// 'das dang ma byon da ltar gyi/ tha snyad ming la mi gnas te/ skye 'gag med par rnam brtags shing / 'di nyid dus gsum chen por sbyor/ zhes pa ni/ 'das pa dang ma 'ongs pa dang da ltar 'byung ba'i ming yang sgyu ma'i bla dgas te/ dus zhes bya ba ci yang med pa la/ dus gsum du gses pas 'khrul pa ste/ tha snyad dang ming tsam mo// skye 'gag med pa'i chos la byang chub nyid kyang len pa med/ sangs rgyas su yang gnas par mi 'dzin na/ dus dang khyad par lta ci smos te/ de ma thag gcig las yang gsum 'byung ste/ de ma thag gcig sngon ma ni 'das pa'o// de'i bar pa ni da ltar gyi'o// de'i 'og ma ni ma 'ongs pa ste/ de bzhin du gcig nas gcig du skyes pa mi rtag pas zhi bar 'gyur te/ de ni chos nyid kyi rol pa ste/ chos kyi dbyings dang 'dra bar thams cad du gnas pa yin no// de bas na/ skye 'gag med par rnam brtags shing / de nyid dus gsum chen por sbyor/ zhes 'byung ba yin no// mnyam pas rin par bkod pa med/ gcig pas phyogs su sngo dang / bral/ zhes pa ni/ mnyam pa nyid ni yongs su rdzogs pa ste/ mchod sbyin dang tshogs la sogs pa rim par che ba dang dus nges pa med do// kun tu bzang po'i spyod pa ni/ rnam par mi dbye zhing phyogs thams cad
- 18a
gcig pa'i phyir/ 'di'o zhes bsngo ba lhag pa med do// chos kyi rgyan dang bkram pa yang // rang bzhin gnas pas 'grems pa med// ces 'byung ba yin te/ bcud kyi 'jig rten 'dod pa'i yon tan lnga la sogs te/ kun tu bzang po'i rgyan du gyur pas na/ chos thams cad kyi rgyan zhes 'byung ba yin no// de rnams da gzod 'grems zhing rim par dgod mi dgos te/ ye nas gnas pa'i phyir 'grems pa med do// lhun gyis grub pas mi bsngo zhing / gdod nas dag pas bdud rtsi la// zhes pa ni/ thams cad kun tu bzang po'i rgyan yin pa'i phyir// lhun gyis grub ste khyad par med pas bsngo ba med la// khyad par med pa'i chos ni/ sdug bsngal gyi nad thams cad dang bral ba ste/ bdud rtsi dang 'dra'o// de yang gdod ma nas grub pa'i bdag nyid can no// 'du mched bcu gnyis khyad par du/ lhag pa'i bsam pas gzung ba med/ zhes pa ni/ 'du ba dang mched pa ni dbang sgyur ba'i chos can te/ gzungs kyi rang bzhin no// mi gnas pa'i bde ba la/ chos kyi dbyings su 'du ba dang / bdag gi rol pas kun tu bzang po'i rgyan thams cad du longs spyod pas mched pa ste/ mched pa ni sems can thams cad mi gtong ba'i snying rje shes rab kyi mes// sdug bsngal gyi rgya mtsho skems pa la mched pa ste/ nang gi rol pa drug dang / phyi'i bde ba len pa
- 18b
drug ste bcu gnyis so// de rnams kyang rang bzhin gyis gnas pa dang / 'jig rten thams cad mtshungs par sbyor ba dang / rgyu gcig pa las kun tu 'byung ba'i phyir/ lhag pa'i bsam pas bsngo zhing gzung du med do// zhes bstan pa yin no// da ni lhun gyis grub pa'i skabs 'chad de// bya ba med pa'i don ston to// yud kyis bsam pa yon bdag ste/ bltas pa'i stobs kyi bkram pa'o// zhes pa ni/ mi gnas pa'i ting nge 'dzin la yud tsam du gnas pa ni/ chos kyi dbyings la dbang ba ste/ dper na chos thams cad kyi rgyal po ni yon bdag chen po zhes bya'o// de ltar bltas pa'i yul med pas/ grub pa'i stobs su gyur pa ni chos thams cad tshogs su bkram pa'o// mthong bar gyur pas dngos grub la// de ni mnyam bzhag rdzogs pa'o// zhes pa ni/ tshogs de dmigs par mthong ba ni mi 'gyur ba'i dngos grub chen po'o// de la mi gnas pa'i yongs su rdzogs pa'i mnyam pa nyid do// yud tsam bzung bas sbyor ba yin// dga' bar gyur pa dam tshig ste/ thabs kyi gar thabs bskyod pa yis// gnyis med sbyor ba phul ba yin// zhes pa ni/ bdag dang gzhan du mi dmigs pa ni chos kyi dbyings la sbyor ba ste/ sbyor ba chen po zhes bya'o// de bzhin bde ba la gnas pa ni/ kun tu bzang po ste dga' ba chen po'o// chos kyi dbyings ma dang dga' bar ldan pa na//
- 19a
mi gtong ba'i shugs nam mkha' dang 'dra bar sbyor bas// dam tshig ste nyams pa med do// sgyu ma'i sprul pa 'gyed pa ni thabs kyi gar thabs so// gzungs dang bde bar ldan pa'i don las 'byung bas na// bskyod pa ni chos kyi dbyings rang bzhin gyis dmigs su med pa dang / chos kyi dbyings la kun tu bzang po mi dmigs pas// gnyis dang gnyis su med pa'i sbyor ba yin zhes 'byung ba yin no// da ni las rgya mtsho mnyam par bzhag pas 'grub pa'i skabs 'chad de// gzungs de dang bdag dang bcas pa'i gtor ma ston to// mi gzung gtor bas gtor ma yin// bya ba med pas las rnams zin// mi rtog ye shes bgegs bsal nas// mi gsung mnyam bzhag sngags tshig go/ zhes 'byung ba yin ste// de la chos thams cad ni gzung ba dang 'dzin pa'i mtha' spangs te/ mnyam pa nyid la gnas pa mnyam pa nyid kyang mi rtog pa/ 'di ni gtong ba chen po ste sdug bsngal thams cad zhi bar byed pa'i gtor ma'o// bya ba thams cad bral ba mi lhun gyis grub pa ste/ chos kyi dbyings kyi mthu dang ldan pas/ 'khor ba dang mya ngan las 'das par gyur pa'i las thams cad zil gyis mnan pa yin no// de la rnam par rtog na 'khor ba'i rgya mtsho ste bgegs chen po'o// mi rtog pa ni ye shes kyi nyi ma ste/ chos thams cad la mnga' brnyes pas/ phyi
- 19b
nang gi bgegs thams cad zil gyis mnan pa dang bsal zin pa'o// mnyam pa nyid las chos cig byung bas// rgyud 'dzin pa'i mthar 'gyur te/ bgegs kyi gnas so// de la gzung ba dang bral ba ni byang chub ste chos kyi dbyings kyi mthu'o// de bzhin du mi gsung bar 'dul ba ni sngags kyi tshig dam pa'o// da ni thabs med cing mi mkhas pas/ bdag dang bcas pa'i sbyin pa dang / gtong ba dang / bsod nams kyi tshogs bsags pa rnams la/ nyon mongs par 'gyur ba'i skabs 'chad de/ de bzhin gshegs pa la chags pa dang ma chags pa'i don ston to// bla ma mchod dang gtong ba dang / de bzhin bsod nams thams cad kyang // ma chags mi g.yo stobs med na// byas na 'ching ba chen por 'gyur/ zhes 'byung ba yin te/ bla ma zhes pa ni byang chub kyi snying po de// rang gi rig pa las byung ba'i sangs rgyas so// ci tsam du bdag chos nyid bde bar gnas pa na// 'khor gsum chen po yongs su tshim pa'i mchod pa chen po ste/ de mi byang chub kyi snying pos mchod pa'i rang bzhin no// de la rdo rje slob dpon ni chos nyid kyi rang bzhin te/ chos nyid de slob ma la 'byin par mdzad pas/ ston pa po sangs rgyas kyi spyan kyi yang spyan zhes bya'o// chos kyi mchod pa 'bul ba dang / yid bzhin gyi nor bu rin po che rang las mchod pa dbul bar bya'o// de bzhin
- 20a
du bsod nams su bya ba yang / zin pa med pa'i gdeng dang / chags pa med pa la mi dmigs par mi sbyor gyi/ bsod nams so zhes g.yo ba'i sems dang ldan na/ nyon mongs pa'i sa bon 'debs kyi/ bsod nams mi byed do// de la ma chags pa ni rgyu/ mi dmigs pa ni sbyin pa chen po ste/ de bzhin du bsod nams thams cad nang du bsam par bya'o// de lta bas na/ byas na 'ching ba chen por 'gyur/ zhes 'byung ba yin no// da ni lung 'grel pa ming dang brdar bstan pa'i skabs 'chad de/ de bas lung de de nyid las/ de bas de bya sgrib par 'gyur/ de ltar de las de rtog na/ de la de nyid grub pa med/ ces 'byung ba yin te/ de ni de bzhin nyid de lung de nyid la bya'o// de bzhin nyid la de bzhin nyid tshol bas sgrib par 'gyur te// btsal ni sgrib par 'gyur ro// de bzhin nyid de las de bzhin nyid blangs te/ thob pa'i de bzhin nyid de la gnas na/ rtog pa chen po ste/ nyon mongs pa'o// ci'i phyir zhe na/ zin pa'i chos nyid la bya bar rtsol ba ni/ nam mkha'i khams gzod bkod pa dang 'dra ste grub pa'i mtha' med do// de ltar bas na zhi ba mnyam pa chen po la ci dgar spyod cing // kun tu bzang po'i spyod yul la gnas na chos nyid yin no// zhes bcom ldan 'das lung thams cad kyi rang bzhin/ dpal rdo rje sems dpa'i gsungs pa
- 20b
rdzogs so// / mnal// / // rgya gar skad du/ many+dzu shrI tan tra tsa ta ri a ta la tran na ma/ bod skad du/ 'phags pa 'jam dpal gyi rgyud bzhi'i don gsal bar byed pa'i rmad ces bya ba/ dpal rdo rje 'chang la phyag 'tshal lo// 'd-i skad bdag gis thos pa'i dus cig na/ bcom ldan 'das pad+ma brtsegs pa'i gnas// yid 'dren gyi tshal na bzhugs te/ rdo rje 'chang dang mkha' 'gro ma rnams dang thabs gcig go/ de'i tshe gsang ba'i bdag na las bzhengs te/ 'di skad ces gsal to// kye bcom ldan 'das 'chang / chud kyi rgyal po 'jam dpal rnam pa bzhi/ de'i don gyi dgongs pa de ltar lags/ 'jam dpal zhes bya tsa la bgyi/ rgyan zhes ba ji ltar lags/ zhes zhus so// de nas yang ston pas bka' stsal pa/ 'jam dpal sde bani ngas bshad kyis// rdo rje 'dzin sogs legs grangs cig/ 'jam dpal sde bzhi dgongs pa ni// rang ring mtshan nyid bsdad pa bshad/ dang po zhus pa'i don bshad de// 'jam dpal zhes pa rnam pa gnyis// tshig dang de bzhin don du bshad// tshig rgyud le'u bcu pa'o// // tha snyad spros pa bstan pa ni// ston pas
- 21a
dgongs pa ma nor bshad pas ni// tshig gi 'jam dpal dam pa yin// don gyi 'jam dpal dam pa yin// don gyi 'jam dpal rnam pa gnyis// sangs rgyas dang ni bde legs dgongs// sangs rgyas sku dang ye shes te// 'jam dpal chos sku gnyis// bdag gzhan gdul bya gnyis kyi dpal// 'jam dpal chos kyi dbyings zhes bya// mnyam pa nyid kyi ye shes gnyis// ye shes rnam gsum dpal yin no// 'jam dpal dang la dpal gyis so// 'jam dpal bcom la dpal gyis ldan// de'i dgongs pa dang sbyar na// 'jam dpal dang sde ma bcos g.yos po du med// rang bzhin ma 'gags sku dang ye shes dpal// ma 'gags don la sbyor ba'o// 'jam dpal zhes kyang de la bya// don gyi 'jam dpal kun mthun te// tshig rgyud le'u bcu pas/ rgyud dang lnga'i bdag nyid can/ zhes gsungs so// 'jam dpal bshad pa'i rgyud las/ 'jam dpal spyi'i bstan pa ste/ le'u dang po'o// // de nas yang ston pas gsungs so// rdo rje 'dzin pa ngos zungs shig/ ye shes la yang rnam pa gnyis// tshig dang don du ston pa yin// don gyi ye shes rgyu yang lnga// yang na gnyis su bsdus pa yin// phra 'byung med dang ye shes dang // dman pa'i don kyang de bzhin no// tshig gi ye shes rdzogs chen lung // gzhan gyi ye shes don mi shes//
- 21b
rdzogs chen ye shes gtan 'bebs pas// ye shes don gyi ngo bo gsal// ye shes zhes kyang de la bya// rgyun zhes bya ba rnam pa gnyis// brjod bya don dang // brjod byed tshig/ tshig gi rgyun ni rnam pa gnyis// 'jam dpal tshig la rdzogs chen lung gi brgyan/ rdzogs chen tshig la 'jam dpal lung gis brgyan/ gcig la mdzes gser la g.yul sbrang 'dra// don gyi rgyan ni rnam pa bzhi// chos nyid dag la chos kyi sku yis brgyan// chos kyi sku la ye shes kyi gdangs dang chas pas brgyan// ye shes gdangs la thugs rje'i gzugs skus brgyan// thugs rje'i sku la bstan pa'i snying pos brgyan// rgyan zhes bya ba de ltar ro// ces gsungs so// 'jam dpal bshad pa'i rgyud las/ ye shes rgyan gyi bshad pa ste/ le'u gnyis pa'o// de nas yang lag na rdo rjes zhus pa/ dgongs pa zhes ni ci la bgyi/ 'dus pa zhes pa ji ltar lags/ thugs rje chen pos gsungs du gsol/ ces zhus so// ston pas bka' stsal pa// rdo rje 'dzin pas ngos zungs shig/ dgongs pa zhes pa'i bya ba ni// gdul bya'i bsam pa la dgongs nas// rab 'bring blo dang sbyar nas su// tha ma rnam la mtshan nyid sde gsum bstan/ 'bring la gsang sngags phyi nang bstan/ rab la a ti ma nor bstan/ dgongs pa zhes kyang de la bya// 'dus pa bya ba rnam pa gnyis// spyi'i dgongs pa tshad du
- 22a
'dus// mtshan gyi dgongs pa le'u lngar 'dus pas// 'dus pa zhes ni bya ba'o// ces 'jam dpal bshad pa'i rgyud las/ dgongs pa 'dus pa'i don bshad ste/ le'u gsum pa'o// // de nas yang lag na rdo rjes zhus pa/ mtshan brjod zhes kyang ci la bgyi// thugs rje chen pos gsung du gsol// zhes zhus so// rdo rje 'chang gi bka' stsal pa// lag na rdo rjes ngos zung zhig/ mtshan dang brjod byed rnam pa gnyis// mtshan gyi sku dang ye shes mtshan nas brjod pas/ rtogs pa'i ye shes rgyud la shar/ tshig gi rgyud kyi mtshan brjod pas/ rang gis don gyi dgongs pa longs// brjod byed spyi rgyud chen po yin// mtshan brjod zhes kyang de la bya// ces gsungs so// 'jam dpal bshad pa'i rgyud las/ mtsham brjod kyi don bshad pa ste le'u bzhi pa'o// // de nas yang lag na rdo rjes sna drangs nas bskor ba bya ste/ 'di skad ces gsol to// e ma ho/ bcom ldan rdo rje 'chang / rgyud gsum mtshan gyi nges dgongs kyis/ bdag gzhan don gyi snang ba gsal// rgyud chen mtshan don dgongs la bkrol// 'gro ba'i mgon po rje yi rang // ces gsungs so// 'jam dpal bshad pa'i rgyud las/ rjes su yi rang ba ste/ le'u lnga pa'o// // 'jam dpal bshad pa'i rgyud las/ don gyi sgron ma bstan pa'i le'u ste/ yang snying rdzogs so// /
- 22b
sngags kyi srung mas bka' yi byar gyis// sde rgyud chen po bzhi'i gang la yang // gsang bar thugs kyi dgongs pa ste// dus phyis lus par gzigs nas ma ston to// rgyud chen po bcu bdun yod par grags pa las phal cher snang ba ni/ 'go spyod yul tsam ste/ bde byas sdug bsngal dbyings phyug b+ha ga la// g.yer med lhun rdzogs dbyings nyid che ba skyed pa// mi 'da' ye shes rin po che/ bya ba med pas lhun rdzogs thig le che// thams cad ma 'gags dbyer med bdag gi brgyud// skye med dbyings las thams cad skyes// don dam nyid du sems dpa' che// bsgrub tu med pas ye nas gnas// btsal du med pas mngon sum dbyings// smon du med pas rang la rdzogs// tha snyad med pas rnal 'byor bdag/ go 'phangs chod pas kun gyi dbyings// las rnams spyad cing ci spyad kyang // thig le nyid pas spang du med// 'dod chags zhe sdang gti mug kyang // spang du med pas bdag gi rgyud// gti mug nyid pas bsam du med// rnams grangs nyid pas dbyings nyid klong // gzugs rnams med pas byang chub sku// thig le ye nas dam tshig gsad// dam tshig ming du btags pa med// 'chi ba med pas bdud rtsi dbyings// khyad par nyid las ye shes che// ri rab rtse la nyi ma stong shar bas// ye shes thugs kyi nyi ma shar ro// shar ba nyid na nub pa
- 23a
med// sgom pa nyid pas sgom du med// sgom pa dmigs su med pa'o// sgom pa gzhan nas chos mi rnyed// rdo rje rin chen 'bar ba ltar// thams cad kun kyang de bzhin no// 'gyur ba med pas bal nag bzhin// bsgyur du btub pas bal dkar bzhin// brtags na bal nag nyid kyi dbyings// lhun gyis gnas pas go 'phangs chod// gdong nas dag pas pad+ma bzhin// 'gyur ba med pas thig le bde// bya ba med pas thig le bde// dus gsum med pas thig le bde// btsal du med pas thig le bde/ brtsal bar 'dod pas dbyings mi bskyod// dra ba nyid pas mun khyud bde// thig le nyid pas thig phran bde// rtse rgyal rtogs na gnas chen bde// thog med yongs su sbyangs pa'i b+ha ga la// dbyer med lhun rdzogs thig le dbyings nyid che// sku gsung thugs shar mu khyud dkyil// rnam par dag pas byang chub rgyu// 'gro ba'i lam chen mkha' dbyings nyid// thig le ye nas rdo rje dbyings// thig le nyid pas 'du 'bral med// de bas thig le bdal ba'i dbyings// bdal ba nyid na nub pa med// byang chub sems klong yang pa'i dkyil 'khor rdzogs so// //
- 23b
// bcom ldan 'das rdo rje bskal pa'i bdag po la phyag 'tshal lo// srid par bcas pa'i 'jig rten dang // thugs rjer bcas pa'i pho brang kun// sprul pa'i 'khor lo 'od 'bar ba'ang // mngon sum sangs rgyas mkha' la shar// phyogs bcu'i 'jig rten mang po nas// spyan drangs la sogs rtsol ba'i nad// bde ba gsal ba'i thig le las// sangs rgyas gzhan du mi rtsol lo// sems dang chos las sangs rgyas gzhan na med// mnyam nyid nam mkha' lta bu'i rang bzhin las// sna tshogs mtshan ma rdul du brlag pa'i phyir// phyag rgya'i tshogs kyang bskal pa'i me ltar 'bar// ye nas lhun gyis grub pa'i rang bzhin las// rtsol ba'i sdug bsngal rgya mtsho'i rlabs dang 'dra// chos so cog gi ngo bo nyid// ma btsal bzhag pas rdul du brlag/ thams cad bdag nyid rang gi lha// dkyil 'khor kun tu zhugs pa la// dus gsum mnyam sbyor 'byung 'jug med// ma btsal lhun gyis grub par 'gyur// phyi nang spyod yul ma lus pa// mnyam dag lhun gyis grub pa la// dus gsum mnyam par bzhag pa ni// bcing du med pa'i phyag rgya yin// mi phyed thig ler gcig pa la// dus gsum 'byung 'jug med pa ni// sangs rgyas kun dang mnyam pa'i phyir// bsrung du med pa'i dam tshig mchog khams gsum ngo bo rang rig dbyings// phyogs bcu rgya dang
- 24a
bral ba yi// bcos pa med pa'i 'khor lo la// ma bkod shar ba'i dkyil 'khor mchog/ thams cad mngon sum shar ba yang // byin rlabs mthu la mi ltos par// yid bzhin lhun gyis grub pa ni/ bsngo dang bral bas mchod pa'i mchog/ rtogs pa'i rgyal mtshan shar ba'i phyir// thams cad ngo bo bdag nyid sku// don la rim pas mi 'grub pas// thogs pa med pa dbang gi mchog/ phyogs bcu'i 'jig rten rab 'byams na// g.yo zhing bskyod pa'i chos rnams kun// rang byung sprul pa bsam yas kyis// bya byed med pa'i phrin las phul// mi dmigs byams pa chen po ste// mtha' yas thugs rje chen po yin// rab 'byams bde la dga' ba ste// stong nyid gsal ba btang snyoms so// gsang sngags chen po'i khyad par ni// rang rigs rgyal ba'i thugs rje yis// bag chags rdul du bzlog pa dang // mtshan ma zil gyis gnon pa ni/ khyung chen mkha' la thogs med pas// steng 'og rim gyis mi bgrod de// snang ba dus gcig gsal ba ni// skye 'gro 'dul ba'i gnyen po yin// seng ge'i skad la 'jigs med pas// gcan gzan rim gyi mi 'dul te// gzhan gyis rtsol bas mi chung pas// dud 'gro 'dul ba'i gnyen po yin// rang bzhin gsal ba'i byang chub sems// rgyu 'bras rim gyi mi bgrod de// bde chen mkha' la
- 24b
thogs med pas// rnam rtog sgrol ba'i gnyen po yin// byang chub sems mi 'gyur ba'i rdo rje// thugs rje chen po'i don// gnam spar 'debs rdzogs so// / byang chub sems dpa' 'khor lo rdo rje zhes bya ba'i rgyud bzhugs so// @#// rgya gar skad du/ badz+ra tsakra/ bod skad du/ 'khor lo rdo rje/ bcom ldan 'das dpal kun tu bzang po la phyag 'tshal lo// yangs pa chen po yum gyi mkha' na/ snying po rdo rje rab tu 'bar ro// kun tu bzang po rdo rje sems dpa' rnams kyang 'od zer du 'bar ro// bcom ldan 'das gsang ba'i dkyil 'khor na/ rdo rje dkyil 'khor shin tu gnang bar gyur to// yang dag par rdzogs pa'i bcom ldan 'das ni/ dgyes pa chen po rol pa'i ngang du 'bral med do// ye shes thig le'i snying po las/ sangs rgyas sems yongs kyis med// rtog pa brtags pa las 'byung ba/ chos bcos la ni mtha' yas mchog/ rnam shes phyi nang yul rol na// lam lnga bsdus pa zag med chos// brjod kyi mi lang rtog pa'i rdul// de bzhin dbyings las bsam yang char// stong pa zhi ba rnam shes kyis// chos rnams ma lus thams cad bsdus/ stong zhing de las 'gyur ba med// kun gyi rang bzhin lam mchog 'di// spyod yul gang du rtag med pas// ji ltar rtag par
- 25a
'grub pa kun// ye shes dbyings las ma skyod na// bde chen 'khor lo rtag tu bskor// rgyud drug 'khor ba rnam shes nyid// ka yi a sbyong a la rol// rdo rje zhe sdang rdo rjes gcod// yi ge tshogs dang bral bya'i phyir// yi ge la ni yi ge med// yi ge dang ni yi ge'i rgyu// yi ge gnyis ka yod pa ma yin te// shes rab thabs la rten pa yi// yi ge 'dod la snang bar zad// mi dpogs pa'i chos mchog la// dbang sgyur chen po rdo rje rol// rdo rje lto bar yin pa ste// 'brel te cig par gyur pa ni// ka li snying por gyur pa ste// yi ge med pa'i yi ge yin// shes pa shes bzhin ma 'khyams par// rang gi ngo bo gnas pa ni// rang rig ye shes zhes brjod do// shes kun der 'khyil phur pa dam// drang po de ni byang chub sems// rdo rje khros lnga nyid gtul// yi ge'i snying po nyid du gsal// zhe sdang gsal ba'i rdo rje yis// rnam khrag 'thung ba rnam par bcad// ye shes gti mug thig ler dag/ gti mug 'khor lo rnam par spangs// snying po rdo rje btsan pa'i gnas// du khrod chen po brdal pa ni// ye shes rol mo gzigs shing spyod// shes pa'i gti mug sna tshogs pa// mi shes rdo rje shes pa ni sbyin pa chen po'i shes rab gter// yig rgyas btab pa'i phyag rgya yin// rnam shes rtog spyod bral ba ni// byang chub snying po'i thig le yin// gal te 'dod pa
- 25b
yang gtang na// nyes med rang 'byung ye shes pas// de na 'dzin pa'i nad yod pas// bsam las 'das pa'i shes rab bskyed// shes rab drang ba'i don nyid las// sems su 'du shes gang yang med// de nyid rang 'byung ye shes nyid// btsal bar rnyed par mi 'gyur te// ma btsal ba na ye shes nyid// sems mi shes pa rtag tu gnas// thams cad ma lus chos so bcog/ rang byung ye shes nyid las med// ye shes de las gzhan pa'i chos// ye shes nyid kyi mi mnyes so// gal te mthong thos sna tshogs pa// rtog pa'i rgyun gyis mthong bar zad// ci ste mthong ba bden 'gyur na// sangs rgyas kun 'byung 'byung mi srid/ khams gsum ye sangs rgyas pa la// stong pa stong pa'i sbyin pa gtong // ye shes chen po'i thig le gtang // ye shes chen po'i thig le la// chos kyi dbyings kyi rgyan pa yis// 'du byed pa'i dkyil 'khor na// shin tu ye nas rngam pa'i zhal// mi rtog pa las 'byung ba'i gsung // gsung gi 'brug gi kun tu grags// bltas pas bsreg pa rdo rje spyan// ye shes chen po'i spyan gdangs pas// gsang ba rgya mtsho rdo rje'i sku// mdangs ldan ma yis 'khengs pa ste// drang po ma chags rdo rje'i sa// ye shes spyan de pad+ma'i spyan// yi ge 'phreng sogs 'od zer tshul// gsang ba mchog gi rol mo yis// zag med ye shes tshim gyur pa// thams cad snying
- 26a
po byang chub sku// kun tu bzang po rdo rje sa// rdo rje'i ming ni bcom pa'i tshogs// a la sogs pa'i tshogs zad pa// seng ge lta bu'i chos chen po// chu du sna tshogs nyid las rdzogs// nyid las chos sku mi 'gyur ba// bsam mchog smad byung snang ba med// snang med snang ba dngos yin pas// snang dang mi snang mi dmigs na// thams cad byang chub phur pas gtab// 'khor lo rdo rje las ngo bo nges par bstan pa'i gleng gzhi'i le'u ste dang po'o// // de nas rdo rje shin tu bstan pa'i chos// 'dod chags rdo rje'i ting nge 'dzin la snyoms par bzhugs na// nyid la nyid kyi ngo mtshar bar bka' stsal pa// e ma ho/ rdo rje dngos grub rdo rje las// spyod yul 'gyur ba med bzhin du// bdag dang gzhan du rtogs pa las// bag chags 'khor lo rtog pas 'khrul// sna tshogs pa'i chos rnams dang // sangs rgyas sems can so sor 'dzin// rnam rtog mdud pas gdams pa las// yang dag dbyings las g.yos pa med// ma yos pa las byung rnams dang // bcom ldan 'das kyi 'od kyi tshul// 'khor lo rdo rjes bsdus pa yang // rang 'byung thig le'i ngang // ye shes gti mug mi 'byed pa// chos kyi dbyings su ga la mthong // ming du brtag pa 'khrul pas na// de bzhin nyid las gnas pa min// sngon du sangs rgyas 'byung med pas// gsungs pa
- 26b
sna tshogs 'khrul pa'i sgra// chos kyi snying po gsung du med// de phyir brjod du rdul tsam med// gsang mchog dge ba zhes bya ba// ming gis brgyan pa sgro bskur yin// tshig tu brjod pa rnam par spang // rnam shes sgra mas gzung ba'i chos// ye shes sgyu ma sbyar shes na// rgyu dang mi'i rgyu'i dran dbang ni// dmigs bya med par dran dbang bsgyur// thabs kyi rgyal po sgyu ma lho// shes pa dri gang mi 'byung zhing // snang ba gang yang mi mthong ba// de ni bde ba chen po'i sa// ye shes dbyings las mi brtson zhing // dran med ye shes klong gnas pa// mnyam dang mi mnyam don las 'das// pha rol phyin pa bcu'i mtsho// zab mo zab las brgyan pa ni// shes pa snying por them pas na/ chos sku bde ba chen po yang // bsam pa med na rang 'byung sku// pad ma dag pas snang ba med// mi snang ba'i don de la// bsgom pa med na sgom pa yin// shes pa gang la mi 'jug pa// ye shes snying po thig le yin// rgyal ba kun gyis gshegs shul bde// byang chub nyid kyang mi snang bas// byang chub nyid ni mthong ba min// chos las dmigs pa'i chos gnas pa// 'bras bu'i rgyu dang rgyu'i rgyu// med pa'i yod pa gnyis gar 'brel// de la mnyam dang mi mnyam mnyam// bshad par thob med bya bral chos// yang dag chos las 'byung ba med// 'khrul pa'i sangs rgyas chos kyi byed// bya ba'i gnas
- 27a
dang bya ma yin// 'byor 'dum med pa sa'i sa// snying po don la nyams pa'o// 'dod chags nyid kyi chos mthong zhing // sdug bsngal nyid la sngags bsngal gyis// mtshan ma rdul tsam ma mthong zhing // sdug bsngal nyid kyi chos thos pa// byang chub mchog chen kun gyi gzhi// thig le tsam nyid nye bar bshad// sems ni lam gyi ngo bo nyid// sems kyi ngo bo nyid med pas// bsam gyi mi khyab mtha' yas chos// ngo bo med phyir yod ma yin// rkyen phyir skyes phyir med ma yin// sems kyi rtogs pa skye med cing // rtog de nyid dang sems nyid 'dra// chos rnams kun gyi snying po ni// rtsa ba med pa'i rtsa ba yin/ kha dog ma nges 'ja' tshon 'dra// che chung rim pa de bzhin te// chos zhes brtag pa chos kyi chos// smad pa med pa'i chos brlabs phyir// chos med pa la chos zhes gsungs// rnam grangs dag gis mtha' yas chos// sku ma'i rgyu yis bsgyur shes pa// mi skye sgyu mas sgra bsgral na// 'das pa med pa'i myang ngan 'das// byang chub nam mkha' mi skye bas// nam mkha' byang chub rtsa ba bcad// dpa' bo'i dpa' bos dpa' bo bsgral// rang byung ye shes gcig pu la// chos rnams phye mo'i med pa ni// sems can rnams kyi ngo bo nyid// rnam par dag pa'i bya ba med// ye shes snying po bde gnas te// mi g.yo mnyam pa mi byams
- 27b
pa// phyogs rnams kun gyi phyi mor gsungs// thams cad bde med bsgyur zhes na// byang chub sems la a yis brgyan// ya mtshan che ba lhag pa'i chos// bla ru byung tsam mthong ba po// sman nyid 'chi med byang chub tu// phyogs su 'khyams pa rdo rje 'brel// phyogs kyi 'brel pa med pa ni// skye ba mi skye skye ba ste// sa ma ya a tang ta'o// blun po ye shes gti mug la// rtogs pa'i sems nyid skye med cing // sems nyid stong pa skye med pa// byang chub rdo rje sangs rgyas te// ye shes thig le drang po'i lam// blang bya lha mo 'khyil ba'i sgra// len pa za byed rdo rje'i sgra// khrag 'thung rdo rje dus med dub// zin pa bstan pas yab yum 'khyil// don chen rgyal bar gyur pa na// rdo rje rgyal po lha mo rol// rdo rjes btsan pa bde ba'i rgyu// de bzhin nyid kyis ngang las rol// kun tu bzang po rang 'byung dbyings// thig le gcig las smad pa med// shes rab yul med shes rab sku// rdo rje dri ro sgra med sgra// rang 'byung rdo rje dbyings kyi lha// dam pas ming dang mtshan ma med// mya ngan 'das pa'ang gang zag nyid// sems kyi dmigs pas nus ma yin// yang dag nyid kyang mi mnga' bas// ngag gis bshad pa rdul tsam med// g.yos te mtshan ma byung ba na// ming dang mtshan ma gang yin yang // med par rtog pa de kho na// yang dag pa'i yi ge
- 28a
yin// gzugs sgra dri ro rdul sna tshogs// rang gi sems nyid snang las shar// tshor zhing shes na mi bden pa'i// 'du shes 'du shes mi skye'o// mi bden 'du shes ma skyes na// de nyid de bzhin gshegs pa'i mdzod// ngo bo nyid kyi chos nyid la// yang dag nyid kyang skye med cing // ming dang mtshan ma ma skyes pas// de nyid de bzhin nyid ces gsungs// skye med yang dag nyid mkhyen na// mi bden pa'i chos sna tshogs// ming dang mtshan ma tshig bshad dang // bral bas yang dag ye shes snod// don dam pa'i gden pa nyid// mi bden chos skye med na// mtshan ma'i tshogs dang ma 'brel bas// mi bden rgyun ni bcad du med// sems la sems ni med mkhyen na// sems zhes bya bar bcad du med// de ni rang byung ye shes nyid// rnam shes yul la ma skye ba// rnam par rtog pa med pa ste// chos kyi dbyings ni pad+ma'i spyan// sems la sems ni med zhes shing // chos la chos med par shes te// ming dang gzugs sgra sna tshogs pa// de bzhin gshegs pa sangs rgyas spyod// rdo rje 'chang rgyal thig le'i 'od// zab mo yengs pa chos kyi dbyings// chos la gzugs ni med pa ste// shes pa med shes med par gsungs// byang chub sems dpa' thig le nyid mi 'brel// rang ye shes dbyings nyid ni// yin dam ma yin mi rtog pas// thams cad
- 28b
ye shes snying po nyid// sdig to mthong ba med pas na// thams cad gsang ba byang chub sku// thams cad chos ni mi skye zhing // gang la yang mi 'gog mi rtsol te// ci byed g.yos par ma mthong na// spyod pa bcad pa yo mi dgos// ci spyod pa nyid byang chub nyid// sangs rgyas thig le spangs pa'i spyan// byang chub sems dpa' 'khor lo rdo rje las// sgo sna tshogs su gleng spangs pa'i le'u ste gnyis pa'o// // de nas bcom ldan 'das rdo rje kun tu bzang pos// shin tu rngam pa'i tshig gsang ba// mi 'byung mi 'jug pa'i sems// rdo rje khrag 'thung rngam pa'i zhal// yang dag pa'i chos lam 'dra// sangs rgyas byang chub sems dpa' dang // ming brtags don du 'dod pa ni// skur btab sangs rgyas mthong mi srid// yang dag rten par drang gyur na// yang dag nyid las yang dag med// med pa'i phyi mos sems nyid de// sdug bsngal las las / grol ba'i lam// sems can sangs rgyas de las med// mnyam mi mnyam dang mnyam mi mdzad// grol dang ma grol ye nas grol// rtsol bsgrub gnyer bas don mi mthong // cir yang mi dgos spyad byas nas// bdag dang gzhan la 'bras bu thob// ngo bo nyid kyi gzhi rtogs na// ma nor ba'i lam la gnas// mthong thos dag pa zhi ba'i chos// sgom pa med na bsgom pa yin// de bzhin nyid kyi dbyings nyid
- 29a
lam// de bzhin nyid du sems byed pa// rang byung dbyings las g.yos ma yin// 'dzin pa g.yos pa min pa na// phal pa'i rnam shes dag dang mtshungs// byang chub nam mkha' yod ma min// stong pa nyid kyi ye shes kyis// dngos po gang yang ma yin par// stong pa nyid du stong par shes// ye shes sangs rgyas de la med// ming tsam 'dzin pa'i stobs bral na/ shes rab gang du mi 'gro ba// de ni byang chub snying po nyid// log pa'i stobs kyi g.yengs pa che// rtog pa'i dbang las byung ba las// chags pa'i stobs bral thig le'i sku// bde ba chen pos g.yos pa med// rdo rje khrag 'thul thol pa mi sku// blo gros snying po rdo rje'i blo// stong pa nyid du dben 'dzin te// stong pa'i stong pa skye bas na// 'dzin pa'i lcags kyus zin pa ste// stong pa'i stong pas bcings pa'o// ye shes chen pos rlung g.yos na// chos rnams mi mnyam so so'i rlung // yang dag nyid du mi 'gyur bas// grol bas grol yong mi 'gyur ro// yod med grol dang ma grol med// de nas dag pas sbyang mi dgos// nam mkha' nyid dang ma 'brel bas// byams pa'i thig le snying brtser bzhag/ dngos med mi rtog mthong ba ni// dngos dang mi rtog dang dngos dang rtog/ bya bral chos ni ma yin pas// grol ba rang 'byung gzhan min te// byang chub sems dpa' 'khor lo rdo rje las// rnam
- 29b
grangs nges pa'i le'u ste gsum pa'o// // de nas bcom ldan 'das dpal kun bzang pos// nyid kyi che ba'i yon tan la ngo mtshar bas// nyid kyi 'di la brjod pa/ drag po dben pa rdo rje'am// mi tshor mi sems gti mug sems// tshig tu smra bas lan mi sman// rgyal ba'i lha rgyal rgyal ba'i gtso// chos la shes pa bya ba dang // mthong bya bstan bya med pa na// lan btab pas na chos nyams te// shes pa mthong sa yod par 'gyur// yang dag nyid dang yang dag pa// smras na yang dag nyid ma yin// rgyu las 'bras bu rten byed pa// 'khrul pa byis pa rnams kyi las// stong pa'i thar sngags rgyu ba'i chos// stong pa bzhi'i zhi bas bcings// tshor ba yang dag ma tshor bas// zhi ba'i chos la zhi bye med// yang dag nyid dang 'brel bya dgos// dngos po rnam pa mthong na yang // rnam pa cir yang mi dmigs na// dngos po dngos med sgom pa'o// de ma zag tu der 'chor na// de la yang dag nam mkha' 'byung // dgongs pa mchog tu gyur pa yi// zin po lta ba mi lta na// lta ba thar bar 'gyur ba de// lta ba'i 'dus shes zad par med// byang chub mchog tu lta ba yi// sems la bstod pas 'pham par med// gzugs sgra dngos med lta ru med// stong dang smad pa'i don med pas// bsgom bya gza' gtad dang bral ba// drang srong grol ba'i shug ma ste// rnal
- 30a
'byor pas ni bstan// byang chub snying po ma tshol na// me len pas na mnyam pa nyid// ma bsgrubs par ni rang bzhin 'grub// chos rnams gang yang mi 'dzin cing // shes pa gang yang mi shes na// mi rtogs ye shes phur ba yi// mi 'gyur 'od gsal kha na dam// de tshe phur pa bskul mi bya// drang po'i sa ni las rlung bsad// sangs rgyas thams cad de la gnas// byang chub sems dpa' 'khor lo rdo rje las// gsang ba'i man ngag gi le'u ste bzhi pa'o// // byang chub sems dpa' 'khor lo rdo rje zhes bya ba'i rgyud rdzogs so// // rgya gar gyi paN+Di ta dz+nyA na g+har b+ha dang // bod kyi lo tsA ba dge slong bI ro tsa nas// bsgyur cing zhus te gtan la phab pa'o// // bkra shis par gyur cig// man ngag lung gi rtsa ba lnga rdo rje sems pas gsungs pa bzhugs so// @#// bcom ldan 'das dpal rdo rje sems dpa' la phyag 'tshal lo// chos nyid kyi skabs/ rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// byams pas don nyid rnam sbyang phyir// snying rje chen po cir mi mdzad// che ba'i che/
- 30b
ba'i zab mo yi// yon tan cir yang bsngags pa med// don rnams ji bzhin mi skyod de// bya ba med pas grol bas grol// rang 'byung ye shes btsal med pas// grol nas grol ba'i lam yang ston// // chos nyid kyi thig le// rang bzhin gyis gnas pa'i skabs// 'byung ba chen po bcom ldan 'das// 'gro ba kun la rang bzhin gnas// phyin ci log tu rnams brtags kyang // grol ba rang 'byung gzhan las med// rang bzhin gyi che ba la gnas pa'i skabs// che ba'i ye shes rnyed dka' ba// shes rab thabs la brten pas 'grub// ming tsam gzhan la brten pa 'dra yang // mngon gsum bde ba rang las 'byung // // rtsa ba dang bral ba'i skabs// cho 'phrul chen po bka' ba min// yon tan kun dang stobs kyi rnams// ji bzhin rtogs pa phra ba las// de ma thag tu rang la 'byung // snang ba med pa'i chos nyid ni// ma btsal bzhag pas sgom pa yin// de dang de ni rnams btsal na// de la de bzhin de mi 'byung // brjod pa bral ba'i skabs// mchog tu gsang ba'i chos nyid ni// rna dbang gzhan las 'byung mi 'gyur// de bzhin lce'i dbang pos kyang // de la brjod du rdul tsam med// dbyings kyi thig le// 'go ba las kyi mi 'khol ba'i skabs// 'gro ba'i sdug bsngal byang chub sems// kun tu chub pas rnam par rol// de la
- 31a
bskyod pa med bzhin du// nam mkha'i mtha' sbyin khyab par gnas// khyad par cir yang mtshung pa la// las so so zhes ni rnam par brtags// ci ste las kyi dbang 'gyur na// rang 'byung ye shes yod ma yin// rgyu nyid rdo rje rkyen dang 'dra// ma skyes pa na 'jig pa med// gdod nas snying po byang chub la// btsal ba'i bsam pas dbyings mi bskyod// // btsal sems dang bral ba'i skabs// yon tan chen po'i bsam gtan ni/ bsam gtan nyid las bsam du med// ma bsam ma sbyangs chos bzhin du// rnam rtogs nyid las ye shes skye// phra ba'i sgo mor ming 'dogs te// sems kyi dben pas lam 'tshol zhing // dgon pa'i rgyud du dben 'dzin pa// brtags na rnam par rtogs rgyur bsgom// rgyu dang 'bras bur ming 'dogs shing // dge sdig gnyis ka rnam par sel// 'jig rten 'di las 'byung ngo zhes// blang dor brod pa mchog tu bskyed// gnyis su med pa skyon dang bral ba'i skabs// chags dang ma chags tshig gi lam// dbu ma bzhin te brag cha 'dra// bde dang sdug bsngal rgyu mthun zhes// 'gro ba'i mgon po sems pas gsungs// ye shes rang las 'byung ba'i skabs// 'dod chags zhe sdang gti mug kyang // byang chub chen po'i lam las 'byung // kun spyod yon tan rnam lnga yang // chos nyid dbyings kyi brgyan zhes
- 31b
gsang // nam mkha' rtog pa skye med cing // rtog pa de nyid nam mkha' 'dra// mi chags nam mkha' sngo ba las// rang don chen po'i nam mkha' 'byung // dbyings rnam par dag pa'i thig le// gzungs kyi sbyor thabs kyi skabs// rtog med mnyam nyid chos kyi sku// bzung bas mi zin chu zla 'dra// kun tu bzang po'i rol pa yis// a li ka li zab tu bstan// 'di ni a dang mdzes pa'i rta// pa dang yan lag spros pa bzhin// 'jig rten yongs kyi sgrol yul la// sangs rgyas gsung gi zab mo 'byung // e ma ho sangs rgyas spyod yul 'di// btsal bas rnyed pa'i gnas med de// drug gi chos bzhin yul med pas// 'dod pas nam mkha' stabs pa bzhin// gong nas gong du tshangs pa'i lam// bya bral chos dang mthun pa'i phyir// ci ste lam la bgrod 'gyur na// nam mkha'i mtha' bzhin thug pa med// yongs su rdzogs pa'i skabs// de ltar de bzhin de'i phyir// de la de bstan de thob// de ni snying po de bas na// de las de 'byung ngo mtshar che// sngon gyi de dang da ltar de// de bzhin de'i gnas su che// de ltar de'i lam 'dra ba// de ni de'i bzhin no// de dang 'dra ba yongs kyi la// zla ba las 'byung rten dang bcas// kun gyi mnyam nyid yin pa la// phyogs su bltas pas 'grub pa med// chags pa dang bral ba'i skabs// da lta'i sde dang phyi ma'i sde// mngon
- 32a
sum pa dang rgyab nas byung // de yang rnam pa'i skyon yin pas// de la rten par mi bya'o// gdod nas che ba'i snying po nyid kyi skabs/ dus gsum gcig ste khyad par med// mngon med phyis med gdod nas 'byung // chos skus khyab pas gcig pa'i phyir// che ba'i chen por rang bzhin gnas// // tun tu smon lam dang bral ba'i skabs/ srid pa gsum na sbyor ba yang // ming tsam sgyu mar snang ba ste// 'khor bsgyur ba'i gnas chen yang // sgyu ma sbyang ba'i bsti gnas yin// rnam spyod dus la ltos pa rnams// dus der 'byung bar mi 'gyur te// ma bal smon pa spyod pas na// stong pa'i mtshan nyid gsungs pa bzhin// lung ston pa'i skabs/ cig ste rnam pa yongs kyi med// rnal 'byor nam mkha'i bya la gnas// ma byung mi skye snying po la// sgros btab chos kun ga la yod// phyi nang gnyis ka phyi nyid nang // zab mo'i cha shas rtog yul med// srid pa ming tsam ldog pa'i stobs// de bas ting 'dzin mnyam dang bral// de la tha tshig phyi dang nang // rang bzhin du phung po khams bzhin gnas// dus gsum 'di dang mi 'bral bas// tha tshig ming du btags pa med// ye shes chen pa'i thig le// / mnyam pa nyid kyi skabs// mi g.yo ba ni sku'i rgya// mi skyod pa ni ye shes te// mi len pas na bdag med cing // mi 'dor tshig bral mnyam nyid
- 32b
do// gang dang gang gis gang du yang // kun khol kun spyod bdag las 'byung // 'di la skyes pa bud med// mnyam pa'i rgyal pos yongs ma gsungs// dngos grub chen po bde ba la chags pa spong ba'i skabs// 'di la brtul shugs drag shul gyis// gnas su bya ba'i ming med de// a dang par ni rnam ldan na// sgyu ma'i bde ba 'byung bar 'dod// rang bzhin gcig tu ma nges pas// ji ltar gnas pa de ltar snang // snang 'dod btsol sems bde ba yang // de ni de sgrib skyon chen yin// byang chub yan lag kun gyi sgo// cha lug bsgoms pas chu zla bzhin// ma gos ma chags 'byung gyur yang // bsgoms pas byis pa'i spyod yul bzhin// dkyil 'khor khro gnyer cha lugs kyis// khro bdag chen po'i lus bzung nas// yi ge mngon du byung na yang // zhi ba de nyid mthong ba min// nyon mongs lha la mgo bcad dang // sa bon me yis bsreg pa bzhin// de'i dbang du mi 'gyur ston// rnam grangs brgya phrag yangs pas// gang ltar spyad kyang me tog skye// mtshan ma med pa'i dbang gis na// bsti gnas de las 'byung mi 'gyur// rtsol ba dang bral ba'i skabs/ gleng bral 'di la gnas pa yi// rnal 'byor 'di ni ba bzang // bdag dang gzhan don mi 'byed pas// sgyu ma lhun grub yul la rol// chos nyid kun tu mi 'gyur ba'i skabs// // lhag ma med par
- 33a
yongs su rdzogs// 'gyur ma yin drang por gnas// nam mkha' bzhin du mtha' mnyam zhing // gzhan la ltos 'gyur chos ma yin// lhun gyi gnas pas bde chen te// mtshungs pa med pa'i ye shes kyis// rang gi mthu'i rig pa las// chos ni gzhan nas 'byung mi 'gyur// bla zhing bka' la sa phyir dka'// mngon gsum mi gnas kun tu khyab// mi tsam 'di zhes bstan par ni// rdo rje sems dpas mtshon du me// rgyu rkyen las mi 'grub pa'i skabs// ngo mtshar rmad 'byung rol 'di// bya bral nam mkha' ji bzhin te// ci yang mi dmigs gti mug las// de ma thag tu rang las 'byung // 'di ni thams cad mtshungs pa'i lam// 'gro ba kun la rang bzhin gnas// bus pa 'khrul pas bslad pa'i phyir// sman nyid sman pa 'chol ba bzhin// // 'gro ba yongs la sangs rgyas par bstan pa'i skabs/ 'gro ba'i yul na bde ba che// 'di ni rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grab// ma nges 'ja' tshon kha dog las// rigs kyi khyad par sngon par snang // de bzhin g.yo rdul mi g.yo ba// 'byung ba lnga la gtso chen yin// // kun tu bzang ba'i thig le// tshogs dbul ba'i skabs// 'das dang ma 'ong da ltar gyi/ tha snyad ming la mi gnas te// skye 'gag med par rnam brtags
- 33b
shing // 'di ni dus gsum chen por sbyor// mnyam pas rim par bkod pa med// gcig pas phyogs su bsngo dang bral// tshogs kyi brgyan rnams bkram na yang // rang bzhin gnas pa'i 'grim pa med// lhun gyis gnas pas mi bsngo zhing // gdod nas dag pas bdud rtsi yin// 'dus mched bcu gnyis khyad par du// lhag pa'i bsam pas bzung du med// tshogs kyi rgyan rnams rang bzhin gyi lhun gyis grub pa'i skabs/ yid kyi bsam pa'i yon bdag ste// bltas pa stobs ni bkram po// mthong bar gyur pas dngos grub la// de ni mnyam bzhag rdzogs pa'o// // lhun gyi grub pa'i skabs/ yud tsam bzang bas sbyor ba yin// dga' bar gyur bas dam tshigs te// thabs kyi gar thabs bskyod pa yis// gnyis med sbyong ba phul ba yin// las rgya mtsho'i skabs// / mi bzung gtong bas gtor ma yin// bya ba med pas las rnams zin// mi rtog ye shes bgegs gsal nas// mi gsung mnyam bzhag sngags tshig go/ bdag dang bcas pa'i 'khor ba 'ching ba'i skabs/ bla ma mchod dang stong pa dang // de bzhin bsod nams thams cad kyang // ma chags mi g.yo'i stobs med na// byas na 'ching ba chen por 'gyur// lung 'brel pa ming tsam brdar bstan pa'i skabs// de bas de lung de nyid la// de las de sbyar sgrib par 'gyur// de ltar de
- 34a
la de rtog na// de la de nyid grub pa med// lhun gyi grub pa'i thig le/ bcom ldan 'das lung thams cad kyi bdag nyid// dpal rdo rje sems dpas gsungs pa rdzogs so// // lcags 'brel bzhugs so// @##// dpal rdo rje sems dpa' la phyag 'tshal lo// chos nyid kyi skabs 'chad te/ rang bzhin gyis gnas pa'i don ston to// zhes pa ni/ nam mkha'i rang bzhin ni/ dper na nyungs 'bru mar gyis khyab pa dang 'dra bar kun la khyab par gnas pa ste/ rdo rje ni 'dus ma byas pa'i don to// sems dpa' ni snying po byang chub la dgongs pa nges par 'grel te/ che ba rnam pa lnga dang ldan par bzhugs so// lnga gang zhe na/ mngon pa'i sangs rgyas pa'i che ba dang // bdag nyid chen po sangs rgyas pa'i che ba dang // chos kyi dbyings su sangs rgyas pa'i che ba dang // de yin pas sangs rgyas pa'i che ba dang // thams cad nas thams cad du sangs rgyas pa med pa'i che ba'o// kun bzang yangs pa chos kyi dbyings// zhes pa ni/ ma 'dres pa dang yongs su rdzogs pa ni/ chos kyi dbyings te/ kun tu bzang po'o// de yang bya ba thams cad dang bral ba'i phyir/ mi gnas pa'i dbyings la rnam par gnas so// rnam dag lam chen kun sgrol phyir// zhes pa ni/ btsal ba thams cad dang bral ba ni lam chen po ste/ rnam par
- 34b
dag pas sgrol ba'i phyir ro// mi skye mi 'gag cir mi dgongs// zhes pa ni/ ji bzhin pa'i mnyam pa nyid la dmigs pa'i yul med pas skye ba med de/ de bzhin du bzung ba dang 'dzin pa'i mtha' spangs pas// yul gang la yang mi gnas pa'i phyir/ cir yang mi dgongs pa yin no// byams pas don nyid rnam sbyang phyir// zhes pa ni/ bdag dang sems can du ma mthong ba ni// byams pa chen po'i don to// phyi nang gi yul thams cad mi dmigs pas rnam par sbyangs te/ de mngon sum du bya ba'i chos thams cad dang bral bas/ chos thams cad la mi gnas pa ni/ snying rje chen po'o// gang ltar yang bdag dang gzhan gyi don du mi dmigs pas// snying rje chen po cir mi mdzad// ces gsungs pa yin no// che bas che ba'i zab mo yi// zhes pa ni/ che ba ni chos nyid do// che ba'i che ba ni sems can thams cad/ zab mo byang chub kyi zhing yin sa so// de yang 'khor ba dang mya ngan las 'das pa mnyam pa nyid kyi snying po yin pa dang / yon tan rku mtsho la legs pa dang // sa yi rim pa la stsogs par sgros mi 'dogs pa'i phyir na// yon tan cir yang bsngags pa med// ces 'byung ba yin no// don rnams ji bzhin mi skyed de// zhes pa ni/ chos thams cad nam mkha' dang 'dra ba la/ bya ba dang tha snyad de/ ji bzhin pa la mi gnas pa'i phyir/ bya ba'i yul thams
- 35a
cad dang bral ba'o// bya ba med pas grol bas sgrol// zhes pa ni/ zhi ba chen po la bya ba med de/ ci'i phyir/ 'gro ba thams cad zhi ba'i rang bzhin yin pas na/ rang las 'byung ba'i mthu des grol la/ thob pa med pa'i dbyings mngon sum du gyur pas grol ba yin no// rang 'byung ye shes rtsal med pas/ zhes pa ni/ gzhan gyi mthu la mi brten cing rang las 'byung bas rtsol ba med pa'o// grol nas grol pa'i lam yang ston// zhes pa ni/ de ltar rig pa'i rgyal po rang dbang du gyur pa na grol ba ste/ mngon sum pa'i chos nyid des grol ba nyid du snang ba'i phyir ro// chos nyid kyi skabs rdzogs so// // skabs dang po'o// da ni rang bzhin gyis gnas pa'i skabs 'chad te/ ji ltar sems can thams cad la sangs rgyas rang bzhin gyis gnas pa'i don ston to// 'byung ba chen po bcom ldan 'das// zhes pa ni/ 'byung ba lnga po ni chen po lnga ste/ ji ltar zhe na/ sa rdo rje dang / chu rdo rje dang / me rdo rje dang / rlung rdo rje dang / nam mkha' rdo rje/ de la nam mkha' rdo rje ni chos nyid snang ba ston pa'i sangs rgyas so// sa rdo rje ni chos nyid ye nas gnas gzungs 'dzin pa'i sangs rgyas so// me rdo rje ni chos nyid rin po che'i sangs rgyas kyi rang bzhin no// chu rdo rje ni chos nyid mtha' yas pa'i sems can thams cad la thugs rje chen pos brlan par
- 35b
mdzad pa'i sangs rgyas so// rlung rdo rje ni gti mug chen pos khebs pa'i sems can rnams la/ shes rab chen pos skyod ste/ 'od pa chen po las sgrol ba'i sangs rgyas so// de ltar 'byung ba chen po lnga po 'di yang / sangs rgyas rnams kyi sku dang / gsung dang / thugs so// 'gro ba khal gyi ni lus dang ngag dang yid gsum ste/ chub par gnas pas 'byung ba chen po bcom ldan 'das so// 'gro ba kun la rang bzhin gnas/ zhes 'byung ba yin no// de la phyin ci log tu bslang pas khrid kyang / gzhan las mi 'byung gi/ rang gi rig pa las byang chub 'byung bas na/ byin ci log tu rnam brtags kyang // grol ba rang 'byung gzhan las men/ ces 'byung ba yin no// skabs gnyis pa'o// // da ni rang bzhin gyis che ba la gnas pa'i skabs 'chad ste/ de yang yongs su rdzogs pa dang / gzhan gyi dbang las mi 'gyur ba dang / rang bzhin gyis che ba la gnas pa'i don ston to// che ba'i ye shes rnyed dka' ba/ zhes pa ni/ sangs rgyas kyi chos nyid ni/ shin tu zab cing 'phra la rtogs par dka' ste/ mi snyed pa'i rnyed par dka' ba la sgyu mar gnas pas/ mngon sum rnyed pa ni shin tu dka' ba'i phyir ro// shes rab thabs la brten pas 'grub/ ces 'byung ba ni/ mi dmigs pa'i klung las chos nyid kyi rang bzhin du 'char ba ni shes rab/ de las kun tu bzang
- 36a
po'i/ longs spyod rdzogs par sbyor bas thabs yin te// mnyam pa nyid du bdag mang ba'i bde ba la dus gsum du gnas pas 'grub pa yin te/ de ltar sbyar ma'i spyod pas/ de la ming tsam du gnas shing sbyor gyis kyang // rang bzhin gyi ye shes bde ba chen po// rang gi rig pa las 'byung ba'i phyir// ming tsam gzhan la brten 'dra yang // mngon sum bde ba rang las byung // zhes gsungs pa yin no// skabs gsum pa'o// // da ni btsal ba dang bral ba'i skabs 'chad te/ rtsol ba'i sgrib pas nyid du gyur pa'i don ston to// cho 'phrul chen pos dka' ba min// zhes pa ni/ ji bzhin pa la mi g.yo bar gnas pa ni cho 'phrul lo// yon tan kun dang stobs kyi rnams// zhes 'byung ba ni/ yon tan ni sangs rgyas rnams kyi che ba/ stobs dang ma 'dres pa dang / gzungs dang / rnam par thar pa/ sgyu mar ming du'ang grags pa'i rnams la dmigs pa ste sgrib pa'o// mi dmigs pa'i shes rab la brten pas/ rang gi ye shes kyi mar me 'byung bas/ de bzhin du rtogs pa'i mthus// sgyu ma'i 'jig rten sbyong ba dang / sgyu mar ston pa dang / bde ba dang sdug bsngal du snang ba rnams zhi bar ston pa'i thabs der 'char bar mdzad pas na/ ji bzhin rtogs pa phra ba las// de ma thag tu rang las byung // zhes gsungs pa yin no// phra ba ni
- 36b
dmigs pa'i yul ma yin te/ nam mkha'i rang bzhin no// snang ba med pa'i chos nyid ni// ma btsal bzhag pas bsgoms pa yin// zhes 'byung ba ni/ chos nyid ni/ gdong nas ma gsungs pas/ rgyu'i rang bzhin dang / rkyen gyi rang bzhin med pa'i phyir/ snang ba med pa yin na/ bya ba med pa'i chos rnams la byed par rtsol ba ni/ sdug bsngal chen po'i rgya mtsho mtha' med pa la 'bog pa ste/ de ni shin tu dgal bar dka'o// de bas na chos ji bzhin pa la gnas nas/ mnyam pa nyid kyi rgyan gyis bzhag cing / kun tu bzang po rol pa la/ mi nyams par gnas pa ni bsgom pa chen po'o// de dang der ni rnam brtsal na// de las de bzhin de mi 'byung // zhes pa ni/ de ni bzhin nyid do// de dang der brtsal ba ni/ nam mkha' khang pa 'bubs pa dang 'dra ste// phyin ci log tu gyur pas na// de las de bzhin de mi 'byung zhes gsungs pa yin/ no// skabs bzhi pa'o// // da ni brjod pa dang bral ba'i skabs 'chad ste byang chub sems kyi rang bzhin mi brjod pas na tha snyad thams cad bral ba'i don ston to// mchog tu gsang ba'i chos 'di ni// zhes pa ni/ cir yang mi dmigs pas rang bzhin med/ mtshan ma thams cad dang bral bas gza' ba'i yul med de/ brjod du med pa'i phyir/ phal gyis mi gtogs pas gsang ba chen po yin no// de bzhin du tshig
- 37a
gi 'bru thams cad dang bral te/ chos nyid du gnas shing / nam mkha'i rgya dang 'dra bar gyur pas na// bdag dang gzhan du mi 'grub ste/ bsnyad pa'i rgyu med cing zos par gyur pa'i mthu mi 'byung bas na/ rna dbang gzhan las thos mi 'gyur// de bzhin lce'i dbang pos kyang // de la brjod du rdul tsam med// zhes 'byung ba yin no// skabs lnga pa'o// // da ni 'gro ba las kyis mi 'khol ba'i skabs 'chad de/ byang chub sems kyi rang bzhin la gzhan gyis mi 'khol ba'i don ston to// 'gro ba'i sdug bsngal byang chub sems// kun tu chub pas rnam par rol// zhes 'byung ba ni/ 'gro ba thams cad kyi rgyu ni byang chub kyi sems kyi rang bzhin yin no// bslad pas na sdug bsngal yang yin no// de la yang bde bas kun tu chub pa dang / sdug bsngal gis g.yen spyod de/ 'khor ba na rtsed mo dang 'dra bar gnas te/ chos thams cad la rang bzhin kun tu chub par rol lo// de la yang bdag med pa dang / mnyam pa nyid la mi bskyod par gnas pa'i bde ba len pas na/ de la bskyod pa med bzhin du// nam mkha'i mtha' dang mnyam par gnas// zhes 'byung ba yin no// khyad par cir yang mtshungs pa la// las so zhes ni rnam par brtags// zhes pa ni/ las zhes bya ba ni phyin ci log tu mthong ba'i ming bla dwags te/ de yang yod pa ma
- 37b
yin no// sems can byang chub kyi zhing la kun tu bzang po'i bde bas mtshungs par gnas te/ las kyis mi 'khor ro// de yang ci'i phyir zhe na/ ma ltos pa'i byor ro// gal te las kyi mthu btsan zhing rdo rje dang 'dra ba yin na ni/ las ni snga la sems can ni 'chi bas 'gro ba las kyi dbang gis 'khor zhes bya ba'i dbang du 'gyur te/ grol thar ba mda' bar 'gyur ro// de la sems can ni snga la/ las ni 'chi ba'i phyir/ las nyid byang chub kyi rang bzhin te/ nyon mongs pa'i dbang du mi 'gyur ba'i phyir/ ci ste de lta'i dbang 'gyur na// rang 'byung ye shes yod ma yin// ces 'byung ba yin no// rgyu nyid rdo rje rkyen dang 'dra// zhes pa ni/ rgyu ni mi gnas pa'i byang chub kyi sems so// de las mi skye ba'i chos kun tu bzang po'i rnam par rol pa'i 'byung bas na rkyen yin te/ chos thams cad kyi rang bzhin mi skye ba'i chos chen po'i mthu dang ldan pa'i phyir ro// ma bsgrubs par grub pa'i byang chub chen po'i snying po las mi g.yo bas na/ ma skyes pas na 'jig pa med// gdod nas snying po byang chub la// zhes bstan pa ste/ de la yang don dam pa'i btsal ba dang // 'dus ma byas kyi re ba thams cad dang bral ba'i phyir/ chos kyi gnas chen por 'gyur te/ mnyam pa nyid la gnas pas na// btsal ba'i bsam pas dbyings mi bskyod// ces 'byung ba yin no// skabs
- 38a
drug pa'o// / da ni btsal sems dang bral ba'i skabs 'chad te/ re ba 'jog pa dang smon lam gnas dang / skye ba khyad par gyur pa'i don ston to// yon tan chen po'i bsam gtan ni// zhes pa ni/ 'jig rten 'di'i nyon mongs pas zin pa la sems kyi rang dbang bde ba skad cig mas/ bsod nams dang ye shes kyi tshogs bsags pas/ bsam gtan chen po'i gnas su bzung nas spyod pa rnams so// bsam gtan nyid pas bsam du med// zhes pa ni/ bde ba'i gnas su bgrod pa ni bsam gtan te/ gang de la 'gog pa'i yul de bsam du med pa ltar// ma bsams ma sbyangs chos nyid bzhin// zhes pa ni/ ma bsams pa'i cha dang / ma sbyangs pa'i cha gnyis ka/ rnam par rtog pa'i mthus 'khrul pa'i shes pa skye ste// skyon yin pa'i phyir/ rnam rtog nyid las ye shes skye/ zhes 'byung ba yin te/ bgrod cing sbyong ba la mi ltos par rig pas ji bzhin pa'i ye shes rang las 'byung bar 'gyur ro// 'phra ba'i sgo mor ming btags nas// zhes pa ni/ yul med pa la yod par rtogs pa ni 'phra ba'i sgo mo'o// sems kyi dben pas lam 'tshol zhing // zhes pa ni/ 'khrul pa'i dbang gis 'dra bas sems bslang ste/ dben zhing dgon pa la chags shing lam du mthong bas/ dgon pa'i rgyud du dben 'dzin te// brtags na rnam par rtog 'gyur
- 38b
bsgom// zhes 'byung ba yin no// rgyu dang 'bras bur ming 'dogs shing // dge sdig gnyis pa rnam par sel// zhes pa ni/ rnam par ma byang ba'i chos thams cad ni rgyur lta/ de las nyon mongs pa 'byung ba ni 'bras bur ming btags pa'i phyir ro// dge ba dang sdig pa gnyis rgyu gcig pa las rnam par phye ste/ nam mkha' la bgo bsha' byed pa dang 'dra bar skye ba med bzhin du/ 'jig rten 'di las 'byung ngo zhes// blang dor brod pa mchog tu skye// zhes 'byung ba yin no// skabs bdun pa'o// // gnyis su med pa'i skyon dang bral ba'i skabs 'chad ste/ gong ma'i skyon dang bral ba'i don ston to// chags dang ma chags tshig gi la// dbu ma bzhin te brag cha 'dra// zhes pa ni/ chags pa ni rang dbang med pa'i mthu'o// ma chags pa ni de nyid 'jil ba'i thabs kyi snying po'o// de ltar thabs dang shes rab zung du 'brel ba'i phyir/ tshig gi lam ltar snang ngo // chags pa mi gnas pa dang / mi chags pa mi gnas pas/ chos kyi dbyings su ro gcig pa'i phyir// khyad par du snang gis kyang gang ltar yang ma grub pa'i phyir brag cha dang 'dra'o// bde dang sdug bsngal rgyu mthun zhes// 'gro ba'i mgon po sems dpas gsungs// zhes 'byung ba ni/ byang chub chen por rtsol ba ni sdug bsngal lo// zhi ba mnyam pa chen po ni bde ba ste// mi dmigs
- 39a
pa thun mongs pa'i phyir// rnam par mi 'gyur ba'i dbyings la/ gdon mi za bar gnas pa yin pas na/ gzhan las ma byung gi 'byung gi 'gro ba'i mgon po sems dpas gsungs zhes 'byung ba yin no// skabs brgyad pa'o// // da ni ye shes rang las 'byung ba'i skabs 'chad te/ byang chub kyi sems rang bzhin bdag nyid chen po'i don ston to// 'dod chags zhe sdang gti mug kyang // byang chub chen po'i lam las 'byung // zhes pa ni/ 'dod chags su grags pa thams cad kyang sku'i rgyan/ bde ba chen po kun tu bzang po'i rol pa las// mtha' yas gdon mi za ba'i ting nge 'dzin/ pad+ma rigs kyi gtso bo// sems can gyi zhing yogs su sbyong ba'i rang bzhin no// de bzhin du zhe sdang dang gti mug kyang / snying rje chen pos rgyud 'dul ba dang / sgrol ba'i thabs su gnas pas/ che ba'i sku ste/ byang chub kyi yan lag bde ba chen po mi dmigs pa'i rang bzhin de las 'byung bas lam yin pa'i phyir ro// kun spyod yon tan rnam lnga yang // chos nyid dbyings kyi rgyan zhes gsungs// zhes pa ni/ zhi ba ni chos kyi sku ste/ mnyam pa nyid du gnas so// rnam par mi rtog pa ni/ thabs kyi rol pa'i byang chub sems te/ kun bzang ba dang / kun spyod pa'i rgyan du gyur pa'i chos/ 'dod pa'i yon tan lnga yang mi 'gog la/ rang bzhin gyis dmigs su med pa/
- 39b
snying rje chen po las byung ba'i bdud rtsi byang chub kyi sems mngon du 'char bar byed pa dang / dug gsum sku gsung thugs su rdzogs par gyur pa'i phyir/ chos nyid dbyings kyi rgyan zhes gsungs zhes 'byung ba yin no// nam mkha' rtog pa skye med cing // rtog pa de nyid nam mkha' 'dra// zhes pa ni/ nam mkha' ni mi skye ba'i rang bzhin la/ skye bar rtog pa ni/ mtshan nyid mi 'gyur bas skye ba med do// rtog pa yang snga ma dang rjes bzhin du 'byung ba'i rtog pa la yang / yul med pas nam mkha' dang 'dra'o// mi chags nam mkha'i bsngo ba las// zhes pa ni/ mi chags pa ni/ byang chub kyi sems don chen po la gnas pa'o// thams cad kyi rgyu gcig pa'i phyir// bsngo ba med pa ste/ rang gis rig pa'i rgyal po nang nyid du 'char ba ni/ rang 'byung gi don po ste/ rang don chen po nam mkha' 'byung // zhes gsungs pa yin no// skabs dgu 'o// da ni mngon par byang chub pa las bzhengs te/ rdo rje dbyings kyi snying po na// sems can 'dul bar dgongs nas/ shin tu bde ba chen po thams cad du mnyam pa nyid du spyod pa'i chos nyid/ rang gi sku las 'dus ma byas kyi rang bzhin/ zla gsang thig le'i dkyil nas/ gzungs kyi rang bzhin don mi gtong ba dang / don du mdzad pa dang / don ltar ston pa dang / don gyi rjes su 'jug pa'i thabs kyi rang
- 40a
bzhin yi ge a li/ ka li zhes bya ba ston te/ gzungs kyi rol pa'i skabs 'di gsungs so// nga ni yongs su rdzogs pa dang gzungs kyi sbyor thabs kyi sgo lta ba'i khyad par gyi dgongs pa nyi tshe'i skabs 'chad te/ thabs dang shes rab gnyis su med pa'i don ston to// rtog med mnyam nyid chos kyi sku// gzung bas mi zin chu zla 'dra// zhes pa ni/ rnam par mi rtog pa ni mnyam pa nyid de/ de la bya ba dang brtsal ba'i yul med pas chos nyid de/ ji bzhin pa'i sku ni mtha' med par khyab pas chos kyi sku'o// de la dus gsum gyi de bzhin gshegs pa ming tsam du gnas la/ 'dul ba'i dbang gi rdzu 'phrul chen po dang / mthu bsam gyis mi khyab pa yang med pa ma yin te/ gzugs thams cad dang bral bas na gzung bas mi zin/ sgyu mas dbang bskur zhing / don mdzad pa yang med pa ma yin pa'i phyir chu zla dang 'dra ste/ de ltar thabs kyi rol pas kun tu bzang po'i rgyal la dgod par mdzad pa'i phyir/ thams cad kun tu bzang po rol pa'i gzugs su bstan te/ a li ka li zab tu bstan/ ces gzungs kyi rang bzhin a li ka li zab tu bstan pa yin no// nga ni chos thams cad kyi rang bzhin mi dmigs pa'i dpe bstan pa yi ge a zhes pas bstan par bya ste/ byed pa thams cad dang bral bas/ bye ba'i don mi 'grub pa la/ thabs dang shes
- 40b
rab tu bstan te/ res shig yi ge ma skye bar bstan nas/ de nas gzungs kyi rang bzhin bstan par bya'o// de la ni a nud pa b+ha na swa ba b+ha sarba d+harma te/ chos thams cad ma skyes pa'i rang bzhin la ni chos kyi dbyings mi 'gyur ba'i rang bzhin/ gu gu ni snying rje chen po ste mi gtong ba'o// ka ni kar ma ste thams cad byed pa'i don te/ mnga' bsnyes pa'o// li ni la la gsha' na zab mo'i gsang ba ste/ don thams cad byed pa'o// de la a ni/ snying rje chen po ste/ shes rab bo// li ni thabs kyi rang bzhin te gzungs so// ka ni gnas nas gnas su bskyod pa'i rang bzhin gyi mthu'o// li ni thams cad thun mongs pa'i don to// de la sems can thams cad kyi don mdzad pa'i thabs ston te/ de ni a dang mdzes pa'i nga // pa dang yan lag spros pa bzhin// zhes pa ni/ ya ni bdag nyid chen po'i rang bzhin/ bde ba chen po la rol ba'o// mdzes pa'i ta zhes pa ni/ shes rab kyi rang bzhin/ zla ba'i dkyil 'khor la gnas te/ thabs kyis rgyal po shes rab kyi rang bzhin la gnas pa'i don to// pa zhes pa ni grol mthar ba'i don ston te/ pad+ma'i rang bzhin de la 'gro ba thams cad skye bo dang gnas pa dang / bde ba dang sdug bsngal du gyur kyi/ yan lag tu 'gyur ba'i chos rnams kun tu spro zhing gnas te/ de lta bas na gzhan gyi 'dod chags kyang bdag gi la/ bdag
- 41a
gi 'dod chags kyang gzhan gyi'o zhes 'byung la/ kun tu bzang po'i rang bzhin ni thams cad na bde bar gnas so zhes 'byung ste/ mi dmigs pa'i zab mo la bslang ba'i rnam sgrol ba'i phyir ro// spyod yul thun mongs yang rang gi rkyen gyis gsang bar 'gyur pas/ 'jig rten yongs kyi spyod yul la// sangs rgyas gsung gi zab mo 'byung // ces gsungs pa yin no// e ma ho sangs rgyas spyod yul 'di// tsal bas rnyed pa'i gnas med ste/ zhes pa ni/ chos kyi rang bzhin dngos po ci yang med cing / shin tu 'phra ba'i phyir btsal nas sleb par mi 'gyur te/ ci'i phyir zhe na/ sangs rgyas kyi spyod yul mthas glags shing rnyed par dka' ba'i phyir ro// drug gi chos bzhin yul med pas// mdongs pas nam mkha' bstabs pa bzhin// zhes pa ni/ de la chos drug ni gzugs sgra dri ro reg chos so// 'di ni chos thams cad sgyu mar ston pa'i gzhi ste/ sangs rgyas thams cad kyi che ba nyid do// gang gis chos 'di drug phyin ci log tu mthong ba ni mdongs pa ste/ bdud rtsi spangs nas dug phyir 'brang ba ni// mdongs pas nam mkha' bstabs pa bzhin// zhes 'byung ba yin no// gong nas gong du tshangs pa'i lam// bya bral chos dang mthun pa med// zhes pa ni/ 'jig rten 'di las 'byung ba'i bsam pas bsod nams dang ye shes kyi tshogs
- 41b
bsags te/ rim pas bgrod pas/ byang chub kyi sa dang / tshangs pa dang / rgya byin gyi gnas dang / 'khor lo sgyur ba'i rgyal po la sogs pa/ gang ji tsam du bgrod pa'i yul can ni/ nyon mongs pa'i lam ste 'ching ba'o// bya ba thams cad dang bral bas nam mkha' dang 'dra ba/ yongs su zhi ba/ kun tu mnyam zhing mtha' yas pa'i bde ba/ rang bzhin gyis yongs su rdzogs pa ste rdzogs pa chen po/ ma bsams ma sbyangs ma bsgrubs ma bsgoms te/ rang bzhin du gnas la/ gzhan la rag lus pa med de/ dper na yid bzhin nor bu rin po che'i rgyal po ltar/ chos dang chos ma yin pa'i gter thams cad 'byin nus pa'i phyir/ mnyam par bzhag pa ste/ ci ste lam la bgrod 'gyur na// nam mkha'i mtha' bzhin thug pa med// ces 'byung ba yin no// skabs bcu pa'o// // nga ni yongs rdzogs pa'i skabs 'chad te/ byed pa med pa'i don ston to// de ltar de bzhin de'i phyir// de la de bstan de yang thob// zhes pa'i don ni/ de bzhin nyid ni 'gro ba thams cad la mnyam pa'i dbyings gcig tu gnas pa'o// de ltar gnas pa de yang ci'i phyir mngon sum du mi 'gyur zhe na/ de bzhin nyid ni rtogs pa'i chos thams cad dang bral ba yin te/ rang las 'byung ba'i chos nyid dang // de bzhin bstan pas thob par 'gyur ro// de'i snying po de bas na// de
- 42a
las de byung ngo mtshar che// zhes pa ni/ de bzhin nyid ni byang chub kyi sems te/ byang chub kyi sems de ni chos thams cad kyi snying po yin pa'i phyir ro// snying po de las mngon sum pa'i bde ba kun tu bzang po'i rol pa 'byung bar 'gyur la/ de dang dus thams cad du mi 'bral ba'i yon tan dang ldan pa'i phyir de las de byung ngo mtshar che zhes 'byung ba yin no// sngon gyi de dang da ltar de// de bzhin de'i gnas su che// zhes pa ni/ 'das pa dang ma 'ongs pa dang / da ltar byung ba'i de bzhin nyid ni/ gnas 'gyur ba'am/ 'pho ba med pa'i che ba nyid de/ sngon zhes bya ba'i tha tshig ni/ phyi ma'i mtha' med pa'i don ston pa ste// de bzhin nyid ni sems can thams cad sangs rgyas kyi zhing du gyur pa'i dbyings gcig pa'i phyir te de'i gnas su che ba'o// de ltar de'i lam 'dra bar/ zhes pa ni/ de ltar bgrod pa thams cad dang bral ba'i lam ni/ rnam par grol ba chen po'o// rnam par grol ba ni mang po ma yin te/ gcig pa'i phyir ro// 'gro ba thams cad chos nyid mnyam pa nyid kyi dbyings la bgrod pa'i lam 'dra ba'i phyir/ de ni de'i rang bzhin no// zhes 'byung ba yin no// de dang 'dra ba yongs kyi lam// zla ba las byung rten dang bcas// zhes pa ni/ chos thams cad kyi de bzhin nyid ni/ mnyam pa nyid kyi rlung la 'dra ba'i phyir/ yongs kyi lam mo// skye ba
- 42b
med pa'i skye ba la sems can chen po yan chad thun mong du gnas te/ chu zla'i gzugs brnyan dang 'dra bar brten cing chos kyi dbyings su ro gcig pa'i phyir/ mnyam pa nyid yin pa'i phyir te/ kun gyi mnyam nyid yin pa la// phyogs su bltas pas 'grub pa med// ces 'byung ba yin no// skabs bcu gcig pa'o// // nga ni bde ba chags pa dang bral ba'i skabs 'chang ste/ chags na skyon du 'gyur ba'i don to// da lha'i bde dang phyi ma'i bde// mngon sum pa dang rgyab nas 'byung // zhes pa ni/ chos thams cad kyi bde ba'i rgyu ni/ nam mkha' dang 'dra bas/ bde ba snga ma dang phyi ma zhes bya ba med do// de la sangs rgyas su bya ba'i yan lag/ ye shes chen po mdun nas 'byung ba dang / rgyab nas brnyes pa'i ye shes dang / sangs rgyas kyi che ba'i yon tan grangs med pa rnams len pas thob par bya ba dang / thob zin pa'i rnam pa thams cad kyang mtshan ma med pa'i dbang gis bltas pa'i mthus 'grub mod kyi/ de yang rnam pa'i skyon yin pas de la brten par mi bya'o// ces 'byung ba yin no// skabs bcu gnyis pa'o// // nga ni gdong ma nas che ba nyid kyi snying po rang bzhin gyis gnas pa'i skabs 'chad ste/ bya ba med pa'i don ston to// dus gsum gcig ste khyad par med// sngon med phyis mang gdong nas 'byung // zhes pa ni/ mi gnas pa'i dbyings
- 43a
la chos thams cad 'du ba dang bral ba med pa'i phyir/ dus gsum gcig ste khyad par med do// chos kyi dbyings ni/ gcig char 'char ba ste/ mtha'i mun pa med pa'i phyir// sngon yang med la/ phyi ma yang med/ da ltar yang med/ gdod ma nas gnas par rang byung ba nyid do// chos skus khyab pas gcig pa'i phyir// zhes pa ni/ mi gnas pa'i dbyings la mnyam pa nyid kyi phyir// chos kyi sku ni nam mkha' dang 'dra ste/ nam mkha' mkha' ni kun la khyab la/ nam mkha' ni gnyis su med de/ gcig pa'i phyir ro// de ltar bas na che ba'i rgyan dpal phun sum tshogs pa mnyam par gnas pa'i phyir/ che bas chen po'i rang bzhin gnas// zhes 'byung ba yin no// skabs bcu gsum pa'o// // nga ni kun tu smon lam chen po dang bral ba'i skabs 'chad ste/ ci la yang mi gnas pa'i don ston to// srid pa gsum na sbyong ba yang // ming tsam sgyu mar snang ba ste// zhes pa ni/ srid pa gsum mi dmigs pas sgyu ma dang sprul pa lta bur sbyor ba'o// de la mi gnas pa'i thabs kyis gnas pa ni/ ming tsam du sgyu ma nyid du gnas pa'o// 'khor lo sbyar ba'i gnas chen yang // zhes pa ni/ 'khor los bsgyur ba ni gling bzhi'i rgyal por grags pa ste/ 'khor lo ni mi gnas pa/ skur ba ni rnam par sbyong ba'i mtshan ma ste/ de yang mngon par byang chub pa'i gnas thob
- 43b
pa med pa'i dbyings su gyur pa'i rgyu nges 'dul te de bas na/ sgyu mas sbyong ba'i bsti gnas yin/ zhes 'byung yin no// rnam spyod dus la ltos pa'i rnams// dus der 'byung bar mi 'gyur te// zhes pa ni/ chos nyid ni ye nas gnas pa gcig car rdzogs pa yin pas/ dus med do// dus med pa las 'byung bar 'dod pa rnams ni shin tu 'khrul pa ste/ dper na 'o ma 'dod pas ra la zho 'jo bar byed pa bzhin no// ma bral smon pa spyod pas na/ zhes pa ni/ ma bral ba ni chags pa mi gtong ba ste/ rmi lam gyi nor dang 'dra bas/ spyad pa la sman par mi 'gyur ro// de ltar chos thams cad stong pa nyid kyi rang bzhin snang bar mi 'gyur ba dang / mngon sum du 'gyur ba'i mthu med par de la/ gzas shing 'khrul pa'i blos btsal bar 'gyur na/ ji ltar bcom ldan 'das kyis stong pa'i rang bzhin gsungs pa bzhin te/ ci yang med pas/ stong pa'i mtshan nyid gsungs pa bzhin// zhes 'byung ba yin no// skabs bcu bzhi pa'o// // nga ni lung ston pa'i skabs 'chang ste/ lung ni rna ba nas rna bar brgyud pa ste/ mngon sum bzhag par mi chags bas// brta ci rig pa tsam gcig bshad pa yin no// gcig ste rnam pa yongs kyis med// rnal 'byor nam mkha'i bya lam 'dra// zhes pa ni/ de bzhin nyid ni gcig ste/ rnam pa dang khyad par gyi ming med do// de
- 44a
ltar gleng gzhi thams cad bral bar sbyor bas rnal 'byor yin te/ de yang mi gnas pa'i tshul gyis kun tu bzang po'i bde ba la rol pa ni/ nam mkha'i bya lam bzhin du mi chags mi gnas pa'i phyir ro// ma byung mi skye'i snying po la// zhes pa ni/ de bzhin nyid ni rten pa thams cad dang bral bas na ma byung ba'o// brjod pa'i mtha' thams cad dang bral bas skye ba med pas/ mtha' dang dbus gnyis ga la yang mi gnas pa'i phyir/ snying po yin la/ smra ba dang bsam pa'i yul med de/ rang bzhin che bas bde ba la gnas pa'i phyir/ sgros btags chos kun ga la yod// ces 'byung ba yin no// phyi nang gnyis ka phyi nyid nang // zhes pa ni/ phyi ni brtsol ba'i byang chub sems so// nang ni de'i bde ba la gnas pa'o// brtsol ba med pa ni bdag med pas zhi ba ste nang ngo // nang de'i bde ba la gnas pa ni rgyu med pa'i dbyings la gnas pa/ thob pa'i bsam pa dang ldan pas phyi'o// de ltar phyi nang gnyis ka la thob pa'i re ba ni/ phyi'i yul la mi 'byung gi nang nyid du bltas pas/ 'khrul pa'i phyi ma dag par 'gyur te/ 'di dang ni nang ma dag pa la phyi rol bsgom pa la brtsol ba'i nad do// zab mo'i cha shas rtogs yul med// zhes pa ni/ zab mo ni zhi ba chen po ste/ rnam par dag pa'i dbyings so// de la byang chub kyi sems mngon par 'char bar byed
- 44b
pa ni cha shas 'phra ba ste/ mi dmigs pas rtogs pa'i yul med do// srid pa ming tsam ldog pa'i stobs// zhes pa ni/ snang ba'i chos 'di dag thams cad rang bzhin gyis che ba nyid de mnyam pas zhi ba'o// de la yang 'khrul pas chags pa'i lta bas/ srid pa ming tsam mo zhes 'khor ba'i phyir ro// rnam pa kun tu zin pa'i chos la mnyam par bzhag pa dang / dgongs pa'i dbang dang / rnam par dgod pa dang / ting nge 'dzin la sogs pa sgyu ma'i rnam par thar pa thams cad 'ching ba ste/ de bas ting nge 'dzin mnyam dang bral/ zhes 'byung ba yin no// de la tha tshig phyi dang nang // rang bzhin phung po khams bzhin gnas/ zhes 'byung ba ni/ de la tha tshig ni rnam pa lnga ste/ lnga gang zhe na/ sa dang / chu dang / me dang / rlung dang / nam mkha' ste 'di lnga'o// 'byung ba chen po lnga po 'di/ de bzhin gshegs pa thams cad kyi che ba nyid de/ zab mo'i thabs kyis sems can thams cad la khyab par gnas te/ thams cad kyang che ba nyid mi gtong ba'i dam tshig gi rjes su skyong ngo // de yang rang bzhin thams cad kyi gnas kun la gsang ba'i tshul gyi gnas te/ phung po ni mnyam pa nyid kyi gtso bo lnga'i mtshan nyid do/ khams ni kun tu bzang po'i rol pa'i byang chub kyi che ba'o// de bzhin du skye mched la sogs pa de'i rgyus sgyu ma la sogs pa la rol pa'i thabs so// de bzhin
- 45a
du chos kyi rgyal po ltar dbang mdzad pas rtag tu bde ba la gnas pa dang mi 'bral bas blangs pa dang // dor ba med pa'i phyir dam tshig tu blang ba yang / dus gsum de dang mi 'bras pas/ za tshigs mang du btags pa med// ces 'byung ba yin no// bam po bco lnga pa'o// // da ni mnyam pa nyid kyi chos la dbang bskur ba'i skabs 'chad de/ mi rtsol mi sems dpas lhun gyis grub pa'i don ston to// mi g.yo ba ni sku'i rgya// mi bskyod pa ni ye shes te// zhes pa ni/ chos thams cad skye 'gag med pa'i mnyam pa nyid la gnas pa ni/ sku nam mkha' dang 'dra bas kun la khyab pa ste// de ni phyag rgya chen po'o// de la len pa'i bsam pa dang / mngon par rtogs pa'i yul med pas/ mi bskyod pa ni ye shes te// shes pa med pa'i dbang thob pas so// mi len pas na bdag med cing // mi 'dor tshig bral mnyam nyid do// zhes pa ni/ mi lon pa ni bdag med pas blang ba'i yul med pa'i phyir ro// smra bsam las 'das pas na/ ming dang tshig dang tshig gi don la sogs pa dbye gsal 'byed pa med pa'i phyir mi 'dor ba'i mnyam pa nyid do// gang dang gang gi gang du yang // kun 'khol kun spyod bdag las 'byung // zhes pa ni/ gang dang zhes pa ni 'das pa'o// gang gi zhes pa ni da ltar gyi'o// gang du zhes pa ni ma 'ongs pa'i don te/ de
- 45b
rnams la ming gis bgrang ba'i rnam pa dang bral te/ dper na yid bzhin gyi nor bu rin po che/ mngon du gyur pa na ji tsam du spyod pa dang / gzhan la ston pa dang 'dra ba ra/ rang dbang gi ye shes chen po dang ldan pa'i dus na/ rnam pa brgya stong du spyod pa yang mi zad pa'i gter bdag las 'byung ba'i phyir/ kun 'khol kun spyod bdag las byung zhes 'byung ba yin te/ de bzhin du skye ba mi mthun pa'i dbyings ma yin pa'i phyir dang / chos thams cad kyang gcig pa dang / kun tu bzang po'i thabs kyis 'jig rten kun la mnyam pa nyid du rol ba'i phyir/ 'di las skyes pa bud med ces/ mnyam pa'i rgyal pos sa yod ma gsungs// zhes 'byung ba yin no// skabs bcu drug pa// // da ni dngos grub chen po'i bde ba thams cad len pa dang / chags pa spong ba'i skabs 'chad te// de'i zhor la dka' thub las chos kyi don mi 'byung ba dang / sems kyi gdung ba dang nyon mong pa'i don ston to// 'di la brtul zhugs drag shul gyis// gnas su bya ba mi med de// zhes pa ni/ chos nyid kun tu bzang po la shin tu bde ba dang bla 'og gi mchog gi thabs kyis dbyings la rol pa'o// dka' thub ni nyon mong pa len pa dang // sems kyi gdung ba ste/ 'khrul pa'i nad do// de lta bas na dka' thub ni/ brjod pa yang mi bya'o// de la mtshan ma med pa'i dbang gis
- 46a
na/ thabs gang du rol kyang / bde ba rang 'byung ba dang / sgyu ma ltar gang du bskyed kyang / thabs kyi mthu bsam gyis mi khyab pas de bzhin du 'gyur ba dang / de bzhin du snang ba'i dmigs ston te/ de ni 'ching ba'o// a dang par ni rnam ldan na// sgyu ma'i bde ba 'byung bar 'dod// zhes bya ba ni/ a ni chos thams cad ma skyes pa'i rang bzhin gong du bshad pa nyid do// pa ni chos thams cad skyed pa'i bdag nyid pad+ma'i rang bzhin te/ de ltar thabs dang shes rab tu ldan pas/ sgyu ma'i rang bzhin bde ba gang 'dod pa ltar skye bar 'gyur ro// de ni zin pa'i skyon yin te/ rang bzhin du ma skyes pa'i skye ba ni ma yin pa'i phyir ro// rang bzhin gcig tu ma nges pas// ji ltar bltas pas der snang ste// zhes bya ba ni/ ci'i phyir zhe na/ rang bzhin gcig tu ma nges la// bzung ba dang 'dzin pa'i mtha' ma spangs pa'i phyir skye bar 'gyur bas/ bltas par gyur pa'i skyon snang ba ste/ chos nyid kyi 'khrul pa ni 'gyur ba yin la/ ming 'dogs pas rkam pa'i rgya mtsho'i brlabs kyis/ kun tu snang bar 'dod cing rtsol ba ni sangs rgyas su rtsol na yang skyon te/ sems de'i bde ba la gnas pa 'khrul pa ni/ bus pa'i spyod yul 'khrul pa yin pas/ snang 'dod rtsol sems bde ba yang / de ni de sgrib skyon chen yin// zhes 'byung ba yin no// byang chub yan lag
- 46b
kun gyi sgo// cha lugs bsgoms chu zla bzhin// zhes bya ba ni/ byang chub kyi lam la sa bcur bgrod pa dang / thabs kyi snying po dang / yi ge'i 'bras bus/ byang chub kyi cha lugs ji bzhin par 'dzin cing / chu zla dang 'dra bar 'byung ba yang // bya ba dang ma bral ba'i mtha'o// de bas na/ ma gos ma chags 'byung 'gyur yang // bsgoms pas byis pa'i spyod yul bzhin// zhes 'byung ba yin no// de bzhin du byang chub kyi tshe ba'i sku// dmigs su med pa mngon du 'char te/ de byung ba yang bsgoms pa dang / re ba'i mthu las gyur pa'i phyir// skyon chen po yin te/ de bas na bsgoms pas byis pa'i spyod yul bzhin zhes gsungs pa yin no// dkyil 'khor khro gnyer cha lugs kyis// khro bdag chen po'i lus bzung nas// yi ge mngon du byung na yang // zhes bya ba ni/ de bzhin du gong ma ltar bsgoms pa dang / sgrub pa'i yan lag zhal nas gsungs pa'i dkyil 'khor bsgrubs pa'i mthus khro bo chen po'i sku'i rang bzhin/ yi ge'i cha lugs kyi rang bzhin mngon du byung na yang / bsgoms pa dang mngon du gyur pa'i skyon te/ zhi ba de bzhin nyid ni med pa'i phyir// zhi ba de nyid mthong ba med/ zhes gsungs pa yin no// de la yang ta la'i mgo bo bcad pa dang / sa bon mes bsregs pa dang 'dra bar/ nyon mongs pa'i dbang gis/ 'khor ba chen por mi 'gyur ba'i thabs su
- 47a
bstan te/ yan lag tu bsgoms pa'i thabs kyi skabs 'di ston to// rnam grangs brgya stong phrag yas pa/ gang ltar skyed kyang me tog skye/ zhes bya ba ni/ bsgrub pa dang / dngos grub tu stsol ba la yang rnam pa gnyis te/ nges pa'i lung dang rang bzhin no// de la nges pa'i lung ni// mnyam pa nyid kyi chos kyi dbyings la mnga' brnyes pas na/ gang ltar bsgrubs gang du dmigs 'char ba dang / dbang chen gyi mangs bsgyur ba ste/ 'ching ba med pa'o// sprul pa ni kun tu bzang po'i rol pa'i rgyan las 'dus par mdzad pa'i/ sgyu ma'i sprul pa bdag nyid chen po las gtong ba'i phyir/ sgrib pa dang 'ching bar mi 'gyur ro// mtshan ma med pa'i dbang gis na/ bsti gnas de la 'byung mi 'gyur/ zhes bya ba ni/ chos nyid kyi byin gyis brlabs kyi mthu la rten pa ni/ dper na yid bzhin gyi nor bu rin po che la rten nas/ de nyid las yid bzhin gyi nor bu rin po che 'byung ba dang 'dra bar/ skabs 'dir mtshan ma med pa'i chos kyi dbyings kyi dbang gis/ byang chub sems dpa' chen po rnams kyis sku gsung thugs kyi rang bzhin bsgrubs te/ 'grub pa'i rkyen gyis bde ba'i bsti gnas su 'gyur gyi/ rang bzhin gyis shin tu gzhan la rag ma lus pa'i che ba nyid/ rnam par grol ba chen po ni ma yin no// skabs bcu bdun pa'o// // da ni rtsol ba dang bral zhing
- 47b
mnyam pa nyid du/ mi g.yo bar gnas pas/ bde ba chen po thob par 'gyur ba'i skabs 'chad de/ byang chub kyi sems kyi rang bzhin gleng gzhi thams cad dang bral ba'i don ston to// gleng bral 'di la gnas pa ni/ rnal 'byor 'di ni bskal pa bzang // zhes bya ba ni/ mi skye ba'i chos nyid la bya ba med de/ bya ba med pa ni gleng gzhi dang bral ba'o// de la bde bar gnas pa ni rnal 'byor te/ chos kyi gter nam mkha' dang ldan pas bskal ba bzang po'o// bdag dang gzhan don mi phyed pas// sgyu ma lhun grub yul la rol/ zhes pa ni/ mi skye ba'i chos la 'byed pa med de/ gzung ba dang 'dzin pa'i mtha' spangs pas/ chos kyi dbyings su ro gcig pa'o// chos kyi dbyings la 'khrul pa med pas/ rnam par dbyer med do// mi gnas par snang ba'i rnams ni/ sgyu ma chen po ste/ de'i mnyam pa nyid kyi yul la rol pas lhun gyis grub pa'i dbang chen no// skabs bco brgyad pa'o// // da ni chos nyid kun tu mi 'gyur bar gnas pa'i skabs 'chad de/ byang chub kyi sems nam mkha' lta bur mi 'gyur ba'i don ston to// lhag ma med pas yongs su rdzogs// 'gyur ba ma yin drang por gnas// zhes pa ni/ chos thams cad la mtha' dang dbus med pas byang chub kyi snying po yongs su rdzogs pa'i dbyings gcig pa'i phyir ro// chos nyid la gzugs med de//
- 48a
nam mkha'i rang bzhin ye nas gnas pa la/ g.yo ba'i mtha' thams cad dang bral ba'i phyir/ de bsrang ba'i mthu dang ldan pa gang nas kyang mi 'byung bas na/ dus gsum du ma nor ba'i dbyings drang por gnas pa yin no// nam mkha' bzhin du mtha' mnyam zhing // gzhan las ltos 'gyur chos ma yin// lhun gyis gnas pas bde chen te/ mtshungs pa med pa'i ye shes kyi// rang gi mthu'i rig pa las// zhes pa ni/ rang bzhin chen po'i ye shes ni mi dmigs pa'i nam mkha' dang 'dra ste/ rnam pa kun tu mnyam pa chen po'i phyir ro// mnyam pa nyid ni gzhan las 'byung bar mi 'gyur te/ smra ba dang bsam pa'i yul thams cad las 'das par sbyor ba ni/ mtshungs pa med pa'i chos nyid kyi mthu/ rang gi rig pa las 'byung ba'i phyir/ sgom pa dang sgrub pa'i thabs dang stobs gzhan las mi rten pas chos ni gzhan las 'byung mi 'gyur// zhes gsungs pa yin no// sla zhing dka' la sla phyir dka'/ zhes pa ni/ ye nas snying po byang chub la gnas pa dang / rdul tsam yang bya ba med pa'i phyir sla'o// mi dmigs pa ni nam mkha'i spyod yul la mtha' med pas/ bgrod pa ni shin tu dka'o// de ltar yongs su rdzogs pa'i rang bzhin la/ 'di sangs rgyas so// 'di ni chos so// 'di ni dge 'dun no// zhes 'bras bu cig las rgyu gsum du phye ba ni bslad
- 48b
par gsungs pa'i phyir/ bka' bar 'gyur la/ mi g.yo ba'i sla ba las/ rnam par brtsad pa'i bka' 'byung ngo // mngon gsum mi gnas kun tu khyab/ zhes pa ni/ chos nyid de ma thag pa'i bde ba ni mtshan ma med pa ste/ dmigs pa'i yul ma yin pa'i phyir/ mig gis mthong ba dang / rna bas thos pa'i yul med do// de bzhin du kun tu khyab pa dang / snying rje chen po la gnas pa'i mthu tha mi dad cing mngon par 'char ba cig pa'i phyir/ kun tu khyab pa yin no// de la yang thob pa dang btsal ba dang bcas pa'i rnams ni dper na ri 'ong gi rwa dang mo sham gyi bu bzhin du thob pa med de gnas pa med pa'i phyir/ ming tsam 'di zhes bstan par ni// rdo rje sems dpa' mtshon du med// ces gsungs pa yin/ de ni rgyu rkyen las ma grub pa'i phyir ro// skabs bcu dgu pa'o// // da ni rgyu rkyen las ma grub pa'i phyir de bzhin nyid rang las gnas par mi shes te/ rnam par mi rtog pa'i dga' ba la chags pa'i skyon bstan pa'i skabs 'chad de/ bde ba chen po'i rgyu rkyen las mi 'grub pa'i don ston to// ngo mtshar rmad 'byung rol pa 'di// bya bral nam mkha' ji bzhin te// zhes pa ni/ bcom ldan 'das kyi sku dang gsung dang thugs kyi bdag nyid med pa las/ kun tu bzang po'i rol pa la mnyam par gnas pa ni ngo mtshar che'o// mi gnas pa'i sprul pas sgyu ma'i 'jig
- 49a
rten 'dul ba cho 'phrul slad du 'byung ba ste/ bya ba med pa las bde ba'i mchog nam mkha' dang 'dra ba la mi 'gyur bar gnas pa ni/ chos nyid kyi mangs sems can kyi zhing la rol cing cir yang mi mdzad pa'o// cir yang mi dmigs gti mug las// de ma thag tu rang las 'byung // zhes pa ni/ de bzhin du rang las 'byung ba ni// nam mkha' dang 'dra'o// nam mkha' ni cir yang mi dgongs te/ gti mug chen po'o// de ltar gti mug chen po de las// de ma thag tu shes rab kyi rang bzhin chos kyi dbyings su 'char bar 'gyur te/ de bas na de ma thag tu rang las 'byung zhes gsungs pa yin no// 'di ni thams cad mtshungs pa'i lam// 'gro ba kun la rang bzhin gnas// byis pas bslad pas 'khrul pa'i phyir// zhes pa ni/ sems can thams cad mi dmigs pa las mnyam par gnas pa dang / mtshan nyid grangs med par ston gyis kyang // snying po byang chub kyi rang bzhin gcig pa la/ phyin ci log gis bslad pas bsgribs pa'i phyir/ skad cig ma la gnas te/ de yang byang chub kyi rgyu yin pa'i phyir/ dper na sman zhes bya ba'i ming gis sems can thams cad sdug bsngal sel bar byed pa yin na/ de yang sman pa zhes bya ba'i ming thob pas/ ma sbyar ma btang nas sos par mi 'gyur ba dang 'dra bar/ phyin ci log kyang byang chub kyi rang
- 49b
bzhin yin mod kyi/ phyin ci ma log pa yang byang chub kyi rang bzhin te/ thazabs mkhas pa'i spyod yul yin pas/ de bas na/ sman nyid sman pa 'tshol bzhin/ zhes 'byung ba yin no// skabs nyi shu pa'o// // da ni 'gro ba thams cad rang bzhin gyis sangs rgyas kyi che ba nyid du gnas pa'i skabs 'chad de/ byang chub kyi sems ye nas rnam par dag pa'i don ston to// go ba'i yul na bde ba che// de nyid rnam dag 'jig rten yin// zhes pa ni/ chos thams cad zhi ba dang bya ba med par gyur pa na/ bde ba chen po ste/ kun tu bzang po'o// de yang de bzhin nyid du gnas de nyid kyang bzung ba dang / 'dzin pa la mi ltos pa ni/ dus thams cad du rnam par dag pa'i 'jig rten na gnas pa zhes bya ste/ de la yang ming tsam du chos thams cad la mnga' brnyes pa'i dbang gis/ phyogs mtshams dang / bla 'og la sogs pa gnyis su med pa'i bde ba las 'od 'dus pas/ phyogs bcu'o zhes sgyu ma'i mtshan nyid du rnam par grags te/ de yang las dang rang bzhin no// de la rang bzhin chos kyi dbyings ye nas gnas pa'i mthus mi 'gyur ba'i 'jig rten na sku mar gnas pa'o// las ni bltas pa'i mthu las sgyu mar snang bas// de la phyogs kyi 'od 'dus pas// phyogs bzhi mtshams brgyad bla 'og 'grub// zhes 'byung ba yin no// rigs kyi khyad par mngon par snang //
- 50a
zhes pa ni/ 'ja' tshon ni ma nges pa'i dpe ste/ kha dog rnam pa sna tshogs pa'i// sems can kun tu snang ba rnams so// de la skye ba'i rgyud mi mthun pa'i kha rgyud cing skye ba rnams ni/ rigs kyi khyad par gyi snang ba rnams so// de bzhin g.yo gdul mi g.yo ba'i// 'byung ba lnga las gtso chen yin// zhes pa ni/ de la g.yo ba'i rdul ni/ ma lus pa'i sems can rnams te/ g.yo ba de ni mi rtag pas so// mi g.yo ba ni snod kyi 'jig rten te/ gzhan gyi dbang gis ni g.yo zhing skyod// rang gi mthus ni mi g.yo ba'o// rdul zhes bya ba ni mi dmigs par don gcig pa'i phyir ro// 'byung ba lnga ni/ snying rje chen po ste/ de bzhin g.yo ba'i rdul mtshungs par gnas shing lhag pa'i bsam pa thams cad dang bral ba'i phyir sangs rgyas chen po lnga yin no// skabs nyer gcig pa'o// // da ni tshogs dbul pa dang / rnal 'byor gyi dbang phyug las 'das pa dang / da ltar dang ma 'ongs pa rnams/ mchod cing bskul ba/ rgyud dang gal po rnams las sngags dang phyag rgya dang / ting nge 'dzin du bya bas spyan drangs pa dang / bshos sangs sbyar ba dang / sems can gyi don du 'gyur bar bya ba'i thabs su/ gsungs pa yang mang mod kyi/ de ni lung dang man ngag gi nges pa ma thob pa rnams la bstan pa ste/ sbyang ba'i don to// da 'dir ni rang bzhin gyis gnas pa
- 50b
dang / yongs su rdzogs pa'i skabs 'chad de/ byed pa thams cad dang bral ba'i don ston to// 'das dang ma byon da ltar gyi// tha snyad ming la mi gnas te// skye 'gag med par rnam brtags shing // de nyid dus gsum chen por sbyor// zhes pa ni/ 'das pa dang / ma 'ongs pa dang / da ltar byung ba'i ming yang sgyu ma'i bla dgas te/ dus zhes bya ba ci yang med pa la// dus gsum du gtses pas 'khrul pa ste tha snyad dang ming tsam mo// skye 'gags med pa'i chos nyid la byang chub nyid kyang len pa med de/ sangs rgyas su yang gnas par mi 'dzin na/ dus dang khyad par lta ci zhig smos te/ de ma thag gcig la dus gsum du phyung ste/ de ma thag snga ma ni 'das pa'o// de'i bar ni da ltar gyi'o// de'i 'og ma ni ma 'ongs pa ste/ de bzhin nyid du gcig nas gcig tu skyes pa ni mi rtag pas/ zhi bar gyur pa de ni chos nyid kyi rol pa zhes bya ste/ chos nyid dbyings ma dang 'dra bar thams cad du gnas pa yin no// de bas na skye 'gag med par rnam brtags shing / de nyid dus gsum chen por sbyor zhes 'byung ba yin no// mnyam pas rim par bkod pa med// gcig pas phyogs su bsngo dang bral// zhes pa ni/ mnyam pa nyid ni yongs su rdzogs pa ste// mchod sbyin dang tshogs la sogs pa rim par dbye ba dang dus nges pa med do// kun tu bzang po'i spyod pa ni/ rnam
- 51a
par mi dbye zhing / phyogs thams cad du gcig pa'i phyir/ 'di'o zhes bsngo ba lhag pa med do// tshogs kyi rgyan rnams bkram pa yang // rang bzhin gnas pas 'grim pa med// zhes 'byung ba yin te/ bcud kyi 'jig rten 'dod pa'i yon tan lnga la sogs te/ kun tu bzang po'i rgyan du gyur pas na/ chos thams cad kyi rgyan du zhes 'byung / de rnams da bzod 'grim zhing rim par bgod mi dgos te/ ye nas gnas pa'i phyir 'grim pa med do// lhun gyis gnas pas mi bsngo zhing // gdod nas dag pas bdud rtsi yin// zhes pa ni/ thams cad kun tu bzang po'i rgyan yin pa'i phyir/ lhun gyis grub pa ste khyad par med pas bsngo ba med la/ khyad par med pa'i chos nyid ni/ sdug bsngal gyi nad thams cad dang bral ba'i phyir bdud rtsi dang 'dra'o// de yang gdod ma nas grub pa'i bdag nyid can no// 'du byed bcu gnyis khyad par du// lhag pa'i bsam pas bzung ba med// zhes pa ni/ 'du ba dang mched pa ni dbang bsgyur ba'i chos can te/ gzugs kyi rang bzhin no// mi gnas pa'i bde ba la chos kyi dbyings kyi rang bzhin gyis 'du ba dang / bdag gi rol pas kun tu bzang po'i rgyan thams cad du longs spyod pa mi mched pa ste/ mched pa ni/ sems can thams cad mi gtong ba'i snying rje'i shes rab kyi sems/ sdug bsngal gyi rgya mtsho
- 51b
skems pa la mched pa ste/ nang gi rol pa drug dang / phyi'i bde ba len pa drug ste/ bcu gnyis so// de rnams kyang rang bzhin gyis gnas pa dang / 'jig rten thams cad dang mtshungs par sbyor ba dang / rgyu gcig pa las kun tu 'byung ba'i phyir lhag pa'i bsam pas/ bsngo zhing bzung ba med do// zhes bstan pa yin no// skabs nyi shu gnyis pa'o// // da ni tshogs kyi rgyan rnams rang bzhin lhun gyis grub pa'i skabs 'chad de/ bya ba med pa'i don ston to// yid kyi bsams pas yon dag ste// bltas pa'i stobs ni bkram pa'o// zhes pa ni/ mi gnas pa'i ting nges 'dzin la yud tsam du gnas pa ni/ chos kyi dbyings la dbang byed pa ste/ dper na chos thams cad kyi rgyal po chen po ni yon dag chen po zhes bya'o// de ltar bltas pa'i yul med pa la/ grub pa'i stobs su gyur pa na/ chos thams cad tshogs su bkram pa'o// mthong bar gyur pas dngos grub la// de'i mnyam bzhag rdzogs pa'o// zhes pa ni/ tshogs te/ mi dmigs par mthong ba ni// mi 'gyur ba'i dngos grub chen po'o// de la mi gnas pa ni yongs su rdzogs pa'i mnyam pa nyid do// skabs nyer gsum pa'o// // da ni lhun gyis grub pa'i skabs 'chad de/ byang chub kyi sems mi dmigs pa'i ngang du yul yul can med pa'i don ston te// yud tsam bzung bas sbyor ba yin// dga' bar
- 52a
gyur pas dam tshig ste// thabs kyi gar thabs bskyod pa yis// gnyis med sbyor ba phul ba yin// zhes pa ni/ bdag dang gzhan du mi dmigs pa ni/ chos kyi dbyings la sbyor ba ste/ sbyor ba chen po zhes bya'o// de bzhin du bde ba la gnas pa ni/ kun tu bzang po ste dga' ba chen po'o// chos kyi dbyings ma dang dga' bar ldan pa'i dus na/ mi gtong ba'i shugs nam mkha' dang 'dra bar sbyor bas/ dam tshig ste/ nyams pa med pa'o// sgyu ma'i sprul pa 'gyed pa ni thabs kyi gar thabs so// gzungs dang bde bar ldan pa'i don las 'gyur bas na/ bskyod pa ni chos kyi dbyings rang bzhin gyis dmigs su med pa dang / chos kyi dbyings la kun tu bzang po mi dmigs pas/ gnyis dang gnyis su med pa'i sbyor ba phul ba yin no// zhes 'byung ba yin no// skabs nyi shu bzhin pa'o// ni las rgya mtsho mnyam par bzhag pas 'grub pa'i skabs 'chad de/ gzungs de dang bdag dang bcas pa'i gtor ma ston to// // mi bzung gtong bas gtor ma yin// bya ba med pas las rnams te/ mi rtog ye shes bgegs bsal nas// mi gsung mnyam bzhag dam tshig go/ zhes 'byung ba yin te/ de la chos thams cad kyi bzung ba dang / 'dzin pa'i mtha' spangs te/ mnyam pa nyid la gnas pas/ mnyam pa nyid kyang mi rtog pa 'di ni gtong ba chen
- 52b
po ste/ sdug bsngal thams cad zhi bar byed pa'i gtor ma'o// bya ba thams cad dang bral ba ni lhun gyis grub pa ste/ chos kyi dbyings kyi mthu dang ldan pas na/ 'khor ba dang ngan 'das par gyur pa'i las thams cad zil gyis mnan pa yin no// de la rnam par rtog pa ni 'khor ba'i rgya mtsho ste/ bgegs chen po'o// mi rtog pa ye shes kyi nyi ma ste/ chos thams cad la mnga' mnyes pas na/ phyi nang gi bgegs thams cad zil gyis non pa dang bsal zin pa'o// mnyam pa nyid la chos cig 'byung bas rgyud// 'dzin pa'i mthar 'gyur te/ bgegs kyi gnas so// de la gsung ba dang bral ni byang chub ste/ chos kyi dbyings kyi mthu'o// de bzhin du mi gsung bar 'dul ba ni/ sngags kyi tshig dam pa'o// skabs nyi shu lnga pa'o// // nga ni thabs med cing mi mkhas pas bdag dang bcas pa'i sbyin pa gtong ba dang / gtor ma dang bsod nams dang ye shes tshogs la sogs pa rnams las dang nyon mongs par gyur pa'i skabs 'chad de/ de bzhin gshegs pa la chags pa dang ma chags pa'i don ston to// bla ma mchod dang gtong ba dang // de bzhin bsod nams thams cad kyang // ma chags mi g.yo'i stobs med na// byas na 'ching ba chen por 'gyur// zhes 'byung ba yin to// bla ma zhes bya byang chub kyi snying po ste/ rang gi rig pa las 'byung ba'i sangs rgyas so//
- 53a
ji tsam du bdag chos kyi dbyings kyis bde bar gnas pas na/ 'khor gsum chen po yongs su tshim pa'i mchod pa chen po ste/ de ni snying po byang chub kyi snying pos mchod pa'i rang bzhin no// de la rdo rje slob dpon ni chos nyid kyi rang bzhin yin te/ chos nyid de slob ma la 'byin par mdzad pas/ ston pa po sangs rgyas kyi spyan gyi yang spyan zhes bya ste/ chos kyi mchod pa dbul ba dang / lto pi ye shes yid bzhin gyi nor bu chen po rang la yod pas mchod pa dbul bar bya'o// de bzhin du bsod nams su bya ba yang zin pa med pa'i gdeng dang chags pa med pa la mi dmigs par mi sbyor gyis/ bsod nams so zhes g.yo/ ba'i sems dang ldan na/ nyon mongs pa'i sa bon 'debs kyi bsod nams mi byed do// de la ma chags pa ni rgyu/ mi gnas pa ni gtong ba/ mi dmigs pa ni sbyin pa chen po ste/ de bzhin du bsod nams thams cad kyang nang du bsam par bya'o// de lta bas na byas na 'ching ba chen por 'gyur zhes 'byung ba yin no// skabs nyi shu drug pa'o// // da ni lung 'brel pa ming tsam brdar bstan pa'i skabs 'chad de/ de bzhin nyid la rtsol ba sgrib par 'gyur ba'i don ston to// de bas de lung de nyid las// de las de dbyar sgrib par 'gyur// de ltar de la de rtog na// de la de nyid 'grub pa med// ces gsungs pa yin te/ de ni de
- 53b
bzhin nyid de/ des na lung 'di nyid la bya'o// de bzhin nyid de las// de bzhin 'tshol bas sgrib par 'gyur te/ de rtsal na sgrib par 'gyur ro// de bzhin nyid de las de bzhin nyid blangs te/ thob pa'i de bzhin nyid de la gnas na rtog pa chen po ste/ nyon mongs pa'o// de ci'i phyir zhe na/ zin pa'i chos nyid la bya bar rtsol ba ni/ nam mkha'i khams bzod bgod pa dang 'dra ste/ grub pa'i mtha' med do// de lta bas na zhi ba mnyam pa chen po la ni ci dgar spyod cing / kun tu bzang po'i spyod yul la gnas na chos nyid yin no zhes/ bcom ldan 'das lung thams cad kyi bdag nyid/ dpal rdo rje sems dpas de skad gsungs so// skabs nyer bdun pa'o// // lcags 'brel rdzogs so// // dge'o// // @#// rnal 'byor gyi rim pa'i rgyud ces bya ba bzhugs so// rgya gar skad du/ yo ga kra ma na ma pri ta tan tra na ma/ bod skad du/ rnal 'byor gyi rim pa'i rgud ces bya ba/ bcom ldan 'das gsang ba'i bdag po de bzhin gshegs pa 'dul dka' 'dul ba nyid la phyag 'tshal lo// de ltar sku lnga gus mchod nas// rnal 'byor gsum mtha' lnga nyid la// gnyis 'gyur bcu bzhi'i rim pa rnams//
- 54a
bslab bya slob pa'i don phyir bshad// rnal 'byor gsum mtha' bshad bya ba// bya rgyu'i rnal 'byor bzhi gnyis dang // nges pa rnam gnyis lam gnyis dang // bya med 'bras bu mthar phyin pa'o// dang po shes bya rnams gsum ste// phyi dang nang dang phyi nang ngo // sa chu me rlung nam mkha' dang // yul drug ye shes rdo rje yi// ngo bo ka dag ji lta ba'i// sdus med rdzogs pas nges pa'o// nang gi sems dang rtog dpyod sogs// gang zag zin pa'i chos rnams ni// ngang gi mtha' bral rnal ma nyid// 'gro 'ong med par lhun gyis rdzogs// phyi nang rnal 'byor 'di lta ste/ thams cad kun dang kha dog dbyibs// nges dang ma nges 'byung mi 'byung // dman dang sman pa byas ma byas// bcas dang de ni ma bcas pa// spyi mthun khyad par rnam pa rnams// bya byed ma slad ji bzhin nyid// mtshan nyid dbyer med rnal 'byor sgra// gzhan yang mtshan nyid rtog pa gsum// log bzhi nyon mongs rnam pa lnga// phung po lnga dang dbang po lnga// rgyu drug bcu gnyis rkyen chos dang // skye ba bcu gnyis bstan pa dang // rang bzhin bco brgyad spyod bcu gcig/ smin pa bzhi dang lam lnga dang // gnas drug mu gsum 'khrul pa cig/ 'dod pa'i 'bras bu bzhir gyur cing // rang bzhin gnyis med rgyur shes bya// rnal 'byor dang po'i mtshan nyid ni// 'di zhes bstan du med pas te//
- 54b
kun bral nyag gcig ci ma spangs// ma bsdus ril rdzogs ma phye bral// ma phyin kun son 'od med khyab// ji bzhin snying po byang chub la// bden gnyis tha snyad ye nas med// bsam dang tshig gis phebs par dka'// brjod med rang rig thams cad kyi// dngos gzhi ngo bo nyid snang phyir// sems las yang dag ye shes 'byung // de bzhin bde dang sdug bsngal 'byung // chos dang sangs rgyas ye shes 'byung // dge 'dun yang ni de bzhin no// 'di la pha rol phyin rdzogs dang // byang chub dang ni pad+mo 'byung // 'di la rdo rje sems dpa' dang // dri med rin chen dpal sbyin 'byung // de bzhin rdo rje dpag med dang // sna tshogs rgyal ba 'di las 'byung // 'di las phyag rgya sna tshogs dang // rig pa'i snying po thams cad 'byung // 'di la 'dod chags zhe sdang dang // sdug bsngal nga rgyal phrag dog 'byung // gti mug dag kyang de bzhin te// 'di las 'dod chags thams cad dang // skyes pa bud med ma ning 'byung // 'di las 'dod dang 'dod gzir dang // nyon mongs gdung 'dod chags pa 'byung // ri dang skye bo de bzhin du// nam mkha' dang ni rlung dag/ dang // sreg pa'i me ni rab tu 'byung // 'di la sa dang chu dang ni// rdo dang sa bon myu gu 'byung // de bzhin klog dang skar ma 'byung // nyi ma zla ba'i sprin rnams 'byung // de bzhin spyod dang mi spyod dang // thams
- 55a
cad thams cad 'byung bar 'gyur// rgya mtsho chu nyid rlabs ltar snang // sna tshogs snang dang gzhan 'byung min// rang 'byung rang snang ngo bo nyid// ma bcos skad cig snang ba yi// thams cad sems kyi dkyil 'khor nyid// ye shes ngang gi 'od gsal la// rnam rtog 'khrul pa'i rgyud med na// grong khyer gsum gyi sems can rnams// thabs dang lhan cig mi gnas phyir/ bden pa mthong yang nges ma byas// mthong yang ma mthong 'drar gyur pas// sems nyid ye nas sangs rgyas la// rtog pas sgribs pas de ma shes// ye nas ma bral ngo ma shes// gang du 'ang ma sbas ma mthong ba// kun sbyor zhags pa lngas bcings te// ming las dngos por zhen pa'i rgyus// grong khyer gsum gyi don sgrar snang // ci phyir 'khrul pa ma zad par// nam mkha' mthong ba med pa ste// de nyid yid la snang 'gyur yang // gzugs la snang bar 'gyur ba min// mun pa'i snang ba gsang bdag gsung // kun sbyor zhags pa gang bcad cing // rang gi mig dang gang ldan la// mun pa'i yul nyid mya ngan 'das// mun pa snang 'gyur ji lta ba'o// thams cad mi gnas byang chub pas// rtsal nas grub pa ma yin yang // sgyu ma spangs na 'khrul bral bzhin// spros med ye shes snying por gnas// ma rig ye shes tha dad min// so so'i snang ba phye ba tsam// ma rtogs pa'i lam du cig/
- 55b
sems 'di sna tshogs par snang bas// sna tshogs sems su gcig pa yin// dper na gser du gcig pa las// dbyibs dang zur ni tha dad par// byas pas so so'i ming du grags// de bzhin sems kyi rang bzhin la// 'khrul dang ma 'khrul khyad par gyis// ji ltar bltas sgra der snang yang // snang yang sems las gzhan mi dmigs// sgron ma 'bar ba'i rin chen 'di// gal te ngan khung btsal 'gyur yang // de nyid yon tan rab snang bas// 'od ni mkha' la gsal bar 'gyur// de bzhin sems nyid rin chen sgron// lus ngag 'khor bar bying 'gyur yang // rang 'byung rang zhi rang snang bas// shes rab chos nyid mkha' la gsal// sems nyid nam mkha' 'drar mtshungs te// kun khyab stong gsal sna tshogs 'byung // byung tshor g.yo 'gog thams cad kyang // rang bzhin gyis 'byung ngang gis zhi// mdor na ji ltar brtags bsam bzhin// 'gyur bas thams cad ngo bor snang // ye nas snying po byang chub ni// sangs rgyas chos nyid bla dwags bral// de bzhin 'khor ba'i bla dwags med// dang sangs yod phyir blo bur chos// phyi mo nyid la mi phyed / bral// de bas so sor nges zhes na// yang dag lam gyi bcos med cing // nyon mongs spangs shing bya sgrub med// 'ching bu rin chen lta bur na// rang bzhin thabs kyis 'brel ba dang // shes dang mtshon pa'i bya/
- 56a
byed dang // rgyu rkyen lta bur 'brel ba'i phyir// de lta nyid du nges par bzhag/ de nyid mtshon zhing shes dgos pas// dgos pa rnam gnyis 'chad par 'gyur// ji ltar gser dang gser mthong ltar// dang po brjod bya mthong bar gyis// rnal 'byor grub pa'i lung gi rnal 'byor gyi rim pa las/ bya ba rgyu'i rnal 'byor bshad pa'i le'u ste dang po'o// // gsum pa sa la gnas pa'i rnams// bag chags gcod sbyong tshul nyid kyis// legs nyes che bar 'byung ba'i phyir// shin tu brtson 'grus spyod la 'bad// bzhi pa sa la gnas pa rnams// drod rtags chung ngu snang ba'i rgyu// rtse gcig ting 'dzin la gnas phyir// phyogs gcig spyod la gnas par 'gyur// lnga pa'i sa la gnas par 'gyur// dang po'i slab bcu mthar phyin cing // de dang bral ba med pa'i phyir// btang snyoms rgyun gyi spyod la gnas// drug po'i sa la gnas pa dag/ shes rab chen po'i bden mthong zhing // gang dag spyod pa mi dmigs phyir// shes rab mthun pa'i spyod pa spyod// bdun pa'i sar gnas rnal 'byor pa// nang du yang dag 'jog dga'i phyir// shin tu mi g.yo ba'i spyod la gnas// brgyad pa'i sar gnas rnal 'byor pa// brtul shugs spyod dang spros tshogs spyod// mnyam pas dang du len byed cing // bdag gzhan gnyis ka'i don rdzogs byed// dgu pa'i sa la
- 56b
gnas pa rnams// 'dod yon lnga sogs longs spyod rnams// ma spyad nyams med rtogs gtso'i phyir// dbang sgyur thabs kyi longs spyod rdzogs// sa bcu rnal 'byor lhag pa la// bdag nyid chen po'i spyod pa la// lhun gyis grub pa'i spyod pa dang // bya rtsol bral ba'i spyod par gnas// sgo gsum spyod pa'i bye brag dang / kha zas bza' btung spyod pa rnams// dang po'i las can gtsor spyod pa// don 'gyur phyir bzhin thun mong 'gyur// yo byad lnga dang rgyun bya ba'i// dam tshig bzhi dang bral mi bya// rgyas par khas blangs skyon bsgrags pa// rgyu dang ngo bos brtags pas gnyis// gang zhig gzhan du gang 'tshol ba// de ni gol ba'i lam du zhugs// rnam rtog mun pa'i sgrib pas bsgribs// gang ma rig pa mun pa'i de sgrib yin// rnam par rtog pa de nyid bgegs// bgegs ni de nyid de las byung // gang la rnam rtog ma byung na// bdud ces bya ba ga la yod// bdud ni gang las byung zhes na// rtag tu 'grus las 'byung ba yin// 'grus med nyid las bdud mi 'byung // ci phyir mi 'grus de nyid bdud// de yi skyon dang gol sgrib ni// yon tan mnyam du mthong las 'byung // gal te yon tan mnyam mthong med// skyon dang gol 'grib ga la yod// de nyid skyon dang gol bsgrib yin// mun pa shes dang log sred shes// byis pa'i shes dang phyogs rig shes//
- 57a
dbus mthar byed pa'i shes pa rnams// dam tshig nyid kyi gol sar 'gyur// gzhan yang ltung ba'i sgo dgu dang // rtogs pa brgyad bcu rtsa cig sgrib// rnam par rtog la rnam rtog nyid// log sred can la log sred nyid/ phyogs 'dzin tsam la tha snyad rdzas// phyogs shes dag la sgyur mar snang // mun pa can gyi shes pa ni// 'di las log par shes pa'o// log sred can gyi shes pa ni// tha snyad smra zhing gnyis 'dod pa'o// byis pa rnams kyi shes pa ni// med par smra zhing yod par 'dod// phyogs su rig pa'i shes pa ni// yul med shes snang shes pa nyid// don dam skad cig cha bral 'dod// nges par 'byed pa'i shes pa ni// yul rnams log snang sgyu ma tsam// dam par rang bzhin med par 'dod// rnam par mi rtog don 'tshol na// gcig pu dben pa'i sa bzung ste// tshad ma gsum dang ldan pa'i blos// rnam par rtog pa'i rjes bcad nas// yang dang dbu ma'i gser 'tshol la// rtogs 'dod spre'u bzung byas nas// kun mo byi la bdag par bya/ bse khungs dkar khung kun bkag ste// re'u cha phang phung bshig nas// rgyal po'i bskor mdzod kha phye la// de dang longs spyod rdzogs bdag po// mtshams med pa las mtshams gcod pa// 'di ni rnal 'byor can gyi las// shes bya nang gi chos nyid las// rnal 'byor don du 'jug pa dang //
- 57b
mi yi 'du 'dzi g.yeng ba'i sa// bar du gcod pa gsal ba'i phyir// phyi dang nang gi sa mtshams su// 'gro 'ong 'grul rnams gcad par bya// yang dag don gyi lam 'tshol na// rtog pa'i skyon lnga spang bar bya// rtog pa rags pa'i ri bo dang // mtshan ma rgyu ba ri zung dang // byung tshor skyon lnga spang bar bya// rtog pa la yang gnyis yod de// rags dang phra bar snang ba yin// de bzhin mtshan ma che chung gnyis// rgyu ba ring po zung ngu gnyis// de bzhin tshor ba gsal mi gsal/ 'byung tshor gnyis su snang ba yang // myur ba dang ni gul ba'o// 'di ni don la sgrib pa yi// rtog pa tshon cha'i gnas chen yin// ci phyir don de 'di mthong phyir// mun pa dang ni 'khrigs pa dang // kun tu 'thibs dang sprin phung dang // na 'un lta bur sgribs pa yis// yang dag mi 'gal mthong mi 'gyur// 'di yang bye brag gnyis gnyis te// mun pa mun nag chen po dang // kun nas 'thibs pa lta bu dang // kun tu 'thibs dang sgribs pa dang // 'thibs pa tshon byed chung ngu gnyis// sprin chen 'thibs dang 'al 'ol dang // na bun bltams dang na bun gyis// gnas ni gsum dang mi'i gnas// 'dod pa'i khams lnga'i lha gnas dang // gzugs kyi khams dang gzugs med khams// nyan thos rang rgyal gnas su lhung // ltung bar 'gyur ba'i skyon che ni// mtshan ma'i g.yeng ba rnam drug yin// rang
- 58a
bzhin yul la g.yeng ba dang // de bzhin phyi rol g.yeng ba dang // nang dang mtshan ma'i g.yeng ba dang // yid la byed dang gnas ngan len// 'di dag rab tu gsal bar bya'o// gsal nas don la mnyam bzhag che// mnyam pa'i don la sgrib pa'i skyon// rnam pa lta bur 'byung 'di lta// byung tshor dbang gis g.yeng ba dang // bying dmugs dbang gi 'thibs pa dang // 'dzin chags dbang gis gog pa dang // thezer zug dbang gis rtag pa dang // phyal ba'i dbang gis med pa ste// 'di ni mnyam pa'i skyon yin no// gang 'dir tshor 'gro ma rabs dang // gang 'gog byis pa'i spyod yul dang // 'dir gang nyams pa'i snod sred can// yal ba phyal ba dmigs pa cig/ gang 'dir lta bas 'dongs pa dag/ bdag la rten nas mtha' sgrubs te// med mos ngan 'gro med nyams nas// de ma thag par ngan 'gror 'gro// dran 'byung rjes 'jug pa ni// 'khor ba'i khams su 'khor bar 'gyur// dran 'byung g.yo ba gang bkag pa// de dag 'gog pa nyid du 'gyur// dran 'byung med par blun pa ni// mu stegs can la mun par 'gyur// 'di zhes sems su cig gzung nas// mtshan ma rtog pa'i ri bo yin// snga phyi med ces byang chad nas// med de chad pa'i mu can yin// mos pa chung ngu thams cad ni// gang la bdag med rten bzhin mthong // gnas dga'
- 58b
rtog yong spyod med pa// bsam gtan dang po kho na'o// kun stong 'phra ba'i stong pa la// gnas rtog med la spyod tsam med// stong pa nyid la nges bzhag med// dga' ba skyed pa gsum pa'o// bdag gam gzhan gyi mthus bstan te// skyon med mi g.yo gnas bzhi pa'o// 'di la gang 'jug par gcod pa// le lo bya mang rgod pa dang // g.yeng dang dmugs par 'dod pa dang // gnyid dang re dogs the tshom dang // 'phro 'du spyod dang 'byung dga'o// dam pa'i don la gang sgrib pa// mi gsal bde ba sdug bsngal dang // skye ba gsal bar 'byin pa dang // nges dang khyad snyems 'byung bzhi dang // gzhan yang bdud lnga dgra bzhi dang // dmigs pa brjed dang le lo dang // bying gung re dogs stsol mi stsol// yang dag don la sgrib par byed// 'di dang rtsa ba dngos skyon dang // rang bzhin 'byung dang ched du byed// nyams myong shugs 'byung skyon du 'gyur// shugs 'byung brgya dang bco brgyad sogs// dang po'i rtags la mthar 'dzin pa// yang dag don la sgrib par 'gyur// lung nas btsa' ba'i lung bzhag pa// gnyen pos 'tsham par bzlog pa dang // rab tu byed pas mngon byas bzlog/ rang byung rang zhi thabs gsum ste// spong ba'i 'du byed dran pa dang // brtson 'grus mos dang sbyor ba'o// shes bzhin bya bar rtogs pa dang // stsol dang mi stsol gnyen pos sbyor//
- 59a
skyon chen de dag blan pa'i chos// sems kyi lon de rgyal bas gzung // dbu ma'i nges pa'i lam 'tshol ba// dgon pa'i rgyun tu dben gzung ste// tshad ma gnyis kyi gzhal ba'i blos// rnam par rtog pa'i rjes gcod pa// yod med mngon rtog ga las 'byung // brtags pas rtog pa rta las byung // rtog pa sgyu mar rab shes na// rtog pa'i ri bo zhi bar 'gyur// des ni gnas ngan gsum du min// rtog pa gang las byung zhes na// mtshan ma'i chos las byung ba yin// mtshan ma sgyu mar rab shes na// mtshan ma'i tshogs rnams zhi bar 'gyur// des ni 'dod khams tha mar min// mtshan ma gang las 'byung zhe na// dran pa rgyu ba dag las byung // dran pa'i stobs su shes gyur na// sgyu ma'i chos rnams sel bar byed// mthu des 'dod khams gnyis par min// rgyu ba gang las byung zhes na// tshor ba dag las byung ba yin// dgag cing skye bar bya ba med// tshor ba sgyu mar shes 'gyur na// skyon gyi tshor ba sel bar byed// 'dod khams gsum par ltung mi 'gyur// tshor ba gang las byung zhe na// byung tshor phyi nang dag las byung / de nyid skyon du shes 'gyur na// dgag cing skye bar bya ba med// de ltar shes pa'i mthu yis ni// 'dod khams zhi bar mi ltung ngo // byung tshor gang las byung zhe na// sems kyi chos las byung ba ste// sems nyid sgyu mar rab shes nas//
- 59b
sems kyi chos rnams zhi bar 'gyur// phung po gzugs brnyan 'dra ba la// sems ni smig sgyu lta bu yin// yod med gnyis kyi mtha' las grol// de ltar shes pa'i rnal 'byor pa// 'dod khams lnga par ltung mi 'gyur// sems nyid yod pa'i dngos po'am// med ces bya bar mi lta bas// mu stegs can du'ang ltung mi 'gyur// bying rmugs can du ma gyur pas// 'du shes med par ltung mi 'gyur// 'du shes rjes su ma 'brangs pas// sems can gnas su de mi 'khor// kun gzhi don la goms pas ni/ nyan thos gnas su ltung mi 'gyur// stong zhing zhi bar mi byed pas// rang rgyal lta bar de mi ltung // ye shes cha bral mi 'dod pas// sems tsam du'ang ltung ma yin// rnam dag stong par mi 'dod pas/ byang chub spyod par ltung ma yin// mnyam nyid stong pa'i don dag la// so so tha dad mi 'byed pas// sa'i rim par mi ltung zhing // rim gyi sbyar zhing 'phar ba med// kun gzhi nam mkha'i snying po des// nyon mongs sprin gyis gtibs spangs sa// shes rab rlung gis ma gtor bar// gzha mkhan gyi spyod 'dra yis// sgrib gsal chos nyid gsal 'dod pas// ji ltar chu gsher byis pa dag/ nyi ma sprin ldan dri ma yis// shin tu dgeg par gyur pa yis// sprin chen 'dus pa'i phung po la/ kha'i dbugs kyi bus byas nas// sprin gsal nyi ma gsal 'dod
- 60a
'dra'o// de phyir rnal 'byor dbang phyug gis// sems nyid don la rnam rtags te// kun bzhi rtsa bar shes par bya// sems nyid de la bltas gsal na/ rtsa ba dang ni gang ldan pa// dus dang tshon dang lor gyur kyang // yal ga lo 'dab 'bras bur bskrun// rtsa ba'i sa bon med mi 'gyur// ched du rang bzhin byed med pa// cig shos lam du gtsor bstan te// rim slob goms pa de bzhin te/ tha ma rtsol ba med par 'gyur// lung nas lnga ltas bsgrags bya ba// ji ltar snang byed don mthong nas// bar chad med pa'i brtson 'grus kyis// srog la bab kyang mi lta bar// rnal 'byor yul la 'jug pa dang // ting 'dzin/ rig pa'i rtsal sprugs pa// gnyen po kun rten sa sbyangs nas// rnal 'byor sa la brtson par bya// 'di ni gdon mi za ba dang // lam la the tsom mi skye dang // ma nges mnyam zhugs the tshom med// bde ba'i don sgoms zhar la snang / nges pa'i lnga ltas rnam pa lnga// rgyu'i dus na 'gyur ba yin// 'bras bu gang dang gang 'grub pa// mtshan ma gsal bar rgyu las byung // dper na 'jig rten byis pa dag/ yun rings ma las skyo ba ltar// lnga ltas 'byung ba'i sgra thos nas// shin tu brod pas mdun bsu ltar// bltas chen 'byung ba'i grol tshul gyis// shin tu brtson pas de thob 'gyur// de bas lnga ltas mtshan ma rnams// shes nas 'bad de
- 60b
brtson par gyis// dper na me'i lnga ltas ni/ du ba'i mtshan ma rgyas par 'gyur// du ba gar byung gnas de na// me nyid yod par shes pa yin// de bzhin chu'i snga ltas kyang // rlabs dang sngangs dang srog chags 'byung // de ni chu nyid 'byung bar nges// rlung gi ltas kyang 'di lta ste// sprin rnams rgyug cing dum bur chad// des na rlung chen 'byung bar nges// rtsi 'tshal lo ma gar byung bar// des na gser khung yod pa ltar// snga ltas mtshan ma 'di dag gi/ 'bras bu mtho dman gang 'gyur ba// rgyu la mkhas par byas nas ni// mtshan ma ci 'byung de sbyar ba// bla ma'i ngag las shes par bya// don la de ltar mnyam bzhag na// rtags kyi tshor ba 'di ltar 'byung // brod dang rtags dang cho 'phrul dang // mngon shes dang ni ye shes 'byung // drod ni g.yo thob bstan pa dang // rtags ni 'byung dang thabs stan dang // cho 'phrul 'byung dang rdzogs pa dang // rig pa phra mo drug kyang gsal// tha ma rang 'byung nyid 'byung ba// de ni don rnams rdzogs pa yin// dper na mun pa sangs pa dang // snang ba byung dang nam mkha' dang // kun tu mthong dang thams cad gsal// de 'dra'i tshul du 'byung zhing 'dag/ yang dag don la ring zhig gnas// shes rab 'dris par gyur pa na// nges don mthong ba'i nyams drod ni// don dang mjal ba'i rtags chen yang // man ngag lung
- 61a
gis brgyad 'char ste// nges par drod gsum myong bar 'gyur// de dag thog tu phebs pa ni// drod chen rtags su rten pa yin// de'i zhor las byung ba'i drod// 'khor ba'i chos la snying yang rje'i// bya nga chub sems kyang skyed par 'gyur// mtshan ma rtogs pa'i chos rnams la// yid mi ches pa'i 'du shes skyed// chos rnams 'di ltar yin pa la// 'di ltar 'khrul pa'i ngo mtshar zhes// ya mtshan spyod pa'i 'du shes 'byung // 'di don ma shes 'gro ba rnams// rtsol sgrub dka' ba'i thabs chen gyi// yang dag don tshol lam re zhing // bsags pa'i 'bras bu yod 'gyur yang // don de mthong bar yong mi nus// 'di 'dra'i 'du shes 'byung bar 'gyur// 'di ltar shes pa'i nyams drod ni// skal dang ldan pa'i skyes bu dang // rgyud 'gros tshogs kyi ma grol bar// sems las chos 'byung 'bum phrag yas// smra ba'i sgo mo thams cad gsal// don la nges pa'i gtan tshigs dag/ tshig tu 'byin te mtshon par nus// de ni chos sku mnyam nyid dang // dbyer med gnyis su med pa yin// rten pa'i gsung thugs sku mnyen dang // de ni mtshungs pa yod ma yin// sa la slob pa'i sems ma dang // de yang mi mtshungs rgyal bas gsungs// rig 'dzin drang srong don spyod dang // lus drangs sems ni yong mi mtshungs// gzhan yang drod rtags bshad na ni// sbyor
- 61b
ba nang gi nyams drod dang // mtshan ma phyi'i drod dang ni// rig pa rang bzhin kho na'i drod// rang bzhin lung drod chos nyid drod// mngon sum mtshan ma'i drod dang sbyar// sgyu mar kun snang dngos gzhi med// chags pa med par yid mi 'khrug/ dor zhing blang bar bya ba med// nam mkha'i ngang la rang bzhin med// rtag tu med pa'i dngos dang bral// snying po nyid las gzhan pa med// dran rig rgyu ba ye shes 'char// sgron ma snang bas mun pa sel// yid bzhin nor bu nyid las 'byung // skye 'gag med pas 'jigs dang bral// ci yang ma nges nyam mi nga // chub na bya rtsol kun dang bral// go ba'i yul la bgrod pa med// bsam gtan chen por nges snang ba// kun tu mi nyams re dogs med// dang ba mi skye mi g.yo dang // ma chags mi 'chad len pa med// 'khrug pa med na rang bzhin nyid// don la sbyor ba'i rnal 'byor pa// rnal 'byor don la sbyor ba'i mis// spyod pa las kyi khyad par gyis/ khams dang sa ni gar 'gro bar// mdo don tshul lngas lung bstan na// nges pa'i lnga ltas 'byung ba ni// 'bras bu don gyi khyad par yang / cho 'phrul sna tshogs ston par 'gyur// de nas yang dag bden pa thob// tshig gis brjod pa'i grangs 'di lta ste// blo rtsal las kyi khyad par dang // snang ba lus kyi snga ltas dang // ngo mtshar rdzas rnyed tshul rtags dang // mtshan ma phra'i rmi
- 62a
ltas dang // 'dun pa mang po'i snga ltas so// blo rtsal las kyi khyad par gyis// ting 'dzin drod kyi lnga ltas 'byung // yang dag bden pa'i don bstan na// mi skrag mi dang 'gag pa skye// yang dag don la nges bltas na// 'khor ba'i chos la skyo ba skye// yang dag don la 'dris pa dang // rnam grangs chos la dad mi 'gyur// yang dag don nyid mthong ba na// tshig la dga' ba mi skye zhing // don nyid nye bar 'dzin par byed// don mthong ba dang ye shes skye// ye shes skyes par gyur pa dang / dngos por snang ba thams cad kun// sgyu ma bzhin du shes par 'gyur// sgyu ma tsam du shes pa la// bstan nas chos nyid don bltas nas// snang ba med pa'i don nyid ni// snang ba med par mthong bar 'gyur// snang med srid pa mthong ba'i tshe// cho 'phrul rgyu ba thams cad 'byung // de dag bden pa'i snga ltas so// de nas nyi ma'i snga ltas 'od zer gyi// rdul phran 'dra ba'i mtshan ma 'byung // de ni g.yo'i snga ltas so// de nas smig sku lta bu 'byung // dang po drod ces bya byar bshad// de nas mtsho'i rlabs ltar 'byung // bar gyi drod ces bya bar bshad// de nas rlung chen lta bur yang // thogs pa med par 'byung bar 'gyur// tha ma'i drod ces bya bar bshad// de nas yig 'bru drod spros pas/ yas nas 'bab pa lta bur 'gyur// de ni thob pa'i drod ces bya// de nas
- 62b
mkha' la sprin lding bzhin// ting 'dzin rtsal 'phang mthong bar 'gyur// de ni shin tu bstan pa drod// de nas lta ba gcig tsam bu// bdag gi lus 'di dbang med par// mkha' la 'phar zhing 'phar bar rtsol// 'di ni shin tu gsal bar drod// de nas sa chen g.yo ba ltar// shin tu yam yom mar mer 'byung // 'di ni dang po'i rtags zhes bya// de nas ting 'dzin rtsal sbyangs nas// ji ltar dmigs pa der 'grub te// me chu rlung dang yig 'bru dang / mtshan ma'i skye mched gang yang rung // gang ltar sgom pa de ltar 'gyur// de ni rtags chen thob pa yin// blo'i ting 'dzin rtsal rdzogs nas// ngag gi bden pa'i rtsal 'byung ste// sreg pa'i me chen mtho ba na// zhi bar gyur cig byas pa'i sa// de nyid du ni zhi bar 'gyur// chu rlung gnod pa'i rgyun byung na// chad par gyur cig brjod pa'i sa// de nyid du ni chad par 'gyur// rlung chen snod pa'i dus byung na// zhi bar gyur cig brjod pa yis// de nyid du ni chad par 'gyur// nad pa'i tshogs ni mthong ba na// gang na ba'i dmigs der ni// se gol tog pa tsam gyis ni// nad rnams zhi bar 'gyur zhes brjod// nad kyi tshogs rnams zhi bar 'gyur// de bzhin ngag gis brjod byas pas// thams cad ma lus 'grub par 'gyur// ngag gi bden pa'i rtsal rdzogs na// lus kyi drod la rtsal 'byung ste// gnyid kyi rtog pa
- 63a
chom pa dang // lus kyi bzod pa thob pa ni// 'di ni dang po'i drod yin no// khams kyi zas dang bral ba dang // mdangs dang dbang po gsal bar 'gyur// 'di ni gnyis pa'i drod ces bya// shing bal lta bur yang ba dang // khams bde mi bde mi 'byung zhing / nad kyi tshogs dang bral bar 'gyur// 'di ni drod chen stan pa yin// khams kyi zas la ma bstan yang // dbang po gzi mdangs shin tu gsal// 'di ni ting 'dzin ro tshor rtags// gzhan yang lus kyi snga ltas ni// mnyam pa'i dkyil krungs bcas nas ni// khru gang tsam du 'phar ba dang // ta la tsam du bar du drod// 'di yang ltas chen rtags yin no// gzhan yang snang ba nam mkha' la// gom pas bgrod de 'gro ba dang // chu la mi byings la 'dzul// me yi mi tshig rlung bcings pa// 'di yang snga ltas chen po yin// lus kyi bde ba'i rtsal rdzogs na// mthu'i byin rlabs bsam mi khyab// gal te dgongs sam 'dod pa na// sa 'am rdo 'am byed ma dag/ gser dang dngul la sogs par sbyar// skam sa dag la chu 'byin cing // sol ba dag la ljon shing 'byung // de la sogs pa'i dgos pa rnams// ji ltar 'dod pa de ltar 'grub// spyod pa'i mthu dang rtsal rdzogs na// 'byor ba'i yon tan rdzogs 'gyur te// yid du 'ong ba'i nor 'byung zhing // 'dod par bsams pa thams cad
- 63b
'grub// kyi mchog tu gyur pa yi// ngo mtshar can yang rnyed par 'gyur// de dgas pa'i snga ltas so// 'gro ba gang 'dul ba'i snga ltas kyang // kun gyis bkur zhing dga' ba dang // kun gyi yid du 'ong bar 'gyur// thams cad 'dul zhing thams cad la// dbang sgyur byed pa'i mchog tu 'gyur// de dag snga ltas chen po yin// mtshan ma sgra'i rmi ltas kyang // shin tu rgya che 'byung ba ste// rnal 'byor can gyis shes par gyis// bag chags 'byang ba'i snga ltas kyang // rtag par gcer bur 'byung ba dang // khrus chen rtag tu byed pa dang // dri ma'i tshogs rnams dag pa dang // chu bo dag las rgal ba dang // mtsho mgu dag las rgal ba dang // char gyi rgyun gyi 'khru ba dang // gzhan gyi bum pa gang ba'i chus// bdag gis lus la 'dug pa dang // me dpung chen pos sred pa dang // shin tu mthon po'i rtse dag la// rlung gis shin tu g.yeng zhing 'thor// 'di dag bag chags sbyong ba'i ltas// 'jigs dang bral ba'i snga ltas ni// g.yul 'gyed pa las blar log dang // nad las thar ste sos pa dang // brtson ra dag las thar ba dang // gshed ma'i lag nas shor ba dang // gcan gzan lag nas 'bros pa dang // dug nad dag las sos pa dang // bcings pa dag las grol ba dang // zag pa bcad par gyur pa dang // mtshan ma bzang po'i ltas chen yin// sa
- 64a
rnams thob pa'i snga ltas ni// khri rkang dag las 'dzegs pa dang // phal pa'i skal la 'jog pa dang // ljon shing dag las 'jog pa dang // shin tu gyen du 'gro ba dang // ri rab rtse la 'dzeg pa dang // rin chen skas la 'dzeg pa dang // mchod rten dag la 'dzeg pa dang // nam mkha'i skas la 'dzeg pa dang // 'di dag don gyi ltas chen yin// sa rnams gnon pa'i snga ltas kyang // khri mthon stong na 'dug pa dang // glang po ches la zhon pa dang // seng ge dag la zhon pa dang // khyung chen dag la zhon pa dang // mchod rten kha la phyin pa dang // ri bo'i rtse la 'dug pa dang // nam mkha'i dbyings la 'dug pa dang // lus la sprin phung byung ba dang // nyi ma'i steng na 'dug pa dang // rnal 'byor sa la gnas pa'i rtags// sangs rgyas sras kyi snga ltas ni// rgyal po'i bka' la rtags pa dang // bka'i dbang po bkos pa dang // gzhan la dbang sgyur byed pa dang // 'jig rten bkos la 'bebs pa dang // gzhan gyi sde pa dbang sdud dang // g.yul chen dag las rgyal ba dang // bdag nyid rgyal por gyur pa dang // mgo la me tog skyes pa rnams// rgyal ba'i sras su gyur pa rnams// chos la dbang thob snga ltas ni// glegs bam zab mo rnyed pa dang // de bzhin dri ba mang po dang // de dag la ni spyod pa dang // gzhan la 'chad cing ston pa dang // don nyid gtan
- 64b
la 'bebs pa dang // me long dag la lta ba dang // shel gyi bum pa gang ba la// blta zhing rtags pa 'thung ba dang // rin chen nor bu thu ba dang // 'khor lo lag tu 'babs pa dang // nyi zla lag pas zin pa dang // ri rab gla la skor ba rnams// chos la dbang thob snga ltas so// bden pa mthong ba'i snga ltas kyang // sngon ma mthong ba'i yul mthong dang // stong gsum rgya cher mthong ba dang // gling rnams gzhan du phyin pa dang // ri rab mkha' la phyin pa dang // nam mkha' rgya cher mthong ba dang // rgya mtsho'i gting du phyin pa dang // lag na sgron me thogs pa dang // nyi ma'i snying po thogs pa dang // snang srid kun la spyod pa rnams// chos la dbang thob ltas chen yin// lung bstan pa'i snga ltas ni// rol mo'i sgra rnams zos pa dang // 'brug gi dgra ni grags pa dang // seng ge'i nga ro grags pa dang // chos kyi 'gro ba'i gtam thos dang // gzugs brnyan zhal ni 'dzum pa dang // sangs rgyas gsung thos sku mi mthong // lha mo glu dbyangs sgrog pa dang // gzhal yas dag las sgra 'byung dang // grogs po zhes brjod cing // chos kyi 'gro ba byed pa rnams// lung bstan byed pa'i snga ltas so// de la sogs pa'i mtshan ma rnams// ltas chen kun tu snang ba dang // gang zag las kyi dbang po rnams// rig 'dzin so so'i sa bar ni// 'gyur ba'i snga ltas bshad pa yin//
- 65a
rnal 'byor las kyi dang po las/ ltas chen 'di dag gang byung yang // 'khor ba'i 'du 'dzi kun gsal nas// don la rtogs shing sa rnams sbyongs// des de don la reg par 'gyur// don la reg pa'i byin rlabs kyis// rig 'dzin rdo rje lhun gyis grub// rig 'dzin sa la gnas pa dang // rtsal gyi cho 'phrul sna tshogs 'byung // nyi zla zhon nas 'gro ba dang // ri bab sked nas gsor ba dang // 'jig rten rgya mar 'phang ba dang // sgeg pa'i skal pa zhi ba las// rtsogs pa'i cho 'phrul thams cad kun// khyad par rtsal gyis bstan par nus// de la sogs pa'i rdzu 'phrul rnams// rdzu 'phrul gyi ni cho 'phrul yin// rjes su bstan pa'i cho 'phrul ni// 'dul ba'i 'gro ba thams cad la// so so'i skad du chos mthun par// 'dul ba'i sgo ni sna tshogs su// so so'i skad du bstan par nus// de dag rjes su bstan pa yin// chos kyi sgo/ rnams snang ba yin// nges pa'i cho 'phrul bstan pa ni// ting 'dzin rtsal gyi khyad par gyis// 'jig rten khams rnams g.yos nas kyang // thams cad ngo mtshar skyes 'gyur te// sems kyi bsam pa rangs byas nas// so so'i dga' ba'i ro myong 'gyur// chos rnams snang ba'i cho 'phrul yin// kun nas kun tu brjod pa ni// gsang ba'i yi ge'i 'phreng ba las// rdzu 'phrul chos kyi sgra sgrags pas// yod mthong snang grags
- 65b
chos rnams kun// kun kyang gsang sngags sgra sgrags pas// sngags su ma gyur gang yang med// des na rtsal gyi khyad par las// sogs pa'i yon tan thams cad 'byung // ji ltar spyod pa'i rnal 'byor rnams// nan gyis mtshan ma'i dngos grub dag/ byis pa'i sems kyis blang 'dod na// de yang mtshan ma de rang 'gyur// dper na me'i rang bzhin las// sa dang nags tshal sreg byed pa// rgyu rnams tshogs pa'i bden pa las// med las yod pa'i bden par snang // de bzhin mtshan ma'i rnal 'byor pas// mtshan ma'i cho 'phrul thob 'dod pas// rgyu rnams tshogs pa'i bden pa las// mtshan ma rang rang bsam par snang // drug gi 'dzin pa sbyangs pa'i rgyus// drug gi mngon shes rang bzhin 'char// mthong ba sems las gzhan du min// ye shes chen po'i rgyu zhes bya// gang dag 'dzin pa ma dag par// mtshan ma'i rgyu yis mun par grub// rtags chen dang po brgyad bstan phyin// dus gcig 'byung bar the tshom med// mthar ni gnyis kyang 'bral 'gyur tshe// rgya mtsho rgal ba'i gru bzhin du// lam gyi ngo bo rtsol ba bral// snying po'i don rig skad cig mas// sngon nas zhan pa'i mun bsal nas// nyon mongs sprin gyi sgog med ma// sgrib med byin rlabs ngang gis 'char// dngos grub chen po sems nyid de// yid bzhin 'byung ba'i rin po che// ji ltar dmigs
- 66a
shing sbyar bar 'grub// grub pa'i don chen thams cad rdzogs// ngo bo rgyas par 'chad 'gyur ba// rnal 'byor tha ma'i skabs su shes// de ltar yan lag kun ldan pa'i// lnga bcu rtsa ba'i rnal 'byor rnams// rang rang rnal 'byor gnas pa'i tshe// rlung po 'gro dang chu rlung dang // ri bo lta ba'i nyams bzung la// ri rab brtan zhing mi 'phrog pa// skabs su lam mthar phyin par brjod// tha mar mthar phyin spyir chibs pa'o// don yig 'jug pas phye ba'o// rnal 'byor rnam pa gnyis kyi don// skabs su sems dang chos 'phrad pas// rang rang rnal 'byor brtan pa yin// shes bya slob pa'i tshul dag gis// du ma'i dngos po gcig las 'byung // sred pa'i sa bon ji lta bar// khyod kyang 'dab du gyur pa nyid// sems kyi don gyis chos mthun tshul// gsal bar gyur pa ldang ba'i tshul// de dag gong du bskyod dmigs dang // theg pa gong ma'i bslab bya dang // ye shes shes rab skad cig dngos// thabs sman zhi nas lhag mthong dang // sman pa bshes gnyen dam pa 'byin// 'dzom mthus mi sdud 'phar bar 'gyur// lung nas sngon rol las rtsam pa// bsod nams dpung la 'bad pa dang // bslab pa'i the tshom bcad pa dang // rnal 'byor tshogs la 'jug pa dang // phan tshun 'brel thag bcad pa dang // yid 'ong gnas rnams btsal byas la//
- 66b
skyon yon rtags la spang blang dang // 'byor pa'i yo byad longs spyod rkyen// mtshan par bsags te bar chad zlog/ phyi nang mthun pa rten pa dang // phyi nang 'gyod pa med byas te// g.yeng bar mi 'gyur las rnams brtsam// spyir na gang gi sdeng ldan zhing // btson pas bag yod med par gang // snga ma snga mas phyi ma nyid// bogs 'gyur 'grub pa'i dus lnga bcu// sngon bstan mthar phyir tshad sleb na// gong du 'gyur ba'i dus bab pas// the tshom med par 'grub par 'gyur// rnal 'byor sgrub pa'i lung chen po'i rim pa las// rnal 'byor gyi lam spyad pa'i rim pa ste le'u gnyis pa'o// // de rjes mngon byed bshad bya ba// gsang sngags de nyid gol sa ni// rten pa dang ni spyod pa dang // dmigs dang de bzhin khyad par dang // mi 'gyur ba dang rtsal gyis gnon// kun nas rig par gyur pa dang // gzhan yang sbyor dang mi gnas pa// bskyod pa dang ni gyur pa dang // rtsal dang 'byung ba sgo dang ni// shes pa gnas pa rig pa// lam dang 'jug pa'i ye shes dang // khyad pa'i rnam pa gcig po dang // gzhan yang mthong dang ma yengs// don tshig sngags dang yi ge'i sgo// shes pa gcig dang don gnyis dang // tshul gsum thabs bzhi chos lnga dang // rigs drug mdzad pa bcu gnyis dang // cho 'phrul chen po bcu gnyis dang // ye shes bco brgyad sa bcu gcig/ sku
- 67a
bzhi lam lnga 'bras bu drug/ byang chub chen po gcig po rnams// rang rkyen tsam du spyod byed cing // 'bras bu rkyen gyur mtshan gnyis ldan// rtsol bcas rgyu'i the pa'o// bya med 'bras bu'i rnal 'byor ni// sgra 'bras med par gcod sbyor ba// gang dang gang gis rjes zhugs nas// bya ba byed bral gsang ba'i lam// sa bcu bslab pa sbyor bcu lnga// rnal 'byor rtog pa bcu gcig rgyu// rtog pa lhung sgo dgu bcu dgu// ma nor gcig dang nges pa gnyis// dgod pa ye shes bzhi dgu gnyis// tshogs dang sgrub pa dngos grub dang // yon tan ting 'dzin chen po lnga// ye shes 'byung tshul lnga bcu gnyis// che ba rol pa rngam brjid mthu// cho 'phrul yongs rdzogs bcu gnyis gcig/ goms slob lam gyi mtshan nyid ni// chos rtags bzhi yis nges bya ba// bstan chos mtshon chos mthun pa'ang // sna tshogs gter gyi khang pa dag/ rgyal po mdzod du gyur pa dang // spyod sgo 'jug sgo thams cad kyang // dka' thub phyi nang khyad par gyis// rin chen sna dgu'i rim pa dag/ so so'i lam thabs mthon dman gyis// yul de cig las med na yang // yig tshad sgo dgu so sor spyod// rgyal por gyur na de kun la// dbang bskur byed pa'i bdag po yin// mi gnas chos kyi dbyings nyid dang // blta ba'i yul du gyur pa na// rig pa'i rtsal gyis khyad par gyis//
- 67b
blta yul gcig las med na yang // so so'i 'jug sgo kun nas spyod// dbyings kyi rang bzhin gcig la yang // rtsal 'phang mthon dman khyad par gyis// skas kyi dang po rtsi ba ltar// sa dang theg pa'i khyad par du// mtho dman rim par snang ba yin// mnyam par gyur pa'i gzhi gcig la// mthun dang mi mthun don gyis na// dper na khang pa sgo mangs bzhin// sa dang theg pa so so'i sgo// mi mthun so sor sna ba yin// de yang 'dul bya spro ba'i rgyus// drangs kyi dbye bas gnyis 'gyur te// sangs rgyas chos kyi sgo mo 'di// grangs mang bsam gyi mi khyab na/ mdo ru bsdus na gsum du gsal// rtsol bas 'jug pa'i sgo mo dang // / grub pa thabs kyi sgo mo dang // mthar phyin 'bras bu'i sgo mo'o// dang po la yang gsum yod de// mtshan nyid thabs kyi sgo mo dang // thub pa rigs kyi 'jug sgo dang // grub pa rigs kyi gsang sgo'o// de dag sgo mo re re la// gsum gsum yod par 'dren pas bshad// kun 'byung 'dren pa'i theg pa dang // dka' thub rig byed theg pa dang // dbang sgyur thabs kyi theg pa'o// shes rab rab 'bring tha ma dgu'o// de dag bsgrub thabs sgo la gsum// shes rab rtogs pa'i sgo mo dang // ting 'dzin goms pa'i sgo mo dang // smon lam grub pa'i sgo mor gsal// de yis mthar phyin sgo gsum ste// rnam thar gsum gyi sgo zhes bshad//
- 68a
'jug pa'i lam yang 'di lta ste// rnam pa gsum du gsal bar bshad// 'dren pa chen po'i sde snod dang // grub pa chen po'i 'jug sgo dang // dam pa chen po'i mdzod gsum mo// lde mig 'byed 'grol nges 'byin pa'ang // thun mong lam du rgyal bas gsungs// khyad par brjod par gang zhe na/ nges pa gnyis kyi rnam phye ba// cig shos gzhan du shes par bya// shes rab kyis nges 'di lta ste// rim gyi pa dang cig pa'o// thog mar 'jug dang bshad bya ba// lnga bcus 'jug pa rnam gsum ste// rjes su rtogs pa rnam gnyis dang // yi ge'i rjes 'jug mtshan ma dang // don gyi rjes 'jug mtshan ma med pa'o// rjes su rtog pa'i yi ge'o// rjes su spyod dang dngos po'i rnams// rang bzhin med par rtags bzhi yis// mi dga' 'gal rtogs bzhi tshul rig/ shes pa'i mtshan nyid gdeng ldan byed// de dang de nyid mdo rgyas dang // mchog gi yul dang de zlog phyir// ci 'ga' nyid ni bzlog bstan pa// cig car 'jug pa'i rnal 'byor pa// bya dang bya thabs bya med par// skyes dang ma skyes skye 'gag med// 'di kun ma 'dres yongs su rdzogs// ma 'dres mkha' la bza' skar bkram// yongs su rdzogs pas mkha' khyab brdal// 'ja' snang mkha' ltar ma 'dres gcig/ sngon du goms pa'i las snang bas// 'dir 'phrad yan lag mdo rtsa ba//
- 68b
thun mong med pas kun rtogs pa'i// shes rab 'dir ldan spyi cheb pa'o// rmongs rim cig car 'jug spyod pa// 'dod pa'i yul la zhe na spong dang // sbyong sbyar shes rtogs spyod dbang byed// shes pa 'jig rten rtogs 'phags pa// spyod blo ldan dbang sgyur thabs// gang 'dir snod bzhi zhen chags can// log sred rigs rgyud blo gros can// de la bstan pa bzhi gsungs pa// 'dod rkyen bkri trang brgyud pa'i mchog/ ldem dgos don dam nges pa'i gzhi// snod kyi rkyen dang sbyor ba yin// sgron me sman pa rdzogs dang 'khor// gru dang mnyam pa mkhan dang dmigs// pha ma sa mkhan dmigs bu dang // 'di dag lam 'gro'i pha yin no// me chu ldum bu lang tang rtse// sbrul mgo nor bu gcan gzan khro// 'di dag lam 'gro'i dge bsnyen yin// wa stag seng ge khyung mchog dag/ 'di bzhi lam 'gro'i sngon gyi sems// nam mkha' sa chu me rlung dang // sman dang kha zas mtshon cha dang // nyi ma ri rab rgya mtsho dang // bdud rtsi me long nor bu dang // de dang lam 'gro'i don yin no// bum khrod nang gi mar me dang // ru sbal brkyang bskum gnyer yin no// sgron me thor rlung ga zha mkhan// khyi phag bya dang ru sbal dang // chu srin kun tu rgyu ba dang // spre'u dom ye'u rtse spang bdag/ 'di ni lam 'gro'i dam tshig yin// de ldan gang gis brtag bya ba// mtshan mar mi rtog rang
- 69a
bzhin gyis// zab mo'i don chen go ba yin// nges pa'i don gyis thag bcad de// mnyam pa'i don la yid ches nas// de bzhin nyid la gang 'dir ji ltar blta// de nyid snang ba yin nam mi snang yin// 'on te sangs rgyas yin nam sangs rgyas min// de las gzhan na sangs rgyas yod dam med// 'di ltar cir gzhag gros kyis chod par bya// ji bzhin rtogs pa'i brtan tshigs dang // ngang gis mtha' dang / bral phyir dang // rang bzhin ma nges cir snang dang // snang ba mi mthun ther zug med// mi las grub pa'i gtam tshig med// de phyir snang brtags mtha' bral 'dod// thams cad snying po byang chub sems// gang gi dgongs pa dam pa ni// stong pa ma yin ther zug min// dbu mar mi dmigs kun rig 'gal// yod men med min las kyang 'das// skye shi rtag chad la sogs bral// snying po'i rang bzhin ma nges pas// ji ltar bltas pa de ltar snang // dngos med ji ltar brtags chags bzhin// gang ltar sgrubs pa der grub phyir// dngos po brtan po bzhi la med// dag dang ma dag sems rgyud rnams// rang rang rtags snang tha dad / phyir// spyi yul rang rgyud yod ma yin// ming tsam snang ba'i chos so cog/ rang rang ming tsam dngos po der// yin gyi grub pa'i bstan tshigs med// de phyir skye bos mthong mi bden// bdag med gnyis bral bde/
- 69b
chen klong // sangs rgyas kun gyi bde ba che// ye nas lhun grub 'dus ma byas// thig le chos nyid ye 'byams pas// kun khyab brdal bar snying por 'dus// mi dmigs spros bral byang chub sems// zab mor snang ba'i nges pa 'di// mkha' la dud 'drar gting dpag dka'// mi rtag bzhag pa'i chos 'di gang // byis pa rnams la ngas ma bstan// bstan kyang go bar mi 'gyur te// bstan du med cing go bar dka'// tshig gis rjod pa kun dang bral// 'di zhes bstan du ga la yod// med pa bstan pa'i dmigs mi phyed// sna tshogs rim gyi 'jug pa la// bsam med blo'i nang du 'gyur// bsam med yongs su rdzogs pa'i lam// rim gyis pa'i dug chen yin// ji ltar zhum pa'i khe rkang gi/ grags pa 'dod phyir gdeng med par// g.yul zhugs stobs rigs 'gran 'das na// gzhan dbang de nyid brlag par 'gyur// de bzhin dam par bcos pa yis/ khe dang grags pa rlom sems kyis// lha spyod log pa drang thabs la// rnal mar sgrar sbyang nyes par nges// gdeng med brtsol bral sgom pa'ang ltung // rgyu rkyen rten 'bral rim gyis pa// blo chung rmongs pa khrid pa'i thabs// ma bcos de bzhin nyid 'di la// rten 'brel rgyu rkyen rim gyis med// rtag tu med pa'i chos rnams ni// rtog pa can gyis mi rtogs te// gang zhig de don mi rtogs phyir//
- 70a
g.yangs sar ltung ba ci cha yod// gdod nas ma mthong shin tu dge/ gang zhig rtsal gzhan de rtogs pa// g.yor mo'i tshul du bdag brtags pas// brtags kyang rtogs par mi 'gyur ro// dper na nyi ma'i snying po la// mig gi dbang pos rab brtag na// de brtags don de mi don ye shes der sbyar// shes par bya ba thams cad rdzogs// sgyu ma sgyu ma yin spyod pa'o// ye shes sgyu mar kun gsal phyir// yi gege 'khor lo rdzogs chen sa// sgyu ma'i sa la gnas pa yi// rol pa brgyan gyi rnal 'byor las// sogs pa'i rnal 'byor rnam gsum po// dmigs pa'i ting 'dzin 'di ltar 'dod// rnam dag dbyings nyid ting 'dzin gyis// lha'i sa bon gang yin pa// rang bzhin yi ger sgyur byas te// 'od zer 'bar dang bcas pa yi// nam mkha' khams kyis gang khyab par// 'phro 'du gsal bar bskyed pa las// chag tshad bsgyur dang nam mkha' gang // rdzogs pa'i spyir chibs sa 'di la// bcu'i tha ma dang po las// mthar rdzogs kun gyi rtog yin te// klong yangs nam mkha'i snying po la// sprin med nyi ma 'bum gyi brdal// cir snang ci yang ma yin pa// mi skye mi 'gag ngo bo la// ji ltar ltas dgu des snang ba// theg mchog spyir rgya rlabs kyi bcad// de yang lta ba'i khyad par gyis// bdag nyid chen po'i rnal 'byor dang // lhun gyis grub
- 70b
dang klong yangs chub// gsum rdzogs par 'byung brdal ba'o// bcu pa'i sa la gnas pa yi// bdag nyid chen po la sogs gsum// lha'i ting 'dzin 'di ltar 'dod// thams cad rdzogs pa'i ting 'dzin dang // snang gsal ye 'phyo'i ting 'dzin gyis// lha'i sa bon gang yin pa// rang bzhin yi ger bskur byas te// 'od zer 'bar dang bcas pa yis// chos kyi dbyings kyi mtha' klas par// 'phro 'du gsal bar gyur pa las// sku'i khyon gyi khyad par yang // chos kyi dbyings kyi mtha' klas par// sku'i khyon gyis gang ba'o// rnal 'byor lnga pa'i khyad par te// tshom bu sems skabs de bzhin 'gyur// 'di ni rnal 'byor spyod pa'i lam// rnal 'byor spyan gyis bskyod par bya// shing rtog ma le ka lta bur// rim gyis bgrod cing smin par 'gyur// lam gyi ngo bo 'tshol 'dod na// lam gyi rtags ni dpes mtshon te// mi gnas mi ldan sgron ma yis// lam gyi rgyud la mkhas par bya// bag chags rtog pa'i mtshan ma rnams// sna tshogs dngos por snang mod kyang // nam mkha' dag la smig rgyu 'dra// de yang brtan tshigs nges pa yi// dpe yis mtshon te rtogs byas na// mkha' la sprin phung 'ja' tshon dang // char la sogs pa'i rgyun snang yang // nam mkha'i cho 'phrul cig tu zad// rtag tu de ltar snang ba min// sgyu ma sbrul tshogs de dang 'dra// des na dngos po'i
- 71a
chos rnams kun// dngos po rtags las ma yin pas// chos rnams rang bzhin med par shes// 'di ni rnal 'byor lam gyi mchog/ don gyi rjes su 'jug pa yang // don ni chos nyid snying po la// rjes su 'jug pa sems yin te// sems nyid chos la sbyor ba'i skabs// rnam pa bcu zhes 'dren pas bshad// bcu gnyis gang dang gang zhe na// 'dun pa skye ba'i gnas skabs dang // stsol ba sbyor ba'i gnas skabs dang // bslab pa la 'jug pa'i gnas skabs dang // 'du shes 'gyur ba'i gnas skabs dang // sbyong chen la 'jug pa'i gnas skabs dang // ro nyid tshor ba'i gnas skabs dang // rtogs chen nyid la phebs skabs dang // de nyid gdeng du gyur pa'i skabs// las su rung ba'i skabs dang bcu'o// bcu po de dag re re la// skabs su sems dang chos 'phrad pas// rig pa byang chub sems re 'byung // byang chub sems nyid gang zhes na// 'di'i grangs cha rnam pa bcu// g.yo ba byang chub sems nyid dang // de bzhin smon lam byang chub sems// ldang ba byang chub chen po'i sems// de bzhin sbyor ba byang chub sems// 'jug pa'i sems dang dga' ba'i sems// mi 'gyur ba dang rig pa dang // gnas pa dang ni rdzogs pa'o// byang chub sems zhes grags pas na// sems bcu dag tu rgyal bas bshad// byang chub sems kyi rang bzhin
- 71b
de// skabs bcu dag tu sbyor bas na// gzugs brnyan chos nyid nga la snang // gang gis gzugs brnyan gang snang ba// dngos med rang snang mthun pa'i dpe// dper na mun pa'i sprin rum nas// phra mo tsam gyi skar ma dang // de bzhin skar ma tha mal pa// skar ma chen po dag dang ni// zla ba tshes gcig rnam pa dang // gnyis dang gsum dang bzhi dang lnga// brgyad dang bcu drug rnam pa yis// gzugs brnyan dag tu snang ba ste// dngos por snang ba cad ma yin// chu zla lta bur gzung du med// sems kyi gzugs brnyan snang ba dang // chos nyid gsal ba'i nyi ma gnyis// yul dang dbang po'i tshul lta bu// dbyangs dang ye shes rang bzhin gsal// rtags dang rin pa mthun pa'i dpe// gnyis ga thun mong 'gyur rig bya// 'di ni rnal 'byor sbyor ba'i lam// bgrod par bya ba'i thabs chen yin// snying po de dag rgyun bcas phyir// rnal 'byor chen po'i skabs bcu yis// rnal 'byor lnga'i khyad par las// bcu drug rgyun gyis legs par rdzogs// de bzhin shes bya thams cad la// rnam pa bcu'i khyad par gyis// dang po nas bzung rdzogs par gnas// sbyar bas gang de nus par 'gyur// 'dun pa skye ba'i skabs dag la// g.yo ba lhag pa'i sems 'byung ste// mun pa'i sprin rum lta bu yi// gzer 'dra skar ma rab rib snang // stsol ba sbyor ba'i skabs dag la//
- 72a
smon pa lhag pa'i sems 'byung ste// shin tu skar ma phal pa dag/ gang la rab rib lta bu'o// slob pa 'jug pa'i skabs dag la// lnga pa byang chub sems 'byung ste// ji ltar me'i zer chen ltar// skar chen lta bur rab rib snang // 'du shes 'gyur ba'i skabs dag la// sbyor ba lhag pa'i sems skyed de// ji ltar 'gal med 'khor lo dang // gcig pa'i zla tshes lta bur snang // sbyor chen 'jug pa'i skabs dag la// 'jug pa lhag pa'i sems skyes te// ji ltar sgron ma lta bu dang // zla tshes gnyis pa lta bur snang // ro myong ba'i skabs dag la// dga' ba lhag pa'i sems 'byung ste// snod kyi sgom lta bu'am// gsum pa lta bur der snang ngo // yul 'jug pa'i skangs dag la// mi 'gyur lhag pa'i sems 'byung ste// thob dang brtan la nye ba yin// bzhi pa lta bur rang bzhin snang // rtog chen dag gi skabs dag la// rig pa lhag/ pa'i sems 'byung ste// rtag chen dang po nye bar brten// lnga pa lta bu'i rang bzhin snang // gdeng du gyur pa'i skabs dag la// gnas pa'i lhag pa'i sems 'byung ste// shin tu bstan pa'i sgron ma dang // brgyad pa lta bu'i rang bzhin snang // rtags thob nyid na 'grub ces bya// dang po'i rtags dang mtshungs ma yin// las su rung ba'i skabs dag la// rdzogs pa lhag pa'i sems 'byung ste// gnyen po med pa'i sgron ma dang //
- 72b
cha la rdzogs pa lta bur snang // brtan par nges par 'grub ces yin// dbye ba med pa'i sa nyid gnon// byang chub sems kyi ljon shing las// bla med 'bras bu smin pa'ang // nges pa'i sa bcu rtsa ba 'dir// gang gi rtsa ba yan lag las// bcu gnyis bdun gnyis rdzogs pa'o// ji ltar gser sbyangs mtsher ma bzhin// sems nyid sbyangs pa de nyid gsal// 'du 'phro sbyor ba'i ting 'dzin 'dis// rim gyis sbyongs la cig car drod// lam 'di goms par bslab bya na// rnal 'byor slab par bya ba'i mtha'// gnas bcu dag kyang 'di lta ste// ji ltar sa bzhi gshin pa la// brten nas sa bon btab pa la// 'bras bu smin par gyur pa yis// 'tsho bar byed pa'i srog 'dzin ltar// chos nyid kun gyi gzhir gyur pa'i// dam tshig 'di la rten nas ni// dngos grub lo thog smin pa'i sa// dge ba'i srog 'dzin dam pa'o// bslab pa 'di'i dam tshig ste// slab pa kun gyi gzhi 'dzin du// goms par bya ba rab tu ces// ci ltar cang shes kyi ling dag/ sdom byed sgrog gis bcing gyur pa// bkrol byas bde brlag btang 'gyur na// ci la'ang thog med 'gro ba ltar// sems kyi cang shes dbang po 'di// mi shes bcings pas bcings 'gyur ga/ rnam grol thos pa'i sgo mo yis// shes rgyud kun grol thog med grol// 'di ni mi shes rgyud 'grol ba'i// bcing bar bya ba
- 73a
grol ba ste// rgyud rnams dgrol ba'i bslab pa ru// goms par bya ba rab tu gces// ji ltar ri mthon rtse mo la// sgyid mi lug par brtson 'dzegs na// mtho sar phyin cing rtse gnon pas// yul khams rtogs shing lam la mkhas// de bzhin shes rab mtho ris la// bgyid mi lug par mnyam bsams na// kun gyi phud du shes rab phyin// mkhas pa'i ye shes tshad med do// don la mkhas par bya ba yi// phul du byung ba'i slab pa ste// shes rab chen po 'di dag la// goms par bya ba rab tu ces// dper na bung ba khung 'tshol ba// kun tu 'jug cing 'byung nas ni// nges par 'jug/ rang gi 'jug khung gang yin/ par// nges par 'jug cing gnas pa ltar// rnal 'byor don gyi rjes 'tshol bar// spyod sgo ci yod sngun de bsu// rtags sgor 'jug cing rtags sngar nas// ma nor nges pa'i dbu ma la// chos nyid don gyi rjes bcad phyir// sgo mo kun nas bsdur ba yi// bslab par bya ba'i mtha' yin te// goms par bya ba rab tu gces// ji ltar rgyal rigs rgyud 'byung ba// mang por dbang por dpon stabs te// 'khor lo la sogs rin chen gyis// kun la dbang bsgyur thob pa ltar// de bzhin rnal 'byor rgyud 'byung ba// chos kyi dbang por dpon stabs te// phyag rgya la sogs rtags chen gyis// rim pa kun gyi thog mar 'gro// 'di
- 73b
ni dbang gi khyad par ste// sa la rim par 'byung ba yi// rtsal gyis bgrod cing bslab pa'i mtha'// goms par bya ba rab tu gces// ji ltar glang po chur 'jug pa// tsham tshom thags thogs yod med par// dga' ba'i longs spyod brod tshul gyis// mi ldog pha rol phyin pa ltar// rnal 'byor nges par spyod pa'i blo// brtul shugs rgya mtsho'i tshur 'jug par// rtsal chen sbyong ba'i brod tshul du// chags thogs med par la dor ba'o// bslab par bya ba'i mtha' yin no// spyod pa'i slab pa dam par ni// goms par bya ba rab tu gces// ji ltar khyung chen 'khar lding ba// gshog pa'i rtsal gyis nam 'phangs gcod// ngam grog chu klung mtha' yas kyang // gshog rlabs 'og tu kun chud ltar// rnal 'byor mnyam nyid mkha' lding ba// theg pa'i spyod sgo mtha' yas kyang // mnyam pa chen po'i don gyis ni// lta 'phangs rlabs kyis zag bcad pa'o// 'di ni re dang dog pa'o// the tshom gcod pa'i lta ba yis// don la sems kyis lta ba ste// bslab pa nyid dag goms par gces// dper na rgya mtshor nor len mi// sbrul dang chu srin sbrang ma las// de la sogs pa'i sdug bsngal kun// dga' bas nyams su blangs na 'grub// de bzhin rnal 'byor bde ba 'tshol// rnam rtog bying rmugs 'phyar g.yang dgra// gzhom par dka' ba'i las 'di dag/ nyams su blangs na
- 74a
bde thob rnyed// 'di ni ting 'dzin dam pa yi// nyams su blang ba'i slab pa ste// sems kyis gom par bya ba'i las// 'dris par bya ba rab tu gces// ji ltar mun pa dug dang rdzas// sman snang gser du bsgyur bas na// 'gyur rtsi man ngag med pa'i mi// dka' ba'i las chen sna tshogs pas// sdug bsngal spyad kyang mi 'grub ste// su zhig man ngag ldan pa'i mis// tshogs med gyin da'i tshul gyis ni// bsgyur bas sman pa gser 'gyur ltar// rnal 'byor chen po'i don 'grub pa'ang // kun bzhi gnas 'gyur man ngag dang // gang dag mi ldan pas kyang ni// dga' bas bcad kyang 'grub pa min// sems kyi gsang 'di sus mthong ba// de dag man ngag ldan pas te// 'dod pa'i don mchog gang yin pa// de dag tshegs med gyin des 'grub// don rnams grub par gang byed pa// man ngag can gyis 'grub par phyir// don rnams 'grub par 'gyur ba yi// bslab pa 'di dag rab tu gces// dper na kun tu rgyu ba'i mis// 'dod pa'i yul du 'gro byed ni// yul gyi rnam pa mtha' yas kyang // bgrod pa'i gnas lam gcig las med// de bzhin bsam gyis mi khyab pa'i// brgyad khri bzhi stong chos bstan kyang // dkri zhing drang ba'i tshig yin te// bsam pa'i yul ni gcig pa'o// don rnams gcig tu bsdus pa yi// slab par bya ba dam pa
- 74b
ste// nges par gcig las med pa'i phyir// 'di dag gom par bya ba yin// sla pa 'di la goms 'gyur na// lobs pas lam la mkhas par 'gyur// sngags kyi yon tan chen po yang // smad du byung ba thob par 'gyur// thog ma bar mtha'i bslab bya'i dngos// sgra gcig ngo bos khyab par 'gyur// zab mo spyod pa la mos pas// gang zhing don la 'dris pa yi// gsang sngags spyod pa'i rang bzhin ni// mthun pa'i dmigs bcu dper bzhag ste// rnal 'byor can gyis shes par bya// sgyu ma smig sku rmi lam dang // gzugs brnyan dri za'i grong khyer dang // brag cha chu zla mig yor dang // chu bur 'khrul dang 'gal mer snang // bsgrub dang gsang sngags spyod pa dang // grub pa dang ni gnas dag dang // bzlas pa'i sgra dang phyag rgyar rtogs// ting nge 'dzin lta ba cho 'phrul brtag/ 'jug sgo lta ba dam pa yi// tshig ting 'dzin dang dmigs pa dang // bzlas pa'i 'phrin las spyod pa dang // 'bas pa dang ni rigs 'dzin dang // sangs rgyas sa dang kun rdzob du// lta ba'i yan lag bcu gnyis kyis// lam gyi yan lag tshad spyod pas// sa nas sar 'phar mi nges 'gyur// shes rkyen lde mig yan lag dang // mdo bzhi skye med mnyam nyid dang // ye nas ji bzhin pa nyid dang // btsal ba med par lung ston pa// gzhan gyi gzhi dang mtshungs ma yin// thos mthong mngon gsum
- 75a
med pa'ang bzhi// ji bzhin nyid kyi lam du nges// rtsa ba gsum ni de nyid dang // dam par nges dang yongs zin pa'o// yang ni dpe don skyon tshang ba// thun mong med par shes par bya// 'dren pa gang 'dren rnam pa bcu// lta bde de bzhin sgo 'byed dang // spyir sdud pa dang 'byor pa 'dren// rang rkyen ldem dgongs gal po nyid// ma bcos de bzhin mtshon pa'i dpe// tshe rol snrel bzhi rnam pa bcu// me long bcu dang mthun sbyar bas// sgron mas mun pa'i rdzas 'tshal sbyar// rgyu dang rtsa ba nges 'dren pa dang // 'brel tshig nges dang sbyor bas rdzogs// nges pa bzhi bzhir bzhir sbyar bas// bcu gnyis yan lag bzhir kun snang // zhen chags can dang log sred can// blo gros can dang rigs rgyud can// thams cad ma bzhir snang ba ste// 'dod 'khrid sbyor dang nges par snang // de dag res 'ga' cha bzhi ste// gang du dgos pa gang nges pa// ngo bo dmigs dang bcas pa las// bka' don gtan tshigs rigs pa bzhi// snang dang mi 'gag rgyas zang sbyar// sbyor ba bzhi pa lnga gnyis bzhi// yan lag lnga snang der sbyar lnga// rtog 'jug drug cu gcig thabs nas// yan lag drug bcu rdzogs pa'o// rang bzhin 'byung sgo rang bzhin dang // nges par khong du chud pa yis// yang dag don la nges bzhag bya// shes dang 'jug dang 'bras bu dang // lhun gyis
- 75b
grub pa'i mtshan nyid yin// de 'brel de dgos de mtshon dgos// de'i rjes su byed dgos yin// thos chud goms dang nges par 'gyur// phye mthong zhugs dang theb pa yin// de tshol de snyed 'jug mngon 'gyur// bsnyen pa nye bsnyen bsgrub dang 'grub// de bzhin mnyam 'gyur rnal 'byor pas// lhun grub las su rung ba'o// de ni nges par 'jug rim yin// cho 'phrul bzhi yod gzhan don gyi// spyod rnams bdag phyir slob par byed// de dag lam 'tshal mthong sgoms mthar// phyin pa'i phyir sbyar skabs la'ang 'jug/ gzhan gyi don du 'byung rim bzhi// g.yo dang cho 'phrul sdang mdzad pa'o// ji ltar rim bzhin sbyar ba yin// de shes de skyes par shes// de dus rngom med shes pa dang // ye nas shes rab rim bzhin no// phyir 'ong kho na'am kun gyis sbyang // thams cad mnyam nyid de nyid dang // sgrub dang mi 'da' spyod yul rdzas// rang bzhin rnam pa lngar snang ba'o// thabs mkhas che dang mang yang spangs// bskur dang rlabs chen cir ston dang // kun shong kun 'jug bder 'jug sbyar// bcom de zhing dang mthar rgyas dang // chub bar 'dus pa las bzhi'o// lung nas spyod pa don chen gyis// phye ba rnam pa gnyis 'gyur ba// sdig sbyangs sems bskyed bsod nams dpung // rnam par dkar ba'i tshogs la spyod// gnyis pa'i sa la spyod pa
- 76a
rnams// bslab pa sbyong ba'i brtson 'grus rtsom// dag dang ma dag gis spyod pas// 'phra min spyod pa'i tshul du 'gyur// dpa' bo sgeg chen he ru ka/ brtags pa'i spyod yul snying por dag/ kun bzang bsting pa'i bla dgas bral// rnal 'byor bsgrub pa'i lung nyid las// 'bras bu rnal 'byor gyi le'u ste gsum pa'o// // rgyal ba rgya mtsho rnams kyi yum// rigs 'dzin sems dpa' rnams kyi yab// rnal 'byor sa bcur 'gro ba'i shul// lam gyi nang nas nyi lam 'di// tshig 'ga' thos pa tsam gyis ni// chog pa'i 'du shes ma skyes pa// phyogs chas mya ngan 'das 'dod cing // bslab bya gang yin chub pa na// dpa' bo gnyis la rgyab phyogs pa// rnal 'byor rim pa'i snod min phyir// mtshan nyid shes nas spang ba'i rigs// snying rjes btang snyoms yang rab bya// gru dang mnyam pa mkhas dag la// brten nas rin chen lon pa ltar// thabs mkhas bla ma grub mkhan lag/ brten pas bskor bdun dbul ba sel// shin tu gsang ba'i rnal 'byor don// snod ma yin par gyur pa dang // phyi nang gsang ba gsum dag tu// sba ba'i thabs su spyad nas kyang // gsang ba'i chos rnams gsang bar bya// brtan pa'i snod med snod na dag/ rnam pa bzhis bsdus bye brag rnams// ma 'ongs rnal 'byor bcud can gyis// shes nas spang bar bya phyir
- 76b
bshad// 'jig rten pa dang theg dman dang // mu stegs log lha'i lha la dga'// dad med blo zhan g.yengs mugs shing // bslab nyan mi nyan byol song mtshungs// dad log dam nyams don las gol// byang chub zag pa gting nas chad// sems kyi myu gu rtsa tshig pas// ngan 'gro'i 'dam du kha sbub yin// gsang ba'i tshig rnams sgrar smra yang // gab pa'i gsang ba'i don mi shes// skyon can sa rol sgrog rnams la// gsang ba'i don rnams lhag pa ra smra// bsnyen bsgrub gsang ba'i tshig rnams la// sgra la nyan yang don mi gnyer// snying po don sang mi thub pa// bcud med 'khor bar zag pa yin// lta dang dam tshig bsgrub pa yi// dam pa'i mdzod gsum smra shes kyang // goms pa'i mthu med gnas ma 'gyur// ngan rgyu phrag dog ser snas gdungs// bya byed chos la blo gtod cing // spyod cing dam bral gdeng med par// rnal 'byor spyod la lha dman zhes// zer ba 'phan ltung 'khor bar 'bo// glags lha nyams sod can lam 'dren/ kha bsag lce snying sgyur byed cing // sems la nyon mongs lnga bcangs te// rku dang rgyu spyod rdzun la dga'// tshe gcig grags pa'i phyed ri du// gang zag phyir 'breng tshig rga la// mnyan te brjod 'dod tshul 'chos pa// log smra dug can tha mal ltung // gnod med kha spug de dag la// gsang ba smra bar bya ba min// smras na de
- 77a
nyid kha sbub 'gyur// gsang don mi thub snod ngan la// gsang ba smra bar gang byed pa// de dag snod med snod ngan gnyis// 'khor ba'i khams su zag par mnyam// snod nas 'khor bar 'bo ba la// gsang ba'i don rnams byed smra na// gsang ba nyams pa'i dbang gis na// nyams pa de dang de 'drar 'gyur// dug can ltung ba'i snod de la// gsang ba'i dmigs rnams smra ba ni// rnal 'byor nyams pa chen po ste// 'khor ba'i tha mar de ltung 'gyur// 'di ltar 'pham 'gyur snod ngan la// gsang ba gsang chen la sogs pa'i// don dang ring bzhin gang yin pa// bstan kyang 'phan ltung gnas su 'gyur// de bas bstan par bya ba min// gal te bstan pa 'gyur na ni// ston sgra nyan byed de dag rnams// mtha' spun phung byed gnyis skrag 'gyur// 'di dang mi mthun rdzogs pa yi// rgyud gnyen don ldan ngang tshul bzang // ci la'ang chags med stong sems can// zab yang rgya che sno myur ldan// shes rab rnam grol lde mig gis// gti mug tha rams sgo phye na// chos kyi snying po dang ldan pas// rtag chad cha mthong dbu ma'i yul// ma nor lam du 'jug shes shing // yo byad brgyad dang ldan pa yis// sdong po sdong chen rab 'dul ba'o// tha tshig lung las 'byung ba bzhin// gzhung srong thub par byed pa de'i// rgyal ba'i sras po yin pas na// de la
- 77b
gsang sgo dbye bar bya// bla med snying por smon pa'i rkyen// blo gros chen po dri ba'i yul// lam ston sa mkhan bshes gnyen mgon// mun sel sgron ma rin po che// mthong mig dbang po yid rnam shes// chu bo rab med sgrol ba'i gru// 'jigs pa'i rdzong chen rten pa'i mkhar// 'khor ba'i lcong 'byin sman pa'i mchog/ mtsho gling rin chen len byed pa'i// ded dpon dam pa'i bla ma de// mngon du nges par shes par bya// brtag pa bsngo ba kun ldan na// gzhan gyi yul la 'gro mi bya// dam pa'i yo byad lnga rdzogs na// dman pa'i yo byad med la min// nges par kun tu bzang nyid na// gang gi lha yul ngan la min// sgron me 'tshub rlung skyon la min// 'dod chags tshig 'chal dman la min// blun rmugs rmongs la ga la srid// 'dun pa nas bzung las rung ba'i// bar du de la ltos dgos so// bskal pa 'bum gyi sangs rgyas pas// slob dpon gnyen par shes par bya// ci phyir bskal pa'i sangs rgyas rnams// slob dpon dag la brten te byung // slob dpon dag la ma brten pa'i// sangs rgyas gang yang mi 'byung ste// byung na dam pa'i lung dang 'gal// rang bzhin kun dang mi ldan yang // man ngag dam pa'i mdzod dang mnyer ldan na// dam par bzung zhing dam par bya// dam pa'i yo byad lngas dbul ba'i// 'phongs pa de yis gzhan bsgral na// de yang
- 78a
'phangs nyid du 'gyur// de bzhin nyams pa'i slob dpon la// 'dud cing nyams pa'ang de la rgyas// 'khor ba'i mtha' mar dbyung zag min// m-i shes pa'i rnal 'byor ba// yang dag don dang ldan pa'i me// rjes su 'gro bar me byed cing // longs spyod 'du 'dzin gang ldan pa'o// rjes su 'gro zhing de la 'dud// de ni log pa'i 'am pa yin// rnal 'byor rta dang byang chub le// 'ban zag zad par blo 'byung // zang zing nor dang g.yo sbrul khe// rlung yang ci 'grub srog dang brdo// ting 'dzin sngags pa brjod byed cing // yang dag don du gnyer ba med// de bzhin rnal 'byor maM brtson pas// bslab par bya ba'i chos bral bas// chos nyid sngags pa brjod byed kyang // de dag la ni chos nyid med// gang zhig grong gi dbus 'dug nas// longs spyod 'du 'dzi sangs rgyas pa// de 'dra gang yang ljon ma byung // mabyon dalta bzhugs pa yang // rnal 'byor pa'i bslab pa'i lung rnal 'byor rim pa las gdam ngag bstan pa'i le'u ste bzhi pa'o// / rlud dkrugs lung bcus man dag gab pa'i don// sdebs pa skad mngon byung bka' bas 'di sdebs pa'i// ngal ba'i bsod nams nus mthu ci mchis pa// bdag dang gzhan chud yongs su sprin 'gyur te// las kyi bcings pa kun gyi bde thob pas// grong khyer gsum gyi nad sos stong 'gyur
- 78b
cing // mthar phyin kun gyis don mthar mdzad 'gyur cig/ bstan pa'i nyi ma'ang mi nub rgyal mtshan shog/ rnal 'byor chen po'i lam gyi rim pa'i rgyud kyi mchog rdzogs so// / dam tshig bkod pa bzhi'i rgyud bzhugs so// @#// rgya gar skad du/ sa ma ya a gra dzA tan+t+ra/ bod skad du/ dam tshig bkod pas gzhi'i rgyud rin po che'i rgyan zhes bya ba/ bcom ldan 'das dpal kun tu// bzang po la phyag 'tshal lo// 'di skad bdag gis thos pa'i dus gcig na// bcom ldan 'das dpal kun tu bzang po 'og min gyi gnas mchog chen po na bzhugs pa'i tshe/ dpal rdo rje sems dpas yang ti'i chos zhus pas/ kun tu bzang pos bka' stsal pa/ snyan rgyud kyi gdams ngag rnam pa gsum ste/ sangs rgyas nyag gcig dang // dam tshig thun gcig dang / dpe brda gcig go/ sangs rgyas brda'i le'u ste dang po'o// // rdo rje sems dpas zhus pa/ sangs rgyas nyag gcig ni/ rig pa dngos med ye shes la/ sku gsum bka' nas ma grub bo// ci ste log snang med pa'i phyir/ brda' ni mig gi rnam par shes pa'o// don ni ye shes rang la lhun gyis grub pa'o// sgra ni dz+nyA na kA ya'i a'o// sangs rgyas nyag cig ni/ dgongs pa la thun med pa dang / chos nyid la bar do med pa dang / ye shes la skye ba med pa dang / chos sku
- 79a
la skad cig ma med pa dang / sku gsum la 'du 'bral med pa dang / snying po la 'pho 'gyur med pa dang / shes rab la dgag sgrub med pa dang / thigs le nyag cig la gnyis snang med pa'o// lung las kyang gnyis med gnyis su med par bston ces bya ba dang / sangs rgyas sems can gnyis med de/ ces pas gsal lo// brda' don gyi le'u ste gnyis pa'o// // kun tu bzang pos bka' stsal pa/ dam tshig thun cig ni/ yang ti nag po gser gyi 'bru gcig pa/ dper na rin chen gser gyi rdo ba la/ bya dang khyi dang sku gzugs rnams// byas kyang gser las 'gyur ba med/ bzang du ma song ngan du mi 'gro ste/ gzugs kyi rnam pa tha dad kyang / ngo bo gser las 'gyur ba med// de bzhin dam tshig thun gcig ni/ thig le nyag cig don rtogs na/ bsrung du gnyis snang med pa'i phyir// bsrung bya byung na yang te min/ bsrung bya byung na nyag cig min/ gnyis snang byung na gnyis 'dzin yin// so so'i skye ba'i khyu ru gol// gol phyir yang ti'i dam tshig min// de yang lung las dam tshig chen po de nyid mkhyen/ dbang po'i bsam pa mkhyen mchog gis// brda ni dug lnga rang grol rang shar ba'o// sgra ni saM ya tri ka ya'i e ka'o// ces gsungs so// brda sgra don gyi le'u ste gsum pa'o// // kun tu bzang pos bka' stsal pa/ dpe brda gcig ni//
- 79b
rgya mtsho chen po sku gsum brda/ nam mkha' chen po thugs rje'i brda// sman gyi rgyal po ga bur ni/ sman dang dug dang kha zas brda/ de ni phyi'i brda gsum yin// ngo bo rang bzhin thugs rje'i brda/ de ni 'khrul pa gzhi yi brda// ma ning rnam gsum sems can brda// snang ba rnam gsum 'khrul pa'i brda// de ni nang gi brda bzhi yin// 'dod chags zhe sdang gti mug ni// de ni thig le nyag cig brda// dug lnga ye shes lnga yis brda// 'gro drug rang byung ye shes brda// gzung 'dzin rig pa ye shes brda// de ni gsang ba'i brda bzhi yin// sgra yi don ni 'di lta ste// ye shes sgra la yi ge ha// dbyings kyi sgra la yi ge ma// rol pa'i sgra la yi ge 2// de ni sgra yi chos nyid do// don nyid rtogs pa'i rnal 'byor la// rab dang 'bring dang tha ma bstan// dbang po yang rab rol pa la// sangs rgyas chos dang mya ngan 'das// dngos po'i chos dang gnas lugs te// bar do med par rang grol lo// 'bring dang tha ma'i chos nyid ni// da lta ngo sprod par dor sangs rgyas te// rdzogs chen lam pa'i chos nyid do// sems can 'khor ba'i blo'i snang lugs te// 'bring dang tha ma bar dor grol ces 'byung ngo // yang ti drang don du bshad pa'o// brda 'gyur sgra 'gyur don du bstan pa'o// tshig gsum rgyud pas sangs rgyas kyi chos rgyud pa bar mchod pa rdzogs// // mang+ga lam// / kun
- 80a
bzang rdzogs pa'i sangs rgyas kyis// thig le nyag cig sku la phyag 'tshal nas// rtsa rlung thig le'i rgyud bshad pa// kye theg pa lhun gyis grub pa'i gnas// ston pa thig le nyag cig sku// 'khor ni rang snang chen po la// dus gsum dbye ba med pa'i dus// bstan pa gnyis snang med par shar// ces gsungs so// rtsa rlung thig le le'u ste dang po'o// // kye gsang ba'i bdag po rdo rje sems dpa' nyon// rtsa rlung thig le bzhin gnas ni// ngo bo tha dang rang bzhin gcig/ thugs rje'i rol pa rang shar ro// shar tshul snang tshul gnyis su bstan// nga ni gzhi yis rang rtsal las// 'gag pa med pa'i rang byung dang // shar ba yin pas nges pa med// ces gsungs so// rtsa rlung thig le'i le'u ste gnyis pa'o// rdo rje sems dpa' khyod nyon gcig/ rang shar chen po'i rtsa rlung ni// phyi ru shar ba'i rtsa lnga dang // nang du shar ba'i rtsa lnga dang gsang bar shar ba'i rtsa lnga dang // yang gsang yang ti'i rtsa lnga dang // gsang bar chen po'i rtsa lnga'o// de la phyi ru shar ba'i rtsa lnga ni// dbyings kyi thig le lnga yin te// thig le lnga ni stong gsal du// snang gsal chen po'i rgyas gdab po// rig gsal dang du ngo sprad pas// thig le lnga yang gcig tu 'brel// 'byung ba lnga ni rig stong gsal// 'byung ba lnga la ngo sprad de// sa dang chu dang me dang rlung // mkha' khyab nam mkha'i
- 80b
nga du ni// tshogs drug rol pa'i ngo sprad pas// 'dod yon lnga dang chags sdang lnga// rang byung rang grol rang shar gsal// bde gsal dang du ngo sprad do// ces gsungs so// rtsa lung gi le'u las phyi rang grol gyi le'u ste gsum pa'o// // rdo rje sems dpa' khyod nyon cig/ nang du bshad pa'i rtsa lnga ni// ye shes chen po'i rol pa'i rtsa lnga ste// gsal byed shes rab rgyas gdab pas// nang gi rtsa lnga gcig tu 'khyil// shes rab chen po cig tu gsal// ye shes lnga po gcig tu grol// dbyings lnga rig pa'i klong du grol// rang grol rang shar ngo bo shes pas// de ni rnal 'byor ma yin zhes gsungs so// rtsa rlung thig le'i le'u las// nang rang grol le'u ste bzhi pa'o// // rdo rje sems dpa' khyod nyon gcig/ gsang bar shar ba'i rtsa lnga ni// thig le nyag gcig rol pa lnga// rang byung yin par ngo shes pas// sgom sgrub med pa'i rang shar ba// da ltar sgom sgrub byed pa ni// nga yi gzhi la 'chos pa ste// shes rab chung ba'i gol sa yin// lta ba rang shar chen po la// sgom pa rang grol chen po yin// spyod pa tshogs drug lhug pa la// 'bras bu yul snang med pa yin// ye shes zang thal chen po la// bar do med pa'i rang grol yin// zhes gsungs so// rtsa rlung gi le'u las gsang ba rang grol gyi le'u ste lnga pa'o// // badz+ra sa twa khyod nyon cig/ de kho na nyid
- 81a
kyi rtsa lnga ni// gnyis snang med pa'i shes rab la// thogs pa med pa'i shes rab kyis// 'gag pa med pa'i rig pa la// rang rig ye shes zang thal// lhangs kyis shes pa shes rab yin// zhes gsungs so// rtsa rlung thig le'i le'u las yang gsang rang grol gyi le'u ste drug pa'o// // badz+ra sa ta khyod nyon cig/ rgyas pa'i rtsa la bsam mi khyab// bsdu na rnam pa gnyis su 'dus// chos rnams tshig gi rtsa rnams ni// yang dag don gyi rtsa gnyis so// 'di ni yang dag don gyi rtsa// zhes gsungs so// kun tu bzang pos gsungs pa yis// ye shes rtsa rlung gi rgyud chen 'di// kun tu bzang po'i thugs kyi bcud// rdo rje sems dpa' srog gi thigs pa// dga' rab rdo rje'i srog gi 'khor lo// srog gi chan pa/ thugs kyi reg chod/ rig pa srog gi 'khor lo zhes gsungs so// rtsa rlung rgyud 'jam dpal 'dus pa'i rgyud las/ bsdus pa rdzogs so// // bcom ldan 'das kun tu bzang po yis// lhun grub sku la phyag 'tshal nas// thig le mthong rtol rgyud gsungs pa// ston pa kun tu bzang po yis// gnas ni thig le mkha' khyab tu/ 'khor ni rang byung ye shes la// dus ni thams cad rang byung dus// bstan pa gnyis med thig le'o// zhes gsungs so// kun tu bzang pos bka' stsal pa// 'khor gyi rdo rje sems dpa' khyod// thig le
- 81b
mthong rtol rig pa'i 'khor lo skor// phung mgo chan pas thob la sgrol// srid gsum dbang du bsdus la sbyor sgrol gyis// zhes gsungs so// yang bka' stsal pa/ rig pa 'gag pa med pa la// shes rab 'gag pa med pa yis// snang srid byung thob srog gi rtsa ba chod// thugs kyi reg chod spu gri tshol// 'dzin byed zhags pa chod la thong // zhes gsungs so// yang bka' stsal pa/ thig le mthong nas rtol ba ni// tsit+ta'i nang du rab btags pa// rig pa stong par gsal ba ni// de ni nang gi thig le yin// snang bar stong par shes pa ni// de ni thig le'i spyi rtol yin// nyams myong 'dres pa'i bde gsal ni// thig le phyi nang rtol ba yin// zhes gsungs so// yang bka' stsal pa/ thig le thog ma mthong nas ma rtol na// rig pa'i gnad du brdeg par bya// tshogs drug rol pa shar ba la// rig pa bde bar rang shar ltos// de ni thig le phyi rtol yin// dkar po dus su rab tu sbyangs/ khong nas yid kyi 'gyur ba la// 'gyu bas 'gyu ba'i dus tshod du// bde gsal nyid du ljang nge blta// de ni thig le nang rtol yin// gnyis su med pa'i ye shes la// rgyu dang rkyen gyis ma bskyed pas// rang yan nyid du shes par gsal// de ni phyi rtol nang rtol yin// zhes gsungs so// yang bka' stsal pa/ rig pa nang skyil ngas gsungs dang // bde stong nyid du lhur gyis 'byung //
- 82a
bde stong nyid du lta stangs bya// 'od gsal nyid du lhangs kyis 'byung // zhes gsungs so// thig le mthong rtol gyi rgyud/ rig pa lhur 'byung gi brda/ srog gi chan pa yang ti nag po'i rgyud rdzogs so// // shu b+haM// // dge'o// / phyi nang gsang ba gsum gyi yang zhun thig le 'dus pa bzhugs so// @#// phyi nang gsang ba gsum gyi yang zhun thig le 'dus pa/ sangs rgyas 'od dpag tu med pa dang / 'od srung dang mar me mdzad gsum gyis dgongs pa gcig tu bstan pa/ sangs rgyas thams cad kyi dgongs pa bsdus pa thig le 'dus pa'i rgyud ces bya ba/ 'khor ba rgya theg tu bstan pa'i phyir/ thog ma'i sangs rgyas 'od dpag tu med pa la phyag 'tshal lo// rgyud thams cad kyi snying po/ lung thams cad kyi rtsa ba/ man ngag thams cad kyi nying khu/ gsang ba bas kyang gsang ba/ kun tu bzang po ma 'khrul pa'i dgongs pa/ gzhi'i 'dug tshul 'khor ba dong sbugs su bstan pa/ rgyud nyi shu rtsa lnga'i rtsa ba/ man ngag gsum brgya rtsa gnyis kyi rtsa ba/ phyi nang gsang gsum gyi yang zhun/ thig le 'dus pas/ sangs rgyas 'od dpag tu med pa 'od srung dang / mar me mdzad gsum gyi dgongs pa gcig tu bstan pa/ sangs rgyas thams cad kyi dgongs pa 'dus pa/ thig le 'dus pa'i rgyas rgyud zer zhes bya
- 82b
ba 'khor rgya theg tu bstan pa'i phyir/ sgrub pa ma hA yo ga la ngo sprad pa dang / lung a nu yo ga la ngo sprad pa dang / man ngag a ti yo la ngo sprad pa dang / yang dag pa'i man ngag thig le 'dus pa la ngo sprad pa dang / rtsa dang rlung thig le ngo sprad pa dang / brda ngo spras pa dang / 'khrul bzhi la ngo sprad pa dang // 'khrul pa la ngo sprad pa dang // gnas la ngo sprad pa dang / ldog pa la ngo sprad pa dang / log pa rang gi mtshan nyid la ngo sprad pa'o// rtsa ba mdor bsdus pa'i le'u ste dang pa'o// // thog ma med pa'i dus nyid na/ gnas med ngo bo gnyis kyi gnas// ston pa'i lhun grub chen po ste// 'khor ni rang gdangs chen po ste// bstan pa rang shar chen po la// ngo bo rang bzhin thugs rje gsum du gnas so// ngo bo'i ston pa 'od mi 'gyur ba zhes bya ba// rang gsal brdal khyab 'dus ma byas su gnas so// thugs rje'i ston pa mar me mdzad ces bya ba// 'gag med brdal khyab 'dus ma byas la gnas so// rang bzhin gyis ston pa 'od bsrungs zhes bya ba/ gnyis med brdal khyab 'dus ma byas la gnas so// gzhi gtan la dbab pa'i le'u ste gnyis pa'o// // ston pa gsum la sras rnam pa gsum 'khrungs pa ya cha/ lhun grub rlung chen ma 'gags pas// rig pa rang gsal chen por bskyod// stong pa rang gdangs 'od du gzung // sras gsum dus med
- 83a
rtag tu 'thabs pa ya cha// 'byed pa med pa'i chos sku la// sku gsum snang ba gsum du shar// sku gsum rang bzhin 'dug tshul gcig pa la// dus gsum dbang gis 'khor bar 'khyams pa ya cha// sras gsum 'gag pa med pa la/ rang gdangs yul la rtob sha byed pa ya cha/ brda'i ngo sprad pa'i le'u ste gsum pa'o// // bsgrub pa ma hA yo ga la ngo sprad pa ni/ snang la rang bzhin med pa'i sku me long logs la ngo sprad// yul gsal la ma 'dres pa nam mkha'i 'ja' mtshon la ngo spyod// thugs gnyis su med pa chu'i zla ba la ngo sprad// ma hA yo ga ngo sprod gsum po 'dis ni ma sgrubs par sangs rgyas par bstan pa'o// lung a nu yo ga la ngo sprad pa ni/ 'dzin pa'i rig pa kun tu bzang po yul rang gdangs ni/ sku bde ba 'gag med du ngo sprad pas rtsol ba med par sangs rgyas pa'o// ma hA a nu'i ngo sprad pa'i le'u ste bzhi pa'o// // man ngag rdzogs chen kha 'jam la ngo sprad pa ni/ rang bzhin lhun gyi grub pa'i sku brdal khyab chen po la bsgoms dang ma bsgoms gnyis su med ye shes sangs rgyas chen por bstan pa'o// man ngag a ti yo ga la kha 'jam ngo sprad pa dang // yang dag pa'i man ngag thig le 'dus pa la ngo sprod pa gsum te/ rang phyi'i snang ba thams cad rang bzhin gyi 'od gsal ba zhes bya gzhi rang gdangs su ngo sprad pa dang //
- 83b
bsgrub pa ma hA yo ga la rtsol sgrub dang / bral bar bstan pa'o// rig pa sna tshogs su ma 'gags pas ye shes kyis rtsal las ma 'das par ngo sprad pas lung a nu yo gal rtsol sgrub dang bral bar bstan pa'o// phyi nang snod bcud thams cad 'khrul pa'i dus su ye shes rtsal du snang la/ grol ba'i dus rtsal snang ba ngos zin la/ 'chi ka'i dus su ye shes khong gsal du thim nas sangs rgyas par bstan pa'o// 'bras bu bar do thob dus med par bstan pas thams cad rang grol rang snang rang sangs rang shar gnyis 'dzin las 'das te/ rang grol ba'i sangs rgyas kyi dgongs pa 'dus ces bya'o// yang dag pa'i man ngag 'dus pa'i ngo sprasmad pa'i le'u ste lnga pa'o// // rtsa dang rlung dang thig le la ngo sprad pa ni/ sems can dran shes tsit+ta'i dkyil// chos gsum 'od kyi ngo bo shar/ bskal pa bar ma la sangs rgyas 'od srungs kyis thog ma'i sangs rgyas 'od mi 'gyur ba zhal ma mjal ya chang rtsa la yang phyi nang gsang ba gsum ste/ phyi chos kyi rang byung gdang chen po'i rtsa dang nang rigs stong pa'i rtsa dang // gsang ba thig le brten pa'i rtsa'o// rgyas pa'i rtsa la nyi khri chig stong kyang // bsdus pa'i ngo sprod gsum du 'dus// rlung la yang phyi nang gsum ste/ phyi rlung thams cad nang rlung snang ba yin// nang rlung thams cad ye shes rlung gis rtsal// gsang ba'i rlung chen ngos zin
- 84a
na// 'khor ba dong nas sprugs pa yin// thig le la phyi nang gsang ba gsum ste/ phyi'i thig le rang byung ye shes yin// nang gis thig le rig pa ye shes yin// gsang ba'i thig le chos kun mkha' khyab yin// yang gsang thig le ye shes khong gsal yin// gnad du 'dzin pa rig pa ye shes yin// gnyis med lhangs kyis rtogs pas ye shes rlung du shes// gzung 'dzin gnyis su spros pas ma rig rlung du shes/ rtsa rlung thig le la ngo sprad pa'i mtshan ma lam pa'i rtsol grub la mi rten pa'i le'u ste drug pa'o// // ston pa gsum dus gcig la 'khor bar 'khyams pa ya mtshan che// byed pa med pa gti mug rang bzhin gyi ston pa// 'gag pa med pa zhe sdang ngo bo nyid kyi ston pa// rang snang chen po'i rtsal mi 'gag pa 'dod thugs rje'i ston pa// rtsal 'gag pa med pa dug lnga// thugs rje rol pa ma 'gags pa 'gro drug rang bzhin chos sku// ngo bo longs sku/ thugs rje sbrul sku/ sku gsum 'khor bar 'khyams kyang / snying po la 'gyur ba med par gnas so// gnas lugs la ngo sprad pa'i le'u ste bdun pa'o// // bskal pa tha ma la gsum gyi thabs pas skad cig la khyams pa thams cad kyi srog dus gcig tu gcad nas/ me chen gyi sregs/ rlung chen gyi phyag pa de ya cha// ye shes chen po'i spyan/ gnyis 'dzin med pa'i rang gsal chos kyi
- 84b
spyan par do med pa'i rang gdangs/ thabs dang shes rab kyi spyan ci snang cir 'dzin gyi ye shes/ ma bsgrubs ma btsal ye yin pa'i spyan gsal lo// spyan gsum la sku gsum ngo sprad pa ni/ ye shes kyi spyan chos bskur ngo sprad chos kyi spyan long skur ngo sprad// thabs dang shes rab kyi spyan sprul pa'i skur ngo sprad// ngo sprad pa'i man ngag gis 'dug tshul ni// ngo bo rang bzhin thugs rje gsum las ma 'das pa'o// spyan gsum rang la gnas pa ni// spyan gyi ni rig pa ye shes lhangs kyis rtogs pa'o// chos kyi spyan ni sgro 'dogs spyod pa'o// thabs dang shes rab kyi spyan ni thams cad rang gi 'dug tshul gcig pa las ma 'das par shes pas spyan gsum khong du chud pas theg pa rim pa brgyad kyi chos dang // mu stegs rtags chad dang / rdzogs chen kha 'jam gzhi la dgongs nas las kyis dbang mi btsan zer ba la shan phye te/ chos sku mkha' khyab drangs pa/ spyan gsum 'dug tshul gcig tu bstan pas grol ba mthar phyin pa'o// log pa'i sprad pa'i le'u ste brgyad pa'o// // log pa rang gis mtshan nyid ni// 'das pa gsum du ngo sprad pa/ sku 'das pa ye shes khong gsal// yul 'das pa chos kun mkha' khyab drangs pa// gnyis med las 'das pa thugs rin po che man shel drangs pa lta bu'o// ston pa rnam gsum gyi 'khor bar 'khyams pa tshor nas//
- 85a
chos kyi sku brtsal bas bsam sdug kyi lha khang du slebs nas/ 'gro sa ma rnyed bde ya cha// thog ma'i ston pa 'od mi 'gyur bas// gcung gnyis pa la bos pa// kyai kye grogs po// bsam sdug gi lha khang du slebs nas 'gro sa nyes pa ya cha// chos sku mkha' khyab drangs pa btsal bas ma rnyed pa ya cha// chos bsgrubs pa 'bras bu stor ba ya cha// rtsol bsgrubs byas pas dril rtsub pa ya cha// de skad ces bka' stsal pa/ ston pa 'od srungs kyi zhal nas// rang rig rang shar nas chos las 'das pa ya cha// ye shes khong gsal rtogs pas bsam du med pa ya cha// chos sku mkha' khyab rang chas yin pas btsal du med pa ya cha// sgrub pas ma rnyed rang la yod pa ya cha// ye shes rang grol du shar bas// ston pa gsum dus gcig la rtsol sgrub la ma rten par sangs rgyas pa ni ya cha gsungs so// ston pa mar me mdzad kyi zhal nas/ nga ni mtha' gnyis zad pa ste/ 'byung ba 'od du snang ba rang gis gdangs yin pas// nyon mongs bag chags kyis sgrib pa'i mtha' gnyis zad pa ya cha// 'dzin pa ye shes khong gsal chen po'i rtsal du shes pas// shes bya'i sgrib pa'i las kyis mtha' gnyis zad pa ya cha// chos sku mkha' khyab drangs pa rang chas yin pa ya cha/ las kyi sgrib pa mtha' gnyis zad pa ya cha// phung po bor nas dus kyi mtha' zad pa ya cha// bar do
- 85b
med par ye shes khong gsal du 'thims pas las kyi mtha' gnyis zad pas ya cha gsungs so// ston pa rnam pa gsum gyi dgongs pa bsdur ba'i le'u ste dgu pa'o// // thams cad rtsa ba rang byung du 'dus pas rtsol las 'das pa yin// ye shes khong gsal du rtogs pas mtshan ma'i chos las 'das pa yin// chos sku mkha' khyab tu 'dus pas// 'bras bu ma bsgrubs par sangs rgyas par bstan pa'o// phyi'i snang ba lha mo/ bum pa bskyed pa'i rim pa rang snang thogs med du ngo sprad pas phyi'i dbang thams cad dus gcig la thob pa yin// ma rig pa khong gsal du 'dus pas thams cad shes kyi snang ba gsal bas// thabs dang shes rab kyis dbang skad gcig la thob pa yin// gsang ba phyi nang med pa chos mkha' khyab tu rtogs pas// gsang ba ye shes kyi dbang skad cig la thob pa yin// de bla mas bstan nas mi go mi srid pas bstan pas tshig dbang rin po che'i skad cig la thob pa yin/ dbang gi le'u ste bcu pa'o// // rang byung ye shes chen po la// rang gdangs sna tshogs rigs lngar snang // snang ba yin par thag chod pas// lha bskyed rim skad cig la rdzogs pa yin// ma bris dkyil 'khor rang snang bas// dkyil 'khor gzhal yas khang sgom pas// skad cig gcig la rdzogs pa yin// rdzogs pa'i ngang la mi 'da' bas// dam tshigs
- 86a
thams cad dus gcig bsrungs// ye shes khong gsal mi 'gyur dran// sngags kyi 'dzab 'dren dus gcig thon// de'i don la ye nas gnas pa la// srungs mtshams thams dus gcig dag pa yin// lha rnams bskyed dang 'khor sgom pa dang // dam tshigs srung dang sngags kyi 'od 'du dang // srung mtshams dkyil 'khor bstan pa'i le'u ste bcu gcig pa'o// // ston pa rnam gsum gyi rdza mkhan gyi bu mo thams cad srog dus gcig la gcad nas/ gcig pu rab tu che ba'i gam du bskyal ba de ya cha// srog gcad pa dang bdud gcad pa'o// kun tu bzang po la bdud zhugs pa'i dus su/ 'khrul snang long skur 'khyams pa ya cha/ ston pa 'od srungs dang bsgos pas mi thub par gzigs nas/ drang srong rang gis gcad rang bdud rang gis gcad nas/ mkha' khyab rang ba'i dur sa/ phung po lhag ma med par mya ngan 'das pas na/ phyis 'od ma nus pas de ya cha/ de nas rdo rje sems dpa' zhes bya ba/ sangs rgyas 'od srung dang 'jal nas bgros pas/ mi thub par gzigs nas/ khong gnyis grogs po byas nas/ ston pas sa zung nas/ 'khor rigs lnga la chos ston pa ya cha// de nas slob dpon dga' rab rdo rje zhes bya ba// rdo rje sems dpa'i sprul pa/ khye'u snang ba dam pa zhes bya ba/ ston pa 'od bsrung zhes bya ba// des ngo ma shes nas//
- 86b
lha sgom nyi tshe la spyad pas 'gro drug tu 'khyams pa ya cha/ de nas ston pa dga' rab rdo rjes kun tu bzang po la lung bstan thob nas// ston pa 'od srung dang mar me mdzad de gnyis kyis zhal gzigs nas/ ston pa gnyis la ma chags par phyed kyis song ba ste ya mtshan che/ sangs rgyas thams cad kyi dgongs pa 'dus pa/ thig le 'dus pa man ngag gi rgyud/ ston pa gsum gsum drug gis gdar sha gcad nas/ khams gsum sems can ngo spyod byas nas/ lha sgom la rag ma lus pa/ sku gsum bkod bzhengs/ 'khor ba dong sbugs mngal la rgyas 'de bas/ brda chos yang dag/ zag bcas kyi phung po la/ sku gsum ngo sprad nas 'jog pa/ bar do med par ye shes khong gsal du sangs rgyas pa/ 'bras bu dus zad pa thob pa/ las kyi mtha' zad pas sangs rgyas pa/ thams cad ngo sprod du ston pa/ bzhi dang tshul/ ldog tshul/ ldog pa rang gis mtshan bstan pa'o// thig le 'dus pa man ngag gi rgyud rdzogs so// // A ti rdzogs pa chen po'i rgyud bzhugs so// @##// rgya gar skad du/ ad+hi san+ti ma hA tan+ta/ bod skad du/ a ti rdzogs pa chen po'i rgyud/ dpal kun tu bzang po la phyag 'tshal lo// 'di skad bdag gis thos pa'i dus gcig na/ byang chub shing drung gnas mchog tu/ sbrul sku dga' rab rdo rje ni/ me tog pad+ma'i gdan la bzhugs// sangs
- 87a
rgyas lus kyi rgyan yang rdzogs// phyag mtshan 'gyur med rdo rje bsnams// zhi dang khro ba'i mtshan mchog mnga'// snying rje chen pos gzhan don mdzad// chos dang yul la dmigs pa yis// snying rjes 'gro ba'i don yang mdzad// thabs kyi sgo nas thams cad 'dul// byin rlabs nyi ma'i 'od ltar 'char/ khu byug gsung 'dra dus tshod 'dzin// thams cad rang la rdzogs pa'i dus// brda dang sgra dang tshig dang don gyis bsdus// e ma ho/ yang gsang rmad du byung ba'o// a ti rdzogs pa'i rgyud las ston pas gleng slang ba'i le'u ste dang po'o// // de nas 'jam dpal bshes gnyen gyis// kye ston pa dga' rab rdo rje lags// rgyud kyi ngo bo bstan du gsol// zhes zhus pas/ thugs rgyud zhal brgyud zhus lan gsum gsal// dgongs te gsum nyid rnam par gsungs// chos gsum phun sum tshogs pas rgyud ces bya// zhes gsungs pas/ de'i don 'di bstan du gsol ces zhus pas/ thugs su rgyud pa kun bzang rgyud// zhal nas gsungs pa'i rgyud dag ni// rdo rje sems dpas gsungs pa'o// zhus lan phra med 'phel rgyas rgyud// dga' rab rdo rje bdag gi bshad// byin brlabs nyi ma'i 'od ltar shar// skyes bu'i thugs la gang shar ba// kun tu bzang po'i thugs rgyud rdzogs// snang la rang bzhin med pa'i don// chu zla'i dkyil 'khor lta
- 87b
bur bshad// sgyu ma lta bu'i gsung gi brgyud// rdo rje sems dpa'i zhal brgyud rdzogs// dpal ldan sangs rgyas pad+ma'i nang // skyes pa'i tshul gyis skur bstan pa// byin brlabs dug la sngags ltar shar// 'phel rgyas phra men rgyud 'di rdzogs// zhes gsungs so// a tI'i rdzogs pa'i rgyud las/ rgyud kyi zhus lan gyi le'u ste gnyis pa'o// // de nas yang zhus pa/ rgyud lung 'brel par bshad par zhu/ zhes gsungs pas/ gsung gi bsgyur zhing gang mtshon pa// skyes bu rgyal po'i bka' lung rdzogs// byin gyis brlabs kyi thugs dag la// nges pa'i shes pa skyed pa 'di// skyes bu'i rgyal po'i byin lung rdzogs// skyes bu gdams pa'i lung phog pas// nges par byin brlabs phra men lung yang rdzogs// snying po'i don la bkol ba med// rang byung ye shes 'pho 'gyur med// rig pa'i ye shes g.yo ba med// rang rig ye shes 'gag pa med// thig le'i ye shes skye 'gag med// don de thugs la gang 'dzin pa// skyes bu nga'i bka' lung rdzogs// rgya chen lung la zab pa rgyud// rgya che rig pa'i snang ba la// zab pa ye shes ngos bzung bshad pa yi// de don nges par bstan pa yin// zhes gsungs so// a ti rdzogs pa'i rgyud las/ rgyud lung skrag tu bshad pa'i le'u ste gsum pa'o// // de nas bka' stsal pa/ thig le nyag cig zhig tu bshad pa dang // gnyis su bshad
- 88a
pa dang // gsum du bshad pa dang / bzhi dang lnga ru bshad pa bstan du gsol zhes zhus pas// bka' stsal pa/ thig le nyag cig zhig tu bshad pa ni/ thig le nyag cig ye shes chen po ste/ rgya che lta ba la zla'i don du bshad pa yang // gzhi ma dngos po'i gnas lugs la// rtogs dang ma rtogs gnyis su med// sangs rgyas sems can gnyis su med// dag dang ma dag gnyis su med// snang dang ma snang gnyis su med// bsgom dang mi sgom gnyis su med// skyon dang yon tan gnyis su med// thabs dang thig le rang snang la// gnyis su 'dzin pa 'khrul pa yin// rgya che nam mkha' lta bu yin// phyogs 'tshams sbusgrubs pas ga la grub// thams cad phyogs med khyab brdal la// rnam rtog blo yi ga la slod// ldongs pas nam mkha' ga la snyegs// grang nad can gyi skyes bu la// ga bur dug du nges par 'gyur// blo chung shes rab chung ba la// nyag cig bstan pas lkug par 'gyur// e ma ho/ thams cad gcig pa la/ sgro btags chos kun thig ler cig/ sna tshogs thig le nyag cig dang // zhes gsungs so// a ti rdzogs pa'i rgyud las/ thig le rgya che ba ru bshad pa'i le'u ste bzhi pa'o// // thig le zab par bshad par zhu zhes zhus pas/ bka' stsal pa/ zab cing yangs la rgya che ba// zab mo sangs rgyas dgongs pa ste// de dag nyams su
- 88b
len pa la// thig le gnyis su bshad par bya// snang ba ma 'gags thig le'i rgyan// rol pa yin par shes par bya// rig pa ye shes ma 'gags rtsal// 'gag pa med par shes par bya// snang ba thig le'i gnas du ma shes pa// mngal kha rgya yis gang la thebs// snang ba stong par bsgoms pas bsam ngo yid smon yul// rig pa ye shes gnad du ma shes na// 'gyu ba stong par bsgoms pas rig pa rkyang sgoms yin// nyan thos gang zag bdag med rtogs dang khyad par med// 'gro drug g.yang sa chod par ga la 'gyur// rta brgyugs 'drog la me tog chod pa bzhin// gang ltar bltas pas ye shes shar na sangs rgyas dgongs pa yin// thabs shes gnyis ni btsun mo zo chu khyud mo 'dra// rnam rtog ye shes gnyis ni me la shing bsnan 'dra// ye shes gnad du gzir na rgya mtsho nya mo 'dra// ye shes byin brlabs mun pa'i nyi ma 'dra// ma dres rang sar gnas pa za 'og snal bu 'dra// ces gsungs so// a ti rdzogs pa'i rgyud las/ ye shes dang rnam rtog gnyis brdar bstan pa'i le'u ste lnga pa'o// // thig le gsum du bshad pa ni// gzhi dang lam dang 'bras bu gsum// gzhi lam rnam gsum shes bya ste// dbyings kyi thig le stong pa la// ye shes thig le gsal la 'tsher// rtsal gyi thig le ljang la sbram// 'du 'gro las kyi thig le// bkod pa
- 89a
rgyan gyi thig le// gnyis med rang gsal gyi thig le// lam gyi thig le rnam gsum ste// rang snang 'od zer gyi thig le la chags pa sna tshogs skye ba e ma ho// rig pa rtsal gyi thig le la/ zhen pa dngos por shar ba e ma ho// dbyer med snying po'i thig le la// gnyis snang nyams su myong bas 'bras bu sna tshogs su grub pa e ma ho// 'bras bu'i thig le rnam gsum ste// lhun grub rtogs pa'i thig les zas cad mkhyen// rang byung rang la snang ba'i thig les bde chen rang la shar// rgyun gyi thig les byin brlabs la rgyun chad med// snang ba rnam shes yid dang gsum// 'khor ba sangs rgyas gnas lugs gsum// rgyu dang lam dang 'bras bu gsum// byin brgyud snyan brgyud thugs brgyud gsum// snying po 'od dang zer dang gsum// rno dang myur dang zab dang gsum// brtan dang rgya che phra dang gsum// man ngag gdams ngag snyan brgyud gsum// thig le gsum du bshad pa'o// zhes gsungs so// a ti rdzogs pa'i rgyud las/ zab mo gsum du bshad pa'i le'u ste drug pa'o// // yang bka' stsal pa/ zab mo bzhi ru bstan pa bshad du gsol// zhes zhus pas/ bka' stsal pa/ dngos po gcig la bzhir dbye ba// le'u dag gi dpe bzhin no// dpe dang don dang tshig dang ni// brda yi dgrol bar bshad pa'o// chos kyi sku yi don dang ni//
- 89b
rang snang longs spyod rdzogs pa'i sku// spyir yang sprul pa'i sku la ngo sprad pas// de'i yon tan ngo bo nyid kyi sku// ye shes bzhi'i don kyang rang sor 'brel// 'byung ba lnga ni chos sku'i brda// shing sbags me ni ga la 'byung // rnam rtog med na ye shes ga la skye// rnam rtog ye shes yin na bka' rgyud zab mo gang la dgos// 'bad pa med par ye nas grol// sprul pa'i sku la rnam rtog skyes nas ye shes gsal// dper na me la shing bsnan 'dra// zung du zhugs pas longs spyod rdzogs pa'i sku// ji ltar spyad kyang zad pa med// ngo bo nyid kyi sku'i ngang du gnas// ye grol bzhi yi sku bzhi de// rgya che ba'i don du bshad pa yin// zab mo nyams su len na rang grol sku bzhi'i ngo sprod na// rnam rtog wal gyi skyes pa'i dus nyid na// rang rig ye shes ngo spyod kyis// rnam rtog drangs nas ye shes gsal// 'gyu ba med na ye shes ga la gsal// 'gyu ba drangs pas ye shes gsal// rang grol sprul pa'i sku'i ngo spyod yin// rang grol long sku'i ngo sprod ni// 'gyu ba dang pas 'od gsal la// lha ni brtan par gnas pa de// de ni long sku'i ngo spyod do// 'gyu ba 'od gsal gnyis su med// gang gi phyogs su ma lhung ba// de ni chos sku'i ngo sprod yin// thig le ye shes zang thal la// rgyu dang rkyen gyis ma skyed par// rang bzhin shugs kyi shar ba de// ngo bo nyid kyi sku'i ngo sprod yin//
- 90a
zhes gsungs so// a ti rdzogs pa'i rgyud las/ thig le bzhi sbyor ngo spyod kyi le'u ste bdun pa'o// // de nas yang bka' stsal pa/ thig le lnga sbyor bshad pa ni// dbyings kyi thig le 'od gsal ba// rang byung ye shes mal du gzhug/ ye shes thig le chen po de// rig pa'i ye shes ma bu sprad// gnyis su snang ba'i ye shes de// lhag mthong rig pa'i ye shes kyis// gzung 'dzin zag pa bcad par bya// de ni lhun grub thig le yin// snying po g.yo med ye shes kyis// dang du phrad na bzung 'dzin 'chad// dbyings nyid rnam dag thig le yin// ye shes zang thal chen por bzla// blta ba'i sgong rgya ral pa yin// lhun gyi gnas pa'i thig le yin// sgo lnga chags sdang mdud pa la// lhag mthong rig pa'i ye shes kyis// ral gris bcad de gtang bar bya// snang ba 'od gsal gyi ngo sprod do// dkar dmar 'dod chags kyi mdud pa la// rang byung rang snang gi ye shes kyis// lcag kyus bzung ba gtang par bya// chos sku 'od gsal gyi ngo spyod do// sems 'gyu ba rnam rtog gi mdud pa la// nyams myong sgom pa'i sgong rgya ral// rang rig ye shes kyi ngo sprod byas// snying po ye shes snang med kyis// chags 'dzin sgom pa'i zhen pa spangs// rang snang thig le'i ngo sprod do// yid 'grus bag chags kyi mdud pa la// 'od gsal gsang lam gyi ngo sprod kyis// rgyas
- 90b
'debs spyod pa'i sgong rgya ral// rang la shar ba'i 'od gsal skyes// mtshan ma lam gyi gol sa chod// kun gzhi zang thal gyi thig le dang // mtshan ma rang snang gi thig le gnyis// bsres pa med par dkrug gis 'dres// 'bras bu spangs thob dus kyi sgong rgya ral e ma ho// zhes gsungs so// a ti rdzogs pa'i rgyud las/ thig le lnga sbyor du bshad pa'i le'u ste brgyad pa'o// // de nas yang bka' stsal pa/ 'gag gi rnam pa bstan par bya'o zhes gsungs so// sems 'dzin phra mo rtsom pa ni// ye shes zang thal skye ba'i 'gag/ tshogs drug bkag nas dbugs la gtod// chos nyid 'od gsal skye ba 'gag/ dbugs la gtod cing rlung la sbyong // rang byung ye shes skye ba 'gag/ phung po lha dang lha mor sgom// sku yis dam tshig rten pa des// chos sku 'od gsal skye med 'gag/ ngag gi bzlas brjod 'phro 'du sbyong // gsung gi dam tshig rgyun du spyod// des ni rang rig ye shes 'gag/ dam rdzas rnam lnga rgyun du rten// thugs kyi dam tshig rgyun mi gcod// lhag mthong rig pa'i ye shes 'gag/ rgya che lta ba kha 'gyang khyer// 'gyu dwangs ye shes skye ba 'gag/ 'gag med thig le 'di yin gyis// thug par mos la spyad par gyis// zhes gsungs nas chos nyid rang snang gi dbyings su gshegs so// a ti rdzogs pa'i rgyud las le'u dgu pa'o// // a ti
- 91a
rdzogs pa'i rgyud rdzogs so// // a ti spyi gcod kyi rgyud bzhugs so// @##// rgya gar skad du/ a ti la b+ha ti/ bod skad du/ a ti spyi gcod kyi rgyud/ dpal rdo rje sems dpa' la phyag 'tshal lo// ro langs bde ba rangs pa na// pan tsa a rmir tha bin du pra sha b+hin tu/ na ma shrI pha la mun tra man+ta tra e ka 'du ti hi la na ma/ rol pa rgun gyi thig le'i klong nas// byang chub shing drung du sku sprul nas/ de yi 'jam dpal bshes gnyen dag la rgyud// mthing gi shu gu dag la bris pa'i gleg bam 'di// 'jam dpal bshes gnyen khyod la gdams par bya// zhes gsungs so// gleng gzhi'i le'u ste dang po'o// // thog ma'i sangs rgyas 'od mi 'gyur ba/ rtogs te sangs rgyas ma byung / ma rtogs te sems can ma byung ba'i dus na// gzhi dngos po'i gnas lugs ji ltar lags/ snang ba na ji ltar snang / ming du 'dogs na ji ltar 'dogs// de las 'khrul pa ji ltar lags/ ces zhus pas/ a ti s+thi gcod bstan par bya/ ces gsungs so// a ti spyi gcod kyi rgyud las// gling gzhi'i le'u ste gnyis pa'o// // de nas bka' stsal pa/ snang ba ni rang bzhin gyi snang ba zhes bya'o// dus de tsam na gnas pa'i rtogs med kun gzhi zhes kyang bya'o// ming du 'dogs na mi zad pa'i mdzod kyang bya'o// spyi pa chen mo 'khor ba'i gzhi la// sems can gyi
- 91b
thugs/ chos nyid spangs pa'i klong zhes kyang bya// rang snang gi nam mkha' zhes kyang bya'o// de'i rtsal las shes pa rkang pa khyab pa'i shes pa/ rgyu ba'i shes pa/ mi rgyu ba'i shes pa/ lung la bstan pa'i shes pa zhes kyang bya ste// dus de tsam na thog mtha' med pa'i snying po zhes kyang bya'o// zhes gsungs so// a ti spyi gcod kyi rgyud las gleng gzhi'i le'u ste gsum pa'o// // g.yo ba ni spyis chos kyi sku rtog med kyi sbubs nas g.yos// sgo ni gsum nas 'byung ste/ gsal ba rtog med kyi sgo// stong pa mtshan med kyi sgo// gsal stong btsad med kyi sgo nas/ rnon po'i sgo bye nas khyab pa'i rig pa byung ste/ rig pa rkyang pa de la 'gro ba'i sgo med pas/ ma ning gi sgo bye/ rgyu ba'i rig pa'i phyir thon/ rtul po'i sgo phye/ mtshan ma'i rig pa shar/ rno rtul gnyis med kyi sgo 'gags pas/ myong ba'i rig pa smon no// yan lag gi sgo bye/ rig pa dngos su smin te/ chos dbyings rang byung gi sbubs ces bya ste/ sna tshogs la 'jug go/ ces gsungs so// a ti spyi gcod kyi rgyud las/ rig pa dngos su smin nas 'khrul pa'i dpe ste le'u bzhi pa'o// // de nas mtshan dang / dpe byad longs skur 'khrul pa bka' stsal pa/ gsal ba snod kyi sgo// stong pa bcud kyi sgo// 'dzin pa ma zhugs pa'i sgo/ kha dog gsal ba yan lag gi sgo// mtshan ma ma rig par shar/ myong ba'i rig pa skyes/
- 92a
rgyu ba'i rig pa yul 'od lnga ru shar te/ dang po rtsi yin mnyam du shes pas/ bar du yin min gyi shes pa/ za mar yin gdengs kyi shes pas gcad pas yid 'khor lo gsum zhes de la bya'o// dus de tsam na yar sangs ma rgyas/ mar 'khor bar ma 'khyams pas lung ma bstan gyi sgo zhes bya'o// bar der kun tu bzang pos rig pa ye shes lde mig cig/ 'phags pa blo gros mi zad pa zhes bya ba mun pa dmag tu gyur pa khang dgu rim gyi nang na yod do// de lta ru phyin pa/ khang pa dang po na mun pa gnag la 'jigs/ gnyis pa na ya ma nag po za tshul gyi dbu/ gsum pa na bdud sbyin gyis srog gcod/ bzhi pa na srin po'i rgyal po'i dbugs len// lnga pa ni gang la dkar po phyag na dung gi mkhar ba bsnams nas brdeg cing gsod// drug pa mun pa'i nang na me rlung gis ma bskyod bar du 'dug/ bdun pa na nyi zla phrug cig la shar nub med par 'dug/ brgyad pa na nor bur rin po che la lha'i bu rnams rtse zhing snang / dgu par phyin pas yid bzhin gyi nor bu/ rin po che 'od 'bar ba'i rtsar 'phags pa blo gros mi zad pa zhugs nas/ kun tu bzang pos bka' stsal pa/ 'gro ba'i lam nor thar pa'i go yang 'gag/ ma rig rmongs pa thugs rje'i zhags pa bzung / 'phrul gyi sgo ma phyed pas mun pa'i nang du 'khyams/ ces zhus pas 'phrul gyi sgo phyed pas/
- 92b
mun pa'i nang du 'khyams/ ces zhus pas/ 'phags pa blo gros mi zad pas bka' stsal pa/ thams cad 'byed pa 'khrul gyi lde mig 'di// yid bzhin nor bu'i nang nas ston la sbyin// nyi zla'i sgo phye snang stong dbyer med 'byung // shes rig sgro brtags dgra la ltos// me mar 'od la lha nam mkha' gser gyi sgron ma ltos// ces gsungs nas/ 'phags pa blo gros mi zad pa mi snang bar 'gyur ro// mtshan dang dpe byad las kun tu bzang por sangs rgyas pa'i le'u ste lnga pa'o// // khams gsum gyi sems can sems can du 'khrul pa gsungs pa ni/ gzhi rin po che gser gyi sgron ma nas/ mi zad pa'i nor la sbyang pas/ kun la snyoms pa'i zad ma la sbyin/ las kyi lus blangs rgyu rkyen dus kyang mtshungs/ ma rig le los snyoms las dmar la sbyar/ srid len gnyis kyi dus mtshungs/ rig pa yul dang mtshungs/ 'byung du thabs med ri dwags rgyar chud 'dra/ ma rig rmongs pa'i sems chags sdug bsngal med skyes dang / las kyi phyir thon bag chags sna tshogs brtas/ pha dang mar bltas dgra dang gnyen du bzung / yul khang khyim khang dag la rten bcas nas/ ma bcad yul lung dang bdag gir bzung 'dzin/ mi sdod dbugs chad gar 'gro shes par gyis// 'gro drug las kyi sdug bsngal cha mchis sam// 'gro drug rtag tu 'khyams pas don dang rtsang phrad
- 93a
de// de bas man ngag gdams pa 'di la ltos// ces gsungs so// a ti spyi gcod kyi rgyud las khams gsum du 'khrul pa'i le'u ste drug pa'o// // man ngag gdams pa bstan du gsol// bka' stsal pa/ phyi'i me long ltas tsam na/ 'gro drug srid pa wa legs la/ 'gro drug snying po sbubs na gnas// ma dag 'khrul pa'i snang ba de// rang grol yin par rtogs tsam na// rang byung ye shes dgongs pa thob// nang gi me long ltas tsam na// rgyud drug chags sdang wa le gsal// rgyud drug rang gi sbubs su gsal// rgyud drug rang grol du shes tsam na// rang rig ye shes kyi dgongs pa thob// gsang ba'i me long / ltas tsam na// 'gyu ba thogs med du wa le gsal// rang shar ye shes kyi sbubs su gsal// 'gyu ba rang grol du shes tsam na// lhag mthong ye shes kyi dgongs pa shar// lhun grub srid pa'i me long gi nang na thams cad gsal// ye shes dri med kyi dkyil 'khor du thams cad rgyas// mtshan ma sna tshogs kyi me long du thams mchi// chos sku me long gi nang na rtog pa skye mi srid// sbrul sku mi long gi nang nas// 'gyu ba med na ye shes gsal mi srid// 'bras bu thig le nyag cig la// sku gsum 'grub mi srid// rnal 'byor ye shes ngos zin dus su shes pa rgyun gnyis su 'char mi srid do// ces gsungs so// a ti spyi gcod kyi rgyud
- 93b
las/ me long gnad tu brdeg pa'i le'u ste bdun pa'o// // yang bka' stsal pa/ rig pa chos kyi sku'i don rtogs na/ 'gyu ba zang thal gcad pas dmyal ba yang rdzogs pas phyir gcad// thig le rang grol du shar bas lha ma yin rdzogs te spyir gcad/ byang chub sems kyi 'od gsal rin po che la longs spyad pas lha rdzogs ri spyir gcad/ 'gro drug rang grol du shes na/ khams gsum lus dang bag chags 'khrul te mchi'o// ces gsungs so// a ti spyi gcod kyi rgyud las/ 'gro drug g.yang sa gcad pa'i le'u ste brgyad pa'o// // yang bka' stsal pa/ 'od gsal du mu gcad nas rig pa la stegs bcas pas mu stegs kyi lta ba spyir gcad/ thig le zang thal yid la 'dogs pas yi dwags rdzogs te phyir gcad/ thig le sbyor ba las byol nas zang thal du song pas/ byol song rdzogs te phyir gcad/ de la zhen pa mi mnga' bas// mi yang rdzogs te phyir gcad/ rang don 'od gsal zab mo la spyad pas rang sangs rgyas sangs rgyas kyi lta ba spyir gcad/ sgrib pa thams cad zang thal du byang nas 'od gsal du sems dpa'/ byang chub sems dpa'i lta ba spyir gcad/ kri ya ni 'od gsal du bsgri nas yang dag pa'i don rtogs pas/ kri ya'i lta ba spyir gcad/ 'od gsal rgya chung du ma yin te/ snang srid yo ga 'od gsal du rtogs pas yo ga'i lta ba spyir
- 94a
gcad/ thams cad ma lus par 'od gsal chen po'i ngang du rdzogs pas yo gsal bas ma hA yo ga'i lta ba spyir gcad/ skye ba med pas A gnyis su med pas nu rtses byas te/ thams cad gnyis su med pas/ A nu'i lta ba spyir gcad// thams cad 'od gsal dang rdzogs pas/ lta ba thams cad che bas na/ rdzogs chen gyi lta ba spyir gcad pas/ bde bar gshegs pa sku dang ye shes su 'khrul pa'i gol sa gcad/ ces gsungs so// A ti spyi gcod kyi rgyud las mtshan ma lam gyi gol sa gcad pa'i le'u ste dgu pa'o// // yang bka' stsal pa ye shes ngos bzung bshad par bya/ ces gsungs so// de nas 'gag pa med pas ye shes kyi skye ba bshad pa/ dang po ye shes ngos bzung ba la gsum ste/ 'gyu ba de la zhag cig tu lta ba dang gcig/ nub gnyis pa 'od gsal thun du bcug la bskor ba dang gnyis/ nub gsum pa 'od gsal gyi mal du bzung ba dang gsum mo// dang po zhag cig tu ltas pas/ 'gyu ba bun long gi song bas/ mtshan ma zhi ba ni zhi gnas rtse cig gi bsam gtan zhes byas te/ gang zag bdag med nyan thos dang khyad med do// snang ba 'di stong pa la me long gi skar ma ltar mthong ba ni/ chos kyi bdag med bsam gtan de/ des kyang sangs mi rgya bas/ phal chen lta ba kha rkyangs dang de gnyis na gnas so// dbu ma'i lta bar
- 94b
kyang ma bslebs so// nub gnyis pa 'od gsal du bskor ba la gsum ste/ snang ba 'od gsal du thun gsum du bskor bas ni phyi nang rang snang du ngo sprad de/ rta dkyus pa'i 'drog la me tog chad pa dang 'dra'o// zuthun gsum tshogs bdun bskor bas nang snang bar rang grol te/ dug la sngags kyi thebs pa dang 'dra'o// thun gsum du 'gyu ba gsang lam 'od gsal du bskor bas gsung snang ba rang grol du shar te ga bur tshab nad kyis zos pa dang 'dra'o// de ni thun tshad bzang ba bstan pa'o// da ni 'od gsal lam du bzung ba bstan te/ nub tha ma la thun gong du bshad pa 'khor lo de bskor ba'i gting la ji tsam gnas lta ba shin tu gces te/ 'khor lo dang gnas pa gsum cha gsum gnyis mgo la 'char ram phyed 'char ram/ bzhi car 'char ram/ lnga cha'am drug cha'am ji tsam 'char ba ni/ lam du 'jud pa yin te/ dbang po rab 'bring rtags dang sbyar/ mi 'khor ba'i dbang med pa'i thabs ni/ gong ma snang ba bun ne ba de lam bzhag par/ mig rtsa mthong byed tu gyur pa la snang ba gtad pas/ 'gyur ba de kyus cetser byung ba'i dus su// 'bras bu dril sku la bskor bskul/ snang ba la yan du chug/ yang bskul gyin bskor/ btsun ma zo chu rgyud ma 'dra ba mi dmigs/ spyi ser 'dra ba'i 'gyu ba/ 'khor lo lta bu'i nyams/ nyi zla lta bu'i don/ dper na/
- 95a
'khor lo sbyar ba'i rgyal po de rin po che gser gyi khang pa la sogs pa dang / rin po che'i steng rnams nas 'gro ba las thog mi 'gro ba bzhin/ 'gyu ba 'od gsum du bskor na 'od gsal gyi mal las mi 'da'o// gsal gdab sgrar 'gyur du bskor/ zhal gyi byung ba'i dus su mal du gzhug/ chu bo rgyun gyi rnal 'byor ces kyang de la bya// rdzogs pa spyi gcod ces kyang de la bya/ ces gsungs so// ye shes ngos bzung ba'i le'u ste bcu pa'o// // yang bka' stsal pa/ rtags kyi rim pa bshad par bya/ 'gyu ba ngos zin na ye shes mi 'char mi srid de/ dang po lus 'dar ba snyam byed pa dang / 'gyu ba de ngos zin pa'i rtags/ de nas lus 'gul mi shes pa mnyam byed pa'am thang de ma 'ong ste/ 'gyu ba de sangs te 'ong ba'i rtags/ de nas 'dag pa la skor phor btab pa'am// spos dang spos rgya lta bu 'ong ste/ ye shes 'char ba'i rtags/ 'gyu ba de la 'khor lo ma bskor kyang 'od gsal skam du zhugs pa ni/ 'od gsal lam du tshud nas brtan pa thob pa'o// bkrag shes mdangs gsal rig pa khong nas grol// skran dang nad kyang 'byang bar byed pa'i gdams pa 'di// rnal 'byor nyams su len pa 'ga' rnams la// bla ma dam pa'i rkyen du shar nas kyang // myur du gdams pa 'di dang phrad par shog/ ces gsungs so// 'jam dpal bshes
- 95b
gnyen rjes su yi rang pa'i le'u ste bcu gcig pa'o// // a ti rdzogs pa gsang ba spyi gcod kyi rgyud las nyams kyi gdams ngag lhug pa rin po che sgron me zhes bya ba a ti spyi rgyud rdzogs so// // sang+ga laM// // rtsod pa'i 'khor lo'i rgyud bzhugs so// @##// rgya gar skad du/ bre h+ma te tsakra tan tra/ bod skad du/ rtsod pa'i 'khor lo'i rgyud/ bcom ldan 'das ro langs bde ba la phyag 'tshal lo// rin po che rtsod pa sgra'i 'khor lo// 'jam dpal bshes gnyen la bshad pa/ gnas ni byang chub shing drung du/ ston pa dga' rab rdo rje yis/ 'khor ni paN+Di ta nyis brgya la/ dus ni rtsod pa sgra'i dus/ bstan pa d+ha he'i khang du/ rtsod pa'i 'khor lo 'di bstan to// rtsod pa'i gzhi la gnyis su 'dus// gzhi'i don la rtsod pa dang // lam gyi chos la rtsod pa'o// rdzogs pa chen po'i rtsod pa 'di// gzhi chos nyid thig le nyag cig tu dam bca'// stan tshigs ci'i phyir zhe na// gnyis snang med pa'i phyir zhes bya// gnyis su snang ba'i skyon gtong la// khyod rang la gnyis su snang ngam// nga'i grub mtha' la skyon gtong // nga la skyon gtong na// rig pas gtong ngam// tshad ma'i gzhal byas gtong // rig pas gtong na/ chos nyid kyi rig pas gtong ngam// 'thad pa sgrub pa'i rig pas gtong ngam// bya ba byed pa'i rig pas gtong ngam// ltos pa'i
- 96a
rig pas gtong / chos nyid kyi rig pas gtong zer na// chos dang chos nyid rig pa gsum du 'dod dam// gcig tu 'dod dam// zhes par 'dri'o// rig pa'i rgyab gnon phar la bya'o// gsum du 'dod na/ rig pa las chos byung ngam// chos las rigs pa byung // nyid las rig pa dang chos byung // de gsum khyod rang yin nam logs pa yin// zhes 'dri ste/ gang yang khas mi len na// gong du dam bca'// swA hA chos las rig pa byung zer na rgya chad pa dang // yul las rig pa byung ba'i skyon// 'gal lo nyid las rig pa byung zer na// rgya chad pa'i skyon gtang ngo // ci te zer na/ nyid kyi go ba 'dri'o// nyid la rgyu rkyen yod nas byung ngam med nas byung 'dri'o// rgyu rkyen yod na nyid ma yin pa'i skyon 'byung ngo // rgyu rkyen med nas 'byung na// nam mkha' la me gtong bar 'byung bar thal lo// ci ste bzhi med pa las 'byung ba'i phyir ro// de bas kyang 'di ltar phar 'dri'o// rig pa khyod gnyis gcig nas gtan la 'bebs sam// mi cig kyang gtan la 'bebs// gcig zer na rigs pas rig pa gtan la 'bebs// 'bebs na thugs med du thal lo// rigs pas rang gtan la 'bebs na 'brel med du thal lo// gcig la 'bebs mkhan med par thal lo// thad dad 'brel pa med te dbab tu mi 'dod par thal lo// 'brel pa yod zer na/
- 96b
bdag nyid gcig gam 'dri'o// bdag nyid cig na/ bdag rig pa cig gam// rig pa bdag tu gcig/ bdag rig pa cig na/ gong skyon 'ong / de las byung ba'i 'brel pa yod zer na/ rgya chad pa'i skyon 'ong ngongo// de las byung na rig pa bdag las byung ngam// bdag las rig pa byung // byung ba'i skyon 'ong / sbrul shugs nas byung ba'i 'brel pa dang 'dra ste/ ldog tu mi 'dod pa'i skyon 'ong ste rgya chad par thal// mi shi ba'i lus la rig pa mi 'byung ba dang 'dra ste// phyis don byed mi nus pa'i skyon 'byung ngo // yang na bdag nyid las rigs pa byung na byung ba'i nad kas 'brel med du thal lo// rigs pa las bdag byung na// shes rig rdzas su thal lo// rang gi shes par bya ba ni// thig le lhun grub chos can zhes dam bca'// ci'i phyir ma 'gags rang shar ba'i phyir// thig le rdzas yod du thal zer ram// lhun grub rdzas yod me spangs pa'i phyir// 'jig par thal ze na lhun grub 'jig pa ma bkag ces bya// khyod lhun grub min nam ces 'dri// yin zer na 'dod thog/ min zer na mu stegs rtags chad tu thal ces 'gal lo// sgra'i 'khor lo las brgal ba dang po'o// // 'thad pa sgrub pas gtong zer nas// snang ba 'di rang mi shar du 'thad de// 'thad pas 'on 'thad pas snang ba shar mang du 'byung bar thal// bya ba byed pa'i rig pa'i gtong
- 97a
zer na// 'khrul pa'i shes pa la thag pas sbrul gyi bya ba byas nas 'khrul te/ rten du sbrul gyi bya ba byed par thal// ltos pa'i rig pas gtong zer na// 'phang las ltos na mdung ring / mdung las ltos na mda' rgyang ring ste// nges pa med par thal lo// rgyud kyi gtan la 'bebs zer na// rgyud rang yin nam log pa gcig dri'o// rang yin zer na bstan la dbab pa dang 'bebs pa mi rung ste/ ral gri ral gri rang gis sos chod par thal lo// gnyis yin gong du 'brel rtag go/ de yang lung yang de 'dre'o// mtshon pa gnyis pa'o// // tshas mas gtan las 'bebs zer na// tshad ma de rang yin nam min ces 'dri'o// rang yin zer na gtan la dbab tu mi btub pa'i skyon gtang ste// gser gyi ser po gtan la 'bebs pa dang // ser pos gser gtan la 'bebs pa dang zhes 'byung ngo // tshad ma logs cig yin no zer na// chos tshad ma dang // don tshad ma dang 'jal bya'i shes pa cig/ gzhal bya'i yul mang du smra na 'di skad bya'o// 'ud kyi bsdus nas yul la 'jal lam// shes pa la 'jal/ gnyis ka la 'jal ces 'dri/ yul la 'jal na yul nyams su myong nas 'jal lam// ma myong nas 'jal/ myong nas 'jal na mo sham bu che chung // ri bong ra rno rtul kyang shes par thal// shes so zer na dbang po'i mngon
- 97b
sum gyis gsal// zhes skyon btang ngo // nyams su myong nas 'jal na// chu bo'i ro myong yang // chu bo'i rol tshol ba dang 'dra te zug med du thal lo// shes pa la 'jal na shes pa dngos po yod nas 'jal lam med kyang 'jal// dngos po yod zer na mngon sum gyis gsal// med nas 'jal na ri bong rwa la mtho tshad gzhal du btub par thal// yod rung med rung mjal na/ lung du ma bstan par thal lo// mtshon pa gsum pa'o// de ltar sgros btags cham la phebs nas// rang gi mtshan nyid bstan par bya// rang snang du rang shar bas// yul las gzhal du med// rang byung ye shes shar bas/ nang la gzhal du med/ 'du 'bral med pas yul dang yul can du gzhal du med// thams cad ye nas rang sar grol bas 'brel pa rtsir med// shes rig gi yul las grol bas// rgyud lung rig pas gtan la dbab med// ces gsungs so// mtshon pa bzhi pa'o// shes pas 'phrul te/ rgyal ba rig lnga 'od dkar dmar lnga rten pas 'phrul// sbubs pas gol te// rang snang chos sku la bde ba 'dod cing // sgrub pas 'khrul/ sgom pas rlag/ ye nas rang gsal sgoms pas rang gsal stong pas rlag/ yul can gyi gol te spang blang gi lan no// snang ba sgribs g.yogs kyi chod// rang snang rang gsal la 'byung ba ltar mthong bas chod// rang byung min te ye shes
- 98a
med chos nyid yin te sku min// snying po yin te ye shes min// de ltar shes pa ni rang byung ye shes yin la ye shes yin// chos sku yin/ snying po yin/ thig le yin/ nyag cig yin/ zhes gsungs so// d+ha he ma'i 'du khang du mkhas pa 'jam dpal bshes gnyen la// thig le nyag cig grub mtha' bstan rtsod pa'i sgra mi 'khor yi 'di// chu srin bar gyi gri ba ru/ rus sbal nag po chud sa bzhin// bskal pa 'khrugs kyang khar mar byung // ces gdams so// rmongs pas mi go dris lan khon du chud// sbyangs pa'i sgra dang song 'gyur 'byung ba dang // byung ba can dang sgra skyon rnams brgyud// man ngag khong du bcas te 'ga' rtsam bris pa'o// mtshon cha'i 'khor lo dum bu bzhi pa rdzogs so// mang+ga laM// // / byang chub tu sems skyob pa zhes bya ba bzhugs so// @##// rgya gar skad du/ bo de tsi ta man tra na ma/ bod skad du/ byang chub sems skyob pa zhes bya ba/ sprul pa'i gang zag 'gro ba'i mgon la btud de phyag 'tshal lo// khye'u du snang ba bsam gyi mi khyab pa la/ skyob pa'i yi ge zhus pa/ e ma ho 'gro ba gzung 'dzin skyob pa bla na med// thun mong ma yin skyob mdzad skyob pa dam pa khyod// 'gro ba ma rig mun pas 'thibs shing rnam rtog rlung gis bskyod pa la// bu cig pa la ma bzhin nor la thugs rjes skyabs chen
- 98b
gnod// gsang sngags don gyi ngo bo gang la bgyi/ gsang sngags dngos po'i gnas lugs ci lta bu// de nyid rtogs thabs gang gis ci ltar/ rtogs nas nyams su blangs na ci ltar blang // blangs nas 'bras bu 'thob tshul ci ltar 'thob// 'bras bu khyad par 'phags pa ci yis 'phags// 'og ma rnams la skyon ni ci zhig mchis// sems can sangs rgyas ngo bo gcig mi gcig/ gcig na 'khor 'das gnyis snang ci ltar lags// mi gcig 'brel ba med pa lags sam ci// sems can rnams la skyon ni ci zhig mchis// sangs rgyas rnams la yod tan ci zhig mnga'// sems can bya ba gang dang gang la bya// sangs rgyas bya ba'i tha snyad gang la gdags// sangs rgyas bsgrub na bsgrub rdzas ci la bgyi// de'i tshe na 'geg chen ci yis gsal// de'i lam gyi cha skyen gang dang gang // yun ni ci srid cig gis 'grub pa lags// gab pa bco brgyad dus 'dir 'byung du gsol// 'dod pa'i chu bo skems mdzad me chen ye shes dbyung du gsol// ma rig mun pa sel mdzad 'od chen dus 'dir dbyung du gsol// 'khor ba'i chu bo sgrol mdzad gru chen dus 'dir dbyung du gsol// rnam rtog rlung dmar zhi mdzad skyabs chen dus 'dir dbyung du gsol// gzung 'dzin phur pa 'byin mdzad du 'dir dbyung du gsol// dug lnga 'joms mdzad tho ba dus 'dir dbyung du gsol//
- 99a
bdag 'dzin sgra mkhan dug chen sel mdzad sman chen dus 'dir dbyung du gsol// zhes pa la sogs pa'i tshig mang po dang / 'gro dpal mgon po yon tan thams cad 'byung ba'i gnas// ma rig sel mdzad 'od chen snang ba thams cad 'byung ba'i gnas// mgon po khyod 'dra thugs rjes gzigs mi gzigs// 'khor ba'i thar mtha' med pa'i sdug bsngal bzod glag med par dran gyur na// sdum bu brdas pa bzhin du mod la rkam pa'i bzod pa mi thob pa'i sems can la// skyob pa'i dpal zhig gzhag nas ma nor na// 'grod dpal thugs rje can gyi gzigs su gsol// zhes bstan cing sme ba'i tshig mang po dang bcas nas// bskor ba byed cing / nyin mtshan du rin po che la sogs te/ gser dngul gyis sku mi mngon nub par phul pas// e ma 'o 'gro ba'i don la thugs rjes ston pa'i byang chub sems dpa' khyod// dang dang brtson 'grus brtul zhugs drag pos 'gro ba'i don du gsol 'debs na// sangs rgyas dgongs pa nyag cig bstan dka' ba// rgya la bstan kyang skal med mi mos na// 'jigs shing sngangs nas dmyal ba'i rgyur 'gyur yang // 'jam dpal bshes gnyen khyod la ngas bstan gyis// gzhan yol skal med rtsa bar bstan na ni// khod kyang tshe 'dir mkha' 'gros por gyur nas// de phyir rdo rje dmyal bar nam kyang 'gro//
- 99b
rab tu brtags nas bskal ldan re re las// gzhan du ma yol lus ngag thung la nyon// dang po gsang sngags don gyi ngo bo ni// skyob pa'i don gyi gsang sngags don yin te// gzung 'dzin gnyis la skyob pa'i gsang sngags yin// gnas skabs skyob pas gsang sngags ma yin no// ci ste gzung 'dzin 'khor ba'i mtshan nyid las// ma 'das skyob pa'i tha snyad gyi 'da' tsam// ci srid gzung 'dzin yod kyi bar du ni// rje sems dpas skyob par ma gsungs pa// gsang sngags gzung ba bral bas nyon mongs sgribs pa skyob// gsang sngags 'dzin pa bral bas shes pa'i sgrib pa skyob// bzung ba yul med chos kyi bdag med rtogs// 'dzin pa'i sems med gang zag bdag rtogs so// bsam pa'i yul med yid kyi g.yo ba bral// skyob pa bla na med par rdo rje sems dpas gsungs// de ni gsang sngags don gyi ngo bo'o// gsang sngags yin min gzung 'dzin yod med bstan// drang don gsang sngags gzung 'dzin yod par gsungs/ bya byed yong sar lus byas yong sar gsung / nyan thos ngo la dgra bcom mthar thug snang / de bzhin a nu'i theg pa yan chad kyang / rang rang ngo mthar thug snang med kyi// bya byed 'bras bu 'dus byas yin par ni// rmongs pas bltas kyang the tshom za mi srid// de bas gsang sngags theg pa ma yin no// de 'dra'i
- 100a
gsang sngags don gyi ngo bo de// slob dpon bka' bcog dam nyams lag tu shor ra re// 'gro kun chos skur 'thung zhing zan tshol khrel med lag tu shor re// 'dod pa ma khrel bar du sri zhu che zhing 'dod pa phrel nas tshag mo/ 'du shes bskyed de rgyab kyi phyogs pa'i lag tu shor ra re// slad kyi slob dpon mthong na mi dga' skye ba'i lag tu shor ra re// ngo rga drag pa'i dbang gis snang 'tshong byed pa'i lag tu shor ra re/ mdor na dkon mchog dbu 'phang smad pa'i lag tu shor ra re// smra bar mi 'gyur ri rab lta bu la// chos skyong srungs ma dbang por bzhag la sbyin// blo ldan skal pa can dang phrad par shog/ ces gsang sngags don gyi yi ge ste dang po'o// // gsang sngags ngo bo rang gi dbyings la phyag 'tshal 'dud// gsang sngags gnas lugs thig le nyag cig ste// kun bral kun rngos ci yangs ci ma yangs// thig ni mi g.yo mi 'gyur ma nor drang po spros dang bral// le ni kun rdos khyab brdal cir yang shar// nyag ni zab cing 'phra ste brtag par dka'// gcig ni ci dran ci smras yul sems bdag gi dbyings// kun bral bdag gi ngo bo phyogs dang bral// gcig pu zla bral dang chad yin pa la// kun dngos de rang gzung 'dzin byung ba las// nyon mongs 'gro ba lnga dang 'byung chen lnga// ji yang sa gcig las g.yo ba med pa'o// ji ma
- 100b
yangs pa de nyid cir yang byung // thig ni chos nyid nam mkha' nyid la bya// le ni sems nyid nam mkha' nyid la bya// nyag ni 'byung ba nam mkha' nyid la bya// gcig ni dbyer med gnas lugs gdod ma nas// gcig ste sus kyang ma byas byed pa mod// kun bral phyogs ris bdag gzhan rgyu 'bras spros pa bral// kun rdos rang nyid ma rig cir yang shar// ji spangs rang gis rang rtogs thams cad rang du rlag/ ci ma yangs pa snang srid ma bcos rang sar grol// gnas lugs chos nyid nam mkha' gcig pa la// gzung 'dzin rang byung nam mkha' gnyis byung bas// chos nyid ma mthong nam mkha' gnyis po bsgribs// 'byung ba lnga dang 'gro ba rigs lnga po// gzung 'dzin nyon mongs lnga las sna tshogs snang // snang yang chos nyid rang byung gnyis pa med// dper na me'i srid pa dang po chags pa yang // lto bar thig le cha shas med pa las// yan lag la sogs ma rtsal rang nyi shar// sna tshogs gcig dang cig kyang cha shas ma mthun te/ lto ba'i thig le'i ngang las g.yos pa med// de bzhin chos nyid nam mkha' cir yang shar// chos nyid dang las g.yos pa ci'ang med// de bas dngos po'i gnas lugs cig tu gnas pa la// gcig po rang nyid cir yang 'char ba ste// gcig gis kun gyi rnam pa 'dzin zhes gsungs// gcig pa 'khor 'das kun gyi dngos
- 101a
gzhi ste// ngo bo de nyid rtogs dang ma rtogs kyi// byed pa med par rang nyid cir yang shar// dper na nam mkha'i ngo bo byed pa mi mnga' bar// rang gis ngo bo 'byung ba bzhir yang shar// 'byung ba bzhi yang sna tshogs bsam las 'das// 'das kyang nam mkha' ma g.yos byed par shar// sems can bsam pa sangs rgyas dgongs pa yang // chos nyid gcig pu gzhan ni ci yang med// de bas gnas lugs gcig pu bsam mi khyab// de ni gsang sngags gnas lugs go bar gyis// gzhan ni gnas lugs tha dad yin par 'dod// de ni gnas lugs gzung 'dzin can cin te// gtan la phebs kyang dgrol bar 'gyur mi srid// de ni sems can rnams kyi gnas lugs yin// gong gi gnas lugs kun gyi thun mong min/ de bas kun la de ltar mi bstan te/ lo bdun bar du mtshan nyid brtag la ni/ skyo ba rgyun tsam med na bstan par bya/ rang gi lus srog gtong nas bstan par bya/ blo chen 'jigs pa med na bstan par bya// slob dpon snying ltar btson bstan par bya// ser sna nga rgyal med na bstan par bya// de ltar khyod kyis gzhan du bstan na ni// rgya mtshor dug g.yos sdig pa char mi phod// ka'i ngas bstan tshul bzhin yengs pa med par spyod// slob dpon bka' gdams nyams pa byol song yin// nams kyang 'khor ba'i mtha'
- 101b
las thar pa med// zhes gsungs so// dngos po'i gnas lugs kyi yi ge ste gnyis pa'o// // rang sems chos sku che la phyag 'tshal lo// gnas lugs 'di yis 'di ltar rtogs par gyis// lus dang man ngag stobs kyi rang rig nges par 'char// gsang sngags don gyi tshad ma 'di nyid kyis// da lta nyid du 'di nyid rtogs par gyis// phyi nang sna tshogs 'khor 'das snod bcud chos kun ni// ngo bo gcig ste cig po de ltar shar// sus rtogs cig por shes te thams cad bdag nyid do// bdag ste rnam par dag pas ye shes chen po yin// bdag gzhan gnyis su snang na mu stegs 'khrul pa min// gcig yul gcig gis byas pas gzung 'dzin rnam rtogs yin// bdag med rnam dag ye shes ci phyir na// ye shes de ltar gnas pas ye shes chen po yin// ma bsgribs ma thogs ye shes chen po yin// kun gyi bdag nyid 'dus ma byas pa ye shes chen po yin// thams cad gcig tu rtogs pa gcig pus bsam mi khyab// thams cad bdag tu rtogs pas nyon mongs skye yul med// bdag nyid bsam mi khyab pas nyon mongs skye mkhan med// nyon mongs lnga rang chod sangs rgyas dgongs pa ste// sku gsum ma bsgrubs grub pas gsang sngags 'bras bu ste// lhun grub rdzogs chen yin par rdo rje sems dpas gsungs// thams cad gcig tu rtogs pas
- 102a
cig po dpe// rang gis rang la dpyad pa mi 'jug ste// rang nyid lhun grub 'gyur pas mi 'gyur ste// rang gis ngo bo lhun grub gcig yin yang // gcig tu rtogs pas chog mod cog ge zhog/ bcas bcos pas bsgrib mangs kyang sdad mi chod// rgyal chod kyang lhun grub bsgyur du med// nam mkha' bskur bas 'gyur ba ma yin bzhin// bdag nyid chos nyid yin zhes thams cad rang nyid shar// blo nyid dngos por 'gyur de la zhes bya// sems dang chos su 'dres zhes blo dngos phrad// sems de chos nyid 'gyur zhes kyang de la bya/ ci ste chos nyid ye nas dngos po gcig pa la// gzung 'dzin blo yis tha dad blo yi/ chos// lung dang man ngag stobs kyi thams cad cig tu rtogs// blo dngos 'phrad cing sems dang chos su 'dres// blo nyid dngos por 'gyur zhes rdo rje sems dpas gsungs// tshogs gnyis rdzogs shing sgrib gnyis byang zhes bya// yul sems gnyis med sangs rgyas dgongs par gsungs// gnyis med rang gi ngo bo gcig po de// 'byed pa med par smag gi mun rum bzhin// dmag gi mun rum 'di 'dras 'byed pa med// shes pa med pa'i shes pa gang yin te// gnas pa med pa'i gnas lugs rtogs pa yin// mthong ba med pa'i lta ba de mthong na// ci yang ma spangs cir yang rtogs pa med// rig pa'i yul med rig pa'i
- 102b
mkhan po med// yul sems gnyis med yid kyi g.yo ba bral// rig pa med pa'i rig pa shar ba la// yang dag don rtogs rtogs pa med par rtogs// de las gzhan du tshol na theg pa dman// bdag gzhan 'du shes ma log par// bdag med rtog par yin smra zhing // bya byed 'du shes ma log par// sangs rgyas theg pa yin par smra// de dang dogs pa ma log par// nyon mongs ldog par 'dod pa dang // sku gsum bsgrubs gnas 'grub 'dod cing // bdag gis gzhan la dpyod cing rtog/ sangs rgyas thog par bgrang ba min// de ni sems can bsam pa ste// kha cig ci yang ma yin zer// blo'i yul du byas nas ni/ kha cig gnyis su med ces smra// kha cig yod min med min smra// kha cig bsam 'das mtha' las smra// kha cig 'du shes med smra zhing // kha cig bsam pa'i yul med zer// la la kun yin gang min smra// da lta de'i dus min te// nam zhig sbyangs nas 'byung zhes smra// de la stsogs pa mang sgra yang // bdag gzhan 'du shes ma log par// sems can blo'i chos yin te// rang gis rang rig ma rtogs par// gzhal bya'i yul la bdag gis ni// 'jal byed tshad mas gtan la 'bebs// yin min 'du shes nyon mongs skyed// skyon yon gnyis kyi 'du shes kyis// 'khor ba mtha' las bral bar 'dod// de nyid 'khor ba'i rgya yin no//
- 103a
rang gi 'bras bu mi bslu yang // yang dag 'bras bu de mi bgrang // ci ste bdag gzhan ma log pas// bya byed chod pas 'dus byas chos// de ni grang ba'i don du gsungs// rang byung ye shes cig nyid kyang // rtogs pa'i ye shes mi skye bas// tha dad 'du shes skye ba de// grub mtha' bgrang ba ma yin gyis// de bas blo ldan sems dpa' khyod// yang dag rtogs pa 'di nyon la// rang gi dam tshig thub par srungs// bdud kyi bslu ba 'byung ba re// mkha' 'gro'i sprul pa 'byung ba re// dam can chad pa 'byung nga re// bsgrims te bsgom pa ma yo cig/ ces gsungs pa'o// gsang sngags tshad mas rtogs pa'i lta ba'i yi ge ste// gsum pa'o// // ka'i bu khyod kyang ni nga rung du// sa brgyad non kyang lhog pa'i skyon yod pas// da yong nyen med tsam du ma sems par// shin tu brtson 'grus bskyed de brtan par byos// mngon shes 'ong ba 'dra na shin tu sgrims// rdzu 'phrul 'ong ba 'dra na shin tu bsgrims// skye ba dran pa 'dra na shin tu sgrims// mkha' 'gro lung ston 'dra na shin tu sgrims// bde ba 'bar ba 'dra na shin tu sgrims// gter ram nor rnyed 'dra na shin tu sgrims// de kun thams cad yongs rgyur bar chad yin// kha cig de las khongs pa skyes nas ni// bdag nyid khyad 'phags gzhan la dman par mthong // nga'i gdams ngag ma dran bdud kyis
- 103b
bslus pa re// bdud kyis bslus te gtan du 'khor bar 'khyam// bde ru re zhing las rnams sna tshogs spyod// kha cig bzo dang rig byed sna tshogs byed// kha cig mthu dang grags pa sna tshogs byed// kha cig dman pa'i grub mtha' sna tshogs 'dzin// la la 'jig rten bu dang nor la 'chol// phal cher cha dang longs spyod 'phel bar byed// de'i gdam ngag 'di dang bral ba na// rnams kyang thar pa ma yin no// bu khyod de 'dra'i sdug bsngal 'byung nga re// de bas 'bad pa rtogs pa ma bral bar// skyes bu nad kyi gdungs pa ji bzhin du// rtogs pa lhang nger gtan du ma bral cig/ rdo rje sems dpa'i ngo bo rang gi ngang la phyag 'tshal lo// rang sems kun bzang ngo bo chos nyid rtogs nas ni// blang du med pa'i nyams blangs 'di lta ste// gcig tu rtogs nas blo rdos rtogs mos na// nyams su len pas su yin blang ba gang // blo nyid dngos por 'gyur bar byang bya med// sems de chos nyid dang du gyur tsam na// sgom mkhan gang yin sgom du ci zhig bsgom// chos nyid ye 'byams rtogs nas ma yengs na// ye 'jam chos nyid dgongs pa yin/ par bshad// dper na nyi ma mkha' la shar ba yang // 'char ba'i yul cig tshad mar blor bzhag nas// 'dir 'char 'dir ni mi 'char// 'phyar mkhan bdag tu dmigs pa ga la yod// chos nyid mkha' la
- 104a
rig pa'i nyi shar bas// chu la chu bur thim nas gnas pa la// 'di sgom 'di mi sgom par ma gsungs so// sgom yul sgom mkhan bkag pa ma yin yang // blo rdos phad pas chos nyid ngang du gsal// rtogs pas rang dbang med par sgom pa'i yul dang bral// 'dis sgom 'di sgom med pas chos dang gang zag rtogs// skyon dang yon tan bral bas nyon mongs dug gsum log/ dug gsum ma bcad log pas sku gsum ma bsgrub grub// de bas sgom du med pa'i sgom pa che ba mchog/ skyon yon bya byed re dgos med pas che// dgag sgrub yid kyi g.yo ba bral bas che// che ba lnga dang ldan pas nyon mongs lnga dang / bral// lnga bral nyon mongs bya ba'i ming yang med// sku lnga lhun grub yon tan ma lus rdzogs// de bas sgom du med pa'i sgom pa che// de las gzhan du blo rdos ma phrad de// sems de chos nyid ngang du ma gyur pas// sgom med skyon yon la sogs gong du smos bzhin smra// bdag gzhan 'du shes lhog pa'i mthu med par// tha mal tshig gi than pa nyon mongs rgyu// yul sems gnyis su med par ma rtogs par// ji skad smras kyang glang chen 'dam tshud 'dra// grol bar 'dod pas de rang nyid kyis 'ching // 'dod pa med par 'dod pa de rang 'dod pa ste// nyon mongs thams cad de dus nyid du rdzogs// bdag gzhan 'du shes yid kyi bar du
- 104b
ni// ci ltar 'dod kyang 'ching ste mi 'dod na yang 'ching // skyon med 'dod na de rang skyon yin te/ rnams kyang 'khor ba'i mtha' las grol ba med// de bas yul sems gnyis med rtogs tsam na// nyams blangs ci ltar blangs kyang grol lo zhes// rdo rje sems dpas nges par gsungs pa yin// bdag gzhan 'du shes ngang gis dben pas na// snang srid rdo rje sems dpa'i dgongs pa yin// ye nas yin pa'i don de rab rtogs na// ci ltar rung skal ldan nyams su long // zhes snang ste/ nyams su blang ba'i yi ge ste// bzhi pa'o// rnam dag ye shes dang la phyag 'tshal lo// 'bras bu sangs rgyas 'dus ma byas yin te// chos nyid sems nyid ye nas 'dus ma byas// bsgrubs nas grub cing thob ma yin te// ye nas yin pa'i don de rab rtogs nas// rtogs pas brtan pa de las mi g.yo zhing // rang byung ye shes ngang gis gnas pa la// rtog pa'i ye shes rang byung shar ba bzhin// rtogs pa'i shugs kyi klung du gnas pa las// stobs kyis brtan pa 'bras bu'i mchog tu bshad// ngo bo rang byung ye shes 'phel 'grib med// sangs rgyas gnas skabs bzhi ru dbye ba tsam// ci ste 'dus ma byas shing bdag gzhan dbyen// de bas thob tu med pas 'bras bu thob// dang po'i gnas lugs med pa'i gnas lugs te// gnyis med rtag tu med pa'i rtog pas
- 105a
rtogs// gsum pa lta ru med pa'i lta ba de// bzhi pa sgom du med pa'i sgom pas bsgoms// lnga pa thob tu med pa'i 'bras bu de// drug pa sgom du med pa'i mkhyen pa shar// rdo rje sems dpas 'bras bu'i mchog tu gsungs// 'bras bu ngo bo ye nas yin pas na// rtogs pas thob ces rdo rje sems dpas gsungs// dper na ma ha ra tsa'i bu bzhin no// tha gu sbrul la sogs pa ci bzhin no// ye nas gzung 'dzin dben zhing 'dus ma byas// yin pa ngang gis bzung 'dzin 'dus ma byas 'khrul// ngang gis gzung 'dzin dag cing 'dus ma byas rig pas/ spangs nas thob pa med de 'bras bu'i mchog tu gsungs// de yang sangs rgyas de med sems can med// de rtogs brtan nas yin gyi g.yo ba bral// tha snyad 'du shes rdul tsam mi skye na// mthar thug 'bras bu thob tshul de ltar thob// dang po rtogs pa'i ye shes rang byung de// nyi ma cig la cha bcur gnas pa la// cha cig ye shes tha mal cha dgu ste// rim gyis ma spangs ma bsgrubs bcu 'gag pa// gsang sngags 'bras bu thob tshul de ltar thob// dang po rtogs pa'i ye shes rang 'byung de// snang ba shar shas mun pa rlag pa ltar// gnyis med rtogs pas dgag bsgrub log pa dang // lhun grub rtogs pas bya ba sbal log pa dang // gcig pu rtog pas re dogs log pa dang // mnyam nyid
- 105b
rtogs pas dgag bsgrubs log pa dang // 'bras bu thob ces rdo rje sems dpas gsungs// de yang gzhan nams thob pa ci yang med// rang gi ngo bo ye nas de ltar gnas// gnas pa rtogs nas brtan pa thob pa la// mthar zug 'bras bu thob tshul de ltar thob// rang gi ngo bo ye nas de ltar gnas// gnas pa rtogs nas brtan pa thob pa la// mthar thugs 'bras bu thob tshul de ltar thob// rang rig shes na gzhan yang 'di lta ste// yang dag don de ston pa'i slob dpon de// lhan cig gnas na sri zhu smos ci dgos// gang na bzhugs pa'i yul phyogs dris nas kyang // phyogs der mchod byed phyag 'tshal mchod pa byed// sngon du bzhugs pa'i khrims 'am gnas khang la// skor ba la sogs phyag 'tshal sngon du byed// dran nam mthong na nang nyung lus kyang yang // sngon du spyod lam dran na mos pa skye// nam yang 'bral ba'i bsam pa mi skye na// dgon par khrid la tshig re tshig re bstan// yun du bsrings la bags kyis bstan pa las// gdol chos lhug par zhu zhing bstan pa men// ngang gi snod dang sbyar zhing bstan pa yin// 'bras bu thob tshul yi/ ge ste lnga pa'o// // mnyam nyid ngang gi 'gro la phyag 'tshal lo// 'bras bu khyad par 'phags pa lnga yis 'phags// ma yangs mi gnas mi ltos rag ma lus// tha snyad kun dang bral ba'i 'bras bu de// rang byung
- 106a
lhun grub 'dus ma byas pas na// 'bras bu'i rgyal po khyad par 'phags te che// bya byed med pas nyon mongs med pas 'phags// bdag gzhan med pas bzung 'dzin dben pas 'phags// rgyu rkyen med pas gnyen pos mi 'jigs dpag/ blo rdos 'phrad pas gnyis med gsal te dpags// chos nyid yongs 'byams gnyis med gnad du chud// rang dbang rang gis thob ste gzhan mi gnas// che btsan 'gran zla med pa'i 'bras bu de// ye shes rtse mos thams cad 'joms te dpags// yid kyis ma bsam blo yis ma byas pas// rang dbang med pa'i 'bras bu rang byung che// gang nas ma byung gang du ma phyin par// rang sar rang grol 'bras bu bde ba'i mchog/ yid kyi g.yo ba bral ba'i 'bras bu de// rdo rje sems dpas 'bras bu'i mchog tu gsungs// ji srid yid kyi g.yo ba ma bral bar// sangs rgyas 'dod pas bsgrub pa'i gang zag de// 'khor ba'i mtha' las thar par ma gsungs so// des kyang rdzogs chen 'bras bu khyad par 'phags// yid kyi g.yo ba bral ba'i 'bras bu de// rdzogs pa chen po'i 'bras bu yin par bshad// yid kyi g.yo ba ma bral 'bras bu de// rdzogs pa chen po ma yin bskyed rims yin// bskyed rim shes kyang de ru shes par gyis// re dogs ma zad 'bras bu bskyed rim yin// gzung 'dzin zad pa'i 'bras bu
- 106b
rdzogs chen yin// a nu man chad sems can blo'i chos// rdzogs chen sangs rgyas dngos po'i chos// drang don nges don gnyis su shes par gyis// de bas 'bras bu rdzogs chen dpags te che// rang byung ye shes ye nas rdzogs pa la// rtogs pa'i ye shes bstan pa rdzogs chen no// chos nyid dngos po'i gnas lugs rdzogs pa la// blo nyid dngos por gyur pas chen po'o// ye nas chos nyid rdzogs chen cig pa las// gcig rtogs gzung 'dzin bral ba chen po'o// bya byed bral te lhun kyis grub pa de// rdzogs pa yin la chen po yin par bshad// bya byed bsgrubs nas grub pa'i 'bras bu de// rdzogs pa yin la chen po min par gsungs// so so skye bo blo la snang ba de// rdzogs pa yin la chen po min par dngos po'i gnas lugs ye nas gnas par// chen po yin yang chen po min par bshad// ci ste rtogs pa'i ye shes ma ldan pas// de ltar rang gi blo la go bar gyis// yang dag don gyi khyad par de tsam mo// rang gi shes rab stsal gyis mchod na// mang du smras kyang slar la tshig gis bsgrib// nga yis khyod la bstan pa'i tshig bshad 'di// su la bstan kyang mi rtogs mi srid de// skal ldan brgya la 'ga' dang phrad par shog/ skal min brgya las phrad par 'dod na yang // mkha' 'gros par chad sna tshogs byas nas kyang // 'di dang skal med phrad par ma
- 107a
gyur cig/ rdzogs chen khyad 'phags kyi yi ge ste drug pa'o// // lhun grub rdo rje sku la phyag 'tshal lo// a nu man chod skyon yang 'di lta ste// bdag gzhan gnyis kyi 'du shes ma log par/ gzung 'dzin rtog par 'dod pa shin tu rmongs pa ste// bya byed 'du shes sgo nas sangs rgyas sgrub 'dod pa// skye bo phal pas ltas kyang rmongs par snang // nyon mongs sba ba re dogs yin pa la// re dogs lam du khyer nas byang chub sgrub par 'dod/ khong par dug zos lus la bde bar 'dod// 'dod kyang bde ba mi myong sdug bsngal myong bar 'gyur// re dogs ma zad bar du bde ba thob mi srid// a nu dbyings dang ye shes sgor zhugs nas// gnyis med bde ba ci bzhin blo 'jog 'dod pa ste// de yang nyon mongs rdzogs chen mthong ba med// ma hA thabs dang shes rab sgor zhugs nas// bsnyen sgrub bzhi yis sku lnga bsgrub par 'dod// de yang nyon mongs rdzogs chen mthong ba min// yo ga cho ga lnga'i sgor zhugs nas// 'bras bu sangs rgyas 'dod cing stsol// u pa ya'i lha spyod ni// kri ya spyod cing yo ga bsgrubs// 'bras bu sku gsum ye shes bsgrub// bya ba byed pa'i kri ya ni// dag pa rnam gsum sgor zhugs nas// rigs gsum sangs rgyas bsgrub par 'dod// byang chub sems dpa'i spyod pa ni// bden pa gnyis kyi sgor zhugs nas// kun tu
- 107b
'od kyi sa 'dod pa'o// shes pa 'gog pa'i rang rgyal ni// rten 'brel bcu gnyis sgor zhugs nas// yid bzhin bde ba mchog thob 'dod// sdug bsngal myong ba'i nyan thos ni// bden pa bzhi'i sgor zhugs nas// dgra bcom 'bras bu thob par 'dod// 'dod pa ma zad bar du ni// nyon mongs zad par mi 'gyur te// nyon mongs 'bras bu khams gsum yin// 'dus byas rten 'brel 'bras bu de// sangs rgyas theg par bgrang ba med de// de bas skyon med shes par gyis// skyon gyis rtsa bar re dogs yin// re dogs gzung 'dzin ma yin pa'i// skyon zhes bya ba rnyed par ni// rdo rje sems dpa' ma gsungs so// ci srid bya/ byed re dogs kyi// 'du shes log par ma gyur pas// 'bras bu sangs rgyas thob pa ni// rmi lam na yang mthong med na// de bas khyod kyis de ltar shes par gyis// shes nas nyon mongs dbang gis ma yengs par// rang gis rtogs pa ci bzhin klung du gyis// skal med mos pa bzlog pa ri bsre lci// skal ldan bzlog gi brgya stong char mi phod// de bas gsang sngags gdam ngag/ tshad gzung shin tu dka'// de bas yun du bsring la gang zag brtag/ rtog nas brtson 'grus bskyed la gdams ngag bstan// zhes 'og ma skyon gyis rtsa ba dang ma bral ba'i yi ge ste// bdun pa'o// / chos nyid g.yos shing tha dad ci yang med//
- 108a
dper na lus kyi ngo bo cig pa la// byed pa med par yan lag sna tshogs shar// shar yang lus las g.yos shing tha dad med// ngo bo rdo rje sems dpas cig par gsungs// byed pa med par rang nyid rang du shar// dper na rgya mtsho chen po'i tshul bzhin du// bu khyod cig pa'i don la ma rmongs shig/ tha dad 'du shes zhugs pa bdud kyi las// de bas cig pa'i don la nan tan gyis// 'das pa'i sangs rgyas cig pa nyid du rgyas// da ltar sangs rgyas cig pa nyid du gnas// slad kyis gdung 'tsho cig pa'i lung yang sten// de bas cig pa'i don 'di rtogs gyur na// 'khor ba'i nyon mongs ma bcad ngang gis ldog ka'i bu khyod ma yengs shig/ da rung bdud kyi bslu ba 'byung la re// zhes so// 'khor 'das ngo bo cig pa'i yi ge ste/ brgyad pa'o// // e ma don nyid ma stsal rdzogs la phyag 'tshal lo// gcig pa'i don la 'khor 'das gnyis gsungs pa// rang byung ye shes cig tu gnas mos kyang // rtogs ma rtogs kyis 'khor 'das gnyis su gsungs// dper na sman gyi rgyal po ga phur cig pa la// tshe grang rkyen gyi smad du gnyis su gnas// de bzhin chos nyid phyogs dang bral ba la// byed pa med par 'khor 'das gnyis su shar// de yang rtogs ma rtogs kyi bye brag go/ 'khor 'das rtog ma rtogs las med par gsungs// sangs
- 108b
rgyas bsgrub pas grub par ma gsungs so// dper na nyi ma'i dkyil 'khor snang ba la// nyi ma'i ngo bo gcig las ma g.yos par// chu bur zhig ni rkyen gyis mun snang gnyis// mun pa spangs nas snang ba bsgrub pa med// de bzhin rang sems rgyal po chos nyid de// rtogs na sangs rgyas ma rtogs sems can no// rtogs na mi rtogs ma rtogs rnam rtog go/ dug lnga ye shes lnga yang ma rtogs ma rtogs// rtogs ma rtogs kyang byas pa ma yin te// rang gis ngo bo rang gi de ltar ro// chos rnams thams cad rang gis rang shar yang // las so zer nas rgyu mtshan tshol ba na// blun rmongs de ni sangs rgyas theg chen min// nams kyang 'dus byas rkyen las de mi 'da'// khyod kyis 'khor 'das rang byung shes par gyis// gnyis kyang gcig gis ngo bor gyis// gcig kyang gnyis kyi rang bzhin shes par gyis// rtogs ma rtogs kyis 'khor 'das gnyis su gsungs/ de las 'khor 'das gnyis kyi rgyu mtshan ni// rdo rje sems dpa' rnyed par ma gsungs so// 'khor 'das gnyis kyi gsungs tshul gyi yi ge ste/ dgu pa'o// // bcom ldan 'das thams cad mkhyen pa'i ngang la phyag 'tshal lo// sangs rgyas sems can gcig cing tha yang dad// sangs rgyas gang yin sems can yin// sems can gang yin sangs rgyas yin// sangs rgyas sems can lhan
- 109a
cig mi gnas te// sangs rgyas yod na sems can med// sems can yod na sangs rgyas med// gcig pa chos nyid yin pa la// ma rtogs 'khor ba'i sems can te// rtogs pas sangs rgyas rdzogs pa yin// gong gis ma rtogs pa de nyid// phyi nas rtogs pa de nyid yin// don gyi ngo bo 'pho 'gyur med// re zhig gnyis su bgrangs pa tsam// de yang 'gro bas rtogs phyir// 'khor 'das lhan cig mi gnas te// ma rtogs pa'i dus tsam na// rtogs pa yod par smra ba med// re zhig shes che'i sgo nas smra// mun pa yod na snang ba med// snang ba yod na mun pa med// re zhig gcig tu bstan pa tsam// de yang rtogs par bya phyir ro// 'o na don gyi ngo bo de// bsam mi khyab tu gnas pa yin// snang ba de'i tsam na stong yang bdo'o// stong bdo tsam du snang yang bdo'o// sman bdo tsam na dug kyang bdo// dug bdo tsam na sman yang bdo// sems can bda'o na sangs rgyas bda'o// nyon mongs bdo'o na ye shes bda'o// gcig dang tha dad grol bar gsungs// de bas 'khor 'das 'grel zhing rgya ma chad// mtha' rdos mtha' bral kun dang / bral// de bas yang dag lta ba gza' gtad bral// sems can sangs rgyas ngo bo nyid kyi 'brel// ma rig rkyen gyis 'brel// ma rig rkyen gyis tha dad par yang gsungs// de 'dra'i don 'di skyes bu su 'chang ba//
- 109b
dge sdig gnyi ga ched du mi byed de// byas kyang chos nyid ngang las g.yos pa med// mi g.yo mi 'gyur yul med dbang pos te// rtogs pa'i dus su mngon sangs rgyas// thob bya'i 'dod chags ngang gis bral// de mthong thams cad chos slu bas// dogs shing bag tsha'i zhe sdang rka nas ngag/ shugs kyis dgra zin 'du shes lhog par snang // thams cad ngo bo rang gis dbyings// 'du shes thams cad zad pa 'byung // bya ba thams cad ngang gis ldog/ de 'dra'i drod dang ldan tsam na// bdud du thun mongs dngos grub che// ci 'dra'i nus pa 'byung 'gyur kyang // bdud de chos nyid ngang du bstim// bar der nan tan shin tu 'bad/ kha cig de la sgro skyes nas// zag pa zad par mthong ba na// de yang blo chung 'khor ba'i rgyu// khyod kyi de ltar shes par gyis// 'khor 'das 'brel pa'i don gyi yi ge ste// bcu pa'o// // spros bral chos kyi sku la phyag 'tshal lo// sems can skyon gyi skye ba gcig pu ba// bdag tu 'dzin pa'i dug lnga rang las byung // sems can zhes kyang 'dzin pas btags pa yin// nyon mongs ci snyed thams cad 'dzin pa'i gnas// bdag tu 'dzin pa thog ma med pa nas// de'i bar du sdug bsngal 'dam du mnar// da dung gzung 'dzin phur pa ma phyin par// thar bar rdo rje sems dpas ma gsungs so// chos nyid cig pu zla dang bral ba la//
- 110a
nga dang gzhan du bzung bas gtan du 'khyams// ci srid gzhan 'du shes yod kyi bar// rga ci spyad rang nyid 'ching ba'i rgyu// grol bar 'dod pas slar yang 'ching ba'i rgyu// sbur pa bal rdung chud pa tsa bzhin no// bdag gzhan gnyis kyi 'du shes gang zhes na// bdag gzhan yul dang sems la bya ba ste// de gnyis yod pas bya ba byed pa dang // re dang dogs dang legs dang ma legs dang // bzang dang ngan dang rgyud dang 'bras bu dang // mtho ris ngan song la sogs thams cad yod pa ni// ci srid yul sems gnyis med ma rtogs par// bdag gzhan gnyis med ze ba'i dmus long bya ra mkhan/ bdag dang gzhan gyi shes pa mi 'dre bar// yul sems gnyis med zer ba'i rmongs pa yod// skyon gyi smra ba gzung 'dzin gnyis dang 'grogs/ kha cig grub mtha' 'di skad zer ba yod// nga dang bdag ni ye nas so so ste// bdag gi sems nyid stsal ba'i ma rnyed par/ kha cig chos nyid tsam du cig pa la/ chos nyid tha dad pa ru 'dod pa la/ kha cig sems nyid tsam du 'dod pa la// sems nyid tha dad yul sems gnyis med zer/ kha cig cig po don dang ma 'byor bas// yid spyod tsam du cig go zer ba yod// yod kyang skyon gyi rtsa ba bzung 'dzin gnyis dang 'grogs// nyes pa'i 'byung khungs de dang ma bral bas// 'khor ba'i mtha' las grol
- 110b
bar gsungs pa med// de ltar skyon gyi rtsa ba shes par gyis// rnam grangs rgyal bas mkhyen par ma gsungs so// re zhig bsdu na brgyad khri bzhi stong ngo // de yang byed pa med par rang byung che ba'i mchog/ de ltar khyed kyis rting du chud par gyis// yang dang yang du nyes pa'i rtsa ba ltos// nyes pa'i rtsa ba de dang ma bral na// rdzu 'phru mngon par shes ldan yang grol nam du med// ci ste shes bya shes byed yod pas na// skyon gyi rtsa ba de dang kril le 'grogs// khyod la nga yis bstan du yod pa yang // khyad la nga yas bstan du yang pa la// rtogs pa'i dum bur gnas pa'o// thams cad stong nyid ngang du gnas pas chu// yang dag 'bras bu smin par byed pas me// rang gi ngo bo bstan par byed pas sa// 'khor ba sangs rgyas su bskyod pas rlung // rang gi chos nyid gsal bar byed pas mkha'// 'byung chen 'dul ba'i man ngag thabs chen 'di// snying dang 'dra bar chos shig char ra re// yun du brtags la rgyal 'gal sbyin// 'di'am snod ldan 'dzam bu gling du dkon// snod ma rnyed na mi dar gter du sba// zhes so// sems can skyon gyi rtsa ba bstan pa'i yi ge ste/ bcu gcig pa'o// // rnam dag ye shes sku la phyag 'tshal lo// sangs rgyas legs pa'i 'byung gnas kun gyi gzhi// bdag med gnyis med rtogs pa chos kyi sku// gzugs sku rnam gnyis la sogs yon
- 111a
tan sku// mar me 'od kyi tshul te logs na med// drang ba'i don du bye brag bgrangs pa tsam// bdag tu 'dzin pa'i shes pa legs pa yis// skye rgas na 'chi'i chu ba rtsad nas bcad// chos su bzung ba'i yul de log pa yis// nyon mongs dug lnga ma bcad rang nyid chad// sku bzhi ye shes lnga ni lhun gyis grub// sangs rgyas che ba'i yon tan bsam mi khyab// sku'i dngos po ci yang mi mnga' bar// stong gsum ma / lus dbang sdud zil gyis gnon// gsung gi dngos po ci yang mi mngal bar// bstan pa bu smin par byed pas me// rang gi ngo bo bstan par byed pas// 'khor ba sangs rgyas su bskyod pas rlung // rang gi chos nyid gsal bar byed pas mkha'// 'byung chen 'dul ba'i man ngag thabs chen 'di// snying dang 'dra bar chos shig char re// yun du brtags la rgyal 'gal sbyin// 'di'i snod ldan 'dzam bu gling na dkon// snod ma rnyed na mi ngar gter du sba// zhes so// sems can skyon gyi rtsa ba bstan pa'i yi ge ste/ bcu gcig pa'o// // rnam dag ye shes sku la phyag 'tshal lo// sangs rgyas legs pa'i 'byung gnas kun gyi gzhi// bdag med gnyis med rtogs pa chos kyi sku// gzugs sku rnam gnyis la sogs yon tan sku// mar me 'od kyi tshul te log na med// drang ba'i don du bye brag bgrangs pa tsam// bdag tu 'dzin pa'i shes
- 111b
pa legs pa yis// skye rgas na 'chi'i chu ba sdud nas bcad// chos su bzung ba'i yul de log pa yis// nyon mongs dug lnga ma bcad rang nyid cad// sku bzhi ye shes lnga ni lhun gyis grub// sangs rgyas che ba'i yon tan bsam mi khyab// sku'i dngos po ci yang mi mnga' bar// stong gsum ma lus dbang sdud zil gyis gnon// gsung gi dngos po ci yang mi mngal bar// bstan pa ma lus thams cad rgyas par sgrogs// thugs kyi dngos po ci yang mi mnga' bar// thams cad rang gi ngo bo chos skar mkhyen// mkhyen pa med pa'i mkhyen pa chen po ste// rdo rje sems dpas mkhyen pa chen por gsungs// rnam rtog mi mnga' cir yang sa ler mkhyen// nga dang gzhan dang bya byed la sogs pa'i// rnam rtog mi mnga' snang srid chos skur sa ler mkhyen// de ni nges don don gyi thams cad mkhyen pa yin// de ni thams cad mkhyen pa'i mchog tu gsungs// sku gsung thugs kyang cig gis ngo bor bzhugs// thams cad thig le'i ngo bor bzhugs pa la// g.yo ba mi mnga' sa le sang nge ba// de ni thams cad mkhyen pa'i mchog tu gsungs// de las thams cad gzhan du thams cad mkhyen pa'i bdud// drang don a nu yan bcod thams cad mkhyen pa de// bdag gis gzhan mkhyen mkhyen bya mkhyen byed de// bdag med rnam gnyis rtogs pa'i mkhyen pa de// de ni nga
- 112a
rung 'dus byas gzung 'dzin yin// de nga'i yon tan ma yin no// nga'i yon tan gong du smos pa de// khyod kyis blo'i gting du go bar gyis// don de go bas re dogs ched par nges// de lta bu'i yon tan chen po de// sbubs gnas gzhan nas 'byung ba ma yin te// rang gis ngo bo de ltar ye nas gnas// ye nas gnas pa rtogs pa la// mthar thugs sangs rgyas de la bya ba yin// de ltar rang gis rtogs nas bstan pa la// phyi nang snod bcud nga'i yon tan no// nga'i yon tan phyogs su ma chad pas// yon tan mchog tu gyur par rgyal bas gsungs// yon tan phyogs chad sangs rgyas yon tan med// de ni sems can blo'i yon tan yin// chos nyid bsam gyis mi khyab pa'i// don rtogs nas brtan pa yin// sangs rgyas sku gsung thugs yin no// thams cad nga'i dngos gzhi sku// nga yis thams cad 'brel pa gsung // nga'i ngo bopo mi phyed thugs// blo nyid dngos por gyur tsam na// sku gsung thugs kyang phye ba med// chos nyid don gyi ngo bo de// ma byas spros bral chos kyi sku// ma 'gags rang byung longs spyod sgra// chos nyid cig pa ma g.yos par// mtshan nyid sna tshogs sprul pa'i sku// sems can chos su 'dres pas na// sku gsum ngo bo phye ba med// phye ba med pa'i yon tan de// yon tan mchog tu rgyal bas gsungs// blo ldan khyod kyi de ltar
- 112b
zungs// skal med gzhan la bstan gyur kyang // ye shes mi skye the tshom za// the tshom zos nas gzhan yang bzlog/ de bas de'i nyes pa ni// rgya mtsho dug gis dkrugs pa yis// bye ba'i char yang mi phod do// rdo rje dmyal lam lhun grub sku// gzhan gyis reg na phung bar 'gyur// btsan dug bzhin du legs par btsa'// zhes so// yon tan lhun grub kyi yi ge ste/ bcu gnyis pa// // bcom ldan 'das bya bral dang la phyag 'tshal lo// chos sku ye nas rang dben pas// bdag gzhan du 'dzin pa'i sems can de// pa'am can ni ldan pa'i sgra// bdag tu 'dzin pas sems zhes te// gzhan du bzung bas can zhes bya// sems sems su 'dzin pas na// sems zhes 'dzin pa'i don gyis so// de la gzung ba'i yul byung bas// yul la can zhes btags pa'o// bdag dang gzhan yod ci srid du// bya byed yod par rgyal bas gsungs// byed pa'i ngos nas sems zhes bya// bya ba'i ngos nas can zhes bya// bdag yod pas su phan gnod yod// gdags bya'i ngos nas can zhes bya// 'dogs byed ngos nas sems zhes pa'o// ji srid bdag yod bar du ni// gzhan med zer ba blun pa ste// tshur ka med pa'i phar ka ni// rmi lam na yang mthong ba med// bdag ni shes bya'i sgrib pa ste// yul ni nyon mongs sgrib pa yin// sgrib pa can zhes de la bshad//
- 113a
sems can zhes su bstan pa yin// nyan thos a nu man cong du// theg pa'i bye brag bsam yas kyang // bsgrubs nas grub pa'i 'bras bu de// sgrub bya sgrub byed yod pas na// de yang yul dang yul can no// re dogs blang dor ma log pas// de yang sems can blo'i chos// gong gi chos las ma 'das pas// bya byed yod pa ci srid du// sems can yin zhes sems dpas gsungs// gzung 'dzin med pa'i bya byed dam// bdag gzhan med pa'i gzung 'dzin nam// bdag med rtogs pa'i re dogs ni// sngar yang ma thos mi thos so// ci phyir ma gsung mi gsung zhing // gsung bar 'gyur ba ma yin no// de lta bu'i chos can ni// yod par 'os pa ma yin te// phan gnod med pa'i sman dag ni// smra bar nus pa ma yin no// pha ma med pa'i bu de yang // smra bar rig pa ma yin no// bdag gzhan bcas pa'i sangs rgyas sam// bya byed yod pa'i sangs rgyas sam// re dogs yod pa'i sangs rgyas kyang // kun rdzob a nu man cod du// drang ba'i don du btag tsam// nges par smra bar byed pa ni// rgyu mtshan gang gis gang gi phyir// gal te sbubs nas grub pa na// sangs rgyas rdzas yod mi rtog go/ don dam bsgrub tu med na yang // khyod rang nyid dam gzhan zhig yin// gzhan zhig yin na 'brel ma 'brel// 'brel na 'brel pa rnam gnyis brtags// ma
- 113b
'brel 'bad pa don med 'gyur// des na sems can chos zhes gsungs// sems can bya ba de la bya// mdor na bya byed re dogs de la bya// a nu man gcod sems can chos su ni// rdo rje sems dpas dus 'di nyid du gsungs// de bas kun gyi zos nas sdang ba 'di// khyod kyis gzhan la yel bar mi bya'o// gal te phel na gang zag skal med kyis// kun bzang dgongs pa 'di la gshes gyur na// nam mkha' ji srid bar du ni// shi ba'i 'og tu dmyal bar 'gro// zhes gzung 'dzin sems can du bstan pa'i yi ge ste// bcu gsum pa'o// // bcom ldan 'das che btsan rgyal ba'i sku la phyag 'tshal lo// bdag med rnam gnyis gtogs pa sangs rgyas te// bya byed re dogs bral bas sangs rgyas yin/ bdag gzhan 'dzin pa chos sku'i ngang dus sangs// shes pa med pa'i shes pa bstan pas rgyas// gzhi ni ye nas bdag gzhan dben pas sangs// de bzhin rang gi rig pa rgyas par bshad// rang byung chos sku spros dang bral bas sangs// spros bral rtogs pas steng du gyur pas rgyas// rnam rtog bdag tu 'dzin pas sangs pas sangs rgyas// mi rtog ye shes gnyis med gsal bas rgyas// gzung 'dzin bag chags ma lus kun sangs nas// ye shes mkha' la nyi shar bzhin du rgyas// sangs rgyas zhes kyang de la gdags pa yin// rig pa med pa'i
- 114a
rig pa shar tsam na// bsgom du med pa'i bsgom pa bshugs kyis 'byung thob tu med pa'i 'bras bu rang dbang byed// rang dbang byed 'bras bu'i rgyal po de// rdo rje sems dpas sangs rgyas zhes su bsngags// yul sems 'khor ba'i dug chen sangs// snang srid chos sku'i dang du rang sangs rgyas// de la sangs rgyas zhes su sems dpas gsungs// bdag gzhan 'du shes chos nyid ngang du sangs// bdag med rtogs pas lhag med chos skur rgyas// bdag gzhan 'du shes ngang gis log pa na// yid kyi g.yo ba rang dbang med par lhog/ yid kyi g.yo ba bral ba brtan pa las// gzhan du sangs rgyas sems dpas ma gsungs so// de las gzhan pa'i sangs rgyas yod par ni// nges rgyud kun tu btsal yang rnyed mi srid// drang don sangs rgyas rnam grangs bsam mi khyab// de ni sems can mos pa skye phyir gsungs// de ni 'dzam gling bye ba phrag brgyar yang // sprul pa bsam yas mdzad par gsungs// sems can rang rang mos pa ci 'dra bar// chos ston pa la sogs pa 'tshal bar ston// de ni drang don sangs rgyas yin par gsungs// sangs rgyas gdags gzhi dang bcas pa'i yi ge ste/ bcu bzhi pa'o// // rnam dag sems kyi dbyings la phyag 'tshal lo// yang dag sangs rgyas bsgrub pa'i bsgrub rdzas su// rdzas kyi rgyal po rang sems khyad par
- 114b
'phags// rang rang sems rdzas kyi rgyal po 'di rtogs na// phyi nang snang srid sems can thams cad kun// ma lus rdzas su gyur bas bsgrub pa che// blo nyid dngos por gyur pa'i rnal 'byor pa// snang bar bde sdug rnam rtog ci skyes kyang // thams cad nga'i rdzas te gung na med// rang byung ye shes ye gnas la// rtogs pa'i ye shes rdzas dang ldan// ngang la gnas pas bsgrub pa yin// rang gi rang rdzas rang la che// bya ba med pa'i thabs dag dang // byed pa med pa'i shes rab gnyis// gnyis med ye shes rtog gyur na// snang ba sku'i bsgrub rdzas yin// sgra rnams gsung gi bsgrub rdzas yin// dran rtog thugs kyi bsgrub rdzas yin// ye nas lhun gyis gnas pa la// rtogs pas nor ram rdzas dang ldan// de nyid rang gnas bsgrub pa po// bsgrub rdzas ldan zhes sems dpas gsungs// gal te bsgrub rdzas de min na// rdzas rnams thams cad ci bsogs kyang // 'khor ba bsgrub pa'i rdzas su gsungs// bsgrub rdzas bgrang bar rigs pa min// ye nas lhun grub spros dang bral// bsnyen pa yin te snyen pa'i mchog/ de rtogs nye ba'i snyen pa'o// dpal gnas pas bsgrub pa'o// mngon gyur bsgrub pa chen por bshad// ye nas lhun grub spros bral de// sems dpas rdzas su gsungs pa yin// ma rtogs nor ram rdzas dang bral// rtogs ni rdzas dang ldan zhes bya//
- 115a
'phags khyod rdzas kyi rgyal po de bsten nas// yun tu rdzas mchog 'di dang ma bral cing // gal te rdzas mchog 'di dang bral na ni// bskal bar sdug bsngal 'khor bar 'khyams la re// zhes so// bsgrub rdzas kyi yi ge ste/ bco lnga pa'o// // bdag med spros bral dang la phyag 'tshal lo// thig le spros bral dang la phyag 'tshal na// bdag gzhan spros pa rnam rtogs 'gogs chen 'di// phar la bsal bas sol ba ma yin te// thams cad chos sku ngang gis ngo bor gzhom// thams cad chos sku'i ngo bor gcig pa la// bdag gzhan bar chad bgegs chen de byung bas// bgegs chen de yis thams cad dbang bsgyur nas// thams cad bgegs su ma gyur gang yang med// de bas bdag gzhan 'dzin pa'i bgegs de las// gzhan du bgegs na ni mas kyang yod ma yin// de yod pas na bgegs rnams de las byung // bdag gzhan gnyis kyi bgegs chen de// rang las byung zhing rang gi bdud// bgegs de nges pas 'joms 'dod na// thabs dang shes rab ldan byas la// gnyis kyi ye shes chen po yin// mnyam nyid ngang du ldan gyi gzhom// nam du ldang bar mi bya'i phyir// ngang nyid de las lhag kyis gzhag/ gnyis med nga dang ma bral na// bgegs de ldang bar nus ma yin// de bas gnyis med ma yengs par// blo ldan bgags dang
- 115b
ldan par byos// gnyis med bde chen de dang ma bral na// bgegs la stsogs pa'i phyogs rnams thams cad kun// nam yang 'byung bar sems dpas ma gsungs so// bgegs zhes bya ba'i ming yang mi srid de// snang srid ye shes chen po'i 'od du 'bar// ye shes ma yin pa ni gcig kyang med// thams cad kun tu bzang po'i ngang du gsal// khyod kyi de ltar khong du chud par gyis// gal te thabs dang shes rab ma ldan nas// ye shes chen po gnyis med bral ba ni// rnam rtog bdud kyi bar du bcad nas ni// 'khor ba'i brtson ra'i nang du bcug nas ni// gzung 'dzin gnyis kyi lcags sgrogs stsal nas kyang // re dogs gnyis kyi tsher lcags las su brab// zas su 'dod chags zhe sdang gti mug byin// nang du skye dga' na 'chi snying la khol// gzigs mor khams gsum snang ba sna tshogs bstan// las su sdug bsngal sna tshogs thar med byed// zo chu khyud mo bzhin du gcig nas gcig tu 'khor// gnyis med skyabs chen de dang ma phrad na// thar ba'i dus mtha' nam yang mi 'byung ngo // de bas thabs dang shes rab ldan par byos// bar / chad bgegs chen bdag gzhan gnyis 'dzin te// gnyis med thabs dang shes rab me yis bsreg/ blo ldan khyod kyi sa de ltar shes par gyis// de ltar shes na bgegs dang bar chad brlag/ de las gzhan du
- 116a
bar chad sel 'dod pa// de nyid bgegs yin pas bgegs rnams thams cad 'byung // sems dpas khyod kyis gnyis med ye shes ston// blo ldan khyod kyi bla ma rnam gnyis zung // dkon mchog gsum dang nam yang ma bral bar// yang dag mchod pa bla med mchod// rang gi dam tshig rtag tu gsungs// grogs su rang gi brtson 'grus sten// gal te de las 'gal gyur te// rdo rje sems dpa'i dgongs pa 'di// khong khro gdug cing ser sna che// rig pa sgyu dang thabs kyis tshol// rnyed nas sri zhu rdul tsam med// tshig dang bsam pa tshe rol smra// chos nyid don dang rtag tu 'gal// de 'dra'i sdig can tu gtad gyur na// dkon mchog gsum gyi dbu 'phang smad// sangs rgyas bstan pa gnyen po bshig/ chos sgor zhugs nas dmyal ba bsgrub// bdag gzhan gnyis po gtan nas brlag par byas// phung khams de dang ma sngo cig khams gsum dmyal bar ma spyod cig/ rdo rje ri bo ma 'jig cig/ ces gsungs so// bar chad bgegs dang mtshan nyid kyi dam stsal thabs kyi yi ge ste/ bcu drug pa'o// // bcom ldan 'das sna tshogs kun tu bzang la phyag 'tshal lo// bgrod du med pa'i lam 'di'i cha rkyen gang // bsag tu med pa'i snang srid rang gi rkyen// cha ni chos sku gcig pa la// rkyen ni 'khor 'das gnyis su snang // cha ni rang byung ye
- 116b
shes la// rkyen ni rtogs pa'i ye shes shar// cha nyid rkyen dang nyid cha// snang ba dang ni stong pa dang // bde ba dang ni sdug bsngal dang // mya ngan 'das dang 'khor ba dang / yod med gnyis dang gnyis med dang // mtha' rnams kun bzang dgongs pa'i rkyen// spros dang spros pa bral ba'i lam// gzugs kun nga rang nyid kyi gzugs// sgra kun nga rang nyid kyi sgra// dran rtogs nga rang nyid kyi sems// nga rang nyid kyi rol pa la// yang blang nga rang rang nyid shar// bzang ngan nga'i lam gyi grogs// rang nyid ma yin gcig kyang med// thams cad ma lus sems dpas gsungs// thams cad ye nas rang gi rkyen// mtshon phyir de skad bstan pa tsam// thams cad nga'i cha rkyen yin// gcig ma tshang na don ma grub// thams cad sel byed cha dang rkyen// gang yang rung ngo ci yang yin// thams cad chos skur rang gi ngang // kun kyang mnyam nyid yin pa la/ kha cig yang dag don rmongs pas// ye nas tshogs pa'i cha rkyen la// stong kyi rdzas dang cha rkyen sogs// gza' dang rgyu skar dus tshigs dang // gnas dang dus dang bdag la sogs// tshogs pas 'bras bu 'grub par 'dod// bsags nas tshogs pa'i rdzas de dang // bsgrub nas grub pa'i 'bras kun de// sangs rgyas theg par bgrang ba men// dper na lus nyid gcig pa la// yan lag la stsogs cha skyen yang //
- 117a
rang gi stobs kyis rang la rdzogs// de bzhin snang srid dpag med pas// chos nyid cha rkyen rang gis rdzogs/ khams gsum srid gsum dus gsum du// chos sku rang gi ngo bo las// yod par sems dpas ma gsungs so// gang yang dran mthong de kho na// sman gyi rgyal po ma yi tas// gang la reg pa sman du 'gyur// rtogs pa'i gang zag skal ldan gyis// snang srid ye shes 'od du 'bar// 'khor ba bya/ ba'i ming yang med/ khams gsum nyon mongs gtan nas zad// rigs lnga sangs rgyas don dang bral// sku gsung yon tan 'phrin las kyang // bsam las 'das te tha snyad tsam// rtogs pa tsam las gdags pa las// phyogs dang ris su bcad pa ni// kun bzang yod par mi gsung ngo // de 'dra'i rtogs dang ldan pa la// lam dang cha rkyen ldan par ni// rdo rje sems dpas gsungs pa yin// don dang ldan pa'i skyes bu ni// dkon mchog gsum yang ngang du yong // 'gro ba'i srog kyang ngang du gcod// dge sdig gnyis kyang ngang du snyem// rig kun dang du brlag par byed// rig pa'i rgyun yang ngang du gcod// 'khor 'das ngang dang nga du gcod// blo'i chos kun zad pa na// don dang ldan zhes cha rkyen tshang // khyod kyi de ltar shes par gyis// mdor na 'di'i cha rkyen du// ma gyur mi 'gyur mi srid de// skal ldan rgyal 'gu yis rtogs// kun
- 117b
kyi thun mong ma yin pas// rgya mtsho'i// rtogs pa'i rdzas mchog de bstan nas// rang gi ngo bo rdo rje sku// mngon du gyur na grub pa yin// rdzas mchog sbyi cing de ldan na// lha yang gzhan nas 'bod mi dgos// / sngags dang phyag rgya bsgyur ba med// dka' thub sbyin sreg de nyid do// de nyid mchod pa khyad par gting du pha bong bzhin// srid pa dkrugs kyang khar mi dbyung // gal te 'dul ba'i dus mthong na// zla ba re zhing tshig bcad te// rim kyis snod dang sbyar la bstan// de las gzhan du blo dman gyis// 'dod pa bcud zad rang don du// ye shes na gnyis ka dmyal bar ltung // gal te brgya las thar gyur kyang // ru tra sde gsum dag tu skye// de nas 'phags pa'i thugs rjes skul// sngon gyi dam tshig rjes su dran// sngon gyi gsang sngags don la 'jug/ gsang sngags bka' 'go log pa yin// nyon mongs dug gsum rang ka spyad// bskal pa stong phrag bcu gnyis su// rdo rje dmyal ba'i sdug bsngal myong // de nas de la thar pa na// ma tang kha dang a kar sha/ mgo bo brgya la lus gcig gam// mthu dang rdzu 'phrul bsam mi khyab// tshangs pa'i 'jig rten man chad du// kun la gnod cing 'tshe ba byed// de nas badz+ra he ru kas// shin tu gdug cing gtum pa de// zhi bas phan par mi 'gyur te// shes rab thabs kyi ngo bo yis// khro bor de bzhin gshegs
- 118a
kun mdzad// dus der sngon gyi dam tshig dran// 'khor dang bcas pa zhi bar 'gyur// rang bzhin chos nyid ma gyur pas// sgra phyir 'brang ba'i nyes pa'o// de bas gong gi don la ltos// zhes so// lam gyi cha skyen gyi yi ge ste/ bcu bdun pa'o// // bcom ldan 'das rdo rje sems dpa' la phyag 'tshal lo// ye nas lhun gyis grub pa'i 'bras bu la// yun dang 'grub tshul bstan pa mi 'os kyang // rtogs pas mnyam pa'i nus mthu 'di lta mod// thogs med dus su grub pa'i 'bras bu la// rtogs ldan ye shes gang zag bzhi ru gsungs// yang rab rab dang tha ma 'bre dang bzhi// yang rab phung po lhag ma mi lus te// gzung 'dzin dben pa'i rtogs pa bstan pa yis// bdag gzhan mnyam por rang gi ngang gis na// chos sku mnyam nyid ngang du ban bun pa// bdag gzhan snang srid thams cad ban bun pa// bdag gzhan snang srid thams cad chos skur ban gyis bun// 'byung ba lnga'i dgongs pa lhag gi shar// yang rab 'bras bu de ltar de yis 'grub// rab kyis thun mongs ma yin gnyis med de// rtogs nas dang gis gzung dang du dul// le lo phra mos snang ba ma 'gyur yang // 'chi ba'i srid pa ngang gi grogs byas nas// sa chu me rlung rnam shes rang gsal dang // gnyis med ngang du rims kyis 'gyur// lhun grub nam mkha'i dgongs pa
- 118b
lhag gis 'char// rang gi ngo bo 'gyur ba med na yang // rab kyi 'bras bu tha snyad de la gdags// 'bring gis zla bral gcig tu rtogs nas ni// tha dad 'khrul par nges pa skyes nas ni// 'khrul la 'khrul par nges par mthu stobs kyis// bar ma do la bar mdo'i shes pa 'byung // bar dor bar do'i shes pa byung tsam na// gong gi dgongs pa nam mkha' lta bu dran// dran las de'i ngang la gnas pa las// gzung 'dzin dben par skye ba len par ni// rdo rje sems dpas gsungs pa ma yin no// tha ma 'di'i don la zhugs nas ni// rtogs kyang bstan par bya ba'i skal med de// 'jig rten 'di'i zang zing 'khrul pa la// bslu byed rmi lam yin par ma bstan te// 'dod pa yod pas skye ba phyi ma len// mos pa'i dbang gis mi lus blangs nas kyang // bla med theg chen 'di dang phrad 'gyur nas// de la phung po ma lus sangs rgyas par// rdo rje sems dpa'i zhal nas gsung 'gyur yang // khyod kyis de la re ba skye 'gyur na// rdzu 'phrul mngon shes ldan yang bar chod 'khor ba'i rgyu// de bas khyod kyis de ltar shes par gyis// theg pa'i rgyal po bya ba bral bral thabs// bka'i yang snying bye brag shes rab 'di// thabs dang shes rab zung 'brel sangs rgyas thugs// rgyu 'bras 'das pas chos su sems dpas gsungs// bya ba bral bas chos su sems dpas
- 119a
gsungs// skye ba phyi ma mi len pa'i chos// yin par kun bzang rdo rje sems dpas gsungs// de bas mi yangs phyi mar re ba chod// kwa'i bu khyod zhu ba dpa' blo dang ldan 'dra yod// g.ye ba'i dbang gis don la mi gnas na// bar du skye dga' na 'chi la sogs kyis// gtan du khyod ni brlag par gyur ta re// snod ngan 'ga' la khyod kyis bstan na ni// kun bzang rdo rje sems dpa'i bka' nyid khyod bslus// nga'i bka' las gal te 'das gyur na// snang ba 'di dag thams cad mer gyur nas// nam mkha' gnas kyi bar du khyod nyid bsreg/ snang srid 'di yang khyod kyi gshed mar 'gyur// chos kyi bsrungs ma la sogs thams cad kyis// khyod la mi bzang ba'i 'chad pa bcad// thar pa'i dus med 'o 'dod chen po 'bod// de 'dra'i rnam smin sa la mi smin pas// rang la smin te 'ong gis go bar gyis// khyod kyis nga'i bka' las ma 'das na// rang gis yid dam chos nyid mi gtong zhing // kun bzang rdo rje sems dpa'i dgongs pa 'di// snod ngan dam nyams kun la mi yel te// dad pa ri rab lta bur mi 'gyur zhing // brtson 'grus chu dang rlan bzhin mi 'bral zhing // bzod pa sa rdo lta bu thob pa la// dam bzhag nan tan byas la 'ga' tsam la// gzhan la mi yel gter gyi tshul du sbyin// khyod kyis nga'i bka' las ma 'das la// rdo
- 119b
rje mkha' 'gro la sogs phyi nang srungs mas kyang // lus dang grib ma bzhin du 'grogs la bar chad zhi bar mdzod// dkon mchog gsum gyi thugs rje'i byin rlabs char bzhin phob// bdag gi mthu yang ngan sngags rnon po bzhi// rdo rje rno bas rdo rje sems dpa' 'tshe 'dir 'gyur// ci srid kyis 'grub pa'i yi ge ste/ bco brgyad pa/ rdzogs so// // de nas 'jam dpal bshes gnyen gyis// khye'u snang ba bsam gyis mi khyab pa la yid rab tu rangs te// ma hA su ka ha ni/ e ma e ma/ rdo rje sems dpa'i sku mchog 'gro dpal mgon po'i thugs dkyil nas// bdud rtsi chu rgyun byang sems bco brgyad babs// nyon mongs ko skam dag gis tha ba mi bdas skabs med 'gro kun grol snyam sems// byang sems gab pa zhus pa'i yi ge 'di// bdag gi glo ba'i dkyil du sa ma yi// bder gshegs byin rlabs ma lus dus 'dir bdag la 'dus// 'gro ba dug chen sel mdzad sman chen mgon po sems dpas gsungs// skal ldan 'gro ba grol bar the tshom med// kun tu bzang po'i zhal yang dus 'dir mthong // rdo rje sems dpa'i zhal yang de ring mthong // rigs gsum mgon po'i zhal yang de ring mthong // bde gshegs thugs kyi nyi ma da lta shar/ khams gsum 'khor ba'i mun pa de ring gsal// 'khor 'das gnyis kyi zam pa de ring tshugs//
- 120a
khams gsum sku gsum ngang du skyabs chen 'debs// zag pa zad cing byas pa de ring byas// sdug bsngal med cing 'khor ba'i gdos dang bral// rdo rje sems dpa'i thugs kyi thig pa 'di bdag gis dam pa nyid du bzung bar bya/ mgon po khyod kyi bka' las bdag mi 'da'/ rdo rje sems dpa'i bka' lam bdag mi 'da'// mkha' 'gro dam can bka' las bdag mi 'da'// rdo rje sems dpa' khyod kyis bka' stsal tshul bzhin bgyi// thugs rje can gyis bka' bzhin bdag bgyid do// dkon mchog gsum gyis bka' mi slu// nyi zla sa la ltung ba srid du rung / sems dpa' khyod kyis bka' las 'da' mi srid// khyod kyis bka' drin yal bar bdag mi gtong // de bzhin gshegs pa'i dgongs pa'i yang snying 'di/ dam nyams nyid 'khrul pa'i dbang du ma gyur cig/ mthu dang rdzu 'phrul dbang du ma gyur cig/ bar / chotshod bdud kyis dbang du ma 'gro cig/ srid pa'i mtsho las 'gro ba 'don par shog/ rdzogs so// // 'gu he// 'jam dpal nam mkha' khye'u bzangs kyis/ 'jam dpal bshes gnyen la gdams shing gtad pa sa ma ya so phag shi tham// mang+ga laM// shu b+haM// // rgya gar gyi mkhan po be ma la mi tra dang / zhu chen gyis lo tsA ba dran pa'i ye shes kyi sbyar cing / zhus te bstan la phab nas/ nyang ting 'dzin la gdams/ des rba
- 120b
mo rgyal mtsho gdams/ des snga blo gros dbang phyug la gdams// des 'brom ye shes byams la la gdams/ des sras rgyal ba'i shes rab la gdams/ des nyang dar ma ye shes la gdams/ des shangs la lce chung pa ye shes rgyal mtshan la gdams/ des shud skye ston pa mi 'jig pa la gdams/ des lce snyom rdo rje bzung la gdams so// snyan rgyud nges pa'i lde mig/ spu ti so ru mthing shog can gyis rgyud rdzogs so// // dmar po 'di tsho phan mi thogs pa yin no// khregs gcod bsdus pa bzhugs so// @##// rgya gar skad du/ sa ma ba ta na ma/ bod skad du/ khregs gcod bsdus pa zhes bya ba/ bcom ldan 'das mtha' bzhi rang grol ba'i mgon po rdzogs sangs rgyas pa'i bla ma la phyag 'tshal lo// de nas ston pa rdo rje 'chang // phyogs bcu 'jig rten rab 'byams su// zhal gyi dkyil 'khor gsal byas pas// ljags kyi dbang po'i rtse mo las// 'od zer brgya phrag du ma 'phros// 'od kyi zer las sangs rgyas ni// nyid dang 'dra ba'i gtso 'khor ni// stong phrag brjod kyi mi lang ba// du ma 'phros pa'i sems can gyis// don byas nyid kyi thugs khar 'dus// rang bzhin dgongs pa lcog gzhag las// tshig min don gyi dgongs pa 'phros// kye ma sems dpa' chen po nyon// snang ba rang gi rang bcad pas// khregs gcod
- 121a
rnams kyi dang por byung // byas pa med pa'i chos nyid la// byas byung ba med pa'i gnad mthong na// byas dang byung ba rang sa chod// 'khor ba zhen mtha' rang gnas pas// 'khrul pa bden pa rang gnas te// dus gsum rgyal ba'i dgongs pa rnyed// 'di la rab gnas mtha' yas te// nga yis chud rtsa'i ro brgyad snyed// thog ma rang dang rang bzhin las// bdag nyid chen po'i ltas stangs las// mthong ba med pa'i yul rnyed pa// bshad par bya ba'i chos rnams zad// thos sam sgom pa'i nyen len stongs// du ma 'dus pa'i tshang shig pas// gcig par gnas pa'i ye shes thong // de mthong ba tsam gyis 'khor ba'i las// ma byas gzhi la thams cad 'grub// 'dis ni byung ba'i bdag po zin// de la yon tan brgya phrag snyed// de snyed chos la 'jig pa med// 'jigs med lam du su zhugs pa// 'di la ldog pa yod mi srid// srid bral ming bzhi stongs pa'o// khyab bdag nam mkha'i mtha' snyed pa// dbyings su chud pas phyi nang chod// sa chu me rlung 'byung ba yi// gzhi dang lam dang 'bras bu zad// lha dang sgom dang spyod pa gzhi// rang sar dag pas 'khor rgyun chod// bde sdug snyoms pas dga' bde yis// 'dod pa dag pas rang 'dod thob// de la gang gi snyas pa med// 'di ni de la khyab pa byas pa'o sa med pas// bar de 'gro
- 121b
pa'i lam 'gags pas// tha ma rtogs tshogs 'bras bu stor// snyed pa med pa'i dbyings su thim// de la tsal bas snyed mi 'gyur// mi rnyed chos la brjod pa chad// des ni byang chub myur gu gcad// bcad bya'i yul dang shes byed mtha'// gnyis 'dzin bral ba'i ngang du chod// de yi 'brel pa zad pas stongs// stong pa'i chos la bcad gzhi yas// yas pa 'di la sus dris pas// sangs rgyas 'bum phrag grangs med pa'i// zhal mthong 'di dang gnyis su med// byas med snang ba'i rtsal chod pas// da ni sbyang bya'i rtogs pa 'gags// de ni mi 'gyur lam zin pas// sangs rgyas rnams kyi ma byas pa'o// yang nyon sems dpa' chen po khyod// de la nges pa ma thob na// phyi nang 'dus pa'i snang ba la/ rang dbang byas la phyogs gnad bsgyur// 'di ltar byas pas spyod pa ni// seng ge bu bzhag lta bu la// phyogs dang 'dzin pa med par rgyu// 'di la las dang bag chags kyis// nyon mongs 'gyur ba'i rta chad nas// 'gro dang 'ong ba'i lam dang bral// bem po 'dus pa'i gzugs rnams la// blang ba'i bya ste bzhag pa smin// de la sems kyi ma yangs na// sems 'dus rtog pa khregs kyis tshad// dran pa 'dus pa'i phung po gang // de nyid gang byung sar gzhag na// sdug bsngal 'dus pa'i phung po zhig/ slar la blang ba'i sa med pa// yang ni mig gis
- 122a
gzugs shes nas// stong pa'i chos la 'dis longs spyod// de ltar 'dod yon brlabs bcad nas// rdzogs pas 'di las bshad du med// smra med bsam pa'i gzhi zad pas// dus gsum 'bral ba med pa yi// grogs 'di gzhan dang mnyam pa min// gong na med pa'i sgra dang dri// ro dang reg pa'i dngos po stor// rnyed pa'i mchog ste dgos 'dod phrad// 'di ni 'chos med sems zad pas// sems 'dus yid kyi spyod pa las// 'di ni cung zad tsam thal lo// rgyal bas 'pham pa'i lam gsal nas// byas nas byung ba dum bur chod// 'dis ni 'khor ba'i mtha' mchod// de chod yul la phar spyod pas// sbyang bya sbyor ba'i gzhi med pas// theg pa rnams las dris pa med// 'di ni ring thung gi 'dus te/ sems kyi yul de btsal bas ni// sdug bsngal rnams kyi rtsa ba chod// bya ba ma yin du mtshungs pas// 'khrul gzhi dag pa'i me long mthong // de mthong sde snod chos rnams shes// lo rgyus chen po rmad byung bas// ma byas thos bsam gzhi la rdzogs// sgrib bral bde ba'i lus thob nas// 'jig pa brgyad las 'jig med par// slar na gzhan gyis rnams 'joms// 'di ltar spyad par 'bral med pa'i// mthal la chud na ldog pa med// spyod pas pha rol bde thob nas// sdug bsngal phyag mas 'debs pa'o// bskal par bsags pa'i
- 122b
las kyi mtha'// 'dir spyad gzhan la ma ltos pas// rang gi shug la rang sa zin// 'di la gang gis rlags ma rnyed// sra ba'i gos gon mgon nus zad// 'khor dang 'das pa'i 'brel gcad pas// sngon gyis yul yang da lta mthong // rdo rje 'dzin pa zhes bya ba// sngags kyi theg pa'i mthar thug pa'o// lam 'brel dus kyi gnas shes pas// 'di la spyad dang spyod pas stongs// rang bzhin mi gnas sos dal bas// bdag rnams kyi khog pa stongs// 'khor rkyen rgyu 'bras rtsa ba rul// 'di la lo 'dab skye mi srid// de na ngas ni nga rang mthong // sangs rgyas rnams kyi spyod pa ni// bya ba'i gzhi med byed med pas// 'di la 'das pa'i lam bral te// 'bras bu rnams kyi re gnas pa// stong min sems kyi goms sbyang nas// ngo shes 'di la 'dod bral ba// nor med longs spyod chen po la// bya bral gnas pa'i snying po'o// // bltas pas dus gsum dus cig gsang // lta ba'i yul mthong lta mkhan mthong // stos bcas rang dag zag pa med// 'byung ba'i lus zad nyon mongs stongs// de yi yul la bsam mi khyab// bsam mi khyab pas bsam med la// byas med byung med 'gro sa med// nga med gzhan med 'khrul pa med// mthong du med pa'i gzhi la mthong // rgyun chad skyen 'gag 'bras bu klag/ 'gro 'ong las kyi 'khrul phyug med// de don sems la
- 123a
rang gzhag pa'o// de ltar gsum shes gnyis med la// gzhi sogs grangs kyi mtha' med pas// gsum la 'khrul sa rang gzhag pas// 'gyur zhing 'phyug pa med par bsdams// 'khrul du med pas cig shes pa// gnyis su 'dzin pa ma srid pas// 'khrul zhes 'khrul pa'i sdeng gzhag pas// bya byed thams cad rgyun chad do// sems dpa'i sa ni yang gsol pa// 'khor ba'i snying po de ltar na// rang bzhin ji ltar rnam par dag/ 'di nyid ston pas yang gsungs cig/ de nas rdo rje 'chang ba yis// rang bzhin gnas pa'i tshig 'di gsungs// gsang bdag sems dpa' yang nyon cig/ 'di ltar snang dang stong pa yis// bsdus pa'i ci tsam pa// rang bzhin gyis ni rnam par dag/ 'bad rtsol dri ma las 'das pas// spyod bral sgom dag lha yul stongs// ma byas rang gi sar bzhag pas// de dag rang dag bzhag yas dag/ rgyu dag rang dag 'bras bu dag/ chos dag sems dag 'khrul pa dag/ dngos dag yul dag 'gyur 'brel dag/ dag nas sems kyi snang dag pas// de rang bcad par bya ba ma yin no// de ltar dag pa'i snang ba la// bems byang lam du blangs pa yis// sa chu me rlung dag par snang // dag pa'i lugs dang dag pa yis/ dag pa'i yul dang dag pa'i dus// dag pa'i tshad dang dag la gnas// de ltar bems po'i lam du
- 123b
yang // su yis slong bar shes pa ni// bslangs pa'i longs dang longs lugs dang // len pa'i dus dang longs pa'i tshad// bslangs pa'i 'bras bu skya dang skyes// nges par skyes pa rnams nas ni// phyi yi snang ba chos kyi skur// gnas pa mthong bar 'gyur bas na// mthong ba de la gang goms pa// sku gsum rgyal ba'i zhing khams mthong // 'di ni mthong ba'i lam la gnas// 'brel pa dag pa nges thob pas// dngos su spyod pa nyid las so// nang gi sems dang sems las byung // sems kyi snang ba gnyis dag la// rang sar gzhag dang rang grol dang // rang byung rang shar rang gis yul// rang gi rtse la rtsa ba bcad// rang gnas rang gis thob pa la// sems rgyun stongs dang med pa dang // 'gro 'ong 'byung 'jug shes pa yis// 'gyu ba yal ba'i bar phye dang // gzung dang btang dang glod pas shes// sbyor ba dang yang 'bral ba dang // stor dang bsdu ba'i gnad btun nas// sems kyi me long gzugs brnyan 'dra// snang yul bzung bar med pa ni// ye nas de ltar gnas pa la// shar ba rnams kyis thog ma la// byung ba rnams kyis bar gsal bas// shes pa rnams kyi tha mar snang // de yang 'bras bu'i dus las ni// gnad la phab nges bzung bya'o// phyi nang bcud dang bar bkrugs dang // nang du gnad la bor ba dang // gang yul gang mthong
- 124a
gnas pa// gang gi mthong dang gang gi tshor// gang la shar dang gang thob dang // 'khrul pa rnams kyi tha ma la// 'khor ba'i thog ma shes pas gsal// snang byed bsdu dang rmugs pa dang // yul las dkar dang gnas su bzhag/ lam du bzhag dang gzhi la bskyal// bltas mthong med pas snang ba la// bsgyur dang bcad pa'i las rnams 'grub// zas dang gos dang 'gro ba'i rta// bcud du gril bas shes bas na// 'gyur gyur thob rnams las nyid dang // yang dag pa'i las kyi mtha'// khregs kyi bcad pas bya ba rdzogs// rang gi dpal dang gzhan gyis bgegs// tshad ldan bla mas mkhyen pa la// legs par / bris gcig dang sems can 'dis ni 'khor ba'i zad dus shes// bya ba rdzogs pa'i rnal 'byor pa// de nas gsang bdag sems dpa' che// ston pa nyid la yang bstan pa// kyai kye ston pa rdo rje 'chang // rang gi gzhan dag pa de ltar na// snying po lam du ji ltar bslang // 'di lta bdag ni zhu ba bgyid// ston pas gsung pa sems can che// yang ni 'di ltar ya mtshan can// snying po thams cad 'dus pa'i gnad// sangs rgyas gzhan gyis ma gsungs pa'i// don 'di ngas bstan khyod kyi nyon// spyi dang rang gi khyad par las// thog pa rnams kyi the tshoms// 'di las byas byung med rtogs pa'i// sems las gyu yang zad na// sems
- 124b
kyi 'gyus gzhig pa dang // de yis rjes la gar song gnas// snying po 'dus pas spros zad pa// tshig la gnas pa med pa ni// gnas pa'i dus na glod pa yis// rlung la mkhas pa kho na'o// dran pa 'gyus pa'i snying po ni// rang sor gzhag pa kho na'o// yul rnams bsdus pa'i snying po ni// zad khar bcad pa kho na'o// gnas lugs bsdus pa'i snying po ni// sems byung btsal ba kho na'o// grol lugs bsdus pa'i snying po ni// byas pa med pa kho na'o// shar lugs rnams kyi snying po ni// bltas pas mthong ba kho na'o// de ltar de ni 'bras bu'o// lam ni ched du byed pa dang // shugs la byung ba nyid dang ni// rang bzhin gnas pa nyid na dgo/ ched la yang na byi bas bya lus dang bag dang yid kyi yang // gnad dang de'i bya ba bla ma'i lung gis shes// las ni 'dug dang langs pa'i khyad par las// bya ba dang ni byed pa'i las la brtson// ngag ni a li ka li mnyam sbyor bas// sgra dbyangs tshig gi 'brel gyi sbyar// yid ni 'phang dang dgug dang sgrog pa ni// so so'i dus dang sbyar bas rgyal ba'i dgongs pa 'grub// shugs 'byung lam ni bzhag pa tsam gyis 'grub// de la 'bad cing rtsol ba rlung gi sgo dgag/ rang bzhin gnas pa'i lam ni 'byung 'gyur de// g.yo dang 'gyur dang bsgyur ba'i las mtha' can// de la rang gi bya ba med pas legs bzhag pa'o//
- 125a
slong ba'i dus dang bslang dang bya ba'i gnad// 'gyu ba'i sems la mtshan med chos gsal ba// g.yo dang 'byal dang 'phrig pa'i dus kyi shes// 'di la rang bzhin bzhag dang byas pa'i gnad gnyis// laM la byung dang gdeng du chud pa la// rtog pa'i lung dang de yis tha yi phye// gnyis su yod dang de yi tha gsal ba// bar dang dang po nyid las gsal phye ba// de'i lus dang yan lag so so'i dus// 'di ltar sbyar ro rnal 'byor sems dpa' che// rig pa gnas pas de la nyes spyod pa// lus la gnas dang yul dang 'gyu ba las// rab dang 'bring dang tha ma yi// 'jug pa'i rnal 'byor pas mthong na// gang la mthong ba tsam gyis 'khrul pa'i 'khor rgyun gcod// rang gi gnas pa mig gi byed pa can// mngon gsum pa dang de yis 'gyur shes ni// goms pa'i shugs ni rang gis las so// yang ni rdzogs sangs rgyas pa la// gnas pa tsam gyis thig le'i dril lugs zhus// ston pas gsungs pa 'di la legs nyon cig/ chos nyid gnas pa tsam las rang byin brlab pa ni// 'khrul pa'i 'du byed khyad par gnas pa la// rgya yi gdab dang khung su bcud pa yis// de ma yin las de'i snang shar ba// de la lug gnad sems gnas mtha' la gnas pas bdag/ 'khor dus 'brel dus rang la gnas pas spyad// gong mo'i zla mthong gsang
- 125b
bas che ba dang // dang po las rtsis grangs kyi che ba dang // ye nas gnas pas rang bzhin che ba dang // snga ma las 'gyur don gyi che ba nyid// rang rig mthong dang gzhan la bslabs pa yis// gong ma'i bde nas 'og ma'i zla dang bral// zad ka dus kyi 'gyur ba nges phye bas// rdzogs nas de yis don las chen por gsal// 'gyu dang yul la mi gnas chen po nyid// bde ba 'dod bral nam mkha'i yul gnas pa// 'di ni rdzogs pa chen po'i rnal 'byor du// spros dang zug rngu bral ba'i thig le la// 'di ni gcig dung gnas pa'i zla dang cha shes dang // gcig tu sdoms pas du chod// 'di la ming gi tha rnams zad// 'di ni nyag las gcig tu dril// spros pa med pa'i bde chen gnas// rtsa yi gnas nas 'phra 'gyur 'khrig/ sgron ma las ni dngos su'o// yul la zla dang bcas pa nyid// sngon du gyur pas 'phel ba rdzogs// 'di la zad pas las zad pas/ 'gyur ba'i rlung de khrig pa thig/ khyab pa dngos po thig le'i yul// 'di las mangs dang nyungs pa dang // 'phel 'grib rnams kyi dang po la// bya ba bral ba'i sngon du ltos// 'di nas ched dang yas pa dang // 'byams dang rlung du gyur pa las// sangs rgyas kun gyis yul mthong ba'o// sgron ma stong pas rnam par 'gyur// sems kyi bya ba las 'das nas// bde dang sdug bsngal gcig bral nas// nga dang
- 126a
rang bzhin 'od dang ni// kha dog so sor gsal ba las// rig pa'i dbyings dang 'brel bas na// 'di la rnal par phye ba yis// gzhi yi bye 'gyur mig dang 'brel// khung ni gzhi la byung ba la// da lta sems can lus la gnas// lam ni 'khrig pa rtsa las yang // du ma rtsegs pa'i rang bzhin can// 'dis ni 'khor ba'i mun pa sel// dang po med pas yod par snang // bar du 'od dang thig le nyid// tha ma sku dang ye shes so// de las stong par gyur pa las// zad pa rnams kyi 'bras bu ste// 'khor ba'i thog mtha' des chod nas// rdzogs pa'i rtse mo mthar phyin pas// de las phyogs med thugs rjes 'phros// kun don ma lus rdzogs byas nas// rang gi sa la gnas pas stong // cig char ba dang rim gyis so// rdo rje 'chang la yang zhus pa/ rtse gcig pa las chos nyid lam// khregs kyi gcod pa ji ltar lags// thugs rje can la bdag nyid can// de nas ston pa rdo rje 'chang // nges pa'i 'bras bu lam zhugs phyir// rtse gcig 'dus pa'i dgongs pa gsungs// chos nyid rtse mo dal ba yis// 'khor ba 'dus pa'i rtog pa gcod// rang sems 'dus pa'i rtse mo yis// 'das pa'i mnyam pa'i don rnams gcod// rang gnas 'dus pa'i rtse mo yis// chos rnams zad par gcod par byed// sku med rang dag rtse mo yis// bya byed 'bad rtsol
- 126b
thams cad gcod// rtse mo'i dngos la 'od 'phros pas// 'khor 'das gnyis ka dus gcig la// stong pa rtse mo gcig pa la// rtog dang mi rtogs dus gcig mthong // gnas pa'i las mtha' rdzogs pa'o// lus rdzob rtsa rnams 'dus pa yis// lus la gnas dang 'phel dang nyams// 'gyur dang 'jig dang 'pho bar byed// chos nyid ye shes 'phen pa dang // 'phang dang 'dzin pa dang / 'gril dang gong 'og sde ba rnams byed// dag la sgra don 'dus pa yis// yin dang min dang yod dang med// mthong dang ma mthong shes ma shes// gnyis ltos rnams kyi byed pa can// sems la 'khor 'das gnyis 'dus pas// sangs rgyas sems can rgyu 'bras dang // chos dang chos min rim pa dang // bde dang sdug bsngal gzhi ma byed// de ltar 'dus pas rnam par gyis// 'di la bsam gyis mi khyab pa'o// gang la rtog pa'i mtha' shes na// de las chos nyid yul gnas pas// 'brel pa med pa'i don nyid las// chos dang gang zag mtha' phye bas// 'khrul pa'i rtog pa dus gcig 'gag/ lus kyi mi rtogs de la rten pas// rtog pa rnams kyi 'brel ba chod// ngag gi mi rtog smras gcad pas// brjod med don gyi gzhi ma rnyed// sems kyi mi rtog rang sar bzhag/ des ni rkyen rnams chos nyid 'gyur// gsum sdom sku gsung thugs la gnas// de'i 'bras bu bde/
- 127a
skangs pa'o// bsam pa 'phro dbang dus pa dang // mched dang yas dang 'bar ba dang // rtog dang mi rtog 'dus mched can// yul la 'jug dang gnas pa dang // de las 'phros dang mched pa yis// dran bsam rnams kyi gzhi ma byed// rang bzhin 'gyur dang blo bur pas// rkyen rnams du ma sogs par byed// de las sde sdug phung por 'gyur// 'khor ba'i sa bon 'bras bur ro// de nyid bstan par 'dod pa yis// tha mal so so'i las bzlog te// lus dang ngag dang yid kyi gnad// gzhan la bzlog pa rnal 'byor pas// bya dang byed pa med pa las// rang bzhin dus na cog pu la// mtshan nyid gzhi dang ldan pas bya// gnyid la 'khor lo lta bu la// 'gro na nam mkha' lding gi lugs// 'dug na g.yas dang g.yon du'o// bye brag gzhan la mkhas pa yis// ji ltar rig pa sbyar bas 'grub// ngag ni rang bzhin smra dang bral// nyal na yi ge 'phreng ba bzlas// 'gro na rlung gi yi ge rten// 'dug na a yi rnams pa la// bye brag gzhan la mkhas pa sbyar// yid ni rang bzhin thun mongs la// gar song phyi nang rjes rnams gcod// nyal na tsi tar 'jug par rmis// 'gro na rmi lam 'kha' la spur// 'dug na thig le 'dra bar bzhugs// bye brag gzhan la mkhas pa yis// gang la mos pa man ngag gis// gnas rnam sgyur ba rnal
- 127b
'byor pas// de yis dngos gzhi 'brel sbyar ba// 'gyu ba'i yul dbyung dran pa gsad// bsam pa'i yul lha sems rgyun gtor// yul dang shes pa sbyar bas shes// 'phro las mched pa'i dus mtha' gcad// gang snang rang gi thog tu dbab// gcig gi 'brel pa cig gcad na// de la nyams kyi shes pa skye// dag pa chen po gzhi nyid na// bde ba sum bcu rtsa gnyis 'char// de las 'bar dang bde la skye// thob pas 'khor lo can la 'jug/ 'gro dang 'ong ba'i shugs rgyun 'gag/ de la sogs kyi rnams 'phel bas// phar dang gzhan gyi bya ba byed// log dang ma log spor gnas dang // ji ltar 'gyur ba grangs las shes// bsod nams las kyi bye brag rnams// ji ltar 'dod pa shes pa dang // 'chi 'pho skye ba'i grangs nyid kyang // 'phen dang sdud pa las shes pa// de yi rang bzhin rnal 'byor pa yis yang // yid gzhung dran pa gsal po yis// rgyun du rtsis pas mngon par gsal// bsam gtan nyid kyi yon tan no// zhes bkod pa chen po a ti rdzogs pa'i rgyud las// khregs gcod las kyi mtha' gcod pa'i skabs// skal pa dum bu'i rgyud las// man ngag tu phyung ba khregs bdun pa zhes bya ba rdzogs so// // dge'o// // bkra shis// /
- 128a
rdo rje gsang ba chen po'i sku rin po che dbyig gi sgrol ma bzhugs so// @##// rgya gar skad du/ badz+ra gu h+ya ma ha kA ya rad rna b+ha le a kra ma s+yA tu/ bod skad du/ rdo rje gsang ba chen po'i sku rin po che dbyig gi sgron ma shes rab chen po'i mdo// rang byung rig pa'i rgyal po la phyag 'tshal lo// 'das pa'i dus ma byon pa'i sngon rol du// sems nyid kun tu bzang po ye shes kyi snang ba la bzhugs pa'i dus na// kun bzhi gsang ba dag pa'i dbyings nas// rang shes rig gi rgyal po rdo rje kun tu bzang po nyid la nyid bka' stsal pa// byams pa chen po thugs kyi gter// las kyi dbang po lnga la lung bstan to// man ngag gi 'jug rdo rje sems dpa' nyid kyis bsdus te lag na rdo rje la gtad do// rdo rje sems dpa' sangs rgyas kyi skad rang 'gyur du bshad pa// seng ge 'khyil pa'i dgongs pa 'di la// thabs khyad par can gsum gyis sgrub par bstan te// phyi mtshan ma la brten nas sgrub pa dang // nang ye shes kyi dkyil 'khor la brten nas sgrub pa dang // gsang ba byang chub sems dngos su sgrub pa'o// phyi mtshan ma la rten pa la gnyis te// bag chags kyi sku lus ye shes kyi lus la 'jug pa dang / lam 'bras bu dang bcas pa la 'jug pa la sgrub pa dang rgyu lus ye shes kyi lus la 'jug pa la// ngo sprad bzhi nas chos nyid par do'i lus da ltar dngos su bstan yang // de nyid la goms par bya ste/ lam dang 'bras bu dang bcas
- 128b
pa sgom par bya ste/ lam dngos su byed pa ni// dpe'i ye shes las shes par bya'o// lam la gnas pa ni/ yengs pa med pa'i steng gis zin te dus thams cad pa'o// lam mngon du gyur pa ni/ rig pa gcer bu byung ba'i man ngag las shes par bya'o// lam gyi 'bras bu mtha' phyin pa ni/ sku gsum ye shes bzhi ldan gyi dgongs pa mthar phyin nas/ bag chags kyi lus la nyams nga ba med pa'o// nang ye shes kyi dkyil 'khor la rten te sgrub pa ni// gong ma'i rtsal 'jongs nas// thugs rang byung gi dkyil 'khor ye shes kyi sgo phye ste/ 'od kyi lus nang med pa'i nang na/ rang snang rtogs pa'i 'khor lo// rang re'i tshom bu dang bcas pa la// rig pa mar me'i 'od gsal ste/ sa le sang nge/ lhag ge/ lhan ni/ thog ma nas gnas pa// ma byas pa rang byung ba/ ma bcos mdzes sdug rgyan dang ldan pa de sgrub pa ni gangs la nyi ma shar ba lta bu tshig gsum gyis 'grub ste// dam tshigs kyi sngags dang phyag rgya rang yid la dran pa tsam gyis 'grub par 'gyur ro// de la 'jongs na gsang ba byang chub sems dngos su sgrub pa ni/ thog lta bu'i man ngag gis thog ma'i rang bzung / gzer lta bu'i man ngag gis tshig dang yi ge'i don mthar la skul// khyung lta bu'i man ngag gis rtsol ba'i mtha' klong la bzhag/ skar mda' lta ba'i gdam ngag gis skad cig ma gsum la grol
- 129a
ba mthar phyin par bya'o// sangs rgyas rdo rje 'chang chen pos// mkha' 'gro ma lnga'i lung bsdus nas lag na rdo rje la gtad do// 'jug dga' rab rdo rjes bsdus nas/ 'jam dpal la gtad de// 'gul khug ma'o// byang chub sems kyi snying po seng ge 'khyil pa'i sgrub thabs 'di la// nges pa'i sgrub lugs kyi rtags rnam pa bzhi 'byung ba'i dus su bdud rnam pa bzhi 'jug ste/ phyi mtshan ma la brten te sgrub pa zhes 'byung ba de/ bag chags kyi rgyud lus ye shes kyi lus la 'jug pa'i dus su// shes pa spangs mthon gyi nyams skye// 'ja' tshon gyi gdan bstings// nyi zla'i rta zhon/ phyogs snang ba dag pa'i yul snang ste// shes bya de'i dus su phung po'i bdud 'jug ste/ ye shes kyi lus la bar du gcod pa'i bdud zhes bya ste/ de'i dus su bdag tu rtog pa'i nga rgyal// 'phags pa nam mkha' mdzod ces bya ba 'byung ngo // de nyid bdag nyid chen por shes par bya ste/ brtags kyi ye shes mtshon gang ba dang don gyi ye shes mtshon gang ba zhes 'byung ste/ de la mar mdzad chen po'i rgyas thob cig/ de mtshon par byed pa lam rnam pa bzhi la gnas pa'i dus su/ shes pa 'khor bu'i nyams skye/ smug zil lta bu dang // ra ro lta bu dang / lus yang ba dang / phyi nang gi srin bu mi 'byung ba dang / ma zos par tshim pa dang / gang la yang nyams nga ba med pa dang
- 129b
gzhan snying rje'i gnas su mthong ba dang / ri dang kham khyim gyis mi khengs par shes pa zang thal dang // snang ba phyogs cha tsam dag pa dang / 'gro drug gi gnas skabs kyis mthong ba dag 'byung ba ste/ de'i dus su nyon mongs pa'i bdud 'jug ste/ de ni bdag sangs rgya'o mnyam shes pa'i shes pa 'byung ste/ gzhan la 'di 'dra ba'i gtam smra zhing / de la dga' bar byed pa ni/ chos kyi mtha' la zhen pas nyon mongs pa'i bdud ces bya'o// de'i dus su ma chags pa'i gnas sku gsum bzhi ldan kyis rgyas thob shig/ nang lha'i dkyil 'khor la brten te bsgrub pa'i dus su/ thugs rnam dag gi klong na rang byung ye shes kyi dkyil 'khor gsal ba dang / sde lung bstan pa dang / yi ge'i tshogs dang / snang ba med pa'i gtam thos pa dang / rin po che'i mchod rten la 'dzeg pa dang / bdud rtsi'i zas la longs spyod pa dang / rten med kyi nam mkha' la steg bcas te/ bar snang lam du bde ba dang / lha dang slob dpon dang mkha' 'gro brgyad mar mchod pa'i phyag rgya'i tshogs mang pos// bdag la dbang bskur ba dang / lung ston pa dang / de'i tshe bdag la shes rab khyad par can skyes te/ nyams dga' zhing shes rab kyi mtha' grol ba dang / chos thams cad gang dang yang mthun la chos kyis mi 'grol bar mthong ba dang / gzhan de la sogs pa'i snang ba dmyal ba'i sdug
- 130a
bsngal nyams su myong du yong ba dang / yi dwags dang byol song gi skye gnas ston pa dang / bdud kyi cha byad mang po bdag la skye bur 'byed pa 'byung ste/ de'i dus su lha'i bu'i bdud 'jug ste/ de rnams la blang dor dang nyam nga ba med par gangs la nyi ma shar ba lta bu gsal ba gsum gyis rgyas thob cig/ gsang ba byang chub sems dngos su grub pa'i dus su/ me long g.ya' dag gi dgongs pa/ ma sgribs pa yongs su gsal ba dang / nam mkha'i mthongs nas snang gsal gi nyi ma shar ba lta bu/ chos nyid dag pa'i klong nas ye shes rang snang gi dgongs pa/ gzigs snang gi mtha' las 'das pa'i nyams skye ste/ de'i dus su 'chi bdag gi 'jug ste/ rgyu rkyen med par ye shes kyi sku/ skye 'chi mtha' las grol ba/ skar mda' lta bu'i rgyas thob shig/ gang la de byung de la dgongs te// de la de med/ de'i spyod yul min/ zhes de nyid gsungs/ byang chub sems seng ge 'khyil pa'i dgongs pas/ bdud bzhi la ye shes bzhi'i rgyas gdab bo// de nas bcom ldan 'das thugs rje chen po dang ldan pa des/ ma byon par mkhyen nas/ thugs rje'i sprul pa/ ye shes kyi rnal 'byor ma bzhi/ ljags kyi 'od zer las 'phros te/ rdo rje thugs kyi bu mo zhes kyang bya/ nyid kyi sku las skyes pas/ nyid las mi gzhan pa'i 'khor rdo rje rnal 'byor ma bzhi zhes kyang
- 130b
bya/ 'khor ba zhes gnon cing sdug bsngal rtsad nas gcod pas/ srid pa sgrol byed kyi khro mo bzhi zhes kyang bya'o// 'das dus ma byon pa'i mngon rol/ 'og min gyi gnas lcang lo can gyi phro brang du/ ye shes rnam dag gi dbyings nas/ nyid kyi zhal bzang po bstan nas/ dur khrod chen po bzhir mi 'gyur ba'i gzer chen po zhig btab nas/ badz+ra swa hUM li ka ra bzhi bzhag nas yod kyis// lag na rdo rje khyod der song cig/ dur khrod chen po bsil ba'i tshal na// mkha' 'gro ma ro za shan ti thod pa'i ba can bya bas/ gzer lta bu'i gdam ngag bstan to// dur khrod chen po me ri 'bar ba zhes bya ba nas/ mkha' 'gro ma rdo rje khro gdong ma bya bas/ thogs pa med pa thog lta bu'i man ngag bstan te/ dur khrod chen po so sha'i gling zhes bya ba nas/ ka ru Na nam mkha' lding dang / shing gi lha mo 'chang ma gnyis/ yid kyi mtshos pa'i bu mo// mkha' 'gro nam mkha'i bu mo rdo rje rlung gi gshog pa can zhes bya bas/ gangs la nyi ma shar ba lta bu'i gdams ngag ston to// dur khrod chen po shin tu ru lung b+ha ra ha ti bya ba nas/ mkha' 'gro ma gtsug gi rgyan gcig bya bas/ phyir mi bzlog pa skar mda' lta bu'i gdams ngag ston te/ badz+ra gu h+ya dz+nyA na ma hA/ rat+na b+ha ye swA hA/ rdo rje gsang ba chen po'i sku/ rin chen dbyigs gi sgron ma'i man ngag/ rang byung rig pa'i rgyal po la phyag 'tshal
- 131a
lo// bcom ldan 'das rdo rje 'chang gis/ lag na rdo rje la lung bstan pa/ rgya nag po'i yul stag shing nag po'i nags tshal na/ ha shang ma hA yin gyi gnas/ rang byung gi brag phug kha byang du bstan pas na/ 'chi bdag gshin rje rdo la 'bur du bskos pa/ gzungs gru bzhi pa'i zhabs g.yon bskyang ba'i 'og na/ thog ma'i sangs rgyas 'od mi 'gyur ba yod kyis/ lag na rdo rje gnas de na/ mkha' 'gro ma puR+Sha nye bar zhi ba zhes bya ba/ gcer bu lus la e la'i thal ba byugs nas// lce spyang gi yang bzhi phrag pa la skal pa dar sod la/ bcom ldan 'das snang ba mtha' yas kyi thugs kyi me long 'di ston pa la zhus cig/ ces lung bstan pas/ de nas lag na rdo rje bcom ldan 'das la skor ba byas te phyin pas/ de bzhin 'du ste ltas pa dang / mthing gi shog bu sor bzhi pa gcig la/ rin po che'i yi ge rang gnan du bris nas/ ya mtshan rmad du byung ba'i 'od 'phro zhing 'dug ste/ nyid kyis gzigs pa dang / chos thams cad kyi de bzhin nyid bya rtsal las 'das pa'o// 'dab chags kyi khyung lta bu'i gdams pa bstan no// badz+ra dz+nyA na ma la ma hA/ bcom ldan 'das mnyam pa'i rgyal po la phyag 'tshal lo// 'di skad bdag gis thos pa'i dus gcig na/ byang chub sems dpa' phyag na rdo rje thugs rje dang rdzu 'phrul du ldan pa/ legs par yid la zung cig/
- 131b
thog ma med pa'i gnas sngon byung ba'i dus su/ har shang 'bar ne'i nags tshal du/ bdag rdo rje rnal 'byor ma nyid kyis thugs rje rang byung nyi ma shar nas// nga nyid ye shes snang ba'i dus na/ chos kyi dbyings kyi pho brang na rig pa las tha mi dad pa/ rang byung gi sku lnga snang la rang bzhin med par rang gsal ba/ mnan na nem zhes byed pa/ gdos pa'i spyod yul min pa/ steg na 'phar zhes byed pa/ gsal ba zang thal yin pa/ ngam 'grog dang g.yang sa med pa/ tsher ma dang / rno zur med pa/ lcong rong bya skyibs med pa/ shes rab nyam bde ba la phyogs su ma lhung ba/ bul ba'i yul bde ba nyams su myong ba'o// nang rig pa chos kyi sku/ 'gag pa med par lhug pa'i shes rab khong nas shar bas/ lhan cig skyes pa'i ye shes rin po che 'od 'bar ba'i nang na bkod pa med pa phyag rgya'i dkyil 'khor// rang de'i yon tan gyi sku ma 'dres par so/ sor gsal ba/ bdag med pa'i bdag nyid chen po// zhi ba chos kyi sku mnyam la ma 'dres par bzhugs so// de kho na nyid ma byas pa'i chos zhes bya ba'i 'bas kyi grub pa ye shes rang snang dbab bcas pa ni/ sangs rgyas thams cad kyi mkhyen pa la sogs so// zhes rdo rje can la smras so// sa bcu pa'i byang chub sems dpa' khyod/ tshig nyung la don che ba/ slab slab ma go ka ba/ 'di ni rang byung gi bcom ldan 'das/
- 132a
rtsal sgrub kyi mtha' las 'das pa/ 'da' chags kyi rgyal po khyud lta bu ste/ las kyi mtha' gang la yang mi gnas so// de'i phyir rtogs pa'i don thugs su chud par rnam par dag pa'i sa nor re// mkha' 'gro ma pud+d+ha nye bar zhing / dpal phyag na rdo rjes mgo bo khos/ zhes don mtha' la stsal ba'o// rang rig pa'i ye shes kyi rtsal las rdo rje 'chang gi sku bstan/ chos nyid ma bcos pa'i ngang na/ rdo rje mkha' 'gro ma phyung ste/ de gnyis su med pa las/ ye shes kyi mkha' 'gro ma bzhi phyung ste/ rgyu rgyu ru gnas pa/ rgyu 'bras bur smin pa/ 'bras bu rgyu la shar ba rgyu nyid ye shes su grol ba'o// rin po che dbyig gi sgron ma'i man ngag/ bya rtsal med pa 'dab chags kyi rgyal po khyung lta bu'i man ngag gi dgongs pa mthar phyin pa// lag na rdo rje la rdo rje 'chang gi lung bstan pa'o// badz+ra tsit+ta ma ha/ bcom ldan 'das rdo rje 'dzin pa la na mo// rdo rje can nyon cig/ dur khrod chen po bsil ba'i tshal du song la/ thod pa'i phreng ba can la/ son pha la g+ha tsha pra shig/ rdo rje gdan gyi shar phyogs na rang byung gi mchod rten khru brgyad pa'i 'og na/ srin bu rak+Sha dza la'i thod pa'i nang du/ rdzogs pa chen po gzer lta bu'i man ngag yod kyis/ de mkha' 'gro ma la/ byang chub sems dpa' 'phags pa gtsug tor dri ma med pa'i phyag rgya ston la zhus cig/ de nas rin po che
- 132b
gsang ba'i sbubs gsum na/ bkod pa med par phyag rgya'i dkyil 'khor lnga rang byung du gsal bas/ ma sgom pa chen po rdzogs so// gsang sngags chen po yi ge lnga pa'i 'khor lo// mi gsung ba'i gsung ba chen po dang ldan pas/ de kho na nyid kyi snyen pa rdzogs so// snying po byang chub mchog gi thig le yan lag med pa'i rdo rje la/ bca' ru med pa'i dam tshig gi phyag rgya rdzogs so// dam tshig sa ma ya bkod pa'i rgyal po rgyal po// bsrungs pa med pa'i dam tshig la/ ma bsrungs pa med pa rdzogs so// rdzogs ldan chen po ye nas lhun gyis grub pa la bstan pa'i chos med pas/ skyob pa'i mtha' dang bral bar bstan pa rdzogs so// lag na rdo rje la rdzogs ldan chen po gser lta bu'i lung bstan pa'o// badz+ra a ti dz+nyA na ma hA/ rdo rje 'dzin pa la na mo// gsang ba'i mgon po bla na med/ ye shes dbyings nas rang byung ba'i/ thog dang 'dra ba'i man ngag 'di/ bya khrag zan la btsum pa bzhin/ the tshom med par yid la 'chongs/ badz+ra pa Ni me ri 'bar ba'i dur khrod na/ mkha' 'gro ma rdo rje'i mchu can zhes bya ba yod kyis/ der song la shing 'dzam bu pri sha'i drung na/ gser gyi rus sbal gyi 'og na bstan pa thams cad kyi snying po thog lta bu'i man ngag yod kyis/ der mkha' 'gro ma la rig pa'i me tog phul ba zhus cig/ lag na rdo rje nub phyogs kyi zhing khams na snang ba mtha'
- 133a
yas kyi zhing khams bsam gyis mi khyab pa yod kyis/ der khyod seng ge'i 'gros stangs kyis song la/ glang po che'i lta stangs kyis ltos shig/ de na mngon par dga' ba'i tshal byang chub mtha' yas kyis brag phug/ seng ge'i sgra sgrog pa zhes bya ba na/ 'phags pa nam mkha'i mdzod ces bya ba/ shin tu skye bud cig yod kyis// de la ma 'jigs shig/ de 'das pa'i pha rol na/ sangs rgyas mar me mdzad rgyan 'od kyi phung po snang ba zhes bya ba yod kyis// de'i tshe de'i dus su mngon par rdzogs par sangs rgyas par 'gyur ro// badz+ra pA Ni la rdo rje 'chang gi gdams ngag thog babs su bstan pa'i lung bstan pa'o// badz+ra sa to khe he badz+ra/ rdo rje 'dzin pa la phyag 'tshal lo// badz+ra pA ni dur khrod chen po mang ga'i gling na/ mkha' 'gro ma nam mkha'i bu mo rdo rje rlung gi gshog pa can bya ba yod kyis/ de'i thugs kyi phyag rgya ston la/ rang byung gi me tog ston la zhus cig/ rgya'i bang so nag po'i byang phyogs pho 'od drag pa can gyi 'og na/ lcags kyi sdig pa mgo dgu pa cig gi 'og na/ byang chub snying po nyi ma shar ba ltar bu'i gdams ngag tshig gsum yod kyis/ de zhus cig/ badz+ra pA Ni bya ba med par ye shes kyi 'od gsal ba/ dgongs pa nyi shar ba lta bu'i man ngag gis// 'jig rten pa'i mun pa dag par byed pas/ yul dag pa chos kyi dbyings kyi pho brang me
- 133b
long g.ya' dag pa rtar gsal ba/ rang rig pa chos kyi sku sangs rgyas lnga'i bdag nyid du gsal ba/ shes rab mar me rlung gis ma bskyod pa ltar gsal ba/ bar na ye shes kyi sku bde ba chen po nam mkha'i 'ja' tshon ltar ma 'dres la yongs su rdzogs par gsal ba'o// gsang ba gsum dang ldan gyur na/ sangs rgyas nyid kyis dgongs pa yin/ dgongs pa mthar phyin pa'i lung bstan pa'o// badz+ra tsat+ti pra ti Sha dz+nyA na AHhUM/ bcom ldan 'das rdo rje 'dzin pa la phyag 'tshal lo// badz+ra pA naM/ dur khrod chen po shin tu ru lung bar haSh+Ti bya ba na// mkha' 'gro ma gtsug gi rgyan cig bya ba yod kyis/ der song la pha la pra sa rad du pra shig/ yul ma gta'i shar phyogs na/ rin po che sna lnga'i pha long 'og na/ bstan pa thams cad kyi snying po gsang ba nam mkha'i rgyan zhes bya ba yod kyis/ mkha' 'gro ma la bskor ba lan gsum gyis la/ ljags kyi pad+ma yi ge lnga pa'i 'khor lo ston la zhus cig/ de nas ye shes kyi rtsal skar mda' nam mkha' la byung ba lta bu'i man ngag gis// skad cig ma gsum la sbubs gsum gcod par byed pa/ byed pa po med par mthong ba pos mthong nas shes pa pos shes so// khyod nub phyogs su phyin pa'i tshe/ bskyod pa med par skye med nam mkha' klong nas/ bkod pa med par ye shes kyi gzhal med khang du/ 'gyur med rdo rje'i gdan la rang snang
- 134a
rtog pa'i 'khor dang lhan cig tu 'khod de/ yul chos kyi dbyings kyi pho brang khyab brdal 'ub chub chen por 'dus te/ don gyi dgongs pa nyag gcig la 'du bral med par bzhugs so// de nas sangs rgyas kyi zhing sangs rgyas mya ngan las 'da' bar bstan to// zhes lung bstan nas bcom ldan 'das dang thabs gcig tu bzhugs so// sangs rgyas thams cad kyi dgongs gsang ba nam mkha'i rgyan zhes bya pabapa/ lag na rdo rje la rdo rje sems dpas lung bstan pa'o// de la zhu ba po dga' rab rdo rjes zhus te/ sdus pa po rdo rje chos kyis bsdus nas/ rin po che za ma tog mtshon gang ba'i nang du sbas nas/ 'gul khug du bcug nas/ nyid kyi thugs dam rtse gcig par mdzad do// rgyud lung man ngag grangs mang yang / bstan pa'i snying po yi ge lnga/ thugs kyi gter du bcangs pa yin/ gcig las gnyis su ma spel gcig/ ces bka' sdigs so// na ra kan/ 'jam dpal rdo rje ye shes ngas// shri sing ha khyod la gtad/ phyag rgya lnga yi dbyings su sbas// rdo rje 'chang gis rgya yis btab// mkha' 'gro lnga yis mdud pa bkrol// 'jam dpal rdo rje chos kyi 'gul khug ma// snod du mi sba rang gi lus la bcangs/ yid la dran pa tsam gyis 'bras bu mngon sangs rgyas// chu srin pir gyi bri ba bzhin// srid pa 'khrugs kyang kha mi 'byung // bya brtsal
- 134b
med pa gsang ba rin po che dbyig gi sgron ma// skad 'gyur bzhi rdzogs so// dbu gru smon lam seng ge nas brgyud pa/ jo sras sbas kyi thugs dam mo/ khong la mgo ban nor bus zhus so// 'di rnams do la sman chu lung nas gdan drangs pa yin// // dge'o// // rdzogs pa chen po ye shes nam mkha'i rgyud bzhugs so// @##// rgya gar skad du/ a ti ma hA bo d+hi tsit+ta ko d+harma mu la a kar sha 'du ye dz+nyA na a kar sha na ma/ bod skad du/ rdzogs pa chen po byang chub kyi sems mdzod kyi chos// rtsa ba nam mkha' gnyis pa las// ye shes nam mkha' zhes bya ba// bcom ldan 'das bdud kyi stobs rab tu 'joms pa la phyag 'tshal lo// 'di skad bdag gis zos pa'i dus gcig na// 'og min gyi gnas mchog dam pa ru// rigs lnga bde gshegs sangs rgyas dang // ye shes mkha' 'gro rnam lnga dang // sprin gyi shugs can byang sems bdun// kun tu bzang pos lung bstan nas// lho phyogs yid 'dres mtshal dag du// gzhon nu rab tu dang ba yis// lung bstan sems phyogs chen po'i mdzod// bskal pa dang po'i thog ma la// 'khor 'das sa bon tshul du gnas// de nas bar gyi bskal pa la// myug gu'i tshul du 'byung ba'i dus/ bskal pa tha mar rgyab gyes pa// til gyi 'bru tsam dge ba'i las// ma bsags kun bzangs rang sar grol// til gyi 'bru
- 135a
tsam sdig pa'i las// ma byas 'gro drug khams gsum 'khor// dge sdig nang nas gang che ba// gzhi snang rtogs dang ma rtogs yin// mdzad chen gcig gi ngo bo bas// che ba lnga'i ka ba rtsugs// thig le drug gi gdung ma bres// snang ba bcu bdun phyam gyis phug brgyad khri bzhi stong mig chags byas// sku dang ye shes nor gyi dbyig/ phyag rgya bzhi yis rgyas btab te// phyogs bzhi sgo mo gsal ba la// bzung 'dzin gnyis kyi sgo lcags bcug/ lde mig mtha'i mon bus khyer// mdzod ni gang gis mthong gyur pa// de tshe sangs rgyas nyag cig rtogs// nor rdzas gzhi la longs spyad nas// dbul ba bral ba'i bdag po bzhin// yid la bsam pa yongs rdzogs nas// 'dod pa thams cad rab tu 'grub// de phyir skal ldan rnal 'byor gyi// dbang phyug chen po 'bad par bya// dbus na chos 'byung chen po'i mdzod// oM gyur / sngags kyi sdong po can// e ma gsang ba rmad du byung // ma zad brgyan gyi 'khor lo sku// shar nas thig le chen po'i mdzod// ma rtog hUM gi ngo bo nyid// e ma gsang ba rmad byung chos// chos sku rang byung 'od gsal sku// lho na srid pa chos nyid mdzod// sa ni nam mkha'i sgron bu 'bar// e ma gsang ba rmad byung chos// ye shes lhun rdzogs chen po'i sku// nub na ye shes khyab brdal mdzod// gsung mchog a'i rnam pa can//
- 135b
e ma gsang ba rmad byung chos// ye shes dbyings na 'od gsal sku// byang na kun gzhi snying po'i mdzod// ha ni 'phrin las kun gyi bdag/ e ma gsang ba rmad byung chos// rdo rje mgon po thugs kyi mchog/ kun gzhi'i mdzod chen kha che nas// g.yas na chos nyid rang byung rtsa// g.yon na yon tan dang 'byed rtsa// mdun na ye shes rang byung rtsa// rgyab na rang rgyud las kyi rtsa// dbus na rtsa brgyad 'dus par gnas// mi zad brgyan gyi 'khor lo'i sku// bde gshegs kun gyi sku gsung thugs// 'dod khams rigs drug sa bon dang // gzugs khams bsam tan oM gyi sku// gzugs med skye mched yi ge a// ma lus sems can thams cad la// gnas pa rtsa'i dkyil 'khor dang // rten pa bdud rtsi thig le khams// grub pa sngags kyi ngo bo nyid// snying po rlung gi la rnams rdzogs// mngos gsum sangs rgyas che ba ni/ 'byung ba lnga po bcom ldan 'das// bdag nyid sangs rgyas che ba ni// rang lus 'byung ba bcom ldan 'das// chos dbyings sangs rgyas che ba ni// 'byung ba lnga nyid chos kyi dbyings// de yin sangs rgyas che ba ni// de min sangs rgyas gzhan na med// thams cad sangs rgyas che ba ni// 'khor 'das ma bcos sangs rgyas nyid// stong pa gsum gyi spros bral drug/ de ni chos nyid thig le nyid// ma 'gag kun shar spros med dag/ dbyings kyi thig ler
- 136a
rang gi gnas/ dbyings nyid rnam par dag pa yi// thig le gzung 'dzin dri ma bral// ngang gis 'od gsal yongs ma bcos// ye shes chen po'i thig ler gnas// thams cad kun nas rang gnas pas// kun tu bzang po'i thig le yin// 'khor 'das rtsa ba med pa ni// lhun gyis grub pa'i thig le yin// 'gro drug zhen pa'i snang ba drug/ mu stegs log pa'i snang ba dang // rgyu 'bras blo'i snang ba dgu// dbyer med kun bzang snang bar cig/ nyon mongs brgyad khri bzhi stong gi/ mnyen por de snyed chos rnams gsungs// dgu dang lnga dang bzhi dang gsum// mdor na sku gsum kho na yin// stong nyid me long mnyam pa nyid// so sor rtog pa bya ba grub// chos sku dngos med phyag rgya che// longs sku 'od 'bar dam tshig rgya// rang 'byung ye shes chos brgya// thugs rje sbrul sku las kyi rgya// theg pa ma lus thams cad kun// phyag rgya bzhi yis rgyas gdab bo// mun pa'i 'khor sgor snang ba ni// 'gro ba drug dang mu stegs gnyis// spyod pa'i 'dren sgor snang ba ni// sbrul sku'i dam chos nyan rang sems// thabs kyi sbyor sgor snang ba ni// kri ya u pa yo ga nyid// nges pa'i gsang sgor snang ba ni// bskyed dang rdzogs dang rdzogs pa'i che// sgo bzhi dag nas zhugs pa yis// mnyan pa'i spyi mdzod chen por 'gro// gzung ba yul gyi bang pa'i nad// 'dzin pa
- 136b
sems kyis gzer sgro yis// thams cad kun la khyab mos kyang / tha rams sgo lcags phyed par dka'// mtha'i mun pu spyi 'dum gyis// ma slabs shes pa'i rtsal 'chang ba// lha'i bi shas kar ma ltar// bde bshegs byang chub sems dpa' dang // sprul pa rigs 'dzin ma lus pa'i// dgongs brdal ngag gi lde mig khyer// bla ma mnyes par byas gyur na// lde mig rtsil ba'i dus la bab// mdzod 'di mthong bar bya/ ba yang // dbus kyi lte ba mdzod chen la// mu khyud brda' dgar nges pa gsum// gling gzhi srid pa rab byung nyid/ khang khyim bco brgyad thugs rjes bskor/ khang khyim bzhi'i rtsa ba can// grong khyer bzhi'i mu khyud mdzes// ma hA yo ga'i po sprad dang // a nu yo ga'i ngo sprad dang // a ti yo ga'i ngo sprad dang // gsang skor dpe don rtogs gsum gyis// ngos spyod thob pa'i rnal 'byor pas// chos sku thig le nyag cig ltogs// lta ba gnas lugs ma nor ba// chos sku zang thal zhen po yin// spyod pa ma bcos lhug pa yi// shugs 'byung 'gag pa med par spyad// sgom pa dgongs pa ma nor ba// bying rgod med pa'i ngapal gzhag/ 'bras bu thog ma'i rang sa nyid// 'khrul pa gzhi'i thog tu sangs// lha la dpag bsam shing bu dang // gnod sbyin bum pa bzang po dang // klu la yid bzhin nor bu dang // snod 'dzin grub pa lag pa bzhin// rnam rtog
- 137a
bag chags sbubs 'di na// ma rig sgo'i sbubs phye bas// rig pa'i ye shes rnyed par 'gyur// rang bzhin par dor bden pa mthong // ting 'dzin par dor brtan pa thob// chos nyid bar dor dran pa sad// srid pa'i bar dor ye shes sbubs// srid pa'i dra ba 'joms pa'o// sprul pas yid la bsam pa rdzogs// 'gro don ma lus rdzogs pa ni// sngar 'dris mi dang 'phrad bzhin gyur// ma ni kun khyab chen mo ste// bu ni rig pa cir bu nyid// sngon gyi bag chags goms dbang gis// dud 'gro'i bu ltar nu ma 'tshol// yang na rang bzhin srog zon byed// ma'i spang du bu 'gro ba// ma bu brda' 'jal man ngag 'dis// rin chen gsang ba'i sbubs nang du// 'dod pa thams cad rab tu 'grub// thog ma'i rang sar sleb ces bya// sngon las 'phral rkyen brtson 'grus kyis// skal ldan rig kyi bu mchog yin// 'jig rten bya ba btang byas la// thos bsam sgom pa sna tshogs kyis// thig le gsang skor slab par ces// phyi rab kun la gdams par bzhag/ zhes sems phyogs chen po mdzod kyi rgyud// ye shes nam mkha' las// mdzod rtsa ba'i le'u ste dang po'o// // de nas bcom ldan 'das kyis brda nges pa'i ting nge 'dzin la bzhugs nas 'di gsungs so// 'di ltar sangs rgyas bcom ldan 'das// rdzogs pa'i sangs rgyas a las byung // a ni
- 137b
yig 'bru kun gyi mchog/ don chen yi ge dam pa yin/ khong nas 'byung ba skye ba med// tshigs su brjod pa spangs pa ste// brjod pa kun gyi rgyu yi mchog/ tshig kun rab tu gsal bar byed// yi ge a'i sgra 'di ni// ji rnyed chos kyi rtsa bar gsungs// ma rig sgo nga'i sbubs 'byed pa// srid pa'i dra ba 'joms pa po// nyon mongs ma lus zhi bar byed// 'khor ba'i rgya mtsho pha rol phyin// sbubs zhes bya ba'i brda 'di yis// 'khor ba 'di las grol gyur nas// mya ngan 'das pa'i go 'phangs thob// nges pa'i don du bshad pa ni// dang por rnam rtog bag chags sbubs// sku ni rnam pa gsum du gnas// ye shes bzhi ru gnas pa dang // shes rab spyan dang ldan pas na// ma dag 'khrul pa'i snang ba la// longs sku 'dra 'chags phyed sku yis// ma hA yo ga'i ngo sprod bya// bar dor lnga ldan rtogs par byed// sbrul sku 'od khyim kha sbyor gyis// a nu yo ga'i ngo sprod bya// chos nyid bar dor rdzogs ldan rtogs// chos sku rin chen man shel gyis// a ti yo ga'i ngo sprod bya// rin chen sbubs su dgongs pa skyel// thig le gsang bskor ngo sprod kyis// sku gsum 'du 'bral med pa'i don// nyi ma'i snying po ngag la sprad// rdzogs ldan chen po'i dgongs pa chod// don gyi ngo sprod zag chod la// rtags kyi ngo sprod yid ches te// dpe'i ngo sprod ngo shes pas// blo'i the tshom chod pa ni//
- 138a
gol ba'i dgongs pa dam pa'o// bar du ye shes sgyu ma'i sbubs// sangs rgyas bzhi bcu rtsa gnyis sku// chos kyi spyan gyi 'khor 'das gzigs// dag pa 'jig rten snang ba 'dir// sprul pa'i skye gnas 'gro don mdzod// 'khor ba dag las grol ba yin// rgyu lus mngon du gyur ba yin// 'khor 'das mngon sum gzigs pa yin// chos sku rin chen gsang ba'i sbubs// ye shes mig cig dri ma med// chos las grol bas dgongs pa ni// rgyun chad med par gnas pa na// bsam gtan bsam bya blo ldan mchog/ ting 'dzin lus can lus kyi mchog/ yang dag ye shes snang ba yin// phyi dang nang dang gsang ba dang // gsang chen ma lus bshad pa dang // rtsa bar gyur pa ma lus kun// bcu gnyis man ngag 'dus pa yis// brda sgra nges pa'i dza log tu// ma khyud brda sgra nges pa dang // dza log bshad pa'i gnad du bstan// zhes sems phyogs chen po mdzod kyi rgyud// ye shes nam mkha' las gdams pa'i rgyud skor bzhi bstan pa'i le'u ste gnyis pa'o// // de nas bcom ldan 'das kyis thig le gsang skor gyi rtsa ba'i rgyud bzhi thugs gsang ba chen po'i mdzod nas phyung ngo // dang por slob ma dad ldan gyis// bla ma dam pa bsten par bya// srid pa'i dgon pa las rgal ba// ston pa cig pu 'gro ba'i bla// 'jig rten phyogs bcur rab
- 138b
grags pa// chos kyi sbyin bdag chen po ste// byams pa'i go cha bgos pa ste// snying rje ni ya lad bgod// de nas bla ma dam pa ni// mtshan nyid ldan pa smos ci dgos// nam yang bla ma gyur pa la// dad gus mos pa bya ba yang // mchod 'os bstod pa phyag gi gnas// rtag tu rim mor bya ba'i 'os// bskur 'os brjod par bya ba'i mchog/ phyag byar 'os pa bla ma'i rab// de nas bla ma dam pa la// dbang bskur zhu bar bya bab yang // rig pa rtsal gyi dbang bskur las// phyi'i dbang bskur bya ba ni// rdo rje rin chen dbang bskur dpal// rin chen kun bdag dbang phyug ste// 'jig rten dbang phyug kun gyi bdag/ rdo rje 'chang ba kun gyi rje// nang gi dbang bskur bya ba ni// sku gsung thugs la byin gyis brlabs// sangs rgyas kun gyi thugs che ba// sangs rgyas kun gyi thugs la gnas// sangs rgyas kun gyi sku che ba// sangs rgyas kun gyi gsung yang yin// gsang ba'i dbang sgyur byas pa yis// don gyi thig le dkar dmar rtogs// rdo rje nyi ma snang ba che// rdo rje zla ba'i dri med 'od// chags bral la sogs chags pa che/ kha dog sna tshogs 'bar ba'i 'od// dbang skur ba'i 'bras bu yis// bdag kyang sangs rgyas rdzus skyes 'thob// rdo rje dkyil dkrungs rdzogs sangs rgyas// sangs rgyas 'gro ba'i chos 'dzin pa// dpal ldan sangs rgyas pad+ma skyes// kun
- 139a
mkhyen ye shes mdzod 'dzin pa// de ltar mthar zug 'bras bu ni// thob nas theg chen gzhan don mdzad// 'khor ba'i sdug bsngal sel 'gyur ba/ dper na sman pa ltar 'gyur ba// sman pa che mchog gtso bos te// zug du 'byin pa bla na med// sman rnams ma lus ljon pa'i shing // nad du bcos kyi dgra che ba// de ltar rtsa ba'i rgyud chen ni// khang khyim cig gi nang du bshad// de nas 'gro don mdzad pa'i sku// 'jam dpal dgongs pa 'dus pa ni// gzugs sku ma lus 'dir 'dus pas// zhi khro rnam pa gnyis su gsungs// rin chen sprug pa'i gzhal yas na// zhi ba'i sangs rgyas bzhugs pa dang // klad pa dung khang gzhal yas na// khro bo'i sangs rgyas gnas pa dang // ye shes dbang bskur cod pan can// rdzogs pa'i sangs rgyas brgyan du thogs// sdug bsngal gsum gyi sdug bsngal zhi// gsum sel mtha' yas grol gsum thob// 'jam dpal dgongs pa 'dus pa ni/ khang khyim gcig gi nang du gsungs// de nas gdams ngag sgom par bya// rang bzhi lhun grub chos sku las// longs spyod rdzogs sku rtsal du shar// gdul bya gdul byed sprul pa'i sku// byed pa sems can kun don byed// phan 'dod sems can mnyes shing ba// bzang ngan shes shing 'dus shes la// khyab bdag dam shes dam tshig ldan// 'dus shes sems
- 139b
can dbang po shes// rnam grol gsum la mkhas pa po// sku gsum ye shes lnga rtogs sam// rtogs pa mngon gyur chos skur gnas// nyams len 'jam dpal ye shes brgyan/ khang khyim gcig gi nang du bshad// de nas mtshan don dgongs pa yi// 'jam dpal don yang rab bshad na// ye shes lus can 'jam dpal gyi// ming brjod pas ni don che ba// dag par byed cing sdig sel ba// mtshan ni yang dag brjod par bshad// zhi ba rdo rje 'dzin pa dang // khro ba'i dgongs pa 'dus pa ni// rdo rje zab mo 'dzin na 'jigs// rdo rje blo gros don bzhin rig/ sa dang pha rol phyin pa yi// dgongs pa 'dus par gyur bas na// pha rol phyin pa kun rdzogs nas// sa rnams kun gyi rgyan dang ldan// dgongs pa phyi nang kun 'dus pas// 'jam dpal dgongs pa 'dus pa'i mtshan// chos kyi sku la longs skus brgyan// longs sku ye shes rnam lngas brgyan// ye shes thugs rje sbrul skus brgyan// sku gsum ye shes lnga ldan cing // 'khrul tshul grol tshul bstan pa ni// 'jam dpal ye shes rgyan du bshad// mtshan gyi don rnams ston 'gyur zhing // rgyud kyi dgongs pa mtshan gyi rdzogs// mtshan don ston pas 'jam dpal ni/ khang khyim cig gi nang du bshad// zhes sems phyogs chen po mdzod kyi rgyud// ye shes nam mkha' las// rtsa ba'i rgyud skor bzhi bstan
- 140a
pa'i/ le'u ste gsum pa'o// // de nas bcom ldan 'das kyis nang skor rtogs pa ye shes kyi 'khor lo 'di thugs kyi gsang mdzod chen po nas gsungs so// dpal ldan rdo rje sems dpa' yi// thig le mthar zug dgongs pa yis// bzhi bcas thugs rje'i lcags kyus gzung // ye shes gsang ba 'khor lo che// sangs rgyas mnyam sbyor dgongs par bcas// srid pa'i 'khor lo dang po yin// 'jam dpal dri med snying po yis// rgyud lung man ngag khog phub nas// gzhung du dril bar bya ba yang // sangs rgyas 'dus pa man ngag rgyud// rgyud rnams man ngag thugs kyi gter// srid pa'i 'khor lo bshad pa las// dri med snying po'i dgongs pa yin// sbubs gsum dgongs pas gzhi bzung nas// de bzhin gshegs pa'i chos lnga dang // byang chub sems dpa'i chos bdun dang // ting 'dzin lta bu'i srog shing drug/ spyan ras gzigs ni seng ge sgra// srid pa'i 'khor lo gsum pa yin// seng ge 'khyil ba'i dgongs pa las// phyi nang gsang ba sgrub ni// rtags bzhi bdud bzhi rgyas gdab bzhi// gangs la nyi ma shar ba dang // thog dang gzer dang khyud dang ni// skar mda' lta bu man ngag gis// phyag na rdo rje me lce phreng // srid pa'i 'khor lo bzhi pa yin// rig gsum rigs khyab spyi dang bzhis// mu khyud grong khyer bzhi yis mdzes//
- 140b
zhes sems phyogs chen po mdzod kyi rgyud// ye shes nam mkha' las// nang gi rgyud skor bzhi gtan la phab pa'i le'u ste bzhi pa'o// // de nas bcom ldan 'das dpag bsam shing gi ljon shing rgyas pa'i ting nge 'dzin la bzhugs nas 'di gsungs so// dpa' bsam yongs su sa brtol shing // rtsa ba rnam pa lngar zug pa// pad+ma 'khyil pa bsku'i rgyud// chos dbyings ye shes bstan par byed// rdo rje rtse mo gsung gi brgyud// so sor rtogs pa'i ye shes gcod// rin chen dpungs pa thugs kyi brgyud// me long lta bu ye shes gsal// bsod nams byams pa rtsegs pa ni// mnyam nyid ye shes yon tan rgyud// 'phrin las mkha' gsal nyi ma ni// bya ba grub pa'i ye shes yin// dpag bsam shing gi rtsa ba lnga// sdong po gcig tu dril nas gnas// lta ba'i rang ngo rang shar bas// ye shes bla ma chen po'i rgyud// lta ba'i gnad rnams yongs spyod pa// 'khor ba dong sbugs chen po'i rgyud// chos nyid don la bsgom du med// gang zag blo la sgom du yod// mnyam par bzhag pas bsam gtan bsgom// rjes kyi shes pa spyod pa byed// rnal 'byor rab 'bring tha mas bcad// rma bya 'jing snol rgyud chen gnyis// 'bras bu sku dang 'od zer ni// mdzes pa'i lha mo 'od zer can// dpag bsam ljon shing chen po la// yal ga skyes nas lo 'dab rgyas// lta ba
- 141a
'gyur ba med pa ni// rgyal mtshan rtse mo lta bur gsal// sgom pas nyon mos dri ma med// nor bu chu drangs lta bur gnas// sangs rgyas spyod pas tshe dbang bskur// dbang bskur bla ma rin po che// 'bras bu mngon rdzogs sangs rgyas rtags// sku gdung ring sel chen po'i rgyud// dpag bsam shing chen rgyas pa la// me tog rab tu gsal ba ni// gzhi rnams rab tu ldings pas na// mtshan nyid bzhi dang ldan par bya// mdzod dang lde mig nor rdzas spyod// zhal chems gsum par bzhag pa yin// dpe don rtags gsum ngo sprad pas// sku dang gsung dang thugs tig gsum// dgongs pa mya ngan chos skur 'da'// bdud rtsi yang zhun lta bur bzhugs// dpag bsam ljon shing chen po la// 'bras bu rab tu smin pa ltar// brgyud pa rig 'dzin 'bras bu dang / mya ngan 'das pa gang zag 'bras// bco brgyad chos 'bras man ngag lung // bam po gsum pa'i lung chen gsungs// zhes sems phyogs chen po mdzod kyi rgyud// ye shes nam mkha' las phyi skor thugs rje chos kyi 'khor lo bstan pa'i le'u lnga pa'o// // de nas bcom ldan 'das kyis rgyud thams cad kyi mdud pa yongs su 'grol ba'i ting 'dzin la bzhugs nas 'di gsungs so// mkhas par gyur pa paN+Di tas// ngo bo nges tshig dbye ba yi// don bshad mdzes pa'i spyi don dgongs//
- 141b
de phyir thig le kun gsal bshad// rnal 'byor pa ni sku su lus// rang don nyams su len 'gyur bas// dgongs pa ma nor gsal ba ni// de phyir thig le kun 'dus bshad// rgyu don ma lus mngon pa rtogs// dgongs pa'i don rnams cho ga ltar// las kyi bya ba tshang gyur pas// a tsa ra rgya slob dpon bzhin// de phyir thig le kun rig rgyud// bya ba byed pa dag la bshad// rnal 'byor pa ni sems nyid la// zhi mor lta zhing spyod 'gyur ba// dbang po tha mar gyur ba rnams// sgom gyi gnad dang thun tshod 'dzin// rim pas don la 'khrid byed cing // gdam pa'i gnad kyis ston byed pas// blo dman gang zag grol bya'i phyir// de phyir thig le kun spyod bshad// zhes sems phyogs chen po mdzod kyi rgyud nam mkha' las// bshad rgyud chen po bzhi mdzad bstan pa'i le'u ste drug pa'o// // de nas bcom ldan 'das kyis sgo rnams rab tu 'byed par byed pa 'di phyi rabs kyi rnal 'byor ba la lung rab tu gsal bar gsungs so// phyi'i lcags ri nag po la// zla gam gcig pa'i sgo gnas pa// tsaN+Da log spyod can gyis bsrungs// de'i lde mig bstan pa ni// don la khog dbugs stong mthun dang // dkyus la sa spyad bsdus don dang // tshig gi 'bru 'joms lde mig gsum// sgo 'di phye nas bshad pa ni// gang zag bzhi'i don du dgongs// bshad pa'i rgyud
- 142a
/ rnams grol bar byed/ khang khyim bco brgyad phyi sgo bdun// sgo ba sprin gyi shugs can bdun// de 'byed pa'i lde mig gsum// rgyud dang man ngag lung gsum gyis// phun sum tshogs pa rnam lnga dang // dgos don lnga dang mdo gcod bdun// rgyud lung man ngag gsal bar byed// gling bzhi srid pa rang byung la// tshad med bzhi'i sgo shar nas// dam pa dpal bzhi'i sgo bsrungs can// lde mig bzhi yis 'byed 'gyur ba// rigs gsum mgon po'i dgongs pa can// rigs khyab rdo rje sems dpa' yi// dgongs pa thig le mthar thug pas// rang byung srid pa'i 'khor lo 'byed/ khang khyim bzhi'i rtsa ba la// bdag gzhan bgrod pa'i sgo gnyis na// phyag na rdo rje'i sgo ba bzhugs// ston pa gnyis kyi lde mig ni// phyi nang dag pa'i gang zag la// phyi'i ston pa shAkya thub// nang snang dag pa'i gang zag la// nang gi ston pa rdo rje 'chang // dus gsum sangs rgyas dgongs pa yis// 'jam dpal sgyu 'phrul dra ba yi// rtsa rgyud sde bzhi khong sdebs na// yang dag don la dril nas 'byed// mu khyud brda sgra nges pa dang // dza log gsum gyis brgyan pa la// sgo med sbas pa'i gter khyim de// shin tu gsangs nas rna rgyud 'byed// dbus kyi lta ba mdzod chen la// mun pa'i khor sgo la sogs bzhi// thig pa bzhi'i lde mig gis// phye nas mdzod du 'jug pa
- 142b
yang // mkha' 'gro bzhi'i sgo bsrungs la// mnyes nas gter chen bstan pa ni// dang po shar du ngo sprod rgyud// sku gsum snang ba gsal bar ston// lho ru rin chen 'od gsal ba// dri med rnam par dag pa'i rgyud// nub tu lhun grub pa'i ji bzhin ma// rnam par dag pa'i brgyad chen mdzod// byang du dri med rnam par dag/ sangs rgyas dgongs pa 'dus pa'i rgyud// dbus na mdzod chen dgongs pa ni// dur khrod phung po 'bar ba'i rgyud// bye brag rgyud lnga'i mdzod chen rnams// spyir ni cig shes kun grol ba// chos sku thig le nyag cig la// gnas tshul sku gsung yon tan las// stong gsal bde yon mi 'gag de// ngo bo stong par gnas pa dang // rang bzhin gsal bar shar ba dang // rnam pa bde bar go ba dang // yon tan cir yang mi 'gag la// 'phrin las thog pa med par char// 'byung ba lnga ru snang ba ni// ngo bo stong pa nam mkha' la// rang bzhin gsal ba sra ba'i sa// rnam pa bde ba 'bar ba'i me// yon tan mi 'gag 'byung ba chung // 'phrin las thogs pa med pa rlung // snod kyi 'jig rten zhes bya ba// sems can kun gyis gnas dang rten// spyod pa'i myu gu gyur pas na// gzung ba'i yul zhes bya ba yin// shes pas ma zin bdud snang ba// stong pas 'dus pa'i rtse shing snang // gsal bas nus pa lci ba dang // bde bas tshang zhing rno ba dang // mi
- 143a
'gag pa las bsil ba dang // thogs pa med pas yang pa'o// ro yang rnam pa lnga bsnang ba// stong pas ro rnams 'dus pa dang // gsal bas sa ni mngar bar 'gyur// bde ba las ni tsha zhing sbyar// mi 'gag pa ni lan tshwa'i ro// thogs med rlung gi dka' ba'o// skye ba rnam bzhi gnas pa// ngo bo stong pas stong skyes la// rang bzhin gsal bas mngal skyes te// bde dang mi 'gag drod shes skyes// thogs pa med pas rdzus skyes yin// 'gro ba drug tu snang ba ni// stong pa lha dang lha ma yin// gsal ba ma'i skye gnas la// bde ba dur khrod byol song yul// mi 'gag pa ni yi dgas gnas// thogs pa med pa dmyal ba nyid// rdzu 'phrul nang du snang ba ni// stong pa las ni 'dus pa'i nad// gsal bas bad kan lci ba dang // bde bas 'khris pa'i nad yin la// mi 'gag pa ni ldan pa ste// thogs pa med pa rlung gi nad// lha srin yi dgas snang ba yang // ngo bo stong pa bza'i nad// rang bzhin gsal ba sa bdag klu// rnam pa bde bas ma mo'i rims// yon tan mi 'gag gnod sbyin bgegs// 'phrin las thogs med rgyal 'gong btsan// snang srid lha srin ma lus rnams// rtsa ba 'di las srid par 'gyur// de las mthu lngar ldan pa ni// stong pa gti mug gtang yin la// gsal bas srog mthu zhe sdang can// bde ba 'dod chags
- 143b
nor bsgrub de// mi 'gag nga rgyal thog ser dang // thogs med phra dog nang rgyas rnams// dug lnga dag las snang ba yang // rtsa ba 'di las byung bar zad// stong pa gti mug don la rmongs// gsal ba mnar med sems zhe sdang nyid// bde bas 'dod cing chags pa la// mi 'gag mngon pa'i nga rgyal de// thogs pa med las phra dog snang // ji snyed nyon mongs ma lus kun// thams cad 'di las snang ba 'gyur// rnal 'byor lam la gnas 'dod pa// 'gro drug sems can kun ldan pa'i// dug ltar rang shar dang grol du// lam du rtogs par bya ba yang // stong bas gti mug lam du bya// mchod pa chen po gti mug che// gti mug blo de gti mug sel// byol song gnas las nges par grol// gsal bas zhe sdang lam du bya// mchod pa chen po zhe sdang che// nyon mongs kun gyi sgra che ba// dmyal ba'i sdug bsngal grol bar byed// de bas 'dod chags lam du bya// mchod pa chen po 'dod chags che// sems can thams cad dga' bar byed// mi'i gnas las nges par grol// mi 'gag nga rgyal lam du bya// de nyid khong khror 'gyur ba yin// mchod pa chen po chags pa che// chags pa thams cad sel bar byed// ser sna yi dwags gnas las grol// mchod pa chen po bde ba che// dga' ba chen po dgu ba che// khong khro lha min yul lus grol// thogs med phra
- 144a
dog lam du bya// mchod pa chen po khro ba che// khro ba chen po dgra che ba// phrag dog lha'i gnas las grol// rigs sngags bde gshegs skur snang ba// stong pa rdo rje sems dpa'i sku// gsal ba rnam par snang mdzad nyid// bde ba snang ba mtha' yas la// mi 'gag pa ni rin chen 'byung // thogs med don yod grub pa nyid// rigs lnga'i sangs rgyas 'di dag rnams// sems nyid ngang du snang ba yin// yum chen lngar ni snang ba yang // stong pa nam mkha'i dbyings phyug ma// gsal ba sa ni sangs rgyas spyan// bde ba me ni gos dkar mo// mi 'gag chu ni ma ma ki/ thogs med rlung gi dam tshig sgrol// sems dpa' sems ma'i tshogs chen ni// sras kyi tshogs su snang ba yang // stong pa khro bo sgrol bar snang // gsal ba sa'i snying po la// bde ba spyan ras gzigs dbang nyid// ma 'gag nam mkha'i snying po dang // thogs med phyag na rdo rje'o// stong pa gshin rje khros pa nyid// gsal ba lha mo sgeg mo la// bde ba pi wang klu len ma// mi 'gag mi phreng ba ma// thogs pa med pa gar mkhan nyid// stong pa khro bo stobs po che// gsal ba byams pa'i sku ru snang / mi 'gag sgrib pa rnam par sel// thogs pa med pa 'jam dpal nyid// stong pa khro mo stobs chen ma// gsal ba lha mo spos ma nyid// bde ba lha mo mar me ma// mi 'gag pa ni me tog ma//
- 144b
thogs pa med pa dri chab ma// stong pa rta mgrin chen po la// gsal ba rta mgrin yum yin te// bde ba bdud rtsi 'khyil ba la// mi 'gag pa ni yum du gnas// thogs pa med pa sgo ba'i las// stong pa lha dang lha min thub// gsal ba ma'i thub pa ste// bde ba yi dwags thub pa la// mi 'gag pa ni byol song thub// thog med dmyal ba'i thub pa'o// stong pa kun tu bzang po la// gsal ba kun tu bzang mo ste// bde ba yab yum 'du 'bral med/ mi 'gag dkyil 'khor lha tshogs rnams// thogs pa med par 'byin pa'o// stong pa rnam shes phung po la// gsal ba gzugs kyi phung po nyid// bde ba 'du shes phung po la// mi 'gag pa ni tshor ba ste// thogs pa med pa 'du byed do// stong pa lus kyi dbang po la// gsal ba mig gi dbang po nyid// bde ba lce'i dbang po nyid// mi 'gag pa ni snang yin la// thogs pa med pa rna ba'o// stong pa nyid la gsal ba 'tsher// bde ba mchin pa mi 'gag mkhal// thogs pa med pa glo ba'o// stong pa rang byung ye shes rtsa// gsal ba rtsa bzhi 'dus pa'i mdo// bde ba rang rgyud las kyi rtsa// mi 'gag rang byung chos nyid rtsa// thog pa med pa yon tan rtsa// stong pa nam mkha'i drangs 'gas 'byed// gsal ba sa'i drangs ma'i rtsa// bde ba me'i drangs ma la// mi 'gag chu'i drangs ma de/ thogs med rlung gi drangs mar shar//
- 145a
srog 'dzin rlung yin la// gsal ba sa dang 'dres pa'i rlung // bde ba me dang drod mnyam la// mi 'gag chu dang 'grogs pa'i rlung // thogs med rlung gi rlung du bshad// stong pa lus la nam mkha'i rlung // gsal ba sna la sa'i rlung // bde ba mig la me'i rlung // mi 'gag lce la chu'i rlung // thog med snang bar rlung gi rlung // stong pa nam mkha'i rtsa gsum nyid// nyi ma zla ba ra hu la/ gsal ba sprul pa'i dkyil 'khor la// bde ba mgrin par longs spyod pas// mi 'gag snying khar chos 'khor nyid// thogs pa med pa bde chen spyi// gnas pa rtsa'i dkyil 'khor gyis// lus kun la ni khyab par gnas// stong pa byang chub sems yin la// gsal ba dri chen bdud rtsir gnas// bde ba pad+ma rak+ta nyid// mi 'gag she chen dam rdzas la// thogs med dri chur gnas pa rnams// sangs rgyas rigs lnga'i dam rdzas de/ khams kyi bdud rtsi chen po nyid// rnal 'byor 'dus pa kun rdzob gnas// stong pa mi'i sha ru bshad// gsal ba glang po'i sha yin la// bde ba ba glang sha yin te// mi 'gag pa ni rta'i sha/ thogs med bya'am khyi shar bshad/ khams dgu 'dus pa dwangs ma ni// rnal 'byor pa yis nyams su blangs// bdud rtsi gtor ma'i mchod pa ni// rig 'dzin bka' srung zhi khro mchod// de nas gdams ngag gdab par bya// stong pa hUM gi rang bzhin la//
- 145b
gsal ba yi ge oM yin te// bde ba a'i rnam pa la// mi 'gag pa ni swa ru gnas// thogs pa med yi ge ha// stong pa lha dang lha ma yin// a dkar su ser gnas pa yin// gsal ba byol song dung kha'i du// bde ba yi dwags tri dmar la// mi 'gag mi'i ni ldang de// thogs med dmyal ba'i dri nag po// stong pas nyams ni sems la 'char// gsal bas gar ni lus la 'char// bde bas sngags ni ngag las 'char// mi 'gag mthong snang yul la 'char// thogs med bag chags rmi lam 'char// rnal 'byor nyams ni snang ba yin// thams cad ma lus 'khor 'das kyis// nyams snang 'di ru 'dus par bshad// stong pas thugs kyi mngon shes dang // las kyi mngon shes 'char ba yin// gsal bas lus kyi rdzu 'phrul 'char// bde bas spyan gyi mngon shes 'char// mi 'gag gnas kyi mngon shes dang // thog med snyan gyi mngon shes dang // mngon par shes pa rnam drug gi/ gdul bya yul du gzigs pa yin// stong pas chos kyi sku yin te// gsal bas longs spyod rdzogs pa'i sku// bde bas long sku yul dang ldan// mi 'gag sprul pa'i sku ru snang // thogs pa med pas 'gro don mdzad// stong pas chos dbyings ye shes la/ gsal ba me long lta bu ste// bde bas so sor rtog pa la// mi 'gag pas na mnyam pa nyid// thogs med bya ba grub
- 146a
pa'o// stong pas rtag pa'i mtha' dang bral// gsal bas chad pa'i mtha' dang bral// bde bas rtag chad gnyis su med// mi 'gag med pa'i mtha' dang bral// thogs med yod pa'i mtha' dang bral// stong pa yul nyid snang stong dang // gsal ba sems nyid gsal stong dang // bde bas lus nyid bde stong dang // mi 'gag stong par mi gnas te// thogs med snang ba mthar zug med// stong pa yul las grol ba dang // gsal ba sems las grol ba dang // bde ba lus las grol pa ste// mi 'gag stong pa sbyang pa yin// thogs med snang ba a mthas min// stong pa khur rna nye bar zhi// gsal ba rdo rje khro gdeng ma// bde ba ro zan shan ting nyid// mi 'gag gtsug gi rgyan cig ma// thogs med lung gi gshog pa can// stong pa rdo rje mchu can gyis// thog dang 'dra ba'i man ngag yin// gsal ba 'dab chags rgyal po yis// khyud dang 'dra ba'i gdam ngag yin// bde ba tshang ma dung 'grin ma// mi 'gyur gser gyi gdam ngag yin// ma 'gag par ni 'char ba yang // skar mda' lta bu'i gdam ngag yin// thogs pa med par 'byung ba ni// gangs la nyi ma shar ba yin// stong pa ngo spyod yul bzhin bden// ma hA go ya'i ngo sprod dang // a nu yo ga'i ngo sprod dang // a ti yo ga'i ngo sprod dang // sku gsum dbyer med ngo sprod bzhin// bden bzhi tshul
- 146b
gyi rnam pa can// gsal ba ngo sprad brda bzhi ste// longs sku 'dra 'bag phyed skur sprad// sbrul sku 'od khyim kha sbyor sprad// chos sku rin chen men shel sprad// 'du 'bral med pa nyi ma yi// snying po nyid la sprad par bya// brda dang ngag gis bstan pa ni// shes pa brgyad po rtogs pa 'chang // bde ba sprad pa'i dgongs pa ni// sku gsum 'du 'bral med pa yis// bag chags sbubs kyi dgongs pa mchod// longs skus lnga ldan dgongs pa chod// sbrul skus rdzogs ldan dgongs pa chod// chos skus rdzogs ldan chen po chod// bde ldan rnam pa bcu gnyis ldan// mi 'gag pa la sprad pa'i skyon// sngar 'dris mi bzhin mi rtogs pas// skyon bzhi dag dang ldan pas na// de nyid rnam pa bcu drug rig/ thogs pa med pas mtha' bzhi bral// rtag mtha' dang ni chad mtha' dang // yod mtha' dang ni med mtha' dang // mtha' bzhi dag dang bral ba ni// rnam pa nyi shu byang chub pa// ngo spyod rtogs pa thob pa yin// ngo bos stong pa yi ge e// rang bzhin gsal bas yi ge baM// rnam pa bde ba yi ge ma// yon tan mi 'gag yi ge ya// 'phrin las thogs pa med pas khyab// stong pas e ni chos kyi dbyings// gsal bas bam ni ston par bshad// bde bas ma ni 'khor dang ldan// ma 'gag pa ni bstan pa de// thogs pa med par yongs la spro// phun sum tshogs pas rgyud kun
- 147a
gsal// yi ge bzhi'i mthu las byung // stong pas e ni chos kyi dbyings// bzhi snang chen po'i gnas lugs yin// gsal bas bam ni rtsal du shar// rtogs dang ma rtogs 'khor 'das 'byung // sangs rgyas sems can rgyab gyes so// bde bas ma ni lam du bshad// lta ba sgom pa spyod pa yin// lam la bskyod med don gyis 'dug/ mi 'gag pa ni 'bras bu nyid// thogs med tshe gcig sangs rgyas thob// zhes sems phyogs chen po mdzod kyi rgyud las// ye shes nam mkha'i le'u ste bdun pa'o// // de nas 'khor tshogs dpag med pas// ston pa la ni rab tu bstod// mdzod chen drug gis dgongs pa ni// mdzod dang brda sgra ngas rgyud bskor// rtsa rgyud gsang ba'i 'khor lo dang // thugs rje chos dang bshad rgyud rnams// cig shes kun grol mdzod du thim// khyab bdag khyod la phyag 'tshal bstod// zhes byas nas ston 'khor chos nyid du thim mo// sems phyogs chen po nam mkha' mdzod kyi rgyud// ye shes nam mkha' las// rjes su yid rang ba'i le'u ste brgyad pa'o// // ye shes nam mkha' mdzod kyi rdzogs so// // rgya gar gyi paN+Di ta bi ma la mi tra dang // lo tsA ba stegs dz+nyA na ku ma ra dang / ska cog gi bskur ba'o// mang+ga laM// / bkra shis so// /
- 147b
byang chub sems dpa' gsang ba'i theg pa'i rgyud ces bya ba bzhugs so// @##// rgya gar skad du/ bo d+hi tsit+ta a ti b+h+ra ma hA ma/ bod skad du/ byang chub sems dpa' gsang ba'i theg pa zhes bya ba/ bcom ldan 'das dpal rdo rje sems dpa' la phyag 'tshal lo// bdag med gnyis med ye shes sangs rgyas pas// zhen pa bzlog phyir rkyen bshad bsam yas kyang // chos nyid ngang la brjod bya rjod byed med// rtog dang lta sgom la sogs pa'i// bslab pa ma lus kun 'jig pa// gsang ba'i bslab pa yin// rtog pa la sogs su 'dod pa// de la de gsog nam yang med// skyes na 'gag cing 'gag na skye// de ni bdag bcas 'khrul pa'i blo// bdag med gang skye skye rgyu cing // mi skye mi 'gag cir mi rig/ bus pa ma rabs rtogs par 'dod// gang gis gang rtogs ji ltar rtogs// rtog pa bdag med skye med cing // bdag skye 'khor ba ci phyir min// blo dang blo yul ma yin pa'i// 'khor ba skye 'gag rgyu ci zhig/ de bas rtogs pas 'khor bar 'chings// shes rtogs lta bu'i sdig pa ni// stong gsum ma lus srog gcad pas// sdig pas de brtul char mi phod// lha sgom 'bras bu de dang mtshungs// rtog bya rtog byed gnyis med cing // rtogs lha la sogs mi skye na// dgos ched rkyed du de bsogs gsungs// ma rtogs ma bsgoms ma shes na// rdo rje kun tu
- 148a
bzang po yin// bdag med dmigs dang rnam shes ji ltar skyed// dran bya dran byed med de shes dang mi shes bral// rtogs bya rtogs byed med de dgos ched de rtogs brjod// rtogs pa ma skyes pa ni rtogs pa'i mchog/ 'ching grol med pa grol ba'i dam pa yin// bcings na grol zhing grol na 'ching // yul sems gnyis su med pa ni// byang chub sems zhes bde gshegs gsungs// yum sems gnyis su 'dod pa dang // yul med sems la gsal stong dang // yod med rtag chad 'khrul pa'i sems// 'khrul dang ma 'khrul gnyis med la// ma 'khrul dgos ched gnyis yod 'khrul// de de nyid de dgos ched kyis// de mtshon 'khrul pa blo bur dang // med pa dang ni cir mi rung // skabs kyi re shig brjod par zad// yul sems gnyis su med pa na// de min chos med gnyis su med// snod bcud rab 'bring tha ma yis// shad du yod dang bshad du med// bshad bya bshad byed gnyis su med// rtogs su yod dang rtogs su med// rtogs bya rtogs byed gnyis su med// sgom spyod 'bras bu la sogs mtshungs// bya ba med pas grol ba grol// bya med lhun grub rdzogs pa che// rtog sgom 'bras bu 'dod pa dang // thar pa 'dod pa'i yid can la// byang chub nam yang yod ma yin// rdo rje sems dpa'i gsang ba'i thigs pa 'di// dga' rab rdo
- 148b
rje'i thugs la dbyer med thim// zhes lta ba lhag pa byang chub sems kyi gsang ba'i thigs pa zhes bya ba ste/ le'u dang po'o// // bcom ldan 'das dpal rdo rje sems dpa' la phyag 'tshal lo// 'khor 'das rnam pa gnyis la yang // chos can rtogs dang chos nyid rtogs// bya ba yod dang lhun gyis grub// don rtogs rtag rtogs 'dus ma byas// byang chub sems dang 'phrul pa'i sems// rang byung rten byung la sogs kyis// 'khor 'das gnyis su shes med shes// sman rdo tsam na dug spang // sman rdo tsam na dug mi gnas// sman rdo tsam na dug kyang med// sman rdo tsam na dug ma spangs// de bzhin chos rnams thams cad kyang // snang rdo tsam na stong rdo med// stong rdo tsam na snang mi gnas// gnyis dang gnyis med la sogs dang // kun yin gang yang ma yin dang // gang ma yin na kun mi gnas// kun yin na ni gang min med// de bas bya bral shes med dang // brjod med kun bzang rdo rje dgye// shes brjod lta bu'i sdig pa med// brjod bya brjod byed la sogs dang // shes bya shes byed gnyis med na// tshad med thams cad lhun grub skra// mnyam nyid bsam 'das gnyis med du// rang nyid shes shing ma gyur na// tshig tu ji skad brjod gyur yang // dbul pos phyug po'i nor bgrangs 'dra// rang la ma phan gdung pas 'dzin// de bas rang nyid gnyis
- 149a
med na/ shes bya shes byed la sogs med// sbyangs nas rtogs thob phyis 'dod dang // rtogs thob thabs la rten pa dang // bya ba ma bral zabs kyis kyang // yang dag 'bras bu thob pa med// bya med byed bral 'bras bu de// chos nyid don rtogs bde chen 'grub// 'dod pa ma zad 'bras bu dang // 'dod pas grub pa'i 'bras bu dang // 'dod pa med pas len pa ni// bya bral lhun grub shes par gyis// mdor na chos rnams thams cad ni// 'khor dang mya ngan 'das pa ste// 'khor ba'i sems rig 'khrul pa'i sems// mya ngan 'das rig byang chub sems// sems kyi yul dang rang rig yul// spyod yul dag dang ma dag bgyis// 'khor 'das gnyis su rgyal bas mngags/ spyod yul dag pa'i rnal 'byor ni// 'khor bar nam yang mi 'khor te// rtogs pa bstan par ma gyur nas// rten ni khams gsum gnas gyur kyang // sems dgongs rnam dag rdzogs sangs rgyas// gal te bstan par ma gyur na// tshogs drug 'jug pa lhod pa yis// dmyal ba'i gnas su de mi skye// chos nyid rtogs dang ldan pa yis// byol song gnas su de mi skye// 'dod pa'i gdung ba lhod pa yis// yi dwags gnas su de mi skye// 'dod yon lnga la chags med cing // spyod kyang bstan por ma mthong ste// 'khrul zhing rang bzhin med rtogs pas// lha'i gnas su de mi
- 149b
skye// mi'i lus kyi rtogs mthu yis// gal te rten na mi lus te// gang du skyes kyang rnam dag gsal// gang du gsal yang mngon sangs rgyas// de la 'khor ba'i ming mi gdags// de bas gsang sngags bdag nyid che// don med sgra phyir de 'brangs nas// de ni 'thoms nas dmyal bar 'gro// de rtogs dmyal ba'i sa bon zad// de ring phan chod rgyal ba'i sras// gzung 'dzin dben pa rgyal ba ste// de na rtog pa'i sras zhes bya'o// rtog pa zad la rtog zhes te// rtog pa skyes na 'gag par nges// de ni skye 'jig 'khor ba'i chos// mngon par shes pa la yang gnyis// chos can mngon par shes pa dang // chos nyid mngon par shes pa ste// shes par bya byed cig las med// cig po'i don de 'di ltar ste// shes bya shes byed gnyis yod na// chos can yin de chos nyid min// de rang nyid la bye brag mang // theg pa re la lta ba re// de re sgom re mngon shes te// chos nyid mngon par shes pa ni// shes dang shes bya gnyis med la// chos can shes bya yang dag ldan// de spangs na yang de med de// de yod na yang de med do// rnam pa dag na lam chen rnyed// gnyis su med na bde chen thob// gzung 'dzin ngag na ye shes che// bya ba bral na rdzogs pa che// byed pa bral na lhun gyis grub// sems dang chos ni ye nas gnyis med la// rtogs par 'dod pas nam
- 150a
yang thar pa med/ mdor na sems can sangs rgyas kyang // sems chos gnyis su yod med las// rdo rje kun bzang mi gsung ngo // sems dang chos ni gnyis med na// lha rtogs la sogs gang gis kyang // de bas bya bra la lhun rdzogs mod// de bas sman pa'i theg phran kun// sems kyis chos rtogs rtogs pas sman// de bas bya byed drang don mod// ces chos sems gnyis su med pa'i gsang thigs ste// man ngag gnyis pa'o// bcom ldan 'das log par dad sel la phyag 'tshal lo// rtsod dang gdams dang bshad dang gsum// dbye ba 'di yis shes par bya// rang bzhin dag pa'i kun gzhi dang // rtogs pas dag pa'i kun gzhi dang // 'dzin pas gsags pa'i kun gzhi la// 'khor ba'i kun bzhi 'das pa'i gzhi// gnyis ka'i kun gzhi dbye ba yis// 'byung ba dang ni 'byung chen dang // 'byung chung gzhi ste so sor dbye// 'byung ba chos nyid 'byung chen nam mkha' la// 'byung chung re re la yang lnga// chos nyid 'khor 'das kun gyis gzhi// byang sems 'das pa kun gyis gzhi// 'khrul sems 'khor ba kun gyis gzhi// sems dang sems las byung ba dang // sems dang sems las thim pa dang // 'khor 'das gnyis su mkhas par rig/ ci'i phyir na sems zhes na// sems thim pa yi sems zhes na// sems 'dzin pa'i sems
- 150b
zhes so// gang ltar byung yang de de nyid// de de bsreg shad par bu bsnams// ma rig mun pa gsal ba'i phyir// chos kyi pu ti rab tu bsnams// bkres bsgom sdug bsngal zhi bya'i phyir// rin chen sgrom bu phyag na bsnams/ tsha grang sdug bsngal zhi bya'i phyir// me chu'i bsil sgrom phyag na bsnams// gang 'thad theg pa de la stan// rdzogs pa chen po snying khrid man ngag gi rgyud// slob dpon dga' rab rdo rjes yi ger bkod pa rdzogs so// yang ti nag po'i 'bru gcig pa bzhugs so// @##// rgya gar skad du/ shrI man dzu tan tra du/ bod skad du/ 'jam dpal 'dus pa'i rgyud/ 'jam dpal ye shes sems dpa' la phyag 'tshal lo// 'di skad bdag gis thos pa dus gcig na/ 'og min du ni bzhugs nas ni// sangs rgyas sems can rgyab gyes dus// 'khor gyi rdo rje sems dpa' la// yang ti nag po'i bstan pa shar// bsdud byed ro langs bde bas bsdus// gleng gzhi'i le'u ste dang po'o// // de nas rdo rje sems dpa' yis// kye ston pa kun tu bzang po lags// rdzogs pa chen po'i don chen la// dbang la bskur ba'i don rnams dang // lam sbyangs bgrod tshogs bsags pa dang // sgrib sbyang dam tshig dkyil 'khor dang // lha sgom sngags bzlas ting 'dzin dang // sbyin dang tshul khrims smon lam dang // de rnams don kyang bshad du gsol// ces zhus
- 151a
so// 'jam dpal 'dus pa'i rgyud las// zhus pa'i le'u ste gnyis pa'o// // kun tu bzang pos bka' stsal pas// nyon cig rdo rje sems dpa' che// dbang la bskur mi dgos pa ni// bum pa zathabs dang gsang dbang dang // tshig gi dbang du thams cad 'dus// rang lus bum par shes pa ni// de ni dbang bskur dang po yin// rig snang gnyis su sbyor ba ni// de ni dbang mchog gnyis pa yin// ye shes sku'i don chod pas// de ni dbang bskur gsum pa yin// tshig rnams thams cad don la bsdus// de ni dbang bskur bzhi pa yin// dbang rdzas rang la rab rdzogs pas// snang ba rdzas kyi khar ma lus// ces gsungs so// 'jam dpal 'dus pa'i rgyud las// dbang gi le'u ste gsum pa'o// // lam sbyang mi dgos pa'i don 'di'o// 'byung ba lnga la longs spyad pas// de ni tshogs kyi lam pa'o// de nyid 'od gsal nyid du shar// de ni mthong pa'i lam pa yin// gnyis snang med pa'i ye shes gsal// de ni sbyor ba'i lam pa yin// de nyid rig pa rang yin pas// de ni sgom pa'i lam pa'o// de rnams gnyis su med/ par gnas// de ni mthar phyin lam pa'o// ces gsungs so// 'jam dpal 'dus pa'i rgyud las// lam gyi le'u ste bzhi pa'o// // sa rnams mi bgrod don 'di'o// sa rnams mi bgrod rang la rdzogs//
- 151b
mnyam par shes nas sa rnams kun dang mnyam// bgrod med don la gang gnas pa// de ni sa rnams non pa ste// gang zhigs rnams bgrod 'dod pa// phyin pa'i dus med non pa'i thabs med te// dper na ri dwags smig rgyu snyegs dang mtshungs// zhes gsungs so// 'jam dpal 'dus pa'i rgyud las// sa'i le'u ste lnga pa'o// // tshogs rnams mi sog don 'di'o// tshogs sog don la rnam gnyis te// rgyu'i tshogs dang 'bras bu'o// rgyu ni thig le lhun grub pa la// 'bras bu thams cad mkhyen pa ye shes so// gnyis su med pa'i chos sku la// tshogs nyid rnam pa gnyis rdzogs pas// tshogs rnams mi sog ye nas rdzogs// gnyis snang med pas bsag tu med// ces gsungs so// 'jam dpal 'dus pa'i rgyud las// tshogs kyi le'u ste drug pa'o// // sgrib pa sbyang ba'i don 'di'o// sgrib pa la yang rnam bzhi ste// rig pa sprul pa'i / sguskur grub pas// shes bya'i sgrib pa de la med// snang ba rang snang long sku la// nyon mongs sgrib pa sbyang du med// gnyis snang med pa'i thig le la// las kyi sgrib pa sbyang du med// chags pa rang 'byung ye shes la// bag chags sgrib pa sbrang du med// thams cad thig le chos sku la// sgrib pa bzhi po gang du spang // sbyang ba'i sa dang sbyang ba'i rgyu// gnyis spyod phyir na yang ti min// ji snyed theg pa 'og mar gol// gol sa bcad
- 152a
phyir don 'di bstan// ces gsungs so// 'jam dpal 'dus pa'i rgyud las// sgrib pa sbyang ba'i le'u ste bdun pa'o// // dam tshig bsrung du med pa'i don 'di'o// chos sku khyab pas cig pa'i phyir// bsrung ba'i dam tshig sa ma ya// 'bum sde bkod pa'i tshig yin te// tshig la mi rten rang byung bas// de rnams thig ler 'dus pas na// thams cad bsrungs bya gang yang med// bsrung bya bsrung byed gnyis byung na// de ni yang ti nag po min// yul dang yul can yin pa'i phyir// theg pa 'og ma'i khyu ru gol// de phyir ye srungs don 'di stan// zhes gsungs so// 'jam dpal 'dus pa'i rgyud las// dam tshig bsrung ba'i le'u ste brgyad pa'o// // dkyil 'khor bskyed du med pa'i don 'di'o// lte ba mu khyud 'khor lo 'phags// zla kham rin chen zur gsum rnams// rang las snang ba phyir du shar// de la dam par 'dzin pa ni// theg pa 'og ma'i 'dod gzhung ngo // yang ti nag po 'di ltar 'dod// phyi'i dkyil 'khor rang snang yin// nang gi dkyil 'khor rang byung yin// gsang ba'i dkyil 'khor gnyis med yin// yang ti'i dkyil 'khor bstan pa ni// thams cad ye nas sangs rgyas yin// yin par shes pas bskyed du med// ces gsungs so// 'jam dpal 'dus pa'i rgyud las// yang ti nag po'i dkyil 'khor gyi le'u
- 152b
ste dgu pa'o// // lha la sgom du med pa'i don bstan pa// dbyings phyug la sogs yum rnams ni// rang snang yul du bzung bas 'khrul// he ru ka sogs yab rnams ni// rang shar rtags te yab tu bzung // thugs las skyes pa'i sras mchog ni// yab kyi rang byung cha las bzung // de'i yum rnams thams cad kyis// yum gyi snang ba'i cha las bzung // gnyis med zer gyis gnyis su sgrub// des na sgrub pa'i gol sa yin// yang ti nag po'i lha sgom ni// rig pa'i ye shes thams cad lha// rig pa'i lha la mdun rgyab med// yab yum gnyis su phyi nang med// phyi nang med pa'i thig le'o// de yi don ni dkyil 'khor yin// zhes gsungs so// 'jam dpal 'dus pa'i rgyud las// lha sgom pa'i le'u ste bcu pa'o// // gsang sngags bzlas su med pa ni// mi gsung mnyam par shes pa ni// de ni sngags kyi ting 'dzin yin// thig le gcig tu gnas pa ni// de ni sngags kyi 'phro 'du'o// thams cad mkhyen pa'i ye shes shar// de ni sngags kyi grangs tshad do// lhun gyis grub nas rang la rdzogs// de ni sngags kyi 'bras bu'o// zlas pa'i dus dang / grangs rnams dang // dngos grub gzhan nas re ba ni// de ni yang ti nag po min// brjod med don la gang gnas pa// gsang sngags kun gyi bdag po'i mchog/ ces gsungs so// 'jam dpal 'dus pa'i rgyud
- 153a
las// sngags bzlas pa'i le'u ste bcu gcig pa'o// // smon lam gdab tu med pa ni// thams cad yang ti nag po la// shis par yul brjod ga la yod// thams cad bkra shis chen po yin// ye nas shis pa'i 'dug tshul la// da brjod shis pa brjod mi dgos// ye nas lhun grub chos sku la// da lta smon lam gab tu med// yin phyir smon lam gdab mi dgos// min par btab pas dgos pa med// ci ste nam mkha'i me tog 'dra// zhes gsungs so// 'jam dpal 'dus pa'i rgyud las// smon lam dang shis pa brjod med bstan pa'i le'u ste bcu gnyis pa'o// // tshul khrims bsrung du med pa'i don bstan pa// tshul khrims dus rnams thams cad du// ma srung ma nyams ye nas srungs// ye srungs gdeng dang ldan pa la/ da bsrungs zhes ni gang 'chad pa// de ni nyan zos sde par gol// yang ti nag po'i tshul khrims ni// lhun grub thig le chos sku la// srung du med snang med pa'i phyir// thams cad ye srungs chen por 'dug/ de ni tshul khrims chen po yin// dam tshig chen po de yin no// zhes gsungs so// 'jam dpal 'dus pa'i rgyud las// tshul khrims dang dam tshig bsrungs pa'i le'u ste bcu gsum pa'o// // sbyin pa sbyin sa med par bstan pa ni// sbyin pa kun gyi rtsa ba ni// snang ba 'od gsal don rtogs pas// longs sku'i sbyin
- 153b
pa chen po thongs// rig pa rang byung sbrul sku la// sbyin pa len pa'i yul kyang rdzogs// snang ba med pa'i chos sku la// rang gi rig pa sbyin pa rdzogs// snang bya snang byed gnyis med cing // btang bya stong byed gnyis med pas// yang ti nag po'i sbyin pa rdzogs// grags snang gzhan gyi sbyin pa rdzogs// yul dang yul can sbyin pa stongs// gnyis med gnyis su btang bas gol// zhes gsungs so// 'jam dpal 'dus pa'i rgyud las// sbyin pa yongs su btang bar bstan pa'i le'u ste bcu bzhi pa'o// // de nas rdo rje sems dpas bka' stsal te// dngos po'i gnas las byung ba yi// yang ti nag po'i don rdzogs pas// sems can dbang po sman pa dang // rang gi shes rab chung ba dang // grol ba'i thabs chen bstan du gsol// zhes gsungs so// kun tu bzang pos bka' stsal pa// sems can dbang po zhan pa la// ngo sprod bzhi yang sbyor du chug/ 'khrul pa'i rtsa ba gting nas zon// lhag mthong rig pa'i 'khor lo bskor// de ni ngo sprod gnyis pa'o// yid phung zag nag po rtsad nas chod// rig pa gos dang dpral ba'o// de ni ngo sprod bzhi pa'o// yang na bar do'i rkyen gsum ston// snang ba ngo sprod bla ma'i ngag/ rig pa gcer bu bzung ba dang // rig pa gos dang dpral ba dang // gzung 'dzin zhags pa bcad pa'o// 'bring dang tha ma'i man ngag go/ rab kyi
- 154a
dben dbang rnam pa gsum ste// rgya mtsho sbu ba nam mkha'i sprin// ut+pa la yi mdog bzhin no// yang na dpe cig 'di lta ste// ba na se'i 'bras bu bzhin// gzhi las 'das pa med pa'o// zhes gsungs so// 'jam dpal 'dus pa'i rgyud las// gnas lugs la ngo sprad pa dang ma grol ba grol bar bya ba'i le'u ste bco lnga pa'o// // de nas rdo rje sems dpa' yis// bcom ldan kun tu bzang po la// legs so zhes ni rab bstod nas// bdag cag shin tu yid rang ste// rgyud chen 'di la ming 'dogs zhu// zhes gsungs so// kun tu bzang pos bka' stsal pa// nga'i byin bshad rgyud chen 'di// 'jam dpal ye shes 'dus par zung // thams cad gang yang ma lus rdzogs// thams cad 'dus pa'i rgyud du zung // sangs rgyas rang 'khrungs bstan pas na// sangs rgyas 'dus pa'i rgyud du zung // ye shes rang la bstan pas na// ye shes khong shar rgyud du zung // lha sgom spyod pa sun 'don pas// lhun grub rang chas rgyud du zung // zhes gsungs so// zhu ba po rdo rje sems dpas zhus// sdud pa po ro langs bde bas bsdus// 'jam dpal 'dus pa'i rgyud las// mtshan ma'i le'u ste bcu drug pa'o// // yang ti nag po'i 'bru cig pa rdzogs so// // dge'o// //
- 155a
/ rdzogs pa chen po sa gcig pa zhes bya ba bzhugs so//
- 155b
rgya gar skad du/ san ti dar ba/ bod skad du/ rdzogs pa chen po sa gcig pa/ swa sti dpal gyi dpal/ bcom ldan 'das dpal kun tu bzang po sku gsung thugs rdo rje bde ba chen po lhun gyis rdzogs pa la phyag 'tshal lo// sna tshogs rang bzhin mi gnyis kyang // cha shas nyid du spros dang bral// ji bzhin pa zhes mi rtog kyang // rnam par snang mdzad kun tu bzang // zin pas rtsol ba'i nad spangs te// lhun gyis gnas pa bzhag pa yin// byang chub kyi sems rig pa khu byug rdzogs so// // bcom ldan 'das 'jam pa'i dbyangs la phyag 'tshal lo// mi gnas dmigs pa'i yul med mi rtog chos kyi lam// bsngo ba'i cha shas phra ba'i yul las byung ba ste// rtog sgom chos kyi sku ni khyad par don med
- 156a
pas// rang byung ye shes mi rtog kun tu ji bzhin gnas// bya bral yul la mi gnas gnyen pos bcos su med// yan lag chos kyi dbang gis snying po'i yul tshol zhing // rnam pa cir yang mi rtog thabs kyis bde la rol// snying po rang bzhin 'byung bas chos sku gzhan na med// rdul phran gcig las brtsegs shing phyogs bcu kun dang bral// mi gnas don nyid legs pa'i ye shes rang byung ste// mngon sum kun tu mi rtog yangs pa'i snying po la// rnam dag lam 'dir zhugs pas mnyam pa'i rgyal po thob// mi 'gyur 'gyur ba med pas chags pa'i gnas med de// de bzhin gzung ba'i yul med chos kyi gnas kyang med// mngon sum thob par 'dod pas rgyu la rtag tu bsgom// sgom chags bde ba de la mnyam
- 156b
pa'i don mi 'byung // sku gcig kun tu khyab pas bsnun pa'i chos med de// mtha' la thug pa med cing dbyings la bri ba med// chos nyid rol pas nyams bag lhag pa'i gnas med de// rang byung che ba'i yul la kun tu ji bzhin gnas// ngo mtshar mthong ba'i yul med de la mthong ba'i dmigs// gang la thob par mi rigs rnyed pa kun dang bral// chos dang chos nyid rtag tu 'dres shing dbyer med la// don dam chos zhes lhag par bshad pa med// 'khrul dang byang chub lam ste rtog pas thob pa med// rang byung ye shes nyid kyang tshig gi mtha' dang bral// ye nas sangs rgyas bdag nyid mngon sum gnas pa la// grib ma gzugs kyi dpe bzhin de la rtog pa 'byung // med de med pa ma yin med pa'i snying po 'byung // stong ste stong pa ma yin stong pa'i yul la gnas// nam mkha'i rang bzhin de la 'byung ba'i dran pa skye// bya bral zin pa'i bde ba 'dod pa med pas len// bza' ba'i yul med de las ye shes 'byung bar rtsom// sngon gyi drang srong rjes su sgom pa'i yid kyang 'jog/ rang bzhin lam ste 'khrul pas thams cad mkhyen pa med// ji bzhin pa zhes rnam rtog ji bzhin rtag sgom pa// bde ba chen po 'dod pas chags pa'i nad yin te// mi g.yo rang bzhin gnas pa'i sman chen ma byas na// mtho ris bgrod pa'i rgyu des nyon mongs zin par
- 157a
'gyur// lam med lam du 'jug pa rnams kyi nad che ba// phyin par 'dod pas ri dwags smig rgyu snyeg pa 'dra// rnyed pa'i yul med 'jig rten gsum las yong mi 'byung // sa bcu ltos pa'i gnas kyang byang chub sgrib pa yin// shin tu myur ba'i ye shes bsam pa kun dang bral// bshes gnyen kun las 'byung ba'i nor bu rin chen bzhin// dmigs pa med cing 'gyur ba med pa'i gnas la mi ltos par// rang gi rang bzhin legs pas re ba thams cad skong // brtags na med la gzhan na sna tshogs 'byung ba'i legs pa che// dngos su mi snang chags pa'i cha lugs kun la ston// bdag dang gzhan du bral ba'i ston mkhan rin chen mdzod// thams cad grub pa'i yul zhes bdag med snying rjes bstan// nang nas ma g.yos nang du btsal ba'i yul med de// yul phyir chags shing yul la bsngo ba'i dmigs pa med// mi 'byung mi 'jug bdag med snying rje de yin na// gzhan gyi nor min mi 'ong ye nas gnas pa yin// bde ba 'dod pas bde la rgyab kyis phyogs// bde nges zin te bde bas bde ba 'tshol// byang chub 'khrul pas ye rngam chos la za// de lta'i yul can sangs rgyas mthong ba med// sangs rgyas med pas sangs rgyas ming yang med// sangs rgyas ston pas ming du brtags pas nor// sangs rgyas gzhan na thob med nor ba'i lam//
- 157b
gzugs med chos kun bshad pa rdul tsam med// zin pas chags dang bral dang zhi// dngos po med dang rnam par spang // bdud rtsi chen po'i rang bzhin la// bza' ba'i thabs la reg pa med// yangs so che'o chos chen po// chung ngu rnams kyi gnyen po yin// che la dmigs pa'i cha mnyam nas// chung ngu de rnams dmigs dang bral// gsungs dang rgyas la dmigs dang snang // sgyu mkhan ri mo'i rnam pa bzhin// 'byung 'jug ye shes bying rmugs kyis// de yi dbang las skye bar 'gyur// btang ngo bzhag go rang bzhin te// 'dod pa med cing len pa med// brod pa rdul tsam mi skye zhing / khyung chen nam mkha' lding ba ltar// spro ba med cing bsdu ba med// stong par mi dogs bza' ba med// bza' ba'i yul dang bral te re dogs med// rgya mtsho bzhin du ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying por de ma zag/ ting 'dzin rgyal po chen po 'byung // snang ba rgya mtsho chen po bzhin// mi rtog nam mkha'i mkha' ltar yangs// kun tu bzang po'i spyod yul la// skye zhing 'pho ba'i gnas med de// rgyu rkyen yan lag bcu gnyis po// skur bas btags pas bshad pa yin// 'khrul pa rnams kyis sgo tsam du// mkhas pas de bzhin shes par gyis// 'gro ba'i rgyud drug
- 158a
snang ba yang // dang po'i lam du shes par gyis// 'dod spyod snying rjes brnal pas na// gang du dga' bar byang chub spyod// shan pa smad 'tshong mtshams med lnga/ kha na ma tho 'jig rten spong // yongs su rdzogs pa chos kyi rtsi// bde ba che las gzhan med do// rnam pa mi rtog snying po 'di// yongs kyi rgyud la sbas pa med// mi len byang chub spyod lam la// rnam pa kun tu rang bzhin gnas// yul thams cad la 'jug pa'i bsam gtan du bya ba/ rnam par mi rtog pa'i snying po/ man ngag 'di rnams kyang sems chos nyid du gyur pa rnams kyi rna bar brgyud pa/ khyung chen lding ba rdzogs so// // // rgya gar skad du/ Ar+ya pad badz+ra sad tra/ bod skad du/ rdo rje sems dpa'i lta ba/ rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun grol phyir// mi skye mi 'gag cir mi dgongs// byams pas don nyid rnams sbyong phyir// rdo rje chen pos cir mi mdzad// che ba'i che ba zab mo yi// yon tan cir yang bsngags pa med// don rnams ji bzhin mi spyod de// bya ba med pas grol bas grol// rang byung ye shes brtsal med pas// grol nas grol ba'i lam yang ston// 'byung ba chen po bcom ldan 'das// chub par gnas pas bcom ldan 'das// grol ba kun la rang bzhin
- 158b
gnas// phyin ci log tu rnam rtogs kyang // grol bar rang byung gzhan las min// che ba'i ye shes rnyed dka' ba// shes rab thabs la brten pas 'grub// ming tsam gzhan las brten 'dra yang // mngon sum bde bar rang las byung // cho 'phrul chen po dka' ba min// yon tan kun dang stobs kyi rnams// ji bzhin rtogs pa'i phra ba yis// de ma thag tu 'byung bar 'gyur// snang ba med pa'i chos nyid ni// mi btsal gzhan pas sgom pa min// de dang der ni rnams btsal na// de las de bzhin de mi 'byung // mchog tu gsang ba'i chos nyid ni// rna dbang gzhan las thob mi 'gyur// de bzhin lce yi dbang pos kyang // de la brjod du rdul tsam med// 'gro ba'i sdug bsngal byang chub sems// kun tu chub pas rnam par rol// de la bskyod pa med bzhin du// nam mkha'i mtha' ltar mnyam par gnas/ khyad par ci yang mtshungs pa la// las so zhes pa rnam par brtags// ji ste de yi dbang gyur na// rang byung ye shes yod ma yin// rgyud nyid rdo rje rkyen dang 'dra// ma skyes pas na 'jigs pa med// gdod nas snying po byang chub la// rtsol ba'i bsam pas dbyings mi bskyod// yon tan che ba'i bsam gtan ni// bsam gtan nyid pas bsam du med// ma bsams ma sbyangs chos nyid du// rnam rtog nyid las ye shes skye// phra ba'i sgo mar ming btags
- 159a
nas// sems kyi dben pas lam tshol zhing // dgon pa'i brgyud du dben 'dzin te// brtags na rnam par rtogs 'gyur bsgom// rgyu dang 'bras bur ming 'dogs shing // dge sdig gnyi ga rnam par sel// 'jig rten 'di las 'byung ngo zhes// blang dor brod pa mchog tu bskyed// chags dang ma chags tshig gi lam// sgyu ma bzhin te brag cha 'dra// bde dang sdug bsngal rgyu mthun zhes// 'gro ba'i mgon po sems dpas gsungs// 'dod chags zhe sdang gi gti mug kyang // byang chub chen po'i lam las byung // kun sbyong yon tan rnam lnga yang // chos nyid dbyings kyis rgyan zhes gsungs// nam mkha'i rtog pa skye med pa// rtog pa de nyid nam mkha' 'dra// mi chags nam mkha'i sngo ba las// rang don chen po nam mkha' 'byung // rtog med mnyam nyid chos kyi sku// bzung bas mi zin chu zla 'dra// kun tu bzang po'i rol pa yi// A li ka li zab tu bstan// de ni a dang mdzes pa'i ta// pa dang yan lag spro ba bzhin// 'jig rten yongs kyis spyod yul la// sangs rgyas gsung gi zab mo 'byung // e ma'o sangs rgyas spyod yul 'di// btsal bas rnyed pa'i gnas med la// drug gi chos bzhin yul med pas// mdongs pas nam mkha' stabs pa bzhin// gong nas gong du tshangs pa'i lam// bya bral chos dang mthun pa bzhin// ci ste lam la
- 159b
bgrod 'gyur na// nam mkha'i mtha' bzhin thug pa med// de ltar de bzhin de yi phyir// de ltar de bstan de yang thob// de ni snying po de bas na// de las de 'byung ngo mtshar che// sngon gyi de dang de ltar de// de bzhin de ni gnas su che// de ltar de'i lam 'dra bar// de ni de yi rang bzhin no// de dang 'dra ba yongs kyi lam// zla ba las byung rten dang bcas// kun gyi mnyam pa de nyid yin// phyogs su bltas pas grub pa med// da lta'i bde dang phyi ma'i bde// mngon sum pa dang rgyab nas byung // de yang rnam pa'i skyon yin pas// de la brten par mi bya'o// dus gsum gcig ste khyad par med// sngon med phyir med gdod nas byung // chos sku khyab pas gcig pa'i phyir// che bas chen por rang bzhin gnas// srid pa gsum na sbyor ba yang // ming tsam sgyu mar snang ba ste// 'khor lo sgyur ba'i gnas chen yang // sgyu ma sbyor ba'i sti gnas yin// rnam dpyod dus la ltos pa rnams// dus de 'byung bar mi 'gyur te// ma bral smon pa med pas na// stong pa'i mtshan nyid gsungs pa bzhin// gcig ste rnam par yongs kyis med// rnal 'byor nam mkha' bya lam gnas// ma byung mi skye snying po la// sgro btags chos su ga la yod// phyi nang gnyis ka phyi nyid na// zab mo cha shas rtogs yul med// srid pa ming tsam log pa'i stobs// de bas ting 'dzin mnyam dang bral// de
- 160a
la tha tshig phyi dang nang // de bzhin phung po khams bzhin gnas// dus gsum 'di dang mi 'bral bas// tha tshig ming du btags pa med// mi g.yo ba ni sku yi brgya// mi bskyod pa ni ye shes che// mi len pas na bdag nyid cing // mi 'dor tshig bral mnyam nyid do// gang dang gang gis gang du yang // kun bkol kun spyod bdag las byung // 'di la skyes pa bud med ces// mnyam pa'i rgyal pos yongs ma gsungs// de la brtul zhugs drag shul gyis// gnas su bya ba'i ming med de// a dang par ni rnam ldan na// sgyu ma'i bde ba skye bar 'dod// rang bzhin gcig tu ma nges pas// ji ltar bltas pa der snang ste// / snang 'dod rtsol sems bde ba yang // de ni de sgrib skyon chen yin// byang chub yan lag kun gyi sgo// ma chags bsgoms pa chu zla bzhin// ma gos ma chags 'byung 'gyur yang // bsgoms pas bying ba'i spyod yul bzhin// dkyil 'khor khro gnyer cha lugs kyi/ khro bdag chen po'i cha bzung nas// yi ge mngon du byung na yang // zhi ba de nyid mthong ba min// nyon mongs pa yi dbang gis ni// ta la'i mgo bo bcad pa dang // sa bon me yis bsregs pa bzhin// de yi dbang du mi 'gyur ston// rnam grangs brgya stong phrag yangs pas// gang ltar spyod kyang me tog skye// mtshan ma med pa'i dbang gis na// bsti gnas 'di las
- 160b
'byung mi 'gyur// gleng bral 'di la gnas pa yi// rnal 'byor de ni skal pa bzang // bdag dang gzhan don mi byed pas// sgyu ma'i lhun grub yul las rol// lhag ma med pas yongs su rdzogs// 'gyur ba ma yin dang por gnas// nam mkha' bzhin te mtha' mnyam zhing // gzhan la stobs 'gyur chos ma yin// lhun gyi grub pa'i bde chen te// mtshungs pa med pa'i chos nyid kyis// rang gi mthu yi rig pa las// chos ni 'byung bar mi 'gyur ro// sla zhing dka' la sla phyir dka'// mngon sum mi gnas kun tu khyab// mngon sum 'di zhes bstan par ni// rdo rje sems dpa' mtshon du med// ngo mtshar rmad byung rol pa 'di// bya bral nam mkha' ji bzhin te// ci yang mi dmigs gti mug las// de ma thag tu nga las byung // 'di ni thams cad mtshungs pa'i lam// 'gro ba kun gyi rang bzhin gnas// thabs mkhas pa yi spyod yul yin// sman nyid sman pa tshol ba bzhin// go ba'i yul na bde ba che// 'di ni rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges gzha' tshon kha dog gsal// rigs kyis khyad par mngon par snang // de bzhin g.yo brtul mi g.yo ba// 'byung ba lnga las gtso chen yin// 'das dang ma byon da ltar gyis// tha snyad ming la mi gnas te// skye 'gag med par gnas gtogs
- 161a
shing // de nyid dus gsum chen por sbyor// mnyam pas rim par bkod pa med// gcig pas phyogs su sngo dang bral// chos kyi rgyan rnams bkram pa yang // rang bzhin gnas pas 'grim pa med// / lhun gyis grub pas mi sngo zhing // gdod nas dag pas bdud rtsi yin// 'du byed bcu gnyis khyad par du// lhag pa'i bsam pas bzung ba med// yid kyis bsams pas yon bdag ste// bltas pa'i stobs ni bkram pa'o// mthong bar gyur pa dngos grub la// de ni mnyam gzhag rdzogs pa'o// yud tsam bzung bar sbyor ba yin// dga' bar gyur pa dam tshig ste// thabs kyis gar thabs spyod pa yang // gnyis min sbyor ba phul ba yin// mi bzung gtong bas gtor ma yin// byed pa med pas las rnams yin// mi rtog ye shes gegs bsal nas// mi gsungs mnyam pas sngags tshig go/ bla ma mchod dang gtong ba dang // de bzhin bsod nams thams cad kyang // ma chags mi g.yo stobs med na// byas na 'ching ba chen por 'gyur// de bas de bya sgrib par 'gyur// de ltar de la de rtog na// de la de nyid grub pa med// byang chub sems mi nub pa'i rgyal mtshan lta ba nam mkha' che rdzogs so// // rdo rje sems dpa' nam mkha' che u rgyan gyi slob dpon dga' rab rdo rjes dpal a su ra 'od ldan gyi brag phug tu gsungs pa rdzogs so// /
- 161b
rgya gar skad du/ b+ha ba sam pu Ta a mr-i ta ra sa khA hi la sam pa ra a ti an ta tse da tan tra nA ma/ bod skad du/ snang srid kha sbyor bdud rtsi bcud thigs 'khor ba thog mtha' gcod pa'i rgyud ces bya ba/ bcom ldan 'das mtshon med brjod las 'das pa'i sems nyid skye med kun bzang la phyag 'tshal lo// 'di skad bdag gis bshad pa'i dus cig na// 'og min gyi gnas mtha' dbus med pa'i gzhal yas khang / chos nyid kyis stong ra/ kun gzhi khyab brdal chen po'i dkyil 'khor/ rin po che'i 'od spungs pa/ 'od zer 'phel 'grib tu 'phro ba/ de'i gnas ni/ snying po don gyi sku gsum 'di ltar bzhugs/ bsam bral blo 'das brjod med chos sku dang // 'gag med bsam 'das skye med longs sku dang // thugs rje kun khyab 'dren med sbrul sku gsum// de ni ston pa'i phun sum tshogs pa'o// de'i 'khor yang 'di lta ste/ don gyi 'khor dang / ye nas gnas pa'i 'khor dang dus gsum gyi 'khor ro// don gyi 'khor ni 'di lta ste/ sems nyid skye ba med pa la/ rig pa 'gag pa med pa'i 'khor dang / chos nyid 'gyur ba med pa la/ yid 'gyur sna tshogs kyi 'khor dang / sems nyid gnyis su med pa la/ gzung 'dzin gnyis snang btags zhen pas 'khor ro// ye nas gnas pa'i 'khor yang 'di lta ste/ sa dang chu dang me
- 162a
dang rlung nam mkha'o// dus gsum gyi 'khor yang 'di lta ste/ 'das pa'i sangs rgyas dang / ma 'ongs pa'i sangs rgyas dang / da ltar ba'i sangs rgyas so// gzhan yang 'khor gyi tshogs ni 'di lta ste/ rjes su rnal 'byor dang / shin tu rnal 'byor dang / rnal 'byor chen po'o// nyid kyi rang bzhin gyi 'khor yang 'di lta ste/ rang bzhin lta ba'i 'khor dang / rang bzhin rtogs pa'i 'khor ro// de dag ni 'khor phun sum tshogs pa'o// bstan pa'i don yang 'di lta ste/ ye nas mtshon du med pa'i bstan pa dang / de la mtshon pa'i chos kyi sangs rgyas dang / sangs mi rgya ba'i bstan pa dang / mtshon bya mtshon byed gnyis med de/ tshig dang yi ge mi bzlog bstan pa'o// bstan pa phun sum tshogs pa'o// dus bstan pa ni 'di lta ste/ 'das pa'i rjes mi gcad/ ma 'ongs pa'i sngun mi bsu/ da ltar rkyen khar mi shor te/ dus gsum dbyer med kyi dus sngon du byung rjes 'jug gdung gsob dus/ dus phun sum tshogs pa'o// de nas 'khor tshogs de'i nang nas/ rdo rje sems dpas 'di skad zhus/ kye kye ston pa sems nyid kun bzang lags// phun sum tshogs don de ltar na// thog ma gzhi yi gnas lugs dang // sangs rgyas sems can so mtshams dang // yar 'khrul mar 'khrul bye brag dang // cis lan cis phan gtan tshigs dang // nga nyid rtogs par byed
- 162b
thabs dang // rtogs nas 'bras bu'i thob lugs dang // mi 'gyur gdeng gis zin lugs dang // yang ti spyi yi gnas lugs dang // rjes 'jug rnams kyi rtogs thabs dang // de dag zab par ston pas gsungs// snang srid kha sbyor bdud rtsi bcud thigs 'khor ba thog mtha' gcod pa'i rgyud las/ gleng gzhi phun sum tshogs pa yongs su bkod pa'i le'u ste dang po'o// // de nas 'khor gyi nang nas rdo rje sems dpa' stan las langs te/ pus mo btsugs thal mo sbyar nas 'di skad ces gsol to// bka' chen bshad lugs ji ltar lags// sems nyid kun bzang gsung du gsol// zhes gsol pa dang / ston pa sems nyid kun bzang gis// 'dus pa'i tshogs la bstan pa'i phyir// rin chen 'od 'bar gzhal yas khang // dbyings chen chos nyid stong pa ru// chos thams cad g.yo ba med pa'i ting nge 'dzin la snyoms par zhugs so// de nas 'dus pa'i tshogs rnams kun tu 'khor bar gzigs nas ting nge 'dzin de las bzhengs nas/ 'khor rnams la 'di skad ces bka' bstsal to// de yi spyi ti yo ga 'di/ 'dus pa'i 'khor la bstan par bya// 'khor rnams ma yengs gus par nyon// yang ti'i spyi yi bshad lugs 'di// theg pa gzhan las 'byung mi 'gyur// ma byung mi 'byung 'byung mi 'gyur// bka' chen bshad
- 163a
/ lugs gsum du bshad// skye med mtshan med bshad pa dang // bla dwags tshig gis bshad pa dang // mtshon pa brdas 'gro la bshad pa'o// thun mong bshad lugs rnam gsum yang // byin gyis brlabs kyis bshad pa dang // rang gi ngo bos bshad pa dang // bsdebs sbyor tshig gis bshad pa'o// a ti spyi yi bshad lugs ni// skye med chos sku'i bshad lugs dang // 'gag med longs sku'i bshad lugs dang // thugs rje sbrul sku'i bshad lugs so// dbye bas gsum gsum dgu yin te// spyi don gsum du shes par bya// skye med mtshon med bshad lugs dang // mtshon pa'i chos kyis sangs mi rgya// mtshon las 'das pa'i chos shig dgos// bshad pa'i chos kyis sangs mi rgya// ma bshad pa yi chos shig dgos// bstan du med pas sangs mi rgya// bstan ston med pa'i chos shig dgos// rtag pa'i chos kyis sangs mi rgya// blo las 'das pa'i chos shig dgos// byas pa'i chos kyis sangs mi rgya// ma byas ma byung chos shig dgos// bsgrub pa'i chos kyis sangs mi rgya// byar med spros bral chos shig dgos// skye med mtshon med bshad lugs so// bla dwags tshig gis bshad lugs ni// mtshan nyid bde gsum bshad lugs dang // kro yog sde gsum bshad lugs dang // bskyed rdzogs rnam gsum bshad lugs dang // rim pa dgu yi bshad lugs ni// 'di
- 163b
ru mi brjod rang rang zhib// mtshon pa brdas 'grol bshad lugs ni// a he he he a la la la ho// shin tu ngo mtshar che ba'i bka'// s+thi ti yang ti 'di lta bu// gzhan na med de a la la// nga yi rang bzhin 'di lta ste// yod ni ci yang med pa la// snang ni cir yang snang ba'o// dngos po ci yang med pa la// rtag pa kun gyis rtsa ba byas// brjod pa'i yul du ma grub te// ming tshig kun gyi rtsa ba byas// tha snyad gang gis ma gos te// tha snyad kun gyi rtsa ba byas// skye shi kun dang bral ba la// skye rgas na 'chi'i rtsa ba byas// bskyed pa kun dang bral ba ste// thams cad bskyed pa'i gzhi ma byas// 'byung ba'i gzhi ma ma grub ste// snang srid skye 'gag 'byung ba'i gzhi// phyogs mtshams mtha' dbus kun bral te// mtha' dbus phyogs kun brten par bya// de sogs phyi nang bsam las 'das// ma nos bsam pa'i rtsa ba byas// byas kyang don gyis ngo bo ni// tshogs brgyad yul du ma gyur pa// rang bzhin mi dmigs brjod dang bral// gang gis kyang ni mtshon mi nus// rin chen 'od 'bar rang bzhin ni// mtshon dus ci yang med pa ste// ston ni rnam pa gnyis su ston// 'byung ni brgyad khri bzhi stong 'byung // bsdu na theg pa rim dgur bsdus// la ni tsi te ya ste bzlas// yin ni byang chub sems nyid yin// gnas pa skye med dbyings na gnas// gsal ni 'od kyi
- 164a
nang nas gsal// snang ni snang srid kun tu khyab// mthong du mtshan ma'i dngos po med// brjod du dmigs pa'i ngo bo med// bsam du blo yi yul las 'das// rig tu rig tshor rtsad nas bcad// dran du sems kyi gzhi ma rnyed// des na mtshon brtag kun dang bral// mtshon pa brdas 'gro la bshad lugs so// skye med chos sku'i bshad lugs ni// chos rnams skye med dbyings su bshad// 'gyur med chos sku'i ngo bor bshad// brjod med klong du bstims na bzhags// longs spyod rdzogs sku'i bshad lugs ni// chos rnams 'gags pa med par bstan// brdal khyab 'gags med longs sku'o// thugs rje'i sbrul sku'i bshad lugs ni// snang srid gnyis med sprul pa'i sku// sna tshogs snang la ngos bzung med// snang ba yul chags zhe na med// dran med sbrul sku'i bshad lugs so// byin gyis rlabs kyis bshad pa ni// ye thogs ye gnas ye dbyings nas// dbyer med ston pa nga yis bshad// snying po'i klong nas kun tu bzang pos bshad// rdo rje sems dpa' 'od gsal gnas nas mnyan// rang gsal khye'u chung 'od gsal sbubs nas bshad// rang gsal chen por kun gnas sbubs nas mnyan// rang gsal chen pos kun gsal gnas nas bshad// dga' rab rdo rje ri rab rtse nas mnyan// dga' rab rdo rjes ri rab rtse nas bshad//
- 164b
'jam dpal bshes gnyen ri rab rked nas mnyan// 'jam dpal bshes gnyen ri rab rked nas bshad// klu rgyal 'jog pos rgya mtsho'i gting nas mnyan// bstan pas go ba ma yin te// byin gyis brlabs kyis bshad lugs so// rang gi ngo bos bshad pa ni// byang chub sems kyi ye shes te// ston pa'i sa yi skur byung nas// tshig dang yi ger mi ston te// bdag tu mi rtog gzhan mi rtogs// mi rtogs mnyam pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi 'od zer te// ston pa chu yi skur byung nas// tshig dang yi ges mi ston te// bdag tu mi 'byed gzhan mi 'byed// mi 'byed mnyam pa'i dgongs pa ston/ khams gsum sems can thams cad kyi// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi ye shes de/ ston pa med pa skur byung nas// bdag tu mi 'dzin gzhan mi 'dzin// gzung 'dzin gnyis med dgongs ston pa/ khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi rang bzhin te// ston pa rlung gi skur byung nas// bdag tu mi bsgrubs gzhan mi spongs//
- 165a
dgag sgrub gnyis med dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi ye shes de// ston pa nam mkha'i skur bstan nas// bzang po mi bsgrub ngan mi 'dor// dbye gsal med pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// btsal ba'i bsam pas dbyings mi bskyod// de ni snang srid thams cad kyis// tshig dang yi ger mi ston te// rang rang dbyer med chos ston to// rang gi ngo bo'i bshad lugs so// sdeb sbyor tshig gis bshad lugs kyis// snyan nas snyan du brgyud de bstan// s+thi ti yang ti'i bshad lugs so// zhes gsungs so// gleng bslangs bshad lugs kyi le'u ste gnyis pa'o// // de nas sems nyid kun bzang la// rdo rje sems dpas 'di skad zhus// sangs rgyas sems can thams cad kun// ma byung gong na ji ltar gnas// 'dus pa'i 'khor la gsungs du gsol// zhes gsol pa dang / sems nyid kun tu bzang po des// rin chen 'od 'bar gzhal yas su// dbye ba med pa'i ting nge 'dzin la snyoms par zhugs te/ 'dus pa'i tshogs la gzigs nas ni// bzhengs nas 'khor la bka' stsal pa// sangs rgyas sems can ye stong du//
- 165b
dngos po ci yang ma grub pas// mtshon pas mi ldog mtha' las grol// thog ma'i gzhi la dbyer med pas// sangs rgyas sems can ming yang med// brda' dang tha snyad bzlog mkhan med// dpe dang don du ston mkhan med// tshig dang yi ger 'dogs mkhan med// bde sdug gnyis su 'dogs mkhan med// rgyu 'bras gnyis su rgyu mkhan med// bdag gzhan gnyis su 'byed mkhan med// sangs rgyas sems can gnyis ma grub// ci yang ma yin ngo bor gnas// mtshon pa'i sangs rgyas tshig las 'das// bsam brjod yul las 'das pa yin// ji ltar brjod pa mtshon las 'das// de phyir gzhi la dbyer med phyir// brtag bzhin kun dang bral ba yin// mtshon pa'i mtha' las 'das pa yin// rdo rje sems dpas 'di skad gsol// ston pa sems nyid kun tu bzang // kun gzhi'i gnas lugs ji ltar lags// zhes zhus pas// ston pas 'khor la bka' bstsal pa// bang mdzod zhing sa dar chags gsum// gzhi yi dpe ru shes par gyis// sangs rgyas sems can gzhi ngo yang // 'khor bar yang na mi brgya mtshar// mya ngan 'das pa rgya ma chad// gnyis med du yang rgya ma chad// tha snyad du yang rgya ma chad// yod ma myong la med ma myong // stongs ma myong la bsrungs ma myong // de bzhin bde sdug gsal ma myong // yin min gang stongs 'dod rtsol
- 166a
dang // zhen chags bzang ngan yod grub dang // sgrom 'jogs gzung 'dzin 'khrul sgrib dang // rtogs dang ma rtogs kun ma myong // gnyis su chad min gcig tu min// rgyu rkyen gnyis kyi skye 'jig med// ngo bo mi 'gyur rang bzhin dmigs// skye 'jig gang du'ang rgya chad med// mtshon med tshig med brten pa med// chos med ston med mnyam pa med// dbus med mtha' med phyogs mtshams med// sangs rgyas byang chub sems dpa' med// rigs med yid med sems kyang med// gnas rnams chags med zhen pa med// gzung 'dzin med pa'i rtog tshogs grol// rnam pa cing yang mi 'byed pa'o// zhes gsungs so// gzhi'i gnas lugs bstan pa'i le'u ste gsum pa'o// // de nas ston pa kun bzang la// rdo rje sems dpas yang zhus pa// sangs rgyas sems can so mtshams gang // yar rgyas mar 'khrul bye brag rnams// shin tu bzang bar bka' stsol cig/ zhes zhus pas// ston pa'i rgyal po sems nyid kun tu bzang po de/ rin po che 'od sbyor 'byed kyi ting nge 'dzin la snyoms par zhugs so// de las bzhengs nas 'di skad gsungs// sangs rgyas sems can so mtshams ni// rig dang ma rig mtshon ma mtshon// rtogs dang ma rtogs so mtshams yin// yar ltar mar 'khrul 'di lta ste// sngon thog ma
- 166b
nyid gdod nas gnas// skye med dbyer med sras shig 'khrungs// dbyer med gti mug chen po des// thabs kyis rgyal po yab tu bsten// skye 'gags kun bral yum gyi tshul// rtsis gdab med pa'i sras shig 'khrungs// thog ma med pa yab kyi tshul// tha ma med pa yum gyi tshul// dbye bsal med pa'i sras de yis// thog mtha' gnyis kyi dras thag gcod// rang bzhin ye gnas yab kyi tshul// kun khyab klong chen yum gyi tshul// 'od gsal chos nyid sras shig 'khrungs// chos rnams mnyam nyid dbyings su thim// bag chags g.yo ba yab kyi tshul// kun tu g.yo ba yum gyi tshul// 'gyu ba bu yi tshul du bskyed pa dang // 'byung ba yab kyi tshul du gnas// 'od lnga yum gyi tshul du 'khyil// rlung lnga sras kyis tshul du 'khrungs// rtsal la gdeng rnyed rtogs par shar// bu nyid yum gyi ngang du thim// ma la bu thim dbyer mi phyed// yab yum 'gyur med dbyings su thim// snying po yab yum mkha' klong las// rig rtsol ma 'gags bu rnams 'phyo// 'phyos ma rnyed snying po'i klong // zer dang shes pa ma g.yos thim// yab yum sras gsum dbyer med pas// thog mar ye nas sangs rgyas yin// chos nyid zhing dang phrad pas ye shes rang sa zin// rnam rtog rtsad nas bcad pas 'khrul pa rang sar grol// 'gyur med klong du thim pas chos skur grol// ma rig mun khang bcom
- 167a
pas ye shes rgya ma chad// ye shes 'char sgo bye bas ma rig 'khrul sgo bsdams// 'khor ba yongs sangs snying po chos skur rgyas// bya ba rtsol sangs byar med spros bral rgyas// yar kun tu bzang po de / ltar shes// cis phan gtan tshigs 'dri ba ste// bya btsal gang gis mi phan te// rang sar rang nyid thim pa min// rang nyid rang gis grol ba yis// rang nyid rang gi rtogs pa yin// spong len dgag bsgrub ma yin te// rnam rtog sangs nas ye shes rgyas// sus kyang rgyas su ma bcug ste// rang nyid rang gis rgyas pa yin// de ltar 'gyur med sangs rgyas rtogs tsan// ma rig med de dang drangs chen po yin// ye shes ye gnas dang drangs chen po yin// rnam rtog med de dang drangs chen po yin// chos nyid ye nas ngang drangs chen po yin// dus gsum med de dang drangs chen po yin// sku gsum ye yin dang drangs chen po yin// dug lnga chen pos dang drangs chen po yin// ye shes lnga ni ngang dngas chen po yin// 'khor ba med de dang drangs chen po yin// ye nas myang 'das yin te ngang drangs che// sems can med de dang dngas chen po yin no// ye gnas sangs rgyas yin te ngang drangs che// skye ba med de dang drangs chen po yin// 'gags pa med de dang drangs chen po yin// na ba med de dang drangs chen po yin// rga shi med de dang drangs chen po yin//
- 167b
stong pa med de dang dwangs chen po yin// gnyis su med de dang dwangs chen po yin// yul sems gnyis med dang dwangs chen po yin// gzung 'dzin med de dang dwangs chen po yin// dgag bsgrub spong len gnyis med dang drangs chen po yin// bya btsal phyogs ris gnyis med dang dwangs chen po yin// dbye bsal rtsis gdab gnyis med ngang dwangs che// rig pa myong med dang drangs chen po yin// yid kyis 'gyu med dang dngas chen po yin// sems kyis dmigs med ngang dwangs chen po yin// ming tshig brjod brtags zhen med ngang dwangs che// sa lam sbyangs bskyod med de ngang dngas chen po yin// rtog tshogs mtshan ma med de nga drangs che// brjod gzhi thams cad dang drangs chen po yin// sangs rgyas che ba'i yon tan de ltar ro// zhes gsungs so// sangs rgyas che ba'i yon tan bstan pa'i le'u ste bzhi pa'o// // de nas rdo rje sems dpa' yis// ston pa kun bzang la zhus pa/ khams gsum 'khor ba ci yis nyes// zhes zhus pas/ 'dus pa'i 'khor la bka' bstsal pa// a bi da ra rat+na saM ba ra a le me ma kye ma ho// yang dag don las gol ba rnams// rnam rtog bdag tu bzung ba yin// nam mkha' nam mkhas bzung ba sprin// rang mgo rang gi rkang pas mnan// rang gi gnya' lag rang gis bcings// rang gi rin chen rang gis bor//
- 168a
rang gi sgron me rang gis bsad// rang gi nyi zla rang gis bsgrubs// kye ma bdag 'dzin sems can nyon re mongs// mnyam pa'i don las phyogs ris byung // sangs rgyas sems can gnyis kyi gzhi// ngo bo spyi ba g.yo ba'i rlung // skye ba'i rig pa mnyam par gnas// dper na mtsho la dar chags 'dra// 'gyu ba rlung du mnyam pa la// rang sa ma zin gsum gyis len// sangs rgyas don de ma rtogs te// g.yo dang 'gyu dang mi 'gyu dang // zer dang 'od dang shes pa dang // sang sang seng seng rten med de// dran rig phyogs mtshams 'gyus pa yin// rtsal bu'i rig pa 'phyo sangs khyer// yin snyam rig pa chags sdang ste// gnas don ma shes don ma rig/ de la ma rig mun par bshad// 'gyu ba rang gi rgyu byas nas// sgrib g.yogs mun pa rkyen du 'byung // ye shes 'char sgo ma phyed pas// mun pa'i 'khor sgo rkyen du byung // ma rig 'khrul sgor 'khyam pa yin// rig pas tshol 'phro byas pa yin// yid ni 'gyu ba nyid dang bcas// sems ni gsal ba lnga ru bshad// gsal dang mi g.yo rgya ma chad// mi 'gyur g.yo zhing 'gyur ba ste/ sems kyi snang tshul lnga ru bshad// 'od gzugs ri gzugs sha gzugs shar// rig pa'i gzugs la 'od gzugs 'khrul// pha yin ma yin snyam byed kyis// mngal gyi sgo ru 'khyams nas ni// sha gzugs dngas ma'i
- 168b
gzugs su 'thums// pha yi zhe sdang rgyu las ni// sha dang rus pa'i tshul du chags// ma yi 'dod chags rkyen las ni/ khrag dang chu ser tshul du chags// dug gsum rgyu las lugs ngag yid// 'khrul pa smin pa'i 'bras bu yin// dngos po'i rkyen snang 'di ltar 'khrul// pha ma bu gnyen g.yul la sogs// de ru snang ste de ru gzung // de ru btags te de ru zhe na// 'khrul pa btags snang zhen dang gsum// dang po rig skyes yid du 'gyus// sems su gsal bas ming du btags// ming ni don med sems yin no// sems ni blos btags brjod rtogs yin// kun tu tshol dang gtan la 'bebs// nges 'jogs 'khor lo gsum du 'khrul// mnyam pa chen po'i chos nyid la// log rtog shes pa sna tshogs kyis// mi mnyam pa yi ngo bor bzung // de yi 'khrul pa 'bras bur ltas// 'khrul dang ma 'khrul gnyis med la// zhen rtogs mtshan ma brtas pa yin// min pa'i chos la yin par bzung // de yis 'khrul pa'i 'bras bur smin// rtsis gdab med pas rtsis gdab byung // dgag bsgrub med las spong len byung // bya btsal med las rtsol sgrub byung // de yis 'khrul pa'i 'bras bur smin// bdag gzhan med la bdag bzung nas// de ltar med las yongs bzung bas// rmi lam tshul las sdug bsngal myong // rigs drug skyes dgu de las byung // mi
- 169a
bden bden bzung rtog tshogs kyis// gzhi la med de rtog par bzung // bzung bas zhen nas chags te 'khrul// de ltar ma 'khrul gtan la dbab// cis len zhe na rang gis len// rang sa ma zin gsum gyis nyes// chos nyid ma dang ma phrad pa// rang la rang rig yi re mug/ ye shes rang sa ma zin pas// rang la rang nyid zhe re 'khrul// rnam rtog rang sar ma sangs pas// rang la rang nyid skyug re log/ snying po gong nas ma shar bas// rang gi rang nyid mun par 'thums// 'khrul pa rang sar ma grol bas// rang gis rang nyid mnar ba yin// sus kyang gnod pa ma bskyal te// sems dang chos sku ma 'dres len// dug gsum rtsa ba mchod len// zhen pa rang log ma byung len// dug lnga 'di dang ma bral len// gti mug mun pa mi sol len// ye shes nyi ma ma shar len// rang gi rang nyid 'khor du bcug/ rang gis rang nyid 'khrul du bcug/ ces gsungs so// mar 'khrul gtan la dbab pa'i le'u ste lnga pa'o// // de nas ston pa kun bzang la// rdo rje sems dpas 'di skad zhus// chos sku rtogs par bya ba'i thabs// bdag cag rnams la bstan du gsol// zhes zhus pa dang / ston pa kun tu bzang po des/ rin po che 'od 'bar ba zhi ba'i ting nge 'dzin la bzhugs so// de las bzhengs nas 'di skad gsungs// a ya ka ri
- 169b
mahA a ti ta la// theg pa'i rgyal po spyi ti yang ti 'di// theg pa gsum gyis spyi mes yin par bshad// skye med tshig med mtshon 'das yin pa la// a ma de ltar ma go sems can rnams// dngos po med par / mtshon par 'dod// 'di yang sems can nyon re mongs// skye med don la brjod par 'dod// 'di yang sems can nyon re mongs// dngos med don la dngos por 'dod// 'di yang sems can nyon re mongs// nga yi rang bzhin spyir ma grub// theg pa brgyad kyi kha smras 'dzugs// 'di yang sems can nyon re mongs// rang la mngon par zhen pa yis// theg pa brgyad kyis nga ma mthong // 'di yang gzhan lta nga rgyal rgyab kyis phyogs// 'di yang gnyis su med par gnyis su phye// 'di yang dug lnga med par spang bar 'dod// 'di yang sku lnga med par bsgrub par 'dod// 'di yang sems can med par spang bar 'dod// 'di yang sangs rgyas med par bsgrub par 'dod// 'di yang ma rig med par spang bar 'dod// 'di yang ye shes med par bsgrub par 'dod// 'di yang sems can nyon re mongs// yul sems med par spangs par 'dod// 'di yang sems can nyon re mongs// gzung 'dzin med par yod 'dod 'di// de la sogs pa'i gnyis snang kun// blo 'chos yin par ma rig gam// btags snang yin par ma rig gam// bla dwags yin
- 170a
par ma rig gam// brjod gzhi tha snyad yin par ma rig gam// blo dman chos su bstan pa ma rig gam// thams cad blo 'brid yin par rig gam// blo chos drang don yin par ma rig gam// btags snang zhen gsum chos kyis mi btub bo// zhes gsungs so// gnyis snang gi chos kyi mi grol bar bstan pa'i le'u ste drug pa'o// // de nas ston pa kun bzang la// rdo rje sems dpas 'di skad zhus// chos nyid mtshon du med pa'i don// bdag cag rnams la bstan du gsol// zhes zhus pas/ sems nyid ston pa kun bzang des/ rin po che 'od 'bar ba'i don mtshon du med pa'i ting nge 'dzin la snyoms par zhugs so// ting nge 'dzin de las bzhengs nas/ 'dus pa'i 'khor la bka' stsal pa// a ta ba tu ri a ba ma/ nga yis mtshon pa kun bral bshad// rdo rje sems dpas go bar zungs// skye med sngon med mtshon 'das pas// de la mtshon pas sangs mi rgya// mtshon du med pa'i chos shig dgos// sku gsum bsgrubs pas sangs mi rgya// de dang bral ba'i chos shig dgos// snang ba stong pa skye med gsum// de gsum bsgrubs pas sangs mi rgya// de dang bral ba'i chos shig dgos// sems dang rig pa yid dang gsum// de gsum bsgrubs pas nga re dang // sems dang ye shes bag chags gsum// de gsum 'dod pa de dag
- 170b
dang // rig pa stong pa gnyis med gsum// de gsum bsgrubs pas sangs mi rgya// de dang bral ba'i chos shig dgos// tshogs dang mtshon pa'i rtogs pa gsum// de gsum bsgrubs pas sangs mi rgya// de dang bral ba'i chos shig dgos// blang bya dor bya 'dzin med gsum// de gsum bsgrubs pas sangs mi rgya// de dang bral ba'i chos shig dgos// 'gyur med snying po chos nyid gsum// de gsum bsgrubs pas sangs mi rgya// de dang bral ba'i chos shig dgos// kun snang gsal ba 'dzin med gsum// de gsum bsgrubs pas sangs mi rgya// de dang bral ba'i chos shig dgos// rtsol dang bsgrub dang byed dang gsum// de gsum 'dod pas sangs mi rgya// de dang bral ba'i chos shig dgos// lta bya bsgom bya spyod bya gsum// de gsum bsgrubs pas sangs mi rgya// de dang bral ba'i chos shig dgos// snang ba btags pa zhen pa gsum// de gsum bsgrubs pas sangs mi rgya// de dang bral ba'i chos shig dgos// blo yul yid smon med gzugs gsum// de gsum bsgoms pas sangs mi rgya// de dang bral ba'i chos shig dgos// bsgrub 'dod dog pa 'thob rgyu gsum// de gsum 'dod pas sangs mi rgya// de dang bral ba'i chos shig dgos// rtog tshogs bzung ba chags pa gsum// de gsum bsgrubs pas sangs mi rgya// de dang bral ba'i chos shig/
- 171a
/ dgos// yi ge dgag bsgrub bla dwags gsum// de gsum bsgrubs pas sangs mi rgya// de dang bral ba'i chos shig dgos// snang ba phyogs ris kha dog gsum// de gsum bsgrubs pas sangs mi rgya// de dang bral ba'i chos shig dgos// gnyis snang gnyis med la sogs kun// bsam las 'das pas mdo tsam dbye// sgrub dngos sun dbyung de yis phyung // chos gcig bya ba'i mtshan nyid ni// la bzla ba yi gdam ngag yin// de yang 'di ltar shes par bya// chos gcig khyab pa'i ming de yang // gcig po de nyid gcig las 'das// 'das pa'i don la brjod du med// 'das pa'i don la mtshon du med// 'das pa'i don la gzung du med// bsam 'das don la 'dod rgyu med// bya btsal med pa 'das pa'i don// 'das pa'i don la blang dor med// 'das pa'i don la spro bsdu med// 'das pa'i don la lta sgom med// 'das pa'i don la spyod 'bras med// 'das pa'i don la bsrung rgyu med// 'das pa'i don la bgrod du med// 'das don thob rgyu yod las 'das// de la blo yis bcos su med// de la spros dang ma spros med// de la zin dang ma zin med// de la byung dang ma byung med// de la bzang ngan dbye bsal med// de la rtsis gdab bya rgyu med// de la gsal dang mi gsal med// mchog tu gsang ba'i chos nyid ni// snang
- 171b
bas gzhan ma thob mi 'gyur// de la lce yis brjod du med// brjod pas steng du mi phebs te// brjod pa thams cad bla dwags yin// bla dwags tshig la sangs rgyas med// ye nas smra bsam brjod las 'das// dran med yid la bzhag rgyu med// bsam med blo yi yul las 'das// sangs rgyas ye med bsgrub bya med// 'gyur med skye med chos sku de// ye nas yin pas bsgrub ma dgos// chos sku ye nas skye med la// skye med snyed kyi sgros mi gdags// nam mkha'i 'di ni med do zhes// blun po gang zhig rtog dpyod gtong // mkhas pas sngon nas yod mi 'dzin// ye nas gnyis su med pa la// bden pa gnyis 'dzin sun phyungs shig/ gnyis su med pa'i don mchog 'di// kun bzang sum phyung ma btub bo// des na de ltar shes par gyis// zhes gsungs so// chos nyid mtshon 'das kyi le'u ste bdun pa'o// // de nas ston pa kun bzang la// rdo rje sems dpas 'di skad gsol// mtshon du med pa'i don de la// rtsol sgrub bgyis na mi 'gal lam// zhes zhus pas/ ston pa kun tu bzang po des/ rin po che 'od 'gyur ba med pa'i ting nge 'dzin la snyoms par zhugs so// de las bzhengs nas 'di skad gsungs/ nga'i spyi ti yo ga 'dir// dgag sgrub spong len byung na 'gal// dug lnga spangs na nga spangs so// sku lnga bsgrubs na nga
- 172a
spangs so// ma rig spangs na nga spangs so// ye shes bsgrubs na nga spangs so// rnam rtog spangs na nga spangs so// chos nyid bsgrubs na nga spangs so// 'khor ba spangs na nga spangs so// myang 'das bsgrubs na nga spangs so// sems can spangs na nga spangs so// sangs rgyas bsgrubs na nga spangs so// bdag gzhan spangs na nga spangs so// bdag med bsgrubs na nga spangs so// phyogs ris byas na nga spangs so// dgra gnyen spangs na nga spangs so// gnyis 'dzin spangs na nga spangs so// gnyis med bsgrubs na nga spangs so// dmigs bsal bkag na nga spangs so// gsal ba bsgrubs na nga spangs so// lta bas bltas na chos nyid spangs// sgom pas bsgoms na chos nyid spangs// dam tshig bsrungs na chos nyid spangs// 'phrin las btsal na chos nyid spangs// sa lam bgrod na chos nyid spangs// 'bras bu bsgrubs pas chos nyid spangs// de yang ci yi phyir zhe na// de dag thams cad dgag bsgrub gnyis// lta ba lta byed rtsol ba'i nad// bsgom pa sgom byed rtsol ba'i nad// spyod pa spyod byed rtsol ba'i nad// 'bras bu sgrub byed rtsol paba'i nad// sa lam sgrol byed rtsol ba'i nad// de ltar spyad pas grol mi 'gyur// gnyis snang shes pas ma chod par// pha rol phyin pa shin tu gces// zhes gsungs so// dgag bsgrub spangs thob kyis mi grol
- 172b
bar bstan pa'i le'u te brgyad pa'o// // de nas ston pa kun bzang la// rdo rje sems dpas 'di skad zhus// ma 'khrul chos sku thob pa'i zabs// gdam ngag ston pas 'khor la gsungs// zhes gsol ba dang / ston pa sems nyid kun bzang des/ rin po che'i rtsis gdab med pa'i ting nge 'dzin la zhugs te/ de las bzhengs nas 'di skad gsungs/ chos sku 'gyur med thob pa'i thabs// rtsol sgrub bgyi ba mi 'tshal te// bya ba thams cad btang ba'i ngang // rang nyid rang sar bzhag par 'tshal// spong len chags 'dzin nad dang bral// nga yi bka' chem bstan lugs ni// theg pa gzhan la bstan byung med// a la la ho// nga yi bdud rtsi'i nyid khu 'di// nga ni snang srid kun tu snang // snang la snang ste nga ma mthong // ma mthong ba yi ngang la zhog/ nga ni snod bcud kun la khyab// kun la khyab pas ngos bzung med// ngos bzung med pa'i ngang la zhog/ nga ni kun gzhi dngos gzhi yin// dngos gzhi yin te khyab pa med// grub pa med pa'i ngang la zhog/ thams cad nga yis phye ba ste// byed mkhan rtogs mkhan gcig kyang med// ma phye ba yi nga la zhog/ nga ni kun la snang ba ste// kun gyis nga ni snang mi 'gyur// mi snang ba yi ngang la zhog/ nga yis thams cad byas pa ste// ngas ni yul yang ma byas pa'o// ma byas pa yi ngang la zhog/ nga yis thams cad
- 173a
/ 'dul ba ste// nga ni sus ma btul ba'o// mi brtul ba yi ngang la zhog/ ngas ni thams cad btsal ba ste// nga ni sus kyang ma btsal lo// ma btsal ba yi ngang la zhog/ ngas ni thams cad spangs pa ste// nga ni sus kyang ma spangs so// ma spangs pa yi ngang la zhog/ ngas ni thams cad bsgrubs pa ste// nga ni sus kyang ma bsgrubs so// ma bsgrub pa yi ngang la zhog/ ngas ni thams cad brtags pa ste// nga ni sus kyang ma brtags so// ma brtags pa yi ngang la zhog/ ngas ni thams cad mtshon pa ste// nga ni sus kyang ma mtshon no// ma mtshon pa yi ngang la zhog/ ngas ni thams cad shes pa ste// nga yi rang bzhin shes pa med// ma shes pa yi ngang la zhog/ ngas ni thams cad bskyed pa ste// nga ni sus kyang bskyed pa med// ma bskyed rdzogs pa'i ngang la zhog/ ngas ni thams cad rtogs pa ste// nga ni sus kyang ma rtogs so// ma rtogs pa yi ngang la zhog/ rig pa skye ba med pa yis// myong ba med pa'i ngang la zhog/ yid la 'gyu ba med pa yis// g.yo ba med pa'i ngang la zhog/ sems la ming 'dogs med pa yis// spros btags 'dzin med ngang la zhog/ gnas lugs 'gyur med dang la zhog/ snang lugs rang mdangs ngang la zhog/ de gnyis dbye bsal med par zhog/ gnas lugs dngos po med par zhog/ snang ba dgag bsgrub med par zhog/ de
- 173b
gnyis rtsis gdab med par zhog/ phyi nang dkar dmar yul rnams kun// snang la rang bzhin med par zhog/ gnas lugs sems kyis rtsal rnams kun// mi snang rang bzhin med par zhog/ bar gyi gnyis snang gzung 'dzin kun// spros pa zag chod ngang du zhog/ skye ba med pa'i ngang la zhog/ 'gyur ba med pa'i ngang la zhog/ smra bsam brjod med dang zhog/ 'gags med chos sku'i klong du zhog/ rnam rtog gnyis med ngang du zhog/ 'jog pa'i tshig kyang gnyis med zhog/ ces gsungs so// nyams blangs bzhag thabs kyi le'u ste dgu pa'o// // de nas ston pa kun bzang la// rdo rje sems dpas 'di skad gsol// ma bcos rnal du bzhag pa yi// bzhag thabs man ngag ji ltar lags// zhes gsol pa dang / de nas ston pa sems nyid kun tu bzang po des/ rin po che 'od 'phro ba med pa'i ting nge 'dzin la zhugs te/ de las bzhengs nas 'di skad gsungs/ ma bcos rang dag rang bzhag thabs 'di ni// rdo rje sems dpas go bar gyis// nga la blta bar 'dod pa rnams// lta bar ma byed rang dgar zhog/ bltas pas mthong ba'i yul med kyis// ma bltas bzhag pas lha dang mjal// nga la bsgom par 'dod par rnams// ma sgoms yod na ngang la zhog/ 'gyur med ngang bzhag nga dang mjal// nga la spyod par 'dod pa rnams// ma spyod byar med dang
- 174a
la zhog/ byar med dang bzhag spyod pa nyid// nga la bsrung bar 'dod pa rnams// ma srungs mi 'da'i ngang la zhog/ srung med dang bzhag dam tshig yin// nga la rtsol bar 'dod pa rnams// ma rtsol rtsol med ngang du zhog/ rtsol med gdeng bzhag 'phrin las nyid// nga la bgrod par 'dod pa rnams// ma bgrod dbyer med ngang la zhog/ dbyer med dang bzhag sa lam rdzogs// nga la bsgrub par 'dod pa rnams// ma sbusgrubs bsgrub med ngang la zhog/ bsgrubs med ngang bzhag don rnams 'grub// nga la 'thob par 'dod pa rnams// 'thob rgyu med kyis rang sar zhog/ gzhan na med pas 'bras bu che// 'thob med thog ma'i don dang mjal// sna tshogs bsam yas chos rnams kun// cir snang sor bzhag ngang la zhog/ snying po chos sku'i rang bzhin nyid// cir snang rang bzhin med par zhog/ rtog tshogs blo yi yul snang rnams// snang la rang bzhin med par zhog/ gnyis snang gzung 'dzin 'di pa rnams// dbye bsal rtsis gdab med par zhog/ yid dpyod sems kyi dran rig rnams// rang sangs chen po'i ngang la zhog/ rtog tshogs sems kyi cho 'phrul rnams// ngang dwangs chen po'i ngang la zhog/ 'gyu ba rig pa brtags pa rnams// gsal mdangs chen po'i ngang la zhog/ ngang bzhag thams cad gsum du 'dus// 'thob rgyu med pa'i sku gsum thob// srid
- 174b
gsum zil gyis mnan pa yis// sa gsum ma mnan rang sar non// dug gsum rtsad nas bcad pa yis/ khams gsum 'khor ba phyags mas btab// ngo bo rang bzhin thugs rje'i snang ba'o// zhes gsungs so// ma bcos rnal du bzhag pa'i le'u ste bcu pa'o// // de nas ston pa kun bzang la// rdo rje sems dpas 'di skad zhus// snying po 'gyur med chos sku la// ming med ming btags ji ltar lags// zhes gsol pas/ sems nyid ston pa kun tu bzang po des/ rin po che 'od 'bar ba'i ting nge 'dzin la bzhugs so// de las bzhengs nas 'di skad gsungs/ chos la ming med mtshon med pas// mtshon pa'i ming gis gol bar bshad// gol sgrib mtshan nyid ngas bshad kyis// rdo rje sems dpa' yid la zungs// sangs rgyas med pas sangs rgyas ming yang med// med par 'dod pas sangs rgyas gol ba yin// chos sku med pas chos sku'i ming yang med// med par 'dod pas chos sku gol ba yin// longs sku med pas gzugs sku'i ming yang med// med par 'dod pas gzugs sku gol ba yin// 'khor ba med pas 'khor ba'i ming yang med// med par 'dod pas 'khor ba gol ba yin// myang 'das med pas myang 'das ming yang med// med par 'dod pas myang 'das gol ba yin// ma rig med
- 175a
pas ma rig ming yang med// med par 'dod pas ma rig gol ba yin// ye shes med pas ye shes ming yang med// med par 'dod pas ye shes gol ba yin// rnam rtog med pas rnam rtog ming yang med// med par 'dod pas rnam rtog 'khrul pa yin// chos nyid med pas chos nyid ming yang med// med par 'dod pas chos nyid 'khrul pa yin// phyogs ris med pas phyogs ris ming yang med// med par 'dod pas rang rig 'khrul pa yin// de dag gnyis su med pa la// gnyis su dbye ba byung bas sgrib pa yin// de dag thams cad ming med brjod med la// ming 'dogs brjod pa byung bas sgrib pa yin// 'gro ba'i lam sgo nor bas gol ba yin// sgo lngar 'khyams pas bzung ba 'khrul pa yin// gol sgrib nyis stong lnga brgya thams cad kyang // dbye na bsam yas bsdu na gsum du 'dus// zhes gsungs so// gol sgrib 'khrul gsum bstan pa'i le'u ste bcu gcig pa'o// // de nas ston pa kun bzang la// rdo rje sems dpa' 'di skad zhus// gol sgrib la bzla ji ltar lags// zhes gsol pa dang / ston pa sems nyid kun bzang de/ rin chen mdo thig le bsdu ba'i ting nge 'dzin la zhugs so// de las bzhengs te 'di skad gsungs/ theg pa'i gol sgrib bsam yas kyang // s+thi ti yang tir la bzla bshad// ma rtogs
- 175b
pa la gol sgrib snang // snying po'i don la gol sgrib med// ming med ming btags gol ba yin// brjod las 'das pas gol ba med// gzung 'dzin bcings pas sgrib pa la// dbye bsal med pas sgrib pa med// mtshon pa'i rnam rtog blo yis 'khrul// smra bsam 'das pas 'khrul pa med// gol sgrib bsam gyis mi khyab kyang // bsdus pa'i gol sgrib 'khrul dang gsum// 'char ba'i sgo nas 'khrul pa yang // bzlog thabs shes pas gol sa med// gnas pa ma rtogs sgrib pa yang // snying po'i don shar sgrib tu med// sgo lngar 'khyams pa'i 'khrul pa yang // yid rtsad chod nas 'khrul du med// thag chod gdeng ldan re dogs med// snying po'i don rtogs sgrib pa med// mnyam pa ris med 'khrul pa med// gnyis med don rtogs phyogs ris med// dbyer med don rtogs gzung 'dzin med// ye shes don rtogs ma rig med// sku gsum don rtogs dug gsum med// sku lnga don rtogs dug lnga rnams// sangs rgyas don rtogs sems can med// zag chod don rtogs yul sems med// ces gsungs so// gol sgrib kyis mi gos pa'i gdeng bstan pa'i le'u ste bcu gnyis pa'o// // de nas ston pa kun bzang la// rdo rje sems dpas don zhus pa// rang la ye nas yod pa yi// bya rtsal 'tshal ba mi 'tshal lam// zhes gsol
- 176a
pa dang / sems nyid kun tu bzang po de/ rin po che 'od lnga rang la gnas pa'i ting nge 'dzin la zhugs te/ de las bzhengs nas bka' bstsal pa/ rang la ye nas yod pa la// rtsol sgrub bya ba mi dgos pas// rdo rje sems dpa' yid la zungs// ngang drangs lta ba yin zhe na/ khyod kyi lta ba ma lta zhig/ ngang drangs bsgom pa yin zhe na/ khyod kyis sgom pa ma bsgom zhig/ ngang dwangs spyod pa yin zhe na/ khyod kyis spyod pa ma spyod cig/ ngang dwangs 'bras bu yin zhe na/ khyod kyis 'bras bu ma sgrubs shig/ ngang drangs sku gsum yin zhe na/ khyod kyis sku gsum ma sgrubs shig/ ngang drangs sangs rgyas yin zhe na/ khyod nyid sangs rgyas ma sgrubs shig/ sems nyid chos sku yin zhe na// chos sku gzhan nas ma tshol zhig/ btsal bas bskal par rnyed mi srid// dus gsum btsal yang mi rnyed do// btsal bas mi rnyed sangs rgyas so// bsgrubs pas mi 'grub sku gsum 'grub// gal te rnyed kyang rnam rtog go/ zhes gsungs so// rang gnas re med kyi le'u ste bcu gsum pa'o// // de nas ston pa kun bzang la// rdo rje sems dpas 'di skad zhus// ngang dwangs chen po ji ltar lags// zhes zhus pa dang / ston pa rin po che 'od skol ba med pa'i ting nge 'dzin la snyoms par zhugs so// de las bzhengs nas bka' bstsal pa// bdud rtsi
- 176b
rang zhun rang mdangs bshad// 'khor rnams ma yengs gus par nyon// a sa ra tsit+ta a pi// sku gsum mi 'gyur rang mdangs chen po yin// dus gsum ma spangs pa med de rang mdangs chen por gda'// ye shes btsal ba med de rang mdangs chen por gda'// ma rig spangs pa med de rang mdangs chen por gda'// chos nyid btsal ba med par rang mdangs chen por gda'// rnam rtog spangs pa med par rang mdangs chen por gda'// sangs rgyas blang du med de rang mdangs chen por gda'// sems can spangs pa med de rang mdangs chen por gda'// myang 'das bsgrub tu med de rang mdangs chen por gda'// 'khor ba spangs du med de rang mdangs chen por gda'// phyogs ris bza' gtad med de rang mdangs chen por gda'// snying po'i chos sku 'gyur med rang mdangs chen por gda'// rang nyid 'gyur ba med de rang mdangs chen por gda'// gzhi med 'gyur ba med par rang mdangs chen por gda'// brtags snang thams cad rang mdangs chen por gda'// zhes gsungs so// bdud rtsi rang zhun rang mdangs kyi le'u ste bcu bzhi pa'o// // de nas ston pa kun bzang la// rdo rje sems dpas 'di skad gsol// de las bzhengs nas 'di gsungs pa// a mun ta ri pe ta ya ti/ bdud rtsi bcud kyi sgron gsal
- 177a
bshad// 'khor rnams ma yengs gus par nyon// snying po 'gyur med chos sku'i klong nas ni// shes rig ma 'gags sna tshogs kun tu 'gyur// gar yang 'gro ba ma rnyed snying po yi// klong thim chos nyid ma 'gags rtsal snang thim// ma bu ngo sprad thog mar ye sangs rgyas// dbyer med dang thim ye nas rang sa zin// 'khrul pa rang sangs rnam rtog rang sar grol// skye med sa zin snying po klong na gsal// snang ba yid la ma byas gting gsal chen po yin// stong pa yid la ma byas gting gsal chen po yin// gnyis med yid la ma byas gting gsal chen po yin// sku gsum yid la ma byas gting gsal chen po yin// dug lnga yid la ma byas gting gsal chen po yin// snang stong yid la ma byas gting gsal chen po yin// bde sdug yid la mi byed gting gsal chen po yin// skye med yid la mi byed gting gsal chen po yin// de dag la sogs thams cad gting gsal chen po yin// zhes gsungs so// bdud rtsi sgron gsal gyi le'u ste bco lnga pa'o// // de nas ston pa kun bzang la// rdo rje sems dpas yang zhus pa// rdzogs chen spyi ti yo ga yi// ma bris dkyil 'khor ji ltar lags// zhes gsol pas/ de nas ston pa kun tu bzang po rin po che g.yo ba med pa'i ting nge 'dzin la snyoms par zhugs so// de las bzhengs
- 177b
nas 'khor rnams la bka' bstsal pa// b+ho hri ta ha na maN+Da la/ ma bris rdzogs pa'i dkyil 'khor bshad// 'khor rnams ma yengs gus par nyon// snying po'i rang bzhin 'gyur ba med// kun gzhi mkha' klong khyab brdal la// byang chub sems kyi dkyil 'khor bzhengs// chos nyid khyab brdal sa gzhi la// lung rigs gnyis kyis sa brtags nas// shes rab kyi yum gyi sa blangs te// kun gzhi chos nyid yangs pa'i gnas// chos dbyings dag pa'i chos khang du// sa blug khyab brdal chen por bsnyams// rnam rtog rdul bsal byang chub chus// mnyam pa nyid du byil byil byas// 'gyur med thig le ye shes mtshon// snying po 'gyur med dbus su zlum// tshogs brgyad rang shar pad 'dab brgyad// ye shes lnga ldan phyogs bzhi dbus// tshad med gru bzhi gtan tshigs sgo// rig pa bzhi yi rtags zur bzhi// gsal dang mi g.yo rgya ma chad// mi 'gyur bstan dang lnga ldan pas// dkar ser dmar sngo kha dog lnga// ma 'gags rol pa'i lha mos brgyan// chos dang chos nyid 'dres pa yis// dra ba dra phyed dar gyis dpyangs// chos nyid snang gsal sgo yis brgyan// mtha' gzhi bral zhing spros gcod pa'i// 'khor bzhi ye shes sgo bzhir mdzes// snying po 'gyur med ka ba btsugs// rang mdangs gsal ba'i nyi zlas brgyan// s+thi ti chos 'khor skor phyir
- 178a
// gdugs// rim dgu'i zil gnon rdo rje'i ra// nan rtags lta ba yid bzung bsgom// chos nyid bya spyod re dogs 'bras// bsres phyir me yi ra bas bskor// dkyil 'khor bzhengs na sems la bzhengs// chos nyid ka dag dkyil 'khor 'dir// theg pa gzhan la 'byung mi 'gyur// zhes gsungs so// ma bris pa'i dkyil 'khor bstan pa'i le'u ste bcu drug pa'o// // de nas rdo rje sems dpas yang zhus pa// ma bris pa yi dkyil 'khor de ltar na// dkyil 'khor de yi nges tshig gang // zhes zhus pas/ kun tu bzang pos bka' bstsal pa// nges tshig bshad kyis 'khor rnams nyon// mkha' dbyings rnam dag dkyil 'khor de// chos nyid byang chub sems la gnas// dkyil ni chos sku 'gyur ba med// rig rtsal 'gag pa med par 'khor// des na dkyil 'khor sems la rdzogs// ma nor dkyil la ma bcos 'khor// ma nor ma bcos dkyil 'khor de// chos nyid byang chub sems la rdzogs// snying po dkyil la snang tshul 'khor// snying po snang tshul sems la rdzogs// 'gyur med dkyil la ma bcos 'khor// 'gyur med ma rdzogs sems la rdzogs// skye med dkyil la 'gag med 'khor// skye 'gags gnyis med dkyil 'khor yin// dbyer med dkyil la snang srid 'khor// dbyer med sna tshogs
- 178b
dkyil 'khor yin// gnyis med dkyil la rtsis med 'khor// rtsis gdab gnyis med dkyil 'khor yin// zhes gsungs so// dkyil 'khor gyi nges tshig bstan pa'i le'u ste bcu bdun pa'o// // de nas ston pa kun bzang la// rdo rje sems dpas 'di skad zhus// dkyil 'khor nges tshig de lta na// de yi lha dang bzhugs gnas gang // zhes zhus pas/ kun tu bzang pos 'od yongs la khyab pa'i ting nge 'dzin la snyoms par zhugs so// de las bzhengs nas bka' bstsal pa// kun gyi mkha' dbyings klong dkyil du// chos dbyings 'pho zhing 'gyur ba med// rnam dag bsam gyis mi khyab pa// rin chen 'od 'bar dkyil 'khor du// sems nyid 'gyur med gtso mchog la// rig rtsal 'gags med 'khor dang bcas// ma bskyed yongs rdzogs lha tshogs ni// dbus phyogs nam mkha'i gdan steng na// gti mug rnam dag blo las 'das// bsam med skye med chos sku bzhugs// shar phyogs nyi zla'i gdan steng na// zhe sdang rnam dag skye 'gags med// rang byung longs spyod rdzogs sku bzhugs// lho phyogs khyung gi gdan steng na// nga rgyal rnam dag dran pa med// yid la mi byed sbrul sku bzhugs// nub phyogs rgya mtsho'i gdan steng na// 'dod chags rnam dag sku gsum du// dbyer med ngo bo nyid sku zhugs// byang phyogs rlung gi gdan steng na// phra dog
- 179a
/ rnam dag sku bzhi rdzogs// mngon par byang chub sku chen bzhugs// bskyed nas bzhugs pa ma yin te// rtsol bsgrubs 'das te rang sar bzhugs// rigs lnga cha mthun khyad par 'phags// mtshams bzhir ma bskyed lha mo bzhugs// shar lho pad+ma'i gdan steng na// 'khrul yig byang chub sems su rig/ dri yi brtags zhen rnam dag pa// lha mo chen mo rig lcam bzhugs// lho nub pad+ma'i gdan steng na// rig pa 'dzin med gsal la drangs// reg bya'i rang bzhin rnam dag pa// lha mo chen gsal lcam bzhugs so// nub byang mtshams kyi pad+ma la// dran pa yid la byar med pas// sgra yi rang bzhin rnam dag pa// lha mo chen mo bde lcam bzhugs// byang shar mtshams kyi pad+ma la// yid la 'gru byed rang mdangs pas// ro yi tshor ba kun sangs pa// gnyis med lha mo stong lcam bzhugs// lha mo cha mthun khyad par 'phags// ma bskyed sgo ba'i bzhugs tshul ni// shar sgo sprin gyi gdan steng na// skye ba'i cho 'phrul rtsad gcod pa// sgo srung skye med mkha' gsal bzhugs// phung por zhen pa'i bdud rnams btul// lho sgo 'ja' tshon gdan steng na// na tsha'i sdug bsngal rtsad gcod pa// sgo srung ngang dwangs chen po bzhugs// nyon mongs dug lnga'i bdud rnams btul// nub sgo smig rgyu'i gdan steng na// rgas pa'i sdug bsngal rtsad gcod pa// sgo srung
- 179b
rang sangs chen po bzhugs// lha yi bu yi bdud rnams btul// byang sgor na bun gdan steng na// 'chi ba'i sdug bsngal rtsad gcod pa// sgo gsum chos nyid gting gsal bzhugs// 'chi bdag bdud rnams kun bcom nas// skye shi med pa'i ngang la bzhugs// ye nas sgo srung rnam bzhi yis// bdud bzhi bcom nas mtha' brgyad bral// chags 'dzin zhen pa'i mtsho nas thon// gzung 'dzin gnyis kyi sgrog nas khrol// dgag sgrub spong len 'dam nas thar// rig pa'i rtsal gnad lha tshogs kyang // rtsol bsgrub spyan drangs ma bskyed pa// thog ma nyid nas de ltar bzhugs// lha tshogs cha mthun khyad par 'phags// spyi ti yo ga 'di nyid las// theg pa gzhan las 'byung mi 'gyur// zhes gsungs so// ma bskyed yongs rdzogs kyi lha tshogs bstan pa'i le'u ste bco brgyad pa'o// // de nas rdo rje sems dpa' yis// kun tu bzang po la zhus pa// lha tshogs bzhugs tshul de ltar na// mtshams bcad chen po ji ltar lags// zhes gsol ba dang / kun tu bzang pos bka' bstsal pa// mtshams ni rang sems rang la bcad// mi rtog ye shes mtshams rgyal gyis// rang rtog bgegs kyis rgyal po bsal// bya ba med pa'i las rgyal 'di// gzung 'dzin nga bdag bgegs rnams bskrad// khro rgyal rang mdangs 'gyur med kyis// 'khrul rtog
- 180a
brtags zhen bdud rnams bskrad// ye shes rang shar khro bo yis// rnam rtog bgegs bsal rang gsal rang shar gnas// dbyer med ye gnas ye shes kyis// phyogs ris bgegs bsal mnyam nyid klong // ma 'dres kun rdzob ye shes kyis// rtsis gdab bgegs bsal rtsis med gnas// don grub rang gsal ye shes kyis// mtshan rtags 'dod pa'i bgegs bsal nas// 'gyur med mthar phyin dgongs par gnas// zhes gsungs so// rtog med rang mtshams kyi le'u ste bcu dgu pa'o// // de nas rdo rje sems dpa' yis// kun bzang nyid la 'di skad zhus// mi 'gyur snying po'i lha tshogs la// spyan drangs bzhugs mchod ji ltar bgyi// zhes gsol ba dang / kun tu bzang pos bka' bstsal pa// chos nyid don gyi gnas lugs la// spyan drangs bzhugs mchod mi mnga' ba// rtsal snang chos nyid la par bshad// snying po don dam chos sku yang // mi dmigs dbyings nas gshegs su gsol// 'od gsal rnam dag klong yangs nas// skye 'gags med pa'i longs sku yang // 'og min gnas nas gshegs su gsol// snang srid mkha' klong brdal ba nas// kun khyab dran med sbrul sku yang // 'gro ba'i don phyir gshegs su gsol// rang byung rang dag kun gzhi nas// sems kyi rtogs snang lha tshogs rnams// skye
- 180b
med bstan phyir gshegs su gsol// ka dag snying po'i lha tshogs la// rnam rtog gzung 'dzin kun chags nas// don dam 'gyur ba med par 'tshal// gnyis med mtha' bral klong du bzhengs// mkha' klong yangs pa'i gzhal yas su// mnyam nyid zang ka'i gdan khri la// ma bkag snying po'i lha tshogs rnams// mtshon med rang sar bstan par bzhugs// snang ba yul gyi bye brag kun// dgag bsgrub med par mchod par 'bul// 'dzin pa sems kyi dran rtog rnams// dngos po med par mchod par 'bul// phyi nang gnyis su snang ba kun// dbye bsal med par mchod par 'bul// yul du snang ba'i dkar dmar rnams// sor bzhag chen por mchod pa 'bul// sems las byung ba'i rang rtsal rnams// rtsis gdab med pa'i mchod par 'bul// gzung 'dzin gnyis kyis bcings pa rnams// spros zag med par mchod par 'bul// phyi rol yul snang du ma kun// rang mdangs med par mchod par 'bul// nang na gsal ba'i sems nyid 'di// mthong snang med par mchod par 'bul// snang zhing srid pa'i chos rnams kun// chags 'dzin med par mchod par 'bul// rgya nas 'debs kyis bzhes su gsol// nang 'dzin sems kyi dran pa rnams// rang ma dngas chen por mchod par 'bul// dmigs med dbyings su mchod par
- 181a
'bul// rang gi lha ni rang mchod na// dngos grub ya mtshan chen po 'gyur// mchod pa 'bul na sems la 'bul// sems nyid snying po'i mchod pa ni// theg pa gzhan du yongs ma gsungs// mchod pa cha mthun khyad par 'phags// zhes gsungs so// spyan drangs bzhugs mchod kyi le'u ste nyi shu pa'o// // de nas rdo rje sems dpa' yis// kun bzang nyid la 'di skad zhus// dkyil 'khor lha tshogs de rnams la// bstod pas dgyes par ji ltar bya// zhes zhus pa dang / kun tu bzang pos bka' bstsal pa// don la dbye ba ru med kyang // mtshan ma brda' ru bstod pa bstan// ka dag chos dbyings gzhal yas na// thig le gcig pur bzhugs pa'i lha// lha rnams kun gyi gtso bo mchog/ byang chub sems dpar phyag 'tshal lo// 'gyur med kun khyab mkha' 'dra'i sku// ma rig mun sel nyi zla'i spyan// 'dod pa kun bral yid bzhin thugs// longs spyod rdzogs pa'i sku la bstod// dngos po med par kun khyab pas// spros pa mtha' dag gcod par byed// thugs rjes kun khyab 'gro ba'i mgon// sprul pa'i sku la phyag 'tshal lo// sku gsum dbyer med mtha' las grol// mtha' yas bsam 'das chos rnams kun// chos nyid ngang du 'dud mdzad pa// ngo bo nyid kyi sku la bstod// byis pa rnams kyis btags pa yi// rtsol sgrub bya/
- 181b
rtsal las rnams kun// byar med spros bral lhun grub pa// mngon par byang chub sku la bstod// chags 'dzin spros pa kun 'chos nas// byams pa chen pos kun la khyab// dri yi tshogs kun sel mdzad pa// rig lcam sku la phyag 'tshal bstod// dgag bsgrub spongs len kun bral nas// snying rje chen pos 'gro ba 'dren// reg bya'i yul la dbye bsal med// gsal lcam sku la phyag 'tshal bstod// phyi nang gnyis med chos kyi ngang // dga' ba'i las rnams yongs su rdzogs// sgra yi rang bzhin spros dang bral// bde lcam sku la phyag 'tshal lo// gnyis 'dzin mtha' brgyad sku dang bral// ro yi btags zhen rnam par dag/ btang snyoms yongs su rdzogs par mdzad// stong lcam sku la phyag 'tshal lo// rgyu rkyen skye 'gags yongs dang bral// mthar 'dzin rtog pa'i rol pa rnams// chos nyid mkha' la rang gsal ba'i// shar sgo srung la phyag 'tshal lo// thams cad mnyam nyid ngang du rdzogs// rig tshor 'gyur ba ma lus pa// rang byung dang la dang ba nyid// lho sgo srung la phyag 'tshal lo// 'khrul pa'i snang ba ma lus pa// rang las byung nas rang du dag/ ma gsal rang sar sangs pa nyid// nub sgo srung la phyag 'tshal lo// btags dang zhen pa'i mtshan ma rnams// rang grol grol bar rang sar dag/ gsal ba drangs pa'i ngo bo nyid// byang sgo srung la phyag
- 182a
/ 'tshal lo// bstod pa cha mthun khyad par 'phags// zhes gsungs so// snying po don gyi bstod pa'i le'u ste nyi shu gcig pa'o// // de nas rdo rje sems dpa' yis// sems nyid ston pa kun tu bzang // chos nyid dkyil 'khor lha tshogs la// bdud rtsi sman mchod ji ltar bya// zhes gsol pa dang / kun tu bzang pos bka' bstsal pa// 'khor rnams ma yengs gus par nyon// nga yi bdud rtsi sman mchod bshad// rang byung gdod nas rnam par dag/ rtsa brgyad stong la sbar ba'i sman// rtsa ba 'bum phrag yangs pa'i bcud// 'chi med bdud rtsi ra sa yin// thams cad 'dus pa'i snying po ste// 'gro drug sems can kun sgrol ba'i// dug lnga sel ba'i bdud rtsi mchog/ mi 'gyur snying po'i lha tshogs la// sman mchod dmigs med dbyings su 'bul// skye med bde chen dngos grub gsol// snying po'i rang bzhin 'gyur med kyang // snang srid chos rnams ma lus pa// bdud rtsi sman dag dgongs par bstan// rang byung rgyu rkyen skye 'jigs med// gzhi mo 'od gsal gdod ma nas// 'khrul snang ma rig rnam par dag/ rtsa ba byang chub sems dpa' yin// brgyad ni rnam shes tshogs brgyad de// stong ni theg pa brgyad khri stong // sbyar ni mnyam nyid klong du sbyar// sman ni nyon mongs brgyad kyi sman// rtsa ba thig le nyag gcig yin// 'bum phrag thig
- 182b
le'i rtsal snang yin// yangs pa chos nyid rol bas yangs// bcud ni snying po 'pho 'gyur med// bdud ni nyon mongs dug lnga ste// rtsi ni ye shes rnam lnga 'o// rang ni nga bdag gnyis yin te// sa ni bdag bcom chos nyid yin// yan lag theg pa rim brgyad de// thams cad rdzogs pa chen por 'dus// snying po spyi ti yo ga yin// thog mtha' gnyis kyis gdams ngag gis// 'gro drug g.yang sa gcod pa yin// dras thag gcod pa'i bka' lung gis// sems can ma lus dbyings su bsgral// skye med chos nyid klong du bzhag/ dug lnga zhe sdang chags 'dzin lnga// shes rtog lta sgom spyod 'bras sel// bdud ni rnam rtog phyogs rnams yin// rin chen 'od gsal shes pa'i mchog/ bdud rnams zhen med ngang du bcom// rtsi ni gnyis 'phrang gnas pa ste// thabs ni snang srid bde chen klong // mchod ni dmigs pa med par mchod// dgyes pa mnyam nyid chen por dgyes// dngos ni rang sems skye ba med// grub pa rtogs pa yi ye shes// e saM ka ra a sid+d+hi a/ zhes gsungs so// snang srid thams cad bdud rtsi rnam dag tu mchod pa'i le'u ste nyer gnyis pa'o// // de nas rdo rje sems dpa' yis// ston pa kun bzang la zhus pa// dkyil 'khor lha tshogs de rnams la// 'dus byas zang zing ma yin pa'i// chos nyid gtor ma ji ltar gtong // zhes
- 183a
gsol ba dang / de nas ston pa kun tu bzang po de rin po che 'od 'phel 'grib dbye bsal med pa'i ting nge 'dzin la snyoms par zhugs so// de las bzhengs nas 'di skad gsungs// chos nyid sems kyi gtor ma bshad// 'khor rnams ma yengs gus pas nyon// snying po'i rang bzhin 'gyur med la// rtsal snang ma 'gags gtor ma gtong // 'dus byas rdzas las ma byas pa'i// snang srid rgyas 'debs tor ma gtong // snod kyi 'jig rten gser dngul snod// nang bcud 'jig rten gtor ma'i rdzas// skye 'gro gzugs sogs gtor ma'i brgyan// rang las 'byung ba'i bdud rtsi lnga// dug lngas ka dag ye shes lnga// dug gsum ka dag sku gsung thugs// rnam shes rnam lnga gtor ma'i brgyan// dbang po'i yul lnga gtor ma'i rten// rang dag rgyal ba'i dgongs pa'i bcud// oM AHhUM gsum byin rlabs kyis// phyi nang snod bcud kyis bsdus pa'i/ khams gsum srid gsum 'gro drug rnams// mnyam nyid bdud rtsi rgya mtshor gyur// skye 'gags med par byin gyis brlabs// snang srid kyis bsdus chos rnams kun// skye med dbyings su mchod par 'bul// skye shi rtsad gcod byin gyis rlobs// dus gsum bde gshegs bsam 'das la// snang srid rgyas 'debs mchod par 'bul// skye ba med par bzhes su gsol// 'gyur ba med
- 183b
par byin gyis rlobs// bla med dkon mchog gsum po la// sems kyi btags snang mchod par 'bul// bsam brjod med par bzhes su gsol// rtags snang grol bar byin gyis rlobs// bla ma yi dam mkha' 'gro la// nyon mongs brgyad khri'i gtor mar 'bul// rang sar dengs par bzhes su gsol// sdug bsngal ka dag byin gyis rlobs// bka' srung mkha' 'gro chos skyong la// sems kyi dran rtog mchod par 'bul// 'gyur med klong du bzhes su gsol// skye ba med par byin gyis rlobs// snying po don gyi lha tshogs la// byung tshor thams cad gtor mar 'bul// spros thag chod par bzhes su gsol// rtsis gdab med par byin gyis rlobs// rigs lnga sku lnga yab yum la// phyi nang gnyis bzung gtor mar 'bul// dbye bsal med par bzhes su gsol// bkol ba med par byin gyis rlobs// bde lcam la sogs lha mo la// rigs yin dran sems gtor mar 'bul// rigs 'gru sems dpa' med par bzhes// g.yos pa med par byin gyis rlobs// shar gyi sgo srung mkha' gsal ba// gzung 'dzin chags zhen mchod par 'bul// dbye ba med par bzhes su gsol// shar grol chen por byin gyis rlobs// lho yi sgo srung rang sangs la// yul dang sems nyid gtor mar 'bul// 'gags pa med par bzhes su
- 184a
@#/ gsol// gnyis su med par byin gyis rlobs// nub kyi sgo srung rang mdangs la// ma rig gnyis 'dzin gtor mar 'bul// gsal ba'i klong du bzhes su gsol// ye shes rang sar byin gyis rlobs// byang sgo bsrung pa'i gting gsal la// lha sgom spyod 'bras gtor mar 'bul// zhe 'dod med par bzhes su gsol// ka dag chen por byin gyis rlobs// ming 'dogs thams cad gtor mar 'bul// btags nad med par byin gyis rlobs// bya btsal thams cad gtor mar 'bul// byar med chen por byin gyis rlobs// bzang ngan thams cad gtor mar 'bul// spong len med par byin gyis rlobs// gzhi dang rtsal snang gtor mar 'bul// ma bu dbyer med byin gyis rlobs// btang bya gtong byed med pa yi// sems kyi gtor ma khyad par 'phags// zhes gsungs so// rang sems gtor mar bkod pa'i le'u ste nyer gsum pa'o// // de nas rdo rje sems dpa' yis// ston pa sems dpa' kun bzang la// gtor ma'i nges tshig ji ltar lags// zhes gsol pas/ ston pas 'khor la bka' bstsal pa// gtor ma gtor ma zhes bya ba// 'gro drug gtor bas gtor zhes bya// de drug g.yang sa bcad pas ma// gnyis snang phul bas gtor zhes bya// gnyis su med pas ma zhes bya// ma 'gags 'byung/
- 184b
bas gtor zhes bya// rtsis gdab med pas ma zhes bya// rig pa rtsal snang gtor zhes bya// gzhi la rtsal thim ma zhes bya// sna tshogs snang bas gtor zhes bya// brjod mtha' yas pas gtor zhes bya// brjod du med pas ma zhes bya// chos rnams gcig tu shes pas ma// gcig shes kun grol gtor ma'i mchog/ ces gsungs so// gtor ma'i nges tshig bstan pa'i le'u ste nyer bzhi pa'o// // de nas rdo rje sems dpa' yis// kun bzang nyid la 'di skad zhus// rdzogs chen spyi ti yo ga yi// dbang gi bskur thabs ji ltar lags// zhes gsol ba dang / de nas ston pa kun tu bzang po de 'od dang byin rlabs nang du 'bar ba'i ting nge 'dzin la snyoms par zhugs so// de las bzhengs nas 'khor rnams la// dbang gi bskur thabs bka' bstsal pa// snying po don gyi gnas lugs la// bskur bya skur byed gnyis med kyang // re zhig ma rtogs blo can la// rig pa sems kyi rtsal dbang bskur// kun gzhi klong yangs gzhal yas khang // 'dus ma byas pa'i mkha' dbyings su// chos nyid ka dag rtogs 'dod rnams// rtsol ba med pa'i tshul gyis 'jug/ dang po bum pa'i dbang nyid de// gnyis pa gsang ba'i dbang nyid dang // gsum pa shes rab ye shes dbang // bzhi pa rin chen tshig dbang ngo // rgyal thabs spyi blugs kyi la bzla// dang po bum pa'i
- 185a
dbang bskur ni// las dang skal ldan slob ma yin// snying po'i gdams ngag yod pa yi// bla ma de la zhu ba dbul// bla mas gnang bar gyur pa dang // rdzas dang yo byad ldan byas te// gzung 'dzin dag pa'i sa phyogs su// phyogs ris spangs pa'i sa phyogs der// mkha' klong yangs pa'i mchod khang du// 'gyur med dbyings kyi dkyil 'khor na// ma rig gsal ba'i gzhal yas khang // ma bskyed yongs rdzogs lha tshogs bzhugs// de la slob mas dbang nod de// skal ldan rigs can slob ma des// 'og min gnas mchog dkyil 'khor du// tshogs dang mchod gtor tshul bzhin bshams// bsgrub pa'i rdzas dang dkyil 'khor rdzas// rgya chad med par bsags par bya// de nas don ldan slob ma des// mchog gis skyabs 'gro sems bskyed de// byang chub chen po'i chu rgyun gyis// sems kyi dri ma dag par bkru// phyogs 'dzin blos byas sdig pa bshags// zhen chags dngos 'dzin med par 'bul// slob dpon gdan la bzhugs pa la// sgo gsum dang bas 'di skad zhu// e ma ho/ ye nas bde gshegs snying po la// nyon mongs ma rig las dbang gis// rang gi de nyid ngo ma shes// bskal bar 'grogs kyang de ma bskyed// lhan cig gnas kyang zhal ma mthong // nyon mongs dug lnga'i bdag nyid kyis/ khams gsum 'khor bar 'khyams
- 185b
'gyur lha tshogs blta bar gyis// rang gi rin chen 'od gsal bstan// thog ma'i sangs rgyas ngo sprad do// zhes pas mig dbye lha ngo bstan// de nas slob mas me tog gtor// gang yin rigs kyi gsang mtshan gdags// de nas rdo rje slob dpon dang // skal bar ldan pa'i slob ma yis// ka dag lha la bsnyen par bya// re med rang gnas rtogs gyur nas// dbang bzhi rdzogs par bskur ba ni// slob ma'i spyi bor bum pa bzhag/ hUM/ chos dbyings rnam dag bum pa 'di// dbu yi gtsug tu bzhag nas ni// ye shes bum pa'i dbang bskur bas// snang srid ma 'gags chos sku ru// phyogs ris bral ba'i dbang thob shog/ de nas dbu rgyan bkon nas ni// rgyal ba rigs lnga'i dbang bskur bas// ye shes rnam lngar gsal ba dang // gzhan du ma btsal rang gnas pa'i// bla ma rigs lnga'i skur gyur cig/ de nas rdo rje sbyin byas te// ye shes rdo rje 'di gtad pas// ma nor ma bcos byar med pa'i// mi 'gyur brtan pa'i rdo rje yis// 'khor 'das chos rnams rgyas thob cig/ de nas dril bu sbyin byas la// stong nyid dril bu 'di sbyin pas// dngos med stong pa'i rang bzhin las// 'gags pa med pa'i rang sgra yis// chos rnams rang sar dengs par gyis// de nas bdud rtsi gtor ma dang // brda dbang byin la gsang don bstan// gnyis pa gsang ba'i dbang
- 186a
bskur ni// btags chos snang grags thabs yin te// rang bzhin dngos med shes rab yum// gnyis su med par rab sbyar bas// dbye bsal med par thob par gyis// gsum pa shes rab ye shes / yul la ma phye chos kyi dbyings// sems kyi ma sems chos kyi sku// chos sku chos dbyings brjod med klong // shes rab ye shes dbang bskur thob// ces gsungs so// bzhi pa rin chen tshig dbang ni// sems nyid rang dwangs rin chen de// rnam rtog mtshan ma'i tshogs las byung // chos nyid rang gsal rang dbang thob// rgyal thabs spyi blugs la bzla'i dbang // nges don rtags kyi ngo spyod bstan// spyi ti gsang ba'i dam tshig dpogs// 'gags med rtsal gyi gtor tshogs btang // zhes gsungs so// s+thi ti'i don dbang bskur ba'i le'u ste nyer lnga pa'o// // de nas rdo rje sems dpa' yis// ston pa kun tu bzang po la// dbang gi bskur tshul thob lugs zhus// ston pas 'khor la bka' bstsal pa// snying po ka dag ming med la// thob dang ma thob gnyis med de// de ltar ma rtogs gnyis su byung // dbang gi thob tshul rdzogs lugs ni// chos nyid ma bcos par gnas pas// gzhan yang gnas kyi dbang bskur thob// 'gyur med chos nyid skur gyur pas// sku yi dbang bskur chen po thob// sgra brjod med pa'i ngang gnas pas//
- 186b
gsung gi dbang bskur chen po thob// g.yo ba med pa'i dbyings thim pas// thugs kyi dbang bskur chen po thob// ma bskur ngang la rdzogs pa yis// sku gsung thugs kyi dbang bskur thob// dbang gi rdzogs lugs bstan pa ni// bum pa'i dbang yang sems la rdzogs// bum ni snying po 'od kyi bum// pa ni chos nyid ma 'gags pa// dbang ba skye med don la dbang // bskur ba gnyis su med par bskur// thob pa snying po chos sku thob// de phyir bum dbang sems la rdzogs// gsang ba'i dbang gi rdzogs lugs ni// gsang ba blo yi yul ma gyur// sgra bsam brjod las 'das pa yin// dbang ni brjod med don la dbang // bskur ba mtshon du med par bskur// thob ni brjod bral ngo bo thob// de phyir gsang dbang sems la rdzogs// shes rab ye shes rdzogs lugs ni// shes ni gzhi mo'i 'od las shes// rab ni ma bu gnyis ngo phrad// ye ni thog ma med pa ste// shes ni kun 'byung rang grol shes// dbang ni chos kyi sku la dbang // bskur ni dmigs dang bral bar bskur// thob ni chos nyid 'gyur med thob// rdzogs ni rang sems rang la rdzogs// rin chen tshig dbang rdzogs tshul ni// rin ni sems nyid rin po che// chen ni che ba lnga yis sbags// tshig ni brjod du med pa'i tshig/ dbang ni 'od gsal chos nyid dbang // bskur ni 'gyur med
- 187a
dbyings su bskur// thog ma'i sangs rgyas lnga rnams thob// de phyir tshig dbang sems la rdzogs// zhes gsungs so// dbang bzhir rdzogs tshul gyis le'u ste nyer drug pa'o// // rdo rje sems dpas yang zhus pa// dbang bzhi zil gyis gnon pa yi// rig pa'i rtsal dbang ji ltar lags// zhes gsol pa dang / ston pas 'khor la bka' bstsal pa// rig pa'i spyi blugs dbang bskur ni// pa ta spyi a ta sang ka ri/ zhes bya ste/ spyi blugs dbang gis bskur thabs kyis// chos sku cer gyis ston pa yin// snang zhing srid pas bsdus pa rnams// dgag sgrub med par dbang bskur bas// rang mdangs chos nyid gsal dag thob// gzung 'dzin gnyis snang bden gnyis rnams// dbyer med spros pa thag tshang ba'i// 'khrul snang rtsad gcod dbang bskur bas// rang sangs chen por rang dbang thob// snang srid rnam dag mkha' klong du// cir spyod chos nyid rol pa'i rgyan// chos can chos nyid ma dang phrad// ma bu dbyer med rang dbang thob// zil gnon rig pa spyi blugs dbang // dbang bzhi rgyas btab dbang gi rgyal// snang srid dbang bsgyur skye med rgya// 'gyur med ston pa dbyer med pa// bya ba kun btang dgag sgrub bral// sangs rgyas rang gi sems la dbang // snang srid rgyas 'debs 'khrul rtsa bcad// rang dbang rang
- 187b
thob brjod med klong // 'gyur med rang gnas dbang gi rgyal// byang chub sems kyis dbang bskur 'di// rtsol ba'i theg pa gzhan dag pas// ma byung 'byung ba ga la srid// s+thi ti'i dbang bskur gzhan las 'phags// dbang bskur rgyal po'i le'u ste nyer bdun pa'o// // de nas rdo rje sems dpa' yis// sems nyid ston pa kun bzang la// sems nyid tshwa tshwa ji ltar gdab// ces zhus pas/ de nas ston pa kun tu bzang po de chos nyid rang byung gi ting nge 'dzin la snyoms par zhugs so// de las bzhengs nas bka' bstsal pa// ye klong chos nyid dbyer med kyang // snying po'i rang bzhin g.yo med pas// yan lag rtsal gyi tshwa tshwa 'debs// 'khor rnams ma yengs gus par nyon// bya rtsol rtsol bsgrub mi dgos pa'i// chos nyid tshwa tshwa gdab pa ni// chos nyid 'gyur med sa gzhi la// thogs rdugs med pa'i 'byor rnon gyis// brgyad khri bzhi stongs brkos te// dran rtog btags zhen 'dag par brdzis// thig le snying po gcig tu dril// mnyam pa nyid du dgongs so byas// 'gyur ba med par byin gyis rlobs// thabs dang shes rab lag pa yis// thig le gcig tu 'bi 'bi byas// chos rnams chos sku gcig tu dril// chos dbyings yangs pa'i rkos phor du// rig rtsal 'gags pa med par bcug/ snang srid phyi nang gnyis med sbyar/ khams
- 188a
gsum 'khor ba'i spyi nas gdab// mkha' dbyings rnam bzhag dkyil 'khor nas// rtsal snang rig pa'i mchod rten byung // snying po yan lag 'dres pa yis// gzhi rtsal dbyer med mchod rten te// kun gyi stong nyid gnas su bzhag/ mkha' klong yangs pa'i khri steng du// 'gyur ba med par bzhugs su gsol// de lta'i mchod rten mtshan nyid ni// mtha' dbus med pas dbyibs zlum po// gang zag dbang po'i khyad par gyis// bang rim brtsegs ma dgu ru gnas// rgya khyon nam mkha'i mtha' dang mnyam// gzugs ni mi snang kun gyis dngos// dus gsum 'pho 'gyur med par bzhugs// mtshan nyid cir yang gzung du med// rang bzhin kun la khyab par gnas// ngo bo dmigs pa'i yul las 'das// sgra bsam brjod las 'das pa'i gdung // mtshan nyid mchod rten 'jig 'dral med par bzhugs// mtshan nyid cir yang gzung du med// rang bzhin kun la khyab par gnas// ngo bo dmigs pa'i yul las 'das// smra bsam mtshon las 'das pa'i gdung // tshwa tshwa 'debs na sems la thobs// rtsol sgrub mi dgos ngo mtshar che// tshwa tshwa mi mthun khyad par 'phags// zhes gsungs so// sems nyid tshwa tshwar bkod pa'i le'u ste nyer brgyad pa'o// // de nas rdo rje sems dpa' yis// kun bzang nyid la 'di skad zhus//
- 188b
sems kyi tshwa tshwa bzhugs pa'i gnas// skye med mchod rten ji ltar brtsig/ ces zhus pa dang / de nas ston pa kun tu bzang po de/ rin po che 'od mi 'gyur mi shig pa'i ting nge 'dzin la snyoms par zhugs so// de las bzhengs nas bka' bstsal pa// snying po skye med 'gyur med la// rtsal snang ma 'gags mchod rten ni/ khyab brdal chen po'i sa gzhi la// ka dag dbyings kyi thigs btab ste// 'gyur med brtan pa'i 'bri rdo btings// snang srid bsdus pa'i mchod rten brtsegs// ma lus rgyas 'debs sku gdung bzhengs// byams dang snying rjer ldan pa yis// nyon mongs brgyad khri 'dag pa brdzis// nga bdag gnyis kyis nang grogs byas/ khams gsum 'khor ba'i gdan khrir bcug/ bang rim tha ma mtshan nyid gsum// bar ma phyi rgyus gsum gyis byas// ma hA yo ga gsum pa ste// a nu yo ga bang rim bzhi// rdzogs pa chen po bum pa'i rten// spyi ti yo ga'i bum pa yi// snying po 'gyur med srog shing btsugs// ye shes bcu gnyis 'khor lo la// mkha' 'gro yangs pa'i char khebs gtibs// snying po yan lag bya ru btsugs// thabs dang shes rab nyi zlas brgyan// dbyings ni nam mkha' lta bur gnas// snang srid kun la khyab pa'i khyon// tshad ni tshogs brgyad yul ma gyur// snang ba'i yul med dmigs dang bral// dngos po mtshan ma'i spyod yul min// byis
- 189a
pa ma rab rtog ge'i blos// 'di ni mthong bar ga la nus// mtshan nyid mtha' yas kun dang bral// cir yang bzung du med pa'o// kha dog rin chen sna tshogs 'od// 'phro yang ngos bzung mtshon las 'das// rtsis gdab dbyer med zhal zhal byas// gzung 'dzin dri med dkar rtsis bskus// mnyam nyid dbye gsal med par gnas// zhes gsungs so// de nas rdo rje sems dpa' yis// kun tu bzang la yang zhus pa// mchod rten de yi nges tshig gang // zhes zhus pa dang / kun tu bzang pos bka' bstsal pa// snying po'i rang bzhin g.yo med la// yan lag rtsal gyi mchod rten shar// de la mchod rten zhes bya ba// mchod ni sku gsum dbyer med mchod// rten ni 'du 'bral med pa yin// mchod ni bsam du med pas mchod// rten ni blo yi yul las 'das// mchod ni skye ba med par mchod// rten ni 'gag pa med par rten// mchod ni dran pa med par mchod// rten pa yid la byar med rten// mchod ni snang zhing srid pa ste// rten ni rtsis gdab dbye gsal med// mchod ni sgrol lnga'i shes pa ste// rten ni spyod du mi 'jug go/ mchod ni phyi nang dkar dmar ste// rten ni ma chags zhen pa med// mchod ni snying po blo yangs te// rten ni chos sku 'gyur ba med// mchod ni mkha' klong sku bzhi ste// rten ni rig pa'i rtsal snang ngo // mchod ni ma 'gags
- 189b
rtsal snang thim// rten ni gnyis med ngang du gnas// mchod ni thig le chen po yin// rten ni spros pa mtha' dag bral// mchod ni sna tshogs rdzogs pa yin// rten ni ci yang spang ba yin// mchod ni bde ba chen po ste// rten ni sdug bsngal kun dang bral// mchod ni sna tshogs mtshan ma spangs// rten ni mi rtog ye shes rgyas// mchod ni skye med don gyi chos// rten ni 'gyur ba med pa'i sku// mchod ni gnyis snang ma lus byang // rten ni gnyis med chen por chug/ de phyir 'jig rten byang chub che// 'gyur med dbyings kyi mchod rten 'di// theg pa gzhan nas 'byung mi 'gyur// mchod rten cha mthun khyad par 'phags// zhes gsungs so// mchod rten gyi nges tshig bstan pa'i le'u ste nyer dgu pa'o// // de nas rdo rje sems dpa' yis// ston pa kun tu bzang po la// rdo rje sems dpas yang zhus pa// sbyin sreg chen po ji ltar lags// zhes zhus pa dang / de nas ston pa kun bzang des/ rin po che 'od kyis spros pa thams cad bsreg pa zhes bya ba'i ting nge 'dzin la snyoms par zhugs so// de las bzhengs nas bka' bstsal pa// snying po'i rang bzhin 'gyur med la// rtsal snang bu yis sbyin bsreg bya// skye med phrin las rnam bzhi yis// gdul bya bzhi las dgongs nas gsungs// zhi rgyas dbang dang drag po ste// s+thi ti yo ga'i sbyin sreg 'di// rdo rje
- 190a
#// sems dpas go bar gyis// de la zhi ba'i sbyin sreg ni// klong yangs thabs khung zlum po ru// sems can gzung 'dzin gyi bcings pa// thams cad zhi bar bya ba'i phyir// rnam par rtog pa'i mtshan ma kun// bkug la zab khung nang du bzhag/ shes rab me yis dag par sreg/ dbye sreg zhi ba'i ngang du tshig/ bsreg rdzas mchod bstod mi dgos te// sems kyi bsreg rdzas mchod bstod kyis// dug lnga rnam rtog thams cad zhi// drag po'i sbyin sreg bstan pa ni// chos dbyings e yi zab khung du// bden pa gnyis la zhen pa yi// sems can drag pos tshar gcod phyir// ye shes chen po'i me sbar ste// gnyis 'dzin gnyis med ngang du sreg/ dngos 'dzin rtsis gdab med par tshig/ mchod dang sreg rdzas bstod pa spangs// dbang ni chos dbyings zla gam du// thams cad dbang du bsdu ba'i phyir// skye rga na 'chi'i sems can dgug/ skye shi med pa'i ngang du bsgral// dgag bsgrub gnyis med don la dbang // rgyas pa'i sbyin sreg bstan pa ni// ye shes rang gsal rgyas bya'i phyir// lta sgom spyod pa 'bras bu la// zhen cing chags pa'i sems can kun// rang mdangs rin chen 'od 'bar mes// blos btags lta ba thams cad sreg/ yid bzung sgom pa thams cad sreg/ ched byas spyod pa thams cad sreg/ yid smon 'bras bu thams cad sreg/ mi blta
- 190b
bltar med chen por rgyas// mi bsgoms rtog med chen por rgyas// mi bcos bcos med byar med rgyas// mi bsgrub sgrub med thogs med rgyas// mchod bstod bsreg rdzas mi dgos te// sems kyi sbyin sreg khyad par 'phags// sbyin sreg gi le'u ste sum cu pa'o// // de nas ston pa kun bzang la// rdo rje sems dpas yang gsol pa// dug lnga dug gsum bsreg pa yi// thal ba ji ltar mnan par bya// zhes gsol pa dang / de nas ston pas bka' bstsal pa// snying po ma la 'gyur med kyang // chos can rtsal gyi rig pas non// rdo rje sems dpa' go bar bzung // rdzogs pa chen po'i gnyen sa ru// 'khrul pa rtsad gcod skyes bu yis// thabs dang shes rab lag pa ru// rang byung rig pa'i gtad phur bzung // chos dbyings rnam dag hom khung bru// nyon mongs chos dbyings thod par gzhug/ rnam dag rang grol re bas bskum// ye shes lnga yi tshon skud kyis// 'gyur med rgya gram mdud pa byas// nga bdag dgra bgegs dbyings su bkug/ ka dag gdeng chos g.yam pas bkag/ 'gyur med ri rgyal 'og tu mnan/ sku gsum rgyas pa'i pho brang gdab// skye ba med pa'i bro yang brdungs// e ma ho/ nga bdag gis bcings sems can kun// sngar yang ma grol da mi 'grol// de la gnod pa'i gnod chen ni// 'dre yi rtsa ba nga dang
- 191a
bdag/ de yi rgyab rten dug gsum ste// sdong lo brgyad khri bzhi stong rnams// skye ba med pa'i ngang du mnan// skye ba'i rig pa ma ldang zhig/ bcing ngo chos nyid dbyings su bcings// yid kyis dran rtog ma gyur cig/ bdag po 'gyur med rgya yis gdab// las kyi bag chags ma ldangs shig/ gcod do dug gsum rtsa ba gcad// sems dang dug lngar ma ldangs shig/ mnan no sku gsum 'og tu mnan// bskal pa brgyar yang ma ldangs shig/ lta ba chod de chod de mthong // phyogs med mtha' bral rgya yis gdab// sgom pa me re lhan ne zhog/ g.yo 'gul med pa'i rgya yis thobs// sbyong ba rbad de rgud de chod// bar chotshod spros bral rgya yis thobs// nyams myongs pan ne bun ner khyer// skye 'gags med par rgya yis thobs// 'bras bu 'ab se 'ubs ser thongs// sku gsum 'du 'bral med pa yi// re med rang gnas rgya yis thobs// ces gsungs so// dug gsum nga bdag mnan pa'i le'u ste so gcig pa'o// // de nas ston pa kun bzang la// rdo rje sems dpas yang zhus pa// nga bdag gnyis kyi dgra bgegs la// rang grol phur pas ji ltar gdab// ces zhus pa dang / de nas ston pa kun tu bzang po de/ snying po rin po che 'od rang byung gi ting nge 'dzin la snyoms par zhugs so// bzhengs nas 'khor la bka' bstsal pa// ye
- 191b
kloslong ngang la dbyer med kyang // rtsal snang bu la dgra bgegs rnams// rtsad gcod phur pa gdab thabs bshad// mi 'gyur sems kyi phur pa yis// sgrub med chos kyi dbyings su gdab// 'khor 'das dgra bgegs rtsad nas gcad// skye med ka dag phur pa yis// dngos med chos kyi dbyings su gdab// dngos po'i dgra bgegs rtsa ba gcad// dngos med zangs ka'i phur pa yis// rang byung rang mdangs dbyings su gdab// rnam rtog dgra bgegs rtsad nas gcad// re med rang gnas phur pa yis// ma btsal dbyings kyi ngang du gdab// re dogs dgra bgegs rtsad nas gcad// phur pa byang chub sems kyi rtags// byang chub sems kyi phur pa yis// srid gsum 'gro ba'i bdar sha bcad// ma btab bzhin du lhun gyis rdzogs// ma bsgrubs bzhin du ye nas grub// mnyam pa'i rgyal po rig par gnas// phur pa chos kyi dbyings kyis btab// gzhan du gdab pa'i gnas med de/ rang rig byang chub sems la gdab// phur pa 'dzin cha mya ngan 'das// gzung 'dzin rnam rtog nyid la gdab// phur pa dngos po kun dang bral// dngos med sems kyi phur pa yis// dngos po phyin ci log la gdab// gdab dang mi gdab dmigs mtha' 'das// phur pa skye ba med pa'i don// skye med sems kyi phur pa yis// sems la btab pas rig pa shar//
- 192a
dbyings la btab pas lhun gyis grub// gnyis su med pa gdal ba'i ngang / khyab brdal chen po'i phur pa yis// snang srid kun la khyab par gnas// de ltar rtogs na thebs pa yin// mngon du gyur na rtogs pa yin// tshig las 'das na sangs rgyas yin// grangs las 'das pas brjod du med// gcig dang gnyis su dbye ba med// ces gsungs so// rang sems phur par bkod pa'i le'u ste so gnyis pa'o// // de nas ston pa kun bzang la// rdo rje sems dpas yang zhus pa// gal te dgra bo ma sod na// mthu yis gsad thabs ji ltar lags// zhes zhus pas/ de nas sems nyid kun bzang des// rin po che 'od zer gyi dgra bo[:]kha phung du gsod pa zhes bya ba'i ting de 'dzin la snyoms par zhugs so// de las bzhengs nas bka' bstsal pa// chos nyid ma la dbyer med kyang / rtsal snang bu la dgrar gzung ba'i// rtsa ba 'gong po nga bdag yin// jo bo nyon mongs dug lnga yin// rgyab rten brgyad khri bzhi stong yin// dmag dpon log men lam mkhan dang // mi bden pa la bden 'dzin dang // mi byed lam du[:]byed mi 'jug/ de gsum mun pa'i 'khor sgo can// mi gsal mi thar mi khom dang // 'khor ba'i yul na gnas pa yis// ma rig gnyid log gzung 'dzin gos//
- 192b
chags sdang gnyis kyi sgrog tu bcug/ re dogs lcags 'brab khams gsum 'khyam// thar pa'i dus med 'o dod 'bod// sangs pa'i dus med mun nag gnas// rtogs pa'i dus med sems can la// bdag 'dzin pa dgrar langs pas// de lta'i dgra rnams bsad pa'i thabs// snying po chos sku'i slob dpon gyis// gcig shes kun grol slob ma btsal// ngang drangs chen po'i grub brda ston// 'gyur med dbyings kyi phur pa thobs// rang byung rang sangs drag sngags bzlas// 'gyu ba rang mdangs zor 'phangs pas// 'gong po nga bdag snying la brdegs// bdag med rang grol dbyings su bsgral// 'gyur med chos dbyings phur pa yis// jo bo dug gsum srog rtsa gcad// sku gsum rgyal ba'i klong du bsgral// rang byung chen po'i thun sngags brdegs// nyon mongs thams cad dus gcig brlags// chags zhen rtag 'dzin thams cad sangs// ma rig mi gnas klong du bsgral// dgra yi rtsa ba gcig chod pas// dgra rnams thams cad dus gcig sod// de la mthu bo che zhes bya// mthu ni snang srid thams cad de// che ba ma spangs mi gnas pa// mthu ni chos mkhan bu yin te// che ba chos nyid ma yis che// ma 'gags mi dmigs mthu bo che// rdzogs chen sems kyi mthu chen yin// zhes gsungs so// sems nyid mthur bkod pa'i le'u
- 193a
@#// ste so gsum pa'o// // de nas ston pa kun bzang la// rdo rje sems dpas yang zhus pa// sems kyi ser ba ji ltar dbab// zhes zhus pas/ de nas ston pa kun bzang de/ snying po rin po che'i 'od kun tu 'phro zhing chos nyid klong du bsdu ba'i ting nge 'dzin la snyoms par zhugs so// de las bzhengs nas bka' bstsal pa// chos nyid ngang la 'gyur med kyang // yan lag bu yis ser chen phobs// khams gsum 'khor ba'i sa gzhi la// nyon mongs dug lnga'i lo thog rgyas// yul sems gnyis 'dzin 'bras bur smin// ma rig zhing bzan sdug bsngal dag/ ma rtogs pa yi sems can la// rang mdangs rdo rje slob dpon gyis// phyi nang gnyis kyi thod pa ru// yul sems gzung 'dzin btsugs nas kyang // snying por rang byung sngags pa yis// zhen pa rang log phreng ba bgrang // shugs 'byung rang grol drag sngags bzlas// theg chen spyi ti'i gnyen sa ru// sku gsum 'gyur med skyed pra btsugs// mkha' klong rnam dag thod pa ru// blta bya bsgom bya spyod 'bras rnams/ khrag tu byas te bskol nas ni// lha med sgom med byar med zabs// rang byung dang drangs khro thabs sprugs// chos nyid nam mkha'i klong yangs su// longs spyod rdzogs pa'i sprin nag gtibs// 'gags med sbrul sku'i ser ba phobs// dug lnga'i lo tog gnyis 'dzin bcom// ma
- 193b
rig mun mtha' thal bar brlags// yul sems dgag sgrub skyo ngal mnan// nyon mongs brgyad khri'i lo thog la// de snyed chos sku'i ser chen phobs// nga bdag bden gnyis 'dzin pa la// chos sku rang sems chen por phobs// ma rig thibs po'i lo thog la// ye shes gsal ba'i ser chen phobs// ces gsungs pa'o// sems nyid ser ba phab pa'i le'u ste so bzhi pa'o// // de nas ston pa kun tu bzang po de// rin po che brda'i ting nge 'dzin la snyoms par zhugs so// de nas kun tu bzang po la// rdo rje sems dpas yang zhus pa// spyi ti'i nyams len ji ltar bstan// zhes zhus pas/ ting nge 'dzin las bzhengs nas ni// 'dus pa'i 'khor la bka' bstsal pa// pa sa a ga ya ya/ ma hA su kha ho/ s+thi ti'i man ngag brdas bstan pa// rdo rje sems dpa' yid la zungs// nam mkhar bro brdung / rim khar sos thob/ gangs dkar la mdung tshugs/ nam mkhar yul gyis/ rgya mtshor khyim gyis/ la khar dar phyor/ dbus kyi ri bo la mkhar gyis/ bar snang lus la gyon/ na bun mgo la gyon/ skar mda' sked la chings/ g.yas su nyi ma thogs/ g.yon du zla ba thogs/ sprin gyis lham gyon/ 'byung ba lnga'i g.yos gyis/ snang ba zas su zo/ srid pa lto ru tshugs/ 'ja' tshon rgyan du 'chor/ gcig sod/ gnyis spongs/ gsum brten/ gcig yul phyung /
- 194a
// gsum snying drongs/ gnyis ske chod/ gcig so 'dzin du bcug/ gsum gyi dgra dpung choms/ gnyis grogs su khyer/ long ma'i mig la nyi ma kho ba/ me 'bar na chus sod// sa gzhi lcags su tshugs/ rlung la mda' rgyob// dpung mkhan ngos zungs la dzag par khye/ thog mtha' gris chod/ dgra dpung choms/ rdzong du zhugs/ gnad khar srungs/ zam 'phrang sdoms/ zhes gsungs so// nyams len brdas bstan pa'i le'u ste so lnga pa'o// // de nas ston pa kun bzang la// rdo rje sems dpas yang zhus pa// theg pa gzhan la mi 'byung ba'i// 'khor ba g.yul bzlog gnad 'gags gang / zhes zhus pas/ de nas sems nyid kun tu bzang po des/ rin po che'i bskol ba med pa'i ting nge 'dzin la snyoms par zhugs so// de las bzhengs nas bka' bstsal pa// ri bsnyil me sod mtsho skom/ mdun khrod phyags mas thobs// rgan rgon sod la da phrug spos// chu bo zhon la seng ge khrid// nam mkha' gyon la sa gzhi zings// snang srid ltor tshugs rgya mtsho 'thungs// mkha' la mig ltos sprin mdzub tshugs// rgya mtsho chen po'i gting du nyol// nyi ma zla ba mig tu tshug/ rlung po gtod la mnan par bya// smig rgyu nam mkha'i dbyings su skyol// spre'u sod la dbyings su gdong / khye'u chung nam mkhar phyin pa yis// 'gro ba mi
- 194b
myong yoM mr-ig nas// na mo mkha'i dbyings sr-i zla gtsog gso so// kau zla'i mtshoms su shul btod nas// 'ja' tshon rnam lnga'i lam du zhugs// phyin pas 'gr-i sau mau rtid ljobs// mr-in stong gnyis su gsol gau / dgra zin gnyis kyi so mtshams su// mi 'jigs pa yi skyel ma tshol// sra ba'i go gyon rno'i mtshon thogs// bslu med grogs brten mgyogs rta zhon// 'phrang gsum nang du bsnyungs tshud la// dgra ngos bzung la zin par sod// gnad gsum nang du brtsigs la dbab// rgyal po btson du zin pa dang // dgra yi bu rnams bsad pa yis// rgyal khams cham la 'phab par 'gyur// dgra zin gnyis kyi 'khrug pa rdzogs// de nas gnad mkhar btsan po srungs// rdzong gsum nyal nas brten par nyal// so mtshams yul srungs 'phrang gsum bsdams// gal te dgra dmag dpung che bas// de yis zlog par ma gyur na// srid de gcad cing dmag dpon bsko// go cha mtshon cha nan tan bskyed// bsgom pa'i khrab chen lus la gyon// man ngag gnad kyi ske rags chings// byin rlab nus mthus khrag lag tshugs// gnyis su med pa'i rkang chas gyon// gsum 'brel 'khor gsum lus la gdags// ser bu gzhu la thabs shes mchog/ chang bzung nam mkha'i mig gcig po// gong na med pas ri bo'i brgyud// zug rngu med pa'i smyug ma la// tshad
- 195a
med bzhi yi sgro yis sgron// rno ngar ldan pa'i mde'u chug/ bar snang dag pa'i dong par btsa'// lta ba'i phub dang bsgom pa'i rmog/ gyon nas dmag la chas te 'gro// dmag dpon chen po skye med dang / 'gyur med 'gags med gnyis med bzhis// dpa' bo chen po bzhi btsal te// gras chod lam mkhan mngon shes can// dpa' bo chen po mthu bo che// de ltar brgyad sogs bsam las 'das// gnyis kyi 'khrug pa chen po shoms// stong ra'i nor bu rin chen la// gsal 'dun rnam gnyis ma mthun pas// dgra dmag dpung la mda' zhig 'phen// ser po'i gzhu mo gcig gi brdung // skyon brgyad bral ba'i mda' rting ste// gnyis ldan gcig dril mda' ltong sbyor// nam mkha' chen por mer gyis bkang // 'gong po lcags kyu can la brdegs// gnod sbyin med par lhan gyis shi/ rgya mtshor sor bzhag chen po'i mda'// mun nag 'khor lo'i snying la brdegs// nyi zla dag pa'i klong du shi/ bar snang dngos med rlung gis mda'// gnyis 'dzin blang dor snying la brdegs// sman dug med par rang sar shi/ dri med shel sgong chen po'i mda'// phyogs rnams 'byed pa'i snying la brdegs// bye brag med par lhan gyis shi/ mtsho gting nyi zla'i mda' 'phangs pas// lnga brgyad dgra bo'i snying la brdegs// lnga brlag brgyad bral klong du shi/ gros thag
- 195b
gcod pa'i mdun ldang gis// dgra dmag thams cad g.yul ngo bzlog/ rtsa ba rgan sdong mkhan rtsa ba chod// ces gsungs so// 'khor ba'i dpag dpung g.yul bzlog pa'i gdams dag bstan pa'i le'u ste so drug pa'o// // de nas ston pa kun bzang la// rdo rje sems dpas yang zhus pa// chos rnams bstan la 'bebs pa yi// s+thi ti'i brda' chos ji ltar spyod// ces zhus pa dang / kun tu bzang pos bka' bstsal pa// yul khams gcig la slob dpon gcig/ de la gces pa'i nor gcig yod// gter 'byung snod dang thob thabs gang // mi thob 'dre ngos zin song ngam// nor de sbas pa ngo shes sam// nor la phyogs med yul gcig yod// yul de gang yin ngos zin nam// nor bdag nyid gnyis ngo shes sam// nor de'i 'byung sgo gnyis shes sam// de la thob par byed thabs gsum// thob pa'i rtags la rnam pa bzhi// de dag gang yin ngo shes sam// yang kun gyi spyi yul chen po na// dbang chen gnyis la sbyi nor gcig/ de gnyis gcig gsod gcig zhog la// nor de rang gis thob par gyis// mig med mun pa'i smag rum sol// nyi zla'i mtshams su gnas 'chos la// snang ba chen po'i me long ltos// sa yi go la nam mkha'i stan// na bun zhar gyon phar snang nyol// spre'u chu gnyer lag pas zungs//
- 196a
@#// rlung po rkang pa'i 'og tu non// 'ja' tshon mgor tshugs ri rtsar 'dug/ chu bo khar 'thung dar gyis dril// yang / mun snang gnyis kyi so mtshams ni// ci btab skye ba'i ldum ra'i nang // thams cad yid 'ong me tog rgyas// 'bras bu rang mdangs rin po che// de la thams cad 'dod pa skyes// ma thob ma mthun gnyis su med// gnyis po 'khrug pa chen po byed/ khye'u ngang dwangs snang ba gsal// kun rig 'khrul gyi me long can/ khyod kyi so mtshams spyi sar song // skyed po gsum gnyis drug tshugs la// zangs chen gnyis su sman dug bskol// de nas rgad po rgad mo dang // phung byed bu tsha ming sring gsum// dmag dpon gsum gyis mgo drangs pa'i// grib so tsam gyis dmag 'ong gis// dug chu byin la dgra dpung choms// des ma sod na bzlog pa'i lto// gangs kyi rtser song seng ge zhon// nam mkha'i khams su mdu 'khor gyis// lhun po'i ri rtser me chen spor// rgya mtsho'i gting du mar me thogs// mun pa'i nang du nyi zla khyer// rlung po'i nang du ral gri bskor// 'chi med bdud rtsi'i bcud 'thung la// spangs la gser gyi phur pa thob// gangs la nyi ma shar du tshugs// de yis dgra dpung rtsad nas gcod// gnyen dang srid las dgra zhig med// de nas srid sde tshogs pa la// zas kyi bdud rtsi sman sbyin pas// sdug bsngal thams cad
- 196b
kun grol nas// bde chen chos sku'i sangs rgyas thob// kun kyang dbye bsal rtsis gdab med// dbu bsel nor bu bsags pa'i thabs// ngang drangs khye chung tshong la 'gro// chos nyid rta zhon zong bzhi khyer// sbyin pa'i rgyags phye ting 'dzin zas// sra ba'i go gyon rno mtshon thogs// 'jigs pa thub nges skyel ma tshol// chos nyid dbye zang yangs pa la// 'phrang chen bzhi bgrod la bzhi 'dzeg/ thang bzhi gcod cing la bzhi brgal// 'phrang gsum bsdams nas lam gsum 'byed// rdzong bzhir bzhugs shing lam bzhir nyal// langs pa rnam bzhir langs shing 'gro// 'gro sa bzhi bgrod pha rol na// mun snang mtshams kyi ldum ra na// rin chen dang dwangs rang mdangs la// sems nyid nor bu rin chen yod// mun nag sel ba'i nyi zla yod// 'khrul pa gcod pa'i spu gri yod// kun 'tsho'i shi gsos bdud rtsi yod// mi zad dkon pa'i gter chen yod// ngang dwangs khye'u chung der phyin pas// phyogs gcig mun pa phyogs gcig snang // mun snang gnyis kyi so mtshams na// sus kyang ma shes ma mthong zhing // sus kyang ma shes mi mngon pa// sus kyang ma rtogs mi 'gyur ba// sus kyang ma thos mi brjod pa// kun 'byung 'gyur med rin chen de/ khye'u chung dang dwangs 'od gsal lo// nor bdag rgan mo long ma la// bar bar shes rab rnam gsum btags// lung
- 197a
rigs gnyis kyis tshong rogs byas// blos btags lta bar rin du bcal// yid gzung bsgom par rin du bcal// tshang byas spyod par rin du bcal// yid smon 'bras bu rin du bcal// 'dod pa rin chen dam du bcal// 'dzin pa'i phung po rin du bcal// zhen pa'i mtsho mo rin du bcal// mun pa'i 'khor sgo rin du bcal// rin brgyad btsal bas nor zhig thob// gnyis su med par tshogs rdzogs nas// de nas rang gi gnas su log/ chos nyid dbyings kyi khyim du phyin// 'chi med bdud rtsi'i byon chang 'thung // ting 'dzin zas kyi ro mchog myong // bde chen gos la 'gyur med bstan// phyogs med klong du 'phrul gyis nyal// mi bya rtsol ba'i las mi bya// bya ba kun btang rang lugs bzhag/ chos nyid dbyings su gnyid log go/ brda yi man ngag don gyi gnad// rdo rje sems dpa' thugs la zhog/ ces gsungs so// 'khor 'das kyi chos rnams brdar bstan pa gtan la dbab pa'i le'u ste so bdun pa'o// // de nas ston pa kun bzang la// rdo rje sems dpas yang zhus pa// chos rnams dpe yis ji ltar mtshon// zhes zhus pa dang / de nas ston pa kun tu bzang po de/ rin po che 'od gsal ba'i ting nge 'dzin la snyoms par zhugs so// de las bzhengs nas bka' bstsal pa// 'khor rnams ma yengs gus par nyon// snying po don
- 197b
gyi gnas lugs de// mtshon pa'i yul du ma gyur kyang // re zhig nges pa'i sgo nas mtshon// mtsho dang bang mdzod sa gzhi gsum// kun gzhi mtshon dper shes par bya// chu dang 'khyag ram til 'bru gsum// gnas lugs mtshon pa'i dpe ru bshad// tho yor thag pa smig rgyu gsum// 'khrul pa mtshon pa'i dpe ru bshad// nyi zer spu gri shel phreng gsum// rtsal snang 'brel yod mtshon dper bshad// phug ron shel sgong ga bur gsum// snang tshul mtshon pa'i dpe ru bshad// tsan dan gla rtsi sgog pa gsum// shugs 'byung 'gags med dpe ru bshad// ral gri spu gri so dang gsum// shes rab mtshon pa'i dpe ru bshad// byis pa mdzub mo 'o ma gsum// gdams ngag mtshon pa'i dpe ru bshad// nam langs mig dang nyi ma gsum// rtogs pa mtshon pa'i dpe ru bshad// sprin dang lding rog mun pa gsum// sgrib g.yogs mtshon pa'i dpe ru bshad// lam nor dza mig grod 'jil gsum// gol sa mtshon pa'i dpe ru bshad// tsher ma mdung rtse mda' rtse gsum// rig pa mtshon pa'i dpe ru bshad// bya rgod nam mkha' khyung dang gsum// lta ba mtshon/ pa'i dpe ru bshad// me long 'ja' tshon sgron me gsum// sgom pa mtshon pa'i dpe ru bshad// bung pa glang chen smyon pa gsum// spyod pa mtshon pa'i dpe ru bshad// seng chen thog dang rbab dang gsum// phrin
- 198a
@/ las mtshon pa'i dpe ru bshad// na bran chu bur snying rdol gsum// nyams kyi dpe ru bshad par bya// lha khang nang gi lha tshogs dang // bum pa nang gi mar me dang // me long nang gi gzugs bcan gsum// sems nyid nang gsal dpe ru bstan// stag lpags gzigs lpags rma bya'i mdongs// sems nyid phyi gsal dpe ru bstan// shel slong gzi bkra chu dang gsum// phyi nang gnyis med dpe ru bshad// tshal nag dang nag bal nag gsum/ 'gyur ba med pa'i dpe ru bshad// rlung dang sbyin pa sprug pa gsum// nyams len mtshon pa'i dpe ru bshad// lo tog me tog rtsa kha'i zil// mi rtag mtshon pa'i dperu bshad// chu dang rtog mar 'dres pa dang // rgyal chu rlabs thim pa dang // 'da' tshon mkha' la thim pa gsum// dbyer med dpe ru shes par bya'o// dug la sngags kyis thebs pa dang // phur chus rgya mtshor byin ba dang // lan tshwa tshul thim pa gsum// phyir mi ldog pa'i dpe ru bshad// pad+ma rma bya dung dang gsum// dam tshig mtshon dper shes par bya// zla ba 'od dang skar chen gsum// ye shes dpe ru shes par bya// mi brgyad chu brgyad gzhu rgud gsum// rgun chad med pa'i dpe ru bshad// glog dang skar mda' 'phang 'phang gsum// bar de'i rtogs tshad dpe ru gsungs// gser dang ri bo rin chen gsum/ 'bras bu'i dpe
- 198b
ru shes par bya// chos nyid don gyi gnas lugs la// 'dra bzhi yod pas dpe ru mtshon// dngos gzhi med pas dmigs su med// skye med bsam 'das 'gyur med yin// mtshon du med pas dpe las 'das// re shig mtshon nas go phyir bstan// don gyi ngo bo brjod las 'das// zhes gsungs so// chos thams cad dpes mtshon nas bstan pa'i le'u ste so brgyad pa'o// // de nas rdo rje sems dpa' yis// kun tu bzang la yang zhus pa// chos sku mda' yi ngo sprod gang // zhes zhus pas/ de nas ston pa kun bzang des/ snying po ma bu dbyer med gdeng zin gyis ting nge 'dzin la snyoms par zhugs so// de las bzhengs nas bka' bstsal pa// snying po ma yi rang bzhin g.yos pa la// yan lag bu yis ma rtogs yul la 'jug/ de la chos sku brda yi ngo sprod bstan// rdo rje sems dpas gus par yid la zungs// 'gyur med / ngo sprod rnam gsum ste// gnas lugs 'gyur med ngo spyod dang // snang tshul ma nges ngo sprod dang // gnyis su med pa'i ngo sprod do// dang po gnas lugs bstan pa ni// rgyu rkyen skye 'jig dang bral bas// ngo bo 'gyur ba med pa la// rang bzhin dmigs su med pa ste// rin chen 'od 'bar gzhal yas na// gzugs med kun khyab sku gcig bzhugs// ming ni skye med brjod dang bral// kun snang rang sems 'bar zhes
- 199a
bya// de nyid rang la ngo sprad pa// chos sgra'i klong du thim pa la// 'gyur ba med par rgyu yis thobs// snang tshul ma nges don bstan pa// cir gyis snang ba'i dus nyid na// chos dbyings sdang gsal me long na// sor bzhag dbyer med dang dngas pa// rang byung rang brlag sku gcig bzhugs// ming ni gnyis med rang grol 'bar// de nyid rang la ngo sprad pa// phyi nang yul sems bzang du med// rang sangs rang mdangs gnyis med pa// dbye bsal rtsis med rgya yis thobs/ gnas lugs snang tshul gnyis med ni// 'phro 'du med pa'i rin po che// 'od gsal chen po'i khang pa na// 'phel 'grib med pa'i sku gcig bzhugs// ming ni 'dzin bral spros gcod bral// de nyid rang la ngo spyod pa// yul sems gnyis med snang stong med// phyi nang gnyis med dgag sgrub med// sgo lnga'i yul med chags zhen med// bdag gzhan gnyis med phyogs ris med// snang sems gnyis med phyogs ris med// snang sems gnyis med gzung 'dzin med// yid rig sems med 'gyur ba med// med pa ma yin stong zhing snang // yod pa ma yin snang zhing stong // gnyis ka ma yin dbye bsal med// gcig pa ma yin mtshon brjod 'das// rang byung rang brlag 'dzin zhen grol// chags sangs dang drangs rgya yis thobs// de gsum dril bas gcig tu 'dus//
- 199b
chos sku nyag gcig ngo sprod ni// snying po 'od kyi dkyil 'khor can// 'od mtha' med pa'i gzhal yas na// snying po dmigs med brjod dang bral// dri med rnam dag chos sku bzhugs// de nyid rang la ngo sprad thabs// dpe dang don dang gtan tshigs so// dpe ni 'di ltar shes par bya'o// rgya mtsho chu bran dbyer mi phyed// lan tshwa chur thim dbyer mi phyed// chu dang shel sgong me long nang // gzugs kyi bye brag ci shar yang // rang las gzhan du bskol ba med// phyi nang yul sems gzung 'dzin med// dbyer med dpe gsum dkyil 'khor na// gcig dang tha dad dag grol ba'i// mi gnyis gcig te nam mkha'i ngang // lhun grub gting gsal dbyings na gnas// don ni 'di ltar shes par bya// kun gzhi'i klong du snang srid thim// gzhi yi klong du rtsal snang thim// snying po'i klong du chos can thim// chos nyid klong du mtshan nyid thim// chos nyid byang sems klong dkyil du// blo yi spros pa ji snyed thim// thim dus ngos bzung rtsis gdab med// skye byed rig pa skye med thim// dbyer med gcig 'dres tha mi dad// gnyis med gcig ste nam mkha'i ngang // gcig dang tha dad dag las grol// snying po chos sku thig le gcig/ brjod med klong thim rgya yis thim// de yang ngo sprod gdams ngag ni// spang bya spong byed gnyis med kyang // ma rtogs blo la mtshon pa'i phyir//
- 200a
brjod bya thams cad brjod med dbyings su spangs// mtshon bya thams cad mtshon med ngang du spangs// ming 'dogs thams cad ming med ngang du bskrad// 'dod pa thams cad chags zhen med par sprad// gzung 'dzin thams cad 'dzin med ngang du bskrad// yul sems dgag sgrub gnyis med ngang du bskrad// rnam rtog bdag 'dzin rang brlag ngang du bskrad// 'khrul ba'i sdug bsngal rang sangs ngang du bskrad// shes dran btags tshad brjod med dbyings su bskrad// cir snang dngos med snying po'i klong du bskrad// stong nyid klong du shes rig sems thims pas// dbyer med gzir bas 'gyur med chos skur gnas// gtan tshigs ngo sprad 'di lta ste// gsal stong gnyis med dbyer mi phyed// snying po yan lag thim dbyer med// chos sku zer thim dbyer mi phyed// gzhi la rtsal thim dbyer mi phyed// chos dang chos nyid 'dres dbyer med// snang sems 'dres par dbyer mi phyed// blo dngos 'dres pas dbyer mi phyed// ma rig gsal stong dbyer mi phyed// dug gsum sku gsum dbyer mi phyed// dug lnga sku lnga dbyer mi phyed/ khyab brdal 'ub chub dbyer mi phyed// yid gnyis rang brlag dbyer mi phyed// sgo lnga rtogs med don mi phyed// rig stong gnyis med dbyer mi phyed// thams cad dbyer med ma dang phrad// mi 'gyur mi shig rang sa zin// rnam
- 200b
rtog 'khrul pa rang sar dngas// 'gyur med gnas thebs klong nas shar// skye med klong na chos sgra bzhugs// mi shigs rdo rje'i brag pas sra// stong pa kun gzhi snying po'i chos nyid du// rig skyes snang sems / btags zhen kun khyab brdal// kun gzhi'i klong du 'ub chub chen por bskrad// rtsis gdab dbye bsal gnyis med gzer gyis gdab// ces gsungs so// ngo sprod don gyi le'u ste so dgu pa'o// // nas ston pa kun tu bzang po la// rdo rje sems dpas yang zhus pa// rang sems bla mar bkod pa yis// gdams ngag bshad tshul ji ltar lags// zhes zhus pas/ kun tu bzang pos bka' bstsal pa// srang po'i rang bzhin 'gyur med kyang // yan lag rig pa'i bla ma bshad// rdo rje sems dpas yid la grangs// rang sems bla ma dgu yod de// ye thog gzhi yi bla ma dang // ye klong kun khyab bla ma dang // thog khyab gnyis med bla ma gsum// thog ma gzhi yi bla ma dang // ma 'gags rtsal gyi bla ma dang // gzhi rtsal gnyis med bla ma dang // kun gzhi yongs su bla ma dang // zer rigs ma 'gags bla ma dang // kun rig gnyis med bla ma gsum// ye rtogs gzhi yi bla ma des// tshogs brgyad yul du ma gyur pa'i// dmigs dang bral ba'i chos rnams bstan// ye klong kun khyab bla ma des// 'byed pa med pa'i chos rnams la// thog khyab
- 201a
gnyis med bla ma des// ma phye ma skol chos rnams bstan// thog ma gzhi yi bla ma des// snying po 'gyur med chos rnams bstan// ma 'gags rtsal gyi bla ma des// skye 'gags med pa'i chos rnams bstan// gzhi rtsal gnyis med bla ma des// rtsis gdab med pa'i chos rnams bstan// kun gzhi'i spyi khyab bla ma des// kun gzhi'i 'byung gnas yum du bstan// zer mig ma 'gags bla ma des// rgya chad phyogs med chos rnams bstan// kun rig gnyis med bla ma des// gzhi la rtsal thim dbyer med bstan// skye med sems kyi bla ma dgu// snying po rtsal snang gnyis med la// yan lag rim pa dgu ru bstan// sems nyid gzhi yi bla ma'o// snang tshul zer gyi bla ma la// ma hA gu rus drug tu gsungs// yid rig 'gyu med bla ma dang // ma bcangs sems kyi bla ma dang // skye med don gyi bla ma dang / khyab gdal chen po'i bla ma dang // 'bras bu sems kyi bla ma dang // brda' don spyod pa'i bla ma'o// yid rig 'gyu med bla ma des// skye med chos sku'i ngo bo bstan// ma bcos sems kyi bla ma des// longs spyod rdzogs sku'i ngo bo bstan// skye med don gyi bla ma des// sgra bsam brjod las 'das pa yi// sna tshogs gnyis med sbrul sku bstan/ khyab brdal chen po'i bla ma des// snang srid dbye bsal med pa yi// dbyer med ngo bo nyid du bstan// 'bras bu
- 201b
sems nyid bla ma des// mtha' dbus med pa'i klong chen du// 'bras bu thams cad gcig tu bsdus// snying po 'gyur med klong du thim// skye shi med par rgyu yis thobs// 'pho 'gyur med par gtod la gnon// skusgra bzhi dbyer med 'bras bu yang // mi bya bya btsal kun las 'das// brjod med bde chen dbyings su thim// brda' don ngo sprod bla ma ni// zos bsam sgom la blo sbyangs pa'i// ma rig mun sel sgron me des/ tshig gis yang dag don mtshon nas// re med rang la gnas pa yi// sangs rgyas 'bras bu ston par byed// ma hA gu ru rnam pa drug/ sangs rgyas las kyang mnyam pa yin// de yang ci yi phyir zhe na// bskal pa stong gi sangs rgyas kyang // bla ma dag la brten pas rgyas// de phyir ma hA gu ru rnams// snying dang mig bzhin bkur bar gyis// phyi yi bla ma bstan pa yis// nang gi bla ma gsal bar 'gyur// zhes gsungs so// snang srid kha sbyor bdud rtsi'i bcud zigs/ 'khor ba thog mtha' gcod pa'i rgyud las/ rang sems bla mar bstan pa'i le'u ste bzhi bcu pa'o// // rdzogs so// // slob dpon chen po pad+ma 'byung gnas dang lo sna ba dpal brtsegs kyis bskur nas mnga' bdag khri srong la gdams nas gter du sbas pa nyang gis bton pa'o// dge'o// sarba mang+ga laM/ sa
- 202a
// rgya gar skad du/ yo ga tsA ru ma hA tan tra/ bod skad du/ rnal 'byor gsang ba'i tshogs rgyud chen po/ dpal rdo rje sems dpa' la phyag 'tshal lo// 'di skad bdag gis thos pa'i dus cig na/ 'og min chos kyi pho brang / yum mkha' dbyings rnam par dag pa na/ bcom ldan 'das dpal rdo rje sems dpa' dang / rigs lnga'i sangs rgyas dang / gsang ba'i yum dang / 'khor sems dpa' dang / sems ma dang / khro bo dang / khro mo dang / sprul pa'i 'khor dang bcas pa dang / thabs cig tu bzhugs pa'i tshe/ bcom ldan 'das dpal rdo rje sems dpa'i dbu'i gtsug tor drang po las/ 'od zer bsam gyis mi khyab pa spros pas/ nam mkha'i dbyings kyis gang du khyab pa'i 'jig rten gyi khams thams cad khyab pas/ lha dang lha mo'i 'khor bsam gyis mi khyab pa'i phyogs na yang / rnal 'byor kyi 'khor tshogs kyi mchod pa bsam gyis mi khyab pa thogs pas/ rgyal ba'i dkyil 'khor bsam gyis mi khyab pa thams cad la/ mchod pa'i rnam pas thabs dang shes rab kyi tshul du mchod/ dgyes pa chen po'i gzi mdangs kyis tshim par mdzad nas/ bde bar gshegs pa rnams kyi sku gsung thugs kyi rgyud la phogs pas/ thugs dam chen po'i rgyud bskul ste/ sku la phogs pas mdzad pa'i zhing khams 'phrin las dang / mi 'gul bar thugs dam 'phrin las sku/
- 202b
gsung la phogs pas/ bde ba chos nyid las ma g.yos par thugs dam bskul/ thugs la phog pas mnyam pa'i ye shes ma g.yos par thugs dam bskul/ dbang gi mchog zhus/ lha dbang lus la brtsegs pa dang / spyi dbang 'dod pa dgur sbyar ba dang / chos dbang sems dpa' dang 'dra ba dang / gsang dbang lhun gyis grub pa dang bzhi las/ dngos grub kyi mchog zhus/ sku'i dngos grub phyag rgya chen por rang snang ba dang / gsung gi dngos grub chos nyid ma skyes par lhun gyis grub par snang ba dang / thugs kyis dngos grub sangs rgyas ye nas yin par mnos na/ skye 'gro ming dang gzugs kyis bsdus pa/ thams cad la khyab pas sems can gyi don byas te/ long bas gzugs mthong ba la sogs pa'i don byas/ 'khor ba'i skyon bsal/ dngos por lta ba'i rtogs pa bshig/ log pa'i skyon bcom/ ma rig pa'i mun pa bsal/ sdug bsngal gyi rgyu bshig/ 'khor ba'i 'dam nas drangs/ byang chub kyi shul btod/ dngos grub kyi snod du rung bar rigs nges pa'i sras su mdzad/ 'od zer de dag slar rdo rje 'dzin pa'i sku la 'dus pa las/ rdo rje 'dzin pa'i sku lhan ne ba dang / lhan ne ba yang ma yin pa dang / shin tu lham me ba dang / lham me ba yang ma yin pa/ shin tu sa le ba dang / sa le ba yang ma yin pa/ shin tu sang nge ba dang / sang nge ba
- 203a
yang ma yin pa/ ji lta bur yang snang la/ ji ltar bu yang ma yin pa/ thams cad du gsal la ma bsgribs pa/ nyi ma'i 'od dang 'dra ba la/ de lta bu dogs pa can yang ma yin pa ste/ thams cad du yang bltas pas mi ngoms pa la/ brtag gis mi lang ba'i sku gcig kyang gcig gis mi khyab/ mtha' thug pa yang med/ dbus rtag pa yang med/ dngos po yang ma yin/ stong pa yang ma yin/ yod pa yang ma yin/ med pa yang ma yin/ drung nas nye ba yang med pa/ gyed nas ring ba yang med pa'i thams cad du lhun gyis grub pa la 'di zhes bstan du med pa/ ji lta bur yang dmigs su med pa la gang yang ma tshang ba med pa'i sku brdal bas/ rdo rje sems dpa' chos kyi skur gyur to// de nas rdo rje sems dpa'i ljags kyi pad ma las/ yig 'bru bzhi bcu rtsa gnyis kha dog rnam pa sna tshogs pa'i 'od zer bsam gyis mi khyab pa spros pas/ stong gsum gyi stong chen po'i grangs lta bu ma yin/ ji ltar nam mkha' gang nas su khyab pa thams cad gzugs dang / sgra la sogs pas bsdus la/ tshig thams cad yi ger bsdus/ yi ge thams cad sangs rgyas kyis rang bzhin du lung bstan/ phyogs bcu dus gsum gyi sangs rgyas thams cad kyi ljags dang / gsung la phogs pas/ gang nas sangs rgyas bcom ldan 'das/ gsung gi sgo nas chos kyi 'khor lo bskor
- 203b
bar bzhed pa rnams/ bskul ba'i sa la bzhengs te bzhugs pa rnams la/ gsung gi sgo nas thugs dam gyi rgyud bskul te/ dgyes pa chen po nyid kyi mchod pa phul nas/ chos thams cad tshig dang yi ge'i sgo nas sangs rgyas pa'i don thugs ye shes kyi klong rum nas dgongs pa/ mgul gsang ba'i bum par bcug nas/ ljags kyi dbang pos mchog la bkram ste/ 'gro ba sems can la chos kyi 'khor lo bskor bar bskul ba btab/ gang nas sangs rgyas bcom ldan 'das chos kyi 'khor lo bskor te/ 'gro ba la mi rtag pa bstan pa'i slad du/ thabs kyi mya ngan 'da' ba'i tshul ston pa bzhed pa rnams la phogs pas/ dgyes pa chen po'i mchod pa phul nas thugs dam chen por rgyud bskul te/ thabs kyi mya ngan las mi 'da' zhing / 'jig rten du yun ring bar bzhugs par gsol ba btab/ stug pos brgyan pa'i sangs rgyas rnams la phyogs pas/ yig 'bru'i gzugs la mchod pa mtshan dang dpe byad dang ldan pa'i sgo nas bdag dang gnyis su med par thugs dam bskul/ yig 'bru tshig mchod pas/ gsung dbyangs bsam gyis mi khyab pa bsgoms nas/ tshig don gsal nas chos nyid ma skyes par thugs dam bskul/ yig 'bru don gyi mchod pas/ thams cad mkhyen pa'i ye shes kyi sgo nas/ don gyi rtogs par bya ba las/ tshig gis gsal bar byas te/
- 204a
mnyam nyid chen po'i lhun la thams cad sangs rgyas par thugs dam bskul/ mtha' yas pa'i sems can thams cad la phogs pas/ nga rgyal gdug rtsub kyi sgra ni drag sngags su sbyar/ zhe sdang srog gcod kyi ngag ni 'khor ba'i rgya gad du phyung / gti mug 'chal pa'i sgra ni/ chos nyid ma bcos par bstan/ tshig dang sgra snyan gyis sangs rgyas kyi gsung du bsgrags/ don dang gtan tshigs kyi bstan pa'i yi ger bzhag/ yig 'bru gsum gyis ngan song gi sgo gcad/ 'od dang gzi brjid byin gyi mdangs kyis lus ngag yid gsum gyi sgrib pa sbyangs/ bde ba chos nyid kyi tshig las ma rtogs par mtshan dang rtog pa'i tshig gtan spangs/ ma rig pa thams cad kyis drangs mi 'dul ba las bcus te bstan pas dam pa btsud/ rtogs pa dang ldan pa rnams don dang gtan tshigs rnams gud nas brgyud te/ chos nyid skye ba med pa las// sangs rgyas pa'i tshig gis 'gro ba'i ngag bsgyur/ mi gsung pa la chos nyid brjod du med pa/ tshig tu snang ba yig 'brus sangs rgyas pa/ thams cad 'dod pa dgur lhun gyis grub ste/ yig 'bru dang 'od zer du 'phro ste slar 'dus pa las/ rdo rje sems dpa'i ljags la thim pas thams cad du ma skyes pa/ thams cad du ma rdzogs pa/ brjod du med pa thams cad du mi dmigs pa/ dmigs su med pa/ chos nyid brdal ba
- 204b
chen po las gang yang bcos su med pa/ chos nyid ma skyes pa las gang yang bcos su med pa/ brdal ba chen po las gang yang chags pa med pa/ chos nyid kyi longs spyod gzung du med par mdzad pa'i gsung bsam gyis mi khyab par gyur to// de nas sems dpa'i thugs dpal be'u las/ ye shes sems dpa'i sku bsam gyis mi khyab pa spros/ byang chub sems kyis gang nas yang gang du khyab/ thams cad du ye shes sems dpas khyab pas/ sangs rgyas thams cad kyi thugs ye shes la phyogs pas/ thams cad kun tu bzang po'i sangs rgyas pa'i mchod pa phul nas/ mnyam pa chen po'i thugs dam bskul/ bdag nyid chen po sems can ma bcos pa ye nas sems sangs rgyas pa la dgyes pa bskyed de/ mtha' yas pa'i sems can thams cad kyi sems la phogs pas/ sems can thams cad kyi sems ye nas sangs rgyas pa/ ye shes sems dpa'i rang bzhin du gnas pa/ ma rig pa rig par byas/ ma rtogs pa rtogs par byas/ rtogs pa grol zhing smin te/ sangs rgyas par byas te/ 'khor ba'i rgyu btsal gyis mi rnyed cing / thams cad byang chub kyi snying po can lhun gyi grub par dbang bskur te/ slar 'dus pa la rdo rje sems dpa'i thugs kar 'dus pa las/ rdo rje sems dpa'i thugs gcig tu mi snang ba la/ gnyis su ma phye ba// grangs su
- 205a
ma brjod pa/ rigs su mi snang brjod pa med cing brjod pa las 'das pa/ smra ba yang med/ ma gsungs pa yang med pa'i thugs nam mkha' dang 'dra ba la/ rtog pa'i 'od zer brdal bas/ snang ba thams cad ni lha'i dkyil 'khor/ brjod pa thams cad ni chos nyid kyi mchod pa/ grags pa thams cad ni skye ba med pa'i grong / rol pa thams cad ni thabs dang shes rab kyi rang bzhin/ dgongs pa thams cad ni ma skyes pa'i klong du lhun gyis grub pas byang chub sems dpa' dang / mtha' yas pa'i sems can thams cad dang / rdo rje sems dpa' chos kyi skur lhun gyis grub pas/ byang chub sems dpa' rnams ngo mtshar du gyur nas/ bcom ldan 'das rdo rje sems dpa' la mgrin gcig tu 'di skad ces gsol to// e ma e ma/ bcom ldan 'das 'di ci'i rgyu/ ci'i rkyen ci las byung ba lags/ thugs rje chen po dang ldan pas lung bstan du gsol/ bde bar gshegs pa lung bstan du gsol/ rdo rje sems dpas bka' bstsal pa/ 'di ni rnal 'byor tshogs kyi rgyu'o// rnal 'byor spyi'i tshogs ni de bzhin gshegs pa rnams kyi rkyen no// rdo rje sems dpa' nga yang rnal 'byor gyi mchod pa 'bul bas sangs rgyas pas/ 'di dag thams cad ni tshogs kyi mchod pa las byung ba'o// byang chub sems dpa' rnams kyis gsol pa/ tshogs bya ba'i nges tshig ci lags//
- 205b
tshogs kyi dkyil 'khor ji ltar bskyed/ tshogs kyi slob dpon ji lta bu la bgyi/ tshogs kyi rgyal tshab dang / karma dang ging ji lta bu la bgyi/ tshogs kyi yo byad ci 'tshal/ mchod pa ni ji ltar 'bul/ grangs sus bgrang / tshogs kyi 'bras bu ji lta bu thob pa lags/ phul ba'i yon tan dang / ma phul ba'i skyon ci mchis/ bcom ngan 'das kyi lung bstan du gsol/ bde bar gshegs pas lung bstan du gsol/ bcom ldan 'das kyis bka' bstsal pa/ khyod la sogs pa rnams chos 'thob par 'dod na/ 'di yid la zungs la rna ba'i dbang pos nyon cig/ rnal 'byor gyi tshogs kyi rgyud chen po 'di dus gsum gyi sangs rgyas kyis kyang gsungs la/ ngas kyang bshad do// de la tshogs zhes byas pa'i nges tshig ni/ don dang mthun pa la bka' dang mi 'gal zhing gzhung bzhin bsgrub pa tshogs la tshogs zhes bya ba ste/ nyan thos dang rang sangs rgyas dang / dgra bcom pa la sogs pa ming yang med pa la/ shin du rnal 'byor gyi dbang phyug chen po gsang sngags rdo rje la mos shing gzhol ba 'di dag bshad cing bstan pa'i snod du gyur pa/ rtsa ba dang yan lag gi dam tshig la gnas shing ma nyams par srung / ras chod dang gzu lums ma yin par phyi nang gi dbang rnams lugs bzhin du nos pas/ rgyud phyi nang gi don la mos shing mkhas pa/ lta bas chos nyid
- 206a
tshig tsam ma yin par rtogs pa dang / spyod pas de dang mi 'gal bar spyod pa/ 'phrin las bab col du mi byed kyi/ gong 'og rin po che'i phreng ba brgyus pa ltar ma nor ba/ bsgom zhing sgrub pa la dza gad dang / gnyid dbang du mi btang zhing / brtson 'grus kyis mgo la me shor ba dang 'dra bar 'bad cing rtsol la/ rnal 'byor gyi don gang la yang shong yangs che ba/ rtog pa dang khu 'phrig med cing / 'khu ldog dang / ya ka dang / 'tshang tshig la sogs pas mi smod pas/ rnal 'byor mchod pa'i rgyud 'dod pa'i yon tan lnga la sogs pa gang yang shong yangs che ba/ med cing gzugs su bzung nas thams cad tshang zhing 'tshogs pa la tshogs zhes bya ba/ ma tshang zhing ma tshogs pa dang / mi mthun pa tshogs pa la tshogs zhes bya ba'i nges tshig med do// de la tshogs kyi slob dpon ni kun gyis bya ba ma yin te/ lta bas gnyis su med pa'i byang chub kyi sems rtogs pas/ spyod pas gsang ba'i bka' dang mi 'gal zhing / thabs la mkhas pas snod ma yin pa dang / mu stegs la rtsod pa'i log pa'i phyogs rnams kyi ma tshor ma 'phrig pa/ thabs la mkhas par spyod pa dang / dbang rim par rdzogs te/ rim pa'i rgyal po dbang rab 'byams kyi dbang thob nas/ dbang rgyud dang / dbang rdzas dang / dbang rtags dang / dbang sgrub dang / dbang bsnyen pa/
- 206b
dbang bskur ba la mkhas pa dang / dam tshig sa gzhi dang 'dra bar shong zhing yangs pa dang / theg pa che zhing snying la bcangs te gsang ba dang / 'phrin las kyi sngags dang / phyag rgya dang / ting nge 'dzin dang / ma nor ba'i tshul dgu ste/ dgongs pa lha'i tshul dang / gar ye shes kyi tshul dang / sngags gsung gi tshul dang / snying po thugs kyi tshul dang / mchod pa yon tan gyi tshul dang / glu 'phrin las kyi tshul dang / stangs stabs khro bo'i tshul dang / tshig tu 'brel ba dang / gong 'og ma 'chol ba dang / dgongs pa dkyil 'khor chen por rdzogs par 'dzin pa'o// de la tshogs kyi rgyal tshab ni/ dper na rgyal po bka'i sgo blon pos bsrangs pa dang 'dra bas/ dgongs spyod kyi don tha mi dad pa de nyid dang mtshungs pa la/ gzhan 'dren pa'i thabs la mkhas pa dang / slob dpon gyi sku mdzes pa dang / thun spro ba dang / snyoms pa la sogs pa la bar ma chod cing 'grub par bya ba dang / slob dpon gyi zhal tshab du bzhag pa la chos bstan pa la mkhas pa'o// tshogs kyi karma ni 'phrin las rnam bzhi la sogs pa/ mchod pa dang brda'i don mtha' dag la mkhas pa las ma gtogs pa/ khe'u shang dang / blo sdebs dang / mos pa tsam du bya ba yin no// tshogs kyi ngo bo ni rang gi sker ched mi len par rnal 'byor gyi spyi ched la brtson pa dang / zhing bcu gyur pa la// thugs rjes
- 207a
sgrol nges pa dang / dgongs pa dang rgyud du ldan pa las ma gtogs pa/ sgrol ba btsan thabs dang / rang gang la dga' ba la mngon spyod dang / drag shul gyi las brtsam pa ma yin pa'o// tshogs kyi yum ni gtso bo'i dgongs pa bzhin du byed nus pa dang / gzhung dgu dang ldan te/ tshul shes pa/ yangs pa che ba/ nogs thub pa/ gsang sgo sdom pa/ dam tshig la gnas pa dad mos dang / rnyed brtson dang / smon 'dris dang / mtshan ngan gsang ba ma yin no// de la tshogs kyi yo byad ni/ sangs rgyas rnams la bser ba dang / sgrib pa dang / skyems pa dang / snang ba dang / chags pa mi mnga' ba lags na/ dper na rgyal po chen po la dkor dang / longs spyod kyis ma 'brel cing ma phongs na yang / 'bangs la sogs pas dkor dang longs spyod phul nas/ 'phral la phan pa dang / yun gyi bde ba dang / bdag yid las dad pa la sogs pa dang 'dra bar/ sangs rgyas rnams la bzhed pa mi mnga' yang / phyi rabs kyi rnal 'byor pas/ tshogs kyi mchod pa chen po 'byor pa bsag/ dgon pa 'tshal/ mos pa dang dad pas phul nas/ 'di dang pha rol gnyis ka bde ba la sogs pa mdzad cing / chos nyid kyi longs spyod dga' ba dang bde ba chen po da lta bsgrub par rtsol ba mdzad pas/ de'i phyir 'dod pa'i yon tan lnga po gzhung bzhin bshad par bya ste/
- 207b
gzugs la yang gsum ste/ rgyan dang dbyibs dang snod do// rgyun la yang rnam pa gsum ste/ bkod pa lha'i rgyan dang / mdzes pa lus kyi rgyan dang / gzhan yang sprul pa'i rgyan dang gsum mo// dbyibs la yang rnam pa gsum ste/ lha'i zhal gyi dbyibs dang / bkod pa rgyan gyi dbyibs dang / 'byung ba rang skyes kyi dbyibs so// snod la yang rnam pa gsum ste/ bza' ba'i snod dang / bca' ba'i snod dang / btung ba'i snod do// dri la yang rnam pa gsum ste/ dbang po tshim byed kyi dri dang / mdog gsal rgyas pa sman gyi dri dang / bcud gsal yid 'ong zhal zas kyi dri dang / ro la yang rnam pa gsum ste/ rang bzhin byin gyis brlabs pa lan tshwa dang / shing thog la sogs pa kha ba dang / mngar ba dang / sgyur ba dang / tsha ba dang / rtsub pa dang / rnying pa la sogs pa'i phyi'i 'byung ba la sogs pa'i ro dang / 'gro ba rnams kyi btsal ba'i phabs dang / / ru ma dang / mnan pa dang / 'dus pa dang / byibs pa dang / sbyar ba dang / brtsegs pa dang / bsings pa la sogs pa'i ro dang / sngags dang / ting nge 'dzin gyi byin gyis brlabs pa'i ro/ chung ngu las chen po'o// nga ngu la sogs pa mang po'o// mi zhim pa las zhim pa'i lha'i ro mchog brgya dang ldan pa'i ro'o// sgra la yang rnam pa gsum ste/ shes pas zin pa'i sgra glu dbyangs la sogs pa'i sgra snyan zhing yid// du 'ong ba sna
- 208a
tshogs dang / shes pas ma zin pa'i sgra 'byung bar rang rgyud kyi grags pa'i sgra dang / rtsol ba dang bcas pa'i sgra skyes bu'i lag pa dang / rkang pa dang / dbugs 'don pa'i sgra'o// reg pa la yang rnam pa gsum ste/ dro 'jam gos kyi reg pa dang / dga' 'jam dgyes pa phram gyi reg pa dang / don gyi sgeg pa rin po che chos kyis brgyan pa'i reg pa'o// de la tha'i yon tan thams cad ni tshogs kyi yo byad yin no// tshogs kyi yo byad 'dod pa'i yon tan rnam pa lnga'o// de dag tshang zhing tshogs na yang legs/ de ci'i phyir zhe na/ de ni dper na sangs rgyas nyid kyis mtshon pa'i rkyen du byin gyis brlabs pa'o// de bas kyang thams cad du ting nge 'dzin la gnas te/ gnyis su med pa las ma g.yos pa/ thams cad tshogs kyi dkyil 'khor chen po yin/ de ci'i phyir zhe na/ de ni dper na/ 'jig rten na 'byor pa'i longs spyod rnam pa sna tshogs dang ldan pa la mu ge dang / phongs pa med la/ de bas kyang nor bu rin po che la longs spyod pa la de bas kyang tsha ba med pa dang / sman dang gser 'gyur bzhin du dgongs pa'i ting nge 'dzin gyis so las mas par gnas pa la/ mtshang ma 'dus pa yang med pa las ma gtogs pa/ de dag mi ldan pa/ 'dzum pa dang / 'chings pa ma grol ba dang / dgongs pa klong du ma 'phel ba rnams ni ma gtogs so// de la
- 208b
tshogs kyi dkyil 'khor ji ltar bskyed pa 'di skad do// chos rnams stong pa'i rang bzhin las// ngo bo nyid kyis kun tu dag/ rtog sgras bsam pa'i yul las 'das// bsgom pa dmigs su med pa'o// oM ma hA shu n+ya ta dz+nyA na swa b+ha ba at+ma ko&haM/ dbyibs gcig rang bzhin mi gnyis kyang // ma rig rmongs la bstan pa'i phyir/ khyab pa'i snying rje yongs kyis 'byung // de tshe 'tshe ba med par bsgom// oM ma hA d+har+m+ma d+ha tu swa b+ha ba / at+ma ko&haM/ mtha' dbus bral ba'i byang chub sems// chos rnams kun gyi rtsa ba yin// sems kyi yi ge rang bzhin rgyu// yi ge mchog tu bsgom par bya'o// oM badz+ra tsit+ta hUM/ e yaM laM maM byaM b+h+yAM bi sha bi shud+d+he/ mkha' dbyings nam mkha'i klong yangs su// 'byung ba rlung gis sgrar bcas te// bdud rtsi chu bskyil mA ma ki/ gser gyi sa gzhi ri rab mdzes/ kha dog lngar bcas rin chen lnga// bruM las rin chen gzhal yas khang / yid bzhin rin chen dra ba gsal// lnga ldi 'ja' tshon srin bung gsal// mu tig chun po sna tshogs bres// nyi zla thabs dang shes rab kyis// 'khor cing gsal ba'i byin brlabs kyis// ma rig mun sel ye shes sgron// gser gyi dril bu g.yer ka las// theg pa'i bye brag sna tshogs sgrogs// phyi nang med pa'i bzhugs gnas der// yangs dog med pa'i dkyil 'khor bskyed// oM dz+nyA na tsakra maN+Da la hUM/ dkyil 'khor
- 209a
bzhi bcu rtsa gnyis ni// mi bskyed rdzogs pa'i tshul du rgyud// gzhan dag dang ni mthun par bskyed// sems dpa' sum cu rtsa gnyis dang // mi bskyed rdzogs pa'i tshul gyis bskyed// badz+ra satwa hUM/ badz+ra swa hUM/ badz+ra sa ra hUM/ badz+ra ra ga hUM/ badz+ra satwa hUM/ badz+ra rat+na traM/ badz+ra sur+ya traM/ badz+ra ke ru traM/ badz+ra ha sa haM/ badz+ra da ra ma hri/ badz+ra pa shad+d+hi/ badz+ra tig sna hri/ badz+re karma hA/ badz+ra yak+ka hUM/ badz+ra mu ti hA/ hUM hUM hUM hUM/ traMtraM traM traM/ d+hI d+hI d+hI d+hI/ a a a a/ sku bskyed gsal btab dbang bskur nas// spyan 'dren cho ga gzhung bzhin bya// mchod pa la sogs mchod byas nas// de nyid las ni gnas gyur te// he ru dgu dang yum chen dgu// ke'u ri brgyad dang phra men brgyad// spor ma brgyad dang sgo ma bzhi// dbang phyug nyi shu rtsa brgyad dang // mkha' 'gro sum cu rtsa gnyis dang // pho nya sum brgya drug cu dang // ma mo bdun dang sring mo bzhi// rdo rje ging chen bco brgyad dang // mi bskyed rdzogs pa'i tshul gyis su// dpal 'bar khro mo rgyud bzhin bskyed// sku bskyed gsal btab dbang bskur nas// spyan 'dren mchod pa gzhung bzhin bya// tshogs rgyud chen po las/ las kyi dkyil 'khor bskyed pa'i le'u'i spyi don no// // de nas tshogs kyi mchod pa la yang don rnam pa gsum ste/ tshogs byin gyis brlab pa dang / tshogs drangs pa dang / tshogs kyi mchod pa
- 209b
phul ba'o// de la tshogs byin gyis brlab pa dang / de bzhin gshegs pa thams cad la 'khor rnam pa gnyis te/ bsam pa mya ngan las 'das shing dgongs pa chos nyid dang 'brel ba'i 'khor dang / 'jig rten dbang du sdud pa'i 'khor ro// de la dgongs pa chos nyid dang 'brel ba'i 'khor ni/ chos nyid mnyam pa la zhugs shing / thugs rje bri bkol mi byed don gyi sems can thams cad kyi don dang / mgon dang skyabs dang / dpung gnyen mdzad cing bzhugs pas/ dmigs yod na bzhes su gnas la/ byin gyis rlob cing dngos grub gsol bar mdzad pas/ byin brlab mi dgos/ 'jig rten dbang du sdud pa'i 'khor ni// thams cad la bya ra dang tshul rtog ste/ dam tshig srung mi srung lta/ dam tshig srung ba la ni stongs dang grogs byed/ dam tshig mi srung zhing nyams pa la tshar gcod/ mnar med par ltung bar byed/ rnal 'byor gyi mchod pa la phud nyams ma nyams pa dang / gtsang sgras phyed ma phyed lta/ phud ma nyams shing gtsang sgras phyed na/ ci 'dod pa'i dngos grub 'ong / gang bcol ba'i las mdzad/ phud nyams shing gtsang sgras ma phyed na/ dngos grub kyi bar chod byed/ las bcol ba log par 'grub/ rnal 'byor pa byin gyis brlabs ma rlobs/ dgongs pa dag ma dag lta/ byin gyis brlabs pa la dgongs pa dag na/ bsgo ba nyan
- 210a
pa dang / lus dang grib ma bzhin 'khor ba dang / rims bsrung ba dang / dbang dang mthu ster ba dang / gtor ma spyi bo la khyer te bran/ snying nye ba bzhin las byed cing 'khu ldog med pa/ rnal 'byor pa dgongs pa ma dag cing byin gyis ma rlobs na/ bar chad kyis gegs byed/ cho 'phrul ston/ mthu dbang 'phrog/ 'khu ldog che/ mi bde ba'i nad dang 'khu ldog dang / sdug bsngal dang / srog gi bar chad dang / 'khor dang sde la gnod pas byin gyis brlab dgos te/ dang por tshogs kyi zhal zas la phud ma nyams shing gtsang sbra dang ldan par gsogs la/ dri chab la chos nyid rnam par dag pa'i sngags dang phyag rgyas byin gyis rlob cing bsangs la/ de nas khro mo dbang phyug ma'i sngags kyis byin gyi brlabs pa ni/ chu gtsang ma'i nang du tsan dan dmar po brdar te/ de nas yi ge oM dmar po zhig tu bsgom/ de la ma hA kro ti shwa ri zhes brjod pas/ khro mo dbang phyug ma sku mdog dmar po chen gang ba zhig tu gyur pa'i thugs kar yi ge oM gtad la/ srin mtheb kyi bar du yig 'bru bzang ste/ oM ma hA kro ti shwa ri hUM tha/ zhes brgya brgyad bzlas pas/ khro mo dbang phyug ma 'od du zhu ba las/ tshogs kyi longs spyod thams cad mkha' dbyings rnam par dag par byin gyis brlabs/ de nas tshogs kyi longs spyod yi ge sa mthing kha zhig bkod/ de
- 210b
'phros shing 'dus pa las/ oM rat+na swa b+hA ba ga ga na khaM/ zhes brjod nas lag pa thal mo sbyar te gtugs pas/ tshogs kyi mchod pa thams cad rgya che ba nam mkha' dang mnyam pa/ lhun stug pa ri rab dang mnyam pa/ grangs mang ste khro'i dang 'dra ba/ gting zab pa rgya mtsho dang 'dra bar byin gyis brlabs/ de nas tshogs kyi zhal zas las hUM dang muM las rdo rje sems dpa' yab yum du gyur/ yab yum gnyis su med pa'i mkha' las/ zhi khro'i dkyil 'khor bsam gyis mi khyab par spros pas 'jig rten gyi rnam par rtog pa thams cad bsregs sbyangs tshul bzhin du byas/ rgyal ba dkyil 'khor rab 'byams bsam gyis mi khyab pa dag la yang / dgyes pa chen po'i mchod pa lha la thim pa'i tshul gyis phul/ mnyes pa chen po'i thugs dam chos nyid dag pa'i rgyan du bskul nas/ rgyal ba'i byin rlabs dang / dpal gyi pha 'bab kyis/ khams gsum gyi sems can dang / phyogs bcu'i 'jig rten gyi khams na/ mnyes pa chen pos thugs dam chos nyid dag pa'i rkyen du bskul nas/ rdo rje slob dpon dang mched dang lcam dral/ gsang sngags yo ga rnam pa gsum gyi sgor zhugs nas/ rnal 'byor gyi bka' gzhung bzhin mdzad pa thams cad la/ 'dod pa'i yon tan rnam pa lnga chos nyid dag pa'i rkyen du mchod pa phul/ thams cad mnyes shing tshims pa dang /
- 211a
'grangs shing ngoms par byas/ g.yar dam nyams pa so sor gsal/ lus ngag yid gsum gyi sgrib pa sbyangs/ ma mo dang / mkha' 'gro thams cad la khyab pas/ dam rdzas gang la dad pas mchod// rang rang gi dam tshig nyam pa bskangs/ dpal ni bka' dang dam las mi 'da' bar byas/ rnal 'byor gyi las dang gnyen mthar phyin par byin gyis brlabs pa'o// tshogs rgyud chen po las byin gyis brlabs pa'i le'u ste dang po'o// // de nas tshogs kyi mchod pa spyan drangs pa 'di skad do// gling bu dang ni ker ko ta// gan+d+he chos rnams sna tshogs pa// glu dang de yi tshig dang bcas// snyan pa'i glu dbyangs sna tshogs kyis// snyan gyi mchod par bzhes su gsol// rgyal ba'i thugs dam skongs gyur cig/ gar dang phyag rgya stangs stabs kyis// gzugs dang dbyibs dang rdzas dang rten// sdud dang rdzas dang yid 'ong zhing // kha dog gsal ba sna tshogs kyi// spyan gyi mchod pa bzhes su gsol// rgyal ba rgya mtsho'i thugs dam skongs// dri dang spos dang byug pa bdug pa dang // gsogs dang btsos pa sbyar ba dang // rlung dang dud pa sna tshogs kyis// shangs kyi mchod par bzhes su gsol// dkyil 'khor thugs dam skongs gyur cig/ bza' dang bca' dang btung ba dang // bshos dang zhal zas sna tshogs dang / kha dang mngar dang sgyur ba dang //
- 211b
tsha dang rtsub dang lan tshwa'i ro// ljags kyi mchod par bzhes su gsol// sras bcas 'khor gyi thugs dam skongs// lha dang mi yin bza' dang // gos dang rgyan dang lhab lhub dang // rin chen dbu rgyan cod pan dang // dpung rgyan do shal se mo do// dar dpyangs pa ti sham bu dang // snyan cha ma gu la chu na bla med 'di// sku yi mchod par bzhes su gsol// dga' ldan lha yi longs spyod dang // 'byor ldan mi yi longs spyod dang // dgongs ldan 'phrul gyi longs spyod rnams// dkyil 'khor chen por bzhes su gsol// 'phags pa'i thugs dam skongs gyur cig/ 'bru gcig don dang man ngag dang // gsal dang go 'byed snying po'i rgyu// dbang po tshim byed rgyal ba'i bka'// phyag rgya chen po gsum ldan pas// chos nyid mchod par bzhes su gsol// ma lus thugs dam skongs gyur cig/ ces drang ngo // tshogs rgyud chen po las tshogs drangs pa'i le'u ste gnyis pa'o// // de nas mchod pa la yang rnam pa gsum ste/ phyi gzugs kyi mchod pa dang / nang grol ba'i mchod pa dang / gsang ba thabs dang shes rab byang chub sems kyi mchod pa'o// de la phyi gzugs kyi mchod pa la yang don rnam pa bcu drug ste/ rnam par mi rtog pa don gyi mchod pa dang / ting nge 'dzin gyi mchod pa dang / gar gyi mchod pa dang / phyag rgya'i mchod pa dang / sems dpa' bcu drug gi
- 212a
mchod pa dang / 'dod pa'i yon tan lnga'i mchod pa dang / kun tu bzang po'i mchod pa dang / bde ba chen po'i mchod pa dang / 'dus byas rdzas kyi mchod pa dang / bla na med pa'i mchod pa dang / rnam par grol ba'i mchod pa dang / 'khor yongs su dag pa'i mchod pa dang / gnyis su med pa'i mchod pa dang / mnyam par bzhag pa'i mchod pa dang / lhun gyi grub pa'i mchod pa dang / de la rnam par mi rtog pa don gyi mchod pa ni 'di skad do// chos nyid stong pa'i rang bzhin las// rnam rtog mtshan ma mi gnas zhing // dbu ma la yang mi gnas te// gzung 'dzin mtshan ma las 'das pa// mi rtog mchod pa bzhes su gsol// oM d+harmA d+ha tu prA tsa swA hA/ zhes dgongs pas gzung ngo // de nas ting nge 'dzin gyi mchod pa 'di skad do// phyogs bcu stong khams bsam mi khyab// rab 'byams dpag tu med pa na// phyi nang snod bcud ma lus kun// thabs dang shes rab rang bzhin las// phyag rgya chen po'i dkyil 'khor te// rtogs dang ldan pas gsal bsgoms nas// dbyer med ngo bo nyid mnyam phyir// dmigs pa'i ting 'dzin mchod pa bzhes// oM swa ma ti tsa ru ku tsa swA hA/ zhes dgongs pas brlab bo// de nas gar gyi mchod pa 'di skad do// oM/ gar gyi rgyu dang gar gyi khungs// gar gyi thabs dang grangs dang bcas// gang gi klong bzhi'i yon
- 212b
tan gyis// gzhan gyi mchod pa 'bul bar bya// oM dang po dam tshig gar legs te// nam mkha' kun kyang gar gyi khong // de ltar dam tshig gar legs te// sa gzhi kun kyang gar gyi khong // gar mkhan tshul du sangs rgyas zhing // gsag chen bde ba'i mchog ston pa// ngo mtshar che la phyag 'tshal lo// g.yas kyi se gol ta la ho// g.yon pa'i se gol sham pa brgya// ta sham brgya rtse brdabs pas ni// 'das pa'i sangs rgyas 'dir 'dus na// phyi nang gzhan lta smos ci dgos// sprin phung bzhin du 'khor 'dus na// gzugs dang sgra dang dri dang ro// ro tsa na la sogs pa lngas// dus gsum rgyal ba rnams kyi thugs dam bskangs gyur nas// rnal 'byor byin brlabs bcol ba'i 'phrin las grub par mdzod// oM ma hA shu n+ya ta yo ga sra bi ma ka sha mu srad sra ba be pu ka ta su ga ta na zhes/ gar gyi gling bzhi mchod pa phul nas/ gar byung ba'i rgyu ni g.yon nas khu tshur bcing pa las byung / gar gyi grangs byung ba ni sgur stangs sku gsung thugs su 'dus so// gar gyi yon tan ni gar bsgyur nas/ phyag rgya bcas pa'i tshe/ lha'i sku rgya gsal bar bcangs na/ de yang grol bar gyur to// de nas phyag rgya'i mchod pa 'di skad do// phyag rgya'i rgyal po bzhugs tshul las// sku yi phyag rgya 'da' ba med// mi 'gyur phyag rgya'i mchod pa las// rgyal ba mnyes te
- 213a
dngos grub gsol// sems pa'i dkyil mo mnyam bzhag nas// g.yon pa'i lag pa'i rkang mthil sleb// g.yas pa de steng mnyam bzhag la// kun bkang yid kyi phyag rgya yin// lag pa thal sbyar sor bsnol la// gung mo rtse sprad mthe'u chung bsgrengs// mthe bong gnyis kyang de bzhin sbreng // rdo rje rigs kyi phyag rgya yin// sor mo bzhi pa brgyad bsnol te// gcig la gcig mthud lu gu rgyud// mthe bong gnyis kyang mthil du sprad// de bzhin rigs kyi phyag rgya yin// thal mo khong stong sbyar ba las// mthe bong blor bzhag mdzub zur can// gung mo sor drug 'od ltar bkram// rin chen rigs kyi phyag rgya yin// lag pa thal mo de nyid las// sor mo rtse sprad dbu byas la// pad+ma kha 'bus tshul du bya// pad+ma rigs kyi phyag rgya yin// lag g.yas thal mo de nyid las// srin lag gnyis ni nang du gzhug/ bzhi po rtse sprad phyogs bzhir bgrad// las kyi rigs kyi phyag rgya yin// phyag rgya de nyid bcas pa las// bzhi po rtse sprad gyen bsgrengs nas// dam du bcug ste bsgreng ba ni// rigs kyi bu lnga'i phyag rgya yin// thal mo de nyid mnyam sbyar nas// sor mo gzhan rnams rgyab tu bsnol// mdzub mo zur can myu gu'i tshul// sa yi snying po'i phyag rgya yin// g.yas pa'i mthe bos mthe'u chung mnan// sor mo bcu phyar ral gri'i tshul// g.yon pa'i shul las
- 213b
byas pa ni// nam mkha'i snying po'i phyag rgya yin// lag pa thal mo sbyar nas kyang // sor mo spel te yid tsam bsnol// pad+ma kha rgyas tshul bzhin byas// spyan ras gzigs dbang phyag rgya yin// g.yas g.yon sor bsnol gung mo sbreng // mdzub mo de ltar gung mo bzung / mthe bong gnyis ni blor bzhag pa// phyag na rdo rje'i phyag rgya yin// g.yas pa las kyi phyag rgya las// g.yon pa mdzub mo mthe bong spyad// snye ma 'dzin pa ltar byas pa// sems dpa' kun bzang phyag rgya yin// g.yas pa lag mthil lte bar brkyang // g.yon pa brla la sa gnon tshul// po ti 'dzin pa ltar byas pa// sgrib pa rnam sel phyag rgya yin// lag pa g.yas pa phyag rgya tshul// g.yon pa brgyab ste sa gnon cing // klu shing 'dzin pa ltar byas pa// byams pa mchog gi phyag rgya yin// lag pa g.yas g.yon rting sbyar nas// sor mo phyir 'gyed rtse mo bkug/ ut+pal tshul du byas pa ni// 'jam dpal gzhon nu'i phyag rgya yin// lag pa khu tshur skur bsten nas// 'gying ba'i tshul gyis gnas pa la// 'dzum zhing bsten pa g.yas su 'dud// la s+yai sgeg mo'i phyag rgya yin// lag pa g.yas g.yon mthe mdzub sprad// g.yon pa phreng ba 'dzin pa la// g.yas pa smin mtshams 'dren pa ni// ma lce phreng ba brgya 'dren brgya// g.yon pa rin chen phreng ba la// sor mos mthe'u gnon pa las//
- 214a
/ g.yas pas rdeg pa ltar byas pa// dbyangs mkhan ma yi phyag rgya yin// g.yon pa thal mo bkan pa las// g.yas pa steng du ldog bsnol te// 'khyil ba'i tshul gyis bskyod pa ni// gar mkhan ma yi phyag rgya yin// lag pa g.yon pa gung mo nas// g.yas pa 'degs pa ltar byas pa// g.yon pa spos phor tshul du byas// du pe tshim byed phyag rgya yin// lag pa g.yas g.yon thal sbyor yis// snyim pa yid tsam bkang ba las// 'thor bas thabs su bskyod pa ni// puSh+pe me tog 'thor ba'i rgya// lag pa'i g.yas g.yon snyim pa las// mthe'u chung gnyis ni dkyil nas bsgrengs// gshibs te gyen du bstan pa ni// zhugs par a lo ke yi rgya// lag pa g.yon pa bskyod pa las// g.yas pas srin mtheb phyag rgya yis// gtor ba'i tshul du byas pa yin// gan+d+he dri yi phyag rgya yin// lag pa khu tshur bcas nas ni// nir 'go ga yi phyag rgya yis// rdebs pa'i tshul byas byar ba ni// gshin rje gshed kyi phyag rgya yin// g.yon pa bsdigs pa'i phyag rgyu las// g.yas pa rdo rje be con gyi// rdeg pa'i tshul du byas pa ni// stobs po che yi phyag rgya yin// rta mgrin dpal ni rta yi rgya// yang na g.yon pa zod khrag la// g.yas pa sbrul zhags bsnams pa ni// ha ya gr-i ba'i phyag rgya yin// lag pa g.yas g.yon bsnol ba la// rdo rje rgya gram tshul du byas// 'gying ba'i
- 214b
tshul du byas pa ni// bdud rtsi 'khyil ba'i phyag rgya yin// mdzub mo lcags kyu ltar byas pa// mi 'pham ma yi phyag rgya yin// zhags pa bsdams pa ltar byas pa/ khro gnyer ma yi phyag rgya yin// 'khyud pas lcags sgrog ltar byas pa// ro langs ma yi phyag rgya yin// dril bu 'khrol ba ltar byas pa// ral gri ma yi phyag rgya yin// pi wang 'debs pa ltar byas pa// lha yi thub pa'i phyag rgya yin// cho ga sdom pa ltar byas pa// lha min thub pa'i phyag rgya yin// sreg par 'dzin pa ltar byas pa// mi yi thub pa'i phyag rgya yin// po ti cod pan phyag rgya ni// byol song thub pa'i phyag rgya yin// rin chen sgrom bu kha 'byed ni// yi dwags thub pa'i phyag rgya yin// me 'bar chu ldugs lag gnyis ni// dmyal ba'i thub pa'i phyag rgya yin// phyag rgya'i mchod pa sna tshogs kyi// dkyil 'khor thugs dam skongs gyur cing // rgyal sras mchod pas mnyes gyur nas// mthar phyin dngos grub bstsal du gsol// oM mu tra tsa ri pA tsa swA hA/ zhes ma nor bar 'bul/ de nas sems dpa' bcu drug gi mchod pa 'di skad do// rdo rje sems dpa' dga' ba che// rdo rje rgyal po bde ba che/ rdo rje chags pa 'bebs pa che// rdo rje legs pa bla na med// rdo rje rin chen dri ma med// rdo rje nyi ma gsal ba che// rdo rje bzhad pa thabs chen po// rdo rje gsang mchog gsang ba che// rdo rje 'khor la yid sbyin skor//
- 215a
/ rdo rje rnon po thogs pa med// rdo rje smra ba gsung pa che// rdo rje las rab 'dul mkhas pa// rdo rje gnon 'dul gdug pa sel// rdo rje go cha dpa' bo ste// rdo rje khu tshur legs pa che// sems dpa' chen po'i mchod pa yis// phyag rgya chen po mnyes gyur te// ma lus dgongs te thugs dam skongs// rtsa ba'i sngags brjod sems dpa' gzhan yang mchod/ de nas sems ma bcu drug gi mchod pa 'di skad do// oM su ra to badz+ra ma no ba b+ha hri/ IM su ra to badz+ra kI li kI la hUM/ au su ra to badz+ra me ge tang tang / au su ra to badz+ra gar+b+he hUM/ bde ba za byed yab yum phyag rgyar gsal// bde ba rmongs byed gnyis su med par bskyod// bde ba rgyas 'debs dkyil 'khor 'khor lo rdzogs// bde ba tshe 'phel skye shi med pa'i ngang // A~M he ma hA su ra ta badz+ra byi ma la se na tra tra tra ta/ oM he ma hA su ra to badz+ra ha se ha ha/ oM he ma hA su ra to badz+ra girti te te/ oM ha ma hA su ra to badz+ra ni ra ti pe pe/ rdo rje sgeg mo byang chub sems kyi ngang // rin chen dpal phreng gzungs dang ting nge 'dzin// pad+ma dbyangs mkhan gsung rab rgya mtsho sgrogs// las kyi gar mkhan 'phrin las rgya mtsho sgrol// oM su ra to badz+ra ma du ka ra gung gung / oM su ra to badz+ra me ke traM traM/ oM su ra to badz+ra sha ra ta a a/ oM su ra to badz+ra sha ri ho/ rdo rje bdug pa mas ni byang chub sems nyid 'dod
- 215b
pa'i ngang // rdo rje me tog mas ni dkyil 'khor gsal bar 'thor// rdo rje mar me mas ni dkyil 'khor gsal bar sgrogs// rdo rje dri chab mas ni byang chub sems kyi thig le spro/ oM su ra to badz+ra ma hA bi sha ru be dza dza/ oM su ra to badz+ra ma hA sha pa ta na su ra ke hUM hUM/ oM su ra to badz+ra ma hA ra s+ya baM baM/ oM su ra to badz+ra ma hA gan+d+he su ka ho/ thugs rje lcags thugs kyi rgyud bskul zhing // byams pa'i zhags pas gnas nas spyan drangs nas// bka' yi pho nya lcags sgrog gnas bskyod nas// 'dir gshegs rtog bral nas ni dgyes pa bskyed// zhes ting nge 'dzin dang mthun par sbyar ro// de nas 'dod pa'i yon tan lnga'i mchod pa 'di skad do// gzugs kyi lha mo'i mchod pa ni/ gzugs mdzes gsal ba'i me long bsnams// mdzes pa gzugs kyi mchod pa 'bul// spyan gyi dgyes pas mnyes gyur cig/ sgra yi lha mo'i mchod pa ni// phyag gnyis dbyangs snyan pi waM bsnams// snyan pa'i rol mo pi waM 'bul/ snyan pa'i dgyes pas mnyes gyur cig/ dri yi lha mo'i mchod pa ni// phyag na tshim byed spos por bsnams// dri mchog sna tshogs mchod pa 'bul// shangs kyi dgyes pas mnyes gyur cig/ ro yi lha mo'i mchod pa ni// snod mchog zhal zas sna tshogs bsnams// bdud rtsi ro mchog sna tshogs kyi// ljags kyi dgyes pas mnyes gyur cig/ reg bya'i lha
- 216a
mo'i mchod pa ni// nam mkha' pany+tsa li ka bsnams// dro 'jam bsil reg bde ba'i sa// sku la dgyes pas mnyes gyur cig/ zhes sngags dang phyag rgya dang ldan pas mchod do// de nas kun tu bzang po'i mchod pa 'di skad do// bde bar gshegs so bcom ldan 'das// rgyal ba rgya mtsho ye shes kyi// srid pa rgya mtsho mtha' yas kun// kun bzang mchod sprin mchod do rol// oM sri b+ha tra sarba ta thA ga te b+h+yo/ bi shra mu khe b+he/ sarba tha khang ud ga te s+pha ra na i maM ga ga na khaM swA hA/ zhes blta bar yangs par bya'o// de nas bde ba yangs pa'i mchod pa 'di skad do// bde ba chen po dag na gang gnas pa// rtag pa chen po longs spyod rdzogs pa'i sku// bde ba khams gsum dag las 'das// byang chub sems dpa' rin po che// stong pas btsal kyang rnyed par ga la 'gyur// thig le chen por chub par gnas pa la// ye shes snying po 'di las gzhan na med// 'khor ba mya ngan las 'das skye shi med pa'i dbyings// bde ba chen po'i dbyings las rnam par rol// oM ji ltar bde bas ji ltar rol// bde mchog bde dang mi gnyis bde// srid pa shin tu dag bya'i phyir// mi srid dbyings su mnyam sbyar nas// bcom ldan rdo rje sems dpa' dang // dkyil 'khor rgyal sras bcas pa la// dam tshig mchod pa 'di 'bul na// nam mkha' rdo rje bstsal du
- 216b
gsol// oM sarba ta thA ga ta ar+g+haM ma hA su ka si ti pra ti dza ho/ de nas 'dus byas rdzas kyi mchod pa 'di skad do// rin chen sna tshogs rgyan gyis bkrugs pa 'dir// rgyal mtshan 'phan gdugs bla re lhab lhub dang // bdug spos dri zhim me tog sil ma bkram// bdud rtsi snang gsal mchod pa dam pa 'di// lha dang mi yi rol mo sna tshogs dang // glu dang de yi tshigs su bcad pas bstod// bza' btung bdud rtsi bro mchog rnam mang dang // rgyal srid rin chen sna bdun la sogs rdzas// mtshan mchog btsun mo yid du 'ong ba dang // gos dang rgyan dang rin chen chas kyis mdzes// thabs dang rol pa'i tshul gyis bzhes su gsol// bsod nams tshogs kyi dngos grub bskul du gsol// de nas bla na med pa'i mchod pa 'bul ba 'di skad do// bla med mchog gi mchod pa dam pa sbyar ba 'di// ye shes lnga yi 'od zer rnam par 'phro// 'dod pa lnga yi longs spyod mkho dgu ldan// nam mkha'i mtha' klas gter chen 'byung gyur cig/ phung po bla med rgyal ba ye shes lnga// 'byung ba bla med gsang ba yum mchog lnga// rnam shes yul du sems dpa' sems ma lnga// mchod pa bla med rab 'byams rnams kyis mchod// bla med mchod pa dus dang rgyun med par// dmyal tshogs me ltar 'bar ba zhi bar mdzod// de nas rnam par grol ba'i mchod pa 'di skad
- 217a
do// phung po khams dang skye mched dang // phyi nang snod bcud ma lus kun// sangs rgyas zhing rnams grol ba yi// 'dzin byed chags dang bral ba yi// 'khor ba'i chos la kun sgrol bas// thabs ldan mya ngan 'das pa'i dkyil 'khor dgod// rtog bral bag chags med pa la// 'di zhes mtshon du med pa yis// shes rab shin tu rnam par rol// blo chen po dang 'chang ba'i bdag/ byang chub nyid de rnam grol bas// thabs ldan grol ba'i mchod pa 'bul// gnyis med don gyi tshangs pa bstsal du gsol// de nas 'khor yongs su dag pa'i mchod pa 'di skad do// ma chags pa la chags pa med// bdag med rtogs pa mya ngan 'das// 'dzin med dbyings la ye shes rol// rgyal srid dang ni rang gi lus// 'phags pa rnams la 'bul lags kyis// bu dang chung ma bu mo dang // nor la dbyig dang sbas pa'i gter// bla ma rnams la 'bul lags kyis// rta mchog rgyan bzhin brgyan pa dang // dud 'gro glang chen ni sha dang // 'dab chags bya la sogs pa yang // 'khor bcas rab 'bar bzhes su gsol// sdug bsngal la yang sdug bsngal da/ 'khor ba la yang 'khor ba med// ma lus 'bul te bzhes mdzad la// 'khor ba'i khri mun stongs par mdzod// de nas gnyis su med pa'i mchod pa 'di skad do// rang bzhin dkyil 'khor spyan drangs
- 217b
nas// gzugs brnyan dkyil 'khor gsal bris te// ting 'dzin dkyil 'khor gsal bsgoms nas// bde gshegs mchod 'bul bzhugs pa rnams// gnyis med dbyings kyi sbyor ba yis// dam tshig thugs dam gtsor skongs te// gnyis su med par mchod pa 'bul// 'khor ba dang ni mya ngan 'as// gnyis su 'phags pa cang mi gsungs// dbyer med rang zhin gcig pa'i phyir// gnyis med mchod pa bzhes su gsol// nyon mongs la sogs dug lnga rnams// thams cad rgyal ba'i dkyil 'khor te// thabs dang shes rab rol pa las// gnyis med mchod pa bzhes su gsol// mi mnyam 'khor ba'i sdug bsngal sol// de nas mnyam par bzhag pa'i mchod pa 'bul ba 'di skad do// mnyam nyid mi g.yo mnyam nyid sangs rgyas pa'i// rang rtags mtshan ma'i spyod pa ngang gis med// gzung 'dzin mtshan ma kun las 'das pa yi// mnyam pa chen po'i mchod pa rnam par rol// log rtog sgyu mar snang ba'i sems can dang // ye shes sgyu mar snang ba'i sangs rgyas gnyis// ye shes log rtog khyad par bsam yas kyang // sgyu ma yin par rang bzhin yongs kyis mnyam// mnyam pa chen po'i mchod pa bzhes su gsol// rnam par rtog med dus sum rgyal ba'i sku// nga rgyal nyon mongs dug lnga rang dag kyang // don med gsal ba'i skyes bu gnyis su
- 218a
med// mnyam pa chen po'i mchod pa bzhes su gsol// rig dang ma rig sgyu ma'i khyad par las// lhun gyis grub pa'i ngang las rtsal med pa// gnyis med don gyi ngang du gcig pa'i phyir// mnyam par bzhag pa'i mchod pa bzhes su gsol// de nas lhun gyis grub pa'i mchod pa 'bul ba 'di skad do// phung po lha yi dkyil 'khor du// phyag rgya chen po lhun gyis grub// lha dang lha mo'i dkyil 'khor du// thams cad ma lus lhun gyis grub// bro gar 'du 'phro la sogs pa// 'dzul lam nam mkhar 'gro ba dang // gar yang thogs pa med pa yi// mkha' 'gro chen por lhun gyis grub// sgra ru grags pa ji snyed dang // tshig dang yi ge thams cad las// gsung gi phyag rgya lhun gyis grub// bza' btung longs spyod thams cad kyi// sku dang bdud rtsi thams cad 'grub// chos nyid lha mo lhang nger gsal// bde chen rgyal po lhun gyis grub// lhun grub mthar phyin mchod pa bzhes// bsgrubs pa'i 'bras bu rdzogs par mdzod// tshogs rgyud chen po las phyi gzugs kyi mchod pa phul ba'i le'u ste gsum pa'o// // de nas bsgral ba'i mchod pa las/ mchod pa rnam pa lnga ste/ gang bsgral ba dang / gang gis bsgral ba dang / gang du bsgral ba dang / don ci'i phyir bsgral ba dang // ma bsgral ba'i skyon no// de la gang bsgral na zhing bcur gyur pa bsgral te/
- 218b
dkon mchog gsum gyi sku dgrar gyur pa dang / ngan pa'i ngang tshul can la sogs te/ bcu po de bsgral/ de gang gis bsgral na/ thabs mkhas pa'i skyes bu chen pos/ lha'i dkyil 'khor dang gnyis su med par bsgral lo// gang du bsgral na/ 'og min chos kyi dbyings kyi pho brang yum gyi mkha' la bsgral lo// don ched ci'i phyir bsgral na/ de mnar med par ltung bar nges pas/ de mtho ris su gdon mi za ba'i ched du thugs rje chen pos bsgral lo// de ma bsgral ba'i skyon ni/ rdo rje theg pa'i bka' 'jig cing / rnal 'byor pa'i chos spyod nub nas/ rgyal khams phung bar 'gyur ba'i skyon yod do// de la bsgral ba'i dgongs pa ni/ bdag nyid phyag rgya chen po'i dkyil 'khor du gsal ba byas la/ dkyil 'khor chen por spyan drangs te/ 'khor zhe sdang gcod pa'i rgyas gdab byas la/ dang por yi ge raM dang oM dang khaM gis sreg sbyangs tshul bzhin byas la/ dang po mtshon cha lnga yis char phab ste/ tsakra oM zhes brjod pas/ 'khor lo spyi bo'i gtsug tu brgyabs pas gti mug gnas su bcom/ tsakra hUM zhes brjod pas/ rdo rje snying khar brgyabs pas zhe sdang gnas su dag par bcom/ tsakra bruM zhes brjod pas rin po che lte bar brgyabs pas nga rgyal gnas su dag par bcom/ tsakra A~M zhes brjod pas/ pad+ma lce la brgyabs pas 'dod chags gnas su dag
- 219a
par bcom/ tsakra ha zhes brjod pas/ ral gri rkang mthil du brgyabs pas phrag dog gnas su dag par bsam/ rnam par shes par sems yi ge hUM du bsgyur/ zla ba'i dkyil 'khor steng du bzhag/ 'og tu yaM las rlung gi dkyil 'khor gyis bteg/ yab yum sbyor ba'i mtshams su 'phang / skal tshigs gsal ba'i rta brgyud/ byang chub sems dang 'dres te/ rigs nges pa'i sras su bskyed/ oM AHhUM gsum gyis byin gyis brlabs/ slar 'khor bar mi ltung ba'i phyir/ rdo rje rgya gram gyis kha bcad de bzhag pa'i dgongs pa'o// de'i phrin las ni/ sems can khyod kyi spyi bo na// yi ge a gcig yod pa ni// lha yi 'chi 'pho gnas yin te// lha yi gnas su khyod mi btang / oM las oM ldan 'od ldan bsgom// A~M las rnam par snang mdzad sku// phyag rgya bzhi dang ldan bsgoms nas// rgyal ba'i sras su skye bar 'gyur// kun tu bzang po'i zhal nas gsungs// sems can khyod kyi lce steng nas// yi ge pre zhig gnas pa ni// yi dwags bkres skom las yin te// bkres skom gnas su khyod mi btang // pre las AM dmar 'od ldan bsgom// oM las snang ba mtha' yas sku// phyag rgya bzhi ldan bsgoms byas nas/ khyod ni rgyal ba'i sras su 'gyur// sems can khyod kyi snying kha na// yi ge nri zhig gnas pa ni// nri ni mi yi sdug bsngal
- 219b
las// sdug bsngal gnas su khyod mi btang // nri las hUM mthing 'od ldan bsgom// hUM las rdo rje sems dpa'i sku// phyag rgya bzhi dang ldan bsgoms nas// khyod ni rgyal ba'i sras yin no// sems can khyod kyi lte ba na// byol song blun zhing gti mug lam// gti mug gnas su khyod mi btang // su las sa ser 'od ldan bsgom// sa las rin chen 'byung ldan sku// phyag rgya bzhi dang gsal byas na// khyod ni rgyal ba'i sras po 'o// sems can khyod kyi gsang ba na// yi ge tri gcig gnas pa ni// dmyal ba btso sreg gnas yin te// btso sreg gnas su khyod mi btang // tri yi steng du ha zhig bsgom// tri las ha ljang 'od ldan la// cho ga rnams gsum 'phro 'du las// don yod grub pa rgyal po'i sku// phyag rgya bzhi dang ldan par bsgom// rgyal ba'i sras su skye bar 'gyur// bcom ldan 'das kyis zhal nas gsungs// 'dis kyang spor ba'i las mdzod cig/ gzhan yang 'phrin las rnam bzhi dang // brtul zhugs chen po'i mchog rnams kyis// spar dang spor ba'i las mdzod cig/ de nas thugs dam rgyud bskul 'di skad do// rdo rje khro rgyal dpal chen ru ka'i// ngan rtog zhe sdang khro tshul mi mnga' yang // gtum khro gdug pa ma lus 'dul ba'i phyir// thugs rje chen pos sgrol ba'i phrin las mdzod// 'bar ba'i dkyil 'khor kun la mchod pa ni// sgeg mo rin
- 220a
/ chen phreng thogs dbyangs dang gar// spos kyi sprin mchog mar me dri// hUM mdzad hUM las he ste bzhes su gsol// bcom ldan dpal chen badz+ra he ru ka/ bsgral ba'i rnam shes mchod par 'bul// rdo rje rigs kyi thugs dam skongs gyur cig/ yon tan thugs kyi dngos grub bstsal du gsol// bcom ldan dpal chen bud+d+ha he ru ka/ bsgral ba'i gzugs kyi phung po'i mchod pa 'bul// de bzhin rigs kyi thugs dam skongs gyur cig/ sku yi dngos grub dus 'dir bstsal du gsol// bcom ldan dpal chen rat+na he ru la// bsgral ba'i tshor ba'i phung po'i mchod par 'bul// rin chen rigs kyi thugs dam skongs gyur cig/ yon tan dngos grub dus 'dir bstsal du gsol// bcom ldan dpal chen pad+ma he ru la// bsgral ba'i 'du shes phung po'i mchod par 'bul// pad+ma rigs kyi thugs dam skongs gyur nas// gsung gi dngos grub dus 'dir bstsal du gsol// bcom ldan dpal chen karma he ru la// bsgral ba'i 'du byed phung po mchod par 'bul// sna tshogs rigs kyi thugs dam skongs gyur nas// 'phrin las dngos grub dus 'dir bskul du gsol// yum chen badz+ra kro ti shwa ri ma// bsgral ba'i bkrag dang mdangs kyis mchod par 'bul// rdo rje dbyings phyug thugs dam skongs gyur nas// nam mkha' dbyings phyug dngos grub bstsal du
- 220b
gsol// yum chen bud+d+ha kro ti shwa ri la// bsgral ba'i sha dang rus pa mchod par 'bul// bud+d+ha yum chen thugs dam skongs gyur nas// yum chen kro ti shwa ra'i dngos grub bstsal du gsol// yum chen rat+na kro ti shra ri la// bsgral ba'i khrag dang chu yis mchod par 'bul// rat+na kro ti shwa ri'i thugs dam skongs gyur nas// rin chen dbyings phyug ma yi dngos grub bstsal du gsol// yum chen pad+ma kro ti shwa ri la// bsgral ba'i drod dang me yi mchod par 'bul// pad+ma yum chen thugs dam skongs gyur nas// pad+ma dbyings phyug dngos grub bstsal du gsol// yum chen karma kro ti shwa ri la// bsgral ba'i dbugs dang rlung gi mchod par 'bul// karma kro ti shwa ri'i thugs dam skongs gyur nas// las kyi dbyings kyi dngos grub bstsal du gsol// ke'u ri la sogs khro mo brgyad rnams la// bsgral ba'i rnam shes brgyad kyi mchod pa 'bul// khro mo brgyad kyi thugs dam skongs gyur nas// rtog pa brgyad kyi dngos grub bstsal du gsol// sing ha la sogs phra man brgyad rnams la// bsgral ba'i dur khrod brgyad kyi mchod pa 'bul// mgo brnyan brgyad kyi thugs dam skongs gyur nas// grub pa'i gnas brgyad thugs dam skongs gyur cig/ rta gdong la sogs sgo ma bzhi rnams la// bsgral ba'i yan lag bzhi yi mchod pa 'bul// sgo ma bzhi'i thugs dam skongs
- 221a
gyur nas// phrin las bzhi yi dngos grub bstsal du gsol// dbang phyug khrag 'thung nyi shu brgyad rnams la// bsgral ba'i sgal tshigs nyi shu rtsa brgyad mchod pa 'bul// dbang phyug nyi shu rtsa brgyad thugs dam skongs// las bcol 'bras bu'i dngos grub bstsal du gsol// ma[:]bdun sring bzhi gsang ba'i yum chen la// bsgral ba'i glo snying nang khrol pho mchin dang // mkhris pa pa mkhal ma la sogs mchod par 'bul// thugs dam gnyen skongs dngos grub bstsal du gsol// ma mo pho nya sum brgya drug cu la// bsgral ba'i rus pa sum brgya drug cu rnams// pho nya'i tshogs la mchod bul thugs dam skongs// pho nya rkang mgyogs dngos grub bskul du gsol// rdo rje thar pa'i ging mchog bco brgyad la// bsgral ba'i rtsib ma bco brgyad mchod par 'bul// thugs dam skongs te dngos grub bstsal du gsol// de nas zhal du bstab pa 'di skad do// bstabs so kha ram zhal phyes shig/ 'bar ba chen po zhal phyes shig/ rnam rtog ma lus zhal du btabs// dbu dang phyag gnyis zhal phyes zhig/ dgra bgegs ma lus zhal du bstabs// zhing gsol chas brgyad zhal phyes shig/ bar du gcod pa zhal du bstabs// sha za khrag 'thung zhal phyes shig/ bsgral ba'i zhing bcu zhal du bstabs// rngam chen la sogs
- 221b
zhal phyes shig/ bdud dang srin mo zhal du bstabs// mgyogs byed la sogs zhal phyes shig/ dam nyams dgra bgegs zhal du bstabs// 'dzin byed la sogs zhal phyes shig/ dngos grub par chod zhal du bstabs// bka' nyan la sogs zhal phyes shig/ bstan pa gnyen po bshig pa dang // dkyil 'khor gnyen po bkral ba dang // sgrub la bar chod byed pa dang // rdo rje slob dpon sku dgra rnams// ma lus bzhes te rol par mdzod// 'byung po'i khrag ni chang bas zhim// 'dod chags mchod pa bla na med// 'dod chags mchod pa'i 'di bzhes la// gsung gi dngos grub bstsal du gsol// 'byung po'i rus pa mar bas zhim// zhe sdang mchod pa bla na med// zhe sdang mchod pa 'di bzhes la// thugs kyi dngos grub bstsal du gsol// 'byung po'i sha ni zan pas zhim// gti mug mchod pa bla na med// gti mug mchod pa 'di bzhes la// sku yi dngos grub bstsal du sol// ma hA maM sa/ ma hA rak+ta/ ma hA ba su ta/ ma hA keng ni ri ti/ kha raM khA hi/ tshogs rgyud chen po las nang sgrol ba'i le'u ste bzhi pa'o// // de nas gsang ba thabs dang shes rab byang chub kyi mchod pa yang don rnam pa lnga ste/ gzung ma byin gyis brlab pa dang / gnyis su med par sbyar ba dang / gsang ba'i mkha' la sems can thams cad gnas sbar te/
- 222a
dbang bskur ba dang / dkyil 'khor gyi lha la byang chub kyi sems kyi mchod pa dang / byang chub sems las rdo rje'i tshe'i dngos grub blang ngo // de la dang po gzung ma byin gyis brlab pa ni/ gzung ma nyid yum shes rab kyi pha rol tu phyin pa'i rang bzhin/ dus gsum gyi bde bar gshegs pa'i pho brang gzhal yas khang du byin gyis brlabs la/ gsang ba'i mkha' la dkyil 'khor lha tshang bar bsgom pa dang / gnas lngar yi ge dpa' bo 'bru lnga las/ rigs lngar gyur pa las/ gsang ba'i yum bzhir bsgom par byin gyis brlabs so// de nas gnyis su med par sbyar ba ni/ dang po spyan brda' zhig mdzad de 'di skad bskul lo// mtshan mchog brgyan pa'i yum mchog shes rab spyan// shes rab don gyis rgyal ba'i thugs dam bskul// mi dmigs snying rje thams cad yongs la snyoms// thabs dang shes rab tshul gyis sa ma ya sto// zhes bskul ba dang / yum gyis yab la 'di skad ces bskul lo// thabs la mkhas pa 'khor ba 'dren pa'i gtso// 'khor ba ma spangs gnas su dag pa las// 'phags pa rnams la dges pa'i thugs dam bskul// bde ba chen po'i mchod pa'i rgyan du bzhes// sa ma ya hUM zhes bskul bas/ yab kyi phyag rgya chen po bzhis mnyam par sbyar/ hUM las gsang ba'i rdo rje rtse lnga par bsgom/ rdo rje las rigs lnga'i snying por
- 222b
bkod/ yum gyi mkha' las po las pad+ma 'dab ma brgyad las yum lnga'i snying po bkod/ pra be sha ya phaT kyis sgo dbye/ su ra ta stau zhes bskul bas/ de bzhin shegs pa thams cad kyang dgyes pa chen po dus cig tu bstar te/ mnyes pa chen po'i thugs dam skongs/ don dbyings dang ye shes rtags thams cad dang / gnyis su med par lhan gyis gyur pa'i/ de nas gsang ba'i mkha' la sems can thams cad gnas sbar te dbang bskur ba ni/ nam mkha' gang nas gang du khyab par chos kyi dbyings khyab/ dbyings kyi gang nas gang du khyab par yum gyi mkha' klong rnam par dag par khyab pas/ snod kyi 'jig rten thams cad yum mkha' dbyings rnam par dag pa'i gzhal yas khang du gyur pa'i nang na/ mtha' yas pa'i sems can thams cad kyi sems me mar rlung gi ma bskyod pa ltar gnas pa la/ kun gzhi a'i rang bzhin dang / yid kyi hUM gi rang bzhin du bsdus te/ yum gyi mkha' la gnas sbar te/ yum dang 'od bsnol mar bstims pas/ a dang hUM dang byang chub sems gsum 'dres pa las/ thams cad rdo rje sems dpa' dang / kun tu bzang po'i sras su gyur te/ sems can thams cad rgyal ba'i sras zhes bya/ dkyil 'khor gyi lha rnams kyis kyang / rdo rje ming gis dbang bskur te/ sangs rgyas kyi gdung 'dzin par byang chub sems kyi dbang byin
- 223a
@#// te bzhag go/ de nas dkyil 'khor gyi lha la byang chub sems kyi mchod pa 'bul ba ni/ me long rang yu can gyi nang du bzhag la srin mtheb kyi phyag rgyas gtso bo dang 'khor yan chad la mchod pa phul bas/ dgyes pa chen po'i bdud rtsi'i mnyes par phul nas/ dngos grub phul zhing byin gyis rlob par mdzad pa'o// de nas byang chub sems las rdo rje che'i dngos grub blang ba ni/ dkyil 'khor gyi lha thams cad yab yum gnyis su med par sbyor ba mdzad pa'i byang chub sems kun da dkar tsa ra ra zags pas/ bdag gi byang chub sems dang 'dres te lce la blangs pas/ tsit+ta la thims pas/ tsit+ta ye shes sems dpa'i sku tshon gang bar gyur te/ skye shi med pa'i g.yung drung du gyur te/ tshogs kyi mchod pa'i cho ga rdzogs so// tshogs kyi mchod pa'i le'u ste lnga pa'o// / de nas tshogs kyi mchod pa'i grangs ni/ rab kyis nyin lan gsum mtshan lan gsum du 'bul bar bya'o// de ci'i phyir zhe na// spyan drangs re zhing grol thang la/ smin pa'i mchog re re grub par gsungs so// de la tshogs kyi mchod pa 'bul ba ni/ rgyu mtshan nyid kyi theg pa ltar dka' ba spyad nas/ 'bras bu phyis 'ong du re ba ma yin/ tshogs kyi 'bras bu ni ye shes 'khor lo tshogs kyis sa la/ sa bcu rim gyis bgrod dgos te/ da lta nyid nas rigs lnga'i sangs rgyas dang / mnyam
- 223b
par sangs rgyas par 'gyur ro// de'i phyir sangs rgyas rnams kyi kyang 'di skad ces bka' bstsal to// tshogs kyi mchod pa'i 'bras bu ni// phung po mi gnas mya ngan 'da'// rig 'dzin sa la bde bar gnas// phyogs bcu'i sangs rgyas kun mnyes te// byin gyis brlabs nas dbang bskur te// dngos grub dam pa stsol bar mdzad// chos kyi sku dang gnyis su med// ces sangs rgyas rnams gsungs so// de la tshogs kyi mchod pa 'dis yun ci tsam gyis 'grub ce na/ rab kyis zla ba gcig gis 'grub/ 'bring gis lo gcig gis 'grub/ tha mas lo gsum tshun chad 'grub/ tshogs kyi mchod par phul byas la// rdo rje sems dpa' nyid du 'gyur// sangs rgyas byang chub zag mi ring // zhes gsungs te/ de la tshogs phul ba'i yon tan ni/ 'jig rten gyi khams 'dir yang rgyal ba sras dang bcas pa'i zhal mthong bar 'gyur ba dang / ma mo mkha' 'gro thams cad sprin phung bzhin gtibs te/ ci bsgo ba'i bka' nyan zhing / dngos grub kyi stobs dang grogs byed cing / mthu dang / phun sum tshogs par byin te/ thams cad du bde skyid phun sum tshogs pa dang ldan pa/ longs spyod thams cad 'phel ba dang / 'khor thams cad du nad dang sdug bsngal thams cad mi 'byung ba dang / 'jig rten gyi lha ma srin thams kyis mdun bsu ste/ lcang lo can gyi
- 224a
gnas su phyin par skye bar 'gyur ro// tshogs ma phul ba'i skyon ni bsgrubs kyang don med cing / bde bar gshegs pa rnams kyang zhal 'dzum pa mi mdzad cing / bsod nams dang skal ba'i shas chung ste/ dmyal ba dang / yi dwags dang / byol song gi gnas su skye bar 'gyur ro// rnal 'byor gyi tshogs rgyud chen po rdzogs so// // de nas byang chub sems dpa' rnams kyis gsol ba/ de lta bu'i tshogs rgyud chen po 'di/ 'jig rten gyi khams gang dang gang du snang bar 'gyur// sems can thams cad la ji ltar phan par 'gyur/ bde bar gshegs pas lung bstan du gsol/ rdo rje sems dpas bka' bstsal pa/ rnal 'byor gyi tshogs rgyud chen po 'di ni/ 'dod khams dang / gzugs khams dang / gzugs med pa'i khams dang / rim pa thams cad khyab par 'gyur/ dang po 'og min gyi gnas su/ ting nge 'dzin gyi mchod pa las rgyu blangs te/ rnal 'byor tshogs kyi mchod pa 'bul bas/ thams cad chos kyi sku ru sangs rgyas par 'gyur ro// lha'i longs spyod rnam pa sna tshogs las blangs te/ rgyal ba'i dkyil 'khor rab 'byams 'khor dang bcas pa las/ rnal 'byor gyi mchod pa chen po phul bas/ lha 'bum phrag bsam gyis mi khyab pa/ phung po mi gnas pa'i mya ngan las 'da' bar mngon par rdzogs par sangs rgyas par byed do// de
- 224b
nas drang srong rnams kyi rigs su rnal 'byor gyi tshogs rgyud chen po 'dis khyab pas/ drang srong rnams kyi 'byor pa'i longs spyod sna tshogs pa/ rgyal ba'i dkyil 'khor la tshogs kyi mchod pa phul bas/ drang srong rnams la sogs pa rnams kyis phung po mi gnas pa'i mya ngan las 'das par mngon par rdzogs par sangs rgyas par byed do// de nas klu'i rigs su rnal 'byor gyi tshogs rgyud chen po 'dis khyab pas/ klu'i rgyal po 'jog po dang / klu'i rgyal po rgya mtsho'i bu mo la sogs pas klu'i longs spyod rnam pa sna tshogs pa'i longs spyod kyis/ rgyal ba sras dang bcas pa ma lus pa la tshogs kyi mchod pa 'bul bas/ klu'i rigs 'bum phrag bsam gyis mi khyab pa lus ma bor mi gnas pa'i mya ngan las 'das par mngon par rdzogs par sangs rgya bar 'gyur ro// de nas mi'i ris su rnal 'byor gyi tshogs rgyud chen po'i 'dis khyab na yang / mi'i gnas na snod du gyur pa dang / rig pa cha phra mo yod pa dang / sprul pa'i sku la gnas pa dang / sngon gyi smon lam gyis dad pa'i rgyal po dang / bram ze dang / 'go ru dang / sha pra dang / bstan 'jam dang / khyim bdag gi rigs dang / las 'phro can la sogs pa rnams kyis dang du blangs te/ rgyal srid dang / longs spyod dang / grogs mchog tu bcas te/ rab tu dben pa'i gnas su gsang ba'i dkyil 'khor chen po
- 225a
/ bzhengs te/ bde bar gshegs pa 'khor rgyal ba rgya mtsho dang bcas pa spyan drangs te/ rnal 'byor tshogs kyi mchod pa chen po 'bul nas/ 'phags pa'i zhal mngon sum du mthong bar byas te/ tshom bu'i grangs brgya dang / stong la sogs pa pho mo'i rigs bsam gyis mi khyab pa lus 'di ma bor bas tshe 'di nyid la mi gnas par mya ngan las 'das pa'i gnas su mngon par rdzogs par 'tshang rgya bar 'gyur ro// rgyu de la brten nas dmyal ba dang / byol song dang / yi dwags dang / gshin rje'i 'jig rten la sogs pa'i sgo bkag ste/ rim gyis bla na med pa'i lam la gnas bkod par byed de/ gang zhig mtshams med pa lnga yi las byas te/ dmyal bar 'gro bar nges pa yang / rnal 'byor gyi tshogs mchod 'di gzhung bzhin du phul na/ mnar med pa'i dmyal ba'i gnas su mi ltung ste/ bde 'gro'i gnas su skye bar 'gyur ro// gang zhig rtsa ba dang / yan lag gi dam tshig nyam pa yang gzhan gyis mi bskangs te/ rnal 'byor gyi tshogs rgyud chen po 'dis bskang par 'gyur ro// gang gis gzhan la phan 'dogs par 'dod na yang las gzhan gyis mi 'grub ste/ rnal 'byor gyi tshogs mchod chen po 'di phul na gang phan par gdags pa 'dis 'grub par 'gyur ro// gang zhig bar du gcod pa bsgral bar 'dod na yang las gzhan gyis mi 'grub
- 225b
ste/ rnal 'byor gyi tshogs mchod chen po 'di phul na/ yid la bsam pa bzhin sgrol bar 'gyur ro// gang zhig 'jig rten 'di'i bde ba dang / mthun pa dang phun sum tshogs par 'dod na yang / rnal 'byor gyi tshogs mchod 'di gzhung bzhin phul na/ gang 'dod de 'thob par 'gyur ro// de lta bu'i rnal 'byor gyi tshogs rgyud chen po 'di yang snod ma yin pa dang / khe rngams can dang / dam tshig la mi gnas pa dang / brnab sems dang 'dod pas brgyal ba rnams ni ma gtogs so// de nas sems can rnams kyis gsol pa/ rim gyis bla na med par 'grub pa lags na/ mi la sogs pa thams cad kyis mthar rdzogs par 'gyur ba lags sam/ rdo rje sems dpas bka' bstsal ba/ rnal 'byor gyis tshogs rgyud chen po 'dis rim gyis tshom bu dang / grangs sangs rgyas par byed pa yang kun gyi thun mong du ma gsungs so// dper na til mar gyi rdzas de gang la phog kyang sra zhing mkhregs par 'gyur na/ ardza ka'i thog gu la phog na tshal pa brgya 'gas pa bzhin du/ dam la mi gnas shing / gsang sngags tshig tsam las khungs phyung nas khe dang grags pa dang / phrag dog dang / nyon mongs pa rang rgyud du spyod pa rnams kyis kyang slar nyam par 'gyur ro// rnal 'byor gyi tshogs rgyud chen po 'di mi'i 'jig rten thams cad khyab na yang / phal cher lta ba dang
- 226a
mi ldan par 'byor pa sna tshogs kyis mchod cing 'bul bar bden yang / don med par ni ma yin na 'byor pa'i tshogs rgyas par 'gyur ba dang / bsod nams kyi tshogs bskyed par 'gyur ba tsam las 'di nyid du sangs mi rgya ba yang 'byung ngo // phal cher khungs tsam dang 'byor pa ma tshogs pa 'bul ba dag kyang yod na/ dmigs pa'i phan stobs tsam du gyur pa yang yod do// gang zhig dngos po lhun gyis grub cing lta ba dang man ngag tu ldan pa la/ rnal 'byor gyi tshogs kyi mchod pa 'bul ba lta ci smos/ slob dpon de nyid la go ma trar drangs pa yang rnal 'byor gyi mchod pa chen po phul ba dang 'dra bar skal pa mnyam par 'gyur ro// de ci'i phyir zhe na/ de sangs rgyas nyid kyi rang bzhin no// de lta bu'i rnal 'byor gyi tshogs rgyud chen po 'di lha'i 'jig rten dang / mi'i 'jig rten dang / mthar spyod par 'gyur la/ bskal pa bzang po dang / dus bzang po la ni rgya gar yul la sogs pa yul gyi dbus dang / khrims dang gtsug lag khang la gnas pa'i rgyal po dang / bram ze dang / khyim bdag rigs la sogs pa rnams kyis rgyu sbyar nas/ gu ru ma hA la sogs pa rnams kyis byin gyis brlabs/ bshad cing bkrol/ bsrungs shing mi nyam par byas nas dga' ba dang / 'ga' tsam las phal cher mi sro ste/ gsang sngags pa'i sgo nas/ mthar
- 226b
phyin cing sngags su 'grub par 'gyur ro// bskal pa bar pa dang dus bar pa la rgyal khams ril la phal cher grags te/ rig pa'i chos thob pa dang / rgyud kyi don la mkhas pa dang / man ngag dang / nang dbang tshul bzhin thob par byas na/ mtshan dang ldan pa'i mi mo dang / gzhung dang mthun pa'i rnal 'byor dang / dad pa dang ldan pa'i pa ri ha dang / khrims dang ldan pa'i rgyal po dang / blon po la sogs pas grangs kyi tshom bu bsdus te/ bshad cing bstan pa dang / rtog pa dang bral zhing khu 'phrig dang the tshom ma zos par byas te/ gnas dben pa dang dgon par skye bo dang mi nag yongs kyis ma khrigs par/ gsang ba'i dkyil 'khor chen po bzhengs su gsol nas dus gsum gyi 'phags pa'i tshogs la/ rnal 'byor gyi tshogs mchod chen po gzhung bzhin du phul na/ 'di dang phyi ma gnyis ka'i don du gcig bsgrubs te/ gzugs mi yul nas ma 'phags par sangs rgyas kyi sa la gnas pa dang / yongs kyis gsang sngags mnyan cing spyod pa rlabs chen po la ma 'grogs te/ ya ga dang sgro skur mi 'debs shing / gsang ba'i bka' thabs kyis mi smod par 'gyur ro// bskal pa tha ma dang / dus tha ma la ni gang zag las tha dad pa dang / rgyal ba'i bka' khrims nyam pas/ mi dmangs rigs nas dbang che ba dang / blon po ma byas par so nang du bltas pa
- 227a
/ dang / rnal 'byor pa ma grol bar bsrung mtshams las 'das shing / gsang ba 'chol ba'i dbang gis/ mtha' 'khob dang / kla klo dang / tsi ra da'i grong thams cad du gdal bas gsang sngags bka' 'chol te/ chos ni kun spyod/ chos bzhin du gang yang mi byed/ chos ni kun la yod par byas/ rtogs ni slob dpon rang gis kyang ma rtogs/ dam tshig kun mnos/ bsrung ba ni gcig kyang mi srung / slob dpon ni kun byed/ dbang gang la yang med/ lad mo kun zlos/ nyams su gang gi kyang mi len dbang kun la bskur/ chags pa gang la'ang ma chags/ 'chad pa kun 'chad/ thog tu gang gis kyang ma phebs/ rtsol ni kun rtsol/ mthar gang gis kyang ma phyin pas/ phal cher sgyid lug ste/ sngags las ldog pa dang / phal cher ma rtogs pas the tshom za ba dang / phal cher ya ga dang sgro skur 'debs pa dang / rnal 'byor gyi tshogs mchod 'byor pa rnams kyis mi 'bul bar/ mi 'byor pas 'bul bar byed pas/ de'i dbang gis 'byor pa rnams kyang mnga' thang dang longs spyod bri nas/ thams cad dbul bar byed pas masod nams mi 'thob pa dang / phal cher 'byor ba sna tshogs dbul bar byed na yang gsang ba med pa dang / grags pa 'dod pa'i phyir na/ bdag dus 'di tsam na/ longs spyod 'di tsam bshams te/ tshogs mchod 'bul bar
- 227b
byed do zhes bsgrags pa'i dbang gis gtan pa can dang / brnab sems dang / gnod sems dang / nyon mongs pa'i dbang du gyur pa'i skyon dang / mkhas pa rnams mi 'chad par mkhas pa rnams kyi bka' brgyud// gsang ba'i man ngag brnag ste bsdus bzhag pas/ bka' nges pa nub pa'i skyon ni/ phal cher nyam par dogs nas/ rang bzo dang / bsre bcol dang / mi tshig tu bsdebs pas/ de la che bar mtshan btags kyang / rgyud la khungs med pa'i gang zag sbyin du re ba'i rang zad du gyur pas/ ngal ba tshe chad pa dang / las brtsams pa mgron tshogs su gyur cing / 'grub pa'i dus ring ba dang / phal cher ras chod dang gzu lums dang / rak+Sha'i las thabs su byas so// snang snang sgrol/ phrad phrad sbyor/ rnyed rnyed za/ spyod pa 'chol pa'i dbang gis rnal 'byor tshogs mchod du byed na yang / dper na zangs ma la gser du 'chos pa dang 'dra ste/ gser gyi dgos pa med pa dang 'dra'o// phal cher bdag nyid kyi 'jug pa'i sgo dang / thos phyogs dang / mos gsal dang / 'di ni bzang la don dam pa yin la/ gzhan ni ngan pa ma yin no zhe na/ chos nyid phyogs med pa la phyogs dang ris su bcad pa'i skyon dang / 'khor dang sde dang cha phye ste/ phrag dog dang che chung gi dbang gis mnyam pa'i don la 'gal bar gnas pa dang / phal cher theg pa rigs so sor
- 228a
bzung ste/ rtsod pa'i chos bsham pa'i dus ni kun gyis 'bras bu bla na med pa mi thob par/ ngan song gsum la sha stag tu ltung ba dang / sngon gyi ston pa'i bka' nub pas/ mi tshig 'phel bas sgrub thag ring pa dang / dam tshig la zol shor bas bsam pa mi 'grub cing bar chod kyi rkyen mang ba dang / dbang gi rgyud rim gyis ma bskur bas mthu byin chung ba dang / sgom sgrub kyi don mthil du ma phebs pas/ dro tshad la ma pheb pa dang / shes pa'i rgyud ma grol bas/ rtogs pa ma shar ba dang / mchod rdzas ma tshogs shing phud nyam par dngos grub mi 'thob pa dang / las dang man ngag gdeng du ma chud pas bar chad 'byung paba'i dus na yang / rnal 'byor pa 'ga' dang / 'ga' zhig rnal 'byor gyi tshogs rgyud chen po 'di ltar spyod cing dang du len nus pa rnams ni/ tshe 'di nyid la rdo rje sems dpa' dang / skal pa mnyam par 'gyur ro// sems dpa' rnams kyis gsol pa/ de lta bu'i rnal 'byor gyi tshogs rgyud chen po 'di la dam tshig gang lags/ dbang gang lags/ lta ba gang lags/ sgrub pa gang lags/ spyod pa gang lags lung bstan du gsol/ bde bar gshegs pas bstan du gsol// bcom ldan 'das kyi bka' bstsal pa// de dag zhus pa legs so legs so// de la tshogs kyi dam tshig ni/ slob dpon ni bdag gi srog dang
- 228b
'dra'o// de ci'i phyir zhe na/ srog bcad na 'chi la/ srog ma bcad na ni brtan zhing 'jig rten gyi bde ba rim gyis 'thob pa dang 'dra bar/ slob dpon dang rtsod pa lta ci smos/ spangs pa'am bral na yang dge ba'i bar chad 'byung zhing man ngag mi thob pa dang / dper na srog dang 'dra bar lta ba dang / rgyal theb karma la sogs mig dang dbang por bltas te/ dper na mig dang / dbang po nyam pa dang / med pas lta ci smos kyi/ bag tsam pa zer na yang mi bzod pa dang 'dra bar/ rgyal theb gar ging la 'thab rtsod smos pa lta ci smos kyis/ mched dang lcam dral yan lag dang / phung po dang 'dra ste/ gang snang bas kun yongs mi bde shing sdug bsngal mnyam por myong ba dang 'dra bar/ gnod pa tshab chen lta ci smos kyi/ 'gal 'khrul tsam byung na yang yongs mi bde zhing nyam pa'i rgyur 'gyur bas/ sku yi dam tshig bsrung zhing / brtse gdung byas la dad pa cher bskyed la yang bya'o// sngags dang phyag rgya dang / dgongs pa gsum ni/ dper na gtam dang zas dang gos dang 'dra ste/ phyi nang gtam gyis 'jal na gang yang mi 'grub la/ 'tsho ba zas kyis ma gsos phung po mi theg/ dro ba'i gos ma gyon na nyon mongs pa dang 'dra bar snying po dang / sngags ma bzlas na grub pa'i rtags mi 'ong / dgos pa'i ting nge 'dzin ma gsal na shes pa'i rgyud mi 'grol/ phyag rgya dam du ma
- 229a
byas na nyon mongs pa dang / phung po'i gnas mi 'gyur bas dam bcas te dang du blang ngo // thugs kyi dam tshig ni gser sba ba dang 'dra'o// dper na rin po che gser sgrom bu sbas na 'jigs pa dang bag tsha ba yang med cing / sgrom bu kha phye na dga' ba skyed cing / 'dod pa phun sum tshogs par byed pa dang 'dra bar gsang ba'i man ngag thams cad snod ma yin pa la sbas te/ bdag gi blo la brtags nas rtogs pa mngon du gyur nas/ 'bras bu mthar phyin par 'gyur bas gter dang 'dra bar dam du bya'o// gtan tshigs mi 'byung ba ma yin/ gter bdag dang bu yod pa dang 'dra bar/ gsang ba'i man ngag bdag dang slob bu dang 'dra ba las ma gtogs pa bshad pa'i grangs bzhi las/ mang na 'gal bar gsungs so// dus tha ma la bab pa'i tshe rtsa ba 'di rnams mnos nas gang yang mi rung ste/ sku las nyam ste 'thab rtsod gzhom pa dang / gsung yang nyams te sngags dang phyag rgya dang ting nge 'dzin sbags te/ mdo sde bsam gtan gyi don la spyod pa dang / thugs kyang nyam ste brgya dang nyi shu la 'chad pa ni 'bras bu mnar med pa lta ci smos kyi/ dper na seng ge khog pa'i nang gi nang 'jig pa bzhin/ chos mnyan du bsngags par rang gis mi ster te/ rang rtsa ba'i dam tshig ma nyam na yan lag ljon shing dang 'dra ste/ skye bas nyi shu rtsa brgyad dang /
- 229b
brgya rtsa brgyad dang / sum brgya drug cu dang / sa ma ya stong 'bum sde la sogs pa gang spyod pa'i yal ga dang / lo 'dab dang 'dra ba'i 'bras bu skye bar 'gyur ro// dam tshig 'di dag nyam par gyur na tshogs kyi sa mchod pa dang / longs spyod dang / rdzas phul kyang bzhes su mi gnang zhing mnyes par mi gyur ro// de ci'i phyir zhe na/ de la bsod nams med cing 'bras bu mi 'thob pa'i phyir ro// tshogs rgyud chen pos las dam tshig gi le'u ste drug pa'o// // de la tshogs rgud kyi dbang la rnam pa lnga ste/ dar ma tan+ta nyan cing 'chad pa'i dbang dang / yi dam gyi lha bsgom zhing bsgrub pa'i dbang dang / dkyil 'khor gnyen po zhal lha'i dbang dang / tshogs kyi zhal zas la 'tshal zhing longs spyod pa'i dbang dang / las kyi rdo rje las phyed par ming gis dbang bskur ba dang lnga'o// de la dar ma tan+ta nyan cing dbang bskur ba 'di skad do// gsang ba gsang chen gsang mchog rnams// ston pas nges par gsungs pa'i don// nyan cing yid la 'dzin pa dang // ma 'dres ston pa'i dbang thob shog/ de nas yi dam gyi lha bsgom zhing dbang bskur ba 'di skad do// bskal pa grangs med sngon rol na// bsgoms shing bsgrubs pa'i yi dam lha// me tog gang gis phogs pa de// bsgom zhing grub pa'i dbang thob shog/ de nas dkyil 'khor gnyen po la zhal lta ba'i
- 230a
dbang la 'di skad do// gsang ba'i dkyil 'khor chen po 'dir// dur khrod 'bar ba'i rdzas bkram nas// sku gsung thugs su dbang bskur ba'i// lta zhing grub pa'i dbang thob shog/ de nas tshogs kyi zhal zas 'tshal zhing spyod pa'i dbang la 'di skad do// rgyal ba mchod pas dam skongs shig/ phas 'bab longs spyod bdud rtsi can// rnal 'byor tshogs la longs spyod shog/ de nas las kyi rdo rjes las gang byed par dbang bskur ba 'di skad do// zhi rgyas dbang dang mngon spyod dang // 'phrin las drag da la gang byed pa'i// las rnams che ge byed pa por// rdo rje'i ming gi dbang thob shog/ tshogs rgyud chen po las// dbang bskur ba'i le'u ste bdun pa'o// // de nas tshogs kyi lha la yang don rnam pa lnga ste/ tshogs pa thams cad dkyil 'khor du lta ba dang / 'byor pa thams cad longs spyod du lta ba dang / mchod pa thams cad ye shes su lta ba dang / dmigs pa thams cad lha rgyud du lta ba dang / rtogs pa thams cad gzhal yas khang du lta ba'o// de la tshogs pa thams cad dkyil 'khor du lta ba ni/ rdo rje slob dpon dang mched dang lcam dral tshogs pa yang / rdo rje slob dpon ni dkyil yin la/ mched dang lcam dral ni 'khor yin par lta'o// de ci'i phyir zhe na/ thams cad dgongs pa gcig tu rgya mtsho klong gi dkyil 'khor du
- 230b
lta'o// dam rdzas tshogs pa thams cad kyang dkyil 'khor te/ byang chub sems ni dkyil yin la/ dam rdzas gzhan ni 'khor yin no// de ci'i phyir zhe na/ bde ba chen po'i don la skye 'chi med pa'i dkyil 'khor du lhun gyis grub pa'o// rdzas dang lag cha tshogs pa thams cad kyang dkyil 'khor yin te/ ban+d+ha bde ba chen po'i don la skye shi med pas dkyil yin la/ dur khrod kyi chas gzhan ni 'khor ro// de ci'i phyir zhe na/ thabs la mkhas pa'i rol mo chen pos so// rnam par rtog pa thams cad chos nyid du lhun gyis grub pa'i dkyil 'khor gyi rang bzhin no// de la 'byor pa thams cad longs spyod du lta ba ni/ phyi snod kyi 'jig rten dang / nang bcud kyi 'gro ba 'di dag thams cad sangs rgyas thams cad kyi tshogs kyi longs spyod du byin gyis brlabs pa'i dus su/ byol song thams cad kyi lus tshogs su phul ba dang / gshin rje thams cad kyis sha chen po tshogs su phul ba dang / srin mo thams cad kyis zod rus dang / 'bru mar tshogs su phul ba dang / ma mo dang 'kha' 'gros khrag dang snum chen po tshogs su phul ba dang / klu rnams kyis snying po sna tshogs tshogs su phul ba dang / byol song rnams kyis 'o ma sna tshogs tshogs su phul ba dang / nam mkha' lding rnams kyis shing tog sna tshogs tshogs su phul ba dang / sman gyi lhas sman sna
- 231a
tshogs tshogs su phul ba dang / rtsi'i lhas rtsi sman sna tshogs tshogs su phul ba dang / nam mkha' lding gis spos sna tshogs tshogs su phul ba dang / sa bdag rnams kyis 'bru sna tshogs tshogs su phul ba dang / mi rnams kyis mis sbyar ba'i zhal zas sna tshogs tshogs su phul ba dang / lha rnams kyis rin po che rnam pa sna tshogs dang / lha'i me tog man da ra ba la sogs pa rnam pa sna tshogs pa dang / lha'i 'dod pa'i longs spyod rnam pa sna tshogs pa thams cad dus gsum gyi sangs rgyas thams cad kyis/ rnal 'byor gyi tshogs kyi longs spyod chen por byin gyis brlabs te gsol pa/ gzhan yang drangs te tshim par mdzad de/ phyir mi ldog pa'i sa mngon sum du bkod pas 'byor pa thams cad tshogs kyi longs spyod du lta'o// de la mchod pa thams cad ye shes su lta ba dang / phyi nang gsang ba'i mchod pa thams cad thugs yang dag pa'i ye shes chen po'i ngang las byung ste/ phar mchod pas thugs dam bskul dngos grub mnos/ slar 'dus pas sgrib pa sbyangs/ dngos grub thob ste lha la lha thim/ ye shes la ye shes rol/ chos nyid la chos nyid thim ste/ phar mchod pas bdag gis sems dang / de bzhin gshegs pa'i thugs dam ye shes mnyam nyid dbyer med par mchod par 'bul/ slar 'dus pas de bzhin gshegs pa'i thugs ye shes dang / bdag gi
- 231b
sems mnyam zhing dbyer med de/ ye shes mchod pa'i 'od zer gyi rgyan bdud rtsi'i rang bzhin byang chub sems kyi ngo bo la/ rgyal ba'i chos la longs spyod par mdzad pas/ mchod pa thams cad ye shes su blta ba'o// dmigs pa thams cad lha rgyud du lta ba ni/ mdun gyi nam mkha' la rgyal ba ye shes sems dpa'/ 'khor rgyal ba'i sras dang bcas pa dmigs la/ phung po dang / khams dang / skye mched dang / rnam par shes pa nyid lha'i rgyud du snang ba las ma gtogs pa gzhan gud na med pa'i lta ba rtogs par byas la/ ji ltar gnas dang ri brag thams cad 'byung ba lngas bsdus las/ skye 'gro thams cad kyang 'byung ba lnga dang lngas bsdus pas/ 'byung ba lnga dang phung po thams cad lha dang lha mo'i dkyil 'khor gyi rang bzhin yang yin la/ rtogs pa'i lta ba rtogs par byas la/ ting nge 'dzin gyis kyang bsgoms te/ mdun dang shar thams cad rdo rje rigs kyi lha dang lha mo dang / zhing khams dang / pho brang gi rang bzhin g.yas dang / lho thams cad rin chen rigs kyi lha dang lha mo dang / zhing khams dang / pho brang gi rang bzhin/ rgyab dang nub thams cad pad+ma rigs kyi lha dang lha mo dang / zhing khams dang pho brang gi rang bzhin/ g.yon dang byang thams cad las kyi rigs kyi lha dang lha mo dang / zhing khams dang pho brang gi rang bzhin/ steng dang nam mkha' thams
- 232a
cad de bzhin gshegs pa'i rigs kyi lha dang lha mo/ sems dpa' dang / sems ma dang / khro bo dang / khro mo dang / zhing khams dang / pho brang gi rang bzhin/ steng dang nam mkha' lha rgyud kyi rang bzhin du rtogs par byas la/ yid kyis dmigs las/ dmigs pa thams cad lha rgyud du blta'o// rtogs pa thams cad gzhal yas khang du lta ba ni/ phyi nang snod bcud bsdus pa thams cad 'byung ba lnga la bsdus la/ 'byung ba lnga nyid yum chen mo lnga'i mkha' klong rnam par dag pa'i chos kyi dbyings kyi rang bzhin yin pas/ dpag cing gzhal ba las 'das pa'i gzhal yas khang gi rang bzhin yin pas/ de ltar ma rtogs pas gzhal yas khang brnyan ris su chad pa med pas/ rtogs pa thams cad gzhal yas khang du blta'o// rgyud chen po tshogs rgyud chen po las lta ba'i le'u ste brgyad pa'o// // de nas tshogs kyi bsgrub pa la yang don rnam pa lnga ste/ sku'i bsgrub pa dang / gsung gi bsgrub pa dang / thugs kyi bsgrub pa dang / yon tan gyi bsgrub pa dang / 'phrin las kyi bsgrub pa'o// rnal 'byor gyi tshogs bsgrub dgos te/ rnal 'byor gyi tshogs 'di ni lan tshwa dang 'dra bas/ gang la yang mi tshang du mi rung ste/ sku'i bsgrub pa'i dkyil 'khor gyi lha rnams la tshogs kyi mchod pa gzhung bzhin du phul nas/ sku'i bsgrub pa gang yang 'grub cing thams cad
- 232b
phyin par 'gyur bzhin du/ gsung dang / thugs dang / yon tan dang 'phrin las kyang de bzhin du gang bsgrub pa tshogs kyi bsgrub pa'o// de'i don ni gzhung du ma dag las rgya cher 'byung ngo // tshogs rgyud chen po las bsgrub pa'i le'u ste dgu pa'o// // de nas tshogs kyi mchod pa ni don rnam pa gsum ste/ tshogs kyi spyod pa thams cad shes rab tu spyod pa dang / tshogs kyi spyod pa spong len med par spyod pa dang / tshogs kyi spyod pa 'ching grol med par spyod pa'o// de la tshogs kyi spyod pa thams cad thabs dang shes rab tu spyod pa ni/ yo ga phyi man chad kyi sgor zhugs pa'i mchod pa lta ci smos kyi/ 'dod pa'i yon tan gang la yang skyon du bltas pa'i nang nas kyang thabs dang shes rab la bcing ba'i bshal zag tu rtags pa de/ rdo rje theg pa thabs la mkhas pa'i gnas skabs na/ thams cad zabs dang shes rab dbyings ye shes kyi rang bzhin yin pas/ 'dod pa'i yon tan la sogs pa thams cad las ma spangs par 'jol tog tu spyod par ma zad/ de nyid chos nyid dag pa'i rgyan du rig par bya'o// dga' bde longs spyod pa nyid kyis gnyis su med pa chos kyi sku thob par 'gyur ro// de la tshogs kyi spyod pas spong len med par spyod pa ni/ yo ga phyi pa man chad kyi gtsang rigs yin te/ 'phags pa mchod pa'i rgyu yin la/ 'di ni mi gtsang ba
- 233a
dang / rme ba yin pas/ 'phags pa mchod pa'i rgyu ma yin zhes spong len du spyad pa ma yin/ chos bdag med pa'i rang bzhin la rnam par rtog pa'i ming tsam yang med pas/ gtsang na yang lha'i zhal zas yin la/ mi gtsang ba yang lha'i zhal zas/ gnyis su med pa nyid/ 'phags pa'i dgongs pa spyod pa dang / 'phags pa'i sku 'grub pas/ gang la yang 'di 'khor ba dang / ngan song gi rgyu yin pas spong la/ 'di thar pa med pa dang / mi gtsang ba'i rgyu yin/ ye shes dang du mi len te/ spong len med pas/ sangs rgyas kyi sa la gnas pa yin no// tshogs kyi spyod pa bcing grol med par spyod pa ni/ 'dod pa'i yon tan rnam pa sna tshogs pa la chags na/ chags pa med par mthar phyin par spyad pas/ 'khor ba dang / nyon mongs pas bcings pa med pas de nyid rtogs pa'i rkyen ni/ chos thams cad ye nas sangs rgyas yin pas// de ltar spyod na grol ba yang med la/ bcing pa yang med pa'o// tshogs rgyud chen po las spyod pa'i le'u ste bcu pa'o// // rdo rje sems dpas de skad ces bka' bsngal pa las/ rigs lnga yab yum dang / 'khor sems dpa' dang / sems ma dang / khro bo dang / khro mo dang / sprul pa dang / yang sbrul dang / ci bgyi dang / bka' nyan dang / dam la gnas pa'i 'khor thams cad kyis dgyes pa chen po'i tshogs kyis
- 233b
yangs stod kun rnams su bstar nas/ thams cad gnas su med par snar ldan gyis grub par bzhugs pa// rnal 'thang ba/ chags kyang zan pa rdzogs pa/ @ nas mo blang ba ni/ dur khrod kyis ma'am gdal ba'i me'am lugs mo'i thim nas mo'i sa bon blang / de nas me'i bsnyen pa bgyi bar bya/ bsnyen pa'i don ni 'arab tu bzlas/ de nas cho ga ldan bram tshogs pa rnyings par b+ha/ da ni drag pa'i ldan las kyai / 'brag 'dun drug tu bkri/ dgra bgegs la sogs pa bkug nas/ dug tshochags kyis ma bsad de/ 'di skad de// keng gi gnyen pa ma yin te/ mam tha shing bsreg phreng ra tshag// zam gnyen po chu yin te// rus srab me bsad phreng ma chem// rgya mi snying po drug yin te// dug gis chu bsad zang mcham// dug gi gnyen pa sman yin te// sman gyis drug gsad hU~M / nA na~M wA sa skal bayin// snyan gyi gang 'gags par byed// ces brjod da can gyur bamar thug sa sa gcog// mgam pa'i phas gags pa/ zug la mtshan khang gang dang / yar dkar zungs blang ma gso// tsho ra ra~M ba sa hA/ ra ka la ya hA/ ral ra la ra hA/ ma ma ni ra ra sa/ phaT phaT tsA tsi ra/ d+ha ra/ de nas thugs 'di skad bskal/ me la rgyal po chen po che// sprin chen gshegs pa'i khril
- 234a
bzhugs// rdo rje 'bar ba phyag na bsnams// me yi ral pas bar snang khengs// shangs nas du ba'i sprin du 'khrigs// ljags nas me yi rba klong 'khyil// shar gyi phyogs nas me drongs shig/ lho yi phyogs nas bskul ba ni// me yi rgyal po chen po ste// chu glang sgon po khri la bzhugs// sku mdog sngo nag ral pa can// dril chen 'bar ba phyag na bsnams// me yi ral pas bar snang khebs// shangs nas du bas sprin du 'khrigs// zhal nas me yi rba klong 'khyil// lho yi phyogs nas me drongs shig/ nub kyi phyogs nas bskul ba ni// pad+ma rigs kyi me lha ste// sku mdog dmar la ral pa can// shing rtas gtams khri la bzhugs// phyag na pad+ma dkar po bsnams// me yi ral pas bar snang khebs// shangs na du bas sprin du 'khrigs// zhal nas me yi rba klong 'khyil/ nub kyi phyogs nas me drongs shig/ byang gi phyogs nas bskul ba ni// me lha'i rgyal po chen po ste// sku mdog ljang ser ral pa can// rdo lug gro mo'i khri la bzhugs// rdo rje rgya gram phyag na bsnams// me yi ral pas bar snang khebs// shangs nas du ba'i sprin du 'khrigs// zhal nas me'i rba klong 'khyil// byang gi phyogs nas me drongs shig/ dung sbud ma dang dung mchu ma// dung gi mi mo chen mo dang // dung gi spud mchu chen mo dang // g.yas na dung gi spud
- 234b
pa thogs// g.yon na khyung gi khrag thogs shing // gshog pa g.yo ba la me bus shig/ mched lnga'i dam tshig bskul ba ni// ag+ne dmar ser me yi lha// me dpung 'bar ba'i dkyil 'khor na// skyes chen kham pa'i khri la bzhugs// me yi ral pas bar snang khebs// spyan nas me stag phyogs bzhir 'phros// zhal nas me yi rba klong 'khyil// ljags nas me yi dkyil 'khor dril// phyag na me yi bgrang phreng 'dzin// rgyal chen rigs bzhis phyogs bzhi srungs// bram ze pho mo lnga brgya yang // 'khor na gnas pa'i 'khor lags kyis/ kha 'bar mas ni me bus la// bram ze rgyal pos mgar skul shigs// me yi sa bon ma bcug kyang // 'byung ba chen po me yi rgyud// so so'i rgyu las me drongs la// rgya mtsho'i gting nas me drongs la// 'khor ba'i rgya mtsho skam pa dang // nyon mongs bud shing sreg pa dang // sdang ba'i dgra dang gnod pa'i bgegs// de yi bag chags bsregs dgos kyis// bus shig bus shig me bus shigs// sbrul zhig sbrul zhig mgar skul zhig/ ma ma ma mo'i tshogs 'bar ba// chu klung skem par byed pa ste// rgya mtsho'i gting du me bus pas// ri rab rtse la ljon shing chags// rgya mtsho'i gting tu rdo bcag pas// rdo rje khro bor gyur nas su// zhe sdang byed pa rdul du rlogs// srid gsum sreg pa'i me sbar bas/ khro bo 'bar ba'i thugs dam
- 235a
/ skongs// dbang phyug ma dang bran mo'i tshogs/ khyed rnams 'dus la las rnams kyis// drag po'i las la khyad par bskur ba'i le'u ste tha ma'o// // de nas dpal rdo rje sems dpas bsreg las kyi le'u 'di gsungs so// thugs rje dbang gi dkyil 'khor du// ye shes 'bar ba'i me byung bas// du ba mthon mthing chos kyi sprin// zhi ba'i mchod pa 'bul ba ni// srid pa'i rtse mo man chad nas// bsam gtan gsal ba'i gnas rnams su// skye mched phyogs kyi thugs dam skongs// dkon mchog gsum gyi mchod sprin thugs dam rgyu// rgyal ba'i byin brlabs 'phel bar shog/ me lce 'bar bas mchod pa 'di// bde gshegs lha yul dga' ldan du// dgra bcom 'gro ba'i don byas nas/ rgyal ba'i bka' dang byang chub sems// thugs dam yongs su bskangs gyur nas// sku gsung thugs kyi dkyil 'khor du// rang gi 'bras bu bskyed pa dang // dpal gyi byin rlab 'phel bar shog/ me 'od 'bar ba'i mchod pa 'di// lha dang bcas pa'i slob dpon dang // srog gi 'brel ba'i mched lcam la// bdud rtsi'i mchod pa dam pa 'di// thugs dam yongs su bskangs gyur nas// dbang dang dngos grub blang ba'i phyir// dgongs pa me 'od 'bar ba bzhin// thugs dam yongs su bskangs gyur nas// dpal gyi byin rlab 'phel bar
- 235b
shog/ bdag la thugs rje dpal gyi zhing // dbang gi mchod pa dam pa 'dis// sku gsung thugs kyi dkyil 'khor du// byang chub snying por rdzogs gyur shog/ thal ba ngan song gsum du bor// bdud rtsi thal ba brlag pa'i phyir// las kyi mchod pa dam pa 'di// rgyal chen bzhi dang phyogs skyong bcu// rdo rje rigs kyi thugs dam skongs// 'dod khams gnas ris nyi shu dang // gzugs khams gnas ris bcu bdun dang // skye mched 'gro drug gnas rnams su// so so'i las dang 'du shes kyis// chags nyams 'pham ltung ci mchis rnams// chags nyams 'pham ltung 'phro bas te// sku gsung thugs kyi dkyil 'khor du// byang chub snying por rdzogs gyur shog/ sbyin bsreg gi le'u las 'bar ba me'i sreg gi le'u ste dang po'o// // de nas rdzas rnams bsregs nas/ me tog bsre ba'i mchod pa 'dis// byang chub phyogs dang rgyal ba'i rigs// thugs dam dkar po skongs gyur te// yon bdag tshe dang gzi brjid rnams// skyed mos tshal gyi ljon shing ltar/ dpal dang gzi byin 'phel bar 'gyur// rgyal ba'i byin rlab 'phel bar shog/ mar ni thams cad kun gyi snying po ste// 'gro ba kun gyi gsos yin pas// bdud rtsi'i mchod pa dam pa yis// 'dod khams gnas rigs nyi shu dang // gzugs khams gnas rigs bcu bdun
- 236a
dang // dmyal khams bcu drug yan chad du// so so'i las dang 'du shes dang // chags nyams pham lhung ci mchis rnams// las kyi pham lhung 'phro bsregs te// sku gsung thugs kyi dkyil 'khor du// thugs dam yongs su bskangs gyur nas// byang chub snying por rdzogs gyur te// me lha drang srong 'khor bcas dang // byang chub mchog chen sum cu bdun// rgyal ba'i byin rlab 'phel bar shog/ 'bru drug yid bzhin rin chen gter// skye 'gro kun gyi longs spyod gsos// longs spyod mchod pa chen po 'dis// me lha drang srong 'khor bcas dang // byang chub mchog chen sum cu bdun// thugs dam yongs su bskangs gyur te// bdag dang deng gi yon bdag rnams// rin chen gter la spyod par shog/ lag chen 'bras bu'i snying po ste// 'dod pa kun gyi snying po mchog/ 'gro ba rgya mtsho thim pa'i phyir// thim gyur mchod pa chen po 'di// me lha drang srong 'khor bcas dang // byang chub mchog chen sum cu yang // thugs dam yongs su bskangs gyur te// deng gi yon bdag 'khor bcas rnams// dbang gi spyod yul tshim gyur shog/ 'o skol bdud rtsi mchod pa 'dis// skye 'gro kun gyi sman dang gsos// yid bzhin longs spyod 'phel ba'i sman// bdud rtsi zhal zas rin chen 'dis// me lha drang srong 'khor bcas
- 236b
dang // byang chub mchog chen sum cu yang // nyon mongs dug sel sman gyi mchog/ rnam par rtog pa'i dug bcom nas// byang chub mchog chen sum cu bdun// thugs dam yongs su bskangs gyur te// yon bdag 'khor dang bcas pa rnams/ khams gsum pa yi bdud bcom nas// byang chub snying po rdzogs gyur shog/ zhi ba shan+tiM ku ru swA hA/ zhi ba la dur ku ru swA hA/ shag ze'u yid rab 'di skad do// thugs rje dbang gi dkyil 'khor 'dir// deng gi yon bdag 'khor bcas rnams// lus ngag yid gsum rang bzhin ni// sgo gsum 'khrul pa'i nyes byas kyis// lus ngag yid gsum 'bras bur smin// khams gsum 'khor ba'i rgyu yang yin// ngan song lhung ba'i gzhi yang yin// de yi sgrib pa sbyang ba'i phyir// yam ze'u thabs dang shes rab kyis// tshe rabs bgrangs pa'i nyes byas dang // dus 'di'i las kyi bag chags rnams// sku gsung thugs kyi dkyil 'khor du// ye shes 'bar ba'i mes bsregs te// phung po lnga yi rang bzhin ni// rtog pas 'khrul pa'i nyes byas kyis// phung po lnga yi 'bras bu smin// ngan song lnga yi gzhi yang yin// rgyud lngar 'khor ba'i rgyu yang yin// de yi sgrib pa sbyang ba'i phyir// yam the'u thabs dang shes rab kyis// tshe rabs bgrangs pa'i nyes byas dang // dus 'di las kyi bag chags rnams// sku gsung thugs kyi dkyil
- 237a
/ 'khor du// ye shes 'bar ba'i mes bsregs nas// sku lnga 'bar ba'i dkyil 'khor du// byang chub snying por rdzogs par shog/ rnam shes brgyad kyi spyod yul ni// 'khor ba lnga dang dug gsum gyis// rnam shes brgyad kyis 'bras bur smin// sdug bsngal brgyad kyi gzhi yang yin// nyon mongs brgyad kyi rgyu yang yin// de yi sdug bsngal bsal ba'i phyir// yam the'u thabs dang shes rab kyis// tshe rabs bgrangs pa'i nyes byas dang // dus 'di las kyi bag chags rnams// ye shes brgyad kyi dkyil 'khor du// ye shes 'bar ba'i mes bsregs te// rnam par shes pa brgyad kyi dkyil 'khor du// byang chub snying por rdzogs gyur te// skye mched bcu gnyis rang bzhin ni// sgyu ma rtogs pa'i 'dzin chags kyis// skye mched bcu gnyis 'bras bur smin// 'du shes 'tshol ba'i rgyu yang yin// gti mug 'khor ba'i lam yang yin// de yi sdug bsngal sbyangs pa'i phyir// yam ze'u thabs dang shes rab kyis// tshe rabs bgrangs pa'i nyes byas dang // dus 'di las kyi bag chags rnams// ye shes 'bar ba'i mes bsregs nas// mdzes pa'i lha mo gzung gnyis kyis// dkyil 'khor gsang ba'i dbang bskur te// thugs rje dbyings su rdzogs gyur cig/ khams chen bco brgyad spyod yul ni// byas bsags las kyi rnam smin gyis// khams chen bco
- 237b
brgyad 'bras bur smin// byang chub ltung ba'i gnas kyang yin// ngan 'gror skye ba'i las kyag yin// de yi sdug bsngal sbyang ba'i phyir// yam ze'u thabs dang shes rab kyis// tshe rabs bgrangs pa'i nyes byas dang // dus 'di las kyi bag chags rnams// stong pa bco brgyad dkyil 'khor gyi// ye shes chen po'i mes bsregs nas// las kyi sgrib pa rnam par sbyangs// thugs dam dbang gi dkyil 'khor du// thugs dam yongs su bskangs gyur nas// byang chub chen por rdzogs gyur shog/ ku sha bsreg pa'i mchod pa 'dis// rgyal ba'i bka' dang sngags kyi dbang // mi shes tshul khrims gzhung nyams pa'i// byang chub snying por rdzogs gyur te// deng gi yon bdag 'khor bcas rnams// dbang dang dngos grub bskyed pa'i phyir// skyed mos tshal gyis ljon pa ltar// bla ma'i bstan la 'dug par shog/ til 'bru bsregs pa'i mchod pa 'dis// deng gi yon bdag 'khor bcas rnams// bskal par bsags pa'i sdig sbyangs te// kun gyi gnas su zhen pa las// thugs kyi sprul pa'i byin brlabs kyi// bla ma'i gnas su sbyor bar shog/ snying po bsregs pa'i mchod pa 'di// bdag cag rig 'dzin sngags mkhan gyi// lus ngag yid du ldan pa yis// 'phrin las yo byad gzhung bsrang ste// srid pa'i rtse mo man chad nas// rdo rjes gtams pa
- 238a
yan chad du// me lce dpal gyis tshig pa rnams// gso zhing gnas su bkang ba'i phyir// byang chub snying por rdzogs gyur te// bdag cag sngags mkhan rgyal po rnams// chags nyams 'pham ltung 'phro bsabs nas// yul gyi sgrib pa byang gyur shog/ sbyin sreg las kyi le'u las// rdzas kyi sbyin sreg gi le'u ste tha ma'o// // de nas sbyin sreg bya ba ni// sha khrag sreg pa'i mchod pa 'di// dur khrod 'bar ba'i dkyil 'khor du/ khro mchog rgyal por spyan drangs te// sngon gyi sgrib pa byang ba'i phyir// 'phrin las rnam bzhi mnga' gsol gyis// las kyi 'bras bu mchis par mdzod// sran chen sreg pa'i mchod pa 'dis// phra men tshogs dang dbang phyug 'khor// pho nya drug cu phyag rgya'i tshogs// thugs dam yongs su skongs gyur nas// phrin las rnam bzhi'i dbang byin nas// las kyi 'bras bu mchis par mdzod// lcags phye bsreg pa'i mchod pa 'dis// lha srin sde brgyad gnas su rnams// gnod cing 'dul ba'i rkyen byed rnams// rdo rje lcags kyu'i 'phro 'du 'dis// gdug pa'i lus ngag rgyud brlags nas// byang chub klong du bsgral byas nas/ khro tshogs 'bar ba'i zhal du bstabs// rdo rje'i phye ma bsreg pa'i mchod pa 'dis// dam 'das srid dang las ngan bgegs// gtum chen 'bar ba'i dkyil 'khor du// mgyogs pa'i tshogs
- 238b
rnams bsdus byas nas// rdo rjes phye mar brlags byas nas// gru gsum mthing nag dkyil 'khor du// 'bar ba'i tshogs rnams zhal du bstabs// tsha dang rwa snying bsreg pa yis// dug gsum las kyi rnam smin gyis// ngan song gsum gyi 'bras bur smin// phrin las rgya mtsho'i mtshon cha 'dis// 'khor ba'i rgyu lnga brlag pa'i phyir// rang rgyud brlag pa'i mtshon cha 'dis// tsit+ta'i dkyil nas drangs byas nas// gru gsum mthing nag dkyil 'khor du// thabs kyis phyag rgya drangs nas su// rngam pa'i tshogs kyi zhal du bstabs// ske tshe bsregs pa'i mchod pa 'dis// phung po khams dang skye mched dang // rnam shes sems kyi dkyil 'khor du// dam tshig las kyi pham ltung gis// srid pa'i dam dral sdig byed rnams// gshin rje gdug pa'i 'khor bcas rnams// gru gsum mthing nag dkyil 'khor du// thabs kyis phyag rgyas bsgral byas nas// rak+ta'i tshogs kyis zhal du stobs// ldong rus bsregs pa'i mchod pa 'dis// bdag dang deng gi yon bdag la// mtho ris srid dang 'byung po'i gdon// rnal 'byor dam sri dam bdud dang // las kyis nyes byas pham lhung rnams// rdo rje gshog pa'i phyag rgya dang // mche ba sder mo zang yag 'dis// dkar nag mtshams nas drangs byas nas// las ngan gdug pa brlag pas ni// mthing nag 'bar ba'i dkyil
- 239a
'khor du// phra men rgya mtshos spyan drangs nas// ngan song rgyu lnga bdag pa'i phyir// a dza li yi dog pa ltar// sa bdag chen po'i zhal du bstabs/ khro bo sbyin sreg gi le'u ste dang po'o// // de nas 'di skad du/ nga ni sngags mkhan rgyal po ste/ khams gsum thugs rje dpal gyi zhing // nga ni phyag rgya chen po ste// rgyal ba rgyal rigs kyi thugs dam yin// nga ni sman pa'i rgyal po ste// thugs rje dbang gi dkyil 'khor du// ye shes 'bar ba'i me byung bas// srid pa'i rtse mo man chad nas// dmyal khams gnas ris yan chad du// dkon mchog gsum dang byang chub sems// 'jig rten lha dang srid pa'i dpal// gnas ris klu dang dug ris sman// lha srin sde bcu'i gnas ris su// me lce mtshon gyis smras pa rnams// thugs rje dbang gi dkyil 'khor du// gsang sngags thabs kyi phyag rgya yis// bdud rtsi sman gyis gso bar bya// de phyir sman pa'i rgyal po ste// skye mchog nga yi las byas nas// bgegs kyang btul nas byang chub sems// dug kyang sbyangs nas sman gyi mchog/ sman du ma gyur gang yang med// me lces smras pa sos par shog/ dpal gyis tshig pa sos par shog/ de nas me lha slar gshegs su gsol ba ni/ me lha ag+ne sprin sreg lha/ khyod kyi sems can kun gyi don// tshul bzhin du ni mdzad lags kyis// sangs rgyas
- 239b
yab yum gshegs su gsol// gats+tsha mu zhes shar lho'i mtshams su gshegs su gsol/ khro bo'i sbyin bsreg las me lce mtshon gyis tshig pa gso ba dang / las kyis pham ltung bsal ba dang / me lha gshegs su gsol ba'i le'u ste tha ma'o// // de nas khro bo'i las bya ba'i phyir/ khro bo ki li ki li'i phyag rgyas mes sbyangs ni/ lag pa g.yon pa kha par bstan pa dang // g.yas pa khu tshur bstan pa gnyis// gcig tu sbyar la sor mo bskyod// sngags 'di bzlas so// oM kI li kI li bi li ri'u dr-i ba kri ta ma hA badz+ra kro ta yo ni kro d+ha na hUM/ de nas dam tshig gtsang mar byin brlabs so// de nas 'bar ba'i dkyil 'khor rim par 'bar ba'i sbyin sreg gang du spyan drangs pa ni/ lha kun gyi tshig bshad 'dis bskul zhing / sngags dang sbyar te spyan drangs so// de yang phyag bcas la 'di skad do// dad pa dang ni dam tshig gis// tshur gshegs tshur gshegs bcom ldan 'das/ 'bar ba'i khang du bzhugs nas kyang // sreg blugs zhal zas bzhes su gsol// e hi hi b+ha ga ban ma hA ka ru ni ka dr-i sh+ya ho/ sa ma ya s+t+waM/ dzaHhUM baM ho/ badz+ra ag+ne ye badz+ra ang ku sha/ a gats+tsha a gats+tsha zhes spyan drangs so// de nas byon pa dang me tog gcig gdan bor te/ pad+ma sa ma ya stau/ zhes gdan du gting la/ bcom ldan 'das lha'i phyed du sbyin bsreg btsal nas// me 'bar
- 240a
/ ba'i nang du bzhugs gsol lo zhes brjod/ de nas bsreg rdzas kyi mchod pa ni/ so so'i sngags brjod cing bdun gsum nyi shu rtsa gcig tu 'bul lo// de nas bstod pa bya/ de nas drag po bya ba'i las bya'o// de nas slar gshegs su gsol lo// de nas yang me sbyangs/ de nas lha phyi ma rnams spyan drangs te/ go rim gong ma ltar bya'o// drag po las kyi go rim las/ me sbyangs pa dang spyan drangs pa dang / gdan 'bul zhing brtan par bzhugs su gsol ba dang / mchod pa 'bul ba'i le'u ste dang po'o// // de nas bstod pa'i bya ba 'di skad do// hUM khyod ni mgon po rdo rje 'dzin/ khyod ni glang po'i rna ba can/ khyod ni bzang po rgyan dang ldan/ khyod ni rnam par gnon pa yin// yon tan rin chen 'byung gnas khyod/ khyod ni bde ba sbyin pa ste/ khyod ni gzugs ni mdzad pa'i rgyan/ khyod ni me lha ral pa can/ khyod ni gzugs ni mdzad pa yin// de nas drag po sbyor ba'i las dang slar gshegs su gsol/ de nas yang me sbyang / phyi ma spyan drangs dbul ba dang / bzhugs su gsol ba dang / bsreg rdzas mchod pa re re dang / ba'i sngags re re dang sbyar zhing / bdun gsum nyi shu rtsa gcig dbul lo// rdo rje sems dpa' thugs rjes 'gro don du// 'jig rten 'bar ba'i rol pa'i skur ston pa// ye shes bskal pa me chen 'bar ba'i
- 240b
'od// srid gsum ma rig mun gsal gting nas 'joms// gzhan gyis mi thub sku gsung thugs dang ldan// khro rgyal thugs rje rol la phyag 'tshal lo// mi g.yo mgon po ri rab 'dzin// rnam rtog bskul ba'i rlung gis bskyod// rtog pa'i 'dra bas dkris pa'i bcud rnams 'joms// srid gsum bla ma'i gnas su sgrol mdzad pa// bran dang re ba skongs mdzad pa// ye shes 'bar ba'i dbyings la phyag 'tshal lo// hUM khro bo'i rgyal po 'jigs byed hUM sgra can// thugs rje chen po nyon mongs kun gyi dgra// mche ba zil gnon 'jigs byed rgyan gyis bzhugs// yan lag drug ldan 'jigs byed gshin rje gshed// ye shes can gyis ma rig mun sel ba// gzhon nu'i tshul 'chang nyid phyag 'tshal lo// hUM sku gsung thugs kyi byin rlab bsam mi khyab// ma rig mun pa sel ba'i mthus// dad pa'i tshul gyis cho 'phrul ston// ye shes dbyug pas dug gsum rdul du rlogs// thar pa'i gnas su sgrol bar mdzad pa yis// rdo rje dbyug to bsnams la phyag 'tshal lo// hUM ye shes ha ya grI ba rta mchog dpal// sku ma mdog chags med nub ka'i dmar zag 'dra// 'bar 'phro dbu dmar ral pa gyen du brdzes// ma rig tshangs pa kha sgrub bsnol ba'i lha// pad+ma rigs lnga'i rgyal la phyag 'tshal lo// hUM/ chags pa'i thabs la dbang bsgyur la// pad+ma 'dam gyis ma gos
- 241a
dag pa bzhin// 'dod chags kun gyis dbang bsgyur 'bar ba'i sku// mthong zos dran pa'i re ba kun skong zhing // ye shes nam mkha' lta bur dbang bskur zhing / khro rgyal 'dod pa'i dpal la phyag 'tshal lo// thabs kyi ma rmongs phrin las mdzad pa'i rtags// sku mdog dmar nag bskal ba'i me ltar 'bar// hUM/ sku gsung thugs kyi byin brlabs thugs rjes rol// srid pa gsum gyi skye gnas rdul du rlogs// g.yon pas zhags pa'i sdigs mdzub me ltar 'bar// ngan song gnas nas 'gro drug 'dren cing sgrol// ye shes mi g.yo rdo rje brag/ 'od phung brjid pas don mdzad 'bar ba'i sku/ khro rgyal stobs po che la phyag 'tshal lo// hUM ma ma chags pad+ma 'khor lo 'bar ba'i sku// log 'dren bgegs kyi bdud dpung 'joms mdzad pa// log rtog 'dam skyes bla med gnas stobs pa/ khro rgyal pad+ma 'khyil la phyag 'tshal lo// hUM mdzad gsang ba'i mdzod 'joms pa// dus gsum rgyal ba kun gyi thugs// lha dang lha min dbang po nye dbang bcas// nga rgyal mthu bsnyems dregs pas khebs pa yi// srid gsum gtso bo dpung dang bcas pa yi// badz+ra hUM gis bdud dpung 'joms mdzad cing // thar pa'i gnas su bsgral bar mdzad pa yi// hUM mdzad 'bar ba'i dbyings la phyag 'tshal lo// gong ma bzhin du lha re re la bstod pa'i rjes
- 241b
la drag po'i sbyin sreg bya'o// las kyi rim pa las/ bstod pa'i le'u ste gnyis pa'o// // de nas drag po'i sbyor ba'i las bya ba ni/ 'di skad brjod do// e yi tshogs kyi dkyil 'khor mchog/ 'bar ba'i gtum chen 'bar ba la/ khro bo yid mchog sbyin bya ba// sangs rgyas bsod nams sku yang 'jig/ bdud rtsi lnga'am za lnga la// mtshan ma'i ming du bcas par bya// kun nas rdo rje phur pas btab// rdul du byas la tshogs bstabs pas// sangs rgyas kun gyi sku gsung thugs// zhe sdang rdo rje 'khor bcas kun// 'jig rten khams ni rab 'byams kun/ khro bo'i chen po'i byin rlabs kyis// skad cig yud la brlag mdzad de// brlag par ma gyur gang yang med// dar pu tsar pu nar pu a tsa ra na hUM phaT/ zhes bskul lo// e yi tshogs kyi dkyil 'khor du// lu gu rgyud du sbrel bsdams nas// bcing 'gyur bskyod nas phyogs bcur g.yos// myos nas bsad de chog par 'gyur// zhes brjod do// las kyi le'u las drag por sbyor ba'i le'u ste gsum pa'o// // de nas lha tshogs re re rdzogs pa dang / drag po'i las bya bar gsungs so// de la dang por drangs pa ni// gong du mchod pa'i khro mo rnams// tshigs su bcad pa nas bskul te 'di skad brjod do// hUM khro bo nyi ma'i dkyil 'khor 'od 'bar ba// rngam pa'i 'od zer dkyil nas grub
- 242a
pa zog thog 'phro// thugs rjes gdug pa 'dul du gsol// Ar+ya kro d+ha na hUM phaT/ khro chen mi thub 'bar ba'i sku// thugs rje byin rlabs dpal mnga' bas// thugs rje chen po dbu gsum sdang mig can// mche gtsigs rtse las rdo rje gnam lcags 'bab// rngam pa'i zhal nas rdo rje me stag 'phro// bdud 'dul rgyal po gdug pa 'dul du gsol// oM badz+ra kro d+ha ni/ dz+wa la ni ting pa ta hUM phaT/ hUM khams gsum snang mdzad sku gsung thugs kyi gtso// hUM mdzad hUM gis dbu la rigs lnga'i sangs rgyas bkod// hUM gi dus gsum rgyal ba'i gsung las skyes pa yi// me dpal sngon po 'bar ba'i rang bzhin can// me dpal sngon pos bgegs rnams 'dul du gsol// tre lo kya bi dza ya hUM phaT/ hUM mdzad 'phags pa ta krita mi g.yo mgon// shes rab ral gri bskal pa'i me bzhin 'bar// me lha ral pa can dang byi nu sku la bzhugs// mi g.yo ral gri 'dzin gyis gdug pa rdul du rlogs// Ar+ya a tsa la kro d+ha ni hUM phaT/ hUM mdzad rin chen mchog de ya ma gshin rje gshed// byams dang thugs rje ldan pa'i 'jam dpal rnon po yis// ma rig dug gsum dra ba gcod mdzad pa'i// dam tshig sgrol bar mdzad cing dpal gyi gnas su 'don// bcing pa ma he'i sgrom du khengs par gzir// gshin rje thod dbyug 'bar bas bdud 'dul
- 242b
mdzad// ya man+ta krita kro ta pa tsa pa tsa hUM phaT/ hUM mdzad ta krita dbyug sngon 'bar ba'i sku// dbyug sngon 'bar ba dang ni rdo rje zhags pa brdegs// rgyu tshil rkang dang khong khrag dmar po gsol// ri rab rgya mtsho 'bred cing ha la'i dug kyang gsol// chu srin rgyal po'i gtsug nas yid bzhin 'bar ba 'phro// ta krita dbyug sngon can gyi 'dul bar mdzod// ni la daN+Da kro d+ha da ha da ha hUM phaT// hUM mdzad rig pa'i rgyal po rta mgrin 'phags pa'i sku// asma gar ba'i dkyil 'khor rdo rje 'bar ma 'dren// dbu la rta skad rngam zhing 'tsher bas ni// stong gsum g.yo zhing klu rgyal 'dul bar mdzad/ khyod kyis lha ma yin gyis sdug bsngal sbyang du gsol// ha ya gr-i ba hu lu hu lu hUM phaT// hUM mdzad ta krita rgyal po 'bar ba'i sku// phyag na gdug pa'i mtshon cha lcags kyu 'bar ba 'dzin// dam tshig 'dral ba bsgral te snying dang zod khrag gsol// bgegs byed snying nas drangs te khrag 'thung thal bar rlog/ phra men kun dang rol pas dug gi sprul pas nam ka 'gengs// mi yi skye mched gdug pa 'dul ba'i dus la bab// Ta ki ra dza ts+tshin+da ts+tshin+da hUM phaT/ hUM mdzad bdud rtsi 'khyil ba'i dpal 'bar las kyi sku// phyag na bdud rtsi rgya gram dang ni bum pa 'dzin// dngos grub dpal gyi bdud rtsi mchog gsol na// hUM mdzad bdud rtsi 'khyil la phyag 'tshal
- 243a
/ lo// gnod sbyin gdug pa 'dul du gsol// a pre ta kun+da li ts+tshin+da hUM/ hUM mdzad mahA ba la 'phags pa'i sgra// phyag na rnga yab dang ni klu'i rgyal po 'dzin// mche gtsigs rtse las rdo rje gnam lcags 'bebs// bgegs kyi rgyal po bi na ya ka non// btsun mo 'phrog cing sbyor ba'i thabs kyi rol/ khro rgyal stobs po che yi thugs dam bskul// ma hA ba la s+pho Ta hUM phaT/ khro bo'i rgyal po karma ma la'i mtshan/ khros pas spyan bgrad smin ma glog bzhin 'gyu// dbu gsum phyag drug zhal tsher bdud khyim mun khang 'joms/ gzi byin 'bar bas nam mkha' khengs// phyag drug mtshon chas dmyal ba'i sdug bsngal sel// zhal drug cher mas ngan song kun bsgral te// thugs rje thabs kyis 'gro ba'i don rnams mdzad// karma ma la kun Da li hUM phaT/ hUM mdzad hUM gi rgyal po hUM ka ra// hUM ni mi skye ba yi chos nyid can// hUM ni dus gsum rgyal ba'i gsungs las skyes// me dpal sngon po 'bar ba'i rang bzhin can// gom pa'i stabs kyi brkyang bskum gar byed cing // rgyal ba hUM ka ra la thugs dam bskul// hUM ka ra gardza gardza hUM phaT// ces brjod la// 'gug 'dren drag tu bya'o// drag po las kyi le'u las/ bskul pa 'gug 'dren gyi le'u ste dang po'o// // de ltar 'gug 'dren lags na/ phur pa'i las bya ba ni/ lcags sna lnga'am shing tsher ma can la
- 243b
sogs par sor brgyad dang bcu gnyis par byas la/ mgo mjug ma nor bar rtsa ba'i ngos su mgo byas te/ mgo sor gcig la rgya mdud/ stod zer brgyad/ rked pa sor gcig la rgya mdud/ smad zur gsum par byas pa la/ dang po kho nar stong pa nyid du bsgoms te/ chos kyi skur byin gyis brlabs/ de nas spyi bo rgya mdud gzhal yas khang du bsgoms/ phyogs bzhi dbus dang lngar hUM sbrel ma lnga bsgom/ de nas dpal he ru ka dang khams gsum rnam par rgyal ba dang / gshin rje gshed po dang / rta mgrin dang / stobs po che dang / 'di rnams so so'i snying po brjod pas/ yum dang gnyis su med par bsgom mo// de nas he ru ka'i thugs ka nas/ hUM mthing nag las sras phur bu skyes te/ lte ba man chad mthing nag la/ dbu ral pa kham nag zur gsum du 'greng ba/ sbrul dkar nag gi brgyan pa/ thod rlon gyi phreng bas brgyan pa/ spyan gsum bgrad nas g.yon du gzigs pa/ mche ba gtsigs nas zhal rngam pa/ phyag bzhi pa la dang po gnyis na dgra sta rdo rje bsnams pa/ 'og ma gnyis ni ri rab dang phur bu zur gsum bsnams pa/ stobs dang mthu dpung la sogs pa ni/ khro bo thams cad 'dus pa las kyang lhag par che ba zhig bsgom mo// de nas gnas lngar 'bru lngar byin gyis brlabs/ sku gsung zags su byin gyis brlabs/ de nas lag gi 'du
- 244a
/ byed kyi byin gyis brlab cing dbang bskur la/ 'di skad brjod do// lcags sam nag po'i shing rnams la// mgo bo rgya mdud rtse zur gsum/ khro bo khro mo'i skur bsgoms la// drag por gyur pa'i phung po ste// btab na lha yang brlag par 'gyur// gdug rtsub gzhan lta smos ci dgos// badz+ra kro d+ha kha da/ ts+tshin+da ts+tshin+da hUM/ ma ra na ma ra na hUM phaT/ zhes brjod de gdab pa'i gnas lngar gdab bo// gzhan yang phur pa'i rgyud las byung ba bzhin bskul zhing gdab bo// drag po las kyi le'u las gsad pa'i phur bu'i le'u ste gnyis pa'o// // de nas brdung ba'i las ni lcags sam/ rdo'i nag po'i gtun khung gru gsum nang du// gang la bya ba'i gzugs bcug la/ lcags sam seng ldeng pa'am/ shing tsher mar can gyi gtun bus zhib legs su brdung zhing / thabs dang shes rab kyis mtshan nyid du rtogs par byas la/ 'di skad brjod de/ lcags sam nag po'i gtun khung ni/ khro mo rnams kyi gtun khung du/ khro bo zo bas brdungs byas nas// drag por gyur pa'i tho ba ste// brdungs na lha yang brlag par 'gyur// brlag par ma gyur gang yang med// gnod byed gzhan lha ci zhig smos// badz+ra kha ta ma badz+ra kro d+ha kha thaM/ ma ra na kha thaM zhes brdung ngo // drag po las la gsang ba'i gtor ma'i le'u ste gsum pa'o// // de nas drag po gtor ma'i las ni/
- 244b
lcags sam shing tsher ma can gyi snod gru gsum du/ lcags dang zangs phye dang rdo phye dang / dug sna tshogs nas nag gam sran phye rnams bsres la/ khrag sna tshogs dang bsres la gtor ma bya/ kha se'u nag gis bcad la/ gang la bya ba de khug pa dang / gtor ma kha phye bas dug gi rlangs pas/ shi bar bsams la/ gang la bya ba la gtor bas lus ngag rdul du brlags par bsams la 'di skad brjod/ lcags phye dug dang rdo phye rnams/ khrag las spras pa'i gtor ma ste// marga can dang sbyar ba dag/ drag por gyur pa'i gtor ma ste// sbyar bas de gtor brlag par gyur// brlag par ma gyur gang yang med// tsa ra na ma ra na phaT/ drag khams ma ra na phaT/ zhes brjod la gtor ro// drag po'i las la bshig dral gtor ma'i le'u ste bzhi pa'o// // de nas gtub pa'i las ni/ gtan pa drag po'i shing la/ gri'am ral gri lcags nag la byas pas/ sku gsung thugs dang ldan pa'am/ ye shes kyi mtshon char dmigs la/ gang la bya ba'i gzugs dus gsum gyi gzhi mo rtsad nas bcad par dmigs la gtub bo// 'di skad brjod do// nga ni dus gsum bzhugs pa yi// sangs rgyas yin te ye shes sku// ye shes sprul pa'i byin brlabs las// ye shes rno dpal mtshon yin te// drag por gyur pa'i mtshon cha 'dis// 'dod chags zhe sdang gti mug rgyu// 'bras
- 245a
'bras bu ngan song gsum du 'khor// log rtog 'khor ba rgyun gcod do// tsakra au bruM/ tsakra hUM bruM/ tsakra swa bruM/ tsakra hri bruM/ tsakra ha bruM/ badz+ra kha da kha hi/ ts+tshin+da ts+tshin+da ha na hUM phaT/ zhes lus dum bur btubs so// drag po'i las la gtub pa'i le'u ste lnga pa'o// / de nas bstab pa'i las ni/ gzugs kyi phung po ni mchod pa'i rdzas su bsngo ste/ rgyal ba rigs lnga'i gdan khrir gyur par bsngo/ sems ni nga rgyal ba'i sras su bskyed/ 'di skad do// 'dod chags zhe sdang gti mug rgyu// 'bras bu ngan song gsum du 'khor// dug gsum rgyu 'bras sbyang ba'i phyir// sha rus la sogs khrag la bstabs// de nas gnas sbyang ba ni/ 'di skad du/ drag po'i las kyis bsgral ba rnams// 'khor ba'i lam rnams sgo gcad de// rnam shes hUM gis bsdus nas ni// hUM gi ngan song stong par byed// chags pa'i bde ba bla na med// rgyal ba thams cad hUM gis bskyed// 'og min bla na med pa'i gnas mchog tu/ khro bo dang ni khro mo yi// sbyor ba'i mtshams su phaT kyis 'phang // ho yis g.yeng zhing yam gyis brdegs// zhes brjod la sbar nas hUM gis bstab bo// ta thA ga ta/ badz+ra ra tsa rat+na tsa zhes gnas sbar ro// drag po'i las las gnas sbar ba'i le'u ste drug pa'o// // de nas drag po sbyar ba'i las ni/ gzugs gtub pa ltar/ dug gtor gnyis
- 245b
bsres la thab tu gtor bas/ ye shes kyis mes bag chags dang bcas par thul gyis bsregs par bsams la/ 'di skad do// rdo rje'i thugs rjes byin brlabs kyis// 'jig rten khams ni rab 'byams kun// rdo rje gtun khung ldan byas te// drag po'i mthu yis ldan par mdzad// zhe sdang rdo rje 'khor bcas kyis// 'jig rten khams ni ma lus kun// skad cig yud la brlag par mdzod// brlag par ma gyur gang yang med// dar phu tsar phu nar phu a tsa ra ma ra ya phaT/ che ge mo zhig ma ra ya phaT zhes brjod do// drag po'i las las rjes drag po'i las bsdus pa'i le'u ste bdun pa'o// // de nas rdzogs nas las kyi lhag chad bskang ba'i phyir/ me lha lhan cig spyan drangs nas/ dkyil 'khor du bzhugs su gsol/ mchod pa rnam pa lnga dang / sbyin sreg gi rdzas ci lhag pas mchod de/ las ma dag pa bzod par gsol/ me lha slar gshegs su gsol/ de nas dkyil 'khor gyi lha byin la bzod par gsol te/ ma rig bdag cag lus dang ngag sems kyis// bag med tshul gyi dam las 'gal gyur te// rgyal ba rgya mtsho'i tshogs dang ci 'gal ba// thugs rje che mnga' khyed la bzod par gsol/ khyed kyi thugs rje nam mkha'i mtha' dang mnyam// 'gro la phan phyir tshangs pa bstsal du gsol// de ltar bshags pa bgyis te bzod par gsol//
- 246a
@#// drag po'i las kyi lhag chad bskang ba'i le'u ste brgyad pa'o// // de nas mnan pa'i cho ga bgyi ste/ hom khung gi nang du zod chen nam/ phag thod du bcug la/ thod pa'i nang du dgra bgegs kyi ming rus bcug ste/ g.yam pa sngon po la dbus su 'khor lo bri/ phyogs bzhir rgya gram bri/ zur bzhir ri rab bris la mnan no// tshig tu yang / mnan no ri rab kyis mnan// bskyon no 'khor lo'i rtsibs la skyon// 'phang ngo rgya mtsho'i gting du 'phang // sbyin no gnod sbyin zas su sbyin// gtad do gshin rje lag tu gtad// dpag tshad lnga brgya'i 'og shed na// gshin rje rgyal pos chos 'chad kyis// de yi drung du chos nyon cig/ byang chub sems ni ma skyes tsher// nam yang gtang bar mi bya'o// nam zhig byang chub sems skyes nas// de tshe gnas ngan de las drangs par bya// oM laM suM laM pri laM/ pra ti ta nan/ byi tsi la sum+b+ha ya/ ma hA ya/ ga ta ya/ ba ga ma ni/ pa tsa laM laM laM/ ma ra nan nan nan/ drag po'i las la mnan pa'i le'u ste dgu pa'o// // rdo rje ngur mo'i me rgyud las khro bo'i las rdzogs so// / rgya gar skad du/ Ar+ya ba ka wa ra dza/ ma yA la sarga sha ta sa ha sri ka lak+Sha Na sarba tan+ta A ga ma/ sarba ta thA ga ta gu h+ya gu h+ya gar+b+ha yA hi ned tsha pa la nA ma tsakra tsit+ta pha la na ma/ bod skad du/ 'phags pa
- 246b
rtogs pa'i rgyal po/ sgyu 'phrul dra ba le'u stong phrag brgya pa las/ mtshan nyid dang rgyud thams cad lung gis dpyad pa/ de bzhin gshegs pa thams cad kyi gsang ba/ gsang ba'i snying po de kho na nyid nges pa'i le'u las/ sgyu 'phrul le lag ces bya ba/ bam po dang po'o// // bcom ldan 'das dpal kun tu bzang po dgyes pa chen po la phyag 'tshal lo// 'di skad bshad pa'i dus na/ de bzhin gshegs pa dgyes pa chen pos/ mnyam pa'i dkyil 'khor la bzhugs nas/ nyid kyi sku la thams cad ma lus par 'dus par bstan te/ ched du brjod pa 'di brjod do// 'das dang da ltar ma 'ongs dang // 'byung bar ma nges dus 'di dag/ snga phyi med par mnyam yin par// nges pa med par yang dag gsungs// 'jig rten 'das dang 'jig rten pa'i// rang dang spyi ru bstan pa dang // ji snyed brtan g.yo la sogs pa// sgyu ma mig yor tshul yin te// skyes bu blo rtsal rab ldan pas// de la rtag tu mnyam sbyor zhing // sems can kun gyi zhing gyur pas// de dag gnyis med dbyings su sbyor// thams cad thabs kyis mtshan nyid do// thabs dang thabs ni rnam par spyod// thabs chen thabs las byung ba yi// de ni byang chub rdo rje mchog/ ji snyed brjod pa'i kha brgyud kyang // yang dag don gyi snying po ni// gang nas btsal yang mi rnyed do// rang rig sgrib med dag pa
- 247a
yin// de la rtag 'grub goms pa ni// bsnyen pa'i dam pa de yin te// de ni ma nor lam yin par// a yis po de rab tu bsdus// de ni nyid kyis dbyings nyid ni// gcig ces 'di zhes brjod du med// gnyis med dbyings kyi ngang du med// gsum du sna tshogs 'byung zhing spro// byin rlab bsam yas mtha' yas mchog/ don bsdus gsung rab bzhi bcu gnyis// de las lhag pa'i don smra ba// de ni rnam dag lam min te// rang blo bsam pa'i 'khrul pa yin// thams cad rang rig byang chub sems// de ni lung gi tshad mar bshad// tshad bzhi phab pa'i don yin te// dag pa rnam gsum tshul sgom zhing // 'bru lngar 'dus pa thabs che ste// 'gro ba kun la rang bzhin gnas// bya ba med la byas pa med// zad pa'i dus med yid bzhin te// bum pa bzang dang yid bzhin mdzod// za ma tog dang rin chen rgyal// gzhan nas yong 'ongs ma yin te// rang sems bsod nams bstan pa yin// lha srin la sogs yod pa yi// nor 'dra rin chen ma yin te// bo de bkor ni rin po che// sku gsung mi zad par ldan pa'i// rgyan gyi 'khor lo bsam mi khyab// dngos grub mchog gi snying po ni// dang por don rtogs mtha' mi gtong // chu srin phyag rgya ji bzhin du// spyod yul kun tu tshe dpag med// zhes gsungs so// sgyu 'phrul
- 247b
dra ba las/ phyogs bcu dus bzhi'i snod bcud bdag la 'dus pa dang / longs spyod dang sku gsung thugs kyi mi zad pa'i rgyan gyis 'khor lo bskor ba'i le'u ste dang po'o// // de nas de bzhin gshegs pas rgyud kyi rgyal po sgyu 'phrul dra ba bstan pa las chos thams cad nam mkha'i mkha' dang / yum gyi dbyings su 'dus par bstan pa ched du brjod pa 'di brjod do// yang dag don gyi gsang mchog ni// bde ba'i thugs kyi dkyil 'khor la// nges pa'i don chen bzhi bcu gnyis// yid bzhin rin chen gsal 'bar thim// thams cad ma lus thig le'i dbyings// sku lnga'i 'od zer mang po kun// thams cad yum gyur/ dbyings su thim// gsal 'bar sprin gyi bdag por 'gyur// byang chub sems kyi theg pa ni// kun la khyab cing mi gnas pa/ kha dog gnas dang dbyibs ma yin// yon tan mchog gis snying po ni// rtog ge'i spyod yul yang ma yin// zab cing rgya chen rab sbyangs pa'i// gsang ldan bstan pa'i spyod yul de// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten khams g.yo dang // rgyal ba mngon 'byung thams cad kun// nam mkha' khams gsum gyur pa la// dus bzhi phyogs bcu na yang med// dus gsum bde gshegs nyid mi mnga'// sngon gyi bde gshegs thugs chud pa'i//
- 248a
nam mkha'i ngang du thams cad thim// thams cad shes rab dbyings nyid de// dbyings la dbyings ni rnam par sbyor// shes rab dbyings nyid sbyor ba yi// byang chub rdo rje'i thig le yin// dkyil 'khor bsam yas lhun grub dang // rgyu dang bral ba'i gzhal yas kyis// kun la khyab cing mi gnas pa// yon tan mchog gis gnas yin te// ma bcos rgyan gyi skad cig ma// de yis ma byas gang yang med// rang gi rnam rtog ma yin pa// yang dag gshegs dang log rtog dang // gzhan yang sprul pa mang po'i tshogs// phyogs bcu ma lus thams cad kyi// de la gsad cing bzung du med/ kha dog dbyibs dang gnas ma yin// skyes bu dam pa mchog 'dod pas// de la rtags 'grub gsal bar bgyi// de yi 'bras bu mthar phyin ni// rgyu 'bras med pa'i dus cig ste// thams cad ming gi mtshan nyid du// yi ge 'bru gsum rdzogs par 'gyur// mi zad rgyan gyi 'khor lor bsdus// tshogs chen gnyis kyang rdzogs par rol// skye 'chi med pa'i dbyings la bzhugs// 'jig rten 'das dang 'jig rten pa'i// mtha' yas dkyil 'khor bsam yas kun// rgyal ba[:]yum gyi dbyings su thim// thams cad ma lus chos skur 'dus so// chos thams cad ming gi mtshan nyid de/ yum gyi dbyings su 'dus pa shin tu gsang ba'i le'u ste
- 248b
gnyis pa'o// // de nas de bzhin gshegs pa ye shes lnga'i dkyil 'khor la snyoms par zhugs nas ched du brjod pa 'di brjod do// lnga phung yan lag thams cad kyang // 'bru lngar gnas pa'i byang chub ste// dang muM du 'brel ba yin// byang chub rdo rje dril las byung // cir ni brjod pa thams cad kyang // kun kyang ming tsam yi ge a// skye 'jig nyid na yi ge lnga// de ni byang chub sems yin te// gnyis su byang chub mchog 'byung ba// gsum shar lnga 'bar bcu 'byor ba// zad med rin chen gter yin te// mngon shes drug ldan mtshan brjod sngags// e las 'phro zhing ar 'dus pa// gsang ba'i thig le nyid kyi dbyings// nam mkha'i dbyings nas sprin 'byung ba// kun la khyab cing sna tshogs smin// bzhi bcu rtsa lnga'i khong nas bsam mi khyab// byin rlab ya mtshan rmad po ches// yon tan mi zad gter 'gyur ro// ho/ ye nas mnyam nyid gsal ba'i dkyil 'khor dbyings// dbyings la med bzhin ye shes thig le'i ngang // ye shes dbyings nyid sgyu ma'i tshul// snang byed nyid na bya byed med par gnas// ye shes 'phrul chen bzhi bcu rtsa lnga'i don// dkyil 'khor bsam yas lhun grub kyis// thabs dang shes rab gnyis med mnyam par gnas// dag mnyam rnam gsum don rtogs bsgoms byas shing // mnyam pa rnam bzhi'i don rtogs mchog gi
- 249a
/ gnas// rgyu 'bras lhun grub tshogs bzhir 'dus// ye shes lnga rdzogs sku gsung thugs kyis bsdusas// chags med bzhi yi lam nas thig le 'jug/ ye shes lnga rdzogs spyod yul maN+Da la// ma chags 'od gsal dkyil 'khor rdzogs par ldan// thams cad ma lus rang rig rgyal po yi// dkyil 'khor dag mnyam khro bo khro mor sbyor// chos rnams rang bzhin nyid kyis stong // nang dang nang gi phyi rol gyi// rnam / rtog sna tshogs 'dzin pa dang // dngos po med dbyings skad cig ma// de nyid rnam par dag pa'i lam// phyin ci log nyid yang dag ste// ma rig pa ni ye shes gsal// nyon mongs sdug bsngal byang chub mchog/ thams cad yon tan mchog gi gnas// a ho/ phyogs bcu rgyal ba'i dkyil 'khor ma lus kun// nges pa'i don bkrol bzhi bcu rtsa lngar bsdus// lnga po'i don nyid bcu gsum nang du bsdu// gsum po de nyid yi ge ar bsdus te/ a nyid ma skyes mnyam rdzogs dbyings su thim// a ho/ mi dmigs stong pa nyid kyang brjod mi lang // mi gnas de bzhin nyid kyang bsam mi khyab// ma skyes chos kyi dbyings kyang kun tu khyab// ma 'gag byang chub sems ni skye 'jig med// 'gro med 'ong med mi gnas pa'i// thugs rje'i byin rlab rnam par 'gro// zhes nyid la nyid gsungs so// dbyings las dbyings byung thabs kyi phyag rgya
- 249b
gsal// thabs las dbyings byung yum gyi phyag rgyar gsal// dbyings dang dbyings kyi ye shes 'byor pas na// byang chub sems tshogs dkyil 'khor brjod mi lang // a ho/ de bzhin gshegs pa'i dkyil 'khor nges pa'i don ma lus par/ mtshan nyid med pa'i phyag rgyar thim pa'i le'u ste gsum pa'o// // de nas de bzhin gshegs pa bcom ldan 'das dgyes pa chen pos/ 'gro ba thams cad la rang bzhin gyi dkyil 'khor yod par bstan pa dang / rigs rgyu drug tu yang bshad/ de la chos nyid kyi rigs thams cad kun la yod do// nam mkha'ang thams cad kun la khyab par gnas so// de ltar chos kyi dbyings dang nam mkha' kun la khyab kyang / mngon par thar pa'i don ma rtogs na/ me long g.yas g.yogs pa dang 'dra ste/ gzugs brnyan snang ba'i bya ba byed mi nus so// zhes gsungs nas/ yang 'di skad ces/ rdo rje 'chang gis/ mnyam nyid don rtogs rang rig rgyal po dang / rgyal mtsho chen por chu klu kun 'bab ltar// bla med don gyi theg chen 'di dag tu// rnam thar theg pa bsam yas ma lus 'dus// a ho// bdag med gnyis rtogs pha rol phyin rdzogs pa'i// sa bcu rim gyis bsgom pa'i rnal 'byor pa// sangs rgyas sar 'gro go 'phang thob pa'i lam// bden pa gnyis kyi sa rab thob par 'gyur// phyi nang rten
- 250a
'brel sgyu ma mig yor tshul shes pa'i// dngos po gzugs la thogs med rab tu 'jug/ dge bshes mi slob rang gi rig pas rtogs// byang chub sar 'gro yid bzhin bde ba'i mchog/ bden bzhi don rtogs rab tu spongs byed pa'i// ye shes bcu drug cha sbyang rab zhi ba'i// rgyun zhugs la sogs rim par sbyangs nas ni// nyon mongs dgra rnams zhi ba'i sa ru 'gro// theg pa gang du bstan pa bsam nges pa'i// yang na nges med 'di zhes rtag tu med// 'di ni ma nges rdo rje 'chang gis gsungs// dge bcu spyod cing mi dge slong byed pa// 'dod khams lha dang mir ni skye ba'i rgyu// tshad med bzhi spyod mi g.yo sgom byed pa'i// tshangs gnas la sogs skyes pa'i rgyu yin te// chos kyi dbyings kyis kun tu khyab gyur kyang // rang gis rtogs pa'i skal dang mi ldan na// ji ltar dmus long mdun du mdog bstan bzhin// 'di ni skal med rigs chad sa yin no// chos kyi dbyings kyis kun la khyab pa yis// bye brag theg pa bsam yas gsungs pa yang // so so'i rang rig blo la snang bar zad// ngan song 'gro drug tshogs rnams rgyu ba yang // 'khrul pa'i blo log rtog pa nyid snang ste// de bzhin nyid kyi dbyings las 'gyur ba med// mi dmigs rang rig goms byas bla na med pa'i mchog/ log rtog bdag dang bdag gir 'dzin 'gyur na// dngos med mi sdug
- 250b
sna tshogs snang bar 'gyur// yang dag shes pa'i rang rig blo med na// bde gshegs zhing yang ngan song gnas su mthong // theg chen mnyam pa'i don nyid rtogs pa ni// ngan song gnas nyid 'og min dga' ldan/ gnas// nam mkha'i dbyings ni bsam yas par// nyi zla gza' skar mtshan mo glog 'gyur dang // 'ja' tshon sprin mang sna tshogs 'khrug gyur kyang // nam mkha'i dbyings la 'gyur cing nyams pa med// mi dmigs chos kyi dbyings ni bsam yas par// sku gsung yon tan phrin las rmad byung dang // 'jig rten gtso mchog sna tshogs thams cad dang // 'khrul 'khor sdug bsngal sna tshogs rnam mang yang // de bzhin nyid la zhum zhing bri ba med// rgyud kyi rgyal po sgyu 'phrul dra ba las/ thams cad la chos nyid kyi rgyu yod pa dang / rigs chad pa dang / rigs brgyad po so sor phye ba'i mdo bshad pa'i le'u ste bzhi pa'o// / de nas de bzhin gshegs pa thams cad mnyam pa nyid la zhugs nas/ 'khor bsam gyis mi khyab pa thams cad kyang / nyid la nyid mnyes par mchod cing / kun tu bzang po dgyes pas phyogs bcu dus bzhi ma lus pa thams cad kyi bzhugs gnas gzhal yas khang rin po che sna tshogs bsam gyis mi khyab pa/ tshad med dpag tu med pa rgyas pa/ mtha' dbus med par khyab cing / 'od zer sgrib pa med par rang byung ba
- 251a
la zhugs te/ ched du brjod pa 'di brjod do// nyid kyi dbyings nyid 'phro ba tshad dpag med// kun nas dkyil 'khor yongs su ma chad pa'i// srid gsum yang dag mnyam sbyor spyod yul te// mtshan 'dzin 'das pa mchog gi rgyu las byung // dbang skur shin tu rnam par dag pa yi// de bzhin gshegs pa 'og min gnas bzhugs nas// gzung 'dzin bral ba'i bla med rjes 'dod dang // 'jig rten 'khor gyis gces bkur dbang phyug dang // gzhan yang 'jig rten phyogs bcu khams gnas pa// bdud rtsi ro yis dga' bas bde chen 'grub// dus gsum dri bral bdud sde tshar gcad pa'i// 'das dang ma 'das de bzhin nyid du sbyor// shes rab thabs ldan nges pa'i don 'byung ba// rig pa'i thabs chen dbang phyug nyid du bsgom// stong smon mtshan med rang bzhin 'od gsal ba// zad med bsod nams tshogs kyis brgyan par 'gyur// rang byung nyi zla pad+ma rin chen rgyas la bzhugs// rdo rje mnyam nyid thugs su chud pa yis// mnyam rdzogs chen po lhun la rol par mdzad// bde gshegs dbyings nyid de bzhin nyid gnas pa// dus bzhi rgyal ba kun dang mnyam par 'bas// thams cad 'od gsal dkyil 'khor thugs chud pa'i// sku gsung thugs kyi rdo rje 'chang las byung // spyod yul 'phrog med brjod kyis mi lang pa'i//
- 251b
dus bzhi mnyam nyid nges pa'i don nyid nyon// thugs rje'i dbang gis 'gro drug dus gnas bzhugs// nga dang bdag med mnyam pa'i dbyings mkhyen pa'i// mnyam pa'i don grub rdo rje can zhes bya// rnam par rtog med byang chub rdo rje'i sku// shes rab mchog gis ma lus yongs bsdus pa// bde gshegs mi gnas mnyam nyid ngang du byon// thabs chen ma 'dres rnam par dag pa'i yid// dmigs med bde chen sa nyid dbyings su thugs chud pa'i// thabs dang shes rab dbyings nyid dam pa'i mchog/ phyogs bcu dus bzhi dbyings nas mtha' gtugs pa// rang rig rgyal po che yis rtogs par 'gyur// nyid la nyid brjod rdo rje gsang ba'i tshig tu'o// gzhal yas khang dbub pa thabs dra ba'i le'u ste lnga pa'o// // shes rab mchog ldan gsang ba'i ngang 'chang pa'i// thugs rje'i byin rlabs sna tshogs 'phro ba yi// bde gshegs ma lus 'byung ba'i gnas// yid bzhin rin chen mi zad ldan par 'phro// gzhal yas khang de ltar yang dbub bo// de nas de bzhin gshegs pa bcom ldan 'das kyis/ thugs rje rol pa'i ting nge 'dzin la snyoms par zhugs nas/ ched du brjod pa 'di brjod do// nam mkha'i dkyil 'khor dwangs pa yi// yid bzhin sprin tshogs rnam 'byung ba// sna tshogs 'byung zhing 'od 'phro 'bar// srid gsum sreg pa'i me yin te// yid
- 252a
/ kyi ye shes me ru 'bar// haM/ dbang po dngas ma'i dkyil 'khor du// spyod yul rdzas rnams bsdus nas ni// lhan ne lhang nge 'od du zhu// a/ zhi 'byung dbyings nas phyag rgyas 'bar// thugs rje'i byin rlab rmad po che// hUM/ 'gro ba sna tshogs don byed pa// 'di ni byang chub mchog tu gsungs// ho/ bzhi po 'joms shing ngan song sbyong // tra/ ta sman bcud len gyis dug sbyong bzhin// phyi dang nang gi dri ma dag/ bdag med gnyis kyis dag par byed// hi/ gsal zhing bzhag par bya ba med// nyi ma shar ba'i 'od bzhin du// snang dang mi snang gnyis ka med// de bzhin mnyam nyid ye shes kyi// thams cad rgyal ba'i zhing du sbyor// oM/ rang rig ye shes rgyal po yis// phyogs bcu'i khams rnams dbang bsdus nas// thams cad mi dmigs dbyings su bstims// thams cad khro bo'i tshogs su 'gyur// rtog pa rnam bzhi mi dmigs dbyings 'gyur ba// shes rab yum gyi mtshan nyid dbyings su thim// thabs dang shes rab gnyis min dbyings gyur pas// chos rnams thams cad dbyings kyi khro mor 'gyur// chos thams cad khro bo dang khro mo rang bzhin du gyur pa/ rang rig pa'i ye shes kyi me'i sbyor ba'i le'u ste drug pa'o// // de nas de bzhin gshegs pa khro bo'i rgyal pos/ sgyu 'phrul dra ba bstan pa las/ khro bo rngam pa'i tshogs su spros nas/
- 252b
ched du brjod pa 'di brjod do// byang chub mchog gi snying po ni// mtshan mas btsal ba ma yin te// dag pa rnam gsum ma nor zhing // rang rig rgyal po goms pa yis// byang chub mchog 'di rnyed par 'gyur// drag po gtum po sgrub pa ni// b+ha ga la ni ling+ga bzhag/ mtshan ma ming du bcas par bya// khro bo'i zhal ni gang yang rung // lan gsum lan bdun rtags bsgoms shing // mngon du 'byung ba'i zhal 'bar te// bdag nyid dkyil 'khor lhar gyur nas// ling ga yang dang yang bsdus te// dbyings kyi dkyil du bstim par bya// hUM gis bsdus shing phaT kyi 'phang // zhal gyi rang sngags khri 'bum du// rnam gsum tshul gyis bzlas nas su// yang nas yang du gsal bar byed// 'gro lnga'i sems can thams cad kun// dbang med zhal du thim par 'gyur// ya ma ya yang lhag par 'jebs// sku mdog dud kha la sogs dang // mche gtsigs khro gnyer gcig pa dang // zhal bgrad phyag rgya 'bar ba dang // gang la goms par bsgom par bya// bdag nyid 'dzin pa phyag rgya ste// mtshan ma gzung nas rang sngags gdon// mngon par dbang pos ltar yod par// ril bur bsdus nas dbyings su mchod// the tshom med par 'grub par nges// dam pa'i chos 'jigs ma rung pa// dpa' bos gos pa yod pa'i phyir// kun la phan pa de gyis shig/ hUM dang dzaH
- 253a
dang spro la sogs// 'dren pa'i mchog tu de gsungs so// mtshan ma ming du bsdus pa yang // ji ltar sngon gyi de bzhin du// smon pa'i byang chub lam du bzhugs// mtshan ma bag chags med par bya// dbyings nas spro zhing a la stim// a ho thugs la thugs brjod do// sgyu 'phrul dra ba las/ shin tu gsang ba'i khro bo nye bar sgrub pa'i le'u ste bdun pa'o// // de nas de bzhin gshegs pa ma lus pa thams cad kyi rgyal po 'bar ba'i thugs rje gtum 'khrug gis chen por bsgyur nas/ thams cad 'od phung 'phro zhing 'bar ba bstan pa/ ched du brjod pa 'di brjod do// rgyu 'phrul dra ba bstan pa yis// phyogs bcu'i zhing khams ma lus par// b+h+rUM dang tsakra'i 'khor lo sprul// 'od 'phro 'bar ba'i tshogs chen hUM// gtum chen dus mtha'i me ltar 'bar// hUM/ nyi ma thod sbrul mang po'i gzi// khro gnyer glog stong 'gyur/ ba bzhin// rngam pa'i pa ro 'brug stong ldir// phaT/ khros pa'i sprin chen phyogs bcur 'bar// D+ha/ khros pa'i me dpung rdo rje 'bar// rdo rje 'khor lo rtsig pa 'bar// tsakra/ khro bo khro mo'i tshogs kyis bskor// gnas dang yul gyi phyag rgyas mdzes// hra hre/ slas dang byi mo bran mo'i tshogs// gong gi stan dang lag cha dang // ci bgyis zhes te chas te gnas// ti ra rgyu ma'i zhags pa dang // nr-i yi tsit+ta za zhing rgyu// shin tu rngam
- 253b
pa'i gzugs su gnas// ral pa muny+dza cod pan 'bar// phyogs bcur khebs pa'i gshog pa gdengs// rdo rje brten nas brag ri 'bar// haM/ so so'i rang sngags skad gdangs dang // sgra skad nga ro drag tu 'don// hUM/ ha he phaT dang b+h+yo ru lu/ khro bo chen po tshogs pa yis// dkyil 'khor chen po zhal 'bar la// bdag nyid gnyis su med par bsgom// so so'i rang sngags bzlas nas su// rgyu drug sems can thams cad dang // ma rung gdug pa thams cad kun// dzaHhUM baM hos bkug nas su// lan gsum lan bdun zhal du bstim// lha yang rung ste brlag par 'gyur// ho gzhan yang mchod pa'i zhal zas ni// 'byor pa sna tshogs kun gyis mchod// nI'i tshil dang tsha ba'i mar// dmar gyi ar+g+haM rgyun du 'bul// a ho yang na lan gsum brgya rtsa brgyad// stong dang 'bum du 'bul bar gyi// nag po tsher ma can dang dug gis shing // gzhan yang bsreg rdzas dug gsum dang // gnas pa'i cho ga kun gyis bya// sgyu 'phrul dra ba las/ thugs rje rol pa'i dkyil 'khor bstan pa'o// ho oM hUM traM hri A/ ha~M thams cad ma lus par 'dir 'dus pa'i le'u ste brgyad pa'o// // de nas de bzhin gshegs pa'i khro bo'i rgyal pos/ thams cad rdo rje bsdus nas/ ched du brjod pa 'di brjod do// dag pa rnam gsum tshul sgom zhing // sgyu 'phrul dra bar brtan par gnas//
- 254a
/ thams cad hUM du bsdus nas ni// dkyil 'khor gru gsum 'bar bar sgom// me dpung 'bar ba'i tshogs chen du// me la ag+ne rdzas bkug nas// raM zhes bya ba'i me sbar te/ khro bo'i dkyil 'khor ma lus kun// zhe sdang rdo rje bsgom par bya// hUM gtum po'i tshogs chen rab tu 'bar// dud ka nag po'i mdog 'dra las// 'bar ba'i 'od zer mang po 'khrug/ nyi ma thod sbrul mang pos brgyan// seng ge glang chen stag rngams dang // phyag rgya sna tshogs 'bar ba gdams// hUM dang phaT dang hUM ha la'i sgra// skad drag phyogs bcu'i nam mkha'i 'khrug/ phaT khro bo khro mo'i tshogs kyi bskor// yul dang gnas kyi phyag rgya mdzes// he he slas dang byi mo bran mo dang // b+h+yo ci bgyid la sogs tshogs kyis bskor// ye shes stan dang lag cha dang // rngam pa'i nga ro rang sngags dang // mi gdug gtum pa'i gzugs can dang // shin du khro bar bsgom par bya// bdag nyid phaT kyi ngang nyid du// gsal 'dris blo goms rtag tu bsgom// dzaHhUM baM hos bsdus nas ni// rgyu drug sems can kun bkug nas/ khro bo'i tshogs la dbul bar bya// lha yang rung ste brlag par 'gyur// yo byad gzhan gyis spyi dang mthun// gzir ba'i thabs kyang gong ma bzhin// mchod pa'i grangs kyang spyi dang mthun// a/ gzhan yang dkyil 'khor bsam yas kyi// zhal gdangs spyan bgrad khro
- 254b
zhal sgom// rdo rje gtams pa gdengs pa dang // thod pa lcags kyu rnams kyis bskor// hUM sgra drag po tshogs kyi 'bar// 'dzin pa'i phyag rgya bkug nas su// zhal du bstims na lhag par 'grub// rdul cha tsam yang med par byed// 'khor gyi tshogs kyang snga ma bzhin// stong pa'i tshul du rbod gtong bya// hUM// gtum po dmar smug mche ring pa// 'bar ba rdo rje phreng bas bskor// 'od chen 'bar ba 'phro ba yi// 'jig rten / khams gsum dus gcig rngub// khro bo'i tshogs kyi sngags rnams dang // gnas dang yul gyi phyag rgya dang // slas dang byi mo bran mo'i tshogs// so so'i rang sngags rdzogs par gdon// ha he b+h+yo/ gzhan yang bstod tshig 'di dag gis// hUM// rdo rje thugs rje'i byin rlab kyis// 'jig rten khams ni kun bkang ste// gtum 'khrug ma lus thams cad kun// rdo rje mthu yis bkug nas ni// gtum par mi 'gyur gang yang med// hUM/ zhe sdang rdo rje 'khor bcas pas// 'jig rten khams ni rab 'byams kun// skad cig yud la brlag mdzad de// brlags par ma gyur gang yang med// hUM sgyu 'phrul dra ba las/ drag po'i hom gyi le'u ste dgu pa'o// // de nas de bzhin gshegs pa'i khro bo chen po pad+ma bsdus pa zhes bya bas/ 'gro ba mang po'i don gyi phyir ched du brjod pa 'di brjod do// shes rab thabs su sbyor ba yis// thams cad ma lus
- 255a
dbyings su sbyor// hi/ dkyil 'khor zla gam gdengs pa la// 'od zer mang po 'bar ba dang // rdo rje lcags sgrog bsdams pas bskor// gzhan yang rgyan gyi dam pa mchog/ kun gyi de la rgyan cing / skor// me lha spyan drangs snga ma bzhin/ khro bo'i dkyil 'khor ma lus kun// pad+ma rigs kyi khro bo bsgom// dmar smug drag po'i mdog dang ni// gzhan yang sprul pa mang po'i tshogs// phyogs bzhi mtshams bzhi steng 'og skor// rngam pa'i rang sngags drag tu sgrog/ hri/ bdag nyid ma chags rdo rje ste// dkyil 'khor gong ma gsal bsgoms nas// phyogs bcu'i 'gro ba thams cad dang // gdug pa'i yid can ma lus kun// dzaHhUM s+pho Tas bkug nas su// dkyil 'khor la ni dbul bar bya// dgongs pa 'grub cing ngan song sbyong // hri gzhan yang dkyil 'khor mang po'i tshogs// dkyil 'khor pad+ma'i zhal 'dra la// tha ma pad+ma ljon shing dang // pad+ma rdo rje 'od 'bar skor// gzhan yang rgyan mchog mdzes pa yis// dkyil 'khor kun la rgyas par brgyan// bdag nyid pad+ma'i lhar gyur par// mchod pa lha rdzas sna tshogs dang // zhal zas bza' btung tshogs rnams dang // dmar po shing dang dri zhim pa// lan grangs gong du smos pa bzhin// rtag tu mchod pa byas nas ni// 'jig rten 'di dang 'das pa yi// ci 'dod las de grub par 'gyur// sngags ni
- 255b
yi ge ra dang hri// mdog ni dmar smug 'od po che// phyogs bcu khyab cing hi la sdus// dgyes pa'i glu dang gar gyis mchod// hraM/ rdo rje pad+ma 'bar ba yis// phyogs bcu mtha' yas rab 'byams kun// dpal dang gzi brjid che la sogs// pad+ma 'bar bas bde bsdus nas// sangs rgyas sku dang mnyam pa dang // dkyil/ gzhan yang longs spyod mchog la sogs// ci 'dod las rnams dbang du 'gyur// lha srin la sogs smos ci dgos// hri/ 'dod chags rdo rje 'khor bcas pas// 'jig rten khams ni rab 'byams kun// skad cig yud la dbang du bsdu// dbang du ma gyur gang yang med// hri sgyu 'phrul dra ba las/ thams cad ma lus par dbang du bsdu ste/ dbang gi hom gyi le'u ste bcu zam pa'o// // de nas de bzhin gshegs pa khro bo'i rgyal po rnam par 'phro ba zhes bya ba'i dkyil 'khor 'di dag nyid kyis dbyings nas byung nas/ ched du brjod pa 'di brjod do// bde ba chen po dkyil 'khor 'bar// 'od zer 'phro ba mang po 'khrugs// bsod nams zhing gyur mchog tu 'bar// rgyal ba'i yon tan mkha' dang mnyam// traM ye shes phyogs bzhi dbus 'od 'bar// dkyil 'khor zhags pa rin chen bskor// gzhan yang phyag rgya sna tshogs dang / khro bo kun yang dag 'phro ste// 'od chen dkar po 'bar ba dang // phyag rgya @#// sna tshogs
- 256a
cir yang bsgyur// lha dang lha mo 'khor gyis bskor// mchod pa'i yo byad sna tshogs dang // dkar la dri zhim shing rnams dang // gzhan yang mchod yon thams cad kyi// dkyil 'khor la ni rgyas par 'bul// bdag nyid rin chen rab 'bar nas// tram dkar yi ge 'od du 'bar/ khro bo kun kyang de bzhin te// mngon gyur pa yi dkyil 'khor du// pA sha ho dang dzaHhUM gis// phyogs bcu lam lnga kun bkug ste// dbyings su thim par 'od 'phro sgom// thams cad sangs rgyas zhing dang mnyam// gzhan nas yod 'ong ma yin te// sgyu ma'i ye shes bstan pa yin// gzhan yang dkyil 'khor bsam yas ni// rin chen dbyings la rdo rje 'bar// dkyil 'khor rgyan gyis 'khor bar bskor// gzhan yang lha dang lha mo yis// phyogs bcur khyab par mchod cing 'bul// yon tan rgyal ba'i zhing dang mnyam// tram/ glu dang gar gyis mchod par bya// sangs rgyas zhing khams ma lus kun// mchod yon rin chen dpal 'phel gyis// phyogs bcu gang bar rgyal phul nas// thugs rje'i dbyings kyis rgyas par rol// hreM hA hreM tri/ nga rgyal rdo rje 'khor bcas pas// 'jig rten khams ni rab 'byams kun// skad cig yud la rgyas mdzad de// rgyas par ma gyur gang yang med// sgyu 'phrul dra ba las/ rgyal po'i rgyas mdzad kyis rgyas pa'i ho gyi le'u ste bcu gcig
- 256b
pa'o// // de nas de bzhin gshegs pa snang mdzad khro bo chen pos/ thams cad dkyil 'khor 'bar ba chen por gyur nas/ ched du brjod pa 'di brjod do// ye shes dkyil 'khor mtha' dbus med// bsam yas lhun gyis grub pa yis// rgyal ba'i dkyil 'khor ma lus kun// bde gshegs nyid las mi gzhan shar// oM/ dkyil 'khor zlum por 'bar ba la// 'khor lo 'bar bas rab skor zhing // 'od ni ser po rab tu 'bar// rmad du 'byung ba'i sku la sogs// bdag nyid chen pos bsgom par bya// dkyil 'khor thams cad 'grub par 'gyur// sa bon yi ge oM ser po// me lha spyan drangs snga ma bzhin/ khro bo'i dkyil 'khor ma lus kun// kun kyang gti mug rdo rje ste// 'od zer sna tshogs 'phro ba dang // 'khor lo phyag rgya 'bar ba dang // lha dang lha mo'i tshogs kyis brgyan// gdan dang gnas kyang dbyings nyid de// rgyal po'i dkyil 'khor de dag tu// phyogs bcu gnas pa thams cad kun// tsakra'i lcags kyus bkug nas su// dkyil 'khor dbyings su bstims byas nas// gtum 'khrug gdug pa ma rung ba// lhan ne lhang de zhi bar 'gyur// oM gzhan yang dkyil 'khor bsam yas te// dkyil 'khor 'khor lo 'bar ba yis// oM dang ye shes mgo bskor te// brgyan pa'i rdo rje phyag rgya kun// rdzogs ldan zhi bas bskor bar bya//
- 257a
/ rgyal ba'i lus mdzes 'khor lo 'bar// rgyan rnams zhi la dkar ba dang // byang chub mchog 'bar len par bsgom// mkha' la rgyu dang bar snang 'phro// gzhan yang 'gro drug ma lus kun// zhi 'gyur 'di la the tshom med// gar dang glu yis mchod byas te// phyogs bcu'i gdug pa ma rung pa// gdug pa'i yid ni rab bor nas// lhan ne dkar por 'od du gyur// bde lhan byang chub 'od 'phro 'bar// dro oM// gti mug rdo rje 'khor bcas pas// 'jig rten khams ni rab 'byams kun// skad cig yud la zhi mdzad de// zhi bar ma gyur gang yang med// sgyu 'phrul dra ba las thams cad ma lus par zhi bar gyur nas zhi ba'i haMho gyi le'u ste bcu gnyis pa'o// // de nas de bzhin gshegs pas rgyal ba'i tshe mtha' yas su sprul pas/ ched du brjod pa 'di brjod do// sgyu 'phrul dra ba bstan bsdus te// b+h+rUM dang bi shwa'i dkyil 'khor du// ma dang a yi dkyil 'khor la// rdo rje 'khor lo rab bskor nas// bzhi bcu rtsa lnga don bsgoms te// de yi phyogs bcu gang bar gnas// b+h+rUM dzaHhUM dang baM hos dgug/ sku gsung thugs kyi snying po mchog lus ngag sems la bstim par bya// ni nyid dngos po yid bzhin mdzod// bum pa'i mchog ni bzang po yis// cho gzhan gnas ni de yin te// yang nas yang du bkug byas te// mngon du smin par 'gyur ba
- 257b
dang // dbyings su yang ni bsdu bar bya// rdo rje go chas bsrungs pa yis// rten zhing 'khor lo gdab par bya// snying po 'bru lnga'i nang du stim// sangs rgyas ma lus thams cad kun// rgyal po tshe dpag med par bsgom// sku mdog gangs ri 'tsher ba la// rgyan phreng sna tshogs rnams kyis brgyan// yid bzhin rin chen phreng ba dang // yid bzhin rin chen za ma tog/ rin chen rgyan dang bum pa bzang // gzhan yang 'gro ba'i don bya ba// bsam gyis mi khyab mtha' yas mchog/ bgegs kyis nr-i rnams mi ster na// tshe dpag med kyang khros gyur te// phyogs bcu nam mkha'i khams bkang nas// sgra skad drag po ston nas ni// thams cad ma lus thul bar bya// dbang du tshe dpag med pa sgrub// a/ tshe bsnyen dang ni bsnyen pa dang // tshe sgrub dang ni grub pa yis// thabs dang shes rab 'byor pa yis// ci 'dod las rnams 'grub par 'gyur// tshe yi dbang mo rgyud 'phel ma// dkar mo'i mdog la 'od 'phro 'bar// phyag na rin chen gang ba yi// phyag rgya sna tshogs cir yang bsgyur// 'jig rten drug gi phyogs bcu na// gnas pa'i 'gro drug ma lus kun// phan pa'i tshe dbang 'di sbyin te// de las lhag pa'i rgyud 'phel med// de yi bzlas pa 'phrul chen ni// rnam gsum tshul gyis ma 'khrul bar// sngags bzlas cho ga bar mchod// 'dris gsal brtan pa mchog
- 258a
/ gos bya// ma ma ma ma ma/ tsAn+na hA sAhA/ rba pra tha sa rba/ a a ma ma ya/ 6\u0f7f/ b+hUb+hU b+hU b+hUb+hA/ ba ba ba ba ba/ badz+ra brda brda badz+ra baH/ sa sa sa sa/ su sa? sa? sa? sa?/ nan sha sha hUM hUM hUM hUM hUM/ a a a a a/ oM/ tshe rnams dbang du ma grub na// bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro ba lnga yi tshe rnams dbang du bsdus// phyag rgya gshol la sogs pa yi// 'og gi 'jig rten khams dkrug nas// gshin rje'i gnas nas tshe bkug ste// snying po lnga la bstim par bya// phyag rgya 'khru lo chen po yis// steng gi 'jig rten khams skor te// dbang phyug lhan ne la sogs dang // bar snang bgegs rnams rgyu ba las// ni tshe rab tu dgug par bya// 'khor lo'i 'bru la bstims nas ni// de nas yi ge 'bru lnga ste// ni yi gnas lngar bstim par bya// oM oM badz+ra ka ba raka hUM/ oM sarba ta thA ga ta oM badz+ra ad+hi tiSh+Tha swAhA/ phyag rgyas bsrung ba'i cho ga ste// 'bru lnga spos lnga yung kar bcas// 'bru lnga dmigs med dbyings su thim// a yid bzhin bum pa rin po che// rgyan dang rin chen phreng bas rgyan// rin chen lnga dang sman lnga dang // 'bru lnga spos lnga nyungs
- 258b
kar bcas// sngags mkhan rab ldan blo brtan pas// yan lag ma nyams sngags bzlas sgom// rgyan chas lnga dang ldan byas nas// dkyil 'khor thams cad grub par 'gyur// de nas rigs kyi bu de yis// yo byad ma lus ldan byas nas// mchod yon rnam pa sna tshogs kyi// mnyes mchod dngos grub thob par 'gyur/ sgyu 'phrul dra ba las/ tshe'i cho ga dbang dam pa shin tu gsang ba'i le'u ste bcu gsum pa'o// // de nas de bzhin gshegs pa rdo rje sdud pa pos/ 'gro ba lnga rang dbang med par smra ba zhes bya bar bsdus nas/ ched du brjod pa 'di brjod do// gsang ba'i dkyil 'khor nyid kyis dbyings// kun tu bzang po'i thugs rje dang // sku gsung thugs ldan yon tan rdzogs// mnyam pa'i zhing du sbyar bar bya// rdo rje rab tu gsang ba'i sa// rdo rje khams kun sbyin zhing sbyar te// oM dang muM du 'byor par bsgom// thams cad dbyings su thim par bya// gsang ba'i dkyil 'khor dam pa dang // thig le man+ta de dag tu// ni thal man tra bzang po thig/ rta babs sgo khyud bzang po dang // rdo rje rtse gcig 'od 'bar bar// dgug pa'i lcags kyu dam pa yis// rdo rje rtseg cig rtse gsum bri// dkyil 'khor rgyu dang ldan par bya// mchod yon sna tshogs mchod par bya// ya ma dud kha ye shes 'od 'phro nas// a las zla ba'i dkyil 'khor du// dza las lcags kyu grangs med pas//
- 259a
/ de yi snying du zhugs par bya// ma lus nyi ma'i dkyil 'khor du// dza las lcags kyu mang po yis// gang dgug de yi snying ka nas// drangs te de yi khar gzhug pa// sngags 'di rab tu brjod par bya// oM dzaHhUM baM ho/ a nri su ti tri du me pra be sha ya/ ci 'dod las de bzlas par byas// lag gnyis sor mo phyir bsnol te/ khu tshur dam du bcing nas ni// srin lag mthe'u chung mthe bong gnyis// bar du mthe bong de grangs te// oM ming A be sha a a/ thal ba nyungs ka ra drag tu rdeg/ mi de'i khong du bzhugs par bya// babs na rdo rje lcags sgrogs bcings// gang yin de zhes dris nas ni// lha 'dre la sogs gang yin pa// lha zhig na ni mchod par bya// gdon zhig na ni tsan dan gur gum bsres nas ni// de blud sngags 'di brjod par bya// oM badz+ra d+ha ka kro d+ha sa ma ya hUM phaT/ gal te sgra rku mi gtub na// lag gnyis sor mo phyir bsnol te/ khu tshur bcas nang mtheb gnyis zur sprad// gyen sgreng dbab pa'i kha ru ldug par bya// sngags oM badz+ra b+ha sha dza ha pra be sha/ hUM hUM zhes mang du bzlas/ ye shes thogs med sgrib mi mnga'// bden pa'i tshig te zhugs par bsam// lce yis 'thor gtor a dkar po// zla ba'i dkyil 'khor de'i steng du// oM d+hi dmar po bsgoms byas nas// gdon mi za bar smra bar 'gyur// bdag nyid Ta ki hUM bsgoms la// a
- 259b
dang rmi la sogs pa yi// lam lnga'i sems can gang yang rung // Ta ki hUM dang sngags kyis// lan gsum bzlas shing dgug par bya// pra be sha yang bzlas par bya// gzhan yang dzaHhUM baM ho ste// bzhag cing dbab pa'i sa de ni// byis pa lo grangs bcu gnyis pa// gcig dang lnga la dbab par bya// thig le bum pa me long bor// gzhan yang gnas rnams thams cad la// smra ba'i cho ga phun sum tshogs// phyag rgya rdo rje sbar ma ste// dgug pa'i phyag rgya kun gyis dgug/ dza hUM dbang phyug lha chen la sogs bsdu// bcol cing bya ba de bzhin no// Ta ki hUM dzas mi btub na// h+ya gr-i dang gnas dang yul// zur phyin mgo 'jug bsnams nas ni// drag tu bzlas shing lcags kyus dgug/ srog gi snying po ma nor bar// gzir zhing drag tu drangs par byas// 'jig rten 'das dang 'jig rten pa'i// dgug pa'i thabs yod ci yang rung // nem nur med pa dgug par byed// bya ba sna tshogs las zin nas// sngar byas bum pa lnga po la// sman lnga 'bru lnga rin chen lnga// rigs kyi yum dang bdud rtsi 'khyil// ci 'dod las rnams thams cad dang // gzhan yang dgongs pa ci yang rung // / oM badz+ra a mr-i ta hUM/ a a a/ oM badz+ra a mr-i ta phaT dza/ yA gats+tsha zhes kyang brjod do// oM bud+d+ha lo tsa na swA hA/ zhes kyang bzlas/ gsang ba'i dkyil 'khor dam pa ste// ye shes snying po khyod nyon cig/ sngon goms blo
- 260a
brtan 'dris pa yis// yang nas yang du sngon gsal du// byang chub mchog gis rtag bsgoms shing // de ltar byas pa'i dngos grub ni// 'jig rten 'das dang 'jig rten pa'i// brda phrad skad kyi dngos grub thob// ces gsang ba'i tshig tu'o// 'gro ba'i don gyis phyir ched du brjod do// pra dbab pa'i le'u ste bcu bzhi pa'o// // dang por de bzhin gshegs pa nyid gsal zhing 'dris par bsgom/ de nas bdag gi snying khar/ a dkar zhing 'tsher ba zhig bsgom/ a de shin tu gsal bar gyur pa dang / phyogs bcur 'od 'phro bar bsgom/ 'od de a la slar bsdu zhing bstim/ ma dang a las nyi ma dang / zla ba'i dkyil 'khor bstim zhing 'tsher ba gsal bar bsgom/ hri las pad+ma'i dkyil 'khor gsal bar bsgom/ hUM shin tu bde ba gsal bar bsgom/ snying gi dkyil du rdo rje sems dpa' tshon gang ba zhig phyag rgya dang ldan par bsgom/ bzhi bcu rtsa gnyis kyi sngags dang yig 'bru dang phyag rgya yang gsal bar bzlas/ 'bru gsum dang 'bru lnga yang bzlas/ 'dug nas 'bru bzhi mtshams za bcad/ rtag tu hau bya/ tshogs dang mchod pa bya/ mang po mi nus pa'i don du'o// phyag rgya rnam pa bdun las/ phyag rgya chen po dang / chos nyid kyi phyag rgya dang / dam tshig gi phyag rgya dang / las kyi phyag rgya dang / thams cad thabs dang shes rab 'byor pa'i
- 260b
phyag rgya dang / ting nge 'dzin gyi phyag rgya dang / lhag pa'i ting nge 'dzin gyi phyag rgya bya ba'i le'u ste bco lnga pa'o// // de nas de bzhin gshegs pa dgyes pa chen po mnyam pa nyid la bzhugs nas/ lhag pa'i ting nge 'dzin gyis/ dngos grub myur bar len pa'i thabs 'di dag gsungs so// de bzhin nyid dang mnyam sbyor phyir// dam pa'i don gyis bsgom par bya// byang chub mchog la bzung bar gnas// mchog tu bde ba'i zhing gnas la// mnyam rdzogs chen por lhun bsgom zhing // byang chub sems su brtan par bzung // bya ba byed la bya med bya// mi gnas gnas la gnas par bsgom// b+ha ga'i dkyil du ling ga a// shin du 'tsher zhing gsal bsgoms nas// 'od 'phro 'bar bas thams cad khyab// dug gsum ngan song gnas bsreg nas// b+ha ga'i dkyil du 'od 'phro thim// zim 'gyur dbyings nas phyag rgya 'bar// a ma las ni nyi zla 'bar// phyogs bcur 'dom pa'i mun sel zhing // nyon mongs sdug bsngal bsil ba'i sman// thugs rje'i byin rlabs bsam mi khyab// rol pa'i phyag rgya bsam mi khyab// mkha' la 'ja' mtshon sprin mang yang // nam mkha'i dbyings su thams cad bsdus// thams cad mkhyen nyid bsam yas kyang // chos kyi dbyings su thams cad pa sdus// thams cad yi ge hUM du 'gyur// hUM
- 261a
/ nyid gsang ba'i thugs kyi dkyil// 'od zer 'phro bas 'bru gsum ste// yang na yi ge 'bru lnga'o// lnga po'i don 'phro bzhi bcu gnyis// gzhan yang dkyil 'khor bsam yas mchog/ ma bcos dang gnyis gnas pa la// ye shes lhag pa'i dkyil 'khor bsgom// sen zlum zla ba gang ba yis// thugs kyi dkyil du gnas par bya// nyi ma'i dkyil 'khor gang ba yis// gzhan yang 'od zer 'bar ba dang // pad+ma'i gdan dang rin po che// de dkyil yi ge hUM gnas pa// shin tu phra zhing yungs 'bru 'bar// gnas gcig dang ni gnas gsum dang // gnas lnga dag tu rab tu bsgom// shes rab can la 'dris pa dang // ni yig mig gis bltar yod par// shin tu phra zhing gsal bar bsgom// shin tu blo gsal 'dris gyur nas// phyogs bcu stong khams rdzu 'phrul snyed// thugs rje'i byin rlabs bsam yas spro// spros kyang hUM la nyams pa med// bsdus kyang phyogs bcur bri ba med// spros med bsdus med de ni las// yi ge muM du thim par 'gyur// dbyings nas phyag rgya 'bar// shin tu gsal zhing 'dris pa dang // phyag rgya sku nyid gsal bar bsgom// sku de tshon gang 'od 'bar nas// thabs dang shes rab ldan pa'i rgya// 'od 'phro 'bar zhing don byed bsgom// yang na phyag rgya chen po ste// bdag nyid zhal gcig phyag gnyis sam// zhal gsum
- 261b
phyag drug dag tu sgom// gzhal yas khang de gdan khri rnams// 'phro ba'i tshul te snga ma bzhin// mtshan dang dpe byad thams cad ldan// dbu rgyan yi ge lnga dang ldan// rdo rje 'khor lo ral gri 'bar// rin chen pad+ma dril bu 'bar// phyag rgya chen po de dag las// phyogs bcu ma lus mi lus gzhal yas khang // nyi zla gza' skar dkyil 'khor gdan dang ldan// bde gshegs dkyil 'khor ma lus sgom// thugs rje'i byin rlabs 'gro don mdzad// zhi ba phyogs gcig shes bya sbyong // sa bcu mnyam par sbyong byed cing // bde gshegs 'khor yang dag par byed// 'di ltar sgrub pa'i rigs mchog de// 'bras bu sngon du ma gyur kyang // sdug bsngal thams cad yongs mi 'gyur// lha mi mtshan rdzogs yongs su 'grub// theg pa dman par yongs mi skyes// bde gshegs 'byung dang bkol mi 'gyur// byang chub gzung la zhugs pa yin// zhes nyid la nyid gsungs so// rdo rje gsang ba'i tshig tu'o// rdo rje sems dpa' sgrub pa'i le'u ste bcu drug pa'o// // de nas de bzhin gshegs pa sgyu 'phrul dra ba las/ thugs rjes 'gro ba bdud rtsi 'byung ba zhes bya ba'i ting nge 'dzin la snyoms par zhugs nas/ ched du brjod pa 'di brjod do// e ma ho ye nas dag pa yi chos las// log rtog rnam pa gnyis su grub// thams cad 'byung ba lnga las skyes// kun kyang gtsang
- 262a
zhing 'dra med las// rnam rtog mi mthun so sor 'gyur// la la'i sman la la la'i dug/ sman du mi 'gyur gang yang med// dug tu ma gyur gang yang med// thams cad ma lus rgyu gcig las// mi mthun khyad par so sor snang // sus kyang ma byas su byed yod// rnam rtog zhags pas so sor bcings// lus gnas longs spyod sna tshogs dang // sdug bsngal 'khrul 'khor ma lus dang / khams gsum phyin ci log bzhi dang // dus gsum 'gro lnga thams cad dang // nyon mongs sdug bsngal thams cad sbyong // rnam par thar pa lnga rdzogs byed// sa bcu rdzogs shing sangs rgyas sa yang rdzogs// de phyir sman 'di rab tu bsgrub par bya// kun la phan pa'i sman yin pas// de phyir nga dang bdag ma 'dzin// gtsang dang dme ba'i log rtog bor// thams cad mnyam pa nyid du spyod// rtsa ba byang chub sems nyid rtogs// thabs kyi pha rol phyin pa spyod// snying rjes chud ma zos par zungs// bdud rtsi'i mchog ni mnyam pa'i dbyings// bdud rtsi'i don ni skye shi med// bdud rtsi'i gnas ni byang chub sems// bdud rtsi'i las ni rnam rtog sbyong // bdag dpal tshogs shing 'gro don mdzad// sman gyi byin rlabs bsam mi khyab// ngan song sbyong zhing mtho ris 'grub// gser sbyar sman dang mun sel zhing // gzhan yang dgos pa sna tshogs sgrub// rkyen
- 262b
las 'byung ba'i dug rnams dang // rtsa ba'i dug dang sbyor ba'i dug/ klu dug sbod gtong dug la sogs// thugs rje chen po'i byin rlabs kyis// dug rnams thams cad gdul ba 'di// dkyil 'khor ma lus tshangs par sgom// gnas lnga dag tu 'bru lngas stim// oM hUM traM hri a la sogs// yang na yi ge oM gyi bya// yang na yi ge hri yi gtang // dug rnams bdud rtsir bsgyur bar bya// mnyam pa'i dbyings su thim par bya// a ho gsang ba'i tshig tu'o// hUM bdag nyid zhe sdang rdo rje ste// thugs rjes bdag rtog 'dul bar byed// nga dang bdag med dbyings sbyor zhing // byams pa'i thugs dang ldan pa'o// oM bdag nyid gti mug chos sku ste// rmongs pa'i nad rnams sel bar byed// ye shes 'od zer gsal ba'i ngang // thams cad 'byung ba'i 'khor lo'o// traM bdag nyid nga rgyal yon tan te// snying rjes 'gro don 'phel pabar byed// zhi ba'i blo chen dbyings su sbyor// yon tan rgya mtsho dpag med pa'o// hri bdag nyid 'dod chags gsum mchog ste// nyon mongs las rnams dag par byed// nyon mongs sdug bsngal rnam par dag chags med sems ni byang chub pa'o// a bdag nyid las kyi sems dpa' ste// don rnams ma lus grub par byed// log rtog ma lus 'dul ba'i mchog/ phyogs bcu dus bzhir 'phro ba'o// muM bdag nyid
- 263a
/ shes rab 'od gsal te// le lo g.yeng ba sel bar byed// thugs rje myur ba las byung ba// rgyal ba kun tu thugs rje bskyed pa'o// ye shes drug gis nyon mongs sbyangs// dbugs chen dag kyang 'byin par byed// dug gsum sbyong ba sku gsum ste// lam lnga sbyong ba ye shes lnga// 'khor ba'i rtsad gcod shes rab mtshon// hUM du bsdus shing ho yis g.yeng // raM gyis sreg cing phaT kyis 'phang // thabs dang shes rab 'brel ba yis// thig le'i dbyings su thim par bya// de nas gnyis med dbyings gyur nas// ye shes sems dpa' sku ru sgom// 'bru gcig 'bru gsum 'bru lnga sgom// bzhi bcu rtsa gnyis ma lus dang // sangs rgyas dkyil 'khor 'khor tshangs par sgom// nga med bdag med phyag rgya gsal// de nas longs spyod lnga kun la// ye shes lnga dang rigs lnga dang // lha mo lnga dang sman lnga sgom// oM hUM traM hri a/ oM badz+ra a mr-i ta kun+da li/ ha na ha na hUM phaT/ oM bi shud+d+he a mr-i ta hUM phaT/ oM d+harmA a mr-i te hUM phaT/ oM AHhUM brjod pas/ thams cad dag par gyur te/ dbyings su thim bdud rtsir gyur to// sa chu me rlung nam mkha' rnams// rang bzhin med par gzhig pa'i phyir// gcig la lnga par dbyer bya zhing // muM gyis dbyings su thim par bya// 'byung ba che rnams de dag la// lhag pa'i ting 'dzin bskyed par bya// rags pa thabs kyi phyag rgya ste// de bzhin
- 263b
gshegs pa lngar sgom zhing // 'byung ba so sor mtshan 'dzin te// yum lnga dag tu bsgom par bya// de rigs ye shes lnga nyid do// rgyur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings 'dul na// de la gyur cing skyes pa kun// smos ci dgos te de nyid yin// a ho/ kye ma'o lhag pa'i byin rlabs kyi// bdag la lha rnams bsdus pa bsgom// de nas lha dang gnyis med nas// bdag nyid yi ge oM dang muM// gnyis dang bdag dang dbyings su thims// bdag nyid bdud rtsi 'khyil par bsgom// sku mdog gangs ri nyi shar 'dra// zla ba pad+ma gdan khri la// nyi ma stong gi gdan khrir lhan// lha dang lha mo'i tshogs kyis bskor/ khro bo khro mo'i tshogs kyis bskor// 'khor lo rtsibs bzhi mu khyud bcas// dbus su bdud rtsi 'khyil pa ste// shar gyi rtse la rdo rje nyid// lho yi rtse la rin po che// nub kyi rtse la snang mtha' yas// byang gi rtse la don yod grub// thabs dang shes rab ldan par sgom// phyag rgya rnams kyang gsal bar sgom// snying po 'bru tshig gsal bar bzlas// de la bdud rtsi'i phyag rgya ni// bum pa / gang ba yid bzhin 'bar// re ba yid bzhin bskang bar byed// nyon mongs sdug bsngal sel bar byed// 'dod lnga yon tan ldan par byed// dngos grub chen po lam me ba'o// bdud rtsi char bzhin 'bebs par
- 264a
byed// sgo bzhi phyag rgya dag dang ldan// a mr-i ta yi rgyu nyid ni// byang chub sems dang sha chen dang // dri chu dri chen maM sa bcas// pad+ma rak+ta la sogs dang // gzhan yang 'dod yon sna tshogs rnams// dbye ba'am yang na mi dbye bar// bdud rtsi nyid du byin gyis brlabs// rtogs pa'i bag chags sbyangs pa'i phyir// gtsang dme med par bza' bar bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel zhing // dug gsum sdug bsngal med par byed// skal ba yun ring gnas pa dang // dngos grub chen po thob 'gyur te// tshogs gnyis rdzogs par yang gsungs par// bdag nyid yi ge hUM gyur nas// longs spyod lnga ldan thams cad la// oM A hUM du gyur par bsgom// 'od 'phro 'bar zhing phyogs bcur spros// slar 'dus 'od 'phros bdud rtsi 'bar// shin tu gsal zhing rtse gcig bsgom// gzhan yang yi ge tshogs pas gdab// 'thung na ngan song sgrib pa sbyong // rtag tu brten na dngos grub mchog kyang 'grub// lus kyi nad rnams thams cad 'byang // lha la rtag tu mchod byas na// bdag dang gnyis su med par 'gyur// mi mthun phyogs gtor byas gyur na// drag po gtum po'ang ldan par 'gyur// gzhan yang dngos grub thams cad kyi// ji ltar dmigs pa bzhin du 'grub// sangs rgyas
- 264b
go 'phang 'thob 'gyur na// lha la sogs par smos ci dgos// the tshom med par sgrubs par gyis// rtag tu spyod cing dbyings su thims// rgyud kyi rgyal po sgyu 'phrul dra ba las/ sman sgrub pa'i le'u ste bcu bdun pa'o// // de nas de bzhin gshegs pa sgyu 'phrul dra ba las/ rang bzhin gyi dkyil 'khor las/ lhag pa'i ting nge 'dzin gyis dkyil 'khor gyis/ sngags 'chang rnams lhar gsal ba'i dkyil 'khor 'di don yod par bya ba'i phyir/ ched du brjod pa 'di brjod do// e ma ho/ ye nas rnam par dag pa yis// thabs dang shes rab ldan par gnas// byang chub mchog tu nyi zla shar// de nyid bzhugs gnas yin par gsungs// chos rnams thams cad gnyis med pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i tshul// ye nas mya ngan 'das pa'i chos// ye shes rgyu dang 'bras bur ldan// thams cad mkhyen pa'i ye shes sku// chos kyi 'khor lo yongs kyis skor// thugs rje'i byin rlabs 'phros pa yis// ye shes bzhi yi dkyil 'khor 'phros// ye shes lnga dang sku gsung thugs// byin rlabs ya mtshan bsam mi khyab// rab tu snang ba'i thabs las byung // bsod nams ye shes tshogs rdzogs pa'i// thugs rje rgyal lnga'i gzhal yas khang // mtha' dbus med pa rgyas par
- 265a
gnas// stong smon mtshan med 'od gsal 'jug/ de phyir ye shes sgo bzhi shar// der 'gro lam stegs brgyad dang ldan// rang bzhin ye nas 'od gsal phyir// nyi zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zag med ye shes gter gyur pas// yid bzhin rin chen 'bar ba'i gnas// ye nas mnyam nyid mi 'da'i phyir// ta la'i ljon shing rang bzhin gnas// re ba yid bzhin bkang ba'i phyir// dpag bsam shing gi rin chen 'bar// yid bzhin rin chen rgyal gyis bskor// thams cad la ni dbang bskur phyir// 'jig rten lha chen rnams kyis bskor// gsang ba de nyid nges pa las// 'phrul chen bzhi bcu rtsa gnyis kyis// thams cad lha nyid rtag tu bsgom// thams cad ma lus dkyil 'khor mchog/ 'dis ni rang bzhin dkyil 'khor dang // gzugs brnyan lhag pa'i dkyil 'khor gsum// ting 'dzin lhag pa'i dkyil 'khor dag/ byang chub sems dang tshogs mchog bstan// zhes nyid la nyid bshad/ shin tu gsang ba'i dkyil 'khor bsdus nas/ gzugs brnyan bstan pa'i le'u ste bco brgyad pa'o// // de nas de bzhin gshegs pa khro bo'i byin rlabs phyag rgya 'byung ba zhes bya ba'i ting nge 'dzin la snyoms par bzhugs nas/ ched du brjod pa 'di brjod do//
- 265b
dbang po yul dus rig pa rnams// thabs dang shes rab ldan 'gyur zhing // mnyam pa'i ngang nyid rtogs gsal nas// thams cad bde ba chen po rgya// bskyod chen 'khor lo'i gzhal yas su/ khro bo'i khro mo thams cad kun// gsal zhing 'od zer 'phro bsgoms na// bskul skyod thams cad phyag rgya yis// bla med chen pos de skad gsungs// yan lag snying pos rtse gcig dang // rtse lnga rtse dgu bcu gcig tu// las rnams so so rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod nas ni// pad+ma chags med re re 'byung // rdo rje pad+ma de 'byor na// sems can thams cad bla na med// byang chub shing drung skye bar 'gyur// rang bzhin dkyil 'khor lha rnams kyang / khro bo'i dkyil 'khor bsgoms byas te// dbus kyi dkyil 'khor bskul bskyod na// sangs rgyas dkyil 'khor thams cad g.yo// lag gis 'du byed bskyed byas na// rig 'dzin zhing khams thams cad g.yo// rkyang pa'i stabs chen mnan 'tsheng na// sdug bsngal mi zad thams cad dang // bdud dang log 'dren thams cad mnan// yan lag thams cad bskul bsigs na// ba sbu bu ga thams cad nas/ khro bo grangs med rdul snyed 'phro// de dag sprul pa grangs med kyis// phyogs bcu khams mang rdul snyed du/ khro bo'i
- 266a
don rnams rdul phran snyed// thugs rjes 'dul zhing dbyings su thim// thams cad khro bo'i dkyil 'khor dang / khro mo'i dkyil 'khor rab tu 'dus// thams cad rdo rje brag steng na// me ri'i dkyil 'khor rab tu 'bar// 'di ni spyi yi phyag rgya chen po yin// steng gi bgegs rnams 'dul ba'i phyir// rdo rje 'khor lo ni mgo gdengs// 'og gi 'jig rten khams 'dul ba// rdo rje thong gshol ni sbar dang // rdo rje gtun chen dril ba'o// shar gyi bgegs rnams 'dul ba ni// rdo rje rab tu 'bar ma dang // sti ra chen po'i dbyug pa'o// lho yi bgegs rnams 'dul ba ni// rin chen ni mgo'i dbyug pa dang // gshin rje chen po'i rkang gzungs pa// nub kyi bgegs rnams 'dul ba ni// sbrul dang sti ra nya dbyug dang / khyung chen gshog pa rab tu bsdebs// rgya mtsho che rnams rked par gtub// byang gi bgegs rnams 'dul ba ni// ni mgo gsum pa'i dbyug pa dang // rin chen rtse yi dbyug to can// gnod sbyin gdon rnams tshar gcod pa'o// mtshams bzhi bgegs rnams 'dul ba ni// phyogs bzhi dag gis 'dul bar 'gyur// gal te de yis ma 'dul na// byang shar mtshams kyi bgegs 'dul ba// rdo rje rtse gsum ni mgo gdengs// i sha nyid kyang phyag rgyar bsnams// 'byung po de kun rab tu btul// shar lho'i mtshams kyi bgegs
- 266b
'dul ba// rdo rje ye shes me chen 'bar// me nyid kyang ni 'tshig par byed// drang srong nyid kyang phyag rgyar bsnams// lho yi gdon 'khor dbang du bsdus// lho nub mtshams kyi bgegs 'dul ba// rdo rje srin po'i mgo can te// rab tu rno ba'i ral gri 'bar// rten 'brel nyid kyang phyag na bsnams// srin po'i tshogs rnams rab tu bsdus// byang nub mtshams kyi bgegs 'dul ba// rlung gi ba dan ni mgo gdengs// shin tu drag po'i glang po brjid// tshig srung nyid kyang phyag na bsnams// g.yeng ba thams cad rab tu bsdus// 'og tu 'jig rten bgegs 'dul ba// phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba'o// gzhan yang nyi zla'i dkyil 'khor gyis// tsha dang grang ba'i sdug bsngal sel// me yis dkyil 'khor chen po yi// thams cad ma lus bsreg par byed// chu yi dkyil 'khor chen po yi// thams cad ma lus 'khrug par byed// rlung gi dkyil 'khor chen po yi// thams cad ma lus gtor bar byed// rdo rje ral gri 'khor lo bcas// 'da' gzhu zo chen gri chen dang // rdo rje dung chen dgra star bcas// mche gtsigs spu gri'i so dang ni// rnga dang dung mdung sta re dang // gzhan yang phyag rgya sna tshogs dang // dbus kyi he ru'i phyag rgya ni// sti ra dbyug to chen po dang // 'khor lo chen po rab tu
- 267a
'bar// drang zad dmar gyis gang ba la// rdo rjes dkrug cing rab tu gsal// shar gyi zla ba'i phyag rgya ni// rtser chen pa'i dbyug pa dang // rdo rje dung chen rab tu 'bar// rje mag dmar chen gang gsol// oM ma khro bo phyag rgya ni// ste ra chen po'i dbug pa dang // yid bzhin nor bu'i gzhal yas sa// sman gyi yan rab tu gsol// nub kyi khro bo'i phyag rgya ni// b+hai ra chen po dbyug pa dang // pad+ma chags med rab tu 'bar// dung chen dmar gyi bkang ba gsal// byang gi khro bo'i phyag rgya ni// stir chen po'i dbyug pa dang // rdo rje rgya gram rab tu 'bar// dung chen dmar gyis bkang ba gsol/ khro mo rnams kyang khro dang mthun// gnas dang phral gyi drug d+hA ni// rgyud gzhan dag dang mthun par bshad// ma mo rnams kyi phyag rgya ni// 'jig rten 'das mdo che las bshad/ sgra'aphrul dra ba las/ phyag rgya smos pa'i le'u rtse ba dgu pa'o// // de nas de bzhin gshegs pa khro bo'i rgyal po dpal gri he ru kas/ wam kro d+hi sha re dang gnyis su med par 'du mdzad nas/ byang chub sems kyi rdo rje las/ khro bo'i lha mang ba sngos nas 'jig rten pa'i dbang mo dang / bdag po dang / rgyal po'i yang rgyal po dang / blon po dang / sde dpon dang 'khor 'bum phrag bsam gyis mi khyab pa la sogs pa thams cad ma lus par dbang du bsdus nas/
- 267b
'jigs byed chen pos lha chen po rnams dang da ltar dang / dus phyi ma'i dus su/ la la ni tshe 'phel ba'i las su bskos/ la la ni longs spyod 'phel bar bskos/ la la ni 'byung ba chen po la thogs pa med par 'gro bar bskos/ la la ni gzugs mi snang bar 'gro bar bskos/ la la ni gzugs sna tshogs cir yang 'gyur bar bskos/ la la ni mi mthun pa'i phyogs dbang du bsdus par bskos/ la la ni nyams shing / rmongs par bskos/ la la ni skabs shing 'phros par bskos/ gzhan yang bya ba sna tshogs ci 'dod par bskos nas/ ched du brjod pa 'di brjod do// mnyam zhing rig pa'i rdo rje yis// 'jig rten gtso mchog dbang du bsdus// thugs rje chen po'i byin rlabs kyi// 'gro ba'i don rnams sna tshogs ston// thabs dang shes rab ldan gyur pas// ji ltar dmigs pa bzhin du 'grub// 'di ni rang byung lha yi lha// byams dang snying rje ldan par rol// thugs rje chen po thams mkhas pas// thams cad kun la spyod 'gyur yang // bag chags sogs par mi 'gyur te// bsod nams ye shes tshogs 'gyur rdzogs// thabs mkhas spyod pa ma gtogs par// gzung 'dzin 'khrul rtogs rdul tsam med// de bzhin nyid dang dbyer med phyir// rtag tu rang bzhin 'od la gnas// de nas bdag nyid du don gong nas 'byung ba'i lha khro bo dang zhi ba gang la
- 268a
/ goms pa de gsal bar bsgoms nas/ ting nge 'dzin las su rung zhing / lha gsal bar gyur pa dang / rang gi lha'i bzlas pa 'bum 'bum gdon te/ lha chen po ni dgug pa'i phyir/ lcags kyus zhags pa s+pho Ta baM/ ma hA de wa hUM dza dzaHhUM baM ho/ lha yi dbang po snying kha nas// yang nas yang du rnam par drangs// ma ma trag rak+Sha ma hA de wa grih+Na hUM hUM hUM/ lha yi gzugs ni 'tsher la dkar// lus ni rin chen kun gyis rgyan// gtsug nas yid bzhin rin chen 'bar// lag pa g.yas na thogs pa ni// yid bzhin bdud rtsi bum chu gsol// g.yon na rin chen sna lnga ste// lha rnams kun gyis re ba skong // btsun mo u ma ta dang gnas// rtag tu 'dod yon lnga dang ldan// bdag nyid snang mdzad gzhal yas khang // lha yi gzugs ni snga ma'i tshul// lha yi sa bon 'bum phrag tu// srog dang ldan par bzlas par bya// mdun nas dza hUM baM hos drangs// rgyab nas rdo rje can gyis phul// je nye je nye gnyis med par// lhan skyes po ni gsal 'gyur nas// ci 'dod las de byed du gzhug/ lhan skyes 'khor rnams thams cad kyang // de grub dbang med 'du bar 'gyur// gang 'dod las rnams byed par 'gyur// de nas rgyal po chen po sde bzhi'i sgrub pa 'di gsungs so// byang chub sems mchog ting nge 'dzin gyis// phyogs bzhi ma lus thams
- 268b
cad kun// rig sngags 'chang gi don grub tu// rgyal chen bzhi yang dbang du bsdus// bdag nyid rigs bzhi he ru ka/ gong don 'byung ba bzhin du sgom// lha nyid rtag tu gsal 'gyur zhing // lha yi gzugs tshul gsal bar sgom// bdag nyid lha dang gnyis med par// yang dag don dang ldan par sgom// de nas rgyal po yul 'khor bsrungs// gzugs ni gangs ri nyi shar 'dra// mchod sbyin 'od zer rgya dang ldan// lag g.yas rdo rje tri shu la// lag g.yon bdud rtsi bum pa gsol/ in+d+ra ye swA ha/ dza hUM baM ho/ a mr-i ta hUM hUM hUM su ra ta wak+ta dz+dza hUM hUM// zhes lan 'bum bzlas/ bdag nyid rdo rje he ru ka/ 'dren pa'i phyag rgya de dag gis// lha yi dbang pos snying nas drangs// rgyab nas rdo rje can gyis phul// de yi lha nyid dbang gyur nas// las ni gang 'dod byed par bzhugs// thams cad thams cad grub par byed// kun la'ang 'byin zhing kun la za// lha yi 'khor rnams thams cad kun// ma lus par ni yang dag 'dus// bran bzhin du ni phyi bzhin 'brang // rgyal chen 'phags skyes bsgrub pa ni// bdag nyid rin chen he ru ka/ sku mdog rgyud nas 'byung ba bzhin// phyag rgya rnams kyang de bzhin te// 'od kyi 'du 'phro'i byin rlabs kyi// 'phags skyes po ni dbang du bsdus// dr-i ta raSh+Ta ya swA ha/ dza hUM baM ho/ gih+na gih+na/ du ra byin ha ta/ ha da ha ha da rat+na/ dza hUM
- 269a
baM ho/ snying po lan 'bum du bzlas te/ srog dang ldan zhing ting nge 'dzin// bdag nyid rat+na he ru ka/ 'phags skyes po yi snying kha nas// dzaHyis rab tu bzung nas ni// bdag gis mdun du dag par bya// rgyab nas ni rdo rje can gyis phul// de nas mngon du gyur pa dang // gang 'dod las ni byed du bzhugs// mdog ni gser gyi mdog tu 'bar// 'khor rnams thams cad bdag la bsdus// yid bzhin rin chen gzhal yas 'grub// rgyal po mig bzang sgrub pa ni// bdag nyid pad+ma he ru ka/ sku mdog phyag mtshan snga ma bzhin// phyag rgya'i tshul yang de bzhin te// snying po 'bum phrag gsal bzlas na// ting 'dzin phyag rgya rgyur rung zhing // lha nyid du ni gsal gyur nas// rgyal po de yi gzugs mdog ni// shin tu dmar zhing 'tsher ba ste// lag g.yas bdud rtsi bum pa gsol// lag g.yon 'dod yon lnga yi tshul// nub phyogs klu rnams re skong ba// grul bum mgo yi gdeng ka can// de ni rab tu bsdu ba'i phyir// bi ru D+ha ka sA ha/ dzaHhUM baM ho/ na ga shi ni ba bag/ paM pag dzaHhAM baM ho// 'bum phrag du ma bzlas nas ni// de nas bdag gis dbang du bsdus// bdag nyid lha ru gsal bsgoms nas// mig mi bzang gi snying kha nas// dza yi rab tu bzung nas drangs// rgyab nas rdo rje can gyi phul// de nas bdag dang gnyis med par//
- 269b
dbyer med par ni gyur pa dang // ci 'dod las de byed du gzhug/ mig bzang 'khor rnams ma lus par// bdag gis lus rnams rdzogs par byed// rgyal po rnam thos sgrub pa ni// bdag nyid khro bo bdud rtsi 'khyil// sku mdog phyag mtshan snga ma bzhin// gsal zhing 'od 'phro 'bar sgom zhing // rang sngags snying po 'bum phrag bzlas// ting 'dzin sbyar du rung ba dang // rnam zos dag ni rtag tu sgrub// gzugs ni rin chen bai DUr+ya// yang na mdog ni sngo zhing 'tsher// phyag g.yas rin chen dbyug pa bsgom// g.yon na 'dod yon bum pa gsol// dbu la rin chen sna tshogs mdzes// bai shra ma na ye swA hA/ dzaHhUM baM ho/ ku be ra baM baM ka ra ka ra yang yang / dzaHhUM baM ho/ 'bum du bzlas shing srog yod par// yang dang yang du bzlas par bya// bdag nyid bdud rtsi he ru ka/ dza yis rnam thos snying nas drangs// dbang du yang dag bsdu bar bya// rgyab nas rdo rje can gyis phul// yid bzhin rin chen dbang du 'gyur// gnod sbyin 'khor rnams bran bzhin bsdu// rin chen spro zhing las rnams sgrub// ci 'dod las rnams byed par 'gyur// sgyu 'phrul dra ba las/ lha chen po sgrub pa dang / rgyal po chen po bzhi'i dkyil 'khor sgrub pa'i le'u ste nyi shu pa'o// // de nas de bzhin gshegs pa rgyud kyi rgyal po sgyu 'phrul dra ba las/ lhag pa'i gzugs brnyan gyis
- 270a
dkyil 'khor gyis/ dngos grub blang ba'i thabs 'di gsungs so// ye nas mnyam nyid dkyil 'khor la// thabs dang shes rab ldan byas te// rang rig ye shes rgyal po yis// thams cad ma lus maN+Da la'i// de bzhin nyid kyis gzhal yas la// rig pa rang dbang gyur pa yi// mnyam lam mnyam par mi gnas pa'i// chos sku'i phyag rgya chen por bsgom// 'jig rten brtan g.yo thams cad la// rang bzhin dkyil 'khor gnas med kyang // gzugs 'dzin rnam rtog zhags pa yis// rang gis sgrib shing bdag tu bcings// kun gyis yang dag rtogs bya'i phyir// de bzhin sku yi gzugs brnyan rten// rtog dang mi rtog rang rig dang // yang dag thabs chen rdzogs pa'i don// rin chen sna tshogs la sogs dang // 'byung ba bzhi las gyur rnams kun// thams cad byang chub mchog gi rgyu// gzugs sogs ri mor bris pa dang // ye shes chen po rab 'byams kyis// don du mi 'gyur yongs mi gsungs// de bzhin ting 'dzin dkyil 'khor gyis// thams cad dbyings su bsdus nas ni// nyid kyi thugs la bstims byas te// thams cad sku yi / phyag rgya che// dkyil 'khor rnam gsum dag byas pas// nam mkha'i dbyings kyi dkyil 'khor du// rang rig ye shes 'phro 'du yis// thams cad chos sku phyag rgya che// yang dag rtogs pa'i khyad par gyis// ting
- 270b
'dzin don rnams gsal bsgoms nas// mA ma ki ni rgyun chags la// yang dag chos sku phyag rgya che// de bzhin ting 'dzin gsal bsgoms nas// don mchog ma lus rdzogs bya'i phyir// mkhas la 'tsho ba'i dkyil 'khor du// dri med chos sku phyag rgyar gsal// dbyings dang de ni nyid med par// ting nge 'dzin gyis dbang skur nas/ kha dog dbyibs dang gzugs su bsgyur// sna tshogs 'phrin las rnam par rol// don gyis snying po mchog rnams dang // byang chub phyogs rnams rab tu rdzogs// 'jig rten gtso mchog rnams kyis bskor// a ho/ chos sku phyag rgya de dag las// las lnga'i dkyil 'khor rab tu bsgrubs// ting nge 'dzin gyis dbang bsgyur na// ji ltar dmigs pa bzhin du 'grub// drag po gtum po gdul ba'i phyir// bdag nyid drag por bsgrubs nas ni// chos sku nag po 'od 'bar gyis// bgegs kyis ling ga gnan par bya// gtum po gtum po'ang brlag par 'gyur// mi mthun phyogs kyang rdul du rlogs// 'di dag 'gro ba thams cad du// shin tu stobs drag che dang ldan 'gyur ro// thams cad ma lus dbyings med dbyings bsdu phyir// bdag nyid h+ya gri war bsgom// dmar po'i chos sku gsal bsgoms te// mi mthun phyogs rnams gdan du bting // ting 'dzin gsal bar byin brlabs nas// thams cad ma lus dbang du bsdus// mthu chen
- 271a
#// dag kyang phyi bzhin 'brangs// ci 'dod las rnams byed par 'gyur// thams cad yon tan 'phel bya'i phyir// bdag nyid rgyal ba'i khyung chen te// gser gyi mdog 'dra phyag rgyar bsgom// gang 'phel chos sku'i gdan la bzhugs// de ltar dag pas byin rlabs na// yon tan nam mkha'i mtha' dang mnyam// tshe dang longs spyod 'phel ba dang // ji ltar dmigs pa bzhin du 'grub// thugs rje chen po'i byin rlabs kyi// gtum po ma lus zhi ba'i phyir// dkar zhing 'tsher ba'i chos sku sgom// gang gis gtum khro zhi ba'i gdan// de ni ting 'dzin byin brlabs na// gtum po rngam po'ang zhi bar 'gyur// gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi dkyil 'khor dbyings su bsdus// bya byed med par dkyil 'khor spyod// lhun grub dkyil 'khor ye nas rdzogs// a ho// chos sku phyag rgya chen po ni// dngos grub gang 'dod sbyin par nges// nye ba'i lha ni gang sgrub pa// phyag rgya snying po bris bcug na// gang sgom the tshom med par grub// de ni rgyal ba kun dang mnyam par 'gyur// the tshom med de nges 'grub 'gyur// 'jig rten pa yi lha sgrub na// lha yi snying po'i gang yang rung // bris te dkyil 'khor nang bcug na// lha de nye bar 'grub par 'gyur// chos nyid rten cing 'brel
- 271b
bris na// chos kyi don rnams rtogs 'gyur te// rang dang spyi'i don rtogs na// skyes rgas na 'chi med par rtogs// phyag rgya chen po de dag las// nyon mongs las rnams sbyong byed pa'i// lha yi snying po ma nor don bris na// ngan song sdug bsngal med par 'gyur// gzhan yang dkyil 'khor bsam yas dang // dpag tshad med pa'i phyag rgya che// sku gsung thugs rje'i rgyun mi chad// zhing khams byed pa rdul dang mnyam// a ho// rdo rje gsang ba'i tshig tu'o// sgyu 'phrul dra ba las/ lhag pa'i gzugs brnyan gyi dngos grub len pa'i thabs te/ mchod rten gdab pa'i le'u ste nyer gcig pa'o// // de nas de bzhin gshegs pa rgyud kyi rgyal po sgyu 'phrul dra ba las/ shin tu gsang ba'i phyir/ gsang sngags kyi rgyud phyi ba dang / nang pa thabs kyi rgyud gzhan las khams bco brgyad du bstan/ gtsug lag thams cad la yang khams bco brgyad du bstan pa yin/ lung gi spyi'i 'di ni shin tu zab pa'i phyir/ khams nyi shu rtsa gcig tu ston te/ lung gi spyi'i yang rgyud dang gsung rab thams cad 'byung ba'i gnas yin/ gsang ba'i dbang po dang gsang ba'i yul gnyis ka yang skye mched dang khams thams cad 'byung ba yin pa'i phyir/ shin tu gsang bar gsungs so// dkyil 'khor de dag shin tu gsang bar bstan pa'i phyir/ nyid la nyid ched du brjod pa 'di brjod do//
- 272a
e ma'o ye nas gsang ba'i chos// thams cad kun la rab tu gnas// rang gi dag mnyam ma gtogs pas// kun la yod cing rang bzhin gsang // gzhan du min la shin tu gsang / don nyid kyis ni gsang ba'i rgyu// mnyam pa'i rdo rje can gyis gsungs// 'di ni byang chub snying po mchog/ a ho// rdo rje gsang ba'i tshig tu'o// dbang po yul dus gsang ba'i rnams// byang chub sems dpa'i dkyil 'khor nyid// phung po lnga dang 'byung ba lnga// rigs lnga yab yum bcu ru sbyor// skye mched khams rnams bco brgyad pa'o// byang chub sems dpa' sems ma nyid// dkyil 'khor nyid kyis dbyings yin te// thams cad 'byung ba rdo rje gsang ba'i dbang // dbang po yul nyid shes rab pad+ma'i dbyings// dbang po'i thugs ni rdo rje sems// thams cad byang chub sems ma yin// rdo rje gsang ba'i dbang por 'dus// thams cad 'byung ba'i gter nyid dang // thams cad 'gro ba'i gnas nyid de// de yis ma bskyed gang yang med// 'khor dang mya ngan 'das pa'i rgyu// de las thams cad skye zhing 'byung // kun gyis phyag rgya'i rgyu yin te// bde ba byang chub sgrub pa'i rdzas// de las skyes cing de las 'phro// dngos grub thams cad grub pa'i gnas// dbang po rdo rje pad+mar ldan// gnyis med byang chub sems nyid 'phro// mi dmigs bde dang
- 272b
longs spyod 'phro// sku gsung thugs dang ye shes lnga// gsang ba'i lha mo bzhi rnams dang // mchod pa'i lha mo rdzogs ldan bzhi// 'jig dang gnas dang ldan dang sman pa yin// g.yo dang bskyed dang 'jug dang bde gnas pa// gsang ba'i dbang po pad+mos thob par 'gyur// de phyir gsang sngags mchog rdzogs pa// bsod nams ye shes tshogs kyang rdzogs// de bzhin nyid kyang gsang ba las/ khams ni nyi shu rtsa gcig bshad// rdo rje gsang ba'i dbang po dang // pad+ma bde gnas 'byung ba dang // gsang ba mchog gis 'phrul chen spro// 'di ni rtsa gcig yin par gsungs// shin tu gsang ba zab pa'i phyir/ khams nyi shu rtsa gcig tu bshad pa'i le'u ste nyer gnyis pa'o// // skabs 'di na mi mthun pa 'di skad kyang 'byung / 'jig rten gnas dang smon pa'i byang chub sems// g.yo dang bskyed dang ldan dang gnas// dgug dang 'dzin dang de bzhin te// bsdus dang 'khris pa'i don grub phyir// bsdams dang mi gtor dbang 'gyur te// bde ba sgra brnyan phyogs bcur sgrog/ shin tu sgrog pa'i gzi brjid 'bar// gzugs mdzes bskyed pas phyogs bcur g.yos// kun tu tshim byed bros gsum thim// lha mdzes rin chen phung po 'phro// 'od la 'phro bas kun tu 'bar// bdud kyi dro 'jam pa yi dbyings// a la la ho/ gsang ba'i dbang po pad+ma ldan
- 273a
gyur na// chags pa med pa'i tshul gyis ni// pha rol phyin bcu rgyu 'bras rdzogs// sa bcu rim gyis bkod med rdzogs// kun tu 'od gsal pad+ma can yang rdzogs// thabs dang shes rab byed pa'ang rdzogs// bsod nams ye shes tshogs chen rdzogs par rol// a ho/ de bzhin nyid kyi gsang mchog las/ khams ni nyi shu rtsa gcig ste// bco brgyad po ni rgyud gzhan bzhin// gsum ni de bzhin kun gyis dag/ bco brgyad 'byung ba'i gnas yin te// byang chub 'grub pa'i zhing yang yin// bde ba sbyin pa'i rgyud yin te// gsang ba'i mtshan nyid brjod pa ni// dbang po rdo rje gsang ba'i rgyal// yum ni pad+ma bde mchog dbyings// sems ni byang chub 'byung ba'i gter// dbang po yul sems ldan 'gyur na// gsang ba mchog gis 'phrul che spro// dkyil 'khor rdul snyed grangs med dang // phun sum tshogs pa'i lhun grub rnams// gsang dbang mchog gis sbyin par byed// 'di ni rtsa ba yin par gsungs// gsang ba'i mchog don 'di dag ni// lta ba dman la bshad byas na// dus min par ni srog zad nas// mgo 'gas snying yang tshig par 'gyur/ khab len gyis ni lcags bsdu ltar// mi 'dod bzhin du dbang med par// ngan song mi khom bskal par gnas par 'gyur// de bas 'di ni shin tu gsang ba'i bya// shes rab rgya chen blo zab
- 273b
yangs pa yis// blo brtan snying rje che dang ngang tshul bzang la bsten// gzhan du nam yang sbyin mi bya// zhes nyid la nyid brjod do// shin tu zab pa'i phyir/ rgyud gzhan gyi nang du ma bshad do// gsang ba'i dkyil 'khor khams nyi shu rtsa gcig tu bsdus nas/ thams cad ma lus par dbyings su bsdus pa'i le'u ste nyer gsum pa'o// // de bzhin gshegs pa rgyud kyis rgyal po sgyu 'phrul dra ba las/ chos thams cad yid dang chos su 'dus par bstan pa dang / shes rab thams cad ni yul bzhir 'dus/ yum bzhi yang gcig tu 'dus// thabs thams cad ni rigs bzhir 'dus/ rigs bzhi yang gcig tu 'dus te/ thams cad dbyings dang dbyings kyi ye shes su 'dus par bstan nas/ tshig 'go mjug gis don bsdus nas yang 'di skad brjod do// don gyi rtsa ba mchog yin te// thams cad ma lus mi lus dmigs ma chags mtshan nyid// de bzhin nyid dbyings sna tshogs mang po thabs su snang // thabs nyid sgyu ma'i mig yor chu zla gzugs brnyan yin// de nyid rang rig ye shes chags med sna tshogs snang // thabs dang shes rab ldan pas mchog gi gnas gyur pas// ji ltar bcad kyang gnyis med zad med gnyis grib sgrib mi 'gyur// shes rab thabs chen mchog la ye nas rol pa yin// de nyid phyag rgya sna tshogs sprul pa rang rig
- 274a
ste// rgyu 'bras ye shes dbyer med snga phyi ma yin pas// 'bras bu'i lam du gyur nas dus cig mnyam par sbyor// 'di ni yid bzhin rin chen thams cad 'byung ba'i gnas// thams cad 'dus pa'i gter dang yid bdag gis mdzad de// gnyis bral mnyam dang mi mnyam thams cad nyid kyi dbyings// nga dang bdag med sna tshogs mtshan ma dbyer med pa// stong dang mi stong mi gnas de bzhin nyid du rngubs// rang byung dkyil 'khor zad med gter chen 'phro// 'das dang ma 'das dkyil 'khor bsam yas lhun grub dang // mi zad par ldan rgyan gyi 'khor lo drug rdzogs pa// skye med dbyings kyi rang byung 'od gsal phreng ldan mchog/ ye nas ma bcos ma byas rang rig ngang gis gsal// thams cad 'byung 'jug rang rig gter chen nang du bsdus// phyogs bcu ma lus mi lus thams cad kun 'dus dang // zhing khams bsam yas gzhal yas bsam yas rin chen mchog chen kun// skye med dbyings dang rang rig gnyis su yang dag 'ub// mos spyod stong nyid rgyu 'bras yang nas yang sbyangs mi dmigs pa// ye nas 'od gsal chags med ma chags dkon mchog gnas// ming tsam mchog rol thabs dang shes rab mchog gis rdzogs// lam stegs nyid du pha rol phyin bcu rdzogs par rgyu 'bras spyod// mnyam nyid rig pa'i rdo
- 274b
rje thabs chen yang dag ldan// 'gro med 'ong med mi gnas kun khyab khyab med nyid kyis bshad// a ho/ rgyud kyi rgyal po sgyu 'phrul dra ba las/ pha rol phyin pa bcu dang / sa bcu dang / sa gnyis dang / thabs kyi mchog dang / sangs rgyas kyi zhing ma lus par yid dang chos su 'dus par bstan pa'i le'u ste nyer bzhi pa'o// // de nas de bzhin gshegs pa thams cad kyi/ mi 'chi ba'i rdo rje sgrub pa 'di gsungs so// rdo rje zhing chen sgrub 'dod pas// thams cad skye shi med tshul du// mnyam nyid dag pa nyid du bsgom/ khro bo bdud rtsi 'khyil pa yis// dzaHhUM baM hos dgug par bya// bdag dang khro bo gnyis med par// yang nas yang du bsgom par bya// sku rnams gsal bar gyur pa dang // zhing chen 'og tu gzhug par bya// dkyil 'khor ma lus der bkod nas/ khro bo khro mo 'khor du bsgom// ma dag pho nya phyogs bcur btang // thams cad ma lus dbang du bsdus// sgrub pa gcig gam yang na gnyis// gsum dang lnga ru bsgom par bya// pho nya mang pos nr-i bkug nas// zhing la yang nas yang du gzhug/ dmar dang ser dang mdog snum 'byung // de nas ting 'dzin bdud rtsi yis// lan grangs 'bum phrag mang por bzlas// bzlas pa'i tshul ni rnam gsum dang // rdo rje sngags bzlos rtse gsum dang // de yi bar nas bzlas pa 'byung // 'od zer lnga dang ldan
- 275a
par bya// zhing de ltem ldem por gyur dang // bdud rtsi lnga yis bsku bar bya// de nas yi ge 'bru yang dgod// gsal zhing 'tsher bar bsgom par bya// dbang po lnga la dbang po tshul// yan lag lnga la rigs lnga'i tshul// rdo rje ting 'dzin de yis bsgom// de nas zhing de 'gul gyur nas// shin tu zhags pas bsdam par bya// yan lag rnams kyang gzhug par bya// phyogs bzhi dag tu thod pa bstan// de nas thod pa nub tu bstan// h+ya gr-i wa'i skur bsgom zhing // sngags ni[:]'bum phrag mang du bzlas// phyogs bcur spro zhing zhing la bstim// de nas zhing de drag 'gug nas// rdo rje ting 'dzin de yin na// bstan pa nyid du bsgom par bya// de nas sbar bar byed pa dang // a ni pre du tri gang yin// rdo rje drag tu gdab cing dbab// thod pa'i kha nas hri 'byung na// rdo rje ting 'dzin so yi bcad// rdo rje sngags zlos khong du stisnyim// gnyis su med par bsgom par bya// de nas zhing de langs pa dang // rdo rje byin nas dbang yang bskur// bdud rtsi chu yang blud par bya// las rnams thams cad byed du gzhug/ de ltar sgrub pa'i rig mchog/ gis// thal ba thams cad sos par 'gyur// sgrub pa'i sa ni dur khrod dang // ri rab gnyen po bgegs yod par// nags khrod stong pa'i 'tsher ma can// gnod sbyin srin po 'byung ba'i gnas// de dag tu ni
- 275b
bsgrub par bya// dgu dang bcu gnyis bcu gsum dang // bcu drug man chad bsgrub par bya// phyi nang 'tsho ba'i yo byad rnams// lam lnga'i zhing dang sman rnams bcas// 'bru rnams tshogs par bcad par bya// rtag tu tshogs chen mchod par bya// rtag pa dag tu ma ldan na// gsum dang lnga ru bar ma bcad/ kha zas rnams kyang thod par bza'// gtung ba dag kyang de bzhin te// mar me rtag tu gtang bar bya// rgyu ni mi yi/ mar las bya// yan lag bkru ba'ang de bzhin no// sdong bu pad+ma'i rgyu las bya// snod ni dung chen srub med pa// lcang lo yod dang med pa dang // de bi pu tra ma byung ba// mdog ni bran klad can la yong // rdo rje sgrub pa bar gcod phyir// rtag tu mtshams ni gcad par bya// ni yi rkang pa g.yas g.yon nas// sbom po ma yin phra ba nyid// de la kI la ya byas la// phur bu sngags dang khro sngags kyi// lan 'bum du ni bzlas nas ni// lag pa g.yas g.yon thal sor la/ khro bo bcu dang khro mo bcu// 'od 'bar gzugs kyi sku ru sgom// de nas gnyis med sbyor tshul du// sgrub pa rdo rje bsgom par bya// sgrub pa'i dngos las ma rtogs pa// phyogs rnams rnams su mtshams kyang bcad// dngos grub ma thob bar du ni// sgom dang zlas dang phyag rgya gsum// bag yod mgo la me 'bar bzhin// bar mtshams med par bsgrub par bya// de ltar sgrub pa'i
- 276a
rig mchog gis// lha ma srin rnams bran bzhin bkol// 'jig rten dbang phyug dbang du sdud// rdo rje rig mchog 'khor rkyen rnams// yid bzhin du ni 'byung bar 'gyur// rdzu 'phrul chen po 'di dag ni// lus steng nub nas mngon du 'byung // de ma yin par shin tu gsang // ro langs sgrub pa'i le'u ste nyer lnga pa'o// // de nas de bzhin gshegs pa rgyud kyi rgyal po sgyu 'phrul dra ba las/ ting nge 'dzin gyis rim par sbyong zhing dngos grub myur bar len pa'i thabs dra ba las/ 'di skad ces gsungs so// dkyil 'khor bsam yas dngos grub pa// mi dmigs dbyings nas don 'byin te// ma bcos ji bzhin dang bzhag dang // lhun gyis grub pa'i dkyil 'khor 'byung // mi dmigs thugs kyi dkyil 'khor las// ting nge 'dzin gyis dbang bskur na// ye shes sprul pa sna tshogs 'grub// yo byad thams cad maN+Da la// ye shes dkyil 'khor mthar byed bskyod// longs spyod sku dang sangs rgyas zhing // ji ltar 'dod pa smon na 'grub// yangs shing rgya chen lhun 'grub ni// phyi nang snod bcud ye nas dag/ dag rtog nyid kyang dbyings nyid yin// 'di ni rdo rje mnyam yin te// dngos grub myur du 'grub 'dod na// shin tu phra zhing zab par sgom// bdag dang bdag gi gzhan rnams ni// shin tu mi dmigs dbyings su sgom// ting 'dzin
- 276b
de bzhin goms pa dang // thams cad sgrub pa mig yor dang // sprul pa'i tshul du shes par bya// de bzhin yang nas yang goms nas// de nas phra ba'i ting 'dzin sgom// phyi nang snod bcud hUM du bsdus// gang sgrub yi ge so so ste// phyi ni gang sgom kun tu 'dra// rdo rje sems pa nyid du 'du// yan lag lnga dang rnam shes nyid// yi ge hUM du shin tu bsdus// ni yi mig gis ltar yid pa// yang nas yang du 'dris pa dang // 'od zer mang po spro bar bya// phyogs bcu dus bzhi gang ba dang // slar yang hUM la bsdu bar bya// hUM nyid mi dmigs dbyings su thim// thim 'gyur dbyings nas a dkar 'bar// shin du 'tsher bar gsal sgom la// thams cad a ru gyur par bsgom// de bzhin du ni 'dris gyur nas// a las nyi ma'i dkyil 'khor bsgom// a ma gsal bar 'byor gyur nas// nyi zla gang bar sgril mar bsgom// hri gsal pad+ma chags med bsgom// de bzhin 'bar ba'i gzhal yas bsgom// nyi zla gnas dang gzhal yas khang // thams cad 'dus shing phra bar bsgom// de dkyil yi ge hUM gnas pa// mthing kha 'tsher la gsal ba yi// 'od zer 'phro bar rnam par bsgom// 'od 'phro dbyings su slar 'dus nas// shin tu rdo rje phra bar bsgom// rdo rje 'od 'phro gsal bar gnas// dbyings su yang ni bstim par bya// de nyid sems dpa'i skur gyur nas// shin
- 277a
du 'phro ba'i 'dus par sgom// de bzhin gnyis med gsal gyur nas// sku gcig rdo rje dril bar sgom// de bzhin nyid du gyur pa dang // dbu gsum phyag drag nyid du sgom// gzhan yang khro dul sna tshogs sgom// blo yi shes rab che chung las// rim pa bzhin du bsgom par bya// yang na cig char bsgom par bya// nyi zla gza' skar dus gcig tu// chu dkyil ngang par gsal 'bar bzhin// de ltar gom rtogs rigs mchog des// ji ltar dbang sgyur bzhin du 'grub// mkha' la 'phyo dang rigs ni gnas// chu rgyun zlog dang rlung ma 'grub// ri brag la sogs thogs med 'dzul// chu la mi 'bying mes mi 'tshig/ dug dang mtshon dang 'jig mi 'gyur// mi snang ba dang mang por sprul// gzhan yang ji ltar 'dod pa bzhin// lha srin rnams la dbang sgyur dang // tshe dang dus la srid ltung dang // stong gsum yungs 'brur shong ba dang // yung 'bru stong gsum bskyod pa dang // ji ltar dmigs pa bzhin du 'grub// sbrul dang gcan gzan gdug pa rnams/ khyi bzhin phyi bzhin 'brang bar 'gyur// bdud dang gdug pa la sogs pas// tshugs par mi 'gyur bran bzhin 'gyur// lus ma spangs par rig 'dzin sa// ye shes bsod nams longs spyod kyi// yi ge 'khor lo tshogs mchog mnyes// thugs rje sprul pa'i byin rlabs kyi// so sor thar pa'i
- 277b
lam yang ston// 'gro ba ma lus don yang byed// las rnams ma lus kun byas nas// skye shi med pa'i g.yung drung thob// mtshan dang dpe byad kun gyis brgyan// bsod nams ye shes tshogs chen ldan// mthar phyin byas pa med par 'grub// sgrub med spangs med chos kyi dbyings// 'ong med 'gro med de bzhin nyid// 'di ltar sgrub te bsgoms byas na// 'bras bu mngon du ma gyur kyang // tshe rabs skye ba thams cad du// las ngan kun tu skye mi 'gyur// theg pa dman par yang mi ltung // rdo rje rig mchog 'dzin par 'gyur// zhes rdo rje gsang ba'i tshig tu'o// shin tu gsang ba dngos grub myur du thob pa'i le'u ste nyer drug pa'o// // de nas de bzhin gshegs pa rgyud kyi rgyal po sgyu 'phrul dra ba las/ sku'i dkyil 'khor mngon du phyung ste/ 'di skad gsungs so// de bzhin nyid kyis dbyings ldan la// rgyu dang dra ba 'brel gyur nas// sku mchog rdo rje 'od 'phro snang // mthun pa'i rdo rje rang snang ba'o// chu drug 'khor ba'i lus snang ba// rnam rtog mthun pa'i las snang ngo // de bzhin sku mchog dri bral dang // de gshegs sku ltar mdor bsdus te// bcom ldan 'das dang byang chub gzugs// bla med gzugs dang rdo rje sku// de la sogs te sku bsam yas// phyogs bcur dus bzhi kun ston pa// thabs kyis 'gro 'dul skur ston te// byang chub
- 278a
mchog gis rdo rje sku// chags med zhing du sku ston la// dbyings las ma bcos bzhin du snang // sku snang de bzhin nyid kyi dbyings// rnam dag sku ston ma yin te// log 'gro rtog pa thams cad la// so sor 'dul ba'i sku yang ston// de tshe skye 'chi med pa'i sku// las dang ma chags pad+ma'i sku// thar dang mthar sna tshogs kyang // sna tshogs snang la gnas pa med// snang dang mi snang gnyis ka min// de ltar rtogs pa'i rigs mchog ni// badz+ra zhes ni gdags pa yin// ji snyed sku ston bsam yas pa// thams cad ma lus rdo rjer bsdus// 'khor lo zhes kyang brjod pa yin// de la sogs te bsdu bsam yas// byang chub thugs rje dkyil nas byung // sku ni sna tshogs thams cad kyang // 'ja' tshon chu zla 'drar shes na// dbyings nyid la ni dbyings snang zad// thugs nyid gsung gis dkyil 'khor snang // gsung nyid sku yi dkyil 'khor te// dbyer med bzhin du yongs kyis so// dkyil 'khor bzang po sgrub 'dod pas// rtag tu dus gnas thams cad du// bdag dang bdag gir dbyer med par// ye nas dkyil 'khor yin par brtag/ 'di ni dngos grub mchog yin pa// kun tu rgyal gyis de skad gsungs so// sgyu 'phrul dra ba las/ sku'i dkyil 'khor mngon du phyung ba zhes bya ba'i le'u ste nyer bdun pa'o// // de nas de bzhin gshegs
- 278b
pa rgyud kyi rgyal po/ sgyu 'phrul dra ba las/ sngags 'chang rnams don yod par bya ba'i phyir/ dam tshig sum brgya rtsa ba mdor bsdu na/ sngags 'chang rnams kyi don du ched du brjod pa 'di brjod do// phyogs bcu'i 'jig rten rdul snyed du// log rtog mi zad rdul phran snyed// rtog 'dul gnyen po bsam mi khyab// 'dul ba'i sdom pa bsam yas dang // rdo rje theg mchog mang po kun// nyid las g.yos shing spros med kyang // rang rig 'khrul pa'i rtogs pa yis// lta ba mtho dman bsam mi khyab// de 'dul don phyir 'tshams par ston// yang dag nyid dang log rtog nyid// ngo bo nyid kyis gnas gyur na// de la bcos shing bsgyur du med// ye nas ngo bo yod yin la// nyon mongs spangs shing bya sgrub med// thams cad ma lus ro gcig 'gyur// kun rdzob chu zla ltar min pas// cir yang 'gyur zhing cir yang 'grub// rnal 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtog na// bdag med ye shes rang rig nyid// snying rje thabs mkhas ting 'dzin gyi// ji ltar dmigs pa bzhin du 'grub// so so'i rang bzhin nges shes na// yang dag lam gyis bcos su med// de bas yang dag blo can gyis// thams cad dngos po med par bshad// dper na dug
- 279a
gis rig shes pas// dug gis mi tshugs bzhin du snang // ha la ha la'i dug rnams dang // sgrub na ra sa ya na'i sman// bdud rtsir 'gyur zhing tshe ring 'grub// nyon mongs rang dang spyi bstan pa// mtshan nyid ma nor don rtogs na// rnam par byang ba'i lam du 'gyur// sku gsung thugs kyi dngos grub kyang // gang na'ang med de de nyid yin// nang gi chen po lnga nyid kyang // rang dang spyi yi don rtogs na// mtshan ma med pa rnam par dag/ so so'i rtsal rnams 'dzin gyur pas// thabs chen du ni rnam par 'phro// mtshan rnams rang bzhin mi gnas pas// shes rab dbyings su rnam par sbyor// gti mug ces ni brjod par yang // ma rig ming gi rnam grangs te// gnyis med don gcig yin par bshad// rang gis mtshan nyid brjod pa ni// chos dang bdag dang dngos po rnams// ngo bo yod la sogs pa bya// rtog pa'i sgyu ma'i rlung gyur te// log rtog spros pa'i rgyun yin la// thams cad chos dbyings ro gcig ste// bzod pa'i chos nyid cig car yin// spyi yi mtshan nyid brjod pa ni// mi rtag sdug bsngal stong bdag med// ma rig pa ni yang dag sgrub tu med// thams cad dbyings su ro cig thim// sgyu ma'i dngos por rtog pa ni// sgyu mar rtog nyid mi dmigs pas// mi dmigs de nyid sna tshogs snang // skyes pa nyid na chos gcig ste// dbyings
- 279b
nyid mi dmigs de bzhin nyid// de nyid chos sku'i phyag rgya che// mi dmigs sgyu mar dngos po la// rtog pa'i yul gyi dngos nyid kyang // chos nyid mi dmigs ye nas dag/ sgyu ma mi dmigs dbyer med phyir// yod med gnyis su dbyer med pas// ting nge 'dzin gyis dbang bsgyur na// thugs kyi phyag rgya chen po yin// chos nyid dmigs su med pa ste// mi dmigs bzhin du sgyu mar spro// gdul bya'i bya ba bsam mi khyab// gsung gi phyag rgya chen po'o// de ltar gti mug spang du med// rnam par snang mdzad rgya chen yin// zhe sdang rang dang ci bstan pa// kun nas mnar sems rtogs pa yis// sgyu ma'i dngos po thams cad la// 'jig par mos pa'i rang bzhin can// spyi yi mtshan nyid brjod pa ni// mi rtag sdug bsngal stong bdag med// zhe sdang snying rje spang sgrub med// chos kyi dbyings su ro gcig phyir// sgyu ma'i rang bzhin mnar sems pa// dngos po thams cad 'jig rtog na// sgyu mar snang ba thams cad kyang // chos kyi dbyings las mi gzhan te// mi dmigs pa nyid sgyu mar skyes// chos rnams kyi rang bzhin nyid// bdag dang gso ba'i rang bzhin med// snang ba thams cad bdag med chos kyi dbyings// mnar sems sgyu ma chos nyid ro cig ste// thams cad mi dmigs de bzhin nyid yin pas// kun kyang dbyer med chos sku'i phyag rgya yin// mi dmigs sku
- 280a
ma kun nas mnar sems dang // rtog pa'i yul la kun nas mnar sems te// chos nyid sgyu ma mi dmigs dbyer med phyir// don dam kun rdzob ro cig ste// ting nge 'dzin gyis dbang sgyur na// thugs kyi phyag rgya chen po yin// mi dmigs sgyu ma kun nas mnar sems pa// gdul bya'i bya ba bsam mi khyab// gsung gi phyag rgya chen po yin// zhe sdang spyi'i mtshan nyid ni// yang dag nyid kyi rab brtags na// rnam par byung ba'i mtshan nyid do// chos nyid mi dmigs spang du med// nga rgyal mtshan nyid bshad pa ni/ khong nas 'gying zhing sems khengs pa// pha rol zil gyi gnon par byed// spyi'i mtshan nyid bshad pa ni// / mi rtag sdug bsngal stong bdag med// nga rgyal spang nas zhi sgrub med// chos kyi dbyings su ro cig pas// kun rdzob sgyu mar khong bgyid nyid// de bzhin nyid las mi gzhan te// chos nyid mi dmigs sgyu ma 'gying par skyes// skye 'gying nyid na chos nyid ro cig stong // 'gying pa'i rang bzhin mi dmigs ngang gis dag/ 'gying dang mi 'gying dbyer med phyir// chos sku'i phyag rgya chen po yin// mi dmigs pa nyid sgyu ma'i 'gying par skyes// 'gying pas yul gzhan zil gyis non pa nyid// chos kyi dbyings las mi gzhan te// sgyu ma'i chos nyid dbyer med phyir// don dam kun rdzob gnyis ka gcig/ ting nge 'dzin gyis dbang bsgyur nas//
- 280b
thugs kyi phyag rgya chen po yin// mi dmigs sgyu mar 'gying pa ni// nga rgyal gdul bya bsam mi khyab// gsung gi phyag rgya chen po yin// nga rgyal spyi yi mtshan nyid ni// sred pa kun la zhen pa ni// rnam par byang ba'i mtshan nyid ni// sreg pa kun la zhen pa ste// spyi yi mtshan nyid bshad pa yin// mi rtag sdug bsngal stong bdag med// chags spangs ma chags sgrub tu med// chos kyi dbyings su ro cig phyir// kun rdzob sgyu ma'i rang bzhin du// 'dod cing chags pas sgyu mar srid// mi dmigs pa las mi gzhan phyir// mi dmigs de nyid sgyu mar skye// chos rnams bdag las mi gzhan te// spyod pa sgyu ma ro cig phyir// chos nyid chen po dmigs su med// rgyal ba kun dang dbyer med pa'i// chos sku'i phyag rgya chen po yin// mi dmigs sgyu mar 'dod cing chags rtog pa// yul dang 'dod chags nyid kyang mi dmigs te// sgyu ma dang ni mi dmigs dbyer med phyir// bden pa gnyis gar dbyer med ro cig pas// ting nge 'dzin gyis dbang bskur nas// zugs kyi phyag rgya chen po yin// mi dmigs dbyings nyid 'dod chags sgyu mar spros pa ni// gdul bya'i bya ba bsam mi khyab// gsung gi phyag rgya chen po yin// 'dod chags mtshan nyid rtog pa nyid// rnam par byang ba yin pa'i phyir// chags dang ma chags gnyis med pas// 'dod chags mtshan nyid
- 281a
dpyad du med// phrag dog kun gyi mtshan nyid ni// gzhan gyis phun sum tshogs pa la// sems ngor rtog pa'i sgyu ma gzhan// thabs kyi sbyor ba'i rang bzhin can// phrag dog spyi yi mtshan nyid ni// mi rtag sdug bsngal stong bdag med// 'dod chags dogs pa spangs shing yang sgrub med// chos nyid du ni ro cig phyir// kun rdzob spyi ma'i mtshan nyid ni// gzhan gyi phun sum tshogs pa la// phrag dog pa yi sgyu ma nyid// mi dmigs pa las mi gzhan te// mi dmigs pa nyid sgyu mar skyes// phun sum tshogs par sbyor ba yi// thabs kyi sgyu ma chos nyid de// rgyal ba kun dang dbyer med pa'i// chos sku'i phyag rgya chen po yin// mi dmigs sgyu ma gzhan gyi phun sum tshogs pa la// phrag dog rtog par 'dzin pa dang // rtog dang phrag dog mi dmigs te// sgyu ma mi dmigs dbyer med pa'i// bden pa gnyis ka ro gcig pas// ting nge 'dzin gyis dbang bsgyur na// thugs kyi phyag rgya chen po yin// mi dmigs gzhan gyi phun sum tshogs pa la// phrag dog rnams su spros pa ni// gdul bya'i bya ba bsam mi khyab// gsung gi phyag rgya chen po'o// phrag dog mtshan nyid mi rtog pa'o// rnam par byang ba'i mtshan nyid de// dogs pa spangs med spang sgrub med// sems can rnam pa mang po kun// nang gi chen po lnga bstan pa// rang spyi'i mtshan nyid bshad par bya// thabs
- 281b
dang shes rab ma rtogs pas// ma grol khams gsum 'khor ba las// ma grol khams gsum 'khor ba yin// de ltar nges pa cis mngon na// sngags kyis yongs su zin pa'i nad// kun la gnod par byed mi nus// thabs dang shes rab rtogs pa yi// dug gsum sdug bsngal gnod mi 'gyur// thabs la mkhas pas ma zin na// lam gyis dge sbyong stegs bcas kyang // mtho ris mi dang lha ru skyes// skye shi med pa'i mi lus thob// thabs mkhas snying rjes zin pa ni// mtshams med sems can ma lus kun// byang chub snying rjes gsad na yang // bsod nams dpag tu med pa thob// ma bsad sems can yal bar bor// snying rje med de sdig yod 'gyur// 'dod chags zhe sdang gti mug dang // nga rgyal phrag dog chen po dang // gang phyir byang chub sems de ni// rdo rje de bzhin gshegs par gsal// nyon mongs pa ni de bzhin gshegs// ngo bo yin par yang dag gsungs// chos sku rang bzhin dag pa'i phyir// 'khor ba yongs su dag par 'gyur// thabs dang shes rab ldan pa la// nyon mongs thams cad byang chub rgyu// 'khor ba rang bzhin bdag med pas// de phyir de bzhin gshegs bsam yas// thabs dang shes rab ldan gyur pas// phyin ci log nyid byang chub lam// 'khor ba rang bzhin mi dmigs phyir// mya ngan
- 282a
'das pa yod ma yin// gsang sngags bla na med pa ni// thabs kyi ji ltar zin bzhin 'grub// bsam gyis mi khyab nges pa med// don dam cir yang ma grub la// sgyu ma sprul pa bsam mi khyab// thabs chen dag gis zin pa ni// nyon mongs lam yang rnam par grol// thabs chen dag gis ma zin na// dge ba bcad kyang grol mi 'gyur// rnal 'byor don dam ldan pa yi// nyon mongs 'ching ba'i chos spyad kyang // rnam par grol bar 'gyur ba yin// 'khor ba dang ni mya ngan 'das// gnyi ga yod pa ma yin pas// 'khor ba stong par shes pa ni// de ni mya ngan 'das pa'i mtha'// nyon mongs phyin ci log rnams dag/ thabs la mkhas pas zin gyur kyang // gral las thal bar mi 'gyur na// byang chub sems dpa' rnams kyis ni// 'dul ba'i dbang gis bya byed kun// gdon dang smad 'tshong ston pa ltung // byang chub sems dpa' spyod tshul bzang // phal la med pas mi rung na// sngags mchog shin tu zab pa yis// skye bo kun gyis bya bar 'byung // bdud rtsi dang du blangs par gsungs// mnyam dang mi mnyam dbyer med na// sku gsung rdo rje dbang thob 'gyur// grub pa'i rdzas su de phyir gsungs// mnyam pa'i don nyid ma rtogs na// byol song la la chos dang ldan 'gyur kyang // drang srong tsho dang rtags mthun dang // ji srid
- 282b
'dod pa spong byed pa// de dag grol bar ngas ma bshad// chos rnams yongs su dag pa yis// rnam bzhi'i tshul gyis don rtogs mngon// rgyu rnams rab tu dag pa dang // 'bras bu yongs su dag 'gyur te// don dam dmigs med rang bzhin dag/ kun rdzob sgyu mar ye nas dag/ rgyu yi mtshan nyid dag pa ni// phyi rol chen po lnga rnams te// sems nyid gzung 'dzin rnam snang ba// gzung ba'i yul nyid 'byung ba che// rgyu nyid rang gis sems yin pas// 'byung ba chen po rgyu las dag/ 'bras bu yongs su dag pa yi// sems can kun gyis rus pa ste// rdo rje byang chub sems dpa' yin// sha ni pad+ma'i rak+ta yin// dri chen dri chu gur gum chu// so so'i lus la gnas pas dag/ don dam dmigs pa med pa ni// phyi nang chos rnams thams cad kyang // gang gi ngo bo'ang ma yin te// skye 'gag med par ye nas dag/ kun rdzob ye nas dag pa ni// sku ma'i rang bzhin thams cad snang // chu zla'i tshul du'ang mi dmigs gnas// mi dmigs pa nyid sna tshogs snang // de bzhin gshegs par ye nas mnyam// de bas gtsang sbra med par spyod// sems can rtog pa zlog phyir sman// tsa ru dang du blangs par bya// de bas sems can phyin ci log/ chos rnams dag par ma shes te// thabs dang shes rab ma rtogs pas/ kha cig ji srid 'tsho'i bar du zos/ kha cig ji srid bzhin
- 283a
du rtsa chu zos// zos kyang ma grub don ma rtogs// rnal 'byor thabs ldan rnams kyis ni// rang bzhin yongs kyi dag pa yin// mnyam pa'i dbyings su yang dag rtog/ thabs dang shes rab 'brel ba yis// the tshom med par 'grub par 'gyur// dngos dang dngos med rtogs pa'ang mtshan// gtsang dang mi gtsang rtogs pa'ang mtshan// mtshan ma nyid kyang rnam spangs te// mkhyen pas dbus la gnas mi gnas// sgrub pa'i rdzas su yang dag gsungs// byang chub sems dang sha chen dang // dri chen dri chu rak+ta dang // sgrub pa pos ni rtag par bza'// dngos grub ya mtshan chen po 'grub// tshe dang dbang dang rig pa 'dzin// mkha' la 'tsho dang thogs med 'grub// mtha' ni skyes med rdo rje yis// gzhan yang ji ltar dmigs pa bzhin// 'grub 'gyur 'di la the tshom med// gsang ba'i snying po don nyid kyis// yi dam mi spangs rtag sgom zhing // yi dam lha yi mtshan nyid ni// de bzhin gshegs pa thams cad kyi// sku gsung rdo rje'i bdag po yis// lha spangs dge sbyong don med 'gyur// lha ni mi spangs don nyid ni// lhun grub ye shes sems 'khor bcas thams cad kyi// bdag dang gnyis med so sor tha dad ma yin pa'i// dus gsum bde gshegs dkyil 'khor thams cad kyis// sku gsung thugs kyang rdo rje bdag po ste// phyag rgya chen po
- 283b
yongs su rdzogs par sgom pa'i don// dkon mchog gsum spangs tshangs par sbyong ba'i don med 'gyur// bdag nyid lha dang mnyam sbyor na// yon tan chung yang 'grub par 'gyur// ye nas mnyam nyid sbyor bas su// lha nyid du ni rtag tu sgom// bde gshegs kun dang mnyam sbyor bas// dkyil 'khor kun dang mnyam par 'gyur// bde gshegs kun dang mnyam pa'i phyir// sku gsung ye shes lnga rdzogs 'grub// rdo rje slob dpon smad mi bya// byang chub ston pa'i 'dren pa'o// long ba'i dmigs bus 'dren pa dang // nyon mongs sdug bsngal mtsho skems yin// slob dpon de la smod pa ni// dper na mun khung sgron bsad na// mthong ba'i don mi rtog pa bzhin// sdug bsngal nyams thag yun ring ste// bskal pa mang por myong bar mngon// de bas rtag tu gus pa bgyis// lus la dbang ba'i rgyal po las// shin tu gtso bor blang bar bya// drin chags skyed pa'i pha ma pas// shin tu lhag pa'i ri mor bya// rdo rje'i mched dam lcam dral ni// bla med byang chub 'gro ba'i spyan// chos nyid dam tshig smon lam mthus// byang chub rig 'dzin sar nges pas// de la ldog cing 'khu ba ni// rang la rang gis mtshon btab nas// rang srog tshe rabs lnga brgya'i bar// rang gis gcod cing phung par 'gyur// tshe 'dir mi dge sna tshogs pa// mi 'dod bzhin du 'byung bar 'gyur//
- 284a
'jig rten pha rol dag tu yang // ngan song gsum dang mi khom pa'i// sdug bsngal kha brgyud myong bar 'gyur// yun ring rtag tu mi thar pa'i// shin tu nyams zag myong bar 'gyur// grub pa cig bzhin lhan cig spyod// gnyis med spyod rje spyod pa mthun// bde gshegs dkyil 'khor bla med yin// shes rab gsal bas rtag tu gdung // gsang ba gzhan la mi sgrags shing // sku gsung thugs kyis dam tshig rnams// rnal 'byor mnyam pa rnam gnyis kyi// thabs dang shes rab 'brel rtog na// mnyam pa'i spyod pa la 'dor te// phal dang mi 'dra yang dag rtogs// mi rtogs pa yi phyogs rnams dang // skye bo kun la'ang rab tu gsang // gsang phyir brda dag sna tshogs gsungs// thabs la mkhas pas byas pa yin// gsang sngags skyon yod ma yin te// thugs rje chen po thabs mkhas kyis// sna tshogs pa yi blo rtul rnams// las 'phro ngan pa'i don phyir gsang // brgya la gang gis gsang don 'di// las 'phro ngan la bsgrags gyur na// dper na rtsub shing mes brngubs na// rtsub shing nyid kyang tshig par 'gyur// gzhan yang tshig par 'gyur/ ba bzhin// don bzang po 'di me dang 'dra// skal pa chung zhing shes rab dman// blo ngan rgyu 'bras rmongs pa rnams// mnyam pa nyid la skur 'debs pas// ngan song gsum du 'phang bar 'gyur// gsang thos ma
- 284b
rtogs sdug bsngal myong // gsang ba 'phel bar byed pa las// sgra byed lce la zhing rmo zhing // sdug bsngal chen po myong bar 'gyur// de phyir sems can don phyir gsang // rlung phyogs tsam du brjod mi bya// sngags dang phyag rgya rgyun mi bcad// sngags shes rab tu bsgrags pa ni// don dam kun rdzob dbyer med pa'i// mnyam pa'i dkyil 'khor chen po ru// sku gsung thugs kyi yi ge oM// de la sogs pa bzhi bcu gnyis// phyag rgya chen po'i mtshan nyid ni// phyogs bcu dus bzhi gshegs pa yi// sku gsung thugs dang ye shes lnga// bdag dang dbyer med phyag rgya che// gsal la brtson pa'i yon tan ldan// yid bzhin ma chags dbang bsgyur te// goms shing bstan par bya ba yin// de bas rabs chad brtson med pa// dper na sa bon tshig pa las// 'bras bu 'dod pa dang 'dra ste// sgrub pa'i 'bras bu med par 'grub// mi khom 'khor bar gnas gyur te// rnal 'byor chen po la zhugs pas// phyi nang chos rnams thams cad la// dmigs med gcig dang du mar bral// mtha' dbus gang yang ma yin pa'i// ngo bo nyid med mtshan nyid med// mnyam pa chen po phyag rgya yis// phyogs bzhi dus bzhi thams cad dang // 'jig rten 'das dang 'jig rten pa'i// yon tan skyon rnams skye 'gag med// gang gis ngo bor ma grub mnyam// kun rdzob chos nyid dbyer med
- 285a
pa'i// mi dmigs gang gi ngo bo min// chu zla'i tshul du sna tshogs par// snang zhing bya ba byed nus pa'i// phyag rgya chen po'i phyogs bcu dang // dus bzhi khams gsum thams cad dang // 'jig rten pa dang 'jig rten 'das// yon tan skyon rnams thams cad kyang // sgyu mar mnyam par ye nas gnas// sngags 'chang gsal bar rtogs byas nas// bdag nyid chos nyid skye 'gag med// ngang las ma g.yos par gnas na// phyag rgya chen po thams cad kyang // rdzogs par phyogs bcu dus gsum gyis// de bzhin gshegs pa'i sku gsung thugs// thams cad dbyer med ye nas mnyam// ma 'dres rgya yongs ma chad pa'i// gzhal yas khang dang nyi zla yi// dkyil 'khor bsam yas lhun 'grub ni// sku gsung thugs ni bsam mi khyab// mnyam pa'i dbyings chen rdzogs par sgom// de ltar dam tshig 'di gsungs te// de la gnas na 'grub par 'gyur// yan lag ma nyams sngags bzlas shing // 'dod pa kun la longs spyod bya// lus dang ngag sems brten gyur nas// byang chub rab 'byams thob par 'gyur// dam tshig chen pos las 'das nas// nyin ni shin tu che bar gsungs// sangs rgyas byang chub sems dpa' dang // sngags kyi spyod pa don sgrub pa// rmongs pas gal te 'das byas na// de yi srog kyang de zad 'gyur// dam tshig bsrung dang
- 285b
sngags bzlas dang // phyag rgya rgyun mi 'chad pa bzhin// brtson 'grus che zhing bstan pas zungs// rnal 'byor brtson 'grus chung gyur na// mi 'grub nyen yang che bar gsungs// ji ltar ral gri'i so la nan tan du// skyes bus myur du bzung na ni// lag pa nges par chod par 'gyur// de bzhin nan tan byed pa'i gsang sngags pa// 'chi'am yang na 'bras bu med par 'gyur// rnal 'byor dam tshig rnams kyi ni// sngags kyi yan lag ma nyams gsal// don ldan ma nyams dag byas shing // brtson 'grus cher skye myur bar 'grub// sngags goms ma mnyam phyag rgyar gsal// cho ga yo byad gtsor ma gsungs// tshogs na yang ni nyes pa med// ma tshogs yang ni 'grub par 'gyur// bdag nyid rang gi lhar sbyor bas// dngos grub thams cad 'grub par 'gyur// cho ga lhag gam mnyam mtshan na// 'grub par gyur te nyes skyon med// ces gsang ba'i tshig tu'o// dam tshig sum brgya pa/ rtsa ba bco lnga mdor bshad pa'i le'u ste nyer brgyad pa'o// // de bzhin gshegs pa rgyud kyi rgyal po sgyu 'phrul dra ba las/ dam tshig bco lnga pa 'di ltar bshad de/ thams cad mkhyen pa'i ye shes kyis// thams cad mnyam pa'i ngang nyid du// dbyings su ro cig de bsdus te// don du mi 'gyur yongs ma gsungs// yon tan mchog gis 'dod pa ni// snang srid ma
- 286a
lus thams cad kun// mnyam pa'i zhing du sbyor bas ni// chags pa med pa'i tshul du spyod// 'di ni rnam dag legs pa'i lam// byang chub mchog tu 'gro ba'i gnas// bde mchog mi zad rin chen gter// cis kyang mi tshugs rdo rje'i sku// nyon mongs sdug bsngal 'dod chags ni// lus dang zas kyi sgrib 'gyur te// yi dwags sdug bsngal gnas su 'gro// bsgom dang bkres pas nyon mongs 'gyur// dmag 'khrug ngan skyug rtag mthong yang // bde la spyod pa'i dbang yang med// rtsub shing gdug pas bsrung bar 'gyur// thugs rje chen po'i zhe sdang ni// 'khor ba'i lam lnga sgo bcad cing // bde gshegs lam du 'dzud par byed// yang dag don dang ldan par 'gyur// thugs rje'i tshul gyis khro ston cing // shin tu mnyam pa'i ngang du 'jog/ rdo rje sems dpa' zhi ba'i sa// yang dag mchog gis bde ba 'grub// ye shes gsal ba'i gti mug ni// bdag dang bdag gir dbyer med de// rang bzhin med pa'i dbyings la rol// thams cad brjod du med pa'i ngang // kun tu khyab pa'i sku mnga' ba'i// shin tu 'od gsal rnam dag lam// byang chub sems dpa' sgrib pa sbyong // sems can nyon mongs dug sel 'gyur// thams cad zhing sbyong nga rgyal ni// yon tan skyes pa'i mdzad yin te// nga med bdag med mi dmigs la// su zhig de la nga rgyal
- 286b
skyes// dpung bzhi'i tshogs kyi mi thub pa'i// shin tu rgyal ba'i khyu mchog 'grub// lha srin bdud sde tshar bcad pa'i// dpa' bar 'gro ba'i ting 'dzin thob// phrag dog yangs pa'i don sbyor ba// nga dang bdag med don rtog ni// dog dang yangs pa gnyis ka med// bde mchog dkyil 'khor yangs pa 'grub// phrag dog dngos po mi shes shing // nga dang bdag tu 'dzin 'gyur na// lha ma yin gyi gnas su skyes// de nas yi/ dwags gnas su 'gro// gal te yul sa brnyes gyur na// shin tu mi bde dogs par 'gyur// gzhan yang longs spyod thams cad la// dbang byar med cing gzhan dbang 'gyur// mdor na nyon mongs sdug bsngal 'grub// phrag dog yang dag rtog pa ni// nga dang bdag tu 'dzin pa dang // phyin ci log la phrag dog ste// thams cad gnyis su med par sbyor// bde ba mchog kyang 'grub par 'gyur// gnyis med don rtogs med par 'grub// nga med bdag med dbyings su thim// lhun grub don mchog 'grub par 'gyur// yi dam lha ni rtag bsgoms na// rgyu 'bras lhun gyis 'grub pa yi// bdag gis kun la dbang bsgyur te// rig 'dzin gnas su skye bar 'gyur// rdo rje slob dpon smad mi bya// yon tan rin chen gter chen po// thams cad ma lus ston pa ste// nyon mongs ma lus rtsad gcod pa// bla med 'bras bu thob par byed// lus la
- 287a
/ dbang ba'i rgyal po bas// shin tu lhag pa'i bkur sti bya// drin chags bskyod pa'i pha ma pas// shin tu gdung zhing brtse bar bya// sngags dang phyag rgya rgyun mi bcad// phyag rgya chen po rtag tu bzhag sngags ni rtag tu brjod par byed// nyin yang lan gsum mtshan yang lan gsum du// mkhas pa dag ni rgyun du bya// bar ma chad par sgrim te bzlas// gsang ba'i man ngag gzhan la spel mi bya// rdo rje lce yi tshul yod kyang // theg pa dman dang ma 'dres pa// skye bo phal la smra mi bya// rdo rje mched dang lcam dral la// rngan dang dpya sems smad pa dang // rdzi phyogs tsam du smra mi bya// shin tu gdung zhing brtse bar bya// bdud rtsi sman rnams rtag tu spyad// bla med 'grub pa'i gsos yin pas// gtsang rme med par bza' bar bya// yid bzhin bdud rtsi dbang byed 'gyur// 'dod chags zhe sdang gti mug dang // nga rgyal phrag dog chen po ni// sangs rgyas lnga po de yin pas// mi spangs rtag tu bsgrub par bya// dam tshig dam tshig ces bya ba// gud na yod pa ma yin te// rang gi lta ba dam tshig yin// mi btang phyir yang dam zhes bya// gzugs su gyur pa/ dam zhes bya// rdo rje ma nor lam ston pas// de la yang ni tshig ces bya// yang na de bzhin bka' bcag pas// mi khom gnas su tshig par 'gyur// dam tshig ces ni de la brjod// oM au/ rdo rje rigs kyis
- 287b
bsgrub bya ba// sgrol dang sbyor bas mthar phyin 'gyur// sbyor ba nyid ni sgrol ba yin// rang bzhin gyi ni sbyor sgrol dang // ting nge 'dzin gyi sbyor sgrol dang // dbang po yul dus sbyor sgrol dang // thabs chen dag gi sbyor sgrol dang // mngon du phyung ba'i sbyor sgrol lo// yang na sbyor sgrol bdag la rdzogs// shes rab dbyings dang bdag tu sbyor// thabs chen sprul pa bsam mi khyab// dbyings dang dbyings su thams cad sgrol// / rol pa'i 'phrin las bsam mi khyab// dbyings dang dbyings las thams cad sgrol// sbyor sgrol 'phrin las bdag la rdzogs// byang chub sems sbrul phyogs bcur 'phro// ngan song gnas rnams stong par byed// rig 'dzin bde ldan thob par byed// bla med zhing rnams dag par byed// sku gsung lhun grub phyogs bcur 'dug/ rdo rje zhes te mtshan bsgrags te// theg dman rnams kyang rdo rjer dgod// grangs mi shes kyi gter yang 'grub// rdo rje rig pa 'dzin pa'i sku// thams cad mkhyen pa'i ye shes mchog/ thugs rje'i sprul pa dpag med kyis// 'gro drug tu gnas ma lus mkhyen// 'gro ba nyid ni nyid kyi sku// nyon mongs byang / chub lam du mkhyen// 'khor ba nyid na bde gnas so// chos kyi dbyings dang sems can mtha'// dbyer med du yang nyid du'o// de nas de bzhin gshegs pa rgyud kyi rgyal po sgyu 'phrul dra ba las/ dam tshig rnam
- 288a
par spros pa 'di/ nyid la nyid ched du brjod pa 'di brjod do// spong ba rdo rje zhes bya ba'i dam tshig ni/ zhe sdang rdo rje thugs rje'i ngang // dmyal ba'i gnas rnams tshar gcod pa// brgyad brgyad bcu drug zhing du sbyor// tsha ba rnams la bsil ba'i sman// grang pa rnams la dro ba'i sman// bsil dro 'jam rtsub cha snyoms pa// thugs rje'i byin rlab de ltar ston// byin rlab ya mtshan rmad po che// chags pa'i ye shes zhes bya ba'i dam tshig ni/ chags pa med pa'i tshul gyis ni// 'dod pa kun la longs spyod bya// ji ltar bde ba'i ro myong zhing // myong tshor nyid na rang bzhin med// chags pa med pa'i ye shes kyis// yi dwags gnas rnams tshar gcod cing // lus la zas kyi sgrib pa yi// nyon mongs gnyis ka med par ston// gti mug ces bya ba'i dam tshig ni/ nga dang bdag med dbyer med pa'i// shes rab chen po 'od gsal gyis// dran smra med pa'i sdug bsngal bsal// rmongs byed sgrib pa dag par byas// ye shes gsal ba'i thugs rje yis// bya byed med par nyon mongs sgrol// byol song gnas ni stong byed cing // thugs rje sgron ma de ltar ston// phrag dog chen po'i dam tshig ces bya ba ni/ yangs pa chen pos ye shes kyis// nga dang bdag 'dzin rnams la ni// thugs rjes gnyis med mnyam sbyor zhing // dog dang yangs pa gnyis ka med// rgya chen
- 288b
yangs pa'i blo ldan pas// 'di la mi chud gang yang med// thams cad yangs pa nyid du sbyor// lha ma yin rnams stong par byed// nga rgyal bde mchog ces bya ba'i dam tshig ni/ ye nas chos nyid mnyam pa la// dang khyod ces bya ba med// thams cad dbyings su ro gcig ste// gnyis med mtshan nyid bsnan du med// che chung med pa'i ngang yin pas// bya ba dag ni med par bsnan// nga rgyal bdag med rtog pa yis// dreg pa'i gnas rnams stong par byed// rang bzhin gyis 'od gsal ba zhes bya ba'i dam tshig ni/ 'jig rten 'di ni ci yod pa'i// ming dang tha snyad 'dzin pa dag/ so so'i mtshan nyid bshig byas nas// rang bzhin med de yang dag nyid// rang byung chen po'i ye shes kyis// thams cad sangs rgyas zhing du sbyor// ma bcos ma byas ngang gis gsal// ye nas 'od gsal sangs rgyas zhing // nyid kyi dkyil 'khor zhes bya ba'i dam tshig ni/ rang rig nyid la gnas pa yin// sus kyang ma byas rang byung ste// thams cad de bzhin nyid du sbyor// gnyis med dbyings kyi ngang du thim// rang byung ye shes dkyil 'khor gyis// ma lus de bzhin nyid du sdud// sdud dang mi sdug gnyis ka min// yang dag kho na nyid du'o// bde ba'i rang bzhin zhes bya ba'i dam tshig ni/ thams cad lus rnam par dag/ nyid kyis dbyings las mi gzhan phyir// bde dang mi bde
- 289a
gang yang med// thams cad dbyings su ro cig ste// ji bzhin nyid kyis ngang brtsan par// yang dag nyid kyis de skad bshad// bshad dang nyan dang gnyis ka min// de bzhin nyid du yang dag 'du// dus bzhin rgyal mchog ces bya ba'i dam tshig ni/ gong na med pa'i ye shes mchog/ thams cad mnyam pa nyid du sbyor// 'das dang ma 'das thams cad kun// 'byung dang 'byung bar ma nges pa'o// ye shes rtogs pa'i khyad par gyis// dus bzhi snga phyi med pa yis// mnyam pa nyid du lhan ner sbyor// lhun grub ye shes bya ba'i dam tshig ni/ 'jig rten 'das dang 'jig rten pa'o// thams cad dbyer med byang chub ste// ye nas rnam par dag pa'i chos// ma bcos lhun gyis grub pa yis// byang chub lam chen po 'di yin te// thams cad dbyer med ngang du 'dus// byang chub don grub ye nas rdzogs// mnyam pa'i zhing du thams cad thim// rdo rje skye gnas zhes bya ba'i dam tshig ni/ theg pa che mchog rigs su nges// rigs te byang chub brtan par gzung // thams cad mnyam pa'i dbyings shes na// rigs mchog kun gyi skye gnas yin// skyes pa nyid na skye ba med// las dang las kyis bag chags med// cis kyang ma gos thams cad 'joms// skye shi med pa'i sa yang yin// byang chub kyi zhing bkod pa zhes bya ba'i dam tshig ni/ phyogs bcu mtha'
- 289b
yas mu med pa'i// snang grags bsam gyis mi khyab pa'i// phyi dang nang gi gnas pa dag/ de bzhin dbyings kyi ngang du thims// mdor na zhing khams ma lus pa'i// yon tan rin chen bkod pa yi// ye shes brgyan gyis spangs pa rnams// zhing de yon tan bsam mi khyab// ye shes bzhugs gnas zhes bya ba'i dam tshig ni/ gzung 'dzin bral ba'i ye shes ni// de bzhin gshegs pa kun gyi gnas// gsang sngags chen po sgrub 'dod pas// gzung 'dzin bral ba'i don nyid rtogs// chos kyi dbyings dang sems can ni// gnyis med de bzhin nyid du gcig/ ji ltar rtogs pa'i skyes bu ni// rdo rje bzhugs nas yin par bshad// mi 'jigs rgyal mchog ces bya ba'i dam tshig ni/ rnam par byang dang nyon mongs gnyis// so sor yod pa ma yin te// nyon mongs gnyen pos bcos su med// thams cad dbyings su ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang bstan zhes bya ba'i dam tshig ni/ phyogs bcu dus bzhi thams cad kun// rgyal ba'i zhing du sbyor bas su// dog yangs tshad kyang dpag tu med// sangs rgyas spyi gtsug lta bu'i mtshan// ye shes rgyu las grub pa'o// ji ltar dmigs pa bzhin du 'grub// zag pa zad las x230a1(1): grub pa yi// nam yang 'jig med chos kyi dbyings// sna tshogs kun bsgyur zhes bya ba'i dam tshig ni/ bsngos pa can gyi chos min pas// ji ltar bsam pa bzhin du 'grub// rig par rang dbang gyur x230a2(1): pas na// stong par bya 'am mi stong bya// thams cad dbyer med dang yin pas/ kha dog dbyibs dang rin po che// thams cad khyab dang yungs 'bru'i tshul// bsam yas mtha' dbus med pa'o// 'dren byed gnas x230a3(1): stobs zhes bya ba'i dam tshig ni/ ma rig log rtog bsam yas kyis// 'jig rten khams rnams rgyud cing 'khor// 'khor ba'i rgyu dang 'bras bu gnyis// gzhi rtsa med de skad cig ma// yang dag byang chub x230a4(1): sems rig ni// mi rig rgyu 'bras rnam par dag/ nyon mongs pa nyid byang chub ste// thams cad ma lus bde gnas so// lam la ston byed ces bya ba'i dam tshig ni/ ting 'dzin rnam gsum bsgoms byas te// nyon x230a5(1): mongs lam lnga sgo bkag nas// lam lngar snang ba rnam rtog yin// rtog dang mi rtog gnyis ka min// gnyis med de nyid yang dag lam// thabs dang shes rab dang nyid du// shin tu mnyam bzhag rtogs bya zhing // x230a6(1): bla na med pa ston par byed// yang dag don ston ces bya ba'i dam tshig ni/ theg pa bsam yas gsungs pa yang // de bzhin nyid kyis ma brjod kyang // sems can blo yi rim pa bzhin// so sor mtshams par x230b1(1): kun tu gsal// 'di ni rdo rje theg mchog ste// rgya mtsho'i klong du chu 'bab bzhin// thams cad chu yi ngo bo nyid// theg pa thams cad rdo rje'i sa// rab tu rtogs byed ces bya ba'i dam tshig ni/ shes rab blo chen x230b2(1): rab ldan pas// don du mi 'gyur yang ma gsungs// srid gsum 'gro ba bsam yas su// thugs rje ston pa bsam mi khyab// don dang mthun pa 'ba' zhig ston// mi mthun zhags pa 'khor ba gcod// bde x230b3(1): gshegs zhing rnams dag par byed// thams cad dbyings su rtogs par 'dus// sgyur byed byang chub ces bya ba'i dam tshig ni/ rang rig ye shes dbang thob pas// dkar po mtshan gyis mdog sgyur bzhin// dug x230b4(1): kyang sman du gyur pa dang // de bzhin dug gsum byang chub ste// 'gro ba lnga byang chub lam du sbyor// nyon mongs sdug bsngal thar bar byed// thar dang mthar gnyis ka med// thams cad ma lus byang chub rgyu// x230b5(1): mnyam rdzogs lhun grub ces bya ba'i dam tshig ni// ye shes sgyu mar snang ba gnyis// sgyu ma yin pas rang bzhin mnyam// mnyam pa nyid la mi gnas pa'i// bsod nams ye shes tshogs rdzogs te// ye shes x230b6(1): gnyis kyis dkyil 'khor la// theg mchog rdo rje ma lus rdzogs// dpe byad mtshan bzang dpag tu med// thams cad skur zhes bya ba'i dam tshig ni/ shin tu rtog pa'i khyad par gyis// spyod yul thams cad smon x231a1(1): nas mkhyen// de bzhin nyid dang kun rtog la// gnyis su med par dbang bskur te// ma lus thams cad bde ldan zhing // thams cad byang chub mchog tu 'gyur// ye nas dngos po med pa la// ji x231a2(1): ltar dmigs pa bzhin du 'grub// rig 'dzin gnas stobs shes bya'i dam tshig ni// shes rab rnam gsum goms byas na// ting 'dzin mnyam pa'i don rtogs te// rtag tu yangs pa chen po sgom// rgyu 'bras dus x231a3(1): gcig rdzogs pa yis// rang rig nyid la dbang thob ste// tshe ni bcu dang drug pa yin// brgya brgya dag tu bsnur zhing nas// lus ma bor bar sangs rgyas so// zad med gter ldan zhes bya'i dam tshig ni// shes x231a4(1): rab chen po rnam dag pas// spyod yul thams cad dag par 'gyur// shes rab spyod yul gnyis su med// de bzhin nyid du ro cig ste// thams cad rgyal ba'i zhing sbyor bas// zad med rin chen gter du 'gyur// x231a5(1): mi zad par ldan dam tshig mchog/ 'og min mtha' dbus bsam mi khyab// sgrub med mnyam rdzogs zhes bya'i dam tshig ni/ thams cad mnyam pa'i dkyil 'khor la// rang byung ye shes 'phyo ba ni// dbyings dang x231a6(1): rig pa gnyis yin pa// de bzhin nyid du rdo rje rig/ thams cad gnyis su med pa la// sgrub dang sgrub pa yod ma yin// ye nas lhun gyis grub pa la// de la lam gyis bcos su med// thams cad byin gyis x231b1(1): brlob pa zhes bya ba'i dam tshig ni/ chos rnams ye nas dag gyur kyang // phyin ci log gi blo log na// log rtog gnas dang longs spyod dang // ma rig 'khrul 'khor bsam mi khyab// 'khrul rtog blo ngan zlog pa'i x231b2(1): phyir// thugs rje chen po thabs mkhas pas// nyon mongs 'dren cing mtho ris gnas// byang chub lam chen rtog par ston// gsum mchog mtha' yas zhes bya'i dam tshig ni/ chos rnams ma lus thams cad kun// x231b3(1): ming dang tshig tu btags nas ston// ji snyed mang po don brjod kyang // rdo rje gsung la spros pa med// spros med de nyid sna tshogs pa'i// kun tu brda mjal ye shes gsung // sgra dang ming tshig kun las 'das// x231b4(1): thams cad pad+ma chags med pa'o// skur bzang med ces bya ba'i dam tshig ni/ thams cad mkhyen pa'i ye shes kyis// snang srid ma lus thams cad kun// de bzhin nyid du dbang bsgyur te// thams cad ye shes x231b5(1): dbyings su stim// zad med ye shes gter ldan pas// thugs rje'i byin rlabs bsam mi khyab// 'jig rten 'das dang 'jig rten pa'i// so so'i don rtogs rnam par dag/ thams cad skad 'jal zhes bya ba'i x231b6(1): dam tshig ni/ thar pa'i dkyil 'khor 'bum phrag dang // 'gro drug dus gnas ma lus la// gsung gcig tshig tu ma brjod kyang // sngon gyis thugs rje'i byin rlabs kyis// thar dang ma thar gnyis ka la// so x232a1(1): so'i ji ltar 'dod pa bzhin// chos kyis gsung mchog dam pa yis// thar pa bskul zhing ngan song sbyong // rang rig dbang bskur zhes bya'i dam tshig ni// phyogs dus bsam gyis mi khyab pa// de ni ji x232a2(1): bsnyed yod pa yis// mtshan ma sna tshogs btags pa yang // rang rig rnam par rtog pa nyid// sangs rgyas zhing khams rab 'byams na// de bzhin gshegs pa'i dkyil 'khor dang // sprul pa mtha' yas 'byung x232a3(1): ba yang // ye shes rnam par dag pa'i yul// yi ge med 'jal zhes bya ba'i dam tshig ni/ yi ge'i tshig dang sgra spangs pa'i// brjod med ngang du gnas pa ni// gsung gcig rang bzhin med pa yi// chos rnams x232a4(1): thams cad ye nas dag/ thams cad thugs su gyur pas na// sgra dang tshig la gnas pa min// thugs la thugs ni mi gnas pa'o// bdud sde tshar bcad ces bya ba'i dam tshig ni/ nyon mongs pa nyid rnam par dag/ x232a5(1): phung po lnga nyid mngon sangs rgyas// bdag nyid lha yi dkyil 'khor te// skye ba med pa'i g.yung drung gnas// bdud bzhi bcom pa'i skyes mchog gis// dreg pa chen po thams cad bcom// ma rig log 'dren x232a6(1): 'dul mdzad de// chos kyi dbyings su thams cad thims// stong gsum kun tu grags pa zhes bya ba'i dam tshig ni/ thugs rje chen po'i byin rlab kyis// phyogs bcu'i 'jig rten rdul snyed du// 'gro ba'i 'phrin x232b1(1): las bsam mi khyab// sku gsung thugs dang yon tan dang // lhun gyis grub pa'i ye shes kyis// thams cad gdul bya chud ma zos// ngan song sbyong zhing byang chub zhing // ye shes tshogs rdzogs kun tu ston// ye x232b2(1): shes gsung mchog ces bya ba'i dam tshig ni/ 'das dang ma 'das thams cad kun// yang dag shes pas rab brtags na// rang bzhin med pa cir yang snang // snang ba nyid ni dbyings nyid de// de ltar rtog pa'i x232b3(1): ye shes ni// kun la dbang bsgyur rang dbang can// thams cad tshig gi sgra ltar gnas// 'di ni ye shes gsung mchog yin// bsam yas rdo rje gsung zhes bya ba'i dam tshig ni/ chos rnams bsam gyis mi khyab x232b4(1): ste// mtha' dang dbus med kun tu khyab/ khyab dang khyab med rdo rje'i sku// sgra skad sna tshogs bsgrag pa dang // dngos po med la dngos po'i sgra// ji ltar pi wang lag zug na// sgra ni sna tshogs 'byung 'gyur yang // x232b5(1): dngos po med pa de bzhin nyid// phyogs dus dbyer med ces bya ba'i dam tshig ni/ phyogs bcu ma lus thams cad dang // dus bzhir 'byung ba ma lus kun// phyogs dang snga phyi med pa yi// thams cad de bzhin x232b6(1): nyid kyis dbyings// 'jig rten 'das dang 'jig rten pa'i// so so'i snang ba thams cad kun// rang rig rgyal po yang dag 'dus// rang rig de bzhin thams cad yin// 'jigs med rdo rje zhes bya ba'i dam x233a1(1): tshig ni// 'dus ma byas nyid 'dus byas yin// 'dus byas snang ba rdo rje nyid// snang dang mi snang gnyi ka min// yod med pa'ang dbyer med de// rang bzhin ye nas dag pa yi// ma bcos ma byas dang x233a2(1): gi gsal// gzhig dang gshig par bya ba min// cis kyang mi tshugs rdo rje'i bdag/ de bzhin sku nyid ces bya ba'i dam tshig ni/ de bzhin zhing khams bsam yas dang // 'gro ba ma lus thams cad la// thar pa x233a3(1): rnams la dag pa'i sku// rtog pa rnams la 'khor ba'i las// so sor mtshams par don ston cing // ston pa nyid na dngos po med// chu zla'i tshul du kun tu snang // kun la de ltar rtogs par byos// lhun grub de x233a4(1): nas zhes bya'i dam tshig ni/ chos rnams ma lus thams cad la// byang chub snying po yod par lta// rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// x233a5(1): bdag gis ngang du gnas pa ni// bdag la bdag ni dbang bskur nas// spyod yul thams cad sngon nas shes// che mchog rnam dag ces bya ba'i dam tshig ni/ rig pa rang dbang gyur pas ni// thams cad kun la x233a6(1): dbang bsgyur te// gong na med pa'i sa gnon nas// thams cad kun gyi gtso bo yin// thams cad ma lus gnyis min pa// sgom dang sgom par bya ba min// de bzhin nyid la dbang sgyur pas// thams cad x233b1(1): dbyings su ro cig go/ chos kyi 'khor lo zhes bya ba'i dam tshig ni/ phyi nang snod bcud bdag rnams la// rang bzhin dkyil 'khor ye nas gnas// chen po'i gzugs snang thams cad ni// de bzhin gshegs x233b2(1): pa'i dkyil 'khor nyid// sgyu ma rtsal rnams 'dzin gyur pa// de bzhin yul gyi dkyil 'khor ro// rang rig byang chub dkyil 'khor te// thams cad kun la 'khyil bar gnas// zad med gter chen zhes bya ba'i x233b3(1): dam tshig ni/ zag bcas gnod sbyin nor 'dra ba// sems can 'phel 'grib zad 'gyur gyis// de bzhin gshegs pa'i yon tan ni// zad med 'phel 'grib med pa yi// mang du spro bas phra mi 'gyur// nyung ngu x233b4(1): bsdus pas sbom po min// zad med rin chen gter yin pas// thams cad kun tu khyab pa'o// rnam dag byang chub ces bya ba'i dam tshig ni/ chos rnams ma lus thams cad kun// ye nas rnam par dag pa la// x233b5(1): rnam rtog skyon gyis glo bur dang / khams gsum 'khor ba'i btson ra nas// rang rig sgrib med dag pa yis// mya ngan 'das dang 'khor ba gnyis// rang bzhin med par don rtogs nas// sangs rgyas zhing du rnam x233b6(1): par dag/ gzung 'dzin dral byed ces bya ba'i dam tshig ni/ phyin ci log tu rnam dag brtags pa yi// bdag dang bdag gir so sor snang // de la 'dzin pa gnyis zhugs nas// rang bzhin med kyang so sor snang // x234a1(1): yang dag rtog pas rab brtags na// dngos po thams cad stong pa yin// dngos dang dngos nyid mi gnas pa// de rtog sdug bsngal bral byed cing // yum gyur dbyings phyug ma zhes bya ba'i dam tshig ni// x234a2(1): 'byung ba lnga la brten gyur na// thams cad 'byung zhing ma lus gnas// skye 'khrul ma lus zhi yang yin// thams cad kun gyi sgra yang yin// de bzhin shes rab rnam gsum gyis// le lo med pa'i brtson 'grus x234a3(1): 'bod// de bzhin dbyings nyid rtogs gyur na// bla med byang chub 'byung ba'i gnas// chos la skyon med ces bya ba'i dam tshig ni/ bla na med pa'i dkyil 'khor dang // ngan song gnas rnams ma lus kun// rgyu x234a4(1): nyid rang bzhin gnyis ka dang // rang bzhin ye nas de bzhin no// 'bras bu rnam par dag pa ni// 'jig rten brtan g.yo la sogs la// snang ba nyid ni ngo bo med// de bzhin chos sku chen po yin// sems can x234a5(1): don byed ces bya ba'i dam tshig ni/ byang chub sems su rgyu cig pas// rtsa ba snying rje'i chen po 'byung // thabs kyi pha rol phyin pa spyod// nyon mongs lam las 'grol bar byed// nyon mongs khams gsum gnas pa x234a6(1): yang // phyin ci log nyid snang ba yin// de rtogs mtho ris thar pa'o// rtog nas don 'dzin ces bya ba'i dam tshig ni// thams cad lhun gyis grub pa dang // sgyu ma mig yor tshul shes pa// gnyis kar rang rig x234b1(1): nyid du 'dus// de nyid yang dag yin par bshad// sgra dang tshig tu brjod pa ni// yang dag don gyi snying po byin// ming tshig sgra la mi brten par// blo yi steng du go bar byos// sems la gnas bcas zhes bya x234b2(1): ba'i dam tshig ni/ thams cad ma lus chos su cog/ sems nyid las ni gzhan na med// sems dang chos su dbyer med pas// byang chub lam de ring ba min// byang chub sems zhes brjod pa ni// gang na ma 'ong x234b3(1): gar mi 'gro// rtog med rang rig kho na tsam// sangs rgyas sems can sems la gnas// brjod med spros med ces bya ba'i dam tshig ni/ 'jig rten 'das dang 'jig rten pa'i// sna tshogs ji snyed brjod pa x234b4(1): yang // so so'i mtshan nyid ma gtogs pa// ba spu'i cha tsam brjod pa med// bsod nams chen pos btangs pa yis// sangs rgyas zhing nyid dag pa 'o// las ngan dag gis khams gsum gnas// de nyid x234b5(1): dbyings las spros pa med// mi 'gyur rdo rje gsung gi dam tshig ces bya ba ni/ rnam dag sku gsum sprul pa dang // che mchog sna tshogs bstan pa yang // byang chub sems las snang gyur te// snang ba nyid nas dbyings x234b6(1): su dag/ phyin ci log g.yo bsam yas kyis/ khams gsum gnas dang lam lngar 'khor// de nyid log rtog sna tshogs snang // de la ma rtogs gang yang med// ye nas ma bcos zhes bya ba'i dam tshig ni/ bla med x235a1(1): byang chub smos ci dgos// 'gro lnga ma lus thams cad kun// ye nas byang chub snying por gnas// de bzhin dbyings kyi kun tu khyab// ji lta ba yi ngang gnas la// de ltar rtogs pa'i blo 'jug pas// x235a2(1): gnyis su med par rtogs 'gyur na// su yis 'chos shing su yis rtog/ rang bzhin 'od gsal zhes bya ba'i dam tshig ni/ chos rnams ma lus thams cad kun// rang bzhin ye nas dag pa yis// sus kyang ma x235a3(1): byas ngang gis gsal// ma chags pad+ma 'dra ba yis// ye shes can gyi spyod yul te// kun dang thun mong de ma yin// de bzhin gshegs pa'i spyod yul te// skyes bu blo rtsal rab kyis rtogs// thams cad dbyings x235a4(1): phyug ma zhes bya ba'i dam tshig ni/ mi zad yon tan gter gyur pa// zad pa'i dus med yid bzhin mdzod// bdag dang bdag gis med pa yi// shin tu zab pa'i blo las 'byung // chos dbyings zab mo'i don x235a5(1): rtogs na// sku dang ye shes bsam mi khyab// rang rig ye shes don rtogs na// skye shi med pa'i g.yung drung thog/ byang chub snyoms byed ces bya ba'i dam tshig ni// gzung 'dzin bral ba'i ye shes kyis// chags x235a6(1): med dbyings la mnyam bzhag na// thams cad de bzhin nyid kyis zhing // nyon mongs sdug bsngal 'byung mi 'gyur// chos kyi rang bzhin ji lta bur// bdag gis yang dag rtogs byas te// theg pa dman dang phyin x235b1(1): ci log/ thams cad mnyam pa'i dbyings su dag/ phyogs dus gnyis med ces bya ba'i dam tshig ni/ phyogs bcu dus bzhi thams cad kyang // rtog pa'i mtshan ma so sor snang // snang ba nyin na dbyer med nyid// x235b2(1): mtha' dbus med de zlum pa yin// de bzhin rang gi rig pa yang // mtha' dang dbus med du ma min// gang du'ang mi 'gro kun tu khyab// kun la de bzhin mi gnas pa'o// thams cad 'byor x235b3(1): ldan zhes bya ba'i dam tshig ni/ chos rnams so sor rtogs byas shing // thams cad gnyis med dbyings shes na// mi zad par ldan rgyan thob ste// kun tu zad med rin chen gter// de bzhin nyid la gnas bcas x235b4(1): nas// nyon mongs sdug bsngal mi 'byung zhing // rtag tu bde gnas byang chub nyid// mtshan dang dpe byad kun dang mnyam// thabs nyid shes rab ces bya ba'i dam tshig ni/ 'di ltar snang ba thams cad kun// x235b5(1): thams cad thabs kyi mtshan nyid de// thabs la thabs ni rnam par spyod// sbyor dang sbyor ba gnyis ka min// sna tshogs snang ba thams cad kyang // snang ba nyid na rang bzhin med// de nyid shes rab yin par x235b6(1): bshad// rtag tu thabs nyid mi dmigs pa'o// shes rab thabs su sbyor ba zhes bya ba'i dam tshig ni/ de bzhin nyid kyi dbyings nyid las// rol pa sna tshogs cir yang 'byung // 'byung ba na yang rang bzhin med// x236a1(1): med pa nyid na sna tshogs snang // thams cad shes rab dbyings las byung // mnyan bsam bsgom pa'i shes rab kyis// shes rab thabs kyi don rtogs byos// kun la de ltar 'byor bar gyis// x236a2(1): gnyis med byang chub shes pa'i dam tshig ni// thabs dang shes rab ldan 'gyur na// gnyis med byang chub sems 'phro ste// kun gyi 'byung gnas byed pa'o// de yis ma byas gang yang med/ kha dog dbyings x236a3(1): dang gang yang min// shin tu brtag dka' sus ma rig/ bdag gis bdag kyang mi mthong na// gzhan gyis rtogs par ga la 'gyur// thams cad sbyor ba zhes bya ba'i dam tshig ni/ ye nas lha mo lha mo yi// dkyil x236a4(1): 'khor yang dag sbyor ba dang // dbang po yul du sbyor ba'o// phung po lnga nyid de bzhin gshegs// 'byung ba lnga nyid yul du sbyor// dus bzhi lha mo nyid du sbyor// rtag chad mu bzhi khro mo'o// thams cad ma x236a5(1): lus 'byung ba kun// mnyam pa'i dbyings dang rigs par bya'o// yang na shes rab dbyings ma la// bde gshegs dkyil 'khor kun bkod nas// bdag nyid rig pa'i lhar bsgoms te// gnyis su med par x236a6(1): / ldan par bya// rdo rje dril bur ldan gyur na// byang chub pad+ma shin tu spro// phyogs dus dkyil 'khor mnyes pa dang // 'gro ba mang po bde thob nas// slar yang gnyis med dbyings su thim// thim 'gyur dbyings x236b1(1): nas phyag rgyar 'bar// bde gshegs thabs dang shes rab rdzogs// phyag rgya drug kyang yang dag rdzogs// bsod nams tshogs chen gnyis kyang rdzogs// thams cad dbyings su 'byor bas na// ngan 'gror mi x236b2(1): lhultung yang dag 'grub// 'di ni sgrol ba chen po yin// sgrol ba nyid na sbyor ba yin// sbyor ba nyid ni ma lus sgrol// thams cad ma lus grol zhes bya ba'i dam tshig ni/ phyi nang snod bcud ji snyed pa// gnas pa'i x236b3(1): sems can thams cad kun// bdag nyid chen po rtag pa yin// dbyings su yang na bsgral bar bya// shin tu khro bo chen po yis// thabs kyis lha chen bsgral ba ltar// chos nyid rtog pa'i ting 'dzin gyis// gnyis x236b4(1): su med pa thabs kyis sgrol// thugs rje chen po'i byin brlabs kyis// lam lnga'i sems can kun bkug nas// thams cad ma lus bsgral bar bya// ri rab chen po gling bzhi la// gnas pa'i sems can ma lus x236b5(1): kun// thugs rje chen pos byin brlabs te// ye shes me chen bsgoms byas nas// thams cad ma lus bsreg par bya// dbyings su yang na bstim bya ste// de bzhin gshegs par byin gyis brlabs// rgyal ba'i x236b6(1): sras su dbang yang bskur// de ltar sgrol ba kun byas kyang // bsgral ba'i dngos po gang yang med// phung po lnga po gzhig pa la// bshigs nas 'byung ba bag la zha// ma gzhig na yang 'byung ba yin// rnam shes x237a1(1): med pas gsad bya ni// gnas pa nyid na dngos po med// sems kyi rang bzhin de la ni// dus gsum sangs rgyas dgrar langs kyang // sus kyang zin cing song ba med// 'ong na thugs rjes gang x237a2(1): bsgral na// rnam rtog mtshan ma thams cad kun// phyin ci log las bzlog byas te// ting 'dzin sngags dang phyag rgya dang // shin tu goms pas dbang bskur te// byang chub zhing la dgod par bya// de tsam la ni x237a3(1): bsgral zhes gdags// sbyor ba nyid na sbyor ba yod// nyon mongs sdug bsngal rtsad bcad nas// byang chub gnas su bsgral bas na// gnyis med dbyings su sbyor ba yin// ma byin len pa zhes bya ba'i dam tshig x237a4(1): ni/ 'jig rten 'das dang 'jig rten pa'i// chos rnams ma lus thams cad kun// bdag dang bdag gis gzhan na min// rang bzhin ngang gis bdag med pa'i// kun la thogs med spyod 'gyur yang // spyod x237a5(1): dang spyod par gnyi ga med// thams cad ye nas stong pa la// gang gis len cing gang la spyod// snang srid ma lus thams cad dang // thogs pa med par spyad gyur kyang // 'chi bar mi 'gyur bsod nams tshogs// x237a6(1): chags med ye shes chen po yin// ma lus thams cad chos kyi dbyings// de nyid rang rig yin par bshad// gnyis su med par rtogs gyur na// blangs pa nyid na kun tu bzang // rdzun du smra ba zhes bya ba'i dam x237b1(1): tshig ni/ chos rnams ma byas thams cad kun// ye nas dngos po yod ma yin// rang bzhin ngang gis 'od gsal ba// ming tsam tshig gis mtshon mod kyis// ming dang tshig la dngos po med// ma rig pa yi 'khrul x237b2(1): / rtog gis// nga dang bdag tu med pa la// so so'i mtshan ma dngos por bzung // 'dzin pa'i dngos por bzung // 'dzin pa'i dngos po yongs med de// chos rnams thams cad ming tshig tsam// ji snyed mang po x237b3(1): brjod pa yang // brjod par byed dang brjod pa med// chos rnams thams cad rdzun du snang // rdzun nyid la ni rdzun spyod do// rdzun zhes rtogs tsar yod ma yin// thams cad rdzun gyi tshig bzhin no// x237b4(1): rdo rje 'joms byed ces bya ba'i dam tshig ni/ thog ma med nas phyin ci log/ thog dang bdag gis med pa la// rnam rtog mtshan mas so sor 'dzin// 'dzin pa dngos po yod ma yin// mi mthun mtshan ma gzhom x237b5(1): pa'i phyir// rdo rje lta bu'i ting 'dzin gyis// bdag rtogs bag chags kun bcom nas// rdo rje dbyings su thim par bya// chos kyi 'khor lo zhes bya ba dam tshig ni/ thugs rje chen po'i byin rlabs kyis/ khams x237b6(1): gsum nyon mongs 'khor ba rnams// gzhan gyis bcings te 'khor ba min// 'dzin rtogs chags pa nyid kyis 'khor// blo chen rab tu ldan pa yis// chos kyi don po mchog nyon la// 'khor ba spangs med sangs x238a1(1): rgyas zhing // thams cad ma lus chos nyid rtogs// rin chen 'byung ba zhes bya ba'i dam tshig ni/ nor gyi mchog ni dkar bdun yin// 'dod pas btsal bas mi rnyed de// rang rig dbyings kyi ye shes x238a2(1): dang // sku gsung thugs 'das mi dmigs pa// chags pa med pa'i tshul gyis ni// gnyis su med par sbyong byas nas// nor bdun chen po 'byung bar 'gyur// mtshan dang dpe byad sna tshogs ldan// pad+ma chags x238a3(1): med ces bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad la// bsgo dang bsgo bar bya ba min// pad+ma 'dam nas skyes pa 'dra// 'di ltar snang ba thams cad kun// x238a4(1): bdag las gzhan du gcig kyang med// bdag nyid shin tu mi dmigs pas// nyon mongs nyid kyang byang chub shing // don rnams grub pa zhes bya ba'i dam tshig ni/ rdo rje rigs kyis thams cad bcom// rin chen x238a5(1): rigs kyis yon tan 'byin// pad+ma'i rigs kyis bag med 'byung // sku gsung thugs dang ye shes lnga// thams cad don rnams rdzogs par bya// gzung dang 'dzin pa rnams spangs te// mnyam pa'i dbyings la x238a6(1): sems kyis blta// skye shi med par lhun gyis grub// nor bdun chen po zhes bya ba'i dam tshig ni// sku gsung thugs dang yon tan dang // phrin las rmad byung kun grags pa// gzhan yang yid 'ong ma yin te// rang x238b1(1): byung ye shes gnas med yin// mtho dman kun gyi gzugs snang dang // bla med byang chub sku snang ba// me long lta bu'i tshul bzhin du// sna tshogs kha dog dbyings su snang // de bzhin gshegs pa'i gsung rab x238b2(1): rnams// sgra dang ming tshig kun las 'das// brjod med rang bzhin kun dag go/ nyon mongs med cing bla med sgra// ma brjod stong gsum grags pa yin// gsung brjod bsam gyis mi khyab pa// brjod pa nyid na x238b3(1): stong gsum med// de nyid sna tshogs brjod pa'o// thams cad mkhyen pa'i thugs ldan pa// yang dag rtogs pas rab rtogs na// gzhi rtsa med dbyings skad cig la// mtha' dang dbus kyang rtag tu med// de nyid x238b4(1): sna tshogs 'byung ba'i rgyu// sus kyang ma bcos ma byas pa// bdag gis bdag kyang dmigs mi 'gyur// dngos med kun la dbang bskur ba// sku gsung yang dag ldan gyur na// yon tan nam mkha'i mtha' dang x238b5(1): nyamam// mi 'gyur sangs rgyas zhing du 'ub// spyod yul ma lus thams cad la// ji ltar dmigs pa bzhin du 'byung // mi zad rin chen gter chen 'grub// gzhan gyis dbrog tu med pa yi// bo de'i dkar ni x238b6(1): rin po che// thugs rje chen po'i byin rlab kyis// bya byed med pa rnams zhi mdzad// mdzad dang mdzad par bya ba med// sgyu ma'i tshul du kun la spyod// spyod med ngang gis dkyil 'khor la// chags med tshul du rnam x239a1(1): par rol// bya byed rnam pa sna tshogs kyang // byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod mod kyis// brjod pa'i mtshan nyid yongs med de// mtshan nyid x239a2(1): med pa sna tshogs snang // de nyid thams cad mkhyen nyid yin// kun la khyab cing mi gnas pa// de ni rig pa rang dbang 'gyur// bsam gyis mi khyab kun tu khyab// nam mkha'i snang byed ces bya ba'i dam tshig ni// x239a3(1): sa rnams ma lus thams cad la// de bzhin nyid kyis kun tu khyab// snod bcud ma lus thams cad la// snang ba chen pos khyab par 'gyur// nam mkha' gzung du med pa ltar// snang srid thams cad de dang x239a4(1): 'dra// chos rnams thams cad sems yin no// sems ni nam mkha'i rang bzhin no// rten byed pa zhes bya ba'i dam tshig ni/ ji ltar sa gzhi chen po la// sems kyis zin dang ma zin pa'i// skye 'khrungs ma lus x239a5(1): thams cad 'byung // thams cad kun gyi gnas brten te// de bzhin theg chen bla med la// byang chub sangs rgyas kun kyang gnas// theg pa mtho dman thams cad 'byung // thams cad theg chen dbyings su x239a6(1): 'dus// sreg byed ye shes me zhes bya ba'i dam tshig ni// bdag med rang rig ye shes kyis// dngos dang dngos min bag chags bsreg/ rang dang spyi yi chos rnams dang // sems kyi rnam rtog thams cad kun// x239b1(1): dngos po med par rtogs byas nas// 'khor ba ma spangs rnam par dag/ mya ngan mi 'das ye nas gnas// 'gro dang gnas par bya ba min// rtog pa thams cad ye shes tshogs// thams cad 'khru byed ces bya ba'i x239b2(1): dam tshig ni/ sems can ma lus thams cad kun// sgrib gnyis dag pas 'khor bar 'gyur// mnyan bsam bsgom pa'i shes rab kyis// bden pa nyid kyis rtogs byas nas// pha rol phyin sogs sa bcu x239b3(1): 'grub// sa gsum yang dag rdzogs byas te// mnyam pa'i zhing la thams cad bkod/ khrus kyi mchog ni de yin no// g.yengs byed chen po zhes bya ba'i dam tshig ni/ sems dang rdul rnams med rtogs pas// ye x239b4(1): shes rlung gis bag chags gtor// chos rnams ye shes rlung dang 'dra// de la gzung du med pa ltar// kun la de ltar 'byor bar gyis// ma bcos ye nas de ltar gnas// thams cad kun la dbang bsgyur zhes bya/ x239b5(1): ba'i dam tshig ni/ rang rig phyin ci ma log pa'i// gzung 'dzin gnyis med rtog pa yis// thams cad mnyam pa'i ngang gyur na// thams cad ma lus bdag yin pas// thams cad kun la dbang bsgyur te// ji x239b6(1): ltar dmigs pa bzhin du 'grub// ji ltar spyod kyang bsod nams tshogs// mnyam rig ye shes chen po yin// chos thams cad gzugs brnyan ltar shes pa'i dam tshig ni/ thams cad 'byung ba'i gnas yin te// x240a1(1): snang ba nyid na 'ja' tshon bzhin// rang bzhin med pa kun tu snang // de nyid chos sku yin par bshad// cis kyang ma gos spangs pa'o// so so'i snang bzhin mthun pa'i gzugs// bdag dang bdag tu x240a2(1): ma rtog pa// de lta bu yi ngang du snang // chos rnams sgra ltar shes pa zhes bya ba'i dam tshig ni/ sgra rnams ji snyed brjod pa yang // dngos po med las dngos po'i sgra// brjod dang sgra yi dngos po min// chos kyi sgra ltar x240a3(1): shes par byos// thams cad ma lus don 'byung ba'i// tshig gis mtshon las gud na med// sgra nyid don gyi dngos po min// don nyid sgra las gud na med// chos rnams dri'i mtshan nyid du shes par bya ba'i dam x240a4(1): tshig ni/ chos rnams thams cad dngos po med// sna tshogs 'byung zhing rnam par 'phro// de bzhin dri yi dngos po yang // yod pa ma yin kun tu gnas// the tshom med pa'i shes rab kyis// chos kun de ltar x240a5(1): sa par gyis// dri yis rab tu tshim gyur kyang // dri dang gnom pa gnyis su med// chos rnams ro ltar shes pa zhes bya ba'i dam tshig ni/ chos rnams ma lus thams cad kun// gzhi rtsa med las thams cad x240a6(1): 'byung // de bzhin dbang po dngos med dang // rdzas kyis dngos po med pa yis// rnam shes dbang po yul tshogs ni// ro yi dbang po thams cad 'grub// ro dang ro ru rtog pa yang // rang bzhin med par skad x240b1(1): cig ma// chos rnams reg bya ltar shes pa zhes bya ba'i dam tshig ni// gzugs ni dbu ba rdos pa 'dra// tshor ba chu yi chu bur bzhin// mtshan 'dzin smig rgyu bzhin du gnas// rnam shes sgyu mas dbang bsgyur na// x240b2(1): mtshan ma sna tshogs 'byung bar nges// bde ba'i ro mchog kun kyang myong // de nyid bsod nams tshogs chen te// bde ba'i bde ba chags med yin// 'dus byas rnam par dag pa zhes bya ba'i dam tshig ni/ yang x240b3(1): dag nyid la gnas bcas nas// phyi nang snod bcud rnam par dag/ rig par snang ba de bzhin gshegs// sgyu ma 'dzin pa yum gyi dbyings// gzugs kyi mtshan ma dngos po med// gcig la lnga lngar gzhig pa x240b4(1): dang // thams cad mnyam pa'i ngang du gnas// nam mkha' de bzhin chos kyi dbyings// 'dus ma byas kun tu 'byung ba zhes bya ba'i dam tshig ni/ gshegs sku sgyu mar snang ba dang // log lta sgyu mar snang ba gnyis// x240b5(1): gzhi rtsa med de rang bzhin stong // rigs dang rgyu dang rtag pa med// rigs dang kha dog dbyibs med las// phyi nang snod bcud thams cad snang // snang ba nyid na chos kyi sku// cir yang 'gyur zhing thams cad x240b6(1): 'grub// glang po brjid gnon zhes bya ba'i dam tshig ni/ sems can ma lus thams cad kun// rnam rtog 'du byed mang pos g.yengs// ji ltar byis pa shed ma bye// bya byed mang pos g.yengs par gnas// bya x241a1(1): byed mang pos bdag med par// ting nge 'dzin gyi dbang gyur na// mtshan ma mnyam pa'i dbyings su gnan// 'du byed sna tshogs mi g.yo brtan// dbang lnga rdzogs pa zhes bya ba'i dam tshig ni/ chos x241a2(1): rnams thams cad skye med pas// shin tu brtan pa'i dbang thob 'gyur// rang rig ye shes 'od gsal bar// thams cad mkhyen pa'i dbang yang thob// chos rnams thams cad dbyer med pas// kun la spyod pa'i x241a3(1): dbang thob ste// spyod cing chags pa med pa'i tshul// kun kyang rang bzhin ye nas mnyam// thams cad rgyas 'debs zhes bya ba'i dam tshig ni/ phyogs bzhi mtshams bzhi steng 'og tu// rang byung chen pos kun tu x241a4(1): khyab// rang byung de nyid dngos med par// kun gyi phyag rgya'i rgyud yin no// chos dbyings de nyid zab pa yi// kun la gnas shing brtag dka' 'o// mnyam pa'i dbyings su thams cad 'dus// ye nas bde gnas x241a5(1): zhing du'o// chos rnams dbyer med ces bya ba'i dam tshig ni/ ye nas dbyings su ro gcig pas// de las nga dang bdag ma rtog/ rang bzhin rnam par dag pa la// gtsang dang dme ba'i blo ma byed// thams cad x241a6(1): bde gshegs snying po bas// rkyen gyi rdul gyis ga la 'gro/ shes rab mchog gis de ltar rtogs// ma lus kun 'dus dbyings shes byos// thams cad 'jig rten zhes bya ba'i dam tshig ni/ shes rab blo rtsal x241b1(1): ldan pa yis// bdag rtog mtshan ma kun gzhig nas// mtshan nyid med pa'i phyag rgya ru// thams cad 'dus par yang dag rtogs// rtogs pa nyid na dngos med do// de nyid sna tshogs par snang ba// snang ba nyid x241b2(1): na bya byed med// de nyid 'jigs pa'i phyag rgya yin// g.yung drung tshe 'phel zhes bya ba'i dam tshig ni/ chos rnams thams cad bdag yin pas// rang rig ye shes 'od gsal bas// thams cad mkhyen pa'i dbang x241b3(1): yang thob// chos rnams thams cad dbyer med pas// kun la spyod pa'i dbang yang thob// spyod cing chags pa med pa'i tshul// kun kyang rang rig ye nas zlum// thams cad sangs rgyas 'di zhes bya ba'i dam tshig x241b4(1): ni/ gang du 'gro zhing gang du skyes// 'jig dang skyes pa'i dngos po med// dngos med de las su zhig song // gang gis gnyis su 'dzin pa la// skyes dang 'chi ba de la yod// ye shes spyan gyis brtags pa na// x241b5(1): skye 'jig nyid na dngos po med// thams cad mi 'gog pa zhes bya ba'i dam tshig ni/ mchog gsum rdzogs pa man chad nas// ngan song gnas rnams thams cad du// yang dag par ni dbyer med de// gang yang x241b6(1): spangs par bya ba min// theg pa mtho dman bsam yas pas// don du mi 'gyur yongs ma gsungs// ngan song gnas rnams thams cad kun// bla med byang chub rgyu yod pa'o// thams cad spyod pa zhes bya ba'i dam x242a1(1): tshig ni/ thams cad kun tu bzang po yis// 'dod pa'i yon tan lnga rnams la// thogs pa med par sbyong byas te// bsod nams tshogs chen yin par brtag/ de bzhin gshegs pa lnga ru brtag/ x242a2(1): gzhan yang stong khams thams cad na// shes rab dbyings dang 'dod yon rnams// rab 'bring tha ma thams cad spyad// thams cad mi chud pa zhes bya ba'i dam tshig ni/ phyogs dus mnyam pa'i dkyil 'khor du// x242a3(1): rdo rje rigs mchog ma rtogs pa// theg pa dman dang lta ba dman// de bzhin theg mchog rtogs mi 'gyur// mnyam pa'i dbyings kyis kun khyab kyang // nyon mongs sdug bsngal nyid kyis sgrib// de yis yang dag x242a4(1): nyid mi mthong // ma mthong ba la mi chud bya// thams cad bsrung du med par zhes bya ba'i dam tshig ni/ thams cad ma lus sangs rgyas la// sgrub cing bsrung bar bya ba med// dge dang mi dge gnyis ka med// nyon x242a5(1): mongs spong zhing bya sgrub med// de bzhin nyid kyis glud gyur na// bde dang mi bde dbyer med de// ye nas dag mnyam nyid du gnas// de la bsrung du rdul tsam med// thams cad bsrung ba zhes bya ba'i dam tshig x242a6(1): ni/ sems can khams gsum 'khor ba yis// thog ma med nas sems yan btang // phyin ci log kyang 'jol tog spyad// gzung 'dzin don la shin tu chags// de nas 'khor bar rtag tu 'khyams// de bas rang x242b1(1): sems rtogs byas te// le lo g.yengs pa yongs spangs nas// nga med bdag med mnyam par srungs// thams cad 'jigs byed ces bya ba'i dam tshig ni/ rdo rje ses dpas bkas bcad pa'i// sdom pa'i rtsa ba x242b2(1): thams cad kun// de bzhin du ni ma bsrung na// yak+Sha khro bo med dpal gyis// snying nas drangs te khrag 'thung na// ngan song gsum du skye bar 'gyur// de yi sdug bsngal bzod blag chad// dam tshig 'di ni rdo rje x242b3(1): che// dam rdzas so sor spyad pa zhes bya ba'i dam tshig ni/ rigs lnga so sor dbye ba yis// rdo rje sems dpa' glang po'i sha/ rin po che ni rta yi sha/ pad+ma nya'i sha chen po ste// don yod nam mkha' lding gi sha/ de x242b4(1): bzhin gshegs pa sha chen te// dbye 'am yang na mi dbye bar// yang na thams cad gcig tu bsdus// yang na mtshan nyid med par brtag/ ting nge 'dzin gyis dam tshig ni// thams cad ma lus chos so cog/ de x242b5(1): bzhin nyid kyis rgyas btabs pas// gnyis su dbyer med ting 'dzin brtan// de ltar sangs rgyas sems can ni// rang rig byang chub sems yin pas// dus gsum na ni rgyal mi bzhugs// sus kyang ma bcos x242b6(1): ma byas pa'i// brjod pa'i tshig las 'das pa de// rgyal ba yin zhes rgyal bas gsungs// de ltar shes pa rgyal ba bas// thabs mkhas shes pa'i ting 'dzin yin// phyag rgya'i dam tshig ni/ bde gshegs dkyil x243a1(1): / 'khor ma lus kun// ye nas rang bzhin 'od gsal ba// thams cad kun la yod par bshad// ye shes sems dpa'i dkyil 'khor nyid// bla na med pa'i mchog yin no// rdo rje rigs mchog thams x243a2(1): cad kyis// bar ma chad par rtag tu bsgrub// byang chub shing drung skye bar 'gyur// bla med byang chub mchog kyang 'grub// skye shi med pa'i bde 'grub ste// sems la dbang yang thob par 'gyur// spyod yul thams x243a3(1): cad smon na shes// gang zhig dkyil 'khor 'di spangs na// nyon mongs ngan song gnas su skye// byang chub 'bras bu thob mi 'gyur// bla med 'gro ba'i rgyur yang bshad// rig 'chang nyid du gnas par 'gyur// rdo x243a4(1): rje sems dpa' 'grub 'dod pas// rtag tu mnyam pa'i don rtogs la// sku ni 'ja' tshon tshul 'dra ba// snang la rang bzhin med par bsgom// 'khor rnams chu zla'i tshul shes pas// gsal la rang bzhin med x243a5(1): par bsgom// lha yi sku rnams gsal bsgoms nas// bsod nams tshogs chen thob par 'gyur// de nyid gzugs brnyan tshul shes na// ye shes tshogs chen thob par 'gyur// rnal 'byor pas ni rtag tu bsgom// x243a6(1): yi dam lha de spangs byas na// ngan song mi bde rtag tu myong // sngags dang phyag rgya rgyun mi chad pa'i don ni/ sngags dang phyag rgya bar mi bcad// rnal 'byor sgrub pa'i lam yang yin// mi gtor sdong zhing 'dren x243b1(1): pa'ang yin// don mchog rdzogs pa'i gnas yin te// rtag tu mnyam bzhag phyag rgya yin// dug gsum stong 'byin sngags yin te// yang dag don chen blang 'dod pas// dus mtshams med par phyag rgya sngags// x243b2(1): yid brtan drag tu bzlas brjod bya// yon tan nam mkha'i mtha' dang mnyam// phyag rgya brjod dang yi ge oM// rdo rje slob dpon gyi mtshan nyid bstan pas/ bla med dkyil 'khor ston pa'o// yon tan zad med x243b3(1): sbyin pa yin// byang chub lam chen 'dren mdzad pa'i// chags med zhing du dgod pa yin// nyon mongs sdug bsngal rtsad gcod cing // 'khor ba'i lam rnams stongs par byed// ma rig mun sel sgron ma yin// x243b4(1): long ba rnams kyi dmigs bu mkhan// de la rtag tu mchod byas pas// sangs rgyas byang chub thag mi ring // rdo rje mched dang lcam dral gyis mtshan nyid bstan pa/ rdo rje rigs kyi spun yin te// thog ma med nas x243b5(1): las mthun pas// lha spyod gcig tu 'dir skyes te// gcig la gcig ni mig 'drar bya// shin tu gdung zhing brtse bar bya// mched la rngam sems dpa' bas na// dmyal ba chen por ltung bar 'gyur// de bas x243b6(1): dam tshig 'da' ma byed// gsang ba'i mtshan nyid bstan pa ni// de bzhin gshegs pa'i dkyil 'khor ni// srid gsum ma lus kun la khyab// phyin ci log gis rang sgrib nas// dbul mo'i gter dang gyad kyi x244a1(1): / nor bu 'dra// de bas rdo rje gsang mchog 'di// thams cad mkhyen pa'i thugs rje yis// chos la skyon yod ma yin te// sems can don phyir shin tu gsang // theg pa dman dang phyin ci log/ de la x244a2(1): gsang ba bstan 'gyur na// rang bzhin gsang don mi shes par// 'phral gyi spyod yul de dag las// shin tu nges pa'i don bzung nas// gsang don de nyid log par khrid// ma rtogs de nyid dmyal bar 'gro// de x244a3(1): bas rab tu gsang bar bya// thugs rje chen po dang ldan pas// thar lam kun la mkhas par bya// shes rab mchog dang ldan pas ni// sems can snod rim dang sbyor zhing // theg pa mtho dman de nyid ni// so x244a4(1): sor 'tshams par bstan dgos so// dang du blang dang mi spangs dang // rnal 'byor pa yis rtag tu spyod// chags pa med par 'gyur ba dang // dngos grub ya mtshan chen po ni// dam tshig mdor bshad nang nas x244a5(1): 'byung // ma rtogs pa yis spyad gyur na// yi dwags srin po'i gnas su skyes// yang na dam tshig 'di lta bur// byed spyod tshogs chen gnyis su 'gyur// 'gro dang 'dug dang nyal ba ni// mnyam nyid de yi dbyings x244a6(1): na gnas// shes rab mchog gis rtag tu gyis// chos rnams ma lus thams cad la// bya lam nam 'phang gcod pa bzhin// 'dzin chags ma lus thams cad kun// nam mkha'i rlung chen 'phyo ba bzhin// yid kyi x244b1(1): rtogs pa ma lus pa// chu la nya chen 'phyo ba ltar// rnal 'byor lta ba de ltar ltos// de ltar rtogs pa'i shes rab kyis// tshig tsam ma yin blo gting spos// rdo rje theg chen khas 'che la// mnyam pa'i don nyid mi x244b2(1): shes par// gsang sngags dam tshig mnyam zer zhing // thugs thub dag tu spyod byas pa// dmyal khams dag tu brgyud par 'gyur// mnyam pa'i don nyid ji lta bur// mnyam nyid rang bzhin gang yang min// x244b3(1): mnyam dang rtag pa gang yang med// ci la'ang mi gnas kun la spyod// spyod par byed pa spyod pa med// de ltar rtog pa'i rigs mchog ni// rdo rje rig 'dzin skye ba yin// 'jigs med kun tu bzang por spyod// x244b4(1): / yon tan mi zad gnas kyang yin// mnyam pa'i don nyid mi shes shing // kun rdzob don dam gnyis med la// chos dang gang zag bdag med la// 'di ni byang chub sems dpa' yin// las dang nyon mongs x244b5(1): thams cad la// mnyam pa'i don du mi shes shing // rten 'brel rgyu 'bras yod 'dzin na// 'di ni rang sangs rgyas kyi sa// chos rnams ma lus thams cad la// bden bzhi'i dngos po yod lta zhing // spong dang mi x244b6(1): spong byed 'gyur la// 'di ni nyan thos pa yi sa// dge bcu dag la gtsor len cing // dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid mi rtogs x245a1(1): shing // tshad med bzhi dang bsam gtan bzhi// rim par so sor bdag 'dzin cing // gzugs sogs rnam la bdag tu rtog/ 'di ni tshangs gnas rim par skye// mnyam gnas gzugs med ma x245a2(1): gtogs nas// skye mched bzhi la gnas gyur pas// srid pa'i rtse mo'i sa ru skyes// thams cad mnyam par ma skyes nas// ma lus kun la zhe sdang zhing // snying rje yang dag med gyur na// 'di ni mi bzod chen po x245a3(1): yi// dmyal khams bcu drug gnas pa yin// chags med dngos po mi shes nas// thams cad kun la 'dod chags shing // lus kyis sgrib dang zas kyis sgrib// yi dwags chen po'i gnas su skyes// nga dang x245a4(1): bdag med mi shes shing // chos rnams kun la rmongs pas shing // shes rab gsal don med pas ni// dge sdig gnyis kyis don ma rtogs// 'di ni byol song gnas su skyes// shin tu nga rgyal cher skyes shing // x245a5(1): thams cad bdag gir bzung ba nas// kun la rtsod pa'i las byed cing // lha ma yin gyi gnas su skyes// theg mchog mtho dman thams cad dang // 'jig rten lta ba thams cad kun// ye shes chen pos rab x245a6(1): brtags na// rang bzhin med la ci yang 'grub// rang bzhin dbyings las nyams par byed// shes rab chen pos mig ldan pas// mtho dman gnas dang lam drug gnas// so so'i de bzhin 'khor ba x245b1(1): gzigs// sngags mchog bla na med pas ni// mtshan ma kun tu mi brtag par// mnyam pa'i ngang du thams cad med// kun kyang mnyam pa nyid yin pas// 'jig rten 'das dang 'jig rten pa'i// so so'i lta ba x245b2(1): brjod mi bya// spyir ni log rtog bsam yas pa// ye nas yod pa ma yin te// so so'i rnam rtog bag chags kyis// gzung 'dzin dra bas sgrib 'gyur te// ci yang med la cir yang snang // snang ba nyid na rang bzhin x245b3(1): med// de ltar rtogs na bde 'gro'i gnas// rdo rje can gyis de ltar rtogs// rnal 'byor chen po'i lha spyod ni// ji ltar spyod kyang rang bzhin med// mkha' la bya chen lding ba bzhin// chu la rgyal chen 'phyo ba x245b4(1): bzhin// rnal 'byor lta ba de ltar blta'o// rnal 'byor spyod pa chen po ni// thams cad kun la dbyer med spyod// bde ba'i ro mchog myong 'gyur te// de las su zhig chags par byed// dbyer med bzhin chags x245b5(1): ye shes yin// bde ba'i tshogs nyid bsod nams tshogs// de lta bu yi ngang du spyod// 'di ni spyod pa rlabs chen yin// lha spyod ya mtshan ma gyur pas// sngags 'chang rnams kyis rtag tu spyad/ kha cig lta ba mnyam x245b6(1): gnas kyang // spyod pa dag dang yod ma mnyam/ kha cig spyod pa rdzogs byed kyang // mnyam pa'i lta ba yongs mi shes/ kha cig lta spyod gnyis ka med// yang dag skyes mchog dam pa yis// don dam kun rdzob x246a1(1): dbyer med par// yang dag nyid du rab tu rtog/ bla med theg pa'i nang nas ni// don dam du ni dbyer med de// kun rdzob tsam du thams cad la// dag dang ma dag gnyis kar 'dzin// thabs kyi theg x246a2(1): pa chen po ni// rnam par byang dang sdug bsngal dag/ kun rdzob tu yang dbyer med de// lta ba mtho dman de tsam mo// thabs kyis lta spyod chen po ni// bla med theg pa las 'phags pa// don dam du ni nor bdun x246a3(1): no// kun rdzob tu ni mnyam rdzogs so// mnyam pa nyid las ma g.yos bzhin// thabs kyis pha rol phyin pa ston// thabs dang shes rab rnam par dag/ thams cad dag ces bya ba yang // dngos po gsal dag ma x246a4(1): yin te// snang dpyod nyid na rnam par dag/ dam tshig chen po'i mod rnams las// rigs lnga dag tu bstan pa ni// chos rnams ma lus thams cad kun// rin chen dag tu zad par 'dus// ma lus chos kun x246a5(1): dbyer mi dmigs// cis kyang mi tshugs rdo rje yin// mi dmigs dbyings nas kun 'byung ba// yon tan chen po'i gnas yin te// zhing khams mi zad gnas kyang yin// 'di ni rin chen rigs su gsungs// x246a6(1): chos rnams thams cad dbyer med pas// chags dang chags par bya ba med// de bzhin nyid du don gcig ste// nyon mongs nyes pas mi gos pa// thams cad ma lus dbyings 'dus pas// 'di la bya ba rdul x246b1(1): tsam med// ma byas bzhin du don 'grub pa// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du ma bral// gang yang ma yin de x246b2(1): bzhin nyid// dbyer med pa yi tshul rtogs te// 'di ni de bzhin gshegs pa'i rigs// snang srid ma lus thams cad la// gsal zhing dro ba'i gnas byed cing // mtshan ma bag chags sreg byed pa// 'di ni me x246b3(1): yi rigs su bshad// chos rnams ma lus thams cad la// dngos por snang ba gzung du med// ngang gis ye nas 'byor ldan zhing // gnyen chags nyid du gnas pa ni// yang dang yang du rgyun mi chad// mi x246b4(1): bde drag pas chu chen yin// chos rnams ma lus thams cad la// dngos snang thams cad gzung du med// bskyod nas thams cad kun smra ste// 'di ni rlung chen yin par bshad// dam tshig chen po'i mdo rnams x246b5(1): las// 'byung ba lnga rnams bshad pa ni// thams cad ma lus 'byung ba yin// thams cad ma lus mtsho skyes yin// chos rnams ma lus thams cad la// sra zhing brtan pa'i gnas yod pas// dngos po med pa'i x246b6(1): tshul rtogs te// 'di ni chen po yin par bshad// chos rnams ma lus thams cad la// de bzhin nam mkha'i chen po yi// phyi dang nang gi go 'byed pa'o// thams cad gsal ba'i ngang yin te/ 'byung ba bzhi po x247a1(1): thams cad kyang // thams cad nam mkha'i ngang du thim// chos rnams ma lus thams cad kun// de bzhin nyid kyis dbyings su nub// nyon mongs lnga zhes bya ba'i dam tshig ni/ ma rig pa ni rig par 'gyur// phyin x247a2(1): ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du 'gro// de bas zos bsam sgom pa yi// yang dag don rnams rtogs byas te// x247a3(1): thams cad sangs rgyas zhing du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags pa la chags pa ni// shin tu chags mchog chen po x247a4(1): yin// rgyal ba'i zhing khams 'byung 'gyur ba// snang mtha' yas kyi zhing dag yin// thams cad pad+ma rdzus las skyes// rdo rje 'dzin gyis sa ru skyes// zhe sdang chen po'i mtshan nyid ni// phyin ci log la zhe x247a5(1): sdang zhing // zhe sdang dngos po med sems na// sdang dang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun tu dbyer med de// de ltar ma rtogs kun la snang // x247a6(1): de bzhin phal gyis mnyam mi shes// de ni zhe sdang nyid du mthong // yang dag rtog pas rab brtags na// zhe sdang thugs rje chen po yin// mnyam pa chen po'i ngang nyid ni// thams cad kun tu dbyer med la// gti x247b1(1): mug rmongs pa zhes brjod pa// chos rnams ma lus thams cad kun// don dam du ni dbyer med la// kun rdzob sgyu ma mig yor tshul// snang ba nyid na dngos med pas// de las su zhig bdag tu 'dzin// thams x247b2(1): cad dbyer med mi dmigs pa// shes rab can gyi gti mug yin// de rtogs de bzhin gshegs pa'o// nga rgyal mtshan nyid bstan pa ni// mnyam pa nyid la gnas bcas nas// phyin ci log dang theg dman la// x247b3(1): shin tu nga rgyal chen por snang // nga rgyal bzhi pa so sor snang // rang bzhin med pas dbyings su 'dus// 'di ni yon tan 'byung gnas te// de bzhin gshegs par shes par byos// phrag dog mtshan nyid brjod x247b4(1): pa ni// nga dang bdag tu 'dzin pa ste// 'dzin nyid dngos po yod ma yin// mnyam nyid shes la phrag dog cing // thams cad mnyam pa nyid du 'dus// mi mnyam pa la shin tu sdom// de bas phrag dog chen po yin// / x247b5(1): phyin ci log ni bdag tu 'chings// gzung dang 'dzin pas shin tu dog/ gzung 'dzin bral ba'i ye shes ni// dog yangs med de thams cad mnyam// de nyid shes pas las rab 'grub// phung po lnga zhes bya ba'i x247b6(1): dam tshig ni// phung po lnga por snang ba yang // kun rdzob bya ba sna tshogs byed// bden pa'i yul dang mi bden yul// so so'i yul rnams myong byed cing // lnga po'i mtshan nyid gzhigs byas na// so so'i mtshan nyid x248a1(1): dngos po med// gang gis de la dngos bzung na// ngan song gsum du skye bar 'gyur// de la gzugs kyis mtshan nyid ni// snang ba nyid na dngos med dang // snang med de nyid sna tshogs ston// snang ba x248a2(1): mi snang gnyis su med// de rtogs rnam par thar pa'i lam// gzugs nyid longs spyod rdzogs pa'i sku// tshor ba'i mtshan nyid brjod pa ni// kun la rnam gsum 'byung mod kyis// bde dang mi bde dngos po med// x248a3(1): gnyis ka ma yin lung ma bstan// sna tshogs tshor ba 'byung 'gyur yang // tshor dang 'byung ba gnyis ka stong // stong nyid dngos po yod ma yin// de rtogs chos kyi go bgos yin// 'du shes mtshan nyid bshad pa ni// x248a4(1): gsum tshogs mtshan mar 'dzin pa yin// so so'i mtshan nyid bshig pa ni// dngos po med de de bzhin nyid// dngos med de nyid sna tshogs la// bya byed med par kun tu 'jug/ khams gsum ma lus thams cad x248a5(1): la// mtshan nyid che chung bsam mi khyab/ khyab med dngos po yang ma yin// de ltar rtogs na sangs rgyas mtshan// 'du byed mtshan nyid 'di ltar gnas// rtsa ba brgyad pos klong gyur te// lnga bcu rtsa gnyis kun la x248a6(1): 'phro// de rtogs rtsa ba yod ma yin// med bzhin log yo rnam par 'byung // de la dngos por 'dzin pa ni// rtag tu nyon mongs g.yengs gyur nas/ khams gsum btson rar rgyun du 'khor// yang dag don bzhin x248b1(1): rim pas ni// 'phro ba'i gzhi rtsa de bzhin nyid// de las rnam rig 'byung ba ni// dngos po med de skad cig ma// ye shes dbyings las rol pa mdzad// sprul pa'i tshogs chen yin pa bshad// kun gyis 'byung x248b2(1): gnas rnam shes te// de yi dngos po'i rang bzhin ni/ kha dog dbyibs dang rigs rgyud min// gang yang ma yin nyid mi dmigs// de ni kun la dbang bsgyur te// mtho ris 'gro 'am ngan song 'gro// rtogs dang x248b3(1): mi rtogs khyad par ro// bzhi po mnyam pa'i ngang shes na// de ni ye shes chen po yin/ kha dog lnga yi dam tshig chen po ni// sems can ma lus thams cad la// ye shes lnga yi kun khyab kyang // rang gi rnam rtog sgrib x248b4(1): / byas te// ye shes lnga yi don ma mthong // ma mthong rmongs pa thams cad la// ye shes mtshan nyid bstan pa'i phyir// dkar dang dmar dang ser ba dang // ljang khu la sogs nag por bstan// chos rnams bdag x248b5(1): med rtogs byas nas// byang chub sems nyid dag pa'i phyir// shin tu mdog ni dkar bar bstan// de rtogs bya phyir dag pa'i phyir// chos rnams ma lus thams cad kun// pad+ma rA ga zhes brjod do// chags dang x248b6(1): chags par bya byed med// chags med phyir yang dmar po'o// yon tan gter chen zad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter gyur pa// x249a1(1): mdog ni gser gyi kha dog ltar// chos rnams phyin ci log rnams la// thugs rje chen po'i byin rlabs kyis// dbyings su yang dag sdud dgongs pas// las rnams ma lus rdzogs byed de// kun tu x249a2(1): las ni ljang khu mdog/ de bzhin nyid kyi dbyings nyid la// cis kyang mi tshugs bcos su med/ kha dog nag po'i dngos po la// tshon gzhan dag gis sbyar du med// de bzhin kun la shes par byos// phyogs lnga x249a3(1): zhes bya ba'i dam tshig ni// mtha' dang dbus med de bzhin nyid// dbyer med ngang du gnas pa la// ye shes rtog pa'i don bya'i phyir// phyogs dang dbus su gnas par byas// sems can ma rig ldongs pa la// x249a4(1): nyon mongs ma lus bsal bya'i phyir// ye shes sgron ma'i 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad la// nyon mongs sdug bsngal mi gnas x249a5(1): shing // ma rig mun pa nub gyur pas// de la nub kyi phyogs zhes bya// sems can kun gyis nyon mongs kun// ye shes chen po bdag med par// sdug bsngal rab tu byang byas pas// de la byang gi phyogs zhes x249a6(1): brjod// de ltar ma lus thams cad la/ thugs rje shar dang sgrib pa nub// ma rtogs mtshan nyid 'byung mi 'gyur// de na yon tan chen po rdzogs// de ltar chos rnams ma lus kun// de bzhin nyid kyi dbyings su x249b1(1): 'dus// phyogs rnams ma lus thams cad kun// de bzhin nyid med zlum po'i tshul// phyogs rnams kun la de ltar blta// ma rig phyin ci log rnams kyis// phyogs rnams so sor bzung gyur na// rtag tu nyon x249b2(1): mongs 'khor lor 'gyur// dbang po lnga zhes bya ba'i dam tshig ni// yul lnga dag la dbang byed pa'i// phyin ci log ni dngos por 'dzin// dngos por gzung byas khams gsum 'khor// gzugs rnams ma lus x249b3(1): thams cad la// snang zhing dngos po med pa dang // lha dang lha mo dngos por brtag/ bdag dang lha zhes bya ba'i dam tshig ni/ bdag dang lha nyid gnyis med pa'o// sgra rnams sna tshogs grags pa yang // sgra nyid x249b4(1): dngos por med par shes// sgra brjod ma lus thams cad ni// chos kyi sgra chen sna tshogs yin// dri yi dngos por snang ba yang // dri nyid rang bzhin gang yang med// dri snom chos kyi dri yin te// shes rab chen pos x249b5(1): de ltar rtogs// ro yi dngos po snang ba yang // ro'i rang bzhin yod ma yin// ro nyid de bzhin nyid kyi phyir// bde med pa yis tshim par byed// reg bya sna tshogs snang ba yang // reg bya'i dngos po yod ma yin// x249b6(1): reg byar snang la longs spyod yin// bde ba chen po'i chos kyi sku// mi shes phyin ci log rnams kyis// dbang po yul la chags gyur na// rtag tu 'dod dang mi bral zhing // ngan song gsum dang mi khom brgyad// rtsa x250a1(1): dang sog ma me bzhin du/ khams gsum dag tu 'khor bar 'gyur// de bas ye shes chags med rtogs// byas pa mi sogs bsod nams byos// kun la dpyod cing ma dgos pas// ye shes chen po x250a2(1): rtag tu bsgom// mnyam pa rnam lnga zhes bya ba'i dam tshig ni/ don dam skye ba med par mnyam pa dang / kun rdzob sgyu mar mnyam pa dang // don dam pa dang kun rdzob dbyer med par mnyam pa dang / chen po lnga de x250a3(1): bzhin gshegs pa lngar mnyam pa dang / rnam par shes pa brgyad ye shes lngar mnyam pa'o// de la don dam par mnyam pa ni/ chos rnams ma lus thams cad kun// de bzhin nyid dang spyod pa'i mtha'// yang dag x250a4(1): nyid dang chos kyi dbyings// mtshan nyid med cing dmigs su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid de// nam mkha' la yang mtshan nyid med// x250a5(1): kun rdzob sgyu mar mnyam pa na// 'dus byas dngos po sna tshogs ni// sgyu ma'i tshul du thams cad snang // 'phrul snang byams pa kun kyang byed// rtog pa kun gyis tshad mar snang // 'di dag thams cad gzugs x250a6(1): brnyan te// bya byed snang zhing dngos po med// chu zla'i tshul du thams cad gnas// thams cad snang la rang bzhin med// don dam pa dang kun rdzob dbyer med ni/ chos rnams ma lus thams cad kun// gzhi rtsa x250b1(1): las ni thams cad byung // med dang yod pa gnyis ka min// don dam kun rdzob dbyer med de// 'dus ma byas nyid 'dus byas yin// snang ba nyid na dngos po med// dngos med de nyid sna tshogs pa// de nyid smra x250b2(1): ma'i dmigs yor tshul// 'byung ba chen po'i lnga de bzhin gshegs pa lnga mnyam pa ni/ sa chu me rlung nam mkha' las// ya mtshan sna tshogs 'byung 'gyur ba// gzhi rtsa yod pa ma yin te// rang bzhin ngang gis de ltar byung // so sor rigs x250b3(1): tshogs snang ba ni// thabs chen dag tu rtag tu mnyam// mtshan 'dzin so sor gnas pa ni// shes rab dbyings kyi ngang du mnyam// rnam par shes brgyad ye shes lngar mnyam pa ni/ rnam rtog kun gzhi ma yin pa// rang x250b4(1): bzhin med pa don gyis zhig/ 'di ni chos kyis dbyings zhes bya// de bzhin nyid kyi ye shes so// chos rnams ma lus thams cad kun// nga dang bdag tu mi 'dzin zhing // kun kyang dbyer med nyid yin pas// x250b5(1): thams cad me long lta bu'i tshul// thams cad kun la yud rtog cing // rtog dang rtog par bya ba med// dus gsum du yang mi dmigs pa// 'di ni mnyam nyid ye shes yin// log rtog dbang po'i spyod yul spangs// x250b6(1): dbang po yul rnams dngos med par// thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar brtag/ chos rnams ma lus thams cad la// ye nas rang bzhin med pa x251a1(1): dang // thabs shes lhun gyis grub pa brtag/ 'di ni yang dag rtogs pa yin// tshogs kyi dkyil 'khor zhes bya ba'i dam tshig ni/ bsod nams ye shes tshogs rdzogs te// rang rig mtha' dbus med x251a2(1): pa'i dkyil// ye shes zhi 'phro 'khor lo'i tshul// yang na rdo rje sems dpa' nyid// rigs bzhi lha dang lha mo dang // 'khor gyis khro bo khro mo yis// yang na 'das pa dkyil nyid do// 'jig rten sna tshogs 'khor x251a3(1): yin no// tshogs kyis mchod pa zhes bya ba'i dam tshig ni/ thabs dang shes rab ldan gyur cing // byang chub sems dang ma chags pa'i// gnyis su med par thim gyur nas// tshogs chen gnyis kyang rdzogs par x251a4(1): ldan// 'dod yon lnga po thams cad dang // sna tshogs snang ba thams cad kun// de bzhin gshegs pa'i dkyil 'khor dang // gzugs sam lha dang lha mor brtag/ thams cad ma lus sgra rnams ni// chos kyi sgra x251a5(1): chen yin pa dang // ngan song sbyong zhing thar lam ston// stong gsum grags pa'i sgra chen dang // thams cad 'jal ba'i sgra yang yin// bde ba tshim byed bsod nams tshogs// brjod med mi gnas ye shes yin// x251a6(1): 'di ni chags med pad+ma'i gsungs// chos nyid dngos po med pa las// dri yin mchog tu tshim byed pa// bsod nams tshogs chen yin par bshad// chags med ye shes tshul yin te// de bzhin dri yis mnyes x251b1(1): mchod na// rig 'dzin sa rnams bskul bar 'gyur// ngan song gsum du chos kyis dri// kun tu bde gnas thob par byed// bde gshegs dkyil 'khor ma lus la// bde ba'i ro yis mchod par 'gyur// tshim x251b2(1): byed bsod nams tshogs chen 'gyur// dngos por mi 'dzin ye shes tshogs// de lta bu yi ro mchog gis// thams cad kun la tshim par 'gyur// yi dwags gnas su longs spyod ldan// dkyil 'khor ma lus x251b3(1): mchod pa yin// bde ba chen po yang rdzogs pa'o// rnal 'byor las su rung rnams kyis// rnam pa mang pos brgyan pa dang // 'byor mchod dag gis longs spyod ni// dkyil 'khor bsam yas lhun grub 'gyur// x251b4(1): bde chen dkyil 'khor 'bar 'gyur na// sgrib pa'i mun nag sel bar byed// dpung bzhi'i tshogs kyis mi thub pa'i// mthu chen dag kyang 'grub par 'gyur// tshogs kyis 'phrin las zhes bya ba'i dam tshig ni// x251b5(1): bya byed med pa'i tshul gyis ni// kun la thogs pa med ltar spyad// thams cad ma lus 'dul bar byed// mi mthun phyogs rnams dbang du spyod// yon tan chen po 'phel bar byed/ khro bo gtum po'ang zhi bar x251b6(1): byed// thams cad kun la spyad bde ba// chags pa med pa'i tshul gyis gnas// dbyings su bsdus pa'i dkyil yin te// 'phro 'du mang po'i 'khor gyis bskor// mnyam pa chen po'i ngang nyid ni// de lta bu yi x252a1(1): tshul du gnas// 'khor phra men tshim byed ces bya ba'i dam tshig ni/ bdag nyid 'dul ba'i dbang phyug tu// rtag tu mnyam mam khro bo'i tshul// 'khor gyis khro rnams de bzhin te// mdog dang phyag rgya x252a2(1): thams cad dang // nub sngags mchog dam pa ma lus gdon// de nas phra men 'khor bsdus nas// so so'i las dang mthun byas te// so so'i gnas su bzhag par bya// dbang du bsdus nas sgom pa'i thabs// ji x252a3(1): ltar mtshams pa bzhin du bya// ma lus thams cad byos shig par// lhag ma byin nas dbang yang bskur// gzhan yang 'gro ba thams cad la// 'dod yon lnga yi sbyin pa btang // de nas las rnams rdzogs x252a4(1): byas nas// dbang phyug chen pos gnas bstan nas// rigs lnga ye shes lnga la sogs// 'khor gyis dkyil 'khor ma lus pa// bdag la thams cad bsdu par bya// de ltar sgrub pa'i ngang 'char ba// ye shes x252a5(1): tshogs gnyis rigs byas nas// rig pa 'dzin pa'i sa la gnas// theg dman spyod par yong mi 'gyur/ mi khom gnas su skye mi 'gyur// skye shi med pa'i g.yung drung thob// sangs rgyas zhing yang sbyong bar byed// x252a6(1): ngan song gnas rnams stongs par byed// yang dag mchog gis snying po 'grub// a dam tshig rnam par bshad pa'i le'u ste nyer dgu pa'o// // sku gsung thugs dang yon tan dang 'phrin las rmad byung kun x252b1(1): grags pa// gzhan nas yod 'ongs ma yin te// rang byung ye shes gnas med de// mtho dman kun gyi gzugs brnyan dang // bla med byang chub skur snang ba// me long lta bu'i tshul bzhin du// sna tshogs kha dog x252b2(1): dbyings su snang // de bzhin gshegs pa'i gsung rnams ni// sgra dang ming tshig kun las 'das// brjod med rang bzhin kun du go/ nyon mongs med pa bla med sgra// ma brjod stong gsum grags pa yis// x252b3(1): gsum brjod bsam gyis mi khyab pa// brjod pa nyid dang stong gsum med// de nyid sna tshogs brjod pa'o// thams cad mkhyen pa'i thugs dang ldan// yang dag rtogs yang rab brtan na// gzhi rtsa med dbyings x252b4(1): skad cig ma// mtha' dang dbus kyang rtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis kyang ni dmigs mi 'gyur// dngos med kun la dbang bsgyur ba// sku gsum x252b5(1): yang dag ldan gyur na// yon tan nam mkha'i mtha' dang mnyam// mi 'gyur sangs rgyas zhing du 'ub// spyod yul ma lus thams cad la// ji ltar dmigs pa bzhin du 'byung // mi zad rin chen gter chen 'gru// x252b6(1): gzhan gyi dbrog tu med pa yis// bo de'i dkor ni rin po che// thugs rje chen po'i byin rlabs kyis// bya byed med par dkyil 'khor mdzad// mdzad dang mdzad par bya ba med// sgyu ma'i tshul du kun la spyod// x253a1(1): spyod med ngang du dkyil 'khor la// chags med tshul du rnam par rol// bya byed rnam pa sna tshogs kyang // byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod med kyi// x253a2(1): brjod pa'i mtshan nyid yod med de// mtshan nyid med pa sna tshogs snang // de nyid thams cad mkhyen pa yin// kun la khyab cing gnas pa la// de ni rig pa rang dbang sgyur// bsam gyis mi khyab kun tu khyab// x253a3(1): dbang po yul du snang ba kun// yul rnams yod pa ma yin no// kun gzhi rnam par shes pa nyid// dngos po sna tshogs par snang steng // snang ba dngos po rnam gzhig na// so so'i mtshan nyid rnam bshig na// bshig/ x253a4(1): na nam mkha'i ngang du zha// nam mkha'i de nyid lngas bshig na// mtshan nyid med pa'i dbyings su thim// thams cad kun gyis 'byung ba'o// gzhi rtsa med pa skad cig ma// snang ba mi 'gog thabs yin te// rang x253a5(1): bzhin med pa shes rab nyid// nyon mongs rnam par shes pa ni// kun gzhi nyid snang spyod yul la// nga dang bdag tu rnam par rtog/ bde sdug mtshan mar so sor 'dzin// kun gzhi dngos po med pa la// bag x253a6(1): chags sogs pa'i gnas med do// snang ba dngos po med pa la// nyon mongs blo yis blang du med// bsgo dang bsgo bar bya ba med// de ltar sgo byed dngos po med// med bzhin sems kyi bya ba min// de bzhin x253b1(1): sems kyis log brtags pas/ khams gsum btson rar rtag par 'khor// yid kyis rnam par shes pa ni// snang dang mi snang gnyis ka la// skad cig yud tsam rtog pa yin// rtog pa nyid kyang ma grub na// yul x253b2(1): gyis dngos po ga la 'grub// yid kyi de bzhin rgyud nyid ni// snga ma 'das shing mi dmigs pa// phyi ma ma byung rtag tu med// de ltar rang bzhin dmigs su med// rtswa shing kha na rlung 'phro 'dra// rgyun ni yongs su ma x253b3(1): chad pa// 'di ni kun tu 'byung ba ni// de ltar don rnams dngos po med// chu dang rlung dang rlabs 'dra ba// de gsum gcig dang so sor min// de bzhin kun gzhi nyon mongs yin// gcig pa ma yin so/ x253b4(1): sor min// chos kyi dbyings dang mnyam pa'i dbyings// thams cad ye shes dbyer med cing // gcig tu yang ni brjod pa med// de ltar ma rtogs sems can yin// rtogs nas sangs rgyas gud na med// byang x253b5(1): chub sems kyi rang bzhin ni// shin tu mi dmigs brtag dka' ba// yangs la rgya che gting zab pa// shes rab zab pas rtogs 'gyur te// gang nas ma 'ong gar ma 'gro// 'ong dang 'gro bar bya ba min// shin x253b6(1): tu brtag dka' mi dmigs pa// mtha' dang dbus kyang brtag tu med// gzung 'dzin bral ba'i rang rig nyid// dmigs med tshul du de ltar snang // dbyings dang dbyings kyis ye shes kyang // rang rig kho na tsam x254a1(1): du zad// sems can ma lus thams cad kyis// de ltar khong du chud par byos// nyon mongs sdug bsngal med pa dang // bla med 'bras bu thob par 'gyur// sems can ma lus thams cad la// snying x254a2(1): rje'i zag pa ma chad par// nyon mongs lam las grol byed cing // byams pa dag gis mnyes par gyis// de bzhin 'khor ba'i btson ra la// snying rje'i zhags pa cher brgyab nas// nyon mongs 'dam nas 'dren x254a3(1): par byed// snying rje chen po skyon ma byed// de bzhin skye bo phal rnams la// las kyi sgrib pas mi gos shing // thams cad mngon par sangs rgyas par// dga' ba dag la 'gyod ma byed// sems can nga dang bdag x254a4(1): med la// thugs rjes rnam rtog mi byed do// bu gcig 'dra bar blo bzhag bya// thams cad dri ma med par bya// chos rnams thams cad stong pa bas// de la dngos dang rtog pa med// nam mkha'i ngang du gnas pa la// x254a5(1): de la bcos shing sgyur du med// chos rnams thams cad mtshan nyid med// snang ba thams cad dngos med pas// yod dang med pa thams cad kun// rang bzhin med pas mi dmigs so// 'jig rten 'das dang x254a6(1): 'jig rten pa'i// chos rnams sna tshogs snang ba yang // bdag las gzhan pa ma yin pas// kun la smon cing chags su med// byang chub sems rnams thams cad ni// shin tu brtag dka' gting zab pas// x254b1(1): rtog ge'i spyod yul de ma yin// ma dmigs mi dmigs dmigs su med// sems nyid de ni ji lta bu// byang chub de ni sems yin no// sems dang byang chub dbyer med pas// sems can ma lus thams cad x254b2(1): dang // dus gsum chos rnams thams cad kyang // thams cad ma lus chos so cog/ sems dpa' byang chub nyid du 'ub// bo de chen pos de skad bshad// skyes bu blo rtsal rab ldan pas// ci la'ang thogs pa med x254b3(1): par spyad// spyad pa nyid na chags med cing // dus mtha' med par mnyam gnas pa// 'di ltar snang ba thams cad la// mngon sum tshad mas rtag mthong yang // snang ba nyid na dngos po med// de bzhin yang dag x254b4(1): nyid du rtogs// gang gis stong pa'i yod ces pa// med pa'i rang bzhin rtogs pa ste// ri bong rwa dang mo sham bu// tshig tsam gdags su rung mod kyang // thams cad ming tsam stong nyid yin// thams cad ma lus x254b5(1): stong zhes te// dran med brjod pa ma yin pas// rtog med rang bzhin 'od gsal zhing // 'di ltar snang ba thams cad kun// bsngos pa tsam gyis chos med de/ shes pa 'ba' zhig kho na'o// thams cad gnyis x254b6(1): med rtogs gyur na// de nyid don dam dbyings yin te// gzhan nas btsal zhing bzhag tu med// yod las btsal na sgro btags 'gyur// med las btsal na skur 'debs te// yod med gnyis pas btsal byas x255a1(1): nas// de ni lung du ma bstan 'gyur// rnam par rtog pa med mnga' ste// de yis mi shes gcig kyang med// rnal 'byor lta ba de lta bu// tshig gis snga phyi yod mod kyang // don gyi cig car rdzogs par x255a2(1): sgom// de lta bu yi don rtogs pa ni// 'gro nyal 'dug ldong longs spyod kyang // theg chen bsgoms las nyams pa med// gang gis don ltar ma rtogs pa'i// blo ngan mnyam par khungs byas nas// ma rtogs le lo/ x255a3(1): snyom las byas// don ma grub par ngan song 'gro// sems kyis mnyam par ma rtogs na// tshig gi mnyam pas 'tshang mi rgya// de bas don tshig ldan par byos// 'on kyang the tshom med par grub// rnal 'byor don x255a4(1): chen rtog pa yis// dus mtha' med par de ltar sgom// yon tan nam mkha'i mtha' dang mnyam// spyod yul sangs rgyas nyid du cig/ rtag tu bsod nams tshogs chen ldan// bya byed med pa'i brtson 'grus kyis// x255a5(1): de ni byang chub snying po len// zhes gsang ba'i tshig tu'o// dam tshig gi le'u ste sum cu pa'o// // de nas de bzhin gshegs pa gsang ba'i snying po de kho na nyid nges pa la/ bdag dang sems can dbyer x255a6(1): med par yang dag pa'i dbyings su 'dus shing / bdag gis rdo rje sems dpa' zhal mngon sum du mthong ba'i don bstan pa'i phyir/ ched du brjod pa 'di brjod/ kun rdzob sgyu mar zhal mthong ba'i// thams cad x255b1(1): mig yor sgyu ma'i tshul// snang srid ma lus thams cad kun// chu zla'i tshul 'dra ye shes shing // yud rtog dang ba gnyis med par// gang gis de ltar rig pa de// gzhi rtsa med dbyings skad cig ma// snga phyi med x255b2(1): dbyings de bzhin nyid// cis kyang mi tshugs rdo rje yis// rdo rje sems dpa' de la gnas// lta spyod mthun pas zhal mthong yin// rang bzhin dkyil 'khor yang dag yin// chos dbyings bdag dang dbyer med x255b3(1): pa'i// mnyam par sbyor zhing dag pa'o// thams cad byang chub lhun grub cing // de ltar gang gi rtogs gyur pa// de bzhin ye shes mig can te// de yis yang dag snying po mthong // de nyid cis kyang mi tshugs pa// x255b4(1): shin tu sra zhing brtan pa yin// rang bzhin dbyings nas 'od gsal ba// sems dpa' mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub kyis// de bzhin gshegs x255b5(1): dang ye shes lnga// rang byung chen po'i dkyil 'khor sgom// rtog gnyis bral ba'i thabs mkhas kyis// lha gsal dngos po med bsgoms na// mthong thos la sogs med pa'i tshul// rang rig ye shes gsal x255b6(1): bsgoms la// rang bzhin med la cir yang 'grub// 'grub 'gyur nyid na dngos po med// ji ltar bcom ldan de bzhin gyis// bdud dpung dkyil du ta la gtsug/ thams cad byang chub shing bsdus te// gdug pa ngang gis mi x256a1(1): dga' nas// ta la bcad bsam yongs mi chod// rdo rje sems dpa' de nyid yin// bdag dang ting 'dzin mthun 'gyur bas// de nyid rdo rje zhal mthong yin// rdo rje sems dpa' nyid bsgoms te// x256a2(1): ting 'dzin shin tu 'dres gsal na// thams cad rdo rje nyid du 'gyur// kun la dbang sgyur cis mi tshungs// bdag dang sems dpa' dbyer med de// las mthun ji ltar snang ba bzhin// bdag dang sems dpa' x256a3(1): lta dpyod cig/ de ni rdo rje zhal mthong yin// gzugs brnyan dkyil 'khor yang dag ni// chen por rags pa thabs su sbyor// so so'i mtshan 'dzin shes rab rtogs// gnyis med 'brel pa thabs chen yin// x256a4(1): kun kyang shes rab dang du rtogs// snang dang gnas pa thams cad kun// de bzhin nyid las ma g.yos phyir// yod dang med par gnyis ka med// gnas dang mi gnas dbyer du med// mnyam pa'i dbyings su x256a5(1): thams cad 'dus// 'dus nyid gnas su ma pheb pa'i// thams cad de lta bu yi dang // mnyam nyid dbyer med cis mi tshugs// de nyid sems dpa'i bzhugs gnas yin// de ltar rtogs pa'i rigs mchog de// x256a6(1): sems dpa' nyid dang ris mthun pas// de nyid rdo rje zhal mthong yin// sgyur byas phung po khams rnams la// gzhi rtsa de bzhin nyid du gcig/ sgyu mar snang ba gzugs brnyan tshul// snang ba nyid na dngos po x256b1(1): med// dngos med de nyid sna tshogs ston// phung po lnga nyid de bzhin gshegs// dbang po rnam shes byang chub sems// yul dus po de chen mo yin// bdag rtog rnam bzhi khro bo yin// rtag chad mu bzhi khro mo'o// x256b2(1): de sems rang rig nyid ces bya// thams cad dbyings gyur kun tu bzang // de nyid rdo rje sems dpa' yin// gang gis de ltar rtog gyur na// sems dpa' nyid dang dgongs mthun pas// de nyid rdo rje zhal x256b3(1): mthong yin// chos rnams ma lus thams cad kun// ming dang tshig dang yi ge dang // sgra yis mtshon nas don bstan na// kun kyang yi ge ming tshig bzhin// gang yang dngos yod ma yin te// dngos med de nyid sna x256b4(1): tshogs snang // snang ba nyid na gang yang min// bya byed sna tshogs kun byed kyang // dngos po med de yang dag nyid// de ni cis kyang mi tshugs pa'i// sa rdo dran med ma yin no// de nyid shin tu 'od gsal yin// x256b5(1): rdo rje sems dpa' de ltar gnas// gang gis de ltar rtogs pa yis// rigs mchog dam pa'i rgyu yin no// rdo rje rigs dang dbyer med phyir// de nyid rdo rje zhal mthong yin// skyes bu blo rtsal rab ldan pas// x256b6(1): kun dang dbyer med don rtogs te// 'bras bu mngon sum ma gyur yang // byang chub sems la gnas bcas pas// dper na mngal dang sgo nga yin// mngon du mi gyur sgrib 'gyur yang // rtsal chen 'dul bar x257a1(1): 'gyur ba bzhin// rnam rtog gzugs ni bor ma thag/ thams cad kun la dbang bskur zhing // rigs mchog dam pa 'dzin par 'gyur// rdo rje sems dpa' mnyam pa yi// dngos grub mchog rnams x257a2(1): nges par rdzogs// bde ba can gyi zhing yang thob// byang chub mchog la rol par 'gyur// lha mi rnams kyis ston pa'o// lus ngag sems la dbang thob nas// ji ltar dmigs pa bzhin du 'grub// tshad med bzhi x257a3(1): la dbang byed 'gyur// bde ba'i rig mchog kun la spyod// skye rga na 'chi la sogs pa'i// sdug bsngal zad pa'i go 'phang thob// rdo rje rigs mchog 'dzin 'gyur te// thugs rje chen po'i byin rlabs kyis// 'gro x257a4(1): ba ma lus thams cad kun// rdo rje rigs su 'dren par byed// bdud sde tshar gcod nyon mongs 'dul// chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan x257a5(1): thos rnams la dgra bcom tshul// byang chub rnams la rang byung tshul// bla med theg pa sangs rgyas la// lhun 'grub rnams la rdo rje dbyings// kun la mthun pa'i tshul yang ston// rang bzhin dbyings las g.yos x257a6(1): pa med// ma g.yos bzhin du kun tu ston// chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// nyid la nyid de skad brjod do// gsang ba'i snying po de kho na nyid x257b1(1): nges pa las/ skyes bu dam pa blo rtsal rab kyis/ rdo rje sems dpa' zhal mthong ba'i le'u ste so gcig pa'o// // de nas de bzhin gshegs pa gsang ba'i snying po de kho na nyid nges pa las/ sngags 'chang x257b2(1): rnams don yod par bya ba'i phyir/ thams cad phyag rgyar 'dus shing / phyi nang snod bcud thams cad la 'di ltar brtag cing / phyag rgya'i dam tshig gsungs pa dang / dam tshig gi gnas yin no// phyag rgyar x257b3(1): bsdus shing spros pa yang yin no// ched du brjod pa 'di brjod do// gsang ba de nyid nges pa la// byang chub mchog 'di ston pa'o// mnyam pa chen po'i dkyil 'khor ni// phyogs bcu dus bzhi ma lus pa'i// 'das x257b4(1): dang ma 'das thams cad kun// ye nas dbyer med de bzhin nyid// mnyam dang mi mnyam bya ba min// de bzhin nyid kyi ngang du 'ub// 'jig rten 'das dang 'jig rten pa'i// brjod pa ma lus thams cad kun// x257b5(1): chos nyid dang las ma gtogs pa'i// nyon mongs log rtog rdul tsam med// phyag rgya sna tshogs 'od 'bar yang // de bzhin nyid la ma gtogs te// bdag nyid dbyings las mi gzhan phyir// mnyam la mnyam x257b6(1): par gnas pa yi// rnam gsum tshul gyis bsgoms byas shing // phyag rgya bskyod cing log 'dus pa// bya byed med pa'i tshul gyis su// las rnams ma lus rdzogs par byed// de ltar rtogs shing rigs kyi mchog x258a1(1): bdag nyid phyag rgya kun gyi mchog/ ye nas rang bzhin 'od gsal ba'i// byang chub skye 'khrungs rgyu yang yin// 'bras bu yang dag nyid du'o// rgyu 'bras dbyer med rdo rje yis// bcu gsum don grub de x258a2(1): gnas pa/ mthar phyin gang la'ang mi gnas pa'o// rang bzhin phyag rgya chen po ni// phyi nang bcud snod thams cad kun// thams cad shes rab ngang du gnas// rigs lnga bde gshegs yab yum du// ma bcos ye x258a3(1): nas de ltar gnas// thabs dang shes rab nyid la rol// bde ming ma chags tshogs chen po// yang dag nyid la rab tu rtog/ lhag pa'i phyag rgya chen po ni// nang gi rtags ni phyir byung ste// mdor bsdus phyag rgya x258a4(1): drug pa dang // gzhan yang phyag rgya sna tshogs pa// lag gi 'du 'phros bsam yas pas// yan lag stobs chen skul sig kun// nyid kyis dbyings nas ma g.yos kyang // rang bzhin nyid kyis de ltar gnas// x258a5(1): 'joms shing cis kyang mi tshugs pa// rang byung chen po lha yi lha// thams cad kun la 'bigs par byed// dpa' bo zhes kyang gdags par bya'o// las dang las kyis mi gos pa// gnyis med dbyings kyis don x258a6(1): rtogs shing // ma chags pa la chags pa dang // shin tu rnam par dag pa'o// de bzhin nyid kyis dkyil 'khor la// sku gsung thugs ldan zad mi shes// yon tan mi zad gter du 'gyur// 'di ni zad par ldan x258b1(1): pa'o// sku gsung las rnams rdzogs pa'o// rnam par rtog med tshul gyis ni// thams cad kun la chags med rol// gdul bya'i don chen bsam mi khyab// 'joms dang ma chags kun 'byung dang // thams cad x258b2(1): dbang bsdus don grub pa// ma lus kun 'dus rnam par dag/ kun nas zlum zhing 'od zer 'phro// rigs bzhi ma lus thams cad kun// mnyam rdzogs chen po'i dbyings su 'dus// rigs bzhi ma lus thams x258b3(1): cad kun// lhun grub dkyil 'khor ngang nyid du// phyag rgya'i dam tshig mchog nyid ni// thugs kyi rtags su bstan pa yin// dper na rgyal pos rgyas btab ni// sems can kun gyis yong mi btab// de bzhin ma x258b4(1): nyams phyag rgya yis// kun la khyab cing thams cad snang // sku gsung thugs kyi rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs de ni// 'di x258b5(1): lta bu la rtag tu gnas// de lta bu yi blo med na// rdo rje rigs su yongs mi bshad// gsang ba'i snying po de kho na nyid nges pa las/ phyag rgya dam tshig gi le'u ste so gnyis pa'o// // gsang ba'i snying po de kho x258b6(1): na nyid nges pa las/ glu gar rtse 'jo bro gar gyis dam tshig ces bya ba'i phyag rgya 'di/ nges par ched du brjod pa 'di brjod do// phyogs bcu mtha' yas dus bzhi yi// thams cad dbyer med maN+Dal la// nyi zla x259a1(1): / shar ba'i gzhal yas la// pad+ma chags med gdan steng nas// rin chen zad med pho brang de// che chung dpag tshad med pa yi// byang chub de ldan dkyil 'khor la// bde ldan byang chub rab bkod nas// x259a2(1): ma lus kun 'dus dbyings bsdus nas// lus skyes yan lag sku la sig dang // dbang po lnga yi spyod yul kun// phyag rgya chen po yin par bshad// gong gi dkyil 'khor gsal bsgoms nas// bdag nyid x259a3(1): dbyings las mi gzhan phyir// mnyam la mnyam par gnas par bsgom// bdag nyid lha yi dkyil 'khor du// lhag pa'i ting 'dzin gsal bsgom nas// bro thabs gar gyis phyag rgya dang // glu dbyangs tshig gi sgra x259a4(1): sgrog ni// phyogs bcu'i skye gnas ma lus kun// rdo rje lhun grub sku mthong zhing // chos kyi dung chen sgra yang thos// sgrib gnyis byang nas byang chub 'grub// bde mthong snyan grags 'gyur ba la// bsod nams x259a5(1): tshogs chen 'grub par 'gyur// thabs dang shes rab ldan gyur na// thams cad gnyis med dbyings su sbyor// gnyis med dbyings gyur byang chub 'bar// 'od 'phro 'bar bas phyogs bcur gsal// x259a6(1): sangs rgyas zhing sbyangs rig 'dzin bskul// ngan song gnas rnams dag par byed// thabs dang shes rab ldan gyur na// sangs rgyas dkyil 'khor ma lus 'byung // rgyur byas 'bras bu smin grub na// kyil 'khor x259b1(1): bzhi/ bcu rtsa gnyis rdzogs// bde bas thabs chen thabs kyi mchog/ shes rab bde mchog brtan ldan rdzogs// rdo rje dril bu yang dag ldan// rak+ta byang chub dus gcig 'bar// gnyis med zung du 'brel gyur x259b2(1): na// bde gshegs dkyil 'khor ma lus 'byung // rnal 'byor thabs dang shes rab ldan// rgyan mchog mdzes pa kun brgyan nas// ting 'dzin 'od 'bar gsal bsgoms te// phyogs bcu gang bar dkyil 'khor x259b3(1): spro// ma lus dkyil 'khor bdag nyid che// mi dmigs dbyings nas dkyil 'khor mchog/ spyan gyis gzugs dang snyan gyis gnas// dri dang ro dang reg pa rnams// thabs dang shes rab nyid gnas shing // bde x259b4(1): mchog ro yang tshim par byed// spyod bzhin chags dang gnyis med par// tshogs chen dag kyang rdzogs par ldan// hUM dang tsakra'i dkyil 'khor du// nyi zla 'khrug pa'i sa gzhi la// ma chags pad+ma'i gdan steng x259b5(1): nas// thabs dang shes rab chags med tshul// yan lag lnga po thams cad kun// rang bzhin yongs kyis dag pa dang // ting 'dzin de bzhin gshegs lnga'o// ye nas ma bcos yongs kyis te// lhag pa'i ting x259b6(1): 'dzin dkyil 'khor gyis// dbus la de bzhin gshegs pa'i 'khor// yan lag bzhi la rigs bzhi'i 'khor/ kha dog dbyibs dang phyag rgya dang // thabs dang shes rab gsal bsgoms te// phyogs bcur spyod x260a1(1): cing ngan song sbyong // gnas su bsdus shing dkyil 'khor stim// 'das dang ma 'das thams cad kun// bde gshegs zhing du thams cad gnas// yan lag chen po lnga bskyod na// rigs kyi dkyil x260a2(1): 'khor ma lus g.yo// 'gro lnga byang chub lam du 'dzud// snyigs ma lnga yang rnam par dag/ bzang mdzes legs pa'i go bgos nas// 'od zer sna tshogs 'phro bar 'gyur// de nas mthar thug med kyis bar// ye x260a3(1): shes lnga yis brgyan par 'gyur// skyes bu blo rtsal rab ldan pas// rtag tu dkyil 'khor de ltar bsgom// tshig tsam ma yin blo gting bya// bdag dang dbyer med nyid du'o// thabs dang shes rab ldan gyur na// x260a4(1): shar phyogs su ni kha bstan te// seng ge stabs chen mchongs par bya// lce dkyil yi ge triHbsgoms nas// lce ni 'bum phrag mtha' yas dang // hrI yang bsam gyis mi khyab 'phro// phyogs bcu dus bzhi mtha' yas x260a5(1): su// gsung gis dkyil 'khor rab 'bar bas// gsung gcig dkyil 'khor yan lag ni// bsam gyis mi khyab kun tu grags// grags dang ming tshig so sor grags// ljags kyi dbang po bkram las x260a6(1): gsungs// thar dang ma thar gnyis ka brjod// nges pa kho na yang dag 'dus// de bzhin nyid kyi ci ma gsungs// rna ba'i dbang po dkyil 'khor du// tram gyi yig 'bru gsal bsgoms nas// rna dkyil phyogs x260b1(1): bcu dus bzhi yis// mtha' yas bsam gyis mi khyab spro// traM yang bsam yas 'od 'phro 'bar// phyogs dus dkyil 'khor ma lus thob// 'gro drug 'khor ba'i gnas kyang thob// sgra dang thos pa gnyis med pa'o// x260b2(1): de bzhin dri dang ro reg rnams// so so'i mtshan nyid gsal bsgoms nas// yig 'bru'i snying po de don dgod// sangs rgyas dkyil 'khor ma lus dang // 'gro drug ma lus thams cad kun// chags pa le yi tshul x260b3(1): gyis rol// dri la sogs pa bde mchog gis// kun la tshim par yang dag gsungs// 'gro drug ma lus thams cad la// ji ltar 'tsham pa'i don yang byed// thabs mkhas thugs rjes de ltar rtog/ kun byas byang x260b4(1): chub nyid du'o// de bzhin rigs dang rdo rje'i rigs// ma chags la sogs shes rab ldan// gtso bo lnga dang gtso mo lnga// thabs dang shes rab ldan bsgoms te// tshom bu gcig gam yang na gsum// lnga yi dkyil x260b5(1): 'khor rab bsgoms te// thabs dang shes rab phun tshogs su// lha gsal 'od zer bstims byas te// dkyil 'khor 'od 'phro 'bar bar sgom// ting 'dzin shin tu gsal gyur nas// bdag dang phyogs dus x260b6(1): dbyer med pa'i// gnyis su med par bsgom par bya// de nas thabs dang shes rab gnyis// lta spyod ma chags ma gyur par// dkyil 'khor bdag la gsal bar sgom// dbus nas shar phyogs kha bstan la// x261a1(1): / rkang pa'i stobs chen bskyed byas shing // lag gis 'du byed kun bskyod nas// bro dang gar gyi phyag rgya bya// dkyil 'khor 'od zer dkar 'phro ba// byang chub sems su rnam par dag/ shin tu gsal x261a2(1): dang 'od zer 'bar// thabs dang shes rab de 'grub shog/ mnyam nyid rig pa'i rdo rje yis// cis kyang mi tshugs rdo rje yis// bdud bzhi dag ni 'joms par byed// theg mchog rdo rje ris 'dzin pa// thabs x261a3(1): dang shes rab de 'grub shog/ mnyam nyid rig pa'i rdo rje yis// nyon mongs sdug bsngal med par byed// me long lta bu'i ye shes kyis// thabs dang shes rab gsal 'gyur shog/ nyon mongs sdug bsngal rtsad x261a4(1): bcad nas// ma rig mun pa sel bar byed// thugs rje'i 'od zer nyi shar ba// thabs dang shes rab 'od 'bar shog/ shin tu sra zhing skye shi med// rdo rje'i thugs rje rol ston pa// 'gro la thugs rje yongs mi x261a5(1): 'byung // thabs dang shes rab byams ldan shog/ thabs dang shes rab ldan gyur pas// yon tan phyogs su khyab ston te// lus bskyod yan lag sbrul sig nas// thabs chen dag kyang btung bar bya// dkyil x261a6(1): 'khor ma lus 'byung ba'i gter// zad med nor bu rin po che// ma lus kun gyi re ba skong // thabs dang shes rab de grub shog/ nam mkha'i dkyil 'khor mdog ston pa// yang na thams cad gser btso ma// x261b1(1): dkyil 'khor bsam yas zad mi shes// thabs dang shes rab myur grub shog/ bde gshegs dkyil 'khor ma lus pa// 'byung ba'i gter chen zad mi shes// yon tan chen po rig 'dzin pa// thabs dang shes x261b2(1): rab myur grub shog/ bde gshegs dkyil 'khor ma lus pa// thams cad mnyam pa'i dang gnas nas// de bzhin mnyam pa'i ye shes te// thabs dang shes rab mnyam grub shog/ bde gshegs yon tan x261b3(1): rmad po che// ye nas chags med byang chub cing // yang dag nyid la thams cad gnas// thabs dang shes rab myur grub shog/ thabs dang shes rab ldan gyur nas// nub phyogs su ni kha bstan te// yan lag x261b4(1): dbang po bskyod byas na// gar byas shin tu gsal byas nas// stabs chen dag kyang btud par byas// chos rnams ma lus kun spyod kyang // pad+ma la ni 'dam bzhin du// chags pa med pa'i tshul gyis gnas// x261b5(1): thabs dang shes rab myur grub shog/ las dang nyon mongs nub gyur pa'i// bag chags mtshan ma rdul tsam med// thabs dang shes rab myur grub shog/ byang chub chags med dkyil 'khor ni// gang nas ma 'ongs x261b6(1): nyid kyis dbyings// mi gnas tshul gyis dbyings na bzhugs// thabs dang shes rab myur grub shog/ thabs dang shes rab myur grub par// byang phyogs su ni kha bstan nas// lus bskyod yan lag gar byed cing // x262a1(1): phyag rgya sna tshogs so sor gsal// rkang pa'i stabs chen btud par bya// yang dag rtogs pa'i ye shes kyis// bskal pa bsam gyis mi khyab pa'i// sgrib pa thams cad byang byas te// thabs dang shes x262a2(1): rab myur grub shog/ sku gsung thugs kyis byin rlabs kyis// bdud bzhi bcom nas mi mthun gsal// bya byed med la don rnams grub// thabs dang shes rab myur grub shog/ thams cad ma lus rdzogs byed x262a3(1): pa// sna tshogs kun tu 'gyur ba'o// ljang khu'i tshul du mngon ston pa// thabs dang shes rab myur grub shog/ thams cad ma lus don grub pa// las rnams ma lus rdzogs par byed// nan tan chen po bya ba rdzogs// x262a4(1): thabs dang shes rab myur grub shog/ sdug bsngal dra ba'i tshar bcad de// dkyil 'khor ma lus kun byas kyang // gang nas ma 'ongs gar mi 'gro// thabs dang shes rab myur grub shog/ bde gshegs ma lus x262a5(1): thams cad kyang // phyogs dus dkyil 'khor bdag nyid che// mi dmigs thugs kyi dkyil 'khor du// ma lus kun 'dus rnam par dag stabs chen dkyil 'khor yang dag pa// bde gshegs yul la rnam par x262a6(1): 'phro// thabs dang shes rab ldan pa yis// bde ba'i dkyil du mkhas pa bsdu// thams cad ma lus rigs bzhi yis// nang du ma 'dus gang yang med// de nyid bde gshegs dkyil 'khor nyid// thabs dang x262b1(1): shes rab de grub shog/ rigs lnga'i dkyil 'khor dbus bsdus shig/ ye shes lnga yi 'od zer spro// phyogs bcu gang bar gsal gyur nas// thabs dang shes rab 'od 'bar shog/ de bzhin rigs mchog 'dzin x262b2(1): pa ni// thams cad ma lus dbyings bsdus te// thams cad kun tu bzang por ston// thabs dang shes rab gtsor grub shog/ thugs rje chen po'i byin rlabs kyis// phyogs dus gnas pa ma lus la// chos kyi x262b3(1): 'khor lo chen po bskor// thabs dang shes rab mchog grub shog/ 'gro ba ma lus thams cad la// de bzhin nyid kyi rgyu yod par// ma mthong rmongs la nam mkha' mdog/ thabs dang shes rab dbyings grub shog/ x262b4(1): sku ni sna tshogs cir yang snang // thabs chen rnams la mnyam pa'i sku// nyan thos rnams la dgra bcom tshul// rang rgyal rnams la bse ru'i tshul// pha rol phyin rdzogs shAkya'i tshul// lha mi rnams la dge bcu'i x262b5(1): tshul// dngos grub rnams la ir+N+Na ya// gzhan yang 'gro ba thams cad la// ji ltar 'dul ba bzhin du ston// de lta bu yi sku ston pa// thabs dang shes rab sku 'grub shog/ thabs dang shes rab ldan bsgoms x262b6(1): nas// rgyan rnams kun gyi rnam par brgyan// yan lag lnga la dkyil 'khor dgod// ye shes brgyan gyi bro yang brdung // gnyis med dkyil 'khor zlum po'i tshul// mtha' dbus med pa'i dkyil 'khor du// lhun x263a1(1): grub dkyil 'khor byang chub tu// thabs dang shes rab myur grub shog/ chos dbyings dam pa bdag med la// mi dmigs dbyings su ma lus 'dus// mnyam dang mi mnyam dbyer med la// thabs x263a2(1): dang shes rab dbyings grub shog/ bde gshegs dkyil 'khor dgu bskyod na// sangs rgyas zhing khams ma lus g.yo// lag gi 'du byed sbrul bskyod na// rig 'dzin zhing khams dag par byed// rkang chen dag x263a3(1): gis stabs mchongs na// 'gro drug gnas rnams stong par byed// spyan gyis phyogs bcur blta byas na// bdud bzhi dpung rnams pham par byed// thabs dang shes rab ma lus kun// de lta bu yi don grub shog/ x263a4(1): thams cad ma lus de bzhin te// de ni gang yang dmigs med pas// skye dang 'gag dang gnas pa dang // 'ong dang 'gro ba'i dngos po med// rnal 'byor bro gar rtse 'jo yis// sna tshogs byed la byas pa med// de x263a5(1): ni rnam pa tshogs pa yis// rnal 'byor las rnams 'grub par shog/ thabs dang shes rab thams cad kyis// de lta bu yi longs spyod na// sangs rgyas dkyil 'khor ma lus mnyes// srid gsum 'gro ba thams x263a6(1): cad la// dga' ba chen pos khyab par 'gyur// lus ma spangs pa rig 'dzin sa// yun ring chos kyis bde spyod nas// bla med rdo rje sems dpa'i sa// dpe byad mtshan gyis rnam par brgyan// mngon shes drug x263b1(1): ldan thams cad mkhyen// tshogs chen gnyis kyang rdzogs par rol// sangs rgyas zhing la dbang bsgyur te// spyod yul kun tu man+ta la// ji ltar dmigs pa bzhin du grub// rnal 'byor lus su rung rnams kyis// x263b2(1): 'di lta bu yi las byas na// 'bras bu mngon du mi gyur yang // lus ngag yid la dbang thob nas// sangs rgyas 'byung dang skal mnyam 'gyur// theg pa dman par yongs mi skyes// ngan song gnas su yongs mi x263b3(1): ltung // gnas ngan longs spyod mi bde ba'i// ngan pa'i sa ru 'gro mi 'gyur// rdo rje theg chen brjod mi 'gyur// tshe ring bde ba phun sum tshogs// lus byad bzang zhing yan lag rdzogs// dbang po tshang zhing lhag x263b4(1): / chatshad med// skad gdangs snyan zhing 'gro don byed// bdag gi longs spyod thams cad kun// gzhan la gnod pa med par 'grub// tshan po che yi shugs dang ldan// 'gro ba'i don du yang dag byed// gzhan la x263b5(1): gnod pa yongs mi byed// snying rje che zhing shes rab ldan// mthu stobs che zhing thabs ldan pas// bdag dang gzhan don rdzogs par spyod// mthar phyin skye shi med pa'i sa// sangs rgyas yon tan rin po che// bkod x263b6(1): pa'i gzhan yang thams cad la// dbang sgyur spyod pa'i dngos grub thob// rnal 'byor gang gi 'di 'dra'i don// ljags kyi dbang po bkram las ni// gsang don nges pa'i don ston pa// bla med mchog tu grub par x264a1(1): shog/ bla med byang chub thor tshugs can// shin tu bstan pa'i ngo bor gnas// mu stegs rlung gis tshugs mi 'gyur// theg mchog rdo rje lta bu yi// dkyil 'khor mi zad 'byung ba'i gter// yid bzhin nor bu rin x264a2(1): po che// byi dor byas shing shin tu gsal// bskal pa grangs med gnas gyur kyang // sku ni shin tu gzhon pa'i tshul// skye shi med pa'i rdo rje yis// thams cad 'byung ba'i gter yin no// yon tan phun sum x264a3(1): tshogs dang ldan// bla med byang chub 'grub 'gyur nas// ye shes rdo rje grub par shog/ tshogs chen gnyis kyang rdzogs gyur shog/ thams cad kun gyis ston pa'o// thams cad mkhyen pa'i go 'phang brnyes// sangs x264a4(1): rgyas zhing la dbang byed shog/ de rtogs kun kyang rdo rje rig/ sku gsung thugs kyang grub par shog/ rnal 'byor thabs dang shes rab dang ldan pa rnams kyis/ dus thams cad du 'dod yon lnga spyad cing / glu gar x264a5(1): dang bro thabs bya'o// gsang ba'i snying po de kho na nyid nges pa las/ bro gar rtse 'jo'i le'u ste so gsum pa'o// // 'phags pa rtog pa'i rgyal po/ sgyu 'phrul dra ba le'u stong phrag brgya pa las/ mtshan nyid dang x264a6(1): lung gi spyi/ gsang ba snying po de kho na nyid nges pa las/ sgyu 'phrul le lhag bstan pa zhes bya ba rdzogs so// // rgya gar skad du/ tsit+ta bin du pa tre sha na ma/ bod skad du/ thugs kyi thigs pa'i man ngag ces bya x264b1(1): ba/ bcom ldan rdo rje sems dpa' gtso// kun mkhyen rgyal ba kun gyi thugs// 'khor lo snying po ston mdzad pa// gnyis med yid kyis phyag 'tshal lo// sgyu 'phrul dra ba rdo rje sems// gsang ba'i snying po'i rgyud x264b2(1): dag las// rin chen bcud thugs skal ldan phyir// legs par bsdus te bstan par bya// rgya mtsho las ni chu thigs bzhin// ye shes rgya mtsho thugs kyi thugs// mi 'jigs phung po ji bzhin du// ye shes thugs x264b3(1): kyi bcud gsum po// rang bzhin bder gshegs gdul bya yi// snang ba gsum gyi ngo bo la// rgyud kyi dbye ba rnam par gzhag/ gcig la gsum gyi ngo bo yang // 'khrul pa'i snang bas gsum du 'gyur// des na x264b4(1): snang ba bzhi dag tu// lung rigs kun las gsal bar bshad// yan lag rdo rje rnam bzhi po// thog mar bstan pa'i byang chub sems// 'gro ba mang po sems rgyud rnams// log rtog ngo bo rgyu rkyen gyis// tha dad x264b5(1): dus na gser bzhin du// rang 'byung ye shes tha dad med// de'ang 'ching grol gnyis ka'i bdag/ me long dang ni g.ya' bzhin du// phan tshun spangs pa med pa la// byis pa gzhi dang rten zhes smra// mkhas pas x264b6(1): lhun grub smra bsam 'das// 'di skad gsang ba'i rgyud nyid las// gshegs sku sgyu mar snang ba dang // log rtog sgyu mar snang ba gnyis// rigs dang rgyud du brtag tu med// gzhi rtsa med de rang bzhin stong // x265a1(1): / rigs dang kha dog dbyibs med las// phyi nang snod bcud thams cad snang // yang ni sgyu 'phrul dra ba las// bcings med rnam par grol med pa'i// ye nas lhun grub sangs rgyas chos// gsungs pas x265a2(1): rang bzhin rgyud nyid ni// ma rig ye shes tha dad med// nam mkha' dang yang sprin gyi gnas// ngang ris can gyi bgo ba ltar// rtog sems mi mthun sems nyid du// gcig pas rang sems thug med las// dper x265a3(1): na ar+ya dzaM b+ha lhas// ne'u le rkyal pa rin chen char// rgyal po yang dag don gyis gnas// bram ze dam pa tsi bi ra// dbul po pra ta grong khyer dang // rigs ngan shan+ta rak+Sha'i gnas// gdol ba'i grong du rin po che// x265a4(1): sna tshogs rin chen phal ba lnga// bye chub gram pa ltad ras hrul// sha khrag rus pa rin chen sil// gcig la so sor snang ba bzhin// spyod yul tha dad snang ba yang // rang sems rkyen gyi rnam pa tsam// ngo bos x265a5(1): rigs rgyud phyogs med pas// de la der bskur snang btub bo// spyir ni log rtog bsam yas pa// ye nas yod pa ma yin te// so so 'dzin rtog bag chags kyis// rang gis bsgribs shing rtag tu 'khor// 'di x265a6(1): / skad gsungs pa'ang thogs med nas// sems las logs su ma gyur cig/ rgyu rkyen las kyi glo bur ba'i// spyod yul snang dus thog mtha' med// sems rgyud gnyis kun lhun grub pa// nor bu rin chen lta bu x265b1(1): la/ 'gal ba 'dus zhes theg dman brjod// phan tshun spangs pa gang 'dod pa// dred mong rtsig 'gram 'jab pa bzhin// gsang ba'i don mchog ga la yod// kun nas nyon mongs rnam par byang // ye nas x265b2(1): ngo bo yod yin na// nyon mongs snang zhing byang bsgrub med// so so rang bzhin nges she na// yang dag lam gyis bcos su med// de gsungs phyir na rgyur gnas pa// shes blo gzhi shes gnyis su smra// bsam pa chos x265b3(1): nyid de bzhin te// de la yod pa de la med// phyogs su gtogs pa de la med// de dang de la 'brel med pas// nam yang sngon bzhin bden pa med// mi rtog rtog pa'i sems rgyud ldan// thams cad dag ces bya/ x265b4(1): ba yang // dngos po gsal dag ma yin te// snang dpyod nyid na rnam par dag/ gsungs pas log rtog spang du med// sprin dang 'ja' tshon snang ba'i tshe// rang bzhin stong par ngang gis gnas// gang dag rgyu yi x265b5(1): theg pa bas// kun du rtog pa don dam la// yod na nges tshig med goms pas// drangs shing gsal dag gang 'dod pa// bsam pa dag la de yod ces// so sor ston pa rtog pa'i blo// dag pa mnyam nyid gnyis x265b6(1): med dag/ log pas phye ba ji bzhin sgra// gang zhe na bsgrub pa'i phyogs 'dod pa// gang dag dar ci'i mi bzhin du// spyod yul bral bar 'dod pas gdungs// ye shes dang las gnyis rtog pas// lhun grub dang x266a1(1): la ye rngam za// gang shes mi gtsang spos dri dang // tsher ma'i nang nas na bza' bzhin// thams cad rang rig byang chub sems// de ni lung gi tshad mar bshad// yod las btsal na sgro btags te// x266a2(1): med las btsal na skur 'debs 'gyur// yod med gnyis las btsal byas na// de ni lung du ma bstan 'gyur// de gsungs phyir na rang rig la// de bas sems kyi de kho na// kun tu btags dang gzhan gyi x266a3(1): dbang // yongs su grub pa'i bye brag tu// bya ba de dang de med de// de ni smra bsam med mi brjod// rang byung kun la rgyas btab pas// rang bzhin kun dang dbyer med la// med pa bzhi ltar gnas pa'ang med// x266a4(1): bden pa rnam gnyis dbyer med pas// dgag bsgrub med pa'i sgra bsam grol// thams cad ye shes snang ba'i phyir// mi mthun 'dus pa rtag tu med// yid bzhin shing ltar gnas pa la// ji bzhin sgra ru rtog pa x266a5(1): 'khrul// bden pa gnyis su med pa'ang // mkha' dang 'ja' sprin snang ba ltar// snang stong kun tu rang gsal ba// rang bzhin ngang gis snang ba'o// bdag dang gzhan du ma brtags pa'i// so sor snang zhing mthun x266a6(1): pa'i gzugs// de lta bu yi ngang du snang // de gsungs lung gis bgrod dang sla// phyin ci log nyid yang dag ste// ma rig pa ni ye shes gsal// nyon mongs sdug bsngal byang chub mchog/ de gsungs don gyis x266b1(1): de 'phros med// mar me'i dus na mun ldan pa// blun po mun snang re mos mthong // mkhas pa ngo bos res mi lta// 'khor ba chos nyid de bzhin no// spangs pa med par kun bral ba// puN+Da ri ka lta bu'i don// lam x266b2(1): dang 'bras bu 'chol tshang ba// 'brel pa gsum gyis tan+ta'o// thugs kyi thigs pa las/ rang bzhin gyi rgyud snang ba'i le'u ste dang po'o// // 'khrul gzhi tshul dang rang bzhin gyis// sdom des nges par shes par x266b3(1): bya// drug gi 'gro ba thams cad kyi// sems nyid nor bu rin po che// ji ltar bsams par snang ba la// 'khrul gzhi yod med sgro skur med// sgro 'dogs dbang gyur gang zag rnams// sems nyid dmigs su med x266b4(1): pa la// dngos po rang rgyud gzhir smra bas// de yi rigs rgyud rtag par ltung // bskur ba pa ni lhun grub la// de dang bsams pa so sor rtag/ de la de ni mi srid bzhin// gzhi la ye nas med ces smra// zhen blo'i x266b5(1): ngo la yod do zhes// skur ba gang yin chad lta ba// de dang de gnyis tha dad cing // mi srid kun 'byung thog ma 'byung // la las ldog pa'i gnyis med las// snang sgra lhan cig med pa dang // rten pa mi dgos x266b6(1): gzhir mi btub// rgyu rkyen spong bar rigs pa min// don nyid yod med ris med las// de yi rgyu rkyen rang bzhin pas// sman gyi phan gnod ji bzhin pas// thams cad ma lus rgyu gcig pas// mi mthun khyad x267a1(1): par so sor snang // de gsungs phyir na rkyen gyis phye// lung las kyang ni 'di skad du// rgyud drug 'khor ba'i lus snang ba// rnam rtog mthun pa'i las snang ba'o// sku mchog rdo rje 'od snang ba// mthun x267a2(1): pa'i ye shes rang snang ba'o// de bas sems kyi de bzhin nyid// mthong ba dag dang ma dag gis// phye bas spyod yul so sor snang // de la ma spangs mi dmigs phyir// mchod pa yod med dgag pa'ang med// dgag x267a3(1): pa med pas blang med phyir// mtha' yi gzhung du bsgrub mi dgos// ma rig mtshungs par ldan pa'i rgyu// dus gsum rgyun du don mthong med// mig gis mig bzhin de lta bas// gnyis snang snga phyi long btags x267a4(1): / nor// sdom ni dus dang rgyu rkyen dang // tshul dang ngo bo rang bzhin nyes// tan+t+ra nyid las gsungs pa ni// thog ma med nas sems yan btab// phyin ci log las 'jol nyog spyad// gal te ma byung 'byung 'gyur na// x267a5(1): 'jig rten thog ma 'byung bar 'gyur// ngo bo nyid dang mtshungs pa dang // lhan cig byed pa nyer len 'phel// rang 'byung rigs rgyud med pa nyid// de yi snang phyir tan+ta las// sngar gsungs don gyis dang po'i rgyu// x267a6(1): ngo bo nyid kyang bzhag na min// sngon gyi me long rnam gnyis ltar// gdod nas ldan pas gnyis med pa'o// kun tu rtog pa rnam gnyis po// goms pas mnyam du 'byung ba gsum// de yi rkyen gyis ltas bslang ba// x267b1(1): 'od ma lta bur phyi mar snang / khams gsum 'di na gnas pa kun// dkar gnag bcu yis dang po ste// tshangs pa'i gnas bzhi bsam gtan bzhis// bcu bdun gnas ris spyod yul snang // snyoms par x267b2(1): gyur pa'i mthur ldan pas// rtse mo bzhi yi spyod yul snang // rgyud lnga'i lam dang dug lnga ste// tan+t+ra'i sa ma ya las byang // phyi nang 'khor los gnas bskor ba'ang / khams gsum cha yis nges pa med// 'khrul x267b3(1): rtog brtan pa'i spyod yul ni// so so phyi nang snod bcud dang // lus dang longs spyod tshe dang las// bde sdug par ma tha dad pa'o// sgyu mas bslus pa'i mi bzhin du// nor ba'i spyod yul rang bzhin snang // srid x267b4(1): pa'i nyes rtsa bdag las phyir// sdug bsngal myong zhing 'phags lam bral// de lta'i dus na rgyud nyid las// nam mkha'i dbyings ni bsam yas par// nyi zla gza' skar mtshan ma glog 'gyu dang // 'ja' tshon sprin x267b5(1): mang sna tshogs 'khrug 'gyur yang // nam mkha'i dbyings las gyur cing nyams pa med// mi dmigs chos kyi dbyings ni bsam yas par// sku gsung yon tan 'phrin las rmad byung dang // 'jig rten gtso mchog x267b6(1): sna tshogs rnam mang yang // chos kyi dbyings las gyur zhing nyams pa med// de dang bral ba'i spyan bzangs rnams// de dang de ni de nyid dang // gzhan du brjod du med ces smra// gnyis su med pa kun tu 'brel// x268a1(1): / thugs kyi thigs pa las/ 'khrul pa snang ba'i le'u ste gnyis pa'o// // rang bzhin las kyis phye ba yi// chos nyid bya byed rigs pa yis// mos snod bcud sbyar bsam yas pa// gdul bya'i x268a2(1): snang ba zhes su brjod// de dang de rkyen de de yis// ji bzhin de bzhin mngon byed pa// rim pa bzhi dang lnga pa yis// rgyud stegs nyid du sbyor ba'i phyir// 'di skad rgyud las gsungs pa ni// theg pa bzhi yis x268a3(1): nges 'byung la// theg pa gcig gis 'bras bur gnas// gcig la gnyis dang gnyis la drug/ phyin ci log la mos sogs pa// rang bzhin grub mthar 'jug pa gnyis// tha ma log dang ma log pa'i// ma x268a4(1): rtogs pa dang log par rtog/ phyogs rtogs yang dag nyid ma rtogs// 'dul ba dgongs pa gsang ba dang // sku dang gsung dang thugs kyi rgyud// ces gsungs thugs rje'i sar gyur pa// so so snang rkyen x268a5(1): bsams yas na// mchog rkyen rgud ni rnam gsum ste// gsang snying po rigs gnyis lta bu// sgyu 'phrul dra ba rdo rje sems// spyi gcod sngon bzhin bstan gsum pa// rkyen 'di yi ge las bkal snod// shes rab x268a6(1): 'brel bzhi yod pa'i phyir// dbang pos phye ba'i thugs thigs gsum// dang po mtshon pa'i ming gsum ldan// nges pa'i lung ni rgyu 'dra'i phyir// dngos po gnyis la legs snang ba'i// bden pas 'brel bas x268b1(1): gnyis su med// de nyid gnyis bral 'jig med pa'i// gsal bstan las kyis lha yi ming // de ni bstan pa'i dngos gzhi las// spyi lung nges pa gnyis pa'i mtshan// bstan brtag dka' ba'i don bcud de// x268b2(1): bzhi yis kun la mi snang ba/ kho na nyid gsum ldan bden pa'i// ming gis mtshon pas lhag pa'i don// tshig rgyas kyis kyang mtshon mi nus// de bas gzhon nu rtog pa bzhin// ye shes bsdus pa don rgyas pa// brda x268b3(1): 'phrad tha snyad bsdu ba yin// gsum pa'i ming la mos pa'i blos// so sor 'dod la shes rab thabs// nyi mas mdzes pa'i rin chen ltar// tshig gi sgron mas shes rab me// 'bring la snang ba mched pa'i phyir// x268b4(1): rgyas pa bye brag thigs pa shar// rang bzhin las kyi snod gyur pa// bgrod thabs gnyis yul yan lag rkyen// thog ma bar dang mtha' ma'i yul// lnga dang gnyis dang gnyis bstan no// dang po'i yul la x268b5(1): rgyu rkyen dang // bzhi bcu gtad pas rdzogs pa yin// zabs dang shes rab rgyu yang ni// snga ma'i ston pa gnas 'khor sdud// dus bstan drug gnas rin chen sgrosgom// gsang ba'i 'og min gnas kyi 'phyo// yi x268b6(1): ge bzhi yis phye bar 'gyur// gsang ba'i tshad ma gnyis nang 'brel// blo gros rgyu la thun mong mchog/ bla ma rang sems ye shes che// gzhi dang las kyis gnas ston pa// ye shes mang po shes pa'i bdag/ bstan x269a1(1): / pa'i bcud thugs bsdus dngos po// bkra gsal lung la dus bzhi mnyam// de la de yod de rtogs 'gyur// thun mong ba la mtshan gnyis gzugs// ston pa rang 'byung rdo rje 'dzin// rgyal tshab rgyud kyi x269a2(1): skyes bu gnyis// rang bzhin dus gsum chos las min// longs spyod chen po kun tu zhal// mos pa'i mtshan grangs rdul snyed la// mnyam bzhag longs spyod chos ston pa// ming gzhi ldan pa'i skyil krung gnas// x269a3(1): nga yi rten pa rang bzhin gzhi// chos dbyings 'og min gsang ba na// lhan cig 'dus pa'i rin chen khang // ma spangs lhun gyis rdzogs pa'i phyir// dbyibs tshad rtse mo sgo 'bur dang // 'bur 'phang rta babs x269a4(1): brgyad ldan ni// bdag nyid dang ni bdag po dang / logs 'gul sgro dang phyi yi rgyan// snang ba dri za'i gnas bzhin pas/ khron khang spyod yul bral ba'i phyir// kun tu phyi rol de la med// chos kyi 'khor x269a5(1): lo shes rab thabs// ma chags re skor 'bras bu'i gdan// ye shes du ma gcig bral bas// sna tshogs snang la rang bzhin med// de na de la de gus sa// rgyal tshab brgyad dang rgyal sras sems// 'jigs byed x269a6(1): thugs rje'i sprul pa dang // dad pas 'brel pa brgyad sogs pa'o// de ni ston tshul 'bab pa dang // gyad thabs 'greng bur bzhugs pa'o// tshad las 'das pas grangs 'dus pa// chos dbyings mu mtha' med x269b1(1): par khyab// nor bu rin chen sku mnga' yi// gsang bdag de yi bdag po'i phyir// tan+ta thugs bsdus mos bzhin du// ku ma ra dang spyan tshor snang // de ni de yi thugs skyes phyir// de yi don ni des bsdus rigs// x269b2(1): sku yis phye ba'i 'khor rnams la// so sor bstan pa'i dus snang yang // lhan cig pa la dus gcig snang // gang gis mthong rtogs tshe/ na'ang // dus bzhi mnyam las ma g.yos te// de'ang rang bzhin mnyam pa'i x269b3(1): dus// rtag pa rgyun dus thugs rjes 'jom// mthar phyin dag pa'i dus na 'byung // de tshe rang bzhin des lung snang // gsung lnga tshul gyis gcig la snang // mtshon byed bstan par de brjod de// de dag mtshon x269b4(1): par rang mtshan sgra'o// 'gro ba gang dag gzugs snang phul// rigs mthun dga' byed mi mthun la// bsgyur byed 'jigs gzugs snang ba ltar// rgyal ba'i gleng gzhi de bzhin no// de rjes rkyen gnyis gleng x269b5(1): bslang ba// ston pas gnas dang 'khor gyis zhus// skabs las gleng bslang ston dang 'khor// gnang dri rkyen du gang gyur pas// de de gsung la ma rag pa// nges pa'i tshig grub ngo bo'ang de// skabs kyis dris x269b6(1): lan smos ci dgos// dris lan bdo bas nges par 'grub// thabs spyod shes rab gang tshe'ang // rkyen byed byung la ma rag pa/ 'khor dang gzhan gyi don gyi phyir// rgyu 'tshogs thugs rje bslang bar 'gyur// x270a1(1): brjod bya rang bzhin gsang ba'i rgyud// de ji bzhin du rjod byed bdag/ ston pa rgyud don lam dang tshigs// 'brel ba'i rim dang 'chol 'khrugs pa// rgyu 'bras zabs dang thabs byung yin// gleng x270a2(1): gzhi'i rjes su nges par 'gro// tan+t+ra'i le'u grangs bsdus pa// me long bcu yis mtshon sbyar na// bcu yi 'dren pa shes kyis bsdu// bye brag dag dang gzhan shes 'gyur// seng ge mchongs pa'i chos gcig ltar// x270a3(1): rnam grangs tshig lam don gcig tu// bya kri mchod pa de bzhin pa// tan+t+ra'i tshig don dbus su bcad// ka la ping ka'i chos bzhi pos// rnal 'byor spyan gyi 'phang gcod do// rus sbal 'gros kyi chos gnyis pos// x270a4(1): 'brug stong mi gzhag gzer bus btab// dus kyi 'brug char chos gsum pos// bka' yi tshad gsung skabs sbyar gnang // glag gi gzan gyi chos gnyis ltar// don gyis dmigs gzung gegs bsal ba'o// x270a5(1): rna drug 'jig pa'i chos gnyis ltar// ldem dgongs gsang ba brgyad kyis sbyar// dang mo 'gros chos rnam gnyis ltar// gzhan don dbu zhabs le mtshams sbrel// me long chos ltar mtshon pa'i dpes// kun la x270a6(1): des mtshon thog tu dbab// mi 'jigs phrug gu rtsal sbyong ltar// 'bru tshig don gyi go rims sdeb// tshig don mos par bshad pa'i phyir// rnam par phye bas ma 'dres gsal// thabs dang don la rang bzhin med// x270b1(1): tshig pas mtshon byas de snang byed// ston pa gang gis gang zhig la// gtad pa gang de ci yi phyir// rgyal sras sdud mdzad ma 'ongs sogs// mi nub bstan 'phel phyir gtad pa// shes bya yul de bsgom bya min// x270b2(1): de yis phyi ma'ang shes dgos mod// skabs su 'byung bas 'dir ma yin// bar du mos pas lam gzhol sdom// thun mong mchog ste tha ma gnyis// dngos spyod rjes su gzhol ba dang // pha rol phyin par shes rab x270b3(1): gzhol// de de'ang gcig dang rim sbyor ba// rjes su mthun par lung bzhin bstod// lnga yi dngos dpyod rjes 'brang ba// las gnod skabs pas phye ba yi// 'tsham pa'i ngag gis grol byed pa// gzhi dang rang gi x270b4(1): stobs las byung // de la khams kyi dpyod pa yis// phye bas dang po lhur gnas pa// rim dang rdzogs par smin tshul du// rim dang cig car snang ba ni// ga shi ra tsa kra a mo tsa// rang gnas bgrod lam gyen 'gro/ x270b5(1): ba// de la brten pa'i rim pa yi// bye brag bskyed pa'i cha yin no// phyi ma dbang po gsang ba gnyis// nor bu chu skyes ldan gyur pa// bcu drug gzhi rdzogs phyag rgya bzhi/ kha sbyar g.yo ba'i rten gnyis las// rten x270b6(1): dang mthun pa'i bde ba mthong // mchod pa gsum pa dkyil 'khor drug/ shes rab gsum gyis mi 'byang ba// rang dag mngon du rdzogs phyir 'thob// shes rab pha rol phyin sbyor yang // gtso dang yan lag rnam x271a1(1): bcu po// kun gyi don du gnyer byed pa'i// mchog tu bya ba sngon bzhin gnyis// gcig ni blo mchog skal ldan rnams// nges par chud nas der gnas pa// gnyis su med pa'i byang chub sems// sems x271a2(1): bsgom rnam gsum dus gcig rdzogs// de las ldog pa rten 'brel bzhin// lnga yi rim bstan don du gnyer// sngon du yan lag dang po sdom// dgos ched thabs dang ngo bo dang // skyon dang yon tan rim pas ni// x271a3(1): dbang po mchog ni rdzogs par bshad// gzhan pa'i lta ba dmigs bsal ba// spyan mchog shes rab mngon bya'i phyir// lha ngan go cha rtol byed pas// the tshom med pa'i mde'u thung gces// gling bzhi phal ri ri x271a4(1): bdun dang // lhun po'i gnas lha rim pa bzhin// rigs min rang bzhin ltos lta ba// phyogs bsgrub mi mthun 'gegs pa dag/ cha yod dug la mi reg bzhin// gang gis shes nas der mi gnas// bsam gyis x271a5(1): / mi khyab mi shes na// bsam med rnal 'byor gnyis don med// gang gis de ltar chub byas pa// stong rtogs rnal 'byor rdzogs byang chub// gang gis thog mar rten pa'i thabs// ting 'dzin bye brag las dpyod x271a6(1): dang // yan lag mang po'ang rnam gsum gyis// gtan tshigs thun mong yin min pa// rgyud las bgrangs pas rkyen byas te// ri rgyal lta bur mthong ba gces// rgyu rkyen gang gis des skyes pa'ang // the tshom yid x271b1(1): gnyis som nyi ba// mi la brjod kyi des rtog med// dgag bsgrub med pa'i rgyu las byung // dbang po drug gi char snang yang // spyan la mchog tu brjod pa ni// shes rab yul du dbyer med pas// mngon sum x271b2(1): / rtogs pa rtogs pa'i mchog/ rang rig ye shes tshogs gcig po// shes rab spyan gyi dam pa bas// de la phyin nang med pa'i phyir// chos nyid rang gi mtshan nyid mthong // de lta 'ang log rtog ma zad pas// 'khor x271b3(1): sguskur rgyal bu'i stobs bzhin du// rang mtshan mthong yang de lta bas// dbang sgyur rigs dang khyad par 'gyur// gsang ba'i rgyud las 'di skad du// ta dang lta bar bya med pa'i// ye shes sgron ma sbreng ba na// phyogs x271b4(1): bcu'i zhing khams thams cad mthong // de bas spyi la gang zhig zhe na// gsang sngags yid yul gang gis rnyed// rdo rje yid kyi sgra gol bas// 'dus ma byas la dmigs pa dag/ nges par 'di'o snyam pa yi// rjes x271b5(1): la rnal 'byor mi rtog ces// phyogs nas mthun par skyes 'dod pa// nges 'jog rtog pa'i gzung 'dzin bcad// kun tu rgyu dang gzhon nu ltar// goms mchog thos pa'i khyad par ni// rigs brgyad rtsa ba bco lnga x271b6(1): las// lta ba'i khyad par gsungs pa yin// rnam grangs dam pa'i sgras gol ba// de yi sgra la ji bzhin rtog/ de mi mthun pa log byed pa// dbul po lta ba nyid kho na'o// bzhi pa 'di skad lung las 'byung // thabs x272a1(1): la mkhas pas ma zin na/ lam gyis dge spyang stegs bcas kyang // mtho ris lha dang mi ru skye// skye shi med pa'i sa mi thob// lnga pa'ang ji skad 'byung zhe na// dngos grub mchog gi snying po ni// dang po x272a2(1): don rtogs mtha' mi gtong // chu srin phyag rgya ji bzhin du// spyod yul kun tu tshad dpag med// de rjes gtso mchog goms byed 'di// 'byung rlung 'dus bral tshul bzhin pa'ang // rang gi yan lag rdzogs pa x272a3(1): yis// gang du'ang 'du shes med gsal ba'i// gang dag bcu dang ldan pa yi// snga ma bas kyang gnas bsgyur ro// 'pho ba med par bzhis snang bzhin// de yi yan lag de bzhin pas// rgyu las thob dang rang x272a4(1): gnas pa// snang ba kun tu khyab pa ni// phyi nang med par mthu rdzogs bya// de yi stobs las skyes pa ni// rten 'brel bzhi pa nas 'byung ba'am// gcig shos bskyed pa ji bzhin pa// gnyis las gang mos gnyis x272a5(1): tshul gyis// bzhi la dgu dang ldan pa yi// rang gi cha rkyen tshang ba yis// de la zhen pa grol 'gyur zhing // bzhi lnga ldan nas ldang bar bya// gang smin mthun pa'i rgyud 'phel bzhin// de yi bzhi las tshangs ya x272a6(1): ma'i// gzugs can spros pa'i rang gnas te// rgya mtsho gza' dang skar ma 'am// 'brel bzhin rdo rje cho gas sam// bslab pa rang gi rkyen tshang bas// lung bcu ldan nas de sgro'am// yang na de nas longs spyod x272b1(1): sbyar// lnga pa rnal 'byor 'ba' zhig gis// 'das thob gnyis tshul 'gyur ba'ang yod// de dang mi 'tshal longs spyod lnga// rang gi gzhi bzhi thabs bzhi dang // ldan pas grags tshad rtags byung na// dkyil 'khor x272b2(1): mthun sbyar thabs gnyis pos// yan lag tshang na zag pa med// de min lan grangs gzhan nyid du'o// rgya mtsho rin chen bzhi yi 'od// phog pa ji bzhin thob gyur pas// 'dis ni mthar lam rim sbyar nas// x272b3(1): sangs rgyas sa la gdon mi za// yan lag gnyis pa 'dir shes te// de dag las su rung byed pa// dgos ched rnam grangs dus dang ni// skyon dang yon tan nyid kyis rdzogs// bdag dang gzhan gyi don gyi phyir// x272b4(1): dbri rdzogs mi gos goms pa gces// gsang rgyud nyid las gsungs pa yi// brlang po dam rdzas sha spyad pa// 'dod yon nyon mongs nyi shu lnga// nag pos 'dul ba ji snyed pa// thun mong min pa de bzlog dkar// x272b5(1): khyad par lam dang sar mthun pa'o// zhen pa'i lam la de nyid de// ji ltar dug la dug nad bzhin// bdag dang gzhan pa gnyis ka la// cha dang mkhas pa'i thabs kyis spyad// gcig shos pa de rmongs rje dang // x272b6(1): bram ze'i rgyal po lnga rim bzhin// shes par bslab bya mang po la// brtson pa dor ba yod ma yin// de goms mtshon pa'i gnyis pa ltar// 'jug pa gsum pa yig tshang thabs// cha mthun thabs mkhas bying x273a1(1): rgod de// 'bru sogs rims dang bzlog la brten/ gtsang ma rigs kyi mthu bzhin du// mthong goms bzhi mthus spyod yul sbyong // lnga pa sri zhu rgyal pos ni// 'dod pa bzhin du longs spyod lnga// shin x273a2(1): tu spros spyod blang bar bya// lnga par lnga po gtso bo yin// de nas gzhi yi zag bral nas// lcags zangs dngul gser go rim bzhin// bdag gzhan yul gyi khyad par 'gyur// snga ba rgyud ldan rtsol ba med// rang x273a3(1): rang bslab pa gang yin pa// skabs su gces pa'i khyad par yin// lam dang sa yi rim sbyar nas// spyod par grags la mo tshod pa// snga ma goms mtha' phyis 'jug tshe// de na rang gi spyod yul snang / khyad par x273a4(1): dor ba mthar phyin med// brlang po rang khar spyad pa ni// don du mi 'gyur bzhi dbang bas// so so'i rnam smin tshad las 'das// de la de yi de yod phyir// de des gnyis po mi ltung thob// so so'i lung thob/ x273a5(1): grags pa bzhin// bsag bya gnyis 'gyur bri bar bya// bya ba'i sdom ni dgos ched dang // ngo bo nges tshig rnam grangs dang // bya thabs skabs dang khyad par dang // skyon yon dgu yis rdzogs pa yin// bdag x273a6(1): dang gzhan dang gnyis ka dang // dam chos phyir na'ang rnam lnga'o// zhing la chu bzhin dang blang ba// rab 'bring tha ma nus tshad sbyar// gdul bya phyi nang zung bzhi po// 'dul ba'i mthu tshad rnam bzhi dang // gcig/ x273b1(1): gis kun 'dul mthu can sogs// lnga po gang yin de'i ngo bo// zug rngu phyi nang zhes phyir dang // 'phel bya gnyis po 'phel phyir dang // dgug dbang bzhi po dgug phyir dang // gdug pa rnam gnyis 'joms phyir x273b2(1): dang // lnga pa sngon du bstan phyir dang // nges tshig nges par grub pa yin// don gyi dmigs ni gzung ba'i phyir// rang bzhin lam dang thugs rjes phye// bar ma thabs dang shes rab la// snga ma gnyis dang phyi ma la// x273b3(1): shes rab ting 'dzin rnam gnyis dang // longs spyod lhag pa'i gzugs bstan gnyis// de la phyi nang gsang bar bshad// ngo bo rjes su zhi ba gnyis// phyi la nang bgegs dgra zhi ba'o// nang la nyon mongs rtog zhi x273b4(1): ba// rgyas pa gnyis po gso dang 'phel// na shi log rtog srid bu sogs// tshe dang rigs brgyud longs spyod dang // bsod nams bzhi po nang 'bras bu// dbang ni dgug dang bsdu ba gnyis// phyi rol da ra'i rnam x273b5(1): pa dgug/ mi mthun rnam gnyis dbang po bsgyur// rang sems 'bras lnga bsdu bar bya// mngon spyod bskrad dang mnan par bya// sgro 'bogs byed dang bskam pa dang // rmongs dang brtan 'pho rgyud gzhan la// rang gi x273b6(1): phyi nang dgra bgegs 'joms// thabs ni thabs la gsang ba nang / khams bzhi khams gsum la sbyar bya// shes rab phyi nang gnyis kyis te// phyi rol tshad med nyid las bzhi// lhag pa gzugs te// mchog rten x274a1(1): brnyan rnam gnyis sgo dang sbyin sreg ste// phyi ma gnas dang sgrub po dang // zab brgyad 'bru khung btso ba dang // phyogs dang kha dog dus nyid dang // phur pa lha dang sems dang yum// bsgrub bya ling ga x274a2(1): me mchod dang // dkyil 'khor yo byad tshang bar sbyar// bya thabs gtso bo sbyin sreg la// skabs su dgos pa ling ga gdags// sro stabs btso ba'i cha rkyen no// de dag rtsa ba'i mchod bsnyen dang // sta gon me x274a3(1): mchod sbyin sreg rim// smon lam lhag ma'i las dag go/ skabs ni dbang dang bsgrub pa dang // mchod bshags tshe dang dus bab tshe'o// khyad par zag bcas par chad med// mthar phyin las kyis phye ba'am// x274a4(1): shes rab dbang po rnam gsum gyis// nus mthu byin rlabs yul ngo bo// thabs dang bzhi la khyad par ba// skas 'dzeg dang bu ji lta bu// mi skongs mi 'byang mi rdzogs dang // don gnyis mi 'grub de yi skyon// de x274a5(1): las ldog pa'i tshul ldan pa// yon tan nyid du shes par bya// sa gzhi sdom ni ngo bo grangs// dgos ched dus dang che ba dang // yon tan bskang thabs skyon dag gis// nges par dmigs su shes par bya// gsang x274a6(1): / sgor zhugs pa thams cad kyi// sgo gsum rang gi bsrung bya las// rgyal po'i bka' rtags ji lta bar// mi 'bral sdom pa de ngo bo// thun mong gzhung gzhan 'gro don du/ khyad par rtsa ba yan lag te// mdo rgyas x274b1(1): rab 'bring tha ma'i grangs// tan+t+ra gsungs la bsnyad par bya// theg chen sa lam khyad par bya// skabs kyis lam chos mi mthun bsrung // de yi dgos ched rang dang spyi// skyon yon cha yis ched che ba// de dang de x274b2(1): yis// nges tshig 'grub// rang spyi gdul bya yi sbyang bsag pa'o// bsrung bya'i rim pa yod pa'i rang spyi gdul bya'i sbyang bsag pa'o// bsrung bya'i rim pa yod pa'i phyir// sa lam gang thob de yi tshe// de x274b3(1): la de dgos de bsrung ba// nyams su blang ba'i dus la bab// skabs dang 'byor na phan yon gnyis// bsrung bya mchog la bskul ba'i phyir// smos pa bla med bsrung thub na// tshul khrims sdom pa thams x274b4(1): cad rdzogs// bya byed med par nyams pa'ang med// ma nor gnas pa'i phan yon ni// rnam grangs rjes zhugs spyi rgyud grangs// gzugs dang thob pa dbye ba'ang bya// bdag dang gzhan gyi dgos grangs rdzogs x274b5(1): pa'o// de de zhig ral byung ba yi// dmigs shes gso ba'i rtsa ba lnga// le lo med pa'i mos lcogs sbyar// des na nges par rdzogs gzungs thob// phyag pa le lo logs pa dang // zla zhar nyon mongs dbang song x274b6(1): bas// bdud kyis bslus dang rang bzhin ngan// brgyad rgyus bka' thub ral ba dang // dus 'di phyi mar drag zhan gyis// spyi dang sgo skyon gnyis la gdod// bkod pa rgyud las bdun gsungs pa// sdom ni ngo bo x275a1(1): sku gsung thugs yon tan// phrin las gtso bos phye bas lnga// thabs dang dus dang nges tshig dang // yon tan skyon gyis bzhi ru gzhag/ gnas skabs bdun du snying po len// bkod pa gang rdzogs de x275a2(1): ngo bo// dang por rang bzhin nyid mthar phyin// gdul byar zhi dang khro bo de// mos pas sku gsung thugs yon tan// phrin las gtso bos phye bas lnga// rtsa ba de yang skabs kyis grangs// mchod pa dbang dang phrin x275a3(1): las bsgrub// bzhi 'am gtso bos grangs rjes mthun// kun la 'jug pas bcu bzhi dang // sum cu rtsa lngar gyur pa yin// de yi rjes su drug sbyor ba'o// bzhi po dus su bdag gzhan phyir// drang dang rten dang 'brel x275a4(1): ba yi// bsgom dang sgrub rdzogs mchod sgrub phyir// shin tu nan tan blang bar bya// sa yi bya ba'i rim pa dang // de yi cho ga thabs dag ni// rang bzhin la sogs bdun dag la// gang la yod pa kun yod de// x275a5(1): thabs dang shes rab las kyis bya// des na mngon du grub par 'gyur// bdun gyi gtso snying gang gang la// de yi 'khor ldan nges pa'i tshig/ lung las grags pas the tshom med// tha dad gcig gis bcings dang x275a6(1): bral// 'phel 'grib phan yon thob grub bzhi// bye brag so so'i grangs bzhin no// de las bzlog pa'i skyon tsho ni// grangs kyi rjes su nges par 'gro// mnyes par byed pa'i sdom tshig ni// dgos ched ngo bo grangs x275b1(1): skabs dang // yon dang yon tan la sogs pas// ji lta ba bzhin shes par bya// bdag gzhan dag rdzogs mnyes dgongs la// 'di dang phyi mar thob pa dang // yon tan bka' las gsungs pa bzhin// tshe skyon x275b2(1): mi 'byung bya phyir ro// bya byed bya ba byed 'dus pa// dgyes tshim gyur pa'i dngos po nyid// 'jig rten srol mthun mos bya'i phyir// phyag dang phyag rgya glu gar tshig/ phyi nang gsang ba'i rdzas dgongs mchod// srog/ x275b3(1): dang ldan pa'i bden gsum tshul// mchod pa gsum las spyod pa dag/ dkyil 'khor bdun gyi skabs dag la// dbul phyir dgos ched rjes zhugs pas// las spyod bsgrub dbul mchod tshe na'o// dus kyi rjes x275b4(1): zhugs yon tan dag/ spyi dang khyad par dus kyis ni// 'di dang phyi mar gang thob pa// bdag gzhan don gyis gnyis su 'gyur// de las ldog dang mi skong g.yel// nyams mchod mthu byin bral bar 'gyur// x275b5(1): 'thob par bya ba'i tshig sdom ni// dgos ched rgyu rkyen ngo bo grangs// thabs dang thob tshad dus snod dang // yon tan skyon dang dkyil 'khor sbyar// don 'gyur bzhi las khyad par du// bdag don gnyis nus x275b6(1): tshogs 'grub na// byang dang chub par 'gyur bas myur// de la de yod phyir nor bya// lung dang man ngag las byung ba'i// rgyu gnyis rkyen bzhi yan lag bsnyad// drug la gnas pa'i 'thob bya de// ngo bo nyid ces x276a1(1): @#// rnam par bshad// rtsa ba rnam lnga bco brgyad dang // bsgyur ba lnga la sum cu drug/ dkyil 'khor las kyi rjes zhugs pas// snod rim sbyar ba'i las rdzogs bya// rno la til mar ngar rim bzhin// nus x276a2(1): mthu bzhag la nges par gzhag/ lam gyi shes rab sngon 'gro ba// thabs la de nyid rim par bslab// gnyis ka sa yis rim pa gsum// dang po drod snyed mi ldog pa'i// rim pas las rigs ye shes rgya// rim x276a3(1): pas rol bas rgyud nyid dang // dad brtson gsum dang brtul zhugs gsum// gang la yod pa de yi snod// 'di dang phyi ma phan yon grangs// rgyud las gsungs pa ji bzhin te// de bzlog rang byon chos nyid dang // x276a4(1): gsang ba nyams pas ltung 'jigs pa// so ma btang ba'i rdza spyod ltar// 'gyur ba gsang ba'i rgyud kun ltos// don du gnyer ba thos byas pa// phye ba gnyis sogs sdom pa'i tshig/ dgos ched ngo bo grangs thabs x276a5(1): dang // dus dang skyon grangs zhes bya'o// thun mong mchog gi dngos grub grangs// bdag gzhan thob nas don gzhi'i phyir// gang gis gang thob 'dod pa de// yan lag bcu ldan gnyer bdo ba'o// mngon shes tshe x276a6(1): dang rdzu 'phrul las// sku gsung thugs kyi thun mong dag/ bsgrub thabs mi mthun grags pa dag/ zag med 'bras bu mchog lnga po// bsgrub pa'i thabs su grags pa kun// sngags dang phyag rgya brtan pa dang // phun x276b1(1): sum tshogs pa bzhir ldan nas// brtags shing byin gyis brlabs pa der// tshogs bskyed bsnyen bsgrub grangs dus mtshan// so sor phye ba rgyad gsungs bzhin// rnal 'byor rtogs goms 'byor ba dang / x276b2(1): sngags dang phyag rgya bstan pa dang // mi lcogs med pa gar yod dang // cha rkyen tshang ba dbang bskur sdong // yal bas mi 'byung mi thob bcu// bye brag rgyas pa khong du chud// de las ldog pa'ang 'di phyi mar// lnga lnga x276b3(1): thog pas don gnyis rdzogs// sngags dang phyag rgya'i sdom tshig ni// dgos ched ngo bo grangs dang thabs// nges tshig gang du dgos pa dang // yon tan skyon dang spyod yul bshad// sbyang zhing nye bar bsnyen pa dang // x276b4(1): thob bya lnga po rdzogs bya'i phyir// gnyi ga'i ched du shin tu gces// yi ge 'dus pa grub pa bzhis// mthu can red pa gar yin pa// gzhi rdzogs nyid las mi 'da' ba// gang la snang ba de ngo bo// rigs gsang x276b5(1): gzungs sngags zhes bya ba// rtsa bskyed las sbyang las rim dang // mchod pa dang ni brgya bzhi la// chen po'ang rang bzhin ting 'dzin dang // mtshon pa mtshan ma'i phyag rgya dang // yum dang 'dzin bsams bcas x276b6(1): pa'i dam// bsam dang bcas dang rang bzhin dang // 'phro 'du las kyi phyag rgya dang // bde ba rang bzhin bzlas bsam dag/ lam gyis phye bas grangs mang ngo // skyon brgyad spangs pa'i brtson pas sbyang // mthu x277a1(1): @#// byin ldan zhing don mi 'da'// de phyir ming gi sgra 'jug go/ dkyil 'khor dgos pa'i dus lnga dang // bsnyen bsgrub rnam bzhi'i tshe na'o// sngags dang phyag rgya rab brtan na// dngos grub ya mtshan x277a2(1): che 'gyur bas// yid la bsam pa thams cad 'grub// ral gri'i so la nyes bzung ltar// nan tan med pa'i gsang sngags pa// phung zhing 'bras rnams med par 'gyur// gsang ba gsum la mos rim dang // x277a3(1): gang la spyod pa de yul lo// tha ma rig pa'i drod tshad pa// nye bar spyod pa ba de ni// rang gi bsgrub dang ting 'dzin sdom// zag med lam sbyor tshogs gnyis grangs// tshad ma gnyis las grangs pa dag/ legs x277a4(1): sbyangs thob nas zag pa med// thigs pa za ma snga ma rgyus// thob pa'i sngon tshig lam mthar phyin// bder gshegs rgyal ba nyid yin no// de phyir bcu yis 'bras sbyar te// rus sbal bsnur shugs blang bar bya// x277a5(1): de yul byas snyed don la 'jug/ thugs kyi thigs pa las/ gdul bya dag pa'i snang ba'i le'u ste gsum pa'o// // rdo rje yan lag bzhi pa'i sdom// mtshan nyid tha ma lung bstan pa// rig pa 'dzin dang x277a6(1): rdzogs sangs rgyas// snga ma thob tshul rnam grangs dang // nges tshig gnas su rnam par bshad// lhag ma yod med 'da' tshul gyis// 'di dang bar mar rnam par spyod// rnam par smin pa bya gcan tshul// dbang x277b1(1): skusbyar phung po 'jig pa med// phyag rgya chen por bdag lus snang // nyi shu lngar grub rang snang ba'o// de la de yi rtsol ba can// me chu rlung gis rigs gnas bzhin// gang rigs zin pa mi gtong ba// dang po byung x277b2(1): dang bya byed dang // za mar brgyud 'dzin gsum gyis 'grub// de yi bzhugs gnas nges med de// sems rig gnas snang gang yang rung // bya ba byas pa'i grub pa dag/ thob tshul ngo bo 'bras bu grangs// spyod x277b3(1): yul gzigs dang thugs rje sprul// mdzad pa ye shes bzhugs tshul sdom// bdag gi dbang du 'di skad du// dpag bsam shing dang rin po che// de dag rdzas yod ma yin te// rang sems bsod nams bstan pa x277b4(1): yin// ngo mtshar cho 'phrul rmad kyi chos// gzhan nas yod 'ongs ma yin te// thabs la brten pa'i shes rab nyid// de lta bu yi ngang du byung // gzhan gyi don du 'di skad du// bya ba ma lus kun byas nas// mthar x277b5(1): ni skye med rdo rje'i sgra// gsungs pa'i srid pa tha ma dang // rdo rje 'dzin sku rdor gsum las// sprul pa drug gi dbang po yis// mdzad pa rdzogs nas sangs rgyas tshul// gsang ba'i skabs las shes par bya// gnyis x277b6(1): med sems su mngon byas pa// log par rtog brtags rnam dag cing // ye shes dbyings las mi gzhan phyir// thugs rje chen pos 'brel bas na// 'gro drug dus gnas ma lus snang // rnam par rtog pa mi mnga' ste// de x278a1(1): yis mi mkhyen gang yang med// yang me long lta bu'i tshul bzhin du// sna tshogs kha dog dbyibs su snang // bder gshegs rang bzhin thams cad phyir// su rgya can tra'i gzugs brnyan bzhin// snang x278a2(1): yang 'gro 'ong ga la yod// de yod na ni gzung 'dzin can// sgyu ma'i dkyil 'khor sgrol ba yis// bya byed med par dkyil 'khor spyod// dus gsum rig pa rdzogs sangs rgyas// log rtog tha dad dag pa yang // x278a3(1): de nas mtha' las grol ba yi// gcig dang mi gcig brjod bsam 'das// gzung 'dzin bral ba'i ye shes ni// de bzhin gshegs pa kun gyi gnas// rgyud las gsungs pas bgrod dang sla// rgya mtsho chu dang x278a4(1): rlabs bzhin no// mkha' la 'ja' tshon bzhin du rgyud don bkra gsal 'di// mi shes nga rgyal snyil zhing nyon mongs dgra rgyal ba// dpa' bo ru mtshon gnam lcags shag ti 'dra// rgyud kyi don bcud 'khor lo x278a5(1): dang mchu ltar blangs pa las// mi shes dra bar chud rnams gsang ba'i snying por shog/ thugs kyi thigs sgyu 'phrul rdzogs so// // dge'o// gsang ba'o// e ka prits+tsha/ sarba mang+ga laM// x278a6(1): @#/ rgya gar skad du/ badz+ra satwa sa ma ya dza la gu h+ya sarba A daR+sha tan+t+ra/ bod skad du/ rdo rje sems dpa' sgyu 'phrul dra ba gsang ba thams cad kyi me long zhes bya ba'i rgyud/ oM rnam par snang mdzad la phyag 'tshal x278b1(1): lo// hUM mi bskyod pa la phyag 'tshal lo// a snang ba mtha' yas la phyag 'tshal lo// de nas dpal ldan rdo rje 'chang // rgyal ba kun gyi gsang ba'i bdag/ kun gyi dbang bskur gter 'dzin pas// dgyes shing spyan gdangs gus x278b2(1): bcas pas// rgyal ba sku la bstod bskor nas// spyan sngar gus 'dud 'di skad gsol// e ma ho sangs rgyas kun gyi gsang // rtog pa kun gyi rgyal po ste// cho ga rgyas par bstan pa'i rgyud// dri med zab mo brtag x278b3(1): dka' ba// 'dul ba mdo sde chos mngon dang // dam tshig sgrub dang grub pa dang // sku gsung thugs kyi cho ga'i rgyud// ma lus gtan la 'bebs pa 'di// rdo rje sems dpa' ji ltar lags// sgyu 'phrul gang gis x278b4(1): bstan pa ste// dra ba'i rgyud de gang phyir bstan// lus ni gang phyir brjod pa nyid// gang phyir spyi zhes bya bar bshad// gsang ba zhes ni ji lta bu// snying po'i don ni ci yi phyir// de kho na nyid ces ji ltar brjod// x278b5(1): nges pa zhes ni ci yi phyir// mtshan 'di gang zag gang la gsungs// mtshan gyi dri ba dris pa'o// thun mong khyad par tshul nyid kyis// ston pa zhes ni ci yi phyir// gnas dang 'khor ni ji lta bu// dus dang sdud pa ji x278b6(1): ltar bu// mi bskyod ces pa ji ltar bya// rnam par snang mdzad ji ltar brjod// rin chen 'byung ldan gang gis phyir// snang ba mtha' yas gang gis phyir// don yod grub pa ji lta bu// spyan dang nam mkha'i dbyings x279a1(1): @#// phyug ma// gos dkar mo dang ma mA ki/ sgrol ma zhes pa gang gis phyir// sa yi snying po ci yi phyir// nam snying spyan ras gzigs dbang dang // phyag na rdo rje gang phyir brjod// sgeg mo phreng dang glu gar ci// x279a2(1): byams dang sgrib sel kun bzang dang // 'jam dpal zhes pa ci yi phyir// dus bzhi bdug spos me tog dang // mar me dri chab gang phyir brjod// rnam rgyal gshin rje gshed po dang // rta mgrin bdud rtsi 'khyil pa x279a3(1): ci// lcags kyu zhags pa lcags sgrog dang // dril bu zhes pa gang phyir brjod// yid dang chos bzang gnyis ci phyir// gtso bos bdag la nges par gsungs// gang phyir thun mong ma yin pa'i// nang dang gsang ba x279a4(1): gleng gzhi las// ston pa bstan pa gnas dang 'khor// dus dang sdud pa ji ltar brjod// grags pa thun mong gleng gzhi las// ston 'khor gnas su ji lta bu// bstan pa sdud pa ji lta bu// skyes bu chen pos bshad du gsol// x279a5(1): 'di ni gleng gzhi'i dri ba tshigs su bcad pa'o// thun mong thun mong ma yin pa'i// gleng bslang gnyis su ji ltar 'gyur// gang gis gang la gleng bslangs shing // thabs dang 'bras bu ci yi ston// thun mong thun x279a6(1): mong ma yin pa'i// sems lnga ye shes lnga'i rim pa// gang dang 'brel pa bshad du gsol// 'di ni gleng bslang ba'i tshigs su bcad pa'o// skyes bu chen po ston pa'i gtso// sgyu 'phrul dra ba mnga' brnyes shing // x279b1(1): phun sum tshogs pa chos kyi rje// gzi brjid phung po phun sum tshogs// blta bya gang la ci yi phyir// gang gis rtogs pas ji ltar 'gyur// rtogs dang ma rtogs khyad par ci// rtogs pa'i sgo ni du ru gsungs// x279b2(1): gtan tshigs tshul dang 'bras bu ci// 'di ni lta ba'i dri ba'o// thun mong spyod pa ci yi phyir// thun mong ma yin gang ci'i phyir// shes rab tshogs dang thugs rjes dang // rtogs dang phyogs gcig spyod pa dang // x279b3(1): 'brel dang rig 'dzin sprod pa ci// gang gis gang la ji ltar spyad// de yi 'bras bu gang phyir 'byung // gang du de dang mi ldan pa'i// spyad pa'i skyon nyid bdag la gsungs// 'di ni spyod pa'i khyad par gyi dri ba'o// x279b4(1): / thun mong spyi dang khyad par gyis// rang bzhin nyid dang lhun gyis grub// dkyil 'khor zhes gang ci'i phyir// de nyid phyi nang gsang ba dang // 'dul thabs gnyis su ji ltar 'gyur// ting 'dzin dkyil 'khor rim x279b5(1): bsrung gang // lhag pa ting 'dzin zhes bya ba// gnyis la sku gsung thugs sbyor dang // phyi nang gsang ba'i rim pa ci// gzugs brnyan dkyil 'khor ji lta bu// gang phyir gzugs brnyan zhes brjod cing // gang x279b6(1): gis gzugs brnyan gang snang la// phyi nang gsang ba ji ltar 'gyur// lhag ma zhes pa gang phyir te// gzugs brnyan zhes pa ji lta bu// gnyis dang gsum dang drug bstan cing // don dam kun rdzob byang chub sems// x280a1(1): phyi nang gsang ba ji ltar spyod// tshogs kyi dkyil 'khor gnyis ci zhig/ gang gis gang du gang tshogs nas// ji ltar spyad pas ci zhig 'grub// 'di dag bstan pa'i dgos pa ci// gnas skabs gang x280a2(1): dang 'brel bar 'gyur// yan lag rtsa ba gang dang 'brel// dkyil dang 'khor du ji ltar brtags// gsungs shig skyes bu mchog chen po// gang dag nges pa ma rnyed pa// kun gyi spyod par ma gyur pa// legs par x280a3(1): gsungs shig rgyal mchog che// 'di ni dkyil 'khor gyi dri ba dris pa'o// gang gis gang la gang dag tu// ji ltar dbang bskur phun sum tshogs// bdag gis ji ltar shes par bgyi// gang dang gang du ji ltar x280a4(1): 'brel// skyon dang yon tan ji lta bu// 'bras bu rim par bshad du gsol// 'di ni 'jug pa'i cho ga ru// las kyi rim pa ji lta bu// rdo rje sems dpa' bde chen po// sgyu 'phrul dra ba mngon rdzogs pa// thabs x280a5(1): dang shes rab gnyis med pas// bdag gis the tshom bsal du gsol// 'di ni dbang gi don mtha' dag las dri ba dris pa'o// gang la gang gis bstan pa yis// dam tshig ces pa ci yi phyir// rtsa ba dam tshig x280a6(1): tu bzhin bstan// gang phyir rtsa ba brjod par bya// yan lag tu zhig bstan par bsrungs// 'di dag lam dang bsnyen sgrub dang // gang zag gang don ji ltar 'brel// bsrungs dang 'das pa'i skyon yon ci// phyi/ x280b1(1): nang gsang ba ji ltar bsrung // lha dang spyod dang bsgrub pa dang // shes bya ting 'dzin dam tshig tu// sgrub dang mi spang bsrung ci zhig/ rgyal mchog skyes bus bshad du gsol// thun mong thun mong ma yin pa'i// mchog x280b2(1): dang mchog gyur ma yin pa'i// bsgrub pa'i khyad par ji lta bu// gang gis gang du ji ltar bsgrub// dgug dang bcing dang gsod dang bsad// dbye dang bskrad dang pham rgyal ci// gter dang mig rnon rkang mgyogs x280b3(1): dang // rig 'dzin go 'phang ji ltar bsgrub// rgyal ba'i mchog gis bshad du gsol// 'di bsgrub pa'i dri ba dris pa'o// 'phrin las rim pa gang ci zhig/ gang gis gang du brtsam par bya// thabs dang rdzas dang / x280b4(1): phur bu ci// ting 'dzin 'dug stangs ho khung ci// gdul bya'i rim pa gang ci zhig khyad par rim pa ji ltar bshad// 'bras bu yon tan ji ltar 'gyur// gsungs shig gsungs shig rgyal mchog gtso// the tshom legs par x280b5(1): chod par mdzod// 'di ni 'phrin las kyi dri ba dris pa'o// rmad byung skyes bu gang dag gis// dang po lam tshul ji lta bu// phyi nang gsang ba'i lam ci phyir// stong pa'i rnal 'byor snying rje che// phyag rgya ci dang spros bcas x280b6(1): ci// rnam smin dbang sgyur phyag rgya dang // lhun gyis grub pa'i mtshan nyid ci// mthar phyin rnam pa du zhig gsungs// phyi nang gsang ba mthar phyin pa'i// 'bras bu bdag gzhan don nyid cing // nyi shu rtsa lnga'i don x281a1(1): ji ltar// gang dag rtog pa'i rgyal po ste// sgyu 'phrul dra ba bla na med// kun lam 'bras bu thugs chud pa// cho ga rgyas par bshad pa'i rgyud// skal ngan rnams kyis ma rtogs pa'i// gsang ba gsang x281a2(1): chen mdo sde dang // 'dul ba chos kyi phung po dag/ nam mkha' mthar thug bshad pa kun// gsang ba'i snying po las 'phros pa'i// ji snyed bskyed dang rdzogs dang lam// ma lus kun gyi snying po 'di// theg pa dman x281a3(1): dang ma sbyangs dang // rigs chad dbang dang man ngag bral// ji ltar bltas kyang mi snang ba// skyes bu mchog gi spyod yul pas// rdul snyed sbyangs pa'i gang zag la// gsang phyir gsang ba'i thabs dag gis// dngos x281a4(1): grub mthar thug grub phyir bstan// phyi nang snod bcud ma lus pa'i// rten dang brten par bcas pa'i chos// ji ltar grags dang grags gyur pa// thams cad ma lus rgyu gcig kyang // rkyen stobs nus pa so sor x281a5(1): snang / khyad par rim pa gang gnas pa// rang bzhin gdul bya bde gshegs dang // 'khrul pa'i dbang gis so sor snang // ma bcos dang la tha dad med// rang snang las kyi tha dad pa'i// bye brag rnam par bstan x281a6(1): pa kun// de bzhin nyid la dgod bya'i phyir// rgyal mchog bde chen yongs gang ba'i// dri ba'i don 'di lung bstan cing // thabs dang shes rab 'brel gyur pa'i// gsang ba'i don la dgod du gsol// sgyu 'phrul dra ba rdo rje x281b1(1): sems dpa' gsang ba me long gi rgyud las/ dra ba rtsa ba'i rgyud ces bya ba bshad pa rtog pa'i rgyal po rdzogs so// / @#// rgya gar skad du/ ya thA la ba d+haM khas maM tan+t+ra na ma/ bod skad du/ ji bzhin brnyes x281b2(1): pa nam mkha' dang mnyam pa zhes bya ba'i rgyud/ bcom ldan 'das dpal rdo rje sems dpa' la phyag 'tshal lo// gang zhig sangs rgyas lnga yi cod pan can// sa gsum gyi ni snying po dang ldan pa// dpal dang po'i x281b3(1): sangs rgyas ngo bor mdzad// de ni nam mkha' dang mnyam par spyod pa'o// gal te de 'dra'i ngo bor sems dag pa// byas pa 'di ni don dam bsgom par bya// sangs rgyas rnams kyi rang bzhin mthong min te// sangs x281b4(1): rgyas dang ni rdo rje 'dzin pa dang // rin chen rtog dang dpal ldan 'jug pa ste// lha de rnams kyi rang bzhin yod ma yin// dang po'i sangs rgyas nam mkha'i rang bzhin no// dang po'i chos las de rnams 'byung ba ste// x281b5(1): mkha' dang lhan cig sems can rnams// bzhugs pa rnams ni bstan bcos tshad mar byas// gdod nas dag pa'i go 'phang mkha' mnyam mtshungs// sangs rgyas lnga yi cod pan dang ldan yang // gang zhig chos nyid x281b6(1): kyi ni rang bzhin can// sa gsum pa yi chos ni 'byung 'gyur ba// rdo rje sems dpa' de la phyag 'tshal lo// rdo rje sems dpa' la ni phyag 'tshal ba'i// bsod nams kyang ni mtha' yas 'byung 'gyur zhing // rdo rje x282a1(1): // sems dpa' de la phyag 'tshal lo// chos kyi bdag nyid chen pos thob par 'gyur// sems can thams cad yongs su bsgom par yang // bya ba 'di ni thar pa'i rang bzhin no// dngos kun rdo rje sems x282a2(1): dpar dag byas pa'i// thar pa chos kyi rang bzhin bya ba ste// chos 'di 'jig pa med pa'i rang bzhin can// 'jig rten pas ni rang bzhin gzhan du byas// 'di ni sku dang gsung dang thugs dang ni// chos 'di las x282a3(1): ni dang por 'byung ba ste// rnal 'byor gnas ni lha mo bskul byed ma// der ni dang por chos rnams 'byung bar 'gyur ba'o// der ni sngags rnams rdo rje cig dngos sgom// chos kyi rang bzhin rdo rje'i dngos dmigs bsam// x282a4(1): ral pa'i thor tshugs kyis kyang rab brgyan cing // sku mdog kyang ni sngon po'i rang bzhin can// rdo rje sems dpa'i ting 'dzin dge ba ste// gcig pa'i rang bzhin nyid ni bsgom par bya// nyi ma'i dkyil 'khor x282a5(1): gyi ni dbus gnas pa// yi ge bskyed pa nyid du bsam par bya// yi ge'i gzugs ni yongs su gyur pa las// rdo rje'i rang bzhin nyid du bsam par bya// mchu yi mtha' ni sngags pas bsgom par bya// rang gi ngo x282a6(1): po nyid kyis rang bzhin te// gnyis su med pa'i sku yi rang bzhin te// gnyis su med pa'i sku yi rang bzhin can// rdo rje sems dpa' dmigs par bya'o// 'di ni sems nyid yongs su grub pa ste// rdo rje 'dzin pa x282b1(1): yis ni gsungs pa ste// gang zhig bsgoms pa 'di yis sgom byed pa// sems kyi rang bzhin nyid ni 'grub par 'gyur// 'di ni lha mo bzhi rnams ro gcig pa'i// ngo bo'i klus ni mkha' mnyam las sgom pa// de x282b2(1): lha'i chos byas sems kyi rang bzhin te// lha mo thar pa'i rang bzhin nyid du sgom// rdo rje sems dpa' ngas mthong ba// chos rnams kun gyi rang bzhin can// rnal 'byor gnas dang rol pa ste// thams cad mnyam pa'i x282b3(1): btsun mor bcas// bkod pa dag dang ldan par gnas// mkha' bcas dngos las byung de la// rdo rje sems dpa' gang mthong bar// bzung ba sangs rgyas spro bsdu'o// bzhi yi ngo bo lha mo bzhi// dbus su nges x282b4(1): par gnas pa ste// sgyu ma lta bu'i rang bzhin gyis// sa gsum la ni khyab pa'o// lha yi der ni kha bzhi yi// lha tshogs rdo rje nyid yin no// de la sangs rgyas rnams kyi ni// rnam 'phrul thams cad 'di yidang // ji ltar x282b5(1): de ltar sems can rnams// skye bar 'gyur ba lnga nyid de// sangs rgyas rnams kyi rnam 'phrul ni// sna tshogs rdo rje yin par 'gyur// de las gang 'byung la kun kyang // rdo rje sems dpa'i rnam 'phrul yang // sems x282b6(1): can rnams kyi chos kyi ngo bor lha// sa gsum thams cad gcig pa'i ngo bo nyid// rol pas pa mdzad sangs rgyas kyis gtsigs shing // de yi rnal 'byor dbang phyug ma kun mthong // lha'i dam tshig gi le'u rtse dang x283a1(1): / po'o// // rtag tu mchog ldan khyod kyis ni// dam tshig lha mo thams cad kyi// mchog tu gyur pa'i lha mo ni// dus mchis bdag cag zhu bar 'tshal// de la klu bzhi gsungs pa ni// stong dang dbyer x283a2(1): med byas pa'i chos mnyam rang snang ma// zhi ma thar pa ma dang mchog mnyam mnyam med na// gang phyir sgyu ma'i mdzad pa sangs rgyas rnams dang mnyam// mkha' mnyam thams cad rol pa zhi ba med pa'o// ru lu ru x283a3(1): lu b+h+yo ru Da/ mkha' dang mnyam pa'i chos rnams kun tu rol pa ste// sgyu ma'i rang bzhin dang ni sgra brnyan chos mnyam snang // lhan cig gnas min cha ste rang nyid pi wang mtshungs// byas pa'i snang ba dang mnyam par x283a4(1): 'gyur ba'o// gang zhig chos rnams snang ba nam mkha' dang mnyam ma// der ni rdo rje'i mdzad pa gzugs brnyan lta bu ste// rdo rje'i theg pa der ni gzugs sogs 'dod yon gyis// bde ba mi zad chu tshogs zla ba x283a5(1): dang mnyam rtsol mdzad pa'o// rnal 'byor gnas ni du ma'i rdo rje'i tshul 'di ni// du ma'i gzugs 'dzin der ni rdo rje dang mnyam zhing // nyid dang 'dra ba'i sems dpa' rnams ni sgro mdzad pa'i// rdo rje de ni dbyings x283a6(1): dang lhan cig mchog rtsol mdzad// rang bdag mkha' mnyam bzhugs la bskul ba ni/ gang zhig rtse gcig sems kyis 'di nyon cig/ brjod byas sems kyis klu 'di 'dzin pa yi// klu 'di nam mkha' dang ni mnyam pa x283b1(1): ste// der ni gzugs bcas rdo rje len pa'i phyir// rdo rje'i bdag nyid thugs ni sad byed cing // rang bzhin gcig pa'i phyir na rgyud kyang len par 'gyur// 'di ni rdo rje'i tshig ste rdo rje gzhan rang bzhin// sngags x283b2(1): pas thugs chud dkyil 'khor kun bskos shing // chos kyi dkyil 'khor dbus nas pad mo mchog der sgom pa// dkyil 'khor dbus nas chos ni hUM gi de ba can// gzugs rnams thams cad sgyu ma'i ngo bor nges x283b3(1): par brtag/ thugs kyi ngo bor gcig bsam rdo rje theg pa'o// sems ni mkha' mnyam sems kyi theg pa 'ang rang bzhin med// gnyis ka'i ra zhen yang ni lus can ma yin te// der ni rdo rje la ni med pa'o// x283b4(1): rdo rje sems dpa' khyod ni gcig pa'i rang bzhin te// 'jig rten pa la sgyu ma'i rang bzhin mdzad// sems can 'dul ba'i rang bzhin du ni sad mdzad pa// kye lags khyod ni gcig pa'i dngos/ lha mo bzhis smras x283b5(1): rdo rje kun sbas pa/ nang du gnas pa rdo rje'i rol pa spros pa'i rdo rje slar yang bsdu bya ste// sems kyi rang bzhin du ni gcig phyir ro// sems ni 'gog par 'gyur ba na// kun kyang mnyam zhing mtshungs par mthong // x283b6(1): yang dang yang du sngags bsdus pas// gcig pa'i rnam par bya ba'o// thugs kyi dkyil 'khor gyi le'u ste gnyis pa'o// // bram ze dang ni gdol pa gcig pa'i rang bzhin du// chos rnams kyi ni rang bzhin sangs rgyas kyis x284a1(1): gsungs pa// gcig gi rang bzhin la gnas dam pa'i dngos po ste// de la rdo rje can gyis mnyam pa'i ngo bor gsungs// bram ze dang ni khyim bdag gcig pa'i dngos yin zhing // rus pa'i rgyan rnams x284a2(1): kyang sgyu ma'i rang bzhin te// rdo rje'i go 'phang de la bden pa'i rang bzhin no// rnal 'byor de la mnyam pa'i ngo bor ngas mthong ste// de la mnyam pa'i rang bzhin sems can rnams la sbas// de yi rnal 'byor rang x284a3(1): bzhin sngags ni gcig pu gsungs pa ni// la mo'i thams cad der ni gcig pa'i rang bzhin te// gtso ba dang bcas mdzes pa gcig pu 'byung 'gyur khyod// mnyam pa'i rang bzhin de yi sngags ni gcig pu ste// x284a4(1): rdo rje rnam par sad par byed pa gcig pu nyid// der ni zhe sdang rang bzhin dag ni zhig pa ste// yan chad pa yi chos ni 'byung bar 'gyur ba yin// der ni rdo rje'i btsun mo gcig rang bzhin// gang tshe rdo rje la ni x284a5(1): dbyangs kyis bstod pa'i tshe// lha yi g.yon gyi phyed dang gcig tu gyur par blta// blta nyid tshad mar byas nas bder sems phyag rgyas de bsgom bya// gsung gi dkyil 'khor gyi le'u ste gsum pa'o// x284a6(1): glang po dang ni rta dang mi dang khyi dang ni// ba lang sha ste thams cad ma lus gyur pa rnams// dam tshig de rnams gcig pa'i rang bzhin nyid yin te// mkha' mnyam rang bzhin can gyi rnal 'byor pas// bza' ba lha x284b1(1): mo bzhi pos gsungs pa'o// rnal 'byor pa yi sgom pa'i sems dang ldan gyur cing // sems gcig pas ni 'chang nyid grub 'gyur te// dngos po nyid dang bcas pa'i thugs ni skye bar 'gyur// rdo rje'i dngos mdzad x284b2(1): zhi ba ma gsungs snying po ste// 'di ltar chos rnams mnyam pa nyid du rtogs bya zhing // de ltar mkha' dang mnyam par spyad par bya// lha 'di rnam snang lha mo lha rnams de'i bdag nyid// rdo rje theg pa la ni mnyam pa'i rang x284b3(1): bzhin te// skul byed mas ni srid pa'i rang bzhin yin pa'i phyir ro// gcig pa'i dngos po las rdo rje sems te skur mthong ba// rdo rje'i theg par 'dod rnams lha mos 'di skad gsungs// bden pa bskyed pa 'di/ x284b4(1): ni rnam snang lha mos gsungs// 'di ni zla ba'i dbus gnas bsgoms pa rdo rje'i gsang sngags te// de ni sems gcig pa yis rdo rje rnam bsgoms pa// rab tu 'bar ba'i rdo rje rtse gsum pa nyid do// rnal 'byor x284b5(1): gnas kyi dpung gnas rdo rje'i rang bzhin bsgom// ngas ni rdo rje'i theg par 'di skad du// chos rnams gcig pa'i rang bzhin nyid du bstan// sku'i dkyil 'khor gyi le'u ste bzhi pa'o// // dngos min mi x284b6(1): rtog pa las dngos byas lus bsgom min// lha mos bskul bar byed pa'i dngos po ste// de ltar chos las nges par brtag byed pas// sems ni dngos po nyid du bya ba'o// sems las dngos po theg pa med pa'i dngos pos x285a1(1): bya// dngos po'i rang bzhin la ni zag med ste// sems ni mkha' nyid dang bcas mnyam pa'i rang bzhin can// snga ma ji bzhin sems ni rnam par sbyang bar bya// ji ltar de ni dngos por bya ba ste/ dngos x285a2(1): po'i de ni theg par 'grub par mi 'gyur te// sems ni nam mkha' lta bu'i mtshan nyid do// dbus su tshig ni chos la nges rtog pa// sems las dngos por nyid du bya ba ste// rnam pa du ma'i tshul gyis rang bzhin x285a3(1): gyis// rdo rje sems dpa' bskyed par bya ba'o// ji ltar dwangs shing rnyog pa med pa'i chu// 'di 'dra'i sems ni myur ba'i ngo bo nyid du 'grub// de ltar bstan du med pa 'di ni nga yis bstan// rdo rje sems dpa'i x285a4(1): sku yi rang bzhin gyis// zhi ba'i rnam pa'i ngo bor bya ba ste// de la rdo rje'i chu ni de lta'i rang bzhin can// thugs kyi ngo bo'i rnal 'byor pas bza' bar bya// chos dang dge 'dun dang ni rdo rje'i ste// de rnams mnyam x285a5(1): pa'i rang bzhin te// zhag dang khrag sogs mchog tu mdzes par rab bzhugs dngos po'i lus ni bsgyur bar bya// bza' dang bca' dang mal stan la sogs de rnams thams cad 'di'i rang bzhin// gang zhig ting nge x285a6(1): 'dzin du nges par bstan pa'ang // de dang gcig pa'i rang bzhin no// sangs rgyas kyi ni gsum char rdo rje'i ngo bor mdzad// chos rnams thams cad 'di'i rang bzhin te// rdo rje can gyis sgyu ma'i rang bzhin nyid du x285b1(1): gsungs// de yi rang bzhin mkha' mnyam so sor snang bar 'gyur// sgyu ma'i ngo bor nges par bstan pa yis// rdo rje yi ni nges par 'jug par bya ba ste// sems can rang bzhin la ni theg pa med// sems ni de/ x285b2(1): la gnas pa'i snying po'o// de yi ngo bos thugs kyi bdag nyid kyi// sngags pa khyed ni 'grub par 'gyur ba ste// thugs dang spro dang slar yang bsdu bya ba// gsum char yang ni gcig pa'i rang bzhin no// sems ni x285b3(1): ri rab hUM la mnyam byas te// dag pa'i sangs rgyas su ni sems slar bskyed// sems dub gyur na slar yang bslu ba dag/ der ni sngags pas nges brtag bsgom par bya// bsdus pa'i ngo bos slar yang sbar bar bya// rdo x285b4(1): rje sems dpa' der ni bskul g.yo mdzod// spar yang nam mkha'i ngo bor spro bar te// de ltar spro dang bsdu ba'i rang bzhin no// de la rdo rje sems dpa' gcig dngos grub pa'i phyir// de'i phyir spro ba'ang rdo rje x285b5(1): 'chang du rigs// brtags pas bsten par 'gyur na spro// bsten par ma gyur 'di spros pa// lus nyon mongs kyi 'bras mi 'byin// nges pa'i 'grub 'gyur theg pa'i dngos// thams cad bden pa 'di rnams bstan// de x285b6(1): lha'i chos ni sgom byed pa'i/ dngos po rdo rje'i rang bzhin no// mkha' dang mnyam pa'i sems ni smad mi bya// gang yang dri ma cis kyang gos pa min// kye yi rnal 'byor pa// bcom ldan 'das yum bskul byed ma ni dang po'i rang bzhin te// x286a1(1): / rdo rje bskyed pas bsgoms pas sangs rgyas bskyed mdzad pa'o// lha mo rnams ni lha dang bcas pa'i rang bzhin te// rdo rje sems dpa' 'ang sangs rgyas 'byor pa bskyed mdzad pa'o// rjes su 'dzin pas sgom x286a2(1): pa'i sems dang ni// yi ge hUM gis kyang ni nges grub 'gyur// brla dang rkang pa dag tu rnam rtog pa'i// rmongs pa yid la bya ba ma yin no// 'jig rten gsum gyi 'khor lo 'di nyid ni// rdo rje'i 'od zer gyis ni yang x286a3(1): dag bcings// sngags pas nam mkha'i khams su khro ba'i lha// bya ba stong phrag dag ni spro bya ste// gcig pa'i ngo bor gyur pa'i rdo rjer ni// slar yang nges par bsdu bar bya ba yin// byang chub theg pa sems kyi rang x286a4(1): bzhin te// byang chub kyang ni sems kyi rang bzhin no// gnyis ka'i rang bzhin sems kyi theg pa ste// sems dang mkha' dang mnyam pa'i rang bzhin no// rgyud gzhan dang thun mong le'u ste lnga pa'o// // ji bzhin x286a5(1): brnyes pa nam mkha' dang mnyam pa'i rgyud rdzogs so// // rgya gar gyi mkhan po chen po k+Sha ka ga na dang / lo tsA ba mang por dge long byang chub shes rab kyis bsgyur cing zhus te gtan la phab pa'o//